97-1-1a


༼ཕ༽ ༄༅། ༈ །གསང་སྔགས་རྒྱུད་འབུམ་གྱི་སྐོར་བཞུགས་སོ། །
(黃)  秘密經第十四部
97-1-1b


༄༅༅། །རྒྱ་གར་སྐད་དུ།  ཨཱརྱ་སུ་བརྣྞ་པྲ་བྷཱ་སོཏྟ་མ་སཱུ་ཏྲེནྡྲ་རཱ་ཛ་ནཱ་མ་མ་ཧཱ་ཡཱ་ན་སཱུ་ཏྲ། བོད་
སྐད་དུ། འཕགས་པ་གསེར་འོད་དམ་པ་མདོ་སྡེའྀ་དབང་པོའི་རྒྱལ་པོ་ཞེས་བྱ་བ་ཐེག་པ་ཆེན་པོའི་
མདོ། བཾ་པོ་དང་པོ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་དང་། 
བྱང་ཆུབ་སེམས་དཔའ་དང་རང་སངས་རྒྱས་དང་འཕགས་པ་ཉན་ཐོས་ཐམས་ཅད་ལ་ཕྱག་འཚལ་
ལོ། །འདི་སྐད་བདག་གིས་ཐོས་པ་དུས་གཅིག་ན། བྱ་རྒོད་ཕུང་པོ་ཆོས་ཀྱི་དབྱིངས། །ཟབ་
མོ་སངས་རྒྱས་སྤྱོད་ཡུལ་ན། །དེ་བཞིན་གཤེགས་པ་བཞུགས་ནས་ནི། །དག་ཅིང་རྡུལ་རྣཾས་
མེད་པ་ཡིས། །བྱང་ཆུབ་སེམས་དཔའ་མཆོག་རྣམས་ལ། །མདོ་སྡེའི་དབང་པོའི་རྒྱལ་པོ་སྟེ། །
མཉན་ན་ཤིན་ཏུ་ཟབ་པ་དང་། །ཡོངས་སུ་བརྟགས་ན་ཟབ་པ་ཉིད། །གསེར་འོད་དམ་པ་འདི་འཆད་དོ། །
97-1-2a


ཕྱོགས་བཞིར་སངས་རྒྱས་རྣམས་ཀྱིས་ནི། །བྱིན་གྱིས་བརླབས་ཀྱིས་བྱིན་བརླབས་པ། །མི་འཁྲུགས་པས་ནི་ཤར་ཕྱོགསུ། །རིན་ཆེན་ཏོག་གིས་ལྷོ་ཕྱོགསུ། །འོད་དཔག་
མེད་ཀྱིས་ནུབ་ཕྱོགསུ། །རྔ་སྒྲ་ཡིས་ནི་བྱང་ཕྱོགསུ། །སྡིག་པ་ཐམས་ཅད་བཞིག་པའི་ཕྱིར། །བཤད་པ་དམ་པ་བཀྲ་ཤིས་པ། །སྡིག་པའི་ལས་རྣམས་ཟད་བྱེད་པ། །བདེ་བ་ཐམས་ཅད་སྦྱིན་
བྱེད་པ། །སྡུག་བསྔལ་ཐམས་ཅད་འཇིགས་བྱེད་པ། །ཐམས་ཅད་མཁྱེན་པ་ཉིད་ཀྱི་གཞི། །དཔལ་ཀུན་གྱིས་ནི་ལེགས་བརྒྱན་པ། །བྱིན་གྱིས་བརླབས་ཏེ་བརྗོད་པར་བྱ། །སེམས་ཅན་གང་དག་
དབང་པོ་ཉམས། །ཚེ་ཟད་པ་དང་ཚེ་ཉམས་དང་། །ཕུན་སུམ་ཚོགས་མིན་གང་ཆགས་དང་། །ལྷ་རྣམས་བརྒྱབ་ཀྱིས་ཕྱོགས་པ་དང་། །མཛའ་སྡུག་སྐྱེ་བོ་སྡང་བ་དང་། །བྲན་གཟའ་ལ་སོགས་
གཙེས་པ་དང་། །ཕན་ཚུན་ཐུན་པ་མ་ཡིན་དང་། །ནོར་འགྲིབས་པས་ནི་གནོད་པ་དང་། །མྱ་ངན་ངལ་དང་གནོད་པ་དང་། །འཇིགས་པ་དང་ནི་ཕོངས་པ་དང་། །གཟའ་དང་རྒྱུ་སྐར་བྱད་སྟེམ་དང་། །
མི་བཟད་གདོན་གྱིས་ཉེན་པ་དང་། །མྱ་ངན་ངལ་ལས་བྱུང་བ་ཡི། །རྨི་ལམ་སྡིག་པ་མཐོང་ན་ཡང་། །དེས་ནི་རབ་བཀྲུས་གཙང་མ་ཡིན། །མདོ་སྡེ་དམ་པ་མཉན་པར་བྱ། །གང་དག་ཡིད་དགེ་
སེམས་དང་ཞིང་། །གོས་གཙང་རྣམས་ཀྱིས་རབ་བརྒྱན་ཏེ། །ཟབ་མོ་སངས་རྒྱས་སྤྱོད་ཡུལ་བ། །མདོ་སྡེ་མཉན་པར་བྱེད་ན་ནི། །མདོ་སྡེ་འདི་ཡི་གཟི་བརྗིད་ཀྱིས། །སྲོག་ཆགས་
ཀུན་གྱི་གནོད་པ་དག །ཤིན་ཏུ་མི་བཟད་འདི་འདྲ་བ། །དེ་དག་རྟག་ཏུ་ཞི་བར་འགྱུར། །འཇིག་རྟེན་སྐྱོང་བ་བདག་ཉིད་དང་། །བློན་པོ་ཚོགས་ཀྱི་དབང་ཕྱུག་བཅས། །གནོད་སྦྱིན་བྱེ་བ་དུས་མ་ཡིས། །
97-1-2b


དེ་དག་ལ་ནི་བསྲུང་བར་བྱེད། །ལྷ་མོ་ཆེན་མོ་དབྱངས་ཅན་དང་། །ནཻ་རཉྫ་ནར་གནས་པ་དང་། །འབྱུང་པོའི་མ་མོ་འཕྲོག་མ་དང་། །སའི་ལྷ་མོ་བརྟན་མ་དང་། །ཚངས་པའི་དབང་དང་ལྷ་དབང་དང་། །
ཀླུ་དབང་མཐུ་ཆེན་རྣམས་དང་ནི། །མི་འམ་ཅི་དབང་ལྷ་མིན་དབང་། །དེ་བཞིན་ནམཁའ་ལྡིང་དབང་རྣམས། །སྡེ་དང་སྟོབས་དང་བཞོན་པ་དང་། །བཅས་ཏེ་དེ་དག་དེར་ལྷགས་ནས། །ཉིན་དང་
མཚན་མོ་མི་གཡེལ་བར། །དེ་དག་ལ་ནི་བསྲུང་བར་བྱེད། །ཟབ་མོ་སངས་རྒྱས་སྤྱོད་ཡུལ་བ། །སངས་རྒྱས་ཀུན་གྱི་གསང་བ་སྟེ། །བསྐལ་པ་བྱེ་བར་རྙེད་དཀའ་བ། །མདོ་འདི་རབ་ཏུ་
བཤད་པར་བྱ། །གང་དག་མདོ་འདི་ཉན་པ་དང་། །གང་དག་གཞན་ལ་ཐོས་བྱེད་དང་། །གང་སུ་རྗེསུ་ཡི་རང་དང་། །གང་དག་མཆོད་པ་བྱེད་པ་རྣམས། །དེ་དག་ལྷ་དང་ཀླུ་དག་དང་། །མི་དང་མི་
འམ་ཅི་དག་དང་། །ལྷ་མིན་གནོད་སྦྱིན་དུ་མ་ཡིས། །བསྐལ་པ་བྱེ་བར་མཆོད་པར་འགྱུར། །སྲོག་ཆགས་བསོད་ནམས་མེད་པ་རྣམས། །དེ་དག་བསོད་ནམས་ཕུང་པོ་ནི། །མཐའ་ཡས་གྲངས་
ཀྱང་མེད་པ་དང་། །བསམ་གྱིས་མི་ཁྱབ་སྐྱེ་བར་འགྱུར། །ཕྱོགས་བཅུའི་རྫོགས་པའི་སངས་རྒྱས་དང་། །དེ་བཞིན་ཟབ་མོར་སྤྱོད་པ་ཡིས། །བྱང་ཆུབ་སེམས་དཔའ་རྣམས་ཀྱིས་ཀྱང་། །ཟབ་
རབ་ཏུ་བཟུང་བར་འགྱུར་བ་ཡིན། །གཙང་མའི་གོས་རྣམས་རབ་བགོས་ལ། །དྲི་ཞིམ་པ་ཡི་གོས་འཆང་ཞིང་། །བྱམས་པའི་སེམས་ནི་ཉེར་བཞག་ནས། །གཡེལ་བ་མེད་པར་མཆོད་པར་བྱ། །
རང་གི་སེམས་ནི་དྲི་མེད་ཅིང་། །རྒྱ་ཆེ་བར་ཡང་རབ་བྱེད་ལ། །སེམས་ཀྱང་ཤིན་ཏུ་དང་བྱེད་ཀྱིས། །མདོ་སྡེ་དམ་པ་མཉན་པར་གྱིས། །གང་དག་མདོ་འདི་ཉན་པ་ནི། །དེ་དག་མི་ནང་ལེགས་པར་འོངས། །
97-1-3a


མི་ཡི་སྲིད་པ་ལེགས་པར་ཐོབ། །འཚོ་བ་བདེ་བས་འཚོ་བར་འགྱུར། །གང་གི་རྣ་བའི་བུ་གར་ཡང་། །བཤད་པ་འདི་ནི་གྲག་འགྱུར་བ། །དེ་དག་དགེ་རྩ་སྦྱངས་པ་སྟེ། །སངས་རྒྱས་མང་
པོས་རབ་ཏུ་བསྔགས། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། གླེང་བཞིའི་ལེའུ་ཞེས་བྱ་སྟེ་དང་པོའོ།། །། ཡང་དེའི་ཚེ་དེའི་དུས་ན། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ན། བྱང་ཆུབ་
སེམས་དཔའ་སེམས་དཔའ་ཆེན་པོ་མཛེས་པའི་ཏོག་ཅེས་བྱ་བ། སྔོན་གྱི་རྒྱལ་བ་ལ་བསྙེན་བཀུར་བྱས་པ། དགེ་བའི་རྩ་བ་བསྐྱེད་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་ལ་རིམ་གྲོ་བྱས་པ་
ཞིག་གནས་པ་དེ་འདི་སྙམ་དུ་སེམས་ཏེ། རྒྱུ་གང་དང་རྐྱེན་གང་གིས། བཅོམ་ལྡན་འདས་ཤཱཀྱ་ཐུབ་པ་འདི་ལྟ་སྟེ། ལོ་བརྒྱད་བཅུ་ཞིག་ཐུབ་སྟེ། འདི་ལྟར་སྐུ་ཚེ་ཐུང་སྙམ་ནས། དེ་ཡང་འདི་སྙམ་དུ་སེམས་ཏེ། 
བཅོམ་ལྡན་འདས་ཀྱི་ཀྱང་འདི་སྐད་དུ། རྒྱུ་གཉིས་དང་རྐྱེན་གཉིས་ཀྱིས་ཚེ་རིང་བར་འགྱུར་ཏེ། གཉིས་གང་ཞེ་ན་འདི་ལྟ་སྟེ། སྲོག་གཅོད་པ་སྤངས་པ་དང་། ཁ་ཟས་རབ་ཏུ་སྦྱིན་པའོ་ཞེས་གསུངས་ཏེ། བཅོམ་
ལྡན་འདས་ཤཱཀྱ་ཐུབ་པས་ནི། བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་མང་པོ་ནས། སྲོག་གཅོད་པ་སྤངས་པར་གྱུར་པ་ནས། དགེ་བ་བཅུའི་ལས་ཀྱི་ལམ་གྱི་བར་དུ་ཡང་དག་པར་བླངས་པར་གྱུར། 
ཟས་ཀྱང་ཕྱི་ནང་གི་དངོས་པོ་རྣམས་སེམས་ཅན་དག་ལ་ཡོངསུ་བཏང་སྟེ། ཐ་ན་རང་གི་ལུས་ཀྱི་ཤ་དང་ཁྲག་དང་རུས་པ་དང་རྐང་གིས་ཀྱང་སེམས་ཅན་ལྟོགས་པ་རྣམས་ཚིམ་པར་མཛད་ན། ཟས་གཞན་གྱིས་ལྟ་ཅི་
སྨོས་སྙམ་མོ། །དེ་ནས་སྐྱེས་བུ་དམ་པ་དེ་སངས་རྒྱས་ལ་སོང་བའི་ཡིད་ལ་བྱེད་པ་དག་ལས། འདི་ལྟ་བུའི་ཚུལ་གྱིས་བསམ་པ་འདི་དག་སེམས་པ་ན། དེའི་ཁྱིམ་ཡངས་ཤིང་རྒྱ་ཆེ་ལ་བཻ་ཌཱུརྱ་སྔོན་པོ་ལས་གྲུབ་པ། 
97-1-3b


ལྷའི་རིན་པོ་ཆེ་དུ་མས་སྤྲས་པ། དེ་བཞིན་གཤེགས་པས་ཁ་དོག་བསྒྱུར་བ། ལྷའི་ལས་འདས་པའི་སྤོས་ཀྱིས་ཁྱབ་པར་གྱུར་ཏོ། །ཁྱིམ་དེའི་ཕྱོགས་བཞི་ནས་ལྷའི་རིན་པོ་ཆེའི་ཁྲི་བཞི་
བྱུང་བར་གྱུར་ཏེ། ཁྲི་དེ་དག་ལས་ཀྱང་ལྷའི་ཁྲི་ལྷའི་རས་བཅོས་བུའི་རིན་པོ་ཆེ་ཕྲུགས་རྣམས་བཏིང་བ་དག་བྱུང་བར་གྱུར་ཏོ། །ཁྲི་དེ་དག་ལས་ཀྱང་ལྷའི་མེ་ཏོག་པད་མ་རིན་པོ་ཆེ་དུ་མ་སྤྲས་
པ། དེ་བཞིན་གཤེགས་པས་ཁ་དོག་བསྒྱུར་བ་དག་བྱུང་ངོ་། །པད་མ་དེ་དག་ལས་ཀྱང་སངས་རྒྱས་བཅོམ་ལྡན་འདས་བཞི་བྱུང་བར་གྱུར་ཏེ། ཤར་ཕྱོགས་ནས་ནི་དེ་བཞིན་གཤེགས་
པ་མི་འཁྲུགས་པ་བྱུང་། ལྷོ་ཕྱོགས་ནས་ནི་དེ་བཞིན་གཤེགས་པ་རིན་ཆེན་ཏོག་བྱུང་། ནུབ་ཕྱོགས་ནས་ནི་དེ་བཞིན་གཤེགས་པ་ཚེ་དཔག་མེད་བྱུང་། བྱང་ཕྱོགས་ནས་ནི་དེ་བཞིན་རྟ་སྒྲ་བྱུང་
སྟེ། སེང་གེའི་ཁྲི་དེ་དག་ལས་སངས་རྒྱས་བཅོམ་ལྡན་འདས་དེ་དག་བྱུང་མ་ཐག་ཏུ། དེ་ནས་དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་སྣང་བ་ཆེན་པོས་ཁྱབ་པར་གྱུར་ཏོ། །སྟོང་གསུམ་གྱི་
སྟོང་ཆེན་པོའི་འཇིག་རྟེན་གྱི་ཁམས་ཀྱི་བར་དང་། ཕྱོགས་བཅུ་ཀུན་ཏུ་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་ཀྱི་བར་དག་སྣང་བས་ཁྱབ་པར་གྱུར། ལྷའི་མེ་ཏོག་དག་གི་ཆར་ཡང་བབ། 
ལྷའི་སིལ་སྙན་གྱི་སྒྲ་ཡང་བྱུང་ངོ་། །སངས་རྒྱས་ཀྱི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་སེམས་ཅན་ཐམས་ཅད་ཀྱང་ལྷའི་བདེ་བ་དང་ལྡན་པར་གྱུར་ཏེ། སེམས་ཅན་དབང་པོ་
མ་ཚང་བ་རྣམས་ནི་དབང་པོ་ཐམས་ཅད་དང་ལྡན་པར་གྱུར། སེམས་ཅན་དམུས་ལོང་དག་གིས་ནི་མིགིས་གཟུགས་རྣཾས་མཐོང་། སེཾན་འོན་པ་དག་ནི་རྣ་བས་སྒྲ་རྣམས་ཐོས། སེཾན་སྨྱོས་པ་དག་ནི་དྲན་པ་སོ་སོར་རྙེད། སེཾན་སེཾས་གཡེངས་བ་
97-1-4a


དག་ནི་སེམས་མི་གཡེང་བར་གྱུར། སེམས་ཅན་སྒྲེན་མོ་དག་ནི་གོས་བགོས་པར་གྱུར། སེམས་ཅན་བཀྲེས་པ་དག་ནི་ལྟོ་འགྲངས་བར་གྱུར། སེམས་ཅན་སྐོམ་པ་དག་ནི་སྐོམ་ངོམ་པར་གྱུར། སེམས་ཅན་
ནད་ཀྱིས་བཏབ་པ་དག་ནི་ནད་དང་བྲལ་བར་གྱུར། ལུས་ཀྱི་དབང་པོ་ཉམས་པ་དག་ནི་དབང་པོ་ཚང་བར་གྱུར་ཏེ། འཇིག་རྟེན་དུ་ངོ་མཚར་རྨད་དུ་བྱུང་བའི་ཆོས་རྣམས་རྒྱ་ཆེར་བྱུང་བར་གྱུར་ཏོ། །དེ་ནས་བྱང་ཆུབ་སེམས་དཔའ་
མཛེས་པའི་ཏོག་གིས་སངས་རྒྱས་བཅོམ་ལྡན་འདས་དེ་དག་མཐོང་ནས་ངོ་ཚར་དུ་གྱུར་ཏེ། དེ་ཚིམ་ཞིང་མགུ་ལ་ཡི་རངས་ཤིང་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས། སངས་རྒྱས་བཅོམ་ལྡན་
འདས་དེ་དག་ག་ལ་བ་དེ་ལོགསུ་ཐལ་མོ་སྦྱར་བ་བཏུད་ནས། སངས་རྒྱས་བཅོམ་ལྡན་འདས་དེ་དག་རྣམས་པར་རྗེས་སུ་དྲན་ལ། བཅོམ་ལྡན་འདས་ཤཱཀྱ་ཐུབ་པའི་ཡོན་ཏན་རྗེསུ་དྲན་ཞིང་། བཅོམ་ལྡན་འདས་ཤཱཀྱ་
ཐུབ་པའི་སྐུ་ཚེའི་ཚད་ལ་ཐེ་ཚོམ་ཟ་བར་གྱུར་ཏེ། བཅོམ་ལྡན་འདས་ཤཱཀྱ་ཐུབ་པ་འདི་ལྟར་ལོ་བརྒྱད་བཅུ་ཞིག་ཐུབ་སྟེ་སྐུ་ཚེ་ཐུང་བ་འདི་ཇི་ལྟ་བུ། འདི་ཅི་ཞིག་སྙམ་དུ་བསམ་པ་དེ་སེམས་ཤིང་འདུག་པར་གྱུར་ཏོ། །
དེ་སངས་རྒྱས་བཅོམ་ལྡན་འདས་དེ་དག་གིས་དགོངས་ཤིང་མཁྱེན་བཞིན་དུ། བྱང་ཆུབ་སེམས་དཔའ་མཛེས་པའི་ཏོག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་འདི་སྙམ་དུ། བཅོམ་ལྡན་འདས་ཤཱཀྱ་ཐུབ་
པ་འདི་ལྟར་སྐུ་ཚེ་ཐུང་ངོ་སྙམ་དུ་མ་སེམས་ཤིག །དེ་ཅིའི་ཕྱིར་ཞེ་ན། རིགས་ཀྱི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་མ་གཏོགས་པར། ལྷ་དང་བཅས་པའི་འཇིག་རྟེན་
དང་བདུད་དང་བཅས་པ་དང་ཚངས་པ་དང་དགེ་སྦྱོངས་དང་བྲམ་ཟེར་བཅས་པའི་སྐྱེ་དགུ་དང་ལྷ་དང་མི་དང་ལྷ་མ་ཡིན་དུ་བཅས་པའི་ནང་ན། བཅོཾས་དེ་བཞིན་གཤེགས་པ་ཤཱཀྱ་ཐུབ་པའི་སྐུ་ཚེའི་ཚད་ཀྱི་མཐའ། ཕྱི་མའི་མཐའི་མུའི་བར་
97-1-4b


དུ་ཡང་རྟོགས་པར་ནུས་པ་ངེད་ཀྱིསུ་ཡང་མ་མཐོང་ངོ་། །སངས་རྒྱས་བཅོམ་ལྡན་འདས་དེ་དག་གིས་དེ་བཞིན་བཞིན་གཤེགས་པའི་སྐུ་ཚེའི་ཚད་བཤད་པ་བརྗོད་མ་ཐག་ཏུ། དེ་ནས་དེའི་ཚེ་སངས་རྒྱས་ཀྱི་མཐུས་
ལྷའི་བུ་འདོད་པ་ན་སྤྱོད་པ་རྣམས་དང་གཟུགས་ན་སྤྱོད་པ་རྣམས་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོའི་བར་དག་དང་། བྱང་ཆུབ་སེམས་དཔའ་བྱེ་བ་ཁྲག་
ཁྲིག་བརྒྱ་བསྟོང་ཕྲག་དུ་མ་འདུས་ནས། བྱང་ཆུབ་སེམས་དཔའ་མཛེས་པའི་རྟོག་གི་ཁྱིམ་དེར་ལྷགས་སོ། །དེ་ནས་དེ་བཞིན་གཤེགས་པ་དེ་དག་གི་ཐམས་ཅད་དང་ལྡན་པའི་འཁོར་དེ་ལ། བཅོམ་ལྡན་འདས་
ཤཱཀྱ་ཐུབ་པའི་སྐུ་ཚེའི་ཚད་བཤད་པ་ཚིགས་སུ་བཅད་དེ་མདོར་བཀའ་སྩལ་པ། རྒྱ་མཚོ་ཆུ་རྣམས་ཐམས་ཅད་ཀྱི། །ཐིག་པ་དག་ནི་བགྲང་བར་ནུས། །ཤཱཀྱ་ཐུབ་པའི་སྐུ་ཚེའི་ཚད། །སུས་ཀྱང་བགྲང་
བར་མི་ནུས་སོ། །རི་རབ་རྣམས་ནི་ཐམས་ཅད་ཀྱང་། །ཕྲ་རབ་རྡུལ་དུ་བགྲང་བར་ནུས། །ཤཱཀྱ་ཐུབ་པའི་སྐུ་ཚེའི་ཚད། །སུས་ཀྱང་བགྲང་བར་མི་ནུས་སོ། །ས་ལ་གང་དག་ཡོད་པ་ཡིས། །རབ་ཏུ་ཕྲ་རྡུལ་ཇི་
ཇི་སྙེད་པ། །ཐམས་ཅད་བགྲང་བར་ནུས་སྲིད་ཀྱི། །རྒྱལ་བའི་སྐུ་ཚེའི་ཚད་མི་ནུས། །གལ་ཏེ་ལ་ལས་ནམ་མཁའ་ལ། །སྣ་འགའ་ཞིག་གིས་དཔག་འདོད་ཀྱང་། །ཤཱཀྱ་ཐུབ་པའི་སྐུ་ཚེའི་ཚད། །སུས་ཀྱང་
བགྲང་བར་མི་ནུས་སོ། །རྫོགས་པའི་སངས་རྒྱས་འདི་སྲིད་བཞུགས། །བསྐད་པ་དག་ནི་འདི་སྙེད་ཅིག །བསྐལ་པ་བྱེ་བ་བརྒྱ་དག་བཅེས། །གྲངས་ནི་རྙེད་པར་མི་རུང་ངོ་། །གང་ཕྱིར་དེ་ཡི་རྒྱུ་དང་ནི། །རྐྱེན་ཡང་རྣཾས་པ་གཉིས་
ཡིན་ཏེ། །སྡིག་པའི་ཚེ་བ་སྤངས་པ་དང་། །ཁ་ཟས་མང་པོ་བྱིན་པ་སྟེ། །དེ་ཕྱིར་བདག་ཉིད་ཆེན་པོ་དེའི། །སྐུ་ཚེའི་ཚ་གྲངས་ནི་མི་རྙེད་དོ། །བསྐལ་པ་འདི་སྙེད་ཅིག་ཅེ་འཾ། །གྲངས་མེད་པའི་དེ་བཞིན་ཏེ། །དེ་བས་ཐེ་ཚོམ་མེད་པར་འགྱུར། །ཐེ་ཚོམ་
97-1-5a


ཅུང་ཟད་མ་ཟ་ཤིག །རྒྱལ་བའི་སྐུ་ཚེ་ཐ་མ་ཡི། །གྲངས་ནི་གང་དུ་མི་དམིགས་སོ། །དེ་ནས་དེའི་ཚེ་འཁོར་དེར་སློབ་དཔོན་ལུང་སྟོན་པ་བྲམ་ཟེ་ཀཽ་དི་ནྱ་ཞེས་བྱ་བ་དང་། བྲམ་ཟེ་སྟོང་ཕྲག་དུ་མས་བཅོམ་ལྡན་འདས་
ལ་མཆོད་པ་བྱས་ཏེ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ཆེན་པོའི་སྒྲ་ཐོས་ནས་འཕྲལ་ལ་འདུས་ཏེ། བཅོམ་ལྡན་འདས་ཀྱིས་ཞབས་གཉིས་ལ་གཏུགས་ནས། བཅོམ་ལྡན་འདས་ལ་གསོལ་པ། 
གལ་ཏེ་བཅོམ་ལྡན་འདས་སེཾན་ཐཾད་ལ་ཐུགས་བརྩེ་བ། ཐུགས་རྗེ་ཆེན་པོ་དང་ལྡན་པ། ཕན་པར་བཞེད་པ། སེམས་ཅན་ཐམས་ཅད་ལ་ཕ་མ་ལྟ་བུ། མི་མཉམས་པ་དང་མཉམ་པར་གྱུར་པ། ཟླ་བ་ལྟ་བུ་སྣང་
བར་མཛད་པ། ཤེས་རབ་དང་ཡེ་ཤེས་ཆེན་པོའི་ཉི་མ་ཤར་བ་ལྟ་བུ་ལག་ཤིང་། གལ་ཏེ་ཁྱོད་སེམས་ཅན་ཐཾད་ལ་སྒྲ་ཅན་ཟིན་བཞིན་དུ་གཟིགས་ན། བདག་ལ་དམ་པ་ཞིག་སྩལ་དུ་གསོལ། བཅོམ་ལྡན་འདས་ཅང་མི་གསུྃ་
བར་གྱུར་ཏོ། །དེ་ནས་སངས་རྒྱས་ཀྱིས་མཐུས་འཁོར་དེར་ལིད་ཙ་བི་གཞོན་ནུ་འཇིག་རྟེན་ཐཾད་ཀྱིས་མཐོང་ན་དགའ་བ་ཞེས་བྱ་བ་དེ་སྤོབས་པ་སྐྱེས་ནས། སློབ་དཔོན་ལུང་སྟོན་པ་བྲམ་ཟེ་ཀཽ་དི་ནྱ་ལ་འདི་སྐད་ཅེས་སྨྲས་སོ། །
ཅི་བྲམ་ཟེ་ཆེན་པོ་ཁྱོད། བཅྡོཾས་ལ་དམ་པ་གཅིག་གསོལ་ལམ། བདག་གི་ཁྱོད་ལ་དམ་པ་ཞིག་སྦྱིན་ནོ། །བྲམ་ཟེས་སྨྲས་པ། ལིད་ཙ་བི་གཞོན་ནུ་བདག་ནི་བཅོམ་ལྡན་འདས་ལ་མཆོད་པ་དང་རིང་སྲེལ་གྱི་ཕྱེ་མ་བགོས་
པའི་ཕྱིར། བཅོམ་ལྡན་འདས་ཀྱིས་རིང་བསྲེལ་ཡུང་འབྲུ་ཙམ་ལ་བསྟེན་པར་འདོད་དོ། །རིང་བསྲེལ་ཡུང་འབྲུ་ཙམ་དེ་མངོན་པར་མཆོད་ན། སུམ་བཅུ་རྩ་གསུམ་པའི་ལྷ་རྣམས་ཀྱི་བདག་པོ་འབའ་ཞིག་ཐོབ་ཅེས་
གྲག་གོ། །ཀྱེ་ལིད་ཙ་བི་གཞོན་ནུ་གསེར་འོད་དམ་པའི་མདོ་ཉན་ཐོས་དང་རང་སངས་རྒྱས་ཐཾད་ཀྱིས་ཤེས་པར་བཀའ་བ། ཁོང་དུ་ཆུད་པར་དཀའ་བ་དེ་ལྟ་བུའི་མཚན་ཉིད་དང་ཡོན་ཏན་དང་ལྡན་པ་གསེར་འོད་དམ་པའི་མདོ་ཆད་ཅེས་
97-1-5b


གྲག་གིས་ཉོན་ཅིག །ཀྱེ་ལིད་ཙ་བི་གཞོན་ནུ་གསེར་འོད་དཾ་པའི་མདོ་ནི། དེ་ལྟར་ཤེས་པར་དཀའ་ཞིང་རྟོགས་པར་དཀའ་བས་ན། ཁོ་བོ་ཅག་མཐའ་ཁོབ་ཀྱི་གླིང་གི་བྲམ་ཟེ་རྣམས་ནི། གང་ཅངས་ན་སེམས་ཅན་
རྣམས་མྱུར་དུ་སུམ་བཅུ་རྩ་གསུཾ་པའི་བདག་པོ་འཐོབ་པར་འགྱུར་བའི་རིང་བསྲེལ་ཡུངས་འབྲུ་ཙམ་ཟ་མ་ཏོག་གི་ནང་དུ་བཅུག་ལ་བཅངས་ཀྱང་རུང་ངོ་། །ཀྱེ་ལིད་རྩ་བི་གཞོན་ནུ་ཁྱོད་ཅི་དེ་བཞིན་གཤེགས་པ་
ལས་རིང་བསྲེལ་ཡུང་འབྲུ་ཙམ་གསོལ་ནས། རིང་བསྲེལ་གྱི་ཟ་མ་ཏོག་ཏུ་བཅུག་ཏེ་བཅངས་པས་སེཾན་རྣམས་སུམ་བཅུ་རྩ་གསུམ་པའི་བདག་པོ་ཐོབ་པར་མི་འདོད་དམ། ཀྱེ་ལིད་ཙ་བི་གཞོན་ནུ་ཁོ་བོས་ནི་
དམ་པ་དེ་ལྟ་བུ་གསོལ་ཏོ། །དེ་ནས་ལིད་ཙ་བི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བས། སློབ་དཔོན་ལུང་སྟོན་པ་བྲམ་ཟེ་ཀཽ་དི་ནྱ་ལ་ཚིགས་སུ་བཅད་པ་དག་གི་སླར་སྨྲས་པ། ནམ་ཞིག་
གང་གཱའི་ཆུ་རྒྱུན་ལ། །མེ་ཏོག་རྣམ་ནི་སྐྱེ་བ་དང་། །བྱ་རོག་དམར་པོར་འགྱུར་བ་དང་། །ཁུ་བྱུག་དུང་མདོག་འདྲར་འགྱུར་དང་། །འཛམ་བུར་ལྟ་ལའི་འབྲུ་ཆགས་དང་། །འབྲ་གོར་ཨ་མྲའི་དོག་པ་ཆགས། །དེ་ཡི་
ཚེ་ན་ཡུངས་འབྲུ་ཙམ། །རིང་སྲེལ་དུ་ནི་གསལ་བར་འགྱུར། །ནམ་ཞིག་རུ་སྦལ་སྤུ་རྣམ་ལས། །གོས་སུ་ལེགས་པར་བཏག་གྱུར་ཏེ། །དགུན་གྱི་གྲང་བ་སེལ་བྱེད་པ། །དེ་ཚེ་རིང་སྲེལ་ཡོད་པར་འགྱུར། །ནམ་ཞིག་
སྦྲང་བུའི་རྐང་ལགས་ལས། །ཡང་ཐོག་ལེགས་པར་བྱས་གྱུར་ཏེ། །བརྟན་ཞིང་རབ་ཏུ་མི་གཡོ་བ། །དེ་ཚེ་རིང་སྲེལ་ཡོད་པར་འགྱུར། །ནཾ་ཞིག་སྲིན་བུ་པད་མ་ཀུན། །སོ་ནི་དཀར་པོར་སྐྱེས་གྱུར་ཏེ། །རྣོ་ཞིང་ཆེན་པོར་གྱུར་
པ་ན། །དེ་ཚེ་རིང་སྲེལ་ཡོད་པར་འགྱུར། །མཐོ་རིསུ་ནི་འཛེག་པའི་ཕྱིར། །ནཾ་ཞིག་རི་བོང་རྭ་རྣམས་ལས། །སྐས་ནི་ལེགས་པར་བྱས་གྱུར་པ། །དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་སྐས་ནི་དེར་འཛེགས་ཏེ། །བྱི་བས་ཟླ་བ་བཟའ་བ་དང་། །
97-1-6a


སྒྲ་གཅན་ལ་ཡང་གནོད་བྱེད་པ། །དེ་ཚེ་རིང་སྲེལ་ཡོད་པར་འགྱུར། །གྲོང་ན་རྒྱུ་བས་སྦྲང་བུ་ཡིས། །ནམ་ཞིག་རྫ་མ་འི་ཆང་འཐུངས་ཏེ། །ཁྱིམ་ན་གནས་པར་བྱེད་འགྱུར་བ། །དེ་ཚེ་རིང་སྲེལ་ཡོད་པར་འགྱུར། །
ནམ་ཞིག་བོང་བུ་བདེར་གྱུར་ལ། །མཆུ་དམར་བིམ་པ་འདྲར་གྱུར་ཅིང་། །གླུ་གར་རྣམས་ལ་མཁས་གྱུར་པ། །དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་འུག་པ་བྱ་རོག་རྣམས། །དབེན་པར་དོང་ནས་བརྩེ་བ་དང་། །ཕན་ཚུན་
འཐུན་པར་གྱུར་པ་ན། །དེ་ཚེ་རིང་སྲེལ་ཡོད་པར་འགྱུར། །པ་ལ་ཤ་ཡི་ལོ་མ་རྣམས། །རིན་ཆེན་སྣ་གསུམ་གདུགས་གྱུར་ཏེ། །ཆར་འབབ་སྐྱབསུ་ནམ་གྱུར་པ། །དེ་ཚེ་རིང་བསྲེལ་ཡོད་པར་འགྱུར། །ནམ་ཞིག་རྒྱ་མཚོའི་གྲུ་བོ་ཆེ། །
འཕྲུལ་འཁོར་དང་ནི་གཡོར་མོར་བཅས། །ཐང་ལ་བྱུང་ཏེ་འགྲོ་བ་ན། །དེ་ཚེ་རིང་སྲེལ་ཡོད་པར་འགྱུར། །ནམ་ཞིག་བྱ་ནི་འུག་པ་ཡིས། །རི་བོ་སྤོས་ཀྱི་ངད་ལྡང་བ། །ཆུ་ལ་ཐོགས་ཏེ་འགྲོ་འགྱུར་བ། །དེ་ཚེ་རིང་བསྲེལ་ཡོད་པར་
འགྱུར། །སློབ་དཔོན་ལུང་སྟོན་པ་བྲམ་ཟེ་ཀཽ་དི་ནྱས་ཚིགསུ་བཅད་པ་འདི་དག་ཐོས་ནས། ལིད་ཙ་བི་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བ་ལ་ཚིགས་སུ་བཅད་པ་འདི་དག་སླར་སྨྲས་པ། ལེགསོ་ལེགསོ་
གཞོན་ནུ་མཆོག །རྒྱལ་བའི་སྲས་པོ་ཚིགས་པོ་ཆེ། །དཔའ་ཞིང་ཐབས་ལ་མཁས་ལྡན་པ། །ལུང་བསྟན་པ་ནི་དམ་པ་ཐོབ། །འཇིག་རྟེན་མགོན་པོ་སྐྱོབས་པ་པོ། །དེ་བཞིན་གཤེགས་པ་ཆེ་བ་ཉིད། །བསམ་གྱིས་མི་ཁྱབ་གོ་རིམ་
བཞིན། །གཞོན་ནུ་བདག་ལས་མཉན་པར་གྱིས། །སངས་རྒྱས་ཡུལ་ནི་བསམ་མི་ཁྱབ། །དེ་བཞིན་གཤེགས་རྣམས་མཚུངས་པ་མེད། །སངས་རྒྱས་ཐམས་ཅད་རྟག་ཏུ་ཞི། །སངས་རྒྱས་ཐཾད་ཡང་དག་བྱུང་། །སངས་རྒྱས་ཐཾད་
ཁ་དོག་མཚུངས། །འདི་ནི་སངྱས་ཆོས་ཉིད་ཡིན། །བཅྡོཾས་ནི་བཅོས་མ་མིན། །དེ་བཞིན་གཤེགས་པ་མ་སྐྱེས་ཏེ། །རྡོ་རྗེ་ལྟ་བུར་སྲ་བའི་སྐུ། །སྤྲུལ་པའི་སྐུ་ནི་སྟོན་པར་མཛད། །དྲང་སྲོང་ཆེན་པོའི་རིང་བསྲེལ་ནི། །
97-1-6b


ཡུངས་འབྲུ་ཙམ་ཞེས་བྱ་བ་མེད། །སྐུ་ལ་རུས་པ་ཁྲག་མེད་ན། །རིང་སྲེལ་ཡོད་པར་ག་ལ་འགྱུར། །སེམས་ཅན་རྣམས་ལ་པན་པའི་ཕྱིར། །ཐབས་ཀྱིས་རིང་བསྲེལ་བཞག་པར་མཛད། །རྫོགས་པའི་སངས་རྒྱས་ཆོས་
ཀྱི་སྐུ། །དེ་བཞིན་གཤེགས་པ་ཆོས་ཀྱི་དབྱིངས། །ཆོས་སྟོན་མཛད་པ་ཅི་འདྲ་བ། །བཅྡོཾས་ཀྱིས་སྐུ་དེ་འདྲ། །བདགིས་འདི་ཐོས་ཤེས་ནས་ནི། །བདག་གིས་དམ་པ་གསོལ་བར་བྱས། །དེ་ཉིད་ཁོ་ན་ལུང་བསྟན་ཕྱིར། །གཏཾ་
གླེང་བ་ནི་བདག་གིས་བྱས། །དེ་ནས་ལྷའི་བུ་སུམ་ཁྲི་ཉི་སྟོང་གིས་དེ་བཞིན་གཤེགས་པའི་སྐུ་ཚེའི་ཚད་བསྟན་པ་ཟབ་མོ་དེ་དག་ཐོས་ནས། ཐམས་ཅད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་
དེ། དེ་དག་ཡིད་ཀྱིས་ཀུན་ཏུ་རྟོག་པ་རབ་ཏུ་དགའ་ནས་སྒྲ་དབྱངས་གཅིག་ཏུ་ཚིགསུ་བཅད་པ་འདི་དག་སྨྲས་སོ། །སངས་རྒྱས་མྱ་ངན་ཡོང་མི་འདའ། །ཆོས་ཀྱང་ནུབ་པར་མི་འགྱུར་ཏེ། །སེམས་ཅན་ཡོངསུ་སྨིན་མཛད་
ཕྱིར། །ཡོངསུ་མྱ་ངན་འདའ་བ་སྟོན། །སངས་རྒྱས་བཅོམ་ལྡན་བསམ་མི་ཁྱབ། །དེ་བཞིན་གཤེགས་པ་རྟག་པའི་སྐུ། །སེཾན་རྣམས་ལ་ཕན་པའི་ཕྱིར། །བཀོད་པ་རྣམས་པ་སྣ་ཚོགས་སྟོན། །དེ་ནས་བྱང་ཆུབ་སེཾས་དཔའ་
མཛེས་པའི་རྟོག་གིས། སངས་རྒྱས་བཅྡོཾས་དེ་དག་དང་སྐྱེས་བུ་དམ་པ་དེ་གཉིས་ལས་བཅོམ་ལྡན་འདས་ཤཱཀྱ་ཐུབ་པའི་སྐུ་ཚེའི་ཚད་བསྟན་པ་ཐོས་ནས། ཚིམ་ཞིང་མགུལ་ལ་ཡི་རང་ཤིང་རབ་ཏུ་དགའ་སྟེ་དགའ་བ་དང་ཡིད་བདེ་
བ་སྐྱེས་ནས་དགའ་བ་དང་མགུལ་བ་རྒྱ་ཆེན་པོས་ཁྱབ་པར་གྱུར་ཏོ། །དེ་བཞིན་གཤེགས་པའི་སྐུ་ཚེའི་ཚད་བསྟན་པ་འདི་བཤད་པའི་ཚེ། སེཾན་ཚད་མེད་གྲངས་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེཾས་སྐྱེསོ། །
དེ་བཞིན་གཤེགས་པ་དེ་དག་ཀྱང་མི་སྣང་བར་གྱུར་ཏོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། དེ་བཞིན་གཤེགས་པའི་སྐུ་ཚེའི་ཚད་བསྟན་པའི་ལེའུ་ཞེས་བྱ་བ་སྟེ་གཉིས་པའོ།། །། དེ་ནས་བྱུང་བ་སེཾས་དཔའ་མཛེས་
97-1-7a


པའི་ཏོག་གཉིད་ཀྱིས་ལོག་པའི་རྨི་ལམ་ན། གསེར་གྱི་རྔ་ཀུན་དུ་སྣ་བ་འདི་ལྟ་སྟེ། ཉི་མའི་དཀྱིལ་འཁོར་འདྲ་བ་ཞིག་མཐོང་ངོ་། །ཕྱོགས་ཐམས་ཅད་ན་ཡང་སངས་རྒྱས་བཅོམ་ལྡན་འདས་གྲངས་མེད་
དཔག་ཏུ་མེད་པ་དག་རིན་པོ་ཆེའི་ཤིང་དྲུང་ན། རིན་པོ་ཆེ་བཻ་ཌཱུརྱའི་ཁྲི་རྣཾས་ལ་བཞུགས་ཤིང་། འཁོར་བརྒྱ་སྟོང་དུ་མས་ཡོངསུ་བསྐོར་ཏེ། མདུན་གྱིས་བལྟས་ནས་ཆོས་སྟོན་པ་མཐོང་ངོ་། །དེ་ནས་ཡང་སྐྱེས་བུ་བྲཾ་ཟེའི་གཟུགས་
ལྟ་བུ་ཞིག་རྔ་དེ་རྡུང་བ་མཐོང་སྟེ། རྔའི་སྒྲ་དེ་ལས་བསྟན་པའི་ཚིགསུ་བཅད་པ་འདི་ལྟ་བུ་དག་བྱུང་བ་ཐོས་སོ། །དེ་ནས་བྱང་ཆུབ་སེམས་དཔའ་མཛེས་པའི་རྟོག་གཉིད་སད་མ་ཐག་ཏུ། བསྟན་པའམ་ཚིགསུ་བཅད་པ་
དེ་དག་རྗེསུ་དྲན་ནོ། །རྗེསུ་དྲན་ནས་ཀྱང་དེའི་མཚན་མོ་ཟད་པ་དང་། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ནས་བྱུང་སྟེ། སྲོག་ཆགས་སྟོང་ཕྲག་དུ་མ་དང་ལྷན་ཅིག་ཏུ་བྱ་རྒོད་ཕུང་པོའི་རི་ག་ལ་བ་དང་། བཅྡོཾས་ག་ལ་བ་དེར་སོང་
སྟེ་ཕྱིན་ནས། བཅྡོཾས་ཀྱིས་ཞབས་ལ་མགོ་བོས་ཕྱག་འཚལ་ཏེ། བཅྡོཾས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བྱང་ཆུབ་སེམས་དཔའ་མཛེས་པའི་
ཏོག་གིས། བཅོམ་ལྡན་འདས་ག་ལ་བ་དེ་ལོགསུ་ཐལ་མོ་སྦྱར་བ་བཏུད་ནས། རྨི་ལམ་ན་གང་རྔའི་སྒྲ་ལས་བསྟན་པའི་ཚིགསུ་བཅད་པ་ཐོས་པ་དེ་དག་གསོལ་ཏོ། །གསེར་འོད་དམ་པ་མདོ་སྡེའི་དབང་པོའི་
རྒྱལ་པོ་ལས། རྨི་ལཾ་མཐོང་བའི་ལེའུ་ཞེས་བྱ་བ་སྟེ་གསུམ་པའོ།། །། ནུབ་གཅིག་གཡེལ་བ་མེད་པར་ཡང་། །བདག་གིས་རྨི་ལཾ་རྨིས་པ་ནི། །མཛེས་པའི་རྔ་ཆེན་མཐོང་བ་སྟེ། །ཐཾད་དུ་ནི་གསེར་གྱི་འོད། །
ཉི་མ་ཇི་ལྟ་བཞིན་དུ་འབར། །ཀུན་ཏུ་རྣམ་པར་ལྷ་ངེ་སྟེ། །ཕྱོགས་བཅུ་རྣམསུ་སྣང་བར་གྱུར། །ཀུན་ཏུ་རིན་ཆེན་ཤིང་དྲུང་ན། །རིན་ཆེན་བཻ་ཌཱུརྱ་དག་གི། ཁྲི་ལ་སངས་རྒྱས་རྣམས་བཞུགས་ཏེ། །
97-1-7b


བརྒྱ་སྟོང་ཕྲག་ནི་དུ་མ་ཡི། །འཁོར་དབུས་མདུན་གྱིས་བལྟས་པ་མཐོང་། །བྲམ་ཟེའི་གཟུགས་ནི་འདྲ་བ་ཞིག །རྔ་ཆེན་རབ་དུ་བརྡུང་བ་མཐོང་། །དེ་ཡིས་དེ་ལ་བརྡུང་བ་དང་། །ཚིགསུ་བཅད་པ་འདི་དག་
བྱུང་། །གསེར་འོད་དམ་པའི་རྔ་ཆེན་སྒྲ་ཡིས་ནི། །སྟོང་གསུམ་འཇིག་རྟེན་འཇིག་རྟེན་གསུམ་འདི་ན། །ངན་སོང་སྡུག་བསྔལ་གཤིན་རྗེའི་སྡུག་བསྔལ་དང་། །དབུལ་བའི་སྡུག་བསྔལ་མ་ལུས་ཞི་བར་ཤོག །
རྔ་བོ་ཆེ་ཡི་སྒྲ་སྐད་འདི་ཡིས་ནི། །འཇིག་རྟེན་རྨོངས་པ་ཐཾད་ཞི་གྱུར་ཅིག །ཇི་ལྟར་ཐུབ་དབང་འཇིགས་མེད་འཇིགས་ཞི་ལྟར། །སེམས་ཅན་འཇིགས་མེད་འཇིགས་དང་བྲལ་བར་ཤོག །ཇི་ལྟར་འཁོར་
བར་ཀུན་མཁྱེན་ཐུབ་དབང་པོ། །འཕགས་པའི་ཡོན་ཏན་ཀུན་དང་ལྡན་པ་ལྟར། །སྐྱེ་དགུ་ཏིང་འཛིན་བྱང་ཆུབ་ཡན་ལག་གི། ཡོན་ཏན་ལྡན་ཞིང་ཡོན་ཏན་རྒྱ་མཚོར་གྱུར། །རྔ་བོ་ཆེ་ཡི་སྒྲ་སྐད་འདི་ཡིས་ནི། །
སེམས་ཅན་ཐཾད་ཚངས་པའི་དབྱངས་ལྡན་གྱུར། །སངས་རྒྱས་བྱང་ཆུབ་དམ་པ་མཆོག་རིག་ཤོག །ཆོས་ཀྱིས་འཁོར་ལོ་དགེ་བ་བསྐོར་གྱུར་ཅིག །བསྐལ་པ་བསམ་གྱིས་མི་ཁྱབ་བཞུགས་པར་ཤོག །
འགྲོ་ལ་ཕན་ཕྱིར་ཆོས་ཀྱང་སྟོན་གྱུར་ཅིག །ཉོན་མོངས་འཇོམས་གྱུར་སྡུག་བསྔལ་སེལ་བར་ཤོག །འདོད་ཆགས་ཞེ་སྡང་གཏི་མུག་ཞི་གྱུར་ཅིག །སེམས་ཅན་གང་དག་ངན་སོང་སར་གནས་ཏེ། །
རུས་པའི་ལུས་ལ་མེ་ལྕེ་རབ་འབར་བ། །དེ་དག་རྔ་ཆེན་སྒྲགས་པ་ཐོས་གྱུར་ཅིག །སངས་རྒྱས་ཕྱག་འཚལ་ལོ་ཞེས་ཚིག་ཐོས་ཤོག །སེམས་ཅན་ཀུན་གྱིས་ཚེ་རབས་བརྒྱ་དག་དང་། །སྐྱེ་བ་སྟོང་
ཕྲག་བྱེ་བར་སྐྱེ་དྲན་ཤོག །ཐུབ་པའི་དབང་པོ་རྟག་དུ་དུ་གྱུར་ཅིང་། །དེ་དག་གི་ནི་རྒྱ་ཆེན་གསུང་ཐོས་ཤོག །རྔ་བོ་ཆེ་ཡིས་སྒྲ་སྐད་འདི་ཡི་ནི། །སངས་རྒྱས་རྣམས་དང་རྟག་ཏུ་འགྲོགས་རྙེད་གྱུར། །
97-1-8a


སྡིག་པའི་ལས་རྣམས་རྣམ་པར་སྤོངས་པར་ཤོག །བྱ་བ་དགེ་བ་རྣམས་ནི་སྤྱོད་གྱུར་ཅིག །མི་དང་ལྷ་དང་སྲོག་ཆགས་ཐམས་ཅད་ཀྱིས། །དེ་དག་བསམ་དང་སྨོན་ལམ་གང་ཡིན་པ། །རྔ་བོ་ཆེ་ཡི་སྒྲ་སྒྲ་སྐད་འདི་
ཡི་ནི། །དེ་དག་རྣམས་ཀྱི་དེ་ཀུན་རྫོགས་གྱུར་ཅིག །སེཾན་གང་དག་སེམས་དམྱལ་མི་བཟད་སྐྱེས། །ལུས་ལ་མེ་ལྕེ་ཀུན་ཏུ་རབ་ཏུ་འབར། །སྐྱབས་མེད་མྱ་ངན་བཅས་ཤིང་ཡོངས་འཁྱམ་པ། །མེ་རྣམས་དེ་དག་རབ་ཏུ་ཞི་
བར་ཤོག །སེམས་དམྱལ་ཡི་དགས་མི་ཡི་འཇིག་རྟེན་ན། །སེམས་ཅན་སྡུག་བསྔལ་མི་བཟད་དྲག་པོ་གང་། །རྔ་བོ་ཆེ་ཡི་སྒྲ་སྐད་འདི་ཡིས་ནི། །དེ་དག་རྣམས་ཀྱི་སྡུག་བསྔལ་ཀུན་ཞི་ཤོག །རྟེན་མེད་དཔུང་གཉེན་
མེད་པ་དང་། །སྐྱབས་མེད་པར་ཡང་གྱུར་པ་དག །དེ་རྣམས་ལ་ནི་སྐྱོབ་པ་དང་། །དཔུང་གཉེན་རྟེན་མཆོག་བདག་གྱུར་ཅིག །སངས་རྒྱས་རྐང་གཉིས་དམ་པ་དག །ཐུགས་བརྩེ་ཐུགས་རྗེ་ལྡན་པའི་ཐུགས། །
གང་དག་ཕྱོགས་བཅུའི་འཇིག་རྟེན་ན། །བཞུགས་པ་བདག་ལ་དགོངས་སུ་གསོལ། །བདགིས་སྔོན་ཅད་སྡིག་པའི་ལས། །ཤིན་ཏུ་མི་བཟད་གང་བགྱིས་པ། །སྟོབས་བཅུའི་སྤྱན་བསྔར་བདག་མཆིས་ཏེ། །
དེ་དག་ཐམས་ཅད་བཤགས་པར་བགྱིས། །ཕ་མ་དག་ཏུ་མི་འཛིན་དང་། །སངས་རྒྱས་རྣམསུ་མི་འཛིན་དང་། །དགེ་བ་དག་ཏུ་མི་འཛིན་པས། །སྡིག་པ་བདག་གིས་གང་བགྱི་དང་། །ཕྱུག་པའི་རྒྱགས་
པས་དྲེགས་པ་དང་། །རིགས་དང་ལོངས་སྤྱོད་རྒྱགས་པ་དང་། །གཞོན་པའི་རྒྱགས་པས་དྲེགས་པ་ཡིས། །བདག་གིས་སྡིག་པ་གང་བགྱི་དང་། །ཉེས་བསཾས་ཉེས་པར་སྨྲས་པ་དང་། །ཉེས་པར་བགྱི་པའི་
ལས་རྣམས་དང་། །ཉེས་པའི་དམིགསུ་མ་ལྟས་པས། །བདག་གིས་སྡིག་པ་གང་བགྱིས་དང་། །བྱིས་པའི་བློའི་འཇུག་པ་དང་། །མི་ཤེས་མུན་པའི་སེཾས་དང་ནི། །སྡིག་པའི་གྲོགས་པོའི་དབང་གྱུར་དང་། །
97-1-8b


ཉོན་མོངས་རྣམ་པར་འཁྲུག་སེམས་དང་། །རྩེད་མོ་དགའ་བའི་དབང་ཉིད་དང་། །མྱ་ངན་དང་ནི་ནད་དབང་དང་། །ནོར་གྱིས་མི་ཆོག་ཉེས་པ་ཡིས། །བདག་གིས་སྡིག་པ་གང་བགྱིས་དང་། །འཕགས་མིན་སྐྱེ་བོ་
འདྲེ་བ་དང་། །ཕྲག་དོག་སེར་སྣའི་རྒྱུ་དང་ནི། །གཡོ་དང་དབུལ་བའི་ཉེས་པ་ཡིས། །བདགིས་སྡིག་པ་གང་བགྱི་དང་། །ཕོངས་པ་བྱུང་བའི་དུས་ཀྱི་ཚེ། །འདོད་པ་རྣམས་ཀྱི་འཇིགས་རྒྱུ་དང་། །ཕྱུག་པོ་མ་ཡིན་
གྱུར་པ་ཡིས། །བདག་གིས་སྡིག་པ་གང་བགྱིས་དང་། །གཡོ་བའི་སེམས་ཀྱིས་དབང་ཉིད་དང་། །འདོད་དང་ཁྲོ་བའི་དབང་དག་དང་། །བཀྲེས་དང་སྐོམ་གྱི་ཉེན་པ་ཡིས། །བདགིས་སྡིག་པ་གང་བགྱིས་དང་། །
བཟའ་བ་དག་དང་བཏུང་བ་དང་། །བུད་མེད་རྒྱུ་དང་གོས་ཀྱི་ཕྱིར། །ཉོན་མོངས་གདུང་བ་སྣ་ཚོགས་ཀྱིས། །བདགིས་སྡིག་པ་གང་བགྱི་དང་། །ལུས་དང་ངག་དང་ཡིད་ཀྱིས་སྡིག །ཉེས་པར་སྤྱད་པ་རྣཾས་གསུམ་
བསགས། །འདི་འདྲའི་ཚུལ་གྱིས་གང་བགྱིས་པ། །དེ་དག་ཐཾད་བདག་འཆགསོ། །སངས་རྒྱས་རྣམས་དང་ཆོས་རྣམ་དང་། །དེ་བཞིན་ཉན་ཐོས་རྣམས་ལ་ཡང་། །གུས་པ་མ་ལགས་གང་བགྱིས་པ། །
དེ་དག་ཐམས་ཅད་བདག་ཆགས་སོ། །གང་ཡང་རང་སངས་རྒྱས་རྣམས་དང་། །བྱང་ཆུབ་སེམས་དཔའ་རྣམས་ལ་ཡང་། །གུས་པ་མ་ལགས་བགྱིས་པ་རྣམས། །དེ་དག་ཐཾད་བདག་ཆགས་སོ། །དམ་ཆོས་སྨྲ་
བ་རྣཾས་ལ་ཡང་། །གུས་པ་མ་ལགས་བགྱིས་པ་དང་། །ཆོས་ལའང་གུས་པར་མ་བགྱིས་པ། །དེ་དག་ཐམས་ཅད་བདག་འཆགསོ། །བདགིས་རྟག་ཏུ་མི་ཤེས་པས། །དམ་པའི་ཆོས་ནི་སྤངས་པ་དང་། །
ཕ་མ་རྣཾས་ལ་མ་གུས་དང་། །དེ་དག་ཐཾད་བདག་ཆགསོ། །བླུན་པ་དང་ནི་བྱིས་པ་དང་། །འདོད་ཆགས་ཞེ་སྡང་གཏི་མུག་དང་། །ང་རྒྱལ་དྲེགས་པ་བསྒྲིབས་བགྱིས་པ། །དེ་དག་ཐཾད་བདག་ཆགས་སོ། །
97-1-9a


བདག་ནི་ཕྱོགས་བཅུའི་འཇིག་རྟེན་དུ། །སྟོབས་བཅུ་རྣམས་ལ་མཆོད་པར་ཤོག །བདག་གིས་ཕྱོགས་བཅུར་སེམས་ཅན་རྣམས། །བསྡུག་བསྔལ་ཀུན་ལས་འདོན་གྱུར་ཅིག །སེམས་ཅན་
བསཾ་གྱི་མི་ཁྱབ་ཀུན། །ས་ཅུ་ལ་ནི་དགོད་པར་བགྱི། །ས་བཅུ་ལ་ནི་གནས་ནས་ཀྱང་། །ཐམས་ཅད་དེ་བཞིན་གཤེགས་གྱུར་ཅིག །ཇི་སྲིད་སྡུག་བསྔལ་རྒྱ་མཚོ་ལས། །དེ་ཀུན་མཐར་བགྱི་ནུས་སྲིད་དུ། །སེམས་ཅན་རེ་རེའི་ཕྱིར་ཡང་
ནི། །བསྐལ་པ་བྱེ་བར་སྤྱད་པར་བགྱི། །གསེར་འོད་དམ་པ་ཞེས་བགྱི་བ། །ལས་རྣམས་ཐམས་ཅད་བྱང་བགྱིད་པ། །ཟབ་མོ་དག་ནི་སྟོན་པ་ནི། །སེཾན་དེ་དག་བསྟན་པར་བགྱི། །གང་གིས་བསྐལ་པ་སྟོང་རྣཾསུ། །སྡིག་པ་
ཤིན་ཏུ་མི་བཟད་བགྱིས། །ལན་ཅིག་རབ་ཏུ་བཤགས་པ་ཡིས། །དེ་དག་ཐཾད་བྱུང་བར་འགྱུར། །གང་གིས་ལས་ཀྱི་སྒྲིབ་པ་རྣཾས། །མྱུར་དུ་ཡང་དག་ཟད་འགྱུར་བ། །གསེར་འོད་དམ་པ་དགེ་བ་ཡི། །བཤགས་པ་འདི་དག་བཤགས་
ནས་ནི། །རིན་ཆེན་འབྱུང་གནས་མཆོག་བཅུ་པོ། །ས་བཅུ་ལ་ནི་གནས་པར་བགྱི། །སངས་རྒྱས་ཡོན་ཏན་སྣང་བར་བགྱི། །སྲིད་པའི་མཚོ་ལས་སྒྲལ་བར་བགྱི། །སངས་རྒྱས་རྒྱ་མཚོ་ཆུ་བོ་དང་། །ཡོན་ཏན་རྒྱ་མཚོ་ཟབ་མོ་དེ། །
སངས་རྒྱས་ཡོན་ཏན་བསཾ་ཡས་ཀྱིས། །ཐཾད་མཁྱེན་དུ་རྫོགས་པར་བགྱི། །ཏིང་འཛིན་བརྒྱ་ཕྲག་སྟོང་རྣཾས་དང་། །གཟུངས་རྣཾས་བསཾ་གྱིས་མི་ཁྱབ་དང་། །དབང་སྟོབས་བྱང་ཆུབ་ཡན་ལགིས། །སྟོབས་བཅུ་དམ་
པར་འགྱུར་བར་བགྱི། །དགོངས་པའི་ཐུགས་ཀྱིས་སངས་རྒྱས་རྣཾས། །བདག་ལ་རྣཾས་པར་གཟིགས་སུ་གསོལ། །ཐུགས་རྗེ་ལྡན་པའི་ཐུགས་ཀྱིས་ནི། །ནོངས་པར་རབ་ཏུ་གཟུང་དུ་གསོལ། །བདག་གིས་བསྐལ་པ་
བརྒྱ་རྣཾསུ། །སྔོན་ཆད་སྡིག་པ་གང་བགྱིས་པ། །དེ་ཕྱིར་བདག་ནི་མྱ་ངན་སེཾས། །ཕོངས་དང་མྱ་ངན་འཇིགས་པས་གཟིར། །སྡིག་པའི་ལས་ལ་འཇིག་པར་བགྱིད། །ཡིད་ནི་རྟག་ཏུ་དམན་པར་འགྱུར། །གང་དང་གང་དུ་སྤྱོད་བགྱིད་པ། །
97-1-9b


བདག་ནི་གང་དུ་འང་དགའ་མ་མཆིས། །སངས་རྒྱས་ཐམས་ཅད་ཐུགས་རྗེ་ལྡན། །འགྲོ་བ་ཀུན་གྱི་འཇིགས་སེལ་བས། །ནོངས་པར་རབ་ཏུ་གཟུང་དུ་གསོལ། །འཇིགས་པ་དག་ལས་བདག་ཐར་མཛོད། །བདག་
གི་ཉོན་མོངས་ལས་རྣམས་ཀྱི། །དྲི་མ་དེ་བཞིན་གཤེགས་པས་ཤོལ། །སངས་རྒྱས་རྣཾས་ཀྱིས་བདག་ལ་ནི། །སྙིང་རྗེའི་ཆུ་ཡིས་བཀྲུ་བར་གསོལ། །སྡིག་པ་ཐཾད་བཤགས་པར་བགྱི། །སྔོན་ཆད་བདགིས་
གང་བགྱིས་དང་། །ད་ལྟར་བདགི་སྡིག་པ་གང་། །དེ་དག་ཐམས་ཅད་བདག་ཆགསོ། །ནོངས་པར་བགྱིས་པའི་ལས་རྣཾས་ཀུན། །སླན་ཆད་མི་བགྱིད་བསྡཾ་པར་བགྱི། །བདགིས་ནོངས་པར་བགྱིས་པ་
གང་། །སྡིག་དེ་བཅས་པར་མི་བྱའོ། །ལུས་ཀྱི་ལས་ནི་རྣཾས་གསུཾ་དང་། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་པོ་རྣམས། །དེ་དག་ཐམས་ཅད་བདག་ཆགསོ། །ལུས་ཀྱི་བགྱིས་
དང་ངག་གི་ལས། །ཡིད་ཀྱིས་རྣམ་པར་བསམས་པ་དང་། །ལས་རྣཾས་གསུམ་པོ་བགྱིས་པ་དག །དེ་དག་ཐམས་ཅད་བདག་ཆགསོ། །མི་དགེ་ལས་བཅུ་སྤངས་ནསུ། །དགེ་བ་བཅུ་པོ་རྟེན་བགྱིས་ཏེ། །
ས་བཅུ་ལ་བདག་གནས་པར་བགྱི། །སྟོབས་བཅུ་མཆོག་ཏུ་འགྱུར་བར་བགྱི། །བདགིས་སྡིག་པའི་ལས་གང་དག །མི་འདོད་འབྲས་བུ་ཐོབ་བགྱིད་པ། །སངས་རྒྱས་སྤྱན་སྔར་མཆིས་ནས་ནི། །
དེ་དག་ཐམས་ཅད་བཤགས་པར་བགྱི། །འཛམ་བུ་གླིང་འདིར་གང་དག་དང་། །འཇིག་རྟེན་ཁམས་ནི་གཞན་དག་ཏུ། །གང་རྣམས་དགེ་བའི་ལས་བགྱིད་ན། །དེ་དག་ཀུན་ལ་ཡིད་རང་ངོ་། །ལུས་དང་ངག་
དང་ཡིད་ཀྱིས་ཀྱང་། །བདགིས་བསོད་ནམས་གང་བསྒྲུབས་པ། །བདགིས་དགེ་བའི་རྩ་བ་དེས། །བྱང་ཆུབ་མཆོག་ལ་རེག་པར་བགྱི། །སྲིད་འགྲོ་ཉམ་ངར་བྱིས་པའི་བློ་ཡིས་ནི། །ཤིན་ཏུ་མི་ཟད་སྡིག་པ་གང་བགྱིས་པ། །
97-1-10a


སྟོབས་བཅུ་མི་མཉམ་སྤྱན་སྔར་མཆིས་ནས་ནི། །སྡིག་པ་དེ་ཀུན་སོ་སོར་བཤགས་པར་བགྱི། །སྐྱེ་བ་ཉམ་ང་སྲིད་པ་ཉམ་ང་དང་། །འཇིག་རྟེན་ཉམ་ང་གཡོ་སེམས་ཉམ་ང་དང་། །ལུས་ཀྱི་
སྤྱོད་པ་ཉམ་ང་སྣ་ཚོགས་ཀྱིས། །བདགིས་སྡིག་པ་གང་བསགས་དེ་ཆགསོ། །བྱིས་པ་བླུན་བྱས་ཉོན་མོངས་ཉམ་ང་དང་། །སྡིག་པའི་གྲོགས་དང་ཕྲད་པ་ཉམ་ང་དང་། །སྲིད་པ་ཉམ་ང་འདོད་ཆགས་ཉཾ་
ང་དང་། །ཞེ་སྡང་ཉམ་ང་གཏི་མུག་ཉམ་ང་དང་། །ངལ་བའི་ཉམ་ང་དུས་ཀྱི་ཉམ་ང་དང་། །བསོད་ནམས་བསྒྲུབས་པ་ཉམ་ང་དག་གིས་ཀྱང་། །རྒྱལ་བ་མི་མཉམ་མངོན་སུམ་མཆིས་ནས་ནི། །སྡིག་
པ་དེ་ཀུན་སོ་སོར་བཤགས་པར་བགྱི། །སངས་རྒྱས་གསེར་མདོག་རི་སྣ་རི་རབ་འདྲ། །ཡོན་ཏན་རྒྱ་མཚོ་འདྲ་ལ་ཕྱག་འཚལ་ལོ། །རྒྱལ་བ་དེ་དག་རྣམ་ལ་སྐྱབསུ་མཆི། །རྒྱལ་བ་དེ་དག་ཀུན་ལ་
མགོས་ཕྱག་འཚལ། །གསེར་མདོག་གསེར་ནི་དྲི་མ་མེད་པ་གསེར་གྱི་འོད། །དྲི་མེད་རྣམ་དག་བཻ་དཱུརྱའི་ཡན་ལག་སྤྱན། །སངས་རྒྱས་ཉི་མ་དཔལ་གཟི་གྲགས་འབར་འབྱུང་བའི་གནས། །ཐུགས་
རྗེའི་འོད་ཟེར་དག་གིས་མུན་པ་མུན་ནག་བསལ། །ཡན་ལག་རབ་ཏུ་དྲི་མེད་རབ་བཟང་རྣམ་པར་མཛེས། །སངས་རྒྱས་ཉི་མ་ཡན་ལག་དྲི་མེད་གསེར་འདྲས་ཁྱབ། །ཉོན་མོངས་མེས་གདུངས་ཡིད་ཅན་
འབར་བའི་མེ་འདྲ་བ། །ཐུབ་པའི་ཟླ་བའི་འོད་ཟེར་དྲ་བས་ཚིམ་པར་མཛད། །མཚན་མཆོག་སུཾ་བཅུ་གཉིས་ཀྱིས་དབང་པོ་ཡན་ལག་མཛེས། །དཔེ་བྱད་བཟང་པོ་དག་གིས་ཡན་ལག་རྣམ་པར་མཛེས། །
དཔལ་གཟི་བསོད་ནམས་འབར་འཁྲུགས་འོད་ཟེར་དྲ་བ་ཡིས། །འཇིག་རྟེན་གསུམ་ན་མུན་ཁྲོད་ཉི་མ་བཞིན་དུ་བཞུགས། །དྲི་མེད་རྒྱ་ཆེན་ཁ་དོག་སྣ་ཚོགས་བཻ་དཱུརྱ། །སྐྱ་རེང་དམར་དང་དངུལ་དང་ཤེལ་བཞིན་ཡན་ལག་དམར། །
97-1-10b


འོད་ཟེར་དྲ་བ་རྣམ་པ་སྣ་ཚོགས་ལེགས་བརྒྱན་པས། །ཐུབ་ཆེན་ཁྱོད་ནི་ཉི་མ་བཞིན་དུ་དེ་བཞིན་མཛེས། །མྱ་ངན་འཁྲུག་པ་འཆི་ཆུ་རྒ་བའི་དབའ་རླབས་ཅན། །འཁོར་བའི་ཀླུང་ཆེན་ཕུངས་པའི་ཆུ་བོར་ལྷུང་
བ་ལ། །སྡུག་བསྔལ་རྒྱ་མཚོ་མཆོག་ཏུ་རྩུབ་ཅིང་ཤུག་དྲག་པ། །བདེ་གཤེགས་ཉི་མའི་འོད་ཟེར་མང་པོ་རྣམས་ཀྱི་སྐེམས། །ཡན་ལག་གསེར་གྱི་མདོག་ཏུ་རྣམ་པར་སྣང་། །ཡེ་ཤེས་འབྱུཾ་གནས་
འཇིག་རྟེན་གསུམ་ཀུན་མཆོག །རབ་མཛེས་མཚན་གྱིས་ཡན་ལག་རྣམས་སྤྲས་པ། །སངས་རྒྱས་གསེར་སྐུ་འབར་ལ་ཕྱག་འཚལ་ལོ། །ཇི་ལྟར་རྒྱ་མཚོའི་ཆུ་ནི་དཔག་མེད་དང་། །
ཇི་ལྟར་ས་ལ་ས་རྡུལ་མཐའ་ཡས་དང་། །ཇི་ལྟར་རི་རབ་རྡོ་མཐའ་ཚུངས་མེད་དང་། །ཇི་ལྟར་ནམཁའི་མཐའ་ལ་མཐའ་ཡས་པ། །དེ་བཞིན་སངས་རྒྱས་ཡོན་ཏན་མཐའ་ཡས་ཏེ། །སེམས་ཅན་
ཀུན་གྱིས་ཤེས་པར་མི་ནུས་སོ། །བསྐལ་པ་དུ་མར་གཞལ་ཅིང་བསམས་ཀྱང་ནི། །ཡོན་ཏན་མཐའ་མ་ཤེས་པར་མི་ནུསོ། །ཆུ་ནི་སྐྲ་ཡི་རྩེ་མོའི་ཚད་ཙམ་དང་། །རྡོར་བཅས་རིར་བཅས་
རྒྱ་མཚོར་བཅས་པ་ནི། །བསྐལ་པ་བགྲངས་ན་ཤེས་པར་ནུས་ཀྱང་སྲིད། །སངས་རྒྱས་ཡོན་ཏན་ཕ་མཐར་ཤེས་མི་ནུས། །ཡོན་ཏན་ཁ་དོག་སྙན་དང་གྲགས་པ་དང་། །དགེ་
བའི་མཚན་གྱིས་བརྒྱན་པའི་སྐུ་ལུས་དང་། །དཔེའ་བྱད་བཟང་པོ་བརྒྱད་བཅུས་བརྒྱན་པ་ཡིས། །སེམས་ཅན་ཐམས་ཅད་དེ་འདྲར་གྱུར་པར་ཤོག །
བདག་གིས་དགེ་བའི་ལས་རྣམས་འདི་དག་གིས། །འཇིག་རྟེན་མི་རིང་སངས་རྒྱས་འགྱུར་བར་བགྱི། །འགྲོ་ལ་ཕྱན་ཕྱིར་ཆོས་ཀྱང་བསྟན་པར་བགྱི། །སེམས་ཅན་སྡུག་བསྔལ་
97-1-11a


མང་གཟིར་ཐར་བར་བགྱི། །སྟོབས་བཅས་སྡེར་བཅས་བདུད་ལས་རྒྱལ་བར་བགྱི། །ཆོས་ཀྱི་འཁོར་ལོ་དགེ་བ་བསྐོར་བར་བགྱི། །བསྐལ་པ་བསམ་གྱིས་མི་ཁྱབ་གནས་པར་བགྱི། །བདུད་རྩིའི་ཆུ་ཡིས་
སེམས་ཅན་ཚིམ་པར་བགྱི། །ཇི་ལྟར་སྔོན་གྱི་རྒྱལ་བའི་རྫོགས་པ་ལྟར། །ཕ་རོལ་ཕྱིན་དྲུག་བླ་མེད་རྫོགས་པར་བགྱི། །ཉོན་མོངས་གཞོམ་ཞིང་སྡུག་བསྔལ་བསལ་བར་བགྱི། །འདོད་ཆགས་ཞེ་སྡང་གཏི་མུག་ཞི་བར་བགྱི། །སྐྱེ་
བ་བརྒྱ་དང་སྐྱེ་བ་བྱེ་བ་སྟོང་། །བདག་ནི་རྟག་ཏུ་སྐྱེ་བ་དྲན་པར་བགྱི། །ཐུབ་པའི་དབང་པོ་རྟག་ཏུ་དྲན་པར་བགྱི། །དེ་ཡི་གསུང་ནི་རྒྱ་ཆེན་ཐོས་པར་བགྱི། །བདག་ནི་དགེ་བའི་ལས་རྣམས་འདི་དག་གིས། །རྟག་ཏུ་སངས་རྒྱས་འགྲོགས་
པ་རྙེད་པར་བགྱི། །སྡིག་པའི་ལས་རྣམས་རྣམ་པར་སྤང་བར་བགྱི། །དགེ་བའི་འབྱུང་གནས་དགེ་རྣམས་སྤྱད་པར་བགྱི། །ཞིང་རྣམས་ཀུན་ན་སྲོག་ཆགས་ཐམས་ཅད་ཀྱང་། །འཇིག་རྟེན་དག་ན་སྡུག་བསྔལ་ཀུན་ཞི་གྱུར། །སེམས་ཅན་
དབང་པོ་མ་ཚང་ཡན་ལག་ཉམས། །དེ་ཀུན་དེའུ་རེ་དབང་པོ་ཚང་བར་ཤོག །གང་དག་ནད་བཏབ་ཉམ་ཆུང་ལུས་ཉམས་དང་། །ཕྱོགས་བཅུ་དག་ན་སྐྱབས་མེད་གྱུར་པ་རྣམས། །དེ་ཀུན་མྱུར་དུ་ནད་ལས་ཐར་གྱུར་ཅིག །ནད་མེད་
སྟོབས་དང་དབང་པོ་རྙེད་པར་ཤོག །གང་དག་རྒྱལ་པོ་ཆོམ་རྐུན་སྦྲེའུ་སྡིགས་བསད་ཐུག་དང་། །སྡུག་བསྔལ་རྣམ་པ་སྣ་ཚོགས་བརྒྱ་ཡི་ཕོངས་གྱུར་པ། །སེམས་ཅན་ཉམ་ཐག་གྱུར་ཅིང་སྡུག་བསྔལ་དེ་དག་ཀུན། །
འཇིགས་མཆོག་མི་བཟད་བརྒྱ་པོ་དེ་ལས་ཐར་གྱུར་ཅིག །གང་དག་བརྡེགས་ཤིང་བཅིང་བས་བཅིངས་གཟིར་བ། །ཕོངས་པ་སྣ་ཚོགས་དག་ན་གནས་གྱུར་ཅིང་། །ཉོན་མོངས་སྟོང་ཕྲག་དུ་མས་དཀྲུགས་ནས་ཀྱང་། །
འཇིགས་པ་མི་བཟད་མྱ་ངན་སྣ་ཚོགས་རྙེད། །དེ་དག་ཐམས་ཅད་བཅིངས་ལས་གྲོལ་གྱུར་ཅིང་། །བརྡེག་པ་དག་ནི་བརྡེག་ལས་ཐར་བར་ཤོག །བསད་པ་རྣམས་ཀྱང་སྲོག་དང་ལྡན་གྱུར་ཅིག །ཕོངས་གྱུར་ཐམས་
97-1-11b


ཅད་འཇིག་པ་མེད་པར་ཤོག །སེམས་ཅན་གང་དག་བཀྲེས་སྲིད་སྐོམ་གྱིས་གཟིར། །དེ་དག་ཟས་སྐོམ་སྣ་ཚོགས་རྙེད་པར་ཤོག །ལོང་བས་གཟུགས་རྣམས་སྣ་ཚོགས་མཐོང་གྱུར་ཅིག །འོན་པས་ཡིད་འོང་
སྒྲ་རྣམས་ཐོས་པར་ཤོག །གཅེར་བུ་རྣམས་ཀྱིས་སྣ་ཚོགས་གོས་རྙེད་གྱུར། །སེམས་ཅན་དབུལ་པོས་གཏེར་རྣམས་རྙེད་པར་ཤོག །ནོར་འབྲུ་རིན་ཆེན་སྣ་ཚོགས་མང་པོའི། །སེམས་ཅན་ཐམས་ཅད་བདེ་དང་ལྡན་
པར་ཤོག །གང་ཡང་སྡུག་བསྔལ་ཚོག་བར་ནོན་མ་གྱུར། །སེམས་ཅན་ཐམས་ཅད་བལྟ་ན་སྡུགས་པ་དང་། །གཟུགས་བཟང་མཛེས་ཤིང་ཚུལ་དུ་ཤིས་པར་ཤོག །རྟག་ཏུ་བདེ་བ་དུ་མ་རྫོགས་གྱུར་ཅིག །ཡིད་
ཀྱིས་ཟས་སྐོམ་རབ་འབྱོར་བསོད་ནམ་དག །བསམས་མ་ཐག་ཏུ་དེ་དག་གྲུབ་གྱུར་ཅིག །རྫ་རྔ་ཅང་ཏེའུ་པི་བང་སྒྲ་སྙན་དང་། །ཆུ་མིག་མཚེའུ་དང་རྫིང་བུ་ལྟེང་ཁ་དང་། །གསེར་གྱི་པད་མ་ཨུད་པལ་པད་མ་ཅན། །ཟས་
སྐོམ་གོས་ནོར་མུ་ཏིག་ནོར་བུ་དབྱིག །རྒྱན་གསེར་རིན་ཆེན་སྣ་ཚོགས་བཻ་དཱུ་རྱ། །དེ་དག་བསམས་མ་ཐག་དུ་གྲུབ་གྱུར་ཅིག །འཇིག་རྟེན་གང་ནའང་སྡུག་བསྔལ་སྒྲ་མ་བྱུང་། །སེམས་ཅན་གཅིག་ཀྱང་མི་འཕྲོད་མཐོང་
མ་གྱུར། །དེ་དག་ཐམས་ཅད་ཁ་དོག་རྒྱ་ཆེན་དང་། །ཕན་ཚུན་དུ་ནི་འོད་བྱེད་གྱུར་པར་ཤོག །མི་ཡི་འཇིག་རྟེན་ཕུན་སུམ་ཚོགས་གང་ཡོད། །དེ་དག་གང་དུ་བསམས་པར་སྐྱེ་བར་གྱུར། །བསམ་པ་ཐམས་ཅད་བསམ་
མ་ཐག་ཏུ་ཡང་། །བསོད་ནམས་འབྲས་བུ་ཡོངསུ་རྫོགས་པར་ཤོག །སྤོས་དང་ཕྲེང་བ་དག་དང་བྱུག་པ་དང་། །གོས་དང་ཕྱེ་མ་མེ་ཏོག་སྣ་ཚོགས་དག །ལྗོན་ཤིང་དག་ལས་དུས་གསུམ་འབབ་པར་ཤོག །
སེམས་ཅན་དེ་དག་ལེན་ཅིང་དགར་གྱུར་ཅིག །དེ་བཞིན་གཤེགས་པ་བསམ་ཡས་ཐམས་ཅད་དང་། །
97-1-12a


རྫོགས་པའི་བྱང་ཆུབ་སེམས་དཔའ་ཉན་ཐོས་དང་། །རྡུལ་བྲལ་དྲི་མེད་བསྟེན་པའི་ཆོས་ལ་ཡང་། །ཕྱོགས་བཅུ་རྣམས་སུ་མཆོད་པ་བྱེད་པར་ཤོག །འགྲོ་བ་དམན་པ་ཐམས་ཅད་སྤོང་གྱུར་ཅིག །
མི་ཁོམ་བརྒྱད་པོ་དག་ལས་འདས་པར་ཤོག །དལ་བའི་རྒྱལ་པོ་དམ་པ་ཐོབ་གྱུར་ཅིག །རྟག་ཏུ་སངས་རྒྱས་འགྲོགས་པ་ཐོབས་པར་ཤོག །རྟག་ཏུ་མཐོན་པོའི་རིགསུ་སྐྱེ་བར་ཤོག །ནོར་དང་འབྲུ་ཡི་མཛོད་རྣམས་
འབྱོར་གྱུར་ཅིག །སྙན་དང་གྲགས་དང་གཟུགས་དང་ཁ་དོག་གིས། །བསྐལ་པ་དུ་མར་ལེགས་པར་བརྒྱན་པར་ཤོག །བུད་མེད་ཐམས་ཅད་རྟག་ཏུ་ཕོར་གྱུར་ཏེ། །དཔའ་ཞིང་རྟུལ་ཕོད་མཁས་ཤིང་གསལ་བར་ཤོག །དེ་ཀུན་རྟག་
ཏུ་བྱང་ཆུབ་ཕྱིར་སྤྱོད་གྱུར། །ཕ་རོལ་ཕྱིན་པ་དྲུག་ལ་སྤྱོད་པར་ཤོག །ཕྱོགས་བཅུ་དག་ན་རིན་ཆེན་ཤིང་དབང་དྲུང་། །སངས་རྒྱས་བདེ་བཞུགས་རིན་ཆེན་བཻ་དཱུ་རྱའི། །ཁྲི་ལ་བཞུགས་པ་དག་ནི་མཐོང་གྱུར་ཅིག །ཆོས་བསྟན་
པ་ཡང་དེ་དག་ཐོས་གྱུར་ཤོག །བདག་གིས་སྡིག་པའི་ལས་རྣམས་བསྒྲུབ་པ་ནི། །སྲིད་པ་ཉམ་ངར་སྔོན་ཆད་གང་བསྒྲུབས་པ། །སྡིག་ལས་གང་དག་མི་འདོད་འབྲས་ཐོབ་པ། །དེ་དག་ཐམས་ཅད་མ་ལུས་ཟད་གྱུར་ཅིག །
སེམས་ཅན་གང་དག་སྲིད་པར་བཅིངས་ནས་སུ། །འཁོར་བའི་ཞགས་པའི་ཐགས་པས་དམ་བཅིང་པ། །ཤེས་རབ་ལག་གིས་བཅིངས་པ་བཀྲོལ་བར་ཤོག །སྡུག་བསྔལ་རྣམས་ལས་མྱུར་དུ་ཐར་ཅིག །སེམས་ཅན་གང་
དག་འཛམ་བུའི་གླིང་འདི་དང་། །གང་དག་འཇིག་རྟེན་ཁམས་ནི་གཞན་རྣམས་ན། །བསོད་ནམས་སྣ་ཚོགས་ཟབ་མོ་རྣམས་བྱེད་པ། །དེ་དག་ཀུན་ལ་རྗེས་སུ་ཡི་རང་ངོ་། །ལུས་དང་ངག་དང་ཡིད་ཀྱིས་བསྒྲུབས་པ་ཡི། །བདག་
གིས་རྗེས་སུ་ཡི་རང་བསོད་ནམས་དེ། །བདག་ནི་སྨོན་གྲུབ་འབྲས་བུ་ཡོད་པར་ཤོག །བྱང་ཆུབ་རྡུལ་བྲལ་བླ་མེད་ཐོབ་གྱུར་ཅིག །གང་དག་རྟག་དང་དྲི་མ་བྲལ་བ་དང་། །དྲི་མེད་ཡིད་ཀྱིས་ཕྱག་འཚལ་བསྟོད་པ་དང་། །ཡོངས་
97-1-12b


སུ་བསྔོ་བ་བརྗོད་པ་འདི་ཡིས་ནི། །བསྐལ་པ་དྲུག་བཅུར་ངན་སོང་སྤོང་བར་གྱུར། །ཚིགས་སུ་བཅད་པ་བརྗོད་པ་འདི་དག་གིས། །སྐྱེས་པ་བུད་མེད་བྲམ་ཟེ་རྒྱལ་རིགས་ལས། །ཐལ་སྦྱར་འདུག་སྟེ་རྒྱལ་བ་གང་བསྟོད་པ། །
ཚེ་རབས་ཀུན་ཏུ་སྐྱེ་བ་དྲན་པར་འགྱུར། །ཡན་ལག་དབང་པོ་ཀུན་གྱིས་ཡན་ལག་བརྒྱན། །བསོད་ནམས་ཡོན་ཏན་སྣ་ཚོགས་རྣམས་དང་ལྡན། །མི་དབང་རྒྱལ་པོས་རྟག་དུ་དེ་མཆོད་དེ། །དེ་དང་དེ་དག་ཏུ་ནི་དེ་འདྲར་འགྱུར། །གང་དག་
རྣ་བའི་བུ་གར་བཤགས་པ་འདི་ནི་གྲག་འགྱུར་བ། །དེ་དག་སངས་རྒྱས་གཅིག་གིས་གན་ནས་དགེ་བ་བྱས་མ་ཡིན། །གཉིས་ལ་མ་ཡིན་བཞི་ལ་མ་ཡིན་ལྔ་མིན་བཅུ་ལ་མིན། །དེ་ལྟར་སངས་རྒྱས་སྟོང་གིས་གན་ནས་དགེ་བ་
བྱས་པ་ཡིན། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས་བཤགས་པའི་ལེའུ་ཞེས་བྱ་སྟེ་བཞི་པའོ།། །། འཕགས་པ་གསེར་འོད་དམ་པའི་མདོ་སྡེའི་དབང་པོའི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོ། 
བམ་པོ་གཉིས་པ། དེ་ནས་བཅོམ་ལྡན་འདས་ཀྱིས་རིག་ཀྱིས་ལྷ་མོ་བྱང་ཆུབ་ཡང་དག་པར་བསྡུས་པ་ལ་འདི་སྐད་ཅེས་བཀའ་སྩལ་ཏོ། །རིག་ཀྱིས་ལྷ་མོ་དེའི་ཚེ་དེའི་དུས་ན། རྒྱལ་པོ་གསེར་གྱིས་ལག་
པའི་དབང་པོ་ཞེས་བྱ་བ་དེས། དེ་བཞིན་གཤེགས་པ་ཐམས་ཅད་ལ་བསྟོད་པ་པད་མའི་འབྱུང་གནས་འདིས། འདས་པ་དང་མ་འོངས་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ལ་མངོན་པར་
བསྟོད་དོ། །རྒྱལ་བ་གང་དག་སྔར་གྱུར་གང་བྱུང་དང་། །ཕྱོག་བཅུའི་འཇིག་རྟེན་དག་ན་གང་བཞུགས་པ། །རྒྱལ་བ་དེ་དག་རྣམས་ལ་ཕྱགས་བགྱིའོ། །རྒྱལ་བ་དེ་དག་ཀུན་ལ་བདག་གིས་བསྟོད། །
ཐུབ་དབང་ཞི་ཞིང་རབ་ཞི་རྣམས་པར་དག །སྐུ་ནི་གསེར་གྱིས་མདོག་ཏུ་རབ་ཏུ་གདའ། །དབྱངས་རྣམས་ཀུན་གྱིས་སངས་རྒྱས་གསུངས་སྙན་ཏེ། །ཚང་པའི་སྒྲ་དབྱངས་རབ་ཏུ་བསྒྲག་པའི་གསུང་། །
97-1-13a


བུང་བ་རྨ་བྱ་ཨུད་པལ་སྔོན་པོའི་དབུ། །མཐོན་མཐིང་ལྕང་ལོ་བྱ་ནི་ཙ་ཤ་འདྲ། །ཁ་བ་དུང་ལྟར་རབ་ཏུ་དཀར་བའི་ཚེམས། །རྟག་ཏུ་གསེར་ལྟར་རྣམ་པར་མཛེས་པར་གདའ། །སྤྱན་ནི་རིང་ཞིང་མཐོན་མཐིང་
དྲི་མ་མེད། །ཨུ་པལ་སྔོན་པོ་རབ་ཏུ་རྒྱས་པ་འདྲ། །ལྗགས་ནི་ཆེ་ཞིང་ལེགས་ལ་པད་མའི་མདོག །པད་མ་འདྲར་སྣང་པད་མའི་ཟེར་བ་འདྲ། །ཞལ་གྱིས་མཛོད་སྤུ་པད་མ་དུང་དང་འདྲ། །བཻ་དཱུ་རྱའི་མདོག་འདྲ་གཡས་
སུ་འཁྱིལ། །ཐུབ་པའི་ཟླ་བ་ཕྲ་ཞིང་ཟླ་བ་ཟད་པ་འདྲ། །སྐུ་ཡི་ལྟེ་བ་བུང་བ་གསལ་བ་བཞིན། །ཞལ་ལ་མཐོ་བའི་ཤངས་ནི་རྟག་ཏུ་ལྷག་གེ་སྟེ། །འཇམ་ཞིང་ས་ལའི་གསེར་ལྟར་ཁ་དོག་བཟང་། །རྟག་པར་རྒྱུན་ཏུ་རྒྱལ་
བ་ཐམས་ཅད་ཀྱི། །རོ་མཆོག་འཇམ་ཞིང་དམ་པ་མཆོག་རབ་འཕགས། །སྤུ་ཡི་བུ་ག་ནས་ནི་རེ་རེ་སྐྱེས། །སྤུ་རྣམས་སྐྱེས་པ་གཡས་སུ་འཁྱིལ་བ་སྟེ། །མཐོན་མཐིང་འོད་འབར་འཚེར་ཞིང་ལྕང་ལོ་ཅན། །རྨ་བྱའི་མགྲིན་
སྡུག་འདྲ་བར་སྔོ་ལ་མཛེས། །བལྟས་མ་ཐག་ཏུ་སྐུ་ཡིས་རྣམས་པར་བགྱི། །ཕྱོགས་བཅུ་འཇིག་རྟེན་དག་ནི་ཐམས་ཅད་གང་། །འཇིག་རྟེན་གསུམ་ན་སྡུག་བསྔལ་མཐའ་ཡས་ཞི། །བདེ་བ་ཀུན་ཀྱི་སེམས་ཅན་རྣམས་ཀྱང་
ཚིམ། །སེམས་དམྱལ་འགྲོ་དང་དུད་འགྲོའི་འགྲོ་བ་དང་། །ཡི་དགས་ལྷ་གནས་མི་ཡི་འགྲོ་རྣམས་སུ། །སེམས་ཅན་དེ་དག་ཐམས་ཅད་བདེ་བས་ཚིམ། །ངན་སོང་འགྲོ་བ་རྣམས་ནི་ཐམས་ཅད་ཞི། །ཁ་དོག་མདོག་བཟང་
གསེར་དང་འདྲ་བའི་འོད། །བཙོ་མའི་གསེར་ལྟར་རབ་ཏུ་སྣང་བའི་སྐུ། །བདེ་གཤེགས་ཟླ་བ་རབ་ཏུ་དྲི་མེད་ཞལ། །འཛུམ་ཞིང་རྣམ་མཛེས་ཤིན་ཏུ་དྲི་མེད་ཞལ། །གཞོན་ནུ་བཙས་འདྲར་སྐུ་ལུས་ཡག་ལག་འཇམ། །སེང་གེ་
འདྲ་བར་རྩལ་གྱིས་གནོན་པའི་མཆོག །ཕྱག་རིང་ཕྱག་ནི་རབ་ཏུ་རིང་བ་སྟེ། །ས་ལའི་ལྕུག་མ་རླུང་གིས་བསྐྱོད་པ་བཞིན། །འདོམ་གང་འོད་འབར་འོད་ཟེར་རབ་ཏུ་གཏོང་། །ཉི་མ་སྟོང་ལྟར་རབ་ཏུ་ལྷག་གེའོ། །ཐུབ་པའི་དབང་པོའི་སྐུ་
97-1-13b


མཆོག་དྲི་མ་མེད། །ཞིང་རྣམས་མཐའ་ཡས་ཐམས་ཅད་རབ་ཏུ་སྣང་། །སངས་རྒྱས་འོད་ནི་རྣམས་པར་ལྷང་ངེས་བས། །ཞིང་རྣམས་མཐའ་ཡས་བརྒྱ་སྟོང་རྣམས་སུ་ཡང་། །མཚན་བྱེད་ཟླ་བ་ཉི་མ་མང་པོ་དག །དེ་དག་
ཐམས་ཅད་འོད་ནི་མེད་པར་གྱུར། །སངས་རྒྱས་ཉི་མ་འཇིག་རྟེན་སྒྲོན་མ་སྟེ། །སངས་རྒྱས་ཉི་མ་བརྒྱ་ཕྲག་སྟོང་རྣམས་ནི། །ཞིང་རྣམས་མཐའ་ཡས་སྟོང་ཕྲག་རྒྱ་དག་ན། །དེ་བཞིན་གཤེགས་པའི་ཉི་མ་སེམས་ཅན་མཐོང་། །
བསོད་ནམས་སྟོང་ཕྲག་བརྒྱ་དང་ལྡན་པའི་སྐུ། །ཡོན་ཏན་ཀུན་ཀྱིས་རབ་ཏུ་བརྒྱན་པའི་སྐུ། །གླང་ཆེན་དབང་པའི་སྣ་འདྲ་རྒྱལ་བའི་ཕྱག །ཕྱག་དང་ཞབས་འོད་རབ་མཛེས་དྲི་མ་མེད། །ས་ཡི་སྟེང་གི་རྡུལ་དང་མཚུངས་འདྲ་
སྙེད། །ཕྲ་བའི་རྡུལ་སྙེད་སངས་རྒྱས་གང་འདས་དང་། །གང་དག་ཕྲ་བའི་རྡུལ་སྙེད་བྱུང་བ་དང་། །གང་དག་རྡུལ་བའི་རྡུལ་སྙེད་བཞུགས་པའི། །རྒྱལ་བ་དེ་དག་ལ་ནི་རབ་དང་བའི། །ངག་ཡིད་ལུས་ཀྱིས་མེ་ཏོག་དབུལ་
བ་དང་། །སྤོས་རྣམས་དབུལ་དང་བསྔགས་པ་བརྒྱ་དག་དང་། །དགེ་བའི་སེམས་ཀྱིས་ཀྱང་ནི་ཕྱག་འཚལ་ལོ། །རྒྱལ་བའི་ཡོན་ཏན་གང་དག་དགེར་གྱུར་པ། །སྙིང་པོ་མཆོག་རབ་སྣ་ཚོགས་དུ་མ་ཏེ། །བདག་གིས་
བསྐལ་པ་སྟོང་དུ་ལྕེ་བརྒྱ་ཡིས། །སངས་རྒྱས་ཡོན་ཏན་བརྗོད་པར་མི་ནུས་སོ། །རྒྱལ་བ་གཅིག་གིས་ཡོན་ཏན་རྣམས་ཀྱང་ནི། །ལྕེ་སྟོང་གིས་ཀྱང་ཅུང་ཟད་བརྗོད་མི་ནུས། །བདག་གིས་རྒྱལ་བ་དག་ནི་
ཐམས་ཅད་ནི། །ཡོན་ཏན་ལྕེ་བརྒྱས་བརྗོད་པར་ག་ལ་ནུས། །ལྷར་བཅས་འཇིག་རྟེན་ཐམས་ཅད་མཚོར་གྱུར་ཏེ། །སྲིད་པའི་རྩེ་མོ་མན་ཆད་ཆུས་གང་བ། །སྐྲ་ཡི་རྩེ་མོས་དཔག་པར་ནུས་སྲིད་ཀྱི། །
བདེ་གཤེགས་རྣམས་ཀྱིས་ཡོན་ཏན་གཅིག་ལ་མིན། །ལུས་དང་ངག་ཡིད་རབ་ཏུ་དང་བ་ཡིས། །རྒྱལ་བ་ཀུན་ལ་བདག་གིས་བསྔགས་བསྟོད་པས། །བདག་གིས་བསོད་ནམ་འབྲས་བུ་མཆོག་བསགས་གང་། །དེས་ནི་
97-1-14a


སེམས་ཅན་རྒྱལ་བ་རེག་གྱུར་ཅིག །དེ་ལྟར་རྒྱལ་པོས་སངས་རྒྱས་རྣམས་བསྟོད་ནས། །རྒྱལ་པོ་འདི་ལྟར་སྨོན་ལམ་འདེབས་པ་ནི། །མ་འོང་བསྐལ་པ་མཐའ་ཡས་རྣམས་སུ་ཡང་། །གང་དང་གང་དུ་བདག་ནི་སྐྱེ་བ་
ན། །རྨི་ལམ་དུ་ནི་འདི་འདྲའི་རྔ་བལྟ་ཞིང་། །དེར་ནི་བཤགས་པ་འདི་འདྲ་མཉན་པར་བགྱི། །རྒྱལ་བསྟོད་པད་མ་འབྱུང་རྒྱལ་འདི་འདྲ་བ། །སྐྱེ་བ་དེ་དང་དེར་ནི་རྙེད་པར་བགྱི། །སངས་རྒྱས་ཡོན་ཏན་མཐའ་ཡས་མཚུངས་མེད་དང་། །གང་
ཡང་བསྐལ་པ་སྟོང་དུ་རྙེད་དཀའ་བ། །དེ་དག་རྨི་ལམ་དུ་ཡང་མཉན་པར་བགྱི། །ཉིན་གྱུར་ཚེ་ཡང་དེ་དག་བཤད་པར་བགྱི། །སེམས་ཅན་སྡུག་བསྔལ་མཚོ་ལས་ཐར་བར་བགྱི། །ཕ་རོལ་ཕྱིན་པ་དྲུག་པོ་རྫོག་པར་བགྱི། །ཕྱི་ནས་བྱང་ཆུབ་བླ་མེད་ཐོབ་པར་བགྱི། །བདག་གི་
ཞིང་ནི་ལྷོད་པ་མེད་གྱུར་ཅིག །རྔ་ཕུལ་རྣམས་པར་སྨིན་པའི་འབྲས་བུ་དང་། །རྒྱལ་བ་ཐམས་ཅད་ལ་ཡང་བསྟོད་པའི་རྒྱུས། །ཤཀྱ་ཐུབ་དབང་མངོན་དུ་བལྟ་བར་བགྱི། །དེར་ནི་བདག་གིས་ལུང་བསྟན་ཐོབ་གྱུར་ཅིག །གསེར་གྱི་ལག་
པའི་དབང་དང་གསེར་གྱི་འོད། །བདག་གི་ཁྱེའུ་ནི་གང་ཡིན་འདི་གཉིས་ཀྱང་། །དེར་ནི་བུ་ཕོ་དེ་དག་གཉི་ག་དང་། །བྱང་ཆུབ་བླ་མེད་ལུང་སྟན་ཐོབ་པར་ཤོག །སེམས་ཅན་གང་དག་གནས་དང་རྟེན་མེད་ཅིང་། །བསྐྱབས་དང་བྲལ་
ནས་ཕོངས་པར་གྱུར་པ་དག །དེ་དག་ལ་ཡང་མ་འོང་དུས་རྣམས་དང་། །སྐྱོབ་དང་དཔུང་གཉེན་སྐྱབས་དང་རྟེན་གྱུར་ཤོག །སྡུག་བསྔལ་ཀུན་འབྱུང་ཟད་པ་བྱེད་གྱུར་ཅིག །དགེ་བ་ཀུན་གྱི་འབྱུང་གནས་གྱུར་
པར་ཤོག །སྔོན་མཐའ་འདས་པ་དེ་དག་ཇི་སྲིད་པ། །མ་འོངས་བསྐལ་པར་བྱང་ཆུབ་སྤྱད་པར་བགྱི། །གསེར་འོད་དམ་པ་ཡི་ནི་བཤགས་པ་ཡི། །བདག་གིས་སྡིག་པའི་རྒྱ་མཚོ་སྐམས་པར་ཤོག །
བདག་གིས་ལས་ཀྱི་རྒྱ་མཚོ་ཟད་གྱུར་ཅིག །བདག་གི་ཉོན་མོངས་རྒྱ་མཚོ་ཟད་པར་ཤོག །བདག་གི་བསོད་ནམས་རྒྱ་མཚོ་རྫོགས་གྱུར་ཅིག །ཡེ་ཤེས་དྲི་མེད་སྣང་བ་དམ་པ་ཡི། །བདག་གི་
97-1-14b


ཡེ་ཤེས་རྒྱ་མཚོ་རྣམས་དག་ཤོག །ཡོན་ཏན་ཀུན་གྱི་རྒྱ་མཚོར་གྱུར་པར་ཤོག །བྱང་ཆུབ་ཡོན་ཏན་རིང་ཆེན་རྫོགས་གྱུར་ཅིག །གསེར་འོད་པའི་བཤག་པའི་སྟོབས་ཀྱིས་ནི། །བདག་གིས་བསོད་ནམས་རབ་
ཏུ་སྣང་བར་ཤོག །བདག་གིས་བྱང་ཆུབ་སྣང་བ་རྣམས་དག་གྱུར། །ཡེ་ཤེས་དྲི་མེད་སྣང་བ་དམ་པ་ཡི། །བདག་གིས་ལུས་ཀྱི་འོད་ནི་སྣང་བར་ཤོག །བསོད་ནམ་སྣང་བ་ལྷག་གེར་བྱ་བའི་ཕྱིར། །འཇིག་རྟེན་གསུམ་
ན་ཁྱད་པར་འཕགས་གྱུར་ཅིག །བསོད་ནམས་སྟོབས་དང་རྟག་ཏུ་ལྡན་པར་ཤོག །སྡུག་བསྔལ་རྒྱ་མཚོ་ལས་ནི་སྒྲོལ་བ་དང་། །བདེ་བ་ཀུན་གྱི་རྒྱ་མཚོ་འདྲ་བ་ཡིས། །མ་འོངས་བསྐལ་པར་བྱང་ཆུབ་སྤྱད་
པར་བགྱི། །འཇིག་རྟེན་གསུམ་ན་སྔོན་མཐར་ཇི་སྙིད་གཤེགས། །དེ་དག་ཞིང་ནི་རྒྱལ་བ་ཐམས་ཅད་ཀྱི། །ཡོན་ཏན་མཐའ་ཡས་ཁྱད་འཕགས་ཅི་འདྲ་བ། །ཡོན་ཏན་མཐའ་ཡས་རྣམས་ཀྱིས་བདག་གིས་ཞིང་། །
མ་འོང་དུས་ན་དེ་འདྲར་གྱུར་པར་ཤོག །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། འདས་པ་དང་མ་འོངས་པ་དང་། ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ལ་བསྟོད་པ་མེད་ཏོག་པད་མའི་
འབྱུང་གནས་ཞེས་བྱ་བའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །བསམ་གྱིས་མི་ཁྱབ་མདོ་རྣམས་གཞན་དག་དུ། །སྟོང་པའི་ཆོས་
རྣམས་རབ་ཏུ་རྒྱས་བཤད་དེ། །དེ་ལྟར་བས་ན་མདོ་མཆོག་དམ་པ་འདིར། །སྟོང་པའི་ཆོས་རྣམས་མདོ་ཙམ་བཤད་པ་ཡིན། །སེམས་ཅན་བློ་ཆུང་རྣམ་པར་མི་ཤེས་པས། །ཆོས་རྣམས་ཐམས་ཅད་ཤེས་
པར་མི་ནུས་ཏེ། །དེ་ལྟ་བས་ན་མདོ་མཆོག་དམ་པ་འདིར། །སྟོང་པའི་ཆོས་རྣམས་མདོ་རྩམ་བཤད་པ་ཡིན། །སེམས་ཅན་ཀུན་གྱིས་ཅི་ནས་ཤེས་འགྱུར་དང་། །སེམས་ཅན་འབྱུང་བྱའི་ཕྱིར་ནི་སྙིང་རྗེའི་དབང་། །ཐབས་
97-1-15a


དང་ཚུལ་དང་རྒྱུ་གཞན་རྣམས་ཀྱིས་ནི། །མདོ་མཆོག་དམ་པ་དབང་པོ་འདི་བཤད་དོ། །ལུས་འདི་གྲོང་ཁྱིམ་སྟོང་པ་ཇི་བཞིན་ཏེ། །དབང་པོ་རྣམས་ནི་དམག་དང་ཆོམ་ཀུན་འདྲ། །དེ་དག་ཐམས་ཅད་གྲོང་ཅིག་གནས་
མོད་ཀྱི། །དེ་དག་ཕན་ཚུན་རྣམ་པར་མི་ཤེས་སོ། །མིག་གི་དབང་པོ་གཟུགས་གྱུར་རྣམས་ལ་རྒྱུག །རྣ་བའི་དབང་པོ་སྒྲ་ལ་རྣམ་པར་སྤྱོད། །སྣ་ཡི་དབང་པོ་སྣ་ཚོག་དྲི་རྣམས་འཕྲོག །ལྕེ་ཡི་དབང་པོ་རྟག་ཏུ་རོ་ལ་རྒྱུག །ལུས་
ཀྱིས་དབང་པོ་རེག་པ་དག་ལ་རྒྱུག །ཡིད་ཀྱི་དབང་པོ་ཆོས་རྣམས་རྣམ་པར་སྤྱོད། །དབང་པོ་དྲུག་པོ་འདི་དག་ཕན་ཚུན་དུ། །རང་རང་ཡུལ་ལ་རབ་ཏུ་འཇུག་པར་བྱེད། །སེམས་ནི་སྒྱུ་མ་ལྟ་བུར་གཡོ་བ་ཡིན། །དབང་པོ་དྲུག་ནི་ཡུལ་
ལ་རྣམས་སྤྱོད་དེ། །ཇི་ལྟར་མི་ཞིག་གྲོང་སྟོང་རྒྱུག་པ་དང་། །དམག་དང་ཆོམ་ཀུན་དག་དང་གནས་པ་བཞིན། །ཇི་ལྟར་སེམས་ནི་ཡུལ་དྲུག་གནས་བཅས་ཤིང་། །དབང་པོའི་སྤྱོད་ཡུལ་དག་ཀྱང་རབ་ཤེས་པ། །དེ་ལྟར་སེམས་ནི་
ཡུལ་དྲུག་གནས་བཅས་ཏེ། །དབང་པའི་སྤྱོད་ཡུལ་རྣམས་ཀྱང་རབ་ཏུ་ཤེས། །གཟུགས་དང་སྒྲ་དང་དེ་བཞིན་དྲི་རྣམས་དང་། །རོ་དང་རེག་བྱ་དེ་བཞིན་སྤྱོད་ཡུལ་ཆོས། །སེམས་ནི་དབང་པོ་དྲུག་པོ་ཐམས་ཅད་ལ། །དབང་
པོར་བཞུགས་པ་བྱ་བཞིན་གཡོ་བར་འགྱུར། །དབང་པོ་གང་དང་གང་དུ་གནས་བཅས་པ། །དབང་པོ་དེ་ནི་ཤེས་པར་བདག་ཉིད་བྱེད། །ལུས་ནི་གཡོ་བ་མེད་ཅིང་བྱེད་པ་མེད། །སྙིང་པོ་མེད་ཅིང་རྒྱན་ལས་བྱུང་བ་ཡིན། །ཡང་
དག་མ་ཡིན་ཡོངས་སུ་རྟོག་ལས་བྱུང་། །གྲོང་སྟོང་ལས་ཀྱི་འཁྲུལ་འཁོར་འདྲ་བར་གནས། །ས་དང་མེ་དང་ཆུ་དང་རླུང་རྣམས་ནི། །གཞན་ཏུ་གནས་ཏེ་ཕྱོགས་དང་ཕྱོགས་ན་གནས། །དཔེར་ན་སྦྲུལ་གདུག་གནས་
གཅིག་ཇི་བཞིན་ཏེ། །རྟག་ཏུ་ཕན་ཚུན་མཐུན་པ་མ་ཡིན་བཞིན། །ཁམས་ཀྱི་སྦྲུལ་རྣམས་བཞི་པོ་དེ་དག་ཀྱང་། །གཉིས་ནི་སྟེང་འགྲོ་གཉིས་ནི་མཐུར་དུ་འགྲོ། །ཕྱོགས་དང་ཕྱོགས་མཚམས་རྣམས་སུ་གཉིས་གཉིས་ཏེ། །
97-1-15b


ཁམས་སྦྲུལ་དེ་དག་ཐམས་ཅད་འཇིག་པར་འགྱུར། །ས་ཡི་སྦྲུལ་དང་ཆུ་ཡི་སྦྲུལ་དག་དང་། །འདི་གཉིས་འོག་ཏུ་ཟད་པར་འགྱུར་བ་ཡིན། །མེ་ཡི་སྦྲུལ་དང་རླུང་གི་སྦྲུལ་དག་དང་། །འདི་གཉིས་སྟེང་གི་ནམ་མཁར་འགྲོ་བ་ཡིན། །
ཇི་ལྟར་སྔོན་ཆད་བྱེད་པའི་ལས་རྣམས་ཀྱིས། །སེམས་དང་རྣམས་ཤེས་ཀུན་ཏུ་གནས་ནས་དོང་། །ལྷ་དང་མི་དང་ངན་སོང་གསུམ་དག་ཏུ། །ཇི་ལྟར་བྱས་པའི་ལས་ཀྱིས་སྲིད་པར་སྐྱེ། །བད་ཀན་རླུང་དང་འཁྲིས་པ་
ཟད་གྱུར་ན། །ལུས་ནི་གཅིན་དང་ངན་སྐྱུགས་རྣམས་ཀྱིས་གང་། །མངོན་པར་མི་དགའ་སྲིན་བུའི་ཕུང་པོར་གྱུར། །དུར་ཁྲོད་དག་ན་མཐོར་བ་ཤིང་བཞིན་གྱུར། །ལྷ་མོ་ཁྱོད་ནི་ཆོས་འདི་རྣམས་ལ་ལྟོས། །འདི་ལ་སེམས་ཅན་དེ་
བཞིན་གང་ཟག་དང་། །ཆོས་རྣམས་འདི་དག་ཐམས་ཅད་སྟོང་པ་སྟེ། །མ་རིག་པ་ཡི་རྐྱེན་ལས་བྱུང་བ་ཡིན། །འབྱུང་བ་ཆེན་པོ་འདི་དག་ཆེ་འབྱུང་མིན། །མ་བྱུང་བ་ལས་བྱུང་ཞིང་མི་འབྱུང་སྟེ། །གང་གིས་ཕྱིར་ནི་འབྱུང་
བ་མི་འབྱུང་བ། །དེ་ཕྱིར་འབྱུང་བ་ཆེ་ཞེས་ངས་བརྗོད་དོ། །ཡོད་པ་མིན་ཞིང་གཞར་ཡང་ཡོད་མིན་ལ། །མ་རིག་པའི་རྐྱེན་ལས་བྱུང་བ་ཡིན། །མ་རིག་འདི་ནི་ཡོད་པ་མ་ཡིན་ཏེ། །དེ་བས་ངས་ནི་མ་རིག་འདི་བཤད་དོ། །
འདུ་བྱེད་རྣམས་ཤེས་མིང་དང་གཟུགས་བཅས་དང་། །སྐྱེ་མཆེད་དྲུག་དང་རེག་དང་ཚོར་བ་དང་། །སྲིད་དང་ལེན་དང་དེ་བཞིན་སྲིད་པ་དང་། །སྐྱེ་དང་རྒ་ཤི་མྱ་ངན་གནོད་པ་རྣམས། །འཁོར་བའི་སྡུག་བསྔལ་བསམ་
གྱིས་མི་ཁྱབ་པ། །འཁོར་བའི་འཁོར་ལོ་ཇི་ལྟར་གནས་པ་དག །མ་བྱུང་བ་ལས་བྱུང་དང་མི་འབྱུང་དང་། །ཚལ་བཞིན་མ་ཡིན་སེམས་ཀྱིས་རྣམ་དཔྱད་དང་། །བདག་གིས་ལྟ་བར་གྱུར་པར་བཅད་པར་གྱིས། །
ཡེ་ཤེས་རལ་གྲིས་ཉོན་མོངས་རྒྱ་མོ་གྲོལ། །ཕུང་པོའི་གནས་ལ་སྟོང་པར་གྱུར་པར་ལྟོས། །བྱང་ཆུབ་ཡོན་ཏན་རྒྱ་ཆེན་རེག་པར་བགྱིས། །ངས་ནི་བདུད་རྩི་གྲོང་ཁྱེར་སྒོ་ཡང་ཕྱེ། །བདུད་རྩི་ཁུ་བའི་སྣོད་ཀྱང་ཀུན་ཏུ་ཏན། །
97-1-16a


ང་ནི་བདུད་རྩིའི་གྲོང་ཁྱེར་གནས་དེར་འཇུག །ང་ནི་བདུད་རྩིའི་ཁུ་བས་བདག་ཚིམ་བྱ། །ངས་ནི་ཆོས་ཀྱི་རྔ་ཆེན་དམ་པ་བརྡུངས། །ངས་ནི་ཆོས་ཀྱི་དུང་གི་མཆོག་ཀྱང་བུས། །ངས་ནི་ཆོས་ཀྱི་སྒྲོན་མ་མཆོག་
འབར་བྱས། །ངས་ནི་ཆོས་ཀྱི་ཆར་པ་དམ་པ་ཕབ། །ང་ནི་ཉོན་མོངས་དགྲ་མཆོག་རྣམས་ལས་རྒྱལ། །ངས་ནི་ཆོས་ཀྱི་རྒྱལ་མཚན་དམ་པ་བསྒྲེང་། །སྲིད་པའི་མཚོ་ལས་སེམས་ཅན་རབ་ཏུ་བསྒྲལ། །ངས་ནི་ངན་སོང་གསུམ་
གྱི་ལམ་རྣམས་བཀག །སེམས་ཅན་ཉོན་མོང་མེ་ཡིས་གདུངས་གྱུར་པ། །རྟེན་མེད་གྱུར་ཅིང་དཔུང་གཉེན་མེད་པ་དག །སྲོག་ཆགས་ཉོན་མོངས་མེས་གདུངས་ཞི་བྱས་ནས། །བདུད་རྩིའི་ཁུ་བ་བསོལ་བས་ཚིམ་པར་བྱེད། །
གང་ཕྱིར་བསྐལ་པ་དུ་མར་སྔོན་ཆད་ངས། །འདྲེན་པ་བསམ་གྱིས་མི་ཁྱབ་མཆོད་པ་བྱས། །ཆོས་ཀྱི་སྐུ་དེ་ཡོངས་སུ་ཚོལ་བ་ན། །བརྟུལ་ཞུགས་བརྟན་པས་བྱང་ཆུབ་ཕྱིར་སྤྱད་དེ། །ལག་པ་དང་ནི་མིག་དང་རྐང་པ་དང་། །
ཡན་ལག་མཆོག་དང་བུ་སྡུག་བུ་མོ་དང་། །ནོར་དབྱིག་ནོར་བུ་མུ་ཏིག་རྒྱན་དང་གསེར། །བཻ་དཱུ་རྱའི་དང་རིན་ཆེན་སྣ་ཚོགས་བཏང་། །སྟོང་གསུམ་ཤིང་ལྗོན་ཐམས་ཅདང་། །རྩ་དང་རྩ་རྣམས་ཐམས་ཅད་དང་། །ནག་ཚལ་དག་
དང་ས་ལས་ནི། །སྐྱེ་བ་ཐམས་ཅད་བཅད་གཏུབས་ཏེ། །དེ་དག་ཐམས་ཅད་ཕྱེར་བླགས་ནས། །རབ་ཏུ་ཕྲ་བའི་རྡུལ་འདྲར་བྱས། །ནམ་མཁའི་དཀྱིལ་འཁོར་ཇི་ཙམ་པར། །ཕྱེ་མའི་ཕུང་པོ་སྤུངས་ནས་ནི། །འདི་ལ་
ཆ་གསུམ་དབྱེ་བར་ནུས། །ས་ལ་རྡུལ་ནི་ཡོད་པ་རྣམས། །སྟོང་གསུམ་དག་ནི་ཐམས་ཅད་ཀྱི། །རྡུལ་ཁམས་བསམ་གྱི་མི་ཁྱབ་པ། །སེམས་ཅན་ཀུན་གྱི་ཤེས་པ་གང་། །དེ་ནི་སེམས་ཅན་གཅིག་གིར་གྱུར། །ཤེས་
པ་དེ་ཡིས་རྡུལ་རྣམས་ཀྱི། །ཕྱེ་མ་བགྲང་བར་བྱེད་ན་ནི། །སེམས་ཅན་ཀུན་ལས་རབ་འཕགས་པ། །ཡེ་ཤེས་རབ་ལྡན་མི་རྣམས་ཀྱིས། །ཐམས་ཅད་བགྲང་བར་ནུས་སྲིད་ཀྱི། །རྒྱལ་བའི་མཁྱེན་ལ་མི་ནུས་སོ། །
97-1-16b


ཐུབ་པའི་ཆེན་པོའི་ཡེ་ཤེས་གང་། །སྐད་ཅིག་གཅིག་ལ་འཇུག་པ་ཡང་། །བསྐལ་པ་བྱེ་བ་དུས་མར་ནི། །གང་དུའང་བགྲང་བར་མི་ནུས་སོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོའི་ལས། སྟོང་པ་ཉིད་
ཀྱི་ལེའུ་ཞེས་བྱ་བ་སྟེ་དྲུག་པའོ།། །། དེ་ནས་རྒྱལ་པོ་ཆེན་པོ་རྣམས་ཐོས་ཀྱི་བུ་དང་རྒྱལ་པོ་ཆེན་པོ་ཡུལ་འཁོར་སྲུང་དང་རྒྱལ་པོ་ཆེན་པོ་འཕགས་སྐྱེས་པོ་དང་རྒྱལ་པོ་ཆེན་པོ་མིག་མི་བཟང་རྣམས་སྟན་ལས་ལངས་ཏེ། 
གོས་ཕྲག་པ་གཅིག་ཏུ་བགོས་ནས་པུས་མོ་གཡས་པའི་ལྷ་ང་ས་ལ་བཙུག་ཏེ། བཅོམ་ལྡན་འདས་ག་ལ་བ་དེ་ལོགསུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གསེར་
འོད་དམ་པའི་མདོ་སྡེའི་དབང་པོ་རྒྱལ་པོ་འདི་ནི་དེ་བཞིན་གཤེགས་པ་ཐམས་ཅད་ཀྱིས་གསུངས་པ། དེ་བཞིན་གཤེགས་པ་ཐམས་ཅད་ཀྱི་གཟིགས་པ། དེ་བཞིན་གཤེགས་པ་ཐམས་ཅད་ཀྱི་དགོངས་པ། བྱང་ཆུབ་སེམས་
དཔའི་ཚོགས་ཐམས་ཅད་ཀྱི་ཡོངས་སུ་བཟུང་བ། ལྷའི་ཚོགས་ཐམས་ཅད་ཀྱིས་ཕྱག་བགྱིས་པ། ལྷའི་ཚོགས་ཐམས་ཅད་ཀྱིས་མཆོད་པ། ལྷའི་དབང་པོའི་ཚོགས་ཐམས་ཅད་ཀྱིས་མངོན་པར་བསྟོད་པ། འཇིག་
རྟེན་སྐྱོང་བ་ཐམས་ཅད་ཀྱིས་མཆོད་ཅིང་བསྔགས་ཏེ། །བརྗོད་ནས་རབ་ཏུ་བཀུར་བ། ལྷའི་ཁང་ཁྱིམ་ཐམས་ཅད་སྣང་བར་བགྱིད་པ། སེམས་ཅན་ཐམས་ཅད་ལ་མཆོག་ཏུ་བདེ་བ་རབ་ཏུ་སྦྱིན་པར་བགྱིད་པ། སེམས་
ཅན་དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་གྱི་སྡུག་བསྔལ་ཐམས་ཅད་སྐེམས་པ། འཇིགས་པ་ཐམས་ཅད་ཀྱི་རྒྱུན་གཅོད་པ། ཕ་རོལ་གྱི་དམག་ཚོགས་ཐམས་ཅད་རབ་ཏུ་བཟློག་པ། མུ་གེའི་
དགོན་པ་ཐམས་ཅད་རབ་ཏུ་ཞི་བར་བགྱིད་པ། ནད་ཀྱི་དགོན་པ་ཐམས་ཅད་རབ་ཏུ་ཞི་བར་བགྱིད་པ། གཟའ་ཐམས་ཅད་སེལ་བ། མཆོག་ཏུ་ཞི་བར་བགྱིད་པ། མྱ་ངན་དང་ཉོན་མོངས་པ་རབ་ཏུ་ཞི་
97-1-17a


བར་བགྱིད་པ། གནོད་པ་རྣམས་པ་སྣ་ཚོགས་རབ་ཏུ་ཞི་བར་བགྱིད་པ། གནོད་པ་བརྒྱ་སྟོང་རབ་ཏུ་འཇོམ་པར་བགྱིད་པ་ལགས་སོ། །བཙུན་པ་བཅོམ་ལྡན་འདས་གསེར་འོད་དམ་པའི་མདོ་སྡེའི་དབང་པོའི་རྒྱལ་པོ་
འདི་འཁོར་གྱི་ནང་དུ་རྒྱ་ཆེར་ཡང་དག་པར་རབ་ཏུ་བཤད་ན། ཆོས་ཉན་པ་ཆོས་བདུད་རྩིའི་ཁུ་བ་འདིས། བདག་ཅག་རྒྱལ་པོ་ཆེན་པོ་དཔུང་དང་གཡོག་ཏུ་བཅས་པ་བཞི་ལྷའི་ལུས་འདིས་གཟི་ཆེན་པོས་རྣམས་པར་འཕེལ་བར་འགྱུར་
རོ། །བདག་ཅག་གིས་ལུས་ལ་བརྩོན་པ་དང་སྟོབས་དང་མཐུ་ཡང་སྐྱེད་པར་འགྱུར། གཟི་བརྗིད་དང་དཔལ་དང་ཕུན་སུམ་ཚོགས་པ་ཡང་དེ་དག་གིས་ལུས་ལ་འཇུག་པར་འགྱུར་རོ། །བཙུན་པ་བཅོམ་ལྡན་འདས་བདག་
ཅག་རྒྱལ་པོ་ཆེན་པོ་བཞི་ནི་ཆོས་དང་ལྡན་པ་ཆོས་སྨྲ་བ་ཆོས་ཀྱི་རྒྱལ་པོ་ལགས་ཏེ། བརྩུན་པ་བཅོམ་ལྡན་འདས་བདག་ཅག་ནི་ཆོས་ཀྱིས་ལྷ་དང་ཀླུ་དང་གནོད་སྦྱིན་དང་ལྷ་མ་ཡིན་དང་ནམ་མཁའ་ལྡིང་དང་དྲི་ཟ་དང་མི་འམ་ཅི་དང་
ལྟོ་འཕྱེ་ཆེན་པོ་རྣམས་ཀྱི་རྒྱལ་པོ་བགྱིའོ། །འབྱུང་པོའི་ཚོགས་མི་བཟད་པ་སྙིང་རྗེ་མ་མཆིས་པ་གཞན་གྱི་མདངས་འཕྲོག་པ་རྣམས་བཟློག་པར་བགྱིའོ། །བརྩུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི། 
གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་གནོད་སྦྱིན་བརྒྱ་སྟོང་ཕྲག་དུ་མ་དང་ལྷན་ཅིག་ཏུ་རྟག་པར་རྒྱུན་ཏུ་ལྷའི་མིག་རྣམ་པར་དག་པ། མི་ལས་འདས་པས་འཛམ་བུའི་གླིང་ཐམས་ཅད་ལ་བལྟ་བར་བགྱི་བསྲུང་བར་
བགྱི་ཡོངས་སུ་བསྐྱང་བར་བགྱི་སྟེ། བཙུན་པ་བཅོམ་ལྡན་འདས་དེའི་སླད་དུ། བདག་ཅག་རྒྱལ་པོ་ཆེན་པོ་བཞི་འཇིག་རྟེན་སྐྱོང་ཞེས་མིང་དུ་ཆགས་སོ། །བཙུན་པ་བཅོམ་ལྡན་འདས་གང་སུ་དག་འཛམ་བུའི་གླིང་འདིར། 
ཕ་རོལ་གྱི་དམག་ཚོགས་ཀྱིས་ཡུལ་འཇོམ་པར་འགྱུར་རམ། མུ་གེའི་གནོད་པ་འམ་ནད་ཀྱི་གནོད་པ་འམ་གནོད་པ་སྣ་ཚོག་བརྒྱ་དང་གནོད་པ་སྟོང་དང་གནོད་པ་བརྒྱ་ཕྲག་སྟོང་དག་གིས་གཙེས་པར་འགྱུར་བ་ན། བཙུན་པ་བཅོཾ་
97-1-17b


ལྡན་འདས་བདག་ཅག་རྒྱལ་པོ་ཆེན་པོ་བཞི་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་འཛིན་པའི་དགེ་སློང་ཆོས་སྨྲ་བ་དེ་དག་ལ་བསྐུལ་བ་བགྱིའོ། །བཙུན་པ་བཅོམ་ལྡན་འདས་ནམ་བདག་ཅག་རྒྱལ་པོ་ཆེན་པོ་བཞི་
རྫུ་འཕྲུལ་དང་བྱིན་ཀྱི་བརླབས་ཀྱིས་དགེ་སློང་ཆོས་སྨྲ་བ་དེ་དག་ལ་བཀུར་བ་ན། ཡུལ་གང་དང་གང་དུ་མཆི་བར་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཡུལ་དེ་དང་དེ་དག་ཏུ་རྒྱ་ཆེར་ཡང་དག་པར་སྟོན་པར་
འགྱུར་ཏེ། གང་གནོད་པ་སྣ་ཚོགས་བརྒྱ་དང་གནོད་པ་སྟོང་ཡུལ་དུ་འབྱུང་བ་འདི་ལྟ་བུ་འདི་དག་རབ་ཏུ་ཞི་བར་འགྱུར་རོ། །བཙུན་པ་བཅོམ་ལྡན་འདས་མིའི་རྒྱལ་པོ་གང་གིས་ཡུལ་དུ་མདོ་སྡེའི་དབང་པོ་འཛིན་པའི་དགེ་སློང་
ཆོས་སྨྲ་བ་དེ་དག་མཆི་བར་འགྱུར་བའི་ཡུལ་དེ་དག་ཏུ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཡང་བསྙེན་པར་འགྱུར་རོ། །བཙུན་པ་བཅོམ་ལྡན་འདས་ནམ་མིའི་རྒྱལ་པོས་གསེར་འོད་དམ་པ་མདོ་སྡེའི་དབང་པོའི་རྒྱལ་
པོ་འདི་ཉན་ཏེ་ཐོས་ནས། མདོ་སྡེའི་དབང་པོ་འཛིན་པའི་དགེ་སློང་དེ་དག་ཕྱིར་རྒོལ་བ་ཐམས་ཅད་ལས་ཀུན་ཏུ་བསྲུང་བར་བགྱིད། ཡོངས་སུ་བསྐྱབ་པ་དང་ཡོངས་སུ་འཛིན་པ་དང་ཡོངསུ་སྐྱོང་བར་བགྱིད་ན། 
བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས། མིའི་རྒྱལ་པོའི་ཡུལ་དེ་ཐམས་ཅད་ན་གནས་པའི་སེམས་ཅན་རྣམས་ཀུན་ཏུ་བསྲུང་བར་བགྱི། ཡོངས་སུ་བསྐྱབ་པ་དང་། ཡོངས་སུ་བཟུང་
བ་དང་ཡོངས་སུ་བསྐྱང་བ་དང་ཞི་བ་དང་བདེ་ལེགས་སུ་འགྱུར་བར་བགྱིའོ། །བཙུན་པ་བཅོམ་ལྡན་འདས་མིའི་རྒྱལ་པོ་ནམ་དགེ་སློང་ངམ་དགེ་སློང་མ་འམ་དགེ་བརྙེན་ནམ་དགེ་བསྙེན་མ་མདོ་སྡེའི་དབང་པོ་འཛིན་པ་ལ། 
བདེ་བར་སྦྱར་བ་ཐམས་ཅད་ཀྱི་བདེ་བར་བགྱིད་ན། བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་བཞི། མིའི་རྒྱལ་པོ་དེའི་ཡུལ་ཐམས་ཅད་ན་གནས་པའི་སེམས་ཅན་རྣམས་ལ་བདེ་བའི་ཡོ་
97-1-18a


བྱད་ཐམས་ཅད་ཀྱིས། བདེ་བ་དང་ཡོ་བྱད་ཐམས་ཅད་ཕུན་སུམ་ཚོགས་པར་བགྱིའོ། །བཙུན་པ་བཅོམ་ལྡན་འདས་ནམ་མིའི་རྒྱལ་པོས་དགེ་སློང་ངམ་དགེ་སློང་མ་འམ་དགེ་བསྙེན་ནམ་དགེ་བསྙེན་
མ་འམ། མདོ་སྡེའི་དབང་པོ་འཛིན་པ་ལ་སྟི་སྟང་དུ་བགྱིད་བླ་མར་བགྱིད་རིམ་གྲོར་བགྱིད་ཅིང་མཆོད་ན། བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས། མིའི་རྒྱལ་པོ་དེ་ལ་རྒྱལ་པོ་ཐམས་ཅད་པས་ཆེ་
བསྟི་སྟང་དུ་བགྱི་ཆེས་བླ་མར་བགྱི་ཆེས་རིམ་གྲོར་བགྱི་ཆེས་མཆོད་པར་བགྱི་སྟེ་ཡུལ་ཐམས་ཅད་དུ་ཡང་རབ་ཏུ་སྔགས་པར་བགྱིའོ། །དེ་ནས་བཅྡོཾས་ཀྱི་རྒྱལ་པོ་ཆེན་པོ་བཞི་ལ་ལེགསོ་ལེགསོ་ཞེས་བྱ་བ་བྱིན་ཏེ་རྒྱལ་པོ་ཆེན་པོ་དག་ལེགསོ་ལེགས་
སོ། །རྒྱལ་པོ་ཆེན་པོ་ཁྱོད་ཡང་ལེགས་སོ་ལེགས་སོ། །འདི་ལྟ་སྟེ་ཁྱོད་ནི་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། དགེ་བའི་རྩ་བ་རྣམས་བསྐྱེད་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་ལ་
བསྙེན་བཀུར་བྱས་པ་ཆོས་དང་ལྡན་པ་ཆོས་སྨྲ་བ་ཆོས་ཀྱིས་ལྷ་དང་མི་རྣམས་ཀྱི་རྒྱལ་པོ་བྱས་པའོ། །འདི་ལྟ་སྟེ་ཁྱེད་ཡུན་རིང་པོར་སེམས་ཅན་ཐམས་ཅད་ལ་ཕན་པའི་སེམས་དང་ལྡན་པ། བདེ་བ་དང་བྱམས་པའི་
སེམས་དང་ལྡན་པ། སེམས་ཅན་ཐམས་ཅད་ལ་ཕན་པ་དང་བདེ་བར་བྱ་བའི་ལྷག་པའི་བསམ་པ་ལ་ཞུགས་པ། མི་ཕན་པ་ཐམས་ཅད་འགོག་པ། སེམས་ཅན་ཐམས་ཅད་ལ་བདེ་བ་ཐམས་ཅད་ཉེ་བར་བསྒྲུབ་པར་བརྩོན་
པ་ཡིན་ཏེ། རྒྱལ་པོ་ཆེན་པོ་ཁྱེད་བཞིས། མིའི་རྒྱལ་པོ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལ་མཆོད་པ་དང་རིམ་གྲོ་བྱེད་པར་བརྩོན་པ་དེ་དག་ལ་ཀུན་ཏུ་སྲུང་བར་གྱིས་ཤིག །ཡོངསུ་བསྐྱབ་པ་དང་། ཡོང་
སུ་བཟུང་བ་དང་། ཡོངས་སུ་བསྐྱང་བ་དང་ཞི་བ་དང་བདེ་ལེགས་སུ་འགྱུར་བར་གྱིས་ཤིག །དེ་ན་རྒྱལ་པོ་ཆེན་པོ་དཔུང་དང་གཡོག་དང་གནོད་སྦྱིན་བརྒྱ་སྟོང་ཕྲ་དུ་མ་དང་བཅས་པ་ཁྱེད་བཞིས་འདས་པ་དང་མ་འོངས་པ་དང་
97-1-18b


ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཀྱི་ཚུལ་བསྲུངས་པར་འགྱུར་རོ། །ཡོངས་སུ་བསྐྱངས་བ་དང་ཡོངས་སུ་བཟུང་བར་ཡང་འགྱུར་རོ། །དེས་ནས་རྒྱལ་པོ་ཆེན་པོ་དཔུང་དང་གཡོག་
དང་། གནོད་སྦྱིན་བརྒྱ་སྟོང་ཕྲག་དུ་མ་དང་བཅས་པ་ཁྱེད་བཞི་ལྷ་དང་ལྷ་མ་ཡིན་དུ་གཡུལ་འགྱེད་པ་ན་རྒྱལ་བར་འགྱུར་རོ། །ལྷ་མ་ཡིན་རྣམས་ཕམ་པར་འགྱུར་རོ། །འདི་ལྟར་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཕ་
རོལ་གྱི་དམག་ཚོགས་ཐམས་ཅད་འདུལ་བར་བྱེད་པ་འདིའི་ཕྱིར། དགེ་སློང་ངམ་དགེ་སློང་མ་འམ་དགེ་བསྙེན་ནམ་དགེ་བསྙེན་མ་མདོ་སྡེའི་དབང་པོ་འཛིན་པ། དེ་དག་ལ་ཀུན་ཏུ་བསྲུང་བ་གྱིས་ཤིག །ཡོངས་སུ་བསྐྱབ་པ་དང་ཡོངས་སུ་བཟུང་བ་
དང་ཡོངས་སུ་བསྐྱང་བ་དང་ཞི་བ་དང་བདེ་ལེགས་སུ་འགྱུར་བ་གྱིས་ཤིག །དེ་ནས་རྒྱལ་པོ་ཆེན་པོ་རྣམས་ཐོས་ཀྱིས་བུ་དང་རྒྱལ་པོ་ཡུལ་འཁོར་བསྲུང་དང་། རྒྱལ་པོ་ཆེན་པོ་འཕགས་སྐྱེས་པོ་དང་རྒྱལ་པོ་ཆེན་པོ་མིག་མི་བཟང་
སྟན་ལས་ལངས་ཏེ། གོས་ཕྲག་པ་གཅིག་ཏུ་བགོས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་ཅེས་གསོལ་ཏོ། །བཙུན་
པ་བཅོམ་ལྡན་འདས་མ་འོངས་པའི་དུས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི། གྲོང་ངམ་གྲོང་ཁྱེར་རམ་གྲོང་རྡལ་ལམ་ལྗོངས་སམ་ཡུལ་འཁོར་རམ་ཕོ་བྲང་འཁོར་གང་དུ་སྤྱོད་པར་འགྱུར་བ་དང་། མིའི་རྒྱལ་པོ་གང་
དང་གང་གིས་ཡུལ་དུ་སྤྱོད་པར་འགྱུར་བ་དང་། བཙུན་པ་བཅོམ་ལྡན་འདས་མིའི་རྒྱལ་པོར་གྱུར་པ་གང་ལ་ལ་ཞིག་ལྷའི་དབང་པོའི་དམ་ཚིག་རྒྱལ་པོའི་བསྟན་བཅོས་འདིས། རྒྱལ་པོ་བགྱིད་ཅིང་རྟག་པར་རྒྱུན་དུ་གསེར་འོད་དམ་པའི་
མདོ་སྡེའི་དབང་པོའི་རྒྱལ་པོ་འདི་ཉན་ཏམ་རིམ་གྲོར་བགྱིད་དམ་མཆོད་པར་བགྱིད་དམ་དགེ་སློང་ངམ་དགེ་སློང་མ་འམ་དགེ་བསྙེན་ནམ་དགེ་བསྙེན་མ་མདོ་སྡེའི་དབང་པོ་འཛིན་པ་དེ་དག་ལ་ཡང་བསྟི་སྟང་
97-1-19a


བགྱིད་བཙུན་པར་བགྱིད་རིམ་གྲོ་བགྱིད་ཅིང་མཆོད་དེ་རྟག་པར་རྒྱུན་ཏུ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཉན་ན། ཆོས་མཉན་པའི་ཆུ་འོའི་ཆུ་ཆོས་བདུད་རྩིའི་ཁུ་བ་འདིས་བདག་ཅག་རྒྱལ་པོ་ཆེན་པོ་བཞི་
དང་། གཡོག་རྣམས་དང་གནོད་སྦྱིན་བརྒྱ་སྟོང་ཕྲག་དུ་མའི་ལྷའི་ལུས་འདི་དག་གཟི་བརྗིད་ཆེན་པོ་རྣམས་པར་འཕེལ་བར་འགྱུར། བདག་ཅག་ལ་བརྩོན་འགྲུས་དང་མཐུ་དང་སྟོབས་ཆེན་པོར་ཡང་བགྱིད་པར་འགྱུར། བདག་
གི་གཟི་བརྗིད་དང་དཔལ་དང་། ཕུན་སུམ་ཚོགས་པ་ཡང་རྣམས་པར་འཕེལ་བར་འགྱུར་རོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་གནོད་སྦྱིན་བརྒྱ་སྟོང་ཕྲག་དུ་མ་དང་ལུས་
བལྟར་མི་གདའ་བར་བགྱིས་ཏེ། ད་ལྟར་དང་མ་འོང་པའི་དུས་ན་གྲོང་ངམ་གྲོང་ཁྱེར་རམ་གྲོང་རྡལ་ལམ་ཡུལ་འཁོར་རམ་ཕོ་བྲང་འཁོར་གང་ན། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་སྤྱོད་པར་འགྱུར་
བ་དེ་དག་ཏུ་མཆི་བར་བགྱིའོ། །མིའི་རྒྱལ་པོ་གསེར་འོད་དམ་པ་མདོ་སྡེའི་དབང་པོའི། རྒྱལ་པོ་འདི་མཉན་པ་དང་། རིམ་གྲོར་བགྱིད་པ་དང་མཆོད་པ་བགྱིད་པ་དེ་དག་ལ་ཀུན་ཏུ་བསྲུངས་བར་བགྱིའོ། །
ཡོངས་སུ་བསྐྱབ་པ་དང་ཡོངས་སུ་གཟུང་བ་དང་། ཡོངས་སུ་བསྐྱང་བ་དང་ཆད་པ་སྤང་བ་དང་ཞི་བ་དང་བདེ་ལེགས་སུ་འགྱུར་བར་བགྱིའོ། །རྒྱལ་པོའི་ཕོ་བྲང་འཁོར་དེ་དག་དང་ཡུལ་འཁོར་དེ་དག་དང་ཡུལ་དེ་
དག་ཀྱང་ཀུན་ཏུ་བསྲུང་བར་བགྱིའོ། །ཡོངས་སུ་བསྐྱབ་པ་དང་ཡོངས་སུ་བཟུང་བ་དང་། ཡོངས་སུ་བསྐྱང་བ་དང་ཆད་པ་སྤང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིའོ། །ཡུལ་དེ་དག་ཀྱང་འཇིག་
པ་དང་གནོད་པ་དང་། འཁྲུག་པ་ཐམས་ཅད་ལས་ཡོངས་སུ་ཐར་བར་བགྱིའོ། །ཕ་རོལ་གྱི་དམག་ཚོག་རྣམས་ཀྱང་སླར་བཟློག་པར་བགྱིའོ། །མིའི་རྒྱལ་པོ་གང་ལ་ལ་གསེར་འོད་དམ་པ་མདོ་སྡེའི་དབང་པོའི་
97-1-19b


རྒྱལ་པོ་འདི་མཉན་པ་དང་རིམ་གྲོ་བགྱིད་པ་དང་། མཆོད་པ་བགྱིད་པ་དེའི་དགྲ་ཟླ་འདབ་ཉེ་བའི་རྒྱལ་པོ་གཞན་ཞིག་མཆིས་ལ། བཙུན་པ་བཅོམ་ལྡན་འདས་ནམ་དགྲ་ཟླ་འདབ་ཉེ་བའི་རྒྱལ་པོ་དེ་འདི་སྙམ་དུ་བདག་
དཔུང་གིས་ཚོགས་ཡན་ལག་བཞི་པ་དང་ལྷན་ཅིག །ཡུལ་དེར་སོང་སྟེ། ཡུལ་དེ་རྣམ་པར་གཞིག་གོ་སྙམ་དུ་སེམས་བསྐྱེད་ན། བཙུན་པ་བཅོམ་ལྡན་འདས་དེའི་ཚེ་དེའི་དུས་ན། གསེར་འོད་དམ་པ་མདོ་སྡེའི་
དབང་པོའི་རྒྱལ་པོ་འདིའི་གཟི་བརྗིད་ཀྱི་མཐུས་དགྲ་ཟླ་འདབ་ཉེ་བའི་རྒྱལ་པོ་དེ་རྒྱལ་པོ་གཞན་དག་དང་གཡུལ་འགྱེད་པར་འགྱུར། རང་གི་ཡུལ་དུ་ཕྱིན་ན་ཡང་། ཡུལ་འཁྲུག་པར་འགྱུར། རྒྱལ་པོའི་འཁྲུག་པར་འགྱུར། 
རྒྱལ་པོའི་འཁྲུག་པ་མི་བཟད་པ་ཡང་འབྱུང་བར་འགྱུར། ཡུལ་དུ་གཟའ་དང་ནད་ཀྱང་འབྱུང་བར་འགྱུར། ཡུལ་དུ་བྲེལ་བ་སྣ་ཚོག་བརྒྱ་དག་ཀྱང་འབྱུང་བར་འགྱུར་རོ། །བཙུན་པ་བཅོམ་ལྡན་འདས་ནམ་དགྲ་ཟླ་འདབ་ཉེ་བའི་རྒྱལ་པོ་དེ་
རང་གི་ཡུལ་དུ་ཕྱིན་པ་ན། གནོད་པ་སྣ་ཚོག་བརྒྱ་དང་བྲེལ་བ་སྣ་ཚོག་བརྒྱ་འདི་ལྟ་བུ་འབྱུང་ངོ་། །བཙུན་པ་བཅོམ་ལྡན་འདས་དགྲ་ཟླ་འདབ་ཉེ་བའི་རྒྱལ་པོ་དེ་ཡན་ལག་བཞི་པའི་དམག་བསོགས་ཏེ། ཕ་རོལ་གྱི་དམག་ཚོག་
སུ་མཆི་བའི་སླད་དུ་རང་གིས་ཡུལ་ནས་བྱུང་ཏེ། དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་ཡུལ་དེར་མཆི་འཚལ་བ་དང་། གང་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་གནས་པའི་ཡུལ་དེ་རྣམ་
པར་གཞིག་འཚལ་བར་གྱུར་ན། བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ། གནོད་སྦྱིན་བརྒྱ་སྟོང་དུ་མ་དང་ལྡན་ཅིག་ལུས་མི་གདའ་བར་བགྱིས་ཏེ་དེར་མཆི་བར་བགྱིའོ། །
ཕ་རོལ་གྱི་དམག་ཚོགས་དེ་ཤུལ་དུ་ཞུག་གསབ་པ་ཀྱང་། དེ་ཉིད་ནས་ལྡོག་པར་བགྱིའོ། །བྲེལ་བ་རྣམ་པ་སྣ་ཚོག་བརྒྱ་དག་ཀྱང་ཉེ་བར་བསྒྲུབ་པར་བགྱིའོ། །བགེགས་ཀྱང་བགྱིའོ། །འདི་ལྟ་སྟེ་ཡུལ་དེར་ཕ་རོལ་དམག་ཚོགས་དེ་མཆི་
97-1-20a


བར་ཡང་མི་ནུས་ན། ཡུལ་གཞིག་པར་བགྱིད་པར་ལྟ་ག་ལ་འགྱུར། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་དག་ལ་ལེགས་སོ་ཞེས་བྱ་བ་བྱིན་ཏེ། རྒྱལ་པོ་ཆེན་པོ་དག་ལེགས་སོ་ལེགས་སོ། །རྒྱལ་པོ་ཆེན་
པོ་དག་ཁྱེད་ཡང་ལེགས་ཏེ། ཁྱེད་བསྐལ་པ་གྲངས་མེད་པ་བྱེ་བ་ཕྲག་ཁྲིག་བརྒྱ་སྟོང་དུ་ཡང་དག་པར་བསྒྲུབ་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདིའི་ཕྱིར། མིའི་རྒྱལ་པོ་གསེར་འོད་དམ་པ་མདོ་སྡེའི་དབང་
པོའི་རྒྱལ་པོ་འདི་ཉན་པ་དང་རིམ་གྲོ་བྱེད་པ་དང་མཆོད་པ་བྱེད་པ་དེ་དག་ལ་ཀུན་ཏུ་བསྲུང་བ་གྱིས་ཤིག །ཡོངསུ་བསྐྱབ་པ་དང་ཡོངས་སུ་གཟུང་བ་དང་ཡོངས་སུ་བསྐྱང་བ་དང་ཆད་པ་སྤང་བ་དང་ཞི་བ་དང་བདེ་ལེགསུ་འགྱུར་བ་
གྱིས་ཤིག །རྒྱལ་པོའི་ཕོ་བྲང་འཁོར་དེ་དག་དང་གྲོང་ཁྱེར་དེ་དག་དང་ཡུལ་འཁོར་དེ་དག་དང་ཡུལ་དེ་དག་ཀྱང་ཀུན་ཏུ་བསྲུང་ཤིག །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་ཡོངས་སུ་བསྐྱང་བ་དང་ཆད་པ་སྤང་བ་དང་
ཞི་བ་དང་བདེ་ལེགསུ་འགྱུར་བར་གྱིས་ཤིག །ཡུལ་དེ་དག་ཀྱང་འཇིགས་པ་དང་གནོད་པ་དང་འཁྲུག་པ་ཐམས་ཅད་ལས་ཡོངས་སུ་ཐར་བར་གྱིས་ཤིག །ཕ་རོལ་གྱི་དམག་ཚོགས་རྣམས་ཀྱང་ཟློག་ཅིག །འཛམ་བུའི་གླིང་
ཐམས་ཅད་ན་གནས་པའི་མིའི་རྒྱལ་པོ་དག་མི་འཐབ་པ་དང་མཚང་མི་འདྲུ་བ་དང་མི་བརྩོད་པ་དང་མི་འགྱེད་པར་བྱ་བ་ལ་སྤྲོ་བར་གྱིས་ཤིག །རྒྱལ་པོ་ཆེན་པོ་དཔུང་དང་གཡོག་ཏུ་བཅས་པ་ཁྱེད་བཞི་འཛམ་བུའི་གླིང་འདིར་ནམ་
གྲོང་ཁྱེར་བརྒྱད་ཁྲི་བཞི་སྟོང་དེ་དག་ན། རྒྱལ་པོ་བརྒྱད་ཁྲི་བཞི་སྟོང་དེ་དག་རང་རང་གི་ཡུལ་ལ་མངོན་པར་དགའ་བ་དང་། རྒྱལ་སྲིད་ཀྱི་དབང་ཕྱུག་དེས་མངོན་པར་དགའ་བ་དང་། རང་གི་ནོར་གྱི་ཕུང་པོས་ཕན་ཚུན་རྣམས་
པར་མི་འཚེ་བ་དང་། ཕན་ཚུན་རྣམ་པར་འཚེ་བ་མི་བསྐྱེད་པ་དང་། རང་གིས་ཇི་ལྟར་སྔོན་གྱི་ལས་བསག་པས་རྒྱལ་པོ་ཐོབ་པའི་རང་གིས་རྒྱལ་སྲིད་ཀྱི་དབང་ཕྱུག་གིས་དགའ་བ་དང་། ཕན་ཚུན་དུ་ཡུལ་འཇིག་པར་མི་བྱེད་
97-1-20b


པ་དང་། ཡུལ་གཞིག་པའི་ཕྱིར་ཕ་རོལ་གྱི་གནོད་པ་དང་། འཛམ་གླིང་འདིར་གྲོང་ཁྱེར་བརྒྱད་ཁྲི་བཞི་སྟོང་དག་ན་རྒྱལ་པོ་བརྒྱད་ཁྲི་བཞི་སྟོང་དེ་དག་ཕན་ཚུན་དུ་བྱམས་པའི་སེམས་སུ་འགྱུར། བྱམས་པའི་སེམས་
དང་ཕན་པའི་སེམས་སུ་འགྱུར་ཏེ། ཕན་ཚུན་དུ་མི་འཐབ་མཚང་མི་འདྲུ་མི་བརྩོད་མི་འགྱེད་པར་རང་རང་གི་ཡུལ་དག་ན་དགའ་བར་འགྱུར་ན། དེའི་ཕྱིར་རྒྱལ་པོ་ཆེན་པོ་དཔུང་དང་གཡོག་ཏུ་བཅས་པ་ཁྱེད་བཞི་འཛམ་
བུའི་གླིང་འདི་རྒྱལ་པར་འགྱུར། ལོ་ལེག་པར་འགྱུར་ཉམས་དགའ་བར་འགྱུར། སྐྱེ་བོ་མང་པོ་དང་མིས་གང་བར་འགྱུར། ས་ཡངས་མདངས་ཅན་དུ་འགྱུར། དུས་དང་ཟླ་བ་དང་ཟླ་བ་ཕྱེད་དང་ལོ་ཁྱུད་ཀོར་ཐམས་ཅད་ཀྱང་ཡང་
དག་པའི་དུས་དང་ལྡན་པར་འགྱུར། གཟའ་དང་རྒྱུ་སྐར་དང་ཟླ་བ་དང་ཉི་མ་ཡང་ཉིན་མཚན་དུ་ལེག་པར་རྒྱུ་བར་འགྱུར། ཆར་པའི་རྒྱུན་ཡང་ས་ལ་དུས་དུས་སུ་འབབ་པར་འགྱུར། འཛམ་བུའི་གླིང་ཐམས་ཅད་ན་གནས་པའི་སེམས་ཅན་
རྣམས་ཀྱང་ནོར་དང་འབྲུ་ཐམས་ཅད་འབྱོར་པར་འགྱུར། ལོང་སྤྱོད་ཆེ་བ་དང་སེར་སྣ་མེད་པར་འགྱུར། སྟོང་བ་དང་ལྡན་པ་འགྱུར། དགེ་བ་བཅུའི་ལས་ཀྱི་ལམ་དང་ལྡན་པར་འགྱུར། ཕལ་ཆེར་བདེ་འགྲོ་མཐོ་རི་ཀྱི་འཇིག་རྟེན་དུ་སྐྱེ་
བར་འགྱུར། ལྷའི་ཁང་ཁྱིམ་རྣམ་ཀྱང་ལྷ་དང་ལྷའི་བུ་རྣམ་ཀྱིས་གང་བར་འགྱུརོ། །རྒྱལ་པོ་ཆེན་པོ་དག་གང་ལ་ལ་ཞིག་མིའི་རྒྱལ་པོར་གྱུར་ལ་གསེར་འོད་དམ་པའི་མདོ་སྡེའི་དབང་པོའི་རྒྱལ་པོ་འདི་ཉན་པར་གྱུར་ཏེ་རིམ་གྲོ་བྱས་མཆོད་པ་བྱས་
དགེ་སློང་ངམ་དགེ་སློང་མ་འམ་དགེ་བསྙེན་ནམ་དགེ་བསྙེན་མ་མདོ་སྡེའི་དབང་པོ་འཛིན་པ་དེ་དག་ལ་ཡང་བསྟི་ཏང་བྱེད་བླ་མར་བྱེད་རིམ་གྲོ་བྱེད་ཆོད་པར་བྱེད་ཅིང་། རྒྱལ་པོ་ཆེན་པོ་ཁྱེད་བཞི་དཔུང་དང་གཡོག་ཏུ་བཅས་པ་གནོད་སྦྱིན་སྟོང་ཕྲག་དུ་མ་
ལ་སྙིང་བརྩེ་བའི་ཕྱིར་རྟག་པར་རྒྱུན་ཏུ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་ན། ཆོས་ཉན་པའི་ཆུའི་ཀླུང་ཆོས་བདུད་ཙིའི་ཁུ་བ་འདི་ཁྱེད་ཅག་གི་ལུས་འདི་དག་ཚིམ་པར་འགྱུར་རོ། །ཁྱེད་ཀྱི་ལྷའི་ལུས་འདི་དག་
97-1-21a


གི་གཟི་ཆེན་པོ་ཡང་རྣམ་པར་འཕེལ་ལོ། །ཁྱེད་ཀྱི་བརྩོན་འགྲུས་དང་མཐུ་དང་སྟོབས་ཀྱང་བསྐྱེད་དོ། །ཁྱེད་ཀྱི་གཟི་བརྗིད་དང་དཔལ་དང་ཕུན་སུམ་ཚོགས་པ་ཡང་རྣམ་པར་འཕེལ་ལོ། །མིའི་རྒྱལ་པོ་དེས་དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ང་ལ་ཡང་མཆོད་པ་བསམ་གྱིས་མི་ཁྱབ་པ་རྒྱ་ཆེན་པོ་ཡངས་པ་བྱས་པར་འགྱུར་རོ། །མིའི་རྒྱལ་པོ་དེས་འདས་པ་དང་མ་འོངས་པ་དང་ད་ལྟར་
བྱུང་བའི་དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་ལ་ཡང་ཡོ་བྱད་བསམ་གྱིས་མི་ཁྱབ་པ་རྒྱ་ཆེ་བ་ཡངས་པ་ཐམས་ཅད་ཀྱིས་མཆོད་པ་བྱས་པར་འགྱུར་རོ། །དེས་ན་མིའི་རྒྱལ་པོ་དེ་ལ་བསྲུང་བ་ཆེན་པོ་བྱས་པར་
འགྱུར་རོ། །དེས་ན་མིའི་རྒྱལ་པོ་དེ་ལ་ཀུན་ཏུ་བསྲུང་བ་དང་ཡོངསུ་བསྐྱབ་པ་དང་ཡོངསུ་གཟུང་བ་དང་ཡོངསུ་བསྐྱང་བ་དང་ཆད་པ་སྤང་བ་དང་ཞི་བ་དང་བདེ་ལེགསུ་འགྱུར་བ་བྱས་པར་འགྱུར་རོ། །བཙུན་མོ་དམ་པ་དང་རྒྱལ་བུ་རྣཾས་
དང་བརྒྱལ་བཙུན་མོའི་འཁོར་ཐམས་ཅད་དང་རྒྱལ་པོའི་ཕོ་བྲང་འཁོར་ཐམས་ཅད་ཀྱང་བསྲུང་བ་ཆེན་པོ་བྱས་པར་འགྱུར། ཡོངསུ་བསྐྱབ་པ་དང་ཡོངསུ་གཟུང་བ་དང་ཡོངསུ་བསྐྱང་བ་དང་ཆད་པ་སྤང་བ་དང་ཞི་བ་དང་བདེ་ལེགས་སུ་འགྱུར་
བ་བྱས་པར་འགྱུར། རྒྱལ་པོའི་ཕོ་བྲང་འཁོར་ན་གནས་པའི་ལྷ་ཐམས་ཅད་ཀྱང་ཆེས་གཟི་བརྗིད་དང་ལྡན་པ་དང་ཆེས་སྟོབས་དང་ལྡན་པ་དང་བདེ་བ་དང་ཡིད་བདེ་བ་བསམ་གྱིས་མི་ཁྱབ་པ་དང་ལྡན་པར་འགྱུར། དགའ་བ་སྣ་ཚོགས་
མྱོང་བར་འགྱུར། གྲོང་ཁྱེར་དེ་དག་དང་ཡུལ་འཁོར་དེ་དག་ཀྱང་ཀུན་ཏུ་བསྲུངས་བར་འགྱུར། ཡོངསུ་བསྐྱངས་པར་འགྱུར། གནོད་པ་མེད་པར་འགྱུར། དགྲ་མེད་པར་འགྱུར། ཕ་རོལ་གྱི་དམགས་ཚོགས་ཐམས་
ཅད་ཀྱིས་མི་རྫི་བ་དང་གནོད་པ་མེད་པ་དང་འཁྲུག་པ་མེད་པར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་རྒྱལ་པོ་ཆེན་པོ་རྣམ་ཐོས་ཀྱི་བུ་དང་རྒྱལ་པོ་ཆེན་པོ་ཡུལ་འཁོར་སྲུང་དང་རྒྱལ་པོ་ཆེན་
97-1-21b


པོ་འཕགས་སྐྱེས་པོ་དང་རྒྱལ་པོ་ཆེན་པོ་མིག་མི་བཟང་དང་དེ་དག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་མིའི་རྒྱལ་པོ་གང་ལ་ལ་ཞིག་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཡང་ཉན་
འཚལ་བར་འགྱུར། བདག་ཉིད་ལ་ཡང་བསྲུང་བ་ཆེན་པོ་བགྱིད་འཚལ་བར་འགྱུར། བཙུན་མོ་དམ་པ་དང་རྒྱལ་བུ་རྣམས་དང་རྒྱལ་པོའི་བུ་མོ་རྣམས་དང་བཙུན་མོའི་འཁོར་གྱི་ཚོགས་རྣམས་ལ་ཡང་བསྲུང་བ་ཆེན་པོ་བགྱིད་
འཚལ་བར་འགྱུར། རྒྱལ་པོའི་ཕོ་བྲང་འཁོར་དེ་དག་ཐམས་ཅད་ལ་ཡང་ཞི་བ་དང་བདེ་ལེགསུ་འགྱུར་བ་ཆེན་པོ་བསམ་གྱིས་མི་ཁྱབ་པ་མཆོག་ཏུ་ཁྱད་པར་དུ་འཕགས་པ་བླ་ན་མེད་པ་བགྱིད་འཚལ་བར་འགྱུར། ཚེ་འདི་
ལ་བདག་གི་རྒྱལ་སྲིད་ཀྱི་དབང་ཕྱུག་ཆེན་པོ་བསམ་གྱིས་མི་ཁྱབ་པ་རྣམ་པར་འཕེལ་བར་བགྱིད་འཚལ་བར་འགྱུར། རྒྱལ་པོ་ཉིད་བསམ་གྱིས་མི་ཁྱབ་པ་དང་ལྡན་པར་འགྱུར། བསོད་ནམས་ཀྱི་ཕུང་པོ་དཔག་ཏུ་མ་མཆིས་པ་
ཡོངསུ་འཛིན་འཚལ་བར་འགྱུར། བདག་གི་ཡུལ་ཐམས་ཅད་ཀྱང་ཀུན་ཏུ་བསྲུང་འཚལ་བར་འགྱུར། ཡོངསུ་བསྐྱང་འཚལ་བར་འགྱུར། རང་གི་ཡུལ་ན་གནོད་པ་མ་མཆིས་པ་དང་དགྲ་མ་མཆིས་པ་དང་ཕ་རོལ་གྱི་དམག་ཚོགས་ཀྱིས་
མི་རྫི་བ་དང་ནད་འགོ་བ་མ་མཆིས་པ་དང་འཁྲུག་པ་མ་མཆིས་པར་བགྱིད་འཚལ་བར་གྱུར་ན། བཙུན་པ་བཅོམ་ལྡན་འདས་མིའི་རྒྱལ་པོ་དེས་གཡེང་བ་མ་མཆིས་པའི་སེམས་དང་གུས་པ་དང་བཅས་པ་དང་རི་མོ་དང་བཅས་པས་
གསེར་འོད་དམ་པའི་མདོ་སྡེའི་དབང་པོའི་རྒྱལ་པོ་འདི་བསྟི་སྟང་དུ་བགྱིས་ཏེ་མཉན་པར་བགྱིའོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པའི་སླད་དུ། མིའི་རྒྱལ་པོ་དེས་རྒྱལ་པོའི་ཕོ་བྲང་ཁྱད་པར་དུ་འཕགས་
པར་མཆིས་བར་བགྱིའོ། །དེར་མཆིས་ནས་ཀྱང་རྒྱལ་པོའི་ཕོ་བྲང་སྤོས་ཆབ་སྣ་ཚོགས་ཀྱིས་ཆག་ཆག་གདབ་ཅིང་མེ་ཏོག་སིལ་མ་སྣ་ཚོགས་དགྲམ་པར་བགྱིའོ། །སྤོས་ཆབ་སྣ་ཚོགས་ཀྱི་ཆག་ཆག་བཏབ་པ་དེར་
97-1-22a


ཆོས་ཀྱི་ཁྲི་མཐོན་པོ་རྒྱན་སྣ་ཚོགས་ཀྱིས་ལེགས་པར་བརྒྱན་པ་བཤམ་པར་བགྱིའོ། །ཕྱོགས་དེར་གདུགས་དང་རྒྱལ་མཚན་དང་བ་དན་སྣ་ཚོགས་ཀྱིས་ལེགས་པར་བརྒྱན་པར་བགྱིའོ། །
མིའི་རྒྱལ་པོ་དེས་ལུས་བཀྲུ་བར་བགྱིའོ། །གོས་དྲི་རབ་ཏུ་བདའ་བ་གོས་སར་པ་མཛེས་པ་བགོས་ནས་རྒྱན་སྣ་ཚོགས་ཀྱིས་རྒྱན་པར་བགྱིའོ། །བདག་གི་སྟན་རབ་ཏུ་དམའ་བ་གདིང་བར་བགྱི་སྟེ། 
སྟན་དེ་ལ་མཆིས་ནས་རྒྱལ་པོའི་རྒྱགས་པས་དྲེགས་པར་མི་བགྱིའོ། །དེར་རྒྱལ་སྲིད་ཀྱི་དབང་ཕྱུག་ལ་ཆགས་པར་མི་བགྱིའོ། །རྒྱགས་པ་དང་ང་རྒྱལ་དང་དྲེགས་པ་ཐམས་ཅད་རྣམ་པར་སྤངས་པའི་སེམས་
ཀྱིས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པར་བགྱིའོ། །དགེ་སློང་ཆོས་སྨྲ་བ་དེ་ལ་ཡང་སྟོན་པར་འདུ་ཤེས་བསྐྱེད་པར་བགྱིའོ། །མིའི་རྒྱལ་པོ་དེས་དེའི་ཚེ་དེའི་དུས་ན། བཙུན་མོ་དམ་པ་དང་རྒྱལ་
བུ་རྣམས་དང་རྒྱལ་པོའི་བུ་མོ་རྣམས་དང་བཙུན་མོའི་འཁོར་གྱི་ཚོགས་རྣམས་ལ་སྡུག་པ་དང་ཕན་པས་བལྟ་བར་བགྱིའོ། །བཙུན་མོ་དམ་པ་དང་རྒྱལ་བུ་རྣམས་དང་རྒྱལ་པོའི་བུ་མོ་རྣམས་ལ་ཚིགས་སྙན་པ་སྨྲ་བར་བགྱིའོ། །
བཙུན་མོའི་འཁོར་གྱི་ཚོགས་ཐམས་ཅད་པ་ཚིགས་སྙན་པ་སྨྲ་བར་བགྱིའོ། །ཆོས་ཉན་པའི་མཆོད་པ་རྣམ་པ་སྣ་ཚོགས་སྦྱོར་དུ་སྩལ་བར་བགྱིའོ། །དགའ་བ་བསམ་གྱིས་མི་ཁྱབ་ཅིང་མཚུངས་པ་མ་མཆིས་པས་
བདག་ཚིམས་པར་བགྱིའོ། །དགའ་བ་དང་བདེ་བ་བསམ་གྱིས་མི་ཁྱབ་པས་བདེ་བར་བགྱིའོ། །དབང་པོ་བདེ་བར་བགྱིའོ། །བདག་ཉིད་དོན་ཆེན་པོ་ཐོབ་པར་བསམ་པར་བགྱིའོ། །བདག་དགའ་བ་ཆེན་
པོས་དགའ་བར་བགྱིའོ། །རབ་ཏུ་དགའ་བ་ཆེན་པོ་བསྐྱེད་ནས་ཆོས་སྨྲ་བ་བསུ་བར་བགྱིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་
97-1-22b


དག་དེའི་ཚེ་དེའི་དུས་ན་མིའི་རྒྱལ་པོ་དེས་གོས་ཐམས་ཅད་དཀར་པོ་སར་པ་མཛེས་པ་བགོ་བར་བྱའོ། །སྤུད་པ་དང་རྒྱན་སྣ་ཚོགས་ཀྱིས་བདག་ལེགས་པར་རྒྱན་པར་བྱའོ། །གདུགས་དཀར་པོ་ཡང་གཟུང་བར་བྱའོ། །
རྒྱལ་པོའི་མཐུ་ཆེན་པོ་དང་རྒྱལ་པོའི་བཀོད་པ་ཆེན་པོས་བཀྲ་ཤིས་ཐ་དད་པ་སྣ་ཚོགས་ཐོགས་ཏེ། རྒྱལ་པོའི་ཕོ་བྲང་དེ་ནས་བྱུང་བ་ཆོས་སྨྲ་བ་བསུ་བའི་ཕྱིར་དེར་འགྲོ་བར་བྱའོ། །དེ་ཅིའི་ཕྱིར་ཞེ་ན། མིའི་རྒྱལ་པོས་དེར་གོམ་
པ་ཇི་སྙེད་བོར་བ་དེ་སྙེད་ཀྱི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གི་འཁོར་བ་ཕྱིར་བསྙིལ་བར་འགྱུར། དེ་སྙེད་ཀྱི་འཁོར་ལོས་སྒྱུར་བའི་རྒྱལ་རིགས་བྱེ་བ་ཁྲག་ཁྲིག་བརྒྱ་སྟོང་ཐོབ་པར་འགྱུར། དེར་གོམ་པ་ཇི་སྙེད་
བོར་བ་དེ་སྙེད་དུ་ཚེ་འདི་ལ་རྒྱལ་སྲིད་ཀྱི་དབང་ཕྱུག་ཆེན་པོ་བསམ་གྱིས་མི་ཁྱབ་པ་འཕེལ་བར་འགྱུར། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མར་གནས་ཡངས་ཤིང་རྒྱ་ཆེ་བ་ལྷའི་གཞལ་མེད་ཁང་རིན་པོ་ཆེ་སྣ་བདུན་
ལས་བྱས་པ་དག་ཐོབ་པར་འགྱུར། མི་རྣམས་ཀྱི་རྒྱལ་རིགས་ལྷའི་རྒྱ་ཆེ་ཞིང་རྒྱ་ཆེ་བ་བརྒྱ་སྟོང་ཕྲག་དུ་མ་ཐོབ་པར་འགྱུར། སྐྱེ་བ་ཐམས་ཅད་དུ་དབང་ཕྱུག་ཆེན་པོ་ཐོབ་པར་འགྱུར། ཚེ་རིང་བར་འགྱུར། ཡུན་རིང་དུ་
འཚོ་བར་འགྱུར། སྤོབས་པ་དང་ལྡན་པར་འགྱུར། ཚིགས་གཟུང་བར་འོས་པར་འགྱུར། གྲགས་པ་དང་ལྡན་པར་འགྱུར། བརྗོད་པ་ཤིན་ཏུ་རྒྱ་ཆེ་བར་འགྱུར། བསྔགས་པར་འོས་པར་འགྱུར། ལྷ་དང་མི་དང་ལྷ་མ་ཡིན་
དུ་བཅས་པའི་འཇིག་རྟེན་ལ་ཕན་པར་འགྱུར། ལྷ་དང་མི་རྣམས་ཀྱི་བདེ་བ་རྒྱ་ཆེ་ཞིང་རྒྱ་ཆེ་བ་ཐོབ་པར་འགྱུར། སྟོབས་ཆེ་བར་འགྱུར། ཚན་པོ་ཆེ་ཆེན་པོའི་སྟོབས་ཀྱི་ཤུག་དང་ལྡན་ཞིང་གཟུག་བཟང་བར་འགྱུར། མཛེས་པ་དང་ལྟ་ན་སྡུག་
པ་དང་། ཁ་དོག་བཟང་པོ་རྒྱས་པ་ཆོག་དང་ལྡན་པར་འགྱུར། སྐྱེ་བ་ཐམས་ཅད་དུ་དེ་བཞིན་གཤེགས་པ་དང་ཕྲད་པར་འགྱུར། དགེ་བའི་བཤེས་གཉེན་རྣཾས་རྙེད་པར་འགྱུར། བསོད་ནམས་ཀྱི་ཕུང་པོ་དཔག་ཏུ་མེད་པ་ཡོངསུ་གཟུང་བར་
97-1-23a


འགྱུར་ཏེ། རྒྱལ་པོ་ཆེན་པོ་དག་ཡོན་ཏན་གྱི་ཕན་ཡོན་འདི་ལྟ་བུ་དག་མཐོང་ནས། མིའི་རྒྱལ་པོ་དེས་དཔག་ཚད་ཙམ་དུ་ཆོས་སྨྲ་བ་བསུ་བར་བྱ། དཔག་ཚད་བརྒྱ་དང་། དཔག་ཚད་སྟོང་དུ་ཡང་བསུ་བར་བྱ། 
ཆོས་སྨྲ་བ་དེ་ལ་སྟོན་པར་འདུ་ཤེས་བསྐྱེད་པར་བྱའོ། །འདི་སྙམ་དུ་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེང་བདག་གི་རྒྱལ་པོའི་ཕོ་བྲང་འདིར་འཇུག་པར་འགྱུར་
རོ། །དེང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་བདག་གི་རྒྱལ་པོའི་ཕོ་བྲང་འདིར་བཤོས་གསོལ་བར་འགྱུར་རོ། །དེང་བདག་གིས་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་ཆོས་འཇིག་རྟེན་ཐམས་ཅད་དང་མི་མཐུན་པ་མཉན་པར་བྱའོ། །དེང་བདགིས་ཆོས་ཉན་པ་འདིས་བླ་ན་མེད་པ་ཡང་དག་པར་རྫོགས་པའི་བྱུྃབ་
ལས་ཕྱིར་མི་ལྡོག་པར་བྱའོ། །དེང་བདགིས་དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་མཉེས་པར་བྱས་པར་འགྱུར་རོ། །དེང་བདགིས་འདས་པ་དང་མ་འོངས་པ་དང་། ད་ལྟར་བྱུང་བའི་སངས་རྒྱས་
བཅོམ་ལྡན་འདས་རྣཾས་ལ་མཆོད་པ་ཆེན་པོ་བསམ་གྱིས་མི་ཁྱབ་པ་ཡང་ཤིང་རྒྱ་ཆེ་བ་བྱས་པར་འགྱུར་རོ། །དེང་བདགིས་སེམས་ཅན་དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་གྱི་སྡུག་བསྔལ་
ཐམས་ཅད་ཤིན་ཏུ་རྒྱུན་བཅད་པར་འགྱུར་རོ། །དེང་བདག་གིས་ཚངས་པའི་དབང་པོའི་རྒྱལ་པོ་ཉིད་ཀྱི་ལུས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་འཐོབ་པ་དེ་དག་གི་དགེ་བའི་རྩ་བའི་ས་བོན་བསྐྱེད་པར་འགྱུར་རོ། །དེང་བདགིས་
བརྒྱ་བྱིན་ཉིད་ཀྱི་ལུས་བྱེ་བ་ཁྲག་ཁྲིག་བརྒྱ་སྟོང་ཕྲག་དུས་མ་ཐོབ་པ་དག་དགེ་བའི་རྩ་བའི་ས་བོན་བསྐྱེད་པར་འགྱུར་རོ། །དེང་བདག་གི་འཁོར་ལོས་སྒྱུར་བའི་རྒྱལ་པོ་ཉིད་ཀྱི་ལུས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་འཐོབ་པ་དག་
97-1-23b


གི་དགེ་བའི་རྩ་བའི་ས་བོན་བསྐྱེད་པར་འགྱུར་རོ། །དེང་བདག་གིས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་འཁོར་བ་ལས་ཡོངསུ་ཐར་བར་བྱས་པར་འགྱུར་རོ། །དེང་བདག་གིས་བསོད་ནམས་ཀྱི་ཕུང་པོ་དཔག་ཏུ་མེད་པ་
བླ་ན་མེད་པ་ཡངས་ཤིང་རྒྱ་ཆེ་བ་བསམ་གྱིས་མི་ཁྱབ་ད་ཡོངསུ་བཟུང་བར་འགྱུར། དེང་བདགིས་བཙུན་མོའི་འཁོར་ཀྱི་ཚོགས་ཐམས་ཅད་ལ་བསྲུང་བ་ཆེན་པོ་བྱས་པར་འགྱུར་རོ། །དེང་བདག་གིས་རྒྱལ་པོའི་ཕོ་བྲང་འདིར་ཞི་བ་དང་
བདེ་ལེགསུ་འགྱུར་བ་བསམ་གྱིས་མི་ཁྱབ་པ་མཆོག་ཏུ་ཁྱད་པར་དུ་འཕགས་པ་བླ་ན་མེད་པ་བྱས་པར་འགྱུར་རོ། །དེང་བདགིས་ཡུལ་འདི་ཐམས་ཅད་ཀུན་དུ་བསྲུངས་པར་འགྱུརོ། །ཡོངསུ་བསྐྱངས་པ་དང་གནོད་པ་མེད་པ་
དང་དགྲ་མེད་པ་དང་ཕ་རོལ་གྱི་དམག་ཚོགས་ཐམས་ཅད་ཀྱིས་མི་རྫི་བ་དང་ནད་འགོ་བ་མེད་པ་དང་འཁྲུག་པ་མེད་པར་འགྱུརོ་སྙམ་དུ་སེམས་བསྐྱེད་པར་བྱའོ། །རྒྱལ་པོ་ཆེན་པོ་དག་དགེ་སློང་ངམ་དགེ་སློང་མའམ་དགེ་
སྙེན་ནམ་དགེ་སྙེན་མ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འཛིན་པ་དག་ལ་མིའི་རྒྱལ་པོ་དེ་དམ་པའི་ཆོས་ལ་གུས་པ་འདི་ལྟ་བུས་བསྟི་སྟང་བྱེད་བླ་མར་བྱེད་རིམ་གྲོ་བྱེད་མཆོད་པ་བྱེད་ཅིང་། རྒྱལ་པོ་ཆེན་པོ་ཁྱེད་
བཞི་དཔུང་དང་གཡོག་ཏུ་བཅས་པ་དང་། ལྷའི་ཚོགས་དེ་དག་དང་གནོད་སྦྱིན་བརྒྱ་སྟོང་དུ་མ་དག་ལ་ཤས་ཀྱི་དམ་པ་བྱིན་ན། མིའི་རྒྱལ་པོ་དེ་བསོད་ནས་མངོན་པར་འདུ་བྱེད་པ་དང་དགེ་བ་མངོན་པར་འདུ་བྱེད་པ་དེ་དང་ཚེ་འདིའི་ལུགས་ཀྱི་རྒྱལ་སྲིད་ཀྱི་དབང་ཕྱུག་ཆེན་པོ་
ཕྱུག་ཆེན་པོ་བསཾ་གྱིས་མི་ཁྱབ་པ་དེས་རྣཾས་པར་འཕེལ་བར་འགྱུར་རོ། །ཚེ་འདི་ལ་རྒྱལ་པོའི་གཟི་བརྗིད་ཆེན་པོ་བསཾ་གྱིས་མི་ཁྱབ་པ་དང་ལྡན་པར་འགྱུར་རོ། །དཔལ་དང་ཕུན་སུམ་ཚོགས་པ་དང་གཟི་བརྗིད་ཀྱིས་ཀྱང་བརྒྱན་
པར་འགྱུར་རོ། །ཕྱིར་རྒོལ་བ་ཐམས་ཅད་དང་དགྲ་ཐམས་ཅད་ཆོས་དང་འཐུན་པས་ཤིན་ཏུ་ཚར་གཅོད་པར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་རྒྱལ་པོ་ཆེན་པོ་བཞི་པོ་དེ་དག་གིས་འདི་སྐད་ཅེས་གསོལ་ཏོ། །
97-1-24a


བཙུན་པ་བཅོམ་ལྡན་འདས་གང་ལ་ལ་ཞིག་མིའི་རྒྱལ་པོར་གྱུར་ལ། དེ་ཆོས་ལ་གུས་པ་དེ་ལྟ་བུས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཉན་ལ་དགེ་སློང་ངམ་དགེ་སློང་མའམ་དགེ་སྙེན་ནམ་དགེ་སྙེན་མ་མདོ་སྡེའི་དབང་པོའི་འཛིན་པ་དེ་
དག་ལ་ཡང་བསྟི་སྟང་བགྱིད་བླ་མར་བགྱིད་རིམ་གྲོ་བགྱིད་མཆོད་པ་བགྱིད་ཅིང་། རྒྱལ་པོ་ཆེན་པོ་བདག་ཅག་གིས་སླད་དུ་རྒྱལ་པོའི་ཕོ་བྲང་དེ་ཤིན་ཏུ་དག་པར་ཕྱག་དར་བགྱིད། སྤོས་ཆབ་སྣ་ཚོགས་ཀྱི་ཆག་ཆག་ལེགས་པར་འདེབས་ལ། བདག་ཅག་
རྒྱལ་པོ་ཆེན་པོ་བཞི་དང་ལྷན་ཅིག་ཐུན་མོང་དུ་ཆོས་ཉན་པ་དེ་ཉན་ཅིང་བདག་དང་ལྷ་ཐམས་ཅད་ཀྱི་སླད་དུ་དགེ་བའི་རྩ་བར་ཤས་ཅུང་ཟད་ཅིག་སྦྱིན་པ་བགྱིད་ན། བཙུན་པ་བཅོམ་ལྡན་འདས་དགེ་སློང་ཆོས་སྨྲ་བ་དེ་ཆོས་ཀྱི་སྟན་ལ་མཆིས་མ་ཐག་ཏུ་མིའི་རྒྱལ་པོ་
དེས་བདག་ཅག་རྒྱལ་པོ་ཆེན་པོ་བཞིའི་དོན་གྱི་སླད་དུ་སྤོས་སྣ་ཚོགས་ཀྱིས་བདུག་པར་བགྱིའོ། །བཙུན་པ་བཅོམ་ལྡན་འདས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་དེ་ལ་མཆོད་པའི་སླད་དུ་བདུག་པས་བདུག་མ་ཐག་ཏུ་སྤོས་སྣ་ཚོགས་རྣམ་ལས་
སྤོས་དང་བདུག་པ་སྣ་ཚོགས་ཀྱི་ཁྲི་ཤིང་དག་བྱུང་བར་གྱུར་སྟེ། དེ་དག་སྐད་ཅིག་ཐང་ཅིག་ཡུད་ཙམ་དེ་ལ་བདག་ཅག་རྒྱལ་པོ་ཆེན་པོ་བདག་ཅག་བཞིའི་རང་རང་གི་ཁང་པའི་སྟེང་གི་བར་སྣང་ལ་སྤོས་དང་བདུག་པ་སྣ་ཚོགས་ཀྱི་ཁྲི་ཤིང་དག་གི་གདུག་
རྣམསུ་གནས་པར་འགྱུར། སྤོས་དྲི་རྒྱ་ཆེན་པོ་ཡང་མནམ་པར་འགྱུར། གསེར་གྱི་ཁ་དོག་ལྟ་བུའི་སྣང་བར་འབྱུང་བར་འགྱུར་ཞིང་སྣ་བ་དེས་བདག་ཅག་གི་ཁང་པ་རྣམས་ཀྱང་སྣང་བ་བགྱིས་པར་འགྱུར་རོ། །བཙུན་པ་བཅོམ་ལྡན་འདས་སྤོས་དང་
བདུག་པ་སྣ་ཚོགས་ཀྱི་ཁྲི་ཤིང་དག་སྐད་ཅིག་ཐང་ཅིག་ཡུད་ཙམ་དེ་ལ་མི་འཇེད་ཀྱི་བདག་པོ་ཚངས་པ་དང་ལྷ་རྣམས་ཀྱི་དབང་པོ་བརྒྱ་བྱིན་དང་། ལྷ་མོ་ཆེན་མོ་དབྱངས་ཅན་དང་ལྷ་མོ་ཆེན་མོ་བརྟན་མ་དང་གནོད་སྦྱིན་གྱི་སྡེ་དཔོན་ཆེན་པོ་ཡང་
དག་ཤེས་དང་གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། ལྷའི་བུ་དབང་ཕྱུག་ཆེན་པོ་དང་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དང་། གནོད་སྦྱིན་གྱི་སྡེ་དཔོན་ཆེན་པོ་ནོར་བུ་བཟང་དང་འཕྲོག་མའི་བུ་ལྔ་བརྒྱའི་འཁོར་
97-1-24b


དང་ལྡན་པ་དང་ཀླུའི་རྒྱལ་པོ་ཆེན་པོ་མ་དྲོས་པ་དང་ཀླུའི་རྒྱལ་པོ་ཆེན་པོ་རྒྱ་མཚོ་དང་དེ་དག་གིས་རང་རང་གི་ཁང་པའི་སྟེང་གི་བར་སྣང་ལ་བྱུང་སྟེ་སྤོས་དང་གདུག་པ་སྣ་ཚོགས་ཀྱི་ཁྲི་ཤིང་གི་གདུགས་རྣམསུ་གནས་པར་འགྱུར། སྤོས་དྲི་སྣ་
ཚོགས་རྒྱ་ཆེན་པོ་ཡང་མནཾ་པར་འགྱུར། ཁང་པ་རྣཾས་ཀྱི་ནང་དུ་གསེར་དུ་སྣ་བ་འབྱུང་བར་འགྱུར་ཞིང་སྣང་བ་དེས་གནས་ཐཾད་སྣང་བགྱི་པར་འགྱུརོ། །དེ་སྐད་ཅེས་གསོལ་པ་དང་བཅྡོཾས་ཀྱིས་རྒྱལ་པོ་ཆེན་པོ་བཞི་ལ་འདི་
སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དག་རྒྱལ་པོ་ཆེན་པོ་ཁྱེད་བཞིའི་རང་གི་ཁང་པ་རྣཾས་ཀྱི་སྟེང་གི་བར་སྣ་ལ་སྤོས་དང་གདུག་པ་སྣ་ཚོགས་ཀྱི་ཁྲི་ཤིང་དེ་དག་གདུགས་རྣཾསུ་གནས་པར་མ་ཟད་དོ། །དེ་ཅིའི་ཕྱིར་
ཞེ་ན། རྒྱལ་པོ་ཆེན་པོ་དག་མིའི་རྒྱལ་པོ་དེས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལ་མཆོད་པའི་ཕྱིར། སྤོས་སྣ་ཚོགས་དེ་དག་གིས་བདུགས་མ་ཐག་ཏུ་ལག་ན་སྤོས་སྣོད་གཅིག་ཐོགས་པ་དེ་ལས་
སྤོས་དང་བདུག་པ་སྣ་ཚོགས་ཀྱི་ཁྲི་ཤིང་རྣམས་འབྱུང་བར་འགྱུར་ཏེ། དེ་སྐད་ཅིག་ཐང་ཅིག་ཡུད་ཙམ་དེ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁཾས་འདི་ཐམས་ཅད་ན་གང་ན་ཟླ་བ་བྱེ་བ་ཕྲག་བརྒྱ་དང་ཉི་མ་བྱེ་བ་ཕྲག་
བརྒྱ་དང་། རྒྱ་མཚོ་ཆེན་པོ་བྱེ་བ་ཕྲག་རྒྱ་དང་རིའི་རྒྱལ་པོ་རི་རབ་བྱེ་བ་ཕྲག་རྒྱ་དང་རིའི་རྒྱལ་པོ་འཁོར་ཡུག་དང་འཁོར་ཡུག་ཆེན་པོ་བྱེ་བ་ཕྲག་བརྒྱ་དང་གླིང་བཞི་པ་ཆེན་པོའི་འཇིག་རྟེན་གྱི་ཁམས་བྱེ་བ་ཕྲག་རྒྱ་དང་རྒྱལ་ཆེན་བཞིའི་རིས་
ཀྱི་ལྷ་བྱེ་བ་ཕྲག་བརྒྱ་དང་སུམ་བཅུ་རྩ་གསུམ་བྱེ་བ་ཕྲག་བརྒྱ་ནས་འདུ་ཤེས་མེད་འདུ་ཤེས་མེད་མིན་དུ་ཉེ་བར་སོང་བའི་བར་གྱི་ལྷ་བྱེ་བ་ཕྲག་བརྒྱ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁཾས་དེ་དག་ཐམས་ཅད་དུ་སུམ་
བཅུ་རྩ་གསུམ་གྱི་ལྷའི་རིས་བྱེ་བ་ཕྲག་བརྒྱ་པོ་ཐམས་ཅད་ན་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནཾཁའ་ལྡིང་དང་མིའཾ་ཅི་དང་ལྟོ་ཕྱེ་ཆེན་པོའི་ཚོགས་རྣཾས་ཀྱི་རང་རང་གི་ཁྃ་པ་དག་གི་སྟེང་གི་བར་སྣང་ལ་སྤོས་དང་བདུག་པ་སྣ་
97-1-25a


ཚོགས་ཀྱི་འཁྲི་ཤིང་དེ་དག་གདུགས་རྣམསུ་གནས་པར་འགྱུར། སྤོས་དྲི་རྒྱ་ཆེན་པོ་ཡང་མནམ་པར་འགྱུར། ལྷའི་ཁང་པ་རྣམསུ་གསེར་གྱི་ཁ་དོག་ལྟ་བུའི་སྣང་བ་ཡང་འབྱུང་བར་འགྱུར་ཞིང་སྣང་བ་དེས་ཀྱང་
ལྷའི་ཁང་པ་རྣམས་སྣང་བ་བྱས་པར་འགྱུརོ། །རྒྱལ་པོ་ཆེན་པོ་དག་འདི་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལྷའི་ཁང་པ་ཐམས་ཅད་ཀྱི་སྟེང་གི་བར་སྣང་ལ་སྤོས་དང་བདུག་པའི་འཁྲི་ཤིང་དེ་དག་
གདུགས་རྣཾསུ་གནས་པ་དེ་བཞིན་དུ། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལ་མཆོད་པའི་ཕྱིར་མིའི་རྒྱལ་པོ་དེས་སྤོས་སྣ་ཚོགས་དེ་དག་གིས་བདུགས་མ་ཐག་ཏུ་གསེར་འོད་དམ་པ་མདོ་སྡེའི་དབང་པོའི་
རྒྱལ་པོ་འདིའི་གཟི་བརྗིད་ཀྱི་མཐུ་སྤོས་དང་བདུགས་པ་སྣ་ཚོགས་ཀྱི་ཁྲི་ཤིང་དག་འབྱུང་བར་འགྱུར་ཏེ། དེ་དག་སྐད་ཅིག་ཐང་ཅིག་ཡུད་ཙམ་དེ་ལ་ཀུན་ཏུ་ཕྱོགས་བཅུའི་འཇིག་རྟེན་གྱི་ཁཾས་དུ་མ་གང་གཱའི་ཀླུང་གི་བྱེ་མ་
སྙེད་དག་གི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་ཕྲག་སྟོང་རྣཾསུ། དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་གང་གཱའི་ཀླུང་གི་བྱེ་མ་སྙེད་དག་གི་སྟེང་གི་བར་སྣང་ལ་སྤོས་དང་བདུག་པ་སྣ་ཚོགས་ཀྱི་འཁྲི་ཤིང་གིས་
བདུགས་རྣཾསུ་གནས་པར་འགྱུར། དེ་དག་ཀྱང་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་ལ་སྤོས་དང་བདུག་པ་སྣ་ཚོགས་རྒྱ་ཆེ་ཞིང་རྒྱ་ཆེ་བ་མནམ་པར་འགྱུར། གསེར་གྱི་ཁ་དོག་ལྟ་བུའི་སྣང་བ་འབྱུང་བར་འགྱུར་ཞིང་སྣ་བ་དེས་
ཀྱང་སངས་རྒྱས་ཀྱི་ཞིང་བྱེ་བ་ཁྲག་ཁྲིག་སྟོང་ཕྲག་དུ་མ་གང་གཱའི་ཀླུང་གི་བྱེ་མ་སྙེད་དག་སྣང་བ་བྱས་པར་འགྱུརོ། །རྒྱལ་པོ་ཆེན་པོ་དག་ཆོས་འཕྲུལ་དེ་ལྟ་བུ་དེ་དག་བྱུང་མ་ཐག་ཏུ་དེ་བཞིན་གཤེགས་པ་བྱེ་བ་ཁྲག་ཁྲིག་ཕྲག་དུ་མ་གང་
གཱའི་ཀླུང་གི་བྱེ་མ་སྙེད་དག་ཆོས་སྨྲ་བ་དེ་ལ་དགོངས་པར་འགྱུར་སྐྱེས་བུ་དཾ་པ་ལེགས་སོ་ལེགསོ། །སྐྱེས་བུ་དཾ་པ་ཁྱོད་གསེར་འོད་དཾ་པ་མདོ་སྡེའི་དབང་པོའི་རྒྱལ་པོ་ཚུལ་འདི་ལྟ་བུ་ཟབ་མོར་སྣང་བ་འདི་ལྟ་བུ་ཡོན་ཏན་བསཾ་གྱི་མི་ཁྱབ་པ་དང་ལྡན་པ་
97-1-25b


དང་འདི་ལྟ་བུ་འདི་རྒྱ་ཆེར་ཡང་དག་པར་རབ་ཏུ་འཆད་པར་འདོད་པ་ཁྱོད་ཡང་ལེགསོ་ལེགསོ་ཞེས་བྱ་བའི་སྦྱིན་པར་འགྱུར་རོ། །སུ་ཐ་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པའི་སེམས་ཅན་དེ་དག་ཀྱང་
དགེ་བའི་རྩ་བ་ངན་ངོན་དང་ལྡན་པར་མི་འགྱུར་ན། གང་དག་འཛིན་པ་དང་འཆང་བ་དང་འཆད་པ་དང་ཀློག་པ་དང་ཀུན་ཆུབ་པར་བྱེད་པ་དང་འཁོར་ལ་རྒྱ་ཆེར་ཡང་དག་པར་རབ་ཏུ་སྟོན་པ་ལྟ་སྨོས་ཀྱང་ཅི་དགོས། དེ་ཅིའི་ཕྱིར་ཞེ་ན། སྐྱེས་བུ་
དམ་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཐོས་མ་ཐག་ཏུ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བའི་ཕྱིར་རོ། །འཕགས་
པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོ། བམ་པོ་གསུམ་པ། དེ་ནས་ཕྱོགས་བཅུ་ཀུན་ཏུ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་གང་གཱའི་ཀླུང་གི་བྱེ་མ་སྙེད་དག་
ན། དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་རང་རང་གི་སངས་རྒྱས་ཀྱི་ཞིང་ན་བཞུགས་པ་དག་གིས་དེའི་ཚེ་དེའི་དུ་ན་ཚིག་ཅིག་དང་ངག་ཅིག་དང་སྒྲ་སྐད་གཅིག་གིས་དགེ་སློང་ཆོས་སྨྲ་བ་ཆོས་ཀྱི་སྟན་ལ་འདུག་
པ་དེ་ལ་འདི་སྐད་ཅེས་བཀའ་སྩལ་ཏོ། །སྐྱེས་བུ་དམ་པ་ཁྱོད་མ་འོངས་པའི་དུ་ན་བྱང་ཆུབ་ཀྱི་སྙིང་པོར་འགྲོ་བར་འགྱུར། སྐྱེས་བུ་དཾ་པ་ཁྱོད་བྱང་ཆུབ་ཀྱི་སྙིང་པོ་མཆོག་དམ་པར་སོང་སྟེ། ཤིང་གི་རྒྱལ་པོའི་དྲུང་དུ་འདུག་ནས་འཇིག་རྟེན་
གསུཾ་པོ་ཐཾད་ལས་ཁྱད་པར་དུ་འཕགས་པ། སེམས་ཅན་ཐཾད་ལས་རབ་ཏུ་འདས་པའི་བརྟུལ་ཞུགས་དང་དཀའ་ཐུབ་སྤྱོད་པའི་སྟོབས་སྐྱེད་པའི་བྱིན་གྱི་བརླབས་དཀའ་བ་སྤྱོད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དག་སྟོན་པར་འགྱུར། 
སྐྱེས་བུ་དཾ་པ་ཁྱོད་བྱང་ཆུབ་ཀྱི་སྙིང་པོ་ལེགས་པར་བརྒྱན་པར་བྱེད་པར་འགྱུར། སྐྱེས་བུ་དཾ་པ་ཁྱོད་སྟོང་གསུཾ་གྱི་སྟོང་ཆེན་པོའི་འཇིག་རྟེན་གྱི་ཁཾས་ཐཾད་ཡོངསུ་སྐྱོབ་པར་འགྱུར། སྐྱེས་བུ་དཾ་པ་ཁྱོད་ཤིང་གི་རྒྱལ་པོའི་དྲུང་དུ་འདུག་སྟེ་བདུད་ཀྱི་
97-1-26a


སྡེ་བསམ་གྱིས་མི་ཁྱབ་པ་གཟུགས་རབ་ཏུ་འཇིགས་འཇིགས་ལྟར་འདུག་པ་མི་སྡུག་པ་སྟོན་པ། གཟུགས་མི་སྡུག་པ་སྣ་ཚོགས་དག་ལས་རྒྱལ་བར་འགྱུར། སྐྱེས་བུ་དམ་པ་ཁྱོད་བྱང་ཆུབ་ཀྱི་སྙིང་
པོ་མཆོག་དམ་པར་སོང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དཔེ་མེད་པ་རབ་ཏུ་ཞི་བ་རྡུལ་དང་བྲལ་བ་ཟབ་མོ་མངོན་པར་རྫོགས་པར་འཚང་རྒྱ་བར་འགྱུར། སྐྱེས་བུ་དམ་པ་ཁྱོད་རྡོ་རྗེའི་གདན་སྙིང་
པོ་བརྟན་པ་ལ་འདུག་སྟེ། ཆོས་ཀྱི་འཁོར་ལོ་རྒྱལ་བ་ཐམས་ཅད་ཀྱིས་མངོན་པར་བསྟོད་པ། མཆོག་ཏུ་ཟབ་པ་བླ་ན་མེད་པ་རྣམ་པ་བཅུ་གཉིས་རབ་ཏུ་བསྐོར་བར་འགྱུར། སྐྱེས་བུ་དམ་པ་ཁྱོད་ཆོས་ཀྱི་རྔ་ཆེན་པོ་བླ་ན་
མེད་པ་རྡུང་བར་འགྱུར་སྐྱེས་བུ་དམ་པ་ཁྱོད་ཆོས་ཀྱི་དུང་བླ་ན་མེད་པ་འབུད་པར་འགྱུར། སྐྱེས་བུ་དམ་པ་ཁྱོད་ཆོས་ཀྱི་རྒྱལ་མཚན་ཆེན་པོ་བསྒྲེང་བར་འགྱུར། སྐྱེས་བུ་དམ་པ་ཁྱོད་ཆོས་ཀྱི་སྒྲོན་མ་བླ་ན་མེད་པ་འབར་བར་བྱེད་
པར་འགྱུར། སྐྱེས་བུ་དམ་པ་ཁྱོད་ཆོས་ཀྱི་ཆར་བླ་ན་མེད་པ་འདེབས་པར་འགྱུར། སྐྱེས་བུ་དམ་པ་ཁྱོད་ཉོན་མོངས་པའི་དགྲ་སྟོང་ཕྲག་དུ་མ་ལས་རྒྱལ་བར་འགྱུར། སྐྱེས་བུ་དམ་པ་ཁྱོད་སེམས་ཅན་བྱེ་བ་ཁྲག་
ཁྲིག་བརྒྱ་སྟོང་ཕྲག་དུ་མ་ཤིན་ཏུ་འཇིགསུ་རུང་བ་འཇིགས་པ་ཆེན་པོའི་རྒྱ་མཚོ་ལས་སྒྲོལ་བར་འགྱུར། སྐྱེས་བུ་དམ་པ་ཁྱོད་སེམས་ཅན་བྱེ་བ་ཁྲག་ཁྲིག་རྒྱ་སྟོང་ཕྲག་དུ་མ་དག་འཁོར་བའི་འཁོར་ལོ་ལས་ཡོངསུ་ཐར་བར་
བྱེད་པར་འགྱུར། སྐྱེས་བུ་དམ་པ་ཁྱོད་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དག་མཉེན་པར་བྱེད་པར་འགྱུརོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་རྒྱལ་པོ་ཆེན་པོ་བཞི་པོ་དེ་དག་གིས་འདི་སྐད་ཅེས་
གསོལ་ཏོ། །བཙུན་པ་བཅོམ་ལྡན་འདས་མིའི་རྒྱལ་པོ་གསེར་འོད་དམ་པ་མདོ་སྡེའི་དབང་པོའི་རྒྱལ་པོའི་ཡོན་ཏན་ཚེ་འདི་དང་མ་འོངས་པ་ན་འབྱུང་བ་འདི་ལྟ་བུ་འདི་དག་མཐོང་བ་སངས་རྒྱས་སྟོང་ཕྲག་བརྒྱ་ལ་དགེ་བའི་རྩ་བ་བསྐྱེད་པ། བསོད་ནམས་
97-1-26b


ཀྱི་ཕུང་པོ་དཔག་ཏུ་མ་མཆིས་པ་ཡོངསུ་འཛིན་པར་མཐོང་ནས་སྙིང་བརྩེ་བའི་སླད་དུ་བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་དང་། གནོད་སྦྱིན་བརྒྱ་སྟོང་ཕྲག་དུ་མ་རང་རང་གི་ཁང་པ་ན་
མཆིས་པ་དག་སྤོས་དང་བདུག་པ་སྣ་ཚོགས་ཀྱི་ཁྲི་ཤིང་དག་གི་གདུགས་ཀྱི་བསྐུལ་མ་ཐག་ཏུ་ལུས་མི་གདའ་བར་བགྱིས་ཏེ། མིའི་རྒྱལ་པོ་དེ་ཁང་པ་བརྩེགས་པ་ཕྱག་དར་མ་མཆིས་པ་ལེགས་པར་ཕྱག་དར་བགྱིས་པ་སྤོས་ཆབ་སྣ་
ཚོགས་ཀྱི་ཆག་ཆག་ལེགས་པར་བཏབ་པ། རྒྱན་སྣ་ཚོགས་ཀྱི་ལེགས་པར་བརྒྱན་པའི་རྒྱལ་པོའི་ཕོ་བྲང་ག་ལ་བ་དེར་ཆོས་མཉན་པའི་སླད་དུ་མཆི་བར་བགྱིའོ། །མི་འཇེད་ཀྱི་བདག་པོ་ཚངས་པ་དང་ལྷ་རྣམས་ཀྱི་དབང་པོ་བརྒྱ་བྱིན་
དང་ལྷ་མོ་ཆེན་མོ་དབྱངས་ཅན་དང་། ལྷ་མོ་ཆེན་མོ་དཔལ་དང་སའི་ལྷ་མོ་བརྟན་མ་དང་གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། ལྷའི་བུ་དབང་ཕྱུག་ཆེན་པོ་དང་། 
གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དང་། གནོད་སྦྱིན་གྱི་སྡེ་དཔོན་ཆེན་པོ་ནོར་བུ་བཟུང་དང་། འཕྲོག་མའི་བུ་ལྔ་བརྒྱའི་འཁོར་ཅན་དང་། ཀླུའི་རྒྱལ་པོ་མ་དྲོས་པ་དང་ཀླུའི་རྒྱལ་པོ་རྒྱ་མཚོ་དང་ལྷ་བྱེ་བ་ཁྲག་ཁྲིག་བརྒྱ་སྟོང་
ཕྲག་དུ་མ་དག་ལུས་མི་གདའ་བར་བགྱིས་ཏེ། མིའི་རྒྱལ་པོ་དེའི་ཕོ་བྲང་རྒྱན་སྣ་ཚོགས་ཀྱི་བརྒྱན་པ་དེ་ག་ལ་བ་དང་། ཆོས་སྨྲ་བ་དེའི་ཆོས་ཀྱི་ཁྲི་མཐོན་པོ་བརྒྱན་སྣ་ཚོགས་ཀྱིས་ལེགས་པར་བརྒྱན་པ། མེ་ཏོག་བཀྲམ་པའི་ས་ལ་བཤམས་
པར་འགྱུར་བ་ག་ལ་བ་དེར་ཆོས་མཉན་པའི་སླད་དུ་མཆི་བར་བགྱིའོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ། གནོད་སྦྱིན་བརྒྱ་སྟོང་ཕྲག་དུ་མ་དེ་དག་ཐམས་ཅད་འཐུན་པར་
བགྱིས་ཏེ་མིའི་རྒྱལ་པོ་དགེ་བའི་གྲོག་བགྱིད་པ་དགེ་བ་འཐོབ་པར་བགྱིད་པ་བླ་ན་མེད་པ་ཆོས་ཀྱི་སྦྱིན་པ་ཆེན་སྦྱིན་པ་དེ་ལ། ཆོས་བདུད་རྩིའི་ཁུ་བ་འདིས་ཚིམ་པར་གྱུར་མ་ཐག་ཏུ། མིའི་རྒྱལ་པོ་དེ་ལ་ཀུན་ཏུ་བསྲུང་བར་འགྱུར། །
97-1-27a


ཡོངསུ་བསྐྱབ་པ་དང་ཡོངསུ་གཟུང་བ་དང་ཡོངསུ་བསྐྱང་བ་དང་ཞི་བ་དང་བདེ་ལེགསུ་འགྱུར་བགྱིའོ། །རྒྱལ་པོའི་ཕོ་བྲང་དེ་དང་གྲོང་ཁྱེར་དེ་དང་ཡུལ་དེ་ཡང་ཀུན་ཏུ་བསྲུང་བར་བགྱིའོ། །ཡོངསུ་བསྐྱབ་པ་དང་ཡོངསུ་གཟུང་
བ་དང་ཡོངསུ་བསྐྱང་བ་དང་ཞི་བ་དང་བདེ་ལེགསུ་འགྱུར་བར་བགྱིའོ། །ཆད་པ་སྤང་བར་ཡང་བགྱིའོ། །ཡུལ་དེ་ཡང་འཇིགས་པ་དང་གནོད་པ་དང་ནད་འགོ་བ་དང་འཁྲུག་པ་ཐཾད་ལས་ཡོངསུ་ཐར་བར་བགྱིའོ། །བཙུན་པ་བཅོམ་
ལྡན་འདས་གང་ལ་ལ་ཞིག་མིའི་རྒྱལ་པོར་གྱུར་ཏེ་མིའི་རྒྱལ་པོ་དེའི་ཡུལ་དུ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་བྱུང་ལ། བཙུན་པ་བཅོམ་ལྡན་འདས་མིའི་རྒྱལ་པོ་དེ་དགེ་སློང་དང་དགེ་སློང་མའཾ་དགེ་སྙེན་ནཾ་དགེ་སྙེན་མ་
གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་འཛིན་པ་དག་ལ་བསྟི་སྟང་མི་བགྱིད་བླ་མར་མི་བགྱིད་རིམ་གྲོ་མི་བགྱིད་མཆོད་པ་མི་བགྱིད་ན། བདག་ཅག་རྒྱལ་པོ་ཆེན་པོ་བཞི་དང་གནོད་སྦྱིན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་ཆོས་
ཉན་པ་འདི་དང་ཆོས་བདུད་རྩིའི་ཁུ་བ་འདི་ཚིམ་པར་མི་བགྱིད་རིམ་གྲོ་མི་བགྱིད་ལྷའི་ལུས་འདི་དག་གི་གཟི་ཡང་རྣམ་པར་འཕེལ་བར་མི་བགྱིད། བདག་ཅག་གི་བརྩོན་འགྲུས་དང་མཐུ་དང་སྟོབས་ཀྱང་མི་བསྐྱེད། བདག་ཅག་གི་ལུས་ལ་
གཟི་བརྗིད་དང་དཔལ་དང་ཕུན་སུམ་ཚོགས་པ་ཡང་རྣམ་པར་འཕེལ་བར་མི་བགྱིད་དོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་དང་། གནོད་སྦྱིན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དག་
གིས་ཡུལ་དེ་ཡལ་བར་དོར་བར་བགྱིའོ། །བཙུན་པ་བཅོམ་ལྡན་འདས་བདག་ཅག་གི་ཡུལ་དེ་ཡལ་བར་བོར་ན་ཡུལ་ན་གནས་པའི་ལྷའི་ཚོགས་ཐཾད་ཀྱིས་ཀྱང་ཡུལ་དེ་ཡལ་བར་འདོར་བར་འགྱུར་རོ། །བཙུན་པ་བཅོམ་ལྡན་འདས་
ལྷ་རྣམས་ཀྱི་ཡུལ་དེ་ཡལ་བར་བོར་ན་ཡུལ་དེར་ཡུལ་རྣམ་པར་འཁྲུག་པ་སྣ་ཚོགས་འབྱུང་བར་འགྱུར། རྒྱལ་པོའི་འཁྲུག་པ་མི་བཟད་པ་དག་འབྱུང་བར་འགྱུར། ཡུལ་ན་གནས་པའི་སེཾན་ཐཾད་ཀྱང་འཐབ་པ་སྐྱེ་བ་དང་མཚང་འདྲུ་བ་སྐྱེ་བ་
97-1-27b


དང་རྩོད་པ་སྐྱེ་བར་འགྱུར། རྫོགས་པ་དང་འགྱེད་པར་འགྱུར་བ་དང་གཟའ་དང་ནད་རྣམ་པ་སྣ་ཚོགས་ཡུལ་དུ་འབྱུང་བར་འགྱུར། ཕྱོགས་ཐ་དད་པ་ནས་སྐར་མདའ་ལྟུང་བར་འགྱུར། གཟའ་དང་རྒྱུ་སྐར་རྣམས་ཀྱང་ཕན་
ཚུན་མི་འཐུན་པར་གདའ་བར་འགྱུར། དགུང་ཟླ་འཆར་བ་ན་ཉི་མ་ལྟ་བུར་གདའ་བར་འགྱུར། ཟླ་བའི་གཟའ་དང་ཉི་མའི་གཟའ་འབྱུང་བར་འགྱུར། ཉི་མ་དང་ཟླ་བ་ནམཁའ་ལ་གནས་པ་ཡང་རྟག་པར་རྒྱུན་དུ་སྒྲ་
གཅན་གྱི་གནོད་པ་དང་ལྡན་པར་འགྱུར། དུས་དུས་སུ་ནམཁའ་ལ་འཇའི་ཁ་དོག་ལྟ་བུ་འཁྱིལ་བར་འགྱུར། ས་ཡང་གཡོ་བར་འགྱུར། ས་ལ་གནས་པའི་ཁྲོན་པ་ཡང་སྒྲ་འབྱིན་པར་གྲག་པར་འགྱུར། ཡུལ་དུ་
རླུང་དྲག་པོ་ལྡང་བར་འགྱུར། ཆར་དྲག་པོ་འབབ་པར་འགྱུར། ཡུལ་དུ་མུ་གེའི་དགོན་པ་འབྱུང་བར་འགྱུར། ཕ་རོལ་གྱི་དམག་ཚོགས་ཀྱིས་ཡུལ་འཇོམ་པར་འགྱུར། ཡུལ་དེ་ཕུང་བར་འགྱུར། སེམས་ཅན་དེ་དག་
ཀྱང་ཉོན་མོངས་པ་མངས་བར་འགྱུར། ཡུལ་དེ་ཉམས་མི་དགའ་བར་འགྱུར་རོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་དང་གནོད་སྦྱིན་རྒྱ་སྟོང་ཕྲག་དུ་མ་དང་ཡུལ་ན་གནས་
པའི་ལྷ་དང་ཀླུ་རྣམས་ཀྱིས་ཡུལ་དེ་ཡལ་བར་བོར་ན། ཡུལ་དེར་འདི་ལྟ་བུའི་གནོད་པ་རྣམ་པ་སྣ་ཚོགས་བརྒྱ་དང་གནོད་པ་སྣ་ཚོགས་སྟོང་འབྱུང་བར་འགྱུར་རོ། །བཙུན་པ་བཅོམ་ལྡན་འདས་གང་ལ་ལ་ཞིག་མིའི་རྒྱལ་པོར་གྱུར་
ལ། དེ་བདག་ཉིད་ལ་ཀུན་ཏུ་བསྲུང་བ་ཆེན་པོ་བགྱིད་འཚལ་བར་འགྱུར། རྒྱལ་པོའི་བདེ་བ་སྣ་ཚོགས་ཡུན་རིང་པོར་མྱོང་བར་འཚལ་བར་འགྱུར། བདེ་བ་ཐམས་ཅད་བསྟབས་པའི་སེམས་ཀྱིས་རྒྱལ་པོ་ཉིད་བགྱིད་འཚལ་བར་
འགྱུར། ཡུལ་ན་གནས་པའི་སེམས་ཅན་ཐམས་ཅད་བདེ་བར་བགྱིད་འཚལ་བར་འགྱུར། ཕ་རོལ་གྱིས་དམགས་ཚོགས་ཐམས་ཅད་ཕམ་པར་བགྱིད་འཚལ་བར་འགྱུར། ཡུལ་ཐམས་ཅད་ཡུན་རིང་དུ་ཡོངསུ་
97-1-28a


སྐྱོང་འཚལ་བར་འགྱུར། ཆོས་ཀྱི་རྒྱལ་པོ་ཉིད་བགྱིད་འཚིལ་བར་འགྱུར། རང་གི་ཡུལ་ཡང་འཇིགས་པ་དང་གནོད་པ་དང་ནད་འགོ་བ་དང་འཁྲུག་པ་ཐམས་ཅད་ལས་ཡོངསུ་ཐར་བར་བགྱིད་
འཚལ་བར་འགྱུར་ན། བཙུན་པ་བཅོམ་ལྡན་འདས་མིའི་རྒྱལ་པོ་དེས་གདོན་མི་འཚལ་བར་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པར་བགྱི་དགེ་སློང་ངམ་དགེ་སློང་མའཾ་དགེ་
སྙེན་ནམ་དགེ་སྙེན་མ་མདོ་སྡེའི་དབང་པོའི་རྒྱལ་པོ་འཛིན་པ་དེ་དག་ལ་ཡང་བསྟི་སྟང་བགྱི། བླ་མར་བགྱི་རིམ་གྲོ་བགྱི་མཆོད་པ་བགྱི་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་རྣཾས་ཀྱང་
ཆོས་མཉན་པའི་དགེ་བའི་རྩ་བ་བསགས་པ་འདི་དང་ཆོས་བདུད་རྩིའི་ཁུ་བ་འདི་ཚིམ་པར་བགྱི། བདག་ཅག་གི་ལྷའི་ལུས་འདི་དག་གི་གཟི་ཆེན་པོ་ཡང་རྣམ་པར་འཕེལ་བར་བགྱིའོ། །དེ་ཅིའི་ཕྱིར་ཞེ་ན། བཙུན་པ་
བཅོམ་ལྡན་འདས་མིའི་རྒྱལ་པོ་དེས་གདོན་མི་འཚལ་བར་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པར་བགྱི་སྟེ། བཙུན་པ་བཅོམ་ལྡན་འདས་ཚངས་པའི་དབང་པོས་འཇིག་རྟེན་པ་དང་འཇིག་རྟེན་
ལས་འདས་པའི་བསྟན་བཅོས་རྣམ་པ་སྣ་ཚོགས་ཇི་སྙེད་བསྟན་པ་དག་དང་། ལྷའི་དབང་པོ་བརྒྱ་བྱིན་གྱིས་བསྟན་བཅོས་རྣམ་པ་སྣ་ཚོགས་ཇི་སྙེད་སྟན་པ་དག་དང་། དྲང་སྲོང་མངོན་པར་ཤེས་པ་ལྔ་ཅན་རྣམ་པ་
སྣ་ཚོགས་དག་གིས་སེམས་ཅན་དག་གི་དོན་གྱི་སླད་དུ་འཇིག་རྟེན་པ་དང་འཇིག་རྟེན་ལས་འདས་པའི་བསྟན་བཅོས་རྣམ་པ་སྣ་ཚོགས་ཇི་སྙེད་བསྟན་པ་དག་པས་ཆེས་མཆོག་ཆེས་ཁྱད་པར་དུ་འཕགས་པ་གསེར་འོད་དམ་
པ་མདོ་སྡེའི་དབང་པོའི་རྒྱལ་པོ་འདི་ནི། བཙུན་པ་བཅྡོཾས་ཚངས་པའི་དབང་པོ་བརྒྱ་ཕྲག་སྟོང་དེ་དག་དང་རྒྱ་བྱིན་བྱེ་བ་ཁྲག་ཁྲིག་རྒྱ་སྟོང་ཕྲག་དུ་མ་དང་དྲང་སྲོང་མངོན་པར་ཤེས་པ་ལྔ་ཅན་བྱེ་བ་ཁྲག་ཁྲིག་བརྒྱ་ཕྲག་སྟོང་ཐཾད་པས་ཆེས་མཆོག་
97-1-28b


ཆེས་ཁྱད་པར་དུ་འཕགས་པའི་དེ་བཞིན་གཤེགས་པས་སེམས་ཅན་རྣམས་ཀྱི་དོན་གྱི་སླད་དུ་རྒྱ་ཆེར་ཡང་དག་པར་བཤད་པ་ལགསོ། །ཇི་ལྟར་འཛམ་བུའི་གླིང་ཐམས་ཅད་ན་གནས་པའི་མིང་རྣམས་ཀྱི་རྒྱལ་པོས་
རྒྱལ་པོ་ཉིད་བགྱི་བ་དང་། ཇི་ལྟར་སེཾན་ཐཾད་བདེ་བར་འགྱུར་བ་དང་། ཇི་ལྟར་རང་གི་ཡུལ་ཀུན་ཏུ་བསྲུང་བར་འགྱུར་བ་དང་ཡོངསུ་བསྐྱངས་བར་འགྱུར་བ་དང་། ཇི་ལྟར་ཡུལ་ཐམས་ཅད་ན་གནོད་པ་དང་དགྲ་མ་མཆིས་པར་འགྱུར་བ་དང་། 
ཇི་ལྟར་ཕ་རོལ་གྱི་དམག་ཚོགས་རྣམས་ཕམ་སྟེ་ཕྱིར་ཕྱོགས་པར་འགྱུར་བ་དང་། ཇི་ལྟར་ཡུལ་དེ་དག་ན་ནད་འགོ་བ་མ་མཆིས་ཤིང་འཁྲུག་པ་མ་མཆིས་པར་འགྱུར་བ་དང་། ཇི་ལྟར་ཡུལ་ཐཾད་ཆོས་ཀྱིས་འཁྲུག་པ་མ་མཆིས་ཤིང་
མི་རྫི་བར་འགྱུར་བ་དང་། ཇི་ལྟར་མིའི་རྒྱལ་པོ་དེ་དག་གིས་རང་རང་གིས་ཡུལ་རྣམསུ་ཆོས་ཀྱི་སྒྲོན་མ་ཆེན་པོ་འབར་བར་བགྱིས་ཤིང་སྣང་བར་བགྱིས་པར་འགྱུར་བ་དང་། ཇི་ལྟར་ལྷའི་ཁང་ཁྱིམ་ཐཾད་ལྷ་དག་དང་ལྷའི་བུ་རྣམས་ཀྱིས་གང་
བར་འགྱུར་བ་དང་། ཇི་ལྟར་བདག་ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་དང་གནོད་སྦྱིན་བརྒྱ་སྟོང་ཕྲག་དུ་མ་དང་འཛམ་བུའི་གླིང་ན་གནས་པའི་ལྷའི་ཚོགས་ཐམས་ཅད་ཚིམ་པ་དང་རིམ་གྲོ་བགྱིད་པར་འགྱུར་བ་དང་། ཇི་ལྟར་
བདག་ཅག་གི་ལྷའི་ལུས་འདི་དག་གཟི་བརྗིད་ཆེན་པོ་རྣམ་པར་འཕེལ་བར་འགྱུར་བ་དང་། ཇི་ལྟར་བདག་ཅག་གིས་ལུས་ལ་བརྩོན་འགྲུས་དང་སྟོབས་དང་མཐུ་ཆེན་པོ་བསྐྱེད་པར་འགྱུར་བ་དང་། ཇི་ལྟར་བདག་ཅག་གི་ལུས་ལ་གཟི་བརྗིད་དང་
དཔལ་དང་ཕུན་སུམ་ཚོགས་པ་རབ་ཏུ་འཇུག་པར་འགྱུར་བ་དང་། ཇི་ལྟར་འཛམ་བུའི་གླིང་ཐམས་ཅད་ལོ་ལེགས་ཤིང་ཉམས་དགའ་བ་དང་སྐྱེ་བོ་དང་མིས་གང་བར་འགྱུར་བ་དང་། ཇི་ལྟར་འཛམ་བུའི་གླིང་ཐམས་ཅད་ན་གནས་པའི་སེཾན་
རྣམས་བདེ་བར་འགྱུར་བ་དང་། དགའ་བ་སྣ་ཚོགས་མྱོང་བར་འགྱུར་བ་དང་། ཇི་ལྟར་སེམས་ཅན་ཐམས་ཅད་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མར་ལྷ་དང་མིའི་བདེ་བ་རྒྱ་ཆེ་ཞིང་རྒྱ་ཆེ་བ་མྱོང་བར་འགྱུར་བ་དང་སངས་རྒྱས་
97-1-29a


བཅོམ་ལྡན་འདས་རྣམས་དང་ལྷན་གཅིག་གནས་པར་འགྱུར་བ་དང་། མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་ཚངས་རྒྱ་བར་འགྱུར་བ་དེ་ཐམས་
ཅད་ད་ལྟར་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཚངས་པའི་དབང་པོ་བྱེ་བ་ཁྲག་ཁྲིག་བརྒྱ་སྟོང་དག་པས་ཆེས་འཕགས་པའི་ཐུགས་རྗེ་
ཆེན་པོའི་སྟོབས་དང་ལྡན་པའི་བྱིན་གྱི་རླབས་དང་བརྒྱ་བྱིན་བྱེ་བ་ཁྲག་ཁྲིག་བརྒྱ་སྟོང་དག་གི་ལྷའི་ཤེས་པ་བས་ཆེས་འཕགས་པ། དེ་བཞིན་གཤེགས་པའི་མཁྱེན་པ་བླ་ན་མེད་པ་དང་དྲང་སྲོང་མངོན་པར་ཤེས་པ་ལྔ་ཅན་
རྣམ་པ་སྣ་ཚོགས་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་ཐམས་ཅད་པས་ཆེས་འཕགས་པའི་བྱིན་གྱི་བརླབས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སེམས་ཅན་ཐམས་ཅད་ཀྱི་དོན་
གྱི་སླད་དུ་གསེར་འོད་དམ་མདོ་སྡེའི་དབང་པོའི་རྒྱལ་པོ་འདི་འཛམ་བུའི་གླིང་འདིར་རྒྱ་ཆེར་ཡང་དག་པར་རབ་ཏུ་བཤད་དོ། །མིའི་རྒྱལ་པོའི་དགོས་པ་དང་རྒྱལ་པོའི་བསྟན་བཅོས་དང་རྒྱལ་པོའི་བགྱི་བ་གང་དག་འཛམ་བུའི་གླིང་
ཐཾད་ན་མཆིས་པ་དང་། གང་དག་གིས་སེམས་ཅན་འདི་དག་ཐམས་ཅད་བདེ་བར་འགྱུར་བ་དེ་དག་ཐཾད་བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་དམ་པ་མདོ་སྡེའི་དབང་
པོ་འདིར་ཉེ་བར་བསྟན་ཡོངསུ་བརྗོད་ཡང་དག་པར་རབ་ཏུ་བཤད་དོ། །བཙུན་པ་བཅོམ་ལྡན་འདས་རྒྱུ་དེ་དང་རྐྱེན་དེས་མིའི་རྒྱལ་པོ་དེས་གདོན་མི་ཚལ་བར་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་གུས་པར་མཉན་པར་བགྱི། 
གུས་པར་རིམ་གྲོ་བགྱི་གུས་པར་མཆོད་པར་བགྱིའོ། །དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་ཏོ། །དེའི་ཕྱིར་རྒྱལ་པོ་ཆེན་པོ་ཁྱེད་བཞི་དཔུང་དང་གཡོག་ཏུ་བཅས་
97-1-29b


པས་གདོན་མི་ཟ་བར་མིའི་རྒྱལ་པོ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པ་དང་རིམ་གྲོ་བྱེད་པ་དང་མཆོད་པ་བྱེད་པ་དེ་དག་ཀུན་ཏུ་བསྲུང་བའི་ཕྱིར་སྤྲོ་བ་ཆེར་གྱིས་ཤིག །རྒྱལ་པོ་ཆེན་པོ་དག །དགེ་
སློང་ངམ་དགེ་སློང་མ་འམ་དགེ་སྙེན་ནམ་དགེ་སྙེན་མ་མདོ་སྡེའི་དབང་པོ་རྒྱལ་པོ་འཛིན་པ་དེག་ཀྱང་། སངས་རྒྱས་ཀྱི་མཛད་པ་འཛིན་དུ་ཆུག་ཅིག་དང་། དེ་དག་ལྷ་དང་མི་དང་ལྷ་མ་ཡིན་དུ་བཅས་པའི་
འཇིག་རྟེན་འདི་ལ་སངས་རྒྱས་ཀྱི་མཛད་པ་བྱེད་པར་འགྱུར། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆེར་ཡང་དག་པར་འཆད་པར་འགྱུར་ཏེ་རྒྱལ་པོ་ཆེན་པོ་ཁྱེད་བཞི་ནི་ཅི་ནས་མདོ་སྡེའི་དབང་པོ་འཛིན་པའི་དགེ་སློང་
དང་དགེ་སློང་མ་དང་དགེ་སྙེན་དང་དགེ་སྙེན་མ་བསྲུངས་བ་དང་གནོད་པ་མེད་པ་དང་ནད་མེད་པ་དང་འཁྲུག་པ་མེད་པ་དང་སེམས་བདེ་བར་འགྱུར་ཞིང་། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཡང་དག་པར་རབ་ཏུ་སྟོན་པར་
འགྱུར་བར་དགེ་སློང་ངམ་དགེ་སློང་མ་འམ་དགེ་སྙེན་ནམ་དགེ་སྙེན་མ་མདོ་སྡེའི་དབང་པོ་འཛིན་པ་དེ་དག་ཀུན་ཏུ་བསྲུང་བར་བྱ། ཡོངསུ་བསྐྱབ་པར་བྱ་ཡོངསུ་བཟུང་བ་དང་ཡོངསུ་བསྐྱང་བ་དང་ཞི་བ་དང་བདེ་ལེགསུ་འགྱུར་བར་བྱའོ། །
དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུ་དང་རྒྱལ་པོ་ཆེན་པོ་ཡུལ་འཁོར་བསྲུང་དང་རྒྱལ་པོ་ཆེན་པོ་འཕགས་སྐྱེས་པོ་དང་རྒྱལ་པོ་ཆེན་པོ་མིག་མི་བཟང་སྟན་ལས་ལངས་ཏེ་བླ་གོས་ཕྲག་པ་ཅིག་ཏུ་བགོས་ནས་པུས་མོ་གཡས་པའི་ལྷ་
ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགསུ་ཐལ་མོ་སྦྱར་བ་བཏུད་ནས་དེའི་ཚེ་མངོན་སུམ་དུ་འཚུལ་དང་འཐུན་པའི་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་དོ། །རྒྱལ་བ་
ཟླ་བ་དྲི་མ་མེད་པའི་སྐུ། །རྒྱལ་བ་ཉི་མ་འོད་ཟེར་སྟོང་གི་འོད། །རྒྱལ་བ་པད་མ་དྲི་མ་མེད་པའི་སྤྱན། །རྒྱལ་བ་མེ་ཏོག་པད་རྩ་རྡུལ་མེད་ཚེམས། །རྒྱལ་བའི་ཡོན་ཏན་རྒྱ་མཚོ་ལྟ་བུ་སྟེ། །རིན་པོ་ཆེ་ནི་དུ་མའི་འབྱུང་གནས་གྱུར། །
97-1-30a


རྒྱལ་བའི་རྒྱ་མཚོ་ཡེ་ཤེས་ཆུ་ཡིས་གང་། །ཏིང་འཛིན་བརྒྱ་ཕྲག་སྟོང་གིས་ཀུན་ཏུ་གང་། །རྒྱལ་བའི་ཞབས་ནི་འཁོར་ལོར་བྲིས་པ་སྟེ། །འཁོར་ཡུག་མུ་ཁྱུད་དེ་བཞིན་རྩིབ་མ་སྟོང་། །ཕྱག་
དང་ཞབས་ནི་དྲ་བས་སྤྲས་པ་སྟེ། །ཞབས་ཀྱི་དྲ་བ་ངང་པའི་དབང་པོ་བཞིན། །གསེར་གྱི་རི་བོ་ལྟ་བུར་རབ་ཏུ་གདའ། །རྒྱལ་བ་དྲི་མེད་གསེར་གྱི་རི་དབང་པོ། །ཡོན་ཏན་ཐམས་ཅད་རི་རབ་འདྲ་བ་སྟེ། །
སངས་རྒྱས་རི་དབང་རྒྱལ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་ཉ་བ་འདྲ། །ནམཁའ་དང་ཡང་མཚུངས་ཤིང་འདྲ་བ་སྟེ། །སྒྱུ་མ་སྨིག་རྒྱུ་ལྟ་བུ་ཆགས་མེད་པ། །རྒྱལ་བ་དྲི་མ་མེད་ལ་ཕྱག་
འཚལ་ལོ། །དེ་ནས་བཅྡོཾས་ཀྱིས་རྒྱལ་པོ་ཆེན་པོ་བཞི་ལ་ཚིགསུ་བཅད་དེ་བཀའ་སྩལ་པ། སྟོབས་བཅུ་དག་གི་གསེར་འོད་དམ་པ་ཡིས། །མདོ་སྡེའི་དབང་པོའི་རྒྱལ་པོ་རབ་མཆོག་འདི། །འཇིག་རྟེན་
སྐྱོང་བ་ཁྱེད་ཅག་རྣམས་ཀྱིས་ནི། །བརྩོན་འགྲུས་རབ་ཏུ་བརྟན་པས་བསྐྱང་བར་བྱ། །འདི་ལྟར་མདོ་སྡེ་དཀོན་མཆོག་ཟབ་མོ་འདི། །སེམས་ཅན་ཀུན་ལ་བདེ་བ་སྦྱིན་བྱེད་པ། །སེམས་ཅན་རྣམས་ལ་ཕན་
དང་བདེ་བའི་ཕྱིར། །འཛམ་བུའི་གླིང་འདིར་ཡུན་རིང་གནས་པར་འགྱུར། །འདི་ལྟར་སྟོང་གསུམ་གྱི་ནི་སྟོང་ཆེན་གྱིས། །འཇིག་རྟེན་དག་ན་ངན་སོང་སྡུག་བསྔལ་དང་། །སེམས་ཅན་དམྱལ་བའི་སེམས་ཅན་
རྣམས་ཀྱི་ནི། །བསྡུགསྔལ་ཐམས་ཅད་ཞི་བར་བྱེད་པའོ། །གང་དག་འཛམ་བུའི་གླིང་ནི་འདི་ན་ཡང་། །འཛམ་བུའི་གླིང་གནས་རྒྱལ་པོ་ཐམས་ཅད་ཀྱིས། །རབ་ཏུ་དགའ་བ་ཆེན་པོ་བསྐྱེད་ནས་ནི། །ཆོས་རྣཾས་
ཀྱི་ནི་ཡུལ་དག་བསྐྱང་བར་གྱིས། །གྃ་གིས་འཛཾ་བུའི་གླིང་འདི་བདེ་བ་དང་། །ཤིན་ཏུ་ལོ་ལེགས་ཉཾས་ཀྱང་དགར་འགྱུར་ཞིང་། །འཛཾ་བུའི་གླིང་ནི་ཐཾད་དག་ན་ཡང་། །སེཾན་ཐཾད་བདེ་བར་འགྱུར་བར་གྱིས། །འདི་ནི་མི་ཡི་དབང་པོ་གང་རྣམས་ནི། །
97-1-30b


ཡུལ་ན་དགའ་དང་བདག་བདེ་དགའ་བ་དང་། །རྒྱལ་སྲིད་རྣམ་པར་འབྱོར་པ་དགའ་བ་དེས། །མདོ་སྡེའི་དབང་པོ་འདི་ནི་མཉན་པར་བྱ། །ཕ་རོལ་དགྲ་ནི་ཡང་དག་ཟད་བྱེད་པ། །ཕ་རོལ་དགྲ་ཚོགས་ཟློག་པ་དགེ་བྱེད་པ། །
མཆོག་ཏུ་འཇིགས་པས་ཕོངས་པ་སེལ་བྱེད་པ། །མཆོག་ཏུ་དགེ་བྱེད་མདོ་སྡེའི་དབང་པོ་འདིའོ། །ཇི་ལྟར་རིན་ཆེན་ཤིང་ལྗོན་རབ་མཛེས་པ། །ཡོན་ཏན་ཀུན་འབྱུང་ཁྱིམ་ན་ཡོད་པ་ལྟར། །རྒྱལ་པོ་ཡོན་ཏན་འདོད་པ་རྣམས་ཀྱིས་
ཀྱང་། །མདོ་སྡེའི་དབང་པོའི་མཆོག་འདི་དེ་ལྟར་བལྟ། །ཇི་ལྟར་ཆུ་གྲང་སྐོམ་པ་སེལ་བྱེད་པ། །ཚ་བས་ཉམ་ཐག་ཆེ་ན་རྙེད་པ་ལྟར། །ཡོན་ཏན་དག་གིས་སྐོམ་པའི་རྒྱལ་པོ་ལ། །མདོ་སྡེའི་རྒྱལ་པོའི་མཆོག་འདི་དེ་བཞིན་ནོ། །ཇི་ལྟར་
རིན་ཆེན་ཐམས་ཅད་འབྱུང་བའི་གནས། །རིན་ཆེན་སྣོད་ནི་ལག་མཐིལ་ཡོད་པ་ལྟར། །མི་ཡི་དབང་པོའི་ཚོགས་ལ་གསེར་འོད་མཆོག །མདོ་སྡེའི་དབང་པོའི་མཆོག་འདི་དེ་བཞིན་ནོ། །འདི་ནི་ལྷ་ཡི་ཚོགས་ཀྱིས་མངོན་མཆོད་པ། །མདོ་སྡེ་
འི་དབང་པོ་ལྷ་དབང་ཕྱག་བྱེད་པ། །འཇིག་རྟེན་བསྐྱོང་བ་རྫུ་འཕྲུལ་ཆེན་པོ་ལ། །བཞི་པོ་དག་གིས་ཀུན་ཏུ་བསྲུངས་བ་ཡིན། །ཕྱོགས་བཅུ་དག་ན་སངས་རྒྱས་རྣམས་ཀྱིས་ཀྱང་། །མདོ་སྡེའི་དབང་པོ་འདི་ནི་རྟག་ཏུ་དགོངས། །
མདོ་སྡེའི་དབང་པོ་འདི་ནི་བཤད་པ་ན། །སངས་རྒྱས་རྣམས་ཀྱིས་ལེགས་ཤེས་བརྗོད་པ་བྱིན། །གནོད་སྦྱིན་བྱེ་བ་སྟོང་ཕྲག་བརྒྱ་རྣམས་ཀྱིས། །ཕྱོགས་བཅུ་དག་ཏུ་ཡུལ་ཡང་བསྲུང་བར་བྱེད། །རབ་ཏུ་དགའ་ཞིང་རབ་ཏུ་མགུ་སེཾས་
ཀྱིས། །མདོ་སྡེའི་དབང་པོ་འདི་ནི་ཉན་པར་བྱེད། །འཛམ་བུའི་གླིང་ན་གནས་པར་གྱུར་པ་ཡི། །ལྷ་ཡི་ཚོགས་རྣམས་བསམ་གྱིས་མི་ཁྱབ་པ། །ལྷ་ཚོགས་དེ་དག་ཀུན་ཀྱང་རབ་དགའ་བས། །མདོ་སྡེའི་དབང་པོ་འདི་ནི་ཉན་པར་བྱེད། །
ཆོས་རྣམས་མཉན་པར་བྱ་བ་འདི་ཡི་ནི། །གཟི་རྗིད་དང་ནི་སྟོབ་དང་བརྩོན་འགྲུས་ཐོབ། །གཟི་རྗིད་ཆེན་པོ་ཡི་ནི་ལྷ་ཡི་ལུས། །ཤིན་ཏུ་རྒྱས་ཤིང་རྣམ་པར་འཕེལ་བར་འགྱུར། །དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་ཚིགས་སུ་
97-1-31a


བཅད་པ་འདི་ལྟ་བུ་འདི་དག་ཐོས་པ་དང་ངོ་མཚར་དུ་གྱུར་རྨད་དུ་བྱུང་བར་གྱུར་དགའ་བར་གྱུར་ཏེ། དེ་དག་ཆོས་ཀྱིས་ཤུགས་ཀྱིས་ཡུད་ཙམ་ཞིག་ངུས་ནས་མཆི་མ་ཕྱིས་ཏེ། དེ་དག་ལུས་འཕར་ཡན་ལག་འདར་ཞིང་དགའ་བ་དང་བདེ་བ་དང་ཡིད་བདེ་བ་
བསམ་གྱིས་མི་ཁྱབ་པ་དང་ལྡན་པར་གྱུར་ནས་ཀྱང་བཅོམ་ལྡན་འདས་ལ་ལྷའི་མེ་ཏོག་མན་དཱ་ར་བ་དག་གིས་གཏོར་མངོན་པར་གཏོར་ཏོ། །གཏོར་མངོན་པར་གཏོར་ནས་ཀྱང་སྟན་རྣམས་ལས་ལངས་ཏེ་གོས་ཕྲག་པ་གཅིག་ཏུ་བགོས་ནས་པུས་མོ་
གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་རྒྱལ་པོ་ཆེན་པོ་རེ་རེ་ཡང་གནོད་སྦྱིན་
ལྔ་བརྒྱ་ལྔ་བརྒྱ་དང་ཆོས་སྨྲ་བ་དེ་བསྲུང་བ་དང་ཡོངས་སུ་བསྐྱང་བའི་སླད་དུ་རྟག་ཏུ་དགེ་སློང་ཆོས་སྨྲ་བའི་སླད་བཞིན་འབྲང་བར་བགྱིའོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས་རྒྱལ་པོ་ཆེན་པོ་བཞིའི་ལེའུ་ཞེས་བྱ་སྟེ་བདུན་པའོ།། །། 
དེ་ནས་ལྷ་མོ་ཆེན་མོ་དབྱངས་ཅན་གྱིས་གོས་ཕྲག་པ་གཅིག་ཏུ་བགོས་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཙུན་པ་བཅོམ་ལྡན་འདས་ལྷ་མོ་ཆེན་མོ་དབྱངས་ཅན་བདག་གིས་ཀྱང་དགེ་སློང་ཆོས་སྨྲ་བ་དེའི་ཚིག་བརྒྱན་པའི་སླད་དུ་སྤོབས་པ་ཉེ་བར་བསྒྲུབ་པར་བགྱི། གཟུངས་ཀྱང་སྩལ་བར་བགྱི། ངེས་པའི་ཚིག་གི་བརྗོད་པ་ཀུན་ཏུ་བཞག་པར་
བགྱི། དགེ་སློང་ཆོས་སྨྲ་བ་དེ་ལ་ཡེ་ཤེས་ཀྱི་སྣང་བ་ཆེན་པོ་བགྱི། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་ཚིག་གམ་ཡི་གེ་གང་ཡང་རུང་བ་དག་ཅིག་ཡོངས་སུ་ཉམས་པར་གྱུར་ཏམ་བསྐྱུད་ན་བདག་གི་
དགེ་སློང་ཆོས་སྨྲ་བ་དེའི་ངེས་པའི་སྒྲ་དང་ཚིག་དང་ཡི་གེ་དེ་དག་ཐམས་ཅད་བསྒྲུབ་པར་བགྱིའོ། །ཇི་ལྟར་སངས་རྒྱས་བཅོམ་ལྡན་འདས་བརྒྱ་སྟོང་དག་ལ་དགེ་བའི་རྩ་བ་བསྐྲུན་པའི་སེམས་ཅན་དེ་དག་གི་དོན་གྱི་སློད་དུ་གསེར་འོད་དམ་པའི་
97-1-31b


མདོ་སྡེའི་དབང་པོའི་རྒྱལ་པོ་འདི་འཛམ་བུའི་གླིང་ན་ཡུན་རིང་དུ་གནས་ཤིང་མྱུར་དུ་ནུབ་པར་མི་འགྱུར་བ་དང་། སེམས་ཅན་དུ་མ་དག་གིས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཐོས་ནས་ཤེས་རབ་རྣོ་བ་བསམ་གྱིས་མི་
ཁྱབ་པར་འགྱུར་བ་དང་། ཤེས་རབ་ཀྱི་ཕུང་པོ་བསམ་གྱིས་མི་ཁྱབ་པ་ཐོབ་པར་འགྱུར་བ་དང་། ཚེ་འདི་ལ་ཚེ་ཕུན་སུམ་ཚོགས་པ་རབ་ཏུ་ཐོབ་པར་འགྱུར་བ་དང་། སྲོག་ལ་ཕན་གདགས་པ་དང་། བསོད་ནམས་ཀྱི་ཕུང་པོ་
དཔག་ཏུ་མ་མཆིས་པ་རབ་ཏུ་འཛིན་པར་འགྱུར་བ་དང་། ཐབས་སྣ་ཚོགས་རབ་ཏུ་འཚལ་བར་འགྱུར་བ་དང་། བསྟན་བཅོས་ཐམས་ཅད་ལ་མཁས་པར་འགྱུར་བ། བཟོའི་བགྱི་བ་སྣ་ཚོགས་ཕུན་སུམ་ཚོགས་པ་ཐོབ་པར་འགྱུར་བ་དང་། 
བསྐྱུད་པ་མ་མཆིས་པར་བགྱི་བའི་སླད་དུ་དེ་ལ་གཟུངས་ཀྱང་སྩལ་བར་བགྱིའོ། །དགེ་སློང་ཆོས་སྨྲ་བ་དེ་དང་སེམས་ཅན་ཆོས་ཉན་པ་དེ་དག་གི་དོན་གྱི་སླད་དུ་སྔགས་དང་སྨན་དང་ལྡན་པའི་ཁྲུས་ཀྱི་ལས་བརྗོད་པར་བགྱི། 
གཟའ་དང་རྒྱུ་སྐར་དང་སྐྱེ་བ་དང་འཆི་བའི་གནོད་པ་དང་འཐབ་པ་དང་རྙོག་པ་དང་འཁྲུག་ལོང་དང་ཁྲག་ཁྲུག་དང་རྨི་ལམ་ངན་པ་དང་ལོག་འདྲེན་གྱི་གནོད་པ་ཐམས་ཅད་དང་བྱད་དང་རོ་ལངས་ཐམས་ཅད་རབ་ཏུ་ཞི་བར་འགྱུར། གང་གིས་
མཁས་པ་དང་ཁྲུས་བགྱིད་དུ་སྩལ་བའི་སྨན་དང་སྔགས་ནི་འདི་དག་སྟེ། ཤུ་དག་གིའུ་ཝང་འུ་སུ་དང་། །ཤ་མྱ་ཤ་མི་ཤི་རི་ཤ །དབང་པོའི་ལག་དང་སྐལ་བ་ཆེ། །ཛྙ་མ་ཤིང་ཚ་ཨ་ག་རུ། །ཤི་རི་བེ་སྟ་སྲ་རྩི་དང་། །
གུ་གུལ་ར་ས་ཤླལ་ཀི། །རྡོ་དྲེག་ལོ་མ་རྒྱ་སྤོས་དང་། །ཙན་དན་དང་ནི་ལྡོང་རོས་དང་། །གི་ཝང་བཅས་དང་རུ་རྟ་དང་། །གུར་གུམ་གླ་སྒང་ཡུངས་དཀར་དང་། །སྦྱི་མོ་སུག་སྨེལ་ན་ལ་ད། །ནཱ་ག་གེ་སར་ཨུ་ཤི་ར། །
འདི་དག་ཆ་ནི་མཉམ་བགྱིས་ནས། །སྐར་མ་རྒྱལ་ལ་བཏག་པར་བགྱི། །ཕྱེ་མ་ལ་ནི་སྔགས་ཚིག་འདི། །ལན་རྒྱ་མངོན་པར་གདབ་པར་བགྱི། །ཏད་ཡ་ཐཱ། སུ་ཀྲྀ་ཏེ་ཀྲྀ་ཏ་ཀ་མ་ལི་ན་ལ་ཛི་ན་ཀ་ར་ཏེ། ཧྃ་ཀ་རཱ་ཏེ། 
97-1-32a


ཨིནྡྲ་ཛ་ལི། ཤ་ཀད་དྲེ་བ་ཤད་དྲེ། ཨ་བརྟ་ཀ་སི་ཀེ། ན་ཀུ་ཏྲ་ཀུ། ཀ་བི་ལ་ཀ་བི་ལ་མ་ཏི། ཤཱི་ལ་མ་ཏེ། སན་དྷི་དྷུ་དྷུ་མ་མ་བ་ཏི། ཤི་རི་ཤི་རི། སཏ་ཏྱ་སྠི་ཏེ་སྭཱ་ཧཱ། གཅི་བས་དཀྱིལ་འཁོར་བགྱིས་ནས་ནི། །མེ་ཏོག་
སིལ་མ་དགྲམ་པར་བགྱི། །གསེར་གྱི་སྣོད་དང་དངུལ་སྣོད་དུ། །མངར་བའི་ཁུ་བ་གཞག་པར་བགྱི། །སྐྱེས་བུ་གོ་ཆ་བགོས་པ་ནི། །བཞི་ཞིག་དེར་ཡང་གཞག་པར་བགྱི། །རབ་ཏུ་བརྒྱན་པའི་བུ་མོ་བཞི། །
བུམ་པ་ཐོགས་པ་གཞག་པར་བགྱི། །རྟག་ཏུ་གུ་གུལ་བདུག་པར་བགྱི། །སིལ་སྙན་སྣ་ལྔ་བགྱིད་དུ་སྩལ། །གདུགས་དང་རྒྱལ་མཚན་བ་དན་གྱིས། །ལྷ་མོ་དེ་ནི་ལེགས་པར་བརྒྱན། །བར་བར་དག་ཏུ་མེ་ལོང་གཞག །མདའ་དང་མདུང་
རྩེ་རྣ་བྲང་གཞག །དེ་ནས་མཚམ་ཀྱང་གཅད་པར་བགྱི། །དེའི་འོག་ཏུ་དགོས་པ་བརྩམ། །སྔགས་ཀྱི་ལས་ནི་འདི་དག་གིས། །མཚམས་བཅད་པ་ཡང་བརྩམ་པར་བགྱི། །སྱད་ཡ་ཐེ་དན། ཨ་ར་ཀེ། ན་ཡ་ནེ། ཧི་ལི་མི་ལེ། གི་ལེ། ཁི་ཁི་ལེ་སྭཱ་ཧཱ། 
བཅོམ་ལྡན་འདས་ཀྱི་གནམ་ལོགས་སུ་ཁྲུས་བགྱིས་ནས་སྔགས་འདི་བཟླས་བརྗོད་བགྱིས་ན་ཁྲུས་ཀྱི་ཞི་བར་སྦྱོར་རོ། །ཏྱད་ཡ་ཐཱ། ས་ག་ཊེ། བི་ག་ཏ་བི་ཏི་སྭཱ་ཧཱ། ཕྱོགས་བཞི་དག་ན་གང་གནས་པའི། །རྒྱུ་སྐར་དག་གིས་ཚེ་བསྲུངས་ཤིག །བཅས་པའི་སྐར་
མའི་གནོད་པ་དང་། །ཕུང་པོའི་ལས་ཀྱི་འཇིགས་འབྱུང་དང་། །འབྱུང་པོའི་ཁམས་རྣམས་འཁྲུག་བགྱིད་པ། །འཇིག་པ་མི་བཟད་ཞི་གྱུར་ཅིག །ཤ་མེ། བི་ཤ་མེ་སྭཱ་ཧཱ། ས་ག་ཊེ། བི་ག་ཊེ། སྭཱ་ཧཱ། སུ་ཁ་ཏི་ན་ཏེ་སྭཱ་ཧཱ། སཱ་ག་ར་སྃ་བྷཱུ་ཏྲ་ཡ་སྭཱ་ཧཱ། སྐན་དྷ་མ་ཏཱ་ཡ་སྭཱ་ཧཱ། 
ནཱི་ལ་ཀཎྡྷཱཡ་སྭཱ་ཧཱ། ཨ་པ་ར་ཛི་ཏ་བཱི་ཡ་སྭཱ་ཧཱ། ཧི་མ་བཱད་སྃ་བྷཱུ་ཏཱ་ཡ་སྭཱ་ཧཱ། ཨ་ནི་མི་ལ་བག་ཏྲཱ་ཡ་སྭཱ་ཧཱ། ན་མོ་བ་ག་བ་ཏེ། བྲཤྤུ་ཎེ། ན་མཿས་ར་སྭཱ་ཏྱཻ་དེ་བཻ་དྱྃ་ཏུ་མན་ཏྲ་པད། དྃ་བྲཧྨ་ཨ་ནུ་མ་ནྱ་ཏུ་སྭཱ་ཧཱ། དགེ་སློང་ཆོས་སྨྲ་བ་དེ་བསྲུང་བ་དང་ཆོས་མཉན་པ་
དེ་དག་དང་། ཡི་གེར་འདྲི་བ་དེ་དག་གི་དོན་གྱི་སླད་དུ་ཁྲུས་ཀྱི་ལས་འདིས་བདག་ཉིད་དེར་མཆིས་པར་བགྱིའོ། །ལྷའི་ཚོགས་ཐམས་ཅད་དང་ལྷན་ཅིག་ཏུ་གྲོང་ངམ་གྲོང་ཁྱེར་རམ་གྲོང་རྡལ་ལམ་གཙུག་ལག་ཁང་དེར་ནད་ཐམས་ཅད་རབ་ཏུ་ཞི་
97-1-32b


བར་བགྱིའོ། །ཇི་ལྟར་དགེ་སློང་ངམ་དགེ་སློང་མའམ་དགེ་བསྙེན་ནམ་དགེ་བསྙེན་མ་མདོ་སྡེའི་དབང་པོ་འཛིན་པ་དེ་དག་གི་སྲོག་ལ་ཕན་གདགས་པར་འགྱུར་བ་དང་། འཁོར་བ་ལས་འབྱུང་བ་ཐོབ་པར་འགྱུར་བ་དང་། བླ་ན་མེད་
པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བར་གཟའ་དང་འཐབ་པ་དང་། རྙོག་པ་དང་བཙས་
པའི་སྐར་མའི་གནོད་པ་དང་རྨི་ལམ་ངན་པ་དང་ལོག་འདྲེན་གྱི་གནོད་པ་ཐམས་ཅད་དང་བྱད་དང་རོ་ལངས་ཐམས་ཅད་རབ་ཏུ་ཞི་བར་བགྱིའོ། །དེ་ནས་བཅོམ་ལྡན་འདས་ཀྱིས་ལྷ་མོ་དབྱངས་ཅན་ལ། ལྷ་མོ་ཆེན་མོ་དབྱངས་ཅན་ཁྱོད་སྐྱེ་བོ་མང་
པོ་ལ་ཕན་པ་དང་སྐྱེ་བོ་མང་པོ་ལ་བདེ་བའི་ཕྱིར་ཞུགས་ཏེ། ཁྱོད་ཀྱིས་སྔགས་དང་སྨན་དང་ལྡན་པའི་ཚིག་འདི་འདྲ་བ་བཤད་པ་ནི་ལེགས་སོ་ལེགས་སོ་ཞེས་བྱ་བ་བྱིན་ནོ། །ལྷ་མོ་དབྱངས་ཅན་གྱིས་བཅོམ་ལྡན་འདས་ཀྱི་
ཞབས་ལ་ཕྱག་འཚལ་ནས་ཕྱོགས་གཅིག་ཏུ་འདུག་གོ། དེ་ནས་སློབ་དཔོན་ལུང་སྟོན་པ་བྲམ་ཟེ་ཀཽ་དིནྱས་ལྷ་མོ་དབྱངས་ཅན་དེ་བཀུག་གོ། ལྷ་མོ་ཆེན་མོ་དབྱངས་ཅན་མཆོད་འོས་དཀའ་ཐུབ་ཆེ། །འཇིག་རྟེན་ཀུན་ཏུ་རྣམ་གྲང་
མཆོག་སྦྱིན་ཡོན་ཏན་ཆེ། །རྩེར་གནས་མཛེས་མ་དར་བ་རྩྭའི་གོས་བསྐུས་པ། །དར་བ་རྩྭ་ཡི་གོས་གྱོན་རྐང་པ་གཅིག་གིས་གནས། །ལྷ་རྣམས་ཐམས་ཅད་ལྷགས་ནས་འདི་སྐད་ཅེས་སྨྲས་ཏེ། །སེམས་ཅན་རྣམས་ལ་དགེ་
བའི་ཚིག་ཤོད་ལྕེ་ཁྲོལ་ཅིག །སྱད་ཡ་ཐེ་དན། མུ་རེ། ཙི་རེ། ཨ་བ་ཛེ། ཨ་བ་ཛ་བ་ཏེ། ཧེ་གུ་ལེ། མི་གུ་ལེ། པི་ག་ལ་བ་ཏི། མ་གུ་ཤེ། མ་རི་ཙི། ས་མ་ཏི། ད་ཤ་མ་ཏི། ཨ་གྲི་མ་གྲི། ཏ་ར། རྩི་ཏ་ར། ཙ་པ་ཏི། ཙི་ཙི་རི། 
ཤི་རི་མི་རི། མ་རི་ཙི། པྲ་ཎ་ཡེ། ལོ་ཀཛྱེཥྠེ། ལོ་ཀ་ཤྲིཥྠ། ལོ་ཀ་པྲི་ཡེ། སིད་དྷི་པྲི་ཏེ། བི་མ་མུ་ཁི་ཤུ་ཙི་ཁ་རི། ཨ་པྲ་ཏི་ཧ་ཏེ། ཨ་ཏྲ་ཏེ་ཧ་ཏ། བུད་དྷེ། ན་མུ་ཙི། ན་མུ་ཙི། མ་ཧཱ་དེ་བཱི་པྲ་ཏི་གྲྀཧྣ་ན་མ་སྐ་རན། བདག་གི་བློ་ཐོགས་པ་
97-1-33a


མེད་པར་གྱུར་ཅིག །བསྟན་བཅོས་དང་ཚིགས་སུ་བཅད་པའི་རྒྱུད་དང་སྡེ་སྣོད་དང་སྙན་དངགས་ལ་སོགས་པ་བདག་གི་རིག་སྔགས་དངོས་གྲུབ་ཏུ་གྱུར་ཅིག །ཏད་ཡ་ཐཱ། མ་ཧཱ་པྲ་བྷ་བ། ཧི་ལི་ཧི་ལི། མི་ལི་མི་ལི། བཅོམ་ལྡན་
འདས་མ་ལྷ་མོ་དབྱངས་ཅན་གྱི་མཐུས་བདག་རྣམ་པར་རྒྱུ་བར་གྱུར་ཅིག །ཀ་ར་ཊེ་ཀེ་ཡཱུ་རེ། ཀེ་ཡཱུ་ར་བ་ཏི། ཧི་ལི་མི་ལི། ཧི་ལི་མི་ལི། སངས་རྒྱས་ཀྱིས་བདེན་པ་དང་ཆོས་ཀྱི་བདེན་པ་དང་དགེ་འདུན་གྱི་བདེན་པ་དང་དབང་པོའི་བདེན་པ་དང་
ཆུ་ལྷའི་བདེན་པས་ལྷ་མོ་ཆེན་མོ་དགུག་པར་བྱའོ། །གང་དག་འཇིག་རྟེན་ན་བདེན་པ་སྨྲ་བ་དེ་དག་གི་བདེན་པ་དང་བདེན་པའི་ཚིགས་གིས་ལྷ་མོ་ཆེན་མོ་དགུག་པར་བྱའོ། །ཏད་ཡ་ཐཱ། ཧི་ལི་ཧི་ལི། ཧི་ལི་མི་ལི། ཧི་ལི་མི་ལི། བདག་
རྣམ་པར་རྒྱུ་བར་གྱུར་ཅིག །བཅོམ་ལྡན་འདས་མ་ལྷ་མོ་དབྱངས་ཅན་ལ་ཕྱག་འཚལ་ལོ། །བདག་ལ་གསང་སྔགས་ཀྱི་ཚིག་རྣམས་གྲུབ་པར་གྱུར་ཅིག་སྭཱ་ཧཱ། དེ་ནས་སློབ་དཔོན་ལུང་སྟོན་པ་བྲམ་ཟེ་ཀཽ་ད་ནྱིས་ལྷ་མོ་ཆེན་མོ་དབྱངས་
ཅན་ལ་ཚིགས་སུ་བཅད་པ་འདི་དག་གིས་མངོན་པར་སྟོད་དོ། །འབྱུང་པོའི་ཚོགས་རྣམས་ཐམས་ཅད་ང་ལ་ཉན་པར་གྱིས། །ལྷ་དང་དྲི་ཟ་ལྷ་དབང་བཅས་པའི་འཇིག་རྟེན་ན། །བུད་མེད་དམ་པ་ལྷ་མོ་མཆོག་གི་རབ་གང་ཡིན། །ལྷ་མོ་དམ་པ་
མཆོག་ཏུ་མཛེས་པའི་ཞལ་ལ་བསྟོད། །ཡོན་ཏན་རྣམ་པ་སྣ་ཚོགས་བསགས་པས་ཡན་ལག་བརྒྱན། །དབྱངས་ཅན་ཞེས་བྱ་སྤྱན་ནི་ཡང་ཤིང་བསོད་ནམས་འབར། །དྲི་མེད་ཡེ་ཤེས་ཡོན་ཏན་རྣམས་ཀྱིས་རྣམ་པར་རྒྱས། །
རིན་ཆེན་སྣ་ཚོགས་ཐ་དད་ལྟ་བུ་བལྟ་བའི་ཕྱིར། །མཆོག་རབ་ངག་གི་ཡོན་ཏན་ཁྱད་པར་དེ་སྟོད་དོ། །དམ་པ་མཆོག་གི་དངོས་གྲུབ་བྱེད་པ་དང་། །ཡང་དག་བསྔགས་དང་ཡོན་ཏན་བྱེད་པ་དང་། །དྲི་མེད་མཆོག་དང་པད་མ་འབར་བ་དང་། །མིག་
མཆོག་དང་ནི་མིག་གི་དམ་པ་དང་། །དགེ་བའི་གནས་དང་དགེ་བ་མཐོང་བ་དང་། །ཡོན་ཏན་བསམ་དུ་མེད་པས་བརྒྱན་པ་དང་། །ཟླ་བ་འདྲ་དང་དྲི་མ་མེད་འོད་དང་། །ཡེ་ཤེས་འབྱུང་གནས་དྲན་པ་དམ་པ་དང་། །སེང་གེ་མཆོག་དང་མི་ལ་ཞོན་པ་དང་། །ལག་པ་བརྒྱད་
97-1-33b


རྣམས་ཀྱིས་ནི་བརྒྱན་པ་དང་། །ཟླ་བ་ཉ་བ་ལྟ་བུར་སྣང་བ་དང་། །ཡིད་དུ་འོང་བའི་ངག་དང་དབྱངས་སྙན་དང་། །ཤེས་རབ་ཟབ་མོ་དང་ནི་ལྡན་པ་དང་། །དགོས་མཆོག་སྒྲུབ་བྱེད་སེམས་ཅན་དམ་པ་དང་། །ལྷ་དང་ལྷ་མིན་དབང་པོས་མཆོད་པ་དང་། །ལྷ་དང་ལྷ་མིན་
ཚོགས་ཀུན་གནས་བརྗོད་དང་། །འབྱུང་པོའི་ཚོགས་ཀྱི་གནས་རྟག་མཆོད་པའི་ཕྱིར་སྭཱ་ཧཱ། །བདག་ཅག་ལྷ་མོ་འདི་ལ་ཕྱག་བྱའོ། །བདག་ལ་ཡོན་ཏན་ཁྱད་པར་ཀླུང་སྩོལ་ཅིག །དགོས་པ་ཀུན་དུ་བདག་ལ་དངོས་གྲུབ་སྩོལ། །
དགྲ་རྣམས་ཁྲོད་ན་བདག་ལ་རྟག་ཏུ་བསྲུངས། །ཡི་གེ་རྫོགས་ཤིང་ཚིག་རྒྱས་འདི་དག་ནི། །ནང་པར་ལངས་ནས་གཙང་མར་བརྗོད་པར་བྱ། །བསམ་པ་དང་ནི་ནོར་འབྲུ་ཐམས་ཅད་རྙེད། །དངོས་གྲུབ་དགེ་བ་རྒྱ་ཆེན་ཐོབ་པར་འགྱུར། །
གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། དབྱངས་ཅན་གྱི་ལེའུ་ཞེས་བྱ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ལ་ལྷ་མོ་ཆེན་མོ་དཔལ་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་
ལྷ་མོ་ཆེན་མོ་དཔལ་དེ་དག་གིས་ཀྱང་། ཅི་ནས་ཆོས་སྨྲ་བའི་དགེ་སློང་དེ་ཡོ་བྱད་ཐམས་ཅད་ཕུན་སུམ་ཚོགས་པར་འགྱུར་བ་དང་བྲེལ་ཕོང་མ་མཆིས་པ་ཐོབ་པར་འགྱུར་བ་དང་སེཾས་བརྟས་པར་འགྱུར་བ་དང་སེཾས་བདེ་བར་གདུགས་མཚན་བས་བར་འགྱུར་བ་དང་གསེར་
འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལ་ཚིགས་དང་ཡི་གེ་རྣམ་པ་ཐ་དད་པ་དག་ཆུབ་པར་འགྱུར་བ་དང་རྣམ་པར་རྟོག་པར་འགྱུར་བ་དང་ཡང་དག་པར་བརྗོད་པར་འགྱུར་བ་དང་སངས་རྒྱས་བརྒྱ་སྟོང་དག་ལ་
དགེ་བའི་རྩ་བ་བསྐྲུན་པའི་སེམས་ཅན་དེ་དག་གིས་དོན་གྱི་སླད་དུ། གསེར་འོད་དམ་པ་མདོ་སྡེའི་དབང་པོའི་བརྒྱལ་པོ་འདི་འཛམ་བུའི་གླིང་དུ་ཡུན་རིང་དུ་གནས་པར་འགྱུར་ཞིང་། མྱུར་དུ་ནུབ་པར་མི་འགྱུར་བ་དང་། 
སེམས་ཅན་རྣམས་ཀྱང་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པར་འགྱུར་བ་དང་། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མར་ལྷ་དང་མིའི་བདེ་བ་མྱོང་བར་འགྱུར་བ་དང་། མུ་གེ་
97-1-34a


མ་མཆིས་པར་འགྱུར་བ་དང་ལོ་ལེགས་པར་འགྱུར་བ་དང་སེམས་ཅན་རྣམས་ཀྱང་བདེ་བར་སྦྱར་བ་ཐམས་ཅད་ཀྱིས་བདེ་བར་འགྱུར་བ་དང་། དེ་བཞིན་གཤེགས་པ་དང་འགྲོགས་པར་འགྱུར་བ་དང་མ་འོངས་པའི་དུས་ན་བླ་
ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དང་། སེམས་ཅན་དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་གྱི་སྡུག་བསྔལ་ཐམས་ཅད་ཤིན་ཏུ་ཆད་པར་འགྱུར་བ་གང་
འདི་གོས་དང་ཟས་དང་མལ་ཆ་དང་ན་བའི་གསོས་སྨན་དང་ཡོ་བྱད་དང་འཚོག་ཆས་གཞན་དག་གིས་ཀྱང་དགེ་སློང་ཆོས་སྨྲ་བ་དེ་སྤྲོ་བར་བགྱིའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་
མེ་ཏོག་ཡོན་ཏན་རྒྱ་མཚོ་བཻ་དཱུརྱ་དང་། གསེར་གྱི་གི་བདོག་བཟང་པོ་གསེར་དུ་སྣང་བའི་དཔལ་ཞེས་བྱ་བ་དེ་ལ་ལྷ་མོ་ཆེན་མོ་དཔལ་གྱིས་དགེ་བའི་རྩ་བ་བསྐྱེད་དེ། དེས་ད་ལྟར་ཕྱོགས་གང་དང་གང་དུ་སེམས་པ་དང་། ཕྱོགས་གང་དང་
གང་དུ་ལྟ་བ་དང་ཕྱོགས་གང་དང་གང་དུ་འགྲོ་བའི་ཕྱོགས་དེ་དང་དེར་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དག་བདེ་བར་སྦྱར་བ་ཐམས་ཅད་ཀྱིས་བདེ་བར་འགྱུར། ཟས་དང་སྐོམ་དང་ནོར་དང་འབྲུ་དང་མགྲོན་བུ་དང་གསེར་དང་ནོར་བུ་དང་
མུ་ཏིག་དང་བེེ་དཱུརྱ་དང་དུང་དང་མན་ཤེལ་དང་བྱི་རུ་དང་དངུལ་དང་ས་ལེ་སྦྲམ་དང་ཡོ་བྱད་གཞན་དག་གིས་ཀྱང་མི་ཕོངས་པར་འགྱུར། སེམས་ཅན་དེ་དག་ཡོ་བྱད་ཐམས་ཅད་ཀྱང་འབྱོར་པར་འགྱུར་རོ། །ལྷ་མོ་ཆེན་མོ་དཔལ་གྱི་མཐུས་
དེ་བཞིན་གཤེགས་པ་དེ་ལ་མཆོད་པར་བྱ། སྤོས་དང་མེ་ཏོག་དང་བདུག་པ་ཡང་དབུལ་བར་བྱ། ལྷ་མོ་ཆེ་མོ་དཔལ་གྱི་མིང་ནས་ལན་གསུམ་བརྗོད་ཅིང་དེ་ལ་སྤོས་དང་བདུག་པ་དང་མེ་ཏོག་ཡང་བྱིན་ལ་རོ་སྣ་ཚོགས་ཀྱང་བྱིན་ན་དེའི་འབྲུའི་
ཕུང་པོ་ཆེན་པོ་རྣམ་པར་འཕེལ་བར་འགྱུར་རོ། །དེ་ལ་འདི་སྐད་ཅེས་བྱ་སྟེ། ས་ལ་སའི་བཅུད་དག་རྣམ་པར་འཕེལ། །ལྷ་རྣམས་རྟག་པར་རབ་ཏུ་དགའ་བར་འགྱུར། །འབྲས་བུ་ལོ་ཐོག་ལྡུམ་སྡོང་ལྗོན་ལྷ་རྣམས། །ལོ་ཐོག་ཤིན་དུ་སྣ་
97-1-34b


ཚོགས་རྣམས་ཀྱང་བསྐྱེད། །གསེར་འོད་དམ་པ་མདོ་སྡེའི་དབང་པོའི་རྒྱལ་པོའི་མིང་བརྗོད་པའི་སེམས་ཅན་དེ་དག་ལ་ལྷ་མོ་ཆེན་མོ་དཔལ་སེམས་པར་འགྱུར་དེ་དག་ལ་དཔལ་ཆེན་པོར་བྱེད་པར་འགྱུར་རོ། །ལྷ་མོ་ཆེན་མོ་དཔལ་ནི་
ལྕང་ལོ་ཅན་གྱི་ཕོ་བྲང་འཁོར་ན་བསྐྱེད་མོས་ཚལ་དམ་པ་བསོད་ནམས་ཀྱི་མེ་ཏོག་འོད་ཅེས་བྱ་བ་ན་རིན་པོ་ཆེ་སྣ་བདུན་ལས་བྱས་པའི་ཁང་པ་དམ་པ་གསེར་གྱི་རྒྱལ་མཚན་ཞེས་བྱ་བ་ན་གནས་ཏེ། མི་གང་ལ་ལ་འབྲུའི་ཕུང་པོ་སྤེལ་བར་
འདོད་པ་དེས་རང་གི་ཁྱིམ་ཕྱག་དར་ལེག་པར་བྱ་ཁྲུས་ལེགས་པར་བྱ། གོས་དཀར་པོ་གཙང་མ་བགོ་བར་བྱ། གོས་དྲི་རབ་ཏུ་ཞིམ་པ་བགོ་བར་བྱའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་རིན་ཆེན་མེ་ཏོག་ཡོན་ཏན་རྒྱ་མཚོ་བེེ་དཱུརྱ་དང་། གསེར་གྱི་རི་ཁ་དོག་བཟང་པོ་གསེར་དུ་སྣང་བའི་དཔལ་དེ་ལ་ཕྱག་འཚལ་ཞིང་མཚན་ནས་ཀྱང་ལན་གསུམ་བརྗོད། ལྷ་མོ་ཆེན་མོ་དཔལ་གྱི་ལག་ནས་དེ་བཞིན་གཤེགས་
པ་ལ་མཆོད་པར་བྱེད་མེ་ཏོག་དང་བདུག་པ་དང་སྤོས་ཀྱང་དབུལ། རོ་བྲོ་བ་སྣ་ཚོགས་ཀྱང་འབུལ། གསེར་འོད་དམ་པ་མདོ་སྡེའི་དབང་པོའི་རྒྱལ་པོའི་མིང་ཡང་ལན་གསུམ་བརྗོད། བདེན་པའི་ཚིག་ཀྱང་བརྗོད་ལྷ་མོ་ཆེན་མོ་དཔལ་
ལ་ཡང་མཆོད་ཅིང་མེ་ཏོག་དང་བདུག་པ་ཡང་འབུལ། རོ་བྲོ་བ་སྣ་ཚོགས་ཀྱང་འབུལ་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདིའི་མཐུས། དེའི་ཚེ་ལྷ་མོ་ཆེན་མོ་དཔལ་ཁྱིམ་དེ་ལ་སེམས་པར་འགྱུར། དེའི་འབྲུའི་
ཕུང་པོ་ཆེན་པོ་ཡང་འཕེལ་བར་འགྱུར་རོ། །ལྷ་མོ་ཆེན་མོ་དཔལ་དགུག་པར་འདོད་པ་དེས་རིགས་པའི་གསང་སྔགས་འདི་དག་དྲན་པར་བྱའོ། །འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་ལ་ཕྱག་
འཚལ་ལོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བྱམས་པ་ལ་སོགས་པ་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དེ་དག་ལ་ཕྱག་འཚལ་ནས་རིག་པ་འདི་དག་ལ་སྦྱོར་བར་
97-1-35a


བྱ་སྟེ། རིག་སྔགས་འདི་རྣམས་བདག་ལ་འབྱོར་བར་གྱུར་ཅིག །སྱད་ཡ་ཐེ་དན། པྲ་ཏེ་པཱུར་ཎ་བཱ་རེ། ས་མནྟ་དར་ཤ་ནེ། མ་ཧཱ་བི་ཧ་ར་ག་ཏེ། ས་མནྟ། བེ་ད་ན་ག་ཏེ། མ་ཧཱ་ཀཱརྱ་པྲ་ཏེ་པྲ་བ་ཎེ། སཏྭ་ཨརྠ་ས་མ་ཏ་ནུ་པྲ་པུ་རེ། 
ཨ་ཡཱ་ན་དྷརྨ་ཏཱ་མ་ཧ་བྷོ་གི་ནེ། མ་ཧཱ་མཻ་ཏྲེ་ཨུ་པ་སྃ་ཧི་ཧེ། ཧེ་ཏཻ་ཥི། སྃ་གྲ་ཧི་ཏེ་ཏེ་ས་མར་ཐཱ་ནུ་པུ་ལ་ནི། འདི་དག་ནི་སྤྱི་བོ་ནས་དབང་བསྐུར་བའི་ཆོས་ཉིད་ཀྱི་གསང་བསྔགས་ཀྱི་ཚིག་གཅིག་ཏུ་དེ་ཁོ་ན་ཡང་དག་པར་སྒྲུབ་པ་མི་སླུ་བའི་དོན་གྱི་ཚིག་སྟེ། 
སེམ་ཅན་བར་མ་ལ་སྤྱོད་པ་རྣམས་དགེ་བའི་རྩ་བ་ཁ་ན་མ་ཐོ་བ་མེད་པ་དག་གིས་ལོ་བདུན་དུ་འདོན་ཅིང་འཛིན་པ་དག་ཡན་ལག་བརྒྱད་པའི་བསྙེན་པར་གནས་པ་ལ་བསྙེན་ཏེ། བདག་དང་སེཾན་ཀུན་ཐཾད་མཁྱེན་པའི་ཡེ་ཤེས་ཡོངས་སུ་རྫོགས་
པར་བྱ་བའི་ཕྱིར་སྔ་དྲོ་དང་ཕྱི་དྲོ་སངས་རྒྱས་ཐཾད་ལ་མེ་ཏོག་དང་སྤོས་རྣམས་ཀྱི་མཆོད་ནས། དེས་བདག་གི་བསམ་པ་འདི་འབྱོར་པར་གྱུར་ཅིག །མྱུར་དུ་འབྱོར་པར་གྱུར་ཅིག །གཙུག་ལག་ཁང་ངམ་དགོན་པའི་གནས་ཀྱང་རུང་སྟེ། 
ཁྱིམ་དེ་ཤིན་ཏུ་གཙང་མར་བྱས་ལ་གཅི་བས་དཀྱིལ་འཁོར་བྱས་ཏེ། སྤོས་དང་བདུག་པ་ཡང་དབུལ་བར་བྱ། སྟན་གཙང་མ་ཡང་གདིང་བར་བྱའོ། །ས་ལ་མེ་ཏོག་སིལ་མ་བཀྲམ་ནས་བསྡད་པར་བྱའོ། །དེ་ནས་སྐད་ཅིག་དེ་
ཉིད་ལ་དཔལ་འོངས་ནས་དེར་གནས་པར་འགྱུར་རོ། །དེ་ཕྱིན་ཅད་ཁྱིམ་མམ་གྲོང་ངམ་གྲོང་ཁྱེར་རམ་གྲོང་རྡལ་ལམ་གཙུག་ལག་ཁང་ངམ་དགོན་པའི་གནས་སུ་ནམ་ཡང་བྲེལ་ཅིང་ཕོངས་པ་མེད་པར་བྱེད་དོ། །འགྲོན་བུ་དང་གསེར་
དང་རིན་པོ་ཆེ་དང་ནོར་དང་འབྲུ་དང་ཡོ་བྱད་ཐམས་ཅད་འབྱོར་པ་དང་བདེ་བར་སྦྱར་བ་ཐཾད་ཀྱི་བདེ་བར་འགྱུར་རོ། །དགེ་བའི་རྩ་བ་གང་དག་བྱེད་པ་དེ་དག་ཐམས་ཅད་ལས་ལྷ་མོ་ཆེན་མོ་དཔལ་ལ་ཤས་ཀྱི་མཆོག་སྦྱིན་པར་བྱ་སྟེ། དེས་ན་དེ་
ཇི་སྲིད་འཚོའི་བར་དུ་དེ་ན་གནས་པར་འགྱུར། འཕང་པར་མི་འགྱུར། དེ་དག་གི་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། ལྷ་མོ་ཆེན་མོ་དཔལ་གྱི་ལེའུ་ཞེས་བྱ་བ་སྟེ་དགུ་
97-1-35b


པའོ།། །། བཅོམ་ལྡན་འདས་དེ་བཞིན་གཤེགས་པ་རིན་ཆེན་གཙུག་ཏོར་ཅན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དྲི་མ་མེད་པར་འབར་བ་རིན་ཆེན་གསེར་གྱི་འོད་ཟེར་སྣང་བའི་ཏོག་ལ་ཕྱག་འཚལ་ལོ། །དེ་བཞིན་
གཤེགས་པ་འཛམ་བུ་གསེར་གྱི་རྒྱལ་མཚན་གསེར་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་དུ་སྣང་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་བརྒྱའི་འོད་ཟེར་སྣང་བའི་སྙིང་པོ་ལ་ཕྱག་
འཚལ་ལོ། །དེ་བཞིན་གཤེགས་པ་གསེར་རིན་ཆེན་འབྱུང་གནས་གདུགས་བརྩེགས་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་མེ་ཏོག་འབར་བའི་འོད་ཟེར་གྱི་ཏོག་ལ་ཕྱག་འཚལ་ལོ། །དེ་བཞིན་གཤེགས་
པ་སྒྲོན་མ་ཆེན་མོ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་ཏོག་ལ་ཕྱག་འཚལ་ལོ། །བྱང་ཆུབ་སེམས་དཔའ་མཛེས་པའི་ཏོག་ཅེས་བྱ་བ་དང་བྱང་ཆུབ་སེམས་དཔའ་གསེར་འོད་དམ་པ་ཞེས་བྱ་བ་དང་བྱང་ཆུབ་སེཾདའ་
གསེར་གྱི་སྙིང་པོ་ཞེས་བྱ་བ་དང་བྱང་ཆུབ་སེམས་དཔའ་རྟག་ཏུ་ངུ་ཞེས་བྱ་བ་དང་བྱང་ཆུབ་སེམས་དཔའ་ཆོས་འཕགས་ཞེས་བྱ་བ་དང་། ཤར་ཕྱོགས་ན་དི་བཞིན་གཤེགས་པ་མི་འཁྲུགས་པ་ཞེས་བྱ་བ་དང་། ལྷོ་ཕྱོགས་
ན་དེ་བཞིན་གཤེགས་པ་རིན་ཆེན་ཏོག་ཅེས་བྱ་བ་དང་། ནུབ་ཕྱོགས་ན་དེ་བཞིན་གཤེགས་པ་ཚེ་དཔག་མེད་ཅེས་བྱ་བ་དང་། བྱང་ཕྱོགས་ན་དེ་བཞིན་གཤེགས་པ་རྔ་སྒྲ་ཞེས་བྱ་བ་སྟེ། སུ་གསེར་འོད་དམ་པ་མདོ་སྡེའི་དབང་པོའི་
རྒྱལ་པོ་འདི་ལས་དེ་བཞིན་གཤེགས་པའི་མཚན་དང་། བྱང་ཆུབ་སེཾདའ་མིང་འདི་དག་འཛིན་ཏམ་ཀློག་གམ་ཁོང་དུ་ཆུད་པར་བྱེད་ན་དེ་རྟག་ཏུ་ཚེ་རབས་དྲན་པར་འགྱུར་རོ། །དེ་ནས་བཅོམ་ལྡན་འདས་ལ་སའི་ལྷ་མོ་བརྟན་མས་འདི་
སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གསེར་འོད་དམ་པ་མདོ་སྡེའི་རྒྱལ་པོ་འདི་ད་ལྟར་དང་མ་འོངས་པའི་དུས་ན་གྲོང་ངམ་གྲོང་ཁྱེར་རམ་གྲོང་རྡལ་ལམ་ལྗོངས་སམ་དགོན་པའི་ཕྱོགས་སམ། རིའི་སྨན་
97-1-36a


ལྗོངས་སམ་ཕོ་བྲང་འཁོར་གང་དུ་གནས་པར་འགྱུར་བར་གྲོང་ངམ་གྲོང་ཁྱེར་རམ་གྲོང་རྡལ་ལམ་ལྗོངས་སམ་དགོན་པའི་ཕྱོགས་སམ་རིའི་སྨན་ལྗོངས་སམ་ཕོ་བྲང་འཁོར་དེར་བཙུན་པ་བཅོམ་ལྡན་འདས་སའི་ལྷ་མོ་
བརྟན་མ་བདག་མཆི་བར་བགྱིའོ། །བཅྡོཾས་གང་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆེར་ཡང་དག་པར་རབ་ཏུ་འཆད་པར་འགྱུར་བ་དང་། ས་ཕྱོགས་གང་དང་གང་ན་དགེ་སློང་ཆོས་སྨྲ་བ་དེའི་ཆོས་ཀྱི་
ཁྲི་ཤོམ་པར་འགྱུར་བ་དང་། གང་དང་གང་དུ་ཆོས་སྨྲ་བ་དེ་སྟན་ལ་མཆིས་ནས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆེར་ཡང་དག་པར་རབ་ཏུ་སྟོན་པར་འགྱུར་བ་དེར། བཙུན་པ་བཅོམ་ལྡན་འདས་སའི་ལྷ་མོ་བསྟན་མ་
བདག་ས་ཕྱོགས་དེ་དང་དེ་ཉིད་དུ་མཆི་བར་བགྱི། །ལུས་འདི་མ་གདའ་བར་ཆོས་ཀྱི་ཁྲིའི་འོག་ལོགས་སུ་མཆིས་ཏེ། ཡན་ལག་གི་དམ་པ་མགོས་དགེ་སློང་ཆོས་སྨྲ་བ་དེའི་རྐང་མཐིལ་ནས་བརྟེན་པར་བགྱིའོ། །བདག་ཀྱང་ཆོས་
མཉན་པ་དང་ཆོས་བདུད་རྩིའི་ཁུ་བ་འདིས་ཚིམ་པར་བགྱི། ཡང་དག་པར་རིམ་འགྲོ་བགྱི། ཡང་དག་པར་མཆོད་པར་བགྱིའོ། །བདག་ཚིམ་པར་གྱུར་རིམ་འགྲོ་བགྱི་བ་བགྱིས་པར་གྱུར་རབ་ཏུ་དགའ་བར་གྱུར་ནས། སའི་ཕུང་པོ་དཔག་
ཚད་སྟོང་ཕྲག་དྲུག་བཅུ་རྩ་བརྒྱད་པོ་འདི་ནས་སའི་གཞི་རྡོ་རྗེ་ལ་ཐུག་པའི་བར་དུ་སའི་བཅུད་ཀྱི་རྣམ་པར་འཕེལ་བར་བགྱི། ཡང་དག་པར་རིམ་འགྲོ་བགྱི་བ་ཡོངས་སུ་རྫོགས་པར་བགྱིའོ། །སྟེང་དུ་ཡང་རྒྱ་མཚོའི་
མཐའ་ལ་ཐུག་པའི་སའི་དཀྱིལ་འཁོར་འདི་སའི་བཅུད་ཀྱི་སྣུམ་གྱིས་བརླན་པར་བགྱིའོ། །ས་ཆེན་པོ་འདི་རབ་ཏུ་མདངས་དང་ལྡན་པར་བགྱིའོ། །དེས་ན་འཛམ་བུའི་གླིང་འདིར་རྩྭ་དང་ཤིང་གེལ་པ་དང་སྨན་དང་ནགས་ཚལ་སྣ་
ཚོགས་རྣམས་མདངས་དང་རབ་ཏུ་ལྡན་པར་འཁྲུང་བར་འགྱུར། ཀུན་དགའི་ར་བ་དང་ནག་ཚལ་དང་ཤིན་ལྗོན་པ་ཐམས་ཅད་དང་ལོ་མ་དང་མེ་ཏོག་དང་འབྲས་བུ་དང་ལོ་ཐོག་རྣམ་པ་སྣ་ཚོགས་ཐམས་ཅད་ཀྱང་རབ་ཏུ་མདངས་དང་ལྡན་པར་
97-1-36b


འགྱུར་དྲི་དང་རབ་ཏུ་ལྡན་པ་དང་སྣུམ་དང་རབ་ཏུ་ལྡན་པ་དང་རོ་ཞིམ་པོར་འགྱུར་བ་བལྟ་ན་རབ་ཏུ་སྡུག་པ་དང་རབ་ཏུ་ཆེ་བར་འགྱུར་རོ། །སེམས་ཅན་དེ་དག་ཀྱང་བཏུང་བ་དང་བཟའ་བ་རྣམ་པ་སྣ་ཚོགས་དེ་དག་འཚལ་ནས། ཚེ་དང་སྟོབས་
དང་ཁ་དོག་དང་དབང་པོ་རྣམ་པར་འཕེལ་བར་འགྱུར་རོ། །གཟི་བརྗིད་དང་སྟོབས་དང་ཁ་དོག་དང་གཟུགས་དང་ལྡན་པར་གྱུར་ནས་ཀྱང་ས་ལ་མཆིས་པའི་དགོས་པ་རྣམ་པ་སྣ་ཚོགས་ཐ་དད་པ་བརྒྱ་སྟོང་དུ་མ་དག་བགྱིད་པར་འགྱུར་བརྩོན་
པར་འགྱུར། འབད་པར་འགྱུར་སྟོབས་སུ་བགྱིད་པའི་ལས་རྣམས་བགྱིད་པར་འགྱུར་རོ། །བཙུན་པ་བཅོམ་ལྡན་འདས་རྒྱུ་དེས་འཛམ་བུའི་གླིང་ཐམས་ཅད་ཞི་བ་དང་ལོ་ལེགས་པ་དང་རྒྱས་པ་དང་ཉམས་དགའ་བར་འགྱུར། མིའི་སྐྱེ་བོ་མང་པོས་
གང་བར་འགྱུར། འཛམ་བུའི་གླིང་གི་སེམས་ཅན་ཐམས་ཅད་བདེ་བར་འགྱུར། དགའ་བ་རྣམ་པར་སྣ་ཚོགས་མྱོང་བར་འགྱུར། སེམས་ཅན་དེ་དག་གཟི་བརྗིད་དང་སྟོབས་དང་ཁ་དོག་དང་གཟུགས་དང་ལྡན་པར་འགྱུར་རོ། །གསེར་
འོད་དམ་པ་མདོ་སྡེའི་དབང་པོའི་རྒྱལ་པོ་འདིའི་སླད་དུ་དགེ་སློང་ངམ་དགེ་སློང་མ་འམ་དགེ་བསྙེན་ནམ་དགེ་བསྙེན་མ་མདོ་སྡེའི་དབང་པོ་འདི་འཛིན་པ་དེ་དག་ཆོས་ཀྱི་སྟན་ལ་མཆིས་པའི་གན་དུ་མཆི་བར་འགྱུར། མཆིས་ནས་ཀྱང་སེཾས་
རབ་ཏུ་དང་བས་སེམས་ཅན་ཐམས་ཅད་ཀྱི་དོན་དང་ཕན་པ་དང་བདེ་བ་དང་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆེར་ཡང་དག་པར་རབ་ཏུ་བཤད་པར་བགྱི་བའི་སླད་དུ་ཆོས་སྨྲ་བ་དེ་དག་ལ་གསོལ་བ་འདེབས་པར་
འགྱུར་རོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རབ་ཏུ་བཤད་ན། སའི་ལྷ་མོ་བརྟན་མ་བདག་གཡོག་དང་བཅས་ཏེ། རབ་ཏུ་མདངས་དང་ལྡན་པ་དང་
རབ་ཏུ་སྟོབས་དང་ལྡན་པར་འགྱུར་རོ། །བདག་ཅག་གི་ལུས་ལ་སྟོབས་དང་བརྩོན་འགྲུས་དང་མཐུ་ཆེན་པོ་བསྐྱེད་པར་འགྱུར། བདག་ཅག་གི་ལུས་ལ་གཟི་བརྗིད་དང་དཔལ་དང་། ཕུན་སུམས་ཚོགས་པ་ཡང་
97-1-37a


འཇུག་པར་འགྱུར་རོ། །བཙུན་པ་བཅོམ་ལྡན་འདས་སའི་ལྷ་མོ་བརྟན་མ་བདག་ཆོས་བདུད་རྩིའི་ཁུ་བ་འདིས་ཚིམ་པར་གྱུར། གཟི་བརྗིད་དང་སྟོབས་དང་བརྩོན་འགྲུས་དང་མཐུ་དང་ཤུགས་ཆེན་པོ་ཐོབ་པར་གྱུར་ན། ས་ཆེན་
པོའི་དཔག་ཚད་སྟོང་ཕྲག་བདུན་པའི་འཛམ་བུའི་གླིང་འདིས་སའི་བཅུད་ཆེན་པོ་རྣམ་པར་འཕེལ་བར་འགྱུར། ས་ཆེན་པོ་མདང་དང་རབ་ཏུ་ལྡན་པར་འགྱུར་རོ། །བཙུན་པ་བཅོམ་ལྡན་འདས་ས་ལ་བརྟེན་པའི་སེམས་ཅན་དེ་དག་ཐམས་
ཅད་ཀྱང་འཕེལ་ཞིང་རྒྱས་ལ་ཡང་པར་འགྱུར་ཆེན་པོར་ཡང་འགྱུར་རོ། །ས་ལ་གནས་པའི་སེམས་ཅན་དེ་དག་ཆེན་པོར་གྱུར་ནས་ཀྱང་། ལོངས་སྤྱོད་དང་ཡོངས་སུ་སྤྱོད་པ་སྣ་ཚོགས་ལ་སྤྱོད་པར་འགྱུར། བདེ་བ་ཡང་མྱོང་བར་འགྱུར་རོ། །
དེ་དག་ཐམས་ཅད་བཟའ་བ་དང་བཏུང་བ་དང་བཅའ་བ་རྣམ་པ་སྣ་ཚོགས་དང་གོས་དང་མལ་ཆ་དང་གནས་དང་ཁང་པ་དང་གཞལ་མེད་ཁང་དང་བསྐྱེད་མོས་ཚལ་དང་ཆུ་བོ་དང་རྫིང་དང་ཆུ་མིག་དང་མཚེའུ་དང་མཚོ་དང་ལྟེང་ཁ་དང་། འདི་ལྟ་བུའི་ཡོ་བྱད་
བདེ་བ་རྣམ་པ་སྣ་ཚོགས་ས་ལ་གནས་པ་ས་ལས་བྱུང་བ་ས་ལ་བརྟེན་པ་འདི་དག་ལ་སྤྱོད་པར་འགྱུར་རོ། །བཙུན་པ་བཅོམ་ལྡན་འདས་རྒྱུ་དེས་སེམས་ཅན་དེ་དག་ཐམས་ཅད་ཀྱིས་བདག་ལ་བྱས་པ་གཟོ་བར་བགྱིའོ། །གདོན་མི་འཚལ་
བར་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་བསྟི་སྟང་དུ་བགྱིས་ཏེ། མཉན་པར་བགྱི་བཀུར་བསྟིར་བགྱི་བླ་མར་བགྱི་རིམ་གྲོ་བགྱི་མཆོད་པར་བགྱིའོ། །བཙུན་པ་བཅོམ་ལྡན་འདས་གང་གི་ཚེ་སེམས་ཅན་དེ་དག་ཆོས་སྨྲ་བ་དེའི་
གན་དུ་མཆི་བའི་སླད་དུ། རིགས་ཐ་དད་པ་དང་ཁྱིམ་ཐ་དད་པ་དག་ནས་འབྱུང་སྟེ། མཆིས་ནས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པར་གྱུར་ལ། ཐོས་ནས་ཀྱང་རང་རང་གི་རིགས་དང་ཁྱིམ་དང་གྲོང་དང་
གྲོང་རྡལ་ཐ་དད་པ་དག་ཏུ་ཞུགས་ནས། རང་རང་གི་ཁྱིམ་ན་གནས་པ་དག་ཕན་ཚུན་དུ་འདི་སྐད་ཅེས་བདག་ཅག་གིས་དེ་རིང་ཆོས་མཉན་པ་ཟབ་མོ་ཐོས་སོ། །དེ་རིང་བདག་ཅག་གིས་བསོད་ནམས་ཀྱི་ཕུང་པོ་བསམ་གྱིས་མི་ཁྱབ་པ་ཡོངས་
97-1-37b


སུ་བཟུང་ངོ་། །བདག་ཅག་གིས་ཆོས་མཉན་པ་དེས། དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་དག་མཉེན་པར་བྱས་སོ། །དེང་བདག་ཅག་ཆོས་ཉན་པ་འདིས་སེམས་ཅན་དམྱལ་བ་ལས་ཡོངས་སུ་ཐར་ཏོ། །དུད་
འགྲོའི་སྐྱེ་གནས་དང་གཤིན་རྗེའི་འཇིག་རྟེན་དང་ཡི་དགས་ཀྱི་ཡུལ་ལས་ཡོངས་སུ་ཐར་ཏོ། །དེང་བདག་ཅག་ཆོས་ཉན་པ་འདིས་མ་འོངས་པའི་དུས་དུ་ན། ཚེ་རབ་བརྒྱ་སྟོང་ཕྲག་དུ་མར་ལྷ་དང་མིར་སྐྱེ་བ་ཡོངས་སུ་བཟུང་
བར་འགྱུར་རོ། །ཞེས་གཏམ་ཟེར་བར་འགྱུར་རོ། །ཁྱིམ་ཐ་དད་པ་ན་གནས་པར་འགྱུར་བ་དེ་དག་སེམས་ཅན་གཞན་དག་ལ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་ཐ་ན་དཔེ་གཅིག་བརྗོད་དམ། 
གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་ཐ་ན་ལེའུ་གཅིག་གམ་སྔོན་བྱུང་བ་གཅིག་གམ་ཐ་ན་བྱང་ཆུབ་སེམས་དཔའི་མིང་ངམ། དེ་བཞིན་གཤེགས་པའི་མཚན་གཅིག་གམ། ཐ་ན་ཚིག་བཞིའི་པའི་ཚིགས་སུ་
བཅད་པ་གཅིག་གམ་ཚིག་གཅིག་སེམས་ཅན་གཞན་དག་ལ་ཐོས་པར་བགྱིད་དམ། ཐ་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཚན་གཞན་དག་ལ་རབ་ཏུ་སྟོན་ཏམ། བཙུན་པ་བཅོམ་ལྡན་འདས་གང་དང་
གང་ན་སེམས་ཅན་རྣམ་པ་ཐ་དད་པ་དེ་དག་ས་ཕྱོགས་རྣམ་པ་ཐ་དད་པ་དག་ཏུ་མདོ་སྡེའི་གཏན་ཚིགས་རྣམ་པ་སྣ་ཚོགས་འདི་ལྟ་བུ་འདི་དག་གཅིག་ལ་གཅིག་བརྗོད་དམ་ཐོས་པར་བགྱིད་དམ་གཏམ་བརྒྱུད་བརྗོད་ན་བཙུན་པ་
བཅོམ་ལྡན་འདས་ས་ཕྱོགས་དེ་དག་ཐམས་ཅད་ཤིན་ཏུ་མདངས་དང་ལྡན་པ་དང་ཤིན་ཏུ་སྣུམ་པར་འགྱུར་རོ། །ས་ཕྱོགས་དེ་དང་དེ་དག་ཏུ་སེམས་ཅན་ཐམས་ཅད་ཀྱིས་ཕྱིར། སའི་བཅུད་རྣམ་པ་སྣ་ཚོགས་དང་
ཡོ་བྱད་ཐམས་ཅད་རྒྱས་པར་སྐྱེ་བར་འགྱུར། རྣམ་པར་འཕེལ་བར་འགྱུར། ཤིན་ཏུ་རྒྱས་པར་འགྱུར། སེམས་ཅན་དེ་དག་ཐམས་ཅད་ཀྱང་བདེ་བར་འགྱུར་རོ། །ནོར་ཆེ་བ་དང་། ལོངས་སྤྱོད་ཆེ་བ་དང་། སྦྱིན་
97-1-38a


པ་ལ་མོས་པར་འགྱུར། དཀོན་མཆོག་གསུམ་ལ་མངོན་པར་དད་པར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་སའི་ལྷ་མོ་བརྟན་མ་ལ་འདི་སྐད་ཅེས་བཀའ་སྩལ་ཏོ། །སའི་ལྷ་མོ་སེམས་ཅན་
གང་ལ་ལ་དག་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་ཐ་ན་ཚིག་གཅིག་ཅིག་ཉན་ན། དེ་དག་མིའི་འཇིག་རྟེན་འདི་ནས་ཤི་འཕོས་ནས་སུམ་བཅུ་རྩ་གསུམ་པའི་ལྷའི་རིས་ཀྱི་ནང་དུ་ལྷའི་རིས་གང་ཡང་རུང་བ་ཞིག་ཏུ་སྐྱེ་བར་འགྱུརོ། །
སའི་ལྷ་མོ་སེམས་ཅན་གང་ལ་ལ་དག་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལ་མཆོད་པའི་ཕྱིར། གནས་དེ་དག་ལེགས་པར་བརྒྱན་པར་བྱེད་དམ་ཐ་ན་གདུགས་གཅིག་གམ་བ་དན་གཅིག་གམ། རས་བཅོས་བུ་གཅིག་གི་གཡོགས་
ན་སའི་ལྷ་མོ་རྟག་ཏུ་བརྒྱན་པའི་གནས་དེ་དག་འདོད་པ་ན་སྤྱོད་པའི་ལྷའི་རིས་བདུན་པོ་དེ་དག་ཏུ་ལྷའི་རིན་པོ་ཆེ་སྣ་བདུན་གྱི་གཞལ་མེད་ཁང་རྒྱན་ཐམས་ཅད་ཀྱིས་ལེགས་པར་བརྒྱན་པ་དག་ཏུ་གནས་པར་འགྱུར་རོ། །གང་གི་ཚེ་སེམས་ཅན་དེ་དག་
མིའི་འཇིག་རྟེན་འདི་ནས་ཤི་འཕོས་ཏེ། རིན་པོ་ཆེ་སྣ་བདུན་གྱི་གཞལ་མེད་ཁང་དེ་དག་ཏུ་སྐྱེ་བ་དེའི་ཚེ། སའི་ལྷ་མོ་རིན་པོ་ཆེ་སྣ་བདུན་གྱི་གཞལ་མེད་ཁང་རེ་རེར་ཡང་ལན་བདུན་བདུན་སྐྱེ་བར་འགྱུར་རོ། །ལྷའི་བདེ་བ་བསམ་གྱིས་མི་
ཁྱབ་པ་ཡང་མྱོང་བར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་སའི་ལྷ་མོ་བརྟན་མས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དེས་ན། སའི་ལྷ་མོ་བརྟན་མ་བདག་དགེ་སློང་ཆོས་
སྨྲ་བ་ཆོས་ཀྱི་སྟན་ལ་མཆིས་པ་དེའི་ཆོས་ཀྱི་སྟན་གྱི་ལོགས་ཀྱི་ས་ཕྱོགས་དེ་དང་དེ་དག་ཏུ་གནས་པར་བགྱིའོ། །ཅི་ནས་ཀྱང་སངས་རྒྱས་བརྒྱ་སྟོང་དག་ལ་དགེ་བའི་རྩ་བ་བསྐྲུན་པའི་སེམས་ཅན་དེ་དག་གིས་དོན་གྱི་སླད་
དུ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་འཛམ་བུའི་གླིང་དུ་ཡུན་རིང་དུ་གནས་ཤིང་། མྱུར་དུ་ནུབ་པར་མི་འགྱུར་བ་དང་། སེམས་ཅན་རྣམ་ཀྱང་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པར་འགྱུར་བ་དང་། 
97-1-38b


མ་འོངས་པའི་དུས་ན་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མར་ལྷ་དང་མིའི་བདེ་བ་བསམ་གྱི་མི་ཁྱབ་པ་མྱོང་བར་འགྱུར་བ་དང་། དེ་བཞིན་གཤེགས་པ་དང་འགྲོགས་པར་འགྱུར་བ་དང་མ་འོངས་པའི་དུས་ན་བླ་ན་མེད་པ་ཡང་དག་
པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དང་། སེམས་ཅན་དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་གྱི་སྡུག་བསྔལ་ཐམས་ཅད་ཤིན་དུ་ཆད་པར་འགྱུར་བར་ལུས་མི་གདའ་
བར་བགྱིས་ཏེ། དགེ་སློང་ཆོས་སྨྲ་བ་དེའི་རྐང་པ་ལ་ཡན་ལག་གི་དམ་པ་མགོས་བརྟེན་པར་བགྱིའོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། སའི་ལྷ་མོ་བརྟན་མའི་ལེའུ་ཞེས་བྱ་བ་སྟེ་བཅུ་པའོ།། །། 
དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་ལྷན་ཅིག་ཏུ་སྟན་ལས་ལངས་ཏེ། གོས་ཕྲག་པ་གཅིག་ཏུ་བགོས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་
ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ད་ལྟར་དང་མ་འོངས་པའི་དུས་ན། གསེར་འོད་དམ་པ་མདོ་
སྡེའི་དབང་པོའི་རྒྱལ་པོ་འདི་གྲོང་ངམ་གྲོང་ཁྱེར་རམ་གྲོང་རྡལ་ལམ་ལྗོན་སམ་དགོན་པའི་ཕྱོགས་སམ་རིའི་སྨན་ལྗོངས་སམ་ཕོ་བྲང་འཁོར་གང་དུ་འབྱུང་བར་འགྱུར་བ་དེར་བཙུན་པ་བཅོམ་ལྡན་འདས་
གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་བདག་གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་པོ་དེ་དག་དང་ལྷན་ཅིག་ཏུ་གྲོང་ངམ་གྲོང་ཁྱེར་རམ་གྲོང་རྡལ་ལམ་ལྗོངས་སམ་དགོན་པའི་ཕྱོགས་སམ་རིའི་སྨན་ལྗོང་
སམ་ཕོ་བྲང་འཁོར་དེར་མཆི་བར་བགྱིའོ། །ལུས་མི་གདའ་བར་བགྱི་སྟེ་དགེ་སློང་ཆོས་སྨྲ་བ་དེ་བསྲུང་བར་བགྱིའོ། །ཡོངས་སུ་བསྐྱབ་པ་དང་ཡོངས་སུ་གཟུང་བ་དང་ཡོངས་སུ་བསྐྱང་བ་དང་། ཆད་པ་སྤང་བ་དང་། 
97-1-39a


ཞི་བ་དང་བདེ་ལེགས་སུ་འགྱུར་བར་བགྱིའོ། །སྐྱེས་པ་འམ་བུད་མེད་དམ་ཁྱེའུ་འམ་བུ་མོ་ཆོས་ཉན་པ་དེ་དག་ཐམས་ཅད་དང་གང་སུ་དག་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་ཐ་ན་ཚིག་
བཞི་པའི་ཚིགས་སུ་བཅད་པ་གཅིག་ཉན་པ་དང་ཐ་ན་ཚིག་གཅིག་དང་ཐ་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ལས་བྱང་ཆུབ་སེམས་དཔའི་མིང་གཅིག་གམ། དེ་བཞིན་གཤེགས་པའི་མཚན་གཅིག་ཐོས་པར་གྱུར་
ཏེ། གཟུང་བ་དང་ཐ་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདིའི་མིང་ཐོས་པར་འགྱུར་ཏེ། གཟུང་བ་དེ་དག་ཐམས་ཅད་ཀུན་ཏུ་བསྲུང་བར་བགྱིའོ། །ཡོངས་སུ་བསྐྱབ་པ་དང་ཡོངས་སུ་བཟུངས་བ་དང་ཡོངས་སུ་བསྐྱང་བ་དང་
ཆད་པ་སྤང་བ་དང་ཞི་བ་དང་བདེ་ལེགས་སུ་འགྱུར་བར་བགྱིའོ། །རིགས་དེ་དག་དང་ཁྱིམ་དེ་དག་དང་གྲོང་དེ་དག་དང་གྲོང་ཁྱེར་དེ་དག་དང་གྲོང་རྡལ་དེ་དག་དང་དགོན་པ་དེ་དག་དང་། ཕོ་བྲང་འཁོར་དེ་དག་ཀྱང་ཀུན་ཏུ་བསྲུང་བར་
བགྱིའོ། །ཡོངས་སུ་བསྐྱབ་པ་དང་ཡོངས་སུ་བཟུང་བ་དང་ཡོངས་སུ་བསྐྱང་བ་དང་། ཆད་པ་སྤང་བ་དང་ཞི་བ་དང་བདེ་ལེགས་སུ་འགྱུར་བར་བགྱིའོ། །བཙུན་པ་བཅོམ་ལྡན་འདས་རྒྱུ་གང་དག་གིས། བདག་
གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ཞེས་མིང་དུ་ཆགས་པར་གྱུར་ཅེ་ན། འདི་ནི་བཙུན་པ་བཅོམ་ལྡན་འདས་ཉིད་ཀྱི་མངོན་སུམ་མོ། །བཙུན་པ་བཅོམ་ལྡན་འདས་བདག་གིས་ཆོས་ཐམས་ཅད་འཚལ་ཏོ། །
ཆོས་ཐམས་ཅད་ཡོངས་སུ་འཚལ་ཏོ། །ཆོས་ཐམས་ཅད་ཁོང་དུ་ཆུད་དོ། །ཆོས་ཐམས་ཅད་ཇི་སྙེད་པ་དང་ཆོས་ཐམས་ཅད་ཇི་ལྟ་བ་དང་གནས་པ་གང་ལགས་པ་དང་ཆོས་ཐམས་ཅད་ཀྱི་རིགས་གང་ལགས་པ་དང་། བཙུན་པ་
བཅོམ་ལྡན་འདས་ཆོས་ཐམས་ཅད་བདག་ལ་མངོན་སུམ་མོ། །བཙུན་པ་བཅྡོཾས་ཆོས་ཐམས་ཅད་ལ་བདག་གི་ཡེ་ཤེས་སྣང་བ་བསཾ་གྱིས་མི་ཁྱབ་བོ། །ཡེ་ཤེས་ཀྱི་གསལ་བ་བསཾ་གྱིས་མི་ཁྱབ་བོ། །ཡེ་ཤེས་ཀྱི་རྒྱུ་བ་བསཾ་གྱིས་
97-1-39b


མི་ཁྱབ་བོ། །ཡེ་ཤེས་ཀྱི་ཕུང་པོ་བསམ་གྱིས་མི་ཁྱབ་བོ། །བཙུན་པ་བཅོམ་ལྡན་འདས་ཆོས་ཐམས་ཅད་ལ་བདག་གི་ཡེ་ཤེས་ཀྱི་ཡུལ་འཇུག་པ་བསམ་གྱིས་མི་ཁྱབ་བོ། །བཙུན་པ་བཅོམ་ལྡན་འདས་ཇི་ལྟར་བདག་ཆོས་
ཐཾད་ཡང་དག་པར་འཚལ་བ་དང་ཡང་དག་པར་ཡོངས་སུ་བརྟགས་པ་དང་ཡང་དག་པར་ཡོངས་སུ་འཚལ་བ་དང་ཡང་དག་པར་རྣམ་པར་བལྟས་པ་དང་ཡང་དག་པར་ཁོང་དུ་ཆུད་པའི་རྒྱུ་དེས་ན། བཙུན་པ་བཅོམ་ལྡན་འདས་
བདག་གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ཞེས་མིང་དུ་ཆགས་སོ། །བཙུན་པ་བཅོམ་ལྡན་འདས་བདག་གི་དགེ་སློང་ཆོས་སྨྲ་བ་དེའི་ཚིག་བརྒྱན་པར་བགྱི་བའི་སླད་དུ་སྤོབ་པ་ཉེ་བར་བསྒྲུབ་པར་བགྱིའོ། །ཇི་ལྟར་ཆོས་
སྨྲ་བ་དེ་ལུས་མི་ངལ་བར་འགྱུར་བ་དང་ལུས་ཀྱི་དབང་པོ་བདེ་བར་འགྱུར་བ་དང་རབ་ཏུ་དགའ་བ་སྐྱེ་བར་འགྱུར་བ་དང་གང་གི་སླད་དུ་སངས་རྒྱས་བརྒྱ་སྟོང་དག་ལ་དགེ་བའི་རྩ་བ་བསྐྲུན་པའི་སེཾན་རྣམས་ཀྱི་དོན་གྱི་སླད་དུ། གསེར་
འོད་དམ་པ་མདོ་སྡེའི་དབང་པོའི་རྒྱལ་པོ་འདི་འཛམ་བུའི་གླིང་དུ་ཡུན་རིང་དུ་གནས་ཤིང་མྱུར་དུ་ནུབ་པར་མི་འགྱུར་བ་དང་། སེམས་ཅན་རྣམས་ཀྱང་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པར་འགྱུར་བ་དང་ཡེ་ཤེས་
ཀྱི་ཕུང་པོ་བསམ་གྱིས་མི་ཁྱབ་པ་ཐོབ་པར་འགྱུར་བ་དང་། ཤེས་རབ་དང་ལྡན་པར་འགྱུར་བ་དང་། བསོད་ནམས་ཀྱི་ཕུང་པོ་རབ་ཏུ་འཛིན་པར་འགྱུར་བ་དང་། མ་འོངས་པའི་དུས་ན་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུས་
མར་ལྷ་དང་མིའི་བདེ་བ་བསམ་གྱིས་མི་ཁྱབ་པ་མྱོང་བར་འགྱུར་བ་དང་། དེ་བཞིན་གཤེགས་པ་དང་འགྲོགས་པར་འགྱུར་བ་དང་། མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་
འཚང་རྒྱ་བར་འགྱུར་བ་དང་། སེམས་ཅན་དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་གྱི་སྡུག་བསྔལ་ཐམས་ཅད་ཤིན་ཏུ་ཆད་པར་འགྱུར་བར་དེའི་སྤུའི་བུ་ག་རྣམས་སུ་མདངས་སྩལ་བར་བགྱིའོ། །དེའི་ལུས་
97-1-40a


ལ་མཐུ་དང་སྟོབས་དང་བརྩོན་འགྲུས་ཆེན་པོ་བསྐྱེད་པར་བགྱིའོ། །དེའི་ཡེ་ཤེས་ཀྱི་སྣང་བ་བསམ་གྱིས་མི་ཁྱབ་པར་བགྱིའོ། །དེའི་དྲན་པ་ཁོང་དུ་ཆུད་པར་བགྱིའོ། །དེ་ཆེར་སྤྲོ་བར་བགྱིའོ། །གསེར་འོད་དམ་
པ་མདོ་སྡེའི་དབང་པོའི་རྒྱལ་པོ་ལས། ཡང་དག་ཤེས་ཀྱི་ལེའུ་ཞེས་བྱ་བ་སྟེ་བཅུ་གཅིག་པའོ།། །། འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོ་བམ་པོ་བཞི་པ། 
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མེ་ཏོག་ཡོན་ཏན་རྒྱ་མཚོ་བཻ་དཱུརྱ་དང་གསེར་གྱི་རི་ཁ་དོག་བཟང་པོ་གསེར་དུ་སྣང་བའི་དཔལ་དེ་ལ་ཕྱག་འཚལ་ལོ། །བཅོམ་
ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་སྐུ་ལེགས་པར་བརྒྱན་པ། གང་ཆོས་ཀྱི་སྒྲོན་མ་འདི་འབར་བར་མཛད་པ་ཤཱཀྱ་ཐུབ་པ་དེ་ལ་ཕྱག་
འཚལ་ལོ། །ལྷ་མོ་ཆེན་མོ་དཔལ་ཡོན་ཏན་གྱི་འབྲུ་དང་བཀྲ་ཤིས་པ་དཔག་ཏུ་མེད་པ་ཕུན་སུམ་ཚོགས་པ་དེ་ལ་ཕྱག་འཚལ་ལོ། །ལྷ་མོ་ཆེན་མོ་དབྱངས་ཅན་ཤེས་རབ་ཀྱི་ཡོན་ཏན་དཔག་ཏུ་མེད་པ་འདུས་པ་དེ་ལ་ཕྱག་འཚལ་ལོ། །
ཡང་དེའི་ཚེ་དེའི་དུས་ན་རྒྱལ་པོ་སྟོབས་ཀྱི་དབང་པོའི་ཏོག་གིས་བུ་རྒྱལ་པོ་མཛེས་པའི་ཏོག་དབང་བསྐུར་ནས་རིང་པོར་མ་ལོན་པ་རྒྱལ་སྲིད་གསར་དུ་གནས་པ་ལ་འདི་སྐད་ཅེས་སྨྲས་སོ། །བུ་གང་ངས་སྔོན་དབང་བསྐུར་ནས་རིང་པོར་མ་ལོན་
པ་ཞིག་ན། ཡབ་མཆོག་གི་དབང་པོའི་ཏོག་ལས་བླངས་པ་རྒྱལ་པོའི་བསྟན་བཅོས་ལྷའི་དབང་པོའི་དམ་ཚིག་ཅེས་བྱ་བ་ཞིག་ཡོད་དེ། ངས་རྒྱལ་པོའི་བསྟན་བཅོས་ལྷའི་དབང་པོའི་དམ་ཚིག་དེས། ལོ་ཉི་ཁྲི་
འི་བར་དུ་རྒྱལ་པོ་ཉིད་བྱས་པར་གྱུར་ཏེ། ཐ་ན་སེམས་ཀྱི་སྐད་ཅིག་གཅིག་ཙམ་གྱི་ཚོད་ཀྱང་སྔོན་ཆོས་མ་ཡིན་པས་ཕྱོགས་འགའ་ཞིག་ལ་གནས་པར་མ་ཤེས་སོ་བུ་རྒྱལ་པོའི་བསྟན་བཅོས་ལྷའི་དབང་པོའི་དམ་ཚིག་ཅེས་བྱ་བ་དེ་གང་
97-1-40b


ཞེ་ན། དེས་ན་རིགས་ཀྱི་ལྷ་མོ་དེའི་ཚེ་དེའི་དུས་ན་རྒྱལ་པོ་སྟོབས་ཀྱི་དབང་པོའི་ཏོག་གིས་བུ་རྒྱལ་པོ་མཛེས་པའི་ཏོག་ལ་རྒྱལ་པོའི་སྟན་བཅོས་ལྷའི་དབང་པོའི་དམ་ཚིག་ཅེས་བྱ་བའི་ཚིགས་སུ་བཅད་པ་འདི་དག་གིས་རྒྱ་ཆེར་ཡང་དག་པར་
རབ་ཏུ་བསྟན་ཏོ། །སེམས་ཅན་ཀུན་ལ་ཕན་བྱེད་པ། །ཐེ་ཚོམ་ཐམས་ཅད་གཅོད་པ་པོ། །ཉེས་བྱས་ཐམས་ཅད་འཇིག་བྱེད་པ། །རྒྱལ་པོའི་བསྟན་བཅོས་བཤད་པར་བྱ། །རྒྱལ་པོ་ཐམས་ཅད་སོ་སོ་ནས། །དགའ་བའི་སེམས་
སུ་འགྱུར་བྱོས་ལ། །ལྷ་ཡི་དབང་པོའི་དམ་ཚིག་ཀུན། །ཐལ་མོ་སྦྱར་ཏེ་མཉན་པར་བྱོས། །རྡོ་རྗེའི་འབྱུང་གནས་རི་དབང་འདིར། །ལྷ་ཡི་དབང་པོ་འདུས་པ་ན། །ཚངས་དབང་ལ་ནི་དྲི་བའི་ཕྱིར། །འཇིག་རྟེན་སྐྱོང་བ་རྣམས་ཀྱང་ལངས། །
ཁྱོད་ནི་ལྷ་གཙོ་ཚངས་པ་སྟེ། །ཁྱོད་ནི་ལྷ་རྣཾས་དབང་ཕྱུག་ལགས། །ཁྱོད་ནི་བདག་ཅག་ཐེ་ཚོམ་གཅོད། །བདག་ཅག་དོགས་པ་གཅད་དུ་གསོལ། །མིར་སྐྱེས་པའི་རྒྱལ་པོ་ལ། །ཇི་ལྟ་བུར་ན་ལྷ་ཞེས་བགྱི། །གང་གི་རྒྱུས་ན་རྒྱལ་པོ་ལ། །ལྷ་སྲས་ཞེས་ནི་བགྱི་བར་
འགྱུར། །གལ་ཏེ་ལྷ་ནི་ཇི་ལྟ་བུར། །མི་ཡི་འཇིག་རྟེན་འདིར་སྐྱེ་ཞིང་། །མི་བདག་གྱུར་ཏེ་མི་རྣམས་ལ། །རྒྱལ་པོ་ཉིད་ནི་བགྱིད་པར་འགྱུར། །འཇིག་རྟེན་སྐྱོང་བས་ཚངས་དབང་དང་། །དེ་སྐད་ཡོངས་སུ་དྲིས་པ་དང་། །ལྷའི་
གཙོ་བོ་ཚངས་པ་དེས། །འཇིག་རྟེན་སྐྱོང་ལ་འདི་སྐད་སྨྲས། །དེ་ལྟར་འཇིག་རྟེན་སྐྱོང་རྣམས་ཀྱིས། །ད་ལྟར་བདག་ལ་དྲིས་པས་ན། །སེམས་ཅན་ཀུན་ལ་ཕན་པའི་ཕྱིར། །བསྟན་བཅོས་དམ་པ་ཁོ་བོས་བསྟན། །མི་ཡི་
གནས་སུ་སྐྱེ་པའི། །རྒྱལ་པོ་རྣམས་ཀྱི་སྐྱེ་བ་དང་། །རྒྱུ་གང་གི་ན་ཡུལ་རྣམས་སུ། །རྒྱལ་པོར་འགྱུར་བ་བཤད་པར་བྱ། །ལྷ་དབང་རྣམས་གྱིས་བྱིན་རླབས་ཀྱིས། །མའི་རུམ་དུ་འཇུག་འགྱུར་ཏེ། །
ལྷའི་སྔར་ནི་བྱིན་བརླབ་ནས། །ཕྱི་ནས་མངལ་དུ་འཇུག་པར་འགྱུར། །མིའི་འཇིག་རྟེན་སྐྱེས་ཀྱང་ནི། །མིའི་དབང་པོར་གྱུར་པ་ཡིན། །ལྷ་ལས་སྐྱེས་པར་གྱུར་པས་ན། །དེ་ནི་ལྷའི་སྲས་ཞེས་བྱ། །ཁྱོད་ནི་ལྷ་ཀུན་བུ་
97-1-41a


ཡིན་ཞེས། །སུམ་བཅུ་རྩ་གསུམ་ལྷ་དབང་གིས། །རྒྱལ་པོའི་སྐལ་བ་བྱིན་ནས་ནི། །མི་རྣམས་ཀྱི་ནི་དབང་པོར་སྤྲུལ། །ཉེས་པ་བྱས་པ་རྣམ་འགོག་པ། །ཆོས་མ་ཡིན་པ་གཞིག་པ་དང་། །སེམས་ཅན་
ལེགས་བྱེད་དགོད་པ་དང་། །ལྷ་ཡི་གནས་སུ་དགྱེ་བའི་ཕྱིར། །མི་ཡི་དབང་པོ་མི་ཤེས་དང་། །ལྷའི་ཤས་དང་དྲི་ཡི་ཤས། །གདོལ་པའི་ཤས་དང་སྲིན་ཤས་ཀྱིས། །ཉེས་པར་བྱེད་པ་ཟློག་པར་བྱེད། །
ལེགས་པར་བྱ་བ་བྱེད་རྣམས་ལ། །མི་ཡི་དབང་པོ་ཕ་མའི་ཤས། །རྣམ་སྨིན་འབྲས་བུ་བསྟན་པའི་ཕྱིར། །ལྷའི་རྒྱལ་པོ་བྱིན་གྱིས་བརླབས། །ཚེ་འདིའི་ལེགས་པར་བྱས་པ་དང་། །ཉེས་པར་བྱེད་
པའི་ལས་རྣམས་ཀྱི། །རྣམ་སྨིན་འབྲས་བུ་བསྟན་པའི་ཕྱིར། །ལྷ་ཡི་རྒྱལ་པོ་བྱིན་གྱིས་བརླབས། །ཡུལ་ན་ཉེས་བྱེད་གནས་པ་དག །གང་ཚེ་རྒྱལ་པོས་ཡལ་བོར་ཞིང་། །སྡིག་པ་ཅན་གྱི་
སྐྱེ་བོ་ལ། །འཐུན་པའི་ཆད་པས་མི་གཅོད་ཅིང་། །ཉེས་པར་བྱས་པ་ཡལ་བོར་བ། །དེ་ཚེ་ཆོས་མིན་ཤིན་ཏུ་འཕེལ། །ཐབ་མོ་དང་ནི་གཡོ་རྣམས་ཀྱང་། །ཡུལ་འཁོར་དེ་ནི་ཕྱིར་ཕྱིར་འབྱུང་། །སུམ་བཅུ་རྩ་
གསུམ་ཁང་པ་ན། །ལྷ་ཡི་དབང་པོ་འཁྲུག་པར་འགྱུར། །ཡུལ་ན་ཉེས་བྱེད་གནས་པ་དག །གང་ཚེ་རྒྱལ་པོས་ཡུལ་བོར་བ། །དེ་ཚེ་གཡོ་ནི་མི་བཟད་པ། །དྲག་པོ་རྣམས་ཀྱིས་ཡུལ་འཇོམ་འགྱུར། །ཕ་རོལ་དམག་ཚོག་ལྷག་
ནས་སུ། །ཡུལ་འཁོར་དེ་ནི་རྣམ་པར་འཇིག །ལོངས་སྤྱོད་རྣམ་དང་རིགས་ཀྱང་འཇིག །གང་གིས་ནོར་བསགས་ཡོད་པ་ཡང་། །གཡོ་བྱེད་རྣམ་པ་མང་པོ་ཡིས། །ཕན་ཚུན་དུ་ནི་འཕྲོག་པར་འགྱུར། །བྱ་བ་གང་གིས་རྒྱལ་
པོ་ཉིད། །བྱ་བ་དེ་ནི་མི་བྱེད་ན། །གླང་ཆེན་དབང་པོས་བརྫིང་བུ་བཞིན། །རང་གི་ཡུལ་འཁོར་རྣམ་པར་འཇིག །མ་རུངས་པའི་རླུང་ལྡང་ཞིང་། །མ་རུངས་པའི་ཆར་པ་འབབ། །ཉི་མ་དང་ནི་ཟླ་བ་དང་། །གཟའ་དང་རྒྱུ་
97-1-41b


སྐར་མ་རུངས་འབྱུང་། །རྒྱལ་པོས་ཡལ་བར་བོར་ན་དེར། །ས་བོན་ལོ་ཐོག་མེ་ཏོག་འབྲས། །ལེགས་པར་སྨིན་པར་མི་འགྱུར་ཞིང་། །མུ་གེ་དག་ཀྱང་འབྱུང་བར་འགྱུར། །ཡུལ་ན་ཉེས་བྱེད་གནས་པ་དག །གང་ཚེ་རྒྱལ་
པོས་ཡལ་བོར་བ། །དེ་ཚེ་ལྷ་རྣམ་ཁང་པ་ན། །ཡིད་ནི་དགའ་བར་མི་འགྱུར་རོ། །ལྷ་རྒྱལ་དབང་པོས་དེ་དག་ཀུན། །རྒྱལ་འདི་ཆོས་དང་མི་ལྡན་ཏེ། །ཆོས་མིན་ཕྱོགས་ལ་གནས་པ་ཞེས། །ཕན་ཚུན་དུ་ནི་སྨྲ་བར་
གྱུར། །རྒྱལ་འདིས་རིངས་པོར་མི་ཐོག་པར། །ལྷ་རྣམས་འཁྲུག་པར་བྱེད་པར་འགྱུར། །ལྷ་རྣམས་རབ་ཏུ་འཁྲུགས་པས་ན། །དེ་ཡི་ཡུལ་ནི་རྣམ་པར་འཇིག །ཡུལ་དུ་ཆོས་མིན་འབྱུང་འགྱུར་ཞིང་། །མཚོན་ཆས་
ཀྱང་ནི་འཇིག་པར་འགྱུར། །གཡོ་རྣམས་དང་ནི་འཐབ་མོ་དང་། །ནད་ཀྱང་ཀུན་ཏུ་འབྱུང་བར་འགྱུར། །ལྷ་ཡི་དབང་པོ་རབ་ཁྲོས་ཞིང་། །ལྷ་རྣམ་ཀྱིས་ཀྱང་ཡལ་བར་འདོར། །ཡུལ་འཁོར་དེ་ནི་འཇིག་པར་འགྱུར། །
རྒྱལ་པོ་དེ་ནི་མྱ་ངན་རྙེད། །སྤུན་ནམ་ཡང་ན་བུ་ཡང་རུང་། །སྡུག་པ་རྣམ་དང་བྲལ་བར་འགྱུར། །སྡུག་པས་ཆུང་མ་དང་ཡང་བྲལ། །ཡང་ན་བུ་མོ་འཆི་བར་འགྱུར། །སྐར་མདའ་དག་ཀྱང་ལྟུང་བར་འགྱུར། །དེ་
བཞིན་ཉི་མ་འདྲ་བ་འབྱུང་། །ཕ་རོལ་གྱིས་ནི་དམགས་ཚོགས་དང་། །མུ་གེ་ཤིན་ཏུ་འབྱུང་བར་འགྱུར། །དེ་ཡི་བློན་པོ་ཕང་པ་དང་། །གླང་པོ་ཕངས་པ་འཆི་བར་འགྱུར། །དེ་ཡི་འོག་ཏུ་རྔ་མོ་ནི། །ཕངས་པ་དག་ཀྱང་
འཆི་བར་འགྱུར། །ཁྱིམ་དང་ལོངས་སྤྱོད་ནོར་རྣམ་ཀྱང་། །ཕན་ཚུན་དུ་ནི་འཁྲོག་པར་འགྱུར། །ཡུལ་ཡུལ་དུ་ནི་མཚོན་ཆ་ཡིས། །ཕན་ཚུན་དག་ཏུ་འདེབས་པར་འགྱུར། །ཐབ་མོ་དག་དང་བརྩོད་དང་གཡོ། །
ཡུལ་རྣམ་སུ་ནི་འབྱུང་བར་འགྱུར། །ཡུལ་འཁོར་དུ་ནི་གདོན་འཇུག་ཅིང་། །མི་བཟད་པའི་ནད་ཀྱང་འབྱུང་། །དེ་ཡི་འོག་ཏུ་སྦྱིན་གནས་ཀྱང་། །ཆོས་དང་ལྡན་པ་མ་ཡིན་འགྱུར། །དེ་ཡི་འཁོར་དང་བློན་པོ་ཡང་། །
97-1-42a


ཆོས་དང་ལྡན་པ་མ་ཡིན་འགྱུར། །ཆོས་དང་མི་ལྡན་སྐྱེ་བོ་ལ། །དེ་ཡི་འོག་ཏུ་མཆོད་བྱེད་འགྱུར། །ཆོས་དང་ལྡན་པའི་སེམས་ཅན་ལ། །རྟག་ཏུ་ཆད་པས་གཅོད་པར་འགྱུར། །ཆོས་དང་མི་ལྡན་སྐྱེ་བོ་བཀུར། །
ཆོས་ལྡན་ཆད་པས་བཅོད་པས་ན། །དེར་ནི་ཆུ་དང་རྒྱུ་སྐར་རླུང་། །རྣམ་གསུམ་རྣམ་པར་འཁྲུག་པར་འགྱུར། །ཆོས་མིན་སྐྱེ་བོ་བཟུང་བས་ན། །དམ་ཆོས་རོ་ཡི་སྙིང་པོ་མདངས། །སེམས་ཅན་མདང་དང་ས་ཡི་བཅུད། །
དངོས་པོ་རྣམ་གསུམ་རྣམ་པར་འཇིག །སྐྱེ་བོ་ངན་པ་རབ་བཀུར་ཅིང་། །སྐྱེ་བོ་དམ་པ་སྨད་པས་ན། །འཆི་དང་ལྕེ་འབབ་མུ་གེ་དང་། །རྣམ་པ་གསུམ་ནི་དེར་འབྱུང་འགྱུར། །འབྲས་བུ་ལོ་ཐོག་རོ་དང་མདང་། །དེ་ཡི་འོག་
ཏུ་མེད་པར་འགྱུར། །སེམས་ཅན་ནད་པ་མང་པོ་དག །ཡུལ་རྣམ་སུ་ནི་འབྱུང་བར་འགྱུར། །མངར་ཞིང་ཆེ་བའི་འབྲས་བུ་དག །ཡུལ་རྣམ་ན་ནི་ཡོད་པ་ཡང་། །ཁ་བ་དང་ནི་ཚ་བ་དང་། །ཆུང་བ་དག་ནི་ཉིད་དུ་
འགྱུར། །རྩེ་དང་རྒོད་དང་དགའ་བ་དང་། །སྔན་ཆད་དགའ་བའི་དངོས་པོ་དག །དགའ་བའི་ཉམས་ནི་མི་དགར་འགྱུར། །ཉོན་མོངས་རྒྱ་ཡི་རྣམ་པར་འཁྲུགས། །ལོ་ཐོག་རྣམ་དང་འབྲས་བུ་ཡི། །སྣུམ་
དངོས་ཁུ་བ་ཟད་པས་ན། །ལུས་དང་ཁམས་དང་དབང་པོ་ལ། །དེ་ལྟར་ཚིམ་པར་མི་འགྱུར་རོ། །སེམས་ཅན་རྣམ་ནི་མདོག་ངན་ཞིང་། །མཐུ་འཆུང་ཤིན་ཏུ་རིང་པར་འགྱུར། །ཁ་ཟས་མང་པོ་ཟོས་ཀྱང་
ནི། །ཚིམ་པར་འགྱུར་བ་མ་ཡིན་ནོ། །སྟོབས་དང་མཐུ་དང་བརྩོན་འགྲུས་དང་། །དེ་ཡི་འོག་ཏུ་མེད་པར་འགྱུར། །སེམས་ཅན་བརྩོན་འགྲུས་ཉམས་པ་དག །ཡུལ་རྣམ་སུ་ནི་འབྱུང་བར་འགྱུར། །སྣ་
ཚོགས་ནད་ཀྱིས་གཟིར་བའི། །སེམས་ཅན་ནད་མང་འབྱུང་བར་འགྱུར། །སྲིན་པོ་སྣ་ཚོག་ལས་གྱུར་པའི། །གཟའ་དང་རྒྱུ་སྐར་འབྱུང་བར་འགྱུར། །ཆོས་མིན་ཕྱོགས་ལ་རབ་གནས་ཏེ། །རྒྱལ་པོ་ཆོས་
97-1-42b


དང་མི་ལྡན་པས། །འཇིག་རྟེན་གསུམ་གྱི་དཀྱིལ་འཁོར་ན། །ཁམས་གསུམ་རྣམ་པར་འཇིག་པར་འགྱུར། །གང་ཚེ་རྒྱལ་པོ་ཕྱོགས་གནས་ཏེ། །ཉེས་བྱེད་ཡལ་བར་འདོར་བའི་ཚེ། །འདི་འདྲའི་ཉེས་
པ་དུ་མ་དག །ཡུལ་རྣམས་སུ་ནི་འབྱུང་བར་འགྱུར། །དགོས་པ་གང་ཕྱིར་ལྷ་དབང་གིས། །རྒྱལ་པོ་བྱིན་གྱིས་བརླབས་པ་ཡི། །རྒྱལ་པོ་ཉིད་ནི་མི་བྱེད་ཅིང་། །ཉེས་བྱེད་ཡལ་བར་འདོར་ན་ནི། །ལེག་པར་
བྱས་པས་སེམས་ཅན་རྣམས། །ལྷ་ཡི་གནས་སུ་ལྷར་ཡང་སྐྱེ། །ཉེས་པར་བྱས་པས་ཡི་དགས་དང་། །སེམས་ཅན་དམྱལ་དང་དུད་འགྲོར་སྐྱེ། །གང་ཚེ་རྒྱལ་པོ་ཡུལ་རྣམས་ན། །ཉེས་བྱེད་ཡལ་
བར་འདོར་བའི་ཚེ། །སུམ་བཅུ་རྩ་གསུམ་ལྷ་གནས་ནས། །ཉེས་པ་བྱས་པས་ལྟུང་བར་འགྱུར། །རྒྱལ་པོ་ཉིད་ནི་མི་བྱེད་ན། །དེ་ནི་བུ་ཡང་མ་ཡིན་ལ། །ལྷ་ཡི་རྒྱལ་པོ་ཕ་རྣམ་ཀྱིས། །གནས་ལ་ཉེས་དང་
བཅས་པར་འགྱུར། །གཡོ་ནི་ཤིན་ཏུ་མི་བཟད་པས། །གང་ཚེ་ཡུལ་འཁོར་འཇིག་འགྱུར་བ། །དེ་ཕྱིར་ལྷའི་དབང་པོ་ཡི། །མི་གནས་རྒྱལ་པོ་བྱིན་གྱིས་བརླབས། །ཉེས་པ་བྱས་ཞི་བྱ་བའི་ཕྱིར། །ལེགས་པར་བྱེད་
ལ་འཛུད་པ་སྟེ། །ཚེ་འདི་ལ་ནི་སེམས་ཅན་ལ། །རྣམ་སྨིན་བསྐྱེད་པ་རྒྱལ་པོ་ཡིན། །ལེགས་བྱས་དང་ནི་ཉེས་བྱས་ཀྱི། །ལས་ཀྱི་རྣམ་པར་སྨིན་པའི་འབྲས། །རྣམ་པ་ཐ་དད་པ་བསྟན་པའི་ཕྱིར། །བྱེད་པ་
གང་ཡིན་རྒྱལ་པོར་བརྗོད། །བདག་གིས་དོན་དང་གཞན་དོན་དང་། །ཡུལ་གྱི་ཆོས་ཀྱི་དོན་གྱི་ཕྱིར། །ལྷ་ཚོགས་རྣམ་ཀྱི་བྱིན་གྱིས་བརླབས། །ལྷ་རྣམ་དག་ཀྱང་རྗེས་ཡི་རང་། །ཡུལ་འཁོར་རྣམས་ན་
སྐྱེ་བོ་ནི། །སྡིག་ཅན་གཡོན་ཅན་འདུལ་བ་དང་། །ཡུལ་གྱི་ཆོས་ཀྱི་དོན་གྱི་ཕྱིར། །སྲོག་དང་རྒྱལ་སྲིད་རྣམ་ཀྱང་བཏང་། །ཆོས་མ་ཡིན་པས་བཟོད་བྱེད་ཅིང་། །ཤེས་བཞིན་ཡལ་བར་འདོར་
97-1-43a


བ་ནི། །ཡུལ་ན་འཇིག་པ་མི་བཟད་པ། །དེ་འདྲ་གཞན་ནི་ཡོད་མ་ཡིན། །ཇི་ལྟར་གཡོ་རྣམས་བྱུང་བ་ལ། །གཡོ་བྱེད་ཆད་པས་མ་གཅད་ན། །ཡུལ་དུ་ཤིན་ཏུ་མི་བཟད་པའི། །གཡོ་རྣམ་ཕྱིར་ཞིང་འབྱུང་
བར་འགྱུར། །གླང་ཆེན་རྣམ་ཀྱི་རྫིང་ཆེན་བཞིན། །ཡུལ་འཁོར་དེ་ནི་རྣམ་པར་འཇིག །ལྷ་དབང་རྣམ་ཀྱང་ཁྲོ་བར་འགྱུར། །ལྷ་ཡི་གནས་ནི་རྣམ་པར་འཇིག །ཡུལ་དུ་དངོས་པོ་ཐམས་ཅད་ནི། །མ་རུང་བར་
ཡང་འགྱུར་བས་ན། །དེ་ཕྱིར་སྡིག་པ་བྱེད་པ་རྣམས། །ཉེས་པའི་རིམ་བཞིན་གདུལ་བར་བྱ། །ཆོས་ཀྱིས་ཡུལ་འཁོར་བསྐྱང་བར་བྱ། །ཆོས་མ་ཡིན་པ་སྤྱད་མི་བྱ། །སྲོག་ཀྱང་ཡོངས་སུ་གཏང་བྱ་ཞིང་། །ཉེ་
མཁོན་བྱ་བར་མི་བྱའོ། །སྐྱེ་བོ་གཉེན་དང་སྐྱེ་བོ་གཞན། །ཡུལ་འཁོར་སྐྱེ་བོ་ཐམས་ཅད་ལ། །རྒྱལ་པོས་ཕྱོགས་ཀྱང་ཅིག་བྱའི། །ཕྱོགས་སུ་ལྷུང་བར་གྱུར་ཏ་རེ། །རྒྱལ་པོ་ཆོས་དང་ལྡན་པའི། །གྲགས་པ་འཇིག་
རྟེན་གསུམ་གང་སྟེ། །སུམ་བཅུ་གསུམ་གྱི་གནས་རྣམས་ན། །ལྷ་ཡི་དབང་པོ་དགར་འགྱུར་ཏེ། །འཛམ་བུའི་གླིང་ན་ངེད་ཀྱི་བུ། །འདི་ལྟར་ཆོས་ལྡན་རྒྱལ་པོ་ཡིན། །ཆོས་ཀྱི་ཡུལ་འཁོར་དེར་སྟན་ནས། །ལེགས་
པར་བྱེད་ལ་སྐྱེ་བོ་བཀོད། །རྒྱལ་པོ་དེ་ནི་ལེགས་བྱེད་པས། །སྐྱེ་བོ་དག་ནི་འདིར་འགྱེད་དེ། །ལྷ་དང་ལྷའི་བུ་རྣམ་ཀྱིས། །ལྷ་གནས་གང་བར་བྱེད་སྙམ་མོ། །ཆོས་ཀྱི་ཡུལ་འཁོར་དེར་བསྟན་པས། །རྒྱལ་པོ་རྣམས་
ནི་རབ་ཏུ་དགའ། །ལྷ་དབང་རབ་ཏུ་དང་གྱུར་པས། །མི་ཡི་རྒྱལ་པོ་དེ་ལ་བསྲུང་། །ཉི་ཟླ་དང་ནི་དེ་བཞིན་དུ། །རྒྱུ་སྐར་ལེགས་པར་རྒྱུ་བར་འགྱུར། །རླུང་ཡང་དུསུ་ལྡང་འགྱུར་ཞིང་། །ཆར་པ་འང་དུས་སུ་འབབ་པར་
འགྱུར། །ལྷ་གནས་རྣམས་དང་དེ་བཞིན་དུ། །ཡུལ་འཁོར་རྣམ་སུ་ལོ་ལེགས་བྱེད། །ལྷ་དང་ལྷའི་བུ་རྣམ་ཀྱིས། །ལྷའི་གནས་རྣམས་གང་བར་བྱེད། །དེ་ལྟ་བས་ན་རྒྱལ་པོ་ཡི། །བདག་གིས་ཕངས་པའི་སྲོག་བཏང་
97-1-43b


གིས། །བདག་གིས་འཇིག་རྟེན་བདེར་འགྱུར་བ། །དཀོན་མཆོག་ཆོས་ནི་མི་བཏང་སྟེ། །ཡོན་ཏན་རྣམ་ཀྱི་གང་བརྒྱན་པ། །ཆོས་དང་ལྡན་པས་བསྟེན་པར་བྱ། །རང་གིས་སྐྱེ་བོ་རྟག་དཀའ་བ། །རྟག་ཏུ་སྡིག་
པ་རྣམ་པར་སྤང་། །ཆོས་ཀྱིས་ཡུལ་འཁོར་བསྐྱང་བར་བྱ། །ཆོས་ཀྱང་ཡང་དག་བསྟན་པར་བྱ། །ལེགས་པར་བྱེད་ལ་སེམས་ཅན་དགོད། །ཉེས་བྱེད་ལས་ནི་བཟློག་པར་བྱ། །གང་ཚེ་སྡིག་པ་བྱེད་པ་རྣམས། །ཚུལ་བཞིན་
འདུལ་བར་བྱེད་པའི་ཚེ། །ཡུལ་འཁོར་དུ་ནི་ལོ་ལེགས་ཤིང་། །རྒྱལ་པོ་གཟི་བརྗིད་ལྡན་པར་འགྱུར། །རྒྱལ་པོ་གྲགས་དང་ལྡན་འགྱུར་ཞིང་། །སྐྱེ་དགུ་རྣམས་ཀྱང་བདེ་བར་སྐྱོང་། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས་
རྒྱལ་པོའི་བསྟན་བཅོས་ལྷའི་དབང་པོའི་དམ་ཚིགས་ཅེས་བྱ་བའི་ལེའུ་སྟེ་བཅུ་གཉིས་པའོ།། །། གང་ཚེ་འཁོར་ལོས་སྒྱུར་བའི་རྒྱལ་པོར་གྱུར། །དེ་ཚེ་རྒྱ་མཚོར་བཅས་པའི་ས་རྣམས་བཏང་། །གླིང་བཞི་རིན་ཆེན་གང་བར་བཅས་པ་ཡང་། །
སྔོན་གྱིས་རྒྱལ་བ་དག་ལ་ངས་ཕུལ་ལོ། །ཆོས་ཀྱི་སྐུ་དེ་ཡོངས་སུ་བཙལ་བའི་ཕྱིར། །གང་སྔོན་ཡིད་དུ་འོང་ཞིང་ཕང་པའི། །དངོས་པོ་དེ་དག་ངས་ནི་མ་བཏང་མེད། །བསྐལ་པ་དུ་མར་ཕང་པའི་སྲོག་ཀྱང་བཏང་། །ཇི་ལྟར་སྔོན་གྱི་སྐལ་
པ་བསམ་ཡས་ན། །རིན་ཆེན་གཙུག་ཏོར་ཅན་གྱི་བདེ་བར་གཤེགས། །མྱ་ངན་འདས་པའི་བདེ་བར་གཤེགས་པའི་དེའི། །བསྟན་ལ་ལེགས་བྱུང་ཞེས་པའི་རྒྱལ་པོ་བྱུང་། །དེ་ནི་གླིང་བཞིའི་དབང་པོ་འཁོར་ལོས་སྒྱུར། །རྒྱ་མཚོར་ཐུག་པའི་
ས་ལ་རབ་ཏུ་སྟོན། །རྒྱལ་དབང་གསུང་ཕྱིར་རྒྱལ་པོའི་ཕོ་བྲང་ན། །དེ་ཚེ་རྒྱལ་པོ་དམ་པ་གཉིས་ཀྱིས་ལོག །རྨི་ལམ་དུ་ནི་སངས་རྒྱས་ཡོན་ཏན་ཐོས། །ཆོས་སྨྲ་རིན་ཆེན་སོག་པ་གཉིད་དཀྱིལ་ན། །རྣམ་པར་ལྷ་ངེར་མདོ་སྡེའི་དབང་པོ་འདི། །
རབ་ཏུ་འཆད་ཅིང་འདུག་པ་མཐོང་བར་གྱུར། །རྒྱལ་པོ་དེ་ནི་གཉིད་ཀྱི་ལོག་ལམ་སད། །དེའི་ལུས་ཀུན་དགའ་བས་ཁྱབ་པར་གྱུར། །མགུ་ནས་རྒྱལ་པོའི་ཁབ་ནས་མངོན་བྱུང་སྟེ། །ཉན་ཐོས་དགེ་འདུན་མཆོག་གི་གནས་སུ་སོང་། །
97-1-44a


རྒྱལ་བའི་ཉན་ཐོས་རྣམས་ལ་མཆོད་བྱེད་ཅིང་། །འཕགས་པའི་དགེ་འདུན་འདི་ནི་རིན་ཆེན་སོག །ཡོན་ཏན་ལྡན་པའི་དགེ་སློང་གང་ཡོད་ཅེས། །ཆོས་སྨྲ་རིན་ཆེན་སོགས་པ་ཀུན་ཏུ་དྲིས། །དེ་ཡི་ཚེ་ན་རིན་ཆེན་སོག་པ་ནི། །ཕུག་
གཞན་ཞིག་གི་ནང་ན་འདུག་གྱུར་ཏེ། །མདོ་སྡེའི་རྒྱལ་པོ་འདི་ནི་རྣམ་སེམས་ལ། །ཁ་ཏོན་བྱེད་ཅིང་བདེ་བར་རབ་ཏུ་འདུག །དགེ་སློང་ཆོས་སྨྲ་རིན་ཆེན་སོག་པ་དེ། །ཕུན་སུམ་གཟི་བརྗིད་དཔལ་གྱི་རབ་འབར་ཞིང་། །ཕུག་གཞན་ཞིག་གིས་
ནང་ན་འདུག་གྱུར་པ། །དེའི་ཚེ་ན་རྒྱལ་པོ་དེ་ལ་བསྟན། །འདི་ན་ཆོས་སྨྲ་རིན་ཆེན་སོག་པ་འདི། །རྒྱལ་པོའི་སྤྱོད་ཡུལ་ཟབ་མོ་འཛིན་པ་སྟེ། །གསེར་འོད་དམ་པ་ཞེས་ནི་བྱ་བ་ཡི། །མདོ་སྡེའི་དབང་པོའི་རྒྱལ་པོ་རྟག་ཏུ་སྟོན། །རིན་ཆེན་སོག་པའི་
རྐང་ལ་ཕྱག་འཚལ་ཏེ། །རྒྱལ་པོ་ལེག་པར་བྱུང་བས་འདི་སྐད་སྨྲས། །གསེར་འོད་དམ་པ་མདོ་སྡེའི་དབང་པོའི་རྒྱལ། །ཟླ་བ་ཉ་བའི་ཞལ་འདྲ་བཤད་དུ་གསོལ། །རྒྱལ་པོ་ལེག་པར་འབྱུང་བ་དེ་ཉིད་ལ། །རིན་ཆེན་སོག་པས་ཁས་ནི་བླངས་པས་
ན། །སྟོང་གསུམ་པའི་འཇིག་རྟེན་ཐམ་ཅད་དུ། །ལྷ་རྣམས་ཐམ་ཅད་རབ་ཏུ་དགའ་བར་འགྱུར། །དེ་ཚེ་མིའི་དབང་པོས་ས་ཕྱོགས་ནི། །གཙང་ཞིང་མཆོག་ཏུ་ཁྱད་པར་འཕགས་པ་དེར། །རིན་ཆེན་ཆུ་དང་སྤོས་ཆུས་ཆག་ཆག་བཏབ། །མེ་ཏོག་སིལ་མ་
བཀྲམ་སྟེ་ཁྲི་བཤམས་ནས། །རྒྱལ་པོ་ཁྲི་དེ་གདུག་དང་རྒྱལ་མཚན་དང་། །དར་ཡུག་སྟོང་ཕྲག་དུ་མས་ལེག་པར་བརྒྱན། །རྒྱལ་པོ་ཁྲི་དེ་ཙན་དན་དམ་པ་དག །རྣམ་པ་སྣ་ཚོག་དག་ཀྱང་མངོན་པར་གཏོར། །ལྷ་དང་ཀླུ་དང་ལྷ་མིན་མི་འམ་ཅི། །
གནོད་སྦྱིན་དབང་དང་གནོད་སྦྱིན་ལྟོ་འཕྱེ་ཆེས། །ལྷའི་མེ་ཏོག་མན་དཱ་ར་བའི་ཆར། །ཁྲི་དེ་ལ་ནི་མངོན་པར་རབ་ཏུ་ཕབ། །ཆོས་འདོད་ལྷ་ནི་བྱེ་བ་ཁྲག་ཁྲིག་སྟོང་། །བསམ་གྱིས་མི་ཁྱབ་གང་དག་ལྷག་གྱུར་པ། །རིན་ཆེན་སོག་པ་མངོན་པར་བྱུང་བ་ན། །
ས་ལའི་མེ་ཏོག་དག་གིས་མངོན་པར་འཐོར། །ཆོས་སྨྲ་རིན་ཆེན་སོག་པ་དེ་ཉིད་ཀྱང་། །ཤིན་ཏུ་ལུས་བཀྲུས་གཙང་མའི་གོས་བགོས་ཏེ། །ཁྲི་དེར་ཉེ་བར་སོང་བ་བྱས་ནས་ནི། །ཐལ་མོ་སྦྱར་བ་བྱས་ཏེ་ཕྱག་ཀྱང་འཚལ། །ལྷ་དབང་དང་ནི་ལྷ་དང་
97-1-44b


ལྷ་མོ་རྣམས། །བར་སྣང་འདུག་ནས་མེ་ཏོག་མན་དཱ་རའི། །ཆར་པ་འབེབས་ཤིང་སིལ་སྙན་བརྒྱ་སྟོང་ཕྲག །བསམ་གྱི་མི་ཁྱབ་པ་དག་རབ་ཏུ་སྒྲོགས། །རིན་ཆེན་སོག་པ་དགེ་སློང་ཆོས་སྨྲ་དེས། །ཕྱོགས་བཅུ་དག་གི་སངས་རྒྱས་བྱེ་བ་སྟོང་། །
བསམ་གྱིས་མི་ཁྱབ་པ་དག་དྲན་བྱས་ནས། །དེ་ནི་མངོན་པར་འཛེག་ཏེ་འདུག་པར་གྱུར། །སེམས་ཅན་ཀུན་ལ་སྙིང་བརྩེ་བསྐྱེད་ནས་ནི། །སྙིང་རྗེའི་སེམས་ཀྱང་ཡང་དག་བསྐྱེད་བྱས་ཏེ། །རྒྱལ་པོ་ལེགས་པར་བྱུང་བ་དེ་ལ་ནི། །དེ་ཚེ་ན་མདོ་སྡེ་
འདི་བསྟན་ཏེ། །རྒྱལ་པོས་ཐལ་མོ་སྦྱར་བྱས་བཏུད་ནས་སུ། །ཚིག་གཅིག་གིས་ནི་རྗེས་སུ་ཡི་རང་སྟེ། །ཆོས་ཀྱི་ཤུག་ཀྱིས་མིག་ནས་མཆི་མ་ཕྱུང་། །དེའི་ལུས་ནི་དགའ་བས་ཁྱབ་པར་གྱུར། །མདོ་སྡེ་འདི་ལ་མཆོད་པ་བྱ་བའི་ཕྱིར། །དེ་ཚེ་རྒྱལ་པོ་
ལེག་པར་བྱུང་བའི། །ཡིད་བཞིན་ནོར་བུ་རིན་ཆེན་རྒྱལ་པོ་བླངས། །སེམས་ཅན་རྣམས་ཕྱིར་སྨོན་ལམ་བཏབ་པ་ནི། །རིན་ཆེན་བདུན་དང་ལྡན་པའི་རྒྱན་རྣམ་དང་། །གང་ཡང་འཛམ་བུའི་གླིང་འདིར་སེམས་ཅན་རྣམས། །བདེ་བར་འགྱུར་བའི་ནོར་ནི་
ཆེན་པོ་ཡི། །ཆར་པ་དེ་རིང་འཛམ་བུའི་གླིང་དུ་ཕོབ། །དེའི་ཚེ་ན་རིན་ཆེན་སྣ་བདུན་དང་། །དཔུང་རྒྱན་དང་ནི་དོ་ཤལ་རྣ་ཆ་མཆོག །དེ་བཞིན་ཟས་དང་སྐོམ་དང་གོས་རྣམ་ཀྱང་། །གླིང་བཞི་དག་ཏུ་རབ་ཏུ་འབབ་པར་གྱུར། །རྒྱལ་པོ་ལེགས་པར་བྱུང་བས་
འཛམ་གླིང་དུ། །རིན་ཆེན་ཆར་པ་འབབ་པ་དེ་མཐོང་ནས། །གླིང་བཞི་རིན་ཆེན་གང་བར་བཅས་པ་ནི། །རིན་ཆེན་གཙུག་ཏོར་ཅན་གྱི་སྟན་ལ་ཕུལ། །དེ་བཞིན་གཤེགས་པ་ཤཱཀྱ་ཐུབ་པ་ང་། །རྒྱལ་པོ་ལེགས་པར་བྱུང་ཞེས་བྱ་བར་གྱུར། །གླིང་བཞི་
དག་ནི་རིན་ཆེན་གང་བཅས་ཀྱི། །ས་འདི་དེ་ཚེ་ང་ཡིས་ཡོངས་སུ་བཏང་། །གང་གིས་རྒྱལ་པོ་ལེགས་པར་བྱུང་དེ་ལ། །དེ་ཚེ་མདོ་སྡེ་འདི་ནི་རབ་བསྟན་པ། །རིན་ཆེན་བསོག་པ་ཆོས་སྨྲའི་དགེ་སློང་དེ། །དེ་བཞིན་གཤེགས་པ་མི་ཁྲུགས་དེར་གྱུར་
ཏོ། །ངས་གང་དེ་ཚེ་མདོ་སྡེ་འདི་ཐོས་ཤིང་། །ཚིག་ཅིག་གིས་ནི་རྗེས་སུ་ཡི་རང་སྟེ། །ང་ནི་དགེ་བའི་ལས་ནི་དེ་ཉིད་དང་། །ཆོས་ཉན་པ་དང་རྗེས་སུ་ཡི་རང་བས། །གསེར་གྱི་མདོག་དང་བསོད་ནམས་བརྒྱ་ཡི་མཚན། །བལྟ་ན་
97-1-45a


སྡུག་ཅིང་མིག་ཏུ་མངོན་མཛེས་ལ། །ལྷ་སྟོང་བྱེ་བ་རབ་ཏུ་དགའ་བྱེད་པ། །སྐྱེ་བོས་མཐོང་ན་དགའ་ལུས་བརྟག་ཏུ་ཐོབ། །བསྐལ་པ་དག་ནི་བྱེ་བ་བརྒྱ་སྟོང་ཕྲག །དགུ་བཅུ་རྩ་དགུར་འཁོར་ལོས་སྒྱུར་རྒྱལ་གྱུར། །བསྐལ་པ་
བརྒྱ་སྟོང་དུ་མ་མང་པོར་ཡང་། །ངས་ནི་ཁམས་ཀྱི་རྒྱལ་པོ་མྱོང་བར་གྱུར། །བསྐལ་པ་བསམ་གྱིས་མི་ཁྱབ་བརྒྱ་བྱིན་གྱུར། །ཚངས་པའི་དབང་པོ་ཡིད་བཞིན་དེ་བཞིན་ནོ། །གང་དག་ཚད་ནི་ནམ་ཡང་ཡོད་མིན་པའི། །སྟོབས་བཅུ་དཔག་མེད་
ངས་ནི་བསྙེས་པར་བྱས། །ངས་གང་མདོ་ཐོས་རྗེས་སུ་ཡི་རང་བ། །བསོད་ནམས་ཕུང་པོ་དེ་ལྟར་ཚད་མེད་མང་། །བསམ་པ་ཇི་བཞིན་ངས་ནི་བྱང་ཆུབ་ཐོབ། །ཆོས་སྐུ་དམ་པ་ཡང་ནི་ངས་ཐོབ་བོ། །གསེར་འོད་དམ་པ་མདོ་སྡེའི་དབང་པོའི་
རྒྱལ་པོ་ལས་ལེག་པར་བྱུང་བའི་ལེའུ་ཞེས་བྱ་བ་སྟེ་བཅུ་གསུམ་པའོ།། །། དཔལ་ལྡན་ལྷ་མོ་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག །འདས་པ་དང་མ་འོང་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམ་ལ་ཡོ་བྱད་
ཐམས་ཅད་ཀྱི་མཆོད་པ་ཆེན་པོ་ཤིན་ཏུ་རྒྱལ་ཤིང་རྒྱ་ཆེ་བ་བསམ་གྱི་མི་ཁྱབ་པ་བྱེད་པར་འདོད་བཅིང་། འདས་པ་དང་མ་འོང་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམ་ཀྱི་སངས་རྒྱས་ཀྱི་སྤྱོད་ཡུལ་ཟབ་མོ་ཡོངས་སུ་
ཤེས་པར་འདོད་པ་དེས་གཙུག་ལག་ཁང་ངམ་དགོན་པའི་ཕྱོག་ཀྱང་རུང་སྟེ། གང་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆར་ཡང་དག་པར་རབ་ཏུ་སྟོན་པའི་ཕྱོགས་དེར། དེས་གདོན་མི་ཟ་བར་གཡེང་བ་མེད་པའི་
སེམས་ཀྱི་རྣ་བླག་ཏེ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པར་བྱའོ། །དེ་ནས་བཅོམ་ལྡན་འདས་ཀྱི་དོན་འདི་ཉིད་འཁོར་ལ་རྒྱ་ཆར་བརྗོད་པའི་ཕྱིར། དེའི་ཚེ་ཚིགས་སུ་བཅད་པ་འདི་དག་གསུངས་སོ། །
གང་ཞིག་སངས་རྒྱས་ཐམས་ཅད་ལ། །བསམ་བྱས་མཆོད་པ་བྱེད་འདོད་ཅིང་། །སངས་རྒྱས་ཀུན་གྱི་སྤྱོད་ཡུལ་བ། །ཟབ་མོ་རབ་ཏུ་ཤེས་འདོད་པས། །གཙུག་ལག་ཁང་ངམ་གནས་ཁང་ངམ། །གང་ན་གསེར་འོད་དམ་
97-1-45b


པའི། །མདོ་སྡེ་དམ་པ་འདི་སྟོན་པ། །ས་ཕྱོགས་དེར་ནི་འགྲོ་བར་བྱ། །མདོ་སྡེ་བསམ་གྱིས་མི་ཁྱབ་སྟེ། །ཡོན་ཏན་རྒྱ་ཚོ་མཐའ་ཡང་ཡས། །སྡུག་བསྔལ་རྒྱ་མཚོ་དུ་མ་ལས། །སེམས་ཅན་ཐམས་ཅད་ཐར་བར་བྱེད། །མདོ་སྡེ་
ཡི་ནི་ཐོག་མ་དང་། །དབུས་དང་དེ་བཞིན་ཐ་མ་མཐོང་། །མདོ་སྡེའི་དབང་པོ་རབ་ཟབ་སྟེ། །འདི་ལ་དཔེའ་ནི་ཡོད་མ་ཡིན། །གང་ག་དང་ནི་ས་རྣམ་དང་། །རྒྱ་མཚོ་དང་ནི་ནམཁའ་ལ། །གནས་པའི་རྡུལ་ནི་གང་ཡང་རུང་། །དཔེར་བྱ་
བ་ནི་མི་ནུས་སོ། །ཆོས་ཀྱི་དབྱིངས་ལ་འཇུག་པའི། །དེའི་ཚེ་ན་འཇུག་པར་བྱ། །ཆོས་ཀྱི་བདག་ཉིད་མཆོད་རྟེན་ནི། །ཟབ་མོ་རབ་བརྟན་གང་ཡིན་པ། །མཆོད་བརྟེན་དེའི་དབུས་ན་ནི། །རྒྱལ་བ་ཤཱཀྱ་ཐུབ་པ་མཐོང་། །ཡིད་དུ་འོང་
བ་དབྱངས་ཀྱི་སུ། །མདོ་སྡེ་འདི་ནི་རབ་ཏུ་བསྟོན། །གྲངས་མེད་བསམ་གྱིས་མི་ཁྱབ་པའི། །བསྐལ་པ་བྱེ་བ་ཇི་སྙེད་པར། །ལྷའི་དང་ནི་མི་རྣམ་ཀྱིས། །བདེ་བ་དག་ནི་རྗེས་སུ་མྱོང་། །གང་ཞིག་མདོ་སྡེ་འདི་ཉན་པ། །དེ་ལྟར་བདག་
གིས་བསོད་ནམས་ཀྱིས། །ཕུང་པོ་བསམ་ཡས་བསྒྲུབས་སྙམ་དུ། །དེ་ཚེ་དེ་ནི་དེ་ལྟར་ཤེས། །མིས་གང་འོབས་ཀྱི་བསྐོར་བའི། །དཔག་ཚད་བརྒྱ་དག་འདའ་བྱེད་ཅིང་། །ཚོར་བ་དྲག་པོ་བཟོད་བྱས་ནས། །མདོ་སྡེ་
མཉན་པར་གང་ནུས་པ། །གཙུགས་ལག་ཁང་ངམ་གནས་ཁང་དུ། །ཞུགས་ནས་དེ་མ་ཐག་ཏུ་ནི། །སྡིག་པ་རྣམས་ནི་མེད་པར་འགྱུར། །རྨི་ངན་མཚན་ཉིད་ཐམས་ཅད་དང་། །གཟའ་དང་རྒྱུ་སྐར་གནོད་པ་དང་། །བྱད་དང་
གདོན་ནི་མི་བཟད་ཀྱང་། །ཞུགས་ནས་དེ་མ་ཐག་ཏུ་ནི། །ཐམས་ཅད་གཞན་ཏུ་ཕྱོགས་པར་འགྱུར། །ཀླུའི་རྒྱལ་པོ་རྣམ་ཀྱི་ནི། །རྨི་ལམ་བསྟན་པ་ཅི་འདྲ་བར། །དེར་ནི་པད་མ་འདྲ་བའི་ཁྲི། །དེ་ལྟ་བུར་ཡང་བཤམས་
པར་བྱ། །ཁྲི་དེ་ལ་ནི་འདུག་ནས་སུ། །མདོ་སྡེ་འདི་ནི་རབ་ཏུ་བསྟན། །ཡི་གེར་བྲིས་པ་བཀླག་པར་བྱ། །དེ་བཞིན་ཡོངས་སུ་ཆུབ་པར་བྱ། །ཁྲི་དེ་ལས་ནི་བབས་ནས་སུ། །ཡུལ་གཞན་སོང་བར་གྱུར་ན་ཡང་། །ཁྲི་དེ་ལ་ནི་ཡོད་པའི། །
97-1-46a


ཆོས་འཕྲུལ་རྣམ་ཀྱང་སྣང་བར་འགྱུར། །ཆོས་སྨྲ་བའི་གཟུགས་སུ་ཡང་། །དེ་ནི་རེས་དགའ་སྣང་བར་འགྱུར། །རེས་དགའ་སངས་རྒྱས་གཟུགསུ་སྟེ། །རེས་དགའ་བྱང་ཆུབ་སེམས་དཔར་ཡང་། །རེས་དགའ་ཀུན་ཏུ་
བཟང་པོ་དང་། །དེ་བཞིན་འཇམ་དཔལ་གཟུགས་སུ་སྟེ། །རེས་དགའ་བྱམས་པའི་གཟུགས་སུ་ཡང་། །ཁྲི་དེ་ལ་ནི་སྣང་བར་འགྱུར། །རེས་དགའ་འོད་ནི་འབའ་ཞིག་སྣང་། །རེས་དགའ་ལྷ་རྣམ་སྣང་བར་འགྱུར། །ཡུད་ཙམ་ཞིག་
ནི་དེ་སྣང་ནས། །དེ་ནས་མི་སྣང་བར་ཡང་འགྱུར། །སངས་རྒྱས་མཐོང་ན་བསྔག་པར་འགྱུར། །ཐམས་ཅད་དུ་ཡང་གྲུབ་པར་བྱེད། །འབྲས་དང་བཀྲ་ཤིས་ཕུན་སུམ་ཚོགས། །མཚན་མ་སངས་རྒྱས་སྤྲུལ་པ་ཡིན། །རྒྱལ་དང་དཔལ་
དང་གྲགས་པར་བྱེད། །ཕྱིར་རྒོལ་བ་ཡང་ལྡོག་པར་བྱེད། །ཕ་རོལ་དགྲ་ཚོགས་རབ་ཏུ་འཇོམ། །གཡུལ་དུ་དགྲ་རྣམས་ཕུང་བར་བྱེད། །རྨི་ངན་ཐམས་ཅད་ཞི་བར་བྱེད། །སྡིག་པ་ཐམས་ཅད་རབ་ཏུ་འཇིག །སྡིག་པ་ཐམས་ཅད་
རབ་ཞི་བྱེད། །གཡུལ་འགྱེད་པ་ན་རྒྱལ་བར་བྱེད། །འཛམ་བུའི་གླིང་འདི་ཐམས་ཅད་དུ། །གྲགས་པས་རབ་ཏུ་གང་བར་འགྱུར། །དེའི་དགྲ་རྣམས་ཐམས་ཅད་ནི། །ཤིན་ཏུ་ཕམ་པ་ཉིད་དུ་འགྱུར། །རྟག་ཏུ་དགྲ་ནི་ཆོམ་པར་
འགྱུར། །སྡིག་པ་ཐམས་ཅད་རྣམ་པར་སྤངས། །གཡུལ་ངོའི་རྩེ་ལས་རྣམ་པར་རྒྱལ། །དགྲ་དང་བྲལ་ཞིང་མཆོག་ཏུ་དགའ། །ཚངས་དབང་སུམ་བཅུ་རྩ་གསུམ་དབང་། །དེ་བཞིན་འཇིག་རྟེན་སྐྱོང་རྣམས་དང་། །ལག་
ན་རྡོ་རྗེ་གནོད་སྦྱིན་དབང་། །རྒྱལ་བ་ཁྱུ་མཆོག་ཡང་དག་ཤེས། །ཀླུའི་དབང་པོ་མ་དྲོས་དང་། །དེ་བཞིན་དུ་ནི་རྒྱ་མཚོ་དང་། །མི་འམ་ཅི་དབང་ལྷ་མིན་དབང་། །དེ་བཞིན་ནམཁའ་ལྡིང་དབང་པོ། །དེ་དག་ལས་ནི་
སོག་པ་དང་། །ལྷ་རྣམ་དེ་དག་ཐམས་ཅད་ཀྱང་། །ཆོས་ཀྱི་མཆོད་རྟེན་བསམ་ཡས་ལ། །རྟག་ཏུ་མཆོད་པ་བྱེད་པར་འགྱུར། །ཞེས་སར་བཅས་པའི་སེམས་ཅན་རྣམས། །མཐོང་ནས་ཤིན་ཏུ་དགའ་བར་འགྱུར། །
97-1-46b


ལྷའི་དབང་པོ་མཆོག་དེ་དག །ཐམས་ཅད་འདི་སྙམ་སེམས་པར་འགྱུར། །ལྷ་རྣམ་དེ་དག་ཐམས་ཅད་ཀྱང་། །ཕན་ཚུན་དུ་ནི་སྨྲ་བྱེད་པ། །བསོད་ནམས་དཔལ་དང་གཟི་བརྗིད་དག །བསགས་པ་དེ་དག་ཀུན་ལ་
ལྟོས། །དགེ་བའི་རྩ་བ་སྦྱངས་པའི། །མི་རྣམ་དེ་དག་འདིར་ལྷག་ཏེ། །གང་དག་མདོ་སྡེ་ཟབ་མོ་འདི། །ཉན་པའི་ཕྱིར་ནི་འདིར་ལྷགས་པ། །དད་པ་བསམ་གྱིས་མི་ཁྱབ་པས། །ཆོས་ཀྱི་མཆོད་རྟེན་གུས་དང་བཅས། །
དེ་དག་འཇིག་རྟེན་སྙིང་རྗེ་ལྡན། །དེ་དག་སེམས་ཅན་ཕན་བྱེད་པ། །དེ་དག་ཟབ་མོའི་ཆོས་རྣམ་ཀྱིས། །དམ་པའི་ཆོས་ཀྱི་རོའི་སྣོད། །ཆོས་ཀྱི་དབྱིངས་ལ་འཇུག་པའི། །དེ་དག་རབ་ཏུ་འཇུག་པ་ཡིན། །གང་
དག་གསེར་འོད་དམ་པའི་མདོ། །དགེ་བ་དམ་པ་འདི་ཉན་པ། །དེ་དག་སྔོན་ཆད་སངས་རྒྱས་ནི། །བརྒྱ་སྟོང་རྣམ་ལ་མཆོད་པ་ཡིན། །དགེ་བའི་རྩ་བ་དེའི་ནི། །མདོ་སྡེ་ཉན་པ་དེ་དག་ལ། །ལྷ་དབང་རྒྱལ་པོ་
དེ་ཀུན་དང་། །དབྱངས་ཅན་དང་ནི་དེ་བཞིན་དུ། །དཔལ་དང་རྣམ་ཐོས་བུ་དང་ནི། །དེ་བཞིན་རྒྱལ་པོ་བཞི་རྣམ་དང་། །གནོད་སྦྱིན་བརྒྱ་ཕྲག་སྟོང་པོ་དག །སྟོབས་ཆེན་རྫུ་འཕྲུལ་ལྡན་རྣམ་ཀྱིས། །ཕྱོགས་བཞི་
དག་ནི་ཀུན་ནས་ཀྱང་། །བསྲུང་བ་ཤིན་ཏུ་བྱེད་པར་འགྱུར། །དབང་པོ་ཟླ་བ་གཤིན་རྗེ་དང་། །རླུང་དང་ཆུ་ལྷ་ཉིད་དང་ནི། །སྐེམ་བྱེད་འཇུག་སེལ་དབྱངས་ཅན་དང་། །སྦྱིན་སྲེག་ཟ་དང་སྐྱེ་དགུ་དང་། །སྟོབས་
ཆེན་ཕ་རོལ་གནོན་བྱེད་པ། །འཇིག་རྟེན་སྐྱོང་བ་དེ་ཀུན་ཀྱང་། །ཉིད་མཚན་གཡེལ་བ་མེད་པར་ནི། །དེ་དག་རྣམ་ལ་བསྲུང་བར་བྱེད། །སྟོབ་ཆེན་གནོད་སྦྱིན་དབང་གཉིས་དང་། །སྲེད་མེད་བུ་དང་
དབང་ཕྱུག་ཆེ། །ཡང་དག་ཤེས་ལ་སོག་པ་དག །གཞན་ཡང་ཉི་ཤུ་རྩ་བརྒྱད་དང་། །གནོད་སྦྱིན་རྒྱ་ཕྲག་སྟོང་པོ་དག །སྟོབ་ཆེན་རྫུ་འཕྲུལ་ལྡན་རྣམ་ཀྱི། །འཇིག་ཤིང་སྐྲག་པ་ཐམས་ཅད་ན། །དེ་དག་ལ་
97-1-47a


ནི་བསྲུང་བར་བྱེད། །ལག་ན་རྡོ་རྗེ་གནོད་སྦྱིན་དབང་། །གནོད་སྦྱིན་དག་ནི་ལྔ་བརྒྱ་དང་། །བྱང་ཆུབ་སེམས་དཔའ་ཐམས་ཅད་ཀྱང་། །དེ་དག་ལ་ནི་བསྲུང་བར་བྱེད། །གནོད་སྦྱིན་དབང་པོ་ནོར་བུ་བཟང་། །
དེ་བཞིན་གང་བ་བཟང་པོ་དང་། །ཇི་འཇིགས་དང་ནི་འབྲོག་གནས་དང་། །དམར་སེར་དང་ནི་སེར་སྐྱ་དང་། །གནོད་སྦྱིན་དབང་པོ་རེ་རེ་ཡང་། །གནོད་སྦྱིན་ལྔ་བརྒྱ་དག་གིས་ནི། །གང་དག་མདོ་སྡེ་འདི་ཐོས་པ། །དེ་དག་རྣམས་ལ་
བསྲུང་བྱེད་འགྱུར། །དྲི་ཟ་སྣ་ཚོག་སྡེ་དང་ནི། །རྒྱལ་བའི་ཁྱུ་མཆོག་རྒྱལ་བའི་རྒྱལ། །ནོར་བུའི་མགུལ་དང་ངེས་མགྲིན་དང་། །དེ་བཞིན་ཆར་པའི་བདག་པོ་དང་། །ཀམ་པོ་ཇི་དང་ནག་པོ་དང་། །དེ་བཞིན་གསེར་འདྲའི་སྐྲ་དང་
ནི། །ལྔས་རྩེན་དང་ནི་ར་རྐང་དང་། །དེ་བཞིན་སྐལ་བ་ཆེན་པོ་དང་། །ཡུར་བ་ཅན་དང་ཆོས་སྐྱོང་དང་། །སྤྲེའུ་དང་དེ་བཞིན་འཁྲི་བྱེད་དང་། །ཁབ་ཀྱི་སྤུ་དང་གཉིས་བཤེས་དང་། །དེ་བཞིན་རིན་ཆེན་སྐྲ་དང་ནི། །ཡུལ་ཆེན་ཅན་དང་
ཁྱིམ་མེད་དང་། །འདོད་པའི་མཆོག་དང་ཙན་དན་དང་། །མཐུ་བོ་ཆེ་དང་གངས་ཅན་དང་། །བདེ་བའི་རི་ཉིད་དེ་བཞིན་ཏེ། །སྟོབས་ཆེན་ཕ་རོལ་གནོད་བྱེད་པ། །རྫུ་འཕྲུལ་ལྡན་པ་དེ་ཀུན་ཀྱང་། །གང་དག་མདོ་སྡེ་འདི་དགའ་བ། །
དེ་དག་ལ་ནི་བསྲུང་བར་བྱེད། །ཀླུའི་དབང་པོ་མ་དྲོས་དང་། །དེ་བཞིན་དུ་ཡང་རྒྱ་མཚོ་དང་། །ཨེ་ལའི་འདབ་དང་བཏང་བཟུང་དང་། །དགའ་བོ་ཉེ་དགའ་གཉིས་ག་དང་། །ཀླུ་ནི་བརྒྱ་ཕྲག་སྟོང་པོ་དག །སྟོབས་ཆེན་རྫུ་འཕྲུལ་
ལྡན་རྣམ་ཀྱང་། །འཇིགས་ཤིང་སྐྲག་པ་ཐམས་ཅད་ལས། །དེ་དག་ལ་ནི་བསྲུང་བར་བྱེད། །སྟོབས་ཅན་སྒྲ་ཅན་མི་གཏོང་དང་། །ཐག་བཟངས་རིས་དང་བདེ་མཆོག་དང་། །རབ་སིམ་བྱེད་དང་ཕྲག་རྩུབ་དང་། །དེ་བཞིན་ལྷ་
མིན་དབང་གཞན་དང་། །ལྷ་མིན་བརྒྱ་ཕྲག་སྟོང་པོ་དག །སྟོབས་ཆེན་རྫུ་འཕྲུལ་ལྡན་རྣམ་ཀྱིས། །འཇིག་སྐྲག་བྱུང་བར་གྱུར་པ་ལས། །དེ་དག་ལ་ནི་བསྲུང་བར་འགྱུར། །འབྱུང་པོའི་མ་མོ་ཕྲོག་མ་ནི། །ལྔ་བརྒྱའི་བུ་
97-1-47b


དང་བཅས་པ་ཡང་། །འདུག་དང་ཉལ་དང་ར་རོའི་ཚེ། །དེ་དག་ལ་ནི་བསྲུང་བར་བྱེད། །གདོལ་པ་མོ་དང་གཏུམ་མོ་དང་། །དེ་བཞིན་གནོད་སྦྱིན་གཏུམ་མོ་དང་། །མདུང་ཅན་དང་ནི་སོ་བརྩེག་དང་། །སེམས་ཅན་ཀུན་ཀྱིས་མདུང་
འཕྲོགས་མ། །སྟོབས་ཆེན་ཕ་རོལ་གནོད་བྱེད་པ། །རྫུ་འཕྲུལ་ལྡན་པ་དེ་ཀུན་ཀྱང་། །ཕྱོགས་བཞི་དག་ནི་ཀུན་ནས་སུ། །དེ་དག་རྣམ་ལ་བསྲུང་བར་བྱེད། །དབྱངས་ཅན་དག་ལ་སོགས་པ་རྣམ། །ལྷ་མོ་བསམ་གྱིས་མི་
ཁྱབ་དང་། །དཔལ་ལ་སོག་པ་དེ་བཞིན་དུ། །ལྷ་མོ་དག་ནི་ཐམས་ཅད་དང་། །སའི་ལྷ་མོ་ཉིད་དང་ནི། །ལོ་ཐོག་འབྲས་བུ་ནག་ལྷ་དང་། །ཀུན་དགའ་ཤིང་ལྗོན་མཆོད་རྟེན་ལ། །གནས་པ་དག་དང་ཀླུངས་ལྷ་དང་། །ལྷ་རྣམས་
དེ་དག་ཐམས་ཅད་འདིར། །རབ་ཏུ་དགའ་བའི་སེམས་ཀྱིས་ནི། །གང་དག་མདོ་སྡེ་འདི་དགའ་བ། །དེ་དག་རྣམ་ལ་བསྲུང་བར་བྱེད། །ཚེ་དང་མདོག་དང་སྟོབས་རྣམ་ལ། །སེམས་ཅན་དག་ནི་སྦྱོར་བར་བྱེད། །དཔལ་དང་བསོད་
ནམས་གཟི་བརྗིད་ཀྱིས། །ཕུན་སུམ་ཚོག་པས་རྟག་ཏུ་བརྒྱན། །གཟའ་དང་རྒྱུ་སྐར་གནོད་པ་དག །དེ་དག་ཐམས་ཅད་ཞི་བར་བྱེད། །རྒུད་དང་སྡིག་དང་རྨི་ངན་པ། །དེ་དག་ཐམས་ཅད་ཞི་བར་བྱེད། །ཟབ་ཅིང་སྟོབས་ཆེན་ལྡན་པའི། །
ས་ཡི་ལྷ་མོ་ཉིད་ཀྱང་ནི། །གསེར་གྱི་འོད་ཀྱི་དམ་པ་ཡི། །མདོ་སྡེའི་དབང་པོའི་རོ་ཡིས་ཚིམ། །དཔག་ཚད་དག་ནི་རྒྱའི་ཕྲག །སྟོང་ཕྲག་དྲུག་བཅུ་རྩ་བརྒྱད་ནས། །རྡོ་རྗེ་རྣམ་ལ་ཐུག་བར་དུ། །ས་ཡི་བཅུད་ནི་རབ་ཏུ་ཕེལ། །
དཔག་ཚད་བརྒྱར་ནི་ཚངས་པའི། །འོག་ཏུ་ས་ཡི་བཅུད་སོང་སྟེ། །དེ་ནི་ཕྱིར་ཡང་ལོག་ནས་ནི། །ས་ཡི་སྟེང་དག་སྣུམ་པར་བྱེད། །མདོ་སྡེ་མཉན་པའི་སྟོབས་ཀྱིས་ནི། །ལྷ་རྣམས་དེ་དག་ཐམས་ཅད་ཀྱང་། །གསེར་གྱི་འོད་ནི་དམ་པའི། །མདོ་སྡེ་
དབང་པོའི་རོས་ཚིམ་འགྱུར། །མདངས་དང་ལྡན་པར་རབ་འགྱུར་ཞིང་། །དེ་བཞིན་རབ་ཏུ་སྟོབས་ལྡན་འགྱུར། །བདེ་བར་འགྱུར་ཞིང་ཚིམ་པར་འགྱུར། །འཛམ་བུའི་གླིང་འདི་ཐམས་ཅད་ན། །འབྲས་བུ་ལོ་ཐོག་ནགས་ལྷ་རྣ། །སྣ་ཚོགས་རོ་ཡིས་ཚིམ་འགྱུར་
97-1-48a


ཞིང་། །ཤིན་ཏུ་རབ་ཏུ་དགའ་བར་འགྱུར། །མདོ་སྡེའི་རོ་ཡིས་ཚིམ་འགྱུར་ནས། །འབྲས་བུ་རྣམས་དང་ལོ་ཐོག་དང་། །མེ་ཏོག་རྣམ་པ་སྣ་ཚོགས་དང་། །འབྲས་བུའི་ཤིང་ལྗོན་སྣ་ཚོགས་ཀྱང་། །ཀུན་ནས་རབ་ཏུ་སྐྱེ་བར་བྱེད། །
འབྲས་བུའི་ཤིང་ལྗོན་ཐམ་ཅད་དང་། །ཀུན་དགའ་དག་དང་ནགས་འཚལ་རྣམས། །མེ་ཏོག་རབ་ཏུ་ཆགས་བྱེད་ཅིང་། །སྣ་ཚོགས་དྲི་ནི་རབ་ཏུ་འབྱིན། །མེ་ཏོག་རྣམ་པ་སྣ་ཚོགས་དང་། །འབྲས་བུ་སྣ་ཚོགས་ལྡན་པའི། །རྩྭ་དང་ནགས་འཚལ་ཐམ་
ཅད་དག །ས་ཡི་སྟེང་ན་སྐྱེ་བར་བྱེད། །འཛམ་བུའི་གླིང་འདི་ཐམས་ཅད་ན། །ཀླུའི་བུ་མོ་བསམ་མི་ཁྱབ། །རབ་ཏུ་དགའ་བའི་སེམས་གྱུར་ནས། །རྫིང་བུའི་དྲུང་དུ་ཉེར་སོང་སྟེ། །རྫིང་བུ་རྣམས་ནི་ཐམས་ཅད་དུ། །ཀུ་མུ་ཏ་དང་པད་
མ་དང་། །ཨུད་པ་ལ་དང་དེ་བཞིན་དུ། །པད་མ་དཀར་པོ་སྣ་ཚོགས་སྐྱེ། །ནམཁའ་ལ་ནི་དུ་བ་དང་། །སྤྲིན་གྱི་དྲ་བ་མེད་ཅིང་དག །མུན་པ་དང་ནི་རྡུལ་མེད་ཅིང་། །ཕྱོགས་རྣམ་རབ་ཏུ་འོད་གསལ་ལོ། །ཉི་མའི་འོད་ཟེར་སྟོང་ལྡན་ཡང་། །
འོད་ཟེར་དྲ་བས་འོད་ཀྱང་མཛེས། །སྣང་བ་དག་ནི་ཟབ་མོ་ཡི། །རབ་ཏུ་དགའ་བར་འཆར་བར་འགྱུར། །དབང་པོ་ཉི་མ་ལྷ་ཡི་བུ། །འཛམ་བུ་གླིང་གི་གསེར་གྱི་ནི། །གཞལ་མེད་ཁང་ན་འདུག་པ་ཡང་། །མདོ་སྡེ་འདི་ནི་
རབ་ཏུ་ཚིམ། །དབང་པོ་ཉི་མ་རབ་དགའ་ནས། །འཛམ་བུའི་གླིང་དུ་འཆར་བྱེད་ཅིང་། །འོད་ཟེར་མཐའ་ཡས་དྲ་བའི། །ཀུན་ནས་རབ་ཏུ་སྣང་བར་བྱེད། །དེ་ནི་ཤར་བ་རྩམ་གྱིས་ཀྱང་། །འོད་ཟེར་དྲ་བ་རབ་གཏོང་ཞིང་། །རྫིང་
བུ་སྣ་ཚོགས་ཁེངས་པའི། །པད་མ་དག་ནི་ཁ་ཡང་འབྱེད། །འཛམ་བུའི་གླིང་འདི་ཐམས་ཅད་དུ། །མེ་ཏོག་འབྲས་བུ་སྨན་སྣ་ཚོགས། །ཡང་དག་ཡོངས་སུ་སྨིན་བྱེད་ཅིང་། །ས་རྣམས་ཐམས་ཅད་འཚིམ་པར་བྱེད། །ཟླ་
བ་དང་ནི་ཉི་མ་ཡང་། །དེ་ཚེ་ཁྱད་འཕགས་སྣང་བར་འགྱུར། །རྒྱུ་སྐར་ཡང་དག་འབྱུང་འགྱུར་ཞིང་། །རླུང་ཡང་དེ་བཞིན་ལྡང་བར་འགྱུར། །འཛམ་བུའི་གླིང་ནི་ཐམས་ཅད་དུ། །ཀུན་ཏུ་ལོ་ཡང་ལེགས་འགྱུར་སྟེ། །སྟེ། །
97-1-48b


གང་ན་མདོ་སྡེ་འདི་ཡོད་པ། །ཡུལ་འཁོར་དེ་ནི་ཁྱད་པར་འཕགས། །གསེར་འོད་དམ་པ་མདོ་སྡེའི་དབང་པོ་རྒྱལ་པོ་ལས། གནོད་སྦྱིན་གྱིས་གནས་ཤེས་བྱ་བ་ཀུན་ཏུ་བསྲུངས་པའི་ལེའུ་སྟེ་བཅུ་བཞི་པའོ།། །། དེ་སྐད་ཅེས་
བཀའ་སྩལ་པ་དང་། བཅོམ་ལྡན་འདས་ལ་རིགས་ཀྱི་ལྷ་མོ་བྱང་ཆུབ་ཡང་དག་པར་བསྡུས་པས་འདི་སྐད་ཅེས་གསོལ་ཏོ། །བརྩུན་པ་བཅོམ་ལྡན་འདས་འབར་བའི་ཁྱད་པར་གྱིས་གཟི་བརྗིད་རྒྱལ་པོ་ལ་སོག་པ་ལྷའི་
བུ་སྟོང་ཕྲག་བཅུ་པོ་དག་རྒྱུ་གང་དང་རྐྱེན་གང་དང་། དགེ་བའི་རྩ་བ་སྦྱངས་པ་ཅི་འདྲ་བ་དང་གང་བགྱིས་ཤིང་བསགས་པས། སྐྱེ་བུ་དམ་པ་གསུམ་པོ་འདི་དག་བྱང་ཆུབ་ཏུ་ལུང་བསྟན་པ་ཐོས་ནས། ད་ལྟར་སུམ་བཅུ་རྩ་
གསུམ་གྱི་གནས་ནས་ལྷགས་ཏེ། བཅོམ་ལྡན་འདས་ལ་ཆོས་མཉན་པའི་སླད་དུ་མཆིས། འདི་ལྟ་སྟེ་བྱང་ཆུབ་སེམས་དཔའ་མཛེས་པའི་ཏོག་སྐྱེ་བུ་དམ་པ་འདི་མ་འོང་པའི་དུས་ན། བསྐལ་པ་བགྲངས་བ་ལས་འདས་
པ་གྲངས་མ་མཆིས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་འདས་པ་ན། འཇིག་རྟེན་གྱི་ཁམས་གསེར་དུ་སྣང་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ཏེ། དེ་བཞིན་གཤྱེ་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ་སྐྱེ་བུ་འདུལ་བའི་ཁ་ལོ་བསྒྱུར་བ། བླ་ན་མེད་པ་ལྷ་དང་མི་རྣམ་ཀྱི་སྟོན་པ་སངས་
རྒྱས་བཅོམ་ལྡན་འདས་གསེར་དང་རིན་པོ་ཆེའི་འབྱུང་གནས་གདུག་གཙེག་ཤེས་བྱ་བ། འཇིག་རྟེན་དུ་འབྱུང་ངོ་ཇི་རྩམ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་གསེར་དང་རིན་པོ་ཆེའི་འབྱུང་གནས་གདུགས་བཙེགས་དེ་ཡོངས་སུ་མྱ་ངན་ལས་འདས་པའི་དམ་པའི་ཆོས་ནུབ་སྟེ། དེའི་བསྟན་པ་ཡོངས་ཡེ་ཐམས་ཅད་ནུབ་པར་གྱུར་པ་ན། ཁྱེའུ་དངུལ་གྱི་ཏོག་འདི་
97-1-49a


དེ་བཞིན་གཤེགས་པ་དེའི་འཚམ་སྦྱོར་ཞིང་འཇིག་རྟེན་གྱིས་ཁམས་རྡུལ་མེད་པའི་རྒྱལ་མཚན་དེ་ཉིད་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འཛམ་བུའི་གསེར་གྱིས་རྒྱལ་ཚན་གྱི་
འོད་བཅེས་བྱ་བར་འཇིག་རྟེན་དུ་འབྱུང་ངོ་། །ཇི་ཙམ་ན་དེ་བཞིན་གཤེགས་པ་དགྲ་བཅོཾ་པ་ཡང་དག་པར་རྫོགས་པ་སངྱས་གསེར་འཛམ་བུའི་གསེར་གྱི་རྒྱལ་མཚན་གྱི་འོད་དེ་ཡོངས་སུ་མྱ་ངན་ལས་འདས་ནས། དེ་ཡི་བསྟན་པ་ཡོང་ཡེ་
ཐམས་ཅད་དུ་ནུབ་པའི་བར་དུ་གྱུར་པ་ན་ཁྱེའུ་དངུལ་གྱི་འོད་འདི། དེ་བཞིན་གཤེགས་པ་དེའི་འཚམ་སྦྱོར་ཞིང་འཇིག་རྟེན་གྱི་ཁམས་རྡུལ་དང་བྲལ་བའི་རྒྱལ་མཚན་དེ་ཉིད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་
པར་རྫོགས་པར་འཚང་རྒྱ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་
བ་བླ་ན་མེད་པ་ལྷ་དང་མི་རྣམ་ཀྱི་སྟོན་པ། སངས་རྒྱས་བཅོམ་ལྡན་འདས་གསེར་བརྒྱའི་འོད་ཟེར་དུ་སྣང་བ་སྙིང་པོ་ཞེས་བྱ་བར་འཇིག་རྟེན་དུ་འབྱུང་ངོ་ཞེས་དེ་དག་ཐམས་ཅད་བཅོམ་ལྡན་འདས་ཀྱི་དེ་ལྟར་བླ་ན་མེད་པ་ཡང་
དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བཙུན་པ་བཅོམ་ལྡན་འདས་འབར་བའི་ཁྱད་པར་གྱི་གཟི་བརྗིད་རྒྱལ་པོ་ལ་སོགས་པ་ལྷའི་བུ་སྟོང་ཕྲག་བཅུ་པོ་དེ་དག་ནི་དེ་ཙམ་དུ་བྱང་ཆུབ་སེམས་དཔའི་སྤྱོད་པ་རླབ་
པོ་ཆེ་ཡང་མ་གྱུར་སྔོན་ཕ་རོལ་ཏུ་ཕྱིན་པ་དྲུག་པོ་དག་ལ་སྤྱད་སྐད་ཀྱང་མི་གདའ་ལག་པ་དང་རྐང་པ་དང་མིག་དང་ཡན་ལག་གི་དམ་པ་མགོ་དང་། བུ་དང་ཆུང་མ་དང་བུ་མོ་ཕངས་པ་དག་སྔོན་ཡོངས་སུ་བཏང་སྐད་ཀྱང་མི་
གདའ་ནོར་དང་འབྲུས་དང་མགྲོན་བུ་དང་གསེར་དང་ནོར་བུ་དང་མུ་ཏིག་དང་བཻ་དཱུ་རྱ་དང་དུང་དང་མན་ཤེལ་དང་བྱུ་རུ་དང་དངུལ་དང་ས་ལེ་སྦྲམ་དང་རིན་པོ་ཆེ་རྣམས་སྔོན་ཡོངས་སུ་བཏང་སྐད་ཀྱང་མི་གདའ་བཟའ་བ་དང་བཏུང་བ་དང་། 
97-1-49b


གཞོན་པ་དང་གོས་དང་མལ་ཆ་དང་ཁང་ཁྱིམ་དང་གཞལ་མེད་ཁང་དང་ཀུན་དགའ་ར་བ་དང་རྫིང་བུ་དང་ལྟེང་ཀ་དག་སྔོན་ཡོངས་སུ་བཏང་སྐད་ཀྱང་མི་གདའ། གླང་པོ་ཆེ་དང་བ་ལང་དང་རྟ་ཕོ་རྒོད་དང་བྲན་ཕོ་དང་བྲན་མོ་སྣ་ཚོགས་
སྔོན་ཡོངས་སུ་བཏང་སྐད་ཀྱང་མི་གདའ་འདི་ལྟ་སྟེ། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་གྲངས་མ་མཆིས་པ་དུ་མ་དེ་དག་ནི་སངས་རྒྱས་བཅོམ་ལྡན་འདས་རྣམས་ལས། དེ་བཞིན་གཤེགས་པ་
ཡི་མིང་དུ་ལུང་མ་ཐོབ་ཀྱི་བར་དུ་སྔོན་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གྲངས་མ་མཆིས་པ་དུ་མ་ནས། དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གྲངས་མ་མཆིས་པ་དུ་མ་དག་ལ་མཆོད་
པ་སྣ་ཚོགས་ཐ་དད་པ་བརྒྱ་སྟོང་བསམ་གྱིས་མི་ཁྱབ་པ་ཕྲག་དུ་མ་དང་ཡོ་བྱད་ཐམས་ཅད་ཀྱིས་མཆོད་པ་བགྱིད་ཡོངས་སུ་བཏང་བར་བགྱི་བའི་དངོས་པོ་ཐམས་ཅད་ཀྱང་ཡོངས་སུ་གཏོང་ལ། ལག་པ་དང་རྐང་
པ་དང་མིག་དང་ཡན་ལག་གི་དམ་པ་མགོ་དང་བུ་དང་ཆུང་མ་དང་བུ་མོ་ཕངས་པ་ཡོངས་སུ་གཏང་བར་བགྱིས་པ་རྣམས་ཀྱང་ཡོངས་སུ་གཏོང་། ནོར་དང་འབྲུ་དང་མགྲོན་བུ་དང་གསེར་དང་ནོར་བུ་དང་མུ་ཏིག་དང་
བཻ་དཱུ་རྱ་དང་དུང་དང་མལ་ཤེལ་དང་བྱུ་རུ་དང་དངུལ་དང་ས་ལེ་སྦྲམ་ཡོངས་སུ་གཏང་བར་བགྱིས་པ་རྣམས་ཡོངས་སུ་གཏོང་། བཟའ་བ་དང་བཏུང་བ་དང་གཞོན་པ་དང་གོས་དང་མལ་ཆ་དང་སྟན་དང་ཁང་ཁྱིམ་དང་གཞལ་མེད་ཁང་
དང་ཀུན་དགའ་ར་བ་དང་བསྐྱེད་མོས་ཚལ་དང་རྫིང་བུ་དང་ལྟེང་ཀ་དང་གླང་པོ་ཆེ་དང་བ་ལང་དང་རྟ་ཕོ་རྒོད་དང་བྲན་ཕོ་དང་བྲན་མོ་ཡོངས་སུ་བཏང་བར་བགྱི་བ་རྣམ་ཀྱང་ཡོངས་སུ་གཏོང་ཞིང་རིམ་གྱི་ཕ་རོལ་ཏུ་ཕྱིན་པ་དྲུག་པོ་
ཐམས་ཅད་ཡོངས་སུ་རྫོགས་པར་བགྱིད་རིམ་གྱི་ཕ་རོལ་ཏུ་ཕྱིན་པ་དྲུག་པོ་དག་ཡོངས་སུ་རྫོགས་པར་བགྱིས་ནས་བདེ་བ་བརྒྱ་སྟོང་ཕྲག་མང་པོ་ཡང་མྱོང་བར་འགྱུར་ན། བཙུན་པ་བཅོམ་ལྡན་འདས་རྒྱུ་གང་དང་རྐྱེན་གང་
97-1-50a


དང་དགེ་བའི་རྩ་བ་སྦྱངས་པ་ཅི་འདྲ་བ་ཞིག་གིས་འབར་བའི་ཁྱད་པར་གྱི་གཟི་བརྗིད་རྒྱལ་པོ་ལ་སོག་པ་ལྷའི་བུ་སྟོང་ཕྲག་བཅུ་པོ་འདི་དག །བཅོམ་ལྡན་འདས་ལ་ཆོས་ཉན་པའི་སླད་དུ་མཆིས་པ་འདི་དག་
བཅོམ་ལྡན་འདས་ཀྱི་འདི་ལྟར་མ་འོང་པའི་དུས་ནས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་དུ་མ་ན། འཇིག་རྟེན་གྱི་ཁམས་ས་ལའི་དབང་པོ་མཐོན་པོའི་རྒྱལ་མཚན་དང་ལྡན་པ་ཞེས་བྱ་བ་དེ་ཉིད་དུ་རིག་
དང་རུས་ཅིག་པ་དང་མིང་གཅིག་ཏུ་རིམ་གྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ་རབ་ཏུ་དང་བའི་ཞལ་ཨུད་པ་ལའི་དྲི་བརྩེག་པ་ཞེས་བྱ་བར་སངས་རྒྱས་
སྟོང་ཕྲག་བཅུ་འཇིག་རྟེན་དུ་འབྱུང་སྟེ། མཁྱེན་པ་དང་ཞབསུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་སྐྱེ་བུ་འདུལ་བའི་ཁ་ལོ་བསྒྱུར་བ་བླ་ན་མེད་པ་ལྷ་དང་མི་རྣམ་ཀྱི་སྟོན་པ་སངས་རྒྱས་བཅོམ་ལྡན་
འདས་སུ་འགྱུར་རོ་ཞེས་དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟན་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་རིགས་ཀྱི་ལྷ་མོ་བྱང་ཆུབ་ཡང་དག་པར་
བསྡུས་པ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་ལྷ་མོ་འབར་བའི་ཁྱད་པར་གྱི་གཟི་བརྗིད་རྒྱལ་པོ་ལ་སོག་པ་ལྷའི་བུ་སྟོང་ཕྲག་བཅུ་པོ་འདི་དག་གང་བྱས་ཤིང་བསག་པས་ཆོས་མཉན་པའི་ཕྱིར་ད་ལྟར་སུམ་
བཅུ་རྩ་གསུམ་གྱི་གནས་ནས་འདིར་ལྷག་པ་དེའི་དགེ་བའི་རྩ་བ་སྦྱངས་པ་ཡོད་དེའི་རྒྱུ་ཡོད་དེའི་བྱེད་རྒྱུ་ཡོད་དེ། རིགས་ཀྱི་ལྷ་མོ་སྐྱེ་བུ་དམ་པ་འདི་གསུམ་གྱི་བྱང་ཆུབ་ཏུ་ལུང་སྟན་པ་འདི་ཐོས་ནས་ཐོས་མ་ཐག་ཏུ་གསེར་འོད་
དམ་པ་མདོ་སྡེའི་དབང་པོའི་རྒྱལ་པོ་འདི་ལ་ཤིན་ཏུ་རི་མོ་བྱེད་ཅིང་དགའ་བ་དང་དང་བ་ཐོབ་པར་གྱུར་ཏེ་དེ་ཙམ་དུ་བཻ་དཱུ་རྱ་དྲི་མ་མེད་པ་ལྟར་ཡོངསུ་དག་པའི་སེམས་དང་ལྡན་པར་གྱུར་ཏོ་དྲི་མ་མེད་ལ་ཤིན་ཏུ་རྒྱ་ཆེ་ཞིང་རྒྱས་པའི་ནམཁའ་ལྟར་ཟབ་
97-1-50b


པའི་སེམས་རབ་ཏུ་དང་བ་དང་ལྡན་པར་གྱུར་ཏོ་བསོད་ནམ་ཀྱི་ཕུང་པོ་དཔག་ཏུ་མེད་པ་ཡོངསུ་བཟུང་བ་དང་ལྡན་པར་གྱུར་ཏོ་རིག་ཀྱི་ལྷ་མོ་འབར་བའི་ཁྱད་པར་གྱི་གཟི་བརྗིད་རྒྱལ་པོ་ལ་སོག་པ་ལྷའི་བུ་སྟོང་ཕྲག་བཅུ་པོ་འདི་དག་དེ་ཙམ་དུ་གསེར་འོད་དམ་པ་མདོ་
སྡེ་དབང་པོ་རྒྱལ་པོ་འདི་ཐོས་མ་ཐག་ཏུ་ལྷག་པར་རི་མོ་བྱེད་པ་དང་རབ་ཏུ་དང་བ་ཐོབ་པར་གྱུར་ཏོ་དེ་ཙམ་དུ་བཻ་དཱུ་རྱ་དྲི་མ་མེད་པ་ལྟར་ཡོངསུ་དག་པའི་སེམས་དང་ལྡན་པར་གྱུར་ཏེ་དེའི་ཕྱིར་ལུང་སྟན་པའི་ས་རྗེསུ་ཐོབ་བོ། །རིགས་ཀྱི་ལྷ་མོ་ཆོས་མཉན་པའི་དགེ་བའི་
ཙ་བ་བསག་པ་འདི་དང་སྔོན་གྱི་སྨོན་ལམ་གྱི་སྟོབ་ཀྱི་འབར་བའི་ཁྱད་པར་གཟི་བརྗིད་རྒྱལ་པོ་ལ་སོག་པ་ལྷའི་བུ་སྟོང་ཕྲག་བཅུ་པོ་འདི་དག་དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པའི་ས་རྗེསུ་ཐོབ་བོ། །གསེར་འོད་དམ་པ་མདོ་
སྡེའི་དབང་པོའི་རྒྱལ་པོ་ལས། ལྷའི་བུ་སྟོང་ཕྲག་བཅུ་ལུང་བསྟན་པ་ཞེས་བྱ་བའི་ལེའུ་སྟེ་བཅོ་ལྔ་པའོ།། །། རིགས་ཀྱི་ལྷ་མོ་སྔོན་བྱུང་བ་འདས་པའི་དུས་བསྐལ་པ་གྲངས་མེད་པའི་ཡང་ཆེས་གྲང་མེད་པ་རྒྱས་པ་བསམ་གྱི་མི་ཁྱབ་པ་ཚད་མེད་
པར་གྱུར་པ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབསུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ་སྐྱེ་བུ་འདུལ་བའི་ཁ་ལོ་བསྒྱུར་བ་བླ་ན་མེད་པ་ལྷ་དང་མི་རྣམ་ཀྱི་
སྟོན་པ་སངས་རྒྱས་བཅོམ་ལྡན་འདས་རིན་ཆེན་གཙུག་ཏོར་ཅན་ཞེས་བྱ་བ་འཇིག་རྟེན་དུ་བྱུང་ངོ་། །རིགས་ཀྱི་ལྷ་མོ་དེའི་ཚེ་དེའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་
གཙུག་གཏོར་ཅན་དེ་ཡོངས་སུ་མྱ་ངན་ལས་འདས་ནས་དམ་པའི་ཆོས་ནུབ་པར་གྱུར་ཏེ་དམ་པའི་ཆོས་ལྟར་བཅོས་པར་གྱུར་པ་ན་རྒྱལ་པོ་ལྷའི་དབང་ཕྱུག་འོད་ཅེས་བྱ་བ་ཆོས་ཅན་ཆོས་ཀྱི་རྒྱལ་པོ་ཆོས་ཀྱི་རྒྱལ་སྲིད་སྐྱོང་
གིས་ཆོས་མ་ཡིན་པས་ནི་མ་ཡིན་ཏེ་ཡུལ་ཐམས་ཅད་ན་གནས་པའི་སེམས་ཅན་རྣམ་ཀྱི་ཕ་མ་ལྟ་བུར་གྱུར་པ་ཞིག་བྱུང་ངོ་རིགས་ཀྱི་ལྷ་མོ་དེའི་ཚེ་དེའི་དུས་ན། རྒྱལ་པོ་ལྷའི་དབང་ཕྱུགས་འོད་ཀྱིས་ཡུལ་དུ་ཚོང་
97-1-51a


དཔོན་རལ་པ་འཛིན་ཅེས་བྱ་བ་སྨན་པ་གསོ་པོར་བྱེད་པ་ཁམས་ལ་མཆོག་ཏུ་མཁས་པ། ཚེའི་རིག་བྱེད་ཡན་ལག་བརྒྱད་ཀྱི་རྒྱུད་དང་ལྡན་པ་ཞིག་བྱུང་བར་གྱུར་ཏོ། །ཀྱེ་རིག་ཀྱི་ལྷ་མོ་དེའི་ཚེ་དེའི་དུས་ན་ཚོང་དཔོན་རལ་པ་
འཛིན་ཅེས་བྱ་བ་དེའི་བུ་ཚོང་དཔོན་གྱི་བུ་ཆུ་འབེབ་ཞེས་བྱ་བ། གཟུག་བཟང་བ་མཛེས་པ་ལྟ་ན་སྡུག་པ་ཁ་དོག་བཟང་པོ་རྒྱས་པ་མཆོག་དང་ལྡན་པ། བསྟན་བཅོས་སྣ་ཚོགས་ལ་མཁས་པ། སྟན་བཅོས་ཐམ་ཅད་རྟོགས་པར་ཁོང་དུ་
ཆུད་པ། ཡི་གེ་དང་གྲངས་དང་ལག་ཙིས་དང་རྩིས་རྣམས་ཤིན་ཏུ་བསླབས་པ་ཞིག་བྱུང་ངོ་། །རིག་ཀྱིས་ལྷ་མོ་དེའི་ཚེ་དེའི་དུས་ན་རྒྱལ་པོ་ལྷའི་དབང་ཕྱུག་འོད་དེའི་ཡུལ་དེ་ན་སེམས་ཅན་བརྒྱ་སྟོང་ཕྲག་དུ་མ་ནད་སྣ་ཚོགས་ཀྱིས་སྟབ་
པར་གྱུར་ཅིང་། ནད་སྣ་ཚོགས་ཀྱིས་ཡོངས་སུ་གཟིར་ཏེ། སྡུག་སྔལ་མི་བཟད་པ་རྩུབ་པ་དྲག་པ་ཡིད་དུ་མི་འོང་བའི་ཚོར་བ་རྣམས་མྱོང་བར་གྱུར་ཏོ། །རིག་ཀྱི་ལྷ་མོ་དེའི་ཚེ་དེའི་དུ་ན་ཚོང་དཔོན་གྱི་བུ་ཆུ་འབེབ་དེ། སེམས་
ཅན་ནད་སྣ་ཚོགས་ཀྱིས་བཏབ་པ་ནད་སྣ་ཚོགས་ཀྱིས་གཟིར་བ་བརྒྱ་སྟོང་ཕྲག་དུ་མ་དེ་དག་གིས་དོན་གྱི་ཕྱིར། སྙིང་རྗེ་ཆེན་པོའི་སེམས་བསྐྱེད་པར་གྱུར་ཏོ། །སེམས་ཅན་བརྒྱ་སྟོང་ཕྲག་དུ་མ་དེ་དག་ནི་ནད་སྣ་ཚོག་ཀྱིས་བཏབ་
ཅིང་ནད་སྣ་ཚོགས་ཀྱིས་གཟིར་བ། ད་ལྟར་སྡུག་བསྔལ་མི་བཟད་པ་རྩུབ་པ་དྲག་པོ་ཡིད་དུ་མི་འོང་བའི་ཚོར་བ་རྣམས་མྱོང་ལ། བདག་གིས་ཕ་ཚོང་དཔོན་རལ་པ་འཛིན་སྨན་པ་གསོ་བར་བྱེད་པ་ཁམས་ལ་མཆོག་ཏུ་མཁས་པ། 
ཚེའི་རིག་བྱེད་ཡན་ལག་བརྒྱད་ཀྱི་རྒྱུད་དང་ལྡན་པ་འདི་ནི་རྒས་འཁོག་གཏུགས་ལམ་དུ་ཞུགས་ན་ཚོད་རྗེས་སུ་ཐོབ་མཁར་བ་ལ་བརྟེན་ཅིང་འདར་ཏེ། གྲོང་དང་གྲོང་ཁྱེར་དང་གྲོང་རྡལ་དང་ལྗོངས་དང་ཡུལ་འཁོར་དང་རྒྱལ་པོའི་
ཕོ་བྲང་འཁོར་རྣམ་སུ་འགྲོ་མི་ནུས་ན། སེམས་ཅན་ནད་སྣ་ཚོག་ཀྱི་བཏབ་པ་ནད་སྣ་ཚོག་གཟིར་བ་བརྒྱ་སྟོང་ཕྲག་དུ་མ་དེ་དག་ནད་སྣ་ཚོག་ལས་ཡོངས་སུ་ཐར་བར་བྱ་བའི་ཕྱིར། བདག་ཉིད་བདག་གི་ཕ་རལ་པ་འཛིན་གྱི་
97-1-51b


གན་དུ་སོང་ལ་ནད་ཀྱི་ཕྱིར་ཁམ་ལ་མཁས་པར་བྱ་བ་ཡོངས་སུ་དྲིས་ཏེ། ཁམས་ལ་མཁས་པར་བྱ་བ་དྲིས་པ་དེས་བདག་གྲོང་དང་གྲོང་ཁྱེར་དང་ལྗོངས་དང་ཡུལ་འཁོར་དང་རྒྱལ་པོའི་ཕོ་བྲང་འཁོར་རྣམས་སུ་འགྲོ་བར་བྱའོ། །
སོང་ནས་ཀྱང་སེམས་ཅན་ནད་སྣ་ཚོག་ཀྱིས་བཏབ་པ་ནད་སྣ་ཚོག་ཀྱིས་གཟིར་བ་བརྒྱ་སྟོང་ཕྲག་དུ་མ་དག་ནད་སྣ་ཚོག་ལས་ཡོང་སུ་ཐར་བར་བྱའོ་སྙམ་ནས། རིག་ཀྱི་ལྷ་མོ་དེའི་ཚེ་དེའི་དུ་ན་ཚོང་དཔོན་གྱི་བུ་ཆུ་འབེབ་
རང་གི་ཕ་རལ་པ་འཛིན་ག་ལ་བ་དེར་སོང་སྟེ་ཕྱིན་ནས་རང་གིས་ཕ་རལ་པ་འཛིན་གྱི་རྐང་པ་ལ་མགོ་བོ་ཕྱག་འཚལ་ཏེ་ཐལ་མོ་སྦྱར་ནས་ཕྱོག་གཅིག་ཏུ་འདུག་གོ། ཕྱོག་གཅིག་ཏུ་འདུག་ནས་ཀྱང་ཚོང་དཔོན་གྱི་བུ་ཆུ་འབེབ་ཀྱི་རང་
གི་ཕ་རལ་པ་འཛིན་ལ་ཚིག་ཆ་སུ་བཅད་པ་འདི་དག་གི་ཁམ་ལ་མཁས་པར་བྱ་བ་དྲིས་པ། ཇི་ལྟར་དབང་པོ་འཛིན་འགྱུར་ཞིང་། ཁམ་ཀྱི་རྣམ་ཀྱང་ཡོངས་སུ་འགྱུར། །གང་གི་དུས་ན་ལུས་ཅན་ལ། །ནད་ཀྱི་རྣམ་ནི་འབྱུང་བར་འགྱུར། །
དུས་དང་དུས་མིན་ཟས་ཟོས་པ། །ཇི་ལྟ་བུར་ན་བདེ་བར་འགྱུར། །གང་གིས་ལུས་ཀྱི་ནང་དུ་ནི། །ལུས་ཀྱི་མི་ལ་གནོད་མི་འགྱུར། །རླུང་ལས་གྱུར་དང་ཁྲིས་གྱུར་དང་། །འདུས་ལས་གྱུར་དང་བད་ཀན་གྱུར། །ནད་རྣམ་ཞི་བར་བགྱི་
སླད་དུ། །ཇི་ལྟར་བུར་ནི་གསོ་བར་བགྱི། །གང་གིས་མི་ལ་གནོད་འགྱུར་བའི། །རླུང་ནི་གང་གི་དུས་ན་གཡོ། །གང་གི་དུས་ན་མཁྲིས་པ་གཡོ། །བད་ཀན་གང་གི་དུས་ན་གཡོ། །དེ་ནས་ཚོང་དཔོན་རལ་པ་འཛིན་གྱི་ཚོང་དཔོན་
གྱི་བུ་ཆུ་འབེབ་ལ་ཚིགསུ་བཅད་པ་འདི་དག་གི་ཁམ་ལ་མཁས་པར་བྱ་བ་རྣམ་པར་སྟན་ཏོ། །ཟླ་གསུམ་དབྱར་ཏེ་ཟླ་གསུམ་སྟོན་དུ་ཤེས། །གསུམ་ནི་དགུན་ཏེ་གསུམ་ནི་དཔྱིད་ཡིན་ནོ། །དེ་ལྟར་ཟླ་བའི་གོ་རིམ་དུ་ནི་དྲུག །ལོ་གཅིག་
ལ་ནི་ཟླ་བ་བཅུ་གཉིས་འདོད། །གསུམ་གསུཾ་དུ་ནི་ཚིགས་རྣམ་བསྡུགས་པར་ཤེས། །ཟླ་བ་གཉིས་གཉི་ཤིང་ནི་དུ་སུ་སྟན། །ཟས་དང་སྐོམ་ནི་དེ་ལྟར་འཇུ་བར་འགྱུར། །སྨན་པ་དང་ནི་ཁམས་དང་དུས་ཀྱང་བསྟན། །དབང་པོ་དང་ནི་ཁམས་རྣམས་དེ་དག་
97-1-52a


ཀྱང་། །ལོ་གཅིག་ནང་གི་ཚིག་ཚིག་ཡོངསུ་འགྱུར། །དབང་པོ་དག་ནི་ཡོངསུ་འགྱུར་བ་ན། །ལུས་ཅན་རྣམ་ལ་སྣ་ཚོགས་ནད་ཀྱང་འགྱུར། །དེ་ཉིད་ལ་ནི་སྨན་པས་ཟླ་གསུམ་བཞི། །ཚིགས་ཀྱི་བར་དང་དུས་དྲུག་
རྣམས་དང་ནི། །ཁམས་དྲུག་མཁས་པར་བྱ་བ་ཤེས་པར་བྱ། །ཟས་སྐོམ་སྨན་རྣམས་གོ་རིམ་ཇི་བཞིན་ཏེ། །རླུང་གི་ཤས་ཆེ་ནད་ནི་དབྱར་ན་ལྡང་། །སྟོན་དུ་གྱུར་པ་ན་ནི་ཁྲིས་པ་གཡོ། །དགུན་གྱི་དུས་ན་དེ་བཞིན་འདུས་པ་ཏེ། །བད་
ཀན་ཤས་ཆེའི་ནད་ནི་དཔྱིད་ན་ལྡང་། །དབྱར་ནི་སྣུམ་དྲོ་ལན་ཚྭ་སྐྱུར་བའི་རོ། །སྟོན་ནི་མངར་དང་སྣུམ་དང་བསིལ་བག་གོ། དགུན་ནི་མངར་དང་སྣུམ་དང་སྐྱུར་བ་སྟེ། །དཔྱིད་ཀྱི་དུས་ན་རྩུབ་དྲོ་ཚ་བའོ། །བད་ཀན་ཆེ་བ་ཟོས་མ་ཐག་ཏུ་ལྡང་། །
མཁྲིས་པ་ཆེ་བ་འཇུ་བའི་དུས་ན་ལྡང་། །རླུང་ཤས་ཆེ་བ་ཞུ་མ་ཐག་ཏུ་ལྡང་། །ཁམས་གསུམ་གཡོ་བ་དེ་ནི་དེ་ལྟའོ། །རླུང་གི་བདག་ཉིད་ལ་ནི་བཅུད་ཀྱིས་སོ། །བཀྲུ་སྨན་གྱི་ནི་ཁྲིས་པ་བསལ་བར་བྱ། །འདུས་པ་ལ་ནི་གསུམ་
དང་འཐུན་ལྡན་པ། །བད་ཀན་ཚིག་སུ་བབས་ན་ཀྱུག་སྨན་གཏང་། །རླུང་ཤས་ཆེ་དང་ཁྲིས་དང་འདུས་པ་དང་། །བད་ཀན་ཤས་ཆེའི་ཚིག་རྣམས་ཤེས་པར་བྱ། །དུས་གང་ཁམས་གང་ལུས་ནི་གང་ཡིན་པ། །དེ་ཡི་སྨན་དང་བཟའ་
བཏུང་བསྟེན་པར་བྱ། །དེ་ནས་ཚོང་དཔོན་གྱི་བུ་ཆུ་འབེབས་ཀྱིས་ཁམས་ལ་མཁས་པར་བྱ་བ་འདི་ལྟ་བུ་དེ་ཙམ་ཞིག་ཡོངས་སུ་དྲིས་པ་དེས། ཚེའི་རིག་བྱེད་ཀྱི་ཡན་ལག་བརྒྱད་པོ་ཐམས་ཅད་ཁོང་དུ་ཆུད་པར་གྱུར་ཏོ། །
རིགས་ཀྱི་ལྷ་མོ་དེའི་ཚེ་དེའི་དུས་ན་ཚོང་དཔོན་གྱི་བུ་ཆུ་འབེབས། རྒྱལ་པོ་ལྷའི་དབང་ཕྱུག་འོད་ཀྱི་ཡུལ་ན་གྲོང་དང་གྲོང་ཁྱེར་དང་གྲོང་རྡལ་དང་ལྗོངས་དང་ཡུལ་འཁོར་དང་རྒྱལ་པོའི་ཕོ་བྲང་འཁོར་ཐམས་ཅད་དུ་སོང་ནས། 
སེམས་ཅན་ནད་སྣ་ཚོགས་ཀྱི་བཏབ་པ་ནད་སྣ་ཚོགས་ཀྱི་གཟིར་བ་བརྒྱ་སྟོང་ཕྲག་དུ་མ་དེ་དག་ལ་ཁོ་བོ་ནི་སྨན་པའོ། །ཁོ་བོ་ནི་སྨན་པའོ། །ཞེས་བདག་ཉིད་ཀྱིས་ཁས་འཆེས་ཏེ། ཁོ་བོ་ནི་ཁྱེད་རྣམས་ནད་སྣ་ཚོགས་ལས་ཡོངས་སུ་ཐར་བར་
97-1-52b


བྱའོ་ཞེས་དབུགས་ཕྱུང་ངོ་། །རིགས་ཀྱི་ལྷ་མོའི་ཚོང་དཔོན་གྱི་བུ་ཆུ་འབེབས་ཀྱི། འདི་ལྟ་བུའི་ཚིག་བརྗོད་པ་དེ་ཐོས་མ་ཐག་ཏུ་སྲོག་ཆགས་བརྒྱ་སྟོང་ཕྲག་དུ་མ་དེ་དག་ཐམས་ཅད་རབ་ཏུ་དགའ་བ་ཆེ་པོ་སྐྱེས་པར་གྱུར་ཏོ། །དབུགས་
ཕྱིན་པ་རྙེད་ནས་ཀྱང་དགའ་བ་དང་བདེ་བ་དང་ཡིད་བདེ་བ་བསམ་གྱིས་མི་ཁྱབ་པ་དང་ལྡན་པར་གྱུར་ཏོ། །དེའི་ཚེ་དེའི་དུས་ན་སེམས་ཅན་ནད་སྣ་ཚོགས་ཀྱིས་བཏབ་པ་ནད་ཚོག་ཀྱིས་གཟིར་བ་བརྒྱ་སྟོང་ཕྲག་དུ་མ་དེ་དག་ནད་སྣ་ཚོགས་
ལས་ཡོངསུ་ཐར་ཏེ་ནད་མེད་པར་གྱུར་ཏོ། །ནད་མེད་པར་གྱུར་ནས་ཀྱང་སྔ་མཁོན་བཞིན་དུ་མཐུ་དང་སྟོབ་དང་བརྩོན་འགྲུས་དང་ལྡན་པར་གྱུར་ཏོ། །དེའི་ཚེ་དེའི་དུས་ན་སེམས་ཅན་ནད་སྣ་ཚོག་གྱི་བཏབ་པ་ནད་སྣ་ཚོག་ཀྱིས་
གཟིར་བ་བརྒྱ་སྟོང་ཕྲག་དུ་མ་དེ་དག་གི་ནང་ནས་གང་སུ་དག་ནད་དྲག་པོས་སྟབ་པ་དེ་དག་ཐམས་ཅད་ཚོང་དཔོན་གྱི་བུ་ཆུ་འབེབས་ག་ལ་བ་དེར་དོང་ནས་ཕྱིན་པ་དང་། སེམས་ཅན་ནད་སྣ་ཚོག་ཀྱིས་བཏབ་པ་ནད་སྣ་ཚོག་གྱི་བཟིར་
བ་བརྒྱ་སྟོང་ཕྲག་དུ་མ་དེ་དག་ལ་ཚོང་དཔོན་གྱི་བུ་ཆུ་འབེབས་གྱིས་སྨན་དཔྱད་གང་ཅི་བསྟན་པ་དེས། སེམས་ཅན་དེ་དག་ཐམས་ཅད་ཀྱི་ནད་ཐམས་ཅད་རབ་ཏུ་ཞི་བར་བྱས་སོ། །ནད་མེད་པ་དང་ནད་ཉུང་བར་གྱུར་ནས་ཀྱང་སྔ་མཁོན་
བཞིན་དུ་མཐུ་དང་སྟོབ་དང་བརྩོན་འགྲུས་དང་ལྡན་པར་གྱུར་ཏོ། །རིགས་གྱི་ལྷ་མོ་དེའི་ཚེ་དེའི་དུ་ན་རྒྱལ་པོ་ལྷའི་དབང་ཕྱུག་འོད་ཀྱི་ཡུལ་ན་གྲོང་དང་གྲོང་ཁྱེར་དང་གྲོང་རྡལ་དང་ལྗོངས་དང་ཡུལ་འཁོར་དང་རྒྱལ་པོའི་ཕོ་བྲང་
འཁོར་ཐམས་ཅད་ན་སེམས་ཅན་ནད་སྣ་ཚོག་ཀྱི་བཏབ་པ། ནད་སྣ་ཚོག་གྱིས་གཟིར་བ། བརྒྱ་སྟོང་ཕྲག་དུ་མ་དེ་དག་ཐམ་ཅད་ཚོང་དཔོན་གྱི་བུ་ཆུ་འབེབས་ཀྱི། ནད་སྣ་ཚོག་ལས་ཡོངསུ་ཐར་བར་བྱས་པར་
གྱུར་ཏོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། ནད་རབ་ཏུ་ཞི་བར་བྱ་བའི་ལེའུ་ཞེས་བྱ་བ་སྟེ་བཅུ་དྲུག་པའོ།། །། བམ་པོ་ལྔ་པ་སྟེ་ཐ་མ། 
97-1-53a


རིག་ཀྱི་ལྷ་མོ་གཞན་ཡང་རྒྱལ་པོ་ལྷའི་དབང་ཕྱུག་འོད་ཀྱི་ཡུལ་དུ། ཚོང་དཔོན་གྱི་ཁྱེའུ་ཆུ་འབེབས་ཀྱིས་སེམས་ཅན་ཐམ་ཅད་ནད་མེད་པར་བྱས་པས། ན་བ་ཉུང་ཞིང་སྔ་མཁོན་བཞིན་དུ་སྤྲོ་བ་དང་སྟོབས་དང་ལྡན་པའི་ལུས་
སུ་གྱུར་ཏོ། །རྒྱལ་པོ་ལྷའི་དབང་ཕྱུག་འོད་ཀྱི་ཡུལ་ན་སེམས་ཅན་ཐམས་ཅད་དགའ་ཞིང་རྩེ་ལ་དགའ་མགུར་སྤྱོད་དེ་སྦྱིན་པ་དག་ཀྱང་སྦྱིན་བསོད་ནམ་དག་ཀྱང་བྱེད་དེ། ཚོང་དཔོན་གྱི་ཁྱེའུ་ཆུ་འབེབ་ལའང་། ཚོང་དཔོན་གྱི་ཁྱེའུ་ཆུ་འབེབས་
རྒྱལ་བར་གྱུར་ཅིག །སྨན་པའི་རྒྱལ་པོ་སེམས་ཅན་ཐམས་ཅད་ཀྱི་ནད་གསོལ་བ་མངོན་སུམ་མདུན་དུ་བྱང་ཆུབ་སེམས་དཔར་ངེས་པ། ཚེའི་རིག་བྱེད་ཡན་ལག་བརྒྱད་པ་ཐམས་ཅད་རྟོགས་པ་ཞེས་མངོན་པར་འདུ་བྱེད་དོ། །རིགས་ཀྱི་ལྷ་མོ་ཚོང་དཔོན་གྱི་ཁྱེའུ་
ཆུ་འབེབས་དེ་ལ་ཆུང་མ་ཆུའི་པད་མའི་སྙིང་པོ་ཞེས་བྱ་བ་ཞིག་ཡོད་དེ། རིག་ཀྱི་ལྷ་མོ་ཆུང་མ་ཆུའི་པད་མའི་སྙིང་པོ་དེ་ལ་ཁྱེའུ་གཉིས་ཡོད་དེ། གཅིག་གི་མིང་ནི་ཆུའི་གོས་ཤེས་བྱ། གཅིག་གི་མིང་ནི་ཆུའི་སྙིང་པོ་ཞེས་བྱའོ། །རིགས་
ཀྱི་ལྷ་མོ་དེ་ནས་ཚོང་དཔོན་གྱི་བུ་ཆུ་འབེབ་ཁྱེའུ་དེ་གཉིས་དང་ལྷན་ཅིག་ཏུ་མཐར་ཀྱི་གྲོང་དང་གྲོང་ཁྱེར་དང་གྲོང་རྡལ་དང་ལྗོངས་དང་ཡུལ་འཁོར་དང་རྒྱལ་པོའི་ཕོ་བྲང་འཁོར་རྣམ་སུ་འགྲོའོ། །རིགས་ཀྱི་ལྷ་མོ་དེ་ནས་དུས་གཞན་ཞིག་ན། 
ཚོང་དཔོན་གྱི་བུ་ཆུ་འབེབས་འབྲོག་དགོན་པ་ཞིག་ཏུ་ཕྱིན་ཏེ། དེ་ནས་འགྲོ་དགོན་པ་དེར་ཤ་ཟ་བའི་ཁྱི་དང་སྤྱང་ཀི་དང་ཝ་དང་ཁྭ་དང་བྱ་དང་གང་ན་དགོན་པ་ན་རྫིང་ཞིག་ཡོད་པ་དེར་རྒྱུག་པར་མཐོང་ནས་དེ་འདི་སྙམ་དུ་སེམས་ཏེ། ཅིའི་ཕྱིར་
ཤ་ཟ་བའི་ཁྱི་དང་སྤྱང་ཀི་ནས་བྱའི་བར་འདི་དག་ཕྱོག་འདིར་རྒྱུག་སྙམ་མོ། །དེ་ཡང་འདི་སྙམ་དུ་སེམས་ཏེ། བདག་ཁྱི་དང་སྤྱང་ཀི་དང་ཝ་དང་ཁྭ་དང་བྱ་རྣམས་ཕྱོག་གང་དུ་རྒྱུག་པའི་ཕྱོགས་དེར་འགྲོ་བར་བྱའོ་སྙམ་མོ། །རིག་ཀྱི་ལྷ་མོ་དེ་
ནས་ཚོང་དཔོན་གྱི་བུ་ཆུ་འབེབ་མཐར་ཀྱི་རྒྱུ་ཞིང་སོང་སྟེ། དགོན་པ་ན་རྫིང་ཞིག་ཡོད་པ་དེ་དག་ག་ལ་བ་དེར་ཕྱིན་ཏོ། །རྫིང་ཆེན་པོ་དེ་ན་ཉ་ཁྲི་ཞིག་གནས་ཏེ་དེས་དེར་ཉ་བརྒྱ་ཕྲག་མང་པོ་ཞིག་ཆུ་དང་བྲལ་བ་མཐོང་ནས། དེས་དེ་ལ་སྙིང་རྗེ་ཆེན་པོའི་
97-1-53b


སེམས་སྐྱེས་པ་དང་། དེ་ན་ལྷ་མོ་ཞིག་ཤིང་ལས་ལུས་ཕྱེད་ཙམ་ཕྱུང་བ་ཞིག་མཐོང་སྟེ། ལྷ་མོ་དེས་ཚོང་དཔོན་གྱི་བུ་ཆུ་འབེབས་ལ་འདི་སྐད་ཅེས་སྨྲས་སོ། །རིག་ཀྱི་བུ་ལེག་སོ་ལེག་སོ། །གང་གིས་ཕྱིར་ཆུ་འབེབས་ཞེས་བྱ་བ་ཁྱོད་ཀྱིས་
ཉ་འདི་རྣམ་ལ་ཆུ་བྱིན་ཅིག་རྣམ་པ་གཉིས་ཀྱི་ཕྱིར་ཆུ་འབེབས་ཞེས་བྱ་སྟེ། གང་ཆུ་འབེབས་པ་དང་གང་ན་ཆུ་སྦྱིན་པའོ། །དེ་བས་ན་རང་གི་མིང་དང་འཐུན་པར་བྱ་བ་བྱོས་ཤིག །ཆུ་འབེབས་ཀྱི་སླར་སྨྲས་པ། ལྷ་མོ་ཉ་འདི་དག་ལ་
ཇི་སྙད་ཅིག་མཆིས། ལྷ་མོས་སྨྲས་པ་ཉ་ཁྲི་ཐམ་པའོ། །རིག་ཀྱི་ལྷ་མོ་དེ་ནས་ཚོང་དཔོན་གྱི་བུ་ཆུ་འབེབ་ཆེས་མཆོག་ཏུ་སྙིང་རྗེ་བའི་སེམས་སྐྱེས་སོ། །རིག་ཀྱི་ལྷ་མོ་དེའི་ཚེ་དགོན་པ་ན་ཡོད་པའི་རྫིང་ཆེན་པོ་ན་ཆུའི་ལྷག་མ་
ཅུང་ཟད་ཙམ་ཞིག་ལུས་ཏེ། དེ་ནས་ཉ་ཁྲི་འཆི་བའི་སྒོར་ཞུགས་ཤིང་ཆུ་དང་བྲལ་བ་དེ་དག་རྒྱུག་ཅིང་རྣམ་པར་རྒྱུག་གོ། རིག་ཀྱི་ལྷ་མོ་དེ་ནས་ཚོང་དཔོན་གྱི་བུ་ཆུ་འབེབ་ཀྱི་ཕྱོག་བཞིར་བརྒྱུག་པ་དང་། ཉ་ཁྲི་པོ་དེ་དག་ཚོང་དཔོན་
གྱི་ཁྱེའུ་ཆུ་འབེབ་ཕྱོགས་གང་དུ་འགྲོ་བའི་ཕྱོགས་དེ་ལོག་སུ་ཆུ་འབེབས་ལ་སྙིང་རྗེ་རྗེ་ལྟར་ལྟའོ། །རིག་ཀྱི་ལྷ་མོ་དེ་ནས་ཚོང་དཔོན་གྱི་ཁྱེའུ་ཆུ་འབེབ་ཀྱི་ཕྱོག་བཞིར་བརྒྱུག་ཏེ་ཆུ་བཙལ་ཀྱང་དེར་ཆུ་མ་སྙེད་ནས་ཕྱོག་བཞིར་བལྟས་པ་དང་
དེས་ཧ་ཅང་ཡང་ཐག་མི་རིང་བ་ཞིག་ན་ཤིང་ལྗོན་པ་མང་པོ་ཞིག་མཐོང་ནས། ཤིང་ལྗོན་པ་དེ་དག་ལ་འཛེག་ཏེ། ཤིང་གི་ཡལ་ག་རྣམ་བཅད་ནས་ཤིང་གི་ཡལ་ག་དེ་དག་ཁྱེར་ཏེ་རྫིང་ཆེན་པོ་ག་ལ་བ་དེར་སོང་སྟེ་ཕྱིན་པ་དང་། 
ཤིང་གི་ཡལ་ག་དེ་རྣམས་ཀྱི་ཉ་ཁྲི་པོ་དེ་དག་ལ་ཤིན་ཏུ་བསིལ་བའི་གྲིབ་མ་བྱས་སོ། །རིག་ཀྱི་ལྷ་མོ་དེ་ནས་ཚོང་དཔོན་གྱི་ཁྱེའུ་ཆུ་འབེབ་རྫིང་དེར་ཆུ་འབེབ་པ་ཚོལ་ཏེ། གང་ནས་ཆུ་འབབ་ཅེས་དེ་ཕྱོག་བཞིར་བརྒྱུག་ཀྱང་ཆུ་མ་
རྙེད་ནས། དེ་མྱུར་བ་མྱུར་བར་ཆུའི་རྒྱུན་དེ་ཉིད་ཀྱི་རྗེས་སུ་སོང་སྟེ། རིག་ཀྱི་ལྷ་མོ་དགོན་པ་ན་ཡོད་པའི་རྫིང་དེར་ཆུ་འབབ་པའི་ཅེས་བྱ་བའི་ཀླུང་ཆེན་པོ་དེ་ལས་དེར་ཆུ་འབབ་པའི་ཀླུང་དེ་ཡང་དེའི་ཚེ། སྡིག་པ་ཅན་ཀྱིས་
97-1-54a


སེམས་ཅན་ཞིག་གིས་ཉ་ཁྲི་པོ་དེ་དག་གི་ཕྱིར། ཅི་ནས་ཀྱང་ཕྱིས་ཉ་དེ་དག་ལ་ཆུ་འབབ་པར་མི་འགྱུར་བ་དེ་ལྟ་བུའི་ཕྱོག་ཀྱི་གཡང་ས་ཆེན་པོར་ཀླུང་དེ་ཕབ་བོ། །དེས་དེ་མཐོང་ནས་བསམ་པ། ཀླུང་འདི་ནི་སྐྱེ་བོ་
སྟོང་གིས་ཀྱང་སྲོལ་དེ་ཉིད་དུ་དབབ་པར་མི་ནུས་ན། བདག་གི་ལྟ་དབབ་པར་ག་ལ་ནུས་སྙམ་ནས་དེ་ཕྱིར་ལོག་གོ། རིག་ཀྱི་ལྷ་མོ་དེ་ནས་ཚོང་དཔོན་གྱི་ཁྱེའུ་ཆུ་འབེབ་རིང་པ་རིང་པར་རྒྱལ་པོ་ལྷའི་དབང་ཕྱུག་འོད་ག་ལ་བ་དེར་སོང་
སྟེ་ཕྱིན་ནས། རྒྱལ་པོ་ལྷའི་དབང་ཕྱུག་འོད་ཀྱི་རྐང་པ་ལ་མགོ་བོས་ཕྱག་འཚལ་ཏེ་ཕྱོག་ཅིག་ཏུ་འདུག་ནས། དེ་དག་རྒྱུས་ནས་སྨྲས་ཏེ། བདག་གི་ལྷའི་ཆབ་འོག་ཏུ་གྲོང་དང་གྲོང་ཁྱེར་དང་གྲོང་རྡལ་ཐམ་ཅད་དུ་སེམས་ཅན་གྱི་
ནད་རྒྱུན་ནི་བཀུམ་ན་གནས་ཆེ་གེ་མོ་ཞེས་བགྱི་བ་དེ་ན། དགོན་པ་ན་ཡོད་པ་ཞེས་བགྱི་བའི་རྫིང་ཞིག་མཆིས་པ་དེ་ན་ཉ་ཁྲི་ཞིག་གནས་པ་དེ་ཆབ་དང་བྲལ་ནས་གདུགས་ཀྱིས་གདུངས་ཤིང་མཆིས་ཏེ། ཇི་ལྟར་མི་རྣམས་ལ་སྩལ་བ་ལྟར་
ཅི་ནས་དུད་འགྲོའི་སྐྱེ་གནས་སུ་གྱུར་པ་དེ་དག་ལ་ཡང་སྲོག་སྩལ་བར་འཚལ་ན། ལྷས་གླང་པོ་ཆེ་ཉི་ཤུ་ཞིག་བདག་ལ་སྩལ་དུ་གསོལ། རྒྱལ་པོ་ལྷའི་དབང་ཕྱུག་འོད་ཀྱི་སྨན་པའི་རྒྱལ་པོ་ཆེན་པོ་ལ་གླང་པོ་ཆེ་ཉི་ཤུ་ཞིག་བྱིན་
ཅིག་ཅེས་བློན་པོ་རྣམས་ལ་བསྒོའོ། །བློན་པོ་རྣམ་ཀྱིས་སྨྲས་པ། སེམས་ཅན་ཆེན་པོ་གླང་པོ་ཆེའི་ལྷས་ག་ལ་བ་དེར་སོང་ལ་གླང་པོ་ཆེ་ཉི་ཤུ་ཞིག་ཁྲིད་དེ། སེམས་ཅན་རྣམས་ལ་ཕན་གདགས་པ་དང་བདེ་བར་གྱིས་ཤིག །རིག་
ཀྱིས་ལྷ་མོ་དེ་ནས་ཚོང་དཔོན་གྱི་ཁྱེའུ་ཆུ་འབེབ་རང་གི་བུ་ཆུའི་གོས་དང་། ཆུའི་སྙིང་པོ་དང་ལྷན་ཅིག་ཏུ་གླང་པོ་ཆེ་ཉི་ཤུ་ཁྲི་ནས་གླང་པོ་ཆེའི་རྫི་བོ་ལས་བ་ལང་གི་རྒྱལ་པོ་བརྒྱ་བླང་ཏེ། སླར་ལོག་ནས་ཆུ་འབབ་ཅེས་བྱ་བའི་ཀླུང་
ཆེན་པོ་གང་དུ་འབབ་པ་དེར་སོང་ཏེ། རྐྱལ་པ་དེ་དག་ཆུས་བཀང་ནས་གླང་པོ་ཆེའི་རྒྱབ་ཏུ་ཆུ་བཀལ་ཏེ། མྱུར་བ་མྱུར་བར་དགོན་པ་ན་ཡོད་པའི་རྫིང་ག་ལ་བ་དེར་སོང་ནས་ཕྱིན་པ་དང་ཆུ་དེ་གླང་པོ་ཆེའི་སྟེང་ནས་ཕབ་ཏེ། ཕྱོགས་བཞི་
97-1-54b


ནས་རྫིང་བུ་ཆུས་བཀང་ནས་ཕྱོགས་བཞིར་འགྲོ་བ་དང་། ཚོང་དཔོན་གྱི་ཁྱེའུ་ཆུ་འབེབ་གང་དང་གང་དུ་འགྲོ་བ་དེ་ལོག་སུ་ཉ་ཁྲི་པོ་དག་ཀྱང་རྒྱུག་གོ། རིགས་ཀྱི་ལྷ་མོ་དེ་ནས་ཚོང་དཔོན་གྱི་ཁྱེའུ་ཆུ་འབེབ་འདི་སྙམ་དུ་སེམས་ཏེ། ཅིའི་
ཕྱིར་ཉ་ཁྲི་པོ་འདི་དག་བདག་ག་ལ་བ་དེ་ལོགསུ་རྒྱུག་སྙམ་མོ། །དེ་ཡང་འདི་སྙམ་དུ་སེམས་ཏེ། ཉ་ཁྲི་པོ་འདི་དག་ནི་བཀྲེས་པའི་མེས་ཡོང་སུ་ཉེན་ནས་བདག་ལ་བཟའ་བ་སློང་དུ་ངེས་ཀྱི་བདག་གིས་ཁ་ཟས་སྦྱིན་པར་བྱའོ་སྙམ་ནས། 
རིགས་ཀྱི་ལྷའི་མོ་དེ་ནས་ཚོང་དཔོན་གྱི་ཁྱེའུ་ཆུ་འབེབ་ཀྱིས་རང་གིས་བུ་ཆུའི་གོས་ལ་འདི་སྐད་ཅེས་སྨྲས་སོ། །བུ་གླང་པོ་ཆེ་ཐམ་ཅད་ཀྱི་ནང་ན་མགྱོགས་པའི་མཆོག་ལ་ཞོན་ཏེ་བདག་གི་ཁྱིམ་དུ་སོང་ལ། མྱུར་བ་མྱུར་བར་སོང་སྟེ་མེས་
པོ་ཚོང་དཔོན་ལ། ཀྱེ་མེས་པོ་ཆུ་འབེབ་ཀྱི་མཆིད་ནས་ཁྱིམ་འདི་ན་ཕ་མ་དང་སྤུན་དང་སྲིང་མོ་དང་བྲན་ཕོ་དང་བྲན་མོ་དང་ལས་བགྱིད་པ་རྣམ་ཀྱི་ཁ་ཟས་སྦྱར་བ་གང་ཅི་མཆིས་པ་ཐམས་ཅད་གཅིག་ཏུ་བསྡུས་ཏེ། ཆུའི་གོས་གླང་པོ་ཆེ་ལ་
ཞོན་པའི་ལག་ཏུ་མྱུར་དུ་རྫོང་ཤིག་ཅེས་མཆིའོ་ཞེས་དེ་སྐད་གྱི་ཤིག །དེ་ནས་ཁྱེའུ་ཆུའི་གོས་གླང་པོ་ཆེ་དེ་ལ་ཞོན་ནས་མྱུར་བ་མྱུར་བར་རྒྱུག་ཅིང་རབ་ཏུ་རྒྱུག་སྟེ། རང་གི་ཁྱིམ་ག་ལ་བ་དེར་ནས་ཕྱིན་པ་དང་དེ་དག་རྒྱུས་ཀྱིས་
ཞིབ་ཏུ་སྨྲས་ཏེ། དེ་ནས་ཁྱེའུ་ཆུའི་གོས་ཀྱིས་སྔར་སྨྲས་པའི་ཟས་སྦྱར་བ་དེ་ཐམས་ཅད་གླང་པོ་ཆེའི་རྒྱབ་ཏུ་བཀལ་ནས་གླང་པོ་ཆེ་དེ་ལ་ཞོན་ཏེ་དགོན་པ་ན་ཡོད་པའི་རྫིང་ག་ལ་བ་དེར་སོང་བ་དང་། ཆུ་འབེབས་ཀྱི་རང་གི་
བུ་ཆུའི་གོས་མཐོང་ནས་དགའ་མགུ་སྟེ་བུ་ལས་ཟས་བླང་ནས་ཕྲུལ་ཏེ་རྫིང་དེར་གཏོར་ནས་ཉ་ཁྲི་པོ་དེ་དག་ཚིམ་པར་བྱེད་ཏེ། དེ་འདི་སྙམ་དུ་བདག་གིས་དུས་ཞིག་ན་གནོད་པའི་གནས་ཞིག་ན། དགེ་སློང་ཐེག་པ་ཆེན་པོ་
ཀློག་པ་ལས་སུ་འཆི་བའི་དུས་ཀྱི་ཚེ། དེ་བཞིན་གཤེགས་པ་རིན་ཆེན་གཙུག་ཏོར་ཅན་གྱི་མཚན་ཐོས་པ་དེ་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེའོ་ཞེས་ཐོས་ཀྱི་བདག་གི་ཉ་དེ་དག་ལ་རྟེན་ཅིང་འབྲེལ་བའི་ཆོས་ཟབ་
97-1-55a


མོ་ཡང་བཤད་ལ། དེ་བཞིན་གཤེགས་པ་དགྲ་པ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་དེའི་མཚན་ཡང་བསྒྲག་པར་བྱའོ་སྙམ་མོ། །དེའི་ཚེ་ན་འཛམ་བུའི་གླིང་དེ་ན་སེམས་
ཅན་རྣམས་ཀྱི་ལྟ་བ་གཉིས་སུ་གྱུར་ཏེ། ཁ་ཅིག་ནི་ཐེག་པ་ཆེན་པོ་ལ་མངོན་པར་དད་དོ། །ཁ་ཅིག་ནི་སྨོད་དོ། །དེ་ནས་ཚོང་དཔོན་གྱི་བུ་ཆུ་འབེབ་ཀྱིས་དེའི་ཚེ་རྫིང་དེར་རྐང་པ་གཉི་གའི་པུ་མོ་ནུབ་ཙམ་དུ་འབོག་ཏེ། བཅོམ་ལྡན་འདས་
དེ་བཞིན་གཤེག་པ་དགྲ་བཅོམ་པ་ཡང་དག་པར་རྫོག་པའི་སངས་རྒྱས་རིན་ཆེན་གཙུག་ཏོར་ཅན་དེ་ལ་ཕྱག་འཚལ་ལོ་ཞེས་ཆེད་དུ་བརྗོད་པ་དེ་སྐད་ཆེད་དུ་བརྗོད་དོ། །དེ་བཞིན་གཤེག་པ་རིན་ཆེན་གཙུག་ཏོར་ཅན་སྔོན་བྱང་
ཆུབ་སེམས་དཔའི་སྤྱད་པ་སྤྱོད་པ་ན། ཕྱོགས་བཅུ་དག་ན་གང་སུ་དག་འཆི་བའི་དུས་ཀྱི་ཚེ། ངའི་མིང་ཐོས་པ་དེ་དག་དེ་ནས་ཤི་འཕོས་ནས་སུམ་བཅུ་རྩ་གསུམ་གྱི་ལྷ་རྣམ་དང་སྐལ་བ་མཉམ་པར་གྱུར་ཅིག་ཅེས་སྨོན་ལམ་
དེ་སྐད་བཏབ་བོ། །དེ་ནས་ཚོང་དཔོན་ཀྱི་ཁྱེའུ་ཆུ་འབེབས་གྱི་དུད་འགྲོའི་སྐྱེ་གནས་སུ་གྱུར་པ་དེ་དག་ལ་ཆོས་འདི་བཤད་དེ་འདི་ལྟ་སྟེ། འདི་ཡོད་པའི་ཕྱིར་འདི་འབྱུང་འདི་སྐྱེ་བས་འདི་སྐྱེ་བ་འདི་ལྟར་མ་རིག་པའི་རྐྱེན་
གྱིས་འདུ་བྱེད་རྣམས། འདུ་བྱེད་རྣམས་གྱི་རྐྱེན་གྱི་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག །སྐྱེ་མཆེད་དྲུག་གི་རྐྱེན་གྱིས་རེག་པ། 
རེག་པའི་རྐྱེན་གྱི་ཚོར་བ། ཚོར་བའི་རྐྱེན་གྱི་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་མྱ་ངན་དང་སྨྲེ་སྔགས་འདོན་པ་དང་སྡུག་བསྔལ་བ་དང་ཡིད་
མི་བདེ་བ་དང་འཁྲུགས་པ་རྣམས་འབྱུང་སྟེ། དེ་ལྟར་ན་སྡུག་བསྔལ་གྱི་ཕུང་པོ་འདི་འབའ་ཤིག་འབྱུང་བར་འགྱུར་རོ། །འདི་ལྟ་སྟེ་མ་རིག་པ་འགག་པས་འདུ་བྱེད་འགག་པར་འགྱུར་བ་ནས། དེ་ལྟར་སྡུག་བསྔལ་ཀྱི་ཕུང་པོ་ཆེན་
97-1-55b


པོ་འདི་འབའ་ཤིག་ཀྱང་འགག་པར་འགྱུར་རོ་ཞེས་བྱ་བའི་བར་དུའོ། །རིག་ཀྱི་ལྷ་མོ་དེ་ལྟར་དེའི་ཚེ་དེའི་དུས་ན་ཚོང་དཔོན་གྱི་བུ་ཆུ་འབེབ་ཀྱིས། དུད་འགྲོ་སྐྱེ་གནས་སུ་གྱུར་པ་དེ་དག་ལ་ཆོས་དང་ལྡན་པའི་གཏམ་འདི་བརྗོད་ནས། 
རང་གིས་བུ་ཆུའི་གོས་དང་ཆུའི་སྙིང་པོ་དང་ལྷན་ཅིག་ཏུ་རང་གི་ཁྱིམ་དུ་ཕྱིན་པའི་བར་དུའོ། །དེ་ནས་དུས་གཞན་ཞིག་ན་ཚོང་དཔོན་གྱི་ཁྱེའུ་ཆུ་འབེབ་དུས་སྟོན་ཆེན་པོ་ཟོས་ནས་ཆང་གིས་ར་རོ་ཏེ་མལ་ན་ཉལ་བ་དང་། དེའི་ཚེ་དེའི་དུས་ན་
ལྟས་ཆེན་པོ་བྱུང་བར་གྱུར་ཏེ། མཚན་མོ་དེ་འདས་པ་དང་། ཉ་ཁྲི་པོ་དེ་དག་འཆི་བའི་དུས་སུ་གྱུར་ན། སུམ་བཅུ་རྩ་གསུམ་གྱི་ལྷ་རྣམས་དང་སྐལ་བ་མཉམ་པར་སྐྱེས་སོ། །སྐྱེས་མ་ཐག་ཏུ་དེ་དག་འདི་ལྟ་བུའི་ཚུལ་གྱི་སེམས་ཀྱི་རྣམ་
པར་རྟོག་པ་སྐྱེས་ཏེ། བདག་ཅག་དགེ་བའི་ལས་ཀྱིས་རྒྱུ་གང་གིས་སུམ་བཅུ་རྩ་གསུམ་ཀྱི་ལྷ་རྣམ་ཀྱི་ནང་འདིར་སྐྱེས་སྙམ་མོ། །དེ་དག་ཀྱང་འདི་སྙམ་དུ་སེམས་ཏེ། བདག་ཅག་འཛམ་བུའི་གླིང་དེ་ན་ཉ་ཁྲིར་གྱུར་ཏེ་བདག་ཅག་དུད་
འགྲོའི་སྐྱེ་གནས་སུ་གྱུར་པ་ལས། །ཚོང་དཔོན་གྱི་ཁྱེའུ་ཆུ་འབེབས་ཀྱི་ཆུ་མང་པོ་དང་ཁ་ཟས་ཀྱི་མཆོག་གི་ཚིམ་པར་བྱ་སྟེ། བདག་ཅག་ལ་བརྟེན་ཅིང་འབྲེལ་བར་འབྱུང་བ་ཟབ་མོའི་ཆོས་ཀྱང་བསྟན་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོག་པའི་སངས་རྒྱས་རིན་ཆེན་གརྩུག་གཏོར་ཅན་གྱི་མཚན་ཀྱང་བསྒྲགས་པས་དགེ་བའི་ཆོས་ཀྱི་རྒྱུ་དེ་དང་རྐྱེན་དེས་བདག་ཅག་ལྷ་རྣམ་ཀྱི་ནང་འདིར་སྐྱེ་ཀྱིས། བདག་ཅག་ཚོང་དཔོན་གྱི་ཁྱེའུ་ཆུ་
འབེབས་ག་ལ་བ་དེར་དོང་སྟེ་ཕྱིན་ནས་དེ་ལ་མཆོད་པ་བྱའོ་སྙམ་མོ། །དེ་ནས་ལྷའི་བུ་ཁྲི་པོ་དེ་དག་སུམ་བཅུ་ཙ་གསུམ་གྱི་ལྷ་རྣམས་ཀྱི་ནང་ནས་མི་སྣང་བར་གྱུར་ནས། ཚོང་དཔོན་གྱི་བུ་ཆུ་འབེབ་གྱིས་ཁྱིམ་དུ་ལྷགས་ཏེ། 
དེའི་ཚེ་ཚོང་དཔོན་གྱི་ཁྱེའུ་ཆུ་འབེབ་མལ་ན་ཉལ་ཞིང་འདུག་པ་དེ་ལ་ལྷའི་བུ་དེ་དག་གི་མུ་ཏིག་གི་སེ་མོ་དོ་ཁྲི་ནི་མགོའི་ཐད་ཀར་བཞག །མུ་ཏིག་གི་སེ་མོ་དོ་ཁྲི་ནི་རྐང་པའི་དྲུང་དུ་བཞག །མུ་ཏིག་གི་སེ་མོ་དོ་ཁྲི་
97-1-56a


ནི་གཡས་ཕྱོགསུ་བཞག་མུ་ཏིག་གིས་སེ་མོ་དོ་ཁྲི་ནི་གཡོན་ལོགསུ་བཞག་ཏེ། པུས་མོ་ནུབ་ཙམ་དུས་མེ་ཏོག་མན་དཱ་ར་བའི་ཆར་ཆེན་པོ་ཡང་ཕབ། ལྷའི་སིལ་སྙན་རྣམས་ཀྱང་དཀྲོལ་ནས་དེས་འཛམ་བུའི་
གླིང་གི་མི་ཐམས་ཅད་ཀྱང་སད། ཚོང་དཔོན་གྱི་ཁྱེའུ་ཆུ་འབེབ་ཀྱང་སད་དོ། །དེ་ནས་ལྷའི་བུ་ཁྲི་པོ་དེ་དག་ཀྱང་ནམ་མཁའ་ལ་དོང་སྟེ། ལྷའི་བུ་དེ་དག་རྒྱལ་པོ་ལྷའི་དབང་ཕྱུག་འོད་ཀྱི་ཡུལ་གྱི་གནས་དང་གནས་བཞན་
དུ་ཡང་། མེ་ཏོག་མཱན་དཱ་ར་བའི་ཆར་འབེབས་ཤིང་། དགོན་པ་ན་ཡོད་པའི་རྫིང་ཆེན་པོ་ག་ལ་བ་དེར་དོང་ནས། དེ་དག་གི་རྫིང་ཆེན་པོ་དེར་མེ་ཏོག་མཱན་དཱ་ར་བའི་ཆར་ཆེན་པོ་ཕབ་སྟེ། དེ་ཉིད་དུ་མི་སྣང་བར་གྱུར་ནས་
སླར་ཡང་ལྷའི་གནས་སུ་དོང་སྟེ། དེ་ན་འདོད་པའི་ཡོན་ཏན་ལྔ་པོ་དག་གིས་དགའ་ཞིང་རྩེ་ཏེ། དགའ་འགུར་སྤྱོད་ཅིང་དཔལ་དང་སྐལ་བ་བཟང་པོ་ཆེན་པོ་དག་ཀྱང་མྱོང་ངོ་། །འཛམ་བུའི་གླིང་དུ་ནམ་ལང་པ་དང་དེ་ནས་
རྒྱལ་པོ་ལྷའི་དབང་ཕྱུག་འོད་ཀྱི་སྐར་མཁན་དང་བློན་པོ་ཆེན་པོ་རྣམ་ལ་སྨྲས་པ། ཅིའི་ཕྱིར་མདང་སུམ་ལྟས་འདི་དག་བྱུང་། དེ་དག་གི་སྨྲས་པ། ལྷ་མཁྱེན་པར་མཛད་དུ་གསོལ། ཚོང་དཔོན་གྱི་ཁྱེའུ་ཆུ་འབེབ་ཀྱི་ཁྱིམ་དུ་
མུ་ཏིག་གི་སེ་མོ་དོ་བཞི་ཁྲིའི་ཆར་ཕབ་ཅིང་མེ་ཏོག་མཱན་དཱ་ར་བའི་ཆར་ཡང་འབབ་བོ་ཞེས་བྱས་པ་དང་། ཁྱེད་དེང་ལ་ཚོང་དཔོན་གྱི་བུ་ཆུ་འབེབ་ལ་སྙན་པའི་ཚིག་གིས་བོས་ཤིག །དེ་ནས་སྐར་མཁན་དང་བློན་པོ་ཆེན་པོ་རྣམས་
ཆུ་འབེབ་ཀྱི་ཁྱིམ་ག་ལ་བ་དེར་དོང་ཏེ་ཕྱིན་ནས། ཚོང་དཔོན་གྱི་ཁྱེའུ་ཆུ་འབེབ་ལ་འདི་སྐད་ཅེས་སྨྲས་སོ། །རྒྱལ་པོ་ལྷའི་དབང་ཕྱུག་འོད་ཁྱོད་ལ་འབོད་དོ། །དེ་ནས་ཚོང་དཔོན་གྱི་ཁྱེའུ་ཆུ་འབེབ་བློན་པོ་ཆེན་པོ་རྣམ་དང་ལྷན་ཅིག་ཏུ་རྒྱལོ་
ལྷའི་དབང་ཕྱུག་འོད་ག་ལ་བ་དེར་དོང་བ་དང་། རྒྱལ་པོས་སྨྲས་པ། ཆུ་འབེབ་མདང་སུམ་དེ་འདྲ་བའི་ལྟས་བྱུང་བ། དེ་ཅིའི་ལྟས་ཡིན་ཤེས་སམ། དེ་ནས་ཚོང་དཔོན་གྱི་ཁྱེའུ་ཆུ་འབེབས་ཀྱི་རྒྱལ་པོ་ལྷའི་དབང་ཕྱུག་འོད་ལ་འདི་སྐད་ཅེས་
97-1-56b


སྨྲསོ། །ལྷ་བདག་གི་ཚལ་ཏེ་ཉ་ཁྲི་པོ་དེ་དག་འཆི་བའི་དུས་བགྱི་པར་ངེསོ། །རྒྱལ་པོས་སྨྲས་པ་ཇི་ལྟར་ཤེས། ཆུ་འབེབ་ཀྱི་སྨྲས་པ། ལྷ་ཆུའི་གོས་རྫིང་དེར་ཉ་ཁྲི་པོ་དེ་དག་གུམ་འམ་མ་གུམ་ལྟར་ཙལ་ཏོ། །རྒྱལ་པོས་སྨྲས་པ་དེ་ལྟ་
ལྟར་གྱི་ཤིག །དེ་ནས་ཚོང་དཔོན་གྱི་ཁྱེའུ་ཆུ་འབེབ་ཀྱི་ཁྱེའུ་ཆུའི་གོས་ལ་འདི་སྐད་ཅེས་སྨྲས་སོ། །བུ་སོང་ལ་དགོན་པ་ན་ཡོད་པའི་རྫིང་དུ་ཉ་ཁྲི་པོ་དེ་དག་ཤིའམ་མ་ཤི་ལྟོས་ཤིག །དེ་ནས་ཁྱེའུ་ཆུའི་གོས་མྱུར་བ་མྱུར་བར་དགོན་པ་ན་ཡོད་པའི་
རྫིང་ཆེན་པོ་ག་ལ་བ་དེར་སོང་བ་དང་། ཉ་ཁྲི་པོ་དེ་དག་ཤི་བའི་དུས་སུ་གྱུར་ཅིང་མེ་ཏོག་མཱན་དཱ་ར་བའི་ཆར་ཆེན་པོ་བབ་པར་ཡང་མཐོང་ནས་སླར་ལོག་སྟེ་ཕ་ལ་སྨྲས་པ། འཆི་བའི་དུས་སུ་གྱུར་ཏོ། །དེ་ནས་ཚོང་དཔོན་གྱི་ཁྱེའུ་ཆུ་འབེབས་ཀྱི་ཁྱེའུ་
ཆུའི་གོས་ལས་ཚིག་དེ་ཐོས་པ་དང་། རྒྱལ་པོ་ལྷའི་དབང་ཕྱུག་འོད་ག་ལ་བ་དེར་སོང་ནས་དེ་དག་རྒྱུས་ནས་ཞིབ་ཏུ་སྨྲས་ཏེ། ལྷ་མཁྱེན་པར་མཛད་དུ་གསོལ། ཉ་ཁྲི་པོ་དེ་དག་ཐམ་ཅད་ནི་འཆི་བའི་དུས་སུ་གྱུར་ནས་སུམ་བཅུ་ཙ་གསུམ་གྱི་
ལྷ་རྣམ་ཀྱི་ནང་དུ་སྐྱེས་ཏེ། དེ་དག་དང་བདག་གི་མཐུས་མདང་སུམ་དེ་ལྟ་བུའི་དགེ་བའི་ལྟས་དེ་དག་བྱུང་སྟེ། བདག་གི་ཁྱིམ་དུ་ཡང་མུ་ཏིག་གི་སེ་མོ་དོ་བཞི་ཁྲི་དང་ལྷའི་མེ་ཏོག་མཱན་དཱ་ར་བའི་ཆར་ཡང་བབ་བོ། །དེ་ནས་རྒྱལ་པོ་དགའ་
ཞིང་མགུ་ཏེ་ཡིད་རང་བར་གྱུར་ཏོ། །དེ་ནས་བཅོམ་ལྡན་འདས་ཀྱི། རིག་ཀྱིས་ལྷ་མོ་བྱང་ཆུབ་ཡང་དག་པར་བསྡུས་པ་ལ་འདི་སྐད་ཅེས་བཀའ་སྩལ་ཏོ། །རིག་ཀྱི་ལྷ་མོ་དེའི་ཚེ་དེའི་དུ་ན། རྒྱལ་པོ་ལྷའི་དབང་ཕྱུག་འོད་ཅེས་བྱ་
བར་གྱུར་པ་གཞན་ཞིག་ཡིན་པ་སྙམ་དུ་ཁྱོད་སེམས་ན་དེ་དེ་ལྟར་མི་བལྟའོ། །དེ་ཅིའི་ཕྱིར་ཞེས་ན། ཤཱཀྱ་ལག་ན་བེ་ཅོན་ཅན་དེའི་ཚེ་དེའི་དུས་ན་རྒྱལ་པོ་ལྷའི་དབང་ཕྱུག་འོད་ཅེས་བྱ་བར་གྱུར་ཏོ། །རིག་ཀྱི་ལྷ་མོ་དེའི་ཚེ་དེའི་དུས་ན་
ཚོང་དཔོན་རལ་པ་འཛིན་ཅེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སེམས་ན་དེ་དེ་ལྟར་མི་ལྟའོ། །དེ་ཅིའི་ཕྱིར་ཞེ་ན། རྒྱལ་པོ་ཟས་གཙང་མ་དེའི་ཚེ་དེའི་དུ་ནས། ཚོང་དཔོན་རལ་པ་འཛིན་ཅེས་བྱ་བར་གྱུར་ཏེ། །
97-1-57a


རིགས་ཀྱི་ལྷ་མོ་དེའི་ཚེ་དེའི་དུས་ན། ཚོང་དཔོན་གྱི་ཁྱེའུ་ཆུ་འབེབ་ཞེས་བྱ་བ་དེ་གཞན་ཞིག་ཡིན་པ་སྙམ་དུ་ཁྱོད་སེམས་ན། དེ་དེ་ལྟ་མི་ལྟའོ། །དེ་ཅིའི་ཕྱིར་ཞེ་ན། ང་དེའི་ཚེ་དེའི་དུ་ན་ཚོང་དཔོན་གྱི་བུ་ཆུ་འབེབ་ཞེས་བྱ་བར་གྱུར་ཏོ། །
རིག་ཀྱི་ལྷ་མོ་དེའི་ཚེ་དེའི་དུས་ན་ཆུང་མ་ཆུའི་པད་མའི་སྙིང་པོ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སེམས་ན་དེ་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ཤཱཀྱའི་བུ་མོ་ས་མཚོ་མ་དེའི་དུས་ན་ཚོང་དཔོན་གྱི་ཁྱེའུ་
ཆུ་འབེབ་ཞེས་བྱ་བའི་ཆུང་མ་ཆུའི་པད་མའི་སྙིང་པོ་ཞེས་བྱ་བར་གྱུར་ཏོ། །སྒྲ་གཅན་ཟིན་ནི་དེའི་ཚེ་དེའི་དུས་ན་ཁྱེའུ་ཆུའི་གོས་ཞེས་བྱ་བར་གྱུར་ཏོ། །ཀུན་དགའ་བོ་ནི་དེའི་ཚེ་དེའི་དུས་ན་ཁྱེའུ་ཆུའི་སྙིང་པོ་ཞེས་བྱ་བར་གྱུར་ཏོ། །རིག་ཀྱི་ལྷ་མོ་
དེའི་ཚེ་དེའི་དེའི་དུ་ན་ཉ་ཁྲི་པོར་གྱུར་པ་དེ་དག་གཞན་ཞིག་ཡིན་པ་སྙམ་དུ་ཁྱོད་སེམས་ན་དེ་དེ་ལྟར་མི་ལྟའོ། །དེ་ཅིའི་ཕྱིར་ཞེ་ན། འབར་བའི་ཁྱད་པར་གྱི་གཟི་བརྗིད་རྒྱལ་པོ་ལ་སོག་པ་ལྷའི་བུ་ཁྲི་འདི་དག་དེའི་ཚེ་དེའི་དུས་ན་ཉ་ཁྲི་
གྱུར་ཏེ། གང་དག་ངས་ཆུ་དང་ཟས་ཀྱི་མཆོག་གི་ཚིམ་པར་བྱས་ཤིང་རྟེན་ཅིང་འབྲེལ་བར་འབྱུང་བ་ཟབ་མོའི་ཆོས་ཀྱང་བསྟན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོག་པའི་སངས་རྒྱས་རིན་ཆེན་གཙུག་ཏོར་ཅན་
གྱི་མཚན་ཀྱང་བསྒྲགས་ཏེ། དགེ་བའི་ལས་ཀྱི་རྒྱུ་དེས་ངའི་གན་དུ་འདིར་ལྷག་སྟེ། དེས་ན་དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟན་ཏོ། །རབ་ཏུ་དགའ་བ་དང་དང་བ་དང་མཆོག་ཏུ་དགའ་བ་དང་། 
གུས་པའི་ཆོས་ཉན་པས་ཐམ་ཅད་ལུང་སྟན་པ་ཞེས་བྱ་བའི་མིང་ཐོབ་པར་གྱུར་ཏོ། །རིག་ཀྱི་ལྷ་མོ་དེ་ཚེ་དེའི་དུས་ན། ཤིང་གི་ལྷ་མོར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སེམས་ན་དེ་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། 
རིགས་ཀྱི་ལྷ་མོ་ཁྱོད་དེའི་ཚེ་དེའི་དུ་ན་ཤིང་གི་ལྷ་མོར་གྱུར་རོ། །རིག་ཀྱི་ལྷ་མོ་རྣམ་གྲང་འདི་ན་འཁོར་བ་ན་འཁོར་བའི་ཚེ་ངས་ཇི་ལྟར་སེམས་ཅན་མང་པོ་བྱང་ཆུབ་ཏུ་ཡོངསུ་སྨིན་པར་བྱས་ཏེ་དེ་དག་ཐམ་ཅད་བླ་ན་མེད་པ་ཡང་དག་
97-1-57b


པར་རྫོགས་པའི་བྱང་ཆུབ་ཏུ་ལུང་སྟན་པའི་ས་ཐོབ་པར་གྱུར་པར་རིག་པར་བྱའོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། ཆུ་འབེབ་གྱི་ཉ་བཏུལ་བའི་སྔོན་བྱང་བའི་ལེའུ་ཞེས་བྱ་བ་སྟེ་བཅུ་བདུན་པའོ།། །། རིག་ཀྱི་
ལྷ་མོ་གཞན་ཡང་བྱང་ཆུབ་སེམས་དཔའ་ནི་གཞན་ལ་ཕན་པའི་ཕྱིར་ལུས་ཀྱང་ཡོངསུ་གཏོང་ངོ་། །དེ་ཇི་ལྟ་ཞེ་ན། དྲི་མ་མེད་ཅིང་ཤིན་ཏུ་རྒྱལ་པའི་ཡོན་ཏན་རྣམ་པ་སྣ་ཚོགས་བརྒྱའི་འོད་ཟེར་ས་དང་ལྷ་ཡུལ་དུ་རྣམ་པར་
འཕྲོ་བ་ཐོགས་པ་མེད་པའི་ཡེ་ཤེས་མཐོང་བ་དང་སྟོབ་ཀྱིས་ཕ་རོལ་གནོན་པའི་བཅོམ་ལྡན་འདས་དགེ་སློང་སྟོང་གིས་ཡོངསུ་བསྐོར་ཏེ། ཡུལ་ལྔ་ལེན་གྱི་ལྗོངསུ་ལྗོངས་རྒྱུ་ཞིང་གཤེགས་ནས་ནག་ཚོགས་ཞིག་ཏུ་བྱོན་པ་དང་། 
དེར་དེས་སྔོ་ཞིང་འཇམ་ལ་མཐིང་གར་འདུག་པའི་སྤང་གི་ངོས་མེ་ཏོག་གི་དྲི་ཞིམ་པ་རྣམ་པ་སྣ་ཚོག་ཀྱི་རབ་ཏུ་བརྒྱན་པའི་ས་ཕྱོགས་ཞིག་གཟིགསོ། །གཟིག་ནས་ཀྱང་བཅོམ་ལྡན་འདས་ཀྱི་ཚེ་དང་ལྡན་པ་ཀུན་དགའ་བོ་ལ་བཀའ་
སྩལ་པ། ཀུན་དགའ་བོ་ས་ཕྱོག་འདི་ནི་མཛེས་པ་ཏེ། འདི་ན་གཏམ་གྱི་གནས་ཀྱི་མཚན་མ་ཡོད་ཀྱིས་ད་དེ་བཞིན་གཤེག་པའི་གདན་ཐིང་ཤིང་། དེས་བཅོམ་ལྡན་འདས་ཀྱི་བཀའ་བཞིན་དུ་གདན་བཏིང་ངོ་། །གདན་ཏིང་
ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གདན་བཏིང་ལགས་ན་བཅོམ་ལྡན་གཙོ་བོ་མཆོག །མི་ལ་མཆོག་ཙོལ་དམ་པའི་སྲིད་བཅིང་གྲོལ། །གཞུག་ཏེ་མི་ལ་སྨན་སླད་མཐར་བགྱི་ཀྱི། །བཀའཆིང་
དམ་པ་བདུད་རྩི་གསུང་དུ་གསོལ། །དེ་ནས་བཅོམ་ལྡན་འདས་གདན་དེ་ལ་བཞུག་ནས་དགེ་སློང་རྣམས་ལ་བཀའ་རྩལ་པ། དགེ་སློང་དག་ཁྱོད་བྱ་དཀའ་བའི་ལས་བྱེད་པའི་བྱང་ཆུབ་སེམས་དཔའི་རུས་པ་རྣམས་
ལྟ་བར་འདོད་དམ། དེ་སྐད་ཅེས་བཀའ་སྩལ་པ་དང་བཅོམ་ལྡན་འདས་ལ་དགེ་སློང་དེ་དག་གིས་འདི་སྐད་ཅེས་གསོལ་ཏོ། །དྲང་སྲོང་དམ་པ་སེམས་ཅན་མཆོག་གི་སྙིང་པོ་ལ། །བཟོད་དང་བཙོན་འགྲུས་ཆེ་ལ་ཞི་དང་
97-1-58a


དུལ་དགའ་ཞིང་། །བློ་གྲོས་དྲན་དགའ་ཡོན་ཏན་དཔག་མེད་གནས་གྱུར་གྱི། །རུས་པ་བདག་ཅག་ལྟ་བའི་དུས་ལ་གང་ལེགས་ཤོད། །དེ་ནས་བཅོམ་ལྡན་འདས་ཞབས་ཀྱི་ཞབས་ཀྱི་མཐིལ་འཁོར་ལོ་ཙིབས་སྟོང་གི་རི་མོ་ཅན་དང་། མེ་ཏོག་
ཀ་མ་ལ་གསར་དུ་ཁ་བྱེ་བ་ལྟར་འཇམ་པའི་ཕྱག་གིས་སའི་ངོས་ལ་བརྡབས་ཏེ་བསྣུན་མ་ཐག་དུ་ས་རྣམ་པ་དྲུག་ཏུ་གཡོས་ཏེ་ནོར་བུ་དང་གསེར་དང་དངུལ་ལས་བྱས་པའི་མཆོད་རྟེན་ཞིག་དེ་ནས་བྱུང་ངོ་། །དེ་ནས་བཅོམ་
ལྡན་འདས་ཀྱི་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའོ་མཆོད་རྟེན་འདི་ཕྱེ་ཞིག །དེ་ནས་ཚེ་དང་ལྡན་པ་ཀུན་དགའོ་བཅོམ་ལྡན་འདས་ཀྱི་ལྟར་མཉན་ནས། མཆོད་རྟེན་དེ་ཕྱེ་བ་དང་དེས་དེར་གསེར་
གྱི་འཕྲན་ཅན་གྱི་ནོར་བུ་དང་མུ་ཏིག་གི་ཁེས་པར་གཡོག་པའི་གསེར་གྱི་ཟ་མ་ཏོག་ཅིག་མཐོང་ངོ་། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསེར་གྱི་ཟ་མ་ཏོག་མཆིས་སོ། །
བཅོམ་ལྡན་འདས་ཀྱི་བཀའ་སྩལ་པ། ཟ་མ་ཏོག་བདུན་པོ་འདི་དག་ཐམ་ཅད་ཕྱེད་ཤིག །དེ་བཞིན་དུ་ཐམ་ཅད་ཕྱེ་བ་དང་དེས་དེར་རུས་པའི་ཁ་དོག་ཁ་བ་དང་མེ་ཏོག་ཀུ་མུ་ད་འདྲ་བ་དག་ཅིག་མཐོང་ངོ་། །མཐོང་ནས་ཀྱང་བཅོམ་
ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རུས་པ་དག་ཅིག་གདའོ། །བཅོམ་ལྡན་འདས་ཀྱི་བཀའ་སྩལ་པ། ཀུན་དགའོ་སྐྱེ་བུ་ཆེན་པོའི་རུས་པ་རྣམ་ཁྱེར་ཏེ་ཤོག །དེ་ནས་ཚེ་དང་ལྡན་
པ་ཀུན་དགའ་བོས་རུས་པ་དེ་དག་བླངས་ཏེ་སངས་རྒྱས་བཅོམ་ལྡན་འདས་ལ་ཕུལ་བ་དང་། བཅོམ་ལྡན་འདས་ཀྱིས་རུས་པ་རྣམས་དགེ་འདུན་གྱི་མདུན་དུ་བསྣམ་ཏེ་ཕྱག་ཏུ་བཞེས་ཏེ་བཀའ་སྩལ་པ། རུས་པ་འདི་དག་ཡོན་ཏན་
མཆོག་རབ་ཚོགས་ལྡན་བློ་གྲོས་མཆོག །དུལ་དང་བསམ་ཏན་བཟོད་པས་སྤྲོ་བ་གྲགས་པ་དམ་པ་མཆོག །ཕྱིར་ཞིང་བྱང་ཆུབ་འདི་ལ་རྟག་ཏུ་བློ་གྲོས་ལྡན་བྱས་ཤིང་། །སྤྲོ་རྟན་མོས་དང་བློ་གྲོས་རྟག་དུ་སྦྱིན་ལ་དགའ་བ་ཡིན། །དེ་ནས་བཅོམ་
97-1-58b


ལྡན་འདས་གྱིས་དགེ་སློང་རྣམ་ལ་བཀའ་སྩལ་པ། དགེ་སློང་དག་བྱང་ཆུབ་སེམས་དཔའི་རུས་པ་ཚུལ་ཁྲིམ་དང་ཡོན་ཏན་གྱིས་ཡོངསུ་བསྒོས་པ། མཆོག་ཏུ་མཐོང་བར་དཀའ་བ་བསོད་ནམས་ཀྱི་ཞིང་དུ་གྱུར་པ་རྣམ་ལ་ཕྱག་
ཚོལ་ཅིག །དེ་ནས་དགེ་སློང་དེ་དག་གིས་ཐལ་མོ་སྦྱར་ཏེ་འདུན་པའི་ཡིད་གྱིས་རུས་པ་རྣམ་ལ་ཕྱག་འཚལ་ཏོ། །དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་དེ་བཞིན་གཤེགས་པ་ནི། འཇིག་རྟེན་ཐམས་ཅད་ལས་མངོན་པར་འཕགས་པ་སེམས་ཅན་ཐམས་ཅད་ཀྱིས་ཕྱག་བགྱི་པ་ལགས་ན། ཇི་ལྟར་དེ་བཞིན་གཤེགས་པ་ཉིད་རུས་པ་འདི་དག་ལ་ཕྱག་བཞེས། 
དེ་ནས་བཅོམ་ལྡན་འདས་ཀྱི་ཚེ་དང་ལྡན་པ་ཀུན་དགའོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་རུས་པ་འདི་དག་གིས་ང་འདི་ལྟར་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་
སངས་རྒྱས་སོ། །ཀུན་དགའོ་སྔོན་བྱུང་བ་འདས་པའི་དུས་ན་རྒྱལ་པོ་ཤིང་རྟ་ཆེན་པོ་ཞེས་བྱ་བ་བཞོན་པ་དང་སྟོབས་དུ་མ་དང་ལྡན་པ་ཐོགས་པ་མེད་པའི་སྟོབ་གྱིས་ཕ་རོལ་གནོན་པ་ཞིག་བྱུང་སྟེ། དེ་ལ་བུ་ལྷ་གཞོན་ནུ་དང་འདྲ་
བ་གསུམ་ཞིག་ཡོད་དེ་སྒྲ་ཆེན་པོ་དང་ལྷ་ཆེན་པོ་དང་སེམས་ཅན་ཆེན་པོའོ། །དེ་ནས་རྒྱལ་པོ་རྩེ་བའི་ཕྱིར་བསྐྱེད་མོས་ཚལ་གྱི་སར་བྱུང་བ་དང་། གཞོན་ནུ་དེ་དག་སྐྱེད་མོས་ཚལ་དེའི་ཡོན་ཏན་ལ་ཆགས་ཤིང་མེ་ཏོག་འདོད་པ་
ཕན་ཚུན་རྒྱུ་སྟེ། ནགས་སྟུག་པོ་ཆེན་པོ་བཅུ་གཉིས་སུ་ཞུགས་སོ། །དེ་ནས་རྒྱལ་པོའི་བུ་དག་དོང་བ་དང་གཞོན་ནུའི་རིམ་གྲོ་པ་རྣམས་ཀྱང་རྒྱལ་བུས་བསྐྲད་ནས་ཕན་ཚུན་དོང་སྟེ། ཀུན་ཏུ་བསྲུང་པའི་སྐྱེད་མོས་ཚལ་ཆེན་པོ་ནག་སྡུག་
པོ་བཅུ་གཉིསུ་ཞུགསོ། །དེ་ནས་སྒྲ་ཆེན་པོས་ནུ་བོ་གཉི་ལ་སྨྲ་པ། ཁོ་བོའི་སྙིང་འཇིག་པས་ནོན་ན་འདིར་བདག་ཅག་གཅན་ཟན་གྱི་གསད་དུ་འོང་གིས་ཚུར་ཤོག །ལྷ་ཆེན་པོས་སྨྲས་པ། བདག་ལ་འཇིག་པ་ནི་མ་མཆི་ན། སྐྱེ་བོ་སྡུག་པ་དང་བྲལ་བ་སྙམ་
97-1-59a


བགྱིད་པའི་སྙིང་དུ་གྱུར་ཏོ། །སེམས་ཅན་ཆེན་པོས་སྨྲས་པ། ཐུབ་པས་བསྔགས་པའི་ནགས་ཁྲོད་དབེན་པ་འདིར། །བདག་ནི་མི་འཇིགས་མྱ་ངན་མ་མཆིས་གྱི། །ཤིན་ཏུ་རྒྱས་མཆོག་དོན་ཆེན་རྙེད་སྙམ་སྟེ། །བདག་གིས་སྙིང་འདི་
རབ་ཏུ་དགའ་བར་གྱུར། །དེ་ནས་རྒྱལ་བུ་གཞོན་ནུ་དེ་དག་ནགས་སྡུག་པོ་བཅུ་གཉིས་པོ་དེ་དག་གི་ཁྲོད་དུ་རྒྱུ་བ་ན་སྟག་མོ་བུ་བྱུང་ནས་ཞག་བདུན་ལོན་པ་ཞིག་བུ་སྔས་བསྐོར་ཏེ། བཀྲེས་ཤིང་སྐོམ་པས་ཉམས་སྨད་ནས་ལུས་
མཆོག་ཏུ་ཉམ་ཆུང་བར་གྱུར་པ་དེ་འདྲ་བ་ཞིག་མཐོངོ་། །མཐོང་ནས་སྒྲ་ཆེན་པོ་སྨྲས་པ། ཀྱེ་མའོ་ཉོན་མོང་མ་འདི་བུ་བྱུང་ནས་ཞག་དྲུག་གམ་ཞག་བདུན་ལོན་པར་གྱུར་ལ། ད་ལྟར་ཟས་མ་རྙེད་པས་ཡང་ན་ནི་རང་གི་བུ་ལ་
ཟ་བར་འགྱུར། ཡང་ན་ནི་བཀྲེས་པས་འཆི་བའི་དུས་བྱེད་པར་འགྱུར་རོ། །སེམས་ཅན་ཆེན་པོ་སྨྲས་པ། ཉོན་མོངས་མ་འདིའི་ཟས་ཅི། སྒྲ་ཆེན་པོས་སྨྲས་པ། འདིར་གང་ཤ་སར་པ་དང་ཁྲག་དྲོན་པོ་ཡོད་ན་དེ་ནི་སྟག་དང་དོམ་
དང་དྲེད་དང་སེང་གེ་རྣམ་ཀྱི་ཟས་ཡིན་ནོ་ཞེས་ཟེར་རོ། །ལྷ་ཆེན་པོས་སྨྲས་པ། འདིར་ཉོན་མོངས་འདི་བཀྲེས་པ་དང་སྐོམ་པ་དང་ལྡན་པའི་ལུས་སུ་གྱུར་པས་སྲོག་གི་ལྷ་མ་ཅུང་ཟད་ཅིག་ལུས་ཏེ། རབ་ཏུ་ཉམས་ཆུང་བས་འདིས་
གནས་འདིར་ཟས་སྐོམ་ཚོལ་ནི་མི་ནུས་ན་འདིའི་སྲོག་ཡོངསུ་བསྲུང་བའི་ཕྱིར་སུ་ཞིག་རང་གི་ལུས་ཡོངསུ་བཏོང་བར་བྱེད་ཅིང་གུ། སྒྲ་ཆེན་པོ་སྨྲས་པ། ཀྱེ་རང་གིས་ལུས་ཡོངསུ་བཏང་བ་ནི་བྱ་དཀའ་བའོ། །སེམས་ཅན་ཆེན་
པོ་སྨྲས་པ། བདག་ཅག་ལྟ་བུ་སྲོག་དང་ལུས་ལ་མངོན་པར་ཆགས་པ་བློ་ཆུང་བ་རྣམ་ལ་ནི་ཚུལ་འདི་བྱ་དཀའ་བ་ལགས་ཀྱི། གཞན་ལུས་ཡོངསུ་གཏོང་བ་ལ་ཞུགས་པ་གཞན་ལ་ཕན་པར་བརྩོན་པའི་སྐྱེ་བུ་དམ་པ་རྣམས་ལ་
ནི་དཀའ་བ་མ་ལགསོ། །ཡང་སྙིང་བརྩེ་སྙིང་རྗེ་ལས་བྱུང་འཕགས་པའི་སེམས་ཅན་དག །ལྷ་ཡུལ་དང་ནི་ས་འདིར་རང་ལུས་རྙེད་སྙམ་ཏེ། །གཞན་གྱི་སྲོག་ཕྱིར་འཐུན་པར་དགའ་བའི་ཡིད་ཀྱིས་ནི། །འགྱུར་བ་མེད་པར་འདིར་ནི་རྣམ་
97-1-59b


པ་བརྒྱ་ཡི་བཙེ། །དེ་ནས་རྒྱལ་བུ་གཞོན་ནུ་དེ་ཤིན་དུ་མི་དགའ་བ་སྟེ། ལྟག་མོ་དེ་ལ་མིག་མི་འཛུམ་པར་རིང་ཞིག་ཏུ་བལྟས་ནས་སོང་ངོ་། །དེ་ནས་སེམས་ཅན་ཆེན་པོ་འདི་སྙམ་དུ་སེམས་ཏེ། ད་ནི་བདག་གི་ལུས་འདི་ཡོངསུ་གཏང་བའི་
དུས་ལ་བབ་བོ། །དེ་ཅིའི་ཕྱིར་ཞེས་ན། འཇིགས་ཅིང་འགྱེས་པའི་ཆོས་ཅན་མཐར་བྱེད་མཐའ་ངན་པ། །རྣག་ཅན་ལུས་འདི་ཟས་དང་སྐོམ་དང་མལ་ཆ་དང་། །བཞོན་པ་འོས་པ་ཆེན་པོ་དག་གིས་རིང་བསྲུང་ཀྱང་། །སྔ་མེད་རང་གིས་རང་
བཞིན་མི་འདོར་བྱས་དོན་མེད། །ཡང་ཐམས་ཅད་དུ་མི་གཙང་བར་གྱུར་པས་ན་དེའི་འཚོ་བ་མེད་ཀྱིས། ད་བདག་གི་དེ་ལས་བཟང་པོ་ལ་སྦྱར་བར་བྱའོ། །དེའི་ཕྱིར་བདག་སྐྱེ་བ་དང་འཆི་བའི་རྒྱ་མཚོ་ལས་བརྒལ་བའི་གྲུ་བོ་ཆེ་ལྟ་བུར་
འགྱུར་རོ། །ཡང་སྙིང་པོ་མེད་ལུས་དབུ་བ་འདྲ་ལ་སྲིན་བུ་བརྒྱས་གང་བྱས་པ་ཆུད་གཟོན་པ། །འབྲས་འདྲ་བ་ཡི་སྲིད་པ་བརྒྱ་ལྡན་གཅིན་དང་ཕྱི་སས་གང་བ་འདི་བཏང་ཏེ། །མྱ་ངན་མེད་ཅིང་འགྱུར་མེད་ཕུང་མེད་དྲི་མེད་བསམ་ཏན་
ལ་སོགས་ཡོན་ཏན་གྱི། །ཀུན་ཏུ་གང་བའི་ཆོས་སྐུ་ཡོན་ཏན་བརྒྱས་གང་རྡུལ་དང་བྲལ་བ་ཐོབ་པར་བྱ། །དེ་སྙིང་རྗེ་མཆོག་དང་ལྡན་པའི་སྙིང་དུས་གྱུར་པས་དེ་ལྟར་བརྟུལ་ནས་ཁྱོད་གཉིས་གཤེགས་སུ་གསོལ། 
བདག་ནི་རང་གིས་བགྱི་བ་ཞིག་གི་སླད་དུ་ནག་སྟུག་པོ་བཅུ་གཉིསུ་འཇུག་གོ་ཞེས་དེ་གཉིས་བསྐྲད་དོ། །དེ་ནས་རྒྱལ་བུ་གཞོནུ་སེམས་ཅན་ཆེན་པོ་ནགས་འདབ་དེ་ནས་སླར་ལོག་སྟེ། སྟག་གི་གནས་སུ་སོང་ནས་
ནགས་ཀྱི་ཡལ་ག་ལ་གོས་གསར་ཏེ། བདག་ནི་འགྲོ་ལ་ཕན་ཕྱིར་བྱང་ཆུབ་མཚུངས་པ་མེད་པ་ཞི་བ་ཐོབ་འདོད་དེ། །གཞན་གྱིས་བཏང་བར་དཀའ་བའི་ལུས་ནི་བློ་གྲོས་འགྱུར་བ་མེད་པའི་སྙིང་རྗེས་སྦྱིན་བདག་གིས་
སྐྱོན་མེད་བྱང་ཆུབ་རིན་མེད་རྒྱལ་སྲས་རྣམས་ཀྱིས་གཉེར་བ་ཐོབ་པར་ཤོག །བདག་གིས་སྲིད་པའི་རྒྱ་མཚོ་རབ་ཏུ་འཇིགས་ལས་འཇིག་རྟེན་གསུམ་པོ་བསྒྲལ་བར་བྱ་ཞེས་སྨོན་ལམ་བཏབ་བོ། །དེ་ནས་སེམས་ཅན་ཆེན་པོ་
97-1-60a


སྟག་མོའི་མདུན་དུ་ཉལ་བ་དང་། དེ་ནས་བྱམས་པ་དང་ལྡན་པའི་བྱང་ཆུབ་སེམས་དཔའ་ལ་སྟག་མོས་ཅི་ཡང་མ་བྱས་སོ། །དེ་ནས་བྱང་ཆུབ་སེམས་དཔས་ཀྱེ་མའོ་འདི་ནི་ཉམ་ཆུང་བས་མི་ནུས་སོ་སྙམ་ནས་ལང་ཏེ་སྙིང་
བརྩེ་བའི་བློ་གྲོས་ཀྱིས་མཚོན་ཆ་བཙལ་ན་གང་ནས་ཀྱང་མཚོན་ཆ་མ་རྙེད་ནས་དེས་འོད་མའི་ཡལ་ག་ལོ་བརྒྱ་ལོན་པ་སྲ་བ་ཞིག་བླང་ཏེ། བདག་གི་མགུལ་པ་བཅད་ནས་སྟག་མོའི་མདུན་དུ་འགྱེལ་ཏོ། །བྱང་ཆུབ་སེམས་
དཔའ་འགྱེལ་མ་ཐག་ཏུ་ཆུའི་དབུས་སུ་སོན་པའི་གྲུ་རླུང་གིས་སྐྱོད་པ་བཞིན་དུ་ས་འདི་རྣམ་པ་དྲུག་ཏུ་གཡོས་སོ། །ཉི་མ་ཡང་སྒྲ་གཅན་གྱིས་ཟིན་པ་བཞིན་དུ་འོད་ཟེར་རྣམས་ཀྱིས་མཛེས་པ་མེད་དོ། །ལྷའི་སྤོས་དང་ཕྱེད་མ་དང་འདྲེས་པའི་
མེ་ཏོག་གི་ཆར་ཡང་བབ་བོ། །དེ་ནས་ལྷ་ཞིག་གིས་ངོ་ཚར་དུ་གྱུར་པའི་ཡིད་ཀྱིས་བྱང་ཆུབ་སེམས་དཔའ་ལ་བསྟོད་པ། བློ་གྲོས་བཟང་པོ་ཁྱོད་འདིར་ཇི་ལྟར་ཐུག་རྗེས་སེམས་ཅན་རྣམས་ཁྱབ་ཏེ། །མི་ཡི་དབང་པོ་རབ་ཏུ་དགྱེས་
པས་ཇི་ལྟར་སྐུ་འདི་བཏང་བས་ན། །སྐྱེ་བ་དང་ནི་འཆི་བའི་དོན་དང་བྲལ་བ་ཞི་བ་གནས་གྱི་མཆོག །ཞི་བ་གཙང་མ་ཁྱོད་ཀྱི་འདིར་ནི་ཚེགས་མེད་རིང་པོར་མི་ཐོགས་བརྙེས་དེ་ནས་སྟག་མོ་དེ་བྱང་ཆུབ་སེམས་དཔའི་ལུས་ཁྲག་
གིས་སྦགས་པ་ལ་བལྡགས་ནས། ཡུད་ཙམ་གྱིས་ཤ་དང་ཁྲག་མེད་པར་རུས་པ་ཙམ་ཞིག་ལུས་པར་བྱས་སོ། །དེ་ནས་སྒྲ་ཆེན་པོས་ས་གཡོས་པ་དེ་དག་ལ་བསམས་ནས་ལྷ་ཆེན་པོ་ལ་འདི་སྐད་ཅེས་སྨྲས་སོ། །
ཇི་ལྟར་ཕྱོག་བཅུའི་རྒྱ་མཚོའི་ཐར་ཐུག་རྒྱ་མཚོར་བཅས་པའི། །ས་འདི་རབ་ཏུ་གཡོས་ཤིང་ཉི་མའང་འོད་ནི་མེད་གྱུར་ལ། །མེ་ཏོག་ཆར་པ་བབ་ཅིང་ཁོ་བོའི་ཡིད་ཀྱང་འཁྲུགས་པ་ན། །ད་གཟོད་བདག་གི་ནུ་བོ་རང་གི་
ལུས་ནི་བཏང་ཡང་ཐག །ལྷ་ཆེན་པོས་སྨྲས་པ། དེ་ནི་ཇི་ལྟར་སྙིང་རྗེ་བའི་ཚིག་སྨྲ་ལ། །བཀྲེས་དང་ལྡན་ཞིང་སྡུག་བསྔལ་བརྒྱལ་གཙེས་པ། །ཤིན་ཏུ་ཉམས་ཆུང་རང་གི་བུ་ལ་ཡང་། །ཟ་བར་ཆས་ལ་ལྟ་བས་
97-1-60b


བདག་ཀྱང་དོགས། །དེ་ནས་རྒྱལ་བུ་གཞོནུ་དེ་གཉིས་རབ་ཏུ་མྱ་ངན་གྱིས་ནོན་ནས་མཆི་མས་མིག་གང་སྟེ་ལམ་དེ་ཉིད་ནས་སླར་ལོག་ནས་སྟག་མོའི་དྲུང་དུ་ཕྱིན་པ་དང་། གོས་ཐམ་ཅད་ནི་འོད་མའི་ཡལ་ག་ལ་གཟར། རུས་
པ་རྣམས་ནི་བྱེ་ཞིང་བྲལ་ཁྲག་ནི་རྫབ་ཏུ་གྱུར་སྐྲ་ནི་ཕྱོགས་དང་ཕྱོག་མཚམ་སུ་འཐོར་བར་མཐོངོ་། །མཐོང་ནས་ཀྱང་བརྒྱལ་ཏེ་རུས་པའི་སྟེང་དུ་འགྱེལ་ནས་རིང་ཞིང་ལོན་པ་དང་། འདུ་ཤེས་རྙེད་དེ་ལངས་ནས་ལག་པ་བསྒྲེང་
སྟེ་ཉམས་ཐག་པའི་སྒྲ་ཕྱུང་ངོ་། །ཀྱེ་མའོ་ནུ་བོ་སྡུག་པ་དང་ནི་རྒྱལ་པོ་དང་། །དེ་བཞིན་དུ་ནི་བུ་ལ་རབ་ཏུ་གཏུང་བའི་མ། །པད་མ་འདྲ་བའི་མིག་རིང་ཁྱོད་ཀྱི་གར་བཞག་ཅེས། །མ་ནི་བདག་ཅག་ལ་ཡང་ཐ་ཆུང་འདྲ་བར་འགྱུར། །ཀྱེ་མ་བདག་
ཅག་གཉིས་ནི་ས་ཕྱོག་འདི་ཉིད་དུ། །ཤི་ན་ལེགས་ཀྱི་གསོན་པ་དེ་ལྟ་མ་ཡིན་ནོ། །སེམས་ཅན་ཆེན་པོ་མེད་པར་གྱུར་པས་བདག་ཅག་ལ། །ཕ་མ་དག་གིས་ཇི་ལྟར་ལྟོ་བ་སྟེར་བར་འགྱུར། །དེ་ནས་རྒྱལ་བུ་གཞོན་ནུ་དེ་གཉིས་ཀྱི་སྙིང་
རྗེ་རྗེ་སྐད་དུ་རྣམ་པ་མང་པོར་ངུས་ནས་དོང་ངོ་། །དེ་ནས་རྒྱལ་བུ་གཞོན་ནུའི་རིམ་འགྲོ་པ་རྣམས་ཀྱང་གཞོན་ནུ་ཚོལ་ཞིང་ཕྱོག་དང་ཕྱོག་འཚམས་སུ་རྒྱུག་པ་དང་། གཅིག་གིས་གཅིག་མཐོང་ནས། བཞོན་ནུ་ག་རེ་གཞོནུ་ག་རེ་ཞེས་
འདྲིའོ། །དེའི་ཚེ་བཙུན་མོ་མལ་ན་ཉལ་བའི་རྨི་ལམ་ན་སྡུག་པ་དང་བྲལ་བར་རྨིས་པ་འདི་ལྟ་སྟེ། ནུ་མ་གཉིས་བཅད་པ་དང་སོ་ཕྱུང་བ་དང་ཐི་བའི་ཕྲུ་གུ་གསུམ་ཞིག་རྙེད་པ་ལས་བཅིག་ཁྲས་ཁྱེར་བར་མཐོང་ངོ་། །དེ་ནས་རྩུན་
མོ་ས་གཡོས་པས་སྙིང་དངངས་ཏེ་མོད་ལ་སད་ནས་སེམས་པ་ལ་ཞུགས་ཏེ། འབྱུང་པོའི་རྟེན་མ་རྒྱ་མཚོའི་གོས་ཅན་འདི་ནི་ཀུན་དུ་རབ་གཡོ་ཅི་ཞིག་གུ། །ཉི་མ་འོད་ཟེར་མེད་པར་གྱུར་པས་ང་ཡི་སྙིང་ལ་མྱ་ངན་འགྱུར་
བར་སྟོན། །ང་ཡི་ལུས་ནི་ཞུམ་ཞིང་མིག་ཀྱང་གཡོ་ལ་རང་གིས་ནུ་མ་བཅད་རྨིས་པ། །ང་ཡི་བུ་རྣམ་ནགས་ཁྲོད་འདིར་ནི་རྩེར་དོང་བ་ལ་དགེ་བར་འགྱུར་རམ་གེ། དེ་ནས་དེ་སྙམ་བསམ་པ་དང་བྲན་མོ་ཡང་སྙིང་མྱོས་ཏེ་འོང་ནས་བཙུན་
97-1-61a


མོ་ལ་སྨྲས་པ། ཇོ་མོ་གཞོན་ནུའི་རིམ་གྲོ་བ་དག་གཞོན་ནུ་ཚོལ་ཞིང་མཆིས་ན་ཇོ་ཅོ་སྟོར་ཅེས་གདའོ། །དེ་སྐད་ཐོས་མ་ཐག་ཏུ་བཙུན་མོའི་སྙིང་འདར་ཞིང་མིག་དང་གདོང་མཆི་མས་གང་སྟེ་རྒྱལ་པོའི་གན་
དུ་སོང་ནས་སྨྲས་པ། ལྷ་བདག་གི་བུ་སྡུག་པ་སྟོར་ཅེས་ཐོས་སོ། །རྒྱལ་པོ་ཡང་སྙིང་འདར་ཞིང་ཤིན་དུ་མྱོས་ཏེ་ཀྱི་ཧུད་བདག་གི་བུ་སྡུག་པ་དང་བྲལ་བ་ལྟ་ཞེས་སྨྲས་སོ། །དེ་ནས་རྒྱལ་པོས་བཙུན་མོ་དབུགས་དབྱུང་བའི་
ཕྱིར་ང་གཞོན་ནུ་བཙལ་བ་ལ་ནན་ཏན་དུ་བྱེད་ཀྱིས་བཟང་མོ་མྱ་ངན་མ་བྱེད་ཅིག་དེར་གཞོན་ནུ་ཚོལ་བ་ལ་ཞུགས་པ་ན་སྐྱེ་བོའི་ཚོགས་དག་རོད་རོད་པོར་གྱུར་ཏོ། །དེ་ནས་རིང་པོར་མ་ལོན་པར་རྒྱལ་པོས་རྒྱལ་བུ་གཞོན་ནུ་གཉིས་
རྒྱང་རིང་པོ་ནས་འོང་བ་མཐོང་ངོ་། །མཐོང་ནས་ཀྱང་སྨྲས་པ་གཞོན་ནུ་དེ་དག་ནི་འོང་ན་ཐམས་ཅད་ནི་མ་ཡིན་ཏེ། ཀྱི་ཧུད་བུ་དང་བྲལ་བ་ལྟ་ཞེས་བྱ་བ་ནི་སྡུག་བསྔལ་བའོ། །ཇི་ལྟར་བུ་དང་བྲལ་བར་གྱུར་ན་ཡིད་ནི་མི་བདེ་བ། །
མི་རྣམས་བུ་རྙེད་པ་ནི་དེ་ལྟར་དགའ་བ་མ་ཡིན་ནོ། །འཇིག་རྟེན་ན་ནི་གང་དག་བུ་མེད་པ་དང་ཤི་བའམ། །མི་རྣམས་གང་དག་བུ་གསོན་དེ་དག་བདེ་བ་ཡིན་ཅི། །དེ་ནས་བཙུན་མོ་ཤིན་ཏུ་མྱ་ངན་གྱིས་ནོན་ནས་རྔ་མོ་གནད་དུ་བསྣུན་
པ་བཞིན་དུ་མི་ཟད་པའི་སྒྲ་ཕྱུང་ངོ་། །དེ་ལྟར་བུ་གསུམ་དག་ནི་གཡོག་གི་ཚོགས་བཅས་ཏེ། །མེ་ཏོག་རྣམས་ཀྱིས་གང་བའི་ནགས་ཁྲོད་ཞུགས་པ་ལས། །བདག་གི་བུ་དགེ་ཐ་ཆུངས་འོངས་པར་མ་གྱུར་ན། །བདག་
གི་སྙིང་དང་འདྲ་བའི་ཐ་ཆུངས་དེ་ག་རེ། །དེ་ནས་དེ་གཉིས་ལྷག་པ་དང་རྒྱལ་པོས་བུ་ལ་དྲིས་པ། ཁྱེའུ་ཐ་ཆུངས་ག་རེ་ཞེས་གཞོན་ནུ་གཉིས་ལ་དྲིས་པ་དང་། དེ་ནས་མྱ་ངན་གྱིས་ཉམ་ཐག་ཅིང་མིག་མཆི་མས་གང་སྟེ་རྐན་དང་མཆུ་
དང་ཁ་དང་སོ་སྐམས་ནས་ཅང་མི་ཟེར་རོ། །བཙུན་མོས་སྨྲས་པ། ཁོ་མོའི་བུ་སྡུག་ཐ་ཆུངས་དེ་ག་རེ། །ཁོ་མོའི་སྙིང་འདི་གས་ལ་ཐུག་གྱུར་ཅིང་། །ལུས་ནི་མི་ཟད་རབ་ཏུ་གཟེར་གྱུར་ཏེ། །ཁོ་མོའི་དྲན་པ་ཉམ་གྱུར་མྱུར་དུ་སྨྲོས། །དེ་ནས་
97-1-61b


གཞོན་ནུ་དེ་གཉིས་ཀྱིས་ཇི་ལྟར་གྱུར་པ་དེ་ཞིབ་ཏུ་སྨྲས་སོ། །དེ་ཐོས་མ་ཐག་ཏུ་རྒྱལ་པོ་དང་བཙུན་མོ་མྱོས་པར་གྱུར་ཏེ། མྱོས་པ་སངས་ནས་སྙིང་རྗེ་རྗེ་སྐད་དུ་ངུ་ཞིང་ཕྱོགས་དེར་དོང་ངོ་། །དེ་ནས་རྒྱལ་པོ་དང་བཙུན་མོས་
རུས་པ་དེ་དག་ཤ་དང་ཁྲག་དང་རྒྱུས་པ་མེད་ཅིང་སྐྲ་ཕྱོགས་དང་ཕྱོགས་འཚམས་སུ་མཐོར་བ་མཐོང་ནས་ཤིང་རླུང་གིས་བཏབ་པ་བཞིན་དུ་འགྱེལ་ཏོ། །དེ་ནས་ཉེ་ཕན་དང་བློན་པོ་དག་གིས་དེ་ལྟར་གྱུར་པ་དེ་མཐོང་
ནས་ཆུ་དང་རི་མ་ལ་ཡའི་ཙན་དན་གྱི་འདེ་གུས་རྒྱལ་པོ་དང་བཙུན་མོའི་ལུས་སིམ་བར་བྱས་སོ། །དེ་ནས་རིང་ཞིག་ལོན་པ་དང་འདུ་ཤེས་རྙེད་ནས་རྒྱལ་པོ་ལངས་ཏེ་སྙིང་རྗེ་རྗེ་སྐད་དུ་འབོད་པ། ཀྱེ་མ་བུ་སྡུག་ཡིད་འོང་
མཐོང་དགའ་བ། །འཆི་བདག་དབང་དུ་ཅི་ཕྱིར་དེ་མྱུར་སོང་། །འཆི་བདག་ཅི་ཕྱིར་ང་ལ་སྔར་མ་འོངས། །ང་ལ་སྡུག་བསྔལ་འདི་ལས་གཞན་མི་འབྱུང་། །བཙུན་མོ་ཡང་མྱོས་པ་ལས་སངས་ནས་སྐྲ་ཞིག་ཅིང་ལག་
པ་གཉིས་ཀྱིས་བྲང་བརྡུངས་ཏེ། ཉ་ཐང་ལ་བྱུང་བ་བཞིན་དུ་སའི་སྟེང་ན་འདྲེ་ལྡོག་ཅིང་མ་ཧེ་བེའུ་སྟོར་བ་དང་རྔ་མོ་རྔེའུ་སྟོར་བ་བཞིན་དུ་སྙིང་རྗེ་རྗེ་སྐད་དུ་ངུའོ། །ཀྱེ་མ་སྡུག་ཅིང་གཅེས་པའི་བུ་ཡི་པད་མ་འདི། །སུ་ཡིས་
ས་ཡི་སྟེང་དུ་བཤིག་ནས་རབ་ཏུ་གཏོར། །ཡིད་འོང་མིག་ལྡན་ཟླ་འདྲའི་བཞིན་ཅན་བདག་གི་བུ། །བདག་གི་དགྲ་བོ་གང་དེ་གང་གིས་དེ་རིང་ས་འདིར་བཅོམ། །ཀྱེ་མ་ས་འདིར་བུ་མཆོག་བསད་མཐོང་བ། །ལུས་འདི་ཅི་ཕྱིར་དེ་རིང་
ཞིག་མ་གྱུར། །སྡུག་བསྔལ་འདི་འདྲ་མཐོང་ཡང་མ་གས་པས། །བདགི་སྙིང་འདི་ལྕགས་ནི་ཡིན་ཡང་ཐག །དེ་རིང་རྨི་ལམ་དུ་ནི་བདགི་ནུ་མ་འགའ་ཞིག་གིས་ནི་རལ་གྲིས་བཅད། །སོ་ཡང་ཕྱུང་བས་དེ་རིང་བདགི་བུ་སྡུག་དེ་ནི་མྱུར་དུ་
མ་རུང་གྱུར་བདགིས་ཐི་བའི་ཕྲུག་གུ་གསུཾ་ཞིག་རྙེད་པ་ཅིག་འདིར་ཇི་ལྟར་ཁྲས་ཁྱེར་བཞིན། །བདགི་བུ་གསུཾ་དག་གིས་བསྐོར་བ་ལས་ཀྱང་ཅིག་ནི་དེ་རིང་འཆི་བདག་ཁྱེར། །ཀྱེ་མའོ་སྡིག་པ་ཅན་གྱི་རྨི་ལཾ་དི་ཡི་འབྲས་བུ་གྲུབ་པ་འདི་ཡིན་ནོ། །
97-1-62a


དེ་ནས་རྒྱལ་པོ་དང་བཙུན་མོ་སྙིང་རྗེ་རྗེ་སྐད་དུ་རྣམ་པ་མང་པོར་སྨྲེ་ཞིང་རྒྱན་ཐམས་ཅད་བཀྲོལ་ནས་སྐྱེ་བོའི་ཚོགས་ཆེན་པོ་དང་ལྷན་ཅིག་ཏུ་བུའི་རུས་བུ་ལ་མཆོད་པ་བྱས་ནས། གཞོན་ནུའི་རུས་པ་རྣམ་ཕྱོགས་
འདིར་བཞག་གོ། ཀུན་དགའ་བོ་དེའི་ཚེ་དེའི་དུས་ན་རྒྱལ་བུ་གཞོན་ནུ་སེམས་ཅན་ཆེན་པོ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སེམས་ན་དེ་དེ་ལྟར་མི་ལྟའོ། །དེ་ཅིའི་ཕྱིར་ཞེ་ན། ང་ཉིད་དེའི་ཚེ་དེའི་དུས་
ན་རྒྱལ་བུ་གཞོན་ནུ་སེམས་ཅན་ཆེན་པོ་ཞེས་བྱ་བར་གྱུར་ཏོ། །ཀུན་དགའ་བོ་འདོད་ཆགས་དང་ཞེ་སྡང་དང་གཏི་མུག་ལས་ཡོངསུ་མ་གྲོལ་བ་དེའི་ཚེ་ཡང་། སེཾན་དམྱལ་བ་ལ་སོགས་པའི་སྡུག་བསྔལ་ལས་ངས་
འགྲོ་བ་མཐའ་དག་ལ་ཕན་བཏགས་ན་སྐྱོན་ཐཾད་དང་བྲལ་ཏེ་ཡང་དག་པར་རྫོགས་པར་སངས་རྒྱས་པ་ད་ལྟར་ལྟ་སྨོས་ཀྱང་ཅི་དགོས་དེ་ལྟར་སེམས་ཅན་རེ་རེའི་ཕྱིར་ཡང་སེཾན་དམྱལ་བ་རྣཾསུ་བསྐལ་པར་གནས་པར་སྤྲོ་
ཞིང་སྐྱེ་བོ་འཁོར་བ་ལས་རྣམ་པར་བཀྲོལ་ལོ། །སེམས་ཅན་གྱི་སྙིང་པོས་ཤིན་ཏུ་བྱ་དཀའ་བ་རྣམ་པ་སྣ་ཚོགས་དུས་མས་འགྲོ་བ་མཐའ་དག་ལ་ཕན་བཏགས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགསུ་
བཅད་པ་འདི་དག་གསུངས་སོ། །བྱང་ཆུབ་མཆོག་འདི་ཡོངསུ་ཚོལ་བ་ན། །བསྐལ་པ་མང་པོར་ངས་ནི་ལུས་བཏང་སྟེ། །ཇི་ལྟར་རྒྱལ་པོ་དང་ནི་རྒྱལ་བུར་གྱུར། །དེ་ལྟར་ངས་ནི་ལུས་རྣམས་ཡོངསུ་བཏང་། །སྔོན་གྱི་སྐྱེ་
བ་རྣམས་ནི་རྗེས་དྲན་ཏེ། །ཤིང་རྟ་ཆེན་པོ་ཞེས་པའི་རྒྱལ་པོ་བྱུང་། །དེ་ལ་བུ་ནི་གཏོང་བ་ཆེ་ལྡན་པ། །སེམས་ཅན་ཆེ་ཞེས་བྱ་བ་དམ་པ་ཡོད། །དེ་ལ་ཕུ་བོ་དག་ནི་གཉིས་ཡོད་དེ། །མིང་ནི་སྒྲ་ཆེན་པོ་དང་ལྷ་ཆེན་པོ། །
སྤུན་ཚོགས་དེ་དག་ནགས་ཚལ་སྟུག་པོར་དོང་། །དེ་དག་སྟག་མོ་བཀྲེས་པས་གཟིར་བ་མཐོང་། །དེ་ལ་སེམས་ཅན་མཆོག་དེ་སྙིང་རྗེ་སྐྱེས། །སྟག་མོ་འདི་ནི་སྐྲེས་སྐོམ་གཟིར་བས་ན། །བདག་བུ་དེ་དག་ཟ་བར་འགྱུར་འོང་གིས། །
97-1-62b


དེ་ལྟར་བདག་ལུས་ད་ནི་བཏང་བར་བྱ། །ཤིང་རྟ་ཆེ་བུ་སེམས་ཅན་ཆེ། །སྟག་མོ་བཀྲེས་མཐོང་སྟག་ཕྲུག་རྣམས། །ཐར་བར་བྱ་ཕྱིར་སྙིང་རྗེ་ཡིས། །རི་ངོས་གཟར་ནས་མཆོང་པ་དང་། །ས་ནི་རི་དང་བཅས་
སུ་གཡོས། །བྱ་ཚོགས་རྣམ་མང་རྣམས་པར་འཐོར། །རི་དགས་ཚོགས་སྐྲག་འཇིག་རྟེན་འདི། །མུན་པས་ཐིབས་པོར་གནས་པར་གྱུར། །དེ་ཡི་ཕུ་བོ་སྒྲ་ཆེན་དང་། །དེ་བཞིན་ལྷ་ཆེན་དེ་གཉིས་
ཀྱིས། །ནགས་མཆོག་ཆེན་པོ་དེར་བལྟས་ན། །སེམས་ཅན་ཆེན་པོ་མ་རྙེད་ནས། །ཤིན་ཏུ་མྱ་ངན་ཟུག་རྔུའི་སྙིང་། །དྲན་མེད་ནགས་ཀྱི་ནང་ན་རྒྱུ། །ནུ་བོ་དེ་ནི་ཡོངས་ཚོལ་ཞིང་། །གདོང་ལ་མཆི་ཟག་
ནགས་ཁྲོད་རྒྱུ། །སྒྲ་ཆེན་དེ་བཞིན་ལྷ་ཆེན་པོ། །རྒྱལ་བུ་གཞོན་ནུ་དེ་དག་གཉིས། །སྟག་མོ་ཉམས་ཆུང་གར་ཉལ་བ། །དེར་ནི་ཉེ་བར་སོང་བ་དང་། །སྟག་མོ་དང་ནི་སྟག་ཕྲུག་གི། སྟག་གི་མཆུ་ལ་ཁྲག་ཆགས་མཐོང་། །
སྐྲ་དང་རུས་པ་ཅུང་ཟད་ཅིག །ས་ལ་རྣམ་པར་འཐོར་བར་མཐོང་། །དེ་ཡི་ཁྲག་གི་ཐིགས་པ་ནི། །ཉུང་ཞིག་ས་ལ་ཡོད་པར་གྱུར། །རྒྱལ་པོའི་བུ་ནི་དེ་གཉིས་ཀྱིས། །ཁྲག་ཆགས་པའི་ས་དེ་མཐོང་། །རབ་ཏུ་རྒྱལ་
དེ་ས་དེ་ལ། །འགྱེལ་ནས་ཡིད་ནི་ཉམས་པར་གྱུར། །ལུས་རྣམས་ལ་ནི་རྡུལ་གྱིས་གོས། །དྲན་དབང་ཉམས་ཤིང་སེམས་ཀྱང་མྱོས། །དེ་དག་གི་ནི་འཁོར་རྣམས་ཀྱང་། །སྙིང་རྗེར་ངུ་ཞིང་མྱ་ངན་ནོན། །དེ་དག་ཆུས་ནི་རབ་
འཐོར་ཞིང་། །ལག་པ་སྒྲེང་ཏེ་ངུ་ཞིང་གནས། །དེ་ནི་འགྱེལ་མ་ཐག་ཏུ་ཡང་། །བཙུན་མོ་གཅེས་མཆོག་སྐྱེད་པའི་མ། །བུད་མེད་དག་ནི་ལྔ་བརྒྱ་དང་། །ཕོ་བྲང་ནང་ན་བདེར་འདུག་པ། །ནུ་སོར་གཉིས་ཀའི་རྩེ་མོ་ནས། །འོ་མ་ཁྲག་ཏུ་འབྱུང་ཞིང་
འཛག །དེ་ཡི་ལུས་དང་ཡན་ལག་ཀུན། །ཁབ་ཀྱིས་གཙབས་པ་བཞིན་ཏུ་ཚ། །སྙིང་ནི་རབ་ཏུ་མྱ་ངན་གང་། །བུ་བྲལ་མྱ་ངན་དྲག་མདས་ཕོག །རྒྱལ་པོའི་གན་དུ་ཉེར་སོང་སྟེ། །མྱ་ངན་རབ་གདུངས་ཡིད་མི་དགའ། །སྙིང་རྗེའི་སྒྲ་ཡིས་རབ་ངུ་ཞིང་། །
97-1-63a


རྒྱལ་པོ་ཤིང་རྟ་ཆེ་ལ་སྨྲས། །མི་དབང་རྒྱལ་པོ་བདག་ལ་གསོན། །བདག་ལུས་མྱ་ངན་མེ་ཡིས་ཚིག །བདག་གི་ནུ་སོར་རྩེ་གཉིས་ནས། །འོ་མ་ཁྲག་ཏུ་རབ་ཏུ་འབྱུང་། །བདག་ལུས་ཁབ་ཀྱིས་བཙགས་བཞིན་ཚ། །
བདག་གི་སྙིང་ཡང་གས་ལ་ཐུག །ཇི་ལྟར་སྡུག་པའི་བུ་རྣམས་ནི། །ཕྱིན་ཅད་མི་མཐོང་འདི་འདྲའི་ལྟས། །བདག་གི་བུ་རྣམས་དེ་ལྟར་འཚལ། །ཐུགས་རྗེ་མཛོད་དེ་བདག་སྲོག་སྩོལ། །དེ་རིང་བདག་གི་རྨི་ལམ་ན། །ཐི་བ་ཕྲུག་གུ་གསུམ་རྙེད་ན། །
བདག་གི་ཐི་བ་ཕྲུག་གུ་ནི། །སྡུག་ཅིང་ཡིད་འོང་གང་ལགས་པ། །དེར་ནི་ཁྲ་མཆིས་བདགི་ནི། །ཐི་བ་ཕྲུག་གུ་དེ་ཁྲས་འཚལ། །བདག་གི་རྨི་ལམ་དེ་འདྲ་བའི། །མྱ་ངན་སྙིང་འདིར་རབ་ཏུ་ཞུགས། །སེམས་ནི་མྱ་ངན་རབ་གདུངས་པས། །
བདག་ནི་རིང་པོར་མི་ཐོགས་འགུམ། །བདག་གི་བུ་རྣམས་དེ་ལྟར་འཚལ། །ཐུགས་རྗེ་ལྡན་པ་བདག་སྲོག་སྩོལ། །དེ་སྐད་སྨྲས་ནས་བཙུན་མོ་མཆོག །བརྒྱལ་ནས་ས་དེར་འགྱེལ་བར་གྱུར། །དྲན་པའི་དབང་པོ་རྣམ་པར་ཉམས། །
སེམས་ཀྱང་སྟོར་ཞིང་དྲན་པ་མེད། །བཙུན་མོའི་འཁོར་ཚོགས་ཐམས་ཅད་ཀྱང་། །སྙིང་རྗེའི་སྐད་ཀྱིས་རབ་ཏུ་ངུ་། །བཙུན་མོ་དམ་པ་བརྒྱལ་གྱུར་ཏེ། །ས་ལ་འགྱེལ་བ་མཐོང་ནས་ནི། །དེ་མ་ཐག་ཏུ་རྒྱལ་དབང་དེ། །བུ་དང་བྲལ་བའི་མྱ་
ངན་ནོན། །བློན་པོ་དང་ནི་འཁོར་རྣམས་ཀྱང་། །གཞོན་ནུ་རྣམས་ནི་བཙལ་ཕྱིར་དོང་། །གྲོང་ཁྱེར་ཀུན་གྱི་སྐྱེ་བོ་དག །ཐ་དད་ཁྱིམ་ནས་བྱུང་ཞིང་འཁོད། །ངུ་ཞིང་གདོང་ནས་མཆི་མ་ཟག །ལམ་ཁར་སེམས་ཅན་ཆེ་དེ་འདྲི། །གསོན་ནམ་འོན་
ཏེ་ཤི་འམ་ཅི། །སེམས་ཅན་ཆེན་པོ་དེ་གར་སོང་། །བདག་ཅག་དེ་རིང་མཐོང་ཞིག་གམ། །ཡིད་འོང་སེམས་ཅན་མཐོང་རེ་དགའ། །དེའུ་རེ་མི་སྙན་ཐོས་འགྱུར་ཞིང་། །ཡུལ་འདིར་མྱ་ངན་མི་བཟད་རླུང་། །སྒྲ་མི་ཕྱིན་ཅིང་སྒྱུ་མཐའ་ཡས། །
དྲག་པོའི་སྒྲར་བཅས་ལྡང་ཞིག་གམ། །རྒྱལ་པོ་ཤིང་རྟ་ཆེ་ལངས་ཏེ། །མྱ་ངན་ནོན་ཅིང་ངུ་བཞིན་དུ། །བཙུན་མོ་དམ་པ་སར་འགྱེལ་ལ། །བདག་ཉིད་ཆུ་ཡི་རྒྱུན་ཀྱང་འཐོར། །ཇི་སྲིད་དྲན་རྙེད་ལྡང་འགྱུར་བ། །དེ་སྲིད་དུ་ནི་ཆུ་ཡིས་གཏོར། །
97-1-63b


བདག་བུ་གུམ་འམ་གསོན་ཞིག་ཅེས། །ཞུམ་པའི་ཡིད་ཀྱིས་འདྲི་བར་བྱེད། །རྒྱལ་པོ་ཤིང་རྟ་ཆེན་པོ་ཡིས། །བཙུན་མོ་མཆོག་ལ་འདི་སྐད་སྨྲས། །བློན་པོ་དག་དང་འཁོར་རྣམས་ཀྱང་། །གཞོན་ནུ་རྣམས་ནི་ཚོལ་ཕྱིར་
དོང་། །ཁྱོད་ནི་རབ་ཏུ་ཡིད་ཞུམ་ཞིང་། །རྟག་ཏུ་མྱ་ངན་སྙིང་མ་བྱེད། །དེ་ལྟར་ཤིང་རྟ་ཆེན་པོ་ཡིས། །བཙུན་མོ་དམ་པ་སྤྲོ་བསྲིངས་ཏེ། །རྒྱལ་པོའི་ཕོ་བྲང་ནས་བྱུང་ནས། །མྱ་ངན་ནོན་ཅིང་ངུ་བཞིན་དུ། །བློན་པོའི་ཚོགས་ཀྱིས་ཡོངས་
བསྐོར་ཏེ། །ཡིད་ནི་རབ་ཞུམ་ལུས་ཀྱང་ཞན། །སྲོག་ཆགས་བརྒྱ་ཕྲག་མང་པོ་ཡང་། །ངུ་ཞིང་མཆི་མ་ཟག་བཞིན་རྒྱུག །རྒྱལ་བུ་རྣམས་ནི་བཙལ་བའི་ཕྱིར། །གྲོང་ཁྱེར་གྱི་ནི་མཆོག་ནས་བྱུང་། །རྒྱལ་པོ་བྱུང་བ་མཐོང་ནས་
ནི། །རྒྱལ་པོའི་ཕྱི་བཞིན་ཀུན་ཏུ་འབྲང་། །རྒྱལ་པོ་ཤིང་རྟ་ཆེན་པོ་ནི། །གྲོང་ཁྱེར་ནས་བྱུང་དེ་མ་ཐག །སྡུག་པའི་བུ་ནི་བལྟ་བའི་ཕྱིར། །དགོད་པའི་མིག་གིས་ཕྱོགསུ་བལྟས། །མགོ་བྲེགས་ཡན་ལག་ཁྲག་སྦགས་ཤིང་། །
ལུས་ལ་རྡུལ་གྱིས་གོས་གྱུར་ལ། །གདོང་ལ་མཆི་ཟག་ངུ་བཞིན་དུ། །འོང་བའི་མི་ཞིག་མཐོང་ནས་ནི། །ཤིང་རྟ་ཆེན་པོའི་སྙིང་ལ་ཡང་། །རབ་ཏུ་མི་བཟད་མྱ་ངན་གནས། །ངུ་ཞིང་གདོང་ལ་མཆི་མ་ཟག །ལག་པ་བསྒྲེང་སྟེ་ངུ་
ཞིང་འདུག །དེ་ནས་བློན་པོ་གཞན་ཞིག་ནི། །རྒྱང་རིང་མྱུར་དུ་རིང་པར་འོང་། །འོངས་ནས་མི་དབང་རྒྱལ་པོ་ནི། །ཤིང་རྟ་ཆེ་ལ་འདི་སྐད་སྨྲས། །མི་དབང་ཐུགས་ངན་མ་མཛད་ཅིག །ཁྱོད་སྲས་ཡིད་དུ་འོང་བ་མཆིས། །རིང་པོར་
མི་ཐོགས་ཁྱོད་ཀྱི་གན་འདིར་ནི། །སྲས་མཆོག་ཡིད་འོང་མཆི་བ་ཁྱོད་ཀྱིས་གཟིགས། །རྒྱལ་པོ་ཡུད་རྩམ་ལམ་དུ་ཞུགས་པ་དང་། །དེ་ནས་བློན་པོ་ཆེན་པོ་གཉིས་པ་འོངས། །རྡུལ་ཆགས་དྲི་མ་ཅན་གྱི་གོས་གྱོན་ཅིང་། །
མཆི་མའི་གདོང་གིས་རྒྱལ་ལ་འདི་སྐད་ཅེས། །རྒྱལ་པོ་ཆེན་པོ་ཁྱོད་ཀྱི་སྲས་གཉིས་ནི། །མྱ་ངན་མེ་ཡི་རབ་ཏུ་གདུངས་ཤིང་གནས། །རྒྱལ་པོ་ཁྱོད་ཀྱི་སྲས་མཆོག་གཅིག་མི་གདའ། །སེམས་ཅན་ཆེན་པོ་མི་རྟག་ཉིད་ཀྱིས་ཟིན། །
97-1-64a


སྟག་མོ་བུ་བྱུང་རིང་པོར་མ་ལོན་པ། །རང་གི་བུ་རྣམས་ཟ་བར་འདོད་པ་མཐོང་། །དེ་དག་ལ་ནི་གཞོན་ནུ་སེམས་ཅན་ཆེས། །སྙིང་རྗེ་ཆེན་པོ་ལྡན་པ་སེམས་བསྐྱེད་ནས། །བྱང་ཆུབ་ཏུ་ནི་སྨོན་ལམ་ཆེ་བཏབ་པ། །
སེམས་ཅན་ཐམས་ཅད་བདག་གིས་དགྲོལ་བར་བྱ། །བྱང་ཆུབ་ཟབ་མོ་རྒྱ་ཆེན་འདོད་པ་ལ། །མ་འོངས་དུས་ན་བདག་གིས་རེག་པར་བྱ། །སེམས་ཅན་ཆེན་པོ་རི་ངོས་གཟར་ནས་མཆོངས། །སྟག་མོ་བཀྲེས་པས་ནོན་
པ་དེ་ལངས་ཏེ། །ཡུད་ཙམ་གྱིས་ནི་ལུས་ལ་ཤ་མེད་བྱས། །རྒྱལ་པོའི་བུ་ནི་རུས་པ་ཉི་ཚེ་ལུས། །མ་རུངས་པ་ཡི་ཚིག་ནི་དེ་ཐོས་ནས། །རྒྱལ་པོ་ཤིང་རྟ་ཆེན་པོ་བརྒྱལ་གྱུར་ཏེ། །ས་ལ་འགྱེལ་ནས་སེམས་ཀྱང་སྟོར་བར་
གྱུར། །མྱ་ངན་མེ་ནི་ཤིན་ཏུ་མི་བཟད་འབར། །འཁོར་དང་བློན་པོ་སྙིང་རྗེའི་སྐད་ཀྱིས་ནི། །ངུ་ཞིང་མྱ་ངན་ནོན་བཞིན་དེ་དག་ཀྱང་། །ཆུས་འཐོར་ལག་པ་བསྒྲེང་སྟེ་རབ་ཏུ་ངུ་། །བློན་པོ་གསུམ་པས་རྒྱལ་ལ་སྨྲས་པ་ནི། །བདགིས་
དེ་རིང་གཞོན་ནུ་གཉིས་པོ་དག །ནགས་ཆེན་དེ་ན་རབ་ཏུ་བརྒྱལ་གྱུར་ཅིང་། །ས་ལ་འགྱེལ་ཏེ་སེམས་ཀྱང་སྟོར་མཐོང་ནས། །དྲན་པ་རྙེད་དེ་ལངས་ཀྱི་བར་དུ་ནི། །བདག་ཅག་རྣམས་ཀྱི་ཆབ་ཀྱིས་རབ་ཏུ་གཏོར། །ཕྱོགས་བཞི་
དག་ནས་ཀུན་ནས་འབར་བར་མཐོང་། །ཡུད་ཙམ་འགྲེང་ནས་སླར་ཡང་ས་ལ་འགྱེལ། །སྙིང་རྗེའི་སྐད་ཀྱིས་སྨྲེ་སྔགས་རབ་ཏུ་འཐོན། །རྟག་པར་ལག་པ་བསྒྲེང་སྟེ་གནས་ནས་ནི། །ནུ་བོ་དེ་ཡི་སྔགས་པ་རབ་ཏུ་བརྗོད། །
རྒྱལ་པོ་དེ་ནི་རབ་ཏུ་སེམས་ཞུམ་ཞིང་། །བུ་བྲལ་མྱ་ངན་ནོན་ནས་སེམས་ཀྱང་འཁྲུགས། །མྱ་ངན་རབ་ཏུ་གདུངས་ཤིང་སྨྲེ་སྔགས་འདོན། །རྒྱལ་པོ་དེ་ནི་འདི་སྙམ་ཡོངསུ་སེམས། །བདག་བུ་སྡུག་ཅིང་ཡིད་འོང་ཅིག་པོ་ནི། །
སེམས་ཅན་ཆེན་པོ་མི་རྟག་ཉིད་ཀྱིས་ཟིན། །བདགི་བུ་ནི་གཉིས་པོ་དེ་དག་ཀྱང་། །མྱ་ངན་མེ་ཡིས་སྲོག་ནི་ཟད་འོང་གིས། །འདི་ལྟར་བདག་ནི་མྱུར་དུ་དེར་དོང་ལ། །མཐོང་ན་དགའ་བའི་བུ་དག་བལྟ་བར་བྱ། །བཞོན་
97-1-64b


པ་མགྱོགས་པས་རྒྱལ་པོའི་ཕོ་བྲང་གི། རྒྱལ་པོའི་ཁབ་ཏུ་མྱུར་དུ་བཀྲི་བར་བྱ། །དེ་དག་རྣམས་ནི་བསྐྱེད་པའི་མ་ཡི་སྙིང་། །མྱ་ངན་མེ་ཡིས་གས་པར་འགྱུར་དུ་འོང་། །བུ་གཉིས་མཐོང་ནས་ཞི་བ་ཐོབ་འགྱུར་ཏེ། །
སྲོག་དང་བྲལ་བར་འགྱུར་བ་མ་ཡིན་ནོ། །རྒྱལ་པོ་བློན་པོའི་ཚོགས་ཀྱིས་ཡོངས་བསྐོར་ནས། །གླང་ཆེན་ཞོན་ཏེ་བུ་རྣམས་བལྟ་ཕྱིར་སོང་། །བུ་གཉིས་སྙིང་རྗེའི་སྐད་ཀྱིས་རབ་ངུ་ཞིང་། །ནུ་བོའི་མིང་འབོད་ལམ་ནས་
འོང་བ་མཐོང་། །རྒྱལ་པོས་བུ་དེ་གཉིས་ནི་ཁྲིད་ནས་སུ། །རབ་ཏུ་ངུ་ཞིང་ཁྱིམ་དུ་སོང་ནས་ནི། །དེ་ཡིས་རྐྱེན་པར་ལ་གོར་མྱུར་དུ་ཡང་། །བཙུན་མོ་ལ་ནི་རང་གི་བུ་རྣམས་བསྟན། །ཤཱཀྱ་ཐུབ་པ་དེ་བཞིན་གཤེགས་
པ་ང་། །སྔོན་གྱི་རྒྱལ་པོ་ཤིང་རྟ་ཆེན་པོ་ཡི། །བུ་དེ་སེམས་ཅན་ཆེན་པོ་མཆོག་གྱུར་ཅིང་། །གང་གིས་སྟག་མོ་བདེ་བར་བྱེད་པ་ཡིན། །རྒྱལ་པོའི་དབང་པོ་དམ་པ་ཟས་གཙང་ནི། །ཤིང་རྟ་ཆེ་ཞེས་བྱ་བའི་རྒྱལ་པོར་གྱུར། །
བཙུན་མོའང་བཙུན་མོ་དམ་པ་སྒྱུ་མར་གྱུར། །སྒྲ་ཆེན་པོ་ནི་བྱམས་པར་གྱུར་པ་ཡིན། །རྒྱལ་བུ་ལྷ་ཆེན་པོ་ཡང་དེ་བཞིན་དུ། །དེ་ནི་འཇམ་དཔལ་གཞོན་ནུར་གྱུར་པ་ཡིན། །སྟག་མོར་གྱུར་པ་སྐྱེ་དགུའི་བདག་མོ་ཆེ། །
སྟག་ཕྲུག་རྣམས་ནི་དགེ་སློང་ལྔ་པོར་གྱུར། །དེ་ནས་རྒྱལ་པོ་ཤིང་རྟ་ཆེན་པོ་དང་བཙུན་མོའི་སྙིང་རྗེ་བར་སྨྲེ་སྔགས་རྣམ་པ་མང་པོ་བསྟོན་ནས། རྒྱན་ཐམས་ཅད་བཀྲོལ་ཏེ་སྐྱེ་བོའི་ཚོགས་ཆེན་པོ་དང་ལྷན་ཅིག་ཏུ་བུའི་རུས་
པ་ལ་མཆོད་པ་བྱས་ནས། སེམས་ཅན་ཆེན་པོ་དེའི་རུས་པ་དེ་དག་ས་ཕྱོགས་འདི་ཉིད་དུ་བཞག་སྟེ། རིན་པོ་ཆེ་སྣ་བདུན་གྱི་མཆོད་རྟེན་འདི་བྱས་སོ། །སེམས་ཅན་ཆེན་པོ་འདིས་སྟག་མོ་ལ་ལུས་ཡོངསུ་བཏང་ནས་ལུས་
ཡོངསུ་བཏང་བ་འདིས་ཕྱིས་མ་འོངས་པའི་དུས་བསྐལ་པ་བགྲང་བ་ལས་ཤིན་ཏུ་འདས་པ་རྣམསུ་ཡང་། སེམས་ཅན་རྣཾས་ལ་སངས་རྒྱས་ཀྱི་མཛད་པ་བྱའོ་ཞེས་སྨོན་ལམ་འདི་སྐད་བཏབ་བོ། །བསྟན་པ་འདི་བཤད་པ་ན་ལྷ་དང་མིར་
97-1-65a


བཅས་པའི་སྐྱེ་དགུའི་སེམས་ཅན་གྲངས་མེད་དཔག་ཏུ་མེད་པ་དག །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །མཆོད་རྟེན་འདི་འདིར་བསྟན་པའི་རྒྱུ་ནི་འདི་ཡིན་ནོ། །རྐྱེན་ནི་འདི་ཡིནོ། །
མཆོད་རྟེན་དེ་ཡང་སངས་རྒྱས་ཀྱི་བྱིན་གྱི་བརླབས་ཀྱིས་ས་དེ་ཉིད་ཀྱི་ནང་དུ་ཞུགསོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། སྟག་མོ་ལ་ལུས་ཡོངསུ་བཏང་བའི་ལེའུ་ཞེས་བྱ་བ་སྟེ་བཅྭོ་བརྒྱད་པའོ།། །། དེ་ནས་བྱང་ཆུབ་
སེམས་དཔའ་བརྒྱ་སྟོང་ཕྲག་དུ་མ་དེ་དག །དེ་བཞིན་གཤེགས་པ་གསེར་དང་རིན་པོ་ཆེའི་འབྱུང་གནས་གདུགས་བརྩེགས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེ་བཞིན་གཤེགས་པ་གསེར་དང་རིན་པོ་ཆེའི་
འབྱུང་གནས་གདུགས་བརྩེགས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་ཀྱང་བྱང་ཆུབ་སེམས་དཔའ་བརྒྱ་སྟོང་ཕྲག་དུ་མ་དེ་དག་གིས་ཐལ་མོ་སྦྱར་ཏེ། དེ་བཞིན་
གཤེགས་པ་གསེར་དང་རིན་པོ་ཆེའི་འབྱུང་གནས་གདུགས་བརྩེགས་དེ་ལ་ཚིགསུ་བཅད་པ་འདི་དག་གིས་མངོན་པར་བསྟོད་དོ། །རྒྱལ་བའི་སྐུ་མདོག་བཙོ་མའི་གསེར་འདྲ་སྟེ། །སྐུ་ལུས་གསེར་གྱི་མདོག་ཏུ་རྣམ་པར་
གདའ། །གསེར་གྱི་རི་དབང་ལྟ་བུའི་གསེར་གྱི་མདོག །ཐུབ་པ་པད་མ་དཀར་པོ་གསེར་མདོག་ཅན། །བཟང་པོའི་མཚན་གྱིས་སྐུ་ལུས་རབ་ཏུ་བརྒྱན། །དཔེ་བྱད་སྣ་ཚོགས་བཟང་པོས་སྐུ་ལུས་སྤྲས། །གསེར་གྱི་འོད་ལྟར་
མཛེས་པ་རྣམ་པར་འབར། །ཤིན་ཏུ་དྲི་མེད་ཞི་བ་རི་དབང་འདྲ། །ཚངས་པའི་སྒྲ་དང་སྒྲ་སྙན་ཚངས་པའི་དབྱངས། །སེང་གེའི་སྒྲ་དང་འབྲུག་སྒྲ་བསྒྲགས་པའི་དབྱངས། །ཡན་ལག་དྲུག་བཅུ་བསྒྲགས་སྒྲ་དྲི་མེད་སྒྲ། །
རྒྱལ་དབྱངས་རྨ་བྱ་ཀ་ལ་པིང་ཀའི་སྒྲ། །ཤིན་ཏུ་དྲི་མེད་དྲི་བྲལ་གཟི་འོད་མཛེས། །རྒྱལ་བ་བསོད་ནམས་བརྒྱ་པའི་མཚན་གྱིས་བརྒྱན། །མཁྱེན་པའི་རྒྱ་མཚོ་དྲི་མེད་དྲི་བྲལ་མཆོག །རྒྱལ་བ་ཡོན་ཏན་ཀུན་ལྡན་རི་རབ་འདྲ། །
97-1-65b


སེམས་ཅན་རྣམས་ལ་ཕན་པར་ཐུགས་བརྩེ་མཆོག །འཇིག་རྟེན་དག་ན་བདེ་བའི་སྦྱིན་པའི་མཆོག །རྒྱལ་བ་དམ་པའི་དོན་རྣམས་སྟོན་པ་སྟེ། །མྱ་ངན་འདས་པའི་བདེ་ལ་འཛུད་པ་ལགས། །འཆི་བ་མེད་པའི་བདེ་བ་
སྩོལ་བ་སྟེ། །རྒྱལ་བ་བདུད་རྩིའི་ཆོས་ནི་རབ་ཏུ་སྟོན། །འཆི་བ་མེད་པའི་གྲོང་ཁྱེར་འཛུད་པ་སྟེ། །བདེ་བ་ཀུན་གྱི་འབྱུང་གནས་བདེ་བའི་གནས། །རྒྱལ་བས་འགྲོ་བ་སྡུག་བསྔལ་ཐར་བར་མཛོད། །སྡུག་བསྔལ་རྒྱ་མཚོ་
ལས་ནི་སྐྱེ་དགུ་སྒྲོལ། །ཞི་བའི་ལམ་ལ་སྐྱེ་དགུ་རབ་ཏུ་འཛུད། །སྐྱེ་དགུ་རྣམས་ལ་བདེ་བ་ཀུན་སྩོལ་བ། །ཁྱོད་ལ་དཔེ་ནི་བགྱི་བར་མི་ནུས་ཏེ། །ཇི་སྙེད་འདྲེན་པའི་ཡོན་ཏན་ཡེ་ཤེས་མཚོ། །སྲོག་ཆགས་ཀུན་ལ་ཁྱོད་
ཀྱི་ཐུགས་རྗེ་དང་། །བྱམས་པའི་སྟོབས་དང་ཐབས་དང་བརྩོན་འགྲུས་དང་། །ཁྱོད་ཀྱི་ཡོན་ཏན་ཡེ་ཤེས་རྒྱ་མཚོ་ལས། །བསྐལ་པ་བྱེ་བ་སྟོང་ཕྲག་མང་པོར་ཡང་། །ཡོན་ཏན་ཐིགས་པ་གཅིག་ཙམ་རབ་བསྟན་པར། །ལྷར་བཅས་འགྲོ་
བའི་ནང་ན་ནུས་མ་མཆིས། །ཡོན་ཏན་མཚོ་ལས་ཡོན་ཏན་ཐིགས་བླངས་ཏེ། །དེ་དག་བདག་གིས་མདོར་བསྡུས་ཅུང་ཟད་བཤད། །བདག་གིས་བསོད་ནམས་གང་བསགས་དེ་ཡིས་ནི། །སེམས་ཅན་དེ་དག་བྱང་ཆུབ་མཆོག་རེག་ཤོག །
གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། བྱང་ཆུབ་སེམས་དཔའ་ཐམས་ཅད་ཀྱིས་བསྟོད་པའི་ལེའུ་ཞེས་བྱ་བ་སྟེ་བཅུ་དགུ་པའོ།། །། དེ་ནས་བྱང་ཆུབ་སེམས་དཔའ་མཛེས་པའི་ཏོག་སྟན་ལས་ལངས་ཏེ། 
བླ་གོས་ཕྲག་པ་གཅིག་ཏུ་བཟར་ནས་པུས་མོ་གཡས་པའི་ལྷ་ང་ས་བཙུགས་ཏེ། བཅོམ་ལྡན་འདས་ག་ལ་བ་དེ་ལོགསུ་ཐལ་མོ་སྦྱར་བ་བཏུད་ནས་ཚིགསུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་
བསྟོད་དོ། །ཐུབ་དབང་ཁྱོད་ནི་བསོད་ནམས་བརྒྱ་པའི་མཚན། །དཔལ་སྟོང་མཛེས་པ་ཡོན་ཏན་རྣམས་ཀྱིས་བརྒྱན། །ཁ་དོག་རྒྱ་ཆེན་མཆོག་ཏུ་ཞི་བ་སྟོན། །ཉི་མ་སྟོང་ལྟར་འོད་ནི་རྣམ་པར་འཕྲོ། །འོད་ཟེར་དུ་མ་འབར་བས་འོད་
97-1-66a


ཀྱིས་ཁྱབ། །ཁ་དོག་སྣ་ཚོགས་གང་བས་རིན་ཆེན་འདྲ། །སྔོན་པོ་དཀར་པོ་གསེར་འོད་བཻ་དཱུརྱ། །ཟངས་དང་སྐྱ་རེང་ཤེལ་གྱི་འོད་ལྟ་བུས། །རྡོ་རྗེ་རི་དབང་རི་རབ་ཐལ་མཛད་ཅིང་། །ཞིང་རྣམས་བྱེ་བ་དུ་མར་སྣང་མཛད་
དེ། །སྡུག་བསྔལ་མི་བཟད་དྲག་པོ་ཞི་བར་མཛད། །བདེ་བ་མཆོག་གིས་སེམས་ཅན་ཚིམ་པར་མཛད། །མདོག་དང་དབང་པོ་གསལ་བག་བལྟ་ན་མཛེས། །གཟུགས་བལྟས་མི་ངོམས་སྐྱེ་བོས་བལྟ་ན་དགའ། །རྨ་བྱའི་
མདོག་འདྲའི་དབུ་སྐྲ་རྣམ་པར་མཛེས། །བུང་བ་མང་པོས་གང་བའི་འོད་དང་འདྲ། །ཐུགས་རྗེ་རྣམ་དག་ཡོན་ཏན་རྣམ་ཀྱིས་བརྒྱན། །ཏིང་འཛིན་བྱམས་པ་བསོད་ནམས་དམ་པ་བསགས། །དཔེའ་བྱད་བཟང་དང་ཁ་
དོག་སྣ་ཚོགས་ལྡན། །ཏིང་འཛིན་བྱང་ཆུབ་ཡན་ལག་ཡོན་ཏན་བརྒྱན། །ཁྱོད་ནི་རབ་དུ་ཚིམ་མཛད་ཕན་པ་མཛད། །བདེ་མཛད་བདེ་བ་ཀུན་གྱི་འབྱུང་གནས་འབྱུང་། །ཡོན་ཏན་ཟབ་མོ་སྣ་ཚོགས་རྣམས་ཀྱིས་བརྒྱན། །ཞིང་
རྣམས་བྱེ་བ་དག་དུ་ལྷ་ངེ་སྟེ། །མེ་ཡི་འོད་ལྟར་འོད་ཟེར་རྣམ་ཀྱིས་མཛེས། །ཇི་ལྟར་ནམཁའ་ཉིད་དཀྱིལ་རྫོགས་པ་བཞིན། །རི་རབ་ལྟ་བུར་ཡོན་ཏན་ཀུན་ལྡན་པར། །འཇིག་རྟེན་ཁམས་རྣམས་ཀུན་ཏུ་རབ་ཏུ་གདའ། །བ་
ཞོ་ཀུ་མུ་ད་དུང་ཟླ་འདྲ་ཞིང་། །ཁ་བའི་མདོག་དང་དཀར་པོ་བཟང་འདྲ་བའི། །ཚེམས་གྱི་འཕྲིང་བས་ཁྱོད་ཀྱི་ཞལ་མཛེས་པ། །ངང་པའི་རྒྱལ་པོ་བར་སྣང་ཇི་བཞིན་ནོ། །ཁྱོད་ཀྱི་ཞི་ཞལ་འཚམས་གནས་ཟླ་བ་འདྲ། །གཡས་
སུ་འཁྱིལ་ཞིང་ཁོང་ཆུད་འདྲ་བ་ལགས། །བཻ་དཱུརྱ་འདྲའི་སྤུ་འོད་དཀར་རྣམས་ཀྱིས། །ནམཁའི་དཀྱིལ་ན་ཉི་མ་ལྟ་བུར་མཛེས། །གསེར་འོད་དམ་པ་མདོ་སྡེའི་དབང་པོ་རྒྱལ་པོ་ལས། དེ་བཞིན་གཤེགས་པ་
ཐམས་ཅད་ལ་བསྟོད་པའི་ལེའུ་ཞེས་བྱ་བ་སྟེ་ཉི་ཤུ་པའོ།། །། དེ་ནས་རིགས་ཀྱི་ལྷ་མོ་བྱང་ཆུབ་ཡང་དག་པར་བསྡུས་པས། དེའི་ཚེ་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་བསྟོད་པ། 
97-1-66b


རྣམས་པར་དག་པའི་ཆོས་ལ་སྤོབས་པའི་བློ་མངའ་བ། །ལས་ངན་ལམ་དང་བྲལ་བའི་བདག་ཉིད་བློ་མངའ་ཞིང་། །སྲིད་དང་སྲིད་མིན་མཁྱེན་པ་རྣམ་དག་བློ་མངའ་བ། །སངས་རྒྱས་རྣམ་དག་བློ་མངའ་བ་ལ་ཕྱག་འཚལ་ལོ། །
ཀྱེ་མའོ་ཀྱེ་མའོ་སངས་རྒྱས་གཟི་བརྗིད་མཐའ་ཡས་ཏེ། །ཀྱེ་མའོ་ཀྱེ་མའོ་རྒྱ་མཚོའ་དང་ནི་རི་རབ་འདྲ། །ཀྱེ་མའོ་ཀྱེ་མའོ་སངས་རྒྱས་སྤྱོད་ཡུལ་མཐའ་ཡས་ཏེ། །ཨུ་དུམ་བ་རའི་མེ་ཏོག་བཞིན་དུ་ཤིན་ཏུ་དཀོན། །
སེམས་ཅན་དག་ནི་ཐམས་ཅད་རྗེས་སུ་གཟུངས་སླད་དུ། །གང་གིས་མདོ་སྡེ་དམ་པ་འདི་འདྲ་རབ་གསུངས་པ། །མི་དབང་ཉི་མ་ཤཱཀྱའི་དབང་པོའི་རིགས་ཀྱི་ཏོག །ཀྱེ་མའོ་ཀྱེ་མའོ་དེ་བཞིན་གཤེགས་པ་ཐུག་རྗེ་
ལྡན། །དེ་བཞིན་གཤེགས་པ་ཤཱཀྱའི་ཐུབ་པ་དབང་པོ་ཞི། །ཞི་བའི་དམ་པ་ཞི་བའི་གྲོང་ཁྱེར་རབ་ཏུ་ཞུགས། །ཏིང་འཛིན་ཟབ་ཅིང་ཞི་ལ་རྡུལ་དང་བྲལ་བ་ནི། །རྒྱལ་བ་སངས་རྒྱས་སྤྱོད་ཡུལ་དེར་ཡང་རབ་ཏུ་ཞུགས། །དེ་ལྟར་ཉན་
ཐོས་རྣམ་ཀྱི་ལུས་ནི་སྟོང་པ་སྟེ། །རྐང་གཉིས་དམ་པ་རྣམས་ཀྱི་གནས་པ་འང་སྟོང་པ་ལགས། །ཆོས་རྣམས་དེ་དག་ཐམས་ཅད་རང་བཞིན་སྟོང་ལག་ན། །སེམས་ཅན་རྣམས་ནི་སྟོང་པའི་བདག་ཉིད་མ་འཚལ་ཏོ། །
བརྟག་པ་ཐེར་ཟུགས་ཏུ་ནི་རྒྱལ་བ་དྲན་པར་བགྱིད། །རྒྱལ་བ་མཐོང་བར་ཡང་ནི་རྟག་ཏུ་མྱ་ངན་བགྱིད། །རྫོགས་པའི་སངས་རྒྱས་ཉི་མ་མཐོང་བར་བགྱིད་སླད་དུ། །རྟག་པར་ཡང་ནི་སྨོན་ལམ་རབ་ཏུ་འདེབས་པར་བགྱིད། །
བདག་ནི་བརྟག་ཏུ་དོག་སར་པུས་མོ་བཙུགས་ནས་སུ། །རྒྱལ་བའི་གཟུགས་ཀྱི་སྒོམ་པས་མྱ་ངན་རབ་ཏུ་སེམས། །འདྲེན་པའི་སླད་དུ་སྙིང་རྗེའི་སྐད་ཀྱིས་ངུ་བ་བགྱིད། །བདག་ནི་བདེ་བར་གཤེགས་པ་མཐོང་བར་རབ་ཏུ་བསྐོམ། །
མྱ་ངན་མེའི་ཀུན་ཏུ་རབ་ཏུ་འབར་བར་གྱུར། །མཐོང་བའི་ཆུ་བསིལ་བདག་ལ་རྟག་པར་སྩལ་དུ་གསོལ། །བདག་ནི་ཁྱོད་ཀྱི་གཟུགས་ལ་ལྟ་བའི་རབ་ཏུ་སྐོམ། །ཐུ་རྗེའི་ཆར་གྱི་བདག་ལ་རབ་ཏུ་སིམས་པ་མཛོད། །འདྲེན་པ་ཁྱོད་ཀྱི་བདག་
97-1-67a


ལ་ཐུག་རྗེ་མཛད་དུ་གསོལ། །ཞི་བའི་གཟུགས་མཐོང་བ་ནི་བདག་ལ་སྩལ་དུ་གསོལ། །ཁྱོད་ནི་ལྷ་དང་བཅས་པའི་འགྲོ་བ་སྐྱོབ་པ་སྟེ། །འདི་ལྟར་ཉན་ཐོས་རྣམ་ཀྱི་ལུས་ནི་སྟོང་པ་ལགས། །སེམས་ཅན་
ཐམས་ཅད་དག་ནི་རྨི་ལམ་རང་བཞིན་ཏེ། །ནམ་མཁའ་འདྲ་ཞིང་ནམཁའི་ངོ་བོ་ཉིད་ཀྱང་ལགས། །སྒྱུ་མ་སྨིགས་རྒྱུ་དང་ནི་ཆུ་ཡི་ཟླ་བ་འདྲ། །འདྲེན་པ་ཁྱོད་ཀྱིས་སྟོང་པ་ཚེ་དང་ལྡན་པ་ལགས། །དེ་ནས་བཅོམ་ལྡན་
འདས་གདན་ལས་བཞེངས་ཏེ་འཚངས་པའི་སྒྲ་དབྱངས་ཀྱིས་བཀའ་སྩལ་པ། རིགས་ཀྱི་ལྷ་མོ་ཁྱོད་ལེགས་སོ་ཁྱོད་ཡང་ལེགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། རིགས་ཀྱི་ལྷ་མོ་
བྱང་ཆུབ་ཡང་དག་པར་བསྡུས་པ་དང་། ལྷ་མོ་ཆེན་མོ་དབྱངས་ཅན་ལ་སོགས་པ་ལྷ་ཡི་བུ་མོ་དེ་དག་ཐམས་ཅད་དང་། ལྷ་མོ་ཆེན་མོ་དཔལ་ལ་སོགས་པ་ལྷ་མོ་ཡི་ཚོགས་དེ་དག་ཐམས་ཅད་དང་། རྣམས་
ཐོས་ཀྱིས་བུ་ལ་སོགས་པ་ལྷའི་རྒྱལ་པོ་དེ་དག་ཐམས་ཅད་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་མི་དང་ལྷ་མ་ཡིན་དང་དྲི་ཟེར་བཅས་པའི་འཇིག་རྟེན་ཡིད་རངས་ཏེ། བཅོམ་ལྡན་
འདས་ཀྱིས་གསུངས་པ་ལ་མངོན་པར་བསྟོད་དོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། མཇུགས་བསྡུས་པའི་ལེའུ་ཞེས་བྱ་བ་སྟེ། ཉི་ཤུ་རྩ་གཅིག་པའོ།། །།
འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སྷོ།། །།
97-1-67b


This is a blank page without image
97-1-68a


༄༅༅། །རྒྱ་གར་སྐད་དུ།  མ་ཧཱ་སཱ་ཧ་སྲ་པྲ་མརྡ་ནཱ་མ་སཱུ་ཏྲ།  བོད་སྐད་དུ།  སྟོང་ཆེན་པོ་རབ་ཏུ་འཇོམས་པ་ཞེས་བྱ་བའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་
བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཕུང་པོའི་རིའི་ལྷོ་ཕྱོགས་ཀྱི་ངོས་སངས་རྒྱས་ཀྱི་སྤྱོད་ཡུལ་ཤིང་ལྗོན་པ་རབ་ཏུ་སྣང་བའི་ནག་ཚོགས་ན་དགེ་སློང་གི་དགེ་འདུན་ཆེན་
པོ་སྟོང་ཉིས་རྒྱ་ལྔ་བཅུ་ལ་འདི་ལྟ་སྟེ། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གོལ་གྱི་བུ་ཆེན་པོ་དང་། ཚེ་དང་ལྡན་པ་འོད་བསྲུང་ཆེན་པོ་དང་། ཚེ་དང་ལྡན་པ་ག་ཡ་འོད་སྲུངས་དང་། ཚེ་དང་ལྡན་པ་ཆུ་ཀླུང་འོད་སྲུང་དང་། 
ཚེ་དང་ལྡན་པ་ཅང་ཤེས་ཀཽ་དེ་ནྱ་དང་། ཚེ་དང་ལྡན་པ་དགའ་བྱེད་དང་། ཚེ་དང་ལྡན་པ་བཀཱའ་ཏྱའི་བུ་ཆེན་པོ་དང་། ཚེ་དང་ལྡན་པ་བཀྐུ་ལ་དང་། ཚེ་དང་ལྡན་པ་བརླངས་པ་དང་། ཚེ་དང་ལྡན་པ་བསྲུས་པོ་ཆེ་དང་། ཚེ་དང་ལྡན་པ་ངག་དབང་
དང་། ཚེ་དང་ལྡན་པ་རྟ་ཐུལ་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་ལག་བཟང་དང་། ཚེ་དང་ལྡན་པ་མ་འགག་པ་དང་། ཚེ་དང་ལྡན་པ་ལྟེང་རྒྱས་འོད་སྲུངས་དང་། ཚེ་དང་ལྡན་པ་ནམ་གྲུ་ནས་ཚེ་དང་ལྡན་པ་ཀུན་
དགའ་བོའི་བར་དུ་དེ་ལ་སོག་པའི་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དག་དང་ཐབས་ཅིག་ཏུ་བཞུགས་སོ། །དེ་ཡི་ཚེ་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལ་
ལུས་འཕགས་མོའི་བུ་ཡུལ་མ་ག་དྷའི་རྒྱལ་པོ་མ་སྐྱེས་སྒྲས་ན་བཟའ་དང་། བཤོས་དང་གཟིམ་ཆ་དང་། སྙུན་གྱི་གསོལ་སྨན་དང་། ཡོ་བྱད་རྣམ་ཀྱིས་བཀུར་བསྟི་བྱས། བླ་མར་བྱས་བསྟིང་བསྟང་དུ་བྱས། 
མཆོད་པར་བྱས་སོ། །ཡང་དེའི་ཚེ་ས་ཡང་ཆེར་གཡོས་པར་གྱུར། སྤྲིན་འདུས་པ་ཆེན་པོ་ཡང་བྱུང་། དུས་མ་ཡིན་པའི་རླུང་དང་། སེར་བ་ཆེན་པོ་དང་། སྤྲིན་ཆེན་པོ་ལས་ཆར་པ་ཆེན་པོ་ཡང་འབབ་པར་འགྱུར། 
97-1-68b


འབྲུག་ཀྱང་དི་རི་རི་ཟེར། གློག་ཀྱང་བྱུང་། ཕྱོགས་བཅུ་ཡང་འཁྲུགས་པར་གྱུར་ཏོ་མུན་པ་མུན་ནག་ཆེན་པོ་ཡང་བྱུང་སྟེ། སྐར་མ་རྣམ་ཀྱང་མི་སྣང་ཉི་མ་དང་ཟླ་བ་རྣམ་ཀྱང་འོད་དང་མི་ལྡན་པར་གྱུར་ཏེ། ལྷན་ནེར་མ་ཡིན། 
ལྷང་ངེར་མ་ཡིན་ཞིང་འོད་མི་གསལ་བར་གྱུར་ཏོ། །དེ་ནས་ཡང་ཡངས་པ་ཅན་གྱི་གྲོང་ཁྱེར་ཆེན་པོར་འཇིག་པ་དེ་དག་བྱུང་བ་དང་། ཡངས་པ་ཅན་གྱི་ལིད་ཙ་བྱི་ཁ་ཅིག་གིས་གྲོང་གཞན་དང་གྲོང་ཁྱེར་པ་གང་ཡིན་པ་དེ་
གདོན་འབྱུང་པོས་བཏབ་པར་འགྱུར། གྲོང་གིས་གཞོན་ནུ་རྣམས་དང་ཙིས་མཁན་རྣམ་དང་བློན་པོ་དང་། བློན་པོ་ཆེན་པོ་དང་། འཁོར་ན་གནས་པ་དང་། བྲན་ཕོ་དང་བྲན་མོ་དང་། ལས་བྱེད་པ་དང་མངག་པ་དང་གཡོག་
ཁ་ཅིག་ཀྱང་གདོན་འབྱུང་པོས་བཏབ་པར་གྱུར་ཡུལ་ཡངས་པ་ཅན་གྱི་ལྗོང་ཀུན་གྱི་དགེ་སློང་དང་། དགེ་སློང་མ་དང་དགེ་སྙེན་དང་། དགེ་བསྙེན་མ་རྣམ་ཀྱང་འཇིགས་སྐྲགས་དངང་ཏེ་སྐྱི་བུང་ཞེས་བྱེད་ནས་ཁ་གནམ་དུ་
བལྟས་ཏེ་ངུ་འབོད་ཅིང་། སངས་རྒྱས་དང་ཆོས་དང་དགེ་འདུན་ལ་ཕྱག་འཚལ་བྲམ་ཟེ་དང་ཁྱིམ་བདག་གང་དག་སངས་རྒྱས་ཀྱི་བསྟན་པ་ལ་མངོན་པར་མ་དད་པའི་བྲམ་ཟེ་དང་། ཁྱིམ་བདག་དེ་དག་ཁ་ཅིག་ནི་ཚང་
པ་ལ་ཕྱག་འཚལ་ཁ་ཅིག་ནི་བརྒྱ་བྱིན་ལ་ཁ་ཅིག་ནི་འཇིག་རྟེན་སྐྱོངས་བ་རྣམ་ལ་ཕྱག་འཚལ་ཁ་ཅིག་ནི་དབང་ཕྱུག་ཆེན་པོ་དང་། ནོར་བུ་བཟང་པོ་དང་། གང་བ་བཟང་པོ་དང་། འཕྲོག་མ་དང་ཉི་མ་དང་ཟླ་བ་དང་གཟའ་དང་། 
སྐར་མ་དང་རི་དང་ནགས་འཚོགས་དང་སྨན་དང་། ཤིང་ལྗོན་པ་དང་ཀླུང་དང་། ལྟེང་ཀ་དང་མཚེའུ་དང་རྫིང་བུ་དང་རྫིང་དང་། མཆོད་བརྟེན་གྱི་གནས་ན་གནས་པ་དག་ལ་ཕྱག་འཚལ་ཞིང་བདག་ཅག་འདི་འདྲ་བའི་གནོད་པ་འཇིགས་པའི་གནས་
ནས་ཇི་ལྟར་ཐར་བར་འགྱུར་སྙམ་དུ་སེམས་ཤིང་འཁོད་པ་དག་བཅོམ་ལྡན་འདས་ཀྱི་མི་ལས་འཕགས་པའི་སྤྱན་རྣམ་པར་དག་པས་གཟིགས་སོ། །དེ་ནས་བཅོམ་ལྡན་འདས་ཀྱི་རྫུ་འཕྲུལ་མངོན་པར་འདུ་མཛད་པ་གང་མངོན་པར་འདུས་
97-1-69a


མཛད་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དབྱངས་ཀྱི་གོ་བར་གྱུར་ནས་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་དད་པར་གྱུར་ཏེ་འདུས་པར་གྱུར་པ་རྣམ་པ་དེ་ལྟ་བུའི་རྫུ་འཕྲུལ་མངོན་པར་འདུས་
མཛད་པ་མངོན་པར་འདུ་མཛད་དོ། །དེ་ནས་མི་མཇེད་ཀྱི་བདག་པོ་ཚངས་པ་དང་། ཚངས་རིས་ཀྱི་ལྷ་རྣམ་དང་ལྷ་རྣམ་ཀྱི་དབང་པོ་བརྒྱ་བྱིན་དང་། སུམ་བཅུ་རྩ་གསུམ་གྱི་ལྷ་རྣམས་དང་རྒྱལ་པོ་ཆེན་པོ་བཞི་དང་། རྒྱལ་ཆེན་བཞིའི་རིས་
ཀྱི་ལྷ་རྣམས་དང་གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་དང་གནོད་སྦྱིན་ཆེན་པོ་སྟོབས་པོ་ཆེ་སུམ་བཅུ་རྩ་གཉིས་དང་འཕྲོགས་མ་བུ་དང་བཅས་འཁོར་དང་བཅས་པ་ཁ་དོག་འཕགས་པ་དག་ནུབ་མོ་འདས་པ་དང་། དག་པ་ལྟ་བུའི་
བྱ་རྒོད་ཕུང་པོའི་རི་ལ་བདག་གི་ཁ་དོག་དང་མཐུས་སྣང་བ་ཆེན་པོས་སྣང་བར་བྱས་སྟེ། བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་ཅིག་ཏུ་འཁོད་
ནས་ཚིགས་ཅིག་དབྱངས་གཅིགས་ངག་གཅིག་ཏུ་བཅོམ་ལྡན་འདས་ལ་ཚིགས་སུ་བཅད་དེ་མངོན་པར་བསྟོད་པ། ཤིན་ཏུ་འབར་བའི་གསེར་དང་འདྲ། །ཟླ་བ་ཉི་མའི་འོད་དང་མཚུངས། །དཔལ་ལྡན་རྣམས་ཐོས་བུ་བཞིན་བརྟན། །
རིན་ཆེན་རྣམས་ཀྱི་འབྱུངས་གནས་ལགས། །སེང་གེ་གླང་ཆེན་འདྲ་བའི་འགྲོས། །གླང་ཆེན་མྱོས་པ་བཞིན་དུ་གནོན། །གསེར་གྱི་རི་བོ་དང་ཡང་མཚུངས། །འཛམ་བུའི་གླིང་གི་གསེར་བརྒྱན་འདྲ། །སྐར་མ་རྣམ་ཀྱི་ཡོང་
བསྐོར་བའི། །ནམཁའི་ཟླ་བ་དྲི་མེད་བཞིན། །ཉན་ཐོས་དགེ་འདུན་རྣམས་ཀྱི་དབུས། །མཚན་རྣམ་ཀྱིས་ནི་རྒྱན་པར་འགྱུར། །ལྷ་དང་བཅས་པའི་འཇིག་རྟེན་འདི། །ཐུབ་པ་ལ་ནི་བསྐྱབས་སུ་མཆི། །མི་རྣམས་ལ་ནི་
ཕན་པའི་ཕྱིར། །བསྲུངས་བ་དུས་སུ་ཉེ་བར་གནས། །སངས་རྒྱས་སྔ་མས་བཤད་པའི། །སྟོང་ཆེན་རབ་འཇོམས་མདོ་སྡེ་འདི། །ཁོར་ར་འཁོར་ཡུག་རི་མཐའི་བར། །མཚམས་གཅོད་པའི་དམ་པ་ལགས། །
97-1-69b


ཕྱག་འཚལ་སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཆོས་ཀྱིས་རྒྱལ་པོ་ཐུབ་ཆེན་ལ། །ཐལ་མོ་སྦྱར་ཏེ་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་ཡུད་རྩམ་ཅིག་ཅང་མི་གསུང་བར་དགོངས་
ནས་རྒྱལ་པོ་ཆེན་པོ་བཞི་པོ་དག་ལ་བཀའ་སྩལ་པ། རྒྱལ་པོ་ཆེན་པོ་དག་ཁྱོད་ཀྱིས་འཁོར་ངའི་འཁོར་ལ་འཚེ་བར་སེམས་པ་དེ་ནི་ཚུལ་མ་ཡིན་ནོ། །དེ་ཅིའི་ཕྱིར་ཞེ་ན། མིའི་འཇིག་རྟེན་འདིར་སངས་རྒྱས་བྱུང་བ་དང་། ཆོས་
ལེགས་པར་གསུངས་པ་དང་། དགེ་འདུན་ལེགས་པར་བསྒྲུབས་པ་དེ་ལ་ས་བོན་འདི་བཏབས་ན་སངས་རྒྱས་བཅོམ་ལྡན་འདས་རྣམས་དང་། རང་སངས་རྒྱས་རྣམས་དང་། དགྲ་བཅོམ་པ་རྣམས་དང་། ཉན་ཐོས་རྣམས་འཇིག་
རྟེན་དུ་འབྱུང་བར་འགྱུར། དེ་ལ་འཇིག་རྟེན་དེ་དག་གིས་དགེ་བའི་རྩ་བ་བསྐྱེད་ནས་ལྷའི་རིས་སུམ་བཅུ་རྩ་གཉིས་ལས་ལྷའི་རིས་གང་ཡང་རུངས་བ་དག་དུ་སྐྱེ་བར་འགྱུར། རྒྱལ་པོ་དག་ཀྱང་དམག་རྣམ་བཞི་དང་ལྡན་པ་ནས་གླིང་
བཞི་ལ་དབང་བའི་འཁོར་ལོ་བསྒྱུར་བའི་རྒྱལ་པོར་འགྱུར་རོ། །རྒྱ་འཚོ་ལ་ཐུག་པའི་སའི་དཀྱིལ་འཁོར་ཆེན་པོར་ཆོས་ཀྱིས་རྒྱལ་སྲིད་བྱེད་པར་འགྱུར་ཏེ། དེ་དག་ལ་ཡང་བུ་དཔའ་བ། རྟུལ་ཕོད་པ། ཡན་ལག་མཆོག་གི་
གཟུགས་དང་ལྡན་པ་ཚན་པོ་ཆེའི་སྟོབས་ཀྱི་ཤུག་བདོག་པ་ཕ་རོལ་གྱི་སྡེ་རབ་ཏུ་འཇོམ་པ། རིན་པོ་ཆེ་སྣ་བདུན་དང་ལྡན་པ་སྟོང་འབྱུང་བར་འགྱུར་རོ། །དེ་བས་ན་འཇིག་རྟེན་འདིར་རྣམས་པ་འདི་ལྟ་བུ་འབྱུང་བར་འགྱུར་བར་
ཁྱེད་སྙིང་ལས་ཆུང་ངུས་གནས་པས་གནས་པར་གྱིས་ཤིག །དེ་ནས་རྒྱལ་པོ་རྣམ་ཐོས་ཀྱི་བུ་སྟན་ལས་ལངས་ཏེ། བླ་གོས་ཕྲགས་པ་གཅིག་ཏུ་གཟེར་ནས་པུ་མོ་གཡས་པའི་ལྷ་ང་ས་ལ་གཙུགས་ཏེ། བཅོམ་ལྡན་
འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་གྲོང་དང་བསྐྱེད་མོ་ཚལ་དང་གཞལ་མེད་ཁང་དང་ཁང་པ་བརྩེག་པ་དང་བསིལ་ཁང་དང་། 
97-1-70a


སྒོ་ཁང་དང་རྟ་བབས་དང་སྐར་ཁུང་དང་། དར་གྱི་ལྡ་ལྡི་བཟངས་ཞིང་མཛེས་པ་རྣམ་པ་སྣ་ཚོགས་དང་ལྡན་པ་དང་དྲིལ་བུ་དང་མུ་ཏིག་གི་དྲ་བས་ཡོངས་སུ་བསྐོར་བ་དང་། པོག་ཕོར་ནས་བདུག་པས་བདུག་པ་དག་དང་མེ་ཏོག་གིས་
གཏོར་བས་ཁྱིམ་དང་གནས་དང་ཁང་པ་ཆེན་པོ་དག་མཆིས་ཏེ་དེར་བདག་ཅག་བུ་མེད་རྒྱ་ཕྲག་སྟོང་དག་གིས་ཡོངས་སུ་བསྐོར་ཅིང་འདོད་པའི་ཡོན་ཏན་ལྔ་ཚང་པར་སྤྱོད་པ་དང་ལྡན་པར་གྱུར་ནས་གནས་ཏེ་བཙུན་པ་བཅོམ་ལྡན་འདས་
བདག་ཅག་རབ་ཏུ་མྱོས་པས་བག་མ་མཆིས་པར་གནས་པས་གནས་པ་ན། འཁོར་ཟས་དང་སྐོམ་ཚོལ་དུ་ཕྱོགས་བཅུ་ཀུན་ཏུ་བྱེར་ཞིང་སྐྱེས་པ་དང་བུ་མེད་དང་ཁྱེའུ་དང་བུ་མོ་དང་བཙས་མ་ཐག་པ་དང་། དུད་འགྲོའི་སྐྱེ་གནས་
སུ་གཏོགས་པའི་སྲོག་ཆགས་རྣམས་ཀྱི་མདངས་འཕྲོགས་འཚེ་བར་བགྱིད། བགེགས་བགྱིད་གསོད་པར་བགྱིད་སྲོག་དང་བྲལ་བར་བགྱིད་དེ། བཙུན་པ་བཅོམ་ལྡན་འདས་ཀྱི་སྤྱན་སྔར་བདག་ཅག་གིས་འཁོར་བཞིའི་མདུན་དུ་
བདག་ཅག་གི་འཁོར་གྱི་ཚུལ་གྱི་མཚན་མ་བསྟན་པར་བགྱིའོ། །གང་གིས་འཁོར་གྱི་གདོན་བྱུང་བ་དེར་རྒྱལ་པོ་ཆེན་པོ་དེའི་གཟུགས་མཆོད་བརྟེན་དང་བཅས་པ་ཆེན་པོ་བགྱིད་ཏེ། ནད་པས་རྒྱལ་པོ་ཆེན་པོ་དེའི་
མིང་ནས་འབྱུང་ཞིང་དྲི་སྣ་ཚོགས་ཀྱི་རང་གི་ལག་ནས་བདུག་པར་བགྱིའོ། །དོག་ས་ལ་མེ་ཏོག་སིལ་མ་བཀྲམ་སྟེ། ཞུགས་མར་བུས་ལ་མཆོད་རྟེན་དེ་ལ་མཆོད་པར་བགྱིའོ། །བཙུན་པ་བཅོམ་ལྡན་འདས་བདག་
གིས་འཁོར་གནོད་སྦྱིན་གྱི་གདོན་གྱིས་བཏབས་པའི་ཚུལ་གྱི་མཚན་མ་ནི་འདི་ལྟ་བུ་ལགས་ཏེ། ཕྱི་ཕྱིར་རྒོད་ཅིང་འཇིགས་པར་འགྱུར། །སྨྲར་བར་བགྱིད་ཅིང་ཁྲོ་བར་འགྱུར། །དེ་ནི་གཉིད་ཀྱང་ལོག་པར་འགྱུར། །ཡང་ན་ཤིན་དུ་
ན་བར་འགྱུར། །རྟག་ཏུ་གྱེན་དུ་ལྟ་བར་འགྱུར། །སྐར་མ་དག་ལ་སྙེག་པར་བགྱིད། །ནུབ་མོ་ཤིན་དུ་དགའ་བར་འགྱུར། །རྟག་དུ་འདར་ཞིང་སྒྲ་འབྱིན་ཏེ། །དེ་ལ་སྔགས་ཀྱི་ཚིག་མཆིས་ཀྱི། །འཇིག་རྟེན་མགོན་པོ་བདག་ལ་གསོན། །
97-1-70b


སྱད་ཡ་ཐེ་དན། སིད་དྷེ་སུ་སིད་དྷེ། ས་ཏྭེ་ཨ་རེ། ཨ་ར་ཎེ་བ་ལེ་མ་ཧཱ་བ་ལེ་ཛམ་བྷེ་ཛ་ཊི་ལེ། ཨ་ཁ་ནེ་མ་ཁ་ནེ་ཁ་ཁ་ནེ། ཁ་རེ་ཊྚེ་ཁར་རྒེ་ཧ་རི་པིངྒ་ལེ་ཏེ་མིངྒི་ལེ་ཏི་མིངྒི་ལེ་ཏེ་མིངྒི་ལེ་ཏི་མིངྒི་ལི་ནི་མྃ་ག་ལྱེ་སྭ་ཧཱ། བདག་གི་སྔགས་ཀྱི་
ཚིག་རྣམ་གྲུབ་པར་གྱུར་ཅིག་རྒྱལ་པོ་ཆེན་པོ་རྣམ་ཐོས་ཀྱི་བུའི་མིང་དང་སྟོབ་དང་དབང་ཕྱུག་དང་བྱིན་གྱིས་བདག་དགེ་བར་གྱུར་ཅིག་སྭ་ཧཱ། དེ་ནས་རྒྱལ་པོ་ཆེན་པོ་ཡུལ་འཁོར་སྲུང་སྟན་ལས་ལངས་ཏེ། བླ་གོས་ཕྲག་པ་ཅིག་ཏུ་གཟེར་ནས་
པུས་མོ་གཡས་པའི་ལྷ་ང་ས་ལ་བཙུག་ཏེ། བཅོམ་ལྡན་འདས་ག་ལ་བ་དེ་ལོགསུ་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་འཁོར་དྲི་ཟའི་གདོན་གྱི་བཏབ་པའི་ཚུལ་གྱིས་
མཚན་མ་ནི་འདི་ལྟ་བུ་ལགས་ཏེ། གླུ་ལེན་ཅིང་ནི་བྲོ་བརྡུང་སྟེ། །རྒྱན་རྣམས་ལ་ཡང་དགའ་བར་བགྱིད། །བརྐམ་པ་མ་མཆིས་མེད་པར་སྨྲ། །རྒོད་པར་བགྱིད་ཅིང་ཁྲོ་བར་འགྱུར། །སྐོམ་པར་འགྱུར་ལ་མིག་དམར་ཏེ། །རྟག་ཏུ་རིམ་གྱི་འདེབ་པར་
བགྱིད། །མིག་ཀྱང་འབྱེད་པར་མི་བགྱིད་དེ། །རྒྱབ་ཀྱིས་ཕྱོགས་ཤིང་ཉལ་བར་བགྱིད། །དེ་ལ་སྔགས་ཀྱིས་ཚིགས་མཆིས་ཀྱིས། །འཇིག་རྟེན་མགོན་པོ་བདག་ལ་གསོན། །སྱཱད་ཡ་ཐེ་དན། ཨ་ཁེ། ན་ཁེ། བི་ན་ཁེ། 
བྷན་དྷེ། བ་རཱངྒེ། ཙ་པ་ལེ་བ་ཁེ་བ་ཁ་ནེ། བ་གི་ནི། ཨ་ཁེ་ནི་ན་ཁེ་ནི། བ་ཧུ་ལེ། བྷ་ཁེ། བྷ་གན་ད་ལེ། བ་ཤེ་བ་ཤ་བརྟཱིན་སྭ་ཧཱ། རྒྱལ་པོ་ཆེན་པོ་ཡུལ་འཁོར་བསུང་གི་མིང་དང་། 
སྟོབས་དང་། དབང་ཕྱུགས་དང་། བྱིན་གྱིས་བདག་གདོན་ཐམས་ཅད་དང་གནོད་པ་ཐམས་ཅད་ལས་ཐར་བར་གྱུར་ཅིག་སྭ་ཧཱ། དེ་ནས་རྒྱལ་པོ་ཆེན་པོ་འཕགས་སྐྱེས་པོ་སྟན་ལས་ལངས་སྟེ། 
བླ་གོས་ཕྲག་པ་གཅིག་ཏུ་གཟེར་ནས་པུས་མོ་གཡས་པའི་ལྷ་ང་ས་ལ་བཙུག་ཏེ། བཅོམ་ལྡན་འདས་ག་ལ་བ་དེ་ལོགསུ་ཐལ་མོ་སྦྱར་བ་ནས་བཅོམ་ལྡན་འདས་ཉིད་ལ་ཕྱག་འཚལ་ཞིང་འདི་སྐད་ཅེས་
97-1-71a


གསོལ་ཏོ། །བཅོམ་ལྡན་འདས་བདག་གི་འཁོར་ཡི་དག་གྲུལ་བུམ་གྱིས་ཟིན་པའི་ཚུལ་གྱི་མཚན་མ་ནི་འདི་ལྟ་བུ་ལགས་ཏེ། ཤིན་ཏུ་སྐོམ་པས་འདེབས་པར་འགྱུར། །གཡེང་བས་བཏབ་ཅིང་ལྟ་བར་འགྱུར། །བཞིན་
ཡང་དམར་པོར་གདའ་བར་འགྱུར། །བསྐུམ་ནས་ས་ལ་ཉལ་བར་འགྱུར། །ཁ་དོག་ངན་ཅིང་ལུས་ཀྱང་སྐེམ། །སྐྲ་དང་སེན་མོ་རིང་བ་སྟེ། །དྲི་མ་ཅན་ལ་དྲི་མི་བདའ། །བརྫུན་དང་ཀྱལ་པ་སྨྲ་བར་བགྱིད། །དེ་ལ་སྔགས་ཀྱི་ཚིག་མཆིས་
ཀྱིས། །འཇིག་རྟེན་མགོན་པོ་བདག་ལ་གསོན། །སྱཱད་ཡ་ཐེ་དན། ཁ་ཁ་ཁ་མི། ཁ་ལ་ནེ། ཁ་ལ་མི། ཁ་རཱ་ལི། ཁ་ར་ལི། ཀ་ར་ཁེ། ཀ་ཤ་ནི། ཀ་ར་ཊེ། ཀཱ་ལི། ཀཱ་མི་ནི་བི་བ་ལེ། བི་དྷེ་ཡ་ཤ་ཡ་ནི་ས་མ་བ་ཏེ། ཤ་མ། ཤ་མ་ནི་སྭཱ་ཧཱ། རྒྱལ་པོ་ཆེན་པོ་
འཕགས་སྐྱེས་པོའི་མིང་དང་། སྟོབས་དང་དབང་ཕྱུག་དང་། བྱིན་གྱིས་བདག་གི་གདོན་དང་། གནོད་པ་ཐམས་ཅད་ཐམས་ཅད་ཞི་བར་གྱུར་ཅིག་སྭཱ་ཧཱ། དེ་ནས་རྒྱལ་པོ་ཆེན་པོ་མིག་མི་བཟང་སྟན་ལས་ལངས་ཏེ། བླ་གོས་ཕྲག་པ་
གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་གཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས། བཅོམ་ལྡན་འདས་ཉིད་ལ་ཕྱག་འཚལ་ཞིང་འདི་སྐད་ཅེས་གསོལ་ཏོ། །བཅོམ་
ལྡན་འདས་བདག་གི་འཁོར་ཀླུ་འདབ་བཟངས་ཀྱི་གདོན་གྱིས་བཏབ་པའི་ཚུལ་གྱི་མཚན་མ་ནི། འདི་ལྟ་བུ་ལགས་ཏེ། སྐྱེགས་བུས་འདེབས་ཤིང་དབུགས་ཀྱང་འབྱིན། །དེ་བཞིན་དབུགས་ཀྱང་གྲང་བར་འགྱུར། །
རྔུལ་ཞིང་དབུ་བ་ཁ་ཆུ་འབྱུང་། །ཕྱི་ཕྱིར་གཉིད་ཀྱང་ལོགས་པར་འགྱུར། །ཁ་དོག་ལྡན་ཞིང་དཔའ་བ་སྟེ། །དེ་བཞིན་འདར་ཞིང་རྒྱུག་པར་འགྱུར། །སེན་མོ་དག་ཀྱང་སྟོན་པར་བགྱིད། །དོག་སར་མཆིས་ཤིང་ངུ་བར་བགྱིད། །
དེ་ལ་བསྔགས་ཀྱི་ཚིག་མཆིས་ཀྱིས། །འཇིག་རྟེན་མགོན་པོ་བདག་ལ་གསོན། །སྱཱད་ཡ་ཐེ་དན། ཀྲ་ཀ་མི། ཀྲ་ག་མ་ནི། ཀྲ་ག་སེ། ཀྲུ་གྲ་ཤེ། ཀྲ་ཀྲ། ཤ་མི། ཀྲུ་ཤྲུ་མི་ཀྲུ་ཤྲུ་མེ། ཀྲུཀྐ། ཀུ་ཀླུ་མ། ཀྲུ་གེ། ཨ་ག་ལེ། ན་ག་ལེ། ས་མ་ག་ལེ། 
97-1-71b


ཀུ་ཧུ་མེ་གུ་མེ། ཨ་ལ་ཀེ། ཀ་ལུ་ཀེ། ཀ་ལ་མ་ལེ། ག་ལ་ལེ། ཀ་ལ་ཊ་ཀེ། ཨི་རི་མི་རེ། དྷི་རེ། ཨ་རུ་ག་བ་ཏི་སྭཱ་ཧཱ། རྒྱལ་པོ་ཆེན་པོ་མིག་མི་བཟང་གི་མིང་དང་། སྟོབས་དང་། དབང་ཕྱུག་དང་། བྱིན་གྱིས་བདག་དགེ་བར་གྱུར་ཅིག་སྭཱ་ཧཱ། 
དེ་ནས་བཅོམ་ལྡན་འདས་ཀྱིས་དེའི་ཚེ་འཁོར་ཐམས་ཅད་ཀྱི་མདུན་དུ་སེང་གེའི་སྒྲ་བསྒྲགས་པ། ང་ནི་སྟོབ་བཅུ་དང་ལྡན་ཞིང་མི་འཇིགས་པ་བཞིས་འཇིགས་པ་མེད་པ་སྟེ། འཁོར་གྱི་ནང་དུ་སེང་གིའི་སྒྲ་ཁྱུ་མཆོག་ལྟ་བུ་རྒྱ་ཆེན་པོ་
ཡང་དག་པར་བསྒྲག་གོ། །ཚངས་པའི་འཁོར་ལོ་བསྐོར་རོ། །སྡེ་དང་མཐུ་དང་བཞོན་བཅས་པའི། །བདུད་ཀྱང་གཅིག་གིས་རབ་ཏུ་བཏུལ། །སེམས་ཅན་ཐམས་ཅད་བསྲུང་བའི་ཕྱིར། །རིགས་སྔགས་ཐམས་ཅད་ང་ལ་ཉོན། །སྱཱད་ཡ་ཐེ་
དན། ཨ་སང་གེ། ཁ་ཊྒ་བ་ཏེ། བ་ལ་བ་ཏེ། བ་ལ་ནི་རྒྷོ་ཤེ། ཤཱུ་རེ། ཤཱུ་ར་བ་ཏེ་བཛྲས་མི། བཛྲ་ག་མེ་བཛྲ་དྷ་རེ། སྟམ་བྷེ། ཛྃ་བྷེ་དྲི་ཌྷ་སཱ་རེ། བི་ར་ཛེ་བི་གྷ་ཥེ། བ་རཱ་གྲ་པྲཱཔྟེ། ཨ་ར་ཎེ་ཨ་ར་ཎྱེ་དྷརྨྨ་ཡུག་ཏེ། དི་ཤི་བི་གྷུཥྚེ་སྭཱ་ཧཱ། དེ་བཞིན་གཤེགས་
པའི་མཚན་དང་། སྟོབས་དང་། དབང་ཕྱུག་དང་། བྱིན་གྱིས་བདག་དགེ་བར་གྱུར་ཅིག་སྭཱ་ཧཱ། ཕྱོགས་བཞིའི་འཇིག་རྟེན་སྐྱོངས་བ་དག །སངས་རྒྱས་ཀྱིས་ནི་གསུང་ཐོས་ནས། །འཇིག་དང་སྐྲགས་དང་དངངས་གྱུར་ཏེ། །
ཐལ་མོ་སྦྱར་ནས་འཁོད་པར་གྱུར། །འབྱུང་པོའི་ཚོགས་ནི་ལྷག་མ་རྣམས། །དངངས་འཁྲུགས་རོད་རོད་པོར་གྱུར་ནས། །ཕྱོགས་བཅུར་རབ་ཏུ་འབྱེར་བྱེད་ཅིང་། །སྒྲ་བོ་ཆེ་ཡང་སྒྲོགས་པར་བྱེད། །རྒྱལ་པོ་
ཆེན་པོས་དེ་ཤེས་ནས། །གསང་བ་གསུམ་ནི་ཡང་དག་སྨྲ། །ཀྱེ་མ་རིག་སྔགས་རིག་སྔགས་ཆེ། །སྟོང་ཆེན་རབ་ཏུ་འཇོམ་བྱེད་པ། །སངས་རྒྱས་ཀྱིས་ནི་གསུངས་པ་དེ། །ཐོས་ནས་འབྱུང་པོ་སྐྲག་གྱུར་ཏེ། །
དཔེར་ན་རབ་ཏུ་འབར་མེ་དང་། །ཏིལ་མར་ངར་བཏགས་རལ་གྲི་བཞིན། །གཽ་ཏ་མས་ནི་རབ་བཤད་པའི། །རིག་སྔགས་སྤུ་གྲིའི་སོ་དང་འདྲ། །དྲང་སྲོང་ཚིག་ནི་ལེགས་བཤད་པ། །དེ་ལ་གང་ཞིག་མ་དད་ན། །
97-1-72a


དེ་ཡི་བུའི་ཐུ་བོ་ནི། །ཚངས་པའི་ཞག་པས་མེད་པར་འགྱུར། །མེ་ནི་རབ་ཏུ་འབར་བྱས་ནས། །བླ་དང་འོག་དང་ཕྱོགས་བཞིར་ཡང་། །སྦྱིན་སྲེག་གི་ནི་ཆུས་གཏོར་ཏེ། །ནས་དང་ཡུངས་ཀར་བླངས་ནས་སུ། །མར་གྱི་སྙིང་
པོ་དང་སྦྱར་ནས། །མེའི་ནང་དུ་བླུགས་པར་བྱ། །ལེགས་པར་གསུངས་པ་འདི་ཐོས་ནས། །གལ་ཏེ་མྱུར་དུ་མི་གཏོང་ན། །ཐམས་ཅད་འབར་བར་འགྱུར་བ་ནི། །མར་དང་ཡུངས་ཀར་མེར་བླུགས་བཞིན། །གནོད་སྦྱིན་ཆད་པས་བསྡིགས་ནས་
སུ། །དེ་དག་བདེ་བ་མི་རྙེད་དེ། །དེའི་རྩིབ་ལོགས་གཡས་པར་ནི། །འབྲས་ཆེན་ནད་ཀྱང་འབྱུང་བར་འགྱུར། །གནོད་སྦྱིན་ནད་ཀྱིས་བཏབ་པ་ན། །ཤ་བཀྲའི་ནད་ཀྱི་བཏབ་པར་འགྱུར། །ལྕང་ལོ་ཅན་གྱི་ཕོ་བྲང་དུ། །གཞར་ཡང་འགྲོ་བར་མི་འགྱུར་
རོ། །ལུས་ངན་གྲགས་དང་ལྡན་པ་ཡི། །ཁྱིམ་ཡང་མཐོང་བར་མི་འགྱུར་ཏེ། །འབྱུང་པོ་མང་པོ་ཚོགས་པ་ན། །སྟན་ཡང་ཐོབ་པར་མི་འགྱུར་རོ། །གནོད་སྦྱིན་དག་ནི་དཀྱིལ་འཁོར་དུ། །ཟས་སྐོམ་དང་ཡང་འབྲལ་བར་འགྱུར། །
སྟོང་ཆེན་རབ་འཇོམ་མདོ་སྡེ་ལ། །གནོད་སྦྱིན་གང་དག་མི་ཕྱོགས་པ། །དེ་ལ་རྡོ་རྗེ་འཆང་ཁྲོས་ཏེ། །སྤྱི་བོ་དག་ནི་འགེམས་པར་འགྱུར། །སྤུ་གྲི་སོ་ནི་རྩུབ་པོ་ཡིས། །དེ་ཡི་ལྕེ་ནི་གཅོད་པར་འགྱུར། །མཚོན་
ཆ་ཤིན་དུ་རྣོན་པོ་ཡིས། །དེའི་སྣ་དང་རྣ་བ་བཅོད། །འཁོར་ལོ་སྤུ་གྲིའི་སོ་འདྲ་བས། །གླད་པ་རབ་ཏུ་གཤགས་པར་བྱེད། །ཐོ་བ་ལྕགས་ཀྱིས་དཀྲིས་པ་ཡིས། །དེའི་སྙིང་ལ་འཇོམ་པར་བྱེད། །རྣག་
དང་ཁྲག་ནི་དྲོན་མོ་དག །དེ་ཡི་ཁ་ནས་འཛག་པར་འགྱུར། །རིག་སྔགས་ཞག་པའི་ཆད་པ་ཡིས། །རྟག་ཏུ་འཁོར་བར་འགྲོ་བ་ན། །འཁོར་བ་གནོད་སྦྱིན་དཀྱིལ་འཁོར་དུ། །དེ་ཉིད་དུ་ནི་འཁོར་བར་འགྱུར། །
རྒྱལ་པོ་ཆེན་པོ་དཔལ་ལྡན་པ། །ཕྱོགས་བཞི་དག་ཏུ་སོང་གྱུར་ནས། །ཆོས་ཀྱི་གོ་ཆ་བགོས་གྱུར་ཏེ། །བཟང་པོའི་ཁྲི་ལ་འདུག་པ་ནི། །ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་
97-1-72b


འཕགས་སྐྱེས་པོ། །ནུབ་ཕྱོགས་ན་ནི་མིག་མི་བཟང་། །བྱང་ཕྱོགས་ན་ནི་ལུས་ངན་པོ། །དཔལ་དང་གཟི་བརྗིད་འབར་བ་ཡི། །རྒྱལ་པོ་དག་ནི་ཕྱིན་པ་དང་། །དེ་ཚེ་སྟོན་པ་ཐམས་ཅད་མཁྱེན། །བར་སྣང་གནས་
ལ་རབ་ཏུ་འཕགས། །ཚངས་པས་སྤྲུལ་པའི་གཞལ་མེད་ཁང་། །དེར་ནི་རྡོ་རྗེའི་གདན་ལ་བཞུགས། །དེ་ནས་ཚངས་དང་ཚངས་ཆེན་རྣམས། །ཐལ་མོ་སྦྱར་འཁོད་ཕྱག་འཚལ་ལོ། །དཔལ་ལྡན་གསེར་གྱི་རི་བོ་འདྲ། །གསེར་
གྱི་མཆོད་སྡོང་དང་ཡང་མཚུངས། །མེ་ཏོག་པད་མ་བཞིན་དུ་རྒྱས། །ས་ལའི་རྒྱལ་པོ་བཞིན་དུ་རྒྱས། །ཉི་མ་དང་འདྲ་ཟླ་ཉ་ལ། །སྐར་མ་རྣམས་ཀྱིས་ཡོངས་བསྐོར་བཞིན། །ཐུབ་སྐུ་གསེར་གྱི་ཁ་དོག་ལ། །
མཚན་རྣམས་ཀྱི་ནི་ཡོངས་སུ་བསྐོར། །འཇིག་རྟེན་མེས་པོ་ཚངས་པ་ཡིས། །འཇིག་རྟེན་སྒྲོན་མ་བསྟོད་བྱས་ཏེ། །འཇིག་རྟེན་མགོན་པོའི་སྤྱན་སྔར་ནི། །འཇིག་རྟེན་སྐྱོང་ལ་འདི་སྐད་སྨྲས། །འཇིག་
རྟེན་སྐྱོང་གི་འཁོར་རྣམས་ཀྱིས། །རྗེས་སུ་བསྟན་པ་མ་ཐོབ་སྟེ། །གང་ཕྱིར་འདི་ལས་སངས་རྒྱས་དང་། །རང་སངས་རྒྱས་དག་འབྱུང་འགྱུར་ཞིང་། །འདི་ལས་ཉན་ཐོས་རྣམས་ཀྱང་སྐྱེ། །ལྷ་རྣཾས་
དག་ཀྱང་སྐྱེ་བར་འགྱུར། །རིག་བྱེད་ཡན་ལག་དྲུག་མཐར་ཕྱིན། །བྲམ་ཟེ་རྣམས་ཀྱང་སྐྱེ་བར་འགྱུར། །དྲང་སྲོང་སྐལ་བ་ཆེན་པོ་དང་། །དགེ་སྦྱོང་བྲམ་ཟེ་འདི་ལས་སྐྱེ། །ཁྱེད་ཅག་སྙིང་
ལས་ཆུང་བྱེད་པ། །མིའི་སྐྱེ་དགུ་གནོད་པར་འགྱུར། །ཚངས་པ་ཡི་ནི་ཚིག་ཐོས་ནས། །འཇིག་རྟེན་སྐྱོང་གི་ཚིག་སྨྲས་པ། །ཚངས་པ་ཆེན་པོ་དེ་བཞིན་ནོ། །ཐུབ་པ་ཆེན་པོ་དེ་བཞིན་ནོ། །བདག་གི་
རི་རབ་བསྒུལ་བྱས་ཤིང་། །ས་ཡང་རབ་ཏུ་བཟློག་བྱས་པ། །རྒྱ་མཚོ་ལ་ནི་ཐུག་པ་རྣམས། །རྣམ་པར་སྦྱང་བ་ཉིད་དུ་བྱ། །ཞག་པ་དམ་པོ་མ་ཉམ་པས། །ཉི་མ་ཟླ་བ་རླུང་རྣམས་དང་། །སྐར་མ་
97-1-73a


དག་ནི་ཐམས་ཅད་ཀྱང་། །བདག་གིས་སུ་ནི་བཅིང་བར་བྱ། །གང་དག་རབ་ཏུ་སྡང་བྱེད་ཅིང་། །འཇིག་རྟེན་ལ་ནི་ཕན་མི་བྱེད། །དེ་དག་ལ་ནི་ཐམས་ཅད་དུ། །ཕྱོགས་ཀྱང་སྣང་བར་མི་བྱའོ། །འཇིག་རྟེན་ལྷ་དང་བཅས་པ་
དེ། །འབྱུང་པོ་རྣམས་ཀྱི་ཕྱིར་སྨོད་དོ། །འབྱུང་པོ་མིའི་སྐྱེ་དགུ་ལ། །གནོད་པར་བྱེད་ཅིང་འཚེ་བར་བྱེད། །གང་དག་སྔགས་དང་སྨན་རྣམས་དང་། །རིག་སྔགས་ལས་ནི་འདའ་བྱེད་པ། །འདི་ལ་སྔགས་ཀྱི་དམ་པ་ནི། །
ཕ་རོལ་གནོན་པ་སྟོན་པར་བྱེད། །རིག་སྔགས་ལས་ནི་འདའ་བའི་འཁོར། །ཀུན་དུ་ཆད་པས་བསྡིགས་བྱས་ཏེ། །འཇིག་རྟེན་མགོན་པོའི་སྤྱན་སྔར་ནི། །ཡང་དག་པར་ཡང་བརྗོད་པར་བགྱི། །གང་གི་འབྱུང་པོའི་དཀྱིལ་འཁོར་དུ། །
འདི་བཤད་པ་ན་མི་ཉན་པ། །དེ་དག་ཆད་པ་བཤད་པར་བྱ། །ཚངས་པས་སྤྲུལ་པའི་མདོ་སྡེའོ། །སངས་རྒྱས་ཞབས་ལ་ཕྱག་འཚལ་ཏེ། །ཕན་ཚུན་དུ་ནི་བལྟ་བྱས་ནས། །བཻ་ཌཱུརྱ་དང་གསེར་དང་དངུལ། །མུ་ཏིག་རྣམས་དང་ཤེལ་དག་དང་། །སྤུག་
དང་རྡོ་ཡི་སྙིང་པོ་དང་། །རིན་ཆེན་བདུན་གྱིས་བརྒྱན་པའི། །རྩིབས་སྟོང་ཁ་དོག་གསེར་འདྲ་བའི། །ཤིང་རྟ་རྣམ་པ་བཞི་བྱས་པ། །བཟོ་རྣམས་ཀུན་དང་ལྡན་པ་སྟེ། །རྫུ་འཕྲུལ་གྱིས་ནི་མཁའ་ལ་འགྲོ། །རྒྱལ་པོ་དག་ནི་དེར་བཞུགས་ནས། །འབྱུང་
པོའི་དཀྱིལ་འཁོར་ཉིད་དུ་དོང་། །ས་ནི་གསེར་གྱིས་ཕྱེ་མ་དང་། །མེ་ཏོག་དག་གིས་བཀང་བྱས་ནས། །མགུལ་པར་ལྟུང་དང་སྐུད་པ་དང་། །ཞགས་པ་དག་ཀྱང་གདགས་བྱོས་ལ། །ཕྱོགས་ཀྱི་ས་ནི་ཅི་སྙེད་པའི། །འབྱུང་པོ་ཐམས་ཅད་ཁྲིད་ཤོག་ཅེས། །
གནོད་སྦྱིན་གྱི་ནི་སྡེ་དཔོན་ཀུན། །ཕྱོགས་བཞི་དག་ཏུ་དགྱེ་བ་བྱས། །སྟོང་ཆེན་རབ་ཏུ་འཇོམས་པ་ཡི། །མདོ་སྡེ་ཡི་ནི་དམ་པ་འདི། །ཚངས་པའི་འཇིག་རྟེན་བར་དུ་བྱུང་། །ལྷ་རྣམས་ཀུན་གྱིས་རྣམས་པར་བསམས། །སྟོང་ཆེན་པོའི་ལུས་ཀྱི་
སུ། །གནོད་སྦྱིན་དང་ནི་སྲིན་པོ་བཏུལ། །ལུས་ངན་པོའི་ཚིག་ཐོས་ནས། །གནོད་སྦྱིན་གྱི་ནི་སྡེ་དཔོན་དག །ཕྱོག་བཞི་དག་ཏུ་སོང་ནས་སུ། །གསང་བ་པོ་ལ་དྲག་ཏུ་བསྒོ། །ཐུབ་པ་འབྱུང་པོ་ཉི་ཤུ་བརྒྱད། །དྲི་ཟ་ལས་བྱུང་གདོན་གྱི་རྣམས། །
97-1-73b


ཤར་ཕྱོགས་ཆ་ན་འཁོད་པ་དག །མདོ་སྡེའི་ཞགས་པས་དེ་དག་ཀུན། །བཅིང་བ་ལྔ་ཡིས་བསྡམས་པ་ཡི། །འབྱུང་པོ་མང་པོ་ང་ལ་ཉོན། །ཐུབ་པ་འབྱུང་པོ་ཉི་ཤུ་བརྒྱད། །གྲུལ་བུམ་ལས་བྱུང་གདོན་གྱི་རིགས། །ལྷོ་ཕྱོགས་
ཆ་འདིར་འཁོད་པ་དག །མདོ་སྡེའི་ཞགས་པས་དེ་དག་ཀུན། །བཅིང་བ་ལྔའི་བསྡམས་པའི། །འབྱུང་པོ་མང་པོ་ང་ལ་ཉོན། །ཐུབ་པ་འབྱུང་པོ་ཉི་ཤུ་བརྒྱད། །ཀླུ་ལས་གདོན་དུ་གྱུར་པ་རྣམས། །ནུབ་ཕྱོགས་ཆ་འདིར་
འཁོད་པ་དག །མདོ་སྡེའི་ཞག་པས་དེ་དག་ཀུན། །བཅིང་བ་ལྔའི་བསྡམས་པའི། །འབྱུང་པོ་མང་པོ་ང་ལ་ཉོན། །ཐུབ་པ་འབྱུང་པོ་ཉི་ཤུ་བརྒྱད། །གནོད་སྦྱིན་ལས་ནི་གདོན་གྱུར་པ། །བྱང་ཕྱོགས་ཆ་འདིར་འཁོད་པ་དག །
མདོ་སྡེའི་ཞགས་པས་དེ་དག་ཀུན། །བཅིང་པ་ལྔ་ཡིས་བསྡམས་པ་ཡི། །འབྱུང་པོ་མང་པོ་ང་ལ་ཉོན། །ལུས་ངན་པོའི་བུ་ཐུ་བོ། །ཀུན་དུ་དུ་རྒྱལ་བ་མི་ལ་ཞོན། །དེ་ཡི་དྲུང་ན་འཁོད་པ་ཡི། །གནོད་སྦྱིན་བྱེ་བ་དྲུག་བཅུ་དག །
བཅིང་པ་རྣམ་པ་ལྔས་བསྡམས་ནས། །མདོ་སྡེའི་ཞག་པ་ཀུན་དུ་དྲངས། །དེ་ཉིད་ཀྱི་ནི་བུ་གཉིས་པ། །སྐྱེད་པ་པོ་ཞེས་རྣམ་གྲགས་པ། །དེ་ཡི་དྲུང་ན་འཁོད་པའི། །གནོད་སྦྱིན་བྱེ་བ་དྲུག་བཅུ་དག །བཅིང་
པ་རྣམ་པ་ལྔས་བསྡམས་ནས། །མདོ་སྡེའི་ཞག་པས་ཀུན་དུ་དྲང་། །དེ་ཉིད་ཀྱི་ནི་བུ་གསུམ་པ། །དེ་ཡི་མིང་ནི་གདོན་པོ་ཆེ། །དེ་ཡི་དྲུང་ན་འཁོད་པ་ཡི། །གནོད་སྦྱིན་བྱེ་བ་དྲུག་བཅུ་རྣམས། །བཅིང་
པ་རྣམ་པ་ལྔས་བསྡམས་ནས། །མདོ་སྡེའི་ཞག་པ་ཀུན་དུ་དྲངས། །དེ་ཉིད་ཀྱི་ནི་བུ་བཞི་པ། །དེ་ཡི་མིང་ནི་བུམ་པའི་ལྟོ། །དེའི་དྲུང་ན་འཁོད་པ་ཡི། །གནོད་སྦྱིན་བྱེ་བ་དྲུག་བཅུ་རྣམས། །བཅིང་པ་རྣམ་
པ་ལྔས་བསྡམས་ནས། །མདོ་སྡེའི་ཞགས་པས་ཀུན་དུ་དྲངས། །དབང་ཕྱུག་ཆེན་པོ་ལྷ་ཆེན་པོ། །ལག་བཞི་པ་ལ་སྟོབས་པོ་ཆེ། ། དེ་ཡི་དྲུང་ན་འཁོད་པའི། །གནོད་སྦྱིན་བྱེ་བ་དྲུག་བཅུ་རྣམས། །བཅིང་པ་རྣམས་པ་
97-1-74a


ལྔས་བསྡམས་ནས། །མདོ་སྡེའི་ཞགས་པས་ཀུན་དུ་དྲངས། །འབྱུང་པོ་འཇོམས་པའི་རི་ལ་ནི། །འབྱུང་པོ་ཐམས་བཅད་ལྷགས་ནས་སུ། །རིགས་སྔགས་ཐམས་ཅད་འབྱུང་བའི་གནས། །རིག་སྔགས་འདི་ནི་ཀུན་
དུ་བསམ། །ཆད་པ་མི་ཟད་དྲག་པོ་སྟེ། །གང་ཕྱིར་སངས་རྒྱས་ཀུན་གྱིས་གསུངས། །གཽ་ཏ་མ་ལ་གུས་པར་ནི། །ཐམས་ཅད་དེ་ལ་སྐྱབས་སུ་སོང་། །གཡོ་མེད་པར་ནི་རྗེས་ཞུགས་ཤིག  ། ཐམས་ཅད་མེད་པར་
གྱུར་ཏ་རེ། །དེ་ནས་ཐང་ཅིག་ཡུད་ཙམ་གྱིས། །འབྱུང་པོ་མང་པོ་ཐམས་ཅད་ལྷགས། །རི་རྣམས་དང་ནི་གཡང་ས་དང་། །རྒྱ་མཚོ་དང་ནི་མཚོ་རྣམས་དང་། །ཀླུང་དང་འབབ་ཆུ་ལུ་མ་དང་། །དབའ་རློང་དག་ན་
གང་འཁོད་དང་། །བསྐྱེད་མོས་ཚལ་དང་གཞལ་མེད་ཁང་། །ཀུན་དགའ་དང་ནི་ནགས་རྣམས་དང་། །མཆོད་རྟེན་གནས་དང་གྲོང་གི་གནས། །ལྗོན་ཤིང་དྲུང་ན་གང་གནས་དང་། །གྲོང་ཁྱེར་སྒོ་དང་གྲོང་དང་ནི། །
གྲོང་རྡལ་དང་ནི་ལྗོངས་རྣམས་དང་། །རྒྱལ་པོའི་ཕོ་བྲང་སྒོ་རྣམས་དང་། །གཞལ་མེད་ཁང་ན་གང་གནས་དང་། །དཀྱིལ་འཁོར་དག་དང་དུར་ཁྲོད་དང་། །དེ་བཞིན་ལྷ་ཁང་རྣམས་དང་ནི། །མཚམས་དང་ཤོ་གམ་
གནས་རྣམས་དང་། །ཁང་སྟོང་དང་ནི་གྲམ་ས་དང་། །གནོད་སྦྱིན་གང་རྣམས་བླ་འོག་དང་། །ཕྱོགས་བཞི་དང་ནི་མཚམ་རྣམས་ནས། །གནོད་སྦྱིན་བྱེ་བ་སྟོང་རྣམས་ནི། །རིག་སྔགས་ཞགས་པས་བཀུག་པ་རྣམས། །
རྫ་རྔ་དག་ནི་བརྡུངས་ནས་སུ། །ལ་ལས་རྔ་ཟླུམ་དག་ནི་བརྡུངས། །པི་ཝང་གླིང་བུ་འཁར་བའི་རྔ། །སྟོབས་ཆེན་རྣམས་ནི་སྒྲ་འབྱིན་ཏེ། །རོལ་མོའི་དབྱངས་སྒྲ་སྣ་ཚོགས་དང་། །གླུ་དང་གར་རྣམས་བྱས་ནས་སུ། །དབང་པོ་ཟླ་བ་ཆུ་ལྷ་
དང་། །བྷ་ར་དྭ་ཛ་སྐྱེ་དགུའི་བདག །མི་ལྡན་པ་དང་ཀུན་དུ་ལྟ། །མངོན་ཤེས་གང་ཅན་རྫོགས་པ་དང་། །ཙན་དན་དང་ནི་འདོད་ཆོག་དང་། །མགུལ་བ་མཛེས་དང་མགུལ་ངེས་དང་། །སྐྱེ་དགུའི་བླ་མར་གྱུར་པ་དང་། །ལྷ་ལས་བྱུང་བའི་མ་ལྡན་དང་། །
97-1-74b


དྲི་ཟ་སྣ་ཚོགས་སྡེ་དང་ནི། །མི་རྒྱལ་རྒྱལ་བའི་ཁྱུ་མཆོག་དང་། །དེ་བཞིན་ཕུང་པོ་ལྔ་ཞེས་བྱ། །གཡེར་མ་དང་ནི་ཉི་ཟེར་དང་། །ཉ་ལྗིབས་དང་ནི་རལ་གྲི་པུ། །ཀུན་གྱི་བཤེས་དང་གྲག་འཛིན་དང་། །འབྲོག་གནས་དང་ནི་ཡིད་བཟངས་དང་། །
ཁབ་སྣ་དང་ནི་རི་སུལ་ཁ། །ལྔ་འཛིན་དང་ནི་ཁབ་བཟངས་དག །སྡེ་དང་དཔུང་དང་བཞོན་པར་བཅས། །ལྷ་དང་ཀླུ་དང་དྲི་ཟ་དང་། །གནོད་སྦྱིན་སྲིན་པོ་ལྷ་མ་ཡིན། །ཉིན་གསུམ་པའི་སྨྱོ་བྱེད་དང་། །དེ་བཞིན་བཞི་པའི་རིམས་དག་དང་། །འཇིག་
རྟེན་འཚེ་བ་གང་ཡིན་པ། །གནོད་སྦྱིན་སྲིན་པོ་མ་རུངས་རྣམས། །ཕྱོགས་བཞི་ནས་ནི་བཀུག་ནས་སུ། །བཅིང་བ་ལྔའི་བསྡམས་པ་རྣམས། །འཇིག་རྟེན་མགོན་པོའི་སྤྱན་སྔར་རུ། །ཐལ་སྦྱར་འཁོད་ནས་འདི་སྐད་སྨྲས། །ཕྱག་
འཚལ་སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ནས་ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །དེ་དག་གི་ནི་མདུན་རྒྱུག་པ། །འབྱུང་པོ་གནོད་སྦྱིན་ལུས་པོ་ཆེ། །ལག་པ་བཞི་
པ་མ་རུངས་པ། །རྐང་མངས་དང་ནི་རྐང་གཅིག་པ། །རྐང་བཞི་པ་དང་རྐང་གཉིས་པ། །རྐང་པ་བསྒྲེང་ལ་སྤྱིའུ་ཚུགས་དང་། །ལུས་མང་མགོ་བོ་གཅིག་པ་དང་། །ལུས་གཅིག་པ་ལ་མགོ་བཞི་པ། །མིག་མངས་པོ་ལ་ལུས་ཕྱེད་དང་། །
མིག་གཅིག་ལྟོ་ནི་བཅུ་གཉིས་དང་། །བོང་བུ་རྔ་མོ་གླང་ཆེན་མགོ། ལག་པ་སྒྲེང་ལ་མགོ་བཏུད་དང་། །མཚོན་ཆའི་སོ་དང་མཚོན་ཆའི་ལག །མཚོན་ཆའི་རྐང་པ་སྲིན་པོའི་རྣམས། །ཟངས་ཀྱི་སྐྲ་
དང་ཟངས་ཀྱི་སོ། །ཟངས་ཀྱི་མིག་དང་ཟངས་ཀྱི་ལག །ཟངས་ཀྱི་མཐོ་བའི་རྐང་པ་དང་། །ཟངས་ཀྱི་སྣ་དང་ཟངས་ཀྱི་ཁ། །རྐང་ལག་ཀུན་དུ་འབར་བ་དང་། །མིའི་ལུས་སུ་གནས་པ་རྣམས། །
སྒུར་ཞར་ལྦ་བ་གསུམ་ཡོད་པ། །མིག་མི་སྡུག་ལ་ཁ་གླལ་བ། །ཆུ་སྲིན་སྟག་གི་གཟུགས་དང་ནི། །གཟུགས་མི་སྡུག་དང་ཁ་རལ་པོ། །མཆུ་འཕྱངས་པོ་དང་སོ་ཡོན་པོ། །རབ་ཏུ་གཏུམ་པོ་ཁྲོ་གཉེར་ཅན། །གསུས་པོ་ཆེ་དང་
97-1-75a


བུམ་རྣ་པོ། །རྣ་ཕྱངས་པ་དང་རྣ་བ་མེད། །ལགས་རིངས་དང་ནི་རྣ་བ་རིང་། །སྣའི་རྩེ་དང་ལག་རྩེ་རིང་། །ལུས་སྐམ་ལུས་ནི་རིང་བ་དང་། །སྐྲ་རིངས་རབ་ཏུ་བརྒྱན་པ་དང་། །རྐང་པ་མིད་པ་ཕྲ་བ་དང་། །དྲི་ང་བ་དང་བུམ་
ལྟོ་བོ། །ཡན་ལག་ཆུ་སྲིན་འདྲ་བ་དང་། །གཏུན་ཤིང་ཐོ་བ་འདྲ་བའི་ལྟོ། །གནམ་ལྟོ་བོ་ལ་རྣ་བོ་ཆེ། །གྱེན་དུ་བརྫེས་སྐྲ་རབ་ཏུ་དམར། །མགོ་བོ་ཆེ་ལ་གཞུ་མགྲིན་བོ། །སྐེམ་པོ་སྒུར་པོ་བུམ་ལྟོ་བོ། །རི་རབ་རྩེ་མོ་བསྒུལ་ནས་
སུ། །མེ་མདག་གི་ནི་ཆར་པ་འབེབས། །ལྗོན་ཤིང་རི་དང་རྡོ་བ་དང་། །སྤྲིན་གྱི་ཚོགས་ཀྱི་མདོག་འདྲ་བ། །དུང་དང་རྔ་ཆེན་རྫ་རྔ་དང་། །གྲུལ་བུམ་རྔ་བྲན་རྣམས་ཀྱི་སྒྲ། །འཇིག་པའི་སྒྲ་ནི་རབ་ཏུ་འབྱིན། །མིད་པོ་ཆེ་ལ་བུང་
བུའི་སྒྲ། །ནག་པོ་སེར་པོ་སྔོན་པོ་དང་། །དམར་སེར་མེ་ལྟར་དམར་སེར་དང་། །ཁབ་འདྲའི་སྤུ་དང་རལ་གྲིའི་སྐྲ། །དམར་པོ་ཁྲག་གིས་བསྐུས་པ་རྣམས། །མི་རོ་དག་ནི་ཁྱེར་ནས་སུ། །ཟ་བཞིན་དུ་ནི་རྣམ་
པར་རྒྱུག །སོ་རྣོན་ལག་པ་དམར་པོ་དང་། །མཆུ་ནི་ཁྲག་གིས་བསྐུས་པ་དང་། །ལུས་ཕྱེད་དག་ནི་ཟོས་པ་དང་། །མཁལ་མ་སྙིང་དང་ནང་གྲོལ་གྱིས། །སྙིམ་པ་ཤིན་དུ་བཀང་བ་དང་། །བྱིན་པ་
དག་ནི་ཟ་བཞིན་དུ། །མེར་མེར་པོ་དང་སྲོག་ཆགས་ཀྱི། །རྐང་ལག་རྣམས་ཀྱི་སྟོབས་ཀྱང་འཕྲོག །ཀེང་རུས་ཀྱི་ནི་ལུས་ཀྱིས་སུ། །སྐྱེ་བོ་མང་པོ་སྐྲག་པར་བྱེད། །ཁྲག་གིས་རབ་ཏུ་བཀང་བ་ཡི། །
མི་ཡི་ལྤགས་པ་ཐོགས་ནས་སུ། །མི་བཟང་དུག་གིས་ཀུན་བསྐུས་ཏེ། །ཕྱོགས་ཕྱོགས་དག་ཏུ་རྣམས་པར་རྒྱུག །གྲོང་ཁྱེར་རྣམས་ཀྱི་སྒོ་དག་དང་། །ཁྱིམ་ནས་ཁྱིམ་དུ་རྣམ་པར་འཐོར། །རླུང་དང་བད་ཀན་
མཁྲིས་པ་རྣམས། །ཕྱོགས་བཞི་དག་ཏུ་འཁྲུག་པར་བྱེད། །དེ་ལྟར་དེ་ན་རྒྱལ་པོ་ཡི། །གདོན་དང་འཇིགས་པ་ཆེན་པོ་རྣམས། །ལྷགས་པ་དེ་དག་ཐམས་ཅད་ཀྱང་། །རིག་སྔགས་ཞགས་པས་རབ་ཏུ་བསྡམས། །ཕྱག་འཚལ་སྐྱེས་བུ་དཔའ་
97-1-75b


ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ནས་ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །གྲོང་ཁྱེར་གྲོང་དང་ཡུལ་འཁོར་དང་། །ཕོ་བྲང་འཁོར་ན་རྒྱུ་བ་ནི། །གནོད་སྦྱིན་མ་རུངས་མདངས་འཕྲོག་པ། །
སྙིང་རྗེ་མེད་ཅིང་ཁྲག་འཐུང་བ། །ལུས་ཆེན་འཇིགས་པ་ཆེན་པོ་སྟེ། །སྟོབས་པོ་ཆེ་ལ་སྒྲ་ཡང་ཆེ། །མགྲིན་བཅུ་པོ་ལ་མིག་སྟོང་བོ། །གདོན་ཆེན་མིག་ནི་དམར་པོ་རྣམས། །འཁོར་ནི་མང་པོ་རྣམས་བཏང་སྟེ། །ལག་ན་མཚོན་ཐོགས་
རབ་ཏུ་འཇིགས། །སྦྲུལ་གྱི་ཞགས་པ་ཐོགས་པ་དང་། །ལག་བཞི་ལག་ན་སྒྲོན་མ་ཐོགས། །ལག་ན་མཚོན་དང་དབྱིག་པ་ཐོགས། །རྡོ་རྗེ་མདུང་རྩེ་ལག་ཐོགས་པ། །རབ་ཏུ་དྲག་པའི་དམག་བརྒལ་ནས། །ཕྱོགས་
ཀུན་དུ་ནི་སྐྲག་པར་བྱེད། །སྡང་བའི་གནས་ན་འཁོད་པ་ཡི། །གསང་བ་པོ་ནི་དད་ཀུན་ཀྱང་། །མིའི་འཇིག་རྟེན་འདི་དག་ཏུ། །སྐྱེས་པ་བུད་མེད་གཞན་ཡང་འཛིན། །ཤ་ཁྲག་དྲོན་མོར་བཅས་པ་ལ། །རྣམ་
པར་འཁྲུལ་ཅིང་འདོད་པའི་གཟུགས། །སེང་གེ་དང་ནི་སྟག་དང་རྟ། །མ་ཧེ་བ་ལང་བོང་བུ་རྔ། །གླང་པོ་ཆེ་ཡི་གཟུགས་འདྲ་དང་། །དོམ་དང་གཟིག་དང་སྤྱང་ཀི་དང་། །ཁྱི་དང་བ་དང་ར་དག་དང་། །བྱི་ལ་བྱི་བ་སྤྲེའུ་ཡི་གཟུགས། །
བསེ་དང་ཕག་དང་སྲེ་མོང་དང་། །ཉ་དང་རུས་སྦལ་དག་གི་གཟུགས། །ཁ་ཅིག་དག་ནི་སྲམ་གྱི་གཟུགས། །ཁྭ་དང་འུག་པ་ཁུ་བྱུག་དང་། །བྱ་རྒོད་ཁྲ་དང་ཉ་མིད་བཅས། །རྨ་བྱ་ངང་པ་ཐི་བྱ་དང་། །ཁྲུང་ཁྲུང་དང་ནི་བྱ་
རྣམས་དང་། །ཁ་ཅིག་བྱ་གག་གཟུགས་རྣམས་སུ། །གནོད་སྦྱིན་རྣམས་ནི་མིའི་མཐོང་། །འདབ་བཟང་བྱའི་ཚུལ་གྱིས་ཀྱང་། །སྐྱེ་བོ་མང་པོ་སྐྲག་པར་བྱེད། །ཁ་ཅིག་མིའི་མགོ་ཅན་ལ། །ལུས་ནི་བྱ་གག་བོང་བུ་འདྲ། །ཁ་ཅིག་ཚོན་
གྱི་རབ་ཏུ་འཚེ། །ལུས་དང་བྲལ་བ་དག་ཏུ་སྣང་། །རྣམ་པར་འཁྲུགས་ཤིང་འདོད་ལ་མོས། །རྒྱུ་མའི་ཕྲེང་བས་ཀུན་དུ་དཀྲིས། །རྩེ་གསུམ་མདུང་གིས་རབ་འདེབས་ཤིང་། །སྲོག་ཆགས་རྣམས་ལ་གནོད་པར་བྱེད། །མི་བཟང་
97-1-76a


གདུག་པའི་དབུགས་འབྱིན་ཅིང་། །སྐྱེ་དགུ་འདི་དག་སྐྲག་པར་བྱེད། །སྲོགས་ཆགས་རྒྱུད་ནི་ཅི་སྙེད་པར། །སྣ་ཚོགས་ཀྱི་ནི་གཟུགས་སུ་སྣང་། །ཁ་ཅིག་དག་ནི་རི་ཡང་ཐོག །ལ་ལ་རལ་གྲི་འཁོར་ལོ་ཐོགས། །
གྲངས་ནི་བརྒྱ་ཁྲག་སྟོང་རྣམས་ཏེ། །དབྱུག་པས་བསྡིགས་ཤིང་ཁ་དྲག་པོ། །མིག་ཕྱུང་པ་ལ་བཞིན་མི་སྡུག །སྲིན་པོ་སོ་ནི་རྣོ་པོ་དང་། །སྣ་དང་རྣ་བ་བཅད་པ་དང་། །ལྕེ་ཆད་གདོང་ནི་གཉེར་མ་ཅན། །རྐང་ལག་དང་ནི་གཏུབ་
པ་དང་། །མགོ་བོ་བཅད་པའི་སྲིན་པོ་རྣམས། །སྐབས་ནི་རབ་ཏུ་ཚོལ་བར་བྱེད། །སྡིག་པ་ཅན་རྣམས་མདངས་ཀྱང་འཕྲོག །མི་དག་གིས་ནི་ལུས་རྣམས་ལ། །རབ་ཏུ་ཕྲ་བའི་གདོན་དུ་སྣང་། །སྤུའི་བར་དང་གནད་རྣམས་དང་། །
དེ་བཞིན་རྨ་ཡི་ཁ་རྣམས་སུ། །ལྷགས་པ་དེ་དག་ཐམས་ཅད་ཀྱང་། །རིག་སྔགས་ཞགས་རབ་ཏུ་དྲངས། །ཕྱག་འཚལ་སྐྱེས་བུ་དཔལ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ནས་
ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །རི་རྒྱལ་པོ་རི་རབ་དང་། །དེ་བཞིན་ཁོ་ར་ཁོར་ཡུག་དང་། །བྱ་རྒོད་ཕུང་པོའི་གཤོལ་མདའ་འཛིན། །སྤོས་ངད་ལྡང་དང་གང་ཀྱི་རི། །སྣ་ཚོགས་བརྩེག་དང་
པཎ་ཌ་པཱ། །ན་ལ་དཱ་ཡི་རི་གཉིས་དང་། །དཔལ་གྱི་རི་ཡི་རྩེ་མོ་ནི། །གང་དག་ཤིན་དུ་མཐོར་འཕགས་དང་། །རི་བོ་དེ་དག་ཀུན་ལ་ཡང་། །ལྷ་དང་དྲང་སྲོང་གང་གནས་པ། །དེ་དག་ཐམས་ཅད་མི་དགའ་ཞིང་། །འཇིགས་
པའི་ཡིད་ཀྱི་མྱ་ངན་བྱེད། །བྱེ་བ་སྟོང་གི་ལྷ་དག་དང་། །བྱེ་བ་ཕྲག་བརྒྱའི་ལྷ་རྣམས་དང་། །ལྷའི་བུ་མོ་སྐལ་ཆེན་དག །ཐལ་མོ་རབ་ཏུ་སྦྱོར་བར་བྱེད། །ཐགས་བཟངས་རིས་དང་སྒྲ་ཅན་དང་། །སེམས་པར་བྱེད་པའང་
དེར་ཕྱིན་ཏོ། །ལྷ་མིན་བྱེ་བ་ཕྲག་སྟོང་དང་། །ལྷ་མིན་བྱེ་བ་ཕྲག་བརྒྱ་དང་། །དེ་དག་བུ་མོ་འཕྲུལ་ལྡན་པ། །མང་པོ་ཀུན་ཀྱང་ཐལ་མོ་སྦྱོར། །རབ་ཏུ་གནས་དང་རྒྱ་མཚོ་དང་། །ཀླུ་ཡི་རྒྱལ་པོ་གཟི་ཅན་དང་། །
97-1-76b


ཀླུའི་རྒྱལ་པོ་མ་དྲོས་དང་། །དགའ་བོ་ཉེ་དགའ་གཉིས་པོ་དང་། །རྡོ་རྗེ་བློ་གྲོས་པཀྴུ་དང་། །གྃ་གཱ་དགའ་བོ་སིན་དུ་མཚོ། །བྱའི་རྒྱལ་པོ་འདབ་བཟངས་དང་། །རྒྱ་མཚོ་ཆེན་པོ་འཁྲུག་བྱེད་དང་། །སྟོང་ཕྲག་བྱེ་བའི་ཀླུ་ཡི་རྣམས། །
བྱེ་བ་རྒྱའི་ཀླུ་དག་དང་། །དེ་དག་བུ་མོ་སྐལ་ཆེན་རྣམས། །ཐལ་མོ་རབ་ཏུ་སྦྱོར་བར་བྱེད། །ཉི་མ་ཟླ་བ་གཉིས་ཀ་ཡང་། །སྐར་མའི་འཁོར་གྱིས་ཡོངས་སུ་བསྐོར། །གསེར་གྱི་མེ་ཏོག་ཡན་ལག་ན། །མ་ག་
དྷ་ན་འཇིག་བྱེད་པ། །གསོ་བའི་མཐའ་ན་མི་ཐོད་ཅན། །ཀོ་ས་ལ་ན་རབ་ཏུ་དཀར། །བཟངས་པོའི་ཡུལ་ན་ཁ་སྤུ་ཅན། །གྱད་ཀྱི་ཡུལ་ན་གྲག་པ་འཛིན། །ལྔ་འཛིན་པ་ན་སྐྲག་བྱེད་པ། །རྟ་སྐྱེ་བ་ན་མིག་དམར་གནས། །སྲུང་
བྱེད་པ་ན་སེར་སྐྱ་སྟེ། །སེམས་པ་ན་ནི་མིག་སེར་པོ། །བེའུ་ལ་བན་བུམ་པའི་ལྟོ། །དགའ་བའི་ཡུལ་ན་རིང་པོར་སྐྱེས། །བ་ལང་འཛིན་ན་རབ་ཏུ་འཇོམ། །དུང་ཡུལ་ན་ནི་ཉི་མའི་གྲོགས། །ལྗོང་ཆེན་རྣམས་ཀྱི་གནོད་སྦྱིན་ནི། །བརྗོད་པ་བཅུ་དྲུག་དེ་
དག་དང་། །ལག་ན་རྡོ་རྗེ་གནོད་སྦྱིན་ཆེ། །ཆོས་སྐྱོང་རབ་ཏུ་དཀར་བ་དང་། །སེར་སྐྱ་རབ་མཛེས་ཁྱབ་འཇུག་པ། །བུམ་ལྟོ་གསུས་པ་ཟླུམ་པོ་དང་། །ཆུ་སྲིན་བདེན་པ་འཆང་བ་དང་། །ལྔ་ལྡན་རྒྱལ་བ་
ཁྱུ་མཆོག་དང་། །གནོད་སྦྱིན་ཆེན་པོ་དབང་ཕྱུག་ཆེ། །ལག་པ་བཞི་ཅན་སྟོབས་པོ་ཆེ། །སྡེ་པ་རབ་ཏུ་འདུལ་བ་ནི། །མཐུ་བོ་ཆེ་ལ་སྟོབས་པོ་ཆེ། །གཤིན་རྗེ་གཤིན་རྗེའི་ཕོ་ཉ་དང་། །བདུད་རྣམས་སྡེ་
དང་བཅས་པ་དང་། །གནོད་སྦྱིན་བྱེ་བའི་གཡོག་འཆང་བ། །གནོད་སྦྱིན་དེ་མིང་འཕྲོག་པོ་ཡིན། །ཤ་རི་ཏ་ནི་སྡེར་བཅས་དང་། །རིའི་བུ་མོ་སྡེར་བཅས་དང་། །རིའི་བུ་མོ་གནོད་སྦྱིན་མ། །གཟི་རྗིད་ཆེན་པོ་འཇིགས་པའི་གཟུགས། །
འཕྲོག་མ་ཞེས་ཀྱང་དྲགས་པ་དང་། །གདོལ་པ་མོ་ནི་གཏུམ་མོ་དང་། །བུ་རྣམས་ལྟ་བརྒྱལ་བསྐོར་བ་དང་། །མི་རྡུང་ནག་མོ་ཀར་ཏ་ཏེ། །པད་མ་དང་ནི་པད་མ་ཅན། །མེ་ཏོག་སོ་དང་ས་ག་དང་། །སྲིན་མོ་བོང་བུའི་རྣ་
97-1-77a


ཅན་དང་། །ཙན་དན་དང་ནི་ཁྱབ་འཇུག་ལེན། །སེང་གེ་སེར་སྐྱ་དམར་སེར་པོ། །གླང་པོ་ཀླུའི་སོ་ཅན་དང་། །རི་བཤེས་དྲག་པོའི་མཆེ་བ་ཅན། །སྲིན་མོ་སོ་བཟང་ཡོད་པ་དང་། །ཚངས་པ་ལེན་དང་ཁྱབ་འཇུག་
ལེན། །གནོད་སྦྱིན་ཧ་ལ་ཧ་ལ་དང་། །གནོད་སྦྱིན་རྣམ་པའི་མཆུ་ཅན་དག །མདུང་དང་མདའ་གཞུ་ཀུན་ཐོགས་ཤིང་། །མི་རྟ་བ་ལང་རི་དགས་རྣམས། །ཟ་ཞིང་འཚེ་བ་དེ་དག་ནི། །ཕྱོགས་རྣམས་ཀུན་ཏུ་རྒྱུག་ཅིང་འདོང་། །
ས་འདི་རབ་ཏུ་གཡོ་བར་བྱེད། །ནགས་ཚལ་རྣམས་ཀྱང་རབ་ཏུ་སྐེམས། །རི་རྣམས་ཀུན་ནས་གཡོ་བར་བྱེད། །སྐྱེ་དགུ་འདི་དག་འཚེ་བྱེད་ཅིང་། །ཕན་ཚུན་ནས་ནི་འདུ་བ་དག །རིག་སྔགས་ཀྱིས་ནི་དྲངས་ནས་ལྷགས། །ཕྱག་
འཚལ་སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ནས་ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །འཇིག་རྟེན་མགོན་པོའི་སྤྱན་སྔར་རུ། །དེ་དག་ལྷགས་
པར་གྱུར་པ་དང་། །དེ་ནས་རྒྱལ་པོ་རྣམ་ཐོས་བུས། །འཇིག་རྟེན་མགོན་ལ་འདི་སྐད་གསོལ། །བདག་གིས་ཕྱོགས་ཆ་བྱང་ཕྱོགས་སུ། །རྒྱལ་པོའི་གནསུ་སྤྲུལ་པ་ནི། །ལྕང་ལོར་ལྡན་པ་ཡིད་དུ་མཆི། །
དེ་བས་བདག་ནི་ལྕང་ལོའི་བདག །རྒྱལ་པོའི་ཕོ་བྲང་ལྕང་ལོ་ཅན། །ལྷ་རྣམས་ཀུན་གྱིས་བསམ་པར་གྱུར། །ཕྱིར་ཤིན་དུ་མཐོན་པོ་ཅན། །རིན་ཆེན་ཀུན་གྱིས་བརྒྱན་པ་ལགས། །འཕང་དུ་དཔག་ཚད་བཅུ་དྲུག་
སྟེ། །གསེར་གྱི་རྒྱུ་ལས་བགྱིས་པ་ལགས། །ཕྱོགས་བཞི་ལྕོག་ནི་རེ་རེ་ལའང་། །གནོད་སྦྱིན་རྡོ་རྗེ་འཆང་བ་དག །ཀུན་ནས་རབ་ཏུ་གནས་པར་འགྱུར། །ལག་ན་མཚོན་ཆ་ལེགས་པར་སྤྲུལ། །རྒྱལ་པོའི་ཕོ་བྲང་དེ་ཡི་
སྒོ། །གཞི་པོ་གཏོད་པར་བགྱིས་པ་ནི། །གཅིག་ནི་གསེར་ལས་བགྱིས་པའི་སྒོ། །གཉིས་པ་དངུལ་ལས་བགྱིས་པ་སྟེ། །གསུམ་པ་ཤེལ་གྱི་སྒོ་མོ་ལགས། །གཞི་པ་གསེར་གྱི་རྣམ་པར་སྤྲས། །གྲོང་ཁྱིར་དེ་ཡི་ནང་དག་ན། །བསྐྱེད་མོས་ཚལ་གྱི་མེ་ཏོག་
97-1-77b


རྒྱས། །དེ་ཡི་ནང་ན་གཞལ་མེད་ཁང་། །རིན་ཆེན་བདུན་རྒྱུ་སྣ་ཚོགས་མཆིས། །རིན་ཆེན་སྣ་ཚོགས་ལྗོན་ཤིང་ཅན། །བྱ་བྲན་སྣ་ཚོགས་སྐད་ཀྱང་འབྱིན། །མེ་ཏོག་སྣ་ཚོགས་ལེགས་པར་བཀྲམ། །སྣ་ཚོགས་སྤོས་ཀྱིས་བྱུགས་པ་ལགས། །
གནོད་སྦྱིན་མོ་ནི་འཇོམ་མ་དང་། །གླུ་དང་རོལ་མོས་རབ་ཏུ་རྒྱན། །དཔལ་གྱི་དམ་པ་ཉམསུ་མྱོང་། །དེར་ནི་འབྱུང་པོའི་དཀྱིལ་འཁོར་དེར། །གང་དག་འཁོར་ཞིང་མཆིས་པ་དག །རྣམ་པའི་མཆོག་ཀུན་ལྡན་པ་སྟེ། །ཆོས་
འཚལ་བ་དང་ཆོས་སྤྱོད་པ། །སྲོག་ཆགས་རྣམས་ལ་འཚེ་མི་བགྱིད། །ཟས་དང་སྐོམ་གྱིས་མི་བྲེལ་ཏེ། །སྐྱེ་དགུ་མི་བཟད་གཞན་དག་ནི། །ལོང་སྤྱོད་ཆེན་པོ་ཚོལ་བགྱིད་ཅིང་། །ཕྱོགས་བཞི་ཀུན་ཏུ་རྣམ་པར་ལྟ། །གྲོང་ཁྱེར་སྒོ་
ཡི་གམ་ཡོ་དང་། །བཟའ་ཤིང་ར་བ་ནག་འཚལ་ན། །གནོད་སྦྱིན་སྲིན་པོ་འབྱུང་པོའི་ཚོགས། །བྱེ་བ་སྟོང་ཕྲག་བརྒྱ་མཆིས་པ། །དེ་དག་ཐམས་ཅད་མདོ་སྡེ་ཡི། །ཞགས་པས་དྲངས་ཏེ་བརླག་པར་བགྱི། །རྒྱལ་པོའི་ཕོ་བྲང་དབུས་
ན་ནི། །ཆོས་ཀྱི་རྒྱལ་པོའི་གནས་གྱུར་པ། །བསིལ་བའི་རྫིང་བུས་བསྐོར་བ་སྟེ། །ཙན་དན་ནག་ཀྱིས་འཁོར་བ་ལགས། །ཀུན་ནས་དཔག་ཚད་དྲུག་བཅུ་སྟེ། །ཁང་པ་རྩེགས་མ་སྤྲུལ་པ་དག །གཅིག་ནི་གསེར་ལས་བགྱིས་
པ་སྟེ། །གཉིས་པ་དངུལ་ལས་བགྱིས་པ་ལགས། །གསུམ་པ་བཻ་ཌཱུརྱ་ལས་བགྱིས། །བཞི་པ་གཙང་དང་ཤེལ་གྱི་རྒྱུ། །ལྔ་པ་མུ་ཏིག་དམར་པོ་སྟེ། །དྲུག་པ་རྡོ་ཡི་སྙིང་པོ་ལགས། །བདུན་པ་
སྤུག་ལས་བགྱིས་པ་སྟེ། །བརྒྱད་པ་རིན་ཆེན་བདུན་ལས་བགྱིས། །བུད་མེད་སྟོང་ཕྲག་རྒྱ་དག་ཀྱང་། །དེ་དག་རེ་རེ་ཀུན་ན་གནས། །ལྷབ་ལྷུབ་སྣ་ཚོགས་མཆོག་དག་དང་། །ཆ་བྱད་སྣ་ཚོགས་
མང་པོའི་བརྒྱན། །གླུ་དང་རོལ་མོ་སྣ་ཚོགས་དང་། །བཟོའི་གནས་ལ་མཁས་པ་མཆིས། །དེ་ལྟའི་རབ་ཏུ་དགའ་བ་ཡིས། །བདེ་ཞིང་ཚིམ་པའི་ཡིད་གྱུར་ཅིང་། །དེ་ན་བདག་ནི་དགུན་སྐྱེམས་དང་། །འདོད་པ་དག་གིས་རབ་མྱོས་པས། །བདག་གི་འཁོར་རྣམས་
97-1-78a


འཕྱན་བགྱིད་ཅིང་། །ཕྱོགས་བཅུ་དག་ཏུ་འཇིགས་པ་བསྐྱེད། །བུད་མེད་དག་དང་སྐྱེས་པ་དང་། །དེ་བཞིན་ཁྱེའུ་དང་བུ་མོ་དང་། །མངལ་ན་གནས་པའང་འཇིག་པར་བགྱིད། །དུད་འགྲོའི་བསྐྱེ་གནས་གཏོགས་པའང་འཚེ། །
སྐར་མ་དག་དང་ཉི་ཟླ་དང་། །གཏུམ་པའི་གཟའ་རྣམས་གནོད་པར་བགྱིད། །ལོ་ཏོག་ས་བོན་འབྲས་བུ་དང་། །མེ་ཏོག་སྨན་དང་ཟས་སྐོམ་དང་། །མི་རྣམ་ཀྱི་ནི་དཔལ་འཕྲོག་ཅིང་། །མཐོན་པོ་རྣམ་ཀྱང་དམའ་བར་བགྱིད། །འཇིག་རྟེན་དག་ན་ནོངས་
པ་རྣམས། །དམག་དང་ཐབས་མོ་ཤར་གཉེར་དང་། །ཚིག་གམ་ཞིག་གམ་གསད་ཕྱེ་བ། །དེ་ཀུན་འབྱུང་པོའི་རྣམ་པས་གྱུར། །སྦེད་ཅིང་སྟོན་པར་བགྱིད་པ་དང་། །བཟློག་པར་བགྱིད་ཅིང་རྒོད་པར་བགྱིད། །འཇིགས་པར་བགྱིད་ཅིང་ལྟ་བར་
བགྱིད། །དགྲར་འགྱུར་བ་ཡང་སྟོན་པར་བགྱིད། །སྡིག་པའི་རྨི་ལམ་མཐོང་བར་བགྱིད། །ཉལ་བ་དག་ལ་གནོད་པར་བགྱིད། །སྒོ་ནས་སེ་གོལ་སྒྲ་ཕྱུང་ཞིང་། །མི་སྙན་བརྗོད་དེ་ཟ་བར་བགྱིད། །མཛའ་བོ་གཉེན་
བཤེས་གཟུགས་དག་ཏུ། །གདའ་ཞིང་བཀའ་མཆིད་སྨྲ་བར་བགྱིད། །བུ་མོ་གདུག་གུའི་གཟུགས་དག་ཏུ། །འདོད་ལ་སྤྱོད་པ་དགའ་བར་བགྱིད། །ཉི་མ་སྐར་མའི་གཟུགས་དང་ནི། །ཟླ་བའི་གཟུགས་སུ་
གདའ་བར་བགྱིད། །རླུང་དང་སྐར་མདའི་ལྕེ་གཟུགས་སུ། །ཚེ་ལ་གནོད་པར་དེ་དག་གདའ། །སྐར་མའི་ཚོགས་དང་འདྲ་བ་དག །འཇིགས་པར་བགྱིད་པ་ཝ་དང་ཁྱིར། །རྣམ་པར་སྤྲུལ་ནས་ལྗོན་ཤིང་དང་། །མཆོད་
རྟེན་དག་གི་གནས་ན་གདའ། །སྐྱེས་པ་གཞོན་ནུའི་གཟུགས་མཛེས་པ། །འབར་ཞིང་ཤིང་རྟའི་སྒྲ་ཡང་འབྱིན། །གནས་རྣམས་དང་ནི་ཤུལ་དག་ཏུ། །རྣམ་པ་སྣ་ཚོགས་རྗེས་ཀྱང་སྟོན། །གྲོང་ཁྱེར་
དག་དང་ཁྱིམ་རྣམས་ཀྱི། །སྒོ་ཡང་གནོད་སྦྱིན་དེ་དག་འབྱེད། །སྲོག་དང་ལུས་ཀྱང་བླངས་བགྱིས་ཤིང་། །ལམ་ངན་ཀུན་ཏུ་སྐོར་བར་བགྱིད། །རྣམ་པ་སྣ་ཚོགས་གཟུགས་དག་དང་། །རྣམ་པ་སྣ་ཚོགས་སྒྲ་རྣམས་དང་། །རྣམ་པ་སྣ་ཚོགས་ནད་
97-1-78b


ཀྱིས་རྣམས། །ལུས་ལ་ན་བ་གནས་པར་སྟོན། །ནད་རྣམས་ཀུན་གྱི་མཚན་ཉིད་ཀྱང་། །ཕྱིན་ཅི་ལོགས་ཏུ་སྟོན་པར་བགྱིད། །ཇི་སྙེད་འཇིག་རྟེན་རང་བཞིན་དག །ཐམས་ཅད་ལོགས་པར་དེ་དག་སྟོན། །རིག་སྔགས་ཞག་པས་དྲང་
པས་ན། །དེ་དག་ཀུན་ཀྱང་འདིར་མཆིས་སོ། །དེ་ནས་རྒྱལ་པོ་རྣམ་ཐོས་བུ། །ལངས་ཏེ་ཐལ་མོ་རབ་སྦྱར་ནས། །ཞབས་ལ་འཁོར་ལོའི་མཚན་མངའ་བ། །གསེར་གྱི་མཆོད་སྡོང་འབར་བ་བཞིན། །འཇིག་རྟེན་སྣང་བར་མཛད་པ་པོ། །
ཐུབ་པ་ཆེན་པོ་མེ་དང་འདྲ། །གནོད་སྦྱིན་གསང་བསྔགས་མི་ཟད་ཅན། །སྟོང་ཕྲག་དྲུག་བཅུ་རྩ་བཞི་དག །བྱང་གིས་ཕྱོགས་ཆའི་ཕྱོགས་ན་གནས། །བྱང་ཕྱོགས་དག་ཏུ་གནོད་པར་བགྱི། །འཇིག་
རྟེན་མགོན་པོའི་སྤྱན་སྔར་ནི། །དེ་དག་ཆད་པ་བདག་གི་བཤད། །སྱཱད་ཡ་ཐེ་དན། ཁཌྒེ། ཁཌྒེ། ཁཌྒ། གརྦྷེ། བི་རྩ་ཀྵུ་ཎེ་ཙ་ཀྲ། རཱ་ཛ་ནེ། ཙནྡྲེ།  ཙ་བ་ལེ་བཱ་ཏཱ་ལེ། བྷཱི་མ་བར་བ་ཏེ། ཁ་རཱི་གྲེ་བྷ་ཀུ་ཊི་མུ་ཁེ་ལ་ཀ་རཱ་གྲེ། 
ཨེ་ཀཱ་ཀྵི། བད་ག་བ་ཏི། སཱ་རྃ་ག་བ་ཏི། མཱརྒ་བ་ཏེ། གརྒ་བ་ཏེ། ཙི་ཏྲ་བ་ཏི། ཙི་ཏྲ་ཀཱནྟི། བདག་བྱང་ཕྱོགས་སུ་དགེ་བར་གྱུར་ཅིག་སྭཱ་ཧཱ། །ཚངས་པ་དང་ནི་རྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུགས་ཆེ། །གནོད་སྦྱིན་སྡེ་དཔོན་ཐམས་
ཅད་དང་། །འཕྲོགས་མ་བུ་དང་བཅས་པ་ཡང་། །བདག་གིས་མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་གྱིས། །དེ་དག་གི་ནི་རྩོན་འགྲུས་དང་། །གཟི་རྗིད་དབང་ཕྱུག་སྟོབས་ཀྱིས་ཀྱང་། །ནད་རྣམ་
ཐམས་ཅད་བཅོམ་པར་གྱུར། །བདག་འཇིག་པ་དང་གནོད་པ་ཐམས་ཅད་ལས་དགེ་བར་གྱུར་ཅིག་སྭཱ་ཧཱ། ཕྱག་འཚལ་སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་
ནས་ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །རྒྱལ་ཆེན་ཡུལ་འཁོར་བསྲུང་བ་ཡང་། །ལངས་ཏེ་ཐལ་མོ་སྦྱར་བཏུད་ནས། །མེ་ཏོག་ཚོགས་ལྟར་རྒྱས་གྱུར་ཅིང་། །ཀ་ལ་བིང་ཀའི་སྒྲ་
97-1-79a


དབྱངས་ཅན། །ཁུ་བྱུག་དང་ནི་རྨ་བྱའི་སྒྲ། །རྔ་དང་འབྲུག་གི་སྒྲ་སྒྲོགས་པ། །ཐུབ་ཆེན་གནོད་སྦྱིན་སྲིན་པོ་དང་། །དྲི་ཟ་སྟོང་ཕྲག་དྲུག་བཅུ་བཞི། །ཤར་ཕྱོགས་ཆའི་ཕྱོགས་ན་གནས། །ཤར་ཕྱོགས་པ་ལ་གནོད་པར་བྱེད། །འཇིག་རྟེན་
མགོན་གྱི་སྤྱན་སྔར་ནི། །དེ་དག་ཆད་པ་བདག་གིས་བཤད། །སྱཱད་ཡ་ཐེ་དན། དྷ་ར་ཎི། དྷཱ་ར་ཎི། པྲ་དྷྭན་ས་ནི། བྷཉྫ་ནི། པྲ་བྷཉྫ་ནི། བེ་དྷ་མ་ནི། །ཀིམ་པུ་རུ་ཥི། ཤ་ཀ་ལེ། སཱ་རེ་ཐེ། སཱ་རེ་བ་ཏི། ཤུ་ལ་དྷ་རེ། །ཤུྰ་ལ་དྷཱ་རི་ཎི། ཤུད་དྷ་ཙ་ར་ཎི། གྷོ་ཤ་བ་ཏེ། ཤ་རཱ་གྲེ། ཤཱན་
ཏེ། བདག་ཤར་ཕྱོགས་སུ་དགེ་བར་གྱུར་ཅིག་སྭཱ་ཧཱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མ་བུ་དང་བཅས་པ་ཡང་། །བདག་གི་མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་
གྱིས། །དེ་དག་གི་ནི་བརྩོན་འགྲུས་དང་། །གཟི་རྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་བཅོམ་པར་གྱུར། །བདག་འཇིགས་པ་ཐམས་ཅད་དང་གནོད་པ་ཐམས་ཅད་ལས་དགེ་བར་གྱུར་ཅིག་སྭཱ་ཧཱ། ཕྱག་འཚལ་
སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ཏེ་ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །རྒྱལ་པོ་ཆེན་པོ་འཕགས་སྐྱེས་པོ། །ཐལ་མོ་སྦྱར་ཏེ་དེ་ནས་ལངས། །ཐམས་ཅད་
མཁྱེན་པ་ཐམས་ཅད་གཟིགས། །སྨྲ་བ་ཐམས་ཅད་རབ་འཇོམ་པ། །ཐེ་ཚོམ་ཐམས་ཅད་བཅོད་མཛད་པ། །འཇིག་རྟེན་ཐམས་ཅད་རྣམ་འདྲེན་པ། །གྲུལ་བུམ་ཡི་དགས་སྲུལ་པོ་དག །སྟོང་ཕྲག་དྲུག་བཅུ་རྩ་བཞི་རྣམས། །
ལྷོའི་ཕྱོགས་ཆའི་ཕྱོགས་ན་གནས། །དེ་ནས་བྱུང་ལ་གནོད་པར་བགྱིད། །འཇིག་རྟེན་མགོན་པོའི་སྤྱན་སྔར་ནི། །དེ་དག་ཆད་པ་བདག་གིས་བཤད། །སྱཱད་ཡ་ཐེ་དན། ཤཱན་ཏེ། ཤཱ་ར་བ་ཏེ། ཀཱན་ཏེ། ཀཱ་ར་བ་ཏི། ཀི་ཀ་སི། ཀཱིང་ཀ་ར་ཏེ། ཀིྃ་ཀ་སི་
ཀི་རིཎྚི། ཀིྃ་ར་ཏེ། ཀིྃ་བ་ཏེ། དྷ་ར་ཎི། དྷ་བ་ནི་བྷུ་མི་དྷཱ་རྀ་ཎི། ཧི་མ་བ་ཏེ། ཛྱོ་ཏིཥྩ་ར་ཎེ། གཱ་ལཱ་གྲི། བདག་ལྷོ་ཕྱོགས་སུ་དགེ་བར་གྱུར་ཅིག་སྭཱ་ཧཱ། ཚངས་པ་དང་ནི་རྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོགས་མ་བུ་
97-1-79b


དང་བཅས་པ་ཡང་། ། བདག་གི་མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་གྱིས། །དེ་དག་གི་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམ་ཐམས་ཅད་བཅོམ་པར་གྱུར། །བདག་འཇིག་པ་ཐམས་ཅད་དང་གནོད་པ་
ཐམས་ཅད་ལས་དགེ་བར་གྱུར་ཅིག་སྭཱ་ཧཱ། ཕྱག་འཚལ་སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ཏེ་ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །རྒྱལ་པོ་མིག་མི་བཟང་བ་ཡང་། །ཐལ་མོ་
སྦྱར་བ་བྱས་ནས་ལངས། །སྤྲིན་ཆེན་སེང་གེ་ཆེན་པོ་པ། །ཆེ་བའི་ཆེ་བ་རྒྱ་མཚོ་ཆེ། །གསུངས་བ་ཆེན་པོ་དཔའ་ཆེན་པོ། །གཡུལ་ཆེན་རབ་ཏུ་འཇོམ་མཛད་པ། །ཀླུ་དང་འདབ་བཟངས་གསང་བ་པོ། །སྟོང་ཕྲག་དྲུག་བཅུ་རྩ་བཞི་དག །ནུབ་ཀྱི་ཕྱོགས་
ཆའི་ཕྱོགས་ན་གནས། །དེ་ནས་འབྱུང་ལ་གནོད་པར་བགྱིད། །འཇིག་རྟེན་མགོན་པོའི་སྤྱན་སྔར་ནི། །དེ་དག་ཆད་པ་བདག་གིས་བཤད། །སྱཱད་ཡ་ཐེ་དན། དྷརྨྨ་བི་རཱ་གྲེ། བ་ལ་བ་ཏེ། བ་ལི་ནི། བི་ཤཱྃ་གེ། བི་ཙ་ཤི། སཱ་ག་རེ། ཁ་རི། ཀ་པ་ལི། ཙཎ་ཌ་ལེ། 
ཀི་རི་ཎྀ། ནཱིར་ཛ་ནེ། བིདྷ་ར་ཎི། བ་མ་ཏེ། ཨ་བཪྞཾ་བ་ཏེ། ཨ་རྩ་ལེ། བདག་ནུབ་ཕྱོགས་སུ། དགེ་བར་གྱུར་ཅིག་སྭཱ་ཧཱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུགས་ཆེ། །གནོད་སྦྱིན་སྡེ་དཔོན་ཐམས་ཅད་དང་། །ཕྲོག་
མ་བུ་དང་བཅས་པ་ཡང་། །བདག་གི་མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་གྱིས། །དེ་དག་གིས་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་བཅོམ་
པར་གྱུར། །བདག་འཇིགས་པ་དང་གནོད་པ་ལས་དགེ་བར་གྱུར་ཅིག་སྭཱ་ཧཱ། ཕྱག་འཚལ་སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ཏེ་ཕྱག་འཚལ་ལོ། །ཆོས་རྒྱལ་
ཁྱོད་ལ་ཕྱག་འཚལ་ལོ། །དེ་ནས་ཚངས་པ་ཚངས་ཆེན་ཡང་། །ཐལ་མོ་སྦྱར་བ་བྱས་ནས་ལངས། །ཚངས་པས་བཀྲུས་པ་དག་པ་པོ། །རིག་བྱེད་ཀུན་གྱི་ཕ་རོལ་ཕྱིན། །སྐྱེ་བོ་དགའ་མཛད་སྨན་པའི་
97-1-80a


རྗེ། །འཇིག་རྟེན་ཐམས་ཅད་གསོ་མཛད་པ། །གནོད་སྦྱིན་སྲིན་པོ་གང་གི་རྣམས། །ཕྱོགས་དང་ཕྱོགས་འཚམས་གནས་པ་དང་། །སའི་འོག་དང་བར་དང་སྟེང་། །ནམ་མཁའ་དག་ལ་གནས་པའི་གདོན། །
འཇིག་རྟེན་མགོན་གྱི་སྤྱན་སྔར་ནི། །དེ་དག་ཆད་པ་བདག་གིས་བཤད། །སྱཱད་ཐེ་དན། བྲཧྨེ། བྲཧྨ། གྷོ་ཥེ། བྲཧྨ་སྭ་རེ། བཛྲེ་བཛྲ་གྷོ་ཥེ། བཛྲ་དྷ་རེ། སྠི་ཏེ་སཱ་རེ། ཨ་ཙ་ལེ། ཨ་ར་ཎེ། ཨ་ཤ་ནི། ཨ་རཱ་ནི་ཏེ། ཤུ་རེ། བ་རཱ་གྲ། པྲཱབྟེ། སཱ་ག་
ར་བ་ཏེ། བདག་ཕྱོགས་ཐམས་ཅད་ཏུ་དགེ་བར་གྱུར་ཅིག་སྭཱ་ཧཱ། ཚངས་པ་དང་ནི་རྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོགས་མ་བུ་དང་བཅས་པ་ཡང་། །བདག་གི་
མེ་ཏོག་སྤོས་དག་དང་། །སྦྱིན་སྲེག་འདི་ནི་བླང་བར་གྱིས། །དེ་དག་གིས་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་བཅོམ་པར་གྱུར། །བདག་འཇིག་པ་དང་གནོད་
པ་ཐམས་ཅད་ལས་དགེ་བར་གྱུར་ཅིག་སྭཱ་ཧཱ། རླུང་ལས་གྱུར་དང་མཁྲིས་ལས་གྱུར། །བད་ཀན་ལས་གྱུར་འདུས་ལས་གྱུར། །ནད་རྣམས་ཐམས་ཅད་བཅོམ་པར་གྱུར། །བདག་འཇིག་པ་དང་གནོད་པ་ཐམས་ཅད་ལས་
དགེ་བར་གྱུར་ཅིག་སྭཱ་ཧཱ། ཕྱག་འཚལ་སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ཏེ་ཕྱག་འཚལ་ལོ། །ཆོས་རྒྱལ་ཁྱོད་ལ་ཕྱག་འཚལ་ལོ། །དེ་ནས་བཅོམ་ལྡན་འདས་འདི་
སྙམ་དུ་དགོངས་ཏེ། སངས་རྒྱས་བཅོམ་ལྡན་འདས་རྣམས་ནི་རྒྱལ་སྲིད་གཅིག་གི་ཕྱིར་འཇིག་རྟེན་དུ་བྱུང་བ་མ་ཡིན། སངས་རྒྱས་བཅོམ་ལྡན་འདས་རྣམས་ནི་གྲོང་ཁྱེར་དང་། གྲོང་རྡལ་དང་། ལྡོངས་དང་། གྲོང་དང་། ཁྱིམ་ནས་
སེམས་ཅན་གཅིག་གི་བར་གྱི་དོན་གྱི་ཕྱིར་འཇིག་རྟེན་དུ་བྱུང་བ་མ་ཡིན་གྱི། འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུ་དང་། 
97-1-80b


ལྷ་དང་། མི་དང་། ལྷ་མ་ཡིན་དུས་བཅས་པའི་དོན་དུ་སངས་རྒྱས་བཅོམ་ལྡན་འདས་རྣམས་འཇིག་རྟེན་དུ་བྱུང་སྟེ། དེ་ནས་དཔེར་ན་སྨན་པ་མཁས་པའི་མཆོག་ཏུ་ཕྱིན་པ། གསོ་བ་ལ་བརྩོན་པ། སྨན་པས་
ཤེས་པར་བྱ་བ་ཤིན་ཏུ་བསླབས་པ་རྒྱལ་པོ་གཅིག་གི་དོན་དུ་བྱུང་བ་མ་ཡིན། ཡུལ་གཅིག་གི་དོན་དུ་བྱུང་བ་མ་ཡིན་པ་ནས་སེམས་ཅན་ཅིག་གི་དོན་གྱི་བར་དུ་བྱུང་བ་མ་ཡིན་པ་དང་འདྲའོ། །དེ་ཅིའི་ཕྱིར་ཞེ་
ན། ཕྱོགས་གང་ན་སངས་རྒྱས་བཅོམ་ལྡན་འདས་བཞུགས་པའི་ཕྱོགས་དེ་དག་ཏུ་མི་རྣམས་དང་། མི་མ་ཡིན་པ་དེ་དག་ཀྱང་རྣམས་པར་འཚེ་བར་མི་བྱ་བར་སེམས་ཀྱིས། ང་ཡང་ཡངས་པ་ཅན་གྱི་གྲོང་ཁྱིར་
ཆེན་པོར་ག་ལ་བ་དེར་སོང་བ་དང་། ཡངས་པ་ཅན་གྱི་གྲོང་ཁྱེར་ཆེན་པོའི་སྐྱེ་བོའི་ཚོགས་ཕལ་པོ་ཆེའི་དོན་ཀྱང་བྱས་པར་འགྱུར། སངས་རྒྱས་ཀྱི་མཛད་པ་ཡང་བྱས་པར་འགྱུར་རོ་སྙམ་དུ་དགོངས་
ཏེ། དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ་ཆོས་གོས་དང་། ཤམ་ཐབས་བགོས་ནས་ལྷུང་བཟེད་བསྣམས་ཏེ། དགྶླེོྃ་སྟོང་ཉིས་བརྒྱ་ལྔ་བཅུ་དང་། ཐབས་ཅིག་ཏུ་བྱ་རྒོད་ཕུང་པོའི་རི་ལས་
ཤོད་ཏུ་གཤེགས་པ་དང་། མི་འཇེད་གྱི་བདག་པོ་ཚངས་པས་ལྷའི་གདུགས་ལྔ་བརྒྱ་ཙམ་བླངས་ཏེ། བཅོམ་ལྡན་འདས་ལ་གཡས་རོལ་ནས་ཕུལ་ལོ། །ཕུལ་ནས་བཅོམ་ལྡན་འདས་
ལ་རྡུལ་ཡབ་ཀྱིས་གཡོབ་ཅིང་འདུག་པར་གྱུར་ཏོ། །ལྷ་རྣམ་ཀྱི་དབང་པོ་བརྒྱ་བྱིན་གྱིས་ཀྱང་གདུགས་ལྔ་བརྒྱ་ཙམ་བླངས་ཏེ། བཅོམ་ལྡན་འདས་ལ་གཡོན་རོལ་ནས་ཕུལ་ལོ། །ཕུལ་ནས་
བཅོམ་ལྡན་འདས་ལ་རྡུལ་ཡབ་ཀྱིས་གཡོབ་ཅིང་འདུག་པར་གྱུར་ཏོ། །རྒྱལ་པོ་ཆེན་པོ་བཞིས་ཀྱང་རེ་རེ་ཞིང་ལྷའི་གདུག་ལྔ་རྒྱ་ཙམ་བླངས་ཏེ། བཅྡོཾས་ལ་སྣམ་ལོགས་ནས་ཕུལ་ནས་བཅོམ་ལྡན་འདས་ལ་རྡུལ་
97-1-81a


ཡབ་ཀྱིས་གཡོབ་ཅིང་འདུག་པར་གྱུར་ཏོ། །ལྷའི་བུ་དབང་ཕྱུག་ཆེན་པོ་དང་གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། གནོད་སྦྱིན་མཐུ་བོ་ཆེ་སུམ་བཅུ་རྩ་གཉིས་དང་། འཕྲོག་མའི་བུ་ལྔ་བརྒྱ་འཁོར་
དང་བཅས་པས་ཀྱང་སོ་སོ་ནས་ལྷའི་གདུགས་དག་བླངས་སྟེ། ཉན་ཐོས་རྣམས་ལ་ཕུལ་ནས་རྡུལ་ཡབ་ཀྱིས་གཡོབ་ཅིང་འདུག་པར་གྱུར་ཏོ། །དེ་ལྟ་བུའི་གྲགས་པ་དང་བཀུར་སྟི་དང་། བསྙེས་པར་བྱ་བ་བསྙེས་ནས། 
བཅོམ་ལྡན་འདས་དགེ་སློང་གིས་དགེ་འདུན་དང་ཐབས་གཅིགས་ཏུ་བྱ་རྒོད་ཕུང་པོའི་རི་ལས་ཤོད་ཏུ་བབས་ཏེ། ཡངས་པ་ཅན་གྱི་གྲོང་ཁྱེར་ཆེན་པོ་ག་ལ་བ་དེར་གཤེགས་པ་དང་། ཡངས་པ་ཅན་གྱི་ལི་ཙ་བི་རྣམས་
ཀྱིས་བཅོམ་ལྡན་འདས་ཤིན་དུ་མཛེས་པ་དད་པར་འོས་པ་དབང་པོ་ཞི་བ། ཐུགས་ཞི་བ་དབང་པོ་དུལ་བ་ཐུགས་དུལ་བ་དུལ་བ་དང་། ཞི་གནས་ཀྱིས་དམ་པའི་ཕ་རོལ་ཏུ་ཕྱིན་པ་བསྙེས་པ། དབང་པོ་དབེན་ཞིང་ཁུགས་
པ་གླང་པོ་ཆེན་པོ་ལྟ་བུ་ཤིན་དུ་དུལ་བ་མཚོའ་ལྟར་དང་ཞིང་རྙོག་པ་མེད་ལ་རྣམ་པར་གསལ་བ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་སྐུ་ལེགས་པར་བརྒྱན་པ། དཔེའ་བྱད་བཟང་པོ་བརྒྱད་བཅུ་ཤིན་
དུ་རྒྱས་པ་ཤིང་སཱ་ལའི་རྒྱལ་པོ་ལྟར་དེ་བཞིན་གཤེགས་པའི་སྐུ་རྣམ་པར་སྤྲས་པ་ཉི་མ་ལྟར་འོད་ཟེར་གྱིས་དྲ་བ་ཀུན་དུ་འགྱེད་པ་མཚན་མོ་མུན་པའི་ནང་ན་རི་བོའི་སྤོ་ལ་མེའི་ཕུང་པོ་རབ་ཏུ་འབར་བ་དང་འདྲ་ཞིང་བཅོམ་ལྡན་
འདས་གསེར་གྱི་རི་བོ་ཆེན་པོ་དམ་པ་ལྟར་ལྷམ་མེ་ལྷན་ནེ། ལྷང་ངེ་རྒྱང་རིང་པོ་ནས་གཤེགས་པ་མཐོང་ངོ་མཐོང་མ་ཐག་ཏུ་ཡངས་པ་ཅན་གྱི་ལི་ཙ་བྱི་རྣམས་བཅོམ་ལྡན་འདས་ལ་སེམས་དད་པར་གྱུར་ནས་སེམས་དད་པར་གྱུར་པ་དེ་
དག་བཅོམ་ལྡན་འདས་ཡངས་པ་ཅན་གྱི་གྲོང་ཁྱེར་ཆེན་པོར་ལམ་གང་ནས་གཤེགས་པའི་ལམ་དེ་ཕྱག་ཤིང་ཆག་ཆག་འདེབ་བྱི་དོར་བྱེད་མེ་ཏོག་ཐོར་དར་གྱི་ལྡ་ལྡི་དང་དྲིལ་བུ་དང་གདུགས་དང་རྒྱལ་ཚན་དང་བ་དན་སྣ་ཚོག་ཀྱི་རྒྱན་ཏེ་གདུག་
97-1-81b


སྤོས་སྣ་ཚོགས་ཀྱི་གདུག་ནས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱི་ཕྱག་གིས་མཐིལ་འཁོར་ལོ་རྩེབས་སྟོང་དང་ལྡན་པའི་རི་
མོ་ཅན་མེ་ཏོག་པད་མའི་སྙིང་པོ་ལྟར་འཇམ་པ་སྔོན་ལེགས་པར་སྤྱད་པའི་མཚན་གྱི་བརྒྱན་པ། གཞོན་ཤ་ཆགས་ཤིང་འཇམ་པ་ཉི་མའི་འོད་ཟེར་བས་ལྷག་པའི་འོད་དང་ལྡན་པ་འོད་ཟེར་བརྒྱ་ཕྲག་མང་པོ་ཀུན་དུ་ཕྲོ་བ་དྲི་མ་མེད་པའི་
ཕྱག་གིས་ལི་ཙ་བི་དག་གིས་མགོ་ལ་བྱུགས་ཏེ་རྗེས་སུ་བསྟན་པ་མཛད་དོ། །དེ་ནས་བཅོམ་ལྡན་འདས་ཡངས་པ་ཅན་གྱི་གྲོང་ཁྱེར་ཆེན་པོའི་ནང་དུ་གཤེགས་ནས་ནམ་གྱི་གུང་ཐུན་ལ་སྒོ་སྐྱེས་ཀྱི་གཞི་ཞབས་ཀྱི་མནན་ནས་
ཕྱོགས་བཞིར་གཟིགས་ཏེ་ཕྱག་གསེར་གྱི་མདོག་ཅན་བརྐྱང་ནས་ན་བཟའ་བླ་གོས་གསོལ་ཏེ་བཀའ་སྩལ་པ། ཕྱི་མའི་དུས་ན་དགེ་སློང་ངམ་དགེ་སྙེན་ནམ། དགེ་སྙེན་མ་འམ་གང་སུ་ཡང་རུང་བ་དག་དེ་བཞིན་གཤེགས་པའི་སྐུ་གདུང་
རིང་བསྲེལ་ཡུངས་འབྲུ་རྩམ་ལ་མཆོད་པ་བྱེད་པ་དང་། སྟོང་ཆེན་པོ་རབ་ཏུ་འཇོམས་པའི་རིགས་སྔགས་ཀྱི་བརྒྱལ་མོ་གདོན་ཐམས་ཅད་ལས་ཐར་བར་བྱེད་པའི་ཆོས་ཀྱིས་རྣམ་གྲངས་དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་གང་གའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཕྱག་རྒྱ་འདི་འཛིན་ཅིང་འཆང་བ་དང་། ཀློག་ཅིང་བསྟོན་པ་དང་། ཀུན་ཆུབ་པར་བྱེད་པ་དེ་དག་ལ་ཡམས་ཀྱི་ནད་དང་། འཇིགས་པ་དང་འཚེ་བ་དང་། 
ནད་འགོ་བ་དང་འཁྲུགས་པ་དང་། འཐབ་པ་དང་། རྩོད་པ་དང་འཆིང་བ་དང་། ཁ་མཆིས་དང་ཤགས་དང་། ཐ་ན་ཕྲ་མ་དང་སྡིག་པ་མི་དགེ་བའི་སྡུག་བསྔལ་བའི་ལས་ཀྱིས་མི་ཚུགས་ཤིང་། འཚེ་བར་བྱེད་པ་ཐམས་ཅད་ཀྱི་
མི་ཐུབ་པར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་མི་མཇེད་ཀྱི་བདག་པོ་ཚངས་པས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་སྟོང་ཆེན་པོ་རབ་ཏུ་འཇོམ་པ་ཞེས་བྱ་བའི་
97-1-82a


གསང་སྔགས་ཀྱི་རྒྱལ་མོ་གདོན་ཐམས་ཅད་ལས་ཐར་བར་བགྱིད་པའི་ཆོས་ཀྱི་རྣམ་གྲངས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་གཱའི་ཀླུང་གི་བྱེ་མ་སྙེད་རྣམས་ཀྱི་སངས་
རྒྱས་ཀྱི་ཕྱག་རྒྱ་དེ་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ་སྩལ་ཏོ། །ཚངས་པ་དེའི་ཕྱིར་ཁྱོད་ལེགས་པར་རབ་ཏུ་ཉོན་ལ་ཡིད་ལ་ཟུང་
ཤིག་དང་ངས་ཁྱོད་ལ་བཤད་དོ། །བཙུན་པ་དེ་བཞིན་ནོ་ཞེས་གསོལ་ནས་མི་མཇེད་ཀྱི་བདག་པོ་ཚངས་པ་བཅོམ་ལྡན་འདས་ཀྱིས་ལྟར་ཉན་པ་དང་དེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་སྟོ། །
སྱཱད་ཐེ་དན། ཨ་ཙ་ལེ། མ་ཙ་ལེ། སཱ་ར་མ་ཙ་ལེ། པྲ་ཀྲི་ཏི་བིརྞ་པྲ་ཀྲྀ་ཏི་ནོད་གྷོ་ཥེ། ས་མན་ཏ་མུ་ཁེ། སྠི་རེ་སྠཱ་པ་རེ་བི་གྷུཥྚེ། བི་གྷུཥྚ་ཤ་བ་དེ་པྲ་ག་ལ་ནི། སཱ་རང་ག་མི་བ་སཱི་ས་ར་སུ་ཏྲེ་རང་ག་བ་ཏེ། བ་ལེ་མ་ཧ་བ་ལེ་མ་ཧཱ་ནིར་བྷཱ་སེ་སྭ་ཧཱ། 
དེ་ལ་འདི་སྐད་ཅེས་བྱ་སྟེ། ལུས་སུ་གཏོགས་པ་དྲན་པ་དང་། ཞི་གནས་དང་ལྷག་མཐོང་དང་ཏིང་ངེ་འཛིན་གསུམ་དང་། རྫུ་འཕྲུལ་གྱི་རྐང་པ་བཞི་དང་། ཡང་དག་པར་སྤོང་བ་བཞི་དང་། དྲན་པ་ཉེ་བར་བཞག་པ་བཞི་
དང་བསམ་གཏན་བཞི་དང་། འཕགས་པའི་བདེན་པ་བཞི་དང་། དབང་པོ་ལྔ་དང་བསྟོབས་ལྔ་དང་། རྗེས་སུ་དྲན་པ་དྲུག་དང་བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་མཐར་
གྱིས་གནས་པའི་སྙོམས་པར་འཇུག་པ་དགུ་དང་། དེ་བཞིན་གཤེགས་པའི་བསྟོབས་བཅུ་དང་། རྣམ་པར་གྲོལ་བའི་སྐྱེ་མཆེད་བཅུ་གཅིག་དང་། རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་དང་། རྣམ་པ་བཅུ་
གཉིས་དང་ལྡན་པའི་ཆོས་ཀྱི་འཁོར་ལོ་དང་། དབུག་དབྱུང་བ་དང་རྔུབ་པ་རྗེས་སུ་དྲན་པ་རྣམ་པ་བཅུ་དྲུག་དང་། སངས་རྒྱས་ཀྱི་ཆོས་མ་འདྲེས་པ་བཅྭ་བརྒྱད་དང་ཡི་གེ་བཞི་བཅུ་རྩ་གཉིས་ཏེ་ཚངས་པ་དེ་ནི་སྟོང་ཆེན་པོ་རབ་ཏུ་
97-1-82b


འཇོམས་པ་ཞེས་བྱ་བའི་རིགས་སྔག་ཀྱི་རྒྱལ་མོ་གདོན་ཐམས་ཅད་ལས་ཐར་བར་བྱེད་པའི་མདོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་གཱའི་ཀླུང་གི་བྱེ་མ་སྙེད་རྣམས་ཀྱིས་
སངས་རྒྱས་ཀྱི་ཕྱག་རྒྱ་སྟེ། སངས་རྒྱས་བསྒྲུབས་པའོ་ཆོས་བསྒྲུབས་པའོ་དགེ་འདུན་བསྒྲུབས་པའོ། །ཚངས་པ་བསྒྲུབས་པའོ་དབང་པོ་བསྒྲུབས་པའོ། །འཇིག་རྟེན་སྐྱོང་བ་བསྒྲུབས་པའོ། །དབང་ཕྱུག་བསྒྲུབ་པའོ། །
བདེན་པ་བསྒྲུབ་པའོ་ལམ་བསྒྲུབས་པའོ། །རྟེན་ཅིང་འབྲེལ་བར་འབྱུང་བ་བསྒྲུབ་པའོ་ཟླ་བ་བསྒྲུབ་པའོ། །ཉི་མ་བསྒྲུབས་པའོ་བཟའ་བསྒྲུབ་པའོ། །རྒྱུ་སྐར་བསྒྲུབས་པའོ། །སྱཱད་ཐཱེ་དན། སཱ་ལེ་ཀ་སི་ནི། བེ་དྷ་ར་ནི་བ་རཱ་གྲ་སཱ་
རེ་ཨཱ་མཪྵ་ཎི་ཨ་མོ་གྷ་བ་ཏི། ས་ཙ་ནེ་ཀཱ་ལི་ན་ཀཱ་ལི་ཀཱ་ཤི་ཀ་པ་ཏི། བྷ་ར་ཎི་བྷ་ར་ཀ་ཤ་ཁེ་ས་མན་ཏ་པྲཱ་པཱི། སཱ་ར་པྲཱ་པྟེ། སྟམྦྷ་ནི། སྷམྦྷ་པྲཱ་པྟེ་བཛྲ་དྷ་རེ་སྭ་ཧཱ། དེ་ནས་བཅོམ་ལྡན་འདས་ཀྱི་དེའི་ཚེ་ཚིགས་སུ་བཅད་པ་འདི་
དག་བཀའ་སྩལ་ཏོ། །འཇིག་རྟེན་འདི་འམ་ཡང་དག་འདས་པ་དང་། །མཐོའ་རིས་དག་ན་རིན་ཆེན་མཆོག་ཡོད་པ། །དེ་བཞིན་གཤེགས་པ་ལྷའི་ལྷར་གྱུར་པ། །མི་ཡི་མཆོག་དང་འདིར་ནི་མཚུངས་པ་མེད། །དེ་བས་འདི་ནི་
རིན་ཆེན་མཆོགས་ཏུ་གསུངས། །བདེན་པ་དེ་ཡིས་འདིར་ནི་དགེ་བར་ཤོག །ཟད་པ་ཆགས་བྲལ་བདུད་རྩི་འདུས་མ་བྱས། །ཤེས་པས་ཤཱཀྱ་ཐུབ་དེས་རབ་ཏུ་ཕྱེ། །བདུད་རྩི་ཞི་བ་འདུས་བྱས་མ་ཡིན་པ། །ཆོས་དེ་དང་ནི་མཚུངས་
པ་གང་ཡང་མེད། །དེ་བས་འདི་ནི་རིན་ཆེན་མཆོག་ཏུ་གསྲུངས། །བདེན་པ་དེའི་འདིར་ནི་དགེ་བར་ཤོག །མཆོག་ཏུ་གང་འདོད་འཚུལ་བཞིན་རབ་བསྟན་པ། །སྟོན་པའི་རྣལ་འབྱོར་བླ་མེད་རྟག་སྒྲུབ་པ། །རྡོ་རྗེ་ལྟ་བུའི་མིག་གཉི་
ལམ་མཐོང་བ། །ཏིང་འཛིན་དེ་དང་མཉམ་པ་ཡོད་མ་ཡིན། །དེ་བས་འདི་ནི་རིན་ཆེན་མཆོག་ཏུ་གསུང་། །བདེན་པ་དེའི་འདིར་ནི་དགེ་བར་ཤོག །གང་ཟག་ཆེན་པོ་བརྒྱད་པོ་རབ་སྔགས་ཤིང་། །གང་ཟག་ཟུང་བཞིར་བརྗོད་པ་དེ་
97-1-83a


དག་ནི། །དྲང་སྲོང་ཆེན་པོ་གང་ཟག་མཚུངས་མེད་པ། །བདེ་བར་གཤེགས་པས་སྦྱིན་པའི་གནས་ཤེས་གསུང་། །དེ་ལ་བྱིན་ན་འབྲས་བུ་འཆེར་འགྱུར་ཏེ། །ཞིང་རབ་གཤིན་ལ་ས་བོན་བཏབ་པ་བཞིན། །འདི་ནི་དགེ་
འདུན་རིན་ཆེན་མཆོག་ཏུ་གསུངས། །བདེན་པ་དེའི་འདིར་ནི་དགེ་བར་ཤོག །གང་དག་བརྟན་པའི་ཡིད་ཀྱི་རབ་བརྩོན་ཞིང་། །གཽ་ཏ་མའི་སྟན་ལ་འཇུགས་བྱེད་ན། །དེ་དག་ཐོབ་ནས་བདུད་རྩི་འཇུག་ཐོབ་ཏེ། །མུན་པ་གསལ་ནས་
མྱ་ངན་འདས་ཐོབ་པ། །དེ་བས་དགེ་འདུན་རིན་ཆེན་མཆོག་ཏུ་གསུངས། །བདེན་པ་དེའི་འདིར་ནི་དགེ་བར་ཤོག །ལྟ་བ་འདི་ལ་སྦྱར་མ་ཐག་ཏུ་ནི། །འཇིག་ཚོགས་ལྟ་དང་ཚུལ་ཁྲིམས་བརྟུལ་ཞུགས་དང་། །ཐེ་རྩོམ་དང་ནི་ཉོན་
མོངས་གསུམ་པོ་དག །གཅིག་ཆར་སྤང་ཏེ་འཕགས་པའི་བདེན་མཐོང་བ། །དེས་ན་དགེ་འདུན་རིན་ཆེན་མཆོག་ཏུ་གསུང་། །བདེན་པ་དེའི་འདིར་ནི་དགེ་བར་ཤོག །ལུས་སམ་ངག་གམ་འོན་ཏེ་ཡིད་ཀྱིས་ཀྱང་། །སྡིག་པ་རྣམ་
གསུམ་ནམ་ཡང་མི་བྱེད་ཅིང་། །བློ་བུར་བྱས་ན་འང་འཆབ་པར་མི་བྱེད་ལ། །དེ་ལྟར་དེ་དག་ལྟ་བས་འཛིན་མི་བྱེད། །དེ་བས་དགེ་འདུན་རིན་ཆེན་མཆོག་ཏུ་གསུང་། །བདེན་པ་དེའི་འདིར་ནི་དགེ་བར་ཤོག །ཇི་ལྟར་དབང་པོའི་
སྡོང་པོ་སར་བཙུག་པ། །ཕྱོགས་བཞི་རླུང་རྣམ་ཀྱི་ནི་མི་གཡོ་ལྟར། །འཕགས་པའི་ལམ་གྱི་དམ་པ་མཐོང་བའི། །གང་ཟག་འཕགས་པའི་དགེ་འདུན་དེ་བཞིན་ནོ། །དེས་ན་དགེ་འདུན་རིན་ཆེན་མཆོག་ཏུ་གསུང་། །
བདེན་པ་དེའི་འདིར་ནི་དགེ་བར་ཤོག །ཤེས་རབ་ཟབ་མོ་ཤིན་ཏུ་བསྟན་པའི། །འཕགས་པའི་བདེན་པ་སུ་དག་རྣམ་སྒོམ་ཞིང་། །ལུས་ཀྱང་སྦྱིན་པར་ཡིད་ལ་བྱས་པ་ནི། །དེ་དག་འཇིག་པ་བརྒྱད་དང་ཕྲད་མི་འགྱུར། །
དེས་ན་དགེ་འདུན་རིན་ཆེན་མཆོག་ཏུ་གསུང་། །བདེན་པ་དེའི་འདིར་ནི་དགེ་བར་ཤོག །ཇི་ལྟར་མེ་ནི་རླུང་གིས་རབ་གཏོར་བ། །ལག་དུ་བླངས་ཏེ་བགྲངས་དུ་མེད་པ་ཉིད། །དེ་ལྟར་ཀུན་དུ་སྦྱོར་བ་རབ་བཏང་བ། །སངས་རྒྱས་སྲས་
97-1-83b


རྣམས་བསྟན་དུ་མེད་པར་འགྲོ། །དེས་ན་དགེ་འདུན་རིན་ཆེན་མཆོག་ཏུ་གསུངས། །བདེན་པ་དེའི་འདིར་ནི་དགེ་བར་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་འདིར་ནི་བདེ་གྱུར་ཅིག །སྟོན་མཆོག་དམ་པ་ལྷ་
མིས་མཆོད་འོས་པ། །སངས་རྒྱས་ཕྱག་འཚལ་དེང་འདིར་དགེ་བར་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་འདིར་ནི་བདེ་གྱུར་ཅིག །ཞི་བ་ཆག་བྲལ་ལྷ་མིས་མཆོད་འོས་པ། །ཆོས་
ལ་ཕྱག་འཚལ་དེང་འདིར་དགེ་བར་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་འདིར་ནི་བདེ་གྱུར་ཅིག །ཚོགས་ཀྱི་དམ་པ་ལྷ་མིས་མཆོད་འོས་པ། །དགེ་འདུན་ཕྱག་འཚལ་དེང་འདིར་དགེ་བར་
ཤོག །འབྱུང་པོ་གང་དག་འདིར་ནི་ལྷག་གྱུར་ཏེ། །ས་འམ་འོན་ཏེ་བར་སྣང་འཁོད་པ་དག །སྐྱེ་དགུ་རྣམས་ལ་རྟག་ཏུ་བྱམས་བྱེད་ཤོག །ཉིན་དང་མཚན་དུ་ཆོས་ཀྱང་སྤྱོད་པར་ཤོག །འདི་ནི་རྒྱལ་བ་དགྲ་རྒྱལ་བདེན་གང་གིས། །ཤིན་
དུ་བདེན་པ་བསུངས་ཞིང་བརྫུན་མེད་པ། །བདེན་པ་དེའི་འདིར་ནི་དགེ་བར་ཤོག །དེ་ཀུན་འཇིག་པ་ཆེ་ལས་ཐར་གྱུར་ཅིག་སྭ་ཧཱ། སྱཱད་ཡ་ཐེ་དན། དྷི་རི་དྷི་དྷི་རེ་བ་ལི་ནིར་གྷོ་ཥེ། བ་ལི་སྭ་རེ་སཱ་ར་བ་ཏེ་སྟུ་ཏི་པྲ་སྟུ་ཏི་པྲ་པྟ། 
ཨ་ར་བེ་ཨ་ར་ནིར་གྷོ་ཥེ་ཨཱ་ར་བ་ཏེ་ཨ་ཙྱུ་ཏེ་བ་ལ་བ་ཏེ་ཤུ་ར་པྲཱ་པྟེ་སཱ་རྃ་ག་མི་སུ་རྱ་བ་ལེ་སཱུ་རྱ་ནིར་གྷོ་ཥེ་སྭ་ཧཱ། ཚངས་པ་སྟོང་ཆེན་པོ་རབ་ཏུ་འཇོམ་པ་ཞེས་བྱ་བའི་རིགས་སྔག་ཀྱི་རྒྱལ་མོ་གདོན་ཐམས་ཅད་ལས་རབ་
དུ་ཐར་བར་བྱེད་པ་འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཕྱག་རྒྱའོ། །སངས་རྒྱས་ཀྱི་གནས་སོ་སོ་དགེ་འདུན་གྱི་གནས་སོ་ཚངས་
པའི་གནས་སོ། །དབང་པོའི་གནས་སོ་འཇིག་རྟེན་སྐྱོང་བའི་གནས་སོ། །དབང་ཕྱུག་གི་གནས་སོ་དྲང་སྲོང་ཆེན་པོའི་གནས་སོ་འབྱུང་པོའི་གནས་སོ་མི་གིས་གནས་སོ། །རྒྱུའི་གནསོ། །ཕྱོག་ཀྱི་གནསོ། །
97-1-84a


བསྟན་པའི་གནས་སོ། །སངས་རྒྱས་རྣམ་ཀྱི་མངོན་པར་རྫོགས་པར་སངས་རྒྱས་པའོ་ཉན་ཐོས་རྣམ་ཀྱི་རིགས་པའོ། །ཚུངས་པའི་པའི་བྱིན་ཀྱི་བརླབས་པའོ་དབང་པོ་རབ་ཏུ་བསྔག་པའོ་འཇིག་རྟེན་སྐྱོང་བ་རྣམ་
ཀྱི་མཆོད་པའོ། །དབང་ཕྱུག་གིས་ཕྱག་བྱས་པའོ། །ལྷ་ཐམས་ཅད་ཀྱི་ཀུན་མཆོད་པའོ། །རྣལ་འབྱོར་སྤྱོད་པ་རྣམ་ཀྱི་བསྔག་པའོ། །མཁས་པ་རྣམ་མངོན་པར་དགའ་བར་གྱུར་པའོ། །དྲང་སྲོང་རྣམ་ཀྱི་རབ་ཏུ་
སྔགས་པའོ། །ཚངས་པ་རྣམས་ཀྱི་རབ་ཏུ་བརྒྱན་པའོ། །ལྷ་རྣམ་ཀྱི་མངོན་པར་སྟོད་པའོ། །ཁྲུ་བྱེད་པ་རྣམ་ཀྱིས་བསང་བའོ། །རིགས་བཞིའི་འཇིག་རྟེན་གྱི་དགའ་བར་བྱས་པའོ། །སངས་རྒྱས་ཐམས་ཅད་ཀྱི་སྤྱོད་ཡུལ་
ལོ། །རང་སངས་རྒྱས་རྣམ་ཀྱི་བསྐྱེད་མོས་འཚལ་ལོ། །དྲང་སྲོང་རྣམ་ཀྱི་གནས་སོ། །ཉན་ཐོས་རྣམ་ཀྱི་མྱ་ངན་ལས་འདས་པའོ། །རྣལ་འབྱོར་སྤྱོད་པ་རྣམ་ཀྱི་གནས་སོ། །བྱང་ཆུབ་ཀྱི་ཕྱོགས་ཀྱི་ཆོས་རྣམ་ཀྱིས་འབྱུང་
གནས་སོ། །ཉོན་མོངས་པ་རྣམ་འཇོམ་པའོ། །བག་ལ་ཉལ་གྱིས་ཟུག་རྔུ་རྣམ་འབྱིན་པའོ། །འཕགས་པའི་ལམ་ཀུན་དུ་སྟོན་པའོ། །ཐར་པའི་སྒོ་རྣམ་འབྱེད་པའོ་འཇིག་ཚོགས་ལ་བལྟ་བ་རྣམ་འཇིག་པར་བྱེད་པའོ། །ང་རྒྱལ་གྱི་
རི་རབ་ཏུ་བརྙིལ་བར་བྱེད་པའོ། །འཁོར་བའི་རྒྱ་མཚོའ་སྐེམ་པའོ། །འཁོར་བའི་རྒྱ་མཚོའ་ལྷུང་བའི་སེམས་ཅན་ཐམས་ཅད་སྒྲོལ་བའོ། །བདུད་ཀྱི་ཞགས་པ་གཅོད་པའོ་བདུད་ཀྱི་འཁོར་སྐྲག་པར་བྱེད་པའོ། །བདུད་ཀྱི་མཆིལ་པ་འདོར་
བའོ། །ཉོན་མོངས་པའི་གཡུལ་ལས་སྒྲོལ་བའོ། །མྱ་ངན་ལས་འདས་པའི་གྲོང་ཁྱེར་དུ་འཇུག་པར་བྱེད་པའོ། །འཁོར་བའི་ཁྱིམ་ནས་འབྱུང་བར་བྱེད་པའོ། །སྱཱད་ཡ་ཐེ་དན། ཁཌྒེ་ཁཌྒེ་ཁཌྒེ་གོ། ཨུ་ཤོ་དྷ་ནེ་སཱ་ར་ཐི་པྲ་བྷེ་དེ་བི་པུ་ལ་པྲ་བྷེ་སྃ་
ཀཪྠ་ཎི་བི་ཀཪྠ་ཎི་བི་ཤ་གྲ་བ་ཏེ་ཤུད་དྷ་སཱ་དྷ་ནི། བ་རུ་ཎ་བ་ཏེ་བཱ་ས་བེ་བྷུ་ཥེ་ནེ་བེ་སྃ་ག་མེ་པ་ཤུ་པ་ཏི་པུསྤ་གརྦྷེ། ། བདག་དང་སེམས་ཅན་ཐམས་ཅད་འཇིག་པ་དང་ཉེ་བར་འཚེ་བ་དང་ངལ་བ་ཐམས་ཅད་ལས་བདེ་ལེགས་སུ་གྱུར་ཅིག་སྭ་ཧཱ། 
97-1-84b


སྟོང་ཆེན་པོ་རབ་ཏུ་འཇོམ་པ་ཞེས་བྱ་བའི་རིགས་སྔགས་ཀྱི་རྒྱལ་མོ་གདོན་ཐམས་ཅད་ལས་ཐར་བར་བྱེད་པའི་མདོ་སྡེ་འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་
ཀྱི་ཕྱག་རྒྱ་སྟེ། འདི་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཕྱག་རྒྱས་བཏབ་པ་སྟེ། མྱ་ངན་ལས་འདས་པའི་གྲོང་ཁྱེར་བླ་ན་མེད་པར་ཞུགསོ། །དེའི་དོན་གྱི་ཕྱིར་སྔོན་མངོན་པར་རྫོགས་པར་སངས་རྒྱས་པའི་ཡང་དག་པར་
རྫོགས་པའི་སངས་རྒྱས་དང་རང་སངས་རྒྱས་རྣམས་དང་ཉན་ཐོས་རྣམས་དང་ཕ་མ་དང་སྦྱིན་གནས་དང་བླ་མ་ལྟ་བུ་རྣམས་ལ་བསྙེན་བཀུར་ཏོ། །ཚངས་པར་སྤྱོད་པ་སྤྱད་དོ་ཚུལ་ཁྲིམས་བསྲུངསོ་སྦྱིན་པ་བྱིན་ནོ། །སྙིང་རྗེའི་ཕ་རོལ་ཏུ་ཕྱིན་པ་ཡོངས་
སུ་བསྐངསོ་བྱང་ཆུབ་ཐོབ་པར་བསྒྲུབསོ་བདུད་ཕམ་པར་བྱས་སོ་དེ་ནས་མི་མཇེད་གྱི་བདག་པོ་ཚངས་པ་དང་ལྷ་རྣམ་ཀྱི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་དག་གིས་སྐད་ཅིག་དང་བློ་གྲོས་གཅིག་དང་དབྱངས་གཅིག་གིས་བཅོམ་
ལྡན་འདས་ལ་ཕྱག་འཚལ་ནས་གསོལ་པ་ཀྱེ་མ་རིགས་སྔགས་རིགས་སྔགས་ཆེ། །སྟོང་ཆེན་རབ་ཏུ་འཇོམ་བྱེད་པ། །སངས་རྒྱས་ཕྱག་རྒྱ་དེའི་ནི། །ཕྱོག་བཞིའི་སེམས་ཅན་ཐམས་ཅད་བསྲུངས། །ཕྱག་རྒྱ་གང་གིས་བཏབ་གྱུར་ན། །འབྱུང་པོ་
ཐམས་ཅད་སྐྲག་བགྱིད་པ། །སྟོང་ཆེན་རབ་ཏུ་འཇོམས་པའི་མདོ། །ཕྱག་རྒྱ་བདག་ཅག་སྩལ་བར་བགྱི། །མི་གང་རབ་ཏུ་སྡང་བ་དང་། །བསྟན་པ་འདི་ལ་མ་དད་པ། །དེ་དག་ཚངས་པས་སྤྲུལ་པ་ཡི། །རིགས་སྔགས་ཆད་པས་གཅད་པར་བགྱི། །རྒྱ་
བྱིན་གྱི་ནི་སྤྱི་བོ་བླངས། །འཇིག་རྟེན་སྐྱོང་བས་རྒྱས་བཏབས་པོ། །སྱཱད་ཡ་ཐེ་དན། ཀ་ལི་གི་བྷ་ར་དེ་ཛཽ་ཏ་གྲེ་ཛཱ་མ་ནི་སི་ཧཱ་པ་སི་དེ་སཱ་རཱ་གྲ་པྲཱ་པྟེ་ཧྃ་ས་གཱ་མི་ནི་མ་ལེ་ནི། ཧུ་ལེ་སི་ཧུ་ལེ་སི་ཧུ་ལི་སི་ཧུ་ལེ་མེ་ཧ་ཧམ་ཧ་ཧམ་སུ་ད་མ་ནི་བ་རཱ་གྲ་བ་ཏེ། 
ཧསྟེ་ནི་ནེ་བ་ར་མི་ཏ་ཙཎྚ་ལེ་ཙ་ར་མི་ཙ་རཱ་མེ་ཙ་རཱ་ཙ་རཱ་རེ་སྭ་ཧཱ། སྟོང་ཆེན་པོ་རབ་ཏུ་འཇོམ་པ་ཞེས་བྱ་བ་རིགས་སྔག་ཀྱི་རྒྱལ་མོ་འདི་བཤད་པའི་ཚེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་དུ་གཡོས་རབ་ཏུ་
97-1-85a


གཡོས་ཀུན་དུ་གཡོས་ཀུན་དུ་རབ་ཏུ་གཡོས། ཕྱོག་བཞིའི་གནོད་སྦྱིན་དང་སྲིན་པོ་ཤ་ཟ་བ་རྣམ་ཀྱི་སྒྲ་སྐད་དྲག་པོ་ཕྱུང་བ། ཀྱེ་མའོ་སྡུག་བསྔལ་ཀྱེ་མའོ་བརླག་བདག་ཅག་འབྱུང་པོའི་ཚོགས་ཕུང་པོ། །འབྱུང་པོའི་ཚོགས་ནི་རབ་ཏུ་ཕུང་། །
བདག་ཅག་རྟག་ཏུ་དབང་གིས་ཁྲིད། །སྲོག་ཆགས་འབྱུང་པོ་ཐམས་ཅད་ནི། །དེ་རིང་དགྲར་ཅེས་དབང་མེད་དོ། །དེ་དག་ས་ལ་འཁོད་ནས་ནི། །ཞུམ་ཞིང་རྣམ་པར་ཞུམ་གྱུར་ནས། །འགྲེ་ཞིང་ལྡོག་པར་རབ་ཏུ་བྱེད། །དེ་ནས་བཅོམ་ལྡན་འདས་ཀྱིས་ས་གཞི་རྡོ་རྗེར་
མངོན་པར་སྤྲུལ་པ་དང་། དེ་དག་ཀྱང་ཕྱོག་བཞིར་བྱེར་རོ། །དེ་ནས་རྒྱལ་པོ་ཆེན་པོ་བཞི་ཕྱོག་བཞིར་མི་ལྕེའི་ཕུང་པོ་ཆེན་པོ་མངོན་པར་སྤྲུལ་པ་དང་དེ་དག་ནམཁའ་ལ་ཀུན་ཏུ་རྒྱུག་གོ། དེ་ནས་མི་མཇེད་ཀྱི་བདག་པོ་ཚངས་པས་ནམཁའ་ལྕགསུ་མངོན་པར་སྤྲུལ་པ་དང་། 
དེ་དག་ཤིང་ཏ་ལ་བདུན་རྩམ་ནས་ནམཁའ་ལ་ཀུན་ཏུ་རྒྱུག་གོ། དེ་ནས་ལྷ་རྣམས་ཀྱི་དབང་པོ་རྒྱ་བྱིན་གྱིས་རལ་གྲི་དང་། མདའ་དང་མདུང་ཐུང་དང་། མདུང་དང་མདའ་བོ་ཆེ་དང་། ཤིང་ལྗོན་པ་དང་རིའི་ཆར་མངོན་པར་ཕབ་བོ། །དེའི་ཚེ་གནོད་སྦྱིན་ལྔ་སྟོང་མི་མཇེད་
ཀྱི་འཇིག་རྟེན་གྱི་ཁམསུ་ཀུན་ནས་འདུས་པ་རྣམས་རིགས་སྔག་ཀྱི་དམོད་པས་བཅོམ་སྟེ། རིམས་ནད་ཀྱིས་བཏབ་ནས་མྱོས་ཏེ་རྨྱེ་ཞིང་བཅོམ་ལྡན་འདས་ཀྱི་ཞབས་གཉིས་ལ་བཏུགས་ཏེ་གསོལ་པ། དགེ་སྦྱོང་གཽ་ཏ་མ་ནི་སེམས་ཅན་ཐམས་ཅད་ལ་
ཕན་པ་དང་། ཐུགས་བརྩེ་བ་ཅན་ལགས་ཀྱིས་དགེ་སྦྱོངས་གཽ་ཏ་མས་བདག་ཅག་བསྐྱབ་ཏུ་གསོལ། དེ་ནས་བཅོམ་ལྡན་འདས་ཀྱིས་གསང་བ་དེ་དག་ལ་བྱམས་པས་ཁྱབ་པར་མཛད་ནས་བསླབ་པའི་བཞི་འཛིན་དུ་བཙུད་དོ། །བདག་ཅག་ཕྱག་
རྒྱ་སྤོང་གྱུར་ན། །མ་བསད་པ་ཡི་འགྲོ་གང་དང་། །ཕ་བསད་པ་ཡི་འགྲོ་གང་དང་། །དགྲ་བཅོམ་པ་ཡང་གསོད་གང་དང་། །དགེ་འདུན་དབྱེན་བགྱིད་འགྲོ་གང་དང་། །རྫོགས་སངས་རྒྱས་ལ་སྡང་སེམས་ཀྱིས། །སྐུ་འཚལ་ཕྱུང་བ་བགྱིད་པའི། །འགྲོ་བ་གང་ལགས་དེར་མཆིའོ། །
ཨརྫ་ཀའི་དོག་པ་ལྟར། །མགོ་ནི་འཚལ་པ་བདུན་འགས་ཤིང་། །གནོད་སྦྱིན་ནད་ཀྱི་བཏབ་པ་དང་། །བདག་ལུས་ཤ་བཀྲ་འབྱུང་བར་ཤོག །གང་འདི་རྒྱལ་བས་གསུངས་པའི་མདོ། །སྟོང་ཆེན་རབ་ཏུ་འཇོམ་པའི། །རིགས་སྔགས་རྒྱལ་ལས་འགལ་བགྱིས་ན། །
97-1-85b


བདག་ཅག་འདོད་བཞིན་མི་འགྱུར་རོ། །དེའི་ཚེ་གྲོང་ཁྱེར་ཆེན་པོ་ཡངས་པ་ཅན་ན་ཡམས་ཀྱི་ནད་དང་འཇིག་པ་དང་གནོད་པ་དང་། ནད་འགོ་བ་དང་འཁྲུགས་པ་ཐམས་ཅད་རྒྱུན་ཆད་པར་གྱུར་ཏོ། །གནོད་སྦྱིན་དང་སྲིན་པོ་དང་མི་དང་མི་མ་ཡིན་པ་རྣམ་ཀྱང་རང་རང་གི་སྤྱོད་
ཡུལ་ལས་འདས་སོ། །ངང་པ་དང་ནེ་རྩོ་དང་། རི་སྐེགས་དང་། ཁུ་བྱུག་དང་རྨ་བྱ་དང་ངུར་པ་དང་། ཤང་ཤང་ཏེའུ་དང་། བྱའི་ཚོགས་རྣམ་ཀྱང་སྒྲ་སྙན་པ་འབྱིན་ཏོ། །མི་འམ་ཅི་རྣམས་ནི་ལྷའི་བུ་མོ་བཞིན་དུ་ལུས་ལ་གནོད་པ་མེད་དོ། །རིན་པོ་ཆེའི་ཆ་བྱད་རྣམ་ཀྱང་
མ་བཀྲོལ་བར་འཁྲོལ་ལོ། །རྔ་བོ་ཆེ་དང་དུང་དང་། རྫ་རྔ་དང་རྔ་བྲན་དང་པི་བང་དང་། གླིང་བུ་རྣམས་ཀྱང་ཇི་ལྟར་གནས་སུ་བཀོད་པ་བཞིན་དུ་སྒྲ་བྱུང་ངོ་། །བལ་པོ་སེའུ་དང་བེལ་བ་དང་། སྐྱུ་རུ་ར་དང་ནྱ་གྲོ་དྷ་དང་བྱང་ཆུབ་ཀྱི་ཤིང་དང་། སྤྲེའུ་གནས་དང་བླཀྵ་
ཤ་དང་ཨུ་དུམ་བ་ར་དང་སཱ་ལ་དང་། ཏ་མ་ལའི་ཤིང་ལྗོན་པ་རྣམ་ཀྱང་དྲི་རབ་ཏུ་འབྱིན་ཏོ། །ལྷ་བརྒྱ་སྟོང་དག་གིས་ཀྱང་ཨ་ལ་ལ་ཞེས་བྱ་བའི་སྒྲ་ཕྱུང་སྟེ། བར་སྣང་ལས་མེ་ཏོག་གི་ཆར་མངོན་པར་ཕབ་བོ། །མི་མ་ཡིན་པའི་དྲི་དག་ཀྱང་འཇིག་རྟེན་དུ་བྱུང་
ངོ་། །དེ་ནས་རྒྱལ་པོ་ཆེན་པོ་བཞིས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གང་ལ་ལ་ཞིག་གིས་བསླབ་པའི་བཞི་ཡོངས་སུ་གཟུང་སྟེ། གོས་
ངུར་སྨྲིགས་བགོས་ནས་སྟོང་ཆེན་པོ་རབ་ཏུ་འཇོམས་པའི་མདོ་སྡེའི་རྒྱལ་པོ་གདོན་ཐམས་ཅད་ལས་ཐར་བར་བྱེད་པ། སངས་རྒྱས་ཀྱི་ཕྱག་རྒྱའི་ཆོས་ཀྱི་རྣམས་གྲངས་འདི་བླངས་ཤིང་གཟུང་སྟེ། 
བཀླགས་ཤིང་བཤད་ལ་ཀུན་ཆུབ་པར་བགྱིས་ཤིང་ཡི་གེར་བྲིས་ནས་མདུད་པ་བོར་ཏེ་འཆང་ན། དེ་ལ་ཡམས་ཀྱིས་ནད་དང་། འཇིགས་པ་དང་གནོད་པ་དང་ནད་འགོ་བ་དང་། འཁྲུགས་པ་དང་། ཁྲག་ཁྲུག་དང་། འཐབ་མོ་དང་། 
བཅིང་བ་དང་། རྩོད་པ་དང་། འགྱེད་པ་ནས་ཕྲ་མའི་བར་གྱི་སྡིག་པ་མི་དགེ་བའི་ཆོས་རྣམས་ཀྱིས་མི་ཚུགས་པར་འགྱུར་ལགསོ། །རྣམ་པར་འཚེ་བ་ཐམས་ཅད་ལས་རྒྱལ་བར་འགྱུར་ལགསོ། །ཡུལ་འཁོར་འཚམས་གཅད་པར་
97-1-86a


འཚལ་བ། ཁྲུས་བགྱིས་པ། ཟས་དཀར་གསུམ་འཚལ་བ། ཟས་ངན་པ་རྣམ་ལྔ་སྤངས་པ། མིའི་བསླབ་པའི་གཞི་ཐམས་ཅད་ཡོངས་སུ་བཟུང་བ། སེམས་ཅན་ཐམས་ཅད་ལ་སེམས་སྙོམས་པ། ཤིན་
དུ་བརྒྱན་པ། གོས་དང་། རྒྱན་དང་ལྡན་པ་དེས་གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། སུམ་མདོ་དང་། ཁྱིམ་རྣམས་ཉལ་ཉིལ་གྱི་ཕུང་པོ་མ་མཆིས་པར་བགྱིས་ཏེ། རྒྱལ་པོའི་ཕོ་བྲང་འཁོར་གྱི་དབུས་གྱི་
དོག་ས་རྣམས་སུ་མེ་ཏོག་སིལ་མ་བཀྲམ་ལ། སྤོས་སྣ་ཚོགས་ཀྱིས་རབ་ཏུ་བདུག་པར་བགྱིའོ། །ཕྱོགས་བཞིར་བུ་མོ་ཤིན་དུ་ཁྲུས་བགྱིས་པ་བརྒྱན་པ། ལག་ན་མཚོན་ཐོགས་པ་བཞི་དང་། དྲིལ་བུ་བཞི་དང་། རིན་པོ་ཆེའི་སྣོད་
བཞི་བཞག་གོ། སྔ་དྲོའི་དུས་ཀྱི་ཚེ་གདུགས་ཤར་བ་དང་། རིག་སྔགས་བཀླག་པར་བགྱི་སྟེ། མདོ་སྡེ་བཟླས་ཤིང་བཀླག་པར་བགྱིའོ། །ཡི་གེར་བྲིས་ཏེ་མཆོད་རྟེན་ཆེན་པོ་དང་། ཤིང་ལྗོན་པ་ཆེན་པོ་དང་། རྒྱལ་མཚན་ཆེན་པོའི་
རྩེ་མོ་ལ་བསྟོད་དེ་བཏགས་ལ། མེ་ཏོག་སྣ་ཚོགས་དང་། སྤོས་སྣ་ཚོགས་དག་གིས་དགུང་ཟླ་ཕྱེད་ཀྱི་བར་དུ་མཆོད་པར་བགྱིའོ། །གདུགས་རེ་རེ་ཞིང་རིགས་སྔགས་ལན་རེ་བཀླག་པར་བགྱིའོ། །དེ་ལྟར་ན་ཡུལ་འཁོར་ཡོངས་སུ་
ཐར་བར་བགྱུར་རོ། །དེ་ལྟར་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། ཕོ་བྲང་འཁོར་དང་། གནས་དང་། གཙུག་ལག་ཁང་དང་། ཁྱིམ་དང་། ཞིང་དང་། ལས་ཁང་དང་། ཤིང་ལྗོན་པ་དང་། འབྲས་
བུ་དང་། ནེའུ་སིང་དང་། ཀུན་དགའ་ར་བ་དང་། གནག་ལྷས་དང་། ཕྱུག་ལྷས་རྣམས་ཉལ་ཉིལ་མ་མཆིས་པར་བགྱིས་ཏེ། སེང་ལྡེང་དང་། རྒྱ་ཤུག་གི་ཞུགས་གཏམས་ལ། དོག་ས་ལ་མེ་ཏོག་སིལ་མ་བཀྲམ་སྟེ། སྒོ་གང་
གཡས་གཡོན་ནས་དྲི་སྣ་ཚོགས་ཀྱིས་གདུགས་ལ། ས་བོན་ཐམས་ཅད་མར་གྱིས་བསྐུས་ཏེ་ཕྱོགས་བཞིར་གཏོར་བར་བགྱི། ཆབ་སྒོར་ཚོན་སྐུད་སྣ་ཚོགས་བྲེ་བར་བགྱིའོ། །དུད་འགྲོའི་སྐྱེ་གནས་སུ་གྱུར་པ་དག་ནི་བཏོན་ལ་སླར་ཡང་
97-1-86b


གཟུད་པར་བགྱིའོ། །རིག་སྔགས་ཀྱང་བཀླག་པར་བགྱིའོ། །ཡི་གེར་བྲིས་སམ། མདུད་པ་མདུད་དེ་མཐོན་པོའི་ཁར་བཏགས་ལ་མཆོད་པར་བགྱིའོ། །ནད་པའི་མདུན་དུ་སངས་རྒྱས་ཀྱི་སྐུ་གཟུགས་སམ། སངས་རྒྱས་ཀྱི་རིང་བསྲེལ་ལམ་
ཚངས་པའི་གཟུགས་སམ། བརྒྱ་བྱིན་གྱི་གཟུགས་སམ། རྒྱལ་པོ་ཆེན་པོ་བཞིའི་གཟུགས་ཁྲིའུ་འམ། ཟ་མ་ཏོག་གི་སྟེང་དུ་བཞག་སྟེ། ཕྱག་རྒྱ་བཞི་བགྱིས་ལ་བཞག་པར་བགྱིའོ། །མེ་ཏོག་སྣ་ཚོགས་དང་། སྤོས་སྣ་ཚོགས་དང་། 
ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། དབང་ཕྱུག་ཆེན་པོ་དང་། གནོད་སྦྱིན་གྱི་སྡེ་དཔོན་དང་། གནོད་སྦྱིན་སྟོབས་པོ་ཆེ་དང་། འཕྲོག་མ་ལ་སོགས་པའི་མིང་གིས་དཀོན་མཆོག་གསུམ་ལ་མཆོད་པར་བགྱིའོ། །དེ་རྣམས་ཀྱི་སྟོབས་
དང་། དབང་ཕྱུག་དང་། བྱིན་གྱིས་བདག་དགེ་བར་གྱུར་ཅིག །བདག་ལ་སྲུང་བ་གྱིས་ཤིག །ནད་ཐམས་ཅད་ལས་ཐར་བར་གྱུར་ཅིག །ནད་པའི་ཟས་དང་། སྐོམ་དང་། སྨན་རྣམས་ཀྱང་རིག་སྔགས་འདིས་བཏབ་སྟེ་སྩལ་བར་བགྱིའོ། །རྫོགས་
སངས་རྣམ་པར་སངས་རྒྱས་ཚེ། །འཇིག་རྟེན་སྐྱོང་བས་ཕྱོགས་བཞི་ནས། །སྣོད་བཞི་དག་ནི་བླངས་ནས་སུ། །བདེ་བར་གཤེགས་ལ་ཕུལ་བ་དང་། །མཐུ་ཡིས་གཅིག་ཏུ་སྤྲུལ་མཛད་པ། །ལྷ་ཡི་སྣོད་མཆོག་དེ་དང་ནི། །བདུད་རྩི་འདྲ་
བའི་སྨན་གྱི་རྣམས། །སྟོན་པའི་ཕྱག་ན་བསྣམས་གྱུར་པ། །བདེན་པའི་ཚིག་ནི་དེ་དག་གིས། །སྨན་རྣམས་བདུད་རྩིར་གྱུར་པར་ཤོག །དེ་བཞིན་ལྷ་མོ་འཕྲོག་མ་ཡིས། །ལྷ་རྫས་དགེ་བ་ཨ་རུ་ར། །བླངས་ནས་སྟོན་ལ་རབ་ཕུལ་བ། །
བདུད་རྩི་འདྲ་བའི་སྨན་གྱི་རྣམས། །བདེན་པའི་ཚིག་ནི་འདི་དག་གིས། །ནད་པ་རྣམས་ཀྱི་ནད་སེལ་ཅིང་། །ཉེས་པ་ཐམས་ཅད་འཕྲོག་བྱེད་པ། །སྨན་རྣམས་བདུད་རྩིར་གྱུར་པར་ཤོག །སངས་རྒྱས་རྣམ་གཟིགས་གཟི་བརྗིད་དང་། །གཙུག་ཏོར་ཅན་
གྱི་སྟོབས་རྣམས་དང་། །ཐམས་ཅད་སྐྱོབ་ཀྱི་བདེན་ཚིག་དང་། །ལོག་དད་སེལ་གྱི་ཏིང་འཛིན་དང་། །གསེར་ཞེས་བྱ་བའི་ཡེ་ཤེས་དང་། །འོད་སྲུང་གི་ནི་རྫུ་འཕྲུལ་དང་། །ཤཱཀྱ་སེང་གེའི་མཐུ་རྣམས་ཀྱིས། །སྨན་རྣམས་བདུད་རྩིར་གྱུར་པར་ཤོག །
97-1-87a


ནད་པ་ཤར་ཕྱོགས་ཁ་བསྟན་ལ། །སྨན་རྣམས་ཉེ་བར་སྩལ་བར་བགྱི། །དེ་ཡི་ཚེ་ན་རིག་སྔགས་འདི། །ལག་མཐིལ་བཞག་སྟེ་ཀླག་པར་བགྱི། །སྱཱད་ཡ་ཐེ་དན། ཁ་ཊེ་ཁ་ཊེ། ཁ་ཊེ། ཁ་ཊ་བི་ཁ་ཊི། བི་མ་ལེ། བི་ལམ་བེ་བ་ལེ། 
བ་ལ་བ་ཏི། ཙན་དྲེ། ཙ་ར་ཎེ། ཨ་མྲི་ཏ་ནིར་གྷོ་ཥེ་སྭཱ་ཧཱ། རླུང་ལས་གྱུར་དང་མཁྲིས་ལས་གྱུར། །བད་ཀན་ལས་གྱུར་འདུས་ལས་གྱུར། །ནད་རྣམས་ཐམས་ཅད་རབ་བཅོམ་སྟེ། །བདག་ལ་རྟག་ཏུ་དགེ་བར་ཤོག །བྱད་སྟེམས་དང་རོ་ལངས་
དང་ལྡན་པའི་ལས་རྣམས་ལ་སྐྱེས་པའམ། བུད་མེད་གདུགས་ཞག་གཅིག་སྨྱུང་བ་བགྱིས་པ། རབ་ཏུ་བཀྲུས་པ། ཤིན་དུ་བརྒྱན་པ་དེས་དོག་ས་ལ་མེ་ཏོག་སིལ་མ་བཀྲམ་སྟེ། སྤོས་སྣ་ཚོགས་ཀྱིས་བདུགས་ལ་སེང་ལྡེང་དང་། རྒྱ་ཤུག་རིགས་
གཉིས་ཀྱི་ཞུགས་བུས་ཏེ། ས་བོན་ཐམས་ཅད་ཕྱོགས་བཞིར་གཏོར་བར་བགྱིའོ། །ཞུགས་ཀྱི་ནང་དུའང་གཏོར་བར་བགྱིའོ། །རྩ་བ་ཐམས་ཅད་དང་། མེ་ཏོག་ཐམས་ཅད་ཚོན་སྐུད་སྣ་ཚོགས་ལ་བརྒྱུས་ཏེ་རལ་གྲི་འམ། མདུང་རྩེ་གསུམ་
པ་འམ། མདུང་ངམ། མདའ་ལ་གདགས་པར་བགྱིའོ། །སྤོས་ཆབ་སྣ་ཚོགས་སྦྱར་ཏེ། བུམ་པ་ཆེན་པོའི་ནང་དུ་བླུག་ལ། གང་བྱད་སྟེམས་ཀྱིས་ཕོག་པ་དེ་སྐུད་པ་དེས་བཅིངས་ཏེ། བུམ་པའི་ཆབ་ཀྱིས་བཀྲུ་བར་བགྱིའོ། །སྐུད་པ་ཡང་རལ་
གྲིས་བཅད་དེ་ཞུགས་ཀྱི་ནང་དུ་དོར་རོ། །སྟོང་ཆེན་པོ་རབ་ཏུ་འཇོམས་པའི་མདོ་སྡེ་འདི་ཡང་བརྗོད་པར་བགྱིའོ། །གང་དག་སངས་རྒྱས་རང་སངས་རྒྱས། །སངས་རྒྱས་རྣམས་ཀྱི་ཉན་ཐོས་དང་། །ཚངས་དབང་དང་ནི་འཇིག་
རྟེན་སྐྱོང་། །གནོད་སྦྱིན་སྡེ་དཔོན་དབང་ཕྱུག་དང་། །དེ་བཞིན་གནོད་སྦྱིན་སྟོབས་ཆེན་དང་། །འཕྲོག་མ་བུ་དང་བཅས་པ་དང་། །དེ་དག་མཐུ་དང་གཟི་བརྗིད་ཀྱིས། །རོ་ལངས་ལས་རྣམས་ཆད་གྱུར་ཅིག །རྡོ་རྗེས་རིན་
ཆེན་ཕུག་པ་དང་། །མེ་ཡིས་བུས་ཤིང་སྲེག་པ་དང་། །རླུང་གིས་སྤྲིན་ནི་འཐོར་བ་དང་། །ཉི་མས་ནགས་ཚལ་སྐེམས་བྱད་པ། །བདེན་པའི་ཚིག་ནི་དེ་དག་གིས། །བྱད་སྟེམས་ལས་རྣམས་ཚིགས་པར་ཤོག །སྤོས་དང་མེ་ཏོག་
97-1-87b


སྣ་ཚོགས་ཀྱིས། །སྡིག་པ་ཐམས་ཅད་ངེས་པར་བསལ། །ཏདྱ་ཐཱ། ཧུ་མེ་ཧུ་མེ། ཀ་ཁ་ལི། ཀ་ཁ་ལི། ཛུ་ཧྭི་ནི། ཛ་བ་ལེ། ཧ་ར་གྲེ། ཧ་རི་ཎི་ཤཱ་བ་རི། ཤཱན་ཏི། པྲ་ཤཱན་ཏི་སྭཱ་ཧཱ། དྷཱ་བ་ནི་སྭཱ་ཧཱ། པྲ་དྷཱ་བ་ནི་སྭཱ་ཧཱ། གྷན་
དྷར་བེ་སྭ་ཧཱ། པྲ་ལྃ་གི་ནི་སྭཱ་ཧཱ། སརྦ་ཀཱ་ཁོརྡ་ཀྲྀ་ཏ་མེ་ཏཱ་ཌ་ཙྪ་ར་ར་ནི་སྭཱ་ཧཱ། ལྷ་ཐམས་ཅད་ཀྱི་གསང་སྔགས་འདི་དག་གིས་བདག་གི་བྱད་སྟེམས་དང་། རོ་ལངས་དང་། སྨན་དང་། སྔགས་དང་། དུག་དང་། དུག་སྦྱར་མ་
རྣམས་བཅད་དོ། །བཤིག་གོ། ཕམ་པར་བྱས་སོ། །ཕ་རོལ་ཕམ་པར་བྱས་སོ་སྭཱ་ཧཱ། ལྦ་བ་དང་། ཤུ་བ་དང་། སྨྱོ་བ་དང་། འབྲས་དང་། འབྲུམ་བུ་དང་། རྐོམ་པོ་དང་། དུག་འཐུངས་པ་ལས་ཐར་བར་འཚལ་བ་ཤིན་དུ་
ཁྲུས་བགྱིས་པ། ཤིན་ཏུ་བརྒྱན་པ། སྟན་བཟང་པོའི་སྟེང་དུ་མཆིས་ཏེ། རིག་སྔགས་འདི་བརྗོད་པར་བགྱིའོ། །སངས་རྒྱས་ཀུན་གྱི་གཟི་བརྗིད་དང་། །རང་རྒྱལ་དག་གི་གཟི་བརྗིད་དང་། །དགྲ་བཅོམ་དག་གི་མཐུ་
དག་དང་། །གསང་སྔགས་འཛིན་པ་ཐམས་ཅད་དང་། །ཤཱ་རྀའི་བུ་ཡི་ཤེས་རབ་དང་། །མཽད་གལ་བུ་ཡི་རྫུ་འཕྲུལ་དང་། །མ་འགགས་པའི་མིང་དང་ནི། །འོད་སྲུང་སྦྱང་པའི་ཡོན་ཏན་དང་། །ཀཽ་དི་ནྱའི་སྔར་ཐོབ་དང་། །
ཀུན་དགའ་བོ་ཡི་ཐོས་པ་དང་། །ཚངས་པ་ཡི་ནི་བྱམས་པ་དང་། །བརྒྱ་བྱིན་གྱི་ནི་དབང་རྣམས་དང་། །འཇིག་རྟེན་སྐྱོང་བའི་ཡུལ་རྣམས་དང་། །དབང་ཕྱུག་ཆེན་པོའི་སྟོབས་དག་དང་། །སྡེ་དཔོན་
རྣམས་ཀྱི་མཐུ་དག་དང་། །འཕྲོག་མ་གཟི་བརྗིད་རྫུ་འཕྲུལ་དང་། །དེ་དག་རྣམས་ཀྱི་མཐུ་དང་གཟིས། །བདག་གི་དུག་ནི་དུག་མེད་ཤོག །དུག་མེད་དུག་རྣམས་འཇིལ་བྱེད་པ། །གསང་སྔགས་
ཚིག་རྣམས་དེ་ལགས་སོ། །
97-1-88a


སྱཱད་ཡ་ཐེ་དན། ཧ་རི་གི་ཤི་ན་ཀི་ལི། ཨེ་ཧེ་རེ། ཨ་མ་རེ། ཨཎྜ་རེ། པཎ་ཌྷ་རེ། ཀ་ཊ་ཀེ། ཀེ་ཡུྰ་རེ། ཧ་སེ་ཧ་སེ་ཧ་སེ་ཁ་སེ་ཁ་སེ་ཁ་སེ་ཁ་རྃ་གེ། མ་རུ་ག་ཧ་ཎེ་སྭཱ་ཧཱ། མུ་མུ་ཀྴ་སྭཱ་ཧཱ། ཧི་ལེ་སྭཱ་ཧཱ། མི་ལེ་སྭཱ་ཧཱ། 
འབྲས་དང་རྨ་དང་ཤུ་བ་དང་། །གཡན་པ་དང་ནི་འབྲུམ་བུ་དང་། །ལྷོག་པ་དང་ནི་གཡའ་བ་ནི། །བདུན་པ་ལགས་ཏེ་རབ་ཏུ་བཅོམ། །འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་སངས་
རྒྱས་དུག་མི་མངའ། །སངས་རྒྱས་གཟི་ཡིས་དུག་བཅོམ་མོ། །འདོད་ཆག་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་ཆོས་ཆོས་དུག་མི་མངའ། །ཆོས་ཀྱི་གཟི་ཡིས་དུག་བཅོམ་མོ། །འདོད་
ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་དགེ་འདུན་དུག་མི་མངའ། །དགེ་འདུན་གཟི་ཡིས་དུག་བཅོམ་མོ། །ས་ནི་དུག་གི་མ་ཡིན་ཏེ། །ས་ནི་དུག་གི་ཕ་ཡང་ཡིན། །བདེན་
པའི་བདེན་ཚིག་དེ་དག་གིས། །བདག་གི་དུག་ནི་དུག་མེད་ཤོག །དུག་ནི་ས་ཡིས་ནང་དུ་སོང་། །གང་བའི་སྣོད་དུ་དུག་སོང་ཤིག་སྭཱ་ཧཱ། དེ་ནས་ཁྲག་ཁྲུག་དང་། འཐབ་པ་དང་། བརྩོད་པ་དང་། འགྱེད་པ་དང་། ཕ་རོལ་
གྱི་དམག་ཚོག་དང་། དགྲ་རྣམ་ལས་རྒྱལ་བར་འཚལ་བས་ཐོག་མར་མཆོད་རྟེན་ཆེན་པོ་ལ་མཆོད་པར་བགྱིའོ། །སྟོང་ཆེན་པོ་རབ་ཏུ་འཇོམ་པའི་རིག་སྔག་ཀྱི་རྒྱལ་མོ་འདི་ཡང་བརྗོད་པར་བགྱིའོ། །སངས་རྒྱས་ཀྱིས་ནི་
བདུད་ཕམ་མཛད། །ཆོས་མ་ཡིན་ནི་ཆོས་ཀྱིས་སོ། །དགེ་འདུན་གྱིས་ནི་མུ་སྟེགས་ཕམ། །དབང་པོ་ལྷ་མིན་ཕམ་པར་གྱུར། །ལྷ་མིན་རྣམས་ཀྱིས་ཟླ་བ་ཕམ། །ནམཁའ་ལྡིང་གིས་རྒྱ་མཚོའོ། །མེ་ཡིས་ཤིང་རྣམ་
ཕམ་པར་གྱུར། །ཆུས་ནི་མེ་ཡང་ཕམ་པར་འགྱུར། །རླུང་གིས་སྤྲིན་རྣམ་རབ་ཏུ་ཕམ། །རྡོ་རྗེ་ཡིས་ནི་རིན་ཆེན་ཕུག །ལྷ་རྣམས་བདེན་པར་རབ་ཏུ་གསུངས། །ས་ཡང་བདེན་པར་གནས་པ་ལགས། །སངས་རྒྱས་དང་
97-1-88b


ནི་ཆོས་ཀྱང་བདེན། །བདེན་པ་རྒྱལ་གྱུར་བརྫུན་མ་ལགས། །སྱཱད་ཡ་ཐེ་དན། ཨ་མྲྀ་ཏེ། ཨ་གྲ་པུསྤེ། བ་ཧུ་ཕ་ལེ། ནི་བཱ་ར་ནི།  སརྦ་ཨརྠ་སཱ་དྷ་ནི། ཨ་པ་རཱ་ཛི་ཏེ། བ་ར་ཊེ་དྷ་ར་ནི། གུ་ཧྱ་བར་ཏེ། གཽ་ཏ་མེ། གུ་གུ་མ་
ཏི། ཛམྦྷ་ནི་སྭཱཧཱ། པྲ་ཛམྦྷ་མི་སྭཱཧཱ། བ་ལ་པྲ་བྷཉྫ་ནི་སྭཱ་ཧཱ། ཛ་ཡེ་སྭཱཧཱ། བི་ཛ་ཡེ་སྭཱཧཱ། ཛ་ཡ་བི་ཛ་ཡེ་སྭཱ་ཧཱ། ཕྱིར་རྒོལ་བ་ནི་ཀུན་ལས་རྒྱལ། །སྡིག་པ་ཐམས་ཅད་རབ་ཏུ་ཕམ་སྭཱཧཱ། དེ་ནས་སྟོན་པ་ཀུན་
མཁྱེན་གྱི། །ཚིགས་སུ་བཅད་པ་འདི་དག་གསྲུངས། །མི་འཁྲུགས་པ་དང་སྣང་མཛད་སྤྱན་རས་གཟིག་ཀྱི་དབང་། །རིན་ཆེན་འོད་འཕྲོ་རི་རབ་མུ་ཁྱུད་འོད་དཔག་མེད། །རྡོ་རྗེ་རྣམས་ཀྱི་མཚན་རྣམས་རྟག་ཏུ་བཟུང་ན་ནི། །འཇིགས་པར་
འགྱུར་བ་མ་ཡིན་ནོན་པར་མི་འགྱུར་རོ། །གང་གིས་མཐུ་སྟོབས་ཆེན་པོ་བརྒྱད་པོ་འདི་དག་གིས། །མཚན་རྣམས་རྗེསུ་བཟུང་བའི་ཕྱིར་ནི་རབ་བརྗོད་ཅིང་། །ཀུན་དུ་བསྐྱབ་པ་བྱས་ན་དེ་ཡི་ལུས་ལ་ནི། །མི་དང་
དུག་དང་མཚོན་གྱིས་ཚུགས་པར་མི་འགྱུར་རོ། །གལ་ཏེ་དེ་ལ་གནོད་པ་བྱེད་པ་ཉེ་བར་གནས། །གཤེད་མས་མཚོན་རྣམས་ཀྱི་ནི་གདབ་པར་གཟས་པ་ལས། །སྤྱན་རས་གཟིགས་ཀྱི་དབང་པོ་རྗེས་སུ་དྲན་ན་ནི། །མཚོན་
ཆ་དེ་དག་དུམ་བུ་དུམ་བུར་ཆག་ཅིང་འབྲུལ། །གལ་ཏེ་མཚོན་ཆ་རྣམས་ནི་ཐོགས་པར་གྱུར་ན་ཡང་། །ལག་པ་ཆག་ནས་ས་ལ་རབ་ཏུ་ལྟུང་བར་འགྱུར། །དེ་ཡི་ལུས་ལ་ཅུང་ཟད་འབབ་པར་མི་འགྱུར་ཏེ། །
སྔན་ཆད་བྱས་པ་གང་ཡིན་པ་ནི་མ་གཏོགས་སོ། །ལྷ་རྣམས་ཀྱིས་འཐུན་པར་ཚིགས་སུ་བཅད་པ་འདི་དག་གསོལ་ཏོ། །སངས་རྒྱས་སྤྱོད་ཡུལ་མཐའ་ཡས་ཁྱོད་ལ་ཕྱག་འཚལ་ལོ། །བདེན་པ་རབ་
སྟོན་ཐུབ་པ་ཁྱོད་ལ་ཕྱག་འཚལ་ལོ། །དེང་ནི་བདེན་པ་རྣམས་ལ་གནས་ནས་མཆིས་བར་བགྱི། །བདག་གིས་ལས་རྣམས་ཐམས་ཅད་འབྲས་བུར་བཅས་གྱུར་ཅིག །དེ་ནས་ཚངས་པ་ཚངས་ཆེན་
97-1-89a


གྱིས། །ལངས་ཏེ་ཐལ་མོ་སྦྱར་བཏུད་ནས། །སྟོང་ཆེན་རབ་ཏུ་འཇོམ་བྱེད་པ། །ལེགས་པར་གསུངས་པའི་རིགས་སྔགས་འདི། །བྱིས་པ་རྣམས་ལ་ཕན་བགྱིད་པ། །རིགས་སྔགས་བདག་གིས་བརྗོད་པར་བགྱི། །
གང་གིས་དང་པོར་འཛམ་གླིང་དུ། །རིག་སྔགས་རབ་ཏུ་སྟོན་མཛད་པ། །ཆོས་ཀྱི་རྒྱལ་པོ་སྣང་མཛད་པ། །སངས་རྒྱས་དཔལ་ལ་ཕྱག་འཚལ་ལོ། །ཁྱད་པར་འཕག་པའི་ཆོས་རྣམས་དང་། །ཚོགས་ཀྱི་དམ་པ་དགེ་འདུན་
དང་། །སངས་རྒྱས་ཞབས་ལ་ཕྱག་འཚལ་ནས། །ཚངས་པས་འདི་སྐད་ཚིག་གསོལ་ཏོ། །གང་དག་སངས་རྒྱས་རང་སངས་རྒྱས། །སངས་རྒྱས་ཀྱི་ནི་ཉན་ཐོས་དང་། །དྲང་སྲོང་དང་ནི་འཇིག་རྟེན་སྐྱོང་། །ལྷ་རྣམས་
ཇི་སྙིད་མཆིས་པ་དང་། །དེ་ཀུན་མི་ཡི་འཇིག་རྟེན་ན། །འདི་ལས་སྐྱེས་པ་ཤ་སྟག་གོ། ཐུབ་ཆེན་མངལ་ལ་འཚལ་བ་ཡི། །གནོད་སྦྱིན་སྲིན་པོ་འདི་ན་མཆིས། །རྒྱལ་པོ་རྣམ་ཀྱིས་མཐོང་མི་ནུས། །བསྟན་པར་ཡང་
ན་མི་ནུས་སོ། །གང་ལ་བུ་ནི་མི་འཆགས་དང་། །གང་གི་མངལ་ནི་མི་གནས་དང་། །སྐྱེས་པ་བུད་མེད་འདུ་བ་ན། །དབང་པོ་རྣམས་ནི་མྱོས་པར་བགྱིད། །མེར་མེར་པོ་དང་ནུར་ནུར་པོ། །བུ་ཡི་ས་བོན་མ་རུང་བགྱིད། །
གང་ཡང་མངལ་ནི་ཐུར་དུ་གྱུར། །ཤ་མ་མི་འབྱུང་གནོད་བགྱིད་པ། །དེ་རྣམས་ཀྱི་ནི་མིང་བརྗོད་ཀྱིས། །འཇིག་རྟེན་མགོན་པོ་བདག་ལ་གསོན། །འཇམ་པ་པོ་དང་རི་དགས་རྒྱལ། །སྐེམ་བྱེད་བརྗེད་བྱེད་ཁུ་ཚུར་ཅན། །
མ་མོ་དང་ནི་ཛ་མི་ཀ །འདོད་པ་ཅན་དང་ནམ་གྲུ་དང་། །སྲུལ་པོ་དང་ནི་མ་དགའ་བྱེད། །བྱ་དང་གཉའ་བའི་ལག་ཅན་དང་། །བཞིན་བརྒྱན་དང་ནི་མིག་འཕྱང་བ། །དེ་དག་ཐམས་ཅད་ས་ལ་རྒྱུ། །གདོན་རྣམས་བཅྭ་ལྔ་
དེ་དག་ནི། །བྱིས་པ་རྣམས་ལ་འཇིགས་པར་བགྱིད། །ཇི་ལྟར་བྱིས་པ་འཛིན་པའི། །མཚན་དང་གཟུག་ཀྱང་བརྗོད་པར་བགྱི། །འཇམ་བ་པོས་ནི་ཟིན་གྱུར་ན། །མིག་ནི་རབ་ཏུ་འགྱུར་བར་བགྱིད། །རི་དྭགས་རྒྱལ་གྱིས་
97-1-89b


ཟིན་གྱུར་ན། །སྐྱུགས་པ་མི་བཟད་སྐྱུག་པར་འགྱུར། །སྐེམ་བྱེད་ཀྱིས་ནི་ཟིན་གྱུར་ན། །སྐེམ་བྱེད་པས་ནི་བྱིས་པ་འགུལ། །བརྗེད་བྱེད་ཀྱིས་ནི་ཟིན་གྱུར་ན། །འགྲེ་ཞིང་དེ་ལྟར་སྒྲ་ཡང་འབྱིན། །དབུ་བ་དང་ནི་ཁ་ཆུ་
འཛག །ཁུ་ཚུར་ཅན་གྱིས་རབ་ཟིན་ན། །ཁུ་ཚུར་འཆང་ཞིང་འབྱེད་པར་བགྱིད། །མ་མོ་ཡིས་ནི་ཟིན་གྱུར་ན། །རྒོད་ཅིང་དེ་བཞིན་སྒྲ་ཡང་འབྱིན། །ཛ་མི་ཀས་ནི་རབ་ཟིན་ན། །ནུ་ཞོ་ནུ་བར་མངོན་མི་དགའ། །འདོད་པ་ཅན་གྱིས་རབ་
ཟིན་ན། །མལ་ན་གཉིད་ལོག་ངུ་བར་འགྱུར། །ནམ་གྲུ་རབ་ཏུ་ཟིན་གྱུར་ན། །ལྕེ་ལ་སོས་ནི་འཆའ་བར་བགྱིད། །སྲུལ་པོས་རབ་ཏུ་ཟིན་གྱུར་ན། །ཀུ་ཅོ་འདོན་ཅིང་སྒྲ་ཡང་འབྱིན། །མ་དགའ་བྱེད་པས་ཟིན་གྱུར་ན། །རྣམ་
པ་སྣ་ཚོགས་གཟུགསུ་འགྱུར། །བྱ་ཡིས་རབ་ཏུ་ཟིན་གྱུར་ན། །མནམ་པའི་དྲི་ནི་འབྱུང་བར་འགྱུར། །གཉའ་ལག་ཅན་གྱིས་ཟིན་གྱུར་ན། །མགུལ་པ་རབ་ཏུ་འགག་པར་འགྱུར། །བཞིན་བརྒྱན་གྱིས་ནི་ཟིན་གྱུར་ན། །རིམ་
ཀྱིས་བཏབ་ཅིང་འཁྲུ་བར་འགྱུར། །མིག་འཕྱང་བས་ནི་ཟིན་གྱུར་ན། །སྐྱིགས་བུ་དང་ནི་སྡམ་པ་འབྱུང་། །བྱིས་པ་ཇི་ལྟར་སྐྲ་བགྱིད་པ། །དེ་ཡི་གཟུགས་ནི་བརྗོད་པར་བགྱི། །འཇམ་བ་པོ་ནི་བ་ལང་གཟུགས། །རི་དགས་
རྒྱལ་པོ་རི་དག་འདྲ། །སྐེམ་བྱེད་པ་ནི་གཞོནུའི་གཟུགས། །བརྗེད་བྱེད་པ་ནི་བ་འདྲའོ། །ཁུ་ཚུར་ཅན་ནི་བྱ་རོག་གཟུགས། །མ་མོ་དེ་ནི་མི་ཡི་གཟུགས། །ཛ་མི་ཀ་ནི་རྟ་ཡི་གཟུགས། །འདོད་པ་ཅན་ནི་རྡོ་རྗེའི་གཟུགས། །
ནམ་གྲུ་ཁྱིའི་གཟུགས་ཀྱིས་ཏེ། །སྲུལ་པོ་ཕག་གིས་གཟུགས་ཀྱིས་སོ། །མ་དགའ་བྱེད་པ་བྱི་ལའི་གཟུགས། །བྱ་ནི་འདབ་ཆགས་གཟུགས་ཀྱིས་སོ། །གཉའ་ལག་ཅན་ནི་བྱ་གག་གཟུགས། །བཞིན་རྒྱན་འུག་པའི་
གཟུགས་སུ་སྟེ། །མིག་འཕྱང་བ་ནི་ཕ་བང་གཟུགས། །འདི་དག་བྱིས་པ་སྐྲག་པར་བགྱིད། །འདི་དག་བུ་འཕྲོག་མ་རུང་པ། །བྱིས་པ་རྣམས་ལ་འཇིགས་བགྱིད་པ། །མདོ་སྡེའི་ཞགས་པས་དྲངས་ནས་ནི། །འདི་དག་ཤིན་
97-1-90a


དུ་དགུག་པར་བགྱི། །གནོད་སྦྱིན་སྡེ་དཔོན་ཆེན་པོ་ནི། །དྲི་ཟ་ཙན་དན་ཞེས་བགྱི་བ། །ཡི་གེ་ཕྱག་རྒྱ་དེ་སྩལ་ཏེ། །སོང་ལ་གདོན་ནི་དྲག་པོ་པ། །བཅྭ་ལྔ་དེ་དག་ཁུག་ཤིག་ཅེས། །ཕོ་ཉར་ཡང་ནི་བཏང་བར་བགྱི། །
དེ་དག་རྣམས་ནི་སྐད་ཅིག་གིས། །བཅིང་བ་ལྔ་ཡིས་བཅིང་བཞིན་བཀུག །དེ་ནས་འཇིག་རྟེན་མགོན་པོ་ལ། །ཚངས་ཆེན་ཐལ་སྦྱར་འདི་སྐད་གསོལ། །སྲོག་ཆགས་ས་བོན་འཇིགས་བགྱིད་པ། །
འབྱུང་པོ་འདི་དག་རྣམས་ལྷགས་ཏེ། །མགོན་པོ་ཡི་ནི་སྤྱན་སྔ་རུ། །འདི་དག་ཆད་པ་བཤད་པར་བགྱི། །བུད་མེད་གང་དག་བུ་མི་འཚལ། །གང་ཞིག་བཙས་པ་འཛིན་འཚལ་བས། །ཚེས་བརྒྱད་དང་ནི་བཅུ་བཞི་
ལ། །བསླབ་བཟུང་དམ་ཆོས་སྐྱབས་མཆིས་ལ། །མཆོད་རྟེན་ལེགས་པར་མཆོད་པར་བགྱི། །ཁྲུས་བགྱིས་ཤིན་དུ་བརྒྱན་ནས་ནི། །ས་བཞིར་ཡུངས་ཀར་གཏོར་ནས་སུ། །མེ་ཏོག་སྤོས་ཀྱིས་བརྒྱན་པར་བགྱི། །
སྣ་ལྔའི་ཚོན་གྱི་སྐུད་པས་ནི། །འཁོར་ཡུག་ཏུ་ནི་བསྐོར་བར་བགྱི། །ནམ་ཕྱེད་བར་དུ་མཆིས་ནས་ནི། །སྤྱི་བོར་ཡུངས་ཀར་བཞག་ནས་སུ། །ཚངས་པས་རབ་ཏུ་བྱས་པ་སྟེ། །ཚངས་པས་སྤྲུལ་ཅེས་བརྗོད་པར་བགྱི། །
ལོ་གྲངས་བཅུ་གཉིས་བར་དུ་ནི། །གཞོན་ནུ་རྣམས་ལ་ཕན་བགྱིད་པ། །ཚངས་པས་སྤྲུལ་པའི་མདོ་སྡེ་ཡི། །རིག་སྔགས་འདི་ལ་གང་འདའ་བ། །ཨ་རྫ་ཀ་ཡི་དོག་པ་བཞིན། །མགོ་བོ་ཚལ་པ་བདུན་དུ་འགས། །
སྱཱད་ཡཱ་ཐེ་དན། ཨྃ་གེ། བྃ་གེ། བྃ་གི་ནི། བྷ་བ་ནེ། ཨི་ནན་དི། བི་ནན་དི། སུ་ར་ལི། གི་རི་གི་རི། ཤ་བ་རི། ག་རུ་ཎི། ཤ་རུ་ཎི་གི་རི། ག་བ་རེ། ལོ་ཙ་ནི། རོ་ཥ་ཎི། ལ་ས་ནི། རོ་ཙ་ནེ། ཨ་ལ་བྷེ། ཨ་ག་ནེ། 
ཨ་ལི་བྷེ། ཏ་ལ་བྷེ། པྲ་ཀར་ཥི་ཎེ་སྭཱ་ཧཱ། མངལ་ན་བདེ་བར་གནས་གྱུར་ཅིག །དབང་པོ་ཡང་དག་འཕེལ་བར་ཤོག །མངལ་ན་འདུག་པ་བདེ་གྱུར་ཅིག །བཙས་པ་འཇིག་པར་མ་གྱུར་ཅིག །མངལ་ན་བདེ་བར་
97-1-90b


གནས་གྱུར་ཅིག །དུས་བཞིན་དུ་ནི་འབྱུང་བར་ཤོག །ཚོན་སྐུད་སྣ་ཚོགས་རྣམས་དང་ནི། །ཡུངས་དཀར་འབྲུ་ནི་མ་གྲུགས་པ། །དེ་དག་བསྲུང་བར་གསུངས་པ་སྟེ། །བྱིས་པ་རིང་དུ་འཚོ་བར་ཤོག །དེ་ནས་
སྟོན་པ་ཀུན་མཁྱེན་གྱིས། །རིག་པའི་སྔགས་ནི་འདི་དག་གསུངས། །མངལ་ན་འདུག་པ་བསྲུང་བར་ཤོག །བྱིས་པ་རྣམས་ནི་བདེ་གྱུར་ཅིག །སྱཱད་ཡ་ཐེ་དན། བོ་དྷི་བོ་དྷི། མ་ཧཱ་བོ་དྷི། བོ་དྷ་ཨ་ནུ་མ་ཏེ། ཕ་ལི་ནི། བ་ཧུ་ཕ་
ལེ། ཤིཀྵ་ཤིཀྵ། སཱ་ར་བ་ཏེ། སཱ་ག་ལི། དུ་རཱ་ས་དེ། དུ་རཱ་ག་མེ། ཤཱུ་ར་པྲཱཔྟེ། ཤཱུ་ར་བ་ཏེ། བྷ་གེ། བྷ་ག་བ་ཏེ། བྷ་གེ་ནི་ནི་བཱ་ར་ཎི་སྭཱ་ཧཱ། དེ་ནས་གདོན་ནི་བཅྭ་ལྔ་པོ། །རྟག་ཏུ་ཁྲག་ལ་འཐུང་རྣམས་ཀྱིས། །འཇིག་རྟེན་
མགོན་ལ་ཕྱག་འཚལ་ཏེ། །ཐལ་མོ་སྦྱར་ནས་འདི་སྐད་གསོལ། །གྲོང་ངམ་ཁྱིམ་འམ་གྲོང་ཁྱེར་རམ། ། གང་ན་ལེགས་པར་གསུངས་པ་ཡི། །མདོ་སྡེ་འདི་ནི་བཞུགས་པ་དེར། །བྱིས་པ་རྣམས་ནི་འཆི་མི་འགྱུར། །ཐུབ་
ཆེན་ཁྱོད་ནི་ཇི་བཞིན་དུ། །རྗེས་སུ་འཐུན་པར་འཇུག་པར་བགྱི། །སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །འཚངས་པ་ལ་ཕྱག་འཚལ་ལོ། །གསང་སྔགས་ཀྱི་ཚིག་རྣམས་གྲུབ་པར་གྱུར་ཅིག །གྲུབ་པར་གྱུར་ཅིག །
རིག་སྔགས་ཀྱིས་སྒྲོལ་བར་གྱུར་ཅིག །ཚངས་པས་བསམ་པར་གྱུར་ཅིག་སྭཱ་ཧཱ། དེ་ནས་རྒྱལ་པོ་ཆེན་པོ་རྣམས་ཐོས་ཀྱི་བུས་བླ་གོས་ཕྲག་པ་གཅིག་ཏུ་གཟར་ནས་ཐལ་མོ་སྦྱར་ཏེ། བཅོམ་ལྡན་འདས་ལ་ཕྱག་འཚལ་ནས་འདི་
སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཉན་ཐོས་གང་ལ་ལ་སྟོང་ཆེན་པོ་རབ་ཏུ་འཇོམས་པའི་མདོ་སྡེ་འདི་འཛིན་ཏམ། འཆང་ངམ། སྟོན་ཏམ། ཀློག་གམ། ཀུན་ཆུབ་པར་བགྱིད་པ་དེས་མང་དུ་ཐོས་
པ་ལ་བཙོན་པར་བགྱིའོ། །མཆོད་རྟེན་མཆོད་པ་ལ་བརྩོན་པར་བགྱིའོ། །ཚེས་བརྒྱད་དང་། བཅུ་བཞི་དང་། བཅྭ་ལྔའི་དུས་སུ་མཆོད་རྟེན་ལ་མཆོད་པ་རྒྱ་ཆེན་པོ་བགྱིས་ནས་རིག་སྔགས་བཀླག་པར་བགྱིའོ། །ཚེས་བརྒྱད་ཀྱི་ཚེ་ནི་རྒྱལ་
97-1-91a


པོ་ཆེན་པོ་བཞིའི་སྐྱེས་བུ་དག་རྒྱལ་པོ་ཆེན་པོ་རྣམས་ཀྱིས་མདུན་ན་དེ་ལ་སེམས་པར་བགྱིད། མིང་ནས་ཀྱང་འདོན་པར་བགྱིད་དོ། །ཚེས་བཅུ་བཞིའི་ཚེ་ནི་རྒྱལ་པོ་ཆེན་པོ་བཞི་པོ་དག་ཉིད་མདུན་ན་སེམས་པར་བགྱིད། མིང་ནས་ཀྱང་
འདོན་པར་བགྱིད་དོ། །ཚེས་བཅྭ་ལྔའི་ཚེ་ནི་རྒྱལ་པོ་ཆེན་པོ་བཞི་པོ་དག་ནི་སེམས་པར་བགྱིད་ཅིང་མིང་ནས་ཀྱང་འདོན་པར་བགྱིད་དེ། བཅོམ་ལྡན་འདས་ཀྱི་ཉན་ཐོས་གང་སྟོང་ཆེན་པོ་རབ་ཏུ་འཇོམས་པའི་མདོ་སྡེ་འདི་ལེན་པ་དང་། འཆང་བ་དང་། སྟོན་པ་དང་། 
ཀློག་པ་དང་། ཀུན་ཆུབ་པར་བགྱིད་པ་དེ་ནི་སྲོག་ཆགས་འབྱུང་པོ་ཐམས་ཅད་ལ་སྙིང་བརྩེ་ཞིང་ཕན་པར་བགྱིད་པ་ལགསོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས་ཀྱང་དེ་ལ་གོས་དང་། ཟས་དང་། མལ་ཆ་དང་། སྟན་དང་། 
ན་བའི་གསོས་སྨན་དང་། ཡོ་བྱད་རྣམས་ཀྱིས་མི་བྲེལ་བར་བགྱིའོ། །སེམས་ཅན་ཐམས་ཅད་ཀྱིས་ཀྱང་བསྟི་སྟང་བགྱིད་པར་འགྱུར། །རྒྱལ་པོ་དང་། བློན་པོ་དག་གིས་ཀྱང་བླ་མར་བགྱི་བ་དང་། རིམ་གྲོ་བགྱི་བ་དང་། མཆོད་པར་བགྱི་པར་
འགྱུར་རོ། །གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་ཅན་དང་། ཀུན་དུ་རྒྱུ་དང་། མཛའ་བ་དང་། མི་མཛའ་བ་དག་གིས་ནང་དུ་མཆིས་ཀྱང་མཆོད་པར་འགྱུར་རོ། །རིགས་ཀྱི་བུ་འམ། རིགས་ཀྱི་བུ་མོ་དད་པ་དེས་
གཙང་མར་བགྱིས་ཏེ། ལུས་གཙང་བ་དང་། གོས་དང་། རྒྱན་དང་། མལ་ཆ་དང་། སྟན་དང་། ཡོ་བྱད་ཁྱད་པར་ཅན་གཙང་མར་བགྱི། ཡུལ་ངན་པ་རྙེད་པར་མི་བགྱི། ཡུལ་ངན་པའི་འཛའ་བོ་དང་བསྟེན་པར་མི་བགྱི། ཡུལ་ངན་པ་ན་
གནས་པ་ལ་བསྔགས་པར་མི་བགྱིའོ། །གང་འབྱུང་པོའི་གདོན་གྱིས་ཟིན་པའི་མདུན་དུ་སྟོང་ཆེན་པོ་རབ་ཏུ་འཇོམས་པའི་མདོ་སྡེ་འདི་དྲན་པར་གྱུར་ན། དེ་ལ་རྒྱལ་པོ་ཆེན་པོ་བཞི་པོ་བདག་ཉིད་བསྲུང་བ་དང་། སྐྱོབ་པ་དང་། 
སྦེད་པར་བགྱིད་པར་འགྱུར་རོ། །བཙུན་པ་བཅོམ་ལྡན་འདས་དེ་ལྟར་ན་སྟོང་ཆེན་པོ་རབ་ཏུ་འཇོམས་པའི་མདོ་སྡེ་འདི་མཐུ་ཆེ་སྟེ། གང་གིས་རང་གི་ཁྱིམ་དུ་མཚན་གཅིག་གམ། ཉིན་གཅིག་ཀྱང་རུང་ཡང་དག་པར་བསམ་
97-1-91b


ན། དེ་ལ་ལོ་གཅིག་གི་བར་དུ་མི་མ་ལགས་པས་གླགས་རྙེད་པར་མི་འགྱུར་རོ། །འབྱུང་པོའི་ཚོགས་ཐམ་ཅད་ཀྱིས་ཕྱག་བགྱི་བའི་འོས་སུ་འགྱུར་བ་ལགས་སོ། །གང་སྟོང་ཆེན་པོ་རབ་ཏུ་འཇོམས་པའི་མདོ་སྡེ་འདི་འཆང་བ་དེ་
འཚལ་ན། རྒྱལ་པོ་ཆེན་པོ་བཞི་ཡང་བཞིན་བསྟོན་པར་འགྱུར་ན། གནོད་སྦྱིན་དང་། སྲིན་པོ་དང་། ཕལ་པ་གཞན་ལྟ་སྨོས་ཀྱང་ཅི་འཚལ། དེ་ཅིའི་སླད་དུ་ཞེ་ན། སེམས་ཅན་རྣམས་ལ་སྨན་པའི་སླད་དུ་འཇིག་རྟེན་
ལ་གང་སུ་དག་རིག་སྔགས་བགྱིད་པ་དེ་དག་པས་གསང་སྔགས་ཀྱི་ཚིགས་འདི་དག་རབ་མཆོག །གཙོ་བོ། ཁྱད་པར་དུ་འཕགས་པ། དམ་པ། ཟབ་པ། རྒྱ་ཆེ་བ། ཚད་མ་མཆིས་པ། འཇུག་པར་དཀའ་བ། 
ཐུན་མོང་མ་ལགས་པའི་སླད་དུ་སྟེ། འདི་ནི་ཆོས་ཀྱི་ཕྱག་རྒྱ་ལགས་སོ། །དེ་ནས་དབང་པོ་མིག་སྟོང་པོ། །ལྷ་ཡི་རྒྱལ་པོ་བདེ་སོགས་ཁྱོད། །ཐལ་མོ་སྦྱར་ཏེ་ཕྱག་འཚལ་ནས། །འཇིག་རྟེན་མགོན་ལ་འདི་སྐད་གསོལ། །འཇིག་
རྟེན་ཀུན་ལ་ཕན་བགྱིད་པ། །རིག་སྔགས་འདི་ནི་ལེགས་པར་གསུངས། །གསང་སྔགས་སྨན་དང་ལྡན་པ་ཡི། །རིག་སྔགས་བདག་གིས་བརྗོད་པར་བགྱི། །ཤི་རཱི་ཤ་མེ་ཏོག་ཨ་པ་མཱ་རྒ་དང་། །ཀ་ཏ་ཀཱ་ཡི་
འབྲས་བུ་ཨ་ག་རུ། །རྡོ་དྲེག་དང་ནི་མི་དཱ་བཙོད་རྣམས་དང་། །སུ་ཀ་རཱི་དང་ཛཱ་ཡ་མརྒ་ཏི། །པ་རི་པེ་ལ་ར་སད་བཱི་རཱ་དང་། །སཱ་མ་ཀ་དང་པུྰསྤ་རྒྱ་སྤོས་དང་། །ཙན་དན་ཨ་བར་ཏ་ག་རུ་རྟ་དང་། །སྡེར་མོ་ལོ་མ་ཀ་ཊ་
མ་རཱ་དང་། །པྲི་ཡང་ཀུ་དང་འབྲུ་གསུག་སྨིག་བཅུད་དང་། །ཡུངས་ཀར་དག་དང་ལྡོང་རོས་རྣམས་དང་ནི། །ཤིང་ཚ་ཤུ་དག་གུར་གུམ་ཤིང་ཀུན་དང་། །ལོ་མ་དག་དང་ལྡན་པའི་བརྣ་ཀཾ། །དེ་དག་སྦྱར་ཏེ་རིང་བུར་
བགྱིས་པ་ནི། །གནོད་རྣམས་ཀུན་ལས་གྲོལ་བར་བགྱིད་པ་སྟེ། །འབྱུང་པོ་དག་ནི་ཀུན་གྱི་འགྱུར་བ་ལ། །མིག་ལ་དེ་ཡིས་བསྐུས་པ་བགྱིས་ན་ནི། །དེ་ནས་འབྱུང་པོ་རྡོ་རྗེ་དང་། །གནམ་ལྕགས་མདའ་
97-1-92a


ཡིས་ཟིན་ལས་ཐར། །ལྗོན་ཤིང་ཆེ་དང་དེ་བཞིན་དུ། །མཆོད་རྟེན་ཆེ་ལ་བསྐུས་བགྱིས་ན། །གང་གིས་གནས་དེ་མཐོང་བ་དེ། །འབྱུང་པོ་ལ་ནི་འཇིགས་མ་མཆིས། །དེར་ནི་འབྱུང་པོ་མི་
གནས་ཏེ། །གནོད་བྱེད་གཞན་ཡང་མ་ལགས་སོ། །རྔ་ཆེན་དུང་དང་རྫ་རྔ་དང་། །རྔ་བྲན་དག་ལ་བསྐུས་ན་ནི། །དེ་དག་སྒྲ་ནི་གར་གྲག་པར། །འབྱུང་པོའི་དཀྱིལ་འཁོར་སྐྲག་པར་འགྱུར། །གྲོང་དུ་རྒྱུ་བའི་བྱ་རྣམས་ཀྱི། །
འདབ་མ་དག་ལ་བསྐུས་ན་ནི། །ཡུལ་དང་ཕྱོགས་ནི་གཞན་དག་དུ། །བྱ་དེ་གང་དུ་མཆིས་པ་དེར། །འབྱུང་པོ་རྣམས་ནི་མི་གནས་ཏེ། །གནོད་བྱེད་གཞན་ཡང་མ་ལགས་སོ། །ཆུ་མིག་མཚོ་དང་ལྟེང་ཀ་འམ། །གང་དང་
གང་དུ་བོར་ཡང་རུང་། །དེར་ནི་དཔག་ཚད་ཁོར་ཡུག་དུ། །བདེ་བ་དང་ནི་ཞི་བར་འགྱུར། །ཕ་རོལ་དམག་ཚོགས་ནང་མཆིས་ཏེ། །མཚོན་ཆ་དག་ནི་འབབ་པ་ན། །གནས་རྣམས་ཀུན་ཏུ་བྱུག་བགྱིས་ན། །བདེ་བླག་
ཏུ་ནི་ཐར་པར་འགྱུར། །ལྦ་བ་དང་ནི་གཞང་ནད་དང་། །མེ་དབལ་དང་ནི་འབྲས་བྱུང་དང་། །བདུག་པས་ཟིན་དང་དུག་འཐུངས་པས། །འཐུངས་སམ་བྱུགས་ནས་ཐར་པར་འགྱུར། །ལུས་ལ་དེ་ཡིས་བྱུགས་ན་ནི། །
བྱད་སྟེམས་ཐམས་ཅད་གཅོད་པར་བགྱིད། །རྩོད་པ་རྣམས་ལས་ཐར་བར་འགྱུར། །རྒྱལ་པོའི་གྱོད་ལས་ཐར་བར་འགྱུར། །མ་གྲུབ་པ་ཡང་གྲུབ་པར་འགྱུར། །དབུལ་པོ་ལས་ནི་ཕྱུག་པོར་འགྱུར། །བུ་མ་
མཆིས་པ་བུ་རྙེད་འགྱུར། །ནོར་མ་མཆིས་པ་ནོར་རྙེད་འགྱུར། །རིག་སྔགས་འཆང་གནས་བར་དུ་ཡང་། །འདི་ནི་གསང་སྔགས་གྲུབ་པར་བགྱིད། །དུད་འགྲོའི་སྐྱེ་གནས་གྱུར་པ་དང་། །ལྗོན་ཤིང་རྣམས་ཀྱི་འབྲས་
བུ་དང་། །རིག་སྔགས་འཆང་བ་ཐོབ་ལ་ཡང་། །འདི་ནི་ཞི་བའི་ལས་དགེ་བྱེད། །འདི་ལ་གསང་སྔགས་ཚིག་མཆི་ཏེ། །དཔེར་ན་དབང་པོའི་ཚིགས་བཞིན་ནོ། །སྱཱད་ཡ་ཐེ་དན། ཨ་ཀྲ་མེ། བི་ཀྲ་མེ། བྷུྰ་ཏ་གྷོ་
97-1-92b


ཥེ་བྷཱུ་ཧྃ་ག་མེ། ད་ཧ་ནི་དྷ་དྷ་ནེ། དྷ་ར་བ་རེ། ད་དྷི་ནི། ནི་ཁུ་མེ། ཁུ་ཁུ་མེ། ཁ་ཁ་ཁ་ཁ། སཱ་རྃ་ག་མེ། ཙན་དྲེ། ཙ་པ་ལེ། ཧ་ལི་མེ། ཧ་ལེ། ཧཱ་རཱི་ཎེ་སྭཱ་ཧཱ། ཕྱོགས་ཐམས་ཅད་ནས་བདག་གི་སྡིག་པ་ཐམ་ཅད་
ཞི་བར་གྱུར་ཅིག་སྭཱཧཱ། དེ་ནས་ཚང་པ་དབང་པོ་དང་། །འཇིག་རྟེན་སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མ་བུ་དང་བཅས་པ་ཡང་། །ཐལ་མོ་དག་ནི་རབ་སྦྱར་ནས། །སྒྲ་སྐད་
གཅིག་ཏུ་འདི་སྐད་གསོལ། །ཉི་མ་སྟོང་ལྟར་གསལ་བ་པོ། །ཟླ་བ་ཉ་ལྟར་འོད་གསོལ་བ། །ལྷ་མིར་བཅས་པའི་འཇིག་རྟེན་ན། །ཁྱོད་དང་འདྲ་བ་ཡོང་མ་མཆིས། །ལེགས་བསམ་ལེགས་པར་སྦྱར་ན་ནི། །
གནོད་སྦྱིན་སྲིན་པོ་རྣམས་འཇོམས་པ། །རྒྱལ་སྲིད་ཐར་བགྱིད་ཅེས་བགྱི་བ། །རིག་སྔགས་རྒྱལ་སྲིད་རབ་སྦྱོར་བ། །སྟོང་ཆེན་གྱི་ནི་འཇིག་རྟེན་ན། །བསྲུང་བའི་མདོ་སྡེ་དམ་
པ་ལགས། །ཕྱག་འཚལ་སྐྱེས་བུ་དཔའ་ཁྱོད་ལ། །ཕྱག་འཚལ་སྐྱེས་བུ་མཆོག་ཁྱོད་ལ། །ཐལ་མོ་སྦྱར་ཏེ་ཕྱག་འཚལ་ནས། །དེ་ཉིད་དུ་ནི་མི་སྣང་གྱུར། །དེ་ནས་
བཅོམ་ལྡན་འདས་ནུབ་ཁའི་དུས་ཀྱིས་ཚེ།  ནང་དུ་ཡང་དག་འཇོགས་ལས་བཞེངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་སྟོང་ཆེན་པོ་རབ་ཏུ་འཇོམས་པ་ཞེས་
བྱ་བའི་མདོ་སྡེ་ལོང་ཤིག །ཆོངས་ཤིག །ལྷོགས་ཤིག །སྟོན་ཅིག །ཀུན་ཆུབ་པར་གྱིས་ཤིག་དང་། དེ་ལྷ་དང་བཅས་པའི་འཇིག་རྟེན་ལ་ཡུན་རིང་པོའི་དོན་དང་། ཕན་པ་དང་། 
།།           །།          །།      །།      །།         །།         །།         །།              །།             །།                   །།           །།              །།             །།
97-1-93a


བདེ་བ་དང་།  བདེ་བ་ལ་རེག་པར་གནས་པར་འགྱུར་རོ། །དགེ་སློང་དག་ངའི་དགེ་སློང་གང་ལ་ལ་ཞིག་གིས་སྟོང་ཆེན་པོར་རབ་ཏུ་འཇོམ་པའི་མདོ་སྡེ་འདིས་ཤིང་སྐམ་པོ་ལ་སྐུད་པས་བཅིངས་ན་དེ་ལ་ལོ་མ་དང་། 
མེ་ཏོག་དང་འབྲས་བུ་རྣམས་སྐྱེས་བར་འགྱུར་ན། རྣམས་པར་ཤེས་པ་དང་བཅས་པའི་ལུས་ལ་ལྟ་སྨོས་ཀྱང་ཅི་དགོས་ཏེ། སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །དེ་སྐད་ཅེས་བཀའ་སྩལ་
པ་དང་། བཅོམ་ལྡན་འདས་ལ་དགེ་སློང་དེ་དག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་མདོ་སྡེ་ཆེན་པོ་ལྔ་གསུངས་པ་དེ་དག་ནི་འདི་ལྟ་སྟེ། སྟོང་ཆེན་པོ་རབ་ཏུ་འཇོམ་པ་དང་། 
རྨ་བྱ་ཆེན་མོ་དང་། བསིལ་བའི་ཚལ་ཆེན་མོ་དང་། སོ་སོར་འབྲང་བ་ཆེན་མོ་དང་། གསང་སྔགས་ཀྱི་རྗེས་སུ་འབྲང་བ་ཆེན་མོ་ལགས་ཏེ། བཙུན་པ་བཅོམ་ལྡན་འདས་ཀྱིས་དེ་དག་ཟས་རྣམ་པ་
ལྔ་ཡོངས་སུ་སྤངས་ལ་ཆོངས་ཤིག་ཅེས་ཀྱང་བཀའ་སྩལ་ལ། ཟས་བསོད་སྙོམས་ལ་བརྟེན་ཏེ་རབ་ཏུ་བྱུང་ཤིག་ཅེས་ཀྱང་གསུངས་ན། བཅོམ་ལྡན་འདས་ཟས་རྣམ་པ་ལྔ་དང་མ་འདྲེས་
པའི་བསོད་སྙོམས་ནི་ཉུང་། འདི་ལྟར་ཟས་རྣམ་པ་ལྔ་དང་འདྲེས་པ་དེ་ནི་མང་ལགས་ན། བཙུན་པ་བཅོམ་ལྡན་འདས་དེ་ལ་བདག་ཅག་གིས་ཇི་ལྟར་ནན་ཏན་དུ་བགྱི། དེ་སྐད་ཅེས་གསོལ་པ་
དང་། བཅོམ་ལྡན་འདས་ཀྱིས་དགེ་སློང་དེ་དག་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་དེ་ཉིད་ཀྱི་ཕྱིར་སུ་སྟོང་ཆེན་པོ་རབ་ཏུ་འཇོམ་པའི་མདོ་སྡེ་འདི་འཆང་བ་དེས། རྨ་མེད་པའི་
ནོར་བུའི་གཟུངས་ཞེས་བྱ་བ་དེ་བདག་ཉིད་བསྲུང་བར་བྱ་བའི་ཕྱིར་ཆོངས་ཤིག །དེས་བསོད་སྙོམས་ལེན་པའི་ཚེ་ཟས་ལ་མི་མཐུན་པ་མེད་པའི་འདུ་ཤེས་བསྐྱེད་པར་བྱའོ། །ཟས་རྣམ་
97-1-93b


པ་ལྔ་དང་འདྲེས་པའི་བསོད་སྙོམ་ལ་ཡང་ཟས་རྣམ་པ་ལྔ་དང་མ་འདྲེས་པའི་འདུ་ཤེས་བསྐྱེད་པར་བྱ། འདུས་བྱས་ཐམས་ཅད་ལ་མི་རྟག་པའི་འདུ་ཤེས་དང་། མི་རྟག་པ་ལ་སྡུག་བསྔལ་བའི་འདུ་ཤེས་དང་། 
སྡུག་བསྔལ་བ་ལ་བདག་མེད་པའི་འདུ་ཤེས་སྐྱེད་པར་བྱའོ། །ཟས་རྣམ་པ་ལྔ་པོ་དག་ག་ལ་ཡོད། ཟས་རྣམ་པ་ལྔ་པོ་སུའི་ཡིན། སུ་ཞིག་ཟས་རྣམ་ལྔ་པོ་ཟ། སེམས་ཅན་དམིགས་
སུ་མེད་དོ། །དེ་ལ་ཟས་རྣམ་ལྔ་དང་འདྲེས་ན་ཚེས་བརྒྱད་དང་། བཅུ་བཞི་དང་། བཅྭ་ལྔ་ལ་བདག་བསྲུངས་བ་བྱས་ཏེ། རྒྱལ་རིགས་ཀྱི་བུ་མོ་ལེགས་པར་དཀྲུས་པ། ཤིན་དུ་བརྒྱན་པ། ཉིན་ཞག་
གཅིག་ཟས་བཅད་པ། བསླབ་པའི་གནས་ལྔ་བཟུངས་བ། སྐུད་པ་དམར་པོ་བཞི་སྒྲིལ་དུ་འཁལ་དུ་བཅུག་ལ་གསང་སྔགས་འཛིན་པས་རིག་སྔགས་དྲན་པར་བྱས་ཏེ་སྐུད་པ་དེ་མདུད་པ་མདུད་ལ། 
སྐུད་པ་དེ་མཚོན་སར་པས་བཅད་དེ་བསྲེགས་ལ་རིན་པོ་ཆེའི་སྣོད་དམ། ལྕགས་ཀྱི་སྣོད་ཀྱང་རུང་། ཆུས་ཁོང་སྟེ་མེ་ཏོག་གིས་ཁྱབ་པར་ཁྲོམ་ལ་བདུག་པ་སྣ་ཚོགས་ཀྱིས་བདུགས་ཏེ། 
སྣོད་ཀྱི་ནང་ནས་སྐུད་པ་དེ་སླར་འབྱོར་ཏེ་མ་བྱུང་གི་བར་དུ་རིག་སྔགས་འདི་བརྗོད་པར་བྱའོ། །དེ་ཡང་ལག་པ་ལ་བཅིངས་ལ་ཚིགས་འདི་སྐད་བརྗོད་དོ། །བྲམ་ཟེ་རྣམས་ཀྱིས་བསླུས་ནས་སུ། །
ཤཱཀྱ་སེང་གེ་སྐྱོབ་པ་ལ། །དཔལ་སྦས་ཀྱིས་ནི་དུག་ཅན་གྱི། །བསོད་སྙོམས་དག་ནི་ཕུལ་བ་དང་། །དེ་ལས་དེ་ནི་བླངས་ནས་སུ། །སྟོན་པས་དུག་ནི་བསད་ནས་གསོལ། །བདེན་པའི་
ཚིག་ནི་འདིའི་སུ། །ཟས་ནི་བདུད་རྩིར་འགྱུར་བར་ཤོག །རྣམ་པར་གཟིགས་པ་ལྷ་གང་དང་། །གཙུགས་གཏོར་ཅན་དང་ཀུན་སྐྱོབ་དང་། །ལོགས་པར་དད་པ་སེལ་བ་དང་། །སྟོབས་ཆེན་
97-1-94a


ལྷ་གང་དད་པ་དང་། །གསེར་དང་དཔལ་ལྡན་འོད་སྲུང་དང་། །ཤཱཀྱ་ཡི་ནི་སེང་གེ་ལ། །རབ་དད་ལྷའི་དབང་པོ་དང་། །ཚངས་དབང་སུམ་བཅུའི་དབང་ཕྱུག་དང་། །འཇིག་རྟེན་
སྐྱོང་བ་བཞི་དག་དང་། །ནོར་བུ་བཟང་དང་དབང་ཕྱུག་ཆེ། །སྲིན་མོ་ནག་མོ་ཆེན་མོ་དང་། །དེ་བཞིན་གདོལ་མ་གཏུམ་མོ་དག །མེ་ཏོག་དང་ནི་བདུག་པ་དང་། །བདག་གི་
སྦྱིན་བསྲེག་འདི་བཞེས་ཤིག །དེ་དག་ཚིམ་ཞིང་མཆོད་གྱུར་ནས། །བདག་གི་ཁ་ཟས་བྱང་བར་མཛོད། །ཟས་ལྔ་དག་དང་འདྲེས་པ་ཡང་། །བདག་ལ་མ་འདྲེས་མཛད་དུ་གསོལ། །
ཁ་ཟས་ལྔ་དང་འདྲེས་པ་ཡང་། །ཟས་དེ་ཀུན་ནི་བཟའ་བར་བགྱི། །ས་བོན་དག་གིས་ཚོགས་ཀུན་ལ། །སའི་བཅུད་ནི་ཞུགས་པ་ཡི། །ཁ་ཟས་འདྲེས་པ་ཐམས་ཅད་ཀྱང་། །
བདག་ལ་མ་འདྲེས་མཛད་དུ་གསོལ། །ཇི་ལྟར་སྐུད་པ་བཅད་བསྲེགས་པ། །དེ་ལྟ་བུ་ཡང་སླར་འབྱོར་བ། །དེ་ལྟར་ཟས་རྣམས་འདྲེས་པ་ཡང་། །མ་འདྲེས་
པར་ཡང་བདག་ལ་མཛོད། །སྱཱད་ཡ་ཐེ་དན། ཁ་ཁ་མེ། ཁ་ཁ་ཁ་ཁ། ཁུ་ཁུ་མེ། ཤི་མེ་ཤི་མེ། ཤི་ཧུ་མེ། ཤི་མེ་ཤི་མེ། 
སྭཱ་སྟི་སྭ་སྟི་སྭ་སྟི་སྭ་སྟི། མ་མ་ཤཱན་ཏེ། ཤཱ་རཱ་གྲི། ཁ་ཟས་ལྔ་དང་འདྲེས་པ་ཡང་། །ཇི་ལྟར་མ་འདྲེས་ཟས་བཞིན་དུ། །གང་གིས་ཇི་ལྟར་སྐུད་
བསྲེགས་པ། །དེ་འདྲའི་བདེན་པ་མཛད་དུ་གསོལ། །སྱཱད་ཡ་ཐེ་དན། ཀ་ལ་ཀེ། ཀ་ལ་ལེ། བ་ལ་ནི། ཀ་རུ་ཏ་ཨ་ལ་ཡེ། ཨ་གྣེ། སྃ་ཀྲཱ་མ་ཎེ་
97-1-94b


སྭཱ་ཧཱ། སངས་རྒྱས་རྣམ་པར་གཟིགས་དང་གཙུག་ཏོར་ཅན། །བདེ་གཤེགས་ཀུན་སྐྱོབས་སངས་རྒྱས་ལོག་པར་དད་སེལ་དང་། །གསེར་ཐུབ་འོད་སྲུང་ཤཱཀྱ་ཐུབ་པ་གཽ་ཏ་མ། །
བསྙེངས་པ་མི་མངའ་བ་ལ་བསྐྱབས་སུ་ཉེ་བར་མཆི་བར་བགྱི། །མི་མཆོག་བདུན་པོ་དེ་དག་གི་ནི་སྐུ་རྣམས་ལ། །མེ་ཏོག་དག་དང་སྤོས་རྣམས་ཀྱིས་ནི་མཆོད་པར་བགྱི། །
ལུས་དང་ངག་དང་རབ་ཏུ་དང་བའི་སེམས་ཀྱིས་ནི། །དེ་དག་རྣམ་ལ་བསྐྱབས་སུ་ཉེ་བར་མཆི་བར་བགྱི། །སངས་རྒྱས་རྫུ་འཕྲུལ་ཆེ་དང་ལྡན་པ་དེ་དག་ལ། །ལྷ་གང་མངོན་པར་
རབ་ཏུ་དང་བ་ཡོད་པ་ཡི། །ལྷ་དེ་མགུ་ཞིང་ཡིད་ནི་རབ་ཏུ་དགར་གྱུ་ནས། །རབ་ཏུ་དང་བས་ཡིད་ཀྱིས་བདག་ལ་བསྲུང་དུ་གསོལ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་
དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྟོང་ཆེན་པོ་རབ་ཏུ་འཇོམས་པ་ཞེས་བྱ་བའི་མདོ་རྫོགས་སྷོ།། །།
རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛྙཱ་ན་སིདྷི་དང་། ཤཱཀྱ་པྲ་བྷ་དང་། ཞུ་ཆེན་གྱི་ལོ་ཙ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་བསར་ཆད་ཀྱིས་ཀྱང་བཅོས་ནས་
གཏན་ལ་ཕབ་པའོ།། །།སླར་ཡང་ལོ་ཙ་བ་གཞོན་ནུ་དཔལ་གྱིས་ཆོས་རྗེ་ཕྱག་ལོའི་རྒྱ་དཔེ་དང་བསྟུན་ནས་ཞུ་དག་པར་བགྱིས་སོ། །སྟག་ལུང་རྒྱུད་འབུམ་
དང་བཏུད་ཞུས་དག         །                 །           །           །              །              །               །             །             །
97-1-95a


༄༅། །རྒྱ་གར་སྐད་དུ། མ་ཧཱ་མཱ་ཡཱུ་རཱི་བིདྱཱ་རཱ་ཛྙཱི། བོད་སྐད་དུ། རིག་སྔགས་ཀྱི་རྒྱལ་མོ་རྨ་བྱ་ཆེན་མོ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་དང་བྱང་ཆུབ་
སེམས་དཔའ་དང་། ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་
ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་ཉན་ཐོས་ཀྱི་དགེ་འདུན་དང་བཅས་པ་བདུན་པོ་དག་ལ་ཕྱག་འཚལ་ལོ། །འཇིག་རྟེན་ན་དགྲ་བཅོམ་པ་རྣམས་
ལ་ཕྱག་འཚལ་ལོ། །བྱམས་པ་ལ་སོགས་པ་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །ཕྱིར་མི་འོང་བ་རྣམས་ལ་ཕྱག་འཚལ་ལོ། །ལན་ཅིག་ཕྱིར་འོང་བ་རྣམས་
ལ་ཕྱག་འཚལ་ལོ། །རྒྱུན་ཏུ་ཞུགས་པ་རྣམས་ལ་ཕྱག་འཚལ་ལོ། །འཇིག་རྟེན་ན་ཡང་དག་པར་སོང་བ་རྣམས་ལ་ཕྱག་འཚལ་ལོ། །ཡང་དག་པར་ཞུགས་པ་རྣམས་ལ་
ཕྱག་འཚལ་ལོ། །དེ་དག་ལ་ཕྱག་འཚལ་ནས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ལ་སྦྱར་བར་བྱའོ། །བདག་ལ་རིག་སྔགས་དེ་གྲུབ་པར་གྱུར་ཅིག །འབྱུང་པོའི་ཚོགས་
གང་སུ་དག་ས་ལ་རྒྱུ་བ་རྣམས་དང་། ནམ་མཁའ་ལ་བརྒྱུ་བ་རྣམས་དང་། ཆུ་ལ་རྒྱུ་བ་རྣམས་དང་། ལྷ་རྣམས་དང་། ཀླུ་རྣམས་དང་། ལྷ་མ་ཡིན་རྣམས་དང་། རླུང་ལྷ་རྣམས་དང་། 
ནམ་མཁའ་ལྡིང་རྣམས་དང་། དྲི་ཟ་རྣམས་དང་། མིའམ་ཅི་རྣམས་དང་། ལྟོ་ཕྱེ་ཆེན་པོ་རྣམས་དང་། གནོད་སྦྱིན་རྣམས་དང་། སྲིན་པོ་རྣམས་དང་། ཡི་དགས་རྣམས་དང་། ཤ་ཟ་རྣམས་དང་། 
97-1-95b


འབྱུང་པོ་རྣམས་དང་། གྲུལ་བུམ་རྣམས་དང་། སྲུལ་པོ་རྣམས་དང་། ལུས་སྲུལ་པོ་རྣམས་དང་། སྐེམ་བྱེད་རྣམས་དང་། སྨྱོ་བྱེད་རྣམས་དང་། གྲིབ་གནོན་རྣམས་དང་། རྗེད་བྱེད་རྣམས་དང་། 
གནོན་པོ་རྣམས་བདག་ལ་ཉོན་ཅིག །འབྱུང་པོའི་ཚོགས་གཟི་བྱིན་འཕྲོག་པ་རྣམས་དང་། ཟས་སུ་མངལ་ཟ་བ་རྣམས་དང་། ཟས་སུ་ཁྲག་འཐུང་བ་རྣམས་དང་། ཟས་སུ་ཞག་ཟ་བ་རྣམས་དང་། 
ཟས་སུ་ཤ་ཟ་བ་རྣམས་དང་། ཟས་སུ་ཚིལ་ཟ་བ་རྣམས་དང་། ཟས་སུ་རྐང་ཟ་བ་རྣམས་དང་། ཟས་སུ་བཙས་བ་ཟ་བ་རྣམས་དང་། སྲོག་འཕྲོག་པ་རྣམས་དང་། ཟས་སུ་གཏོར་མ་ཟ་བ་རྣམས་དང་། 
ཟས་སུ་འཕྲེང་བ་ཟ་བ་རྣམས་དང་། ཟས་སུ་དྲི་ཟ་བ་རྣམས་དང་། ཟས་སུ་གདུག་པ་ཟ་བ་རྣམས་དང་། ཟསུ་མེ་ཏོག་ཟ་བ་རྣམས་དང་། ཟས་སུ་འབྲས་བུ་ཟ་བ་རྣམས་དང་། ཟས་སུ་ལོ་ཏོག་ཟ་བ་རྣམས་
ཟས་སུ་སྦྱིན་སྲེགས་ཟ་བ་རྣམས་དང་། ཟས་སུ་རྣག་ཟ་བ་རྣམས་དང་། ཟས་སུ་ཕྱི་ས་ཟ་བ་རྣམས་དང་། ཟས་སུ་གཅིན་འཐུང་བ་རྣམས་དང་། ཟས་སུ་ལྷག་མ་ཟ་བ་རྣམས་དང་། ཟས་སུ་མཆིལ་མ་ཟ་བ་
རྣམས་དང་། ཟས་སུ་ངར་སྣབས་ཟ་བ་རྣམས་དང་། ཟས་སུ་སྣབས་ཟ་བ་རྣམས་དང་། ཟས་སུ་མི་གཙང་བ་ཟ་བ་རྣམས་དང་། ཟས་སུ་སྐྱུགས་པ་ཟ་བ་རྣམས་དང་། ཟས་སུ་གཏོར་ཁུང་ནས་འབབ་པ་འཐུང་
བ་རྣམས་དང་། སྡིག་པའི་སེམས་དང་ལྡན་པ་རྣམས་དང་། སྡང་བའི་སེམས་དང་ལྡན་པ་རྣམས་དང་། དྲག་ཤུལ་གྱི་སེམས་དང་ལྡན་པ་རྣམས་དང་། གཞན་གྱི་སྲོག་འཕྲོག་པ་རྣམས་བདག་ལ་ཉོན་གཅིག །
རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བརྗོད་པར་བྱའོ། །སྤོས་དང་། མེ་ཏོག་དང་། བདུག་པ་དང་། གཏོར་མ་ཡང་སྦྱིན་ནོ། །བདག་ལ་སྡིག་པའི་སེམས་དང་ལྡན་པ་རྣམས་དང་། སྡང་བའི་སེམས་
97-1-96a


དང་ལྡན་པ་རྣམས་དང་། དྲག་ཤུལ་གྱི་སེམས་དང་ལྡན་པ་རྣམས་དང་། གཞན་གྱི་སྲོག་འཕྲོག་པ་རྣམས་དང་། ཟས་སུ་མདངས་ཟ་བའི་གདོན་ཐམས་ཅད་ནི་དེངས་ཤིག །ཞི་བའི་སེམས་དང་ལྡན་པ་རྣམས་
དང་། བྱམས་པའི་སེམས་དང་ལྡན་པ་རྣམས་དང་། དགེ་བའི་སེམས་དང་ལྡན་པ་རྣམས་ནི་བདག་ལ་ཉོན་ཅིག །སངས་རྒྱས་དང་། ཆོས་དང་དགེ་འདུན་ལ་མངོན་པར་དད་པ་རྣམས་བདག་ལ་ཉོན་ཅིག །འདི་ལྟ་སྟེ། 
ནག་མོ་བཞིན་སྒྱུར་མ། གྲུལ་བུམ་མ། དུང་ཅན་མ། མེ་ཏོག་ཀ་མ་ལ་ལྟ་བུའི་མིག་ཅན་མ། འཕྲོག་མ། སྐྲ་མདོག་ལྗང་ཁུ་མ། དཔལ་ལྡན་མ། སྤྲེའུ་ལྟར་དམར་སེར་མ། འཕྱང་མ། རབ་ཏུ་འཕྱང་
མ། དུས་ཀྱི་ཞགས་པ་ཅན་མ། བུམ་ལྟོ་མ། གཤིན་རྗེའི་ཕོ་ཉ་མོ། གཤིན་རྗེའི་སྲིང་མོ། འབྱུང་པོ་ཟ་བ་མོ། མེ་ཏོག་དང་། བདུག་པ་དང་། དྲི་དང་། གཏོར་མ་འདི་དག་འབུལ་གྱིས་བཞེས་ཤིག །འཇིགས་པ་དང་། གནོད་པ་
ཐམས་ཅད་ལས་བདག་ལ་བསྲུང་དུ་གསོལ། ལོ་བརྒྱ་འཚོ་བར་གྱུར་ཅིག །སྟོན་བརྒྱ་ཐོང་བར་ཤོག་ཤིག །བདག་ལ་རིག་སྔགས་ཀྱི་ཚིགས་རྣམས་གྲུབ་པར་གྱུར་ཅིག་སྭཱ་ཧཱ། འདི་སྐད་བདག་གིས་ཐོས་པ་
དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེའི་ཚེ་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་
གྱི་ཀུན་དགའ་ར་བ་ན། དགེ་སློང་ས་རི་ཞེས་བྱ་བ་གཞོན་ནུ་ཐོར་བུ་ལང་ཚོ་ལ་བབ་པ། རབ་ཏུ་བྱུང་ནས་རིང་པོ་མ་ལོན་པ། བསྙེན་པར་རྫོགས་ནས་རིང་པོ་མ་ལོན་པ། ཆོས་འདུལ་བ་འདིར་འོངས་ནས་རིང་པོ་མ་ལོན་པ་ཞིག་གནས་པ་དེ་དགེ་
འདུན་གྱི་བསྲོ་ཁང་བྱ་བའི་ཕྱིར་ཤིང་གཤགས་པ་དང་། ཤིང་རུལ་པའི་སེར་ག་ཞིག་ནས་སྦྲུལ་ནག་པོ་ཆེན་པོ་ཞིག་བྱུང་ནས་རྐང་པ་གཡས་པའི་མཐེ་བོང་ལ་ཟིན་པ་དང་། ལུས་སྦྲིད་ནས་ས་ལ་འགྱེལ་ཏེ། དབུ་བར་སྐྱུག་ཅིང་མིག་ཀྱང་གྱུར་ནས་ཉལ་བ་དང་། 
97-1-96b


ཚེ་དང་ལྡན་པ་ཀུན་དགའ་བོས་དགེ་སློང་ས་རི་ནད་ཀྱིས་བཏབ་ཏེ་སྡུག་བསྔལ་ཞིང་ནད་ཚབས་པོ་ཆེ་ནས་ས་ལ་འགྱེལ་ཏེ། དབུ་བར་སྐྱུག་ཅིང་མིག་ཀྱང་གྱུར་ནས་ཉལ་ཞིང་འདུག་པ་མཐོང་ངོ་། །མཐོང་ནས་ཀྱང་རིངས་པ་རིངས་པར་བཅོམ་ལྡན་འདས་
ག་ལ་བ་དེར་སོང་ཏེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅྡོཾས་མཉན་
ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་འདི་ན་དགེ་སློང་ས་རི་ཞེས་བགྱི་བ་གཞོན་ནུ་ཐོར་བུ། ལང་ཚོ་ལ་བབ་པ། རབ་ཏུ་བྱུང་ནས་རིང་པོ་མ་ལགས་པ། བསྙེན་པར་རྫོགས་ནས་རིང་པོར་མ་ལགས་པ་ཆོས་
འདུལ་བ་འདིར་མཆིས་ནས་རིང་པོ་མ་ལགས་པ་ཞིག་གནས་པ་དེ་དགེ་འདུན་གྱི་བསྲོ་ཁང་བགྱི་བའི་སླད་དུ་ཤིང་བཤགས་པ་དང་། ཤིང་རུལ་པའི་སེར་ག་ཞིག་ནས་སྦྲུལ་ནག་པོ་ཆེན་པོ་ཞིག་བྱུང་ནས་རྐང་པ་གཡས་པའི་མཐེ་འོང་ལ་ཟིན་
པ་དང་ལུས་སྦྲིད་ནས་དོག་ས་ལ་འགྱེལ་ཏེ། དབུ་བར་སྐྱུག་ཅིང་མིག་ཀྱང་གྱུར་ནས་ཉལ་ཞིང་མཆིས་ན། བཙུན་པ་བཅྡོཾས་དེ་ལ་བདག་གིས་ཅི་ལྟར་ནན་ཏན་དུ་བགྱི། དེ་སྐད་ཅེས་གསོལ་པ་དང་། བཅྡོཾས་ཀྱིས་ཚེ་དང་ལྡན་པ་ཀུན་དགའ་བོ་ལ་
འདི་སྐད་ཅེས་བཀའ་སྩལ་ཏོ། །ཀུན་དགའ་བོ་དེ་བཞིན་གཤེགས་པའི་བཀས་ཁྱོད་སོང་ལ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་ལྷའི་གདོན་དང་ཀླུའི་གདོན་དང་ལྷ་མ་ཡིན་གྱི་གདོན་དང་རླུང་ལྷའི་གདོན་དང་ནམ་
མཁའ་ལྡིང་གི་གདོན་དང་དྲི་ཟའི་གདོན་དང་མི་འམ་ཅིའི་གདོན་དང་ལྟོ་འཕྱེ་ཆེན་པོའི་གདོན་དང་གནོད་སྦྱིན་གྱི་གདོན་དང་སྲིན་པོའི་གདོན་དང་ཡི་དག་ཀྱི་གདོན་དང་ཤ་ཟའི་གདོན་དང་འབྱུང་པོའི་གདོན་དང་གྲུལ་བུཾ་གྱི་གདོན་དང་སྲུལ་པོའི་གདོན་
དང་ལུས་སྲུལ་པོའི་གདོན་དང་སྐེཾ་བྱེད་ཀྱི་གདོན་དང་སྨྱོ་བྱེད་ཀྱི་གདོན་དང་གྲིབ་གནོན་གྱི་གདོན་དང་བརྗེད་བྱེད་ཀྱི་གདོན་དང་གནོན་པོའི་གདོན་དང་སྐར་མའི་གདོན་དང་གཤེད་བྱེད་དང་སྒྱུར་བའི་ལས་དང་བྱད་དང་གཡེངས་བྱེད་དང་རོ་ལང་དང་སེཾས་སྒྱུར་དང་སྦོད་
97-1-97a


གཏོང་དང་། བཟའ་ཉེས་དང་། སྐྱུག་ཉེས་དང་། གནོད་སྒྲིབ་དང་གནོད་ལྟས་དང་བྲི་ཉེས་དང་བསྒོམ་ཉེས་དང་སྨད་པ་དང་རིམ་ཉིན་ཅིག་པ་དང་། ཉིན་གཉིས་པ་དང་ཉིན་གསུཾ་པ་དང་ཉིན་བཞི་པ་དང་ཉིན་བདུན་པ་དང་ཟླ་བ་ཕྱེད་པ་དང་ཟླ་བ་ཅིག་པ་དང་ཉིན་མོ་པ་དང་། 
ཡུད་ཙམ་པ་དང་། རྟག་པའི་རིཾ་དང་རིམས་དྲག་པོ་དང་འབྱུང་པོའི་རིམས་དང་མིའི་རིམས་དང་མི་མ་ཡིན་པའི་རིམས་དང་རླུང་ལས་གྱུར་པ་དང་མཁྲིས་པ་ལས་གྱུར་པ་དང་བད་ཀན་ལས་གྱུར་པ་དང་འདུས་པ་ལས་གྱུར་པ་དང་རིམས་ཐཾད་ལས་དགེ་སློང་ས་རི་ལ་སྲུང་བ་གྱིས་ཤིག །
སྦ་བ་དང་ཡོངསུ་བསྐྱབ་པ་དང་ཡོང་སུ་བཟུང་བ་དང་ཡོངསུ་བསྐྱང་བ་དང་ཞི་བ་དང་བདེ་ལེགསུ་འགྱུར་བ་དང་། ཆད་པ་སྤང་བ་དང་ཚོན་ཆ་སྤང་བ་དང་དུག་གཞིལ་བ་དང་དུག་གསད་པ་དང་མཚམས་གཅད་པ་དང་། ས་བཅིང་བ་གྱིས་ཤིག །གླད་པ་ན་བ་མེད་པར་གྱིས་ཤིག །
གཞོགས་ཕྱེད་ན་བ་དང་ཡི་ག་འཆུས་པ་དང་། མིག་ནད་དང་། སྣ་ནད་དང་། ཁ་ནད་དང་། མགུལ་ནད་དང་། སྙིང་ནད་དང་། ལྐོག་མའི་ལྷ་གོར་ན་བ་དང་། རྣ་བ་ན་བ་དང་། སོ་ན་བ་དང་། སྙིང་ན་བ་དང་རྩིབ་ལོགས་ན་བ་དང་རྒྱབ་ན་བ་དང་། ལྟོ་བ་ན་བ་དང་། མཁུར་བ་ན་བ་དང་། ཆུ་སོ་ན་བ་དང་། 
སྐྱེ་གནས་ན་བ་དང་། རབ་ཏུ་སྐྱེ་གནས་ན་བ་དང་། རྐེད་པ་ན་བ་དང་། བརླ་ན་བ་དང་། བྱིན་པ་ན་བ་དང་། ལག་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་མེད་པར་གྱིས་ཤིག །མཚན་མོ་དགེ་དང་ཉིན་མོ་དགེ། ཉི་མའི་གུང་གི་དགེ་བ་དང་། །ཉིན་
མཚན་ཀུན་གྱི་དགེ་བ་དག །སངས་རྒྱས་ཀུན་གྱིས་བདག་ལ་སྩོལ། །ཏད་ཡ་ཐཱ། ཨཱི་ཌི་བི་ཌི། ཀི་ཌི། ཧི་ཌི་མི་ཌི་ནི་ཌི། ཨཱ་ཌེ། གྷཱ་ཌེ། དུརྒྷཱ་ཌེ། ཧི་རི་ནི། བ་གུ་ཌེ། པཱ་ན་སུ། པི་ཤཱ་ཙི་ནི། ཨཱ་རོ་ཧ་ཎཱི། ཨ་རོ་ཧི་ནི། ཨེ་ལེ། མེ་ལེ་ཏེ་ལེ། ཏི་ལི་ཏི་ལི། མེ་ལེ་མེ་ལེ། ཏི་མི་ཏི་མི། དུ་མེ་དུ་མེ། 
དུ་དུ་མེ། ཨིཊྚི། མིཊྚི། བིཥྚ་བ་དྷེ། ཙ་པ་ལེ། བི་མ་ལི། ཧུ་ལུ་ཧུ་ལུ། ཨ་ཤྭ་མུ་ཁི། ཀཱ་ལི་ཀཱ་ལི། མ་ཧཱ་ཀཱ་ལི། པྲ་ཀིཪྞ་ཀེ་ཤི། ཀུ་ལུ་ཀུ་ལུ། བ་ཕུ་ལུ་བ་ཕུ་ལུ། ཀོ་ལུ་ཀོ་ལུ། ཧུ་ལུ་ཧུ་ལུ། བ་ཧུ་ལུ་བ་ཧུ་ལུ། བོས་དུམྦཱ། དོ་དུམྦཱ། དུ་མ་དུམྦཱ། གོ་ལཱ་ཡཱ། བེ་ལཱ་ཡཱ། པ་རི་བཱ་ལཱ་ཡཱ། 
པི་ཤུ་པི་ཤུ། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། མི་ལི་མི་ལི། མི་ལི་མི་ལི། མི་ལི་མི་ལི། མི་ལི་མི་ལི། མི་ལི་མི་ལི། ཏི་ལི་ཏི་ལི། ཏི་ལི་ཏི་ལི། ཏི་ལི་ཏི་ལི། ཏི་ལི་ཏི་ལི། ཏི་ལི་ཏི་ལི། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། མུ་ཧུ་མུ་ཧུ། 
97-1-97b


མུ་ཧུ་མུ་ཧུ། མུ་ཧུ་མུ་ཧུ། མུ་ཧུ་མུ་ཧུ། མུ་ཧུ་མུ་ཧུ། མུ་ལུ་མུ་ལུ། མུ་ལུ་མུ་ལུ། མུ་ལུ་མུ་ལུ། མུ་ལུ་མུ་ལུ། མུ་ལུ་མུ་ལུ། ཧུ་ཧུ་ཧུ་ཧུ་ཧུ་ཧུ་ཧུ་ཧུ་ཧུ་ཧུ། བཱ་བཱ་བཱ་བཱ་བཱ་བཱ་བཱ་བཱ་བཱ་བཱ། པཱ་པཱ་པཱ་པཱ་པཱ་པཱ་པཱ་པཱ་པཱ་པཱ། ཛྭ་ལ་ཛྭ་ལ་ཛྭ་ལ་ཛྭ་ལ་ཛྭ་ལ་ཛྭ་ལ་ཛྭ་ལ་ཛྭ་ལ་ཛྭ་ལ་ཛྭ་ལ། 
ད་མ་ད་མ་ནི། པ་ཏ་པ་ཏ་ནི། ཛྭ་ལ་ཛྭ་ལ་ནི། པ་ཙ་པ་ཙ་ནི། དུནྡུ་བྷི། གརྫ་ནི། བཪྵ་ཎི། སྥོ་ཊ་ནི། ཏ་པ་ནི་ཏཱ་པ་ནི། པ་ཙ་ནི་པཱ་ཙ་ནི། ཧཱ་རི་ཎི། ཀཱ་རི་ཎི། ཀི་མི་ནི། ཀམྤ་ནི། མརྡ་ནི། མཎྜི་ཀི་ཏེ་ཀྵེ། མཾ་ཀ་རི་མ་ཀ་རི། ཤཱ་ཀ་རི། ཤཱཪྐ་རི། ཀརྐ་རི། ཤ་བ་རི། 
ཤྃ་ཀ་རི། ཛྭ་ལ་ཛྭ་ལ་ནི། དུ་མ་དུམྦ་ནི། སུ་ཀུ་སུ་ཀུ་མེ། གོ་ལཱ་ཡཱ། བེ་ལཱ་ཡཱ། པ་རི་བེ་ལཱ་ཡཱ། ལྷས་ཀུན་དུ་ཆར་ཕོབ་ཅིག །ཨི་ལི་ཀི་སི་སྭཱ་ཧཱ། ང་ནི་ཡུལ་འཁོར་སྲུང་ལ་བྱམས། །ས་སྲུང་བུ་ལ་འང་ང་བྱམས་ཏེ། །ང་ནི་མིག་མི་བཟང་
ལ་བྱམས། །གཽ་ཏ་མ་ནི་ནག་པོ་དང་། །ང་ནི་ཀླུ་རྒྱལ་ནོར་བུ་དང་། །ང་ནི་ནོར་རྒྱལ་བུ་ལ་འང་བྱམས། །དབྱུག་པ་རྐང་གི་ཀླུ་དག་དང་། །གང་བ་བཟང་ལ་འང་ང་རྟག་ཏུ། །ཀླུ་གང་དགའ་བོ་ཉེ་དགའ་བོ། །ཁ་དོག་ལྡན་ཞིང་གྲགས་དང་
ལྡན། །རྫུ་འཕྲུལ་ལྡན་ཞིང་ལྷ་མིན་དང་། །ལྷ་ཡི་གཡུལ་ཡང་མྱོང་བར་བྱེད། །མ་དྲོས་ཀླུ་དང་ཆུ་ལྷ་དང་། །འཛམ་པ་ལེན་པ་ལ་ཡང་བྱམས། །འཇོག་པོ་དང་ནི་མཐའ་ཡས་དང་། །དེ་བཞིན་ནོར་གྱི་
སྒོ་དང་ནི། །གཞན་ལས་རྒྱལ་ལ་ང་བྱམས་ཏེ། །གཅོད་དང་ལྡན་པའི་བུ་ལ་བྱམས། །རྟག་པར་གཟི་ཅན་ཆེན་པོ་དང་། །གཟི་ཅན་ལ་ཡང་དེ་བཞིན་ནོ། །ཕུབ་མ་མེད་དང་དུང་ཅན་དང་། །
ལོངས་སྤྱོད་ལྡན་དང་དགེ་ཚུལ་དང་། །ཁ་ན་ཞོ་དང་ནོར་བུ་དང་། །པད་མ་དཀར་པོ་ཕྱོགས་དག་དང་། །སྟོབས་ཀྱི་རྒྱུ་དང་དུང་སྐྱོང་དང་། །ལ་བ་དང་ནི་མགྱོགས་མཆོག་དང་། །ཀླུའི་རྒྱལ་པོ་དེ་དག་
ལ། །ང་ནི་རྟག་ཏུ་བྱམས་པ་ཡིན། །གནས་བཅས་ཆུ་སྲིན་ཀུམ་བྷི་ར། །དེ་བཞིན་ཁབ་ཀྱི་སྤུ་དག་དང་། །བྲང་འགྲོའི་བདག་པོ་ནག་པོ་དང་། །དྲང་སྲོང་ལ་ཡང་ང་བྱམས་སོ། །དེ་བཞིན་རྣ་བ་ཚང་བ་དང་། །ཤིང་རྟའི་བཞིན་ལ་
97-1-98a


བྱམས་པ་སྟེ། །གཟི་ཅན་དང་ནི་རབ་དགའ་དང་། །བད་སའི་བུ་ལ་ང་རྟག་ཏུ། །ང་ནི་ཨེ་ལའི་འདབ་ལ་བྱམས། །འཕྱང་བའི་ཚུལ་ལ་འང་ང་བྱམས་ཏེ། །མི་མིན་ཀླུ་ནི་གང་དག་དང་། །དེ་བཞིན་མིའི་བླ་མ་དང་། །ཀླུ་ཆེན་ཚོལ་བའི་ཚུལ་ཅན་དང་། །བཏང་
བཟུང་ཞེས་ནི་གྲགས་པ་དང་། །ཀླུ་གང་ས་ལ་རྒྱུ་དག་དང་། །དེ་བཞིན་ཆུ་ལ་གནས་རྣམས་དང་། །གང་དག་བར་སྣང་རྒྱུ་བ་དང་། །གང་དག་ལྷུན་པོར་གནས་པ་དང་། །མགོ་གཅིག་པ་དང་མགོ་གཉིས་པ། །དེ་དག་ལ་ནི་ང་རྟག་བྱམས། །རྐང་པ་མེད་ལ་ང་བྱམས་
ཏེ། །རྐང་གཉིས་པ་ལ་འང་ང་བྱམསོ། །རྐང་བཞི་པ་ལ་འང་ང་བྱམས་སོ། །རྐང་མངས་ལ་ཡང་ང་བྱམས་སོ། །རྐང་མེད་ང་ལ་གནོད་མ་བྱེད། །རྐང་གཉིས་ང་ལ་གནོད་མ་བྱེད། །རྐང་བཞི་ང་ལ་གནོད་མ་བྱེད། །རྐང་མངས་ང་ལ་གནོད་མ་བྱེད། །
གང་དག་ཆུ་ལ་གནས་ཡི། །ཀླུ་རྣམས་ཀུན་ལ་ང་བྱམས་སོ། །གང་སུ་ས་ལ་གནས་པའི། །འབྱུང་པོ་ཀུན་ལ་ང་བྱམས་སོ། །སེམས་ཅན་གང་དག་གནས་པར་བཅས། །སེམས་ཅན་ཀུན་ལ་ང་བྱམསོ། །སེམས་ཅན་ཀུན་དང་སྲོག་ཆགས་
ཀུན། །འབྱུང་པོ་དག་ནི་ཐམས་ཅད་ཀྱང་། །ཐམས་ཅད་བདེ་བ་འབའ་ཞིག་ཤོག །ཐམས་ཅད་ནད་ནི་མེད་གྱུར་ཅིག །ཀུན་གྱི་བཟང་པོ་མཐོང་བར་ཤོག །གང་ཡང་སྡིག་པར་མ་གྱུར་ཅིག །བྱམས་པའི་སེམས་ལ་གནས་ནས་སུ། །དུག་ནི་
རབ་ཏུ་བསད་པར་བྱ། །བསྲུང་དང་ཡོངས་སུ་བཟུང་བ་དང་། །དེ་བཞིན་ཡོངས་སུ་བསྐྱངས་བར་བྱ། །སངས་རྒྱས་ཕྱག་འཚལ་བྱང་ཆུབ་ཕྱག་འཚལ་ལོ། །གྲོལ་གྱུར་ཕྱག་འཚལ་གྲོལ་ལ་ཕྱག་འཚལ་ལོ། །ཞི་གྱུར་ཕྱག་འཚལ་
ཞི་ལ་ཕྱག་འཚལ་ལོ། །རྣམ་གྲོལ་ཕྱག་འཚལ་གྲོལ་ལ་ཕྱག་འཚལ་ལོ། །བྲམ་ཟེ་གང་དག་སྡིག་པའི་ཆོས་རྣམས་བསལ་བར་གྱུར་པ་དེ་དག་ལ་ཡང་ཕྱག་འཚལ་ལོ། །དེ་དག་གིས་བདག་ལ་བསྲུང་བར་གྱིས་ཤིག །འཇིག་པ་ཐམས་
ཅད་དང་། གནོད་པ་ཐམས་ཅད་དང་། ནད་འགོ་བ་དང་། འཁྲུགས་པ་ཐམས་ཅད་དང་། རིམས་ཐམས་ཅད་དང་། ནད་ཐམས་ཅད་དང་། གདོན་ཐམས་ཅད་དང་། དུག་ཐམས་ཅད་ལས་བསྲུང་བ་གྱིས་ཤིག །ལོ་བརྒྱ་འཚོ་བར་
97-1-98b


གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་སྔོན་བྱུང་བ་རིའི་རྒྱལ་པོ་གངས་རིའི་ལྷོ་ཕྱོགས་ཀྱི་ངོས་ལ་རྨྱ་བྱའི་རྒྱལ་པོ་གསེར་དུ་སྣང་བ་ཞེས་བྱ་བ་ཞིག་གནས་སྟེ། དེ་ནང་པར་རིགས་སྔགས་ཀྱི་རྒྱལ་མོ་རྨྱ་བྱའི་ཆེན་མོ་འདིས་
བདེ་ལེགས་སུ་གྱུར་པར་བྱས་ཏེ་ཉིན་མོ་དགེ་བར་གནས། ནུབ་ཀར་བདེ་ལེགས་སུ་འགྱུར་བར་བྱས་ཏེ་མཚན་མོ་དགེ་བར་གནས་སོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །རིགས་
སྔགས་ཀྱི་རྒྱལ་མོ་རྨྱ་ཆེན་མོ་ལ་ཕྱག་འཚལ་ལོ། །ཏད་ཡ་ཐཱ། ཧུ་ཧུ། ཧུ་ཧུ། ཧུ་ཧུ། ནཱལྒེ་ལེ་ལེ། དུམྦ་ལེ་ལེ་ལེ། ནཱ་ག་ལེ་ལེ་ལེ། ཧུ་ཡ་ཧུ་ཡ་བི་ཛ་བི་ཛ། ཐུ་སུ་ཐུ་སུ། གུ་ལུ་གུ་ལུ། ཧུ་རྩེ་ཛི་ནི་ཙེ་ཛི་ནི། ཨ་གུ་ལུ་ཨེ་ལཱ་མེ་ལཱ་ཨེ་ལཱ་
མེ་ལཱ་ཏི་ལཱི་མེ་ལཱ་ཨི་ལི་མིཏྟེ། ཨི་ལཱེ་ཏི་ལི་མིཏྟེ་དུམ་བེ་སུ་དུམྦེ་ཏོ་སུ་ཏོ་སུ་གོ་ལཱ་བེ་ལཱ། ཙ་པ་ལཱ་བེ་མ་ལཱ་ཨེཊྚི་རི་བྷིཊྚི་རི། རིཊྚི་རི་ན་མོ་བྷུདྷ་ནན། ཙི་ལི་ཀི་སི་གོ་དོ་ཧི་ཀཱ་ན་མོ་ཨ་ར་ཧ་ཏཱན་ཧ་ལ་ཧཱ་ལ། ལྷས་ཕྱོགས་བཅུ་ཀུན་དུ་ཆར་ཕོབ་ཤིག །
སངས་རྒྱས་རྣམས་ལ་ཕྱག་འཚལ་ལོ་སྭ་ཧཱ། དེས་དུས་གཞན་ཞིག་ན་རིགས་སྔགས་ཀྱི་རྒྱལ་མོ་རྨྱ་ཆེན་མོ་འདིས་བསང་བ་དང་། བདེ་ལེགས་སུ་འགྱུར་བ་མ་བྱས་པར་འདོད་པ་རྣམས་ལ་ཞེན་ཅིང་ཆགས་ཏེ་རྒྱགས་པས་མྱོས་ནས་རབ་ཏུ་རྨོངས་
ཤིང་བརྒྱལ་བ་དང་འདྲ་བར་གྱུར་ནས་རབ་ཏུ་ཞེན་ཏེ་ནགས་ཀྱི་རྨ་བྱ་གཞོན་ནུ་མང་པོ་དང་ལྷན་གཅིག་ཏུ་ཀུན་དགའ་ར་བ་ནས་ཀུན་དགའ་ར་བར་སྐྱེད་མོས་ཚལ་ནས་སྐྱེད་མོས་ཚལ་དུ་རིའི་ངོས་ནས་རིའི་ངོས་སུ་རྒྱུ་ཞིང་སོང་སོང་བ་ལས་དེ་བག་མེད་པར་གྱུར་ནས་རིའི་སེར་
ག་ཞིག་ཏུ་ཆུད་ནས། དེ་དེར་རིགས་ངན་གཞོན་ནུ་ཡུན་རིང་དུ་ཕྱིར་རྒོལ་བ་དགྲར་གྱུར་པ་འཚེ་བར་གྱུར་པ། གླགས་ལྟ་བ་རྣམས་ཀྱིས་རྨ་བྱ་སྙི་བཟུང་སྟེ། དེ་མི་འཇལ་བའི་ནང་དུ་སོན་པ་དང་དྲན་པ་སླར་རྙེད་ནས་རིགས་སྔག་ཀྱི་རྒྱལ་མོ་རྨ་བྱ་
ཆེན་མོ་འདི་ཉིད་ཡིད་ལ་བྱས་སོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །རིགས་སྔགས་ཀྱིས་རྒྱལ་མོ་རྨྱ་བྱ་ཆེན་མོ་ལ་ཕྱག་འཚལ་ལོ། །ཏད་ཡ་ཐཱ། ཧཱུ་ཧཱུ། ཧཱུ་ཧཱུ་ཧཱུ། ནཱ་ག་ལེ་ལེ་ལེ། 
97-1-99a


དུམ་ས་སད་མཱ་བ་ལེ་ལེ་ལེ། ནཱ་ག་ལེ་ལེ་ལེ། ཧུ་ཡ་ཧུ་ཡ། བི་ཛ་བི་ཛ། ཐུ་སུ་ཐུ་སུ། གུ་ལུ་གུ་ལུ། ཧུ་ཙེ་ཛི་ནི། ཙེ་ཛི་ནི། ཨ་གུ་ལུ། ཨི་ལཱ་མེ་ལཱ། ཨི་ལེ་མི་མེ་ལཱ། ཏི་ལི་མེ་ལཱ། ཨི་ལི་མིཏྟེ། ཨི་ལི་ཏི་ལི་མིཏྟ། དུམྦེ། སུ་དུམྦེ། ཏོ་སུ་ཏོ་སུ། གོ་ལཱ་བེ་ལཱ། ཙ་པ་ལཱ། 
བི་མ་ལཱ། ཨིཊྚི་རི། བྷིཊྚི་རི། ན་མོ་བུད་དྷཱ་ནཱན། ཙི་ལི་ཀི་སི། གོ་དོ་ཧི་ཀཱ། ན་མོ་ཨ་ར་ཧ་ཏཱན། ཧཱ་ལ་དཱ་ལ། ལྷས་ཕྱོགས་བཅུ་ཀུན་དུ་ཆར་ཕོབ་ཅིག །སངས་རྒྱས་ལ་ཕྱག་འཚལོ། །དེ་ནས་དེ་སྡུག་བསྔལ་དེ་ལས་ཐར་ཏེ་དགེ་བ་དང་། བདེ་བར་བདག་གི་ཡུལ་དུ་ཕྱིན་
ནས་གསང་སྔགས་ཀྱི་ཚིག་འདི་དག་ཀྱང་བཟླས་སོ། །སངས་རྒྱས་ལ་ཕྱག་འཚལོ། །ཆོས་ལ་ཕྱག་འཚལོ། །དགེ་འདུན་ལ་ཕྱག་འཚལོ། །རྨ་བྱའི་རྒྱལ་མོ་གསེར་དུ་སྣང་བ་ལ་ཕྱག་འཚལོ། །རིག་སྔགས་ཀྱི་རྒྱལ་མོ་རྨ་བྱ་ཆེན་མོ་ལ་ཕྱག་
འཚལོ། །ཏདྱ་ཐཱ། སིད་དྷེ། སུ་སིད་དྷེ། མོ་ཙ་ནི། མོ་ཀྵ་ནི། མུཀ་ཏེ་བི་མུཀྟེ། ཨ་མ་ལེ། བི་མ་ལེ། ནིརྨ་ལེ། ཨཎྜ་རེ། པཎྜ་རེ། མཾ་ག་ལྱེ། མཾ་ག་ལྱེ། ཧི་ར་ཎྱེ། ཧི་ར་ཎྱེ་གརྦྷེ་རཏྣེ། རཏྣ་གརྦྷེ། བྷ་དྲེ། སུ་བྷ་དྲེ། ས་མན་ཏ་བྷ་དྲེ། 
ཤྲི་བྷ་དྲེ། སརྦ་ཨཪྠ་སཱ་དྷ་ནི། པ་རམཱཪྠ་སཱ་དྷ་ནི། སརྦ་ཨ་ནཪྠ་པྲ་བཱ་དྷ་ནི། སརྦ་མྃ་ག་ལ་སཱ་དྷ་ནི། སརྦ་ཨ་མྃ་ག་ལ་བཱ་དྷ་ནི། མ་ན་སི། མཱ་ན་སི། མ་ཧཱ་མཱ་ན་སཱི། ཨ་ཙྱུ་ཏེ། ཨད་བྷུ་ཏེ། ཨད་དྱན་བྷུ་ཏེ། མུཀྟེ། 
བི་མུཀྟེ། མོ་ཙ་ནི། མོ་ཤ་ཀྵ་ནི། བྲམྷེ། ཨ་ར་ཛེ། བི་ར་ཛེ། བི་མ་ལེ། ཨ་མྲི་ཏི། ཨ་མྲྀ་ཏ་བཪྵ་ཎི། ཨ་མ་རེ། ཨ་མ་རི་ཎི་བྲཧྨེ་བྲཧྨ་སྭ་རེ། པཱུ་མ་ཨ་མྲྀ་ཏེ། ཨ་མྲྀ་ཏ་སན་ཛཱི་བ་ན་ཛཱི་བ་ནི། ཤྲཱི་བྷ་དྲེ། ཙནྡྲེ་ཙནྡྲེ་བྲ་བྷེ། 
སཱུརྱེ་སཱུརྱ་ཀཱན་ཏེ། བཱི་ཏ་བྷ་ཡེ། སརྦ་སུ་བརྞ། སུ་བརྞ་པྲཔྟེ། བྲཧྨ་གྷོ་ཥེ། བྲཧྨ་ཛུཥྚི། སརྦ་ཏྲ། ཨ་པྲ་ཏི་ཧ་ཏི་སྭཱཧཱ། སངས་རྒྱས་ཐྃད་ལ་ཕྱག་འཚལོ། །བདག་ལ་དགེ་བ་དང་བསྲུང་བ་མཛད་དུ་གསོལ། །ལོ་བརྒྱ་འཚོ་བར་གྱུར་ཅིག །སྟོན་
བརྒྱ་མཐོང་བར་ཤོག་ཤིག །ཏདྱ་ཐཱ། ཧུ་ཙི། ཤུ་ཙི་གྷུ་ཙི། མུ་ཙི་སྭཱཧཱ། ཀུན་དགའ་བོ་དེའི་ཚེ་དེའི་དུས་ན་རྨ་བྱའི་རྒྱལ་མོ་གསེར་དུ་སྣང་བ་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་སེམས་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ཀུན་དགའ་བོ་ང་ཉིད་
97-1-99b


དེའི་ཚེ་དེའི་དུས་ན་རྨ་བྱའི་རྒྱལ་པོ་གསེར་དུ་སྣང་བ་ཞེས་བྱ་བར་འགྱུར་རོ། །ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོའི་སྙིང་པོ་འདི་ཡང་བཟླས་པར་བྱའོ། །ཏདྱ་ཐཱ། ཨི་ལི་མི་ཏེ། ཏི་ལི་མིཏྟེ། ཏི་ལི་མིཏྟེ། ཏི་ལི་མི་ལི། མི་ལི་ཏི་ལི། 
ནི་ལི་མི་ཏི། བི་ལི་མི་ལི་མིཏ་ཏི། བི་ལི་མི་ལི་མི་ལི་ཏི་ལི་མི་ལི། སུ་དུམྦཱ། དུམྦཱ། སུ་བ་ཙ། ཙི་རི་ཀི་སི་ཡ། བྷིནྣ་མེ་ཊི། ན་མོ་བུད་དྷཱ་ནཱན། ཙི་ལི་ཀི་སི། པྲཱན་ཏ་མཱུ་ལེ། ཨི་དི་ལོ་ཧི་ཏ་མཱུ་ལེ། དུམྦཱ། སུ་དུམ་བཱ། ཀུཊ་ཊི། ཀུ་ནཊ་ཊི། ཀུ་ཀུ་ནཊ་ཊི། 
ཏི་ལི་ཀུཉྫ། ནཱཊ་ཊི། ལྕང་ལོ་ཅན་དུ་ལྷས་ཟླ་བ་དགུ་འམ། ཟླ་བ་བཅུར་ཆར་ཕོབ་ཤིག །ཨི་ལི་མི་ལི། ཀི་ལི་མི་ལི། ཀི་ལི་མི་ལི། ཀེ་ཏུ་མཱུ་ལེ། དུ་དུམྦཱེ། སུ་དུ་མོ་ཌེ། ད་ལི་མེ་སན་དུ་བཊྚེ། བུ་ས་བཊྚེ། བུ་ས་ར། བུ་ས་ར། དྷ་ན་བསྟ་ར་ཀེ། ནརྐྐ་ལ། ནརྐྐ་ལི་
མེ། ཁ་ལི་མ་གྷོ་ཥེ། ར་ཁི་ལེ། ཨི་ཏི་སཛྫ་ལེ། དུམྦེ། སུ་དུམྦེ། ཨཊྚེ། ནཊྚེ། པྲ་ནཊྚེ། ཨ་ན་ཎཊྚེ། ཨ་ན་མོ་ལེ། ལྷས་ཀུན་ནས་ཆུ་སར་པའི་ཆར་ཕོབ་ཅིག །ནཱ་རཱ་ཡ་ཎི། པཱ་རཱ་ཡ་ཎི། ཧ་རི་ཏཱ་ལི། ཀུན་ཏཱ་ལི། ཀུ་བྷཎྜི། ཨི་ལ་མི་སྟི། ཀི་ལི་མི་སྟི། ཀི་ལི་
ཏི་ལི་མི་སྟི། འགྲོ་ལྡིང་བའི་གསང་སྔགས་ཀྱི་ཚིག་འདི་དག་གྲུབ་པར་གྱུར་ཅིག་སྭཱཧཱ། ཀུན་དགའ་བོ་འདི་ནི་རིག་སྔགས་ཀྱི་རྒྱལ་མོ་རྨ་བྱ་ཆེན་མོའི་སྙིང་པོ་ཡིན་ནོ། །ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་གྲོང་ན་འདུག་པ་ན་ཡང་ཡིད་ལ་བྱའོ། །
དགོན་པ་ན་འདུག་གམ། ལམ་ན་འདུག་གམ། ལམ་གོལ་བ་ན་འདུག་གམ། རྒྱལ་པོའི་ཕོ་བྲང་འཁོར་ན་འདུག་གམ། ཆོམ་རྐུན་གྱི་ནང་ན་འདུག་གམ། མེའི་ནང་ན་འདུག་གམ། ཆུའི་ནང་ན་འདུག་གམ། དགྲའི་ནང་ན་འདུག་གམ། ཕྱིར་རྒོལ་བ་དང་། 
དགྲ་བོའི་ནང་ན་འདུག་གྃ། འཁོར་གྱི་ནང་ན་འདུགྃ། གམ། རྩོད་པའི་ནང་ན་འདུགྃ། གམ། སྦྲུལ་གྱིས་ཟིན་ཏམ། དུག་འཐུངས་སམ། འཇིགས་པ་ཐམས་ཅད་འདུས་པ་ན་ཡང་ཡིད་ལ་བྱའོ། །རླུང་ལས་གྱུར་པ་དང་། མཁྲིས་པ་ལས་གྱུར་པ་
དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། ནད་བཞི་བརྒྱ་རྩ་བཞི་ལས་ནད་གང་ཡང་རུང་བས་བཏབ་པར་གྱུར་པ་དང་། ཕོངས་པར་གྱུར་ན་ཡང་ཤིན་ཏུ་ཡིད་ལ་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ་གསད་
97-1-100a


པའི་རིགས་པ་ནི་ཆད་པས་བྲལ་བར་འགྱུར་རོ། །ཆད་པས་གཅད་པའི་རིགས་པ་ནི་གཞུ་བཙོག་གིས་སོ། །གཞུ་བཙོག་པའི་རིགས་པ་ནི་སྤྱོ་བོས་སོ། །སྤྱོ་བའི་རིགས་པ་ནི་དམ་བཅས་པས་སོ། །
དམ་བཅས་པའི་རིགས་པ་ནི་སྤུ་ཟིང་ཞེས་བྱ་བས་སོ། །སྤུ་ཟིང་ཞེས་བྱ་བའི་རིགས་པ་ནི་དེ་བཞིན་དུ་ཐར་བར་འགྱུར་ཏེ། དེའི་ནད་ཐམས་ཅད་ཀྱང་ལྡོག་པར་འགྱུར་རོ། །ཀུན་དགའ་བོ་རིག་སྔགས་དང་། གསང་
སྔགས་ཀྱི་ཚིག་འདི་ཡང་ཡིད་ལ་བྱའོ། །ཏད་ཡ་ཐཱ། ཙི་ལི། མི་ལི། ཀི་ལི་མི་ལི། ཀེ་ཏུ་མཱུ་ལེ། བུ་ས་བཊྚ། བུ་ས་ར་ཎེ། བུ་ད་ར་ནི། ཀེ་བཊྚ་ཀ །མཱུ་ལེ། ཨི་ཏི་ཤ་བ་ལེ། ཏུམྦེ་བ་ཏུམྦ། དུ། པྲི་ཡྃ་ཀ་རེ། ཨཱ་བཊྚེ། 
པ་རི་བཊྚེ། ལྷས་ཀུན་དུ་ཆུ་སར་པའི་ཆར་ཕོབ་ཅིག །ན་མོ་བྷ་ག་བ་ཏེ། ཨིཊ་ཊི་ཊ་ཊཱ་ཡ། ཨིནྡྲ་གོ་མི་སི་ཀཱ་ཡ། བྷྀངྒ་རི་ཀཱ་ཡ། ཨཱ་ཤ་ནེ། བཱ་ཤ་ནེ། པཱ་པ་ནི་ཀཱུ་ལེ། ཀ་པེ་ལ་མིཏྟེ། ཨི་ལི་མིཏྟེ། སངས་རྒྱས་
བཅོམ་ལྡན་འདས་ལ་ཕྱག་འཚལ་ལོ། །གསང་སྔགས་ཀྱི་ཚིགས་རྣམས་གྲུབ་པར་གྱུར་ཅིག་སྭཱཧཱ། ཀུན་དགའ་བོ་དེ་བཞིན་གཤེགས་པས་གསུངས་པའི་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་
བསྲུང་བར་གྱིས་ཤིག །ཡོངས་སུ་སྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་
བ་དང་། དུག་གསད་པ་དང་། མཚམས་གཅད་པ་དང་། ས་བཅིང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་
བསྲུང་བ་བྱས་ཤིང་སྦ་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། 
97-1-100b


དུག་གཞིལ་བ་དང་། དུག་གསད་པ་དང་། མཚམས་བཅད་པ་དང་། ས་བཅིང་བ་བྱས་པ་ལ་རྣམ་པར་འཚེ་བའི་ཕྱིར་འོང་བ། ལྷ་འམ། ལྷ་མོ་འམ། ལྷའི་བུ་ཕོ་འམ། ལྷའི་བུ་མོ་འམ། ལྷའི་རྒན་པོ་འམ། ལྷའི་
རྒན་མོ་འམ། ལྷའི་འཁོར་ཕོ་འམ། ལྷའི་འཁོར་མོ་འམ། ཀླུ་འམ། ཀླུ་མོ་འམ། ཀླུའི་བུ་ཕོ་འམ། ཀླུའི་བུ་མོ་འམ། ཀླུ་རྒན་པོ་འམ། ཀླུ་རྒན་མོ་འམ། ཀླུའི་འཁོར་ཕོ་འམ། ཀླུའི་འཁོར་མོ་འམ། ལྷ་
མ་ཡིན་ནམ། ལྷ་མ་ཡིན་མོ་འམ། ལྷ་མ་ཡིན་གྱི་བུ་ཕོ་འམ། ལྷ་མ་ཡིན་གྱི་བུ་མོ་འམ། ལྷ་མ་ཡིན་རྒན་པོ་འམ། ལྷ་མ་ཡིན་རྒན་མོ་འམ། ལྷ་མ་ཡིན་གྱི་འཁོར་ཕོ་འམ། ལྷ་མ་ཡིན་གྱི་འཁོར་མོ་
འམ། རླུང་ལྷ་འམ། རླུང་ལྷ་མོ་འམ། རླུང་ལྷའི་བུ་ཕོ་འམ། རླུང་ལྷའི་བུ་མོ་འམ། རླུང་ལྷའི་རྒན་པོ་འམ། རླུང་ལྷའི་རྒན་མོ་འམ། རླུང་ལྷའི་འཁོར་ཕོ་འམ། རླུང་ལྷའི་འཁོར་མོ་འམ། ནམ་མཁའ་
ལྡིང་ངམ། ནམ་མཁའ་ལྡིང་མོ་འམ། ནམ་མཁའ་ལྡིང་གི་བུ་ཕོ་འམ། ནམ་མཁའ་ལྡིང་གི་བུ་མོ་འམ། ནམ་མཁའ་ལྡིང་གི་རྒན་པོ་འམ། ནམ་མཁའ་ལྡིང་གི་རྒན་མོ་འམ། ནམ་མཁའ་ལྡིང་གི་
འཁོར་ཕོ་འམ། ནམ་མཁའ་ལྡིང་གི་འཁོར་མོ་འམ། དྲི་ཟ་འམ། དྲི་ཟ་མོ་འམ། དྲི་ཟའི་བུ་ཕོ་འམ། དྲི་ཟའི་བུ་མོ་འམ། དྲི་ཟའི་རྒན་པོ་འམ། དྲི་ཟའི་རྒན་མོ་འམ། དྲི་ཟའི་འཁོར་ཕོ་འམ། དྲི་ཟའི་
འཁོར་མོ་འམ། མི་འམ་ཅི་འམ། མི་འམ་ཅི་མོ་འམ། མི་འམ་ཅིའི་བུ་ཕོ་འམ། མི་འམ་ཅིའི་བུ་མོ་འམ། མི་འམ་ཅིའི་རྒན་པོ་འམ། མི་འམ་ཅིའི་རྒན་མོ་འམ། མི་འམ་ཅིའི་འཁོར་ཕོ་འམ། མི་འམ་ཅིའི་
འཁོར་མོ་འམ། ལྟོ་འཕྱེ་ཆེན་པོ་འམ། ལྟོ་འཕྱེ་ཆེན་མོ་འམ། ལྟོ་འཕྱེ་ཆེན་པོའི་བུ་ཕོ་འམ། ལྟོ་འཕྱེ་ཆེན་པོའི་བུ་མོ་འམ། ལྟོ་འཕྱེ་ཆེན་པོའི་རྒན་ཕོ་འམ། ལྟོ་འཕྱེ་ཆེན་པོའི་རྒན་མོ་འམ། ལྟོ་འཕྱེ་
97-1-101a


ཆེན་པོའི་འཁོར་ཕོ་འམ། ལྟོ་འཕྱེ་ཆེན་པོའི་འཁོར་མོ་འམ། གནོད་སྦྱིན་ནམ། གནོད་སྦྱིན་མོ་འམ། གནོད་སྦྱིན་གྱི་བུ་ཕོ་འམ། གནོད་སྦྱིན་གྱི་བུ་མོ་འམ། གནོད་སྦྱིན་རྒན་པོ་འམ། གནོད་སྦྱིན་རྒན་མོ་འམ། གནོད་
སྦྱིན་གྱི་འཁོར་ཕོ་འམ། གནོད་སྦྱིན་གྱི་འཁོར་མོ་འམ། སྲིན་པོ་འམ། སྲིན་མོ་འམ། སྲིན་པོའི་བུ་ཕོ་འམ། སྲིན་པོའི་བུ་མོ་འམ། སྲིན་པོ་རྒན་པོ་འམ། སྲིན་པོ་རྒན་མོ་འམ། སྲིན་པོའི་འཁོར་ཕོ་འམ། སྲིན་པོའི་འཁོར་མོ་
འམ། ཡི་དགས་སམ། ཡི་དགས་མོ་འམ། ཡི་དགས་ཀྱི་བུ་ཕོ་འམ། ཡི་དགས་ཀྱི་བུ་མོ་འམ། ཡི་དགས་རྒན་པོ་འམ། ཡི་དགས་རྒན་མོ་འམ། ཡི་དགས་ཀྱི་འཁོར་ཕོ་འམ། ཡི་དགས་ཀྱི་འཁོར་མོ་འམ། 
ཤ་ཟ་འམ། ཤ་ཟ་མོའམ། ཤ་ཟའི་བུ་ཕོ་འམ་ཤ་ཟའི་བུ་མོ་འམ། ཤ་ཟ་རྒན་པོ་འམ། ཤ་ཟ་རྒན་མོ་འམ། ཤ་ཟའི་འཁོར་ཕོ་འམ། ཤ་ཟའི་འཁོར་མོ་འམ། འབྱུང་པོ་འམ། འབྱུང་པོ་མོ་འམ། འབྱུང་པོའི་བུ་ཕོ་འམ། འབྱུང་
པོའི་བུ་མོ་འམ། འབྱུང་པོའི་རྒན་པོ་འམ། འབྱུང་པོའི་རྒན་མོ་འམ། འབྱུང་པོའི་འཁོར་ཕོ་འམ། འབྱུང་པོའི་འཁོར་མོ་འམ། གྲུལ་བུམ་འམ། གྲུལ་བུམ་མོ་འམ། གྲུལ་བུམ་གྱི་བུ་ཕོ་འམ། གྲུལ་བུམ་
གྱི་བུ་མོ་འམ། གྲུལ་བུམ་རྒན་པོ་འམ། གྲུལ་བུམ་རྒན་མོ་འམ། གྲུལ་བུམ་གྱི་འཁོར་ཕོ་འམ། གྲུལ་བུམ་གྱི་འཁོར་མོ་འམ། སྲུལ་པོ་འམ། སྲུལ་པོ་མོ་འམ། སྲུལ་པོའི་བུ་ཕོ་འམ། སྲུལ་པོའི་བུ་མོ་འམ། སྲུལ་པོའི་
རྒན་པོ་འམ། སྲུལ་པོའི་རྒན་མོ་འམ། སྲུལ་པོའི་འཁོར་ཕོ་འམ། སྲུལ་པོའི་འཁོར་མོ་འམ། ལུས་སྲུལ་པོ་འམ། ལུས་སྲུལ་པོ་མོ་འམ། ལུས་སྲུལ་པོའི་བུ་ཕོ་འམ། ལུས་སྲུལ་པོའི་བུ་མོ་འམ། ལུས་སྲུལ་པོའི་རྒན་པོ་
འམ། ལུས་སྲུལ་པོའི་རྒན་མོ་འམ། ལུས་སྲུལ་པོའི་འཁོར་ཕོ་འམ། ལུས་སྲུལ་པོའི་འཁོར་མོ་འམ། སྐེམ་བྱེད་དམ། སྐེམ་བྱེད་མོ་འམ། སྐེམ་བྱེད་ཀྱི་བུ་ཕོ་འམ། སྐེམ་བྱེད་ཀྱི་བུ་མོ་འམ། སྐེམ་བྱེད་རྒན་པོ་འམ། 
97-1-101b


སྐེམ་བྱེད་རྒན་མོ་འམ། སྐེམ་བྱེད་ཀྱི་འཁོར་ཕོ་འམ། སྐེམ་བྱེད་ཀྱི་འཁོར་མོ་འམ། སྨྱོ་བྱེད་དམ། སྨྱོ་བྱེད་མོ་འམ། སྨྱོ་བྱེད་ཀྱི་བུ་ཕོ་འམ། སྨྱོ་བྱེད་ཀྱི་བུ་མོ་འམ། སྨྱོ་བྱེད་རྒན་པོ་འམ། སྨྱོ་བྱེད་རྒན་མོ་འམ། སྨྱོ་བྱེད་ཀྱི་འཁོར་ཕོ་འམ། སྨྱོ་
བྱེད་ཀྱི་འཁོར་མོ་འམ། གྲིབ་གནོན་ནམ། གྲིབ་གནོན་མོ་འམ། གྲིབ་གནོན་གྱི་བུ་ཕོ་འམ། གྲིབ་གནོན་གྱི་བུ་མོ་འམ། གྲིབ་གནོན་རྒན་པོ་འམ། གྲིབ་གནོན་རྒན་མོ་འམ། གྲིབ་གནོན་གྱི་འཁོར་ཕོ་འམ། གྲིབ་གནོན་གྱི་འཁོར་མོ་འམ། 
རྗེད་བྱེད་དམ། རྗེད་བྱེད་མོ་འམ། རྗེད་བྱེད་ཀྱི་བུ་ཕོ་འམ། རྗེད་བྱེད་ཀྱི་བུ་མོ་འམ། རྗེད་བྱེད་རྒན་པོ་འམ། རྗེད་བྱེད་རྒན་མོ་འམ། རྗེད་བྱེད་ཀྱི་འཁོར་ཕོ་འམ། རྗེད་བྱེད་ཀྱི་འཁོར་མོ་འམ། གནོན་པོ་འམ། གནོན་པོ་མོ་འམ། གནོན་པོའི་བུ་ཕོ་
འམ། གནོན་པོའི་བུ་མོ་འམ། གནོན་པོའི་རྒན་པོ་འམ། གནོན་པོའི་རྒན་མོ་འམ། གནོན་པོའི་འཁོར་ཕོ་འམ། གནོན་པོའི་འཁོར་མོ་འམ། འགའ་ཡང་འོང་བར་ངེས་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། 
དགེ་སྦྱོང་དང་བཅས་པ། བྲམ་ཟེའི་སྐྱེ་དགུ་དང་བཅས་པ། ལྷ་དང་མི་དང་། ལྷ་མ་ཡིན་དུ་བཅས་པའི་འཇིག་རྟེན་ན་མ་མཐོང་ངོ་། །གླགས་ཚོལ་བར་འདོད་ཅིང་གླགས་ལྟ་ན་ཡང་གླགས་མི་རྙེད་དེ། ལྷ་ནི་ལྷ་འདུ་བའི་གནས་སུ་
མ་ཡིན། ཀླུ་ནི་ཀླུ་འདུ་བའི་གནས་སུ་མ་ཡིན། ལྷ་མ་ཡིན་ནི་ལྷ་མ་ཡིན་འདུ་བའི་གནས་སུ་མ་ཡིན། རླུང་ལྷ་ནི་རླུང་ལྷ་འདུ་བའི་གནས་སུ་མ་ཡིན། ནམ་མཁའ་ལྡིང་ནི་ནམ་མཁའ་ལྡིང་འདུ་བའི་གནས་སུ་མ་ཡིན། 
དྲི་ཟ་ནི་དྲི་ཟ་འདུ་བའི་གནས་སུ་མ་ཡིན། མི་འམ་ཅི་ནི་མི་འམ་ཅི་འདུ་བའི་གནས་སུ་མ་ཡིན། ལྟོ་འཕྱེ་ཆེན་པོ་ནི་ལྟོ་འཕྱེ་ཆེན་པོ་འདུ་བའི་གནས་སུ་མ་ཡིན། གནོད་སྦྱིན་ནི་གནོད་སྦྱིན་འདུ་བའི་གནས་སུ་མ་ཡིན། སྲིན་པོ་ནི་སྲིན་
པོ་འདུ་བའི་གནས་སུ་མ་ཡིན། ཡི་དགས་ནི་ཡི་དགས་འདུ་བའི་གནས་སུ་མ་ཡིན། ཤ་ཟ་ནི་ཤ་ཟ་འདུ་བའི་གནསུ་མ་ཡིན། འབྱུང་པོ་ནི་འབྱུང་པོ་འདུ་བའི་གནས་སུ་མ་ཡིན། གྲུལ་བུམ་ནི་གྲུལ་བུམ་འདུ་བའི་གནསུ་མ་ཡིན། སྲུལ་པོ་ནི་སྲུལ་པོ་འདུ་
97-1-102a


བའི་གནས་སུ་མ་ཡིན། ལུས་སྲུལ་པོ་ནི་ལུས་སྲུལ་པོ་འདུ་བའི་གནས་སུ་མ་ཡིན། སྐེམ་བྱེད་ནི་སྐེམ་བྱེད་འདུ་བའི་གནས་སུ་མ་ཡིན། སྨྱོ་བྱེད་ནི་སྨྱོ་བྱེད་འདུ་བའི་གནས་སུ་མ་ཡིན། གྲིབ་གནོན་ནི་གྲིབ་གནོན་འདུ་བའི་
གནས་སུ་མ་ཡིན། རྗེད་བྱེད་ནི་རྗེད་བྱེད་འདུ་བའི་གནས་སུ་མ་ཡིན་ཏེ། གནོན་པོ་ནི་གནོན་པོ་འདུ་བའི་གནས་སུ་མི་ཆུད་དོ། །གང་ལ་ལ་ཞིག་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་ལས་འགལ་བར་བྱེད་ན་དེའི་མགོ་ཨརྫ་ཀའི་
དོག་པ་བཞིན་དུ་ཚལ་པ་བདུན་དུ་འགས་སོ། །གསང་སྔགས་ཀྱི་ཚིག་འདི་དག་ཀྱང་ཡིད་ལ་བྱའོ། །ཏད་ཡ་ཐཱ། ཨི་ལི་མི་ལི། ཀི་ལི་མི་ལི། ཀིན་དུག་དྷེ། མུཀྟེ། སུ་མུཀྟེ། ཨཱ་ཌ། ནཱ་ཌེ། སུ་ཎཱ་ཌ། ལྕང་ལོ་ཅན་དུ་མཆོག་ཏུ་ལྷས་ཆར་
ཕོབ་ཤིག །ཨཱ་རཱ་པཱ་རཱ། གོ་དོ་ཧི་ཀཱ། ཨི་ལི་མི་ལི། བྷི་ཛི་ལི་ཀཱ། ཨུ་དུ་ཀཱ། དུནྡུ་ཀ །ཀཱ་ཊུ་ཊུ་ཀཱ། ཨི་ལི་མི་ལི། ཏི་ལི་མི་ལི། ས་མན་ཏ་ཏ། ཀྲི་ཏྭཱ། ཧུ་ལུ་ཧུ་ལུ། ཧི་ལི་ཧི་ལི། མི་ལི་མི་ལི། པི་ལི་པི་ལི། ཀི་ལི་ཀི་ལི། ཤཱིཪྵེ་ཎ། བཪྵ་མ། ཙུྰ་
ལུ་ཙུྰ་ལུ། ཙ་ལ་ཙ་ལ། ཙི་ལི་ཙི་ལི། ཙུྰ་ལུ་ཙུྰ་ལུ། ཙི་ཊི་ཙི་ཊི། ཤི་ཁི་ཤི་ཁི་ཤི་ཁི་ཤི་ཁི། ཨི་ཊི་བི་ཊི་ཁི་ཁི་ཁི། ཛུ་ཧུ་ཛུ་ཧུ་ཛུ་ཧུ་ཛུ་ཧུ་ཛུ་ཧུ་ཛུ་ཧུ་ཛུ་ཧུ་ཛུ་ཧུ་ཛུ་ཧུ་ཛུ་ཧུ། ཧ་ར་ཧ་ར། ཧ་ར་ནི། ཛམ་བྷེ། པྲ་ཛམ་བྷེ། སརྦ་དུཥྚ་པྲ་དུཥྚ་ནཱྃ། ཛམ་བྷེ་མི། སྟམ་བྷེ་
མི། བདག་ལ་བསྲུང་བ་གྱིས་ཤིག །སྦ་བ་དང་། ཡོངས་སུ་སྐྱབ་པ་དང་། ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་
བ་དང་། དུག་བསད་པ་དང་། མཚམས་གཅད་པ་དང་། ས་བཅིང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཙི་ཙི་ཏྲ་མཱུ་ལེ། ཙི་ཏྲེ་ཙི་ཏྲ་མཱ་ལེ། ཧ་ལེ་ཧ་ལེ་མཱ་ལེ། ཕ་ལེ་ཕ་ལ་མཱ་ལེ། ཁུ་རུ་ཁུ་རུ། 
བ་རུ། བ་རུ་ཎེ། བི་རོ་དྷ་ཡེ། སུ་རུ་སུ་རུ། མུ་རུ་མུ་རུ། སངས་རྒྱས་ཐམས་ཅད་ཀྱི་གཟི་བརྗིད་ཀྱིས་སྡང་བ་དང་། རབ་ཏུ་སྡང་བ་རྣམས་ཀྱི་དུག་དང་། མཆེ་བའི་དུག་དང་། རྩ་བའི་དུག་དང་། ཁ་ཟས་ཀྱི་དུག་བཅོམ་མོ། །སུ་རུ་སུ་རུ་ཀེ །
97-1-102b


བ་ར་བ་ར་ཀེ། བཀྐེ། པི་ཧི་རི། ཡང་དག་པར་རྫོགས་པའི་སངས་རྒྱས་ཉན་ཐོས་ཀྱི་དགེ་འདུན་དང་བཅས་པ་བདུན་པོ་དག་གི་གཟི་བརྗིད་ཀྱིས་དུག་བཅོམ་མོ། །དུག་ངེས་པར་བཅོམ་མོ། །དུག་མེད་དོ། །ཨེ་ལཱ་མེ་ལཱ། ཨི་ལི་མི་ལཱ། 
ཏི་ལི་ཏི་ལི་མེ་ལཱ། ཏི་ཧ་དུ་ཧ། ཏི་ལི་མཱ། ཏི་མཱ། དུ་མཱ། དྷཱི་མཱ། དྷུ་སུ་ཀུམ་བྷཱ་ཏུམྦཱ། ས་མཱ་ཨཱ་ཌེ་ནཱ་ཌེ། ཏི་ལ། ཀུཉྫ་ཎཱ་ཌེ། ཨི་ལི་ཀི་སི། ང་སེམས་ཅན་ཐམས་ཅད་ལ་བྱམས་པས་ལྟས་ཟླ་བ་དགུ་འམ། ཟླ་བ་བཅུར་ཀུན་དུ་ཆར་
ཕོབ་ཅིག །བུ་ཥ་ཌེ། ཤ་བ་རི་ཎི། བུ་དཱ་རི་ཎི། ཀེ་བཊ་ཊེ། ཀེ་བཊ་ཊ། ཀེ་མཱུ་ལེ། ཨི་ཏི་ཤ་བ་རི། ཏུམ་བེ། ཏུམ་བེ། པྲི་ཡྃ་ཀ་རེ། ཨ་བཱཊ་ཊེ། པ་རི་བཊ་ཊི། ལྷས་ཀུན་ནས་ཆུ་སར་པའི་ཆར་ཕོབ་ཅིག །ན་མོ་བྷ་ག་བ་ཏེ། ཨིན་དྲ་གོ་མི། སི་ཀཱ་
ཡ། ཨི་ཊིཊ་ནཱ་ཡ། གོ་དོ་ཧི་ཀཱ་ཡ། བྷྲིང་གཱ་རི་ཀཱ་ཡ། ཨ་ལེ་ཏ་ལེ། ཀུན་ཏ་ལེ། ཨཊ་ཊེ། ནཊ་ཊེ། ཀུ་ནཊ་ཊེ། ཨ་ཤ་ནེ། པཱ་ཤ་ནེ། པཱ་པ་ནི། ཀུ་ལེ། པྲ་ཏི་ཀུ་ལེ། སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ལོ་སྭཱ་ཧཱ། རྒྱལ་བ་
རྣམ་གཟིགས་མྱ་ངན་འཚང་ལ་གནས། །རྒྱལ་བ་གཙུག་ཏོར་པད་མ་དཀར་པོའི་དྲུང་། །ཐམས་ཅད་སྐྱོབ་པ་སཱ་ལའི་དྲུང་ན་གནས། །བྲམ་ཟེ་འཁོར་བ་འཇིག་ནི་ཤཪྵའི་དྲུང་། །སངས་རྒྱས་གསེར་ཐུབ་ཨུ་དུམ་བཱ་རིའི་དྲུང་། །འོད་སྲུང་
ནྱ་གྲོ་དྷ་ཡི་དྲུང་ན་གནས། །ཤཱཀྱ་ཐུབ་མཆོག་ཁྱད་པར་གནས་དྲུང་དུ། །ཕྱིན་ནས་བྱང་ཆུབ་ཐོབ་གྱུར་གཽ་ཏ་མ། །སངས་རྒྱས་རྫུ་འཕྲུལ་ཆེན་པོ་དེ་དག་ལ། །མངོན་པར་དད་པའི་ལྷ་གང་འཁོད་པ་དག །ལྷ་རྣམས་དེ་དག་ཡིད་དགའ་མགུ་གྱུར་
ནས། །རྟག་ཏུ་དགེ་དང་ཞི་བར་འགྱུར་བར་བྱས། །ཏད་ཡ་ཐཱ། ཨི་ལི་མི་ལི། ཀི་ལི་མི་ལི། ཀི་ལི་ཅི་ལི། ཀི་ལི་བོ་ལི། ཨུ་དུ་རཱ། སུ་དུ་མོ་དེ། བུ་ས་ར། བུ་ས་ར། ཧུ་ཧུ། ཀ་རྃ་ཛེ། ཀ་རྃ་ཛེ། ཀ་རཉྫ་མཱུ་ལེ། ཨི་ཧི་ས། ན་ཏཱ། ཀུཎ་ཌ་ལི། ཀུན་ཏཱ་ལི། 
ནཱ་རཱ་ཡ་ནི། པཱ་རཱ་ཡ་ནི། པཱ་ཤྱ་ནི། པཱ་ཤྱ་པཱ་ཤྱ་ནི། ཀི་པི་ལ་བཱསྟུ་ནི། ཨི་རི་བཱ་སི། འགྲོ་ལྡིང་བའི་སྔགས་ཀྱི་ཚིགས་རྣམས་གྲུབ་པར་གྱུར་ཅིག་སྭཱ་ཧཱ། ཀུན་དགའ་བོ་སྨན་ཆེན་པོ་འདི་དག་ནི་མི་འཇེད་ཀྱི་བདག་པོ་ཚངས་པ་དང་། ལྷ་རྣམས་
97-1-103a


ཀྱི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་ཀྱིས་བཤད་པ་སྟེ། ཀུན་དགའ་བོ་གང་སྨན་ཆེན་པོ་འདི་དག་གི་མིང་འཛིན་པ་ལ་འགའ་ཞིག་རབ་ཏུ་སྡང་བའི་
སེམས་ཀྱིས་འོང་ན། དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་སོ། །ཏད་ཡ་ཐཱ། ཀཱིར་ཏི་མཱུ་ལེ། ཨེ་རཎྜ་མུ་ལེ། ས་མན་ཏ་མཱུ་ལེ་ན་ཌ་ནཱ་ཌེ། ཨ་ཌེ་ནཱ་ཌེ། ཀུ་ཤ་ནཱ་ཌེ། ཨིཏ་ཏེ། མིཏ་ཏེ། མཱ་རུ། ཨ་ར་ཌ་ཀཱ། མ་ར་ཌ་ཀཱ། 
ཨི་ལི་ཀི་ཤི། གོ་དོ་ཧི་ཀ །ཨུད་དྷུྃ་དུ་མ། བྷིན་ན། མེ་ཌཱ། སངས་རྒྱས་རྣཾས་ལ་ཕྱག་འཚལ་ལོ། །རྐང་གཉིས་ཁྱེད་ཅག་བདེ་ལེགས་ཤོག །རྐང་བཞི་ཁྱེད་ཅག་བདེ་ལེགས་ཤོག །ལམ་དུ་ཞུགས་རྣམས་བདེ་ལེགས་ཤོག །
ཕྱིར་འོང་དག་ཀྱང་བདེ་ལེགས་ཤོག །མཚན་མོ་བདེ་ལེགས་ཉིན་བདེ་ལེགས། །ཉི་མའི་གང་ལའང་བདེ་ལེགས་ཤིང་། །ཁྱེད་ཅག་ཀུན་དུ་བདེ་ལེགས་ཤོག །དེ་དག་སྡིག་པར་མ་གྱུར་ཅིག །ཉི་མ་
ཐམས་ཅད་དགེ་བ་ཡིན། །རྒྱུ་སྐར་ཐམས་ཅད་བཟང་པོ་ཡིན། །སངས་རྒྱས་ཐཾད་རྫུ་འཕྲུལ་ཆེ། །དགྲ་བཅོམ་ཐམས་ཅད་ཟག་པ་མེད། །བདེན་པའི་ཚིག་འདིས་ཀུན་དུ་བདེ་ལེགས་སུ་གྱུར་ཅིག །དེ་བཞིན་
གཤེགས་པས་གསུངས་པའི་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བར་གྱིས་ཤིག །སྦ་བ་དང་། ཡོངས་སུ་བསྐྱབ་པ་དང་། ཡོངསུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་
དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་གནོད་སྦྱིན་གང་དག་རྒྱ་
མཚོ་ལ་གནས་པའི་གནོད་སྦྱིན་ཆེན་པོ་དག་དང་། གང་དག་རིའི་རྒྱལ་པོ་རི་རབ་དང་། གང་དག་རིའྀ་རྒྱལ་པོ་གཞན་རྣཾས་དང་། འབྲོག་རྣམས་དང་། འབྲོག་ཆེན་པོ་རྣམས་དང་། ཀླུང་རྣམས་དང་། ཀླུང་ཆེན་པོ་རྣཾས་དང་། སྨན་ལྗོང་རྣཾས་དང་། འབབ་ཆུ་
97-1-103b


རྣམས་དང་། ལྟེང་ཀ་རྣམས་དང་། ལུ་མ་རྣམས་དང་། རིའྀ་ཕུག་རྣམས་དང་། དུར་ཁྲོད་རྣམས་དང་། དུར་ཁྲོད་ཆེན་པོ་རྣཾས་དང་། བཞི་མདོ་རྣམས་དང་། གྲོང་རྣམས་དང་། གྲོང་ཁྱེར་རྣམས་དང་། ལྷས་རྣམས་དང་། སྐྱེད་མོས་ཚལ་རྣཾས་དང་། ནག་
རྣཾས་དང་། ནག་འཚལ་རྣཾས་དང་། ལམ་གོལ་བ་དག་ན་གནས་པ་དང་། ཀུན་དགའ་བོ་གནོད་སྦྱིན་གང་དག་ཅང་ལོ་ཅན་གྱི་ཕོ་བྲང་འཁོར་ན་གནས་པ་དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་
གྱིས་ཤིག །ལོ་རྒྱ་ཚོ་བར་གྱུར་ཅིག །སྟོན་རྒྱ་མཐོང་བར་ཤོག་ཤིག །ཏད་ཡ་ཐཱ། ཧ་རི་ཧཱ་རི་ཎི། ཙ་ལི་ཙཱ་ལི་ནི། བྷྲ་མ་ཎི་བྷྲ་མ་ནི། མོ་ཧ་ནི། སྟམྦྷ་ནི། ཛམྦྷ་ནི། སྭ་ཡམ་བྷུ་བེ་སྭཱ་ཧཱ། ཀུན་
དགའ་བོ་ཤར་ཕྱོགས་ན་དྲི་ཟའི་རྒྱལ་པོ་ཡུལ་འཁོར་བསྲུང་ཞེས་བྱ་བ་དྲི་ཟ་ཐམས་ཅད་ཀྱི་བདག་པོ་འཁོར་དྲི་ཟ་འབུམ་ཕྲག་དུ་མ་ཡོད་པ་དྲི་ཟ་རྣཾས་ལ་དབང་བྱེད་དུ་འཇུག་པ་གནས་ཏེ། གང་ཤར་ཕྱོགས་བསྲུང་
ཞིང་ཡོངས་སུ་སྐྱོང་བར་བྱེད་པ་དེ་ཡང་བུ་དང་བཅས། ཚ་བོ་དང་བཅས། སྤུན་དང་བཅས། བློན་པོ་དང་བཅས། སྡེ་དཔོན་དང་བཅས། མངག་པ་དང་བཅས། ཕོ་ཉ་དང་བཅས། གཡོག་དང་བཅས། འཁོར་དང་བཅས་བའི་
རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བདག་ལ་བསྲུང་བ་གྱིས་ཤིག །སྦ་བ་དང་། ཡོངས་སུ་སྐྱབ་པ་དང་། ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤོང་བ་དང་། མཚོན་
ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །ལོ་རྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཛྷུ་ཛྷུ་རུ། ཛྷུ་ཛྷུ་རུ། ཛྷུ་ཛྷུ་རུ། ཛྷུ་རུ། ཛྷུ་རུ། ཛྷུ་རུ་མེ་སྭཱ་ཧཱ། 
ཀུན་དགའ་བོ་ལྷོ་ཕྱོགས་ན་གྲུལ་བུམ་གྱི་རྒྱལ་པོ་འཕགས་སྐྱེས་པོ་ཞེས་བྱ་བ་གྲུལ་བུཾ་གྱི་བདག་པོ་འཁོར་གྲུལ་བུམ་བརྒྱ་སྟོང་དུ་མ་ཡོད་པ། གྲུལ་བུམ་རྣམས་ལ་དབང་བྱེད་དུ་འཇུག་པ་གནས་ཏེ། གང་ལྷོ་ཕྱོགས་སྲུང་ཞིང་ཡོངས་སུ་སྐྱོང་བར་བྱེད་པ་དེ་ཡང་བུ་
97-1-104a


དང་བཅས། ཚ་བོ་དང་བཅས། སྤུན་དང་བཅས། བློན་པོ་དང་བཅས། སྡེ་དཔོན་དང་བཅས། མངག་པ་དང་བཅས། ཕོ་ཉ་དང་བཅས། གཡོག་དང་བཅས། འཁོར་དང་བཅས་པས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་
བ་གྱིས་ཤིག །སྦ་བ་དང་། ཡོངས་སུ་བསྐྱབ་པ་དང་། ཡོངས་སུ་བཟང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་
གཅད་པ་དང་། ས་བཅིང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། བེ་ལུ་ཀེ། བེ་ལུ་ཀེ། ཨ་མྲྀ་ཏ་གྷཱ་ཏ་ནི། བ་རུ་ན་བ་ཏེ། སོ་མ་བ་ཏེ། བེ་ཎུ་མཱ་ལི་ནི། བེ་ལུ་ནི། པུ་ཏྲི་ཀེ། ཙོ་ཙུ་ཙི་ཙུ་སྭཱ་ཧཱ། ཀུན་དགའ་
བོ་ནུབ་ཕྱོགས་ན་ཀླུའི་རྒྱལ་པོ་མིག་མི་བཟང་ཞེས་བྱ་བ་ཀླུ་ཐམས་ཅད་ཀྱི་བདག་པོ་འཁོར་ཀླུ་རྒྱ་བསྟོང་དུ་མ་ཡོད་པ། ཀླུ་རྣམས་ལ་དབང་བྱེད་དུ་འཇུག་པ་གནས་ཏེ། གང་ནུབ་ཕྱོགས་བསྲུང་ཞིང་ཡོངས་སུ་སྐྱོང་བར་བྱེད་པ་དེ་ཡང་བུ་དང་བཅས་ཚ་བོ་དང་
བཅས། སྤུན་དང་བཅས། བློན་པོ་དང་བཅས། སྡེ་དཔོན་དང་བཅས། མངག་པ་དང་བཅས། ཕོ་ཉ་དང་བཅས། གཡོག་དང་བཅས། འཁོར་དང་བཅས་པས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །སྦ་བ་དང་། 
ཡོངས་སུ་བསྐྱབ་པ་དང་། ཡོངས་སུ་བཟང་བ་དང་། ཡོངས་སུ་སྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། 
དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །ལོ་རྒྱ་འཚོ་བར་གྱུར་ཅིག །སྟོན་རྒྱ་མཐོང་བར་ཤོག་ཤིག །ཏད་ཡ་ཐཱ། བེ་དུ་རི་བེ་དུ་རི། བེ་དཱུ་རཱི། བེ་དཱུ་རཱི། མཊྚི་ཏེ། 
མཊྚ་ཏེ། ཀོ་ཊི། ཀོ་ཊི། བེ་དྱུ་མ་ཏི་བེ་དྱུ་མ་ཏི། ཧུ་ཧུ་ཧུ་ཧུ་ཧུ་ཧུ་ཧུ་ཧུ། རུ་རུ་རུ་རུ། རུ་རུ་རུ་རུ། ཙུ་ཙུ་ཙུ་ཙུ། ཙུ་ཙུ་ཙུ་ཙུ། ཙ་ཙ་ཙ་ཙ་ཙ་ཙ་ཙ་ཙ་ཛུ་སྭཱ་ཧཱ། ཀུན་དགའ་བོ་བྱང་ཕྱོགས་ན་གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་
97-1-104b


ཞེས་བྱ་བ་གནོད་སྦྱིན་ཐམས་ཅད་ཀྱི་བདག་པོ་འཁོར་གནོད་སྦྱིན་རྒྱ་སྟོང་དུ་མ་ཡོད་པ་གནོད་སྦྱིན་རྣམས་ལ་དབང་བྱེད་དུ་འཇུག་པ་གནས་ཏེ། གང་བྱང་ཕྱོགས་བསྲུང་ཞིང་ཡོངས་སྐྱོང་བར་བྱེད་པ་དེ་ཡང་བུ་དང་བཅས། 
ཚ་བོ་དང་བཅས། སྤུན་དང་བཅས། བློན་པོ་དང་བཅས། སྡེ་དཔོན་དང་བཅས། མངག་པ་དང་བཅས། ཕོ་ཉ་དང་བཅས། གཡོག་དང་བཅས། འཁོར་དང་བཅས་པས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་
བསྲུང་བ་གྱིས་ཤིག །སྦ་བ་དང་། ཡོངས་སུ་སྐྱབ་པ་དང་། ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་
དང་དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། སཽ་རི་སཽ་རི། ཤི་རི་ཤི་རི། མ་ཏི་མ་ཏི། ཧི་རི་ཧི་རི་། རི་ཧི་རི། 
མ་ཏི། ཀི་རི་ཀི་རི། ཧི་རི་ཧི་རི་པེ་ལུ་པེ་ལུ་བིངྒ་ལེ་ཙུ་ལུ་ཙུ་ལུ་ཧ་ཏཾ་པི་ཥ་མ་བན་དྷུ་མ་ཏེ་ནི་ཧ་ཏཾ་བེ་ཥ་མ། བན་དྷུ་མ་ཏེ་སྭཱ་ཧཱ། ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་
མིག་མི་བཟང་། །བྱང་ཕྱོགས་ན་ནི་ལུས་ངན་པོ། །རྒྱལ་པོ་ཆེན་པོ་འདི་བཞི་དག །འཇིག་རྟེན་སྐྱོང་བ་གྲགས་དང་ལྡན། །ཕྱོགས་བཞི་དག་ནི་སྐྱོང་བར་བྱེད། །སྡེ་པོ་ཆེ་ལ་སྟོབས་པོ་ཆེ། །ཕ་རོལ་དགྲ་རྣཾས་
རབ་ཏུ་འཇོམས། །བཞན་གྱིས་མི་ཐུབ་ཐུལ་བར་དཀའ། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་དང་ལྡན། །རྫུ་འཕྲུལ་ཆེ་ཞིང་ལྷ་མིན་དང་། །ལྷའི་གཡུལ་ཡང་མྱོང་བར་བྱེད། །དེ་དག་གིས་
ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བདག་ལ་བསྲུང་བ་གྱིས་ཤིག །སྦ་བ་དང་། ཡོངས་སུ་བསྐྱབ་པ་དང་། ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། 
97-1-105a


དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །ལོ་བརྒྱ་འཚོ་བར་ཤོག་ཤིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཨེ་ལེ་མེ་ལེ། ཀེ་ལེ་ཏེ་ལེ། མེ་ལེ། ཤེ་ལེ། བཱ་ཤེ། དུམྦེ། དུ་དུམྦེ། ལྷས་
ཀུན་དུ་ཆར་ཕོབ་ཤིག །ཏི་ལི། མི་ལི། དུམྦེ། དུ་དུམྦེ། ཨཊྚེ། བཊྚེ། བ་ར་མ་དུ་བཊྚེ། ལྷས་འུར་འུར་ཀུན་དུ་ཆར་ཕོབ་ཤིག །གུ་ཊུ་གུ་ཊུ་ན་ཏ། ཨ་ཌ་ཀ་བདྡཱ་ཡྃ། ཨཎྜེ་ནཎྜེ། ཏུཎྜེ། ཙུཀྐེ། བུཀྐེ། མུཀྐེ། ཨི་རི་ཌི། མི་རི་ཌི། ནི་རི་ཌི། པི་རི་ཌི། ཧི་རི་ཌི། ཧི་རི་ཧི་ལི། 
ཧི་ལི། ཧུ་ལུ་ཧུ་ལུ། མི་ལི་མི་ལི། ཏུ་ལེ། ཏ་ཏ་ལེ་སྭཱ་ཧཱ། ཀུན་དགའ་བོ་ཁྱོད་ཀྱིས་གནོད་སྦྱིན་གྱི་སྡེ་དཔོན་ཆེན་པོ་རྣམས་ཀྱི་མིང་ཟུང་ཤིག །འདི་ལྟ་སྟེ། ལུས་ངན་གྱི་ནི་བུ་ཐུ་བོ། །ཀུན་དུ་རྒྱལ་བ་མི་ལ་ཞོན། །ཕྲུགས་སུ་ལྡན་ན་གནས་པ་སྟེ། །
ལྷ་ཡི་བདེན་པ་གསོལ་བ་པོ། །དེས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། བ་ལེ་བ་ལེ། བལྐ་ལེ། མཱ་ཏྃ་གི་ཙཎྜ་ལེ། པུ་རུ་
ཤ་ཎི། བི་ཙི་ལི་ནི། གཽ་རི། གན་དྷཱ་རི། མ་ཏཾ་གི། ཙནྜཱ་ལེ། མཱ་ལི་ནི། ཧི་ལི་ཧི་ཁི། ཨཱ་ག་ཏེ། གཽ་རི། གན་དྷཱ་རི། གོཥྛི་ཀ་བ་ཙ་རི། བི་ཧཱ་རི། ཧི་ལི་ཧི་ལི། ཀུ་བྱེ་སྭཱ་ཧཱ། སྐྱ་སྣར་བུ་ན་འཁོར་བ་འཇིག །གཞན་གྱི་མི་ཐུབ་ཀ་བ་ན། །གྲོང་ཁྱེར་བཟུང་ན་
གནོད་སྦྱིན་བྲག །ཤེད་ཀྱི་བུ་ནི་བྱང་ཕྱོགས་ན། །ལག་ན་རྡོ་རྗེ་རྒྱལ་པོའི་ཁབ། །བྱ་རྒོད་ཕུང་པོར་གནས་བཅས་པ། །རྒྱ་མཚོའྀ་མཐའ་ཡི་བར་གྱི་སར། །ལན་གསུམ་བར་དུ་འགྲོ་བྱེད་པ། །སྟོབས་ཆེ་ཞིང་ནི་
གཟི་བརྗིད་ཆེ། །དཔག་ཚད་བཅུར་ནི་རྣམ་པར་གནོན། །གནོད་སྦྱིན་མཁའ་ལྡིང་རྒྱལ་བ་ན། །སྣ་ཚོགས་སྦེད་པ་གནས་སྒོ་ན། །གནོད་སྦྱིན་བཀྐུ་ལ་རྒྱལ་ཁབ་ན། །སྡེ་བོ་ཆེ་ལ་སྟོབས་པོ་ཆེ། །གནོད་སྦྱིན་ནག་པོ་ཉེ་
གནག་པོ། །སེར་སྐྱའི་ནི་གནས་ན་གནས། །ཐུབ་པ་ཆེན་པོ་ཤཱཀྱའི་ཏོག །སངས་རྒྱས་ཐུབ་པ་གར་བལྟམ་པ། །རྐང་བཀྲ་པོ་ནི་དགྲ་གཅན་ན། །ཙི་ར་ཏ་ན་དབང་ཕྱུག་ཆེ། །མཉན་ཡ་ན་ནི་ཕུར་བུ་བོ། །གནས་བཅེས་ན་ནི་རྒྱ་མཚོ་གནས། །
97-1-105b


ཡངས་པ་ཅན་ན་རྡོ་རྗེ་མཚོན། །སྤྲེའུ་ལྟར་དམར་སེར་གྱད་ཡུལ་ན། །བཱ་རཱ་ན་སཱེར་ནག་པོ་ཆེ། །བལྟ་ན་སྡུག་པ་ཙམ་པ་ན། །གནོད་སྦྱིན་ཁྱབ་འཇུག་སྒོ་ཅན་ན། །འཛིན་པ་པོ་ནི་སྒོ་དྲུང་ན། །འཇིགས་བྱེད་ཟངས་ཀྱི་འདབ་མ་ན། །བྲང་གི་
འགྲོ་ན་འཇོམ་པ་པོ། །འབྲོག་ན་གནོད་སྦྱིན་འབྲོག་གནས་པོ། །སེར་སྐྱ་པོ་ནི་འབྲུ་མངས་ན། །འཕགས་རྒྱལ་ན་ནི་ནོར་སྲུང་བ། །སྲུང་བྱེད་ན་ནི་ནོར་འབྱོར་པ། །གསོ་བའི་མཐའ་ན་གསོ་བ་པོ། །དགའ་བོ་ཉེ་དགའ་གྲོང་ཁྱེར་
གནས། །ཕྲེང་བ་འཛིན་པ་ཆུ་མཆོག་ན། །ཀུན་དགའ་འཆི་མེད་ས་ཞག་ན། །མཆེ་བ་དཀར་པོ་དངོས་བཟང་ན། །མི་བརྟན་པ་ནི་གཟི་ཅན་ན། །རིན་ཆེན་རི་ལྡན་གྲོང་ཁྱེར་ན། །ནོར་གྱི་བུ་ནི་ཕྱོགས་འཚམས་གནས། །སྨིན་དྲུག་བུ་ནི་གཞོན་
ནུ་ཞེས། །འཇིག་རྟེན་གྲག་པ་སྐྱེ་ཡོད་ན། །འོད་མའི་འགྲམ་ན་ལག་བརྒྱ་པ། །ཀ་ལིང་ཀ་ན་ཤིང་རྟ་ཆེ། །ཐུལ་བར་དཀའ་ནི་འགྲོ་འཇོམས་ན། །སྲིད་སྒྲུབ་ནགས་ན་སྲིད་སྒྲུབ་པ། །གནོད་སྦྱིན་འཇོམ་པ་འདུན་ཁང་ན། །ཕྲེང་བ་སྲུང་ན་
རི་བརྩེགས་པ། །རྟ་དམར་ན་ནི་བཟང་པོ་པ། །མ་རྫོགས་པ་ནི་ཐམས་ཅད་བཟང་། །སྙེམས་པ་ཅན་ན་སྐྱོང་བ་པོ། །དེད་དཔོན་ནོར་གྱི་དབང་ཕྱུག་གོ། མ་རྒྱལ་རྒྱལ་ན་མཆེ་བ་གཙིགས། །གནས་ཅན་ན་ནི་ནོར་བཟང་པོ། །ཞི་བ་ཞི་བ་
འི་གྲོང་ལེན་ན། །ཞི་བ་བཟང་པོ་འཇིགས་བྱེད་ན། །གནོད་སྦྱིན་དབང་པོ་དབང་འགྲོ་ན། །མེ་ཏོག་ཏོག་ནི་རྡོ་གྲོང་ན། །ཤིང་པ་ཤིང་གིས་གྲོང་ཁྱིར་ན། །ཁ་དོག་ཅན་ན་སེར་སྐྱ་གནས། །ནོར་བུ་བཟང་དང་གང་བ་བཟང་། །སྤུན་གཉིས་
ཚངས་པ་ལྡན་པ་ན། །བ་ལང་འཛིན་ན་འཇོམ་པ་པོ། །རབ་ཏུ་འཇོམ་པ་རྡོ་འཇོག་ན། །གནོད་སྦྱིན་ཆེན་པོ་བོང་སྲུང་སེལ། །སྐྱུག་པ་ཡི་ནི་རི་ལ་གནས། །གསུཾ་སྦས་འགྲམ་པ་ལྡན་ངོགས་ན། །ཧོ་ནུ་ན་ནི་འོད་བྱེད་པ། །དགའ་བ་ཅན་
དང་འཕེལ་བྱེད་པ། །དགའ་བ་འཕེལ་བྱེད་གྲོང་ཁྱེར་ན། །རླུང་གི་ས་ནི་རླུང་ལྡན་པ། །འཕྱང་བར་གྱུར་ན་འཐབ་དགའ་བ། །བཅོམ་བརླག་ན་ནི་བོང་བུ་པ། །ལང་ཀ་ན་ནི་བུམ་པའི་ལྟོ། །གནོད་སྦྱིན་ཉི་འོད་རབ་ཉམས་ན། །ཀོ་ས་ལ་ནི་རི་མགོ་བོ། །
97-1-106a


རྣམ་པར་རྒྱལ་དང་རྣམ་རྒྱལ་ལྡན། །དཀར་པོ་བཅོམ་བརླག་ཡུལ་ན་གནས། །གནོད་སྦྱིན་གང་བ་མ་ལ་ཡར། །ཏི་སེ་གངས་ན་མི་འམ་ཅི། །སྤྲིན་གྱི་ཕྲེང་ཅན་པོནྟྲ་ན། །རབ་ཏུ་གནས་ན་དུམ་བུ་པ། །པི་ཏང་ག་ལྱར་ཡང་
དག་བྱད། །རླངས་དང་ལྡན་ན་བདེ་བྱེད་པ། །སྣ་ནས་བྱུང་ན་གནོད་སྦྱིན་མཛེས། །གསོ་བའི་མཐའ་ན་མ་ཆགས་པ། །དགའ་བྱེད་དང་ནི་ཕ་དགའ་དང་། །དཔའ་དང་གསེར་གྱི་ལག་པ་དང་། །ཀ་ལིངྐ་ན་ལྟོ་འཕྱང་པོ། །ཀོ་ས་ལ་ན་
ནག་པོ་ཆེ། །དགེ་བ་དགེ་བའི་ཕོ་བྲང་ན། །བཱ་རཱ་ན་སིར་སྐྱོང་བ་པོ། །འགྲམ་ལྡན་ཕུང་པོ་རྣ་བ་བཟང་། །གྲོང་ཁྱེར་དྲུག་ན་ནོར་གཞན་པོ། །གནོད་སྦྱིན་སྟོབས་ཅན་མཐའ་མ་ན། །སྲུང་བ་ཅན་ན་མཐོང་དགའ་བ། །བ་ལཾང་འཇོམས་ན་
གཙུག་ཕུད་ཅན། །ཕྱོགས་འཚམས་ན་ནི་ཐལ་མོ་དགའ། །གདུགས་འདྲ་ན་ནི་དཀྲིས་པ་པོ། །གྲོང་ཁྱེར་དྲུག་ན་ཆུ་སྲིན་འདུལ། །ཚང་ཚིང་གཅིག་ན་མིག་ཡངས་པ། །ཨུ་དུམྦ་རར་སྒོ་ངའི་འོད། །ཀཽ་ཤམྦི་ན་ལྷུན་གྱིས་གྲུབ། །
རྣམ་པར་སྣང་བྱེད་ཞི་ལྡན་ན། །སྦྲུལ་གྱི་གདུགས་ན་དགའ་བ་པོ། །གཡོ་བ་འཛིན་ན་སེར་སྐྱའོ། །གྱེན་དུ་འགྲོ་ན་བཀྐུ་ལ། །གང་པོ་སྙིང་པོ་ཐོབས་བྱེད་ན། །གྲོང་རྡལ་ཚོལ་བ་ལྔ་མངས་ན། །གླང་ཆེན་བརྗོད་པ་འདུ་བ་མཆོག །
ཆུ་ལྷའི་ཡུལ་ན་གཞུ་བརྟན་པོ། །གཡུལ་འགྱེད་ལྡན་པར་གྲོང་ཁྱིར་རྒྱལ། །སྒྲ་ངན་ཞིང་ན་གནོད་སྦྱིན་དབང་། །གཉི་དང་རྒྱལ་ངན་རྒྱལ་གཉི་ན། །གནོད་སྦྱིན་མོར་གྲགས་དེ་ཉིད་ན། །གཏུམ་ཆེན་གསེར་ཀྱི་འོག་པག་ཅན། །གནོད་
པར་བྱེད་དང་དོན་གྲུབ་དང་། །འབྱུང་བར་བྱེད་པ་ནགས་ན་གནས། །འགྲོ་བ་དྲུག་པ་འགྲོ་འཇོམས་ན། །ཀ་བ་ན་ནི་ཀ་བ་ཉིད། །སེང་གེའི་སྟོབས་ན་གནོད་སྦྱིན་གང་། །སེང་གེ་སྟག་སྟོབས་མེད་བྱེད་གཉིས། །བྱེ་བ་འབབ་ན་སྡེ་བོ་ཆེ། །དེ་བཞིན་གཞན་
གྱི་གྲོང་ལས་རྒྱལ། །མེ་ཏོག་སོ་ནི་ཙམ་པ་ན། །མཉམ་དགའ་བ་ནི་རི་མངས་ན། །བ་ལངས་སྦྱོར་ན་གནོད་སྦྱིན་རི། །གྲོང་ཁྱེར་ན་ནི་སྡེ་བཟང་པོ། །གནས་དང་བཅས་ན་ལགས་པ་དཔའ། །ཁ་ལ་བྱིན་ན་བདེ་བྱེད་པ། །ཀཽ་ཤམྦི་ན་ཚེགས་མེད་པ། །བཟང་པོ་
97-1-106b


ཅན་ན་བཟང་པོ་པ། །སྐྱ་སྣར་ཅན་གྱི་བུ་ན་ནི། །གནོད་སྦྱིན་འབྱུང་པོའི་གདོང་ཞེས་བྱ། །འཆིང་བུ་ན་ནི་མྱ་ངན་མེད། །མ་ལ་གནས་ན་ཤ་ཐུང་བ། །ཚང་ཚིང་གཅིག་ན་དོན་གྲུབ་པ། །མ་རྒྱལ་རྒྱལ་ན་དམན་པ་པོ། །ཆུ་མཆོག་ན་ནི་མུཉྫ་འི་སྐྲ། །
སེན་ད་བ་ན་ནོར་བུའི་གནས། །གནོད་སྦྱིན་མི་བཟད་འགྲོ་ལྡན་དག །སེར་སྐྱ་ཡི་ནི་གནས་ན་གནས། །བ་ལང་འཛིན་དང་གཞན་བརྙས་དང་། །སྒོ་བ་གནས་ཅན་རྟག་པ་དང་། །དབུ་མ་པའི་གནོད་སྦྱིན་དག །གྲགས་པ་ཆེན་པོ་བཟང་
མཛེས་ན། །གྲོང་ཁྱེར་སྙིང་པོར་དགྲས་དོགས་པ། །མྱ་ངན་ས་ན་རྨོངས་བྱེད་པ། །ཁྱུ་འགྲོ་ན་ནི་གནོད་སྦྱིན་གྲགས། །མ་རུང་པ་ཡང་དེ་བཞིན་ཏེ། །ང་རྒྱལ་བྲལ་དང་ལྷ་ཙེ་བ། །འཇིགས་བྱིན་ན་ནི་ཡིད་འཇིགས་པ། །ཁ་ཆེའི་ཡུལ་ན་འོད་བྱེད་
པ། །གཏུམ་པོ་རལ་པ་ཅན་གྲོང་ན། །ཁ་ཆེའི་ཡུལ་གྱི་ས་མཚམས་ན། །ལྔས་རྩེན་ཞེས་ནི་བྱ་བ་གནས། །དེ་ལ་བུ་ནི་ལྔ་བརྒྱ་སྟེ། །སྡེ་བོ་ཆེ་ལ་སྟོབས་པོ་ཆེ། །ལྔས་རྩེན་གྱི་ནི་བུ་ཐུ་བོ། །རྒྱ་ཡུལ་གྱི་ནི་ས་ལ་གནས། །
ཕྲག་པའི་མིག་ཅེས་བྱ་བ་ནི། །མཛོད་ལྡན་ན་ནི་སྤུན་དང་བཅས། །ཀ་ལིངྐ་ན་མཆེ་བ་རྐང་། །དཀྱིལ་འཁོར་སྟན་ན་དཀྱིལ་འཁོར་རོ། །ཀ་བུ་ཤ་ན་ལང་ཀའི་བདག །འོད་ཅན་དགའ་བའི་ཚང་ཚིང་ན། །ནམ་མཁའ་
སྲུང་ན་ཆོས་སྐྱོང་བ། །ལག་པ་ཆེན་པོ་ངན་པ་ན། །རྣམ་ཐོས་བུ་ཡི་བུ་དཔལ་ལྡན། །རྒྱལ་བ་ཁྱུ་མཆོག་རྒྱལ་པོའི་བུ། །གནོད་སྦྱིན་བྱེ་བས་ཡོངས་སྐོར་ཅིང་། །ཐོ་གར་གྱི་ནི་ཡུལ་ན་གནས། །འགྲོར་བཅས་རི་དང་གངས་
ཅན་དག །སིན་དྷུ་ཡི་ནི་རྒྱ་མཚོར་གནས། །གྲོང་ཁྱེར་གསུམ་ན་རྩེ་གསུམ་ལག །ཀ་ལིངྐ་ན་རབ་འཇོམས་པ། །ཚིགས་ལྔ་སེར་པོ་འགྲོ་ལྡིང་ན། །སིང་ཧ་ལ་ན་ནོར་གྱི་བདག །ནེ་ཙོའི་བཞིན་ནི་འབྲོག་ན་སྟེ། །འགྲོ་འམ་ཅི་ནི་
འོག་ན་གནས། །པད་མ་དཀར་པོའི་འོད་བསལ་བ། །གྲོང་ཁྱེར་ཆེ་ན་བརྩེ་བ་ཅན། །འཇིགས་པ་སྦྱིན་ན་རབ་འཇིགས་པ། །ཆུ་དང་ལྡན་ན་དམར་སེར་གནས། །བབྦ་ད་བསྐྱེད་བབྦ་ཌ། །འདོད་པ་སྦྱིན་ན་མ་དད་ལྡན། །བུ་མོ་འཇུག་ན་རབ་སད་པ། །
97-1-107a


ཀ་པུ་ཤ་ན་ནལ་ཀུ་བར། །ཕ་རོལ་མཐའ་མེད་དངུལ་ཆུ་ན། །ནུས་པའི་གནས་ན་ཞི་བྱེད་པ། །པ་ལྷ་པ་ན་ཐག་བཟང་རིས། །ཀེ་ཏ་ཀ་ན་དམར་སེར་པོ། །འཕྲལ་རིས་འཕེལ་ན་བཞིན་རྒྱས་པ། །ཨུ་ཊྱན་ཡུལ་ན་མ་རུང་པ། །
ཐོང་ཤོལ་ངན་ན་བུམ་ལྟོ་བོ། །ཆུ་སྲིན་རྒྱལ་མཚན་མྱ་ངམ་ན། །སྣ་ཚོགས་སྡེ་ནི་པོ་ཀ་ན། །དགའ་དང་ལྡན་ན་སྒྲ་སྒྲོགས་བུ། །ཕུང་པོའི་བདག་པོར་དམར་སེར་པོ། །ཆུང་མ་ཅན་ན་མཐོང་དགའ་བོ། །གནོད་སྦྱིན་ཆུ་སྲིན་རྒྱལ་
པོའི་ཁབ། །ཡངས་པ་ན་ནི་གནས་པ་སྟེ། །བརྒྱ་སྟོང་ཕྲག་ནི་མང་པོ་ཡི། །གནོད་སྦྱིན་རྣམས་ཀྱིས་བསྙེན་བཀུར་བྱས། །བ་ལང་སྐྱོང་བ་སྦྲུལ་གདུག་ཅན། །ཅང་ལོའི་གྲོང་ན་ལྕང་ལོ་པ། །དགའ་བའི་གྲོང་ན་དགའ་བ་ཅན། །གྲོང་གི་
ལྷས་ན་སྟོབས་ཆེན་གནས། །ལྷ་ལས་བབས་ན་རྣམ་ཐོས་བུ། །རང་གི་སྡེ་ནི་ཡོངས་སུ་སྐྱོང་། །ལྕང་ལོ་ཅན་ན་གནས་པ་སྟེ། །གནོད་སྦྱིན་བྱེ་བས་ཡོངས་སུ་བསྐོར། །གནོད་སྦྱིན་དེ་དག་ནི་རྫུ་འཕྲུལ་ཆེ་བ། སྡེ་ཆེ་བ། སྟོབས་ཆེ་བ། 
ཕ་རོལ་གྱི་དགྲ་རབ་ཏུ་འཇོམས་པ། ཐུབ་པར་དཀའ་ཞིང་གཞན་གྱིས་མི་ཐུབ་པ། རྫུ་འཕྲུལ་དང་ལྡན་པ་འོད་དང་ལྡན་པ། ཁ་དོག་དང་ལྡན་པ་གྲགས་པ་དང་ལྡན་པ། ལྷ་དང་། ལྷ་མ་ཡིན་གྱི་གཡུལ་དག་ཀྱང་མྱོང་བར་བྱེད་པ། རྫུ་འཕྲུལ་
ཆེ་བ་དག་སྟེ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །སྦ་བ་དང་། ཡོངས་སུ་བསྐྱབས་པ་དང་། ཡོངས་སུ་གཟུང་བ་དང་། ཡོངས་སུ་སྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་
སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཨ་ཀ་ཊི། བེ་ཀ་ཊེ། ཧ་རི་ནི། ཧཱ་རི་ཎི། དྷ་ར་ཎི། 
དྷཱ་ར་ཎི། ཧུཀྐ། ཧུཀྐ་བུཀྐ་བུཀྐེ་བདགི་མི་མཛའ་བ་རྣམས། ཧ་ན་ཧ་ན། ཧ་ན་ཧ་ན། ཧ་ན་ཧ་ན། ཧ་ན་ཧ་ན། ཧ་ན་ཧ་ན། བདག་ལ་མི་ཕན་པར་འདོད་པ་རྣམས། ད་ཧ་ད་ཧ། ད་ཧ་ད་ཧ། ད་ཧ་ད་ཧ། ད་ཧ་ད་ཧ། ད་ཧ་ད་ཧ། བདག་ལ་ཕྱིར་རྒོལ་བ་རྣམས། པ་ཙ་པ་ཙ་པ་ཙ་པ་ཙ་པ་ཙ་པ་ཙ། 
97-1-107b


པ་ཙ་པ་ཙ། པ་ཙ་པ་ཙ། དྷུ་དྷུ། དྷུ་དྷུ། དྷུ་དྷུ། དྷུ་དྷུ། དྷུ་དྷུ། བདག་ལ་མི་ཕན་པར་འདོད་པ་རྣམས། ཧ་ཧ་ཧ་ཧ་ཧ་ཧ་ཧ་ཧ་ཧ་ཧ། ཛི་ཊི་ཛི་ཊི། ཛི་ཊི་ཛི་ཊི། ཛི་ཊི་ཛི་ཊི། ཛི་ཊི་ཛི་ཊི། ཛི་ཊི་ཛི་ཊི། བདག་གི་དགྲ་བོ་རྣམས། ནཱ་ཤ་ཡ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་
ཙུ་ལུ། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། མི་ལི་མི་ལི། མི་ལི་མི་ལི། མི་ལི་མི་ལི། མི་ལི་མི་ལི། མི་ལི་མི་ལི། ཕུ་རུ་ཕུ་རུ། ཕུ་རུ་ཕུ་རུ། ཕུ་རུ་ཕུ་རུ། ཕུ་རུ་ཕུ་རུ། ཕུ་རུ་ཕུ་རུ། ཙི་ཊི་ཙི་ཊི། ཙི་ཊི་ཙི་ཊི། ཙི་ཊི་ཙི་ཊི། ཙི་ཊི་ཙི་ཊི། ཙི་ཊི་ཙི་ཊི། བདག་གི་དགྲ་རྣཾས། 
ནཱ་ཤ་ཡ། ཧིཀྐ། མིཀྐ། ཙིཀྐ། དུཀྐ། ཤྲཱི་བྷ་དྲེ། མངྒ་ལྱེ། ས་མན་ཏ་བྷ་དྲེ། ཧེ་ར་ཎྱ་གརྦྷེ་སརྦ་ཨརྠ་སཱ་དྷ་ནི། ཨ་མ་ལེ། བི་མ་ལེ། ཙན་དྲེ། ཙནྡྲ། པྲ་བྷེ་སཱུརྱེ། སཱུརྱ། ཀཱན་ཏེ། དུཪྦཾ། ཛྙེ་ཡེ། དུ་མྦེ་དུམྦེ་དོ་དུམྦེ། པྲྀ་ཡྃ་ཀ་རེ། བདག་ལ་བསྲུང་བ་གྱིས་ཤིག །
ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་ཁྱོད་ཀྱི་གང་དག་ཕྱོགས་བཅུ་སྲུང་ཞིང་ཡོངས་སུ་སྐྱོང་བར་བྱེད་པ། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་པོ་དག་གི་མིང་ཟུང་ཤིག །ཀུན་
དགའ་བོ་ཤར་ཕྱོགས་ན་གནོད་སྦྱིན་གྱི་སྡེ་དཔོན་ཆེན་པོ་གང་དག་ཤར་ཕྱོགས་སྲུང་ཞིང་ཡོངསུ་སྐྱོང་བར་བྱེད་པ་བཞི་གནས་ཏེ། འདི་ལྟ་སྟེ། རིང་པོ་དང་། མིག་བཟང་དང་། གང་པོ་དང་། སེར་སྐྱའོ། །དེ་དག་གིས་ཀྱང་རིག་སྔགས་ཀྱི་རྒྱལ་
མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་རྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་ལྷོ་ཕྱོགས་ན་གནོད་སྦྱིན་གྱི་སྡེ་དཔོན་ཆེན་པོ་གང་དག་ལྷོ་ཕྱོགས་བསྲུང་ཞིང་ཡོངསུ་སྐྱོང་བར་བྱེད་པ་
བཞི་གནས་སྟེ།  འདི་ལྟ་སྟེ། སེང་གེ་དང་། ཉེ་བའི་སེང་གེ་དང་། དུང་ཅན་དང་། དགའ་བོའོ། །དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་
བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་ནུབ་ཕྱོགས་ན་གནོད་སྦྱིན་གྱི་སྡེ་དཔོན་ཆེན་པོ་གང་དག་ནུབ་ཕྱོགས་སྲུང་ཞིང་ཡོངས་སུ་སྐྱོང་བར་བྱེད་པ་བཞི་གནས་སྟེ། འདི་ལྟ་སྟེ། སེང་གེ་དང་སེང་གེ་རལ་པ་དང་བ་ལང་དང་སེར་སྐྱའོ། །
97-1-108a


དེ་དག་གིས་ཀྱང་རིགས་སྔགས་ཀྱི་རྒྱལ་མོ་རྨ་བྱ་ཆེན་པོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་བྱང་
ཕྱོགས་ན་གནོད་སྦྱིན་གྱི་སྡེ་དཔོན་ཆེན་པོ་གང་དག་བྱང་ཕྱོགས་སྲུང་ཞིང་ཡོངསུ་སྐྱོང་བར་བྱེད་པ་བཞི་གནས་ཏེ། འདི་ལྟ་སྟེ། འཛིན་པ་དང་། འཛིན་དགའ་དང་། བརྩོན་སྐྱོང་དང་། ཁྱབ་འཇུགོ། དེ་དག་གིས་
ཀྱང་རིགས་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བར་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་གནོད་སྦྱིན་གྱི་སྡེ་དཔོན་ཆེན་པོ་གང་དག་
ཕྱོགས་འཚམས་ན་གནས་ཏེ། གང་དག་ཕྱོགས་འཚཾས་སྲུང་ཞིང་ཡོངསུ་སྐྱོང་བར་བྱེད་པ་བཞི་པོ་འདི་དག །འདི་ལྟ་སྟེ། ལྔ་སྤྱོད་དང་། ཚིགས་ལྔ་སེར་པོ་དང་། རི་མཉམ་དང་། གསེར་ཅན་ནོ། །དེ་དག་གིས་ཀྱང་
རིགས་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་སྲུང་བ་གྱིས་ཤིག །ལོ་བརྒྱ་ཚོ་བར་གྱུར་ཅིག །སྟོང་བརྒྱ་མཐོང་བར་ཤོག་ཤིག །ཀུན་དགའ་བོ་གནོད་སྦྱིན་གྱི་སྡེ་དཔོན་ཆེན་པོ་གང་དག་ས་ལ་གནས་ཏེ། 
གང་དག་ས་སྲུང་ཞིང་ཡོངསུ་སྐྱོང་བར་བྱེད་པ་བཞི་པོ་འདི་དག་འདི་ལྟ་སྟེ། ས་པ་དང་། ཤིན་ཏུ་ས་པ་དང་། ནག་པོ་དང་། ཉེ་གནག་གོ། དེ་དག་གིས་ཀྱང་རིགས་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །
སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་གནོད་སྦྱིན་གྱི་སྡེ་དཔོན་ཆེན་པོ་གང་དག་བར་སྣ་ལ་གནས་ཏེ། གང་དག་བར་སྣང་བསྲུང་ཞིང་ཡོངསུ་སྐྱོང་བར་བྱེད་པ་བཞི་པོ་འདི་དག་འདི་ལྟ་སྟེ། ཉི་མ་དང་། ཟླ་བ་དང་། མེ་དང་། རླུང་ངོ་། །དེ་དག་གིས་ཀྱང་རིགས་
སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག་ལོ་བརྒྱ་འཚོ་བར་གྱུར་ཅིག་སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་ཁྱོད་ཀྱིས་རྣམ་ཐོས་ཀྱི་བུའི་ཆོས་ཀྱི་སྤུན་གང་དག་སེཾན་རྣཾས་སྲུང་ཞིང་ཡོངསུ་སྐྱོང་བར་བྱེད་པ། འཇིག་རྟེན་གྱི་
97-1-108b


ཡམས་ཀྱི་ནད་དང་། གནོད་པ་དང་། འཁྲུག་པ་རྣམས་མེད་པར་བྱེད་པ། འཇིག་རྟེན་ལ་ཕན་གདགས་པའི་ཕྱིར་འཇིག་རྟེན་ན་རྒྱུ་བ་རྣམས་ཀྱི་མིང་ཟུང་ཤིག །འདི་ལྟ་སྟེ། དབང་པོ་དང་། ཟླ་བ་དང་། སྐྱེ་དགུའི་བདག་པོ་དང་། ཆུ་ལྷ་དང་། 
བྷ་ར་དྷྭ་ཛ་དང་། དབང་ལྡན་དང་། ཙན་དན་དང་། འདོད་པའི་གཙོ་བོ་དང་། མགྲིན་ངན་དང་། མགུལ་ངེས་དང་། བ་ཌི་དང་། ནོར་བུ་དང་། ནོར་བུ་སྤྱོད་དང་། སྒྲ་རབ་དང་། ཉེ་ལྔ་པོ་དང་། རི་མཉཾ་དང་། གསེར་ཅན་དང་། གང་པོ་དང་། སེང་ལྡེང་པ་དང་། གཡོན་
ཅན་དང་། གནོད་སྦྱིན་བ་ལང་སྐྱོང་དང་། འབྲོག་གནས་དང་། མིའི་རྒྱལ་པོ་དང་། རྒྱལ་བའི་ཁྱུ་མཆོག་དང་། ཚིགས་ལྔ་སེར་པོ་དང་། བཞིན་བཟངས་དང་། གནོད་སྦྱིན་རིང་པོ་འཁོར་དང་བཅས་པ་དང་། དྲི་ཟ་སྣ་ཚོགས་སྡེ་དང་། འབྲས་བུ་གསུམ་
པ་དང་། མགུལ་གསུཾ་པ་དང་། ལྕགས་མདུང་རིང་པོ་དང་མ་ལྡན་ཏེ། གནོད་སྦྱིན་དེ་དག་ནི་གནོད་སྦྱིན་ཆེན་པོའོ། །སྡེ་རྣམས་ཀྱི་ཡོངསུ་འདྲེན་པ། རྫུ་འཕྲུལ་དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ་དག་སྟེ། རྒྱལ་པོ་
ཆེན་པོ་རྣམ་ཐོས་ཀྱི་བུའི་སྤུན་ཏེ། རྒྱལ་པོ་ཆེན་པོ་རྣཾ་ཐོས་ཀྱི་བུས་གནོད་སྦྱིན་འདི་ནི་ང་ལ་རྣཾ་པར་འཚེའོ། །གནོད་སྦྱིན་འདི་ནི་ང་མི་གཏོང་ངོ་། །ཞེས་གང་དག་ལ་གོ་བར་བྱེད་པ་དེ་དག་ནི་རྒྱལ་པོ་ཆེན་པོ་རྣཾ་ཐོས་ཀྱི་བུའི་སྤུན་ཏེ། དེ་དག་གིས་ཀྱང་
རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་ཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །འཐབ་པ་དང་། རྩོད་པ་དང་། ཚངས་འདྲུ་བ་དང་། འཐབ་མོ་དང་། འགྱེད་པ་ལས་ཡོངསུ་སྐྱོབས་ཤིག་མིའི་
གདོན་དང་། མི་མ་ཡིན་པའི་གདོན་དང་། ལྷའི་གདོན་དང་། ཀླུའི་གདོན་དང་། ལྷ་མ་ཡིན་གྱི་གདོན་དང་། རླུང་ལྷའི་གདོན་དང་། ནམ་མཁའ་ལྡིང་གི་གདོན་དང་། དྲི་ཟའི་གདོན་དང་། མིའཾ་ཅིའི་གདོན་དང་། ལྟོ་འཕྱེ་ཆེན་པོའི་གདོན་དང་། གནོད་སྦྱིན་གྱི་
གདོན་དང་། སྲིན་པོའི་གདོན་དང་། ཡི་དགས་ཀྱི་གདོན་དང་། ཤ་ཟའི་གདོན་དང་། འབྱུང་པོའི་གདོན་དང་། གྲུལ་བུཾ་གྱི་གདོན་དང་། སྲུལ་པོའི་གདོན་དང་། ལུས་སྲུལ་པོའི་གདོན་དང་། སྐེམ་བྱེད་ཀྱི་གདོན་དང་། སྨྱོ་བྱེད་ཀྱི་གདོན་དང་། གྲིབ་གནོན་
97-1-109a


གྱི་གདོན་དང་། བརྗེད་བྱེད་ཀྱི་གདོན་དང་། གནོན་པོའི་གདོན་དང་། རྒྱུ་སྐར་གྱི་གདོན་དང་། འབྱུང་པོའི་གདོན་ལས་ཡོངསུ་སྐྱོབས་ཤིག །ཟསུ་མདངས་ཟ་བ་དང་། ཟསུ་མངལ་ཟ་བ་དང་། ཟསུ་ཤ་ཟ་བ་དང་། ཟསུ་ཁྲག་འཐུང་བ་དང་། 
ཟསུ་ཞག་ཟ་བ་དང་། ཟསུ་ཚིལ་ཟ་བ་དང་། ཟསུ་རྐང་ཟ་བ་དང་། ཟསུ་བཙས་པ་ཟ་བ་དང་། སྲོག་འཕྲོག་པ་དང་། ཟསུ་གཏོར་མ་ཟ་བ་དང་། ཟསུ་ཕྲེང་བ་ཟ་བ་དང་། ཟསུ་དྲི་ཟ་བ་དང་། ཟསུ་བདུག་པ་ཟ་བ་དང་། ཟསུ་མེ་ཏོག་ཟ་བ་དང་། ཟསུ་འབྲས་
བུ་ཟ་བ་དང་། ཟསུ་ལོ་ཏོག་ཟ་བ་དང་། ཟསུ་སྦྱིན་སྲེག་ཟ་བ་དང་། ཟསུ་རྣག་འཐུང་བ་དང་། ཟསུ་ཕྱི་ས་ཟ་བ་དང་། ཟསུ་གཅིན་འཐུང་བ་དང་། ཟསུ་མཆིལ་མ་ཟ་བ་དང་། ཟསུ་ངར་སྣབས་ཟ་བ་དང་། ཟསུ་སྣབས་ཟ་བ་དང་། ཟསུ་སྐྱུགས་པ་
ཟ་བ་དང་། ཟསུ་མི་གཙང་བ་ཟ་བ་དང་། ཟསུ་གཏོར་ཁུང་ནས་འབབ་པ་འཐུང་བ་ལས་བསྲུང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །གཤེད་བྱེད་དང་། སྒྱུར་བའི་ལས་དང་། བྱད་དང་། གཡེངས་བྱེད་
དང་། སྦྱིན་སྲེག་གི་ཡོ་བྱད་དང་། སྦྱིན་སྲེག་དང་། འཇོམ་པ་དང་། ཕོ་ཉ་དང་། རོ་ལངས་དང་། སེམས་སྒྱུར་བ་དང་། སྦོད་སྟོང་དང་། བཟའ་ཉེས་དང་། སྐྱུག་ཉེས་དང་། གནོད་སྒྲིབ་དང་། གནོད་བལྟས་དང་། བྲི་ཉེས་དང་། བསྒོམ་ཉེས་དང་། 
སྨད་པ་དང་། སྐྲག་པ་དང་། རྒྱལ་པོའི་འཇིགས་པ་དང་། ཆོམ་རྐུན་གྱི་འཇིགས་པ་དང་། མེའི་འཇིགས་པ་དང་། ཆུའི་འཇིགས་པ་དང་། ཕ་རོལ་གྱི་དམག་ཚོགས་ཀྱི་འཇིགས་པ་དང་། མུ་གེའི་འཇིགས་པ་དང་། དུས་མ་ཡིན་པར་
འཆི་བས་འཇིགས་པ་དང་། ས་གཡོ་བས་འཇིགས་པ་དང་། ཡུལ་བདགིས་འཇིགས་པ་དང་། གཅན་ཟན་ཁྲོ་བོའི་འཇིགས་པ་དང་། མི་མཛའ་བའི་འཇིགས་པ་དང་། འཆི་བའི་འཇིགས་པ་དང་། འཇིགས་པ་ཐཾད་ལས་བདག་ལ་བསྲུང་
གྱིས་ཤིག །ཤུ་བ་དང་། གཡའ་བ་དང་། མཛེ་དང་། འབྲུཾ་བུ་ཕྲ་མོ་དང་། མཚན་པར་རྡོལ་བ་དང་། ཕོལ་མིག་དང་། གཡན་པ་དང་། མེ་དབལ་དང་། ལྷོག་པའི་འཇིགས་པ་ལས་བསྲུང་བ་གྱི་ཤིག །གླད་པ་ན་བ་དང་། གཞོག་ཕྱེད་ན་བ་དང་། 
97-1-109b


ཡི་ག་འཆུས་པ་དང་། མིག་ནད་དང་། སྣ་ནད་དང་། ཁ་ནད་དང་། མགུལ་ནད་དང་། སྙིང་ནད་དང་། ལྐོག་མའི་ལྷ་གོར་ན་བ་དང་། རྣ་བ་ན་བ་དང་། སོ་ན་བ་དང་། སྙིང་ན་བ་དང་། རྩིབ་ལོགས་ན་བ་དང་། རྒྱབ་ན་བ་དང་། ལྟོ་ན་བ་དང་། མཁུར་བ་
ན་བ་དང་། ཆུ་སོ་ན་བ་དང་། སྐྱེ་གནས་ན་བ་དང་། རབ་ཏུ་རྐེད་པ་ན་བ་དང་། བརླ་ན་བ་དང་། བྱིན་པ་ན་བ་དང་། ལག་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་མེད་པར་གྱིས་ཤིག །རིམ་ནད་མེད་པར་གྱིས་ཤིག །ཉིན་
གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། ཉིན་བདུན་པ་དང་། ཟླ་བ་ཕྱེད་པ་དང་། ཟླ་བ་གཅིག་པ་དང་། ཟླ་བ་གཉིས་པ་དང་། ཡུད་ཙམ་པ་དང་། རྟག་པའི་རིམས་དང་། རིམས་དྲག་པོ་དང་། འབྱུང་པོའི་རིམས་
དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། རིམས་ཐཾད་དང་། ནད་ཐཾད་དང་། གདོན་ཐཾད་དང་། དུག་ཐཾད་དང་། སྡིག་པ་ཐཾད་དང་། སྡུག་བསྔལ་ཐཾད་དང་། འཇིགས་པ་ཐཾད་
བདག་ལ་མེད་པར་གྱིས་ཤིག་སྭཱ་ཧཱ། ཀུན་དགའ་བོ་ཤ་ཟ་ཆེན་མོ་བཅུ་གཉིས་པོ་འདི་དག་ནི་གང་དག་བྱང་ཆུབ་སེམས་དཔའ་མའི་རུམ་དུ་ཞུགས་པ་ན་ཡང་སྲུང་། བཙའ་ཁ་དང་། བཙས་པ་ན་ཡང་བསྲུང་བ་དག་གོ། བཅུ་གཉིས་
གང་ཞེ་ན། འདི་ལྟ་སྟེ། འཕྱང་མ་དང་། རྣཾ་པར་འཕྱང་མ་དང་། རབ་ཏུ་འཕྱང་མ་དང་། ཀུན་དུ་འཕྱང་མ་དང་། འཕྲོག་མ་དང་། སེང་གེའི་རལ་པ་དང་། སྤྲེའུ་ལྟར་དམར་སེར་དང་། ནག་མོ་དང་། མི་བཟད་མ་དང་། དུང་མགྲིན་མ་དང་། བྱ་རོག་
མ་དང་། བུཾ་ལྟོ་མ་སྟེ། ཤ་ཟ་ཆེན་མོ་བཅུ་གཉིས་པོ་འདི་དག་ནི་རྫུ་འཕྲུལ་དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། རྫུ་འཕྲུལ་ཆེ་བ་ལྷ་དང་། ལྷ་མ་ཡིན་གྱི་གཡུལ་དག་ཀྱང་མྱོང་བར་བྱེད་པ་དག་གོ །
དེ་དག་གིས་ཀྱང་རིགས་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག་ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །དེ་ལ་སྔགས་ཀྱི་ཚིག་ནི་འདི་རྣཾས་ཡིན་ནོ། །ཏད་ཡ་ཐཱ། ཧ་རེ། ཁ་རེ། ཁུ་རེ། 
97-1-110a


མ་ལེ་མི་ལེ་མུ་ལེ། མ་དེནྟི། མཏྟེ་མཎྜི་ཏི་ཀེ་ཧུ་ལུ་ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི། མེ་ཌི། མེ་ཌི་མེ་ཌི་སིདྷི་སིདྷི་སིདྷི་སིདྷི། བདག་ལ་བསྲུང་བ་གྱིས་ཤིག་སྭཱ་ཧཱ། སྭ་སྟི་
སྭ་སྟི་སྭ་སྟི་སྭ་སྟི། བདག་ལ་དགེ་བར་གྱུར་ཅིག་སྭཱ་ཧཱ། ཀུན་དགའ་བོ་ཤ་ཟ་ཆེན་མོ་བརྒྱད་པོ་འདི་དག་ནི། གང་དག་བྱང་ཆུབ་སེམས་དཔའ་མའི་རུམ་དུ་ཞུགས་པ་ན་ཡང་བསྲུང་བསྲུང་། བཙའ་ཁ་དང་། བཙས་པ་
ན་ཡང་བསྲུང་སྲུང་བ་དག་གོ། དེ་དག་ཀྱང་གང་ཞེ་ན། འདི་ལྟ་སྟེ། རྒྱགས་མ་དང་། རྒྱགས་བྱེད་མ་དང་། རྒྱགས་བྱེད་མའི་ཤས་ཆེ་མ་དང་། ཉེ་རྒྱགས་མ་དང་། ཡི་དགས་མོ་དང་། མདངས་ཟ་བ་དང་། ཟ་བ་མོ་དང་། འཆའ་བ་མོ་
སྟེ། ཤ་ཟ་མོ་བརྒྱད་པོ་འདི་དག་ནི་རྫུ་འཕྲུལ་དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། རྫུ་འཕྲུལ་ཆེ་བ། ལྷ་དང་། ལྷ་མ་ཡིན་གྱི་གཡུལ་དག་ཀྱང་མྱོང་བར་བྱེད་པ་དག་གོ། དེ་དག་གིས་
ཀྱང་རིགས་བསྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ཡོངསུ་སྐྱབ་པ་དང་། ཡོངསུ་བཟུང་བ་དང་། ཡོངསུ་བསྐྱང་བ་དང་། ཞི་བ་དང་། བདེ་ལེགསུ་འགྱུར་བ་དང་། ཆད་པ་སྤང་བ་དང་། མཚོན་
ཆ་སྤངས་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །ལོ་བརྒྱ་མཚོ་བར་གྱུར་ཅིག་སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཧ་རེ། ཁ་རེ། ཁུ་རེ། མ་ལྱ། མི་ལྱ། 
མུ་ལེ། མ་དེནྟི། མེཏྟི། མཎྜི། ཏི་ཀེ་ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི། མེ་ཌི། མེ་ཌི། མེ་ཌི། སིདྷི། སིདྷི། སིདྷི། སིདྷི། བདག་ལ་བསྲུང་བ་གྱིས་ཤིག་སྭ་སྟི། སྭ་སྟི་སྭ་སྟི་སྭ་སྟི། 
བདག་ལ་དགེ་བར་གྱུར་ཅིག་སྭཱ་ཧཱ། ཀུན་དགའ་བོ་ཤ་ཟ་ཆེན་མོ་ཤ་དང་ཁྲག་ཟ་བ་མི་དག་ལ་རྣམ་པར་འཚེ་བ་བདུན་པོ་འདི་དག་ནི་གང་དག་བྱང་ཆུབ་སེམས་དཔའ་མའི་རུམ་དུ་ཞུགས་པ་ན་ཡང་བསྲུང་བསྲུང་། 
97-1-110b


བཙའ་ཁ་དང་། བཙས་པ་ན་ཡང་བསྲུང་བསྲུང་དག་གོ། དེ་དག་ཀྱང་གང་ཞེ་ན། འདི་ལྟ་སྟེ། རབ་འཆར་ལྡན་དང་། བསྲུང་བ་མོ་དང་། ཤ་ཟ་ཕྲ་མོ་དང་། གང་བ་བཟང་མ་དང་། མེ་སྲུང་མ་དང་། མཛའ་མོ་ནག་མོ་དང་། དྲང་སྲོང་
བསྲུང་མ་སྟེ། ཤ་ཟ་མོ་བདུན་པོ་འདི་དག་ནི་རྫུ་འཕྲུལ་དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། རྫུ་འཕྲུལ་ཆེ་བ། ལྷ་དང་། ལྷ་མ་ཡིན་གྱི་གཡུལ་དག་ཀྱང་མྱོང་བར་བྱེད་པ་དག་གོ། དེ་དག་
གིས་ཀྱང་རིགས་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བདག་ལ་བསྲུང་བ་གྱིས་ཤིག་ལོ་བརྒྱ་ཚོ་བར་གྱུར་ཅིག་སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཧ་རེ། ཁ་རེ། ཁུ་རེ། མ་ལེ། མི་ལེ། མུ་ལེ། མ་དེནྟེ། མཏྟ། 
མཎྜི། ཏི་ཀི། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི། མེ་ཌི། མེ་ཌི། མེ་ཌི། སིདྡྷི། སིདྡྷི། སིདྡྷི། སིདྡྷི། བདག་ལ་བསྲུང་བ་གྱིས་ཤིག་སྭསྟི་སྭསྟི་སྭསྟི་སྭསྟི། བདག་ལ་དགེ་བར་གྱུར་
ཅིག་སྭཱ་ཧཱ། ཀུན་དགའ་བོ་སྲིན་མོ་གང་དག་བྱང་ཆུབ་སེམས་དཔའ་མའི་རུམ་དུ་ཞུགས་པ་ན་ཡང་བསྲུང་བསྲུང་བཙའ་ཁ་དང་། བཙས་པ་ན་ཡང་བསྲུང་བ་བསྲུང་དག་གོ། དེ་དག་ཀྱང་གྃ་ཞེ་ན། འདི་ལྟ་སྟེ། གཏུྃ་མོ་དང་། 
ངེས་གཏུམ་མོ་དང་དགའ་མོ་དང་ཁྱབ་འཇུག་ལེན་དང་། སེར་སྐྱ་མོ་སྟེ། སྲིན་མོ་ལྔ་པོ་འདི་དག་ནི་རྫུ་འཕྲུལ་དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། རྫུ་འཕྲུལ་ཆེ་བ། ལྷ་དང་། ལྷ་མ་
ཡིན་གྱི་གཡུལ་དག་ཀྱང་མྱོང་བར་བྱེད་པ་དག་གོ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བདག་ལ་བསྲུང་བ་གྱིས་ཤིག་ལོ་བརྒྱ་ཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཧ་རེ་ཁ་
རེ། ཁུ་རེ། མ་ལེ། མི་ལེ། མུ་ལེ། མ་དེནྟི། མཏྟེ། མཎྜེ། ཏི་ཀེ་ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི། མེ་ཌི། མེ་ཌི། མེ་ཌི། སིདྷི། སིདྷི། སིདྷི། སིདྷི། བདག་ལ་བསྲུང་བར་གྱིས་ཤིག་སྭཱ་ཧཱ། 
97-1-111a


སྭསྟི་སྭསྟི་སྭསྟི་སྭསྟི། བདག་ལ་དགེ་བར་གྱུར་ཅིག་སྭཱ་ཧཱ། ང་ཀུན་དགའ་བོ་སྲིན་མོ་ཆེན་མོ་ཤ་དང་ཁྲག་ཟ་བ་མི་རྣམས་ལ་རྣམ་པར་འཚེ་བ་བརྒྱད་པོ་འདི་དག་ནི་གང་དག་བྱང་ཆུབ་སེམས་དཔའ་མའི་
རུམ་དུ་ཞུགས་པ་ན་ཡང་བསྲུང་བསྲུང་། བཙའ་ཁ་དང་། བཙས་པ་ན་ཡང་བསྲུང་བསྲུང་བ་དག་གོ། དེ་དག་ཀྱང་གང་ཞེ་ན། འདི་ལྟ་སྟེ། གླེན་མ་དང་། མཚམས་བཟང་མ་དང་། ཀུ་ཤ་ལྟ་བུའི་མིག་ཅན་མ་དང་། སྐྲ་ཅན་དང་། 
ཀམ་པོ་ཛི་དང་། རབ་མཛའ་མ་དང་། མིག་དམར་མོ་དང་། མི་བཟད་མ་སྟེ། དེ་དག་ནི་ཤ་དང་ཁྲག་ཟ་བ། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དག་ཀྱང་འཕྲོག་པ། པང་དུ་བཞུགས་པའི་ཁྱིམ་དག་དང་། ཁང་
སྟོང་ལ་བརྟེན་པ། མུན་པའི་འོད་འགྲོ་བའི་རྗེསུ་འགྲོ་བ། སྒྲ་འབྱིན་པ། མི་རྣཾས་ཀྱི་མདངས་ཕྲོག་པར་བྱེད་པ་ཆེན་པོའོ། །དེ་དག་ནི་སྙིང་རྗེ་མེད་ཅིང་མིའི་སྐྱེ་དགུ་སྐྲག་པར་བྱེད་པ་སྟེ། སྲིན་མོ་ཆེན་མོ་བརྒྱད་པོ་འདི་
དག་ནི་རྫུ་འཕྲུལ་དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། རྫུ་འཕྲུལ་ཆེ་བ། ལྷ་དང་། ལྷ་མ་ཡིན་གྱི་ཡུལ་དག་ཀྱང་མྱོང་བར་བྱེད་པ་དག་གོ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་
མོ་འདིས་བདག་ལ་བསྲུང་བ་གྱིས་ཤིག་ལོ་བརྒྱ་འཚོ་བར་གྱུར་ཅིག་སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཧ་རེ། ཁ་རེ། ཁུ་རེ། མ་ལེ། མི་ལེ། མུ་ལེ། མ་དེནྟི། མཏྟེ། མཎྜི། ཏི་ཀེ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། 
ཧུ་ལུ་ཧུ་ལུ། ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི། མེ་ཌི། མེ་ཌི། མེ་ཌི། སིདྡྷི། སིདྡྷི། སིདྡྷི། སིདྡྷི། བདག་ལ་བསྲུང་བ་གྱི་ཤིག་སྭཱཧཱ། སྭསྟི་སྭསྟི་སྭསྟི་སྭསྟི། བདག་ལ་དགེ་བར་གྱུར་ཅིག་སྭཱ་ཧཱ། ཀུན་དགའ་བོ་སྲིན་མོ་ཆེན་མོ་བཅུ་པོ་འདི་དག་
ནི་གྃ་དག་བྱང་ཆུབ་སེཾས་དཔའ་མའི་རུམ་དུ་ཞུགས་པ་ན་ཡང་བསྲུང་བསྲུང་། བཙའ་ཁ་དང་། བཙས་པ་ན་ཡང་བསྲུང་བསྲུང་བ་དག་གོ། དེ་དག་ཀྱང་གང་ཞེ་ན། འདི་ལྟ་སྟེ། སྲིན་མོ་འཕྲོག་མ་དང་། སྲིན་མོ་དགའ་མོ་དང་། སྲིན་མོ་དམར་སེར་མོ་དང་། 
97-1-111b


སྲིན་མོ་དུང་ཅན་མ་དང་། སྲིན་མོ་ལུས་ལས་བྱུང་མ་དང་། སྲིན་མོ་ལྷ་བཤོས་མ་དང་། སྲིན་མོ་བུམ་པ་མ་དང་། སྲིན་མོ་མེ་ཏོག་ཀུན་དའི་མཆེ་བ་ཅན་དང་། སྲིན་མོ་འཕྱང་མ་དང་། སྲིན་མོ་མེ་སྟེ། སྲིན་མོ་ཆེན་མོ་བཅུ་པོ་འདི་དག་ནི་རྫུ་འཕྲུལ་
དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། རྫུ་འཕྲུལ་ཆེ་བ། ལྷ་དང་། ལྷ་མ་ཡིན་གྱི་གཡུལ་དག་ཀྱྃང་མྱོང་བར་བྱེད་པ་དག་གོ། དེ་དག་གིས་ཀྱྃང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱི་
ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཧ་རེ། ཁ་རེ། ཁུ་རེ། མ་ལེ། མི་ལེ། མུ་ལེ། མ་དེནྟི། མཏྟི། མཎྜི་ཏི་ཀེ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི་མེ་ཌི། 
མེ་ཌི། མེ་ཌི། སིདྡྷི་སིདྡྷི་སིདྡྷི་སིདྡྷི། སྭཱ་ཧཱ། སྭསྟི་སྭསྟི་སྭསྟི་སྭསྟི། བདག་ལ་བདེ་ལེགསུ་གྱུར་ཅིག་སྭཱ་ཧཱ། ཀུན་དགའ་བོ་སྲིན་མོ་ཆེན་མོ་བཅུ་གཉིས་པོ་འདི་དག་ནི་གང་དག་བྱང་ཆུབ་སེཾས་དཔའ་མའི་རུཾ་དུ་ཞུགས་ན་ཡང་བསྲུང་བསྲུང་བཙའ་
ཁ་དང་བཙས་པ་ན་ཡང་བསྲུང་བསྲུང་བ་དག་གོ། དེ་དག་ཀྱང་གང་ཞེ་ན། འདི་ལྟ་སྟེ། སྲིན་མོ་མགོན་མེད་མ་དང་། སྲིན་མོ་རྒྱ་མཚོ་མ་དང་། སྲིན་མོ་དྲག་མོ་དང་། སྲིན་མོ་སྲོག་འཕྲོག་མ་དང་། སྲིན་མོ་རིག་མ་དང་། སྲིན་མོ་གཞུ་འཛིན་མ་དང་། 
སྲིན་མོ་མདའ་འཛིན་མ་དང་། སྲིན་མོ་རལ་གྲི་འཛིན་མ་དང་། སྲིན་མོ་གཤོལ་འཛིན་མ་དང་། སྲིན་མོ་འཁོར་ལོ་འཛིན་མ་དང་། སྲིན་མོ་ཁོར་ཡུག་མ་དང་། སྲིན་མོ་འཇིགས་བྱེད་མ་སྟེ། སྲིན་མོ་ཆེན་མོ་བཅུ་གཉིས་པོ་འདི་དག་ནི་རྫུ་འཕྲུལ་
དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། རྫུ་འཕྲུལ་ཆེ་བ། ལྷ་དང་། ལྷ་མ་ཡིན་གྱི་གཡུལ་དག་ཀྱང་མྱོང་བར་བྱེད་པ་དག་གོ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་
ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཧ་རེ། ཁ་རེ། ཁུ་རེ། མ་ལེ། མི་ལེ། མུ་ལེ། མ་དནྟི། མཏྟེ། མཎྜི་ཏི་ཀེ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི། མེ་ཌི། མེ་ཌི། 
97-1-112a


མེ་ཌི། སིདྡྷི། སིདྡྷི། སིདྡྷི། སིདྡྷི། སྭཱ་ཧཱ། སྭ་སྟི་སྭ་སྟི་སྭ་སྟི་སྭ་སྟི། བདག་ལ་བདེ་ལེགསུ་གྱུར་ཅིག་སྭཱ་ཧཱ། ཀུན་དགའ་བོ་མ་མོ་ཆེན་མོ་བཅུ་གཉིས་པོ་འདི་དག་ནི་གང་དག་བྱང་ཆུབ་སེམས་དཔའ་མའི་རུམ་དུ་ཞུགས་པ་ན་ཡང་བསྲུང་
བསྲུང་། བཙའ་ཁ་དང་། བཙས་པ་ན་ཡང་བསྲུང་བསྲུང་ཞིང་། གང་དག་སེཾན་ལ་གནོད་པར་བྱེད་པ། སྐྲག་པར་བྱེད་པ། རྣམ་པར་མཚེ་བར་བྱེད་པ་དག་གོ། དེ་དག་ཀྱང་གང་ཞེ་ན། འདི་ལྟ་སྟེ། ཚངས་པའི་ཆུང་མ་དང་། དྲག་པོའི་ཆུང་
མ་དང་། གཞོན་ནུའི་ཆུང་མ་དང་། ཁྱབ་འཇུག་གི་ཆུང་མ་དང་། དབང་པོའི་ཆུང་མ་དང་། ཕག་གི་ཆུང་མ་དང་། ལུས་ངན་གྱི་ཆུང་མ་དང་། རླུང་ལྷའི་ཆུང་མ་དང་། གཤིན་རྗེའི་ཆུང་མ་དང་། རླུང་གི་ཆུང་མ་དང་། མེའི་ཆུང་མ་དང་། 
ནག་མོ་ཆེན་མོ་སྟེ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། ཧ་རེ། ཁ་རེ། ཁུ་རེ། མ་ལེ། མི་ལེ། 
མུ་ལེ། མ་དེནྟི། མཏྟི། མཎྜི་ཏི་ཀེ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི། མེ་ཌི། མེ་ཌི། མེ་ཌི། སིདྡྷི། སིདྡྷི། སིདྡྷི། སིདྡྷི་སྭཱ་ཧཱ། སྭསྟི་སྭསྟི་སྭསྟི་སྭསྟི། བདག་ལ་བདེ་ལེགསུ་གྱུར་ཅིག་སྭཱ་ཧཱ། 
ཀུན་དགའ་བོ་སྲིན་པོའི་ཆུང་མ་ཤ་ཟ་མོ་རལ་པ་གཅིག་པ་ཞེས་བྱ་བ་རྒྱ་མཚོའི་ངོགས་ན་གནས་པ་ཁྲགི་དྲི་ཚོར་ན་མཚན་གཅིག་ལ་དཔག་ཚད་བརྒྱད་ཁྲིར་འགྲོ་བ་ཡོད་དེ། དེ་ཡང་བྱང་ཆུབ་སེཾས་དཔའ་མའི་རུམ་དུ་ཞུགས་པ་ན་ཡང་
བསྲུང་བསྲུང་། བཙའ་ཁ་དང་། བཙས་པ་ན་ཡང་བསྲུང་བསྲུང་བའོ། །དེས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཏད་ཡ་ཐཱ། 
ཧ་རེ། ཁ་རེ། ཁུ་རེ། མ་ལེ། མི་ལེ། མུ་ལེ། མ་དེནྟི། མཏྟི། མཎྜི་ཏི་ཀེ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ལུ་ལུ་ལུ་ལུ། མེ་ཌི། མེ་ཌི། མེ་ཌི། མེ་ཌི། སིདྡྷི། སིདྡྷི། སིདྡྷི། སིདྡྷི་སྭཱ་ཧཱ། སྭསྟི་སྭསྟི་སྭསྟི་སྭསྟི། བདག་
97-1-112b


ལ་བདེ་ལེགསུ་གྱུར་ཅིག་སྭཱ་ཧཱ། ཀུན་དགའ་བོ་ཁྱོད་ཀྱིས་སྲིན་མོ་རྣམས་ཀྱི་མིང་ཟུང་ཤིག །འདི་ལྟ་སྟེ། སྲིན་མོ་སེར་སྐྱ་མོ་ཞེས་བྱ་བ་དང་། སྲིན་མོ་པད་མ་ཞེས་བྱ་བ་དང་། སྲིན་མོ་མ་ཧེ་མོ་ཞེས་བྱ་བ་དང་། 
སྲིན་མོ་དཀར་མོ་ཞེས་བྱ་བ་དང་། སྲིན་མོ་དབུ་བ་ཅན་ཞེས་བྱ་བ་དང་། སྲིན་མོ་འབར་མ་ཞེས་བྱ་བ་དང་། སྲིན་མོ་གདུང་མ་ཞེས་བྱ་བ་དང་། སྲིན་མོ་བུམ་པ་ཅན་ཞེས་བྱ་བ་དང་། སྲིན་མོ་དྲི་མེད་ཅེས་བྱ་བ་དང་། སྲིན་མོ་ས་
ཞེས་བྱ་བ་དང་། སྲིན་མོ་སེང་གེའི་ཟླ་བ་ཞེས་བྱ་བ་དང་། སྲིན་མོ་སྣར་མ་ཞེས་བྱ་བ་དང་། སྲིན་མོ་འོད་ཟེར་དང་། སྲིན་མོ་སྦྱིན་སྲེག་ཟ་བ་དང་། སྲིན་མོ་ཆུ་ལྷའི་ཆུང་མ་དང་། སྲིན་མོ་ནག་མོ་དང་། སྲིན་མོ་གླང་ཆེན་
མ་དང་། སྲིན་མོ་སྟོབས་ཆེན་མ་དང་། སྲིན་མོ་ཟ་བ་མོ་དང་། སྲིན་མོ་ལག་འགྲོ་མ་དང་། སྲིན་མོ་པ་ཏང་གི་དང་། སྲིན་མོ་དམར་སེར་མོ་དང་། སྲིན་མོ་ཐིགས་པ་འཛིན་དང་། སྲིན་མོ་གཏུམ་མོ་དང་། སྲིན་མོ་རི་
འཛིན་དང་། སྲིན་མོ་གྲུལ་བུམ་དང་། སྲིན་མོ་ཚོན་ངན་དང་། སྲིན་མོ་ཟློག་བྱེད་མ་དང་། སྲིན་མོ་རྒྱགས་མ་དང་། སྲིན་མོ་མངལ་ཟ་མ་དང་། སྲིན་མོ་ཁྲག་ཟ་མ་དང་། སྲིན་མོ་སོ་སྟོ་མ་དང་། སྲིན་མོ་དངངས་བྱེད་མ་
དང་། སྲིན་མོ་ཚངས་པ་མ་དང་། སྲིན་མོ་ལྡོང་ཀ་སྐྱོང་དང་། སྲིན་མོ་རྡོ་རྗེ་འཛིན་དང་། སྲིན་མོ་སྐེམ་བྱེད་མ་དང་། སྲིན་མོ་མུན་པ་དང་། སྲིན་མོ་ཆར་འབེབས་དང་། སྲིན་མོ་འབྲུག་སྒྲོགས་དང་། སྲིན་མོ་འགེམས་མ་དང་། 
སྲིན་མོ་སྣང་བྱེད་མ་དང་། སྲིན་མོ་འགྲོ་མ་དང་། སྲིན་མོ་སྒྲོན་མ་ཁ་དང་། སྲིན་མོ་ནོར་འཛིན་དང་། སྲིན་མོ་མཚན་མོ་ནག་མོ་དང་། སྲིན་མོ་གཤིན་རྗེའི་ཕོ་ཉ་མོ་དང་། སྲིན་མོ་མཆེ་བ་མ་དང་། སྲིན་མོ་ཡཱ་མ་དང་། སྲིན་མོ་དྲི་མ་མེད་དང་། སྲིན་
མོ་སྟོབས་བཟང་མ་དང་། སྲིན་མོ་རལ་པ་འགྲེང་དང་། སྲིན་མོ་མགོ་རྒྱ་མ་དང་། སྲིན་མོ་ལག་བརྒྱ་མ་དང་། སྲིན་མོ་མིག་རྒྱ་མ་དང་། སྲིན་མོ་གནོད་བྱེད་མ་དང་། སྲིན་མོ་འཇོམ་དང་། སྲིན་མོ་བྱི་ལ་མོ་དང་། སྲིན་མོ་ཟླ་བ་དང་། སྲིན་མོ་ཚན་མོ་རྒྱུ་དང་། སྲིན་མོ་ཉིན་མོ་རྒྱུ་དང་། 
97-1-113a


སྲིན་མོ་ཞག་མ་དང་། སྲིན་མོ་ཁྲོ་མོ་དང་། སྲིན་མོ་རྣམ་པར་འཚེ་དང་། སྲིན་མོ་རལ་གྲི་ཅན་དང་། སྲིན་མོ་ལག་ན་གཏུན་ཤིང་འཛིན་དང་། སྲིན་མོ་ལག་ན་རྩེ་གསུམ་མ་དང་། སྲིན་མོ་སོ་བྲོད་མ་དང་། སྲིན་མོ་ཡིད་དུ་འོང་དང་། སྲིན་མོ་དེས་མ་དང་། 
སྲིན་མོ་གཏུམ་མོ་དང་། སྲིན་མོ་སོ་དང་། སྲིན་མོ་འགྲོ་འཁྲུག་མ་དང་། སྲིན་མོ་སྔོན་མོ་དང་། སྲིན་མོ་ཁྲ་མོ་དང་། སྲིན་མོ་ཆེན་མོ་བདུན་བཅུ་རྩ་བཞི་པོ་འདི་དག་ནི་རྫུ་འཕྲུལ་དང་ལྡན་པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། 
རྫུ་འཕྲུལ་ཆེ་བ། ལྷ་དང་། ལྷ་མ་ཡིན་གྱི་གཡུལ་དག་ཀྱང་མྱོང་བར་བྱེད་པ་དག་གོ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བར་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོ་བརྒྱ་མཐོང་བར་ཤོག་ཤིག །
ཏད་ཡ་ཐཱ། ཧི་ལི་ཧི་ལི། ཧི་ལི་ཧི་ལི། མི་ལི་མི་ལི། མི་ལི་མི་ལི། མི་ལི་མི་ལི་མི་ལི། མི་ལི། ཧུ་རུ་ཧུ་རུ་ཧུ་རུ་ཧུ་རུ་ཧུ་རུ་ཧུ་རུ་ཧུ་རུ་ཧུ་རུ་ཧུ་རུ་ཧཱུ་རུ། ཙི་ཊི་ཙི་ཊི་ཙི་ཊི་ཙི་ཊི་ཙི་ཊི་ཙི་ཊི་ཙི་ཊི་ཙི་ཊི་ཙི་ཊི་ཙི་ཊི། ཧིཀ་ཀེ་ཧིཀ་ཀེ་ཧིཀ་ཀེ་ཧིཀ་ཀེ། ཧ་ཌ་ཧ་བ་ཊོ། བཀྵེ། བཀྵེ། ཧོ་རེ། 
ཧོ་རེ། དྷ་ར་དྷ་ར། ཧ་ར་ཧ་ར། ཙ་ལ་ཙ་ལ། ཙུ་ལུ་ཙུ་ལུ། སྭཱཧཱ། སངས་རྒྱས་ཐམས་ཅད་ལ་ཕྱག་འཚལ་ལོ་སྭཱཧཱ། རང་སངས་རྒྱས་རྣམས་ལ་སྭཱ་ཧཱ། དགྲ་བཅོམ་པ་རྣམས་ལ་སྭཱཧཱ། བྱང་ཆུབ་སེམས་དཔའ་བྱམས་པ་ལ་སྭཱཧཱ། བྱང་ཆུབ་
སེམས་དཔའ་ཐམས་ཅད་ལ་སྭཱཧཱ། ཕྱིར་མི་འོང་བ་རྣམས་ལ་སྭཱཧཱ། ལན་ཅིག་ཕྱིར་འོང་བ་རྣམས་ལ་སྭཱ་ཧཱ། རྒྱུན་དུ་ཞུགས་པ་རྣམས་ལ་སྭཱ་ཧཱ། ཡང་དག་པར་སོང་བ་རྣམས་ལ་སྭཱ་ཧཱ། ཡང་དག་པར་ཞུགས་པ་རྣམས་ལ་སྭཱ་ཧཱ། 
ཚངས་པ་ལ་སྭཱ་ཧཱ། དབང་པོ་ལ་སྭཱཧཱ། སྐྱེ་དགུའི་བདག་མོ་རྣམས་ལ་སྭཱ་ཧཱ། དབང་ལྡན་ལ་སྭཱ་ཧཱ། མེ་ལྷ་ལ་སྭཱ་ཧཱ། རླུང་ལྷ་ལ་སྭཱཧཱ། ཆུ་ལྷ་ལ་སྭཱཧཱ། ལུས་ངན་ལ་སྭཱ་ཧཱ། གཤིན་རྗེ་ལ་སྭཱཧཱ། ཉེ་བའི་དབང་པོ་ལ་སྭཱ་ཧཱ། གནོད་སྦྱིན་
གྱི་སྡེ་དཔོན་ཆེན་པོ་རྣམས་ཐོས་ཀྱི་བུ་ལ་སྭཱ་ཧཱ། དྲི་ཟའི་བདག་པོ་ཡུལ་འཁོར་སྲུང་ལ་སྭཱཧཱ། གྲུལ་བུམ་གྱི་བདག་པོ་འཕགས་སྐྱེས་པོ་ལ་སྭཱ་ཧཱ། ཀླུའི་བདག་པོ་མིག་མི་བཟང་ལ་སྭཱ་ཧཱ། ལྷ་རྣམས་ལ་སྭཱ་ཧཱ། ཀླུ་རྣམས་ལ་
97-1-113b


སྭཱ་ཧཱ། ལྷ་མ་ཡིན་རྣམས་ལ་སྭཱ་ཧཱ། རླུང་ལྷ་རྣམས་ལ་སྭཱ་ཧཱ། ནམ་མཁའ་ལྡིང་རྣམས་ལ་སྭཱ་ཧཱ། དྲི་ཟ་རྣམས་ལ་སྭཱ་ཧཱ། མི་འམ་ཅི་རྣམས་ལ་སྭཱ་ཧཱ། ལྟོ་འཕྱེ་ཆེན་པོ་རྣམས་ལ་སྭཱ་ཧཱ། གནོད་སྦྱིན་རྣམས་ལ་སྭཱ་ཧཱ། སྲིན་པོ་རྣམས་ལ་སྭཱ་ཧཱ། 
ཡི་དག་རྣམས་ལ་སྭཱ་ཧཱ། ཤ་ཟ་རྣམས་ལ་སྭཱ་ཧཱ། འབྱུང་པོ་རྣམས་ལ་སྭཱ་ཧཱ། གྲུལ་བུམ་རྣམས་ལ་སྭཱ་ཧཱ། སྲུལ་པོ་རྣམས་ལ་སྭཱ་ཧཱ། ལུས་སྲུལ་པོ་རྣམས་ལ་སྭཱ་ཧཱ། སྐེམ་བྱེད་རྣམས་ལ་སྭཱ་ཧཱ། སྨྱོ་བྱེད་རྣམས་ལ་སྭཱ་ཧཱ། གྲིབ་
གནོན་རྣམས་ལ་སྭཱ་ཧཱ། བརྗེད་བྱེད་རྣམས་ལ་སྭཱཧཱ། གནོན་པོ་རྣམས་ལ་སྭཱ་ཧཱ། ཟླ་བ་དང་ཉི་མ་ལ་སྭཱ་ཧཱ། རྒྱུ་སྐར་རྣམས་ལ་སྭཱ་ཧཱ། གཟའ་རྣམས་ལ་སྭཱ་ཧཱ། སྐར་མ་རྣམས་ལ་སྭཱ་ཧཱ། དྲོང་སྲོང་རྣམས་ལ་སྭཱ་ཧཱ། བརྟུལ་ཞུགས་
གྲུབ་པ་རྣམས་ལ་སྭཱ་ཧཱ། རིག་སྔགས་འཆང་གྲུབ་པ་རྣམས་ལ་སྭཱ་ཧཱ། དཀར་མོ་ལ་སྭཱ་ཧཱ། ས་འཛིན་ལ་སྭཱ་ཧཱ། དུག་སེལ་ལ་སྭཱ་ཧཱ། འཆི་མེད་ལ་སྭཱ་ཧཱ། རྨུགས་བྱེད་ལ་སྭཱ་ཧཱ། ཐལ་མོ་རྡེག་ལ་སྭཱ་ཧཱ། འགྲོ་ལྡིང་བ་ལ་སྭཱ་ཧཱ། ཤ་བ་རི་
ལ་སྭཱ་ཧཱ། ཨ་ཐ་ཤ་བ་རི་ལ་སྭཱ་ཧཱ། གཏུམ་མོ་ལ་སྭཱ་ཧཱ། བན་གླང་ཆེན་པོ་ལ་སྭཱ་ཧཱ། ཀླུའི་སྙིང་པོ་ལ་སྭཱ་ཧཱ། ནམ་མཁའ་ལྡིང་གི་སྙིང་པོ་ལ་སྭཱ་ཧཱ། ཡིད་ལས་བྱུང་བ་ལ་སྭཱ་ཧཱ། ཡིད་ལས་བྱུང་ཆེན་པོ་ལ་སྭཱ་ཧཱ། ཡི་གེ་དྲུག་མ་ལ་སྭཱ་ཧཱ། 
ནོར་བུ་བཟང་ལ་སྭཱ་ཧཱ། ཀུན་དུ་བཟང་པོ་ལ་སྭཱ་ཧཱ། ཀུན་དུ་བཟང་པོ་ཆེན་པོ་ལ་སྭཱ་ཧཱ། དམ་ཚིག་ཆེན་པོ་ལ་སྭཱ་ཧཱ། ཟླ་བ་ཆེན་པོ་ལ་སྭཱ་ཧཱ། སོ་སོར་འབྲང་བ་ཆེན་མོ་ལ་སྭཱ་ཧཱ། བསིལ་བའི་ནགས་ཚལ་ལ་སྭཱ་ཧཱ། བསིལ་བའི་ནགས་ཚལ་
ཆེན་པོ་ལ་སྭཱ་ཧཱ། བེ་ཅོན་འཛིན་ལ་སྭཱ་ཧཱ། བེ་ཅོན་འཛིན་ཆེན་པོ་ལ་སྭཱ་ཧཱ། བསྟང་བཟུང་ལ་སྭཱ་ཧཱ། བཏང་བཟུང་ཆེན་པོ་ལ་སྭཱ་ཧཱ། རྒྱལ་བྱེད་མ་ལ་སྭཱ་ཧཱ། ཞི་བ་ལ་སྭཱ་ཧཱ། ལྔས་བཙན་ལ་སྭཱ་ཧཱ། གཞན་གྱི་མི་ཐུབ་མ་ལ་སྭཱ་ཧཱ། རྨ་བྱའི་
རྒྱལ་མོ་གསེར་དུ་སྣང་བ་ལ་སྭཱ་ཧཱ། རིག་སྔགས་ཀྱི་རྒྱལ་མོ་རྨ་བྱ་ཆེན་མོ་ལ་སྭཱ་ཧཱ། རིག་སྔགས་ཆེན་མོ་དང་། གསང་སྔགས་ཆེན་མོ་དང་། སོ་སོར་འབྲང་མ་ཆེན་མོ་དང་། བསྲུང་བ་ཆེན་མོ་འདི་དག་གིས་གཤེད་བྱེད་རྣམས་བཅོམ་མོ། །སྒྱུར་བའི་
97-1-114a


ལས་རྣམས་དང་། བྱད་དང་། གཡེངས་བྱེད་རྣམས་དང་། རོ་ལངས་རྣམས་དང་། སེམས་སྒྱུར་བ་རྣམས་དང་། སྦོད་སྟོང་རྣམས་བཅོམ་མོ། །སྐེམ་བྱེད་རྣམས་དང་། སྨྱོ་བྱེད་རྣམས་དང་། གྲིབ་གནོན་རྣམས་དང་། བརྗེད་བྱེད་རྣམས་བཅོམ་མོ། །
སྐེམ་བ་རྣམས་དང་། སྐྲག་པ་རྣམས་དང་། དབྱིག་དུག་རྣམས་དང་། དུག་རྣམས་བཅོམ་མོ། །བཟའ་ཉེས་རྣམས་དང་། སྐྱུག་ཉེས་རྣམས་དང་། གནོད་སྒྲིབ་རྣམས་དང་། གནོད་ལྟས་རྣམས་དང་། བྲི་ཉེས་རྣམས་དང་། བསྒོམ་ཉེས་རྣམས་དང་། 
སྨད་པ་རྣམས་བཅོམ་མོ། །རིམས་ཉིན་གཅིག་པ་རྣམས་དང་། ཉིན་གཉིས་པ་རྣམས་དང་། ཉིན་གསུམ་པ་རྣམས་དང་། ཉིན་བཞི་པ་རྣམས་དང་། ཉིན་བདུན་པ་རྣམས་དང་། ཟླ་བ་ཕྱེད་པ་རྣམས་དང་། ཟླ་བ་གཅིག་པ་རྣམས་དང་། ཉིན་མོ་
པ་རྣམས་དང་། མཚན་མོ་པ་རྣམས་དང་། ཡུད་ཙམ་པ་རྣམས་དང་། རྟག་པའི་རིམས་རྣམས་དང་། རིམས་དྲག་པོ་རྣམས་དང་། རླུང་ལས་གྱུར་པ་རྣམས་དང་། མཁྲིས་པ་ལས་གྱུར་བ་རྣམས་དང་། བད་ཀན་ལས་གྱུར་པ་རྣམས་དང་། འདུས་
པ་ལས་གྱུར་པ་རྣམས་དང་། མིའི་རིམས་རྣམས་དང་། མི་མ་ཡིན་པའི་རིམས་རྣམས་བཅོམ་མོ། །རིམས་ཐམས་ཅད་བཅོམ་མོ། །ཤུ་བ་དང་། གཡའ་བ་དང་། འབྲུམ་མོ་ཕྲ་མོ་དང་། མཛེ་དང་། ཕོལ་མིག་དང་། གཡན་པ་དང་། མེ་དབལ་དང་། 
ལྷོག་པ་རྣམས་བཅོམ་མོ། །གླད་པ་ན་བ་དང་། གཞོགས་ཕྱེད་ན་བ་དང་། ཡི་ག་འཆུས་པ་དང་། མིག་ནད་དང་། སྣ་ནད་དང་། ཁ་ནད་ནད་དང་། མགུལ་ནད་དང་། སྙིང་ནད་དང་། ལྐོག་མའི་ལྷ་གོར་ན་བ་དང་། རྣ་བ་ན་བ་དང་། སོ་ན་བ་དང་། སྙིང་
ན་བ་དང་། རྩིབ་ལོགས་ན་བ་དང་། རྒྱབ་ན་བ་དང་། ལྟོ་བ་ན་བ་དང་། མཁུར་བ་ན་བ་དང་། མཚན་བར་རྡོལ་བ་དང་། སྐྱེ་གནས་ན་བ་དང་། རབ་ཏུ་རྐེད་པ་ན་བ་དང་། བརླ་ན་བ་དང་། བྱིན་པ་ན་བ་དང་། ལག་པ་ན་བ་དང་། རྐང་པ་ན་བ་དང་། 
ཡན་ལག་ན་བ་དང་། ཉིང་ལག་ན་བ་བཅོམ་མོ། །གདོན་ཐམས་ཅད་དང་། དུག་ཐམས་ཅད་དང་། ནད་ཐམས་ཅད་བཅོམ་མོ། །བདག་བདེ་ལེགས་སུ་གྱུར་ཅིག །མཚན་མོ་བདེ་ལེགས་ཉིན་བདེ་ལེགས། །ཉི་མའི་གུང་གི་བདེ་
97-1-114b


ལེགས་དང་། །ཉིན་མཚན་ཀུན་གྱི་བདེ་ལེགས་དག །སངས་རྒྱས་ཀུན་གྱིས་བདག་ལ་སྩོལ། །སངས་རྒྱས་ཕྱག་འཚལ་བྱང་ཆུབ་ཕྱག་འཚལ་ལོ། །གྲོལ་གྱུར་ཕྱག་འཚལ་གྲོལ་ལ་ཕྱག་འཚལ་ལོ། །ཞི་གྱུར་ཕྱག་འཚལ་ཞི་ལ་
ཕྱག་འཚལ་ལོ། །རྣམ་གྲོལ་ཕྱག་འཚལ་གྲོལ་ལ་ཕྱག་འཚལ་ལོ། །བྲམ་ཟེ་གང་དག་སྡིག་པའི་ཆོས་རྣམས་གསལ་བར་གྱུར་པ་དེ་དག་ལ་ཡང་ཕྱག་འཚལ་ལོ། །དེ་དག་གིས་ཀྱང་བདག་ལ་བསྲུང་བ་གྱིས་ཤིག །ཕ་བདེ་ལེགས་
སུ་གྱུར་ཅིག །མ་བདེ་ལེགས་སུ་གྱུར་ཅིག །མངལ་བདེ་ལེགས་སུ་གྱུར་ཅིག །རྐང་གཉིས་པ་རྣམས་བདེ་ལེགས་སུ་གྱུར་ཅིག །རྐང་བཞི་པ་རྣམས་བདེ་ལེགས་སུ་གྱུར་ཅིག །རྐང་མངས་རྣམས་བདེ་ལེགས་སུ་གྱུར་
ཅིག །སྲིད་པ་གསུམ་དུ་གཏོགས་པའི་སེམས་ཅན་ཐམས་ཅད་བདེ་ལེགས་སུ་གྱུར་ཅིག་སྭཱ་ཧཱ། ཀུན་དགའ་བོ་ཁྱོད་ཀྱིས་ཀླུའི་རྒྱལ་པོ་རྣམས་ཀྱི་མིང་ཟུང་ཤིག །འདི་ལྟ་སྟེ། ཀླུའི་རྒྱལ་པོ་སངས་རྒྱས་བཅོམ་ལྡན་འདས་དང་། 
ཀླུའི་རྒྱལ་པོ་ཚངས་པ་དང་། ཀླུའི་རྒྱལ་པོ་ཚངས་ཆེན་དང་། ཀླུའི་རྒྱལ་པོ་དབང་པོ་དང་། ཀླུའི་རྒྱལ་པོ་ཉེ་བའི་དབང་པོ་དང་། ཀླུའི་རྒྱལ་པོ་རྒྱ་མཚོ་དང་། ཀླུའི་རྒྱལ་པོ་རྒྱ་མཚོའི་བུ་དང་། ཀླུའི་རྒྱལ་པོ་དུག་མེད་བཅས་དང་། ཀླུའི་
རྒྱལ་པོ་མཚོ་ཆེན་དང་། ཀླུའི་རྒྱལ་པོ་མཚོ་ཆེན་བུ་དང་། ཀླུའི་རྒྱལ་པོ་ཆུ་སྲིན་དང་། ཀླུའི་རྒྱལ་པོ་དགའ་བོ་དང་། ཀླུའི་རྒྱལ་པོ་ཉེ་དགའ་བོ་དང་། ཀླུའི་རྒྱལ་པོ་མི་ཞུམ་པ་དང་། ཀླུའི་རྒྱལ་པོ་ཉེ་བར་མ་ཞུམ་པ་དང་། ཀླུའི་རྒྱལ་པོ་
བལྟ་ན་མཛེས་དང་། ཀླུའི་རྒྱལ་པོ་ནོར་རྒྱས་ཀྱི་བུ་དང་། ཀླུའི་རྒྱལ་པོ་འཇོག་པོ་དང་། ཀླུའི་རྒྱལ་པོ་སྐྱ་རེང་དང་། ཀླུའི་རྒྱལ་པོ་ཆུ་ལྷ་དང་། ཀླུའི་རྒྱལ་པོ་པཎྜ་ཀ་དང་། ཀླུའི་རྒྱལ་པོ་སོར་མོ་དྲུག་པ་དང་། ཀླུའི་རྒྱལ་པོ་སྙིང་པོར་འགྲོ་དང་། 
ཀླུའི་རྒྱལ་པོ་དཔལ་ལྡན་དང་། ཀླུའི་རྒྱལ་པོ་དཔལ་མགྲིན་དང་། ཀླུའི་རྒྱལ་པོ་དཔལ་འཕེལ་དང་། ཀླུའི་རྒྱལ་པོ་དཔལ་བཟང་དང་། ཀླུའི་རྒྱལ་པོ་སྟོབས་བཟང་དང་། །ཀླུའི་རྒྱལོ་ཆུ་སྐྱེས་དང་། ཀླུའི་རྒྱལ་པོ་སྟག་རེ་དང་། ཀླུའི་རྒྱལ་པོ་ལག་
97-1-115a


བཟང་དང་། ཀླུའི་རྒྱལ་པོ་རི་རབ་དང་། ཀླུའི་རྒྱལ་པོ་ཉི་འོད་དང་། ཀླུའི་རྒྱལ་པོ་ཟླ་འོད་དང་། ཀླུའི་རྒྱལ་པོ་བཟང་སྡུག་དང་། ཀླུའི་རྒྱལ་པོ་ངར་བ་དང་། ཀླུའི་རྒྱལ་པོ་འབྲུག་སྒྲོགས་དང་། ཀླུའི་རྒྱལ་པོ་གློག་འབྱིན་དང་། ཀླུའི་རྒྱལ་པོ་
རྒྱས་བྱེད་དང་། ཀླུའི་རྒྱལ་པོ་ཆར་འབེབས་དང་། ཀླུའི་རྒྱལ་པོ་དྲི་མེད་དང་། ཀླུའི་རྒྱལ་པོ་སྟོབས་ཆེན་མགོ་དང་། ཀླུའི་རྒྱལ་པོ་ལྕང་ལོ་ཅན་གྱི་མགོ་དང་། ཀླུའི་རྒྱལ་པོ་རྟ་མགོ་དང་། ཀླུའི་རྒྱལ་པོ་བལ་ལང་མགོ་དང་། ཀླུའི་རྒྱལ་པོ་རི་དགས་
མགོ་དང་། ཀླུའི་རྒྱལ་པོ་གླང་པོ་ཆེའི་མགོ་དང་། ཀླུའི་རྒྱལ་པོ་རླན་སྟོབས་ཅན་དང་། ཀླུའི་རྒྱལ་པོ་སྐྱེ་བོ་འཚེ་དང་། ཀླུའི་རྒྱལ་པོ་རིས་བཀྲ་དང་། ཀླུའི་རྒྱལ་པོ་མིག་བཀྲ་དང་། ཀླུའི་རྒྱལ་པོ་སྣ་ཚོགས་སྡེ་དང་། ཀླུའི་རྒྱལ་པོ་མི་གཏོང་བ་དང་། 
ཀླུའི་རྒྱལ་པོ་གཏོང་པོ་དང་། ཀླུའི་རྒྱལ་པོ་གཏང་བཟུང་དང་། ཀླུའི་རྒྱལ་པོ་སྒྲ་སྒྲོགས་ཀྱི་བུ་དང་། ཀླུའི་རྒྱལ་པོ་རྟོགས་པའི་བུ་དང་། ཀླུའི་རྒྱལ་པོ་དཔལ་དང་། ཀླུའི་རྒྱལ་པོ་དཔལ་ཅན་དང་། ཀླུའི་རྒྱལ་པོ་འཕྱང་བ་དང་། 
ཀླུའི་རྒྱལ་པོ་སྲིན་བུ་དང་། ཀླུའི་རྒྱལ་པོ་མཐའ་ཡས་དང་། ཀླུའི་རྒྱལ་པོ་གསེར་དང་། ཀླུའི་རྒྱལ་པོ་གླང་པོའི་རྩལ་དང་། ཀླུའི་རྒྱལ་པོ་དཀར་གསལ་དང་། ཀླུའི་རྒྱལ་པོ་སེར་སྐྱ་དང་། ཀླུའི་རྒྱལ་པོ་ཨེ་ལའི་འདབ་དང་། ཀླུའི་
རྒྱལ་པོ་དཀར་པོ་དང་། ཀླུའི་རྒྱལ་པོ་དུང་དང་། ཀླུའི་རྒྱལ་པོ་སོག་མ་མེད་དང་། ཀླུའི་རྒྱལ་པོ་ནག་པོ་དང་། ཀླུའི་རྒྱལ་པོ་ཉེ་གཉག་དང་། ཀླུའི་རྒྱལ་པོ་སྟོབས་ལྷ་དང་། ཀླུའི་རྒྱལ་པོ་སྲེད་མེད་ཀྱི་བུ་དང་། ཀླུའི་རྒྱལ་པོ་
ལ་བ་དང་། ཀླུའི་རྒྱལ་པོ་སྐྲག་བྱེད་དང་། ཀླུའི་རྒྱལ་པོ་སྲིན་པོ་དང་། ཀླུའི་རྒྱལ་པོ་བྲག་ལག་དང་། ཀླུའི་རྒྱལ་པོ་གང་གཱ་དང་། ཀླུའི་རྒྱལ་པོ་སིན་དྷུ་དང་། ཀླུའི་རྒྱལ་པོ་པཀྵུ་དང་། ཀླུའི་རྒྱལ་པོ་སཱི་ཏ་དང་། ཀླུའི་རྒྱལ་པོ་
བཀྲ་ཤིས་དང་། ཀླུའི་རྒྱལ་པོ་མ་དྲོས་པ་དང་། ཀླུའི་རྒྱལ་པོ་རབ་བརྟན་དང་། ཀླུའི་རྒྱལ་པོ་ས་བསྲུང་གི་བུ་དང་། ཀླུའི་རྒྱལ་པོ་ས་འཛིན་དང་། ཀླུའི་རྒྱལ་པོ་མུ་ཁྱུད་འཛིན་དང་། ཀླུའི་རྒྱལ་པོ་མདོག་འཛིན་དང་། ཀླུའི་རྒྱལ་པོ་བཟང་པོ་དང་། ཀླུའི་
97-1-115b


རྒྱལ་པོ་རབ་ཏུ་བཟང་དང་། ཀླུའི་རྒྱལ་པོ་ནོར་བཟང་དང་། ཀླུའི་རྒྱལ་པོ་སྟོབས་བཟང་དང་། ཀླུའི་རྒྱལ་པོ་ནོར་བུ་དང་། ཀླུའི་རྒྱལ་པོ་ནོར་བུ་འགུལ་དང་། ཀླུའི་རྒྱལ་པོ་ནག་པོ་གཉིས་དང་། ཀླུའི་རྒྱལ་པོ་སེར་པོ་གཉིས་དང་། ཀླུའི་རྒྱལ་པོ་
དམར་པོ་གཉིས་དང་། ཀླུའི་རྒྱལ་པོ་དཀར་པོ་གཉིས་དང་། ཀླུའི་རྒྱལ་པོ་ཕྲེང་ལྡན་དང་། ཀླུའི་རྒྱལ་པོ་དམར་ཕྲེང་ཅན་དང་། ཀླུའི་རྒྱལ་པོ་བེའུ་དང་། ཀླུའི་རྒྱལ་པོ་ཁྲུམས་སྟོད་དང་། ཀླུའི་རྒྱལ་པོ་རྔ་དང་། ཀླུའི་རྒྱལ་པོ་ཉེ་རྔ་དང་། 
ཀླུའི་རྒྱལ་པོ་ཨ་མྲ་མུ་སྟེགས་པ་དང་། ཀླུའི་རྒྱལ་པོ་ནོར་བུའི་བུ་དང་། ཀླུའི་རྒྱལ་པོ་ཡུལ་འཁོར་བསྲུང་དང་། ཀླུའི་རྒྱལ་པོ་འཕགས་སྐྱེས་པོ་དང་། ཀླུའི་རྒྱལ་པོ་མིག་མི་བཟང་དང་། ཀླུའི་རྒྱལ་པོ་རྣམ་ཐོས་ཀྱི་བུ་དང་། ཀླུའི་
རྒྱལ་པོ་ཤིང་རྟའི་བཞིན་དང་། ཀླུའི་རྒྱལ་པོ་ཙམ་པར་སྐྱེས་དང་། ཀླུའི་རྒྱལ་པོ་གཽ་ཏ་མ་དང་། ཀླུའི་རྒྱལ་པོ་ལྔ་ལེན་དང་། ཀླུའི་རྒྱལ་པོ་གཙུག་ཕུད་ལྷ་དང་། ཀླུའི་རྒྱལ་པོ་བདུད་དང་། ཀླུའི་རྒྱལ་པོ་ཐིགས་པ་དང་། ཀླུའི་རྒྱལ་པོ་ཉེ་
བའི་ཐིགས་པ་དང་། ཀླུའི་རྒྱལ་པོ་བུང་བ་དང་། ཀླུའི་རྒྱལ་པོ་དུས་ལས་བྱུང་བ་དང་། ཀླུའི་རྒྱལ་པོ་སྟོབས་ཅན་དང་། ཀླུའི་རྒྱལ་པོ་ཅུང་ཟད་ཅན་དང་། ཀླུའི་རྒྱལ་པོ་ཅུང་ཟད་པ་དང་། ཀླུའི་རྒྱལ་པོ་ཙམ་པ་ཀ་དང་། ཀླུའི་རྒྱལ་པོ་གཽ་ཏ་མ་
ནག་མོ་དང་། ཀླུའི་རྒྱལ་པོ་ཡིད་བཟང་དང་། ཀླུའི་རྒྱལ་པོ་མེ་དང་། ཀླུའི་རྒྱལ་པོ་མིའི་རྩ་བ་དང་། ཀླུའི་རྒྱལ་པོ་མིའི་བླ་མ་དང་། ཀླུའི་རྒྱལ་པོ་གླང་པོ་ཆེ་དང་། ཀླུའི་རྒྱལ་པོ་མི་མ་ཡིན་པ་དང་། ཀླུའི་རྒྱལ་པོ་གཟིངས་དང་། ཀླུའི་རྒྱལ་པོ་
མཆོག་དང་། ཀླུའི་རྒྱལ་པོ་བ་ལུ་ཀ་དང་། ཀླུའི་རྒྱལ་པོ་ཨ་ལུ་ཀ་དང་། ཀླུའི་རྒྱལ་པོ་ཧཱུ་ལུ་དང་། ཀླུའི་རྒྱལ་པོ་ཨེ་ལ་དང་། ཀླུའི་རྒྱལ་པོ་ཨེ་ལའི་ལོ་མ་དང་། ཀླུའི་རྒྱལ་པོ་འགྲོ་སྒྲ་དང་། ཀླུའི་རྒྱལ་པོ་འཆི་སྒྲ་དང་། ཀླུའི་རྒྱལ་པོ་གཟི་ཅན་དང་། 
ཀླུའི་རྒྱལ་པོ་སྟོབས་ཀྱི་རྒྱུ་དང་། ཀླུའི་རྒྱལ་པོ་སེར་སྐྱ་དང་། ཀླུའི་རྒྱལ་པོ་ཞི་བ་འཛིན་དང་། ཀླུའི་རྒྱལ་པོ་མེ་ཏོག་ཨུཏྤ་ལ་དང་། ཀླུའི་རྒྱལ་པོ་སེན་མོ་ཅན་དང་། ཀླུའི་རྒྱལ་པོ་འཕེལ་བ་དང་། ཀླུའི་རྒྱལ་པོ་ཐར་པ་དང་། ཀླུའི་རྒྱལ་པོ་བློ་ཅན་དང་། ཀླུའི་
97-1-116a


རྒྱལ་པོ་རབ་ཐར་དང་། ཀླུའི་རྒྱལ་པོ་ལ་བ་དང་། ཀླུའི་རྒྱལ་པོ་མགྱོགས་རབ་དགའ་དང་། ཀླུའི་རྒྱལ་པོ་ཨེ་ལ་དང་། འདུས་པ་དག་དང་། ཀླུའི་རྒྱལ་པོ་དགའ་བོ་དང་། ཉེ་དགའ་བོ་དག་དང་། ཀླུའི་རྒྱལ་པོ་གསལ་བ་ཅན་དང་། ཀླུའི་རྒྱལ་པོ་
བལྟ་མཛེས་ཆེན་པོ་དང་། ཀླུའི་རྒྱལ་པོ་མཆོག་ཅན་དང་། ཀླུའི་རྒྱལ་པོ་མཆོག་ལྡན་གྲོག་མ་དང་། ཀླུའི་རྒྱལ་པོ་བཞིན་བཟང་དང་། ཀླུའི་རྒྱལ་པོ་མེ་ལོང་གདོང་ཅན་དང་། ཀླུའི་རྒྱལ་པོ་ས་འཛིན་དང་། ཀླུའི་རྒྱལ་པོ་སེང་གེ་འཛིན་དང་། ཀླུའི་རྒྱལ་པོ་འགྲོ་ལྡིང་
དང་། ཀླུའི་རྒྱལ་པོ་ནག་པོ་གཉིས་དང་། ཀླུའི་རྒྱལ་པོ་དཀར་པོ་གཉིས་དང་། ཀླུའི་རྒྱལ་པོ་ཉེ་དཀར་གཉིས་དང་། ཀླུའི་རྒྱལ་པོ་དེ་དག་དང་། གཞན་ཡང་གང་དག་སའི་དཀྱིལ་འཁོར་འདིར་དུས་དུས་སུ་འབྲུག་སྒྲོགས་པ། དུས་དུས་སུ་གློག་འབྱིན་པ། 
དུས་དུས་སུ་ཆར་འབེབས་པ། དུས་དུས་སུ་ལོ་ཏོག་བསྒྲུབ་པ། སངས་རྒྱས་མཐོང་བ། བསླབ་པའི་གཞི་བཟུང་བ། གསུམ་ལ་སྐྱབས་སུ་དོང་བ། ནམ་མཁའ་ལྡིང་གི་འཇིགས་པ་དང་། མེ་དང་མྱེ་མའི་འཇིགས་པ་དང་། རྒྱལ་པོའི་ལས་ཀྱི་འཇིགས་
པ་ལས་ཐར་བ། ས་འཛིན་པ། རིན་པོ་ཆེའི་གཞལ་མེད་ཁང་ཆེན་པོ་ན་གནས་པ། ཚེ་རིང་བ་བསྐལ་པར་གནས་པ། དབང་ཆེ་བར་གྲགས་པ། རྫུ་འཕྲུལ་ཆེ་བ། ལོངས་སྤྱོད་ཆེ་བ། འཁོར་ཕལ་ཆེ་བ། དགྲའི་དཔུང་རབ་ཏུ་འཇོམས་པ། རྫུ་འཕྲུལ་དང་ལྡན་
པ། འོད་དང་ལྡན་པ། ཁ་དོག་དང་ལྡན་པ། གྲགས་པ་དང་ལྡན་པ། རྫུ་འཕྲུལ་ཆེ་བ། ལྷ་དང་། ལྷ་མ་ཡིན་གྱི་གཡུལ་དག་ཀྱང་མྱོང་བར་བྱེད་པ་དག་སྟེ། ཀླུའི་རྒྱལ་པོ་བུ་དང་བཅས་པ། ཚ་བོ་དང་བཅས་པ། སྤུན་དང་བཅས་པ། བློན་པོ་དང་བཅས་པ། 
སྡེ་དཔོན་དང་བཅས་པ། ཕོ་ཉ་དང་བཅས་པ། མངག་པ་དང་བཅས་པ། གཡོག་དང་བཅས་པ། འཁོར་དང་བཅས་པ་དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་བར་
གྱུར་ཅིག །སྟོན་བརྒྱ་མཐོང་བར་ཤོག་ཤིག །གཙང་སྦྲ་མ་བྱས་པ་དང་། གཙང་སྦྲ་བྱས་པ་དང་། མྱོས་པ་དང་། རབ་ཏུ་མྱོས་པ་དང་། འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དང་། མི་ཉལ་བ་དང་། འོངས་པ་དང་། མ་འོངས་
97-1-116b


པ་དགེ་བར་གྱུར་ཅིག །རྒྱལ་པོའི་འཇིགས་པ་དང་། ཆོམ་རྐུན་གྱི་འཇིག་པ་དང་། མེའི་འཇིགས་པ་དང་། ཆུའི་འཇིགས་པ་དང་། མི་མཛའ་བའི་འཇིགས་པ་དང་། གསོད་པའི་འཇིགས་པ་དང་། ཕྱིར་རྒོལ་བ་དང་། དགྲའི་འཇིགས་པ་དང་། 
འཇོམས་པའི་འཇིགས་པ་དང་། ཕ་རོལ་གྱི་དགྲའི་ཚོགས་ཀྱི་འཇིགས་པ་དང་། མུ་གེའི་འཇིགས་པ་དང་། དུས་མ་ཡིན་པར་འཆི་བའི་འཇིགས་པ་དང་། ས་གཡོ་བའི་འཇིགས་པ་དང་། གཅན་ཟན་ཁྲོ་བོའི་འཇིགས་པ་ལས་བདག་
བདེ་ལེགས་སུ་གྱུར་ཅིག །ལྷའི་འཇིགས་པ་དང་། ཀླུའི་འཇིགས་པ་དང་། ལྷ་མ་ཡིན་གྱི་འཇིགས་པ་དང་། རླུང་ལྷའི་འཇིགས་པ་དང་། ནམ་མཁའ་ལྡིང་གི་འཇིགས་པ་དང་། དྲི་ཟའི་འཇིགས་པ་དང་། མི་འམ་ཅིའི་འཇིགས་པ་དང་། 
ལྟོ་འཕྱེ་ཆེན་པོའི་འཇིགས་པ་དང་། གནོད་སྦྱིན་གྱི་འཇིགས་པ་དང་། སྲིན་པོའི་འཇིགས་པ་དང་། ཡི་དགས་ཀྱི་འཇིགས་པ་དང་། ཤ་ཟའི་འཇིགས་པ་དང་། འབྱུང་པོའི་འཇིགས་པ་དང་། གྲུལ་བུམ་གྱི་འཇིགས་པ་
དང་། སྲུལ་པོའི་འཇིགས་པ་དང་། ལུས་སྲུལ་པོའི་འཇིགས་པ་དང་། སྐེམ་བྱེད་ཀྱི་འཇིགས་པ་དང་། སྨྱོ་བྱེད་ཀྱི་འཇིགས་པ་དང་། གྲིབ་གནོན་གྱི་འཇིགས་པ་དང་། རྗེད་བྱེད་ཀྱི་འཇིགས་པ་དང་། གནོན་པོའི་འཇིགས་པ་
ལས་བདག་བདེ་ལེགས་སུ་གྱུར་ཅིག །གཤེད་བྱེད་དང་། སྒྱུར་བའི་ལས་དང་། བྱད་དང་། གཡེངས་བྱེད་དང་། རོ་ལངས་དང་། སེམས་སྒྱུར་བ་དང་། སྦོད་སྟོང་དང་། བཟའ་ཉེས་དང་། སྐྱུག་ཉེས་དང་། གནོད་སྒྲིབ་དང་། གནོད་ལྟས་
དང་། བྲི་ཉེས་དང་། བསྒོམ་ཉེས་དང་། སྨད་པའི་འཇིགས་པ་ལས་བདག་བདེ་ལེགས་སུ་གྱུར་ཅིག །ཤུ་བ་དང་། གཡའ་བ་དང་། མཛེ་དང་། འབྲུམ་བུ་ཕྲ་མོ་དང་། ཕོལ་མིག་དང་། གཡན་པ་དང་། མེ་དབལ་དང་། ལྷོག་པའི་འཇིགས་པ་
ལས་བདག་བདེ་ལེགས་སུ་གྱུར་ཅིག །མཚན་མོ་བདེ་ལེགས་ཉིན་བདེ་ལེགས། །ཉི་མའི་གུང་གི་བདེ་ལེགས་དང་། །ཉིན་མཚན་ཀུན་གྱི་བདེ་ལེགས་དག །སངས་རྒྱས་ཀུན་གྱི་བདག་ལ་རྩོལ། །སངས་རྒྱས་ཕྱག་འཚལ་
97-1-117a


བྱང་ཆུབ་ཕྱག་འཚལ་ལོ། །གྲོལ་གྱུར་ཕྱག་འཚལ་གྲོལ་ལ་ཕྱག་འཚལ་ལོ། །ཞི་གྱུར་ཕྱག་འཚལ་ཞི་ལ་ཕྱག་འཚལ་ལོ། །རྣམ་གྲོལ་ཕྱག་འཚལ་གྲོལ་ལ་ཕྱག་འཚལ་ལོ། །བྲམ་ཟེ་གང་དག་སྡིག་པའི་ཆོས་རྣམས་
བསལ་བར་གྱུར་པ་དེ་དག་ལ་ཡང་ཕྱག་འཚལ་ལོ། །དེ་དག་གིས་ཀྱང་བདག་ལ་བསྲུང་བ་དང་། བསྐྱབ་པ་གྱིས་ཤིག་སྭཱ་ཧཱ། ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ཡང་དག་པར་རྫོགས་པའི་སངས་རྒྱས་
རྣམ་པར་གཟིགས་ཀྱིས་གསུངས་པའོ། །ཏད་ཡ་ཐཱ། ཨ་ར་ཌེ། ཀ་ར་ཌེ། མ་དེ། མ་ད་བར་དྷ་ནི། ཨ་བ་རེ་ཤ་བ་རེ། ཏུ་རེ་ཏུ་རེ། ཙུ་རེ་ཙུ་རེ། ཤ་བ་རེ། པརྞ་ཤ་བ་རེ། ཧུ་ཙི་ཧུ་ཙི་མུ་ཙི་མུ་ཙི་སྭཱཧཱ། ཀུན་དགའ་བོ་རིགས་སྔགས་ཀྱི་རྒྱལ་མོ་
རྨ་བྱ་ཆེན་མོ་འདི་ནི་ཡང་དག་པར་རྫོགས་པའི་སངས་རྒྱས་གཙུག་ཏོར་ཅན་གྱིས་གསུངས་པའོ། །ཏད་ཡ་ཐཱ། ཨིཊྚེ། མིཊྚ། ཁུ་རེ་བི་ཁུ་རེ། ཧི་ལི་ཧི་ལི། མི་ལི་མི་ལི། ཀེ་ཏུ་མཱུ་ལེ། ཨམྦ། རེ། ཨམྦ་རཱ། བ་ཏི། དུམྦེ། དོ་དུམྦེ། ཧི་ལི་ཧི་ལི། 
ཀུ་ཙི་ཀུ་ཙི། མུ་ཙི་མུ་ཙི་སྭཱ་ཧཱ། ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ཡང་དག་པར་རྫོགས་པའི་སངས་རྒྱས་ཐམས་ཅད་སྐྱོབ་ཀྱིས་གསུངས་པའོ། །ཏད་ཡ་ཐཱ། མོ་རི་མོ་རི། ཀེ་བཊྚེ། མཎྜི། མཎྜ། ཏི་ཀེ། ཧ་རེ་ཧ་
རེ། གྷ་རེ་གྷ་རེ། ཁ་རེ་ཁ་རེ། ཕ་ལེ་ཕ་ལེ། ཕ་ལི་ནི། དནྟེ། དནྟི་ནི། དནྟི་ལེ། ཤ་ཀ་ཊི། མ་ཀ་ཊི། ན་ཌེ། ན་ཌི་ནི། ཤི་རི་ཤི་རི། ཤི་རི་ཤི་རི་ཤི་རི་ཤི་རི་སྭཱ་ཧཱ། ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ཡང་དག་པར་རྫོགས་
པའི་སངས་རྒྱས་འཁོར་བ་འཇིག་གིས་གསུངས་པའོ། །ཏད་ཡ་ཐཱ། ཧི་ཌི་མི་ཌི། ཀུ་ཌི། མུ་ཌི། ཏུ་ཌི། ཨཱ་ཌི། དནྟི། དནྟི་ལེ། ཤ་ཀ་རི། ཙ་ཀ་རི། ཐ་ག་རི། ཏ་ག་རི། ཀཱཉྩི་ནི། ཀཉྩ་ནཱ་བ་ཏི། བ་རེ་བ་རེ། བ་རེ་བ་རེ་དནྟེ་སིདྷེ་སྭཱ་ཧཱ། ཀུན་དགའ་
བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ཡང་དག་པར་རྫོགས་པའི་སངས་རྒྱས་གསེར་ཐུབ་ཀྱིས་གསུངས་པའོ། །ཏད་ཡ་ཐཱ། ཏཏྟ་ལེ། ཏ་ཏ་ལེ། ཏ་ལ་ཏོ་ཏ་ལེ། བཱི་རེ། བི་ཛ་ཡེ། བིཛྫ་དྷ་རེ། ཨ་ར་ཛེ། བེ་ར་ཛེ། བེ་རཱ་ཛཱ་མ་སི། 
97-1-117b


མ་ཏི། མཱ་ལི་ནི། མུཎྚི། ཤྲཱི་མུཎྜི། ཛྭ་ལེ་ཛྭ་ལེ། ཛྭ་ལེ་ཛྭ་ལེ། བྷ་ག་བ་ཏི། སིདྷི་སྭཱ་ཧཱ། ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ཡང་དག་པར་རྫོགས་པའི་སངས་རྒྱས་འོད་སྲུང་གིས་གསུངས་པའོ། །ཏད་ཡ་ཐཱ། 
ཨཎྜ་རེ། ཀཎྜ་རེ། མཎྜ་རེ། ཁཎྜ་རེ། ཛམྦུ། ཛམྦུ་ན་ཏི། ཛམྦུ་བ་ཏི། མཏྟ་ཏེ། མཎྚི་ཏི་ཀེ། ཨ་མ་རེ། སིདྷེ། ཧ་ར་ཧ་ར། ཧ་ར་ཧ་ར། པ་ཤུ་པ་ཤུ། པ་ཤུ་པ་ཤུ། པ་ཤུ་པ་ཏི་སིདྡྷི་སྭཱ་ཧཱ། ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ཡང་དག་
པར་རྫོགས་པའི་སངས་རྒྱས་ཤཱཀྱ་ཐུབ་པ་ངས་སེམས་ཅན་ཐམས་ཅད་ལ་ཕན་པའི་ཕྱིར་ད་ལྟར་བཤད་པའོ། །ཏད་ཡ་ཐཱ། ཧི་ལི་མི་ལི། ཀི་ལི་མི་ལི། ཨི་ལི་ལེ། ཀ་ཏ་ལེ། ཀེ་ཏཱུ་མཱུ་ལེ། ཨ་ཊ་མ་ལི། ཊབྥེ། ཌཀྡཻ། བུ་ས་ར་ཀེ །
བུ་ས་ཊེ། ན་ར་ཀནྟེ། ཀཱ་མི་ཎི། ཀམྦུ། ད་ར་ཀི་རུ་རུ་ཏ་ར། བ་ར་ཎི། པྲ་ཀྲྀ་ཏི། དཱྃཥྚེ། མི་ལི་ཏ་ལེ། ཧི་ཏི་ཧཱ་སེ། ཨ་བ་ལེ་ཏུ་བ་ལེ། པི་ལྃ་ཀེ། བཊྚི་བཊྚི་ཏི་ཀེ། ཨ་ཌནྷུ་བེ། བ་ཊི་ཏུམྨེ། ཕྱོགས་བཅུ་ཀུན་དུ་ལྷས་ཆར་ཕོབ་ཤིག །བཅོམ་ལྡན་འདས་ལ་
ཕྱག་འཚལ་ལོ། །ས་ལ་དགའ་བས་ཆུ་དབབ་ཏུ་གསོལ། བཅོམ་ལྡན་འདས་ལ་ཕྱག་འཚལ་ལོ། །ཨི་རི་ཛ་ཡེ། གོ་དོ་ཧི་ཀཱ་ཡེ། བྷྲིངྒ་རི་ཀཱ་ཡེ། ཨ་རུ་ཙི། ན་རུ་ཙི། ནཊྚེ། བཛྲེ་བཛྲེ་ནཊྚེ། ཨུ་ད་ཡ་ན། པྲི་ཡེ། ཨ་ལེ་ཏ་ལེ། ཀུ་ལ་ཏཱ་ལེ། ནཱ་རཱ་
ཡ་ཎི། པཱ་རཱ་ཡ་ཎི། པ་ཤྱ་ནི། སྤཪྴ་ནི། འགྲོ་ལྡིང་བའི་གསང་སྔགས་ཀྱི་ཚིག་རྣམས་གྲུབ་པར་གྱུར་ཅིག །སྭཱ་ཧཱ། ཅི་ལྟར་དེ་བཞིན་གཤེགས་པ་ངས་བསྟན་ཅིང་རྗེས་སུ་ཡི་རང་ནས་དགེ་སློང་ཀུན་དགའ་བོས་དགེ་སློང་ས་རི་
ལ་བདེ་ལེགས་སུ་འགྱུར་བར་བྱས་པ་དེ་བཞིན་དུ་བདག་ལ་བསྲུང་བ་གྱིས་ཤིག །སྦ་བ་དང་། ཡོངས་སུ་བསྐྱབ་པ་དང་། ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་
བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །
97-1-118a


སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་བྱང་ཆུབ་སེམས་དཔའ་བྱམས་པས་བཤད་ཅིང་རྗེས་སུ་ཡི་རང་བའོ། །ཏད་ཡ་ཐཱ། ཤི་རི་ཤི་རི་ཤི་རི། བྷ་དྲེ། ཛྱོ་ཏི་ཛྱོ་ཏི། ཛྱོ་ཏི་བྷ་དྲེ། ཧ་རེ་ཧ་རེ་ཧ་རེ། 
ཧ་རི་ནི། དནྟེ་ཤ་བ་རེ་ཤི་བེ། ཤཱུ་ལ་པཱ་ཎི་ནི་བོ་དྷི་བོ་དྷི། བོ་དྷི་བོ་དྷི་བོ་དྷི། ས་ཏྭེ་བོ་དྷི། པ་རི་ཙཱ་ར་ནི་ཡེ་སྭཱ་ཧཱ། ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་མི་མཇེད་ཀྱི་བདག་པོ་ཚངས་པས་སྨྲས་ཤིང་རྗེསུ་ཡི་རང་བའོ། །ཏད་ཡ་ཐཱ། 
ཧི་ལི་ཧི་ལི། མི་ལི་མི་ལི་མི་ལི་ནི། ཙྃ་ཀ་རི། ཀི་རི་ཀི་རི་ཀི་རི་ཀི་རི་ཀི་རི་ཀི་རི་ཡི། བྲཧྨཱ་རཏྣ། ཀ་རཎྜ་ཀེ། བེ་ཌོ་ཧུ་ཕུསྶ། དྷ་ར་དྷ་ར། ཧ་ར་ཧ་ར། ཕུ་རུ་ཕུ་རུ་ཕུ་རུ་ཕུ་རུ་ཕུ་རུ་ཕུ་རུ་སྭཱཧཱ། དུག་བཅོཾ་མོ། །དུག་ངེས་པར་བཅོཾ་མོ། །སངྱས་ཀྱི་གཟི་བརྗིད་ཀྱིས་དུག་
ངེས་པར་བཅོཾ་མོ། །རང་སངྱས་ཀྱི་བཟི་བརྗིད་ཀྱིས་དུག་བཅོཾ་མོ། །དགྲ་བཅོཾ་པའི་གཟི་བརྗིད་ཀྱིས་དུག་བཅོྃ་མོ། །ཕྱིར་མི་འོང་བའི་གཟི་བརྗིད་ཀྱི་དུག་བཅོྃ་མོ། །ལན་ཅིག་ཕྱིར་འོང་བའི་གཟི་བརྗིད་ཀྱི་དུག་བཅོཾ་མོ། །རྒྱུན་ཏུ་ཞུགས་པའི་གཟི་བརྗིད་
ཀྱི་དུག་བཅོཾ་མོ། །བདེན་པར་སྨྲས་བའི་གཟི་རྗིད་ཀྱིས་དུག་བཅོཾ་མོ། །ཚངས་པའི་མེ་དབལ་གྱི་གཟི་བརྗིད་ཀྱིས་དུག་བཅོཾ་མོ། །དབང་པོ་རྡོ་རྗེའི་གཟི་བརྗིད་ཀྱིས་དུག་བཅོཾ་མོ། །ཁྱབ་འཇུག་གི་འཁོར་ལོས་དུག་བཅོཾ་མོ། །གཤིན་རྗེའི་བེ་བཅོན་གྱི་དུག་
བཅོཾ་མོ། །ཆུ་ལྷའི་ཞགས་པས་དུག་བཅོཾ་མོ། །ལྷ་མ་ཡིན་གྱི་སྒྱུས་དུག་བཅོཾ་མོ། །ཀླུའི་རིག་སྔགས་ཀྱི་དུག་བཅོཾ་མོ། །དྲག་པོའི་མདུང་ཙེས་དུག་བཅོཾ་མོ། །སྐེམ་བྱེད་ཀྱི་མདུང་ཐུང་གིས་དུག་བཅོཾ་མོ། །རིག་སྔགས་ཀྱི་རྒྱལ་མོ་རྨ་བྱ་ཆེན་
མོས་དུག་བཅོམ་མོ། །དུག་ངེས་པར་བཅོཾ་མོ། །དུག་སའི་ནང་དུ་སོང་ཤིག །བདག་དུག་ཐམས་ཅད་དང་། བེའུ་ལྟ་བུའི་དུག་དང་། ཧ་ལ་ཧ་ལའི་དུག་དང་། ནག་པོ་བརྩེག་པའི་དུག་དང་། མཆེ་བའི་དུག་དང་། རྩ་བའི་དུག་དང་། ཁ་ཟས་ཀྱི་དུག་དང་། 
ཕྱེ་མའི་དུག་དང་། ལྟ་བའི་དུག་དང་། གློག་གི་དུག་དང་། སྤྲིན་གྱི་དུག་དང་། སྦྲུལ་དང་། བྱི་བ་དང་། སྲིན་བུ་ཀི་ཏ་དང་། ལུ་ཏ་དང་། ཀ་ན་བྷ་དང་། སྦལ་པ་དང་། སྦྲང་བུ་དང་། བུང་བ་དང་། བ་ཏ་རི་དང་། ཏྲེ་མ་བུ་ག་དང་། ཏྲེ་ལ་ཏའི་དུག་དང་། 
97-1-118b


མིའི་དུག་དང་། སྡིག་པའི་དུག་དང་། མི་མ་ཡིན་པའི་དུག་དང་། དོགས་པའི་དུག་དང་། སྨན་པའི་དུག་དང་། རིག་སྔགས་ཀྱི་དུག་ལས་བདེ་ལེགས་སུ་གྱུར་ཅིག །དུག་ཐམས་ཅད་ལས་བདག་བདེ་ལེགས་སུ་གྱུར་ཅིག །ཀུན་དགའ་བོ་རིག་
སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ལྷ་རྣམས་ཀྱི་དབང་པོ་རྒྱ་བྱིན་གྱིས་སྨྲས་ཤིང་རྗེས་སུ་ཡི་རང་བའོ། །ཏད་ཡ་ཐཱ། ཛ་ལཱ། ཛནྟུ་ལེ་མཱ་ལཱ། ཛནྟུ་ལེ། ཙ་པེ་ཊི། ཛནྟུ་ལེ། མ་ཐ་ནི། གྷ་ཏ་ནི། གྲ་ས་ནི། ཧ་རི་ཤི་རི་ཧུ་ཏི་ཤི་རི། ཏ་རུ་ཏ་རུ་ཎ་བ་ཏི། 
ཧ་ཧ་ཧ་ཧ་ཧ། སིང་ཧེ། དྷི་ཏི་དྷི་ཏི། ཀུ་རུ་ཀུ་རུ། བ་ས་རེ་བཛྲེ། ཏུ་ཊ་ཏུ་ཊ་སི། བ་ཊ་བ་ཊ་སི། སི་ལི་སི་ལི། ཀ་པི་ལི། ཀ་པི་ལི། མཱུ་ལེ། ཧཱ་ཧཱི་ཧཱུ། སྡང་བ་དང་། རབ་ཏུ་སྡང་བ་ཐམས་ཅད་རབ་ཏུ་རྨུགས་པར་བྱའོ། །ལགས་པ་དང་། རྐང་པ་དང་། ཡན་ལག་
དང་། ཉིང་ལག་དང་། སུམ་བཅུ་པའི་ལྷ་དང་བཅས་ཏེ་ཆད་པས་བཅད་པར་བྱའོ། །ཨུཥྚི་གི་ནི། སུ་ར་པ་ཏེ། བརྟི། བཛྲ་བཛྲ་བཛྲ་བཛྲ་བཛྲ་པ་ཏ་ཡེ་སྭཱ་ཧཱ། ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་རྒྱལ་པོ་ཆེན་པོ་བཞིས་སྨྲས་ཤིང་རྗེས་སུ་
ཡི་རང་བའོ། །ཏད་ཡ་ཐཱ། ཛྭ་ལ་ཛྭ་ལ་ཎ། ཏ་པ་ཏ་པ་ན། དྷ་མ་དྷ་མ་ན། ས་ར་ས་ར་ཎ། ཀུ་ཊི་ཀུ་ཊི། མུ་ཊི་མུ་ཊི། མི་ཊི་མི་ཊི། ས་ར་ས་ར། མ་ར་མ་ར། ཧ་ར་ཧ་ར། ཏ་ར་ཏ་ར། ཏི་རི་ཏི་རི། ཊ་ཊ་ཊ་ཊ་ཊ། དཱ་དཱ་དཱ་དཱ་དཱ། བཱ་བཱ་བཱ་བཱ་བཱ། ཧ་ལ་ཧ་ལ་ཧ་ལ་ཧ་ལ་ཧ་ལ། སིདྷི། སིདྷི། 
སིདྷི། སིདྷི། སིདྷི། སྭསྟི། སྭསྟི། སྭསྟི། སྭསྟི། སྭསྟི། སྦོད་གཏོང་དང་། གཤིན་བརྗེའི་ཕོ་ཉ་དང་། མཚན་མོ་ནག་མོ་དང་། དུས་ཀྱི་ཞགས་པ་དང་། འཆི་བདག་གི་ཆད་པ་དང་། ཚངས་པའི་ཆད་པ་དང་། དབང་པོའི་ཆད་པ་དང་། དྲང་སྲོང་གི་ཆད་པ་དང་། 
ལྷའི་ཆད་པ་དང་། ཀླུའི་ཆད་པ་དང་། ལྷ་མ་ཡིན་གྱི་ཆད་པ་དང་། རླུང་ལྷའི་ཆད་པ་དང་། ནམ་མཁའ་ལྡིང་གི་ཆད་པ་དང་། དྲི་ཟའི་ཆད་པ་དང་། མི་འམ་ཅིའི་ཆད་པ་དང་། ལྟོ་ཕྱེ་ཆེན་པོའི་ཆད་པ་དང་། གནོད་སྦྱིན་གྱི་ཆད་པ་དང་། སྲིན་པོའི་ཆད་པ་དང་། 
ཡི་དགས་ཀྱི་ཆད་པ་དང་། ཤ་ཟའི་ཆད་པ་དང་། འབྱུང་པོའི་ཆད་པ་དང་། གྲུལ་བུམ་གྱི་ཆད་པ་དང་། སྲུལ་པོའི་ཆད་པ་དང་། ལུས་སྲུལ་པོའི་ཆད་པ་དང་། སྐེམ་བྱེད་ཀྱི་ཆད་པ་དང་། སྨྱོ་བྱེད་ཀྱི་ཆད་པ་དང་། གྲིབ་གནོན་ཀྱི་ཆད་པ་དང་། བརྗེད་བྱེད་
97-1-119a


ཀྱི་ཆད་པ་དང་། གནོན་པོའི་ཆད་པ་དང་། རོ་ལངས་ཀྱི་ཆད་པ་དང་། རྒྱལ་པོའི་ཆད་པ་དང་། ཆོམ་རྐུན་གྱི་ཆད་པ་དང་། མེའི་ཆད་པ་དང་། ཆུའི་ཆད་པ་དང་། ཆད་པ་ཐམས་ཅད་ལས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་བར་
གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་ཁྱོད་ཀྱིས་ཀླུྃ་གི་རྒྱལ་པོ་རྣམས་ཀྱི་མིང་ཟུང་ཤིག །འདི་ལྟ་སྟེ། ཀླུང་གི་རྒྱལ་པོ་གང་གཱ་དང་། ཀླུང་གི་རྒྱལ་པོ་སིད་དྷུ་དང་། ཀླུང་གི་རྒྱལ་པོ་པཀྵུ་དང་། ཀླུང་གི་རྒྱལ་པོ་སཱི་ཏ་དང་། 
ཀླུང་གི་རྒྱལ་པོ་མདའ་འབྱུང་དང་། ཀླུང་གི་རྒྱལ་པོ་ཁྱིམ་ལྡན་དང་། ཀླུང་གི་རྒྱལ་པོ་གཤིན་རྗེ་སེལ་དང་། ཀླུང་གི་རྒྱལ་པོ་གྱ་གྱུ་དང་། ཀླུང་གི་རྒྱལ་པོ་རྒྱས་འབབ་དང་། ཀླུང་གི་རྒྱལ་པོ་ཞག་བྲལ་དང་། ཀླུང་གི་རྒྱལ་པོ་ཞི་བ་འཛིན་དང་། ཀླུང་གི་
རྒྱལ་པོ་ས་ལྡན་དང་། ཀླུང་གི་རྒྱལ་པོ་ཟླ་བའི་ཆ་དང་། ཀླུང་གི་རྒྱལ་པོ་དབྱངས་ཅན་དང་། ཀླུང་གི་རྒྱལ་པོ་རུ་སྦལ་ཅན་དང་། ཀླུང་གི་རྒྱལ་པོ་ཆུ་དྲོན་ཅན་དང་། ཀླུང་གི་རྒྱལ་པོ་ཆུ་མཆོག་ཅན་དང་། ཀླུང་གི་རྒྱལ་པོ་ཟང་འདབ་དང་། ཀླུང་གི་རྒྱལ་པོ་སྦྲང་རྩི་ཅན་
དང་། ཀླུང་གི་རྒྱལ་པོ་སྤ་ལྡན་དང་། ཀླུང་གི་རྒྱལ་པོ་བུ་རམ་ཤིང་ལྡན་དང་། ཀླུང་གི་རྒྱལ་པོ་བ་གླང་ལྡན་དང་། ཀླུང་གི་རྒྱལ་པོ་འཕགས་པ་ཅན་དང་། ཀླུང་གི་རྒྱལ་པོ་རྩེ་སྦྱིན་དང་། ཀླུང་གི་རྒྱལ་པོ་མཛའ་བཟང་དང་། ཀླུང་གི་རྒྱལ་པོ་ཀུན་གྱི་བཤེས་
དང་། ཀླུང་གི་རྒྱལ་པོ་འཆི་མེད་དང་། ཀླུང་གི་རྒྱལ་པོ་མེ་ཏོག་པད་མ་དང་། ཀླུང་གི་རྒྱལ་པོ་རྔ་ལེན་དང་། ཀླུང་གི་རྒྱལ་པོ་དངོས་བཟང་དང་། ཀླུང་གི་རྒྱལ་པོ་རབ་བཟང་དང་། ཀླུང་གི་རྒྱལ་པོ་དཀའ་ཐུབ་སྦྱིན་དང་། ཀླུང་གི་རྒྱལ་པོ་དྲི་བྲལ་དང་། ཀླུང་
གི་རྒྱལ་པོ་སྐྱོན་བྲལ་དང་། ཀླུང་གི་རྒྱལ་པོ་ཀླུང་ཆེན་དང་། ཀླུང་གི་རྒྱལ་པོ་གསེར་ལྡན་དང་། ཀླུང་གི་རྒྱལ་པོ་བ་ལང་སྦྱིན་མཆོག་ཅན་དང་། ཀླུང་གི་རྒྱལ་པོ་གསང་སྲུང་དང་། ཀླུང་གི་རྒྱལ་པོ་བ་ལང་ཅན་དང་། དེ་དག་དང་། གཞན་ཡང་གང་དག་སའི་
དཀྱིལ་འཁོར་འདིར་འབབ་པའི་ཆུ་ཀླུང་དེ་དག་ཐམས་ཅད་ལ་གང་དག་རྒྱུན་དུ་གནས་པ། གཟུགས་ཐ་དད་པ། གཟུགས་མི་སྡུག་པ། གཟུགས་མང་བ། གཟུགས་མཐའ་ཡས་པ། འདོད་དགུར་སྒྱུར་བའི་གཟུགས་ཅན། གཟུགས་སྣ་
97-1-119b


ཚོགས་པའི་ལྷ་རྣམས་དང་། ཀླུ་རྣམས་དང་། ལྷ་མ་ཡིན་རྣམས་དང་། རླུང་ལྷ་རྣམས་དང་། ནམ་མཁའ་ལྡིང་རྣམས་དང་། དྲི་ཟ་རྣམས་དང་། ལྟོ་འཕྱེ་ཆེན་པོ་རྣམས་དང་། མི་འམ་ཅི་རྣམས་དང་། གནོད་སྦྱིན་རྣམས་དང་། སྲིན་པོ་རྣམས་དང་། 
ཡི་དགས་རྣམས་དང་། ཤ་ཟ་རྣམས་དང་། འབྱུང་པོ་རྣམས་དང་། གྲུལ་བུམ་རྣམས་དང་། སྲུལ་པོ་རྣམས་དང་། ལུས་སྲུལ་པོ་རྣམས་དང་། སྐེམ་བྱེད་རྣམས་དང་། སྨྱོ་བྱེད་རྣམས་དང་། གྲིབ་གནོན་རྣམས་དང་། བརྗེད་བྱེད་རྣམས་དང་། 
གནོན་པོ་རྣམས་དང་། ཟས་སུ་མདངས་ཟ་བ་རྣམས་དང་། ཟས་སུ་མངལ་ཟ་བ་རྣམས་དང་། ཟས་སུ་ཁྲག་འཐུང་བ་རྣམས་དང་། ཟས་སུ་ཤ་ཟ་བ་རྣམས་དང་། ཟས་སུ་ཚིལ་ཟ་བ་རྣམས་དང་། ཟས་སུ་ཞག་ཟ་བ་རྣམས་དང་། ཟས་
སུ་རྐང་ཟ་བ་རྣམས་དང་། ཟས་སུ་བཙས་པ་ཟ་བ་རྣམས་དང་། ཟས་སུ་སྲོག་འཕྲོག་པ་རྣམས་དང་། ཟས་སུ་གཏོར་མ་ཟ་བ་རྣམས་དང་། ཟས་སུ་ཕྲེང་བ་ཟ་བ་རྣམས་དང་། ཟས་སུ་འབྲས་བུ་ཟ་བ་རྣམས་དང་། ཟས་སུ་མེ་ཏོག་ཟ་བ་རྣཾས་
དང་། ཟས་སུ་དྲི་ཟ་བ་རྣམས་དང་། ཟས་སུ་གདུག་པ་ཟ་བ་རྣམས་དང་། ཟས་སུ་ལོ་ཏོག་ཟ་བ་རྣམས་དང་། ཟས་སུ་སྦྱིན་སྲེག་ཟ་བ་རྣམས་དང་། ཟས་སུ་རྣག་འཐུང་བ་རྣམས་དང་། ཟས་སུ་ཕྱི་ས་ཟ་བ་རྣམས་དང་། ཟས་སུ་གཅིན་འཐུང་
བ་རྣམས་དང་། ཟས་སུ་མཆིལ་མ་ཟ་བ་རྣམས་དང་། ཟས་སུ་ངར་སྣབས་ཟ་བ་རྣམས་དང་། ཟས་སུ་སྣབས་ཟ་བ་རྣམས་དང་། ཟས་སུ་ལྷག་མ་ཟ་བ་རྣམས་དང་། ཟས་སུ་སྐྱུགས་པ་ཟ་བ་རྣམས་དང་། ཟས་སུ་མི་གཙང་བ་ཟ་བ་རྣཾས་
དང་། ཟས་སུ་གཏོར་ཁུང་ནས་འབབ་པ་འཐུང་བ་དེ་དག་གིས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་ཁྱོད་ཀྱིས་
རིའྀ་རྒྱལ་པོ་རྣམས་ཀྱི་མིང་ཟུང་ཤིག །འདི་ལྟ་སྟེ། རིའྀ་རྒྱལ་པོ་རི་རབ་དང་། རིའི་རྒྱལ་པོ་གངས་ཅན་དང་། རིའི་རྒྱལ་པོ་སྤོས་ཀྱི་ངད་ལྡན་དང་། རིའི་རྒྱལ་པོ་རྩེ་བརྒྱ་པ་དང་། རིའི་རྒྱལ་པོ་སེང་ལྡེང་ཅན་དང་། རིའི་རྒྱལ་པོ་གསེར་ལོགས་
97-1-120a


དང་། རིའི་རྒྱལ་པོ་འོད་འཛིན་དང་། རིའི་རྒྱལ་པོ་མུ་ཁྱུད་འཛིན་དང་། རིའི་རྒྱལ་པོ་ཁོར་ཡུག་དང་། རིའི་རྒྱལ་པོ་ཁོར་ཡུག་ཆེན་པོ་དང་། རིའི་རྒྱལ་པོ་དབང་པོའི་བྲག་དང་། རིའི་རྒྱལ་པོ་ཚངས་པ་ལྡན་དང་། རིའི་རྒྱལ་པོ་དཔལ་
ལྡན་དང་། རིའི་རྒྱལ་པོ་བལྟ་ན་སྡུག་དང་། རིའི་རྒྱལ་པོ་ཤིན་དུ་རྒྱས་དང་། རིའི་རྒྱལ་པོ་རིན་ཆེན་འབྱུང་གནས་དང་། རིའི་རྒྱལ་པོ་སྲིན་བུ་ཅན་དང་། རིའི་རྒྱལ་པོ་ནོར་བུ་རྫ་དང་། རིའི་རྒྱལ་པོ་ཐགས་བཟང་རིས་དང་། རིའི་རྒྱལ་པོ་རྡོ་རྗེ་
འབྱུང་གནས་དང་། རིའྀ་རྒྱལ་པོ་འགྲམ་པ་ལྡན་དང་། རིའི་རྒྱལ་པོ་ལྷ་མིན་འབབ་དང་། རིའི་རྒྱལ་པོ་གློག་འོད་དང་། རིའི་རྒྱལ་པོ་ཁྱབ་གནས་དང་། རིའི་རྒྱལ་པོ་ཟླ་འོད་དང་། རིའི་རྒྱལ་པོ་བྲག་བཟང་དང་། རིའི་རྒྱལ་པོ་ཉི་མ་མཛེས་དང་། རིའི་རྒྱལ་པོ་
ཐིགས་པ་དང་། རིའི་རྒྱལ་པོ་འབིགས་བྱེད་དང་། རིའི་རྒྱལ་པོ་ཟླ་བའི་བྲག་དང་། རིའི་རྒྱལ་པོ་སྣ་ཚོགས་བརྩེགས་དང་། རིའི་རྒྱལ་པོ་མ་ལ་ཡ་དང་། རིའི་རྒྱལ་པོ་གསེར་གྱི་རྩེ་མོ་དང་། རིའི་རྒྱལ་པོ་ཀུན་ནས་འགྲོ་དང་། རིའི་རྒྱལ་པོ་ལག་བཟང་དང་། 
རིའི་རྒྱལ་པོ་ནོར་བུ་ལྡན་དང་། རིའི་རྒྱལ་པོ་སྡེ་བཟང་དང་། རིའི་རྒྱལ་པོ་ཚངས་པའི་མཆུ་དང་། རིའི་རྒྱལ་པོ་རིག་བྱེད་སྲུང་དང་། རིའི་རྒྱལ་པོ་བ་ལང་རྣོ་དང་། རིའི་རྒྱལ་པོ་སྣ་ཚོགས་ཕྲེང་དང་། རིའི་རྒྱལ་པོ་མི་འཇིགས་སྣ་ཚོགས་དང་། རིའི་རྒྱལ་པོ་རལ་
གྲི་དང་། རིའི་རྒྱལ་པོ་གདུང་བ་དང་། རིའི་རྒྱལ་པོ་མིག་བསྐུ་དང་། རིའྀ་རྒྱལ་པོ་མུ་ཛ་དང་། རིའི་རྒྱལ་པོ་རི་དགས་ཅན་དང་། རིའི་རྒྱལ་པོ་འཇོམས་བྱེད་དང་། རིའི་རྒྱལ་པོ་ཏི་སེ་དང་། རིའི་རྒྱལ་པོ་མི་མཇེད་དང་། རིའི་རྒྱལ་པོ་ཉེ་དཀར་དང་། རིའི་རྒྱལ་པོ་ཙན་དན་
ཕྲེང་དང་། རིའི་རྒྱལ་པོ་སྟོབས་འཛིན་དང་། རིའི་རྒྱལ་པོ་དབང་ཆེན་དང་། རིའི་རྒྱལ་པོ་དུས་འབྲི་བྱེད་དང་། རིའི་རྒྱལ་པོ་སྐེམ་བྱེད་དང་། རིའི་རྒྱལ་པོ་བ་ལང་སྲུང་དང་། རིའི་རྒྱལ་པོ་བྱ་རོག་སྒྲ་དང་། རིའི་རྒྱལ་པོ་བསྟན་པ་འཛིན་དང་། སའི་དཀྱིལ་
འཁོར་འདིས་ནི་རིའི་རྒྱལ་པོ་འདི་དག་དང་། བཞན་དག་ཀྱང་ཡོད་པ་དེ་ལ་ལྷ་རྣམས་དང་། ཀླུ་རྣཾས་དང་། ལྷ་མ་ཡིན་རྣཾས་དང་། རླུང་ལྷ་རྣམས་དང་། ནཾ་མཁའ་ལྡིང་རྣཾས་དང་། དྲི་ཟ་རྣམས་དང་། མི་འཾ་ཅི་རྣཾས་དང་། ལྟོ་འཕྱེ་ཆེན་པོ་རྣམས་དང་། གནོད་སྦྱིན་
97-1-120b


རྣམས་དང་། སྲིན་པོ་རྣམས་དང་། ཡི་དགས་རྣཾས་དང་། ཤ་ཟ་རྣཾས་དང་། འབྱུང་པོ་རྣམས་དང་། གྲུལ་བུམ་རྣམས་དང་། སྲུལ་པོ་རྣཾས་དང་། ལུས་སྲུལ་པོ་རྣཾས་དང་། སྐེམ་བྱེད་རྣམ་དང་། སྨྱོ་བྱེད་རྣམས་དང་། གྲིབ་གནོན་རྣཾས་དང་། བརྗེད་བྱེད་རྣཾས་
དང་། གནོན་པོ་རྣམས་དང་། རིག་སྔགས་འཆང་གྲུབ་པ་རྣམས་དང་། རྒྱལ་པོ་འཁོར་དང་བཅས་པ་གང་དག་རྒྱུན་ཏུ་གནས་པ་དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་སྲུང་བ་གྱིས་ཤིག །ལོ་རྒྱ་
འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །སྡིག་པ་ཐམས་ཅད་སོལ་ཅིག །དགེ་བ་རྣཾས་སྣང་བར་གྱུར་ཅིག །མི་དགེ་བ་སོལ་ཅིག །དོན་རྣཾས་ལ་སྣང་བར་གྱིས་ཤིག །གནོད་པ་རྣཾས་སོལ་ཅིག །མཚན་མོ་བདེ་
ལེགས་ཉིན་བདེ་ལེགས། །ཉི་མའི་གུང་གི་བདེ་ལེགས་དང་། །ཉིན་མཚན་ཀུན་གྱི་བདེ་ལེགས་དག །སངས་རྒྱས་ཀུན་གྱིས་བདག་ལ་སྩོལ་སྭཱ་ཧཱ། ཀུན་དགའ་བོ་ཁྱོད་ཀྱི་རྒྱུ་སྐར་གང་དག་ནཾ་མཁའ་ལ་རྒྱུ་ཞིང་སྣང་བར་བྱེད་པ་རྣཾས་
ཀྱི་མིང་ཟུང་ཤིག །འདི་ལྟ་སྟེ། སྨིན་དྲུག་དང་ནི་སྣར་མ་དང་། །མགོ་དང་ལག་དང་ནམ་སོ་དང་། །རྒྱལ་ནི་བཀྲ་ཤིས་ཕུན་སུམ་ཚོགས། །དེ་བཞིན་སྐག་སྟེ་བདུན་པོ་ཡིན། །དེ་ལྟར་རྒྱུ་སྐར་བདུན་པོ་འདི་དག་ནི་ཤར་གྱི་སྒོ་ན་གནས་
པ་དག་སྟེ། གང་དག་ཤར་ཕྱོག་སྲུང་ཞིང་ཡོངས་སུ་སྐྱོང་བར་བྱེད་པ་དག་གོ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བདག་ལ་བསྲུང་བ་གྱིས་ཤིག །ལོ་རྒྱ་འཚོ་བར་གྱུར་ཅིག །སྟོན་རྒྱ་མཐོང་བར་ཤོག་ཤིག །མཆུ་ནི་
མི་འཛའ་འཇོམས་པ་དང་། །དེ་བཞིན་གྲེ་དང་དབོ་གཉིས་དང་། །མེ་བཞི་ནག་པ་ས་རི་དང་། །ས་ག་སྟེ་ནི་བདུན་པ་ཡིན། །དེ་ལྟར་རྒྱུ་སྐར་བདུན་པོ་འདི་དག་ནི། ལྷོ་ཕྱོགས་ཀྱི་སྒོ་ན་གནས་པ་དག་སྟེ། གང་དག་ལྷོ་ཕྱོགས་སྲུང་ཞིང་ཡོངས་སུ་སྐྱོང་བར་བྱེད་
པ་དག་གོ། དེ་དག་གི་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བདག་ལ་སྲུང་བ་གྱིས་ཤིག་ལོ་བརྒྱ་འཚོ་བར་གྱུར་ཅིག །སྟོན་རྒྱ་མཐོང་བར་ཤོག་ཤིག །ལྷ་འཚམ་གཟི་རྗིད་ཆེན་མོ་དང་། །དེ་བཞིན་སྣྲོན་དང་སྣྲུམས་དང་ནི། །ཆུ་སྟོད་དང་ནི་ཆུ་སྨད་དང་། །
97-1-121a


དེ་ལྟར་བྱི་ཞིན་གྲོ་ཞིན་ནོ། །དེ་ལྟར་རྒྱུ་སྐར་བདུན་པོ་འདི་དག་ནི་ནུབ་ཕྱོགས་ཀྱི་སྒོ་ན་གནས་པ་དག་སྟེ། གང་དག་ནུབ་ཕྱོགས་བསྲུང་ཞིང་ཡོངས་སུ་སྐྱོང་བར་བྱེད་པ་དག་གོ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་
བདག་ལ་བསྲུང་བ་གྱིས་ཤིག་ལོ་བརྒྱ་ཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །མོན་གྲུ་དང་ནི་མོན་གྲེ་དང་། །དེ་བཞིན་ཁྲུམས་སྟོད་ཁྲུམས་སྨད་དང་། །ནམ་གྲུ་དང་ནི་ཐ་སྐར་དང་། །བྲ་ཉེ་སྟེ་ནི་བདུན་པ་ཡིན། །དེ་ལྟར་རྒྱུ་སྐར་བདུན་པོ་འདི་དག་ནི་བྱང་ཕྱོགས་
ན་གནས་པ་དག་སྟེ། གང་དག་བྱང་ཕྱོགས་བསྲུང་ཞིང་ཡོངས་སུ་སྐྱོང་བར་བྱེད་པ་དག་གོ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག་ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་
དགའ་བོ་ཁྱོད་ཀྱིས་གཟའ་གང་དག་རྒྱུ་སྐར་རྣཾས་ཀྱི་ཁྲོད་ན་རྒྱུ་ཞིང་འགྲིབ་པ་དང་། འཕེལ་བ་དང་བདེ་བ་དང་། སྡུག་བསྔལ་བ་དང་། ལོ་ལེགས་པ་དང་། ལོ་ཉེས་པ་དག་ཀྱང་སྟོན་པ་རྣམས་ཀྱི་མིང་ཟུང་ཤིག །འདི་ལྟ་སྟེ། གཟའ་ཉི་མ་དང་། གཟའ་ཟླ་བ་
དང་། གཟའ་ཕུར་བུ་དང་། གཟའ་བ་བ་སངས་དང་། གཟའ་སྤེན་པ་དང་། གཟའ་མིག་དམར་དང་། གཟའ་གཟའ་ལྷག་དང་། གཟའ་ལྷ་མིན་དབང་པོ་སྒྲ་གཅན་དང་། གཟའ་དུ་བ་འཇུག་རིངས་སོ། །རྒྱུ་སྐར་ཉི་ཤུ་རྩ་བརྒྱད་ནི། །དེ་ལྟར་ཕྱོགས་ན་བདུན་
བདུན་ནོ། །སྐར་མ་གཟའ་བདུན་དེ་བཞིན་ཏེ། །རྫུ་འཕྲུལ་ཆེ་ཞིང་དཀའ་ཐུབ་ཆེ། །ཉི་མ་དང་ནི་ཟླ་བ་དང་། །སུམ་བཅུ་ཙ་བདུན་ཚང་བ་དག །འཆར་བ་དང་ནི་ནུབ་པ་ན། །འཁོར་ལོ་མཚོན་ཆ་བཞིན་དུ་རྒྱུ། །འཇིག་རྟེན་དུ་ནི་ཟད་འཕེལ་བྱེད། །གཟི་ཆེ་རྫུ་འཕྲུ་
ལ་ཆེན་པོ་དག །རབ་ཏུ་དང་བའི་སེཾས་ཀྱིས་སུ། །རིགས་སྔགས་རྗེས་སུ་ཡི་རང་བྱོས། །དེ་དག་གིས་ཀྱང་རིགས་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་སྲུང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་
དྲང་སྲོང་རྙིང་པ་བརྟུལ་ཞུགས་གྲུབ་པ། རིག་སྔགས་གྲུབ་པ། གྲགས་པ་འབར་བ། ཀླུང་དང་རི་ལ་གནས་པ། དམོད་པའི་མཚོན་ཆ་ཅན། དཀའ་ཐུབ་གྲགས་པ། རྫུ་འཕྲུལ་དང་ལྡན་པ། མངོན་པར་ཤེས་པ་ལྔ་དང་ལྡན་པ། ནམ་མཁའ་ལ་འགྲོ་བ་དེ་དག་གི་
97-1-121b


མིང་བརྗོད་ཀྱིས་ཁྱོད་ཀྱིས་ཟུང་ཤིག །འདི་ལྟ་སྟེ། དྲང་སྲོང་ཆེན་པོ་བརྒྱད་པ་ཞེས་བྱ་བ་དང་། དྲང་སྲོང་ཆེན་པོ་གཡོན་ཕྱོགས་པ་ཞེས་བྱ་བ་དང་། དྲང་སྲོང་ཆེན་པོ་གཡོན་ཕྱོགས་ལྷ་ཞེས་བྱ་བ་དང་། དྲང་སྲོང་ཆེན་པོ་ལྷ་སྐྱབས་ཀྱི་བུ་ཞེས་བྱ་བ་དང་། དྲང་
སྲོང་ཆེན་པོ་འོད་ཟེར་ཅན་ཞེས་བྱ་བ་དང་། དྲང་སྲོང་ཆེན་པོ་ཀུན་གྱི་བཤེས་ཞེས་བྱ་བ་དང་། དྲང་སྲོང་ཆེན་པོ་གནས་འཇོག་ཅེས་བྱ་བ་དང་། དྲང་སྲོང་ཆེན་པོ་གྲོག་མཁར་བ་ཞེས་བྱ་བ་དང་། དྲང་སྲོང་ཆེན་པོ་འབྲོག་སྐྱོང་གི་བུ་ཞེས་བྱ་བ་དང་། 
དྲང་སྲོང་ཆེན་པོ་འདྲོབ་སྐྱོང་གི་བུ་རྒན་པོ་ཞེས་བྱ་བ་དང་། དྲང་སྲོང་ཆེན་པོ་ངན་སྤོང་ཞེས་བྱ་བ་དང་། དྲང་སྲོང་ཆེན་པོ་ངན་སྤོང་དགའ་ཞེས་བྱ་བ་དང་། དྲང་སྲོང་ཆེན་པོ་འགྲོ་འཛིན་ཅེས་བྱ་བ་དང་། དྲང་སྲོང་ཆེན་པོ་འགྲོ་དགའ་ཞེས་བྱ་བ་དང་། 
དྲང་སྲོང་ཆེན་པོ་འཇིགས་ཅན་ཞེས་བྱ་བ་དང་། དྲང་སྲོང་ཆེན་པོ་སྐལ་ལྡན་ཤིང་རྟ་ཞེས་བྱ་བ་དང་། དྲང་སྲོང་ཆེན་པོ་རྒྱུན་ཤེས་ཀྱི་བུ་ཞེས་བྱ་བ་དང་། དྲང་སྲོང་ཆེན་པོ་མདུན་དུ་བདར་ཞེས་བྱ་བ་དང་། དྲང་སྲོང་ཆེན་པོ་མགོ་བོ་ཆེ་ཞེས་བྱ་བ་དང་། དྲང་
སྲོང་ཆེན་པོ་གཤིན་རྗེའི་མེ་ཞེས་བྱ་བ་དང་། དྲང་སྲོང་ཆེན་པོ་གཉིས་འཐུང་གི་བུ་ཞེས་བྱ་བ་དང་། དྲང་སྲོང་ཆེན་པོ་གཉིས་འཐུང་ནག་པོའི་བུ་ཞེས་བྱ་བ་དང་། དྲང་སྲོང་ཆེན་པོ་ལྗང་སྔོའི་བུ་ཞེས་བྱ་བ་དང་། དྲང་སྲོང་ཆེན་པོ་ལྗང་སྔོའི་ཚ་བོ་ཞེས་བྱ་
བ་དང་། དྲང་སྲོང་ཆེན་པོ་ངག་མཉམ་ཞེས་བྱ་བ་དང་། དྲང་སྲོང་ཆེན་པོ་འཕགས་པོ་ཞེས་བྱ་བ་དང་། དྲང་སྲོང་ཆེན་པོ་ཡང་དག་འཕགས་པོ་ཞེས་བྱ་བ་དང་། དྲང་སྲོང་ཆེན་པོ་བཟོད་པ་སྨྲ་ཞེས་བྱ་བ་དང་། དྲང་སྲོང་ཆེན་པོ་གྲགས་པ་ཞེས་བྱ་བ་དང་། 
དྲང་སྲོང་ཆེན་པོ་རབ་གྲགས་ཞེས་བྱ་བ་དང་། དྲང་སྲོང་ཆེན་པོ་བླ་མ་ཞེས་བྱ་བ་དང་། དྲང་སྲོང་ཆེན་པོ་གྲུབ་པ་ཞེས་བྱ་བ་དང་། དྲང་སྲོང་ཆེན་པོ་གྲུ་འཛིན་ཅེས་བྱ་བ་དང་། དྲང་སྲོང་ཆེན་པོ་རྟ་བུ་ཞེས་བྱ་བ་དང་། དྲང་སྲོང་ཆེན་པོ་གང་ཅན་ཞེས་བྱ་བ་དང་། 
དྲང་སྲོང་ཆེན་པོ་མིག་དམར་ཞེས་བྱ་བ་དང་། དྲང་སྲོང་ཆེན་པོ་ཆ་བྱད་འཛིན་ཞེས་བྱ་བ་དང་། དྲང་སྲོང་ཆེན་པོ་གོས་ངན་ཞེས་བྱ་བ་དང་། དྲང་སྲོང་ཆེན་པོ་མདའ་ལྟར་སྣང་བ་ཞེས་བྱ་བ་དང་། དྲང་སྲོང་ཆེན་པོ་རྒྱགས་པ་ཞེས་བྱ་བ་དང་། དྲང་སྲོང་ཆེན་པོ་འོད་
97-1-122a


ཅེས་བྱ་བ་དང་། དྲང་སྲོང་ཆེན་པོ་པ་བ་སངས་ཤེས་བྱ་བ་དང་། དྲང་སྲོང་ཆེན་པོ་ཕུར་བུ་ཞེས་བྱ་བ་དང་། དྲང་སྲོང་ཆེན་པོ་རྩིབས་ཀྱི་མུ་ཁྱུད་ཅེས་བྱ་བ་དང་། དྲང་སྲོང་ཆེན་པོ་སྤེན་པ་ཞེས་བྱ་བ་དང་། དྲང་སྲོང་ཆེན་པོ་གཟའ་ལྷག་
ཅེས་བྱ་བ་དང་། དྲང་སྲོང་ཆེན་པོ་དུག་སེལ་ཞེས་བྱ་བ་དང་། དྲང་སྲོང་ཆེན་པོ་ས་འཛིན་ཞེས་བྱ་བ་དང་། དྲང་སྲོང་ཆེན་པོ་རྭ་གཅིག་པ་ཞེས་བྱ་བ་དང་། དྲང་སྲོང་ཆེན་པོ་དྲང་སྲོང་ར་ཞེས་བྱ་བ་དང་། དྲང་སྲོང་ཆེན་པོ་གྱུར་མིད་ཀྱི་བུ་ཞེས་
བྱ་བ་དང་། དྲང་སྲོང་ཆེན་པོ་གར་ལྡན་གྱི་བུ་ཞེས་བྱ་བ་དང་། དྲང་སྲོང་ཆེན་པོ་སྒྲའི་བུ་ཞེས་བྱ་བ་དང་། དྲང་སྲོང་ཆེན་པོ་འཇིགས་བྱེད་ཅེས་བྱ་བ་དང་། དྲང་སྲོང་ཆེན་པོ་འཇིགས་བྱེད་གླང་པོ་ཞེས་བྱ་བ་དང་། དྲང་སྲོང་ཆེན་པོ་སེར་སྐྱ་ཞེས་བྱ་
བ་དང་། དྲང་སྲོང་ཆེན་པོ་གཽ་ཏ་མ་ཞེས་བྱ་བ་དང་། དྲང་སྲོང་ཆེན་པོ་རྟ་དམར་ཞེས་བྱ་བ་དང་། དྲང་སྲོང་ཆེན་པོ་བྱིས་པ་རྩེ་ཞེས་བྱ་བ་དང་། དྲང་སྲོང་ཆེན་པོ་མིས་བྱིན་གྱི་བུ་བྱ་བ་དང་། དྲང་སྲོང་ཆེན་པོ་རི་བོ་ཞེས་བྱ་བ་དང་། དྲང་སྲོང་ཆེན་པོ་སྲིན་
བུ་འཛིན་ཅེས་བྱ་བ་སྟེ། ཀུན་དགའ་བོ་དྲང་སྲོང་ཆེན་པོ་རྙིང་པ་འདི་དག་ནི་རིག་བྱེད་རྣཾས་བྱེད་པ། གསང་སྔགས་རྣམས་བྱེད་པ། དམོད་པ་འདོར་བ། བརྟུལ་ཞུགས་གྲུབ་པ། གཟི་བརྗིད་ཆེ་བ་གྲུབ་པ། ཕ་རོལ་གནོན་པ་
གྲུབ་པ་དག་སྟེ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བདག་ལ་སྲུང་བ་གྱིས་ཤིག །ལོ་རྒྱ་ཚོ་བར་གྱུར་ཅིག །སྟོན་རྒྱ་ཐོང་བར་ཤོག་ཤིག །ཏད་ཡ་ཐཱ། ཧི་རི། ཧི་རི། ཁི་རི། ཁི་རི། མི་རི། མི་རི། ཕུ་རི་ཕུ་རི། སུ་རི་སུ་རི། ཧི་ལི་ཧི་ལི། མི་ལི་
མི་ལི། སི་རི་སི་རི། ཌབྥུ། ཌ་ཌབྥུ། གྲ་ས་ནི། མ་ཐ་ནི། ད་མ་ནི། ད་ཧ་ནི། གྷཱ་ཏ་ནི། པ་ཙ་ནི། པ་ཙ་ནི། ཏ་པ་ནི། ཏཱ་པ་ནི། ཧ་ན་ནི། ད་ཧ་ནི། དཱ་ཧ་ནི། ད་ཧཱ་ད་ཧཱ། ད་ཧཱ། ད་ལ་ད་ལ་དཱ་ལ་ནི། པཱ་ཊ་ནི་མོ་ཧ་ནི། སྟམྦྷ་ནི། ཛམྦྷ་ནི། སྭ་ཡམྦྷུ་སྭཱ་ཧཱ། ཀུན་དགའ་བོ་ཁྱོད་ཀྱིས་སྐྱེ་དགུའི་བདག་
པོ་ཆེན་པོ་གང་དག་ལྷ་རྣམས་དང་། ཀླུ་རྣམས་དང་། རླུང་ལྷ་རྣཾས་དང་། ལྷ་མ་ཡིན་རྣཾས་དང་། ནམ་ལྡིང་རྣཾས་དང་། དྲི་ཟ་རྣཾས་དང་། མི་འཾ་ཅི་རྣཾས་དང་། ལྟོ་ཕྱེ་ཆེན་པོ་རྣཾས་དང་། གནོན་སྦྱིན་རྣཾས་དང་། སྲིན་པོ་རྣཾས་དང་། མི་དང་། དུད་འགྲོའི་སྐྱེ་གནས་པ་དང་། 
97-1-122b


སེཾན་དམྱལ་བ་རྣཾས་ཀྱི་དགེ་བ་དང་། མི་དགེ་བ་ལ་སོགས་པའི་དགེ་བའི་ཁྱད་པར་གྲངས་མེད་པ་དག་གིས་འཇིག་རྟེན་གསུམ་དུ་རྣཾ་པར་གཞག་པ་རྣཾས་ཀྱི་མི་ཟུང་ཤིག་འདི་ལྟ་སྟེ། སྐྱེ་དགུའི་བདག་པོ་ཚངས་པ་དང་སྐྱེ་དགུའི་བདག་པོ་བུ་ཅན་དང་། སྐྱེ་
དགུའི་བདག་པོ་ཟ་ཚུལ་གྱི་བུ་དང་། སྐྱེ་དགུའི་བདག་པོ་མེ་དང་། སྐྱེ་དགུའི་བདག་པོ་གསོ་བ་དང་། སྐྱེ་དགུའི་བདག་པོ་མདུན་དུ་བདར་དང་། སྐྱེ་དགུའི་བདག་པོ་སྤུ་ཟིང་སེལ་དང་། སྐྱེ་དགུའི་བདག་པོ་གོ་བྱེད་དང་། སྐྱེ་དགུའི་བདག་པོ་མཛེས་གནས་དང་། སྐྱེ་
དགུའི་བདག་པོ་ཟིན་པོ་དང་སྐྱེ་དགུའི་བདག་པོ་ལུས་མཛེས་དང་། སྐྱེ་དགུའི་བདག་པོ་རབ་དགའ་དང་སྐྱེ་དགུའི་བདག་པོ་མཁས་པ་དང་། སྐྱེ་དགུའི་བདག་པོ་གུས་ཡོད་དེ། ཀུན་དགའོ་སྐྱེ་དགུའི་བདག་པོ་བདག་ཉིད་ཆེན་པོ་འདི་དག་ནི་གནས་པ་དང་། འགྲོ་བའི་འབྱུང་པོའི་ཚོགས་
སྲུང་བའི་ཕྱིར་གནས་པ་དག་གོ། དེ་དག་གིས་ཀྱང་རིག་སྔག་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་སྲུང་བ་གྱིས་ཤིག །ལོ་རྒྱ་ཚོ་བར་གྱུར་ཅིག་སྟོན་བརྒྱ་ཐོང་བར་ཤོག་ཤིག །ཐོགས་པ་མེད་པའི་གསང་སྔགས་འདི་དག་གིས་ཀྱང་བསྲུང་བ་གྱིས་ཤིག །ཏད་ཡ་ཐཱ། ཧི་རི་ཧི་རི། 
ཁི་རི། ཁི་རི། མི་རི་མི་རི། ཕུ་རི་ཕུ་རི། སུ་རི་སུ་རི། ཧི་ལི་ཧི་ལི། མི་ལི་མི་ལི། སི་རི་སི་རི། ཌབྥུ། ཌ་ཌབྥུ། ཌབྥུ། གྲ་ས་ནི་མ་ཐ་ནི། ད་མ་ནི། ད་ཧ་ནི། གྷཱ་ཏ་ནི། པ་ཅ་ནི། པཱ་ཙ་ནི། ཏ་པ་ནི། ཏཱ་པ་ནི། ཧ་ན་ནི། ད་ཧ་ནི། དཱ་ཧ་ནི། ད་ཧ་ད་ཧ་ད་ཧ། ད་ལ་ད་ལ་དཱ་ལ་ནི་པཱ་ཊ་ནི་མོ་ཧ་ནི། སྟམྦྷ་ནི། ཛམྦྷ་ནི་སྭཱ་ཧཱ། ཀུན་
དགའ་བོ་ཁྱོད་ཀྱི་དུག་ཆེན་པོ་རྣམ་ཀྱི་མིང་ཟུང་ཤིག་ཏད་ཡ་ཐཱ་ཨཎྜ་རཱ་པཎྜ་རཱ། ཀ་ར་ཌཱ་ཀེ་ཡཱུ་རཱ། བྷཱུ་ཏྃ་ག་མཱ། བྷུ་ཏ་པ་ཏེ། བིནྡུ་པ་ཏི། སི་རི་པ་ཏི། ཏེ་ཛ་པ་ཏི། ཏེ་ཛོ་གྲ་པ་ཏེ། ཡ་ཤོ་བ་ཏེ། ཡ་ཤོ་གྲ་བ་ཏེ། ཨ་ར་ཌཱ། ཏ་ར་ཌཱ། ཏ་ར་ཏ་ར་ཌཱ། དནྟཱ། ཛ་ཧཱ་ཛོ་ཧཱ། ཛ་ལཱ། མི་ལཱ་ཧ་ལཱ་ཕ་ལཱ། 
གུ་ཧཱ། རུ་ཙི་རཱ། དན་དུ་རཱ། ཨི་རི་ཀི་ཙི་ཀཱ། ཀམྦཱ། ཤ་ཏ་དནྡུ་རཱ་བེ་པུ་ལེ། ན་ཀུ་ལེ། ཀི་རི་པི། ཏ་རྃ་གྡ་རྀ་ཥྚ། ཨ་མྲ་མ་ཏེ་ཛཱམ་བུྰ་མ་ཏི། མ་དྷུ་མ་ཏི། ཀ་མ་ལི། བི་མ་ལེ་ཀུནྜ་ལེ། ཨ་ཧི། ཏུ་ཧི། དུ་ཧེ། བགྐ་བགྐ་དཱུ་དེ་བད་ས་ནཱ་བྷེ། མ་ཧཱ་ག་རེ། ཏུ་ལམྦེ་ལམྦ། སུ་ལམྦེ། སྭཱ་ཧཱ། ཀུན་དགའ་བོ་འདི་
དག་ནི་དུག་ཆེན་པོ་དག་སྟེ། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བདག་ལ་བསྲུང་བ་གྱིས་ཤིག །སྦ་བ་དང་། ཡོངས་སུ་སྐྱབ་པ་དང་། ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་
97-1-123a


བདེ་ལེགསུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་གསད་པ་དང་། མཚམས་བཅད་པ་དང་། ས་ཅིང་བ་གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་
དགའ་བོ་ཁྱོད་ཀྱིས་ཤིང་ལྗོན་པ་རྣཾས་ཀྱི་མིང་ཟུང་ཤིག །འདི་ལྟ་སྟེ། ཤིང་ལྗོན་པ་ཆེན་པོ་གསེར་ཞེས་བྱ་བ་དང་། ཤིང་ལྗོན་པ་ཆེན་པོ་སེར་སྐྱ་ཞེས་བྱ་བ་དང་། ཤིང་ལྗོན་པ་ཆེན་པོ་ཁྱབ་གནས་ཞེས་བྱ་བ་དང་། ཤིང་ལྗོན་པ་ཆེན་པོ་སྤྲེའུ་གནས་
ཞེས་བྱ་བ་དང་། ཤིང་ལྗོན་པ་ཆེན་པོ་པད་མ་དཀར་པོ་ཞེས་བྱ་བ་དང་། ཤིང་ལྗོན་པ་ཆེན་པོ་སེར་པོ་ཞེས་བྱ་བ་དང་། ཤིང་ལྗོན་པ་ཆེན་པོ་མྱ་ངན་ཚངས་ཞེས་བྱ་བ་དང་། ཤིང་ལྗོན་པ་ཆེན་པོ་རྣ་ལྡན་ཅེས་བྱ་བ་དང་། ཤིང་ལྗོན་པ་ཆེན་པོ་རྒྱས་བྱེད་ཅེས་
བྱ་བ་དང་། ཤིང་ལྗོན་པ་ཆེན་པོ་བིལ་བ་ཞེས་བྱ་བ་དང་། ཤིང་ལྗོན་པ་ཆེན་པོ་ཙུྰ་ཏ་ཞེས་བྱ་བ་དང་། ཤིང་ལྗོན་པ་ཆེན་པོ་དེ་དག་དང་གཞན་དག་ལ་ལྷ་གང་དག་གནས་པ་དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་བདག་ལ་བསྲུང་བ་
གྱིས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ཡང་དག་པར་རྫོགས་པའི་སངས་རྒྱས་བདུན་གྱིས་གསུངས་ཤིང་རྗེསུ་ཡི་རང་བ་སྟེ། འདི་ལྟ་སྟེ། ཡང་དག་པར་
རྫོགས་པའི་སངས་རྒྱས་རྣཾ་པར་གཟིགས་ཀྱིས་གསུངས་ཤིང་རྗེསུ་ཡི་རང་བའོ། །ཡང་དག་པར་རྫོགས་པའི་སངྱས་གཙུག་ཏོར་ཅན་གྱིས་གསུངས་ཤིང་རྗེསུ་ཡི་རང་བའོ། །ཡང་དག་པར་རྫོགས་པའི་སངས་རྒྱས་ཐཾད་སྐྱོབ་ཀྱིས་གསུངས་ཤིང་རྗེསུ་ཡི་
རང་བའོ། །ཡང་དག་པར་རྫོགས་པའི་སངྱས་འཁོར་བ་འཇིག་གིས་གསུངས་ཤིང་རྗེསུ་ཡི་རང་བའོ། །ཡང་དག་པར་རྫོགས་པའི་སངྱས་གསེར་ཐུབ་ཀྱིས་གསུངས་ཤིང་རྗེསུ་ཡི་རང་བའོ། །ཡང་དག་པར་རྫོགས་པའི་སངས་རྒྱས་འོད་སྲུང་གིས་གསུངས་ཤིང་
རྗེསུ་ཡི་རང་བའོ། །ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ངས་ཀྱང་ད་ལྟར་བསྟན་ཅིང་རྗེསུ་ཡི་རང་བའོ། །ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་བྱང་ཆུབ་སེཾས་དཔའ་བྱཾས་པས་ཀྱང་བཤད་ཅིང་རྗེསུ་ཡི་རང་བའོ། །མི་འཇེད་ཀྱི་བདག་པོ་
97-1-123b


ཚངས་པས་ཀྱང་སྨས་ཤིང་རྗེསུ་ཡི་རང་བའོ། །ལྷ་རྣཾས་ཀྱི་དབང་པོ་བརྒྱ་བྱིན་གྱིས་ཀྱང་སྨྲས་ཤིང་རྗེསུ་ཡི་རང་བའོ། །རྒྱལ་པོ་ཆེན་པོ་བཞི་པོ་དག་གིས་ཀྱང་སྨྲས་ཤིང་རྗེསུ་ཡི་རང་བ་སྟེ། དྲི་ཟའི་རྒྱལ་པོ་ཡུལ་འཁོར་སྲུང་གིས་ཀྱང་སྨྲས་ཤིང་རྗེསུ་ཡི་
རང་བའོ། །གྲུལ་བུམ་གྱི་བདག་པོ་འཕགས་སྐྱེས་པོས་ཀྱང་སྨྲས་ཤིང་རྗེསུ་ཡིད་རང་བའོ། །ཀླུའི་རྒྱལ་པོ་མིག་མི་བཟང་གིས་ཀྱང་སྨྲས་ཤིང་རྗེསུ་ཡིད་རང་བའོ། །གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུས་ཀྱང་སྨྲས་ཤིང་རྗེསུ་ཡི་རང་བའོ། །དྲི་ཟའི་སྡེ་དཔོན་ཉི་ཤུ་རྩ་བརྒྱད་དག་དང་། གྲུལ་བུཾ་གྱི་སྡེ་དཔོན་ཉི་ཤུ་རྩ་བརྒྱད་
དག་དང་། ཀླུའི་སྡེ་དཔོན་ཉི་ཤུ་རྩ་བརྒྱད་དག་དང་། གནོད་སྦྱིན་གྱི་སྡེ་དཔོན་ཉི་ཤུ་རྩ་བརྒྱད་དག་དང་། གནོད་སྦྱིན་གྱི་སྡེ་དཔོན་ཆེན་པོ་ལྔས་རྩེན་དང་། འཕྲོག་མ་བུ་ལྔ་བརྒྱའི་འཁོར་ཅན་གྱིས་ཀྱང་སྨྲས་ཤིང་རྗེསུ་ཡི་རང་བའོ། །ཀུན་དགའ་བོ་རིག་
སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ལྷའི་གདོན་དང་། ཀླུའི་གདོན་དང་། རླུང་ལྷའི་གདོན་དང་། ལྷ་མ་ཡིན་གྱི་གདོན་དང་། ནཾཁའ་ལྡིང་གི་གདོན་དང་། དྲི་ཟའི་གདོན་དང་། མི་འཾ་ཅིའི་གདོན་དང་། ལྟོ་འཕྱེ་ཆེན་པོའི་གདོན་དང་། གནོད་སྦྱིན་གྱི་གདོན་
དང་། སྲིན་པོའི་གདོན་དང་། ཡི་དགས་ཀྱི་གདོན་དང་། ཤ་ཟའི་གདོན་དང་། འབྱུང་པོའི་གདོན་དང་། གྲུལ་བུཾ་གྱི་གདོན་དང་། སྲུལ་པོའི་གདོན་དང་། ལུས་སྲུལ་པོའི་གདོན་དང་། སྐེཾ་བྱེད་ཀྱི་གདོན་དང་། སྨྱོ་བྱེད་ཀྱི་གདོན་དང་། གྲིབ་གནོན་གྱི་གདོན་དང་། 
བརྗེད་བྱེད་ཀྱི་གདོན་དང་། གནོན་པོའི་གདོན་གྱིས་འགལ་བར་བྱ་བ་མ་ཡིན་ནོ། །གདོན་ཐཾད་ཀྱིས་འགལ་བར་བྱ་བ་མ་ཡིན་པའོ། །མདངས་འཕྲོགས་པ་རྣཾས་དང་། ཟསུ་མངལ་ཟ་བ་རྣཾས་དང་། སྲོག་འཕྲོག་པ་རྣཾ་དང་། ཟསུ་གཏོར་མ་ཟ་བ་རྣཾ་
དང་། ཟསུ་ཤ་ཟ་བ་རྣཾས་དང་། ཟསུ་ཁྲག་འཐུང་བ་རྣཾས་དང་། ཟསུ་ཞག་ཟ་བ་རྣཾས་དང་། ཟསུ་ཚིལ་ཟ་བ་རྣཾས་དང་། ཟསུ་རྐང་ཟ་བ་རྣཾས་དང་། ཟསུ་བཙས་པ་ཟ་བ་རྣཾས་དང་། ཟསུ་དྲི་ཟ་བ་རྣཾས་དང་། ཟསུ་མེ་ཏོག་ཟ་བ་རྣཾས་དང་། ཟསུ་འབྲས་བུ་ཟ་བ་རྣཾས་
དང་། ཟསུ་ལོ་ཏོག་ཟ་བ་རྣཾས་དང་། ཟསུ་སྦྱིན་སྲེག་ཟ་བ་རྣཾས་དང་། ཟསུ་རྣག་འཐུང་བ་རྣཾས་དང་། ཟསུ་ཕྱི་ས་ཟ་བ་རྣཾས་དང་། ཟསུ་གཅིན་འཐུང་བ་རྣཾས་དང་། ཟསུ་མཆིལ་མ་ཟ་བ་རྣཾས་དང་། ཟསུ་ངར་སྣབ་ཟ་བ་རྣཾས་དང་། ཟསུ་སྣབ་ཟ་བ་རྣཾས་དང་། 
97-1-124a


ཟསུ་ལྷག་མ་ཟ་བ་རྣམས་དང་། ཟསུ་སྐྱུག་པ་ཟ་བ་རྣམས་དང་། ཟསུ་མི་གཙང་བ་ཟ་བ་རྣམས་དང་། ཟསུ་གཏོར་ཁུང་ནས་འབབ་པ་འཐུང་བ་རྣམས་ཀྱིས་འགལ་བར་བྱ་བ་མ་ཡིན་ནོ། །གཤེད་བྱེད་དང་། བསྒྱུར་བའི་ལས་དང་བྱད་དང་། གཡེང་
བྱེད་དང་། རོ་ལངས་དང་། སེམས་སྒྱུར་བ་དང་། སྦོད་སྟོར་དང་། བཟའ་ཉེས་དང་། སྐྱུག་ཉེས་དང་། གནོད་སྒྲིབ་དང་། གནོད་བལྟས་དང་། བྲི་ཉེས་དང་། བསྒོམ་ཉེས་དང་། གནོད་པ་རྣཾས་ཀྱིས་འགལ་བར་བྱ་བ་མ་ཡིན་པའོ། །རིམས་ཉིན་ཅིག་པ་དང་། ཉིན་གཉིས་
པ་དང་། ཉིན་གསུམ་པ་དང་། ཉིན་བཞི་པ་དང་། ཉིན་བདུན་པ་དང་། ཟླ་བ་ཕྱེད་པ་དང་། ཟླ་བ་གཅིག་པ་དང་། ཉི་མ་ཕྱེད་པ་དང་། ཉིན་མོ་པ་དང་། ཡུད་ཙམ་པ་དང་། རྟག་པའི་རིམས་དང་། རམས་དྲག་པོ་དང་། འབྱུང་པོའི་རིམས་དང་། རླུང་ལས་གྱུར་པ་དང་། 
མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པས་འགལ་བར་བྱ་བ་མ་ཡིན་པའོ། །རིམས་ཐམས་ཅད་ཀྱིས་འགལ་བར་བྱ་བ་མ་ཡིན་པའོ། །གླད་པ་ན་བ་དང་། གཞོགས་ཕྱེད་ན་བ་དང་། ཡི་ག་འཆིས་པ་དང་། 
མིག་ནད་དང་། སྣ་ནད་དང་། ཁ་ནད་དང་། མགུལ་ནད་དང་། སྙིང་ནད་དང་། ལྐོག་མའི་ལྷ་གོར་ན་བ་དང་། རྣ་བ་ན་བ་དང་། སོ་ན་བ་དང་། སྙིང་ན་བ་དང་། རྩིབ་ལོགས་ན་བ་དང་། རྒྱབ་ན་བ་དང་། ལྟོ་ན་བ་དང་། མཁུར་བ་ན་བ་དང་། ཆུ་སོ་ན་བ་དང་། སྐྱེ་གནས་ན་བ་དང་། རབ་ཏུ་
རྐེད་པ་ན་བ་དང་། བརླ་ན་བ་དང་། བྱིན་པ་ན་བ་དང་། ལག་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བས་འགལ་བར་བྱ་བ་མ་ཡིན་ནོ། །ཤུ་བ་དང་། གཡའ་བ་དང་། འབྲུམ་བུ་ཕྲ་མོ་དང་། མཛེ་དང་། འབྲས་དང་། ཕོལ་མིག་དང་། གཡན་པ་དང་། མེ་
དབལ་དང་། ལྷོག་པ་རྣཾས་ཀྱིས་འགལ་བར་བྱ་བ་མ་ཡིན་པའོ། །ནད་ཐཾད་དང་། དུག་ཐཾད་དང་། སྡང་བ་ཐཾད་དང་། འཇིགས་པ་ཐཾད་དང་། ཡམས་ཀྱི་ནད་ཐཾད་དང་། འཐབ་པ་དང་། རྩོད་པ་ཐཾད་དང་། གནོད་པ་དང་། ནད་འགོ་བ་དང་། འཁྲུག་པ་ཐཾད་ཀྱིས་འགལ་བར་བྱ་བ་
མ་ཡིན་པའོ། །ཀུན་དགའ་བོ་གང་གིས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ལས་འགལ་བར་བྱས་ན་ལག་ན་རྡོ་རྗེས་དེའི་མགོ་བོ་ཚལ་པ་བདུན་དུ་འགེམས་པར་འགྱུརོ། །རོ། །སངས་རྒྱས་དང་། བྱང་ཆུབ་སེཾས་དཔའ་དང་། རང་སངས་རྒྱས་དང་། ཉན་ཐོས་ཐཾད་ཀྱི་གཟི་
97-1-124b


བརྗིད་ཀྱིས་དེའི་སྣང་བ་མ་རུང་བར་འགྱུརོ། །སེཾས་མ་རུང་བར་འགྱུརོ། །འཕགས་པའི་གང་ཟག་རྣཾས་བསླུས་པར་འགྱུརོ། །རྒྱལ་པོ་ཆེན་པོ་བཞི་པོ་དག་གིས་ཀྱང་གཤུར་ཞེས་བྱ་བ་ལ་ཐུག་གི་བར་གྱི་གསང་སྔགས་རྣཾས་ཀྱིས་དེ་ལ་སྡུག་བསྔལ་
ཆེན་པོ་བྱེད་པར་འགྱུརོ། །ལྷ་རྣཾས་ཀྱི་དབང་པོ་རྒྱ་བྱིན་ཡང་སུཾ་བཅུ་རྩ་གསུཾ་པའི་ཚོགས་ཀྱིས་བསྐོར་ཏེ། རྡོ་རྗེས་དེའི་མགོ་འགེཾས་པར་འགྱུརོ། །ཚངས་པའི་གཟི་བརྗིད་ཀྱིས་ཀྱང་དེའི་འབྱོར་པ་ཐལ་བར་རློག་པར་འགྱུརོ། །ཀུན་དགའ་བོ་སུ་
ཞིག་གིས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་བསྲུང་བ་བྱས་སཾ། སྐུད་པ་བཏགས་ན་དེས་བསྲུང་བའི་པའི་རིག་པ་ནི་ཆད་པས་བྲལ་བར་འགྱུརོ། །ཆད་པས་བཅད་པའི་རིགས་པ་ནི་གཞུ་གཙོག་པས་སོ། །གཞུ་གཙོག་པའི་རིགས་
པ་ནི་སྤྱོ་བས་སོ། །སྤྱོ་བའི་རིགས་པ་ནི་དམ་བཅའ་བས་སོ། །དམ་བཅའ་བའི་རིགས་པ་ནི་སྤུ་ཟིང་ཞེས་བྱ་བས་སོ། །སྤུ་ཟིང་ཞེས་བྱ་བའི་རིགས་པ་ནི་དེ་བཞིན་དུ་ཐར་བར་འགྱུརོ། །དེ་ལ་རྒྱལ་པོའི་འཇིགས་པ་འབྱུང་བར་མི་འགྱུར་ཏེ། ཆོམ་རྐུན་གྱི་
འཇིགས་པ་མི་འབྱུང་། མེའི་འཇིགས་པ་མི་འབྱུང་ངོ་། །ཆུས་འཆི་བའི་དུས་བྱེད་པར་མི་འགྱུརོ། །དེའི་ལུས་ལ་དུགིས་མི་ཚུགས་ཏེ། མཚོན་གྱིས་ཀྱང་མ་ཡིན་ནོ། །བདེ་བར་གཉིད་ཀྱིས་ལོག་ཅིང་བདེ་བར་སད་པར་འགྱུར་རོ། །བདེ་བ་དང་། གནོད་པ་མེད་པ་དང་། 
འཇིགས་པ་མེད་པར་འགྱུརོ། །ཕྱིར་རྒོལ་བ་བཅོམ་པ་དང་། དགྲ་ཆོམས་པར་འགྱུརོ། །རྨས་པ་མེད་པར་འགྱུརོ། །འཇིགས་པ་ཐཾད་ལས་ཐར་བར་འགྱུརོ། །བདེ་བར་ཡུན་རིང་དུ་འཚོ་བར་འགྱུར་ཏེ། ཀུན་དགའ་བོ་སྔོན་གྱི་ལས་ཀྱི་རྣཾ་པར་སྨིས་པ་ནི་མ་གཏོགས་སོ། །
ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ནི་ཧ་ཅང་ཆར་ཆེ་བའཾ། ཆར་དཀོན་པའི་ཚེ་བཀླག་པར་བྱའོ། །དེས་ནི་ཀླུ་ཐཾད་སྤྲོ་བར་འགྱུར་ཏེ། ཆར་ཆེན་པོ་ནི་གཅོད་པར་བྱེད། ཆར་དཀོན་པའི་ཚེ་ནི་རིགས་ཀྱི་བུའཾ། འཾ། རིག་ཀྱི་བུ་མོ་དེའི་བསཾ་པ་ཅི་སྲིད་པར་ཆར་འབེབས་
པར་འགྱུརོ། །ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་དྲན་པས་ཀྱང་འཇིགས་པ་དང་དགྲ་ཐཾད་ཞི་བར་འགྱུར་ན་སུ་དུམ་བུར་མ་གྱུར་ཅིང་རྫོགས་པར་འཆང་བའཾ། བདེ་ལེགསུ་འགྱུར་བ་བྱས་པ་ལྟ་སྨོས་ཀྱང་ཅི་དགོས། ཀུན་དགའོ་ཁྱོད་ཀྱི་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ཟུང་ཤིག །
97-1-125a


འཁོར་བཞི་པོ་དགེ་སློང་དང་། དགེ་སློང་མ་དང་། དགེ་སྙེན་དང་། དགེ་སྙེན་མ་རྣམས་བསྲུང་བ་དང་། བསྐྱབ་པ་དང་། སྦ་བའི་ཕྱིར་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་དགྲ་ཐཾད་རབ་ཏུ་ཞི་བར་བྱེད་པ་འདི་ཀུན་ཆུབ་པར་གྱིས་ཤིག་ཆོངས་ཤིག་ལྷོགས་ཤིག་ཏད་ཡ་ཐཱ་ཡཱ་བ་ཏི། 
དྷཱ་བ་ཏི། དྷ་ར་ཀི་ལ་ཧུ་ལུ་ཧུ་ལུ་མེ་སྭཱ་ཧཱ། འདོད་ཆགས་ཞེ་སྡང་གཏི་མུག་རྣཾས། །དེ་དག་འཇིག་རྟེན་དུག་གསུཾ་ཏེ། །སངྱས་བཅྡོཾན་དུག་མེད་པ། །སངྱས་བདེན་པས་དུག་བཅོཾ་མོ། །འདོད་ཆགས་ཞེ་སྡང་གཏི་མུག་རྣཾས། །དེ་དག་འཇིག་རྟེན་དུག་གསུཾ་སྟེ། །བཅྡོཾན་ཆོས་ནི་དུག་མེད་པ། །ཆོས་
ཀྱི་བདེན་པས་དུག་བཅོཾ་མོ། །འདོད་ཆགས་ཞེ་སྡང་གཏི་མུག་རྣཾས། །དེ་དག་འཇིག་རྟེན་དུག་གསུཾ་སྟེ། །བཅྡོཾན་དགེ་འདུན་དུག་མེད་པ། །དགེ་འདུན་བདེན་པས་དུག་བཅོཾ་མོ། །སངྱས་ཀུན་གྱི་སྟོབས་གང་དང་། །དགྲ་བཅོམ་རྣཾས་ཀྱི་གྲགས་གྃང་དང་དེ་བཞིན་གཤེགས་པའི་གཟི་བརྗིད་ཀྱིས། །
ངེས་ནི་བདེ་ལེགས་འགྱུར་བར་བྱས། །ཀུན་དགའ་བོ་རིག་སྔགས་ཀྱི་རྒྱལ་མོ་རྨ་བྱ་ཆེན་མོས་དུག་བཅོཾ་མོ། །དགེ་སློང་ས་རི་བདེ་ལེགསུ་གྱུར་ཅིག །དེ་ནས་ཚེ་དང་ལྡན་པ་ཀུན་དགའ་བོས་བཅྡོཾས་ལ་ལེགསོ་ཞེས་གསོལ་ཏེ། བཅྡོཾས་ཀྱི་ལྟར་མཉན་ནས་བཅྡོཾས་ཀྱི་
ཞབས་ལ་མགོ་བོས་ཕྱག་འཚལ་ཏེ། ལན་གསུཾ་བསྐོར་བ་བྱས་ནས་དགེ་སློང་ས་རི་ག་ལ་བ་དེར་སོང་ཏེ་ཕྱིན་པ་དང་། རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་དགེ་སློང་ས་རི་ལ་ཆད་པ་སྤང་བར་བྱས་ཏེ། ཡོངསུ་བསྐྱབ་པ་དང་། ཡོངསུ་བཟུང་བ་དང་། ཡོངས་
སུ་སྐྱང་བ་དང་། ཞི་བ་དང་བདེ་ལེགསུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་གསད་པ་དང་། མཚམས་བཅད་པ་དང་། ས་བཅིང་བ་བྱས་སྟེ། ཚེ་དང་ལྡན་པ་ཀུན་དགའ་བོས་བསྲུང་བ་དང་། བདེ་ལེགསུ་འགྱུར་
བ་བྱས་པས་ཚེ་དང་ལྡན་པ་དགེ་སློང་ས་རི་ནད་དེ་ལས་སོས་སོ། །དེ་ནས་ཚེ་དང་ལྡན་པ་ཀུན་དགའ་བོ་དང་། ཚེ་དང་ལྡན་པ་དགེ་སློང་ས་རི་བཅྡོཾས་ག་ལ་བ་དེར་སོང་སྟེ་ཕྱིན་ནས། བཅྡོཾས་ཀྱི་ཞབས་ལ་མགོ་བོས་ཕྱག་འཚལ་ཏེ་ཅི་ལྟར་གྱུར་པ་ཐཾད་
བཅྡོཾས་ལ་གསོལ་ནས། བཅྡོཾས་ཀྱིས་གནང་སྟེ་ཕྱོགས་ཅིག་ཏུ་འཁོད་དོ། །དེ་ནས་བཅྡོཾས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིའི་མཐུ་མཐོང་ངམ། ཀུན་དགའ་བོས་བཅྡོཾས་
97-1-125b


དེ་བཞིན་དུ་གསུང་བ་དེ་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་སླད་དུ་མ་འཚལ། བཅྡོཾས་ཀྱིས་ཡང་བཀའ་སྩལ་པ། ཀུན་དགའ་བོ་འདི་ལྟར་རྒྱ་མཚོ་ཆེན་པོ་བཞི་ནི་སྐཾམ་ཡང་སྲིད། ས་ནི་ནཾཁའ་ལ་འཕགས་
ཀྱང་སྲིད། ཟླ་བ་དང་ཉི་མ་ནི་ས་ལ་ལྷུང་ཡང་སྲིད། ཀླུང་ནི་རྒྱུན་ལས་ལྡོག་ཀྱང་སྲིད་ཀྱི། དེ་བཞིན་གཤེགས་པའི་བཀའ་ནི་གཞན་དུ་འགྱུར་མི་སྲིད་དོ། །དེ་ནས་བཅྡོཾས་ཀྱིས་ཚེ་དང་ལྡན་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དེ་ལྟ་བས་ན་རིགས་
སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ལ་འཁོར་བཞི་པོ་དགེ་སློང་དང་། དགེ་སློང་མ་དང་། དགེ་སྙེན་དང་། དགེ་སྙེན་མ་རྣཾས་མོས་པར་གྱི་ཤིག་ཚེ་དང་ལྡན་པ་ཀུན་དགའ་བོས་བཅྡོཾས་ལ་ལེགསོ་ཞེས་བྱ་བ་གསོལ་ཏེ། བཅྡོཾས་ཀྱི་ལྟར་མཉནས་
འཁོར་བཞི་པོ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣཾས་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདི་ལ་མོས་པར་བྱསོ། །བཅྡོཾས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ཚེ་དང་ལྡན་པ་
ས་རི་དང་ལྷ་དང་། ལྷ་མ་ཡིན་དང་། རླུང་ལྷ་དང་། ནམཁའ་ལྡིང་དང་། དྲི་ཟ་དང་། མི་འཾ་ཅི་དང་། ལྟོ་ཕྱེ་ཆེན་པོ་དང་། གནོད་སྦྱིན་དང་། སྲིན་པོ་དང་། མི་དང་། མི་མ་ཡིན་པ་གང་དག་འཁོར་དེར་འདུས་ཏེ་ཁོད་པ་དེ་དག་ཐཾད་ཡི་རང་ཏེ། བཅོམ་ལྡན་འདས་ཀྱིས་
གསུངས་པ་ལ་མངོན་པར་བསྟོད་དོ། །རིག་སྔགས་ཀྱི་རྒྱལ་མོ་རྨ་བྱ་ཆེན་མོའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཤཱི་ལེན་དྲ་བོ་དྷི་དང་། ཛྙཱ་ན་སིད་དྷི་དང་། ཤཱཀྱ་པྲ་བྷ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་
ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། ཞུས་དག་གོ། ། ༄༅། །རྒྱ་གར་སྐད་དུ།  ཨཱརྱ་མ་ཧཱ་པྲ་ཏི་ས་རཱ་བིདྱཱ་རཱ་ཛྙཱི།  བོད་སྐད་དུ།  འཕགས་པ་རིག་པའི་རྒྱལ་མོ་སོ་སོར་འབྲང་བ་ཆེན་མོ། སངས་རྒྱས་
དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྡོ་རྗེའི་ལྷུན་པོ་ཆེན་པོའི་ཟོམ་ན། ཁང་པ་བརྩེགས་པ་རྡོ་རྗེ་ཆེན་པོའི་ཏིང་ངེ་འཛིན་གྱི་སའི་གནས། རྡོ་རྗེ་ཆེན་པོའི་
97-1-126a


དཔག་བསམ་གྱི་ཤིང་ལྗོན་པས་ལེགས་པར་བརྒྱན་པ། རྡོ་རྗེ་ཆེན་པོའི་རྫིང་གི་རིན་པོ་ཆེ་དང་། པད་མའི་འོད་ཀྱིས་སྣང་བར་བྱས་པ། ས་ཕྱོགས་རྡོ་རྗེ་ཆེན་པོའི་བྱེ་མ་བདལ་བ། རྡོ་རྗེ་ཆེན་པོར་བྱིན་གྱིས་བརླབས་
པ། འཁོར་གྱི་ཁྱམས་རྡོ་རྗེ་ཆེན་པོ་ལས་བྱས་པ། ལྷའི་དབང་པོ་བརྒྱ་བྱིན་གྱི་རྡོ་རྗེའི་སེང་གེའི་ཁྲི་ཆེན་པོ་བྱེ་བ་ཁྲག་ཁྲིག་བརྒྱ་སྟོང་གིས་རྣམ་པར་མཛེས་པ། ཆོས་བསྟན་པ་དང་། ཆོ་འཕྲུལ་ཅན་སངས་རྒྱས་ཐམས་ཅད་ཀྱི་
བྱིན་གྱི་རླབས་ཀྱི་བྱིན་གྱི་བརླབས་པ་ཆོས་ཐམས་ཅད་ཀྱི་མཉམ་པ་ཉིད་ལ་འཇུག་པ་ཐམས་ཅད་མཁྱེན་པ་ཉིད་ཀྱི་ངེས་པར་འབྱུང་བ་ན། བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་བརྒྱད་བཅུ་རྩ་བཞི་ཐམས་ཅད་ཀྱང་སྐྱེ་བ་གཅིག་
གིས་ཐོགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ། མཐུ་ཆེན་པོ་ཐོབ་པ། རྡོ་རྗེ་ཆེན་པོའི་རྣམ་པར་ཐར་པ་དང་། ཏིང་ངེ་འཛིན་གྱིས་སངས་རྒྱས་ཀྱི་ཞིང་དུ་མར་རྣམ་པར་འཕྲུལ་པ་དང་། 
ཆོ་ཕྲུལ་ཆེན་པོ་ཀུན་དུ་སྟོན་པ། སེམས་ཀྱི་སྐད་ཅིག་བྲང་ཅིག་ཡུད་ཙམ་ཅིག་ལ་སེམས་ཅན་ཐམས་ཅད་ཀྱི་སེམས་དང་། སྤྱོད་པའི་རྗེསུ་འཇུག་པའི་ཆོས་སྟན་པ་སྣ་ཚོགས་སྙན་ཅིང་རྒྱ་ཆེ་ལ་ཟབ་ཅིང་ཡང་བ་དང་། 
སྤོབས་པ་དང་། ཆོ་འཕྲུལ་དང་ལྡན་པ། སངས་རྒྱས་ཀྱི་ཞིང་དུ་མར་དེ་བཞིན་གཤེགས་པ་ལ་མཆོད་པ་ཆེན་པོའི་སྤྲིན་གྱིས་མཆོད་པ་དང་། རྣམ་པར་ཐར་པའི་སྒོ་དང་། གཟུངས་དང་། ཏིང་ངེ་འཛིན་དང་། 
དབང་པོ་དང་། མངོན་པར་ཤེས་པ་དང་། མ་འདྲེས་པ་དང་། བྱང་ཆུབ་ཀྱི་ཡན་ལག་དང་། ལམ་དང་། ས་དང་། ཕ་རོལ་ཏུ་ཕྱིན་པ་དང་། ཐབས་ལ་མཁས་པ་དང་། བསྡུ་བའི་དངོས་པོ་དང་། བྱམས་པ་དང་། སྙིང་རྗེ་
དང་། དགའ་བ་དང་། བཏང་སྙོམས་དང་། བྱམས་པའི་སྟོབས་དང་། བདེན་པ་དང་། ཡོངསུ་བྱང་བའི་སེམས་ཀྱི་རྒྱུན་དང་ལྡན་པ་ཤ་སྟག་ལ་འདི་ལྟ་སྟེ། བྱང་ཆུབ་སེཾས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་དང་། 
97-1-126b


རྡོ་རྗེའི་ལུས་དང་། རྡོ་རྗེའི་བློ་གྲོས་དང་། ལག་ན་རྡོ་རྗེ་དང་། རྡོ་རྗེ་འདུས་པ་དང་། རྡོ་རྗེ་མཐུ་བོ་ཆེ་དང་། རྡོ་རྗེ་རྣམ་པར་འཕྲུལ་པ་དང་། རྡོ་རྗེ་བརྩེགས་པ་དང་། རྡོ་རྗེ་ཕུང་པོ་དང་། རྡོ་རྗེ་བཟང་པོ་དང་། བྱང་
ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་ཏོག་དང་། དེ་དག་ལ་སོགས་པ་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་བརྒྱད་བཅུ་རྩ་བཞི་དང་། ཉན་ཐོས་ཆེན་པོ་རབ་ཏུ་མང་པོ་ཐམས་ཅད་ཀྱང་
དགྲ་བཅོམ་པ། ཟག་པ་ཟད་པ། སྲིད་པར་ཀུན་དུ་སྦྱོར་བ་ཆད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ། རྫུ་འཕྲུལ་གྱི་སྟོབས་དང་། ཆོ་འཕྲུལ་བསམ་གྱིས་མི་ཁྱབ་པས་རྣམ་པར་
འཕྲུལ་པའི་མཐུ་ཆེན་པོ་ཐོབ་པ། ལྟ་བ་ཆགས་པ་མེད་པ། ཐམས་ཅད་ཀྱང་དྲི་མ་དང་བྲལ་བ་ཐོབ་པ། ཀུན་ནས་ཉོན་མོངས་པའི་བག་ཆགས་ཀྱི་ས་བོན་ངེས་པར་བསྲེགས་པ་ཤ་སྟག་ལ་འདི་ལྟ་སྟེ། 
ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་བྱམས་མའི་བུ་གང་པོ་དང་། ཚེ་དང་ལྡན་པ་ཀ་པེ་ན་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་མཽ་གལ་གྱི་བུ་ཆེན་པོ་དང་། ཚེ་དང་ལྡན་པ་སྐུལ་
བྱེད་དང་། ཚེ་དང་ལྡན་དགའ་བྱེད་དང་། ཚེ་དང་ལྡན་པ་འོད་སྲུང་དང་། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་ལྟེང་རྒྱས་འོད་སྲུང་དང་། དེ་དག་ལ་སོགས་པ་ཉན་ཐོས་ཆེན་པོ་རབ་ཏུ་མང་
པོ་དང་། ལྷའི་བུ་དབང་ཕྱུག་ཆེན་པོ་ལ་སོགས་པ་གནས་གཙང་མའི་རིས་ཀྱི་ལྷའི་བུ་གྲངས་མེད་དཔག་ཏུ་མེད་པ། བརྗོད་དུ་མེད་པའི་ཡང་བརྗོད་དུ་མེད་པ་དག་དང་། མི་འཇེད་ཀྱི་བདག་པོ་ཚངས་པ་ལ་སོགས་
པ་ཚངས་རིས་ཀྱི་ལྷའི་བུ་རྣམས་དང་། ལྷའི་བུ་རབ་འཐབ་བྲལ་གཡོག་འཐབ་བྲལ་རིས་ཀྱི་ལྷའི་བུ་དང་བཅས་པ་དང་། ཡོངསུ་དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། ལྷའི་དབང་པོ་བརྒྱ་བྱིན་ལྷའི་
97-1-127a


བུ་ཐམས་ཅད་ཀྱི་འཁོར་ཅན་དང་། ལྷ་མ་ཡིན་གྱི་དབང་པོ་ཐགས་ཟངས་རིས་དང་། སྟོབས་ཅན་དང་། རབ་སིམ་དང་། སྒྲ་གཅན་དང་། རྣམ་པར་སྣང་བྱེད་དང་། དེ་དག་ལ་སོགས་པ་ལྷ་མ་ཡིན་གྱི་དབང་པོ་
ཚད་མེད། གྲངས་མེད། དཔག་ཏུ་མེད་པ་རྣམས་དང་། ཀླུའི་རྒྱལ་པོ་རྒྱ་མཚོ་དང་། འཇོག་པོ་དང་། ནོར་རྒྱལ་གྱི་བུ་དང་། དུང་སྐྱོང་དང་། སྟོབས་ཀྱི་རྒྱུ་དང་། པད་མ་དང་། པད་མ་ཆེན་པོ་དང་། དེ་དག་ལ་སོགས་པ་ཀླུའི་
རྒྱལ་པོ་ཚད་མེད་གྲངས་མེད་དཔག་ཏུ་མེད་པ་རྣམས་དང་། མི་འཾ་ཅིའི་རྒྱལ་པོ་ལྗོན་པ་མིའཾ་ཅིའི་རྒྱལ་པོ་གཡོག་དུ་མ་ཅན་དང་། དྲི་ཟའི་རྒྱལ་པོ་ཟུར་ཕུད་ལྔ་པ་དྲི་ཟའི་རྒྱལ་པོ་གཡོག་དུ་མ་ཅན་དང་། རིགས་སྔགས་འཆང་གི་རྒྱལ་པོ་དོན་ཐམས་
ཅད་གྲུབ་པ་རིག་སྔགས་འཆང་གི་རྒྱལ་པོ་གཡོག་དུ་མ་ཅན་དང་། ནམཁའ་མཁའ་ལྡིང་གི་རྒྱལ་པོ་གསེར་མིག་ནམཁའ་ལྡིང་གི་རྒྱལ་པོ་གཡོག་དུ་མ་ཅན་དང་། གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་དང་། ནོར་བུ་བཟང་དང་། གང་བ་
བཟང་དང་། ལྔས་བརྩེན་གནོད་སྦྱིན་གྱི་རྒྱལ་པོ་གཡོག་དུ་མ་ཅན་དང་། འཕྲོག་མ་བུ་ལྔ་བརྒྱའི་གཡོག་དུ་མ་ཅན་དང་། འཇིག་རྟེན་གྱི་མ་བདུན་དང་། སྲིན་མོ་ཆེན་མོ་བདུན་དང་། དྲང་སྲོང་གི་མཆོག་ཆེན་པོ་བདུན་དང་། 
བར་སྣང་ལ་རྒྱུ་བའི་རྒྱུ་སྐར་དང་། གཟའ་ཐམས་ཅད་ཀྱི་ལྷ་རྣམས་དང་། ཕྱོགས་ཀྱི་ལྷ་རྣམས་དང་། ཕྱོགས་འཚམས་ཀྱི་ལྷ་རྣམས་དང་། སའི་ལྷ་དང་། དབྱངས་ཅན་དང་། འབྱུང་པོ་རྣམས་དང་། བགེགས་
རྣམས་དང་། ལོག་འདྲེན་རྣམས་དང་། ཡི་དགས་རྣམས་དང་། འབྱུང་པོ་རྫུ་འཕྲུལ་ཆེན་པོ་རྣམས་དང་། རིའི་རྒྱལ་པོ་ཐམས་ཅད་དང་། འཇིག་རྟེན་སྐྱོང་བ་ཆུ་ལྷ་གཡོག་རྒྱ་མཚོའི་ལྷ་ཐམས་ཅད་དང་བཅས་པ་དང་། 
འཕགས་སྐྱེས་པོ་དང་། མིག་མི་བཟང་དང་། ལག་ན་བེ་ཅོན་དང་། བདེན་བྲལ་དང་། མེའི་ལྷ་དང་། རླུང་གི་ལྷ་ཆེན་པོ་བདུན་དང་། དབང་བདག་ཆུང་མ་དང་བཅས་པ་གཡོག་བྱེ་བ་ཁྲག་ཁྲིག་འབུཾ་ཕྲག་དུ་མ་ཅན་དང་། སྲེད་མེད་ཀྱི་བུ་
97-1-127b


གཡོག་དང་བཅས་པ་དང་། བྱིན་པ་པོ་དང་། ཕྲེང་བ་ཅན་དང་། ཟླ་བ་ཅན་དང་། ལྕགས་ཅན་དང་། ཚོགས་ཀྱི་བདག་པོ་ཆེན་པོ་དང་། སྤྲིན་ཏ་ལ་ལ་དང་། ལོག་འདྲེན་གྱི་དབང་པོ་བགེགས་ལོག་འདྲེན་གྱི་དབང་པོ་
གཡོག་དུ་མ་ཅན་དང་། ཤིང་བསེབ་ཀྱི་ལྷ་དྲུག་བཅུ་དང་། སྲིང་མོ་བཞི་མིང་པོ་དང་བཅས་པ་དང་། རྡོ་རྗེའི་ལུ་གུ་རྒྱུད་དང་། རྡོ་རྗེའི་ཕོ་ཉ་མོ་དྲུག་བཅུ་རྩ་བཞི་དང་། རྡོ་རྗེའི་སྡེ་དང་། ལག་བཟང་དང་། གཙུག་གིས་འགྲོ་རྡོ་རྗེའི་
རིས་ཀྱི་འཁོར་དུ་མ་དང་བཅས་པ་དང་། དེ་ལས་གཞན་པ་སངས་རྒྱས་དང་། ཆོས་དང་། དགེ་འདུན་ལ་མངོན་པར་དད་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམཁའ་ལྡིང་དང་། མི་འམ་ཅི་དང་། ལྟོ་ཕྱེ་ཆེན་
པོ་དང་། འབྱུང་པོ་དང་། ཡི་དགས་དང་། ཤ་ཟ་དང་། གྲིབ་གནོན་དང་། སྨྱོ་བྱེད་དང་། བརྗེད་བྱེད་དང་། སྐེམ་བྱེད་དང་། སྒྲུབ་པ་དང་། སྦྲུལ་འཛིན་བཅས་པ་དང་། གནོན་པོ་ཚད་མེད་གྲངས་མེད་དཔག་ཏུ་མེད་པ་དག་དང་། 
ལྷའི་བུ་ཉི་མ་དང་། ལྷའི་བུ་ཟླ་བ་དང་། ནུབ་ཀའི་ལྷ་དང་། ནང་པར་གྱི་ལྷ་དང་། དུས་ཀྱི་ལྷ་ཐམས་ཅད་དང་། སའི་ལྷ་དང་ཐབས་ཅིག་ཏུ་བཞུགས་ཏེ། བཅོམ་ལྡན་འདས་དེས་ཆོས་ཀྱི་འཁོར་ལོ་ནི་ཤིན་དུ་བསྐོར། 
སངས་རྒྱས་ཀྱི་མཛད་པ་ནི་ཤིན་དུ་ཡོངསུ་མཐར་ཕྱིན། བསོད་ནམས་དང་ཡེ་ཤེས་ཀྱི་ཚོགས་ནི་ཤིན་དུ་ཡོངསུ་རྫོགས། ཐམས་ཅད་མཁྱེན་པ་ནི་ཤིན་དུ་ཡོངསུ་བཟང་། བྱང་ཆུབ་ཆེན་པོའི་ཕྱིར་ཕ་རོལ་ཏུ་ཕྱིན་པ་དང་ས་ནི་
བརྙེས། སྐྱེས་བུ་ཆེན་པོའི་ཚན་སུམ་བཅུ་རྩ་གཉིས་ཀྱི་བརྒྱན་པའི་སྐུ་ནི་རབ་དུ་འབར། ཡན་ལག་དང་ཉིང་ལག་ཐམས་ཅད་ནི་དཔེ་བྱད་བཟང་པོ་བརྒྱད་བཅུས་རྣམ་པར་སྤྲས། དབུའི་གཙུག་ནི་སེཾས་ཅན་ཐཾད་ཀྱིས་བལྟར་མི་མཐོང་། བདུད་
ཀྱི་ལས་ཐམས་ཅད་ལ་ནི་མཁས། སེམས་ཅན་ཐཾད་ཀྱི་སེཾས་དང་སྤྱོད་པ་ནི་ཤེས། སྤྱན་རྣཾ་པ་ལྔ་ནི་མངའ། རྣཾ་པ་ཐཾད་ཀྱི་མཆོག་དང་ནི་ལྡན། ཐཾད་མཁྱེན་པའི་ཡེ་ཤེས་དང་ནི་ལྡན། སངས་རྒྱས་ཀྱི་ཆོས་ཐམས་ཅད་དང་ནི་ལྡན། བདུད་དང་ཕས་
97-1-128a


ཀྱི་རྒོལ་བའི་ཚོགས་ཐམས་ཅད་ནི་བཅོམ། གྲགས་པ་དང་། སྒྲ་དང་། ཚིགས་སུ་བཅད་པས་ནི་འཕགས། ཁྱུ་མཆོག་དང་། སེང་གེའི་སྒྲ་ནི་སྒྲོགས། མ་རིག་པའི་མུན་པ་ནི་ཀུན་དུ་བསལ། བསྐལ་པ་བྱེ་བ་ཁྲག་ཁྲིག་འབུམ་ཕྲག་གྲངས་
མེད་དཔག་ཏུ་མེད་པར་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་། ཐབས་དང་། སྟོབས་དང་། སྨོན་ལམ་དང་། ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། བྱ་དཀའ་བའི་སྤྱོད་པ་ལས་ནི་
ཕྱིར་མ་ལོག །སྐུ་ནི་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་། དཔེ་བྱེད་བཟང་པོ་བརྒྱད་བཅུས་བརྒྱན་ཏེ། རབ་ཏུ་མཛེས་ཤིང་རྡོ་རྗེ་རིན་པོ་ཆེའི་པད་མའི་སྙིང་པོའི་སེང་གེའི་ཁྲི་ཆེན་པོ་རྡོ་རྗེ་རིན་པོ་ཆེ་དང་། མུ་ཏིག་དང་། དྲིལ་བུ་
གཡེར་ཀའི་དྲ་བ་དུ་མ་སྒྲ་འབྱུང་བ། རྩ་བའི་དྲུང་ན་རྡོ་རྗེ་རིན་པོ་ཆེའི་སྟེགས་བུ་དུ་མ་ཤིན་དུ་བརྟན་པར་གནས་པ། རྡོ་རྗེ་རིན་པོ་ཆེའི་ཆུ་སྲིན་དུ་མའི་ཁ་ནས་བྱུང་བའི་མུ་ཏིག་དམར་པོའི་ཕྲེང་བ་བྲེས་པའི་ཕང་བཤམས་པ། རིན་པོ་ཆེ་དུ་མ་
པད་མའི་སྙིང་པོ་ལ་ཆགས་པ། རིན་པོ་ཆེ་ལ་ཆགས་པ། རིན་པོ་ཆེ་ཀེ་ཀེ་རུ་དང་། ཀེ་ཀེ་རུ་ཆེན་པོ་དང་། ཨན་ད་རྙིལ་དང་། ཨན་ད་རྙིལ་ཆེན་པོ་དང་། དུན་ལས་ཀྱི་འོད་ཟེར་ཆེན་པོ་འཚེར་བས་སྣང་བར་བྱས་ཏེ་ཀུན་ནས་མཛེས་པ། གདུགས་
རྩ་བ་དང་བཅས་པ། རྡོ་རྗེ་རིན་པོ་ཆེའི་ཤར་བུ་དུ་མས་རྣམ་པར་བརྒྱན་པ། བྱེ་བ་ཁྲག་ཁྲིག་འབུམ་ཕྲག་དུ་མས་རྣམ་པར་བརྒྱན་པ། བྱེ་བ་ཁྲག་ཁྲིག་འབུམ་ཕྲག་དུ་མས་ཀུན་ནས་བསྐྱབས་པ། དཔག་བསམ་གྱི་ཤིང་དུ་མས་རྒྱས་པར་མཛེས་
པར་བྱས་པ། རྡོ་རྗེ་རིན་པོ་ཆེའི་ཁྲི་རི་རབ་ཙམ་ལ་བཞུགས་ཏེ། གསེར་གྱི་རི་བོའི་རྒྱལ་པོ་ལྟར་དཔལ་ནི་འབར། ས་ཕྱོགས་ནི་ཉི་མ་སྟོང་བས་ལྷག་པའི་འོད་ཀྱི་དཀྱིལ་འཁོར་གྱིས་རྣམ་པར་བརྒྱན། ཟླ་བ་ཉ་བ་ལྟར་འཇིག་
རྟེན་ཐམས་ཅད་ལ་སྡུག་པར་ནི་སྣང་། དཔག་བསམ་གྱི་ཤིང་ལྗོན་པ་ཆེན་པོ་ལྟར། སངས་རྒྱས་ཀྱི་ཆོས་རྣམས་ནི་ཤིན་དུ་རྒྱས་ཤིང་ཆོས་སྟོན་ཏེ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། 
97-1-128b


དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཡང་དག་པར་རབ་ཏུ་སྟོན་ཏོ། །དེ་ནས་བཅོམ་ལྡན་འདས་ཀྱི་སྨིན་མཚམས་ཀྱི་མཛོད་སྤུ་ནས་འོད་ཟེར་གྱི་དྲ་བ་
སངས་རྒྱས་ཐམས་ཅད་ཀྱི་ཞིང་ཀུན་དུ་སྟོན་པ་ཞེས་བྱ་བ་བཀྱེ་སྟེ། འོད་ཟེར་གྱི་དྲ་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བས་ཁྱབ་པར་བྱས་པར་གྱུར་ཏོ། །སངས་ཀྱི་ཞིང་གང་དག་ན་སངས་
རྒྱས་བཅོམ་ལྡན་འདས་དག་སེང་གེའི་ཁྲི་བཀོད་པ་དུ་མའི་ཁང་པ་བརྩེགས་པའི་གཞལ་མེད་ཁང་ན་ཉན་ཐོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་
བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ཐམས་ཅད་དང་ཐབས་གཅིག་ཏུ་ཆོས་སྟོན་པའི་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དང་
མཉམ་པ་དེ་དག་ཐམས་ཅད་ཀྱང་སྣང་བ་དེས་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་འཁོར་ཕལ་པོ་ཆེ་ལ་བཀའ་སྩལ་པ། སེམས་ཅན་ཀུན་ལ་སྙིང་བརྩེའི་ཕྱིར། །ཉེས་པར་བྱས་དང་གནོད་པ་ཀུན། །རབ་འཇོམ་སོ་སོར་
འབྲང་བ་ཡི། །གཟུངས་འདི་རབ་ཏུ་བཤད་པར་བྱ། །འདི་ནི་ཐོས་པ་ཙམ་གྱིས་ཀྱང་། །སྡིག་པ་ཀུན་ནི་ཟད་པར་འགྱུར། །སེམས་ཅན་ཀུན་ལ་བདེ་བ་སྦྱིན། །ནད་དོ་ཅོག་ལས་གྲོལ་བར་བྱེད། །སེམས་ཅན་ཀུན་ལ་སྙིང་བརྩེ་བས། །
ལུས་ཅན་ངན་འགྲོར་འགྲོ་བ་རྣམས། །དེ་དག་ཐམས་ཅད་སྐྱབ་པའི་ཕྱིར། །འཇིག་རྟེན་དག་གི་མགོན་པོས་གསུངས། །འདི་ཡིས་བསྲུང་བ་བྱས་ན་ནི། །ལྷ་མ་ཡིན་གྱི་གནས་སུ་འཇུག །དེ་བཞིན་ལྕང་ལོ་ཅན་དང་ནི། །སྲིན་པོའི་
གནས་ཀྱི་སར་ཡང་འགྲོ། །འབྱུང་པོ་ཀླུ་དང་ཤ་ཟ་རྣམས། །མི་བཟད་འཇིགས་པའི་གཡུལ་འབྱེད་པར། །འབྱུང་པོ་ཚོགས་རྣམས་ཐམས་ཅད་དང་། །དགྲ་བོ་ཅོག་གིས་མི་ཚུགས་སོ། །མིང་ཙམ་བཟུང་སྟེ་བརྗོད་བྱས་ཀྱང་། །
97-1-129a


སྐེམ་བྱེད་སྨྱོ་བྱེད་བརྗེད་བྱེད་དང་། །མཁའ་འགྲོ་མ་དང་ཤ་ཟ་དང་། །གདོན་རྣམས་རབ་ཏུ་བརླག་པར་འགྱུར། །སོ་སོར་འབྲང་བའི་གཟི་བརྗིད་ཀྱིས། །གཟི་ཆེན་མདངས་རྣམས་ཟ་བ་དང་། །མི་ཡི་སྐྱེ་དགུ་རྣམས་འཚེ་བ། །དེ་དག་
ཐམས་ཅད་རེངས་བྱེད་འགྱུར། །བྱད་སྟེམས་མི་བཟད་གང་ཡིན་དང་། །ཕ་རོལ་དམག་ཚོགས་ཕུང་བར་བྱེད། །སྔགས་ཀྱི་ལས་ཀྱིས་གནོད་མི་འགྱུར། །རྩ་བའི་ལས་ལས་རྣམ་པར་གྲོལ། །དུག་དང་དུག་སྦྱར་མེས་མི་ཚུགས། །མཚོན་
དང་ཆུས་ཀྱང་ཚུགས་མི་འགྱུར། །ལྕེ་འབབ་གློག་གིས་མི་ཚུགས་ཏེ། །དུས་ཀྱི་རླུང་གིས་གནོད་མི་འགྱུར། །རིག་པའི་རྒྱལ་མོའི་གཟི་བརྗིད་ཀྱིས། །དགྲ་ཀུན་རབ་ཏུ་འཇོམ་པར་འགྱུར། །དེ་ཡི་དོན་རྣམས་ཐམས་ཅད་འགྲུབ། །རྟག་
ཏུ་རྒྱལ་བ་ཐོབ་པར་འགྱུར། །གང་གིས་རྟག་ཏུ་མགུལ་པ་འམ། །ལག་པར་རིག་པ་བཏགས་ན་ནི། །དེ་ཡི་དགོས་པ་ཡོད་དོ་ཅོག །འགྲུབ་འགྱུར་འདི་ལ་ཐེ་རྩོམ་མེད། །བྱང་ཆུབ་སེམས་དཔའ་ཆེན་པོ་དང་། །སངས་རྒྱས་རྣམས་དང་
རང་འདྲེན་དང་། །དེ་བཞིན་ཀླུའི་རྒྱལ་པོ་དང་། །ལྷ་དབང་རྣམས་ནི་རྟག་ཏུ་བསྲུང་། །སོ་སོར་འབྲང་བའི་གཟུངས་འཛིན་ལ། །ཉན་ཐོས་སངས་རྒྱས་ཐམས་ཅད་དང་། །རིག་པའི་ལྷ་མོ་རྫུ་འཕྲུལ་ཆེ། །རྟག་ཏུ་བསྲུང་བ་བྱེད་པར་འགྱུར། །
ལག་ན་རྡོ་རྗེ་གནོད་སྦྱིན་དབང་། །དེ་བཞིན་རྒྱལ་པོ་བཞི་རྣམས་ཀྱང་། །དེ་ལ་ཉིན་དང་མཚན་རྣམས་སུ། །བསྲུང་བར་བྱེད་དེ་ཐེ་ཙོམ་མེད། །བརྒྱ་བྱིན་ལྷ་དང་བཅས་པ་དང་། །ཚངས་པ་ཁྱབ་འཇུག་དབང་ཆེན་དང་། །དགའ་བའི་དབང་པོ་ནག་པོ་
ཆེ། །སྨིན་དྲུག་བུ་དང་ཚོགས་ཀྱི་དབང་། །མ་མོའི་ཚོགས་རྣམས་ཐམས་ཅད་དང་། །དེ་བཞིན་བདུད་རིས་གཞན་རྣམས་དང་། །དྲང་སྲོང་གཟི་བརྗིད་ཆེ་རྣམས་དང་། །རྫུ་འཕྲུལ་ཆེན་པོའི་ལྷ་རྣམས་དང་། །དེ་ཀུན་སོ་སོར་
འབྲང་བ་ཡི། །གཟུངས་འཛིན་དེ་ལ་བསྲུང་བར་བྱེད། །སངས་རྒྱས་བདག་ཉིད་ཆེ་རྣམས་དང་། །རིག་པའི་ལྷ་མོ་སྟོབས་ཆེན་དང་། །བདག་གི་མ་དང་ཁྲོ་གཉེར་དང་། །ལྷ་མོ་སྒྲོལ་མ་ལྕགས་ཀྱུ་དང་། །རྡོ་རྗེ་ལུ་གུ་རྒྱུད་
97-1-129b


དང་དཀར། །དེ་བཞིན་དཀར་མོ་ཆེན་མོ་དང་། །ནག་མོ་ཆེ་དང་ཕོ་ཉ་དང་། །དེ་བཞིན་རྡོ་རྗེ་ཕོ་ཉ་གཞན། །ཞགས་པ་བཟང་དང་རྡོ་རྗེ་ཞགས། །ལག་ན་རྡོ་རྗེ་སྟོབས་པོ་ཆེ། །རིག་པ་ལྷ་མོ་རྡོ་རྗེ་ཕྲེང་། །བདུད་རྩི་ཐབས་སྦྱོར་བྱེད་
པ་དང་། །གཞན་གྱིས་མི་ཐུབ་ལྷ་མོ་ཆེ། །རྣ་བ་ནག་མོ་སྟོབས་ཆེན་མོ། །དཔལ་ཡོན་ལྡན་པ་སྐལ་ཆེན་དང་། །རྣ་ཆ་གདུབ་ཀོར་པད་མ་འདྲ། །མེ་ཏོག་སོ་ཅན་ནོར་བུ་གཙུག །སྐྲ་མདོག་མཛེས་དང་ཁམ་པ་མོ། །ལྷ་མོ་གཟི་
བརྗིད་ཆེན་མོ་དང་། །དཔལ་ཡོན་ལྡན་པ་གློག་ཕྲེང་ཅན། །སྲིན་མོ་རལ་པ་གཅིག་པ་དང་། །སངས་རྒྱས་བསྲུངས་ཤེས་བྱ་བ་དང་། །སྐལ་བ་ཆེན་པོ་མི་ཐོད་ཅན། །ལང་ཀའི་བདག་པོ་དཔལ་ཡོན་ཅན། །གཞན་ཡང་ལྷ་མོ་
མང་པོ་རྣམས། །སེམས་ཅན་རྗེས་སུ་འཛིན་བྱེད་དག །རིག་པ་གང་གི་ལག་ན་གནས། །དེ་ལ་བསྲུང་བ་བྱེད་པར་འགྱུར། །འཕྲོག་མ་དང་ནི་ལྔས་བརྩེན་དང་། །དུང་ཅན་དང་ནི་སོ་བརྩེགས་མ། །དཔལ་གྱི་ལྷ་མོ་དབྱངས་ཅན་ཡང་། །
དེའི་རྗེས་འགྲོ་རྟག་ཏུ་བསྲུང་། །སོ་སོར་འབྲང་བ་ཆེན་མོ་འདི། །བུད་མེད་གང་ཞིག་རྟག་འཆང་ན། །དེའི་ཐམས་ཅད་འགྲུབ་པར་འགྱུར། །རྟག་པར་མངལ་ན་བུ་ཕོ་ཆགས། །མངལ་རྣམས་ན་ཡང་བདེ་བར་སྐྱེ། །སྦྲུམ་མ་
དག་ཀྱང་བདེ་བར་འགྱུར། །ནད་དང་སྡིག་པ་ཐམས་ཅད་ཀྱང་། །འཇིག་པར་འགྱུར་ཏེ་ཐེ་ཙོམ་མེད། །བསོད་ནམས་ལྡན་ཞིང་སྟོབས་དང་ལྡན། །ནོར་དང་འབྲུ་ཡང་རྟག་ཏུ་འཕེལ། །ཚིགས་ཀྱང་གཟུང་དུ་འོས་པ་དང་། །མཆོད་
པའི་འོས་སུ་འགྱུར་བ་ཡིན། །བུད་མེདང་ནི་སྐྱེས་པ་འང་རུང་། །གཙང་མ་གང་ཞིག་འཆང་བསྲེལ་ན། །དེ་ནི་སེམས་ཅན་ཐམས་ཅད་དག །ཐར་བར་བྱ་ཕྱིར་བརྩོན་པར་འགྱུར། །རྟག་ཏུ་བདེ་བར་འགྱུར་བ་ཡིན། །ནད་དོ་ཅོག་ཀྱང་
རྣམ་པར་སྤངས། །སླས་དང་སྐྱེ་བོ་མང་བཅས་པའི། །རྒྱལ་པོ་འང་དེ་ཡི་དབང་དུ་འགྱུར། །ཕུན་སུམ་ཚོགས་པ་རྟག་ཏུ་འབར། །བསོད་ནམས་ཕུང་པོ་རྣམ་པར་འཕེལ། །དེང་ཡི་བསམ་པ་ཐམས་ཅད་འགྲུབ། །དཀྱིལ་འཁོར་ཀུན་དུ་
97-1-130a


ཞུགས་པ་ཡིན། །རྒྱལ་བ་རྣམས་ཀྱི་བཀའ་བཞིན་དུ། །དེ་ནི་ཀུན་དུ་དམ་ཚིག་ཤེས། །རྨི་ལམ་ངན་པ་རྨི་མི་འགྱུར། །སྡིག་པ་ཐམས་ཅད་འཕྲོག་པའི་མཆོག །སྡིག་པ་རྣམས་དང་དེ་བཞིན་དུ། །དགྲ་ཡང་རབ་ཏུ་ཕུང་བར་བྱེད། །
གཟའ་ཀུན་རྣམ་པར་གཞིག་པའི་ཕྱིར། །ཡེ་ཤེས་དབང་ཕྱུག་ཆེན་པོས་གསུངས། །འདོད་པ་ཐམས་ཅད་སྦྱིན་པར་བྱེད། །དེ་ཕྱིར་རྟག་ཏུ་བཅང་བར་བྱ། །འབྱུང་པོའི་ཚོགས་རྣམས་ང་ལ་ཉོན། །ད་ནི་རབ་ཏུ་འདི་བརྗོད་དོ། །དེ་
བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། སངས་རྒྱས་དང་། ཆོས་དང་། དགེ་འདུན་ལ་ཕྱག་འཚལ་ལོ། །ཏདྱ་ཐཱ། ༀ་བི་པུ་ལ་བི་པུ་ལ། གརྦྷེ། བི་པུ་ལ་བི་མ་ལེ། 
བི་པུ་ལ་གརྦྷེ། བི་མ་ལེ། ཛ་ཡ་གརྦྷེ། བཛྲ་ཛྭཱ་ལཱ་གརྦྷེ། ག་ཏི་ག་ཧ་ནེ། ག་ག་ན་བི་ཤོ་དྷ་ནེ། སརྦ་པཱ་པ་བི་ཤོ་དྷ་ནེ། ༀ་གུ་ཎ་པ་ཏི། ག་ག་ན། པི་ཙཱ་རི་ཎི། ག་ག་རེ་ཎི། གི་གི་གི་རི། གི་རི་ཎི་གི་རི་ནི། ག་མ་རི། ག་མ་རི། ག་ཧ་ག་ཧ། 
གརྒ་རི་གརྒ་རི། ག་ག་རི། ག་ག་རི། གྃ་བྷ་རི། གྃ་བྷ་རི། ག་བྷི་ག་བྷི། ག་ཧི་ག་ཧི། ག་མ་ནི། ག་མ་ནི། ག་མ་ནི། ག་རི་ག་རི། གུ་བྷ་གུ་བྷ། གུ་ཧ་གུ་ཧ། གུ་རུ་གུ་རུ་གུ་རུ་ཎི། ཙ་ལེ་གུ་ཧ་ཎི། གུ་ཧ་ནི། གུ་རུ་ཎི། ཙུ་ལུ་ཙུ་ལུ། ཙ་ལེ་
ཙ་ལེ། མུ་ཙེ་ལེ་མུ་ཙེ་ལེ། ཛ་ཡེ་བི་ཛ་ཡེ། སརྦ་བྷ་ཡ་བི་ག་ཏེ། སཏྭ་སརྦ་གརྦྷ་སྃ་རཀྵ་ཎི། སི་རི་སི་རི། བྷི་རི་བྷི་རི། མི་རི་མི་རི། གི་རི་གི་རི། གྷི་རི་གྷི་རི། གྷི་རི་གྷི་རི། ས་མནྟ་མཪྴ་ནི། བཅོམ་ལྡན་འདས་མ་སེམས་ཅན་འདྲེན་མ་ཀུན་ནས་འདྲེན་མ། 
དགྲ་ཐམས་ཅད་འཇོམས་པར་མཛད་མ། བདག་འཇིགས་པ་ཐམས་ཅད་དང་། གནོད་པ་ཐམས་ཅད་དང་། ནད་འགོ་བ་ཐམས་ཅད་དང་། ནད་ཐམས་ཅད་ལས་བསྲུང་དུ་གསོལ། བསྲུང་དུ་གསལ། ཙི་རི་ཙི་རི། བི་རི་བི་རི། 
དྷི་རི་དྷི་རི། བི་ག་ཏ། ཨཱ་བ་ར་ཎ། བི་ཤོ་དྷ་ནེ། བི་བི་དྷ། ཨཱ་པ་ར་ཎ། བི་ནཱ་ཤ་ནི། མུ་རི་མུ་རི། མུ་ཙི་མུ་ཙི། མུ་ལི་མུ་ལི། ཙི་ལི་ཙི་ལི། ཀི་ལི་ཀི་ལི། མི་ལི་མི་ལི། ཀ་མ་ལེ། བི་མ་ལེ། ཛ་ཡེ་བི་ཛ་ཡེ། ཛ་ཡཱ། བ་ཧེ་ཛ་ཡ་བ་ཏི། བི་ཤེ་
97-1-130b


ཥ་བ་ཏི། བཅོམ་ལྡན་འདས་མ་རིག་པ་ཆེན་པོའི་ཅོད་པན་དང་། ཕྲེང་བ་མངའ་བ་ཆ་བྱད་རྣམ་པ་སྣ་ཚོགས་མང་པོ་མངའ་བ། བཅོམ་ལྡན་འདས་མ་རིག་པའི་ལྷ་མོ་ཆེན་མོ། སྡིག་པ་ཐམས་ཅད་རྣམ་པར་སྦྱོང་བ། བདག་
ལ་ཐམས་ཅད་དུ་ཀུན་ནས་བསྲུང་དུ་གསོལ། བསྲུང་དུ་གསོལ། ཧུ་རུ་ཧུ་རུ། མུ་རུ་མུ་རུ། རཀྵ་རཀྵ་མ་མ། མགོན་མ་མཆིས་པ། སྐྱབས་མ་མཆིས་པ། དཔུང་གཉེན་མ་མཆིས་པ། བདག་ལ་བསྲུངས་དུ་གསོལ། བསྲུང་དུ་གསོལ། 
བདག་སྡུག་བསྔལ་ཐམས་ཅད་ལས་ཐར་བར་མཛད་དུ་གསོལ། ཙནྜེ་ཙནྜེ། ཙནྜེ་ཙནྜེ། ཙཎྜེ་ཎི། ཙནྜེ་ཎི། བེ་ག་བ་ཏི། སརྦ་དུཥྚ་ནི་བཱ་ར་ཎི། བི་ཛ་ཡ། བཱ་ཧི་ནི། ཧུ་རུ་ཧུ་རུ། མུ་རུ་མུ་རུ། ཙུ་རུ་ཙུ་རུ། ཏུ་རུ་ཏུ་རུ། ཨཱ་ཡུཿཔཱ་ལི་ནི། 
སུ་ར་བ་ར་པྲ་མ་ཐ་ནི། སརྦ་དེ་བ་ག་ཎ་པཱུ་ཛི་ཏེ། ཙི་རི་ཙི་རི། དྷི་རི་དྷི་རི། ས་མནྟ་ཨ་བ་ལོ་ཀི་ཏེ། པྲ་བྷེ་པྲ་བྷེ། སུ་པྲ་བྷེ། སུ་པྲ་བྷ། བི་ཤུད་དྷེ། སརྦ་པཱ་པ་བི་ཤོ་དྷ་ནེ། དྷུ་རུ་དྷུ་རུ། དྷ་ར་ནི། དྷ་རེ་དྷ་རེ་དྷ་ར། སུ་མུ་སུ་མུ། སུ་མུ་སུ་མུ་མུ་སུ་མུ་སུ། རུ་རུ་
ཙ་ལེ། ཙཱ་ལ་ཡ། དཔལ་གྱི་སྐུ་མངའ་བ། བདག་ལ་གནོད་པར་སེམས་པ་ལས་བསྐྱབ་དུ་གསོལ། བདག་གི་བསམ་པ་རྫོགས་པར་མཛད་དུ་གསོལ། ཛ་ཡ་ཀ་མ་ལེ། ཀྵི་ཎི་ཀྵི་ནི། པ་ར་ད། ཨྃ་ཀུ་ཤེ། ༀ་པདྨ་བི་ཤུད་དྷེ། ཤོ་
དྷ་ཡ་ཤོ་དྷ་ཡ། ཤུད་དྷེ་ཤུད་དྷེ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། མྃ་ག་ལ་བི་ཤུད་དྷེ། པ་བི་ཏྲ་མུ་ཁི། ཁཌྒེ་ནི་ཁཌྒེ་ནི། ཁ་ར་ཁ་ར། ཛྭ་ལེ་ཏ་ཤི་ཁ་རེ། ས་མནྟ་ཨ་བ་ལོ་ཀི་ཏ་པྲ་བྷེ། སུ་པྲ་བྷ་བི་ཤུད་དྷེ། ས་མནྟ་པྲ་སཱ་རི་ཏ། 
ཨཱ་བཱ་བ་སི་ཏ་ཤུད་དྷ། ཛྭ་ལ་ཛྭ་ལ། སརྦ་དྷེ་བ་ག་ཎ། གྲ་ཧ་ན་ཀྵ་ཏྲ། ས་མ་ཨཱ་ཀཪྵ་ནི། ས་ཏྱ་པྲ་ཏི། ༀ་ཧྲཱི་ཏྲཾ་ཏ་ར་ཏ་ར། ཏཱ་ར་ཡ་ཏཱ་ར་ཡ། གླང་པོ་ཆེའི་ལྟ་ལྟངས་ཀྱིས་གཟིགས་མ། བདག་སྒྲལ་དུ་གསོལ། ལ་ཧུ་ལ་ཧུ། 
ཧུ་ལུ་ཧུ་ལུ། ཧུ་དུ་ཧུ་དུ། ཏུ་རུ་ཏུ་རུ། ཀི་ཎི་ཀི་ཎི། ཀྵི་ཎི་ཀྵི་ཎི། ཧུ་ཎི་ཧུ་ཎི། སརྦ་གྲ་ཧ་བྷ་ཀྵ་ཎི། པིང་ག་ལི་པིང་ག་ལི། མུ་ཙུ་མུ་ཙུ། ཙུ་མུ་ཙུ་མུ། སུ་མུ་སུ་མུ་ཙུ་མུ་ཙུ་མུ་སུ་བི་ཙ་རེ། ཏ་ར་ཏ་ར། བཅོམ་ལྡན་འདས་མ་གླང་པོ་ཆེའི་
97-1-131a


བལྟ་སྟངས་ཀྱིས་གཟིགས་མ། ཐམས་ཅད་དུ་ཀུན་ནས་ཕྱོགས་ཐམས་ཅད་བཅིང་བ་དང་། རྡོ་རྗེའི་ར་བ་དང་། རྡོ་རྗེའི་ཞགས་པའི་བཅིང་བས་བདག་འཇིགས་པ་ཆེན་པོ་བརྒྱད་ལས་བསྒྲལ་དུ་གསོལ། བཛྲ་ཛྭཱ་ལཱ་བི་ཤུད་དྷེ། 
བྷུ་རི་བྷུ་རི། བྷ་ག་བ་ཏི། གརྦྷ་སཾ་ཤོ་དྷ་ནི། ཀུ་ཀྵི་སམ་པཱུ་ར་ཎི། ཛྭ་ལ་ཛྭ་ལ། ཙ་ལ་ཙ་ལ། ཛྭཱ་ལི་ནི། ལྷའི་ཆུས་ཀུན་དུ་ཆར་དབབ་ཏུ་གསོལ། ཨ་མྲྀ་ཏ་བཪྵ་ཎི་དེ་བ་ཏ། ཨ་བ་ཏཱ་ར་ཎི། བདེ་བར་གཤེགས་པའི་གསུང་རབ་བདུད་རྩི་
མཆོག་གི་སྐུ་དང་ལྡན་པ་བདག་ལ་དབང་བསྐུར་དུ་གསོལ། འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་དང་། རྨི་ལམ་ངན་པ་དང་། ལྟས་ངན་པ་དང་། བཀྲ་མི་ཤིས་པ་དང་། སྡིག་པ་ཐམས་ཅད་རྣམ་པར་སྦྱོང་བ། གནོད་སྦྱིན་
དང་། སྲིན་པོ་དང་། ཀླུ་ཐམས་ཅད་འཇོམས་པ། གནོད་པས་འཇིགས་སྐྲག་པ། བདག་འཇིགས་པ་ཐམས་ཅད་དང་། གནོད་པ་ཐམས་ཅད་དང་། ནད་འགོ་བ་ཐམས་ཅད་དང་། ནད་ཐམས་ཅད་ལས་ཐམས་ཅད་དུ་རྟག་པར་
བསྲུང་དུ་གསོལ། བསྲུང་དུ་གསོལ། བ་ལ་བ་ལ། བ་ལ་བ་ཏི། ཛ་ཡ་ཛ་ཡ། བི་ཛ་ཡ། བི་ཛ་ཡ། ཐམས་ཅད་དུ་དུས་ཀུན་དུ་བདག་རྒྱལ་བར་མཛད་དུ་གསོལ། བདག་ལ་རིག་པ་ཆེན་མོ་འདི་གྲུབ་པར་མཛད་དུ་གསོལ། 
དཀྱིལ་འཁོར་ཆེན་པོ་བསྒྲུབ་ཏུ་གསོལ། གསང་སྔགས་རྣམས་བསྒྲུབ་ཏུ་གསོལ། བགེགས་རྣམས་གཞོམ་དུ་གསོལ། ཛ་ཡ་ཛ་ཡ། སིད་དྷྱ་སིད་དྷྱ། སིདྡྷྱ་སིདྡྷྱ། བུདྡྷ་བུདྡྷ། སུྰ་ཙ་ཡ་སུྰ་ཙ་ཡ། པཱུ་ར་ཎི་པཱུ་ར་ཎི། 
བདག་གི་བསམ་པ་རྫོགས་པར་མཛད་དུ་གསོལ། རིག་པ་ཐམས་ཅད་ལས་བྱུང་བའི་སྐུ་ཅན། རྒྱལ་བ་ལྷག་པར་རྒྱལ་བ་ཅན། དེ་བཞིན་གཤེགས་པའི་སྙིང་པོ་རྣམ་པར་དག་པ་བཅོམ་ལྡན་འདས་མ་བཞུགས་སུ་གསོལ། 
བཞུགས་སུ་གསོལ། དམ་ཚིག་བསྐྱང་དུ་གསོལ། འཇིགས་པ་མི་བཟད་པ་ཆེན་པོ་བརྒྱད་ལས་བདག་ལ་གཟིགས་སུ་གསོལ། ས་ར་ས་ར། པྲ་ས་ར་པྲ་ས་ར། སརྦ་ཨཱ་བ་ར་ཎ་བི་ཤོ་དྷ་ནི། ས་མནྟ་ཨཱ་ཀ་
97-1-131b


ར་མནྜ་ལ་བི་ཤུད་དྷེ། བི་ག་ཏེ་བི་ག་ཏི། བི་ག་ཏ་མ་ལེ། སརྦ་མ་ལ་བི་ཤོ་དྷ་ནི། ཀྵི་ཎི་ཀྵི་ཎི། སརྦ་པཱ་པ་བི་ཤུད་དྷེ། མ་ལ་བི་ག་ཏི། ཛ་ཡ་བ་ཏི། ཏེ་ཛོ་ཏེ་ཛོ་བ་ཏི། བཛྲ་བཛྲ་བ་ཏི། འཇིག་རྟེན་གསུམ་དུ་བྱིན་གྱིས་བརླབས་པ་ལ་སྭཱ་ཧཱ། 
དེ་བཞིན་གཤེགས་པ་ཐམས་ཅད་ཀྱིས་སྤྱི་བོ་ནས་དབང་བསྐུར་བ་ལ་སྭཱ་ཧཱ། བྱང་ཆུབ་སེམས་དཔའ་ཐམས་ཅད་ཀྱིས་དབང་བསྐུར་བ་ལ་སྭཱཧཱ། ལྷ་ཐམས་ཅད་ཀྱིས་དབང་བསྐུར་བ་ལ་སྭཱ་ཧཱ། དེ་བཞིན་གཤེགས་པ་ཐམས་ཅད་ཀྱི་
སྙིང་པོས་བྱིན་གྱིས་བརླབས་པ་ལ་སྭཱ་ཧཱ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གྲུབ་པ་ལ་སྭཱ་ཧཱ། དབང་པོ་དང་ལྡན་པ་དབང་པོས་རྣམ་པར་བལྟས་པ་ལ་སྭཱ་ཧཱ། ཚངས་པ་དང་ཚངས་པ་གནས་པ་ལ་སྭཱ་ཧཱ། ཁྱབ་འཇུག་
གིས་ཕྱག་བྱས་པ་ལ་སྭཱ་ཧཱ། དབང་ཕྱུག་ཆེན་པོས་ཕྱག་འཚལ་ཞིང་མཆོད་པ་ལ་སྭཱ་ཧཱ། རྡོ་རྗེ་འཛིན་ལག་ན་རྡོ་རྗེའི་སྟོབས་དང་། བརྩོན་འགྲུས་ཀྱིས་བྱིན་གྱིས་བརླབས་པ་ལ་སྭཱ་ཧཱ། ཡུལ་འཁོར་སྲུང་ལ་སྭཱ་ཧཱ། 
འཕགས་སྐྱེས་པོ་ལ་སྭཱ་ཧཱ། མིག་མི་བཟང་ལ་སྭཱ་ཧཱ། རྣམ་ཐོས་ཀྱི་བུ་ལ་སྭཱ་ཧཱ། རྒྱལ་པོ་ཆེན་པོ་བཞིས་ཕྱག་བྱས་པ་ལ་སྭཱ་ཧཱ། གཤིན་རྗེ་ལ་སྭཱ་ཧཱ། གཤིན་རྗེས་མཆོད་ཅིང་ཕྱག་བྱས་པ་ལ་སྭཱ་ཧཱ། ཆུ་ལྷ་ལ་སྭཱ་ཧཱ། 
རླུང་ལྷ་ལ་སྭཱ་ཧཱ། རླུང་ལ་ཆེན་པོ་ལ་སྭཱ་ཧཱ། མེ་ལྷ་ལ་སྭཱཧཱ། ཀླུས་རྣམ་པར་བལྟས་པ་ལ་སྭཱ་ཧཱ། ལྷའི་ཚོགས་རྣམས་ལ་སྭཱ་ཧཱ། ཀླུའི་ཚོགས་རྣམས་ལ་སྭཱ་ཧཱ། གནོད་སྦྱིན་གྱི་ཚོགས་རྣམས་ལ་སྭཱ་ཧཱ། གཤིན་རྗེའི་
ཚོགས་རྣམས་ལ་སྭཱ་ཧཱ། སྲིན་པོའི་ཚོགས་རྣམས་ལ་སྭཱ་ཧཱ། དྲི་ཟའི་ཚོགས་རྣམས་ལ་སྭཱ་ཧཱ། ལྷ་མ་ཡིན་གྱི་ཚོགས་རྣམས་ལ་སྭཱ་ཧཱ། ནམ་མཁའ་ལྡིང་གི་ཚོགས་རྣམས་ལ་སྭཱ་ཧཱ། མི་འམ་ཅིའི་ཚོགས་རྣམས་ལ་སྭཱ་ཧཱ། ལྟོ་འཕྱེ་ཆེན་པོའི་
ཚོགས་རྣམས་ལ་སྭཱ་ཧཱ། མི་རྣམས་ལ་སྭཱཧཱ། མི་མ་ཡིན་པ་རྣམས་ལ་སྭཱ་ཧཱ། གདོན་ཐམས་ཅད་ལ་སྭཱ་ཧཱ། འབྱུང་པོ་ཐམས་ཅད་ལ་སྭཱ་ཧཱ། ཡི་དགས་ལ་སྭཱ་ཧཱ། ཤ་ཟ་ལ་སྭཱ་ཧཱ། བརྗེད་བྱེད་ལ་སྭཱ་ཧཱ། གནོད་བྱེད་ལ་སྭཱ་ཧཱ། གྲུལ་བུཾ་ལ་སྭཱཧཱ། ༀ་དྷུ་རུ་དྷུ་རུ་སྭཱ་ཧཱ། 
97-1-132a


ཏུ་རུ་ཏུ་རུ་སྭཱ་ཧཱ། མུ་རུ་མུ་རུ་སྭཱ་ཧཱ། ཧ་ན་ཧ་ན་སརྦ་ཤ་ཏྲུྰཾ་སྭཱ་ཧཱ། ད་ཧ་ད་ཧ་སརྦ་དུཥྚཱ་ནཱཾ་སྭཱ་ཧཱ། པ་ཙ་པ་ཙ་སརྦ་པྲ་ཏྱརྠི་ཀཱ་པྲ་ཏྱེ་མི་ཧྲཱ་ཏཱཾ་སྭཱ་ཧཱ། གང་དག་བདག་ལ་མི་ཕན་པར་འདོད་པ་དེ་དག་ཐམས་ཅད་ཀྱི་ལུས་ཛྭ་ལ་ཡ་སརྦ་དུཥྚཾ་ཙིཏྟཱ་ནི་སྭཱ་ཧཱ། འབར་བ་ལ་
སྭཱ་ཧཱ། རབ་ཏུ་འབར་བ་ལ་སྭཱ་ཧཱ། རྡོ་རྗེ་འབར་བ་ལ་སྭཱ་ཧཱ། མེ་ལྕེ་འབར་བ་ལ་སྭཱ་ཧཱ། ཀུན་དུ་འབར་བ་ལ་སྭཱ་ཧཱ། ནོར་བུ་བཟང་ལ་སྭཱ་ཧཱ། གང་བ་བཟང་པོ་ལ་སྭཱ་ཧཱ། ནག་པོ་ཆེན་པོ་ལ་སྭཱ་ཧཱ། མ་མོའི་ཚོགས་ལ་སྭཱ་ཧཱ། གནོད་སྦྱིན་མོ་རྣམས་ལ་སྭཱ་ཧཱ། སྲིན་མོ་
རྣམས་ལ་སྭཱ་ཧཱ། ནམ་མཁའི་མ་མོ་རྣམས་ལ་སྭཱ་ཧཱ། རྒྱ་མཚོ་ན་གནས་པ་རྣམས་ལ་སྭཱ་ཧཱ། མཚན་མོ་རྒྱུ་བ་རྣམས་ལ་སྭཱ་ཧཱ། ཉིན་མོ་རྒྱུ་བ་རྣམས་ལ་སྭཱ་ཧཱ། དུས་གསུམ་དུ་རྒྱུ་བ་རྣམས་ལ་སྭཱ་ཧཱ། དུས་མ་ཡིན་པར་རྒྱུ་བ་རྣམས་ལ་སྭཱ་ཧཱ། 
ཟས་སུ་མངལ་ཟ་བ་རྣམས་ལ་སྭཱཧཱ། མངལ་འཛིན་པ་ལ་སྭཱ་ཧཱ། ཧུ་ལུ་ཧུ་ལུ། སྭཱ་ཧཱ། ༀ་སྭཱ་ཧཱ། སྭཿསྭཱ་ཧཱ། བྷུ་སྭཱ་ཧཱ། བྷུ་བ་སྭཱ་ཧཱ། བྷུར་བྷཱུ་བ་སྭཱ་ཧཱ། ཙི་ཊི་ཙི་ཙི་ཊི་སྭཱ་ཧཱ། བི་ཊི་བ་ཊི་སྭཱ་ཧཱ། དྷཱ་ར་ཎི་སྭཱ་ཧཱ། དྷཱ་ར་ནི་སྭཱ་ཧཱ། ཨགྣི་སྭཱ་ཧཱ། ཏེ་ཛོ་
བ་བུ་སྭཱ་ཧཱ། ཙི་ལི་ཙི་ལི་སྭཱ་ཧཱ། མི་ལི་མི་ལི་སྭཱ་ཧཱ། སི་ལི་སི་ལི་སྭཱ་ཧཱ། བུདྡྷྱ་བུདྡྷྱ་སྭཱ་ཧཱ། སིདྡྷྱ་སིདྡྷྱེ་སྭཱ་ཧཱ། མཎྡ་ལ་བན་དྷེ་སྭཱ་ཧཱ། སཱི་མཱ་བན་དྷེ་སྭཱ་ཧཱ། དྷ་ར་ཎི་བྷན་དྷེ་སྭཱ་ཧཱ། སརྦ་ཤ་ཏྲུཾ་ཎཱཾ་བྷཉྫ་ཡ་སྭཱ་ཧཱ། ཛམྦྷ་ཡ་ཛམྦྷ་ཡ་སྭཱ་ཧཱ། སྟམྦྷ་
ཡ་སྟམྦྷ་ཡ་སྭཱ་ཧཱ། ཙྪིནྡ་ཙྪིནྡ་སྭཱ་ཧཱ། བྷིནྡ་བྷིནྡ་སྭཱ་ཧཱ། བྷཉྫ་བྷཉྫ་སྭཱ་ཧཱ། བནྡྷ་བནྡྷ་སྭཱ་ཧཱ། མོ་ཧ་ཡ་མོ་ཧ་ཡ་སྭཱ་ཧཱ། མ་ཎི་བི་ཤུད་དྷེ་སྭཱ་ཧཱ། སཱུརྱེ་སྭཱ་ཧཱ། སཱུརྱ་བི་ཤུད་དྷེ་སྭཱ་ཧཱ། ཤོ་དྷ་ནི་སྭཱ་ཧཱ། བི་ཤོ་དྷ་ནི་སྭཱ་ཧཱ། ཙནྜེ་ཙནྜེ་པ་རི་
པཱུ་ར་ཎ་ཙནྡྲེ་སྭཱ་ཧཱ། གྲ་ཧེ་བྷྱཿསྭཱ་ཧཱ། ནཀྵ་ཏྲེ་བྷྱཿསྭཱ་ཧཱ། ཤི་བི་བྷྱེ་སྭཱ་ཧཱ། ཤཱནྟི་བྷྱཿསྭཱ་ཧཱ། པུ་ཥྚི་བྷྱཿསྭཱ་ཧཱ། སྦ་སྟྱ་ཡ་ནེ་བྷྱཿསྭཱ་ཧཱ། ཤི་བ་ཀ་རི་སྭཱ་ཧཱ། ཤྃ་ཀ་ར་སྭཱ་ཧཱ། ཤཱནྟི་ཀ་རི་སྭཱ་ཧཱ། པུཥྚི་ཀ་རི་སྭཱ་ཧཱ། བ་ལ་བརྡྷི་ནི་ཀ་རི་སྭཱ་ཧཱ། 
ཤྲཱི་ཀ་རི་སྭཱ་ཧཱ། ཤྲཱི་བརྡྷི་ནི་སྭཱ་ཧཱ། ཤྲཱི་ཛྭཱ་ལེ་ནི་སྭཱ་ཧཱ། མུ་ཙི་སྭཱ་ཧཱ། ན་མུ་ཙི་སྭཱ་ཧཱ། མ་རུ་ཙེ་སྭཱ་ཧཱ། བེ་ག་བ་ཏི་སྭཱ་ཧཱ། ༀ་བཅོམ་ལྡན་འདས་མ་དེ་བཞིན་གཤེགས་པ་ཐམས་ཅད་ཀྱི་སྐུ་མཆོག་དྲི་མ་དང་བྲལ་བ། བདག་གི་
97-1-132b


སྡིག་པ་ཐམས་ཅད་ཞི་བར་མཛད་དུ་གསོལ། བདག་བདེ་ལེགས་སུ་གྱུར་ཅིག །ཨོཾ་མུ་ནི་མུ་ནི། བི་མུ་ནི་བི་མུ་ནི། དྷ་རི་ཙ་ལ་ཙ་ལ་ནི། བྷ་ག་བ་ཏི། བྷ་ཡ་བི་ག་ཏེ། བྷ་ཡ་ཧ་རི་ཎི། བོ་དྷི་བོ་དྷི། བོ་དྷ་ཡ་བོ་དྷ་ཡ། བུད་དྷི་ལི་བུད་དྷི་ལི། སརྦ་
ཏ་ཐཱ་ག་ཏ་ཧྲྀ་ད་ཡ་ཛུཥྚེ་སྭཱ་ཧཱ། ༀ་མུ་ནི་མུ་ནི་མུ་ནི་བ་རེ། དེ་བཞིན་གཤེགས་པ་ཐམས་ཅད་ཀྱི་རིག་པའི་དབང་བསྐུར་བ། རྡོ་རྗེའི་གོ་ཆ་ཆེན་པོའི་ཕྱག་རྒྱས་བཏབ་པ་ཐམས་ཅད་ཀྱིས་བདག་ལ་དབང་བསྐུར་དུ་གསོལ། སརྦ་ཏ་ཐཱ་ག་ཏ་
ཧྲྀ་ད་ཡ། ཨ་དྷིཥྛཱ་ཏི་བཛྲེ་སྭཱ་ཧཱ། བྲམ་ཟེ་ཆེན་པོ་རིག་པའི་རྒྱལ་མོ་སོ་སོར་འབྲང་བ་ཆེན་མོ། ཀུན་ནས་མེ་ལྕེའི་ཕྲེང་བ་རྣམ་པར་དག་པས་རྒྱས་པ་ཡིད་བཞིན་གྱི་ནོར་བུ་ཕྱག་རྒྱ་དང་། སྙིང་པོ་གཞན་གྱིས་མི་ཐུབ་པའི་གཟུང་འདི་
རིག་ཀྱི་བུ་འམ། རིགས་ཀྱི་བུ་མོས་ཐོས་མ་ཐག་ཏུ་སྡིག་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །བྲམ་ཟེ་ཆེན་པོ་རིག་པ་འདི་གང་གི་སྙིང་ལ་གནས་པར་གྱུར་པ་དེའི་ལུས་རྡོ་རྗེར་རིག་པར་བྱའོ། །དེའི་ལུས་ལ་
མེས་མི་ཚུགས་སོ། །ཅི་མངོན་ཞེ་ན། གང་གི་ཚེ་གྲོང་ཁྱེར་ཆེན་པོ་སེར་སྐྱའི་གནས་ན། གཞོན་ནུ་སྒྲ་གཅན་ཟིན་བཟང་པོ་མངལ་དུ་ཞུགས་པ་དེའི་ཚེ་ཤཱཀྱའི་བུ་མོ་ས་འཚོ་མ་བདག་ཉིད་མེའི་ནང་དུ་མཆོངས་པ་དང་། དེར་པད་མ་
དག་བྱུང་སྟེ། དེའི་ཚེ་གཞོན་ནུ་སྒྲ་གཅན་ཟིན་བཟང་པོ་མངལ་ན་གནས་བཞིན་དུ་རིག་པ་འདི་ཡིད་ལ་བྱས་སོ། །རིག་པ་འདི་རྗེས་སུ་དྲན་པ་ཙམ་གྱིས་མེ་དེ་སྐད་ཅིག་དེ་ཉིད་ལ་བསིལ་བར་གྱུར་ཏོ། །དེ་ནས་ཤཱཀྱའི་བུ་མོ་ས་འཚོ་
མའི་ལུས་ལ་མེས་མ་རེག་གོ། དེ་ཅིའི་ཕྱིར་ཞེ་ན། རིག་པ་འདི་ནི་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ། །བྲམ་ཟེ་ཆེན་པོ་རྒྱུ་དེས་ན་མེས་མི་ཚིག་གོ། དུག་གིས་ཀྱང་སྲོག་དང་འབྲལ་བར་
མི་ནུས་སོ། །དེ་ཅི་ལྟ་ཞེ་ན། བྲམ་ཟེ་ཆེན་པོ་གང་གི་ཚེ་གྲོང་ཁྱེར་ཆེན་པོ་བདེ་བར་ཕ་རོལ་ཏུ་འགྲོ་བ་ཞེས་བྱ་བ་ན། ཚོང་དཔོན་མཛོད་སྟོབས་ཅན་གྱི་བུ་རིག་པ་སྨྲ་བར་
97-1-133a


གྱུར་ཏོ། །དེའི་རིག་པའི་སྟོབས་དེས་ཀླུའི་རྒྱལ་པོ་འཇོག་པོ་བཀུག་གོ། བཀུག་ནས་ཀྱང་བག་མེད་པའི་དབང་གིས་མ་བཅིངས་པས་དེས་ཁྲོས་ནས་དེ་ལ་བཟུང་བ་དང་། དེ་ཚོར་བ་མི་བཟད་པ་མྱོང་ནས་ཇི་ལྟར་ཡང་
བདག་ནི་སྲོག་དང་བྲལོ་སྙམ་དུ་ཤེསོ། །དེ་ནས་སྨྲ་བ་ཅན་མང་པོ་བོས་ཀྱང་འགའ་ཙཾ་གྱིས་ཀྱང་དུག་ལས་གསོ་བར་མ་ནུསོ། །དེ་ནས་གྲོང་ཁྱེར་ཆེན་པོ་བདེ་བར་ཕ་རོལ་ཏུ་འགྲོ་བ་ན་དགེ་སྙེན་མ་དྲི་མ་མེད་པར་དག་པ་ཞེས་བྱ་བ་
སྙིང་རྗེ་ཆེན་པོ་དང་ལྡན་པ་ཞིག་གནས་པ་དེས་རིག་པའི་རྒྱལ་མོ་ཆེན་མོ་འདི་ཁ་ཏོན་དུ་ཤེསོ། །དེ་དེའི་གནསུ་སོང་ཏེ་ཕྱིན་པ་དང་། རིག་པ་ཆེན་མོ་འདི་རྗོད་དོ། །དེས་དེ་ལ་ལན་ཅིག་བརྗོད་པ་ཙམ་གྱིས་དེ་དུག་མེད་པར་བྱས་ཤིང་དེ་དྲན་པ་རྙེད་པར་
བྱས་ཏེ། སྡུག་བསྔལ་ཆེན་པོ་དེ་ལས་ཡོངསུ་ཐར་བར་བྱས་ནས་རིག་པ་ཆེན་མོའི་སྙིང་པོ་འདི་ཆོ་ག་ཅི་ལྟར་བཀའ་སྩལ་བ་བཞིན་དུ་ཚོངས་དཔོན་གྱི་བུ་དེའི་སྙིང་ལ་གནས་པར་བྱས་སོ། །བྲམ་ཟེ་ཆེན་པོ་གཞན་ཡང་ཅི་ལྟར་ཡོངསུ་ཤེས་
ན། རྒྱལ་པོ་ཚངས་པས་བྱིན་ཞེས་བྱ་བའི་གྲངསུ་ཆུད་པ་ཞིག་གྲོང་ཁྱེར་ཆེན་པོ་བཱ་ར་ཎཱ་སི་ན་སྔོན་ཡོངསུ་རྒྱུ་བའི་ཚེ། དེའི་ཤར་ཕྱོགས་ཀྱི་འཚམས་ཀྱི་སྟོབས་ཀྱི་འཁོར་ལོས་སྒྱུར་བའི་རྒྱལ་པོ་དེས་དཔུང་གི་ཚོགས་
ཡན་ལག་བཞི་པ་གོ་བསྐོན་ཏེ། གྲོང་ཁྱེར་ཆེན་པོ་བཱ་ར་ཎཱ་སི་ཀུན་ནས་སྐོར་ཏེ། གཞོམ་པར་བཤམསོ། །དེ་ནས་རྒྱལ་པོ་ཚངས་པས་བྱིན་དེ་ལ་བློན་པོ་རྣམས་ཀྱིས་སྨྲས་པ། ལྷ་ཕ་རོལ་གྱི་དམག་ཚོགས་ཀྱིས་གྲོང་ཁྱེར་
འཕྲོག་ལ་ཐུག་ན་ཐབས་གང་གིས་ཕ་རོལ་གྱི་དམག་ཚོགས་གཞོམ་པར་བགྱི། བཀའ་སྩལ་དུ་གསོལ་ཞེས་བྱས་པ་དང་རྒྱལ་པོས་ཁྱེད་འཚེར་འགྲིབ་ཆུང་ངུར་གྱིས་ཤིག །རིག་པའི་རྒྱལ་མོ་སོ་སོར་འབྲང་བ་
ཆེན་མོ་ཞེས་བྱ་བ་ཡོད་དོ། ། ངས་དེས་དཔུང་གི་ཚོགས་ཡན་ལག་བཞི་པ་འདི་ཕམ་པར་བྱའོ། །ཐལ་བ་བཞིན་དུ་བྱའོ་ཞེས་བསྒོ་བ་དང་། བློན་པོ་རྣམས་ཀྱིས་མགོ་བཏུད་དེ་རྒྱལ་པོ་ཆེན་པོ་སྔོན་བདག་ཅག་གིས་ནམ་
97-1-133b


ཡང་མ་ཐོས་པ་འདི་ཅི་ཞིག་ལགས་ཤེས་སྨྲས་པ་དང་། རྒྱལ་པོས་ངས་དེ་མངོན་སུམ་དུ་བྱའོ་ཞེས་བསྒོའོ། །དེ་ནས་རྒྱལ་པོ་ཚངས་པས་བྱིན་སྤོས་ཆུ་སྣ་ཚོགས་ཀྱི་མགོ་བཀྲུས་ཏེ། གོས་གཙང་མ་བགོས་ནས་
རིག་པའི་རྒྱལ་མོ་ཆེན་མོ་འདི་ཆོ་ག་བཞིན་དུ་བྲིས་ཏེ། མགོའི་གཙུགི་སྐྲའི་ནང་དུ་བཞག་ནས་རིག་པའི་རྒྱལ་མོ་ཆེན་མོ་འདི་ཉིད་ཀྱིས་གོ་ཆ་བྱས་ཏེ། གཡུལ་གྱི་ནང་དུ་ཞུགས་པ་དང་། གཅིག་པུ་དཔུང་གི་ཚོགས་ཡན་ལག་
བཞི་པ་ཐཾད་ཕཾ་པར་བྱས་ཏེ། ཇི་སྲིད་སྐྱབསུ་དོང་བ་དེ་སྲིད་དུ་འདིས་ཚར་བཅད་ནས་སྟོབས་ཀྱི་འཁོར་ལོས་སྒྱུར་བའི་རྒྱལ་པོ་དེ་ཅིག་པུ་བཏང་ངོ་། །བྲཾ་ཟེ་ཆེན་པོ་དེ་ལྟར་ན་རིག་པའི་རྒྱལ་མོ་ཆེན་མོ་དེ་བཞིན་གཤེགས་པ་ཐཾད་ཀྱི་སྙིང་
པོ་དང་། ཕྱག་རྒྱས་བྱིན་གྱིས་བརླབས་པ། མཐུ་ཆེན་པོ་འདི་མངོན་སུམ་དུ་གྱུར་པ་ཡིན་ཏེ། མངོན་སུམ་དུ་གྱུར་ཏོ་སྙམ་དུ་གཟུང་བར་བྱའོ། །དེ་བཞིན་གཤེགས་པ་ཐཾད་དང་མཚུངས་པ་ཉིད་དུ་བལྟ་བར་བྱའོ། །ཕྱི་མའི་ཚེ་ཕྱི་མའི་དུས་
ན་སེཾས་ཚེ་ཐུང་བ་རྣམས་དང་། བསོད་ནཾས་ཆུང་བ་རྣཾས་དང་། ལོངས་སྤྱོད་ཆུང་བ་རྣཾས་ལ་ཕན་པར་འགྱུར་བལྟའོ། །བྲཾ་ཟེ་ཆེན་པོ་གང་ལ་ལ་ཞིག་རིག་པའི་རྒྱལ་མོ་སོ་སོར་འབྲང་བ་ཆེན་མོ་འདི་ཆོ་ག་བཞིན་དུ་བྲིས་ཏེ་ལག་
པ་འཾ། མགུལ་དུ་གཏགས་ན་དེ་དེ་བཞིན་གཤེགས་པ་ཐཾད་ཀྱིས་བྱིན་གྱིས་བརླབས་པར་རིག་པར་བྱའོ། །དེ་དེ་བཞིན་གཤེགས་པ་ཐམས་ཅད་ཀྱི་སྐུར་རིག་པར་བྱའོ། །རྡོ་རྗེའི་ལུས་ཡིན་པར་རིག་པར་བྱའོ། །དེ་དེ་བཞིན་
གཤེགས་པ་ཐམས་ཅད་ཀྱི་རིང་བསྲེལ་གྱི་སྙིང་པོ་ཅན་ཡིན་པར་རིག་པར་བྱའོ། །དེ་དེ་བཞིན་གཤེགས་པ་ཐཾད་ཀྱི་སྤྱན་ཡིན་པར་རིག་པར་བྱའོ། །དེ་རྡོ་རྗེ་ཆེན་པོའི་ལུསུ་རིག་པར་བྱའོ། །དེ་འབར་བ་འོད་འཕྲོ་བའི་
ལུས་དང་ལྡན་པར་རིག་པར་བྱའོ། །དེ་མི་ཤིག་པའི་གོ་ཆ་ཅན་དུ་རིག་པར་བྱའོ། །དེ་དགྲ་ཐམས་ཅད་རབ་ཏུ་འཇོམ་པར་རིག་པར་བྱའོ། །དེ་སྒྲིབ་པ་དང་སྡིག་པ་ཐཾད་འཇོམ་པར་རིག་པར་བྱའོ། །དེ་སེཾས་ཅན་དམྱལ་བའི་
97-1-134a


འགྲོ་བ་རྣམས་སྦྱོང་བར་རིག་པར་བྱའོ། །དེ་ཅིའི་ཕྱིར་ཞེ་ན། སྔོན་ཡོངསུ་ཤེས་པ་ཡིན་ཏེ། བྲམ་ཟེ་ཆེན་པོ་ཕྱོགས་གཞན་ཞིག་ན་དགེ་སློང་མ་དད་པ། དེ་བཞིན་གཤེགས་པའི་རིགས་ལ་བསླབ་པ་འདྲལ་བ། 
མ་བྱིན་པར་ལེན་པ། བཟའ་བ་འདུ་བའི་སྒོ་འཕྲོག་པ། དགེ་འདུན་གྱི་དང་། ཕྱོགས་བཞི་དང་། ཚོགས་ཀྱི་རྫསུ་གྱུར་པ་དེ་ཐཾད་གང་དག་གིར་བྱིན་གྱིས་བརླབས་ཏེ་ཟ་བ་ཞིག་དུ་གཞན་ཞིག་ན་ནད་ཚབ་ཆེན་པོས་བཏབ་པ་
དང་། བསྡུག་བསྔལ་ཆེན་པོའི་ཚོར་བ་མྱོང་ངོ་། །ཉོན་མོངས་ཏེ་སྐྱབས་མེད་དཔུང་གཉེན་མེད་ནས་ཀུ་ཅོའི་སྒྲ་ཆེན་པོ་འབྱིན་ཏོ། །བྲམ་ཟེ་ཆེན་པོ་དེ་ནས་ཕྱོགས་དེ་ན་དགེ་བསྙེན་ཞིག་གནས་པ་དེས་སྒྲ་དེ་ཐོས་སོ། །ཐོས་ནས་
ཀྱང་དགེ་སློང་ག་ལ་བ་དེར་སོང་སྟེ་ཕྱིནས་རིག་པའི་རྒྱལ་མོ་སོ་སོར་འབྲང་བ་ཆེན་མོ་འདི་བྲིས་ཏེ། དགེ་སློང་དེའི་མགུལ་དུ་བཏགས་སོ། །རིག་པའི་རྒྱལ་མོ་སོ་སོར་འབྲང་བ་ཆེན་མོ་དགེ་སློང་དེའི་མགུལ་དུ་བཏགས་མ་ཐག་
དུ་ཚོར་བ་ཐཾད་ནི་རབ་ཏུ་ཞི། ནད་ཐཾད་ལས་ནི་ཡོངསུ་ཐར་ཏེ། སོས་པར་གྱུར་ནས་དེའི་མཚན་མོ་ཟད་པ་དང་། དྲན་པ་ཤིན་ཏུ་ཉེ་བར་བཞག་སྟེ་འཆི་བའི་དུས་བྱས་སོ། །ལུས་དེ་བོར་བ་དང་། སེཾན་དམྱལ་བ་ཆེན་པོ་མནར་མེད་པར་སྐྱེས་
སོ། །དེའི་རོ་དེ་ཡང་དགེ་སློང་དག་གིས་སྒང་བུ་ཞིག་ལ་བཞག་གོ། རིག་པ་ཆེན་མོ་སོ་སོར་འབྲང་བ་ཆེན་མོ་དེ་ཡང་དེའི་མགུལ་དུ་བཏགས་པ་བཞིན་དུ་གནསོ། །དགེ་སློང་དེ་མནར་མེད་པ་དེར་སྐྱེས་མ་ཐག་ཏུ་སེམས་ཅན་
དམྱལ་བའི་སེམས་ཅན་དེ་དག་གིས་སྡུག་བསྔལ་གྱི་ཚོར་བ་ཐམས་ཅད་རབ་ཏུ་ཞི་ནས་སེམས་ཅན་དམྱལ་བའི་སེཾས་དེ་དག་ཐཾད་བདེ་བ་ཐཾད་ཀྱིས་ཚིམ་པར་གྱུར་ཏོ། །མཚཾས་མེད་པའི་མེ་ཕུང་པོ་ཆེན་པོ་གང་ཡིན་པ་དེ་
དག་ཐཾད་ཀྱང་ཡོངསུ་ཞི་བར་གྱུར་ཏོ། །དེ་ནས་གཤིན་རྗེའི་མི་དེ་དག་ཐཾད་ངོ་མཚར་སྐྱེས་ནས་ཆོས་ཀྱི་རྒྱལ་པོ་གཤིན་རྗེ་ལ་ངེས་པའི་ཚིགས་འདི་དག་རྒྱས་པར་བརྗོད་དོ། །སེཾས་ཅན་ལས་ལས་སྐྱེས་པ་ཡི། །སྡུག་བསྔལ་
97-1-134b


མི་བཟད་རབ་ཏུ་ཞི། །ཤིན་ཏུ་ངོ་མཚར་འདི་ནི་ལྷ། །སེམས་དམྱལ་ཉམ་ང་རྣཾས་ན་གདའ། །ལུས་ཅན་ལུས་ལ་རྟག་གནས་པའི། །མེ་མ་མུར་དེ་རབ་ཏུ་ཞི། །སོག་ལེ་རྣམས་ཀྱིས་གཤེག་མ་མཆིས། །སྤུ་གྲིའི་སོས་
ཡང་གཅོད་མི་བགྱིད། །ལྕགས་སྡོང་ཤལ་མ་རི་ཡང་ཆག །ལྕགས་ཟངས་ཐཾད་རབ་ཏུ་ཞི། །རལ་གྲི་ལོ་མ་ཅན་ནགས་ན། །ལས་སྐྱེས་ལོ་མ་གནོད་མི་འགྱུར། །ཆོས་ཀྱི་རྒྱལ་པོ་གཤིན་རྗེ་ཁྱོད། །མི་རྣཾས་ལ་ནི་ཆོས་ཀྱི་
སྟོན། །རྒྱུ་འདི་མི་ཆུང་བདག་ཅག་ལ། །ཁྱོད་ཀྱིས་བརྗོད་པར་མཛད་པའི་རིགས། །དེ་ནས་ཆོས་ཀྱི་བདག་ཉིད་ཅན། །ཆོས་ངེས་ཆོས་ཀྱི་རྒྱལ་པོ་དེས། །སྙིང་རྗེའི་བསམ་པ་ཉཾས་རྣཾས་ཀྱི། །འདི་འདྲའི་ཚིག་དེ་ཐོས་
གྱུར་ནས། །མྱུར་དུ་འདི་ནི་ཅི་ཡིན་སྨྲོས། །འདི་ནི་ཅི་འདྲ་ཡང་སྨྲོས་ཤིག །དེ་ནས་མི་བཟད་གཤིན་རྗེའི་མི། །གནོད་པའི་རྒྱུན་ཅན་དེ་དག་གིས། །ཆོས་ཀྱི་རྒྱལ་པོ་གཤིན་རྗེ་ལ། །འདི་སྐད་ཀྱི་ནི་ཚིག་སྨྲསོ། །
མནར་མེད་རབ་ཏུ་ཉམ་ང་བར། །སེམས་ཅན་ཆེན་པོ་འདི་སྐྱེས་ལྷ། །གང་གི་མིང་ནི་མནར་མེད་པ། །དེས་ན་དེ་ནི་ཉམ་ངར་བརྗོད། །གང་གིས་སེམས་ཅན་བདེ་བགྱིས་པ། །རྣམ་པ་སྣ་ཚོགས་ལས་ལ་གཟིགས། །
འདི་ནི་ཀུན་དུ་བདེ་གྱུར་ནས། །སླར་ཡང་ལྷའི་གནསུ་མཆིས། །ཆོས་ཀྱི་རྒྱལ་པོ་གཤིན་རྗེས་ཀྱང་། །མཐོང་ནས་ངོ་མཚར་སྨྲས་པ་ནི། །འདི་ནི་རྫུ་འཕྲུལ་ཆེ་བ་སྟེ། །འདི་ནི་ཚེ་རབས་སྔ་ལུས་ཚེ། །ཅི་ལྟར་སྐུ་
གདུང་བརྒྱ་མང་པོས། །སྟོན་པའི་མཆོད་རྟེན་མཛེས་པ་ལྟར། །སོ་སོར་འབྲང་བ་མགུལ་བཏགས་པས། །དེ་ཡི་ལུས་ནི་དེ་བཞིན་མཛེས། །དེ་ནས་སེམས་ཅན་དམྱལ་བའི་བསྲུང་མ་གནོད་སྦྱིན་དེ་དག་
གིས་ཆོས་ཀྱི་རྒྱལ་པོ་གཤིན་རྗེ་ལ་འདི་སྐད་ཅེས་སྨྲསོ། །ལྷ་ཅི་ལྟར་ན་འདི་སོ་སོར་འབྲང་བ་ཞེས་བགྱི། ཆོས་ཀྱི་རྒྱལ་པོས་སྨྲས་པ། གང་གི་ཚིག་རྣཾས་སོ་སོར་དྲན། །དེ་ནི་ངན་འགྲོར་འགྲོ་མི་འགྱུར། །སོ་སོར་འབྲང་བ་བསྒོཾས་
97-1-135a


པ་ཡི། །ཤེས་རབ་ཅན་དེ་བདེ་འགྲོར་འགྲོ། །སེམས་ཅན་དམྱལ་བའི་སྲུངས་མ་ཁྱེད། །རབ་ཏུ་རྒྱས་དང་ལྡན་པར་དོང་། །དེར་ནི་སྒང་བུ་མཐོན་པོ་ལ། །ལྷ་རྣམས་ཀྱིས་ནི་བསྐོར་བ་ལྟོས། །དེ་ཐོང་སེཾས་ཅན་ཐཾད་ལ། །
བྱམས་པའི་སེཾས་སུ་འགྱུར་བར་གྱིས། །དེ་ནས་གཤིན་རྗེའི་མི་དེ་དག་དེ་ཉིད་ཀྱི་ནུབ་མོ་རྒྱས་པ་དང་ལྡན་པ་དོང་ངོ་། །དེ་ཚེ་དེར་ནི་དེ་དག་གིས། །རྒྱལ་པོའི་ཕོ་བྲང་ཉེ་བ་ན། །སྒང་བུ་དེ་ཡི་ཁོར་ཡུག་ན། །འབར་བ་གཅིག་
གིས་གང་བར་མཐོང་། །མི་རོ་ཞིག་གི་མགུལ་པ་ན། །སོ་སོར་འབྲང་བ་བཏགས་པ་འང་མཐོང་། །ལྷ་དང་ཀླུ་དང་དྲི་ཟ་དང་། །གནོད་སྦྱིན་སྲིན་པོ་མི་འམ་ཅིས། །ཀུནས་འཁོར་བར་བསྐོར་ནས་ནི། །བླ་ན་མེད་པའི་མཆོད་པ་བྱེད། །
དེ་ལ་གནོད་སྦྱིན་དེ་དག་གིས། །སོ་སོར་འབྲང་བའི་སྒང་ཞེས་བཏགས། །དེ་ནས་གནོད་སྦྱིན་དེ་དག་གིས་ཆོས་ཀྱི་རྒྱལ་པོ་གཤིན་རྗེའི་ངེས་པ་དེ་རྟོགས་ཏེ་སླར་ལོག་ནས་ལྷ་ཁྱོད་ཀྱིས་བཀའ་སྩལ་པ་བཞིནོ་ཞེས་རྒྱས་པར་བརྗོད་
དོ། །དེ་སྐད་ཅེས་སྨྲས་མ་ཐག་ཏུ་ཚིགས་དེ་སྨྲས་པའི་ཐ་མ་ལ་སེཾས་ཅན་ཆེན་པོ་དེ་སེམས་ཅན་དམྱལ་བའི་ལུས་དེ་བོར་ནས་སུམ་བཅུ་རྩ་གསུཾ་པའི་ལྷ་རྣཾས་ཀྱི་ནང་དུ་སྐྱེསོ། །རྒྱུ་དེས་ན་སྔོན་སོ་སོར་འབྲང་བའི་ལྷའི་བུ་ཞེས་
བྱའོ། །བྲམ་ཟེ་ཆེན་པོ་དེས་ན་སྔོན་ཆད་ཡོངསུ་ཤེསོ། །དེའི་ཕྱིར་སོ་སོར་འབྲང་བ་ཆེན་མོ་འདི་གདོན་མི་ཟ་བར་གཟུང་བར་བྱའོ། །ཡི་གེར་བྲི་བར་བྱ། བཀླག་པར་བྱའོ། །ཆོ་ག་བཞིན་དུ་རྟག་ཏུ་ལུས་ལ་བཏགས་ནས་བཅང་
བར་བྱ་སྟེ། དེ་རྟག་དུ་སྡུག་བསྔལ་ཞིང་ཉམས་ཐག་པ་ཐཾད་ལས་ཡོངསུ་ཐར་བར་འགྱུར། ངན་འགྲོའི་འཇིགས་སྐྲག་པ་ཐཾད་ལས་རྒལ་བར་འགྱུརོ། །གློགིས་འགྱེལ་བར་བྱེད་མི་ནུསོ། །གློག་གིས་ཅི་ལྟར་མི་ནུས་ཞེ་ན། བྲཾ་ཟེ་ཆེན་
པོ་སྔོན་ཡོངསུ་ཤེས་ཏེ། གྲོང་ཁྱེར་ཆེན་པོ་ཆོག་ཤིན་ཀུན་རྫུབ་ན། ཚོང་དཔོན་ཆེན་པོ་དྲི་མེད་དུང་ཞེས་བྱ་བ་ནོར་མང་བ། གསེར་ཤིན་ཏུ་འབྱོར་པ། མཛོད་དང་། བང་བ་ཀུན་གང་ཞིང་ཕུན་སུཾ་ཚོགས་པ་ཞིག་གནས་ཏེ། དེད་དཔོན་ཞེས་བྱ་བར་
97-1-135b


གྲགས་སོ། །དེ་ནས་དེད་དཔོན་ཆེན་པོ་དེ་གྲུ་བོ་ཆེ་དེ་རྙེད་ནས། རྒྱ་མཚོ་ཆེན་པོར་ཞུགས་པ་དང་། ཉ་མིད་རྣམས་ཀྱིས་དེའི་གྲུ་དེ་བཟུང་ནས། རྣམ་པར་གཞིག་པར་འདོད་པའི་ཀླུ་རྣམས་ཀྱང་འཁྲུགས་ཏེ། འབྲུག་སྒྲ་ཆེན་པོ་སྒྲོག་གོ །
གློག་དང་སྐར་མདའ་ཡང་གཏོང་ངོ་། །རྡོ་རྗེའི་ལྕེ་འབེབས་པར་ཡང་བཤམསོ། །དེ་ནས་ཚོང་པ་དེ་དག་སྡུག་བསྔལ་ཆེན་པོས་སེཾས་ནོན་ཏོ། །ཀླུ་འཁྲུགས་པ་ཆེན་པོ་དེ་དང་། གློག་དང་སྐར་མདའ་དང་། རྡོ་རྗེའི་ལྕེ་འབེབས་
པ་དང་། ཉ་མིད་དེ་དག་གིས་ཀྱང་གྲུ་བོ་ཆེ་བཟུང་བར་མཐོང་ནས་ཀུ་ཅོའི་སྒྲ་ཆེན་པོ་བཏོན་ཏེ། དེ་དག་ལྷ་ཁྱད་པར་ཅན་རྣཾས་ལ་གསོལ་བ་བཏབ་ཀྱང་འགའ་ཙམ་ཡང་དེ་དག་གི་དཔུང་གཉེན་དུ་མ་གྱུར་ཏོ། །དེ་ནས་དེ་དག་
ཚོང་དཔོན་སེམས་རབ་ཏུ་བརྟན་པའི་གན་དུ་སོང་ནས་དེ་དག་གིས་སྙིང་རྗེ་རྗེ་སྐད་དུ་ཚིག་འདི་སྐད་སྨྲསོ། །སེཾས་ཅན་ཆེན་པོ་ཁྱོད་ཀྱིས་བདག་ཅག་སྐྱབ་ཅིང་འཇིགས་པ་ཆེན་པོ་ལས་ཐར་བར་མཛད་དུ་གསོལ། དེ་ནས་དེད་དཔོན་
ཆེན་པོ་སེཾས་བརྟན་པ་བློ་གྲོས་ཆེན་པོ་དེས་ཚོང་བ་ཁྲུགས་འཁྲུགས་པར་གྱུར་པ་རྣམས་ལ་ཚིག་འདི་སྐད་སྨྲས་སོ། །མ་འཇིགས་མ་འཇིགས་ཚོང་པ་རྣམས། །ཁྱེད་ཅག་བརྟན་པར་དེང་ཤིག་དང་། །ཁྱེད་རྣཾས་སྡུག་བསྔལ་ཆེན་
པོ་ཡི། །རྒྱ་མཚོ་ཆེ་ལས་ངས་སྒྲལ་ལོ། །དེ་ནས་ཡིད་ནི་བརྟན་གྱུར་ནས། །ཚོང་པ་རྣམས་ཀྱིས་ཚིག་འདི་སྨྲས། །སེཾས་ཅན་ཆེན་པོ་འདི་ཅི་ལགས། །བགེགས་བྲལ་མྱུར་དུ་བཀའ་སྩོལ་ཅིག །བློ་གྲོས་ཆེན་པོ་
ཁྱོད་ཀྱི་མཐུས། །བདག་ཅག་ཇི་སྲིད་འཚོ་བའི་ཚེ། །ཡེ་ཤེས་ཆེ་བའི་བདག་ཉིད་གསུངས། །སླད་ན་ཁྱོད་ཀྱིས་ཅི་ཞིག་བགྱི། །དེ་ནས་འདྲོན་མང་བདག་པོ་ཡིས། །དེ་དག་ལ་ནི་ཚིག་འདི་བརྗོད། །ང་ལ་སོ་སོར་འབྲང་བ་ཡི། །
རིག་པ་ཆེན་པོར་གྲགས་པ་ཡོད། །གནོད་བྱེད་ཐཾད་སེལ་བར་བྱེད། །སྟོབས་ཆེན་ཕ་རོལ་གནོན་བྱེད་པ། །དེས་ནི་རབ་ཏུ་སྡུག་བསྔལ་བའི། །འཇིགས་པ་ཆེ་ལས་ངས་སྒྲལ་ལོ། །དེ་ནས་དེད་དཔོན་ཆེན་པོ་དེའི་ཚེ་རིག་པའི་རྒྱལ་མོ་ཆེན་མོ་འདི་བྲིས་ནས་
97-1-136a


རྒྱལ་མཚན་གྱི་རྩེ་མོ་ལ་བཏགས་པ་དང་། རིག་པའི་རྒྱལ་མོ་ཆེན་མོ་སོ་སོར་འབྲང་བ་ཆེན་མོ་རྒྱལ་མཚན་གྱི་རྩེ་མོ་ལ་བཏགས་མ་ཐག་ཏུ་ཉ་མིད་དེ་དག་ཐམས་ཅད་ཀྱིས་གྲུ་བོ་ཆེ་དེ་མེ་ལྕེ་གཅིག་ཏུ་གྱུར་པ་མཐོང་ངོ་། །དེ་ནས་
ཀླུ་དེ་དག་བྱམས་པའི་ཡིད་ཀྱིས་དེ་དག་གི་དྲུང་དུ་ལྷགས་ནས་མཆོད་པ་བྱ་བར་བཤམསོ། །ཉ་མྱིད་དེ་དག་ཀྱང་རིག་པའི་རྒྱལ་མོ་སོ་སོར་འབྲང་བ་ཆེན་མོ་འདི་ཉིད་ཀྱི་མཐུས་ཚིག་ནས་བྱེར་ཏེ་ཞི་བར་གྱུར་ཏོ། །འདྲོན་པོ་ཕལ་པོ་ཆེ་དེ་དག་ཀྱང་
ཀླུ་ཆེན་པོ་དེ་དག་གིས་རིན་པོ་ཆེའི་གླིང་ཆེན་པོར་ཕྱིན་པར་བྱས་སོ། །དེ་ལྟར་ན་ཡེ་ཤེས་དང་ལྡན་པ་རིག་པ་ཆེན་མོ་སོ་སོར་འབྲང་བ་ཆེན་མོ་ནི་དེ་བཞིན་གཤེགས་པ་ཐཾད་ཀྱི་བྱིན་གྱིས་བརླབས་པ་སྟེ། བྲམ་ཟེ་ཆེན་པོ་རྒྱུ་དེས་ན་འདི་
རིག་པ་ཆེན་མོ་ཞེས་གྲགསོ། །འདི་ནི་ངེས་པར་རྒྱལ་མཚན་གྱི་རྩེ་མོ་ལ་བཏགས་ཏེ་བཅིང་བར་བྱའོ། །རླུང་དང་། གྲང་བ་དང་། དུས་མ་ཡིན་པའི་སྤྲིན་དང་། གློག་དང་། ལྕེ་འབབ་པ་ཐཾད་རབ་ཏུ་ཞི་བར་བྱེད་དོ། །ལྷ་དང་། མི་དང་། ལྷ་མ་ཡིན་གྱི་
འཐབ་པ་དང་། བརྩོད་པ་ལས་ཡོངསུ་ཐར་བར་བྱེད་དོ། །སྦྲང་བུ་མཆུ་རིང་དང་། ཤ་སྦྲང་དང་། བྱི་བ་དང་། སྲོག་ཆགས་ཀྱི་རིགས་གཟུགས་རྣམ་པ་སྣ་ཚོགས་ལོ་ཏོག་མ་རུང་བར་བྱེད་པ་ཐཾད་མཐུ་མེད་ཅིང་རབ་ཏུ་ཞི་བར་འགྱུརོ། །རི་དགས་དང་། 
བྱ་དང་། གཅན་ཟན་གནོད་པར་སེམས་པ་ཐམས་ཅད་རྣམ་པར་འཇིག་པར་འགྱུརོ། །མེ་ཏོག་དང་། འབྲས་བུ་དང་། ལོ་མ་དང་། ནགས་ཚལ་དང་། སྨན་དང་། ལོ་ཏོག་ལ་སོགས་པ་ཐཾད་འཕེལ་བར་འགྱུར་ཏེ། རབ་ཏུ་བྲོ་ཞིང་ཞིམ་པ་དང་། འཇམ་པར་འགྱུརོ། །
ལེགས་པར་ཡོངསུ་སྨིན་པར་འགྱུརོ། །ཧ་ཅང་ཆར་ཆེ་བ་དང་། ཆར་དཀོན་པའི་ཉེས་པ་རྣཾས་ཡོངསུ་མི་འབྱུང་ངོ་། །ཆར་དུསུ་འབབ་ཅིང་། དུས་མ་ཡིན་པར་མི་འབབ་པར་འགྱུརོ། །ཡུལ་དེའི་ཀླུ་ཆེན་པོ་གང་ཡིན་པ་དེ་དག་ཀྱང་དུས་དུསུ་
ཆར་གྱི་རྒྱུན་ལེགས་པར་འབེབསོ། །ཡུལ་གང་ན་རིག་པའི་རྒྱལ་མོ་སོ་སོར་འབྲང་བ་ཆེན་མོ་ཞེས་བྱ་བ་འདི་སྤྱོད་པའི་ཡུལ་དེར་སེཾན་དེ་དག་གིས་ཤེས་པར་བྱ་ཏེ། སྤོས་སྣ་ཚོགས་དང་། བདུག་པ་སྣ་ཚོགས་དང་། མེ་ཏོག་སྣ་ཚོགས་
97-1-136b


ཀྱིས་མཆོད་ཅིང་བསྟི་སྟང་བྱས་ལ། ཚོན་སྣ་ཚོགས་གྱིས་དཀྲིས་ཏེ་རྒྱལ་མཚན་གྱི་རྩེ་མོ་ལ་བཏགས་ནས་གླུ་དབྱངས་དང་། རོལ་མོ་སིལ་སྙན་བྱས་ཏེ། བསྐོར་བ་བྱས་ནས་ལྷ་རྣམས་དང་། བརྒྱ་བྱིན་དང་། ཚངས་པ་ལ་སོགས་
པས་སེམས་ཅན་ཆེན་པོ་དེ་དག་གིས་བསཾས་པ་ཇི་ལྟ་བ་བཞིན་དུ། རེ་བ་ཡོངསུ་རྫོགས་པར་བྱེད་པར་འགྱུརོ། །ཆོ་ག་ཅི་ལྟ་བ་བཞིན་དུ་དེ་ལྟ་དེ་ལྟ་བུར་འགྲུབ་སྟེ། བུ་ཕོ་འདོད་ནའང་ཁྱེའུ་འགྲུབ། །མངལ་ན་འཛིན་པ་དམ་
པར་འགྱུར། །མངལ་ན་བདེ་བར་སྐྱེས་བ་དང་། །མངལ་ནས་བདེ་བར་བཙས་པར་འགྱུར། །མངལ་ན་དུས་བཞིན་སྐྱེ་བ་དང་། །དུས་བཞིན་རབ་ཏུ་བཙས་པར་འགྱུར། །ཅིས་མངོན་ཞེ་ན། བྲཾ་ཟེ་ཆེན་པོ་སྔ་མ་བཞིན་དུ་དེ་ཉོན་ཅིག །ཡུལ་མཱ་
ག་དྷ་འདི་ཉིད་ན། རྒྱལ་པོ་ལག་བརྐྱང་ཞེས་བྱ་བ་དེ་བུ་མེད་པར་གྱུར་ཏོ། །ཅིའི་ཕྱིར་ལག་བརྐྱང་ཞེས་བྱ་ཞེ་ན། རྒྱལ་པོ་དེ་བཙས་མ་ཐག་ཏུ་ལག་པ་བརྐྱང་ནས་མའི་ནུ་ཞོ་ལ་བཟུང་སྟེ། ནུ་ཞོ་ངོམས་ངོམས་སུ་འཐུངསོ། །ནུ་མ་
དེ་གཉིས་ལ་རེག་མ་ཐག་ཏུ་གསེར་གྱི་ཁ་དོག་ཏུ་གྱུར་ཏོ། །དུས་ཀུན་ཏུ་ནུ་ཞོ་འཕེལ་བར་གྱུར་ཏོ། །རྒྱུ་དེས་ན་རྒྱལ་པོ་ལག་བརྐྱང་ཞེས་བྱ་བར་བཏགས་པར་གྱུར་ཏོ། །གཞན་ཡང་གང་གི་ཚེ་རྒྱལ་པོའི་གན་དུ་སྐྱེ་བོ་སློངས་མོ་པ་འོངས་
པ་དེའི་ཚེ་རྒྱལ་པོ་དེ་ལག་པ་གཡས་པ་བར་སྣང་ལ་བརྐྱང་བ་དང་། རྒྱལ་པོ་བྱང་ཆུབ་སེམས་དཔའ་དེ་རྒྱུ་དེས་སངས་རྒྱས་ལ་མངོན་པར་དད་པའི་ལྷ་རྣཾས་ཀྱིས་ལྷའི་རིན་པོ་ཆེ་ཁྱད་པར་དུ་འཕགས་པ་གསེར་དང་། ནོར་བུ་རྣཾས་ཀྱིས་
ལག་པ་གང་བར་བྱེད་དོ། །རྒྱལ་པོ་དེས་ཀྱང་སྐྱེ་བོ་སློང་མོ་པ་ལྷགས་པ་རྣཾས་ལ་རབ་ཏུ་བྱིན་ནོ། །བསམས་པ་ཙམ་གྱིས་སློངས་མོ་པ་ཐཾད་ལ་འདོད་པ་བཞིན་དུ་བདེ་བ་ཕུན་སུཾ་ཚོགས་པ་ཐཾད་བྱིན་ནོ། །བུ་ཕོ་འདོད་པའི་ཕྱིར་ལྷ་རྣམས་
ལ་མཆོད་པ་དང་། བསྟི་སྟང་ཆེར་བྱས་ཀྱང་བུ་ཕོ་མ་རྙེད་ནས་དེ་སྔོན་གྱི་དེ་བཞིན་གཤེགས་པ་དག་གིས་མཆོད་རྟེན་རྣཾས་ཀྱི་མདུན་དུ་བསྟི་སྟང་བྱ་བར་བརྩཾས་ཏེ་མཆོད་པ་དང་། བསྟི་སྟང་ཆེན་པོ་བྱསོ། །སྦྱིན་པ་ཡང་བྱིན་ཏོ། །
97-1-137a


བསྙེན་གནས་ལ་ཡང་ཉེ་བར་གནས་སོ། །བསོད་ནམས་ཆེན་པོ་བྱསོ། །སྦྱིན་པ་ཆེན་པོ་དེ་དག་ཀྱང་མི་ཟད་པར་བྱིན་ནོ། །དེ་ཅིའི་ཕྱིར་ཞེ་ན། བྲམ་ཟེ་ཆེན་པོ་སྔོན་བྱུང་བ་ཡུལ་མ་ག་དྷ་འདི་ཉིད་ན། གྱད་ཡུལ་ཞེས་བྱ་བའི་གྲོང་
ཁྱེར་ཀུ་ཤའི་ཚོང་དུས་ཆེན་པོའི་མཆོག་ན་བཅྡོཾས་རིན་ཆེན་མང་གི་བསྟན་པ་ལ་ཞུགས་པ་ཚོང་དཔོན་ཆོས་ཀྱི་བློ་གྲོས་ཞེས་བྱ་བ་ཆོས་ལ་སེམས་དཔའི་སེམས་ཅན་ཆེན་པོ་ཞིག་གནས་པ་དེ་སེཾས་ཅན་ཐཾད་ལ་སྙིང་རྗེ་ཆེན་པོའི་
སེཾས་ཉེ་བར་གཞག་ནས་རིག་པ་ཆེན་པོ་སོ་སོར་འབྲང་བ་འདི་ཉིད་ལས་བརྩཾས་ཏེ་ཆོས་སྟོན་ཏོ། །དེ་ནས་མི་དབུལ་པོ་ཞིག་གིས་ཆོས་དེ་ཐོས་ནས་ཚོང་དཔོན་ཆེན་པོ་དེ་ལ་ཚིག་འདི་སྐད་ཅེས་བདག་ཇོ་བོའི་ཁབ་ཏུ་གླ་བགྱིའོ། །
ཆོས་ཀྱང་ཉན་ཏོ། །གང་གི་ཚེ་བདགིས་ཅུང་ཟད་རྙེད་པར་གྱུར་པ་དེའི་ཚེ་བདག་ཆོས་ལ་མཆོད་པ་བགྱིད་དོ། །ཞེས་སྨྲས་ནས། དེའི་ཁྱིམ་ན་ལས་བྱེད་ཅིང་ཆོས་ཀྱང་ཉན་ཏོ། །དུས་གཞན་ཞིག་ན། དེ་ལ་ཚོང་དཔོན་དེས་བི་ན་
ར་གཅིག་བྱིན་པ་དང་། དེས་སེམས་ཅན་ཐཾད་ཡོངསུ་བསྐྱབ་པའི་ཕྱིར་བྱང་ཆུབ་ཀྱི་སེམས་བསྐྱེད་ནས། སེཾས་ཅན་ཐཾད་དང་ཐུན་མོང་དུ་བྱས་ནས་རིན་པོ་ཆེ་སྙིམ་པས་སོ་སོར་འབྲང་བ་ཆེན་མོ་ལ་ཕུལ་ནས་སྦྱིན་
པའི་འབྲས་བུ་ཆེན་པོ་འདིས་བདག་དང་སེམས་ཅན་ཐཾད་ཀྱི་དབུལ་བ་ཀུན་ཏུ་གཅོད་པར་གྱུར་ཅིག་ཅེས་སྨོན་ལམ་དེ་དག་ཀྱང་བཏབ་བོ། །རྒྱུ་དེས་ན་སྦྱིན་པ་དེ་ཡོངསུ་མི་ཟད་པར་གྱུར་ཏོ། །དེ་ལྟར་བསོད་ནཾས་མངོན་པར་
འདུ་བྱ་བ་རྣམ་པ་མང་པོ་རྣམ་པ་དུ་མ་བྱས་ཏེ། ལྷ་རྣམས་ཀྱང་མཆོད་པ་ནས་སངས་རྒྱས་བཅོམ་ལྡན་འདས་ཀྱི་བར་དུ་མཆོད་པ་དང་། དེའི་ཚེ་གནས་གནས་གཙང་མའི་རིས་ཀྱི་ལྷ་རྣམས་ཀྱིས་རྨིས་བལྟས་
སུ་བསྟན་ཏེ། འདི་སྐད་དུ། ཀྱེ་རྒྱལ་པོ་ཆེན་པོ་སོ་སོར་འབྲང་བ་ཆེན་མོ་ཞེས་བྱ་བ་ཀུན་ནས་མེ་ལྕེའི་ཕྲེང་བ་རྣམ་པར་དག་པས་རྒྱས་པ་ཡིད་བཞིན་གྱི་ནོར་བུ་ཕྱག་རྒྱ་དང་། སྙིང་པོ་གཞན་གྱིས་མི་ཐུབ་པའི་
97-1-137b


གཟུངས་ཆེན་མོ་རིག་པའི་རྒྱལ་མོ་ཆོ་ག་ལས་ཇི་སྐད་འབྱུང་བ་བཞིན་དུ་ཆོ་ག་བཞིན་བྲིས་ལ་བཙུན་མོ་དམ་པ་བསྨྱུང་བ་བྱས་ལ། ཆོ་ག་བཞིན་དུ་ལུས་ལ་བཏགས་ན་ཁྱོད་བུ་ཕོ་ཡོད་པར་འགྱུརོ་ཞེས་བསྒོའོ། །དེ་ནས་
རྒྱལ་པོ་དེ་སད་དེ་མཚན་མོ་ཟད་ནས་རྩིས་དང་། ཡི་གེའི་འབྲུ་དང་། རྒྱུ་སྐར་དང་། གཟའ་རྣམ་པར་འབྱེད་པའི་བྲམ་ཟེ་རྣམས་བསོགས་ནས་ཆོ་ག་ལས་འབྱུང་བ་བཞིན་དུ་རྒྱུ་སྐར་གྱི་རྒྱལ་པོ་རྒྱལ་གྱི་ཉིན་པར་བཙུན་
མོ་དམ་པ་ལུས་ཤིན་ཏུ་ལེགས་པར་བཀྲུས་ཏེ། བསྨྱུང་བ་བྱས་ནས་རིག་པའི་རྒྱལ་མོ་ཆེན་མོ་སོ་སོར་འབྲང་བ་འདི་ཡང་ཆོ་ག་བཞིན་དུ་བྲི་སྟེ་བཙུན་མོ་དམ་པའི་མགུལ་དུ་བཏགས་སོ། །སངས་རྒྱས་ཀྱི་མཆོད་རྟེན་རྣཾས་ལ་
མཆོད་པ་ཆེན་པོ་བྱས་སོ། །རིན་པོ་ཆེ་ཁྱད་པར་ཅན་དུ་མ་ཡང་སེཾས་ཅན་རྣམས་ལ་སྦྱིན་པ་བྱིན་ནོ། །དེ་ནས་ཟླ་བ་དགུ་ལོན་པ་དང་། བུ་ཕོ་གཟུགས་བཟང་བ། མཛེས་པ། བལྟ་ན་སྡུག་པ། ཁ་དོག་བཟང་པོ་རྒྱས་པ་
མཆོག་དང་ལྡན་པ་ཞིག་བཙས་སོ། །བྲམ་ཟེ་ཆེན་པོ་དེ་ལྟར་ཤེས་ནས་རིག་པའི་རྒྱལ་མོ་ཆེན་མོ་དེ་བཞིན་གཤེགས་པ་ཐམས་ཅད་ཀྱིས་མཆོད་པ། འདོད་པ་ཐམས་ཅད་དུ་འགྲོ་བ། གཞན་གྱིས་མི་ཐུབ་པ་སོ་སོར་
འབྲང་བ་ཆེན་མོ་དཀོན་མཆོག་ཅེས་གྲགས་སོ། །འདི་ནི་རྟག་ཏུ་བརྒྱ་བྱིན་གྱི་གཙུག་གི་ནོར་བུ་ཡིན་ནོ། །གང་གི་ཚེ་ལྷའི་དབང་པོ་བརྒྱ་བྱིན་ལྷ་མ་ཡིན་རྣམས་དང་། གཡུལ་ཆེན་པོ་འགྱེད་
པར་འདོད་པ་དེའི་ཚེ་འདི་ཉིད་ཀྱིས་གོ་ཆ་བྱས་ནས་སྤྱི་གཙུག་ཏུ་བཏགས་ཏེ། ལྷ་མ་ཡིན་ཐམས་ཅད་ཕམ་པར་བྱས། ཕ་རོལ་ཕམ་པར་བྱས་ནས་དགེ་བ་དང་། བདེ་བས་བདེ་བར་ལྷའི་གྲོང་ཁྱེར་དུ་འཇུག་ཏེ། 
ལྷ་མ་ཡིན་ཐཾད་ཀྱིས་མི་ཚུགས་པ་ཡིན་ནོ། །བྲམ་ཟེ་ཆེན་པོ་དེ་ལྟར་ན་སེཾས་དང་པོ་སྐྱེད་པ་ནས་བཟུང་སྟེ། རིག་པའི་རྒྱལ་མོ་ཆེན་མོ་སོ་སོར་འབྲང་བ་ཆེན་མོ་འདི་འཆང་བའི་བྱང་ཆུབ་སེཾས་དཔའ་ལ་བདུད་ཐཾས་
97-1-138a


ཅད་ཀྱིས་མི་ཚུགས་སོ། །འདི་གང་གི་ལུས་ལ་བཏགསམ། མགུལ་དུ་བཏགས་པ་དེ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །དེ་ལ་བྱང་ཆུབ་སེམས་དཔའ་ཐམས་ཅད་ཡང་དག་པར་བསྲུང་བར་
འགྱུར་རོ། །ལྷ་དང་། མི་དང་། རྒྱལ་པོ་དང་། རྒྱལ་པོའི་བློན་པོ་དང་། བྲམ་ཟེ་དང་། ཁྱིམ་བདག་ཐམས་བཅད་ཀྱིས་ཀྱང་རྟག་པར་རྒྱུན་ཏུ་ཕྱག་བྱ་ཞིང་མཆོད་པ་དང་། རིམ་གྲོ་བྱེད་པར་འགྱུར་རོ། །ལྷ་དང་ལྷ་མ་ཡིན་དང་། ནམ་མཁའ་
ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོས་རྗེད་ཅིང་མཆོད་པར་འགྱུར་རོ། །བཅོམ་ལྡན་འདས་བདུད་ཀྱི་དཔུང་རབ་ཏུ་འཇོམས་པས་ཀྱང་དེ་ལ་སེམས་ཅན་ཆེན་པོ་ཞེས་གསུངས་སོ། །ནད་ཐམས་ཅད་དང་བྲལ་བར་འགྱུར་
རོ། །དེ་ལ་ཡམ་གྱི་ནད་དང་། གནོད་པ་ཐམས་ཅད་དང་། ནད་འགོ་བ་ཐམས་ཅད་རབ་ཏུ་ཞི་བར་འགྱུརོ། །སེཾན་ཆེན་པོ་དེ་མྱ་ངན་ཐཾད་དང་བྲལ་བར་འགྱུར་རོ། །དེ་ལ་ལྷ་ཐམས་ཅད་ཀྱང་རྟག་པར་རྒྱུན་ཏུ་བསྲུང་བ་དང་། 
བསྐྱོབས་པ་དང་། སྦེད་པར་བྱེད་པར་འགྱུར་རོ། །དེས་གཞན་གྱིས་མི་ཐུབ་པའི་གསང་སྔགས་ཆེན་པོའི་སྙིང་པོ་འདི་དག་བྲིས་ཏེ། རྟག་པར་རྒྱུན་ཏུ་ལུས་ལ་གདགས་ཤིང་བཅང་བར་བྱ། རྟག་པར་རྒྱུན་དུ་ཡིད་ལ་བྱའོ། །
ཁ་ཏོན་དུ་བྱའོ། །བསམ་པ་ཐག་པ་ནས་བསྒོམས་པར་བྱའོ། །སྡུག་བསྔལ་བ་དང་། རྨི་ལམ་ངན་པ་དང་། ལྟས་ངན་པ་དང་། བཀྲ་མི་ཤིས་པའི་དངོས་པོ་ཐམས་ཅད་རྣམས་པར་འཇོམ་པར་འགྱུར་རོ། །བདེ་བ་ཕུན་
སུམ་ཚོགས་པ་ཐམས་ཅད་འབྱུང་བར་འགྱུར་རོ། །འདི་ནི་གསང་སྔགས་ཀྱི་གཞི་ལས་ཐམས་ཅད་བྱེད་པ་དགེ་བ་རྣམ་གྲུབ་པའོ། །ཏད་ཡ་ཐཱ། ༀ་ཨ་མྲྀ་ཏེ་ཨ་མྲི་ཏ་བ་རེ། བ་ར་བ་ར། པྲ་བ་ར་བི་ཤུད་དྷེ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། 
ༀ་ཨ་མྲྀ་ཏ་བེ་ལ་ཀི་ནྀ་གརྦྷ་སྃ་རཀྵ་ཎི། ཨ་ཀཪྵ་ཎྀ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། གཞན་གྱི་མི་ཐུབ་པའི་སྙིང་པོའོ། །ༀ་བི་མ་ལེ་བི་པུ་ལེ། ཛ་ཡ་བ་རེ། ཛ་ཡ་བཱ་ཧི་ནི། ཨ་མྲི་ཏེ། བི་ར་ཛེ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ༀ་བྷ་ར་བྷ་ར། སྃ་བྷ་ར་སྃ་བྷ་ར། ཨིནྡྲི་ཡ་བ་ལ་བི་
97-1-138b


ཤོ་དྷ་ནི། རུ་རུ་ཙ་ལེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཉེ་བའི་སྙིང་པོའི་རིག་པའོ། །ༀ་མ་ཎི་དྷ་རི་བཛྲི་ཎི་མ་ཧཱ་པྲ་ཏེ་ས་རེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། རབ་ཏུ་བསང་བའི་སྙིང་པོའོ། །སངས་རྒྱས་དང་བྱང་ཆུབ་སེམས་དཔའ་མ་ལུས་པ་ཐམས་ཅད་ཐབས་ཅིག་ཏུ་
འདུས་ནས་སྒྲ་དབྱངས་གཅིག་ཏུ་གཟུངས་ཀྱི་གསང་སྔགས་ཀྱི་གཞི་འདི་དག་གསུངས་ཏེ། གསང་སྔགས་འདི་དག་ནི་རིག་པའི་རྒྱལ་མོ་ཆེན་མོ་སོ་སོར་འབྲང་བ་ཆེན་མོའྀ་སྙིང་པོ་དང་གོ་ཆའོ། །དེ་བཞིན་གཤེགས་པ་ཐཾད་
ཀྱི་ཕྱག་རྒྱས་བཏབ་པའོ། །འདི་ཐོས་པར་ཡང་རབ་ཏུ་དཀའ་ན་ཡི་གེར་བྲི་བ་དང་། ཚིག་ཏུ་འདོན་པ་དང་། ཀློག་པ་དང་། འཆང་བ་དང་། གཞན་ལ་ཡང་སྟོན་པ་ལྟ་ཅི་སྨོས་ཏེ། དེ་ནས་སངས་རྒྱས་ལ་བྱ་བ་བྱས་པར་རིག་པར་བྱའོ། །འདི་ནི་དེ་
བཞིན་གཤེགས་པ་ཐམས་ཅད་ཀྱིས་རབ་ཏུ་སྔགས་སོ། །རྗེས་སུ་ཡི་རང་ངོ་། །ལུང་སྟན་ཏོ། །སོ་སོར་འབྲང་བ་ཆེན་མོ་གཞན་གྱི་མི་ཐུབ་པའི་གཟུང་འདི་མཆོག་དུ་དཀོན་པའོ། །སོ་སོར་འབྲང་བ་ཆེན་མོ་འདིའྀ་མིང་ཐོས་
པར་ཡང་ཤིན་ཏུ་དཀའ་སྟེ། གཟུངས་ཆེན་མོ་འདི་ནི་སྡིག་པ་ཐམས་ཅད་བྱང་བར་བྱེད་པ། སྟོབས་ཆེ་བ་ཕ་རོལ་གནོད་པ། གཟི་རྗིད་ཆེ་བ། འོད་ཆེ་བ། ཡོན་ཏན་བརྗོད་པར་ཆེ་བ། མཐུ་ཆེ་བ། བདུད་ཀྱི་རིས་ཀྱི་ལྷ་ཐཾད་རྣཾ་པར་འཇོམ་པར་བྱེད་
པ། བག་ཆགས་ཀྱིས་མཚམས་སྦྱོར་བའི་བདུད་ཀྱི་ཞག་པ་གཅོད་པ། ཕ་རོལ་གྱི་སྔགས་དང་། ཕྱག་རྒྱ་དང་། དུག་དང་། བྱད་དང་། གཡེང་བྱེད་ཀྱི་སྦྱོར་བ་དང་། འཁོན་པར་བྱ་བ་དང་། དྲག་ཤུལ་ཏུ་སྤྱོད་པ་གནོད་པའི་སེཾས་དང་ལྡན་པ་རྣམས་རྣམ་
པར་སྦྱོང་བར་བྱེད་པ། སངས་རྒྱས་དང་། བྱང་ཆུབ་སེམས་དཔའ་དང་། འཕགས་པའི་ཚོགས་ཐམས་ཅད་ལ་མཆོད་པ་དམ་པ་བྱེད་པར་མངོན་པར་དགའ་བ་རྣམས་ལ་ཡོངས་སུ་སྦྱོང་བར་བྱེད་པ། ཐེག་པ་ཆེན་པོ་འཛིན་
པ་དང་། ཡི་གེར་འདྲི་བ་དང་། ཀློག་པ་དང་། ཚིག་ཏུ་འདོན་པ་དང་། ཁ་ཏོན་བྱེད་པ་དང་། ཉན་པ་དང་། འཆང་བར་མངོན་པར་བརྩོན་པ་རྣམ་ལ་ཡོངས་སུ་སྐྱོང་བའོ། །བྲམ་ཟེ་ཆེན་པོ་སོ་སོར་འབྲང་བ་ཆེན་མོ་རིག་པའི་
97-1-139a


རྒྱལ་མོ་འདི་ནི་སངས་རྒྱས་ཀྱིས་བྱང་ཆུབ་ཀྱི་བར་དུ་ཡོངས་སུ་རྫོགས་པར་བྱེད་པ་སྟེ། གང་དུ་ཡང་ཐོག་པ་མེད་དོ། །སྟོན་པ་དགྲ་ལས་རྒྱལ་བ་ང་ཅི་ལྟ་བ་བཞིན་དུ་ཐཾད་དུ་ཡང་མཆོད་པ་ཆེན་པོ་ཐོབ་པར་འགྱུར་རོ། །
ཅིས་མངོན་ཞེ་ན། རིག་པ་ཆེན་མོ་བགེགས་དང་ལོག་འདྲེན་ཐམས་ཅད་རྣམ་པར་འཇོམ་པར་བྱེད་པ་འདི་ནི་སྔོན་ཡོངས་སུ་ཤེས་ཏེ། གང་གི་ཚེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
རྒྱ་ཆེར་རབ་ཏུ་བཞད་པའི་ཞལ་ནོར་བུ་དང་། གསེར་དང་། རིན་པོ་ཆེ་འབར་བའི་འོད་ཟེར་སྣང་བ་མངོན་པར་འཕགས་པའི་རྒྱལ་པོ་དང་པོ་མངོན་པར་སངས་རྒྱས་ནས་བྱང་ཆུབ་ཀྱི་སྙིང་པོ་ག་ལ་བ་དེར་གཤེགས་ཏེ། སངས་རྒྱས་ཐམས་ཅད་
ཀྱི་བསྔགས་པའི་ཆོས་ཀྱི་འཁོར་ལོ་རབ་ཏུ་སྐོར་བར་བཞེད་པ་དེའི་ཚེ། བཅོམ་ལྡན་འདས་དེ་ལ་བདུད་གཡོག་དང་བཅས་པ་བདུད་བྱེ་བ་ཁྲག་ཁྲིག་རྒྱ་སྟོང་དུ་མས་བསྐོར་བ་གཟུགས་སྣ་ཚོགས་མི་སྡུག་པ། འཇིགས་འཇིགས་ལྟར་
འདུག་པ། སྒྲ་མི་སྙན་པ། བདུད་ཀྱི་ཡུལ་རྣམ་པ་སྣ་ཚོགས་རྣམ་པར་འཕྲུལ་བར་བྱིན་གྱི་རློབ་པ། མཚོན་ཆ་རྣམ་པ་སྣ་ཚོགས་ཀྱི་ཆར་འབེབ་པ། མངོན་པར་སྤྲུལ་ནས་ལྷགས་ཏེ། ཕྱོགས་བཞི་ནས་སྐོར་ནས་བར་ཆད་བྱ་བར་བརྩཾས་པ་
དང་། དེ་ནས་བཅྡོཾས་རྒྱ་ཆེར་རབ་ཏུ་གཞད་པའི་ཞལ་ནོར་བུ་དང་། གསེར་དང་། རིན་པོ་ཆེ་འབར་བའི་འོད་ཟེར་སྣང་བ་མངོན་པར་འཕགས་པའི་རྒྱལ་པོ་ཡུད་ཙམ་ཞིག་ཅང་མི་གསུང་བར་བཞུགས་ནས་རིག་པའི་རྒྱལ་མོ་སོ་སོར་འབྲང་བ་ཆེན་
མོ་འདི་ཡིད་ཀྱིས་ལན་བདུན་བརྗོད་དོ། །རིག་པའི་རྒྱལ་མོ་ཆེན་མོ་སོ་སོར་འབྲང་བ་ཆེན་མོ་འདི་བརྗོད་མ་ཐག་ཏུ་སྐད་ཅིག་དེ་ཉིད་ལ་བདུད་སྡིག་ཅན་དེ་དག་ཐམས་ཅད་ཀྱི་བཅོམ་ལྡན་འདས་ཀྱི་བ་སྤུའི་བུ་ག་རེ་རེ་ནས་སྐྱེ་བུ་གོ་ཆ་གྱོན་པ་
བྱེ་བ་ཁྲག་ཁྲིག་རྒྱ་སྟོང་དུ་མ་རལ་གྲི་དང་། དགྲ་སྟ་དང་། ཞགས་པ་དང་། ཐོ་བ་དང་། རྩེ་གསུམ་པ་འབར་བ་ལག་ན་ཐོགས་པ་ཤ་སྟག་ཚིག་འདི་སྐད་དུ་གང་དག་བཅོམ་ལྡན་འདས་ལ་གནོད་པར་བྱེད་པ། བདུད་གནོད་སེཾས་ཅན་རྣམས་
97-1-139b


ཟུང་ཤིག་ཟུང་ཤིག །ཆིངས་ཤིག་ཆིངས་ཤིག །གནོད་པར་སེམས་པ་ཐམས་ཅད་རབ་ཏུ་ཆོམ་ཤིག །གནོད་སེཾས་ཅན་དང་། གཟའ་དང་། བགེགས་དང་། ལོག་འདྲེན་ཐམས་ཅད་ཀྱི་སྲོག་ཕྱེ་མར་གྱིས་ཤིག་ཅེས་འཛེར་
ཅིང་འཐོན་པ་མཐོང་ངོ་། །དེ་ནས་བདུད་དེ་དག་ཐམས་ཅད་བྱམས་པའི་རལ་གྲིས་མངོན་པར་བཏུལ་ནས། ལ་ལས་ནི་བསླབ་པའི་གཞི་རྣམས་བཟུང་བ་ནས། ལ་ལས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
ཏུ་ལུང་བསྟན་པའི་བར་དུའོ། །དེ་ལ་མཐུ་ཆེ་བ་གཞན་དག་ནི་དེ་བཞིན་གཤེགས་པའི་བ་སྤུའི་བུ་ག་ནས་འཐོན་པའི་སྐྱེས་བུ་ཆེན་པོ་དེ་དག་མཐོང་ནས། གྲོང་ཁྱེར་དེ་ཉིད་དུ་སྤ་གོང་བར་གྱུར། རྫུ་འཕྲུལ་ཡོངས་སུ་ཉམས་
ཤིང་སྤོབས་པ་དང་། སྟོབས་དང་རྩལ་མེད་པར་གྱུར་ཅིང་། མདའ་གཞུ་དག་ཀྱང་ཆག་ནས་བྱེར་རོ། །དེ་ནས་བཅོམ་ལྡན་འདས་ཀྱི་བགེགས་དང་། ལོག་འདྲེན་དང་། བདུད་སྡིག་ཅན་ཐཾད་རབ་ཏུ་བཅོམ་ནས་སདྱས་བཞན་སངྱས་བ་ཞན་
དག་ཇི་ལྟ་བ་བཞིན་དུ་ཆོས་ཀྱི་འཁོར་ལོ་རབ་ཏུ་བསྐོར་རོ། །བརྒལ་ཏོ་ཕ་རོལ་དུ་རབ་ཏུ་གཤེགས་སོ། །བྲམ་ཟེ་ཆེན་པོ་དེ་ལྟར་ན་རིག་པའི་རྒྱལ་མོ་སོ་སོར་འབྲང་བ་ཆེན་མོ་སྟོབས་ཀྱི་དྲག་ཤུལ་ཆེ་བ། རྫུ་འཕྲུལ་ཀྱི་ཕ་
རོལ་ཏུ་ཕྱིན་པ་འདི་དྲན་པ་ཙམ་གྱིས་སེཾས་བསམ་པ་ཡོངསུ་དག་པ་རྣམས་དང་། གཞན་གནོད་སེམས་ཅན་རྣམ་ཀྱང་སྡུག་བསྔལ་བ་དང་། འཇིགས་སྐྲག་པ་ཐམས་ཅད་ལས་ཡོངས་སུ་ཐར་བར་བྱེད་དོ། །བྲམ་ཟེ་
ཆེན་པོ་དེ་ལྟ་བས་ན་རྟག་པར་རྗེས་སུ་དྲན་པའི་ཡིད་ལ་བྱེད་པས་ཡིད་ལ་བྱའོ། །ཡི་གེར་བྲིས་ཏེ་རྟག་ཏུ་ལུས་ལ་གདགས་ཤིང་བཅང་བར་བྱའོ། །ཅིས་མངོན་ཞེ་ན། སྔ་མ་བཞིན་དུ་ཉོན་ཅིག་རྒྱལ་པོ་ཚང་པས་བྱིན་གྱི་ཡུལ་
ན་གྲོང་ཁྱེར་ཆེན་པོ་འཕགས་རྒྱལ་དུ་མི་ཞིག་ལ་ཉེས་པ་བྱུང་ནས་རྒྱལ་པོ་ཚངས་པས་བྱིན་གྱིས་གཤེད་མའི་མི་རྣམས་ལ་ཁྱེད་ཀྱིས་མི་འདི་སོད་ཅིག་ཅེས་བསྒོའོ། །དེ་ནས་གཤེད་མའི་མི་དེ་དག་གིས་རྒྱལ་པོས་བསྒོ་བ་
97-1-140a


བཞིན་དུ་མི་དེ་ཁྲིད་དེ་རི་སུལ་ཞིག་དུ་ཕྱིན་ནས། རལ་གྲི་ཤུབ་ནས་ཕྱུང་སྟེ་བསད་པར་བཤམས་པ་དང་། དེའི་ཚེ་མི་དེས་རིག་པའི་རྒྱལ་མོ་སོ་སོར་འབྲང་བ་ཆེན་མོ་འདི་ཡིད་ལ་དྲན་ནོ། །ཡི་གེར་བྲིས་ནས་ལག་
པ་གཡས་པ་ལ་བཏགས་ཤིང་འདུག་གོ། སེམས་ཅན་ཆེན་པོར་དེའི་རིག་པ་འདིའྀ་མཐུས། རལ་གྲི་མེ་ལྕེ་གཅིག་དུ་གྱུར་ནས་རྡུལ་གཏོར་བ་བཞིན་དུ་དུམ་བུར་གྱུར་ཏོ། །དེ་ནས་གཤེད་མའི་མི་དེ་དག་གིས་ངེས་པ་
འདི་རྒྱལ་པོ་ལ་ཞིབ་ཏུ་བསྙད་དོ། །དེ་ནས་རྒྱལ་པོ་དེ་རབ་ཏུ་འཁྲུགས་ནས། ཀྱེ་མི་དག་ས་ཕྱོགས་ཞིག་ན་གནོད་སྦྱིན་གྱི་ཕུག་ཡོད་དེ། དེ་ན་གནོད་སྦྱིན་རྒྱ་སྟོང་མང་པོ་ཤ་རྗེན་ཟ་བ་གནས་ཀྱིས། དེར་ཁྲིད་དེ་འོར་ཅིག་ཅེས་བསྒོའོ། །
དེ་ནས་མི་དེ་གཤེད་མ་མི་དེ་དག་གིས་གནོད་སྦྱིན་གྱི་ཕུག་དེར་བོར་རོ། །གནོད་སྦྱིན་གྱི་ཕུག་དེར་བོར་མ་ཐག་ཏུ་དེ་ནས་གནོད་སྦྱིན་དེ་དག་ཐམས་ཅད་ཡིད་དགའ་སྟེ། མི་ཤ་བཟའོ་སྙམ་དུ་བརྒྱུགས་པ་དང་། དེ་དག་གིས་སོ་སོར་འབྲང་
བ་འདིའི་མཐུས་མི་དེ་ལ་མེ་ལྕེ་གཅིག་ཏུ་གྱུར་པའི་འོད་འཕྲོ་བར་རབ་ཏུ་འབར་བར་མཐོང་ངོ་། །མཐོང་ནས་ཀྱང་ཐམས་ཅད་དངངས་ནས་རང་རང་གི་ལུས་ཚིག་པར་ཡང་མཐོང་ངོ་། །དེ་ནས་གནོད་སྦྱིན་དེ་དག་ངོ་ཚར་སྐྱེས་ནས་མི་དེ་
ཁྲིད་དེ་སྒོའི་ཕྱི་རོལ་ཏུ་བཞག་ནས་བསྐོར་བ་བྱ་བར་བརྩམས་པ་ནས་གཤེད་མའི་མི་དེ་དག་གིས་རྒྱལ་པོ་ལ་ཞིབ་ཏུ་བསྙད་པའི་བར་དུ་སྔ་མ་བཞིན་ནོ། །དེ་ནས་རྒྱལ་པོ་ཆེར་འཁྲུགས་ཏེ་རྔམས་ནས་གལ་ཏེ་དེ་ལྟར་ན་ཁྱེད་ཅག་
དེང་ལ་མི་འདི་ཆིངས་ཏེ། ཆུར་བོར་ཅིག་ཅེས་བསྒོ་བ་དང་། གཤེད་མའི་མི་དེ་དག་གིས་ཁྲིད་དེ་ཆུར་བོར་རོ། །མི་དེ་ཆུ་བོར་མ་ཐག་ཏུ་མི་དེ་ཇི་ལྟར་ཐང་ལ་འདུག་པ་བཞིན་ཏུ་ཆུ་མེད་པར་གྱུར་ཏོ། །ཆིངས་མ་དེ་དག་ཀྱང་དུམ་བུར་
ཆད་དོ། །རྒྱལ་པོས་དེ་སྐད་ཐོས་པ་དང་། དེ་ནས་རྒྱལ་པོ་ངོ་མཚར་དུ་གྱུར་ནས་མིག་ཚུགས་སུ་བལྟས་ཏེ། །ཨེ་མ་འོ་མི་འདི་ངོ་མཚར་ཏོ། །འདི་ལ་རྒྱུ་ཅི་ཞིག་ཡོད་སྙམས་ཏུ་རྣམ་པར་རྟོག་པར་གྱུར་ཏོ། །ཞེས་སྨྲས་སོ། །
97-1-140b


དེ་ནས་རྒྱལ་པོ་དེས་མི་དེས་བཀུག་སྟེ། ཀྱེ་མི་ཁྱོད་ཅི་ཞིག་ཤེས་ཞེས་དེ་སྐད་སྨྲས་སོ། །མི་དེས་སྨྲས་པ་རྒྱལ་པོ་ཆེན་པོ་རིག་པ་ཆེན་མོ་སོ་སོར་འབྲང་བ་ཆེན་མོ་འཆང་བ་ལས་གཞན་ནི་ཅི་ཡང་མ་འཚལ་ཏེ། ལྷ་དེ་ནི་དེའི་མཐུས་
ལགས་སོ། །རྒྱལ་པོས་སྨྲས་པ་ངོ་ཚར་ཆེའོ། །རིགས་པ་ཆེན་མོ་དགེ་བར་གསུང་། འཆི་བདག་ནན་ཏུར་རྨོངས་བྱེད་པ། །སངས་རྒྱས་ཀུན་གྱིས་བྱིན་གྱིས་བརླབས། །སེམས་ཅན་ཐམས་ཅད་རབ་ཏུ་སྒྲོལ། །ནད་དང་སྡུག་བསྔལ་
ཐར་བར་བྱེད། །རིག་པ་ཆེན་མོ་གཟི་རྗིད་ཆེ། །དུས་མིན་འཆི་ལས་རབ་ཏུ་སྒྲོལ། །ནད་ཆེན་རྣམ་ནི་བཟློག་བྱེད་པ། །མགོན་པོ་ཐུགས་རྗེ་ཅན་གྱིས་གསུངས། །དེ་ནས་རྒྱལ་པོ་རབ་ཏུ་དགའ་བའི་ཡིད་ཀྱི་རིག་པའི་རྒྱལ་མོ་ཆེན་མོ་
སོ་སོར་འབྲང་བ་ཆེན་མོ་ལ་མཆོད་ནས་མངོན་པར་བསྟོད་དོ། །མི་དེ་ཡང་བློན་ཐབས་བྱིན་ཏེ། རང་གི་གཉེན་གྱི་མདུན་ཏུ་གྲོང་ཁྱེར་གྱི་གཙོ་བོར་དབང་བསྐུར་ཏོ། །བྲམ་ཟེ་ཆེན་པོ་དེ་ལྟར་ན་རིག་པའི་རྒྱལ་མོ་སོ་སོར་
འབྲང་བ་ཆེན་མོ་འདིས་ཐམས་ཅད་ཏུ་ཡང་མཆོད་པ་ཆེན་པོ་རྙེད་དོ། །སེཾན་གནོད་སེཾས་ཅན་ཐཾད་ཀྱིས་ཀྱང་འགལ་བར་མི་བྱའོ། །དེ་ལྟར་ན་རིག་པའི་རྒྱལ་མོ་ཆེན་མོ་འདི་ཡོངས་སུ་ཤེས་ཏེ་གང་དུ་ཡང་ཐོགས་པ་མེད་དོ། །དེ་ལྟ་
བས་ན་གདོན་མི་ཟ་བར་རྟག་ཏུ་ལུས་ལ་གདགས་ཤིང་བཅང་བར་བྱའོ། །བྲམ་ཟེ་ཆེན་པོ་སྐར་མ་བཟང་པོ་ལ་ཆོ་ག་ལེག་པར་བྱས་ཏེ། རིག་པའི་རྒྱལ་མོ་འདི་བྲི་བར་བྱའོ། །དེ་ནས་བྲམ་ཟེ་ཆེན་པོ་དེ་ཡིད་རབ་ཏུ་དགའ་ནས་བཅྡོཾས་
ལ་ཡན་ལག་ལྔས་ཕྱག་འཚལ་ཏེ་ཞུས་པ། བཙུན་པ་བཅྡོཾས་རིག་པའི་རྒྱལ་མོ་ཆེན་མོ་འདིའྀ་ཆོ་ག་ནི་ཇི་ལྟར་བགྱིས་ཏེ་བྲི་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་ཆེན་པོ་ཁྱོད་ཉོན་ཅིག །
སེམས་ཅན་ཀུན་ལ་སྙིང་རྩེའི་ཕྱིར། །ངས་ནི་ཁྱོད་ལ་བཤད་པར་བྱ། །གང་གི་སེམས་ཅན་བདེ་བྱེད་ཅིང་། །ཉམ་ང་བའི་ལས་ལས་འགྲོལ། །ནད་རྣམས་ལས་ཀྱང་ཐར་བྱ་དང་། །བུད་མེད་སྦྲུམ་མར་འགྱུར་བ་དང་། །སེམས་ཅན་
97-1-141a


རྣམས་ཀྱི་དབུལ་བའི། །རྨ་རྣམས་གསོ་བར་བྱ་ཕྱིར་རོ། །བསྙེན་གནས་དག་ལ་གནས་གྱུར་ནས། །རྒྱུ་སྐར་རྒྱལ་དུ་ཤེས་པ་ལ། །སངས་རྒྱས་མཆོད་ལ་བརྩོན་བྱས་ཏེ། །བྱང་ཆུབ་ཕྱིར་ནི་སེཾས་ཀྱང་སྐྱེད། །
སྙིང་རྗེས་ཀུན་ཏུ་བརླན་སེམས་དང་། །བྱམས་པ་དང་ཡང་ལྡན་གྱུར་ནས། །རྟག་ཏུ་སེམས་ཅན་ཐམས་ཅད་ལ། །ཕན་པ་སྐྱེད་པ་བརྩོན་པར་བྱ། །ཙན་དན་དང་ནི་གུར་གུམ་དང་། །གླ་རྩིར་བསྲེས་པའི་ཆུས་བཀྲུས་ཏེ། །བདུག་
པ་རྣམས་ཀྱི་གདུག་པའི། །གོས་གཙང་རྣམས་ནི་བགོ་བར་བྱ། །ས་དང་ལྕི་བ་བསྲེས་པ་ཡི། །དེ་ཡི་འོག་ཏུ་དཀྱིལ་འཁོར་བྱ། །བུམ་པ་གང་བ་བཞི་བཞག་སྟེ། །ལྔ་པ་དཀྱིལ་འཁོར་དབུས་སུ་གཞག །དེ་ལ་རིན་ཐང་ཆེན་པོ་ཡི། །
མེ་ཏོག་བདུག་པ་སྤོས་རྣམས་གསོལ། །ཙན་དན་སྤྲི་ཀ་དེ་བཞིན་དུ། །ཨ་ཀ་རུ་དང་དུ་རུ་ཀ །ཤ་ཁ་ར་དང་ལྔ་སྦྱར་བའི། །བདུག་པ་ཆོ་ག་བཞིན་དུ་འབུལ། །ཆོ་ག་ཅི་བཞིན་དུས་བཞིན་བྱ། །ལོ་རྟོག་རྣམ་པ་སྣ་ཚོགས་རྣཾས། །མེ་ཏོག་འབྲས་
བུ་ས་བོན་དང་། །སྤོས་རྣམ་ཀུན་གྱི་ལེགས་པར་རྒྱན། །མར་དང་སྦྲང་རྩི་འོ་མ་དང་། །ནས་ཐུག་འོ་ཐུག་ལ་སོགས་པས། །གཏོར་མའི་བུམ་པ་དགང་བར་བྱ། །མཚན་མང་ཤིན་དུ་བཀྲ་ཤིས་པ། །ཕྱོགས་བཞི་རྣམས་སུ་གཞག་པར་བྱ། །
ལྔ་པ་དཀྱིལ་འཁོར་དབུས་སུ་གཞག །སྤོས་ཀྱི་བཀང་བའི་ཕོར་པ་རྣམས། །གྲྭ་བཞི་དག་ཏུ་གཞག་པར་བྱ། །དཀྱིལ་འཁོར་གྱི་ནི་འགྲམ་ལོགས་སུ། །སེང་ལྡེང་ཕུར་བུ་བཞི་བཙུགས་ལ། །ཚོན་སྐུད་ཁ་དོག་སྣ་ལྔ་ཡིས། །
འཁོར་བར་དམ་དུ་བྲི་བར་བྱ། །གལ་ཏེ་བདག་འགྲུབ་འདོད་ན་ནི། །བྲམ་ཟེ་དེ་ལྟར་བྱས་ནས་བྲི། །ཁ་ཟས་དཀར་པོ་ཟོས་ནས་སུ། །ཕན་པར་འདོད་པས་བྲི་བར་བྱ། །དར་རམ་རས་སམ་གྲོ་ག་འམ། །ཅི་ཡང་རུང་བ་གཞན་ལ་བྲི། །
བུད་མེད་དག་ལ་བུ་འདོད་ན། །གིའུ་ཧང་གི་ནི་ལེགས་པར་བྲི། །དབུསུ་ཁྱེའུ་ཞིག་བྲིས་ནས་ནི། །རྒྱན་རྣཾས་ཀུན་གྱི་རྣམ་པར་བརྒྱན། །དེ་བཞིན་རིན་ཆེན་གང་བའི་སྣོད། །ལག་པ་གཡོན་ན་ཐོག་པར་བྱ། །པད་མ་རབ་ཏུ་རྒྱས་གྱུར་ཅིང་། །བརྒྱན་པ་ལ་
97-1-141b


ནི་དེ་འདུག་བྱ། །ནོར་བུ་དོ་ཤལ་གསེར་དག་དང་། །རིན་ཆེན་སྣ་ཚོགས་རྣམ་ཀྱིས་བརྒྱན། །གདུལ་བར་ཤིན་དུ་དཀའ་བ་བྲི། །གྲྭ་བཞི་དག་ཏུ་རི་བོ་བྲི། །གལ་ཏེ་བདེ་བར་འཚོ་འདོད་ན། །རབ་ཏུ་བསྒྲིམས་ཏེ་དེ་ལྟར་བྲི། །བྱེ་བྲག་ཏུ་ནི་
སྐྱེས་པ་རྣམས། །གུར་གུམ་གྱིས་ནི་བྲི་བར་བྱ། །དེ་ཡི་དགོས་པ་འདོད་པ་རྣཾས། །འགྲུབ་འགྱུར་འདི་ལ་ཐེ་ཙོམ་མེད། །པད་མ་གཉིས་སམ་ཡང་ན་གསུམ། །བཞི་འམ་ཡང་ན་ལྔ་བྲིས་ཏེ། །པད་མ་ལ་ནི་ཕྱག་རྒྱའི་མཚན། །
རྣམ་པ་སྣ་ཚོགས་གཟུགས་སུ་བྲིས། །དེ་བཞིན་དུ་ནི་པད་མ་རྣམས། །ཟེ་བས་ཀུན་དུ་འཁོར་བར་བྲི། །པད་མ་འདབ་མ་རབ་རྒྱས་ལ། །སྡོང་བུ་དར་གྱིས་བཅིངས་པར་བྲིས། །པད་མ་ལ་ནི་རྩེ་གསུམ་པ། །ཟུར་བརྒྱད་ལ་ནི་དར་སྤྱང་
བྲི། །དེ་བཞིན་པད་མ་དགྲ་སྟར་བཅས། །འདབ་མ་བརྒྱད་དང་ལྡན་པར་བྲི། །པད་མ་བཅས་པས་རལ་གྲི་བྲི། །པད་མ་དེ་ནི་དཀར་པོར་བྱ། །པད་མའི་སྟེང་དུ་དུང་ཡང་བྲི། །ཐམས་ཅད་དུ་ཡང་རྒྱས་པར་བྱ། །ཀུན་དུ་ཆོ་གའི་མཚན་
མ་རྣཾས། །མཁས་པ་དག་གིས་བྲི་བར་བྱ། །གང་ལ་གནོད་པའི་སེཾས་འབྱུང་བ། །བྱིས་པའི་གཟུགས་རྣཾས་མི་བྲིའོ། །སྣ་ཚོགས་རྒྱན་གྱིས་རྒྱན་པའི། །ལྷའི་གཟུགས་ནི་བྲི་བར་བྱ། །དགེ་སློང་ཕྱིར་ནི་རྡོ་རྗེ་འཆང་། །
གནོད་སྦྱིན་བསྡེགས་པར་བརྩོན་པར་བྲི། །རྒྱལ་པོ་ཆེན་པོ་བཞི་རྣམས་ཀྱང་། །ངོས་བཞི་རྣམས་སུ་བྲི་བར་བྱ། །བྲམ་ཟེའི་ཕྱིར་ནི་དབང་ལྡན་ནོ། །རྒྱལ་རིགས་ལ་ནི་དབང་ཕྱུག་ཆེ། །དམངས་རིག་ཕྱིར་ནི་རྟག་ཞི་བ། །ཁྱབ་
འཇུག་ལེགས་པར་བྲི་བར་བྱ། །རྗེའུ་རིགས་ཕྱིར་ནི་རྣམ་ཐོས་བུ། །ལྷའི་དབང་ཕྱུག་དབང་པོ་བྲི། །ཁྱེའུ་ཡི་ཕྱིར་ནི་སྐྱེ་དགུའི་བདག །བློ་གྲོས་ཆེན་པོ་བྲི་བར་བྱ། །སྔོ་བསངས་མདོག་ནི་གང་ཡིན་པ། །དེ་ཡི་ཆེད་དུ་
ཁྲོས་པ་བྲི། །དཀར་མོའི་ཕྱིར་ནི་གྲགས་ལྡན་པ། །ཕུན་སུམ་ཚོགས་པའི་གཟུགས་སུ་བྲི། །སྦོམ་མའི་ཕྱིར་ནི་ནོར་བུ་བཟང་། །རབ་ཏུ་བསྒྲིམས་ཏེ་བྲི་བར་བྱ། །སྐེམ་མོའི་ཕྱིར་ནི་གང་བ་བཟང་། །རང་འབྱུང་
97-1-142a


ང་ཡི་བསྟན་པར་བྲི། །སྦྲུམ་མའི་ཕྱིར་ནི་ནག་མོ་ཆེ། །ཚངས་ལྷ་རྣམས་ཀྱང་བྲི་བར་བྱ། །གཞན་ཡང་ཅི་ལྟར་ཆོ་ག་ལས། །གོང་དུ་བཤད་པ་བཞིན་དུ་བྲི། །ལས་ཀྱི་ཆོ་ག་མཐོང་ནས་ནི། །རབ་ཏུ་བསྒྲིཾས་
ཏེ་དེ་བཞིན་བྲི། །རྟག་ཏུ་མགུལ་དུ་བཏགས་ན་ནི། །དེ་ནི་བདེ་བར་འགྱུར་བ་ཡིན། །རྒྱལ་མཚན་རྩེ་མོའི་པད་མ་ལ། །ཡིད་བཞིན་ནོར་བུ་འབར་བ་བྲི། །པད་མའི་སྙིང་པོར་ཞགས་པ་དང་། །དེ་བཞིན་འཁོར་
ལོ་འང་བྲི་བར་བྱ། །པད་མའི་སྟེང་དུ་རྡོ་རྗེ་དང་། །པད་མའི་སྙིང་པོ་ཐོ་བ་བྲི། །ཆོ་ག་ལས་ནི་འབྱུང་བ་བཞིན། །པད་མའི་སྟེང་དུ་མདུང་ཐུང་བྲི། །ཆོ་ག་ལས་ནི་བརྗོད་པ་བཞིན། །ནོར་བུ་ཐམས་ཅད་རྩེ་མོ་འབར། །འོད་ཟེར་འཕྲོ་
བས་རྒྱས་པ་དང་། །དར་གྱི་བཅིང་པ་བྲི་བར་བྱ། །ཀླུ་མགོ་གདེང་ཀ་དགུ་ཡོད་ལ། །ནོར་བུ་རབ་ཏུ་འབར་བ་དང་། །དེ་དག་ཀུན་གྱི་སྙིང་གར་ཡང་། །རྡོ་རྗེ་གནས་པར་བསྒྲིམས་ཏེ་བྲི། །རྒྱལ་པོ་རྣམས་ཕྱིར་སྟོབས་
ཅན་དང་། །དེད་དཔོན་མཁས་པས་རྟག་ཏུ་བྲི། །རིག་པ་འཛིན་པ་ཐམས་ཅད་ཀྱི། །རིག་པའི་ལྷ་མོ་རྣམ་ཀྱང་བྲི། །ཟླ་བ་ཉི་མ་རྒྱུ་སྐར་བཅས། །སྒྲ་ཅན་འཇུག་རིངས་བཟའ་རྒྱད་བྲི། །ཆོ་ག་བཞིན་དུ་ངེས་བྲི་ལ། །
བློ་གྲོས་ལྡན་པའི་མི་བསྲེལ་ན། །ཟ་མ་དང་ནི་མ་ནིང་ཡང་། །བུ་པོ་རྙེད་པར་འགྱུར་བ་ཡིན། །འདི་ནི་ཐམས་ཅད་འགྲུབ་པར་བྱེད། །ཤིས་ཤིང་སྡེག་པ་ཞི་བར་བྱེད། །རང་འབྱུང་གི་ནི་དཀའ་བཞིན་
དུ། །གནས་ཀྱི་དམ་པ་ཐོབ་པར་འགྱུར། །འཇིག་རྟེན་འདི་ན་འང་མཆོག་དུ་བདེ། །འཇིག་རྟེན་ཕ་རོལ་ཤིན་དུ་བདེ། །སུམ་བཅུ་རྩ་གསུམ་གནས་ལ་སོགས། །ལྷ་གནས་དེ་ཡི་གནས་
སུ་འགྱུར། །འཛམ་གླིང་བཟང་ཞིང་ཉམས་དགའ་བར། །ཁྱད་པར་རྗེ་རིག་གྲགས་པ་དང་། །རྒྱལ་རིགས་ཁྱད་པར་འཕགས་པ་དང་། །བྲམ་ཟེ་ཁྱད་པར་འཕགས་རྣཾས་སུ། །བདག་ཉིད་ཆེན་པོ་དེ་སྐྱེས་
97-1-142b


ཏེ། །རྟག་ཏུ་རིག་དང་བདེ་བར་འགྱུར། །སོ་སོར་འབྲང་བ་འཆང་བའི་མིས། །བསོད་ནམས་ཐོབ་པ་གང་ཡིན་པ། །སངས་རྒྱས་དག་ནི་ཐཾད་ཀྱི། །བསོད་ནམས་ཕུང་པོ་བརྗོད་མི་ནུས། །སེམས་ཅན་དམྱལ་བའི་སྒོ་རྣམས་བཅད། །མཐོ་རིས་སྒོ་རྣཾས་རབ་ཏུ་
ཕྱེ། །བདེ་བ་ཕུན་སུཾ་ཚོགས་པ་དང་། །བློ་གྲོས་ཆེན་པོར་འགྱུར་བ་ཡིན། །སངྱས་བྱུབ་སེཾདའས་ཀྱང་། །རྟག་ཏུ་དབུགས་ནི་འབྱིན་པར་འགྱུར། །ལུས་ཀྱི་བདེ་བ་ཕུན་སུཾ་ཚོགས། །སྟོབས་ཀྱང་ཆེ་བར་འགྱུར་བ་ཡིན། །རྒྱལ་བས་ཅི་སྐད་གསུངས་པ་ལྟར། །འཁོར་ལོ་སྒྱུར་བར་འགྱུར་བ་ཡིན། །མི་དང་ལྷ་རྣམས་དབུགས་འབྱིན་
ཏེ། །གནོད་པར་སེཾས་དཔའ་སྐྲག་པར་བྱེད། །གང་ཕྱིར་རིག་པ་ལེགས་བཤད་པ། །དེ་ནི་རིང་པོར་མི་ཐོགས་སོ། །དེ་ནི་མཚོན་གྱིས་མི་ཚུགས་ཏེ། །དུག་དང་མེས་ཀྱང་ཚུགས་མི་འགྱུར། །དུས་མིན་འཆི་བའི་སྡིག་པ་ཡང་། །དེ་ལས་ཐག་ནི་རིང་
དུ་འགྲོ། །རྣམ་པ་ཀུན་དུ་ཉན་པ་འམ། །མཐོང་བ་དང་ནི་རེག་པ་འང་རུང་། །འབྱུང་པོ་གདོན་དང་རྩོད་པ་དང་། །ཆུ་དང་མེའི་འཇིགས་པ་དང་། །གཅན་ཟན་སྦྲུལ་དང་སེང་གེ་དང་། །ཀླུ་དང་ནད་ནི་མི་བཟད་རྣམས། །གང་
ལ་རིག་པ་ལེགས་བཤད་པ། །དེ་ལ་དེ་དག་ཀུན་མི་འབྱུང་། །དེ་དག་སེམས་ཅན་ཀུན་མཆོག་འགྱུར། །བདུད་རྣམས་ཀུན་གྱིས་ཐམས་ཅད་དུ། །མཆོད་པར་འགྱུར་བའི་འོས་ཡིན་ཏེ། །ཡང་དག་
བཤད་ཀྱིས་མཉན་པར་བྱོས། །རིགས་པའི་རྒྱལ་མོ་སོ་སོར་འབྲང་བ་ཆེན་མོའི་ཆོ་ག །རྫོགས་སོ།། །།དེ་ནས་སེམས་ཅན་ཐམས་ཅད་ལ་སྙིང་བརྩེ་བའི་ཕྱིར་རིགས་སྔགས་འཆང་བ་བསྲུང་བའི་ཚུལ་གྱི་ཆོ་
ག་བཤད་པར་བྱའོ། །བསྲུང་བའི་ཆོ་ག་གང་ཞིག་གིས། །དངོས་གྲུབ་ཆེན་པོ་འགྲུབ་འགྱུར་བ། །གང་དང་གང་དུ་བསྲུང་བྱས་ན། །དོན་ཡོད་འགྱུར་ཏེ་ཐེ་ཚོམ་མེད། །འཇིགས་མེད་རིམས་ཀྱིས་མི་བཏབ་སྟེ། །གཟའ་རྣཾས་
ཐམས་ཅད་བཟློག་པར་བྱེད། །རྒྱུ་སྐར་རྣམས་ཀྱང་འཐུན་པར་འགྱུར། །ལས་ཀྱི་ལུ་གུ་རྒྱུད་ཀྱང་གཅོད། །གཟའ་ཉེས་པ་དང་སྒོམ་ཉེས་དང་། །དགྲ་ཚོགས་ཀུན་གྱིས་བྱས་པ་དང་། །གནོད་པར་ལྟས་དང་བྲི་ཉེས་དང་། །བྱད་དང་གང་ཡང་མི་བཟད་དང་། །
97-1-143a


ཕྱེ་མ་སྔགས་ཀྱིས་བཏབ་པ་དང་། །དུག་འཐུང་བ་དང་སྦྱར་བའི་དུག །གང་ཞིག་བསྲུང་བ་འཆང་དེ་ལ། །དེ་དག་ཐམས་ཅད་ཞི་བར་འགྱུར། །གང་ཞིག་རིག་ལས་འགལ་བྱེད་པ། །ཡན་ལག་རྣམས་ལ་
རྣམ་པར་སྨིན། །སོ་སོར་འབྲང་བའི་དམོད་བསྡིགས་ན། །ཕ་རོལ་འཁོར་ནི་མི་བཟད་དང་། །འཇིགས་པ་ཆེན་པོ་དགྲ་ཡི་རྣམས། །དེ་དག་ཐམས་ཅད་རབ་ཏུ་འབྲོས། །སངས་རྒྱས་ཐམས་ཅད་མཁྱེན་པ་དང་། །བྱང་ཆུབ་སེཾས་
དཔའ་དེས་བས་བསྲུང་། །ཉན་ཐོས་དཀའ་ཐུབ་ཆེན་པོ་དང་། །རང་སངས་རྒྱས་གྱིས་བསྲུང་བར་འགྱུར། །གཞན་ཡང་རྣམ་པ་མང་པོ་ཡི། །ལྷ་ཀླུ་རྫུ་འཕྲུལ་ཆེན་པོ་རྣཾས། །འདི་ལ་རྟག་ཏུ་བཙོན་བྱེད་པ། །དེ་ལ་བསྲུང་བ་བྱེད་
པར་འགྱུར། །རིག་པ་ཡི་ནི་རྒྱལ་མོ་འདི། །ཐོས་པ་ཙམ་གྱིས་མི་མཆོག་རྣམས། །ཀུན་ཏུ་འཇིགས་པ་མེད་འགྱུར་ཞེས། །ཐུབ་པ་ཡི་ནི་དེ་སྐད་གསུངས། །རྨི་ལཾ་ངན་དང་ངན་བྱས་དང་། །གང་ཡང་ནད་མགོ་མི་བཟད་དང་། །ནད་ཀྱི་
བཏབ་དང་ནད་ཆེན་གྱིས། །གང་དག་ཟིན་ཅིང་ཁྲག་སྐྱུག་དང་། །གཞན་ཡང་རྣམ་པ་མང་པོའི་ནད། །འབྲས་དང་ཤུ་བ་སྐེམ་པོ་དང་། །གང་ཡང་གནོད་པ་མི་བཟད་པས། །མི་ཡི་སྐྱེ་དགུ་ཟིན་པ་དང་། །མི་རྣམས་མ་རུང་བྱ་བའི་ཕྱིར། །
མཆོག་ཏུ་མི་བཟད་གནོད་བྱེད་རྣམས། །བསྲུང་བ་སྟོབས་ཆེན་ག་ལ་བར། །དེ་དག་ཐམས་ཅད་མི་འབྱུང་ངོ་། །འདི་ལས་བསྲུང་བ་བྱས་ནས་ནི། །བཅིངས་པ་དག་ཀྱང་གྲོལ་བར་འགྱུར། །སོ་སོར་འབྲང་བ་བྲིས་པས་ཀྱང་། །གལ་ཏེ་དུས་
ཀྱི་ཞག་པ་ཡིས། །གཟུང་ནས་གཤིན་རྗེའི་གནས་ཁྲིད་པ། །དེ་ཡི་ཚེ་ནི་རྣམ་པར་འཕེལ། །གང་ཞིག་ཚེ་ནི་ཟད་གྱུར་ཏམ། །ཞག་བདུན་ན་ནི་འཆི་འགྱུར་བ། །ཡི་གེ་བྲིས་པའི་བར་ཙམ་གྱིས། །འཚོ་བར་འགྱུར་ཏེ་ཐེ་ཚོམ་མེད། །
ཆོ་ག་བཞིན་དུ་བསྲུང་བྱས་པ་འམ། །ཡང་ན་ཐོས་པ་ཙམ་གྱིས་ཀྱང་། །ཀུན་དུ་དགེ་བ་ཐོབ་པར་འགྱུར། །འདོད་པ་བཞིན་དུ་བདེ་བར་འཚོ། །གང་དག་སུམ་བཅུ་རྩ་གསུམ་ལྷ། །སྟོང་ཕྲག་དྲུག་བཅུ་རྩ་བརྒྱད་དང་། །བྱེ་བ་ཁྲག་ཁྲིག་
97-1-143b


ཕྲག་བརྒྱ་དང་། །བརྒྱ་བྱིན་མདུན་ནས་འགྲོ་བ་ཀུན། །སེམས་ཅན་དེ་ལ་བསྲུང་བའི་ཕྱིར། །ཕྱི་བཞིན་འབྲང་ཞིང་གནས་པར་བྱེད། །འཇིག་རྟེན་སྐྱོང་བ་བཞི་པོ་དང་། །ལག་ན་རྡོ་རྗེ་སྟོབས་ཆེན་ཡང་། །རིག་པའི་རིགས་ནི་བརྒྱ་
དག་དང་། །ལྷན་ཅིག་རྟག་ཏུ་བསྲུང་བར་བྱེད། །ཟླ་བ་ཡིད་བཟང་ཉི་མ་དང་། །ཚངས་པ་ཁྱབ་འཇུག་དབང་ཕྱུག་ཆེ། །ནོར་བུ་བཟང་དང་གཤིན་རྗེ་དང་། །སྟོབས་ཀྱི་ལྷ་ནི་སྟོབས་ཆེན་དང་། །གང་བ་བཟང་པོ་དཔལ་ཆེན་དང་། །འཕྲོག་མ་བུ་དང་
བཅས་པ་དང་། །ལྔ་འཛིན་པ་དང་ལྔས་རྩེན་དང་། །སྨིན་དྲུག་བུ་དང་ཚོགས་དབང་དང་། །ལྷ་མོ་ཆེན་མོ་དཔལ་ཅན་དང་། །རྣམ་ཐོས་བུ་དང་དབྱངས་ཅན་དང་། །དུང་ཅན་དང་ནི་མེ་ཏོག་སོ། །དེ་བཞིན་རལ་པ་གཅིག་པ་དང་། །གནོད་སྦྱིན་ཆེན་
པོ་དཔལ་ཡོན་ཅན། །རྟག་ཏུ་བསྲུང་བ་བྱེད་པར་འགྱུར། །ཟ་མ་རྣམས་ཀྱི་བུ་ཡང་སྐྱེད། །མངལ་ན་གནས་པ་བདེ་བར་བྱེད། །དེ་ནི་ཇི་སྲིད་འཚོ་བའི་བར། །འདི་ནི་བསྲུང་བ་ཆེན་པོར་འགྱུར། །འཇིགས་མེད་འཐབ་མོའི་གཡུལ་
འགྱེད་པར། །དཔའ་བོ་རྣམས་ལ་རྟག་རྒྱལ་སྦྱིན། །ཆོས་ལ་ངེས་པའི་ལྷ་རྣཾས་ལ། །འདི་ནི་སྣང་བ་སྦྱིན་པར་བྱེད། །སྡིག་པ་རྣམ་པར་གཞིག་པའི་ཕྱིར། །གུས་པར་བྱེད་ཏེ་བྲིས་ན་ནི། །དེ་བཞིན་གཤེགས་དང་དེ་བཞིན་དུ། །བྱང་
ཆུབ་སེམས་དཔའ་འང་བལྟ་བར་འགྱུར། །དེ་ཡི་གྲགས་པ་རྣམ་པར་འཕེལ། །བསོད་ནམས་དང་ནི་ཚེ་ཡང་འཕེལ། །ནོར་རྣཾས་དང་ནི་འབྲུ་དག་ཀྱང་། །འབྱོར་བར་འགྱུར་ཏེ་ཐེ་ཚོམ་མེད། །བདེ་བར་གཉིད་ཀྱིས་ལོག་པ་དང་། །
བདེ་བར་རབ་དུ་སད་པར་འགྱུར། །འབྱུང་པོའི་ཚོགས་རྣཾས་ཐཾད་དང་། །དགྲ་ཀུན་གྱིས་ཀྱང་མི་རྫིའོ། །གཡུལ་འགྱེད་པ་ཡི་ཚེ་ན་ཡང་། །རིག་པ་སྒྲུབ་པ་བྱས་ན་ནི། །བསྲུང་བ་བླ་ན་མེད་པ་འདིས། །རྟག་ཏུ་རྒྱལ་བར་
འགྱུར་བར་བྱེད། །བདེ་བར་རིག་པ་བསྒྲུབ་བྱེད་ཅིང་། །དེ་ལ་བགེགས་ནི་འབྱུང་མི་འགྱུར། །དེ་ཡི་བསཾ་པ་ཐཾད་འགྲུབ། །དཀྱིལ་འཁོར་ཀུན་དུ་ཞུགས་པ་ཡིན། །སྐྱེ་བ་དག་ནི་ཐཾད་དུ། །དེ་ནི་མྱུར་དུ་དཾ་ཚིག་ཤེས། །རྒྱལ་བའི་ཡོན་ཏན་འཛིན་
97-1-144a


པའི་ཕྱིར། །དེ་ནི་ཡིད་བརྟན་འོས་ཡིན་ནོ། །བཀྲ་ཤིས་ཐམས་ཅད་རབ་ཏུ་རྫོགས། །བསམས་པ་ཐམས་ཅད་གྲུབ་པར་བྱེད། །འདི་ནི་བྲིས་པ་ཙམ་གྱི་ཀྱང་། །བདེ་བ་ཐམས་ཅད་འབྱོར་པར་འགྱུར། །བདེ་བར་འཆི་
བའི་དུས་བྱས་ནས། །མཐོ་རིསུ་ནི་འགྲོ་བར་འགྱུར། །འཐབ་པ་དང་ནི་བརྩོད་པ་དང་། །འགྱེད་པ་མཆོག་ཏུ་མི་བཟད་པར། །འཇིགས་པ་ཀུན་ལས་གྲོལ་འགྱུར་ཏེ། །རྒྱལ་བས་ཇི་སྐད་གསུངས་བཞིན་ནོ། །སྐྱེ་བ་རྣཾསུ་སྐྱེ་
བ་ན། །རྟག་ཏུ་སྐྱེ་དྲན་ཐེ་ཚོམ་མེད། །རྒྱལ་པོ་བཙུན་མོ་འཁོར་བཅས་པ། །འདི་ཡི་དབང་དུ་འགྱུར་བ་ཡིན། །འཇིག་རྟེན་དགེ་བར་གྲགས་པ་ཡིན། །རྟག་ཏུ་ཐུན་མོང་འགྱུར་བ་ཡིན། །དེ་ནི་ཀུན་ལ་སྡུག་པར་འགྱུར། །ལྷ་དང་
མི་ནི་གང་ཡང་རུང་། །ཉིན་དང་མཚན་རྣམས་རྟག་པར་ཡང་། །དེ་ལ་བསྲུང་བ་བྱེད་པར་འགྱུར། །ཡང་དག་རྫོགས་པའི་སངས་རྒྱས་གསུངས། །སྔགས་ཚིག་འདི་དག་འདིར་འགྲུབ་བོ། །སངས་རྒྱས་ལ་ཕྱག་འཚལ་ལོ། །ཆོས་
ལ་ཕྱག་འཚལོ། །དགེ་འདུན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡྃ་དག་པར་རྫོགས་པའི་སངས་རྒྱས་ཐུགས་རྗེ་ཆེན་པོ་དང་ལྡན་པ་ཤཱཀྱ་ཐུབ་པ་ལ་ཕྱག་འཚལ་ལོ། །ཡང་དག་པར་
རྫོགས་པའི་སངྱས་ཐཾད་ལ་ཕྱག་འཚལ་ལོ། །སངྱས་བསྟན་པ་འཕེལ་བྱའི་ཕྱིར། །དེ་ལ་གུས་པས་ཕྱག་འཚལ་ནས། །སེཾས་ཅན་ཀུན་ལ་སྙིང་བརྩེའི་ཕྱིར། །ད་ནི་ང་ཡིས་བརྗོད་པར་བྱ། །རིག་པ་གཟི་བརྗིད་ཆེན་པོ་འདི། །
སྟོབས་ཆེན་ཕ་རོལ་གནོན་པ་ཏེ། །རྡོ་རྗེ་གདན་ལ་ཐུགས་པ་ཡིས། །འདི་ནི་གསུངས་མ་ཐག་ཏུ་ཡང་། །བདུད་དང་བདུད་ཀྱི་རིས་རྣཾས་དང་། །གཟའ་དང་ལོག་པར་འདྲེན་པ་དང་། །བགེགས་རྣཾས་ཇི་སྙེད་གང་ཡོད་པ། །
ཐམས་ཅད་དེ་ཡི་མོད་ལ་བྱེར། །ཏད་ཡ་ཐཱ། ཨོཾ་གི་རི་གི་རི། གི་རི་ཎི་གི་རི་ཎི། གི་རི་བ་ཏི། གུ་ཎ་བ་ཏི། ཨཱ་ཀཱ་ཤ་བ་ཏི། ཨཱ་ཀཱ་ཤ་བི་ཤུདྷེ། སརྦ་པཱ་པ་བི་ག་ཏེ། ཨཱ་ཀཱ་ཤེ། ག་ག་ན་ཏ་ལེ། ཨཱ་ཀཱ་ཤ་བི་ཙཱ་རི་ཎི། ཛྭཱ་ལི་ཏ་ཤི་ཁ་རེ། །མ་ཎི་མུཀྟི་ཀ །
97-1-144b


ཁ་ཙི་ཏ་མོ་ལི་དྷ་རེ། སུ་ཀེ་ཤེ། མེ་ཀེ་ཤེ་སུ་ཥ་སུ་བཀྟེ། སུ་ནེ་ཏྲེ། སུ་བརྞྞ་གཽ་རི། ཨ་ཏཱི་ཏེ། ཨ་ནུདྤནྣེ། ཨ་ནཱ་ག་ཏེ། པྲ་ཏྱུཏྤནྣེ་ན་མ། ན་མཿསརྦེ་ཥཱན། བུདྡྷཱ་ནཱ་ན་ཛྭ་ལི་ཏ། ཏེ་ཛ་སཱ་ན། བུདྷཱེ། སུ་བུདྷཱེ། བྷ་ག་བ་ཏི། སུ་རཀྵ་ཎི། སུ་ཀྵེ་མེ། སུ་པྲ་
བྷེ། སུ་ད་མེ། སུ་དནྟེ་བ་རེ་བརྟེ། བྷ་ག་བ་ཏི། བྷ་དྲ་བ་ཏི། བྷ་དྲི་སུ་བྷ་དྲེ། བི་མ་ལེ། ཛ་ཡ་བྷ་དྲེ། པྲ་ཙཎྜེ། ཙཎྜེ། པྲ་ཙཎྜེ། པྲ་ཙཎྜེ། བཛྲ་ཙཎྜེ། མ་ཧཱ་ཙཎྜེ། མ་ཧཱ་ཙཎྜེ། གཽ་རི། གནྡྷཱ་རི། གཽ་རི། ཙཽ་རི། ཙཎྜ་ལི། མཱ་ཏཱྃ་གི། བརྩ་སི། པུཀྐ་སི། སུ་མ་ཏི། ཤ་བ་རི། ཤཱ་བ་རི། 
ཤྃ་ཀ་རི། དྲཱ་མི་ཌི། དྲཱ་མི་ཌི། རཽ་ཏྲི་ཎི། སརྦ་གྲ་ཧ་བི་དཱ་རི་ཎི། ཨརྠ་སཱ་དྷ་ནི། ཧ་ན་ཧ་ན། སརྦ་ཤ་ཏྲུྰ་ཎཱཾ། ད་ཧ་ད་ཧ། སརྦ་དུཥྚན། པྲེ་ཏ་བི་ཤཱ་ཙ་ཌཱ་ཀི་ནཱི་ནཱཾ། མ་ནུ་ཥྱཱ། ཨ་མ་ནུ་ཥྱཱ་ནཱཉྩ། པ་ཙ་པ་ཙ། ཧྲི་ད་ཡན། གདོན་མ་རུང་པ་རྣཾས་ཀྱིས་སྲོག་གཞོམ་དུ་གསོལ། བཅོམ་
ལྡན་འདས་མ་བདག་གི་སྡིག་པ་ཐཾད་གཞིག་དུ་གསོལ། གཞིག་དུ་གསོལ། ཐམས་ཅད་དུ་འཇིགས་པ་དང་། གནོད་པ་ཐཾད་ལས་བདག་ལ་བསྲུང་དུ་གསོལ། བསྲུང་དུ་གསོལ། མ་རུངས་པ་ཐཾད་བཅིང་དུ་གསོལ། སརྦ་ཀིལྤི་ཥ་ནཱ་ཤ་ནི། མཱརྟཎྜ། མྲི་
ཏྱུ་དཎྜ་ནི་བཱ་ར་ཎི་མཱ་ན་ན། དཎྜ་མཱ་ན་ནི། མ་ཧཱ་མཱ་ནི་ནི། མ་ཧཱ་བི་ཎི་ཊི་ཙ་ལེ་ཙ་ལེ། ཙི་ཊི་ཙི་ཊི། བི་ཊི་བི་ཊི། ནི་ཊི་ནི་ཊི། ཏི་ཊི་ཏི་ཊི། ན་ཏུ་ཊི། གཽ་རི་ནི། བཱི་རི་ཎཱི། པྲ་བ་ར་ས་མ་རེ། ཙཎྜཱ་ལི། མཱ་ཏྃ་གི། རུནྡྷ་སི། ས་ར་སི། བརྩ་སི། སུ་མ་ཏི། པུཀྐ། སི་ཤ་བ་རི། ཤཱ་བ་རི། ཤྃ་ཀ་རི། 
དྲ་མི་ཌི། དྲཱ་མི་ཌི། ད་ཧ་ནི་པ་ཙ་ནི། མ་ཐ་ནི། མརྡ་ནི། ས་ར་ལི། ས་ར་ལེ། ས་ར་བྃ་བྷེ། ཧཱི་ན་མ་དྷྱོད་ཀྲིཥྚ། བིདྷཱ་ར་ཎི། བི་དྷཱ་རི་ཎི། མ་ཧི་ལེ། མ་ཧི་ལེ། མ་ཧཱ་མ་ཧི་ལེ། ནི་ག་ཌེ། ནི་ག་ཌ། བྷཉྫེ། མཏྟ། མཏྟི་ནི། དཱནྟི། ཙཀྲེ། ཙཀྲ་བཱ་ཀི་ནི། ཛྭ་ལེ་ཛྭ་ལེ། ཛྭཱ་ལེ་
ཛྭཱ་ལེ། ཛྭཱ་ལ་ནི། ཤ་བ་རི་ཤ་བ་རི། ཤཱ་བ་རི་ཤཱ་བ་རི། སརྦ་བྱཱ་དྷི་ཧ་ར་ནི། ཙུྰ་ཌི་ཙུྰ་ཌི། ཙུྰ་ཌ་ནི་ཙུྰ་ཌ་ནི། མ་ཧཱ་ཙུྰ་ཌི་ནི། ནི་མི་ནི་མི། ནི་མིནྡྷ་རི། ཏྲི་ལོ་ཀ །ད་ཧ་ནི། ཏྲི་ལོ་ཀ་ཨཱ་ལོ་ཀ་ཀཱ་རི། ཏྲཻ་དྷཱ་ཏུ་ཀ་བྱཱ་བ་ལོ་ཀི་ནྀ། བཛྲེ། 
པ་ར་ཤུ། པཱ་ཤ །མུངྒ་ར། ཁཌྒ། ཤྃ་ཁ། ཙ་ཀྲ། ཏྲི་ཤུྰ་ལ། ཙིན་ཏཱ་མ་ཎི། མ་ཧཱ་བིདྱཱ་དྷ་རི་ཎི། བདག་ཐམས་ཅད་དུ་གནས་ཐཾད་ན་གནས་པ་ན་མ་རུངས་པ་ཐཾད་དང་། མི་དང་མི་མ་ཡིན་པའི་འཇིགས་པ་ཐཾད་དང་། ནད་ཐམས་དང་། 
97-1-145a


འཇིགས་པ་ཐམས་ཅད་ལས་བསྲུང་དུ་གསོལ་བསྲུང་དུ་གསོལ། བཛྲེ་བཛྲེ་བཛྲ་པ་ཏི། བཛྲ་པཱ་ཎི་དྷ་རེ། ཧི་ལི་ཧི་ལི། མི་ལི་མི་ལི། ཀི་ལི་ཀི་ལི། ཙི་ལི་ཙི་ལི། བི་ལི་བི་ལི། སི་ལི་སི་ལི། 
བ་ར་བ་ར། བ་ར་དེ། སརྦ་ཏྲ། ཛ་ཡ་ལ་བ་དྷེ་སྭཱ་ཧཱ། སརྦ་པཱ་པ་བི་དཱ་རི་ནི་སྭཱ་ཧཱ། སརྦ་ཏྲ། སརྦ་བྱཱ་དྷི་ཧ་ར་ཎི་སྭཱ་ཧཱ། སརྦ་ཏྲ། སརྦ་ཤ་ཏྲུྃ་བྷ་ཡ་ཧ་ར་ཎི་སྭཱ་ཧཱ། སརྦ་བྷ་ར་ཎི་སྭཱ་ཧཱ། སྭ་སྟིར་བྷ་བ་ཏུ་མ་ན་སྭཱ་ཧཱ། ཤཱནྟི་ཀ་རི་
སྭཱ་ཧཱ། པུཥྚི་ཀ་རི་སྭཱ་ཧཱ། བ་ལ་བར་དྷ་རི་ཎི་སྭཱ་ཧཱ། ཛ་ཡ་ཏུ། ཛ་ཡེ་ཛ་ཡེ། ཛ་ཡ་བྷ་ཏི། ཀ་མ་ལེ། བི་མ་ལེ། བི་པུ་ལེ་སྭཱ་ཧཱ། སརྦ་ཏ་ཐཱ་ག་ཏ་མུར་ཏེ་སྭཱ་ཧཱ། ༀ་བྷུ་རི་མ་ཧཱ་ཤཱྃ་ཏི་སྭཱ་ཧཱ། ༀ་བྷུ་རི་བྷུ་རི། བཛྲ་བ་ཏི། 
སརྦ་ཏ་ཐཱ་ག་ཏ་ཧྲི་ད་ཡ། པུ་ར་ཎི། ཨ་ཡུཿསན་དྷཱ་ར་ཎི། བ་ལ་བ་ལ། བ་ལ་བ་ཏི། ཛ་ཡ་བིདྱེ། ཧཱུྃ་ཧཱུྃ། ཕཊ་ཕཊ་སྭཱ་ཧཱ། བྲམ་ཟེ་ཆེན་པོ་གང་ལ་ལ་ཞིག་གིས་དེ་བཞིན་གཤེགས་པའི་སྐུ་རིགས་པའི་གསང་སྔགས་ཀྱི་
གཞི་ཡིས་གཟུངས་འདིས་ཡོངསུ་བསྲུང་བ་བྱས་ཤིང་ཡོངསུ་སུ་བསྐྱབ་པ་དང་། ཡོངསུ་བཟུང་བ་དང་། ཡོངསུ་བསྐྱང་བ་དང་། ཞི་བ་དང་བ་ཞི་བདེ་ལེགསུ་འགྱུར་བ་དང་། དབྱུག་པ་སྤང་བ་དང་། མཚོན་ཆ་སྤང་བ་བྱས་ན། དེ་ཚེ་ཡོངསུ་
ཟད་པ་ལས་ཀྱང་རྣམ་པར་འཕེལ་ཏེ་རིང་དུ་བདེ་བར་འཚོ་བར་འགྱུར་རོ། །དྲན་པ་ཕུན་སུམ་ཚོགས་པར་འགྱུརོ། །བསྐྲད་པ་ཙམ་དང་། རྡོ་རྗེ་བྱབས་པ་ཙམ་གྱི་དུས་མ་ཡིན་པར་འཆི་བ་དང་། ནད་ཆེན་པོ་ལས་ཡོངསུ་ཐར་བར་འགྱུརོ། །
དེའི་ནད་ཐམས་ཅད་ཀྱང་རབ་ཏུ་ཞི་བར་འགྱུརོ། །རྒྱུན་རིང་དུ་ན་བ་ལ་ཡང་བྱབས་པ་ཙམ་གྱིས་རབ་ཏུ་ཞི་བར་འགྱུར་རོ། །ཉིན་གཅིག་བཞིན་དུ་ཁ་ཏོན་དུ་བཏོན་ན་ཤེས་རབ་ཆེན་པོར་འགྱུརོ། །གཟི་བརྗིད་དང་། སྟོབས་དང་། 
བརྩོན་འགྲུས་དང་། སྤོབས་པ་ཕུན་སུམ་ཚོགས་པར་འགྱུར་རོ། །དེའི་སྡིག་པ་དང་ལས་ཀྱི་སྒྲིབ་པ་གདོན་མི་ཟ་བར་མྱོང་བར་འགྱུར་བ་ཐམས་ཅད་ཀྱང་མ་ལུས་པར་ཡོངསུ་སུ་ཟད་པར་འགྱུརོ། །སངས་རྒྱས་དང་། བྱང་ཆུབ་སེཾས་
97-1-145b


དཔའ་དང་། ལྷ་དང་། ཀླུ་དང་། གནོད་སྦྱིན་ལ་སོགས་པ་ཐམས་ཅད་ཀྱང་དེའི་ལུས་ལ་གཟི་བརྗིད་དང་། སྟོབས་དང་། བརྩོན་འགྲུས་སྣོན་པར་འགྱུརོ། །དགའ་བ་ཆེན་པོ་མང་བར་འགྱུར་རོ། །བྲམ་ཟེ་ཆེན་པོ་
ཐ་ན་རིགས་པ་ཆེན་མོའི་གསང་སྔགས་ཀྱི་གཞི་འདི་དུད་འགྲོའི་སྐྱེ་གནས་སུ་སོང་བ་རི་དགས་དང་། བྱའི་རྣ་ལཾ་དུ་ཐོས་ན་ཡང་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་
འགྱུར་ན། སོ་སོར་འབྲང་བ་ཆེན་མོའི་གཟུངས་འདི་ལ་དད་པའི་རིགས་ཀྱི་བུ་འམ་རིགས་ཀྱི་བུ་མོ་འམ། དགེ་སློང་ངམ། དགེ་སློང་མའཾ། དགེ་བསྙེན་ནཾ། དགེ་སྙེན་མ་འམ། རྒྱལ་པོའམ། རྒྱལ་པོའི་བློན་པོ་འམ། བྲཾ་ཟེ་འམ། 
རྒྱལ་རིགས་སམ། དེ་ལས་གཞན་པ་འགའ་ཞིག་གིས་ལན་ཅིག་ཐོས་ཏེ། ཐོས་ནས་ཀྱང་དད་པ་ཆེན་པོ་དང་། གུས་པ་དང་། ལྷག་པའི་བསམས་པས་ཡི་གེར་འདྲི་འམ། ཡིག་གེར་འདྲིར་འཇུག་གམ། 
འཆང་ངམ། ཀློག་གམ། ཡིད་དྲག་པོས་སྒོ་པ་འམ། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་ལྟ་ཅི་སྨོས་ཏེ། བྲམ་ཟེ་ཆེན་པོ་དེ་ལ་དུས་མ་ཡིན་པར་འཆི་བ་བརྒྱད་རྣམ་པ་ཐམས་ཅད་དུ་འབྱུང་དུ་མ་དོགས་
ཤིག །དེའི་ལུས་ལ་ནད་ཆེན་པོ་རྣམས་འབྱུང་བར་མི་འགྱུར་རོ། །དེའི་ལུས་ལ་མེས་མི་ཚུགས། དུག་གིས་མ་ཡིན། མཚོན་གྱིས་མ་ཡིན། དུག་སྦྱར་མས་མ་ཡིན། བྱད་ཀྱིས་མ་ཡིན། གཡེངས་བྱེད་ཀྱིས་མ་ཡིན། 
ཡིན། སྔགས་ཀྱི་ལས་ཀྱིས་མ་ཡིན། ཕྱེ་མས་སྦྱོར་བས་མ་ཡིན། ཡན་ལག་ན་བར་མི་འགྱུར། རིམས་ཀྱིས་བཏབ་པར་མི་འགྱུར། གླད་པ་ན་བ་དང་། ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་
དང་། ཉིན་བཞི་པ་དང་། ཉིན་བདུན་པའི་རིམས་རྣཾས་དེའི་ལུས་ལ་འབྱུང་བར་མི་འགྱུར་རོ། །དྲན་བཞིན་དུ་བདེ་བར་གཉིད་ལོག་ཅིང་དྲན་བཞིན་དུ་བདེ་བར་སད་པར་འགྱུར་རོ། །ཡོངསུ་མྱ་ངན་ལས་འདས་པ་ཆེན་པོ་ཡང་འཐོབ་
97-1-146a


པར་འགྱུར་རོ། །ལན་གཅིག་གིས་ཆོས་དང་ལྡན་པའི་དབང་ཕྱུག་ཆེན་པོ་ཐོབ་པར་འགྱུར་རོ། །དེ་གང་དང་གང་དུ་སྐྱེ་བའི་སྐྱེ་བ་དེ་དང་དེར་སྐྱེ་བ་དྲན་པར་འགྱུར་རོ། །སེམས་ཅན་ཐམས་ཅད་ཀྱང་བྱམས་པར་
འགྱུར་རོ། །ཕྱག་བྱ་བའི་གནསུ་འགྱུར་རོ། །སེམས་ཅན་དམྱལ་བ་དང་། དུད་འགྲོའི་སྐྱེ་གནས་ཀྱི་འགྲོ་བ་ཐིབས་པོ་ཀུན་དང་། ཡི་དགསུ་སྐྱེ་བ་རྣམས་ལས་ཡོངསུ་ཐར་འགྱུརོ། ཇི་ལྟར་ཉི་མའི་དཀྱིལ་འཁོར་སེཾན་
ཐམས་ཅད་ལ་སྣང་བར་བྱེད་པ་དེ་བཞིན་དུ་འོད་ཟེར་གྱིས་སྣང་བ་བྱེད་པར་འགྱུརོ། །ཇི་ལྟར་ཟླ་བའི་དཀྱིལ་འཁོར་བདུད་རྩིའི་མཐུས་སེམས་ཅན་ཐམས་ཅད་ཀྱི་ལུས་སིམ་པར་བྱེད་པ་དེ་བཞིན་དུ། ཆོས་ཀྱི་བདུད་རྩིས་
སེམས་ཅན་ཐཾད་ཀྱི་རྒྱུད་སིམ་པར་བྱེད་པར་འགྱུརོ། །རིག་པའི་རྒྱལ་མོ་ཆེན་མོ་སོ་སོར་འབྲང་བ་ཆེན་མོའི་མཐུས་དེ་ལ་གནོད་སྦྱིན་དང་། སྲིན་པོ་དང་། འབྱུང་པོ་དང་། ཡི་དགས་དང་། ཤ་ཟ་དང་། སྐེཾ་བྱེད་དང་། 
བརྗེད་བྱེད་དང་། མཁའགྲོ་མ་དང་། གདོན་མ་རུང་བ་པ་ཐམས་ཅད་དང་། བགེགས་དང་། ལོག་འདྲེན་ལ་སོགས་པ་ཐམས་ཅད་ཀྱིས་བཙེ་བར་མི་ནུས་སོ། །དེ་དག་འོངས་ན་ཡང་རིག་པའི་རྒྱལ་མོ་ཆེན་མོ་འདི་དྲན་
པར་བྱའོ། །འོན་ཀྱང་འདི་ལྟ་སྟེ། རིག་པའི་རྒྱལ་མོ་ཆེན་མོ་སོ་སོར་འབྲང་བ་ཆེན་མོ་འདི་ཉིད་ཀྱི་མཐུས་མ་རུངས་པ་དེ་དག་ཐཾད་རིགས་པ་འཛིན་པའི་དབང་དུ་འགྱུར་ཏེ། བསྒོ་བ་བཞིན་དུ་ངག་ཉན་པར་འགྱུར་རོ། །
དེ་ལ་དགྲའི་འཇིགས་པ་མི་འབྱུང་ངོ་། །དགྲའི་ཚོགས་ཐམས་ཅད་དང་། རྒྱལ་པོ་དང་། རྒྱལ་པོའི་བློན་པོ་ཆེན་པོ་དང་། བྲམ་ཟེ་དང་། ཁྱིམ་བདག་རྣམས་ཀྱང་འགལ་བར་བྱེད་པར་མི་འགྱུརོ། །ཐ་ན་བསད་
པར་འོས་པ་ཞིག་ལ་གཤེད་མ་མི་རྣཾས་ཀྱིས་མཚོན་གདབ་པར་གཟས་ན་ཡང་མཚོན་རྣཾས་རྡུལ་བཞིན་དུཾ་བུ་དུཾ་བུར་ཆག་པར་འགྱུར་རོ། །དེག་ཉིད་ཀྱི་དུས་ན་དེ་ལ་ཆོས་ཐམས་ཅད་མངོན་སུམ་དུ་འགྱུར་རོ། །དེའི་དྲན་པའི་
97-1-146b


སྟོབས་ཀྱང་ཆེར་འགྱུར་རོ། །འདི་ནི་སྲིན་པོ་འཇོམས་པའི་མཆོག །གཙང་ཞིང་སྡིག་པ་འཇིག་པར་བྱེད། །དཔལ་དུ་བྱེད་ཅིང་བློ་ཡང་བྱེད། །ཡོན་ཏན་ཐམས་ཅད་རྣམ་པར་འཕེལ། །འདི་ནི་བཀྲ་
ཤིས་ཐམས་ཅད་བྱེད། །བཀྲ་ཤིས་མ་ཡིན་རྣམ་པར་འཇིག །རྨི་ལམ་བཟང་པོ་རྨི་བར་བྱེད། །རྨི་ལམ་ངན་པ་རྣམ་པར་འཇིག །རིག་པ་མཐུ་སྟོབས་ཆེན་མོ་འདི། །སྐྱེས་པ་བུད་མེད་
བསྲུང་བའི་མཆོག །འགྲོག་དགོན་དང་ནི་མྱ་ངན་ལས། །རྟག་ཏུ་དེ་ཡི་མོད་ལ་ཐར། །རྫོགས་པའི་སངས་རྒྱས་བཀའ་བཞིན་དུ། །འདོད་པ་དག་ནི་ཀུན་ཀྱང་རྙེད། །ལམ་ལས་ལམ་གོལ་ཞུགས་
ན་ཡང་། །རིགས་པ་འདི་ནི་རྗེས་དྲན་ན། །མྱུར་དུ་ལམ་དང་བཟའ་བ་དང་། །བཏུང་བ་མཆོག་ཀྱང་རྙེད་པར་འགྱུར། །ལུས་དང་ངག་དང་ཡིད་རྣམས་ཀྱིས། །མི་དགེ་མང་པོ་གང་ཡང་རུང་། །ཚེ་རབས་སྔ་མར་
ཅི་བྱས་པ། །དེ་དག་ཐམས་ཅད་བྱུང་བར་འགྱུར། །དྲན་པ་དང་ནི་འཆང་བ་དང་། །འཛིན་དང་ཡིག་གེར་འབྲི་བ་དང་། །ཚིག་ཏུ་འདོན་ཏམ་ཀློག་པ་དང་། །བཟླས་བརྗོད་བྱེད་དམ་གཞན་སྟོན་ན། །དེ་ནི་རིང་པོར་མི་
ཐོགས་པར། །ཆོས་ཀུན་རྟོགས་པར་ཁོང་དུ་ཆུད། །དེ་ལྟར་ཆོས་ཀྱི་རོ་རྙེད་ན། །སྡིག་པ་རྣམས་ནི་ཟད་པར་འགྱུར། །ཡིད་ཀྱིས་ཅི་དང་ཅི་འདོད་པ། །དགོས་པ་ཐམས་ཅད་གྲུབ་པར་བྱེད། །འཆི་བའི་
འཇིགས་པ་ཐམས་ཅད་དང་། །རྒྱལ་པོ་དང་ནི་མེ་དང་ཆུ། །གློག་དང་དེ་བཞིན་ཀུན་འཇོམས་ལས། །འདི་ནི་དེ་ལས་སྐྱོབ་པར་འགྱུར། །རིག་པ་འབུམ་དུ་བཟླས་ན་ནི། །གཡུལ་འགྱེད་པ་དང་བརྩོད་པ་དང་། །གང་ཡང་
གཅན་ཟན་མ་རུངས་པ། །དེ་དག་ཐཾད་འབྲོས་པར་འགྱུར། །སངྱས་ཀུན་གྱིས་གསུངས་པ་ཡི། །དངོས་གྲུབ་མཆོག་གི་རིག་པ་འདི། །བརྗོད་ན་སྒྱིད་ལུག་མི་འགྱུར་བར། །བྱང་ཆུབ་ཚོགས་རྣཾས་རྫོགས་པར་བྱེད། །བདག་དང་གཞན་གྱི་དོན་བསྒྲུབས་
97-1-147a


ཕྱིར། །གནས་ཀྱི་རྣམ་པ་ཐམས་ཅད་དུ། །རིག་པ་འདི་ལ་སྦྱོར་ན་ནི། །འདོད་པའི་ལས་རྣམས་གང་ཡིན་པ། །བསྒྲིམ་མི་དགོས་པར་རིག་འདི་ལས། །འགྲུབ་འགྱུར་འདི་ལ་ཐེ་ཚོམ་མེད། །ནད་པ་རྣཾས་ནི་གསོ་བྱ་བ། །ད་ནི་རབ་
ཏུ་བཤད་པར་བྱ། །ས་དང་ལྕི་བ་བསྲེས་པ་ཡིས། །དཀྱིལ་འཁོར་གྲུ་བཞི་ལྷམ་པར་བྱ། །ཚོན་གྱི་ཕྱེ་མ་སྣ་ལྔ་ཡིས། །དཀྱིལ་འཁོར་སྡུག་གུར་བྲི་བར་བྱ། །མཁས་པ་རྣམས་ཀྱི་ཆོ་ག་བཞིན། །བུམ་པ་གང་བ་བཞི་ཡང་
བཞག །དེ་ལ་མེ་ཏོག་སིལ་མས་གཏོར། །བདུག་པ་མཆོག་གིས་བདུག་པར་བྱ། །སེམས་ཅན་ཆེན་པོ་གདུལ་བའི་ཕྱིར། །གཏོར་མ་ཡི་ནི་ལས་ཀྱང་བྱ། །སྔ་མ་བཞིན་དུ་མེ་ཏོག་སྤོས། །ཆོ་ག་བཞིན་དུ་འདི་ལ་མཆོད། །དར་
གྱིས་བཅིངས་པའི་མདའ་གཞི་ཡང་། །དཀྱིལ་འཁོར་གྲྭ་བཞིར་གཟུགས་པར་བྱ། །དེ་ཡི་འོག་དུ་ནད་པ་ཡང་། །དྲི་ཞིམ་སྤོས་ཀྱི་ལུས་བསྐུས་ཏེ། །གཙང་མའི་གོས་རྣམས་བསྐོན་ནས་ནི། །དཀྱིལ་འཁོར་དབུསུ་གཞག་པར་བྱ། །
དེ་ནས་ཤར་ཕྱོགས་ཁ་སྟན་ཏེ། །རིག་པ་འདི་ནི་བརྗོད་པར་བྱ། །ལན་བདུན་བཟླས་བརྗོད་བྱས་ནས་སུ། །མཁས་པས་དེ་ལ་བསྲུང་བར་བྱ། །དེ་ནས་ནད་པའི་དོན་གྱི་ཕྱིར། །ལན་གྲངས་ཉི་ཤུ་རྩ་གཅིག་ཏུ། །རིག་པ་འདི་ནི་བརྗོད་བྱས་ན། །
དེས་ནས་ནད་ཀུན་ཞི་བར་འགྱུར། །དེ་ནས་གཏོར་མའི་བུམ་པ་ལ། །ལན་བདུན་ལེགས་པར་སྔགས་ཀྱིས་གདབ། །དེ་ལན་ནས་བཤོས་ཀྱང་སྔགས་གདབ་སྟེ། །གཏོར་མ་མེ་ཏོག་ཆོ་ག་བཞིན། །དེ་ལྟར་ལྷོ་ཕྱོགས་ངོས་སུ་ནི། །ལན་བདུན་ཁོ་
ནར་གཏོར་བར་བྱ། །ནུབ་ཕྱོགས་སུ་ཡང་བདུན་ཉིད་དེ། །བྱང་ཕྱོགས་སུ་ཡང་དེ་བཞིན་ནོ། །འོག་དང་སྟེང་དུའང་ལན་བདུན་ཏེ། །བསྲུང་བ་བྱས་པར་འགྱུར་བ་ཡིན། །བྲམ་ཟེ་དམ་པ་དེ་ལྟ་བུར། །བྱས་ན་སྡུག་བསྔལ་ཀུན་ལས་གྲོལ། །
སྐྱོབ་པ་ཤཱཀྱ་སེང་གེ་ཡིས། །བསྲུང་བ་འདི་ནྀ་ཡང་དག་བཤད། །འདི་མ་གཏོག་པར་ཁམས་གསུཾ་ན། །བསྲུང་བའི་རིག་པ་གཞན་མེད་དོ། །དེ་ནི་མི་འཆི་མི་རྒས་ཏེ། །ནད་ཀྱིས་མི་བཏབ་མི་སྡུག་མིན། །སྡུག་པ་དང་ནི་འབྲལ་མི་འགྱུར། །རིག་པ་
97-1-147b


འདི་ནི་བདག་གི་ལུས། །ཤིན་དུ་བསྒོམ་པ་བྱས་ན་ནི། །དེ་ལ་འཆི་བདག་ཚོགས་ཀྱིས་མཆོད། །ཆོས་ཀྱི་རྒྱལ་པོ་དམ་པ་གཤིན་རྗེ་ཡང་། །གུས་དང་བཅས་པས་དེ་ལ་མཆོད་པར་འགྱུར། །སྐད་ཅིག་ངའི་སེཾས་དམྱལ་འདི་བྱོས་
ལ། །ལྷའི་གྲོང་ཁྱེར་སོང་ཞེས་སྨྲ་བར་འགྱུར། །དེ་ནས་གཞལ་མེད་ཁང་པ་རྣམ་མང་པོས། །རྫུ་འཕྲུལ་ཆེན་པོ་ལྷ་གནས་བཟང་པོར་འགྲོ། །དེ་ལྟར་དེར་ནི་ལྷ་མི་གནོད་སྦྱིན་དང་། །སྲིན་པོ་རྣམས་ཀྱིས་དེ་ལ་རྟག་མཆོད་འགྱུར། །ལག་
ན་རྡོ་རྗེ་གནོད་སྦྱིན་དབང་། །བདེ་སོགས་བདག་པོ་དབང་པོ་དང་། །འཕྲོག་མ་དང་ནི་ལྔས་རྩེན་དང་། །འཇིག་རྟེན་སྐྱོང་བ་འཕྲུལ་ཆེན་དང་། །ཟླ་བ་ཉི་མ་རྒྱུ་སྐར་བཅས། །མཆོག་ཏུ་མི་བཟང་བཟའ་རྣམས་དང་། །གང་ཡང་ཀླུ་ཆེན་ཐཾད་དང་། །ལྷ་དང་དེ་
བཞིན་དྲང་སྲོང་དང་། །ལྷ་མིན་མཁའ་ལྡིང་དྲི་ཟ་དང་། །མི་འམ་ཅི་དང་ལྟོ་འཕྱེ་ཆེ། །བསྲུང་ཕྱིར་རྟག་ཏུ་འབྲང་བར་བྱེད། །གང་གི་རིག་པ་སྟོབས་ཆེན་མོ། །རྫུ་འཕྲུལ་ཆེན་མོ་བྲིས་ནས་ནི། །ཤེས་རབ་ཅན་གྱི་ལག་ལ་གདགས། །མཆོད་པ་ཆེན་པོ་
འཐོབ་པར་འགྱུར། །རྟག་ཏུ་ཕུན་སུཾ་ཚོགས་པར་འོང་། །འཕགས་པ་རིག་པའི་རྒྱལ་མོ་སོ་སོར་འབྲང་བ་ཆེན་མོ། རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་ཞུས་ཏེ། 
སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པའོ། །སླར་ཡང་ལོ་ཙ་བ་གཞོནུ་དཔལ་གྱིས་ཆོས་རྗེ་ཕྱག་ལོའི་རྒྱ་དཔེ་དང་བསྟུནས་ཞུས་དག་པར་བགྱིསོ། ། ༄། །རྒྱ་གར་སྐད་དུ།  མ་ཧ་ཤཱི་ཏ་བ་ནཱ་སཱུ་ཏྲ།  བོད་སྐད་དུ།  བསིལ་བའི་
ཚལ་ཆེན་པོའི་མདོ། དཀོན་མཆོག་གསུམ་ལ་ཕྱག་འཚལ་ལོ། །འཇིག་རྟེན་མཁས་པ་རྫོགས་སངས་རྒྱས། །གང་གིས་ཐོག་མར་རིག་སྔགས་རྣམས། །འཛམ་བུའི་གླིང་དུ་གསུངས་པ་ཡི། །སངས་རྒྱས་དཔལ་
ལ་ཕྱག་འཚལ་ལོ། །ད་ལྟར་བྱུང་དང་འདས་པ་དང་། །མ་བྱོན་སངས་རྒྱས་གང་ལགས་པ། །ཐཾད་ལ་ཡང་བདག་ཕྱག་འཚལ། །དེ་དག་ཀུན་ལ་སྐྱབས་སུ་མཆི། །འཁོར་ལོ་བསྐོར་བ་བླ་མེད་པ། །མར་མེ་མཛད་ལ་ཕྱག་འཚལ་
97-1-148a


ལོ། །ཆོས་ཀྱི་རྒྱལ་པོ་འོད་མཛད་པ། །ཐམས་ཅད་གནོན་ལ་ཕྱག་འཚལ་ལོ། །ཐམས་ཅད་མཁྱེན་པ་གྲགས་ལྡན་པ། །པད་མའི་བླ་ལ་ཕྱག་འཚལ་ལོ། །སྤྱན་དང་ལྡན་པ་སྐྱོབ་མཛད་པ། །རབ་འཐོར་གཤེགས་
ལ་ཕྱག་འཚལ་ལོ། །དེད་དཔོན་བླ་ན་མེད་པ་པོ། །གྲགས་པའི་བླ་ལ་ཕྱག་འཚལ་ལོ། །ཉི་ཟླ་ལྟ་བུར་འོད་མཛད་པ། །བདེ་མཛད་དེ་ལ་ཕྱག་འཚལ་ལོ། །ཆོས་ཀྱི་མེ་ལོང་སྟོན་པ་པོ། །དོན་གཟིགས་ལ་ཡང་
ཕྱག་འཚལ་ལོ། །དུལ་བའི་ཚུལ་ཁྲིམས་འཇིགས་མེད་པ། །རྒྱལ་ཞེས་བྱ་ལ་ཕྱག་འཚལ་ལོ། །མཚན་མཆོག་སུམ་བཅུ་རྩ་གཉིས་ལྡན། །སྐར་རྒྱལ་ལ་ཡང་ཕྱག་འཚལ་ལོ། །རྫོགས་པའི་སངས་རྒྱས་དཔལྡན་པ། །རྣཾ་པར་
གཟིགས་ལ་ཕྱག་འཚལ་ལོ། །འོད་ཅན་གཟི་བརྗིད་ལྡན་པ་པོ། །གཙུག་ཏོར་ཅན་ལ་ཕྱག་འཚལ་ལོ། །ལེགས་པར་མཆོད་པ་གྲགས་ལྡན་པ། །ཐཾད་སྐྱོབ་ལ་ཕྱག་འཚལ་ལོ། །བདུད་དཔུང་རབ་ཏུ་འཇོམ་པ་པོ། །ལོག་དད་སེལ་ལ་
ཕྱག་འཚལ་ལོ། །བྲམ་ཟེ་དཔལ་དང་ལྡན་པ་པོ། །གསེར་ཐུབ་དེ་ལ་ཕྱག་འཚལ་ལོ། །སེཾན་ཀུན་ལ་ཐུགས་བརྩེ་བ། །འོད་སྲུང་དེ་ལ་ཕྱག་འཚལ་ལོ། །ཤཱཀྱ་སེང་གེ་འོད་མཛད་པ། །གསེར་མདོག་ཅན་ལ་ཕྱག་འཚལ་ལོ། །སེར་སྣ་
མེད་པ་ཐུགས་རྗེ་ཅན། །བྱམས་པ་ལ་ཡང་ཕྱག་འཚལ་ལོ། །སངས་རྒྱ་ཀུན་ལ་ཡང་ཕྱག་འཚལ་ཏེ། །དེ་དག་ལ་ནི་བདག་སྐྱབས་མཆི། །གང་དག་གི་ནི་ཆོས་བསྟན་པ། །སངས་རྒྱས་ཀུན་ལ་ཕྱག་འཚལ་ལོ། །གང་ལ་སངས་
རྒྱས་གུས་མཛད་པའི། །ཆོས་ལ་བདག་ནི་ཕྱག་འཚལ་ལོ། །གང་ལ་ཕུལ་ན་དོན་ཆེ་བའི། །དགེ་འདུན་ལ་ཡང་ཕྱག་འཚལ་ལོ། །ཉན་ཐོས་ཤེས་རབ་མཆོག་གྱུར་པ། །ཤཱ་རིའི་བུ་ལ་ཕྱག་འཚལ་ལོ། །རྫུ་འཕྲུལ་ཅན་གྱི་མཆོག་གྱུར་པ། །
མཽད་གལ་བུ་ལ་ཕྱག་འཚལ་ལོ། །ཆོས་ཀྱི་གཏམ་ལ་འཇིགས་མེད་པ། །ཀཱཏྱཱའི་བུ་ལ་ཕྱག་འཚལ་ལོ། །ཉན་ཐོས་སྦྱང་པའི་མཆོག་གྱུར་པ། །འོད་སྲུང་ལ་ཡང་ཕྱག་འཚལ་ལོ། །སྐྱོབ་པ་ཡི་ནི་དབང་གྱུར་པ། །ཀཽཎྚི་ནྱ་ལ་ཕྱག་འཚལ་ལོ། །
97-1-148b


མང་ཏུ་ཐོས་པ་རིག་བསྔགས་འཆང་། །ཀུན་དགའ་བོ་ལ་ཕྱག་འཚལ་ལོ། །ལུས་ངན་དང་ནི་ཡུལ་འཁོར་སྲུང་། །མིག་མི་བཟང་དང་འཕགས་སྐྱེས་པོ། །ཕྱོགས་བཞི་ཁོར་ར་འཁོར་ཡུག་གི། རྒྱལ་ཆེན་རྣམས་ལ་ཕྱག་
འཚལ་ལོ། །གནོད་སྦྱིན་རྣམས་ཀྱི་སྡེ་དཔོན་མཆོག །ཉི་ཤུ་བརྒྱད་ལ་ཕྱག་འཚལ་ལོ། །ཕ་མ་མཁན་པོ་སློབ་དཔོན་དང་། །ལྷ་རྣམས་ལ་ནི་ཕྱག་འཚལ་ལོ། །དེ་དག་ལ་ནི་ཕྱག་འཚལ་ནས། །རིག་སྔགས་འདི་ནི་གྲུབ་གྱུར་
ཅིག །གང་གི་དོན་དུ་བྱ་བའི། །དོན་དེ་བདག་ལ་གྲུབ་གྱུར་ཅིག །སྡང་བར་སེམས་ཤིང་གནོད་བྱེད་པའི། །མི་མ་ཡིན་རྣམས་གུད་དུ་དེང་། །གནོད་པར་འདོད་པ་གླགས་བལྟ་རྣམས། །སྟོན་པའི་བསྟན་པ་མཉན་པར་གྱིས། །བྱམས་པར་སེམས་
ཤིང་ཕན་འདོད་པའི། །མི་མ་ཡིན་པ་གང་ཡིན་རྣམས། །ཐཾད་འདུས་ཤིང་མཐུན་གྱུར་ནས། །འཇིག་རྟེན་སྐྱོང་བ་རྣམ་ཀྱི་ཚིག །སྟོན་པས་རྗེས་སུ་ཡི་རང་བ། །དགའ་བའི་སེམས་ཀྱི་བདག་ལ་ཉོན། །བསིལ་བའི་ཚལ་གྱི་མདོ་ཆེན་པོ་
འདི་ནི་རྒྱལ་པོ་ཆེན་པོ་བཞིའྀ་བསྲུང་བ་ཆེན་པོ་སྟེ། འཁོར་བཞི་པོ་རྣམས་ལ་ཡོངས་སུ་ཁྱབ་པའོ། །གནོད་སྦྱིན་དང་། སྲིན་པོ་དང་། དྲི་ཟ་དང་། ཀླུ་དང་། ནམ་མཁའ་ལྡིང་དང་། གསང་བ་པ་དང་། འབྱུང་པོ་དང་། གྲུལ་བུམ་དང་། ཡི་དག་དང་། 
སྲུལ་པོ་དང་ཤ་ཟ་དང་། ལྷ་མ་ཡིན་དང་། རླུང་ལྷ་དང་། སྐེམ་བྱེད་དང་། འཚེ་རྒྱུ་དང་། སྨྱོ་བྱེད་དང་། མི་འམ་ཅི་དང་། གྱེན་དུ་རྒྱུ་དང་། རྒྱུ་བ་དང་། འདུན་པ་དང་། ངན་བྱེད་དང་། གཟི་བྱིན་འཕྲོག་པ་དང་། བརྗེད་བྱེད་དང་རིམས་དྲག་པོ་དང་། རིམས་ཞིག་
གཅིག་པ་དང་། ཞག་གཉིས་པ་དང་། ཞག་གསུམ་པ་དང་། ཞག་བཞི་པ་དང་། མི་དང་མི་མ་ཡིན་པ། སྡང་བར་སེམས་པ་དང་། གླགས་ལྟ་བ་དང་། མི་ཕན་པར་འདོད་པ་དང་། གནོད་པར་བྱེད་པ། སངས་རྒྱས་བཅོམ་ལྡན་འདས་ཀྱིས་བསྟན་པ་
ལ་མི་དགའ་བ་དང་། གནོད་པར་འདོད་པ་དང་། ཕན་པར་མི་འདོད་པ་དང་། བདེ་བར་མི་འདོད་པ་དང་། གྲུབ་པ་དང་། བདེ་བར་མི་འདོད་པ་དང་། འཁོར་བཞི་པོ་རྣམས་མི་དགའ་བ་དང་། གནོད་པར་འདོད་པ་དང་། ཕན་པར་མི་འདོད་པ་
97-1-149a


དང་། བདེ་བར་མི་འདོད་པ་དང་། གྲུབ་པ་དང་། བདེ་བར་མི་འདོད་པ་དང་། མིང་འདི་ཞེས་བྱ་བ་ལ་མི་དགའ་བ་དང་། གནོད་པར་འདོད་པ་དང་། ཕན་པར་མི་འདོད་པ་དང་། བདེ་བར་མི་འདོད་པ་དང་། གྲུབ་པ་དང་། བདེ་བར་མི་
འདོད་པ་གང་ཡིན་པ་དེ་དག་ནི་བསིལ་བའི་ཚལ་གྱི་མདོ་ཆེན་པོ་འདི་ཐོས་ནས་དེངས་ཤིག །སྐྲག་པར་གྱུར་ཅིག །དངངས་པར་གྱུར་ཅིག །ཀུན་དུ་དངངས་པར་གྱུར་ཅིག །འདི་ན་མ་འཁོད་ཅིག །མགོ་བོ་ཚལ་པ་བདུན་དུ་འགས་
ས་རེ། གནོད་སྦྱིན་དང་། སྲིན་པོ་དང་། དྲི་ཟ་དང་། ཀླུ་དང་། ནམ་མཁའ་ལྡིང་དང་། གསང་བ་པ་དང་། འབྱུང་པོ་དང་། གྲུལ་བུ་དང་། ཡི་དག་དང་། སྲུལ་པོ་དང་། ཤ་ཟ་དང་། ལྷ་མ་ཡིན་དང་། རླུང་ལྷ་དང་། སྐེམ་བྱེད་དང་། འཚེ་རྒྱུ་དང་། སྨྱོ་བྱེད་དང་། མི་འམ་
ཅི་དང་། གྱེན་དུ་བརྒྱུ་དང་། རྒྱུ་བ་དང་། འདུན་པ་དང་། ངན་བྱེད་དང་། གཟི་བྱིན་འཕྲོག་པ་དང་། བརྗེད་བྱེད་དང་། རིམས་དྲག་པོ་དང་། རིམས་ཞག་གཅིག་པ་དང་། ཞག་གཉིས་པ་དང་། ཞག་གསུམ་པ་དང་། ཞག་བཞི་པ་དང་། མི་དང་མི་མ་ཡིན་
པ་སྡང་བར་སེམས་པ་མ་ཡིན་པ་རྣམས་དང་། གླགས་མི་ལྟ་བ་དང་། ཕན་པར་འདོད་པ་དང་། གནོད་པར་མི་འདོད་པ་དག་སངས་རྒྱས་བཅོམ་ལྡན་འདས་ཀྱི་བསྟན་པ་ལ་དགའ་བ་དང་། དོན་དུ་འགྱུར་བར་འདོད་པ་དང་། 
ཕན་པར་འདོད་པ་དང་། བདེ་བར་འདོད་པ་དང་། གྲུབ་པ་དང་། བདེ་བར་འདོད་པ་དང་། མིང་འདི་ཞེས་བྱ་བ་ལ་དགའ་བ་དང་། དོན་དུ་འགྱུར་བར་འདོད་པ་དང་། ཕན་པར་འདོད་པ་དང་། བདེ་བར་འདོད་པ་དང་། གྲུབ་པ་དང་། བདེ་
བར་འདོད་པ་གང་ཡིན་པ་དེ་དག་ནི་བསིལ་བའི་ཚལ་གྱི་མདོ་ཆེན་པོ་འདི་ཐོས་ནས་འདིར་འཁོད་ཅིག །མ་སྐྲག་ཅིག །མ་དངངས་པར་གྱུར་ཅིག །ཀུན་ཏུ་མངངས་པར་མ་གྱུར་ཅིག །མི་འཇིགས་པ་ཁོ་ནར་
གྱུར་ཅིག །མིང་འདི་ཞེས་བྱ་བའི་དོན་དང་། ཕན་པ་དང་། དགེ་བ་དང་། བདེ་བར་གནས་པར་བྱ་བའི་ཕྱིར། བསིལ་བའི་ཚལ་གྱི་མདོ་ཆེན་པོ་འདི་བདག་གིས་བསྟན་ཅིང་བཤད་པར་བྱའོ། །དེ་ལ་བསིལ་བའི་ཚལ་གྱི་
97-1-149b


མདོ་ཆེན་པོ་བདག་ལ་བསྲུང་བ་ནི་འདི་ཡིན་ཏེ། སྱཱད་ཡ་ཐེ་དན། ཁ་ཊེ་ཁ་ཊེ། ཁཏྟྱ་སི། པ་ལ་ཀ་བ་ཊེ། རོ་ག་བྷ་དྲི་ག་ཎེ། ཧི་ལི་ཧི་ལི། དུ་མ་ཏེ། གྲྀཏྟ་ཏི། ཨ་ཛ་ཊི། ཀ་ཐ་རི། མ་སཱ་ར་ཀལྤེ། ས་མནྟེ་ན། ཙ་ཏུཪྟི་ཤི་ཡོ་ཛ་ན་ཤ་
ཏ། ཨཱཏྨ་རཀྵ། ཨ་ཎ་ཏི་ཀྲ་མ་ཎི། སརྦ་བེ་ཧེ་ཐ་ཀེ་བྷྱེཿ །ན་མོ་བྷ་ག་བ་ཏེ། བུད་དྷ་སྱ། སིད་དྷྱནྟུ་མནྟྲ་པཱ་དཱ། ད་ར་དུ་བིདྱཱ། བྲཧྨ་ཎོ། མན་དུ་སྭཱ་ཧཱ། འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་རྒྱལ་
པོའི་ཁབ་ན། དུར་ཁྲོད་ཆེན་པོ་བསིལ་བའི་ཚལ་འཇིགས་སུ་རུང་བ་སྐྱེ་བུང་ཞེས་བྱེད་པ་ན། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་སོ། །དེ་ནས་རྒྱལ་པོ་
ཆེན་པོ་བཞི་ལུས་ངན་དང་། ཡུལ་འཁོར་སྲུང་དང་། མིག་མི་བཟང་དང་། འཕགས་སྐྱེས་པོ་བུ་དང་བཅས། བློན་པོ་དང་བཅས། འཁོར་དང་བཅས། མངག་གཞུག་པ་དང་བཅས། ཕོ་ཉ་དང་བཅས། གཡོག་འཁོར་དང་
བཅས་པ་ཁ་དོག་འཕགས་པ་དག་ནམ་ཕྱེད་ན་ལྷགས་ནས་གྲོས་འཐུན་པར་དུར་ཁྲོད་ཆེན་པོ་བསིལ་བའི་ཚལ་དུ་དོང་སྟེ། རང་བཞིན་གྱི་ཁ་དོག་དང་མཐུས་འོད་ཆེན་པོས་སྣང་བར་བྱས་ནས། བཅོམ་ལྡན་འདས་ག་ལ་
བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་ལན་གསུཾ་སྐོར་བར་བྱས་ནས་ཐལ་མོ་སྦྱར་ཏེ། བཅོམ་ལྡན་འདས་འབའ་ཞིག་ལ་ཕྱག་འཚལ་ཞིང་ཕྱོགས་གཅིག་ཏུ་འཁོད་དོ། །
ཕྱོགས་གཅིག་ཏུ་འཁོད་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་ཚིགས་སུ་བཅད་པས་བསྟོད་པ། འཇིག་རྟེན་མཁས་པ་རྫོགས་སངས་རྒྱས། །དཔའ་ཆེན་ཁྱོད་ལ་ཕྱག་འཚལ་ལོ། །གཽ་ཏམ་ཁྱོད་ཀྱིས་གང་མཁྱེན་པ། །དེ་ནི་
ལྷ་རྣམས་མ་འཚལ་ཏེ། ལན་གཉིས་ལན་གསུམ་དུ་ཡང་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་ཚིགས་སུ་བཅད་ནས་བསྟོད་པ། འཇིག་རྟེན་མཁས་པ་རྫོགས་སངས་རྒྱས། །དཔའ་ཆེན་ཁྱོད་ལ་ཕྱག་འཚལ་ལོ། །གཽ་ཏམ་ཁྱོད་
97-1-150a


ཀྱིས་གང་མཁྱེན་པ། །དེ་ནི་ལྷ་རྣམས་མ་འཚལ་ཏོ། །དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་བཞིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཡུལ་དང་འཕྲོད་ལགས་སམ། འཚོ་བ་དང་ལྡན་
ལགས་སམ། བཙུན་པ་བཅོམ་ལྡན་འདས་སྐུ་བདེ་ལགས་སམ། བསྙུན་མི་མངའ་ལགས་སམ། ཉམ་ང་བ་མ་མཆིས་སམ། བཅོམ་ལྡན་འདས་ཀྱི་སྐུ་ལ་གནོད་པ་མི་མངའ་ལགས་སམ། བཅོམ་ལྡན་འདས་ལ་གནོད་
སྦྱིན་དང་། སྲིན་པོ་དང་། དྲི་ཟ་དང་། ཀླུ་དང་། ནམ་མཁའ་ལྡིང་དང་། གསང་བ་པ་དང་། འབྱུང་པོ་དང་། གྲུལ་བུམ་དང་། ཡི་དགས་དང་། སྲུལ་པོ་དང་། ཤ་ཟ་དང་། ལྷ་མ་ཡིན་དང་། རླུང་ལྷ་དང་། སྐེམ་བྱེད་དང་། འཚེ་རྒྱུ་དང་། སྨྱོ་བྱེད་དང་། 
མི་འམ་ཅི་དང་། གྱེན་དུ་རྒྱུ་དང་། རྒྱུ་བ་དང་། འདུན་པ་དང་། ངན་བགྱིད་དང་། གཟི་བྱིན་འཕྲོག་པ་དང་། བརྗེད་བྱེད་དང་། རིམས་དྲག་པོ་དང་། རིམས་ཞག་གཅིག་པ་དང་། ཞག་གཉིས་པ་དང་། ཞག་གསུམ་པ་དང་། ཞག་བཞི་པ་དང་། 
མི་དང་། མི་མ་ཡིན་པ་སྡང་བར་སེམས་པ་དང་། གླགས་ལྟ་བ་དང་། ཕན་པར་མི་འདོད་པ་དང་། གནོད་པར་བགྱིད་པ་དག་ལས་གནོད་པར་བགྱིད་པར་སེམས་པ་ལྟ་མ་མཆིས་ལགས་སམ། དེ་སྐད་ཅེས་གསོལ་པ་དང་། བཅོམ་ལྡན་
འདས་ཀྱིས་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་ཏོ། །ཀྱེ་རྒྱལ་པོ་ཆེན་པོ་དག་ང་ལ་ནི་ཐམས་ཅད་ཡོད་དེ། ཡུལ་དང་ཡང་འཕྲོད། འཚོ་བ་དང་ཡང་ལྡན། ལུས་ཀྱང་བདེ། ནད་ཀྱང་མེད། ཉམ་ང་བ་ཡང་མེད་དོ། །
ཀྱེ་རྒྱལ་པོ་ཆེན་པོ་དག་ངའི་ལུས་ལ་ནི་གནོད་པ་ཡང་མེད་དོ། །ཀྱེ་རྒྱལ་པོ་ཆེན་པོ་དག་ངས་ནི་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུ་
དང་། ལྷ་དང་མིར་བཅས་པའི་ནང་ན་གང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གནོད་པར་བྱེད་པར་སེམས་པ་ཡང་དག་པར་མ་མཐོང་ངོ་། །ཀྱེ་རྒྱལ་པོ་ཆེན་པོ་དག་དེ་ལྟ་མོད་ཀྱི། ཁྱོད་ཀྱི་
97-1-150b


འཁོར་རྣམས་ངའི་འཁོར་ལ་གནོད་པ་བྱེད་པར་སེམས་སོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་རྒྱལ་པོ་ཆེན་པོ་བཞིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་གསོལ་བ་མཆིས་ཏེ། 
དེའི་སླད་དུ་བཅོམ་ལྡན་འདས་ལ་བལྟ་བ་དང་ཕྱག་བགྱི་བ་དང་། བསྙེན་བཀུར་བགྱི་བ་དང་། བཅོམ་ལྡན་འདས་ཉིད་ལ་ཞུ་བའི་སླད་དུ་བདག་ཅག་བཅོམ་ལྡན་འདས་ཀྱི་སྤྱན་སྔར་མཆིས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་
དགོན་པ་དང་། བས་མཐའི་གནས་མལ་འདི་དག་ན་ཤིན་དུ་སྡང་བའི་གནོད་སྦྱིན་དང་། སྲིན་པོ་དང་། དྲི་ཟ་དང་། ཀླུ་དང་། ནམ་མཁའ་ལྡིང་དང་། གསང་བ་པ་དང་། འབྱུང་པོ་དང་། གྲུལ་བུམ་དང་། ཡི་དགས་དང་། སྲུལ་པོ་དང་། 
ཤ་ཟ་དང་། ལྷ་མ་ཡིན་དང་། རླུང་ལྷ་དང་། སྐེམ་བྱེད་དང་། འཚེ་རྒྱུ་དང་། སྨྱོ་བྱེད་དང་། མི་འམ་ཅི་དང་། གྱེན་དུ་རྒྱུ་དང་། རྒྱུ་བ་དང་། འདུན་པ་དང་། ངན་བྱེད་དང་། གཟི་བྱིན་འཕྲོག་པ་དང་། བརྗེད་བྱེད་དང་། རིམས་དྲག་པོ་དང་། 
རིམས་ཞག་གཅིག་པ་དང་། ཞག་གཉིས་པ་དང་། ཞག་གསུམ་པ་དང་། ཞག་བཞི་པ་དང་། མི་དང་མི་མ་ཡིན་པ་སྡང་བར་སེམས་པ་དང་། གླགས་ལྟ་བ་དང་། ཕན་པར་མི་སེམས་པ་དང་། གནོད་པར་བགྱིད་པ་དག་མཆིས་
སོ། །བཙུན་པ་བཅོམ་ལྡན་འདས་ཀྱི་ཉན་ཐོས་དེ་དག་ཀྱང་དེ་ན་གནས་ཏེ། བཅོམ་ལྡན་འདས་ཀྱི་ཉན་ཐོས་དེ་དག་ནི་སྲོད་དང་ཐོ་རངས་མི་ཉལ་བར་སྦྱོར་བ་ལ་བརྩོན་པར་གནས་ལགས་སོ། །བཙུན་པ་བཅོམ་ལྡན་འདས་
གནོད་སྦྱིན་ནམ་སྲིན་པོ་ནས་གནོད་པར་བགྱིད་པའི་བར་དག་བཅོམ་ལྡན་འདས་ཀྱི་བསྟན་པ་འདི་ལ་དད་པའི་སེམས་དང་ལྡན་པ་ནི་ཉུང་ཟད་ཅིག་མཆིས་པར་བས་སོ། །གང་དག་བཅོམ་ལྡན་འདས་ཀྱི་བསྟན་པ་འདི་ལ་མ་དད་
པའི་སེམས་དང་ལྡན་པ་ནི་ཆེས་མང་ལགས་ཏེ། དེ་དག་ནི་བཙུན་པ་བཅོམ་ལྡན་འདས་ཀྱི་ཉན་ཐོས་སྲོད་དང་ཐོ་རང་ལ་མི་ཉལ་ཞིང་སྦྱོར་བ་ལ་བརྩོན་པར་གནས་པ་རྣམས་ལ་གནོད་པར་བགྱིད་པར་སེམས་ལགས་ཏེ། དེ་དག་དགག་པའི་སླད་དུ་གནོད་
97-1-151a


སྦྱིན་མ་རུངས་པ་མ་དད་པ་རྣམས་དད་པར་བགྱི་བ་དང་། དད་པ་རྣམས་སླར་ཞིང་དད་པར་བགྱི་བ་དང་། འཁོར་བཞི་པོ་རྣམས་བདེ་ལེགས་དང་། བདེ་བར་གནས་པར་བགྱི་བ་དང་། མ་ལུས་པར་ཤིན་དུ་མཉམ་པར་གཞོག་པར་
འགྱུར་བའི་སླད་དུ་བསིལ་བའི་ཚལ་གྱི་མདོ་ཆེན་པོ་འདི་བཤད་པར་འཚལ་ལོ། །མི་མ་ཡིན་པ་སྡང་སེམས་ཅན། །རྒྱལ་བའི་བསྟན་པ་མ་དད་པ། །དེ་དག་བདག་གིས་བཟློག་པར་བྱ། །རྒྱལ་ཆེན་རྣམས་ནི་བདག་ལ་ཉོན། །མདོ་
ཆེན་འདི་ནི་ཐོས་ནས་ཀྱང་། །མི་རྣམས་ལ་ནི་གནོད་མ་བྱེད། །གནོད་སྦྱིན་སྲིན་པོ་ཀླུ་རྣམས་དང་། །ནམ་མཁའ་ལྡིང་དང་གསང་བ་པ། །ཕན་པར་མི་འདོད་གང་ཡང་རུང་། །དེ་དག་ཐམས་ཅད་བཟློག་པར་བྱ། །ལྷ་དང་ལྷ་མིན་རླུང་ལྷ་
དང་། །ལྷ་མོའི་ཚོགས་ཀྱི་གང་བ་ཡི། །གཞལ་མེད་ཁང་མཛེས་དེ་དག་ནི། །མེ་དང་འདྲ་བར་འོད་གསལ་ཞིང་། །ཉི་མ་ཟླ་བའི་ཚུལ་འདྲ་བ། །རིན་ཆེན་ལས་བྱས་ཤིན་དུ་སྣང་། །བསོད་ནམས་བྱས་པ་དག་གིས་གང་། །རབ་
སྣང་གདོན་རྣམས་རྣམ་པར་སྤངས། །མི་ལ་གནོད་བྱེད་གང་ཡིན་པའི། །འབྱུང་པོ་གྲུལ་བུམ་སྲིན་པོ་དང་། །ཡི་དགས་སྲུལ་པོ་དེ་དག་གིས། །རྨད་བྱུང་དེ་དག་མི་མཐོང་སྟེ། །གཟི་བྱིན་ལྡན་པའི་ལྷ་རྣམས་ཀྱི། །གྲོང་ཁྱེར་དུ་ཡང་
དེ་མི་འགྲོ། །འབྱུང་པོ་ཆེན་པོ་འདུ་བ་ན། །དེ་ཡང་དེ་དག་འདུར་མི་དབང་། །སྟན་ནམ་ཡང་ན་ཆུ་ཡང་རུང་། །ཟས་དང་སྐོམ་ཡང་མི་དབང་ངོ་། །ལུས་ངན་གྱི་ནི་ཕོ་བྲང་དུ། །ནམ་ཡང་དེ་དག་འགྲོ་མི་འགྱུར། །རྒྱལ་པོ་ཆེན་པོ་རྣམས་ཀྱི་
ཚིག །འབྱུང་པོ་གང་ཞིག་མི་ཉན་པ། །དེ་ཡི་ཁ་ནས་ཁྲག་དྲོན་དག །མྱུར་དུ་རབ་ཏུ་འབབ་པར་འགྱུར། །དེ་ཡི་བརླ་ཡི་གཡས་རོལ་ནས། །ཕོལ་མིག་དག་ཀྱང་འབྱུང་འགྱུར་ཏེ། །དེ་ནི་ནད་ཀྱིས་འཆི་འགྱུར་ཞིང་། །གནོད་སྦྱིན་
གཟུགས་ཀྱང་སྟོན་པར་འགྱུར། །འཇིག་རྟེན་སྐྱོང་གིས་བཤད་པ་ཡི། །མདོ་ལས་གང་ཞིག་འགལ་བྱེད་པ། །འཇིགས་པ་ཐམས་ཅད་དེ་ལ་འོང་། །མགོ་བོ་ཚལ་པ་བདུན་དུ་འགས། །རྒྱལ་པོ་ཆེན་པོ་རྣམས་ཀྱི་ཚིག །གནོད་སྦྱིན་གང་དག་མི་ཉན་པ། །འབྱུང་
97-1-151b


པོ་སྲིན་པོ་གང་ཡོད་པ། །ངན་ཕྲེང་ལྷག་པའི་ངན་ཕྲེང་རྣམས། །ལྕགས་ལས་བྱས་པའི་འཁོར་ལོ་ཡི། །མཚོན་ཆ་སྤུ་གྲི་སོ་འདྲ་བས། །གནོད་སྦྱིན་དེ་དག་བརླག་པར་བྱ། །རྒྱལ་པོ་ཆེན་པོ་དཔལ་དང་ལྡན། །གོ་ཆ་སྲ་ཞིང་མཚོན་རྣོ་ལ། །སྟན་རྣཾས་
ལ་ནི་འཁོད་པ་དག །ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་མིག་མི་བཟང་། །བྱང་ཕྱོགས་ན་ནི་ལུས་ངན་པོ། །དེ་དག་དེ་ན་འཁོད་པ་ཡི། །ཉེ་འཁོར་གནོད་སྦྱིན་འདི་རྣམས་
གནས། །སེང་གེའི་གཟུགས་དང་སྟག་གི་གཟུགས། །མི་སྡུག་པ་དག་འགྲོ་ཞིང་རྒྱུ། །གླང་ཆེན་གཟུགས་དང་རྟའི་གཟུགས། །ཁ་ཅིག་མ་ཧེའི་གཟུགས་ཅན་ལ། །དྲེད་མོ་དང་ནི་ཝ་ཡི་གཟུགས། །ལུག་དང་སྤྱང་ཀི་ཕག་རྒོད་རྣཾས། །
རྣ་བ་འཕྱང་དང་རྣ་བོ་ཆེ། །རྣ་བ་གཅིག་པ་ཐ་དད་པ། །སྒྲ་ཆེར་འབྱིན་ཅིང་འཇིགས་བྱེད་པ། །ས་གཞི་རབ་ཏུ་གཡོ་བར་བྱེད། །བོང་བུ་དང་ནི་རྔ་མོ་ཁྱི། །ཆ་ལུགས་གཞན་ཡང་ཉེ་འཁོར་འཁོད། །རྒྱལ་པོ་ཆེན་པོ་སྟོབས་པོ་ཆེ། །
དེ་དག་ཕན་ཚུན་འདུ་བ་ན། །ལྷ་ཡི་ཤིང་རྟ་བཅས་པ་ཡིས། །ནམ་མཁའ་ལས་ནི་འགྲོ་བར་བྱེད། །གནོད་སྦྱིན་དག་གི་བདག་པོ་ཡང་། །མི་རྣམས་ལ་ནི་བདེ་ལེགས་བྱེད། །སྱད་ཡ་ཐེ་དན། བ་ཀ་ཧུ་མུ་ལེ། ཧ་ཤི་ཎ་ཤ་ཤི་ཎ། བ་ན་
མུ་ཧ་ལེ་ས་མུ་ཧཱ་ལེ། ཨུ་དུ་ཧཱ་ལེ། ས་མུ་ཧཱ་ལེ། པྲ་ཤ་མ་མཱི། རཱཀྵ་ས། ཨ་མ་ནུ་ཥྱཱ། བཱ་རེ་མེ། ཡཀྵཱ་ནི། བཱ་རཱ་མི་པྲེ་ཏ་མ་བྷི་ཐཻ། དུ་མ་ནུ་ཥྱཱ། མ་ས་བ་ཧ་ཧ་དྷ་མུར་ནན། སུ་ཧི་ཤྱ་ཧི། རྒྱལ་པོ་ཆེན་པོ་རྣམ་ཐོས་བུ། །མི་ལ་ཞོན་པ་
སྡེར་བཅས་པས། །འདི་སྨྲས་ནས་ནི་ཚུབ་མ་ལངས། །དེ་བཞིན་རི་ཡང་གཡོས་པར་འགྱུར། །རྒྱལ་པོ་ཆེན་པོ་རྣམ་ཐོས་བུའི། །རིན་ཆེན་ཤིང་རྟ་བཅས་པ་ན། །ལྷ་དང་མི་ཡི་སྒྲ་སྐད་གྲག །རྒྱལ་པོ་ཆེན་པོ་མཆི་བ་ན། །དངོས་པོ་
རྣམས་ཀྱང་འབར་བར་འགྱུར། །སྲིན་པོ་འདོད་དགུར་བསྒྱུར་བའི་གཟུགས། །དེ་ཡི་མདུན་ན་རྒྱུག་པར་བགྱིད། །མི་མ་ཡིན་པའི་གཟུགས་རྣམས་ཀྱིས། །འཇིགས་ཤིང་སྐྲག་པ་བསྐྱེད་པར་བགྱིད། །ཆེ་ཞིང་གཏུམ་ལ་མི་བཟད་པ། །
97-1-152a


དྲག་ཅིང་མཐོང་ན་མི་སྡུག་ལ། །སྤུ་ཡང་རིང་ཞིང་སེན་མོ་རིང་། །ལག་ན་རལ་གྲི་ཐོ་བ་ཐོགས། །སོ་ནི་བཟང་ཅན་འཇིགས་པར་བགྱིད། །སྣ་ཆེ་རྔ་མོ་སྟག་གི་འདྲ། །དྲག་ཅིང་ལག་པ་ཁྲག་དམར་བ། །ཡན་
ལག་མ་ཚང་ཕྱེད་ཚལ་ལུས། །མིག་སེར་ལུས་ཀྱང་ཤིན་དུ་སེར། །དྲི་མ་ཅན་ལ་ལུས་སྐེམ་པ། །སྐྲ་བརྫེས་ལྕགས་ཀྱི་མཆུ་ཅན་ལ། །མཚོན་ཆ་ཚབས་ཆེར་འདེབས་པར་བགྱིད། །རྣ་བ་གཞུ་རྣ་གསུས་པོ་ཆེ། །སྦྲུལ་གྱི་གཟུགས་
ཅན་བེའུ་གཟུགས། །ཕག་ག་གཟུགས་ཅན་ལྟོ་བོ་ཆེ། །མགོ་བོ་ཆེ་ལ་ལག་རིང་བ། །རྣ་འཕྱང་བ་ལ་ནུ་མ་འཕྱང་། །དེ་འདྲའི་གནོད་སྦྱིན་མང་པོའི། །གཡོག་འཁོར་དག་གི་ཡོངསུ་བསྐོར། །གནོད་སྦྱིན་བྱེ་བ་ཕྲག་སྟོང་རྣམས། །དེ་དག་མ་
ནི་ལཾམ་ལོག་ཅན། །གཡོག་འཁོར་དེ་དག་ལྷན་ཅིག་ཏུ། །བདག་ནི་ཕྱག་འཚལ་སླད་དུ་མཆི། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །དྲག་ཅིང་རྒོད་ལ་གཏུམ་པ་དང་། །ལྟོ་བོ་ཆེ་ལ་སྐྲ་རིང་བ། །མི་རྣཾས་
དང་ནི་རི་དགས་དང་། །བྱ་རྣཾས་གཟི་བྱིན་འཕྲོག་པར་བགྱིད། །མེ་འབར་ཟ་དང་མང་དུ་ཟ། །མིག་ཅིག་པ་དང་མིག་སེར་དང་། །སྣ་དང་རྣ་བ་བཅད་པ་དང་། །ཆད་པ་མང་པོས་བཅད་པ་དང་། །མགོ་མ་མཆིས་དང་མགོ་བཅད་དང་། །ལུས་ཀྱང་སྒུར་
ལ་གཉེར་མ་གདོང་། །མིག་ལ་མེ་འབར་རྐང་མེད་པ། །མི་རྣམས་འཇིགས་པར་བགྱིད་པ་སྟེ། །ཕེལ་ཀ་ཆེ་ལ་རྒོད་བག་ཅན། །དེ་བཞིན་འགྲོ་ཞིང་རྒྱུ་བར་བགྱིད། །དེ་འདྲའི་གནོད་སྦྱིན་མང་པོ་ཡི། །གཡོག་འཁོར་དག་གིས་
ཡོངས་སུ་བསྐོར། །གནོད་སྦྱིན་བྱེ་བ་ཕྲག་སྟོང་རྣམས། །དེ་དག་མ་ནི་རྐུན་མ་ལགས། །གཡོག་འཁོར་དེ་དག་ལྷན་ཅིག་ཏུ། །བདག་ནི་ཕྱག་འཚལ་སླད་དུ་མཆིས། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་
པར་བལྟ་ཞིང་མཆིས། །བདག་ཅག་གི་ནི་གནས་རྣམས་ན། །ཤིང་རྟ་ཞེས་བགྱི་སྲིད་མོ་མཆིས། །དེ་ལ་བུ་ཕོ་སྟོབས་ལྡན་པ། །སྟོང་ཕྲག་བཅུ་ཡི་གྲངས་སྙེད་མཆིས། །དེ་དག་བདག་གི་གཡོག་ལགས་ཏེ། །དེ་དག་ཕྱག་འཚལ་
97-1-152b


སླད་དུ་མཆིས། །གཽ་ཏམ་བའོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །བདག་ཅག་གི་ནི་གནས་རྣམས་ན། །མགྲིན་རིངས་ཞེས་བགྱི་སྲིན་མོ་མཆིས། །སྲིན་མོ་ཤིན་དུ་གནག་པ་དང་། །སྲིན་མོ་ནག་མོ་ཞེས་བགྱི་
དང་། །སྲིན་མོ་རབ་གནག་རྣམས་མཆིས་ཏེ། །དེ་དག་གཽ་ཏམ་མཐུན་པར་བལྟ། །ས་ཡི་གནོད་སྦྱིན་བདག་ཉིད་ཆེ། །དེ་དག་ས་སྟེངས་གནས་པ་སྟེ། །གཡོག་འཁོར་དེ་དག་རྣམས་ཀྱི་ནི། །ཡོངས་སུ་སྐོར་སྟེ་འདིར་མཆིས་ལགས། །
དེ་དག་ཀུན་དང་ལྷན་ཅིག་ཏུ། །བདག་ནི་ཕྱག་འཚལ་སླད་དུ་མཆིས། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །བདག་གི་མདུན་ན་རྒྱུག་པ་ཡི། །ཡི་དགས་གནོད་སྦྱིན་སྲིན་པོ་རྣམས། །ལུས་ཆེན་
ཤུགས་ཀྱང་དྲག་པོ་སྟེ། །སོ་ཡང་ཆེ་ལ་ལྟོ་བོ་ཆེ། །རྣ་འཕྱང་འཇིགས་པ་ཆེན་པོ་སྟེ། །སློབ་མ་རྣ་ལ་རབ་ཏུ་འཕྱང་། །ཡན་ལག་དྲུག་པ་སོ་བརྟན་པ། །གུར་གུམ་མདོག་ཅན་ཐོ་བ་འདྲ། །སོ་ཡང་རྩུབ་ཅིང་རྣོ་བ་དང་། །མདུང་ཐུང་གསལ་
ཞིང་འཇིགས་པར་བགྱིད། །གླང་ཆེན་མགོ་དང་བུམ་སྣ་ཅན། །མགོ་བོ་སྟག་དང་སེང་གེ་འདྲ། །ལྕགས་ཀྱི་སོ་ཅན་ལྕགས་ཀྱི་སྐྲ། །གདོན་རྣཾས་རྣཾ་པར་བསྐྲག་བགྱི་བ། །ལག་ན་ལྕགས་ཀྱི་གཏུན་བུ་ཐོགས། །ལག་ན་ལྕགས་ཀྱི་ཐོ་བ་ཐོབ། །སོ་རྣོན་ལག་
པ་རིང་བ་སྟེ། །འཇིགས་པའི་གཟུགས་ཅན་ལྕགས་ཀྱི་མཆུ། །མགོ་བོ་ཆེ་ལ་སྐྲ་གཡེངས་པ། །གནག་ཅིང་མིག་སེར་སྣ་ཞོམ་པ། །བུམ་པའི་མགྲིན་དང་མིག་དམར་དང་། །མིག་ཅིག་
པ་དང་ལྟོ་བོ་ཆེ། །མཆུ་འཕྱངས་པ་དང་ལག་གཅིག་པ། །རྐང་ཅིག་པ་དང་རྐང་གཉིས་པ། །ཁ་མེད་ཁ་གཉིས་དྲག་པོ་སྟེ། །མི་རྣམས་རབ་ཏུ་འཇིགས་པར་བགྱིད། །ལག་ན་ཁར་བ་དབྱུག་པ་ཐོགས། །མདུང་རྩེ་གསུམ་པ་སྐྲག་
ཅིང་འཇིགས། །སྐྲག་ཅིང་འཇིགས་པར་བྱེད་པ་སྟེ། །གདོན་རྣམས་རྣམ་པར་སྐྲག་བགྱིད་པ། །སྐྲག་པར་བགྱིད་ཅིང་སྨྲ་བར་བགྱིད། །སེམས་ཀྱང་འཁྲུལ་བར་བགྱིད་པ་སྟེ། །སྨྱོ་བར་བགྱིད་ཅིང་རྨོངས་པར་བགྱིད། །དེ་ནས་གཟི་བྱིན་
97-1-153a


འཕྲོག་པར་བགྱིད། །དེ་དག་འཇིག་རྟེན་འཇིགས་པ་སྟེ། །སྟོབས་པོ་ཆེ་ལ་བསྟེན་པར་དཀའ། །སྟོང་ཕྲག་དྲུག་བཅུ་རྩ་བཞི་པོ། །རྒྱལ་པོ་ཆེན་པོའི་མདུན་ན་རྒྱུག །དེ་འདྲའི་གནོད་སྦྱིན་མང་པོ་ཡི། །གཡོག་འཁོར་
དག་གིས་ཡོངས་སུ་བསྐོར། །གནོད་སྦྱིན་བྱེ་བ་ཕྲག་སྟོང་རྣམས། །དེ་དག་ཕྱག་འཚལ་སླད་དུ་མཆིས། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །ས་ག་ལྔས་
རྩེན་ཟླ་བ་དང་། །སེང་གེ་སྡེ་དང་རབ་གནོན་དང་། །མ་ལ་སྦྱིན་བརྩོན་དྲག་པོ་དང་། །གང་པོ་དང་ནི་ནོར་འཛིན་དང་། །ཙན་དན་དང་ནི་འདོད་མཆོག་དང་། །སྣ་ཚོགས་སྡེ་དང་གཏོར་མ་ལེན། །ཡིད་བཞིན་རབ་འབྱོར་བཞིན་
བཟང་དང་། །འདམ་བུ་ཅན་དང་ཤིན་དུ་རྒྱལ། །འདོད་པ་ཐམས་ཅད་འབྱོར་བ་དང་། །དབང་པོ་རྒྱལ་བ་ཁྱུ་མཆོག་དང་། །ནོར་བུ་བཟང་སྲས་རྫོགས་བཟང་དང་། །འདམ་བུ་ས་མཆོག་འདམ་བུ་དགའ། །
ཁབ་ཀྱི་སྤུ་ཅན་རིང་བཟང་དང་། །ལག་མཆོག་སྐྱེ་དགུའི་བདག་པོ་དང་། །འདམ་བུའི་རྒྱུད་དང་མདུན་རིང་དང་། །རིག་པ་སྟོབས་ཅན་ནོར་བུ་དང་། །འཇོག་པོ་ནག་པོ་ཆེན་པོ་དང་། །ལ་བ་ཅན་དང་དྲེའུ་དང་
གཉིས། །ཀླུའི་རྒྱལ་པོས་སྲུངས་བུ། །ཡན་ལག་ཆེན་པོ་རྫུ་འཕྲུལ་ཆེ། །ནཾ་མཁའ་ལྡིང་ནི་ཤུགས་ཆེན་ལྡན། །འདོད་ཆགས་ཀུན་གྱི་མཆོག་གྱུར་པ། །བྱ་ཡི་གཟུགས་ཀྱིས་མཆི་བགྱིད་ཅིང་། །རྒྱ་མཚོ་ཀུན་དུ་འཁྲུག་པར་
བགྱིད། །ལྷ་དང་ལྷ་མིན་དྲི་ཟ་རྣཾས། །འཇིགས་པར་བགྱིད་དང་དགེ་བ་འང་རུང་། །མ་དད་པ་དང་དད་པ་རྣམས། །དེ་དག་ཐཾད་འདིར་མཆིས་ཏེ། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །འཕྲོག་མ་ཞེས་བགྱི་
གནོད་སྦྱིན་མོ། །འཇིགས་པར་བགྱིད་པ་སྟོང་ཆེན་མོ། །དེའི་བུ་ནི་ལྔ་བརྒྱ་རྣཾས། །འཇིགས་བགྱིད་གནོད་སྦྱིན་མཐུ་རྩལ་ཅན། །བདག་ཉིད་ཀྱི་ནི་གཡོག་ལགས་ཏེ། །དེ་དག་ཕྱག་འཚལ་སླད་དུ་མཆིས། །གཽ་ཏམ་དཔའ་བོ་ཁྱོད་ལ་ནི། །ཆོས་
97-1-153b


བཞིན་མཐུན་པར་བལྟ་ཞིང་མཆིས། །མ་ག་དྷ་ན་ཐམས་ཅད་མཐོང་། །ཀ་ཤི་ག་ནི་པད་མ་འཆང་། །ཡང་པ་ཅན་ན་རྒྱལ་མཆོག་གནས། །གྱད་ཡུལ་ན་ནི་གྲགས་འཛིན་གནས། །རྒྱལ་པོའི་ཁབ་ན་ཀུ་བེ་ར། །སེར་སྐྱའི་གནས་ན་དྲག་པོ་
སྟེ། །ཏ་མ་ལ་ན་འབྱོར་པ་གནས། །མི་ཏི་ལན་ཀུན་དུ་རྒྱལ། །མ་མོ་རྒྱལ་མོ་འདི་བརྒྱད་ནི། །གནོད་སྦྱིན་རྣཾས་ཀྱི་སྡེ་དཔོན་མཆོག །རྫུ་འཕྲུལ་ཆེན་པོ་སྐལ་བ་ཆེ། །སྟོབས་ཆེན་དེ་དག་ཐཾད་ནི། །ཡིད་དགེ་དད་པའི་སེཾས་དང་ལྡན། །རྫོགས་སངས་
རྒྱས་ལ་སྐྱབས་མཆིས་པས། །དེ་དག་དང་ནི་འདུས་ནས་ཀྱང་། །རྒྱལོ་ཆེན་པོ་སྟོབ་ཆེན་གྱི། །ཡང་དག་རྫོགས་སངྱས་སྟན་པ། །མི་རྣམ་ལ་ནི་སྙིང་རྩེའི་སླད། །གནོད་སྦྱིན་འབྱུང་པོ་ཡི་དགས་དང་། །སྡང་བའི་གདོན་རྣཾས་བཟློག་པ་དང་། །མི་མ་ཡིན་རྣམས་བཟློག་པའི། །
བསྲུང་བ་འདི་ནི་ལེགས་པར་བགྱིས། །དེ་ནས་རྒྱལ་པོ་རྣཾས་ཐོས་བུ། །ཐལ་སྦྱར་འདུག་ཏེ་སྨྲས་པ་ནི། །འཁོན་དང་འཇིགས་པ་ཀུན་འདས་པ། །རྣམ་གྲོལ་ཟག་པ་མི་མངའ་བ། །གཽ་ཏམ་དཔའོ་ཁྱོད་ལ་ནི། །ཆོས་བཞིན་མཐུན་པ་ལྟ་
ཞིང་མཆིས། །ཁྱོད་ལ་ལྷ་དང་གྲུབ་པ་དང་། །བྲམ་ཟེ་ཐཾད་ཕྱག་འཚལ་ཏེ། །གནོད་སྦྱིན་བྱེ་བ་དྲུག་ཁྲི་དང་། །བཞི་སྟོང་དག་ཀྱང་ལྷགས་ནས་ནི། །འཁོར་ར་འཁོར་ཡུག་ཡོངས་བསྐོར་ནས། །ཐལ་མོ་སྦྱར་ཏེ་འཁོད་གྱུར་ལགས། །
བདག་ནི་རྒྱལ་པོ་རྣམས་ཐོས་བུ། །བྱང་ཕྱོགས་སྐྱོང་བར་བགྱིད་པ་སྟེ། །འཇིག་རྟེན་མགོན་པོའི་ཉེ་འཁོར་དུ། །གནོད་སྦྱིན་རྒྱུ་སྐར་སྨྱོ་བྱེད་དང་། །རྗེད་བྱེད་དང་ནི་མི་འམ་ཅི། །སྐེམ་བྱེད་དང་ནི་རིམ་དྲག་དང་། །དེ་བཞིན་
རིམས་ནད་ཞག་བཞི་པ། །དེ་དག་བདག་གིས་བཟློག་པར་བགྱི། །སྱཱད་ཡ་ཐེ་དན། ཨུ་ཧ་ཧྃ། ཨུ་ཧ་ཧྃ། མ་ཧཱ་ཧྃ། ཨུ་ཧ་མ་ཧཱ་ཧྃ། ས་ལ་མུ་ཛི། ཨི་ལཱི་མི་ལི། ཨི་ལཱི་མི་ལི། ཀི་ལཱི་མི་ལི། ཙི་རི་ཊི། ཨུ་བྷི་ཨུ་ཏུ་བྷི། པི་ཏི་ལི་ཡེ། ཊ་མ་ལི། 
མ་ནིནྡ་ཡེ་སྭཱ་ཧཱ། རྒྱལ་པོ་ཆེན་པོ་རྣམས་ཐོས་ཀྱི་བུ་ལུས་ངན་ལྕང་ལོ་ཅན་གྱི་བདག་པོ་ཕྱོགས་སྐྱོང་བར་གྱུར་ཅིག །གནོད་སྦྱིན་དང་། རྒྱུ་སྐར་དང་། སྨྱོ་བྱེད་དང་། བརྗེད་བྱེད་དང་། མི་འམ་ཅི་དང་། གྱེན་དུ་རྒྱུ་དང་། རྒྱུ་བ་དང་། 
97-1-154a


འདུན་པ་དང་། ངན་བྱེད་དང་། གཟི་བྱིན་འཕྲོག་པ་རྣམས་བཟློག་པར་གྱུར་ཅིག །ལྷའི་ནང་ན་ལྷའི་རྒྱལ་པོ་ནོར་ལྷའི་བུ་ཞེས་བགྱི་བ་མཆིས་ཏེ། དེ་ལ་བདག་ཕྱག་འཚལ་ལོ། །དེ་ཡང་བཅྡོཾས་ཉིད་ལ་ཕྱག་འཚལ་ཏེ། 
རྫོགས་པའི་སངྱས་དཔའ་བོ་སྟེ། །ཀུན་མཁྱེན་ཀུན་གཟིགས་ཁྱོད་ལ་འདུད། །ཡང་དག་དཔའ་བོ་ཁྱོད་ལ་འདུད། །ཆོས་བཞིན་མཐུན་པར་ལྟ་ཞིང་མཆིས། །དེ་ནས་རྒྱལ་པོ་ཡུལ་འཁོར་སྲུང་། །ཐལ་སྦྱར་འདུག་
སྟེ་སྨྲས་པ་ནི། །ཆོས་ཀྱིས་རྒྱལ་པོ་འོད་མཛད་པ། །སངྱས་དཔལ་ལ་བདག་ཕྱག་འཚལ། །གཽ་ཏམ་དཔའོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །གཽ་ཏམ་ཁྱོད་ཀྱིས་གང་མཁྱེན་པ། །དེ་ནི་ལྷ་རྣམས་མ་
འཚལ་ལྟོ། །སྲིན་པོ་མཐོང་ན་རབ་འཇིགས་པ། །སྟོང་ཕྲག་དྲུག་བཅུ་རྩ་བཞི་རྣམས། །འཁོར་ར་ཁོར་ཡུག་ཡོངས་བསྐོར་ནས། །ཐལ་མོ་སྦྱར་ཏེ་འཁོད་གྱུར་ལགས། །བདག་ནི་རྒྱལ་པོ་ཡུལ་འཁོར་སྲུང་། །ཤར་ཕྱོགས་སྐྱོང་བར་
བགྱིད་པ་སྟེ། །འཇིག་རྟེན་མགོན་པོའི་ཉེ་འཁོར་དུ། །སྲིན་པོ་རྣམས་དང་ཤ་ཟ་དང་། །དྲི་ཟ་དང་ནི་རླུང་ལྷ་རྣམས། །དེ་དག་བདག་གིས་བཟློག་པར་བགྱི། །སྱཱད་ཡ་ཐེ་དན། ཨི་ཏི་མི་ཊཱི། ཁུ་ར་ཌྚེ། པུ་ར་ཊེ། མ་ཏི་བ་མ་ཊི། ཨུ་མ་ཎི་ཨ་ཀ་ཀེ །
མ་ཀ་ཀེ། ན་ཀ་ཀེ། ཨ་ཊུ་མི། བ་ཊུ་མི། མ་བྷེ། ཨེ་རི་ཊི། པི་རི་ཊི་སྭཱ་ཧཱ། རྒྱལ་པོ་ཆེན་པོ་ཡུལ་འཁོར་སྲུཾང་ཕྱོགས་སྐྱོང་བར་གྱུར་ཅིག །སྲིན་པོ་དང་། ཡི་དགས་དང་། དྲི་ཟ་དང་། རླུང་ལྷ་དང་། མི་འམ་ཅི་དང་། 
གཟི་བྱིན་འཕྲོག་པ་རྣམས་བཟློག་པར་གྱུར་ཅིག །ལྷའི་ནང་ན་ལྷའི་རྒྱལ་པོ་ནོར་ལྷའི་བུ་ཞེས་བགྱི་བ་མཆིས་ཏེ། དེ་ལ་བདག་ཕྱག་འཚལ་ལོ། །དེ་ཡང་བཅོམ་ལྡན་འདས་ཉིད་ལ་ཕྱག་འཚལ་ཏེ། རྫོགས་པའི་སངྱས་
དཔའ་བོ་སྟེ། །ཀུན་མཁྱེན་ཀུན་གཟིགས་ཁྱོད་ལ་འདུད། །ཡང་དག་པའོ་ཁྱོད་ལ་འདུད། །ཆོས་བཞིན་མཐུན་པ་བལྟ་ཞིང་མཆིས། །དེ་ནས་རྒྱལ་པོ་འཕགས་སྐྱེས་པོ། །ཐལ་སྦྱར་འདུག་ཏེ་སྨྲས་པ་ནི། །འཇིག་རྟེན་མགོན་
97-1-154b


པོ་སྐྱབས་མཛད་པ། །འཇིག་རྟེན་ཀུན་ལ་ཕན་པ་མཛད། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པ་བལྟ་ཞིང་མཆིས། །གྲུལ་བུམ་ཡི་དགས་སྲུལ་པོ་རྣམས། །སྟོང་ཕྲག་དྲུག་བཅུ་རྩ་བཞི་རྣམས། །འཁོར་ར་འཁོར་
ཡུག་ཡོངས་སྐོར་ནས། །ཐལ་མོ་སྦྱར་ཏེ་འཁོད་གྱུར་ལགས། །བདག་ནི་རྒྱལ་པོ་འཕགས་སྐྱེས་པོ། །ལྷོ་ཕྱོགས་སྐྱོང་བར་བགྱིད་པ་སྟེ། །འཇིག་རྟེན་མགོན་པོའི་ཉེ་འཁོར་དུ། །འབྱུང་པོ་རྒྱུ་བ་གཟི་བྱིན་འཕྲོག །གྲུལ་བུམ་
ཡི་དགས་སྲུལ་པོ་རྣམས། །དེ་དག་བདག་གིས་བཟློག་པར་བགྱི། །སྱཱད་ཡ་ཐེ་དན། ཨ་ལེ། ཨ་ལི་ལ། ཀི་ལེ་ཀི་ལི་ལེ། ཀུ་པ་ཀུ་པ་ས། སི་ལེ་སི་ལེ་ལེ། སི་ལི་ལི་ལི། ལི་ལི་ལི་ལི་ལི། ཧི་ཏི་སི་ལེ། མ་ཏི་ས་མ་ཏི། སུ་སུ་མ་ཏེ། 
སུ་སུ་སུ་སུ། སུ་སུ་མ་ཏི། ཧི་ལི་ཥ་ཧི་ལི་ཥ་སྭཱ་ཧཱ། རྒྱལ་པོ་ཆེན་པོ་འཕགས་སྐྱེས་པོ་ཕྱོགས་སྐྱོང་བར་གྱུར་ཅིག །གྲུལ་བུམ་དང་། ཡི་དགས་དང་། སྲུལ་པོ་དང་། འབྱུང་པོ་དང་། རྒྱུ་བ་དང་། གཟི་བྱིན་འཕྲོགས་པ་རྣམས་བཟློག་པར་
གྱུར་ཅིག །ལྷའི་ནང་ན་ལྷའི་རྒྱལ་པོ་ནོར་ལྷའི་བུ་ཞེས་བགྱི་བ་མཆིས་ཏེ། དེ་ལ་བདག་ཕྱག་འཚལ་ལོ། །དེ་ཡང་བཅྡོཾས་ཉིད་ལ་ཕྱག་འཚལ་ཏེ། རྫོགས་པའི་སངས་རྒྱས་དཔའ་བོ་སྟེ། །ཀུན་ཁྱེན་ཀུན་གཟིག་ཁྱོད་ལ་
འདུད། །ཡང་དག་དཔའ་བོ་ཁྱོད་ལ་འདུད། །ཆོས་བཞིན་མཐུན་པར་བལྟ་ཞིང་མཆིས། །དེ་ནས་རྒྱལ་པོ་མིག་མི་བཟང་། །ཐལ་སྦྱར་འདུག་སྟེ་སྨྲས་པ་ནི། །མུན་པར་གྱུར་པའི་འཇིག་རྟེན་ལ། །བཅོམ་ལྡན་ལམ་རྣཾས་སྟོན་མཛད་
པ། །གཽ་ཏམ་དཔའ་བོ་ཁྱོད་ལ་ནི། །ཆོས་བཞིན་མཐུན་པར་བལྟ་ཞིང་མཆིས། །འཇིག་རྟེན་དག་ན་ཉི་ཟླ་འདྲ། །རིན་ཆེན་སྙིང་པོ་སྟོབས་པོ་ཆེ། །ཀླུ་དང་མཁའ་ལྡིང་གསང་བ་པ། །སྟོང་ཕྲག་དྲུག་བཅུ་རྩ་བཞི་རྣཾས། །འཁོར་ར་འཁོར་
ཡུག་ཡོངས་སྐོར་ནས། །ཐལ་མོ་སྦྱར་ཏེ་འཁོད་གྱུར་ལགས། །བདག་ནི་རྒྱལ་པོ་མིག་མི་བཟང་། །ནུབ་ཕྱོགས་སྐྱོང་བར་བགྱིད་པ་སྟེ། །འཇིག་རྟེན་མགོ་པོའི་ཉེ་འཁོར་དུ། །ཀླུ་དང་མཁའ་ལྡིང་གསང་བ་པ། །ལྷ་མིན་དབང་པོ་སྟོབ་པོ་
97-1-155a


ཆེ། །དེ་དག་བདག་གིས་བཟློག་པར་བགྱི། །སྱཱད་ཡ་ཐེ་དན། ད་གེ་ད་གེ། སུ་བ་ཏི་ལེ། པ་ཊེ། ཨ་ཊ། ཀ་མད་ཊེ། བི་མ་བི་ད་མ། བི་ད་ད་མ། བྷི་ད་ད་མ་ནི། ཨ་བྷི་ན་མེ། གཙྪ་བྷུ་ཏེ། ད་ལ་ཕི་ཡེ། བ་ར་སུ་རྟྲ་ཙི་ཙི་ལེ། ཙི་ལི་ལི་ལི་ལི་ལི་
ལི་སྭཱ་ཧཱ། རྒྱལ་པོ་ཆེན་པོ་མིག་མི་བཟང་ཕྱོགས་སྐྱོང་བར་གྱུར་ཅིག །ཀླུ་དང་། ནམ་མཁའ་ལྡིང་དང་། གསང་བ་པ་དང་། ལྷ་མ་ཡིན་དང་། གཟི་བྱིན་འཕྲོག་པ་རྣམས་གཟློག་པར་གྱུར་ཅིག །ལྷའི་ནང་ན་ལྷའི་རྒྱལ་པོ་ནོར་ལྷའི་བུ་
ཞེས་བགྱི་བ་མཆིས་ཏེ། དེ་ལ་བདག་ཕྱག་འཚལ་ལོ། །དེ་ཡང་བཅོམ་ལྡན་འདས་ཉིད་ལ་ཕྱག་འཚལ་ཏེ། རྫོགས་པའི་སངས་རྒྱས་དཔའ་བོ་སྟེ། །ཀུན་མཁྱེན་ཀུན་གཟིག་ཁྱོད་ལ་འདུད། །ཡང་དག་དཔའ་བོ་ཁྱོད་ལ་འདུད། །
ཆོས་བཞིན་མཐུན་པར་བལྟ་ཞིང་མཆིས། །དེ་ནས་རྒྱལ་པོ་ཆེན་པོ་བཞི་བླ་གོས་ཕྲག་པ་ཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་ནས། བཅོམ་ལྡན་འདས་འབའ་ཞིག་ལ་ཕྱག་འཚལ་
ཞིང་གྲོས་མཐུན་པ་དང་། ཚིག་མཐུན་པ་དང་། སྐད་མཐུན་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བསིལ་བའི་ཚལ་གྱི་མདོ་ཆེན་པོ་འདི་ནི་རྒྱལ་པོ་ཆེན་པོ་བཞིའྀ་བསྲུང་བ་སྟེ་
འཁོར་བཞི་པོ་རྣམས་ལ་ཡོངས་སུ་ཁྱབ་པ་ལགསོ། །གནོད་སྦྱིན་དང་། སྲིན་པོ་ནས་གནོད་པ་བགྱིད་པའི་བར་དུ་བཟློག་པར་བགྱི་བ་དང་། འཁོར་བཞི་པོ་རྣམས་ལ་སྲུང་བ་དང་། བསྐྱོབ་པ་དང་། སྦེད་པ་དང་། བདེ་ལེགས་སུ་
འགྱུར་བ་དང་། བདེ་བར་གནས་པར་བགྱིད་པ་ལགསོ། །དེ་སྐད་ཅེས་གསོལ་པ་དང་། བཅྡོཾས་ཀྱིས་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་ཏོ། །ཀྱེ་རྒྱལ་པོ་ཆེན་པོ་དག་རིགས་སྔགས་ཀྱི་རྒྱལ་པོ་ཆེན་པོ་བཟུང་ཟིན་ནོ། །བསིལ་བའི་
ཚལ་གྱི་མདོ་ཆེན་པོ་ངས་ཡོངས་སུ་བཟུང་ཟིན་ནོ། །ཀྱེ་རྒྱལ་པོ་ཆེན་པོ་དག་གཞན་ཡང་ངས་བསིལ་བའི་ཚལ་གྱི་མདོ་ཆེན་པོ་ལ་རྗེས་སུ་ཡི་རང་བའི་རིག་སྔགས་ཀྱི་རྒྱལ་མོ་ཆེན་མོ་བརྗོད་ཀྱིས། དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་
97-1-155b


ངས་བཤད་དོ། །བཅྡོཾས་དེ་ལྟར་འཚལ་ལོ། །ཞེས་རྒྱལ་པོ་ཆེན་པོ་བཞིས་བཅྡོཾས་ཀྱིས་བཀའ་སྩལ་པ་ཉན་ཏོ། །དེ་ནས་བཅྡོཾས་ཀྱིས་ཕྱག་རིན་པོ་ཆེ་གཡས་པས་ན་བཟའ་ཆོས་གོས་ཕྱེ་ནས་འབྱུང་པོའི་ཚོགས་དེ་དག་ལ་འདི་སྐད་ཅེས་བཀའ་
སྩལ་ཏོ། །ངས་འདི་བསྟན་པར་བྱའོ། །རྒྱལ་པོ་ཆེན་པོ་རྣམ་ཐོས་ཀྱི་བུ་ལ་དབྱེ་བར་བྱའོ། །ཐཾད་ལ་གོ་བར་བྱའོ། །དེ་ནས་བཅྡོཾས་ཡང་དག་པར་རྫོགས་པའི་སངས་རྒྱས་ཀྱི་རིག་སྔགས་འདི་བཀའ་སྩལ་ཏོ། །སྱཱད་ཡ་ཐེ་དན། ཧི་ལཱི་ཧི་ལཱི། བྷི་སི་ནི། བཀ་ཀེ །
ཨ་ཧ་ར་ཡེ། ཏ་མ་ཏི། ཏི་ལ་བཀ་ཀེ། བ་ལཱི་ཏ་ཀེ། ད་རི་ཏི་ན། ད་དྷི་ན་ད། ཕུ་ཊྱི་ཕུ། ཕུ་ཊྱི། གུ་ཊྱི་གུ་གུ་ཊྱི། ཧི་ཙ་ཀཱནྟི། ནཱ་མཱ། ཀཱན་ཏཱི་སྭཱ་ཧཱ། བཅྡོཾས་ཀྱིས་རིག་སྔགས་ཀྱི་རྒྱལ་མོ་ཆེན་མོ་འདི་བཀའ་སྩལ་པ་ན་ས་འདི་ཀུན་ཏུ་གཡོས། འབྱུང་པོ་ཐཾད་རབ་ཏུ་འདར་
ནས་ཀྱེ་མ་ཀྱེ་ཧུད་ཀྱེ་མ་སྡུག་བསྔལ་ལོ་ཞེས་སྒྲ་ཆེན་པོ་བྱུང་ངོ་། །སྲིན་པོ་རྣཾས་ཀྱིས་ཀྱང་འདི་སྐད་ཅེས་སྨྲས་ཏེ། འདི་ལྟར་ཡང་དག་རྫོགས་སངས་རྒྱས། །སེཾན་ཀུན་ལ་ཐུགས་བརྩེ་ན། །འབྱུང་པོ་ཀུན་འཇིགས་ཉེས་པ་ཡི། །རིག་སྔགས་འདི་འདྲ་སྲུང་
བར་མཛད། །དེ་ནས་ཀུན་མཁྱེན་སྟོན་པ་པོ། །སེཾན་ཀུན་ལ་ཐུག་རྩེ་བས། །གནོད་སྦྱིན་སྲིན་པོ་དྲི་ཟ་དང་། །ཀླུའ་འདང་ཁ་ལྡིང་གསང་བ་པ། །འབྱུང་པོ་རྒྱུ་བ་གཟི་བྱིན་འཕྲོག །གྲུལ་བུམ་ཡི་དགས་སྲུལ་པོ་དང་། །ལྷ་མིན་གཤེད་བྱེད་རོ་ལངས་དང་། །
བརྗེད་བྱེད་དང་ནི་མི་འམ་ཅི། །སྐེམ་བྱེད་དང་ནི་རིམས་དྲག་དང་། །དེ་བཞིན་བྲམ་ཟེ་སྲིན་པོ་དང་། །སྨྱོ་བྱེད་རིམས་ནད་ཞག་གསུམ་པ། །དེ་བཞིན་ཞག་ནི་བཞི་པ་རྣཾས། །སྐྲག་ཅིང་རབ་ཏུ་འདར་འགྱུར་ཏེ། །ཕྱོགས་བཅུ་རྒྱུག་པ་གཟིག་ནས་ཀྱང་། །དེ་དག་
ལ་ནི་ཐུག་བརྩེའི་ཕྱིར། །རིག་སྔགས་འདི་ནི་བརྗོད་པར་མཛད། །སྱཱད་ཡ་ཐེ་དན། ཧི་རི་མ་ཁ། ཏི་རི་ཁ་ཁ། ཀ་ཊ་མ་ཊཱ། སིད་དྷ་མ་ཧཱ། ཧ་ཏ་རི། ཨུ་ཊ་ཏ་ནི། ད་ཊ་ད་ཊ། ད་ཏི་ལི། ད་མ་ཏྟེ། ད་མ་ཏྟེ། དྷུ་དྷུ་རི། ད་ད་རི། ད་ར་མི་ར། ཀི་རི་ཀཱི་ཡེ། ཀ་ཏ་བ་ར་ཎི། སུ་སུ་མཱ་ལེ་
སྭཱ་ཧཱ། གསང་སྔགས་ཆེན་པོ་རིག་སྔགས་ཆེན་པོ་འདི་ལས་འགལ་བར་མ་བྱེད་ཅིག །བཅོམ་ལྡན་འདས་ཀྱི་གསུང་གི་ཆོས་ལ་ཡང་དག་པར་སོ་སོར་རྟོགས་ཤིག །ཁྱེད་ཀུན་ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་ལོག་པར་
97-1-156a


ལྟུང་བ་སེམས་ཅན་དམྱལ་བ་རྣམས་སུ་སྐྱེ་ཞིང་འཁོར་བར་འགྲོ་བ་རེ། དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ཀྱི་རིག་སྔགས་ཀྱི་རྒྱལ་མོ་ཆེན་མོ་སྔོན་མ་ཐོས་པ་འདི་ཐོས་ནས་སྐྲག་ཅིང་དངངས་ཏེ་མི་དགའ་ལ་སྐྱེ་བུང་
ཞེས་བྱས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་ཕྱག་འཚལ་ཞིང་གྲོས་མཐུན་པ་དང་། ཚིགས་མཐུན་པ་དང་། སྐད་མཐུན་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྡང་བའི་འབྱུང་པོ་ཟད་བགྱིད་པ། །རིག་སྔགས་
འདི་ནི་ལེགས་པར་གསུང་། །མི་ཡི་འཇིག་རྟེན་བདེ་བགྱིད་པའི། །རིག་སྔགས་བདག་ཅག་བརྗོད་པར་འཚལ། །དེ་ལ་རིག་སྔགས་འདི་ལགས་ཏེ། །འཇིག་རྟེན་མགོན་པོ་བདག་ལ་གསོན། །སྱཱད་ཡ་ཐེ་དན། ཨུ་ཧུ་ཧ་ལ། ཀུ་ལི་ཛི་བ་ཨ་
བྷུ་ཡ། མ་སུ་ར་བེ་ལ། ཨད་དྱཱ་བད་དྱཱ། ཨད་དྱཱ་བ་ཏེ། ནད་ད་བད་དྱཱེ། མ་རུ་དྷྱ། མ་རུ་དྷྱ། བ་ཏེ་མ་རུ་ད་དྱ་ཕ་ལ་སྭཱ་ཧཱ། བཅོམ་ལྡན་འདས་འབྱུང་པོ་ཐཾད་བཟློག་པ་འདི་གཟུང་བར་གསོལ། སྱཱད་ཡ་ཐེ་དན། ཨི་ལི་ཨི་ལི། མི་ལི་མི་ལི། ཀི་ལི་ཀི་ལི། བ་ན་ར། ནི་ལ་པ་ཡ། 
བྷུ་བྷུ་བྷུ་ར། ཐི་རཱུ་ཕུ་ཕུ་ཕུ་ར། ག་ཤ་ལཱི་རཽ་ཁ་དེ་ཡ་མ་ལ། ཁུ་ལི་ཁུ་ལི་བ་ཡ་སྭཱ་ཧཱ། རིག་སྔགས་ཀྱི་རྒྱལ་མོ་འདི་ནི་ལོ་ཅིག་གི་བར་དུ་མཚམས་གཅོད་པ་དང་། འབྱུང་པོ་ཐཾད་བཟློག་པ་དང་། དོན་ཐཾད་གྲུབ་པ་ལགས་སོ། །དེ་ནས་གནོད་སྦྱིན་དང་། སྲིན་པོ་
དང་། དྲི་ཟ་ནས་གནོད་པར་བགྱིད་པའི་བར་རྣམས་ཀྱིས། བཅོམ་ལྡན་འདས་ཀྱི་རིག་སྔགས་ཀྱི་རྒྱལ་མོ་ཆེན་མོ་སྔོན་མ་ཐོས་པ་འདི་ཡང་ཐོས། རྒྱལ་པོ་ཆེན་པོ་བཞིའྀ་བསྲུང་བ་སྔོན་མ་ཐོས་པ་འདི་ཡང་ཐོས་ནས་སྐྲག་ཅིང་དངངས་
ལ་མི་དགའ་སྟེ། སྐྱེ་བུང་ཞེས་བྱེད་ནས་ས་ལ་འཛུལ་ཀུན་ཏུ་འཛུལ། ཀུན་དུ་རབ་ཏུ་འཛུལ་བར་བྱེད་དོ། །དེ་ནས་བཅོམ་ལྡན་འདས་ཀྱིས་ས་གཞི་རྡོ་རྗེ་སྤྲུལ་ནས་དེ་དག་ཕྱོགས་བཞིར་རྒྱུག་གོ། དེ་ནས་རྒྱལ་པོ་ཆེན་པོ་བཞི་ཕྱོགས་བཞིར་མེའི་ཕུང་
པོ་ཆེན་པོ་སྤྲུལ་ཏོ། །དེ་ནས་ནམ་མཁའ་ལ་རྒྱུག་གོ། དེ་ནས་བཅོམ་ལྡན་འདས་ཀྱིས་ནམ་མཁའ་གསེར་དུ་སྤྲུལ་ཏོ། །དེ་ནས་འཇིག་རྟེན་སྐྱོང་བ་རྒྱལ་པོ་ཆེན་པོ་རྣམ་ཐོས་ཀྱི་བུ་ལྷ་དང་དྲི་ཟས་བསྐོར་ཅིང་མདུན་དུ་བདར་ཏེ། སྟེང་གི་བར་སྣང་ལ་
97-1-156b


འཕགས་ནས་གནོད་སྦྱིན་དང་སྲིན་པོ་ནས་གནོད་པར་བྱེད་པའི་བར་རྣམས་གཞོམ་པ་དང་། སེམས་ཅན་ཐམས་ཅད་ལ་སྙིང་རྩེ་བ་དང་། འབྱུང་པོ་ཐམས་ཅད་བཟློག་པ་དང་། འཁོར་བཞི་པོ་རྣམས་བསྲུང་བ་དང་། བསྐྱབ་པ་དང་། སྦ་བ་དང་། 
བདེ་ལེགས་སུ་འགྱུར་བ་དང་། བདེ་བར་གནས་པར་བྱ་བའི་ཕྱིར་རིག་སྔགས་འདི་བརྗོད་དོ། །སྱཱད་ཡ་ཐེ་དན། གི་མི་གི་མི་གི་མི་གི་མི། གི་ནི་གི་ནི་གི་ནི་གི་ནི། ན་ཁི་མི་ན་ཁི། ནི་ཥ་ནི་ཥ་ནི་ཥ། ཨུ་བ་ཨ། དི་ཤྭ་དི་ཤྭ། བི་དི་ཤ །སརྦ་དི་ཤྭ། ཨ་དྷི་བ་ཏེ། གི་ར། 
བི་ས། ཛ་ནི་བྷུ་མི་པ་ཏེ། ཨི་ལི་ལི། ཨི་ལི་ལི། ཀི་ལི་ལཱི། ཀི་ལི་ཀི་ལི་ལི། ཀི་ལི་ཀི་ལི་ལེ། ཀི་ལི་ཀི་ལི་ལེ། ཀི་ལི་ཀི་ལི་ལེ། ཀི་ལི་ཀི་ལི་ལེ། ཀི་ལི་ལི་ལི་ལི་ལི་ལི། ཀི་ལི་ལི་ལི་ལི་ལི་ལི་ལི་ལི། ཨད་དྱི། ནད་དྱི། ཀུ་ནད་དྱི། མ་ཧཱ་ཀུ་ནད་དྱི། ཀུ་
ལད་དྱི་ཁུ་ལད་དྱི། ཁུ་ཁུ་ལདྡྱི་མ་ཧཱ་ཁུ་ལད་དྱི། ཧུ་ལུ་ཧུ་ལུ། ལུ། ཧུ་ལུ་ལུ་ལུ། ཧུ་ལུ་ལུ་ལུ་ལུ། ཧུ་ལུ་ལུ་ལུ་ལུ། ལུ། ཧུ་ལུ་ལུ་ལུ་ལུ་ལུ་ལུ་ལུ་ལུ་ལུ། ལུ། ཧ་ལ་ཧ་ལ། ཧི་ལི་ཧི་ལི། ལ་ཧ་ཧ་ལུ། ཧུ་ལེ། ཨི་ཧ། ཧུ་ལེ་ཧུ་ལེ། ཨུ་ལད་དེ། ཧི་ལེ། ཨུ་ཧ་ཧི་ལེ། ཧི་ལ་ཧི་ལེ། ཧུ་ལུ། 
ཧི། ཧུ་ལུ་ཧུ་ལུ་ཧུ་ལུ། ཧུ་ལུ་ཧུ་ལེ། ཧ་ཧ་ཧ་ཧ་ཧ་ཧ། སྭཱ་ཧཱ། རྒྱལ་པོ་ཆེན་པོ་རྣམ་ཐོས་ཀྱི་བུ་ཕྱོགས་སྐྱོང་བར་གྱུར་ཅིག །ལྷ་རྣམས་ཀྱི་ནང་ན་ལྷའི་རྒྱལ་པོ་ནོར་ལྷའི་བུ་ཞེས་བགྱི་བ་མཆིས་ཏེ། དེ་ལ་བདག་ཕྱག་འཚལ་ལོ། །དེ་ཡང་བཅོམ་ལྡན་འདས་ཉིད་
ལ་ཕྱག་འཚལ་ཏེ། རྫོགས་པའི་སངས་རྒྱས་དཔའ་བོ་སྟེ། །ཀུན་མཁྱེན་ཀུན་གཟིག་ཁྱོད་ལ་འདུད། །རྫོགས་པའི་སངས་རྒྱས་རྐང་གཉིས་མཆོག །ཤེས་རབ་ཆེན་པོ་ཁྱོད་ལ་འདུད། །གཽ་ཏམ་ཁྱོད་ཀྱི་གང་མཁྱེན་པ། །དེ་ནས་ལྷ་རྣམས་
མ་འཚལ་ཏོ། །ཡང་དག་དཔའ་བོ་ཁྱོད་ལ་འདུད། །ཆོས་བཞིན་མཐུན་པར་བལྟ་ཞིང་མཆིས། །གནོད་སྦྱིན་དང་། སྲིན་པོ་དང་། དྲི་ཟ་ནས་གནོད་པ་བགྱིད་པའི་བར་རྣམས་མིང་འདི་ཞེས་བྱ་བའི་ལུས་ལ་བབས་པ་ལ་གུད་དུ་དེང་ཤིག །གལ་ཏེ་མིང་འདི་
ཞེས་བྱ་བའི་ལུས་ལས་མྱུར་དུ་གུད་དུ་མ་དོང་ན། དེ་དག་ལ་མྱུར་དུ་འཇིག་པ་ཆེན་པོ་དང་། ནད་དྲག་པོས་འདེབ་པར་འགྱུར་ལ། དེའི་རྐྱེན་གྱིས་མགོ་བོ་དང་། སྙིང་ཚལ་པ་བརྒྱར་འགས་པར་འགྱུར་ཏེ། དེའི་མོད་ལ་སྡུག་བསྔལ་དུ་མ་འབྱུང་བ་དང་། 
97-1-157a


བརླག་པ་དང་། མཐའ་མེད་པར་འགྱུར་རོ། །འབྲུམ་བུའི་གདོན་གང་ཡིན་པ་དང་། སྐྱ་རེང་འཆར་ཀའི་གདོན་གང་ཡིན་པ་དང་། གྲིབ་གནོན་གྱི་གདོན་གང་ཡིན་པ་དེ་དག་ཀྱང་བསིལ་བའི་ཚལ་གྱི་མདོ་ཆེན་པོ་འདི་ཐོས་ནས་མིང་
འདི་ཞེས་བྱ་བའི་ལུས་ལས་མྱུར་དུ་གུད་དུ་དེང་ཤིག །གལ་ཏེ་མྱུར་དུ་གུད་དུ་མ་དོང་ན་དེ་དག་ལ་མྱུར་དུ་འཇིགས་པ་ཆེན་པོ་དང་། ནད་དྲག་པོས་འདེབས་པར་འགྱུར་ལ། དེའི་རྐྱེན་གྱིས་མགོ་བོ་དང་། སྙིང་ཚལ་པ་བརྒྱར་འགས་
པར་འགྱུར་ཏེ། དེའི་མོད་ལ་སྡུག་བསྔལ་དུ་མ་འབྱུང་བ་དང་། བརླག་པ་དང་། མཐའ་མེད་པར་འགྱུར་རོ། །གཟི་བྱིན་དང་ནི་ཁྲག་ཟ་བ། །ཉིན་མཚན་རྒྱུ་བ་གང་ཡིན་པ། །དེ་དག་གིས་ཀྱང་ལེགས་གསུངས་པའི། །མདོ་བཤད་ཐོས་ནས་
གཏང་བར་གྱིས། །ཤ་ཟ་ལུས་འཕགས་སྐེམ་བྱེད་དང་། །འབྱུང་པོ་འཇིགས་བྱེད་སྲུལ་པོ་རྣམས། །དེ་དག་གིས་ཀྱང་ལེགས་གསུངས་པའི། །མདོ་འདི་བཤད་པ་ཐོས་ནས་ཐོང་། །ལྷ་དང་ལྷ་མིན་རླུང་ལྷ་དང་། །དྲི་ཟ་དང་ནི་གདོན་
གྱི་བླ། །འབྱུང་པོ་དང་ནི་ཤ་ཟ་དང་། །དེ་བཞིན་གནོད་སྦྱིན་སྲིན་པོ་རྣམས། །ཀུན་དུ་འཁྲུག་ཤིང་ཀུན་དུ་གཡོས། །སྐྲག་ཅིང་ཀུན་ཏུ་རབ་ཏུ་འགུལ། །གདོན་སྡང་གནོད་པ་བྱེད་པ་རྣམས། །ལྟུང་ཞིང་རབ་ཏུ་ཕམ་པར་
འགྱུར། །ས་གཞི་དག་ཀྱང་རབ་ཏུ་གཡོས། །སྒྲ་བོ་ཆེ་དག་སྒྲོགས་པར་བྱེད། །ཡི་དགས་དང་ནི་གྲུལ་བུམ་རྣམས། །སྡང་བའི་གདོན་ནི་ཟློག་བྱེད་པའི། །མདོ་འདི་དག་ནི་ཐོས་གྱུར་ནས། །འཇིགས་པ་དྲག་པོས་འདེབས་པར་
འགྱུར། །སངས་རྒྱས་ཆོས་དང་དགེ་འདུན་ལ། །དད་པའི་གནོད་སྦྱིན་གང་ཡིན་པ། །དེ་དག་མགུ་ཞིང་ཡིད་དགའ་ནས། །ལེགས་པར་རྗེས་སུ་ཡི་རང་ངོ་། །དེ་ནས་རྒྱལ་པོ་ཆེན་པོ་བཞི་བར་སྣང་བ་ལ་བབས་ནས་
བཅོམ་ལྡན་འདས་ག་ལ་བ་དེར་སོང་སྟེ་ལྷག་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཐལ་མོ་སྦྱར་ནས་བཅོམ་ལྡན་འདས་ལ་ཕྱག་འཚལ་ཞིང་། གྲོས་མཐུན་པ་དང་། ཚིག་མཐུན་
97-1-157b


པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅྡོཾས་བསིལ་བའི་ཚལ་གྱི་མདོ་ཆེན་པོ་འདི་རྒྱལ་པོ་ཆེན་པོ་བཞིས་ཞབས་ལ་ཕྱག་བགྱིས་པ་དང་། འཁོར་བཞི་པོ་རྣམས་བསྲུང་བ་དང་། ཡོངས་སུ་སྐྱོབ་པ་དང་། གནོད་སྦྱིན་དང་། 
སྲིན་པོ་ནས་གནོད་པར་བགྱིད་པའི་བར་རྣམས་འཇོམས་པ་ལགས་སོ། །བཙུན་པ་བཅོམ་ལྡན་འདས་དགེ་སློང་དང་། དགེ་སློང་མ་དང་། དགེ་སྙེན་དང་། དགེ་བསྙེན་མ་གང་ལ་བསྲུང་བ་དང་། དེ་དག་གིས་ཀྱང་བསིལ་བའི་ཚལ་གྱི་མདོ་ཆེན་པོ་འདི་
གཟུང་བར་བགྱི། བཅང་བར་བགྱི། བརྗོད་པར་བགྱི། ཀུན་ཆུབ་པར་བགྱིའོ། །བཙུན་པ་བཅྡོཾས་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་སྙིན་མ་གང་ལ་ལ་བདག་བསྲུང་བ་དང་། བདག་སྦ་བ་དང་། གཞན་གསྲུང་བ་དང་། གཞན་སྦ་བའི་སླད་
དུ་བསིལ་བའི་ཚལ་གྱི་མདོ་ཆེན་པོ་འདི་འཛིན་པ་དང་། འཆང་བ་དང་། རྗོད་པ་དང་། ཀུན་ཆུབ་པར་བགྱིད་པ་དེ་ལ་ནི་གནོད་སྦྱིན་དང་། སྲིན་པོ་ནས་གནོད་པར་བགྱིད་པའི་བར་རྣམས་ཉེ་འཁོར་དུ་ཡང་གནས་པར་མི་འགྱུར་ན། གནོད་པར་བགྱིད་པ་ལྟ་ག་
ལ་སེམས་ལགས། དེ་གང་དུ་མཚན་གཅིག་ཙམ་གནས་པ་དེར་ཡང་གནོད་སྦྱིན་དང་། སྲིན་པོ་ནས་གནོད་པ་བགྱིད་པའི་བར་རྣམས་ཉེ་འཁོར་དུ་ཡང་གནས་པར་མི་འགྱུར་ན། དེ་གང་དུ་རྟག་དུ་གནས་པ་དེར་ལྟ་སྨོས་ཀྱང་ཅི་འཚལ་
ལགས། བཙུན་པ་བཅོམ་ལྡན་འདས་གང་ལ་མི་མ་ལགས་པའི་གནོད་པས་ཐེབས་པ་དེའི་མདུན་དུ་བསིལ་བའི་ཚལ་གྱི་མདོ་ཆེན་པོ་འདི་བརྗོད་ན། དེ་མྱུར་བ་ཁོ་ནར་བདེ་ལེགས་དང་། ནད་མ་མཆིས་པ་དང་། བདེ་བར་འགྱུར་
ཞིང་ཐར་བར་འགྱུར་ལ། མི་མ་ལགས་པ་རྣམས་དེ་ལ་ལོག་པ་མི་བགྱིད་ཅིང་མྱུར་དུ་མཆིས་བར་འགྱུར་ལགས་ཏེ། བཙུན་པ་བཅོམ་ལྡན་འདས་བསིལ་བའི་ཚལ་གྱི་མདོ་ཆེན་པོ་འདི་དེ་ལྟར་དོན་ཆེ་བ་ལགས་སོ། །བཙུན་
པ་བཅོམ་ལྡན་འདས་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་སྙེན་མ་གང་ལ་ལ་བསིལ་བའི་ཚལ་གྱི་མདོ་ཆེན་པོ་འདི་འཛིན་པ་དང་། འཆང་བ་དང་། བརྗོད་པ་དང་། ཀུན་ཆུབ་པར་བགྱིད་པ་དང་། སྦྱོར་བར་
97-1-158a


བགྱིད་པ་དེ་ལ་ནི་དད་པ་ཅན་གྱི་གནོད་སྦྱིན་དགེ་སྙེན་རྣམས་རྒྱལ་པོ་ཆེན་པོ་བཞིའྀ་གནས་སུ་མཆིས་ནས་མིང་སྨོས་པར་བགྱིད་དེ། ཀྱེ་རྒྱལ་པོ་ཆེན་པོ་དག་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་སྙེན་
མ་ཆེ་གེ་མོ་ཞིག་བདག་སྲུང་བ་དང་། བདག་སྦ་བ་དང་། གཞན་བསྲུང་བ་དང་། གཞན་སྦ་བའི་ཕྱིར་བསིལ་བའི་ཚལ་གྱི་མདོ་ཆེན་པོ་འདི་འཛིན་པར་བྱེད། འཆང་བར་བྱེད། བརྗོད་པར་བྱེད། ཀུན་ཆུབ་པར་བྱེད། སྦྱོར་བར་
བྱེད་དོ་ཞེས་སྒྲོགས་པར་བགྱིད་ལགས་སོ། །བཙུན་པ་བཅོམ་ལྡན་འདས་དད་པ་ཅན་གྱི་གནོད་སྦྱིན་དགེ་བསྙེན་རྣམས་རྒྱལ་པོའི་ཕོ་བྲང་ལྕང་ལོ་ཅན་དུ་མཆིས་ནས་རྒྱལ་པོ་ཆེན་པོ་རྣམ་ཐོས་ཀྱི་བུའི་མདུན་དུ་
གནོད་སྦྱིན་རྣམས་འདུས་ཤིང་འབྱུང་པོ་ཐམས་ཅད་ཚོགས་པའི་ནང་དུ་ཡང་བསྒྲགས་ནས། དེར་དེ་དག་མངོན་པར་དགའ་བར་འགྱུར་ཏེ། བཙུན་པ་བཅྡོཾས་བསིལ་བའི་ཚལ་གྱི་མདོ་ཆེན་པོ་འདི་ནི་དེ་ལྟར་དོན་ཆེ་བ་ལགས་
སོ། །བཙུན་པ་བཅོམ་ལྡན་འདས་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་སྙེན་མ་གང་ལ་ལ་བདག་བསྲུང་བ་དང་། བདག་སྦ་བ་དང་། གཞན་བསྲུང་བ་དང་། གཞན་སྦ་བའི་སླད་དུ་བསིལ་བའི་ཚལ་གྱི་མདོ་
ཆེན་པོ་འདི་འཛིན་པ་དང་། འཆང་བ་དང་། བརྗོད་པ་དང་ཀུན་ཆུབ་པར་བགྱིད་པ་དང་། སྦྱོར་བར་བགྱིད་པ་དེ་ནི་ཚངས་པར་སྤྱད་པར་བགྱིའོ། །ཆང་མི་བཏུང་བ་དང་། དྲན་པ་དང་། ཤེས་བཞིན་ཅན་དུ་མཆིས་པ་དང་། 
ཟས་རྣམས་པ་ལྔ་ལ་འདི་ལྟ་སྟེ། བུ་རམ་དང་། སྦྲང་རྩི་དང་། ཏིལ་དང་། ཤ་དང་། ཉ་ཤ་རྣམས་ཡོངས་སུ་སྤང་བར་བགྱིའོ། །དེ་ཅིའི་སླད་དུ་ཞེ་ན། བཙུན་པ་བཅྡོཾས་གནོད་སྦྱིན་དང་། སྲིན་པོ་ནས་གནོད་པར་བགྱིད་པའི་བར་
བགྱིད་པའི་བར་རྣམས་བསིལ་བའི་ཚལ་གྱི་མདོ་ཆེན་པོ་འདི་འཛིན་པ་དང་འཆང་བ་དང་། བརྗོད་པ་དང་ཀུན་ཆུབ་པར་བགྱིད་པ་དང་། སྦྱོར་བ་དེ་ལ་དེའི་སྐབས་ཁོ་ནར་བརླག་པ་དང་། མཐའ་མ་མཆིས་པར་བགྱིད་པ་དག་མཆིས་ཏེ། དེ་དག་གཞོམ་
97-1-158b


པའི་སླད་དུ་ཡི་དམ་བགྱི་འཚལ་ལགས་སོ། །བཙུན་པ་བཅོམ་ལྡན་འདས་དགེ་སློང་ངམ་དགེ་སློང་མ་འམ། དགེ་བསྙེན་ནམ་དགེ་བསྙེན་མ་གང་ལ་ལ་བསིལ་བའི་ཚལ་པའི་ཚལ་གྱི་མདོ་ཆེན་པོ་འདི་འཛིན་པ་དང་། འཆང་བ་དང་། བརྗོད་པ་
དང་ཀུན་ཆུབ་པར་བགྱིད་པ་དང་། སྦྱོར་བར་བགྱིད་པ་དེ་ལ་ནི་དད་པ་ཅན་གྱི་གནོད་སྦྱིན་དགེ་བསྙེན་རྣམས་གོས་དང་། ཟས་དང་། མལ་ཆ་དང་། སྟན་དང་། བྲོ་གསོལ་སྨན་དང་། ཡོ་བྱད་རྣམས་ཀྱིས་སྤྲོ་བ་བསྐྱེད་པར་བགྱིད་དེ། བཙུན་པ་བཅྡོཾས་
བསིལ་བའི་ཚལ་གྱི་མདོ་ཆེན་པོ་འདི་ནི་དེ་ལྟར་དོན་ཆེ་བ་ལགས་སོ། །བཙུན་པ་བཅོམ་ལྡན་འདས་གཞན་མུ་སྟེགས་ཅན་བཅྡོཾས་ཀྱི་གསུང་རབ་ལ་མ་དད་པ་དང་། མངོན་པར་མི་དགའ་བ་དང་། གནོད་པར་འཚལ་བ་དང་། སྨན་པར་
མི་འཚལ་བ་དང་། གྲུབ་པ་དང་། བདེ་བར་མི་འཚལ་བ་གང་ལ་ལ་བསིལ་བའི་ཚལ་གྱི་མདོ་ཆེན་པོ་འདི་འཛིན་པ་དང་། འཆང་བ་དང་བརྗོད་པ་དང་ཀུན་ཆུབ་པར་བགྱིད་པ་དང་། སྦྱོར་བར་བགྱིད་པ་དེ་ལ་ནི་དོན་དེ་འགྲུབ་པར་མི་བགྱིད་དེ། 
མི་མ་ལགས་པ་རྣམས་ཀྱིས་བར་མ་དོར་འགུམས་པ་དང་། སྡུག་བསྔལ་དུ་མ་འབྱུང་བ་དང་། བརླག་པ་དང་། མཐའ་མ་མཆིས་པར་བགྱིད་ལགས་སོ། །དེ་ཅིའི་སླད་དུ་ཞེ་ན། དེ་ནི་དེ་དག་ལ་གནོད་པར་འཚལ་བ་དང་། 
སྨན་པར་མི་འཚལ་བ་དང་། གྲུབ་པ་དང་། བདེ་བར་མི་འཚལ་བ་ལགས་པའི་སླད་དུ་སྟེ། དེ་དག་ལ་ནི་ལོགས་པར་ལྟ་བ་གང་ལགས་པ་དེ་བརླག་པར་བགྱིད་ལགས་སོ། །བཙུན་པ་བཅོམ་ལྡན་འདས་འཇིག་རྟེན་ན་སེམས་
ཅན་རྣམས་བསྲུང་བ་དང་། བསྐྱབ་པ་དང་། སྦ་བའི་སླད་དུ་རྒྱལ་པོ་ཆེན་པོ་བཞིས་བསྲུང་བ་བགྱིས་པ་གང་ཅི་ཡང་རུང་བའི་བསྲུང་བ་དེ་དག་གི་ནང་ན་ནི་འདི་མཆོག་དང་། གཙོ་བོ་དང་རབ་མཆོག་ལགས་སོ། །དེ་ནས་བཅོམ་ལྡན་འདས་ལ་
རྒྱལ་པོ་ཆེན་པོ་བཞིས་ཚིགསུ་བཅད་པ་འདི་དག་གསོལ་ཏོ། །མི་མཆོག་གང་ཞིག་མདོ་འདི་དག །ཡོངསུ་རྫོགས་པར་བསྲུང་བ་དང་། །བདེ་ལེགས་བགྱིད་པ་དེ་ལ་ནི། །སྲིན་པོ་རྣཾས་ཀྱང་འཚེ་མི་བགྱིད། །སུ་ཡང་རུང་ཏེ་མདོ་འདི་དག །མི་མཆོག་གིས་ནི་གསུངས་པ་བཞིན། །ཡོངས་སུ་
97-1-159a


རྫོགས་ཤིང་མ་ཆད་པར། །ཤིན་དུ་ཆང་བར་འཆང་བགྱིད་ན། །དེ་ལ་གནོད་སྦྱིན་ཡི་དགས་དང་། །འབྱུང་པོ་གྲུལ་བུམ་སྲིན་པོ་དང་། །སྨྱོ་བྱེད་རྒྱུ་བ་ཀླུ་རྣམས་དང་། །དེ་ལྟ་བུ་དག་འཚེ་མི་བགྱིད། །དེ་ལ་མི་མ་ལགས་དང་གདོན། །
མྱུར་དུ་གུད་དུ་མཆི་བར་འགྱུར། །དེ་ལ་ཅིས་ཀྱང་མི་ཚུགས་ཏེ། །དེ་ལ་འཚེ་བར་ཡོང་མི་ནུས། །རྒྱལ་པོ་ཆེན་པོ་བཞི་པོ་ཡིས། །བཅོམ་ལྡན་ཕྱག་འཚལ་ཞེས་བརྗོད་དེ། །སངས་རྒྱས་ཞབས་ལ་ཕྱག་འཚལ་ནས། །དེ་ཉིད་དུ་ནི་
མི་སྣང་གྱུར། །དེ་ནས་བཅོམ་ལྡན་འདས་ཀྱིས་དེའི་མཚན་མོ་འདས་ཏེ་ནམ་ལངས་ནས་དགེ་སློང་གི་དགེ་འདུན་གྱི་གུང་ལ་བཞུགས་ཏེ་དགེ་སློང་རྣམས་ལ་བཀའ་སྩལ་པ། དགེ་སློང་དག་མདང་གསུམ་རྒྱལ་པོ་ཆེན་པོ་བཞི་བུ་དང་
བཅས། བློན་པོ་དང་བཅས། འཁོར་དང་བཅས། མངག་གཞུག་དང་བཅས། ཕོ་ཉ་དང་བཅས། གཡོག་འཁོར་དང་བཅས་པ་ཁ་དོག་འཕགས་པ་དག་ནམ་སྲོས་ནས་ལྷག་ནས་གྲོས་མཐུན་པར་དུར་ཁྲོད་ཆེན་པོ་བསིལ་བའི་ཚལ་
དུ་འོངས་ཏེ། རང་གི་འོད་ཀྱིས་སྣང་བར་བྱས་ནས་ལུས་ངན་དང་། ཡུལ་འཁོར་བསྲུང་དང་། མིག་མི་བཟང་དང་། འཕགས་སྐྱེས་པོ་རྣམས་ང་ག་ལ་བ་དེར་འོངས་ཏེ་ལྷགས་ནས། ངའི་རྐང་པ་གཉིས་ལ་མགོ་བོས་ཕྱག་འཚལ་ཏེ་
ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། རྒྱལ་པོ་ཆེན་པོ་བཞིས་ངའི་ཐད་དུ་བསིལ་བའི་ཚལ་གྱི་མདོ་ཆེན་པོ་འདི་བརྗོད་ནས་དོང་ངོ་། །ཁྱོད་ཀྱིས་དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །
བཙུན་པ་དེ་ལྟར་འཚལ་ལོ་ཞེས་གསོལ་ཏེ། དགེ་སློང་རྣམས་ཀྱིས་བཅོམ་ལྡན་འདས་ཀྱིས་བཀའ་སྩལ་པ་མཉན་ནས། བཅོམ་ལྡན་འདས་ཀྱིས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་བསིལ་
བའི་ཚལ་གྱི་མདོ་ཆེན་པོ་འདི་རྒྱས་པར་བཤད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་
97-1-159b


བསྟོད་དོ། །འདིའི་ཆོ་ག་ནི་ཟས་དཀར་གསུམ་ཟ་བ་དང་། ལེགས་པར་ཁྲུས་བྱས་པ་དང་སྨྱུང་བ་བྱས་པ་དང་། ཚུལ་ཁྲིམས་དང་ལྡན་པ་དང་། བསམ་པ་རྒྱ་ཆེན་པོ་དང་ལྡན་པས་རྒྱལ་པོ་བཞིའི་གཟུགས་ལྡོང་རོས་སམ་བཙག་གིས་བྲིས་ལ། སྤོས་ཐཾས་ཅད་དང་
ལྡན་པའི་དཀྱིལ་འཁོར་གྲུ་བཞི་པ་བྱས་ནས་སངས་རྒྱས་ཀྱི་སྤྱན་སྔར་དུས་གསུམ་དུ་བརྗོད་པར་བྱའོ། །བསིལ་བའི་ཚལ་གྱི་མདོ་ཆེན་པོ་རྫོགས་སོ།། །།པཎྜི་ཏ་ཤཱི་ལེནྡྲ་བོ་དྷི་དང་། ཛྙཱ་ན་སིདྡྷི་དང་། ཤཱཀྱ་པྲ་བྷ་དང་། ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་
ཞུས་ཏེ་སྐད་གསར་ཆད་ཀྱིས་ཀྱང་བཅོས་ཏེ་གཏན་ལ་ཕབ་པའོ། །ཕྱིས་འགོས་གཞོན་ནུ་དཔལ་གྱིས་ཕྱག་ལོ་ཙྩ་བའི་ཕྱག་དཔེ་ལས་ཞུས་སོ། ། ༄༅། །རྒྱ་གར་སྐད་དུ།  མ་ཧཱ་མན་ཏྲ་ཨ་ནུ་དྷ་ར་ནི་སཱུ་ཏྲ།   བོད་སྐད་དུ།  གསང་སྔགས་ཆེན་པོ་རྗེསུ་
འཛིན་པའི་མདོ། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་བདུན་ཉན་ཐོས་དང་བཅས་པ་ཡང་དག་པར་སོང་བ་ཡང་དག་
པར་ཞུགས་པ་རྣམས་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས། རིག་སྔགས་འདི་ནི་དོན་དུ་བསྒྲུབ། །རིག་སྔགས་འདི་དག་གྲུབ་གྱུར་ཅིག །གང་ཕྱིར་དོན་དུ་བསྒྲུབས་པ་ཡི། །དོན་དེ་ཡང་ནི་གྲུབ་པར་ཤོག །འདི་སྐད་བདག་གིས་ཐོས་
པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེའི་ཚེ་མི་མཇེད་ཀྱི་བདག་པོ་ཚངས་པ་ཚངས་རིས་ཀྱི་ལྷ་རྣམས་དང་བཅས་པ་དང་། ལྷའི་དབང་པོ་རྒྱ་
བྱིན་སུམ་བཅུ་རྩ་གསུམ་པའི་ལྷ་རྣམས་དང་བཅས་པ་དང་། རྒྱལ་པོ་ཆེན་པོ་བཞིའི་རིས་ཀྱི་ལྷ་རྣམས་དང་བཅས་པ་དང་། གནོད་སྦྱིན་གྱི་དཔོན་ཆེན་པོ་ཉི་ཤུ་རྩ་བརྒྱད་དང་། འཕྲོག་མ་བུ་དང་བཅས་པ་གཡོག་འཁོར་དང་བཅས་པ་རྣམས་བཅོམ་
ལྡན་འདས་ག་ལ་བ་དེར་དོང་སྟེ་ལྷག་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་མི་འཇེད་ཀྱི་བདག་པོ་ཚངས་པས་བཅོམ་ལྡན་འདས་ག་ལ་བ་དེ་ལོགས་སུ་ཐལ་
97-1-160a


མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ནི་སྟོང་གི་འཇིག་རྟེན་གྱི་ཁམས་རྣམས་སུ་དབང་ཕྱུག་ལ་དབང་བགྱིད་པ་ལགས་ཏེ། བཙུན་པ་བཅོམ་ལྡན་འདས་བདག་
ནི་འཚལ་ན་སྟོང་གི་འཇིག་རྟེན་གྱི་ཁམས་སུ་བསྲུང་བ་དང་ཡོངས་སུ་སྐྱོབ་པར་བགྱིད། ཡོངས་སུ་བཟུང་བ་དང་ཞི་བ་དང་བདེ་ལེགས་སུ་འགྱུར་བར་བགྱིད་ལགས་སོ། །བཙུན་པ་བདེ་བར་གཤེགས་པ་ཆོས་ཀྱི་མངའ་བདག་བཅོམ་
ལྡན་འདས་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་དབང་ཕྱུག་ལ་མངའ་མཛད་པ་ལགས་ཏེ། བཅོམ་ལྡན་འདས་ཀྱང་བཞེད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམསུ་བསྲུང་བ་དང་། 
ཡོངས་སུ་སྐྱོབ་པ་དང་ཡོངས་སུ་བཟུང་བ་དང་ཞི་བ་དང་ལེགས་སུ་འགྱུར་བར་མཛད་པ་ལགས་ན། བཙུན་པ་བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་བསུང་དང་། ཡོངས་སུ་བསྐྱབ་པ་དང་། 
ཡོངས་སུ་བཟུང་བ་དང་ཞི་བ་དང་བདེ་ལེགས་སུ་འགྱུར་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་མི་འཇེད་ཀྱི་བདག་པོ་ཚངས་པ་ལ་ཅང་མི་གསུང་བར་གནང་ངོ་། །དེ་ནས་མི་འཇེད་ཀྱི་བདག་པོ་ཚངས་པས་བཅོམ་ལྡན་འདས་
ཀྱིས་ཅང་མི་གསུང་བས་གནང་བར་རིག་ནས་གནས་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མདང་བ་བསུམ་མི་འཇེད་ཀྱི་བདག་པོ་ཚངས་པས་ཚངས་རིས་ཀྱི་
ལྷ་རྣམས་དང་བཅས་པ་དང་། ལྷའི་དབང་པོ་བརྒྱ་བྱིན་སུམ་བཅུ་རྩ་གསུམ་པའི་ལྷ་རྣམས་དང་བཅས་པ་དང་། རྒྱལ་པོ་ཆེན་པོ་བཞིའི་རིས་ཀྱི་རྒྱལ་ཆེན་བཞིའི་རིས་ཀྱི་ལྷ་རྣམས་དང་བཅས་པ་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། 
འཕྲོག་མ་བུ་དང་བཅས་གཡོག་འཁོར་དང་བཅས་པ་རྣམས་ང་ག་ལ་བ་དེར་ལྷགས་ཏེ་འོངས་ནས་མི་འཇེད་ཀྱི་བདག་པོ་ཚངས་པས་ང་ལ་འདི་སྐད་ཅེས་སྨྲས་སོ། །བཙུན་པ་བཅོམ་ལྡན་འདས་བདག་ནི་སྟོང་གི་འཇིག་
97-1-160b


རྟེན་གྱི་ཁམས་རྣམས་སུ་དབང་ཕྱུག་ལ་དབང་བགྱིད་པ་ལགས་ཏེ། བཙུན་པ་བཅོམ་ལྡན་འདས་བདག་ནི་འཚལ་ན་སྟོང་གི་འཇིག་རྟེན་གྱི་ཁམས་རྣམས་སུ་བསྲུང་བར་བགྱིད་ཡོངས་སུ་སྐྱོབ་པར་བགྱིད་ཡོངས་སུ་བཟུང་
བ་དང་ཞི་བ་དང་བདེ་ལེགས་སུ་འགྱུར་བར་བགྱིད་ལགས་སོ། །བཙུན་པ་བདེ་བར་གཤེགས་པ་ཆོས་ཀྱི་མངའ་བདག་བཅོམ་ལྡན་འདས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་དབང་ཕྱུག་ལ་
མངའ་མཛད་པ་ལགས་ཏེ། བཅོམ་ལྡན་འདས་ཀྱང་བཞེད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་བཟུང་བ་དང་ཞི་བ་དང་བདེ་ལེགས་སུ་
འགྱུར་བར་མཛད་ལགས་ན། བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་བསྲུང་བ་དང་ཡོངས་སུ་བསྐྱབ་པ་དང་། ཡོངས་སུ་བཟུང་བ་དང་ཞི་བ་དང་བདེ་ལེགས་སུ་འགྱུར་བར་མཛད་དུ་
གསོལ་ཏོ། །དགེ་སློང་དག་ངས་ཀྱང་མི་འཇེད་ཀྱི་བདག་པོ་ཚངས་པ་ལ་ཅང་མི་གསུང་བས་གནང་ངོ་། །དེ་ནས་མི་འཇེད་ཀྱི་བདག་པོ་ཚངས་པས་ངས་ཅང་མི་གསུང་བར་གནང་བར་རིག་ནས་དེ་ཉིད་དུ་མི་སྣང་བར་གྱུར་ཏོ། །དགེ་སློང་དག་རིག་
སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདི་ནི་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གསུངས་སོ། །མ་འོངས་པའི་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གསུང་བར་འགྱུར་རོ། །ད་ལྟར་བྱུང་བ་ན་ཡང་འདི་ལྟ་སྟེ་སངས་རྒྱས་ཀྱི་བྱང་ཆུབ་འདི་ཉིད་ལ་ཕན་པར་བྱ་བའི་ཕྱིར་ད་ལྟར་ང་ཉིད་ཀྱིས་བཤད་དོ། །དེ་ནས་
བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདི་ཟུང་ཤིག་ཆོངས་ཤིག་ལྷོགས་ཤིག་ཤོད་ཅིག་ཀུན་ཆུབ་པར་
97-1-161a


གྱིས་ཤིག་ཀུན་དགའ་བོ་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདི་ནི་འཁོར་བཞི་པོ་རྣམས་ཀྱི་དོན་དང་ཕན་པ་དང་བདེ་བ་དང་བདེ་བར་གནས་པར་འགྱུར་བའོ། །ཏད་ཡ་ཐཱ། ཨུ་བུད་དྷེ། ནི་བུད་དྷེ། བི་བུད་དྷེ། 
ས་མ་བུད་དྷེ། བི་ཤྭཥྚ་བུད་དྷེ། ཨི་ཧ་བུད་དྷེ། ཏཏྟ་བིད་དྷེ། ནི་ཡྃ་ག་མེ། ཚ་བི་ལ། ཨ་ཕུ་ལ། ཏ་ཕུ་ལ། ཏཱ་ལེ་མཱ་ལེ། མྃ་ག་ག་མྃ་ག་མ་ནན། ཨི་མ། མ་བི་དྱཱ། ཧུ་དུ་མེ་ཧུ་ཧུ་མེ། པུརྦྦ་པྲ་ཧ་རེ། ཀུན་དགའ་བོ་ཡུན་རིང་པོ་ནས་སྤྱད་པའི་གསང་སྔགས་
སྟོབས་དང་། མཐུ་རྩལ་དང་ལྡན་པ་འདི་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཀྱང་གསུངས་སོ། །མ་འོངས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་རྣམས་ཀྱིས་ཀྱང་གསུང་བར་འགྱུར་རོ། །ད་ལྟར་བྱུང་བ་ན་ཡང་འདི་ལྟ་སྟེ་སངས་རྒྱས་ཀྱི་བྱང་ཆུབ་འདི་ཉིད་ལ་ཕན་པར་བྱ་བའི་ཕྱིར་ད་ལྟར་ང་ཉིད་ཀྱིས་བཤད་དོ། །ངས་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདིས་
མིང་འདི་ཞེས་བྱ་བ་ལ་བསྲུང་བར་བྱའོ། །མཚམས་བཅད་དོ། །ཤར་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །ཕྱོགས་དང་ཕྱོགས་མཚམས་ཐམས་ཅད་ཀྱི་བར་དུ་ཡང་རྒྱང་གྲགས་གཅིག་ཚུན་ཆད་མཚམས་བཅད་དོ། །
ཏདྱ་ཐཱ། ས་མུ་ཙ་བི་མུ་ཙ། ཕ་ལ་མུ་ཙ། ཛ་ག་དྷ་ར། མ་དསྠ་ལ། ན་ལ་ཀ་མ་ག །ས་མུ་ཤྭ་བཱ་ཏི། བི་མུག་ཏི། ཡོ་ག །ཧི་ན་ས་ག་མ། ཨ་ར་ད་མུ་ལ། བི་ཧྃ་ག་མི། ཨི་དི་ཙི་རི། བི་ཏ་ལཱ་ཁ་ཡོ། མ་ཁ་ཡོ། ལ་ག་བྷི་དྷ་ར་ཎི། པྲ་ཏི་པྲཱ་
ཡོ་གི། ཨ་ཙཀྲ་པ་ཏི། ས་མ་སྲ་བ་ཏི། ཨི་ལཱ་ཡ། མི་ལཱ་ཡ། བ་ཧུ་སད་དྱ། ཨ་ན་ཏ་མ། ཨརྠ་བ་ཏི་ག་ར་བ་ཏི། ཏི་ཁི་ནི་ཏི་བེ། ཨ་ཀ་ན་ཏི། ས་ཀ་ན་ཏི། ས་མི་དི་མ། བ་སུ་བ་ཊེ། ཨ་ཊེ། ཨ་ཊེ། ཏ་ཏྭ་ཁ་རུ་སྨིན། ཐ་རུ་སྨིན། 
ལ་ཧ་ཏན། ལ་ཧཱུ་ཏན། སམ་བྷ་ར། སམ་བྷ་ར། བ་ཏི་རན་ཏན། ནི་རུ་ཏན། ཨི་ལ། ཏ་ཨི་ལ། ས་ར་ཕ་ལ། བ་ཧཱུ་ཕ་ལ། ས་ཏ་མ་ཏ། དཥྚི་མ་ཏ། ཀུན་དགའ་བོ་ཡུན་རིང་པོ་ནས་སྤྱད་པའི་གསང་སྔགས་ཀྱི་
97-1-161b


སྟོབས་དང་། མཐུ་རྩལ་དང་ལྡན་པ་འདི་དག་ནི་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གསུངས་སོ། །མ་འོངས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་ཀྱིས་ཀྱང་གསུང་བར་འགྱུར་རོ། །ད་ལྟར་བྱུང་བ་ན་ཡང་ངས་བཤད་དོ། །མི་འཇེད་ཀྱི་བདག་པོ་ཚངས་པས་ཀྱང་བཤད་དོ། །ལྷའི་དབང་པོ་བརྒྱ་བྱིན་གྱིས་ཀྱང་བཤད་དོ། །རྒྱལ་པོ་ཆེན་པོ་བཞིས་
ཀྱང་བཤད་དོ། །གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་ཀྱིས་ཀྱང་བཤད་དོ། །འཕྲོག་མ་བུ་དང་བཅས་གཡོག་འཁོར་དང་བཅས་པས་ཀྱང་བཤད་དོ། །ཀུན་དགའ་བོ་དགེ་སློང་ངམ། དགེ་སློང་མ་འམ། དགེ་བསྙེན་
ནམ། དགེ་བསྙེན་མ་གང་ལ་ལ་རིག་སྔགས་ཀྱི་རྒྱལ་མོ་གསང་སྔགས་རྗེས་སུ་འཛིན་པ་འདི་བཟུང་ནས་ཇི་ལྟར་བསྟན་པ་དང་། ཇི་ལྟར་ཀུན་ཆུབ་པར་བྱས་པ་དེ་བཞིན་དུ་ཤེས་སམ། མཐོང་ངམ། ལས་སུ་བྱེད་པ་དེ་ལ་ནི་ཇི་
སྲིད་འཚོའི་བར་དུ་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་ཞི་བ་དང་བདེ་ལེགས་སུ་འགྱུར་བ་བྱས་པར་འགྱུར་རོ། །ཀུན་དགའ་བོ་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་
རྣམས་ཀྱི་བཀས་རིག་སྔགས་ཀྱི་རྒྱལ་མོ་གསང་སྔགས་རྗེས་སུ་འཛིན་པ་འདིས་མིང་འདི་ཞེས་བྱ་བ་ལ་བསྲུང་བར་བྱའོ། །ཡོངས་སུ་བསྐྱབ་པ་དང་ཡོངས་སུ་གཟུང་བར་བྱའོ། །ཡོངས་སུ་ཞི་བ་དང་བདེ་ལེགས་སུ་འགྱུར་བར་
བྱའོ། །མཚམས་བཅད་དོ། །ཤར་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །དེ་བཞིན་དུ་ནུབ་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །ལྷོ་ཕྱོགས་སུ་རྒྱང་གྲགས་གཅིག་ཚུན་ཆད་
མཚམས་བཅད་དོ། །བྱང་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །ཕྱོགས་དང་ཕྱོགས་མཚམས་ཐམས་ཅད་དུ་རྒྱང་གྲགས་གཅིག་ཚུན་ཆད་མཚམས་བཅད་དོ། །
97-1-162a


ཀུན་དགའ་བོ་རྒྱལ་པོ་ཆེན་པོ་བཞི་ལམ་དང་ལམ་མ་ཡིན་པ་ན་གནས་པ་བཞི་ཡོད་དེ། དེ་དག་གང་ཞེ་ན། འདི་ལྟ་སྟེ་བཀྲ་ཤིས་ལྡན་དང་། ཀུན་ཤེས་དང་། གང་པོ་དང་དགའ་བའི་དཔལ་རྣམས་ཏེ། གང་དེ་དག་
གི་མིང་ཤེས་པ་དང་། རུས་ཤེས་པ་དེ་ལ་ནི་རྒྱལ་པོ་ཆེན་པོའི་འཇིགས་པ་མི་འབྱུང་ངོ་། །ཆོམ་རྐུན་གྱི་འཇིགས་པ་དང་། མེའི་འཇིགས་པ་དང་། ཆུའི་འཇིགས་པ་དང་། མིའི་འཇིགས་པ་དང་། མི་མ་ཡིན་པའི་
འཇིགས་པ་མི་འབྱུང་ངོ་། །ཀུན་དགའ་བོ་ལག་ན་རྡོ་རྗེའི་ཕོ་བོ་ལག་མྱུར་ཞེས་བྱ་བ་གྲོང་ཁྱེར་ཁོར་ཡུག་ཅེས་བྱ་བ་ན་གནས་པ་ཡོད་དེ། གང་དེའི་མིང་ཤེས་པ་དང་། རུས་ཤེས་པ་དེ་ལ་ནི་དེས་བསྲུང་བར་བྱེད། ཡོངསུ་སྐྱོབ་པར་བྱེད། 
ཡོངསུ་འཛིན་པར་བྱེད། ཆད་པ་བཟློག་པར་བྱེད་ཞི་བ་དང་བདེ་ལེགསུ་འགྱུར་བར་བྱེད་དོ། །མིང་འདི་ཞེས་བྱ་བའི་ཕྱིར་ལག་ན་རྡོ་རྗེའི་ཕུ་བོ་ལག་མྱུར་ལ་གསོལ་ལོ། །གསོལ་བ་འདེབསོ། །འདས་པ་དང་། མ་འོངས་པ་དང་། ད་ལྟར་བྱུང་བའི་
སངས་རྒྱས་བཅོམ་ལྡན་འདས་རྣཾས་ཀྱི་བཀས་གང་མིང་འདི་ཞེས་བྱ་བ་ལ་སྐབས་ཚོལ་བ་དང་། གླགས་ལྟ་བའི་གནོད་སྦྱིན་ནམ། སྲིན་པོ་པ་འམ། ཡི་དགས་སཾ། ཤ་ཟ་འཾ། གྲུལ་བུཾ་འཾ། སྲུལ་པོའམ། ལུས་སྲུལ་པོ་རྣཾས་ཀྱིས་བདག་ལ་གླགས་
རྙེད་པར་མ་གྱུར་ཅིག །བདག་ལ་གླན་ཀ་རྙེད་པར་མ་གྱུར་ཅིག །ཀུན་དགའ་བོ་སྲིན་མོ་ཆེན་མོ་བཅུ་བཞི་ཡོད་དེ། དེ་དག་ནི་བྱང་ཆུབ་སེམས་དཔའ་ཡུམ་གྱི་ལྷུམས་ན་བཞུགས་པ་ན་ཡང་སྲུང་སྲུང་། བལྟམ་པའི་ཚེ་ན་ཡང་སྲུང་བསྲུང་། 
བལྟམས་ཟིན་པའི་འོག་ཏུ་ཡང་སྲུང་བསྲུང་། སྐུ་འཁྲུང་པ་ན་ཡང་སྲུང་བསྲུང་སྟེ། བཅུ་བཞི་གང་ཞེ་ན། འདི་ལྟ་སྟེ་སྟོབས་ལྡན་དང་། དྲི་མེད་དང་། སྒྲ་ཆེན་དང་། རབ་མཉེན་དང་། འཇིགས་བྱེད་མ་དང་། འཛམ་བུའི་
མགྲིན་དང་། མཆོག་ལེན་དང་། བླ་མ་དང་། གྲགས་ལྡན་མ་དང་། རྨད་གྲགས་དང་། འཐབ་དགའ་དང་། རྩེད་མོ་དགའ་དང་། ས་འཛིན་དང་། འཐབ་འཇུག་རྣམས་སྟེ། གང་དེ་དག་གི་མིང་ཤེས་པ་དང་། རུས་ཤེས་པ་དེ་ལ་ནི་དེ་
97-1-162b


དག་གིས་བསྲུང་བར་བྱེད། ཡོངས་སུ་སྐྱོབ་པ་དང་། ཡོངསུ་འཛིན་པར་བྱེད། ཞི་བ་དང་བདེ་ལེགསུ་འགྱུར་བར་བྱེད་དོ། །ཀུན་དགའ་བོ་སྲིན་མོ་བརྒྱད་ཡོད་དེ། དེ་དག་ནི་སྐྱེས་པ་དང་བུད་མེད་གཉིད་ལོག་ཀྱང་རུང་། མ་ལོག་
ཀྱང་རུང་སྟེ། གཟི་བྱིན་འཕྲོག་པར་བྱེད་དོ། །དེ་དག་གང་ཞེ་ན། འདི་ལྟ་སྟེ་ར་དང་། ཐུབ་མེད་དང་། ངན་སློན་དང་། ཕྲ་མ་ཅན་དང་། བྲན་མོ་དམར་མོ་དང་། རབ་ཆེན་དང་། མིག་བཟང་དང་། བརྒྱད་པ་སྟེ་འཇིགས་བྱེད་
དོ། །གང་དེ་དག་གི་མིང་ཤེས་པ་དང་རུས་ཤེས་པ་དེ་ལ་ནི་དེ་དག་གིས་བསྲུང་བར་བྱེད་དོ། །ཡོངསུ་བསྐྱབ་པ་དང་། ཡོངསུ་འཛིན་པ་དང་། ཞི་བ་དང་བདེ་ལེགསུ་འགྱུར་བ་དང་། ཆད་པ་བཟློག་པར་བྱེད་དོ། །ཀུན་དགའ་
བོ་སྲིན་མོ་བདུན་ཡོད་དེ། དེ་དག་ནི་ཁྲག་གིས་དྲི་ཚོར་ན་དཔག་ཚད་རྒྱར་ཡང་རྒྱུག་གོ། དེ་དག་གང་ཞེ་ན། འདི་ལྟ་སྟེ་གཟི་བརྗིད་མཆོག་དང་། དགའ་བརྩེགས་དང་། སྣ་ཚོགས་སྦྱིན་སྤོངས་དང་། བྲན་མོ་ཀར་
མོ་བཟང་དང་། འཇུག་འདོད་དང་། གྲོང་ཁྱེར་འཁོར་ཡུག་དང་། བདུན་པ་སྟེ་རི་བསྲུང་ངོ་། །གང་དེ་དག་གི་མིང་ཤེས་པ་དང་། རུས་ཤེས་པ་དེ་ལ་ནི་དེ་དག་གིས་བསྲུང་བར་བྱེད་དོ། །ཡོངསུ་སྐྱོབ་པ་དང་། ཡོངསུ་འཛིན་
པ་དང་། ཞི་བ་དང་བདེ་ལེགསུ་འགྱུར་བ་དང་། ཆད་པ་བཟློག་པར་བྱེད་དོ། །ཀུན་དགའ་བོ་སྲིན་མོ་ནག་མོ་ཆེན་མོ་ཞེས་བྱ་བ་བུ་སྟོང་ཡོད་པ་རྒྱ་མཚོའི་འགྲམ་ན་གནས་པ་མཚན་གཅིག་གིས་དཔག་ཚད་བརྒྱད་ཁྲིར་
ཕྱིན་པ་ཞིག་ཡོད་དེ། གང་དེའི་མིང་ཤེས་པ་དང་རུས་ཤེས་པ་དེ་ལ་ནི་དེས་བསྲུང་བར་བྱེད། ཡོངསུ་སྐྱོབ་པ་དང་། ཡོངསུ་འཛིན་པ་དང་། ཞི་བ་དང་བདེ་ལེགསུ་འགྱུར་བ་དང་། ཆད་པ་བཟློག་པར་བྱེད་དོ། །ཀུན་དགའ་
བོ་སྲིན་མོ་ལྔ་གནོད་སྦྱིན་འབུམ་ཕྲག་བདུན་བཅུ་རྩ་བདུན་དང་ལྷན་ཅིག་ཏུ་འཛམ་བུའི་གླིང་གི་མི་རྣམ་བསྲུང་ཞིང་སྐྱོབ་པར་བྱེད་དོ། །དེ་དག་ཀྱང་གང་ཞེ་ན། འདི་ལྟ་སྟེ་རྟག་ཏུ་མྱོས་དང་། རྗེསུ་མྱོས་དང་། སྟོབས་ཀྱིས་རྒྱགས་དང་། 
97-1-163a


འོད་མའི་སྦུབས་དང་། ལྔ་པ་སྟེ་འབྱོར་ལྡན་ནོ། །གང་དེ་དག་གི་མིང་ཤེས་པ་དང་རུས་ཤེས་པ་དེ་ལ་ནི་དེ་དག་གི་བསྲུང་བར་བྱེད། ཡོངསུ་སྐྱོབ་པ་དང་། ཡོངསུ་འཛིན་པ་དང་ཞི་བ་དང་བདེ་ལེགསུ་འགྱུར་བ་དང་། 
ཆད་པ་བཟློག་པར་བྱེད་དོ། །དེ་བས་ན་བདག་གིས་མིང་འདི་ཞེས་བྱ་བའི་ཕྱིར་སྲིན་མོ་ལྔ་གནོད་སྦྱིན་འབུམ་ཕྲག་བདུན་བཅུ་རྩ་བདུན་དང་བཅས་པ་དེ་དག་ལ་གསོལ་ལོ། །གསོལ་བ་འདེབས་སོ། །འདས་པ་དང་། མ་འོངས་
པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་བཀས་མིང་འདི་ཞེས་བྱ་བ་ལ་བསྲུང་བ་གྱིས་ཤིག །ཡོངསུ་སྐྱབ་པ་དང་། ཡོངསུ་བཟུང་བ་དང་། ཞི་བ་དང་བདེ་ལེགསུ་འགྱུར་བ་དང་། ཆད་པ་
བཟློག་པར་གྱིས་ཤིག །ཏད་ཡ་ཐཱ། བི་མུ་དེ། བྀ་ཏི་དེ། པི་ཙ་རི་དེ། པི་ག་རི་དེ། ཀ་ར་ཌི། ཀ་ར་བཱི་ར། སྭ་རི། མ་དྷུ་ར་གྷོ་ཥེ། ཤ་ཏ་ཧ་ནི་ཏ། བྷ་ཤི་ཏ་གྷེ་ཨཀ་ཀེ། ནཀ་ཀེ། བི་ཀ །ཌི་ཏཱ། བི་ཀུ་ཊི་ཏེ། བི་ར་ཛེ། 
བི་གཥྚ་བཱ་དེ། ཀུན་དགའ་བོ་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེསུ་འཛིན་པ་འདིས་གང་ལ་བསྲུང་བར་བྱས་པ་དང་། སྦ་བ་བྱས་པ་དང་། ཡོངསུ་བསྐྱབ་པ་བྱས་པ་དང་། ཡོངསུ་བཟུང་བ་བྱས་པ་
དང་། ཞི་བ་དང་བདེ་ལེགསུ་འགྱུར་བ་དང་། ཆད་པ་བཟློག་པར་བྱས་པ་དེ་ལ་ནི་ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེར་བཅས་པའི་
སྐྱེ་དགུ་དང་། ལྷ་དང་། མི་ཆི་ད་བཅས་པ་དང་། མིའམ་ཅི་དང་། ལྟོ་འཕྱེ་ཆེན་པོ་དང་བཅས་པའི་འཇིག་རྟེན་ན་མི་འམ། མི་མ་ཡིན་པ་འམ། གནོད་སྦྱིན་ནམ། སྲིན་པོ་འམ། ལྷ་མ་ཡིན་ནམ། དྲི་ཟ་འམ། 
ཀླུའམ། ནམཁའ་ལྡིང་ངམ། གསུང་བ་པ་འམ། ཡི་དགས་སམ། ཤ་ཟ་འམ། རོ་ལངས་སམ། བྱེད་སྟེམས་སམ། གཤེད་བྱེད་དམ། སྲུལ་པོ་འམ། ལུས་སྲུལ་པོ་འམ། སྨྱོ་བྱེད་དང་། བརྗེད་བྱེད་གླགས་ལྟ་བ་དང་། 
97-1-163b


གླན་ཀ་ཚོལ་བ་རྣམས་ཀྱིས་གླགས་བརྙེད་པའི་སེམས་ཅན་གང་ཡང་ངས་ཡང་དག་པར་མ་མཐོང་སྟེ་དེ་ནི་གནས་མེད་དོ། །ལས་ཀྱི་རྣམ་པར་སྨིན་པ་ནི་མ་གཏོགསོ། །དེ་བས་ན་ངས་འདས་པ་དང་། མ་འོངས་པ་
དང་། ད་ལྟར་བྱུང་བའི་སངས་རྒྱས་བཅྡོཾས་རྣམས་ཀྱི་བཀས་རིག་སྔགས་ཀྱི་རྒྱལ་མོ་གསང་སྔགས་རྗེསུ་འཛིན་པ་འདིས་མི་འམ། མི་མ་ཡིན་པ་འམ། གནོད་སྦྱིན་ནམ། སྲིན་པོ་འམ། ཤ་ཟ་འཾ། 
ལྷ་མ་ཡིན་ནམ། དྲི་ཟ་འམ། ཀླུ་འམ། ནམཁའ་ལྡིང་ངམ། གསང་བ་པ་འམ། ཡི་དགས་སམ། ཤ་ཟ་འམ། རོ་ལངས་སམ། བྱད་སྟིམས་སམ། གཤེད་བྱེད་དམ། སྲུལ་པོ་འམ། ལུས་སྲུལ་པོ་འཾ། 
སྨྱོ་བྱེད་དམ། བརྗེད་བྱེད་རྣམས་ལས་མིང་འདིས་ཞེས་བྱ་བ་ལ་བསྲུང་བ་བྱའོ། །ཡོངསུ་བསྐྱབ་པ་དང་། ཡོངསུ་བཟུང་བ་དང་། སྦ་བ་དང་། ཞི་བ་དང་བདེ་ལེགསུ་འགྱུར་བ་དང་། ཆད་པ་བཟློག་པར་བྱའོ། །
དུག་མེད་པར་བྱའོ། །རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེསུ་འཛིན་པ་འདིས་སྡང་བར་སེམས་པ་ཐཾད་དང་། གནོད་པར་སེམས་པ་ཐམས་ཅད་དང་། མི་ཕན་པར་སེམས་པ་ཐཾད་དང་། རབ་ཏུ་སྡང་བར་
སེམས་པ་ཐཾད་དང་། བདུད་ཐམས་ཅད་དང་། གསེབ་ལམ་བསྲུང་བ་ཐཾད་དང་། ལ་གཅན་བསྲུང་བ་ཐཾད་དང་། ཤོ་གམ་གྱི་གནས་བསྲུང་བ། དེ་དག་ཐཾད་མྱོས་པར་བྱའོ། །རྣམ་པར་མྱོས་པར་བྱའོ། །
རེངས་པ་དང་རྨུགས་པ་དང་། ལག་པ་གཟུང་བ་དང་། རྐང་པ་གཟུང་བ་དང་། སེམས་གཟུང་བ་དང་། ལྕེ་གཟུང་བར་བྱའོ། །རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེསུ་འཛིན་པ་འདིས་ནི་གང་དང་གང་དུ་
ཡང་ཐར་བར་འགྱུར་རོ། །ཀྱེ་མ་བྲམ་ཟེ་མྱ་ངན་འདས། །འཇིག་རྟེན་དག་ན་སྲིད་ལས་རྒལ། །འཁོན་དང་འཇིགས་པ་ཀུན་འདས་པ། །རིང་མོ་ཞིག་ནས་གཟོད་མཐོང་ངོ་། །བཟོད་པ་དཀའ་ཐུབ་མཆོག་སྟེ་བཟོད་པ་ནི། །
97-1-164a


མྱ་ངན་འདས་པ་མཆོག་ཅེས་སངས་རྒྱས་གསུང་། །རབ་ཏུ་བྱུང་བ་གཞན་ལ་གནོད་པ་ནི། །གཞན་ལ་འཚེ་བས་དགེ་སྤྱོད་མ་ཡིན་ནོ། །ཡང་ན་མིག་དང་ལྡན་པ་དག །མཐུ་རྩལ་དག་ཀྱང་ཡོད་
པ་བཞིན། །མཁས་པས་འཚོ་བའི་འཇིག་རྟེན་འདིར། །སྡིག་པ་དག་ནི་ཡོངསུ་སྤང་། །ད་ལྟར་བྱུང་དང་འདས་པ་དང་། །མ་བྱོན་སངས་རྒྱས་གང་ཡིན་པ། །ཐམས་ཅད་ལ་ཡང་བདག་ཕྱག་འཚལ། །
དེ་དག་ཀུན་ལ་བསྐྱབསུ་མཆི། །འཇིག་རྟེན་དགྲ་བཅོམ་བདེ་གཤེགས་ལ། །ཟླ་བ་སྐྱབས་སུ་མཆི་ལགས་ཀྱིས། །སངས་རྒྱས་འཇིག་རྟེན་ཐུགས་བརྩེ་རྣམས། །ཟླ་བ་ཐར་མཛོད་སྒྲ་ཅན་ལས། །
སྒྲ་གཅན་ཟླ་བ་མུན་སེལ་བ། །ནམཁའ་དག་ལ་འོད་བྱེད་ཅིང་། །ལྷཾ་མེར་འདུག་པ་དཀར་བ་དང་། །རྣམ་པར་དག་པའི་འོད་ལྡན་པ། །བར་སྣང་དག་ལ་མ་བཟུང་བར། །སྐྱེ་དགུའི་སྒྲོན་དེ་མྱུར་དུ་ཐོང་། །
དེ་ནས་རིངས་བཞིན་སྒྲ་གཅན་དེ། །ལུས་ཀྱང་རྔུལ་ཞིང་སྐྲག་གྱུར་ལ། །ནད་པ་བཞིན་དུ་བརྟད་པ་ཡིས། །ཟླ་བ་རྣམ་པར་གཏོང་བར་བྱེད། །ཅི་ཡི་ཕྱིར་ན་སྒྲ་གཅན་ཁྱོད། །ལུས་ཀྱང་རྔུལ་ཞིང་
སྐྲག་གྱུར་ལ། །ནད་པ་བཞིན་དུ་བརྟད་པ་ཡིས། །རིངས་པར་ཟླ་བ་གཏོང་བར་བྱེད། །སངས་རྒྱས་ཚིགས་བཅད་འདི་བརྗོད་པས། །གལ་ཏེ་ཟླ་བ་མ་བཏང་ན། །བདག་གི་མགོ་བོ་ཚལ་བདུན་འགས། །
གསོན་ཡང་བདེ་བར་མི་འགྱུརོ། །ཀྱེ་མ་བདེན་པར་གཟིགས་པ་ཡི། །སངས་རྒྱས་རྣམས་ཀྱི་འབྱུང་བ་རྨད། །དེ་དག་གིས་ནི་ཚིགསུ་བཅད། །བརྗོད་ན་སྒྲ་ཅན་ཟླ་བ་གཏོང་། །བདེན་པ་དང་བདེན་
པའི་ཚིགས་གང་གིས། །འཇིག་རྟེན་དུ་སེམས་ཅན་བརྗེད་ངས་པ་མེད་པའི་ཆོས་ཅན་བྱུང་བ་ནི་དེ་བཞིན་གཤེགས་པའོ་ཞེས་ཡང་དག་པར་སྨྲ་བས་སྨྲ་བ་ནི་དུསུ་ཡང་དག་པར་སྨྲ་བས་སྨྲ་བ་ཡིནོ་ཞེས་བྱ་བ་དང་། 
97-1-164b


ཀུན་དགའ་བོ་གཞན་ཡང་ཚངས་པར་སྤྱོད་པ་ལ་ཕན་པའི་ཕྱིར་དེ་བཞིན་གཤེགས་པས་ཚིགསུ་བཅད་པ་གསུངས་པ་གང་ཡིན་པ་དེ་དག་དང་། ཀུན་དགའ་བོ་གཞན་ཡང་ཚིགས་དེ་དག་གིས་བྱ་བ་གང་བྱེད་པའི་
དོན་དང་། ཕན་པ་དང་བདེ་བ་ཡང་འདིས་བྱས་པར་འགྱུར་ཏེ། སྱཱཡ་ཐཻ་དན། སྭསྟི་མ་ཏི། བི་ལུ་མ་ཏི། པྲ་ཧ་ར་ཏི། ཀ་ཤུ་མད་ཚི། ནན་ད་མ་ཏི། བི་ཧ་གྲ་ཧེ། བི་དུ་མ་ཏི། ཨེ་ད་ཀྲ་ཏ་ཨརྠ་སུ་དྲི། ཤ་བྷུ་དྡྷི། 
བོ་དྷི་མ་ཏི། སུ་ཧུ་དུ་མེ། ཨ་ལ་ཁུ་མེ། ཨ་ལ་མི་ཏེ། ཧི་ག་ར་ཤ་ར། ཨ་ཤུ་ཧ། པྲ་ག་ཤི་ནཾ། ཀུན་དགའ་བོ་ས་བོན་གྱི་རྩ་བ་བཅུ་དང་ས་བོན་གྱི་རྩ་བའི་ཚིགས་བཅུ་དེ་བཞིན་གཤེགས་པས་གསུངས་
པ་ཡོད་དོ། །ཀུན་དགའ་བོ་ཚིག་དེ་དག་དེ་བཞིན་གཤེགས་པས་གསུང་པར་འགྱུར་བ་དང་། སྟོན་པར་འགྱུར་བ་ཡང་ཡོད་དེ། དེ་དག་སྟན་པ་འདི་ལ་ཞུགས་པའི་མི་རྣམས་ཀྱི་ཁར་བརྗོད་ན། གནོད་སྦྱིན་དང་སྲིན་པོ་
རྣམས་ཀྱང་བྲན་བཞིན་དུ་ལས་བྱེད་པར་འགྱུར་རོ། །བདེན་པ་དང་བདེན་པའི་ཚིག་གང་གིས་ཕྱིར་མི་ལྡོག་པའི་སའི་ཚིག་བདེན་པ་རྣམས་ལ་འཇིག་རྟེན་གྱི་ཚིག་གི་མཆོག་དང་། དགེ་སྦྱོང་རྣམས་ཀྱི་ནང་ན་དགེ་སྦྱོང་
སྐྱིད་དེ་བ་ཞེས་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་འཇིགས་པ་མི་མངའ་བ་བག་ཚ་བ་མི་མངའ་བ་སྟེ། མི་སྐྲག་མི་འབྲོས་ལ་འཇིག་པ་མེད་ཅིང་འཇིག་པ་
དང་། འཇིགས་པར་བྱེད་པ་སྤངས་པ་སྐྱི་བུང་ཞེས་བྱེད་པ་མེད་པའོ་ཞེས་ཡང་དག་པར་སྨྲ་བས་སྨྲ་བ་ནི་དུས་སུ་ཡང་དག་པར་སྨྲ་བས་སྨྲ་བ་ཡིན་སྟེ། བདེན་པ་དང་བདེན་པའི་ཚིག་དེས་མིང་འདི་ཞེས་བྱ་བ་ལ་བདེ་ལེགསུ་གྱུར་
ཅིག །བདེན་པ་དང་བདེན་པའི་ཚིགས་གང་གིས་ཚུལ་ཁྲིམས་དང་། བརྟུལ་ཞུགས་དང་དཀའ་ཐུབ་དང་ཚངས་པར་སྤྱོད་པ་ལ་གནས་པ་གང་ཅི་ཡང་རུང་བ་དེ་དག་གི་ནང་ན་ནི། འཕགས་པ་དགྱེས་པའི་ཚུལ་ཁྲིམས་མཆོག་ཅེས་བྱ་སྟེ། 
97-1-165a


བདེན་པ་དང་བདེན་པའི་ཚིག་དེས་མིང་འདི་ཞེས་བྱ་བ་ལ་བདེ་ལེགསུ་གྱུར་ཅིག །གནས་བརྟན་རྒྱལ་པོའི་བུ་ཐུ་བོ་དང་འདྲ་བར་རབ་ཏུ་བྱུང་ནས་རིང་དུ་ལོན་པ་ཚངས་པར་སྤྱོད་པ་མངོན་པར་སྤྱད་པ་རྣམས་ཀྱི་མཆོག་
འདི་ལྟ་སྟེ་དགེ་སློང་ཀུན་ཤེས་ཀཽ་དི་ནྱ་དང་། འདོད་པ་ཉུང་བ་དང་སྦྱངས་པའི་ཡོན་ཏན་ལ་གནས་པ་དང་། ཆོག་ཤེས་པ་རྣམས་ཀྱི་མཆོག་འོད་སྲུང་ཆེན་པོ་དང་། ཤེས་རབ་ཆེ་བ་དང་། སྤོབས་པ་ཆེ་བ་རྣམས་ཀྱི་མཆོག་
ཤཱ་ར་དྭ་ཏིའི་བུ་དང་། རྫུ་འཕྲུལ་ཆེ་བ་དང་། མཐུ་ཆེ་བ་རྣམས་ཀྱི་མཆོག་མཽད་གལ་གྱི་བུ་ཆེན་པོ་དང་། ལྷའི་མིག་དང་ལྡན་པ་རྣམས་ཀྱི་མཆོག་མ་འགགས་པ་དང་། མང་དུ་ཐོས་པ་རྣམས་ཀྱི་མཆོག་ཀུན་
དགའ་བོ་དང་། འདུལ་བ་འཛིན་པ་རྣམས་ཀྱི་མཆོག་ཉེ་བར་འཁོར་དང་། ཆོས་སྨྲ་བ་རྣམས་ཀྱི་མཆོག་བྱམས་པའི་བུ་གང་པོ་དང་། བསླབ་པ་ལ་གུས་པ་རྣམས་ཀྱི་མཆོག་སྒྲ་གཅན་ཟིན་དང་། 
མལ་ཆ་དང་། སྟན་སྒོ་བ་རྣམས་ཀྱི་མཆོག་གྱད་བུ་ནོར་དང་། སེང་གེའི་སྒྲ་སྒྲོགས་པ་རྣམས་ཀྱི་མཆོག་བྷ་ར་དྭ་ཛ་བསོད་སྙོམས་ལེན་དང་། ཁྱིམ་པ་དད་པ་སྐྱེད་པ་རྣམས་ཀྱི་མཆོག་ནག་པོ་ཆར་ཀ་
དང་། ལྷ་དང་མིས་མཆོད་པ་རྣམས་ཀྱི་མཆོག་ལེགས་མཐོང་གི་བདེན་པ་དང་བདེན་པའི་ཚིག་དེས་མིང་འདི་ཞེས་བྱ་བ་ལ་བསྲུང་བར་བྱའོ། །ཡོངས་སུ་བསྐྱབ་པ་དང་། ཡོངསུ་
གཟུང་བ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་བཟློག་པར་བྱའོ། །རྒྱལ་པོ་འམ། བློན་པོ་འམ། ཆོམ་རྐུན་ནམ། མེ་འམ། ཆུ་འམ། 
དགྲ་འམ། མི་མཛའ་བ་འམ། ལམ་དུ་འགྲོ་བ་འམ། ལམ་གོལ་བར་འགྲོ་བ་འམ། གཉིད་ལོག་པ་འམ། ར་རོ་བ་འམ། བག་མེད་པ་ལ་བསྲུང་བར་བྱའོ། །བདེན་པ་དང་
97-1-165b


བདེན་པའི་ཚིག་གང་གིས་སེམས་ཅན་རྐང་པ་མེད་པ་འམ། རྐང་གཉིས་པ་འམ། རྐང་བཞི་པ་འམ། རྐང་མངས་སམ། གཟུགས་ཅན་ནམ། གཟུགས་ཅན་མ་ཡིན་པ་འམ། འདུ་ཤེས་
ཅན་ནམ། འདུ་ཤེས་ཅན་མ་ཡིན་པ་འམ། འདུ་ཤེས་མེད། འདུ་ཤེས་མེད་མིན་གྱི་སེམས་ཅན་ཇི་སྙེད་ཡོད་པ་དེ་དག་གི་ནང་ན་ནི་དེ་བཞིན་གཤེགས་པ་མཆོག་ཅེས་བྱ་སྟེ། བདེན་པ་
དང་། བདེན་པའི་ཚིག་དེས་མིང་འདི་ཞེས་པ་ལ་བསྲུང་བར་བྱའོ། །ཡོངསུ་བསྐྱབ་པ་དང་། ཡོངསུ་གཟུང་བ་དང་། ཞི་བ་དང་བདེ་ལེགསུ་འགྱུར་བ་དང་། འཆང་བ་བཟློག་པར་བྱའོ། །
བདེན་པ་དང་བདེན་པའི་ཚིག་གང་གིས་འདུས་བྱས་སམ། འདུས་མ་བྱས་ཀྱི་ཆོས་གང་ཇི་སྙེད་ཡོད་པ་དེ་དག་གི་ནང་ན་ནི་འདོད་ཆགས་དང་བྲལ་བ་མཆོག་ཅེས་བྱ་སྟེ། བདེན་པ་དང་བདེན་པའི་ཚིག་དེས་མིང་
འདི་ཞེས་བྱ་བ་ལ་བསྲུང་བར་བྱའོ། །ཡོངསུ་བསྐྱབ་པ་དང་། ཡོངསུ་བཟུང་བ་དང་། ཞི་བ་དང་བདེ་ལེགསུ་འགྱུར་བ་དང་ཆད་པ་བཟློག་པར་བྱའོ། །བདེན་པ་དང་། བདེན་པའི་
ཚིག་གང་གིས་ཚོག་སམ། འདུས་པ་འམ། མང་པོ་འམ། འཁོར་ཇི་སྙེད་ཅིག་ཡོད་པ་དེ་དག་གི་ནང་ན་ནི། དེ་བཞིན་གཤེགས་པའི་ཉན་ཐོས་ཀྱི་དགེ་
འདུན་མཆོག་ཅེས་བྱ་སྟེ། བདེན་པ་དང་བདེན་པའི་ཚིག་དེས་རྒྱལ་ཁམས་སམ། ཡུལ་འཁོར་རམ། གྲོང་ངམ། གྲོང་རྡལ་ལམ། གྲོང་ཁྱེར་
རམ། ཁྱིམ་འམ། གནས་སམ། ཞིང་ངམ། ནད་པ་འདི་ལ་བསྲུང་བར་བྱའོ། །ཡོངསུ་བསྐྱབ་པ་དང་། ཡོངསུ་གཟུང་བ་དང་། ཞི་བ་དང་བདེ་ལེགསུ་འགྱུར་བ་དང་། 
97-1-166a


མཚམས་གཅད་པར་བྱའོ། །འབྱུང་པོ་ཐམས་ཅད་བཟློག་པར་བྱའོ། །གཟི་བྱིན་འཕྲོག་པ་རྣམས་བཟློག་པར་བྱའོ། །བདེན་པ་དང་
བདེན་པའི་ཚིག་གང་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདོད་ཆགས་དང་། 
ཞེ་སྡང་དང་། གཏི་མུག་ཟད་པར་བྱ་བའི་ཕྱིར། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་བསྟན་པ་དང་། བཤད་པ་དང་བརྗོད་པའི་བདེན་
པ་དང་། བདེན་པའི་ཚིག་དེས་མིང་འདི་ཞེས་བྱ་བའི་ནད་བཞི་བརྒྱ་རྩ་བཞི་ཟད་པར་གྱུར་ཅིག་མེད་པར་གྱུར་ཅིག །
ཞི་བར་གྱུར་ཅིག །རབ་ཏུ་ཞི་བར་གྱུར་ཅིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་
ཀུན་དགའ་བོ་དང་། མི་མཇེད་ཀྱིས་བདག་པོ་ཚངས་པ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་
པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །གསང་སྔགས་
ཆེན་པོ་རྗེས་སུ་འཛིན་པའི་མདོའ་རྫོགསྷོ།། །།པཎ་ཌི་ཏ་ཤཱི་ལེན་དྲ་བོ་དྷི་དང་། ཛྙ་ན་སིདྷི་དང་། ཤཱཀྱ་པྲ་བྷཱ་བ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་སྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ཏེ་གཏན་ལ་ཕབ་པ། །
97-1-166b


No existing page
97-1-167a


No existing page
97-1-167b


རྒྱ་གར་སྐད་དུ།  ཨཱརྱ་མཱ་རཱི་ཙྱཻ་ནཱ་མ་དྷཱ་ར་ཎི།  བོད་སྐད་དུ།  འཕགས་མ་འོད་ཟེར་ཅན་ཞེས་བྱ་བའི་གཟུངས། 
སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་
འདས་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་གི་དགེ་འདུན་ཆེན་པོ་བརྒྱ་ཕྲག་ཕྱེད་དང་
བཅུ་གསུམ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མང་པོ་དག་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་
འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷ་མོ་འོད་ཟེར་ཅན་ཞེས་བྱ་བ་ཞིག་ཡོད་དེ། དེ་ཉི་མ་དང་། ཟླ་བའི་
མདུན་དང་མདུན་ནས་འགྲོ་སྟེ། དེ་ལྟར་མེད། གཟུང་དུ་མེད། བཅིང་དུ་མེད། དགག་ཏུ་མེད། 
བརྒལ་དུ་མེད། རྨོངས་པར་བྱར་མེད། ཆད་པས་བཅད་དུ་མེད། མགོ་བྲེག་ཏུ་མེད། གཞུར་མེད། ཚིག་པར་བྱར་མེད། དགྲའི་དབང་དུ་
མི་འགྲོའོ། །དགེ་སློང་དག་གང་གིས་ཀྱང་ལྷ་མོ་འོད་ཟེར་ཅན་དེའི་མིང་ཤེས་པ་དེ་ཡང་ལྟར་མེད། གཟུང་དུ་མེད། བཅིང་དུ་མེད། དགག་དུ་མེད། བརྒལ་དུ་མེད། 
97-1-168a


རྨོངས་པར་བྱར་མེད། ཆད་པས་གཅད་དུ་མེད། མགོ་བྲེག་ཏུ་མེད། གཞུར་མེད། ཚིག་བར་བྱར་མེད། དེ་དགྲའི་དབང་དུ་འགྲོ་བར་མི་འགྱུར་རོ། །དེ་ལྟར་བདག་གིས་ཀྱང་ལྷ་མོ་འོད་ཟེར་ཅན་གྱི་མིང་ཤེས་ཀྱིས་བདག་ཀྱང་བལྟར་མེད་
པར་གྱུར་ཅིག །གཟུང་དུ་མེད་པར་གྱུར་ཅིག །བཅིང་དུ་མེད་པར་གྱུར་ཅིག །དགག་ཏུ་མེད་པར་གྱུར་ཅིག །བརྒལ་དུ་མེད་པར་གྱུར་ཅིག །རྨོངས་པར་བྱར་མེད་པར་གྱུར་ཅིག །ཆད་པས་གཅད་དུ་མེད་པར་གྱུར་ཅིག །མགོ་བྲེག་དུ་མེད་
པར་གྱུར་ཅིག །གཞུར་མེད་པར་གྱུར་ཅིག །ཚིག་པར་བྱར་མེད་པར་གྱུར་ཅིག །དགྲའི་དབང་དུ་མི་འགྲོ་བར་གྱུར་ཅིག །དེ་ལ་གསང་སྔགས་ཀྱི་ཚིག་ནི་འདི་རྣམས་ཡིན་ནོ། །ཏད་ཡ་ཐཱ། ༀ་པ་ཏཱ་ཀྲ་མ་སི། པ་ར་ཀྲ་མ་སི། ཨུ་ད་ཡ་མ་སི། 
ནཻ་ར་མ་སི། ཨརྐྐ་མ་སི། མརྐ་མ་སི། ཨུར་མ་མ་སི་བ་ན་མ་སི། གུལ་མ་མ་སི། ཙི་བ་ར་མ་སི། མ་ཧཱ་ཙཱི་བ་ར་མ་སི། ཨན་ཏར་དྷྭྃ་ན་མ་སི་སྭཱ་ཧཱ། ༀ་ལྷ་མོ་འོད་ཟེར་ཅན་བདག་ལཾ་དུ་སྐྱོབས་ཤིག །བདག་ལམ་ལོག་པ་ལས་སྐྱོབས་ཤིག །
བདག་སྐྱེ་བོའི་འཇིགས་པ་ལས་སྐྱོབས་ཤིག །བདག་རྒྱལ་པོའི་འཇིགས་པ་ལས་སྐྱོབས་ཤིག །བདག་གླང་པོ་ཆེའི་འཇིགས་པ་ལས་སྐྱོབས་ཤིག །བདག་ཆོམ་རྐུན་གྱི་འཇིགས་པ་ལས་སྐྱོབས་ཤིག །བདག་ཀླུའི་འཇིགས་
པ་ལས་སྐྱོབས་ཤིག །བདག་སེང་གེའི་འཇིགས་པ་ལས་སྐྱོབས་ཤིག །བདག་སྟག་གི་འཇིགས་པ་ལས་སྐྱོབས་ཤིག །བདག་མེའི་འཇིགས་པ་ལས་སྐྱོབས་ཤིག །བདག་ཆུའི་འཇིགས་པ་ལས་སྐྱོབས་ཤིག །བདག་
སྦྲུལ་གྱི་འཇིགས་པ་ལས་སྐྱོབས་ཤིག །བདག་དུག་གི་འཇིགས་པ་ལས་སྐྱོབས་ཤིག །བདག་ཕྱིར་རྒོལ་བ་དང་། དགྲ་ཐམས་ཅད་ལས་སྐྱོབས་ཤིག །འཁྲུག་པ་དང་། མ་འཁྲུགས་པ་དང་། ཉམས་པ་དང་མ་ཉམས་པ་ཐམས་ཅད་དུ་
བདག་སེང་གེ་ལས་སྲུངས་ཤིག་སྭཱ་ཧཱ། །བདག་འཇིགས་པ་ཐམས་ཅད་དང་། གནོད་པ་དང་། ནད་འགོ་བ་དང་། འཁྲུག་པ་ཐམས་ཅད་ལས་སྲུངས་ཤིག །ན་མོ་རད་ན་ཏྲ་ཡཱ་ཡ། ཏད་ཡ་ཐཱ། ༀ་ཨཱ་ལོ། ཏ་ལོ་ཀ་ལོ་སད་ཙྪ་ལོ་ས་མ་བ་
97-1-168b


མུར་དྷ་ཊི་རཀྵ་རཀྵ་མྃ། བདག་དང་སེམས་ཅན་ཐམས་ཅད་ལ་འཚེ་བ་དང་། འཇིགས་པ་དང་། ནད་ཐམས་ཅད་ལས་སྲུངས་ཤིག་སྭཱ་ཧཱ། དཀོན་མཆོག་གསུམ་ལ་ཕྱག་འཚལ་ལོ། །ལྷ་མོ་འོད་ཟེར་ཅན་གྱི་སྙིང་པོ་བརྗོད་པར་བྱ་སྟེ། ཏད་
ཡ་ཐཱ། ཨོཾ་བ་དཱ་ལི། བ་ཏཱ་ལི། བ་ར་ལེ། བ་ར་ཧ་མུ་ཁི། སརྦ་དུཥྚཱ། པྲ་དུཥྚཱ་ནྃ། ཙཀྵུར་མུ་ཁྃ་བྷན་དྷ་བན་དྷ། བན་དྷ། མུ་ཁི། ཛྃ་བྷ་ཡ། སྟྃ་བྷ་ཡ། མོ་ཧ་ཡ་སྭཱ་ཧཱ། ཨོཾ་མཱ་རཱི་ཙྱཻ་སྭཱ་ཧཱ། ཨོཾ་བ་ར་ལེ། བཱ་ལེ། བད་ཏཱ་ལི། བ་ར་ཧ་མུ་ཁི། 
སརྦ་དུཥྚཱ་ནཱྃ། པྲ་དུཥྚཱ་ནཱྃ། ཙཀྵུར་མུ་ཁྃ་བན་དྷ་བན་དྷ་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་མི་དང་ལྷ་
མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་མ་འོད་ཟེར་ཅན་ཞེས་བྱ་བའི་གཟུངས། རྫོགསྷོ།། །།པཎ་ཌི་ཏ་ཨ་མོ་གྷ་བཛྲ་དང་། ལོ་ཙ་བ་དགེ་སློང་
བ་རི་རིན་ཆེན་གྲགས་པས་བསྒྱུར་བའོ། ། ༄༅། །རྒྱ་གར་སྐད་དུ།  མཱ་ཡཱ་མཱི་རཱི་ཙྱཻ་ཛཱ་ཏ་ཏནྟཱ་ཏུ་དྷྀ་ཏྃ་ཀལྦོ་རཱ་ཛཱ་ན་མ།  བོད་སྐད་དུ།  སྒྱུ་མའི་འོད་ཟེར་ཅན་འབྱུང་བའི་རྒྱུད་ལས་ཕྱུང་བའི་རྟོག་པའི་རྒྱལ་པོ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །
དེ་ནས་ལྷ་མོ་འོད་ཟེར་ཅན་འདིའི་གཟུངས་ཀྱི་རྟོག་པ་ཡིན་ཏེ། རྣམ་པར་སྣང་མཛད་ཀྱི་རྒྱལ་པོ་ཆེན་པོས་ཡོངས་སུ་གཟུང་བའོ། །ཟླ་བའི་གཟུགས་བརྙན་ནམ། ཉི་མའི་སྟེང་དུ་འོད་ཟེར་ཅན་རྣམ་པར་བསམ་བར་བྱའོ། །དེའི་འོད་ཟེར་ལས་ཡོངས་སུ་
གྲུབ་པའི་ཁབ་དང་སྐུད་པ་དང་བཅས་པས་གདུག་པ་ཅན་རྣམས་ཀྱི་མིག་དང་ཁ་དྲུབས་བཞིན་བར་མདུན་དུ་རྣམ་པར་བསམ་བར་བྱའོ། །ཕྱི་རོལ་མཐོང་བའི་སྤྱོད་ཡུལ་དུ་མཚམས་བཅིང་བ་བྱས་ལ་ཟླ་བ་དང་ཉི་མ་གཉིས་དག་གི་འོད་ཟེར་ལས་ཡོངསུ་
རྫོགས་བཞིན་པས་ལྷ་མོ་འོད་ཟེར་ཅན་མཉན་ཡོད་ན་བཞུགས་ཏེ་ཞེས་བྱ་བ་ནས་བཟུང་སྟེ། ལྷ་མོ་འོད་ཟེར་ཅན་ཞེས་བྱ་བ་ནི་རྒྱལ་བས་བཀའ་སྩལ་པའོ། །དེ་ཉི་མ་དང་ཟླ་བའི་མདུན་དང་མདུན་ནས་འགྲོ་ཡང་ལྷའི་ཚོགས་མང་པོས་ཀྱང་མཐོང་བར་
97-1-169a


མི་འགྱུར་རོ། །དེའི་ཚེ་བདག་ཀྱང་བལྟར་མེད་པའི་ཞེས་བྱ་བ་ལ་སོགས་པ་འདི་དང་། དེ་ཡང་དགུ་ཕྲག་གསུམ་ཡིན་ནོ། །སྔགས་ཀྱི་ཚིག་ནི་འདི་ལྟ་སྟེ། ཨོཾ་པ་ཏཱ་ཀྲ་མ་སི། པ་རཱ་ཀྲ་མ་སི། ཨ་ད་ཡ་མ་སི། པུ་ད་མ་སི། ནཻ་ར་མ་སི། ཨན་ཏཪྷཱ་
ན་མ་སི། མིང་ཉིད་རབ་ཏུ་སྦྱར་ཏེ་ལྷ་མོ་འོད་ཟེར་ཅན་བདག་ལམ་དུ་སྐྱོབས་ཤིག །བདག་ལམ་ལོག་པ་ལས་སྐྱོབས་ཤིག །རྒྱལ་པོ་དང་། མེ་དང་། དགྲ་དང་སེང་གེའི་འཇིགས་པ་ལས་བདག་སྐྱོབས་ཤིག །བདག་དུ་ཐམས་ཅད་དུ་ཕུན་སུམ་
ཚོགས་པར་གྲུབ་པར་གྱིས་ཤིག །ན་མོ་རདྣ་ཏྲ་ཡཱ་ཡ། ཨོཾ་ཨཱ་ལོ་ཀཱ་ལོ་ཏཱ་ལོ་སཙྪ་ལོ། སྃ་མུརྟི། རཀྵ་རཀྵ་མཱྃ། སརྦ་བྷ་ཡེ་ཤུ་སྭཱ་ཧཱ། དཀོན་མཆོག་གསུམ་དང་ལྡན་པ་ཞེས་བྱ་བའི། ཨོཾ་བ་རཱ་ལི། བ་ཏཱ་ལི། པ་ཏ་ལི། བ་རཱ་ལི། བ་རཱ་
ཏ་མུ་ཁེ། སརྦ་དུཥྚ་ནཱྃ་མུ་ཁྃ། བན་དྷ་བན་དྷ། དུས་ཐམས་ཅད་དུ་ལེགས་པར་བསྲུང་བར་འགྱུར་རོ། །བསྐུལ་ཚིག་བཞི་བཅུ་རྩ་བཞི་ནི། རྒྱ་མཚོ་གསུམ་ནི་མཚན་བརྗོད་པའི། ཨོཾ་དང་བཅས་པའི་སྙིང་པོ་དང་། ཉི་ཤུ་རྩ་གཉིས་པ་དང་། ཡི་གེ་
དྲུག་པ་ནི་འཇིགས་པ་ཐམས་ཅད་ལས་བསྲུང་བར་བྱེད་དོ། །སྙིང་པོའི་སྔགས་འདི་འཛིན་ན་བློ་རྣོ་བར་བྱེད་དོ། །གླེང་བཞི་དང་བཅས་པ་སྔགས་འདི་བཟླས་པ་བྱས་ན་ནོར་དང་འབྲུ་དང་། གཡོག་འཁོར་འཕེལ་བར་བྱེད་པའི་མཆོག་སྦྱིན་
པར་བྱེད་དོ། །དོན་དེ་སྒྲུབ་པར་འདོད་པས་ཐང་ཀ་འམ། ཤིང་ལེབ་ལ་བྲིས་སྐུ་བྱ་བ་ནི་མྱ་ངན་མེད་ཀྱི་ཤིང་གི་སྡོང་པོའི་རྩར་པད་མ་ལ་གནས་པ། རྒྱན་ཐམས་ཅད་ཀྱིས་བརྒྱན་པ། ལྗང་ཁུ་དང་། ཨ་ཀ་རག་སྔོན་པོ་དང་སྟོད་གཡོགས་
སྔོན་པོ་དང་། མགོ་བོ་ན་མཆོད་རྟེན་ཡོད་པ། གཞོན་ནུ་མ། གཡོན་པའི་ཕྱོགས་སུ་གཟིགས་པའི་སྤྱན་ཅན། མྱ་ངན་མེད་པའི་འོད་ཟེར་ཅན་ཞེས་བྱ་བ་བྲི་བར་བྱའོ། །སྔོན་དུ་བསྟན་པའི་ཆོ་གས་ཐང་སྐུ་འདི་མདུན་དུ་བལྟ་ཞིང་མཆོག་
ཏུ་སྒྲུབ་པའི་སྙིང་པོ་བཟླས་པ་སྟོང་བྱའོ། །ཨོཾ་མཱ་རཱི་ཙྱཻ་སྭཱ་ཧཱ། ཞེས་བྱའོ། །མཆོག་གི་སྙིང་པོ་འདི་ངེས་པར་མཆོག་ཏུ་འགྲུབ་པར་འགྱུར་རོ། །རིམས་ཐམས་ཅད་མེད་པར་བྱེད་དོ། །ནད་ཐཾད་མེད་པར་བྱེད་དོ། །བཟླས་པ་དང་སྦྱིན་
97-1-169b


སྲེག་གིས་ཀྱང་འོད་ཟེར་ཅན་གྱིས་ནོར་འཕེལ་བ་བསྐྱེད་པར་བྱེད་དོ། །ཞོ་དང་དུར་བ་གཉིས་ཀྱི་སྦྱིན་སྲེག་གིས་ནི་ངེས་པར་ནད་མེད་པར་བྱེད་དོ། །སྦྲང་རྩི་དང་མར་གྱི་སྦྱིན་སྲེག་གིས་ནི་རྒྱལ་པོ་རྣམས་དབང་དུ་བྱེད་དོ། །
ཞོ་དང་འབྲས་སཱ་ལུ་དང་། བུ་རམ་གྱི་སྦྱིན་སྲེག་གིས་ནི་གནོད་སྦྱིན་མོ་འགྲུབ་པར་བྱེད་དོ། །ཚ་བའི་མར་དང་ནིམ་བའི་ཡལ་ག་སྟོང་གི་སྦྱིན་སྲེག་གིས་ནི་རིམས་ནད་མེད་པར་བྱེད་དོ། །རང་གི་ཁྲག་དང་། རུས་པ་དང་། དུག་དང་། 
སྐེ་ཚེ་སྟོང་ཕྲག་གཅིག་སྦྱིན་སྲེག་བྱས་པས་དགྲ་བོ་འཆིའོ། །འོ་མའི་སྦྱིན་སྲེག་གིས་ནི་ཞི་བར་འགྱུར་རོ། །རྟག་ཏུ་བཟླས་ན་དུག་འཇོམས་པར་བྱེད་ཅིང་འབད་པ་མེད་པར་མཁའ་འགྲོ་མ་རྣམས་འཇོམས་སོ། །ཉི་མ་རེ་རེ་བརྒྱ་
རྩ་བརྒྱད་བཟླས་ན་འཛིན་བློ་རྣོ་བར་འགྱུར་རོ། །ཨོཾ་བ་ར་ལེ། བ་ད་ལེ། བཏྟཱ་ལེ། བ་དཱ་ཧྲ་མུ་ཁི་སརྦ་དུཥྚ་པྲ་དུཥྚ་ནྃ་བན་དྷ་བན་དྷ། མུ་ཁྃ་སྭཱ་ཧཱ། འོད་ཟེར་ཅན་གྱི་སྙིང་པོའོ། །ཨོཾ་མཱ་རཱི་ཙྱཻ་སྭཱ་ཧཱ། བཅོམ་ལྡན་འདས་མ་འོད་ཟེར་ཅན་གྱི་གསང་བའི་
སྙིང་པོ་ཡི་གེ་དྲུག་པའོ། །སྙིང་པོའི་ཕྱག་རྒྱ་ནི་འདི་ཡིན་ཏེ། ལག་པ་གཉིས་མཉམ་པར་བྱས་ལ་ཐལ་མོ་རྣམ་པར་སྦྱར་བར་བྱས་པ་འམ་ཁ་ཕྱེ་བ་ཡང་རུང་སྟེ་འཐེབ་ཆེན་ཅུང་ཟད་བཀུག་སྟེ་གུང་མོ་གཉིས་ཕན་ཚུན་རེག་ལ་ཟླུམ་པོའི་རྣམ་
པ་མཚན་མར་བྱས་ལ། སྐྱིལ་མོ་དཀྲུང་དུ་གནས་པའི་ལྟེ་བའི་ཕྱོགས་སུ་གཏུག་པར་བྱའོ། །ཕྱག་རྒྱ་འདི་མཆོག་གཙོ་བོ་སྟེ། །ལས་རྣམས་ཀུན་ལ་སྦྱར་བར་བྱའི། །ཐ་མ་དང་ནི་འབྲིང་ལ་ཡང་། །མཆོག་རྣམས་ལ་ཡང་འདི་བསྟན་ནོ། །
མྱུར་དུ་འདི་ཡིས་དོན་བྱེད་ཅིང་། །ཀུན་དུ་གྲུབ་ཅིང་མཆོད་པར་འགྱུར། །དག་བྱེད་བསོད་ནམས་ཆེན་པོ་སྟེ། །བཀྲ་ཤིས་སྡིག་པ་ཉམས་བྱེད་ཅིང་། །བསོད་ནམས་སྡིག་པ་ཀུན་ཟད་པ། །དངོས་གྲུབ་རྒྱུ་ནི་ཕྱག་རྒྱ་ཡིན། །བཅོམ་ལྡན་འདས་མ་
འོད་ཟེར་ཅན་མའི་མཚན་བརྒྱད་བརྗོད་ན་བསྲུང་བ་དང་། སྐྱོབ་པ་དང་། སྦེད་པར་འགྱུར་རོ། །ཏད་ཡ་ཐཱ། ཨརྐྐ་མ་སི། མརྐ་མ་སི། ཨུར་མ་མ་སི། བ་ར་མ་སི། ཙཱི་བ་ར་མ་སི། མ་ཧཱ་ཙཱི་བ་ར་མ་སི། ཨནྡ་རྡྷྃ་ན་མ་སི། ན་མོ་རཏྣ་ཏྲ་ཡཱ་ཡ། ཏད་ཡ་ཐཱ། 
97-1-170a


ཨོཾ་བ་རཱ་ལི། བ་རཱ་ལི། མར་ཏ་མུ་ཁི་སརྦ་དུཥྚ་པྲཱ་དུཥྚཱ་ནཱྃ། མུ་ཁྃ་བན་དྷ་བན་དྷ་སྭཱ་ཧཱ། རིག་པ་འཛིན་པའི་སྡེ་སྣོད་ལས་ཕྱུང་བའི་རྟོག་པ་ནི་འདི་ཡིན་ནོ། །དེ་ནས་སྦྱོར་བ་གཞན་ནི་འདི་ཡིན་ཏེ། གསེར་མདོག་ཅན་གྱི་ཕག་པ་བསྒོམས་
ལ། དེའི་སྟེང་དུ་འོད་ཟེར་ཅན་གོས་དཀར་པོའི་ཤམ་ཐབས་ཅན་བསྒོམ་པར་བྱའོ། །དེའི་སྤྱི་བོར་མཆོད་རྟེན་དང་། གཡོན་པའི་ཕྱག་གིས་མྱ་ངན་མེད་པའི་ཡལ་ག་མེ་ཏོག་དང་བཅས་པའི་ཕྱག་ཅན་ནོ། །འཇིགས་པ་ཆེན་པོའི་དུས་སུ་ཡང་བདག་
ཉིད་ཕག་པའི་ཚོགས་ཀྱིས་ཡོངས་སུ་བསྐོར་བར་བསྒོམ་པར་བྱའོ། །སྙིང་གར་ཆོས་གོས་ཀྱི་སྣེའུ་བཟུང་སྟེ། ལན་བདུན་དུ་སྔགས་ལ་མདུད་པ་བདུན་བྱས་ན་ལམ་དུ་རྐུན་མ་ལ་སོགས་པས་ཆོམས་པར་མི་འགྱུར་རོ། །དེ་ནས་མདུད་པ་ཡོངས་
སུ་བཀྲོལ་བར་བྱའོ། །ཞེས་བྱ་བ་ནི་བཅོམ་ལྡན་འདས་མ་འོད་ཟེར་ཅན་གྱི་རྟོག་པ། རྫོགས་པའོ།། །།རང་གི་སྙིང་གར་ཟླ་བ་ལ་ལྃ་རྣམ་པར་བསམས་ལ་དེ་ཉིད་ཡིད་ཀྱིས་བརྗོད་པས། ཆོས་ཐམས་ཅད་བདག་མེད་པའི་ངོ་བོ་ཉིད་དུ་བསྒོམ་པར་བྱའོ། །
དེ་ནས་ཡང་ནམ་མཁའི་ཕྱོགས་སུ་བསམ་པ་ནི་བདག་ཉིད་རྣམ་པར་སྣང་མཛད་ཀྱི་གཟུགས་པད་མའི་ལྟེ་བར་སེང་ལྡེང་གི་ཁྲི་ལ་རྡོ་རྗེའི་སྐྱིལ་དཀྲུང་གིས་བཞུགས་པ། གསེར་གྱི་མདོག་ཅན་བྱང་ཆུབ་མཆོག་གི་ཕྱག་རྒྱ་ཅན། ཏིང་ངེ་
འཛིན་ལ་སྙོམས་པར་བཞུགས་པ། རལ་པའི་དབུ་རྒྱན་འཆང་ཞིང་ཞི་བ། ཡི་གེ་མྃ་ཉིད་ཀྱིས་བརྗོད་པའི་རྣམ་པར་བསམ་པར་བྱའོ། །དེ་ནས་མདུན་དུ་ཟླ་བའི་གཟུགས་བརྙན་རྣམ་པར་སྣང་མཛད་ཀྱི་འོད་ཟེར་ལས་བྱུང་བའི་འོད་
ཟེར་ཅན་མ། ཨོཾ་མཱ་རཱི་ཙྱཻ་སྭཱ་ཧཱ། ཞེས་བྱ་བས་གསེར་གྱི་མདོག་ཅན་གྱི་སྐུད་པ་དང་བཅས་པའི་ཁབ་འཛིན་པའི་ཕྱག་གིས་གདུག་པ་ཅན་གྱི་ཁ་དང་མིག་ཡང་དག་པར་དྲུབས་པ་མདུན་དུ་རྣམ་པར་བསམ་པར་བྱའོ། །བུ་མོས་བཀལ་
བའི་སྐུད་པ་ཉི་ཤུ་རྩ་གཅིག་ལ་རྩ་བའི་སྔགས་ཀྱི་རིག་པ་ལན་གཅིག་ཡོངས་སུ་བཟླས་པ་ན་དེ་ནས། ན་མོ་རཏྣ་ཏྲ་ཡཱ་ཡ། མཱ་རཱི་ཙྱཻ་དེ་བ་དཏྟཱ་ཡེ་ཧྲྀ་ད་ཡ་ཨཱ་བརྟ་ཡེ་ཥུ། ཏད་ཡ་ཐཱ། ཨོཾ་བ་ཏི། ཏི་ལི། བཏྟ་ལི་བཏྟི་ལི། བ་རཱ་ལི། བ་རཱ་ཧ་
97-1-170b


མུ་ཁི་སརྦ་དུཥྚ་པྲ་དུཥྚཱ་ནཱྃ། ཙཀྵུར་མུ་ཁྃ། བན་དྷ་མི་སྭཱ་ཧཱ། ཞེས་བྱ་བ་དང་། ཡང་ལན་བརྒྱ་རྩ་བརྒྱད་འདི་བཟླས་ཏེ། ན་མོ་རཏྣ་ཏྲ་ཡཱ་ཡ། མཱ་རཱི་ཙྱཻ་དེ་བ་དཏ་ཏཱ་ཡཻ། ཏད་ཡ་ཐཱ། ཨོཾ་བ་ཏཱ་ལི། བ་ཏཱ་ལི། བ་རཱ་ལི་བ་ར་ཧ་མུ་ཁི། སརྦ་དུཥྚ་
པྲ་དུཥྚཱ་ནྃ། གྲནྠི་བན་དྷ་མི་སྭཱ་ཧཱ། ཞེས་བྱ་བ་བརྗོད་དོ། །དེ་སྐུད་པ་ལ་རང་ཉིད་བསྲུང་བའི་ཆེད་དུ་མདུད་པ་བདུན་བྱའོ། །གཡོག་པོའི་ཆེད་དུ་བྱ་སྟེ། མིང་ཡོངས་སུ་བཟུང་བའི་སྦྱོར་བས་མདུད་པ་གཅིག་བྱའོ། །འགྲོ་བ་དང་འོང་བས་སྐུད་པ་དེ་
རྐེད་པ་ལ་བཅིངས་ཏེ་གླེང་བཞི་དང་བཅས་པའི་འོད་ཟེར་ཅན་གྱིས་རིག་པ་བཀླག་སྟེ་མདུན་དུ་འགྲོ་བར་བྱའོ། །དེ་ལྟར་བྱས་ན་རང་བཞིན་གྱིས་བསྲུང་བར་འགྱུར་རོ། །ནུབ་མོ་མདུན་དུ་ཟླ་བ་ལ། ཉིན་མོ་ནི་ཉི་མའི་དཀྱིལ་འཁོར་ལ་སྔོན་དུ་
གསུངས་པ་བཞིན་དུ་རང་གི་གནས་སུ་བྱའོ། །དེའི་རྗེས་སུ་ཇི་ལྟར་གསུངས་པའི་རིག་པ་ལན་བདུན་དུ་བརྗོད་པར་བྱ་སྟེ། ན་མཿསརྦ་བུདྡྷ་བོ་དྷི་སཏྭེ་བྷྱཿཏདྱ་ཐཱ། ཨོཾ་ཨཱ་ལོ། ཀ་ལོ། ཏ་ལོ། སཙྪ་ལོ། སྃ་པ་མཱུརྟྟི། རཀྵ་རཀྵ་མྃ་སརྦ་བྷ་ཡེ་ཥུ་
སྭཱཧཱ། དཀོན་མཆོག་གསུམ་དང་ལྡན་པ་ཞེས་བྱ་བའི་རིག་པའོ། །ཏད་ཡ་ཐཱ། ཨོཾ་མཱ་རཱི་ཙྱཻ་བ་ཏཱ་ལི། བ་ད་ལི། བ་ར་ལི། བ་རཱ་ཧ་མུ་ཁི་སརྦ་དུཥྚ་པྲ་དུཥྚ་ནཱྃ། བན་དྷ་བན་དྷ་མུ་ཁྃ་སྭཱ་ཧཱ། ཏད་ཡ་ཐཱ། ཨོཾ་བ་དཱ་ལི། བ་ཏཱ་ལི། བ་རཱ་ལི། བ་རཱ་ཧཱ་
མུ་ཁི། སརྦ་དུཥྚ་པྲ་དུཥྚ་ནྃ། བན་དྷ་བན་དྷ་མུ་ཁྃ་སྭཱ་ཧཱ། ཨོཾ་མཱ་རཱི་ཙྱཻ་སྭཱ་ཧཱ། ཞེས་བྱ་བ་ནི་བཅོམ་ལྡན་འདས་ཀྱི་སྙིང་པོའི་མཆོག་ངེས་པར་འདི་ཡིན་ནོ། །ཨོཾ་མཱ་རཱི་ཙྱཻ་པ་ཏཱ་ཀྲ་མ་སི། པ་རཱ་ཀྲ་མ་སི། ཨུཏྟ་ཡ་མ་སི། ནཻ་
ར་མ་སི། ཨརྐ་མ་སི། མརྐ་མ་སི། ཨཱུརྨ་མ་སི། བན་དྷ་མ་སི། གུལྨ་མ་སི། ཙཱ་བི་རཱི་མ་སི། མ་ཧཱ་ཙཱི་བ་ར་མ་སི། ཨནྟ་རྡྷ་ན་མ་སི། ན་མོ་རཏྣ་ཏྲ་ཡཱ་ཡ། ཏད་ཡ་ཐཱ། ཨོཾ་བ་ཏཱ་ལི། བ་དཱ་ལི། བ་རཱ་ལི། བ་རཱ་ཧཱ་མུ་ཁི་སརྦ་དུཥྚ་
པྲ་དུ་ཥྚཱ་ནྃ། བན་དྷ་བན་དྷ་མུ་ཁྃ་སྭཱ་ཧཱ། ཨོཾ་མཱ་རཱི་ཙྱཻ་སྭཱ་ཧཱ། ཞེས་བྱ་བ་ནི་བཅོམ་ལྡན་འདས་ཀྱི་སྙིང་པོའི་མཆོག་ནི་ངེས་པར་འདི་ཡིན་ནོ། །ཨོཾ་མཱ་རཱི་ཙྱཻ་པ་ཏཱ་ཀྲ་མ་སི། པ་རཱ་ཀྲ་མ་སི། ཨུཏྟ་ཡ་མ་སི། ནཻ་ར་མ་སི། ཨརྐ་
97-1-171a


མ་སི། མརྐ་མ་སི། ཨུམྟ་མ་སི། བན་དྷ་མ་སི། གུལྨ་མ་སི། ཙཱི་བཱ་རཱ་མ་སི། མ་ཧཱ་ཙི་བཱ་རཱ་མ་སི། ཨནྟ་རྡྷ་མ་སི། ན་མོ་རཏྣ་ཏྲ་ཡཱ་ཡ། ཏད་ཡ་ཐཱ། ཨོཾ་བཏྟ་ལི། བ་དཱ་ལེ། བ་རཱ་ལེ། བ་རཱ་ཧཱ་མུ་ཁི། སརྦ་དུཥྚ་པྲཱ་དུཥྚ་ནཱྃ། བན་དྷ་
བན་དྷ་སྭཱ་ཧཱ། ཨོཾ་བཏྟ་ལི། བཏྟ་ལི། བ་དཱ་ལི། བ་རཱ་ལི། བ་རཱ་ཧ་མུ་ཁི། སརྦ་དུཥྚ་པྲ་དུཥྚཱ་ནཱྃ། ཙཀྵུརྨུ་ཁྃ་བན་དྷ་མི་སྭཱ་ཧཱ། ཞེས་བྱའོ། །ཨོཾ་བཏྟ་ལི། བ་དཱ་ལི། བ་ར་ལི། བ་ར་ཧཱ་མུ་ཁི། སརྦ་དུཥྚ་པྲ་དུཥྚཱ་ནཱྃ། བན་དྷ་བན་དྷ་མི་སྭཱ་ཧཱ། ཞེས་བརྗོད་པར་བྱའོ། །རང་ཉིད་
བསྲུང་བའི་དོན་དུ་སྔགས་འདི་བྱ་སྟེ། ཨོཾ་ཨརྐ་མ་སི་སྭཱ་ཧཱ། ཞེས་བྱ་བ་དང་། ཨོཾ་ཨནྡྷ་རྡྷ་ན་མ་སི་སྭཱ་ཧཱ། ཞེས་བྱ་བ་དང་། ཨུཏ་ཏ་ཡ་ཨོཾ་ཏེ་ཛོ་མ་སི་སྭཱ་ཧཱ། ཞེས་བྱ་བ་དང་། ཨོཾ་ཨུཏ་ཏ་ཡ་མ་སི་སྭཱ་ཧཱ། ཞེས་བྱ་བ་དང་། ཨོཾ་གུལ་མ་མ་སི་སྭཱ་ཧཱ། ཞེས་བྱ་བ་དང་། ཨོཾ་
བ་ནཱ་མ་སི་སྭཱ་ཧཱ། ཞེས་བྱ་བ་དང་། ཨོཾ་ཙི་བ་རཱ་མ་སི་སྭཱ་ཧཱ། ཞེས་བྱ་བ་དང་། ཨོཾ་བ་ཏཱ་ཀྲ་མ་སི་སྭཱ་ཧཱ། ཞེས་བྱ་བ་དང་། ཨོཾ་བ་རཱ་ཀྲ་མ་སི་སྭཱ་ཧཱ། ཞེས་བྱ་བ་དང་། ཨོཾ་ཨུར་མ་མ་སི་སྭཱ་ཧཱ། ཞེས་བྱ་བའོ། །དེ་ནས་ལས་གཞན་ཡིན་ཏེ། ས་མཆོག་ཏུ་གྱུར་
པའི་སྔགས་ནི། ཨོཾ་མཱ་རཱི་ཙྱེ་སྭཱ་ཧཱ། ཞེས་བྱ་བའི་སྔགས་འདིའི་ལས་ནི་ཞི་བ་དང་། རྒྱས་པ་དང་། དབང་དང་། མངོན་སྤྱོད་དང་། དགུག་པའོ། །བདག་གི་དོན་དུ་སྙིང་གར་ཏྲི་དང་། སྤེལ་བའི་སྙིང་པོ། ཨོཾ་དང་སྤེལ་བ་བྱས་ལ། མགལ་མེའི་འཁོར་ལོ་ལ་
གནས་པ་ལྕགས་ཀྱུ་དང་ཞགས་པས་དགུག་པར་བྱ་བ་ནི་དཔག་ཚད་བརྒྱ་ཡིན་དུ་ཟིན་ཀྱང་ལྷ་རྫས་ཀྱི་བུད་མེད་འགུགས་པར་བྱེད་དོ། །དེ་ནས་སྦྱོར་བ་གཞན་ཡིན་ཏེ། ཉི་མ་འཆར་ཀའི་ཚེ་བྱ་སྟེ། གཞོན་ནུ་མ་ལ་སྔགས་བརྒྱ་བཟླས་
ཏེ་བའི་ལྕི་བས་དཀྱིལ་འཁོར་བྱས་ལ་བཞག་པར་བྱ་སྟེ། ཙན་དན་དཀར་པོས་ཡན་ལག་བྱུགས་ལ། མེ་ཏོག་དང་ལེགས་པར་ཁྲུས་བྱས་ཤིང་གོས་དཀར་པོ་བཀོན་ལ་གུ་གུལ་གྱི་བདུག་པ་སྦྱིན་ཏེ་མཐེ་བོང་ལ་རྒྱ་སྐྱེགས་དང་མར་
ནག་གིས་བསྐུས་ལ་སྔགས་བརྒྱད་བརྒྱ་བཟླས་ཏེ། དབང་བསྐུར་བ་བསྟན་པར་བྱའོ། །ལྷ་ལ་སོགས་པ་ཐམས་ཅད་སྔགས་ཀྱི་རྒྱལ་པོ་འདིས་བསྐུལ་ཏེ། ཨོཾ་ཙི་རི་ཙི་རི་མུ་སྭཱ་ཧཱ། ཞེས་བྱ་བ་ནི་སྔགས་སོ། །ཨོཾ་མཱཾཿསྔགས་འདིས་
97-1-171b


མར་མེ་ལ་བརྒྱད་བརྒྱ་མངོན་པར་སྔགས་ནས་གཞོན་ནུ་མ་ལ་བསྟན་པར་བྱས་ན་སྔོན་བཞིན་དུ་མཐོང་བར་འགྱུར་རོ། །མ་མོའི་ཚོགས་ཐམས་ཅད་ཀྱི་དགེ་བ་དང་། མི་དགེ་བ་ཡང་ཐོས་པ་ནི། ཨོཾ་བ་ཏཱ་ལི་ཡྃ་མུ། སྔགས་འདི་ཁྲི་ཚོ་གཅིག་
བཟླས་ཏེ་བསྟན་པར་བྱའོ། །ཡང་ན་དགྲ་བོ་རིམས་ཀྱིས་བཟུང་བར་འདོད་ན་མིའི་རུས་པའི་ཕྱེ་མ་དང་། དུར་ཁྲོད་ཀྱི་ཐལ་བ་དང་། ཆུ་བོའི་ངོགས་གཉིས་ཀྱི་ས་དང་། རྐང་རྗེས་ཀྱི་རྡུལ་དང་བཅས་པ་ལ་གཟུགས་བརྙན་བྱས་ཏེ། དུག་དང་། མེ་དང་། 
རྐེ་ཚེ་དང་། ཉིན་ཕྱེད་དང་། འོ་མ་དང་ལྡན་པ་དུར་ཁྲོད་ཀྱི་རས་ལ་སྔགས་དང་སྤེལ་བ་བྲིས་བཞིན་པ་བྱས་ཏེ། ཨོཾ་མཱ་རཱི་ཙྱཻ་ཆེ་གེ་མོ་རིམས་ཀྱིས་ཟུང་ཤིག་ཟུང་ཤིག་ཧཱུྃ་ཕཊ་སྭཱ་ཧཱ། ཞེས་བརྒྱད་བརྒྱ་བཟླས་པས་དགྲ་བོའི་ཁང་པར་
སྦས་ན་རིམས་ཀྱིས་འཛིན་པར་འགྱུར་རོ། །ཡང་ན་ཐོད་པ་ལ་སྔོན་དུ་བསྟན་པའི་རྫས་ཉིད་ཀྱིས་མིང་བྲིས་ཏེ་ཡི་གེ་ཨ་བཞི་ནང་དུ་བཅུག་ནས་མེའི་ནང་དུ་ཡང་མཱྃ་གིས་ཡོངས་སུ་བསྐོར་ལ། ཁྲོས་པས་སེང་ལྡེང་གི་མེ་ལ་
བདུག་པར་བྱའོ། །སྟེང་ནས་འགུལ་པ་བཅིངས་པའི་ཐོད་པ་དགྲ་བོའི་ཁང་པར་སྦས་ན་འཕྲལ་དུ་རིམས་ཀྱིས་འཛིན་པར་འགྱུར་རོ། །ཡང་ན་དུར་ཁྲོད་དུ་བྱའོ། །དེ་ནས་དགྲ་བོ་བསད་པར་འདོད་ན་དུག་དང་། ཚྭ་དང་། སྐེ་ཚེ་དང་། 
ཁྲག་གིས་མིའི་རུས་པའི་སྨྱུག་གུས་ཐོད་པ་ལ་མིང་མངོན་པར་བྲིས་ཏེ་ཧཱུྃ་དང་ཕཊ་གཉིས་ཀྱི་ནང་དུ་བཅུག་ན་གསོད་པར་འགྱུར་རོ། །སྔགས་ཀྱིས་ཡོངས་སུ་བསྐོར་བར་བྱ་སྟེ། ཨོཾ་མཱ་རཱི་ཙྱཻ་ཧཱུྃ་ཆེ་གེ་མོ་སོད་ཅིག་ཧཱུྃ་ཞེས་བྱ་བ་
སྟོང་ཕྲག་བརྒྱད་བཟླས་ན་འཆི་བར་འགྱུར་རོ། །དུར་ཁྲོད་དུ་བྲིས་ན་ནི་ཞག་གསུཾ་གྱིས་ཉཾས་པར་འགྱུར་རོ། །ཡང་ན་བསྐྲོད་པར་འདོད་ན། ཨོཾ་མཱ་རཱི་ཙྱཻ། ཙ་ལ་ཙ་ལ། པྲ་ཙ་ལ་ཙ་ལ། ཤི་གྷྲྃ་ག་མི་ནི་ཆེ་གེ་མོ་སྐྲོད་ཅིག་ཧཱུྃ་ཕཊ། 
སྔགས་འདི་བྱ་རོག་གི་ཤོག་པ་བླངས་ལ་སྟོང་ཕྲག་བརྒྱད་བཟླས་ཏེ། དགྲ་བོའི་ཁྱིམ་དུ་འབད་པས་སྦ་བར་བྱས་ལ། རྔ་མོའི་སྟེང་དུ་ཞོན་པ་བསྒོཾ་པར་བྱས་ན་དེ་མ་ཐག་ཏུ་སྐྲོད་པར་བྱེད་དོ། །ཡང་ན་དབྱེ་བར་འདོད་ན་དུར་ཁྲོད་ཀྱི་ཐལ་བ་དང་། 
97-1-172a


ཆུ་ཀླུང་གི་ངོགས་གཉིས་ཀྱི་ས་དང་། རྐང་རྗེས་ཀྱི་ས་དང་། ཡང་དག་པར་བསྟན་པས་སོ་སོར་གཟུགས་བརྙན་བྱས་ལ་རྒྱབ་སྤྲད་ཏེ། མ་ཧེའི་ཤ་དང་རྟའི་མགོ་སྤུས་ལེགས་པར་བཅིངས་ལ་དུག་དང་། སྐེ་ཚེ་དང་། ཚ་བ་གསུམ་གྱིས་
ལུས་བྱུགས་ལ། དེ་ཉིད་དང་མ་ཧེའི་ཤ་དང་། རྟའི་ཁྲག་དང་ལྡན་པའི་དུར་ཁྲོད་ཀྱི་རས་ལ་ཕཊ་བཞིའི་དབུས་སུ་ཧཱུྃ་གིས་སྤེལ་བའི་མིང་བྲིས་ལ་མཱཾ་གྱིས་ཡོངས་སུ་བསྐོར་ལ་དེའི་སྙིང་གར་བཅུག་སྟེ་སྔགས་བཟླས་ཤིང་མ་ཧེ་དང་། རྟ་གཉིས་ལ་
ཞོན་པ་གཉིས་ག་ཡང་འཐབ་བཞིན་རྣམ་པར་བསམས་ན་དབྱེ་བར་བྱེད་དོ། །འཕྲོག་བྱེད་དང་། དཀའ་བཟློག་མ་དང་། བཅས་པས་དུར་ཁྲོད་དུ་ས་བརྐོས་ལ་སྦའོ། །ཨོཾ་མཱ་རཱི་ཙྱཻ་ཆེ་གེ་མོ་དང་ཆེ་གེ་མོ་ཕྱེ་ཤིག་ཧཱུྃ་སྭཱ་ཧཱ། ཞེས་པ་ནི་སྔགས་སོ། །དེ་ནས་སྦྱོར་
བ་གཞན་ནི་མ་ཧེའི་རྭ་དང་རྟའི་རུས་པ་ལ་གཟུགས་བརྙན་བྱས་ཏེ། དུག་དང་གཏུམ་བའི་ས་བོན་དང་། མ་ཧེའི་ཥྴ་དང་རྟའི་ཁྲག་གིས་སྙིང་གར་མིང་མངོན་པར་བྲིས་ལ་སྔགས་བཟླ་ཞིང་སེང་ལྡེང་གི་མེ་ལ་གདུངས་ན་དེ་མ་ཐག་ཏུ་འབྱེད་པར་
བྱེད་དོ། །ཡང་ན་དགྲ་བོའི་ཁྱིམ་དུ་སྦས་ན་ཡང་འབྱེད་པར་བྱེད་དོ། །དེ་ཡང་དག་པར་བརྗོད་པར་བྱ་བ་ནི་འོད་ཟེར་ཅན་ཆེན་པོ་འབྱུང་བའི་རྒྱུད་ལས་བྱུང་བ་ནི་དགྲའི་དཔུང་རེངས་པར་བྱེད་པའི་ཚིག་སྟོན་ཏེ། ཁ་ཅིག་ཏུ་རྒྱལ་པོའི་དཔུང་གི་ཚོགས་
གཡོས་པར་འགྱུར་ཞིང་གཞན་གྱི་ཡུལ་ཁམས་ཕུང་བར་བྱེད་པར་བརྩོན་ན་གང་གི་ཚེ་དེ་ལ་རྒྱལ་པོ་འོངས་ནས་སླར་བྱེད་ཅིང་མཆོད་དེ་སྔགས་པ་ལ་གསོལ་བ་འདེབས་ན་དེའི་ཚེ་སློབ་དཔོན་གྱིས་སེམས་ཅན་ཐམས་ཅད་ལ་
རྗེས་སུ་བརྩེ་བས་བྱམས་པའི་སེམས་ཀྱིས་ཏིང་ངེ་འཛིན་བྱའོ། །དེ་ལ་འཆོག་ཆས་དགོས་པ་ཐམས་ཅད་དང་ལྡན་ཞིང་ལེགས་པའི་གྲོགས་པོས་དེ་ཆེད་དུ་བྱས་ཏེ། བཅོམ་ལྡན་འདས་ཀྱི་ཐང་སྐུ་བཀྲམ་ལ། ཙན་དན་དཀར་པོས་དཀྱིལ་འཁོར་
ཉེ་བར་བྱུགས་ནས་མེ་ཏོག་དཀར་པོ་བཀྲམ་པ། བདུག་སྤོས་དང་། དྲི་དང་། ཕྲེང་བ་དང་། གཏོར་མ་ཡང་བྱིན་ལ། ཞོ་དང་། སྦྲང་རྩི་དང་། བུ་རམ་དང་ལྡན་པས་ལན་བདུན་དུ་སྔགས་ལ་འབུལ་བར་བྱའོ། །སྔགས་ནི་ཨོཾ་མཱ་རཱི་ཙྱཻ་ཨརྒྷམ་པྲ་ཏཱིཙྪ་སྭཱ་ཧཱ། 
97-1-172b


ཨོཾ་མཱ་རཱི་ཙྱཻ་གན་དྟ་པྲ་ཏཱིཙྪ་སྭཱ་ཧཱ། ཨོཾ་མཱ་རཱི་ཙྱཻ་པུཥྤེ་པྲ་ཏཱིཙྪ་སྭཱ་ཧཱ། ཨོཾ་མཱ་རཱི་ཙྱཻ་དྷཱུ་པེ་པྲ་ཏཱིཙྪ་སྭཱ་ཧཱ། ཨོཾ་མཱ་རཱི་ཙྱཻ་དཱི་པྃ་པྲ་ཏཱིཙྪ་སྭཱ་ཧཱ། དེ་ནས་བཅོམ་ལྡན་འདས་མ་ལ་མཆོད་ཅིང་ཡོངས་སུ་བསྔོ་སྟེ་དགྱེས་པར་བྱས་ལ་བདག་ཉིད་བཅོམ་ལྡན་
འདས་མའི་གཟུགས་སུ་དམིགས་ཤིང་རང་ཉིད་ང་རྒྱལ་དང་ལྡན་པས་ཁྲི་ཕྲག་གསུམ་བཟླས་པ་བྱའོ། །དེའི་སྔོན་དུ་སོང་བའི་བསྙེན་པ་ཡིན་ཏེ་མི་དགེ་བའི་མཚན་མ་མཐོང་བར་འགྱུར་རོ། །དེ་ནས་ཕྱིས་ནི་སྦྱིན་སྲེག་བྱ་སྟེ་སྔོན་དུ་བསྟན་
པའི་ཆོ་གས་ལས་ཐམས་ཅད་པའི་ཐབ་ཁུང་དུ་རྒྱ་སྐྱེགས་ཀྱི་ཤིང་དང་། བྱང་ཆུབ་ཀྱི་ཤིང་དང་། ཨུ་དུམ་བ་རའི་ཡམ་ཤིང་གིས་མེ་སྦར་ལ། ཞོ་དང་། འོ་མ་དང་། མར་དུ་བསྙུགས་པའི་དུར་བ་ཉག་མ་རེ་རེ་རྣམས་སྟོང་ཕྲག་བརྒྱད་སྦྱིན་སྲེག་བྱའོ། །
དེ་ནས་ལས་ཐམས་ཅད་ནུས་པར་འགྱུར་རོ། །ཨོཾ་བ་ཏཱ་ལི། བ་དཱ་ལི། བ་རཱ་ལི། བཱ་རཱ་ཧཱ་མུ་ཁི་སརྦ་བི་པུ་སྱཻ་བྷྱེཾ་སྟམ་བྷཱ་ཡ་སྭཱ་ཧཱ། འདི་ནི་རེངས་པར་བྱེད་པའི་སྔགས་ཏེ་རེངས་པའི་ལས་ཐམས་ཅད་ལ་སྦྱར་བར་བྱའོ། །སྔགས་འདིས་བཟླས་
པ་དང་། སྦྱིན་སྲེག་ཀྱང་བྱའོ། །ཕྱིས་ནི་རྒྱལ་པོ་དང་མདུན་ན་འདོན་ནི་གྲོ་ག་འམ། རས་ལ་གུར་གུམ་འམ། གིའུ་ཝང་དག་གིས། བསྒྲུབ་བྱའི་མིང་དང་སྔགས་སྤེལ་ཏེ་མཱྃ་གིས་དཀྲིས་པ་ཡང་ཡི་གེ་བཞིས་ཡོངས་སུ་བསྐོར་ཏེ། ཨོཾ་མཱྃ་བཱྃ་མཱྃ། མཱྃ། 
ཕྱི་རོལ་དུ་བ་ཡི་གེས་ཡོངས་སུ་བསྐོར་བའི་འཁོར་ལོ་འདི་བྲིས་ལ་གང་གི་སྤྱི་གཙུག་གམ། མགུལ་བ་འམ། དཔུང་པ་ལ་བཏགས་ན་ལས་ཐམས་ཅད་ཉིད་ལ་བསྲུང་བར་བྱེད་པ་ཡིན་ནོ། །གཡུལ་ངོར་ཞུགས་ན་མཚོན་ཆས་ལུས་
ལ་མི་ཆོད་པར་འགྱུར་རོ། །གཡུལ་ངོ་ལས་དེ་ནི་རྒྱལ་བར་འགྱུར་རོ། །དེ་ནས་ཡང་ཕྱིས་ནས་མཆོག་ཏུ་གྱུར་པའི་གླང་པོ་ཆེ་འམ། མཆོག་ཏུ་གྱུར་པའི་ཤིང་རྟ་ལ་རྡོ་རྗེ་སློབ་དཔོན་ཞོན་ཏེ་གཡུལ་ལ་མངོན་པར་ཕྱོགས་པས་བཅོཾ་ལྡན་
འདས་མའི་ཐང་སྐུ་བཀྲཾ་ལ་རྒྱལ་མཚན་སེར་པོ་བཙུགས་ཏེ་རས་སེར་པོའི་ཤམ་ཐབས་དང་སེར་པོའི་ཐོད་བཅིངས་ཏེ་འཚོགས་ཆས་རྡོ་རྗེ་དྲིལ་བུ་བཟུང་ཞིང་བསྙེན་པ་དང་བཅས་པས་སྔོན་བཞིན་ཕག་པའི་ཤིང་རྟ་ལ་བསྒོཾས་ལ་སྔགས་བརྗོད་པར་བྱའོ། །ཨོཾ་མ་རི་ཙྱཻ་བ་ཏ་ལི་བ་དླི། 
97-1-173a


བ་རཱ་ལི། བ་རཱ་ཧཱ་མུ་ཁི་སརྦ་དུཥྚེ་རི་པུ་སྱཻ་བྷྱྃ་སྟྃ་བྷ་ཡ་ཧཱུྃ་ཕཊ་སྭཱ་ཧཱ། ཕག་པས་བསྐོར་བའི་ནང་དུ་བསྒོམས་ནས་དེ་མ་ཐག་ཏུ་དགྲའི་དཔུང་ཚོགས་ལས་རྒྱལ་བར་འགྱུར་རོ། །མཚོན་གྱིས་བཅད་པའི་མི་ཤི་བའི་རོ་གོས་སམ། དུར་
ཁྲོད་ཀྱི་རས་ལ་འཁོར་ལོ་འདི་བ་བླ་འམ། ཡུང་བའི་ཁུ་བས་བྲིས་ཏེ་ཆུ་བོའི་ངོགས་གཉིས་ཀྱི་ས་འམ། རིའི་རྩེ་མོའི་ས་འམ་དུར་ཁྲོད་ཀྱི་ཐལ་བ་དང་ལྡན་པས་དགྲའི་དཔོན་གྱི་གཟུགས་བརྙན་བྱས་ལ་འཁོར་ལོ་དེའི་སྙིང་གར་བཅུག་ལ་ཡང་
ས་དེ་དང་ལྷན་ཅིག་ཏུ་འབྲས་སཱ་ལུའི་ཁུ་བ་ལ་ཡུང་བའི་ཁུ་བ་དང་ལྡན་པས་ཕག་པའི་གཟུགས་བྱས་ལ་དེའི་ཁ་རུ་དགྲ་བོའི་གཟུགས་བརྙན་ཁ་ཐུར་དུ་བསྟན་ལ་བཅུག་ཏེ། ཕག་པ་དེ་ཁམ་སྐྱོང་ཁ་སྦྱར་གྱི་ནང་དུ་བཅུག་ལ་སོང་ཏེ་དགྲའི་དཔུང་པ་ལ་
མངོན་དུ་ཁ་བལྟས་པས་གཞག་པར་བྱའོ། །ཟན་དང་ཉ་དང་། ཤ་རློན་པ་དང་ལྡན་པས་གཏོར་མ་བྱིན་ལ་སོར་བརྒྱད་པའི་སེང་ལྡེང་གི་ཕུར་བུས་བཏབ་ལ་ས་བརྐོས་ཏེ་བཟླས་ལ། སྔགས་སྟོང་ཕྲག་བརྒྱད་རྡོ་རྗེ་ཁྲོ་བོའི་སྟོབས་དང་ལྡན་པས་
བཟླས་པ་བྱས་ན་དགྲ་བོའི་དཔུང་རེངས་པར་འགྱུར་རོ། །དེ་ནས་གཞན་ཡང་ཁོར་ལོའི་མཚན་ཉིད་ནི་སྒྲུབ་བྱའི་མིང་ཡི་གེས་ཡོངསུ་དཀྲིས་པར་བྱས་ལ་ཡང་ཙའི་ཡི་གེས་ཡོངསུ་སྐོར་བར་བྱའོ་ཡི་གེ་དེ་གཉིས་ཀྱི་བར་དུ་པ་ཏཱ་ལི་ལ་སོག་པའི་སྔག་ཀྱི་ཕྲིང་བས་ཡོངསུ་སྐོར་བར་བྱའོ། །ཡང་དེ་ལ་བསྐོར་
བར་བྱས་ལ་ཡང་ཡི་གེ་བཞི་ཡོངསུ་བསྐོར་ཞིང་གྲུ་བཞིའི་ཕྱོག་དེ་མཚམས་སུ་རྡོ་རྗེས་མཚན་པར་བྱས་ནས་དེ་ཉིད་ཀྱིས་དེ་མ་ཐག་ཏུ་དགྲ་བོའི་དཔུང་རིངས་པར་བྱེད་ཅིང་ཉམས་པར་བྱེད་པ་ལ་ཐེ་ཚོམ་མེད་དོ། །དགྲ་བོའི་
དཔུང་ལས་མཆོག་ཏུ་རྒྱལ་བ་ཞེས་བྱ་བའི་འཁོར་ལོ་འདི་སློབ་དཔོན་གྱི་མན་ངག་ལས་ཤེས་པར་བྱའོ། །དེ་ནས་གཞན་ཡང་རིངས་པར་བྱེད་པ་དང་འབྱེད་པར་བྱེད་པ་དང་། གསོད་པར་བྱེད་པའི་སྦྱོར་བའི་དབང་དུ་བྱས་པའི་
འཁོར་ལོ་ཡིན་ཏེ། གྲོག་བཟང་པོ་དང་ལེགས་པར་བསྲུང་ཏེ། མིའི་བགེགས་ཡོངསུ་སྤང་ཏེ་དུར་ཁྲོད་དུ་གནས་ལ་བློ་དང་ལྡན་པས་འབད་པ་དང་བཅས་པས་ཐང་སྐུ་བཀྲམ་ལ། དེའི་བདུན་དུ་ལྕི་བའི་དཀྱིལ་འཁོར་བྱས་ཏེ། ཅི་ལྟར་
97-1-173b


འབྱོར་པའི་མཆོད་པ་རྣམ་པ་ལྔ་དང་ལྡན་པར་མཆོད་ལ་གོས་ནག་པོ་བགོ་ཞིང་ཐོད་ནག་པོ་བཅིངས་ལ་འཚོག་ཆས་དང་། རྡོ་རྗེ་དྲིལ་བུའི་མཆོག་རྟེན་པས་ཁྲོས་པས་སྔོན་བཞིན་དུ་ལྷ་མོ་འོད་ཟེར་ཅན་བསྒོམ་པར་བྱ་སྟེ། ཕག་པའི་
ཞལ་གསུམ་པ་སྤྱན་གསུམ་པ། ཞལ་འགྱུར་ཞིང་མཆེ་བ་གཙིག་པ། གློག་བཞིན་ལྗགས་འཇིག་པར་བྱེད་པ། ཉི་མ་བཅུ་གཉིས་དང་འདྲ་བའི་འོད་འབར་ཞིང་འཕྲོ་བ། མུ་མེན་ལྟ་བུའི་གོས་སྔོན་པོའི་སྨད་དཀྲིས་བྱས་ཤིང་ཤང་གྟག་
དང་སྟོད་གཡོག་སྣ་ཚོགས་པའི་གོས་ཀྱིས་བྱས་པ། རྒྱན་ཐམས་ཅད་ཀྱིས་རྒྱན་པ། ཕྱག་བརྒྱད་པ། གཡས་ན་མདའ་དང་རྡོ་རྗེ་དང་། ཁབ་དང་། ལྕག་ཀྱུ་བསྣམས་པའི་ཕྱག་གོ། གཡོན་དུ་གཞུ་དང་ཞགས་པ་དང་། ཤིང་མྱ་ངན་
མེད་པའི་ཡལ་ག་དང་། སྐུད་པ་བསྣམས་པའི་ཕྱག་གོ། མཆོད་རྟེན་མགོ་ལ་ཡོད་པའི་སྐྲ་དང་ལྡན་པ། ཉི་མའི་དཀྱིལ་འཁོར་ལ་གཡས་བརྐྱང་བའི་ཞབས་ཀྱིས་བཞུགས་པ། ཁྲོས་པས་རྐང་པས་བསྒྲུབ་བྱ་མནན་པ་ཉིད་དུ་བསམ་
པར་བྱའོ། །ཆུ་བོའི་ངོགས་ཀྱི་ས་དང་། མིའི་རུས་པའི་ཕྱེ་མ་དང་། དུར་ཁྲོད་ཀྱི་ཐལ་བ་དང་ལྡན་པས་གཟུགས་བརྙན་བྱས་ལ། ཚ་བ་གསུམ་དང་དུག་དང་ཁྲག་དང་། ཚྭ་དང་། སྐྱེ་ཚེ་དང་། ད་དུ་ར་ཡིས་རོའི་གོས་ལ་བསྒྲུབ་བྱའི་མིང་སྔགས་
དང་ངེས་པར་བྱས་ལ་སྙིང་གར་གཞུག་པར་བྱ་སྟེ། ཨོཾ་མཱ་རཱི་ཙྱཻ་བ་ཏ་ལི་བ་དཱ་ལི་བ་རཱ་ལི་བ་རཱ་ཧཱ་མུ་ཁི་ཧཱུྃ། ཆེ་གེ་མོ་སོད་ཅིག་ཧཱུྃ་ཕཊ་སྭཱ་ཧཱ། སྔགས་འདི་དང་མིང་སྤེལ་ཏེ་མི་ཤ་སྐམ་པོ་དང་། གུ་གུལ་དང་། ཡང་དག་པར་ལྡན་པས་རིལུ་བྱས་
ལ་མིའི་ཚིལ་དང་བསྲེས་ཏེ་རོ་བསྲེགས་པའི་ཤིང་གིས་མེ་ལ་སྟོང་ཕྲག་བརྒྱད་སྦྱིན་སྲེག་བྱའོ། །ཚ་བའི་མར་ནག་གིས་གཞན་གྱི་དཔུང་གི་རྒྱལ་པོའི་མིང་བཟུང་སྟེ་གལ་ཏེ་གསོད་པར་འདོད་ན་དེ་ཉིད་གྱི་བདུགས་ན་འཆི་བར་
འགྱུར་རོ། །གལ་ཏེ་རེངས་པར་འདོད་ན་ཡང་རེངས་པར་འགྱུར་རོ། །ཡང་ན་གཡུལ་ངོ་ལ་མངོན་དུ་བལྟས་ཏེ་མིའི་རུས་པའི་ཕྱེ་མ་འམ། མི་ཚིལ་དང་བསྲེས་པས་སྔགས་བཟླ་ཞིང་སྦྱིན་སྲེག་བྱས་ན་དགྲའི་དཔུང་གི་ཚོགས་དེ་མ་ཐག་ཏུ་རེངས་
97-1-174a


པར་བྱེད་དོ། །དེ་ནས་གཞན་ཡང་སྦྱོར་བ་ནི། ལྕེ་སྤྱང་གི་ཉེ་བར་འཚེ་བ་ཞི་བར་བྱ་བར་འདོད་ན་གནག་གི་གནས་སུ་སོང་སྟེ་གནག་འཇུག་པའི་སྒོའི་རྟ་བབས་ལ་སྔགས་མངོན་པར་བྲིས་ཏེ། རྒྱལ་མཚན་དཀར་པོའི་རྩེ་མོ་ལ་བཙུགས་
ཏེ་ཙན་དན་དཀར་པོ་དང་། གུར་གུམ་དང་། གིའུ་ཝང་གི་ཁྱུ་མཆོག་གི་གཙོ་མོ་རྒན་པ་དང་ཕྱུགས་རྫིའི་མིང་དང་སྤེལ་ཞིང་བྱང་བུ་ལ་བྲིས་ཏེ་ཁྱུ་མཆོག་གི་རྭ་དང་། ཕྱུགས་རྫི་རྣམས་ཀྱི་མགུལ་པར་འཁོར་ལོ་བཅིང་ངོ་། །འཁོར་ལོ་ནི་ཨོཾ་མཱྃ་བཱཾ་
མཱྃ། ཡང་བ་ཡིག་གིས་བསྐོར་ཅིང་ཡང་ཙྱཻ་ཡི་བསྐོར་ཏེ། དེའི་ཕྱི་རོལ་དུ་མཱཾ་གིས་བསྐོར་ལ་འཁོར་ལོ་དེ་ཉིད་བྱའོ། །སྒོར་ཡང་སེང་ལྡེང་གི་ཕུར་བུ་སོར་བརྒྱད་པའི་ཚད་ལ་ཚོན་སྣ་ལྔའི་སྐུད་པས་དཀྲིས་ཏེ། སྔགས་ལན་བདུན་དུ་བཟླས་ནས་
ཕུར་བུ་གདབ་བོ། །ཨོཾ་མཱ་རཱི་ཙྱཻ་སརྦ་བིགྷ་ནཱ་བུད་ས་དྷཱ་ཡ་ཧཱུྃ་ཕཊ་སྭཱ་ཧཱ། བགེགས་བསྐྲད་པའི་ཕུར་བུའི་སྔགས་སོ། །དེ་ནས་ཕྱིས་ནི་གནག་ལྷས་ཀྱི་དབུས་སུ་བཅོམ་ལྡན་འདས་མའི་ཐང་སྐུ་ཁ་ཤར་དུ་བལྟས་པ་བཀྲམ་ལ་བློ་དང་ལྡན་པས་
འབད་པ་དང་བཅས་པས་བྱའོ། །དེའི་མདུན་དུ་སྦྱིན་བསྲེགས་གི་ཐབ་ཁུང་གྲུ་བཞི་པ་ལ་ཁྲུ་གང་ཙམ་བརྐོ་བར་བྱ་སྟེ་མཚམས་བཞི་རུ་དྲི་ཞིམ་པོའི་ཆུས་བཀང་བའི་བུམ་པ་འབྲུ་སྣ་ལྔ་དང་། དྲི་ཞིམ་པོའི་ཆུས་ཡོངས་སུ་བཀང་ལ་ཙན་དན་དཀར་པོས་
བྱུགས་ལ་གོས་དཀར་པོ་ཟུང་གིས་སྦྲེལ་བ་ཡལ་ག་རྣམ་པ་ལྔ་སྟེ། ནྱ་གྲོ་དྷ་དང་། བྱང་ཆུབ་ཀྱི་ཤིང་དང་། ཨུ་དུམ་བ་ར་དང་། ཨ་འབྲས་དང་། ཤིང་ཨརྐའི་ཡལ་གས་བརྒྱན་པ། བརྒྱ་ཕྲག་བརྒྱད་ཀྱི་མངོན་པར་སྔགས་ལ་བཞག་གོ། ཐབ་ཁུང་དེ་ཉིད་ཀྱི་
མཚམས་བཞི་རུ་སེང་ལྡེང་གི་ཕུར་བུ་སྔོན་དུ་བསྟན་པའི་སྔགས་བཟླས་ལ་གདབ་པར་བྱའོ། །ཡང་ཕྱིས་ནི་ལྕི་བས་མལ་ཉེ་བར་བྱུགས་ལ་ཁྲག་གི་གཏོར་མ་དང་། ཀུ་མུ་ཏ་དང་། ཨུད་པ་དང་པད་མའི་ཕྲེང་བ་དང་དྲི་ཞིམ་པའི་མེ་ཏོག་གི་རྣམ་པར་
བཀྲམ་ལ། དྲི་ཞིམ་པོ་དང་ཙན་དན་གྱི་ཆུས་ཆག་ཆག་བཏབ་ལ་ཞོ་དང་སྦྲང་རྩི་དང་བུ་རམ་དང་ལྡན་པས་ཟས་ཁམ་ཅིག་གིས་ལྷ་ཤོས་དབུལ་བར་བྱའོ། །བའི་མར་གྱི་མར་མེའི་ཕྲེང་བས་ལེགས་པར་རྒྱན་ཅིང་བླ་རེ་རྒྱན་ལ་མེ་ཏོག་གི་ཕྲེང་བ་སྤྱངས་ཤིང་གོས་
97-1-174b


དཀར་པོའི་རྒྱལ་མཚན་ཀྱི་རྩེ་མོར་སྔགས་བྲིས་ལ་བཙུགས་ལ་གུ་གུལ་གྱི་བདུག་སྤོས་སྦྱིན་ནོ། །དེ་ལྟར་བཅོམ་ལྡན་འདས་མ་ལྷ་མོ་འོད་ཟེར་ཅན་མ་ཡང་དག་པར་མཆོད་ལ་མཉེས་པར་བྱས་ཏེ་སྔོན་དུ་བསྟན་པའི་སྔགས་ཀྱི་མངོན་པར་སྔགས་ལ་ཉེ་
བར་མཁོ་བ་ཐམས་ཅད་དབུལ་བར་བྱའོ། །ཡང་ཐང་སྐུའི་མདུན་དུ་སྦྱིན་སྲེག་གི་ཐབ་ཁུང་ཁྲུ་གང་ཙམ་བརྐོས་པའི་གྲུ་བཞི་པ་ཁ་ཁྱེར་སོར་བཞི་པ། རྡོ་རྗེའི་ཕྲེང་བས་བསྐོར་བ་རྩ་བ་དང་བཅས་པའི་པད་མའི་རྣམ་པར་བྱའོ། །དེའི་དབུས་སུ་པད་མ་ལ་རྡོ་རྗེས་
མཚན་པར་བྱས་ཏེ་བ་གླང་གི་ལྕི་བས་དཀྱིལ་འཁོར་ལེགས་པར་བྱུག་ལ་མེ་ཏོག་གི་རྣམ་པ་བཀྲམ་པར་བྱའོ། །དེ་ནས་སྔགས་པས་ཁྲུས་བྱ་ཤིང་གཙང་མས་གོས་དཀར་པོ་གོན་ལ་ཉེ་བར་མཁོ་བའི་ཐོད་དཀར་པོ་བཅིངས་ཏེ་རྡོ་རྗེ་དང་དྲིལ་བུ་བཟུང་
ཞིང་བསྙེན་པ་དང་བཅས་པས་འཇུག་པར་བྱའོ། །ཐབ་ཁུང་གི་མདུན་དུ་སྔགས་ཀྱིས་བགེག་བསྐྲད་ལ་སེང་ལྡེང་གི་ཕུར་བུ་ཡིས་ཐམ་ཁུང་སྤྱི་ཕྱི་རོལ་གྲྭ་བཞིར་གདབ་པར་བྱའོ། །དེ་ནས་སྔོན་བཞིན་དུ་ཐབ་ཁུང་གི་ཤར་ནས་ནུབ་དུ་མངོན་པར་ཕྱོག་
པར་གནས་ལ་སྔགས་དང་ཕྱག་རྒྱས་བྱིན་ཀྱི་བརླབས་པའི་སྔགས་པས་ཀུ་ཤ་ཆང་བུའི་སྟེང་དུ་གནས་ལ་ཐབ་ཁུང་གི་ཕྱོག་བཞིར་ཀུ་ཤ་དགྲམ་པར་བྱའོ། །དེ་ནས་དགོས་པ་ཐམས་ཅད་ལ་སྔགས་བརྒྱ་བཟླ་ཏེ་གཡས་ཕྱོགས་སུ་བཞག་
པར་བྱའོ། །གཡོན་ཕྱོག་སུ་ཆུའི་སྣོད་བཞག་ཅིག་མདུན་དུ་མཆོད་ཡོན་གྱི་སྣོད་དྲི་ཞིམ་པོའི་ཆུ་དང་མེ་ཏོག་གིས་བཀང་བ་བཞག་ལ་ཞོ་དང་བུ་རམ་དང་། སྦྲང་རྩི་དང་ལྡན་པ་ཡང་བཞག་ཏེ། རྩུབ་ཤིང་གིས་བཏོན་པའི་མེ་ཐབ་ཁུང་གི་ནང་
དུ་གཞུག་སྟེ་ནྱ་གྲོ་དྷ་དང་། དབུ་དུམ་བ་ར་དང་། པ་ལ་ཤའི་ཡབ་ཤིང་གིས་མེ་སྦར་ལ་དེ་ནས་ཡང་ཨོཾ་ཡོང་སུ་གྱུར་པ་ལས་ཟླ་བའི་དཀྱིལ་འཁོར་དེའི་སྟེང་དུ་རྃ། ཡོངས་སུ་གྱུར་པ་ལས་མེ་ལྷ་བསྒོམ་ལ་གཞན་པ་མེ་ལྷ་སྔགས་ཀྱི་སྤྱན་དྲངས་
ཏེ། ཨཱོཾ་ཨེ་ཧྱེ་ཧི་ཡ་ཧྱ་བྷུ་ཏ་དེ་བ་ཏྭི་ཛ་རྀ་ཥི་སཏྟ། པར་གྲྀ་ཧྲཱི་ཏྭཱ་ཧུ་ཏི་མ་ཧཱ་ར་སྨིནྶ་ནྣི་ཧི། ཏོ་བྷཱ་བ། མེ་ལྷ་སྤྱན་དྲང་བའི་སྔགས་སོ། །ཨོཾ་ཨ་གྣི་ཡེ་དཱི་བྱ་དཱི་པྱ་ཨཱ་བི་ཤ་མ་ཧཱ་ཤྲཱི་ཧཱ་བྱ་ཀ་བྱ་བཱ་ཧ་ནཱ་ཡ་སྭཱཧཱ། མེ་ལྷའི་སྔགས་སོ། །ཟླ་བའི་དཀྱིལ་འཁོར་ལ་གནས་
97-1-175a


པའི་ཞལ་དཀར་ཟླུམ་པ། ཕྱག་བཞི་པ་འབབ་བའི་སྤྱན་གསུམ་པ། མེ་ལྷ་བཟང་པོ་སྟོན་ཀའི་ཟླ་བའི་འོད་འདྲ་བ། དྲི་མ་མེད་པ་བདུད་རྩི་རྒྱུན་འབབ་ཅིང་ཞི་བ། དབྱུ་གུ་དང་། རིལ་བ་སྤྱི་བླུགས་དང་། ཕྲེང་བ་དང་། མཆོག་སྦྱིན་པ་འཆང་
བས་བསམ་ལ་མཆོད་ཡོན་སྦྱིན་ལ་སྔོན་དུ་བསྟན་པའི་སྣོད་དུ་མཆོད་པ་རྣམ་པ་ལྔ་དང་བཅས་པས་དེའི་ཞལ་དུ་དགང་བླུགས་གསུམ་དབུལ་བར་བྱའོ། །ཡང་ཆུ་བསངས་ལ། ཞི་བ་ལ་ནི་འབར་བའི་ངོ་བོ་ཉིད་དུ་ཡོངསུ་གྱུར་ནས་
གཞན་ཡང་དེ་ཉིད་དུ་ལྷ་མོ་འོད་ཟེར་ཅན་ཟླ་བའི་དཀྱིལ་འཁོར་ལ་གནས་པ། སྟོན་ཀའི་ཟླ་བ་ལྟ་བུ་དཀར་ཞིང་གཞོན་ནུ་མ་ལ་ཨུད་པ་ལ་སྔོན་པོའི་སྤྱན་ཅན་ན་བཟའ་དཀར་པོ་འཆང་བ། ཞི་བ་ལ་ནི་སྣ་ཚོགས་པའི་ངོ་བོ་བདུད་རྩིའི་བུམ་པ་
འཆང་ཞིང་འབབ་ལ། འབར་བའི་མེ་ཏོག་ལྷ་བཞེངས་པ་ལྟ་བུ་གཞོན་ནུ་མ་འགྲོ་བ་ལ་བདུད་རྩིའི་རྒྱུན་གྱི་འབབ་བཞིན་པའི་ལྷ་མོ་བསམ་ལ་དེའི་ཞལ་དུ་དགང་བླུགས་དབུལ་བར་བྱའོ། །ཕྱུགས་ཀྱི་མགོ་སྤུ་དང་རུས་པ་དང་། དུྰར་བ་དང་ལྡན་པས་
ཞོ་དང་སྦྲང་རྩི་དང་མར་དང་འོ་མ་དང་བསྲེས་ལ་ལན་སྟོང་ཕྲག་བརྒྱ་སྦྱིན་སྲེག་བྱའོ། །གཞན་ཡང་གནག་ལྷས་ནས་ཕྱིར་སོང་ལ་འབྱུང་པོ་ཐམ་ཅད་པའི་གཏོར་མ་མཆོད་པ་དང་བཅས་པ་ཞོ་དང་ཞོ་ཐུག་དང་འོ་མ་དང་། ཏམྦུ་འབྲས་ཀྱི་
ཕྱེ་མ་བུ་རམ་དང་བསྲེས་པའི་གོང་བུ་བྱས་ལ་སྙིང་པོ་གསུམ་གྱི་མར་དང་། འབྲས་དང་སྲན་མ་མ་ཥ་དང་ཆང་དང་། ཤ་དང་ཉ་དང་ནང་དུ་སྲན་མ་བླུགས་པའི་ཁུ་བ་དང་། སྲན་མ་ཥ་དང་བུ་རམ་དང་བསྲེས་པའི་འཁུར་བ་དང་། བཅས་པ་
ལ་ལན་བདུན་དུ་མངོན་པར་སྔགས་ཏེ་སྦྱིན་པར་བྱའོ། །འོ་ཐུག་གི་ཀླུ་རྣམ་ལའོ། །འོ་མ་ནི་ལྷ་མ་ཡིན་རྣམ་ལའོ། །ཞོ་དང་འོ་མ་ནི་ལྷ་རྣམ་ལའོ། །སྙིང་པོ་གསུམ་གྱི་མར་ནི་གནོད་སྦྱིན་རྣམ་ལའོ། །འབྲས་ཀྱི་ཕྱེ་མ་བུ་རམ་དང་བསྲེས་ཏེ་གོང་བུ་བྱས་པ་ནི་
ཚོགས་ཀྱི་བདག་པོ་ལའོ། །མཁུར་བ་ནི་ཤ་ཟ་རྣམ་ལའོ། །འབྲས་དང་མ་ཤམ་བསྲེས་པ་ནི་འབྱུང་པོ་རྣམ་ལའོ། །ཤ་ནི་སྲིན་པོ་རྣམ་ལའོ། །ཉ་ནི་ཡི་དག་རྣམ་ལའོ། །ཨོཾ་བྷཱ་བ་ཁཱ་ཧི་ཁཱ་ཧི་གྲི་ཧྞ་གྲྀ་ཧྞ་ཧཱུྃ་སརྦ་བྷཱུ་ཏ་བ་ལིང་སྭཱ་ཧཱ། ཡང་ལྷའི་ཁང་པར་བཞུག་ཏེ། སྔགས་
97-1-175b


བརྒྱད་བརྒྱ་བཟླས་ཏེ་བུམ་པ་ཆུས་ཀང་བ་ཁྱུ་མཆོག་ལ་གཏོར་བར་བྱའོ། །དེ་ནི་ལྕེ་སྤྱང་གི་ཉེ་བར་འཚེ་བ་ཞི་བར་འགྱུར་རོ། །དེ་ལྟར་བྱས་ཏེ་དུས་གསུམ་དུ་ཞི་བའི་བཟླས་པས་སྦྱིན་སྲེས་ཞག་བདུན་དུ་བྱས་ན་ཞི་བར་འགྱུར་རོ། །ཨཱོཾ་མཱ་རཱི་ཙྱཻ་སྭཱ་ཧཱ། ལག་པ་གཉིས་
མཉམ་པར་བྱས་ལ་ཐལ་མོ་གཉིས་སྦྱར་བ་འམ། རྩེ་མོ་ཁ་ཕྱེ་ཡང་རུང་སྟེ་མཐེ་བོང་གཉིས་བཀུག་ལ། གུང་མོ་ལ་བསྡིགས་མཛུབ་གཉིས་འཁྲིལ་བའི་ཚུལ་དུ་སྦྱར་བའི་རྣམ་པས་མཚན་པའོ། །སྐྱིལ་དཀྲུང་དུ་འདུག་སྟེ་ལྟེ་བའི་ཕྱོག་སུ་གདུག་པར་བྱའོ། །ཕྱག་རྒྱ་
འདི་ནི་མཆོག་ཡིན་ཏེ། །ལས་རྣམས་ཀུན་ལ་སྦྱར་བར་བྱ། །གླང་པོ་ཆེ་དང་རྟ་དང་ཕྱུགས་དང་། མ་ཧེ་ཤ་དང་མེ་དང་མི་མོ་དང་། རྒྱལ་པོ་དང་བྱིས་པ་རྣམ་ནི་འདིས་ཐེ་ཚོམ་མེད་པར་ཞི་བར་འགྱུར་རོ། །དེ་ནས་སྦྱིན་སྲེག་གིས་ཐབ་ཁུང་གི་མཚན་ཉིད་ཡིན་ཏེ་ཞི་བ་ལ་
ནི་པད་མ་དཀར་པོའི་རྣམ་པ་སྡོང་བུ་བཅས་པ་ཟླུམ་པོ་ཡིན་ནོ། །དབུས་ཀྱི་པད་མ་ལ་རྡོ་རྗེས་མཚན་པ་ཁ་ཁྱེར་ཟླུམ་པོ་ལ་རྡོ་རྗེའི་ཕྲེང་བས་བརྒྱན་ཅིང་བསྐོར་བའོ། །ཁྲུ་གང་ཙམ་བརྒོས་པའི་ཐབ་ཁུང་དུ་པ་ལ་ཤ་དང་། ནྱ་གྲོ་དྷའི་ཡམ་ཤིང་བྱས་ལ་
དུར་བ་ཉག་མ་རེའི་སྦྱིན་སྲེག་བྱའོ། །ཚེ་འདོད་པ་དང་ཞི་བར་འདོད་པས་མང་ས་བེ་དའོ་ཞེས་བྱ་བའི་མེ་ལྷ་ཐམས་ཅད་དཀར་བའི་རང་བཞིན་ནི་ཞི་བ་ལ་བསྲེག་པར་བྱའོ། །རྒྱས་པ་ལ་ནི་གྲུ་བཞི་པ་ཁ་ཁྱེར་སོར་བཞི་པ་ལ་རྡོ་རྗེའི་ཕྲེང་བས་བརྒྱན་
ཅིང་པད་མ་དང་འཁོར་ལོ་དང་། རིན་པོ་ཆེ་ཡང་དག་པར་བརྒྱན་པ་ཐབ་ཁུང་གི་མཚམསུ་སྣ་ཚོག་རྡོ་རྗེས་མཚན་པ་ལ་ཨ་རྒ་དང་། ཨུ་དུམ་བཱ་རའི་ཡམ་ཤིང་གིས་ཀུ་མུ་ཏ་དང་ཨུད་པ་ལ་དང་པད་མ་དཀར་པོ་དང་ཞོ་དང་མར་དང་། སྦྲང་རྩི་
དང་བསྲེས་པའི་རྫས་ཀྱི་གསེར་ལྟ་བུའི་ཤིང་སེར་བས་མེ་ལྷ་ལེགས་པར་བརྒྱན་པའི་གནས་པར་བསམས་ལ་ཉེ་བར་མཁོ་བ་ཐམས་ཅད་སེར་པོ་ནི་རྒྱས་པ་ལ་དྲན་པར་བྱའོ། །ཡང་དབང་ལ་ནི་གྲུ་གསུམ་བྱང་ཆུབ་ཀྱི་ཤིང་གི་འདབ་མ་ལྟ་བུའི་ཐབ་ཁུང་
དེའི་དབུསུ་ཡང་པད་མ་བྱང་ཆུབ་ཀྱི་ཤིང་གི་ལོ་མ་ལྟ་བུ་དེའི་སྟེང་དུ་རྡོ་རྗེ་རྩེ་གསུམ་པ། ཁ་ཁྱེར་ལ་རྡོ་རྗེ་ལྕག་ཀྱུའི་ཕྲེང་བས་རྣམ་པར་རྒྱན་པ། བྱང་ཆུབ་ཀྱི་ཤིང་གིས་ཡམ་ཤིང་བྱས་ལ་ཏིལ་དང་ཚྭ་དང་། སྐེ་ཚེའི་རྫས་དང་གོས་དམར་པོ་དང་ཕྲེང་བ་དམར་པོ་
97-1-176a


དང་། ཙན་དན་དམར་པོ་དང་། ཀ་མ་ཏོ་ཞེས་བྱ་བའི་མེ་ལྷ་བན་དུ་ཀ་དང་། ཛཱ་མའི་མེ་ཏོག་ལྟ་བུ་ལ་དམར་པོ་བསམ་མོ། །མངོན་སྤྱོད་ལ་ནི་ཟླ་ཕྱེད་ཀྱི་རྣམ་པ་ལྟ་བུའི་ཐབ་ཁུང་ཁ་ཁྱེར་ལ་རྡོ་རྗེའི་ཕྲེང་བས་བརྒྱན་པ། དབུསུ་རྡོ་རྗེ་ཁ་ཕྱེ་
བའོ། །རོ་སྲེག་པའི་ཤིང་དང་གཏུམ་མོའི་མེ་ལ་མི་ཤ་དང་། མིའི་རུས་པའི་ཕྱེ་མ་དང་། མིའི་ཚིལ་དང་བསྲེས་པའི་རྫས་ནི་མངོན་སྤྱོད་ལ་ལྟ་སྟེ། ཀྲོ་དྷ་ན་ཞེས་བྱ་བའི་མེ་ལྷ་ནག་པོ་གོས་ནག་པོ་འཆང་བ་མཆེ་གཙིག་པའི་ཞལ་འཇིག་
པར་བྱེད་པ། འཇིག་པར་བྱེད་པའི་བསྐལ་པའི་མེ་ལྟ་བུ་ལངས་པའི་རང་བཞིན་ནོ། །རྒྱུ་མ་འོད་ཟེར་ཅན་འབྱུང་བའི་རྒྱུད་ལས་ཕྱུང་བ་རྟོག་པའི་རྒྱལ་པོ་ཡང་དག་པ་རྣམ་པར་སྣང་མཛད་ཀྱིས་གསུངས་པ་ཇི་ལྟ་བ་བཞིན་ནི་སྙེད་པ་རྫོགས་
སོ།། །། ༄༅། །རྒྱ་གར་སྐད་དུ། ཨཱརྱཱ་མཱ་རཱི་ཙྱཻ་མཎྜ་ལ་བི་དྷྀ་མཱ་རཱི་ཙྱཻ་ཛཱ་ཏ་དྭཱ་ད་ཤ་ས་ཧ་སྲཱ་ཨུདྷཱི་ཏྃ་ཀལྤོ་ཧྲྀ་ད་ཡ་སབྟ་ཤ་ཏ་ནཱ་མ།  བོད་སྐད་དུ།  འཕགྶ་མ་འོད་ཟེར་ཅན་གྱི་དཀྱིལ་འཁོར་གྱི་ཆོ་ག་འོད་ཟེར་ཅན་འབྱུང་བའི་རྒྱུད་སྟོང་ཕྲག་བཅུ་
གཉིས་པ་ལས་ཕྱུང་བའི་རྟོག་པའི་སྙིང་པོ་བདུན་བརྒྱ་པ་ཞེས་བྱ་བ། ལྷ་མོ་འོད་ཟེར་ཅན་ལ་ཕྱག་འཚལ་ལོ། །སྒྱུ་མའི་མིང་ལྷ་མོ་འོད་ཟེར་ཅན་འབྱུང་བ་ཞེས་བྱ་བའི་དཀྱིལ་འཁོར་ཡང་དག་པར་རྒྱལ་བས་གསུངས་པ་བརྗོད་
པར་བྱ་སྟེ། སངས་རྒྱས་ཀུན་གྱིས་བྱིན་བརླབས་པའི། །ལྷ་རྫས་དཀྱིལ་འཁོར་འདི་ཉིད་ནི། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡི་རྣམ་རྒྱན་ཅིང་། །དྲ་བ་དྲ་བ་ཕྱེད་ཀྱིས་སྤྲས། །ཀ་བ་བརྒྱད་ཀྱིས་མཛེས་པ་སྟེ། །རྡོ་རྗེ་རིན་ཆེན་ཟླ་ཕྱེད་ནི། །
འོད་ཟེར་ཕྲེང་བས་མཚོན་ཆར་བྲི། །དབུས་སུ་འཁོར་ལོ་ཡང་ནི་བྲི། །རྡོ་རྗེ་བརྒྱད་ཀྱི་འོད་ཕྲེང་ཅན། །འཁོར་ལོའི་སྟེང་དུ་རྡོ་རྗེ་སྟེ། །རྡོ་རྗེ་ཕྲེང་བས་བསྐོར་བའོ། །ལྷ་རྫས་འབར་བ་ཡི་ནི་མེ། །སྟོན་ཀའི་ཟླ་བ་དྲི་མེད་འོད། །བུམ་པ་བརྒྱད་ནི་གཞག་པ་སྟེ། །སྨན་ཆེན་པོ་ལྔ་དང་། 
འབྲུས་སྣ་ལྔ་དང་། རིན་པོ་ཆེ་སྣ་ལྔ་དང་། དྲི་ཞིམ་པོའི་ཆུས་བཀང་ལ་གོས་གཉིས་ཀྱིས་ཡོངས་སུ་དཀྲིས་ཏེ། ཙན་དན་དཀར་པོས་ཡན་ལག་བྱུགས་ལ་མེ་ཏོག་གི་ཕྲེང་བས་རྒྱན་ཏེ། སྣ་ཚོགས་པའི་བཟའ་བའི་ལྷ་བཤོས་དང་མར་མེའི་ཕྲེང་བས་ལེགས་པར་རྒྱན་ནོ། །དེ་ནས་
97-1-176b


རྣམ་པར་རྒྱལ་བའི་བུམ་པ་ལ་བརྒྱད་བརྒྱ་སྔགས་ཏེ། སྨན་ཆེན་པོ་ལྔ་དང་རིན་པོ་ཆེ་སྣ་ལྔ་དང་། གོས་ལ་སྟེ་དཀར་པོ་དང་། སེར་པོ་དང་དམར་པོ་དང་ལྗང་ཁུ་དང་སྔོན་པོས་བརྒྱན་ཅིང་གཞག་གོ། མེད་ན་ཡང་རས་ཡུག་ཟུང་གཅིག་གི་བྱ་ཞིང་བླ་རེ་བརྐྱང་བ་ཉིད་དང་། སྣ་ཚོགས་
པའི་རྒྱལ་མཚན་ལ་མེ་ཏོག་གི་ཕྲེང་བས་སྤྱངས་ཏེ་དྲི་ཞིམ་པོའི་བདུག་སྤོས་ཀྱིས་བདུགས་ལ་སློབ་མ་དེ་རུ་བཞག་པར་བྱའོ། །གོས་ཟུང་གི་གདོང་དཀྲིས་ལ་དེ་ནས་མགོ་ལ་ཐོད་ཀྱི་རྣམ་པ་ཡོངསུ་བཅིང་ལ་ཙན་དན་ཀྱི་ཡན་ལག་བྱུགས་ཅིང་མེ་ཏོག་གི་ཕྲེང་བས་བརྒྱན་ཏེ་དབང་
བསྐུར་བར་བྱའོ། །ཨཱོཾ་མཱ་རཱི་ཙྱཻ་སྭཱ་ཧཱ། ཉེ་བར་མཁོ་བ་རྣམས་ལ་མངོན་དུ་སྔགས་པ་བྱས་ལ་དེ་ནས་དབུས་སུ་མིང་ལྷ་མོ་འོད་ཟེར་ཅན་ཞེས་བྱ་བ་འཛམ་བུའི་ཆུ་བོའི་གསེར་ལྟ་བུའི་འོད་བྱེ་བ་ལྟ་བུའི་སེར་མོ། སྐུ་ལ་གོས་སྔོན་པོ་འཆང་ཞིང་ཤང་འགག་དང་སྟོད་
གཡོགས་སྔོན་པོ། སྣ་ཚོགས་པའི་གདུ་བུ་ལ་སོག་པ་རྒྱན་ཐམས་ཅད་ཀྱིས་ཡོངསུ་བརྒྱན་པ་དབུས་སུ་དགོད་དེ། ཕྱག་དྲུག་པ་ཞལ་གསུམ་པ། སྤྱན་གསུམ་པ། ཕག་པ་ལ་ཞོན་པ་མཆོད་རྟེན་སྤྱི་བོར་སྐྱེས་པའི་མགོ་སྐྱེས་ཅན་ཕྱག་གཡོན་པ་ན་གཞུ་དང་། སྐུད་
པ་དང་མྱ་ངན་མེད་པའི་ཡལ་ག་བསྣམས་མ། ཕྱག་གཡས་པ་ན་མདའ་དང་། རྡོ་རྗེ་དང་། ཁབ་བསྣམས་པའི་ཕྱག་ཅན་མཆོད་རྟེན་གྱི་ཁོངས་སུ་གཡས་བརྐྱང་བའི་ཞབས་ཀྱིས་བཞུགས་པའོ། །ༀ་ཨརྐྐ་མ་སི་སྭཱ་ཧཱ་ཞེས་བྱ་བ་ནི་ཤར་ཕྱོགས་སུ་དགོད་
དོ། །བརྒྱན་ཐམས་ཅད་ཀྱིས་བརྒྱན་པ། འཆར་ཀའི་ཉི་མ་ལྟ་བུ་གཞོན་ནུ་མ་ལང་ཚོ་ལ་བབ་པ། སྔོན་པོའི་ཤང་འགག་ཡོད་པ། ཁབ་དང་སྐུད་པའི་ཕྱག་གིས་ཁ་དང་མིག་དྲུབ་པའི་ཕྱག་གཉིས་པའོ། །ལྷོ་ཕྱོགས་སུ་གནས་པའི་ལྷ་མོ་ནི་ༀ་མརྐ་
མ་སི་སྭཱ་ཧཱ་ཞེས་བྱ་བ་ནི་དགེའུ་རི་གསེར་གྱི་མདོག་ཅན་གཞོན་ནུ་མའི་རྣམ་པ་འཆང་གོས་སྔོན་པོ་དང་། ཤང་འགག་སྔོན་པོ་དང་སྟོད་གཡོགས་སྔོན་པོ་ཅན། མྱ་ངན་མེད་པའི་ཡལ་ག་དང་། ཁབ་དང་སྐུད་པ་བསྣམ་པའི་ཕྱག་གཉིས་པ། 
རྒྱན་ཐམས་ཅད་ཀྱིས་བརྒྱན་པ་བྲི་བར་བྱ་བ་ནི་ལྷོ་ཕྱོགས་ཀྱི་ལྷ་མོའོ། །ༀ་ཨནྟརྡྷཱེ་ན་མ་སི་ཞེས་བྱ་བ་ནི་ནུབ་ཕྱོགས་སུ་གནས་པའི་ལྷ་མོའོ། །རྒྱན་ཐམས་ཅད་ཀྱིས་བརྒྱན་པ་གཞོན་ནུ་མ་ཞགས་པ་དང་། མྱ་ངན་
97-1-177a


མེད་པའི་ཡལ་ག་བཟུང་བ་མདོག་སེར་བ། སྔོན་པོའི་གོས་དང་ཤང་འགག་དང་སྟོད་གཡོགས་ཅན་ཕག་པ་ལ་བཅིབས་པ་ཕྱག་གཉིས་པ་མེ་ལྟ་བུ་འབར་བ་ནུབ་ཕྱོགས་སུ་ཡང་དག་པར་གནས་སོ། །ༀ་ཏེ་ཙོ་མ་སི་སྭཱ་ཧཱ། བྱང་ཕྱོག་
སུ་གཞོན་ནུ་མ་རྒྱན་ཐམ་ཅད་ཀྱིས་བརྒྱན་པ། མདོག་དམར་བ་སྔོན་པོའི་ཤང་འགག་དང་སྟོད་གཡོག་དང་གོས་འཆང་བ་ཕྱག་གཉིས་པ་མདའ་དང་གཞུ་བསྣམ་པའི་ཕྱག་ཅན། གོ་རིམ་བཞིན་དུ་བྱང་གི་ཕྱོགས་སུ་གནས་བརྒྱད་དུ་ལྷ་མོ་
ད། ལྷོའི་སྒོར་ༀ་ཏཱ་ལོ་སྭཱ་ཧཱ་ཞེས་བྱའོ། །ནུབ་ཀྱི་སྒོར་ༀ་ཀཱ་ལོ་སྭཱ་ཧཱ་ཞེས་བྱའོ། །བྱང་གི་སྒོར་ༀ་སཙྪ་ལོ་ས་མ་ས་མུར་ཏཱེ་སྭཱ་ཧཱ། མེ་ལྷའི་མཚམས་སུ་ༀ་བ་ཏཱ་གོད་པར་བྱའོ། །ༀ་ཨུད་ཏ་ཡ་མ་སི་མེའི་ཕྱོགས་སུའོ། །ༀ་གུལ་མ་མ་སི་སྭཱཧཱ། བདེན་བྲལ་གྱི་ཕྱོགས་སུའོ། །ༀ་བ་ནཱ་མ་སི་སྭཱ་ཧཱ། རླུང་དུའོ། །ༀ་ཙི་བ་ར་མ་སི་སྭཱ་ཧཱ། དབང་ལྡན་དུ་ཅི་ལྟ་བའི་རིམ་པའི་དེ་ལྟར་གོ་རིམ་བཞིན་དུ་ལྷ་མོ་དགོད་
པར་བྱའོ། །དེ་བཞིན་དུ་དེ་ཐམས་ཅད་ཉིད་དེ་ནི་ཕག་པའི་ཞལ་གཟུགས་གཅིག་པ་སྟོབས་ཆེ་བའོ། །ཕག་པ་ཡོངསུ་མྱུར་བ་སྔོན་དུ་སོང་བས་ཅི་ལྟ་བའི་ལས་ཀྱི་རྗེས་སུ་འབྲང་ཏེ་བསམ་པར་བྱའོ། །དེ་ལྟར་ཤར་ཀྱི་སྒོ་རུ་ༀ་ཨཱ་ལོ་སྭཱ་ཧཱ་ཞེས་
བྱའོ། ལི་སྭཱ་ཧཱ་ཞེས་བྱའོ། །བདེན་བྲལ་དུ་ནི་ༀ་པ་ཏཱ་ལི་སྭཱ་ཧཱ་ཞེས་བྱའོ། །རླུང་དུ་
ནི་ༀ་བ་རཱ་ལི་སྭཱ་ཧཱ་ཞེས་བྱའོ། །དབང་ལྡན་དུ་ནི་ༀ་བཱ་རཱ་ཧཱ་མུ་ཁི་སྭཱ་ཧཱ་ཞེས་བྱའོ། །ལྷོའི་སྣམ་བུ་ལ་གཉིས་ཏེ། ཨོཾ་བདཱ་ཀྲ་མ་སི་སྭཱཧཱ་ཞེས་བྱ་བ་དང་། ༀ་བ་རཱ་ལི་སྭཱཧཱ་ཞེས་བྱའོ། །ནུབ་ཀྱི་སྣམ་བུ་ལ་ཡང་གཉིས་ཏེ། ཨོཾ་པ་རཱ་ཀྲ་
མ་སི་སྭཱཧཱ་ཞེས་བྱ་བ་དང་ༀ་བཱ་རཱ་ལི་སྭཱཧཱ་ཞེས་བྱ་བའོ། །བྱང་གི་སྣམ་བུ་ལ་ཡང་གཉིས་ཏེ། ༀ་གུལ་མ་མ་སི་སྭཱ་ཧཱ་ཞེས་བྱ་བ་དང་། ༀ་བ་རཱ་ལི་སྭཱ་ཧཱ་ཞེས་བྱའོ། །ཤར་གྱི་སྣམ་བུ་ལ་ཡང་གཉིས་ཏེ། ༀ་མ་ཧཱ་ཙི་བ་ར་མ་སི་
སྭཱ་ཧཱ་ཞེས་བྱ་བ་དང་། ༀ་བཱ་རཱ་མུ་ཁི་སྭཱཧཱ་ཞེས་བྱ་བའོ། །འདིར་ཤར་ལ་སོགས་པའི་སྒོ་སྐྱོང་རྣམས་ནི་མི་བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་ཀྱི་མདོག་རྡོ་རྗེ་ལྕག་ཀྱུ་ལ་སོགས་པའི་མཚན་མ་བསྣམས་པ་བཏྟཱ་ལི་ལ་སོག་པ་ནི་
97-1-177b


ཨརྐ་མ་སི་ལ་སོགས་པ་དང་མདོག་ཀྱང་འདྲ་ཞིང་མཚན་མ་ཡང་འདྲ་བར་འཆང་བའོ། །ལྷོ་ཕྱོག་ལ་སོགས་པའི་སྣམ་བུ་ལ་ལྷ་མོ་གཉིས་ནི་དེ་བཞིན་གཤེགས་པའི་མདོག་སྟེ་རིམ་པ་ཅི་ལྟ་བ་བཞིན་དུ་རྡོ་རྗེ་དང་མྱ་ངན་མེད་པའི་ཡལ་ག་དང་མདའ་
དང་གཞུ་དང་ཁབ་དང་སྐུད་པ་དང་ལྕག་ཀྱུ་དང་ཞགས་པ་འཆང་བ་ཐམས་ཅད་ཀྱང་ཕག་གི་ཞལ་ཅན། སྤྱན་གསུམ་པ་ཕག་པ་ཞོན་པ། རྒྱན་ཐམ་ཅད་ཀྱིས་བརྒྱན་པ་བསམ་པར་བྱའོ། །དེ་ལྟར་བསྒོམ་པའི་དཀྱིལ་འཁོར་ནི་སྡིག་པ་ཐམ་ཅད་སེལ་ཞིང་
དཔལ་དང་གཡང་འཆང་ཞིང་ནོར་དང་འབྲུ་བསྐྱེད་པར་བྱེད་པ། དགེ་བ་ཡིད་ལ་འདོད་པའི་འབྲས་བུ་ནི་རྟག་ཏུ་བཟླས་པ་ཙམ་ཀྱིས་འགྲུབ་པར་བྱེད་དོ། །དེ་ནས་གཞན་ཡང་ལས་འདི་ཡིན་ཏེ། ༀ་མཱཾ་གྱི་ས་བོན་མཆོག་ཏུ་གྱུར་པའི་ༀ་མཱ་རཱི་
ཙྱཻ་སྭཱ་ཧཱ། སྔགས་འདི་ཡིས་ལས་ཐམས་ཅད་བྱའོ། །ཞི་བ་དང་བརྒྱས་པ་དང་དབང་དང་མངོན་སྤྱོད་དང་དགུག་པའི་སྔགས་ནི་དྲི་དང་སྤེལ་བར་བྱ་ཏེ། སྙིང་གར་ཧཱུཾ་གི་གསལ་བར་བྱ་ཞིང་མགལ་མེའི་འཁོར་ལོ་ཞོན་བཞོན་པ། ལྕགས་ཀྱུ་
དང་ཞགས་པས་འགུགས་བཞིན་པ་བསམ་ན་དཔག་ཚད་བརྒྱན་ཡོད་པའི་ལྷ་རྫས་ཀྱི་བུད་མེད་ཀྱང་འགུགས་པར་བྱེད་དོ། །དེ་ནས་རྒྱལ་པོ་དབང་དུ་བྱེད་པར་འདོད་ན་ཚ་བའི་རང་བཞིན་གྱི་གཟུགས་བརྙན་བྱས་ལ། དེས་དུས་གསུམ་མེ་ལ་
སྦྱིན་སྲེག་བྱས་ན་ཞག་བདུན་གྱིས་མཐོང་ཞིང་ཡིད་ཆེས་པར་དབང་དུ་བྱེད་དོ། །ཞི་བར་བྱེད་པར་འདོད་པ་ནི་དུར་བ་ལ་བསྙུགས་པས་བྱའོ། །ཚེ་རིང་བར་འདོད་པ་ནི། ཨུ་དུམ་བ་ར་དང་བྱང་ཆུབ་ཀྱི་ཤིང་དང་། ནྱ་གྲོ་དྷ་དང་། པ་ལ་ཤའི་ཡམ་
ཤིང་གིས་མེ་སྦར་ལ་མྱ་ངན་མེད་ཀྱི་མེ་ཏོག་མངར་གསུམ་གྱི་ནང་དུ་བླུགས་ཏེ། འབུམ་ཕྲག་གཅིག་ཏུ་སྦྱིན་སྲེག་བྱའོ། །རྒྱལ་པོ་དབང་དུ་འགྱུར་ཏེ་ཞག་བདུན་གྱིས་མཐོང་ཞིང་ཡིད་ཆེས་པར་འགྱུར་རོ། །གོས་ཐོད་དུ་བཅིངས་
པ་ཡང་རྙེད་དོ། །དེ་ནས་གཞན་ཡང་ལས་ནི་བ་གླང་སེར་སྐྱའི་རྭ་གཡས་པའི་ཕྱི་ཤུན་ནི་མཆོག་ཏུ་གྱུར་པ་ཡིན་ཏེ། དེ་དག་ཕག་པའི་རྣ་བ་གཡོན་པའི་ཁྲག་དང་མིག་སྨན་ཆ་མཉམ་པར་བྱས་ཏེ། ༀ་མཱ་རཱི་ཙྱཻ་ཨཱནྡྷ་རྡྷཱ་ན་མ་སི་སྭཱ་ཧཱ་ཞེས་བྱའོ་ཟླ་བ་
97-1-178a


གཟས་བཟུང་བའི་དུས་སུ་ཅི་སྲིད་མ་བཏང་གི་བར་དུ་བཟླས་ན་འགྲུབ་པར་འགྱུར་རོ། །དེའི་མིག་ལ་བསྐུས་པ་ཙམ་གྱིས་མི་མཐོང་བར་འགྱུར་རོ། །བྱི་ལ་ནག་མོའི་དྲི་མ་དང་། བྱི་མ་ལ་དང་མིག་སྨན་ལ་ལྕགས་གསུམ་གྱིས་
དཀྲིས་ལ་ཟླ་བ་གཟས་གཟུང་བའི་དུས་སུ་ཁར་བཅུག་ཏེ་བཟླས་པ་བྱའོ། །ཅི་སྲིད་དུ་མ་བཏང་གི་བར་དུ་བྱས་ན་དེ་ནས་འགྲུབ་པར་འགྱུར་རོ། །མི་མཐོང་བ་ལ་འདི་ནི་མཆོག་སྟེ། དེ་བལྟར་མེད། གཟུང་དུ་མེད། བཅིང་
དུ་མེད་དགག་ཏུ་མེད་བརྒལ་དུ་མེད། རྨོངས་པར་བྱར་མེད། ཆད་པས་བཅད་དུ་མེད། མགོ་བྲེག་དུ་མེད། ཚིག་པར་བྱར་མེད། དགྲའི་དབང་དུ་འགྲོ་བར་མི་འགྱུར་རོ། །ༀ་མཱ་རཱི་ཙྱཻ་ཨནྡྷ་རྡ་ན་སྭཱ་ཧཱ། མི་མཐོང་བར་བྱེད་པ་རྣམས་ཀྱིས་
ལས་ལ་སྦྱར་བར་བྱའོ། །དེ་ནས་ཐབ་ཁུང་གི་མཚན་ཉིད་སྟོན་པ་ཡིན་ཏེ། ཁྲུ་གང་ཙམ་གྱི་ནི་ཐབ་ཁུང་ལ། །སོར་བཞི་པའི་ཁ་ཁྱེར་བྱ། །རྡོ་རྗེ་ཕྲིང་བའི་བསྐོར་བ་ཡིས། །ཐབ་ཀྱི་དབུསུ་པད་མ་བྲི། །པད་མའི་དབུས་སུ་རྡོ་རྗེ་བྲི། །དེ་ནས་
པད་མའི་རྣམ་འགྱུར་བའི། །བློ་ལྡན་སྟོང་བཅས་ཐབ་ཁུང་བྱ། །དེ་ནས་ཀུ་ཤ་ཕྱོགས་བཞིར་བཀྲམ་ལ་གཡོན་དུ་ཆུའི་སྣོད་གཞག་ཅིང་། གཡས་སུ་ཉེ་བར་མཁོ་བ་ཐམས་ཅད་གཞགོ། ཨོཾ་མཱ་རཱི་ཙྱཻ་ཧཱུྃ་ཕཊ་སྭཱ་ཧཱ། 
ཞེས་བྱ་བའི་སྔགས་འདི་ནི་ཆུ་ལ་མངོན་པར་བསྔགས་ལ་བསང་བར་བྱའོ། །བགེགས་ཐམས་ཅད་བསྐྲད་ལ་དེ་ནས་མེ་ལྷ་སྤྱན་དྲང་བར་བྱ་སྟེ། ཨོཾ་ཨེ་ཧྱེ་ཧི་མ་ཧཱ་བྷཱུ་ཏ་དེ་བ་ག་ན་རྀ་ཥི་དྭ་ཛི་སྃཏྟ་མ་གྲྀ་ཧཱི་ཏྭཱ་ཧུ་ཏི་མ་ཧཱ་ཏི་མ་ཧཱ་ར་ཨ་སྨིནྶ་
ནྣི་ཧི་ཏོ་བྷ་བ་ༀ་ཨགྣེ་ཡེ་ཏྲི་ཕ་ཏྲི་སྭཱ་ཧཱ། ཨཱ་བི་ཤ་ཨཱ་བི་ཤ །མ་ཧཱ་ཤྲི་ཡེ། ཧ་བྱ་ཀ་བྱ་བཱ་ཧཱ་ནཱ་ཡ་སྭཱ་ཧཱ། སྔགས་འདི་ཡི་བཀུག་ནས་ཐབ་ཁུང་གི་དབུསུ་མེ་ལྷ་དགོད་པར་བྱ་བ་ནི་ཉི་མ་ལ་གནས་པ་སྤྱན་གསུམ་པ་ཕྱག་བཞི་པ་མཆོག་
སྦྱིན་དང་རིལ་བ་སྤྱི་བླུགས་དང་། པད་མའི་ཕྲེང་བ་དང་། དབྱུག་པ་དང་། བགྲང་ཕྲེང་བསྣམས་པའོ། །སྐྲ་ཁམ་པ་གྱེན་དུ་འབར་ཞིང་། མེ་ལྷ་བཟང་པོ་སྡིག་པ་ཐམས་ཅད་འཇོམས་པའི་མཆོག་སྟེ། དེ་ནས་དེའི་ཞལ་དུ་དགང་བླུགས་གསུཾ་
97-1-178b


དབུལ་བར་བྱའོ། །དེ་ནས་ཕྱིས་བཀོད་པརྃ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་གྱི་རྣམ་པའོ། །དེ་ཉིད་ལ་ཨ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་མེ་འབར་བ་ལྟ་བུ་དང་། སྟེང་དུ་དགོད་པ་ནི་ལྷ་མོ་འོད་ཟེར་ཅན་
སྔོན་བཞིན་བསམས་ལ། དེའི་ཞལ་དུ་དགང་བླུགས་དབུལ་བར་བྱའོ། །བདག་ཉིད་གལ་ཏེ་དངོས་གྲུབ་འདོད་ན་རྡོ་རྗེ་སློབ་དཔོན་གཙང་སྦྲ་དང་ལུས་ཁྲུ་བྱས་ཏེ་གོས་དཀར་པོ་གོན་པ་ལ་ནི་ཞི་བའོ། །རྒྱས་པ་ལ་ནི་གོས་སེར་པོ་
འཆང་བའོ། །དབང་ལ་ནི་གོས་དམར་པོ་འཆང་བའོ། །མངོན་སྤྱོད་ལ་ནི་གོས་ནག་པོ་འཆང་བའོ། །དེ་ལྟར་རྡོ་རྗེ་སློབ་དཔོན་གྱི་གདམ་ངག་གིས་རྟོག་པར་བྱའོ། །དེ་ནས་ཞོ་དང་སྦྲང་རྩི་དང་། མར་ལ་སྨྱུགས་ལ་པད་མ་འབུམ་ཕྲག་
གཅིག་སྦྱིན་སྲེག་བྱའོ། །གལ་ཏེ་ས་བཞི་བདག་པོར་འདོད་པ་མ་ཡིན་ནའོ། །ཡང་ན་ཐང་སྐུའི་མདུན་དུ་པད་མ་འབུམ་ཕྲག་གཅིག་དབུལ་བར་བྱའོ། །དེ་ནས་འོད་ཟེར་ཅན་རང་གི་གཟུགས་ཀྱིས་མཐོང་བ་འམ། ཡང་ན་ཕུན་
སུམ་ཚོགས་པ་ཆེན་པོ་ཐོབ་པར་འགྱུར་རོ། །སྐྱེ་བ་འདི་ལ་བདེ་བ་ཐམས་ཅད་བསྐྱེད་པར་བྱེད་པའི་མཆོག་གོ། ཡང་ཀུ་མུད་དང་ཨུཏྤ་ལ་འབུམ་ཕྲག་གཅིག་གིས་སྦྱིན་སྲེག་བྱས་ན་ཡིད་ལ་བྱ་འདོད་པའི་ལོངས་སྤྱོད་ཐོབ་
ཅིང་བཅྡོཾས་མ་འདི་མཐོང་བར་འགྱུར་རོ། །གཞན་ཡང་ལས་ནི་ༀ་མཱ་རཱི་ཙྱཻ་བཏྟཱ་ལི། བ་དཱ་ལི། བ་རཱ་ལི། བ་རཱ། ཧཱ་མུ་ཁེ། སརྦ་དུཥྚ་ནཱྃ། ཙ་ཀྵུར་མུ་ཁྃ། བནྡྷ་བནྡྷ། སྭཱ་ཧཱ། ཞེས་བྱའོ། །འདི་ནི་གོས་ལ་ལན་བདུན་སྔགས་ལ་འདུད་པ་བྱས་ཏེ་སེང་
ལྡེང་སོར་བཞི་པའི་ཕུར་བུ་རྣམ་པར་བཅུག་ནས་སོང་ན་རྐུན་མ་ལ་སོགས་པས་གླང་པོ་ཆེའི་རྒྱལ་པོ་མཆེ་བ་གཙིགས་པ་ལྟ་བུར་མཐོང་ཞིང་རྐུན་མ་ཐམས་ཅད་བཅིངས་པར་འགྱུར་རོ། །སྐྱེ་འགྲོའི་ཚོགས་ཐམས་ཅད་རྗེས་སུ་ཆགས་
ཤིང་རྨོང་པར་འགྱུར་རོ། །དེ་ནས་སྦྱོར་བ་གཞན་ནི་ཟངས་མའི་སྣོད་དུ་གཟུགས་བརྙན་ཉེ་བར་བྲིས་ལ་བ་བླ་དང་། ཡང་བ་དང་མུགས་ཀྱི་དང་སྔགས་སེལ་བས་སྣ་ཚོགས་རྡོ་རྗེས་བཀང་བས་མནན་པ་བྲི་བར་བྱས་ན་འགྲོ་བ་
97-1-179a


དང་འོང་བ་རེངས་པར་བྱེད་དོ། །འདི་ནི་ཆུའི་སྟེང་དུ་གཞག་ན་མཐོང་བ་ལ་ཡིད་ཆེས་སོ། །དེ་ནས་གཞན་ཡང་སྦྱོར་བ་ནི་གིའུ་ཝང་དང་རྟའི་ཁྲག་གིས་ཟངས་མའི་སྣོད་ལ་གཟུགས་བརྙན་བྲིས་ལ་མིང་དང་སྔགས་སྤེལ་བར་སྙིང་གར་བྱས་ལ་ཆུའི་
སྟེང་དུ་གཞག་པར་བྱས་ཞིང་བཟླས་པ་བྱས་ན་དཔག་ཚད་སྟོང་ན་ཡོད་པ་ཡང་འགུག་པར་འགྱུར་རོ། །རླུང་གི་དཀྱིལ་འཁོར་ལ་གནས་པ། ཞགས་པ་དང་ལྕགས་ཀྱུས་བཀུག་བཞིན་པར་སྐྱེས་པ་འམ་བུད་མེད་རྣམ་པར་བསམ་ན་འགུགས་པ་ལ་
ཐེ་ཙོམ་མེད་དོ། །འོད་ཟེར་ཅན་འབྱུང་བའི་དཀྱིལ་འཁོར་དུ་དབང་བསྐུར་བ་བླ་མ་དང་ལྷ་གཉིས་ལ་མཆོད་པར་བྱེད་ན་དེ་ལ་ལྷའི་གསང་བསྔགས་ཡང་དག་པའི་རྒྱལ་བས་གསུང་པ་འགྲུབ་པར་འགྱུར་རོ། །ཡི་གེ་བཞི་ཕྱོགས་བཞིར་རི་དང་འདྲ་བ་ཨིནྡྲ་
ནཱི་ལའི་འོད་ཅན་དཔག་ཚད་སྟོང་དུ་ཁྱབ་པ་ལ་བཀོད་དེ་དེའི་དབུས་སུ་ཟླ་བའི་དཀྱིལ་འཁོར་རོ། །དེའི་དབུས་སུ་མཱྃ་ལས་ཡོངས་སུ་སྤྲུལ་པའི་བདག་ཉིད་ཤིན་དུ་སེར་ཞིང་ཐུ་བ་བརྫེས་པའི་གཟུགས་ཡིད་དུ་འོང་བ་གོས་ནག་པོ་འཆང་
ཞིང་གོས་སྔོན་པོའི་ཤང་འགག་དང་སྟེང་གཡོགས་ཅན་ཕྱག་དྲུག་པ། ཕག་གི་ཞལ་གསུམ་པ་སྤྱན་གསུམ་པ་རྒྱན་ཐམས་ཅད་ཀྱིས་བརྒྱན་པ། དབུ་ལ་མཆོད་རྟེན་བཀོད་པ། ཕྱག་གཡས་པ་ན་འབར་བའི་རྡོ་རྗེ་འོད་ཀྱི་ཕྲེང་བ་
ཅན། མདའ་དང་། ཁབ་བསྣམས་པའོ། །གཡོན་པར་གཞུ་དང་། སྐུད་པ་དང་། མྱ་ངན་མེད་པའི་ཡལ་ག་བསྣམས་པའོ། །ཟླ་བ་ལ་ཕག་པའི་ཤིང་རྟ་ལ་གསེར་གྱི་མདོག་ཤིན་དུ་མང་ཞིང་ལེགས་པའོ། །ནུབ་མོ་དུས་སུ་ཟླ་བ་ལ་ཉིན་མོའི་
དུས་སུ་ཉི་མ་ལ་གནས་པ་འགྲུབ་བཞིན་བལྟ་བ་བསམ་པར་བྱའོ། །ཨོཾ་བྃ་ཡྃ་རྃ་བྃ་མྃ། མ་མེ་པཱ་ཤཱྃ་ཏུ་སྟ་སྭཱ་ཧཱ། ཨདྷ་རྡཱ་མ་སི་སྭཱ་ཧཱ། སྔགས་བཟླས་ཞིང་འགྲོ་ན་དེ་བལྟར་མེད། གཟུང་དུ་མེད། བཅིང་དུ་མེད། དགག་ཏུ་མེད། བརྒལ་དུ་མེད་རྨོངས་
པར་བྱར་མེད། ཆད་པས་བཅད་དུ་མེད། མགོ་བྲེག་དུ་མེད། ཚིག་པར་བྱར་མེད། དགྲའི་དཔང་དུ་མི་འགྲོའོ། །ལྡོང་རོས་དང་། གིའུ་ཝང་དང་། མིག་སྨན་དང་བཅས་པས་ཏ་ཀ་རའི་བྱང་ཕྱོགས་ཀྱི་རྩ་བ་གཅེར་བུ་སྐྲ་གྲོལ་བར་འགྱུར་བས་ཟླ་བ་འམ་ཉི་
97-1-179b


མ་གཟས་བཟུང་བའི་དུས་སུ་ཕྱུང་སྟེ། གོང་མ་དེ་དང་གཅིག་ཏུ་བྱས་ཏེ་རིལུ་བྱས་ལ་ཉི་མ་དང་ཟླ་བ་དང་། མེའི་དབུསུ་བཅུག་སྟེ་ཁ་རུ་བཅུག་ནས་སྦས་ཏེ་ཉིན་མོ་དང་མཚན་མོ་མི་མཐོང་བར་བྱེད་པའི་གཙོ་བོའི་རུ་ལུའོ། །ཨོཾ་ཡང་ནི་སྙིང་པོ་
མཆོག་གོ། སྙིང་པོ་ལས་སྙིང་པོ་གསང་བ་ལས་ཤིན་དུ་གསང་བ། འདོད་པ་བཞི་སྦྱིན་པ་བསྐྱེད་པ་འདི་ལས་སངས་རྒྱས་ཉིད་ཐོབ་པར་འགྱུར་རོ། །ཞེས་བྱའོ། །དེ་ནས་བཞན་ཡང་སྦྱོར་བ་ནི་ཟླ་བའི་དབུས་སུ་བཅྡོཾས་མ་འོད་ཟེར་ཅན་ཟླ་བའི་གདན་
ལ་བཞུགས་ཤིང་འཛམ་བུ་ནཱ་དའི་ཆུ་བོའི་གསེར་ལྟ་བུའི་འོད་དང་། འོད་ཟེར་ཅན་ཡིད་དུ་འོང་མ། ཞལ་རྔམ་སྤྱན་གསུམ་ཕྱག་དྲུག་མ། གོས་སྔོན་པོ་འཆང་ཞིང་སྔོན་པོའི་ཤང་འགག་དང་། སྟེང་གཡོགས་ཅན་དང་། སྣ་ཚོགས་བརྒྱན་
ཐཾད་ཀྱིས་བརྒྱན་པ་དབུ་ལ་མཆོད་རྟེན་བཀོད་པ། ཞལ་དང་པོ་སེར་པོ་བཞད་པའི་ཞལ། གཡོན་པ་ཕག་ཞལ་ནག་པོ་ཆེ་བ་གཙིགས་ཤིང་འཇིགས་པར་བྱེད་པ། ལྕེ་འདྲིལ་ཞིང་དགྲ་བོ་ལ་ཁྲོ་གཉེར་བྱེད་ཅིང་འཇིགས་པར་བྱེད་ཅིང་གཡས་
པའི་ཞལ་ནི་དཀར་པོ། སྟོན་ཀ་ཟླ་བའི་འོད་དྲི་མ་མེད་པ་ཅན་ནོ། །གཡོན་པའི་ཕྱག་དུ་གཞུ་དང་སྐུད་པ་དང་། ཤིང་མྱ་ངན་མེད་པའི་ཡལ་ག་དང་ལྡན་པའོ། །གཡས་པ་ན་མདའ་དང་། ཁབ་དང་རྡོ་རྗེ་གསོར་བ་ལ་དགྱེས་པ་དེ་ལྟ་བུའི་རྣཾས་
པར་བསྒོམ་མོ། །འདོད་པ་ཐཾད་སྟེར་བ་དོན་ཡོད་པ། དངོས་གྲུབ་ཐཾད་སྟེར་བའོ། །དཀྱིལ་འཁོར་འདི་ནི་རྒྱལ་བས་བཀའ་སྩལ་པ་ཡིན་ནོ། །འོད་ཟེར་ཅན་འབྱུང་བ་ཞེས་བྱ་བའི་འོད་ཟེར་ཅན་འབྱུང་བའི་རྒྱུད་འདི་གསུངས་པ་ནི། གྲུ་བཞི་པ་ལ་
སྒོ་བཞི་པ། །རྟ་བབ་བཞི་ཡིས་རྣམ་པར་བརྒྱན། །གོས་ཟུང་གིས་ནི་དཀྲིས་པ་ཡིས། །བུམ་པ་བརྒྱད་དང་ཡང་དག་ལྡན། །ཙན་དན་དཀར་པོ་དག་དང་ནི། །མེ་ཏོག་ཕྲེང་བས་མཛེས་པ་སྟེ། །དཀྱིལ་འཁོར་མཆོག་ཏུ་གྱུར་པ་ནི། །ཚོན་སྣ་ལྔ་ཡི་བྲི་
བྱར་བྱ། །དེ་ཡི་དབུས་སུ་པད་མ་ནི། །འདབ་བརྒྱད་གེ་སར་དང་བཅས་པའོ། །མེ་ཏོག་ཕྲེང་བ་དྲ་ཕྱེད་དང་། །དྲ་བ་རྟ་བབས་དག་དང་བཅས། །མར་མེ་བརྒྱད་དང་ཡང་དག་ལྡན། །སྣ་ཚོགས་བླ་རེ་བརྒྱན་བྱས་ཏེ། །པད་མའི་དབུས་སུ་ཡི་གེ་བྃ། །ཨོཾ་མཱ་རི་ཙྱཻ་
97-1-180a


སྭཱ་ཧཱ། ཞེས་བྱ་བ་དང་། ཨོཾ་ཨངྐ་མ་སི་སྭཱ་ཧཱ། ཞེས་བྱ་བ་ནི་ཤར་ཕྱོགས་སུའོ། །ཨོཾ་མརྐ་མ་སི་སྭཱ་ཧཱ། ཞེས་བྱ་བ་ནི་ལྷོ་ཕྱོགས་སུའོ། །ༀ་ཨནྡྷ་རྡཱ་ན་མ་སི་སྭཱ་ཧཱ་ཞེས་བྱ་བ་ནི་ནུབ་ཕྱོགས་སུའོ། །ཨོཾ་ཏི་ཙི་མ་སི་སྭཱ་ཧཱ་ཞེས་བྱ་བ་ནི་བྱང་ཕྱོགས་
སུ་འདོད་པའོ། །ཤར་ལྷོ་མཚམསུ་ནི་ཨོཾ་པ་ར་ཀྲ་མ་སུ་སྭཱ་ཧཱ་ཞེས་བྱའོ། །བདེན་བྲལ་དུ་ནི་ཨུརྨ་མ་སི་སྭཱ་ཧཱ། ཞེས་བྱའོ། །རླུང་དུ་ནི་ཨོཾ་བ་ནཱ་ཡ་མ་སི་སྭཱ་ཧཱ། དབང་ལྡན་དུ་ནི་ཨོཾ་བི་པ་རི་མ་སི་སྭཱ་ཧཱ། །
སྡིང་ར་སི་ཞེས་བྱའོ། །འོག་གིས་ཆར་ནི་ཨོཾ་པ་རཱ་ཀྲ་མ་སི་སྭཱ་ཧཱ་ཞེས་བྱའོ། །དེ་ལྟར་དཀྱིལ་འཁོར་བཀོད་ལ་མཆོད་པ་བྱས་ན་འདོད་པ་ཐམས་ཅད་སྟེར་རོ། །སྔོན་དུ་བསྟན་པའི་རིམ་པས་ཐང་སྐུ་འམ་ཡང་ན་བྲི་བར་བྱའོ། །སློབ་མ་ཁ་ཅིག་དཀྱིལ་འཁོར་དུ་དབང་
བསྐུར་ན་དེ་ལ་དངོས་གྲུབ་ཐམས་ཅད་རིང་བ་མ་ཡིན་ནོ། །རང་གི་ནོར་རམ་རང་གི་ལུས་པོ་ཡང་དབུལ་བར་བྱའོ། །ཡི་གེ་བཞི་པའི་ཆོ་གའོ།། །།ནམ་མཁའ་ལ་ཟླ་བ་དང་ཉི་མ་མཆོད་རྟེན་གྱི་ནང་དུ་མཱྃ་ཡིག་ཡོངས་སུ་གྱུར་
པ་ལས། བདག་ཉིད་གཞོན་ནུ་མ་གསེར་བཞུས་པ་ལྟ་བུ་ལེགས་ཤིང་སེར་བ། འཆར་ཀའི་ཉི་མ་ལྟ་བུ་འོད་གསལ་ཞིང་འབར་བ། འཕྲོ་བའི་འོད་ཟེར་སྟོང་གི་ཕྲིང་བ་ཅན། བན་དུ་ཀ་དང་། ཛ་བའི་མེ་ཏོག་ལྟ་བུ་དམར་པོའི་གོས་འཆང་བ། 
སྣ་ཚོགས་དམར་པོའི་ཤང་འགག་དང་། སྟོད་གཡོག་ཅན། གདུ་བུ་དང་། རྣ་བརྒྱན་དང་། སྐ་རགས་གཡར་ཀ་དང་ལྡན་པ། རྐང་གདུབ་འམ། སྣ་ཚོགས་ཀྱི་གདུ་བུའི་ཕྱག་རྒྱ་ཅན། རྒྱན་ཐམས་ཅད་ཀྱིས་བརྒྱན་པ། དབུ་ལ་རྣམ་པར་སྣང་
མཛད་བཞུགས་པ། མྱ་ངན་མྱེད་ཀྱི་ཕྲིང་བས་མགོ་བོ་ལ་བརྒྱན་པ། ཞལ་གསུམ་པ་སྤྱན་གསུམ་པ་གཡོན་པའི་ཕྱག་ན་གཞུ་དང་། མྱ་ངན་མེད་དང་། སྐུད་པ་དང་། ཞག་པའི་ཕྱག་ཅན་ནོ། །གཡས་ན་འབར་བའི་རྡོ་རྗེ་དང་ཁབ་དང་
ལྕག་ཀྱུ་དང་། མཉམ་པར་མདའ་གསོར་བ་ལ་དགྱེས་པའོ། །ཞེས་དང་པོ་ནི་ཞི་བའི་ཞེས་ཕྱེ་བ། སེར་པོ་ལྟ་བུ་ཤིན་ཏུ་སེར་བ། ཨུད་པ་ལ་ལྟ་བུའི་སྤྱན། ལི་ཀྲི་ཆ་ཕྲ་མོ་བསྐུས་པ་ལྟ་བུའི་ཆུ། སྒེག་པ་དང་བཅས་ཤིང་ཡོངས་སུ་རོལ། གཡོན་པ་ཕྱོགས་
97-1-180b


ཀྱི་ཞེས་ནི་ཁྲོ་བ་དང་བཅས་ཤིང་། ཞེས་འགྱུར་བ་ཆེ་བ་གཙིག་ཤིང་འཇིགས་པར་རྡི་བྱེད་པ། ཨིནྡྲ་ནཱི་ལ་ལྟ་བུའི་འོད་མུ་མེན་དང་འདྲ་བ། ཉི་མ་བཅུ་གཉིས་ཀྱི་འོད་དང་མཉམ་པར་ལྡན་པ། ཁྲོ་བ་དང་བཅས་པའི་ཁྲོ་གཉེར་གཙིགས་པ། ལྗགས་
འདྲིལ་བ་འཇིགས་པ་ཡང་འཇིགས་པར་བྱེད་པའོ། །གཡས་ཀྱི་ཞེས་ནི་ཤིན་དུ་དམར་བ། ལྷ་རྫས་ཀྱི་པད་མ་རཱ་གའི་འོད་ལྟ་བུ་འབར་བའི་མཆོད་རྟེན་གྱི་སྐེ་བ་ལ་གནས་པའི་ཤིང་མྱ་ངན་མེད་པའི་སྡོང་པོའི་ཡལ་ག་ལ། དམར་པོའི་མེ་
ཏོག་གི་ཡོངས་སུ་བརྒྱན་པ་ལ་དེའི་འོག་གི་རྩ་བར་རྣམ་པར་སྣ་མཇེད། རལ་པའི་ཅོད་པན་འཆང་བ། ཞི་བ་གསེར་ལྟ་བུའི་མདོག་སེར་བ་མགོན་པོ་བྱང་ཆུབ་ཆུབ་མཆོག་གི་ཕྱག་བརྒྱ་ཡོངས་སུ་འཆང་བཞིན་པ། ཕག་པའི་ཤིང་རྟ་
རྟོག་པ་མཆོད་རྟེན་གྱི་ནང་དུ་གཡས་བརྐྱང་བའི་ཞབས་ཀྱིས་བཞུགས་པ། གཞོན་ནུ་མ་ལུང་ཚོལ་ལ་བབ་པ། དེའི་ཤིང་རྟའི་མདུན་འོག་ཏུ་རླུང་གི་དཀྱིལ་འཁོར་ལ་ཧ་ལས་ཡོངས་སུ་རྫོགས་པའི་འཕྲུལ་པའི་བཟའ་ཆེན་པོ་རཱ་ཧུ་
ཉེ་མོའི་ཉི་མ་དང་མཚན་མོའི་ཟླ་བ་ཡོངས་སུ་འཛིན་པའོ། །ལྷ་མོ་བཞིས་ཡོངས་སུ་བསྐོར་བ་སྟེ། ཨོཾ་མཱ་རཱི་ཙྱཻ་སྭཱ་ཧཱ། ཞེས་བྱ་བ་ནི་སྔགས་སོ། །མདུན་དུ་གནས་པའི་ཡང་དག་པར་བསྐུལ་བའི་ཤིང་རྟའི་མཆོག་ཕྱག་བཞི་པ། མདོག་
དམར་བ་ཕག་པའི་ཞེས་གོས་དམར་པོ་འཆང་བ། དམར་པོའི་ཤང་འགག་དང་། སྟོད་གཡོག་འཆང་བ། རྒྱན་ཐམས་ཅད་ཀྱིས་བརྒྱན་པ། ཁབ་དང་སྐུད་པར་བྱེད་པའི་ཤིང་རྟའི་མཆོག་ལས། ལྕག་ཀྱུ་ཡིས་བསྒྲུབ་བྱ་འགུག་བཞིན་པ་དང་། ཞགས་
པ་དང་། ཡལ་གའི་ཕྱག་ཅན་ནོ། །ཨོཾ་ཨོཾ་བ་ཏཱ་ལི་བ་དཱ་ལི་བ་རཱ་ལི། བ་རཱ་ཧཱ་མུ་ཁི་སྭཱ་ཧཱ་ཞེས་བྱ་བའི་སྔགས་འདིས་ཡིད་ཀྱིས་འདོད་པའི་བུད་མེད་དམ། སྐྱིས་པའི་རླུང་གི་དཀྱིལ་འཁོར་ལ་ཞོན་ནས་འགུག་པར་བྱེད་དོ། །ལྷོ་ཕྱོགས་ངོགསུ་གནས་པའི་ལྷ་མོ་
ནི། ཨོཾ་བ་ཏཱ་ལི། བ་དཱ་ལི་བ་རཱ་ལི། བ་རཱ་ཧཱ་མུ་ཁི་སརྦ་དུཥྚ་པྲ་དུཥྚ་ཙཀྵུར་མུ་ཁྃ་བནྡྷ་བནྡྷ་མི་སྭཱ་ཧཱ། ཞེས་བྱ་བ་ནི་གདུག་པ་ཅན་གྱི་ཁ་འཆིང་བར་བྱེད་པའི་སྔགས་སོ། །ཕྱག་བཞི་པ་གསེར་གྱི་མདོག་གོས་དམར་པོ་འཆང་བ་དམར་པོ་ཤང་འགག་དང་སྟོད་
97-1-181a


གཡོག་འཆང་བ་ཅན། མྱ་ངན་མེད་པའི་ཡལ་ག་ཅན། མྱ་ངན་མེད་པའི་ཡལ་ག་དང་ཞགས་པའི་ཕྱག་ཅན། ཁབ་དང་སྐུད་པ་དང་དྲུབ་བཞིན་པ། མྱ་ངན་མེད་པའི་མེ་ཏོག་གི་ཕྲིང་བ་དབུ་ལ་བརྒྱན་པའོ། །ནུབ་ཕྱོགས་སུ་གནས་པའི་
ལྷ་མོ་ནི། ཨོཾ་བ་ཏཱ་ལི་བ་དཱ་ལི་བ་རཱ་ལི་བ་རཱ་ཧཱ་མུ་ཁི་སརྦ་དུཥྚ་པྲ་དུཥྚ་ནཱྃ། སྟྃ་བྷ་ཡ་སྭཱ་ཧཱ། རྒྱབ་དུ་གནས་པའི་ལྷ་དང་། རྒྱབ་དུ་གནས་པའི་ལྷ་མོ་ཕྱག་བཞི་པ་བསམ་པར་བྱའོ། །རྡོ་རྗེ་དང་ཞགས་པ་དང་ཡལ་ག་དང་ཁབ་ཀྱི་ཕྱག་ཅན་གསེར་
མདོག་གོས་དམར་པོ་འཆང་བ། ཤང་འགག་དང་སྟོད་གཡོགས་དམར་པོ་ཅན་གཞོན་ནུ་རྒྱན་ཐམས་ཅད་ཀྱིས་བརྒྱན་པ་མྱ་ངན་མེད་པའི་མེ་ཏོག་གི་ཕྲེང་བས་དབུ་ལ་བརྒྱན་པའོ། །ཨོཾ་ཨོཾ་བ་ཏཱ་ལི། བ་དཱ་ལི། བ་རཱ་ལི། བ་རཱ་ཧཱ་མུ་ཁི་
སརྦ་དུཥྚཾ་མི་མི་བ་ཤ་མ་ནཱ་ཡ་སྭཱཧཱ། བྱང་ཕྱོགས་སུ་གནས་པའི་ལྷ་མོ་ཕྱག་བཞི་པ་སྣ་ཚོགས་ཀྱིས་བརྒྱན་པ། གོས་དམར་པོ་འཆང་ཞིང་དམར་པོའི་ཤང་འགག་དང་། སྟོད་གཡོགས་ཅན་ཉི་མ་འཆར་བ་ལྟ་བུའི་འོད་
འཕྲོ་བ། འདོད་པའི་མེ་ལྟ་བུ་འབར་བ། གཡོན་པའི་ཕྱག་དུ་འབར་བའི་གཞུ་དང་། མྱ་ངན་མེད་བཟུང་བའི་ཕྱག་གིས་གཡས་པའི་ཕྱག་ན་མདའ་དང་རྡོ་རྗེ་འོད་འཕྲོ་བའོ། །འཇིགས་པའི་དུས་ཀྱི་བསྐལ་པའི་མེ་ལྟ་བུ་གནས་
པའི་ལྷ་མོ་སེམས་ཅན་ཐམས་ཅད་དབང་དུ་བྱེད་མ། རྩོམ་པའི་དང་པོ་ཉིད་དུ་འཕགས་པའི་དགེ་འདུན་ལ་སྟོན་མོ་བྱ་སྟེ། རས་སར་པ་ལ་བཅོམ་ལྡན་འདས་མ་འོད་ཟེར་ཅན་གྱི་ཐང་སྐུ་ལྷ་བཟོ་མཁན་གསོ་སྦྱོང་ལ་གནས་
པས་བྲི་བར་བྱའོ། །གུས་པ་དང་ལྡན་པས་སྟེང་གཡོགས་ཡོད་པའི་ཕྱོགས་གཅིག་ཏུ་ཕྱི་ནི་ཐང་སྐུ་རྫོགས་པར་བྱ་སྟེ། དགེ་སློང་མ་རྣམས་ལ་སྟོན་མོ་སྦྱིན་ཞིང་བུ་མོ་གཞོན་ནུ་མ་རྣམ་ལ་ཡང་སྟོན་མོ་སྦྱིན་ནོ། །དེ་ནས་རྫིང་བུ་འམ་
རྒྱ་མཚོ་འམ། རི་བོ་འམ་དུར་ཁྲོད་དམ། ཤིང་ནྱ་གྲོ་དྷའི་ཙ་བ་འམ། སྐྱེད་མོས་ཚལ་ལམ། ལྷ་ཁང་ངམ། ཁང་པ་རུ་གདུང་དང་བཅས་པའི་མཆོད་རྟེན་གྱི་ནང་དུ་སྐུ་གཟུགས་བཀྲམ་ལ་མཆོད་པ་རྣམ་པ་ལྔ་དང་བཅས་པས་ཡི་གེའི་
97-1-181b


གྲངྶ་གྱི་འབུམ་བཟླའོ། །དེ་ནས་དང་པོ་དང་། གཉིས་པ་དང་། གསུམ་པས་སྡིག་པ་འདག་པར་འགྱུར་རོ། །བཞི་པ་ནི་རྒྱ་མཚོ་ལས་བརྒལ་བ་དང་། རི་བོ་ལ་གནས་པ་དང་། གཞོན་ནུ་མ་དང་ཕྲད་པ་མཐོང་ངོ་། །དེ་ནས་
སྡིག་པ་དག་པ་ཡིན་ནོ་ཞེས་རྟོག་པར་བྱའོ། །ལྔ་པ་ལ་མེ་མར་གྱི་རྩེ་མོ་འཕེལ་ཞིང་དྲི་ཞིམ་པོ་སྣ་ལ་བྲོའོ། །དྲུག་པ་ལ་སངས་རྒྱས་དང་བྱང་ཆུབ་སེཾདའ་མཐོང་ངོ་། །བདུན་པ་ལ་ནི་འོད་ཟེར་ཅན་མཐོང་བར་འགྱུར་རོ། །
གང་གི་ཚེ་སྒྲུབ་པོས་རྟགས་འདི་རྣམས་མཐོང་ན་དེའི་ཚེ་སྔགས་གྲུབ་པ་བརྟེན་པོར་གྱུར་པ་ཡིན་ནོ། །གང་གིས་ཚེ་མི་དགེ་བའི་མཚན་མ་མཐོང་ན་དེའི་ཚེ་ནི་སྦྲུལ་དང་སྤྲེའུ་དང་བྱི་ལ་དང་བོང་བུ་དང་། རྟ་དང་གླང་པོ་ཆེ་དང་མ་
ཧེ་ཤ་དང་ཁྱི་དང་། དེ་བཞིན་ཕན་ཚུན་དུ་འཐབ་བཞིན་པ་དང་། སྒྲུབ་པ་པོ་སྐྲག་བཞིན་པར་གལ་ཏེ་མཐོང་ན་དེའི་ཚེ་ཉིས་འགྱུར་གྱིས་འབུམ་ཚོ་བཟླས་ན་དེའི་ཚེ་བཅོམ་ལྡན་འདས་མའི་གཟུགས་སུ་དངོས་སུ་མཐོང་སྟེ་
དེ་ནས་རྟོག་པ་ལས་གསུང་པའི་ལས་འགྲུབ་པོ། །ཨོཾ་མཱ་རཱི་ཙྱཻ་སྭཱ་ཧཱ་ཞེས་བྱ་བའི་སྔགས་འདི་ལས་ཐམས་ཅད་ལ་སྦྱར་བར་བྱའོ། །རྟག་ཏུ་རྒྱ་ཕྲག་བརྒྱད་བཟླས་ན་འཛིན་བློ་རྣོ་བར་འགྱུར་ཞིང་གཞུང་སྟོང་ཕྲག་གཅིག་འཛིན་
པར་འགྱུར་རོ། །ཚེ་རིང་བ་དང་ནད་མེད་པ་དང་སྟོབས་དང་ལྡན་པར་འགྲུབ་ཅིང་དེ་ཐམས་ཅད་ཀྱིས་མཆོད་པའི་འོས་སུ་འགྱུར་རོ། །ཚེ་སྟོང་ཕྲག་འཕེལ་བ་ནི་ཁྲི་ཚོ་གཅིག་བཟླས་པས་གྲུབ་པ་ཐོབ་པར་འགྱུར་རོ། །མཚམ་མེད་པ་རྣམ་
པ་ལྔ་བྱས་ཀྱང་བྱེ་བ་ཕྲགཅིག་བཟླས་ན་འགྲུབ་པར་འགྱུར་བ་ནི་ངེས་པར་ཡང་དག་པར་རྣམ་པར་སྣ་མཛད་ཀྱིས་གསུངས་པའོ། །མི་མཐོང་བ་དང་། མིག་སྨན་དང་། མཆིས་ལྷམ་དང་། རལ་གྲི་དང་། རིལུ་དང་། འགི་ཝང་དང་། 
མཁའ་སྤྱོད་དང་། དབང་དང་། དགུག་པ་དང་། བསྐྲད་པ་དང་། བསད་པ་དང་། དབྱེ་བ་དང་རེངས་བ་དང་། རྨོངས་པར་བྱ་བ་དང་། བཅིང་བ་དང་གནན་པ་དང་ཕུར་བུས་གདབ་པ་དང་། གནོད་སྦྱིན་མོ་དགུག་པ་དང་། མཁའ་འགྲོ་མ་ཚར་བཅད་པ་དང་། 
97-1-182a


རིམས་དང་། ནད་དང་དུག་དང་རིམས་ཉིན་བཞི་པ་ལ་སོགས་པ་མེད་པར་བྱ་བ་དང་དབབ་པ་དང་ལྷ་དགུག་པ་དང་། གཏེར་སྟོར་བ་རྙེད་པར་བྱ་བ་དང་། ངོ་མཚར་བ་མང་བ་ནི་འདིས་བྱེད་དེ། སྔགས་ཀྱི་རྒྱལ་པོ་སྐུལ་ཞིང་འོད་ཟེར་ཅན་གྱི་ང་རྒྱལ་
ལ་ཡང་དག་པར་ལྡན་པས་རྟག་ཏུ་སྔགས་བཟླས་བར་བྱའོ། །དེ་ནས་དབང་དང་དགུག་པའི་ཆོ་ག་ཡིན་ཏེ། སྟེང་གཡོགས་ཡོད་པའི་ཕྱོགས་སུ་ཙན་དན་དཀར་པོས་དཀྱིལ་འཁོར་བྱུགས་པ་འམ། ཡང་ན་ལྕི་བས་བྱས་ཏེ་སྐུ་
གཟུགས་ཀྱི་མདུན་དུ་བྱའོ། །མྱ་ངན་མེད་ཀྱི་མེ་ཏོག་གི་ཁུ་བ་དང་། རྒྱ་སྐྱེགས་དང་། ཙན་དན་དམར་པོ་དང་། གིའུ་ཝང་ལ་གཟུགས་བརྙན་མངོན་པར་བྲིས་ཏེ་སྙིང་གར་སྔགས་དང་སྤེལ་བའི་མིང་བྱས་ལ་དེའི་ཆོས་འབྱུང་དུ་གཡོན་
པའི་ལག་པ་བཞག་སྟེ་རྐང་པར་ལྷུང་ཞིང་སྣ་ཚོགས་པས་མྱོས་ཏེ་ཤིན་ཏུ་ཆགས་པས་སྐྲ་གྲོལ་བ་འདར་བཞིན་པ་བསམ་ལ་སྔགས་བཟླའོ། །མིང་བཟུང་བའི་སྦྱོར་བས་ཡིད་ལ་འདོད་པ་ཞག་གསུམ་གྱིས་ངེས་པར་དབང་
དུ་བྱེད་དོ། །དེ་ནས་གཞན་ཡང་སྦྱོར་བ་ནི་ཆུ་ཀླུང་གི་ངོགས་གཉིས་ཀྱི་ས་འམ། རྐང་རྗེས་ཀྱི་རྡུལ་དང་ལྡན་པས་གཟུགས་བརྙན་བྱས་ལ། སྔོན་དུ་བསྟན་པའི་རྫས་དེ་ཉིད་ཀྱིས་གྲོ་ག་འམ། དུར་ཁྲོད་ཀྱི་རས་ལ་སྔགས་དང་སྤེལ་
བའི་མིང་བྲིས་ཏེ་སྙིང་གར་བཅུག་ལ། དེ་ནི་སྐར་མ་རྒྱལ་ལ་བྱའོ། །སོར་བརྒྱད་པའི་མྱ་ངན་མེད་པའི་ཕུར་བུས་སྐྱེ་གནས་ཕུག་ལ་ཕུར་བུ་དེ་གཡོན་པའི་ལག་པར་བཞག་སྟེ་མིང་བཟུང་བས་སྔགས་བཟླས་པ་བྱའོ། །ངེས་
པར་ཞག་གསུམ་གྱི་དབང་ཕྱུག་ཆེན་པོའི་ཆུང་མ་ཡང་དབང་དུ་གྱུར་ན་གཞན་སྐྱེ་འགྲོ་རྣམས་སྨོས་ཀྱང་ཅི་དགོས། དེ་ནས་གཞན་ཡང་སྦྱོར་བ་ནི་འདི་ཡིན་ཏེ། སྤྲ་ཚིལ་གྱི་རང་བཞིན་གྱི་གཟུགས་བརྙན་བྱས་ལ་སིན་དུ་རའི་རྡུལ་
གྱིས་མཛེས་པའི་སྣོད་དུ་བསྟན་པའི་སྨན་ཆེན་པོས་གྲོ་ག་ལ་སྔགས་དང་སྤེལ་བའི་མིང་བྲིས་ཏེ་སྙིང་གར་བཞག་གོ། འདི་ཀུན་ཀྱང་སྐར་མ་རྒྱལ་ལ་བྱའོ། །མྱ་ངན་མེད་ཀྱི་ཕུར་བུས་ཆོས་འབྱུང་ཕུག་ལ་ལུས་སྐེ་ཚེས་བྱུགས་ལ་སེང་
97-1-182b


ལྡེང་གི་མེ་ལ་བདུགས་པ་ཙམ་གྱིས་བརྒྱ་བྱིན་གྱི་བུ་མོ་ཡང་ཞག་གསུཾ་གྱི་དབང་དུ་འགྱུར་ན་མིའི་བུ་མོ་ལྟ་སྨོས་ཀྱང་ཅི་དགོས། དེ་ལྟར་སྐྱེས་པ་ལ་ཡང་སྔགས་བཟླས་པ་ཙམ་གྱིས་འགྲུབ་པོ། །དེ་ནས་བཞན་ཡང་སྦྱོར་བ་ནི་འདི་ཡིན་ཏེ་
དུར་ཁྲོད་ཀྱི་ཐལ་བ་དང་། གྲོག་མཁར་གྱི་ས་དང་རྫ་མཁན་གྱི་འཁོར་ལོའི་ས་དང་རྐང་རྗེས་ཀྱི་ས་དང་ལྡན་པས་གཟུགས་བརྙན་བྱས་ལ་ཙན་དན་དམར་པོ་དང་། གིའུ་ཝང་གི་སྔགས་དང་སྤེལ་བའི་མིང་གྲོ་ག་ལ་བྲིས་ཏེ་སྙིང་གར་བཅུག་
ཏེ། སེང་ལྡེང་གི་མེ་ལ་གདུང་བར་བྱས་ན་མིའི་རྒྱལ་པོ་ཡང་ཞག་བདུན་དུ་ཐུན་འཚམས་གསུམ་དུ་ཐང་སྐུའི་མདུན་དུ་བཟླས་པ་བྱས་ན་དབང་དུ་བྱེད་ཅིང་མཐོང་ཞིང་ཡིད་ཆེས་པའོ། །དེ་ནས་གཞན་ཡང་གུས་པའི་སྦྱོར་བ་ཆེན་པོ་ནི་དཔྱང་
ཏེ་ཤི་བའི་མིག་གཡོན་པའི་མིག་སྨན་དང་། གཡོན་པའི་སྲིན་ལག་དང་། གཡོན་པའི་རྩིབ་མའི་སོར་དྲུག་པ་བླང་ཏེ་སྐྱེས་བུའི་ཐོད་པས་ཙན་དན་དམར་པོ་དང་། རྒྱ་སྐྱེགས་དང་། གིའུ་ཝང་དང་། ཤིང་མྱ་ངན་མེད་ཀྱི་མེ་ཏོག་གི་ཁུ་བ་སྐར་
མ་རྒྱལ་གྱི་དུས་སུ་བླངས་ཏེ་པད་མ་འདབ་མ་བརྒྱད་པ་ལ་མིང་སྤེལ་བས་སྔགས་ཀྱི་རྒྱལ་པོ་བྲིའོ། །མེ་དུག་གིས་བསྐོར་བ་རླུང་གི་ས་བོན་གྱིས་བཀང་བར་བསམས་ལ་ལྷ་མོ་ཉི་མའི་དཀྱིལ་འཁོར་ལ་གཡས་བརྐྱང་བའི་ཞབས་
ཀྱིས་བཞུགས་པ། ཞགས་པ་དང་ལྕག་ཀྱུ་བཀུག་བཞིན་པ་རླུང་གི་དཀྱིལ་འཁོར་དཔག་ཚད་སྟོང་ན་ཡོད་པ་ཡང་འགུག་པར་བྱེད་དོ། །བུད་མེད་དགུག་པ་མཆོད་དུ་དུ་གྲུབ་པའོ། །དེ་ནས་གཞན་ཡང་སྦྱོར་བ་འདི་ཡིན་ཏེ། མྱ་ངན་མེད་ཀྱི་ཤིང་ལེབ་ལ་མིའི་བདག་
པོའི་གཟུགས་གསལ་པོར་བྲིས་ལ་རང་གི་ཁྲག་དང་གིའུ་བང་དང་གུར་ཀུཾ་གྱི་དེའི་སྙིང་གར་མིང་བྲིས་ཏེ་མིང་གིས་ཡོངསུ་བསྐོར་ཅིང་། ཡང་ཙྱཻ་ཡི་ཡོངསུ་སྐོར་བ་བྱས་ལ། རྐང་པ་གཡོན་པས་གནོན་ཅིང་མིའི་བདག་པོའི་མིང་བཟུང་བའི་སྔགས་བཟླས་པ་བྱས་ན་ཞག་གསུཾ་གྱིས་
ཐེ་ཙོཾ་མེད་པར་འགུག་པར་བྱེད་དོ། །དེ་ནས་གནོད་སྦྱིན་མོ་འགུག་པར་འདོད་ན་དགེ་བའི་སྐར་མ་བཟང་བ་རྒྱལ་ལ་དུར་ཁྲོད་དུ་ཤིང་ནྱ་གྲོ་དྷའི་རང་བཞིན་གྱི་གཟུག་བརྙན་ཁྲུ་གང་ཚད་ཙཾ་གྱིས་གནོད་སྦྱིན་མོའི་གཟུག་རྙན་ཁྲུ་གང་ཚད་ཙཾ་གྱི་གྱི་གནོད་སྦྱིན་མོའི་གཟུགས་
97-1-183a


གསལ་པོ་ལང་ཚོ་ལ་བབ་པ་བྱས་ལ། རྒྱན་ཐམས་ཅད་ཀྱིས་རྒྱན་པ་གཡས་པའི་ཞབས་ཅུང་ཞིག་བསྐུམ་པ། གཡོན་པའི་ཕྱག་གིས་ཤིང་ནྱ་གྲོ་དྷའི་ཡལ་ག་ལ་འཇུས་པ། སྒེག་པའི་ཉམས་ཀྱི་རོལ་པའི་འདོད་
པའི་སྤྱད་པ་ལ་དགའ་བ། སྔོན་དུ་བསྟན་པའི་སྨན་ཆེན་པོས་མིང་དང་། སྔགས་སྤེལ་བའི་སྙིང་གར་བྱས་ལ། སྟེང་གཡོགས་ཡོད་པའི་ས་ཕྱོགས་གཅིག་ཏུ་མིའི་འདུ་འཛི་མེད་པར་ནུབ་མོར་དོག་སར་ཙན་དན་གྱི་དཀྱིལ་འཁོར་ཉེ་བར་
བྱུགས་ལ་ཐུང་སྐུའི་མདུན་དུ་བཞུགས་པར་བྱའོ། །མེ་ཏོག་གི་རྣཾ་པར་བཀྲཾ་ཏེ། མར་མེ་སྦར་བར་བྱ་ཞིང་། གུ་གུལ་གྱི་བདུག་པ་ཡང་སྦྱིན་པར་བྱའོ། །གནོད་སྦྱིན་མོ་གང་གི་མིང་ནས་གཟུང་ནས་བཟླས་པ་བྱས་ན་དེ་འོང་བར་འགྱུརོ། །ཞག་དང་པོ་ལ་མཚན་མ་སྟོན་ཅིང་
དེ་ནས་ཞག་གཞན་གྱིས་མཐོང་བར་བྱེད་དོ། །དེའི་ཚེ་ཅི་ཡང་མི་སྨྲ་བར་གནས་པར་བྱའོ། །སྨྲ་བཅད་ཀྱི་སྡོམ་པས་ཅི་སྲིད་ཟླ་བ་གཅིག་ཏུ་བྱས་ན་འགྲུབ་པར་འགྱུརོ། །གྲུབ་ནས་མཆོག་སྟེར་བར་བྱེད་དོ། །མ་ཉིད་དམ། སྲིང་མོ་ཉིད་དམ། ཆུང་མ་ཉིད་གང་རུང་དུ་སྒྲུབ་པ་པོས་
བརྗོད་པར་བྱའོ། །དེའི་ཚེ་ལུས་ཀྱིས་ཁུར་ནས་རང་གི་ཡུལ་དུ་འགྲོ་སྟེ། སྒྲུབ་པ་པོ་བསྐལ་པ་གཅིག་གི་བར་དུ་ཅི་དགོས་འཚོ་བར་འགྱུརོ། །གང་གི་ཚེ་སྐྱོན་གྱི་བག་མེད་པར་གྱུར་ཏེ་མ་གྲུབ་ན་སྦྱིན་བདག་ཆེན་པོར་འགྱུར་ཏེ་ཚེ་འདི་ལ་ལོང་སྤྱོད་རྒྱ་ཆེན་པོ་ཐོབ་ཅིང་
སྐྱེ་བ་གཞན་དུ་གནོད་སྦྱིན་གྱི་རིགསུ་སྐྱེ་བར་འགྱུརོ། །དེ་ལྟར་གནོད་སྦྱིན་མོའི་སྒྲུབ་ཐབས་ཀྱི་ཆོ་ག་བརྗོད་པའོ། །གཞན་ཡང་རྒྱལ་པོ་དབང་དུ་བྱ་བར་འདོད་ན་ཤིང་ནྱ་གྲོ་དྷའི་རྩ་བར་མར་ལ་འཕྱང་བ་ལ་དེའི་རང་བཞིན་གྱི་གཟུགས་བརྙན་བྱས་ལ་ལེགས་
ཤིང་གསལ་བར་བྱའོ། །དེའི་སྙིང་གར་མིང་གིའུ་ཝང་དང་། རྒྱ་སྐྱེགས་དང་། གུར་གུམ་གྱིས་མངོན་པར་བྲིས་ལ་ཞགས་པ་དང་ལྕགས་ཀྱུ་གཉིས་ཀྱིས་བཀུག་ཅིང་རྐང་པ་གཉིསུ་ལྷུང་བར་བསཾ་ཞིང་སྔགས་ཟླས་ན་ཁོལ་པོ་བཞིན་དུ་ཅི་སྲིད་འཚོའི་
བར་དུ་འགྱུརོ། །སྦྱོར་བ་མཆོག་ཏུ་གྱུར་པ་འདི་ནི་ངེས་པར་འབད་པར་བྱའོ། །ཡང་ན་དགེ་བའི་ཉིན་ཞལ་རྒྱལ་ལ་བྱས་པ་ནི་ཤིང་མྱ་ངན་མེད་ཀྱི་རང་བཞིན་ལ་གཟུགས་བརྙན་ཁྲུ་གང་ཙཾ་བྱས་ལ་ཡང་རྒྱལ་བ་བཅྡོཾས་མ་འོད་ཟེར་ཅན་མ་ཕྱག་བརྒྱད་པ། ཞལ་
97-1-183b


གསུམ་པ། སྤྱན་གསུམ་པ། མཆོད་རྟེན་གྱི་དཔལ་ལ་རྒྱན་པའི་མགོ་སྐྱེས་ཅན། མྱ་ངན་མེད་ཀྱི་མེ་ཏོག་ཕྲེང་བས་བརྒྱན་པ། གསེར་གྱི་རྣ་བརྒྱན་དང་། མགུལ་རྒྱན་དང་། ཕྲེང་བ་ཕྱེད་པ་དང་། གདུ་བུ་དང་། སྐ་རགས་དང་། རྐང་རྒྱན་དང་
སྣ་ཚོགས་པའྀ་ཕྲེང་བ་བརྒྱ་ཡིས་བརྒྱན་པ་འཛམ་བུའི་ཆུ་བོའི་གསེར་ལྟ་བུའི་འོད་འབར་བའི་སྐུ་སྟོང་ཕྲག་བཅུ་བཞིའི་ཉི་མའི་འོད་དང་འདྲ་བའི་འོད་གོས་དམར་པོ་འཆུང་ཞིང་སྣ་ཚོགས་པའི་ཤང་འགག་དང་། སྟོད་གཡོགས་
ཅན། གཡོན་པའི་ཕྱག་ཏུ་གཞུ་དང་། མྱ་ངན་མེད་པ་དང་། ཞགས་པ་དང་། སྐུད་པའི་ཕྱག་ཅནོ། །གཡས་ཕྱོགས་ན་འབར་བའི་རྡོ་རྗེ་དང་། མདའ་གསོར་བ་དང་། ཁབ་དང་ལྕགས་ཀྱུ་བསྣམས་པའི་ཕྱག་གོ། །གཡས་དང་གཡོན་ནི་ཕག་
གི་ཞལ་ལོ། །དང་པོའི་ཞལ་ཕྱེ་བའི་འོད་ཟེར་ཅན། གསེར་ཞུན་མ་ལྟ་བུ་དང་འདྲ་བ། མེ་ཏོག་རྒྱས་པ་ལྟ་བུའི་སྤྱནོ། །མཛེས་པའི་ཞལ་འོད་འཕྲོ་བ་བྱི་རུ་དང་། བན་དུ་ཀ་དང་ཛ་མའི་མེ་ཏོག་ལྟ་བུའི་མཆུའོ། །གཞོན་པའི་ཞལ་འགྱུར་བ་ཁྲོས་
པ། མཆེ་བ་གཙིགས་པ་འཇིགས་པར་བྱེད་པ། མི་ཟད་པའི་ཁྲོ་གཉེར་ཅན། སྤྱན་མི་འཁྱོག་པ་མ་ཉཾས་པ་ལྗགས་འདྲིལ་བ། འཇིགས་པ་འང་འཛིན་པར་བྱེད་པ། ཨིནྡྲ་ནཱི་ལ་ལྟ་བུ་གཡོན་པའི་ཞལ་ལོ། །གཡས་པ་ནི་ཕགི་ཞལ་ཅན་
པད་མ་ར་ག་ལྟ་བུའི་མདོག་གོ། མྱ་ངན་མེད་ཀྱི་སྡོང་པོ་མེ་ཏོག་དང་བཅས་པ་ནི་རྒྱན་དུ་བཅས་པའོ། །ཟླ་བ་དང་། ཉི་མའི་རང་བཞིན་གྱི་ལྷ་མ་ཡིན་དང་། ཕག་པའི་ཤིང་རྟ་དང་ཉེ་བར་སྦྱར་བ་གཡོན་བརྐྱང་བའི་ཞབས་ཀྱིས་གནས་པའི་
ལྷ་མོ་ལང་ཚོ་ལ་གནས་པའི་ཤིང་རྟའི་འོག་ན། རླུང་གི་དཀྱིལ་འཁོར་ལ་ཧྃ་ཡོངསུ་གྱུར་པ་ལས་གཟའ་རཱ་ཧུ་ལའི་ཉིན་མོ་ཉི་མ་མཚན་མོ་ཟླ་བ་འཛིན་པ། ཡང་སྐར་མ་རྒྱལ་ལ། ཅི་འབྱོར་པའི་མཆོད་པ་བྱ་ཞིང་འབད་ལ་གཞོན་ནུ་མའི་
སྟོན་མོ་བྱའོ། །དེ་ནས་ངེས་པར་རྫོགས་པར་བྱ་བའི་སྐུ་གཟུགས་ཕྱིས་ནས་གདུང་གི་རིལུ་གསེར་གྱིས་དཀྲིས་ལ་སྤྱི་བོ་ན་ཡོད་པའི་མཆོད་རྟེན་གྱི་ཞབས་ཀྱི་ནང་དུ་བློ་དང་ལྡན་པས་བཅུག་སྟེ། དེ་ནས་སྐུ་གཟུགས་དེ་གདུང་དང་བཅས་པའི་
97-1-184a


སྐུ་གཟུགསུ་ཤེས་པར་བྱའོ། །ཡང་སྐུ་གཟུགསུ་དེ་སྟེང་ཁབ་ཡོད་པའི་ས་ཕྱོགས་གཅིག་ཡངས་པའི་གནསུ་ཙན་དན་ནམ། བ་ལང་གི་ལྕི་བས་དེའི་མདུན་དུ་དཀྱིལ་འཁོར་ཉེ་བར་བྱུག་ལ་ཡང་དག་པར་མཆོད་དེ་བཟླས་
པ་བྱས་ན་མེ་ཏོག་གི་རྣམ་པས་བཀྲཾ་ཞིང་མེ་ཏོག་གི་ཕྲེང་བ་དང་། དྲ་བ་དང་། དྲ་བ་ཕྱེད་པ་དཔྱངས་ཏེ། མར་མེའི་ཕྲེང་བས་བརྒྱན་པ་ལ་དྲི་ཞིམ་པོ་དང་། དྲི་དང་ལྷ་བཤོས་དང་། ཙན་དན་དང་གུ་གུལ་གྱི་བདུག་པོས་སྦྱིན་ནོ། །དེ་ནས་མཆོད་ཡོན་
གྱི་སྣོད་བཤད་པར་བྱ་སྟེ། དུང་དང་། ཉ་ཕྱིས་ཀྱི་སྣོད་དང་། གསེར་དངུལ་དང་། ཟངས་མའོ། །ཡང་ན་འདབ་ཆགས་རང་བཞིན་གྱི་བུམ་པ་ལ་བྱའོ། །སྔོན་བཞིན་དུ་བདག་ཉིད་ཀྱིས་རྣམ་པར་སྣང་མཛད་ཕྱག་རྒྱ་རྒྱ་ཆེན་པོའི་བཟུང་བ་ལ་བསཾ་པར་
བྱའོ། །དེ་ནས་བཅྡོཾས་མ་འོད་ཟེར་ཅན་རང་དགུག་པའི་སྔགས་ནི། ཨོཾ་མཱ་རཱི་ཙྱཻ་ཨེ་ཧྱེ་ཧི་ཨ་ཏ་སན་ནི་ཧི་ཏོ་བྷ་བ། འོངས་ནས་སྐུ་གཟུགས་དེ་ལ་བཞུགས་པར་བསྒོམ་པར་བྱའོ། །དེ་ནས་མཆོད་པ་རྣམ་པ་ལྔ་དང་ལྡན་པས་ཡང་དག་
པར་མཆོད་ལ། ཨོཾ་མཱ་རཱི་ཙྱཻ་དེ་བ་ཏཱ་ཡཻ་ཨནྟ་ས་ནི། ཧི་ཏོ་མེ་བྷ་བ་ཨ་ནུ་རབ་མེ་བྷ་བ་སུ་ཏོ་ཤྱོ་མེ་བྷ་བ་སརྦ་དྷིཾ་མེ་བྷ་བ། པྲ་ཡཙྪ། དེ་ལྟར་བསྒྲུབ་པ་པོས་བརྗོད་པར་བྱའོ། །དེ་ནས་སྔོན་དུ་གསུངས་པའི་བུམ་པ་ཙན་དན་དཀར་པོས་བྱུགས་ལ་མེ་ཏོག་
ཕྲེང་བ་འཛིན་པ་ལ་རིག་པ་འཛིན་པས་རྒྱ་ཕྲག་བརྒྱད་བཟླས་ཏེ་ཨརྒ་བྱིན་ལ་བུཾ་པ་དེ་བཞག་པར་བྱའོ། །བཅྡོཾས་མ་བདག་ཉིད་ལ་དབང་བསྐུར་ཞིང་དེ་ལྟར་བརྗོད་པས་དེ་ནས་ཁྱེད་ཀྱི་སྔགས་བདག་ལ་གྲུབ་པར་མཛད་དུ་
གསོལ། དེ་ནས་འོད་ཟེར་ཅན་བདག་ལ་བསྙེན་པས་བཟླས་པ་དང་བསྒོམ་པ་བྱ་ཞིང་ཡེ་གེ་གྲངས་ཀྱི་འབུམ་ཟླའོ། །དེ་ནས་དངོས་གྲུབ་ཀྱི་མཚན་ཉིད་སྐྱེས་ཏེ་སྐུ་གཡོ་བ་འམ། འདར་བ་འམ། མེ་མར་གྱི་རྩེ་མོ་ཕྲེང་བ་དང་། 
དྲི་ཞིམ་པོའི་དྲི་བྲོ་བ་དང་། དྲོ་བ་དང་། དུད་པ་དང་། འབར་བ་བཞིན་མཐོང་ངོ་། །གལ་ཏེ་མ་མཐོང་ན་དེའི་ཚེ་ཉིས་འགྱུར་གྱི་བཟླས་པ་བྱའོ། །ཡང་ན་བྱེ་བ་གཅིག་བཟླས་པ་བྱས་ན་འགྲུབ་སྟེ། དེ་ནས་བཅྡོཾས་མ་འོད་ཟེར་ཅན་དངོས་ཀྱི་
97-1-184b


གཟུགས་མཐོང་ཞིང་འགྲུབ་པར་འགྱུརོ། །མཆོག་སྟེར་ཞིང་ཡིད་ལ་འདོད་པ་གྲུབ་པའོ། །རལ་གྲི་དང་མིག་སྨན་དང་། མཆིལ་ལྷམ་དང་གིའུ་ཝང་དང་མི་སྣང་བ་དང་རིལུ་དང་བཅུད་ཀྱིས་ལེན་ཉིད་ཀྱང་བྱའོ། །དངོས་གྲུབ་ཡིད་དུ་འོང་བའི་
རལ་གྲི་བཟུང་བ་ཙམ་གྱིས་རིག་པ་རྣམས་ཀྱི་བདག་པོར་འགྱུར་ཏེ། རིག་པ་འཛིན་མ་རྣམས་དང་ལྷན་ཅིག་ཏུ་རོལ། རལ་གྲིའི་དངོས་གྲུབ་བརྗོད་པའོ། །མིག་སྨན་མིག་ལ་བསྐུས་པ་ཙམ་གྱིས་བལྟས་ན་ལྷ་དང་ལྷ་མ་ཡིན་དང་མི་དང་
བཅས་པ་དབང་དུ་འགྱུརོ། །མིག་སྨན་གྱི་དངོས་གྲུབ་བརྗོད་པའོ། །མཆིལ་ལྷམ་གོན་ན། དཔག་ཚད་སྟོང་དུ་འགྲོ་བ་དང་འོང་བར་བྱེད་དོ། །མཆིལ་ལྷམ་གྱི་དངོས་གྲུབ་བརྗོད་པའོ། །གིའུ་ཝང་གིས་དཔྲལ་བར་ཐིག་ལེ་བྱས་ན། སྣ་ཚོགས་
ཀྱི་གཟུགས་འཛིན་པར་འགྱུར་ཞིང་མཐོང་བ་ཙམ་གྱིས་དབང་དུ་འགྱུརོ། །གིའུ་ཝང་གི་དངོས་གྲུབ་བརྗོད་པའོ། །རིལུ་ཁར་བཅུག་ནས་གཞི་ཆེན་པོ་ལ་སྤྱོད་ཅིང་གནོད་དང་འདྲ་བར་འདོད་པའི་གཟུགས་འཛིན་པའོ། །རི་ལུའི་དངོས་གྲུབ་
བོ། །དངུལ་ཆུ་ཡང་དག་པར་རྙེད་པར་བྱས་ན་ཁཾས་ཐམས་ཅད་གསེར་དུ་འགྱུར་ཞིང་རྡོ་རྗེའི་ལུས་པོར་ཡང་འགྱུརོ། །དངུལ་ཆུ་སྒྲུབ་པའོ། །ཡང་ན་གང་འདོད་པ་འཆི་བ་མེད་ཅིང་མཁའ་སྤྱོད་ཀྱི་བདག་པོ་ལྷ་རྫས་ཀྱི་ལུས་ཉེས་པ་
ཐམས་ཅད་ལས་གྲོལ་བ་སྣ་ཚོགས་པའི་གཟུགས་འཆང་ཞིང་འོད་ཟེར་གྱི་སྟོབས་དང་། རྫུ་འཕྲུལ་གྱི་གཞན་གནོན་པའི་གཟི་བརྗིད་དང་མཚུངས་པར་འདོད་ན་དེ་ལྟར་ཐང་སྐུ་དང་སྐུ་གཟུགས་ལ་སྒྲུབ་ཐབས་འདི་འདྲ་བར་
འགྲུབ་པར་འགྱུརོ། །ཡང་ན་བདག་མེད་པ་སྒོཾ་པས་འགྲུབ་སྟེ། ཡང་དག་པ་འདི་ནི་རྣཾ་པར་སྣང་མཛད་ཀྱི་གསུངས་པའོ། །ཡང་ན་རྒྱལ་པོ་དབང་དུ་བྱེད་པར་འདོད་ན་ཙན་དན་དམར་པོ་དང་། གིའུ་ཝང་གིས་གྲོ་ག་ལ་བསྒྲུབ་བྱའི་གཟུགས་བརྙན་
བྲིས་ལ་དེའི་སྙིང་གར་སྔགས་དང་སྤེལ་བའི་མིང་བྲིས་ཏེ་དེ་སྐུ་གཟུགས་ཀྱི་རྐང་པའི་འོག་ཏུ་ཡང་དག་པར་བཞག་ལ་དམར་པོའི་ཕྲེང་བ་དང་གོས་འཆང་བར་འགྱུར་བས་མེ་ཏོག་དམར་པོས་མཆོད་པ་བྱས་ལ་གུར་ཀུཾ་གྱི་བདུག་པོས་སྦྱིནོ། །དེ་ལ་དེ་ཉིད་ཞགས་
97-1-185a


པ་དང་ལྕགས་ཀྱུས་བཀུག་སྟེ། རྐང་པ་གཉིསུ་ལྷུང་ཞིང་སྐྱུག་བཞིན་པར་བསཾ་པར་བྱའོ། །སྔགས་ཀྱི་རྒྱལ་པོས་བསྐུལ་བས་མིའི་བདག་པོ་ཡང་ཞག་གསུཾ་གྱིས་དབང་དུ་འགྱུརོ། །དེ་ནས་གཞན་ཡང་སྦྱོར་བ་ནི་འདི་ཡིན་ཏེ། 
དེ་ཉིད་ཀྱི་སྐུ་གཟུགས་ལ་ཁྲག་དང་བཅས་པས་གུར་ཀུཾ་དང་། གིའུ་ཝང་གྀས་གྲོ་ག་ལ་བསྒྲུབ་བྱའི་གཟུགས་བྲིས་ཏེ། དེའི་སྙིང་གར་སྔགས་དང་སྤེལ་བའི་མིང་ས་བོན་གྱིས་བསྐོར་བ། ཡང་སྐྲོཾ་གྱིས་བསྐོར་བ། ཡང་ཙྱཻ་ཡིས་བསྐོར་བར་བྱས་པ་སྐུ་
གཟུགས་ཀྱི་མདུན་དུ་གུ་གུལ་གྱི་བདུགས་པས་བདུག་ཅིང་སྔགས་བརྒྱ་ཕྲག་བརྒྱད་བཟླས་པ་བྱའོ། །དེ་ནས་དེ་ཉིད་ཞག་པ་དང་ལྕགས་ཀྱུས་བཀུག་པ་རླུང་གི་དཀྱིལ་འཁོར་ལ་ཞོན་པར་བསཾ་ན་དཔག་ཚད་ན་ཡོད་པའི་བུད་མེད་མཆོག་
ཏུ་གྱུར་པ་ཡང་འགུགསོ། །ཡང་ན་དེ་ལ་གདུང་གི་རི་ལུའི་ཐབས་བརྗོད་པ་སྟེ། མི་རོའི་ཞག་དང་། བུད་མེད་ཀྱི་སྣ་དང་དུར་ཁྲོད་ཀྱི་ཐལ་བ་དང་། ཡོངསུ་སྨིན་པའི་ཀ་བའི་ཐའི་ཕྱེ་མ་དང་། གུ་གུལ་དཀར་པོ་དང་། རྟའི་རྡུལ་གྱིས་ཡོངསུ་མཉེས་
ལ། བདེ་བར་གཤེགས་པའི་གདུང་ཡིད་ཆེས་པ་ལ་དེ་ཉིད་ཡོངསུ་དཀྲིས་ཏེ་ཉི་མ་དང་ཟླ་བ་དང་མེའི་དབུསུ་གཏོགས་པ་རྒྱལ་གསུཾ་གྱིས་སྒྲུབ་པ་འོད་ཟེར་ཅན་གྱི་མདུན་དུ་སྔགས་བཟླས་པས་གྲུབ་པ་ནི་ཁ་རུ་བཅུག་ན་ས་གཞིའི་དཀྱིལ་འཁོར་
དུ་གནོད་སྦྱིན་དུ་འདོད་པའི་གཟུགས་འཛིན་པར་འགྱུརོ། །དེ་ནས་གཞན་ཡང་རིལུ་བསྒྲུབ་པ་ཡིན་ཏེ། བྱི་ལ་ནག་པོའི་དྲི་མ་དང་། ཁྱི་ནག་པོའི་མིག་དང་། རྟ་ནག་པོའི་མིག་དང་། ཁྭ་ནག་པོའི་མིག་དང་། ཕག་ནག་པོའི་རྣ་བ་གཡོན་པ་དང་། ཁྲག་དང་། 
བདེ་བར་གཤེགས་པའི་གདུང་ཡིད་ཆེས་པ་ལ་དེ་ཉིད་ཡོངསུ་དཀྲིས་ཏེ་ཉི་མ་དང་ཟླ་བ་དང་མེ་གསུཾ་དུ་གཏོག་པའི་རྒྱལ་གསུཾ་ལ་བསྒྲུབས་ཏེ་འོད་ཟེར་ཅན་གྱི་མདུན་དུ་གསང་བའི་གནསུ་མཆོག་གི་ཁར་བཅུག་ནས་སྔགས་བཟླས་ན་ནོར་གྱི་
དྲུག་ཆ་ལེན་ཅིང་གཞན་གྱི་བུད་མེད་མཆོག་རྣཾས་ལོངས་སྤྱོད་དོ། །དེ་ནས་གཞན་ཡྃ་རི་ལུ་ཡིན་ཏེ། སྲིན་བྱ་ནག་པོའི་མིག་དང་། ཁྭ་ནག་པོ་དང་། འུག་པའི་མིག་དང་། ཀོ་སྐྱེ་ནག་པོའི་མིག་དང་། བདེ་བར་གཤེགས་པའི་གདུང་ཡིད་ཆེས་པ་དང་རྡོ་རྗེའི་འོད་མས་མཉེས་
97-1-185b


ལ། རིལུ་ཉི་མ་དང་། ཟླ་བ་དང་། མེའི་ནང་དུ་གཏོགས་པས་དཀྲིས་ལ་བསྒྲུབ་པ་ནི་འོད་ཟེར་ཅན་གྱི་མདུན་དུ་སྔགས་ཟླས་ན་འགྲུབ་པར་འགྱུར་ཏེ་ཁར་བཅུག་ན་མི་མཐོང་བར་འགྱུརོ། །དེ་ལྟར་མེད། གཟུང་དུ་མེད། བཅིང་དུ་མེད། དགག་དུ་མེད། བརྒལ་དུ་མེད། རྨོང་པར་བྱར་མེད། 
ཆད་པས་བཅད་དུ་མེད། མགོ་བྲེག་དུ་མེད། ཚིག་པར་བྱར་མེད། དགྲའི་དབང་དུ་མི་འགྲོའོ། །མི་མཐོང་བར་བྱེད་པའི་གཙོ་བོ་འདིས་ཡང་དག་པར་རྣམ་པར་སྣང་མཛད་ཀྱིས་གསུང་ཏེ། བརྩོན་པའི་མཆོག་ནི་བཟླས་པ་འབའ་ཞིག་ཙམ་གྱིས་བྱའོ། །དེ་ནས་འབེབ་
པར་འདོད་ན་གཞོན་ནུ་དང་གཞོནུ་མ་ལོ་བཅུ་གཉིས་ལོན་པ། མིག་ཡངས་པ། བོང་རིང་བ་དབེན་པའི་ས་ཕྱོགས་གཅིག་ཏུ་གཙང་ཞིང་ཁྲུས་བྱས་པས་གོས་དཀར་པོ་གོན་པ་ཙན་དན་གྱི་ཡན་ལག་བྱུགས་པ། མེ་ཏོག་གི་ཕྲེང་བ་དང་། དྲི་དང་བདུགས་
སྤོས་བྱའོ། །དེ་ནས་བ་ལྃ་གི་ལྕི་བས་དཀྱིལ་འཁོར་ཉེ་བར་བྱུགས་པར་བཞག་ལ་གུ་གུལ་གྱི་བདུག་སྤོས་ལ་བརྒྱ་ཕྲག་བརྒྱད་བཟླས་ཏེ་བྱིན་ལ་བསྒྲུབ་བྱའི་སྙིང་གར་ཟླ་བའི་དཀྱིལ་འཁོར་གྱི་སྟེང་དུ་མཱྃ་དམར་པོ་འབར་བ། མེ་ལྟ་བུའི་རྣཾ་པར་བསཾས་ལ། 
འོད་ཟེར་ཅན་གྱི་ང་རྒྱལ་གྱིས་བསྙེྃས་པ་དང་བཅས་པས་དྲིལ་བུ་མཆོགི་སྒྲ་དང་གུ་གུལ་གྱི་བདུག་ན་སྐད་ཅིག་དེ་ཉིད་ལ་འབེབསོ། །ཨོཾ་མཱ་རཱི་ཙྱཻ་ཨཱ་བེེ་ཤ་ཡ། དྷ་ན་ཀམྤ་ཀམྤ་ཡ། པྲ་ཏྃ་གྲ་ཧ། གྲིཧྞ་ཧཱུྃ་ཨོཾ་ཨ་མཱ་རཱི་ཙྱཻ་སྭཱ་ཧཱ། ཞེས་བྱ་བའི་སྔགས་འདིས་
འབབ་པར་འགྱུར་ཏེ། ཡང་དག་པར་རྣཾ་པར་སྣང་མཛད་ཀྱིས་གསུངས་པའོ། །ཆར་འབེབས་པ་ཞེས་བྱ་བའི་ཏིང་ངེ་འཛིན་ཀླུ་རྣཾས་བསྐུལ་བར་བྱེད་པ་དེ་བཞིན་དུ་ཀླུ་རྣཾས་ཡང་དག་པར་བསྐུལ་ན་ཆར་གྱི་རྒྱུན་འབེས་པར་བྱེད་དོ། །གང་གི་ཚེ་ཆར་མེད་པ་
ཁ་གཅིག་གི་དུསུ་གདུག་པ་ཅན་གྱི་ཀླུ་མི་བཟད་པ་གདུག་པའི་སེམས་དང་ལྡན་པས་ལོ་ཏོག་དང་རྩ་དང་ཡན་ལག་དང་། སྨན་མེད་པར་བྱེད་པས་གལ་ཏེ་ཆར་མི་འབབ་ན་དེའི་ཚེ། རིག་སྔགས་འཆང་གི་ཡང་དག་པའི་སྙིང་པོའི་སྔགས་འདི་
ལན་གཅིག་བཟླས་པར་བྱས་ན་ཆར་ཆེན་པོའི་རྒྱུན་འབེབས་པར་བྱེད་དོ། །ལོ་ཏོག་དང་། ཙྭ་དང་། ཡལ་འདབ་དང་། སྨན་གྱི་ནག་ཐཾད་དེ་ཡིས་བསྐྱེད་པར་བྱེད་དོ། །ཨོཾ་མཱ་རཱི་ཙྱཻ་བི་པུ་ལ་བ་རེ་ནཱ་གེ་ནཱ་ག་ཧྲི་ད་ཡ་བ་དྷ་ཛྭ་ལ་ཛྭ་ལ། སརྦ་ནཱ་ག་ཧྲི་ད་ཡྃ། 
97-1-186a


ཀཱི་ལ་ནཱ་ག་ཀུ་ལ་ཡ་བ་ཏི་སྭ་ནི། ཧ་ན་ཧ་ན། སརྦ་དུཥྚཱྃ་ནཱ་ག་ཧྲི་དེ་ཡཱ་ནི། ད་ཧ་ད་ཧ་སརྦ་དུཥྚཱྃ་ནཱ་ག་བྷ་བ་ནཱ་ནི། པ་ཙ་པ་ཙ། པ་ཙ་ཡ་པ་ཙ་ཡ། སརྦ་དུཥྚཱྃ་ནཱ་ག་ན། ཨ་ཀྲ་མ་ཨ་ཀྲ་མ། སརྦ་མུ་དྲཱ་སཱ་ག་ར་ནིརྨ་ལེ། བི་ཀྲ་མ་བི་ཀྲ་མ། མ་ཧཱ་ནཱ་ག་
ཏེ་ཛ་བ་རེ་སྭཱ་ཧཱ། ཀུན་ཏུ་འབར་བས་གློག་ཀླུའི་སྙིང་པོ་ཞེས་བྱ་བའི་གཟུངས་ཀྱི་སྔགས་ཀྱི་ཚིག་རིག་སྔགས་འཆང་གིས་དྲན་པ་ཙམ་གྱིས་ཀླུ་རྣཾས་ཀྱིས་ཆར་གྱི་རྒྱུན་འབེབས་པར་བྱེད་དོ། །ཏདྱ་ཐཱ། མཱ་རཱི་ཙྱཻ། ཙ་ཏ་ཙ་ཏ། 
བི་ཙ་ཏ་བི་ཙ་ཏ། སླ་ཐཱ་སླ་ཐཱ། ས་པཱ་རི་ཙི་ཊི་སྭཱ་ཧཱ། དེ་ལྟར་ཅི་ལྟ་བུའི་གཟུངས་ཀྱི་སྔགས་ཚིག་སྔོན་བཞིན་དུ་བརྗོད་པར་བྱའོ། །དེ་ནས་གཏུཾ་མོའི་ས་བོན་བརྒྱ་རྩ་བརྒྱད་ཀླུ་གནས་པའི་ཆུར་སྦྱིན་སྲེག་བྱེད་ན་མྱུར་དུ་ཆར་པའི་རྒྱུན་
འབེབས་པར་བྱེད་དོ། །གུ་གུལ་དཀར་པོ་སྦྲང་རྩི་དང་བཅས་པས་སྦྱར་ལ་ལན་ཉི་ཤུ་རྩ་གཅིག་གཟུངས་ཀྱི་ཡོངསུ་བཟླས་ན་ཀླུ་རྣཾས་ལ་བདུག་པ་སྦྱིན་ནོ། །ཕྱི་རོལ་གྱི་དཀྱིལ་འཁོར་ཀུན་ཏུ་ཕྱེ་བ་དང་འོ་མའི་ཀླུའི་བྲིས་པར་བྱའོ། །སྒོ་བཞིར་
བསྒོས་ཏེ་ལོག་རེ་རེར་བུཾ་པ་གང་པ་བདུན་བཞག་པར་བྱའོ། །རྣཾ་པ་སྣ་ཚོགས་པ་ཇི་ལྟར་བརྙེད་པའི་ཆུ་ཡང་བཞག་པར་བྱའོ། །མེ་ཏོག་ཡོངསུ་བཀྲཾ་པར་བྱ་ཞིང་། སྣ་ཚོགས་པའི་གཏོར་མ་སྦྱིན་བཞིང་། འབྲས་བུ་ཡོངསུ་དག་པར་བྱའོ། །
བུམ་པ་གང་བ་བཞི་དང་ཡོངསུ་རྒྱས་པའི་གཏོར་མའི་བུཾ་པ་བཞི་དང་། བདུག་སྤོས་ཀྱི་སྣོད་བཞི་རུ་གུ་གུལ་བདུག་སྤོས་སྲེག་ལ་མར་མེ་བརྒྱད་སྦྱིན་པར་བྱའོ། །རིག་སྔགས་འཆང་གི་ཤར་གྱི་སྒོ་རུ་སྦྱིན་སྲེག་བྱ་ཞིང་ཀ་ར་བི་རའི་
ཤིང་གི་མེ་སྦར་ལ་ཡུང་དཀར་དང་བརྒྱ་ཚྭ་སྲེག་པས་བརྒྱ་ཕྲག་བརྒྱད་སྦྱིན་སྲེགས་བྱའོ། །བརྒྱ་ཕྲག་བརྒྱད་རྫོགས་ན་ཀླུ་ཐཾད་ཆར་པའི་རྒྱུན་འབེབས་པར་བྱེད་དོ། །འཛཾ་བུའི་གླིང་ཐཾད་དུ་ཆར་འབེབས་པ་ལ་འདོད་པ་
ལོར་བརྩོན་པ་ཐོབ་བོ། །ཡུང་དཀར་དང་། ཚ་བའི་མར་ནག་དང་། སྦྲང་རྩི་དང་། རྟ་གསོད་ཀྱི་མེ་ཏོག་དང་། ནཱ་ག་ཀེ་ཤ་རའི་ཕྱེ་མས་རིལུ་བྱའོ། །དེ་ནས་རིལུ་སྙིང་གར་བཅུག་སྟེ་སྔགས་རྒྱ་ཕྲག་བརྒྱད་བཟླས་ན་བཅུག་པ་ཙཾ་གྱིས་
97-1-186b


ཀླུ་རྣམས་དགའ་ཞིང་ཆར་གྱི་རྒྱུན་ཆེན་པོ་འབེབས་པར་བྱེད་དོ། །གལ་ཏེ་དེ་མ་ཐག་ཏུ་ཆར་པ་མི་འབེབས་ན་དེ་རྣཾས་ཀྱི་ལུས་རུལ་ཞིང་ཉཾས་ནས་འགོ་ནད་དང་ལྡན་ཏེ་སྡུག་བསྔལ་ཆེན་པོ་ཉཾསུ་མྱོང་བར་འགྱུར་རོ། །ཐལ་
བ་བླངས་པ་རང་སྐྱུར་དང་བཙོས་ལ་ལན་དྲུག་བཅུར་སྔགས་ཏེ། ཀླུའི་གནས་ཀྱི་ནང་དུ་བླུག་པར་བྱའོ། །དེ་བླུག་པ་ཙམས་ཀྱིས་ཀླུ་རྣཾས་མྱོས་པར་འགྱུར་ཏེ་ཆར་གྱི་རྒྱུན་འབེབས་པར་བྱེད་དོ། །གང་གི་ཚེ་དེ་མ་ཐག་ཏུ་
ཆར་པ་མི་འབེབ་ན་དེའི་ཚེ་ལུས་རྣཾས་ལ་ཤ་དཀར་གྱི་མཛེ་འབྱུང་བར་འགྱུར་ཞིང་མིག་ལོང་བར་འགྱུར་རོ། །པད་མ་དང་། ཨརྒ་དང་། ཨུཏྤ་ལ་སྔོན་པོའི་གེ་སར་བ་ལ་དང་བསྲེས་པ་ཟངས་མའི་ཕྱེ་མ་ཅན། ཡུངས་དཀར་དང་དབང་པོ་
ལག་པ་དང་། རྒྱ་སྐྱེགས་དང་བུ་རཾ་གྱི་ཆུ་ཤེས་རབ་དང་ལྡན་པར་རིལུ་བྱའོ། །ལན་བརྒྱད་བཅུར་སྔགས་ཏེ་རྒྱ་ཤུགི་འབྲས་བུ་ཙཾ་གྱི་རིལུ་བྱས་ཏེ་དེ་ནས་ཀླུའི་གནསུ་རིལུ་བདུན་གཞུག་པར་བྱའོ། །ཆར་མེད་པའི་དུསུ་ཉིན་ཞག་བདུན་རྒྱུན་ཆད་པ་
མེད་པའི་ཆར་འབེབསོ། །གལ་ཏེ་དེ་མ་ཐག་ཏུ་ཆར་མི་འབེབས་ན་ཀླུའི་གནས་ཀྱི་ཆུ་ཐཾད་སྐཾ་པར་འགྱུརོ། །ཀླུ་ཐཾད་སྡུག་བསྔལ་བར་འགྱུརོ། །རིལུ་གཅིག་ཀླུ་གནས་པའི་མཚོར་རྒྱལ་མཚན་གྱི་རྩེ་མོ་ལ་གདག་པར་བྱ་ཞིང་
བ་དན་སྔོན་པོ་ཡང་གདག་པར་བྱའོ། །སྔགས་འདི་བྲིས་ཏེ་དེ་ཉིད་ལ་གདག་པར་བྱའོ། །ཅི་སྙེད་དུ་རྒྱལ་མཚན་གྱི་རྩེ་མོ་ལས་མ་གྲོལ་བ་དེ་སྲིད་དུ་ཀླུ་རྣཾས་ཆར་འབེབས་པར་བྱེད་དོ། །དེ་ནས་གཞན་ཡང་ཆོ་ག་བརྗོད་དེ། 
ཨོཾ་མཱ་རཱི་ཙྱཻ་སུ་པྲ་ཏེ་བཛྲ་ཏུ་ནཱ་དྷེ་མི་ལི་མི་ལི་སྭཱ་ཧཱ། སྔགས་འདིས་འབྲས་སཱ་ལུའི་ཁུ་བ་ལ་ཀླུའི་གཟུགས་བྱ་སྟེ་མགོ་དགུ་པ་སོར་བརྒྱད་པའི་ཚད་དེ་དག་གི་ལུས་པོ་ལ་ཚལ་གྱིས་བྱུགས་པར་བྱའོ། །སྔགས་
བྲིས་པའི་བ་དན་ཕུལ་ལ། བཅོམ་ལྡན་འདས་མའི་མདུན་དུ་གྲུ་བཞི་པའི་མཎྜལ་བྱ་སྟེ། མེ་ཏོག་བཀྲམ་པ་ཇི་ལྟར་ཡོད་པའི་གཏོར་མ་དཀར་པོ་སྦྱིན་ཞིང་མེ་ཏོག་དང་བདུག་སྤོས་ཀྱང་སྦྱིན་པར་བྱའོ། །
97-1-187a


སེའུ་འབྲུའི་ཡལ་ག་ལ་ལན་ཉི་ཤུ་རྩ་གཅིག་བཟླས་པ་བྱ་ཞིང་བརྒྱ་རྩ་བརྒྱད་ཀྱང་བཟླས་པ་བྱས་ལ། ཀླུའི་གཟུགས་བརྙན་གྱི་གཟུགས་རྫོགས་པར་བྱའོ། །ཀླུ་གང་གི་མིང་བྱས་པའི་ཀླུ་དེ་འཁྲུགས་པར་འགྱུར་རོ། །གལ་ཏེ་རང་གི་གནས་ལ་མི་དགའ་
བས་ཕྱིར་མི་འགྲོ་ཞིང་ཆར་པའི་རྒྱུན་འབེབས་པར་བྱེད་དོ། །གལ་ཏེ་ཆར་གྱི་རྒྱུན་མི་འབེབས་ན་བསྒྲུབ་བྱའི་སྲོག་དང་བྲལ་བར་བྱེད་དོ། །དེ་ནས་ཡུངས་ཀར་རེ་རེ་ལ་སྟོང་རྩ་བརྒྱད་བཟླ་ཞིང་ཀླུ་དེ་ལ་གདབ་པར་བྱ། སྟོང་རྩ་བརྒྱད་ཚང་བ་དང་། ཀླུ་དེའི་གཟུགས་
འགུལ་ཞིང་སྦྲུལ་མགོས་གར་ཡང་བྱེད་དོ། །སེའུ་འབྲུའི་ཡལ་གས་ཀྱང་གདེགས་པར་བྱས་ནས་ལངས་ན་གནས་ཤིང་ལྕེ་གཉིས་སྟོན་པར་བྱེད་དོ། །ཇི་སྲིད་དུ་ནུབ་མོ་སྟོན་པར་བྱེད་ན་དེ་ལྟར་ཀླུ་ཐམས་ཅད་དབང་དུ་འགྱུར་རོ། །གང་བཟླས་པ་དེ་བྱེད་
དོ། །འོ་མ་དང་ཡུངས་དཀར་དུ་བཅས་པ་དེ་ཅི་ལྟ་བའི་གཟུགས་ཀྱི་སྔགས་བརྒྱ་རྩ་བརྒྱད་ཡོངས་སུ་བཟླས་ཏེ་གནས་ཐམས་ཅད་དུ་གཞུག་པར་བྱའོ། །ཐམས་ཅད་དུ་ཐམས་ཅད་སོ་སོ་ནས་འགུགས་པར་འགྱུར་རོ། །ཏད་ཡ་ཐཱ། ཨོཾ་མཱ་རཱི་
ཙྱཻ། ཙ་ཊ་ཙ་ཊ། བི་ཙ་ཊ་བི་ཙ་ཊ། སྭ་ཐཱ་སྭ་ཐཱ། ཤ་བ་རི་ཙི་ཊི་ཙི་ཊི་སྭཱ་ཧཱ། ཉིན་མཚན་གཅིག་གིས་ཉེ་བར་སྤྱད་པའི་ཆོ་གས་རིག་སྔགས་འཆང་གིས་བྱས་ན་གང་གི་ཚེ་འཛམ་བུའི་གླིང་གི་ཀླུ་ཐམས་ཅད་ཀྱིས་སེམས་ཅན་རྣམས་ཡོངས་སུ་
བསྐྱང་བར་བྱ་བའི་དོན་དུ་ཆར་འབེབས་པར་མི་བྱེད་ན་དེའི་ཚེ་རིག་སྔགས་འཆང་གི་དམ་ཚིག་དང་། ཅི་ལྟ་བའི་གཟུངས་བཀླག་པར་བྱའོ། །སྔགས་འདི་ཡང་ལན་བདུན་དུ་སྔོན་བཞིན་དུ་བརྗོད་པར་བྱའོ། །དེ་ནས་གཏུམ་མོའི་ས་བོན་བརྒྱ་རྩ་བརྒྱད་ཀླུ་གནས་
པའི་ཆུ་མིག་དུ་སྦྱིན་སྲེག་བྱའོ། །དེའི་ཀླུ་ཐམས་ཅད་ཀྱི་གནས་ནི་འབར་ཞིང་། ལྷག་མའི་ཀླུའི་རུས་པའི་གོང་པོ་རྣམས་ཡོངས་སུ་བསྐམ་པར་བྱའོ། །ན་མཿཤཱཀྱ་མུ་ན་ཡེ། ཏ་ཐཱ་ག་ཏཱ་ཡ། ཏད་ཡ་ཐཱ། བྷུ་ཛེ་བྷུ་ཛེ། ས་མནྟ་བྷུ་ཛེ། ཏ་ཏྭ་བྷུ་ཛེ། པྲ་བ་ར་བྷུ་
ཛེ། ས་མནྟ་ཨཱ་ཀ་ར་བྷུ་ཛེ། ཏུ་རུ་ཏུ་རུ་ས་མ་ཡ། ཙོ་ད་ནེ་སྭཱ་ཧཱ། ནཱ་ག་ས་ར་སཉྩ་དེ་ནི་སྭཱ་ཧཱ། ཆར་ཆེན་པོའི་དུས་སུ་སྔགས་འདིས་ཨརྒའི་ཤིང་ལ་མེ་སྦར་ལ་ཡུངས་དཀར་དང་རྟ་གསོད་ཀྱི་མེ་ཏོག་བརྒྱ་རྩ་བརྒྱད་དམ། སྟོང་ཀླུའི་མཚོ་འམ། ཆུ་མིག་ཏུ་སྦྱིན་སྲེག་
97-1-187b


བྱས་ན་ཞི་བར་འགྱུར་རོ། །མ་ལུས་པའི་ཡུམ་དང་། ཕྱོགས་ཀྱི་ནམ་མཁའ་ཉི་མ་སྟོང་གི་འོད་ཟེར་འབར་ཞིང་རྣོ་བའི་རྣམ་པ་ཅན་གྱི་རྡོ་རྗེ་གདེང་པོ་འཕྲོ་བས་སྲེག་པའི་བདུད་ཀྱི་ཚོགས་དང་། འདོད་ཆགས་དང་། ཞེ་སྡང་དང་། གཏི་མུག་དང་སྲིད་པ་
དང་། སྐྱེ་བ་དང་། རྒ་བ་དང་། འཆི་བ་ཀུན་བཅོམ་པའོ། །འབར་ཞིང་འཕྲོ་བའི་ཕྱོགས་ཀྱི་འཁོར་ལོའོ། །དབུས་སུ་མཱྃ་ཡིག་ཡོངས་སུ་སྤྲུལ་པའི་བདག་ཉིད་གཞོན་ནུ་མ་ལང་འཚོ་ལ་བབ་པ། སྐད་ཅིག་གིས་ཡོངས་སུ་སྣང་བར་བྱས་ཏེ་ཤིན་ཏུ་སེར་
བའི་འཛམ་བུའི་ཆུ་བོའི་གསེར་བཞུས་པ་ལྟ་བུའི་འོད་ཉི་མ་སྟོང་གི་འོད་ཟེར་གྱི་ཚོགས་གློག་ལྟ་བུ་སྣང་བར་བྱེད་པའི། འོད་ཟེར་ཅན་མ་ལུས་པའི། ནམ་མཁའ་གསལ་བར་བྱེད་པའི་སྔགས་དེ་ལྟ་བུ་བསམ་པར་བྱའོ། །ཕྱག་བརྒྱད་པ། 
ཞལ་གསུམ་པ། སྤྱན་གསུམ་པ། ཞལ་གཉིས་ནི་ཕག་པའི་ཞལ་ནག་པོ། བདག་ཉིད་དབུས་སུ་ཞབས་གཉིས་རོལ་པས་གནས་ཤིང་ན་བཟའ་སྔོན་པོ་འཆང་བ། སྣ་ཚོགས་པའི་ཤ་འགག་དང་། སྟོད་གཡོགས་ཅན། གསེར་གྱི་རྣ་ཆ་དང་། 
སྐ་རགས་ལ་དྲིལ་བུ་གཡེར་ཁའི་ཕྲེང་བས་བརྒྱན་པ། ལག་གདུབ་དང་། རྐང་གདུབ་ལ་སིལ་སིལ་གྱི་སྒྲ་སྒྲོགས་པ། རྒྱན་ཐམས་ཅད་ཀྱིས་བརྒྱན་པ། ཐམས་ཅད་སྣ་ཚོགས་པའི་ཀླུའི་དབང་པོས་རྒྱན་བྱས་པ། ཀླུའི་དབང་པོ་སེར་པོའི་
སྦྲུལ་གྱི་གདེངས་ཀའི་ནོར་བུའི་འོད་ཀྱིས་སྤྲས་ཤིང་འོད་ཟེར་རྣམ་པར་འཕྲོ་བ། མྱ་ངན་མེད་པའི་མེ་ཏོག་ཕྲེང་བ་དབུ་ལ་བཅིངས་ཤིང་དབུའི་རལ་པ་གྱེན་དུ་འགྲེང་བ་ལ་མཆོད་རྟེན་གྱིས་བརྒྱན་པའི་མགོ་སྐྱེས་ཅན། རྒྱབ་ཏུ་མཆོད་
རྟེན་གྱི་འགུལ་པའི་སྟེང་དུ་གནས་པའི་མྱ་ངན་མེད་པའི་སྡོང་པོ་མཆོག་ལ་གནས་པ་མེ་ཏོག་རྣམ་པས་གང་བ། དེའི་འོག་ཏུ་པད་མ་དཀར་པོ་ཁ་ཕྱེ་བ་ལ་གནས་པའི་དཔལ་རྣམ་པར་སྣང་མཛད་ལ་མགོན་པོ་རལ་པའི་ཅོད་པན་འཆང་བ། ཞི་བ་ཡེ་
ཤེས་ཀྱི་སྤྱན་བྱེ་བ། གསེར་བཞུ་བ་ལྟ་བུའི་ཤིན་དུ་སེར་བ། ཞལ་མཛེས་ཤིང་ཡིད་དུ་འོང་བ་ཉི་མ་ལྟ་བུ་བདེ་བར་འབར་བའི་སྐུ། བྱང་ཆུབ་མཆོག་གི་ཕྱག་རྒྱ་བཅིང་པ། དཀྱིལ་དཀྲུང་གི་བསམ་གཏན་ལ་རྩེ་གཅིག་པར་བཞུགས་པའི་གཟི་བརྗིད་ལས་བྱུང་བའི་འོད་འབར་
97-1-188a


བ་མེ་ལྕེའི་རྩེ་མོ་འབར་བ་ལྟ་བུ་རྒྱུན་གྱིས་ནམ་མཁའི་ཕྱོགས་ཁྱབ་པར་འཁོར་ལོ་ལ་འོད་ཟེར་གྱི་ཕྲེང་བ་སངས་རྒྱས་ཀྱི་རྒྱན་འཕྲོ་བ། བཅོམ་ལྡན་འདས་མ་འོད་འབར་བའི་གཡོན་པའི་ཕྱག་ན་གཞུ་དཔག་ཏུ་མེད་པའི་ཡོན་ཏན་
འགུགས་པའི་རྣ་བའི་བར་རྐང་བའི་གཞུ་གཉིས་པ་ལྕེ་གཉིས་འདྲིལ་བའི་ནོར་རྒྱས་པའི་སྐུད་པ་འོད་ཟེར་གསུམ་པ་ཀླུ་ཏ་ཀྵ་ཀ་ནི་མྱ་ངན་མེད་པའི་མེ་ཏོག་གོ། བཞི་པ་སྡིག་མཛུབ་དང་ཀརྐྐོ་ཊ་ནི་ཞགས་པའོ། །གཡས་ན་འབར་ཞིང་
རྣོ་བའི་རྡོ་རྗེ་གདེངས་པོ་འོད་འབར་བ་ནི་རིགས་ལྡན་ནོ། །གཉིས་པ་ན་མདའ་བཀང་བ་ནི་པད་མའོ། །གསུམ་པ་ནི་པད་མ་ཆེན་པོའི་འོག་ཏུ་དྲིལ་བཞིན་པའི་ལྕེ་གཉིས་ནི་ཁབ་དང་སྐུད་པ་བཟུང་བའི་ཕྱག་གོ། བཞི་པ་ན་དུང་སྐྱོང་ལྕགས་
ཀྱུ་ལ་བཀྲིས་པ་ཕྱག་ཏུ་བསྣམས་པའོ། །ཡང་ཀླུ་རྣམས་ནི་མཆེ་བ་བཙིགས་ཤིང་ལྗགས་འདྲིལ་བ། མཐོང་བ་དུག་ཅན་གྱི་སྦྲུལ་མགོའི་གདེངས་ཀའི་ནོར་བུའི་འོད་ཟེར་གྱིས་ཕྱོགས་དང་ཕྱོགས་མཚམས་སུ་གསལ་བར་ཀླུའི་
རྒྱལ་པོ་ཤིན་དུ་སེར་བ། བཞད་པའི་ཞལ་ཉི་མ་འཆར་ཀ་ལྟ་བུའི་འོད་ཟེར་གྱི་འོད་གློག་གི་འོད་ཅན་འཕྲོ་བ་ཅན། བན་དུ་ཀ་དང་། ཛཱ་མའི་མེ་ཏོག་ལྟ་བུའི་མཆུ་དང་། པད་མ་རྒྱས་པ་ལྟ་བུའི་མཛེས་པའི་ཞལ། སྨིན་མ་དང་ཤངས་ཀྱི་དབྱིབས་
མཐོ་བ་པད་མ་རྒྱས་པ་ལྟ་བུའི་སྤྱན། གཡས་པའི་ཞལ་ནི་མེ་ཏོག་ལྟ་བུའི་འོད་དཀར་པོ། དཀར་པོའི་འོད་ཟེར་དཀར་པོ་སྤྲིན་ལྟ་བུ། དཀར་པོ་སྟོན་ཀའི་ཟླ་བ་ལྟ་བུའི་དྲི་མ་མེད་པ། སྔོ་ཞིང་མི་ཟད་ལ། ཁྲོ་བ་དང་བཅས་པ། གཡོན་
པའི་ཞལ་འགྱུར་ཞིང་གསལ་བའི་འོད་མཆེ་བ་གཙིགས་པས་འཇིགས་ཤིང་མི་བཟད་པའི་ཉི་མ་སྟོང་ལྟ་བུར་འོད་འཕྲོ་ཞིང་འཇིགས་པའི་དུས་ཀྱི་བསྐལ་པའི་མེ་ལྟ་བུ་ཉེ་བར་གནས་པ། བལྟ་བར་དཀའ་བའི་ཁྲོ་གཉེར་སྤྱན་
མི་ཉམས་པས་བལྟས་པས་ཀླུ་རྣམས་ཀྱི་ཚོགས་སྐྲག་པར་བྱེད་པ། ལྟུང་ན་ཁ་ཐུར་དུ་བལྟས་ཏེ་ཆུ་སྐྱུག་པར་བྱེད་ཅིང་། ནམ་མཁའ་ལ་གནས་ནས་ཆར་པའི་རྒྱུན་འབེབས་པར་བྱེད་པ། དེ་མ་ཐག་ཏུ་ས་བཞི་ཀུན་དུ་ཆུ་མང་པོས་ཀུན་དུ་འགེང་
97-1-188b


པར་བྱེད་དོ། །དེ་ལ་དེ་ཉིད་དུ་ནམ་མཁའ་ལ་ཉི་མ་ལས། ཨོཾ་པ་ཏཱ་ཀྲ་མ་སི་སྭཱ་ཧཱ། ཞེས་བྱ་བ་ནི་སྔོན་བཞིན་ནོ། །ༀ་བ་རཱ་ཀྲ་མ་སི་སྭཱ་ཧཱ། ཞེས་བྱ་བས་མདུན་དུ་གནས་པའི་ལྷ་མོ་ཕྱག་བཞི་པ། གོས་སེར་པོའི་ཤ་འགག་དང་། སྟོད་
གཡོགས་ཅན་སྤྱན་གསུམ་པ་ཕག་པའི་ཞལ། ཕག་པ་སེར་པོ་ལ་ཞོན་པ། རྒྱན་ཐམས་ཅད་ཀྱིས་བརྒྱན་པ། ཨིནྡྲ་ནཱི་ལ་དང་འདྲ་བའི་འོད་སྔོན་པོ་མེ་འབར་བ། མཆེ་བ་གཙིགས་པས་སྨིན་མ་དང་། ཁྲོ་གཉེར་གྱི་གཉེར་མ་མི་མཉམ་
པའི་སྤྱན་ཀླུའི་དབང་པོ་སེར་པོའི་གཡོན་པའི་ཕྱག་ཏུ་འབར་བའི་རྡོ་རྗེ་སྐུད་པ་དང་བཅས་པའོ། །གཡས་པ་ན་ལྕགས་ཀྱུ་དང་ཁབ་དང་བཅས་པའི་ཕྱག་གོ། ཨོཾ་གུ་ལ་ཡ་སྭཱ་ཧཱ། ཞེས་བྱ་བ་ལྷོ་ཕྱོགས་སུ་གནས་པའི་ལྷ་མོ་གཞོན་ནུ་མའི་
རྣམ་པའི་གཟུགས་སེར་པོ་སྔོན་པོའི་ཤ་འགག་དང་སྟོད་གཡོགས་ཅན། ཕག་པའི་ཞལ་དང་། ཕག་པ་ནག་པོ་ལ་ཞོན་པ། སྤྱན་གསུམ་པ། རྒྱན་ཐམས་ཅད་ཀྱིས་བརྒྱན་པ། གཡོན་པའི་ཕྱག་ན་སྡིགས་མཛུབ་དང་བཅས་པའི་ཞགས་པ་དང་
མེ་ཏོག་དང་བཅས་པའི་ཡལ་གའོ། །གཡས་སུ་ནི་ལྕགས་ཀྱུ་དང་བཅས་པའི་ཁབ་བསྣམས་པའི་ཕྱག་གོ། ཨོཾ་བ་དཱ་མ་སི་སྭཱ་ཧཱ། ཞེས་བྱ་བ་ནི་ནུབ་ཏུ་གནས་པའི་ལྷ་མོ་ཕྱག་བཞི་མ་དམར་བ་དང་བཅས་པའི་སྔོན་པོའི་གོས་འཆང་བ། སྣ་ཚོགས་
པའི་ཤ་འགག་དང་། སྟོད་གཡོགས་ཅན། སྣ་ཚོགས་པའི་ཕག་གི་ཞལ། སྤྱན་གསུམ་པ། རྒྱན་ཐམས་ཅད་ཀྱིས་བརྒྱན་པ། གཡོན་པའི་ཕྱག་ན་གཞུ་དང་། མྱ་ངན་མེད་པའི་ཡལ་གའོ། །གཡས་པ་ན་མདའ་དང་། ལྕགས་སྒྲོག་གི་ཕྱག་
རྒྱའོ། །ཨོཾ་ཨནྡྷ་རྡྷཱ་ན་མ་སི་སྭཱ་ཧཱ་ཞེས་བྱ་བས་བྱང་ཕྱོགས་སུ་གནས་པའི་ལྷ་མོ་མར་རྒད་ཏ་ལྗང་གུ་ལྟ་བུའི་འོད་ན་བཟའ་དམར་པོ་དང་། ཤ་འགག་དང་། སྟོད་གཡོགས་དམར་པོ་འཆང་བ། སྦྲུལ་གྱིས་བརྒྱན་པའི་སྐ་རགས་ཅན། སྤྱན་
གསུམ་པ་ཕག་གི་ཞལ། ཕྱག་བཞི་པ། གཡོན་པའི་ཕྱག་ཏུ་རྡོ་རྗེ་དྲིལ་བུ་འཁྲོལ་ཞིང་། སྐུད་པ་དང་ཁབ་ཀྱི་ཕྱག་གོ། གཡས་པར་ཞགས་པ་དང་ལྕགས་ཀྱུ་སྟེ། ལྷ་མོ་བཞིས་བསྐོར་བའི་ཐམས་ཅད་ལ་ཀླུའི་དབང་པོ་རལ་པ་བཅིངས་ཤིང་
97-1-189a


མཆོད་རྟེན་གྱི་མགོ་སྐྱེས་བརྒྱན་པའོ། །ཨོཾ་མཱ་རཱི་ཙྱཻ་སྔོན་དུ་སོང་བའི་རང་གི་སྔགས་ལས་སྐྱེས་པའི་གསེར་ལྟ་བུའི་ཕག་པ་ལ་ཞོན་པ་བསམ་པར་བྱའོ། །དེ་ནས་ཤར་དུ་ཀླུའི་རྒྱལ་པོ་ཆེན་པོ་དགའ་བོ་ནག་པོ་འོད་འབར་བ། སྦྲུལ་
མགོ་གདེངས་ཀ་བདུན་པ། གདེངས་ཀ་གསུམ་གྱི་ཀླུ་མོ་དང་གཉིས་ཀ་གནས་ཞིང་པད་མ་བསྣམས་པའི་ཕྱག་གོ། ལྷ་མོ་ཞལ་འགྱུར་བའི་འོག་ཏུ་བྱིན་པ་ལ་འགོ་སྐྱེས་འཕྱང་བ། ཐམས་ཅད་ཀྱང་མཐོང་བའི་དུག་ཅན། རིན་པོ་ཆེའི་དབུ་རྒྱན་ཅན། 
རྒྱན་སྣ་ཚོགས་ཀྱིས་བརྒྱན་པ། སྦྲུལ་མགོའི་གདེངས་ཀའི་ནོར་བུའི་འོད་ཀྱིས་མུན་པ་ཐམས་ཅད་འཇོམས་པ། སྙིང་ཀར་པད་མའི་ཐལ་མོ་སྦྱར་བ། སེམས་མི་དགའ་ཞིང་འཇིགས་པས་སྐྲག་ནས་སྐྱུག་ཅིང་སྦྲུལ་མགོ་ནས་ཆུའི་རྒྱུན་
འབབ་པ། ལྷོ་ཕྱོགས་སུ་ནོར་རྒྱས་ཤིན་དུ་སེར་བ། འཇོག་པོ་དཀར་ཞིང་དམར་བ་ནུབ་ཕྱོགས་སུའོ། །བྱང་ཕྱོགས་སུ་གནས་པའི་ཀརྐྐ་ཊ་ལྗང་སྔོན་ནོ། །མེའི་ཕྱོགས་སུ་དུང་སྐྱོང་དཀར་པོའོ། །བདེན་བྲལ་དུ་པད་མ་ཅུང་ཞིག་སེར་བའོ། །རླུང་
དུ་པད་མ་ཆེན་པོ་ཅུང་ཞིག་དམར་པོའོ། །དབང་ལྡན་དུ་ནི་རིག་ལྡན་སྔོན་པོའོ། །དེ་ལྟར་ཤར་ལ་སོགས་པའི་སྒོར་གནས་པའི་སྒོ་སྐྱོང་བཞི་དགོད་པར་བྱའོ། །ཨོཾ་ཨཱ་ལོ་ཧཱུྃ་སརྦ་ནཱ་ག་ཨ་ཀཪྵ་ཡ་ཛཱཿསྭཱ་ཧཱ། ཞེས་བྱའོ། །ཨོཾ་ཏཱ་ལོ་ཧཱུྃ་སརྦ་
ནཱ་ག་ཎ་པྲ་བེ་ཥ་ཡ་ཧཱུྃ་སྭཱ་ཧཱ། ཨོཾ་ཀཱ་ལོ་ཧཱུྃ་སརྦ་ནཱ་ག་ན་བན་དྷ་ཡ་བྃ་སྭཱ་ཧཱ། ཨོཾ་སཙྪ་ལོ་སྃ་བ་མུརྟྟ་ཊི་ཧཱུྃ་སརྦ་ནཱ་ག་ན་བ་ཤ་བ་ན་ཡ་ཧོཿསྭཱ་ཧཱ། དེ་ནས་མེ་ལ་སོགས་པའི་མཚམས་རྣམས་སུ་ཀླུ་རྣམས་གནོན་ཅིང་གནས་པའི་ལྷ་མོ་འདྲ་ལ་
སོགས་པ་བསམ་པར་བྱའོ། །ཞེས་གནས་པ་ནི་གོ་རིམ་སྔོན་བཞིན་དུ་ཀླུ་བརྒྱད་པོའི་མིང་བྲི་བར་བྱའོ་ཞེས་བྱའོ། །དེ་ནས་ཆོ་ག་འདིས་དགེ་བའི་སྐར་མ་བཟང་པོ་རྒྱལ་ལ་གུས་པའི་མཆོད་པ་ལྔ་དང་ལྡན་པས་ཐང་སྐུ་གསལ་བར་སྐྲ་ཉག་དང་
བྲལ་བ་གསོ་སྦྱོང་དང་ལྡན་བའི་ལྷ་བཟོས་སྟེང་ཁེབས་ཡོད་པའི་ཕྱོགས་གཅིག་ཏུ་བྲི་བར་བྱའོ། །ཕྱིས་ནི་དགེ་སློང་རྣམས་དང་གཞོན་ནུ་མ་རྣམས་ལ་སྟོན་མོ་བྱའོ། །དེ་ནས་ཆར་མེད་པའི་དུས་སུ་མཉམ་པར་བཞག་པའི་སྔགས་པས་ལེགས་པར་ཁྲུས་
97-1-189b


དང་གཙང་སྦྲ་བྱས་པས་ངེས་པ་ལ་གནས་ཏེ་འོ་མ་བཏུང་ཞིང་གོས་ནག་པོ་གོན་ཏེ་གྲོགས་བཟང་པོ་དང་དེ་བཞིན་དུ་བྱའོ། །མཐོང་བའི་མཚེའུ་འམ། མཚོ་དང་། ཆུ་དང་། རྫིང་བུའི་འགྲམ་གྱི་ཀླུ་གནས་པའི་ཆུ་མིག་གམ། ལྷ་གནས་སམ། གཞན་
ཡང་ཡིད་དགའི་གནས་སུ་ཁང་པ་བྱའོ། །དེ་ལ་ལྕི་བས་དཀྱིལ་འཁོར་བྱས་ལ་སྐུ་གཟུགས་བཀྲམ་ཏེ་སྣ་ཚོགས་ཀྱི་ཁ་དོག་གི་བ་དན་རྒྱལ་མཚན་རྩེ་མོར་བཞག་ལ་བྲི་བར་བྱའོ། །བླ་རེ་བྲེས་ལ་སྐེ་ཚེ་དང་བཅས་པའི་ཡུངས་ཀར་དང་འབྲས་སཱ་
ལུ་ལ་ཚོས་བྱས་པའི་ཚོན་གྱིས་གྲུ་བཞི་སྒོ་བཞི་པའི་དཀྱིལ་འཁོར་བྲི་བར་བྱའོ། །ཕྱི་རོལ་དུ་པད་མ་ཆེན་པོ་ལ་རླུང་གི་དཀྱིལ་འཁོར་དེའི་དབུསུ་གཙོ་བོའི་གནས་སུ་པད་མ་འདབ་མ་བརྒྱད་པ་འོད་འཕྲོ་བ། འཇིག་པའི་དུས་ཀྱི་མེ་ལྟ་བུ་རྡོ་རྗེ་ལྟེ་བ་
ལ་ཧཱུྃ། རྒྱ་མཚོར་འགྲོ་བའི་ཆུ་བོའི་ངོགས་ཀྱི་ས་དང་གྲོག་མཁར་གྱི་ས་དང་ལྡན་པའི་ཀླུའི་གཟུགས་བརྙན་བྱས་ལ་པད་མ་འདབ་མ་བརྒྱད་ལ་བཞག་པར་བྱའོ། །རང་གི་འཁོར་གྱིས་ཡོངས་སུ་བསྐོར་ཅིང་ཕན་ཚུན་ལོགས་གཉིས་ན་
ཀླུ་གནས་པ་ཐལ་མོ་སྦྱར་བས་འདུག་པའོ། །ཀླུའི་སྙིང་གར་ཧཱུྃ་ངོ་། །མགྲིན་པར་ཕུའོ། །མཇུག་མ་ལ་འཇམས་ཀྱིས་བཀྲིས་པའོ། །སྦྲུལ་མགོའི་གདེངས་ཀའི་ནོར་བུའི་འོད་ཐམས་ཅད་འབར་བའི་མེ་ལྟ་བུ་ཀླུ་བརྒྱད་པོ་ཞེས་བྱའོ། །
དྲི་ཞིམ་པོ་དང་། ཙན་དན་གྱིས་ཡན་ལག་བྱུགས་ཤིང་མེ་ཏོག་ཕྲེང་བས་བརྒྱན་ཏེ་དྲ་བ་དང་དྲ་བ་ཕྱེད་པ་དཔྱངས་པ། ཀུ་མུ་ད་དང་། ཨུཏྤ་ལ་དང་། པད་མ་དཀར་པོ་དང་། མ་ལེ་ཀའི་མེ་ཏོག་གི་རྣམ་པར་བཀྲམ་ལ་ཆུས་ཡོངས་སུ་བཀང་བའི་བུམ་པ་བརྒྱད་
ཀྱང་གཞག་པར་བྱའོ། །མར་མེ་བརྒྱད་རྟག་ཏུ་སྤར་བར་བྱའོ། །སའི་ཁམ་སྐྱོང་བརྒྱད་འོ་མས་ཡོངས་སུ་བཀང་ལ་བཞག་པར་བྱའོ། །རོ་ཐམས་ཅད་ཀྱི་གཏོར་མ་ཞོ་དང་། སྦྲང་རྩི་དང་། མར་དང་། ཤ་ཀ་ར་དང་། འབྲས་ཀྱི་ཟན་དང་ཡང་དག་པར་ལྡན་
པར་སྦྱིན་པར་བྱའོ། །སྤོས་དང་ཡུངས་ཀར་ཡོངས་སུ་དག་པར་བྱའོ། །ཨོཾ་བ་ནཱ་མ་སི་ཞེས་བྱ་བ་དང་། ཨོཾ་ནཱ་མ་སྭཱ་ཧཱ། ཞེས་བྱ་བ་སྟེ། དགའ་བོ་ཤར་ཕྱོགས་སུའོ། །ཨོཾ་ཁ་ལ་སྭཱ་ཧཱ། ཞེས་བས་ནོར་རྒྱས་ལྷོ་ཕྱོགསུའོ། །ཨོཾ་སུ་སྭཱ་ཧཱ། ཞེས་བྱ་
97-1-190a


བས་ཀརྐྐ་ཊ་བྱང་ཕྱོགས་སུའོ། །ཨོཾ་བ་མ་སྭཱ་ཧཱ་ཞེས་བྱ་བས་ནི་དུང་སྐྱོང་མེའི་ཕྱོགས་སུའོ། །ཨོཾ་ཕཊ་སྭཱ་ཧཱ་ཞེས་བྱ་བས་ནི་པད་མ་སྲིན་པོའི་ཕྱོགསུའོ། །ཨོཾ་དྷ་ཀ་དྷ་ཀ་པི་སི་སྭཱ་ཧཱ་ཞེས་བྱ་བས་ནི་པད་མ་ཆེན་པོ་རླུང་གི་ཕྱོགས་སུའོ། །
ཨོཾ་བ་སྭཱ་ཧཱ། ཞེས་བྱ་བས་ནི་རིགས་ལྡན་དབང་ལྡན་དུའོ། །ཐལ་མོ་གཉིས་བཀན་ཏེ་མཐེ་ཆུང་གཉིས་རྩེ་མོ་ཁབ་ལྟ་བུར་བྱས་ལ་སྲིན་ལག་གཉིས་དེའི་རྒྱབ་ནས་གཤིབས་ཏེ་སྲིན་ལག་གཉིས་ཀྱི་ཚིགས་གསུམ་པར་གུང་མོ་གཉིས་ཀྱི་རྩེ་མོ་
གཤིབས་ལ་སྡིགས་མཛུབ་གཉིས་དང་མཐེབ་ཆེན་གཉིས་སོ་སོར་རྩེ་མོ་བཀུག་ཏེ་གདེངས་ཀ་ལྟར་བྱའོ། །ཀླུའི་དབང་པོ་ཐམས་ཅད་ཀྱི་སྙིང་པོའི་ཕྱག་རྒྱའོ། །ལག་པ་གཉིས་ཐལ་མོ་སྦྱར་བ་བྱས་ལ་མཐེ་བོང་གཉིས་ཀྱི་སྟེང་དུ་གུང་མོ་གཉིས་
དང་སྲིན་ལག་གཉིས་ཀྱི་ཚིགས་གསུམ་བསྐུམ་པར་བྱས་པ་ནི་གཤིན་རྗེ་མཐར་བྱེད་ཀྱི་ཕྱག་རྒྱའོ། །ཨོཾ་ཡ་མཱནྟ་ཀ་ཡ་ཧཱུྃ། དེ་ལྟར་རང་རང་གི་སྔགས་དང་། ཕྱག་རྒྱ་བཀུག་ལ་ཡང་དག་པར་བརྗོད་དེ། ཕྱིས་ནི་རིག་སྔགས་འཆང་བས་ཁམ་
སྐྱོང་སར་པ་འོ་མས་བཀང་བ་སྔགས་དང་བཅས་པས་བཟུང་སྟེ། སྐེ་མན་ཆད་ཆུའི་ནང་དུ་བཅུག་ལ་འོད་ཟེར་ཅན་གྱི་བསྙེན་པ་དང་བཅས་པའི་ང་རྒྱལ་གྱིས། སྔོན་དུ་གསུངས་པའི་གསང་སྔགས་ཀྱིས་ཀླུ་རྣམས་བསྐུལ་ཞིང་
བཟླས་པ་བྱའོ། །དེ་ནས་མཉམ་པར་བཞག་པའི་སྔགས་པས་ཕྱིར་སོང་ནས་ལྷའི་ཁང་པར་ཞུགས་ཏེ་དཀྱིལ་འཁོར་གྱི་ཤར་སྒོར་སྔོན་དུ་གསུངས་པའི་ཐབ་ཁང་དུ་ཅི་ལྟ་བུའི་ཆོ་གས་མེ་ལ་སྐེ་ཚེ་དང་། རྒྱམ་ཚྭ་དང་། རྟ་གསོད་ཀྱི་མེ་
ཏོག་དང་བཅས་པའི་ཚ་བའི་མར་ནག་དང་སྦགས་ཏེ་སྦྱིན་སྲེག་བྱའོ། །དེ་ནས་ཀླུ་ཐམས་ཅད་ཀྱིས་ཆར་གྱི་རྒྱུན་འབེབས་པར་བྱེད་དོ། །ཡང་ན་སྔགས་ཀྱི་སྦྱོར་བ་བརྗོད་པར་བྱ་སྟེ་ནམ་མཁའི་དབུསུ་ངེས་པར་མཱྃ་ལ་སྐྱེས་པའི་འོད་ཟེར་ཅན་གྱི་གསེར་
མདོག་དང་ལྡན་པའི་གཞོན་ནུ་མའི་གཟུགས་རྒྱན་ཐམས་ཅད་ཀྱིས་བརྒྱན་པ། གོས་སྔོན་པོ་དང་བཅས་པ། སྣ་ཚོགས་པའི་ཤ་འགག་དང་སྟོད་གཡོགས་ཅན་སྔོན་དུ་བསྟན་པའི་མཚན་མའི་ཕྱག་རྒྱ་དང་ལྡན་པ། ཕྱག་དྲུག་པ། པད་མ་ཁ་ཕྱེ་བ་
97-1-190b


ལྟ་བུའི་ཞལ། བན་དུ་ཛི་བའི་མེ་ཏོག་ལྟ་བུའི་མཆུ། ཨུཏྤ་ལ་སྔོན་པོ་ལྟ་བུའི་སྤྱན། མཆོད་རྟེན་དབུ་ལ་བརྒྱན་པའི་མགོ་སྐྱེས་ཅན། རྒྱབ་དུ་ཟླ་བ་དང་མཆོད་རྟེན་གྱི་སྐེ་བ་ལས་སྐྱེས་པའི་ཤིང་མྱ་ངན་མེད་ཀྱི་སྡོང་པོའི་མེ་ཏོག་གི་རྣམ་པས་ཉེ་བར་བརྒྱན་པ། གསེར་
གྱི་མདོག་ལྟ་བུའི་ཕག་པ་ལ་ཞོན་པ། ཕག་པའི་དབུས་སུ་ཕྱག་རྒྱས་བཅིངས་ལ། སྔགས་བཟླས་ཤིང་ལྷ་མོ་བསྒོམ་པར་བྱས་ན་དགྲའི་དཔུང་གི་ནང་དུ་ལྷ་མོ་འགྲོ་ཡང་བལྟར་མེད་དོ། །གཟུང་དུ་མེད། བཅིང་དུ་མེད། དགག་ཏུ་མེད། བརྒལ་དུ་མེད། རྨོངས་པར་བྱར་མེད། 
ཆད་པས་བཅད་དུ་མེད། མགོ་བྲེག་ཏུ་མེད། ཚིག་པར་བྱར་མེད། དགྲའི་དབང་དུ་མི་འགྲོའོ། །ཨོཾ་མཱ་རཱི་ཙྱཻ་བཏྟཱ་ལི། བཏྟཱ་ལི། ཏཱ་བ་རཱ་ལི། བ་ར་ཧཱ་མུ་ཁི། སརྦ་དུཥྚ་པྲ་དུཥྚཱྃ། ཙཀྵུརྨུ་ཁྃ། བན་དྷ་བན་དྷ་སྭཱ་ཧཱ། སྔགས་འདི་ཡིས་ལས་བྱས་པའོ། །དལ་བུས་དལ་བུས་རླུང་
ཁ་སྦྱར་བཅུག་ཅིང་བཀག་ལ་རྩེ་ལ་སོར་མོས་བསྡམས་ལ་སྣའི་བུ་ག་གཉིས་ནས་རླུང་ཕྱིར་ཕྱུང་ནས་བསྡུ་ཞིང་དེ་ལྟར་ལྷ་མོ་དྲན་པར་བྱས་ཏེ་སྔགས་བཟླས་པར་བྱའོ། །གོས་ཀྱི་ཐ་མ་ལ་ལན་ཉི་ཤུ་རྩ་གཅིག་བཟླས་ཏེ། ཁ་དང་། མིག་དང་། ལྕེ་
བསྡམས་ཤིང་གནས་ཏེ་མདུད་པ་བྱའོ། །རྐུན་མ་གདུག་པ་ཅན་ཐམས་ཅད་བཅིངས་ནས་གནས་པ་ཡིན་ནོ། །ལྷ་མོ་བསམ་ཞིང་སྔགས་དྲན་ན། ནགས་ངན་པའི་ལམ་དུ་འགྲོ་ན་ཡང་སྔགས་པས་རྐུན་མའི་ནང་ལྟར་མེད། གཟུང་དུ་མེད། བཅིང་
དུ་མེད། དགག་དུ་མེད། བརྒལ་དུ་མེད། རྨོངས་པར་བྱར་མེད་ཅེས་བྱ་བ་ལ་སོགས་པ་ཡང་དག་པའི་ཆོ་ག་བྱའོ། །རྒྱལ་ལ་གཞོན་ནུ་མས་བཀལ་བའི་སྐུད་པ་མ་ཆད་པ་སུམ་སྒྲིལ་དུ་བྱས་ལ་ལན་ཉི་ཤུ་རྩ་གཅིག་ཏུ་བཟླས་ཏེ། ཕག་གི་ཁྲག་དང་། གིའུ་ཝང་
གཉིས་ཀྱིས་བྱུགས་ལ་བཟླའོ། །སྔགས་དང་བཅས་པའི་མིང་བཅུག་ཏེ་མདུད་པའི་ཕྲེང་བ་ཉིད་བྱ་བ་ནི་ལན་ཉི་ཤུ་རྩ་གཅིག་ཏུ་མདུད་ལ་གོས་ཀྱི་ཐཱ་མ་འམ་ལག་པར་བཅངས་ལ་རྣ་བར་ཕག་གི་མཆེ་བ་བཅུག་ནས་འགྲོ་ན་བལྟར་མེད། གཟུང་དུ་
མེད། བཅིང་དུ་མེད། དགག་ཏུ་མེད། བརྒལ་དུ་མེད། རྨོངས་པར་བྱར་མེད། ཆད་པས་བཅད་དུ་མེད། མགོ་བྲེག་ཏུ་མེད་ཅེས་བྱ་བ་ལ་སོགས་པ་ཕག་གི་རྣ་བའི་སྨན་རྩ་བ་དང་། མེ་ཏོག་དང་བཅས། གིའུ་ཝང་དང་། ཕག་པའི་སོས་སྐར་མ་རྒྱལ་
97-1-191a


ལ་ལྡོང་རོས་དང་མཉེ་ཞིང་གཤིབས་ཏེ་རིལུ་བྱས་ལ་གྲིབ་མ་ལ་སྐམས་ཏེ་རྒྱལ་པོ་ཆེན་པོ་དབང་ཕྱུག་དང་ཕྲད་པའི་དུས་སུ་དཔྲལ་བ་ལ་ཐིག་ལེ་བྱས་ན་དབང་དུ་འགྱུར་རོ། །ཛ་ཡནྟའི་འབྲས་བུ་དང་། རྣམ་པར་རྒྱལ་བ་དཀར་བའི་འབྲས་བུ་
དང་། གིའུ་ཝང་དང་ལྷན་ཅིག་ཇི་སྲིད་སྐར་མ་རྒྱལ་ལ་ཕག་གི་སོས་མཉེ་ཞིང་བཤིབས་ཏེ་དཔྲལ་བར་ཐིག་ལེ་བྱས་ན་རྒྱལ་པོ་ཆེན་པོ་དབང་ཕྱུག་གང་གིས་མཐོང་ན་དགའ་བར་འགྱུར་ཏེ་ཁྲོ་བ་མེད་དོ། །གཡུལ་ངོར་བྱས་ན་རྒྱལ་བ་ཐོབ་པར་
འགྱུར་རོ། །ཡུལ་ཆོས་བྱེད་པའི་ནང་དུ་ཡང་པུ་ཏྲ་ཛ་རེ་དང་། ཨ་བ་ན་ཙ་ཏི་ཀ་དང་། རུ་ཏནྟི་དང་། དཎྜོཏ་པ་ལ་དང་། ལུས་ཀྱི་རྨ་ལས་བྱུང་བའི་དྲི་མ་དང་། མིག་གི་དྲི་མས་བྱས་པའི་ཕྱེ་མ་རེག་པ་ཙམ་གྱིས་སྐྱེ་འགྲོའི་བུད་མེད་དབང་དུ་འགྱུར་རོ། །
ཨ་ཤ་པ་ཙ་ཏི་ཀ་དང་། ཀྲནྟ་དང་། སྲན་ཏི་དང་། ལག་སྨིན་དང་། རྨ་ནས་བྱུང་བ་དང་། མིག་གི་དྲི་མ་དང་། མིག་ཆུའི་སྔགས་བཟླས་ན་དེ་མ་ཐག་ཏུ་རྒྱལ་པོ་དབང་ཕྱུག་གི་བུད་མེད་རྣམས་ཀྱང་དབང་དུ་བྱེད་དོ། །ཏྲནྟུ་ནི་ཁྱབ་འཇུག་རྣམ་པར་
གནོན་པ་ལ་བྱའོ། །པྲ་ཙནྟ་ནི་སུམ་བུ་རྟག་ཏུ་སན་མ་ལ་བྱའོ། །ཨོཾ་པ་ཙི་ཏ་ཀ་ནི་ལྡུམ་བུ་ཐལ་མོ་སྦྱར་བ་ལྟ་བུ་ལ་ཤེས་པར་བྱའོ། །སྔུན་མ་དང་། དནྜོཏྤ་ལ་དང་། ལྷན་ཅིག་པ་ནི་བུད་མེད་དབང་དུ་བྱེད་པར་འགྱུར་རོ། །སཱུརྱ་བཪྟ་དང་། མིག་
སྨན་དང་། དབང་པོ་ལག་པ་དང་། མི་འཇིགས་པའི་ལག་པ་དང་། དེ་རྣམས་བྱུང་བའི་རྩ་དང་། སི་ཀ་དང་། ཧ་རི་རི་བྷུ་བ་ཧ་ན་དང་། དུང་དང་འདི་རྣམས་ཕྱེ་མ་བྱས་ཏེ། མིག་གི་ཆུས་སྤགས་ཏེ་བདག་ཉིད་ཀྱིས་མྱོས་བྱེད་དང་བཅས་པ་རང་གི་
བུད་མེད་ཀྱི་ཚོགས་ཀྱི་དེ་མ་ཐག་ཏུ་དབང་དུ་འགྱུར་རོ། །དྲན་པ་ཙམ་གྱིས་མཆོག་ཏུ་གྱུར་པའི་བུད་མེད་བཅོམ་ལྡན་འདས་མས་བསམས་སུ་ཟིན་ཀྱང་ཡང་ངེས་པར་དྲན་པའི་མཚོན་ཆས་ཨརྐ་དཀར་པོ་སྡོང་པོའི་རྩ་བ་དང་། བཙོད་དང་། 
ལང་བའི་བྱེའུ་དང་། རུ་རྟ་དང་། རང་གི་ལུས་ཀྱི་རྨའི་ཁྲག་དང་། མིག་གི་དྲི་མ་དང་བསྲེས་པ་ནི་རང་གི་མྱོས་བྱེད་ཀྱིས་ཁམས་གསུམ་ཡང་དབང་དུ་བྱེད་དོ། །སཏྶི་ར་ས་ར་མོང་དཀར་པོ་དང་། ཨ་ས་ཀ་ཏས་ར་མ་ཕྱི་མ་བྱས་ཏེ། དེ་རྣམས་
97-1-191b


ཀྱི་ཕྱེ་མས་ནི་རང་གི་ཁྱོ་མ་ཡིན་པ་ངོ་མི་ཤེས་པ་གདུལ་དཀའ་བ་ཡང་དབང་དུ་འགྱུར་རོ། །མི་ཤེས་པ་ཡང་རང་གི་ས་བོན་དང་ལྡན་པས་སྐར་མ་རྒྱལ་ལ་བྱས་ན་དབང་དུ་བྱེད་དོ། །ར་དྲུ་ཏི་དང་། སྔོན་མ་ཀྵི་བ་ཀི་དང་། རང་གི་མྱོས་བྱེད་ཀྱིས་
སྦང་ཞིང་བསྲེས་ཏེ། སེང་ལྡེང་གི་ཤིང་གི་ནང་ནས་བྱུང་བའི་ཁེ་ལེ་ས་རི་ལུ་དང་། ཏམྦུ་ལེན་ལྷན་ཅིག་ཏུ་སུམ་བཅུ་པའི་བདག་པོ་ཡིས་ངེས་པར་རང་གི་ཆུང་མ་དབང་དུ་བྱེད་དོ། །དུར་བ་དཀར་པོ་དང་། རི་དགས་ཀྱི་དུར་བ་དང་། གིའུ་
ཝང་དང་ལྷན་ཅིག་ཏུ་བྱས་ཏེ་དཔྲལ་བར་ཐིག་ལེ་བྱས་ན་མཐོང་བ་ཙམ་གྱིས་རྒྱལ་པོ་ཡང་དབང་དུ་འགྱུར་རོ། །ནཱ་ག་གེ་སར་དང་། དེ་བཞིན་དུ་པད་མའི་གེ་སར་དང་། ཙན་དན་དམར་པོ་དང་། དེ་བཞིན་དུ་ཀུ་མུ་ད་དང་། ཨུད་པ་ལ་དང་། ལྡོང་
རོས་དང་། ཤིང་རྟ་ལ་དང་བཅས་པའི་གིའུ་ཝང་དང་། བར་ཧ་ཀནྟ་དང་། ཁྱབ་འཇུག་གིས་གནོན་པ་དང་། ཕག་གི་ཁྲག་གིས་རིལུ་བྱས་ལ། འོད་ཟེར་ཅན་གྱི་སྔགས་བཟླས་ན་དཔྲལ་བར་ཐིག་ལེ་དང་། སྤྱི་བོ་དང་། མགྲིན་པ་དང་། 
སྙིང་ག་དང་། ལག་པ་གཉིས་དང་། དེ་བཞིན་དུ་ལྟེ་བ་དང་། རྐང་པ་གཉིས་སུ་ཕྱོགས་སུ་བྱས་ན་ཆེན་པོར་གྱུར་པས་གནོད་སྦྱིན་བཞིན་དུ་གནོད་སྦྱིན་འདོད་པའི་གཟུགས་འཛིན་ཅིང་ས་བཞི་ལ་ལོངས་སྤྱོད་དོ། །དེ་ཡང་བལྟར་མེད། 
གཟུང་དུ་མེད། བཅིང་དུ་མེད། དགག་ཏུ་མེད། བརྒལ་དུ་མེད། རྨོངས་པར་བྱར་མེད། ཆད་པས་གཅད་དུ་མེད། མགོ་བྲེག་ཏུ་མེད། དགྲའི་དབང་དུ་འགྲོ་བར་མི་འགྱུར་རོ། །མ་ཧེའི་ཥ་གཏོགས་པའི་སྣ་དག་གསེར་ཤིང་ལ་བསྲེགས་
པ་དང་བཅས་པ་དང་། རོ་བསྲེགས་པའི་ས་དང་། ཐལ་བ་དང་། བུད་མེད་ཤི་བའི་ལག་གདུབ་རོ་བསྲེགས་པའི་ཤིང་གིས་བསྲེགས་ལ་ད་དུ་རའི་ཁུ་བས་བསད་དེ་ཕྱེ་མ་དང་། རང་གི་མྱོས་བྱེད་ཀྱིས་བྱས་ན་ལྷའི་དབང་པོའི་བུ་མོ་ཡང་དེ་མ་
ཐག་ཏུ་དབང་དུ་འགྱུར་རོ། །ཁ་ག་བ་ཏའི་འཁོར་ལོ་དང་། ལྷའི་དབང་པོ་སྦས་པ་དང་། ལྡོང་རོས་དང་། གིའུ་ཝང་དང་། དྲ་མ་དང་ལྡན་པས་ཐིག་ལེ་དཔྲལ་བར་བྱས་ན་དབང་དུ་འགྱུར་རོ། །ཁ་ག་བ་ཏའི་འཁོར་ལོ་དང་། ལྷའི་དབང་པོ་སྦས་
97-1-192a


པ་དང་། ལྡོང་རོས་དང་། གིའུ་ཝང་དང་དྲི་མ་དང་ལྡན་པས་ཐིག་ལེ་དཔྲལ་བར་བྱས་ཝ་ན་དབང་དུ་འགྱུར་རོ། །ཁ་ག་བ་ཏའི་འཁོར་ལོ་དང་། དབང་པོ་སྦས་པ་དང་། ཨ་ན་བ་ཏི་ཛ་ཏ་ཀ་དང་། སྔུན་མ་དང་། མིག་གི་མཆི་མས་སྦགས་པའི་ཕྱེ་མ་ནི་མིའི་བདག་པོའི་
བུད་མེད་ཀྱང་དེ་མ་ཐག་ཏུ་དབང་དུ་བྱེད་དོ། །གསར་དུ་བག་མ་བྱས་པའི་ཁྱོ་ག་ཤི་བའི་མི་རོའི་མེ་ཏོག་དང་། བན་དུ་ཀ་འཕྲོག་བྱེད་ཀྱི་སྤྱི་བོར་འཁོད་པའི་མེ་ཏོག་དང་། མི་ཤི་བའི་བུད་མེད་དང་ལྷན་ཅིག་ཏུ་བསྲེགས་པའི་ཐལ་བ་དང་བཅས་
པས་བུད་མེད་ལ་བསྣུན་པ་ཙམ་གྱི་རང་གི་ཕྱི་ནས་འོང་ངོ་། །ཁྱབ་འཇུག་གནོད་པ་དང་། དབང་པོ་སྦས་པ་དང་། ལག་ཁྲ་ན་དང་། སྔུན་མ་དང་བཅས་པའི་སྦྲུལ་གྱི་ཞང་པོ་དང་། མིག་གི་མཆི་མས་སྦངས་པའི་ཕྱི་མ་དང་། དབང་པོའི་ཆུང་མ་ཤི་ཙ་འོང་
དེ་མ་ཐག་ཏུ་དབང་དུ་བྱེད་དོ། །ལག་པ་གཉིས་མཉམ་པར་བྱས་ཏེ་ཐལ་མོ་གཉིས་བསྣོལ་བར་བྱ་བ་འམ། ཁ་བྱེ་བར་བྱའོ། །མཐེབ་ཆེན་གྱི་སྲིན་ལག་གཉིས་གཟུང་སྟེ་གུང་མོའི་སོར་མོ་གཉིས་ཡང་དག་པར་སྦྱར་ལ་སྡིགས་མཛུབ་གཉིས་
འཁྱིལ་པའི་རྣམ་པར་བྱས་ཏེ། སྐྱིལ་དཀྲུང་དུ་གནས་པས་ལྟེ་བའི་ཕྱོགསུ་དགོད་དོ། །ཕྱག་རྒྱ་མཆོག་གི་གཙོ་བོ་འདི། །ལས་རྣམས་ཀུན་ལ་སྦྱར་བར་བྱ། །མཆོག་ལ་རབ་ཏུ་བསྔགས་པ་སྟེ། །ཐ་མ་ཡང་ནི་འབྲིང་ལ་ཡང་། །མྱུར་དུ་དངོས་གྲུབ་
འདི་ཡིས་བྱེད། །ཐཾད་དུ་འགྲུབ་མཆོད་པའོ། །བསོད་ནམས་ཆེན་པོ་དག་བྱེད་པ། །བཀྲ་ཤིས་སྐྱོན་རྣམས་མེད་པར་བྱེད། །སྡིག་པ་ཐམས་ཅད་འཇོམ་བྱེད་པའི། །ཕྱག་རྒྱ་འདི་ནི་དངོས་གྲུབ་རྒྱུ། །འདི་ནི་སྦྱོར་བ་བཞན་ཡིན་ཏེ། །གསེར་གྱི་མདོག་གི་
ཕག་བསྒོམས་ལ་དེའི་སྟེང་དུ་འོད་ཟེར་ཅན་མ་གོས་དཀར་པོའི་ཤམ་ཐབས་ཅན་འཕགས་པའི་ཚོགས་ཀྱིས་ཡོངས་སུ་བསྐོར་བར་བསྒོམ་པར་བྱའོ། །དེའི་དབུས་སུ་མཆོད་རྟེན་དང་། གཡོན་པའི་ཕྱག་ན་ཤིང་མྱ་ངན་མེད་ཀྱི་ཡལ་ག་
མེ་ཏོག་དང་བཅས་པའི་ཕྱག་ཅན་བསྒོམ་པར་བྱའོ། །འཇིག་པ་ཆེན་པོའི་དུས་སུ་བདག་ཉིད་དེ་བསམས་ཏེ་སྙིང་ཀར་རང་གི་ཆོས་གོས་ཀྱི་མཐའ་བཟུང་སྟེ་ལན་བདུན་དུ་སྔགས་ཏེ་མདུད་པ་བྱས་ཏེ་སྔགས་བཟླས་ཞིང་ལམ་དུ་འགྲོ་ན་
97-1-192b


རྐུན་མ་ལ་སོག་པའི་འཇིགས་པ་མི་འབྱུང་ངོ་། །དེ་ནས་གནས་བདེ་བར་ཕྱིན་ན་མདུད་པ་དགྲོལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་མཱ་རཱི་ཙྱཻ། དེ་བ་ཏཱ་ཧྲི་ད་ཡ་མཱ་བར་ཏ་ཡི་ཥྱ་མི། ཏདྱ་ཐཱ། ཨོཾ་བ་ཏཱ་ལི། བ་ཏཱ་ལི། བ་རཱ་ལི། བ་རཱ་ཧཱ་མུ་གི་སརྦ་དུ་
ཥྃ་ནཱྃ་ཙཀྵུརྨུ་ཁྃ་བན་དྷ་ནི་སྭཱ་ཧཱ། ཁ་འཆིང་བར་བྱེད་པའི་སྔགས་འདི་ཡིན་ནོ། །ཨོཾ་མཱ་རཱི་ཙྱཻ། དེ་བ་ཏཱ་ཡཻ། ཨོཾ་བ་དཱ་ལི། བ་རཱ་ལི། བ་རཱ་ཧཱ་མུ་ཁི། སརྦ་དུཥྚ་པྲ་དུཥྚཱ་ནཱྃ། གྲནྠི་བན་དྷ་མོ་སྭཱ་ཧཱ། འདི་ཡི་མདུད་པ་བྱ་སྟེ་མདུད་པ་ལན་བདུན་དུ་བྱས་
ལ་གཡོག་པོ་ཅི་སྙིད་པ་དེ་རྣམས་ལ་ཡང་མི་བཟུང་བར་སོ་སོར་མདུད་པ་བྱས་ལ་རང་ཉིད་གྱི་མདུན་དུ་དགྲོལ་དུ་གཞུག་གོ། དཀོན་མཆོག་གསུམ་ལ་ཕྱག་འཚལ་ལོ། །ཡང་དག་རྒྱལ་བ་རྣམས་ལ་ཕྱག་འཚལ་ལོ། །
འོད་ཟེར་ཅན་མ་ཡེ་ཤེས་མཚོ། །དེ་ཡི་མཉེས་ཐབས་བདག་གིས་བརྗོད། །བཏུས་ཤིང་མྱུར་ནུ་འགྲུབ་པའི་སྔགས། །མ་ལུས་སྟོང་པར་རྣམ་པར་བསྒོམ། །སྙིང་གར་ཡོངས་སུ་འཁོར་བ་རུ། །བློ་ལྡན་དབྱངས་ཡིག་དང་པོ་
ལས། །ཟླ་བའི་དཀྱིལ་འཁོར་དམིགས་བྱས་ལ། །དེ་སྟེང་གནས་པའི་ས་བོན་འདི། །གསེར་ནི་བསྲེགས་པ་ལྟ་བུའི་མདོག །འབར་ཞིང་འབར་བ་འཁྲུགས་བཟང་བ། །འཇིག་རྟེན་གསུཾ་སྒྲུབ་བསྒོམ་པར་བྱ། །ས་བོན་སྡེ་
ཚན་གཉིས་དང་པོ། །དབྱངས་ཡིག་བཞི་པོ་དབྱེ་བྱས་ལ། །དེ་ཉིད་སྦྱོར་བའི་འོད་ཟེར་ཅན། །དང་པོ་དེ་ཉིད་སྒོམ་པར་བྱ། །པད་མ་ཟླ་བའི་གདན་གནས་ཤིང་། །སྣ་ཚོགས་གོས་ནི་འཆང་བ་དང་། །སྒེག་པ་ལ་སོགས་རོ་དང་ལྡན། །བརྒྱད་ཀྱི་
ཕྱེད་ཀྱི་ཕྱག་གིས་བརྒྱན། །གཡོན་ན་ཞག་པ་ཡལ་ག་བསྣམས། །གཡས་ན་རྡོ་རྗེ་ལྕག་ཀྱུ་ཕྱག །སྙིང་གར་ཕྱག་རྒྱ་སྔགས་ལྡན་པས། །བལྟས་ན་དངོས་གྲུབ་ཐོབ་པར་བྱེད། །བསྐྱེད་རིམ་རྫོགས་རིམ་སྦྱོར་བ་ཡིས། །
རང་གི་དེ་ཉིད་རྫོགས་བྱས་ལ། །ཡི་གེའི་གྲངས་འབུམ་བཟླས་སྒོམ་བྱ། །དེ་ནས་དེ་ཉིད་གསུམ་དབྱེ་བས། །སྟོང་ཕྲག་ཁྲོ་བོ་སྦྱིན་སྲེག་བྱ། །དེ་ནས་ཆོས་ཕྲུལ་ཟླ་ཉ་དུས། །དངོས་གྲུབ་ཀུན་སྟེར་དཀྱིལ་འཁོར་དུ། །
97-1-193a


འཁྲུགས་ལ་རྒྱ་ཆེའི་མཆོད་པ་བྱས། །སྟོང་ཕྲག་བརྒྱད་ནི་བཟླས་བྱས་ན། །ངེས་པར་དངོས་གྲུབ་ཏུ་ནི་འགྱུར། །དེ་ནས་དེའི་ཕྱིར་བཅོམ་ལྡན་འདས་མ་འོད་ཟེར་ཅན་མའི་ལས་གཞན་གྱི་སྒྲུབ་པ་ཡིན་ཏེ་
ཁམ་སྐྱོང་གཉིས་ལ་མཱཾ་ཡིག་གི་དབུས་སུ་བསྒྲུབ་བྱའི་མིང་སྤེལ་བར་བྱས་ལ་ཐལ་བས་ཁམ་སྐྱོང་བཀང་སྟེ། སྐུད་པ་སེར་པོས་དཀྲིས་ལ། འོག་མའི་སྟེང་ནས་རྡོ་རྗེས་མནན་པ། གསང་བར་གཞག་སྟེ་རྩ་བའི་རིག་པ་བ་དཱ་
ལི་ལ་སོགས་པ་སྟོང་ཕྲག་བརྒྱད་བཟླས་ན་གང་དུ་འགྲོ་བར་འདོད་པ་དེར་འགྲོ་ཡང་འཇིགས་པ་དང་སྐྲག་པ་ཐམས་ཅད་ལས་གྲོལ་བར་བྱེད་དོ། །ཏད་ཡ་ཐཱ། ཨརྐ་མ་སི། མརྐ་མ་སི། ཨུརྨ་མ་སི། བ་ནཱ་མ་སི། ཨུ་དཱ་ཡ་
མ་སི། གུལ་མྨ་སི། ཙཱི་བ་ར་མ་སི། མ་ཧཱ་ཙཱི་བ་རཱ་མ་སི། ཨནྟ་རྡྷཱ་ན་མ་སི་སྭཱ་ཧཱ། ན་མོ་རཏྣ་ཏྲ་ཡཱ་ཡ། ཏད་ཡ་ཐཱ། ཨོཾ་ཨཱ་ར་ལི། ཧ་ལོ་ཀ་ནི། སཙྪ་ལོ་སརྦ་མུརྡྟི། རཀྵ་རཀྵ་མི། །སརྦ་བ་ཡེ་བྱ། ཨཱོྃ་མཱ་རཱི་ཙྱཻ་དེ་བ་ཏཱ་ཡཻ། བ་རཱ་ལི། བ་དཱ་ལི། བ་རཱ་ཧཱ་མུ་
ཁི་སརྦ་དུཥྚ་པྲ་དུཥྚཱ་ནཱྃ། མུ་ཁྃ་བནྡྷ་ནྃ་ཀུ་རུ་སྭཱ་ཧཱ། སྔོན་གྱི་ས་བོན་གྱི་ནང་དུ་སྒྲུབ་པ་པོ་སྐུལ་ཚེ་དང་ལྡན་པའི་མིང་བྲིས་ལ་ས་བོན་གྱི་ཕྱི་རོལ་དུ་རིག་པ་འཛིན་པ་བརྒྱད་དང་རྩ་བའི་སྔགས་དང་བཅས་པས་བྲིས་བར་བྱའོ། །ཐམས་
ཅད་དུ་ཡི་གེའི་མགོའི་ནང་ཏུ་བྱས་ཏེ། མ་ཏྲ་གསུམ་གྱིས་དཀྲིས་ལ་སྐྱེས་པ་ལ་ནི་གྲོ་ག་ལ་གུར་གུམ་གྱིས་བྲིས་ཤིང་བུད་མེད་ལ་ནི་གོ་རོ་ཙ་ན་ལ་བྲི་བར་བྱའོ། །ཡང་ན་གོས་ལ་བྲིས་ནས་རིག་པ་འཆང་བས་རིག་པ་བཅངས་ནས་འཇིགས་
པ་ཐམས་ཅད་ལས་བསྲུང་བར་འགྱུར་རོ། །ལྷ་དང་ལྷ་མ་ཡིན་རྣམས་དང་། གཞན་རྣམས་ཀྱིས་ཀྱང་གནོད་པར་མི་ནུས་སོ། །མངོན་པར་འདོད་པའི་སྔགས་ཀྱིས་དངོས་གྲུབ་ཐོབ་བོ། །གདུག་པ་ཅན་རྣམས་འཆིང་བར་འདོད་ན་སྔོན་
དུ་བསྟན་པའི་ས་བོན་གྱི་ལྟེ་བར་བན་དྷུ་བིན་ཞེས་བྱ་བའི་བསྐུལ་བའི་ཚིག་དང་ལྡན་པས་བསྒྲུབ་བྱའི་མིང་མངོན་པར་བྲིས་ཏེ་ཐལ་བའི་ཕྱེ་མས་བཀང་བས་ཁམ་སྐྱོང་ཁ་སྦྱོར་བྱས་ཏེ། དབེན་པའི་གནས་སུ་གཞག་པར་བྱས་ན་གདུག་
97-1-193b


པ་ཅན་རྣམས་བཅིང་བར་འགྱུར་རོ། །གསང་བ་ལ་དེ་ཉིད་འོན་ཀྱང་དུར་ཁྲོད་ཀྱི་ལས་ལ་བྲིས་ཏེ་དེ་ཉིད་དུ་སྦའོ། །མི་མཐོང་བར་བྱེད་པ་ནི་སྔོན་དུ་བསྟན་པའི་ས་བོན་གྱི་ལྟེ་བར་གདག་གི་དེ་ཉིད་སྤྲིན་སྔོན་པོ་ལྟ་བུར་བལྟའོ། །འཕྲོ་ཞིང་འབར་
བ་ནམ་མཁའ་ལྟ་བུར་བལྟ་སྟེ་ཡི་གེ་གྲངས་ཀྱི་འབུམ་བཟླའོ། །དེ་ནས་བཟུང་སྟེ་གང་དུ་ཡང་ཐོགས་པ་མེད་དོ། །ཐམས་ཅད་ཀྱིས་མི་ཤེས་པར་བྱ་བར་འདོད་ན་མངོན་དུ་བསྟན་པའི་ས་བོན་གྱི་ལྟེ་བར་བ་ཏཱ་ལི་ལ་སོག་པའི་སྔགས་
བྲིས་ལ་རྩ་བའི་སྔགས་བཅས་པ་ཁམ་སྐྱོང་ཁ་སྦྱོར་གྱི་ནང་དུ་བཞག་སྟེ། སྐུད་པ་སེར་པོས་དཀྲིས་ལ། དམར་པོ་དང་སེར་པོ་འབར་བ་འཁྲུགས་པའི་མེ་ཏོག་གིས་མཆོད་ལ་དབེན་པའི་གནས་སུ་བཞག་སྟེ། སྟོང་ཕྲག་བརྒྱད་
བཟླས་ན་གང་འདོད་པ་དེར་འགྲོ་ཡང་གདུག་པ་ཅན་ཐམས་ཅད་རྨོངས་ནས་གནས་པ་ཡིན་ཏེ་དེ་མི་མཐོང་ངོ་། །སྔོན་དུ་བསྟན་པའི་ས་བོན་གྱི་ལྟེ་བར་འཁོར་ལོ་རྩེབས་བརྒྱད་པ། དེའི་དབུས་སུ་བ་ཏཱ་ལི་ལ་སོགས་པའི་སྔགས་རེངས་
པར་གྱིས་ཤིག་ཅེས་བྱ་བའི་སྐུལ་ཚིག་དང་བཅས་པ་ཁམ་སྐྱོང་ལ་སོགས་པ་ལ་བྲིས་ཏེ་བསྒྲུབ་བྱ་སེར་པོ་འབར་ཞིང་འཁྲུག་པའི་འོད་ཀྱིས་ནམ་མཁའ་ཁྱབ་པར་དམིགས་ལ། དབེན་པའི་གནས་སུ་བཞག་ཏེ་མེ་ཏོག་
སེར་པོས་མཆོད་ནས་སྟོང་ཕྲག་བརྒྱད་བཟླས་ན་རྐུན་མ་རྣམས་དང་། གཡུལ་ངོའི་མཚོན་དང་དུག་དང་མེ་དང་གཞན་གྱི་དཔུང་ལ་སོགས་པ་དགོས་པ་ནི་ཐེ་རྩོམ་མེད་པར་རེངས་པར་བྱེད་དོ། །དེ་ནས་བཅོམ་ལྡན་འདས་མ་
མཆོག་ཏུ་གསང་བ་ལས་ཐམས་ཅད་ཡིད་བཞིན་ནོར་བུའི་འཁོར་ལོ་ཡིན་ཏེ། སྔོན་དུ་བསྟན་པའི་ས་བོན་གྱི་ལྟེ་བར་འཁོར་ལོ་རྩིབས་བརྒྱད་པ་བྱས་ཏེ། དེ་ལ་རྩིབས་བརྒྱད་པ་གོ་རིམ་བཞིན་དུ་ཨརྐྐ་མ་སི་ལ་སོགས་པའི་རིག་པ་བརྒྱད་བྲིས་
ལ་བ་ར་ལི་ལ་སོགས་པའི་རྩ་བའི་སྔགས་སྐུལ་ཚིག་དང་བཅས་པ་ཕྱི་རོལ་གྱི་མུ་ཁྱུད་ལ་བྲིའོ། །འཁོར་ལོའི་རྩིབས་ལ་རིགས་པའི་ལྷ་མོ་བྲིའོ། །དབུས་སུ་ནི་སྐུལ་ཚིག་དང་བཅས་པའི་མིང་བྲིས་ཏེ་ཞི་བ་དང་རྒྱས་པ་དང་། དབང་དང་དགུག་པ་
97-1-194a


དང་། བསད་པ་དང་། སྐྲད་པ་དང་། རེངས་པ་དང་། དབྱེ་བ་དང་། མངོན་སྤྱོད་ལ་སོགས་པའི་ལས་བྱེད་ན་མངོན་པར་འདོད་པའི་དབང་གིས་རིག་པའི་རྒྱལ་མོ་ཕྱོགས་སྐྱོང་མ་ཆེན་མོ་འདིས་ཡིད་བཞིན་གྱི་ནོར་བུའི་མཆོག་སྒྲུབ་
པ་པོ་རྣམས་གང་འདོད་པ་བྱེད་དོ། །འཕགས་མ་འོད་ཟེར་ཅན་མ་རིག་པའི་རྒྱལ་མོའི་ཡིད་བཞིན་ཀྱི་ནོར་བུའི་འཁོར་ལོ་འོ། །དེ་ནས་གཞན་ཡང་བཤད་བྱ་བ། །འོད་ཟེར་ཅན་གྱི་རྟོག་པ་མཆོག །དང་པོ་གུར་གུམ་གྱིས་གྲོ་ག་ལ་
བཅོམ་ལྡན་འདས་མ་གཡས་གཡོན་གཉིས་ཀྱིས་རྡོ་རྡྲེ་ཕག་མོའི་ཞལ་སྔོན་པོའི་ཞལ་འཇིགས་པ་བྲིས་ལ་འོ་མའི་ནང་དུ་བཅུག་ལ་དཀར་པོས་མཆོད་ཅིང་གོས་དཀར་པོ་བྲིས་པ་ནི་ཞི་བར་འགྱུར་རོ། །རྒྱས་པ་ལ་ནི་གིའུ་ཝང་
དང་མར་བསྲེས་པས་བྲིས་ལ་ཁམ་སྐྱོང་ཁ་སྦྱར་གྱི་ནང་དུ་བཞག་ཏེ་ཆུའི་ནང་དུ་བཅུག་ན་རྒྱས་པར་འགྱུར་རོ། །ཉེ་བར་འཚེ་བ་ཐམས་ཅད་ལ་གཞོན་ནུ་མས་བཀལ་བའི་རས་ལ་ཀ་ར་བཱི་རའི་སྨྱུག་གུས་གེའུ་ཝང་ལ་མངར་གསུཾ་
གྱི་ནང་དུ་བཅུག་སྟེ་སྔགས་བཟླས་པ་བྱས་ན་ཉེ་བར་འཚེ་བ་ཆེན་པོ་ལས་ཐར་བར་འགྱུར་རོ། །མངོན་སྤྱོད་ཀྱི་ལས་ལ་ནི་དུར་ཁྲོད་ཀྱི་རས་མཚོན་གྱིས་མ་བཅད་པའི་རས་ལ་དུག་ལ་སོགས་པས་བྲིས་ཏེ་ཆུ་ངོགས་ཀྱི་ས་དང་། རྒྱལ་པོའི་
སྒོའི་ས་དང་། ལཾ་གྱི་གཞི་མདོའི་ས་དང་། གླང་བུའི་རྭ་ལ་སྦྱར་བའི་ས་དང་། བསྒྲུབ་བྱའི་ཆུ་བཏུང་བའི་ས་དང་། ས་ལྔ་ལས་བསྒྲུབ་བྱའི་གཟུགས་བརྙན་བྱས་ཏེ་དེའི་ནང་དུ་བཅུག་ལ་ཚ་བའི་མར་གྱིས་བྱུགས་ཏེ་དུར་ཁྲོད་དུ་སྦས་ལ་ཧེ་རུ་ཀ་ཡོན་བརྐྱང་
བའི་ཞབས་ཀྱིས་གནས་ཤིང་ཁམས་གསུམ་རྣམ་པར་རྒྱལ་བའི་སྦྱོར་བ་དང་ལྡན་པས་སྔགས་རྒྱ་ཕྲག་བརྒྱད་བཟླས་ན་དེ་མ་ཐག་ཏུ་མཆིའོ། །ཡང་ན་སེང་ལྡེང་གི་ཕུར་བུས་བཏབ་ལ་དུར་ཁྲོད་མེ་ལ་གདུང་བར་བྱས་ན་དེ་མ་ཐག་ཏུ་འཆིའོ། །
སྐྲོད་པ་ཡིན་ན་རས་དེ་ཉིད་ལ་བྱ་རོག་གི་སྨྱུག་གུས་ཁྱིའི་འོ་མ་དང་། ད་དུ་རའི་ཁུ་བ་དང་དུར་ཁྲོད་ཀྱི་སོལ་བ་དང་བསྲེས་པས་བྲིའོ། །འབྲས་ཀྱི་ཁུ་བ་ལ་གཟུགས་བརྙན་བྱས་ཏེ་དེའི་ནང་དུ་ལམ་གྱི་བཞི་མདོར་བརྐྐོས་ཏེ་སྦས་ལ་གཤིན་
97-1-194b


རྗེ་གཤེད་ཀྱི་སྔགས་ཀྱི་རྣལ་འབྱོར་གྱི་བཟླས་པ་དྲན་ན་དཔག་ཚད་བརྒྱ་ཡིན་ཡང་མི་གནས་སོ། །དབྱེ་བ་ནི་གོས་དེ་ལ་འུག་པའི་སྒྲོའི་སྨྱུག་གུས་དེ་ཉིད་ཀྱི་སོལ་བས་འཁོར་ལོ་ལ་སོགས་པ་བྲིས་ལ་ཆུ་ངོགས་གཉིས་
ཀྱི་ལྷོའི་ཕྱོགས་ཀྱི་ས་བླངས་ལ་བསྒྲུབ་བྱའི་གཟུགས་བརྙན་བྱས་ལ་དེའི་ནང་དུ་བཅུག་ཏེ། དེ་ནས་གཉིས་རྒྱབ་སྤྲད་ལ་སྐྲའི་ཐེ་གུ་དཀྲི་བར་བྱའོ། །དུར་ཁྲོད་དུ་བཞག་ལ་དེའི་སྟེང་དུ་ལྕི་བའི་ཉལ་ཉིལ་ལ་དུར་ཁྲོད་ཀྱི་ཤིང་གི་མེས་སྲོ་
ཞིང་གདུང་བར་བྱས་ན་དེ་མ་ཐག་ཏུ་འཕྲོག་བྱེད་དང་ཆུང་མ་ཡང་འབྱེད་པར་བྱེད་ན་ས་གཞིའི་སྐྱེ་བོའི་བུད་མེད་ལྟ་སྨོས་ཀྱང་ཅི་དགོས། རེངས་པར་བྱེད་ན་གོས་དེ་ཉིད་ལ་ཡུང་བས་བྲིས་ལ་ཁུ་བ་སེར་པོ་ལ་བྱས་པའི་རྗེ་བཙུན་མའི་
ལྟོ་བར་དེ་ལས་བྱས་པའི་བསྒྲུབ་བྱའི་གཟུགས་བརྙན་བཅུག་སྟེ་མེ་ཏོག་སེར་པོས་མཆོད་ན་ཞག་བདུན་གྱི་དགྲ་ཆེན་པོ་ཡང་རེངས་པར་བྱེད་དོ། །གཞན་གྱི་དཔུང་རེངས་པར་བྱེད་ན་དེ་གཉིས་ཀྱི་གོས་ལ་བྱི་བའི་ཁྲག་གི་ཡལ་
ག་བདུན་གྱི་སྨྱུག་གུས་དྲིས་ལ་དེ་ལ་ཕྱུགས་ཀྱི་རྭས་བཏོན་པའི་ས་དང་། ལམ་བཞི་མདོའི་ས་དང་། རྒྱལ་པོའི་སྒོའི་ས་དང་། ཆུ་ཀླུང་གི་ངོགས་གཉིས་ཀྱི་ས་ལས་ཚོགས་བདག་བྱས་ཏེ། དེའི་ལྟོ་བར་བཅུག་ནས་ལམ་གྱི་བཞི་མདོར་
བརྐོས་ཏེ་སྦས་ལ་ཁམས་གསུམ་རྣམ་པར་རྒྱལ་བའི་རྣལ་འབྱོར་གྱི་སྔགས་འདི་བཟླས་པར་བྱའོ། །དགུག་པ་ནི་བུད་མེད་ཀྱི་ཐོད་པ་ལ་གིའུ་ཝང་དང་ཕག་པའི་ཚིལ་བྱ་མཆིལ་པིའི་ཤོག་པའི་སྨྱུག་གུས་བྲིས་ལ་ས་ལ་
མ་ལྷུང་བའི་ལྕི་བས་དཀྱིལ་འཁོར་བྱས་ལ་སྐྲའི་ཐེ་གུ་ལྡན་པས་དེར་བཞག་ན་འགུག་པར་བྱེད་དོ། །སྐུལ་ཚིག་དང་བཅས་པས་བཟླས་བརྗོད་བྱའོ། །རིལ་པོས་འགུག་པ་ལ་ནི་དེ་ཁོ་ན་བཞིན་དུ་བྲིས་ལ་དེའི་སྟེང་ཏུ་སེང་
ལྡེང་གི་མེ་ལ་གདུང་བར་བྱས་ན་དཔག་ཚད་བརྒྱ་ན་གནས་ཀྱང་འགུགས་སོ། །སྐྱེས་པ་ནི་དེ་ཉིད་ཀྱི་ཐོད་པ་ལ་སྔོན་བཞིན་དུ་བྱའོ། །ཆར་མེད་པའི་དུསུ་ཨུ་དུམ་བ་རའི་ཤིང་ལེབ་ལ་ཙན་དན་དཀར་པོ་ལ་རྨ་བྱའི་སྒྲོའི་སྨྱུག་གུས་
97-1-195a


འཁོར་ལོ་བྲིས་ལ་འོག་ཏུ་ཀླུའི་རྒྱལ་པོའི་གཟུགས་གྲོག་མཁར་གྱི་སས་བྱས་ལ་དྲི་ཞིམ་པོའི་པད་མ་འདབ་མ་བརྒྱད་པའི་རྫིངས་བུར་བཞག་ལ། ཀ་ར་བཱི་ར་དང་ནཱ་ག་པུས་པའི་མཆོད་པ་བྱའོ། །ནཱ་ག་པུས་པའི་
ཕྱེ་མ་དང་གུ་གུལ་གྱི་བདུག་སྤོས་བསྲེས་སྟོབས་པོ་ཆེའི་རྣལ་འབྱོར་གྱིས་གནས་ལ་བསྒྲུབ་བྱའི་སྔགས་ཀྱི་ཡི་གེ་མུའི་མཐའ་ཅན་དུ་བཟླས་ཤིང་ཤིང་ལེབ་དེ་ཉིད་བཟུང་ཞིང་བཅོམ་ལྡན་འདས་མ་འོ་མའི་མཚོར་གཤེགས་
པར་བསམ་ན་འཕྲལ་དུ་ཆར་འབེབས་སོ། །ཡང་ན་གལ་ཏེ་ཆར་མི་འབེབ་ན་དེའི་ཚེ་བཅྡོཾས་མ་ལ་བློ་དང་ལྡན་པས་གཏུམ་པོའི་ས་བོན་གྱི་བསྣུན་པར་བྱའོ། །རིངས་པ་ལ་ནི་ཁ་འོག་ཏུ་བལྟས་ལ་བཞག་སྟེ་ཐལ་བར་
བསྣུན་པར་བྱའོ། །ཕན་ཚུན་དུ་འཐུན་པར་བྱའི་སྦྱོར་བ་ནི་མ་ཏམ་གའི་རས་ལ་དུར་ཁྲོད་ཀྱི་སོལ་བ་དང་ཀུ་ཤའི་ཁུ་བས་འཁོར་ལོ་བྲིས་ལ་རྐང་པ་གཡོན་པས་མནན་ཏེ་སྐུད་པ་དང་ལྕག་ཀྱུ་བཟུང་བའི་བརྡ་མཆོག་
གིས་རྣལ་འབྱོར་གྱི་ས་ལ་དྲུད་པར་བྱའོ། །གཞན་ཡང་རིག་སྔགས་བཅོད་པ་ནི་ཐུན་མོང་གི་རས་ལ་ཆུ་ཤིང་གི་ལོ་མའི་ཁུ་བས་ཆུས་ཁྱེར་བའི་ཤིང་གི་སྨྱུག་གུས་འཁོར་ལོ་བྲིས་ལ་གཅེར་བུ་སྐྲ་གྲོལ་བ་ཞི་བའི་གནས་སུ་འཁོར་ལོ་
བསྒྱུར་བ་ལྟ་བུའི་གོ་འཕང་གི་རྒྱལ་མཚན་གྱི་མགོ་ལ་བཞུགས་སུ་གསོལ་ལོ། །བཅིངས་པ་ལ་ནི་ས་ལ་སོགས་པ་ལ་བསྒྲུབ་པ་བྱས་ལ། ཞི་བའི་གནས་སུ་དཀྱིལ་འཁོར་གྲུ་གསུམ་པའི་དབུསུ་བྱི་ལའི་ཁྲག་གིས་འཁོར་ལོ་བྲིས་ལ་དེའི་
ནང་དུ་བཅུག་ཏེ་མ་མོའི་ཁང་པར་སྦས་ན་ཕན་ཚུན་འབྱེ་ཞིང་མི་མཐུན་པ་ཆེན་པོར་འགྱུར་རོ། །རྨོངས་པར་བྱ་བ་ལ་ནི་ཐོད་ལོ་སྐོར་གྱིས་དབྱུག་པ་ལ་དུག་གིས་སྦྲུལ་བྲིས་ཏེ་སྦྲུལ་མགོ་གསུཾ་པ་གཡོན་པའི་ལག་པས་བཟུང་ནས་མདུན་དུ་
དགྲ་ལ་བསྡིགས་པ། ཟླ་བ་དང་ཉི་མ་གཉིས་ལན་ཉི་ཤུ་ཙ་གཅིག་ཏུ་གཡས་སྐོར་དུ་སྒོམ་པར་བྱའོ། །སྤེལ་ཚིག་དང་བཅས་པའི་སྔགས་བཟླས་སྟེ་དབྱུག་པའི་སྟེང་གི་རྩེ་མོ་ལ་རྡོ་རྗེ་རྩེ་གསུཾ་པ། འོག་གི་རྩེ་མོ་ལ་རྡོ་རྗེ་རྩེ་ཅིག་པ་བྱས་ན་རྐུན་མ་
97-1-195b


ལ་སོག་པས་གནོད་པར་མི་འགྱུར་རོ། །དབྱུག་པ་དེ་འཇིགས་པ་ཆེན་པོ་ལ་ཡང་ཁྱེར་ཞིང་ཡི་གེ་དྲུག་པ་བཟླས་ན་འཇིགས་པ་ཐཾད་ལས་ཡོངསུ་སྲུང་བར་འགྱུར་རོ། །འོག་དུ་ཟླ་བའི་དཀྱིལ་འཁོར་གྱི་སྟེང་དུ་ཡང་ཟླ་བའི་དཀྱིལ་འཁོར་
ཨ་ལས་སྐྱེ་པ་དེར་བདག་ཉིད་ཡིབ་པར་བྱའོ། །འོད་ཟེར་ཅན་བདག་ལ་སྐྱོབ་ཤིག་ཅེས་བྱ་བ་ལ་སོགས་པ་སྔོན་དུ་བསྟན་པའི་སྔགས་ཟླས་པ་བྱའོ། །ཟླ་བ་དང་ཉི་མ་ཕན་ཚུན་འོད་ཟེར་གཉིས་འདྲེས་པ་ནི་འཇིགས་པ་ཐཾད་ཀྱི་དུས་སུའོ། །ཉལ་བའི་
དུསུ་མལ་སྟན་ལ་འདུག་ཏེ་ཙྱཻའི་ཡི་གེ་མངོན་པར་བྲིས་ལ་རྐང་པ་གཡོན་པས་བཞག་སྟེ་མི་སྐྱོད་པ་སྒོམ་པར་བྱའོ། །དེས་ནི་རྐུན་མས་མི་ཚུགས་ཏེ་བཅིངས་ནས་རྨོངས་ནས་འདུག་གོ། ཡང་ན་བཅོམ་ལྡན་འདས་མ་ནི་ལས་ཀྱི་རྗེས་སུ་
འབྲང་བའི་མདོག་ཡིན་ཏེ་དབང་ལ་ནི་དམར་པོ་ཕྱག་གཉིས་པ་བཞུ་དང་མདའ་བསྣམས་པའི་ཕྱག་ཅན་ཉི་མའི་དཀྱིལ་འཁོར་ལ་གནས་པའོ། །ཞི་བ་ལ་ནི་དཀར་པོ་ཕྱག་བཞི་པ་ཅིག་ན་མཆོག་སྦྱིན་པ། གཉིས་པ་ན་རྡོ་རྗེ་དང་། གཡོན་པའི་
དང་པོ་ན་ཤིང་མྱ་ངན་མེད་པའི་ཡལ་ག །གཉི་པ་ན་མི་འཇིགས་པའི་ཕྱག་རྒྱ་མཛད་པ་པད་མ་དཀར་པོ་ལ་གནས་པའོ། །རྒྱས་པ་ལ་ནི་ཕྱག་བཞི་པ། ཅུང་ཟད་དཀར་བ་ཕྱག་གཉིས་པ་ན་དགྲ་སྟ་དང་ཞགས་པ་བསྣམ་པའོ། །བཅིངས་པ་གྲོལ་
བར་བྱེད་པ་ནི་ལྗང་ཁུ་ཕྱག་གཉིས་པ་ཞགས་པ་དང་དགྲ་སྟ་བསྣམས་པའོ། །མངོན་སྤྱོད་ལ་ནི་ནག་མོ་ཕྱག་བཞི་པ་གཡས་པ་ན་རལ་གྲི་དང་ཕྱག་གཞན་ཐོ་བའོ། །གཡོན་པ་ན་ཐོད་པའོ། །གཞན་སྡིགས་མཛུབ་བོ། །སྐྲོད་པ་ལ་ནི་དུ་བའི་མདོག་
ཅན་ཕྱག་གཉིས་པ་ཞགས་པ་དང་དགྲ་སྟའི་ཕྱག་གོ། དབྱེ་བ་ལ་ནི་སྔོན་མོ་ཕྱག་བཞི་པ། གཡས་ན་རལ་གྲི་དང་དབྱུག་པ། གཡོན་ན་ཐོད་པ་དང་མྱ་ངན་མེད་དོ། །རེངས་པ་ལ་མདོག་སེར་ལ་ཕྱག་དྲུག་པ་གཡས་ན་རྡོ་རྗེ་དང་ཁབ་དང་མདའ་དང་གཡོན་
ན་ཞགས་པ་དང་བཞུ་དང་མྱ་ངན་མེད་པའི་ཡལ་གའོ། །གཞན་གྱི་དཔུང་རེངས་པར་བྱེད་པ་ལ་གཟུགས་འབར་ཞིང་འཁྲུག་པ་མི་བཟད་པ། ཕྱག་བཅུ་གཉིས་པ། སྣ་ཚོགས་པའི་ཕྱག་མཚན་འཆང་བ་ཞལ་དྲུག་པ། ཞབས་དྲུག་པ་དང་པོའི་ཞལ་
97-1-196a


དམར་པོ་གཡས་ནག་པོ། གཡོན་དཀར་པོ་ཅུང་ཞིག་ཁྲོ་བ་དང་བཅས་ཤིང་མཆེ་གཙིགས་པའི་ཞལ་ལོ། །གཡོན་པ་སེར་པོ་ཅུང་ཞིག་བཞད་པའི་ཞལ་སངས་རྒྱས་ཀྱི་ཞལ་གཡོན་པའོ། །སྟེང་དུ་ནི་འཕགས་པའི་ཞལ་ལོ། །གཡས་ན་ནི་མདུང་ཐུང་
དང་རྡོ་རྗེ་དང་མདའ་དང་། དབྱུག་པ་དང་། དགྲ་སྟ་དང་། རལ་གྲི་བསྣཾས་པའོ། །གཡོན་གྱི་དང་པོ་ན་སྡིག་འཛུབ་དང་། མྱ་ངན་མེད་ཀྱི་ཡལ་ག་དང་ཁ་ཊྭཱྃ་ག་དང་ཐོད་པ་དང་རྩེ་གསུཾ་དང་མི་མགོ་ཆུང་བའོ། །དགུག་པ་ལ་ནི་དཀར་པོ་ཕྱག་བཞི་པ། ཞལ་གསུམ་གཡས་
ན་ལྕག་ཀྱུ་དང་མདའ་གཡོན་ན་ཞགས་པ་དང་ཐོད་པའོ། །དབུ་མ་ནི་གསེར་ལྟ་བུའི་མདོག་གཡས་པ་ནི་གནག་པ། གཡོན་དམར་བ་ཕན་ཚུན་ཐུན་པར་བྱེད་པའི་དུསུ་ཞལ་གཉིས་ནི་ནག་པོ་སྟེ་རྟ་དང་ཕག་གི་ཞལ་ལོ། །གཡས་ན་རལ་གྲི་དང་རྩེ་གསུཾ་རྡོ་རྗེའོ་གཡོན་
ན་ཡི་དགས་དང་ཐོད་པའོ། །དེ་ལྟར་གཉིས་ཀ་ཡང་ཏེ་གཞན་གྱི་རིག་སྔགས་བཅོད་པ་ནི་ཏིང་ངེ་འཛིན་གྱི་ཕྱག་རྒྱ་དང་མྱ་ངན་མེད་ཀྱི་སྡོང་པོ་ལ་བརྟེན་པའོ། །ན་མོ་རཏྣ་ཏྲ་ཡཱ་ཡ། མ་ས་ཙིཏྟེ། བ་ཏྲཱ་ཡེ། ཧྲྀ་ད་ཡ་བརྟྟ་བྱ་བ་མེ། ཏདྱ་ཐཱ། བ་ཏཱ་ལི། བ་དཱ་ལི། བ་རཱ་ལི། བ་རཱ་ཧ་མུ་ཁི། སརྦ་དུ་
ཥྚཱ་ནཱྃ། ཙཀྵུརྨུ་ཁྃ། བནྡྷ་བནྡྷ། ཛམྦྷ་ཡ་ཛམྦྷ་ཡ། སྟམྦྷ་ཡ་སྟམྦྷ་ཡ། མོ་ཧ་ཡ་མོ་ཧ་ཡ། ཧྲིཿཧཱུྃ་ཕཊ་སྭཱ་ཧཱ། མའི་ཡི་གེ་ལས་ཁ་རུ་ཟླུམ་པོ་ཉི་མའི་དཀྱིལ་འཁོར་རོ། །སའི་ཡི་གེ་ལས་མགོ་བོ་དང་རྒྱབ་དུ་ཟླ་བའི་དཀྱིལ་འཁོར་རོ། །ཙའི་ཡི་གེ་སྙིང་གར་
སྒོམ་པར་བྱའོ། །བ་ཏཱ་ལི་ནི་དཔུང་པ་གཡས་པ་ལའོ། །བ་དཱ་ལི་ནི་གཡོན་པའི་དཔུང་པ་ལའོ། །བ་རཱ་ལི་ནི་གཡས་པའི་པུས་མོ་ལའོ། །བ་རཱ་ཧཱ་མུ་ཁི་ནི་གཡོན་པའི་པུས་མོ་ལའོ། །སརྦ་དུཥྚ་ནཱྃ་ཙཀྵུ་རྨུ་ཁྃ་བནྡྷ་བནྡྷ་ནི་གཡས་ཀྱི་གཞོགས་ལའོ། །ཛམྦྷ་ཡ་ཛམྦྷ་ཡ་
ཡང་རྒྱབ་ཏུའོ། །སྟམྦྷ་ཡ་སྟམྦྷ་ཡ་ནི་གཡོན་པའི་གཞོགས་ལའོ། །མོ་ཧ་ཡ་མོ་ཧ་ཡ་ནི་ནུ་མ་གཉིས་ཀྱི་བར་ལའོ། །ཧྲིཿནི་ཡན་ལག་ཐམས་ཅད་ལ་དགོད་དོ། །ཧཱུྃ་ནི་གསལ་བར་བྱས་པའོ། །ཕཊ་ནི་ལོང་བར་བྱེད་པའོ། །སྭཱ་ཧཱ་ནི་ཚིམ་པར་བྱེད་པའོ། །ཐལ་
མོ་མཉམ་པར་བྱས་ལ་བསྡིགས་མཛུབ་གཉིས་ཀྱི་མཐེ་བོང་གཉིས་ཀྱི་བར་དུ་བཞག་པ་ནི་ཡན་ལག་གི་ཕྱག་རྒྱ་སྟེ་འདི་ཡིས་ཡན་ལག་ཐྃད་ལ་ཆོ་ག་བྱའོ། །འོད་ཟེར་ཅན་འབྱུང་བའི་རྒྱུད་སྟོང་ཕྲག་བཅུ་གཉིས་པ་ལས་མཆོག་ཏུ་ཤིན་དུ་
97-1-196b


ཡང་སྙིང་པོའོ་གྱུར་པའི་འོད་ཟེར་ཅན་གྱི་རྟོག་པ་བརྒྱ་ཕྲག་བདུན་པ་ཕྱུང་བ་རྫོགྶ་སོ།། །། འཕགས་པ་པརྞ་ཤ་བ་རིའི་མདོ། དཀོན་མཆོག་གསུམ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་འོད་དཔག་མེད་ལ་ཕྱག་འཚལ་ལོ། །བྱང་ཆུབ་སེཾདའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེཾདའ་སེམས་དཔའ་ཆེན་པོ་མཐུ་ཆེན་ཐོབ་ལ་ཕྱག་འཚལ་ལོ། །བཱ་མ་ནེ་ཏྭཱྃ་ན་
མ་ཥྱཱ་མཱི་ཏྭྃ་ན་མ་སྱཱ་མི་བཱ་མ་ནེ། བྷ་ག་བ་ཏེ་པི་ཤཱ་ཙི། པརྞྞ་ཤ་བ་རི། པི་ཤཱ་ཙི་པ་ཤ་པར་ཤུདྷཱ་རི་ཎཱི། ཡ་ནི་ཀ་ནི་ཙིད་བྷ་ཡཱ་ནྱད་པ་དྱད་ཏེ། ཡཿཀཱ་ཙིད་མ་ཧཱ་མ་ར་ཡོ། ཡཿཀཱ་ཙིད་ཏི་མཧཱ་མར་ཡོ། ཨཿཀཱ་ཙིད་ཏི་ཡོ། ཡི་གེ་ནི་ཙིད་ཨུ་པ་དྲ་བཱཿ། ཡི་གེ་ཙིད་ཨཱུ་པཱ་ཡཱ་སཱ། ཡི་གེ་
ཙིད་ཨདྷྱཱ་ཨད་མི་གཱ་བྷ་ཡཱ། ཡེ་ཀེ་ཙིད་ཨུ་པ་ཡཱརྒྒ་ཨུ་པ་སརྒྒ་སྃ་བད་དྷ་བཱ་ཨུད་པ་དྱད་ཏེ། སརྦ་ནི་ཏཱ་ནི། སརྦ་སྟ། སརྦེ་ཏེ་བཱ་ལ་ཏ་ཨེ་བོད་བ་དྱནྟེ། ན་པ་ཎ་ཌི་ཏ་ཏཿ། ཏད་ནེ་ན་ས་ཏྱེ་ན་ས་ཏྱ་བ་ཙ་ནེ་ན་ས་ཏྱ་བཱ་ཀ་ཀེ་ནཿཏདྱ་ཐཱ། ༀ་ཛཿཛཱཿཛཿཛཱཿཨེ་བྷི་ཤ་པཎྜི་
ཏ་ཨ་དྷིཥྛི་ཏེར་མནྟྲ་པ་དཻར། མ་མ་སརྦ་སཏྭ་ནཱན་ཙ། རཀྵ་ཀུ་རུ་པ་རི་ཏྲཱ་ནྃ་ཀུ་རུ། པ་རི་གྲ་ཧྃ་ཀུ་རུ། པ་རི་པཱ་ལ་ནྃ་ཀུ་རུ། ཤཱནྟི་ཀུ་རུ་སྭ་སྟྱ་ཡ་ནྃ་ཀུ་རུ། དཎྜ་པ་རི་ཧཱ་རྃ་ཀུ་རུ། སསྟྲ་པ་རི་ཧ་ར་ཀུ་རུ། ཡ་བད་བ་ཥི་དྷུ་ཥ་ཎྃ་ཀུ་རུ། ཨཀ་ནི་པ་རི་ཧཱ་རྃ་ཀུ་རུ། ཨུ་ད་
ག་པ་རི་ཧཱ་རྃ་ཀུ་རུ། ཀ་ཁོར་ད་ཙྪེ་ད་ནྃ་ཀུ་རུ། སཱི་མཱྃ་བནྡྷྃ་ཀུ་རུ། དྷ་ར་ཎཱི་བནྡྷྃ་ཀུ་རུ། ཏདྱ་ཐཱ། ཨ་མི་ཏེ་ཨ་མི་ཏེ། ཨ་མི་ཏོད་བྷ་བེ། ཨ་མི་ཏ་སྃ་བྷ་བེ། ཨ་སྭ་སྟེ། ཨ་སྭ་སྟྱཱྃ་གེ། མཱ་མ་ར་མཱ་མ་ར། མཱ་ས་ར་མཱ་ས་ར། ཤ་མ་པྲ་ཤ་མ་ཨུ་པ་ས་མ་སརྦ་བྱ་དྷཱེ། ནུ་པ་ས་
མ་སརྦ་ཨ་ཀཱ་ལ་མྲི་ཏྱ། ནུ་པ་ས་མ་སརྦ་ནཀྵ་ཏྲ་གྲ་ཧ་དོ་ཥཱ་ནུ་ས་མ། སརྦ་དྃ་ཥྚི་ཎཱྃ། ཙོ་ས་ས་མ། བྷ་ག་བ་ཏེ། པརྣྞ་ཤ་བ་རི། ཏྱུྃ་ན་ཏྱུྃ་ན། བི་ཏྱུྃ་ན་བི་ཏྱུྃ་ན། ཏུ་ན་ཏུ་ན་ཏུ་མུ་ལེ་སྭཱ་ཧཱ། ༀ་གཽ་རྀ་གནྡྷཱ་རི་ཙཎྜ་ལེ་མཱ་ཏྃ་གི །
པུཀྐཱ་སཱི་སྭཱ་ཧཱ། ན་མཿསརྦ་ཤ་པ་རཱ་ཎཱྃ། མ་ཧཱ་ཤཱ་བ་རཱ་ཎྃ། བྷ་ག་བ་ཏེ་པི་ཤཱ་ཙེ་པརྞྞ་ཤ་བ་རི་སྭཱ་ཧཱ། ༀ་པི་ཤཱ་ཙི་པརྞྞ་ཤ་བ་རི་ཧྲིཿཧཿ། 
97-1-197a


ཧཱུྃ་ཕཊ་པི་ཤཱ་ཙི་སྭཱ་ཧཱ། ༀ་ཨཾ་ཀུ་རེ། ཀུ་རེ་ཀུ་ར་རེ་པརྞྞ་ཤ་བ་རི་སྭཱ་ཧཱ། གནག་ནད་ལ་སྲད་བུ་བྱས་ཏེ། བརྒྱ་རྩ་བརྒྱད་དུ་བཟླས་ཤིང་མདུད་པ་བརྒྱ་རྩ་བརྒྱད་དུ་མདུད་དེ། སྔགས་ཀྱི་སྙིང་པོ་བྲིས་པའི་སྣོད་དང་བཅས་པས་བཟླས་པ་ཚུལ་བཞིན་
དུ་བྱས་ལ། དེའི་རྗེས་ལ་ནད་པའཾ། རྟ་དང་བ་ལང་ལ་སོགས་པ་ལ་སྤོས་ཆུས་བཀྲུས་ནས་ཁྱུ་མཆོག་ཀྱང་བཀྲུས་ཏེ་དེའི་མགོ་ལ་བཅིང་ན་ཞི་བར་འགྱུརོ། །དེ་བཞིན་དུ་མ་ཧེ་དང་། ར་ལུག་རྣཾས་ལ་གནོད་པ་བྱུང་བ་ལ་ཡང་ལྷསུ་བྲིས་བྱའོ། །བུཾ་པ་
ཆུ་གཙང་མས་བཀང་སྟེ་བརྒྱ་རྩ་བརྒྱད་དུ་སྔགས་ནས་བཀྲུས་ན་ཞི་བར་འགྱུརོ། །སྔ་དྲོ་ཕྱུགས་ཀྱི་ལྷསུ་སོང་ལ་དྲི་དང་མེ་ཏོག་གི་གཏོར་མ་བྱས་ཏེ། བུཾ་པ་སར་པ་མ་སྤྱད་པ་ཆུས་བཀང་ལ་བརྒྱ་རྩ་བརྒྱད་དུ་སྔགས་ཏེ། ཕྱུགས་ལྷས་
ཀྱི་སྒོར་རྟ་བབས་གཟུགས་ཤིང་། རྟ་བབས་དེ་ལ་ཆུ་ཤིང་གི་ལོ་མ་ལ་རིག་པ་གིའུ་ཝང་གིས་བྲིས་ཏེ། རྟ་བབས་ཀྱི་ཁར་གདགས་སོ། །དེ་ནས་ཕྱུགས་ཐཾད་གཟས་ལ་སོང་བ་རྟ་བབས་ཀྱི་སྒོ་དེ་ནས་གཟུད་དོ། །གཞན་ཡང་བུཾ་པ་བཞི་ཆུས་བཀང་སྟེ་
བརྒྱ་རྩ་བརྒྱད་དུ་སྔགས་ནས་མི་བཞི་ཆུས་གཏོར་ན་ཕྱུགས་ནད་མེད་པར་འགྱུརོ། །དེ་བཞིན་དུ་ཞག་བདུན་དུ་བྱས་ན་ནད་ཐཾད་ཞི་བར་འགྱུར་རོ། །མི་ནད་དང་ཕྱུགས་ནད་ལ་གྲོ་ག་ལ་བྲིས་ཏེ། མཆོད་པ་བྱས་ནས་རྒྱལ་མཚན་གྱི་རྩེ་མོ་ལ་གདགས་
སོ། །སྟག་གི་འཇིགས་པ་ལ་དྲིལ་བུ་ལ་བཟླས་ནས་དཀྲོལ་བར་བྱའོ། །ཆུ་སྲིན་གྱིས་འཇིགས་པ་ལ་མདའ་དང་། ཕ་གུ་ལ་བསྔགས་ན་སྦྲུལ་དང་། བྱི་བ་དང་། སྡིག་པ་ལ་སོགས་པ་རྣཾས་ཀྱང་ཁ་བཅིངས་པར་འགྱུརོ། །གཡུལ་
ངོར་ཐལ་བ་ལ་བསྔགས་ཏེ། སྤྱི་བོ་དང་མགུལ་དུ་བྱུགས་ན་མཚོན་ཆ་བཟློག་པར་བྱེད་དོ། །སྐུད་པ་ལ་ལན་བརྒྱ་རྩ་བརྒྱད་དུ་བཟླས་པས་ནད་པའི་ཁྲི་ལ་བཅིང་ངོ་། །བུཾ་པ་ལ་བརྒྱ་རྩ་བརྒྱད་དུ་བསྔགས་པས་ཁྲུས་བྱའོ། །ལག་
པའི་སྐུད་པ་ལ་བཟླས་ནས་བཅིང་ངོ་། །དེ་ནས་བདེ་བར་འགྱུརོ། །ཡུལ་བསྐོར་ཏེ་དྲིལ་བུ་དང་། རྔ་དང་། དུང་ལ་བཟླས་པ་བྱས་ན་བགེགས་ཐཾད་འབྱེར་ཏེ་གནོད་པ་འང་ཞི་བར་འགྱུར་རོ། །སྐྱེས་བུ་དཔའ་བོ་ཡི་དཔྲལ་བར་
97-1-197b


རིག་པའི་མདོངས་གཞག་ལ་མཚོན་ཆ་བསྐུར་ན་དགྲ་འམ་གཡུལ་ཞི་བར་འགྱུརོ། །འཕགས་པ་པརྞྞ་ཤ་བ་རིའི་མདོ་རྫོགསྷོ།། །། རྒྱ་གར་སྐད་དུ།  ཨཱརྱ་པརྞྞ་ཤ་བ་རི་ནཱ་མ་དྷཱ་ར་ཎཱི།   བོད་སྐད་དུ།  འཕགྶ་མ་རི་ཁྲོད་ལོ་མ་གྱོན་
པ་ཞེས་བྱ་བའི་གཟུངས། འཕགས་མ་རི་ཁྲོད་ལོ་མ་གྱོན་མ་ལ་ཕྱག་འཚལོ། །དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
འོད་དཔག་མེད་ལ་ཕྱག་འཚལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་ཕྱག་འཚལོ། །བྱང་ཆུབ་སེམས་དཔའ་སེམས་དཔའ་
ཆེན་པོ་མཐུ་ཆེན་པོ་ཐོབ་པ་ལ་ཕྱག་འཚལོ། །བཅོམ་ལྡན་འདས་མ་མི་ཐུང་ཤ་ཟ་མོ་རི་ཁྲོད་ལོ་མ་གྱོན་མ་དགྲ་སྟ་དང་ཞག་པ་འཛིན་མ་ཁྱོད་ལ་ཕྱག་འཚལོ། །འཇིགས་པ་གང་དག་ཅི་བྱུང་བ་དེ་དག་ཐཾད་དང་ཡཾས་ཀྱི་ནད་གང་
ཅི་འབྱུང་ཡང་རུང་བ་དང་། འཆི་བྱེད་གང་དག་ཅི་ཡང་རུང་བ་དང་། འཆི་བྱེད་ཆེན་པོ་གང་དག་ཅི་ཡང་རུང་བ་དང་། གནོད་པ་གང་དག་ཅི་ཡང་རུང་བ་དང་། འཁྲུག་པ་གང་ཅི་ཡང་རུང་བ་དང་། ཁོང་དུ་གནོད་པ་གང་དག་ཅི་ཡང་རུང་བ་དང་། 
གང་དག་ཅི་བྱུང་བ་དེ་དག་ཐཾད་ནི་བྱིས་པ་ཁོ་ན་ལ་འབྱུང་གི་མཁས་པ་ལ་ནི་མ་ཡིནོ། །བདེན་པ་དང་བདེན་པའི་ཚིག་དང་། བདེན་པའི་ངག་གིས་སོང་ཅིག །དེངས་ཤིག །མཁས་པས་བྱིན་གྱིས་བརླབས་པའི་གསང་སྔགས་ཀྱི་
གཞི་འདི་དག་གིས་བདག་དང་སེམས་ཅན་ཐཾད་ལ་བསྲུང་བར་མཛོད་ཅིག །ཡོངསུ་བསྐྱབ་པར་མཛོད་ཅིག །ཡོངསུ་གཟུང་བར་མཛོད་ཅིག །ཡོངསུ་བསྐྱང་བར་མཛོད་ཅིག །ཞི་བ་དང་བདེ་ལེགསུ་མཛོད་ཅིག །ཆད་པ་
སྤང་བར་མཛོད་ཅིག །མཚོན་ཆ་སྤང་བར་མཛོད་ཅིག །ཇི་སྲིད་དུག་གཞོམ་པའི་བར་དུ་མཛོད་ཅིག །མེ་སྤང་བར་མཛོད་ཅིག །ཆུའི་གནོད་པ་སྤང་བར་མཛོད་ཅིག །བྱད་སྟེམས་གཅད་པར་མཛོད་ཅིག །མཚཾས་བཅིང་བར་མཛོད་
97-1-198a


ཅིག །ས་གཞི་བཅིང་བར་མཛོད་ཅིག །ཏདྱ་ཐཱ། ཨ་མྲྀ་ཏེ་ཨ་མྲྀ་ཏེ། ཨ་མྲི་ཏ་ཨུད་བྷ་བི། ཨ་མྲྀ་ཏེ་སྃ་བྷ་བེ། ཨ་ཤྭ་སྟེ། ཨ་ཤྭ་སྟྃ་གེ། མཱ་མ་ར་མཱ་མ་ར། མཱ་ས་ར་མཱ་ས་ར་ཞི་བར་མཛོད། ནད་ཐཾད་ཉེ་བར་ཞི་བར་མཛོད་དུས་
དུས་མ་ཡིན་པར་འཆི་བ་ཐཾད་ཉེ་བར་ཞི་བར་མཛོད། གཟའ་དང་རྒྱུ་སྐར་གྱི་ཉེས་པ་ཐཾད་ཉེ་བར་ཞི་བར་མཛོད། མཆེ་བའི་དུག་ཐཾད་ཉེ་བར་ཞི་བར་མཛོད། བཅྡོཾས་མ་རི་ཁྲོད་ལོ་མ་ཅན། ཏུནྣ་ཏུནྣ། བི་ཏུནྣ་བི་ཏུནྣ། ཏུ་ཎ་ཏུ་ཎ། 
ཏུ་མུ་ལེ་སྭཱ་ཧཱ། ཨོཾ་གཽ་རི་གན་དྷཱ་རི། ཙཎྜ་ལི། མ་ཏྃ་གི། པུཀྐ་སི་སྭཱ་ཧཱ། ཨོཾ་ཨྃ་ཀུ་རེ། མཱྃ་ཀུ་རེ། ཀུ་ར་རེ། པརྞྞ་ཤ་བ་རི་སྭཱ་ཧཱ། ན་མཿསརྦ་ཤྭ་བ་རཱི་ཎཱྃ། མ་ཧཱ་ཤ་བ་རཱི་ཎཱྃ། བྷ་ག་བ་ཏི་པི་ཤཱ་ཙི། པརྞྞ་ཤ་བ་རི་པི་ཤཱ་རྩི་སྭཱ་ཧཱ། ཨོཾ་པི་ཤཱ་ཙི་པརྞྞ་ཤ་བ་རི་ཧྲཱིཿཛ་ཧཱུྃ་
ཕཊ་པི་ཤཱ་ཙི་སྭཱ་ཧཱ། འཕགས་མ་རི་ཁྲོད་ལོ་མ་གྱོན་མའི་གཟུངས་རྫོགསྷོ།། །། ༄༅། །རྒྱ་གར་སྐད་དུ། ཨཱརྱ་བཛྲ་ཤྲི་ཁཱ་ལ་སྱ་ཏནྟྲ་ཀལ་པ། བོད་སྐད་དུ། འཕགས་མ་རྡོ་རྗེ་ལུ་གུ་རྒྱུད་མའི་རྒྱུད་ཀྱི་རྟོག་པ། དཔལ་འཇིག་རྟེན་དབང་ཕྱུག་
ལ་ཕྱག་འཚལོ། །དེ་ནས་ཡང་དག་བཤད་བྱ་བ། །དཔལ་བསྐྱེད་སྡུག་བསྔལ་སེལ་བྱེད་ཅིང་། །སྡང་བ་འཆིང་ཚོགས་ལས་གྲོལ་བའི། །ཆོ་ག་མཛེས་མས་ལེགས་པར་ཉོན། །ཁྲུས་དང་གཙང་སྦྲ་དང་བྲལ་ཞིང་། །དཀའ་ཐུབ་སྤྱོད་པ་
རྣམས་སྤང་ནས། །དྲག་ཤུལ་སེམས་ཀྱི་གསང་བསྔག་འདི། །བརྗོད་པ་ཙམ་གྱིས་མྱུར་དུ་འགྲུབ། །དད་པ་བརྩོན་འགྲུས་ཀྱིས་བརྒྱན་ཅིང་། །བག་ཡོད་སྙིང་རྗེ་ཆེར་ལྡན་པ། །དེས་ནི་བླ་མ་མི་སྤོང་ལ། །དཔའ་བརྟུན་ཤེས་རབ་དེས་པ་
ཆེ། །འགྲོ་ལ་བྱཾས་སེམས་ཆེ་བ་དེས། །སྔགས་དང་ཏིང་འཛིན་ཕྱག་རྒྱ་སོགས། །བརྩཾས་པ་ཙམ་ལ་དངོས་གྲུབ་འབྱུང་། །དད་མེད་ལེ་ལོ་རྣཾ་འཚེ་ཅན། །བླ་མ་ལ་ནི་མི་གུས་ཤིང་། །ཤེས་རབ་ཞན་ཅིང་སྟོབས་ཆུང་ལ། །བག་མེད་གཞན་
ལ་གནོད་སེཾས་བཅས། །དབང་བསྐུར་གནང་བ་མ་ཐོབ་ན། །དེས་ནི་བསྐལ་པ་སྟོང་ཕྲག་ནི། །བྱེ་བ་དུ་མར་བསྒྲུབས་བྱས་ཀྱང་། །འབྲས་བུ་ཡོད་པར་མི་འགྱུར་ཏེ། །དཔེར་ན་བྱིས་པ་བླུན་པོ་འགས། །འབྲས་འདོད་ཕུབ་མ་བརྡུང་བ་ལ། །ཤ་ཐང་
97-1-198b


ཆད་པ་ཉིད་ལས་ནི། །ནཾ་ཡང་འབྲས་ཡོད་མི་འགྱུརོ། །གསང་སྔགས་རྒྱལ་པོ་རྒྱལ་ཆེན་འདི། །བྱིན་བརླབ་རྣཾ་མང་འབྱུང་བའོ། །དེ་ནས་བཅོམ་ལྡན་བདེ་ཆེན་པོ། །ངེས་པར་འགྲུབ་པ་ཞེས་བྱ་བ། །ཏིང་ངེ་འཛིན་ལ་སྙོམ་ཞུགས་ནས། །ཉིད་
ཀྱི་སྐུ་དང་གསུང་དང་ཐུགས། །རྡོ་རྗེ་བླ་ན་མེད་པ་ལས། །གསང་སྔགས་རྒྱལ་པོ་འདི་ཕྱུང་ངོ་། །ན་མོ་བྷ་ག་ཝ་ཏྱཻ། བཛྲ་ཤྲི་ཁཱ་ལེ། ཧ་ན་ཧ་ན། ད་ར་ད་ར། ཚིནྡ་ཙྪིནྡ་ཙྪིནྡ། བྷཉྩ་བྷཉྩ། མཱ་ར་ཡ་མཱ་ར་ཡ། ཁ་ས་ཡ་ཏི་ནི། རཀྟ་ཨཀྵི་བཛྲ་གྷོ་ཎི། མ་
ན་མོ་བྷ་ག་ཝ་ཏྱཻ། བཛྲ་ཤྲི་ཁཱ་ལེ། པཱུརྦ་དེ་ཤྃ། བཛྲ་པྲ་ཀ་རེ་ཎ་བན་དྷ། དཀྵི་ཎ་དེ་ཤྃ་དཎྜ། པྲ་ཀ་རེ་ཎ་བན་དྷ། པ་ཤྩི་མ་ལ་དི་ཤྃ་ཛྭ་ལ་པྲཱ་ཀ་རེ་ཎ་བན་དྷ། ཨུཏྟ་ར་དི་ཤྃ་ས་ར་པྲཱ་ཀ་རེ་ཎ་བན་དྷ། ཨགྣི་དི་ཤྃ་ཨགྣི་པྲ་ཀ་རེ་ཎ་བན་དྷ། ནཻ་རི་ཏྱ་དེ་ཤྃ། ཤྃ། ཁདྒ་པྲཱ་ཀ་
རེ་ཎ་བན་དྷ། བཱ་ཡ་བྱ་དི་ཤྃ་བཱ་ཏ་པྲཱ་ཀ་རེ་ཎ་བན་དྷ། ཨཱི་ཤ་ན་དི་ཤྃ་ཏྲི་ཤཱུ་ལྃ་པྲཱ་ཀ་རེ་ཎ་བཎ་དྷ། པཱ་ཏ་ལ་དི་ཤྃ་ནཱ་ག་པཱ་ཤེ་ན་བན་དྷ། ཨུད་ད་དི་ཤྃ་བཛྲ་ཤྲི་ཁཱ་ལེ་པྲཱ་ཀ་རེ་ཎ་བན་དྷ། ཨུར་དྭྃ་བན་དྷ། ཧཱུྃ་ཧཱུྃ་ཕཊ་སྭཱ་ཧཱ། ཨི་དྃ་བཛྲ་ཤྲིཾ་ཁཱ་ལ། མནྟྲ་
ན་ད་ཤ་དི་ཤྃ་བན་དྷ། ཡཀྵ་རཱཀྵ་སྃ་བན་དྷ། བྲཧྨ་རཱ་ཤ་བ་དི་ནྃ་བན་དྷ། བྷུ་ཏ་པྲཱེ་ཏ་པི་ཤཱ་ཙྃ་བན་དྷ། གན་དྷ་རྦྃ་བན་དྷ། གན་དྷ་རྦ་ཀུ་ལྃ་བན་དྷ། ས་ནད་ཀུ་མཱ་རྃ་བན་དྷ། ས་ནད་ཀུ་མཱ་རྃ་བྷུ་བ་ནྃ་བན་དྷ། བིདྱཱ་དྷ་རྃ་བན་དྷ། ནཱ་ག་ཤ་མ་ཎ་མྃ་བན་དྷ། ནཱ་ག་ཤྲཱ་མ་ཎ་
དར་ཤ་ནྃ། མནྟྲ་དྷ། སརྦ་ཏཱིཪྠི་ཀ་དར་ཤ་ན་བན་དྷ། སི་ཧ་བྱཱ་གྷྲྃ་བན་དྷ། ཡཀྵེ་ནྃ་བན་དྷ། རཱཀྵ་སྃ། བྷུ་ཏ་ནི། བན་དྷ། ཀ་ཊཊྚ་ཀ་ཎི་བན་དྷ། ཁེ་ཙ་རི་བན་དྷ། ཤ་ཀུ་ནི་མཱྃ་བན་དྷ། དེ་བྃ་བན་དྷ། དེ་བ་ཀུ་ལྃ་བན་དྷ། ནཱ་གྃ་བན་དྷ། ཨ་སུ་རྃ་བན་དྷ། ཨ་སུ་ར་ཀུ་
ལྃ་བན་དྷ། ག་རུ་ཌྃ་བན་དྷ། ག་རུ་ཌ་ཀུ་ལྃ་བན་དྷ། པཀྵི་ས་བན་དྷ། པཀྵིས་ནྃ་བན་དྷ། ཀིནྣ་རྃ་བན་དྷ། ཀིནྣ་ར་བྷུ་བ་བན་དྷ། མ་ནུ་ཥྱྃ་བན་དྷ། མ་ནུ་ཥྱྃ་ཥྱ་བྷུ་བ་བན་དྷ། ཨ་མ་ནུ་ཥྱ་བན་དྷ། ཨ་མ་ནུ་ཥྱ་བྷུ་བ་བན་དྷ། ཙནྜཱ་དིཏྱ་བྷུ་བ་ནྃ་བན་དྷ། སརྦ་ཏྃ་བན་དྷ། 
སརྦ་ཏ་ཏ་ལྃ་བན་བྲཱིཀྵ་མ་བན་དྷ། བཀྵི་ཏ་ལྃ་བན་དྷ། སྭ་ཀུ་ལྃ་བན་དྷ། བ་ར་ཀུ་ལྃ་བན་དྷ། མནྪ་ཀ་བྃ་བན་དྷ། མ་ཤཱ་བ་ན་དྃ་བན་དྷ། མ་ནི་མི་ཏྱྃ་བན་དྷ། ནི་ཏྱྃ་བན་དྷ། སརྦ་དུཥྚ་སཏྭྃ་བན་དྷ། བཛྲ་ཤྲིཾ་ཁཱ་ལ། མཎྜེ་ན་བན་དྷ། ཀུ་བེ་ར་བན་དྷ། སུ་སུ་མ་ཀ་རྃ་
97-1-199a


བན་དྷ། ཤྲི་སུ་མ་རྃ་བན་དྷ། ཛྲ་ལྃ་བན་དྷ། སྠ་ལྃ་བན་དྷ། ཨོཾ་ན་མོ་བྷ་གྦ་ཏྱཻ་བཛྲ་ཤྲིཾ་ཁཱ་ལེ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། སརྦ་དུཥྚཱྃ་སརྦ་ག་པྲ་ཏྱྃ་གྃ་བན་དྷ་དྭ་ད་ཤ་བྷུ་མི་ཡེ། དྭཱ་ད་ཤ་ནི་ཏྲཱ་ཡཻ། བི་ཀཱིརྞ་ཀེ་ཤ་ཡཻ། ཙཎྜ་ཡཻ། ས་ཧ་སྲ་པྲ་ཛྭ་ལི་ཏ་དིབྟ་ཏེ་
ཡཻ། ཨུ་གྲ་བི་བི་དྭ་བེ་ཤ་དྷ་རི་ཎཱི། ཨུྰར་དུ་ཀེ་ཤཱ་ཡཻ། ཙ་པ་ལཱ་ཡཻ། ཏ་ཐཱ་ག་ཏ་ཨ་བ་ཀ་རི་སྭ་ཏྭཱ་ནཱྃ་བན་དྷ། ཨེ་མྃ་བཛྲ་ཤྲིཾ་ཁཱ་ལ། མནྟྲེ་ཎ། པཉྩ་ཤ་ཏ། ཡོ་ཛ་ན་པ་རི་བི་ཤ་ཏྃ། བཛྲ་ཤྲིཾ་ཁཱ་ལེ་ན་བན་དྷ། པ་ར་མུ་ཏྲཱ་ཙྪིནྡ་ཡེ་ན་བ་ལེ་ག་ལྃ་བན་དྷ། ཨུ་གྲཱ་ཡ་ནིཾ་བན་
དྷ། ཙ་ཏུར་ཌ་ཀི་ནྃ་བན་དྷ། ཏིཥྛ་ཏིཥྛ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཧུ་ལུ་ཧུ་ལུ། ན་མ་ཙཥྩཎྜ་མ་ཧཱ་ཀྲོ་དྷ། ཧུ་ཧུ་ཨ་མྲི་ཏ་ཧུ་ཧུ་བན་དྷ། ཨ་ཤཱི་ཏི་དེ་བི་ཀོ་ཊི་ནི་ཡུ་ཏ་ཤ་ཏ་མ་མ་ཧཱ་པྲ་ནི་བཛྲ་ཤྲིཾ་ཁཱ་ལ་ན་བན་དྷ། ཏྲི་ཀོ་ན་པྲི་ཐི་བིཾ་མུརྡྷཱ་ནི་བཛྲ་སྥོ་ཊཱ་ཡ། ཏི་སྭ་ར་
ག་ར་མ་ར་པཱ་ཏཱ་བཱ་ལཱ་བཱ་སུ་ཀྲི་ཏྭ་ཏ་ཡ་ཏི། བཱ་ཏྃ་བན་དྷ། མི་གྷ་བན་དྷ། སརྦ་ཏྲྃ་བན་དྷ། ཨིནྡྲ་བནྡྷ། ཨིནྡྲྃ་བན་དྷ། ཨིནྜྲ་བྷུ་བ་ནྃ་བན་དྷ། བ་ན་པ་ཏི་བན་དྷ། བ་ན་པ་ཏི་དེ་བན་དྷ། ཨེ་ཀ་པཱ་ད་བན་དྷ། དྭ་ཡ་པཱ་ཏྃ་བན་དྷ། ཏྲི་པཱ་ཏྃ་བན་དྷ། ཙ་ཏུ་ཤྤཱ་ཏྃ་བན་དྷ། 
པཉྩ་པཱ་ཏྃ་དྃ་བན་དྷ། ཤ་ཏྃ་པཱ་དྃ་བན་དྷ། ལཀ་པཱ་དྃ་བན་དྷ། སརྦ་བིགྷྞ་བན་དྷ། སརྦ་བིགྷྣ་གུ་ལྃ་བན་དྷ། བྲཧྨ་གྷུ་ལྃ་བན་དྷ།  བ་བིཥྞུ་བན་དྷ། བིཥྞུ་བྷུ་བ་ན་བན་དྷ། མ་ཧེ་ཤྭ་རྃ། མ་ཧེ་ཤྭ་ར་བྷུ་བ་ནྃ་བན་དྷ། མ་ཧེ་དེ་བྃ་བན་དྷ། མ་ཧཱ་དེ་བ་ཛ་ཏ་བ་མཱ་
བཱ་དེ་ན་བི་ཀྲ་མི་བན་དྷ། ཨོཾ་ན་མོ་བྷ་ག་ཝ་ཏྱེེེ་བཛྲ་ཤྲིཾ་ཁཱ་ལེ་ད་ཤ་དེ་ཤྃ་བཛྲ་པྲཱ་ཀ་རེ་ན་བན་དྷ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་ཕཊ་ཕཊ་ཕཊ་སྭཱཧཱ། རིག་སྔགས་འདི་ཉིད་གསུངས་ཙམ་གྱིས། །རྒྱ་ཆེན་འཇིག་རྟེན་ཁཾས་འདི་རྣཾས། །
རྣམ་པ་དྲུག་དུ་གཡོས་གྱུར་ནས། །ལྷ་དང་ལྷ་མིན་སྲིན་བཅས་དང་། །གནོད་སྦྱིན་དྲི་ཟ་གྲུལ་བུམ་དང་། །མཁའ་ལྡིང་ལྟོ་ཕྱེ་ལུས་སྲུལ་པོ། །ཀླུ་དང་མིའཾ་ཅི་ལ་སོགས། །ཚོགས་རྣཾས་ཐཾད་མྱོས་བརྒྱལ་ཏེ། །ས་སྟེང་ཁ་སྦུབ་
ཏུ་འགྱེལ་ནས། །དབང་པོ་ཤིན་དུ་སྟོར་བ་ལ། །བདེ་བ་ཆེན་པོའི་འོད་ཟེར་གྱིས། །ཕོག་པའི་སྐད་ཅིག་དེ་མ་ཐག །དྲན་པ་སླར་བརྙེད་གཟི་མདངས་སྐྱེས། །དེ་ནས་བསྟོད་པའི་རྒྱལ་པོས་སྟོད། །ཨེ་མའོ་བདེ་མཆོག་དཔལ་ཉིད་ལས། །
97-1-199b


རྒྱས་པ་སྟོབས་སྐྱེས་བཀྲ་ཤིས་ཀྱིས། །ལྷ་མོས་ཧཱུྃ་བརྗོད་ཙམ་ཉིད་ལས། །ནམ་མཁའི་ཁཾས་སུ་གྲགས་པར་འགྱུར། །བདེ་ཆེན་ཡེ་ཤེས་མངའ་བདག་ཉིད། །རྡོ་རྗེ་ཞེས་པའི་མཚན་ལྡན་པའི། །ལྷ་མོ་ལུ་གུ་བརྒྱུད་མ་ལ། །
བདག་ཅན་རྣམས་ཀྱིས་གུས་པར་འདུད། །སྐུ་ཡི་འོད་ཟེར་སྣ་ཚོགས་ཀྱིས། །འགྲོ་བའི་ཉོན་མོངས་སེལ་བྱེད་པའི། །འོད་ཀྱིས་བདག་ལ་བདེ་བ་སྐྱེས། །ལྷ་མོ་བདེ་བ་ཁྱོད་ཕྱག་འཚལ། །སྟོང་ཉིད་སྨོན་བྱེད་མཚན་མ་བྲལ། །
རྒྱལ་བ་ཀུན་གྱི་རིག་པ་ལས། །ཡ་མཚན་ལྷ་མོའི་རང་བཞིན་ཐུགས། །མི་རྟོག་རང་བཞིན་ཕྱག་འཚལོ། །དེ་རྗེས་རྒྱལ་བ་ཀུན་འདུས་པའི། །གཟུགས་སོགས་རིག་པའི་ལྷ་མོ་ཡིས། །འཁོར་ལོ་འདི་ལ་ལེགས་མཆོད་ནས། །
མགྲིན་གཅིག་ཏུ་ནི་འདུས་ནསུ། །སངས་རྒྱས་རྣཾས་ཀྱིས་གསུངས་པ་ཡིས། །རྡོ་རྗེའི་ཚིགས་གིས་བསྟོད་པར་བྱེད། །རྡོ་རྗེ་ནཾཁའ་ལས་བྱུང་བའི། །སངས་རྒྱས་ཐམས་ཅད་སྐྱེད་པའི་ཡུམ། །སྤྲོས་བྲལ་ནཾཁའི་རང་
བཞིན་གསལ། །རྡོ་རྗེ་ཐུགས་ལ་ཕྱག་འཚལོ། །རྡོ་རྗེ་གཟུགས་ཀྱི་སྒྲ་ཡིས་ནི། །ལྷ་སོགས་མ་ལུས་རྣཾས་འཆིང་མཛད། །བདུད་རྣཾས་ཚར་གཅོད་རྡོ་རྗེ་སྒྲ། །ནམཁའི་གསུང་ལ་ཕྱག་འཚལོ། །འགྲོ་དྲུག་བདུད་འཇོམ་
ཞལ་དྲུག་མ། །ཕྱི་ནང་རྟེན་འབྲེལ་དག་ཕྱིར་ཕྱག །སྒེག་ཅིང་ཅུང་ཟད་འཇིགས་པར་བྱེད། །རྡོ་རྗེའི་སྐུ་ལ་ཕྱག་འཚལོ། །དེ་སྐད་རྡོ་རྗེ་ལྷ་མོ་ལ། །ལྷ་ལ་སོགས་པ་ཐཾད་ཀྱིས། །རྨད་བྱུང་བསྟོད་པའི་རྒྱལ་པོ་དེས། །བསྟོད་
པའི་དེ་མ་ཐག་ཏུ་ནི། །ལྷ་མོ་གཟི་མདངས་ཆེར་སྐྱེས་ནས། །རང་གི་སྙིང་པོ་འདི་གསུངས་སོ། །ཨོཾ་བཛྲ་ཤྲིཾ་ཁཱ་ལེ་ཧཱུྃ་ཧཱུྃ་ཕཊ་སྭཱ་ཧཱ། རིག་པ་གཟུངས་ཀྱི་ཕྲེང་བ་འམ། །གསང་སྔགས་འདི་ཉིད་བཤད་ཙམ་གྱིས། །རིམས་དང་
ཤུ་བ་གཡན་པ་དང་། །ལྷོག་པ་ཤ་བཀྲ་མཛེ་ནད་འབྲས། །ཀླད་ནད་མིག་ནད་རྣ་ནད་དང་། །ལྐོག་ནད་གློ་མཆིན་ནད་རྣམས་དང་། །རྒྱུ་གཟེར་སྙིང་ནད་ཁལ་ནད་དང་། །རྐང་ལག་ནད་དང་ཁྱབ་པར་ན། །ཆུ་སེར་ནད་དང་
97-1-200a


ཁྲག་ནད་དང་། །བད་ཀན་རླུང་དང་མཁྲིས་པ་དང་། །ཤིན་ཏུ་མཁྲིས་པའི་ནད་ལ་སོགས། །ཡམ་ནད་ཐམས་ཅད་ཞི་བར་བྱེད། །གཞན་ཡང་འབྱུང་པོ་བརྗེད་བྱེད་གདོན། །ཤ་ཟ་མཁའ་འགྲོ་མ་མོ་དང་། །གཟའ་
དང་རྒྱུ་སྐར་ལོག་འདྲེན་དང་། །བྱད་སྟེམས་དྲག་པོ་ཕྱི་རོལ་གྱི། །རིག་སྔགས་གཏུམ་པོ་ལ་སོགས་པ། །འཇིགས་པའི་གནོད་པ་ཐཾད་ཀུན། །རླུང་གིས་སྤྲིན་བཞིན་གཏོར་བར་བྱེད། །གཞན་ཡང་སྟག་གཟིག་
དོམ་དྲེད་དང་། །འཕར་བ་སྤྱང་ཀི་གུང་པོ་ཆེ། །སྲེ་མོང་བྱི་བ་སྦྲུལ་བྱི་ལ། །སྦྲང་བུ་མཆུ་རིང་པ་ཏྲེ་ཀ །ཁྭ་དང་སེའུ་བྱུའུ་རྟ་ལ་སོགས། །འཇིགས་པ་རྣམས་མང་ཇི་སྙིད་པ། །གསུང་སྔགས་འདི་བརྗོད་
ཐོས་ཙམ་གྱིས། །ཐག་རིངསུ་ནི་སྐྲོད་པར་བྱེད། །གནོད་པ་རྣམས་མང་ཐམས་ཅད་ཀྱང་། །སྔགས་ཀྱི་སྦྱོར་བས་སེལ་བར་བྱེད། །གནོད་བྱེད་རྣམས་ནི་གནོད་མེད་བྱེད། །གནོད་མེད་གནོད་དང་ལྡན་བྱེད་
ཅིང་། །སྦྱོར་བ་ཡང་ནི་སྦྱོར་བ་འགས། །གཞན་གྱི་སྦྱོར་བ་འཆིང་བར་བྱད། །རྡོ་རྗེ་ལུ་གུ་རྒྱུད་ཀྱི་རྟོག་པ་ལས་གསང་སྔགས་བསྟན་པའི་ལེའུ་སྟེ་དང་པོའོ།། །། དེ་ནས་འདིར་ནི་བཤད་བྱ་བ། །
མཛེས་མ་རྡོ་རྗེ་ཁྲོ་མོ་ཡིས། །ལྷ་ཡི་ཏིང་འཛིན་སྦྱོར་བ་རྣམས། །ཐིག་ལེ་ཆེན་མོས་མཉན་པར་གྱིས། །ཨོཾ་བཛྲ་ཤྲིཾ་ཁཱ་ལེ། ཨཱཏྨཱ་རཀྵ་རཀྵ། ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། གསང་སྔགས་འདིས་ནི་བསྲུང་བ་དང་། །
ཐ་མལ་རྟོག་པའི་ལུས་སྦྱོང་བྱེད། །སྙིང་གར་ཟླ་སྟེང་ཧཱུྃ་ཡིག་གི། འོད་ཀྱི་རིགས་ཀྱི་གཙོ་མོ་དང་། །བླ་མ་སངས་རྒྱས་སྤྱན་དྲངས་ནས། །མདུན་དུ་ལེགས་པར་དམིགས་ནས་ནི། །སྙིང་ག་ས་བོན་འོད་རྩེ་ལས། །
མེ་ཏོག་སོགས་འཛིན་ལྷ་མོས་མཆོད། །གཟུགས་སོགས་རྡོ་རྗེ་མ་རྣཾས་ཀྱིས། །འདུད་ཅིང་སོ་སོར་ལེགས་པར་མཆོད། །ཐོག་མ་མེད་པའི་སྲིད་རྒྱུད་ནས། །ལུས་ངག་ཡིད་ཀྱིས་སྤྱད་པ་ཡི། །སྡིག་པའི་ཚོགས་
97-1-200b


རྣམས་མ་ལུས་ཀུན། །བགྱིས་དང་བགྱིད་དུ་སྩལ་བ་དང་། །བགྱིད་ལ་རྗེསུ་ཡིད་རང་བ། །སྡིག་པའི་ཚོགས་རྣམས་མ་ལུས་ཀུན། །ཐམས་ཅད་སོ་སོར་བཤག་པར་བགྱི། །སླན་ཆད་མི་བགྱིད་སྡོམ་པ་ཡང་། །
བརྒྱ་ཆེན་བདགིས་གཟུང་བར་བྱ། །རྒྱལ་བ་སྲས་བཅས་མཛད་པ་དང་། །འགྲོ་བའི་དགེ་ལ་རྗེས་ཡི་རང་། །རྒྱལ་དང་བྱང་ཆུབ་སེམས་དཔའ་དང་། །རིག་ལྡན་རྡོ་རྗེ་ལྷ་མོ་དང་། །སྔགས་རྒྱུད་རྒྱ་ཆེན་འཁོར་
ལོ་ལ། །ཀུནས་དང་བས་སྐྱབསུ་མཆི། །མི་རྟོག་བློ་གྲོས་སྐྱེད་པའི་ཕྱིར། །ཆོས་ཀྱི་འཁོར་ལོ་བསྐོར་བ་དང་། །གདུལ་བྱ་ཇི་སྲིད་ཚིམ་པ་རུ། །མྱ་ངན་མི་འདའ་གསོལ་བ་འདེབས། །རྣམ་པ་ཀུན་
གྱི་མཆོག་ལྡན་པའི། །བྱང་ཆུབ་སེམས་ནི་བསྐྱེད་པར་བྱ། །གདོད་ནས་ཇི་སྲིད་ད་ལྟ་ཡི། །བར་དུ་ལུས་འདིས་ཅི་མ་བྱས། །ད་ནི་སྲིད་པའི་རླུང་རྟོགས་ནས། །རང་གི་ལུས་འདི་དབུལ་བར་བགྱིས། །
ཐེག་ཆེན་བླ་ན་མེད་པ་ཡི། །ལམ་ཆེན་རྒྱ་མཚོ་གང་ཡིན་པ། །ཐེག་ཆེན་འབྲས་བུ་ཐོབ་བར་དུ། །རྒྱུན་མི་ཆད་པར་བསྟེན་པར་བྱ། །དེ་ལྟར་དད་སེམས་འདུན་བྱས་ཏེ། །བསོད་ནམས་རྒྱ་ཆེན་རྣཾས་
བསགས་པའི། །དགེ་བ་བླ་ན་མེད་པ་དེ། །ཐཾད་བྱང་ཆུབ་ཕྱིར་སྔོའོ། །དང་པོ་བྱམས་པའི་འོད་ཟེར་གྱིས། །འགྲོ་རྣམས་བདེ་ལ་དགོད་པར་བྱ། །གཉིས་པ་སྙིང་རྗེའི་འོད་ཟེར་གྱིས། །འགྲོ་བ་
སྡུག་བསྔལ་འབྲལ་སེམས་བསྐྱེད། །གསུམ་པ་དགའ་བས་བདེ་བ་ཐོབ། །བཞི་པ་ཆགས་བྲལ་བཏང་སྙོམ་སོ། །དེ་རྗེས་རགས་པའི་སྟོབས་སྤོང་ཞིང་། །བག་ཆགས་དྲི་མ་བསལ་ནས་
ཀྱང་། །ནམཁའ་ལྟ་བུར་སྒྲུབ་བྱེད་པའི། །དེ་ནས་དག་པ་རྗེས་དྲན་བྱ། །ཨོཾ་སྭ་བྷཱ་བ་ཤུད་དྷཿསརྦ་དྷརྨཱཿསྭ་བྷཱ་བ་ཤུད་དྷོ་ཧཱུྃ། །དེ་ཡི་དག་པར་བྱས་ནས་ནི། །སྟོང་ཉིད་རྗེསུ་བསྒོམ་པར་བྱ། །ཨོཾ་ཤཱུ་
97-1-201a


ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོཎ་ཧཾ། །དངོས་པོ་ཐམས་ཅད་མ་ལུས་པར། །ནམཁའ་ལྟ་བུར་བསྒོམ་པར་བྱ། །དེར་ནི་རྃ་སྐྱེས་ཉི་དཀྱིལ་འཁོར། །དམར་པོ་འོད་ཟེར་འཁྲིགས་པ་བསྒོམ། །དེ་དབུས་ཧཱུྃ་ཡིག་སྔོན་པོ་
ཡི། །འོད་ཀྱིས་འགྲོ་བའི་བདུད་བསལ་ཏེ། །སླར་ཡང་ཡི་གེ་ལ་གཞུག་པར། །རྡོ་རྗེ་ཁྲོ་མོ་ཡོངས་སུ་རྫོགས། །ཞལ་གསུམ་ཕྱག་དྲུག་མེ་ཕུང་བཞུགས། །ཐུགས་གར་ཉི་མར་ཧཱུྃ་སྔོན་བསམ། །འོད་ཀྱིས་བསྲུང་བའི་
འཁོར་ལོ་བྱ། །ཤར་དུ་རྡོ་རྗེ་ལྷོར་དབྱུག་པ། །ནུབ་དུ་ཆུ་སྟེ་བྱང་དུ་མདའ། །བྱང་ཤར་རྩེ་གསུམ་ཤར་ལྷོ་མེ། །ལྷོ་ནུབ་རལ་གྲི་ནུབ་བྱང་རླུང་། །འོག་ཏུ་སྣ་ཚོགས་རྡོ་རྗེ་བྲག །སྟེང་ཕྱོགས་རྡོ་རྗེ་རྩེ་ལྔའི་གུར། །གསང་སྔགས་
བརྗོད་པས་བསྒོམ་པར་བྱ། །ཧཱུྃ་ལས་འོད་ཟེར་རབ་སྤྲོས་པས། །འཁོར་ལོ་བཀོད་པའི་ཕྱི་རོལ་ཏུ། །རྡོ་རྗེ་རྩེ་གསུམ་ར་བ་དང་། །གུར་ནི་རབ་ཏུ་བསྒོམ་པར་བྱ། །དེ་རྗེས་རྡོ་རྗེ་ཁྲོ་མོ་ནི། །ཞུ་ནས་རང་བཞིན་མེད་པར་གྱུར། །དེ་ལས་
ཉི་མའི་སྟེང་གནས་པའི། །བདུད་བཞི་མནན་ཅིང་ཉི་ཟླ་ནི། །ཨཱ་ལི་ཀཱ་ལི་ལས་བྱུང་བའོ། །བར་དུ་ཧཱུྃ་ལས་རྡོ་རྗེ་ནི། །ཁྲོ་མོའི་རང་བཞིན་འོད་ཀྱིས་བསྐོར། །ཁྲོ་མོ་དང་བཅས་འོད་ཟེར་རྣམས། །རྡོ་རྗེ་ལ་བཞུགས་སྐུ་
བཞེངས་ཏེ། །ཞལ་དྲུག་ཕྱག་དྲུག་ཞབས་དྲུག་འམ། །ཡང་ན་ཞབས་བཞིས་བདུད་བཞི་མནན། །ཞལ་ཀུན་སྔོན་ཞིང་ཁྲོ་གཉེར་ཅན། །དམར་སེར་གྱེན་སྐྲ་ཐོད་ཕྲེང་ཅན། །རྡོ་རྗེས་ལུས་བརྒྱན་ནཾ་མཁའི་མདོག །
བཅུ་གཉིས་ཕྱག་སྟེ་གཡས་པ་ན། །རྡོ་རྗེ་ཞགས་པ་མདའ་གསོར་ཞིང་། །སྦྲུལ་དང་དགྲ་སྟ་གྲི་གུག་འཛིན། །གཡོན་པ་དྲིལ་བུ་སྡིག་མཛུབ་གཞུ། །དབྱིག་པ་རྩེ་གསུམ་ཐོ་བའོ། །ཡང་ན་ཕྱག་དྲུག་གཡས་དང་པོས། །
རྡོ་རྗེ་གཉིས་པས་ལྕགས་སྒྲོག་སྟེ། །གསུཾ་པས་མདའ་ནི་གསོར་བར་བྱེད། །གཡོན་གྱི་དང་པོས་སྡིག་མཛུབ་སྟེ། །གཉིས་པ་སྦྲུལ་གྱི་ཞགས་པའོ། །གསུཾ་པས་གཞུ་སྟེ་འགེངས་པའི་ཚུལ། །རྡོ་རྗེ་ལུ་གུ་རྒྱུད་མ་ཡི། །བསཾ་གཏན་ཏིང་འཛིན་ལ་གནས་ན། །
97-1-201b


ཡོན་ཏན་ཀུན་གྱི་བདག་ཉིད་ཀྱི། །སྔགས་ཀྱི་རྩ་བར་འགྱུར་བའོ། །སྔགས་ཀྱི་བདག་ཉིད་ཡོངས་བསྐྱེད་ཅིང་། །ལྷ་ཡི་རང་བཞིན་བསྒྲུབ་པ་ཡི། །རིན་ཆེན་གཟུགས་ཀྱི་ཕྲེང་བས་ནི། །ཆོས་རྣམས་མཐའ་དག་ཐོབ་འགྱུར་ཏེ། །རལ་གྲི་
མིག་སྨན་རིལུ་དང་། །རྐང་པ་བྱུག་དང་གཏེར་ཆེན་དང་། །ས་འོག་འགྲོ་དང་བཅུད་ལེན་དང་། །ནམཁར་འགྲོ་དང་གསེར་འགྱུར་དང་། །དེ་བཞིན་ས་གཞན་འགྲོ་བ་དང་། །ཞི་དང་རྒྱས་དང་དབང་མངོན་སྤྱོད། །རྨོངས་དང་རེངས་དང་བསྐྲད་
པ་དང་། །དབྱེ་དང་དགུག་དང་རིག་སྔགས་འཆིང་། །བསྲུང་དང་ཕྱིར་བཟློག་ཆེན་པོ་དང་། །ཞ་དང་ལྐུག་དང་སེམས་བརྒྱལ་དང་། །ལོང་དང་སྣ་ཚོགས་ནད་སྐྱེད་པའི། །སྦྱོར་བ་རྒྱ་ཆེན་འགྲུབ་པ་དང་། །མངོན་ཤེས་དྲུག་པོ་ཡོངས་
སྐྱེ་ཞིང་། །སྐུ་གསུང་ཐུགས་ཀྱི་རྡོ་རྗེ་ཡི། །ཕྱག་རྒྱ་ཆེན་པོ་ཐོབ་འགྱུར་ན། །ལྟས་མཐོང་ཙམ་ལ་སོགས་པ་ཡི། །དངོས་གྲུབ་ཕྲ་མོ་སྨོས་ཅི་དགོས། །སྔགས་ཀྱི་སྦྱོར་བ་བསྐྱེད་པའི་ལྷ། །དམིགས་པའི་རྩ་བར་གྱུར་པ་ཡི། །ཧཱུྃ་ལས་
སྐྱེས་པའི་ལྷ་མོ་ནི། །སྔོན་མོ་ཞལ་གསུཾ་ཕྱག་དྲུག་མ། །གཡས་པ་སེར་ཞིང་གཡོན་པ་དམར། །སྤྱན་གསུམ་སྡང་མིག་ཁྲོ་གཉེར་ཅན། །དམར་སེར་གྱེན་སྐྲ་ཐོད་པས་བརྒྱན། །རུས་པའི་རྒྱན་གྱིས་སྤྲས་ཤིང་འགྱིང་། །ཐོད་པའི་ཕྲེང་ཅན་
ཀླུ་ཡིས་བརྒྱན། །ཞབས་གཉིས་བརྐྱང་བསྐུམ་རོ་ལང་བརྫིས། །ཕྱག་དྲུག་གཡས་ཀྱི་དང་པོ་ན། །རྡོ་རྗེ་གཉིས་པས་གྲི་གུག་སྟེ། །གསུཾ་པ་སྦྲུལ་གྱི་ཞགས་པ་འཛིན། །གཡོན་གྱི་དང་པོ་སྡིག་མཛུབ་སྟེ། །གཉིས་པས་ཐོད་པ་གསུཾ་པ་ན། །སྦྲུལ་གྱི་
ཞགས་པ་དཀར་པོའོ། །ཡང་ན་ཞལ་ཀུན་སྔོ་བསངས་ཉིད། །འདི་ནི་འཆིང་དང་དབང་གི་ལས། །མཐའ་དག་རྫོགས་པར་བྱེད་པའོ། །སྲིད་པར་བྲམ་ཟེ་སྐྱེས་ལྷ་མོ། །སྔོན་མོ་ཞལ་གཅིག་ཕྱག་གཉིས་མ། །ཕྱག་གཡས་རྡོ་རྗེ་གཡོན་
ལྕགས་སྒྲོག །གཅེར་བུ་རུས་པའི་རྒྱན་ལྡན་པ། །བསད་པའི་ལས་རྣཾས་ཐཾད་ནི། །རྡོ་རྗེ་རྣལ་འབྱོར་མ་འདིས་བསྒྲུབ། །དེ་ནས་བཅྡོཾས་རྡོ་རྗེ་ཅན། །ཆོས་རྣཾས་ཐཾད་འབྱུང་བྱེད་ཅིང་། །དངོས་གྲུབ་མྱུར་དུ་བསྐྱེད་པ་ཡི། །ཕྱག་རྒྱ་འབྱུང་ཞེས་བྱ་བ་ཡི། །ཏིང་ངེ་འཛིན་ལ་སྙོམས་ཞུགས་ནས། །ཡན་ལག་ཕྱག་རྒྱ་
97-1-202a


བཀའ་སྩལ་པ། །ལག་གཉིས་ཐལ་མོ་སྦྱར་བྱས་ཤིང་། །སླར་ལ་ཁུ་ཚུར་བཅང་བྱས་ཏེ། །རྒྱབ་གཉིས་སྤྲད་ནས་མཛུབ་མོ་དང་། །མཐེའུ་ཆུང་ལྕགས་སྒྲོག་བཅིང་བྱས་ཏེ། །ཁ་ཡི་ཐད་ཀར་བཞག་ནས་ནི། །རིག་པའི་ཕྲེང་བ་
བརྗོད་པའི། །འདོད་པ་ཐམས་ཅད་འགྲུབ་པར་བྱེད། །ཕྱག་རྒྱ་བཅིང་ནས་གསང་སྔག་ནི། །རྗེས་སུ་དྲན་པར་བྱས་ཙམ་གྱིས། །ལམ་དུ་འགྲོ་ཡང་བདེ་བར་ཐར། །གཞན་གྱི་རིག་སྔགས་གཅོད་པར་བྱེད། །འཕག་མ་རྡོ་རྗེ་ལུ་གུ་རྒྱུད་མ་
ཡི་རྒྱུད་ཀྱི་རིག་སྔགས་ལས་ལྷ་དང་ཕྱག་རྒྱ་གཏན་ལ་དབབ་པའི་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ། །རྫས་ཀྱི་སྦྱོར་བ་བླ་ན་མེད། །མཚུངས་པའི་ཚོགས་ཀུ་འགྲུབ་བྱེད་པ། །རྡོ་རྗེ་མཁའ་འགྲོ་མ་ཡིས་ཉོན། །ཨོཾ་སརྦ་
ཏ་ཐཱ་ག་ཏ་ཨ་བྷི་ཥིཉྩ་ཏུ་མྃ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། དབང་བསྐུར་བ་ནི་བླ་ན་མེད། །དྲི་མའི་ཚོགས་རྣམས་དག་བྱེད་ཅིང་། །ཇི་སྲིད་ཡེ་ཤེས་ཚོགས་རྒྱས་ནས། །རིག་པའི་རྒྱལ་པོ་ཐོབ་པར་བྱེད། །ཛ་ཧཱུྃ་བཾ་ཧོ། ཨོཾ་
བཛྲ་པུཥྤེ་ཨཱ་ཧཱུྃ་སྭཱ་ཧཱ། དྷཱུ་པེ་དཱི་པ་གན་དྷེ། ནཻ་ཝི་དྱེ་ཨ་ཧཱུྃ་སྭཱ་ཧཱ། ཨོཾ་ཀྵཱི་ཧྲཱི་ས་ཀ་ལ། ག་ན་བི་ན་པ་རི། ཤྱ་རྱ་ས་པ་རི་ཝཱ་ར་ཨ་ཨ་ཨ། ཨ་བྷི་ཏི་རནྟི། ཨ་བྷ་ཏ་རནྟེ། ཨ་བྷ་ཏ་རན་ཏུ། སརྦ་ད་ཤ་དི་ཀ །ལོ་ཀ་པཱ་ལ། ལོ་ཀ་པཱ་ལི། ཨི་མྃ་བ་ལི་
གྲཱྀཧྣ་ཏུ། ཁཱ་དན་དུ་བཾ་བནྟུ་ཧཱུྃ་ཕཊ། ཁ་ཁ་ཁཱ་ཧི་ཁཱ་ཧི། ལླཻ་ལླཻ་བཛྲ་དྷ་ར་ཡ། ཨ་ཛྙཱ་པ་ཡ་ཏི་སྭཱ་ཧཱ། ཡེ་ཤེས་སེམས་དཔའི་སྦྱོར་བ་ཡིས། །ཐ་དད་རྟོག་པ་སྤོང་བར་བྱེད། །མཆོད་པ་དང་ནི་གཏོར་མ་ཡིས། །བར་དུ་གཅོད་པ་ཀུན་སེལ་
བྱེད། །ཨོཾ་ཀཱ་ཡ་བཛྲ་སྭ་བྷ་བ་ཨཱཏྨ་ཀོ྅་ཧྃ། སྐུ་གསུང་ཐུག་ཀྱི་རྡོ་རྗེ་ཡིས། །རྣམས་པར་སྤྲས་པའི་མཚན་མ་ལ། །མཚན་མ་མེད་པ་རྣམ་གནས་པ། །ཤེས་ནས་མཚན་ཉིད་རྣམ་པར་དག །ཨོཾ་སརྦ་ཏ་ཐཱ་ག་ཏ་ཛྙཱ་ན་བཛྲ་སྭ་བྷ་བ་ཨཱཏྨ་ཀོ྅་ཧྃ། 
གང་ཞིག་དབང་པོ་ཡུལ་མཚོན་པ། །མཚོན་བྱ་མཚན་ཉིད་རྣམ་ཤེས་དང་། །ཡེ་ཤེས་ཉིད་ནི་མངོན་སུམ་དུ། །སྐྱེ་བ་ཉིད་ལ་ཐེ་ཙོམ་མེད། །དེ་ནས་རྒྱ་ཆེན་སྦྱོར་བའི་གཙོ། །འཁོར་ལོའི་ཆོ་ག་བཤད་པར་བྱ། །གྲོ་ག་རས་སམ་ཤིང་ཤུན་ལ། །གུར་གུམ་གི་ཝྃ་ཙན་དན་བཅས། །པུ་ཀ་སེར་པོས་འཁོར་
97-1-202b


ལོ་ནི། །རྩིབས་བཅུ་པད་མའི་སྟེང་དུ་བྲི། །མཐའ་ནས་མེའི་ཕྲེང་བས་བསྐོར། །པད་མའི་འདབ་མ་བཅུ་ལ་ནི། །ཕྱོག་བཅུ་ཀུན་དུ་བཅིང་བ་ཡི། །རྡོ་རྗེ་ལ་སོག་བཅུ་པོ་བྲི། །དེ་ཡི་རྒྱབ་ཏུ་ཕྱོགས་བཅུ་རྣམས། །བཅིང་བའི་སྔགས་ནི་རིམ་བཞིན་བྲི། །འཁོར་ལོའི་རྩིབ་
རྣམས་བཅུ་པོ་ལ། །ཧཱུྃ་གཉིས་བར་ཏུ་བསྒྲུབ་བྱའི་མིང་། །གསྲུང་བ་དང་བཅས་བྲི་བར་བྱ། །ཕྱོག་བཞིར་སྔགས་དང་ཕྱག་རྒྱ་དང་། །འཁྲུལ་འཁོར་གཅོད་དང་འཆིང་བ་དང་། །འགུག་པའི་སྔགསུ་བཅས་པ་བྲི། །གཞན་ཡང་མཚམས་རྣམས་དྲུག་པོར་ནི། །ལྷ་དང་ཀླུ་དང་
ལྷ་མིན་གྱི། །གནོད་སྦྱིན་གྲུལ་བུམ་ལ་སོག་པ། །བཅིང་བ་དྲུག་པོ་བྲི་བར་བྱ། །ལྟེ་བར་བསྒྲུབ་བྱའི་གཟུགས་བརྙན་ནི། །སྐྱིལ་ཀྲུང་ཐུགས་ཀར་ཐལ་མོ་སྦྱར། །མཛེས་པའི་གོས་ལྡན་བྲི་བར་བྱ། །དེ་རྗེས་གསང་སྔགས་ཕྲེང་བ་ཉིད། །སྟོང་ཕྲག་གཅིག་ཏུ་
བརྗོད་བྱས་ནས། །དེ་རྗེས་བསྟོད་པས་བསྟོད་བྱས་ཏེ། །གསེར་སོགས་དྲིལ་ནས་ལུས་སམ་མགུལ། །གང་བདེའི་གནས་སུ་གདགས་པར་བྱ། །དེས་ནི་རྣལ་འབྱོར་བསྲུང་དོན་དུ། །ཇི་ལྟར་བསམ་པ་ཀུན་འགྲུབ་སྟེ། །འཇིགས་པ་བརྒྱད་པོ་མེད་
པར་བྱེད། །དེ་ནས་གཞན་ཡང་རྒྱལ་པོའི་རས། །གསར་ལ་ཙན་དན་ག་བུར་དང་། །དྲི་ཞིམ་རྣམས་ཀྱིས་བྱས་ནས་ནི། །རྒྱུ་སྐར་རྒྱལ་གྱི་ཉི་མ་ལ། །གུར་ཀུམ་ཀྱིས་ནི་འཁོར་ལོ་བྲི། །དབུས་སུ་པད་མ་འདབ་བརྒྱད་པའི། །ཕྱི་རོལ་མུ་ཁྱུད་གསུམ་ལྡན་པའི། །
པད་མའི་ལྟེ་བར་བསྒྲུབ་བྱའི་གཟུགས། །ཡན་ལག་རྡོ་རྗེས་མཚན་པ་བྲི། །དེ་ལ་སྙིང་པོའི་སྔགསྐྱི་བསྐོར། །དེ་རྗེས་ལྟེ་བའི་མུ་ཁྱུད་ལ། །སྟེང་འོག་བཅིང་བའི་སྔག་ཀྱིས་བྲི། །ཕྱོག་མཚམས་སྔགས་རྣམས་འདབ་མ་ལའོ། །ཕྱི་རོལ་མུ་ཁྱུད་
དང་པོར་ནི། །རྩ་བའི་སྔགས་རིང་དགོད་པར་བྱ། །གཉིས་པར་འོད་ཀྱི་ར་བ་བྲི། །དྲི་ཞིམ་དཀྱིལ་འཁོར་སྟེང་བཞག་སྟེ། །རང་ཉིད་ལྷའི་སྦྱོར་རྫོགས་བྱ། །ཐུག་ཀའི་ས་བོན་འོད་ཀྱིས་ནི། །ནམ་མཁར་འཁོར་ལོ་སྦྱངས་བྱས་ཏེ། །ཡི་གེ་ཧཱུྃ་གི་
རྣམ་པར་བསམ། །དེ་ཡོངས་གྱུར་ལས་སྐུ་ཚོག་སྒོམ། །དེ་དབུས་ཤེས་རབ་རྣམ་པར་བསམ། །ཟླ་དབུས་སྟེང་དུ་ཧཱུྃ་ལས་ནི། །འཁོར་ལོ་རྩིབས་ལྡན་བསྒོམ་པར་བྱ། །དེར་ནི་ཡི་གེའི་རྣམ་པ་ནི། །མར་མེ་ལྟ་བུ་གསལ་དམིགས་ལ། །མཁའ་འགྲོ་མ་དང་དབྱེར་མེད་བྱ། །
97-1-203a


རང་སྙིང་ས་བོན་ལས་བྱུང་བའི། །གསང་སྔག་སྟོང་ཕྲག་བཟླས་བྱས་ནས། །གསེར་སོག་དྲིལ་ནས་ལུས་སམ་མགུལ། །བཏགས་ན་འཇིགས་པ་བརྒྱད་ལས་སྐྱོབ། །ཐམས་ཅད་དུ་ནི་བསྲུང་བར་ངེས། །ཡུངས་ཀར་བ་ཡི་རྣམ་ལྔ་དང་། །
དུར་བའི་སྙེ་མར་བཅས་པ་ལ། །གསང་སྔགས་སྟོང་ཕྲག་བཟླས་ནས་ནི། །རྒན་མོ་མིང་མེད་སྦྱོར་བ་ཡིས། །གནས་གསུམ་ཐིག་ལེ་བྱས་བསྲུང་ན། །ཚེ་ནི་སྟོང་ཕྲག་དུ་མར་འཕེལ། །ཀུ་ཤ་བ་མར་ཡུངས་ཀར་ཏིལ། །གསང་སྔགས་སྟོང་ཕྲག་བཟླས་
བྱས་ཏེ། །ཤིས་པར་གྱུར་པའི་ཉི་མ་ལ། །མཆོད་རྟེན་སྤྱི་བོར་གདག་བྱས་ན། །འགོ་བའི་ནད་རྣམ་འཆད་པར་འགྱུར། །ཁྲག་དང་ཁྲོ་ཆུར་བཅས་པ་ལ། །གསང་སྔག་སྟོང་ཕྲག་གསུམ་བཟླས་ཏེ། །ཟླ་བ་གཟས་གཟུང་དུས་སུ་ནི། །ཉེ་བསྙེན་རྫོག་
པར་བྱས་ནས་ནི། །རྫས་ནི་ཤིན་དུ་སྤ་བྱས་ཏེ། །ལྷ་ཚོག་གནོད་པ་གང་དམིགས་པའི། །སྙིང་གར་སྔགས་ནི་བསྣུན་བྱས་ན། །གང་དམིགས་བགེགས་ནི་རྣམ་པར་འཇིག །རས་བལ་གསར་པར་གྱུར་པ་ལ། །ཤེས་རབ་མཚན་ལྡན་ཁྲུས་བྱས་ཏེ། །
ཤིས་པ་ཉི་མ་ལ་བཀལ་ནས། །བཅིངས་པའི་གྲངས་ཀྱིས་མདུད་བྱས་ཏེ། །སྟོང་ཕྲག་གཅིག་གིས་སྔགས་བཟླས་ནས། །ལུས་སམ་མགུལ་ལམ་སྤྱི་བོར་གདགས། །དེས་ནི་ཚེ་ལོ་སྟོང་ཕྲག་ཐུབ། །ཡང་ན་རང་ལུས་རྣམས་བསྒྲིབས་ནས། །ཆུ་ཡི་ཚོགས་ཀྱིས་དག་བྱས་
ཏེ། །ཉི་ཤུ་རྩ་གཅིག་གྲངས་ལྡན་པར། །གཟུངས་ཀྱི་ཕྲེང་བ་བརྗོད་བྱས་ན། །གསེར་ཕྱག་ལག་ཏུ་མ་བླངས་ཤིང་། །བདེན་བྲལ་ཕྱི་རོལ་མ་སོང་བར། །གཞན་གྱི་འཇིགས་པ་མ་བསལ་ཞིང་། །ཚེ་ལོ་བརྒྱ་ནི་རྩ་བརྒྱད་པར། །རིམས་ནད་ཙམ་ཡང་
མི་གནོད་དོ། །གོས་དང་ཟས་དང་སྣོད་སྤྱད་དང་། །སྨན་ལ་སོག་པའི་རྫས་རྣམས་ནི། །མི་འཁྲུག་རྒྱལ་པོའི་ཕྱག་རྒྱ་ཡིས། །བསྲུངས་ན་ཅིས་ཀྱང་མི་ཤོད་དེ། །སིང་ཆེན་རྔམ་པའི་སྟབས་ཀྱིས་ནི། །འུག་པའི་སྒྲ་གསུམ་བརྗོད་བྱས་ན། །ཕྱི་རོལ་རིག་
སྔགས་སྟོང་ཕྲག་ནི། །དུ་མས་ཅིས་ཀྱང་མི་ཚུགས་སོ། །ཀླུའི་དབང་པོ་གནས་ལུགས་ཀྱིས། །རྩེ་གཅིག་རྡོ་རྗེའི་ཕྱག་རྒྱ་བཅས། །དེ་ནས་གསང་སྔག་གསུམ་བརྗོད་ན། །ནད་དང་གདོན་ལ་སོག་པ་སོལ། །རི་བོང་ནུ་མའི་མཚམ་བྱས་ནས། །ཧཱུྃ་གིས་མནན་པའི་སྔགས་
97-1-203b


ཀྱིས་ནི། །དམིགས་མེད་ཏིང་འཛིན་ཡིད་བརྟན་ཞིང་། །འདིས་ཀྱང་གནོད་པ་ལས་བསྲུང་འགྱུར། །ཕྱི་རོལ་སོགས་པ་ཀུན་སྤངས་ནས། །སྣང་བ་ཡིད་ཀྱིས་བསླབས་བྱས་ཏེ། །མི་སྣང་བ་ལ་མངོན་དམིགས་ནས། །བསྲུང་བ་རྣམས་ཀྱི་དམ་པ་བཤད། །དེ་ནས་
གཞན་ཡང་སྦྱོར་བ་བཤད། །དུར་ཁྲོད་ལ་སོག་འཇིགས་གནས་སམ། །མཚོ་དང་མཚེའུ་དང་དགོན་གནས་དང་། །གནས་དང་སྐྱེ་མོས་ཚལ་ཆེན་དང་། །མེ་ཏོག་ཚལ་ལམ་ཡུལ་འཁོར་ལྗོངས། །ཆུ་ཡི་འགྲམ་འམ་ཤིང་གཅིག་གམ། །ཡང་ན་
རང་གི་ཁྱིམ་ཉིད་དུ། །མཎྜལ་ལེགས་པར་བྱུགས་པ་ལ། །བརྟེན་ནས་ལྷ་ཡི་སྦྱོར་བ་སྒྲུབ། །རས་རིས་ལ་སོགས་མདུན་བྱས་ཏེ། །བདེ་བའི་སྟན་ལ་སྐྱིལ་ཀྲུང་གིས། །བསྡད་ནས་མཉམ་བཞག་བརྩམ་པར་བྱ། །ཐ་མལ་སྦྱངས་པའི་ལུས་ཀྱིས་ནི། །
ཐར་པ་ཆེན་པོ་ཐོབ་འགྱུར་ཏེ། །གཞན་དུ་དེ་ལྟར་མ་ཡིན་ནོ། །ས་གཞི་ཤིན་དུ་ཉམས་དགའ་ཞིང་། །ལེགས་པར་བཀོད་པའི་རི་བོ་ལ། །གནས་ཚལ་ཤིན་དུ་སྡུག་པ་ལ། །བསིལ་བའི་ཆུ་རྒྱུན་འབབས་པའི་ཕྱོགས། །རྣམ་བཀོད་མེ་ཏོག་ཚལ་གསེབ་ཏུ། །ཤར་
དུ་སྒོ་བསྟན་ཁང་པ་ལ། །སྔགས་བཞི་མཚམས་བཅིངས་ཆོ་ག་ཡིས། །གསལ་ཁུང་དང་བཅས་བརྩིགས་པའི་ཕྱོགས། །སྙན་པའི་བྱ་ཡིས་སྒྲ་སྒྲོགས་ཤིང་། །དྲི་ཞིམ་སྤོས་ངད་ལྡན་པ་ལ། །དྲིལ་བུ་སིལ་སིལ་སྒྲ་སྙན་སྒྲོགས། །ལྡ་ལྡི་གོས་ཀྱི་ཕྲེང་
བས་དཀྲིས། །ལྷག་པའི་འདུ་འཛི་རྣམ་སྤངས་ནས། །སྤྱོད་པ་འཐུན་པའི་གྲོགས་དང་ནི། །བདེ་བར་བྱང་ཆུབ་བསྒྲུབ་པར་བྱ། །འོན་ཀྱང་གནས་དང་གྲོགས་ལ་སོགས། །རྣམ་འབྱོར་ཡིད་འཇུག་ཕྱིར་བརྩམ་སྟེ། །མཐའ་དག་སྤངས་པའི་ཕ་རོལ་ན། །
ལྷག་པའི་བྱང་ཆུབ་མ་མཆིསོ། །བདེ་དང་སྡུག་སྔལ་སྣ་ཚོགས་རྣམས། །རང་གི་སེམས་ལས་འབྱུང་མོད་ཀྱི། །སེམས་རྟོག་མ་ལུས་སྤངས་བ་ལས། །ངས་ནི་ཆོས་གཞན་འགའ་མ་བཤད། །དེ་བས་སེམས་རྟོག་སྣ་ཚོགས་
རྣམས། །སྤང་བར་བྱ་ཕྱིར་སྣ་ཚོག་ཐབས། །སྔགས་དང་ཕྱག་རྒྱ་ཏིང་འཛིན་དང་། །སྦྱོར་བ་རྒྱ་ཆེན་རྣམས་བཤད་དོ། །དྲག་པོ་བསྒྲུབ་པའི་ཐབས་འགའ་ནི། །རིག་པའི་ཁྲོ་མོས་མཉན་པར་གྱིས། །ས་བཞི་བདུད་རྩི་ལྔ་ཡི་བྱུགས། །
97-1-204a


མེ་ཡི་དཀྱིལ་འཁོར་ས་བོན་བཅས། །དུར་ཁྲོད་ཕག་གུས་བྲི་བར་བྱ། །དེར་ནི་ཕོ་མོ་ཐོད་པ་ལ། །ཕྱི་རོལ་དམར་ནག་ཚོན་གྱིས་བྱུག །ནང་དུ་སྣ་ཚོགས་རྡོ་རྗེ་ནི། །མུ་ཁྱུད་གསུམ་ལྡན་བྲི་བར་བྱ། །དབུས་སུ་རྡོ་རྗེ་མཁའ་འགྲོ་མའི། །
སྙིང་པོ་སྔགས་བཅས་བྲི་བར་བྱ། །རྡོ་རྗེ་རྭ་ནི་ཐམས་ཅད་ལ། །ཧཱུྃ་བྲི་མུ་ཁྱུད་གཉིས་ཕྲིང་སྔགས། །གསུམ་པར་ཁྲོ་བོའི་སྔགས་བྲིའོ། །ཐོད་པ་ཁ་སྦྱོར་ནང་དུ་ནི། །སྐེ་ཚེ་ཡུངས་ཀར་བཙན་དུག་དང་། །ལན་ཚྭ་ཁྲག་དང་ཤ་ཆེན་དང་། །རྐང་
རྗེས་ས་ལ་སོག་པ་བླུགས། །གཅེར་བུ་རྣམ་འབྱོར་སྐྲ་བཤིག་ནས། །ལྷ་ཡི་སྦྱོར་ལྡན་ལྷོར་བལྟས་ནས། །ཞབས་ཀྱིས་ཐོད་པ་འཁོར་ལོ་ནི། །མནན་ཏེ་སྔགས་ཕྲེང་བརྗོད་པར་བྱ། །ཁྲོ་བོ་ཆེན་པོའི་སྦྱོར་བ་ཡི། །མཉམ་བཞག་ནས་ནི་སྟོང་
ཕྲག་དུ། །བཟླས་པ་མཚན་ཕྱེད་པར་བྱས་ན། །བསད་པ་ཉིད་ལ་ཐེ་ཚོམ་མེད། །དུར་ཁྲོད་རས་ལ་འཁོར་ལོ་ནི། །དབུས་སུ་མེ་ཡི་དཀྱིལ་འཁོར་ཅན། །རྩིབས་བརྒྱད་མུ་ཁྱུད་གསུམ་ལྡན་པ། །དབུསུ་སྙིང་པོ་སྔགས་རྣམས་ལ། །ཧཱུྃ་གཉིས་བར་
དུ་བསྒྲུབ་བྱའི་མིང་། །བསད་པ་ཉིད་དང་ལྡན་པར་བྱ། །མུ་ཁྱུད་གཉིས་པ་ཕྲེང་སྔགས་ཀྱང་། །མིང་དང་བསད་པར་ལྡན་པའོ། །གསུམ་པ་ཁྲོ་བོའི་སྔགས་བྲིས་ཏེ། །འཁོར་ལོ་མཆོད་ཅིང་བྱིན་རླབས་ནས། །དགྲ་གཟུག་སོར་བརྒྱད་
སྙིང་གར་གཞུག །དེ་ཉིད་ཏིལ་མར་གྱིས་བྱུགས་ཏེ། །ཐོད་པ་གཉིས་ཀྱི་འཁོར་ལོ་ཡི། །བར་དུ་བཙུག་ནས་མེ་སྟེང་གཞག །སེང་ལྡེང་ཕུར་པ་སོར་བརྒྱད་པ། །མཉམ་བཞག་སྦྱོར་བས་སྔག་དེ་གདབ། །བསད་པའི་སྦྱོར་
བ་འདི་ཉིད་ཀྱིས། །ཤི་བར་འགྱུར་ལ་གཞན་དུ་མིན། །ཡང་ན་བྱང་ཆུབ་ཡན་ལག་ལས། །དུར་ཁྲོད་ཁྲག་གིས་འཁོར་ལོ་བྲི། །གྲུ་གསུམ་བརྩེགས་པའི་གཟུག་བྲིས་ཏེ། །དབུསུ་དགྲ་མིང་གསང་སྔགས་བཅས། །རྩིབས་ལ་བཅུ་
གཉིས་བར་དུ་ནི། །མིང་དང་བསད་པ་བཅས་པ་བྲི། །མུ་ཁྱུད་དང་པོའི་སྔགས་ཕྲེང་ཡང་། །རྒྱས་པའི་ཡན་ལག་ལྡན་པར་བྲི། །སྤྲ་ཚིལ་གཟུག་བརྙན་སོར་བརྒྱད་པའི། །སྙིང་གར་བཅུག་ནས་སྐྲ་ཡིས་དཀྲི། །རྣམ་འབྱོར་པའི་ཡི་
97-1-204b


ཉལ་བའི་ཞབས། །མགོ་བོ་ལྷོར་བསྟན་གཞག་པར་བྱ། །ཆུ་ཤེལ་མ་མཐོང་བར་དུ་ནི། །ཉི་ཤུ་རྩ་གཅིག་སྔགས་བརྗོད་ནས། །མི་ཡི་རྡོ་རྗེའི་དར་གྱིས་བརྒྱན། །སྡང་བྱེད་ས་སྟེང་འདིར་མི་གནས། །ཀླུའི་གནས་སུ་གྲགས་པ་འམ། །ཆུའི་རྫིངས་
ལ་སོགས་འགྲམ་དུ། །དཀྱིལ་འཁོར་བ་ཡི་རྣམ་ལྔས་བྱུགས། །པད་མ་དམར་པོའི་རི་མོ་ལ། །ལྟེ་བ་རྡོ་རྗེ་མཁའ་འགྲོ་མ། །གསེར་གྱི་མདོག་ཅན་ཐལ་མོ་སྦྱར། །ཀླུ་ཡི་གདེངས་ཀ་བདུན་ལྡན་པ། །ཟླ་བའི་དཀྱིལ་འཁོར་སྟེང་གནས་པ། །ཤིན་དུ་
བལྟས་པས་གནས་པར་བྱ། །དགའ་བོ་ཉེར་དགའ་འཇོག་པོ་དང་། །མཐའ་ཡས་དུང་སྐྱོང་རིགས་ལྡན་གཟུགས། །པད་མ་པད་ཆེན་རྣམས་བྱས་ཏེ། །ཀར་དང་སེར་དང་ལྗང་བ་དང་། །དམར་དང་ལྗང་སྐྱ་སྔོ་སྐྱ་དང་། །དམར་སེར་ལྗང་སེར་འཛུམ་པའི་གཟུག །གཙོ་ལ་ཐལ་མོ་
སྦྱར་བཏུད་ནས། །རྒྱུ་སྐར་ཕྲེང་བ་དང་ལྡན་གནས། །འོ་མ་འབྲས་ཅན་མཁལ་ཞོ་ཤ ། པུས་ཀ་ཙ་ཏི་ལ་སོགས་སྨན། །ཁུར་བ་ཚོགས་བུ་དང་བཅས་པ། །རིན་ཆེན་སྣོད་དུ་དགྲམ་པར་བྱ། །གཟའ་དང་རྒྱུ་སྐར་རྣམས་དགའ་ཞིང་། །ཀླུ་རྣམས་བདེ་བའི་
སེམས་ཐོབ་ཤོག །ལྷ་རྣམས་ཡིད་ནི་མཉམ་བཞག་ནས། །སྙིང་རྗེའི་བློ་ཆེན་སྐྱེ་བར་ཤོག །ལྷ་ཀླུ་གནོད་སྦྱིན་དྲི་ཟ་སོགས། །བྱང་ཆུབ་སེམས་ཆེན་དང་ལྡན་ནས། །ཐུགས་རྗེ་ཉེ་བར་དགོངས་ནས་ཀྱང་། །དུས་སུ་ཆར་ཆེན་འབབ་པར་ཤོག །སྨོན་
ལམ་དེ་ཡི་རྗེས་སུ་ནི། །གཟུངས་ཀྱི་ཕྲེང་བ་བརྒྱ་རྩ་བརྒྱད། །བརྗོད་པའི་དེ་མ་ཐག་དུ་ནི། །ཆར་གྱི་རྒྱུན་ཡང་འབབ་པར་འགྱུར། །གལ་ཏེ་ཅུང་ཟད་མི་འབབས་ན། །མེ་ལ་བསྡིགས་པ་ཙམ་གྱིས་ནི། །གློག་གི་ཕྲེང་བ་བཏོར་བྱེད་ན། །ཆར་
ཆེན་འབེབས་ལ་ཐེ་ཚོམ་མེད། །ཝ་ཡི་ཁྲག་གིས་གྲོ་བ་ལ། །གོང་གི་འཁོར་ལོ་བསྐྲད་པ་ཡི། །ཐབས་དང་ལྡན་པར་བྲི་བྱས་ནས། །དུར་ཁྲོད་ས་ལས་བྱས་པ་ཡི། །རྔ་མོའི་སྙིང་གར་བཅུག་ནས་ཀྱང་། །རྐང་པ་གཡོན་པས་མནན་
ནས་ནི། །ལྷོར་བལྟས་བཀའ་ཡི་སྦྱོར་བ་ཡི། །གསང་སྔགས་ཁྲི་ཕྲག་གཅིག་བརྗོད་ན། །བསྐྲད་པ་ཉིད་ལ་ཐེ་ཙོམ་མེད། །སྦྲུལ་དང་སྲེ་མོའི་ཁྲག་གིས་ནི། །རྟ་དང་མ་ཧེའི་ལྤགས་པ་ལ། །མཉམ་དུ་གཉིས་ཀྱི་གཟུགས་བྲི་ཏེ། །དབྱེ་བའི་
97-1-205a


སྔགས་དང་བཅས་པ་ཡི། །འཁོར་ལོ་ཐོད་པའི་གཟུག་བྲིས་ལ། །ལྤགས་པ་གཉིས་ཀྱི་དཀྲིས་བྱས་པ། །ཟླ་གམ་བྱེ་བྲག་དཀྱིལ་འཁོར་ལ། །བརྟེན་པས་དབྱེ་བའི་སྦྱོར་བ་རྫོགས། །མཚལ་དང་ཙན་དན་ག་བུར་བསྲེ། །ཟླ་གམ་དབྱིབས་ཀྱི་དཀྱིལ་
འཁོར་ལ། །སྙིང་པོ་དབང་གི་སྦྱོར་བར་བཅས། །ནུབ་ཏུ་བལྟས་ནས་བསྒྲུབས་པ་ཡི། །ལྷ་ཡི་དབང་པོ་དབང་དུ་འགྱུར། །རྒྱུད་ཀྱི་ཁྱད་པར་སྦྱོར་བའོ། །དྲི་ཡི་རྒྱལ་པོ་སྣ་ཚོགས་ཀྱི། །ཤིང་གི་ལོ་མ་དཀར་པོ་ལ། །རྡོ་རྗེ་རྒྱ་གྲམ་གཉིས་བརྩེགས་ཀྱི། །ཕྱོགས་ཀྱི་
རྭ་རྣམས་ཧཱུྃ་གིས་སྤྲས། །མཚན་ཀྱི་རྭ་རྣམ་དབུ་མ་ལ། །ཧཱུྃ་བྲི་རྭ་ཡི་ཡན་ལག་ལ། །ཕཊ་ནི་ཕྱིར་ལ་བལྟས་པ་བྲི། །རྒྱ་ཆེན་གསོལ་བ་གདབ་པར་བྱ། །གོས་བཟང་སམ་ནི་སྐགས་ཤིང་དུ། །བཙུག་ནས་རྒྱལ་མཚན་རྩེར་བཏགས་ན། །རླུང་དང་ཐོག་དང་སེར་བ་
བཅོད། །དམན་པ་རྣམས་དང་འབྲེལ་བ་སྤང་། །ཐལ་བ་ཆུ་དང་ཡུངས་ཀར་དང་། །སྔགས་ཀྱི་ཕྲེང་བ་བཟླས་བྱས་ཏེ། །སྤྲིན་ལ་སོགས་པ་འཁྲུགས་པའི་ཚེ། །གཏོར་བ་ཙམ་གྱིས་འཆད་པར་འགྱུར། །འབྲུ་མར་ཡུངས་ཀར་སེར་པོ་ལ། །སྔགས་ནས་ལུས་ལ་
བྱུགས་ཙམ་གྱིས། །ཕྲན་ཚེགས་ནད་རྣམས་ཐམས་ཅད་ལས། །མ་ཧེ་ཤིན་དུ་བརྟན་པར་བྱེད། །འཕགས་མ་རྡོ་རྗེ་གུ་ལུ་རྒྱུད་ཀྱི་འཁྲུལ་འཁོར་གྱི་ལེའུ་སྟེ་གསུམ་པའོ།། །། དེ་ནས་གཞན་ཡང་བཤད་བྱ་བ། །སྦྱིན་སྲེག་ཐབས་
ཀྱི་སྦྱོར་བ་ཡིས། །དངོས་གྲུབ་ཐམས་ཅད་མྱུར་བྱེད་དེ། །སྣ་ཚོག་ལྷ་མོས་མཉན་པར་བྱོས། །སེར་སྣ་སྤང་ཤིང་གཡོ་རྒྱུ་མེད། །དུལ་ལ་དཔའ་བརྟུལ་བཟོད་པ་ཆེ། །མཁས་ཤིང་རིག་པ་བརྩོན་འགྲུས་བཟང་། །སྔགས་ལ་མཁས་པས་སྦྱིན་སྲེག་
བརྩམ། །ཐབ་ནི་ཉི་ཤུ་སོར་ཚད་ལ། །ཕྱེད་བརྐོས་ཁ་ཕྱིར་རྡོ་རྗེ་ནི། །རྩེ་གསུམ་དུར་ཁྲོད་ཚོན་གྱིས་བྲི། །ཕྱི་རོལ་ཕྱག་རྒྱ་རྣམ་བཀོད་ནས། །དྲི་ཞིམ་མེ་ཏོག་བཅལ་དུ་དཀྲམ། །དེར་ནི་མཆོད་ཅིང་བསྲེག་པའི་རྫས། །ཚོགས་ནས་རྫས་རྣམས་
བསང་གཏོར་བྱ། །བོང་བུ་རྔ་མོའི་རིལ་མ་དང་། །བསལ་ཤིང་ཆེར་བཅས་ཤིང་ལ་མེ། །ས་བོན་ལས་སྐྱེས་སྦ་བར་བྱ། །དེར་ནི་རྡོ་རྗེ་ལུ་གུ་རྒྱུད། །བསྐྱེད་པའི་ཆོ་ག་རྫོགས་བྱས་ནས། །མཆོད་ཅིང་བསྟོད་ནས་དེར་རྗེས་སུ། །སྐེ་ཚེ་ཡུང་
97-1-205b


ཀར་བཙན་དུག་དང་། །རུས་ཕྱེ་ཤ་ཆེན་ཏིལ་ནག་པོ། །དང་བཅས་སྦྱིན་སྲེག་སྟོང་ཕྲག་གཅིག །ཕྲེང་བའི་སྔགས་ཀྱིས་སྦྱོར་བ་བྱ། །ཐོག་མ་ཐ་མར་མར་ཆེན་དང་། །ཏིལ་མར་བརྒྱ་ཕྲག་རེ་རེ་སྦྱིན། །སྦྱོར་བཅས་སྦྱིན་སྲེག་རྫོགས་པ་དང་། །
ཞག་བདུན་གྱི་ནི་བསྒྲུབ་བྱ་དེ། །ཤི་བར་འགྱུར་ལ་ཐེ་ཚོམ་མེད། །གླང་ཤ་སྦལ་ཤ་པྲི་ཡང་ཀུ། །སྦྱིན་སྲེག་སྟོང་གིས་བསྒྲུབ་བྱ་ཞིང་། །བ་བླ་ལྡོང་རོས་རུ་རྟ་དང་། །ལིང་ག་གླང་པོ་སེ་ཤར་བཅས། །སེར་པོར་བྱས་ལ་སྟོང་ཕྲག་ནི། །གཅིག་གིས་
འཕྲལ་དུ་རེངས་པར་བྱེད། །སྦྲུལ་རྟ་ནེའུ་ལེ་མ་ཧེའི་ཤ །བྱ་རོག་འུག་ཤ་སྟོང་ཕྲག་གཅིག །བསྲེགས་པས་བསྒྲུབ་བྱ་འབྱེ་བར་ངེས། །བྲ་བོ་འབྲས་བུ་ར་ཤ་ཁྲག །སྟོང་ཕྲག་གཅིག་གིས་ལྐུགས་པར་འགྱུར། །
རྔ་མོང་བྱ་རོག་རྒན་པོའི་ཤ །སཱ་ལུ་དམར་ཏིལ་དཀར་པོ་དང་། །ཡུང་ཀར་སེར་པོ་ལ་སོགས་པ། །སྟོང་དུ་བསྲེག་པས་སྐྲོད་པར་བྱེད། །འབྲུ་ལྔ་སྨད་འཚོང་རང་བྱུང་གིས། །ནམ་ཕྱེད་ནུབ་ཏུ་ཁ་བལྟས་དབྱུག །མེ་ཏོག་པད་མ་
དང་བཅས་པའི། །ཁ་དོག་དམར་དང་ལྡན་པ་ཡི། །འོད་ཟེར་དམར་ལྡན་སྟོང་ཕྲག་གིས། །ངེས་པར་འགུགས་དང་དབང་དུ་འགྱུར། །ཏིལ་བཅས་མར་གྱི་སྦྱིན་བསྲེག་ནི། །སྟོང་ཕྲག་བྱས་ན་སྡིག་པ་འབྱང་། །མར་དང་དུར་བ་ཙན་དན་
བཅས། །སྦྱིན་བསྲེག་སྟོང་གིས་ཚེ་འཕེལ་འགྱུར། །ཀུ་ཤ་བྱང་ཆུབ་ཤིང་འབྲས་བུ། །ཡུངས་དཀར་དཀར་པོ་ལན་ཚྭ་ཡི། །སྟོང་བསྲེགས་འགོ་བའི་ནད་རྣམ་འཆད། །ཡུངས་ཀར་ཤ་ཆེན་ཕྱེ་མ་དང་། །དུར་ཁྲོད་ཐལ་བ་
དུག་སྣ་ཚོགས། །ཁྲོ་ཆུ་ཕྱེ་མའི་སྦྱིན་སྲེག་སྟོང་། །ཁྲོས་པས་བྱས་ན་ལྷ་ཚོག་འཇིག །ཨུཏྤལ་དམར་དང་ཡང་ན་དཀར། །གུར་ཀུམ་བཟང་པོའི་སྦྱིན་སྲེག་ནི། །སྟོང་རྩ་བརྒྱད་ཙམ་བསྲེག་བྱས་པས། །
རིགས་ལྡན་བུ་མོ་དབང་དུ་འགྱུར། །ཨ་རུ་ར་དང་ཡུངས་ཀར་དང་། །བའི་འོ་མ་སྟོང་སྲེགས་ན། །རྣམ་ཐོས་རྒྱལ་པོའི་གཏེར་ཙམ་གྱིས། །ལོངས་སྤྱོད་ཆེན་པོ་འཐོབ་པར་བྱེད། །ཨོཾ་རཀྵ་རཀྵཾ་ཀུ་རུ་ཨོཾ། 
97-1-206a


བསྲུང་བའི་སྔགས་སོ། །ཨོཾ་ཤཱནྟིཾ་ཀུ་རུ་ཨོཾ། ཐམས་ཅད་དུ་ཞི་བའི་སྔགས་སོ། །ཧཱ་བཱ་ཤྃ་ཀུ་རུ་ཧཱ། མཐའ་དག་དབང་དུ་བྱ་བའོ། །སྭཱ་པུཥྚྃ་ཀུ་རུ་སྭཱ་ཧཱ། ཐམས་ཅད་དུ་རྒྱས་པར་བྱེད་པའི་སྔགས་སོ། །ཕཊ་ཧཱུྃ་མཱ་ར་ཡ་མཱ་ར་ཡ་ཧཱུྃ་
ཕཊ། གསོད་པའི་སྔགས་སོ། །བཾ་བི་དེ་ཤ་ཡ་བཾ། དབྱེ་བར་བྱེད་པའི་སྔགས་སོ། །ཨུ་ཨུ་ཙ་ཊ་ཡ་ཨུ། བསྐྲད་པར་བྱེད་པའི་སྔགས་སོ། །ལཾ་སྟྃ་བ་ཡ། སྟྃ་བ་ཡ་ལཾ། རེངས་པར་བྱེད་པའི་སྔགས་སོ། །རཾ་ཛྭ་ར་ཛྭ་ར་རཾ། རིམས་བསྐྱེད་པའི་
སྔགས་སོ། །ཛ་ཨཱ་ཀཪྵ་ཡ་ཧྲི། ཛ། དགུག་པའི་སྔགས་སོ། །ཨོཾ་པ་ར་ཤ་པ་ཏ་ཡ་པ་ཏ་ཡ་ཨོཾ། ཆར་པ་འབབ་པའི་སྔགས་སོ། །ལཾ་ཤཾ་ལཾ་བྷི་སྟཾ་བྷ་ཡ་ལཾ། སེར་བ་བཅད་པའི་སྔགས་སོ། །ཛེཾ་ཛེ་ཏེ་ཡ་ཛེ་ཏེ་ཡ་ཛེ། ཞི་བར་བྱེད་པའི་སྔགས་
སོ། །ཧཱུཾ་ཡར་ཡཉྩ། མནྟྲ། ཏནྟྲ། ཙྪིནྡ། ཙྪིནྡ། བིན་དྷ་བིན་དྷ། བན་དྷ་བན་དྷ། ཞེས་པ་ནི་ཐམས་ཅད་དུ་རིག་སྔགས་གཅོད་པར་བྱེད་པའི་སྔགས་སོ། །རིག་པའི་རྒྱལ་པོ་བླ་མེད་ནི། །གསང་ཆེན་འདི་ལས་འབྱུང་བར་འགྱུར། །གསང་ཆེན་རྒྱུད་
འདི་ངོ་མཚར་ཏེ། །རྨད་བྱུང་བས་ཆེས་རྨད་དུ་བྱུང་། །བསྟན་པའི་སྙིང་པོ་གསང་ཆེན་འདི། །གསུང་བ་དེ་མ་ཐག་ཏུ་ནི། །ཕྱོགས་བཅུའི་རིག་སྔགས་འཆང་བ་རྣམ། །ངོ་མཚར་བསྐྱེད་ནས་ཐལ་མོ་སྦྱར། །བདེ་བའི་སྙིང་པོ་ཤིན་ཏུ་ལེགས། །
ལེགས་སོ་ལེགས་སོ་རྡོ་རྗེ་འཛིན། །གང་ལ་བདེ་བསྐྱེད་དཔལ་ཐོབ་བྱེད། །བདག་ཅག་རྣམས་ལ་ཐུགས་རྗེ་ཡི། །རྒྱུད་ཀྱི་སྙིང་པོ་འདི་བཤད་པ། །རྗེ་ཆེན་ལེགས་སོ་ངོ་མཚར་ཆེ། །འཕག་པ་རྡོ་རྗེ་ལུ་གུ་བརྒྱུད་གྱི་རྟོག་པ་ལས་སྦྱིན་
སྲེག་གིས་ལེགའུ་སྟེ་བཞི་པའོ། །འཕག་མ་རྡོ་རྗེ་ལུ་གུ་རྒྱུད་ཀྱི་རྟོག་པ་ཨོ་རྒྱན་ནས་འབྱུང་བ་རྫོགས་སྷོ།། །།པཎྜི་ཏ་ཨ་ཏུ་ལ་དྷ་ས་བཛྲ་ལ་ཞུས་ནས། བོད་ཀྱི་ལོ་ཙ་བ་མར་པ་ཆོས་ཀྱི་དབང་
ཕྱུགས་གྲག་པས་བསྒྱུར་བའོ། ། ༄༅། །རྒྱ་གར་སྐད་དུ།  ཨཱརྱ་ཙུན་དེ་དེ་བཱི་ནཱ་མ་དྷཱ་ར་ཎཱི།  བོད་སྐད་དུ།  འཕག་པ་ལྷ་མོ་སྐུལ་བྱེད་མ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་
97-1-206b


འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ལ་ཕྱག་འཚལ་ལོ། །བཅོམ་ལྡན་འདས་ལྷ་མོ་སྐུལ་བྱེད་མ་མཐུ་སྟོབས་དཔག་ཏུ་མེད་པ་དང་ལྡན་པ། རྫུ་འཕྲུལ་དང་ཕ་རོལ་
གནོན་པ་གྲུབ་པ། དེ་བཞིན་གཤེགས་པ་ཐམས་ཅད་ཀྱིས་བསྔགས་ཤིང་བསྟོད་པ་ཁྱོད་ལ་ཕྱག་འཚལ་ལོ། །བདག་རྣམ་པ་ཐམས་ཅད་ཀྱི་ཐམས་ཅད་དུ་དགེ་བར་མཛོད་ཅིག །ན་མ་སཔྟཱ་ནཱཾ། སཾ་མྱཀ་སམ་བུད་དྷཱ་ཀོ་ཊཱི་ནཱཾ། ཏད་ཡ་ཐཱ། 
ༀ་ཙ་ལེ་ཙུ་ལེ། ཙུན་དེ་སྭཱཧཱ། བརྩོན་འགྲུས་ཆེན་པོ། ཐོགས་པ་མེད་པ་འདུལ་བ། སྟོབས་ཆེ་བ། ཕ་རོལ་གནོན་པ་ཆེ་བ། ཕྱག་ན་རལ་གྲི་དང་། དགྲ་སྟ་དང་། ལྕགས་ཀྱུ་དང་། ཞགས་པ་བསྣམས་པ། ཁྲོ་མོ་ཆེན་མོ། ཁྲོ་མོ་ཆེན་མོའི་དབང་
ཕྱུག་མ། དྲག་པོའི་གཟུགས་ཅན་མ། ཞལ་རས་མཐའ་ཡས་མ། ཕྱག་སྟོང་མངའ་མ། མ་ཕམ་མ། གཞན་གྱིས་མི་ཐུབ་མ། དོན་ཡོད་མ། གདུལ་བར་དཀའ་མ། མིག་སྟོང་མ། དེ་བཞིན་གཤེགས་པ་ཐམས་ཅད་ཀྱིས་བྱིན་
གྱིས་བརླབས་མ། ལྷ་ཐམས་ཅད་གྱིས་ཕྱག་བྱས་ཤིང་མཆོད་པ་རབ་ཏུ་གྲུབ་མ། རྡོ་རྗེ་སེན་མོ་ཅན། རྡོ་རྗེ་རྡོ་རྗེས་འདྲེན་མ། རྡོ་རྗེའི་མཚོན་ཆ་ཅན། རྡོ་རྗེའི་སྐུ་ཅན་མ། རྡོ་རྗེའི་ཁུ་ཚུར་མ། རྡོ་རྗེའི་སྤྱན་གདངས་པའི་སྟངས་སྟབས་
ཅན་མ། དྲག་ཤུལ་ཅན་མ་ལགས་ཀྱང་དྲག་ཤུལ་ཅན་དུ་གཟུག་ཅན་དུ་སྒྱུར་བར་སྟོན་པར་མཛད་མ། སྐུ་རྡོ་རྗེ་དང་བཻ་དུ་རྱའི་རྒྱན་ཀྱིས་བརྒྱན་པ། ༀ་བྷ་ག་བ་ཏི། ཙུན་དེ་ཧཱུྃ་ཧཱུཾ། །ཀྲཱུམ་ཀྲཱུམ། མྲཱུཾ་མྲཱུཾ། སྲཱུམ་སྲཱུམ། རཱུམ་རཱུམ། ཨཱ་བེ་ཤ་ཡ། 
གྲྀཧྞ་གྲྀཧྞ། གྲྀཧྞཱ་པ་ཡ། གྲྀཧྞཱ་པ་ཡ། ཧ་ར་ཧ་ར། བྷཉྫ་བྷཉྫ། ས་ར་ས་ར། མ་ར་མ་ར། མཱ་ར་ཡ་མཱ་ར་ཡ། པ་ཙ་པ་ཙ། ད་ཧ་ད་ཧ། གྲྀཧྞ་གྲྀཧྞ། སྡང་བའི་གདོན་དང་། རིམས་ཞག་གཅིག་པ་དང་། ཞག་གཉིས་
པ་དང་། ཞག་གསུམ་པ་དང་། ཞག་བཞི་པ་དང་། ཞག་བདུན་པ་དང་། རྟག་པའི་རིམས་དང་། ཡུད་ཙམ་པ་དང་། འབྱུང་པོ་དང་། རོ་ལངས་དང་། ཡིད་དགས་དང་། ཤ་ཟ་དང་། གནོད་སྦྱིན་དང་། སྲིན་
97-1-207a


པོ་དང་། གྲུལ་བུམ་གྱི་གདོན་དང་། མངལ་ལས་སྐྱེས་པ་དང་། ལས་ལས་སྐྱེས་པ་དང་། འགྲོ་བ་དང་། གནས་པ་འདི་དག་དང་། སྡང་བ་གང་དག་བདག་ལ་འཚེ་བ་དང་། གདུག་པ་དེ་དག་ཐམས་ཅད། སྃ་དྷ་ཡ་སྃ་དྷ་ཡ། མ་རྡ་ཡ་མ་རྡ་ཡ། 
ཤོ་ཥ་ཡ་ཤོ་ཥ་ཡ། ཏཱ་པ་ཡ་ཏཱ་པ་ཡ། ཨུཏ་ས་དྷ་ཡ་ཨུཏ་ས་དྷ་ཡ། ཧ་ན་ཧ་ན་བཛྲ་ན། ས་ར་ས་ར་དཎ་ཌེ་ན། མཱ་ར་ཡ་མཱ་ར་ཡ། ཁཀྐེ་ན། ཧཱུྃ་ཧཱུྃ་ཧཱུྃ། ཙཱུྃ་ཙཱུྃ་ཙཱུྃ། དྲཱུྃ་དྲཱུྃ་དྲཱུྃ། ༀ་ཙ་ལེ་ཙུ་ལེ་ཙུན་དེ་སརྦ་ཨརྠ་ས་དྷ་ཡ་སྭཱ་ཧཱ། བཅོམ་ལྡན་འདས་
འཕགས་པ་ལྷ་མོ་སྐུལ་བྱེད་མའི་མཐུ་དང་བྱིན་གྱི་བརླབས་ཀྱིས་བདག་གནོད་པ་ཐམས་ཅད་ལས་དགེ་བར་གྱུར་ཅིག་སྭཱ་ཧཱ། འཕགས་པ་ལྷ་མོ་སྐུལ་བྱེད་མ་ཞེས་བྱ་བའི་གཟུངས་རྫོགས་སྷོ།། །།
༄༅། །རྒྱ་གར་སྐད་དུ།  ཨཱརྱ་ཛྃ་གུ་ལི་ནཱ་མ་བིདྱཱ།  བོད་སྐད་དུ།  འཕགས་པ་དུག་སེལ་ཅེས་བྱ་བའི་རིག་སྔགས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་
ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ང་སྔོན་བྱུང་བ་འདས་པའི་
ཚེ། བྱང་ཆུབ་སེམས་དཔར་གྱུར་པ་ན། གངས་ཀྱི་རི་ཡི་བྱང་ངོས་ན། །སྤོས་ངད་ལྡན་པའི་རི་བོ་ལ། །རིའི་རྒྱལ་པོའི་སུལ་གནས་ཚེ། །གཞོན་ནུ་བསོད་ནམས་བརྒྱའི་མཚན། །ཨ་ན་ཡ་ཡི་ལྤགས་གྱོན་ལ། །སྦྲུལ་གྱིས་བརྒྱན་པའི་
སྐ་རགས་ཅན། །གདུག་པའི་སྦྲུལ་གྱིས་མགོ་རྒྱན་བྱས། །མཐོང་ན་གདུག་པའི་རྣ་རྒྱན་ཅན། །དུག་གི་མེ་ཏོག་རྣམས་ཟ་ཞིང་། །མ་ལུ་ཏའི་ལྕུག་ཁུ་མཐུང་། །ང་ལ་དེ་འབོད་འབོད་དུ་འཇུག །བུ་ཁྱོད་ཚུར་ཤོག་ང་ལས་ཉོན། །ང་ལ་
དུག་སེལ་ཅེས་བྱ་བ། །དུག་འཇིགས་རིག་སྔགས་དམ་པ་ཡོད། །དུག་རྣམས་གང་ཡིན་དེ་ཀུན་ནི། །ང་ཡི་མིང་གིས་འཇིགས་པར་འགྱུར། །ཏདྱ་ཐཱ། ཨོཾ་ཨི་ལི་མིཏྟེ། ཏི་ལི་མིཏྟེ། ཨི་ལི་ཏི་ལི་མིཏྟེ། དུམྦེ། དུམ་བཱ་ལཱི་ཡེ། དུསྨེ། དུསྨ་ལི་
97-1-207b


ཡེ། ཏར་ཀེ། ཏ་ཀ་ར་ཎེ། མརྨེ། མརྨ་ར་ཎེ། ཀ་ཤྨཱི་རི། ཀ་ཤྨཱི་ར། མུག་ཏེ། ཨ་གྷེ། ཨ་གྷ་ཎེ། ཨགྷ་ན་གྷ་ཎེ། ཨི་ལཱི་ཨ་ལཱི་ཨེ། ཨ་ཁཱ། ཨཱི་ཨེ། ཨ་བྱཱ། ཨི་ཨེ། ཤྭེ་ཏེ། ཤ་ཏ། དུཎྜེ། ཨ་ནུ་རགྟེ་སྭཱ་ཧཱ། དགེ་སློང་དག་
ངའི་དུག་སེལ་ཀྱི་རིག་སྔགས་འདི་ནི་སྦྱིན་པ་ཐམས་ཅད་དཀར་པོ་སྟེ། སུས་རིག་སྔགས་འདི་ལན་གཅིག་ཐོས་པ་དེ་ལ་ལོ་བདུན་གྱི་བར་དུ་སྦྲུལ་མི་ཟའོ། །དེའི་ལུས་ལ་དུག་གིས་མི་ཚུགས་སོ། །སྦྲུལ་གང་ཞིག་དེ་ལ་འཛིན་ན་དེའི་མགོ་ཤིང་ཨརྫ་
ཀའི་དོག་པ་བཞིན་དུ་ཚལ་པ་བདུན་དུ་འགས་སོ། །གསང་སྔགས་གཞི་འདི་དག་སྦྲུལ་གྱི་མདུན་དུ་བརྗོད་པར་མི་བྱའོ། །དེ་ཅིའི་ཕྱིར་ཞེ་ན། སྦྲུལ་དེ་འཆི་བའི་ཕྱིར་རོ། །ཏདྱ་ཐཱ། ཨི་ལ་ལཱ། ཙི་ལ་ལཱ། ཙཀྲ་བྲཀྐོ། ཀཽ་ཌ། ཀོ་ཌེ་ཌི། ཀུ་རུ་ཏ། ཀུ་རུ་ཌ་ཏི། 
པོ་ཌཱ་ཏི། པུ་རུ་དཱ། པུ་རུ་དེ་ཏི། མོ་ཌེ་ཏི། ནི་ཀུ་རུ་ཌེ། ནི་ཀུ་རུ་ཌེ། ནི་མ་མུ་རུ་ཏ། ནི་མ་མུ་རུ་ཌེ་ཏེ། པུ་རུ་དེ། ཕུཏྟ་རེ་ཧ། ཕུཏྟ་ཕུཊྚཊྚྃ་ཌ་ར་ཧེ། ནཱ་ག་རཱ་ཧེ། ན་གཏྟ་ད་ཏཎྜ་ར་ཧེ། སརྦ་ར་ཧེ། སརྦ་ཏཏྟ་ད་ར་ཧ། ཨཙྪི་ཨཙྪི། པུ་རུ་ཊ་ཏ། ཙ་ལ་བི་ཥེ། ཤཱི་ཏེ། ཤཱི་ཏཱ། བན་དྷ་
ལེ། མཱ་ཏཱ་ལེ། ཧ་ལེ་ཧ་ལེ། ཧ་ལ་ཧ་ལ། ཧ་ལ་ལེ། ཨེ་ལ་ལེ། ཀེ་པ་ཙ་ལེ། མི་ལ་ལེ། ཏཎྜི་ཧཎྜི། ཏ་ཊ་ཏ་ཊ། སྥུ་ཊ་སྥུ་ཊ། ཕཊ་ཊ་ཕཊ་ཊ། ཧ་ར་བི་ཤྭ་སྭཱ་ཧཱ། དགེ་སློང་དག་དེ་ལྟར་ན་དུག་སེལ་གྱིས་འབྱུང་པོ་འདུས་པ་ཐམས་ཅད་ལ་རིག་སྔགས་གང་བརྗོད་
ཅིང་བསྙད་པ་དེ་དག་ཐམས་ཅད་ནི་དེ་བཞིན་ནོ། །གཞན་མ་ཡིན་པ་དེ་བཞིན་ནོ། །ཡང་དག་པའོ། །བདེན་པའོ། །མ་ནོར་བའོ། །ཕྱིན་ཅི་མ་ལོག་པའོ། །དུག་འདི་མི་གདུག་པར་གྱུར་ཅིག །སྦྱིན་པར་བྱེད་པའི་གན་དུ་སོང་ཤིག །འཛིན་པའི་གན་དུ་སོང་ཤིག །
མེའི་ནང་དུ་སོང་ཤིག །ཆུའི་ནང་དུ་སོང་ཤིག །ཐང་ལ་སོང་ཤིག །ཀ་བའི་ནང་དུ་སོང་ཤིག །བརྩིག་པའི་ནང་དུ་སོང་ཤིག །ནམ་མཁའ་ལ་སོང་ཤིག །སའི་ནང་དུ་སོང་ཤིག །ཞི་བར་གྱུར་ཅིག་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་
སྩལ་ནས། དགེ་སློང་དེ་དག་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་དུག་སེལ་ཅེས་བྱ་བའི་རིགས་སྔགས་རྫོགས་སྷོ།། །།
97-1-208a


༄༅། །རྒྱ་གར་སྐད་དུ།  ཨཱརྱ་ཧི་ར་ཎྱ་པ་ཏཱི་ནཱ་མ་དྷ་ར་ཎཱི།  བོད་སྐད་དུ།  འཕགས་པ་དབྱིག་དང་ལྡན་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་
པའི་དུས་གཅིག་ན། བཅོམ་ལྡན་འདས་དགའ་ལྡན་ན་ལ་བ་དཀར་པོ་ལྟ་བུའི་རྡོ་ལེབ་ལ་བྱང་ཆུབ་སེམས་དཔའ་སྟོང་ཕྲག་དུ་མ་ཐམས་ཅད་ཀྱང་འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ། སྐྱེ་བ་
གཅིག་གིས་ཐོགས་པ་ཤ་སྟག་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལེགས་པར་གནས་ལ་བཀའ་སྩལ་པ། ལེགས་པར་གནས་བྱང་ཆུབ་སེམས་དཔའ་
སེམས་དཔའ་ཆེན་པོ་གང་དབྱིག་དང་ལྡན་པའི་གཟུངས་འདི་འཛིན་པར་མི་འདོད་པ་དེས། འདས་པ་དང་། མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་རྣམས་མ་མཐོང་ངོ་། །མ་ཐོས་སོ། །མ་མྱོང་ངོ་། །གང་གིས་འདི་ལྟར་དེ་བཞིན་
གཤེགས་པ་རྣམས་མཐོང་བ་དང་། ཐོས་པ་དང་། མྱོང་བ་དེས་གཟུངས་ཐོབ་བོ། །དེ་ཅིའི་ཕྱིར་ཞེ་ན། འདི་ལྟར་ལེགས་པར་གནས་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བདག་གིས་བསོད་ནམས་བྱས་སོ་ཞེས་མི་འཛིན། བདག་གིས་
བསོད་ནམས་མ་ཡིན་པ་དང་། དགེ་བ་དང་། མི་དགེ་བ་བྱས་སོ་ཞེས་མི་འཛིན་ཏོ། །དེ་ཅིའི་ཕྱིར་ཞེ་ན། འདི་ལྟར་ལེགས་པར་གནས་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གཟུངས་འཛིན་པར་མི་རྟོག །རྣམ་པར་མི་རྟོག་གོ། བྱང་ཆུབ་
སེམས་དཔའ་སེམས་དཔའ་ཆེན་པོ་གཟུངས་ཐོབ་པ་ནི་འདས་པ་དང་། མ་འོངས་པ་དང་། ད་ལྟར་བྱུང་བའི་ཆོས་རྣམས་ལ་དངོས་པོར་རམ། མཚན་ཉིད་དུ་མི་རྟོག །ཡོངས་སུ་མི་རྟོག་སྟེ། རྐྱེན་དུ་མ་ཡིན། རྐྱེན་མེད་པར་མ་ཡིན། འགྲོ་བར་མ་ཡིན། 
འགྲོ་བ་མེད་པར་མ་ཡིན། འཆི་འཕོ་བར་མ་ཡིན། སྐྱེ་བར་མ་ཡིན། སྟོང་པར་མ་ཡིན། མི་སྟོང་བར་མ་ཡིན། མཚན་མར་མ་ཡིན། མཚན་མ་མེད་པར་མ་ཡིན། སྨོན་པར་མ་ཡིན། སྨོན་པ་མེད་པར་མ་ཡིན། སྐྱེ་བར་མ་ཡིན། འགག་
97-1-208b


པར་མ་ཡིན་ནོ། །ལེགས་པར་གནས་བྱང་ཆུབ་སེམས་དཔའ་སེམས་དཔའ་ཆེན་པོ་གང་མཐའ་འདིས་སྤྱོད་པ་དེ་ནི་ཡེ་ཤེས་ལ་གནས་པ་ཞེས་བྱའོ། །གང་གི་ཚེ་ཡེ་ཤེས་ལ་གནས་པར་གྱུར་པ་དེའི་ཚེ་མྱ་ངན་ལས་འདས་པ་ཞེས་བྱའོ། །
གང་གི་ཚེ་མྱ་ངན་ལས་འདས་པར་གྱུར་པ་དེའི་ཚེ་དབྱིག་དང་ལྡན་པའི་གཟུངས་ལེན་ཅིང་ཀུན་ཆུབ་པར་བྱེད་ལ་འཛིན་ཏེ། དོན་ནམ་ཚིག་འབྲུ་ཡང་ཡོངས་སུ་ཟད་པར་མི་འགྱུར་རོ། །ཡོངས་སུ་མ་བརྟགས་པའི་ཚུལ་ཁྲིམས་ཅན་ཡང་ཡིན་ཏེ། 
བདེན་པའི་ཚུལ་ཁྲིམས་དང་། རྣམ་པར་དག་པའི་ཚུལ་ཁྲིམས་ཅན་ནོ། །མ་བརྟགས་པའི་ཆོས་ཅན་ཡིན་ཏེ། བདེན་པའི་ཆོས་ཅན་དང་། རྣམ་པར་དག་པའི་ཆོས་ཅན་ནོ། །གཞན་གྱི་དྲིང་ལ་མི་འཇོག་ཅིང་རང་གི་ཆོས་ལ་ཞུགས་སོ། །
སངས་རྒྱས་ལ་ལྷག་པར་བྱ་བ་བྱས་པའོ། །རིག་པའི་ཆོ་ག་ལ་ཞུགས་པའོ། །ལེགས་པར་གནས་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་མི་ཆགས་སོ། །མི་འཆང་ངོ་། །མི་འགྲོལ་འོ། །ལེགས་པར་གནས་གང་གི་ཚེ། 
བྱང་ཆུབ་སེམས་དཔའ་སེམས་དཔའ་ཆེན་པོ་མི་ཆགས། མི་འཆང་། མི་འགྲོལ་བ་དེའི་ཚེ་སངས་རྒྱས་ཀྱི་རིགས་དང་། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་རིག་སྔགས་ཀྱི་མིང་གཞན་
གྱི་གསང་སྔགས་བཞི་རྣམས་ཀྱིས་དབྱིག་དང་ལྡན་པའི་གཟུངས་ཐོབ་བོ། །ཏདྱ་ཐཱ། ཀུ་ཊ་ཀུ་ཊི། ཀུ་ཙཱ་ལ། ཨེ་ལཱ་ཨི་མི་རི་ཏོ། ཀོ་ཐཱ་ལཱ། ཨི་རེ་རི། ཨི་མི་རི་ཎི། ལེགས་པར་གནས་འདི་དག་ནི་འདས་པའི་སངས་རྒྱས་བཅོམ་ལྡན་འདས་
ཀྱི་རིག་སྔགས་ཀྱི་མིང་གཞན་ནོ། །མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་ཀྱི་རིག་སྔགས་ཀྱི་མིང་གཞན་ནོ། །ལེགས་པར་གནས་དབྱིག་དང་ལྡན་པའི་གཟུངས་འདི་ནི་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་
བཅོམ་ལྡན་འདས་རྣམས་ཀྱི་ཡུམ་མོ། །དེ་ཅིའི་ཕྱིར་ཞེ་ན། འདས་པའི་དོན་ལ་མི་གནས། མ་འོང་པ་དང་། ད་ལྟར་བྱུང་བའི་དོན་ལ་མི་གནས་པའི་ཕྱིར་རོ། །ལེགས་པར་གནས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་དབྱིག་དང་
97-1-209a


ལྡན་པའི་གཟུངས་འདི་འཛིན་པ་དེས་སངས་རྒྱས་བཅོམ་ལྡན་འདས་གྲངས་མེད་པ་ལ་མཆོད་པ་དང་། བསྙེན་བཀུར་བྱས་པ་ཡིན་ནོ། །སངས་རྒྱས་བཅོམ་ལྡན་འདས་གྲངས་མེད་པ་དག་གིས་བསྒྲགས་པ་དང་། ཁོང་དུ་ཆུད་པར་བྱས་
པ་ཡིན་ནོ། །སངས་རྒྱས་བཅོམ་ལྡན་འདས་གྲངས་མེད་པ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཡིན་ནོ། །ལེགས་པར་གནས་དབྱིག་དང་ལྡན་པའི་གཟུངས་འདི་འཛིན་པའི་བྱང་ཆུབ་སེམས་
དཔའ་སེམས་དཔའ་ཆེན་པོ་འདི་སྙམ་དུ་བདག་གིས་སངས་རྒྱས་བཅོམ་ལྡན་འདས་གྲངས་མེད་པ་དག་འདི་ལྟ་སྟེ། སངས་རྒྱས་ཀྱི་ཡེ་ཤེས་མཉེས་པར་བྱས། བསྙེན་བཀུར་བྱས། མཆོད་པ་བྱས་སོ། །བསོད་ནམས་གྲངས་མེད་པ་བསྐྱེད་དོ། །
སྙམ་དུ་ཤེས་པར་བྱའོ། །སུ་ཞིག་བསམ་པ་གང་གིས་དབྱིག་དང་ལྡན་པའི་གཟུངས་འདི་འཛིན་པ་དེ་ལ་དེ་ཉེ་བར་གནས་པར་འགྱུར་ཏེ། ཤེས་རབ་འདོད་པ་ལ་ཤེས་རབ་དང་། གཟུངས་འདོད་པ་ལ་གཟུངས་དང་། དབྱིག་འདོད་པ་ལ་དབྱིག་
དང་། ཐོས་པ་འདོད་པ་ལ་ཐོས་པ་ཉེ་བར་གནས་པར་འགྱུར་རོ། །འདིའི་ཆོ་ག་ནི་འདི་ཡིན་ཏེ། ཟླ་བ་ཡར་གྱི་ངོ་ལ་ཉི་མ་ཤར་ཀར་འབྲས་སཱ་ལུའི་ཆན་དང་འོ་མར་སྤགས་ཏེ་བཟའོ། །སངས་རྒྱས་ཀྱི་རིག་སྔགས་འདི་དག་དང་། སངས་རྒྱས་བཅོམ་ལྡན་
འདས་རྣམས་ཀྱི་རིག་སྔགས་ཀྱི་མིང་གཞན་དག་རྒྱུན་དུ་ཡིད་ལ་བྱའོ། །འོན་ཀྱང་གསང་སྔགས་བཞི་དག་གི་མཐུ་གང་དག་གང་གཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་དག་ན་འཁོད་པའི་ལྷ་མ་ཡིན་ནམ། ནམ་མཁའ་ལྡིང་ངམ། མི་འམ་
ཅི་འམ། ལྟོ་འཕྱེ་ཆེན་པོ་འམ། གནོད་སྦྱིན་ནམ། ཡི་དགས་སམ། གྲུལ་བུམ་འམ། ཤ་ཟ་འམ། མི་འམ། མི་མ་ཡིན་པ་དེ་དག་ལ་སེམས་དགའ་བར་འགྱུར་རོ། །བར་ཆད་བྱེད་པར་མི་འགྱུར། རྟག་ཏུ་ཡོངས་སུ་བཟུང་བར་འགྱུར། བྱང་ཆུབ་
སེམས་དཔའ་སེམས་དཔའ་ཆེན་པོ་དགའ་བཟང་དང་། ཡངས་པ་ཆེན་པོ་དང་། ལག་ན་རྡོ་རྗེ་དང་། ཡོངས་སུ་དགའ་ལྡན་དང་། རི་དབེན་པ་ལ་གནས་པ་དང་། གངས་རི་ལ་གནས་པས་ཀྱང་ཡོངས་སུ་བཟུང་བར་འགྱུར་རོ། །འོག་མིན་གྱི་བར་གྱི་
97-1-209b


བྱང་ཆུབ་སེམས་དཔའ་དེ་དག་གིས་ཀྱང་འདི་ལྟ་སྟེ། དབྱིག་དང་ལྡན་པའི་གཟུངས་ཀྱི་མཐུས་འཇིགས་པ་འམ། དགོན་པར་དེ་ལ་བྱིན་གྱིས་རློབ་པར་འགྱུར། དེ་ལ་མི་འཇིགས་པ་སྦྱིན་པར་འགྱུརོ། །བཅོམ་ལྡན་འདས་ཀྱིས་དགའ་ལྡན་ན་ལ་བ་
དཀར་པོ་ལྟ་བུའི་རྡོ་ལེབ་ལ་བཞུགས་ཤིང་། དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་ལེགས་པར་གནས་དང་། བྱང་ཆུབ་སེམས་དཔའ་སྟོང་ཕྲག་དུ་མ་དེ་དག་ཡི་རངས་ཏེ། བཅོམ་ལྡན་འདས་ཀྱིས་
གསུངས་པ་ལ་མངོན་པར་བསྟོད་དོ། །འཕགས་པ་དབྱིག་དང་ལྡན་པ་ཞེས་བྱ་བའི་གཟུངས་རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་
བཅོས་ནས་གཏན་ལ་ཕབ་པ། ༄༅། །རྒྱ་གར་སྐད་དུ།  ཨཱརྱ་ཡ་ཤོ་བ་ཏཱི་དྷཱ་ར་ཎཱི།  བོད་སྐད་དུ།  འཕགས་པ་གྲགས་ལྡན་མའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་
ལ་ཕྱག་འཚལ་ལོ། །ན་མོ་རཏྣ་ཏྲ་ཡཱ་ཡ། ན་མ་ཨཱ་རྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། ཏདྱ་ཐཱ། ཛྭ་རེ་མ་ཧཱ་ཛྭ་རེ། དུ་ཁེ་མུཀྟི་སུ་སྃ་པནྣེ། མ་ཧཱ་སྃ་པནྣེ། སྃ་པཏྟི། མ་ཧཱ་སྃ་པཏྟི། ཀ་སེ་མ་ཧཱ་ཀ་སེ། ཀཙྪ་ཛྭ་ར་མུགྟེ་སི་
སྭཱ་ཧཱ། སྐུད་པ་འམ་ཆུ་ལ་ལན་གསུམ་སྔགས་ན་རིམས་ལས་ཐར་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏི་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཙི་ལི་ཙི་ལི། མི་ལི་མི་ལི། རཀྵ་རཀྵ་མཱྃ། ཨཱརྱཱ་བ་ལོ་ཀི་ཏེ་ཤྭ་ར་
སྭཱ་ཧཱ། གདོན་ཐམས་ཅད་ལ་ཚོན་སྣ་ལྔའི་སྐུད་པ་འམ་སྐུད་པ་དམར་པོ་ལ་ལན་གསུམ་དུ་སྔགས་ཏེ་མདུད་པ་གསུམ་བོར་ལ་བཅིངས་ན་བར་དུ་གཅོད་པ་ཞི་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་
ཡ། མ་ཧཱ་ས་ཏྭཱ་ཡ། ཏདྱ་ཐཱ། ཀི་ལི་ཀི་ལི། ཙི་ལི་ཙི་ལི། ནི་གི་ལེ་སྭཱ་ཧཱ། འབྲུ་མར་ལ་ལན་གསུམ་སྔགས་ཏེ་བསྐུས་ན་སྐྲན་འཚོའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། 
97-1-210a


ཏདྱ་ཐཱ། ས་རེ་ས་རེ། བི་ས་རེ། བི་ས་རེ། ས་ར་ནཱ་ཤ་ནི་སྭཱ་ཧཱ། ཤི་བའི་རྣ་བར་ལན་གསུམ་བཟླས་ན་སོས་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། ཏདྱ་ཐཱ། ནི་སི་རེ་ནི་སི་རེ། ཀ་ལ་མི་མི་རེ། 
ཀ་ལ་རི་ཙི་རི། བ་ཙི་ལེ་སྭཱ་ཧཱ། ལྦ་བ་དང་། ལྐོག་མའི་ལྷ་གོར་ན་བ་དང་། ལྕེ་ཀྱི་བ་ན་བ་དང་། གདོན་ནད་ཐམས་ཅད་ལ་འཇི་བྃ་ལ་ལན་གསུམ་དུ་སྔགས་ཏེ་བསྐུས་ན་ཕན་ནོ། །ན་མོ་རཏ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བཛྲ་པཱ་ཎི་དྷྱ་མ། 
ༀ་ཨོ་ཀྲཱ་རཱ་པྲ་བྷ་བེ། བྷ་ག་བ་ཏི་བུདྷེ། པྲ་ཏི་བུདྷེ། ཤུདྷེ་ཤཱནྟི་ཀ་རི། ཧ་ན་ཧ་ན། མ་མ་པཱ་པ་མ། ད་ཧ་ད་ཧ། མ་མ་པཱ་པ་དྃ། པ་ཙ་པ་ཙ་མ་མ་པཱ་པ་ཀཾ། ཨོཾ་ཨོ་ཌེ། གྲ་ས་གྲ་ས། རི་ཏེ་ཌེ་རི་ཏེ་ཌེ། ཤཱནྟྃ་ཀ་རཱི་ཡེ་སྭཱ་ཧཱ། ཤུ་བྷ་ཀ་རཱི་ཡ་སྭཱ་ཧཱ། ཀྵེ་མ་ཀ་རི་
ཡ་སྭཱ་ཧཱ། རིམས་ནད་ཀྱིས་བཏབ་པ་ལ་བྱབ་པ་བྱས་ན་རིམས་ནད་སོས་པར་འགྱུར་རོ། །སྨན་ལ་སྔགས་ཀྱིས་བཏབ་སྟེ་བླུད་ན་ནད་པ་སོས་པར་འགྱུར་རོ། །ཟས་ལ་སྔགས་ཀྱིས་བཏབ་སྟེ་ཟོས་ན་དུག་མི་གནོད་པར་འགྱུར་རོ། །
འབྱུང་པོའི་གདོན་གྱིས་ཟིན་པ་རྣམས་ལ་བུ་མོས་བཀལ་བའི་སྐུད་པ་ལ་ལན་ཉི་ཤུ་རྩ་གཅིག་སྔགས་ཏེ་བཅིངས་ན་ཐར་བར་འགྱུར་རོ། །འཕགས་པ་གྲགས་ལྡན་མའི་གཟུངས་རྫོགས་སྷོ།། །།
༄༅། །རྒྱ་གར་སྐད་དུ།  ཨཱརྱཱ་ཛ་ཡ་བ་ཏཱི་ནཱ་མ་མ་ཧཱ་བིདྱཱ་རཱ་ཛཱ།  བོད་སྐད་དུ།  འཕགས་པ་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ལུས་འཕགས་རི་ལ་བཞུགས་ཏེ། དེའི་ཚེ་འབྱུང་པོ་རྣམས་འཁྲུག་པར་གྱུར་ནས། མ་དད་པའི་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ནམ་མཁའ་
ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། སྲུལ་པོ་དང་། ལུས་སྲུལ་པོ་དང་། གྲུལ་བུམ་རྣམས་འཁྲུགས་ཤིང་ཁྲོས་ཏེ། དགེ་སློང་རྣམས་དང་། དགེ་སློང་མ་རྣམས་དང་། དགེ་བསྙེན་མ་རྣམས་དང་། དགེ་བསྙེན་མ་རྣམས་གང་དག་སངས་རྒྱས་
97-1-210b


དང་། ཆོས་དང་། དགེ་འདུན་ལ་མངོན་པར་དད་པ་དེ་དག་ལ་གནོད་པར་བྱེད་དེ་དེའི་ཚེ་ཀུ་ཆོའི་སྒྲ་ཆེན་པོ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཐུགས་རྗེ་ཆེན་པོའི་ཤུགས་ཀྱིས་ཡང་དག་པར་ཟིན་ནས་ཕྱོགས་བཞིར་རྣམ་པར་
གཟིགས་ན། ཕྱོགས་བཞི་ནས་གློག་ལས་སེར་བ་དང་། ཆར་ཆེར་འབབ་པ་དང་། སྐར་མདའ་ལྟུང་བ་འོང་བ་གཟིགས་སོ། །གཟིགས་ནས་ཀྱང་རྡོ་རྗེ་འཆང་ལ་བརྡ་མཛད་དོ། །དེ་ནས་རྡོ་རྗེ་འཆང་གཏུམ་པོ་ཁྲོས་ཏེ། སྟན་
ལས་ལངས་ནས་ཤར་ཕྱོགས་སུ་རྡོ་རྗེ་འབར་བ་སྟོང་མངོན་པར་སྤྲུལ་ཏེ་འདི་སྐད་ཅེས་གསོལ་ཏོ། །འབྱུང་པོའི་ཚོགས་ང་ལ་ཉོན་ཅིག །སངས་རྒྱས་བཅོམ་ལྡན་འདས་ཐམས་ཅད་ཀྱི་སྤྱན་སྔར་བདེན་པའི་བྱིན་གྱི་བརླབས་
འདི་བྱའོ། །ད་ལྟར་དང་མ་འོངས་པའི་དུས་ན་འབྱུང་པོ་གཏུམ་པོ་མི་རྣམས་ལ་རྣམ་པར་འཚེ་བ་དང་། ལོ་ཏོག་དག་ཀྱང་མ་རུངས་པར་བྱེད་པ་གང་དག་འབྱུང་བ་དེ་དག་གི་དོན་གྱི་ཕྱིར་ངས་རིག་པའི་གསང་སྔགས་ཀྱི་གཞི་རྣམས་
བརྗོད་པར་བྱའོ། །ཏདྱ་ཐཱ། གི་རི་གི་རི་བཛྲ། ཧ་ལ་ཧ་ལ་བཛྲ། ཛྭ་ལ་ཛྭ་ལ་བཛྲ། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། སརྦ་བྷཱུ་ཏཱ་ནཱྃ། བྷྲཱ་མ་ཡ་བྷྲཱ་མ་ཡ། བྷོ་བྷོ་བཛྲ་དྷ་ར་བཛྲི་ཎ། པཱ་ཏ་ཡ་པཱ་ཏ་ཡ། ཤཱི་གྷྲྃ་ཤཱི་གྷྲྃ། 
མ་ཐ་མ་ཐ། པྲ་མ་ཐ་པྲ་མ་ཐ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཛྭ་ལ་ཡ། ནཱ་ག་བྷ་བཱ་ནཱྃ་བན་དྷ་བནྡྷ། ཏིཥྛ་ཏིཥྛ། ཤར་ཕྱོགས་བཅིང་བར་བྱའོ། །རྡོ་རྗེ་སྙིང་པོ་འདི་བྱིན་གྱིས་བརླབ་པར་བྱའོ། །སུ་ཞིག་གསང་སྔགས་གཞི་འདི་དག་ལས་འགལ་
བར་བྱེད་པའི་མགོ་བོ་འགས་པར་འགྱུར་རོ། །སྙིང་འགས་པར་འགྱུར་རོ། །སྙིང་འགྲུམ་པར་འགྱུར་རོ། །བཛྲ་ཡ་སྭཱ་ཧཱ། མ་ཧཱ་བཛྲ་ཡ་སྭཱ་ཧཱ། བཛྲ་བྷཻ་ར་བཱ་ཡ་སྭཱ་ཧཱ། ཨ་པྲ་ཏི་ཧ་ཏ་བ་ལ་པཱ་རཱ་གྲ་མོ་བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། དེ་ནས་རྡོ་རྗེ་
ཁྲོ་བོ་སྟན་ལས་ལངས་ཏེ་ལྷོ་ཕྱོགསུ་རྣམ་པར་བལྟས་ནས་ཁྲོས་ཏེ། གསང་བའི་བདག་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་བའི་བདག་པོ་དེང་ཉིད་ལྷོ་ཕྱོགས་ཀྱི་ཀླུ་ཐམས་ཅད་ཐལ་བར་བརླག་གོ། ལུས་སྲུལ་པོ་
97-1-211a


ཐམས་ཅད་ཀྱི་བར་གྱི་གནས་རྣམས་འབར་བར་བྱའོ། །ཀླུ་ཐམས་ཅད་ཀྱི་གནས་རྣམས་དཀྲུག་པར་བྱའོ། །ཡང་སྨྲས་པ། གསང་བའི་བདག་པོ་བདག་གི་རྡོ་རྗེ་ལྷ་མ་ཡིན་དང་། ཀླུ་ཐམས་ཅད་ནས་ལུས་སྲུལ་པོའི་བར་ཐམས་ཅད་དང་། 
མི་དང་མི་མ་ཡིན་པའི་བར་ཐམས་ཅད་རྨུགས་པར་བྱེད་པའི་རྡོ་རྗེ། རེངས་པར་བྱེད་པའི་རྡོ་རྗེ། རྨོངས་པར་བྱེད་པའི་རྡོ་རྗེ། ལྕེ་འབབ་པར་བྱེད་པའི་རྡོ་རྗེ། མགོ་འགེམས་པར་བྱེད་པའི་རྡོ་རྗེ། སྙིང་འགས་པར་བྱེད་པའི་རྡོ་རྗེ། འདི་ལྷོ་ཕྱོགས་སུ་གཞག་
པར་བྱ་སྟེ། ད་ལྟར་བྱུང་བ་དང་། མ་འོངས་པའི་དུས་ན་ཀླུ་གནོད་པར་སེམས་པ་རྣམས་འདུལ་བར་འགྱུར་རོ། །ཏདྱ་ཐཱ། ས་ར་ས་ར། བི་ས་ར་བི་ས་ར། ཨཱ་བརྡྡྷཱ་ཡ། སྃ་གོ་ཙ་ལ། ཧཱུྃ་ཧཱུྃ་ཧཱུྃ། དྷོ་ན་དྷོ་ན་དྷོ་ན། དྷུ་ན་དྷུ་ན་དྷུ་ན། བནྡྷ་བནྡྷ་བནྡྷ། སརྦ་
པཱ་ཤེ་ན་མོ་ཧ་ཡ། ཛམྦྷ་ཡ། སྟམྦྷ་ཡ། ཧ་ས་ཧ་ས་ཧ་ས། སནྟྲཱ་ས་ཡ། སརྦ་དུཥྚྲ་ནཱྃ། བཛྲ་དྷ་ར། ཨཱ་ཛྙཱ་པ་ཡ་ཏི་སྭཱ་ཧཱ། དེ་ནས་རྡོ་རྗེ་ཕོ་ཉ་མོས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་བ་པའི་བདག་པོ་ད་ལྟར་དང་མ་འོངས་པའི་དུས་
ན་གང་དག་གསང་སྔགས་གཞི་འདི་དག་ལས་འགལ་བར་བགྱིད་ན་བདག་གིས་ཀྱང་ནུབ་ཕྱོགས་ཀྱི་ཀླུ་ཐམས་ཅད་ནས་ལུས་སྲུལ་པོའི་བར་ཐམས་ཅད་ཀྱི་གནས་རྣམས་རྣམ་པར་གཏོར་རོ། །སྙིང་རྣམས་དགྲུམ་མོ། །ཏདྱ་ཐཱ། ཀི་ལི་
ཀི་ལི། མི་ལི་མི་ལི། ཏྲ་ཊ་ཏྲ་ཊ། བྷ་ཊ་བྷ་ཊ། སྤོ་ཊ་ཡ་སྤོ་ཊ་ཡ། ཛྭ་ལ་ཡ་ཛྭ་ལ་ཡ། དཱུ་ཏེ་ད་ཡྃ། ཤོ་ཥཱ་ཡ། གང་ཞིག་གསང་སྔགས་གཞི་འདི་དག་ལས་འགལ་བར་བྱེད་ན། ཀྱེ་མདུང་རྩེ་གསུམ་པ་འབར་བ་འདིས་དེའི་སྙིང་ལ་མེ་ལྕེ་འབར་
བར་བྱེད་དོ། །ཧཱུྃ་ཧཱུྃ་ཧཱུྃ། བཛྲ་དྷ་རེ་བཛྲེ་ན། བྷཉྫ་བྷཉྫ། བནྡྷ་བནྡྷ། ཏིཥྛ་ཏིཥྛ། བཛྲ་དུ་ཏི། རཱ་ཛྙ་པ་ཡ་ཏི་སྭཱ་ཧཱ། དེ་ནས་ལྷ་མོ་ཆེན་པོ་རྡོ་རྗེ་ལུ་གུ་རྒྱུད་གཡོག་ཉི་ཁྲི་དང་བཅས་པ་སྟན་ལས་ལངས་ནས་བྱང་ཕྱོགས་སུ་རྣམ་པར་བལྟས་ཏེ། གསང་
བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་བ་པའི་བདག་པོ་གཡོག་ཉི་ཁྲི་དང་ལྡན་པ་དག་གིས་ཀྱང་བྱང་ཕྱོགས་ཀྱི་ཀླུ་གནོད་པར་སེཾས་དཔའ་ནས་ལུས་སྲུལ་པོ་གནོད་པར་སེམས་པའི་བར་དག་ལ་བཟློག་པར་བགྱིད་དོ། །
97-1-211b


ད་ལྟར་དང་། མ་འོངས་པའི་དུས་ན་གང་དག་སེམས་ཅན་རྣམས་ལ་རྣམ་པར་འཚེ་བ་དང་། ལོ་ཏོག་ཀྱང་མ་རུངས་པར་བགྱིད་དེ་དག་གི་དོན་གྱི་སླད་དུ་གསང་སྔགས་གཞི་མི་ཟད་པ་དག་ཀྱང་བརྗོད་པར་བགྱིའོ། །ཏདྱ་ཐཱ། ཧི་ལི་ཧི་ལི། མི་ལི་མི་ལི། 
ཙི་ལི་ཙི་ལི། དྷ་ག་དྷ་ག །དྷཱུ་མ་དྷཱུ་མ། དྷུ་ན་དྷུ་ན། མ་ཐ་མ་ཐ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ནཱ་ཤ་ཡ་ནཱ་ཤ་ཡ། ཧ་ཧ་ཧ་ཧ། བཛྲ་དུ་ཏི་མོ་ཧ་ཡ། ཛམྦྷ་ཡ། སྟམྦྷ་ཡ། སརྦ་ནཱ་གཱ་ནཱྃ། སརྦ་ཨ་ཧི་ཏེ་ཥ་ཎོ། བཛྲ་ཎི་བུདྡྷ་མཻ་ཏྲཻ། བྷརྨ་སཏྱེ་ན། 
ཨིནྡྲ་སཏྱེ་ན། ཨིནྡྲ་བ་ལེ་ན། ལོ་ཀ་པཱ་ལ། པྲ་བྷ་བེ་ན། ཛྃ་བྷ་ཡཱ་མི། སརྦ་ནཱ་གཱ་ནཱྃ་སྟམྦྷ་ཡཱ་མི། སརྦ་ཨི་ཧ་ཏེ་ཥི་ཎོ། བ་རུ་ན་པཱ་ཤེ་ན། བནྡྷ་ཡཱ་མི། སརྦ་ནཱ་གཱྃ་ནཱ་ཨིནྡྲ་ཙི་ལེ་ནཱྃ། སརྦ་ཨ་ཧི་ཧེ་ཥི་ཎ་ཚ་ག་ལི་ཀ་རོ་མི། ཀ་ར་ཀ་ར། 
ཀི་རི་ཀི་རི། ཀུ་རུ་ཀུ་རུ། བཛྲ་ཤྃ་ཀ་ལེ་སྭཱ་ཧཱ། བའི་ལྕི་བས་དཀྱིལ་འཁོར་བསྐུས་ཏེ། མེ་ཏོག་བཀྲམ་ལ། ཨ་ཀ་རུ་དང་། ཙན་དན་གྱི་བདུག་པས་བདུགས་ཏེ། ཁ་ཤར་ཕྱོགས་སུ་བལྟས་ལ་བཟླས་བརྗོད་བརྒྱད་སྟོང་བྱའོ། །དེ་ལྟར་
འགྲུབ་པར་འགྱུར་ཏེ་དེའི་འོག་ཏུ་ལས་གང་འདོད་པ་དེ་བྱའོ། །སྐུད་པ་ནག་པོས་ནི་རིམས་ནད་སེལ་ཏོ། །ཤིངྐ་ར་བི་རའི་ལྕུག་མས་ནི་སྤྲིན་བཟློག་གོ། ཆུའི་ནང་དུ་འདུག་ན་ནི་དྲན་པར་བྱའོ། །གཅན་ཟན་ཁྲོ་བོའི་ནང་ན་འདུག་ན་ནི་གོས་
ཀྱི་མཐའ་མ་མདུད་པ་བོར་རོ། །ལྟོ་སྦོས་ན་ནི་ཚ་ཆུས་ཞི་བར་བྱེད་དོ། །སོ་ན་བ་ལ་སྐུད་པས་ཞི་བར་བྱེད་དོ། །སྣ་མའི་མེ་ཏོག་བརྒྱད་བརྒྱ་མེ་ཏོག་རེ་རེ་ནས་བཅོམ་ལྡན་འདས་ཀྱི་ཞབས་ལ་གཏོར་ཏོ། །ཉི་མ་བདུན་ན་དེ་བཞིན་གཤེགས་པ་མཐོང་
བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨ་པྲ་ཏི་ཧ་ཏ་པ་ལ་པཱ་རཱ་ཀྲཱ་མ་ཡེ། ན་མཿསརྦ་བཛྲ་ཀུ་ལ་བིདྱཱ། དེ་ནས་གསང་བ་པའི་བདག་པོ་ལག་ན་རྡོ་རྗེའི་རིགས་ལྔ་བརྒྱས་ཡོངས་སུ་
བསྐོར་ཞིང་མདུན་དུ་བདར་ནས་བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
97-1-212a


སེམས་ཅན་ཐམས་ཅད་ལ་ཐུགས་བརྩེ་བ་ཉེ་བར་བཟུང་སྟེ། སེམས་ཅན་ཐམས་ཅད་ལ་སྨན་པའི་དོན་དང་། མིའི་རྒྱལ་པོ་རྣམས་ལ་སྨན་པ་དང་། བདེ་བར་བགྱི་བའི་སླད་དུ་དེ་བཞིན་གཤེགས་པས་རིག་སྔགས་ཀྱི་རྒྱལ་མོ་རྒྱལ་བ་ཅན་
ཞེས་བགྱི་བ་འདི་བཀའ་སྩལ་དུ་གསོལ། དེ་ནས་བཅོམ་ལྡན་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་ཐུགས་བརྩེ་བ་ཉེ་བར་བཟུང་སྟེ། རིག་སྔགས་ཀྱི་རྒྱལ་མོ་རྒྱལ་བ་ཅན་འདི་བཀའ་སྩལ་ཏོ། ། ལག་ན་རྡོ་རྗེ་རིག་སྔགས་ཀྱི་རྒྱལ་མོ་རྒྱལ་བ་
ཅན་འདི་ནི་སངས་རྒྱས་བྱེ་བ་ཕྲག་ཁྲིག་བརྒྱ་སྟོང་ཕྲག་དུ་མས་གསུངས་ཤིང་བྱིན་གྱིས་བརླབས་པ་སྟེ། ངས་ཀྱང་ད་ཐུགས་བརྩེ་བ་ཉེ་བར་བཟུང་ནས་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བར་བྱ་བའི་ཕྱིར་བཤད་ཀྱིས་ཁྱོད་
ཀྱིས་ཟུང་ཤིག །ཏདྱ་ཐཱ། ཛ་ཡེ་ཛ་ཡེ་ཛ་ཡེ། མ་ཧཱ་ཛ་ཡེ། ཛ་ཡ་བཱ་ཧ་ནི་ཡེ་བུདྡྷ་ཨ་དྷེ་ཥྛི་ཏེ། དྷརྨ་ཨ་བ་བྷཱ་ས་ནི། བུདྷ་ཨ་དྷི་ག་མེ་ཛྙཱ་ཨ་བ་བྷ་སེ་སྭཱཧཱ། ལག་ན་རྡོ་རྗེ་འདི་དག་ནི་དེ་བཞིན་གཤེགས་པའི་སྤྱི་བོ་ནས་དབང་བསྐུར་
བའི་གསང་སྔགས་ཀྱི་གཞི་རྣམས་ཏེ། ལག་ན་རྡོ་རྗེ་དེ་བཞིན་གཤེགས་པས་སྤྱི་བོས་ནས་དབང་བསྐུར་བའི་གསང་སྔགས་གཞི་འདི་དག་གང་གི་ལུས་ལ་ཡོད་པ་དང་། གླེག་བམ་ལ་ཡོད་པར་གྱུར་པ་དེའི་ལུས་ལ་ཕྱིར་རྒོལ་
བ་རྣམས་ཀྱི་དཔག་ཚད་བརྒྱ་ཚུན་ཆད་གནོད་པར་བྱར་མི་ཆུད་དོ། །མཚོན་དང་། དུག་དང་། དབྱིག་དུག་དང་། བྱད་ཀྱིས་མི་ཚུགསོ། །མིའི་བདག་པོ་དབང་པོ་དེའི་ཡུལ་དེར་ཕ་རོལ་གྱི་དམག་ཚོགས་མི་འོང་ངོ་། །ཡུལ་འཁོར་དེར་ཕྱིར་
རྒོལ་བའི་དཔུང་གིས་མི་ཆུད་པར་འགྱུར་རོ། །ལག་ན་རྡོ་རྗེ་རིགས་ཀྱི་བུ་གང་ལ་ལ་ཞིག་གིས་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ཡི་གེར་བྲིས་ཏེ་འཆང་བ་དེ་ཇི་སྲིད་འཚོ་བའི་བར་དུ་དེའི་ལུས་ལ་དུག་དང་། 
མཚོན་དང་། ཆུ་དང་། དབྱིག་དུག་དང་། སྦྱར་བ་ལས་བྱུང་བའི་དུག་གཞན་གྱིས་ཀྱང་མི་ཚུགས་སོ། །དགྲའི་འཇིགས་པ་མི་འབྱུང་ངོ་། །དེ་ལ་རྣམ་པར་འཚེ་བ་དང་། མཐོ་འཚམ་པ་མི་འབྱུང་ངོ་། །རྒྱལ་པོའི་འཇིགས་པ་དང་། ཆོམ་རྐུན་
97-1-212b


གྱི་འཇིགས་པ་མི་འབྱུང་ངོ་། །གཡུལ་ངོར་ཞུགས་ན་ཡང་ལུས་ལ་མཚོན་གྱིས་མི་ཕོག་གོ། ཐམས་ཅད་དུ་རྒྱལ་བ་སྨྲ་བར་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདིའི་གཟི་བརྗིད་དང་། མཐུ་དང་། བྱིན་གྱི་བརླབས་ཀྱིས་
ཐོགས་པ་མེད་ཅིང་མ་སྨད་མ་སྨས་པར་རྒྱལ་བར་འགྱུར་རོ། །ཏདྱ་ཐཱ། ཛ་ཡེ་ཛ་ཡེ་ཛ་ཡེ། མ་ཧཱ་ཛ་ཡེ། ཛ་ཡོཏྟ་མེ། དྷརྨ་ཨ་བ་བྷཱ་ས་ནི། བུདྡྷ་བུདྡྷ། དྷ་ར་དྷ་ར། བོ་དྷ་ནི་བོ་དྷ་ནི། ཏ་ཐཱ་ག་ཏ་ཨ་དྷིཥྛི་ཏེ། ཨ་བ་རོ་ཧ་ཎི། ཨ་བ་རོ་ཧ་ཎི། ཨཱ་བ་ཨཱ་བ་རོ་པྱ་
ནི། ཛ་ཡ་ཀུ་སུ་མེ། སྭཱ་རེ་སྭཱ་ར་བ་ཏི། དྲིཌྡྷེ་དྲིཌྡྷེ་དྲིཌྡྷེ། དྲཌྡྷ་པཱ་ཤ་ནི་དཏྟ། ཨོ་ཧ་ནི། མོ་ཧ་ནི། ཛམྦྷ་ནི། སྟམྦྷི་ནི། ཛམྦྷི་ནི། སྟམྦྷི་ནི། མོ་ཧི་ནི། སརྦ་ཧེ་ཧེེ་ཤི་ནན། ན་མོ་བྷ་ག་བ་ཏི། བུདྡྷ་སྱ་མ་ཧཱ་ཀཱ་རུ་ཎ། བི་ཧཱ་རི་ནི། སིདྡྷྱནྟུ། མནྟྲ་པཱ་ད་ནི་སྭཱ་ཧཱ། དེ་ནས་
བཅོམ་ལྡན་འདས་ལ་གསང་བའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་ཀྱི་མཐུ་དང་། སངས་རྒྱས་ཀྱི་བྱིན་གྱི་བརླབས་དང་། བདག་གིས་ཀྱང་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་
གྱི་གཟུངས་ཀྱི་གསང་སྔགས་ཀྱི་གཞི་རྣམས་བརྗོད་པར་བགྱིའོ། །ཏདྱ་ཐཱ། ཛ་ཡ་ཛ་ཡ་ཛ་ཡ། པ་ཊ་པ་ཊ་པ་ཊ། ཛྭ་ལ་ཛྭ་ལ་ཛྭ་ལ། བཛྲི་ཎི། པྲ་ཧ་ར་པྲ་ཧ་ར། དྷ་ར་དྷ་ར་དྷ་ར། ཧ་ར་ཧ་ར་ཧ་ར། བྷར། བྷར། བྷར་བྷར། ཏ་ར་ཏ་ར། ཛ་ཡ་
ཀུ་སུ་མེ། བ་ལ་བ་ལ། ཙཀྲ་ཙཀྲ། པཱི་ཌ་ཡ་པཱི་ཌ་ཡ། ཨ་ཀྲ་མ་ཨ་ཀྲ་མ། བི་ཀྲ་མི། ཨ་ཙ་ལེ། མ་ཙ་ལེ། ཁ་ག་ཙཱ་རི་ནི། ནི་ལས་ས་ནི། བཛྲ་པྲ་ཧ་ར་ནི། བཛྲ་སམྦྷ་བེ། བཛྲ་ཀཱ་ལི། བུདྡྷ་ཨ་དྷིཥྛི་ཏི། བུདྷ་རཤྨི། མ་ཧཱ་པྲ་བྷ་བེ་ཨུཙྪ་སྐནྡྷེ། 
མ་ཧཱ་ཏི་ཙ་བ་ཏི། ཨ་ལེ་པ་ཙ་ལེ། དྷུ་ན་དྷུ་ན་དྷུ་ན། ཀང་ཀ་ཀང་ཀ་རེ། ཀ་སི་ནི་ས་མ་ཧེ་ཏེ་དྷརྨ་ཨ་བ་བྷཱ་ས་ནི། ཙ་ར་ཙ་ར་ཙ་ར། གྷུ་གྷུ་དེ། བཛྲ་མཱ་ལཱ་དྷ་རི། ས་ར་ས་ར་ས་ར། ཀཱ་ལཱ་ཙཱ་ར་ཎི་སྭཱ་ཧཱ། བཅོམ་ལྡན་འདས་གཟུངས་ཀྱི་གསང་སྔག་ཀྱི་གཞི་འདི་
དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་པ་ལགས་ཏེ། གང་དག་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ལས་འགལ་བར་བགྱིད་པ་དེ་དག་ཐམས་ཅད་ནི་སངས་རྒྱས་བཅོམ་ལྡན་འདས་རྣམས་ལ་འཁུ་བ་ལགསོ། །
97-1-213a


འདི་ལྟ་སྟེ། ལྷ་འམ། ཀླུ་འམ། གནོད་སྦྱིན་ནམ། སྲིན་པོ་འམ། ཡི་དགས་སམ། ཤ་ཟ་འམ། གྲུལ་བུམ་འམ། གྲིབ་གནོན་ནམ། བརྗེད་བྱེད་དམ། གཤེད་བྱེད་དམ། བྱད་དམ། རོ་ལངས་སམ། བཀྲ་མི་ཤིས་པ་
འམ། མ་མོའི་གདོན་ནམ། གོང་དུ་ཡང་གདོན་གཞན་ནམ། སྐེམ་བྱེད་ཀྱི་གདོན་ནམ། གཤིན་རྗེའི་གདོན་ཡང་རུང་སྟེ། དེ་དག་ཐམས་ཅད་རྨུགས་པ་དང་། རེངས་པ་དང་། རྨོངས་པར་གྱུར་ཅིག །ཏདྱ་ཐཱ། བཛྲེ་བཛྲེ་བཛྲེ། ཧ་
ན་བཛྲེ། ན་ཧི་ན་བཛྲ། ཁཱ་ད་ཁཱ་ད། ཁཱ་ད་བཛྲེ་ཎི་སྥཱ་ཊ་ཡ། སྥཱ་ཊ་ཡ། བཛྲེ་ཎ་ཨེ་ཊྃ་གྲ་ཧ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། གྲ་ས་གྲ་ས་གྲ་ས། པཱ་ཏ་ཡ་པཱ་ཏ་ཡ་པཱ་ཏ་ཡ། དྷ་མེ། དྷ་དྷ་མེ། དྷུ་དྷུ་མེ། འཇིགས་པ་དང་། གནོད་པ་ཐམས་ཅད་དང་། 
གཡུལ་འགྱེད་པ་དང་། ཁྲག་ཁྲུག་དང་། འཐབ་པ་དང་། ཐབ་མོ་དང་། རྩོད་པ་དང་། འགྱེད་པ་ཐམས་ཅད་ལས་བདག་ལ་སྲུངས་ཤིག །སྲུངས་ཤིག །རྒྱལ་བར་མཛད་མ་རྒྱལ་བར་མཛོད་ཅིག །ཏ་ར་ཏ་ར་ཏ་ར། མ་ཧཱ་བ་ཏ་ར་ཎེ། 
ཀུ་ཊེ་ཀུ་ཊེ། མུ་ཀུ་ཏེ། བཛྲ་ཀུ་ཏེ་སྭཱ་ཧཱ། དེ་ནས་བཅོམ་ལྡན་འདས་ཀྱི་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། ལག་ན་རྡོ་རྗེ་ལེགས་སོ་ལེགས་སོ། །སེམས་ཅན་ཐམས་ཅད་ཀྱི་དོན་དང་། 
ཕན་པ་དང་། བདེ་བར་བྱ་བ་དང་། སྙིང་བརྩེ་བའི་ཕྱིར་ཞུགས་ཏེ། རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་སྨྲས་པ་ནི་སེམས་ཅན་ཆེན་པོ་ལག་ན་རྡོ་རྗེ་ཁྱོད་ཡང་ལེགསོ། །ལག་ན་རྡོ་རྗེ་རིག་སྔགས་ཀྱི་རྒྱལ་མོ་ཆེན་མོ་རྒྱལ་
བ་ཅན་འདི་སུའི་ལག་ན་ཡོད་པ་དང་། ལུས་ལ་ཡོད་པ་དང་། གླེགས་བམ་ལ་ཡོད་པ་དང་། གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། རྒྱལ་པོའི་ཕོ་བྲང་ངམ། གཙུག་ལག་ཁང་ངམ། གནས་ཁང་ངམ། འཆག་སའམ། 
དགོན་པའི་གནས་ན་ཡོད་པ་དེར་རྒྱལ་པོ་ཆེན་པོ་རྣཾས་ཐོས་ཀྱི་བུ་ཚོགས་ཀྱི་གཡོག་འཁོར་དང་བཅས་ཏེ། གྲོང་དང་། གྲོང་ཁྱེར་དང་། ཡུལ་དེ་ལ་སྲུང་བ་བྱེད་པར་འགྱུར་རོ། །ཡུལ་དེར་ཕ་རོལ་གྱི་དམག་ཚོགས་མི་འོང་ངོ་། །མི་ངས་མི་འོང་ངོ་། །དགྲ་མི་འབྱུང་ངོ་། །ས་ཕྱོགས་
97-1-213b


དེར་རྒྱལ་པོ་ཆེན་པོ་རྣམ་ཐོས་ཀྱི་བུ་ཚོགས་ཀྱི་གཡོག་དང་བཅས་ཏེ། གྲོང་དང་། གྲོང་ཁྱེར་དང་། ཡུལ་དེ་ལ་བསྲུང་བ་བྱེད་པར་འགྱུར་རོ། །ཡུལ་དེར་ཕ་རོལ་གྱི་དམག་ཚོགས་མི་འོང་ངོ་། །དགྲ་མི་འབྱུང་ངོ་། །ས་ཕྱོགས་དེར་རྒྱལ་པོ་ཆེན་པོ་རྣམ་
ཐོས་ཀྱི་བུ་གནོད་སྦྱིན་བྱེ་བ་ཁྲག་ཁྲིག་འབུམ་ཕྲག་དུ་མ་དང་ལྷན་ཅིག་ཏུ་རྒྱུ་ཞིང་དེར་བསྲུང་བ་དང་། ཡོངས་སུ་སྐྱོབ་པ་དང་། ཡོངས་སུ་འཛིན་པ་དང་། ཡོངས་སུ་སྐྱོང་བ་དང་། ཞི་བ་དང་། བདེ་ལེགསུ་འགྱུར་བ་དང་། ཆད་པ་སྤོང་བ་དང་། མཚོན་ཆ་
དུག་གཞིལ་བ་དང་། དུག་བསད་པ་དང་། དུག་གཞིག་པ་དང་། མི་མཛའ་བ་བཟློག་པ་དང་། མཚམས་བཅད་པ་དང་། ས་བཅིང་བ་བྱེད་པར་འགྱུར་རོ། །ཏདྱ་ཐཱ། ཏ་པ་ནེ། ཏ་པ་ནེ། ཏ་པ་ནེ། པྲ་ཏ་པ་ནེ། པྲ་ཏ་པ་ནེ། པྲ་ཏ་པ་ནེ། དྷུ་རུ་མེ་དྷུ་རུ་མེ་དྷུ་རུ་མེ། 
མ་ཧཱ་དྷུ་རུ་མེ། བུདྡྷ་ཨ་དྷིཥྛི་ཏེ། མུ་ཁེ་མུ་ཁེ་སུ་མུ་ཁེ། སྭ་ལ་པྲ་ཏི་ས་མཱ་དྷི་ས་མཱ་དྷི་གརྦྷེ། མཱ་ན་སི། ཕུ་རུ་ཕུ་རུ། དྷུ་རུ་དྷུ་རུ། བུདྡྷ་མཱ་ན་སི་ཀེ་སྭཱ་ཧཱ། ལག་ན་རྡོ་རྗེ་འདི་དག་ནི་དེ་བཞིན་གཤེགས་པས་སྤྱི་བོས་ནས་དབང་བསྐུར་བའོ། །གསང་བའི་
གནསོ། །དེ་བཞིན་གཤེགས་པ་ཐམས་ཅད་ཀྱི་གསང་ཆེན་ནོ། །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ། །ལག་ན་རྡོ་རྗེ་མིའི་རྒྱལ་པོ་གང་ལ་ལ་ཞིག་གིས་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བྱ་བ་འདི་གླེགས་
བམ་ལ་ལེགས་པར་བྲིས་ཏེ་འཆང་ངམ། ལུས་ལ་ཡོད་པར་བྱས་ཏེ་འཆང་ངམ། སྤོས་དང་། ཕྲེང་བ་དང་། བྱུག་པ་དང་། མེ་ཏོག་སྣ་ཚོགས་ཀྱི་རྒྱན་རྣམས་ཀྱིས་དེ་ལ་བསྟི་སྟང་དུ་བྱེད། བླ་མར་བྱེད། རི་མོར་བྱེད་ཅིང་མཆོད་ན། རྒྱལ་པོ་ཆེན་པོ་རྣམ་ཐོས་ཀྱི་བུ་
གནོད་སྦྱིན་བྱེ་བ་ཁྲག་ཁྲིག་འབུམ་ཕྲག་དུ་མ་དང་། ལྷན་ཅིག་ཏུ་མིའི་རྒྱལ་པོ་དེའི་ཕྱི་བཞིན་དུ་འབྲང་ཞིང་། ཕྱིར་རྒོལ་བ་ཐམས་ཅད་ལས་བསྲུང་བ་བྱེད་པར་འགྱུར་རོ། །མིའི་བདག་པོ་དབང་པོ་དེ་ལ་དགྲ་དག་ཕ་རོལ་གྱི་དམག་ཚོགས་ཀྱིས་གླགས་མི་
རྙེད་དོ། །ཡུལ་དེར་ཕ་རོལ་གྱི་དཔུང་མི་འཇུག་གོ། འཇུག་ན་ཡང་དེ་དག་ལ་རྒྱལ་པོ་ཆེན་པོ་རྣམ་ཐོས་ཀྱི་བུ་བགེགས་བྱེད་པར་འགྱུར་ཏེ། བགེགས་སྣ་ཚོགས་སྟོང་དག་བྱེད་པར་འགྱུར་རོ། །མིའི་རྒྱལ་པོ་དེ་དག་གང་དང་གང་དུ་འགྲོ་བ་དེ་དང་དེར་རིག་སྔགས་ཀྱི་རྒྱལ་མོ་
97-1-214a


ཆེན་མོ་རྒྱལ་བ་ཅན་ཞེས་བྱ་བ་འདི་རྒྱལ་མཚན་གྱི་རྩེ་མོ་ལ་བཏགས་ཏེ་མདུན་དུ་གཞག་པར་བྱའོ། །གང་དུ་གཡུལ་འགྱེད་དམ། དགྲ་ཆེན་པོ་དང་འཐབ་པ་དེར་ཡང་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བྱ་བ་འདི་མགུལ་དུ་བཏགས་ཏེ་གཡུལ་
ངོར་ཞུགས་ན། དེར་རྒྱལ་པོ་ཆེན་པོ་རྣམ་ཐོས་ཀྱི་བུ་ཕ་རོལ་གྱི་དམག་ཚོགས་དེ་ལ་གནོད་པ་འདིས་གནོད་པར་བྱེད་དེ། དེ་ཕམ་པར་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བྱ་བ་འདི་སུའི་མགུལ་དུ་ཐོགས་པ་དེ་ནི་རྒྱལ་བར་འགྱུར་རོ། །ལག་ན་རྡོ་རྗེ་གྲོང་
ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། རྒྱལ་པོའི་ཕོ་བྲང་ངམ། གཙུག་ལག་ཁང་གང་དུ་ནད་འགོ་བ་སྣ་ཚོགས་དང་། མི་ངས་མི་བཟད་པ་ཆེན་པོ་བྱུང་བ་དེར་རིག་སྔགས་ཀྱི་རྒྱལ་མོ་རྒྱལ་བ་ཅན་འདི་ལ་མེ་ཏོག་སྣ་ཚོགས་ཀྱི་བླ་རེ་བྲེས་ལ་གཏོར་མའི་
ཆོ་ག་གཞོང་ཁུང་བཞི་རོ་བྲོ་བ་སྣ་ཚོགས་ཀྱིས་བཀང་སྟེ་ཕྱོགས་བཞིར་བཞག་ལ། དེ་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་བཀླགས་ན་དེར་རྒྱལ་པོ་ཆེན་པོ་རྣམ་ཐོས་ཀྱི་བུ་ཚོགས་ཀྱི་གཡོག་འཁོར་དང་བཅས་ཏེ་གནོད་སྦྱིན་བྱེ་བ་ཁྲག་
ཁྲིག་འབུམ་ཕྲག་དུ་མ་དང་ལྷན་ཅིག་ཏུ་ནད་འགོ་བ་དང་། མི་ངས་དེ་རབ་ཏུ་ཞི་བར་བྱེད་དོ། །དེ་ནས་བཅོམ་ལྡན་འདས་ལ་གསང་བ་པའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་འདིའི་གོང་ན་རིག་སྔག་ཆེས་སྟོབས་དང་ལྡན་པ་
འམ་གཟི་བརྗིད་ཆེ་བ་འཾ་རྫུ་འཕྲུལ་ཆེ་བ་འཾ་མཐུ་ཆེ་བ་ནི་གང་ཡྃ་མ་མཆིས་ཏེ། རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ནི་རིག་སྔགས་ཐམས་ཅད་ཀྱི་མཆོག་ལགས་སོ། །ཡུལ་གང་དག་ཏུ་སྤྱོད་པར་འགྱུར་བའི་གནས་དེ་དག་ཏུ་སངས་རྒྱས་ཀྱི་མཛད་
པ་བགྱིད་པར་འགྱུར་རོ། །ཏདྱ་ཐཱ། བཛྲེ་བཛྲེ། ཨ་མི་ཏ་བཛྲེ། ཛྭ་ལི་ཏ་བཛྲ། ཧུ་ཏ་ཤ་ནི། བྷཉྫ་བྷནཛ། བྷཉྫ་བྷཉྫ། ཛམྦྷ་ཡ། ཛྲམྦྷ་ཡ། སྟམྦྷ་ཡ། སམྦྷ་ཡ། སརྦ་དུཥྛ་གྲ་ཧཱ་ནཱྃ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། གྲ་ས་གྲ་ས་གྲ་ས། པ་ཊ་པ་ཊ་པ་ཊ། 
ཏ་ཊ་ཏ་ཊ་ཏ་ཊ། མུ་རུ་མུ་རུ་མུ་རུ། དྷ་མ་དྷ་མ་དྷ་མ། ཛྭ་ལ་ཛྭ་ལ་ཛྭ་ལ། ཁུ་ཁུ་རེ། ཁུ་ཁུ་རེ། ཁུ་ཁུ་རེ། ཁུ་ཁུ་མེ། ཁུ་ཁུ་མེ། ཁུ་ཁུ་མེ། གྷོ་རི། གྷོ་རི། གྷོ་རི། བཛྲ་མཱ་ན་སི། བཛྲ་ཧུ་ཏི། ཕུ་རུ་ཕུ་རུ་ཕུ་རུ། གྲ་ས་གྲ་ས་གྲ་ས། སརྦ་
97-1-214b


ཨི་ཏི་ཏེ་ཤི་ནཱྃ། སུ་རུ་མེ། མུ་མུ་ལེ། བཛྲ་པྲ་ཏི་པ་ཏི། སརྦ་བ་ལེ་ཕུ་སྭཱ་ཧཱ། ཨ་ལུ་པ་ལ་ནི་ཙུ་ཙུ་རེ་སྭཱ་ཧཱ། ཛ་ཡེ་ཛ་ཡེ། ཛ་ཡ་སམྦྷ་བེ་སྭཱ་ཧཱ། ཛ་ཡོཏྟ་མེ་སྭཱ་ཧཱ། ཛ་ཡ་བ་རེ་ཏེ་སྭཱ་ཧཱ། ཛ་ཡནྡྷ་རེ་སྭཱ་ཧཱ། ཛ་ཡ་མ་ནི་སྭཱ་ཧཱ། ཛ་ཡ་བི་ཛཱ་ཡ་
སྭཱ་ཧཱ། ཨ་ཛི་ཏ་བཛྲ་ཡ་སྭཱ་ཧཱ། མ་ཧཱ་བཛྲ་ཧུ་ཏ་ཤ་ནཱ་ཡ་སྭཱ་ཧཱ། ཨ་མོ་གྷ་བཛྲ་ཧསྟཱ་ཡ་སྭཱ་ཧཱ། དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུ་བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། 
བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་ཆོས་ཀྱི་རྣམ་གྲངས་འདི་ལ་བསྲུང་བ་སྩལ་བར་བགྱི་སྟེ། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་
ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། མི་མཛའ་བ་བཟློག་པ་དང་། དུས་མ་ལགས་པར་འགུམ་པ་ཐམས་ཅད་དགག་པ་དང་། འཐབ་པ་དང་། ཐབ་མོ་དང་། རྩོད་པ་དང་། འགྱེད་པ་དང་། གཡུལ་
འགྱེད་པ་དང་། ཁྲག་འཁྲུག་ཐམས་ཅད་དང་། འཇིགས་པ་ཐམས་ཅད་དགག་པར་བགྱིའོ། །མཚམས་གཅད་པར་བགྱིའོ། །ཏདྱ་ཐཱ། ཛ་ཡེ་ཛ་ཡེ་ཛ་ཡེ། མ་ཧཱ་ཛ་ཡེ། མི་ལི་མི་ལི། མཱ་ན་སི། ཛྷུ་ཛྷུ་ཛྷུ། ཛྷུ་རུ་མེ། མུ་རུ་མུ་རུ། ཏུ་ཊུ་ཏུ་ཊུ་ཏུ་ཊུ། 
མུ་ལུ་ལེ་སྭཱ་ཧཱ། མཱརྒ་བ་ཏཱི་དྷུ་དྷུ་མེ་བེ་གེ། བེ་ག་དྷ་རི་ཎི། ཏེ་ཛ་བ་ཏི། འཇིགས་པ་དང་། གནོད་པ་ཐམས་ཅད་དང་། དུས་མ་ཡིན་པའི་འཆི་བའི་འཇིགས་པ་ཐམས་ཅད་ལས་བདག་ལ་སྲུང་ཤིག་སྲུང་ཤིག་སྭཱ་ཧཱ། བཅོམ་ལྡན་འདས་
གཟུངས་ཀྱི་གསང་སྔགས་ཀྱི་གཞི་འདི་དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་ཤིང་། བྱིན་གྱིས་བརླབས་པ་ལགས་སོ། །ཏདྱ་ཐཱ། བུདྷ་བུ་དྷ། བུདྷ་བུདྷ། བུདྷ་བུདྷ། བ་ཏཱི། བུདྡྷ་ཨ་བ་བྷཱ་ས་ནི། དྷརྨ་བ་ཏཱི། མ་ཧི་ཏེ། 
ས་མཱ་དྷི་གརྦེ། བུདྡྷ་ཨ་ཏི་ག་མེ་བུདྡྷ་བི་ཧཱ་རེེ། རྡརྨ་ཨ་བ་བྷཱ་ས་ནེ་སྭཱ་ཧཱ། གང་ལ་ལ་ཞིག་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ལས་འགལ་བར་བགྱིད་ན། དེའི་མགོ་སིདྡྷ་ཀ་བཞིན་དུ་ཚལ་པ་བདུན་དུ་འགས་པར་
97-1-215a


འགྱུར་རོ། །སུ་ཞིག་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བགྱི་བ་འདི་འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། མཆོད་པ་དང་། ཡི་གེར་འདྲི་བ་དང་། གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། རྒྱལ་
པོའི་ཕོ་བྲང་ངམ། གཙུག་ལག་ཁང་དུ་གླེག་བམ་གནས་པར་བགྱིད་ན། དེར་ཚོགས་ཀྱི་གཡོག་འཁོར་དང་བཅས་པ་དང་། གནོད་སྦྱིན་བྱེ་བ་ཁྲག་ཁྲིག་འབུམ་ཕྲག་དུ་མ་དང་ལྷན་ཅིག་ཏུ་རིག་སྔག་འཆང་དེའི་སླད་བཞིན་འབྲང་ཞིང་དཔག་ཚད་བརྒྱ་སྟོང་ཚུན་
ཆད་དུ་སླར་རྒོལ་བ་དང་། དགྲ་རྣམས་ལས་ཐམས་ཅད་དུ་བསྲུང་བ་དང་། མཚམས་བཅད་པར་བགྱིའོ། །གཡུལ་འགྱེད་པ་དང་། ཁྲག་ཁྲུག་དང་། འཐབ་པ་དང་། ཐབ་མོ་དང་། རྩོད་པ་དང་། འགྱེད་པ་ཐམས་ཅད་དང་། གནོད་པ་ཐམས་ཅད་བསལ་བར་བགྱིའོ། །
སླར་བཟློག་པར་བགྱིའོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་རྣམ་ཐོས་ཀྱི་བུ་ལ་ལེགས་སོ་ཞེས་བྱ་བ་བྱིན་ཏེ། རྒྱལ་པོ་ཆེན་པོ་ལེགས་སོ་ལེགས་སོ། །སེམས་ཅན་ཐམས་ཅད་ལ་ཕན་པ་དང་། བདེ་བ་དང་། སྙིང་རྩེ་བ་དང་། བསྟན་པ་
བསྲུང་བའི་ཕྱིར་ཞུགས་པ་ནི་སེམས་ཅན་ཆེན་པོ་སེམས་ཅན་ཐམས་ཅད་ལ་ཕན་པ་བྱེད་པ་ཁྱོད་ཡང་ལེགས་སོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདིས་སུ་ལ་བསྲུང་བ་བྱས་པ་དང་། ཡོངས་སུ་བསྐྱབ་པ་དང་། ཡོངས་སུ་བསྐྱང་
བ་དང་། ཞི་བ་དང་། བདེ་ལེགས་སུ་འགྱུར་བ་བྱས་པ་དེའི་ལུས་ལ་མཚོན་གྱིས་མི་ཚུགས་སོ། །དུག་དང་། དབྱིག་དུག་དང་། བྱད་དང་། གཤེད་བྱེད་དང་། རིམས་ནད་ནས་གདོན་ཐམས་ཅད་ཀྱི་བར་གྱིས་དེ་ལ་མི་ཚུགས་སོ། །ཕ་རོལ་གྱི་གནོད་
པས་འཆི་བའི་དུས་བྱེད་པར་མི་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ནི། དེ་བཞིན་གཤེགས་པའི་ཕྱག་རྒྱས་བཏབ་པ་ཡིན་ནོ། །ལག་ན་རྡོ་རྗེ་ཁྱོད་ཀྱིས་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བྱ་བ་འདི་ཟུང་ཤིག །
ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །ལག་ན་རྡོ་རྗེ་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་དམ་པའི་ཆོས་རྣམ་པར་འཇིག་པའི་དུས་ཀྱི་ཚེ། གནོད་སྦྱིན་དང་། སྲིན་པོ་མདངས་འཕྲོག་པ་དྲག་ཤུལ་གྱི་སེམས་དང་ལྡན་པ། 
97-1-215b


ཤིན་དུ་མི་ཟད་པ་དག་དང་། ཆོས་མ་ཡིན་པ་སྤྱོད་པའི་རྒྱལ་པོ་ཚེ་ཐུང་བ་ཆོས་མ་ཡིན་པས་རྒྱལ་སྲིད་བྱེད་པ་དག་འབྱུང་བར་འགྱུར་ཏེ། དེའི་ཚེ་རིག་སྔག་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་སེམས་ཀྱི་རྒྱུད་མི་མཉམ་པ། མི་ཟད་པའི་སེམས་
དང་ལྡན་པ་དེ་དག་དང་། སེམས་ཅན་སྡང་བ་ཐམས་ཅན་ཀྱི་དོན་དང་། ཚར་གཅོད་པར་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་བདུད་ཀྱི་དཀྱིལ་འཁོར་ཐཾཅད་རྣཾས་པར་འཇོམ་པར་བྱེད་པ་འདི་ནི་སངས་རྒྱས་བྱེ་བ་ཁྲག་ཁྲིག་འབུམ་
ཕྲག་དུ་མས་གསུངས་ཤིང་བྱིན་གྱིས་བརླབས་ཏེ་ཕྱག་རྒྱས་བཏབ་པ་ཡིན་ནོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ནི་ལྷ་ཐམས་ཅད་ཀྱིས་ཕྱག་བྱས་པ་ཡིན་ནོ། །དེ་ནས་བཅོམ་ལྡན་འདས་ལ་གསང་བ་པོའི་བདག་
པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམས་གྲངས་འདིའི་མིང་ཅི་ལགས། འདི་ཇི་ལྟར་བཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་དེའི་ཕྱིར་ཁྱོད་ཀྱིས་ཆོས་ཀྱི་རྣམ་གྲངས་འདི་
དེ་བཞིན་གཤེགས་པའི་སྙིང་པོ་དང་ཕྱག་རྒྱ་ཞེས་བྱ་བར་ཟུང་ཤིག །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་བདུད་ཀྱི་དཀྱིལ་འཁོར་ཐཾཅད་རྣཾས་པར་འཇོམས་པར་བྱེད་པ་ཞེས་བྱ་བར་ཡང་ཟུང་ཤིག །བཅོམ་ལྡན་འདས་ཀྱིས་དེ་སྐད་ཅེས་
བཀའ་སྩལ་ནས། གསང་བ་པའི་བདག་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་རྣམ་ཐོས་ཀྱི་བུ་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རངས་ཏེ། 
བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བྱ་བ། རྫོགས་སྷོ།། །།རྒྱ་གར་གྱི་མཁན་པོ་འཛི་ན་མི་ཏྲ་དང་། 
དཱ་ན་ཤཱི་ལ་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
97-1-216a


༄༅། །རྒྱ་གར་སྐད་དུ།  ཨཱརྱ་ཛ་ཡ་བ་ཏཱི་ནི་ནཱ་མ་དྷ་ར་ཎཱི།  བོད་སྐད་དུ།  འཕགས་པ་རྒྱལ་བ་ཅན་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་
ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ་དགེ་སློང་སྟོང་དུ་ཚང་བའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཅོམ་ལྡན་འདས་ག་ལ་བ་
དེར་སོང་སྟེ་ཕྱིན་ནས། བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སེམས་ཅན་ཐམས་ཅད་ལ་སྨན་པ་དང་། མིའི་རྒྱལ་པོ་རྣམས་ལ་སྨན་པ་དང་བདེ་བའི་སླད་
དུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་ཞེས་བགྱི་བ་འདི་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་
དཔོན་ཆེན་པོ་ལག་ན་རྡོ་རྗེ་ལ་ཐུགས་བརྩེ་བར་དགོངས་ཏེ། རིག་སྔགས་ཀྱི་རྒྱལ་མོ་རྒྱལ་བ་ཅན་བཀའ་སྩལ་པ། ལག་ན་རྡོ་རྗེ་ཁྱོད་ཀྱིས་རིག་སྔགས་ཀྱི་རྒྱལ་མོ་རྒྱལ་བ་ཅན་ཞེས་བྱ་བ། སངས་རྒྱས་བྱེ་བ་ཁྲག་ཁྲིག་འབུམ་ཕྲག་དུ་
མས་གསུངས་པ། བྱིན་གྱིས་བརླབས་པ། སེམས་ཅན་ཐམས་ཅད་ལ་ཕན་པ་དང་། བདེ་བ་དང་། སྙིང་བརྩེ་བའི་ཕྱིར་ང་ཡང་ད་ལྟར་འཆད་པ་འདི་ཟུང་ཤིག །ཏདྱ་ཐཱ་ཛ་ཡེ་ཛ་ཡེ། མ་ཧཱ་ཛ་ཡ་བ་ཏཱི་ཡེ། བུདྡྷ་ཨ་དྷིཥྛི་ཏེ་ཡེ། དྷརྨ་ཨ་བ་བྷཱ་
ས་ནི། བུདྡྷ་ཨ་དྷི་ག་མེ་ཛྙཱ་ན་ཨ་བ་བྷཱ་སེ་སྭཱ་ཧཱ། ལག་ན་རྡོ་རྗེ་འདི་དག་ནི་དེ་བཞིན་གཤེགས་པས་སྤྱི་བོ་ནས་དབང་བསྐུར་བའི་གསང་སྔགས་ཀྱི་གཞི་རྣམས་ཏེ། ལག་ན་རྡོ་རྗེ་དེ་བཞིན་གཤེགས་པས་སྤྱི་བོ་ནས་དབང་བསྐུར་བའི་ཚིག་
འདི་དག་གང་གིས་ལུས་ལ་བཏགས་སམ། གླེགས་བམ་ལ་བྲིས་པ་དེའི་ལུས་དཔག་ཚད་སྟོང་ཚུན་ཆད་དུ་ཕྱིར་རྒོལ་བའི་གནོད་པ་འབྱུང་བར་མི་འགྱུར་རོ། །མཚོན་དང་། དུག་དང་། དབྱིག་དུག་གིས་མི་ཚུགས་སོ། །རྒྱལ་
97-1-216b


པོ་དེའི་ཡུལ་དེར་ཕ་རོལ་གྱི་གནོད་པ་མི་འབྱུང་ངོ་། །ཕྱིར་རྒོལ་བ་དག་ཡུལ་འཁོར་དེར་མཐུས་གནོད་པར་མི་འགྱུར་རོ། །ལག་ན་རྡོ་རྗེ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་རིག་སྔགས་ཀྱི་རྒྱལ་མོ་རྒྱལ་བ་ཅན་འདི་
ཡི་གེར་བྲིས་ཏེ་འཆང་བ་དེ་ཇི་སྲིད་འཚོ་བའི་བར་དུ་དེའི་ལུས་ལ་མཚོན་དང་། དུག་དང་། ཆུ་དང་། རིམས་དང་། དུག་སྦྱར་མ་གཞན་གྱིས་མི་ཚུགས་པར་འགྱུར་རོ། །དེ་ལ་དགྲའི་འཇིགས་པ་དང་། འཚེ་བ་དང་། མཐོ་འཚམ་
པ་འབྱུང་བར་མི་འགྱུར་རོ། །རྒྱལ་པོའི་འཇིགས་པ་མི་འབྱུང་། ཆོམ་རྐུན་གྱི་འཇིགས་པ་མི་འབྱུང་། ཐབ་མོའི་ནང་དུ་སོང་ཡང་དེའི་ལུས་ལ་མཚོན་གྱིས་མི་ཕོག །ཐམས་ཅད་དུ་ཡང་ང་རྒྱལ་བ་སྨྲ་བར་འགྱུར། གནོད་པ་
མེད་ཅིང་མ་སྣད་ལ་མ་རྨས་པར་རིག་སྔགས་ཀྱི་རྒྱལ་མོ་རྒྱལ་བ་ཅན་འདིའི་མཐུ་དང་། གཟི་བརྗིད་དང་། སྟོབས་དང་། བྱིན་གྱི་བརླབས་ཀྱིས་རྒྱལ་བར་འགྱུར་རོ། །ཏདྱ་ཐཱ། ཛ་ཡེ་ཛ་ཡེ། ཛ་ཡོད་མེ། དྷརྨ་ཨ་བ་བྷཱ་ས་ནི། 
བུདྡྷ་བུདྡྷ། དྷ་ར་དྷ་ར། དྷ་ར་དྷ་ར། བོ་དྷ་ནི། བོ་དྷ་ནི། བོ་དྷ་ནི། ཏ་ཐཱ་ག་ཏ། ཨ་དྷི་ཥྛི་ཏི། ཨ་བྷ་རོ་ཧ་ཎི། ཨ་རོ་བྱ་ནི། ཛ་ཡ་ཀུ་སུ་མེ། སྭ་རེ། ས་ར་བ་ཏཱི། དྲྀཌྷེ་དྲྀཌྷེ། ད་ད་དྲྀཌྷེ་པཱ་ཤ་རི་བདྡྷེ། ཨོ་ཧ་ནི། མོ་ཧ་ནི། ཛམྦྷ་ནི། སྟམྦྷ་ནི། སྟམྦྷི་ཏ། 
སརྦ་ཨ་ཧི་ཏི་ཥཱི་ཎཱྃ། ན་མོ་བྷ་ག་བ་ཏི། བུདྡྷ་སྱ། མ་ཧཱ་ཀ་རུ་ཎཱྃ། བི་ཧ་རི་ནི། སིདྡྷྱན་མནྟྲ་པ་དཱ་སྭཱ་ཧཱ། དེ་ནས་བཅོམ་ལྡན་འདས་ལ་གསང་བ་པའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་སངྱས་ཀྱི་མཐུ་དང་། 
སངས་རྒྱས་ཀྱི་བྱིན་གྱི་བརླབས་ཀྱིས་བདག་གིས་རིག་སྔགས་ཀྱི་རྒྱལ་མོ་རྒྱལ་བ་ཅན་འདིའི་གཟུངས་ཀྱི་གསང་སྔགས་ཀྱི་གཞི་རྣམས་བརྗོད་པར་བགྱིའོ། །ཏདྱ་ཐཱ། ཛ་ཡ་ཛ་ཡ་ཛ་ཡ། པ་ཊ་པ་ཊ་པ་ཊ། ཛྭ་ལ་
ཛྭ་ལ་ཛྭ་ལ། བཛྲ་པྲ་ཧ་ར་པྲ་ཧ་ར། པྲ་ཧ་ར། དྷ་ར་དྷ་ར་དྷ་ར། ཧ་ར་ཧ་ར་ཧ་ར། བྷ་ར་བྷ་ར་བྷ་ར། ཛ་ཡ་ཀུ་སུ་མེ། བ་ལ་བ་ལ། ཙཀྲ་ཙཀྲ། པཱི་ཌ་ཡ་པཱི་ཌ་ཡ། ཨ་ཀྲ་མ་ཨ་ཀྲ་མ། བི་ཀྲ་མེ་བི་ཀྲ་མེ། ཨ་ཙ་ལེ། མ་ཙ་ལེ། ཁ་ག་ཙཱ་རི་ཎི། ནཱི་ལ་བ་ཏཱི། བཛྲ་པྲ་
97-1-217a


ཧ་ར་ནི། བཛྲ་སམྦྷ་བེ། བཛྲ་ཀཱ་ཡེ་བུདྡྷ་ཨ་དྷི་ཥྛི་ཏེ། བུདྡྷ་ད་རཥྨི་རཥྨི་མ་ཧཱ་པྲ་བྷེ། ཨུཙྪ་སྐནྡྷེ། མ་ཧཱ་ཏེ་ཛ་བ་ཏཱི། མ་ཙ་ལེ། མ་ཙ་ལེ། དྷུ་ན་དྷུ་ན་དྷུ་ན། ཀ་ཀང་རེ། ཀཱ་སི་ནི། ས་མཱ་ཧི་ཏེ། དྷརྨ་ཨ་བ་བྷཱ་ས་ནི། ཙ་ར་ཙ་ར། གྷུ་གྷུ་ཌེ། བཛྲ་
མཱ་ལཱ་དྷ་ནི། ས་ར་ས་ར། ཀཱ་ལ་བ་རི་ཎཱི་སྭཱ་ཧཱ། བཅོམ་ལྡན་འདས་གསང་སྔགས་ཀྱི་གཞི་འདི་དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་པ་སྟེ། སུ་ཞིག་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ལས་འདའ་
བར་བགྱིད་པ་དེ་དག་ནི་སངས་རྒྱས་བཅོམ་ལྡན་འདས་དེ་དག་ལ་འཁུས་པར་འགྱུར་རོ། །འདི་ལྟ་སྟེ། ལྷ་འམ། ཀླུ་འམ། གནོད་སྦྱིན་ནམ། སྲིན་པོ་འམ། ཡི་དགས་སམ། ཤ་ཟ་འམ། བརྗེད་བྱེད་དམ། གསོད་བྱེད་དམ། བྱད་དམ། 
རོ་ལངས་སམ། བཀྲ་མི་ཤིས་པ་འམ། མ་མོའི་གདོན་ནམ། གོང་མའི་གདོན་ནམ། སྐེམ་བྱེད་དམ། སྐེམ་བྱེད་ཀྱི་གདོན་ནམ། དྲི་ཟའི་གདོན་དེ་དག་ཐམས་ཅད་རྨུགས་པར་བགྱིས་སོ། །རེངས་པར་བགྱིས་སོ། །ཏདྱ་ཐཱ། བཛྲེ་བཛྲེ་
བཛྲེ། ཧ་ན་བཛྲེ། ནི་ཧ་ན་བཛྲེ། ཁཱ་ད་ཁཱ་ད་བཛྲེ་ཎི། སྥཱ་ཊ་ཡ། སྥཱ་ཊ་ཡ། བཛྲེ་ཎེ། ཨི་དྃ་གྲི་ཧ་ན། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། གྲ་ས་གྲ་ས་གྲ་ས། པཱ་ཏ་ཡ། པཱ་ཏ་ཡ། པཱ་ཏ་ཡ། དྷ་ར་དྷ་ར་དྷ་ར། བདག་དང་སེམས་ཅན་ཐམས་ཅད་འཇིགས་
པ་དང་། གནོད་པ་ཐམས་ཅད་དང་། ཐབ་མོ་དང་། འཐབ་པ་དང་། རྩོད་པ་དང་། འགྱེད་པ་ཐམས་ཅད་ལས་སྲུངས་ཤིག་སྲུངས་ཤིག །ཛ་ཡ་ཀ་རི། ཛ་ཡ་ཀུ་རུ། ཏ་ར་ཏ་ར་ཏ་ར། མ་ཧཱ་ཏ་ར་ནི། ཀུ་ཊེ་ཀུ་ཊེ་ཀུ་ཊེ། བཛྲ་ཀུ་ཊི་སྭཱ་ཧཱ། དེ་ནས་བཅོཾ་
ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། ལག་ན་རྡོ་རྗེ་ལེགས་སོ་ལེགསོ། །ལག་ན་རྡོ་རྗེ་སེམས་ཅན་ཆེན་པོ་ཁྱོད་སེཾས་ཅན་རྣམས་ལ་ཕན་པ་དང་། བདེ་བ་དང་། སྙིང་བརྩེ་བའི་ཕྱིར་ཞུགས་པ་ཡང་
ལེགས་སོ། །ལག་ན་རྡོ་རྗེ་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་སུའི་ལག་ཏུ་སོང་སྟེ། ལུས་ལ་བཏགས་སམ། གླེག་བམ་ལ་བྲིས་སམ། གྲོང་ངམ། གྲོང་ཁྱེར་རམ། གྲོང་རྡལ་ལམ། གཙུག་ལག་ཁང་ངམ། གནས་ཁང་ངམ། 
97-1-217b


འཆག་ས་ན་སྤྱོད་པར་འགྱུར་བ་དེར་རྒྱལ་པོ་ཆེན་པོ་རྣམ་ཐོས་ཀྱི་བུའི་ཚོགས་ཀྱི་གཡོག་དང་བཅས་པར་གྲོང་ངམ། གྲོང་ཁྱེར་རམ། གྲོང་རྡལ་ལམ། ཡུལ་དེ་བསྲུང་བར་འགྱུརོ། །ཡུལ་དེར་ཕ་རོལ་གྱི་དམག་ཚོགས་ཀྱིས་གནོད་པར་
མི་འགྱུར་རོ། །ས་ཕྱོགས་དེར་མི་ངས་མི་འབྱུང་ངོ་། །དགྲ་མི་འབྱུང་ངོ་། །རྒྱལ་པོ་ཆེན་པོ་རྣཾ་ཐོས་ཀྱི་བུ་གནོད་སྦྱིན་བྱེ་བ་ཁྲག་ཁྲིག་འབུམ་ཕྲག་ཕྱི་བཞིན་འབྲང་བ་དང་། ལྷན་ཅིག་དེར་བསྲུང་ངོ་། །ཡོངས་སུ་བསྐྱབ་བོ། །ཡོངས་སུ་འཛིན་ཏོ། །ཞི་བ་དང་བདེ་ལེག་
སུ་འགྱུར་བར་བྱེད་དོ། །ཆད་པ་སྤོངས་ངོ་། །མཚོན་ཆ་སྤོང་ངོ་། །དུག་གསོད་དོ། །མི་མཛའ་བ་འགོག་གོ། མཚམས་གཅོད་དོ། །ས་གཅོད་དོ། །ཏདྱ་ཐཱ། ཏ་པ་ནི་ཏ་པ་ནི། པྲ་ཏ་པ་ན། དྷུ་རུ་མེ། དྷུ་རུ་མེ། བུདྡྷ་ཨ་དྷི་ཥྛི་ཏེ། མུ་ཁེ། མུ་ཁེ། སུ་
མུ་ཁེ། སུ་མུ་ཁེ། སྤ་ལ་པྲ་ཏེ། ས་མཱ་དྷི་ཏེ། ས་མཱ་དྷི་གརྦྷེ། གརྦྷེ། མཱ་ན་སི། ཕུ་རུ་ཕུ་རུ་ཕུ་རུ་དྷུ་རུ། བུདྡྷ་མཱ་ན་སི་ཀེ་སྭཱ་ཧཱ། ལག་ན་རྡོ་རྗེ་འདི་དག་ནི་དེ་བཞིན་གཤེགས་པའི་སྤྱི་བོ་ནས་དབང་བསྐུར་བའོ། །གསང་བའི་གནས་སོ། །དེ་བཞིན་
གཤེགས་པ་ཐམས་ཅད་ཀྱི་གསུང་བའོ། །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ། །ལག་ན་རྡོ་རྗེ་མིའི་རྒྱལ་པོ་གང་ལ་ལ་ཞིག་གིས་རིག་སྔགས་ཀྱི་རྒྱལ་མོ་རྒྱལ་བ་ཅན་འདི་གླེགས་བམ་ལ་ལེགས་པར་
བྲིས་ཏེ་འཆང་ངམ། ལུས་ལ་བཏགས་ཏེ་འཆང་ཞིང་དེ་ལ་སྤོས་དང་། ཕྲེང་བ་དང་། བྱུག་པ་དང་། མེ་ཏོག་སྣ་ཚོགས་ཀྱི་ལྷབ་ལྷུབ་ཀྱིས་བསྟི་སྟང་དུ་བྱེད། བླ་མར་བྱེད། རི་མོར་བྱེད། མཆོད་པར་བྱེད་ན། མིའི་རྒྱལ་པོ་དེ་ལ་རྒྱལ་པོ་ཆེན་པོ་རྣམ་
ཐོས་ཀྱི་བུ་གནོད་སྦྱིན་ཕྱི་བཞིན་འབྲང་བ། བྱེ་བ་ཁྲག་ཁྲིག་འབུམ་ཕྲག་དུ་མ་དང་ལྷན་ཅིག་ཏུ་བསྲུང་བར་འགྱུརོ། །མིའི་རྒྱལ་པོ་དེ་ལ་ཕྱིར་རྒོལ་བ་དང་། དགྲ་དང་། ཕ་རོལ་གྱི་དམག་ཚོགས་ཐམས་ཅད་ཀྱིས་གླགས་མི་རྙེད་དོ། །མཐུས་ཡུལ་དེར་
འཇུག་པ་དང་། བགེགས་འཇུག་ན་ཡང་རྒྱལ་པོ་ཆེན་པོ་རྣམ་ཐོས་ཀྱི་བུ་བགེགས་སྣ་ཚོགས་བརྒྱ་དང་། བགེགས་སྣ་ཚོགས་སྟོང་བྱེད་པར་འགྱུར་རོ། །མིའི་རྒྱལ་པོ་གང་དང་གང་དུ་འགྲོ་བ་དེ་དང་དེར་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་
97-1-218a


རྒྱལ་མཚན་གྱི་རྩེ་མོ་ལ་བཏགས་ཏེ་མདུན་དུ་བཀུར་བར་བྱའོ། །གང་དུ་གཡུལ་ངོར་འཇུག་གམ། དགྲ་ཆེན་པོ་དང་འཐབ་པ་དེར་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་མགུལ་དུ་བཏགས་ཏེ། གཡུལ་ངོར་ཞུགས་ན་དེར་རྒྱལ་པོ་ཆེན་
པོ་རྣམ་ཐོས་ཀྱི་བུས་ཕ་རོལ་གྱི་དམག་ཚོགས་དེ་ཕམ་པར་བྱེད་པར་འགྱུརོ། །དེ་ནི་རྒྱལ་བར་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་སུའི་མགུལ་དུ་བཏགས་པ་དེ་རྒྱལ་བར་འགྱུར་རོ། །ལག་ན་རྡོ་རྗེ་གྲོང་ངམ། གྲོང་
ཁྱེར་རམ། གྲོང་རྡལ་ལམ། ལྗོངས་སམ། རྒྱལ་པོའི་ཕོ་བྲང་འཁོར་གང་དུ་གལ་ཏེ་ནད་འགོ་བ་སྣ་ཚོགས་དང་། མི་ངས་མི་ཟད་པ་ཆེན་པོ་བྱུང་ན་དེར་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་དང་མེ་ཏོག་སྣ་ཚོགས་དང་། ཆོ་ག་དང་། གཏོར་
མ་དང་། བུམ་པ་བཏུང་བ་སྣ་ཚོགས་ཀྱིས་བཀང་བ་བཞི་ཕྱོགས་བཞིར་བཞག་སྟེ། རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་བཀླགས་ན་དེའི་ཚེ་རྒྱལ་པོ་ཆེན་པོ་རྣམ་ཐོས་ཀྱི་བུ་ཚོགས་ཀྱི་གཡོག་དང་བཅས་ཤིང་། གནོད་སྦྱིན་
བྱེ་བ་ཁྲག་ཁྲིག་འབུཾ་ཕྲག་དུ་མ་དང་ལྷན་ཅིག་ཏུ་ནད་འགོ་བ་དང་། མི་ངས་དེ་རབ་ཏུ་ཞི་བར་བྱེད་པར་འགྱུར་རོ། །དེ་ནས་བཅོམ་ལྡན་ལ་གསང་བ་པའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལས་
ལྷག་པའི་རིག་སྔགས་ཆེས་སྟོབས་དང་ལྡན་པ་འམ། གཟི་བརྗིད་ཆེ་བའམ། རྫུ་འཕྲུལ་ཆེ་བ་འམ། མཐུ་ཆེ་བ་གང་ཡང་མ་མཆིས་སོ། །རིག་སྔགས་ཐམས་ཅད་ཀྱི་མཆོག་རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ཡུལ་
གང་དང་གང་དུ་སྤྱོད་པར་འགྱུར་བའི་གནས་དེ་དང་དེ་དག་ཏུ་སངས་རྒྱས་ཀྱི་མཛད་པ་མཛད་པར་འགྱུར་རོ། །ཏདྱ་ཐཱ། བཛྲེ་བཛྲེ་བཛྲེ། ཨ་མྲྀ་ཏ་བཛྲེ། ཛྭ་ལ་ཏ་བཛྲེ། ཧཱུ་ཏཱ་ཤ་ནི། བྷཉྫ་བྷཉྫ་བྷཉྫ། ཛམྦྷ། སྟམྦྷ་ཡ། སརྦ་
གྲ་ཧཱ་ཎཱྃ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། གྲ་ས་གྲ་ས་གྲ་ས། པ་ཊ་པ་ཊ་པ་ཊ། ཏ་ཊ་ཏ་ཊ་ཏ་ཊ། མུ་རུ་མུ་རུ་མུ་རུ། དྷ་མ་དྷ་མ་དྷ་མ། ཛྭ་ལ་ཛྭ་ལ་ཛྭ་ལ། ཁུ་ཁུ་མེ། ཁུ་ཁུ་མེ། གྷོ་རི་གྷོ་རི་གྷོ་རི། བཛྲ་མཱ་ན་སི། བཛྲ་ཧུ་ཏི། ཧུ་ཏི་རུ། ཕུ་རུ་ཕུ་རུ། གྲ་ས་གྲ་ས། 
97-1-218b


སརྦ་ཨ་ཧི་ཏི་ཥི་ཎཱྃ། ནཱ་བུ་རུ་ཎི། མུ་མུ་ལེ། བཛྲ་པྲ་དཱི་པ་ནི། ཙ་མ་ལེ་ཕུ་སྭཱ་ཧཱ། ཨཱ་ཡུཿཔཱ་ལ་ནི་ཙུ་ཙུ་རེ་སྭཱ་ཧཱ། ཛ་ཡེ་ཛ་ཡེ། ཛ་ཡ་སམྦྷ་བེ་སྭཱ་ཧཱ། ཛ་ཡོཏྟ་མེ་སྭཱ་ཧཱ། ཛ་ཡ་བ་རེ་དེ་སྭཱ་ཧཱ། ཛ་ཡནྡྷ་རེ་སྭཱ་ཧཱ། ཛ་ཡ་མཱ་ན་སི་སྭཱ་ཧཱ། 
ཛ་ཡ་བཛྲ་སྭཱ་ཧཱ། ཨ་ཛི་ཏ་བཛྲཱ་ཡ་སྭཱ་ཧཱ། མ་ཧཱ་བཛྲ་ཧུ་ཏ་ཤ་ན་ཡ་སྭཱ་ཧཱ། ཨ་མོ་གྷ་བཛྲ་ཧསྟ་སྭཱ་ཧཱ། དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་
མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་ཆོས་ཀྱི་རྣམ་གྲངས་འདི་ལ་བསྲུང་བ་སྩལ་བར་བགྱི། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཆད་
པ་སྤང་བ་དང་། མཚོན་ཆ་སྤང་བ་དང་། དུག་དགུམ་པ་དང་། མི་མཛའ་བ་དགག་པ་དང་། དུས་མ་ལགས་པར་འགུམ་པ་དགག་པ་དང་། འཐབ་པ་དང་། ཐབ་མོ་དང་། རྩོད་པ་དང་། འགྱེད་པ་དང་། གཡུལ་འགྱེད་པ་དང་། ཁྲག་
ཁྲུག་དང་། འཇིགས་པ་ཐམས་ཅད་དགག་པར་བགྱིའོ། །མཚམས་དགུམ་པར་བགྱིའོ། །ཏདྱ་ཐཱ། ཛ་ཡེ་ཛ་ཡེ་ཛ་ཡེ། མ་ཧཱ་ཛ་ཡེ། མི་ལི་མ་ན་སི། ཛྷེ་ཛྷེ་ཛྷེ། མུ་རུ་མུ་རུ། ཏུ་ཊུ་ཏུ་ཊུ། མུ་མུ་ལེ། མཱརྒ་བ་ཏི། དྷུ་དྷུ་མེ། 
བེ་གེ་བེ་ག་དྷཱ་རི་ཎཱི། ཏེ་ཛ་བ་ཏཱི། བདག་དང་སེམས་ཅན་ཐམས་ཅད་འཇིགས་པ་དང་། གནོད་པ་ཐམས་ཅད་དང་། དུས་མ་ཡིན་པར་འཆི་བ་ཐམས་ཅད་ལས་སྲུངས་ཤིག་སྲུངས་ཤིག་སྭཱ་ཧཱ། བཅོམ་ལྡན་འདས་གཟུངས་ཀྱི་
གསང་སྔགས་ཀྱི་གཞི་འདི་དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་པ། བྱིན་གྱིས་བརླབས་པ་ལགསོ། །ཏདྱ་ཐཱ། བུདྡྷེ་བུདྡྷེ། བུདྡྷེ་བུདྡྷེ། བུདྡྷ་བ་ཏཱི། བུདྡྷ་ཨ་བ་བྷ་ས་ནི། རྡརྨ་བ་ཏཱི། ས་མ་ཧི་ཏེ། ས་མཱ་དྷི་གརྦྷེ་བུདྡྷ་
ཨ་བ་བྷཱ་ས་ནི། བུདྡྷ་པ་རི་ཧ་རི། རྡརྨ་ཨ་བ་བྷཱ་ས་ནི་སྭཱ་ཧཱ། སུ་ལ་ལ་ཞིག་རིག་སྔགས་ཀྱི་རྒྱལ་མོ་རྒྱལ་བ་ཅན་འདི་ལས་འདའ་བར་བགྱིད་པ་དེ་ནི་མགོ་སི་ཏ་ཀའི་འབྲས་བུ་བཞིན་དུ་ཚལ་པ་བདུན་དུ་འགསོ། །སུ་ཞིག་རིག་སྔགས་ཀྱི་རྒྱལ་མོ་ཆེན་པོ་
97-1-219a


རྒྱལ་བ་ཅན་འདི་འཆང་ངམ། ཀློག་གམ། མཆོད་པར་བགྱིད་དམ། ཡི་གེར་འདྲི་འམ། གླེགས་བམ་ལ་བྲིས་ཏེ། གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། རྒྱལ་པོའི་ཕོ་བྲང་འཁོར་རམ། གཙུག་ལག་ཁང་དུ་འཇོག་ན། དེར་
བདག་ཚོགས་ཀྱི་གཡོག་དང་བཅས་ཤིང་། གནོད་སྦྱིན་བྱེ་བ་ཁྲག་ཁྲིག་འབུམ་ཕྲག་དུ་མ་དང་ལྷན་ཅིག་ཏུ་རིག་སྔགས་འཛིན་པ་དེའི་སླད་བཞིན་དུ་འབྲང་སྟེ་བསྲུང་བར་བགྱིའོ། །དཔག་ཚད་བརྒྱ་སྟོང་ཚུན་ཆད་དུ་མཚམས་དགུམ་པར་བགྱིའོ། །
སླར་རྒོལ་བ་དང་། དགྲ་དང་། གཡུལ་འགྱེད་པ་དང་། འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་ཐམས་ཅད་མ་མཆིས་པར་བགྱིའོ། །སླར་བཟློག་པར་བགྱིའོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་རྣམ་ཐོས་
ཀྱི་བུ་ལ་ལེགས་སོ་ཞེས་བྱ་བ་བྱིན་ཏེ། རྒྱལ་པོ་ཆེན་པོ་ལེགས་སོ་ལེགས་སོ། །སེམས་ཅན་ཆེན་པོ་ཁྱོད་འཇིག་རྟེན་ཐམས་ཅད་ལ་ཕན་པ་དང་། སེམས་ཅན་ཐམས་ཅད་ལ་སྙིང་བརྩེ་བ་དང་། བདེ་བ་དང་། བསྟན་པ་བསྲུང་བའི་ཕྱིར་
ཞུགས་པ་ཡང་ལེགས་སོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདིས་གང་ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་བྱས་པ་དེའི་ལུས་ལ་མཚོན་དང་། དུག་དང་། བྱད་དང་། གསོད་བྱེད་དང་། 
རིམས་དང་། གནོད་པ་ཐམས་ཅད་ཀྱིས་མི་ཚུགས་པར་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་འདི་ནི་དེ་བཞིན་གཤེགས་པའི་ཕྱག་རྒྱས་བཏབ་པའོ། །ལག་ན་རྡོ་རྗེ་ཁྱོད་ཀྱིས་རིག་སྔགས་ཀྱི་རྒྱལ་མོ་ཆེན་
མོ་རྒྱལ་བ་ཅན་འདི་ཟུང་ཤིག །ཆོངས་ཤིག །ཀུན་ཆུབ་པར་གྱིས་ཤིག །ལག་ན་རྡོ་རྗེ་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་རབ་ཏུ་རྣམ་པར་འཇིག་པའི་དུས་ན། སེམས་ཅན་དྲག་ཤུལ་དང་ལྡན་པ། ཤིན་
ཏུ་མི་བཟད་པ། མདངས་འཕྲོག་པའི་གནོད་སྦྱིན་དང་། སྲིན་པོ་རྣམས་དང་། ཆོས་མ་ཡིན་པ་སྤྱོད་པའི་རྒྱལ་པོ་འབྱུང་བར་འགྱུར་རོ། །ཚེ་ཐུང་བ་ཆོས་མ་ཡིན་པས་ཡུལ་འཁོར་སྐྱོང་བ་འབྱུང་བ་དེའི་ཚེ་རིག་སྔགས་ཀྱི་རྒྱལ་མོ་
97-1-219b


ཆེན་མོ་རྒྱལ་བ་ཅན་འདི་སེམས་མི་མཉམ་པ། སེམས་མི་བཟད་པ་དེ་དག་དང་། སྡང་བ་དང་། རབ་ཏུ་སྡང་བའི་སེམས་ཅན་ཐམས་ཅད་ཀྱི་དོན་དུ་འགྱུར། ཚར་གཅོད་པར་འགྱུར་རོ། །རིག་སྔགས་ཀྱི་རྒྱལ་མོ་ཆེན་མོ་རྒྱལ་བ་ཅན་བདུད་ཀྱི་དཀྱིལ་འཁོར་
ཐམས་ཅད་རྣམ་པར་འཇོམས་པར་བྱེད་པ་འདི་ནི་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དུ་མས་གསུངས་པ། བྱིན་གྱིས་བརླབས་པ།  ཕྱག་རྒྱས་བཏབ་པའོ། །རིག་སྔག་གྱི་རྒྱལ་མོ་ཆེན་མོ་རྒྱལ་བ་ཅན་འདི་ནི་ལྷ་ཐམས་ཅད་ཀྱིས་ཕྱག་
བྱས་པའོ། །དེ་ནས་བཅོམ་ལྡན་འདས་ལ་གསང་བ་པའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་
སྩལ་པ། ལག་ན་རྡོ་རྗེ་དེའི་ཕྱིར་ཁྱོད་ཀྱིས་དེ་བཞིན་གཤེགས་པའི་སྙིང་པོ་དང་། ཕྱག་རྒྱ་ཞེས་བྱ་བར་ཟུང་ཤིག །བདུད་ཀྱི་དཀྱིལ་འཁོར་ཐམས་ཅད་རྣམ་པར་འཇོམས་པར་བྱེད་པ་རྒྱལ་བ་ཅན་ཞེས་བྱ་བར་ཡང་ཟུང་ཤིག །བཅོམ་ལྡན་འདས་
ཀྱིས་དེ་སྐད་ཅེས་བཀའ་སྩལ་ནས། གསང་བ་པའི་བདག་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་རྣམ་ཐོས་ཀྱི་བུ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་
པར་བསྟོད་དོ། །འཕགས་པ་རྒྱལ་བ་ཅན་ཞེས་བྱ་བའི་གཟུངས་རྫོགས་སྷོ།། །། ༄༅། །རྒྱ་གར་སྐད་དུ།  ཨཱརྱ་མ་ཡུ་ར་བི་དྱཱ་གར་བྷེ་ནཱ་མ།  བོད་སྐད་དུ།  འཕགས་
པ་རིག་སྔགས་ཀྱི་རྒྱལ་མོ་རྨ་བྱའི་ཡང་སྙིང་ཞེས་བྱ་བ། བཅོམ་ལྡན་འདས་རྨ་བྱ་ཆེན་མོ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །དགྲ་ཡིས་འཇིགས་པ་འམ། 
འཐབ་རྩོད་ཀྱིས་འཇིགས་པ་འམ། བགེགས་ཀྱིས་འཇིགས་པ་འམ། དུས་མ་ཡིན་པར་འཆི་བས་འཇིགས་པ་འམ། སྦྲུལ་གྱིས་འཇིགས་པ་འམ། གཅན་ཟན་གྱིས་འཇིགས་པ་འམ། དུག་གིས་འཇིགས་པ་འམ། མེས་འཇིགས་པ་འམ། 
97-1-220a


ཆུས་འཇིགས་པ་འམ། རླུང་གིས་འཇིགས་པ་འམ། འཇིགས་པ་ཐམས་ཅད་ཀྱི་ནང་ན་འདུག་ན་འདི་ཡིད་ལ་བྱའོ། །རླུང་ལས་གྱུར་པ་འམ། མཁྲིས་པ་ལས་གྱུར་པ་འམ། བད་ཀན་ལས་གྱུར་པ་འམ། འདུས་པ་ལས་གྱུར་པ་འམ། 
གདོན་གྱིས་ཟིན་ཏམ། རིམས་ཀྱིས་བཏབ་པ་འམ། དུག་འཐུངས་སམ། ནད་ཐམས་ཅད་ཀྱི་ནང་ན་འདུག་ན་འདི་ཡིད་ལ་བྱའོ། །ན་མོ་བྷ་ག་བ་ཏེ། ཨིཊྚི་ཊྚཱ་ཡ། ཨིནྡྲ་གོ་མི་སི་ཀཱ་ཡ། ཨཱ་ཤ་ནེ། པཱ་ཤ་ནེ། པཱ་པ་ནི་ཀཱུ་ལེ། ཀ་པི་ལ་མིཏྟེ། 
ཨི་ལེ་མིཏྟེ་སྭཱ་ཧཱ། གསང་སྔགས་ཀྱི་གཞི་རྣམས་གྲུབ་པར་གྱུར་ཅིག །ནཱ་རཱ་ཡ་ནི། པཱ་རཱ་ཡ་ནི། ཧ་རི་ཏཱ་ལི། ཀུན་ཏཱ་ལི། ཨི་ལི་མི་སྟི། ཀི་ལི་ཏི་ལི་མི་སྟི་སྭཱ་ཧཱ། རིག་སྔགས་ཀྱི་གཞི་རྣམས་གྲུབ་པར་གྱུར་ཅིག །ཧ་ཧ། ཧི་ཧི། ཧཱུ་ཧཱུ། ཁ་རཱ། 
མ་རཱ། ཁ་ཧི། ཁ་ཧི། ཧཱུྃ་ཧཱུྃ། ཕཊ་ཕཊ་སྭཱ་ཧཱ། བདག་ལ་སྲུངས་ཤིག །སྲུངས་ཤིག །ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་ཤོག་ཤིག །ལན་ཉི་ཤུ་རྩ་གཅིག་བརྗོད་དེ་གཏོར་མ་རི་མཐོན་པོ་ལ་བཏང་བར་བྱའོ། །དེས་ཐམས་ཅད་ཞི་ཞིང་
བཟློག་པར་འགྱུར་རོ། །རྨ་བྱའི་སྙིང་པོ་རིག་པ་དང་བཅས་པ། རྫོགས་སྷོ།། །།
༄༅། །རྒྱ་གར་སྐད་དུ། ཨཱརྱ་ཨ་གྲ་པྲ་དཱི་པ་དྷཱ་ར་ཎཱི་བིདྱཱ་རཱ་ཛཱ། བོད་སྐད་དུ།  འཕགས་པ་རིག་སྔགས་ཀྱི་རྒྱལ་མོ་སྒྲོན་མ་མཆོག་གི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་
བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱིས་ཀུན་དགའ་ར་བ་ན་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། ལྷ་དང་མི་འབུམ་ཕྲག་དུ་
མ་དང་། བྱང་ཆུབ་སེམས་དཔའ་འབུམ་ཕྲག་དུ་མ་དང་། ཐབས་གཅིག་ཏུ་བཞུགས་ཏེ། ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏོ། །སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་བྱེ་བ་བརྒྱ་ཕྲག་སྟོང་འདས་པ་ན་འཇིག་རྟེན་
97-1-220b


གྱི་ཁམས་མེ་ཏོག་མཐའ་ཡས་ཤེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མ་མཆོག་ཅེས་བྱ་བ་ད་ལྟར་ཡང་བཞུགས་ཏེ་འཚོ་ཞིང་བཞེས་ལ་ཆོས་ཀྱང་སྟོན་པ་དེས་བྱང་ཆུབ་
སེམས་དཔའ་འོད་ཆེན་པོ་དང་། འོད་དཔག་མེད་ཅེས་བྱ་བ་བྱང་ཆུབ་སེམས་དཔའ་གཉིས་འཇིག་རྟེན་གྱི་ཁམས་མི་འཇེད་འདིར་བཏང་ངོ་། །དེ་ནས་བྱང་ཆུབ་སེམས་དཔའ་དེ་གཉིས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་
གྱི་ཀུན་དགའ་ར་བ་ག་ལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་
འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བྱང་ཆུབ་སེམས་དཔའ་དེ་གཉིས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་འདས་སངས་རྒྱས་ཀྱི་ཞིང་བྱེ་བ་
ཕྲག་འབུམ་འདས་པ་ན་འཇིག་རྟེན་གྱི་ཁམས་མེ་ཏོག་མཐའ་ཡས་ཞེས་བགྱི་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མ་མཆོག་ཅེས་བགྱི་བ་ད་ལྟར་བཞུགས་
ཏེ། འཚོ་ཞིང་བཞེས་ལ་ཆོས་ཀྱང་སྟོན་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་མཆོག་དེས་བདག་ཅག་གཉིས་འཇིག་རྟེན་གྱི་ཁམས་མི་མཇེད་འདིར་
བཏང་སྟེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་མཆོག་དེ་བཅོམ་ལྡན་འདས་ལ་གནོད་པ་འཆང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོ་འམ། སྟོབས་
དང་། བདེ་བ་དང་། ཁ་ན་མ་ཐོ་བ་མ་མཆིས་པ་ལ་རེག་པར་གནས་སྃ་ཞེས་བསྙུན་གསོལ་ལོ། །འདི་སྐད་ཅེས་ཀྱང་གསུང་ངོ་། །འདི་ན་མི་འམ། མི་མ་ལགས་པ་འམ། འབྱུང་པོ་འམ། ཤ་ཟ་འམ། གནོད་སྦྱིན་ནམ། སྲིན་པོ་འམ། གྲུལ་བུཾ་འམ། གྲུལ་བུམ་
97-1-221a


གྱི་སྡེ་དཔོན་ནམ། རྒྱལ་པོ་འམ། བློན་པོ་ཆེན་པོ་འམ། ཆོམ་རྐུན་ནམ། སྦྲུལ་ལམ། སྲིན་བུ་འམ། སྲིན་བུ་ལུ་ཏ་འམ། སྡད་པ་ལྕགས་ཕྱེ་འམ། ཉི་བའི་ཉོན་མོངས་པ་གང་ཡང་རུང་བ་དག་ལ་འཚེ་བར་བགྱིད་པ་འགའ་ཡང་མ་མཆིས་
སམ་ཞེས་གསུང་ངོ་། །སེམས་ཅན་རྣམས་ཀྱི་དོན་དང་། སྨན་པ་དང་། བདེ་བ་དང་། མདངས་དང་ལྡན་པར་བགྱི་བ་དང་། གྲགས་པ་དང་ལྡན་པར་བགྱི་བ་དང་། གཟི་བརྗིད་དང་ལྡན་པར་བགྱི་བ་དང་། ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་། མདོག་དང་
ལྡན་པར་བགྱི་བ་དང་། བསྲུང་བ་དང་། སྦ་བ་དང་། བསྐྱབ་པའི་སླད་དུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་མཆོག་དེས་གཟུངས་ཀྱི་གསང་སྔགས་ཀྱི་གཞི་འདི་དག་ཀྱང་
བསྐུར་ཏེ། འདི་ལྟ་སྟེ། ཛྭ་ལེ་ཛྭ་ལེ། ཛྭ་ལེ་ག་ཏེ། ཧུགྒུ། མུགྒུ། ས་མ་ཏེ། མ་ཧཱ་ས་མ་ཏེ། མ་ཧཱ་ཛྭ་ལེ། ཛྭ་བ་ལ་མེ། ས་ཧེ་ས་ཧེ། མེ་ཧཱ་ཛྭ་ལེ། ཨུགྒེ། མུགྒེ། ཤ་མ། སྃ་མ་ཧེ། མ་ཧཱ་སྃ་མ་ཧེ། མ་ཧཱ་ཤ་མེ་སྭཱ་ཧཱ། དེ་ནས་བཅོམ་ལྡན་འདས་
ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གསང་སྔགས་ཀྱི་གཞི་འདི་དག་ཟུང་ཤིག །ལོང་ཤིག །ཆོང་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་རབ་ཏུ་
སྟོན་ཅིག །ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་ཀྱི་གཞི་འདི་དག་རྙེད་པར་དཀའོ། །ཀུན་དགའོ་གཟུངས་ཀྱི་གསང་སྔགས་ཀྱི་གཞི་དག་འཛིན་པ་ཡང་ཤིན་དུ་རྙེད་པར་དཀའོ། །ཀུན་དགའ་
བོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ནི་གཟུངས་ཀྱི་གསང་སྔགས་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་
ཚེ་རབས་བདུན་དུ་ཚེ་རབས་དྲན་པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐཾས་ཅད་ལས་ཡང་དག་པར་འདའ་བ་དང་། འགྲོ་བ་ཐམས་ཅད་དང་རྗེསུ་འཐུན་པར་འགྱུརོ། །ཀུན་དགའ་བོ་གཟུངས་ཀྱི་གསང་སྔགས་
97-1-221b


ཀྱི་གཞི་འདི་དག་ནི་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱིས་གསུངས་ཏེ། གང་གཟུངས་ཀྱི་གསང་སྔགས་ཀྱི་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐཾས་ཅད་ལ་འཁུས་པ་ཡིན་ནོ། །དེ་ནས་བྱང་ཆུབ་སེཾས་དཔའ་སེམས་དཔའ་
ཆེན་པོ་མ་ཕམ་པ་སྟན་ལས་ལངས་ཏེ། གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་བདག་གིས་ཀྱང་སེམས་ཅན་རྣམས་ཀྱི་དོན་དང་། སྨན་པ་དང་། བདེ་བ་དང་། མདངས་དང་ལྡན་པར་བགྱི་བ་དང་། གཟི་བརྗིད་དང་ལྡན་པར་བགྱི་བ་དང་། གྲགས་པ་དང་ལྡན་པར་བགྱི་བ་དང་། ཡོན་ཏན་དང་ལྡན་པར་བགྱི་བ་དང་། སྟོབས་
དང་ལྡན་པར་བགྱི་བ་དང་། མདོག་དང་ལྡན་པར་བགྱི་བ་དང་། བསྲུང་བ་དང་། སྦ་བ་དང་། བསྐྱབ་པའི་སླད་དུ་གཟུངས་ཀྱི་གསང་སྔགས་ཀྱི་གཞི་འདི་རྣམས་བརྗོད་པར་བགྱིའོ། །འདི་ལྟ་སྟེ། ཨཏྟེ། བཏྟེ། ནཏྟེ། ཀུ་ནད་ཏྟེ། པུཀྐ་སེ། ཀུ་པུཀྐ་སེ། ཀ་སེ། 
ཨ་ན་ཀ་སེ། ནཱ་མ་ཀ་སེ། ཨ་ནུ་ཏ། པྲ་ནུ་ཏ། ཁ་ཛེ། མ་ཧཱ་ཁ་ཛེ། སད་པ་ཕེ། ཏཌ་ཕེ། ཏུ་ཌ་ཕེ། ཧི་ལི་མི་ལི་ཏི་ལེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གཟུངས་ཀྱི་
གསང་སྔགས་ཀྱི་གཞི་འདི་དག་ཟུང་ཤིག །ལོང་ཤིག །ཆོང་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ཅིག །ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུང་
ཀྱི་གསང་སྔགས་ཀྱི་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་འཛིན་པ་ཡང་ཤིན་དུ་རྙེད་པར་དཀའོ། །ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཀྱི་གསང་
སྔགས་ཀྱི་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བཅུ་གཉིས་སུ་ཚེ་རབ་དྲན་པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་
97-1-222a


པར་གཞན་གྱི་གནོད་པ་ཐམས་ཅད་ལས་ཡང་དག་པར་འདའ་བ་དང་། འགྲོ་བ་ཐམས་ཅད་དང་རྗེསུ་འཐུན་པར་འགྱུརོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་སངས་རྒྱས་བྱེ་བ་ཕྲག་བརྒྱད་བཅུ་རྩ་
གཉིས་ཀྱིས་གསུངས་ཏེ། གང་གཟུངས་ཀྱི་གསང་སྔགས་ཀྱི་གཞི་འདི་དག་ལས་འདའ་བར་བྱེད་པ་ནི་དེ་དག་ཐམས་ཅད་ལ་འཁུས་པ་ཡིན་ནོ། །དེ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། གོས་ཕྲག་པ་ཅིག་ཏུ་
གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེར་ལོགསུ་ཐལ་མོ་སྦྱར་བ་བཏུད་ནས་བཅྡོཾས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སེམས་ཅན་རྣཾས་ཀྱི་དོན་དང་། སྨན་
པ་དང་། བདེ་བ་དང་། མདངས་དང་ལྡན་པར་བགྱི་བ་དང་། གཟི་བརྗིད་དང་ལྡན་པར་བགྱི་བ་དང་། གྲགས་པ་དང་ལྡན་པར་བགྱི་བ་དང་། ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་། མདོག་དང་ལྡན་པར་བགྱི་བ་དང་། 
བསྲུང་བ་དང་། སྦ་བ་དང་། བསྐྱབ་པའི་སླད་དུ་གཟུངས་ཀྱི་གསང་སྔགས་ཀྱི་གཞི་འདི་རྣཾས་བརྗོད་པར་བགྱིའོ། །དེ་འདི་ལྟ་སྟེ། ཨཀྑེ། བཀྑེ། ན་ཛི་ཏེ། ནཱ་གཱ་ས་རེ། ན་ཧེ་ལེ། ཛ་ཧི་ལེ། ཛ་ཧ་ལ་བ་ཏེ། ཙཎྜཱི་ལ་བ་ཏེ་སྭཱ་ཧཱ། དེ་ནས་བཅྡོཾས་ཀྱིས་ཚེ་དང་
ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་གཟུངས་ཀྱི་གསང་སྔགས་ཀྱི་གཞི་འདི་ཟུང་ཤིག །ལོང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག །
ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་ཀྱི་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་འཛིན་པ་ཡང་ཤིན་ཏུ་རྙེད་པར་དཀའོ། །ཀུན་དགའ་བོ་
རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་གཟུངས་ཀྱི་གསང་སྔགས་ཀྱི་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡྃ་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བཅུ་གསུཾ་དུ་ཚེ་རབས་དྲན་
97-1-222b


པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པ་གཞན་གྱི་གནོད་པ་ཐམས་ཅད་ལས་ཡང་དག་པར་འདའ་བ་དང་། འགྲོ་བ་ཐཾད་དང་རྗེསུ་འཐུན་པར་འགྱུར་རོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་སྃས་
རྒྱས་བྱེ་བ་ཕྲག་བརྒྱད་བཅུ་རྩ་གཉིས་ཀྱི་གསུྃས་ཏེ། གང་གཟུངས་ཀྱི་གསང་སྔགས་ཀྱི་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐཾད་ལ་འཁུས་པ་ཡིནོ། །དེ་ནས་བཅྡོཾས་ཀྱིས་དགེ་སློང་རྣཾས་ལ་བཀའ་སྩལ་པ། 
དགེ་སློང་དག་ངས་ཀྱང་སེམས་ཅན་རྣཾས་ཀྱི་དོན་དང་། ཕན་པ་དང་། བདེ་བ་དང་། མདངས་དང་ལྡན་པར་བྱ་བ་དང་། གཟི་བརྗིད་དང་ལྡན་པར་བྱ་བ་དང་། གྲགས་པ་དང་ལྡན་པར་བྱ་བ་དང་། ཡོན་ཏན་དང་ལྡན་པར་བྱ་བ་དང་། སྟོབས་དང་ལྡན་
པར་བྱ་བ་དང་། མདོག་དང་ལྡན་པར་བྱ་བ་དང་། བསྲུང་བ་དང་། སྦ་བ་དང་། བསྐྱབ་པའི་ཕྱིར་གཟུངས་ཀྱི་གསང་སྔགས་ཀྱི་གཞི་རྣཾས་བཤད་དོ། །འདི་ལྟ་སྟེ། ཨཊྚེ། བཊྚེ། ནཊྚེ། ཀུ་ནཊྚེ། ཊ་ཀེ། ཨེ་ཌ་ཀེ། ཏ་ཏ་བེ། ཏུ་ཌ་བེ། ར་ཊ་ཀེ། ལོ་ལེ། ཧུ་ལེ། ཧེ་ལི། མི་ལེ། 
ཏི་ལེ། ཤཱི་ལེ། ཤཱི་ལ། ཨ་ཌྷེ། བ་ཌྷེ། ན་ཌྷེ། ཀུ་ན་ཌྷེ། ཨ་ཌ་བ་ཏཱི། བ་ན་བ་ཏཱི། ཀ་སེ་ཀ་སེ་ཀ་སེ། ཕ་སེ་ཕ་སེ་ཕ་སེ། མ་ཧཱ་ཕ་སེ་ཕ་སེ་སྭཱ་ཧཱ། དེ་ནས་བཅྡོཾས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གཟུངས་ཀྱི་གསྃ་
སྔགས་ཀྱི་གཞི་འདི་དག་ཟུང་ཤིག །ལོང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག །ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་
སྔགས་ཀྱི་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་འདི་དག་སྟོན་པ་ཡང་ཤིན་ཏུ་རྙེད་པར་དཀའོ། །ཀུན་དགའ་བོ་རིགས་ཀྱི་བུ་འཾ། རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་ཀྱི་
གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བཅུ་བཞིར་ཚེ་རབ་དྲན་པར་འགྱུརོ། །ཚེ་འདི་ཉིད་ལ་ཡང་སྔོན་ཀྱི་ལས་མ་ཏོགས་
97-1-223a


པར་གཞན་གྱི་གནོད་པ་ཐམས་ཅད་ལས་འདའ་བ་དང་། འགྲོ་བ་ཐམས་ཅད་དང་རྗེསུ་འཐུན་པར་འགྱུརོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་སངས་རྒྱས་བྱེ་བ་ཕྲག་བརྒྱད་བཅུ་རྩ་བཞིས་གསུྃ་
ཏེ། གང་གཟུྃས་ཀྱི་གསང་སྔགས་ཀྱི་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐཾད་ལ་འཁུས་པ་ཡིན་ནོ། །རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་དག་གིས་གཟུངས་ཀྱི་གསང་སྔགས་ཀྱི་གཞི་འདི་དག་ཤིང་སྐཾ་པོ་གཤེར་
བག་མེད་པ་ལ་བསྲུང་བ་བྱས་ཏེ། ཡོངསུ་བསྐྱབ་པ་དང་། ཡོངས་སུ་བཟུང་བ་དང་། བཅིང་བ་དང་། ཞི་བ་དང་། བདེ་ལེགསུ་འགྱུར་བ་བྱས་ན་ཤིང་དེ་ལ་ལྕུ་གུ་དང་། ལོ་མ་དག་ཀྱང་སྐྱེ་བར་འགྱུར་ཏེ། མེ་ཏོག་དང་། འབྲས་བུ་རྣཾས་ཀྱང་མངོན་པར་འགྲུབ་
པར་འགྱུར་ན། མིར་གྱུར་པ་ལྟ་ཅི་སྨོས། ན་མཿསརྦ་བུདྡྷ་བྷྱཿ། སིད་དྷྱནྟུ་དྷཱ་ར་ཎཱི། མཎྟྲ་པཱ་ད་ནི་སྭཱ་ཧཱ། དེ་ནས་བཅྡོཾས་ཀྱིས་ཡང་དགེ་སློང་རྣཾས་ལ་བཀའ་སྩལ་པ། དགེ་སློང་དག་སེམས་ཅན་རྣཾས་ཀྱི་དོན་དང་། ཕན་པ་དང་། བདེ་བ་དང་། མདངས་དང་ལྡན་པར་བྱ་
བ་དང་། གཟི་བརྗིད་དང་ལྡན་པར་བྱ་བ་དང་། གྲགས་པ་དང་ལྡན་པར་བྱ་བ་དང་། ཡོན་ཏན་དང་ལྡན་པར་བྱ་བ་དང་། སྟོབས་དང་ལྡན་པར་བྱ་བ་དང་། མདོག་དང་ལྡན་པར་བྱ་བ་དང་། བསྲུང་བ་དང་། སྦ་བ་དང་། བསྐྱབ་པའི་པའི་ཕྱིར་གཟུངས་ཀྱི་གསང་
བསྔགས་ཀྱི་གཞི་གཞན་དག་ཀྱང་བཤད་པར་བྱའོ། །དེ་འདི་ལྟ་སྟེ། ཨཏྟེ། མཏྟེ། པ་ཀེ་པཱ་ར་ཀེ། པེ་ཀེ་ཌཱ། དྲ་མ་ཏི། ཏ་ར་མ་ཏི། ཊུ་ཌ་མ་ཊི། ཊུ་ཌ་མ་ཊེ། ཊུ་ཌ་ཊུ་རེ། སུ་རེ། ཧི་ལེ། མུ་ལེ། ཏི་ལེ། སྭཱ་ཧཱ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་
ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གཟུངས་ཀྱི་གསང་སྔགས་ཀྱི་གཞི་འདི་དག་ཟུང་ཤིག །ལོང་ཤིག །ཆོངས་ཤིག །ཀློགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡྃ་རྒྱ་ཆེར་རབ་ཏུ་སྟོན་ཅིག །
ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་ཀྱི་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསྃ་སྔགས་ཀྱི་
97-1-223b


གཞི་འདི་དག་འཛིན་པ་ཡང་ཤིན་ཏུ་རྙེད་པར་དཀའོ། །ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་ཀྱི་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་
བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་ཉི་ཤུ་རྩ་གཅིག་ཏུ་ཚེ་རབ་དྲན་པར་འགྱུརོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོག་པར་གཞན་གྱི་གནོད་པ་ཐཾད་ལས་འདའ་བ་དང་། འགྲོ་བ་ཐཾད་དང་རྗེསུ་འཐུན་
པར་འགྱུརོ། །གང་ལ་ལ་ཞིག་ལ་བསྲུང་བ་བྱས་ན་དེ་ལ་ཡྃ་འབྱུང་པོ་ཐཾད་ཀྱིས་མི་ཚུགསོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནཾཁའ་ལྡེང་དང་། མི་འཾ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐཾད་
ཀྱིས་མི་ཚུགསོ། །སྦྲུལ་དང་། སྲིན་བུ་དང་། སྲིན་བུ་ལུ་ཏ་དང་། སྦྲང་བུ་ལྕགས་ཕྱེ་ཐཾད་ཀྱིས་མི་ཚུགསོ། །རིམས་རླུང་དང་། མཁྲིས་པ་དང་། བད་ཀན་དང་། འདུས་པ་དང་། དུས་ཚིགས་འགྱུར་བ་ལས་བྱུང་བ་ཐཾད་ཀྱིས་མི་ཚུགསོ། །ཞག་ཅིག་
པ་འཾ། ཞགཉིས་པ་འམ། ཞག་གསུམ་པ་འཾ། ཞག་བཞི་པ་འཾ། ཞག་བདུན་པ་འཾ། ཟླ་བ་ཕྱེད་པ་འཾ། ཟླ་བ་གཅིག་པ་འཾ། ལོ་གཅིག་པ་འཾ། ནད་རྒྱུན་རིངས་སཾ། སྐད་ཅིག་པ་རྣམས་ཀྱིས་མི་ཚུགསོ། །འབྲས་སམ། 
ཕོལ་མིག་གམ། རྐང་ཤུ་འམ། ལྷོག་པ་འམ། མེ་དབལ་ལཾ། ཤུ་བ་འམ། ཁྱི་རྔོ་འམ། གཡན་པ་འམ། མཛེ་ཐཾད་དམ། གློག་པ་ཐམས་ཅད་དམ། གཤེད་བྱེད་ཐཾས་ཅད་དམ། སྒྱུར་བའི་ལས་ཐམས་ཅད་དམ། བྱད་ཐཾད་དང་། 
རོ་ལངས་ཐཾད་ཀྱིས་ཀྱང་མི་ཚུགསོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་ཏེ། གང་གཟུངས་ཀྱི་གསང་སྔགས་ཀྱི་གཞི་འདི་དག་ལས་འདའ་བར་བྱེད་པ་དེ་ནི་དེ་
དག་ཐམས་ཅད་ལ་འཁུས་པ་ཡིན་ནོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་རྒྱལ་པོའི་ཕོ་བྲང་ན་འདུག་ན་ཡང་ཡིད་ལ་བྱའོ། །ཆོམ་རྐུན་གྱི་ནང་ན་འདུག་ན་ཡང་ཡིད་ལ་བྱའོ། །སྲིན་པོའི་ནྃ་ན་འདུག་ན་ཡྃ་ཡིད་ལ་བྱའོ། །
97-1-224a


གཅན་ཟན་ཁྲོ་བོའི་ནང་ན་འདུག་ན་ཡང་ཡིད་ལ་བྱའོ། །འབྲོག་དགོན་པའི་ནང་ན་འདུག་ན་ཡང་ཡིད་ལ་བྱའོ། །ཀླུང་དང་། བགྲོད་དཀའ་བ་ནང་འདུག་ན་ཡང་ཡིད་ལ་བྱའོ། །མེའི་ནང་ན་འདུག་ན་ཡང་ཡིད་ལ་བྱའོ། །ཆུའི་ནང་ན་འདུག་
ན་ཡང་ཡིད་ལ་བྱའོ། །དེ་ཡིད་ལ་བྱས་པ་དེ་རྣཾས་ལས་འཇིགས་པ་དེ་དག་ཐམས་ཅད་མི་འབྱུང་ངོ་། །དེས་དུག་ཟོས་པ་ཐཾད་ཀྱང་ཁ་ཟས་ཉིད་དུ་འགྱུརོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་པ་ནི་འབྱུང་པོ་
ཐམས་ཅད་ཀྱིས་མི་ཚུགསོ། །ཡི་དགས་ཐཾད་དང་། སྲུལ་པོ་ཐམས་ཅད་དང་། གཤེད་བྱེད་ཐམས་ཅད་དང་། སྒྱུར་བའི་ལས་ཐཾད་དང་། བྱད་ཐམས་ཅད་དང་། མི་དང་མི་མ་ཡིན་པ་ཐཾད་ཀྱིས་མི་ཚུགས་ཏེ། ཀུན་དགའ་བོ་མདོར་
ན་དེ་ལ་གཞན་གྱི་གནོད་པ་ཐཾད་ཀྱིས་མི་ཚུགསོ། །ཀུན་དགའ་བོ་བསད་པའི་རིགས་པ་ནི་ཆད་པས་བྲལ་བར་འགྱུརོ། །ཆད་པས་ཅད་པའི་རིགས་པ་ནི་བརྡེགས་པས། བརྡེགས་པའི་རིགས་པ་ནི་བརྒྱད་པས། བརྒྱད་པའི་རིགས་
པ་ནི་བསྡིགས་པས། བསྡིགས་པའི་རིགས་པ་ནི་མིག་ཚུགསུ་བལྟས་པས་ཐར་པར་འགྱུརོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་གིས་གང་ལ་བསྲུང་བ་བྱས་པ་འམ། ཡོངསུ་བསྐྱབ་པ་འམ། ཡོངསུ་
བཟུངས་བས་བཅིངས་པ་འཾ། ཞི་བ་དང་། བདེ་ལེགསུ་འགྱུར་བ་བྱས་པ་གཞན་དུ་འགྱུར་བ་དེ་ནི་གནས་མེད་དོ། །ལྷ་དང་བཅས། བདུད་དང་བཅས། ཚངས་པ་དང་བཅས་པའི་འཇིག་བརྟེན་དང་། དགེ་སྦྱོང་དང་། བྲམ་ཟེར་བཅས་པའི་སྐྱེ་
དགུ་དང་། ལྷ་དང་། མི་དང་། ལྷ་མ་ཡིན་གྱི་ནང་ན་ཡང་མ་མཐོང་ངོ་། །དེ་ཅིའི་ཕྱིར་ཞེ་ན། གཟུངས་ཀྱི་གསང་སྔགས་ཀྱི་གཞི་འདི་དག་ནི་གནོད་པ་དང་། ནད་འགོ་བ་དང་། འཁྲུག་པ་ཐཾད་ལས་ངེས་པར་འབྱུང་བར་བྱིན་གྱིས་བརླབས་པའི་
ཕྱིརོ། །དེ་ནས་ཆོས་ཀྱི་རྣམས་གྲངས་འདི་རྫོགས་པའི་རྗེས་ལ་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་ཀྱང་ཆོས་ཀྱི་རྣམས་གྲངས་འདི་རྒྱ་ཆེར་རྒྱས་པར་བགྱི་བ་དང་། 
97-1-224b


ཆོས་སྨྲ་བ་དེ་དག་རྗེསུ་ཡོངསུ་གཟུང་བ་དང་། དམ་པའི་ཆོས་ཅི་ནས་ཀྱང་ཡུན་རིང་དུ་གནས་པ་དང་། བདུད་ཐམས་ཅད་ཚར་བཅད་པའི་སླད་དུ་གཟུངས་ཀྱི་གསང་སྔགས་ཀྱི་གཞི་འདི་རྣམས་རྗེསུ་སྩལ་བར་འཚལ་ན། བཅོམ་ལྡན་འདས་ཀྱི་
དེ་ལ་ལེགསོ་ཞེས་བགྱི་བ་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལ་ཐུགས་བརྩེ་བའི་ཕྱིར་ཅང་མི་གསུང་བར་གྱུར་པས་གནང་སྟེ། རྒྱལ་པོ་ཆེན་པོ་བཞི་པོ་དེ་དག་གིས་ཀྱང་བཅྡོཾས་ཀྱིས་ཅང་
མི་གསུང་བར་གྱུར་པར་གནང་བར་རིག་ནས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནི་འདི་ལྟ་སྟེ། ད་ནཌྜེ། དེ་ནཌྜེ། མ་ཧཱ་ནཌྜེ། ཛམྦྷ་ནི། སྟམྦྷ་ནི། ཊ་ཊེ། ཊ་ཊ་ནེ། མ་ཧཱ་ཊ་ཊ་ནེ། ཀུཊྚེ། ཀུཊྚ་ནེ། མ་ཧཱ་ཀུཊྚ་ནེ། དྷརྨ་ལེ། ཙ་མ་ལེ་སྭཱཧཱ། བཅོམ་ལྡན་
འདས་འདི་དག་ནི་གཟུངས་འདིའི་འཁོར་གྱི་ཚིག་ལྟ་བུར་གདའ་བ་ལགས་ཏེ། རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་སྔགས་ཀྱི་གཞི་འདི་དག་འཛིན་པ་དང་། བཟླས་ཏེ་བཏོན་ནས་འཆང་བ་འདི་ནི་སྔོན་གྱི་ལས་མ་ཏོགས་པར་
གཞན་གྱི་གནོད་པ་ཐམས་ཅད་ལས་འདའ་བ་དང་། འགྲོ་བ་ཐཾད་དང་རྗེསུ་འཐུན་པར་འགྱུརོ། །དེ་ལ་ནི་དམ་པའི་ཆོས་ཐཾད་ཡོངསུ་གཟུང་བ་ལ་ཡང་བར་ཆད་འབྱུང་བར་མི་འགྱུར་ལགསོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་
བཞི་པོ་དག་ལ་གྲོགས་པོ་དག་ཁྱོད་བསྟན་པ་ཡུན་རིང་དུ་གནས་པར་བྱ་བའི་ཕྱིར་ཞུགས་པ་ལེགསོ་ལེགསོ་ཞེས་བྱ་བ་བྱིན་ནོ། །དེ་ནས་བཅྡོཾས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་དེ་དག་རྫུ་
འཕྲུལ་ཆེ་བར་འགྱུར་བ་དང་། ཕན་ཡོན་ཆེ་བ་དང་། བྱིན་ཆེ་བར་འགྱུར་བའི་ཕྱིར་གཟུངས་ཀྱི་ཆོས་ཀྱི་རྣམས་གྲངས་འདི་ཟུང་ཤིག །ལོང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་
རབ་ཏུ་སྟོན་ཅིག་གསོལ་པ། བཅྡོཾས་རྒྱས་པར་བགྱི་བའི་སླད་དུ་བདག་གིས་གཟུང་ལགས་སོ། །དེ་ནས་བཅོམ་ལྡན་འདས་ཀྱིས་དོན་འདི་ཉིད་རྒྱས་པར་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །
97-1-225a


གཟུངས་སྔགས་ཀྱི་ནི་མདོ་སྡེ་འདི། །སངས་རྒྱས་ཀུན་གྱིས་གསུངས་པ་ཏེ། །སེམས་ཅན་རྣམས་ལ་ཕན་པའི་ཕྱིར། །དེ་ནི་ངས་ཀྱང་བཤད་པ་ཡིན། །གང་ཞིག་གཟུངས་སྔགས་མདོ་སྡེ་འདི། །འཛིན་ཏམ་ཡང་ན་ཀློག་
བྱེད་པ། །ཚེ་རབས་ཉི་ཤུ་རྩ་གཅིག་ཏུ། །དེ་ནི་ཚེ་རབས་དྲན་པར་འགྱུར། །གཟུངས་སྔགས་འདི་བརྗོད་བྱེད་དེ་ལ། །མི་མིན་གང་ཡང་རུང་བ་དང་། །གནོད་སྦྱིན་གྲུལ་བུམ་སྲིན་པོ་དག །ནམས་ཀྱང་བར་ཆད་མི་བྱེད་དོ། །གཟུངས་སྔགས་
འདི་བརྗོད་བྱེད་དེ་ལ། །འདོད་ཁམས་དབང་ཕྱུག་གང་ཡིན་པ། །སྡིག་ཅན་བདུད་དེ་ནམ་དུ་ཡང་། །བར་ཆད་བྱེད་པར་མི་འགྱུརོ། །གཟུངས་སྔགས་འདི་འཛིན་བྱེད་དེ་ཡི། །ཕ་མ་དང་ནི་ཕུ་ནུ་དང་། །སྲིང་མོ་མཛའ་བཤེས་གཉེན་དག་ཀྱང་། །
ལོག་པར་ལྟུང་བར་མི་འགྱུརོ། །དེ་ཕྱིར་གཟུངས་སྔགས་མདོ་སྡེ་འདི། །འཇིགས་མེད་གང་གིས་ཐོས་གྱུར་ནས། །གཟུངས་སྔགས་འདི་བརྗོད་བྱེད་པ་དེས། །ནམས་ཀྱང་འཇིགས་པར་མི་བྱའོ། །གཟུངས་སྔགས་འདི་འཛིན་བྱེད་
དེ་ཡི། །བསྐལ་པ་བྱེ་བ་སྟོང་རྣམསུ། །སྒྲིབ་པའི་ལས་ནི་གང་བྱས་པ། །ཞག་བདུན་གྱིས་ནི་བྱུང་བར་འགྱུར། །བྱང་ཆུབ་སེམས་དཔའི་བསོད་ནམས་གང་། །བསྐལ་པ་བྱེ་བར་བསྒྲུབས་པ་ཀུན། །གཟུངས་སྔགས་འདི་འཛིན་
བྱེད་པ་དེས། །ཞག་བདུན་གྱིས་ནི་ཟིལ་གྱིས་ནོན། །ཕྱོགས་བཞིའི་འཇིག་རྟེན་སྐྱོང་བ་པོ། །རྒྱལ་པོ་ཆེན་པོ་བཞི་པོ་དག །ལུས་ངན་དང་ནི་ཡུལ་འཁོར་སྲུང་། །མིག་མི་བཟང་དང་འཕགས་སྐྱེས་པོ། །ཁ་དོག་ལྡན་ཞིང་
གྲགས་དང་ལྡན། །འཁོར་བཅས་བློན་བཅས་དེ་དག་ཀྱང་། །གཟུངས་སྔགས་འདི་ནི་བརྗོད་བྱེད་པ། །དེ་ལ་རྟག་ཏུ་བསྲུང་བར་བྱེད། །དེ་ནས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ཉན་
ཐོས་ཆེན་པོ་དེ་དག་དང་། འཕགས་པ་བྱམས་པ་དང་། འཇམ་དཔལ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣཾས་དང་། རྒྱལ་པོ་ཆེན་པོ་བཞི་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་
97-1-225b


རུངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རིག་སྔགས་ཀྱི་རྒྱལ་པོ་སྒྲོན་མ་མཆོག་གིས་གཟུངས། རྫོགས་སྷོ།། །། ༄༅། །རྒྱ་གར་སྐད་དུ།  ཨཱཪྱ་ཨཱཥྚ་དེ་བི་དྷཱ་རཱ་ཎཱི།  
བོད་སྐད་དུ།  འཕགས་པ་ལྷ་མོ་བརྒྱད་ཀྱི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལོ། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པའི་ཡུམ་སྡིག་པ་ཐམས་ཅད་བྱང་བར་མཛད་མ། ནད་ཐཾད་
རབ་ཏུ་ཞི་བར་མཛད་མ། བགེགས་ཐམས་ཅད་རབ་ཏུ་འཇིག་པར་མཛད་མ། ཕུན་སུམ་ཚོགས་པ་ཐཾད་མཛད་མ། གཟུངས་སྔགས་ཆེན་མོའི་རྒྱལ་མོའི་མཆོག་འདི་གསུངསོ། །ན་མཿསརྦ་ཏ་ཐཱ་ག་ཏ། བྷྱཿསརྦ་མུ་ཁེ་བྷྱཿསརྦ་ཐཱ་
ཧེ་བུདྡྷ་མཱ་ཏ་རི། སརྦ་པཱ་པ་ན་ཤ་ནི། གརྫ་གརྫ། བྷཉྫ། བྷཉྫ། མརྡ་མརྡ། ག་མ་རི། ག་མ་བྷ་རི། ཧ་ས་ཧ་ས། ད་མ་ད་མ། མ་ཐ་མ་ཐ། བི་དྷ་ན་ས་ཡ། བི་དྷ་ན་ས་ཡ།  སརྦ་ཤ་ཏྲུ་ན་ཏ་ར་མ་ཏི། བི་མ་ལེ། པཱུ་ར་ཡ་པཱུ་ར་ཡ། པྲ་ཏི་ཛྙཱ་ན། སརྦ་བུདྡྷ་པཪྱུ་
པ་སི་ཏི། བྷ་ག་བ་ཏི། ག་ན་ག་ན། ཛ་ཧི་ཛ་ཧི། བི་མ་ས་ནི། ཀྲ་མ་ཎི། དྷ་བ་ནི། ར་མ་ཎི། མཱ་ཏཾ་གི་སྭཱ་ཧཱ། བཅོམ་ལྡན་འདས་ཡེ་ཤེས་ཆེན་པོར་དབང་བསྐུར་ལྡན་པ་ཞེས་བྱ་བའི་གཟུངས་སོ། །ནམཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿ
སརྦ་ཐཱ། ཨ་མ་རི། ཨ་མ་རི། ཏ་ཊ། བྷཉྫ། བྷཉྫ། ཛྷ་ཛྷ། མི་ཙི་མི་ཙི། སྥོ་ཊ་ཡ་སྥོ་ཊ་ཡ། མ་ཐ་མ་ཐ། དུར་དཱ་ན་ཏ་ད་མ་ཀ་སྭཱ་ཧཱ། ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ། ཧེ་ཧེ། ཀ་ནི་དེ། སརྦ་ཏ་ཐཱ་ག་ཏ་བྷ་
ནེ་ཀེ། བྷོ་དྷི་ན་དད། ཏྲཱ་ཊ་ཏྲཱ་ཊ། ཧཱུྃ་ཕཊ་ཧཱུྃ་ཕཊ། གརྫ་གརྫ། པ་ར་མ་ཏི། བི་ཧཱུ་རི་ཀེ་སྭཱ་ཧཱ། ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ། བྷ་ག་བ་ཏི་པྲ་ཛྙཱ་པཱ་ར་མི་ཏེ་ཨ། སརྦ་པཱ་པ་ཡྃ་ཀ་རི་ཛྙཱ་ན་ཨརྩི་སྥ་ར་ཎི། 
བྷཉྫ། བྷཉྫ། མ་ཐ་མ་ཐ། ད་མ་ད་མ། ཨཱ་ན་ཡ་ཨཱ་ན་ཡ། ས་ར་ས་ར། མཱ་ར་ཡ་མཱ་ར་ཡ། སརྦ་བུདྡྷེ་ཛ་ནེ་ཏྲེ་ཡེ་སྭཱ་ཧཱ། ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ། གརྫ་གརྫ། མ་ཐ་མ་ཐ། ད་མ་ད་མ། བྷཉྫ་བྷཉྫ། 
97-1-226a


དུན་ཏུ་བྷི། སརྦ་ནིར་གྷོ་ཥེ། ཧ་ན་ཧ་ན། བིདྷྭན་ས་ཡ། བི་དྷྭན་ས་ཡ། བི་དྷྭན་ས་ཡ། མོ་ཊ་ཡ་མོ་ཊ་ཡ། ད་ཧ་ད་ཧ། བི་ཕུ་ལ་ནིརྨ་ལ་ནིར་ཛཱ་ཏེ། ཨཱ་ཧ་ར་ཨཱ་ཧ་ར། གཙྪ་གཙྪ། སརྦ་བུདྡྷ་པརྱུ་པས་ཏི་མ། 
མཱ་བི་ལམྦ་སྭཱ་ཧཱ། བཅོམ་ལྡན་འདས་མ་རྡོ་རྗེའི་དབྱིངས་ཀྱི་དབང་ཕྱུག་མ་ཞེས་བྱ་བའི་གཟུངས་སོ། །ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱཿ ཨོཾ་བྷ་ག་བ་ཏི། སརྦ་ཏ་ཐཱ་ག་ཏ་ཛ་ནི་ཀེ། པཱུ་ར་ཡ་པྲ་ཏི་
ཛྙཱ་ན། ཏ་ཊ་ཏ་ཊ། མརྡ་མརྡ། ཨཱ་ཧ་ར་ཨཱ་ཧ་ར། ཧཱུྃ་ཧཱུྃ། ཛ་ཏི་སྭཱ་ཧཱ། བཅོམ་ལྡན་འདས་མ་སོ་སོར་འབྲང་བ་ཆེན་མོ་ཞེས་བྱ་བའི་གཟུངསོ། །ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ། ཧཱུྃ་ཧྲི། སརྦ་
བུདྡྷ་མཱ་ཏི་རི་བྷཉྫ་བྷཉྫ། མ་ཐཱ་མ་ཐཱ། ད་མ་ནི་ད་མ་ནི། གརྒ་རི་གརྒ་རི་ཧྲི་སྭཱ་ཧཱ། བཅོམ་ལྡན་འདས་མ་རྡོ་རྗེ་མི་ཕམ་མ་ཞེས་བྱ་བའི་གཟུངས་སོ། །ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ། ཏྲཱ་ཊ་ཏྲཱ་ཊ། 
མུ་ཧུ་མུ་ཧུ། སརྦ་པཱ་པ་བི་ཤོ་དྷ་ནི་སྭཱ་ཧཱ། བཅོམ་ལྡན་འདས་མ་སྡིག་པ་ཐཾད་སྤོང་བ་ཞེས་བྱ་བའི་གཟུངསོ། །ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ། དྷ་ཀ་དྷ་ཀ །མོ་ཊ་མོ་ཊ། ད་ཧ་ད་ཧ། སརྦ་
ཏ་ཐཱ་ག་ཏཱ་ཛྙཱ་ན་ནིར་ཛཱ་ཏེ་སྭཱ་ཧཱ། བཅོམ་ལྡན་འདས་མ་གདུལ་དཀའ་མ་ཞེས་བྱ་བའི་གཟུངས་སོ། །ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ། ཧ་ཧ་མི་ཧུ་མི་ཧུ། ད་མ་ད་མ། ཁཱ་ཧི་ཁཱ་ཧི། དྷུ་ན་དྷུ་ན། མི་ཙི་
མི་ཙི། དུར་ཏཱ་ན་ཏ་ད་མ་ནི་སྭཱ་ཧཱ། བཅྡོཾས་མ་བདུད་ཐཾད་རྣཾས་པར་འཇོམ་མ་ཞེས་བྱ་བའི་གཟུངསོ། །ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ། མི་ཙི་མི་ཙི། ག་རྒ་གརྫ་གརྫ། སྥོ་ཊ་ཡ་སྥོ་ཊ་ཡ། མ་ཐ་མ་ཐ། 
ད་མ་ད་མ་སྭཱ་ཧཱ། བཅྡོཾས་མ་སྒོ་མཐའ་ཡས་སྒྲུབ་པ་ཞེས་བྱ་བའི་གཟུངསོ། །འཇམ་དཔལ་ཡེ་ཤེས་ཆེན་པོར་དབང་བསྐུར་བའི་དཀྱིལ་འཁོར་འདི་གང་གི་ལག་ན་གནས་པ་དེ་ཉོན་མོངས་པ་དང་བྲལ་བར་འགྱུར། འཇིགས་པ་དང་
97-1-226b


བྲལ་བར་འགྱུར། དེ་གལ་ཏེ་ཆོམ་རྐུན་གྱི་ནང་ན་འདུག་གམ། སྲིན་པོའི་ནང་ན་འདུགམ། དགྲའི་ནང་ན་འདུག་གམ། འཐབ་པའི་ནང་ན་འདུག་ཀྱང་རུང་ཏེ། དེའི་ལུས་ལ་མཚོན་གྱིས་མི་ཚུགས་པར་འགྱུར། ཆོམ་
རྐུན་གྱིས་བཅོམ་པར་མི་འགྱུར། སྲིན་པོ་ལ་སོགས་པས་གཙེ་བར་མི་འགྱུར། དེ་ལ་དུས་མ་ཡིན་པའི་འཆི་བའི་འཇིགས་པ་མི་འབྱུང་བར་འགྱུར། རྟགས་ཏུ་དཔལ་དང་ལྡན་པར་འགྱུར། དེའི་སྡིག་པ་ཐམས་ཅད་ཡོངསུ་བྱང་བར་
འགྱུར། སངས་རྒྱས་བྱེ་བ་ཁྲག་ཁྲིག་ཕྲག་འབུཾ་གྱིས་དགེ་བའི་རྩ་བ་བསགས་པ་ཡང་དེ་ལ་ཉིན་གཅིག་བཞིན་མངོན་དུ་འགྱུར། འཆི་བའི་དུས་ཀྱི་ཚེ་ཡང་སངས་རྒྱས་དང་། བྱང་ཆུབ་སེམས་དཔའ་རྣཾས་ཀྱིས་ཡོངསུ་ཟིན་པར་
འགྱུར། ཤི་ནས་ཀྱང་བདེ་བ་ཅན་དུ་འགྲོ་བར་འགྱུར་ན། གང་འཛིན་པ་དང་། ཀློག་པ་དང་། ཡིད་ལ་བྱེད་པ་དང་། མི་གཏོང་བར་འཛིན་པ་ལྟ་ཅི་སྨོས་ཏེ། དེའི་སྒྲིབ་པ་ཐཾད་བྱང་བར་འགྱུར། དེས་ངན་སོང་གི་སྒོ་རྣཾས་བཅད་པར་
འགྱུརོ། །དེ་ངན་སོང་དང་། ངན་འགྲོ་རྣམས་རྒྱང་བསྲིངས་བར་འགྱུརོ། །གང་ཞིག་ནང་པར་ལང་ནསུ། །ལན་ཅིག་ཀློག་པར་བྱེད་པའི་མི། །སྲིད་པ་ཉམ་ངར་གང་བྱས་པ། །སྡིག་པ་ཀུན་ལས་གྲོལ་བར་འགྱུར། །སྲིན་པོ་ལ་སོགས་
ཆོམ་རྐུན་དང་། །མཚོན་དང་དགྲ་ཡིས་མི་ཚུགས་ཤིང་། །དུས་མིན་འཆི་ལས་རབ་ཏུ་ཐར། །རྟག་ཏུ་དཔལ་དང་ལྡན་པར་འགྱུར། །འཆི་བའི་དུས་ཀྱི་ཚེ་ན་ཡང་། །ངན་འགྲོ་རྣམས་ལས་བསྲིངས་འགྱུར་ཏེ། །
སངས་རྒྱས་རྣམས་ཀྱིས་ཡོངས་བཟུང་ནས། །བདེ་བ་ཅན་དུ་སྐྱེ་བར་འགྱུར། །དེ་སྐད་ཅེས་བཀའ་སྩལ་ནས། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རང་ཏེ་མངོན་པར་བསྟོད་དོ། །
འཕགས་པ་ལྷ་མོ་བརྒྱད་ཀྱི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཤཱི་ལེན་དྲ་བོ་དྷི་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།།
97-1-227a


༄༅། །རྒྱ་གར་སྐད་དུ།  སརྦ་ཏ་ཐཱ་ག་ཏོཥྞཱི་ཥ་བི་ཛ་ཡ་ནཱ་མ་དྷཱ་ར་ཎཱི་ཀལ་པྶཾ་ཧི་ཏ།  བོད་སྐད་དུ།  དེ་བཞིན་གཤེགས་པ་ཐཾད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་རྟོག་པ་དང་བཅས་པ། སངས་རྒྱས་དང་བྱང་ཆུབ་སེམས་
དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གི་ཐོས་པ་དུས་གཅིག་ན། བཅོམ་ལྡན་འདས་ཚེ་དཔག་ཏུ་མེད་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བ་ཅན་གྱི་ཆོས་ཡང་དག་པར་སྡུད་པའི་ཕུག་
ཁང་བཟངས་མཆོག་ན་ཉེ་བར་བཞུགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། རིག་ཀྱི་བུ་སྡུག་བསྔལ་བ་ནད་ཀྱིས་ཡོངསུ་གཟིར་བའི་སེམས་ཅན་ཚེ་ཐུང་བ་
ཡོད་དེ། དེ་རྣམས་ཀྱི་ཕྱིར་འཁོར་གྱི་དཀྱིལ་འཁོར་ལ་ཉེ་བར་གཟིགས་ཏེ། ཀུན་དུ་གཟིགས་པའི་དཔལ་གྱི་མཚན་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་འདི་བཅང་བ་དང་། བཀླག་པ་དང་། གཞན་
ལ་རྒྱ་ཆེར་ཡང་དག་པར་སྟོན་པ་ནི་ཚེ་རིང་བ་སྒྲུབ་པར་བྱེད་པའི་ཆེད་དུའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལང་ཏེ་ཐལ་མོ་སྦྱར་བར་གྱུར་པས་བཅོམ་ལྡན་
འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བསྟན་དུ་གསོལ། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམས་པར་རྒྱལ་བ་ཞེས་བྱ་བའི་གཟུངས་བདེ་བར་གཤེགས་པས་བསྟན་དུ་གསོལ། དེ་ནས་བཅོམ་
ལྡན་འདས་ཀྱིས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་ཉེ་བར་གཟིགས་ཏེ། ཀུན་དུ་གཟིགས་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམ་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམས་པར་
རྒྱལ་བ་ཞེས་བྱ་བའི་གཟུངས་འདི་བཀའ་སྩལ་པ། ཨོཾ་ན་མོ་བྷ་ག་ཝ་ཏེ་སརྦ་ཏྲཻ་ལོ་ཀྱ་པྲ་ཏི་བི་ཤིཥྚ་ཡ་བུདྷ་ཡ་ཏེ་ན་མ། ཏདྱ་ཐཱ། ཨོཾ་བྷྲཱུཾ་བྷྲཱུཾ་བྷྲཱུཾ། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ཨ་ས་མ་ས་མན་ཏ་ཨ་བ་བྷཱ་ས་སྥ་རཾ་ཎ་ག་ཏི། 
97-1-227b


ག་ག་ན་སྭ་བྷཱ་བ་བི་ཤུད་དྷེ། ཨུཥྞཱི་ཥ་བི་ཛ་ཡ་པ་རི་ཤུད་དྷེ། ཨ་བྷི་ཥིཉྩ་ནྟུ་མཱཾ། སརྦ་ཏ་ཐཱ་ག་ཏ་སུ་ག་ཏ་བ་ར་བ་ཙ་ན། ཨ་མྲི་ཏ་ཨ་བྷི་ཥེ་ཀཻ་ར། མ་ཧཱ་མུ་དྲ་མན་ཏྲ་པ་དཻ། ཨཱ་ཧ་ར་ཨཱ་ཧ་ར། མ་མ་ཨཱ་ཡུར་སན་དྷཱ་ར་ནི། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་
བི་ཤོ་དྷ་ཡ། ག་ག་ན་སྭ་བྷཱ་བ་བི་ཤུད་དྷེ། ཨུཥྞཱི་ཥ་བི་ཛ་ཡ་པ་རི་ཤུད་དྷེ། ས་ཧ་སྲ་རསྨི་སཾ་ཙོ་དི་ཏི། སརྦ་ཏ་ཐ་ག་ཏཱ་ཨ་བ་ལོ་ཀི་ནི། ཥཊ་པཱ་ར་མི་ཏཱ་པ་རི་པུ་ར་ཎི། སརྦ་ཏ་ཐཱ་ག་ཏ་མཱ་ཏེ་ད་ཤ་བྷུྰ་མི་པྲ་ཏི་ཥྛི་ཏེ། སརྦ་ཏ་ཐཱ་ག་ཏ་ཧྲི་ད་ཡ། ཨ་དྷིཥྛཱ་ན་ཨ་དྷི་
ཥྛི་ཏེ། མུ་དྲེ་མུ་དྲེ། མ་ཧཱ་མ་དྲེ། བཛྲ་ཀཱ་ཡ་སཾ་ཧ་ཏ་ན། པ་རི་ཤུད་དྷེ། སརྦ་ཀརྨ་ཨ་ཝ་ར་ཎ་བི་ཤུད་དྷེ། པྲ་ཏི་ནི་བར་ཏ་ཡ། མ་མ་ཨཱ་ཡུར་བི་ཤུད་དྷེ། སརྦ་ཏཱ་ཐཱ་ག་ཏཱ་ས་མ་ཡ། ཨ་དྷིཥྛཱ་ན། ཨ་དྷིཥྛི་ཏེ། ཨོཾ་མུ་ནི་མུ་ནི། མ་ཧཱ་
མུ་ནི། བི་མུ་ནི་བི་མུ་ནི། མ་ཧཱ་བི་མུ་ནི། མ་ཏི་མ་ཏི། མ་ཧཱ་མ་ཏི། མ་མ་ཏི། སུ་མ་ཏི། ཏ་ཐཱ་ཏཱ། བྷཱུ་ཏཱ་ཀོ་ཊི། པ་རི་ཤུད་དྷེ། བི་སྥུ་ཊ། བུད་དྷེ་ཤུད་དྷེ། ཧེ་ཧེ། ཛ་ཡ་ཛ་ཡ། བི་ཛ་ཡ་བི་ཛ་ཡ། སྨ་ར་སྨ་ར། སྥ་ར་སྥ་ར། སྥ་ར་ཡ་སྥ་ར་ཡ། 
སརྦ་བུད་དྷ་ཨ་དྷིཥྛཱ་ན་ཨ་དྷིཥྛི་ཏི། ཤུད་དྷེ་ཤུད་དྷེ། བྷུད་དྷེ་བུད་དྷེ། བཛྲེ་བཛྲེ། མ་ཧཱ་བཛྲེ། སུ་བཛྲེ། བཛྲེ་གར་བྷེ། ཛ་ཡ་གར་བྷེ། བི་ཛ་ཡ་གར་བྷེ། བཛྲ་ཛྭཱ་ལ་གར་བྷེ། བཛྲ་ཨུད་བྷ་བེ། བཛྲ་སཾ་བྷ་བེ། བཛྲེ་བཛྲི་ནི། བཛྲ་མྦྷ་བ་ཏུ། 
མ་མ་ཤ་རི་རཾ་སརྦ་ས་ཏཱ་ནཱཉྩ་ཀཱ་ཡ་པ་རི་ཤུད་དྷིར་བྷ་ཏུ། མེ་ས་དཱ་སརྦ་ག་ཏི་པ་རི་ཤུད་དྷེཤྩ། སརྦ་ཏ་ཐཱ་ག་ཏཱཤྩ་མཱཾ་ས་མ་སྭ་ས་ཡན་ཏུ། བུད་དྷྱ་བུད་དྷྱ། སིད་དྷྱ་སིད་དྷྱ། བོ་དྷ་ཡ་བོ་དྷ་ཡ། བི་བོ་དྷ་ཡ་བི་བོ་དྷ་ཡ། མོ་ཙ་ཡ་མོ་ཙ་ཡ། བི་མོ་
ཙ་ཡ་བི་མོ་ཙ་ཡ། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ས་མན་ཏ་མོ་ཙ་ཡ་མོ་ཙ་ཡ། ས་མན་ཏ་རསྨི་པ་རི་ཤུད་དྷེ། སརྦ་ཏ་ཐཱ་ག་ཏ་ཧྲྀ་ད་ཡཱ་ཨ་དྷིཥྛ་ན་ཨ་དྷིཥྛི་ཏེ། མུ་དྲེ་མུ་དྲེ། མ་ཧཱ་མུ་དྲེ་མ་ཧཱ་མུ་དྲཱ་མན་ཏྲ་པ་དཻ་སྭཱ་ཧཱ། 
རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བའི་གཟུངས་འདི་ནི་འཆི་བདག་ཆེན་པོའི་དབྱུག་པ་འཛིན་པ་ཏེ། དག་བྱེད་སྡིག་པ་འཇོམས་པར་བྱེད་པ་འདི་གྲོག་འམ་གཞན་ཞིག་ལ་བྲིས་ཏེ། 
97-1-228a


མཆོད་རྟེན་གྱི་ནང་དུ་བཞག་ལ། རབ་ཏུ་རྒྱ་ཆེ་བའི་མཆོད་པ་ཇི་ལྟར་འབྱོར་པས་མཆོད་དེ་བསྐོར་བ་སྟོང་ཕྲག་བརྒྱ་བྱས་ན་མཆོག་གི་ཚེ་དང་བློ་རྣོ་བ་སྦྱིན་པར་བྱེད་པར་འགྱུར་རོ། །དེ་ལྟར་བྱས་པས་ཞག་བདུན་པའི་ཚེ་ནི་ལོ་བདུན་ཐུབ་
བོ། །ལོ་བདུན་པའི་ཚེ་ལོ་བདུན་བཅུ་ཐུབ་བོ། །དེ་ལྟར་མཆོག་གི་ཚེ་འཐོབ་ཅིང་དྲན་པ་དང་ལྡན་པ་དང་། ནད་མེད་པ་དང་། སྐྱེ་བ་དྲན་པར་འགྱུར་རོ། །མཆོད་རྟེན་ལ་བཞུགས་སུ་གསོལ་ནས་མགོ་ལ་བཅངས་ན་ནད་ཆེན་པོ་ལས་གྲོལ་བར་
འགྱུར་རོ། །གོས་སམ་ཤིང་ཤུན་ལ་འགི་ཝང་གིས་རང་གིས་མིང་དང་བཅས་པའི་གཟུངས་བྲིས་ཏེ། ཙན་དན་གྱི་རང་བཞིན་གྱི་མཆོད་རྟེན་ལ་བཞུགས་སུ་གསོལ་ཏེ་རང་གིས་ཁྱིམ་དུ་བཞག་ལ་རྒྱ་ཆེན་བ་སྟོང་གི་མཆོད་པས་མཆོད་
ཅིང་ཟླ་བ་རེ་རེ་ཞིང་བརྒྱ་ཕྲག་བརྒྱད་ཀྱི་བཟླས་པའི་མཆོག་མཆོད་པའི་ཆོ་ག་བྱས་ན་ནད་ལས་གྲོལ་ཞིང་ཚེ་ལོ་བརྒྱ་ཐུབ་པར་འགྱུར་རོ། །མེད་ན་འདམ་པའི་རང་བཞིན་ལ་ཡང་བྱའི། ཡང་གོས་གཙང་མ་ལ་སྣ་ཚོགས་རྡོ་རྗེ་ལ་གནས་པའི་
མཆོད་རྟེན་བྲིས་ལ་རྡོ་རྗེའི་ཕྲེང་བས་བསྐོར་བས་བརྒྱན་པ་དེའི་ནང་དུ་རང་གིས་མི་དང་གཟུང་ཀྱི་ཚིག་འདི་གིའུ་ཝང་གྲིས་ལ་ཁམ་ཕོར་ཁ་སྦྱར་གྱི་ནང་དུ་བཞུགས་སུ་གསོལ་ལ། རང་གིས་ཁྱིམ་དུ་བཞག་སྟེ་མཆོད་པ་རྒྱ་ཆེན་པོ་
མཆོད་པ་བྱས་ན་རྟག་ཏུ་གསྲུངས་བར་འགྱུར་རོ། །གཞན་ཡང་ཆོ་ག་ནི་ས་ལ་མ་ལྷུང་བའི་གཅི་བས་མཎ་ཌལ་གྲུ་བཞིར་བྱས་ལ་མེ་ཏོག་དཀར་པོ་བཀྲམ་ཏེ། མཚམ་བཞིར་ཞུན་མར་གྱི་མར་མེ་བཞི་བཞག་ལ། ཨ་ཀ་རུ་དང་དུ་
རུ་ཀའི་བདུག་པ་བྱས་ལ་དེ་བཞིན་དུ་དྲིའི་ཆུ་གང་བའི་སྣོད་མེ་ཏོག་དཀར་པོས་བརྒྱན་ཏེ། གཟུངས་ཀྱི་སྙིང་པོ་ཅན་གྱི་མཆོད་རྟེན་ནམ་སྐུ་གཟུགས་དབུསུ་བཞུགསུ་གསོལ་ལ། དེ་ལ་གཡོན་པའི་ལག་པས་རེག་སྟེ། གཡས་
པའི་ལག་པ་ཕྲེང་བ་འཛིན་པས། ཉི་མ་རེ་རེ་ཞིང་ཉི་ཤུ་རྩ་གཅིག་རྩ་གཅིག་དུས་གསུམ་དུ་བཟླས་པ་བྱས་ལ་དེའི་ཆུ་ཁྱོར་བ་གསུམ་འཐུང་ན་ནད་མེད་པ་དང་། ཚེ་རིང་བ་དང་། དགྲ་ཡོངས་སུ་ཉལ་བ་དང་། འཛིན་བློ་རྣོ་བ་དང་། ངག་བཙུན་
97-1-228b


པར་འགྱུར་རོ། །སྐྱེ་བ་ནས་སྐྱེ་བར་སྐྱེ་བ་དྲན་པར་འགྱུར་རོ། །དེའི་ཆུས་ཁང་པ་དང་། ཕྱུག་ཀྱི་ར་བ་འམ། རྟའི་ར་བ་འམ། རྒྱལ་པོའི་ཁབ་ཏུ་གཏོར་ན་རྐུན་པོ་དང་། སྦྲུལ་དང་། གནོད་སྦྱིན་དང་། སྲིན་པོ་ལ་སོག་པའི་འཇིགས་པ་མི་འབྱུང་ཞིང་
ནད་ཀྱིས་ཡོངས་སུ་གདུངས་པར་མི་འགྱུར་རོ། །མགོ་ལ་གཏོར་ན་དེ་ནད་དེ་ལས་གྲོལ་བར་འགྱུར་རོ། །དེ་ལྟར་ཚེ་དཔག་ཏུ་མེད་པའི་ཕན་ཡོན་ཆེན་པོའི་གཟུངས་འདི་གང་དང་གང་དུ་རབ་ཏུ་སྦྱར་ན་དེ་དང་དེ་རུ་ཞི་བ་ཆེན་པོར་འགྱུར་རོ། །སོ་ཤིང་ལ་ལ་
ལན་ཉི་ཤུ་རྩ་གཅིག་ཡོངས་སུ་བཟླས་ཏེ་འཆོས་ན་ནད་མེད་པ་དང་། བློ་རྣོ་བ་དང་། ཚེ་རིང་བར་འགྱུར་རོ། །ཆུ་ཁྱོར་བ་གསུམ་ལ་དུས་གསུམ་དུ་ལན་ཉི་ཤུ་རྩ་གཅིག་རྩ་གཅིག་ཡོངས་སུ་བཟླས་ཏེ་འཐུང་ན་ནད་ཐམས་ཅད་ལས་ཡོངས་སུ་གྲོལ་
ཞིང་ཡུན་རིང་དུ་འཚོ་བར་འགྱུར་རོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཚེ་དཔག་ཏུ་མེད་པ་ལ་བསྐོར་བ་བྱས་ནས་འདི་སྐད་ཅེས་
གསོལ་ཏོ། །བཅོམ་ལྡན་འདས་རིག་ཀྱི་བུ་འམ་རིག་ཀྱི་བུ་མོས་མཆོད་རྟེན་གྱི་ལས་ཇི་ལྟར་བགྱི། སྐུ་གཟུགས་ལ་སོག་པ་བསྒྲུབ་པ་ཇི་ལྟར་བགྱི། འདིར་སྦྱིན་བསྲེག་ཀྱང་ཇི་ལྟར་བགྱི། བཅོམ་ལྡན་འདས་ཀྱི་བཀའ་སྩལ་པ། 
དྲི་བ་ལེགས་པར་སྨྲས་པ་ནི། །དཔའ་བོ་ཆེན་པོ་ལེགས་སོ་ལེགས། །སེམས་ཅན་ཀུན་ལ་ཕན་བརྩེའི་ཕྱིར། །འདིར་ནི་རྩེ་གཅིག་ཡིད་ཀྱིས་ཉོན། །དེ་ནས་བཅོམ་ལྡན་འདས་ཀུན་དུ་འོད་དཔག་ཏུ་མེད་པའི་དཔལ་ཞེས་བྱ་བའི་
ཏིང་ངེ་འཛིན་ལ་སྙོམས་པར་ཞུགས་དེ་བཞིན་གཤེགས་པ་ཐམས་ཅད་ཀྱི་ཚེ་དཔག་ཏུ་མེད་པ་ཞེས་བྱ་བའི་གཟུངས་འདི་གསུངས་པ་ནི་འདི་ལྟ་སྟེ། ཨོཾ་ཨ་མྲྀ་ཏེ། ཨ་མྲྀ་ཏོད་བྷ་བེ། ཨ་མྲྀ་ཏ་བི་ཀྲཱནྟེ། ཨ་མྲྨྀ་ཏ་གཱ་ཏཱེ། 
ཨ་མྲྨིྀ་ཏ་ག་མི་ནི། ཨ་མྲྨིྀ་ཏ་ཨ་ཡུརྡྷ་ཏེ། ག་ག་ན་ཀཱིརྟི་ཀ་རེ་སརྦ་ཀླེ་ཤ་ཀྵ་ཡང་ཀ་རི་ཡེ་སྭཱ་ཧཱ། ཞེས་བྱ་བའི་གཟུངས་འདི་མཆོད་རྟེན་བྱེད་པའི་འཇིམ་པ་བླང་བ་དང་། བྱུག་པ་ལ་སོགས་
97-1-229a


པ་དང་། གདུགས་གདགས་པའི་བར་ཇི་སྲིད་རྫོགས་པར་བྱའོ། །འདིའི་ཆོ་ག་ནི། མཆོད་རྟེན་ཆོ་ག་མཆོག་གྱུར་པ། །དེ་ནས་ཡང་དག་བཤད་པར་བྱ། །གསེར་དང་། ཨིན་དྲ་ནི་ལ་དང་། དངུལ་དང་། པད་མ་རཱ་ག་ལ་སོག་
པའི་རང་བཞིན་མང་པོའི་རིན་པོ་ཆེས་སྤྲས་པ་སོར་བཅུ་གཉིས་ཀྱི་ཚད་པད་མའི་སྟེང་ན་བཞུགས་པ། དེའི་ལོགས་བཞིར་འཇིག་རྟེན་སྐྱོང་བ་བཞི་ལག་ན་རྒྱལ་མཚན་བསྣམས་པའོ། །མེ་ཏོག་དང་། བདུག་པ་དང་། 
དྲི་ལག་ན་བཟུང་བའི་གནས་གཙང་མའི་ལྷའི་བུ་རྣམ་དང་། ལྷ་རྣམས་ཀྱི་དབང་པོ་རྒྱ་བྱིན་ལག་ན་གདུགས་ཐོགས་པ་དང་། གཡས་དང་གཡོན་ཀྱི་ལོགས་གཉིས་ན་སྤྱན་རས་གཟིགས་དང་། རྡོ་རྗེ་འཆང་གཉིས་རྔ་ཡབ་དཀར་
པོ་ཕྱག་ན་བསྣམས་པ་གཉིས་བྱའོ། །དེ་ལྟ་བུའི་ཆོ་གས་མཆོད་རྟེན་ལ་གཡས་བསྐོར་གྱི་སྦྱོར་བས་པད་མའི་འདབ་མ་ལ་བྲི་བར་བྱའོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་
གཟུངས་བྲིས་ལ། དེའི་རིང་བསྲིལ་གྱི་སྙིང་པོ་ཅན་དུ་བྱས་ལ་དྲི་ཞིམ་པོ་དང་བསྲེས་པའི་ཆུ་གཏོར་ཞིང་དྲི་ཞིམ་པོའི་མེ་ཏོག་གིས་མཆོད་ལ་སྟོང་ཕྲག་གཅིག་གི་མཆོད་པ་ཆེན་པོ་བྱས་ཏེ། དཀར་པོའི་ཕྱོག་ཀྱི་ཚེ་བརྒྱད་ཀྱི་ཉིན་ཞག་
ལ་བསྙུང་བར་གནས་ཤིང་། སེམས་ཅན་ཐམས་ལ་ཕན་པའི་བློས་ཚེ་དང་བློ་སྟེར་བའི་ཡོན་བྱིན་ཏེ་སྟོང་ཕྲག་གཅིག་བཟླས་པར་བྱའོ། །ཟླ་བ་རེ་རེ་ཞིང་བྱས་ན་ཟླ་བ་དྲུག་གིས་ཚེ་ལོ་སྟོང་ཐུབ་པར་འགྱུར་རོ། །རྟག་
ཏུ་ལོ་གཅིག་ཏུ་བྱས་ན་ཚེ་ལོ་འབུམ་ཐུབ་པར་འགྱུར་རོ། །རྟག་ཏུ་བྱས་ན་ཚེ་ལོ་མི་ཟད་པར་ཐུབ་ཅིང་སྟོབས་དང་ལྡན་པ་དང་། གང་གིས་ཀྱང་མི་ཐུབ་ཅིང་ལྷ་དང་ལྷ་མ་ཡིན་དང་བཅས་མི་མཉམ་པའི་མཁའ་སྤྱོད་ཀྱི་གཙུག་
ཏོར་མཆོག་ཏུ་འགྱུར་རོ། །དེ་ནས་གཞན་ཡང་ཆོ་ག་ནི་རབ་ཏུ་དགེ་བའི་གནས་སུ་ས་བླངས་ལ། དྲི་ཞིམ་པོས་བསྲེས་ལ་མཆོད་རྟེན་བྱའོ། །སྟོང་ཕྲག་གཅིག་ནས་བརྩམས་ཏེ་ཇི་སྲིད་ལྔ་འམ་གཅིག་གི་བར་དུའོ། །
97-1-229b


ཉི་མ་རེ་རེ་ཞིང་མཆོད་རྟེན་དུ་གཏོགས་པ་གཙུག་ཏོར་རྣམས་པར་རྒྱལ་བ་ཡང་དག་པར་གཞུགས་སུ་གསོལ་ལ། ཇི་སྐད་གསུང་པའི་མཆོད་པ་རྒྱ་ཆེན་པོ་བྱས་ལ་སྟོང་ཕྲག་གཅིག་ནས་བརྩམས་ཏེ། ལན་བདུན་གྱི་བར་དུ་
བཀླགས་པར་བྱའོ། །ཉི་མ་རེ་རེ་ཞིང་ཚེ་དང་བློ་སྟེར་བར་བྱས་པའི་གཟུངས་ཀྱི་ཆེད་དུ་བྱས་ཏེ། སེམས་ཅན་ཐམས་ཅད་ལ་ཐུན་མོང་དུ་དགེ་བའི་རྩ་བ་སྦྱིན་པར་བྱའོ། །སེམས་ཅན་རྣམས་ལ་བཅིང་བ་དང་བརྡང་བ་ལ་སོགས་
པ་སྤང་བར་བྱའོ། །ཟླ་བ་བཞན་རེ་རེ་ལ་མཆོད་པ་ཉིས་འགྱུར་དུ་བྱས་ལ་བརྒྱད་བརྒྱའི་བཟླས་པ་བྱ་བ་ནི་རང་ངམ་རང་དང་འདྲ་བས་བྱའོ། །ཆོ་ག་འདི་ཡིས་ནི་དུས་མ་ཡིན་པར་འཆི་བ་བརྒྱད་མེད་པར་འགྱུར་རོ། །བློ་རྣོ་བ་དང་། 
ནད་མེད་པ་དང་། ཚེ་ལོ་བརྒྱ་ཐུབ་ཅིང་འགྲོ་བ་ཐམས་ཅད་ཀྱི་ཡིད་དུས་འོང་བ་དང་། སྐྱེ་བ་དྲན་པར་འགྱུར་རོ། །གང་གི་ཚེ་འཆི་བའི་དུས་བྱས་པའི་ཚེ་སྦྲུལ་ཤུན་པ་བརྗེས་པ་དང་འདྲ་བར་རང་གིས་ལུས་བོར་ཏེ། མཛེས་པའི་ལུས་
བདེ་བ་ཅན་ཀྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ཡང་དེ་ནི་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་གྱི་ངན་འགྲོར་སྐྱེ་བར་མི་འགྱུར་རོ། །རྣ་བའི་བུ་གར་དམྱལ་བའི་སྒྲ་ཡང་
ཐོས་པར་མི་འགྱུར་ན་འབྲས་བུ་སྨིན་པར་ལྟ་ག་ལ་འགྱུར། འདི་རྣམས་ཀྱི་གནས་སུ་འགྲོ་བ་མེད་དོ། །དེ་ནས་བཅོམ་ལྡན་འདས་ཚེ་དཔག་ཏུ་མེད་པས་གཞན་ཡང་སྒྲུབ་པའི་ཐབས་བཀའ་སྩལ་པ། གང་གིས་སེམས་ཅན་
ཚེ་དཔག་ཏུ་མེད་པར་འགྱུར་བ་དང་ཉམ་ང་བའི་འཁོར་བ་ལས་གྲོལ་བར་བྱེད་པ་ནི་གཞོན་ནུ་མས་བཀལ་བའི་སྐུད་པ་ལ་ཚད་དང་ལྡན་པའི་མཛེས་པའི་རས་མཁས་པས་བྱའོ། །དེ་ནས་གཙུག་ཏོར་རྣམ་པར་རྒྱལ་བ་ཞེས་
བྱ་བའི་གཟུངས་ཚོན་སྣ་མ་ལུས་པས་གཟུངས་ཀྱིས་ཡེ་གི་ལས་སྤྲུལ་པའི་མཆོད་རྟེན་ཀྱི་ནང་དུ་བྲི་བར་བྱའོ། །ཚེ་དཔག་ཏུ་མེད་པ་འོད་ཟེར་སྟོང་གིས་ཕྲེང་བ་ཅན། པད་མ་དང་ཟླ་བའི་གདན་ལ་བཞུགས་པ། སྟོན་ཀའི་ཟླ་བ་
97-1-230a


ལྟ་བུའི་འོད་ཅན། རྒྱན་ཐམས་ཅད་ཀྱི་བརྒྱན་པ། ཞལ་གསུམ་པ་སྤྱན་གསུམ་པ། ཕྱག་བརྒྱད་པ། གཡས་པའི་ཞལ་ཞི་བ་གསེར་ཀྱི་འོད་ཟེར་དང་ལྡན་པའོ། །གཡོན་པ་ནི་མཆེ་བས་མ་མཆུ་མནན་པ་མི་ཟད་
པ་ཨུཏྤ་ལ་སྔོན་པོའི་འོད་ཟེར་གྱི་འོད་དང་ལྡན་པའོ། །དབུས་མ་ནི་སྒེག་པ་དང་བཅས་ཤིང་དཀར་བའོ། །གཡས་པའི་ཕྱག་གིས་སྙིང་ཀར་སྣ་ཚོགས་རྡོ་རྗེའི། །དེ་བཞིན་དུ་པད་མ་ལ་གནས་པའི་འོད་དཔག་ཏུ་མེད་པ་དང་། མདའ་
དང་། མཆོག་སྦྱིན་ནོ། །གཡོན་སྡིགས་མཛུབ་དང་བཅས་པའི་ཞགས་པ་དང་། དེ་བཞིན་དུ་བཞུ་དང་། མི་འཇིགས་པ་དང་། བུམ་པའོ། །ཡང་མགོ་བོར་མཆོད་རྟེན་ལ་གནས་པའི་ཨོཾ་དང་། མགྲིན་པར་ཨཱ་དང་། སྙིང་གར་ཧཱུཾ་ངོ་། །
དཔྲལ་བར་ཏྲཾ་ངོ་། །ལྟེ་བའི་ཕྱོགས་སུ་ཧྲིའོ། །རྐང་པ་གཉིས་ལ་ཨཾ་ཨ། ཡི་གེ་འདི་རྣམས་བཀོད་ལ་རཀྴ་སྭཱ་ཧཱ་དང་བཅས་པ་འདིའི་ནང་དུ་རང་གི་མིང་དང་སྤེལ་བའོ། །དེའི་ལོགས་གཉིས་སུ་པད་མ་དང་རྡོ་རྗེ་འཆང་གཉིས་རྔ་ཡབ་
དཀར་པོ་ཕྱག་ན་བསྣམས་པ་བྱའོ། །སྟེང་དུ་བདུད་རྩིའི་ཆར་གྱི་རྒྱན་འབེབ་བཞིན་པའི་གནས་གཙང་མའི་ལྷའི་བུ་གཉིས་སོ། །ལོགས་བཞིར་ཁྲོ་བོ་མི་གཡོ་བ་དང་། འདོད་པའི་རྒྱལ་པོ་དང་། བྱུག་པ་སྔོན་པོ་དང་། སྟོབས་པོ་ཆེ་ཞེས་
བྱ་བ་ཏེ། རལ་གྲི་དང་ལྕག་ཀྱུ་དང་། དབྱུག་པ་དང་། རྡོ་རྗེ་བསྣམས་པའོ། །གཡོན་པ་གདུག་པ་ཅན་འཇིགས་པའི་སྡིག་མཛུབ་ཆེད་དུ་བྱེད་པའོ། །དེ་ལྟར་འབད་པས་རྫོགས་པར་བྱས་ལ་རིང་བསྲིལ་དང་བཅས་པའི་མཆོད་རྟེན་ལ་
བསྨྱུང་བར་གནས་པས་མཆོད་པ་ཆེན་པོ་སྟོང་ཕྲག་གཅིག་གིས་མཆོད་པ་བྱས་ལ་འབུམ་ཕྲག་གཅིག་བཟླབ་པ་བྱའོ། །དེ་ནས་དཀར་པོའི་ཕྱོགས་ཀྱི་ཚེས་གཅིག་ནས་བཟུང་སྟེ། ཇི་སྲིད་བཅྭ་ལྔའི་བར་དུ་སྟོང་སྟོང་བཟླས་པར་བྱའོ། །
དེ་ནས་སྔ་བར་ནམ་ལངས་པ་དང་། བཅོམ་ལྡན་འདས་མ་ཞལ་མཐོང་བར་འགྱུར་རོ། །དེ་ནས་ཇི་ལྟར་དངོས་གྲུབ་འདོད་པ་སྟེར་རོ། །ཡང་ན་ནི་ཐང་ཀ་དེ་དྲི་ཞིམ་པོ་དང་བསྲེས་པའི་ཆུས་བྱུགས་པའི་ཕྱོག་གཅིག་ཏུ་ཡང་དག་པར་བཞུག་
97-1-230b


སུ་གསོལ་ལ། མཆོད་པ་རྒྱ་ཆེན་པོ་བྱས་ཏེ་ཉི་མ་རེ་རེ་ཞིང་བརྒྱད་བརྒྱའི་བཟླས་པ་བྱའོ། །ཡང་ཟླ་བ་རེ་རེ་ལ་སྟོང་སྟོང་གི་མཆོད་པ་བྱས་ཤིང་སྟོང་སྟོང་གིས་བཟླས་པ་བྱད་ན་ཚེ་དཔག་ཏུ་མེད་པ་དང་། སྟོབས་དཔག་ཏུ་མེད་པས་གཞན་
གནོན་པ་དང་། ནམ་མཁའ་ལ་འགྲོ་བ་དང་། ནད་ཆེན་པོ་མེད་པར་བྱེད་དོ། །སེམས་ཅན་ཐམས་ཅད་ཀྱིས་ཉི་མ་རེ་རེ་ཞིང་ཚིག་བཅད་སྟོང་འཛིན་པའི་ཕྱིན་ཅི་མ་ལོག་པའི་ངག་ཏུ་འགྱུར་རོ། །ཡང་ན་ཁ་ཅིག་གིས་དེ་ལྟ་བུ་བྱེད་པར་མི་
ནུས་ན་དེ་ཡིས་རང་གི་ཁྱིམ་དུ་དྲི་ཞིམ་པོ་དང་བསྲེས་པའི་སའི་ཆར་བཞུགས་སུ་གསོལ། ཇི་ལྟར་འབྱོར་པའི་མཆོད་པ་བྱས་ལ་ཟླ་བ་འོང་ངོ་ཅོག་གི་ཚེས་བརྒྱད་ལ་བརྒྱད་བརྒྱའི་བཟླས་པ་བྱ་ཞིང་། ཉི་མ་རེ་རེ་ལ་དུས་གསུམ་དུ་
ཉི་ཤུ་རྩ་གཅིག་རྩ་གཅིག་བརྗོད་ན་བློ་རྣོ་བ་དང་། ཚེ་རིང་བ་དང་། ཤེས་རབ་དང་ལྡན་པ་དང་། ནད་མེད་པ་དང་། སྐྱིད་པ་དང་། ལོ་བརྒྱ་འཚོ་བ་དང་། སྐྱེ་བ་དྲན་པར་འགྱུར་རོ། །ཡང་ན་རང་གིས་མ་ནུས་ན་དེའི་ཚེ་རང་དང་འདྲ་བས་བྱས་
ན་ཚེ་རིང་བ་དང་བློ་རྣོ་བར་འགྱུར་རོ། །དེ་ནས་བཞན་ཡང་སྦྱིན་སྲེགི་ཆོ་ག་སེམས་ཅན་ཐམས་ཅད་ལ་ཕན་པའི་ཕྱིར་ཉེ་བར་བཤད་པར་བྱ་ཏེ། ཁྲུ་གང་གི་ཚད་ཀྱི་ཐབ་ཁུང་ཟླུམ་པོ་རྡོ་རྗེ་ཕྲེང་བས་བརྒྱན་པ། ཙན་དན་དཀར་པོ་འམ་
ས་དཀར་གྱིས་བྱུགས་ལ་མེ་ཏོག་དཀར་པོ་བཀྲམ་སྟེ། ལོགས་བཞིར་ཞུན་མར་གྱི་མར་མེ་བཞི་བཞག་ལ་བདུག་སྤོས་ལ་སོགས་པས་ཡང་དག་པར་མཆོད་ལ། ཕྱོགས་བཞིར་མཚན་ཉིད་དང་ལྡན་པའི་བུམ་པ་རབ་ཏུ་མཛེ་
ས་པ་གོས་དཀར་པོས་གཡོགས་ལ་ཡལ་གས་ཁ་བརྒྱན་པ་བཞི་གཞག་པར་བྱའོ། །འོ་མ་ཅན་གྱི་ཡམ་ཤིང་ལ་མེ་སྦར་ལ་མེ་ལྷ་བཀུག་ལ། དགང་བླུགས་གསུམ་བྱིན་ལ་བསང་གཏོར་བྱས་ཏེ་གཤེགས་སུ་གསོལ་ལོ། །
དེ་ནས་ཚེ་དཔག་ཏུ་མེད་པ་གསལ་པོར་ཐབ་ཁུང་གི་དབུས་སུ་བསམས་ལ། གཙུག་ཏོར་རྣམ་པར་རྒྱལ་བ་བཟླས་ཤིང་དགང་བླུགས་གསུམ་དབུལ་ལོ། །ཡང་ན། ཨོཾ་ཨོཾ་ཨ་མྲྀ་ཏ་ཨཱ་ཡུར་དད་ཏེ་སྭཱ་ཧཱ། ཞེས་བྱ་བས་
97-1-231a


ཚེ་དང་བློ་རྣོ་བ་དང་བཅས་པས་བརྒྱད་བརྒྱ་དུས་གསུམ་དུ་སྦྱིན་བསྲེག་བྱའོ། །གཙུག་ཏོར་རྣམས་པར་རྒྱལ་བ་ལ་ལན་བདུན་དུ་བཟླས་པ་བྱས་ན་ཚེ་རིང་བ་དང་། བློ་རྣོ་བ་དང་། སྐྱིད་པ་དང་། ནད་མེད་པར་འགྱུར་རོ། །
ཡང་ན་ཟླ་བ་རེ་རེའི་དཀར་པོའི་ཕྱོགས་ཀྱི་ཚེས་བརྒྱད་ལ་མཆོད་པ་རྒྱ་ཆེན་པོ་བྱས་ལ་དུས་གསུམ་དུ་ཚེ་ལོ་སྟོང་ཐུབ་པར་འདོད་པ་བསྦྱིན་བསྲེག་བྱས་ན་མཆོག་གིས་ཚེ་རིང་བ་དང་། བློ་རྣོ་བ་སྦྱིན་པར་བྱེད་དོ། །སེམས་ཅན་
རྣམས་ལ་སྨད་པར་མི་བྱའོ། །ཆོ་ག་འདི་རང་གི་ལུས་ནད་ཀྱིས་གོས་པར་མི་འགྱུར་ཞིང་ལོ་བརྒྱ་ལྔ་བཅུ་འཚོ་བ་དང་། དགྲ་ལས་རྣམ་པར་རྒྱལ་བ་དང་། བློ་རྣོ་བར་འགྱུར་རོ། །དབྱང་སྙན་པར་འགྱུར་རོ། །གལ་ཏེ་རང་
གིས་མ་ནུས་ན་དེའི་ཚེ་རང་དང་འདྲ་བས་བྱས་ན་ཞི་བ་ཆེན་པོར་འགྱུར་རོ། །དེ་ནས་གཞན་ཡང་སྒྲུབ་པར་འདོད་ན་གཙུག་ཏོར་གྱི་རྒྱལ་པོ་ཆེན་པོ་ཚེ་དང་བློ་རྣོ་བ་དང་བཅས་པས་འབུམ་ཕྲག་གཅིག་སྦྱིན་བསྲེག་བྱས་ཏེ། དང་པོ་དང་
མཐར་སྟོང་སྟོང་གི་མཆོད་པ་བྱས་ལ་ཡང་འབུམ་ཕྲག་གཅིག་བཟླས་པ་བྱས་ན་ཚེ་ལོ་འབུམ་ཕྲག་གཅིག་ཐུབ་པར་འགྱུར་རོ། །བྱེ་བ་བྱས་ན་བྱེ་བ་ཐུབ་བོ། །དེ་ལྟར་འདིའྀ་ཆོ་གའི་རིམ་པས་ཚེ་ལོ་དཔག་ཏུ་མེད་པར་འགྱུར་
ཞིང་ནམ་མཁའ་ལ་འགྲོ་བ་དང་། དཔའ་བ་དང་། དགྲ་ལས་རྒྱལ་བར་འགྱུར་རོ། །དཔལ་འདོད་ན་འབུམ་ཕྲག་གཅིག་སྦྱིན་སྲེག་བྱས་ན་དཔལ་ཆེན་པོ་ཐོབ་པར་འགྱུར་རོ། །རྒྱལ་པོ་འདོད་ན་པད་མ་འབུམ་ཕྲག་གཅིག་སྦྱིན་
སྲེག་བྱས་ན་རྒྱལ་པོ་ཆེན་པོ་ཐོབ་པར་འགྱུར་རོ། །བྱེ་བ་གཅིག་བྱས་ན་འཁོར་ལོས་སྒྱུར་བ་ཐོབ་པར་འགྱུར་རོ། །ཡང་ན་རལ་གྲི་ལ་སོགས་པ་སྒྲུབ་པར་འདོད་ན་རིང་བསྲེལ་དང་བཅས་པའི་མཆོད་རྟེན་གྱི་མདུན་དུ་ཐང་སྐུ་
བཀྲམ་ལ་སྟོང་གིས་མཆོད་པ་ཆེན་པོས་མཆོད་ལ་བཟླས་པ་འབུམ་བྱས་ལ་ཡང་ལྕགས་ལྔའི་རང་བཞིན་གྱི་རལ་གྲི་ལ་བཟླས་པ་འབུམ་བྱས་ཏེ། ལག་པ་གཡས་པར་བཅངས་ན་ཡིད་ཀྱིས་འགྲོ་བ་འམ། འདོད་པའི་གཟུགས་འཛིན་པ་དང་། 
97-1-231b


སྟོབས་ཆེ་ཞིང་གཞན་གནོན་པ་དང་། སེམས་ཅན་ཐམས་ཅད་ཀྱི་གཅིག་ཏུ་འདྲེན་པ་པོར་གྱུར་ནས་སྨན་པ་ཆེན་པོའི་མཆོག་ཚེ་དཔག་ཏུ་མེད་པར་འགྱུར་རོ། །དེ་ལྟར་རྡོ་རྗེ་དང་། འཁོར་ལོ་དང་། རྩེ་གསུམ་ལ་སོགས་པ་ཡང་བསྒྲུབ་པར་
བྱའོ། །དེ་ལྟར་ཕན་ཡོན་དཔག་ཏུ་མེད་པའི་གཟུངས་ཆེན་མོ་དེ་བཞིན་གཤེགས་པ་ཐམས་ཅད་ཀྱི་སྙིང་པོར་གྱུར་པ་མཆོག་ཏུ་རྙེད་པར་དཀའ་བ་འདི་ཇི་ལྟ་ཇི་ལྟར་སྦྱར་བ་དེ་ལྟ་དེ་ལྟར་ལས་གྲུབ་པར་བྱེད་དོ། །གང་ཡང་དེ་བཞིན་གཤེགས་པ་
ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་འདི་ཉི་མ་རེ་རེ་ལ་དུས་གསུམ་དུ་ལན་ཉི་ཤུ་རྩ་གཅིག་བཟླས་པ་བྱ་ཞིང་མཆོད་རྟེན་ཆེན་པོ་བྱས་ཏེ་ཡང་དག་པར་བཅང་ལ་གཞན་ལ་ཡང་རྒྱ་ཆེར་གསལ་བར་བྱས་ན་དེ་སྐྱེད་
པ་འཐོབ་ཅིང་སྟོབས་དང་ལྡན་པ་དང་། ནད་མེད་པ་དང་། ལོ་བརྒྱ་ཐུབ་པ་དང་། བློ་རྣོ་བ་དང་། སྐྱེ་བ་དྲན་པར་འགྱུར་རོ། །གང་གི་ཚེ་འཆི་བའི་དུས་བྱས་པ་དེའི་ཚེ་སྦྲུལ་ཤུན་པ་རྗེས་པ་དང་འདྲ་བ་རང་གི་ལུས་བོར་སྟེ་བདེ་བ་ཅན་གྱིས་
འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །དམྱལ་བའི་སྒྲ་རྣ་བུག་དུ་ཡང་ཐོས་པར་མི་འགྱུར་ན་འབྲས་བུ་སྨིན་པར་ལྟ་ཡང་ག་ལ་འགྱུར། གང་དང་གང་དུ་སྐྱེས་པ་དེ་དང་དེ་རུ་སྐྱེ་བ་དྲན་པར་འགྱུར་རོ། །
བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུང་
པ་ལ་མངོན་པར་སྟོད་དོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་རྟོག་པ་དང་བཅས་པ་རྫོགས་སོ།། །། ༄༅། །རྒྱ་གར་སྐད་དུ།  ཨཱརྱ་སརྦ་
དུརྒ་ཏི་པ་རི་ཤོ་དྷ་ནི་ཨུཥྞཱི་ཥ་བི་ཛ་ཡ་ནཱ་མ་དྷ་ར་ཎཱི།  བོད་སྐད་དུ།  འཕག་པ་ངན་འགྲོ་ཐམས་ཅད་ཡོངས་སུ་སྦྱོང་བ་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་
97-1-232a


ཕྱག་འཚལ་ལོ། །དེ་ནས་ལྷའི་བུ་ཤིན་དུ་བརྟན་པ་ཞེས་བྱ་བ་ཞིག་སུམ་བཅུ་རྩ་གསུཾ་གྱི་ལྷ་རྣཾས་ཀྱི་ནང་ཆོས་བཟང་ལྷའི་མདུན་ས་ན་གནས་ཏེ། ལྷའི་གཞལ་ཡས་ཁང་ཆེན་པོ་ན་ལྷའི་ལོངས་སྤྱོད་ཆེན་པོ་དང་། ལྷའི་བུ་
མོའི་ཚོག་ཆེན་པོས་བསྐོར་ནས་རྩེ་དགའ་ཞིང་དགའ་མགུར་སྤྱོད་དེ། དེ་ལྷའི་ལོངས་སྤྱོད་མྱོང་བ་ལས་མཚན་མོ་སྒྲ་ཞིག་ཐོས་པ། ལྷའི་བུ་ཤིན་ཏུ་བརྟན་པ་ཞག་བདུན་གྱི་ཉིན་པར་འཆི་བའི་དུས་བྱེད་དེ། དེ་འཆི་བའི་དུས་བྱས་ནས་ཀྱང་འཛམ་བུའི་
གླིང་དུ་སྐྱེས་ཏེ། དེར་ཡང་འགྲོ་བ་བདུན་པོ་མྱང་བར་འགྱུར་རོ། །འགྲོ་བ་བདུན་པོ་མྱོང་ནས་སེམས་ཅན་དམྱལ་བར་སྐྱེ་བར་འགྱུར་རོ། །བརྒྱ་ལ་ནམ་ཞིག་མིར་སྐྱེས་བར་གྱུར་ན་ཡང་དེར་དབུལ་པོར་འགྱུར་ཞིང་དམུས་ལོང་དུ་འགྱུར་རོ་
ཞེས་དེས་ཐོས་སོ། །དེ་ནས་ལྷའི་བུ་དེ་སྒྲ་དེ་ཐོས་ནས་འཇིགས་སྐྲག་དངངས་ཏེ་སྤུ་ཟིང་ཞེས་བྱེད་པར་གྱུར་ནས། དེ་རིངས་པ་རིངས་པར་ལྷའི་དབང་པོ་བརྒྱ་བྱིན་ག་ལ་བ་དེར་སོང་སྟེ་ཕྱིན་ནས། དེ་ནས་ལྷའི་དབང་པོ་བརྒྱ་བྱིན་གྱི་རྐང་པ་
ལ་ཕྱག་འཚལ་ཏེ། བརྟབས་པར་སྨྲ་ཞིང་དེ་ཀྱེ་ཧུད་ཀྱེ་ཧུད་ཅེས་སྨྲེ་སྔགས་འདོན་བཞིན་དུ་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ལྷའི་དབང་པོ་གསན་དུ་གསོལ། ལྷའི་དབང་པོ་བདག་དེང་ལྷའི་བུ་མོའྀ་ཚོག་ཀྱིས་བསྐོར་ཏེ། ལྷ་
འི་ལོང་སྤྱོད་ཀྱི་དགའ་བས་རྩེ་ཞིང་བདེ་བ་མྱོང་བ་ལས་སྒྲ་ཞིག་ཐོས་པ། ལྷའི་བུ་ཤིན་དུ་བརྟན་པ་ཞག་བདུན་ན་འཆི་བའི་དུས་བྱེད་པར་འགྱུར་ཏེ། འཛམ་བུའི་གླིང་དུ་སྐྱེ་བར་འགྱུར་རོ། །དེར་ཡང་འགྲོ་བ་བདུན་མྱོང་ནས་སེམས་ཅན་
དམྱལ་བར་སྐྱེ་བར་འགྱུར་རོ། །བརྒྱ་ལ་ནམ་ཞིག་མིར་སྐྱེས་པར་གྱུར་ན་ཡང་དེར་དེ་དབུལ་པོར་འགྱུར་ཞིང་དམུས་ལོང་དུ་འགྱུར་རོ། །ཞེས་ཐོས་ན་ལྷའི་དབང་པོ་དེ་ལ་བདག་གིས་ཇི་ལྟར་བསྒྲུབ་པར་བགྱི། དེ་ནས་ལྷའི་དབང་པོ་
བརྒྱ་བྱིན་གྱིས་ལྷའི་བུ་ཤིན་དུ་བརྟན་པའི་ཚིག་དེ་ཐོས་ནས་ཤིན་དུ་ངོ་མཚར་དུ་འཛིན་པར་འགྱུར་ཏེ། ལྷའི་བུ་འདིས་འགྲོ་བ་བདུན་པོ་གང་དག་མྱོང་བར་འགྱུར་སྙམ་དུ་སེམས་ཤིང་ཅང་མི་སྨྲ་བར་འདུག་པ་དང་། འགྲོ་བ་བདུན་ནི་ཕག་
97-1-232b


གི་སྐྱེ་གནས་དང་། ཁྱི་དང་། ཝ་དང་། སྤྲེའུ་དང་། སྦྲུལ་གདུག་པ་དང་། བྱ་རྒོད་དང་། བྱ་ཁྭ་སྟེ། འགྲོ་བ་བདུན་པོ་དེ་དག་ཤིན་དུ་མི་གཙང་བའི་ཟ་བ་མྱོང་བར་འགྱུར་བ་མཐོང་ངོ་། །དེ་ནས་ལྷའི་དབང་པོ་བརྒྱ་བྱིན་གྱིས་འགྲོ་བ་བདུན་པོ་དེ་དག་ཐོང་
ནས་འདི་སྙམ་དུ་ཨེ་མ་ལྷའི་བུ་འདི་སྡུག་བསྔལ་མི་བཟད་པ་ཆེན་པོ་མྱོང་བར་འགྱུར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མ་གཏོགས་པར་དེའི་སྐྱབས་དང་། རྟེན་དང་། དཔུང་
གཉེན་དུ་འགྱུར་བ་སུ་ཡོད་སྙམ་དུ་བསཾས་སོ། །དེ་ནས་ལྷའི་དབང་པོ་བརྒྱ་བྱིན་ནུབ་མོ་དེའི་སྲོད་ལ་སྤོས་དང་། མེ་ཏོག་དང་། བདུག་པ་སྣ་ཚོགས་དང་། གོས་དང་། བརྒྱན་སྣ་ཚོགས་ལ་སོགས་པ་ཁྱེར་ནས། བཅོམ་ལྡན་འདས་ག་ལ་བ་
དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ལན་བདུན་བསྐོར་བ་བྱས་ནས་མཆོད་པ་ཆེན་པོ་བྱས་ཏེ། བཅོམ་ལྡན་འདས་ཀྱིས་སྤྱན་སྔར་འདུག་ནས་ལྷའི་བུ་ཤིན་དུ་བརྟན་པའི་འགྲོ་བ་
བདུན་པོ་དག་བཅོམ་ལྡན་འདས་ལ་ཞིབ་ཏུ་གསོལ་ཏོ། །ལྷའི་དབང་པོ་བརྒྱ་བྱིན་གྱིས་འགྲོ་བ་བདུན་པོ་དེ་དག་གསོལ་མ་ཐག་ཏུ། དེ་ནས་བཅོམ་ལྡན་འདས་ཀྱི་གཙུག་ཏོར་ནས་འོད་ཟེར་སྣ་ཚོགས་བྱུང་སྟེ། དེས་ཕྱོགས་བཅུའི་འཇིག་
རྟེན་གྱི་ཁམས་ཀྱི་གནས་ཐམས་ཅད་ཀུན་ནས་སྣ་བར་བྱས་ཏེ་སླར་ལོག་ནས་བཅོམ་ལྡན་འདས་ཀྱི་ཞལ་གྱི་སྒོར་ཞུགས་སོ། །དེ་ནས་བཅོམ་ལྡན་འདས་ཀྱིས་འཛུམ་པ་མཛད་ནས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་
ཏོ། །ལྷའི་དབང་པོ་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་དེ་བཞིན་གཤེགས་པས་སྤྱི་བོར་ནས་དབང་བསྐུར་བ། ངན་འགྲོ་ཐམས་ཅད་ཡོངས་སུ་སྦྱོང་བ། སྒྲིབ་པ་དང་། སྡུག་བསྔལ་བར་སྐྱེ་བ་ཐམས་ཅད་འཇིགས་པར་བྱེད་པ་
སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་ཐམས་ཅད་ཡོངས་སུ་སྦྱོང་བ། བདེ་འགྲོ་ལ་འཇོག་པ་ཡོད་དེ། ལྷའི་དབང་པོ་དེ་ལྟ་བས་ན་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་ངན་
97-1-233a


འགྲོ་ཐམས་ཅད་ཡོངས་སུ་སྦྱོང་བ་ཐོས་མ་ཐག་ཏུ་སྒྲིབ་པར་འགྱུར་བའི་སྡུག་བསྔལ་གྱི་རང་བཞིན་སྣ་ཚོགས་ཤིན་དུ་མང་པོ་འཇིག་པར་བྱེད་དོ། །སྐྱེ་བ་ཡོངས་སུ་དག་པའི་རྒྱུད་ཐོབ་པར་འགྱུར་རོ། །ཚེ་རབས་ཐམ་ཅད་
དུ་ཡང་ཚེ་རབས་དྲན་པར་འགྱུར་རོ། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་རོ། །ལྷའི་འཇིག་རྟེན་ནས་ལྷའི་འཇིག་རྟེན་དུ་འགྲོ་བར་འགྱུར་ཏེ། ལྷའི་གནས་སུམ་བཅུ་རྩ་གཉིས་ཀྱི་བར་དུ་འགྲོ་
བར་འགྱུར་རོ། །ལྷའི་དབང་པོ་དེ་བརྗོད་མ་ཐག་ཏུ་ཚེ་ཟད་པ་ཡང་ཚེ་ཕྱིར་ནུར་བར་འགྱུར་བའི་ལས་ཐོབ་པར་འགྱུར་རོ། །ལུས་དང་ངག་དང་ཡིད་ཀྱི་ལས་ཡོངས་སུ་དག་པ་བསགས་པ་བདེ་བར་རེག་པ་ལ་གནས་པས་
གནས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱང་དེ་ལ་གཟིགས་སོ། །དེ་དག་དེ་ལ་རྟག་ཏུ་རྒྱུན་མི་འཆད་པར་བསྲུང་བ་དང་། བསྐྱབ་པ་དང་། སྦ་བར་མཛད་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱང་དེ་ལ་
སེམས་པར་འགྱུར། བརྗོད་པ་ཙམ་གྱི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ཡི་དགས་ཀྱི་ཡུལ་ཐམས་ཅད་སྐེམས་པར་འགྱུར། རྣམ་པར་འཇིག་པར་འགྱུར། རྣམ་པར་འཐོར་
བར་འགྱུར། རྣམ་པར་སེལ་བར་འགྱུར། སྟོང་པར་འགྱུར་རོ། །དེ་ལྟར་དེ་ལ་སངས་རྒྱས་ཀྱི་ཞིང་ཐམས་ཅད་དང་། ལྷའི་གནས་ཐམས་ཅད་དང་། བྱང་ཆུབ་སེམས་དཔའི་གནས་ཐམས་ཅད་ཀྱི་སྒོ་རྣམས་ཕྱེ་བར་འགྱུར་རོ། །དེ་གང་འདོད་
པ་དེར་འཇུག་པར་འགྱུར་རོ། །དེ་ནས་བཅོམ་ལྡན་འདས་ལ་ལྷའི་དབང་པོ་རྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་དེ་བཀའ་སྩལ་དུ་གསོལ། སེམས་ཅན་ཐམས་ཅད་ཀྱི་སྲོག་ལ་སྨན་གདགས་པ་བཤད་
དུ་གསོལ། དེ་ནས་བཅོམ་ལྡན་འདས་ཀྱིས་ལྷའི་དབང་པོ་རྒྱ་བྱིན་གྱིས་གསོལ་བ་བཏབ་པ་མཁྱེན་ནས་གཟུངས་འདི་དག་བཀའ་སྩལ་ཏོ། །ན་མོ་རཏྣ་ཏྲ་ཡཱ་ཡ། ༀ་ན་མོ་བྷ་ག་ཝ་ཏེ་སརྦ་ཏྲཻ་ལོ་ཀྱ་པྲ་ཏི་བི་ཤིཥྚཱ་ཡ་བུད་དྷཱ་ཡ་ཏེ་ན་མཿཏདྱ་ཐཱ། 
97-1-233b


ༀ་བྷྲཱུྃ་བྷྲཱུྃ་བྷྲཱུྃ། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ཨ་ས་མ་ས་མན་ཏ་ཨ་བ་བྷཱ་ས་སྥ་ར་ཎ་ག་ཏི། ག་ག་ན་སྭ་བྷཱ་བ་བི་ཤུད་དྷེ། ཨ་བྷི་ཥིཉྩ་ནྟུ་མཱྃ། སརྦ་ཏ་ཐཱ་ག་ཏ་སུ་ག་ཏ་བ་ར་བཱ་ཙ་ན། ཨ་མྲྀ་ཏ་ཨ་བྷི་ཥེ་ཀཻ་ར། མ་ཧཱ་མུ་དྲཱ། མན་ཏྲ་པ་དཻཿཨ་ཧ་ར་ཨ་ཧ་
ར། མ་མ་ཨཱ་ཡུཿསན་དྷཱ་ར་ཎི། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ག་ག་ན་སྭ་བྷཱ་ཝ་བི་ཤུད་དྷེ། ཨུཥྞཱི་ཥ་བི་ཛ་ཡ་པ་རི་ཤུད་དྷེ། ས་ཧ་སྲ་རསྨི་སྃ་ཙོ་དི་ཏེ། སརྦ་ཏ་ཐཱ་ག་ཏ་ཨ་བ་ལོ་ཀི་ནི། ཥཊ་པཱ་ར་མི་ཏཱ་པ་རི་པཱུ་ར་ཎི། སརྦ་ཏ་ཐཱ་ག་ཏཱ་མཱ་ཏེ་ད་ཤ་བྷཱུ་
མི་པྲ་ཏི་ཏེ། སརྦ་ཏ་ཐཱ་ག་ཏཱ་ཧྲྀ་ད་ཡ་ཨ་དྷིཥྛཱ་ན་ཨ་དྷི་ཥྛི་ཏེ། མུ་དྲེ་མུ་དྲེ། མ་ཧཱ་མུ་དྲེ། བཛྲ་ཀཱ་ཡ་སྃ་ཧ་ཏ་ཎ། པ་རི་ཤུད་དྷཱེ། སརྦ་ཀརྨ་ཨཱ་ཝ་ར་ཎཱ་བི་ཤུད་དྷེ། པྲ་ཏི་ནི་བར་ཏ་ཡ། མ་མ་ཨཱ་ཡུར་བི་ཤུད་དྷེ། སརྦ་ཏ་ཐཱ་ག་ཏཱ་ས་མ་ཡ་ཨ་དྷིཥྛཱ་ན་ཨ་དྷིཥྛི་ཏེ། 
ཨོཾ་མུ་ནི་མུ་ནི། མ་ཧཱ་མུ་ནི། བི་མུ་ནི་བི་མུ་ནི། མ་ཧཱ་བི་མུ་ནི། མ་ཏི་མ་ཏི། མ་ཧཱ་མ་ཏི། མ་མ་ཏི། སུ་མ་ཏི། ཏ་ཐཱ་ཏཱ། བྷཱུ་ཏ་ཀོ་ཊྀ། པ་རི་ཤུད་དྷེ། བི་སྥུ་ཊ། བུད་དྷེ་ཤུད་དྷེ། ཧེ་ཧེ། ཛ་ཡ་ཛ་ཡ། བི་ཛ་ཡ་བི་ཛ་ཡ། སྨ་ར་སྨ་ར། སྥ་ར་སྥ་ར། སྥཱ་ར་ཡ་སྥཱ་ར་ཡ། སརྦ་བུད་དྷ་ཨ་
དྷིཥྛཱ་ན་ཨ་དྷིཥྛི་ཏེ། ཤུད་དྷེ་ཤུད་དྷེ། བུད་དྷེ་བུད་དྷེ། བཛྲེ་བཛྲེ། མ་ཧཱ་བཛྲེ། སུ་བཛྲེ། བཛྲེ་གར་བྷེ། ཛ་ཡ་གར་བྷེ། བི་ཛ་ཡ་གརྦྷེ་བཛྲ་ཛྭཱ་ལ་གརྦྷེ། བཛྲ་ཨུད་བྷ་བེ། བཛྲ་སྃ་བྷ་བེ། བཛྲེ་བཛྲི་ཎི། བཛྲམྦྷ་བ་ཏུ། མ་མ་ཤ་རཱི་རྃ་སརྦ་སད་ཏྭཱ་ནཱཉྩ་ཀཱ་ཡ་པ་རི་ཤུད་
དྷེར་བྷ་བནྟུ། ས་དཱ་མེ་སརྦ་ག་ཏི་པ་རི་ཤུད་དྷེཤྩ། ས་མནྟཱ་ན་མྨོ་ཙ་ཡ་མོ་ཙ་ཡ། ཨ་དྷིཥྛཱ་ན། སརྦ་ཏ་ཐཱ་ག་ཏཱཤྩ་མཱྃ་ས་མཱ་སྭཱ་ས་ཡན་ཏུ། བུད་དྷྱ་བུད་དྷྱ། སིད་དྷྱ་སིད་དྷྱ། བོ་དྷ་ཡ་བོ་དྷ་ཡ། བི་བོ་དྷ་ཡ་བི་བོ་དྷ་ཡ། མོ་ཙ་ཡ་མོ་ཙ་ཡ། བི་མོ་ཙ་ཡ་བི་མོ་ཙ་ཡ། 
ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ས་མན་ཏ་རསྨི་པ་རི་ཤུད་དྷེ། སརྦ་ཏ་ཐཱ་ག་ཏཱ་ཧྲྀ་ད་ཡ་ཨ་དྷིཥྛཱ་ན་ཨ་དྷིཥྛི་ཏེ། མུ་དྲེ་མུ་དྲེ། མ་ཧཱ་མུ་དྲེ་མ་ཧཱ་མུ་དྲཱ་མན་ཏྲ་པ་དཻཿསྭཱ་ཧཱ། ལྷའི་དབང་པོ་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་ངན་
འགྲོ་ཐམས་ཅད་ཡོངས་སུ་སྦྱོང་བ། སྡིག་པ་དང་། ལས་དང་། སྒྲིབ་པ་ཐམས་ཅད་རྣམ་པར་སྦྱོང་བ། བདེ་འགྲོའི་ལམ་ཐམས་ཅད་དུ་འགྲོ་བ་དང་། ངན་འགྲོ་ཐམས་ཅད་རྣམ་པར་འཇིག་པར་བྱེད་པ་ནི་སངས་རྒྱས་བཅོམ་ལྡན་འདས་གང་
97-1-234a


གཱའི་ཀླུང་འབུམ་ཕྲག་བྱེ་བ་ཕྲག་བརྒྱད་བཅུ་རྩ་བརྒྱད་ཀྱི་བྱེ་མ་སྙེད་དག་གིས་གསུང་པ། བྱིན་གྱིས་བརླབས་པ། རྗེས་སུ་ཡི་རང་བར་མཛད་པ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཕྱག་རྒྱས་བཏབ་པ་སྟེ། 
སེམས་ཅན་ཐམས་ཅད་བདེ་འགྲོར་འགྲོ་བར་བྱ་བ་དང་། ངན་འགྲོར་ལྷུང་བ་རྣམས་བཟློག་པ་དང་། སེཾན་དམྱལ་བ་དང་། དུད་འགྲོའྀ་སྐྱེ་གནས་དང་། གཤིན་རྗེའི་འཇིག་རྟེན་ལ་སོགས་པ་སྡུག་བསྔལ་གྱི་གནས་ཐམས་ཅད་དུ་
སྡུག་བསྔལ་ཞིང་ཉམ་ང་བར་གྱུར་པ་རྣམས་དང་། སྡུག་བསྔལ་གྱི་རྒྱ་མཚོར་ལྷུང་བའི་སེཾན་རྣམས་རྣམ་པར་འགྲོལ་བར་བྱ་བའི་ཕྱིར་གསུངས་པའོ། །དེ་བཞིན་དུ་སེམས་ཅན་ཚེ་ཐུང་ཞིང་སྐལ་པ་ཆུང་བ། སྨད་པ་དང་། བསམ་པ་ཉམ་པ་
དང་། སེམས་ཅན་ལམ་ལས་ཉམས་པ་རྣམས་ཀྱི་དོན་དུ་གཟུངས་འདི་འཛམ་བུའི་གླིང་དུ་བཞག་གོ། ལྷའི་དབང་པོ་ཁྱོད་ཀྱིས་གཟུངས་འདི་བཟུང་ལ་ལྷའི་བུ་ཤིན་དུ་བརྟན་པ་ལ་སྒྲོགས་ཤིག །བསྒྲགས་ནས་ཀྱང་གདོན་པ་དང་། ཁ་ཏོན་དུ་
བྱ་བ་དང་། བསམ་པ་དང་། བསྒོམ་པ་དང་། དྲན་པར་བྱ་བ་དང་། མཆོད་པ་དང་། བཟུང་བ་དང་། ཀུན་ཆུབ་པར་བྱ་བ་ལ་དེ་སྦྱོར་བར་གྱིས་ཤིག་དང་། དེ་ལྟར་ལྷའི་གནས་ཐམས་ཅད་ན་འཁོད་པའི་ལྷའི་བུ་རྣམས་དང་། འཛམ་བུའི་གླིང་པའི་སེཾན་
རྣམས་ཀྱི་དོན་དང་། ཕན་པ་དང་། བདེ་བའི་ཕྱིར་གཟུངས་ཀྱི་ཕྱག་རྒྱ་དང་། གསང་སྔགས་འདི་དག་ཁྱོད་ལ་གཏད་དོ། །དེའི་ཕྱིར་ལྷའི་དབང་པོ་ཁྱོད་ཀྱིས་གཟུང་བར་བྱའོ། །ལྷའི་དབང་པོ་གཟུངས་འདི་ཐོས་མ་ཐག་
ཏུ་བསྐལ་པ་བརྒྱ་སྟོང་དུ་བསགས་པའི་ལས་ཀྱི་སྒྲིབ་པ་ཡོངས་སུ་བྱང་བར་འགྱུར་རོ། །སྐྱེ་བར་སྐྱེ་བ་རྣམ་པ་སྣ་ཚོགས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། 
ཡི་དགས་ཀྱི་ཡུལ་དང་། ལྷ་མ་ཡིན་གྱི་རིས་དང་། འདི་ལྟ་སྟེ། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། སྲུལ་པོ་དང་། ལུས་སྲུལ་པོ་དང་། བརྗོད་བྱེད་དང་། ཁྱི་དང་། 
97-1-234b


རུ་སྦལ་དང་། སྦྲུལ་དང་། གཅན་ཟན་ཁྲོ་བོ་དང་། བྱ་དང་། སྦྲང་བུ་དང་། སྦྲང་མ་དང་། སྡིག་སྦྲུལ་དང་། གྲོག་སྦུར་ལ་སོགས་པའི་སྲོག་ཆགས་ཀྱི་རིགས་སུ་ཕྱི་མི་སྐྱེ་བར་ཤེས་པར་བྱའོ། །གཞན་དུ་ན་དེ་བཞིན་
གཤེགས་པ་དང་ཕྲད་པ་དང་། བྱང་ཆུབ་སེམས་དཔའ་འི་རིགས་སུ་སྐྱེ་བ་ནི་མ་གཏོགས་སོ། །དེ་རིག་ཆེན་པོ་འདི་ལྟ་སྟེ། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་འམ། རྒྱལ་རིགས་ཤིང་ས་ལ་
ཆེན་པོ་ལྟ་བུ་འམ། ཚོང་དཔོན་གྱི་རིགས་ཤིང་ས་ལ་ཆེན་པོ་ལྟ་བུར་སྐྱེའོ་ཞེས་ང་སྨྲའོ། །ལྷའི་དབང་པོ་དེ་ལྟར་ན་གཟུངས་འདིའྀ་མཐུས་བྱང་ཆུབ་ཀྱི་སྙིང་པོ་ལ་མཐར་ཐུག་གི་བར་དུ་སྐྱེ་བ་ཡོངས་སུ་དག་པ་ཆེན་
པོ་འཐོབ་སྟེ། ལྷའི་དབང་པོ་གཟུངས་འདི་ནི་དེ་ལྟར་མཐུ་ཆེ་སྟེ། ལྷའི་དབང་པོ་གཟུངས་འདི་ནི་འདི་ལྟར་མཐུ་ཆེ་བ། ཕན་ཡོན་ཆེ་བ། མཐུ་སྟོབས་ཆེ་བ། དགེ་ཞིང་ཤིས་པ་ཡིན་ཏེ། ལྷའི་
དབང་པོ་སེམས་ཅན་རྣམས་ཀྱི་དོན་གྱི་ཕྱིར། གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་ངན་འགྲོ་ཐམས་ཅད་ཡོངསུ་སྦྱོང་བ་འདི་བཞག་གོ། འདི་ལྟ་སྟེ་དཔེར་ན། ནོར་བུ་རིན་པོ་ཆེ་ཉི་མའི་སྙིང་པོ་
ཤིན་དུ་དྲི་མ་མེད་པ་ནམ་མཁའ་ལྟར་ཡོངས་སུ་དག་པ་འོད་གསལ་བ་ནི་འོད་ཟེར་གྱི་སྣང་བས་འབར་ཞིང་འདུག་གོ། ལྷའི་དབང་པོ་དེ་བཞིན་དུ་སེཾན་དེ་ཡང་གོས་པ་མེད་པར་ཤེས་པར་བྱའོ། །འདི་ལྟ་སྟེ་དཔེར་
ན་འཛམ་བུའི་ཆུ་བོའི་གསེར་ནི་དྲི་མ་མེད་པ། ཤིན་དུ་ཡོངས་སུ་དག་པ། ཤིན་དུ་མཉེན་པ། ཤིན་དུ་སྡུག་པའོ། །ལྷའི་དབང་པོ་དེ་བཞིན་དུ་སེམས་ཅན་དེ་ཡང་ཤིན་དུ་ཡོངས་སུ་དག་པར་རིག་པར་བྱ་སྟེ། 
ཚེ་རབས་གཞན་དུ་ཡང་དེ་བཞིན་དུ་སྐྱེ་བར་འགྱུར་རོ། །ལྷའི་དབང་པོ་གང་ན་གཟུངས་འདི་རབ་ཏུ་སྟོན་པ་དང་། བྱེ་བྲག་ཏུ་ན་ཡི་གེར་འདྲིར་འཇུག་པ་དང་། འཛིན་པ་དང་། ཀློག་པ་དང་། འདོན་པ་དང་། 
97-1-235a


ཁ་ཏོན་དུ་བྱེད་པ་དང་། མཆོད་པ་དང་། ཀུན་ཆུབ་པར་བྱེད་པ་དང་། ཉན་པ་དང་། འཛིན་པར་འགྱུར་བ་དེར་འགྲོ་བ་ཐམས་ཅད་ཡོངས་སུ་དག་པར་འགྱུར། སེམས་ཅན་དམྱལ་བ་ཐམས་ཅད་རྒྱུན་ཆད་པར་འགྱུར་
རོ། །ལྷའི་དབང་པོ་གཟུངས་འདི་ཡི་གེར་བྲིས་ཏེ་རྒྱལ་མཚན་གྱི་རྩེ་མོར་གཞག་པར་བྱ། རི་མཐོན་པོ་འམ། ཁང་པ་མཐོན་པོ་འམ། མཆོད་རྟེན་གྱི་སྲོག་ཤིང་གི་སྟེང་དུ་གཞག་པར་བྱའོ། །ལྷའི་དབང་པོ་དགེ་སློང་ངམ། 
དགེ་སློང་མ་འམ། དགེ་སྙེན་ནམ། དགེ་བསྙེན་མ་འམ། དེ་ལས་གཞན་པའི་རིགས་ཀྱི་བུ་འམ། རིགས་ཀྱི་བུ་མོ་གང་གིས་རྒྱལ་མཚན་གྱི་རྩེ་མོར་བཞག་པ་མཐོང་ངམ། དེ་དང་དེ་ཉེ་བར་གནས་པར་གྱུར་ན། ཐ་ན་དེའི་
གྲིབ་མས་ཕོག་གམ། དེའི་རྡུལ་རླུང་གིས་བཏབ་པས་ཕོག་ན་ཡང་ལྷའི་དབང་པོ་སེམས་ཅན་དེ་ལ་སྡིག་པ་ཐམས་ཅད་དང་། ངན་འགྲོར་འགྲོ་བའི་འཇིགས་པ་ཐམས་ཅད་མི་འབྱུང་ངོ་། །སེམས་ཅན་དམྱལ་བ་དང་། 
དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ཡི་དགས་དང་། ལྷ་མ་ཡིན་གྱི་རིས་ཐམས་ཅད་དུ་མི་སྐྱེ་བར་འགྱུར་རོ། །ལྷའི་དབང་པོ་སེམས་ཅན་དེ་ནི་དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་
ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་རིག་པར་བྱའོ། །ལྷའི་དབང་པོ་མཆོད་པ་དང་། རིམ་འགྲོ་བྱེད་ཅིང་མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་བ་དང་། བྱུག་པ་དང་། 
གདུགས་དང་། རྒྱལ་མཚན་དང་། བ་དན་དང་། རྒྱན་རྣམས་ཀྱིས་བརྒྱན་པར་བྱེད་པ་དང་། ལམ་གྱི་བཞི་མདོར་མཆོད་རྟེན་བྱས་ཏེ། གཟུངས་འདི་བཞག་པ་ལ་ཐལ་མོ་སྦྱར་བ་འམ་ཕྱག་འཚལ་བ་འམ་སྐོར་བ་བྱེད་པ་
ལྟ་ཅི་སྨོས་ཏེ། ལྷའི་དབང་པོ་སེམས་ཅན་དེ་ནི་སེམས་ཅན་ཆེན་པོར་རིག་པར་བྱའོ། །དེ་བཞིན་གཤེགས་པའི་སྲས་སུ་རིག་པར་བྱའོ། །ཆོས་ཀྱིས་གནས་སུ་རིག་པར་བྱའོ། །དེ་བཞིན་གཤེགས་པའི་མཆོད་
97-1-235b


རྟེན་དུ་རིག་པར་བྱའོ། །དེ་ནས་ཆོས་ཀྱིས་རྒྱལ་པོ་གཤིན་རྗེ་ནུབ་མོ་ནམ་ལངས་ནས། བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་འདས་ལ་ལྷའི་མེ་ཏོག་དང་། གོས་དང་། རྒྱན་ལ་སོགས་པས་མཆོད་
པ་དང་། སྟི་སྟང་བྱས་ནས། དེས་བཅོམ་ལྡན་འདས་ལ་ལན་བདུན་བསྐོར་བ་བྱས་ནས། བཅོམ་ལྡན་འདས་ཀྱི་ཞབས་ལ་གཏུགས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་འདི་ནི་མཐུ་ཆེ་
ཞིང་ཕན་ཡོན་ཆེ་བ་ལགས་ཏེ། བཅོམ་ལྡན་འདས་བདག་ཀྱང་རྟག་ཏུ་རྒྱུན་མི་ཆད་པར་སེམས་ཅན་དེའི་སླད་དུ་བཞན་འབྲང་ཞིང་ཀུན་དུ་བསྲུང་བ་དང་། ཡོངས་སུ་བསྐྱབ་པའི་སླད་དུ་གནས་པར་བགྱིའོ། །སེམས་
ཅན་དམྱལ་བ་ཐམས་ཅད་ལས་དེ་བཟློག་པར་བགྱིའོ། །བཅོམ་ལྡན་འདས་བདག་ནི་བྱས་པ་བཟོ་བར་བགྱིད་ཅིང་། བྱས་པ་མི་བཟོ་བར་མི་བགྱིད་དོ། །དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་ལན་
གསུམ་བསྐོར་བ་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་འདིའི་ཆོ་ག་ཞིབ་མོ་དང་། བགྱི་བའི་ཆོ་གའི་ཚུལ་རྒྱས་པར་བཤད་དུ་གསོལ། དེ་ནས་
བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་པོ་དག་ལ་འདི་སྐད་ཅེས་བཀའ་སྩལ་ཏོ། །ཉོན་ཅིག་དང་གཟུངས་འདིའྀ་བྱ་བའི་ཚུལ་བཤད་པར་བྱའོ། །སེམས་ཅན་ཚེ་ཐུང་བའི་དོན་གྱི་ཕྱིར་རིགས་ཀྱི་བུའཾ་
རིགས་ཀྱི་བུ་མོས་ཚེས་བཅྭ་ལྔ་ཟླ་བ་ཉ་བ་ལ་ཁྲུས་བྱས་ཏེ་ལན་སྟོང་རྩ་བརྒྱད་བཟླས་བརྗོད་བྱས་ན་དེས་སེམས་ཅན་ཚེ་ཟད་པ་དེའི་ཚེ་ཕྱིར་ནུར་ནས་ནད་ཐམས་ཅད་དང་བྲལ་བར་འགྱུར་རོ། །སྒྲིབ་པ་ཐམས་ཅད་རྣམ་
པར་དག་པ་ཐོབ་པར་འགྱུར་རོ། །སེམས་ཅན་དམྱལ་བ་ལ་སོགས་པ་ངན་འགྲོ་ཐམས་ཅད་ལས་ཡོངས་སུ་ཐར་བར་འགྱུར་རོ། །ཐ་ན་དུད་འགྲོའྀ་སྐྱེ་གནས་སུ་སོང་བའི་སྲོག་ཆགས་བྱའི་རྣ་ལམ་དུ་གཟུངས་འདིའྀ་
97-1-236a


སྒྲ་བསྒྲགས་པར་བྱ་སྟེ། དེས་ནི་དེའི་ངན་འགྲོའྀ་ཐ་མ་ཡིན་པར་རིག་པར་བྱའོ། །གང་ཞིག་ནད་ཆེན་པོས་བཏབ་ཏེ་སྨན་པ་རྣམས་ཀྱིས་བྱེ་བྲག་ཕྱེ་བ་དེ་ཡང་ནད་དེ་ལས་ཡོངས་སུ་ཐར་བར་འགྱུར་
རོ། །དེའི་ངན་འགྲོར་སྐྱེ་བ་ཐམས་ཅད་ཀྱང་རྒྱུན་ཆད་པར་འགྱུར་རོ། །ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །དེ་ཉིད་དེའི་མངལ་གྱི་གནས་ཐ་མ་ཡིན་པར་རིག་པར་བྱའོ། །
གང་དང་གང་དུ་སྐྱེས་པ་དེ་དང་དེར་པད་མའི་སྙིང་པོ་ཁོ་ན་ལས་བརྫུས་ཏེ་སྐྱེ་བར་འགྱུར་རོ། །ཚེ་རབ་ཐམས་ཅད་དུ་ཡང་ཚེ་རབས་དྲན་པར་འགྱུར་རོ། །སེམས་ཅན་སྡིག་པ་བྱེད་པ་གང་དག་ཤི་བའི་དུས་བྱས་པ་
དེ་དག་གི་དོན་དུ་གཟུངས་ཡུངས་ཀར་དག་ལ་ལན་ཉི་ཤུ་རྩ་གཅིག་ཡོངས་སུ་བརྗོད་དེ། དེ་དག་གི་རུས་གོང་རྣམས་ཀྱི་སྟེང་དུ་གཏོར་ན་དེ་དག་དམྱལ་བ་འམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་
རྟེན་ནམ། ཡི་དགས་སམ། དེ་ལས་གཞན་ངན་འགྲོ་རྣམས་སུ་སྐྱེ་བར་གྱུར་ཀྱང་རུང་སྟེ། དེ་དག་གཟུངས་འདིའི་མཐུས་ངན་འགྲོ་དེ་དག་ལས་ཐར་བར་འགྱུར་རོ། །དེ་དག་ལས་ཐར་ནས་ཀྱང་
ལྷར་སྐྱེ་བར་འགྱུར་རོ། །སུ་ཞིག་འདི་ཉིན་གཅིག་བཞིན་དུ་ལན་ཉི་ཤུ་རྩ་རེ་རེ་ཡོངས་སུ་བརྗོད་པ་དེ་འཇིག་རྟེན་མང་པོའི་མཆོད་པའི་འོས་སུ་འགྱུར་རོ། །ཚེ་རིང་བར་འགྱུར་རོ། །བདེ་བ་མྱོང་བར་འགྱུར་རོ། །
རྟག་ཏུ་སྤྲོ་བ་དང་ལྡན་པ་དང་། མྱ་ངན་ལས་འདས་པ་ཆེན་པོ་ཐོབ་པར་འགྱུར་རོ། །ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །དེ་ནས་ཀྱང་སངས་རྒྱས་ཀྱི་ཞིང་ཐ་དད་པ་སྣ་
ཚོགསུ་ཡོངས་སུ་འགྲོ་བར་འགྱུར་རོ། །དེར་ཡང་དེ་བཞིན་གཤེགས་པ་ཐམས་ཅད་དང་ཕྲད་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་ཀྱང་དབུགས་འབྱིན་པར་འགྱུར། དེ་བཞིན་
97-1-236b


གཤེགས་པ་ཐམས་ཅད་ཀྱིས་ལུང་སྟོན་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་དུ་ཡང་འཇིག་རྟེན་ལ་སྣང་བར་བྱེད་པར་འགྱུར་རོ། །ལྷའི་དབང་པོ་ཐབས་འདིས་ནི་འགྲོ་བ་ཐམས་ཅད་ཀྱང་སེམས་ཅན་དམྱལ་
བ་ལ་སོགས་པའི་འགྲོ་བ་ཐམས་ཅད་ལས་ཡོངས་སུ་ཐར་བར་འགྱུར་རོ། །དེ་དག་གིས་འགྲོ་བ་ཐམས་ཅད་ཀྱང་ཡོངས་སུ་དག་ཅིང་ཚེ་རིང་བར་ཡང་འགྱུར་རོ། །ལྷའི་དབང་པོ་སོང་ལ་ལྷའི་བུ་བློ་གྲོས་ཤིན་དུ་བརྟན་པ་
ལ་གཟུངས་འདི་རྗེས་སུ་སྟོན་ལ་སྒྲོགས་ཤིག །ལྷའི་དབང་པོ་དེས་ན་ཞག་བདུན་ན་ལྷའི་བུ་ཤིན་དུ་བརྟན་པའི་འགྲོ་བ་ཐམས་ཅད་ཡོངས་སུ་དག་ཅིང་ཚེ་རིང་བར་འགྱུར་རོ། །སྟོབས་ཆེ་བར་འགྱུར་རོ། །
དེ་ནས་ལྷའི་དབང་པོ་བརྒྱ་བྱིན་གྱིས་དེ་བཞིན་གཤེགས་པ་ལས་བརྗེས་སུ་བསྟན་པ་འདི་བླངས་ཏེ། དེའི་གནས་སུ་ཕྱིན་ནས་ལྷའི་བུ་ཤིན་དུ་བརྟན་པ་ལ་གཟུངས་འདི་བྱིན་ནོ། །དེ་ནས་
ལྷའི་བུ་དེས་ཉི་མ་བདུན་པའི་བར་དུ་ཉིན་དྲུག་མཚན་དྲུག་དུ་གཟུངས་འདི་ལ་བརྩོན་པར་བྱས་པ་ན་དེའི་བསམ་པ་ཐམས་ཅད་ཕུན་སུམ་ཚོགས་ཏེ། འདི་ལྟ་སྟེ། 
ངན་འགྲོ་ལས་ནི་ཡོངས་སུ་ཐར། བདེ་འགྲོའྀ་ལམ་ལ་ཡང་གནས། ཚེ་རིང་བར་ཡང་གྱུར་ནས། ཨ་ལ་ལ་སངས་རྒྱས། ཨ་ལ་ལ་ཆོས། ཨ་ལ་ལ་གཟུངས་
འདི་ལྟ་བུ་འཇིག་རྟེན་དུ་བྱུང་སྟེ། དེས་བདག་འཇིགས་པ་ཆེན་པོ་ལས་ཡོངས་སུ་ཐར་བར་གྱུར་ཏོ་ཞེས་ཆེད་དུ་བརྗོད་དོ། །འཕགས་པ་ངན་འགྲོ་ཐམས་ཅད་
ཡོངས་སུ་སྦྱོར་བ་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་རྫོགས་སྷོ།། །།རྒྱ་གར་ཀྱི་མཁན་པོ་འཛི་ན་མི་ཏྲ་དང་། སུ་རེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།  དགེའོ། །
97-1-237a


༄༅། །རྒྱ་གར་སྐད་དུ།  སརྦ་ཏ་ཐཱ་ག་ཏ་ཨུཥྞཱི་ཥ་བི་ཛ་ཡ་ནཱ་མ་དྷ་ར་ཎི་ཀལ་པྃ་ས་ཧི་ཏ།  བོད་སྐད་དུ།  དེ་བཞིན་གཤེགས་པ་ཐམས་ཅད་ཀྱི་གཙུག་གཏོར་རྣམ་པར་རྒྱལ་བ་ཞེས་བྱ་བའི་གཟུངས་རྟོག་པ་དང་བཅས་པ། སངས་རྒྱས་དང་། 
བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཚེ་དཔག་ཏུ་མེད་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བ་ཅན་
གྱི་ཆོས་ཡང་དག་པར་སྡུད་པའི་ཕུག་ཁང་བཟངས་མཆོག་ན་ཉེ་བར་བཞུགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། རིགས་ཀྱི་བུ་སྡུག་བསྔལ་བ་ནད་ཀྱིས་
གཟིར་བའི་སེམས་ཅན་ཚེ་ཐུང་བ་ཡོད་དེ། དེ་རྣམས་ཀྱི་ཕྱིར་འཁོར་གྱི་དཀྱིལ་འཁོར་ལ་ཉེ་བར་གཟིགས་ཏེ། ཀུན་དུ་གཟིགས་པའི་དཔལ་གྱི་མཚན་དེ་བཞིན་གཤེགས་པ།  ཐམས་ཅད་ཀྱི་གཙུག་གཏོར་རྣམ་པར་རྒྱལ་བ་
ཞེས་བྱ་བའི་གཟུངས་འདི་བཅང་བ་དང་། བཀླག་པ་དང་། གཞན་ལ་རྒྱ་ཆེར་ཡང་དག་པར་སྟོན་པ་ནི་ཚེ་རིང་བར་སྒྲུབ་པར་བྱེད་པའི་ཆེད་དུའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་
ཕྱུག་སྟན་ལས་ལངས་ཏེ་ཐལ་མོ་སྦྱར་བར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བསྟན་དུ་གསོལ། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣྃ་པར་རྒྱལ་བ་ཞེས་བྱ་བའི་གཟུངས་བདེ་བར་
གཤེགས་པས་བསྟན་དུ་གསོལ། དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ཏེ། ཀུན་དུ་གཟིགས་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་
ཐྃས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་འདི་བཀའ་སྩལ་པ། ཨོཾ་ན་མོ་བྷ་ག་ཝ་ཏེ་སརྦ་ཏྲཻ་ལོ་ཀྱ་པྲ་ཏི་བི་ཥིཥྚཱ་ཡ་བུད་དྷཱ་ཡ་ཏེ་ན་མཿཏདྱ་ཐཱ། ཨོཾ་བྷྲཱུྃ་བྷྲཱུྃ་བྷྲཱུྃ་ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ཨ་ས་མ་ས་མན་ཏ་ཨ་བ་བྷཱ་ས་སྥ་
97-1-237b


ར་ཎ་ག་ཏི། ག་ག་ན་སྭཱ་བྷཱ་བ་བི་ཤུད་དྷེ། ཨ་བྷི་ཥིཉྩནྟུ་མཱྃ། སརྦ་ཏ་ཐཱ་ག་ཏཱཿསུ་ག་ཏ་པ་ར་བ་ཙ་ན། ཨ་མྲི་ཏ་ཨ་བྷི་ཥི་ཀཻར། མ་ཧཱ་མུ་དྲཱ་མན་ཏྲ་པ་དཻཿཨཱ་ཧ་ར་ཨཱ་ཧ་ར། མ་མ་ཨཱ་ཡུཿསན་དྷ་ར་ཎི། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ག་ག་ན་
སྭཱ་བྷཱ་བ་བི་ཤུད་དྷེ། ཨུཥྞཱི་ཥ་བི་ཛ་ཡ་པ་རི་ཤུད་དྷེ། ས་ཧ་སྲ་རསྨི་སྃ་ཙོ་དི་ཏེ། སརྦ་ཏ་ཐཱ་ག་ཏ་ཨ་ཝ་ལོ་ཀི་ནི། ཥཊ་པཱ་ར་མི་ཏཱ་པ་རི་པཱུ་ར་ཎི། སརྦ་ཏ་ཐཱ་ག་ཏ་མཱ་ཏེ། ད་ཤ་བྷཱུ་མི་པྲ་ཏིཥྛི་ཏེ། སརྦ་ཏ་ཐཱ་ག་ཏཱ་ཧྲྀ་ད་ཡ་ཨ་དྷིཥྛཱ་ན་ཨ་དྷིཥྛི་ཏེ། མུ་དྲེ་མུ་དྲེ་
མ་ཧཱ་མུ་དྲེ། བཛྲ་ཀཱ་ཡ་སྃ་ཧ་ཏ་ན། པ་རི་ཤུད་དྷེ། སརྦ་ཀརྨ་ཨཱ་ཝ་ར་ཎ་བི་ཤུད་དྷེ། པྲ་ཏི་ནི་བར་ཏ་ཡ། མ་མ་ཨཱ་ཡུར་བི་ཤུད་དྷེ། སརྦ་ཏ་ཐཱ་ག་ཏ་ས་མ་ཡ་ཨ་དྷིཥྛཱ་ན། ཨི་དྷིཥྛི་ཏེ། ཨོཾ་མུ་ནི་མུ་ནི། མ་ཧཱ་མུ་ནེ། བི་མུ་ནི་བི་མུ་ནི། མ་ཧཱ་བི་མུ་ནི། མ་
ཏི་མ་ཏི། མ་ཧཱ་མ་ཏི། མ་མ་ཏི། སུ་མ་ཏི། ཏ་ཐཱ་ཏཱ། བྷུ་ཏ་ཀོ་ཊི། པ་རི་ཤུད་དྷེ། བི་སྥུ་ཊ། བུད་དྷི་ཤུད་དྷེ། ཧེ་ཧེ། ཛ་ཡ་ཛ་ཡ། བི་ཛ་ཡ་བི་ཛ་ཡ། སྨ་ར་སྨ་ར། སྥ་ར་སྥ་ར། སྥ་ར་ཡ་སྥ་ར་ཡ། སརྦ་བུད་དྷ་ཨ་དྷིཥྛཱ་ན་ཨ་དྷིཥྛི་ཏེ། ཤུད་དྷེ་ཤུད་དྷེ། བུད་དྷེ་
བུད་དྷེ། བཛྲེ་བཛྲེ། མ་ཧཱ་བཛྲེ། སུ་བཛྲེ། བཛྲ་གར་བྷེ། ཛ་ཡ་ག ། བི་ཛ་ཡ་གར་བྷེ། བཛྲ་ཛྭཱ་ལ་གར་བྷེ། བཛྲ་ཨུད་བྷ་བེ། བཛྲ་སྃ་བྷ་བེ། བཛྲེ་བཛྲཱི་ཎི། བཛྲམྦྷ་བནྟུ། མ་མ་ཤ་རཱི་རྃ་སརྦ་ས་ཏྭཱ་ནཱཉྩ་ཀཱ་ཡ་པ་རི་ཤུད་དྷི་ར་བྷ་བནྟུ། ས་དཱ་མེ་སརྦ་
ག་ཏི་པ་རི་ཤུད་དྷིཤྩ། སརྦ་ཏ་ཐཱ་ག་ཏཱཤྩ་མཱྃ་ས་མཱ་སྭཱ་ས་ཡན་ཏུ། བུད་དྷྱ་བུད་དྷྱ། སིད་དྷྱ་སིད་དྷྱ། བོ་དྷ་ཡ་བོ་དྷ་ཡ། བི་བོ་དྷ་ཡ་བི་བོ་དྷ་ཡ། མོ་ཙ་ཡ་མོ་ཙ་ཡ། བི་མོ་ཙ་ཡ་བི་མོ་ཙ་ཡ། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ། བི་ཤོ་དྷ་ཡ། ས་མནྟཱ་མོ་ཙ་ཡ་མོ་ཙ་
ཡ། ས་མན་ཏ་རསྨི་པ་རྀ་ཤུད་དྷེ། སརྦ་ཏ་ཐཱ་ག་ཏཱ་ཧྲྀ་ད་ཡ་ཨ་དྷིཥྛ་ན་ཨ་དྷིཥྛི་ཏེ། མུ་དྲེ་མུ་དྲེ། མ་ཧཱ་མུ་དྲེ་མ་ཧཱ་མུ་དྲཱ་མན་ཏྲ་པ་དཻཿསྭཱ་ཧཱ། ལྷའི་དབང་པོ་གཙུག་གཏོར་རྣམ་པར་རྒྱལ་བ་ཞེས་བྱ་བའི་གཟུངས་འདི་ནི་ངན་འགྲོ་ཐམས་ཅད་ཡོངས་སུ་
སྦྱོང་བ། སྡིག་པའི་ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་བ། བདེ་འགྲོའི་ལམ་དུ་འགྲོ་བ། ངན་འགྲོ་ཐམས་ཅད་རྣམ་པར་འཇིག་པར་བྱེད་པ་འདི་ནི་སངས་རྒྱས་གང་གཱའི་ཀླུང་འབུམ་ཕྲག་བྱེ་བ་བརྒྱད་བཅུ་རྩ་བརྒྱད་ཀྱི་བྱེ་མ་སྙེད་
97-1-238a


ཀྱིས་གསུངས་པ། བྱིན་གྱིས་བརླབས་པ། རྗེས་སུ་ཡི་རང་བར་མཛད་པ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཕྱག་རྒྱས་བཏབ་པ་སྟེ། སེམས་ཅན་ཐམས་ཅད་བདེ་འགྲོར་འགྲོ་བར་བྱ་བ་དང་། ངན་འགྲོར་ལྷུང་བ་རྣཾས་
བཟློག་པ་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ལ་སོགས་པའི་སྡུག་བསྔལ་གྱི་གནས་ཐམས་ཅད་དུ་སྡུག་བསྔལ་ཞིང་ཉམ་ང་བར་གྱུར་པ་རྣམས་དང་། སྡུག་བསྔལ་གྱི་རྒྱ་མཚོར་ལྟུང་བའི་སེམས་
ཅན་རྣམས་རྣམ་པར་གྲོལ་བར་བྱ་བའི་ཕྱིར་གསུངས་པའོ། །དེ་བཞིན་དུ་སེམས་ཅན་ཚེ་ཐུང་ཞིང་སྐལ་བ་ཆུང་བ་སྨད་པ་དང་། རྣམ་པ་སྣ་ཚོགས་པའི་སྐྱེ་བར་ལྟུང་བ་རྣམས་དང་། བསམ་པ་ཉམས་པ་དང་། སེམས་ཅན་ལམ་ལས་
ཉམས་པ་རྣམས་ཀྱི་དོན་དུ་གཟུངས་འདི་འཛམ་བུའི་གླིང་དུ་སེམས་ཅན་རྣམས་ལ་གཟུངས་འདི་དང་། ཕྱག་རྒྱ་དང་། སྔགས་ཡོངས་སུ་གཏད་པ་ཡིན་ནོ། །དེའི་ཕྱིར་ལྷའི་དབང་པོ་ཁྱོད་ཀྱིས་ཡང་དག་པར་གཟུང་བར་བྱའོ། །ལྷའི་དབང་པོ་
གཟུངས་འདི་ལན་གཅིག་ཐོས་མ་ཐག་ཏུ་བསྐལ་པ་བརྒྱ་སྟོང་དུ་བསགས་པའི་ལས་ཀྱི་སྒྲིབ་པ་ཡོངས་སུ་བྱང་བར་འགྱུར་རོ། །སྐྱེ་བར་སྐྱེ་བ་སྣ་ཚོགས་པ་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་
དང་། ཡི་དགས་ཀྱི་ཡུལ་དང་། ལྷ་མ་ཡིན་གྱི་རིས་དང་། འདི་ལྟ་སྟེ། གནོད་སྦྱིན་དང་། སྲིན་པོ་དང་། འབྱུང་པོ་དང་ཤ་ཟ་དང་། སྲུལ་པོ་དང་། ལུས་སྲུལ་པོ་དང་། རྗེད་བྱེད་དང་། ཁྱི་དང་། རུ་སྦལ་དང་། སྦྲུལ་དང་། གཅན་ཟན་ཁྲོ་བོ་དང་། བྱ་དང་། སྦྲང་བུ་དང་། 
སྦྲང་མ་དང་། སྡིག་སྦྲུལ་དང་། གྲོག་སྦུར་ལ་སོགས་པ་སྲོག་ཆགས་ཀྱི་རིགས་རྣམས་སུ་ཕྱིས་མི་སྐྱེ་བར་རིག་པར་བྱའོ། །གཞན་དུ་དེ་བཞིན་གཤེགས་པ་དང་ཕྲད་པ་དང་། བྱང་ཆུབ་སེམས་དཔའི་རིགས་སུ་སྐྱེ་བ་དང་། རིགས་
ཆེན་པོར་སྐྱེ་བ་སྟེ། དེ་ལ་རིགས་ཆེན་པོ་ནི་འདི་ལྟ་སྟེ། བྲམ་ཟེའི་རིགས་ཤིང་ས་ལ་ཆེན་པོ་ལྟ་བུ་འམ། རྒྱལ་རིགས་ཤིང་ས་ལ་ཆེན་པོ་ལྟ་བུ་འམ། ཁྱིམ་བདག་གི་རིགས་ཤིང་ས་ལ་ཆེན་པོ་ལྟ་བུ་འམ། ཚོང་དཔོན་གྱི་རིགས་ཤིང་
97-1-238b


ས་ལ་ཆེན་པོ་ལྟ་བུར་སྐྱེའོ་ཞེས་ང་སྨྲའོ། །ལྷའི་དབང་པོ་དེ་ལྟར་ན་གཟུངས་འདིའི་མཐུས་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་སྐྱེ་བ་ཡོངས་སུ་དག་པ་ཆེན་པོ་འཐོབ་སྟེ། ལྷའི་དབང་པོ་གཟུངས་འདི་ནི་དེ་ལྟར་མཐུ་ཆེ་བ། ཕན་
ཡོན་ཆེ་བ། མཐུ་སྟོབས་ཆེ་བ། དགེ་བ་ཤིས་པ་ཡིན་ཏེ། ལྷའི་དབང་པོ་སེམས་ཅན་རྣམས་ཀྱི་དོན་གྱི་ཕྱིར་གཙུག་གཏོར་རྣམ་པར་རྒྱལ་བ་ཞེས་བྱ་བའི་གཟུངས་ངན་འགྲོ་ཐམས་ཅད་ཡོངས་སུ་སྦྱོང་བ་འདི་བཞག་གོ །
འདི་ལྟ་སྟེ། དཔེར་ན་ནོར་བུ་རིན་པོ་ཆེ་ཉི་མའི་སྙིང་པོ་ཤིན་དུ་དྲི་མ་མེད་པ་ནམ་མཁའ་ལྟར་ཡོངས་སུ་དག་པ་འོད་གསལ་བ་ནི་འོད་ཟེར་གྱི་སྣང་བས་འབར་ཞིང་འདུག་གོ། ལྷའི་དབང་པོ་དེ་བཞིན་དུ་སེམས་ཅན་དེ་ཡང་གོས་པ་
མེད་པར་ཤེས་པར་བྱའོ། །འདི་ལྟ་སྟེ། དཔེར་ན་འཛམ་བུ་ཆུ་བོའི་གསེར་ཤིན་དུ་དྲི་མ་མེད་པ། ཡོངས་སུ་དག་པ། ཤིན་དུ་མཉེན་པ། ཤིན་དུ་སྡུག་པའོ། །ལྷའི་དབང་པོ་དེ་བཞིན་དུ་སེམས་ཅན་ཆེན་པོ་དེ་ཡང་ཤིན་དུ་ཡོངས་
སུ་དག་པར་རིག་པར་བྱ་སྟེ། ཚེ་རབས་གཞན་དུ་ཡང་དེ་བཞིན་དུ་སྐྱེ་བར་འགྱུར་རོ། །ལྷའི་དབང་པོ་གང་ན་གཟུངས་འདི་རབ་ཏུ་སྟོན་པ་དང་། བྱེ་བྲག་ཏུ་ན་ཡི་གེ་འདྲིར་འཇུག་པ་དང་། ཀློག་པ་དང་། འདོན་པ་དང་། ཁ་ཏོན་ཏུ་བྱེད་པ་
དང་། མཆོད་པ་དང་། ཀུན་ཆུབ་པར་བྱེད་པ་དང་། ཉན་པ་དང་། འཛིན་པར་འགྱུར་བ་དེ་འགྲོ་བ་ཐམས་ཅད་ཡོངས་སུ་དག་པར་འགྱུར་རོ། །སེམས་ཅན་དམྱལ་བ་ཐམས་ཅད་རྒྱུན་ཆད་པར་འགྱུར་རོ། །ལྷའི་དབང་པོ་
གཟུངས་འདི་ཡི་གེར་བྲིས་ཏེ་རྒྱལ་མཚན་གྱི་རྩེ་མོར་གཞག་པར་བྱ། རི་མཐོན་པོ་འམ། ཁང་པ་མཐོན་པོ་འམ། མཆོད་རྟེན་གྱི་ནང་དུ་གཞག་པར་བྱའོ། །ལྷའི་དབང་པོ་དགེ་སློང་ངམ། དགེ་སློང་མ་འམ། དགེ་བསྙེན་ནམ། 
དགེ་བསྙེན་མ་འམ། དེ་ལས་གཞན་པ་རིགས་ཀྱི་བུ་འམ། རིགས་ཀྱི་བུ་མོ་གང་གིས་རྒྱལ་མཚན་གྱི་རྩེ་མོར་གཞག་པ་མཐོང་ངམ། དེ་དང་ཉེ་བར་གནས་པར་གྱུར་ན། ཐ་ན་དེའི་གྲིབ་མས་ཕོག་གམ། དེའི་རྡུལ་རླུང་
97-1-239a


གིས་བཏབ་པ་ཕོག་ན་ཡང་ལྷའི་དབང་པོ་སེམས་ཅན་དེ་ལ་སྡིག་པ་ཐམས་ཅད་དང་། ངན་འགྲོར་འགྲོ་བའི་འཇིགས་པ་ཐམས་ཅད་མི་འབྱུང་ངོ་། །སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་
རྗེའི་འཇིག་རྟེན་དང་། ཡི་དགས་དང་། ལྷ་མ་ཡིན་གྱི་རིས་ཐམས་ཅད་དུ་མི་སྐྱེ་བར་རིག་པར་བྱའོ། །ལྷའི་དབང་པོ་སེམས་ཅན་དེ་ནི་དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་ཅིང་བླ་ན་མེད་པ་ཡང་དག་པར་རྫོགས་པའི་བྱང་
ཆུབ་ལས་ཕྱིར་མི་ལྡོག་པར་རིག་པར་བྱ་ན། ལྷའི་དབང་པོ་ཤིང་བཟོ་བྱེད་པ་ལ་ཡང་ཕན་ཡོན་ཆེན་པོར་འགྱུར་ན། མཆོད་པ་དང་། རིམ་འགྲོར་བྱེད་ཅིང་། མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་བ་དང་། བྱུག་པ་དང་། 
གདུགས་དང་། རྒྱལ་མཚན་དང་། བ་དན་དང་། སྤོས་དང་། རྒྱན་རྣམས་ཀྱིས་བརྒྱན་པར་བྱེད་པ་དང་། ལམ་གྱི་བཞི་མདོར་མཆོད་རྟེན་བྱས་ལ་གཟུངས་འདི་གཞག་ལ། ཐལ་མོ་སྦྱར་བ་འམ། ཕྱག་འཚལ་བ་འམ། སྐོར་
བ་བྱེད་པ་ལྟ་ཅི་སྨོས་ཏེ། ལྷའི་དབང་པོ་སེམས་ཅན་འདི་ནི་སེམས་ཅན་ཆེན་པོ་ཡིན་པར་རིག་པར་བྱའོ། །དེ་བཞིན་གཤེགས་པའི་སྲས་སུ་རིག་པར་བྱའོ། །ཆོས་ཀྱི་གནས་སུ་རིག་པར་བྱའོ། །དེ་བཞིན་གཤེགས་པའི་མཆོད་
རྟེན་དུ་རིག་པར་བྱའོ། །དེ་ནས་ཆོས་ཀྱི་རྒྱལ་པོ་གཤིན་རྗེ་དེའི་ནུབ་མོ་དེ་ནམ་ལངས་ནས་བཅོམ་ལྡན་འདས་ག་ལ་བ་དེར་སོང་སྟེ། བཅོམ་ལྡན་འདས་ལ་ལྷའི་མེ་ཏོག་དང་། གོས་དང་། རྒྱན་ལ་སོགས་པས་མཆོད་པ་དང་། སྟི་སྟང་དུ་
བྱས་ནས་དེས་བཅོམ་ལྡན་འདས་ལ་ལན་བདུན་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་གཏུགས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་འདི་ནི་མཐུ་ཆེ་ཞིང་སྨན་ཡོན་ཆེ་བ་ལགས་ཏེ། བཅོམ་
ལྡན་འདས་བདག་ཀྱང་རྟག་ཏུ་རྒྱུན་མི་འཆད་པར་སེམས་ཅན་དེའི་སླད་བཞིན་འབྲང་ཞིང་། དུས་ཀུན་དུ་བསྲུང་བ་དང་། ཡོངས་སུ་བསྐྱང་པའི་སླད་དུ་གནས་པར་བགྱིའོ། །སེམས་ཅན་དམྱལ་བ་ཐམས་ཅད་ལས་དེ་བཟློག་པར་བགྱིའོ། །
97-1-239b


བཅོམ་ལྡན་འདས་བདག་ནི་བྱས་པ་གཟོ་བར་བགྱིད་ཀྱི་བྱས་པ་མི་གཟོ་བར་མི་བགྱིད་དོ། །དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་གཟུངས་འདིའི་ཆོ་ག་ཞིབ་མོ་དང་། བགྱི་བའི་ཆོ་གའི་ཚུལ་རྒྱས་པར་བཤད་དུ་གསོལ། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་པོ་དག་ལ་འདི་སྐད་ཅེས་བཀའ་སྩལ་ཏོ། །ཉོན་ཅིག་དང་གཟུངས་འདིའི་བྱ་བའི་
ཆོ་གའི་ཚུལ་བཤད་པར་བྱའོ། །སེམས་ཅན་ཚེ་ཐུང་བའི་དོན་གྱི་ཕྱིར་རིག་ཀྱི་བུ་འམ། རིགས་ཀྱི་བུ་མོས་ཚེས་བཅྭ་ལྔའི་ཟླ་བ་ལ་ཁྲུས་བྱས་ཏེ། གོས་གཙང་མ་གྱོན་ནས་བསྙུང་བ་བྱས་ཏེ། ལན་སྟོང་བཟླས་བརྗོད་བྱས་ན་
དེ་སེམས་ཅན་ཚེ་ཟད་པ་དེ་ཡང་ཕྱིར་ནུར་རོ། །ནད་དང་བྲལ་བར་འགྱུར་རོ། །སྒྲིབ་པ་ཐམས་ཅད་རྣམ་པར་དག་པ་ཐོབ་པར་འགྱུར་རོ། །སེམས་ཅན་དམྱལ་བ་ལ་སོགས་པ་ངན་འགྲོ་ཐམས་ཅད་ལས་ཡོངས་སུ་ཐར་བར་
འགྱུར་རོ། །ཐ་ན་དུད་འགྲོའི་སྐྱེ་གནས་སུ་སོང་བའི་སྲོག་ཆགས་བྱའི་རྣ་ལམ་དུ་ཡང་གཟུངས་འདིའི་སྒྲ་བསྒྲགས་པར་བྱ་སྟེ། དེས་ནི་དེའི་ངན་འགྲོ་འདི་ཉིད་ཐ་མ་ཡིན་པར་རིག་པར་བྱའོ། །གང་ཞིག་ནད་ཆེན་པོས་
བཏབ་སྟེ་སྨན་པ་རྣམས་ཀྱིས་བྱེ་བྲག་ཕྱེ་ཏེ་བོར་བ་ཡང་དེ་ལྟར་ན་ནད་དེ་ལས་ཡོངསུ་ཐར་བར་འགྱུར་རོ། །དེ་ནི་ངན་འགྲོར་སྐྱེ་བ་ཐམས་ཅད་རྒྱུན་ཆད་པར་འགྱུར་རོ། །ཤི་འཕོས་ནས་ཀྱང་བདེ་བ་ཅན་གྱི་འཇིག་རྟེན་གྱི་
ཁམས་སུ་སྐྱེ་བར་འགྱུར་རོ། །དེ་ཉིད་དེའི་མངལ་གྱི་གནས་ཐ་མ་ཡིན་པར་ཤེས་པར་བྱའོ། །དེ་གང་དང་གང་དུ་སྐྱེ་བ་དེ་དང་དེར་པད་མའི་སྙིང་པོ་ཁོ་ན་ལས་རྫུས་ཏེ་སྐྱེ་བར་འགྱུར་རོ། །ཚེ་རབས་ཐམས་ཅད་དུ་ཡང་ཚེ་རབས་
དྲན་པར་འགྱུར་རོ། །སེམས་ཅན་སྡིག་པ་བྱེད་པ་གང་དག་འཆི་བའི་དུས་བྱས་པ། དེ་དག་གིས་དོན་དུ་གཟུངས་འདི་ཡུངས་ཀར་ལ་ལན་ཉི་ཤུ་རྩ་གཅིག་ཡོངས་སུ་བརྗོད་དེ། དེ་དག་གི་རུས་གོང་རྣམས་ཀྱི་སྟེང་དུ་གཏོར་ན་
97-1-240a


དེ་དག་སེམས་ཅན་དམྱལ་བ་འམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་ནམ། ཡི་དགས་སམ། དེ་ལས་གཞན་པའི་ངན་འགྲོ་རྣམས་སུ་སྐྱེས་པར་གྱུར་ཀྱང་རུང་སྟེ། དེ་དག་གཟུངས་འདིའི་མཐུས་
ངན་འགྲོ་དེ་དག་ལས་ཐར་བར་འགྱུར་རོ། །དེ་དག་ལས་ཐར་ནས་ཀྱང་ལྷར་སྐྱེ་བར་འགྱུར་རོ། །སུ་ཞིག་འདི་ཉིན་གཅིག་བཞིན་དུ་ལན་ཉི་ཤུ་རྩ་གཅིག་རྩ་གཅིག་ཡོངས་སུ་བརྗོད་པ་དེ་འཇིག་རྟེན་པ་ཆེན་པོ་རྣམས་
ཀྱིས་མཆོད་པའི་འོས་སུ་འགྱུར་རོ། །ཚེ་རིང་བར་འགྱུར་རོ། །ནད་མེད་པར་འགྱུར་རོ། །བདེ་བ་མྱོང་བར་འགྱུར་རོ། །རྟག་ཏུ་སྤྲོ་བ་དང་ལྡན་པ་དང་། མྱ་ངན་ལས་འདས་པ་ཆེན་པོ་ཐོབ་པར་འགྱུར་རོ། །ཤི་འཕོས་ནས་ཀྱང་
འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །དེ་ནས་སངས་རྒྱས་ཀྱི་ཞིང་སྣ་ཚོགས་པ་ཐ་དད་དུ་འགྲོ་བར་འགྱུར་རོ། །དེར་ཡང་དེ་བཞིན་གཤེགས་པ་རྣམས་དང་ཕྲད་པར་འགྱུར་རོ། །དེ་བཞིན་གཤེགས་
པ་ཐམས་ཅད་ཀྱིས་ཀྱང་དབུགས་འབྱིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཀྱང་ལུང་སྟོན་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་དུ་ཡང་འཇིག་རྟེན་ལ་སྣང་བ་བྱེད་པར་འགྱུར་རོ། །
ཕྱག་རྒྱ་བཅིང་བ་ནི་སོར་མོ་བཅུའི་ཐལ་མོ་ལ་བསྡིགས་མཛུབ་གཉིས་བཀུག་སྟེ་མཐེ་བོང་གཉིས་དང་སྦྱར་ལ། དེ་ནས་གཟུངས་འདི་དྲན་པར་བྱའོ། །དཀྱིལ་འཁོར་གྲུ་བཞི་པ་བྱས་ཏེ་མེ་ཏོག་སྣ་ཚོགས་བཀྲམ་ལ་
སྣ་ཚོགས་པའི་བདུག་པས་བདུག་ཅིང་། པུས་མོ་གཡས་པའི་ལྷ་ང་ས་ལ་བཙུགས་ཏེ། དེ་བཞིན་གཤེགས་པ་ཐམས་ཅད་ཏིང་ངེ་འཛིན་གྱིས་དམྱིགས་ལ་ཕྱག་བྱ་ཞིང་། དེ་ནས་གཟུངས་བརྒྱད་བརྒྱ་བཀླག་པར་བྱའོ། །
དེ་ལྟར་ལན་གཅིག་བཀླགས་པ་ཙམ་གྱིས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་བཅུ་རྩ་བརྒྱད་ཀྱི་གང་གཱའི་ཀླུང་གི་བྱེ་མ་དང་མཉམ་པའི་དེ་བཞིན་གཤེགས་པ་ཐམས་ཅད་ལ་མཆོད་ཅིང་བསྙེན་བཀུར་བ་དང་རི་མོར་བྱས་
97-1-240b


པ་སྟེ། དེ་བཞིན་གཤེགས་པ་ཐམས་ཅད་ལ་མཆོད་པ་ཆེན་པོའི་སྤྲིན་གྱིས་མཆོད་པར་འགྱུར་རོ། །དེ་ཀུན་གྱིས་ཀྱང་ལེགས་སོ་ཞེས་བྱ་བའི་སྒྲ་བརྗོད་པར་འགྱུར་རོ། །སེམས་ཅན་དེ་ནི་དེ་བཞིན་གཤེགས་པ་ཐམས་ཅད་ཀྱི་བདག་
ཉིད་ལས་སྐྱེས་པའི་སྲས་སུ་རིག་པར་བྱའོ། །སྒྲིབ་པ་མེད་པའི་ཡེ་ཤེས་དང་ལྡན་ཞིང་བྱང་ཆུབ་ཆེན་པོའི་སེམས་ཀྱི་རྒྱན་དང་མཉམ་པ་ཐོབ་པར་འགྱུར་རོ། །དེ་ལ་གཟུངས་བསྒྲུབ་པའི་ཆོ་གའི་ཐབས་འདིས་ནི་ལྷའི་དབང་པོ་
འགྲོ་བ་ཐམས་ཅད་ཀྱང་སེམས་ཅན་དམྱལ་བ་ལ་སོགས་པའི་ངན་འགྲོ་ལས་ཡོངས་སུ་ཐར་བར་འགྱུར་རོ། །དེ་དག་གི་འགྲོ་བ་ཐམས་ཅད་ཀྱང་ཡོངས་སུ་དག་པར་འགྱུར་རོ། །ཚེ་རིང་བར་འགྱུར་རོ། །ལྷའི་དབང་པོ་སོང་ལ་ལྷའི་བུ་
བློ་གྲོས་ཤིན་དུ་བརྟན་པ་ལ་གཟུངས་འདི་རྗེས་སུ་སྟོན་ལ་སྒྲོགས་ཤིག །ལྷའི་དབང་པོ་དེས་ན་ཞག་བདུན་ན་ལྷའི་བུ་ཤིན་དུ་བརྟན་པའི་འགྲོ་བ་ཐམས་ཅད་ཡོངས་སུ་དག་ཅིང་ཚེ་རིང་བར་འགྱུར་རོ། །སྟོབས་ཆེ་བར་འགྱུར་
རོ། །དེ་ནས་ལྷའི་དབང་པོ་བརྒྱ་བྱིན་གྱིས་དེ་བཞིན་གཤེགས་པ་ལས་རྗེས་སུ་བསྟན་པ་འདི་བླངས་ཏེ། དེའི་གནས་སུ་ཕྱིན་ནས་ལྷའི་བུ་ཤིན་དུ་བརྟན་པ་ལ་གཟུངས་འདི་བྱིན་ནོ། །དེ་ནས་ལྷའི་བུ་དེས་ཉི་མ་བདུན་པའི་བར་དུ་ཉིན་དྲུག་
མཚན་དྲུག་ཏུ་གཟུངས་འདི་ལ་བརྩོན་པར་བྱས་ན། དེའི་བསམ་པ་ཐམས་ཅད་ཕུན་སུམ་ཚོགས་ཏེ། འདི་ལྟ་སྟེ། ངན་འགྲོ་ལས་ནི་ཡོངས་སུ་ཐར། བདེ་བའི་ལམ་ལ་ཡང་གནས། ཚེ་རིང་བར་ཡང་གྱུར་ནས། ཨ་ལ་ལ་སངས་རྒྱས། 
ཨ་ལ་ལ་ཆོས། ཨ་ལ་ལ་གཟུངས་འདི་ལྟ་བུ་འཇིག་རྟེན་དུ་བྱུང་སྟེ། དེས་བདག་འཇིགས་པ་ཆེན་པོ་ལས་ཡོངས་སུ་ཐར་ཏོ། །ཞེས་ཆེད་དུ་བརྗོད་པ་བརྗོད་དོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་དང་། ལྷའི་བུ་ཤིན་དུ་
བརྟན་པ་འཁོར་ཆེ་བ་རྣམས་ཀྱིས་མེ་ཏོག་དང་། དྲི་དང་། བདུག་པ་དང་། ཕྲེང་བ་དང་། གདུགས་དང་། རྒྱལ་མཚན་དང་། བ་དན་དང་། གོས་ཀྱི་རྒྱན་བཟང་པོའི་བླ་རེ་དང་། ལྷའི་ཚོགས་ཀྱི་མཐུས་བཅོམ་ལྡན་འདས་ཀྱི་དྲུང་དུ་ཕྱིན་སྟེ་
97-1-241a


ཐད་དུ་ཕྱིན་པ་དང་། བཅོམ་ལྡན་འདས་ལ་མཆོད་པ་ཆེན་པོ་ལྷ་རྫས་ཀྱི་གོས་ཀྱི་རྒྱན་ལ་སོགས་པ་ཉེ་བར་མཁོ་བའི་མཆོད་པ་བརྒྱ་སྟོང་ཕུལ་ཏེ་བསྐོར་བ་བྱས་ནས་བཅོམ་ལྡན་འདས་ཀྱི་མདུན་དུ་འདུག་སྟེ། དེ་བཞིན་དུ་ཆེད་
དུ་བརྗོད་པ་བྱས་ནས་བཅོམ་ལྡན་འདས་ཀྱི་མདུན་དུ་འདུག་སྟེ་ཆོས་ཉན་ཏོ། །དེ་ནས་བཅོམ་ལྡན་འདས་ཀྱིས་ཕྱག་གསེར་གྱི་མདོག་ཅན་བརྐྱང་སྟེ་ལྷའི་བུ་ཤིན་དུ་བརྟན་པ་དབུགས་ཕྱུང་ནས་ཆོས་སྟོན་པར་བྱེད་ཅིང་སངས་
རྒྱས་ཀྱིས་བར་དུ་ལུང་སྟོན་ཏོ། །རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བའི་གཟུངས་འདི་ནི་འཆི་བ་ཆེན་པོའི་དབྱུག་པ་འཛིན་པ་སྟེ། དག་བྱེད་འཇོམ་པར་བྱེད་པ་འདི་གྲོག་འམ། གཞན་
ཞིག་ལ་བྲིས་ཏེ། མཆོད་རྟེན་གྱི་ནང་དུ་བཞག་ལ་རབ་ཏུ་རྒྱ་ཆེ་བའི་མཆོད་པ་ཇི་ལྟར་འབྱོར་པས་མཆོད་དེ་བསྐོར་བ་སྟོང་ཕྲག་བརྒྱ་བྱས་ན་མཆོག་གི་ཚེ་དང་བློ་རྣོ་བ་སྦྱིན་པར་བྱེད་པར་འགྱུར་རོ། །དེ་ལྟར་བྱས་པས་ཞག་
བདུན་པའི་ཚེ་ནི་ལོ་བདུན་ཐུབ་བོ། །ལོ་བདུན་པའི་ཚེ་ནི་ལོ་བདུན་བཅུ་ཐུབ་བོ། །དེ་ལྟར་མཆོག་གི་ཚེ་ཐོབ་ཅིང་དྲན་པ་དང་ལྡན་པ་དང་། ནད་མེད་པ་དང་། སྐྱེ་བ་དྲན་པར་འགྱུར་རོ། །མཆོད་རྟེན་ལ་བཞུགས་སུ་གསོལ་ཏེ། 
མགོ་ལ་བཅིངས་ན་ནད་ཆེན་པོ་ལས་གྲོལ་བར་འགྱུར་རོ། །གོས་སམ་ཤིང་ཤུན་ལ་འགི་ཧང་གིས་རང་གི་མིང་དང་བཅས་པར་གཟུངས་བྲིས་ཏེ། ཙན་དན་གྱི་རང་བཞིན་གྱི་མཆོད་རྟེན་ལ་བཞུགས་སུ་གསོལ་ནས། རང་གི་
ཁྱིམ་དུ་བཞག་ལ་རྒྱ་ཆེ་བའི་སྟོང་གིས་མཆོད་པས་མཆོད་དེ། ཟླ་བ་རེ་རེ་ཞིང་བརྒྱ་ཕྲག་བརྒྱད་ཀྱི་བཟླས་པའི་མཆོད་པའི་ཆོ་ག་བྱས་ན་ནད་ལས་གྲོལ་ཞིང་ལོ་བརྒྱ་ཐུབ་པར་འགྱུར་རོ། །མེད་ན་འདམ་པའི་རང་བཞིན་ལ་ཡང་བྱའོ། །
ཡང་གོས་གཙང་མ་ལ་སྣ་ཚོགས་རྡོ་རྗེ་ལ་གནས་པའི་མཆོད་རྟེན་བྲིས་ལ། རྡོ་རྗེ་ཕྲེང་བས་བསྐོར་བས་བརྒྱན་པ་དེའི་ནང་དུ་རང་གི་མིང་དང་གཟུངས་ཀྱི་ཚིག་འདི་འགི་ཧང་གིས་བྲིས་ལ། ཁམ་ཕོ་ཁ་སྦྱར་གྱི་ནང་དུ་བཞུགས་སུ་
97-1-241b


གསོལ་ཏེ་རང་གི་ཁྱིམ་དུ་བཞག་ལ་མཆོད་པ་རྒྱ་ཆེན་པོས་མཆོད་པ་བྱས་ན་རྟག་ཏུ་བསྲུང་བར་འགྱུར་རོ། །གཞན་ཡང་ཆོ་ག་ནི་ས་ལ་མ་ལྷུང་བའི་ལྕི་བས་མཎྜ་ལ་གྲུ་བཞིར་བྱས་ལ་མེ་ཏོག་དཀར་པོས་བཀྲམ་སྟེ། མཚམས་བཞིར་ཞུན་
མར་གྱི་མར་མེ་བཞི་བཞག་ལ། ཨ་ཀ་རུ་དང་དུ་རུ་ཀའི་བདུག་པ་བྱས་ལ། དེ་བཞིན་དུ་དྲིའི་ཆུས་གང་བའི་སྣོད་མེ་ཏོག་དཀར་པོས་རྒྱན་ཏེ། གཟུངས་ཀྱི་སྙིང་པོ་ཅན་གྱི་མཆོད་རྟེན་ནམ་སྐུ་གཟུགས་དབུས་སུ་བཞུགས་སུ་གསོལ་ལ། 
དེ་ལ་གཡོན་པའི་ལག་པས་རེག་སྟེ་གཡས་པའི་ལག་པ་ཕྲེང་བ་འཛིན་པས་ཉི་མ་རེ་རེ་ཞིང་ཉི་ཤུ་རྩ་གཅིག་རྩ་གཅིག་དུས་གསུམ་དུ་བཟླས་པ་བྱས་ལ། དེའི་ཆུ་ཁྱོར་བ་གསུམ་འཐུང་ན་ནད་མེད་པ་དང་། ཚེ་རིང་བ་དང་། 
དགྲ་ཡོངས་ཉམས་པ་དང་། འཛིན་བློ་རྣོ་བ་དང་། ངག་བཙུན་པར་འགྱུར་རོ། །སྐྱེ་བ་ནས་སྐྱེ་བར་སྐྱེ་བ་དྲན་པར་འགྱུར་རོ། །དེའི་ཆུས་ཁང་པ་དང་། ཕྱུགས་ཀྱི་ར་བ་འམ། རྟའི་ར་བ་འམ། རྒྱལ་པོའི་ཁབ་ཏུ་གཏོར་ན། རྐུན་
མ་དང་། སྦྲུལ་དང་། གནོད་སྦྱིན་དང་། སྲིན་པོ་ལ་སོགས་པའི་འཇིགས་པ་མི་འབྱུང་ཞིང་ནད་ཀྱིས་ཡོངས་སུ་གདུངས་པར་མི་འགྱུར་རོ། །མགོ་ལ་གཏོར་ན་དེ་ནད་དེ་ལས་གྲོལ་བར་འགྱུར་རོ། །དེ་ལྟར་ཚེ་དཔག་ཏུ་མེད་པའི་ཕན་
ཡོན་ཆེ་བའི་གཟུངས་འདི་གང་དང་གང་དུ་རབ་ཏུ་སྦྱར་བའི། དེ་དང་དེ་རུ་ཞི་བ་ཆེན་པོར་འགྱུར་རོ། །སོ་ཤིང་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ། འཆོས་ན་ནད་མེད་པ་དང་། བློ་རྣོ་བ་དང་། ཚེ་རིང་བར་འགྱུར་རོ། །ཆུ་ཁྱོར་བ་གསུཾ་
ལ་དུས་གསུམ་དུ་ལན་ཉི་ཤུ་རྩ་གཅིག་རྩ་གཅིག་ཡོངས་སུ་བཟླས་ཏེ་འཐུངས་ན་ནད་ཐམས་ཅད་ལས་ཡོངས་སུ་གྲོལ་ཞིང་ཡུན་རིང་དུ་འཚོ་བར་འགྱུར་རོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་
བཅོམ་ལྡན་འདས་ཚེ་དཔག་ཏུ་མེད་པ་ལ་བསྐོར་བ་བྱས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོས་མཆོད་རྟེན་གྱི་ལས་ཇི་ལྟར་བྱ། སྐུ་གཟུགས་ལ་སོགས་པ་སྒྲུབ་པ་ཇི་ལྟར་བྱ། འདིར་སྦྱིན་སྲེག་ཀྱང་ཇི་ལྟར་བགྱི། 
97-1-242a


བཅོམ་ལྡན་འདས་ཀྱིས་བཀའ་སྩལ་པ། དྲི་བ་ལེགས་པར་སྨྲས་པ་ནི། །དཔའ་བོ་ཆེན་པོ་ལེགས་སོ་ལེགས། །སེམས་ཅན་ཀུན་ལ་ཕན་རྩེའི་ཕྱིར། །འདིར་ནི་རྩེ་གཅིག་ཡིད་ཀྱིས་ཉོན། །དེ་ནས་བཅོམ་ལྡན་འདས་ཀུན་
དུ་འོད་དཔག་ཏུ་མེད་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཚེ་དཔག་ཏུ་མེད་པ་ཞེས་བྱ་བའི་གཟུངས་འདི་གསུངས་པ་ནི་འདི་ལྟ་སྟེ། ཨོཾ་ཨ་མི་ཏེ། ཨ་མི་ཏོད་བྷ་བི། 
ཨ་མི་ཏ་བི་ཀྲཱན་ཏེ། ཨ་མི་ཏ་གཱ་དྲི། ཨ་མི་ཏ་གཱ་མི་ནི། ཨ་མི་ཏ་ཨ་ཡུརྡྷ་ཏེ། ག་ག་ན་ཀཱིནྟ་ཏི་ཀ་རེ། སརྦ་ཀླེ་ཤ་ཀྵ་ཡྃ་ཀ་རི་ཡི་སྭཱ་ཧཱ། ཞེས་བྱ་བའི་གཟུངས་འདིས་མཆོད་བརྟེན་བྱེད་པའི་འཇིམ་པ་བླང་བ་དང་། བྱུག་པ་ལ་སོགས་པ་
དང་། གདུགས་པའི་གདགི་བར་ཇི་སྲིད་སྲིད་རྫོགས་པར་བྱའོ། །འདིའི་ཆོ་ག་ནི། མཆོད་བརྟེན་ཆོ་ག་མཆོག་གྱུར་པ། །དེ་ནས་ཡང་དག་བཤད་བྱ་བ། །གསེར་དང་། ཨིན་དྲ་ནཱི་ལ་དང་། དངུལ་དང་། པད་མ་རཱ་ག་ལ་སོགས་པ་རང་བཞིན་མང་པོའི་རིན་པོ་ཆེས་སྤྲས་
པའི་སོར་བཅུ་གཉིས་ཀྱི་ཚད་པད་མའི་སྟིང་ན་བཞུགས་པ། དེའི་ལོགས་བཞིར་འཇིག་རྟེན་སྐྱོང་བ་བཞི་ལག་ན་རྒྱལ་མཚན་བསྣཾས་པའོ། །མེ་ཏོག་དང་། བདུག་པ་དང་། དྲི་ལག་ན་བཟུང་བའི་གནས་གཙང་མའི་ལྷའི་བུ་རྣཾས་དང་། ལྷ་རྣཾས་
ཀྱི་དབང་པོ་བརྒྱ་བྱིན་ལག་ན་གདུགས་བསྣཾས་པ་དང་། གཡས་དང་གཡོན་གྱི་ལོགཉིས་ན་སྤྱན་རས་གཟིགས་དང་། རྡོ་རྗེ་འཆང་གཉིས་རྔ་ཡབ་དཀར་པོ་ཕྱག་ན་བསྣཾས་པ་གཉིས་བྱའོ། །དེ་ལྟ་བུའི་ཆོ་གས་མཆོད་བརྟེན་ལ་གཡས་སྐོར་
གྱིས་སྦྱོར་བས་པད་མའི་འདབ་མ་ལ་བྲི་བར་བྱའོ། །དེ་བཞིན་གཤེགས་པ་ཐཾད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་བྲིས་ལ་དེའི་རིང་བསྲེལ་གྱི་སྙིང་པོ་ཅན་དུ་བྱས་ཏེ། དྲི་ཞིམ་པོ་དང་བསྲེས་པའི་ཆུས་གཏོར་ཞིང་དྲི་
ཞིམ་པོའི་མེ་ཏོགིས་མཆོད་ལ། སྟོང་ཕྲག་ཅིག་གིས་མཆོད་པ་བྱས་ཏེ། དཀར་པོའི་ཕྱོགས་ཀྱི་ཚེས་བརྒྱད་ཀྱི་ཉིན་ཞག་ལ་བསྙུང་བར་གནས་ཤིང་། སེམས་ཅན་ཐཾད་ལ་ཕན་པའི་བློས་ཚེ་དང་བློ་སྟེར་བའི་ཡོན་བྱིན་ཏེ་སྟོང་ཕྲགཅིག་གཅིག་
97-1-242b


བཟླས་པར་བྱའོ། །ཟླ་བ་རེ་རེ་ཞིང་བྱས་ན་ཟླ་བ་དྲུག་གིས་ཚེ་ལོ་སྟོང་ཐུབ་པར་འགྱུརོ། །རྟག་ཏུ་ལོ་གཅིག་ཏུ་བྱས་ན་ཚེ་ལོ་འབུམ་ཐུབ་པར་འགྱུརོ། །རྟག་ཏུ་བྱས་ན་ཚེ་ལོ་མི་ཟད་པ་ཐུབ་ཅིང་སྟོབས་དང་ལྡན་པ་དང་། གང་གིས་ཀྱང་མི་ཐུབ་ཅིང་ལྷ་དང་
ལྷ་མ་ཡིན་དང་མི་མཉཾ་པའི་མཁའ་སྤྱོད་ཀྱི་གཙུག་ཏོར་མཆོག་ཏུ་འགྱུརོ། །དེ་ནས་གཞན་ཡང་ཆོ་ག་ནི་རབ་ཏུ་དགེ་བའི་གནསུ་ས་བླངས་ལ་དྲི་ཞིམ་པོས་བསྲེས་ལ་མཆོད་རྟེན་བྱའོ། །སྟོང་ཕྲགཅིག་ནས་བརྩཾས་ཏེ་ཇི་སྲིད་ལྔའམ་གཅིག་གི་
བར་དུའོ། །ཉི་མ་རེ་རེ་ཞིང་མཆོད་རྟེན་དུ་གཏོགས་པ་གཙུག་ཏོར་རྣམ་པར་རྒྱལ་བ་ཡང་དག་པར་བཞུགསུ་གསོལ་ལ། ཇི་སྐད་གསུངས་པའི་མཆོད་པ་རྒྱ་ཆེན་པོ་བྱས་ལ་སྟོང་ཕྲགཅིག་ནས་བརྩཾས་ཏེ་ལན་བདུན་གྱི་བར་དུ་བཀླག་པར་བྱའོ། །
ཉི་མ་རེ་རེ་ཞིང་ཚེ་དང་བློ་སྟེར་བར་བྱེད་པའི་གཟུངས་ཀྱི་ཆེད་དུ་བྱས་ཏེ། སེམས་ཅན་ཐཾད་ལ་ཐུན་མོང་དུ་དགེ་བའི་རྩ་བ་སྦྱིན་པར་བྱའོ། །སེམས་ཅན་རྣཾས་ལ་བཅིང་བ་དང་བརྡུང་བ་ལ་སོགས་པ་སྤང་བར་བྱའོ། །ཟླ་བ་གཞན་རེ་རེ་ལ་མཆོད་
པ་ཉིས་འགྱུར་དུ་བྱས་ལ་བརྒྱད་བརྒྱའི་བཟླས་པ་བྱ་བ་ནི་རང་ངམ་རང་དང་འདྲ་བས་བྱའོ། །ཆོ་ག་འདི་ཡིས་ནི་དུས་མ་ཡིན་པར་འཆི་བ་བརྒྱད་མེད་པར་འགྱུརོ། །བློ་རྣོ་བ་དང་། ནད་མེད་པ་དང་། ཚེ་ལོ་བརྒྱ་ཐུབ་ཅིང་འགྲོ་བ་ཐཾད་ཀྱིས་
ཡིད་དུ་འོང་བ་དང་། སྐྱེ་བ་དྲན་པར་འགྱུརོ། །གང་གི་ཚེ་འཆི་བའི་དུས་བྱེད་པ་དེའི་ཚེ་སྦྲུལ་ཤུན་པ་རྗེས་པ་དང་འདྲ་བར་རང་གི་ལུས་བོར་ཏེ་མཛེས་པའི་ལུས་བདེ་བ་ཅན་གྱི་འཇིག་རྟེན་གྱི་ཁཾས་སུ་སྐྱེ་བར་འགྱུརོ། །ཡང་དེ་ཉིད་
དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་གྱི་ངན་འགྲོར་སྐྱེ་བར་མི་འགྱུརོ། །རྣ་བའི་བུག་གར་དམྱལ་བའི་སྒྲ་ཡང་ཐོས་པར་མི་འགྱུར་ན་འབྲས་བུ་སྨིན་པར་ལྟ་ག་ལ་འགྱུར། འདི་རྣམས་ཀྱི་གནས་སུ་
འགྲོ་བ་མེད་དོ། །དེ་ནས་བཅྡོཾས་ཚེ་དཔག་ཏུ་མེད་པས་གཞན་ཡང་སྒྲུབ་པའི་ཐབས་བཀའ་སྩལ་པ། གང་གིས་སེམས་ཅན་ཚེ་དཔག་ཏུ་མེད་པར་འགྱུར་བ་དང་ཉམ་ང་བའི་འཁོར་བ་ལས་གྲོལ་བར་བྱེད་པ་ནི་གཞོན་ནུ་མས་བཀལ་བའི་
97-1-243a


སྐུད་པ་ཚད་དང་ལྡན་པ་མཛེས་པའི་རས་མཁས་པས་བྱའོ། །དེ་ནས་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་མཚོན་སྣ་མ་ལུས་པས་གཟུངས་ཀྱི་ཡི་གེ་ལས་སྤྲུལ་པའི་མཆོད་རྟེན་གྱི་ནང་དུ་བྲི་བར་བྱའོ། །
ཚེ་དཔག་ཏུ་མེད་པ་འོད་ཟེར་སྟོང་གི་ཕྲེང་བ་ཅན་པད་མ་དང་ཟླ་བའི་གདན་ལ་བཞུགས་པ། སྟོན་ཀའི་ཟླ་བ་ལྟ་བུའི་འོད་ཅན། རྒྱན་ཐཾད་ཀྱིས་བརྒྱན་པ། ཞལ་གསུམ་པ། སྤྱན་གསུམ་པ། ཕྱག་བརྒྱད་པ། གཡས་པའི་ཞལ་ཞི་
བ་གསེར་གྱི་འོད་ཟེར་དང་ལྡན་པའོ། །གཡོན་པ་ནི་མཆེ་བས་མ་མཆུ་མནན་པ་མི་བཟད་པ་ཨུཏྤ་ལ་སྔོན་པོའི་འོད་ཟེར་གྱི་འོད་དང་ལྡན་པའོ། །དབུས་མ་ནི་སྒེག་པ་དང་བཅས་ཤིང་དཀར་བའོ། །གཡས་པའི་ཕྱག་གིས་སྙིང་ཀར་སྣ་
ཚོགས་རྡོ་རྗེའོ། །དེ་བཞིན་དུ་པད་མ་ལ་གནས་པའི་འོད་དཔག་ཏུ་མེད་པ་དང་། མདའ་དང་མཆོག་སྦྱིན་པའོ། །གཡོན་དུ་སྡིགས་མཛུབ་དང་བཅས་པའི་ཞགས་པ་དང་། དེ་བཞིན་དུ་གཞུ་དང་། མི་འཇིགས་པ་དང་། བུམ་བའོ། །ཡང་
མགོ་བོར་མཆོད་རྟེན་ལ་གནས་པའི་ཨོཾ་དང་། མགྲིན་པར་ཨཱཿདང་། སྙིང་ཀར་ཧཱུྃ་ངོ་། །དཔྲལ་བར་ཏྲྃ་ངོ་། །ལྟེ་བའི་ཕྱོགས་སུ་ཧྲིའོ། །རྐང་པ་གཉིས་ལ་ཨོཾ་ཨཿཡི་གེ་འདི་རྣམས་བཀོད་ལ་རཀྵ་སྭཱ་ཧཱ། དང་བཅས་པ་འདིའི་ནང་དུ་རང་གི་མིང་
དང་སྤེལ་བའོ། །དེའི་ལོགས་གཉིསུ་པད་མ་དང་། རྡོ་རྗེ་འཆང་གཉིས་རྔ་ཡབ་དཀར་པོ་ཕྱག་ན་བསྣཾས་པའོ། །སྟེང་དུ་བདུད་རྩིའི་ཆར་གྱི་རྒྱུན་འབེབས་བཞིན་པའི་གནས་གཙང་མའི་ལྷའི་བུ་གཉིས་སོ། །ལོགས་བཞིར་ཁྲོ་བོ་མི་གཡོ་
བ་དང་། འདོད་པའི་རྒྱལ་པོ་དང་། དབྱུག་པ་སྔོན་པོ་ཅན་དང་། སྟོབས་པོ་ཆེ་ཞེས་བྱ་བ་སྟེ། རལ་གྲི་དང་། ལྕགས་ཀྱུ་དང་། དབྱུག་པ་དང་། རྡོ་རྗེ་བསྣཾས་པའོ། །གཡོན་པ་ན་གདུག་པ་ཅན་འཇིགས་པའི་སྡིགས་མཛུབ་ཆེད་དུ་བྱེད་པའོ། །
དེ་ལྟར་འབད་པས་རྫོགས་པར་བྱས་རེང་བསྲེལ་དང་བཅས་པའི་མཆོད་རྟེན་ལ་སྙུང་བར་གནས་པས་མཆོད་པ་ཆེན་པོ་སྟོང་ཕྲག་གཅིག་གིས་མཆོད་པ་བྱས་ལ་འབུམ་ཕྲགཅིག་བཟླས་པ་བྱའོ། །དེ་ནས་དཀར་པོའི་ཕྱོགས་ཀྱི་ཚེས་གཅིག་
97-1-243b


ནས་བཟུང་སྟེ་ཇི་སྲིད་བཅྭ་ལྔའི་བར་དུ་སྟོང་སྟོང་བཟླས་པ་བྱའོ། །དེ་ནས་སྔ་བར་ནམ་ནངས་པ་དང་བཅོམ་ལྡན་འདས་མ་ཞལ་མཐོང་བར་འགྱུརོ། །དེ་ནས་ཇི་ལྟར་དངོས་གྲུབ་འདོད་པ་སྟེར་རོ། །ཡང་ན་ནི་ཐང་ཀ་དེ་དྲི་ཞིམ་པོ་དང་
བསྲེས་པའི་ཆུས་བྱུག་པའི་ཕྱོགས་གཅིག་ཏུ་ཡང་དག་པར་བཞུགསུ་གསོལ་ལ་མཆོད་པ་རྒྱ་ཆེན་པོ་བྱ་ཞིང་ཉི་མ་རེ་རེ་ཞིང་བརྒྱད་བརྒྱ་བཟླས་པ་བྱའོ། །ཡང་ཟླ་བ་རེ་རེ་ལ་སྟོང་སྟོང་གི་མཆོད་པ་བྱ་ཞིང་སྟོང་སྟོང་གི་བཟླས་པ་བྱས་
ན་ཚེ་དཔག་ཏུ་མེད་པ་དང་། སྟོབས་དཔག་ཏུ་མེད་པ་གནོན་པ་དང་། ནམཁའ་དང་འགྲོ་བ་དང་། ནད་ཆེན་པོ་མེད་པར་འགྱུརོ། །སེམས་ཅན་ཐཾད་ཀྱིས་ཉི་མ་རེ་རེ་ཚིགས་བཅད་སྟོང་འཛིན་པའི་ཕྱིན་ཅི་མ་ལོག་པའི་ངག་ཏུ་འགྱུརོ། །ཡང་ན་
ཁ་གཅིག་གིས་དེ་ལྟ་བུ་བྱེད་པར་མི་ནུས་ན་དེ་ཡིས་རང་གི་ཁྱིམ་དུ་དྲི་ཞིམ་པོ་དང་བསྲེས་པས་སའི་ཆར་བཞུགསུ་གསོལ་ལ། ཇི་ལྟར་འབྱོར་པའི་མཆོད་པ་བྱེད་ལ་ཟླ་བ་འོང་ངོ་ཅོག་གི་ཚེས་བརྒྱད་ལ་བརྒྱད་བརྒྱའི་བཟླས་པ་བྱ་ཞིང་ཉི་མ་རེ་རེ་དུས་
གསུམ་དུ་ཉི་ཤུ་རྩ་གཅིག་རྩ་གཅིག་རྗོད་ན་བློ་རྣོ་བ་དང་། ཚེ་རིང་བ་དང་། ཤེས་རབ་དང་ལྡན་པ་དང་། ནད་མེད་པ་དང་། སྐྱིད་པ་དང་། ལོ་བརྒྱ་འཚོ་བ་དང་། སྐྱེ་བ་དྲན་པར་འགྱུརོ། །ཡང་ན་རང་གིས་མ་ནུས་ན་དེའི་ཚེ་རང་དང་འདྲ་བས་བྱས་ན་ཚེ་རིང་བ་
དང་། བློ་རྣོ་བར་འགྱུརོ། །དེ་ནས་གཞན་ཡང་སྦྱིན་སྲེག་གི་ཆོ་ག་སེམས་ཅན་ཐཾད་ལ་ཕན་པའི་ཕྱིར་ཉེ་བར་བཤད་པར་བྱ་སྟེ། ཁྲུ་གང་གི་ཚད་ཀྱི་ཐབ་ཁུང་ཟླུམ་པོ་རྡོ་རྗེའི་ཕྲེང་བས་བརྒྱན་པ། ཙན་དན་དཀར་པོ་འཾ་ས་དཀར་གྱིས་བྱུག་
ལ་མེ་ཏོག་དཀར་པོ་བཀྲཾ་སྟེ། ལོགས་བཞིར་ཞུན་མར་གྱི་མར་མེ་བཞི་བཞག་ལ། བདུག་སྤོས་ལ་སོགས་པས་ཡང་དག་པར་མཆོད་ལ། ཕྱོགས་བཞིར་མཚན་ཉིད་དང་ལྡན་པའི་བུམ་པ་རབ་ཏུ་མཛེས་པ་གོས་དཀར་པོས་གཡོག་པ་ཡལ་
གས་ཁ་བརྒྱན་པ་དགོད་པར་བྱའོ། །འོ་མ་ཅན་གྱི་ཡམ་ཤིང་ལ་མེ་སྤར་ལ་དེར་མེ་ལྷ་བཀུག་སྟེ་དགང་བླུགས་གསུཾ་བྱིན་ལ་གསང་གཏོར་བྱས་ཏེ་གཤེགསུ་གསོལ་ལོ། །དེ་ནས་ཚེ་དཔག་ཏུ་མེད་པ་གསལ་པོར་ཐབ་ཁུང་གི་དབུསུ་བསཾ་ལ་
97-1-244a


གཙུག་ཏོར་རྣམ་པར་རྒྱལ་བ་བཟླས་ཤིང་དགང་བླུགས་གསུམ་དབུལ་ལོ། །ཡང་ན་ཨོཾ་ཨ་མྲི་ཏ་ཨ་ཡུརྡྷ་ཏེ་སྭཱ་ཧཱ། ཞེས་བྱ་བའི་ཚེ་དང་། བློ་རྣོ་བ་དང་བཅས་པས་བརྒྱད་བརྒྱ་དུས་གསུམ་དུ་སྦྱིན་སྲེག་བྱའོ། །གཙུག་ཏོར་རྣཾས་
པར་རྒྱལ་བ་ལན་བདུན་དུ་བཟླས་པ་བྱས་ན་ཚེ་རིང་བ་དང་། བློ་རྣོ་བ་དང་། སྐྱིད་པ་དང་། ནད་མེད་པར་འགྱུརོ། །ཡང་ན་ཟླ་བ་རེ་རེའི་དཀར་པོའི་ཕྱོགས་ཀྱི་ཚེས་བརྒྱད་ལ་མཆོད་པ་རྒྱ་ཆེན་པོ་བྱས་ལ་དུས་གསུམ་དུ་ཚེ་ལོ་སྟོང་ཐུབ་པར་འདོད་པས་
སྦྱིན་སྲེག་བྱས་ན་མཆོག་གིས་ཚེ་རིང་བ་དང་། བློ་རྣོ་བ་སྦྱིན་པར་བྱེད་དོ། །སེམས་ཅན་རྣཾས་ལ་སྨད་པར་མི་བྱའོ། །ཆོ་ག་འདིས་རང་གི་ལུས་ནད་ཀྱིས་གོས་པར་མི་འགྱུརོ། །ལོ་བརྒྱ་ལྔ་བཅུར་འཚོ་བ་དང་། དགྲ་ལས་རྒྱལ་བ་དང་། བློ་རྣོ་
བར་འགྱུརོ། །དབྱངས་སྙན་པར་འགྱུརོ། །གལ་ཏེ་རང་གིས་མ་ནུས་ན་དེའི་ཚེ་རང་དང་འདྲ་བས་བྱས་ན་ཞི་བ་ཆེན་པོར་འགྱུརོ། །དེ་ནས་གཞན་ཡང་སྒྲུབ་པར་འདོད་ན་གཙུག་ཏོར་གྱི་རྒྱལ་པོ་ཆེན་པོ་ཚེ་དང་བློ་རྣོ་བ་དང་བཅས་པར་འབུམ་
ཕྲགཅིག་སྦྱིན་སྲེག་བྱས་སྟེ། དང་པོ་དང་མཐར་སྟོང་སྟོང་གི་མཆོད་པ་བྱས་ལ་ཡང་འབུམ་ཕྲགཅིག་བཟླས་པ་བྱས་ན་ཚེ་ལོ་འབུམ་ཕྲགཅིག་ཐུབ་པར་འགྱུརོ། །བྱེ་བ་བྱས་ན་བྱེས་བ་ཐུབ་བོ། །དེ་ལྟར་འདིའི་ཆོ་གའི་རིམ་པས་
ཚེ་ལོ་དཔག་ཏུ་མེད་པར་འགྱུར་ཏེ། ནམཁའ་ལ་འགྲོ་བ་དང་། དཔའ་བ་དང་། དགྲ་ལས་རྒྱལ་བར་འགྱུརོ། །དཔལ་འདོད་ན་དཔལ་འབྲས་འབུམ་ཕྲགཅིག་སྦྱིན་སྲེག་བྱས་ན་དཔལ་ཆེན་པོ་ཐོབ་པར་འགྱུརོ། །རྒྱལ་པོ་འདོད་
ན་པད་མ་འབུམ་ཕྲགཅིག་སྦྱིན་སྲེག་བྱས་ན་རྒྱལ་པོ་ཆེན་པོ་ཐོབ་པར་འགྱུརོ། །བྱེ་བ་གཅིག་བྱས་ན་འཁོར་ལོས་སྒྱུར་བ་ཐོབ་པར་འགྱུརོ། །ཡང་ན་རལ་གྲི་ལ་སོགས་པ་གྲུབ་པར་འདོད་ན་རིང་བསྲེལ་དང་བཅས་པའི་མཆོད་
རྟེན་གྱི་དྲུང་དུ་ཐུང་སྐུ་བཀྲམ་ལ་སྟོང་གི་མཆོད་པ་ཆེན་པོས་མཆོད་ལ་བཟླས་པ་འབུམ་བྱས་ཏེ། ཡང་ལྕགས་ལྔའི་རང་བཞིན་གྱི་རལ་གྲི་ལ་བཟླས་པ་འབུམ་བྱས་ཏེ་ལག་པ་གཡས་པར་བཅངས་ན་ཡིད་ཀྱིས་འགྲོ་བ་དང་། འདོད་
97-1-244b


པའི་གཟུགས་འཛིན་པ་དང་། སྟོབས་ཆེ་ཞིང་གཞན་གནོན་པ་དང་། སེམས་ཅན་ཐམས་ཅད་ཀྱི་གཅིག་ཏུ་འདྲེན་པ་པོར་གྱུར་ནས་སྨན་པ་ཆེན་པོའི་མཆོག་ཚེ་དཔག་ཏུ་མེད་པར་འགྱུར་རོ། །དེ་ལྟར་རྡོ་རྗེ་དང་འཁོར་ལོ་དང་། 
རྩེ་གསུམ་ལ་སོགས་པ་ལ་ཡང་སྒྲུབ་པར་བྱའོ། །དེ་ལྟར་ཕན་ཡོན་དཔག་ཏུ་མེད་པའི་གཟུངས་ཆེན་མོ་དེ་བཞིན་གཤེགས་པ་ཐམས་ཅད་ཀྱི་སྙིང་པོར་གྱུར་པ་མཆོག་ཏུ་རྙེད་པར་དཀའ་བ་འདི་ཇི་ལྟ་ཇི་ལྟར་སྦྱར་བ་དེ་ལྟ་དེ་
ལྟར་ལས་འགྲུབ་པར་བྱེད་དོ། །གང་ཡང་དེ་བཞིན་གཤེགས་པ་ཐཾད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་འདི་ཉི་མ་རེ་རེ་ལ་དུས་གསུམ་དུ་ལན་ཉི་ཤུ་རྩ་གཅིག་བཟླས་པ་བྱ་ཞིང་། མཆོད་རྟེན་ཆེན་པོར་
བྱས་ཏེ་ཡང་དག་པར་བཅངས་ལ་གཞན་ལ་ཡང་རྒྱ་ཆེར་གསལ་བར་བྱས་ན། དེ་སྐྱིད་པ་འཐོབ་ཅིང་སྟོབས་དང་ལྡན་པ་དང་། ནད་མེད་པ་དང་། ལོ་བརྒྱ་ཐུབ་པ་དང་། བློ་རྣོ་བ་དང་། སྐྱེ་བ་དྲན་པར་འགྱུར་རོ། །
གང་གི་ཚེ་འཆི་བའི་དུས་བྱས་པ་དེའི་ཚེ། སྦྲུལ་ཤུན་པ་བརྗེས་པ་དང་འདྲ་བར་རང་གི་ལུས་བོར་ཏེ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །དམྱལ་བའི་སྒྲ་རྣ་བུག་ཏུ་ཡང་ཐོས་པར་མི་འགྱུར་ན་
འབྲས་བུ་སྨིན་པར་ལྟ་ཡང་ག་ལ་འགྱུར། གང་དང་གང་དུ་སྐྱེས་པ་དེ་དང་དེ་རུ་སྐྱེ་བ་དྲན་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། 
མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་
བ་ཞེས་བྱ་བའི་གཟུངས་རྟོག་པ་དང་བཅས་པ་རྫོགས་སྷོ།། །།པཎ་ཌི་ཏ་ཆོས་ཀྱི་སྡེ་དང་། ཁམས་པ་ལོ་ཙྪ་བ་དགེ་སློང་བ་རིས་བསྒྱུར་ཅིང་ཞུས་ཏེ། གཏན་ལ་ཕབ་པའོ། ། ༄༅། །རྒྱ་གར་སྐད་དུ།  སརྦ་ཏ་ཐཱ་
97-1-245a


ག་ཏོཥྞཱི་ཥ་བི་ཛ་ཡ་ནཱ་མ་དྷཱ་ར་ཎཱི་ཀལྤ།  བོད་སྐད་དུ།  དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་མའི་གཟུངས་ཞེས་བྱ་བའི་རྟོག་པ་གཙུག་ཏོར་རྣམ་པར་རྒྱལ་མ་ལ་ཕྱག་འཚལ་ལོ། །
འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བདེ་བ་ཅན་ན་བཞུགས་སོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་
ཆོས་ཡང་དག་པར་སྡུད་པའི་ཕུག་ཆེན་པོའི་ཁང་བཟང་གི་ཚལ་བདེ་བ་ལ་ཉེ་བར་བཞུགས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་
སྩལ་ཏོ། །རིགས་ཀྱི་བུ་སེམས་ཅན་སྡུག་བསྔལ་དང་ནད་སྣ་ཚོགས་ཀྱིས་ཡོངསུ་གཟེར་ཅིང་ཚེ་ཐུང་བ་ཡོད་དེ། དེ་རྣམས་ཀྱི་དོན་དུ་ཚེ་རིང་བར་ཉེ་བར་བསྒྲུབ་པར་བྱ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱིས་
གཙུག་ཏོར་རྣམ་པར་རྒྱལ་མ་ཞེས་བྱ་བའི་གཟུངས་འདི་གཟུང་བར་བྱ། གཞན་རྣམས་ལ་རྒྱ་ཆེར་ཡང་དག་པར་བསྟན་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་
དབང་ཕྱུག་སྟན་ལས་ལངས་ཏེ་ཐལ་མོ་སྦྱར་བར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་མ་ཞེས་བྱ་བའི་གཟུངས་
བསྟན་དུ་གསོལ། བདེ་བར་གཤེགས་པ་བསྟན་དུ་གསོལ། དེ་ནས་བཅྡོཾས་ཀྱིས་ཐཾད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ཏེ། ཀུན་དུ་སྣང་བའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་
པ་ཐཾད་ཀྱི་གཙུག་ཏོར་རྣཾ་པར་རྒྱལ་མ་ཞེས་བྱ་བའི་གཟུངས་འདི་བཀའ་སྩལ་ཏོ། །ཨོཾ་ན་མོ་བྷ་གྷ་བ་ཏེ་སརྦ་ཏྲཻ་ལོཀྱ་པྲ་ཏི་བི་ཤཥྚཱི་ཡ། བུདྡྷཱ་ཡ་ཏེ་ན་མཿཏདྱ་ཐཱ། ཨོཾ་བྷྲཱུྃ་བྷྲཱུྃ་བྷྲཱུྃ། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ཨ་ས་མ་ས་མནྟཱ་བ་བྷཱ་ས་སྥ་ར་
97-1-245b


ཎ་ག་ཏི། ག་ག་ན་སྭ་བྷཱ་བ་བི་ཤུད་དྷེ། ཨ་བྷི་ཥིནྩཱནྟུ་མཱྃ། སརྦ་ཏ་ཐཱ་ག་ཏཱ། སུ་ག་ཏ་བ་ར་བ་ཙ་ནཱ་མྲྀ་ཏཱ་བྷི་ཥེ་ཀཻརྨ་ཧཱ་མུ་དྲཱ་མནྟྲ་པ་དཻཿ། ཨོཾ་ཨཱ་ཧ་ར་ཨཱ་ཧ་ར་མ་མ། ཨཱ་ཡུཿསནྡྷཱ་ར་ཎི་ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ག་ག་ན་སྭ་བྷཱ་བ་བི་ཤུདྷེ། 
ཨུཥྞི་ཥ་བི་ཛ་ཡ་པ་རི་ཤུད་དྷེ། ས་ཧ་སྲ་རསྨི་སྃ་ཙོ་དེ་ཏི། སརྦ་ཏ་ཐཱ་ག་ཏཱ་བ་ལོ་ཀི་ནི། ཥཊ་པཱ་ར་མི་ཏཱ་པ་རི་པཱུ་ར་ཎི། སརྦ་ཏ་ཐཱ་ག་ཏཱ་མཱ་ཏེ། ད་ཤ་བྷཱུ་མི་པྲ་ཏིཥྛི་ཏེ། སརྦ་ཏ་ཐཱ་ག་ཏ་ཧྲི་ད་ཡཱ་དྷིཥྛཱ་ནཱ་དྷིཥྛི་ཏེ། ཨོཾ་མུ་དྲེ་མུ་དྲེ་མ་ཧཱ་མུ་དྲེ་བཛྲ་ཀཱ་ཡ་སྃ་ཧ་ཏ་ན་པ་རི་ཤུདྷེ། 
སརྦ་ཀརྨ་ཨ་ཝ་ར་ཎ་བི་ཤུདྷེ་པྲ་ཏེ་ནི་བརྟྟ་ཡ་མ་མཱ་ཡུརྦི་ཤུདྷེ། སརྦ་ཏ་ཐཱ་ག་ཏ་ས་མ་ཡཱ་དྷིཥྛཱི་ནཱ་དྷིཥྛི་ཏེ། ཨོཾ་མུ་ནི་མུ་ནི། མ་ཧཱ་མུ་ནི། བི་མུ་ནི། བི་མུ་ནི། མ་ཧཱ་བི་མུ་ནི། མ་ཏི་མ་ཏི། མ་ཧཱ་མ་ཏི། མ་མ་ཏི། མ་མ་ཏི། མ་ཧཱ་མ་མ་ཏི། སུ་མ་ཏི་སུ་མ་ཏི། མ་ཧཱ་སུ་མ་ཏི། ཏ་ཐཱ་ཏཱ་
བྷུ་ཏ་ཀོ་ཊི་པ་རི་ཤུདྡྷེ། བི་སྥུ་ཊ་བུདྡྷེ་ཤུདྷེ། ཨོཾ་ཧེ་ཧེ་ཛ་ཡ་ཛ་ཡ། བི་ཛ་ཡ་བི་ཛ་ཡ། སྨ་ར་སྨ་ར། སྥ་ར་སྥ་ར། སྥཱ་ར་ཡ་སྥཱ་ར་ཡ། སརྦ་བུདྷཱ་དྡྷིཥྛཱ་ན་དྷི་ཥྛ་ཏི། ཨོཾ་ཤུདྡྷེ་ཤུདྡྷེ། བུདྷེ་བུདྡྷེ་བཛྲེ་བཛྲེ་མ་ཧཱ་བཛྲེ་སུ་བཛྲེ་བཛྲ་གརྦྷེ་ཛྲེ་ཡ་གརྦྷེ་བཛ་ཡ་གརྦྷེ་བཛྲ་ཛྭཱ་ལཱ་གརྦྷེ་
བཛྲོ་དྦྷ་བེ། བཛྲ་སྃ་བྷ་བེ་བཛྲེ་བཛྲི་ཎི་བཛྲ་མྦྷ་བ་ཏུ་མི་ཤ་རཱི་རྃ་སརྦ་སཏྭཱ་ནཱཉྩ། ཀཱ་ཡ་པ་རི་ཤུདྡྷི་རྦྷ་བ་ཏུ་མེ་ས་དཱ། སརྦ་ག་ཏི་པ་རི་ཤུདྷི་ཤྩ། སརྦ་ཏ་ཐཱ་ག་ཏཱ་ཤྩ་མཱྃ་ས་མཱ་སྭཱ་ས་ཡནྟུ། ཨོཾ་བུདྡྷྱ་བདྡྷྱུ་སིདྷྱ་སིདྷྱ། བོ་དྷ་ཡ་བོ་དྷ་ཡ། བི་བོ་དྷ་ཡ་བི་བོ་དྷ་ཡ། མོ་ཙ་ཡ་མོ་ཙ་
ཡ་བི་མོ་ཙ་ཡ་བི་མོ་ཙ་ཡ། ཤོ་དྷ་ཡ་ཤོ་དྷ་ཡ་བི་ཤོ་དྷ་ཡ་བི་ཤོ་དྷ་ཡ། ས་མནྟཱ་ན་མོ་ཙ་ཡ་མོ་ཙ་ཡ་ས་མནྟ་རསྨི་པ་རི་ཤུདྷེ། སརྦ་ཏ་ཐཱ་ག་ཏ་ཧྲི་ད་ཡཱ་དྷིཥྛཱ་ནཱ་དྷིཥྛི་ཏེ། ཨོཾ་མུ་དྲེ་མུ་དྲེ་མ་ཧཱ་མུ་དྲེ་མ་ཧཱ་མུ་དྲཱ་མནྟྲ་པ་དཻཿསྭཱ་ཧཱ། རིགས་ཀྱི་བུ་གང་འདི་དེ་བཞིན་
གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་མ་ཞེས་བྱ་བའི་གཟུངས། འཆི་བའི་དབྱུག་པ་ཆེན་པོ་འཛིན་པ། སྡིག་པ་ཞི་བར་བྱེད་པའི་དག་བྱེད་དོ། །གང་སུ་དག་ཚེ་རིང་བར་འདོད་པས་འཆད་པར་འགྱུར་བའི་རིག་པས་བཀླག་
པར་བྱའོ། །ས་ཕྱོགས་ཡྃངས་པ་ཁ་ཅིག་ཏུ་ས་དང་བ་བྱུང་གིས་ཉེ་བར་བྱུགས་ལ། དྲི་བཟང་གི་ཆབ་ཀྱིས་ཆག་ཆག་གདབ་པར་བྱའོ། །སྟེང་དུ་བླ་རེས་ཀྱིས་བྲེས་ཤིང་འཕྱང་དུ་བཅུག་ནས། དེའི་དབུསུ་རྡུལ་ཚོན་དཀར་པོས་འཁོར་ལོ་རྩིབས་བརྒྱད་པ་ཤིན་དུ་བརྒྱན་པར་
97-1-246a


གདབ་པར་བྱའོ། །གང་དེའི་དབུསུ། རང་བཞིན་གྱི་སྙིང་པོ་འབྱུང་བའི་གཙུག་ཏོར་རོ། །དེ་ལྟར་རིམ་པ་ཇི་ལྟ་བར་ཤར་ལ་སོགས་པའི་རྩིབས་རྣམསུ་ནམཁའ་ལྟར་འདུས་པའི་བཟའ་སྟོན་འབྱུང་བའི་གཙུག་ཏོར་དང་། སའི་སྙིང་
པོ་འབྱུང་བའི་གཙུག་ཏོར་དང་། ནོར་བུའི་སྙིང་པོ་འབྱུང་བའི་གཙུག་ཏོར་དང་། རོ་བཅུད་ཀྱི་སྙིང་པོ་འབྱུང་བའི་གཙུག་ཏོར་དང་། སྙིང་པོ་དཔག་མེད་འབྱུང་བའི་གཙུག་ཏོར་དང་། གཟི་བརྗིད་སྙིང་པོ་འབྱུང་བའི་གཙུག་ཏོར་དང་། རྔའི་སྒྲ་དབྱངས་
འབྱུང་བའི་གཙུག་ཏོར་དང་། སེར་བུ་འབྱུང་བའི་གཙུག་ཏོར་ཏེ། དེ་བཞིན་གཤེགས་པ་རྣམས་བཞུགས་སུ་གསོལ་ལོ། །དེའི་ཡང་ཕྱི་རོལ་ཉིད་དུ་པད་མ་འདབ་མ་བཅུ་དྲུག་པ་ལེགས་པར་བྲི་བར་བྱའོ། །འདབ་མ་སོ་སོ་རེ་རེར་རིམ་པ་ཇི་ལྟ་
བར་ཐིག་ལེ་བཅུ་དྲུག་ལས་བྱུང་བའི་དེ་བཞིན་གཤེགས་པ་རྣམས་བཞུགསུ་གསོལ་ལོ། །ནང་སྟོང་པ་ཉིད་འབྱུང་བའི་གཙུག་ཏོར་དང་། ཕྱི་སྟོང་པ་ཉིད་འབྱུང་བའི་གཙུག་ཏོར་དང་། ཕྱི་ནང་སྟོང་པ་ཉིད་འབྱུང་བའི་གཙུག་ཏོར་དང་། སྟོང་པ་ཉིད་
སྟོང་པ་ཉིད་འབྱུང་བའི་གཙུག་ཏོར་དང་། དོན་དམ་པ་སྟོང་པ་ཉིད་འབྱུང་བའི་གཙུག་ཏོར་དང་། འདུ་བྱས་སྟོང་པ་ཉིད་འབྱུང་བའི་གཙུག་ཏོར་དང་། འདུ་མ་བྱས་སྟོང་པ་ཉིད་འབྱུང་བའི་གཙུག་ཏོར་དང་། ཐོག་མ་དང་ཐ་མ་མེད་པ་སྟོང་པ་ཉིད་
འབྱུང་བའི་གཙུག་ཏོར་དང་། དོར་བ་མེད་པ་སྟོང་པ་ཉིད་འབྱུང་བའི་གཙུག་ཏོར་དང་། རང་བཞིན་སྟོང་པ་ཉིད་འབྱུང་བའི་གཙུག་ཏོར་དང་། ཆོས་ཐམས་ཅད་སྟོང་པ་ཉིད་འབྱུང་བའི་གཙུག་ཏོར་དང་། རང་གི་མཚན་ཉིད་སྟོང་པ་ཉིད་འབྱུང་
བའི་གཙུག་ཏོར་དང་། མི་དམིགས་པ་སྟོང་པ་ཉིད་འབྱུང་བའི་གཙུག་ཏོར་དང་། དངོས་པོ་མེད་པ་སྟོང་པ་ཉིད་འབྱུང་བའི་གཙུག་ཏོར་དང་། རང་གི་ངོ་བོ་ཉིད་སྟོང་པ་ཉིད་འབྱུང་བའི་གཙུག་ཏོར་དང་། དངོས་པོ་མེད་པའི་རང་གི་ངོ་བོ་སྟོང་པ་ཉིད་
འབྱུང་བའི་གཙུག་ཏོར་རོ། །དེ་བཞིན་གཤེགས་པ་བཞུགས་པའི་གདན་གྱི་དཀྱིལ་འཁོར་བྱས་ནས་དུས་ཇི་ལྟ་བའི་མེ་ཏོག་གི་རྣམ་པ་འབུལ་བར་བྱའོ། །དེའི་ཕྱེད་ཀྱི་སྟེང་དུ་ཁྲི་བཙུགས་ཏེ་ཆུའི་སྣོད་དུ་རྣཾ་པར་སྣང་མཛད་ཀྱི་སྙིང་པོའི་མཆོད་རྟེན་
97-1-246b


བཞུགས་པར་བྱའོ། །ཤོག་གུ་འམ་ལོ་མ་ལ་སྔགས་ཀྱི་ཡི་གེ་སྒྲུབ་པ་པོའི་མིང་ཅན་ཡང་བཞུགས་པར་བྱའོ། །བུམ་པ་ཆུ་ཡིས་བཀང་བ་ཡང་བཞག་པར་བྱའོ། །པད་མའི་ཕྱི་རོལ་ཕྱོགས་བཞིར་བུམ་པ་བཞི་ཡང་བཞག་པར་བྱའོ། །
དར་གྱི་ལྡ་ལྡི་དང་གདུགས་དང་བ་དན་གྱིས་ཉེ་བར་མཛེས་པར་བྱས་ནས། ཡང་ཤར་དུ་བགེགས་རབ་ཏུ་འཇོམས་པའི་གཙུག་ཏོར་རྣམ་པར་རྒྱལ་བའི་ལྷ་མོ་དང་། ལྷོར་འཆི་བ་རབ་ཏུ་འཇོམས་པའི་གཙུག་ཏོར་རྣམ་པར་རྒྱལ་བའི་ལྷ་མོ་དང་། 
ནུབ་ཏུ་ཉོན་མོངས་པ་རབ་ཏུ་འཇོམས་པའི་གཙུག་ཏོར་རྣམ་པར་རྒྱལ་བའི་ལྷ་མོ་དང་། བྱང་དུ་ཕུང་པོའི་ནད་རབ་ཏུ་འཇོམས་པའི་གཙུག་ཏོར་རྣམ་པར་རྒྱལ་བའི་ལྷ་མོ་དང་། མེར་རྡོ་རྗེ་ཕྲེང་བ་ཚེ་སྦྱིན་མ་དང་། བདེན་བྲལ་དུ་སྒྱུ་མ་ཆེན་མོ་དང་། 
རླུང་དུ་གསེར་འོད་མ་དང་། དབང་ལྡན་དུ་གསེར་གྱི་ཕྲེང་བ་ཅན་ཚེ་སྦྱིན་མའོ། །སྣོད་བཞི་ཆུ་དྲི་བཟང་དང་བཅས་པས་བཀང་སྟེ། མེ་ཏོག་གི་ཕྲེང་བ་འཕྱང་དུ་གཞུག་པར་བྱའོ། །འདིའི་མཐར་རེ་ཁ་གསུམ་རྡུལ་ཚོན་གྱིས་བྲི་བར་བྱའོ། །ཕྲེང་དང་
པོ་ལ་སྐྲ་ལ་སོགས་པ་མེད་པའི་འཇིམ་པ་རློན་པ་ལ་བྱས་པའི་སཙྪ་སྟོང་ཕྲག་གཅིག་བསྒྲིག་པར་བྱའོ། །མ་གྲུབ་ན་བརྒྱ་ངེས་པར་བཞུགས་པར་བྱའོ། །ཕྱོགས་བཞིར་བཀུར་སྟི་དང་སྟི་ཏང་དང་ཆེན་པོའི་མཆོད་པ་བྱས་ནས། ཚིག་གཞན་མི་སྨྲ་
བའི་དམ་བཅའ་འཛིན་པའི་ཆོས་སྨྲ་བ་རྣམས་ཀྱིས་གཟུངས་འདི་བཀླག་པར་བྱའོ། །ལན་རེ་རེ་ཞིང་མཆོད་རྟེན་གྱི་དབུར་མཆོད་ཅིང་རབ་ཏུ་གནས་པར་བྱའོ། །སྟོང་ཕྲག་གཅིག་ཏུ་གློག་པས་དབུས་ཀྱི་མཆོད་རྟེན་གྱི་
དབུར་ལག་པ་བསྐྱོད་ཅིང་མཆོད་པར་བྱའོ། །མེ་ཏོག་དང་། བདུག་སྤོས་དང་། མར་མེ་དང་། དྲི་ཆབ་དང་། ལྷ་བཤོས་ལ་སོགས་པ་མཆོད་པ་ཐམས་ཅད་སྟོང་ཕྲག་
སོ་སོར་མཆོད་རྟེན་གྱི་ཕྲེང་བའི་རྣམ་པར་བྱས་ནས་མཆོད་པ་བྱའོ། །ཇི་སྲིད་ཡོངས་སུ་མ་རྫོགས་པ་དེ་སྲིད་དུ་མར་མེའི་ཕྲེང་བ་རླུང་གིས་མི་ཉམས་པ་སྦར་བར་བྱའོ། །
97-1-247a


མཉམ་པར་བཞག་ཅིང་གཙང་སྦྲས་རབ་ཏུ་འཇུག་པར་བྱའོ། །དེ་ལྟར་བྱས་ན་ཞག་བདུན་པའི་ཚེ་ལོ་བདུན་དུ་འཚོ་བར་འགྱུརོ། །ལོ་བདུན་པའི་ཚེ་ནི་དེ་ལྟར་ཚེ་མཆོག་འཐོབ་ཅིང་ནད་ལས་རྣམས་པར་གྲོལ་ནས་ལོ་
བརྒྱར་འཚོ་བར་འགྱུར་རོ། །དུས་མ་ཡིན་པའི་འཆི་བ་ཡང་ཐམས་ཅད་དུ་རྙེད་པར་མི་འགྱུར་རོ། །དེ་ལྟ་བུའི་ཉེ་བར་སྤྱོད་པའི་རིམ་པ་ལས་གཞན་དུ་བྱས་ན་དེ་ཡི་འགྲུབ་པ་མ་ཡིན་ནོ། །རབ་དུ་བྱེད་པ་དང་པོའོ།། །།རྟོག་པ་འདི་ཡང་
དག་པའི་དགེ་བའི་བཤེས་གཉེན་སྡོམ་བརྩོན་དམ་པ་འདུལ་བའི་གཙུག་ལག་ལ་ཟླ་མེད་པར་སྨྲ་བ་ནེའུ་མཁན་པོའི་གསུང་བཞིན་དུ། མང་དུ་ཐོས་པའི་ལོ་ཙྪ་བ་གནས་བརྟན་དཔལ་ཉི་མ་རྒྱལ་མཚན་བཟང་པོས་དཔལ་ཐར་པ་གླིང་
གི་གཙུག་ལག་ཁང་དུ་རང་གིས་བསྒྱུར་བའོ། ། ༄༅། །རྒྱ་གར་སྐད་དུ།  སརྦ་ཏ་ཐ་ག་ཏ་ཨུཥྞཱི་ཥ་བི་ཛ་ཡ་ན་མ་ཧ་རི་ཎི་ཀལ་པ་ས་ཧི་ཏ།  བོད་སྐད་དུ།  དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་
གཟུངས་རྟོག་པ་དང་བཅས་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་ཚེ་དཔག་ཏུ་མེད་པ་བདེ་བ་ཅན་གྱི་ཆོས་ཡང་དག་པར་སྡུད་པའི་ཁང་བཟང་མཆོག་ན་ཉེ་བར་བཞུགས་སོ། །དེ་ནས་འཁོར་ཀྱི་དཀྱིལ་འཁོར་ལ་ཉེ་བར་གཟིགས་ཏེ། འཕགས་པ་སྤྱན་རས་གཟིགས་དབང་
ཕྱུག་ལ་བཀའ་སྩལ་པ། ཀྱེ་བྱང་ཆུབ་སེམས་དཔའ་སེམས་དཔའ་ཆེན་པོ་རིགས་ཀྱི་བུ་དང་། རིགས་ཀྱིས་བུ་མོ་སྡུགས་བསྔལ་བ་ནད་ཀྱིས་ཡོངས་སུ་གཟིར་པའི་སེམས་ཅན་ཚེ་ཐུང་བ་རྣམ་ཡོད་དེ། དེ་རྣམ་ཀྱི་ཕྱིར་སེམས་
ཅན་ཐམས་ཅད་ལ་ཀུན་དུ་གཟིགས་པའི་མཚན་གྱི་དཔལ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམས་པར་རྒྱལ་བ་ཞེས་བྱས་བའི་གཟུངས་འདི་ཉིད་བཅང་བ་དང་བཀླག་པ་དང་། གཞན་ལ་རྒྱ་ཆེར་ཡང་དག་པར་བསྟན་
97-1-247b


པའི་ཕྱིར་ཡུན་རིང་བར་གནས་པར་བསྒྲུབ་པའི་ཆེད་དུ་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ཏེ། ཀུན་དུ་གཟིག་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམ་པར་ཞུགས་ཏེ། 
དེ་བཞིན་གཤེགས་པ་ཐམས་ཅད་ཀྱིས་གཙུག་རྣམ་པར་རྒྱལ་བ་ཞེས་བྱ་བའི་གཟུངས་འདི་བཀའ་སྩལ་པ། ཨོཾ་ན་མོ་བྷ་ག་ཝ་ཏེ་སརྦ་ཏྲཻ་ལོ་ཀྱ་པྲ་ཏི་བི་ཤིཥྚཱ་ཡ་བུད་དྷ་ཡ་ཏེ་ན་མ། ཏདྱ་ཐཱ། ཨོཾ་བྷྲཱུྃ་བྷྲཱུྃ་བྷྲཱུཾ། ཤོ་དྷ་ཡ་ཤོ་དྷ་ཡ། དྷ་ཡ། བྷི་ཤོ་དྷ་
ཡ། བི་ཤོ་དྷ་ཡ། ཨ་ས་མ་ས་མན་ཏ་ཨ་བ་བྷཱ་ས་སྥ་ར་ཎ་ག་ཏི། ག་ག་ན་སྭ་བྷཱ་བ་བི་ཤུད་དྷེ། ཨུཥྞཱི་ཥ་བི་ཛ་ཡ་པ་རི་ཤུད་དྷེ། ཨ་བྷི་ཥིཉྩནྟུ་མཱྃ། སརྦ་ཏ་ཐ་ག་ཏ་སུ་ག་ཏ་བ་ར་བ་རྩ་ན། ཨ་མྲྀ་ཏ་ཨ་བྷི་ཥེ་ཀཻར། མ་ཧཱ་མུ་དྲཱ་
མན་ཏྲ་པ་དཻ། ཨཱ་ཧ་ར་ཨཱ་ཧ་ར། མ་མ་ཨཱ་ཡུ། སན་དྷ་ར་ཎཱི། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ག་ག་ན་སྭ་བྷཱ་བ་བི་ཤུད་དྷེ། ཨུཥྞཱ་ཥ་བི་ཛ་ཡ་པ་རི་ཤུད་དྷེ། ས་ཧ་སྲ་རསྨི་སཾ་ཙོ་དི་ཏེ། སརྦ་ཏ་ཐཱ་ག་ཏ་ཨ་ཝ་ལོ་ཀི་ནི། ཥཏ་པཱ་ར་
མི་ཏཱ་པ་རི་པཱུ་ར་ཎི། སརྦ་ཏ་ཐ་ག་ཏཱ་མཱ་ཏེ་ད་ཤ་བྷཱུ་མི་པྲ་ཏིཥྛི་ཏེ། སརྦ་ཏ་ཐཱ་ག་ཏཱ་ཧྲྀ་ད་ཡ་ཨ་དྷིཥྛཱ་ན་ཨ་དྷིཥྛི་ཏི། མུ་དྲེ་མུ་དྲེ། མ་ཧཱ་མུ་དྲེ། མ་ཧ་མུ་དྲེ། བཛྲ་ཀཱ་ཡ་སཾ་ཧ་ཏ་ན། པ་རི་ཤུད་དྷེ། སརྦ་ཀརྨ་ཨཱ་ཝ་ར་ཎ་བི་ཤུད་དྷེ། 
པྲ་ཏི་ནི་བརྟ་ཡ། མ་མ་ཨཱ་ཡུར་བི་ཤུད་དྷེ། སརྦ་ཏ་ཐཱ་ག་ཏ་ས་མ་ཡ་ཨ་དྷིཥྛཱ་ན་ཨ་དྷིཥྛི་ཏེ། ཨོཾ་མུ་ནི་མུ་ནི། མ་ཧཱ་མུ་ནི། བི་མུ་ནི་བི་མུ་ནི། མ་ཧ་བི་མུ་ནི། མ་ཏི་མ་ཏི། མ་ཧཱ་མ་ཏི། མ་མ་ཏི། སུ་མ་ཏི། ཏ་ཐཱ་ཏཱ་བྷུ་ཏ་ཀོ་ཊི། པ་རི་
ཤུད་དྷེ། བི་སྥུ་ཊ། བུད་དྷི་ཤུད་དྷེ། ཧེ་ཧེ། ཛ་ཡ་ཛ་ཡ། བི་ཛ་ཡ་བི་ཛ་ཡ། སྨ་ར་སྨ་ར། སྥཱ་ར་སྥ་ར། སྥཱ་ར་ཡ་སྥཱ་ར་ཡ། སརྦ་བུད་དྷ་ཨ་དྷིཥྛཱ་ན་ཨ་དྷིཥྛི་ཏེ། ཤུད་དྷེ་ཤུད་དྷེ། བུད་དྷེ་བུད་དྷེ། བཛྲེ་བཛྲེ། མ་ཧཱ་བཛྲེ། སུ་བཛྲེ། བཛྲ་གར་བྟེ་
ཛ་ཡ་གརྦྷེ། བི་ཛ་ཡ་གརྦྷེ། བི་ཛ་ཡ་གརྦྷེ། བཛྲ་ཛྭ་ལཱ་གརྦྷེ། བཛྲ་ཨུད་བྷ་བེ། བཛྲ་སཾ་བྷ་བེ། བཛྲེ་བཛྲི་ནི། བཛྲམྦྷ་བ་ཏུ། མ་མ་ཤ་རི་རཾ་སརྦ་སཏྭཱ་ནཱཉྩ་ཀཱ་ཡ་པ་རི་ཤུད་དྷིར་བྷ་བ་ཏུ། ས་དཱ་མེ་སརྦ་ག་ཏི་པ་རི་ཤུད་དྷིཤྩ། སརྦ་
97-1-248a


ཏ་ཐཱ་ག་ཏཱཤྩ་མཱྃ་ས་མཱ་སྭཱ་ས་ཡན་དུ། བུད་དྷྱ་བུད་དྷྱ། སིད་དྷྱ་སིད་དྷྱ། བོ་དྷ་ཡ་བོ་དྷ་ཡ། བི་བོ་དྷ་ཡ་བི་བོ་དྷ་ཡ། མོ་ཙ་ཡ་མོ་ཙ་ཡ། བི་མོ་ཙ་ཡ་བི་མོ་ཙ་ཡ། ཤོ་དྷ་ཡ་ཤོ་དྷ་ཡ། བི་ཤོ་དྷ་ཡ་བི་ཤོ་དྷ་ཡ། ས་མན་ཏཱ་ན་མོ་ཙ་ཡ་མོ་
ཙ་ཡ། ས་མན་ཏ་ར་སྨི་པ་རི་ཤུད་དྷེ། སརྦ་ཏ་ཐ་ག་ཏ་ཧྲྀ་ད་ཡ། ཨ་དྷིཥྛཱ་ན་ཨ་དྷིཥྛི་ཏེ། མུ་དྲེ་མུ་དྲེ། མ་ཧཱ་མུ་དྲེ་མ་ཧཱ་མུ་དྲཱ་མན་ཏྲ་པ་དེེ་སྭཱཧཱ། གཙུག་ཏོར་རྣམ་པར་རྒྱལ་བ་ཞེས་བྱ་བ་སྡིག་པ་དང་སྒྲིབ་པ་ཐམས་ཅད་
རྣམ་པར་སྦྱོང་བ། ངན་སོང་ཐམས་ཅད་རྒྱུན་གཅད་པ་འདི་ཡི་གེར་བྲིས་ཏེ། མཆོད་རྟེན་གྱི་སྲོག་ཤིང་གི་སྟེང་དུ་བཞག་ལ། ཟླ་བ་ཉ་བའི་ཚེ་ཁྲུས་བྱས་ཏེ་ལན་སྟོང་རྩ་བརྒྱད་བརྗོད་ན་ཚེ་ཟད་པ་ལས་ཚེ་ཕྱིར་ནུར་བར་འགྱུར་རོ། །
ངན་སོང་ལས་མྱུར་དུ་ཐར་ཏེ། སྒྲིབ་པ་རྣམས་དག་ནས་བླ་ན་མེད་པའི་བྱང་ཆུབ་ཐོབ་པར་འགྱུར་རོ། །དུད་འགྲོ་རྣམས་ཀྱི་ཐོས་ན་ཡང་དེ་རྣམས་ངན་སོང་གི་ཐ་མ་ཡིན་ཏེ། བྱང་ཆུབ་མ་ཐོབ་ཀྱི་བར་དུ་མཐོ་རིས་རྒྱལ་པོའི་
རིགས་སམ། བྲམ་ཟེའི་རིགས་སམ། ཚོང་དཔོན་གྱི་རིགས་སམ། ཁྱིམ་བདག་གི་རིགས་ཤིང་ས་ལ་ཆེན་པོ་ལྟ་བུའི་ནང་དུ་སྐྱེ་བར་འགྱུར་རོ། །མཆོད་རྟེན་དེའི་གྲིབ་མས་ཕོག་གམ། རྡུལ་གྱིས་བཏབ་ཀྱང་
རུང་སྟེ་ངན་སོང་དུ་འགྲོ་བར་མི་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཡི་རང་སྟེ་མངོན་པར་
བསྟོད་དོ། །འཕགས་པ་གཙུག་ཏོར་རྣམ་པར་རྒྱལ་བའི་གཟུངས་རྟོགས་པ་དང་བཅས་པ། རྫོགས་སྷོ།། །། ༄༅། །རྒྱ་གར་སྐད་དུ།  ཨརྱ་སརྦ་ཏ་ཐ་ག་ཏོཥྞཱི་ཥ་
སི་ཏ་ཏ་པ་ཏཾ་ནཱ་མ་ཨ་པ་རཱ་ཛི་ཏ་པྲ་ཏྱཾ་གི་ར་མ་ཧ་བིདྱཾ་རཱ་ཛཱི།  བོད་སྐད་དུ།  འཕགས་པ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བ་གདུགས་དཀར་པོ་ཅན་ཞེས་བྱ་བ་གཞན་གྱིས་མི་ཐུབ་པ་ཕྱིར་ཟློག་
97-1-248b


པའི་རིགས་བསྔགས་ཀྱི་རྒྱལ་མོ་ཆེན་མོའོ།  །དཀོན་མཆོགས་གསུམ་ལ་ཕྱག་འཚལ་ལོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། 
བཅོམ་ལྡན་འདས་སུམ་བཅུ་རྩ་གསུམ་པའི་ལྷའི་གནས་ཆོས་བཟངས་ལྷའི་འདུན་ས་ན། དགེ་སློང་གིས་དགེ་འདུན་ཆེན་པོ་དང་། བྱང་ཆུབ་སེམས་དཔའི་དགེ་འདུན་ཆེན་པོ་དང་། ལྷ་རྣམས་ཀྱི་དབང་པོ་བརྒྱ་བྱིན་དང་ཐབ་གཅིག་
ཏུ་བཞུགས་ཏེ། དེ་ནས་བཅོམ་ལྡན་འདས་གདན་བཤམས་པ་ཉིད་ལ་བཞུགས་ནས། གཙུག་ཏོར་རྣམ་པར་གཟིགས་པ་ཞེས་བྱ་བའི་ཏིང་ངེ་འཛིན་ལ་སྙོམ་པར་ཞུགས་སོ། །སྙོམ་པར་ཞུགས་མ་ཐག་ཏུ་བཅོམ་
ལྡན་འདས་ཀྱི་གཙུག་ཏོར་གྱི་དབུས་ནས་གསང་སྔགས་ཀྱི་ཚིག་འདི་དག་བྱུང་ངོ་། །ན་མོ་བྷ་ག་བ་ཏེ་ཨུཥྞཱི་ཥཱ་ཡ་ཤུད་དྷེ་བི་ར་ཛེ་བི་མ་ལེ་སྭཱཧཱ། བཅོམ་ལྡན་འདས་གཙུག་ཏོར་ཐོགས་པ་མེད་པ་ལ་ཕྱག་འཚལ་ལོ། །
སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡངས་དག་པར་རྫོགས་པའི་སངས་རྒྱས་བྱེ་བ་ཕྲག་བདུན་པོ་རྣམས་ལ་ཕྱག་འཚལ་ལོ། །བྱམས་པ་ལ་སོགས་པ་སངས་
རྒྱས་དང་བྱང་ཆུབ་སེམས་དཔའ་ཉན་ཐོས་ཀྱི་དགེ་འདུན་དང་བཅས་པ་རྣམས་ལ་ཕྱག་འཚལ་ལོ། །འཇིག་རྟེན་ན་དགྲ་བཅོམ་པ་རྣམས་ལ་ཕྱག་འཚལ་ལོ། །རྒྱུན་དུ་ཞུགས་པ་རྣམས་ལ་ཕྱག་འཚལ་ལོ། །ལན་
ཅིག་ཕྱིར་འོང་བ་རྣམས་ལ་ཕྱག་འཚལ་ལོ། །ཕྱིར་མི་འོང་བ་རྣམས་ལ་ཕྱག་འཚལ་ལོ། །འཇིག་རྟེན་ན་ཡང་དག་པར་སོང་བ་རྣམས་ལ་ཕྱག་འཚལ་ལོ། །ཡང་དག་པར་ཞུགས་པ་རྣམས་ལ་ཕྱག་འཚལ་ལོ། །
ལྷའི་དྲང་སྲོང་རྣམས་ལ་ཕྱག་འཚལ་ལོ། །རིག་སྔགས་འཆང་གྲུབ་པའི་དྲང་སྲོང་རྣམས་ལ་ཕྱག་འཚལ་ལོ། །རིག་སྔགས་དམོད་པའི་མཚོན་ཆ་ཅན་དམོད་པས་ཕན་འདོགས་ནུས་པ་རྣམས་ལ་ཕྱག་འཚལ་ལོ། །
97-1-249a


ལྷ་ཚངས་པ་ལ་ཕྱག་འཚལ་ལོ། །དབང་པོ་ལ་ཕྱག་འཚལ་ལོ། །བཅོམ་ལྡན་འདས་ལེགས་ལྡན་དྲག་པོ་དཀའ་ཐུབ་ཟློག་མའི་བདག་པོ་དང་ལྷན་ཅིག་པ་ལ་ཕྱག་འཚལ་ལོ། །ཆུ་ལྷ་ལ་ཕྱག་འཚལ་ལོ། །ལེག་
ལྡན་སྲིད་མེད་ཀྱི་བུ་ཕྱག་རྒྱ་ཆེན་པོ་ལྔས་ཕྱག་བྱས་པ་ལ་ཕྱག་འཚལ་ལོ། །ལེགས་ལྡན་དགའ་བྱེད་དབང་ཕྱུག་ནག་པོ་ཆེན་པོ་གྲོང་ཁྱེར་སུམ་བརྩེག་འཇིག་པར་བྱེད་པ་ཁ་ཆེ་ཞིང་དུར་ཁྲོད་ཆེན་པོ་ན་གནས་པར་མོས་
པ་མ་མོའི་ཚོགས་ཀྱིས་ཕྱག་བྱས་པ་དང་ལྷན་ཅིག་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པའི་གདུང་ལ་ཕྱག་འཚལ་ལོ། །བཅོམ་ལྡན་འདས་པད་མའི་གདུང་ལ་ཕྱག་འཚལ་ལོ། །བཅོམ་
ལྡན་འདས་རྡོ་རྗེའི་གདུང་ལ་ཕྱག་འཚལ་ལོ། །བཅོམ་ལྡན་འདས་ནོར་བུའི་གདུང་ལ་ཕྱག་འཚལ་ལོ། །བཅོམ་ལྡན་འདས་རྒྱལ་པོའི་གདུང་ལ་ཕྱག་འཚལ་ལོ། །བཅོམ་ལྡན་འདས་ལས་ཀྱི་གདུང་ལ་ཕྱག་འཚལོ། །
བཅོམ་ལྡན་འདས་རིན་པོ་ཆེའི་གདུང་ལ་ཕྱག་འཚལ་ལོ། །བཅོམ་ལྡན་འདས་གཞོན་ནུའི་གདུང་ལ་ཕྱག་འཚལ་ལོ། །བཅོམ་ལྡན་འདས་གླང་པོའི་གདུང་ལ་ཕྱག་འཚལ་ལོ། །བཅོམ་ལྡན་འདས་གཏི་མུག་གི་
གདུང་ལ་ཕྱག་འཚལ་ལོ། །བཅོམ་ལྡན་འདས་ཆགས་པའི་གདུང་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བརྟན་པའི་སྡེ་ཚོན་
ཆའི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་མི་བསྐྱོད་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་འཛིན་པ་རྒྱ་མཚོ་འཇོམ་
97-1-249b


པ་ལ་ཕྱགས་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་དཱུརྱའི་འོད་ཀྱི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་ཡོད་གྲུབ་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་ས་ལའི་དབང་པོའི་རྒྱལ་པོ་མེ་ཏོག་ཤིན་དུ་རྒྱས་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མ་མཆོག་གི་རྒྱལ་
པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཙུག་ཏོར་ཅན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
ཐམས་ཅད་སྐྱོབ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལོག་པར་དད་སེལ་ལ་ཕྱག་འཚལ་ལོ། །བཅོམ་ལྡན་
འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་ཐུབ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་འོད་སྲུངས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །
97-1-250a


བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་ཟླ་བ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རིན་པོ་ཆེ་ཏོག་གིས་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་དུ་བཟང་པོ་ལ་ཕྱག་འཚལ་ལོ། །བཅོམ་ལྡན་འདས་
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་
མ་རྒྱས་པ་དང་ཨུདྤ་ལའི་དྲིའི་ཏོགི་རྒྱལ་པོ་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བ་གདུགས་དཀར་པོ་ཅན་ཞེས་བྱ་བ་གཞན་གྱིས་མི་ཐུབ་མ་
ཕྱིར་ཟློག་པའི་རིག་སྔགས་ཀྱི་རྒྱལ་མོ་འདི་རབ་ཏུ་བརྗོད་པར་བྱའོ། །འཐབ་པ་དང་འཐབ་མོ་དང་རྩོད་པ་དང་འགྱེད་པ་ཐམས་ཅད་རབ་ཏུ་ཞི་བར་བྱེད་པ། འབྱུང་པོ་དང་གདོན་ཐམས་ཅད་ཟློག་པར་བྱེད་པ། ཕ་རོལ་གྱི་རིག་སྔགས་
ཐམས་ཅད་གཅོད་པར་བྱེད་པ། དུས་མ་ཡིན་པར་འཆི་བ་ལས་ཡོངས་སུ་སྐྱོབ་པ། སེམས་ཅན་བཅིངས་པ་ཐམས་ཅད་ཐར་བར་བྱེད་པ། སྡང་བ་དང་རྨི་ལམ་ངན་པ་ཐམས་ཅད་འཇོམས་པར་བྱེད་པ། གནོད་སྦྱིན་དང་སྲིན་པོའི་
གདོན་ཐམས་ཅད་རྣམ་པར་རླག་པར་བྱེད་པ། གདོན་སྟོང་ཕྲག་བརྒྱད་བཅུ་རྩ་བཞི་པོ་རྣམས་རྣམ་པར་འཇོམས་པར་བྱེད་པ། རྒྱུ་སྐར་ཉི་ཤུ་རྩ་བརྒྱད་རབ་ཏུ་སྒྲུབ་པར་བྱེད་པ། དགྲ་ཐམས་ཅད་ཟློག་པར་བྱེད་པ། གཟའ་
ཆེན་པོ་བརྒྱད་རྣམ་པར་རླག་པར་བྱེད་པ། དྲག་ཤུལ་དང་། སྡང་བ་དང་རྨི་ལམ་ངན་པ་རྣམས་རྣམ་པར་འཇོམས་པར་བྱེད་པ། དུག་དང་མཚོན་དང་མེད་དང་ཆུ་ལས་སྐྱོབ་པར་བྱེད་པ། ངན་འགྲོའི་འཇིགས་པ་ཐམས་ཅད་
97-1-250b


ལས་སྒྲོལ་བ། དུས་མ་ཡིན་པར་འཆི་བ་བརྒྱད་ཀྱི་བར་དུ་ཡོངས་སུ་སྐྱོབ་པར་བྱེད་པ་སྟེ། གཞན་གྱི་མི་ཐུབ་དྲག་ཤུལ་ཆེ། །སྟོབས་ཆེན་གཟི་བརྗིད་ཆེན་མོ་སྟེ། །གཏུམ་པ་ཆེན་མོ་དཀར་མོ་ཆེ། །གསལ་བ་ཆེན་མོ་
སྟོབས་ཆེན་མོ། །འབར་བ་ཆེན་མོ་ཕྲེང་བ་ཆེ། །གོས་དཀར་མོ་ནི་ཆེན་མོ་སྟེ། །འཕགས་མ་སྒྲོལ་མ་ཁྲོ་གཉེར་ཅན། །རྒྱལ་བའི་རྡོ་རྗེ་ཕྲེང་ཞེས་གྲགས། །པད་མའི་སྣང་བ་རྡོ་རྗེའི་མཚན། །གཞན་གྱིས་མི་ཐུབ་ཕྲེང་
བ་ཅན། །རྡོ་རྗེ་མཆུ་ཅན་རྣམས་སྒེག་མ། །ཞི་བ་ལྷ་རྣམས་ཀྱིས་མཆོད་པ། །ཞི་གཟུགས་དཀར་མོ་ཆེན་མོ་སྟེ། །འབར་བ་དང་ནི་གོས་དཀར་མོ། །འཕགས་མ་སྒྲོལ་མ་སྟོབས་ཆེན་མོ། །འཆི་མེད་རྡོ་རྗེ་ལུ་གུ་
རྒྱུད། །རྡོ་རྗེ་གཞོན་ནུ་རིག་འཛིན་མ། །ལག་ན་རྡོ་རྗེའི་རྡོ་རྗེ་དང་། །དེ་བཞིན་རིག་སྔགས་གསེར་ཕྲེང་ཅན། །ལེ་བརྒན་རྩི་དང་རིན་ཆེན་མ། །རྣམས་པར་སྣང་མཛད་རིགས་ཀྱི་འོད། །དེ་བཞིན་གཤེགས་རིགས་གཙུག་
ཏོར་མ། །རྣམ་པར་བསྒྱིང་མའི་ཕྲེང་བ་དང་། །རྡོ་རྗེ་གསེར་འོད་ལྟ་བུའི་སྤྱན། །རྡོ་རྗེ་སྒྲོས་དང་དཀར་མོ་དང་། །པད་མའི་སྤྱན་དཔལ་སངས་རྒྱས་སྤྱན། །དེ་བཞིན་རྡོ་རྗེ་ཟླ་བའི་འོད། །དེ་བཞིན་རྡོ་རྗེ་འཛིན་མ་དང་། །
རྡོ་རྗེ་ཕྲེང་བ་སྒྱུ་འཕྲུལ་ཆེའི། །ལྷ་མོ་དང་ནི་གསེར་འོད་ཅན། །སྤྱན་མཛེས་མ་དང་དཀར་མོ་དང་། །པད་ཡི་ནི་སྤྱན་ཅན་དང་། །རྣམ་དུལ་ཞི་བའི་སེམས་དང་ནི། །ཟླ་འོད་བདག་གི་ཡོན་ཏན་ཤེས། །ཕྱག་རྒྱའི་ཚོག་
དེ་དག་དང་། མ་མོའི་ཚོགས་དང་བཅས་པ་ཐམས་ཅད་ཀྱིས་བདག་འཁོར་དང་བཅས་པ་དང་སེམས་ཅན་ཐམས་ཅད་ལ་བསྲུང་བ་མཛད་དུ་གསོལ། ཨོཾ་རཱི་ཥི་ག་ཎ་པྲ་ཤསྟེ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུཾ་དྲུྰཾ་ཧྲཱིཿཥྚོཾ། ཛམྦྷ་ནི་
ཧཱུཾ་དྲུྰ་ཧྲཱིཿཥྚོཾ། སྟམྦྷ་ནི་ཧཱུཾ་དྲུྰཾ་ཧྲཱིཿཥྚོཾ། མོ་ཧ་ན་ཀ་རཱི་ཧཱུཾ་དྲུྰཾ་ཧྲཱིཿཥྚོཾ། པ་རི་བི་དྱཱ་ས་མ་བྷཀྵ་ཎ་ཀ་རཱི་ཧཱུཾ་དྲུྰཾ་ཧྲཱིཿཥྚོཾ། སརྦ་བིདྱཱ་ཙྪེ་ད་ན་ཀ་རཱི་ཧཱུཾ་དྲུྰཾ་ཧྲཱིཿཥྚོཾ། སརྦ་དུཥྚ་ཊཱཾ་སྟམྦྷ་ན་ཀ་རཱི་ཧཱུཾ་དྲུྰཾ་ཧྲཱིཿཥྚོཾ། སརྦ་ཡཀྵ་རཱཀྵ་ས་གྲ་ཧཱ་ཎཱཾ་བི་དྷྭཾ་ས་ན་ཀ་རི་ཧཱུཾ་དྲུུྰཾ་ཧྲཱིཿཥྚོཾ། 
97-1-251a


ཙ་ཏུ་ར་ཤཱི་ཏཱི་ནཱཾ་གྲ་ཧ་ས་ཧ་སྲཱ་ཎཱཾ་བི་དྷྭནྶ་ན་ཀ་རཱི་ཧཱུཾ་དྲུྰཾ་ཧྲཱིཿཥྚོཾ། ཨཥྚ་བི་ཤཾ་ཏཱི་ནཱཾ་ན་ཀྵ་ཏྲཱ་ཎཱ་མྤྲ་སཱ་དྷ་ན་ཀ་རཱི་ཧཱུཾ་དྲུྰཾ་ཧྲཱིཿཥྚོཾ། ཨཥྚཱ་ནཱཾ་མ་ཧཱ་གྲ་ཧཱ་ཎཱ་མྦི་དྷྭཾ་ས་ན་ཀ་རཱི་ཧཱུཾ་དྲཱུཾ་ཧྲཱིཿཥྚོཾ། རཀྵ་རཀྵ་མཱཾ་སརྦ་ས་ཏྭཱཾཤྩ། བཅོམ་ལྡན་འདས་
མ་དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་མོ་ཅན་རྡོ་རྗེ་གཙུག་ཏོར་ཕྱིར་ཟློག་པ་ཆེན་མོ་ཕྱག་སྟོང་མངའ་བ་ཆེན་མོ། དབུ་སྟོང་མངའ་བ་ཆེན་མོ། སྤྱན་བྱེ་བ་བརྒྱ་ཕྲག་སྟོང་མངའ་བ་ཆེན་མོ། 
མི་ཕྱེད་འབར་བའི་མཚན་རྟགས་ཅན། རྡོ་རྗེ་ཡངས་པ་ཆེན་པོས། ས་གསུམ་གྱི་དཀྱིལ་འཁོར་དུ་མངའ་མཛད་མ། ༀ་བདག་དང་སེམས་ཅན་ཐམས་ཅད་བདེ་ལེགས་སུ་མཛད་དུ་གསོལ། རྒྱལ་པོའི་འཇིགས་
པ་དང་། ཆོམ་ཀུན་ཀྱི་འཇིགས་པ་དང་། མེ་ཡི་འཇིགས་པ་དང་། ཆུ་ཡི་འཇིགས་པ་དང་། དུག་གི་འཇིགས་པ་དང་། མཚོན་གྱིས་འཇིགས་པ་དང་། དགྲ་ཡི་འཇིགས་པ་དང་། ཕ་རོལ་གྱི་དམག་ཚོག་གྱི་འཇིག་
པ་དང་། མུ་གེས་ཡི་འཇིག་པ་དང་། དགྲ་ཡི་འཇིགས་པ་དང་། ཐོག་གི་འཇིགས་པ་དང་། དུས་མ་ཡིན་པར་འཆི་བའི་འཇིག་པ་དང་། ས་གཡོ་བའི་འཇིགས་པ་དང་། སྐར་མདའ་ལྷུང་བའི་འཇིགས་པ་དང་། 
རྒྱལ་པོའི་ཆད་པའི་འཇིགས་པ་དང་། གཅན་ཟན་གཏུམ་པོའི་འཇིགས་པ་དང་། ཀླུ་ཡི་འཇིགས་པ་དང་། གློག་གི་འཇིགས་པ་དང་། བྱེ་མ་ཚ་མོའི་འཇིགས་པ་དང་། ནམ་མཁའ་ལྡིང་གིས་འཇིགས་པ་དང་། 
ཡམས་ཀྱི་ནད་དང་། གནོད་པ་དང་། འགོ་བའི་ནད་དང་། འཁྲུག་པ་ཐམས་ཅད་ཀྱིས་འཇིག་པ་དང་། གདོན་གྱིས་འཇིག་པ་དང་། ལྷའི་གདོན་དང་། ཀླུའི་གདོན་དང་། གནོད་སྦྱིན་གྱི་གདོན་དང་། སྲིན་པོའི་
གདོན་དང་། དྲི་ཟའི་གདོན་དང་། ལྷ་མ་ཡིན་གྱི་གདོན་དང་། ནམ་མཁའ་ལྡིང་གི་གདོན་དང་། རླུང་ལྷའི་གདོན་དང་། མི་འམ་ཅི་འི་གདོན་དང་། ལྟོ་འཕྱེ་ཆེ་ཆེན་པོའི་གདོན་དང་། མིའི་གདོན་དང་། མི་མ་
97-1-251b


ཡིན་པའི་གདོན་དང་། འབྱུང་པོའི་གདོན་དང་། ཡི་དགས་གྱི་གདོན་དང་། ཤ་ཟའི་གདོན་དང་། གྲུལ་བུམ་གྱི་གདོན་དང་། སྲུལ་པོའི་གདོན་དང་། ལུས་སྲུལ་པོའི་གདོན་དང་། སྐེམ་བྱེད་ཀྱི་གདོན་དང་། 
སྨྱོ་བྱེད་ཀྱི་གདོན་དང་། གྲིབ་གདོན་གྱི་གདོན་དང་། རྗེད་བྱེད་གྱི་གདོན་དང་། གནོན་པོའི་གདོན་དང་། མཁའ་འགྲོ་མའི་གདོན་དང་། ལུས་ཆགས་མའི་གདོན་དང་། ནམ་གྲུའི་གདོན་དང་། ཚེར་མ་འདོན་པའི་
གདོན་དང་། རེ་ལྡེ་འདོན་པའི་གདོན་དང་། བྱའི་གདོན་དང་། མ་མོ་དགའ་བར་བྱེད་པའི་གདོན་དང་། ཀུན་དུ་འཕྲེང་བར་བྱེད་པའི་གདོན་དང་། འཕྱང་བའི་གདོན་དང་། མཁའ་འགྲོ་མའི་གདོན་དང་། ལུས་
མཁའ་འགྲོ་མའི་གདོན་དང་། ཀ་ཊང་ཀ་ཊའི་ཚོག་ཅན་གྱི་གདོན་དང་། གདོན་ཐམས་ཅད་དང་། མདངས་འཕྲོག་པ་དང་། མངལ་ཟ་བ་དང་། ཁྲག་འཐུང་བ་དང་། ཞག་ཟ་བ་དང་། ཤ་ཟ་བ་དང་། ཚིལ་
ཟ་བ་དང་། རྐང་ཟ་བ་དང་། བཙས་པ་ཟ་བ་དང་། སྲོག་འཕྲོག་པ་དང་། གཏོར་མ་ཟ་བ་དང་། ཕྲེང་བ་ཟ་བ་དང་། དྲི་ཟ་བ་དང་། མེ་ཏོག་ཟ་བ་དང་། བདུག་པ་ཟ་བ་དང་། འབྲས་བུ་ཟ་བ་དང་། 
ལོ་ཏོག་ཟ་བ་དང་། བསྲེག་བྱ་ཟ་བ་དང་། རྣག་འཐུང་བ་དང་། བཤང་བ་ཟ་བ་དང་། གཅིན་འཐུང་བ་དང་། མཆིལ་མ་ཟ་བ་དང་། སྣབས་ཟ་བ་དང་། ངར་སྣབས་ཟ་བ་དང་། སྐྱུགས་པ་ཟ་བ་དང་། 
ནོམ་བུ་ཟ་བ་དང་། མི་གཙང་བ་ཟ་བ་དང་། སྟོར་ཁུང་ནས་འབབ་པ་འཐུང་བ་དང་། ནོར་འཕྲོག་པ་དང་། སེམས་འཕྲོག་པ་རྣམས་དང་། དེ་དག་ཐམས་ཅད་དང་གདོན་ཐམས་ཅད་ཀྱི་བྱས་པའི་རིག་སྔགས་ཐམ་
ཅད་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །ཀུན་དུ་རྒྱུས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །མཁའ་འགྲོ་དང་མཁའ་འགྲོ་མས་བྱས་པའི་རིག་སྔགས་ཅད་རལ་གྲིས་གཅད་དོ། །
97-1-252a


རྡོ་རྗེ་ཕུར་བུས་གདབ་བོ། །ཚངས་པས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །བརྒྱ་བྱིན་གྱིས་བྱེས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །སྲིད་མེད་ཀྱི་
བུས་བྱས་པའི་རིག་སྔགས་རིལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །ཕྱུགས་བདག་ཆེན་པོ་དང་དྲག་པོས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །ནག་པོ་ཆེན་པོས་བྱས་པའི་རིག་སྔགས་
རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །མ་མོའི་ཚོགས་ཀྱིས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །མིའི་ཐོད་པ་ཅན་གྱིས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུ་
གདབ་བོ། །རི་ཁྲོད་པས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །གཡུང་པོས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །སྐར་མདའ་གདོང་གིས་བྱས་པའི་རིག་སྔགས་
རལ་གྲིས་གཅད་དོ། །རྡོ་རྗེ་ཕུར་བུ་གདབ་བོ། །རྡོ་རྗེ་གཞོན་ནུ་མས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །གཤིན་རྗེ་གཤེད་ཀྱིས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་
བོ། །གཤིན་རྗེའི་ཕོ་ཉས་བྱས་པས་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །ཀླུ་མ་རུངས་པས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུ་གདབ་བོ། །མེའི་ལས་ཀྱིས་བྱས་པའི་རིག་སྔགས་རལ་
གྲིས་གཅད་དོ། །རྡོ་རྗེ་ཕུར་བུས་གདབ་བོ། །ལོག་འདྲེན་གྱིས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུ་གདབ་བོ། །གཞོན་ནུས་བྱས་པའི་རིགས་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །རྒྱལ་པོ་
ཆེན་པོ་བཞིས་བྱས་པས་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །སྲིང་མོ་བཞིས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །ནམ་མཁའ་ལྡིང་ཡང་དག་པས་བྱས་པས་རིག་
97-1-252b


སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །རྒྱལ་བར་བྱེད་པ་དང་སྦྲང་རྩིར་བྱེད་པ་དང་གྲུབ་པར་བྱེད་པ་དང་དོན་ཀུན་སྒྲུབ་པས་བྱས་པས་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །བྷྲིང་གི་རི་ཊི་དང་། དགའ་
བྱེད་དབང་ཕྱུག་དང་སྨིན་དྲུག་གི་བུ་དང་ཟླ་བ་དང་ཉི་མ་དང་ཚོགས་ཀྱི་བདག་པོ་དང་ལྷན་ཅིག་པས་བྱས་པའི་རིག་སྔག་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །དགེ་སྦྱོང་གཅེར་བུས་བྱས་པའི་རིག་སྔགས་རལ་གྲིས་གཅད་དོ། །
རྡོ་རྗེ་ཕུར་བུ་གདབ་བོ། །དགྲ་བཅོམ་པས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །སྤྱན་རས་གཟིགས་དབང་ཕྱུག་གིས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །འདོད་
ཆགས་དང་བྲལ་བས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །གསང་བའི་བདག་པོ་ལག་ན་རྡོ་རྗེས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །གང་དང་གང་དུ་བྱས་པའི་
རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །གང་གིས་བྱེད་དུ་བཅུག་པ་དེས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །དགེ་སྦྱོང་མགོ་རེག་གིས་བྱས་པའི་རིག་སྔགས་རལ་གྲིས་
གཅད་དོ། །རྡོ་རྗེ་ཕུར་བུས་གདབ་བོ། །ཕོ་ཉ་དང་ཕོ་ཉ་མོ་དང་བྲན་ཕོ་དང་བྲན་མོས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །དྲང་སྲོང་གིས་མཆོག་ཐམས་ཅད་ཀྱིས་བྱས་པའི་རིག་སྔགས་རལ་གྲིས་གཅད་དོ། །
རྡོ་རྗེ་ཕུར་བུས་གདབ་བོ། །ལྷའི་ཚོགས་ཐམས་ཅད་ཀྱིས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། །མི་ཕན་པར་འདོད་པ་ཐམས་ཅད་ཀྱིས་བྱས་པའི་རིག་སྔགས་རལ་གྲིས་གཅད་དོ། །རྡོ་རྗེ་ཕུར་བུས་གདབ་བོ། 
ཨོཾ་བཅོམ་ལྡན་འདས་མ་བདག་འཁོར་དང་བཅས་པ་དང་། སེམས་ཅན་ཐམས་ཅད་ཀྱི་འཇིགས་པ་ཐམས་ཅད་དང་། གནོད་པ་དང་། ནད་འགོ་བ་དང་། འཁྲུག་པ་ཐམས་ཅད་དང་། སྡང་བ་དང་རབ་ཏུ་སྡང་བ་ཐམས་ཅད་དང་། ཕྱིར་རྒོལ་བ་འམ། མི་
97-1-253a


མཛའ་བ་འམ། མི་ཕན་པར་འདོད་པ་ཐམས་ཅད་ལས་བསྲུང་དུ་གསོལ་བསྲུང་དུ་གསོལ། དེ་བཞིན་གཤེགས་པ་ཐམས་ཅད་ཀྱིས་གཙུག་ཏོར་ནས་བྱུང་བ་གདུགས་དཀར་པོ་ཅན་སངས་རྒྱས་དང་བྱང་ཆུབ་སེམས་དཔའ་ཐམས་
ཅད་ཀྱིས་ཕྱག་བྱས་པ་མེ་དང་ཉི་མ་ལྟར་འོད་གསལ་ཞིང་དཀར་བ་རྒྱས་པ་མངའ་བ་ཁྱོད་ལ་ཕྱག་འཚལ་ལོ། །ཨོཾ་ཛྭ་ལ་ཛྭ་ལ་དྷ་ཀ་དྷ་ཀ་ཁཱ་ད་ཁཱ་ད། ད་ར་ད་ར། བི་ད་ར་བི་ད་ར། ཚྪིནྡ་ཙྪིནྡ། བྷིནྡ་བྷིནྡ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། སརྦ་དུཥྚཱ་ན་ཧཱུྃ་དྲཱུྃ།  སརྦ་དུརླཾ་གྷི་
ཏེ་བྷྱཿཕཊ། སརྦ་དུརྩྪཱ་ཡེ་བྷྱཿཕཊ་སརྦ་དུརླཾ་ཁི་ཏེ་བྷྱཿཕཊ། སརྦ་དིག་བྷྱཿཕཊ། སརྦ་དུརྦྷུ་ཀྟེ་བྷྱཿཕཊ། སརྦ་དུ་ཏེ་བྷྱཿཕཊ། སརྦ་ཨ་བ་དྷཱ་ཏེ་བྷྱཿཕཊ། སརྦ་དུ་པྲེཀྵ་ཏེ་བྷྱཿཕཊ། སརྦ་ཛྭ་རེ་བྷྱཿཕཊ། སརྦ་ཨ་པ་སྨ་རེ་བྷྱཿཕཊ། སརྦ་ཨོ་སྟཱ་ར་ཀེ་བྷྱཿ
ཕཊ། སརྦ་ཌཱ། ཀི་ནཱི་བྷྱཿཕཊ། སརྦ་རེ་བ་ཏཱེ་བྷྱཿཕཊ། སརྦ་ཀ་ཊ་བཱ་སི་ནཱི་བྷྱཿཕཊ། སརྦ་ཛཱ་མ་ཀཻ་བྷྱཿཕཊ། སརྦ་ས་ཀུ་ནཱི་བྷྱཿཕཊ། སརྦ་མཱ་ཏྲི་ནནྡི་ཀེ་བྷྱཿཕཊ། སརྦ་ག་རེ་བྷྱཿཕཊ། སརྦ་བྀཥེ་བྷྱཿཕཊ། སརྦ་ཡོ་གེ་བྷྱཿཕཊ། སརྦ་ཨ་ལམྦ་ཀེ་བྷྱཿ
ཕཊ། སརྦ་བྷ་ཡེ་བྷྱཿཕཊ། སརྦོ་པ་དྲ་བེ་བྷྱཿཕཊ། སརྦོ་པ་སརྒོ་པཱ་ཡ་སེ་བྷྱཿཕཊ། སརྦ་ཨུ་ཏྲ་སེ་བྷྱཿཕཊ། སརྦ་བྱཱ་དྷི་བྷྱཿཕཊ། སརྦ་ཤྲ་མ་ཎེ་བྷྱཿཕཊ། སརྦ་གྲ་ཧེ་བྷྱཿཕཊ། སརྦ་ཏཱིརྠི་ཀེ་བྷྱཿཕཊ། སརྦ་པྲ་ཏྱརྠི་ཀེ་བྷྱཿཕཊ། སརྦ་པཱ་ཏ་ཀེ་
བྷྱཿཕཊ། སརྦོ་ནྨཱ་དེ་བྷྱཿཕཊ། སརྦ་ཙྪ་ཡེ་བྷྱཿཕཊ། སརྦ་བྱི་དྱཱ་དྷ་རེ་བྷྱཿཕཊ། ཛ་ཡ་ཀ་ར་མ་དྷུ་ཀ་ར་སིད་དྷི་ཀ་ར་སརྦ་ཨརྠ་སཱ་དྷ་ཀེ་བྷྱཿཕཊ། སརྦ་བིདྱཱ་ཙཱཪྻ་བྷྱཿཕཊ། སརྦ་བིདྱཱ་རཱ་ཛེ་བྷྱཿཕཊ། སརྦ་སདྷ་ཀེ་བྷྱོ་བིདྱཱ་ཙཱཪྻེ་བྷྱཿཕཊ། ཙ་ཏུ་རྦྷྱོ་བྷ་
གི་ནཱི་བྷྱཿཕཊ། བཛྲ་ཀཽ་མཱ་རཱི་ཡེ་བིདྱཱ་རཱ་ཛྙི་ཡི་ཕཊ། སརྦ་བི་གྷྣ་བི་ནཱ་ཡ་ཀཱ་ནཱཾ་ཕཊ། བ་ད་དཱ་ཡ་ཕཊ། པ་ར་བི་དྲཱ་པ་ཎ་ཀ་རཱ་ཡ་ཕཊ། སརྦ་ཨ་སུ་རེ་བྷྱཿཕཊ། སརྦ་ག་རུ་ཌེ་བྷྱཿཕཊ། སརྦ་མ་ཧོ་ར་གེ་བྷྱཿཕཊ། སརྦ་མ་ནུཥྱཱ་མ་ནུ་ཥྱཱ་བྷྱཿཕཊ། སརྦ་མ་རུ་
ཏེ་བྷྱཿཕཊ། སརྦ་པི་སཱ་ཙེ་བྷྱཿཕཊ། སརྦ་ཀུམྦྷཱ་ཎྜེ་བྷྱཿཕཊ། བཛྲི་སིང་ཁ་ལཱ་ཡ་མཱཏྟ་པྲ་ཏྱངྒི་རཱ་བྷྱཿཕཊ། སརྦོ་པ་སརྒྒེ་བྷྱཿཕཊ། མ་ཧཱ་པྲ་ཏྱངྒི་རེ་བྷྱཿཕཊ། ཙྪིནྡ་ཙྪིནྡ་ཕཊ། བྷིནྡ་བྷིནྡ་ཕཊ། ཧཱུྃ་ཧཱུྃ་ཕཊ་སྭཱ་ཧཱ། ཧེ་ཧེ་ཕཊ། ཧོ་ཧོ་ཕཊ། ཨ་མོ་གྷཱ་ཡ་ཕཊ། 
97-1-253b


ཨ་པྲ་ཏེ་ཧ་ཏཱ་ཡ་ཕཊ། བ་ར་པྲ་དཱ་ཡ་ཕཊ། ཨ་སུ་ར་བི་དྲཱ་པ་ཎ་ཀ་རཱ་ཕཊ། སརྦ་དེ་བེ་བྷྱཿཕཊ། སརྦ་ནཱ་གེ་བྷྱཿཕཊ། སརྦ་ཡ་ཀྵེ་བྷྱཿཕཊ། སརྦ་རཱཀྵ་སེ་བྷྱཿཕཊ། སརྦ་གནྡྷ་རྦེ་བྷྱཿཕཊ། སརྦ་ཀིནྣ་རེ་བྷྱཿཕཊ། སརྦ་པྲེ་ཏེ་བྷྱཿཕཊ། སརྦ་བྷུ་ཏེ་
བྷྱཿཕཊ། སརྦ་ཀུམྦྷཱཎྜེ་བྷྱཿཕཊ། སརྦ་དཱུ་ཏ་ནེ་བྷྱཿཕཊ། སརྦ་ཀ་ཊ་པཱུ་ཏ་ནེ་བྷྱཿཕཊ། སརྦ་སྐནྡེ་བྷྱཿཕཊ། སརྦོ་ནྨཱ་དེ་བྷྱཿཕཊ། བཛྲ་ཤྃ་ཀ་ལཱ་ཡ་མ་ཧཱ་པྲ་ཏྱང་གི་ར་ར་ཛཱ་ཡ་ཕཊ། ཀཱ་ལཱ་ཡ་ཕཊ། མ་ཧཱ་ཀཱ་ལཱ་ཡ་ཕཊ། མཱ་ཏྲི་ག་ཎཱ་ཡ་ཕཊ། མ་ཧཱ་
མཱ་ཏྲྀ་ག་ཎ་ནཱ་མསྐྲྀ་ཏཱ་ཡ་ཕཊ། བཻཥྞ་བཱི་ཡེ་ཕཊ། ཏཱི་ཡེ་མ་ཧེ་ཤྭ་རཱི་ཡེ་ཕཊ། བྲཧྨ་ཎཱི་ཡེ་ཕཊ། ཨགྣེ་ཡེ་ཕཊ། མ་ཧཱ་ཀཱ་ལཱི་ཡེ་ཕཊ། ཀཱ་ལ་དཎ་ཌ་ཡེ་ཕཊ། ཨིན་དྲི་ཡེ་ཕཊ། རཽ་དྲཱི་ཡེ་ཕཊ། ཙཱ་མུཎ་ཌཱི་ཡེ་ཕཊ། བཱ་རཱ་ཧཱི་ཡེ་ཕཊ། མ་ཧཱ་བཱ་རཱ་ཧཱི་ཡེ་
ཕཊ། རཱ་ཏྲཱ་ཡེ་ཕཊ། ཀཱ་ལ་རཱ་ཏྲཱི་ཡེ་ཕཊ། ཡ་མ་དཎ་ཌཱི་ཡེ་ཕཊ། ཀཱ་པཱ་ལཱི་ཡེ་ཕཊ། མ་ཧཱ་ཀཱ་པཱ་ལཱི་ཡེ་ཕཊ། ཀཽ་མཱ་རཱི་ཡེ་ཕཊ། ཡཱ་མཱྀ་ཡེ་ཕཊ། བཱ་ཡ་བྱེ་ཕཊ། ཀཽ་བེ་རཱི་ཡེ་ཕཊ། ནཻ་རི་ཏཱི་ཡེ་ཕཊ། དཱ་རུ་ཎཱྀ་ཡེ་ཕཊ། མཱ་རུ་ཏཱི་ཡེ་ཕཊ། མ་ཧཱ་མཱ་རུ་ཏཱི་ཡེ་ཕཊ། 
སཽ་མྱེ་ཕཊ། ཨཻ་སཱ་ནཱི་ཡེ་ཕཊ། པཽཀྐ་སཱི་ཡེ་ཕཊ་ཨ་ཐརྦ་ཎཱི་ཡེ་ཕཊ། ཤ་བ་རཱི་ཡེ་ཕཊ། ཀྲིཥྞ་ཤ་བ་རཱི་ཡེ་ཕཊ། ཡ་མ་དཱུ་ཏཱི་ཡེ་ཕཊ། ནི་སི་དི་བཱ་ཙ་རེ་བྷྱ་ཕཊ། ཏྲ་སན་ཀྚཽབྷྱཿཕཊ། ད་ར་ཎཱི་ཡེ་ཕཊ། ཨ་དྷི་མུཀྟི་ཀ་ཀ་སྨི་ར་མ་ཧ་སྨ་ཤ་ན་ནཱི་བཱ་སི་ནཱི་ཡེ་
ཕཊ། ཨེ་བྷྱ། སརྦ་བྷ་ཡེ་བྷྱཿསརྦ་དོ་ཥེ་བྷྱཿཕཊ། ཨོཾ་ཧཱུྃ་ཥྚོྃ་བྷནྡྷ་བནྡ་སརྦ་དུཥྚཱན་རཀྵ་རཀྵ་མཱྃ་སརྦ་སཏྭཱཾ་ཤྩ་སྭཱ་ཧཱ། གང་སུ་དག་བདག་འཁོར་དང་བཅས་པ་དང་། སེམས་ཅན་ཐམས་ཅད་ལ་སྡང་བ་སྡང་བའི་སེམས་དང་ལྡན་པ་རྣཾས་
དང་། དྲག་ཤུལ་དྲག་ཤུལ་གྱི་སེམས་དང་ལྡན་པ་རྣམས་དང་། སྡིག་པ་སྡིག་པའི་སེམས་དང་ལྡན་པ་རྣམས་དང་། འཁྲུག་པ་འཁྲུག་པའི་སེམས་དང་ལྡན་པ་རྣམས་དང་། མི་མཛའ་བ་མི་མཛའ་བའི་སེམས་དང་ལྡན་པ་དེ་རྣཾས་
ལས་བདག་འཁོར་དང་བཅས་པ་དང་། སེམས་ཅན་ཐམས་ཅད་བསྲུང་བ་མཛད་དུ་གསོལ། ལོ་བརྒྱ་མཚོ་བར་གྱུར་ཅིག །སྟོན་བརྒྱ་མཐོང་བར་གྱུར་ཅིག །གྱུར་ཅིག །བདག་འཁོར་དང་བཅས་པ་དང་། སེམས་ཅན་ཐམས་ཅད་ལ་གདོན་དང་གནོད་
97-1-254a


སྦྱིན་གང་སུ་དག་གནོད་སྦྱིན་གྱི་གདོན་རྣམས་དང་། མདངས་འཕྲོག་པ་རྣམས་དང་། མངལ་ཟ་བ་རྣམས་དང་། ཁྲག་འཐུང་བ་རྣམས་དང་། ཞག་ཟ་བ་རྣམས་དང་། ཤ་ཟ་བ་རྣམས་དང་། ཚིལ་ཟ་བ་རྣམས་དང་། རྐང་ཟ་
བ་རྣམས་དང་། བཙས་པ་ཟ་བ་རྣམས་དང་། སྲོག་འཕྲོག་པ་རྣམས་དང་། གཏོར་མ་ཟ་བ་རྣམས་དང་། ཕྲེང་བ་ཟ་བ་རྣམས་དང་། དྲི་ཟ་བ་རྣམས་དང་། མེ་ཏོག་ཟ་བ་རྣམས་དང་། བདུག་པ་ཟ་བ་རྣམས་དང་། འབྲས་བུ་ཟ་བ་རྣམས་དང་། ལོ་ཏོག་
ཟ་བ་རྣམས་དང་། བསྲེག་བྱ་ཟ་བ་རྣམས་དང་། ནོར་འཕྲོག་པ་རྣམས་དང་། སེམས་འཕྲོག་པ་རྣམས་དང་། རྣག་ཟ་བ་རྣམས་དང་། བཤང་བ་ཟ་བ་རྣམས་དང་། གཅིང་འཐུང་བ་རྣམས་དང་། མཆིལ་མ་འཐུང་བ་རྣམས་དང་། སྣབས་ཟ་བ་
རྣམས་དང་། ངར་སྣབས་ཟ་བ་རྣམས་དང་། སྐྱུགས་པ་ཟ་བ་རྣམས་དང་། ནོར་བུ་ཟ་བ་རྣམས་དང་། མི་གཙང་བ་ཟ་བ་རྣམས་དང་། སྟོར་ཁུང་ནས་འབབ་པ་འཐུང་བ་རྣམས་དང་། སྡིག་པའི་སེམས་དང་ལྡན་པ་རྣམས་དང་། སྡང་བའི་
སེམས་དང་ལྡན་པ་རྣས་དང་། དྲག་ཤུལ་གྱི་སེམས་དང་ལྡན་པ་རྣམས་དང་། ལྷའི་གདོན་རྣམས་དང་། ཀླུའི་གདོན་རྣམས་དང་། གནོད་སྦྱིན་གྱི་གདོན་རྣམས་དང་། སྲིན་པོའི་གདོན་རྣམས་དང་། དྲི་ཟའི་གདོན་རྣམས་དང་། ལྷ་མ་ཡིན་གྱི་
གདོན་རྣམས་དང་། ནམ་མཁའ་ལྡིང་གི་གདོན་རྣམས་དང་། མི་འམ་ཅིའི་གདོན་རྣམས་དང་། ལྟོ་འཕྱེ་ཆེན་པོའི་གདོན་རྣམས་དང་། མི་འི་གདོན་རྣམས་དང་། མི་མ་ཡིན་པའི་གདོན་རྣམས་དང་། རླུང་ལྷའི་གདོན་རྣམས་དང་། ཡི་དགས་ཀྱི་
གདོན་རྣམས་དང་། ཤ་ཟའི་གདོན་རྣམས་དང་། འབྱུང་པོའི་གདོན་རྣམས་དང་། གྲུལ་བུམ་གྱི་གདོན་རྣམས་དང་། སྲུལ་པོའི་གདོན་རྣམས་དང་། ལུས་སྲུལ་པོའི་གདོན་རྣམས་དང་། སྐེམ་བྱེད་ཀྱི་གདོན་རྣམས་དང་། སྨྱོ་བྱེད་ཀྱི་གདོན་རྣཾས་དང་། 
གྲིབ་གནོན་གྱི་གདོན་རྣམས་དང་། རྗེད་བྱེད་ཀྱི་གདོན་རྣམས་དང་། གནོན་པོའི་གདོན་རྣམས་དང་། མཁའ་འགྲོ་མའི་གདོན་རྣམས་དང་། ནམ་གྲུའི་གདོན་རྣམས་དང་། ཀུན་དུ་འབྲེང་བའི་གདོན་རྣམས་དང་། ཚེར་མ་འདོན་པའི་གདོན་
97-1-254b


རྣམས་དང་། བྱའི་གདོན་རྣམས་དང་། མ་མོ་དགའ་བར་བྱེད་པའི་གདོན་རྣམས་དང་། བུམ་པ་ལྟ་བུའི་གདོན་རྣམས་དང་། འཕྱང་བའི་གདོན་རྣམས་དང་། ལུས་མཁའ་འགྲོ་མའི་གདོན་རྣམས་དང་། ཀ་ཊད་ཀ་ཊའི་ཚོགས་ཅན་གྱི་གདོན་རྣམས་
དང་། གདོན་ཐམས་ཅད་བསལ་དུ་གསོལ། བདག་འཁོར་དང་བཅས་པ་དང་། སེམས་ཅན་ཐམས་ཅད་ལ་རིམས་ཉིན་གཅིག་པ་རྣམས་དང་། ཉིན་གཉིས་པ་རྣམས་དང་། ཉིན་གསུམ་པ་རྣམས་དང་། ཉིན་བཞི་པ་རྣམས་དང་། ཉིན་བདུན་པ་
རྣམས་དང་། ཟླ་བ་ཕྱེད་པ་རྣམས་དང་། ཟླ་བ་གཅིག་པ་རྣམས་དང་། ཉིན་མོ་པ་རྣམས་དང་། ཉི་མ་ཕྱེད་པ་རྣམས་དང་། ཡིད་ཙམ་པ་རྣམས་དང་། རྟག་པའི་རིམས་རྣམས་དང་། རིམས་མི་བཟད་པ་རྣམས་དང་། འབྱུང་པོའི་རིམས་རྣཾས་
དང་། ཡི་དགས་ཀྱི་རིམས་རྣམས་དང་། ཤ་ཟའི་རིམས་རྣམས་དང་། མིའི་རིམས་རྣམས་དང་། མི་མ་ཡིན་པའི་རིམས་རྣམས་དང་། རྒྱུན་མི་ཆད་པའི་རིམས་རྣམས་དང་། རླུང་ལས་གྱུར་པ་རྣམས་དང་། མཁྲིས་པ་ལས་གྱུར་པ་རྣཾས་
དང་། བད་ཀན་ལས་གྱུར་པ་རྣམས་དང་། འདུས་པ་ལས་གྱུར་པ་རྣམས་དང་། རིམས་ཐམས་ཅད་དང་། ཀླད་པ་ན་བ་བསལ་དུ་གསོལ། བདག་འཁོར་དང་བཅས་པ་དང་སེམས་ཅན་ཐམས་ཅད་ཀྱི་གཞོགས་ཕྱེད་ན་བ་དང་། ཡི་ག་འཆུས་
པ་དང་མིག་ནད་དང་སྣ་ནད་དང་ཁ་ནད་དང་། མགུལ་ནད་དང་། སྙིང་ནད་དང་། ལྐོག་མའི་ལྷ་གོར་ན་བ་དང་། རྣ་བ་ན་བ་དང་། སོ་ན་བ་དང་། བྲང་ན་བ་དང་། སྙིང་ན་བ་དང་། གནད་ན་བ་དང་། རྩིབ་ལོགས་ན་བ་དང་། རྒྱབ་ན་བ་དང་། ལྟོ་ན་བ་དང་། རྐེད་པ་ན་བ་དང་། 
མདོམས་ན་བ་དང་། གཞང་ན་བ་དང་། སྐྱེ་གནས་ན་བ་དང་། རབ་ཏུ་སྐྱེ་གནས་ན་བ་དང་། བརླ་ན་བ་དང་། བྱིན་པ་ན་བ་དང་། ལག་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་བསལ་དུ་གསོལ། བདག་འཁོར་དང་བཅས་པ་དང་། 
སེམས་ཅན་ཐམས་ཅད་ལ་འབྱུང་པོ་དང་། ཡི་དགས་དང་། རོ་ལངས་དང་། མཁའ་འགྲོ་མ་དང་། རིམས་དང་། ཤུ་བ་དང་། མིག་སེར་དང་། གཡའ་བ་དང་། འབྲུམ་བུ་ཕྲ་མོ་དང་། མཛེ་དང་། ཕོལ་མིག་དང་། བས་བལྡགས་དང་། མཆིན་ནད་དང་། མཚན་
97-1-255a


བར་རྡོལ་བ་དང་། གཡན་པ་དང་། གཞང་འབྲུམ་དང་། མེ་དབལ་དང་། ལྷོག་པ་དང་། སྐྲེམ་པ་དང་། དབུགས་མི་བདེ་བ་དང་། སྐྲག་པ་དང་། ལུད་པ་དང་། བརྒྱལ་བ་དང་། དབྱིག་དུག་དང་། དུག་སྦྱར་མ་དང་། དུག་དང་། བྱད་དང་། 
མེ་དང་། ཆུ་དང་། མི་ངས་དང་། བདུད་དང་། འཐབ་མོ་དང་། མཁོན་དང་། གནོད་པ་དང་། དུས་མ་ཡིན་པར་འཆི་བ་དང་། སྦྲང་བུ་ཏྲེྃ་མ་བུ་ཀ་དང་། ཏྲེ་ལཱ་ཊ་ཀ་དང་། སྡིག་པ་དང་། སྦྲུལ་དང་། སྲེ་མོ་དང་། སེང་གེ་དང་། སྟག་དང་། 
དོམ་དང་། དྲེད་དང་། གཡག་རྒོད་དང་། ཆུ་སྲིན་དང་། སྤྱང་ཀི་དང་། ཆོམ་པོ་དང་། དེ་དག་ལ་སོགས་པ་སྲོག་འཕྲོག་པར་བྱེད་པ་གཞན་ཐམས་ཅད་ཀྱང་བསལ་དུ་གསོལ། གདུགས་དཀར་པོ་ཅན་རྡོ་རྗེ་གཙུག་ཏོར་
ཕྱིར་ཟློག་པ་ཆེན་མོའི་རིག་སྔགས་ཀྱི་མཐུས་དཔག་ཚད་བཅུ་གཉིས་ཀྱི་ནང་ཚུན་ཆད་དམ། དཔག་ཚད་ལྔ་བརྒྱ་འི་ནང་ཚུན་ཆད་དུ་རིག་སྔགས་བཅིང་བར་བགྱིའོ། །གཟི་བརྗིད་བཅིང་བར་བགྱིའོ། །རིག་
སྔགས་ཐམས་ཅད་བཅིང་བར་བགྱིའོ། །གཞན་གྱི་རིགས་སྔགས་བཅིང་བར་བགྱིའོ། །མཚམས་གཅད་པར་བགྱིའོ། །ས་བཅིང་བར་བགྱིའོ། །ཕྱོགས་བཅུ་བཅིང་བར་བགྱིའོ། །ནམཁའ་
བཅིང་བར་བགྱིའོ། །གཞན་གྱི་སྡེ་རབ་ཏུ་རེངས་པར་བགྱིའོ། །ཏདྱ་ཐཱ། ཨོཾ་ཨ་ན་ལེ་ཨ་ན་ལེ། ཨ་ཙ་ལེ་ཨ་ཙ་ལེ། ཁ་ཁ་མེ་ཁ་ཁ་མེ། བི་ཤ་དེ་བི་ཤ་དེ། བཱི་རེ་བཱི་རེ། བཻ་ར་བཻ་ར། སཽ་
མྱེ་སཽ་མྱེ། ཤཱནྟེ་ཤཱནྟེ། དཱནྟེ་དཱནྟེ། བཛྲ་དྷ་ར་བན་དྷ་བན་དྷ་ནི་བཛྲ་པཱ་ཎི་ཕཊ། ཨོཾ་ཧཱུྃ་དྲཱུྃ་ཧྲི་ཥྚོཾ་ཕཊ་ཕཊ་སྭཱ་ཧཱ། ཨོཾ་བཛྲ་པཱ་ཎི་བན་དྷ་བན་དྷ་བཛྲ་པཱ་སེ་ན་སརྦ་དུཥྚ་བིགྷྣ་བི་ནཱ་ཡ་ཀཱ་ན་ཧཱུྃ་ཧཱུྃ་ཕཊ་ཕཊ། 
ཧཱུྃ་དྲཱུྃ་བད་དྷ་ཕཊ། རཀྵ་རཀྵ་མཱྃ་སརྦ་སཏྭཱྃ་ཤྩ་སྭཱཧཱ། གང་གིས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བ་གདུགས་དཀར་པོ་ཅན་ཞེས་བྱ་བ་གཞན་གྱིས་མི་ཐུབ་མ་ཕྱིར་ཟློག་པའི་རིག་
97-1-255b


སྔགས་ཀྱི་རྒྱལ་མོ་ཆེན་མོ་འདི་གྲོ་གའམ། རས་སམ། ཤིང་ཤུན་ལ་བྲིས་ཏེ། ལུས་སམ། མགུལ་དུ་ཐོགས་པ་བྱས་ནས་བཅང་བར་བྱ། བཀླག་པར་བྱ་སྟེ། དེ་དག་ལ་ཇི་སྲིད་འཚོའི་བར་དུ་དུག་གིས་
མི་ཚུགས། མཚོན་གྱིས་མི་ཚུགས། རིམས་ཀྱི་མི་ཚུགས། ནད་ཀྱི་མི་ཚུགས། ཚད་པས་མི་ཚུགས། མེས་མི་ཚུགས། ཆུས་མི་ཚུགས། བསྒྱུར་བའི་ལས་ཐམས་ཅད་ཀྱིས་མི་ཚུགས། 
དབྱིག་དུག་གིས་མི་ཚུགས། དུག་སྦྱར་མས་མི་ཚུགས། བྱད་ཀྱིས་མི་ཚུགས། དུས་མ་ཡིན་པར་འཆི་བའི་དུས་བྱེད་པར་མི་འགྱུར་རོ། །གདོན་ཐམས་ཅད་དང་། བགེགས་དང་ལོག་འདྲེན་ཐཾད་
ཀྱི་ཡིད་དུ་འོང་ཞིང་དགའ་བར་འགྱུར་རོ། །བསྐལ་པ་བྱེ་བ་སྟོང་ཕྲག་བརྒྱད་བཅུ་རྩ་བཞིར་སྐྱེ་བ་དང་། སྐྱེ་བར་ཚེ་རབས་དྲན་པར་འགྱུར་རོ། །རྡོ་རྗེའི་རིགས་བྱེ་བ་ཁྲག་ཁྲིག་འབུམ་ཕྲག་བརྒྱད་བཅུ་
རྩ་བཞིའི་རིག་སྔགས་ཀྱི་ལྷས་ཀྱང་རྟག་ཏུ་རྒྱུན་མི་འཆད་པར་མཉམ་པར་བཞག་ནས་དེ་ལ་རྟག་པར་བསྲུང་བ་དང་བསྐྱབ་པ་དང་། སྦེད་པར་བྱེད་དོ། །རྡོ་རྗེ་ཕོ་ཉ་མོ་མངག་གཞུག་བརྒྱད་བཅུ་རྩ་བཞིས་ཀྱང་རྟག་པར་
ཡོངས་སུ་སྐྱོང་བར་བྱེད་དེ་དེ་རྣམས་ཀྱི་ཡིད་དུ་འོང་བ་དང་དགའ་བར་འགྱུར་རོ། །ནམ་དུ་ཡང་གནོད་སྦྱིན་ཉིད་དང་། སྲིན་པོ་ཉིད་དང་། འབྱུང་པོ་ཉིད་དང་། ཡི་དགས་ཉིད་དང་། ཤ་ཟ་ཉིད་དང་། སྲུལ་པོ་ཉིད་དང་། 
ལུས་སྲུལ་པོ་ཉིད་དང་། མི་དབུལ་ཉིད་དུ་མི་འགྱུར་རོ། །སངས་རྒྱས་བཅོམ་ལྡན་འདས་གྲངས་མེད་དཔག་ཏུ་མེད་པ་གང་གཱའི་ཀླུང་གི་བྱེ་མ་སྙེད་ཀྱི་བསོད་ནམས་ཀྱི་ཕུང་པོ་དང་ལྡན་པར་འགྱུར་རོ། །དེ་བཞིན་བཤེག་
པ་ཐམས་ཅད་ཀྱི་གཙུག་ཏོར་ནས་བྱུང་བ་གདུག་དཀར་པོ་ཅན་ཞེས་བྱ་བ་གཞན་གྱི་མི་ཐུབ་མ་ཕྱིར་ཟློག་པའི་རིག་སྔགས་ཀྱི་རྒྱལ་མོ་ཆེན་མོ་འདི་འཆང་ན། ཚངས་པར་མི་སྤྱོད་པ་ཡང་ཚངས་པར་སྤྱོད་པར་
97-1-256a


སྤྱོད་པར་འགྱུར་རོ། །ཐུབ་པར་མ་བྱས་པ་ཡང་ཐུབ་པར་བྱས་པར་འགྱུར་རོ། །མི་གཙང་བ་ཡང་གཙང་བར་བྱས་པར་འགྱུར་རོ། །བསྙེན་གནས་མ་བྱས་པ་ཡང་བསྙེན་གནས་བྱས་པར་
འགྱུར་རོ། །གང་དག་མཚམས་མེད་པ་ལྔ་བྱས་པ་དེ་ཡང་སྡིག་པ་མ་ལུས་པ་འབྱང་བར་འགྱུར་རོ། །སྔོན་གྱི་ལས་ཀྱི་སྒྲིབ་པ་ཡང་མ་ལུས་པར་ཟད་པར་འགྱུར་རོ། །བུད་མེད་གང་ལ་ལ་
དེ་བཞིན་གཤེགས་པ་ཐམས་ཅད་ཀྱི་གཙུག་ཏོག་ནས་བྱུང་བའི་གདུག་དཀར་པོ་ཞེས་བྱ་བ་གཞན་གྱི་མི་ཐུབ་མ་ཕྱིར་ཟློག་པ་ཆེན་མོའི་རིག་སྔགས་ཀྱི་རྒྱལ་མོ་ཆེན་མོ་འདི་འཆང་ན་བུ་འདོད་
པ་དེས་ཀྱང་བུ་རྙེད་དེ། ཚེ་དང་བསོད་ནམས་དང་སྟོབས་ཀྱང་རབ་ཏུ་ལྡན་ནོ། །འདི་ནས་ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་སྟེ། འདོད་ཆགས་དང་། ཞེ་སྡང་དང་། 
གཏི་མུག་དང་། ང་རྒྱལ་དང་། རྒྱགས་པ་ཐམས་ཅད་དང་བྲལ་བར་འགྱུར་རོ། །གང་ལ་ལ་ཞིག་གིས་མི་ནད་དང་། བ་ལང་གི་ནད་དང་། ནག་ནད་དང་། ཡམས་ཀྱི་ནད་དང་། གནོད་པ་
དང་། འགོ་བའི་ནད་དང་། འཁྲུག་པ་ཐམས་ཅད་དང་། ཕ་རོལ་གྱི་དམག་ཚོགས་འོང་བ་ལ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་མི་ཕམ་པ། དེ་བཞིན་
གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བ་གདུག་དཀར་པོ་ཅན་ཞེས་བྱ་བ་གཞན་གྱིས་མི་ཐུབ་མ་ཕྱིར་ཟློག་པའི་རིགས་སྔགས་ཀྱི་རྒྱལ་མོ་ཆེན་མོ་འདི་རྒྱལ་མཚན་གྱི་རྩེ་མོ་ལ་
བཏགས་ཏེ་རིམ་འགྲོ་ཆེར་མཆོད་པ་ཆེན་པོ་བྱས་ནས། གྲོང་ཁྱེར་ཐམས་ཅད་ཀྱི་སྒོ་འམ། གཙུག་ལག་ཁང་ངམ། གྲོང་ངམ། གྲོང་ཁྱེར་རམ། ལྗོངས་སམ། གྲོང་རྡལ་ལམ། 
97-1-256b


དུར་ཁྲོད་དམ། རིའམ། དགོན་པའི་གནས་སུ་གཟུགས་སོ། །གཞན་གྱིས་མི་ཐུབ་མ་ཕྱིར་ཟློག་མ་ཆེན་མོ་རིག་སྔགས་ཀྱི་རྒྱལ་མོ་ཆེན་མོ་འདི་རིམ་གྲོ་ཆེར་བྱས་ཏེ། གཙུགས་པ་ཙམ་གྱིས་
གཡུལ་ཞི་བར་བྱས་པར་འགྱུརོ། །ཡམ་གྱི་ནད་དང་། གནོད་པ་དང་། འགོ་བའི་ནད་དང་། འཁྲུག་པ་ཐམས་ཅད་དང་། ཕ་རོལ་གྱི་དམག་ཚོགས་རྣམས་རབ་ཏུ་ཞི་བར་འགྱུར་རོ། །
ཀླུའི་རྒྱལ་པོ་མཐའ་ཡས་དང་། ཀླུའི་རྒྱལ་པོ་དུང་སྐྱོང་དང་། ཀླུའི་རྒྱལ་པོ་ནག་པོ་ཆེན་པོ་དང་། ཀླུའི་རྒྱལ་པོ་དགའ་བོ་དང་། ཉེ་དགའ་བོ་དང་། གཞན་ཡང་ཀླུའི་རྒྱལ་པོ་ཐམས་ཅད་
ཀྱིས་ཀྱང་དུས་དུས་སུ་ཆར་འབེབས་སོ། །དུས་དུས་སུ་གློག་འབྱིན་ཏོ། །དུས་དུས་སུ་འབྲུག་སྒྲོགས་སོ། །ནད་དང་གནོད་པ་ཐམས་ཅད་ཉེ་བར་ཞི་བར་འགྱུར་རོ། །
ཨོཾ་ཧཱུྃ་ཥྚོཾ་བན་དྷ་བན་དྷ་སརྦ་དུཥྚཱན་རཀྵ་མ་མ་ས་པ་རི་བཱ་ར་སྱ་སརྦ་སཏྭཱྃ་ཤྩ་སྭཱཧཱ། ཨོཾ་ཧཱུྃ་ཥྚོཾ་བན་དྷ་བན་དྷ་སརྦ་དུཥྚཱན་རཀྵ་རཀྵ་མ་མ་ས་པ་རི་བཱ་ར་སྱ་སརྦ་སཏྭཱྃཤྩ་བཛྲ་པཱ་ཎི་ཧཱུྃ་ཕཊ་
སྭཱ་ཧཱ། ཨོཾ་སརྦ་ཏ་ཐཱ་ག་ཏོཥྞཱི་ཥ་ཨ་ན་པ་ལོ་ཀེ་ཏེ་མཱུརྡྷ་ནི་ཏེ་ཛོ་རཱ་ཤི། ཨོཾ་ཛྭ་ལ་ཛྭ་ལ། ཁཱ་ད་ཁཱ་ད། དྷ་ཀ་དྷ་ཀ །ད་ར་ད་ར། བི་ད་ར་བི་ད་ར། ཙྪིན་ད་ཙྪིན་ད། 
བྷིན་དྷ་བྷིན་དྷ། ཧཱུྃ་ཧཱུྃ་ཕཊ་ཕཊ་རཀྵ་རཀྵ་མ་མ་ས་པ་རི་བཱ་ར་སྱ་སརྦ་སཏྭཱྃཤྩ་སྭཱ་ཧཱ། ཨོཾ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུྃ་ཕཊ་སྭཱ་ཧཱ། ཧཱུྃ་རཀྵ་རཀྵ་མ་མ་ས་པ་རི་
བཱ་ར་སྱ་སརྦ་ས་སཏྭཱྃ་ཤྩ་ཧཱུྃ་ཕཊ་སྭཱ་ཧཱ། ཏདྱ་ཐཱ་ཨོཾ་ཨ་ན་ལེ་ཨ་ན་ལེ། ཨ་ཙ་ལེ་ཨ་ཙ་ལེ། ཁ་ས་མེ་ཁ་ས་མེ། བཱི་རེ་བཱི་རེ། བཻ་ར་བཻ་ར། སཽ་མྱེ་སཽ་མྱེ། 
97-1-257a


སརྦ་བུད་དྷ་ཨ་དྷིཥྛཱི་ན་ཨ་དྷིཥྛི་ཏེ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་པ་ཏྲེ་སརྦ་དུཥྣ་ཙིཏ་ཏཱ་ན་ཧཱུྃ་ཕཊ་སྭཱ་ཧཱ། སངས་རྒྱས་ཀྱི་རྣལ་འབྱོར་གྱིས་ཤིག་པ་ཐམས་ཅད་ལ་ལན་གསུམ་བཟླས་པར་བྱའོ། །སངས་རྒྱས་དང་བྱང་ཆུབ་སེམས་
དཔའ་ཐམས་ཅད་དང་། ལྷ་དང་། མི་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། དྲི་ཟར་བཅས་པའི་འཇིག་རྟེན་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་
དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བ་གདུགས་དཀར་པོ་ཅན་ཞེས་བྱ་བ་གཞན་གྱིས་མི་ཐུབ་མ་ཕྱིར་ཟློག་པ་རིག་སྔགས་ཀྱི་རྒྱལ་མོ་ཆེན་མོ། རྫོགས་སྷོ།། །།
༄༅། །རྒྱ་གར་སྐད་དུ། ཨཱརྱ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཨ་པ་རཱ་ཛི་ཏ་མ་ཧཱ་པྲ་ཏྱྃ་གི་ར་པ་ར་མ་སིདྡྷ་ནཱ་མ་དྷ་ར་ཎཱི། བོད་སྐད་དུ། འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱིས་
མི་ཐུབ་མ་ཕྱིར་ཟློག་པ་ཆེན་མོ་མཆོག་ཏུ་གྲུབ་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། །བཅོམ་ལྡན་འདས་
གཞན་གྱིས་མི་ཐུབ་པ་གཙུག་ཏོར་རྒྱལ་མོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་སུམ་བཅུ་རྩ་གསུམ་པའི་ལྷའི་གནས་ཆོས་བཟངས་ལྷའི་མདུན་ས་ན། དགེ་སློང་
གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་དགེ་འདུན་ཆེན་པོ་དང་། ལྷའི་དབང་པོ་བརྒྱ་བྱིན་དང་། ཐབས་གཅིག་ཏུ་བཞུགས་སོ། །དེའི་ཚེ་བཅོམ་ལྡན་འདས་གདན་བཤམས་པ་ཉིད་ལ་བཞུགས་ནས་གཙུག་ཏོར་རྣམ་
པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་བཅོམ་ལྡན་འདས་ཀྱི་གཙུག་ཏོར་གྱི་དབུས་ནས་གསང་སྔགས་ཀྱི་ཚིག་འདི་དག་བྱུང་ངོ་། །སངས་རྒྱས་ལ་ཕྱག་འཚལ་ལོ། །
97-1-257b


ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བདུན་ལ་ཕྱག་འཚལ་ལོ། །བྱང་ཆུབ་སེམས་དཔའི་དགེ་འདུན་དང་ཉན་ཐོས་ཀྱི་དགེ་འདུན་ལ་ཕྱག་འཚལ་ལོ། །བྱམས་པ་ལ་སོགས་
པ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ལ་ཕྱག་འཚལ་ལོ། །འཇིག་རྟེན་ན་དགྲ་བཅོམ་པ་རྣམས་ལ་ཕྱག་འཚལ་ལོ། །རྒྱུན་དུ་ཞུགས་པ་རྣམས་ལ་ཕྱག་འཚལ་ལོ། །ལན་གཅིག་ཕྱིར་འོང་བ་རྣམས་ལ་ཕྱག་འཚལ་ལོ། །
ཕྱིར་མི་འོང་བ་རྣམས་ལ་ཕྱག་འཚལ་ལོ། །འཇིག་རྟེན་ན་ཡང་དག་པར་སོང་བ་རྣམས་ལ་ཕྱག་འཚལ་ལོ། །ཡང་དག་པར་ཞུགས་པ་རྣམས་ལ་ཕྱག་འཚལ་ལོ། །ལྷའི་དྲང་སྲོང་དམོད་པ་འདོར་བ་རྣམས་ལ་ཕྱག་འཚལ་ལོ། །རིག་སྔགས་
འཆང་གྲུབ་པའི་དྲང་སྲོང་ཕན་འདོགས་ནུས་པ་རྣམས་ལ་ཕྱག་འཚལ་ལོ། །རིག་སྔགས་འཆང་གྲུབ་པ་རྣམས་ལ་ཕྱག་འཚལ་ལོ། །ཚངས་པ་ལ་ཕྱག་འཚལ་ལོ། །དབང་པོ་ལ་ཕྱག་འཚལ་ལོ། །ལེགས་ལྡན་དྲག་པོ་དཀའ་ཐུབ་ཟློག་
པའི་བདག་པོ་དང་བཅས་པ་ལ་ཕྱག་འཚལ་ལོ། །ལེགས་ལྡན་སྲེད་མེད་ཀྱི་བུ་ཕྱག་རྒྱ་ཆེན་པོ་ལྔས་ཕྱག་བྱས་པ་ལ་ཕྱག་འཚལ་ལོ། །ལེགས་ལྡན་ནག་པོ་ཆེན་པོ་གྲོང་ཁྱེར་སུམ་བརྩེག་འཇིག་པར་བྱེད་པ་དུར་ཁྲོད་ན་གནས་
པ་མོས་པ་མ་མོའི་ཚོགས་ཀྱིས་ཕྱག་བྱས་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པའི་གདུང་ལ་ཕྱག་འཚལ་ལོ། །བཅོམ་ལྡན་འདས་པད་མོའི་གདུང་ལ་ཕྱག་འཚལ་ལོ། །བཅོམ་ལྡན་འདས་
རྡོ་རྗེའི་གདུང་ལ་ཕྱག་འཚལ་ལོ། །བཅོམ་ལྡན་འདས་ནོར་བུའི་གདུང་ལ་ཕྱག་འཚལ་ལོ། །བཅོམ་ལྡན་འདས་གླང་པོའི་གདུང་ལ་ཕྱག་འཚལ་ལོ། །བཅོམ་ལྡན་འདས་གཞོན་ནུའི་གདུང་ལ་ཕྱག་འཚལ་ལོ། །བཅོམ་ལྡན་
འདས་ཀླུའི་གདུང་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བརྟན་པའི་སྡེ་མཚོན་ཆའི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་
97-1-258a


གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་བསྐྱོད་པ་ལ་ཕྱག་
འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་དུ་རྱའི་འོད་ཀྱི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་
པར་ས་རྫོགས་པའི་སངས་རྒྱས་ས་ལཱའི་དབང་པོའི་རྒྱལ་པོ་མེ་ཏོག་ཀུན་དུ་རྒྱས་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལོ། །
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་ཏོག་གི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་ཀུན་དུ་བཟང་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྱན་རྒྱས་པ་ཨུཏྤ་ལའི་དྲིའི་ཏོག་གི་རྒྱལ་པོ་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས། བཅོམ་ལྡན་འདས་དེ་བཞིན་གཤེགས་པའི་གཙུག་ཏོར་ནས་བྱུང་
བ་གདུགས་དཀར་པོ་ཅན་གཞན་གྱིས་མི་ཐུབ་པ་ཕྱིར་ཟློག་པ་ཆེན་མོ་འདི་འབྱུང་པོའི་གདོན་ཐམས་ཅད་ཚར་གཅོད་པར་བྱེད་པ། གཞན་གྱི་རིག་སྔགས་ཐམས་ཅད་གཅོད་པར་བྱེད་པ། དུས་མ་ཡིན་པར་འཆི་བ་ཐམས་ཅད་
ཟློག་པ། སེམས་ཅན་གསོད་པ་དང་། བཅིངས་པ་ཐམས་ཅད་ལས་གྲོལ་བར་བྱེད་པ། སྡང་བ་དང་། རྨི་ལམ་ངན་པ་ལྟས་ངན་པ་ཐམས་ཅད་ཟློག་པ། གནོད་སྦྱིན་དང་སྲིན་པོའི་གདོན་ཐམས་ཅད་འཇིག་པར་བྱེད་པ། གདོན་སྟོང་ཕྲག་
97-1-258b


བརྒྱད་བཅུ་རྩ་བཞི་འཇིག་པར་བྱེད་པ། རྒྱུ་སྐར་ཉི་ཤུ་རྩ་བརྒྱད་དགའ་བར་བྱེད་པ། གཟའ་ཆེན་པོ་བརྒྱད་འཇིག་པར་བྱེད་པར་དགྲ་ཐམས་ཅད་ཟློག་པར་བྱེད་པ། མ་རུངས་པ་དང་། སྡང་བ་དང་། རྨི་ལམ་ངན་པ་ཐམས་ཅད་འཇིག་པར་བྱེད་
པ། དུག་དང་། མཚོན་ཐམས་ཅད་དང་། མེ་དང་ཆུ་ལས་ཟློག་པར་བྱེད་པ། ངན་འགྲོའི་འཇིག་པ་ཐམས་ཅད་ལས་སྒྲོལ་བ་སྟེ། གཞན་གྱིས་མི་ཐུབ་དྲག་ཤུལ་ཆེ། །གཏུམ་པ་ཆེན་མོ་སྟོབས་ཆེན་མོ། །འབར་བ་ཆེན་མོ་གཟི་བརྗིད་ཆེ། །
དཀར་ཆེན་འབར་ཕྲེང་གོས་དཀར་མོ། །འཕགས་མ་སྒྲོལ་མ་ཁྲོ་གཉེར་ཅན། །རྒྱལ་བའི་རྡོ་རྗེ་ཕྲེང་ཞེས་གྲགས། །པད་མའི་མངོན་མཚན་རྡོ་རྗེས་མཚན། །གཞན་གྱིས་མི་ཐུབ་ཕྲེང་བ་ཅན། །རྡོ་རྗེའི་མཆུ་ཅན་རྣམ་སྒེག་མོ། །ཞི་བའི་ལྷ་རྣམས་
ཀྱིས་མཆོད་མ། །ཞི་བ་གསེར་གྱི་ཕྲེང་བ་ཅན། །དཀར་ཆེན་འབར་བ་གོས་དཀར་མོ། །འཕགས་མ་སྒྲོལ་མ་སྟོབས་ཆེན་མོ། །རྡོ་རྗེ་ལུ་གུ་རྒྱུད་གཞན་དང་། །རྡོ་རྗེ་གཞོན་ནུ་རིགས་འཛིན་མ། །ལག་ན་རྡོ་རྗེའི་རིགས་གསེར་ཕྲེང་། །ལེ་བརྒན་རྩི་དང་
རིན་ཆེན་མ། །སྣང་མཛད་རྡོ་རྗེ་གཙུག་ཏོར་གྲགས། །ཕྱག་རྒྱ་དང་སྔགས་ཀྱི་ཚོགས་དེ་དག་ཐམས་ཅད་ཀྱིས་བདག་འཁོར་དང་བཅས་པ་དང་། སེམས་ཅན་ཐམས་ཅད་བསྲུང་དུ་གསོལ། ཨོཾ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུཾ་དྲཱུཾ་ཧྲཱིཿཥྚོཾ། ཛམྦྷ་
ནྐ་རཱི་ཧཱུཾ་དྲཱུཾ་ཧྲཱིཿཥྚོཾ། སྟམྦྷ་ན་ཀ་རཱི་ཧཱུྃ་དྲཱུྃ་ཧྲཱིཿཥྚོཾ། ལམྦྷ་ན་ཀ་རཱི་ཧཱུྃ་དྲཱུྃ་ཧྲཱིཿཥྚོཾ། སམ་བྷ་ཀྵ་ན་ཀ་རཱི་ཧཱུྃ་དྲཱུྃ་ཧྲཱིཿཥྚོཾ། བ་ཧ་ན་ཀ་རཱི་ཧཱུྃ་དྲཱུྃ་ཧྲཱིཿཥྚོཾ། པ་ར་བི་ཥ་བྷཀྵ་ཎ་ཀ་རཱི་ཧཱུྃ་དྲཱུྃ་ཧྲཱིཿཥྚོཾ། སརྦ་དུཥྚ་པྲ་དུཥྚ་ཎཱྃ་སྟམ་བྷ་ན་ཀ་རཱི་ཧཱུྃ་དྲཱུྃ་ཧྲཱིཿཥྚོཾ། སརྦ་ཡཀྵ་རཱཀྵ་ས་གྲ་ཧཱ་ཎཱྃ་བི་
དྷྭྃ་ས་ན་ཀ་རཱི་ཧཱུྃ་དྲཱུྃ་ཧྲཱིཿཥྚོཾ། སརྦ་པ་ར་བིདྱཱ་ཙྪེ་ད་ན་ཀ་རཱི་ཧཱུཾ་དྲཱུཾ་ཧྲཱིཿཥྚོཾ། ཙ་ཏུ་ར་ཤཱི་ཏཱི་ནཱྃ་གྲ་ཧ་ས་ཧ་སྲཱ་ནཱྃ་བིདྷྭ་ས་ན་ཀ་རཱི་ཧཱུཾ་དྲཱུ་ཧྲཱིཿཥྚོཾ། ཨཥྚ་བཾ་ཤི་ཏཱི་ནཱྃ་ནཀྵ་ཏྲཱ་ཎཱྃ་པྲ་ས་དྷ་ན་ཀ་རཱི་ཧཱུཾ་དྲཱུཾ་ཧྲཱིཿཥྚོཾ། ཨཥྚ་ཎྃ་ནཱྃ་མ་ཧཱ་གྲ་ཧཱ་ཎཱྃ་བི་དྷྭྃ་ས་ན་ཀ་རཱི་ཧཱུྃ་དྲཱུྃ་ཧྲཱིཿཥྚོཾ། རཀྵ་རཀྵ་
མཱྃ་སརྦ་སཏྭྃ་ཤྩ། བཅོམ་ལྡན་འདས་མ་དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་པོ་ཅན་རྡོ་རྗེ་གཙུག་ཏོར་ཕྱིར་ཟློག་པ་ཆེན་མོ། ཕྱག་སྟོང་མངའ་བ་ཆེན་མོ། དབུ་སྟོང་མངའ་བ་ཆེན་མོ། སྤྱན་བྱེ་བ་བརྒྱ་སྟོང་མངའ་བ། 
97-1-259a


མི་ཕྱེད་འབར་བའི་མཚན་རྟགས་ཅན། རྡོ་རྗེ་ཡངས་པ་ཆེན་མོས་ས་གསུམ་གྱི་དཀྱིལ་འཁོར་དུ་བདག་དང་སེམས་ཅན་ཐམས་ཅད་བདེ་ལེགས་སུ་གྱུར་ཅིག །རྣམ་པར་བསྒྱིངས་མའི་རྡོ་རྗེ་དང་། །གསེར་འོད་ལྟ་བུའི་སྤྱན་མངའ་
མ། །རྡོ་རྗེ་འགྲོས་དང་དཀར་མོ་དང་། །པད་མའི་སྤྱན་དང་ཟླ་འོད་དང་། །སངས་རྒྱས་དཔལ་དང་དེ་བཞིན་སྤྱན། །རྡོ་རྗེ་ཉི་མའི་འོད་དང་ནི། །དེ་བཞིན་ཟླ་བ་རྡོ་རྗེ་འཛིན། །རིག་པ་དང་ཕྱག་རྒྱ་དང་གསང་སྔགས་ཀྱི་ཚོགས་དེ་དག་ཐམས་ཅད་ཀྱིས་
བདག་དང་སེམས་ཅན་ཐམས་ཅད་ཀུན་ནས་བསྲུང་བར་མཛད་དུ་གསོལ། །ཨོཾ་རྀ་ཥི་ག་ཎཾ་པྲ་ཤསྟྱ་སརྦ་ཏ་ཐཱ་ག་ཏོཥྞི་ཥ་སི་ཏཱ་ཏ་པ་ཏྲེ་ཧཱུྃ་དྲཱྃ། ཛམ་བྷ་ན་ཀ་རཱི་ཧཱུྃ་དྲཱྃ། སྟམ་བྷ་ནི་ཀ་རཱི་ཧཱུྃ་དྲུྃ། པ་ར་བིདྱཱ་སམ་བྷ་ཀྵ་ན་ཀ་རཱི་ཧཱུྃ་དྲཱུྃ། པ་ར་བིདྱ་སམ་ས་
བྷ་ཀྵ་ན་ར་ཀ་རཱི་ཧཱུྃ་དྲཱུྃ། སརྦ་དུཥྚ་ཎཱྃ་སྟམ་བྷ་ན་ཀ་རཱི་ཧཱུྃ་དྲཱུྃ། སརྦ་ཡཀྵ་རཀྵ་ས་གྲ་ཧཱ་ཎཱྃ་བི་དྷྭྃ་ས་ན་ཀ་རཱི་ཧཱུྃ་དྲཱུྃ། ཙ་ཏུ་རཱ་ཤི་ཏཱི་ནཱྃ་གྲ་ཧ་ས་ཧ་སྲཱ་ཏཱྃ་བི་དྷྭྃ་ས་ན་ཀ་རཱི་ཧཱུྃ་དྲཱུྃ། ཨཥྚཱ་བི་ཤ་ཏཱི་ནཱྃ་ནཀྵ་ཏྲ་ཎཱྃ་པྲ་ས་དྷ་ན་ཀ་རཱི་ཧཱུྃ་དྲཱུྃ། ཨཥྚཱ་ཎཱྃ་མ་ཧཱ་གྲ་ཧ་ཎཱྃ་བ་དྷྭྃ་
ས་ན་ཀ་རཱི་ཧཱུྃ་དྲཱུྃ། ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཱྃ་སྭཱ་ཧཱ། བཅོམ་ལྡན་འདས་མ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་པོ་ཅན་རྡོ་རྗེ་གཙུག་ཏོར་ཕྱིར་ཟློག་པ་ཆེན་མོ། ཕྱག་སྟོང་མངའ་བ་ཆེན་མོ། དབུ་སྟོང་མངའ་
བ་ཆེན་མོ། སྤྱན་བྱེ་བ་བརྒྱ་སྟོང་མངའ་བ་ཆེན་མོ། མི་ཕྱེད་འབར་བའི་མཚན་རྟགས་ཅན། རྡོ་རྗེ་ཡངས་པ་ཆེན་མོས་ས་གསུམ་གྱི་དཀྱིལ་འཁོར་ལ་མངའ་མཛད་མ་ཀུན་བདག་ལ་བསྲུང་དུ་གསོལ། བདག་དང་སེམས་ཅན་ཐམས་ཅད་
རྒྱལ་པོའི་འཇིགས་པ་དང་། རྐུན་པོའི་འཇིགས་པ་དང་། མེའི་འཇིགས་པ་དང་། ཆུའི་འཇིགས་པ་དང་། དུག་གི་འཇིགས་པ་དང་། མཚོན་གྱི་འཇིགས་པ་དང་། ཕ་རོལ་གྱི་དམག་ཚོགས་ཀྱི་འཇིགས་པ་དང་། མུ་གེའི་འཇིགས་པ་དང་། དགྲ་ཡི་
འཇིགས་པ་དང་། ལྕེ་འབབ་པའི་འཇིགས་པ་དང་། དུས་མ་ཡིན་པར་འཆི་བའི་འཇིགས་པ་དང་། ས་གཡོ་བའི་འཇིགས་པ་དང་། སྐར་མདའ་ལྟུང་བའི་འཇིགས་པ་དང་། རྒྱལ་པོའི་ཆད་པའི་འཇིགས་པ་དང་། ལས་ཀྱི་འཇིགས་པ་དང་། ཀླུའི་འཇིགས་
97-1-259b


པ་དང་། གློག་གི་འཇིགས་པ་དང་། ནམ་མཁའ་ལྡིང་གི་འཇིགས་པ་དང་། གཅན་ཟན་ཁྲོ་བོའི་འཇིགས་པ་དང་། ལྷའི་གདོན་དང་། ཀླུའི་གདོན་དང་། ལྷ་མ་ཡིན་གྱི་གདོན་དང་། རླུང་ལྷའི་གདོན་དང་། ནམ་མཁའ་ལྡིང་གི་གདོན་དང་། དྲི་ཟའི་གདོན་དང་། 
མི་འམ་ཅིའི་གདོན་དང་། ལྟོ་འཕྱེ་ཆེན་པོའི་གདོན་དང་། གནོད་སྦྱིན་གྱི་གདོན་དང་། སྲིན་པོའི་གདོན་དང་། ཡི་དགས་ཀྱི་གདོན་དང་། ཤ་ཟའི་གདོན་དང་། འབྱུང་པོའི་གདོན་དང་། གྲུལ་བུམ་གྱི་གདོན་དང་། སྲུལ་པོའི་གདོན་དང་། ལུས་སྲུལ་པོའི་གདོན་དང་། 
སྐེམ་བྱེད་ཀྱི་གདོན་དང་། རྗེད་བྱེད་ཀྱི་གདོན་དང་། སྨྱོ་བྱེད་ཀྱི་གདོན་དང་། གྲིབ་གནོན་གྱི་གདོན་དང་། གནོན་པོའི་གདོན་དང་། མཁའ་འགྲོ་མའི་གདོན་དང་། ནམ་གྲུའི་གདོན་དང་། གཤིན་རྗེའི་གདོན་དང་། བྱའི་གདོན་དང་། མ་མོ་དགའ་བར་བྱེད་
པའི་གདོན་དང་། ཀུན་དུ་འབྲེང་བའི་གདོན་དང་། ཚེར་མ་འདོན་པའི་གདོན་ལས་བདག་བདེ་ལེགས་སུ་གྱུར་ཅིག །ཟས་སུ་མདངས་ཟ་བ་དང་། ཟས་སུ་མངལ་ཟ་བ་དང་། ཟས་སུ་ཁྲག་ཐུང་བ་དང་། ཟས་སུ་ཞག་ཟ་བ་དང་། ཟས་སུ་ཤ་ཟ་བ་
དང་། ཟས་སུ་ཚིལ་ཟ་བ་དང་། ཟས་སུ་རྐང་ཟ་བ་དང་། ཟས་སུ་བཙས་པ་ཟ་བ་དང་། སྲོག་འཕྲོག་པ་དང་། ཟས་སུ་སྐྱུགས་པ་ཟ་བ་དང་། ཟས་སུ་ཕྱི་ས་ཟ་བ་དང་། ཟས་སུ་གཅིན་འཐུང་བ་དང་། ཟས་སུ་གཏོར་ཁུང་ནས་འབབ་པ་འཐུང་བ་དང་། 
ཟས་སུ་ལྷག་མ་ཟ་བ་དང་། ཟས་སུ་འཆིལ་མ་འཐུང་བ་དང་། ཟས་སུ་སྣབས་ཟ་བ་དང་། ཟས་སུ་ངར་སྣབས་ཟ་བ་དང་། ཟས་སུ་མི་གཙང་བ་ཟ་བ་དང་། ཟས་སུ་གཏོར་མ་ཟ་བ་དང་། ཟས་སུ་ཕྲེང་བ་ཟ་བ་དང་། ཟས་སུ་དྲི་ཟ་བ་དང་། ཟས་
སུ་བདུག་པ་ཟ་བ་དང་། སེམས་འཕྲོག་པ་དང་། ཟས་སུ་མེ་ཏོག་ཟ་བ་དང་། ཟས་སུ་འབྲས་བུ་ཟ་བ་དང་། ཟས་སུ་ལོ་ཏོག་ཟ་བ་དང་། ཟས་སུ་སྦྱིན་སྲེག་ཟ་བའི་གདོན་ལས་བདག་ལ་བསྲུང་བ་གྱིས་ཤིག །གདོན་དེ་དག་ཐམས་ཅད་ཀྱི་རིག་
སྔགས་གཅད་དོ། །ཕུར་བུས་གདབ་བོ། །ཀུན་དུ་རྒྱུས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །མཁའ་འགྲོ་དང་མཁའ་འགྲོ་མས་བྱས་པའི་རིག་སྔགས་བཅད་དོ། །ཕུར་བུས་གདབ་བོ། །ཚངས་པས་བྱས་པའི་རིག་སྔགས་
97-1-260a


གཅད་དོ། །ཕུར་བུས་གདབ་བོ། །དབང་ཕྱུག་ཆེན་པོས་བྱས་པའི་རིག་སྔགས་གཅོད་དོ། །ཕུར་བུས་གདབ་བོ། །སྲེད་མེད་ཀྱི་བུས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ནམ་མཁའ་ལྡིང་ཡང་དག་པ་དང་ལྷན་ཅིག་
པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ནག་པོ་ཆེན་པོས་བྱས་པའི་རིག་སྔག་གཅད་དོ། །ཕུར་བུ་གདབ་བོ། །མ་མོའི་ཚོགས་རྣམས་ཀྱིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །མིའི་ཐོད་པ་
ཅན་གྱིས་བྱས་པའི་རིག་སྔགས་གཅད་དོ། །ཕུར་བུ་གདབ་བོ། །རྒྱལ་བར་བྱེད་པའི་དང་། སྦྲང་རྩིར་བྱེད་པ་དང་། དོན་ཀུན་སྒྲུབས་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །སྲིང་མོ་བཞིས་བྱས་པའི་རིག་སྔགས་གཅད་
དོ། །ཕུར་བུས་གདབ་བོ། །བྷྲི་གི་རི་ཏི་དང་། དགའ་བྱེད་དབང་ཕྱུག་དང་། ཚོགས་ཀྱི་བདག་པོ་དང་ལྷན་ཅིག་པས་བྱས་པའི་རིག་སྔགས་གཅད་དོ། །ཕུར་བུ་གདབ་བོ། །དགེ་སྦྱོང་གཅེར་བུས་བྱས་པའི་རིག་སྔགས་གཅད་དོ། །ཕུར་བུས་གདབ་
བོ། །དགེ་སྦྱོང་མགོ་རེག་གིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །དགྲ་བཅོམ་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །འདོད་ཆགས་དང་བྲལ་བས་བྱས་པའི་སྔགས་གཅད་དོ། །ཕུར་བུས་གདབ་བོ། །
འཇིག་རྟེན་དབང་ཕྱུག་འཁོར་དང་བཅས་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ལག་ན་རྡོ་རྗེ་འཁོར་དང་བཅས་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ཕོ་ཉ་དང་། ཕོ་ཉ་མོ་དང་། བྲན་ཕོ་དང་། 
བྲན་མོས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །དྲང་སྲོང་གི་ཚོགས་ཐམས་ཅད་ཀྱིས་བྱས་པའི་རིག་སྔགས་བཅད་དོ། །ཕུར་བུས་གདབ་བོ། །ལྷའི་ཚོགས་ཐམས་ཅད་ཀྱིས་བྱས་པའི་རིག་སྔགས་གཅད་དོ། །ཕུར་བུས་
གདབ་བོ། །མི་འཕྲོད་པ་ཟ་བའི་ཚོགས་ཀྱིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །བཅོམ་ལྡན་འདས་མ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་པོ་ཅན་སངས་རྒྱས་དང་བྱང་ཆུབ་སེམས་དཔའ་
97-1-260b


ཐམས་ཅད་ཀྱིས་ཕྱག་བྱས་པ་ལ་ཕྱག་འཚལ་ལོ། །བདག་ལ་བསྲུང་དུ་གསོལ། བསྲུང་དུ་གསོལ། ཨོཾ་ཨ་སི་ཏཱ་ན་ལཱརྐ་པྲ་བྷཱ་སྥུ་ཊ་བི་ཀ་སི་ཏཱ་ཏ་པ་ཏྲེ། ཨོཾ་ཛྭ་ལ་ཛྭ་ལ། ཁཱ་ད་ཁཱ་ད། ཧ་ན་ཧ་ན། ད་ར་ད་ར། བི་ད་ར་བི་ད་ར། 
ཙྪིནྡ་ཙྪིནྡ། བྷིནྡ་བྷིནྡ། བན་དྷ་བན་དྷ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། སྙིང་པོའོ། །ཧེ་ཧེ་ཕཊ། ཧོ་ཧོ་ཕཊ། ཨ་མོ་གྷ་ཡ་ཕཊ། ཨ་པྲ་ཏེ་ཧ་ཏཱ་ཡ་ཕཊ། བ་ར་དཱ་ཡ་ཕཊ། བ་ར་པྲ་དཱ་ཡ་ཕཊ། པྲ་ཏྱྃ་གི་རི་ཏཱ་ཡ་ཕཊ། ཨ་སུ་ར་བི་དྲཱ་པ་ཎ་ཀ་རཱ་
ཡ་ཕཊ། བ་ར་བི་དྲཱ་པ་ཎ་ཀ་རཱ་ཡ་ཕཊ། སརྦ་དེ་བེ་བྷྱཿཕཊ། སརྦ་ནཱ་གེ་བྷྱཿཕཊ། སརྦ་ཡཀྵེ་བྷྱཿཕཊ། སརྦ་རཱཀྵ་སེ་བྷྱཿཕཊ། སརྦ་བྷཱུ་ཏེ་བྷྱཿཕཊ། སརྦ་པྲེ་ཏེ་བྷྱཿཕཊ། སརྦ་པི་ཤཱ་ཙེ་བྷྱཿཕཊ། སརྦ་ཀུཥྨན་ཊེ་བྷྱཿཕཊ། སརྦ་པཱུ་ཏ་
ནེ་བྷྱཿཕཊ། སརྦ་ཀ་ཊ་པཱུན་ཏ་ནེ་བྷྱཿཕཊ། སརྦ་སྐནྡྷེ་བྷྱཿཕཊ། སརྦ་བོནྨ་དེ་བྷྱཿཕཊ། སརྦ་ཙྪ་ཡེ་བྷྱ་ཕཊ། སརྦ་ཨ་པ་སྨཱ་རེ་བྷྱཿཕཊ། སརྦ་སྟ་ར་ཀེ་བྷྱཿཕཊ། སརྦ་ཌཱ་ཀི་ནཱི་བྷྱཿཕཊ། སརྦ་རེ་བ་ཏཱི་བྷྱཿཕཊ། སརྦ་ཡཱ་མ་ཡེ་
བྷྱཿཕཊ། སརྦ་ཤ་ཀུ་ནི་བྷྱཿཕཊ། སརྦ་མཱ་ཏྲྀ་ག་ནེ་བྷྱཿཕཊ། སརྦ་ཀམྦུ་ཀཱ་མི་ནཱ་བྷྱཿཕཊ། སརྦ་ཨ་ལམ་བ་ཀེ་བྷྱ་ཕཊ། སརྦ་ཀ་ཊ་ཊ་ནེ་བྷྱཿཕཊ། སརྦ་ཀནྜེ་བྷྱཿཕཊ། སརྦ་གན་དྷ་རྦེ་བྷྱཿཕཊ། སརྦ་ཨ་སུ་རེ་བྷྱཿཕཊ། སརྦ་
ཀནྣ་རེ་བྷྱཿཕཊ། སརྦ་ག་རུ་ཌེ་བྷྱཿཕཊ། སརྦ་མ་ཧོ་ར་གེ་བྷྱཿཕཊ། སརྦ་དུར་ལྃ་གྷི་ཏེ་བྷྱཿཕཊ། སརྦ་དུཿཔྲེ་ཀྵི་ཏེ་བྷྱཿཕཊ། སརྦ་ཛྭ་རེ་བྷྱཿཕཊ། སརྦ་བྷ་ཡེ་བྷྱཿཕཊ། སརྦ་པ་དྲ་བེ་བྷྱཿཕཊ། སརྦོ་པ་སརྒེ་བྷྱཿཕཊ། སརྦ་ཀྲྀ་ཏྱ་ཀརྨ་ཎེ་ཀཱ་
ཁོར་དེ་བྷྱཿཕཊ། ཀི་ར་ཎེ་བཻ་ད་ཊ་བྷྱཿཕཊ། ཙཙྪ་པྲ་ཤ་ཀ་སརྦ་དུཥྩ་ར་དི་ཏེ་བྷྱཿཕཊ། སརྦ་དུརྦྷུ་ཀྷེ་བྷྱཿཕཊ། སརྦ་ཏཱིརྠི་ཀེ་བྷྱཿཕཊ། སརྦ་ཤྲ་མ་ཎེ་བྷྱཿཕཊ། སརྦ་ཏཱིརྠི་ཀེ་བྷྱཿཕཊ། ས་པཱ་ཏ་ཀེ་བྷྱཿཕཊ། སརྦ་བིདྱཱ་དྷ་རེ་བྷྱཿཕཊ། ཛ་ཡ་ཀ་ར། མ་དྷུ་ཀ་ར། 
སིད་དྷེ་ཀ་ར་སརྦ་ཨརྠ་སཱ་དྷ་ཀེ་བྷྱོ་བིདྱཱ་ཙརྱེ་བྷྱཿཕཊ། ཙ་ཏུར་བྷྱོ་བ་གི་ནཱི་བྷྱཿཕཊ། བཛྲ་ཀཽ་མཱ་རཱི་ཡེ་བཛྲ་ཀུ་ལྃ་དྷ་རི་བིདྱཱ་ཙརྱེ་བྷྱཿཕཊ། སརྦ་མ་ཧཱ་པྲ་ཏྱྃ་གི་རེ་བྷྱཿཕཊ། བཛྲ་ཤྃ་ཀ་ལཱ་ཡ་པྲ་ཏྱྃ་གི་ར་རཱ་ཛཱ་ཡ་ཕཊ། མ་ཧཱ་ཀཱ་ལཱ་ཡ་མཱ་ཏྲྀ་ག་ཎ་ན་མསྐྲྀ་ཏཱི་
97-1-261a


ཡེ་ཕཊ། བྲཧྨཱ་ཎཱི་ཡེ་ཕཊ། བི་ཥྞུ་བཱི་ཡེ་ཕཊ། མ་ཧེ་ཤྭ་རཱི་ཡེ་ཕཊ། རཽ་དྲཱི་ཡེ་ཕཊ། མ་ཧཱ་ཀཱ་ལཱི་ཡེ་ཕཊ། ཙཱ་མུཎྜཱི་ཡེ་ཕཊ། ཀཽ་མཱ་རཱི་ཡེ་ཕཊ། བ་རཱ་ཧཱི་ཡེ་ཕཊ། ཨིན་དྲཱ་ཡེ་ཕཊ། ཨ་གྣི་ཡེ་ཕཊ། ཡ་མ་ཡེ་ཕཊ། ནཱི་རི་ཏེ་ཡེ་ཕཊ། བ་རུ་ཎཱ་
ཡེ་ཕཊ། མཱ་རུ་ཏཱི་ཡེ་ཕཊ། སོ་མཱ་ཡེ་ཕཊ། ཨཱི་ཤཱ་ནཱི་ཡེ་ཕཊ། ཀཱ་ལཱ་དཎ་ཌཱི་ཡེ་ཕཊ། ཀཱ་ལཱ་རཱ་ཏྲཱི་ཡེ་ཕཊ། ཡ་མ་དཎྜཱི་ཡེ་ཕཊ། རཱ་ཏྲཱི་ཡེ་ཕཊ། ཀཱ་པཱ་ལཱི་ཡེ་ཕཊ། ཨ་དྷི་མུཀྟ་ཤྨ་ཤ་ན་བཱ་སི་ནཱི་ཡེ་སྭ་ཕཊ། ཨོཾ་ཥྚྃ་བན་དྷ་བནྡྷ་རཀྵ་རཀྵ་མཱྃ་སྭཱ་ཧཱ། 
སེམས་ཅན་གང་སུ་དག་བདག་ལ་གདུག་པ་དང་གདུག་པའི་སེཾས་དང་ལྡན་པ་རྣམས་དང་། དྲག་ཤུལ་དང་དྲག་ཤུལ་གྱི་སེཾ་དང་ལྡན་པ་རྣཾས་དང་སྡིག་པ་དང་སྡིག་པའི་སེཾ་དང་ལྡན་པ་རྣཾས་དང་འཁྲུག་པ་དང་འཁྲུག་པའི་སེཾ་དང་ལྡན་པ་རྣཾས་དང་། སྡང་བ་དང་སྡང་བའི་སེཾས་དང་ལྡན་པ་རྣཾས་བྱམས་
པའི་སེཾས་དང་ལྡན་པར་གྱུར་ནས་བདག་དང་སེཾས་ཅན་ཐམས་ཅད་བསྲུང་དུ་གསོལ། ལོ་བརྒྱ་འཚོ་བར་གྱུར་ཅིག་སྟོན་བརྒྱ་མཐོང་བར་གྱུར་ཅིག །གནོད་སྦྱིན་དང་གདོན་གང་སུ་དག་ཟས་སུ་མདངས་ཟ་བ་རྣཾས་དང་། གཟི་བྱིན་འཕྲོག་པ་རྣམས་དང་། 
ཟས་སུ་མངལ་ཟ་བ་རྣཾས་དང་། ཟསུ་ཁྲག་འཐུང་བ་རྣྃས་དང་། ཟས་སུ་ཞག་ཟ་བ་རྣྃས་དང་། ཟས་སུ་ཤ་ཟ་བ་རྣྃས་དང་། ཟས་སུ་ཚིལ་ཟ་བ་རྣྃས་དང་། ཟས་སུ་རྐང་ཟ་བ་རྣྃས་དང་། ཟསུ་བཙས་པ་ཟ་བ་རྣྃས་དང་། སྲོག་འཕྲོག་པ་རྣྃས་དང་། ཟསུ་
ལྷག་མ་ཟ་བ་རྣྃས་དང་། ཟསུ་གཏོར་མ་ཟ་བ་རྣྃས་དང་། ཟས་སུ་ཕྲེང་བ་ཟ་བ་རྣྃས་དང་། ཟསུ་དྲི་ཟ་བ་རྣྃས་དང་། ཟསུ་བདུག་པ་ཟ་བ་རྣྃས་དང་། ཟསུ་མེ་ཏོག་ཟ་བ་རྣྃས་དང་ཟསུ་འབྲས་བུ་ཟ་བ་རྣྃས་དང་། ཟསུ་ལོ་ཏོག་ཟ་བ་རྣཾས་དང་། ཟསུ་སྦྱིན་སྲེག་
ཟ་བ་རྣྃས་དང་། ཟསུ་རྣག་ཟ་བ་རྣྃས་དང་། ཟསུ་ཕྱི་ས་ཟ་བ་རྣྃས་དང་། ཟསུ་གཅིན་འཐུང་བ་རྣཾས་དང་། ཟསུ་འཆིལ་མ་འཐུང་བ་རྣྃས་དང་། ཟསུ་སྐྱུགས་པ་ཟ་བ་རྣཾས་དང་། ཟསུ་སྣབས་ཟ་བ་རྣྃས་དང་། ཟསུ་ངར་སྣབས་ཟ་བ་རྣྃས་དང་། ཟསུ་མི་གཙང་བ་ཟ་བ་
རྣཾས་དང་། ཟསུ་གཏོར་ཁུང་ནས་འབབ་པ་འཐུང་བ་རྣཾས་དང་། སྡིག་པའི་སེཾས་དང་ལྡན་པ་རྣྃས་དང་། གདུག་པའི་སེཾས་དང་ལྡན་པ་རྣྃས་དང་། དྲག་ཤུལ་གྱི་སེཾས་དང་ལྡན་པ་རྣཾས་དང་། འཁྲུག་པའི་སེཾས་དང་ལྡན་པ་རྣཾས་དང་སྡང་བའི་སེམས་དང་ལྡན་
97-1-261b


པ་རྣྃས་དང་། ལྷའི་གདོན་རྣཾས་དང་། ཀླུའི་གདོན་རྣཾས་དང་། ལྷ་མ་ཡིན་གྱི་གདོན་རྣམས་དང་། གནོད་སྦྱིན་གྱི་གདོན་རྣམས་དང་། སྲིན་པོའི་གདོན་རྣྃས་དང་། འབྱུང་པོའི་གདོན་རྣམས་དང་། ཡི་དགས་ཀྱི་གདོན་རྣམས་དང་། ཤ་ཟའི་གདོན་རྣམས་དང་། ཀུམ་
བྷཎ་ཌའི་གདོན་རྣམས་དང་། སྲུལ་པོའི་གདོན་རྣམས་དང་། ལུས་སྲུལ་པོའི་གདོན་རྣམས་དང་། སྐེམ་བྱེད་ཀྱི་གདོན་རྣམས་དང་། སྨྱོ་བྱེད་ཀྱི་གདོན་རྣམས་དང་། གྲིབ་གནོད་གྱི་གདོན་རྣམས་དང་། རྗེད་བྱེད་ཀྱི་གདོན་རྣམས་དང་། གནོན་པོའི་གདོན་རྣཾས་
དང་། མཁའ་འགྲོ་མའི་གདོན་རྣམས་དང་། ནམ་གྲུའི་གདོན་རྣམས་དང་། གཤིན་རྗེའི་གདོན་རྣམས་དང་། བྱའི་གདོན་རྣམས་དང་། མ་མོ་དགའ་བར་བྱེད་པའི་གདོན་རྣམས་དང་། ཀུན་དུ་འབྲེང་བའི་གདོན་རྣཾས་དང་། རེ་ལྡེ་འདོན་རྣཾས་དང་། ཚེར་མ་འདོན་
པའི་གདོན་རྣམས་ལས་བདག་བསྲུང་བར་མཛད་དུ་གསོལ། ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་གྱུར་ཅིག །རིམས་ཉིན་གཅིག་པ་རྣམས་དང་ཉིན་གཉིས་པ་རྣམས་དང་། ཉིན་གསུམ་པ་རྣམས་དང་། ཉིན་བཞི་པ་རྣམས་དང་། ཉིན་བདུན་
པ་རྣྃས་དང་། རྟག་པའི་རིམས་རྣམས་དང་། རིམས་མི་ཟད་པ་རྣམས་དང་། འབྱུང་པོའི་རིམས་རྣམས་དང་། རླུང་ལས་གྱུར་པ་རྣམས་དང་། ཁྲིས་པ་ལས་གྱུར་པ་རྣམས་དང་། བད་ཀན་ལས་གྱུར་པ་རྣམས་དང་། འདུས་པ་ལས་གྱུར་པ་རྣཾས་དང་། རིྃས་
ནད་ཐམས་ཅད་དང་། ཀླད་པ་ན་བ་བསལ་དུ་གསོལ། གཞོགས་ཕྱེད་ན་བ་དང་། ཡི་ག་འཆུས་པ་དང་། མིག་ནད་དང་། སྣ་ནད་དང་། ཁ་ནད་དང་། མགུལ་ནད་དང་། སྙིང་ནད་དང་། ལྐོག་མའི་ལྷ་གོར་ན་བ་དང་། རྣ་བ་ན་བ་དང་། སོ་ན་བ་དང་། 
སྙིང་ན་བ་དང་། གནད་ན་བ་དང་། རྩིབ་ལོགས་ན་བ་དང་། རྒྱབ་ན་བ་དང་། ལྟོ་བ་ན་བ་དང་། རྐེད་པ་ན་བ་དང་། ཆུ་སོ་ན་བ་དང་། བརླ་ན་བ་དང་། རྗེ་ངར་ན་བ་དང་། ལག་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་བསལ་
དུ་གསོལ། གདུགས་དཀར་པོ་ཅན་རྡོ་རྗེ་གཙུག་ཏོར་ཕྱིར་ཟློག་པ་ཆེན་མོ་འདིས་དཔག་ཚད་བཅུ་གཉིས་
97-1-262a


ཀྱི་ནང་ཚུན་ཆད་དུ་འབྱུང་པོ་དང་། རོ་ལངས་དང་། མཁའ་འགྲོ་མ་དང་། གནོད་སྦྱིན་དང་། སྲིན་པོ་དང་། རིམས་ནད་དང་། ཤུ་བ་དང་། གཡན་པ་དང་། འབྲུམ་བུ་ཕྲ་མོ་དང་། མཚན་བར་རྡོལ་བ་དང་། མཛེ་དང་། ཕོལ་མིག་དང་། བས་བལྡགས་དང་། མེ་དབལ་དང་། 
གཡན་པ་དང་། ལྷོག་པ་དང་། སྐེཾས་པ་དང་། སྐྲག་པ་དང་། ལུད་པ་ལུ་བ་དང་། དབུགས་མི་བདེ་བ་དང་། མི་དྲན་པ་དང་། དབྱིག་དུག་དང་། དུག་སྦྱར་མ་དང་། བྱད་དང་། མེ་དང་ཆུ་དང་། མི་ངས་དང་། བདུད་དང་། འཆིང་བ་དང་། དགྲ་དང་། དགོན་པ་དང་། དུས་མ་ཡིན་པར་འཆི་བ་དང་། སྦྲང་
བུ་ཏྲྱྃ་བུ་ཀ་དང་། ཏྲཻ་ལ་ཏཱ་ཀ་དང་། སྡིག་པ་དང་། སྦྲུལ་དང་། སྲེ་མོ་དང་། སེང་གེ་དང་། སྟག་དང་། དོམ་དང་། དྲེད་དང་། གཡག་རྒོད་དང་། ཆུ་སྲིན་ལ་སོགས་པའི་སྲོག་ཆགས་རྣཾས་བསལ་དུ་གསོལ། དེ་དག་ཐཾད་ཀྱི་རིགས་སྔགས་བཅིང་བར་བྱའོ། །གཟི་བརྗིད་བཅིང་བར་བྱའོ། །
གཞན་ཐཾད་ཀྱི་རིག་སྔགས་བཅིང་བར་བྱའོ། །འཚཾས་བཅིང་བར་བགྱིའོ། །ཏདྱ་ཐཱ། ཨོཾ་ཨ་ན་ལེ་ཨ་ན་ལེ། ཁ་ས་མེ་ཁ་ས་མེ། བཱི་ར་བཱི་ར། སཽ་མྱེ་སཽ་མྱེ། ཤཱནྟེ་ཤཱནྟེ། དཱནྟེ་དཱནྟེ། བི་ཥ་དེ་བི་ཥ་དེ། བཻ་རེ་བཻ་རེ། དེ་བི་བཛྲ་དྷཱ་རི་བནྡྷ་བནྡྷ་ནི་བཛྲ་པཱ་ཎི་ཕཊ། ཨོཾ་ཧཱུྃ་དྲཱུྃ་ཧྲཱིཿཥྚོྃ་ཕཊ་སྭཱ་ཧཱ། 
ཨོཾ་བཛྲ་པཱ་ཎི་བནྡྷ་བནྡྷ་བཛྲ་པཱ་ཤེ་ན་མ་མ་སརྦ་དུཥྚ་བི་ནཱ་ཡ་ཀཱྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཉེ་བའི་སྙིང་པོའོ། །སུས་དེ་བཞིན་གཤེགས་པ་ཐཾད་ཀྱི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱི་མི་ཐུབ་པ་ཕྱིར་བཟློག་པའི་རིག་སྔགས་ཀྱི་རྒྱལ་
མོ་འདི་གྲོ་ག་འམ། རས་སམ་ཤིང་ཤུ་ནཱ་ལས་བྲིས་ཏེ། ལུས་སམ་མགུལ་དུ་ཐོགས་སཾ་ཀློག་པར་བྱེད་ན་དེ་ལ་ཇི་སྲིད་འཚོ་བའི་བར་དུ་དུག་གི་མི་ཚུགས། མཚོན་གྱིས་མི་ཚུགས། མེའི་མི་ཚུགས། ཆུས་མི་ཚུགས། དབྱིག་དུག་གིས་མི་ཚུགས། 
དུག་སྦྱར་མས་མི་ཚུགས། བྱད་ཀྱིས་མི་ཚུགས། དུས་མ་ཡིན་པར་འཆི་བའི་དུས་བྱེད་པར་མི་འགྱུརོ། །གདོན་ཐཾད་དང་། བགེགས་དང་། ལོག་འདྲེན་ཐཾད་ཀྱང་དགའ་བར་འགྱུརོ། །རྡོ་རྗེའི་རིགས་བྱེ་བ་ཁྲག་ཁྲིག་བརྒྱ་སྟོང་
ཕྲག་བརྒྱད་བཅུ་རྩ་བཞི་རྣཾས་དང་གྲུབ་པའི་ལྷ་མོ་རྣཾས་ཀྱིས་ཀྱང་དེ་ལ་རྟག་ཏུ་འཐུན་པར་བསྲུང་བ་དང་། སྐྱོབ་པ་དང་། སྦེད་པར་བྱེད་དོ། །དེ་རྣཾས་ཀྱི་ཡིད་དུ་འོང་བ་དང་དགའ་བར་ཡང་འགྱུརོ། །བསྐལ་པ་ཆེན་པོ་སྟོང་ཕྲག་བརྒྱད་
97-1-262b


བཅུ་རྩ་བཞིར་སྐྱེ་བ་དྲན་པར་འགྱུརོ། །རྡོ་རྗེའི་ཕོ་ཉ་མོ་དྲུག་བཅུ་རྩ་བཞི་ཡང་རྟག་པར་ཡོངསུ་སྐྱོང་བར་འགྱུརོ། །ནམ་དུ་ཡང་གནོད་སྦྱིན་དང་སྲིན་པོ་དང་། ཡི་དགས་དང་། ཤ་ཟ་དང་། སྲུལ་པོ་དང་། ལུས་སྲུལ་པོ་ཉིད་དུ་མི་འགྱུརོ། །མི་དབུལ་པོར་མི་
འགྱུརོ། །སངས་རྒྱས་བཅྡོཾས་གྲངས་མེད་དཔག་ཏུ་མེད་པ་གང་གཱའི་ཀླུང་གི་བྱེ་མ་སྙེད་ཀྱི་བསོད་ནཾས་ཀྱི་ཕུང་པོ་དང་ལྡན་པར་འགྱུརོ། །སངས་རྒྱས་བཅྡོཾས་དང་། བྱང་ཆུབ་སེམས་དཔའ་གང་གཱའི་ཀླུང་གི་བྱེ་མ་སྙེད་ཀྱི་བསྲུང་བ་དང་། 
བསྐྱབ་པ་དང་། སྦེད་པར་མཛད་ཅིང་། དེ་དག་གི་ཐུགསུ་བྱོན་པ་དང་དགྱེས་པར་ཡང་འགྱུརོ། །དེ་བཞིན་གཤེགས་པ་ཐཾད་ཀྱི་གཙུག་ཏོར་ནས་བྱུང་བ་གདུགས་དཀར་པོ་ཅན་གཞན་གྱིས་མི་ཐུབ་པ་ཞེས་བྱ་བའི་ཕྱིར་བཟློགས་པའི་རིག་
སྔགས་ཀྱི་རྒྱལ་མོ་འདི་འཆང་ན་ཚངས་པར་མི་སྤྱོད་པ་ཡང་ཚངས་པར་སྤྱོད་པར་འགྱུརོ། །ཐུབ་པར་མ་བྱས་པ་ཡང་ཐུབ་པར་འགྱུརོ། །མི་གཙང་བ་ཡང་གཙང་བར་འགྱུརོ། །བསྲུང་བ་མ་བྱས་པ་ཡང་བསྲུང་བ་བྱས་པར་འགྱུརོ། །
མཚམས་མེད་པ་ལྔ་བྱས་པ་ཡང་འབྱང་བར་འགྱུརོ། །སྔོན་གྱི་ལས་ཀྱི་སྒྲིབ་པ་ཡང་མ་ལུས་ཟད་པར་འགྱུརོ། །རིགས་ཀྱིས་བུ་འམ། རིགས་ཀྱི་བུ་མོ་བུ་འདོད་པ་གང་ལ་ལས་དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་
མོ་ཅན་ཕྱིར་བཟློག་མ་ཆེན་མོ་རིག་སྔགས་ཀྱི་རྒྱལ་མོ་འདི་འཆང་ངམ་ཀློག་ན་བུ་འདོད་པ་དེས་བུ་རྙེད་དེ། ཚེ་དང་། བསོད་ནཾས་དང་། སྟོབས་ཀྱང་རབ་ཏུ་རྙེད་དོ། །འདི་ནས་ཤི་ཕོས་ནས་ཀྱང་འཇིག་རྟེན་གྱི་ཁཾས་བདེ་བ་ཅན་དུ་སྐྱེ་བར་འགྱུརོ། །
མི་ནད་དང་། ཕྱུག་ནད་དང་། ཡཾས་ཀྱི་ནད་དང་། འཚེ་བ་དང་། གནོད་པ་དང་། ནད་འགོ་བ་དང་། འཁྲུག་པ་ཐཾད་དང་། ཕ་རོལ་གྱི་དམག་ཚོགས་འོང་བ་ཐཾད་ལ། དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་མོ་ཅན་ཞེས་བྱ་བ་
གཞན་གྱིས་མི་ཐུབ་མ་ཕྱིར་བཟློག་པའི་རིག་སྔགས་ཀྱི་རྒྱལ་མོ་འདི་རྒྱལ་མཚན་གྱི་རྩེ་མོ་ལ་བཏགས་ཏེ་རིམ་འགྲོ་ཆེར་བྱས་ཏེ་མཆོད་པ་ཆེན་པོ་བྱས་ལ་གྲོང་ཁྱེར་ཐཾད་ཀྱི་སྒོ་འཾ།  གྲོང་ངཾ་། གྲོང་ཁྱེར་རཾ། གྲོང་རྡལ་ལཾ། ལྗོངས་སཾ། དགོན་
97-1-263a


པའི་གནསུ་གཟུགས་སོ། །འཕགས་པ་གཞན་གྱིས་མི་ཐུབ་པ་ཕྱིར་བཟློག་མ་ཆེན་མོ་རིག་སྔགས་ཀྱི་རྒྱལ་མོ་འདི་རིམ་གྲོ་ཆེར་བྱས་ཏེ་བཙུགས་མ་ཐག་ཏུ་གཡུལ་ཞི་བར་བྱས་པར་འགྱུརོ། །ཡཾས་ཀྱི་ནད་དང་། འཚེ་
བ་དང་། གནོད་པ་དང་། ནད་འགོ་བ་དང་། ཕ་རོལ་གྱི་དམག་ཚོགས་ཐཾད་རབ་ཏུ་ཞི་བར་འགྱུརོ། །ཏདྱ་ཐཱ། ཨོཾ་ཥྚོྃ་བནྡྷ་བནྡྷ་མ་མ་རཀྵ་རཀྵ་སྭཱ་ཧཱ། ཨོཾ་ཥྚོྃ་བནྡྷ་བནྡྷ་བཛྲ་མ་མ་རཀྵ་རཀྵ་བཛྲ་པ་ཎི་ཧཱུྃ་ཕཊ་སྭཱ་ཧཱ། ཨོཾ་སརྦ་ཏ་ཐཱ་ག་ཏོཥྞཱི་ཥ་ཨ་ན་ལེ་ཨ་བ་ལོ་ཀི་
ཏེ་ཙུརྞ་ཏེ་ཛྭ་རཱ་ཤི། །ཨོཾ་ཛྭ་ལ་ཛྭ་ལ། དྷ་ཀ་དྷ་ཀ་དྷ་ར་དྷ་ར། བི་ད་ར་བི་ད་ར། ཙྪིནྡ་ཙྪིནྡ། བྷིནྡ་བྷིནྡ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་སརྦ་ཏ་ཐཱ་ག་ཏོཥྞཱི་ཥ་ཧཱུྃ་ཕཊ་སྭཱ་ཧཱ། ཏདྱ་ཐཱ། ཨ་ན་ལེ་ཨ་ན་ལེ། ཁ་ས་མེ་ཁ་ས་མེ། བཻ་རེ་བཻ་རེ། སཽ་མེ་སཽ། སརྦ་བུདྡྷ་ཨ་དྷེཥྛཱ་
ན་ཨ་དྷེཥྛ་ཏེ། སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུྃ་ཕཊ། ཧཱུྃ་མ་མ་ཧཱུྃ་ནི་ཧཱུྃ་སྭཱ་ཧཱ། ཀླུའི་རྒྱལ་པོ་མཐའ་ཡས་དང་། ཀླུའི་རྒྱལ་པོ་དུང་སྐྱོང་དང་། ཀླུའི་རྒྱལ་པོ་ནག་པོ་ཆེན་པོ་རྣམས་ཀྱིས་དུས་དུས་སུ་ཆར་འབེབས་སོ། །དུས་དུས་སུ་སྤྲིན་བསྡུདོ། །དུས་དུསུ་འབྲུག་
གི་སྒྲ་སྒྲོགས་པར་འགྱུརོ། །ཉེ་བར་འཚེ་བ་ཐམས་ཅད་ལ་སངས་རྒྱས་རྣལ་འབྱོར་དུ་བྱས་ལ་ལན་གསུམ་བཟླས་པར་བྱའོ། །སངྱས་དང་། བྱང་ཆུབ་སེཾས་དཔའ་རྣཾས་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རང་
ཏེ། བཅོམ་ལྡན་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་མོ་ཅན་གཞན་གྱིས་མི་ཐུབ་པ་ཆེན་མོ་ཕྱིར་མི་བཟློགས་པ་མཆོག་ཏུ་གྲུབ་པ་ཞེས་བྱ་བའི་
གཟུངས་རྫོགས་སྷོ།། །།པཎྜི་ཏ་པ་ར་ཧི་ཏ་བྷ་དྲ་དང་། ལོ་ཙྪ་་བ་ཟུ་དགའ་རྡོར་གྱིས་ཁ་ཆེའི་བདུད་རྩི་འབྱུང་གནས་ཀྱི་གཙུག་ལག་ཁྃ་དཔེ་རྙིང་ལ་གཏུགས་ནས་གཏན་ལ་ཕབ་པའོ། ། ༄༅། །རྒྱ་གར་སྐད་དུ།  ཨཱརྱ་ཏ་ཐཱ་ག་ཏོ་
ཥྞཱི་ཥ་སི་ཏཱ་ཏ་པ་ཏྲེ་ཨ་པ་རཱ་ཛཱི་ཏ་ནཱ་མ་དྷཱ་ར་ཎི།  བོད་སྐད་དུ། འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལོ། །
97-1-263b


སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལོ། །ཆོས་ལ་ཕྱག་འཚལོ། །དགེ་འདུན་ལ་ཕྱག་འཚལོ། །ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བདུན་ཉན་ཐོས་ཀྱི་
དགེ་འདུན་དང་བཅས་པ་རྣཾས་ལ་ཕྱག་འཚལོ། །འཇིག་རྟེན་ན་དགྲ་བཅོམ་པ་རྣཾས་ལ་ཕྱག་འཚལོ། །རྒྱུན་ཏུ་ཞུགས་པ་རྣཾས་ལ་ཕྱག་འཚལོ། །ལན་གཅིག་ཕྱིར་འོང་བ་རྣཾས་ལ་ཕྱག་འཚལོ། །ཕྱིར་མི་འོང་བ་རྣཾས་ལ་ཕྱག་འཚལོ། །འཇིག་
རྟེན་ན་ཡང་དག་པར་སོང་བ་རྣཾས་ལ་ཕྱག་འཚལོ། །ཡང་དག་པར་ཞུགས་པ་རྣཾས་ལ་ཕྱག་འཚལོ། །ལྷའི་དྲང་སྲོང་དམོད་པ་འདོར་བ་དང་ཕན་འདོགས་པ་ནུས་པ་རྣམས་ལ་ཕྱག་འཚལ་ལོ། །རིག་སྔགས་འཆང་གྲུབ་པ་རྣཾས་ལ་
ཕྱག་འཚལོ། །ཚང་པ་ལ་ཕྱག་འཚལོ། །དབང་པོ་ལ་ཕྱག་འཚལ། །ལེགས་ལྡན་དྲག་པོ་དཀའ་ཐུབ་བཟློག་པའི་བདག་པོ་དང་ལྷན་ཅིག་པ་ལ་ཕྱག་འཚལོ། །ལེགས་ལྡན་སྲིད་མེད་ཀྱི་བུ་ཕྱག་རྒྱ་ཆེན་པོ་ལྔས་ཕྱག་བྱས་པ་ལ་
ཕྱག་འཚལོ། །ལེགས་ལྡན་ནག་པོ་ཆེན་པོ་གྲོང་ཁྱེར་སུ་བརྩེག་འཇིག་པར་བྱེད་པ་དུར་ཁྲོད་ན་གནས་པར་མོས་པ་མ་མོའི་ཚོགས་ཀྱིས་ཕྱག་བྱས་པ་ལ་ཕྱག་འཚལོ། །བཅྡོཾས་དེ་བཞིན་གཤེགས་པའི་གདུང་ལ་ཕྱག་འཚལོ། །
པད་མོའི་གདུང་ལ་ཕྱག་འཚལོ། །རྡོ་རྗེའི་གདུང་ལ་ཕྱག་འཚལོ། །ནོར་བུའི་གདུང་ལ་ཕྱག་འཚལོ། །གླང་པོའི་གདུང་ལ་ཕྱག་འཚལོ། །གཞོན་ནུའི་གདུང་ལ་ཕྱག་འཚལོ། །ཀླུའི་གདུང་ལ་ཕྱག་འཚལོ། །བཅོམ་ལྡན་འདས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བརྟན་པའི་སྡེ་མཚོན་ཆའི་རྒྱལ་པོ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་
དཔག་མེད་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་ཁྲུག་པ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡྃ་དག་པར་རྫོགས་པའི་སངྱས་
97-1-264a


སྨན་གྱི་བླ་བཻ་དུྰ་རྱའི་འོད་ཀྱི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ས་ལའི་དབང་པོའི་རྒྱལ་པོ་མེ་ཏོག་ཀུན་ཏུ་རྒྱས་པ་ལ་ཕྱག་
འཚལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངྱས་
རིན་པོ་ཆེ་ཏོག་གི་རྒྱལ་པོ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་བཟུང་པོ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་རྣཾ་པར་སྣང་མཛད་ལ་ཕྱག་འཚལ་ལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྱན་རྒྱས་པ་ཨུཏྤ་ལ་གསུང་གི་ཏོག་གི་རྒྱལ་པོ་
ལ་ཕྱག་འཚལོ། །དེ་རྣཾས་ལ་ཕྱག་འཚལ་ནས། བཅྡོཾས་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུག་དཀར་པོ་ཅན་གཞན་གྱིས་མི་ཐུབ་པ་ཞེས་བྱ་བའི་ཕྱིར་བཟློག་པ་ཆེན་པོ་འདིས་འབྱུང་པོའི་
གདོན་ཐཾད་ཚད་གཅོད་པ། གཞན་གྱི་རིག་སྔགས་ཐཾད་གཅོད་པ། དུས་མ་ཡིན་པར་འཆི་བ་ལས་ཟློག་པ། སེམས་ཅན་བཅིངས་པ་ཐཾད་འགྲོལ་བ། སྡང་བ་དང་། རྨི་ལམ་ངན་པ་དང་། ལྟས་ངན་པ་ཐཾད་ཟློག་པ། གདོན་བརྒྱད་
ཁྲི་བཞི་སྟོང་འཇིག་པར་བྱེད་པ། རྒྱུ་སྐར་ཉི་ཤུ་རྩ་བརྒྱད་དགའ་བར་བྱེད་པ། གཟའ་ཆེན་པོ་བརྒྱད་འཇིག་པར་བྱེད་པ། དགྲ་ཐམས་ཅད་བཟློག་པ། མ་རུངས་པ་དང་། སྡང་བ་དང་། རྨི་ལཾ་ངན་པ་ཐཾད་འཇིག་པར་བྱེད་པ། དུག་
དང་མཚོན་དང་མེ་དང་ཆུ་ལ་སྒྲོལ་བ་སྟེ། གཞན་གྱིས་མི་ཐུབ་དྲག་ཤུལ་ཆེ། །གཏུཾ་པོ་ཆེན་མོ་སྟོབས་ཆེན་མོ། །འབར་བ་ཆེན་མོ་གཟི་བརྗིད་ཆེ། །དཀར་མོ་ཆེན་མོ་སྟོབས་ཆེན་མོ། །འབར་བའི་ཕྲེང་བ་གོས་དཀར་མོ། །
97-1-264b


འཕགས་མ་སྒྲོལ་མ་ཁྲོ་གཉེར་ཅན། །རྒྱལ་བའི་རྡོ་རྗེ་ཕྲེང་ཞེས་གྲགས། །པད་མའི་མངོན་མཚན་རྡོ་རྗེས་མཚན། །གཞན་གྱིས་མི་ཐུབ་ཕྲེང་བ་ཅན། །རྡོ་རྗེ་མཁར་བསྣཾས་འཇོམས་པ་མོ། །ཞི་བའི་ལྷ་རྣཾས་ཀྱིས་མཆོད་པ། །གཟུགས་
ཞི་གཟི་བརྗིད་ཆེན་མོ་ཅན། །འཕགས་མ་སྒྲོལ་མ་སྟོབས་ཆེན་མོ། །རྡོ་རྗེ་ལུ་གུ་རྒྱུད་གཞན་དང་། །རྡོ་རྗེ་གཞོན་ནུ་རིགས་འཛིན་མ། །ལག་ན་རྡོ་རྗེ་རིགས་གསེར་ཕྲེང་། །ལེབ་རྒན་རྩི་དང་རིན་ཆེན་མ། །སྣང་མཛད་རྡོ་རྗེ་གཙུག་ཏོར་
གྲགས། །རྣཾས་པར་བསྒྱིངས་མའི་རྡོ་རྗེ་དང་། །གསེར་འོད་ལྟ་བུའི་སྤྱན་མངའ་བ། །རྡོ་རྗེ་སྒྲོས་དང་དཀར་མོ་དང་། །པད་མའི་སྤྱན་དང་ཟླ་འོད་དང་། །ཕྱག་བརྒྱའི་ཚོགས་དེ་དག་ཐམས་ཅད་ཀྱིས་བདག་ལ་བསྲུང་དུ་གསོལ། བསྲུང་
བ་མཛད་དུ་གསོལ། ཨོཾ་རཱི་ཥི་ག་ཎ་པྲ་ཤ་སྟ་ཡ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུྃ་དྲཱུྃ། ཛམ་བྷ་ན་ཀ་རཱི་ཧཱུྃ་དྲཱུྃ། སྟམ་བྷ་ན་ཀ་རཱི་ཧཱུྃ་དྲཱུྃ། མ་ཧཱ་བིདྱཱ་སམ་བྷ་ཀྵ་ཎ་ཀ་རཱི་ཧཱུྃ་དྲཱུྃ། པ་ར་བིདྱཱ་སྷམྦྷ་ཀྵ་ཎ་ཀ་རཱི་ཧཱུྃ་དྲཱུྃ། སརྦ་དུཥྚཱ་ནཱྃ་སྟམྦྷ་ན་ཀ་རཱི་ཧཱུྃ་
དྲཱུྃ། སརྦ་ཡཀྵ་རཱཀྵ་ས་གྲ་ཧཱ་ནཱྃ་བི་ཏྲཱུྃ་ས་ན་ཀ་རཱི་ཧཱུྃ་དྲཱུྃ། ཙ་ཏུ་ར་ཤཱི་ཏཱི་ནཱྃ་གྲ་ཧ་ས་ཧ་སྲཱ་ཎཱྃ་བི་དྷྭཱྃ་ས་ན་ཀ་རཱི་ཧཱུྃ་དྲཱུྃ། ཨཥྚ་བི་ཤ་ཏཱི་ནཱྃ་ནཀྵ་ཏྲཱ་ནཱྃ་པྲ་སཱ་ད་ནཱྃ་ཀ་རཱི་ཧཱུྃ་དྲཱུྃ། ཨཥྚ་ནཱྃ་མ་ཧཱ་གྲ་ཧཱ་ཎཱྃ་བི་དྷྭཱྃ་ས་ན་ཀ་རཱི་ཧཱུྃ་དྲཱུྃ། རཀྵ་རཀྵ་མཱྃ། བཅྡོཾས་དེ་བཞིན་གཤེགས་
པའི་གཙུགས་ཏོར་ནས་བྱུང་བའི་གདུགས་དཀར་པོ་ཅན་རྡོ་རྗེ་གཙུག་ཏོར་ཕྱིར་ཟློག་པ་ཆེན་མོ། ཕྱག་སྟོང་མངའ་བ་ཆེན་མོ། དབུ་སྟོང་མངའ་བ་ཆེན་མོ། སྤྱན་བྱེ་བ་བརྒྱ་ཕྲག་སྟོང་མངའ་བ་ཆེན་མོ། མི་ཕྱེད་འབར་བའི་
མཚན་རྟགས་ཅན། རྡོ་རྗེ་ཡངས་པ་ཆེན་མོས་ས་གསུཾ་གྱི་དཀྱིལ་འཁོར་ལ་མངའ་མཛད་པས་ཀུནས་བདག་ལ་བསྲུང་དུ་གསོལ། བསྲུང་དུ་གསོལ། ཨོཾ་རྒྱལ་པོའི་འཇིགས་པ་དང་། ཆོམ་རྐུན་གྱིས་འཇིགས་པ་དང་། མེའི་འཇིགས་
པ་དང་། ཆུ་ཡིས་འཇིགས་པ་དང་། དུག་གིས་འཇིགས་པ་དང་། མཚོན་གྱིས་འཇིགས་པ་དང་། ཕ་རོལ་གྱིས་དམག་ཚོགས་ཀྱི་འཇིགས་པ་དང་། མུ་གེའི་འཇིགས་པ་དང་། དགྲའི་འཇིགས་པ་དང་། ལྕེ་འབབ་པའི་འཇིགས་པ་དང་། 
97-1-265a


དུས་མ་ཡིན་པར་འཆི་བའི་འཇིགས་པ་དང་། ས་གཡོ་བའི་འཇིགས་པ་དང་། སྐར་མདའ་ལྟུང་བའི་འཇིགས་པ་དང་། རྒྱལ་པོའི་ཆད་པའི་འཇིགས་པ་དང་། ལྷ་ཡི་འཇིགས་པ་དང་། ཀླུ་ཡི་འཇིགས་པ་དང་། གློག་གི་
འཇིགས་པ་དང་། ནཾམཁའ་ལྡིང་གི་འཇིགས་པ་དང་། གཅན་ཟན་ཁྲཽའི་འཇིགས་པ་དང་། ལྷའི་གདོན་དང་། ཀླུའི་གདོན་དང་། ལྷ་མ་ཡིན་གྱི་གདོན་དང་། རླུང་ལྷའི་གདོན་དང་། ནཾཁའ་ལྡིང་གི་གདོན་དང་། དྲི་ཟའི་གདོན་དང་། མི་འམ་
ཅིའི་གདོན་དང་། ལྟོ་འཕྱེ་ཆེན་པོའི་གདོན་དང་། གནོད་སྦྱིན་གྱི་གདོན་དང་། སྲིན་པོའི་གདོན་དང་། ཡི་དགས་ཀྱི་གདོན་དང་། ཤ་ཟའི་གདོན་དང་། འབྱུང་པོའི་གདོན་དང་། གྲུལ་བུཾ་གྱི་གདོན་དང་། སྲུལ་པོའི་གདོན་དང་། སྐེཾས་
བྱེད་ཀྱི་གདོན་དང་། རྗེད་བྱེད་ཀྱི་གདོན་དང་། སྨྱོ་བྱེད་ཀྱི་གདོན་དང་། གྲིབ་གནོན་གྱི་གདོན་དང་། གནོན་པོའི་གདོན་དང་། མཁའགྲོ་མའི་གདོན་དང་། ནཾ་གྲུའི་གདོན་དང་། གདོན་དེ་དག་ཐཾད་ལས་བདག་བདེ་ལེགསུ་གྱུར་ཅིག །
མདངས་འཕྲོག་པ་དང་། ཟསུ་མངལ་ཟ་བ་དང་། ཟསུ་ཁྲག་འཐུང་བ་དང་། ཟསུ་ཞག་ཟ་བ་དང་། ཟསུ་ཤ་ཟ་བ་དང་། ཟསུ་ཚིལ་ཟ་བ་དང་། ཟསུ་རྐང་ཟ་བ་དང་། ཟསུ་བཙས་པ་ཟ་བ་དང་། སྲོག་ཕྲོག་པ་དང་། ཟསུ་སྐྱུག་པ་
ཟ་བ་དང་། ཟསུ་མི་གཙང་བ་ཟ་བ་དང་། ཟསུ་གཅིན་འཐུང་བ་དང་། ཟསུ་གཏོར་ཁུང་ནས་འབབ་པ་འཐུང་བ་དང་། ཟསུ་སུ་ལྷག་མ་ཟ་བ་དང་། ཟསུ་མཆིལ་མ་འཐུང་བ་དང་། ཟསུ་སྣབས་ཟ་བ་དང་། ཟསུ་ངར་སྣབས་ཟ་བ་དང་། 
ཟསུ་རྣག་ཟ་བ་དང་། ཟསུ་གཏོར་མ་ཟ་བ་དང་། ཟསུ་ཕྲེང་བ་ཟ་བ་དང་། ཟསུ་དྲི་ཟ་བ་དང་། ཟསུ་བདུག་པ་ཟ་བ་དང་། སེཾས་འཕྲོག་པ་དང་། ཟསུ་མེ་ཏོག་ཟ་བ་དང་། ཟསུ་འབྲས་བུ་ཟ་བ་དང་། ཟསུ་ལོ་ཏོག་ཟ་བ་དང་། ཟསུ་སྦྱིན་སྲེགས་
ཟ་བ་དེ་དག་ཐཾད་ལས་བདག་བདེ་ལེགསུ་གྱུར་ཅིག །དེ་དག་ཐཾད་དང་གདོན་ཐཾད་ཀྱིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ཀུན་དུ་རྒྱུས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །མཁའགྲོ་དང་
97-1-265b


མཁའགྲོ་མས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ཕྱུག་བདག་ཆེན་པོས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །སྲེད་མེད་ཀྱི་བུས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ནཾཁའ་ཁའ་ལྡིང་ཡང་
དག་པ་དང་ལྷན་ཅིག་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ནག་པོ་ཆེན་པོ་དང་མ་མོའི་ཚོགས་ཀྱིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །མིའི་ཐོད་པ་ཅན་གྱིས་བྱས་པའི་རིག་སྔགས་
གཅད་དོ། །ཕུར་བུ་གདབ་བོ། །རྒྱལ་བར་བྱེད་པ་དང་། སྦྲང་རྩིར་བྱེད་པ་དང་། དོན་ཀུན་སྒྲུབ་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །སྲིང་མོ་བཞིས་བྱས་པའི་རིག་སྔགས་གཅད་དོ། །ཕུར་བུས་གདབ་
བོ། །བྷྲིྃ་གི་རི་ཏི་དང་། དགའ་བྱེད་དབང་ཕྱུག་དང་། ཚོགས་ཀྱི་བདག་པོ་དང་ལྷན་ཅིག་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །དགེ་སྦྱོང་གཅེར་བུས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །
དགྲ་བཅོམ་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །འདོད་ཆགས་དང་བྲལ་བས་བྱས་པའི་རིག་སྔགས་གཅད་དོ། །ཕུར་བུས་གདབ་པོ། །གསྃ་བའི་བདག་པོ་ལག་ན་རྡོ་རྗེས་བྱས་པའི་རིག་སྔགས་གཅད་དོ། །ཕུར་
བུས་གདབ་བོ། །བཅྡོཾས་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུག་དཀར་པོ་ཅན་ཁྱོད་ལ་ཕྱག་འཚལོ། །བདག་ལ་བསྲུང་དུ་གསོལ། བསྲུང་དུ་གསོལ། ཨོཾ་ཨ་སི་ཏཱ་ན་ལཱ་རྐ་པྲ་བྷཱ་སྥུ་ཊ་བི་ཀ་སི་ཏཱ་ཏ་པ་ཏྲེ། ཛྭ་ལ་ཛྭ་
ལ། ཁཱ་ད་ཁཱ་ད། ད་ར་ད་ར། བི་ད་ར་བི་ད་ར། ཙྪིནྡ་ཙྪིནྡ། བྷིན་དྷ་བྷིན་དྷ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཧེ་ཧེ་ཕཊ། ཧོ་ཧོ་ཕཊ། ཨ་མོ་གྷེ་ཕཊ། ཨ་པྲ་ཏི་ཧཱ་ཏཱ་ཕཊ། པ་ར་པྲ་ད་ཕཊ། ཨ་སུ་ར་བི་དྲཱ་པ་ཀ་ཕཊ། སརྦ་དེ་བེ་བྷྱཿཕཊ། 
སརྦ་ནཱ་གེ་བྷྱཿཕཊ། སརྦ་ཨ་སུ་རེ་བྷྱཿཕཊ། སརྦ་མ་རི་ཏེ་བྷྱཿཕཊ། སརྦ་ག་རུ་ཌི་བྷྱཿཕཊ། སརྦ་གནྡྷ་རྦེ་བྷྱཿཕཊ། སརྦ་ཀིནྣ་རེ། བྷྱཿཕཊ། སརྦ་མ་ཧོ་ར་གེ་བྷྱཿཕཊ། སརྦ་ཡཀྵེ་བྷྱཿཕཊ། སརྦ་རཱཀྵེ་སེ་བྷྱཿཕཊ། 
97-1-266a


སརྦ་པྲེ་ཏེ་བྷྱཿཕཊ། སརྦ་པི་ཤཱ་ཙེ་བྷྱཿཕཊ། སརྦ་བྷུ་ཏེ་བྷྱཿཕཊ། སརྦ་ཀུྃ་བྷཱཎྜེ་བྷྱཿཕཊ། སརྦ་པཱུ་ཏ་ནི་བྷྱཿཕཊ། སརྦ་ཀ་ཊ་པཱུ་ཏ་ནི་བྷྱཿཕཊ། སརྦ་སྐནྡྷ་དྷེ་བྷྱཿཕཊ། སརྦ་ཨུན་མཱ་དེ་བྷྱཿཕཊ། སརྦ་ཙྪ་ཡེ་བྷྱཿཕཊ། སརྦ་ཨ་པ་སྨཱ་
རེ་བྷྱཿཕཊ། སརྦ་ཨོ་སྟ་ར་གེ་བྷྱཿཕཊ། སརྦ་དུརླིངྒ་ཏེ་བྷྱཿཕཊ། སརྦ་དུཥྛེ་ཀྵི་ཏེ་བྷྱཿཕཊ། སརྦ་ཛྭ་རེ་བྷྱཿཕཊ། སརྦ་ཀྲྀ་ཏྱ་ཀརྨ་ཎཱ་ཀ་ཁོརྡོ་བྷྱཿཕཊ། ཀི་ར་ཎ་བི་ཏཱ་ཌི་བྷྱཿཕཊ། ཙིཙྪ་པྲ་ཥེ་ཀ་དུཤྩྪ་རྡི་ཏེ་བྷྱཿཕཊ། དུརྦྒུ་ཀྟེ་བྷྱཿཕཊ། སརྦ་རྠི་
ཏཱི་རྠི་ཀེ་བྷྱཿཕཊ། སརྦ་ཤྲ་མ་ཎི་བྷྱཿཕཊ། སརྦ་བིདྱཱ་དྷ་རེ་བྷྱཿཕཊ། ཛ་ཡ་ཀ་ར། མ་དྷུ་ཀ་ར། སརྦ་ཨརྠ་སཱངྒ་ཀོ་བྷྱོ་བིདྱཱ་ཙཱ་རེ་བྷྱཿཕཊ། ཙ་ཏུ་བྷྱོ་བྷ་གི་ནཱི་བྷྱཿཕཊ། བཛྲ་ཀཽ་མཱ་རཱི་ཡེ་བྷྱཿཕཊ། བཱི་ངྒཱ་བཱི་དྷཱ་བིདྱཱ་རཱ་ཛྙི་ཡེ་བྷྱཿཕཊ། མ་ཧཱ་པྲ་ཏྱྃ་གི་རེ་བྷྱཿཕཊ། 
བཛྲ་ཤྀ་ཥ་ལཱ་ཡ་པྲ་ཏྱྃ་གི་ར་རཱ་ཛཱ་ཡ་ཕཊ། མ་ཧཱ་ཀཱ་ལཱ་ཡ་མ་ཏྲྀ་ག་ཎ་ན་མ་སྐྲྀ་ཏཱ་ཡེ་བྷྱཿཕཊ། བཻཥྞ་བཱི་ཡེ་ཕཊ། བྲཱམྷ་ཎི་ཡེ་ཕཊ། ཨགྣི་ཡེ་ཕཊ། མ་ཧཱ་ཀཱ་ལཱི་ཡེ་ཕཊ། ཀཱ་ལཱ་དྃ་ཌཱི་ཡེ་ཕཊ། ཨིནྡྲ་ཡེ་ཕཊ། རཽ་དྲཱི་ཡེ་ཕཊ། ཀཽ་མ་རཱི་ཡེ་ཕཊ། བཱ་རཱ་ཧཱི་
ཡེ་ཕཊ། ཙ་མུཎྜཱ་ཡེ་ཕཊ། རཱ་ཏྲཱི་ཡེ་ཕཊ། ཀཱ་ལཱ་རཱ་ཏྲཱི་ཡེ་ཕཊ། ཡ་མ་དཎྜཱི་ཡེ་ཕཊ། ཀ་པཱ་ལཱི་ཡི་ཕཊ། ཨ་དྷི་མུཀྟི་སྨ་སཱ་ན་བཱ་སི་ནཱི་ཡེ་ཕཊ། སེམས་ཅན་གང་སུ་དག་བདག་ལ་སྡང་བའི་སེམས་དང་ལྡན་པ་རྣཾས་དང་། དྲག་ཤུལ་གྱི་སེཾས་
དང་ལྡན་པ་རྣཾས་དང་། མདངས་འཕྲོག་པ་རྣཾས་དང་། ཟསུ་མངལ་ཟ་བ་རྣམས་དང་། ཟསུ་ཁྲག་འཐུང་བ་རྣམས་དང་། ཟསུ་ཞག་ཟ་བ་རྣཾས་དང་། ཟསུ་ཤ་ཟ་བ་རྣམས་དང་། ཟསུ་ཚིལ་ཟ་བ་རྣཾས་དང་། ཟསུ་རྐང་ཟ་བ་རྣཾས་
དང་། ཟསུ་བཙས་པ་ཟ་བ་རྣཾས་དང་། སྲོག་ཕྲོག་པ་རྣཾས་དང་། ཟསུ་སྐྱུགས་པ་ཟ་བ་རྣཾས་དང་། ཟསུ་མི་གཙང་བ་ཟ་བ་རྣཾས་དང་། ཟསུ་གཅིན་འཐུང་བ་རྣཾས་དང་། ཟསུ་གཏོར་ཁུང་ནས་འབབ་པ་འཐུང་བ་རྣཾས་དང་། ཟསུ་
ལྷག་མ་ཟ་བ་རྣཾས་དང་། ཟསུ་མཆིལ་མ་འཐུང་བ་རྣཾས་དང་། ཟསུ་སྣབས་ཟ་བ་རྣཾས་དང་། ཟསུ་ངར་སྣབས་ཟ་བ་རྣཾས་དང་། ཟསུ་རྣག་ཟ་བ་རྣཾས་དང་། ཟསུ་གཏོར་མ་ཟ་བ་རྣཾས་དང་། ཟསུ་ཕྲེང་བ་ཟ་བ་རྣཾས་དང་། ཟསུ་དྲི་ཟ་བ་རྣཾས་དང་། 
97-1-266b


ཟསུ་བདུག་པ་ཟ་བ་རྣམས་དང་། སེམས་འཕྲོག་པ་རྣམས་དང་། ཟསུ་མེ་ཏོག་ཟ་བ་རྣམས་དང་། ཟསུ་འབྲས་བུ་ཟ་བ་རྣམས་དང་། ཟསུ་ལོ་ཏོག་ཟ་བ་རྣམས་དང་། ཟསུ་སྦྱིན་སྲེག་ཟ་བ་རྣམས་དང་། སྡིག་
པའི་སེམས་དང་ལྡན་པ་རྣམས་དང་། སྡང་བའི་སེམས་དང་ལྡན་པ་རྣམས་དང་། དྲག་ཤུལ་གྱི་སེམས་དང་ལྡན་པ་རྣམས་དང་། གནོད་སྦྱིན་གྱི་གདོན་རྣཾས་དང་། སྲིན་པོའི་གདོན་རྣཾས་དང་། ཡི་དགས་ཀྱི་
གདོན་རྣམས་དང་། ཤ་ཟའི་གདོན་རྣམས་དང་། འབྱུང་པོའི་གདོན་རྣམས་དང་། གྲུལ་བུམ་གྱི་གདོན་རྣམས་དང་། སྲུལ་པོའི་གདོན་རྣམས་དང་། ལུས་སྲུལ་པོའི་གདོན་རྣམས་དང་། སྐེམ་བྱེད་ཀྱི་གདོན་རྣཾས་
དང་། སྨྱོ་བྱེད་ཀྱི་གདོན་རྣམས་དང་། གྲིབ་གནོན་གྱི་གདོན་རྣམས་དང་། རྗེད་བྱེད་ཀྱི་གདོན་རྣམས་དང་། གནོན་པོའི་གདོན་རྣམས་དང་། མཁའགྲོ་མའི་གདོན་རྣམས་དང་། ནམ་གྲུའི་གདོན་རྣམས་དང་། གཤིན་རྗེའི་
གདོན་རྣམས་དང་། བྱའི་གདོན་རྣམས་དང་། མ་མོ་དགའ་བར་བྱེད་པའི་གདོན་རྣམས་དང་། ཀུན་དུ་འཕྲེང་བའི་གདོན་རྣམས་དང་། ཚེར་མ་འདོན་པའི་གདོན་རྣམས་དང་། རིམས་ཉིན་གཅིག་པ་རྣམས་དང་། 
ཉིན་གཉིས་པ་རྣམས་དང་། ཉིན་གསུམ་པ་རྣམས་དང་། ཉིན་བཞི་པ་རྣམས་དང་། ཉིན་བདུན་པ་རྣམས་དང་། རྟག་པའི་རིམས་རྣམས་དང་། རིམས་མི་བཟད་པ་རྣམས་དང་། རིམས་ལྡང་
དུབ་པ་རྣམས་དང་། འབྱུང་པོའི་རིམས་རྣམས་དང་། རླུང་ལས་གྱུར་པ་རྣམས་དང་། མཁྲིས་པ་ལས་གྱུར་པ་རྣམས་དང་། བད་ཀན་ལས་གྱུར་པ་རྣམས་དང་། 
འདུས་པ་ལས་གྱུར་པ་རྣམས་དང་། རིམས་ནད་ཐམས་ཅད་དང་ཀླད་པ་ན་བ་བསལ་དུ་གསོལ། གཞོག་ཕྱེད་ན་བ་དང་། ཡི་ག་འཆུས་པ་དང་། མིག་ནད་དང་། སྣ་ནད་དང་། ཁ་ནད་དང་། མགུལ་
97-1-267a


ནད་དང་། སྙིང་ནད་དང་། ལྐོག་མའི་ལྷ་གོར་ན་བ་དང་། རྣ་བ་ན་བ་དང་། སོ་ན་བ་དང་། སྙིང་ན་བ་དང་། ཀླད་པ་ན་བ་དང་། སྐེ་ན་བ་དང་། རྩིབ་ལོགས་ན་བ་དང་། རྒྱབ་ན་བ་དང་། ལྟོ་ན་བ་དང་། རྐེད་པ་ན་བ་
དང་། ཆུ་སོ་ན་བ་དང་། བརླ་ན་བ་དང་། རྗེ་ངར་ན་བ་དང་། ལག་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་བསལ་དུ་གསོལ། གདུགས་དཀར་པོ་ཅན་རྡོ་རྗེ་གཙུག་ཏོར་ཕྱིར་ཟློག་པ་ཆེན་མོ་འདིས་
དཔག་ཚད་བཅུ་གཉིས་ཀྱི་ནང་ཆད་དུ་འབྱུང་པོ་དང་། རོ་ལངས་དང་། མཁའ་འགྲོ་མ་དང་། རིམས་དང་། ཤུ་བ་དང་། གཡན་པ་དང་། འབྲུམ་བུ་ཕྲ་མོ་དང་། མཛེ་དང་། ཕོལ་མིག་དང་། བས་བལྡགས་དང་། མེ་དབལ་དང་། 
གཡའ་བ་དང་། ལྷོག་པ་དང་། སྐེམ་པ་དང་། སྐྲག་པ་དང་། དབྱིག་དུག་དང་། དུག་སྦྱར་མ་དང་། བྱད་སྟེམས་དང་། མེ་དང་། ཆུ་དང་། མི་ངས་དང་། དགྲ་དང་། གནོད་པ་དང་། དུས་མ་ཡིན་པར་འཆི་བ་དང་། སྦྲང་བུ་ཏྲྱཾ་བུ་ཀ་དང་། 
ཏྲཻ་ལཱ་ཏཱ་དང་། སྡིག་པ་དང་། སྦྲུལ་དང་། སྲེ་མོ་དང་། སིང་གེ་དང་། སྟག་དང་། དོམ་དང་། དྲེད་དང་། ཆུ་སྲིན་དང་། བུང་བ་ལྟ་བུས་གཞན་གྱི་སྲོག་འཕྲོག་པ་དེ་དག་ཐམས་ཅད་ཀྱི་རིག་སྔགས་བཅིང་བར་བགྱིའོ། །གཟི་བརྗིད་
བཅིང་བར་བགྱིའོ། །གཞན་གྱི་རིག་སྔགས་བཅིང་བར་བགྱིའོ། །ཏདྱ་ཐཱ། ཨོཾ་ཨ་ན་ལེ་ཨ་ན་ལེ། བེ་ཥ་དེ་བི་ཥ་དེ། བཻ་ར་བཻ་ར། བཛྲ་དྷ་རི་བཾ་དྷ་བཾ་དྷ་ནི། བཛྲ་པཱ་ཎི་ཕཊ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཧཱུྃ་དྲཱུཾ་བན་དྷ་ཕཊ་མ་མ་རཀྵ་
རཀྵ་སྭཱ་ཧཱ། སུས་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུག་དཀར་པོ་ཅན་བཞན་གྱི་མི་ཐུབ་པ་ཕྱིར་ཟློག་པ་ཆེན་པོ་འདི་གྲོ་ག་འམ། རས་སམ། ཤིང་ཤུན་ལ་བྲིས་ཏེ། ལུས་སམ་མགུལ་དུ་ཐོགས་ན། 
དེ་ཇི་སྲིད་འཚོའི་བར་དུ་དུག་གིས་མི་ཚུགས། མཚོན་གྱིས་མི་ཚུགས། མེ་ཡིས་མི་ཚུགས། ཆུས་མི་ཚུགས། དབྱིག་དུག་གིས་མི་ཚུགས། དུག་སྦྱར་མས་མི་ཚུག ། བྱད་ཀྱི་མི་ཚུགས། དུས་མ་ཡིན་པར་འཆི་
97-1-267b


བའི་དུས་བྱེད་པར་མི་འགྱུར་རོ། །གདོན་ཐམས་ཅད་དང་། བགེགས་དང་། ལོག་འདྲེན་ཐམས་ཅད་ཀྱི་ཡིད་དུ་འོང་བ་དང་དགའ་བར་འགྱུར་རོ། །རྡོ་རྗེའི་རིགས་བྱེ་བ་ཁྲག་ཁྲིག་འབུམ་ཕྲག་བརྒྱད་བཅུ་རྩ་བཞིས་ཀྱང་དེ་ལ་
བསྲུང་བ་དང་། བསྐྱབ་པ་དང་། སྦེད་པར་བྱེད་དེ། དེ་རྣམས་ཀྱི་ཡིད་དུ་འོང་བ་དང་དགའ་བར་འགྱུར་རོ། །བསྐལ་པ་ཆེན་པོ་བརྒྱད་ཁྲི་བཞི་སྟོང་དུ་ཚེ་རབ་དྲན་པར་འགྱུར་རོ། །ནམ་དུ་ཡང་གནོད་སྦྱིན་དང་། སྲིན་པོ་དང་། ཡི་
དག་དང་། སྲུལ་པོ་དང་། ལུས་སྲུལ་པོ་ཉིད་དུ་མི་འགྱུར་རོ། །མི་དབུལ་པོར་མི་འགྱུརོ། །སངས་རྒྱས་བཅོམ་ལྡན་འདས་གྲང་མེད་དཔག་ཏུ་མེད་པ་གང་གཱ་ཀླུང་གི་བྱེ་མ་སྙེད་ཀྱི་བསོད་ནམ་ཀྱི་ཕུང་པོ་དང་ལྡན་པར་འགྱུར་རོ། །དེ་བཞིན་གཤེགས་
པའི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱི་མི་ཐུབ་པ་ཕྱིར་ཟློག་པ་ཆེན་པོ་འདི་འཆང་ན་ཚངས་པར་མི་སྤྱོད་པ་ཡང་ཚང་པར་སྤྱོད་པར་འགྱུར་རོ། །ཐུབ་པར་མ་བྱས་པ་ཡང་ཐུབ་པར་བྱས་པར་འགྱུར་
རོ། །མི་གཙང་བ་ཡང་གཙང་བར་འགྱུར་རོ། །བསྙེན་གནས་མ་བྱས་པ་ཡང་བསྙེན་གནས་བྱས་པར་འགྱུར་རོ། །བསྨྱུང་བ་མ་བྱས་པ་ཡང་བསྨྱུང་བ་བྱས་པར་འགྱུར་རོ། །མཚམས་མེད་པ་ལྔ་བྱས་པ་ཡང་སྡིག་
པ་བྱང་བར་འགྱུར་རོ། །སྔོན་གྱི་ལས་ཀྱི་སྒྲིབ་པ་ཡང་མ་ལུས་པར་བྱང་བར་འགྱུར་རོ། །བུད་མེད་བུ་འདོད་པ་གང་ལ་ལ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུག་དཀར་པོ་ཅན་གཞན་གྱི་མི་ཐུབ་པ་ཆེན་
པོ་འདི་འཆང་ན་བུ་འདོད་པ་དེས་དེ་རྙེད་དེ། ཚེ་དང་བསོད་ནམས་དང་སྟོབས་རྣམས་ཀྱང་རབ་ཏུ་རྙེད་པར་འགྱུརོ། །འདི་ནས་ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུརོ། །མི་ནད་དང་། ཕྱུག་ནད་དང་། གནག་ནད་དང་། 
ཡམས་ཀྱི་ནད་དང་། འཚེ་བ་དང་། ནད་འགོ་བ་དང་། གནོད་པ་དང་། འཁྲུག་པ་དང་། ཕ་རོལ་ཀྱི་དམག་ཚོག་འོང་བ་ཐམས་ཅད་ལ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུག་དཀར་པོ་ཅན་གཞན་གྱི་མི་ཐུབ་པ་ཕྱིར་
97-1-268a


ཟློག་པ་ཆེན་པོ་འདི་རྒྱལ་མཚན་གྱི་རྩེ་མོ་ལ་བཏགས་ཏེ། རིམ་གྲོ་ཆེར་བྱས་ཏེ། མཆོད་པ་ཆེན་པོ་བྱས་ལ། གྲོང་ཁྱེར་ཐམས་ཅད་ཀྱི་སྒོ་འམ། གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། དགོན་པའི་གནས་
སུ་གཟུགས་སོ། །གཞན་ཀྱིས་མི་ཐུབ་པ་ཕྱིར་ཟློག་པ་ཆེན་པོ་འདི་རིམ་གྲོ་ཆེར་བྱས་ཏེ། བཙུགས་མ་ཐག་ཏུ་གཡུལ་ཞི་བར་འགྱུར་རོ། །ཡམས་ཀྱི་ནད་དང་། འཚེ་བ་དང་། ནད་འགོ་བ་དང་། གནོད་པ་དང་། འཁྲུག་པ་དང་། ཕ་རོལ་གྱི་དམག་
ཚོགས་འོང་བ་རྣམས་རབ་ཏུ་ཞི་བར་འགྱུར་རོ། །ཏདྱ་ཐཱ། ཨོཾ་ཥྚཱོྃ་བན་དྷ་བན་དྷ་མ་མ་རཀྵ་རཀྵ་སྭཱ་ཧཱ། ཨཱོཾ་ཧཱུྃ་ཤྜཱོཾ་བནྷ་བནྷ་བཛྲ་མ་མ་རཀྵ་རཀྵ་བཛྲ་པཱ་ནི་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་སརྦ་ཏ་ཐཱ་ག་ཏོཥྞཱི་ཥ་ཨ་ན་བ་ལོ་ཀི་ཏི་མུར་དྷ་ནི་ཏེ་ཛོ་རཱ་ཤི། ཨོཾ་ཧཱུྃ་
ཛ་ལ་ཛ་ལ། དྷ་ཀ་དྷ་ཀ །ད་ར་ད་ར། བི་ད་ར་བི་ད་ར། ཙྪིནྡ་ཙྪིནྡ། བྷིན་དྷ་བྷིན་དྷ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་སརྦ་ཏ་ཐཱ་ག་ཏོཥྞཱི་ཥ་ཧཱུྃ་ཕཊ་སྭཱ་ཧཱ། ཏདྱ་ཐཱ། ཨོཾ་ཨ་ན་ལེ་ཨ་ན་ལེ། ཁ་ས་མེ་ཁ་ས་མེ། བཻ་རེ་བཻ་རེ། སཽ་མེ་སཽ་མེ། སརྦ་བྷུད་
དྷཱ་ཨ་དྷིཥྛཱ་ན་ཨ་དྷིཥྛེ་ཏེ་སརྦ་ཏ་ཐཱ་ག་ཏོཥྞཱི་ཥ་ས་ཏ་ཏ་པ་ཏྲེ་ཧཱུྃ་ཕཊ། ཧཱུྃ་མ་མ་ཧཱུྃ་ནི་སྭཱ་ཧཱ། སངས་རྒྱས་རྣལ་འབྱོར་དུ་བྱའོ། །ཀླུའི་རྒྱལ་པོ་རྣམས་ཀྱིས་ཀྱང་དུས་དུས་སུ་ཆར་འབེབས་སོ། །འཕགས་པ་དེ་བཞིན་གཤེགས་པའི་གཙུག་
ཏོར་ནས་བྱུང་བའི་གདུགས་དཀར་པོ་ཅན་གཞན་གྱི་མི་ཐུབ་པ་ཞེས་བྱ་བའི་གཟུངས་རྫོགས་སྷོ།། །། ༄༅། །རྒྱ་གར་སྐད་དུ།  ཨཱརྱ་ཏ་ཐཱ་ག་ཏོ་ཨུཥྞཱི་ཥ་སི་ཏ་ཏ་པ་ཏྲེ་ན་མ་ཨ་པ་རཱ་ཛི་ཏ་དྷཱ་ར་ནི།   
བོད་སྐད་དུ།  འཕག་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུག་དཀར་པོ་ཅན་གཞན་གྱིས་མི་ཐུབ་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལོ། །འདི་སྐད་བདག་གི་ཐོས་པ་དུས་ཅིག་
ན། བཅོམ་ལྡན་འདས་སུམ་བཅུ་རྩ་གསུམ་པའི་ལྷའི་གནས་ན། ཆོས་བཟང་ལྷའི་མདུན་ས་ན། དགེ་སློང་གི་དགེ་འདུན་ཆེན་པོ་དང་བྱང་ཆུབ་སེམས་དཔའི་དགེ་འདུན་དང་། ལྷའི་དབང་པོ་བརྒྱ་བྱིན་དང་། ཐབས་གཅིག་ཏུ་
97-1-268b


བཞུགས་སོ། །དེའི་ཚེ་བཅོམ་ལྡན་འདས་གདན་བཤམ་པའི་ཉིད་ལ་བཞུགས་ཏེ། གཙུག་ཏོར་རྣམ་པར་ལྟ་བའི་ཏིང་ངེ་འཛིན་ལ་སྙོམ་པར་ཞུགསོ། །སྙོམ་པར་ཞུགས་མ་ཐག་ཏུ་བཅོམ་ལྡན་འདས་ཀྱི་གཙུག་ཏོར་གྱི་དབུ་ནས་
གསང་སྔགས་ཀྱི་ཆོ་ག་འདི་དག་བྱུང་ངོ་། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོག་
པའི་སངས་རྒྱས་བྱེ་བ་ཕྲག་བདུན་ཉན་ཐོས་ཀྱི་དགེ་འདུན་དང་བཅས་པ་རྣམས་ལ་ཕྱག་འཚལོ། །འཇིག་རྟེན་ན་དགྲ་བཅོམ་པ་རྣམས་ལ་ཕྱག་འཚལ་ལོ། །རྒྱུན་དུ་ཞུགས་པ་རྣམས་ལ་ཕྱག་འཚལོ། །ལན་ཅིག་ཕྱིར་འོང་བ་རྣམས་
ལ་ཕྱག་འཚལོ། །ཕྱིར་མི་འོང་བ་རྣམས་ལ་ཕྱག་འཚལོ། །འཇིག་རྟེན་ན་ཡང་དག་པར་སོང་བ་རྣམས་ལ་ཕྱག་འཚལོ། །ཡང་དག་པར་ཞུགས་པ་རྣམས་ལ་ཕྱག་འཚལོ། །ལྷའི་དྲང་སྲོང་དམོད་པ་འདོར་བ་དང་། ཕན་འདོག་
ནུས་པ་རྣམས་ལ་ཕྱག་འཚལོ། །རིག་སྔགས་འཆང་གྲུབ་པ་རྣམས་ལ་ཕྱག་འཚལོ། །ཚངས་པ་ལ་ཕྱག་འཚལོ། །དབང་པོ་ལ་ཕྱག་འཚལ་ལོ། །ལེགས་ལྡན་དྲག་པོ་དཀའ་ཐུབ་བཟློག་པའི་བདག་པོ་དང་ལྷན་ཅིག་
པ་ལ་ཕྱག་འཚལོ། །ལེགས་ལྡན་སྲེད་མེད་ཀྱི་བུ་ཕྱག་རྒྱ་ཆེན་པོ་ལྔས་ཕྱག་བྱས་པ་ལ་ཕྱག་འཚལོ། །ལེགས་ལྡན་ནག་པོ་ཆེན་པོ་གྲོང་ཁྱེར་སུམ་རྩེག་འཇིགས་པར་བྱེད་པ། དུར་ཁྲོད་ན་གནས་པར་མོས་པ་མ་མོའི་
ཚོགས་ཀྱིས་ཕྱག་བྱས་པ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པའི་གདུང་ལ་ཕྱག་འཚལ་ལོ། །པད་མའི་གདུང་ལ་ཕྱག་འཚལ་ལོ། །རྡོ་རྗེའི་གདུང་ལ་ཕྱག་འཚལོ། །ནོར་བུའི་གདུང་ལ་ཕྱག་
འཚལ་ལོ། །གླང་པོའི་གདུང་ལ་ཕྱག་འཚལ་ལོ། །གཞོན་ནུའི་གདུང་ལ་ཕྱག་འཚལ་ལོ། །ཀླུའི་གདུང་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོག་
97-1-269a


པའི་སངས་རྒྱས་དཔའ་བརྟན་པའི་སྡེ་མཚོན་ཆའི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་
འཚལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུག་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་སྨན་གྱི་བླ་བཻ་ཌཱུརྱའི་འོད་ཀྱི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ས་ལའི་དབང་པོའི་
རྒྱལ་པོ་མེ་ཏོག་ཀུན་དུ་རྒྱས་པ་ལ་ཕྱག་འཚལ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལོ། །བཅོམ་ལྡན་འདས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་ཏོག་གི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་ཀུན་དུ་བཟང་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ལ་ཕྱག་འཚལ་ལོ། །བཅོམ་
ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྱན་རྒྱས་པ་ཨུཏྤ་ལའི་བསུང་གི་ཏོག་གི་རྒྱལ་པོ་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས། བཅོམ་ལྡན་འདས་མ་དེ་བཞིན་
གཤེགས་པའི་གཙུག་ཏོར་ནས་བྱུང་བ་གདུག་དཀར་པོ་ཅན་གཞན་གྱི་མི་ཐུབ་པ་ཞེས་བྱ་བ་ཕྱིར་བཟློག་པ་ཆེན་མོ་འདི་འབྱུང་པོའི་གདོན་ཐམས་ཅད་ཚར་གཅོད་པ། གཞན་གྱི་རིག་སྔག་གཅོད་པ། དུས་མ་ཡིན་
97-1-269b


པར་འཆི་བ་ལས་ཟློག་པ། སེམས་ཅན་བཅིང་པ་ཐམས་ཅད་འགྲོལ་བ། སྡང་བ་དང་། རྨི་ལམ་ངན་པ་དང་། ལྟས་ངན་པ་ཐམས་ཅད་བཟློག་པ། གདོན་བརྒྱད་ཁྲི་བཞི་སྟོང་འཇིག་པར་བྱེད་པ། རྒྱུ་སྐར་ཉི་ཤུ་རྩ་བརྒྱད་དགའ་བར་བྱེད་
པ། གཟའ་ཆེན་པོ་བརྒྱད་འཇིག་པར་བྱེད་པ། དགྲ་ཐམས་ཅད་བཟློག་པ། མ་རུངས་པ་དང་། སྡང་བ་དང་། རྨི་ལམ་ངན་པ་ཐམས་ཅད་འཇིག་པར་བྱེད་པ། དུག་དང་མཚོན་དང་མེ་དང་ཆུ་ལས་སྒྲོལ་བ་སྟེ། གཞན་གྱི་མི་ཐུབ་དྲ་ཤུལ་ཆེ། །
གཏུམ་པ་ཆེན་མོ་སྟོབ་ཆེན་མོ། །འབར་བ་ཆེན་མོ་གཟི་བརྗིད་ཆེ། །དཀར་མོ་ཆེན་མོ་སྟོབས་ཆེན་མོ། །འབར་བའི་ཕྲེང་བ་གོས་དཀར་མོ། །འཕག་མ་སྒྲོལ་མ་ཁྲོ་གཉེར་ཅན། །རྒྱལ་བའི་རྡོ་རྗེ་ཕྲེང་ཞེས་གྲགས། །པད་མའི་
མངོན་མཚན་རྡོ་རྗེ་མཚན། །གཞན་གྱི་མི་ཐུབ་ཕྲེང་བ་ཅན། །རྡོ་རྗེ་མཁར་བསྣམས་འཇོམས་པ་མོ། །ཞི་བའི་ལྷ་རྣམས་ཀྱིས་མཆོད་མ། །གཟུགས་ཞི་གཟི་བརྗིད་ཆེན་མོ་ཅན། །འཕགས་མ་སྒྲོལ་མ་སྟོབས་ཆེན་མོ། །
རྡོ་རྗེ་ལུ་གུ་རྒྱུད་གཞན་དང་། །རྡོ་རྗེ་གཞོན་ནུ་རིག་འཛིན་མ། །ལག་ན་རྡོ་རྗེ་རིགས་གསེར་ཕྲེང་། །ལེབ་རྒན་རྩི་དང་རིན་ཆེན་མ། །སྣང་མཛད་རྡོ་རྗེའི་གཙུག་ཏོར་གྲགས། །རྣམ་པར་བསྒྱིངས་མའི་རྡོ་རྗེ་དང་། །གསེར་འོད་ལྟ་
བུའི་སྤྱན་མངའ་བ། །རྡོ་རྗེ་སྒྲོས་དང་དཀར་མོ་དང་། །པད་མའི་སྤྱན་དང་ཟླ་འོད་དང་། །ཕྱག་རྒྱའི་ཚོག་དེ་དག་ཐམས་ཅད་ཀྱི་བདག་ལ་བསྲུང་དུ་གསོལ། བསྲུང་དུ་གསོལ། ཨོཾ་རྀ་ཤི་ག་ཎ་པྲ་ཤསྟ་ཡ། སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་
ཧཱུྃ་དྲུྃ། ཛམྦྷ་ན་ཀ་རཱི་ཧཱུྃ་དྲུཾ། སྟམ་བྷ་ན་ཀ་རཱི་ཧཱུྃ་དྲུཾ། མ་ཧཱ་བིདྱ་སམ་བྷ་ཀྵ་ཎ་ཀ་རཱི་ཧཱུྃ་དྲུཾ། པ་ར་བིདྱ་སམ་བྷ་ཀྵ་ཎ་ཀ་རཱི་ཧཱུྃ་དྲུཾ། སརྦ་དུཥྚཱ་ནཱྃ་སྟཾ་བྷ་ན་ཀ་རཱི་ཧཱུྃ་དྲུཾ། སརྦ་ཡཀྵ་རཱཀྵ་ས་གྲ་ཧཱ་ཏཱཾ་བིདྷྭ་ནྶ་ན་ཀ་རཱི་ཧཱུྃ་དྲུཾ། ཙ་ཏུར་ར་ཤཱི་ཏཱི་ནཱྃ། གྲ་ཧ་ས་ཧ་སྲཱ་ཎཱྃ། བི་དྷྭན་
ས་ན་ཀ་རཱི་ཧཱུྃ་དྲུཾ། ཨཥྚ་བི་ཤ་ཏཱི་ནཱྃ། ནཀྵ་ཏྲཱ་ནཱྃ་པྲ་སཱ་ད་ན་ཀ་རཱི་ཧཱུྃ་དྲུཾ། ཨཥྚ་ནཱ་མ་མ་ཧཱ་གྲ་ཧཱ་ཎཱ་མ་བིད་དྷྭན་ས་ན་ཀ་རཱི་ཧཱུྃ་དྲུཾ། རཀྵ་མམ། བསྲུང་དུ་གསོལ། བཅོམ་ལྡན་འདས་དེ་བཞིན་གཤེགས་པའི་གཙུག་ཏོར་ནས་བྱུང་བའི་
97-1-270a


གདུག་དཀར་པོ་ཅན་རྡོ་རྗེའི་གཙུག་ཏོར་ཕྱིར་ཟློག་པ་ཆེན་མོ། ཕྱག་སྟོང་མངའ་བ་ཆེན་མོ། དབུ་སྟོང་མངའ་བ་ཆེན་མོ། སྤྱན་བྱེ་བ་བརྒྱ་ཕྲག་སྟོང་མངའ་བ་ཆེན་མོ། མི་ཕྱེད་འབར་བའི་མཚན་རྟགས་ཅན་རྡོ་རྗེ་ཡངས་པ་ཆེན་མོ། ས་
གསུམ་གྱི་དཀྱིལ་འཁོར་ལ་མངའ་མཛད་པ་ཆེན་མོ། ཀུན་ནས་བདག་ལ་བསྲུང་དུ་གསོལ། བསྲུང་དུ་གསོལ། ཨོཾ་རྒྱལ་པོའི་འཇིགས་པ་དང་། ཆོམ་རྐུན་གྱི་འཇིགས་པ་དང་། མེ་ཡི་འཇིགས་པ་དང་། ཆུ་ཡི་འཇིགས་པ་དང་། དུག་གི་འཇིགས་པ་དང་། མཚོན་གྱི་
འཇིགས་པ་དང་། ཕ་རོལ་གྱི་དམག་ཚོག་ཀྱིས་འཇིགས་པ་དང་། མུ་གེ་ཡི་འཇིགས་པ་དང་། དགྲ་ཡི་འཇིགས་པ་དང་། ནད་གྱི་འཇིགས་པ་དང་། ལྕེ་འབབ་པའི་འཇིགས་པ་དང་། དུས་མ་ཡིན་པར་འཆི་བའི་འཇིགས་པ་དང་། ས་གཡོ་བའི་འཇིགས་པ་དང་། སྐར་མདའ་
ལྟུང་བའི་འཇིགས་པ་དང་། རྒྱལ་པོའི་ཆད་པའི་འཇིགས་པ་དང་། ལྷ་ཡི་འཇིགས་པ་དང་། ཀླུ་ཡི་འཇིགས་པ་དང་། གློག་གི་འཇིགས་པ་དང་། ནམ་མཁའ་ལྡིང་གི་འཇིགས་པ་དང་། གཅན་ཟན་ཁྲོ་བོའི་འཇིགས་པ་དང་། ལྷའི་གདོན་དང་། ཀླུའི་གདོན་དང་། 
ལྷ་མ་ཡིན་གྱི་གདོན་དང་། རླང་ལྷའི་གདོན་དང་། ནམ་མཁའ་ལྡིང་གི་གདོན་དང་། དྲི་ཟའི་གདོན་དང་། མི་འམ་ཅིའི་གདོན་དང་། ལྟོ་ཕྱེ་ཆེན་པོའི་གདོན་དང་། གནོད་སྦྱིན་གྱི་གདོན་དང་། སྲིན་པོའི་གདོན་དང་། ཡི་དག་ཀྱི་
གདོན་དང་། མཁའ་འགྲོ་མའི་གདོན་དང་། ཤ་ཟའི་གདོན་དང་། འབྱུང་པོའི་གདོན་དང་། གྲུལ་བུམ་གྱི་གདོན་དང་། སྲུལ་པོའི་གདོན་དང་། ལུས་སྲུལ་པོའི་གདོན་དང་། སྐེམ་བྱེད་ཀྱི་གདོན་དང་། རྗེད་བྱེད་ཀྱི་གདོན་
དང་། སྨྱོ་བྱེད་ཀྱི་གདོན་དང་། གྲིབ་གནོན་གྱི་གདོན་དང་། གནོན་པོའི་གདོན་དང་། དེ་དག་ལས་ཀྱང་བདག་བདེ་ལེག་སུ་གྱུར་ཅིག །གཟི་བརྗིད་འཕྲོག་པ་དང་། མདངས་འཕྲོག་པ་དང་། ཟས་སུ་ཁྲག་འཐུང་བ་དང་། 
ཟས་སུ་ཞག་ཟ་བ་དང་། ཟས་སུ་ཤ་ཟ་བ་དང་། ཟས་སུ་ཚིལ་ཟ་བ་དང་། ཟས་སུ་རྐང་ཟ་བ་དང་། ཟས་སུ་བཙས་པ་ཟ་བ་དང་། སྲོག་འཕྲོག་པ་དང་། ཟས་སུ་སྐྱུགས་པ་ཟ་བ་དང་། ཟས་སུ་མི་གཙང་བ་ཟ་བ་དང་། ཟས་སུ་གཅིན་འཐུང་བ་དང་། 
97-1-270b


ཟས་སུ་གཏོར་ཁུང་ནས་འབབ་པ་འཐུང་བ་དང་། ཟས་སུ་ལྷག་མ་ཟ་བ་དང་། ཟས་སུ་མཆིལ་མ་ཟ་བ་དང་། ཟས་སུ་སྣབས་ཟ་བ་དང་། ཟས་སུ་ངར་སྣམས་ཟ་བ་དང་། ཟས་སུ་སྣབས་ཟ་བ་དང་། ཟས་སུ་གཏོར་མ་ཟ་བ་དང་། 
ཟས་སུ་ཕྲེང་བ་ཟ་བ་དང་། ཟས་སུ་དྲི་ཟ་བ་དང་། ཟས་སུ་གདུག་པ་ཟ་བ་དང་། སེམས་འཕྲོག་པ་དང་། ཟས་སུ་མེ་ཏོག་ཟ་བ་དང་། ཟས་སུ་འབྲས་བུ་ཟ་བ་དང་། ཟས་སུ་ལོ་ཏོག་ཟ་བ་དང་། ཟས་སུ་སྦྱིན་སྲེག་ཟ་བ་ལས་བདག་བདེ་
ལེགས་སུ་གྱུར་ཅིག །དེ་དག་ཐམ་ཅད་དང་། གདོན་ཐམས་ཅད་ཀྱིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ཀུན་དུ་རྒྱུས་བྱས་པའི་རིག་སག་གཅད་དོ། །ཕུར་བུ་གདབ་བོ། །མཁའ་འགྲོ་དང་། མཁའ་འགྲོ་མས་
བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ཕྱུགས་བདག་ཆེན་པོས་བྱས་པའི་རིགས་སྔགས་བཅད་གཅད་དོ། །ཕུར་བུས་གདབ་བོ། །སྲེད་མེད་ཀྱི་བུས་བྱས་པའི་རིག་སྔག་གཅད་དོ། །ཕུར་བུས་གདབ་བོ། །
ནམ་མཁའ་ལྡིང་ཡང་ཡང་དག་པ་དང་། ལྷན་ཅིག་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ནག་པོ་ཆེན་པོ་དང་། མ་མོའི་ཚོགས་ཀྱི་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །མིའི་ཐོད་
པ་ཅན་གྱིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། རྒྱལ་བར་བྱེད་པ་དང་། སྦྲང་རྩིར་བྱེད་པ་དང་། དོན་ཀུན་གྲུབ་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །སྲིང་མོ་བཞི་བྱས་པའི་
རིག་སྔགས་གཅད་དོ། །ཕུར་བུས་གདབ་བོ། །བྷྲིང་གི་རི་ཊི་དང་། དགའ་བྱེད་དབང་ཕྱུག་དང་། ཚོགས་ཀྱི་བདག་པོ་དང་ལྷན་ཅིག་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །དགེ་སྦྱོང་གཅེར་བུས་
བྱས་པའི་རིག་སྔགས་གཅད་དོ། །ཕུར་བུས་གདབ་བོ། །དགྲ་བཅོམ་པས་བྱས་པའི་རིག་སྔགས་བཅད་དོ། །ཕུར་བུས་གདབ་བོ། །འདོད་ཆགས་དང་བྲལ་བས་བྱས་པའི་རིག་སྔགས་གཅད་དོ། །
97-1-271a


ཕུར་བུས་གདབ་བོ། །གསང་བའི་བདག་པོ་ལག་ན་རྡོ་རྗེས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །བཅོམ་ལྡན་འདས་མ་དེ་བཞིན་གཤེགས་པའི་གཙུག་ཏོར་ནས་བྱུང་བ་གདུག་དཀར་པོ་ཅན་ཁྱོད་ལ་
ཕྱག་འཚལ་ལོ། །བདག་ལ་བསྲུང་དུ་གསོལ། བསྲུང་དུ་གསོལ། ཨོཾ་ཨ་སི་ཏཱ་ན་ལཱ་རྐཱ་པྲ་བྷཱ་སྥུ་ཊ། བི་ཀ་སི་ཏཱ་ཏ་པ་ཏྲེ། ཛྭ་ལ་ཛྭ་ལ། ཁཱ་ད་ཁཱ་ད། དྷ་ར་དྷ་ར། བི་དྷ་ར་བི་དྷ་ར། ཙྪིན་ད་ཙྪིན་ད། བིན་ད་བིན་ད། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཧེ་ཧེ་
ཕཊ་ཧོ་ཧོ་ཕཊ། ཨ་མོ་གྷེ་ཕཊ། ཨ་པྲ་ཏི་ཧ་ཏ་ཕཊ། བ་ར་པྲ་དཱ་ཕཊ། ཨ་སུ་རི་བ་དྲཱ་བ་ཀ་ཕཊ། སརྦ་དེ་བེ་བྷྱཿཕཊ། སརྦ་ནཱ་གེ་བྷྱཿཕཊ། སརྦ་ཨ་སུ་རེ་བྷྱཿཕཊ། སརྦ་མ་རུ་ཏ་བྷྱཿཕཊ། སརྦ་གྃ་དྷ་རྦེ་བྷྱཿཕཊ། སརྦ་ཀིན་ན་རེ་བྷྱཿསརྦ་
མ་ཧོ་ར་གེ་བྷྱཿཕཊ། སརྦ་ཡཀྵེ་བྷྱཿཕཊ། སརྦ་རཱཀྵེ་སེ་བྷྱཿཕཊ། སརྦ་པྲེ་ཏེ་བྷྱཿཕཊ། སརྦ་པི་ཤཱ་ཙི་བྷྱཿཕཊ། སརྦ་བྷུ་ཏེ་བྷྱཿཕཊ། སརྦ་ཀུམ་བྷཱ་ཎྜེ་བྷྱ་ཕཊ། སརྦ་པཱུ་ཏ་ནི་བྷྱ་ཕཊ། སརྦ་ཀ་ཊ་པཱུ་ཏ་ནེ་བྷྱ་ཕཊ། སརྦ་སྐཾ་དྷེ་བྷྱ་ཕཊ། སརྦོནྨཱ་ནྡེ་བྷྱཿ
བྷ་ཕཊ། སརྦ་ཙྪཱ་ཡེ་བྷྱ་ཕཊ། སརྦ་ཨ་པ་སྨཱ་རེ་བྷྱ་ཕཊ། སརྦ་ཨོ་སྟ་ར་ཀེ་བྷྱ་ཕཊ། སརྦ་དུར་ལཾ་གི་ཏེ་བྷྱ་ཕཊ། སརྦ་དུཥྤྲེ་ཀྵི་ཏེ་བྷྱ་ཕཊ། སརྦ་ཛྭ་རེ་བྷྱ་ཕཊ། སརྦ་ཀྲྀ་ཏྱ་ཀར་མ་ཀཱ་ཁོརྡ་བྷྱ་ཕཊ། ཀི་ར་ཎ་བེ་ཏཱ་ཌ་བྷྱ་ཕཊ། ཙིཙྪ་པྲེ་ཤ་ཀ་དུ་ཤྩྪ་ར་དི་
ཏེ་བྷྱ་ཕཊ། དུར་བྷུཀ་ཏེ་བྷྱ་ཕཊ། སརྦ་ཏིར་ཐི་ཀེ་བྷྱ་ཕཊ། སརྦ་ཤྲ་མ་ཎེ་བྷྱ་ཕཊ། སརྦ་བིདྱཱ་དྷ་རེ་བྷྱ་ཕཊ། ཛ་ཡ་ཀ་ར། མ་དྷུ་ཀ་རེ་བྷྱ་ཕཊ། སརྦ་ཨརྠ་སཱ་དྷ་ཀེ་བྷྱོ་བིདྱ་ཙ་རེ་བྷྱ་ཕཊ། ཙ་ཏུ་བྷྱོ་བྷ་ག་ནཱི་བྷྱ་ཕཊ། སརྦ་ཀཽ་མཱ་རཱི་ཡེ་བྷྱ་ཕཊ། 
བིདྱ་ར་ཛྙི་ཡེ་བྷྱ་ཕཊ། མ་ཧཱ་པྲ་ཏྱྃ་གི་རེ་བྷྱ་ཕཊ། བཛྲ་ཤྲིངྐལཱ་ཡ། པྲ་ཏྱྃ་གི་ར། རཱ་ཛཱ་ཡ་ཕཊ། མ་ཧཱ་ཀཱ་ལཱ་ཡ་མ་ཏྲི་ག་ཎ་ན་མ་སྐྲྀ་ཏ་ཡེ་ཕཊ། བིཥྞ་བི་ཡེ་ཕཊ། བྲཧྨ་ཎཱ་ཡ་ཕཊ། བྲཧྨ་ཎཱ་ཡ་ཕཊ། ཨགྣ་ཡེ་ཕཊ། མ་ཧཱ་ཀཱ་ལཱི་ཡེ་ཕཊ། ཀཱ་ལ་དཎྜཱི་ཡེ་
ཕཊ། ཨི་ནྡཱི་ཡེ་ཕཊ། རཽ་དྲཱི་ཡེ་ཕཊ། བཱ་རཱ་ཧཱི་ཡེ་ཕཊ། ཙཱ་མུཎྜཱི་ཡེ་ཕཊ། ར་ཏྲཱི་ཡེ་ཕཊ། ཀ་ལ་རཱ་ཏྲཱི་ཡེ་ཕཊ། ཡ་མ་ད་ཎྜཱི་ཡེ་ཕཊ། ཀ་པཱ་ལཱི་ཡེ་ཕཊ། ཨ་དྷི་མུཀ་ཏེ་སྨ་ཤཱ་ན་བཱ་སི་ནཱི་ཡེ་ཕཊ། སེམས་ཅན་གང་སུ་དག་བདག་ལ་
97-1-271b


སྡང་བའི་སེམས་དང་ལྡན་པ་རྣམས་དང་། དྲག་ཤུལ་གྱི་སེམས་དང་ལྡན་པ་རྣམས་དང་། བཟི་བརྗིད་འཕྲོག་པ་རྣམས་དང་། ཟས་སུ་མདངས་ཟ་བ་དང་། ཟས་སུ་མངལ་ཟ་བ་རྣམས་དང་། ཟས་སུ་ཁྲག་འཐུང་བ་རྣམས་དང་། ཟས་སུ་
ཞག་ཟ་བ་རྣམས་དང་། ཟས་སུ་ཤ་ཟ་བ་རྣམས་དང་། ཟས་སུ་ཚིལ་ཟ་བ་རྣམས་དང་། ཟས་སུ་རྐང་ཟ་བ་རྣམས་དང་། ཟས་སུ་བཙས་པ་ཟ་བ་རྣམས་དང་། སྲོག་ཕྲོག་པ་རྣམས་དང་། ཟས་སུ་སྐྱུགས་པ་ཟ་བ་རྣམས་དང་། ཟས་
སུ་མི་གཙུང་བ་ཟ་བ་རྣམས་དང་། ཟས་སུ་གཅིན་འཐུང་བ་རྣམས་དང་། ཟས་སུ་གཏོར་ཁུང་ནས་འབབ་པ་འཐུང་བ་རྣམས་དང་། ཟས་སུ་ལྷག་མ་ཟ་བ་རྣམས་དང་། ཟས་སུ་མཆིལ་མ་འཐུང་བ་རྣམས་དང་། ཟས་སུ་སྣབས་
ཟ་བ་རྣམས་དང་། ཟས་སུ་རྣག་ཟ་བ་རྣམས་དང་། ཟས་སུ་གཏོར་མ་ཟ་བ་རྣམས་དང་། ཟས་སུ་ཕྲེང་བ་ཟ་བ་རྣམས་དང་། ཟས་སུ་དྲི་ཟ་བ་རྣམས་དང་། ཟསུ་བདུག་པ་ཟ་བ་རྣམས་དང་། སེམས་འཕྲོག་པ་རྣམས་དང་། ཟསུ་མེ་ཏོག་ཟ་རྣམ་དང་། ཟས་
སུ་འབྲས་བུ་ཟ་བ་རྣམ་དང་། ཟས་སུ་ལོ་ཏོག་ཟ་བ་རྣམས་དང་། ཟས་སུ་སྦྱིན་སྲེག་ཟ་བ་རྣམས་དང་། སྡིག་པའི་སེམས་དང་ལྡན་པ་རྣམས་དང་། སྡང་བའི་སེམས་དང་ལྡན་པ་རྣམས་དང་། དྲག་ཤུལ་གྱི་སེམས་དང་
ལྡན་པ་རྣམས་དང་། ལྷའི་གདོན་རྣམས་དང་། ཀླུའི་གདོན་རྣམས་དང་། ལྷག་མ་ཡིན་གྱི་གདོན་རྣམས་དང་། རླུང་ལྷའི་གདོན་རྣམས་དང་། ནམ་མཁའ་ལྡིང་གི་གདོན་རྣམས་དང་། དྲི་ཟའི་གདོན་རྣམས་
དང་། མིའམ་ཅིའི་གདོན་རྣམས་དང་། ལྟོ་ཕྱེ་ཆེན་པོའི་གདོན་རྣམས་དང་། གནོད་སྦྱིན་གྱི་གདོན་རྣམས་དང་། སྲིན་པོའི་གདོན་རྣམས་དང་། ཡི་དགས་ཀྱི་གདོན་རྣམས་དང་། ཤ་ཟའི་
གདོན་རྣམས་དང་། འབྱུང་པོའི་གདོན་རྣམས་དང་། གྲུལ་བུམ་གྱི་གདོན་རྣམས་དང་། སྲུལ་པོའི་གདོན་རྣམས་དང་། ལུས་སྲུལ་པོའི་གདོན་རྣམས་དང་། སྐེམ་བྱེད་ཀྱི་གདོན་རྣམས་དང་། 
97-1-272a


སྨྱོ་བྱེད་ཀྱི་གདོན་རྣམས་དང་། གྲིབ་གནོན་གྱི་གདོན་རྣམས་དང་། རྗེད་བྱེད་ཀྱི་གདོན་རྣམས་དང་། གནོན་པོའི་གདོན་རྣམས་དང་། མཁའ་འགྲོ་མའི་གདོན་རྣམས་དང་། 
ནམ་གྲུའི་གདོན་རྣམས་དང་། གཤིན་རྗེའི་གདོན་རྣམས་དང་། བྱའི་གདོན་རྣམས་དང་། མ་མོ་དགའ་བར་བྱེད་པའི་གདོན་རྣམས་དང་། ཀུན་དུ་འབྲེང་བའི་གདོན་རྣམས་དང་། ཚེར་
མ་འདོན་པའི་གདོན་རྣམས་དང་། རིམས་ཉིན་གཅིག་པ་རྣམས་དང་། ཉིན་གཉིས་པ་རྣམས་དང་། ཉིན་གསུམ་པ་རྣམས་དང་། ཉིན་བཞི་པ་རྣམས་དང་། ཉིན་བདུན་པ་རྣམས་དང་། 
རྟག་པའི་རིམས་རྣམས་དང་། རིམས་མི་བཟད་པ་རྣམས་དང་། རིམས་ལྡང་དུབ་པ་རྣམས་དང་། འབྱུང་པོའི་གདོན་རྣམས་དང་། རླུང་ལས་གྱུར་པ་རྣམས་དང་། མཁྲིས་པ་ལས་
གྱུར་པ་རྣམས་དང་། བད་ཀན་ལས་གྱུར་པ་རྣམས་དང་། འདུས་པ་ལས་གྱུར་པ་རྣམས་དང་། རིམས་ནད་ཐམས་ཅད་དང་། གླད་པ་ན་བ་བསལ་དུ་གསོལ། གཞོགས་ཕྱེད་
ན་བ་དང་། ཡི་ག་འཆུས་པ་དང་། མིག་ནད་དང་། སྣ་ནད་དང་། ཁ་ནད་དང་། མགུལ་ནད་དང་། སྙིང་ནད་དང་། ལྐོག་མའི་ལྷ་གོར་ན་བ་དང་། རྣ་བ་ན་བ་དང་། 
སོ་ན་བ་དང་། སྙིང་ན་བ་དང་། ཀླད་པ་ན་བ་དང་། རྩིབ་ལོགས་ན་བ་དང་། རྒྱབ་ན་བ་དང་། ལྟོ་ན་བ་དང་། རྐེད་པ་ན་བ་དང་། ཆུ་སོ་ན་བ་དང་། བརླ་ན་བ་དང་། རྗེ་ངར་ན་བ་དང་། 
ལག་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་དག །བསལ་དུ་གསོལ། བསྲུང་དུ་གསོལ། གདུགས་དཀར་པོ་ཅན་རྡོ་རྗེ་གཙུག་ཏོར་ནས་བྱུང་
97-1-272b


བ་ཕྱིར་ཟློག་པ་ཆེན་མོ་འདིས། དཔག་ཚད་བཅུ་གཉིས་ཀྱི་ནང་ཚུན་ཆད་དུ་འབྱུང་པོ་དང་། རོ་ལངས་དང་། མཁའ་འགྲོ་མ་དང་། རིམས་དང་། ཤུ་བ་དང་། གཡའ་བ་དང་། འབྲུམ་བུ་
ཕྲ་མོ་དང་། མཛེ་དང་། ཕོལ་མིག་དང་། བས་བལྡགས་དང་། མེ་དཔལ་དང་། གཡན་པ་དང་། ལྷོག་པ་དང་། སྐེམ་པ་དང་། སྐྲག་པ་དང་། དབྱིག་དུག་དང་། 
དུག་སྦྱར་མ་དང་། བྱད་དང་། མེ་དང་། ཆུ་དང་། མི་ངས་དང་། དགྲ་དང་། གནོད་པ་དང་། དུས་མ་ཡིན་པར་འཆི་བ་དང་། སྦྲང་བུ་ཏྱ་ཀ་དང་། ཏྲཻ་ལ་ཏ་དང་། སྡིག་པ་དང་། 
སྦྲུལ་དང་། སྲེ་མོ་དང་། སེང་གེ་དང་། སྟག་དང་། དོམ་དང་། དྲེད་དང་། སྤྱང་ཀི་དང་། ཆུ་སྲིན་དང་། བུང་བ་ལྟ་བུས་གཞན་གྱི་སྲོག་འཕྲོག་པ་དེ་དག་ཐམས་ཅད་ཀྱི་རིག་སྔགས་བཅིང་པར་བྱའོ། །
གཟི་བརྗིད་བཅིང་བར་བགྱིའོ། །གཞན་གྱི་རིག་སྔགས་བཅིང་བར་བྱའོ། །གདོན་ཐམས་ཅད་བཅིང་བར་བྱའོ། །ཏདྱ་ཐཱ། ཨོཾ་ཨ་ན་ལེ། ཨ་ན་ལེ། བི་ཤད་དེ་བི་ཤད་དེ། བཻ་ར་
བཻ་ར། བཛྲེ་དྷ་རི། བན་དྷ་བན་དྷ་ནི། བཛྲ་པཱ་ནི་ཧཱུྃ་ཕཊ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། བན་དྷ་ཕཊ་ཕཊ་སྭཱ་ཧཱ། སུས་དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་པོ་ཅན་
གཞན་གྱིས་མི་ཐུབ་མ་ཕྱིར་ཟློག་མ་ཆེན་མོ་འདི་གྲོ་ག་འམ། རས་སམ། ཤིང་ཤུན་ལ་བྲིས་ཏེ། ལུས་སམ། མགུལ་དུ་བཏགས་ན། དེ་ཇི་སྲིད་འཚོའི་བར་དུ་དུག་གིས་མི་ཚུགས། 
མཚོན་གྱིས་མི་ཚུགས། མེས་མི་ཚུགས། ཆུས་མི་ཚུགས། དབྱིག་དུག་གིས་མི་ཚུགས། དུག་སྦྱར་མས་མི་ཚུགས། བྱད་ཀྱིས་མི་ཚུགསོ། །དུས་མ་ཡིན་པར་འཆི་བའི་དུས་བྱེད་པར་མི་
97-1-273a


འགྱུར་རོ། །གདོན་ཐམས་ཅད་དང་། བགེགས་དང་། རྣམ་པར་ལོག་འདྲེན་ཐམས་ཅད་ཀྱི་ཡིད་དུ་འོང་བ་དང་དགའ་བར་འགྱུར་རོ། །རྡོ་རྗེའི་རིགས་བྱེ་བ་ཕྲག་ཁྲིག་སྟོང་
ཕྲག་བརྒྱད་བཅུ་རྩ་བཞིས་ཀྱང་དེ་ལ་བསྲུང་བ་དང་། བསྐྱབ་པ་དང་། སྦེད་པར་བྱེད་དེ། དེ་རྣམས་ཀྱི་ཡིད་དུ་འོང་བ་དང་དགའ་བར་འགྱུརོ། །བསྐལ་པ་ཆེན་པོ་བརྒྱད་ཁྲི་བཞི་སྟོང་དུ་སྐྱེ་བ་དྲན་པར་
འགྱུར་རོ། །ནམ་དུ་ཡང་གནོད་སྦྱིན་དང་། སྲིན་པོ་དང་། ཡི་དགས་དང་། སྲུལ་པོ་དང་། ལུས་སྲུལ་པོ་ཉིད་དུ་མི་འགྱུར་རོ། །མི་དབུལ་པོར་མི་འགྱུར་རོ། །སངས་རྒྱས་བཅོམ་ལྡན་
འདས་གྲང་མེད་དཔག་ཏུ་མེད་པ་གང་གཱའི་ཀླུང་གི་བྱེ་མ་སྙེད་ཀྱི་བསོད་ནམས་ཀྱི་ཕུང་པོ་དང་ལྡན་པར་འགྱུར་རོ། །དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་པོ་ཅན་གཞན་གྱིས་
མི་ཐུབ་མ་ཕྱིར་ཟློག་པ་ཆེན་མོ་འདི་འཆང་ན་ཚངས་པར་མི་སྤྱོད་པ་ཡང་ཚངས་པར་སྤྱོད་པར་འགྱུར་རོ། །ཐུབ་པར་མ་བྱས་པ་ཡང་ཐུབ་པར་བྱས་པར་འགྱུར་རོ། །མི་གཙང་བ་ཡང་གཙང་
བར་འགྱུར། བསྙེན་གནས་མ་བྱས་པ་ཡང་བསྙེན་གནས་བྱས་པར་འགྱུར། བསྨྱུང་བ་མ་བྱས་པ་ཡང་བསྨྱུང་བ་བྱས་པར་འགྱུར། མཚམས་མེད་པ་ལྔ་བྱས་པའི་སྡིག་པ་ཡང་མ་ལུས་པར་
འབྱང་བར་འགྱུར་རོ། །སྔོན་གྱི་ལས་ཀྱི་སྒྲིབ་པ་ཡང་མ་ལུས་པར་ཟད་པར་འགྱུར་རོ། །བུད་མེད་བུ་འདོད་པ་གང་ལ་ལ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུག་
དཀར་མོ་ཅན་གཞན་གྱིས་མི་ཐུབ་མ་ཕྱིར་བཟློག་མ་ཆེན་མོ་འདི་འཆང་ན། བུ་འདོད་པ་དེས་བུ་རྙེད་དེ་ཚེ་དང་བསོད་ནམས་དང་སྟོབས་ཀྱང་རབ་ཏུ་རྙེད་དོ། །འདི་ནས་ཤི་འཕོས་ན་ཡང་འཇིག་
97-1-273b


རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །མི་ནད་དང་། ཕྱུགས་ནད་དང་། གནག་ནད་དང་། ཡམས་ཀྱི་ནད་དང་། འཚེ་བ་དང་། ནད་འགོ་བ་དང་། གནོད་པ་དང་། འཁྲུག་པ་ཐམས་ཅད་དང་། 
ཕ་རོལ་གྱི་དམགས་ཚོགས་འོང་བ་ཐམས་ཅད་ལ་དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་པོ་ཅན་གཞན་གྱིས་མི་ཐུབ་པ་ཕྱིར་བཟློག་པ་ཆེན་མོ་འདི་རྒྱལ་
མཚན་གྱི་རྩེ་མོ་ལ་བཏགས་ཏེ། རིམ་འགྲོ་ཆེར་མཆོད་པ་ཆེན་པོ་བྱས་ལ་གྲོང་ཁྱེར་ཆེན་པོའི་སྒོར་ཞུགས་ལ། གྲོང་ཁྱེར་རམ། གྲོང་ངཾ་གྲོང་རྡལ་ལཾ། ལྗོངས་སམ། དགོན་པའི་གནས་
སུ་གཟུགས་སོ། །གཞན་གྱི་མི་ཐུབ་པ་ཕྱིར་ཟློག་པ་ཆེན་མོ་འདི་རིམ་འགྲོ་ཆེར་བྱས་ཏེ། གཙུགས་མ་ཐག་ཏུ་གཡུལ་ཁམས་ཞི་བར་འགྱུར་རོ། །ཡམ་ཀྱི་ནད་དང་། འཚེ་བ་དང་། 
གནོད་པ་དང་འཁྲུག་པ་དང་། ཕ་རོལ་གྱི་དམག་ཚོགས་ཐམས་ཅད་རབ་ཏུ་ཞི་བར་འགྱུར་རོ། །ཏདྱ་ཐཱ། ཨོཾ་ཥྚོཾ་བན་དྷ་བན་དྷ། བདག་ལ་སྲུངས་ཤིག་སྲུང་ཤིག་སྭཱ་ཧཱ། རཀྵ་རཀྵ་མྃ་ཨོཾ་ཧཱུྃ་
ཥྚོཾ་བན་དྷ་བན་དྷ་བཛྲ། བདག་ལ་སྲུངས་ཤིག་སྲུངས་ཤིག །རཀྵ་རཀྵ་མྃ། བཛྲ་པ་ཎི་ཡེ་ཧཱུྃ་ཕཊ་སྭཱ་ཧཱ། ཨོཾ་སརྦ་ཏ་ཐཱ་ག་ཏོ་ཥྞཱི་ཥ་ཨ་བ་ལོ་ཀི་ཏེ་མཱུར་དྷ་ཏེ་ཛོ་རཱ་ཤྨི། ཨོཾ་ཛྭ་ལ་ཛྭ་ལ། དྷ་ཀ་དྷ་ཀ །
ད་ར་ད་ར། བི་ད་ར་བི་ད་ར། ཙྪིན་ད་ཙྪིན་ད། བྷིན་དྷ་བྷིན་དྷ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་སརྦ་ཏ་ཐཱ་ག་ཏོཥྞཱི་ཥ་ཧཱུྃ་ཕཊ་ཕཊ་སྭཱ་ཧཱ། ཏདྱ་ཐཱ། ཨོཾ་ཨ་ན་ལེ་ཨ་ན་ལེ། ཁ་ས་མེ་ཁ་ས་མེ། བཻ་ར་བཻ་ར། སཽ་མེ་སཽ་མེ། 
སརྦ་བུད་དྷ་ཨ་དྷིཥྠཱ་ན་ཨ་དྷིཥྛི་ཏེ། ཨོཾ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུྃ་ཕཊ་སྭཱ་ཧཱ། ཧཱུྃ་མ་མ་ཧཱུྃ་ནི་སྭཱ་ཧཱ། སངས་རྒྱས་རྣལ་འབྱོར་དུ་བྱའོ། །ཀླུའི་རྒྱལ་པོ་རྣམས་ཀྱང་དུས་དུས་སུ་ཆར་འབེབས་སོ། །
97-1-274a


སངས་རྒྱས་དང་། བྱང་ཆུབ་སེམས་དཔའ་རྣམས་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅད་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་
པར་བསྟོད་དོ། །འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུག་དཀར་པོ་ཅན་གཞན་གྱིས་མི་ཐུབ་པ་ཞེས་བྱ་བའི་གཟུངས་རྫོགས་སྷོ།། །།གཙུག་ཏོར་ལྷ་ཡུ་
ལ་མ་ཆུང་བ་ཁ་ཆེའི་པཎྜི་ཏ་མ་ཧཱ་ཛྙཱ་ནས་རང་འགྱུར་དུ་མཛ་པའོ། ། ༄༅། །རྒྱ་གར་སྐད་དུ།  ས་མནྟ་མུ་ཁ་པྲ་བེ་ཤ་ར་ཤྨི་བི་མ་ལོཥྞཱི་ཥ་པྲ་བྷཱ་ས་སརྦ་ཏ་ཐཱ་ག་ཏ་ཧྲི་ད་ཡ་ས་མ་ཡ་བི་ལོ་ཀི་ཏེ་ནཱ་མ་དྷཱ་ར་ཎི།  བོད་སྐད་དུ།  
ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ་དེ་བཞིན་གཤེགས་པ་ཐཾད་ཀྱི་སྙིང་པོ་དང་དམ་ཚིགས་ལ་རྣམ་པར་ལྟ་བ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་
ལ་ཕྱག་འཚལ་ལོ། །དེ་ནས་བཅོམ་ལྡན་འདས་དགའ་ལྡན་གྱི་ལྷའི་གནས་ན། བྱང་ཆུབ་སེམས་དཔའི་དགེ་འདུན་ཆེན་པོ་དང་། ཞམ་རིང་བ་ལྷའི་ཚོགས་ཆེན་པོ་དང་། ཚངས་པ་དང་། ཁྱབ་འཇུག་དང་། 
དབང་ཕྱུག་ཆེན་པོ་ལ་སོགས་པའི་ལྷ་རྣམས་དང་ཐབས་ཅིག་ཏུ་བཞུགས་ཏེ། འཁོར་མང་པོ་ཚོགས་པ་ལ་བཅོམ་ལྡན་འདས་ཕ་རོལ་ཏུ་ཕྱིན་པ་དྲུག་དང་ལྡན་པའི་ཆོས་སྟོན་པར་མཛད་དེ། འདི་ལྟ་སྟེ། 
ཇི་ལྟར་སྦྱིན་པའི་འབྲས་བུ་གསོད་ནམས་ཀྱི་ཚོགས་ཆེན་པོ་བསགས་པས་འཁོར་ལོ་བསྒྱུར་བའི་དབང་ཕྱུག་གི་འབྲས་བུ་རྣམ་པར་སྨིན་པ་དང་། རིན་པོ་ཆེ་སྣ་བདུན་གྱི་ཆར་འབབ་པ་དང་། ལྷུན་གྱིས་གྲུབ་པའི་གཏེར་ཆེན་པོ་
སྐྱེད་པར་འགྱུར་བའི་སྦྱིན་པའི་ཕ་རོལ་ཏུ་ཕྱིན་པ་དང་། ཇི་ལྟར་དེ་བཞིན་གཤེགས་པའི་བསྟན་པ་དང་། མངོན་པར་ཤེས་པ་ལྔ་དང་། ཚུལ་ཁྲིམས་དང་ལྡན་པ་དང་ཚངས་པ་དང་། ལྷར་སྐྱེ་བའི་འབྲས་བུ་རྣམ་པར་སྨིན་པར་འགྱུར་
97-1-274b


བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། ཇི་ལྟར་ལྷའི་གཟུགས་ཡིད་དུ་འོང་བ་ལྟ་བའི་ཆོག་མི་ཤེས་པའི་མཚན་དང་དཔེ་བྱེད་བཟང་པོས་ལེགས་པར་བརྒྱན་པའི་འབྲས་བུ་རྣམ་པར་སྨིན་པར་འགྱུར་བའི་བཟོད་
པའི་ཕ་རོལ་ཏུ་ཕྱིན་པ་དང་། ཇི་ལྟར་བརྩོན་འགྲུས་རྩོམ་པ་ལྟ་བ་དང་། བདུད་འདུལ་བ་དང་། རྒ་ཤི་དང་། སྐྱེ་བ་ལས་གྲོལ་བ་དང་། བརྫུས་ཏེ་སྐྱེ་བའི་སངས་རྒྱས་ཀྱི་ཞིང་དུ་འགྲོ་བའི་འབྲས་བུ་རྣམ་པར་སྨིན་པར་འགྱུར་བའི་
བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། ཇི་ལྟར་དཔའ་བར་འགྲོ་བའི་ཏིང་ངེ་འཛིན་ལ་སོགས་པའི་ཏིང་ངེ་འཛིན་བྱེ་བ་ཁྲག་ཁྲིག་འབུམ་ཕྲག་དུ་མ་འཐོབ་པའི་འབྲས་བུ་རྣམ་པར་སྨིན་པར་འགྱུར་བའི་བསམ་
གཏན་གྱི་ཕ་རོལ་ཏུ་ཕྱིན་པ་དང་། ཇི་ལྟར་ཤེས་རབ་དང་ཡེ་ཤེས་ཀྱི་ཚོགས་ཆེན་པོ་དང་། ཐོས་པ་རྒྱ་མཚོ་བསགས་པ་དང་། མང་དུ་ཐོས་པའི་འབྲས་བུ་རྣམ་པར་སྨིན་པར་འགྱུར་བའི་ཤེས་རབ་ཀྱི་ཕ་རོལ་
ཏུ་ཕྱིན་པའོ། །དེ་ནས་ལྷའི་བུ་དེ་དག་གིས་ཕ་རོལ་དུ་ཕྱིན་པ་དྲུག་གིས་ཆོས་ཀྱི་སྒོ་འདི་ཉིད་ཉིན་མཚན་དུ་རྗེས་སུ་སེམས་ཤིང་རྗེས་སུ་སྤྱད་དེ་དཀའ་བ་ཆེན་པོའི་ཕྱིར་སྒོམ་པར་ཡང་བྱེད་དོ། །དེ་ནས་ལྷའི་
འཁོར་དེ་ཉིད་ཀྱི་ནང་ནས་སུམ་བཅུ་རྩ་གསུམ་གྱི་རིས་ཀྱི་ལྷའི་བུ་ནོར་བུའི་སྙིང་པོ་དྲི་མ་མེད་པ་ཞེས་བྱ་བ་གཡོག་ལྷའི་བུ་བྱེ་བ་ཕྲག་སྟོང་དང་ལྡན་པ། ལྷའི་བུ་མོ་ཁྲི་བརྒྱད་སྟོང་གིས་སྐོར་བ། ལྷའི་རྣམ་པར་འཕྲུལ་
བའི་གཞལ་མེད་ཁང་རིན་པོ་ཆེ་སྣ་བདུན་དང་ལྡན་པའི་རྩིག་པ་རྩིག་པའི་ཁང་བཟངས་སྐྱེད་མོ་ཚལ་སྣ་ཚོགས་དང་། ལྷའི་མེ་ཏོག་གིས་མཛེས་པར་བྱས་པའི་རྫིང་གིས་ལེགས་པར་བརྒྱན་པ་དང་ལྡན་པ་
ཞིག་ཡོད་དེ། ལྷའི་བུ་ནོར་བུའི་སྙིང་པོ་དྲི་མ་མེད་པ་དེ་ལྷའི་བུ་མོའི་མཆོག་མེ་ཏོག་རྒྱས་པ་དང་ལྡན་པ་ཞེས་བྱ་བ་དང་ལྷན་ཅིག་དགའ་བ་ཆེན་པོ་མང་པོ་དང་ལྡན་ཞིང་ལྷའི་བདེ་བ་ལ་ནི་ཆགས། རིན་པོ་ཆེ་སྣ་བདུན་
97-1-275a


ལས་བྱས་པའི་སྒོ་བཞི་དང་ལྡན་པའི་ཁང་བཟང་ཀྱི་ནང་ན་འདོད་པའི་ཡོན་ཏན་ལྔ་འབྱོར་ཅིང་རྒྱས་པ་དང་། ང་རྒྱལ་གྱིས་དྲེགས་ཏེ་སྙེམས་ཤིང་ཉལ་ལོ། །དེ་ནས་ནམ་ཕྱེད་ཙམ་ན་ལྷའི་བུ་དེ་གཉིད་ཀྱིས་
ལོག་ཅིང་ལྷའི་བུ་མོའི་ཚོགས་ཐམས་ཅད་ཀྱང་སྒྲ་བསྐྱུངས་ཏེ་ཉལ་བར་གྱུར་ཏོ། །དེ་ནས་གནས་མཆོག་དེ་ན་ལྷའི་གནོད་སྦྱིན་གྱི་གཙོ་བོ་སྐར་མདའ་གདོང་ཞེས་བྱ་བ་ཞིག་གནས་པ་དེས་ལྷའི་བུ་ནོར་བུའི་སྙིང་པོ་དྲི་མ་མེད་
པ་དེ་ལ་བསྐུལ་ནས་ཚིག་འདི་སྐད་ཅེས་སྨྲས་སོ། །ཀྱེ་ནོར་བུའི་སྙིང་པོ་དྲི་མ་མེད་པ་ལོངས་ལོངས། ཁྱོད་གཉིད་ལ་དགའ་ཞིང་ཆགས་པས་ཅི་ཞིག་བྱ། དགའ་བ་ལ་གོམས་པར་བྱེད་ཅིང་ཆགས་པར་གནས་
པས་ཅི་ཞིག་བྱ། ལྷའི་ལོངས་སྤྱོད་དཔག་ཏུ་མེད་པ་ལ་སྤྱོད་པས་ཅི་ཞིག་བྱ། ད་སྟེ་ཞག་བདུན་ན་འཆི་བའི་དུས་བྱེད་པར་འགྱུར་ཏེ། ལྷའི་ལོངས་སྤྱོད་དང་བྲལ་ཞིང་སྡུག་བསྔལ་གྱི་ཚོར་བ་ཆེན་པོ་མྱོང་བར་
འགྱུར་ན། ཁྱོད་ཀྱི་གནས་གཞལ་མེད་ཁང་དམ་པ་རིན་པོ་ཆེ་སྣ་བདུན་ལས་བྱས་པ་ཅི་དགོས། ཁྱོད་ཀྱི་སྲོག་ནི་ཡོད་མེད་ཀྱིས། །ཐབས་ནི་མྱུར་དུ་རྣམ་པར་སོམས། །ཤེས་དེ་སྐད་སྨྲས་ནས་ལྷའི་
གནོད་སྦྱིན་གྱི་གཙོ་བོ་སྐར་མདའ་གདོང་མི་སྣང་བར་གྱུར་ཏོ། །དེ་ནས་ལྷའི་བུ་ནོར་བུའི་སྙིང་པོ་དྲི་མ་མེད་པས་ཚིག་མི་སྙན་པ་དེ་ཐོས་ནས་བརྒྱལ་ཏེ་མས་ནས་ཁས་བུབ་ཏུ་ས་ལ་ལྷུང་ངོ་། །དེ་ནས་ལྷའི་བུ་
མོའི་ཚོགས་དེ་དག་ཀྱང་སྐྲ་ནི་བཤིག །རྒྱན་རྣམས་ནི་ལྷུང་། གོས་ནི་བསིལ། ཁ་ནི་ཁྲག་དང་གཤེར་བག་ནི་ཆད་ནས་མཆུ་དང་། རྐན་དང་། མིད་པ་དང་། ལྕེ་ནི་སྐམས་ལ། སྨྲེ་སྔགས་སྟོང་ཕྲག་
དུ་མ་ནི་སྨྲེ་སྟེ་ངུ་ཞིང་ཆོ་ངེས་འདེབས་ལ། ཀྱི་ཧུད་ཀྱི་ཧུད་ཅེས་འཛེར་ཅིང་། ལྷའི་རིན་པོ་ཆེའི་སྣོད་ནས་སྤོས་ཆུ་དང་། ཙན་དན་གྱི་ཆུ་གྲང་མོས་འཐོར་ཞིང་། ཁ་ཅིག་ནི་མགུལ་ནས་འཇུ། ཁ་ཅིག་ནི་ལག་པ་
97-1-275b


ནས་འཇུ། ཁ་ཅིག་ནི་དེའི་སྐྲ་ལའོ་བྱེད། ཁ་ཅིག་ནི་རྐང་པ་ནས་འཇུ། ཁ་ཅིག་ནི་གོས་ལ་འཇུ། ཁ་ཅིག་ནི་བརྒྱལ་ཏེ་འགྱེལ། ཁ་ཅིག་ནི་སའི་སྟེང་ན་ཆུ་མེད་པའི་ཉ་བཞིན་དུ་འགྲེ་ལྡོག །ཁ་ཅིག་ནི་ལུས་ལ་མེས་
འཚིག་པ་བཞིན་དུ་འགྲེ་ལྡོག །ཁ་ཅིག་ནི་སྨྲེ་སྔགས་དུ་མ་འདོན་ཅིང་ཀྱི་ཧུད་ཀྱི་ཧུད་ཅེས་ཟེར་ཅིང་ངུའོ། །དེ་ནས་ལྷའི་བུ་ནོར་བུའི་སྙིང་པོ་དྲི་མ་མེད་པ་དེ་བརྒྱལ་བ་ལས་སངས་ཏེ། དྲན་པ་ཐོབ་ནས། ཁ་ནས་ཁྲག་སྐྱུག་ཅིང་སྡུག་
བསྔལ་ཆེན་པོ་དྲག་པོ་ཉམསུ་མྱོང་ནས་ཤུགས་རིང་དུ་ཕྱུང་སྟེ། ལུས་འདར་ཞིང་ཤིང་རླུང་གི་ཤུགས་ཀྱིས་བཏབ་པ་བཞིན་དུ་གཡོ་བར་གྱུར་ལ། སྒྲ་སྐྱུང་བའི་སྙིང་གིས་རིང་པ་རིང་པར་ལྷའི་དབང་པོ་བརྒྱ་བྱིན་ག་ལ་བ་དེར་སོང་
ཏེ་ཕྱིན་ནས། ལྷའི་དབང་པོ་བརྒྱ་བྱིན་གྱི་རྐང་པ་ལ་བཏུགས་ཏེ་རྐང་པ་གཉིས་ལ་འཇུས་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ལ་སྐྱབ་ཏུ་གསོལ། བཅོམ་ལྡན་འདས་ལྷའི་རྒྱལ་པོ་ཆེ་བའི་བདག་
ཉིད་ཅན་སྐྱབ་ཏུ་གསོལ། ལྷའི་གནོད་སྦྱིན་གྱི་གཙོ་བོ་སྐར་མདའ་གདོང་གིས་བསྒོ་བ་ཐོས་ནས་བདག་དགུང་བདུན་ན་འགུམ་པའི་དུས་བགྱིདོ་ཞེས་མཆི་ཞིང་སེམས་ཅན་དམྱལ་བའི་ཚོར་བ་སོམས་ཤིག་ཅེས་མཆི་ན་ལྷའི་
དབང་པོ་ཐབས་གང་གིས་བདག་འཆི་བདག་གི་དབང་དུ་མཆི་བར་མི་འགྱུར་བ་དང་ངན་འགྲོར་མཆི་བར་མི་འགྱུར་བར་འཇིགས་པ་མ་མཆིས་པའི་གཉེན་པོ་བཀའ་སྩལ་དུ་གསོལ། ལྷའི་དབང་པོ་ཅི་ནས་ཀྱང་བདག་འཆི་
བདག་གི་སྒོ་ནས་ཐར་བའི་ཆོ་གས་བདག་ལ་སྐྱབ་དུ་གསོལ། དེ་ནས་ལྷའི་དབང་པོ་བརྒྱ་བྱིན་གྱིས་ཚིག་དེ་ཐོས་ནས་སྙིང་རབ་ཏུ་སྡུག་བསྔལ་བས་ལྷའི་བུ་ནོར་བུའི་སྙིང་པོ་དྲི་མ་མེད་པ་ལ་འདི་སྐད་ཅེས་
སྨྲས་སོ། །ལྷའི་བུ་མ་འཇིགས་ཤིག་གང་གིས་འཆི་བདག་ཕམ་པར་འགྱུར་ཞིང་སེམས་ཅན་དམྱལ་བའི་སྡུག་བསྔལ་ལས་ཐར་བར་འགྱུར་བ་སངས་རྒྱས་བཅོམ་ལྡན་འདས་འཇིག་རྟེན་ན་ལྷ་དང་མི་རྣམས་ཀྱི་
97-1-276a


སྟོན་པ་སྐྱེ་བ་དང་རྒས་པ་དང་ན་བ་དང་འཆི་བ་དང་མྱ་ངན་ལས་རྒལ་བ་བླ་ན་མེད་པའི་སྨན་པ་ཡོད་དེ་དེ་ནི་ཁྱོད་ཀྱི་སྐྱབས་དང་རྩ་ལག་བཟང་པོ་དང་དཔུང་གཉེན་དང་ཕ་མ་ལྟ་བུར་གྱུར་པ་ཡིན་ནོ། །དེ་ནི་ངན་འགྲོ་ཐམས་ཅད་
འཇིག་པར་མཛད་པ་ཡིན་གྱི་འདྲེན་པ་དེ་གང་ན་བཞུགས་པ་དེར་བདག་ཅག་མྱུར་དུ་འདོང་ངོ་། །དེ་ནས་དེའི་ཐོ་རངས་ལྷའི་དབང་པོ་བརྒྱ་བྱིན་དང་ལྷའི་བུ་ནོར་བུའི་སྙིང་པོ་དྲི་མ་མེད་པ་དང་ལྷ་དང་ལྷའི་བུ་མོ་སྟོང་ཕྲག་དུ་མ་དང་ལྷན་ཅིག་
དགའ་ལྡན་ག་ལ་བ་དེར་དོང་ནས་བཅོམ་ལྡན་འདས་ག་ལ་བ་དེར་ཕྱིན་པ་དང་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ལན་གསུམ་སྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་འཁོད་དེ་དེ་ནས་ལྷའི་དབང་
པོ་བརྒྱ་བྱིན་གྱི་རྣམ་པར་དམན་པའི་ཚིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷའི་བུ་ནོར་བུའི་སྙིང་པོ་དྲི་མ་མེད་པ་འདི་ལ་ལྷའི་གཙོ་བོ་སྐར་མདའའི་གདོང་གིས་བསྐུལ་ཏེ་དེ་དགུང་བདུན་
གྱི་གདུགས་ལ་ནོར་བུའི་སྙིང་པོ་དྲི་མ་མེད་པ་འདི་འཆི་བདག་གི་སྒོའི་དབང་དུ་འགྱུར་རོ་ཞེས་མཆི་ན་བཅོམ་ལྡན་འདས་དེ་ལ་ཇི་ལྟར་སྒྲུབ་པར་བགྱི། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ལྷའི་དབང་པོ་
བརྒྱ་བྱིན་གྱི་ཚིག་གསན་ནས་འཛུམ་པ་མཛད་དེ་འཛུམ་པ་སྟན་པ་དེ་ཞལ་ནས་ཁ་དོག་དུ་མ་དང་ལྡན་པའི་འོད་ཟེར་བྱུང་ཏེ་འོད་ཟེར་བྱུང་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བར་བྱས་ཏེ་འོད་
ཟེར་གྱི་སྣང་བ་དེས་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་སྲིན་པོ་དང་འབྱུང་པོ་ཐམས་ཅད་ཀྱི་གནས་རྣམས་སྣང་བར་བྱས་ནས་བསྐུལ་ཏེ། བསྐུལ་ནས་ཀྱང་
འོད་ཟེར་སླར་ལོག་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་ཞལ་གྱི་སྒོར་ཞུགས་སོ་ཞུགས་མ་ཐག་ཏུ་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ལྷའི་དབང་པོ་ལྷའི་བུ་
97-1-276b


ནོར་བུའི་སྙིང་པོ་དྲི་མ་མེད་པ་འདི་ཞག་བདུན་གྱི་ཉིན་པར་འཆི་བདག་གིས་སྒོའི་འཇིགས་པར་འགྱུར་བ་དེ་ཉོན་ཅིག །འདི་གལ་ཏེ་འཆི་བའི་དུས་བྱེད་པར་གྱུར་ན། སྡུག་བསྔལ་ཤིན་ཏུ་ཆེན་པོ་དྲག་པོ་ཆེན་པོའི་ཚོར་བ་སེམས་ཅན་དམྱལ་
བའི་སྡུག་བསྔལ་རྣམས་མྱོང་བར་འགྱུརོ། །ཐོག་མར་ནི་གྲོང་ཁྱེར་ཆེན་པོ་ཝཱ་རཱ་ཎ་སེར་སྨིན་མཁན་གྱི་ཕྱིས་ས་ཁུང་གི་འདམ་རྫབ་ཀྱི་ནང་དུ་ཤ་ཟ་མོ་ཕག་མགོ་ཅན་དུ་སྐྱེ་བར་འགྱུར་ཏེ། ཕྱི་ས་ཁུང་དེ་ན་བཤང་ཅི་ཟའོ་ཕྱྀས་
ཁུང་དེ་ཉིད་ཀྱི་ནང་ན་སྲོག་ཆགས་བྱེ་བ་བརྒྱ་སྟོང་གནས་ཏེ་དེ་དག་དུས་གསུམ་དུ་ཕག་མོ་དེའི་ཤ་ཟ་ཞིང་ཀེང་རུས་འབའ་ཞིག་ལུས་པར་བྱེད་དོ། །དེ་ནས་ཡང་ལས་ཀྱི་དབང་གི་ལུས་ཀུན་རྫོགས་པར་གྱུར་ཏེ་ལོ་བདུན་འཚོ་བར་
འགྱུར་རོ། །དེ་ནས་འཆི་བའི་དུས་བྱེད་པར་འགྱུར་ཏེ་དེ་ནས་དགོན་པར་རུ་སྦལ་གྱི་སྐྱེ་གནས་སུ་སྐྱེ་ལ་དེ་ན་ཆུའི་མིང་ཡང་མི་གྲགས་ཅིང་ཤིང་གྲིབ་ཀྱང་མེད་དེ་ཉི་ཚན་གྱི་ལུས་གདུང་ཤིང་ཚིག་ལ་བྱེ་ཚན་ཟ་ཞིང་
བྱ་རོག་དག་གིས་ལུས་བཏོགས་ནས་ལུས་དུམ་བུར་འགྱུར་རོ། །དེ་ནས་ཡང་ལས་ཀྱི་དབང་གིས་ལུས་བྱུང་ནས་ཞིག་པར་འགྱུར་ཏེ་ལོ་ལྔ་ཚང་བར་དེ་ལྟར་འགྱུར་རོ། །དེ་ནས་འཆི་བའི་དུས་
བྱེད་པར་འགྱུར་ཏེ་བཱ་རཱ་ན་སེར་དེ་ཉིད་དུ་འབབ་ཆུ་ཆེན་པོར་ཉ་ཆེན་པོ་སྐྱེ་བར་འགྱུར་རོ། །དེ་ནས་ཡང་ལས་ཀྱི་དབང་གིས་གང་ན་ཆུ་མེད་པ་དེར་ཕོང་ནས་ལུས་ཆེན་པོ་དེ་ལ་སྦྲུལ་གདུག་པ་དང་
བྱ་རོག་དང་སྲེ་མོ་དང་ཁྱི་དང་གཟིག་དང་དྲེད་དང་ལྕེ་སྤྱང་ལ་སོགས་པས་ཟའོ་སྲོག་ཆགས་སྣ་ཚོགས་པ་གཞན་དག་གི་ཀྱང་ཟའོ། །དེ་ནས་ཡང་ལས་ཀྱི་དབང་གི་
97-1-277a


ལུས་བྱུང་ཞིང་ཟ་བར་འགྱུར་ཏེ་ལོ་གསུམ་དུ་དེ་ལྟར་འགྱུར་རོ། །དེ་ནས་ཡང་འཆི་བའི་དུས་བྱས་ནས་ཁྱིམ་བདུན་དུ་སྐྱེ་ཞིང་འཛམ་བུའི་གླིང་གིས་སྡུག་བསྔལ་མྱོང་བར་
འགྱུར་ཏེ། མཛེ་ཅན་གྱི་ཁྱིམ་དང་དབུལ་པོའི་ཁྱིམ་དང་གཡུང་པོའི་ཁྱིམ་དང་ཤེན་པའི་ཁྱིམ་དང་། རིགས་ངན་གྱི་ཁྱིམ་དང་གདོལ་པའི་ཁྱིམ་དང་དམུས་ལོང་གི་ཁྱིམ་དུ་སྐྱེ་
སྟེ་ལོ་དྲུག་བཅུའི་བར་དུ་སྡུག་བསྔལ་མྱོང་བར་འགྱུར་རོ། །སྡུག་བསྔལ་དེ་དག་མྱོང་ནས་དེ་ནས་ཤི་འཕོས་ཏེ་སེམས་ཅན་དམྱལ་བ་ཆེན་པོ་བཅུ་དྲུག་ཏུ་བསྐལ་པ་རྒྱད་
བཅུ་རྩ་བཞིད་སྡུག་བསྔལ་མྱོང་བར་འགྱུར་རོ། །ལྷའི་དབང་པོ་དེ་ལྟ་བུའི་སྡུག་བསྔལ་ཆེན་པོ་ཉམས་སུ་མྱོང་བར་འགྱུར་རོ། །ཅི་སྟེ་བརྒྱ་ལམ་མིའི་ལུས་ཐོབ་ན་ཡང་དབུལ་བ་
དང་ཡན་ལག་མ་ཚང་བ་དང་། ཤེས་རབ་ཆུང་བ་དང་། ཡི་གེ་མི་ཤེས་པ་དང་། སངས་རྒྱས་དང་། ཆོས་དང་། དགེ་འདུན་དང་བྲལ་བ་དང་། འཇིག་རྟེན་
ཐམས་ཅད་ཀྱིས་དམད་པ་དང་། རྟག་ཏུ་སྐོམ་པ་དང་། བཀྲེས་པ་སེམས་པ་དང་། ཚེ་ཐུང་ཞིང་ནད་མང་བར་འགྱུར་རོ། །དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་
ནོར་བུའི་སྙིང་པོ་དྲི་མ་མེད་པའི་གཏམ་ངན་ཐོས་ནས་བཅོམ་ལྡན་འདས་ཀྱི་སྤྱན་སྔར་ཤིན་དུ་འཇིགས་སྐྲག་ཏེ་ཡིད་མི་དགའ་ནས་འདི་སྐད་ཅེས་གསོལ་ཏོ། །བཅོམ་ལྡན་
འདས་བདག་རེ་བ་མཆི་བར་གྱུར་ཏོ། །བདག་ལ་སྐྱབས་བགྱིད་པ་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་དབང་པོ་འཆི་བདག་གི་
97-1-277b


ཆད་པ་ཆེན་པོའི་གཉེན་པོ་ཡོད་ཀྱི་དེ་བས་ན་རེ་བ་མེད་པར་མ་བྱེད་ཅིག་དེས་ཕྱི་མའི་དུས་ན་སེམས་ཅན་དེ་དག་འཆི་བའི་དུས་ཕྱེད་ཀྱི་ཚེ་བདེ་བར་འཆི་བའི་དུས་བྱེད་པར་འགྱུར་རོ། །སེམས་
ཅན་དམྱལ་བ་དང་དུད་འགྲོའི་སྐྱེ་གནས་ཐམས་ཅད་ལས་ཡོངས་སུ་ཐར་བར་འགྱུར་རོ། །དྲན་པ་ཙམ་གྱིས་སྒྲིབ་པ་ཐམས་ཅད་བྱང་བར་འགྱུར་རོ། །ཚེ་རིང་པོར་འགྱུར་རོ། །
ཤིན་དུ་ཡོངས་སུ་དག་པའི་ལུས་ཐོབ་པར་འགྱུར་རོ། །དེ་ནས་ལྷའི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ཚངས་པ་དང་ཁྱབ་འཇུག་དང་དབང་ཕྱུག་ཆེན་པོ་
བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རེ་བ་འཕེལ་བར་མཛད་དུ་གསོལ། 
བཅོམ་ལྡན་འདས་ལྷ་ཐམས་ཅད་སྐྱབ་དུ་གསོལ། བཅོམ་ལྡན་འདས་སྐྱེ་དགུའི་འཇིག་རྟེན་ཐམས་ཅད་བསྒྲལ་དུ་གསོལ། བཅོམ་ལྡན་འདས་འཆི་བའི་འཇིགས་པ་
ཞི་བར་མཛད་དུ་གསོལ། བཅོམ་ལྡན་འདས་སེམས་ཅན་དམྱལ་བའི་སྡུག་བསྔལ་མི་ཟད་པ་བསལ་དུ་གསོལ། བཅོམ་ལྡན་འདས་ཅི་ཆོས་ཀྱི་རྒྱལ་པོ་གཤིན་རྗེ་དགུག་དུ་གསོལ། 
བཅོམ་ལྡན་འདས་གླིང་བཞི་པའི་འཇིག་རྟེན་གྱི་ཁམས་ཀྱི་ཁམས་ཀྱི་སེམས་ཅན་རྣམས་དབུགས་དབྱུང་དུ་གསོལ། བཅོམ་ལྡན་འདས་སུམ་བཅུ་རྩ་གསུམ་པའི་ལྷའི་གནས་
ལ་གཟིགས་སུ་གསོལ། བཅོམ་ལྡན་འདས་ཕྱོགས་བཅུའི་འཇིག་རྟེན་གྱི་ཁམས་ན་ཕྱོགས་བཅུ་ཀུན་གྱི་དེ་བཞིན་གཤེགས་པའི་ཡེ་ཤེས་
97-1-277c


ཀྱི་ཕྱག་རྒྱ་ཆེན་པོས་གདབ་ཏུ་གསོལ། དེ་བཞིན་གཤེགས་པའི་བྱིན་གྱི་བརླབས་ཀྱིས་བྱིན་གྱིས་བརླབས་དུ་གསོལ། བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་གཉེན་པོ་སྟོན་པའི་ཆེན་པོ་བཤད་དུ་
གསོལ་བདེ་བར་གཤེགས་པ་བཤད་དུ་གསོལ། དེ་ནས་བཅྡོཾས་དེ་བཞིན་གཤེགས་པ་ཤཱཀྱ་ཐུབ་པས་དེ་སྐད་ཅེས་གསོལ་བ་ཐུགསུ་ཆུད་ནས། རྣཾས་པ་ཀུན་དུ་རྣམ་པར་གཟིགས་པ་ཞེས་བྱ་བའི་ཏིང་ངེ་འཛིན་ལ་སྙོམ་པར་བཞུགསོ། །ཏིང་ངེ་
འཛིན་དེ་ལ་སྙོམ་པར་ཞུགས་མ་ཐག་ཏུ་རྣམ་པ་ཀུན་ཞེས་བྱ་བའི་འོད་ཟེར་གཙུག་ཏོར་གྱི་དབུས་ནས་བྱུྃ་ནས། དེས་ཕྱོགས་ཀུན་དུ་སྣང་བར་བྱས་ཏེ། རིན་པོ་ཆེའི་གདུགས་ལྟ་བུར་ནཾཁའ་ཁའ་ལ་འདུག་པ་དང་། བཅྡོཾས་ཀྱིས་མཛུམ་པ་མཛད་དེ་
གཟིགས་ནས་ལྷའི་དབང་པོ་རྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ལྷའི་དབང་པོ་ཀུནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ་དེ་བཞིན་གཤེགས་པ་ཐཾད་ཀྱི་སྙིང་པོ་དང་དཾ་ཚིགས་ལ་རྣཾ་པར་ལྟ་བ་ཞེས་བྱ་བའི་གཟུངས་
སྔགས་ཟུང་ཤིག །ཕྱག་རྒྱ་འདི་ནི་གང་གཱའི་ཀླུང་བྱེ་བ་ཁྲག་ཁྲིག་འབུཾ་ཕྲག་དྲུག་བཅུ་རྩ་གཉིས་ཀྱི་བྱེ་མ་སྙེད་ཀྱི་དེ་བཞིན་གཤེགས་པ་རྣཾས་ཀྱིས་གསུངས་ཤིང་རྗེསུ་ཡི་རང་བའོ། །གཟུངས་སྔགས་འདི་མཐོང་བ་དང་ཐོས་པ་ཙམ་
གྱིས་སྡིག་པ་དང་། སྒྲིབ་པ་དང་། སེམས་ཅན་དམྱལ་བ་དང་། དུད་འགྲོ་དང་། ངན་འགྲོའི་འཇིགས་པ་ཐཾད་ལས་རྣཾ་བར་གྲོལ་བར་འགྱུརོ། །སྔོན་གྱི་ལས་ཀྱི་སྒྲིབ་པ་ཐཾད་ཀྱང་རྣཾ་པར་འཇིགས་པར་འགྱུར་ཞིང་། སེཾན་དམྱལ་བ་ཐཾས་ཅད་ཀྱང་འཇིགས་པར་
འགྱུར་ཏེ། དཔེར་ན་མེ་ཡིས་རྩྭ་བསྲེགས་པ། །རླུང་གིས་ཐལ་བ་མྱུར་དུ་དེད། །དེ་བཞིན་ཚེ་རབས་སྔ་མ་ལ། བསགས་པའི་སྡིག་པ་ཐཾད་སྲེག །དཔེར་ན་ཆར་པ་འབབ་འགྱུར་ཏེ། །རི་ལ་འབབ་ཆུ་བབ་པ་ཡིས། །ས་ཡི་སྟེང་གི་ཕྱག་དར་དང་། །ཉལ་ཉིལ་
ཐཾད་འདེད་པར་འགྱུར། །དེ་བཞིན་གཟུངས་འདི་མཐོང་བ་དང་། །ཐོས་པ་ཙམ་གྱིས་སྡིག་པ་འབྱང་། །དཔེར་ན་མེ་ཡིས་གསེར་སྦྱངས་ལ། །སོས་གཅད་རུང་བར་སྙི་བར་འགྱུར། །དེ་བཞིན་བཟླས་བརྗོད་བྱས་ཙམ་གྱིས། །ལུས་སྦྱོང་འགྱུར་ཏེ་ཐེ་
97-1-277d


ཚོམ་མེད། །དཔེར་ན་ཉི་མ་ཤར་གྱུར་ན། །འོད་ཟེར་ཀུན་དུ་རབ་ཏུ་འབྱུང་། །དེ་བཞིན་སུ་ཞིགཟུངས་འཆང་བ། །དེ་ཡི་ལུས་ཀྱང་རྣཾས་པར་མཛེས། །དཔེར་ན་སྐམ་པོར་ཉ་འགྲེ་ལྡོག །ཆུ་དང་བྲལ་བས་འཆི་སྒོར་འགྲོ། །ལ་ལས་སླར་ཡང་ཆུར་བོར་
བས། །དེ་ན་གནས་ཤིང་ཡང་རྩེའོ། །དེ་བཞིན་དྲན་པ་ཙམ་གྱིས་ཀྱང་། །མི་རྣཾས་ཚེ་ནི་བཟློག་པར་བྱེད། །ལྷའི་དབང་པོ་གཟུངས་སྔགས་བསྟན་གྱིས་ཉོན་ཅིག །ན་མཿསརྦ་ཏ་ཐཱ་ག་ཏཱ་ནཱྃ། ཨོཾ་མ་ཧཱ་ཙིནྟཱ་མ་ཎི་ཛྭ་ལ་ན། སཱ་ག་
ར་གམྦྷི་རེ། ཨཱ་ཀཪྵ་ཡ། ཨཱ་ཀཪྵ་ཡ། ཨཱ་ཡུནྡྷ་ར། ཨཱ་ཡུནྡྷ་ར། སནྡྷ་ར་སནྡྷ་ར། ཀྵ་ཎ་ཀྵ་ཎ། ཀྵེ་ཎི་ཀྵེ་ཎི། ཀྵུ་ཎུ་ཀྵུ་ཎུ། སརྦ་ཏ་ཐཱ་ག་ཏཱ་ས་མ་ཡ། ཏིཥྛ་ཏིཥྛ། མ་ཧཱ་བྷུ་བ་ན། སཱ་ག་ར། སྃ་ཤོ་དྷ་ཡ། མཱྃ་སརྦ་སཏྭཱྃཤྩ། བྷ་ག་བ་ཏི་སརྦ་པཱ་པྃ་བི་མ་ལ། ཛ་ཡ་
ཛ་ཡ། ཛ་ཡ་ལབྡྷེ། སྥུ་ཊ་སྥུ་ཊ། སྥོ་ཊ་ཡ་སྥོ་ཊ་ཡ། བི་ག་ཏ་ཨཱ་བ་ར་ཎ་བ་ཡ་ཧ་ར་ཎི། ཧཱུྃ་ཧཱུྃ་ཧཱུྃ། མྲྀ་ཏྱུ་དཎྜ་དྷ་རེ། ཨ་བྷ་ཡ་པྲ་དེ། ཨུཥྞཱི་ཥ་བྱ་བ་ལོ་ཀི་ཏེ། ས་མནྟ་མུ་ཥེ། ས་མནྟེ་བྱ་བ་ལོ་ཀི་ཏེ། མ་ཧཱ་མཱ་ཡི། མ་ཧཱ་པཱ་ཤ་དྷ་ར། ཨ་མོ་གྷ་བི་མ་ལེ། ཨཱ་ཀཪྵ་
ཡ་ཨཱ་ཀཪྵ་ཡ། ཨཱ་ཀཌྜྷ་ཡ། ཨཱ་ཀཌྜྷ་ཡ། བྷ་ར་བྷ་ར། སམྦྷ་ར་སམྦྷ་ར། ཨིནྡྲ་ཡ་བི་ཤོ་དྷ་ནི། བྷུ་ཤི་ཏ་བྷུ་ཛེ། མ་ཧཱ་མུ་དྲཱ་བི་ལོ་ཀི་ཏེ། ཛ་ཡ་ཛ་ཡ། སིདྡྷེ་སིདྡྷེ་བུད་བྷ་བུད་བྷ། བོ་དྷ་ནི་བོ་དྷ་ནི། སྃ་བོ་དྷ་ནི་སྃ་བོ་དྷ་ནི། སྃ་ཤོ་དྷ་ནི་སྃ་ཤོ་དྷ་ནི། སྃ་ཤོ་དྷ་ནི་སྃ་ཤོ་དྷ་ནི་སྃ་ཤ་བི་ཤོ་
དྷ་ནི་བི་ཤོ་དྷ་ནི། ཧ་ར་ཧ་ར། མ་མ་སརྦ་པཱ་པྃ། སརྦ་ཏ་ཐཱ་ག་ཏ་ཀུ་ལ་བྷུ་ཛེ། ས་མ་ཡ་ཏིཥྛ། པྲ་ས་ར་ཏུ་མ་མ་པུཎྱཾ་བི་ན་ཥིནྟུ་པཱ་པྃ། སརྦ་ཀཱིལྤི་ཥ་ཧ་ར། མ་ཎི་བི་ཤུདྷེ། ཤོ་དྷ་ཡ་བི་མ་ལེ། བི་ཀ་སི་ཏ་པདྨེ། ཀ་བ་ཙི་ཏ་བྷུ་ཛེ། ཥཊ་པཱ་ར་མི་ཏཱ་པ་རི་པུ་ར་ཎི། 
སརྦ་ཏ་ཐཱ་ག་ཏོཥྞཱི་ཥ་བི་ལོ་ཀི་ཏེ་སྭཱ་ཧཱ། སརྦ་ཏ་ཐཱ་ག་ཏ་གུ་ཧྱ་ཨ་དྷིཥྛཱ་ན་ཨ་དྷིཥྛི་ཏེ་སྭཱ་ཧཱ། ཨཱ་ཡུརྡ་དེ་སྭཱ་ཧཱ། པུ་ཎྱཾ་ད་དེ་སྭཱ་ཧཱ། པུ་ཎྱ་བི་ལོ་ཀི་ཏེ་སྭཱ་ཧཱ། པུ་ཎྱ་ཨཱ་བ་ལོ་ཀི་ཏེ་སྭཱ་ཧཱ། མྲྀ་ཏ་ཏྱུ་དཎྜེ་སྭཱ་ཧཱ། ཡ་མ་དཎྜ་སྭཱ་ཧཱ། ཡ་མ་དུ་ཏེ་སྭཱ་ཧཱ། སྃ་ཧ་ར་ཎི་སྭཱ་ཧཱ། སམྦྷ་ར་ཎི་
སྭཱ་ཧཱ། པྲ་ཏི་ས་ར་ཎི་སྭཱ་ཧཱ། ཨོ་ཛ་བ་ཏི་སྭཱ་ཧཱ། ཏེ་ཛོ་བ་ཏི་སྭཱ་ཧཱ། ཛ་ཡ་བ་ཏི་སྭཱ་ཧཱ། སརྦ་ཏ་ཐཱ་ག་ཏ་མུ་དྲཱ་ཨ་དྷིཥྛཱ་ན་ཨ་དྷིཥྛི་ཏེ་སྭཱ་ཧཱ། ལྷའི་དབང་པོ་གཟུངས་སྔགས་འདི་ལྷའི་བུ་ནོར་བུའི་སྙིང་པོ་དྲི་མ་མེད་པ་ལ་རྗེསུ་སྟོན་ཅིག །
97-1-278a


དེ་ནི་ཁྱོད་ཀྱིས་ལྷའི་བུ་དེ་ལ་ཡུན་རིང་པོར་ཕན་པ་དང་། བདེ་བར་འགྱུརོ། །ཀུནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ་དེ་བཞིན་གཤེགས་པ་ཐཾད་ཀྱི་སྙིང་པོ་དང་དམ་ཚིག་ལ་རྣཾ་པར་ལྟ་བའི་གཟུངས་སྔགས་འདི་བྲིས་ལ་མཆོད་
རྟེན་གྱི་ནང་དུ་གཞུགོ། མཆོད་རྟེན་སར་པ་འམ་རྙིང་པ་བཅོས་པ་ཡང་རུང་སྟེ་དེའི་ནང་དུ་གཞུགོ། སྤོས་དང་། བྱུག་པ་ཡང་ཕུལ་ལ་གཟུངས་ཀྱི་རིག་སྔགས་བརྒྱ་རྩ་བརྒྱད་དྲན་པར་བྱ་ཞིང་ལན་བརྒྱ་རྩ་བརྒྱད་བསྒོམ་པར་བྱའོ། །ཉིན་ཞག་གཅིག་ལ་ཉིན་
ལན་གསུཾ་མཚན་ལན་གསུཾ་དྲན་པར་བྱའོ། །དེ་ནས་ཉི་མ་ཤར་བ་དང་ཤར་ཕྱོགསུ་བལྟས་ཏེ་སྤོས་ཀྱི་དཀྱིལ་འཁོར་བྱས་ལ། ཉི་མ་ལོགསུ་མེ་ཏོག་གིས་གཏོར་རོ། །ཨ་ཀ་རུ་དང་། དུ་རུ་ཀའི་བདུག་པས་བདུག་བསྟེ། ཏེ། དེ་བཞིན་གཤེགས་པ་ཐཾད་ལ་ཕྱག་
བྱས་ལ་ལན་བརྒྱ་རྩ་བརྒྱད་བཟླས་བརྗོད་བྱའོ། །མཆོད་རྟེན་བརྒྱ་རྩ་བརྒྱད་བཏབ་པ་ལ་རིག་སྔགས་ཀྱི་སྙིང་པོ་འདི་བྲིས་ཏེ་མཆོད་རྟེན་གྱི་ནང་དུ་བཅུག་ནས་དཀྱིལ་འཁོར་གྱི་སྟེང་དུ་བཞག་ན་གང་གཱའི་ཀླུང་གི་བྱེ་བ་ཁྲག་ཁྲིག་འབུམ་ཕྲག་དགུ་བཅུ་
རྩ་དགུའི་བྱེ་མ་སྙེད་ཀྱི་དེ་བཞིན་གཤེགས་པ་རྣཾས་ཀྱི་སྐུ་གདུང་དང་རིང་བསྲེལ་མཆོད་རྟེན་རེ་རེའི་ནང་དུ་བཅུག་པར་འགྱུརོ། །རིང་བསྲེལ་གྱི་སྙིང་པོར་ཡང་འགྱུར་རོ། །སྙིང་པོ་འདི་བྲིས་ལ་གཞུགོ། ༀ་ན་མ་སྟྲཻ་ཡ་དྷྭི་ཀཱ་ནཱྃ། སརྦ་ཏ་ཐཱ་ག་ཏ་ཧྲི་
ད་ཡ་གརྦྷེ་ཛྭ་ལ་ཛྭ་ལ། དྷརྨ་དྷཱ་ཏུ་གརྦྷེ་སྃ་བྷ་ར་མ་མ་ཨཱ་ཡུཿ། སྃ་ཤོ་དྷཱ་ཡ། སྃ་ཤོ་དྷཱ་ཡ། མ་མ་སརྦ་པཱ་བྃ། སརྦ་ཏ་ཐཱ་ག་ཏ་ས་མནྟོཥྞཱི་ཥ་བི་མ་ལ་བི་ཤུདྷེ། ཧཱུྃ་ཧཱུྃ་ཧཱུྃ། ཨྃ་བྃ་སྃ་ཛཿསྭཱ་ཧཱ། ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་
བ་ཞེས་བྱ་བ་དུས་གསུཾ་གྱི་དེ་བཞིན་གཤྱེས་པ་ཐཾད་ཀྱི་སྙིང་པོ་འདི་ལ་གུས་པར་བྱས་ཏེ་མཆོད་རྟེན་གྱི་ལས་བྱས་ན་ཚེ་ཟད་པ་ལས་སླར་ནུར་ཏེ་ཚེ་རིང་པོར་སྦྱོང་བར་བྱེད་དོ། །གལ་ཏེ་ཤི་འཕོས་ན་ཡང་སྦྲུལ་གྱི་ལྤགས་པ་བརྗེས་པ་བཞིན་དུ་ལུས་
བོར་ནས་སྐལ་བ་མཉཾ་པས་འཇིག་རྟེན་གྱི་ཁཾས་བདེ་བ་ཅན་དུ་འགྲོ་བར་འགྱུརོ། །འཆི་བའི་སྡུག་བསྔལ་མྱོང་བར་མི་འགྱུརོ། །ཕྱིན་ཆད་ནམ་ཡང་འཆི་བའི་ཚོར་བ་མྱོང་བར་མི་འགྱུརོ། །ཕྱིན་ཆད་སེཾས་ཅན་དམྱལ་བ་དང་། དུད་འགྲོ་དང་། གཤིན་
97-1-278b


རྗེའི་འཇིག་རྟེན་དང་། ངན་འགྲོར་འགྲོ་ཞིང་སྐྱེ་བར་མི་འགྱུརོ། །ཕྱིན་ཆད་སེཾས་ཅན་དམྱལ་བ་པའི་སྒྲ་རྣ་ལམ་དུ་ཡང་གྲག་པར་མི་འགྱུར་ན་འབྲས་བུ་རྣམ་པར་སྨིན་པར་འགྱུར་བ་ལྟ་ཅི་སྨོས་ཏེ་དེ་ནི་གནས་མེད་དོ། །དེ་ནས་ལྷའི་དབང་པོ་
རྒྱ་བྱིན་གྱིས་རིག་སྔགས་འདི་བཅྡོཾས་ལས་བཟུང་ནས་ལྷའི་བུ་ནོར་བུའི་སྙིང་པོ་དྲི་མ་མེད་པ་དང་ལྷན་ཅིག་ཏུ་ནམ་ལངས་པ་དང་རང་གི་གནས་སུ་སོང་སྟེ། དེ་བཞིན་གཤེགས་པས་བཀའ་སྩལ་བའི་ལུང་བཞིན་དུ་ཆོ་ག་གོ་རིམས་བཞིན་དུ་མཆོད་རྟེན་
གྱི་ལས་བྱས་ནས། བཟླས་རྗོད་ཀྱི་ཆོ་ག་ཡང་བྱས་པ་དང་། བྱས་མ་ཐག་ཏུ་ལྷའི་བུ་ནོར་བུའི་སྙིང་པོ་དྲི་མ་མེད་པ་སྡུག་བསྔལ་ཐཾད་ཉེ་བར་ཞི་ནས་སྡིག་པ་ཐཾད་དང་བྲལ་ཏེ། ལུས་རྣཾ་པར་དག་ནས་ལྤགས་པའི་མདོག་ནི་གསེར་གྱི་ཁ་དོག་ལྟ་བུར་གྱུར། 
སྐྲ་དང་མིག་ནི་མཐོན་མཐིང་ལྟ་བུར་གྱུར། དེ་བཞིན་གཤེགས་པ་ཐཾད་ནི་མངོན་དུ་མཐོང་། ནཾཁའི་དབྱིངས་ནས་དེ་བཞིན་གཤེགས་པས་ལེགསོ་ལེགསོ་ཞེས་བྱ་བའི་གསུང་ནི་ཕྱུང་ངོ་། །དེ་ནས་ལྷའི་བུ་དེ་སྒྲིབ་པ་དང་བྲལ་བའི་ལུསུ་གྱུར་པར་
མཐོང་ནས་ཡ་མཚན་ཆེར་བཟུང་སྟེ་རབ་ཏུ་དགའ་ནས། ཨ་ལ་ལ་སངས་རྒྱས། ཨ་ལ་ལ་རིག་སྔགས། ཨ་ལ་ལ་ཆོས། འབྲས་བུ་འཕྲལ་དུ་སྟོན་པ་བཅྡོཾས་དེ་བཞིན་གཤེགས་པ་ཤཱཀྱ་ཐུབ་པ། ཐུགས་རྗེ་མཆོག་ཏུ་ཆེ་བ་ཡིད་བཞིན་གྱི་ནོར་བུ་ལྟ་བུ་དེ་
ལ་ཕྱག་འཚལོ། །ཕྱག་འཚལོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་ལྷའི་བུ་དེ་རང་གི་གནསུ་སོང་ནས་ལྷའི་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་སྣ་ཚོགས་བླངས་ཏེ། ལྷའི་གོས་དང་། སྤུད་པ་དང་། རྒྱན་ཀྱང་བླངས་ནས་
གཡོག་འཁོར་ཐཾད་དང་། ལྷའི་བུ་མོ་དང་། ལྷའི་ཚོགས་དང་། ལྷའི་དབང་པོ་རྒྱ་བྱིན་ལ་སོགས་པ་དང་། དགའ་ལྡན་གྱི་གནསུ་དོང་སྟེ། བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང་། བཅོམ་ལྡན་འདས་ལ་མཆོད་པ་ཆེན་པོ་བྱས་ཏེ་ལན་བརྒྱ་
སྟོང་དུ་བསྐོར་བ་བྱས་ནས་ཆོས་ཉན་པའི་ཕྱིར་དེ་ཉིད་དུ་བཅྡོཾས་ཀྱི་སྤྱན་སྔར་འདུག་གོ། དེ་ནས་རྒྱལ་པོ་ཆེན་པོ་བཞི་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་བཅྡོཾས་ག་ལ་བ་དེ་ལོགས་
97-1-279a


སུ་ཐལ་མོ་སྦྱར་བ་བཏུད་ནས། བཅྡོཾས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སུ་ལས་གང་གིས་ལྷའི་བུ་ནོར་བུའི་སྙིང་པོ་དྲི་མ་མེད་པ་ལ་མི་བཟད་ཅིང་ཤིན་ཏུ་ཚ་བའི་འབྲས་བུ་རྣམ་པར་སྨིན་པ་རྣམ་འབྱུང་བར་འགྱུར། བཅྡོཾས་
ཀྱིས་བཀའ་སྩལ་པ། སྐྱེས་བུ་དམ་པ་དག་ལེགསོ་ལེགསོ། །སྐྱེས་བུ་དམ་པ་དག་ལེགས་པར་དྲིས་སོ། །དེའི་ཕྱིར་ཉོན་ཅིག་དང་བཤད་པར་བྱའོ། །ལག་ན་རྡོ་རྗེ་སྔོན་འབྱུང་བ་འདས་པའི་དུས་ན་ལྷོ་ཕྱོགས་ཀྱི་རྒྱུད་ན་ཡངས་པ་འཁྱིལ་བ་ཞེས་
བྱ་བའི་གྲོང་ཁྱེར་ཡོད་དེ། དེ་ན་བྲམ་ཟེ་དྲི་མ་མེད་པ་ཞེས་བྱ་བ་མཁས་པ། བྱང་བ། གསལ་བ། ཡིད་གཞུངས་པ། གཟུགས་བཟང་ཞིང་མཛེས་པ། བལྟ་ན་སྡུག་པ། མདོག་བཟང་པོ་རྒྱས་པ་མཆོག་དང་ལྡན་པ། དད་པ་དང་ལྡན་པ། དགེ་བའི་བསཾ་པ་ཅན་
རིག་པ་སྨྲ་བ་ཞིག་གནས་ཏེ། དེ་རིག་སྔགས་ཀྱི་རྒྱལ་མོ་འདི་རྗེསུ་སེམས་ཤིང་སྒོམ་ལ་སྔན་དུ་བྱེད་དེ། སེམས་ཅན་ཐཾད་ལ་ཕན་པར་འདོད་དོ། །དེ་ནས་གྲོང་ཁྱེར་དེ་ཉིད་ན་ཁྱིམ་བདག་རབ་སྣང་ཞེས་བྱ་བ་ཕྱུག་པ་ནོར་ཆེ་བ་ལོངས་སྤྱོད་ཆེ་བ། 
གཡོག་འཁོར་མང་བ་ཞིག་གནས་ཏེ། ཁྱིམ་བདག་དེ་ནི་དད་པ་དང་མི་ལྡན་ཞིང་གཞན་མུ་སྟེག་ཅན་ལ་དད་དོ། །བྲམ་ཟེ་དེ་ནི་ཁྱིམ་བདག་དེ་ལ་ཡང་དང་ཡང་རིག་སྔགས་ཀྱི་རྒྱལ་མོ་འདི་སྙིང་པོ་དང་བཅས་པ་སྒྲོགས་ཀྱང་ཁྱིམ་བདག་དེ་ནི་དེ་ལ་དད་པའི་
སེམས་མི་བསྐྱེད་ཀྱི། དེ་འདི་སྙམ་དུ་སེམས་ཏེ། ངས་བྲམ་ཟེ་འདི་དུམ་བུ་དུམ་བུར་བཏུབ་ལ་ཉ་དང་རུ་སྦལ་བསྲེགས་པ་བཞིན་དུ་བོར་ཏེ་ཁ་ངན་སྐྱུགས་ཀྱིས་དགང་ངོ་སྙམ་མོ། །དེས་འདི་སྙམ་དུ་བསམས་མ་ཐག་ཏུ་ཁྱིམ་བདག་དེ་ལ་ཤ་བཀྲ་དང་། 
མཛེའི་ནད་ཀྱིས་བཏབ་བོ། །དེ་ནས་འཆི་བའི་དུས་བྱས་ནས་འཆི་ཀར་སྡུག་བསྔལ་གྱི་ཚོར་བ་ཆེན་པོ་མྱོང་སྟེ། ཤི་ནས་སེམས་ཅན་དམྱལ་བ་ཆེན་པོ་མནར་མེད་པར་སྐྱེས་ནས། དེར་བསྐལ་པའི་ཚད་དུ་སྡུག་བསྔལ་གྱི་ཚོར་བ་མྱོང་ངོ་། །
                       །།                                    །།                        །།                             །།                           །།                      །།                         །།                             །།
97-1-279b


དེ་ནས་ཤི་འཕོས་ནས་ཉ་དང་། ཕག་དང་། རུས་སྦལ་གྱི་ནང་དུ་བསྐལ་པར་སྡུག་བསྔལ་མྱོང་ངོ་། །དེ་ནས་འཆི་བའི་དུས་བྱས་ནས་སེམས་ཅན་དམྱལ་བ་ཐིག་ནག་ཏུ་སྐྱེས་ཏེ། དེར་ཡང་བསྐལ་པའི་ཚད་དུ་སྡུག་བསྔལ་ཆེན་པོ་མྱོང་ངོ་། །དེ་ནས་ཤི་འཕོས་
ནས་གྲོང་ཁྱེར་དེ་ཉིད་དུ་དམུས་ལོང་གི་ཁྱིམ་དུ་སྐྱེས་ཏེ། དམུས་ལོངས་དུ་གྱུར་ནས་ཕན་ཚུན་དུ་སློང་མོ་ལ་སོང་བ་དང་། གཙུག་ལག་ཁང་ཞིག་ཏུ་ཕྱིན་པ་ན། དེ་ན་དགེ་སློང་སྙིང་རྗེ་ལ་གནས་པ་ཞིག་འདུག་སྟེ། དེས་དེ་མཐོང་ནས་བྱཾས་པས་རྒྱས་པར་
བྱས་ཏེ་ཟས་བྱིན་ནོ། །རིག་སྔགས་ཀྱི་རྒྱལ་མོ་འདི་ཡང་བསྒྲགསོ། །དམུས་ལོང་དེས་གཟུངས་སྔགས་འདི་ཐོས་པ་དང་ཚེ་རབས་དྲན་པར་གྱུར་ནས་བྲཾ་ཟེ་དེ་ཡང་དྲན་ཏེ། རྗེསུ་སེམས་ཤིང་སྐྱེ་མའོ་མི་བཟད་པའི་ལས་བྱསོ་སྙམ་ནས་ངོ་ཚ་དང་། 
ཁྲེལ་ཡོད་པར་གྱུར་ཏེ། འཆི་བའི་དུས་བྱས་པ་དང་གཟུངས་སྔགས་འདིའི་མཐུས་སུམ་བཅུ་རྩ་གསུཾ་པའི་ལྷའི་ནང་དུ་སྐྱེས་ཏེ། གཞལ་མེད་ཁང་ཆེན་པོའི་ནང་ན་ལྷའི་བུ་མོའི་ཚོགས་ཀྱིས་བསྐོར་ཅིང་ལྷའི་ལོངས་སྤྱོད་ཆེན་པོ་མྱོང་བར་གྱུར་
ཏོ། །དེའི་ཚེ་དེའི་དུས་ན་ཁྱིམ་བདག་དམུས་ལོང་དུ་གྱུར་པ་དེ་གཞན་ཞིག་ཡིན་སྙཾ་དུ་ཁྱོད་དོགས་ཤིང་ཐེ་ཚོམ་ཟ་འམ་ཡིད་གཉིསུ་གྱུར་ན་དེ་ལྟར་མི་བལྟ་སྟེ། ལྷའི་བུ་ནོར་བུའི་སྙིང་པོ་དྲི་མ་མེད་པ་འདི་ཉིད་དོ། །ལག་ན་རྡོ་རྗེ་དེ་ལྟ་བས་ན་སྡོམ་པ་
གསུམ་གྱིས་བསྡམ་པར་བྱའོ། །ལག་ན་རྡོ་རྗེ་ལས་ངས་འབྲས་བུ་རྣཾ་པར་སྨིན་པ་སྡུག་བསྔལ་གྱི་ཚོར་བ་འདི་ལྟ་བུ་མྱོང་ངོ་། །ལྷའི་བུ་འདིས་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་ལས་ཀྱི་འབྲས་བུ་ཐ་མ་འདི་མྱོང་ངོ་། །ལག་ན་རྡོ་རྗེ་
དེའི་ཚེ་དེའི་དུས་ན་བྲམ་ཟེ་དྲི་མ་མེད་པར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་དོགས་ཤིང་ཐེ་ཚོཾ་འཾ་ཡིད་གཉིསུ་གྱུར་ན་དེ་ལྟར་མི་ལྟ་སྟེ། ལག་ན་རྡོ་རྗེ་ཁྱོད་ཉིད་དོ། །དམུས་ལོང་ལ་གཟུངས་སྔགས་འདི་སྒྲོགས་པའི་དགེ་སློང་དེ་ནི་
འཇམ་དཔལ་གཞོན་ནུར་གྱུར་པ་འདི་ཉིད་ཡིན་ཏེ། དེའི་ཚེ་དེའི་དུས་དགེ་སློང་དུ་གྱུར་ཏོ། །དེ་ནས་ལྷའི་འཁོར་མང་པོ་དེས་སྔོན་བྱུང་བ་འདི་ཐོས་ནས་རྨད་དུ་བྱུང་བར་གྱུར། དགའ་བ་ཐོབ་པར་གྱུར་ཏེ། ཅ་ཅོ་དང་ག་ཞའི་སྒྲ་ཆེན་པོ་ཕྱུང་ནས་ཨ་ལ་ལ་དེ་
97-1-280a


བཞིན་གཤེགས་པའི་དམ་ཚིགས་རིག་སྔགས་འདིའི་མཐུ་ནི་ཡིད་བཞིན་གྱི་ནོར་བུ་རིན་པོ་ཆེ་ལྟ་བུའོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་འཁོར་དེ་ལས་ལྷའི་བུ་ཁྲི་ཉིས་སྟོང་ནི་ཕྱིར་མི་ལྡོག་པར་གྱུར་ཏོ། །
ལྷའི་བུ་མོ་བྱེ་བ་ཕྲག་འབུམ་ནི་བུད་མེད་ཀྱི་དབང་པོ་དང་བྲལ་ནས་སྐྱེས་པའི་དབང་པོ་བྱུང་སྟེ་ཕྱིར་མི་ལྡོག་པ་ཉིད་ལ་གནས་སོ། །དེ་ནས་བཅྡོཾས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅྡོཾས་གཟུང་
ཀྱི་ཚིག་རིག་སྔགས་ཀྱི་རྒྱལ་མོ་འདི་ནི་མཐུ་ཆེ་བ་ཕན་ཡོན་ཆེ་བ་ལགས་སོ། །བཅྡོཾས་ཇི་ལྟར་སླད་མའི་ཚེ་སླད་མའི་དུས་ན་སེམས་ཅན་རྣཾས་ལ་ཕན་པ་དང་བདེ་བར་འགྱུར་ཞིང་། གང་གིས་སེམས་ཅན་དམྱལ་བ་དང་། དུད་འགྲོའི་སྐྱེ་
གནས་ནས་ཡོངསུ་གྲོལ་བར་འགྱུར་བའི་སྒྲུབ་པའི་ཆོ་ག་བཤད་དུ་གསོལ། བཅྡོཾས་ཀྱིས་བཀའ་སྩལ་པ། ལག་ན་རྡོ་རྗེ་གཟུངས་སྔགས་འདིའི་ཕན་ཡོན་དང་། སྒྲུབ་པའི་ཆོ་ག་འདི་ཉོན་ཅིག །འདི་ལྟར་ཕྱི་མའི་ཚེ་ཕྱི་མའི་དུས་ན་རིགས་
ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མས་རིག་སྔགས་ཀྱི་རྒྱལ་མོ་འདི་དུས་གཅིག་ཏུ་དྲན་པར་བྱའོ། །རིང་བསྲེལ་གྱི་སྙིང་པོ་འམ། དེ་བཞིན་གཤེགས་པའི་རིང་བསྲེལ་གྱི་སྙིང་པོ་
ཅན་གྱི་མཆོད་རྟེན་ལ་བསྐོར་བ་བྱའོ། །ཡིད་བཞིན་གྱི་ནོར་བུ་རིན་པོ་ཆེ་འདི་གཉིས་ཀྱང་དུས་གཅིག་ཏུ་དྲན་པར་བྱའོ། །དེས་ནི་གང་གཱའི་ཀླུང་གི་བྱེ་མ་སྙེད་ཁྲག་ཁྲིག་ཕྲག་འབུམ་གྱི་བྱེ་མ་སྙེད་ཀྱི་དེ་བཞིན་གཤེགས་པ་རྣཾས་ལ་དགེ་བའི་རྩ་བ་
བསྐྱེད་པར་འགྱུརོ། །བསོད་ནཾས་ཆེན་པོ་དང་ལྡན་པར་འགྱུརོ། །མཚམས་མེད་པ་ལྔའི་ལས་ཀྱི་སྒྲིབ་པ་རྣཾས་ཀྱང་ཡོངསུ་བྱང་བར་འགྱུརོ། །སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་གྱི་ངན་སོང་རྣཾས་ལས་ཡོངསུ་ཐར་བར་
འགྱུརོ། །ཚེ་རིང་པོར་འགྱུརོ། །སྦྲུལ་གྱི་ལྤགས་པ་བརྗེས་པ་བཞིན་དུ་ལུས་བོར་ནས་སྐལ་བ་མཉམ་པའི་ཕྱིར་འཇིག་རྟེན་གྱི་ཁཾས་བདེ་བ་ཅན་དུ་འགྲོ་བར་འགྱུརོ། །ཕྱིན་ཆད་མངལ་གྱི་གནས་ཀྱི་དྲི་མས་མི་གོས་པར་འགྱུརོ། །གང་དང་གང་དུ་སྐྱེ་བ་དེ་དང་དེར་བརྫུས་
97-1-280b


ཏེ་སྐྱེ་ཞིང་པད་མ་ལས་སྐྱེ་བར་འགྱུརོ། །ཚེ་རབས་ཐཾད་དུ་ཚེ་རབས་དྲན་པར་འགྱུརོ། །རྟག་ཏུ་དེ་བཞིན་གཤེགས་པ་ཐཾད་ལ་ལྟ་འདོད་པར་འགྱུརོ། །བསམ་པ་ཐཾད་ཡིད་བཞིན་དུ་ཡོངསུ་རྫོགས་པར་འགྱུརོ། །གལ་ཏེ་ཆོ་ག་བྱ་བར་འདོད་ན་དེས་ཁྲུས་བྱས་ལ་གོས་སར་པ་
བགོས་ཏེ། སྤོས་ཀྱི་དཀྱིལ་འཁོར་གྲུ་བཞི་པ་བྱའོ། །སྙིང་པོའི་རིག་སྔགས་གྲོ་ག་ལ་བྲི་བར་བྱའོ། །མཆོད་རྟེན་ལྔ་གདབ་པར་བྱའོ། །རིག་སྔགས་འདི་ཡང་མཆོད་རྟེན་གྱི་ནང་དུ་གཞུགས་པར་བྱའོ། །མཆོད་རྟེན་བཞི་ནི་གྲྭ་བཞིར་གཞགོ། གོ། །གཅིག་ནི་
དཀྱིལ་འཁོར་གྱི་དབུསུ་གཞགོ། ཤིང་བུ་བཙུགས་ཏེ་བ་དན་དམར་པོ་དཔྱང་བར་བྱའོ། །མེ་ཏོག་གིས་གཏོར་རོ། །བུམ་པ་གང་བ་ལྔ་གཞགོ། གྲྭ་བཞིར་པོག་པོར་བཞི་ནས་དུ་རུ་ཀ་དང་། ཨ་ཀ་རུ་དང་། ཙན་དན་དང་། གུ་གུལ་གྱི་བདུག་པས་བདུག་པར་
སྤོས་ཀྱི་མཆོད་ཡོན་གྱི་སྣོད་བཞི་གཞག་པར་བྱའོ། །ཡིད་བཞིན་གྱི་ནོར་བུ་རིན་པོ་ཆེ་འདི་གཉིས་ཀྱང་ལན་བརྒྱ་རྩ་བརྒྱད་ཟླས་བརྗོད་བྱའོ། །སྙིང་པོའི་སྔགས་བརྗོད་ཅིང་དཀྱིལ་འཁོར་ལ་བསྐོར་བ་བརྒྱ་རྩ་བརྒྱད་བྱའོ། །ནད་ཀྱིས་བཏབ་པ་དང་། གནོད་པ་དང་། ནད་
ཚབས་ཆེ་བ་དང་། ཚེ་ཟད་པ་དང་། དུས་མ་ཡིན་པར་འཆི་བས་འཇིགས་པ་དང་། རྒྱལ་པོ་དང་། ཕ་རོལ་གྱི་དམག་ཚོགས་ཀྱིས་སྐྲག་པ་དང་། བུ་འདོད་པ་དཀྱིལ་འཁོར་ལ་མངོན་པར་ཕྱོགས་པར་གཞགོ། རྨ་བྱའི་སྒྲོ་ལྔས་བྱབ་པར་བྱའོ། །མཆོད་རྟེན་གྱི་དཀྱིལ་
འཁོར་ལ་མཆོད་པར་བྱའོ། །ཆོ་ག་འདི་ལན་གཅིག་བྱས་ན་བསྐལ་པ་འབུཾ་ཏུ་བསགས་པའི་ལས་ཀྱི་སྒྲིབ་པ་དང་བྲལ་ནས་སྒྲིབ་པ་མེད་པར་འགྱུརོ། །ནད་ཐཾད་དང་། ཉོན་མོངས་པ་ཐཾད་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་
འཇིག་རྟེན་གྱི་ངན་སོང་ཐཾད་དང་། འཇིགས་པ་ཐཾད་ལས་ཡོངསུ་ཐར་བར་འགྱུརོ། །འཇིག་རྟེན་པ་དང་། འཇིག་རྟེན་ལས་འདས་པའི་སྡུག་བསྔལ་དང་སྒྲིབ་པ་དང་། སྡིག་པ་དང་། གདུག་པ་ཐཾད་ཚེ་རབས་ཅིག་ནས་གཅིག་ཏུ་རྒྱུད་དེ། བྱང་ཆུབ་ཀྱི་སྙིང་པོའི་
ཐར་ཐུགས་གི་བར་དུ་རྣཾ་པར་འཇིགས་པར་འགྱུརོ། །ཚེ་ཟད་པ་ཡང་ཕྱིར་ནུར་ཞིང་ཚེ་རིང་བར་འགྱུརོ། །ཡུན་རིང་དུ་ནད་ཀྱིས་བརྙོངས་ཏེ་ཤ་ཟད་པ་ཡང་ལུས་ཡོངས་རྫོགས་པར་འགྱུརོ། །ལུས་ཤིན་དུ་ཡོངསུ་དག་པར་འགྱུརོ། །བསཾ་པ་ཡིད་བཞིན་དུ་ཡོངསུ་རྫོགས་
97-1-281a


པར་འགྱུརོ། །ཕྱིན་ཆད་འཆི་བདག་གི་སྒོའི་སྡུག་བསྔལ་མི་མཐོང་བར་འགྱུརོ། །སྦྲུལ་གྱི་ལྤགས་པ་བརྗེས་པ་བཞིན་དུ་ལུས་བོར་ནས་སྐལ་པ་མཉམ་པས་ཕྱིར། འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུརོ། །གང་དང་གང་དུ་
སྐྱེ་བ་དང་དེར་པད་མ་ལས་སྐྱེ་བར་འགྱུརོ། །ཐཾད་དུ་རྒྱན་ཐཾད་ཀྱིས་བརྒྱན་པར་འགྱུརོ། །སྐྱེ་བ་ཐམས་ཅད་དུ་ཚེ་རབས་དྲན་པར་འགྱུརོ། །འདི་བཟླས་བརྗོད་ཀྱི་ཆོ་ག་བཞིན་དུ་ཉིན་ཅིག་བཞིན་དུ་དུས་གསུམ་དུ་ལན་ཉི་ཤུ་རྩ་གཅིག་བཟླས་བརྗོད་བྱས་
ན་དེའི་སྡིག་པའི་སྒྲིབ་པ་དང་། ཉོན་མོངས་པ་ཐཾད་ལས་རྣཾ་པར་གྲོལ་བར་འགྱུརོ། །བཟླས་བརྗོད་ཆོ་ག་བཞིན་དུ་ལོ་གཅིག་ཚང་བར་བྱས་ན་འཇིགས་པ་མེད་པར་ལྟ་བ་ཀུན་ནས་སྒོའི་འོད་ཟེར་ཞེས་བྱ་བའི་ཏིང་ངེ་འཛིན་འཐོབ་པོ། །ཕྱོགས་བཅུའི་སངྱས་
ཀྱི་ཞིང་ཐཾད་དུ་དེ་བཞིན་གཤེགས་པ་ཐཾད་མཐོང་བར་འགྱུརོ། །དྲི་མ་མེད་པར་རྣམ་པར་དག་པ་འབར་བའི་གཟི་བརྗིད་ཅེས་བྱ་བའི་ལུས་ཡོངསུ་དག་པ་འཐོབ་པར་འགྱུརོ། །ཚེ་རྣམ་པར་དག་པ་ཐོབ་པར་འགྱུརོ། །གང་གཱའི་ཀླུང་བྱེ་བ་ཁྲག་ཁྲིག་
འབུཾ་ཕྲག་བརྒྱད་བཅུ་རྩ་གཉིས་ཀྱི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་ལ་དགེ་བའི་རྩ་བ་བསྐྱེད་པར་འགྱུརོ། །ཚེ་རབས་ཅིག་ནས་གཅིག་ཏུ་བརྒྱུད་པ་རྣཾས་སུ་ཡང་ཤིན་ཏུ་ཡོངསུ་དག་པར་འགྱུརོ། །སངས་རྒྱས་ཀྱི་ཞིང་གང་དང་གང་དུ་
འགྲོ་འདོད་པ་དེར་འགྲོ་བར་འགྱུརོ། །སྦྲུལ་གྱི་ལྤགས་པ་བརྗེས་པ་བཞིན་དུ་ལུས་བོར་ནས་སྐལ་བ་མཉཾ་པའི་ཕྱིར་འཇིག་རྟེན་གྱི་ཁཾས་བདེ་བ་ཅན་དུ་སྐྱེ་བར་འགྱུརོ། །འཆི་བདགི་སྒོ་མི་མཐོང་ཞིང་རྨི་ལམ་ལྟ་བུར་ཀུན་དུ་ཤེས་སོ། །
ཚེས་བརྒྱད་དམ། བཅུ་བཞི་འམ། བཅྭ་ལྔ་ལ་ཡིད་བཞིན་གྱི་ནོར་བུ་རིན་པོ་ཆེ་ཆེན་པོའི་གཟུངས་སྔགས་འདི་གཉིས་ལན་བརྒྱ་རྩ་བརྒྱད་བཟླས་བརྗོད་བྱས་ཤིང་རིང་བསྲེལ་དང་བཅས་པའི་མཆོད་རྟེན་ལ་བསྐོར་བ་བྱས་ན་བཟླས་བརྗོད་བྱས་པ་ཙམ་
གྱིས་ཕྲལ་དུ་མཆོད་རྟེན་ལ་སྒྲ་འབྱུང་སྟེ། ལེགསོ་ཞེས་བྱ་བ་སྦྱིན་པར་འགྱུརོ། །འཕྲལ་དུ་སྡིག་པའི་སྒྲིབ་པ་དང་། ཉོན་མོངས་པ་ཐཾད་དང་། འདོད་ཆགས་དང་། ཞེ་སྡང་དང་། གཏི་མུག་གི་དྲི་མ་དང་། སེར་སྣ་དང་། ཕྲག་དོག་དང་བྲལ་བར་འགྱུར་རོ། །
97-1-281b


ལུས་དྲི་མ་མེད་ཅིང་ཡོངསུ་དག་པར་འགྱུརོ། །སྐྱེས་པ་འམ། བུད་མེད་དམ། ཁྱེའུ་འམ། བུ་མོ་གང་དང་གཏམ་བྱས་པ་དེ་དག་ཐམས་ཅད་ཀྱང་སྡིག་པ་རྣམས་ལས་གྲོལ་བར་འགྱུརོ། །དུད་འགྲོའི་སྐྱེ་གནས་སུ་སོང་
བ་ལ་སྨྲས་ན་ཡང་དུད་འགྲོའི་སྐྱེས་གནསུ་གཏོགས་པ་ཐཾད་ལས་ཡོངསུ་ཐར་འགྱུརོ། །བྱའི་ཚོགས་ཐཾད་ལ་སྨྲས་ན་ཡང་བྱའི་ཚོགས་ཐཾད་ཡོངསུ་གྲོལ་བར་འགྱུརོ། །ཐ་ན་ཁྱི་དང་། རུ་སྦལ་དང་། སྦྲུལ་དང་། བྱི་ལ་དང་། 
སྲེ་མོ་དང་། སྲོག་ཆགས་སྣ་ཚོགས་ལ་སྨྲས་ན་ཡང་ཐམས་ཅད་ཡོངསུ་གྲོལ་བར་འགྱུརོ། །བྱེ་མ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་དུར་ཁྲོད་དུ་གཏོར་ན། གང་གི་རུས་པ་ལ་ཕོག་པ་དེ་དག་སེམས་ཅན་དམྱལ་བ་
གང་དང་གང་དུ་སྐྱེས་པ་དེ་དང་དེ་ནས་ཡོངསུ་ཐར་ཏེ་མཐོ་རིསུ་སྐྱེ་བར་འགྱུར་རོ། །གང་དག་མཐོ་རིསུ་སྐྱེས་པ་དེ་དག་གི་ལུས་ལ་མེ་ཏོག་གི་ཆར་འབབ་པར་འགྱུརོ། །གཅན་ཟན་དང་། བྱ་སྣ་ཚོགས་གང་དག་དུར་ཁྲོད་དེར་
འགྲོ་བ་དེ་དག་ཐམས་ཅད་ཀྱང་བདེ་འགྲོར་འགྲོ་བར་འགྱུརོ། །རིས་ལ་གཏོར་ན་རི་དགས་དང་། བྱ་རྒྱུ་བ་དེ་དག་ཐམས་ཅད་བདེ་འགྲོར་འགྲོ་བར་འགྱུརོ། །ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་
སྣང་བ་དུས་གསུམ་གྱི་དེ་བཞིན་གཤེགས་པའི་སྙིང་པོ་ལན་བརྒྱ་སྟོང་བཟླས་བརྗོད་བྱས་ན། གལ་ཏེ་མཚམས་མེད་པ་ལྔ་བྱེད་པ་དག་མནར་མེད་པར་ལྷུང་ནས་གདུང་བས་བསྲེགས་པ་ལས་འཕྲལ་དུ་
ཡོངས་སུ་ཐར་བར་འགྱུར་རོ། །ལན་འབུམ་བཟླས་བརྗོད་བྱས་ན། གལ་ཏེ་མགུལ་ནས་ཐག་པས་བཏགས་ཏེ་ཁྲིད་པ་ཡང་གཤིན་རྗེའི་གནས་ནས་འཕྲལ་དུ་ལྡོག་པར་འགྱུརོ། །དེའི་འཇིགས་
པ་ཆེན་པོ་ལས་ཡོངསུ་གྲོལ་བར་འགྱུརོ། །སེམས་ཅན་དམྱལ་བ་ཐཾད་ཀྱང་རྣམ་པར་ཞི་ཞིང་རྣམ་པར་འཇིགས་པར་འགྱུར་ཏེ་ཐེ་ཚོམ་མེད་དོ། །ཆོས་ཀྱི་རྒྱལ་པོ་གཤིན་རྗེ་ཡང་བྲན་བཞིན་དུ་སེམས་ཤིང་
97-1-282a


འདུག་གོ། ལུས་བསམ་གཏན་གྱི་ལམ་བཞིན་ནམ། སྦྲུལ་གྱི་ལྤགས་པ་བརྗེས་པ་བཞིན་དུ་ལུས་བོར་ནས་འཇིག་རྟེན་གྱི་ཁམས་བདེ་བ་ཅན་དུ་མངོན་པར་དགའ་ཞིང་འགྲོ་བར་འགྱུར་རོ། །འཆི་བདག་གི་སྡུག་
བསྔལ་མི་མཐོང་བར་འགྱུར་རོ། །འབུམ་བྲིས་ཏེ་མཆོད་རྟེན་གྱི་ནང་དུ་བཅུག་ན། འབུམ་ཚང་ནས་མཆོད་རྟེན་ཐམས་ཅད་འབར་བར་འགྱུར་རོ། །བདག་ཀྱང་འབར་བར་འགྱུར་རོ། །ངེས་པར་འཕྲལ་དུ་ཕྱིར་མི་ལྡོག་པར་
འགྱུར་རོ། །ས་བཅུ་ལ་གནས་པར་འགྱུར་རོ། །གང་གཱའི་ཀླུང་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུའི་བྱེ་མ་སྙེད་ཀྱི་བཅོམ་ལྡན་འདས་དེ་བཞིན་གཤེགས་པ་རྣམས་ལ་དགེ་བའི་རྩ་བ་བསྐྱེད་ཅིང་ལུང་བསྟན་
པ་ཐོབ་པར་འགྱུར་རོ། །དེ་ནས་མཆོད་རྟེན་ཆེན་པོ་གཅིག་གི་ནང་དུ་བཅུག་སྟེ་ཤིང་བུ་བསྒྲེང་བ་བྱས་ན་དུས་གསུམ་གྱི་དེ་བཞིན་གཤེགས་པའི་རིང་སྲེལ་གྱི་སྙིང་པོ་འབུམ་གྱི་མཆོད་རྟེན་ཞེས་བྱའོ། །གང་དག་དེ་ལས་བྱ་བ་
རྣམས་བྱེད་པ་དེ་དག་ཐམས་ཅད་ཀྱང་ཕྱིར་མི་ལྡོག་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །ཐ་ན་དུད་འགྲོའི་སྐྱེ་གནས་སུ་གཏོགས་པ་རྣམས་དང་། 
གཞན་ཡང་སྲོག་ཆགས་ཀྱི་རིགས་སྣ་ཚོགས་གང་དག་དེར་འདོང་བ་དེ་དག་ཀྱང་ཕྱིར་མི་ལྡོག་པར་འགྱུར་རོ། །ཐ་ན་གྲིབ་མས་ཕོག་ན་ཡང་ཡོངས་སུ་གྲོལ་བར་འགྱུར་ན་བཀུར་བསྟི་མང་དུ་བྱེད་པ་ལྟ་སྨོས་ཀྱང་ཅི་དགོས་ཏེ། 
འདིའི་ཡོན་ཏན་དང་ཕན་ཡོན་ནི་བརྗོད་པར་མི་ནུས་སོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་བཞི་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། 
དགའ་ལྡན་གྱི་གནས་ན་གནས་པའི་ལྷའི་བུ་དེ་དག་དང་། བརྒྱ་བྱིན་ལ་སོགས་པ་སུམ་བཅུ་རྩ་གསུམ་གྱི་རིས་ཀྱི་ལྷའི་བུ་རྣམས་དང་། ལྷའི་བུ་ནོར་བུའི་སྙིང་པོ་དྲི་མ་མེད་པ་དང་། དེ་དག་ཐམས་ཅད་བཅོམ་ལྡན་
97-1-282b


འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་གཟུངས་སྔགས་མཐུ་ཆེན་པོ་འདི་ནི་ཡིད་བཞིན་གྱི་ནོར་བུ་རིན་པོ་ཆེ་ལྟ་བུར་མཐོང་བ་དང་། ཐོས་པར་དཀའ་བ་ལགས་ཏེ། བཅོམ་ལྡན་འདས་བདག་ཅག་ལྷན་ཅིག་ཚོགས་ནས་སླད་མའི་ཚེ་སླད་མའི་དུས་ན་
ཡིད་བཞིན་གྱི་ནོར་བུ་རིན་པོ་ཆེ་འདི་གཟུང་བར་བགྱིའོ། །རྒྱས་པར་བགྱིའོ། །སེམས་ཅན་ཐྃད་ལ་བསྒྲག་པར་བགྱིའོ། །འདི་འཛིན་པའི་སེམས་ཅན་ཆེན་པོ་དེའི་སླད་བཞིན་འབྲང་ཞིང་རྟག་ཏུ་རྒྱུན་མི་འཆད་པར་བསྲུང་བ་དང་། བསྐྱབ་པ་དང་། སྦ་བར་
བགྱིའོ། །བུ་བཞིན་དུ་ཡོངས་སུ་བསྐྱང་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། གྲོགས་པོ་དག་ལེགས་སོ་ལེགས་སོ། །ཁྱོད་ཀྱིས་དེ་ལྟར་གྱིས་ཤིག །རིག་སྔགས་ཀྱི་རྒྱལ་མོ་ཡིད་བཞིན་གྱི་ནོར་བུ་རིན་པོ་ཆེ་འདི་
ངས་ཁྱོད་ལ་གཏད་དོ། །འཕགས་པ་ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང་དམ་ཚིག་ལ་རྣམ་པར་ལྟ་བ་ཞེས་བྱ་བའི་གཟུངས། རྫོགསྷོ།། །།
རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། །
༄༅། །རྒྱ་གར་སྐད་དུ།  ཨཱརྱ་སརྦ་རོ་ག་པྲ་ཤ་མ་ནི་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་ནད་ཐམས་ཅད་རབ་ཏུ་ཞི་བར་བྱེད་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་
ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་
97-1-283a


འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཆོས་ཀྱི་རྣམས་གྲངས་འདི་ཟུང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་ཡང་དག་པར་སྟོན་
ཅིག །ཏད་ཡ་ཐཱ། ཙི་ལེ་མི། ཙི་ལེ་མི། པ་ན་ཀོ་ཀི་ལི། ཤྲི་མ་ཏི། ཀུཎྜ་ལེ། དུན་དུ་བྷེ། ཨིན་དྲ་ནི་མུ་ལེ་སྭཱ་ཧཱ། འདི་དག་ནི་ཟས་མ་ཞུ་བ་དང་། སྦོས་པ་དང་། ཁྲག་དང་མཁྲིས་པ་འདྲེས་པ་དང་། གཞང་འབྲུམ་གྱིས་བཏབ་པ་
དང་། གཞང་ནད་ཅན་དང་། ཟ་ཁུ་དང་། ལུད་པ་ཅན་དང་། རིམས་ནད་ཅན་དང་། ཀླད་པ་ན་བ་དང་། གཞོག་ཕྱེད་ན་བ་དང་། ཡི་དགས་ཀྱིས་ཟིན་པའི་གསང་སྔགས་གཞི་ཡིན་ཏེ། ཀུན་དགའ་བོ་གང་གསང་སྔགས་གཞི་
འདི་དག་ལས་འགལ་བར་བྱེད་པ་དེ་ནི་ངས་ལྷ་དང་བཅས་པའི་འཇིག་རྟེན་ན་མ་མཐོང་ངོ་། །ཚེ་ཟད་པ་ནི་མ་གཏོགས་སོ། །གསང་སྔགས་ཀྱི་གཞི་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་ཀྱིས་གསུངས་པ་སྟེ། འདི་ལ་སངས་རྒྱས་ནི་སེམས་ཅན་ཐམས་ཅད་ཀྱི་མཆོག་གོ། འདོད་ཆགས་དང་བྲལ་བ་ནི་ཆོས་ཐམས་ཅད་ཀྱི་མཆོག་གོ། དགེ་འདུན་ནི་ཚོགས་ཐམས་ཅད་ཀྱི་མཆོག་གོ། བདེན་པའི་
ཚིག་དང་། བདེན་པའི་ངག་འདིས་བདག་གིས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་རྣམས་ལེགས་པར་བདེ་བར་ཞུ་བར་གྱུར་ཅིག་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་
དེ་དག་ཡིད་རངས་ཏེ།  བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ནད་ཐམས་ཅད་རབ་ཏུ་ཞི་བར་བྱེད་པའི་གཟུངས། རྫོགས་སྷོ།། །། 
དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་བླ་མའི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། བཛྲ་བཛྲ། མ་ཧཱ་བཛྲ་
97-1-283b


སརྦ་བྷྱ་དྷི་ཧ་ན་ཧ་ན་བཛྲེན་སྭཱ་ཧཱ། འཕགས་པ་ནད་ཐམས་ཅད་རབ་ཏུ་ཞི་བར་བྱེད་པའི་གཟུངས། རྫོགས་སྷོ།། །། ༄༅། །རྒྱ་གར་སྐད་དུ།  ཨཱརྱ་ཛྭཱ་ར་པྲ་ཤ་མ་ནི་ནཱ་མ་དྷཱ་ར་ནཱི།  བོད་སྐད་དུ།  འཕགྶ་
པ་རིམས་ནད་རབ་ཏུ་ཞི་བར་བྱེད་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་དུར་ཁྲོད་
ཆེན་པོ་བསིལ་བའི་ཚལ་ན་བཞུགས་ཏེ། དེ་ནས་དགེ་སློང་ཞིག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་
གཅིག་ཏུ་འདུག་ནས་དགེ་སློང་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདི་ན་སེམས་ཅན་རིམས་ནད་ཀྱིས་རྣམ་པར་གཙེས་པ་དག་མཆིས་ན། བཅོམ་ལྡན་འདས་དེ་དག་
ལ་བསྲུང་དུ་གསོལ། དེ་ནས་བཅོམ་ལྡན་འདས་ཀྱིས་སྣམ་ལོགས་སུ་གཟིགས་ཏེ། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཕྱོགས་འདི་ན་མེ་ལྕེ་ཕྲེང་བ་ཞེས་པའི་རིམས་གནས་ཏེ། དེ་སེམས་
ཅན་རྣམས་ལ་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པའི་ཚུལ་གྱིས་རྣམ་པར་འཚེ་བར་བྱེད་དེ། དེ་བསྲུང་བའི་གསང་སྔགས་ཀྱི་གཞི་ནི་འདི་དག་ཡིན་ནོ། །ཏདྱ་ཐཱ། ཛྭ་ལ་ནི་ཛྭ་ལ་ནི། 
པྲ་ཛྭ་ལ་ནི། པྲ་ཏི་བ་ནི། པྲ་ཤ་མ་ནི། བདག་གི་རིམས་ནད་སོང་ཤིག །མ་འདུག་གཅིག་སྭཱ་ཧཱ། བདེན་པ་དང་། བདེན་པའི་ཚིག་གང་གིས་འཇིག་རྟེན་ན་སངས་རྒྱས་བླ་ན་མེད་པ་དང་། འཇིག་རྟེན་ན་ཆོས་དང་། དགེ་འདུན་
བླ་ན་མེད་པའི་བདེན་པ་དང་། བདེན་པའི་ཚིགས་དེས་བདག་གི་རིམས་ནད་སོད་ཤིག །མ་འདུག་ཅིག་སྭཱ་ཧཱ། སིང་དྷྱྃ་ཏུ་མན་དྲ་པ་དཻ། ཏ་ར་ཏུ། བིད་དྷྱ་ཏྃ་བྲཧྨ་ཨཱ་ནུ་མོ་ཏེ་སྭཱ་ཧཱ། སྐུད་པ་ནག་པོ་ལ་ལན་ཉི་ཤུ་རྩ་གཟླས་ཏེ། 
97-1-284a


མདུད་པ་ཉི་ཤུ་རྩ་གཅིག་དོར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དེ་དགེ་སློང་དེ་དག་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རིམས་ནད་
རབ་ཏུ་ཞི་བར་བྱེད་པ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། ། 
དཀོན་མཆོག་གསུམ་ལ་ཕྱག་འཚལ་ལོ། །འཕགས་པ་འོད་དཔག་ཏུ་མེད་པ་ལ་ཕྱག་འཚལ་ལོ། །ཏདྱ་ཐཱ། ཨི་ལི་མི་ཏི་མེ་ལི། ཧ་ནེ་སུ་ཧ་ནེ། ཆེ་གེ་མོ་ཞིག་ཛྭ་ལ་བན་དྷ་མི། ཨེ་ཀ་ཧི་ཀ་ན། ཏྲི་ཧི་ཀྃ། ཙ་ཏུ་ཤྩ་ཀྃ །
སྣི་ཏྱ་ཛྭ་རྃ་སྭཱ་ཧཱ། ཆོ་ག་ནི་འདི་བྲིས་ཏེ་མགུལ་དུ་བཏགས་ན་རིམས་མེད་པར་བྱེད་དོ། །རིམས་ནད་ཞི་བའི་གཟུངས། རྫོགས་སྷོ།། །། རྒྱ་གར་སྐད་དུ།  ཨཱརྱ་ཨཀྵི་རོ་ག་པྲ་ཤ་མ་ནི་སུ་ཏྲ།  བོད་སྐད་དུ།  འཕགས་པ་
མིག་ནད་རབ་ཏུ་ཞི་བར་བྱེད་པའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་
རི་ལ་བཞུགས་ཏེ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ནག་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་
འདིར་མིག་ནད་དག་བྱུང་ན་དེ་དག་ལ་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ནག་པོ་མིག་ནད་ཀྱི་སྔགས་ཀྱི་ཚིག་འདི་དག་ཡོད་དེ། ཏདྱ་ཐཱ། རུ་དྷི་རེ་ཕུ། རུ་དྷི་ར་ཨཀྵི་ཕུ། རུ་དྷ་རི་བི་ག་ལེ་ཕུ། 
བཱ་ཏེ་ཕུ། བ་ཏེ་ལེ་ཕུ། ཧན་ཏེ་ཕུ། མཱྃ་ས་དུན་དུ་བྷི་ཕུ། པད་མ་ཨཀྵི་ཕུ། པད་མ་དཎྚ་ཊ་ཧ་ར་ཎཱི་ཡེ་ཕུ་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། གནོད་སྦྱིན་གྱི་སྡེ་དཔོན་ཆེན་པོ་ནག་པོ་ཡི་རངས་ཏེ། 
97-1-284b


བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཆོ་ག་ནི་འདི་ཡིན་ཏེ། སྲད་བུ་དཀར་པོ་ལ་ལན་བདུན་བཟླས་པ་བྱས་ཏེ་མདུད་པ་བདུན་དོར་རོ། །ཆུ་ལ་ལན་བདུན་བཟླས་པ་བྱས་ལ་ལག་པས་བྱབས་ན་མིག་ནད་ཞི་བར་
འགྱུར་རོ། །འཕགས་པ་མིག་ནད་རབ་ཏུ་ཞི་བར་བྱེད་པའི་མདོ། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །ཧེ་བྷ་ག་བན་མཉྫུ་ཤྲཱི་ཀུ་མཱ་ར། སརྦ་ཏ་ཐཱ་ག་ཏཱ། བ་ལ་བི་དྷི་ཛྙ། སརྦ་ཏ་ཐཱ་ག་ཏཱ་ནཱྃ། ན་གེ་སྟི་སྟི་ཥ་
སརྦ་སཏྭ་ནཱྃ་སྭཱ་ཧཱ། འབྲུམ་བུའི་ནད་ཞི་བར་བྱེད་པའི་གཟུངས། རྫོགས་སྷོ།། །། རྒྱ་གར་སྐད་དུ། ཨཱརྱ་ཨཪྴ་པྲ་ཤ་མ་ནི་སཱུ་ཏྲ།  བོད་སྐད་དུ།  འཕགས་པ་གཞང་འབྲུམ་རབ་ཏུ་ཞི་བར་བྱེད་པའི་མདོ། སངས་རྒྱས་
དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། འོད་མའི་ཚལ་བྱ་ཀ་ལན་ད་ཀ་གནས་པའི་ཚལ་ན་དགེ་སློང་ལྔ་བརྒྱ་ཙམ་
གྱི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་བཅྭ་ལྔའི་གསོ་སྦྱོང་ཟླ་བ་ཉ་བ་དེ་ཉིད་ཀྱི་ཚེ་དགེ་འདུན་གྱི་མདུན་དུ་གདན་བཤམས་པ་ལ་བཞུགས་སོ། །དེའི་ཚེ་དང་ལྡན་པ་
ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་རྔ་ཡབ་ཐོགས་ཏེ། བཅོམ་ལྡན་འདས་ལ་གཡོབ་ཅིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་
བཙུག་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྒྱལ་པོའི་ཁབ་འདི་ན་དགེ་སློང་གཞང་འབྲུམ་ཅན་མང་པོ་དག་གཞང་འབྲུམ་གྱི་
བྲོ་ནད་ཀྱིས་གཟིར་ཏེ། སྡུག་བསྔལ་མི་བཟད་པ་དྲག་པོ་མི་བདེ་བ་ཡིད་དུ་མི་འོང་བའི་ཚོར་བ་མྱོང་བར་གྱུར་ན། བཙུན་པ་བཅོམ་ལྡན་འདས་དེ་དག་ལ་བདག་གིས་ཇི་ལྟར་བསྒྲུབ་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་
97-1-285a


ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཁྱོད་ཀྱིས་གཞང་འབྲུམ་སེལ་བའི་མདོ་ལོང་ཤིག །ཀུན་དགའ་བོ་གང་ལ་ལ་ཞིག་གཞང་འབྲུམ་སེལ་བའི་མདོ་མིང་དང་། ཚིག་དང་། 
ཡི་གེ་ཤེས་ན་དེ་ཇི་སྲིད་འཚོ་བའི་བར་དུ་གཞང་འབྲུམ་གྱི་ནད་ཀྱིས་བཏབ་པར་མི་འགྱུར་རོ། །ཚེ་རབས་བདུན་གྱི་བར་དུ་ཚེ་རབས་དྲན་པར་འགྱུར་རོ། །ཏདྱ་ཐཱ། ཨ་ལན་ཏེ། ཨ་མ་ལེ། ཤྭ་ལི་ཙི་ནི་ཀུ་ཤེ་སམ་བྷ་བེ་སྭཱ་ཧཱ། ཀུན་
དགའ་བོ་འདི་ལྟ་སྟེ། བྱང་ཕྱོགས་ན་རིའི་རྒྱལ་པོ་གངས་ཤེས་བྱ་བ་དེ་ན་ས་ལའི་ཤིང་རྣམ་པར་རྒྱལ་བྱེད་ཅེས་བྱ་བ་དེའི་མེ་ཏོག་གསུམ་ཡོད་དེ། གཅིག་ནི་འཕེལ་བ་ཞེས་བྱ། གཉིས་པ་ནི་འཇམ་པ་ཞེས་བྱ། གསུམ་པ་ནི་སྐམ་བ་ཞེས་
བྱ་སྟེ། ཇི་ལྟར་དེ་སྐམ་བ་དེ་བཞིན་དུ་སེམས་ཅན་རྣམས་ཀྱི་རླུང་གི་འབྲུམ་བུ་སྐམས་པར་གྱུར་ཅིག །མཁྲིས་པའི་འབྲུམ་བུ་སྐམས་པར་གྱུར་ཅིག །བད་ཀན་གྱི་འབྲུམ་བུ་སྐམས་པར་གྱུར་ཅིག །མི་གཙང་བའི་འབྲུམ་བུ་སྐམས་
པར་གྱུར་ཅིག །ཁྲག་གི་འབྲུམ་བུ་སྐམས་པར་གྱུར་ཅིག །འདུས་པའི་འབྲུམ་བུ་སྐམས་པར་གྱུར་ཅིག །དེ་བཞིན་དུ་བདག་དང་སེམས་ཅན་ཐམས་ཅད་ཀྱི་བད་ཀན་གྱི་འབྲུམ་བུ་སྐམས་པར་གྱུར་ཅིག །མི་གཙང་བའི་
འབྲུམ་བུ་སྐམས་པར་གྱུར་ཅིག །ཁྲག་གི་འབྲུམ་བུ་སྐམས་པར་གྱུར་ཅིག །འདུས་པའི་འབྲུམ་བུ་སྐམས་པར་གྱུར་ཅིག །སྣའི་འབྲུམ་བུ་སྐམས་པར་གྱུར་ཅིག །འཕྱང་བའི་འབྲུམ་བུ་སྐམས་པར་གྱུར་ཅིག །ཏདྱ་ཐཱ། 
ཤ་མེ་ཤ་མཱ་ནེ། ཤ་མེ་ཤ་མཱ་ནེ་སྭཱ་ཧཱ། ན་བར་མ་གྱུར་ཅིག །རེངས་པར་མ་གྱུར་ཅིག །སྒྲ་འབྱུང་བར་མ་གྱུར་ཅིག །འཛག་པར་མ་གྱུར་ཅིག །སྡུག་བསྔལ་བར་མ་གྱུར་ཅིག །རབ་ཏུ་སྡུག་བསྔལ་བར་མ་གྱུར་ཅིག་ཟག་པར་མ་གྱུར་ཅིག །
རབ་ཏུ་ཟག་པར་མ་གྱུར་ཅིག །འདི་ཉིད་དུ་ཟད་པ་དང་། ཡོངས་སུ་ཟད་པ་དང་། མེད་པར་གྱུར་ཅིག །སའི་འོག་ཏུ་སོང་ཤིག །ན་མོ་བྷ་ག་བ་ཏི། བུད་དྷ་ས་ཏྱ་བ་ཏཱི་ནྃ། སིད་དྷྱན་ཏུ་མན་ཏྲ་པ་དཻཿསྭཱ་ཧཱ། བཅོཾ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་
97-1-285b


ལྡན་པ་ཀུན་དགའ་བོ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་ལ་ཆོ་ག་ནི་འདི་ཡིན་ཏེ། བཀླགས་པས་གྲུབ་པ་འདི་སྲད་བུ་དམར་པོ་ལ་ལན་བདུན་བཟླས་པ་བྱས་ལ། མདུད་པ་བདུན་བོར་ཏེ་མགུལ་
དུ་གདགས་སོ། །འཕགས་པ་གཞང་འབྲུམ་རབ་ཏུ་ཞི་བར་བྱེད་པའི་མདོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། ། 
༄༅། །རྒྱ་གར་སྐད་དུ། ཨཱརྱ་ཙོ་ར་བི་དྷྭན་ས་ན་ནཱ་མ་དྷཱ་ར་ཎཱི།  བོད་སྐད་དུ། འཕགས་པ་མི་རྒོད་རྣམ་པར་འཇོམས་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་
བདག་གིས་ཐོས་པ་དུས་གཅིག་ན། བཅོམ་ལྡན་འདས་ཞམ་འབྲིང་བ་ཚེ་དང་ལྡན་པ་ཀུན་དགའ་བོ་དང་ཐབས་ཅིག་ཏུ་ལུས་འཕགས་རི་ལ་གཤེགས་པའི་ཚེ། ཚེ་དང་ལྡན་པ་ཀུན་དགའ་བོས་མི་རྒོད་ཕལ་པོ་ཆེ་ཞིག་རྒྱང་རིང་
མོ་ནས་མཐོང་ངོ་། །མཐོང་ནས་ཀྱང་སྐྲག་སྟེ་སྤུ་ཟིང་ཞེས་བྱེད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མི་རྒོད་དག་ཅིག་གོ། བདེ་བར་གཤེགས་པ་མི་རྒོད་དག་ཅིག་གོ། བཅོམ་ལྡན་འདས་
ཀྱིས་བཀའ་སྩལ་པ། ཀུན་དགའ་བོ་ཁྱོད་མི་རྒོད་རྣམས་ཀྱིས་འཇིགས་སམ། གསོལ་པ། བཅོམ་ལྡན་འདས་འཇིགས་ལགས་སོ། །བདེ་བར་གཤེགས་པ་འཇིགས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། 
ཀུན་དགའ་བོ་ཁྱོད་མི་རྒོད་རྣམས་ཀྱིས་མ་འཇིགས་ཤིག །དེ་ནས་བཅོམ་ལྡན་འདས་ཀྱིས་དེའི་ཚེ་གཏི་མུག་ཆེན་པོའི་ཚོགས་རབ་ཏུ་འཇོམས་པ་འདི་བཀའ་སྩལ་ཏོ། །ཏདྱ་ཐཱ། ཨ་ནུ་ལོ་མེ། པྲ་ཏི་ལོ་མེ། ཨ་ནུ་ལོ་མ། པྲ་ཏི་ལོ་མ། 
ཨ་ཏིཾ་ཀེ། པྲ་ཏིཾ་ཀེ། པྃ་ཀེ། ཨ་ཏི་པྲཾྃ་ཀེ། གཽ་རི། གནྡྷ་རི། ཙཎྜ་ལི། མ་ཏཾ་གི། པཱུཀྐ་སི། རི་མི་རི་མི། རིད་དྷི་མ་ཙེ་བཥྚི་ཏི་ཙཽ་ར་པྲ་དན་དུ། བསྠི་ཧན་ཏུ། བྷ་མན་ཏུ། མཱ་མི་ཡན་དུཡཱ་བ་པངྒྲནྠི་ན་མུཉྩ་མི་སྭཱ་ཧཱ། 
97-1-286a


ཀུན་དགའ་བོ་ངས་དཔག་ཚད་བཅུ་ཚུན་ཆད་ཀུན་ཏུ་བསྲུང་བ་དང་། མི་རྒོད་ཐམས་ཅད་དང་། རི་གསེབ་ཀྱི་གྲོང་མི་ཐམས་ཅད་དང་། གསེབ་ལམ་སྲུང་བ་ཐམས་ཅད་དང་། གནོད་པར་སེམས་པ་ཐམས་ཅད་ཀྱི་རྐང་པ་བཅིང་བར་
བྱས་སོ། །རྨུགས་པར་བྱས་སོ། །རེངས་པར་བྱས་སོ། །ཇི་ལྟར་རྫ་མཁན་གྱི་འཁོར་ལོ་བསྐོར་བའམ། ཇི་ལྟར་རྫ་མཁན་གྱི་འཁོར་ལོ་ཡོངས་སུ་བསྐོར་བ་ལྟར་མི་རྒོད་རྣམས་འདར་བར་གྱུར་ཅིག །རེངས་པར་གྱུར་ཅིག །མགོ་རྨོངས་པར་
གྱུར་ཅིག །མདུད་པ་མ་གྲོལ་བའི་བར་དུ་མཆི་བར་མ་གྱུར་ཅིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
ཆོ་ག་ནི་ཤིང་ཀུན་དང་། བོང་བུའི་སྤུ་བསྲེས་ཏེ། བུ་མོ་གཙང་མས་བཀལ་བའི་སྲད་བུ་ལ་ལན་ཉི་ཤུ་རྩ་གཅིག་བཟླས་བརྗོད་བྱའོ། །ཡང་ན་གོས་ཀྱི་མཐའ་མ་ལ་མདུད་པ་བོར་ཏེ། བདེ་བར་ཕྱིན་ནས་དགྲོལ་བར་བྱའོ། །འདི་ནི་
གྲུབ་པའོ། །འཕགས་པ་མི་རྒོད་རྣམ་པར་འཇོམས་པ་ཞེས་བྱ་བའི་གཟུངས་རྫོགས་སོ།། །། ༄༅། །རྒྱ་གར་སྐད་དུ། ཨཱརྱ་བ་ཧུ་པུ་ཏྲ་པྲ་ཏི་ས་ར་ནཱ་མ་དྷ་ར་ཎཱི།  བོད་སྐད་དུ། འཕགས་པ་བུ་མང་པོ་
རྟོན་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་
མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེའི་ཚེ་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་བདག་དེང་འདིར་རྒྱལ་པོ་གསལ་རྒྱལ་དང་འཐབ་རྩོད་མཚང་བྲུས་ཏེ་བཀྱེ་བར་གྱུར་ན། བཅོམ་ལྡན་འདས་དེ་ལ་བདག་གིས་ཇི་ལྟར་སྒྲུབ་པར་བགྱི། དེ་སྐད་ཅེས་གསོལ་པ་དང་། 
97-1-286b


བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག་དེའི་ཕྱིར་ཁྱོད་ཀྱིས་བུ་མང་པོ་རྟོན་པ་ཞེས་བྱ་བའི་རིག་སྔགས་འདི་ཟུང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་
ཤིག །ཏདྱ་ཐཱ། ད་ཌེ། བ་ད་ཌེ། ཨུ་པ་ད་ཌ་ད་ཌེ། ཨུ། པ་ད་ཌེ་ད་ཌ། གམ་བྷི་རཱི། ཨ་བརྟ་ནེ། ནི་བརྟ་ནེ། དྷ་ཧི་དྷ་ཧི། ཨ་བརྟ་ནི། བདག་གི། སརྦེ་ཤཱ་ན་ཀརྨི། ཀཱ་། པྲ་ཏྱརྠི་ཀཱ་། པྲ་ཏྱ་མོ་ཏྲི་སྨཱ། ཙཀྵུརྨོ་ཧཱ་། ཀ་རོ་མི། ཤྲོ་ཏྲ་མོ་ཧཱ་ཀ་རོ་མི། 
ཛི་ཧྭཱ་གྲཱ་ཎཱཾ་ཀ་རོ་མི། ཛི་ཧྭཱ་མ་ཧཱ་ཛྃ་བྷཱ་། སྟྃ་བྷཱ་། མོ་ཧཱ་། པྲ་མོ་ཧཱ་། ཁྱིམ་བདག་གང་ལ་ལ་ཞིག་བུ་མང་པོ་རྟོན་པའི་གཟུངས་འདི་སྐུད་པ་དམར་པོ་ལ་ལན་བདུན་སྔགས་ཏེ། ལག་པ་གཡོན་པའི་སོར་མོ་གཅིག་ལ་བཅིངས་ན་དེའི་ལུས་ལ་དུག་དང་། མཚོན་དང་། ནད་དང་། 
རིམས་ནད་དང་། རིམས་དྲག་པོས་མི་ཚུགས་སོ། །འཐབ་པ་དང་། མཚང་འདྲུ་བ་དང་། རྩོད་པ་རྣམས་ཀྱི་ལན་ཐེབས་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཁྱིམ་བདག་མགོན་མེད་ཟས་སྦྱིན་ཡི་རངས་
ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་བུ་མང་པོ་རྟོན་པ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་
ཞུས་ཏེ་གཏན་ལ་ཕབ་པ། ། ༄༅། །དཀོན་མཆོག་གསུམ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་
སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཨོཾ་ཛ་ཡེ་ཛ་ཡེ། མ་ཧཱ་ཛ་ཡེ། ཛ་ཡཱ་བ་ཧཱི་ནི། ཛ་ཡོད་ཏ་རི། ཀ་ལ་ཀ་ལ། མ་ལ་མ་ལ། ཙ་ལ་ཙ་ལ། ཀྵི་ན་ཀྵི་ན་སརྦ་ཀརྨ་ཨཱ་བར་ཎ། 
ནི་མེ་སརྦ་ཨཱ་ཛྙཱ་ཛྙཱ་ན་ཨ་དྷིཥྛི་ཏེ་སྭཱ་ཧཱ། ན་མོ་བྷ་ག་བ་ཏི་ས་ཧ་སྲ་བརྟེ། སརྦ་བུད་དྷ་ཨ་བ་ལོ་ཀི་ཏི་ཙཀྵུཿཤྲོ་ཏྲ་གྷྲ་ཎ་ཛི་ཧྭཱ་ཀཱ་ཡ་མ་ནོ་བི་ཛྙཱ་ན་བི་ཤོ་དྷ་ནི་སྭཱ་ཧཱ། ཕུ་རུ་ཕུ་རུ། 
97-1-287a


སུ་རུ་སུ་རུ། ཕུ་རཱ་ཕུ་རཱ། པྲ་ཕུ་རཱ་པྲ་ཕུ་རཱ། སརྦ་བུད་དྷ་ཨ་དྷིཥྛི་ཏ་སྭཱ་ཧཱ། དྷརྨཱ་དྷཱ་ཏུ་གརྦྷེ་སྭཱ་ཧཱ། ཨ་བྷ་བ་སྭཱ་ཧཱ། སརྦ་དྷརྨ་ཨ་བ་བོ་དྷ་ནི་སྭཱ་ཧཱ། གཟུངས་འདིའི་ཆོ་ག་ནི་འདི་ཡིན་ཏེ་ལན་ཅིག་བརྗོད་པས་ཀྱང་བསྐལ་པ་སྟོང་གི་བར་དུ་ལས་ཀྱི་
སྒྲིབ་པ་བསགས་པ་ཐཾད་ཟད་པར་འགྱུར་རོ། །སངས་རྒྱས་སྟོང་གི་དགེ་བའི་རྩ་བ་བསག་པ་ཐོབ་པར་འགྱུར་རོ། །སྐལ་པ་སྟོང་གི་བར་དུ་འཁོར་བ་ལ་རྒྱབ་ཀྱི་ཕྱོགས་པར་འགྱུར་རོ། །ཚེ་རབ་བརྗེས་ནས་འཁོར་ལོས་བསྒྱུར་བའི་རྒྱལ་སྲིད་ཐོབ་པར་
འགྱུར་རོ། །འཆི་བའི་དུས་ཀྱི་ཚེ་སངས་རྒྱས་སྟོང་མཐོང་བར་འགྱུར་རོ། །སངས་རྒྱས་ཀྱི་ཞིང་དག་པ་དག་ཏུ་སྐྱེ་བར་འགྱུར་རོ། །ཉིན་མཚན་དུས་གསུམ་དུ་ཉི་ཤུ་རྩ་རེ་རེ་བརྗོད་ན་ཅི་འདོད་པ་རྨི་ལམ་དུ་མཐོང་བར་འགྱུར་རོ། །དེ་བཞིན་གཤེགས་པའི་
སྐུ་གསེར་གྱི་མདོག་ཅན་ཡང་མཐོང་བར་འགྱུརོ། །སངས་རྒྱས་དང་། བྱང་ཆུབ་སེམས་དཔའི་ཡུལ་རྣམས་ལ་ཡང་མི་ཕྱེད་པའི་སེམས་དད་པ་ཅན་དུ་འགྱུར་ཏེ། དེ་ལ་སོགས་པ་ཕན་ཡོན་ཚད་མེད་པ་དག་འབྱུང་ངོ་། །སྟོང་འགྱུར་
ཞེས་བྱ་བའི་བཟུངས། རྫོགས་སྷོ།། །། ༄། །རྒྱ་གར་སྐད་དུ།  ཨཱརྱ་ཛྙཱ་ནོ་ལྐོ་ནཱ་མ་དྷཱ་ར་ཎཱི་སརྦ་ག་ཏེ་པ་རི་ཤོ་དྷ་ནི།  བོད་སྐད་དུ།  འཕགས་པ་ཡེ་ཤེས་ཏ་ལ་ལ་ཞེས་བྱ་བའི་གཟུངས་འགྲོ་བ་ཐམས་ཅད་ཡོངས་སུ་སྐྱོང་བ། ཐམས་
ཅད་མཁྱེན་པ་ལ་ཕྱག་འཚལ་ལོ། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་ཡེ་ཤེས་ཏ་ལ་ལ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་གྱི་
འོད་བརྩེགས་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་གསུང་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པའི་སྒྲ་སྒྲོགས་རྒྱལ་པོ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་
ཀུན་ཏུ་བཟང་པོ་དང་། བྱང་ཆུབ་སེཾདའ་འཇམ་དཔལ་གཞོན་ནུ་གྱུར་པ་དང་། བྱང་ཆུབ་སེམས་དཔའ་གཟུངས་ཀྱི་དབང་ཕྱུག་དང་། བྱང་ཆུབ་སེམས་དཔའ་ལག་ན་རྡོ་རྗེ་དང་། བྱང་ཆུབ་སེམས་དཔའ་བཞི་པོ་དེ་དག་
97-1-287b


དང་དེ་བཞིན་གཤེགས་པ་དེ་དག་ཟླ་བ་དང་། ཉི་མའི་གནས་ན་བཞུགས་སོ། །དེ་ནས་ལྷའི་བུ་ཟླ་བ་དང་། ཉི་མ་གཉིས་དེ་བཞིན་གཤེགས་པ་དེ་དག་ག་ལ་བཞུགས་པ་དང་། བྱང་ཆུབ་སེམས་དཔའ་དེ་དག་
ག་ལ་བ་དེར་སོང་ནས། དེ་གཉིས་ཀྱིས་དེ་བཞིན་གཤེགས་པ་རྣམས་རིན་པོ་ཆེ་བཀོད་པའི་སེང་གེའི་ཁྲི་ལ་བཞུགས་པ་རྣམས་དང་། ཁང་པ་བརྩེགས་པ་འཛམ་བུའི་རྒྱལ་མཚན་བརྩེགས་པ་དག་གི་ནང་
ན་བྱང་ཆུབ་སེམས་དཔའ་དེ་དག་འཁོད་པ་ཡང་མཐོང་ངོ་། །དེ་ནས་ལྷའི་བུ་ཟླ་བ་དང་། ཉི་མ་གཉིས་ཅིག་ལ་ཅིག་སེམས་ཏེ། དེ་ལྟར་བྱས་ན་བདག་ཅག་གིས་དེ་བཞིན་གཤེགས་པ་རྣམས་དང་། བྱང་ཆུབ་སེཾདའ་
འདི་རྣམས་ལས་སེཾན་ཐཾད་ལ་སྣང་བ་སྦྱིན་པ་དང་། མུན་པ་མུན་ནག་བསལ་བའི་ཕྱིར་ཤར་བའི་གཟུངས་སྔགས་ཕྱོག་བཅུར་ཁྱབ་པའི་བློ་ཅན་ཞེས་བྱ་བ་གང་གི་མཐུས་བདག་ཅག་སེཾན་ཐཾད་ལ་སྣང་བར་བྱེད་པ་འཐོབ་
པར་འགྱུར་ཞིག་གུ་སྙམ་མོ། །དེ་ནས་དེ་བཞིན་གཤེགས་པ་དེ་དག་དང་། བྱང་ཆུབ་སེམས་དཔའ་དེ་དག་གི་ལྷའི་བུ་ཟླ་བ་དང་། ཉི་མ་དེ་དག་གི་སེམས་ཀྱི་ཡོངས་སུ་རྟོག་པ་ཐུག་ཀྱི་མཁྱེན་ནས། དེའི་ཚེ་དེ་བཞིན་གཤེགས་
པ་བྱང་ཆུབ་སེམས་དཔའ་དང་བཅས་པ་དེ་དག་གི་གཟུངས་སྔག་འདི་བཀའ་སྩལ་པ། སྱཱད་ཡ་ཐཱེ་དན། ཙཀྵུ་ར་དད། ཙཀྵུ་ཤྴུ་གྷ་དྷུ་ལ་མེ་ཐཱ་ཀ་ལད་ཐ། ཨིད་ཏིད་ཐ་ན་ས། སཱུ་རད་ཊ་སཱུ་རད་ཊ། སུད་ཐཱ་ཡ། ཨིད་ཐ་ན་ས།  བེ་ལཱ་བེ་ལཱ། 
པ་ཎི་ཙ་དུ་མཱུརྟི་ནི། ཨཱ་ར་ཎི་ཨཱ་ར་ཎི། ཀཱ་ལ་པ་ནི་ཀ་ལ་པ་ཎི། དུ་རུ་དུ་རུ། སི་ཏུ་རུ་དུ་ཧ་སི། དྷ་སཾ་ཏི་དྷ་སུ་ཏི། དྷི་རི་དྷི་རི། དྷུ་ར་དྷུ་ར། དྷུ་རུ་དྷུ་རུ། ཀཱ་ལ་ཀཱ་ལ། སད་ཐཱ་ས། གཱི་ལ་གཱི་ལ། གཱི་ལ་པ་ཡ། གཱི་ལ་པ་ཡ། དྷུ་སུ་དྷུ་སུ། སུན་དྷུ་སུམ་བྷུ། 
སིད་ཐཱ་སུ། ཨད་ཐཱ་སུ། ཨེ་ཐཱ་སུ་ཨཱ་ཐཱ་སཱ་པཱ་ནི། ཡུ་ཙུ་རེ་དྷེ། སུ་དྷ་རེ་ཀ་ར་ཀ་ར་ཀི་རི་ཀི་རི། ཀུ་རུ་ཀུ་རུ། ཀུརྨ་ཀུརྨ་ཀུརྨ་པ་ནི་ཀུརྨ་པ་ནི། ཀེ་ལུ་ཀེ་ལུ། ཀེད་པ་པ་ནི་ཀི་ལ་པ་ནི་ཀརྐཱ་རི་ཀརྐཱ་རི་ལ་རུ་བུདྷེ་དྷུ་རུ་དྷེ། དྷུ་རུ་དྷེ། མ་ཧཱ་དྷུ་རུ་དྷེ། ཀ་ར་ཀ་ར། 
97-1-288a


ཀི་ར་ཀི་ར། པི་ཧུ་སི་པ་ཧུ་སི། དྷ་སུ་དྷ་སུ། ཧ་སུ་ཧ་སུ། ཧ་སུ་པ་ནི་སྭཱ་ཧཱ། དེ་ནས་བྱང་ཆུབ་སེམས་དཔའ་ཀུན་དུ་བཟང་པོས་ལྷའི་བུ་ཟླ་བ་དང་། ཉི་མ་རྣམས་ལ་འདི་སྐད་ཅེས་སྨྲས་སོ། །ཀྱཻ་རིགས་ཀྱི་བུ་དག་གཟུངས་སྔག་འདི་ནི་སེཾན་
ངན་སོང་དུ་འགྲོ་བ་རྣམས་ལ་ཕན་གདག་པའི་ཕྱིར་སངས་རྒྱས་བྱེ་བ་ཕྲག་བརྒྱད་བཅུ་རྩ་བཞིས་གསུང་པ་ཡིན་ཏེ། རིག་ཀྱི་བུ་དག་ཨུ་དུམ་བ་རའི་མེ་ཏོག་ནི་ཆེས་རྙེད་པར་སླའི། གཟུངས་སྔགས་ཀྱི་ཚིག་འདི་དག་ནི་འཇིག་རྟེན་དུ་འབྱུང་
བ་ནི་དེ་ལྟ་མ་ཡིན་ནོ། །རིགས་ཀྱི་བུ་དག་གཟུངས་སྔགས་ཀྱི་ཚིག་འདི་དག་ནི་ཆེས་རྙེད་པར་སླའི། འདི་དག་འཆང་བའམ། ཀློག་པ་ནི་དེ་ལྟ་མ་ཡིན་ནོ། །རིགས་ཀྱི་བུ་དག་སངས་རྒྱས་འབྱུང་བ་ནི་ཆེས་རྙེད་པར་སླའི། གཟུངས་སྔགས་
ཀྱི་ཚིག་འདི་དག་འཇིག་རྟེན་དུ་འབྱུྃ་བ་ནི་དེ་ལྟ་མ་ཡིནོ་རིག་ཀྱི་བུ་དག་གལ་ཏེ་སེཾན་མནར་མེད་པ་ན་འཁོད་པ་སྐལ་པར་གནས་པ་མཚམ་མེད་པ་ལྔ་བྱེད་བྱེད་པ། དམ་པའི་ཆོས་སྤོང་བར་བྱེད་པའི་སེམས་ཅན་དེ་དག་གི་ཕྱིར་གཟུངས་སྔགས་ཀྱི་ཚིག་
འདི་དག་ཞག་ཉི་ཤུ་རྩ་གཅིག་གི་བར་དུ་ཉིན་ལན་གསུམ་མཚན་ལན་གསུམ་བརྗོད་ན། དེའི་ཚེ་གཟུངས་སྔགས་ཀྱི་ཚིག་འདི་དག་གི་མཐུས་སེམས་ཅན་དམྱལ་བ་ཆེན་པོ་མནར་མེད་པ་ཁ་བརྒྱར་གྱེས་པར་འགྱུར་ལ། སེམས་ཅན་
དེ་དག་ཀྱང་ཡོངས་སུ་ཐར་བར་འགྱུར་ན། འཛམ་བུའི་གླིང་པའི་མི་རྣམས་ལྟ་ཅི་སྨོས་ཏེ། གང་དག་གི་རྣམ་ལམ་དུ་གྲག་པར་གྱུར་པ་དེ་དག་གིས་ནི་བདག་ཅག་ནི་དེ་བཞིན་གཤེགས་པ་བཞི་པོ་རྣམས་དང་། བྱང་ཆུབ་སེམས་དཔའ་བཞི་
པོ་རྣམས་དང་། ཟླ་བ་དང་། ཉི་མ་རྣམས་ཀྱིས་ཡོངས་སུ་ཟིན་པ་ཡིན་ནོ། །སྙམ་དུ་ཤེས་པ་ཁོ་ནར་བྱ་སྟེ། འདི་ལ་སོམ་ཉི་འམ་ཡིད་གཉིས་བསྐྱེད་པར་མི་བྱའོ། །ཏདྱ་ཐཱ། དྷུ་ན་ཊི། དྷུ་ན་ཊི། མ་ཧཱ་དྷུ་ན་ཊི། སུ་རུ་སུ་རུ་སྭཱ་ཧཱ། ཤུཀླ་བི་ཤོདྷ་ནི། ཏ་ར་
ཏ་ར་སྭཱ་ཧཱ། ཛྱོ་ཏིཥྤྲ་དཱི་པེ། ཏུ་རུ་ཏུ་རུ་སྭཱ་ཧཱ། པདྨ་མཱ་ལ་ནི། སཏྱ་ཏ་ར་བུད་དྷི། ཧུ་རུ་ཧུ་རུ་སྭཱ་ཧཱ། སདྱ་བུད་དྷེ། སདྱ་ཨ་བ་ལོ་ཀི་ན། ཀ་ར་ཀ་ར། ཀི་རི་ཀི་རི་སྭཱ་ཧཱ། དྷ་ར་ན་པུ་ཊི་ཨ་པྲ་ཏི་ཧ་ཏ་བུད་དྷི། ཙུ་རུ་ཙུ་རུ་སྭཱ་ཧཱ། ལཀྵ་ན་ཙི་ཏེ། དྷུ་མ་པ་རི་ཧ་རེ། ཧུ་རུ་ཧུ་རུ། ཁུ་རུ་ཁུ་
97-1-288b


རུ་སྭཱ་ཧཱ། དྷ་ར་དྷ་ར། མཱ་དྷ་ར། དྷ་ར་དྷ་ར། དྷ་ར་ཡན་ཏི་ཡེ་སྭཱ་ཧཱ། སུ་པྲ་ཏ་སུ་པྲ་ཏི། སུ་མ་ཏི། ཨ་པྲ་ཏི་ཧ་ཏ་བུད་དྷི། དྷ་ར་དྷ་ར། དྷ་ར་ཡན་ཏི་ཡེ་སྭཱ་ཧཱ། བཅོམ་ལྡན་འདས་དེ་བཞིན་གཤེགས་པ་ཡེ་ཤེས་ཏ་ལ་ལ་ལ་ཕྱག་འཚལ་ལོ། །དེ་བཞིན་
གཤེགས་པ་གསེར་གྱི་འོད་བརྩེགས་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་བདེན་པ་གསུང་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པའི་སྒྲ་སྒྲོགས་རྒྱལ་པོ་ལ་ཕྱག་འཚལ་ལོ། །སྭཱ་ཧཱ། 
འཕགས་པ་ཡེ་ཤེས་ཏ་ལ་ལ་ཞེས་བྱ་བའི་གཟུངས་འགྲོ་བ་ཐམས་ཅད་ཡོངས་སུ་སྦྱོང་བ་རྫོགས་སོ།།  ࿓།།རྒྱ་གར་སྐད་དུ།  ཨཱརྱ་རསྨི་བི་མ་ལ་བི་ཤུདྷེ་པྲ་བྷ་ཎཱ་ནཱ་མ་དྷཱ་ར་ཎི།  བོད་སྐད་དུ།  འཕགས་པ་འོད་
ཟེར་དྲི་མ་མེད་པ་རྣམས་པར་དག་པའི་འོད་ཅེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་གྲོང་
ཁྱེར་ཆེན་པོ་སེར་སྐྱའི་གནས་ཀྱི་ཕོ་བྲང་གི་འཁོར་གྱི་ཁྱམས་ཆེན་པོ་ན་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་པ་ལ་འདི་ལྟ་སྟེ། 
བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་དང་། ལག་ན་རྡོ་རྗེ་དང་། འཕགས་པ་སྤྱན་རས་གཟིགས་ཀྱི་དབང་ཕྱུག་དང་། འཇམ་དཔལ་དང་། ཤེས་རབ་འོད་དང་། 
བྱམས་པ་ལ་སོགས་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་པ་རྣམས་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་ཕྱེ་ཆེན་པོ་
དང་། མི་དང་མི་མ་ཡིན་པ་ལ་སོགས་པ་གྲང་མེད་པས་བཅོམ་ལྡན་འདས་ལ་ཞེ་སར་བྱས། རི་མོར་བྱས། བཀུར་བསྟིར་བྱས་ཏེ། ཡོངས་སུ་བསྐོར་བ་ལ་ཆོས་སྟོན་ཅིང་བཞུགས་སོ། །དེའི་ཚེ་སེར་སྐྱའི་གྲོང་
97-1-289a


ཁྱེར་ན་གནས་པ་བྲམ་ཟེ་ཆེན་པོ་སེར་སྐྱའི་ཟླ་བ་ཞེས་བྱ་བ་བཅོམ་ལྡན་འདས་ཀྱི་བསྟན་པ་ལ་ཡིད་མི་ཆེས་ཤིང་ལོག་པར་ལྟ་བ་ཞིག་གནས་པ་དེ་དུས་གཞན་ཞིག་གི་ཚེ་གཞན་ཞིག་གི་རྨི་ལྟས་སུ་རྨིས་ཏེ་བསྟན་པ་བྲམ་ཟེ་ཆེན་པོ་
ཁྱོད་ད་སྟེ་ཞག་བདུན་ན་འཆི་བའི་དུས་བྱེད་པར་འགྱུར་རོ་ཞེས་ཟེར་བ་ཐོས་ནས། བྲམ་ཟེ་དེ་ཤིན་དུ་ཡང་མི་དགའ་སྟེ། འཇིགས་སྐྲག་ནས་ཡིད་ལ་བསམ་པ། ད་བདག་གིས་སྲོག་གི་སྐྱབས་སུ་ལ་བཙལ་བར་བྱ། ཡང་
དགེ་སྦྱོང་གཽ་ཏ་མ་ཐམས་ཅད་མཁྱེན་པ་རྫུ་འཕྲུལ་དང་ལྡན་པ་ཞིག་ཡིན་ནོ་ཞེས་གྲགས་ན། བདག་དེའི་གན་དུ་སོང་སྟེ། དེ་ཐམས་ཅད་མཁྱེན་པ་ཡིན་ཡང་དག་ན་དེ་འཇིགས་པས་ཉམ་ཐག་པར་འགྱུར་བའི་སྐྱབ་མཛད་
པའི་ཕྱིར་ཆོས་སྟོན་གོར་མ་ཆག་གོ་སྙམ་བསམས་ནས། བཅོམ་ལྡན་འདས་ཀྱི་གན་དུ་སོང་བ་དང་། རྒྱང་རིང་པོ་ནས་བཅོམ་ལྡན་འདས་འཁོར་མང་པོ་དང་ཐབས་ཅིག་ཏུ་བཞུགས་པ་མཐོང་ནས། བཅོམ་ལྡན་འདས་ལ་
ཞུ་བར་མ་སྤོབ་ཏེ་སེམས་ཤིང་འདུག་པ་ལ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་དུས་གསུམ་མཁྱེན་པ། ཐམས་ཅད་གཟིགས་པ། སྒྲིབ་པ་མི་མངའ་བས་བྲམ་ཟེ་དེའི་བསམ་པ་
མཁྱེན་ནས་བྱམས་པའི་ཐུགས་ཀྱིས་བརྩེ་བར་དགོངས་ཏེ། བཀའ་སྩལ་པ། བྲམ་ཟེ་ཆེན་པོ་ཁྱོད་ད་ཏེ་ཞག་བདུན་ན་འཆི་བའི་དུས་བྱས་ནས་ངན་སོང་ངན་འགྲོ་མནར་མེད་པའི་སེམས་ཅན་དམྱལ་བར་སྐྱེ་བར་འགྱུརོ། །
དེ་ནས་ཡང་རིམ་གྱིས་སེམས་ཅན་དམྱལ་བ་ཆེན་པོ་བཅུ་དྲུག་ཏུ་ཁ་བརྒྱུད་དེ་སྐྱེ་བར་འགྱུར་རོ། །དེ་ལས་ཐར་ནས་ཀྱང་རིགས་ངན་ཤན་པའི་ལུས་སུ་སྐྱེ་བར་འགྱུར་རོ། །དེ་ནས་ཤི་འཕོས་ནས་ཡང་ཕག་གི་ལུསུ་སྐྱེ་བར་འགྱུར་
རྟག་ཏུ་ངན་སྐྱུགས་མི་གཙང་བ་ཟ་ཞིང་འདམ་རྫབ་ཀྱི་ནང་དུ་ཡང་ཡུན་རིང་ཏུ་གནས་ཏེ། རྒྱུན་ཏུ་སྡུག་བསྔལ་མྱོང་བར་འགྱུར་རོ། །དེ་ནས་གལ་ཏེ་མིའི་ལུས་ཐོབ་ན་ཡང་ཤིན་དུ་དབུལ་བ་དང་། མི་གཙང་བ་དང་། དྲི་ང་བ་དང་། 
97-1-289b


མདོག་མི་སྡུག་ཅིང་གནས་པ་དང་། ལུས་རིད་ཅིང་ཉམས་ཆུང་བ་དང་། མཛེ་ནད་ཅན་དུ་འགྱུར་ཏེ། སྐྱེ་བོ་ཡོངས་ལ་མི་སྡུག་ཅིང་རྟག་ཏུ་བཀྲེས་པ་ཉམ་ཐག་པ། སྐྱེ་བོ་ཡོངས་ཀྱིས་སྨད་པ། རྟག་པར་རྡེག་བཙོག་བྱ་ཞིང་ཤིན་
དུ་སྡུག་བསྔལ་བར་འགྱུར་རོ་ཞེས་བཀའ་སྩལ་པ་དེ་ཐོས་ནས། བྲམ་ཟེ་དེ་ཤིན་ཏུ་འཇིགས་སྐྲག་སྟེ། ཡིད་གདུངས་པས་དུས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་གསོལ་པ། བཅོམ་ལྡན་
འདས་ཡང་དག་པར་རྫོགས་པའི་སངས་རྒྱས་རྣམས་ནི་སེམས་ཅན་ཐམས་ཅད་ཀྱི་མགོན་དང་། སྐྱབས་མཛད་པ་ལགས་ན། བདག་ནི་སྡིག་པའི་ལས་ཐམས་ཅད་འཆགས་ཏེ། དེང་སླན་ཆད་བཅོམ་ལྡན་འདས་ཀྱི་བཀའ་
བཞིན་དུ་བགྱིད་ན་བདག་ངན་སོང་ངན་འགྲོ་སེམས་ཅན་དམྱལ་བར་སྐྱེ་བའི་སྡུག་བསྔལ་ལས་སྐྱབས་མཛད་པར་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་ཆེན་པོ་ཁྱོད་སོང་ལ་
གྲོང་ཁྱེར་སེར་སྐྱའི་ལམ་གྱི་སུམ་མདོ་ན་མཆོད་རྟེན་རིངས་བསྲེལ་ཅན་རྙིང་པ་རལ་བ་ཞིག་ཡོད་པ་དེ་སླར་བརྩིག་ཏེ། མཆོད་རྟེན་གྱི་རྩེ་མོར་སྲོག་ཤིང་བཙུགས་ལ། གསང་སྔགས་ཡི་གེར་བྲིས་པ་དེའི་ནང་དུ་བཅུག་ཏེ་མཆོད་
པ་བྱས་ནས་གསང་སྔགས་ལན་བདུན་བཏོན་ན་ཁྱོད་ཀྱི་ཚེ་ཡང་ཕྱིར་ནུར་ཏེ་འཕེལ་བར་འགྱུར་ལ། འཆི་བའི་དུས་བྱས་ནས་ཀྱང་བདེ་འགྲོ་མཐོ་རིས་ཀྱི་གནས་ལོང་སྤྱོད་ཆེ་བ་རྣམས་སུ་སྐྱེ་ཏེ། བསྐལ་པ་སྟོང་ཕྲག་བརྒྱའི་བར་
དུ་བདེ་བའི་ལོངས་སྤྱོད་ཀྱང་ཕྱིར་འཕེལ་ཞིང་རྒྱས་པར་འགྱུར། དེ་ནས་ཀྱང་དེ་བཞིན་གཤེགས་པ་མི་ཁྲུག་པའི་སངས་རྒྱས་ཀྱི་ཞིང་ཡོངསུ་དག་པར་སྐྱེ་བར་འགྱུར་ཏེ། བསྐལ་པ་བརྒྱ་སྟོང་དུ་མར་བདེ་བ་ཆེན་པོ་མྱོང་བར་
འགྱུར་རོ། །དེ་ནས་ཡང་ཤི་འཕོས་ནས་རྒྱལ་ཆེན་རིས་བཞིའི་ལྷ་རྣམས་ཀྱི་གནས་སུ་སྐྱེ་བར་འགྱུར་རོ། །དེར་ཡང་བསྐལ་པ་ཆེན་པོ་སྟོང་ཕྲག་བརྒྱའི་བར་དུ་བདེ་བའི་ལོངས་སྤྱོད་མི་ཟད་པ་མྱོང་བར་འགྱུར་རོ། །ཚེ་རབས་
97-1-290a


གང་དུ་སྐྱེས་པའི་གནས་ཀུན་དུ་ཡང་ཡིད་གཞུངས་ཤིང་ཚེའི་བར་ཆད་མེད་པ་དང་། ལས་ཀྱི་སྒྲིབ་པ་ཐམས་ཅད་ཟད་ནས་ནམ་དུ་ཡང་སེམས་ཅན་དམྱལ་བར་ལྟུང་བར་མི་འགྱུར་རོ། །རྟག་ཏུ་ཡང་དག་པར་རྫོགས་
པའི་སངས་རྒྱས་འབྱུང་བ་རྣམས་དང་ཕྲད་ཅིང་རྗེས་སུ་དགོངས་པར་མཛད་དོ། །བྲམ་ཟེ་ཆེན་པོ་གཞན་ཡང་དགེ་སློང་ངམ། དགེ་སློང་མ་འམ། དགེ་སྙེན་ནམ། དགེ་བསྙེན་མ་འམ། རིགས་ཀྱི་བུ་འམ། རིགས་ཀྱི་བུ་མོ་གང་ལ་
ལ་ཚེ་ཐུང་བ་འམ་ནད་མང་བ་ཞིག་ཡོད་ན་དེས་མཆོད་རྟེན་རྙེད་པ་བཅོས་སམ། གསར་དུ་བརྩེགས་ཀྱང་རུང་སྟེ། གསང་སྔགས་འདི་བྲིས་ལ་ནང་དུ་བཞུགས་ནས་དཀྱིལ་འཁོར་བྱི་དོར་བྱས་ཏེ་མཆོད་ན་དེག་གིས་ཡོན་ཏན་
ནི་ཚེ་ཟད་པ་ཡང་ཚེ་སླར་ནུར་ཞིང་རིང་བ་དང་། ནད་ཀྱིས་བཏབ་ཅིང་སྡུག་བསྔལ་བ་ཡང་ནད་དོ་ཅོག་ལས་ཐར་བ་དང་། ནམ་དུ་ཡང་ངན་སོང་ངན་འགྲོ་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་
རྟེན་དུ་སྐྱེ་བར་མི་འགྱུར་ཏེ། དེ་དག་གི་སྒྲ་རྣ་ལམ་དུ་ཡང་གྲག་པར་མི་འགྱུར་ན་དེ་དག་ཏུ་སྐྱེ་བ་ལྟ་ཅི་སྨོས་དེ་ནས་བྲམ་ཟེ་དེས་དེ་སྐད་ཐོས་ནས་ཤིན་དུ་ཡི་རངས་ཏེ། མཆོད་རྟེན་ཞིག་པ་བཅོས་པར་བསམས་ནས་དེ་འཁོར་དེ་ནས་
ལངས་ཏེ་སོང་ངོ་། །དེའི་ཚེ་འཁོར་དེ་ཉིད་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ཞེས་བྱ་བ་ཞིག་སྟན་ལས་ལངས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་
ཏོ། །བཅོམ་ལྡན་འདས་གསང་སྔགས་ཀྱི་ཆོ་ག་འདི་ལྟ་བུར་བགྱིས་ན་ཡོན་ཏན་དང་། ལེགས་པ་དང་། དགེ་བའི་རྩ་བ་བསྐྱེད་པར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གསང་སྔགས་ཆེན་པོ་རྣཾས་
ཀྱི་ཡང་མཆོག་བདག་ཉིད་ཆེ་བ་དྲི་མ་མེད་ཅིང་རྣམ་པར་དག་པའི་འོད་ཅེས་བྱ་བ་འདི་དཀྱིལ་འཁོར་ཆེན་པོའི་ཆོ་ག་བཞིན་བྱས་ནས་དེ་བཞིན་གཤེགས་པ་ཐཾད་ཀྱི་བྱིན་གྱིས་རླབས་ཀྱིས་སེམས་ཅན་ཐམས་ཅད་ཀྱི་ཕན་པ་དང་བདེ་བར་
97-1-290b


འགྱུར་རོ། །ལ་ལ་ཞིག་གིས་གསང་སྔགས་འདི་ཐོས་ན་མཚམས་མེད་པ་ལྔ་བྱས་པའི་སྡིག་པ་ཡང་མ་ལུས་པར་འབྱང་བར་འགྱུར་རོ། །སེར་སྣ་དང་། བརྣབ་སེམས་དང་། ཕྲག་དོག་ལ་སོགས་པ་མི་དགེ་བའི་རྩ་བ་ཐམས་ཅད་ཀྱང་འབྱང་
བར་འགྱུར་ཏེ། ཚེ་ཟད་པ་ལས་ཀྱང་ཚེ་རིང་དུ་ནུར་བ་དང་། བཀྲ་ཤིས་དང་། ལེགས་པ་ཕུན་སུམ་ཚོགས་པ་ཐམས་ཅད་འགྲུབ་པར་འགྱུར་རོ། །དེ་སྐད་ཅེས་བཀའ་སྩལ་པ་དང་། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་
སྒྲིབ་པ་ཐམས་ཅད་རྣམ་པར་སེལ་བས་བཅོམ་ལྡན་འདས་ལ་གསོལ་པ། བཅོམ་ལྡན་འདས་བཅོམ་ལྡན་འདས་ཀྱིས་སེཾན་ཐཾད་ཀྱི་སྲོག་གི་སྐྱབས་མཛད་པ་དང་། ལས་ཀྱི་སྒྲིབ་པ་ཐྃད་བསལ་བའི་སླད་དུ་བཅོམ་ལྡན་འདས་
ཀྱི་གསང་སྔགས་ཀྱི་ཆོ་ག་འདི་ཐཾད་དང་ལྡན་པའི་འཁོར་ལ་བཀའ་སྩལ་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་གནང་སྟེ། བཅོམ་ལྡན་འདས་ཀྱིས་དབུའི་གཙུག་ཏོར་གྱི་སྟེང་ནས་འོད་ཟེར་གྱི་སྣང་བ་
ཆེན་པོ་བྱུང་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཀྱིས་ཁྱབ་པར་མཛད་དེ། དེ་བཞིན་གཤེགས་པ་ཐམས་ཅད་ལ་ཡང་མཁྱེན་པར་མཛད་ནས་འོད་ཟེར་དེ་དག་སླར་འདུས་ཏེ། བཅོམ་
ལྡན་འདས་ཀྱི་དབུའི་གཙུག་ཏོར་དུ་ནུབ་བོ། །དེ་ནས་བཅོམ་ལྡན་འདས་དགྱེས་ཤིང་བྱ་ཀ་ལ་པིངྐའི་གསུང་དབྱངས་ཀྱིས་གསང་སྔགས་བཀའ་སྩལ་པ། ན་མཿས་པ་ཏ་ནཱན། སྃ་མྱག་སྃ་བུདྡྷ་ཀོ་ཏི་ནན་པ་རི་ཤུདྷེ་མ་ན་སི། ཨ་བྷ་ཙི་ཏ་པ། 
ཊིཥྛ་ཏུ་ནཱན། ན་མོ་བྷ་ག་བ་ཏེ། ཨ་མྲི་ཏ་ཨ་ཡུ་ར་ཥ་སྱ། ཏ་ཐཱ་ག་ཏ་སྱ། ཨོཾ་སརྦ་ཏ་ཐཱ་ག་ཏ་ཤུདྡྷི། ཨཱ་ཡུར་བི་ཤོ་དྷ་ནེ། སྃ་ཧ་ར་སྃ་ཧ་ར། སརྦ་ཏ་ཐཱ་ག་ཏ་བིརྱ་བ་ལེ་ཎ་པྲ་ཏི་སྃ་ཧ་ར། ཨཱ་ཡུཿསཱ་ར་སཱ་ར། སརྦ་ཏ་ཐཱ་ག་ཏ་ས་མ་ཡ། བོ་དྷི་བོ་དྷི་བུ་དྷྱེ་
བུ་དྷྱེ། བོ་དྷ་ཡ་བོ་དྷ་ཡ་མ་མ་སརྦ་པཱ་པ་ཨ་བ་ར་ན་བི་ཤུདྷེ། བི་ག་ཏ་མ་ལྃ། ཚ་ར་སུ་བུདྷེ་བུདྷེ་ཧུ་རུ་ཧུ་རུ་སྭཱ་ཧཱ། འདི་ནི་རྩ་བའི་སྔགས་ཏེ། གང་ལ་ལ་འདིའི་ཆོ་ག་བྱེད་པར་འདོད་ན་ཚེས་བརྒྱད་དང་བཅུ་གསུམ་དང་བཅུ་བཞི་དང་བཅྭ་ལྔ་རྣམས་
97-1-291a


གང་ཡང་རུངས་བ་ལ་མཆོད་རྟེན་རིང་བསྲེལ་ཅན་ལ་ལན་བདུན་བཅུ་རྩ་བདུན་བསྐོར་ལ། གསང་སྔགས་འདི་ལན་བདུན་བཅུ་རྩ་བདུན་བཟླས་བརྗོད་བྱས་ཏེ། ཁྲུས་བྱས་ལ་དཀྱིལ་འཁོར་བྱས་ནས་གསང་སྔགས་ཀྱི་ཡི་
གེ་བདུན་བཅུ་རྩ་བདུན་བྲིས་ཏེ་དེའི་ཚེ་གསང་སྔགས་འདོན་པ་དང་། ཡི་གེ་འདྲི་བ། ཡང་ཁྲུས་བྱས་ལ་གོས་གཙང་མ་གྱོན་ཏེ། ལུས་སྤོས་ཀྱིས་བྱུགས་ནས་ཁ་ཟས་གཙང་མ་ཟོས་ལ། མེ་ཏོག་དང་། བདུག་པས་མཆོད་དེ། དེ་ལ་རིན་པོ་ཆེ་སྣ་
བདུན་ཡང་ཡོན་དུ་ཕུལ་ལ། ཡང་ན་བདག་གི་ཉམས་ཀྱིས་ཅི་འབྱོར་པར་ཕུལ་ཡང་རུང་སྟེ། སེམས་མགུ་བར་བྱའོ། །ཆོས་བཙུན་པར་བྱ་བའི་ཕྱིར་བསྟི་སྟང་དང་། རི་མོ་ཆེར་བྱའོ། །གསང་སྔགས་ཀྱི་ཡི་གེ་ལ་ཡང་དཀོན་ཞིང་རིན་པོ་
ཆེར་འདུ་ཤེས་བཞག་སྟེ། མཆོད་རྟེན་ཆེ་ཆུང་ཇི་ཙམ་ནུས་པ་བདུན་བཅུ་རྩ་བདུན་གདབ་པར་བྱ་ཞིང་། དེ་རེ་རེའི་ནང་དུ་གསང་སྔགས་བཅུག་སྟེ། སེམས་རྩེ་གཅིག་ཏུ་མཆོད་པ་ཆེན་པོ་བྱས་ན་ཚེ་ཟད་པ་ལས་ཚེ་སླར་ནུར་སྟེ་ཚེ་རིང་
བར་འགྱུར་རོ། །སྔོན་གྱི་ལས་ཀྱི་སྒྲིབ་པ་ཚེ་རབས་གྲང་མེད་པའི་སྡིགས་པ་ཐམས་ཅད་བྱང་ནས་ནམ་དུ་ཡང་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་སྐྱེ་གནས་ཐམས་ཅད་དུ་སྐྱེ་བར་མི་འགྱུར་རོ། །གང་དུ་སྐྱེ་བའི་
གནས་ཐམས་ཅད་དུ་ཡང་སྔོན་གྱི་ཚེ་རབས་རྗེས་སུ་དྲན་པར་འགྱུར། ཡིད་ལ་བསམ་པ་ཐམས་ཅད་ཀྱང་དེ་བཞིན་དུ་འགྲུབ་པར་འགྱུར། དེ་བཞིན་གཤེགས་པ་འབུམ་ཕྲག་བདུན་བཅུ་རྩ་བདུན་སྙེད་ལ་དགེ་བའི་རྩ་བ་བསྐྱེད་པར་
འགྱུར། ནད་དང་སྡུག་བསྔལ་ཐམས་ཅད་ལས་ཐར་བར་འགྱུར་རོ། །གང་ལ་ལ་ཞིག་ནད་ཚབས་པོ་ཆེས་བཏབ་སྟེ། འཆི་བའི་དུས་བྱེད་པ་ལ་ཐུག་ན་དཀྱིལ་འཁོར་གྲུ་བཞི་པར་བྱས་ལ། དེའི་སྟེང་དུ་ཚོན་སྣ་ལྔས་རི་མོར་བྲིས་ཏེ། དབུས་
ཀྱི་ཆར་ནི་འཁོར་ལོ་དང་། རྡོ་རྗེ་དང་དུང་དང་མདུང་རྩེ་གསུམ་པ་དང་། གཡུང་དྲུང་རིས་དང་པད་མོ་རྣམས་བྲིའོ། །གྲྭ་བཞིར་ཡང་པད་མོ་རེ་རེ་བྲིས་ཏེ་དེའི་སྟེང་དུ་སྤོས་ཆུས་བཀང་བའི་བུཾ་པ་རེ་རེ་གྲྭ་བཞིར་བཞག་གོ། བདུག་སྤོས་ཀྱི་སྣོད་བཀང་བ་
97-1-291b


སྤོས་སྣ་ཚོགས་འཐུལ་བ་ཡང་གཞག་གོ། ཁ་དོག་སྣ་ལྔའི་སྣོད་དུ་ཁ་ཟས་སྣ་ཚོགས་དང་། ཟས་དཀར་གསུམ་དང་འབྲས་ཆེན་དུ་སྦྱར་བ་བཞག །ཡང་དྲིའི་ཆུ་དང་། མེ་ཏོག་དང་། འབྲས་སམ་འབྲུའི་སྣོད་བཀང་བ་ཕོར་བུ་རེ་རེ་བླུགས་པ་དང་། 
ཡང་ཁ་ཟས་སྣ་ཚོགས་སྦྱར་བའི་གཏོར་མ་སྤོས་ཆུ་བུཾ་པ་གང་དང་སྦྱར་ཏེ། དཀྱིལ་འཁོར་གྱི་སྟེང་དུ་གཞག་གོ། གཏོར་མ་དེ་དང་འབྲས་ཀྱི་དྲུང་དུ་ཉེ་བར་ཚོགས་ཀྱི་བདག་པོའི་གཟུངས་བྲིས་ལ་དེའི་སྤྱི་བོའི་སྟེང་དུ་མར་མེ་གཞག་གོ། དེ་ནས་དཀྱིལ་
འཁོར་གྱི་ནུབ་ཕྱོགསུ་ནད་པ་བཞག་ལ། དཀྱིལ་འཁོར་གྱི་ནང་དུ་ཁ་སྟན་པའི་ནད་པའི་མདུན་དུ་ཡང་མཆོད་པའི་བཤོས་བཞག་སྟེ་དབུལ་དུ་གཞུག་གོ། དེ་ནས་སྔགས་མཁན་གཙང་སྦྲ་ཆེར་བྱས་ཏེ། ནད་པ་དེ་ལ་གསང་སྔགས་
བདུན་བཅུ་ཙ་བདུན་གྱིས་བཏབ་ཏེ། ཆོ་ག་འདི་ལྟར་བྱས་ན་ནད་པ་ཚེ་ཟད་དེ་འཆི་བའི་དུས་བྱེད་དུ་ཉེ་བ་ཞག་བདུན་ནས་དྲན་པ་ཉམས་ཤིང་འཁྲུལ་བར་འགྱུར་བ་ཡང་ཚེ་སླར་ནུར་ཞིང་ཚེ་རིང་པོར་འགྱུརོ། །རྨི་ལམ་གྱི་སྡུག་བསྔལ་ཡང་མྱོང་བར་མི་
འགྱུར་རོ། །གང་ལ་ལ་ཞིག་གིས་གཙང་སྦྲ་ཆེར་བྱས་ཏེ། ཉིན་ཅིག་བཞིན་རྟག་པར་གསང་སྔགས་ལན་རེ་རེ་ཇི་སྲིད་འཚོ་བའི་བར་དུ་བཏོན་ན་དེ་འཆི་བའི་དུས་བྱས་ནས་ལོངས་སྤྱོད་དང་། བདེ་བ་མི་ཟད་པའི་གནས་སུ་སྐྱེ་བར་
འགྱུར་རོ། །རྟག་པར་དུས་ཐམས་ཅད་དུ་བཟླས་བརྗོད་བྱས་ན་སངས་རྒྱས་བཞུགས་པའི་ཞིང་དུ་སྐྱེ་བར་འགྱུར་ཞིང་། ཚེ་རབས་རྗེས་སུ་དྲན་པར་ཡང་འགྱུར་རོ། །དུས་མ་ཡིན་པའི་འཆི་བ་དང་། །སྒྲིབ་པ་ཐམས་ཅད་བྱང་
བར་འགྱུར་རོ། །ཡང་གང་ལ་ལ་ཞིག་གིས་མི་ཤི་བའི་ཆེད་དུ་ཕན་པར་འདོད་པས་སེམས་ཐག་པ་ནས་གསང་སྔགས་ལན་བདུ་ཅུ་རྩ་བདུན་བཟླས་བརྗོད་བྱས་ན་ཤི་བ་དེ་ངན་སོང་གི་གནས་སུ་ལྟུང་ན་ཡང་དེའི་མོད་ལ་ལས་ཀྱི་སྒྲིབ་
པ་རྣམ་ཟད་ནས་མཐོ་རིས་ཀྱི་ལྷའི་གནས་སུ་སྐྱེ་ཞིང་བདེ་བ་མྱོང་བར་འགྱུརོ། །ཡང་གང་ལ་ལ་ཞིག་གི་གསང་སྔགས་ཡི་གེ་བྲི་བ་གཞན་གྱི་མིང་ནས་སྨོས་ཏེ། མཆོད་རྟེན་གྱི་ནང་དུ་ཅུག་ལ་ནན་ཏན་དུ་མཆོད་པ་བྱས་ན་ཤི་བ་གང་ཡིན་པ་དེ་ངན་སོང་གི་གནས་ནས་ཐར་ཏེ་
97-1-292a


མཐོ་རིས་སུ་སྐྱེ་བར་འགྱུརོ། །ཡང་ན་དགའ་ལྡན་གྱི་ལྷའི་རིས་སུ་སྐྱེ་བར་འགྱུར་ཏེ། སངས་རྒྱས་གྱི་བྱིན་ཀྱི་རླབས་ཀྱི་ངན་སོང་དུ་ལྟུང་བར་མི་འགྱུར་རོ། །རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་གིས་མཆོད་རྟེན་དེ་ལ་
བསྐོར་བ་བྱས་སམ། ཕྱག་བྱས་སམ། མཆོད་པ་ཕུལ་ཡང་རུང་སྟེ། དེ་བཞིན་གཤེགས་པའི་བྱིན་གྱི་རླབ་ཀྱིས་བླ་ན་མེད་པའི་བྱང་ཆུབ་ཀྱི་ལམ་ལས་ཕྱིར་མི་ལྡོག་པར་ཡང་འགྱུར། སྔོན་གྱི་ལས་ཀྱི་སྒྲིབ་པ་རྣམས་ཀྱང་མ་ལུས་
པར་འབྱང་བར་འགྱུར་རོ། །ཐ་ན་བྱ་དང་རི་དག་ལ་སོག་ཏེ་གང་དག་ལ་མཆོད་རྟེན་དེའི་གྲིབ་མ་ཕོག་པ་དེ་དག་ཀྱང་ནམ་ཡང་དུད་འགྲོ་ལ་སོག་པ་ངན་སོང་གི་གནས་སུ་སྐྱེ་བར་མི་འགྱུར་རོ། །གང་ལ་ལ་མཚམས་མེད་པ་ལྔའི་
སྡིག་པ་ཆེན་པོ་དང་ལྡན་པ་ཡང་མཆོད་རྟེན་དེ་ལ་རེག་གམ། དེའི་གྲིབ་མས་ཕོག་ཀྱང་རུང་སྟེ། དེའི་སྡིག་པ་ཐམས་ཅད་བྱང་ཞིང་ཟད་པར་འགྱུར་རོ། །མཆོད་རྟེན་དེའི་གནས་ན་འབྱུང་པོ་དང་། གནོད་སྦྱིན་དང་། སྲིན་པོ་དང་། 
ཡི་དག་དང་། ཤ་ཟ་ལ་སོག་པ་ལུས་ལ་འཇུག་ཅིང་གནོད་པ་དང་། གཅན་ཟན་ཁྲོ་བོ་དང་། ཐོག་འབབ་པ་དང་། སྡིག་སྦྲུལ་ཁ་གདུག་པ་དང་། སྦྱར་དུག་ལ་སོགས་པ་ཐམས་ཅད་ཀྱིས་ཀྱང་མི་ཚུགས་ཤིང་མེད་པ་འགྱུར་
རོ། །གཞན་ཡང་ཕ་རོལ་ཀྱི་དམག་ཚོགས་དང་། མཚོན་དང་། མེ་དང་། ཆུ་དང་། སེར་བ་དང་། མུ་གེ་དང་། དུས་མ་ཡིན་པར་འཆི་བ་དང་། རྨི་ལམ་ངན་པ་དང་། བཀྲ་མི་ཤིས་པ་དང་། སྡུག་བསྔལ་གྱི་གནོད་པ་ཐམས་ཅད་
མེད་པར་འགྱུར་རོ། །ཡུལ་དེར་ལྟས་ངན་ཞིག་བྱུང་ན་ཡང་མཆོད་རྟེན་དང་། སངས་རྒྱས་ཀྱི་བྱིན་གྱི་རླབས་ཀྱིས་འོད་ཟེར་ཆེན་མོ་བྱུང་བས། ལྟས་ངན་དང་། བཀྲ་མི་ཤིས་པ་ཐམས་ཅད་ཟློག་པར་འགྱུར་རོ། །གང་གཞན་ཞིག་བསམ་
པ་ངན་པས་དམག་དང་། ཆོམ་རྐུན་གྱི་གནོད་པ་བྱས་བར་སེམས་སམ། དགྲ་རྒོལ་བ་ཞིག་བྱུང་ན་ཡང་གནས་དེར་མཆོད་རྟེན་དེ་ལ་འོད་ཟེར་ཆེན་པོ་འབྱུང་སྟེ། དེ་བཞིན་གཤེགས་པའི་རྫུ་འཕྲུལ་གྱི་མེ་ལྕེ་ཀུན་དུ་འབར་བས་བསྐོར་
97-1-292b


བའི་ནང་ནས་དམག་གི་དཔུང་དང་། མཚོན་ཆའི་ཆར་མངོན་པར་བསྟན་པས་ཕ་རོལ་གྱི་དམག་ཚོགས་ཐམས་ཅད་ཞི་ཞིང་ཕྱིར་ལྡོག་པར་འགྱུར་རོ། །ལྷ་རྣམས་ཀྱིས་ཀྱང་བསྲུང་བ་དང་བསྐྱབ་པ་བྱས་ཏེ། ཕྱོགས་བཞིར་དཔག་ཚད་བརྒྱ་
ཚུན་ཆད་དུ་མཚམས་ཅད་དེ་བསྲུངས་པས་དེའི་ནང་དུ་འཁྲུག་པ་དང་། ནད་འགོ་བ་དང་། ཕྱུགས་ནད་ཐམས་ཅད་མི་འབྱུང་ངོ་། །འཐབ་ཅིང་རྩོད་པ་མི་འབྱུང་། ཆོས་མ་ཡིན་པར་སྤྱོད་པ་མེད་པར་འགྱུར་རོ། །འདི་ལ་གསང་སྔགས་གཞན་
གྱིས་གཅད་པ་དང་། མནན་པར་མི་ནུས་ཏེ། གསང་སྔགས་ཐམས་ཅད་ཀྱི་རྩ་བ་ཡིན་པའི་ཕྱིར་རོ། །ཡང་མཆོད་རྟེན་དེའི་སྲོག་ཤིང་གི་གསང་སྔགས་བཤད་པ། ཨོཾ་སརྦ་ཏ་ཐཱ་ག་ཏ་བི་པུ་ལ་ཡཥྚི། མ་ཎི་ཀ་ན་ཀ་རཱ་ཛ་ཏ། བི་པུ་
ཤི་ཏ་ཡཥྚི་དྷུ་རུ་དྷུ་རུ། ས་མནྟེ་བི་ལོ་ཀི་ཏེ། ས་ར་ས་ར། མ་མ་སརྦ་པ་པ་བི་ཤོ་དྷ་ཎི། སཾ་བོ་དྷ་ཎི། པྲ་བ་ར་ཡཥྚི། པ་རི་མ་ཎི་དུཥྚ་ཧུ་རུ་ཙི་ར་མ་ལ་བི་ཤུདྡྷེ་ཧཱུྃ་ཧཱུྃ་སྭཱ་ཧཱ། རིགས་ཀྱི་བུ་ཅི་ནས་ཀྱང་གསང་སྔགས་འདི་ནན་ཏན་
དུ་དགུ་བཅུ་རྩ་དགུར་ཡི་གེར་བྲིས་ཏེ། མཆོད་རྟེན་གྱི་སྲོག་ཤིང་གིས་ངོས་བཞིར་གཞུགས་གོ། དེ་ཡང་ཆོ་གའི་གཞུང་འདི་ཉིད་ཀྱང་བྲིས་ཏེ་སྲོག་ཤིང་གི་ནང་དུ་གཞུག་གོ། ཆོ་ག་དེ་ལྟར་བྱས་ན་མཆོད་རྟེན་དགུ་ཁྲི་དགུ་
སྟོང་གི་སྲོག་ཤིང་བཙུགས་པ་དང་འདྲའོ། །དེའི་གོང་དུ་ཡང་མཆོད་རྟེན་རིང་བསྲེལ་ཅན་དགུ་ཁྲི་དགུ་སྟོང་བཞེངས་པ་དང་འདྲའོ། །དེའི་ཡང་གོང་དུ་རིན་པོ་ཆེ་སྣ་བདུན་གྱི་མཆོད་རྟེན་དགུ་ཁྲི་དགུ་སྟོང་བྱས་པར་
འགྱུར་རོ། །དེའི་ཡང་གོང་དུ་དེ་བཞིན་གཤེགས་པ་ལ་མཆོད་པའི་ལས་ཀྱི་ཕྱིར་ཆོས་བཟང་ལྷའི་མདུན་ས་དང་འདྲ་བའི་གཙུག་ལག་ཁང་གི་མཆོད་རྟེན་དགུ་ཁྲི་དགུ་སྟོང་བརྩིག་པ་དང་འདྲའོ། །ཡང་གང་ལ་ལ་ཞིག་གིས་འཇིམ་པ་
ལས་མཆོད་རྟེན་ཆུང་ངུ་ཞིག་བྱས་ཏེ། དེའི་ནང་དུ་གསང་སྔགས་འདི་དག་བཅུག་ན་ཡང་རིན་པོ་ཆེ་སྣ་བདུན་གྱི་མཆོད་རྟེན་དགུ་ཁྲི་དགུ་སྟོང་རྩིགས་པ་དང་འདྲའོ། །ཡང་གང་ལ་ལ་ཞིག་གིས་མཆོད་རྟེན་འདི་ལ་སྐོར་བ་བྱས་སམ། ཕྱག་བྱས་
97-1-293a


སམ། ཐལ་མོ་སྦྱར་རམ། མེ་ཏོག་ཕུལ་ལམ། བྱུག་པ་དང་། གདུགས་སྤོས་ཕུལ་ལམ། དྲིལ་བུ་དང་། བ་དན་དང་། གདུག་འགའ་ཞིག་ཕུལ་ན་ཡང་དེ་བཞིན་གཤེགས་པ་དགུ་ཁྲི་དགུ་སྟོང་གི་མཆོད་རྟེན་ལ་ཕུལ་བའི་བསོད་
ནམས་དང་མཉམ་པ་ཡིན་ནོ། །དགེ་བའི་རྩ་བ་ཐམས་ཅད་ཡོངསུ་རྫོག་པའི་དཔལ་དང་། མཐུ་སྟོབས་རྒྱ་ཆེན་པོ་ཐོབ་པར་འགྱུར་ཏེ། ཐ་ན་བྱ་དང་སྦྲང་མ་ལ་སོག་པ་མཆོད་རྟེན་དེའི་གྲིབ་མས་ཕོག་ན་ཡང་དེ་བཞིན་གཤེགས་པས་མཁྱེན་ཅིང་རྗེས་
སུ་དགོང་པར་མཛད་དོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་ཅིང་ཕྱིར་མི་ལྡོག་པའི་ས་ལ་གནས་པར་ཡང་འགྱུར་རོ། །ཡང་གང་ལ་ལ་ཞིག་གིས་མཆོད་རྟེན་འདི་ལྟ་བུ་རྨི་ལམ་དུ་རྨིས་སམ། རྒྱང་ནས་མཐོང་ངམ། དྲིལ་
བུའི་སྒྲ་ཐོས་སམ། མཆོད་རྟེན་བཞེངས་པ་རྣ་བར་གཏཾ་ཐོས་པ་དེ་དག་ཀྱང་མཚམས་མེད་པ་ལྔ་ལས་སོགས་ཏེ། སྡིག་པ་དང་། སྒྲིབ་པ་ཐམས་ཅད་བྱང་སྟེ། རྟག་དུ་དེ་བཞིན་གཤེགས་པ་རྣམས་ཀྱིས་བསྲུང་བ་དང་། རྗེས་སུ་དགོང་
པ་མཛད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ལམ་ཡོངས་སུ་དག་པ་ཐོབ་པར་འགྱུར་རོ། །གསང་སྔགས་འདི་ནི་མཆོད་རྟེན་གྱི་སྲོག་ཤིང་གི་གསང་སྔགས་ཞེས་བྱའོ། །ཡང་རིགས་ཀྱི་བུ་དེ་བཞིན་པའི་མཆོད་
རྟེན་བྱ་བའི་གསང་སྔགས་དེ་དག་གི་སྙིང་པོ་ནི་འདི་ཡིན་ནོ། །ཨོཾ་སརྦ་ཏ་ཐཱ་ག་ཏ། མ་ལ་བི་ཤོ་དྷ་ཎི། རུ་དྷ་བ་ལེ་པྲ་ཏི་སྃ་སྐཱ་ར། ཏ་ཐཱ་ག་ཏ་དྷཱ་རུ་དྷ་རེ། དྷ་ར་དྷ་ར། སནྡྷ་ར་སནྡྷ་ར། སརྦ་ཏ་ཐཱ་ག་ཏ་ཨ་དྷིཥྞཱ་ན་ཨ་དྷིཥྛཱི་ཏེ་སྭཱ་ཧཱ། 
དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། གང་ལ་ལ་ཞིག་གིས་མཆོད་རྟེན་བདག་ཉིད་ཀྱིས་བྱས་སམ། གཞན་བྱེད་དུ་བཅུག་གམ། མཆོད་རྟེན་སྙིང་པ་བཅོས་ལེགས་བྱས་ཀྱང་རུང་། ས་འཇིམ་ལས་
མཆོད་རྟེན་ཆུང་ངུ་བྱས་སམ། སོ་ཕག་གམ། རྡོ་བ་ལས་བྱས་ཀྱང་རུང་སྟེ། དང་པོ་གསང་སྔག་ཀྱི་སྙིང་པོ་སྟོང་རྩ་བརྒྱད་ཚད་དུ་བཟླས་བརྗོད་བྱས་ཏེ། དེའི་འོག་ཏུ་མཆོད་རྟེན་སེན་མོ་གང་ཙམ་གྱི་ས་ལ་བྱས་སམ། ཁྲུ་གང་གི་ཆད་དུ་བྱས་སམ། 
97-1-293b


དཔག་ཚད་གཅིག་ཙམ་གྱི་ཚད་དུ་བྱས་ན་ཡང་རུང་སྟེ། གསང་སྔགས་ཀྱི་མཐུ་དང་། སེམས་རྩེ་གཅིག་དུ་བྱས་པའི་སྟོབས་ཀྱིས་མཆོད་རྟེན་དེ་ལ་ཡང་སྤོས་ཀྱི་ངད་ལྡང་སྟེ། ཙན་དན་དང་། ག་པུར་དང་། གླ་རྩི་དང་། གུར་གུམ་ལ་སོགས་པའི་
དྲི་བྲོ་འམ། ལྷའི་སྤོས་དྲི་ཞིམ་པོའི་ངད་ལྡང་བར་འགྱུར་རོ། །བདག་དང་གཞན་མཆོད་རྟེན་གྱི་ལས་བྱེད་པ་དང་། བཟླས་བརྗོད་བྱེད་པ་དེ་བསམ་པ་ཐམས་ཅད་ཀྱང་ཡིད་བཞིན་དུ་འགྲུབ་པར་འགྱུར་རོ། །དགེ་བའི་རྩ་བ་རྒྱ་ཆེན་པོ་བསག་པར་
འགྱུར་ཏེ། ཡོན་ཏན་དང་། ལེགས་པ་ཕུན་སུམ་ཚོགས་པ་ཡང་འཐོབ་པར་འགྱུར་ཚེ་ཐུང་བའི་ལས་ཤིག་ཡོད་ན་ཡང་ཚེ་ནུར་ཞིང་རིང་བར་འགྱུར། ནམ་འཆི་བའི་དུས་བྱེད་པ་ན་ཡང་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དགུ་
བཅུ་རྩ་དགུའི་ཞལ་མཐོང་ཞིང་། དེ་བཞིན་གཤེགས་པ་དེ་དག་གིས་རྗེས་སུ་དགོང་ཏེ། སྐྱེ་གནས་ཕྱི་མར་སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བར་འགྱུར་ཞིང་མངོན་སུམ་དུ་ལུང་སྟོན་པར་འགྱུར། དེར་ཡང་ཚེ་ལོ་བྱེ་བ་ཁྲག་
ཁྲིག་བརྒྱ་སྟོང་ཐུས་པར་འགྱུར་ཏེ། སྔོན་གྱི་གནས་རྗེས་སུ་དྲན་པ་དང་། ལྷའི་མིག་དང་། ལྷའི་རྣ་བ་རྣམ་པར་དག་པ་འཐོབ་ཅིང་། ཕ་རོལ་གྱི་སེམས་ཤེས་པ་དང་། འཆི་འཕོ་བ་དང་སྐྱེ་བ་ཤེས་པ་འཐོབ་བོ། །ལུས་ལས་ཙན་དན་གྱི་དྲིའི་ངད་འབྱུང་
ཞིང་ཁ་ནས་ཨུད་པ་ལའི་གསུང་ལྡང་བར་འགྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་གྱི་ལམ་ཐོབ་ནས་ཕྱིར་མི་ལྡོག་པའི་ས་ཡང་ཐོབ་པར་འགྱུར་རོ། །ཡང་དྲིའི་བྱུག་པ་ཡུངས་འབྲུ་ཙམ་ཡང་རུང་སྟེ། གསང་སྔགས་བཟླས་
ནས་མཆོད་རྟེན་ལ་བསྐུས་ན་ཡང་དེ་དག་གི་ཡོན་ཏན་དང་། ལེགས་པ་སྔར་བཤད་པ་བཞིན་དུ་ཐོབ་པར་འགྱུར་རོ། །ཡང་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་གང་ལ་ལ་ཞིག་གིས་བདག་ཉིད་གཙང་བར་
བྱས་ཏེ། གསང་སྔགས་གྱི་ཚིག་འདི་དག་དཀོན་པ་དང་། རིན་པོ་ཆེར་འདུ་ཤེས་པས་བཟུང་ན་དེ་དེ་བཞིན་གཤེགས་པ་དང་འདྲ་བར་དད་པར་བྱ་སྟེ། གསང་སྔགས་རྣམས་ལ་གུས་པ་བསྐྱེད་ནས་ཡི་གེར་བྲི་བར་བྱ་སྟེ། གོང་དུ་བཤད་
97-1-294a


པ་བཞིན་དུ་གསང་སྔགས་དང་ཕྱག་རྒྱ་ཆོ་ག་བཞིན་དུ་བྲིས་ནས་མཆོད་རྟེན་གྱི་སྲོག་ཤིང་གི་རྩ་བར་སྙིང་པོ་བཅུག་སྟེ། མཆོད་རྟེ་བྱས་ན་དེ་དགེ་བའི་རྩ་བ་རྒྱ་ཆེན་པོ་བསག་པར་འགྱུར་ཏོ། །ཡོན་ཏན་དང་ལེགས་པ་ཐམས་ཅད་
ཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱི་གསང་སྔགས་ཀྱི་ཕྱག་རྒྱའི་ཆོ་ག་འདི་དག་བཤད་པའི་ཚེ་ཕྱོག་བཅུའི་འཇིག་རྟེན་གྱི་ཁམ་ན་བཞུག་པའི་དེ་བཞིན་གཤེགས་པ་ཐམས་ཅད་རྗེས་སུ་ཐུགས་རང་པར་མཛད་ནས་གསུངས་
པ། ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་སེམས་ཅན་མཉམ་པར་དགོངས་ཤིང་། ཐམས་ཅད་ཆོས་ཀྱི་དབྱིངས་ལ་བཀོད་ནས་གསང་སྔགས་ཆེན་པོའི་ཕྱག་རྒྱའི་ཆོ་གའི་བྱིན་གྱི་བརླབས་འཐོབ་པར་བསྟན་པ་ནི་ལེགས་
སོ་ལེགས་སོ། །ཤིན་ཏུ་ཡང་ལེགས་ཏེ། དགེ་བའི་རྩ་བ་དེ་དག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་ཅིང་ཕྱིར་མི་ལྡོག་པར་ཡང་འགྱུར་རོ། །དེ་ནས་འཁོར་གྱི་དཀྱིལ་འཁོར་དེ་ཉིད་ན། ལྷ་དང་། ཀླུ་དང་། གནོད་སྦྱིན་
དང་། སྲིན་པོ་དང་། དྲི་ཟ་དང་། ལྷ་མ་ཡིན་དང་། མི་འམ་ཅི་དང་། ལྟོ་འཕྱེ་ཆེན་པོ་འདུས་པ་རྣམས་དང་། བྱང་ཆུབ་སེམས་དཔའ་ལག་ན་རྡོ་རྗེ་དང་། རྒྱལ་པོ་ཆེན་པོ་བཞི་དང་འཇིག་རྟེན་སྐྱོང་བའི་མེས་པོ་ཚངས་པ་དང་། ཁྱབ་
འཇུག་དང་། དབང་ཕྱུག་ཆེན་པོ་དང་། བརྒྱ་བྱིན་དང་། གཤིན་རྗེ་དང་། ཆུ་ལྷ་དང་། ཀུ་བེ་ར་དང་། དེ་དག་ལ་སོགས་པ་རྫུ་འཕྲུལ་ཆེ་བའི་ལྷ་དེ་དག་གི་བཅོམ་ལྡན་འདས་ཀྱི་གསུངས་པ་དེ་ཐོས་ནས་བདག་ཅག་རང་རང་གི་སྤྱོད་
ཡུལ་ལ་སྐྱོང་ཤིང་ཡིད་བྱུང་བར་གྱུར་ཏེ། མཐར་གྱིས་ཡོན་ཏན་ཆེན་པོ་ཐོབ་པར་འདོད་པའི་ཕྱིར་གཅིག་ལ་གཅིག་བོས་ཏེ་སྨྲས་པ། ཀྱེ་མ་ཡང་དག་པར་རྫོགས་པའི་སངས་རྒྱས་འབྱུང་བ་ནི་ཤིན་ཏུ་ཡང་རྙེད་པར་དཀའོ། །དེའི་
བསྟན་པ་དམ་པའི་ཆོས་ཐོས་པ་ཡང་ཤིན་ཏུ་རྙེད་པར་དཀའ། གསང་སྔགས་དང་ཕྱག་རྒྱའི་ཚོགས་ཡང་དག་པར་རྫོགས་པའི་སངས་རྒྱས་ཀྱི་བསྟན་པ་ཐོས་པ་ཡང་ཤིན་དུ་རྙེད་པར་དཀའ་སྟེ། འདི་ནི་ཤིན་དུ་ངོ་མཚར་ཏོ་
97-1-294b


ཞེས་སྨྲས་སོ། །དེ་ནས་དེའི་ཚེ་བྲམ་ཟེ་སེར་སྐྱའི་ཟླ་བ་ཞེས་བྱ་བ་བཅོམ་ལྡན་འདས་ལས་དེ་ལྟ་བུའི་གསང་སྔགས་དང་ཆོ་གའི་ཡོན་ཏན་ཆེན་པོ་དེ་དག་ཐོས་ཤིང་ཐོབ་ནས་སེམས་ཀྱི་སྒྲིབ་པའི་རྡུལ་དང་རྙོག་པ་རྣམས་དང་བར་གྱུར། འཆི་བའི་
འཇིགས་པ་དང་། སྡིག་པ་དང་། ལས་ཀྱི་སྒྲིབ་པ་ཐམས་ཅད་ཀྱང་དག་པར་གྱུར། ཚེ་ཡང་ཕྱིར་ནུར་ཏེ་རིང་བར་གྱུར་ནས་དགའ་མགུ་ཡིད་རངས་ཏེ་ཡིད་བདེ་བ་ཆེན་པོ་ཐོས་པར་གྱུར་ཏོ། །དེ་ནས་འབྱུང་པོའི་ཚོགས་ཐམས་ཅད་ཀྱང་སེམས་
དང་ཞིང་རྗེསུ་ཡི་རང་བར་འགྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམས་པར་སེལ་བས་དེ་བཞིན་གཤེགས་པ་ལ་མཆོད་པའི་ལས་ཀྱི་ཕྱིར་འཁོར་དེར་རིན་པོ་ཆེའི་ཁང་པ་བརྩེགས་
པ་ནོར་བུ་སྣ་ཚོགས་ཀྱི་སྤྲས་པ་ཞིག་མངོན་པར་སྤྲུལ་ནས། ཆོས་ལ་དགའ་བའི་ཕྱིར་བཅོམ་ལྡན་འདས་ལ་ཕུལ་ཏེ། ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་
ལ་གསོལ་པ། བཅོམ་ལྡན་འདས་ཀྱི་གསང་སྔགས་དང་། ཕྱག་རྒྱ་དང་། དཀྱིལ་འཁོར་གྱི་ཆོ་ག་ཤིན་དུ་རྙེད་པར་དཀའ་བ་སེམས་ཅན་ཐམས་ཅད་ལ་ཕན་པ་དང་བདེ་བ་རྣམས་ཀྱི་མཆོག་འཛམ་བུའི་གླིང་གི་སེམས་ཅན་སྒྲིབ་
པ་ཆེ་བ་རྣམས་ཀྱི་དོན་དུ་བཤད་དེ། དགེ་བའི་རྩ་བ་བསྐྱེད་ཅིང་ཚེ་རིང་བ་དང་། སྡུག་བསྔལ་གྱི་ཕུང་པོ་ཐམས་ཅད་ལས་ཐར་བར་མཛད་པ་ལགས་ན། དེ་འདིར་བདག་ཅག་བྱང་ཆུབ་སེམས་དཔའ་རྣམས་ཀྱིས་ཀྱང་
སངས་རྒྱས་བཅོམ་ལྡན་འདས་ཐམས་ཅད་ལ་གསོལ་ཏེ། དེ་བཞིན་གཤེགས་པའི་སྤྱན་སྔར་ཡང་དག་པའི་ཡེ་ཤེས་ཆུབ་པར་བགྱིད་པའི་ཕྱག་རྒྱ་དང་། གསང་སྔགས་གྱི་ཚིག་བཤད་པར་འཚལ་ལོ། །ན་མོ་
བྷ་ག་བ་ཏེ། ན་བ་ན་བ་ཊི་ནཱྃ། སྃ་མྱག་སྃ་བུདྡྷཱ་ཀོ་ཏན་པུ་ཏ་ཤ་ཏ་ས་ཧ་སྲཱ་ནཱཾ། ན་མཿསརྦ་ཎི་བ་ར་ཎ་བི་སྐ་མྦི་ཎི་བོ་དྟི་ས་ཏྭཱ་ཡ། ཨོཾ་ཏུ་རུ་ཏུ་རུ་མ་མ་སརྦ་ཨཱ་བ་ར་ཎ་བི་ཤོ་དྷ་ཎི། སརྦ་ཏ་ཐཱ་ག་ཏ་ཨཱ་ཡུར་བ་ལཱ་ནི། 
97-1-295a


བི་པུ་ལ་ནི་ར་མཱ་ལེ། སརྦ་སིདྡྷི་ན་མ་སྐྲི་ཏྭཱ། བ་ར་བ་ར། སརྦ་སཏྭཱ་ཨ་བ་ལོ་ཀི་ཎི། ཨོཾ་སརྦ་ཎི་བཱ་ར་ཎི། བི་སྐམ་བི་ཎི། མ་མ་སརྦ་པཱ་པ་བི་ཤོ་དྷ་ནི་ཀུ་རུ་སྭཱ་ཧཱ། བཅོམ་ལྡན་འདས་བདག་གིས་སངས་སྔགས་
འདི་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་བཤད་པ་ལགས་ཏེ། གང་ལ་ལ་ཞིག་གི་མ་ཡེངས་པའི་སེམས་ཀྱིས་རྩེ་བཅིག་ཏུ་བྱས་ཏེ། སྐད་ཅིག་གཅིག་བཏོན་ན་ཡང་སྡིག་པ་ཐམ་ཅད་བྱང་བར་འགྱུར་རོ། །ཡང་གང་ལ་
ལ་ཞིག་གིས་གསང་སྔགས་འདི་ཆོ་ག་བཞིན་དུ་དགུ་བཅུ་རྩ་དགུ་ཡི་གེར་འབྲིས་ཏེ་མཆོད་རྟེན་གྱི་ནང་དུ་བཅུག་ན་མཆོད་རྟེན་དེ་ལ། ལ་ལ་ཞིག་གིས་ཕྱག་བྱས་སམ། ཚིག་སྙན་པས་བསྟོད་དམ། སྤོས་དང་། མེ་ཏོག་
དང་། བྱུག་པ་དང་། མར་མེ་འབུལ་ན་རིག་ཀྱི་བུ་དེ་དེའི་ཚེ་འདི་ཉིད་ལ་སྡིགས་པ་ཐམས་ཅད་བྱང་ཞིང་ལས་ཀྱི་སྒྲིབ་པ་ཐམས་ཅད་བསལ་ཏེ། བསམ་པ་ཐམས་ཅད་ཡིད་བཞིན་དུ་གྲུབ་པར་འགྱུར། སངས་རྒྱས་བཅོམ་ལྡན་
འདས་བརྒྱ་སྟོང་གྲངས་མེད་པ་གང་གཱའི་ཀླུང་གི་བྱེ་མ་སྙེད་ལ་མཆོད་ཅིང་བསྙེན་བཀུར་བྱས་པ་དང་འདྲ་བར་འགྱུར་རོ། །དེ་བཞིན་དུ་མཆོད་རྟེན་རིང་བསྲེལ་གྱི་སྙིང་པོ་ཅན་བརྒྱ་སྟོང་བྱེ་བ་ཁྲག་ཁྲིག་གང་གཱའི་ཀླུང་གི་བྱེ་མ་
སྙེད་ལ་མཆོད་པ་བྱས་པར་འགྱུརོ། །དེའི་དགེ་བའི་རྩ་བ་རྒྱ་ཆེན་པོ་སོག་པར་འགྱུར་རོ། །ཡང་དགེ་སྦྱོང་གང་ཞིག་གི་ཚེས་བརྒྱད་དང་། བཅུ་བཞི་དང་བཅྭ་ལྔ་གང་ཡང་རུང་བ་ལ་ཁྲུས་དང་གཙང་སྦྲ་བྱས་ཏེ། གོས་གཙང་མ་
གྱོན་ལ་ཞག་གཅིག་སྨྱུང་བ་འམ། ཡང་ན་ཟས་དཀར་གསུམ་ཟོས་ཏེ། མཆོད་རྟེན་ལ་བསྐོར་ཞིང་གསང་སྔགས་འདི་ལན་བརྒྱ་ཙ་རྒྱད་བཟླས་བརྗོད་བྱས་ན་བསྐལ་པ་བརྒྱ་སྟོང་དུ་བསག་པའི་ལས་ཀྱི་སྒྲིབ་པ་ཐམས་
ཅད་དང་། མཚམས་མེད་པ་ལྔ་བྱས་པ་ཡང་ཡོངས་སུ་འབྱང་བར་འགྱུར་གཞན་ཡང་ལས་དང་ཉོན་མོངས་པའི་སྒྲིབ་པ་ཐམས་ཅད་རྣམ་པར་དག་པར་གྱུར་ནས་བྱང་ཆུབ་སེམས་དཔའ་སྒྲིབ་པ་ཐམ་ཅད་རྣམ་པར་སེལ་བ་བདག་
97-1-295b


ཉིད་ཀྱི་ལུས་མངོན་པར་བསྟན་ཏེ། བསམ་པ་ཐམས་ཅད་དངོས་གྲུབ་ཏུ་སྦྱིན་པར་མཛད་ཅིང་། ཡང་དག་པར་རྫོག་པའི་སངས་རྒྱས་ཐམས་ཅད་ཀྱིས་ཞལ་ཡང་མཐོང་བར་འགྱུརོ། །དེ་བཞིན་དུ་གང་ལ་ལ་ཞིགིས་ཉིས་བརྒྱ་རྩ་
བརྒྱད་བཏོན་ན་ཏིང་ངེ་འཛིན་ཐོབ་པར་འགྱུར་རོ། །གང་གིས་སུམ་བརྒྱ་རྩ་བརྒྱད་བཏོན་ན་སྒྲིབ་པ་ཐམས་ཅད་བྱང་ཏེ། ཕྱིར་མི་ལྡོག་པའི་ས་ལ་གནས་པར་འགྱུར་རོ། །ཡང་གང་གིས་བཞི་བརྒྱ་རྩ་བརྒྱད་སྟོན་ན་རྒྱལ་ཆེན་
རིས་བཞིའི་རྒྱལ་པོ་ཆེན་པོ་དག་ཀྱང་ཉེ་བར་འོངས་ནས་ལུས་མངོན་པར་བསྟན་ཏེ། བསྲུང་བ་དང་། སྐྱབས་པར་བྱེད་ཅིང་ཤེས་རབ་ཀྱི་སྟོབས་ཀྱང་བསྐྱེད་ནས་བསོད་ནམ་ཐམས་ཅད་ཉེ་བར་བསྒྲུབ་བོ། །གང་གིས་ལྔ་བརྒྱ་རྩ་བརྒྱད་
བཏོན་ན་དགེ་བ་དེ་ཉིད་གྱི་འདུས་མ་བྱས་ཀྱི་ལམ་ལ་གནས་པ་ཐོབ་བོ། །ཡང་གང་གི་དྲུག་བརྒྱའ་རྩ་བརྒྱད་བཏོན་ན་རིག་སྔགས་འཆང་དུ་འགྱུར་ཏེ། ནམ་མཁའ་ལ་རིག་འཛིན་ཀྱི་གནསུ་འགྲོ་བར་འགྱུརོ། །ཡང་གང་གིས་
བདུན་བརྒྱ་རྩ་བརྒྱད་ཚང་བར་བཏོན་ན་ལེགས་པའི་ཡོན་ཏན་ཐམས་ཅད་དང་ལྡན་པར་འགྱུར་རོ། །ཡང་གང་གིས་བརྒྱད་བརྒྱ་རྩ་བརྒྱད་བཏོན་ན་གཞན་གྱིས་བསྒོ་བ་མེད་པའི་རང་དབང་འཐོབ་སྟེ། སེམས་རྣམ་པར་དག་པར་
འགྱུར་རོ། །ཡང་གང་གིས་དགུ་བརྒྱ་རྩ་བརྒྱད་དུ་བཏོན་ན་ཕུང་པོ་ལྔ་རྣམ་པར་དག་པར་འགྱུར་རོ། །ཡང་གང་གིས་སྟོང་རྩ་བརྒྱད་དུ་བཏོན་ན་རྒྱུན་ཏུ་ཞུགས་པའི་འབྲས་བུ་འཐོབ་བོ། །གང་གི་ཉིས་སྟོང་ཚང་བར་བཏོན་
ན་ལན་ཅིག་ཕྱིར་འོང་བའི་འབྲས་བུ་འཐོབ་བོ། །གང་གིས་སུམ་སྟོང་ཚང་བར་བཏོན་ན་ཕྱིར་མི་འོང་བའི་འབྲས་བུ་འཐོབ་བོ། །གང་གི་བཞི་སྟོང་ཚང་བར་ཏོན་ན་དགྲ་བཅོམ་པའི་འབྲས་བུ་ཐོབ་པར་འགྱུརོ། །གང་གིས་ལྔ་སྟོང་ཚང་བར་ཏོན་ན་རང་སངྱས་ཀྱི་ས་འཐོབ་པར་འགྱུརོ། །གང་གིས་
དྲུག་སྟོང་ཚང་བར་བཏོན་ན་བྱང་ཆུབ་སེམས་དཔའའི་རྫུ་འཕྲུལ་གྱིས་གནས་འཐོབ་པར་འགྱུརོ། །ཡང་གང་གིས་བདུན་སྟོང་ཚང་བར་བཏོན་ན་བྱང་ཆུབ་སེམས་དཔའི་ས་དང་པོ་འཐོབ་པར་འགྱུརོ། །ཡང་གང་གིས་བརྒྱད་
97-1-296a


སྟོང་ཚང་བར་བཏོན་ན་བྱང་ཆུབ་སེམས་དཔའི་ས་ལྔ་པ་གནོན་པར་འགྱུརོ། །ཡང་གང་གིས་དགུ་སྟོང་ཚང་བར་བསྟོན་ན་རིག་སྔགས་དང་། གསང་སྔག་རྣམས་གྱི་བདག་པོ་གསང་བའི་ལུས་ཐོབ་པར་འགྱུརོ། །ཡང་
གང་གིས་ཁྲི་ཚང་བར་བཏོན་ན་བྱང་ཆུབ་སེམས་དཔའི་ས་བརྒྱད་པ་མི་གཡོ་བ་གནོན་པར་འགྱུརོ། །ཡང་གང་གིས་ཉི་ཁྲི་ཚང་བར་བཏོན་ན་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་སྐུ་ཐོབ་པར་འགྱུར་ཏེ། སེ་གེའི་སྒྲ་
ཆེན་པོ་སྒྲོག་པར་འགྱུརོ། །ཡང་གང་ལ་ལ་ཞིག་གིས་ཕ་མའི་དོན་གྱི་ཕྱིར་བསོད་ནམས་གྱི་ལས་བྱང་བར་འདོད་ན། མཆོད་རྟེན་རྙིང་པ་རིང་བསྲེལ་ཅན་ཞིག་རལ་དུ་གྱུར་པ་གསོལ་ལ་བཅོས་ལེགས་བྱས་ཏེ། གཡས་ཕྱོགསུ་བསྐོར་བ་
བྱས་ཅིང་སྔག་ལན་བརྒྱ་རྩ་བརྒྱད་ཚང་གིས་བར་དུ་བསྐོར་བ་བྱས་ན་བསམ་པ་ཐམས་ཅད་ཡིད་བཞིན་དུ་འགྲུབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྒྲིབ་པ་ཐམ་ཅད་རྣམ་པར་སེལ་བ་ལ་
ལེགས་སོ་ཞེས་བྱ་བ་བྱིན་ཏེ། ལེགསོ་ལེགས་སོ། །རིགས་ཀྱིས་བུ་ཁྱོད་གྱི་ངའི་གྲོག་བྱས་ཏེ། དེ་བཞིན་བཤེགས་པའི་གསང་སྔགས་ཀྱི་ཆོ་ག་ཚུལ་བཞིན་དུ་བཤད་པ་དེ་ཁོ་ན་བཞིན་ནོ། །དེ་ནས་གནོད་སྦྱིན་ཐམས་ཅད་
ཀྱི་རྒྱལ་པོ་གསང་བ་པའི་བདག་པོས་བཅོམ་ལྡན་འདས་ལ་གསོལ་པ། བཅོམ་ལྡན་འདས་གསང་སྔགས་ཀྱི་རྒྱལ་པོ་གསང་སྔགས་ཀྱི་ཆོ་ག་འདི་དག་དེ་བཞིན་གཤེགས་པ་རྣམས་དང་འདྲ་བ། དེ་བཞིན་གཤེགས་པའི་ཆོས་ཀྱི་
སྐུ་ལས་བྱུང་བ་ལགས་ན། བཅོམ་ལྡན་འདས་སྙིང་པོ་དམ་པ་འདི་དག་འཛམ་བུ་གླིང་ན་གནས་པའི་སེམས་ཅན་རྣམ་ཀྱི་ལས་ཀྱི་སྒྲིབ་པ་དང་། སྡིག་པ་ཐམས་ཅད་བསལ་ནས་དེ་ཕྱིན་ཆད་བཅོམ་ལྡན་འདས་ཀྱི་བསྟན་
པ་ལ་འཇུག་པར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱི་གསང་བའི་བདག་པོ་ལ་བཀའ་སྩལ་པ། གསང་བ་པའི་བདག་པོ་གསང་སྔགས་ཀྱི་ཆོ་ག་འདི་དག་ནི་མ་འོངས་པའི་དུས་ན་ཡང་
97-1-296b


དེ་བཞིན་གཤེགས་པ་འཇིག་རྟེན་ན་བཞུགས་པ་དང་འདྲ་བ་ཡིན་ནོ། །ངས་ཆོ་ག་ཇི་སྐད་བསྟན་པ་བཞིན་དུ་བྱས་ན་ལས་ཀྱི་སྦྱོར་བ་ཆུང་ངུས་ཀྱང་འབྲས་བུ་ཆེན་པོ་འགྲུབ་ཅིང་ཕན་ཡོན་ཆེ་བར་གནས་པར་འགྱུར་ན། 
ལས་ཀྱི་སྦྱོར་བ་ཆེར་བྱས་པ་ལྟ་ཅི་སྨོས་ཏེ། དགེ་བའི་རྩ་བ་ཐམས་ཅད་བསགས་པར་འགྱུར་རོ། །དེ་ལྟ་བས་ན་དེ་དག་གི་ཡོན་ཏན་ནི་དེ་བཞིན་གཤེགས་པ་བརྒྱ་སྟོང་བྱེ་བ་ཁྲག་ཁྲིག་གང་གཱའི་ཀླུང་གི་བྱེ་མ་སྙེད་ཀྱི་བཤད་ཀྱང་
མི་རྫོགས་ཏེ། དེ་བཞིན་གཤེགས་པ་དེ་དག་གི་མཁྱེན་ཅིང་གཟིག་པར་ཟད་དོ། །གསང་བ་པའི་བདག་པོས་གསོལ་པ། བཅོམ་ལྡན་འདས་ལས་ཚེགས་ཆུང་ངུ་ཇི་ལྟ་བུ་ཞིག་བགྱི་ན་བསོད་ནམས་ཀྱི་འབྲས་བུ་ཆེན་པོ་འགྲུབ་ཅིང་
བསོད་ནམས་ཆེན་པོ་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་ལེགས་པ་ཉོན་ཅིག་དང་བཤད་པར་བྱའོ། །དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་གང་ལ་ལ་ཞིག་གི་
བསོད་ནམས་གྱི་འབྲས་བུ་ཆེན་པོ་ཐོབ་ཅིང་ཡོན་ཏན་ཐོབ་པར་འདོད་པ་གསང་སྔག་ཀྱི་རྒྱལ་པོའི་ཆོ་ག་སྔར་བསྟན་པ་བཞིན་དུ་བྱེད་ཏེ། དགུ་བཅུ་རྩ་དགུ་ཡི་གེར་བྲིས་ལ་སངས་རྒྱས་ཀྱི་མཆོད་རྟེན་གྱི་མདུན་དུ་
དཀྱིལ་འཁོར་གྲུ་བཞིར་བྱས་ལ་བའི་ལྕི་བས་བྱུགས་ཏེ། གྲྭ་བཞིར་དྲིའི་ཆུ་ཕོར་བུ་བཀང་བ་རེ་རེ་གཞག །བདུག་སྤོས་ཀྱི་སྣོད་དུ་བ་འཐུལ་བ་ཡང་བཞག་ནས་སྣོད་ཆེན་པོའི་ནང་དུ་མེ་ཏོག་དང་། དྲིའི་ཆུ་དང་། 
འབྲས་སྐམ་པོ་རྣམས་བླུགས་ཏེ། དཀྱིལ་འཁོར་ཀྱི་སྟེང་དུ་གཞག་པ་དང་། ཡང་ཏིལ་ནག་པོ་དང་། སྲན་མ་མ་ཤ་དང་། འབྲས་རྣམས་བསྲེས་ཏེ་བཙོས་པའི་འབྲས་ཐུག་ཀྲི་སར་ཞེས་བྱ་བ་དང་། ཟས་དཀར་གསུམ་དང་། 
འདི་རྣམས་བུམ་པའི་ནང་དུ་བླུགས་པ་དང་། ཡང་ཤིང་ཏོག་སྣ་ཚོག་འབྲས་བུ་དགུ་བཅུ་རྩ་དགུ་དང་། ཁ་ཟས་མིང་གིས་སྨོས་པ་འདི་རྣམས་དང་། སྤོས་དང་། མེ་ཏོག་ལ་སོགས་པ་དཀྱིལ་འཁོར་གྱི་སྟེང་དུ་བཀྲམ་ལ། གསང་
97-1-297a


སྔགས་ཀྱི་ཡི་གེ་མཆོད་རྟེན་གྱི་སྲོག་ཤིང་གི་ནང་དུ་བཅུག་ནས་མཆོད་རྟེན་གྱི་ཕྱོགས་བཞིར་ཕྱོགས་བཅུའི་དེ་བཞིན་གཤེགས་པ་ཐཾད་མངོན་དུ་དམིགས་ཏེ་ཕྱག་བྱས་ལ་སེམས་རྩེ་གཅིག་པས་གསང་སྔགས་འདི་དག་
གདོན་པར་བྱའོ། །འདི་ལྟ་སྟེ། ཨོཾ་བི་པུ་ལ་བི་མ་ལེ། པྲ་བ་རེ་ཛི་ན་བ་རེ། ས་ར་ས་ར། སརྦ་ཏ་ཐཱ་ག་ཏ་དྷཱ་ཏུ་གར་བྷེ། ཨ་དྷིཥྛི་ཏེ་སྭཱ་ཧཱ། ཨ་ཡ་ཏ་ཏོ་བ་ཎི་སྭཱ་ཧཱ། སརྦ་དེ་བ་ཎི་བ་ཧ་ཡ་བི་བུདྡྷ་ཨ་དྷིཥྛ་ཎ་ས་མ་ཡེ་སྭཱ་ཧཱ། བདུག་སྤོས་འཐུལ་བ་རྒྱུན་མི་
འཆད་པར་བྱ་ཞིང་། གསང་སྔགས་ལན་ཉི་ཤུ་རྩ་བརྒྱད་བཏོན་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྒྱད་དང་། གནོད་སྦྱིན་གྱི་སྡེ་དཔོན་ཆེན་པོ་བརྒྱད་དང་། གསང་བ་པའི་བདག་པོ་དང་། རྒྱལ་པོ་ཆེན་པོ་བཞི་དང་ཚངས་པ་
དང་། དབང་ཕྱུག་ཆེན་པོ་དང་། སྲེད་མེད་ཀྱི་བུ་རྣམས་དེའི་མོད་ལ་མཆོད་རྟེན་དེ་ལ་མཆོད་པ་དང་། རིམ་གྲོ་བྱེད་དེ་སྲོག་ཤིང་བརྟན་པར་བྱེད་དོ། །དེ་བས་གོང་དུ་ཡང་སངས་རྒྱས་བྱེ་བ་འབུམ་ཕྲག་དགུ་བཅུ་རྩ་དགུ་དང་། གང་གཱའི་ཀླུང་གི་བྱེ་མ་སྙེད་ཀྱང་
གནས་དེར་གཤེགས་ཏེ། མཆོད་རྟེན་དེ་ལ་མཆོད་པ་དང་། ཆོས་ཀྱི་སྐུར་བྱིན་གྱིས་རློབ་ཅིང་རིང་བསྲེལ་དང་ལྡན་པར་མཛད་དོ། །དེ་ལྟར་སེམས་ཐག་པ་ནས་ཆོ་ག་ཚུལ་བཞིན་དུ་བྱས་ན་ཡོན་ཏན་དེ་དག་དང་། གཞན་ཡང་མཆོད་རྟེན་དེ་ཡིད་
བཞིན་གྱི་ནོར་བུ་རིན་པོ་ཆེ་ལས་བྱས་པའི་བསོད་ནཾས་ཐོབ་པར་འགྱུར་ཏེ། རིན་པོ་ཆེའི་རྣཾ་པ་བྱེ་བ་ཁྲག་ཁྲིག་བརྒྱ་སྟོང་དུ་མ་ལས་མཆོད་རྟེན་བྱས་པ་དང་འདྲ་བར་འགྱུར་ཏེ། དགེ་བའི་རྩ་བ་རྒྱ་ཆེན་པོ་དང་ལྡན་ཞིང་ལུས་རྣམ་པར་དག་ལ་ཚེ་རིང་
ཞིང་ནད་མེད་པ་དང་། བགེགས་ཐཾད་ཀྱིས་མི་ཚུགས་པར་འགྱུརོ། །གང་གཞན་ལ་ལ་ཞིག་མཆོད་རྟེན་འདི་མཐོང་ངམ། མཆོད་རྟེན་དེའི་དྲིལ་བུའི་སྒྲ་ཐོས་ན་ཡང་ལས་ཀྱི་སྒྲིབ་པ་དང་། སྡིག་པ་ཐཾད་བྱང་བར་འགྱུར་ཏེ། མཚམས་མེད་པ་
ལྔ་བྱས་པ་ཡང་ཡོངསུ་བྱང་ནས་འཆི་བའི་དུས་བྱས་པའི་འོག་ཏུ་བདེ་བ་ཅན་གྱི་འཇིག་རྟེན་དུ་སྐྱེའོ། །གང་ལ་ལ་ཞིག་གི་མཆོད་རྟེན་དེའི་མིང་ཙམ་ཐོས་པ་ཡང་འཆི་བའི་དུས་བྱས་ནས་བླ་ན་མེད་པའི་བྱང་ཆུབ་ཀྱི་ལམ་འཐོབ་པར་འགྱུར། 
97-1-297b


ཐ་ན་བྱ་དང་། རི་དགས་ལ་སོགས་པ་སེམས་ཅན་གང་གིས་མཐོང་བ་དེ་ཡང་ཚེ་འཕོས་ནས་དུད་འགྲོའི་སྐྱེ་གནས་སྤངས་ཏེ། བསོད་ནམས་དང་ལྡན་པའི་ལུས་ཐོབ་པར་འགྱུརོ། །གང་ལ་ལ་ཞིག་གིས་ཕ་རོལ་ཏུ་ཕྱིན་པ་དྲུག་ཡོངསུ་
རྫོགས་པར་སྤྱོད་པར་འདོད་པ་དེས་སྔ་མ་བཞིན་དུ་དཀྱིལ་འཁོར་གྲུ་བཞི་པ་བྱས་ཏེ། ས་དང་ལྕི་བས་བྱུགས་ལ་དེའི་སྟེང་དུ་སྤོས་ཀྱི་བརྐྱང་ནུལ་གྱིས་བྱུགས་ཏེ། དཀྱིལ་འཁོར་གྱི་གྲྭ་བཞིར་དྲིའི་ཆུས་བཀང་བའི་སྣོད་རེ་རེ་གཞག་ལ། 
སྔར་བསྟན་པའི་གསང་སྔགས་བཞི་པོ་དག་ལས་རྣམ་པ་གཅིག་ཀྱང་དགུ་བཅུ་རྩ་དགུ་བྲིས་ཏེ། རང་གི་ལག་གིས་མཆོད་རྟེན་ཆུང་ངུ་དགུ་བཅུ་རྩ་དགུ་གདབ་ཅིང་གསང་སྔགས་རྣམས་ཅིག་ཀྱང་རེ་རེ་དེའི་ནང་དུ་གཞུག་གོ། དེ་ནས་ཡང་
གསང་སྔགས་འདི་དགུ་བཅུ་རྩ་དགུ་ཡི་གེར་བྲིས་ཏེ། མཆོད་རྟེན་གྱི་འཕང་ལོ་རྣམས་ཀྱི་ནང་དུ་བཅུག་ལ། མཆོད་རྟེན་རྣམས་དཀྱིལ་འཁོར་གྱི་སྟེང་དུ་བཞག་སྟེ། མེ་ཏོག་དང་། བྱུགས་པས་མཆོད་ལ། ལན་བདུན་བདུན་དུ་བསྐོར་
ཞིང་གསང་སྔགས་འདི་ཡང་གདོན་པར་བྱའོ། །ན་མཿན་བ་ན་བཱ་ཊི་ནཱྃ། ཏ་ཐཱ་ག་ཏ་གྃ་གཱ་ཎཱ་ནྃ།  ཌི་བཱ་ལུ་ཀཱྃ། ཀོ་ཊི་ཎ་ཡུ་ཏ་ཤ་ཏ་ས་ཧཱ་སྲཱ་ཎཱྃ། ཨོཾ་བོ་བོ་རི། ཙ་རི་ཎི་ཙ་རི། མོ་རི་གོ་རི་ཙ་ལ་བཱ་རི་སྭཱ་ཧཱ། ཆོ་ག་འདི་ལྟར་བྱས་ན་ཕ་རོལ་ཏུ་ཕྱིན་
པ་དྲུག་ཡོངསུ་རྫོགས་པར་སྤྱད་པར་ཡང་མ་ཟད་དེ། དེས་ནི་རིན་པོ་ཆེའི་མཆོད་རྟེན་བྱེ་བ་ཁྲག་ཁྲིག་བརྒྱ་སྟོང་གང་གཱའི་ཀླུང་གི་བྱེ་མ་སྙེད་བྱས་པར་འགྱུརོ། །ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་
རྩ་དགུ་སྙེད་ལ་མཆོད་ཅིང་བསྙེན་བཀུར་བྱས་པར་འགྱུརོ། །དེའི་གོང་དུ་ཡང་ལྷ་ཐམས་ཅད་ཀྱིས་མཆོད་པའི་སྤྲིན་སྣ་ཚོགས་བསྡུས་ཏེ། མཆོད་རྟེན་དེ་ལ་ཡོ་བྱད་སྣ་ཚོགས་སྦྱར་ནས། དེ་བཞིན་གཤེགས་པའི་ཕོ་བྲང་དང་། 
ཡོ་བྱད་སྣ་ཚོགས་སྦྱར་ནས་མཆོད་པར་འགྱུར་ཏེ། ཡང་དག་པར་རྫོགས་པའི་སངས་རྒྱས་དེ་དག་སྙེད་ཀྱིས་མཁྱེན་ཅིང་གཟིགས་ཏེ་བྱིན་གྱིས་རློབ་པར་མཛད་དོ། །རིགས་ཀྱི་བུ་འམ་རིགས་ཀྱི་བུ་མོ་དེའི་དགེ་བའི་རྩ་བ་རྒྱ་ཆེན་པོའི་
97-1-298a


བསོད་ནམས་དང་། ཡོན་ཏན་ཐམས་ཅད་ཐོབ་པར་མཛད་དོ། །ཡང་གང་ལ་ལ་ཞིག་གིས་གསང་བསྔགས་ཀྱི་རྒྱལ་པོ་འདི་སྙིང་པོ་མ་ནོར་བར་ཡི་གེར་བྲིས་ལ་རྟག་ཏུ་བཏོན་ཏེ། མཆོད་པའི་ལས་བྱས་ལ་ལུས་
ལ་ཐོགས་ན་རིགས་པ་དེ་ཉིད་ཀྱིས་བསྲུང་བ་དང་། བསྐྱབ་པ་མཛད་དེ། ཕས་ཀྱི་རྒོལ་བའི་དགྲ་ཐཾད་དང་། ཤར་གཉེར་བ་རྣམས་དང་། གནོད་སྦྱིན་དང་། སྲིན་པོ་དང་། ཡི་དགས་ལ་སོགས་པ་ཐཾད་ཀྱང་གནོད་པ་བྱེད་པར་
མི་འགྱུར་ཏེ། འཇིགས་ཤིང་སྐྲག་ནས་སོ་སོར་འབྱེར་བར་འགྱུརོ། །གང་ལ་ལ་ཞིག་གིས་རིགས་པ་འདོན་པ་དེ་དང་གཏམ་བྱས་པ་ཡང་མཚམས་མེད་པ་ལྔའི་ལས་ཀྱི་སྒྲིབ་པ་ཡང་ཡོངསུ་འབྱང་བར་འགྱུརོ། །གང་ལ་ལ་
ཞིག་གིས་སྔགས་པ་དེའི་སྒྲ་ཐོས་སམ། གྲིབ་མས་ཕོག་གམ། ལུས་ལ་རེག་ཀྱང་རུང་སྟེ། དེའི་ཚེ་རབས་གཞན་གྱི་ལས་ཀྱི་སྒྲིབ་པ་དང་། སྡིག་པ་ཐཾད་ཡོངསུ་བྱང་བར་འགྱུརོ། །གང་རིག་པ་འདོན་པ་དེའི་ལུས་
ལ་དུག་གིས་མི་ཚུགས། མེས་མི་ཚུགས། ཆུས་ཁྱེར་བར་མི་འགྱུར། གདོན་ཐཾད་ཀྱིས་ཀྱང་གླགས་མི་རྙེད། ཐོག་འབབ་པར་མི་འགྱུར་ཏེ། སངས་རྒྱས་ཐཾད་ཀྱིས་བསྲུང་བ་དང་། བསྐྱབ་པ་མཛད་ཅིང་སྤྱན་རས་
ཀྱིས་འཚོ་བར་མཛད་དོ། །ལྷ་ཐཾད་དང་། དམ་ཚིག་ཅན་ཐཾད་ཀྱིས་ཀྱང་དེ་ལ་སྟོང་གྲོགས་བྱེད་པར་འགྱུར་ཏེ། གཞན་གྱི་རིག་སྔགས་དང་། བྱད་དང་། སྦྱོར་བ་ཐཾད་ཀྱིས་མི་ཚུགས་པར་འགྱུརོ། །དེ་ལྟ་བས་ན་
རིག་པ་འདོན་པ་གནས་གང་ན་འདུག་ཀྱང་གསང་སྔགས་འདིའི་ཆོ་ག་དོན་དུ་གཉེར་བར་བྱ་སྟེ། གསང་སྔགས་ཡི་གེར་བྲིས་ལ་ལམ་གྱི་བཞི་མདོ་འམ། སུམ་མདོ་སྐྱེ་བོ་མང་པོ་ཕན་ཚུན་འགྲོ་བའི་གནསུ་མཆོད་རྟེན་
བྱས་ལ། དེའི་ནང་དུ་བཅུག་ན་འགྲོ་བ་ཐཾད་དང་། བྱ་དང་། སྦྲང་མ་དང་། ཐ་ན་གྲོག་སྦུར་ཡན་ཆད་ཀྱིས་མཐོང་བ་དང་། ཐོས་པ་དང་། རེག་པ་དང་། དེ་ལ་ཕོག་པའི་ས་དང་། རྡུལ་དང་། རླུང་དང་། གྲིབ་མས་ཕོག་ན་ཡྃ་བྱོལ་
97-1-298b


སོང་དང་། ཡི་དགས་དང་། ངན་སེམས་ལོག་པར་ལྟུང་བ་སེམས་ཅན་དམྱལ་བར་སྐྱེ་བར་འགྱུར་བའི་སྡིག་པ་ཐམས་ཅད་དང་བྲལ་ཞིང་། འཆི་བའི་དུས་བྱས་ནས་བདེ་འགྲོ་མཐོ་རིས་ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། 
སྔོན་གྱི་ལས་ཀྱི་སྒྲིབ་པ་ཡོངསུ་བྱང་བས་ཚེ་རབས་རྗེསུ་དྲན་པ་ཐོབ་པར་འགྱུར་ཞིང་ཕྱིར་མི་ལྟུང་བའི་ཆོས་ཅན་དུ་འགྱུརོ། །དེ་ནས་བཅྡོཾས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་
སེལ་བ་དང་། གསང་བ་པའི་བདག་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་བཞི་དང་། ཚངས་པ་མི་མཇེད་ཀྱི་བདག་པོ་དང་། ཚངས་རིས་ཀྱི་ལྷ་རྣམས་དང་། དབང་ཕྱུག་ཆེན་པོ་ལ་སོགས་པའི་ལྷ་རྣམས་ལ་བཀའ་སྩལ་པ། སྐྱེས་བུ་
དམ་པ་དག་ངས་གསང་སྔགས་ཀྱི་རྒྱལ་པོའི་སྙིང་པོའི་འདི་དག་ཁྱེད་རྣམས་ལ་ཡོངསུ་གཏད་ཀྱིས་རྟག་ཏུ་རིམ་གྲོར་བྱ་ཞིང་ཡོངསུ་བཟུང་བར་བྱ་སྟེ། རིན་པོ་ཆེའི་ཟ་མ་ཏོག་གི་ནང་དུ་ཆུག་ལ་གནས་ཐཾད་དུ་བསྒྲགས་ཏེ། ནམ་དུ་
ཡང་རྒྱུན་མ་བཅད་པར་སེམས་ཅན་ལ་སྟོན་ཅིག །མཐོང་ཞིང་ཐོས་པར་བྱས་ན་མཚམས་མེད་པ་ལྔའི་སྡིག་པ་ཡང་འབྱང་བར་འགྱུརོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐཾད་རྣམ་པར་སེལ་བ་
དང་། གསང་བ་བའི་བདག་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་བཞི་དག་དང་། ཚངས་པ་དང་། དབང་ཕྱུག་ཆེན་པོ་དང་། སྲེད་མེད་ཀྱི་བུ་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ལྟོ་
འཕྱེ་ཆེན་པོ་ལ་སོགས་པ་ཐཾད་ཀྱིས་བཅྡོཾས་ཀྱི་ཞབས་ལ་ཕྱག་འཚལ་ནས་ཚིག་འཐུན་པར་སྨྲས་ཏེ། གསོལ་པ་བཅྡོཾས་བཅོམ་ལྡན་འདས་ཀྱིས་བདག་ཅག་ལ་ཐུགས་བརྩེ་བར་དགོངས་ཏེ་གསང་སྔགས་འདིའི་ཆོ་
ག་དང་། མཆོད་རྟེན་བགྱི་བའི་ཆོ་ག་ཇི་སྐད་གསུངས་པ་རྣམས་སེམས་ཅན་ཐཾད་ལ་སྨན་པའི་སླད་དུ་བདག་ཅག་ཀུན་གྱིས་བསྲུང་ཞིང་རིམ་གྲོར་བགྱི། རྟག་པར་གཟུངས་སུ་གཟུངས་ཞིང་མི་བསྐྱུད་པར་བགྱི། ཡི་གེར་བྲི་བ་དང་། 
97-1-299a


བཀླག་པ་དང་། མཆོད་པའི་ལས་རྣམས་ཀྱང་བགྱི་སྟེ། མ་འོངས་པའི་དུས་ན་སེམས་ཅན་གང་ལ་ལས་ཆོས་ཀྱི་རྣམས་གྲངས་འདི་ཐོས་ཤིང་ཁོང་དུ་ཆུད་ནས་ངན་སོང་ངན་འགྲོ་སེམས་ཅན་དམྱལ་བ་ལ་སོགས་པ་དང་། 
སྡིག་པ་ཐམས་ཅད་ལས་ཐར་བར་འགྱུར་བར་བཅྡོཾས་ཀྱིས་གསུངས་པས་ན། བདག་ཅག་རྣཾས་ཀྱིས་བཅྡོཾས་ཀྱི་བཀའ་དྲིན་སྤྱི་བོས་བླངས་པའི་སླད་དུ་གསང་སྔགས་ཀྱི་ཆོ་ག་འདི་དག་རིམ་གྲོར་བགྱི། བཙུན་པར་བགྱི་གུས་པར་
བགྱི། རིན་པོ་ཆེའི་འདུ་ཤེས་བཞག་པར་བགྱི། རྒྱ་ཆེར་འཕེལ་བར་བགྱི། བཅྡོཾས་ཀྱི་ཞལ་དང་འདྲ་བར་ལྟ་བར་བགྱི། ནམ་དུ་ཡང་ནུབ་པར་མི་འགྱུར་ཞིང་ཅི་ནས་ཀྱང་རྒྱས་པར་བགྱི་བའི་སླད་དུ་ནན་ཏན་བགྱི་བར་འཚལོ། །
དེ་སྐད་ཅེས་གསོལ་པ་དང་། བཅྡོཾས་ཀྱིས་བཀའ་སྩལ་པ། སྐྱེས་བུ་དམ་པ་རྣམས་དམ་ཚིག་ལ་གནས་པས་གསང་སྔགས་ཀྱི་ཆོ་ག་འདི་དག་བསྲུང་བ་དང་། རིམ་གྲོར་བྱ་བ་དང་། ཡོངསུ་གཟུངས་བར་ཁས་བླངས་པ་ནི་
ལེགསོ་ལེགས་སོ། །ཤིན་དུ་ཡང་ལེགསོ། །བཅྡོཾས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དེ་དག་ཡི་རངས་ཏེ། བཅྡོཾས་ཀྱིས་གསུངས་པ་ལ་མངོན་པར་བསྟོད་དོ། །འཕགས་
པ་འོད་ཟེར་དྲི་མ་མེད་པ་རྣམ་པར་དག་པའི་འོད་ཅེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་བིདྱ་ཀ་ར་སིྃ་ཧ་དང་། ཞུ་ཆེན་གྱི་ལོ་ཙ་བ་བན་དེ་དཔལ་གྱི་ལྷུན་པོའི་སྡེས་བསྒྱུར་ཅིང་ཞུས་ཏེ་གཏན་
ལ་ཕབ་པའོ། །ཇོ་བོ་ཨ་ཏི་ཤ་དང་དགེ་བཤེས་འབྲོམ་སྟོན་པས་སྔགས་རྣམས་དག་པར་བསྒྱུར་རོ། །  ༄༅། ། རྒྱ་གར་སྐད་དུ།  སརྦ་པྲཛྙཱནྟ་པཱ་ར་མི་ཏ་སིདྡྷྱ་ཙཻ་ཏྱ་ནཱ་མ་དྡྷཱ་ར་ཎཱི།  བོད་སྐད་དུ།  ཤེས་པས་ཐམས་ཅད་མཐར་ཕྱིན་པར་
གྲུབ་པའི་མཆོད་རྟེན་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །བཅྡོཾས་རྡོ་རྗེ་འཛིན་པ་ལ་ཕྱག་འཚལ་ལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངྱས་ཆོས་རྒྱས་
97-1-299b


ཐམས་ཅད་ཀྱི་ཚུལ་དང་། འདུལ་བ་དང་། རྣམ་པར་འཕྲུལ་བའི་གཟི་བརྗིད་ཀྱིས་རྒྱལ་པོ་ལ་ཕྱག་འཚལ་ལོ། །ཕྱག་འཚལ་དུས་གསུམ་སངས་རྒྱས་ལ། །ཕྱག་འཚལ་དཀོན་མཆོག་གསུམ་དགེ་ལ། །མི་འཁྲུགས་པ་
དང་འོད་དཔག་མེད། །སྤྱན་རས་གཟིགས་ལ་བདག་ཕྱག་འཚལ། །རིགས་གསུམ་ལ་ཡང་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅྡོཾས་རྡོ་རྗེ་འཛིན་པ་ཆེན་པོ་རི་རབ་ཆེན་པོ་སྣ་ལྔ་ལས་གྲུབ་
པ། གཞི་ཉིད་མཆོད་རྟེན་གྱི་རང་བཞིན་དུ་གནས་པའི་སྟེང་ན། རིན་པོ་ཆེ་སྣ་ཚོགས་པའི་ཁང་པ་དང་། ཚད་མེད་པའི་མཆོད་རྟེན་བཞི་དང་། རང་བཞིན་གྱི་མཆོད་རྟེན་ཆེན་པོའི་གནས་ཡིན་པའི་ཕྱིར་རྩེ་མོའི་དབྱིངས་ཀྱང་
མཆོད་རྟེན་དུ་གྱུར་པའི་གནས་ན་ལག་ན་རྡོ་རྗེ་དང་། འཇམ་དཔལ་དང་། སྤྱན་རས་གཟིགས་དང་། བྱམས་པ་ལ་སོགས་པ་ས་བཅུའི་བྱང་ཆུབ་སེཾས་དཔའ་རྣམས་དང་། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་
ལ་སོགས་པ་ཅ་གཙང་རིས་ཀྱི་མགོན་པོ་རྣམས་དང་ཐབས་གཅིག་ཏུ་བཞུགསོ། །དེ་ནས་བཅྡོཾས་ཀྱིས་དབུའི་གཙུག་ཏོར་དང་། ཐུགས་ཀའི་དཔལ་གྱི་བིའུ་ལ་སོགས་པ་རྣམས་ནས་འོད་ཟེར་ཁ་དོག་རྣམ་པ་སྣ་ཚོགས་པ་བྱེ་
བ་ཁྲག་ཁྲིག་བརྒྱ་སྟོང་དྲུག་བཅུ་སྙེད་ཅིག་བཀྱེ་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲངས་མེད་པ་བསམ་གྱིས་མི་ཁྱབ་ཅིང་མི་ལང་བ་ཐམས་ཅད་འོད་ཟེར་གྱི་སྣང་བ་ཆེན་པོས་ཏིལ་གྱི་གང་བུ་བཞིན་དུ་
གང་ཞིང་ཁྱབ་པར་མཛད་པས་མཐའ་ཡས་པའི་སེམས་ཅན་ཐཾད་ལོང་བ་རྣམས་ཀྱིས་གཟུགས་མཐོང་བ་དང་། འོན་པ་རྣམས་ཀྱིས་སྒྲ་ཐོས་པ་དང་། དིག་པ་རྣམས་ཀྱིས་སྨྲ་ཤེས་པ་དང་། ཐེང་པོ་རྣམས་དང་། ཞ་བོ་རྣམས་
འགྲོ་ཞིང་ཡན་ལག་རངས་པ་དང་། ནད་པ་རྣམས་ནད་དང་བྲལ་བ་དང་། དམྱལ་བ་རྣམས་ཚེ་ཕྲི་ནས་རིམས་ཀྱིས་སྡུག་བསྔལ་ལས་ཐར་བ་དང་། གཞན་ཡང་འགྲོ་བ་སེམས་ཅན་རྣམས་རིམ་གྱིས་དྲན་པ་རྙེད་པར་བྱས་ནས། 
97-1-300a


ནམཁའི་ཁམས་ཐམས་ཅད་ཡིད་ཀྱི་མཆོད་རྟེན་ཆོས་ཀྱི་སྐུས་གང་ཞིང་རྒྱས་པར་བྱས་ཏེ། འོད་ཟེར་དེ་དག་སླར་བཅོམ་ལྡན་འདས་ཀྱི་དབུའི་གཙུག་ཏུ་འདུས་པ་ལས་ཆོས་ཀྱི་སྐུའི་གཟུགས་
བརྙན་དུ་གྱུར་ཏོ། །དེ་ནས་ལག་ན་རྡོ་རྗེ་ལ་སོགས་པའི་འཁོར་རྣམས་ངོ་མཚར་དུ་གྱུར་ནས་བཅྡོཾས་ལ་བླ་བྲེ་དང་། རྒྱལ་མཚན་དང་། འཕན་དང་། གདུགས་དང་། རྔ་ཡབ་དང་། དྲིལ་བུ་དང་། དར་དཔྱངས་དང་། སྤོས་
དང་། མེ་ཏོག་དང་། ཕྲེང་བ་དང་། བྱུག་པ་དང་། མར་མེ་དང་། བཤོས་དང་། རོལ་མོ་ལ་སོགས་པའི་མཆོད་པ་རྣམས་ཀྱིས་མཆོད་ནས་བཅྡོཾས་ལ་འདི་སྐད་ཅེས་གསོལ་ཏོ། །བཅྡོཾས་འགྲོ་བའི་མགོན་པོ་ཐུགས་རྗེ་ཆེན་
པོ་དང་ལྡན་པས་མཆོད་རྟེན་བྱིན་གྱིས་བརླབ་པའི་ཆོ་ག་རིགས་པ་ཆེན་མོ་བི་མ་ལ་ཨུཥྞཱི་ཥའི་གཟུངས་བཤད་དུ་གསོལ། །བཅྡོཾས་ཀྱིས་བཀའ་སྩལ་པ། མཆོད་རྟེན་བྱིན་གྱིས་བརླབ་པའི་ཆོ་ག་རིག་པ་ཆེན་མོ་བི་མ་ལ་
ཨུཥྞཱི་ཥའི་གཟུངས་འདི་ནི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གིས་འཛིན་ཏམ། འཆང་ངམ། བྲིས་སམ། ཀློག་གམ། མིང་ཉན་པར་བྱེད་ན། དེ་མཚམས་མེད་པ་ལྔ་དང་། མི་དགེ་བ་བཅུ་དང་། 
སྡིག་པའི་ལས་ཅི་བྱས་པ་ཐཾད་མ་ལུས་པར་བྱང་བར་འགྱུརོ། །བི་མ་ལ་ཨུཥྞཱི་ཥའི་རིག་པ་ཆེན་མོ་མཆོད་རྟེན་བྱིན་གྱིས་བརླབ་པའི་ཆོ་ག་འདིའོ། །ཨོཾ་སྟྲཻ་ཡདྡྷྭ་སརྦ་ཏ་ཐཱ་ག་ཏཱ་ཧྲྀ་ད་ཡ་གརྦྷེ། ཛྭ་ལ་དྷརྨ་དྷཱ་ཏུ་གརྦྷེ། སྃ་ཧ་ར་ཎ་
ཨཱ་ཡུ་སྶྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏཱ་ས་མནྟ་ཨུཥྞཱི་ཥ་བི་མ་ལེ་བི་ཤུདྷེ་སྭཱ་ཧཱ། རིག་པ་ཆེན་མོ་འདི་གསུངས་མ་ཐག་ཏུ་འཇིག་རྟེན་གྱི་ཁམས་ཐམས་ཅད་མཆོད་རྟེན་གྱི་རང་བཞིན་ཏུ་འགྱུརོ། །རིག་པ་ཆེན་མོ་འདི་གྲོ་ག་འམ། རས་སཾ་
ཤིང་ཤུན་ལ་བྲིས་ཏེ་རྒྱལ་མཚན་གྱི་རྩེ་མོ་ལ་བཏགས་ན། ལྷ་དང་མི་ལ་སོགས་པ་ཐམས་ཅད་ཀྱིས་མཆོད་ཅིང་ཕྱག་བྱ་བ་དང་། བཀུར་སྟིར་བྱ་བའི་འོསུ་འགྱུར་བ་དང་། རིག་པ་ཆེན་མོ་འདི་ལུས་སམ་མགུལ་དུ་ཐོགས་ན། དེ་ལྷ་དང་། མི་དང་། 
97-1-300b


མི་མ་ཡིན་པ་ལ་སོགས་པ་རྣམས་ཀྱིས་སངས་རྒྱས་ཉིད་དུ་བལྟ་བར་འགྱུར་རོ། །བདག་ཉིད་རི་བྲག་གམ། ཚལ་ལམ། དགོན་པ་འམ། ས་ཕྱོགས་གང་དུ་འགྲོ་བའི་ཚེ་རིག་པ་ཆེན་མོ་འདི་བརྗོད་ན་རི་དང་ས་ཕྱོགས་ཐམས་ཅད་མཆོད་
རྟེན་དང་འབྲ་བར་འགྱུརོ། །ༀ་སྟྲཻ་ཡདྡྷྭེ་སརྦ་ཏ་ཐཱ་ག་ཏཱ་ཧྲྀ་ད་ཡ་གརྦྷེ། ཛྭ་ལ་དྷརྨ་དྷཱརྣ་ཏུ་གརྦྷེ། སྃ་ཧ་ར་ཎ་ཨཱ་ཡུ་སྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏཱ་ས་མནྟ་ཏ་ཨུཥྞཱི་ཥ་བི་མ་ལ་བི་ཤུདྷེ་མ་ཧཱ་བི་ར་ཛེ་ར་གམྦྷ་ར་སི། དྷརྨ་དྷཱ་ཏུ་གརྦྷེ། བི་བི་ས་ར་
ཨ་ཨ་ལྃ་སྭཱ་ཧཱ་ཞེས་བརྗོད་ན། ས་གཞི་ཐམས་ཅད་ཀྱང་མཆོད་རྟེན་གྱི་རང་བཞིན་དུ་འགྱུརོ། །བདག་ཉིད་ཆུ་འམ། ཆུ་བོ་འམ། མཚོ་འམ། རྒྱ་མཚོ་ལ་སོགས་པ་གང་ལ་རྒལ་བ་ན་ཡང་རིག་པ་ཆེན་མོའི་སྔགས་འདིས་
བཏབ་ན་ཆུ་དེ་ཐམས་ཅད་ཀྱང་མཆོད་རྟེན་གྱི་རང་བཞིན་དུ་འགྱུརོ། །ༀ་སྟྲཻ་ཡདྡྷྭེ་སརྦ་ཏ་ཐཱ་ག་ཏཱ་ཧྲྀ་ད་ཡ་གརྦྷེ། ཛྭ་ལ་དྷརྨ་དྷཱ་དུ་གརྦྷེ། སྃ་ཧ་ར་ན་ཨཱ་ཡུ་སྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏཱ་ས་མནྟ། བི་མ་ལ་ཨུཥྞཱི་ཥ་བི་ཤུདྷེ། མ་ཧཱ་བི་ར་
ཛེ་ར་གམྦྷི་ར་སི་དྷརྨ་དྷཱ་ཏུ་བི་བི་ས་ར་ཨ་མ་མ་ཀི་སྭཱ་ཧཱ། ཞེས་བརྗོད་ན། ཆུ་ཐམས་ཅད་ཀྱང་མཆོད་རྟེན་གྱི་རང་བཞིན་དུ་འགྱུརོ། །གཞན་ཡང་བདག་ཉིད་ཀྱིས་ནམཁའ་གང་ནས་གང་ཁྱབ་པར་རིག་པ་ཆེན་མོའི་སྔགས་
འདི་བཏབ་ན། ནམཁའ་ཐམས་ཅད་ཀྱང་མཆོད་རྟེན་གྱི་རང་བཞིན་དུ་འགྱུརོ། །ༀ་སྟྲཻ་ཡདྡྷྭེ་སརྦ་ཏ་ཐཱ་ག་ཏཱ་ཧྲྀ་ད་ཡ་གརྦྷེ། ཛྭ་ལ་དྷརྨ་དྷཱ་དུ་གརྦྷེ། སྃ་ཧ་ར་ཎ་ཨཱ་ཡུ་སྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏཱ་ས་མནྟ། བི་མ་ལ་ཨུ་
ཥྞཱི་ཥ་བི་ཤུ་དྷཻ། མ་ཧཱ་བི་ར་ཛེ་ར་གམྦྷི་ར་སི་དྷརྨ་དྷཱ་དུ་བི་བི་ས་ར་ཨ་ཨ་ཨེ་ཁྃ་ཡ་སྭཱ་ཧཱ་ཞེས་བརྗོད་ན། ནམཁའི་ཁམས་ཐམས་ཅད་མཆོད་རྟེན་གྱི་རང་བཞིན་དུ་འགྱུར་ཏེ། ཕྱག་བྱ་བ་དང་། བསྐོར་བ་བྱ་བ་དང་། མཆོད་པ་
བྱ་བའི་འོས་སུ་འགྱུར་རོ། །བི་མ་ལ་ཨུཥྞཱི་ཥའི་གཟུངས་འདི་བཟླས་ཏེ། འབྱུང་བ་ཆེན་པོ་ལྔ་པོ་གང་ལ་ཡང་མཆོད་རྟེན་བཏབ་ན་ཉོན་མོངས་པ་དང་། སྒྲིབ་པ་ཐམས་ཅད་དག་པར་འགྱུརོ། །གཞན་ཡང་ས་དང་། ཤིང་དང་། རྡོ་དང་། 
97-1-301a


འཇིམ་པ་དང་། འབི་འབི་གང་ཡང་རུང་བའི་སྔགས་འདིས་བཏབ་སྟེ། མཆོད་རྟེན་བཏབ་ན་རིན་པོ་ཆེ་སྣ་ཚོགས་ཀྱིས་མཆོད་རྟེན་གྱི་རྒྱུར་འགྱུར་ཏེ། ཨོཾ་རཏྣ་ཙེ་ཏྱེ་པཉྩ་ཡེ་བི་བི་ས་ར་སྭཱ་ཧཱ། ཞེས་བརྗོད་ནས་བའི་ལྕི་
བ་ལ་སོགས་པས་བྱུགས་ན་ཐཾད་རིན་པོ་ཆེའི་མཆོད་རྟེན་གྱི་རྒྱུར་འགྱུརོ། །རིག་པ་ཆེན་མོའི་སྔགས་འདི་མ་བཏབ་ན། གང་ཞིག་གསེར་དང་། དངུལ་དང་། བཻ་དཱུ་རྱ་ལ་སོགས་པ་རིན་པོ་ཆེ་སྣ་བདུན་ལས་མཆོད་རྟེན་བཞེངསུ་
གསོལ་ཡང་རྡོ་དང་། ཤིང་དང་། ཁམ་པ་དང་འདྲ་བར་འགྱུརོ། །དེ་ཅིའི་ཕྱིར་ཞེ་ན། དེ་ནི་འདི་ཉིད་རྫས་ཀྱི་རང་བཞིན་ལས་སྙིང་པོ་དང་གསང་སྔགས་བྱིན་གྱིས་རླབ་པ་མ་བཞུགས་པའི་ཕྱིར་རོ། །རིག་པ་ཆེན་མོ་འདིས་
བྱིན་གྱིས་བརླབས་ཏེ་བཏབ་ན། འབྱུང་བ་ཆེན་པོ་གང་ལ་མཆོད་རྟེན་བཏབ་ཀྱང་བསྐལ་པ་དཔག་ཏུ་མེད་པ་ཐཾད་ཀྱི་སྒྲིབ་པའི་དྲི་མ་དག་ནས། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུར་སྐྱེས་ནས་ཕྱིར་མི་ལྡོག་པའི་ས་ཐོབ་
པར་འགྱུརོ། །རིག་པ་ཆེན་པོ་འདིས་བྱིན་གྱིས་བརླབས་ཏེ། རྡོ་དང་། ཤིང་ལེབ་ལ་སོགས་པ་ལ་མཆོད་རྟེན་བཏབ་ན། དེ་གདོན་མི་ཟ་བར་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུར་སྐྱེས་ནས་ས་བཅུ་རིམ་གྱིས་བགྲོད་
དེ། བཅུ་གཅིག་ཀུན་ཏུ་འོད་ཀྱི་ས་ཐོབ་པར་འགྱུརོ། །རིག་པ་ཆེན་མོ་འདིས་བྱིན་གྱིས་བརླབས་ཏེ། གསེར་དང་། དངུལ་དང་། བཻ་དཱུ་རྱ་ལ་སོགས་པ་ལ་མཆོད་རྟེན་བཏབ་ན། དེ་གདོན་མི་ཟ་བར་རྒྱལ་རིགས་ཤིང་ས་
ལ་ཆེན་པོ་ལྟ་བུར་སྐྱེས་ནས་རྡོ་རྗེ་འཛིན་པའི་ས་ཐོབ་པར་འགྱུར་རོ། །གཞན་ཡང་རིག་པ་ཆེན་མོའི་སྔགས་འདིས་བཏབ་ན་མཆོད་རྟེན་གཅིག་བཏབ་ན་ཡང་བྱེ་བ་བཏབ་པར་འགྱུརོ། །རིག་པ་ཆེན་མོ་འདིས་མ་
བཏབ་ན་བྱེ་བ་བཏབ་ཀྱང་གཅིག་དང་འདྲ་བར་འགྱུར་རོ། །དེ་ཅིའི་ཕྱིར་ཞེ་ན། གོང་མ་བཞིན་ནོ། །རིག་པ་ཆེན་མོ་དེའི་སྔགས་ནི་འདི་ཡིན་ཏེ། ཏདྱ་ཐཱ། སཱུཀྵྨེ། སཱུཀྵྨེ། ཤཱནྟེ་ཤཱནྟེ། ནཻར་ཀུ་ལེ། ཡ་ཤོ་ཏེ་ཛོ། 
97-1-301b


སརྦ་བུདྷ།  ཨ་དྷིཥྛཱ་ན་ཨ་དྷིཥྛི་ཏེ། ཨ་ནུ་མི་དེ་སྭཱ་ཧཱ། འདིའི་ཆོ་ག་ནི་འདི་ཡིན་ཏེ། འཇིམ་པའི་གོང་བུ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། མཆོད་རྟེན་གཅིག་བཏབ་ན་བྱེ་བ་བཏབ་པར་འགྱུར་རོ། །
བརྒྱ་བཏབ་པའི་གྲངས་དང་ཕན་ཡོན་ནི་འཕགས་པ་ཉན་ཐོས་ཀྱི་དགྲ་བཅོམ་པ་རྣམས་ཀྱིས་ཀྱང་བརྗོད་པར་མི་ནུས་སོ། །སྟོང་བཏབ་པའི་གྲངས་དང་ཕན་ཡོན་ནི་བྱང་ཆུབ་སེཾས་དཔའ་རྣམས་ཀྱིས་ཀྱང་བརྗོད་པར་མི་ནུས་སོ། །
ཁྲི་བཏབ་པའི་གྲངས་དང་ཕན་ཡོན་ནི་དེ་བཞིན་གཤེགས་པ་རྣམས་ཀྱིས་ཀྱང་བརྗོད་པར་མི་ནུས་སོ། །འབུམ་བཏབ་པའི་གྲངས་དང་ཕན་ཡོན་ནི་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་ཀྱང་
བརྗོད་པར་མི་ནུས་སོ། །དེ་བས་ན་མཆོད་པའི་རྟེན་ལྔ་མན་ཆད་གདབ་པའི་མཆོད་པའི་ཆོ་གར་བྱ་བ་ནི་ཐོག་མར་མཆོད་རྟེན་བརྩིག་པའི་གནས་སམ། མཆོད་རྟེན་གྱི་འཇིམ་པའི་གནས་སམ། མཆོད་རྟེན་
གྱི་འཇིམ་པའི་གནས་གང་ནས་བླངས་པའི་གནས་དེར་ས་བདག་བྱིན་གྱིས་བརླབ་ཅིང་ས་ལ་གནས་པའི་གདོན་བགེགས་བསམ་སྦྱོར་ངན་པ་མཆོད་རྟེན་དང་། དགེ་བ་ལ་བར་ཆད་བྱེད་པ་རྣམས་མཚམས་
བཅད་པར་བྱ་སྟེ། ཐིག་སྐུད་ལ་རིག་པ་ཆེན་མོའི་སྔགས་འདིས་གདབ་སྟེ། ༀ་བཛྲ་སུ་ཏྲ་ཧཱུྃ་ཕཊ། ཅེས་བརྗོད་ནས་ཐིག་སྐུད་དེ་ཉིད་རྡོ་རྗེའི་སྐུད་པར་དམིགས་ནས་མཆོད་རྟེན་གྱི་ས་ཁྱོན་ཇི་ཙམ་
རན་པ་དང་འཇིམ་པའི་ས་ཁྱོན་ཇི་ཙམ་རན་པ་ཐིག་གིས་ས་བཅད། དེ་བཞིན་དུ་ས་བཅད་ན་ས་གཞི་དེ་ཉིད་མཆོད་རྟེན་གྱི་རྒྱུ་རིན་པོ་ཆེ་རྣམ་པ་སྣ་ཚོགས་པ་དང་འདྲ་བར་འགྱུརོ། །དེ་ནས་ས་དེ་ཉིད་ལ་སེང་ལྡེང་གི་ཕུར་པ་སོར་བརྒྱད་པ་ལ་རིག་
པ་ཆེན་མོའི་སྔགས་འདི་གདབ་པར་བྱ་སྟེ། ༀ་བཛྲ་ཀཱི་ལི་ཀཱི་ལི་ཀཱི་ལ་ཡ་སརྦ་དུཥྚན་ཧཱུྃ་ཕཊ། ཅེས་བྱ་བ་འདི་ལན་བདུན་བཟླས་ཏེ། རྡོ་རྗེ་ཕུར་བུར་དམིགས་ཏེ་དབུས་དང་གྲྭ་བཞིར་གདབ་བོ། །དེ་བཞིན་དུ་བཏབ་ན་མི་དང་མི་མ་ཡིན་པ་ལས་བསྲུང་
97-1-302a


བར་འགྱུར་རོ། །སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །སེང་ལྡེང་གི་ཕུར་བུ་ནི་མཆོད་རྟེན་གྱི་འཇིམ་པའི་ས་ཇི་ཙམ་དགོས་པ་མ་བླངས་ཀྱི་བར་དུ་མི་འབྱུང་བར་གཞག་གོ། དེ་ནས་ཏིལ་དང་ཡུངས་ཀར་
ལ་རིག་པ་ཆེན་མོའྀ་སྔགས་འདི་བརྗོད་པར་བྱ་སྟེ། ༀ་ཨ་མྲྀ་ཏེ་ཧ་ན་ཧ་ན་ཧཱུྃ་ཕཊ། ཅེས་ལན་བདུན་བཟླས་ཏེ། སའི་ཕྱོགས་སུ་གཏོར་བས། སའི་ཕྱོགས་དེ་ཉིད་ཀྱང་དེ་བཞིན་གཤེགས་པའི་བཞུགས་གནས་དཔག་ཏུ་མེད་
པར་འགྱུར། དེ་ལྟར་ས་གཞི་དེ་བཞིན་གཤེགས་པའི་བཞུགས་གནས་སུ་བྱིན་གྱིས་བརླབས་ཏེ། བགེགས་ཀྱི་བསམ་སྦྱོར་ངན་པ་ལས་མཚམས་བཅད་དེ། སྤོས་དང་། མེ་ཏོག་དང་། གཏོར་མ་ལ་སོགས་པ་རྣམས་ཀྱིས་ཀྱང་ས་ཕྱོགས་
དེ་ན་གནས་པའི་ལྷ་དང་། ཀླུ་དང་། ལྷ་མ་ཡིན་ལ་སོགས་པ་རྣམས་ལ་མཆོད་ཅིང་བསྔོས་ཏེ། བི་མ་ལ་ཨུཥྞཱི་ཥའི་གཟུངས་འདི་བཀླགས་ན། ས་ཕྱོགས་དེ་ཡང་ཤིན་དུ་བཀྲ་ཤིས་ཤིང་བྱིན་ཆགས་པར་འགྱུར་རོ། །དེ་ནས་མཆོད་རྟེན་གྱི་
འཇིམ་པའི་ས་བསྐོ་བའི་ཚེ་རིག་པ་ཆེན་མོའི་སྔགས་འདི་བཟླས་ཏེ་བརྐོ་བར་བྱའོ། །ༀ་བཛྲ་ཁ་ན་ཁ་ན་ཧཱུྃ་ཕཊ། ཅེས་བཟླས་ཤིང་ས་གཞི་དེ་ཉིད་རིན་པོ་ཆེ་སྣ་ལྔར་གྱུར་པར་དམིགས་ཏེ་བསྐོས་ན་དེ་བཞིན་གཤེགས་པའི་སྐུ་རྣམ་པར་
དག་པའི་རྒྱུར་འགྱུར་རོ། །དེ་ནས་ས་གཙང་མ་བླངས་པ་དེ་དག་གནས་གཙང་མ་གཅིག་ཏུ་བཞག་ནས་ས་བརྡུང་བའི་ཆོ་ག་ནི་ཐོབ་ལ་བདུད་རྩི་འཁྱིལ་པའི་ཕྱག་རྒྱ་རྡོ་རྗེ་རྩེ་གསུམ་པས་མནན་ཏེ། རིག་པ་ཆེན་མོའི་སྔགས་
འདིས་བཏབ་སྟེ། བརྡུང་ངོ་། །བཛྲ་མུངྒ་ར་ཨཱ་ཀོ་ཊ་ཡ་ཨཱ་ཀོ་ཊ་ཡ་ཧཱུྃ་ཕཊ། ཅེས་ལན་བདུན་བཟླས་ཏེ། རྡོ་རྗེའི་ཐོ་བར་དམིགས་ཤིང་བརྡུངས་ན་ཉོན་མོངས་པ་དང་། བག་ཆགས་ཐམས་ཅད་མ་ལུས་པར་བྱང་ཞིང་བཅོམ་པར་
འགྱུར་རོ། །དེ་ནས་འཇིམ་པ་རྫི་བ་ནི་སྤོས་ཆབ་ལ་བདུད་རྩི་འཁྱིལ་པའི་ཕྱག་རྒྱས་གཏུགས་ཏེ། སྤོས་ཆུ་དེའི་ནང་དུ་ཡང་ཆོས་ཉིད་ཀྱི་ཡི་གེ་ཨ་ཞེས་བྱ་བ་དཀར་པོ་ལས་ཟླ་བའི་དཀྱིལ་འཁོར་འོད་དང་བཅས་པར་དམིགས་ཏེ་
97-1-302b


ཟླ་བའི་དཀྱིལ་འཁོར་གྱི་འོད་ཟེར་ཆེན་པོ་དེས་སྤོས་ཆུ་དེ་ཁྱབ་པར་གྱུར་ནས། སྤོས་ཆུ་ཉིད་བདུད་རྩིའི་རང་བཞིན་དུ་གྱུར་པར་དམིགས་ནས་རིག་པ་ཆེན་མོའི་སྔགས་འདི་བརྗོད་པར་བྱའོ། །ཨོཾ་ཨ་མྲྀ་ཏེ་ཧཱུྃ་ཕཊ། ཅེས་བྱ་བ་ལན་བདུན་
བཟླས་ཏེ་བྱིན་གྱིས་བརླབས་པས། དེ་ཉིད་ཀྱང་བདུད་རྩི་ཆེན་པོའི་ཆུ་རྒྱུན་དང་འདྲ་བར་འགྱུར་རོ། །དེ་ནས་འཇིམ་པ་རྫི་བའི་སྔགས་ཆེན་མོ་འདི་བརྗོད་པར་བྱའོ། །ཨོཾ་བཛྲ་པྲ་མརྟ་ན་ཡ་ཧཱུྃ་ཕཊ། ཅེས་ལན་བདུན་བརྗོད་དེ། 
འཇིམ་པ་དེ་ཉིད་དེ་བཞིན་གཤེགས་པའི་སྐུར་འགྱུར་རོ། །དེ་ནས་འཇིམ་པ་དེ་ཉིད་དེ་བཞིན་གཤེགས་པའི་སྐུ་བསམ་གྱིས་མི་ཁྱབ་པར་བྱིན་གྱིས་བརླབ་པ་ནི་འཇིམ་པ་དེ་ཉིད་ལ་བདུད་རྩི་འཁྱིལ་པའི་ཕྱག་རྒྱ་བཅིངས་ཏེ། རིག་
པ་ཆེན་མོའི་གཟུངས་འདི་བརྗོད་པར་བྱའོ། །ན་མོ་རཏྣ་ཏྲ་ཡཱ་ཡ། ཏདྱ་ཐཱ། སཱུ་ཀྵྨེ་སཱུ་ཀྵྨེ། ཤཱནྟེ་ཤཱནྟེ། དནྟེ་དནྟེ། ནི་རཱ་ཀུ་ལེ། ཡ་ཤེ་ཡ་ཤེ། བ་ཏི་ཏེ་ཛོ་ཤུདྷེ་བི་ཤུདྷེ། སརྦ་ཏ་ཐཱ་ག་ཏཱ་ཨ་དྷིཥྛ་ན། ཨ་དྷིཥྛི་ཏེ། ཨཱ་ན་མཿཏེ་ཧི་ཏེ་
སྭཱ་ཧཱ། ཞེས་བདག་ཉིད་ཀྱིས་རིག་པ་ཆེན་མོ་འདི་ལན་བདུན་གསུམ་ཉི་ཤུ་རྩ་གཅིག་བཟླས་ཏེ། རིག་པ་ཆེན་མོའི་སྔགས་འདིས་བྱིན་གྱིས་བརླབས་ན་འཇིམ་པ་ཉིད་ལས་ཡེ་ཤེས་ཀྱི་འོད་ཟེར་སྣ་ལྔ་ཕྱོགས་བཅུར་
འཕྲོས་པར་འགྱུར་རོ། །ཕྱོགས་བཅུར་འཕྲོས་ནས་ཀྱང་སེམས་ཅན་ཐམས་ཅད་ཀྱི་དོན་ཇི་ལྟར་འདུལ་བར་བྱས་པར་འགྱུར་རོ། །འོད་ཟེར་དེ་དག་སླར་འདུས་པས་ཀྱང་འཇིམ་པ་ཉིད་རིན་པོ་ཆེ་སྣ་ལྔའི་རང་བཞིན་དུ་གྱུར་ནས། 
དེ་བཞིན་གཤེགས་པའི་སྐུ་བསམ་གྱིས་མི་ཁྱབ་པའི་རྒྱུ་རྐྱེན་དང་ལྡན་པར་འགྱུར་རོ། །དེ་ལྟར་ཡིད་ཀྱི་ཀྱང་དམིགས་སོ། །དེ་ནས་འབི་འབི་བྱེད་པའི་ཚེ་རིག་པ་ཆེན་མོ་འདི་བརྗོད་པར་བྱ་སྟེ། ༀ་བཛྲ་ཨ་ཡུ་ཥེ་སྭཱ་ཧཱ། ཞེས་ལན་བདུན་
བཟླས་ཏེ་བྱིན་གྱིས་བརླབས་ན། འབི་འབི་ཉིད་ལས་ཡེ་ཤེས་ཀྱི་འོད་ཟེར་གྱི་སྤྲིན་གྱིས་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་པར་འཁྲོས་ཤིང་ཁྱབ་སྟེ། འགྲོ་བ་མང་པོའི་དོན་བྱེད་པར་འགྱུར་རོ། །འོད་ཟེར་གྱི་སྤྲིན་ཕུང་
97-1-303a


དེ་དག་སླར་འབི་འབིའི་ནང་དུ་འདུས་པས་ཀྱང་དེ་ཉིད་ཡེ་ཤེས་རིན་པོ་ཆེའི་རང་བཞིན་ཤེལ་སྒོང་ལྟར་ཡོངས་སུ་དག་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་འབི་འབིའི་ནང་དུ་བི་མ་ལ་ཨུཥྞཱི་ཥའི་
སྙིང་པོ་མུ་ཕྱག་རྒྱར་བྱས་པ་འམ། གྲོ་ག་འམ། རས་སམ། ཤོག་ཤོག་གམ། ཤིང་ཤུན་ལ་སྔགས་བྲིས་པ་དང་། དེའི་ནང་དུ་རིགས་ལྔ་སོ་སོའྀ་སྙིང་པོ། །ཨོཾ་ཧཱུྃ་ཏྲཱྃ་ཧྲཱིཿཨཱཿ། དེ་རྣམས་ཕྲུགས་སུ་སྦྱར་ཏེ། མུ་དྲའི་ཕྱག་རྒྱར་བྱས་
པ་འམ། ཡི་གེར་བྲིས་པ་འམ་གང་ཡང་རུང་སྟེ་ནང་དུ་སྩལ་ན། དེ་བཞིན་གཤེགས་པའི་ཐུགས་ཡེ་ཤེས་དང་ལྡན་པར་འགྱུར་རོ། །ནང་དུ་སྩལ་བའི་ཚེ་རིག་པའི་སྔགས་འདི་བརྗོད་པར་བྱའོ། །ཨོཾ་བཛྲ་གརྦྷེ་སྭཱ་ཧཱ། ཞེས་བྱ་བ་
བཟླས་ན་དེ་བཞིན་གཤེགས་པ་ཐམས་ཅད་ཀྱི་ཐུགས་ཡེ་ཤེས་དེའི་ནང་དུ་འདུས་ཤིང་ཞུགས་པར་འགྱུར་རོ། །ཡིད་ཀྱིས་ཀྱང་དམིགས་སོ། །དེ་ནས་ཙཻ་ཏྱེའི་ཕོར་བུའི་ནང་དུ་ཡུངས་ཀར་རམ། ཏིལ་མར་གྱིས་བསྐུ་བའི་སྔགས་རིག་
པ་ཆེན་མོ་འདི་བརྗོད་པར་བྱའོ། །ༀ་ཨ་ར་ཛེ་བི་ར་ཛེ་སྭཱ་ཧཱ། ཞེས་ལན་གསུམ་བཟླས་ཤིང་བྱིན་གྱིས་བརླབས་ན་དེ་ཉིད་ཐབས་དང་ཤེས་རབ་འབྲེལ་པ་ལས་ཆོས་ཀྱི་དབྱིངས་ཉིད་ཀྱི་མཆོད་རྟེན་དུ་འགྱུར་རོ། །དེ་བཞིན་དུ་
ཡིད་ཀྱིས་ཀྱང་དམིགས་སོ། །དེ་ནས་མཆོད་རྟེན་འདེབས་པའི་ཚེ་རིག་པ་ཆེན་མོ་འདི་བརྗོད་པར་བྱའོ། །ཨོཾ་བཛྲ་མུངྒ་ར་ཨཱ་ཀོ་ཊ་ཡ་ཨ་ཀོ་ཊ་ཡ་ཧཱུྃ་ཕཊ། ཅེས་བཟླས་ཤིང་མཆོད་རྟེན་བཏབ་ན་དབྱིངས་དང་ཡེ་ཤེས་གཉིས་སུ་མེད་
པར་འབྲེལ་པ་ལས་ཆོས་ཀྱི་སྐུའི་མཆོད་རྟེན་དུ་འགྱུར་རོ། །དེ་ནས་བི་མ་ལ་ཨུཥྞི་ཥའི་སྙིང་པོ་གང་ནས་བྱུང་བས་ཀྱང་མཆོད་རྟེན་བཏབ་ན་དབྱིངས་དང་ཡེ་ཤེས་གཉིས་སུ་མེད་པར་འབྲེལ་པ་ལས་ཆོས་ཀྱི་སྐུའི་མཆོད་རྟེན་འབྱམ་ཀླས་པར་
འགྱུར་རོ། །དེ་ནས་མཆོད་རྟེན་ཕོར་བུའི་ནང་ནས་འབྱུང་བའི་རིག་པ་ཆེན་མོའི་སྔགས་འདི་བརྗོད་ལ་བྱུང་ངོ་། །ༀ་དྷརྨ་དྷཱ་ཧུ་ཡེ་སྭཱ་ཧཱ། དྷརྨ་དྷཱ་ཏུ་གརྦྷེ་སྭཱ་ཧཱ། ཞེས་ལན་བདུན་བཟླས་ཏེ་མཆོད་རྟེན་ཕྱུང་ན་ཐབས་དང་ཤེས་རབ་གཉིས་སུ་མེད་
97-1-303b


པར་འབྲེལ་པ་ལས་མཆོད་རྟེན་ཆོས་ཀྱི་སྐུ་འབྱམ་ཀླས་པ་འབྱུང་སྟེ། འགྲོ་བ་སེམས་ཅན་ཐམས་ཅད་ཀྱི་དོན་འཁོར་བ་མ་སྟོངས་ཀྱི་བར་དུ་ཕུན་སུམ་ཚོགས་པར་མཛད་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་
མཆོད་རྟེན་སྣོད་ནས་ཕྱུང་བ་ལ་འཁོར་ལོ་གཟུགས་པའི་རིག་པ་ཆེན་མོའི་སྔགས་འདི་བརྗོད་པར་བྱའོ། །ༀ་པྲ་མ་ན་ཡེ་སྭཱ་ཧཱ། ཞེས་བཟླས་ནས་འཁོར་ལོ་བཙུགས་ན་རིན་པོ་ཆེའི་གདུགས་དང་། རིན་པོ་ཆེའི་ཏོག་དང་། རིན་པོ་ཆེའི་
རྒྱལ་མཚན་དང་། རིན་པོ་ཆེའི་ཤར་བུ་དང་། དར་གྱི་ལྷབ་ལྷུབ་ལ་སོགས་པ་རྣམས་ཀྱིས་བརྒྱན་ཏེ། མྱ་ངན་ལས་འདས་པའི་ཡོན་ཏན་སྣ་ཚོགས་ཀྱིས་བརྒྱན་ཏེ། འགྲོ་བའི་དོན་ཡིད་བཞིན་དུ་མཛད་པར་འགྱུར་རོ། །དེ་བཞིན་དུ་ཡིད་ཀྱིས་
ཀྱང་དམིགས་སོ། །དེ་ནས་མཆོད་རྟེན་ན་བཟའ་གསོལ་བའི་ཚེ་རིག་པ་ཆེན་མོ་འདི་བཟླས་ལ་གསོལ་ཏོ། །ཨོཾ་དྷརྨ་དྷཱ་ཏུ་སྭཱ་བྷཱ་བ་བི་ཤུདྷེ་དྷརྨ་ཏེ་སྭཱ་ཧཱ། ཞེས་ལན་མང་དུ་བཟླས་ཏེ་བཏབ་ན་ཆོས་ཀྱི་དབྱིངས་རྣམ་པར་དག་པའི་དོན་དང་ལྡན་
པར་འགྱུར་རོ། །དེ་ནས་མཆོད་རྟེན་བཏབ་པའི་དཀྱིལ་འཁོར་མཆོད་རྟེན་ལྔར་བཏབ་ན་དཀྱིལ་འཁོར་ཡང་ཕྱོགས་བཞི་དབུས་དང་ལྔར་བྲི་བར་བྱའོ། །དེ་བཞིན་དུ་མཆོད་རྟེན་གྱི་གྲངས་བརྒྱ་འམ། སྟོང་ངམ་གང་བཏབ་པ་དེའི་གྲངས་དང་མཆོད་རྟེན་
གྱི་ཤོང་ཚད་ཀྱི་དཀྱིལ་འཁོར་གྱི་རེའུ་མིག་རྡོའི་སྟེགས་བུ་བརྩིགས་པ་ནི་ས་འམ། རྡོ་འམ། ཤིང་ལ་སོགས་པ་ལ་དཀྱིལ་འཁོར་གྲུ་བཞིར་བགྱིས་ཏེ། འོག་གི་ཁྲི་ཡང་སེང་གེའི་ཁྲི་འམ། རིན་པོ་ཆེའི་ཁྲི་འམ། པད་མའི་ཁྲི་སྟེངས་སུ་བྱས་ལ་
དེའི་སྟེང་དུ་གོ་མ་ཡང་དང་། སྤོས་ཆུས་ཆག་ཆག་བཏབ་སྟེ། དབུས་དང་ཕྱོགས་བཞིར་མཆོད་རྟེན་བཞུགས་པའི་ས་ཀུན་དུ་གུར་ཀུམ་དང་། ཙན་དན་གྱི་ཆུས་ཟླུམ་པོར་བསྐུས་ལ། སྲད་བུས་ཐིག་བཏབ་ལ་དཀྱིལ་འཁོར་བྲི་བར་བྱ་སྟེ། 
དཀྱིལ་འཁོར་བྲི་བ་ཡང་མཆོད་རྟེན་ལྔར་བཏབ་ན་དཀྱིལ་འཁོར་གྱི་ཕྱོགས་བཞི་དབུས་དང་ལྔར་བྲི་བར་བྱའོ། །དེ་བཞིན་དུ་མཆོད་རྟེན་གྱི་གྲངས་བརྒྱ་འམ། སྟོང་གང་བཏབ་པ་དེའི་གྲངས་ཀྱི་མཆོད་རྟེན་གྱི་ཤོང་ཚད་ཀྱི་དཀྱིལ་འཁོར་རེའུ་
97-1-304a


མིག་རྡོ་རྗེ་དྲ་བའི་ཐིག་གིས་ས་བཅད་པར་བྱའོ། །མཆོད་རྟེན་གཞག་པའི་ས་གཞི་ཐམས་ཅད་པད་མ་འདབ་མ་བརྒྱད་པར་བྲི་བར་བྱའོ། །དེ་ནས་མཆོད་རྟེན་གྱི་དཀྱིལ་འཁོར་དུ་བཞུགས་པའི་ཚེ་རིག་པ་ཆེན་པོའི་སྔགས་འདི་
བརྗོད་ལ་བཞུགས་སུ་གསོལ་ལོ། །ཨོཾ་སུ་པྲ་ཏིཥྛ་སྟུ་བེ་སྭཱ་ཧཱ། ཞེས་ལན་གསུམ་བཟླས་ཏེ་མཆོད་རྟེན་བཞག་ན་བདག་དང་གཞན་གྱི་དོན་ཕུན་སུམ་ཚོགས་པར་སྤྱོད་པར་འགྱུར་རོ། །དེ་ནས་མཆོད་རྟེན་དགོད་པའི་རིམ་པ་ནི་དང་
པོ་དབུས་སུ་དགོད། དེ་ནས་ཤར་དུ་དགོད། དེ་ནས་ལྷོར་དགོད། དེ་ནས་ནུབ་ཏུ་དགོད། དེ་ནས་བྱང་གི་བར་དུ་རིམ་པ་བཞིན་དུ་དགོད་པར་བྱའོ། །དགོད་པའི་ཚེ་རིག་པ་ཆེན་མོའི་སྔགས་འདི་བརྗོད་པར་བྱའོ། །ༀ་བཛྲ་པདྨ་ས་མ་
ཡེ་སྭཱ་སྭཱ། ཞེས་ལན་གསུམ་བཟླས་ལ་རྡོ་རྗེ་དང་པད་མའི་གདན་ལ་བཞུགས་སུ་གསོལ། ཞེས་བྱས་ལ་ས་གཞི་དང་། ནམ་མཁའི་ཁམས་དང་། རྒྱ་མཚོའི་འཇིངས་ཐམས་ཅད་མཆོད་རྟེན་གྱིས་གང་བར་ཡིད་ཀྱིས་ཀྱང་
དམིགས་སོ། །གཞན་ཡང་མཆོད་རྟེན་རེ་རེ་བཏབ་ནས་ཐལ་བྱུང་དཀྱིལ་འཁོར་སྟེང་དུ་བཞུགས་ལ། སྤོས་དང་། མེ་ཏོག་ལ་སོགས་པ་མཆོད་པ་རྣམ་པ་ལྔས་མཆོད་ཅིང་བཞུགས་སུ་གསོལ། མཆོད་རྟེན་གྱི་ཁ་དོག་
ལ་སོགས་པ་བསྐུ་བ་ནི་ཞི་བའི་དཀར་པོ། རྒྱས་པའི་སེར་པོ། དབང་གི་དམར་པོ། བསྲུང་བའི་ལྗང་གུར་དམིགས་ཏེ། ན་བཟའ་ཡང་དེ་དེ་བཞིན་དུ་གསོལ་ལ་ཡིད་ཀྱིས་ཀྱང་དེ་བཞིན་དུ་དམིགས་སོ། །དེ་ནས་མཆོད་
རྟེན་གྱི་དཀྱིལ་འཁོར་བྱིན་གྱིས་བརླབ་པར་བྱ་སྟེ། དཀྱིལ་འཁོར་གྱི་སྟེང་དུ་ཡི་གེ་ར་དམར་པོ་གནས་པ་ལས་རིག་པ་ཆེན་མོའི་སྔགས་འདི་བརྗོད་པར་བྱ་སྟེ། ཧཱུྃ་རྃ་སྭཱ་ཧཱ། ཞེས་ལན་གསུམ་བཟླས་པས་དེ་ཉིད་ཡེ་ཤེས་ཀྱི་
མེ་དཔུང་ཆེན་པོར་རབ་ཏུ་འབར་ནས་གནས་དེ་དག་གི་རྟོག་པ་རྣམ་པར་སྦྱངས་ཏེ། དཀྱིལ་འཁོར་གྱི་གཞི་དེ་ཉིད་རིན་པོ་ཆེ་སྣ་ལྔ་ལས་གྲུབ་པའི་དཀྱིལ་འཁོར་དུ་འགྱུར་རོ། །དེ་བཞིན་དུ་ཡིད་ཀྱི་ཀྱང་དམིགས་སོ། །དེ་ནས་དཀྱིལ་
97-1-304b


འཁོར་ལེའུ་ཚེ་ལྔ་འམ། བརྒྱ་འམ། སྟོང་ངམ། གང་བྲིས་པའི་དབུས་རྣམས་སུ་ཡི་གེ་ཨ་དཀར་པོ་གནས་པ་ལས་རིག་པ་ཆེན་པོའི་སྔགས་འདི་བརྗོད་པར་བྱ་སྟེ། ཨོཾ་ཨ་ཙནྡྲ་མཎྜ་ལ་ཧཱུྃ་ཕཊ། ཅེས་གྲངས་ཇི་ཙམ་རན་
པར་བཟླས་ན་མཆོད་རྟེན་གྱི་གདན་ཟླ་བའི་དཀྱིལ་འཁོར་རེ་རེར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་མཆོད་རྟེན་གྱི་ཆོ་ག་མཛད་པའི་ཚེ་ཁ་ཤར་ནུབ་གང་བདེར་བལྟས་ལ། བདག་ཉིད་རྡོ་རྗེ་
འཛིན་པའི་སྐུ་ཕྱག་རྒྱ་ཆེན་པོར་ཏིང་ངེ་འཛིན་གྱིས་བསྒྱུར་ཏེ། སྙིང་གར་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་རྩེ་ལྔ་པ་ཡེ་ཤེས་ཀྱི་འོད་དཔུང་འཕྲོ་བ་གནས་པར་བྱས་ལ། སྐུ་དང་བ་སྤུའི་གསེབ་ཐམས་ཅད་ནས་ཀྱང་
ཡེ་ཤེས་ཀྱི་འོད་ཟེར་དང་། སངས་རྒྱས་ཀྱི་དཀྱིལ་འཁོར་དང་བཅས་པའི་སྤྲིན་ཕུང་བཞིན་དུ་མཐར་འབྱམ་ཀླས་པར་འཕྲོས་ཤིང་སེམས་ཅན་གྱི་ཁམས་ཐམས་ཅད་དུ་བྱིན་གྱིས་བརླབས་ཤིང་དོན་མཛད་ནས་སླར་
སྐུའི་ནང་དུ་ཐིམ་པར་འགྱུར་ཏེ་དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་མཆོད་རྟེན་གྱི་གཞལ་ཡས་ཁང་བསྐྱེད་པ་ནི་མཆོད་རྟེན་དཀྱིལ་འཁོར་དུ་བཞག་པ་ལ་རྡོ་རྗེ་དབྱིངས་མའི་ཕྱག་རྒྱ་བཅིངས་ནས་
མཆོད་རྟེན་གྱི་སྟེང་དུ་རེག་པར་བྱས་ལ། རིག་པ་ཆེན་མོའི་སྔགས་འདི་བརྗོད་པར་བྱའོ། །ༀ་བཛྲ་དྷཱ་ཏུ་ཨ་དྷི་ཏིཥྛ་ཧཱུྃ། ཞེས་བཟླས་ཏེ་བྱིན་གྱིས་བརླབས་པས་རིན་པོ་ཆེ་སྣ་ཚོགས་ཀྱི་གཞལ་མེད་ཁང་གི་ནང་ན་
རིན་པོ་ཆེའི་ས་གཞི་དང་། ཆོས་ཀྱི་དབྱིངས་ཀྱི་དཀྱིལ་འཁོར་གྱི་སྟེང་ན་ཟླ་བའི་གདན་གྱི་དབུས་ན་མཆོད་རྟེན་བཞུགས་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ལྟར་དུ་མཆོད་རྟེན་རེ་རེ་བཏབ་སྟེ། བཞག་ནས། 
དེ་ལ་མཆོད་པའི་རྣམ་པས་མཆོད་ནས་ནི་སེང་གེའི་རྒྱལ་མཚན་དང་། འབྲས་ཆན་དང་། སྤྱན་གཟིགས་སྣ་ཚོགས་དང་འདྲ་ཞིང་དགོད་པ་དང་། བླ་རེ་དང་། འཕན་དང་། ཕྲེང་བ་དང་། བདུག་པ་དང་། མར་མེ་དང་། སྤོས་དང་། མཆོད་པའི་རྣམ་པ་རྣཾས་རྣཾ་པར་དག་
97-1-305a


པར་སྦྱང་བའི་རིག་པ་ཆེན་མོ་འདི་བརྗོད་པར་བྱའོ། །ༀ་སརྦ་པཱུ་ཛ་པུཥྤེ་སྭཱ་ཧཱ། ཞེས་བཟླས་ཏེ་བྱིན་གྱིས་བརླབས་པས་ཀུན་དུ་བཟང་པོའི་མཆོད་པའི་སྤྲིན་ཕུང་ཕུན་སུམ་ཚོགས་པས་རྣམ་པར་འཁྲིགས་ཤིང་ཆར་གྱི་
རྒྱུན་བཞིན་དུ་འབབ་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །མཆོད་རྟེན་མཆོད་པ་རྣམ་པ་ལྔ་པོ་ཆ་རེ་རེས་མཆོད་ཅིང་། ཡོན་དུ་དར་རུ་ཆུང་དང་། འཕན་ལ་སོགས་པའི་བླ་རེ་དང་། གདུགས་བུ་ཆུང་ཡང་རུང་
སྟེ་རེ་རེ་དབུལ་ལོ། །དེ་ལྟར་ཆོ་ག་བཞིན་དུ་བཏབ་པ་ལགས་ན་དགོངས་པ་རྒྱུད་ཀྱི་ཏིང་ངེ་འཛིན་གསལ་བར་བྱ་བ་ནི་མཆོད་རྟེན་གྱིས་ཕྱོགས་བཞི་དབུས་དང་ལྔར་རིག་ལྔའི་སངས་རྒྱས་སྐུ་མདོག་དང་། རྒྱན་དང་། ཆ་ལུགས་དང་། འཁོར་
ཕུན་སུམ་ཚོགས་པ་ཚུལ་བཞིན་དུ་དགོངས་ཏེ་དམིགས་པར་བྱའོ། །ཡེ་ཤེས་ལྔ་ལས་གྲུབ་པའི་མཆོད་རྟེན་དེ་ཡང་རང་བཞིན་གྱིས་རྣམ་པར་དག་ཅིང་གསལ་བ་དེ་དག་གི་བུམ་པའི་དབུས་སུ་བི་མ་ལ་ཨུཥྞཱི་ཥའི་གཟུངས་ཀྱི་སྙི་པོ་དང་། 
རིགས་སོ་སོའི་སྙིང་པོ་འབྲུ་རེ་ཁ་དོག་གསེར་བཙོ་མ་བཞིན་དུ་དངས་ཞིང་འཚེར་བ་གཅིག་ཏུ་དམིགས་ལ། དེ་དག་ལས་ཡེ་ཤེས་ཀྱི་འོད་ཟེར་སྣ་ཚོགས་འབྱམ་ཀླས་པར་རིགས་ལྔ་ཕྱོགས་བཅུར་འཕྲོས་པ་ལས་དེ་བཞིན་གཤེགས་
པའི་སྐུའི་སྤྲིན་གྱིས་ནམ་མཁའི་མཐས་ཀླས་ཤིང་ཆོས་ཀྱི་དབྱིངས་ཀྱི་མུར་ཐུག་པར་བརྒྱན་ཅིང་གྲུབ་པར་གྱུར་ནས་འཇིག་རྟེན་གྱི་ཁམས་ཐམས་ཅད་བྱིན་གྱིས་བརླབས་ཏེ། འགྲོ་བ་ཐམས་ཅད་ཀྱི་དོན་འདི་མཛད་
ཅིང་རེ་བ་བསྐངས་ནས་སླར་འདུས་ཏེ། དེ་ཉིད་ཀྱི་དབུའི་གཙུག་དང་། ཐུགས་ཀར་ཕོག །ཕྲིན་ལས་ཀྱི་སྒྲིབ་པ་ལ་སོགས་པ་རྣམ་པར་དག་སྟེ། སྐུ་དང་གསུང་དང་། ཐུགས་རྡོ་རྗེ་ཉིད་དུ་གྱུར་པར་དམིགས་ལ། དུང་ཕོར་གྱི་ནང་དུ་
སྤོས་ཆབ་དང་། དྲི་སྣ་ཚོགས་སྦྱར་བའི་ཨརྒས་གསོལ་ཏོ། །ཨརྒའི་ཕྱག་རྒྱ་བཅིངས་ལ་དེའི་སྟེང་དུ་དུང་ཕོར་བཞག་ལ་སྤོས་ཆུའི་ནང་དུ་ཨ་དཀར་པོ་ལས་ཟླ་བའི་དཀྱིལ་འཁོར་དུ་གྱུར་པའི་འོད་ཟེར་གྱིས་སྤོས་ཆུ་ཉིད་ཡེ་ཤེས་
97-1-305b


ཀྱི་བདུད་རྩིའི་རང་བཞིན་དུ་གྱུར་པར་དགོངས་ཤིང་དམིགས་ཏེ། མཆོད་པ་འབུལ་བའི་རིག་པ་ཆེན་པོ་འདི་བརྗོད་པར་བྱའོ། །ༀ་ཨ་མྲྀ་ཏེ་ཨརྒྃ་པྲ་ཏཱིཙྪ་སྭཱ་ཧཱ། ཞེས་བཟླས་ནས་དབུའི་སྤྱི་བོར་ལན་གསུམ་དུ་བདུགས་ཤིང་སྦྲེངས་ཏེ་ཕུལ་བས་
འཕགས་པ་ཐམས་ཅད་མཉེས་པར་འགྱུར་རོ། །ཚིག་ཏུ་ཡང་འཕགས་པ་ཐམས་ཅད་མཉེས་པར་གྱུར་ཅིག་ཅེས་ཀྱང་བརྗོད་དོ། །དེ་ནས་ཕྱག་རྒྱའི་རྒྱ་མཚོའི་སྤྲིན་གྱིས་དབུའི་གཙུག་ཏུ་བཀྲམ་སྟེ་ཡེ་ཤེས་ཀྱི་སྐུའི་ནང་དུ་འདུས་ཤིང་ཕུན་
སུམ་ཚོགས་པའི་དབང་ཐམས་ཅད་བསྐུར་བར་དམིགསོ། །དེ་ནས་བི་མ་ལ་ཨུཥྞཱི་ཥའི་གཟུངས་འདི་བཀླག་ཅིང་ལན་ཅི་མང་དུ་བརྗོད་པར་བྱས་ནས་བསྔོ་བ་དང་སྨོན་ལམ་རྒྱས་པར་གདབ་པར་བྱའོ། །ཆོ་ག་འདི་བཞིན་དུ་རྫོགས་པར་བྱ་བ་མི་
བདེ་ན་རང་གི་ལྷ་ཉིད་ཀྱི་ཏིང་ངེ་འཛིན་གྱིས་སྐུར་བསྒྱུར་བ་ལས་དགོངས་པ་མ་ཉམས་པར་བྱ་སྟེ། མཆོད་རྟེན་དང་། མཆོད་པའི་ཡོ་བྱད་ལ་སོགས་པ་ཐམས་ཅད་རང་བཞིན་གྱིས་ཆོས་ཀྱི་དབྱིངས་རྣམ་པར་དག་པར་དགོངས་ཏེ། མཆོད་
རྟེན་བཏབ་ན་ཡང་ཆོ་ག་རྒྱས་པར་བྱ་བ་དང་འདྲ་སྟེ་འགལ་བ་མེད་དོ། །དེ་བཞིན་དུ་མ་གྱུར་ན་ཡང་བི་མ་ལ་ཨུཥྞཱི་ཥའི་གཟུངས་འདི་ཀློག་པ་དང་། འཛིན་པ་དང་། ཡི་གེར་འདྲི་ཞིང་འཆང་བས་མཆོད་རྟེན་བཏབ་ན་ཆོ་ག་རྒྱས་པར་མཛད་
པ་ཉིད་འདི་ཡིན་ཏེ། མཆོད་རྟེན་དེ་བཞིན་གཤེགས་པའི་སྐུར་བསྒྱུར་ནས་བདག་དང་གཞན་གྱི་དོན་ཕུན་སུམ་ཚོགས་པར་བྱེད་པར་འགྱུར་རོ། །བི་མ་ལ་ཨུཥྞཱི་ཥའི་གཟུངས་འདི་མ་བརྗོད་ན་མཆོད་རྟེན་ལ་མཆོད་པ་ཕུལ་ཞིང་མངའ་
གསོལ་ཡང་མངའ་ཕུལ་བར་མི་འགྱུར་རོ། །གཞུང་ལས་ཀྱང་འདི་སྐད་ཅེས་འབྱུང་ངོ་། །རིག་སྔགས་གསང་སྔགས་ཐམས་ཅད་ཀྱི། །སྔགས་ཀྱི་རང་བཞིན་མི་གསལ་ཞིང་། །དགོངས་པའི་ཏིང་འཛིན་མི་གསལ་བས། །མཆོད་རྟེན་ལ་སོགས་སྐུ་གཟུགས་
རྣམས། །བཏབ་ཀྱང་རྫོགས་པར་ཡོང་མི་འགྱུར། །ཞེས་འབྱུང་ངོ་། །གང་ཞིག་གསང་སྔགས་དང་དགོངས་པར་ལྡན་པས་མཆོད་རྟེན་དང་སྐུ་གཟུགས་བཏབ་པའི་ཡོན་ཏན་ནི་ཇི་སྐད་དུ། མཆོད་རྟེན་ཆོ་ག་དམ་པ་འདི། །བསོད་ནམས་བགྱིས་པའི་
97-1-306a


ཁྱད་པར་ནི། །གཟུངས་འདི་བཟླས་པའི་མཆོད་རྟེན་གྱིས། །གཅིག་བཏབ་བྱེ་བ་བཏབ་དང་འདྲ། །ཡུན་རིངས་དུས་ནས་འཁོར་བའི། །མཚམས་མེད་ལྔ་དང་སྡིག་དཔུང་རྣམས། །ཇི་སྙེད་ཡོད་པ་མ་ལུས་འབྱང་། །ཚེ་རིང་ཕུན་
སུམ་ཚོགས་པར་འགྱུར། །ཚེ་རབས་གཞན་དུ་སྐྱེ་བ་ན། །རིགས་མཆོག་དམ་པར་སྐྱེས་ནས་ཀྱང་། །ལོངས་སྤྱོད་མཆོག་དང་རབ་ལྡན་ཞིང་། །འཁོར་ལོས་བསྒྱུར་བའི་རྒྱལ་པོར་སྐྱེ། །ཚེ་རབས་སྔ་ཕྱི་དྲན་པར་འགྱུར། །དུས་གསུམ་འཇིག་
རྟེན་ཐམས་ཅད་དུ། །དཀོན་མཆོག་གསུམ་དང་མི་འབྲལ་ཞིང་། །བགེགས་དང་གནོད་པས་དེ་མི་བསྐྱོད། །བསམ་པ་ཡོངས་སུ་འགྲུབ་པར་འགྱུར། །མཐར་ནི་མངོན་པར་འཚང་རྒྱའོ། །བི་མ་ལ་ཨུཥྞཱི་ཥའི་གཟུངས། རྫོགསྷོ།། །།
༄༅༅། །རྒྱ་གར་སྐད་དུ། ཨཱརྱ་པྲ་ཏཱི་ཏྱ་ས་མུད་པཱ་ད་ཧྲྀ་ད་ཡ་བི་དྷི་དྷཱ་ར་ཎཱི། བོད་སྐད་དུ། འཕགས་པ་རྟེན་ཅིང་འབྲེལ་བར་འབྱུང་བའི་སྙིང་པོའི་ཆོ་གའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་
ཅད་ལ་ཕྱག་འཚལ་ལོ། །ཆོས་གང་རྒྱུས་བྱུང་དེ་དག་ནི། །རྒྱུ་ལས་འགོག་པ་གང་ཡིན་པ། །དེ་བཞིན་གཤེགས་པས་བཀའ་སྩལ་ཏེ། །དེ་སྐད་གསུངས་པ་དགེ་སྦྱོང་ཆེ། །ཚིག་འདི་སྒྲུབ་པའི་ཆོ་ག་ནི། །སེམས་ཅན་
རྣམས་ལ་ཕན་བྱེད་པ། །ལས་ཀུན་གྲུབ་པར་བྱེད་པའི་ཕྱིར། །དེ་བཞིན་གཤེགས་པས་རབ་ཏུ་གསུངས། །རིགས་ཀྱི་བུ་དག་གང་གིས་ནི། །དང་པོར་བཅོམ་ལྡན་སངས་རྒྱས་ལ། །གུས་ཤིང་དད་པའི་སེམས་
བསྐྱེད་ནས། །བཅོམ་ལྡན་འདས་ཀྱིས་བཀའ་སྩལ་པ། །རྟེན་འབྲེལ་ཟབ་མོའི་ཆོ་ག་བཤད། །ཐམས་ཅད་ལས་དང་འཐུན་པར་གསུངས། །དང་པོར་འཇུག་པའི་ཚིག་གསུངས་པ། །འདི་ལྟར་ལས་དང་ཉོན་མོངས་ཡོད་གྱུར་
ན། །སེམས་ཅན་རྣམས་ནི་འཁོར་བར་འགྲོ་འགྱུར་ལ། །ལས་དང་ཉོན་མོངས་མེད་ན་འཁོར་བ་ལས་ཀྱང་ལྡོག །བདེན་པ་འདི་ཡིས་བདག་གིས་བསམ་པ་འགྲུབ་གྱུར་ཅིག །སངས་རྒྱས་ལ་ཕྱག་འཚལ་ལོ། །ཆོས་ལ་
97-1-306b


ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་གང་གཱའི་ཀླུང་གི་བྱེ་མ་སྙེད་བཞུགས་པ་ལ་ཕྱག་འཚལ་ལོ། །རང་སངས་རྒྱས་རྣམས་ལ་ཕྱག་འཚལ་ལོ། །དགྲ་བཅོམ་
པ་རྣམས་ལ་ཕྱག་འཚལ་ལོ། །རྒྱུན་དུ་ཞུགས་པ་རྣམས་ལ་ཕྱག་འཚལ་ལོ། །འཕགས་པ་བྱམས་པ་ལ་སོགས་པའི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །བརྟུལ་ཞུགས་གྲུབ་པ་རྣམས་ལ་
ཕྱག་འཚལ་ལོ། །སེམས་ཅན་གྱི་སྨན་པ་རྣམས་ལ་ཕྱག་འཚལ་ལོ། །ནོར་བུ་གྲུབ་པ་རྣམས་ལ་ཕྱག་འཚལ་ལོ། །འདི་ལྟ་སྟེ། ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱྃ་ཏ་ཐཱ་ག་ཏོ་ཧྱ་བ་དཏ། 
ཏེ་ཥཱཉྩ་ཡོ་ནི་རོ་དྷ་ཨེ་བྃ་བཱ་དཱི་མ་ཧཱ་ཤྲ་མ་ཎཿ སྭཱ་ཧཱ། ལས་རྣམས་ཀུན་གྱི་ཆོ་ག་ལ། །ཚིགས་སུ་བཅད་པ་འདི་དག་བརྗོད། །བསམ་རྒྱུད་རང་གི་ལག་མཐིལ་ལ། །སངས་རྒྱས་བཅོམ་ལྡན་འདས་ཀྱི་སྐུ། །
སྐྱེས་བུ་ཆེན་པོའི་མཚན་གྱིས་བརྒྱན། །དཔེ་བྱད་བཟང་པོ་བརྒྱད་བཅུས་སྤྲས། །མེའི་ཁམས་ལ་ཞུགས་པར་བསྒོམ། །དེ་ནི་ལྷ་དག་རྗེས་སུ་དྲན། །ད་ནི་སྦྱོར་བའི་ལས་བཤད་དེ། །རིམ་པ་བཞིན་དུ་སོ་སོར་བསྟན། །
རིམས་ཀྱིས་བཏབ་ནས་ན་བ་དང་། །ཀླད་པ་ན་དང་མིག་ནད་དང་། །ཁོང་ནད་ལ་སོགས་ནད་རྣམས་ལ། །ཚིགས་བཅད་འདི་དང་སྙིང་པོ་འདི། །མང་པོར་བཟླས་ཤིང་ལངས་ནས་ནི། །ལག་པ་གཡས་པའི་ཁུ་ཚུར་
གྱིས། །བྱུང་པའི་ཐབས་སུ་བྱབ་པར་བྱའོ། །ནད་རྣམས་ཐམས་ཅད་སོས་པར་འགྱུར། །ཉིན་ཅིག་ཉིན་གཉིས་ཉིན་གསུམ་དང་། །ཉིན་བཞི་བརྟག་པའི་རིམས་རྣཾས་ལ། །བུ་མོ་གཞོན་ནུས་བཀལ་བ་ཡི། །སྐུད་པ་དཀར་པོ་
སུམ་སྒྲིལ་ལ། །བཟླས་བརྗོད་ཉི་ཤུ་བརྒྱད་བཟླས་ནས། །མགུལ་དུ་བརྟགས་ན་བདེ་བར་འཚོ། །ནད་ལ་ཕན་པའི་སྨན་རྣམས་ལ། །གཟུངས་སྔགས་འདི་དག་བཟླས་ཤིང་གཏང་། །སྙིང་ནད་རྩིབ་ལོགས་ན་བ་དང་། །ཁོང་ན་ནད་རྣཾས་ཅི་ཡོད་ལ། །ཆུ་ལ་སྔགས་འདི་མང་བཟླས་
97-1-307a


ནས། །བླུད་ན་ཕན་ཞིང་བདེ་བར་འགྱུར། །ནད་ལ་ཕན་པའི་སྨན་རྣམས་ལ། །བཟླས་ཤིང་བཏང་ན་འཚོ་བར་འགྱུར། །གཡན་པ་དང་ནི་འབྲུམ་བུ་དང་། །ཕོལ་མིག་དང་ནི་རྨ་རེད་ལ། །གྲོག་ཚང་ས་ལ་
སྙིང་པོ་འདི། །མང་དུ་བཟླས་ཤིང་བཏབ་ན་འཚོ། །གཞང་འབྲུམ་གཞང་ནད་ཟ་ཁུ་དང་། །ཕོ་མཚན་སྐྲངས་ཞིང་ན་བ་ལ། །སྐྱེར་པའི་ཁ་འདའི་རི་ལུ་འམ། །བྱང་ཆུབ་སེམས་དཔའི་རི་ལུ་ལ། །ཉི་ཤུ་བཟླས་ཤིང་བསྐུས་ན་ཕན། །ནད་ཀྱི་རྣམ་
པ་གང་ན་ཡང་། །ནད་ཚབས་ཆེ་ཆུང་ཚོད་བརྟགས་ནས། །ཚིགས་སུ་བཅད་པའི་བཟླས་བརྗོད་ལ། །མང་ཉུང་ནད་དང་སྦྱར་ནས་ཀྱང་། །ལུ་ལ་བྱབ་ཅིང་བཟླས་ན་ཕན། །འཁྲུ་བག་ནད་ཀྱིས་བཏབ་པ་ལ། །སྨན་ནམ་རིལུ་ཁ་ཟས་ལ། །
བདུན་ནམ་ཉི་ཤུ་བཟླས་ནས་ཀྱང་། །ཁོང་དུ་བཏང་ན་ཕན་པར་འགྱུར། །དེ་ལ་བཟླས་བརྗོད་སྔ་མ་སྟེ། །འདི་དག་རབ་ཏུ་བཟླས་པར་བྱ། །ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་
ཨེ་བྃ་བཱ་དཱི་མ་ཧཱ་ཤྲ་མ་ཎཿ སྭཱ་ཧཱ། དེ་དག་བཟླས་ན་ནད་རྣམས་འཚོ། །དེ་ནི་ནད་རྣམས་འཚོ་བའོ། །དེ་ནས་ཡང་ནི་བཀའ་སྩལ་པ། །ནས་དང་གྲོ་དང་སྲན་མ་དང་། །འབྲས་དང་སྲན་ཆུང་མོན་སྲན་དང་། །ཤིང་ཏོག་དགུན་འབྲུམ་ཨ་རུ་ར། །
དེ་དག་ཀུན་ལ་ཟ་བའི། །སྲིན་བུ་སྦུར་བུ་ཕྱེ་མ་ལེབ། །བྱེའུ་དང་བྱི་བ་ནེ་ཙོ་དང་། །ལོ་ཏོག་ཟ་བ་ཁ་བཅིང་ན། །ཞིང་གི་ཁྱོན་དང་སྦྱར་ནས་ཀྱང་། །ཕྱེ་མ་ས་དང་ཐལ་བ་དང་། །བཟླས་བརྗོད་བརྒྱ་ནི་རྩ་བརྒྱད་བཟླས། །ཞིང་དང་ཤིང་ཏོག་གཏོར་
བྱས་ན། །དེ་དག་ཀུན་ཀྱང་ཁ་བཅིངས་འགྱུར། །ཧ་ཅང་ཆར་པ་ཆེས་པ་ན། །བཅོམ་ལྡན་འདས་ལ་ཕུལ་བ་ཡི། །མེ་ཏོག་དམན་མ་རེ་རེ་ལ། །བཟླས་བརྗོད་ཉི་ཤུ་རྩ་ཅིག་བྱ། །གཙང་ཞིང་གདེ་བའི་གནས་དག་ཏུ། །དཀྱིལ་འཁོར་ཆེན་པོའི་དབུས་
དག་ཏུ། །བུམ་པ་གང་བའི་སྟེང་དག་ཏུ། །ཁམ་ཕོར་གཙང་མའི་ནང་དུ་ཡང་། །མེ་ཏོག་གཙང་མ་བཟླས་པ་དེ། །བསྲེགས་ན་ཆར་པ་འཆད་པར་འགྱུར། །སེར་བ་དྲག་པོ་འོང་བ་ན། །སེ་བ་ཉ་མིག་ལྕུག་མ་ལ། །བཟླས་བརྗོད་
97-1-307b


བརྒྱ་ནི་རྩ་བརྒྱད་བཟླས། །སེར་བ་གང་ནས་གཡོ་ངོས་སུ། །ཀླད་ལ་བསྐོར་ཞིང་བྱབས་ན་ཆད། །ཡང་ན་ཐལ་ཆེན་ཡུངས་ཀར་ལ། །བཟླས་བརྗོད་བརྒྱ་ནི་རྩ་བརྒྱད་བྱ། །ཐུམ་པོ་བྱས་ཏེ་ལྕུག་མ་ལ། །བཏགས་ཏེ་བརྩུགས་
ན་སེར་བ་འཆད། །འབྱུང་པོ་ཤ་ཟ་ཡི་དག་དང་། །བརྗོད་བྱེད་གདོན་གྱི་ཟིན་པ་ལ། །དཀྱིལ་འཁོར་འདོམ་གང་གྲུ་བཞི་ལ། །བུམ་པ་གཙང་མ་ལྔ་བཞག་སྟེ། །གུ་གུལ་དུད་པས་བདུག་ནས་ཀྱང་། །ཡུངས་ཀར་ག་པུར་
ཙན་དན་དང་། །གླ་རྩི་ལ་སོགས་སྨན་སྦྱར་ཏེ། །བཟླས་བརྗོད་བརྒྱ་ནི་རྩ་བརྒྱད་བཟླས། །གོས་དང་ཟས་ནི་དཀར་པོ་སྦྱར། །དཀྱིལ་འཁོར་དེའི་ནང་དུ་བཞུག །བུམ་པའི་ཆུ་ཡིས་བཀྲུ་བར་བྱ། །སངས་རྒྱས་སྐུ་བསིལ་བྱས་པའི་ཆུ། །
བཀྲུ་ཞིང་བླུད་ན་རབ་ཏུ་ཕན། །ནད་དང་གནོད་པ་ཀུན་ལས་ཐར། །འབྱུང་པོ་བརྗེད་བྱེད་ཤ་ཟ་ཡིས། །གླགས་ཀྱང་རྙེད་པར་མི་འགྱུར་རོ། །བྱིས་པ་གདོན་གྱིས་འཇིགས་པ་ལ། །གིའུ་ཝང་ལ་ནི་སྔགས་བཟླས་
ངས། །སྙིང་པོ་སྟོབས་ཆེན་འདི་བྲིས་གདགས། །ཨོཾ་བཛྲ་ཀྲོ་དྷ་མ་ཧཱ་བ་ལ། ཧ་ན་ད་ཧ། པ་ཙ་བི་དྷྭ་ན་ས་ཡ། ཛ་ཏི་ལ་ལྃ་བྷོ་དྷ་ར། ཨུ་ཙྪུཥྨ་ཀྲོ་དྷ་ཧཱུྃ་ཕཊ་སྭཱ་ཧཱ། གཙང་སྦྲ་བྱས་ཏེ་མགུལ་པར་གདགས། །དེ་བཞིན་ཡང་ཀར་
དག་ལ་ཡང་། །བཟླས་བརྗོད་བྱས་ཏེ་གཏུམས་ལ་གདགས། །མཁའ་འགྲོའི་གདོན་གྱིས་ཟིན་པ་ན། །ཡུང་ཀར་དང་ནི་གུ་གུལ་ལ། །སྔགས་གཉིས་ལན་ནི་བདུན་བདུན་བཟླས། །དུད་པས་བདུགས་ན་ཚོ་
བར་འགྱུར། །དེ་ལ་ཐེ་རྩོམ་མི་ཟའོ། །བྱིས་པ་གདོན་དང་ནད་ལས་ཐར། །བུད་མེད་བུ་ནི་ཐོགས་གྱུར་ན། །ཆུ་ལ་བཟླས་བརྗོད་ལྔ་བདུན་བྱས། །བླུད་ན་ལེགས་པར་བཙས་པར་འགྱུར། །བུད་མེད་མོ་ཤམ་བུད་མེད་ལ། །
སངས་རྒྱས་སྐུ་བསིལ་བྱས་པའི་ཆུ། །དེ་ལ་སྔགས་བརྗོད་ཉི་ཤུ་བྱ། །ཁྲུས་བྱས་ལུས་ནི་གཙང་མ་ལ། །ཆུ་དེ་བླུད་ན་བུ་ཚ་ཕན། །རིགས་རྒྱུད་དག་ནི་འཕེལ་བར་འགྱུར། །ལམ་དུ་ཞུགས་ཏེ་འགྲོ་བ་ན། །སྐུད་པ་དང་ནི་གོས་
97-1-308a


ཀྱི་གྲྭར། །བཟླས་བརྗོད་བདུན་བཟླས་མདུད་པ་བདུན། །མདུད་བཅིང་བཟླས་ཏེ་སོང་བ་ན། །བདེ་བར་འགྲོ་ཞིང་དོན་ཡང་འགྲུབ། །དགྲ་དང་ཉེ་ཞོ་མེད་པར་འགྲོ། །ཡིད་ནི་གཞུངས་པར་འདོད་པ་ན། །ཤུ་དག་ཚོན་གང་
ཙམ་པ་དང་། །མར་སྲང་སུམ་བརྒྱ་དྲུག་ཅུ་ལ། །བཟླས་བརྗོད་བྱས་ཏེ་བསྲེས་ནས་ཀྱང་། །བུམ་པ་ཅིག་ཏུ་བླུག་ལ་དཀྲུག །ཉི་མ་རེ་རེ་ལོ་གཅིག་ཏུ། །ཤུ་དག་གི་ནི་དུམ་རེ་དང་། །མར་སྲང་དག་ནི་རེ་རེ་ལ། །བཟླས་བརྗོད་རེ་རེ་བྱ་ཞིང་
བཟའ། །དེས་ནི་ཡིད་གཞུངས་བློ་ལྡན་འགྱུར། །དེ་བཞིན་པ་ནི་སེར་སྐྱ་མའི། །མར་དང་འོ་མ་དག་ལ་ཡང་། །བཟླས་བརྗོད་བརྒྱ་ནི་རྩ་བརྒྱད་དུ། །བཟླས་ཏེ་འོ་ཐུག་དཀྲུག་ཅིང་བཟའ། །ཡིད་གཞུངས་པའི་མཆོག་ཏུ་འགྱུར། །
མི་དང་འགྲོགས་ཤིང་མཛའ་འདོད་ན། །གང་དག་ཡིད་དང་འཐད་པ་ལ། །མེ་ཏོག་དང་ནི་རྩྭ་ཤིང་ལ། །འབྲས་བུ་འམ་ནི་འཇི་བ་དག །ལག་པ་གཡས་པའི་ཆང་བར་བཅུག །བཟླས་བརྗོད་བརྒྱ་ནི་རྩ་གཅིག་གདབ། །གང་གི་ལག་
ཏུ་བྱིན་པ་ན། །དེ་དང་རྟག་ཏུ་མཛའ་བར་འགྱུར། །རྟ་ལ་སོགས་པའི་ཕྱུགས་རྣམས་ཀུན། །འཆི་བར་ཉེ་བར་གནས་པ་ན། །ཆུ་དང་ཡུངས་ཀར་བཅས་པ་ལ། །བཟླས་བརྗོད་བརྒྱ་ནི་རྩ་བརྒྱད་བྱ། །དེ་ལ་གཏོར་ན་སོས་པར་
འགྱུར། །ཡང་ན་ཡུངས་ཀར་བརྒྱ་བརྒྱད་ལ། །བཟླས་པའི་ཐུམ་པོ་མགུལ་དུ་གདགས། །དེ་ནི་ནད་མེད་བདེ་བར་འགྱུར། །མི་རྣམས་འཆི་བས་འཇིགས་གྱུར་ན། །ཡུངས་ཀར་ལ་ནི་བཟླས་བརྗོད་བྱ། །ཐུམ་པོ་བྱས་ཏེ་
སྒོ་ལ་གདགས། །བཟླས་བརྗོད་བརྒྱ་སྟོང་འབུམ་ཡང་བཟླས། །མི་ནད་དང་ནི་ཕྱུག་ནད་ཀུན། །མིང་ཡང་མེད་ཅིང་བདེ་བར་འགྱུར། །དེ་དག་ཀུན་གྱིས་བཟླས་བརྗོད་ནི། །འདི་དག་ཀུན་དུ་རྒྱ་ཆེད་གསུངས། །ན་མོ་རཏྣ་
ཏྲ་ཡཱ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བྃ་བཱ་དཱི་མ་ཧཱ་ཤྲ་མ་ནཿ སྭཱ་ཧཱ། རྟག་ཏུ་བཟླས་བརྗོད་བྱས་ན་ནི། །བསམ་པ་ཡོངས་སུ་རྫོགས་པར་འགྱུར། །གནོད་པ་ཅིས་
97-1-308b


ཀྱང་ཚུགས་མི་འགྱུར། །དམ་ཆོས་ཡོངས་སུ་གཟུངས་བར་འགྱུར། །ཚིགས་སུ་བཅད་པ་འདི་དག་ནི། །མཐུ་དང་རྫུ་འཕྲུལ་བསམ་མི་ཁྱབ། །ཆོ་ག་འདི་དག་ཐམས་ཅད་ནི། །གང་ལ་དད་པས་ཡིད་ཆེས་ན། །འགྲུབ་པར་ཐེ་ཙོམ་མེད་
པར་འགྱུར། བཟླས་བརྗོད་འབུམ་ནི་བྱས་གྱུར་ན། །དགོས་པ་ཐམས་ཅད་འགྲུབ་པར་འགྱུར། །འཕགས་པ་རྟེན་ཅིང་འབྲེལ་པར་འབྱུང་བའི་སྙིང་པོའི་ཆོ་གའི་གཟུངས། སྟོན་པ་ཤཱཀྱའི་ཐུགས་རྗེ་འདི། །དགེ་སློང་ནེར་བན་རཀྵི་ཏིས། །
ཐོ་གར་ཡུལ་ནས་རྙེད་པ་སྟེ། །འགྲོ་བ་ཀུན་གྱི་དཔལ་དུ་ཤར། །རྫོགས་སྷོ།། །། ༄། །རྒྱ་གར་སྐད་དུ།  ཨཱརྱ་པྲ་ཏཱི་ཏྱ་ས་མུད་པཱ་ད་ནཱ་མ་མ་ཧཱ་ཡཱ་ན་སཱུ་ཏྲ།  བོད་སྐད་དུ།  འཕགས་པ་རྟེན་ཅིང་འབྲེལ་བར་འབྱུང་བ་ཞེས་བྱ་
བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་སུམ་བཅུ་རྩ་གསུམ་ལྷའི་གནས་ན་ཨར་མོ་ནི་ག་ལྟ་
བུའི་རྡོ་ལེབ་ལ། ཚེ་དང་ལྡན་པ་རྟ་ཐུལ་ལ་སོགས་པ་ཉན་ཐོས་ཆེན་པོ་རྣམས་དང་། འཕགས་པ་བྱམས་པ་དང་། འཕགས་པ་སྤྱན་རས་གཟིགས་དབང་ཕྱུག་དང་། ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་སེམས་
དཔའ་ཆེན་པོ་ཡོན་ཏན་རིན་པོ་ཆེ་དཔག་ཏུ་མེད་པས་བརྒྱན་པ་རྣམས་དང་། མི་འཇེད་གྱི་བདག་པོ་ཚངས་པ་ཆེན་པོ་དང་། སྲིད་མེད་ཀྱི་བུ་དང་། དབང་ཕྱུག་ཆེན་པོ་ལ་སོགས་པའི་ལྷ་རྣམས་དང་། ལྷའི་དབང་པོ་བརྒྱ་
བྱིན་དང་། དྲི་ཟའི་རྒྱལ་པོ་ཟུར་ཕུད་ལྔ་པ་ལ་སོགས་པ་དང་། ཐབས་གཅིག་ཏུ་གཞུགས་ཏེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བླ་གོས་ཕྲག་པ་ཅིག་
ཏུ་བཟར་ནས། པུས་མོ་གཡས་པའི་ལྷ་ང་རི་རབ་ཀྱི་རྩེ་མོ་ལ་བཙུག་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
97-1-309a


འདས་ལྷ་འདི་དག་ནི་མཆོད་རྟེན་བགྱིད་པར་འཚལ་བ་ཤ་སྟག་སྟེ། འཁོར་གྱི་དཀྱིལ་འཁོར་འདིར་མཆིས་ན། ཅི་ནས་ཚངས་པའི་བསོད་ནམས་འཕེལ་བ་དང་། ལྷ་དང་བཅས་པ། བདུད་དང་བཅས་པ། ཚངས་པ་
དང་བཅས་པའི་འཇིག་རྟེན་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་ལས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་བསོད་ནམས་ཤིན་དུ་མང་ཏུ་འཕེལ་བར་འགྱུར་བ་དེ་ལྟ་དེ་ལྟར་བཅོམ་
ལྡན་འདས་ཀྱིས་དེ་དག་ལ་ཆོས་བསྟན་དུ་གསོལ་ཞེས་ཞུས་པ་དང་། དེ་ནས་བཅོམ་ལྡན་འདས་ཀྱིས་རྟེན་ཅིང་འབྲེལ་པར་འབྱུང་བའི་ཚིགས་སུ་བཅད་པ་བཀའ་སྩལ་པ། ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུན་ཏེ་ཥཱྃ་ཏ་ཐཱ་ག་ཏོ་ཧྱ་བ་དཏ། 
ཏེ་ཥཱཉྩ་ཡོ་ནི་རོ་དྷ་ཨེ་བྃ་བཱ་དཱི་མ་ཧཱ་ཤྲ་མ་ཎཿ ཆོས་གང་རྒྱུས་འབྱུང་དེ་དག་གི། །རྒྱུ་དང་དེ་འགོག་གང་ཡིན་པ། །དེ་བཞིན་གཤེགས་པས་བཀའ་སྩལ་ཏེ། །དགེ་སྦྱོང་ཆེན་པོ་དེ་སྐད་གསུངས། །སྤྱན་རས་
གཟིགས་དབང་ཕྱུག་འདི་ལྟ་སྟེ། རྟེན་ཅིང་འབྲེལ་བར་འབྱུང་བ་འདི་ནི་དེ་བཞིན་གཤེགས་པ་རྣམས་ཀྱི་ཆོས་ཀྱི་སྐུ་ཡིན་ཏེ། སུས་རྟེན་ཅིང་འབྲེལ་པར་འབྱུང་བ་མཐོང་བ་དེས་དེ་བཞིན་གཤེགས་པ་མཐོང་ངོ་། །
སྤྱན་རས་གཟིགས་དབང་ཕྱུག་རིགས་ཀྱི་བུ་འམ། རིགས་ཀྱི་བུ་མོ་དད་པ་ཅན་གང་ལ་ལ་ཞིག་གིས་མི་གནས་པའི་ས་ཕྱོགས་སུ་མཆོད་རྟེན་ནི་སྐྱུ་རུ་རའི་འབྲུ་ཙམ། སྲོག་ཤིང་ནི་མོ་ཁབ་ཙམ། གདུགས་
ནི་བཀྐུ་ལའི་མེ་ཏོག་ཙམ་ཞིག་བྱས་ལ། རྟེན་ཅིང་འབྲེལ་པར་འབྱུང་བ་ཆོས་ཀྱི་དབྱིངས་ཀྱི་ཚིགས་སུ་བཅད་པ་ནང་དུ་བཅུག་ན། དེས་ཚངས་པའི་བསོད་ནམས་བསྐྱེད་པར་འགྱུར་ཏེ། འདི་ནས་ཤི་འཕོས་ཤིང་འཆི་
བའི་དུས་བྱས་ནས་ཚངས་པའི་འཇིག་རྟེན་དུ་སྐྱེ་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཉན་ཐོས་དེ་དག་དང་། བྱང་ཆུབ་སེམས་དཔའ་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། 
97-1-309b


མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རྟེན་ཅིང་འབྲེལ་པར་འབྱུང་བ་ཞེས་བྱ་བ་ཐེག་པ་ཆེན་པོའི་མདོ་
རྫོགས་སོ།།   །།༄། རྒྱ་གར་སྐད་དུ། ཨཱརྱ་པྲ་ཏཱི་ཏྱ་ས་མུཏྤཱ་ད་ཧྲྀ་ད་ཡ་ནཱ་མ།  བོད་སྐད་དུ། འཕགས་པ་རྟེན་ཅིང་འབྲེལ་བར་འབྱུང་བའི་སྙིང་པོ་ཞེས་བྱ་བ། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །
ཆོས་གང་རྒྱུས་འབྱུང་དེ་དག་གི། །རྒྱུ་དང་དེ་འགོག་གང་ཡིན་པ། །དེ་བཞིན་གཤེགས་པས་བཀའ་སྩལ་ཏེ། །དགེ་སྦྱོང་ཆེན་པོ་འདི་སྐད་གསུངས། །ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུན་ཏེ་ཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་
ནི་རོ་དྷ་ཨེ་བྃ་བཱ་དཱི་མ་ཧཱ་ཤྲ་མ་ཎཿ སྙིང་པོ་འདི་ལན་གཅིག་བརྗོད་པས་སྡིག་པ་ཐམས་ཅད་བྱང་བར་འགྱུར་རོ། །མི་མཐུན་པའི་ཕྱོགས་ཐམས་ཅད་ཞི་ཞིང་བཟློག་པར་འགྱུར་རོ། །དངོས་པོ་གང་ལ་དམིགས་ཏེ་བརྗོད་ན་
སངས་རྒྱས་ཀྱི་སྐུའམ། མཆོད་རྟེན་དུ་བྱས་པར་འགྱུར་མཆོད་པ་གང་ལ་དམིགས་ཏེ། བརྗོད་ན་འཇིག་རྟེན་གྱི་ཁམས་གང་བ་ཙམ་ཕུལ་བར་འགྱུར་རོ། །རྟེན་ཅིང་འབྲེལ་པར་འབྱུང་བའི་སྙིང་པོ་རྫོགས་སོ།། 
དཀོན་ཆོག་གསུམ་ལ་ཕྱག་འཚལ་ལོ། །ཨོཾ་སྨ་ར་སྨ་ར། བི་སྨ་ན་སྐ་ར་མ་ཧཱ་ཛ་བ་ཧཱུྃ་ཞེས་བརྗོད་ཅིང་རིན་པོ་ཆེ་བརྡར་བས་རིན་པོ་ཆེའི་གདུགས་དང་རྒྱལ་མཚན་ལ་སོགས་པའི་ཆར་དཔག་ཏུ་མེད་པ་ནམ་མཁའི་
ཁམས་གང་བར་བསམ་ལ་དབུལ་ལོ། །རིན་པོ་ཆེ་བརྡར་བའི་གཟུངས་རྫོགས་སོ།། །། བཅོམ་ལྡན་འདས་གཙུག་ཏོར་འབར་བ་ལ་ཕྱག་འཚལ་ལོ། །ན་མཿས་མནྟ་བུདྡྷ་དྷི་ནཱྃ། ཨ་པྲ་ཏི་ཧ་ན་ཤཱ་ས་ན་ནཱྃ། 
ༀ་ཁ་ཁ་ཁཱ་ཧི་ཁཱ་ཧི། ཧཱུྃ་ཧཱུྃ། ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། ཏིཥྚ་ཏིཥྚ། ཕཊ་ཕཊ། སརྦ་དུར་ནི་མིཏྟེ། དུཿསྭཔྣ་ཤཱི་ནྟྃ་ཀུ་རུ་སྭཱ་ཧཱ། སངས་རྒྱས་སྟོང་གི་སྔགས་འདི་ནི། །གཙུག་ཏོར་འབར་བ་ཞེས་གྲགས་ཏེ། །ལས་རྣམས་
97-1-310a


གང་དག་སྟོང་ཕྲག་ནི། །བརྒྱད་བཅུ་དང་ནི་དགུ་ཕྲག་ལྔ། །རྣམ་པ་སྣ་ཚོགས་ལས་རྣམས་དང་། །བཀྲ་ཤིས་དཔལ་གྲགས་ཐམས་ཅད་བྱེད། །རྨི་ལམ་ངན་དང་མཚན་མ་ངན། །ལན་ཅིག་བཟླས་པས་
སེལ་བྱར་བྱེད།  གཙུག་ཏོར་འབར་བ་ཞེས་བྱ་བའི་གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
སྨན་གྱི་བླ་བཻ་དུྰ་རྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཨོཾ་བྷེ་ཥ་ཛྱེ་བྷེ་ཥ་ཛྱེ། མ་ཧཱ་བྷེ་ཥ་ཛྱེ། བྷེ་ཥ་ཛྱེ་ས་མུངྒ་ཏེ་སྭཱ་ཧཱ། སྨན་གཏོང་བའི་ཚེ་སྨན་ལ་སྔགས་ཀྱིས་གདབ་པ། རྫོགས་སྷོ།། །། ༄། བཅོམ་ལྡན་འདས་དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་མཚན་ལ་ཕྱག་འཚལ་ལོ། །ན་མོ་བྷ་ག་བ་ཏེ་རཏྣ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ་ས་མྱག་སྃ་བུ་དྡྷཱ་ཡ། ཏདྱ་ཐཱ། 
ཨོཾ་ཏྣེར་ཏྣེ་མ་ཧ་རཏྣེ་རཏྣེ་བི་ཛ་ཡེ་སྭཱ་ཧཱ། འདི་བརྗོད་ཅིང་བསྐོར་བ་གཅིག་བྱས་པ་ཡང་དཔག་ཏུ་མེད་པ་བྱས་པར་འགྱུར་རོ། བསྐོར་བའི་གཟུངས། རྫོགས་སྷོ།། །། ༄། །རྒྱ་གར་སྐད་དུ། ཨཱརྱ་པྲ་དཀྵཱ་རད་ན་ཏྲ་ཡཱ་ནཱ་མ་དྷཱ་ར་
ཎཱི། བོད་སྐད་དུ། འཕགས་པ་དཀོན་མཆོག་གི་རྟེན་ལ་བསྐོར་བ་བྱ་བའི་གཟུངས། ཞེས་བྱ་བ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་
འཚལ་ལོ། །ཨོཾ་ན་མོ་ད་ཤ་དིག་ཏྲི་ཀ་ལ་སརྦ་རཏྣ་ཏྲ་ཡཱ་ཡ། ན་མཿ པྲ་དཀྵཱ་སུ་པྲ་དཀྵཱ། སརྦ་པ་པཱ་པ་བི་ཤོ་དྷ་ནི་སྭཱ་ཧཱ། གཟུངས་འདི་ལན་ཅིག་བརྗོད་པས་ཕྱོགས་བཅུ་དུས་སུམ་གྱི་དཀོན་མཆོག་
གསུམ་ལ་ཕྱག་འཚལ་ཞིང་། །བསྐོར་བ་བྱས་པར་འགྱུར་རོ། །ཐོག་མ་མེད་པ་ནས་བསགས་པའི་སྡིག་པ་ཐམས་ཅད་དག་པར་འགྱུར་རོ། །སངས་རྒྱས་ཀྱི་བྱང་ཆུབ་མྱུར་དུ་ཐོབ་པར་འགྱུར་རོ། །
97-1-310b


དགྲ་དང་བགེགས་ཀྱིས་གླགས་རྙེད་པར་མི་འགྱུར་རོ། །ནད་དང་གདོན་ཐམས་ཅད་ལས་ཐར་བར་འགྱུར་རོ། །བསྐོར་བའི་གཟུངས་རྫོགས་སོ།། །། ༄། །རྒྱ་གར་སྐད་དུ། དཀྵི་ཎཱི་པ་རི་ཤོ་དྷ་ནཱི་ནཱ་མ།  བོད་སྐད་དུ།  
ཡོན་ཡོངས་སུ་སྦྱོང་བ་ཞེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ནས་འོད་
ཀྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་བློ་གྲོས་དང་ལྡན་པའི་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ན་མཿས་མནྟ་པྲ་བྷ་རཱ་
ཛཱ་ཡ། ཏ་ཐཱ་ག་ཏཱ་ཡ། ཨ་ར་ཧ་ཏེ་བྷྱཿ། སཾ་མྱཀྶཾ་བུད་དྷཱ་ཡ། ན་མོ་མཉྫུ་ཤྲི་ཡེ། ཀུ་མཱ་ར་བྷཱུ་ཏཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ནི་རཱ་ལ། ནི་རཱ་བྷཱ་སེ། ཛ་ཡེ་
ཛ་ཡ་ལ། མ་ཧཱ་མཱ་ཏེ་དཀྵེ་དིཀྵཱ་ཎཱི་མེ་པ་རི་ཤོ་དྷཱ་ཡ་སྭཱ་ཧཱ། འདི་ལན་ཅིག་བརྗོད་པས་སྡིག་པ་ཐམས་ཅད་བྱང་བར་འགྱུར་རོ། །ཡོན་མང་པོ་ལ་སྤྱད་པ་ཡང་བྱང་བར་འགྱུར་རོ། །ཡོན་བདག་དེ་
འི་ཡོན་ཡོངས་སུ་འཕེལ་བར་འགྱུར་ཞིང་ཚོགས་ཐམས་ཅད་རྫོགས་པར་འགྱུར་རོ། །འདི་བརྗོད་པས་བར་དུ་གཅོད་པ་ཐམས་ཅད་ཀྱང་མི་འབྱུང་ངོ་། །འདུལ་བ་ལུང་ལས་རྣམ་པར་ངེས་པའི་
མདོ་ལས་བྱུང་བ་ཡོན་ཡོངས་སུ་སྦྱོང་བའི་གཟུངས་རྫོགས་སོ།། །། དེ་ནས་ཡོན་ཡོངས་སུ་སྦྱོང་བའི་གཟུངས། ན་མོ་བྷ་ག་བ་ཏེ། སུ་མེ་རུ་ཀལ་པ་རཱ་ཛཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ། 
ས་མྱག་སྃ་བུདྡྷ་ཡ། ཏདྱ་ཐཱ། ཨོཾ་ཀལ་པེ་ཀལ་པེ། མ་ཧཱ་ཀལ་པེ་ཀལ་པེ་པ་རི་ཤོ་དྷ་ནི་སྭཱ་ཧཱ། གཟུངས་འདི་ལན་ཅིག་བཟླས་པས་རི་རབ་ཙམ་གྱི་ཡོན་ཡོངས་སུ་སྦྱོང་བར་བྱེད་པར་གསུངས་པས། ལན་
97-1-311a


ལྔའམ་དྲུག་ཙམ་བཟླས་སོ། །ཡོན་ཡོངས་སུ་སྦྱོང་བའི་གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་
རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། སྨྲྀ་ཏི་མ་ཏི་མ་ཏི། ཏེ་ཛྭོ་བིདྱཱ། ཧུ་རུ་མེ་ཧུ་ར་ཧུ་རུ་མེ་ཀྲྀཥྞ་ཧུ་རུ་མེ་སྭཱ་ཧཱ། ཤུ་དག་ནག་པོ་ལ་སྔགས་འདི་ལན་བརྒྱ་རྩ་བརྒྱད་བཟླས་བརྗོད་
བྱས་ཏེ་ཟོས་ན་གདོན་མི་ཟ་བར་ཐོས་པ་འཛིན་པར་འགྱུར་རོ། །ཐོས་པ་འཛིན་པའི་གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །ཏདྱ་ཐཱ། མ་ཏི་བ་ཧུ་ལྱེ། ཏ་ཐཱ་ག་ཏཱ་ཛྙཱ་ན། དར་ཤེ་ནེ་པྲཛྙཱ་པཏ། གམྦྷི་རེ། བོ་དྷི་མཎྜ་ནུ་ས་རི་ཎི། ཨ་བིདྡྷ། 
ཏ་མོནྡྷ། ཀཱ་ར་བི་དྷ་མ་ནི། ཛྭ་ལ་ཛྭ་ལ། པྲཛྙཱ་དཱི་པི། མེ་དྷ་པ་དི་ནི་སརྦ་ཨ་དྷིཥྛི་ཏ། སུ་རུ་སུ་རུ། དྷུ་རུ་དྷུ་རུ། མེ་དྷ་ཨ་ན་ཡ་སྭཱ་ཧཱ། ཆོ་ག་ནི་ནང་པར་ཞིང་བཟླས་བརྗོད་བྱས་ན་ལོབས་སྐྱེན་པར་འགྱུར་
རོ། །སྨན་བྲམ་ཧི་སྙིམས་པར་བཅུག་སྟེ་དུད་པ་བྱུང་གི་བར་དུ་བཟླས་པ་བྱས་ཏེ་ཟོས་ན་ཐོས་པ་འཛིན་པར་འགྱུར་རོ། །ཐོས་པ་འཛིན་པའི་གཟུངས། རྫོགས་སྷོ།། །། ༄། །རྒྱ་གར་སྐད་དུ།   
པྲཛྙ་བར་དྷ་ནི་ནཱ་མ་དྷཱ་རཱ་ནཱི། བོད་སྐད་དུ། ཤེས་རབ་བསྐྱེད་པ་ཞེས་བྱ་བའི་གཟུངས། ཐམས་ཅད་མཁྱེན་པ་ལ་ཕྱག་འཚལ་ལོ། །འདི་སྐད་བདག་གི་ཐོས་པ་དུས་ཅིག་ན། བཅོམ་ལྡན་འདས་བྱང་
ཆུབ་སེམས་དཔའ་བློ་ལྡན་ཞེས་བྱ་བ་རི་རབ་ཀྱི་ངོས་ལ་བཞུགས་ཏེ། རི་རབ་ལ་གནས་པའི་ལྷའི་བུ་ཐམས་ཅད་ཀྱི་བསྐོར་ནས་མདུན་དུ་བྱས་ཏེ་ཆོས་སྟོན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གཞོན་ནུའི་
97-1-311b


གཟུགས་ཅན་གྱིས་ཐལ་མོ་སྦྱར་ཏེ། བྱང་ཆུབ་སེམས་དཔའ་བློ་ལྡན་ལ་སོགས་པ། བཅོམ་ལྡན་འདས་སེམས་ཅན་ཤེས་རབ་རྟུལ་པོ། བློ་ཞན་པ། ཡིད་མི་གཞུངས་པ་རྣམས་ཀྱི་སླད་དུ་ཤེས་རབ་བསྐྱེད་པ་ཞེས་བྱ་བའི་
གཟུངས་བཤད་དུ་གསོལ། བཤད་པ། ཧཱུྃ་པི་ཙུ་པི་ཙུ། པྲཛྙཱ་བར་དྷ་ནི་ཛྭ་ལ་ཛྭ་ལ། མེ་དྷ་བར་དྷ་ནི། དྷི་རི་དྷི་རི། བུདྡྷི་བར་དྷ་ནི་སྭཱ་ཧཱ། གང་ཞིག་གཟུངས་འདི་འཛིན་པ་དང་། ཀློག་པ་དང་། འདྲི་བ་དང་། འདྲིར་འཇུག་པ་དང་། 
ཆུང་ངུ་ནི་ཡི་གེ་འབྲུ་གཅིག་ཙམ་ཐོས་ན་ཡང་དེའི་ཚེ་འདི་ཉིད་ལ་ཤེས་རབ་ཆེན་པོ་འགྱུར་རོ། །གང་གི་ཟླ་བ་དྲུག་གི་བར་དུ་ཉིན་རེ་ཞིང་རྩབས་ཁྱོར་གང་ལ་རིག་པ་འདི་ལན་བདུན་བཏབ་ཏེ་ཉི་མ་ཤར་བའི་ཚེ་འཐུང་ན་ཚིགས་སུ་
བཅད་པ་སྟོང་སྟོང་འཛིན་ཏོ། །ལན་ཅིག་འཐུང་ན་ལྔ་བརྒྱ་འཛིན་ཏེ་ཉིན་ཅིག་བཞིན་ཤེས་རབ་འཕེལ་བར་འགྱུར་ཉིན་ཅིག་བཞིན་དུ་རྗོད་པ་ཙམ་གྱིས་དྲན་པ་དང་ཡིད་བཞུངས་པར་འགྱུརོ། །ཤེས་རབ་བསྐྱེད་པ་ཞེས་བྱ་བའི་གཟུངས་རྫོགསྷོ།། །།
རྒྱ་གར་གྱི་མཁན་པོ་ཛྙཱ་ན་གརྦྷ་དང་། ལོ་ཙྪ་བ་བན་དེ་ཀླུའི་དབང་པོས་བསྒྱུར། རྒྱ་གར་གྱི་མཁན་པོ་བིདྱ་ཀ་ར་སིཾ་ཧ་དང་། ཞུ་ཆེན་གྱི་ལོ་ཙྪ་བ་བན་དེ་དེ་བ་ཙན་དྲས་ཞུས་ཏེ་གཏན་ལ་ཕབ་པ། །
༄། །རྒྱ་གར་སྐད་དུ། པྲཛྙཱ་བར་དྷ་ནི་ནཱ་མ་དྷཱ་ར་ཎཱི། བོད་སྐད་དུ། ཤེས་རབ་སྐྱེད་པ་ཞེས་བྱ་བའི་གཟུངས། ན་མོ་རད་ན་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། 
བོ་དྷི་སྭཱ་ཏ་ཡ། མ་ཧཱ་སཏྭཱ་ཡ། ཏདྱ་ཐཱ། སྑ་ལ་ཏེ་སྑ་ལ་ཏེ་མ་ནི་ཏེ་སྭཱ་ཧཱ། རིག་སྔགས་འདིའི་ཆོ་ག་ནི་འདི་ཡིན་ཏེ་ཁྱོར་ཆུ་ལ་ལན་གསུམ་བཟླས་ཏེ། འཐུང་ན་ཞག་བདུན་ནས་ཐོས་པ་འཛིན་པར་འགྱུར་རོ། །ཤེས་རབ་བསྐྱེད་པ་ཞེས་བྱ་
བའི་གཟུཾས། རྫོགསྷོ།། །།རྒྱ་གར་གྱི་མཁན་པོ་ཛྙཱ་ན་གརྦ་དང་། ལོ་ཙྪ་བ་བན་དེ་ཀླུའི་དབང་པོས་བསྒྱུར། རྒྱ་གར་གྱི་མཁན་པོ་བིདྱཱ་ཀ་ར་སིཾ་ཧ་དང་། ཞུ་ཆེན་གྱི་ལོ་ཙྪ་བ་བན་དེ་དཱེ་བ་ཙན་དྲས་ཞུས་ཏེ། གཏན་ལ་ཕབ་པ། །
97-1-312a


༄༅། །རྒྱ་གར་སྐད་དུ། པྲཛྙཱ་བ་ར་དྷ་ནི་ནཱ་མ་དྷཱ་ར་ཎཱི། བོད་སྐད་དུ། ཤེས་རབ་སྐྱེད་པ་ཞེས་བྱ་བའི་གཟུངས། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ཏདྱ་ཐཱ། 
ཨ་བི་བ་བི་བ། པྲཛྙཱ་བར་དྷ་ནི། ཛ་ར་ཛ་ར། མི་དྷཱ་བར་དྷ་ནི། དྷི་རི་དྷི་རི། བུད་དྷི་བར་དྷ་ནི་སྭཱ་ཧཱ། རིག་སྔགས་འདིའི་ཆོ་ག་ནི་འདི་ཡིན་ཏེ། ནང་རེ་ཞིང་རྩབ་མོ་ཁྱོར་གང་ལ་ལན་ཉི་ཤུ་རྩ་གཅིག་བཟླས་ཏེ། ཟླ་བ་གཅིག་གི་བར་དུ་
འཐུངས་ན་ཐོས་པ་འཛིན་པར་འགྱུར་རོ། །ཤེས་རབ་སྐྱེད་པ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛྙཱ་ན་གརྦྷ་དང་། ལོ་ཙྪ་བ་བན་དེ་ཀླུའི་དབང་པོས་བསྒྱུར། རྒྱ་གར་གྱི་མཁན་པོ་བིདྱཱ་ཀ་ར་སིྃ་ཧ་དང་། ཞུ་ཆེན་
གྱི་ལོ་ཙྪ་བ་བན་དེ་དཱེ་བ་ཙན་དྲས་ཞུས་ཏེ་གཏན་ལ་ཕབ་པ། ། ༄། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་
ལ་ཕྱག་འཚལ་ལོ། །ཏདྱ་ཐཱ། ཨ་བ་ལོ་ཀི་ནི། བ་ལི་ཀི་ནི། པྲ་བྷ་ལོ་ཀི་ནི། ཛི་བ་ཧ་པ་རི་ཤོ་དྷ་ནི། དྷི་ད་ནི་ཡ་ག་མེ། ཨ་ཤ་པ་རི་ཤོ་དྷ་ནི། སརྦ་ས་ཏྭཱ་མ་ནོ་ར་ཐེ། ཀ་ཡ་སིད་དྷེ་ཤྲུ་ཏི་དྷཱ་ར་ཎཱི་སྨྲི་ཏི་དྷཱ་ར་ཎཱི་སྭཱ་ཧཱ། ཆོ་ག་ཞག་བདུན་གྱི་
བར་དུ་ཤིང་ཨ་བ་མ་རྒའི་སོ་ཤིང་ལ་ལན་བདུན་བཟླས་བརྗོད་བྱས་ཏེ་ནང་རེ་ཞིང་ཟོས་ན་ཉིན་ཅིག་ལ་ཤུ་ལོ་ཀ་བརྒྱ་བརྒྱ་ལོབས་སོ། །ཟླ་བ་དྲུག་གི་བར་དུ་བྱས་ན་ཐོས་པ་འཛིན་པར་འགྱུར་རོ། །ཤུ་ལོ་ཀ་བརྒྱ་ལོབས་པ། རྫོགས་སྷོ།། །། 
དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཁ་ལི་ཁ་ལི་བ་ལི་ཏེ་སྭཱ་ཧཱ། 
གདོང་འཁྲུ་བའི་ཚེ་ཆུ་ཁྱོར་གང་ལ་སྔགས་འདི་བདུན་བཟླས་ཏེ་འཐུངས་ན་ཉིན་གཅིག་ཀྱང་ཡི་གེ་ཤུ་ལོ་ཀ་བརྒྱ་ལོབས་པར་འགྱུར་ཏེ། སྔོན་ལོབས་པ་རྣམས་ཀྱང་བརྗེད་པར་མི་འགྱུར་རོ། །ཤུ་ལོ་ཀ་བརྒྱ་
97-1-312b


ལོབས་པ། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །བཱི་རེ་
བཱེ་རེ། མ་ཧི་ཏེ་ཛེ། ཏེ་ཛ་མ་ཏི་དྷཱ་ར་ཎཱི། ཤྲུ་ཏ་དྷཱ་ར་ཎཱི། ཛ་ཡན་ཏི་བི་ཛ་ཡན་ཏི་མ་ཏི་དྷཱ་ར་ཎཱི་སྭཱ་ཧཱ། །སྨན་བྲམ་ཧི་ཞོ་གཉིས་ཞིབ་ཏུ་བཏགས་ཏེ། འོ་མའི་ནང་དུ་བསྐོལ་ལ་སྔགས་འདི་ལན་ཉི་ཤུ་རྩ་གཅིག་བཟླས་ཏེ། ཞག་
བདུན་གྱི་བར་དུ་འཐུངས་ན་གདོན་མི་ཟ་བར་ཐོས་པ་འཛིན་པར་འགྱུར་རོ། །སངས་རྒྱས་ཀྱིས་གསུངས་པ་འམ། བསྟན་བཅོས་ཀྱང་རུང་སྟེ། ཐོས་ན་ཉིན་ཞག་གཅིག་ལ་ཤུ་ལོ་ཀ་སྟོང་ལོབས་པར་འགྱུར་རོ། །
ཤུ་ལོ་ཀ་སྟོང་ལོབས་པའི་གཟུངས། རྫོགས་སྷོ།། །། ༄། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། 
ཏྲི་ཤཱ་ཏྲི་ཤུ་ལ་ཤཱ་ཁི། ཨཱརྱ་བ་ལོ་ཀི་ཏེ་ཤྭ་རཱ་ཡ། ཨཛྙཱ་པ་ཡ་ཏི། བ་རེ་ན་བུ་ཧ་ལ། མྲིད་དྷཱ་ཏུ་སྭཱ་ཧཱ། ཆོ་ག་ནི་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་དཀྱིལ་འཁོར་བྱས་ཏེ། ཅི་འབྱོར་པས་མཆོད་པ་བྱས་ལ་ཆུ་
ལ་སྔགས་ཀྱིས་བཏབ་སྟེ་བཞག་ནས། ནང་པར་ཆུ་ལ་ལན་བདུན་བཟླས་བརྗོད་བྱས་ཏེ་དྲོ་ཁར་ཁ་ཟས་འོ་མ་དང་སྤགས་ཏེ་ཟོས་ན་ཞག་བདུན་ལོན་ན་ཉིན་གཅིག་ཀྱང་ཤུ་ལོ་ཀ་སྟོང་ལོབས་པར་འགྱུར་རོ། །ཡིད་ཆེས་
པའི་རྟགས་ཡོད་དོ། །ཤུ་ལོ་ཀ་སྟོང་ལོབས་པའི། གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་ནས་ཐོགས་མེད་སྟོན་ལ་ཕྱག་འཚལ་ལོ། །
བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཀ་བ་ཙ་ཀརྣ་ལ་ལ་ཏེ་སྭཱ་ཧཱ། ཆུ་ལ་ལན་བདུན་བཟླས་ཏེ་གདོང་
97-1-313a


བཀྲུས་ན་སྐྱེ་བོ་ཐམས་ཅད་དགའ་བར་འགྱུར་རོ། །དེའི་ཆོ་ག་ལ་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཆུ་བཞག་ལ་ལན་བདུན་བཟླས་བརྗོད་བྱས་ཏེ་འཐུངས་ལ། དྲོ་ཁར་ཁ་ཟས་འོ་མ་དང་
སྤགས་ཏེ་བཟའ་བ་དེ་ལྟ་བུར་ཞག་བདུན་གྱི་བར་དུ་བྱས་ན་ཉིན་གཅིག་ཀྱང་ཡི་གེ་ཤུ་ལོ་ཀ་སྟོང་ལོབས་པར་འགྱུར་རོ། །ཤུ་ལོ་ཀ་སྟོང་ལོབས་པའི་གཟུངས། རྫོགས་སྷོ།། །། 
དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ༀ་མུ་ནི་ཀན་ཏེ་མུ་ནི་པྲ་བྷ་
སྭཱ་རེ་སྭཱ་ཧཱ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་དཀྱིལ་འཁོར་བྱས་ཏེ། ཤུ་དག་མཐེ་བོང་ཙམ་བླངས་ལ་ལན་བརྒྱ་རྩ་བརྒྱད་བཟླས་བརྗོད་བྱས་ནས་ཟོས་ན་ཐོག་མའི་ཉིན་མོ་
ཡི་གེ་ཤུ་ལོ་ཀ་སྟོང་ཀླགས་པ་ཙམ་གྱིས་ལོབས་པར་འགྱུར་རོ། །ཞག་གསུམ་ལོན་པའི་ཉིན་མོ་ཤུ་ལོ་ཀ་སུམ་སྟོང་ལོབས་པར་འགྱུར་རོ། །ཞག་བདུན་ལོན་པའི་ཉིན་མོ་ཐོས་པ་འཛིན་པར་འགྱུར་རོ། །
ཤུ་ལོ་ཀ་སུམ་སྟོང་ལོབས་པའི་གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་
གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། སྨྲི་ཏི་མ་ཏི་མ་ཏི། ཏེ་ཛྭ་བིདྱཱ་ཧུ་རུ་མེ་ཧ་ར་ཧུ་དུ་ཀྲྀཥྞ་ཧུ་རུ་མེ་སྭཱ་ཧཱ། ཤུ་དག་དཀར་པོ་ལ་སྔགས་འདི་བཟླས་བརྗོད་བྱས་ཏེ་ཟོས་ན་གདོན་མི་ཟ་བར་ཐོས་པ་
འཛིན་པར་འགྱུར་རོ།

 །མི་བརྗེད་པའི་གཟུངས། 
རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་གྱི་རྟེན་ལ་སྔགས་འདི་ལན་རེ་བརྗོད་ཅིང་བརྐྱང་ཕྱག་རེ་བྱས་ཏེ། 
97-1-313b
ཕྱག་གསུམ་བྱས་ན་སྡེ་སྣོད་གསུམ་ཐོས་པ་དང་། བསམས་པ་དང་། བསྒོམས་པའི་བསོད་ནམས་དང་མཉམ་པར་འགྱུར་རོ། །ཉི་མ་རེ་རེ་ཕྱག་གསུམ་གསུམ་བྱས་ན་ཚེ་འདི་ཉིད་ལ་མཐོང་བའི་ལམ་གྱི་ཡེ་ཤེས་
ཀྱི་ཏིང་ངེ་འཛིན་ཐོབ་པར་འགྱུར་རོ། །དེ་མ་ཐོབ་ཀྱི་བར་དུ་མི་དང་མི་མ་ཡིན་པ་དང་། འབྱུང་པོ་དང་། ནད་རིམས་ཀྱི་གནོད་པ་འབྱུང་བར་མི་འགྱུར་རོ། །ཨོཾ་ན་མོ་མཉྫུ་ཤྲཱི་ཡེ། ན་མཿསུ་ཤྲི་ཡེ། ན་མཿ ཨུཏྟ་མ་ཤྲི་ཡེ་སྭཱ་ཧཱ།

 །ཕྱག་བྱ་བའི་གཟུངས། 
རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དྲག་པོ་ལ་ཕྱག་འཚལ་ལོ། །ཨི་རི་མི་རི། དྷ་དྃ་མེ། 
བྷ་ཧུ་ཕ་ལྃ་བྷ་བ་ཏུ་སྭཱ་ཧཱ། གོས་ཕྲུགས་གཅིག་ལ་ལན་སྟོང་བཟླས་བརྗོད་བྱས་ཏེ། མི་ཡ་རབས་སམ། སློབ་དཔོན་ནམ། གཞན་གང་ཡང་རུང་བ་གཅིག་ལ་བྱིན་ན། ཟླ་བ་ཕྱེད་ཕན་ཆད་ཀྱིས་གོས་ཕྲུགས་བརྒྱ་ཐོབ་པར་འགྱུརོ། །
དེ་བཞིན་དུ་ནོར་ཟས་སམ། རྐང་འགྲོས་གང་ཡང་རུང་བ་རྣམས་ཀྱང་དེ་དང་འདྲའོ། །གོས་བརྒྱ་ཐོབ་པའི་གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །
ཨོཾ་ན་མཿཤ་པ་ར་ན་མ་སྭཱ་ཧཱ། སོ་རྩི་ལ་སྔགས་འདིས་བཏབ་སྟེ། ཁར་བཅུག་ན་གང་ལ་བལྟས་པ་དེ་དག་དགའ་བར་འགྱུར་རོ། །མི་དགའ་བར་བྱེད་པའི་གཟུངས། རྫོགས་སྷོ།། །།
དཀོན་མཆོག་གསུམ་ལ་ཕྱག་འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མའི་སྤྱན་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་
ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །ཏདྱ་ཐཱ། ཨོཾ་ཏ་ར་ཏ་ར། ཏི་རི་ཏི་རི། ཏུ་རུ་ཏུ་རུ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། བྷ་ར་བྷ་ར། 
97-1-314a


བྷི་རི་བྷི་རི། བྷུ་རུ་བྷུ་རུ། བྷ་ཡ་བྷ་ཡ། ཀུ་རུ་ཀུ་རུ། སརྦ་ཀརྨཱ་ཨ་བར་ཎ་ཛ་ནི་མེ་ཤ་པྲ་བྷ་ཡ་སྭཱ་ཧཱ། ཛྭ་ལ་ནི་བི་དྷ་ནི་བི་སྭཱ་ཧཱ། ཀུ་རུ་པྃ་ཙ་ལི་སྭཱ་ཧཱ། སཱ་ག་ར་སྃ་བི་རོ་སྭཱ་ཧཱ། སརྦ་ཏ་ཐཱ་ག་ཏཱ་ཨ་དྷིཥྛི་ཏེ་སྭཱ་ཧཱ། གཟུངས་
འདིའི་ཆོ་ག་ནི་འདི་ཡིན་ཏེ། ནང་པར་ལང་ནས་ལན་བརྒྱ་རྩ་བརྒྱད་བཟླས་བརྗོད་བྱས་ན་ཞག་ཉི་ཤུ་རྩ་གཅིག་ལོན་པའི་ཚེ་ལས་ཀྱི་སྒྲིབ་པ་ཐཾད་ཟད་པར་འགྱུར་རོ། །སྤྱན་ལྔ་ཡང་རྣམ་པར་དག་པར་འགྱུརོ། །དེ་ལ་མིག་ནད་
འབྱུང་བར་མི་འགྱུརོ། །ལུས་ལ་ནད་འབྱུང་བར་མི་འགྱུརོ། །ཡིད་ཀྱི་ཉེས་པ་འབྱུང་བར་མི་འགྱུརོ། །སྤྱན་ལྔ་ཡང་རྣམ་པར་དག་པར་འགྱུརོ། །དེ་བཞིན་དུ་ཡིད་རྣམ་པར་དག་པ་ལྔ་ཡང་ཐོབ་པར་འགྱུརོ། །ཚེ་རབས་ཐཾད་དུ་སངྱས་
འབྱུང་བ་དང་ཕྲད་པར་འགྱུརོ། །བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་སངས་རྒྱས་མཐོང་བ་དང་། ཆོས་ཐོས་པ་དང་། དགེ་འདུན་ལ་བསྙེན་བཀུར་བྱེད་པ་དང་། སེཾས་ཅན་ཐཾད་ཡོངསུ་སྨིན་པར་བྱེད་པ་དང་འབྲལ་བར་
མི་འགྱུརོ། །ལུས་མཛེས་པར་འགྱུརོ། །སེམས་དང་བར་འགྱུརོ། །འཕགས་པ་པད་མའི་སྤྱན་ཞེས་བྱ་བའི་གཟུངས། རྫོགས་སྷོ།། །། ༄༅། ། བཅོམ་ལྡན་འདས་ངན་སོང་ཐཾད་ཡོངསུ་སེལ་བའི་
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཏདྱ་ཐཱ། ཨོཾ་ཤོ་དྷ་ནི། བི་ཤོ་དྷ་ནེ་མ་མ་སརྦ་པཱ་པྃ་བི་ཤོ་དྷ་ནེ། ཤུདྡྷེ་བི་ཤུདྡྷེ། སརྦ་ཀརྨ་ཨཱ་བ་ར་ཎ་བི་ཤུདྷེ་སྭཱ་ཧཱ། 
རིགས་ཀྱི་བུ་འམ་རིགས་ཀྱི་བུ་མོ་གང་གིས་གཟུངས་འདིའི་ཡི་གེ་འམ། ཚིག་གམ། མིང་ངམ། ཐཾད་ཆུབ་པར་འཛིན་ན་མི་དེ་བསྐལ་བ་འབུམ་ཕྲག་བཅུ་བཞིར་ཚེ་རབས་དྲན་པར་འགྱུརོ། །ལས་ཀྱི་སྒྲིབ་པ་
ཐཾད་ཀྱང་འབྱང་ལ་མྱུར་དུ་ཕྱིར་མི་ལྡོག་པ་ཉིད་ཀྱང་ཐོབ་པར་འགྱུར། བྱང་ཆུབ་ཀྱི་སྙིང་པོའི་བར་དུ་བསོད་ནམས་ཟད་པར་མི་འགྱུརོ། །ངན་སོང་ཐཾད་ཡོངསུ་སྦྱོང་བ་ཞེས་བྱ་བའི་གཟུངས་རྫོགས་སྷོ།། །།
97-1-314b


དཀོན་མཆོག་གསུམ་ལ་ཕྱག་འཚལོ། །ཨོཾ་མོ་ཁ་མུ་ཁི། ཏྭི་མུ་ཁི། ཏྲི་མུ་ཁི། མ་ཧཱ་སྲ་མུ་ཁི། ཏ་ཐཱ་ག་ཏཱ་མུ་ཁ་སྟྭི་ཧ་ན། ཙྪིནྡྷ་ཙྪིནྡྷ། བྷིནྡྷ་བྷིནྡྷ། སྭ་ཐཱ་ནཱྃ་གཙྪ་སླཱ་ཧེ་སྭཱ་ཧཱ། མད་སེ་དང་། པ་རྟ་ཀ་དང་། ག་གོན་
རིང་པོ་ལ་ལན་ཉི་ཤུ་རྩ་གཅིག་བཟླས་པ་བྱས་ཏེ་གཤེགས་ན་མཚེར་པའི་སྐྲན་ཞི་བར་འགྱུརོ། །ཐེ་ཚོམ་མེད་དོ། །སྐྲན་ཞི་བའི་གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལོ། །
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྲེག་གསོལ་འོད་ཀྱི་རྒྱལ་པོ་ལ་ཕྱག་འཚལོ། །ཏདྱ་ཐཱ། ཧུ་རེ་ཧུ་རེ། ཧུ་ཊ་ག་ཏ་ནི་སྭཱ་ཧཱ། ཆོ་ག་ནི་
ལག་པ་ལ་བཟླས་བརྗོད་བྱས་ནས་ལྟོ་མཉེས་ན་མ་ཞུ་བའི་ནད་འབྱང་བར་འགྱུརོ། །མ་ཞུ་བའི་ནད་འབྱང་བའི་གཟུངས།  རྫོགས་སྷོ།། །། དཀོན་མཆོག་གསུམ་ལ་ཕྱག་འཚལོ། །བཅོམ་ལྡན་འདས་
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་གཟིགས་ལ་ཕྱག་འཚལོ། །ཏདྱ་ཐཱ། དཱི་རི་དྷིཥྚ། ཏ་སྐར་བད་དྷོ་སི། མ་ཙ་ལ་མ་ཙ་ལ་སྭཱ་ཧཱ། ལན་བདུན་བརྗོད་
དེ། འཕགས་པ་འཇམ་དཔལ་ལ་གསོལ་བ་བཏབ་ན་མི་ཐཾད་བྱམས་པར་འགྱུར་རོ། །འཕགས་པ་སྡང་བ་ཐམས་ཅད་རབ་ཏུ་ཞི་བར་བྱེད་པའི་གཟུངས་རྫོགས་སྷོ།། །། དཀོན་མཆོག་གསུམ་ལ་ཕྱག་
འཚལ་ལོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཨོཾ་ཀུ་མཱ་ར་རུྰ་པ་དྷ་རི་ཎི་བི་ཤྭ་སྃ་བྷ་ཨཱ་ག་ཙྪ་ཨཱ་གཙྪ། ལ་གྷུ་ལ་གྷུ། བྷྲཱུྃ་བྷྲཱུྃ། 
ཧཱུྃ་ཧཱུྃ། ཛི་ན་ཛི་ཀ་མཉྫུ་ཤྲཱི་ཡེ། ཏ་ར་ཡ་མཱྃ། སརྦ་དུཿ ཁེ་བྷྱཿཕཊ་ཕཊ། ས་མ་ཡ་ས་མ་ཡ། ཨ་མྲི་ཏོད་བྷ་བོད་བྷ་བ། པཱ་པྃ་མེ་ནཱ་ཤཱ་ཡི་སྭཱ་ཧཱ། སྡིག་པ་ཐམས་ཅད་རབ་ཏུ་ཞི་བར་བྱེད་པ་ཞེས་བྱ་བའི་
97-1-315a


གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལོ། །ཨོཾ་བ་ཀ་བ་ཙེ། ཛྃ་བྷ་ནི། སྟྃ་བྷ་ནི། མོ་ཧ་ནི། སརྦ་རོ་ཤ་པྲ་ཤ་མ་ནི་སྭཱ་ཧཱ། ཤར་ཕྱོགསུ་བལྟས་ཏེ་འདུག་ལ། 
སྔགས་འདི་བརྗོད་ཅིང་རང་གི་ལག་པས་ལན་བདུན་གདོང་ལ་བྱུགས་ནས་ཚོགས་ཀྱི་ནང་དུ་སོང་ན་ཁྲོས་པ་དགའ་བར་འགྱུརོ། །ཁྲོ་བ་ཞི་བར་བྱེད་པའི་གཟུངས། རྫོགས་སྷོ།། །། འཕགས་པ་ཁྲོ་བ་ཞི་བར་བྱེད་
པའི་གཟུངས། དཔལ་ཆེན་མོ་ལ་ཕྱག་འཚལོ། །ཀ་ཏེ་བི་ཀ་ཏེ།  རོ་ཤ་པྲ་ཤ་མ་ནི་སྭཱ་ཧཱ། གང་ཁྲོས་པའི་མདུན་དུ་བརྗོད་ན། དེའི་ཁྲོས་པ་ཞི་ནས་ངེས་པར་འོང་ངོ་། །ཁྲོས་པ་ཞི་བའི་གཟུངས། རྫོགས་སྷོ།། །། 
དཀོན་མཆོག་གསུཾ་ལ་ཕྱག་འཚལ་ལོ། །ན་མོ་བྷ་ག་བ་ཏེ། ཨུཥྞཱི་ཥ་ཡ་དྷ་རེ། །རནྟེ་སྭཱ་ཧཱ། མ་བསྒྲུབས་ཀྱང་ལས་ཐམས་ཅད་འགྲུབ་པར་འགྱུར་ཏེ། གིའུ་ཝང་ལ་ལན་བརྒྱ་རྩ་བརྒྱད་བཟླས་ནས་དཔྲལ་བར་
ཐིག་ལེ་བྱས་ན་གང་བལྟས་པ་དེ་དགའ་བར་འགྱུར་རོ། །མིག་རྩི་ལ་ལན་བརྒྱ་རྩ་བརྒྱད་སྔགས་ཏེ་མིག་ལ་བསྐུས་ན་གང་དང་ཕྲད་པར་བྱ་བ་དེ་དགའ་བར་འགྱུརོ། །ཆུ་ཁྱོར་གང་ལ་ལན་བདུན་བཟླས་ཏེ་འཐུངས་ན་
མ་བསླངས་པར་ཟས་རྙེད་པར་འགྱུརོ། །ཚོགས་པའི་ནང་དུ་འགྲོ་ན་བདག་གི་གོས་ཀྱི་མཐའ་མ་ནས་ལག་པ་གཡོན་པས་བཟུང་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ནས་ཚོགས་པའི་ནང་དུ་སོང་ན་ཚིགས་
བཙན་པར་འགྱུར་རོ། །ཚིག་བཙན་པའི་གཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །ཏདྱ་ཐཱ། ཨོཾ་ཨ་ལེ་ཀཱ་ལི་ཨ་ལེ་ཀཱ་ལི་མུད་ཙི་ཏེ་སྭཱ་ཧཱ། ཁ་ཉི་མ་ལ་
བལྟས་ཏེ། ཆུ་ལ་སྔགས་འདི་ལན་བདུན་བཏབ་སྟེ། ཕྱོགས་བཅུར་གཏོར་ན་བདག་བསྲུང་བར་འགྱུརོ། །བདག་བསྲུང་བའི་གཟུངས། རྫོགས་སྷོ།། །། འཕགས་པ་ཡིད་དུ་འོང་བ་ཞེས་
97-1-315b


བྱ་བ། སངས་རྒྱས་བཅོམ་ལྡན་འདས་ཕྱག་འཚལ་ལོ། །ན་མོ་བྷ་ག་བ་ཏེ། །ཨུཥྞཱི་ཥ་ཡ། དྷཱ་རེ་ད་ར་ཎ་ཏི་ཡེ་སྭཱ་ཧཱ། མ་བསྒྲུབས་ཀྱང་བཀླག་པས་འགྲུབ་སྟེ། གིའུ་ཝང་ལ་བརྒྱ་རྩ་བརྒྱད་བཟླས་
ཏེ་དཔྲལ་བར་ཐིག་ལེ་བྱས་ན་ཀུན་གྱི་ཡིད་དུ་འོང་བར་འགྱུར་རོ། །ཏི་ཙ་ལ་སྔགས་ཏེ་མིག་ལ་བསྐུས་ན། གང་བལྟས་པ་མིག་སྤྲད་པ་འཐུན་ནོ། །ཆུ་ལ་སྔགས་ཏེ་མཐུང་ན་གཞན་རྣམས་ཟས་སྟེར་སྙིང་འདོད་
དོ། །ཡིད་དུ་འོང་བའི་བཟུངས། རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །ཨོཾ་བྷ་ག་བ་ཏི་ཤྲུ་ཏི་སྨྲི་ཏི། བ་ལ་བ་པ་ར་མ་སིདྷེ་སྭཱ་ཧཱ། ཆོ་ག་ནི་ཞག་བདུན་གྱི་བར་དུ་ནང་རེ་ཞིང་འཕགས་
པ་སྤྱན་རས་གཟིགས་དབང་ཕྱུག་གི་སྤྱན་སྔར་ཆུ་ཁྱོར་གང་ལ་ལན་བདུན་སྔགས་ཀྱིས་བཏབ་སྟེ་མཐུང་ན། ཉིན་གཅིག་ཀྱང་ཡི་གེ་ཤུ་ལོ་ཀ་སུམ་བརྒྱ་ལོབས་སོ། །ཟླ་བ་གཅིག་གི་བར་དུ་བྱས་ན་མི་འམ་ཅི་
དང་འདྲ་བར་མགྲིན་སྙན་པར་འགྱུར་ཏེ་ཐེ་ཚོམ་ཟ་བར་མི་བྱའོ། །མགྲིན་པ་སྙན་པའི་གཟུངས།  རྫོགས་སྷོ།། །། དཀོན་མཆོག་གསུམ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤྱེས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེས་གྲངས་དང་། རྒྱུ་སྐར་དང་། ཡུད་ཙམ་གྱི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ན་ཀྵ་ཏྲེ། སརྦ་ཏི་ཐཱི་མཱུར་ཏེ། སརྦ་ཏ་ཐཱ་མཱུར་ཏ། 
ན་ཤ་ཏྲ་ནི། མི་ས་མི་ཏ་དྷ་ནི། བྷ་བནྟུ་སྭཱ་ཧཱ། དེའི་ཆོ་ག་ནི་ཕྱོགས་གང་དུ་འགྲོ་འདོད་ཀྱང་རུང་སྟེ། དེས་ལན་བདུན་བརྗོད་ནས་སོང་ན་དོན་ཐམས་ཅད་འགྲུབ་པར་འགྱུརོ། །དོན་ཐཾད་འགྲུབ་པའི་གཟུངས། 
རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ན་མོ་ཧ་རི་དྷི་ཡེ་ཧ་རི་དྷི་ཀུ་མ་
97-1-316a


རི། གཽ་རི། གན་དྷཱ་རི། ཙནྜ་ལི། མ་ཏཾ་གི། ཀ་ལི་ཀི་ལི། ཆེ་གེ་མོ་ཞིག་གི་མོ་ཧེ་ཧི། ཁར་ཁར། པ་ཙ་པ་ཙ། ཨ་བ་དྷ་ཡ། མུ་ར་ཙཱ་ཡ། ཆེ་གེ་མོ་ཞིག་གི་མེ་ཤ་མ་ནཱ་ཡ་སྭཱ་ཧཱ། ཨོཾ་བུར་བུ་བཱ། ཛྭ་ལ་ཛྭ་ལ་ཛྭ་ལི་མ་ནཱ་ནི། དེ་བི་སརྦ་སཾ་ཀ་
ར་ཀ་རི་ཎི་ཛ། ཏ་ལེ་ཏ་ལེ། ཛྭ་ལ་ཛྭ་ལ། སྭཱ་ཧཱ། འདིའི་ཆོ་ག་ནི་བཀླགས་པ་ཙམ་གྱིས་མ་བསྒྲུབས་པར་ལས་ཐམས་ཅད་འགྲུབ་པར་འགྱུར་ཏེ། ཀླད་ནད་དང་། རིམས་ལྡང་དུ་བ་ཅན་དང་། རོ་ལངས་དང་། གདོན་རྣམས་ཕམ་པར་
འགྱུར་རོ། །དྲན་པ་རྩམ་གྱིས་དེ་དག་ཐམས་ཅད་ཀྱིས་བཏང་བར་འགྱུར་རོ། །བཀྲེས་ན་གྲོང་དུ་སོང་སྟེ་ལན་བདུན་བཟླས་བརྗོད་བྱས་ཏེ་གདོང་ལ་བྱུགས་ན་ཟས་རྙེད་པར་འགྱུར་རོ། །ལྕེ་ལ་བཟླས་བརྗོད་བྱས་ན་ཤགས་
འགྱེད་པའི་ཚེ་ལན་ཐེབས་པར་འགྱུར་རོ། །ལོ་མ་འམ། མེ་ཏོག་གམ། འབྲས་བུ་ལ་བསྔགས་ནས་སུ་ལ་བྱིན་པ་དེ་དགའ་བར་འགྱུར་རོ། །ལས་གྲུབ་པའི་གཟུངས། རྫོགས་སྷོ།། །། དུག་ཞི་བར་
བྱེད་པ་ཞེས་བྱ་བ། བདུད་བརྩི་སྨན་གྱི་ལྷ་མོ་ནོར་གྱི་རྒྱུན་ལ་ཕྱག་འཚལ་ལོ། །ཏདྱ་ཐཱ། ཨོཾ་སུ་རུ་སུ་རུ་ཀ །བ་ར་བ་ར་ཀེ། བི་རི་ཧི་རི། ཤུདྷེ་བི་ཤུདྷེ་སྭཱ་ཧཱ། སངས་རྒྱས་བཅོམ་ལྡན་འདས་ཀྱི་བདེན་
པ་དང་། གཟི་བརྗིད་ཀྱིས་ཀླུའི་དུག་དང་། སྦྲུལ་གྱི་དུག་དང་། སྦྱར་བའི་དུག་དང་། ཁ་རླངས་ཀྱི་དུག་དང་། རྩ་བའི་དུག་དང་། གཅན་ཟན་མཆེ་བའི་དུག་བཅོམ་མོ། །དུག་ངེས་པར་བཅོམ་མོ། །
ཞེས་བརྗོད་པར་བྱའོ། །དུག་ཐམས་ཅད་ཞི་བར་བྱེད་པའི་གཟུངས། རྫོགས་སྷོ།། །། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏ་རེ་ཏ་རེ་ཏ་རཱ་ཡ། བྷ་ག་བ་ཏེ། བནྡྷ་མོ་ཙ་ནི་སྭཱ་ཧཱ། 
འཕགས་པའི་སྔགས་དེ་བཟླས་བརྗོད་བྱས་ན་བཅིངས་པ་ལས་གྲོལ་བར་བྱེད་དོ། །བཅིང་པ་ལས་གྲོལ་བའི་གཟུངས། རྫོགས་སྷོ།། །། ༄། །འཕགས་པ་བདུད་ཐམས་ཅད་སྐྲག་པར་བྱེད་པ་ཞེས་བྱ་བ། 
97-1-316b


བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ལོ། །ཨོཾ་སརྦ་ཏ་ཐཱ་ག་ཏ་མ་ཎི་ཤ་ཏ་དཱིབྟི། ཛྭ་ལ་ཛྭ་ལ། དྷརྨ་དྷཱ་དུ་གརྦྷེ། མ་ཎི་མ་ཎི་མ་ཧཱ་མ་ཎི། ཧྲྀ་ད་ཡ་མ་ཎི་སྭཱ་ཧཱ། སྔགས་འདི་བརྗོད་པས་དཀར་པོའི་ཕྱོགས་
ཀྱི་ལྷ་རྣམས་དགའ་ཞིང་བསྲུང་ངོ་། །ནག་པོའི་བདུད་ཐམས་ཅད་དངང་ཞིང་བརྒྱལ་པོ། །དྲེགས་པ་མ་རུངས་པ་རྣམས་སྐྲག་པ་དང་བརྒྱལ་ལོ། །བདུད་སྐྲག་པར་བྱེད་པའི་གཟུངས། རྫོགས་སྷོ།། །།
རྨ་འབྱོར་བར་བྱེད་པ་ཞེས་བྱ་བའི་གཟུངས་སྔགས། འཕགས་པ་འཇམ་དཔལ་ལ་ཕྱག་འཚལ་ལོ། །ཨོཾ་ཨུབས་ཨུབས། སུམ་སུམ། སརྦ་ནན་རྦད་སྭཱ་ཧཱ། ཧཱུྃ་ཕཊ། ཤ་མ་ཤཱནྟི་
ཀུ་རུ་སྭཱ་ཧཱ། ལན་གསུམ་བརྗོད་དེ་རྨ་ལ་མཆིལ་མ་བྱུགས་ན་རྡོས་ཕོག་པ་དང་། མཚོན་བརྒྱབ་པ་དང་། རྩ་ཆད་པ་དང་། ཀླད་པ་ཆད་པ་རྣམས་སོས་པར་བྱེད་དོ། །རྨ་འབྱོར་བར་བྱེད་པའི་གཟུངས་
སྔགས། རྫོགས་སྷོ།། །། མེའི་ཟུག་རྔུ་རབ་ཏུ་ཞི་བར་བྱེད་པའི་གཟུངས། བསིལ་མཛད་ཆུ་ཡི་ལྷ་ལ་ཕྱག་འཚལ་ལོ། །ཨོཾ་བྷྲ་མ་ཎི་བྷྲ་མ་ཎི། ཛྷ་རི་བྷྲ་མ་ཎི་སྭཱ་ཧཱ། ཞེས་ལན་གཅུ་
གཅིག་བརྗོད་དེ་མཆི་མ་བྱུགས་ན་མེས་ཚིག་པའི་ཟུག་རྔུ་ཞིའོ། །མེའི་ཟུག་རྔུ་རབ་ཏུ་ཞི་བར་བྱེད་པའི་གཟུངས། རྫོགས་སྷོ།། །། མཁྲིས་པའི་ནད་སེལ་བའི་སྔགས། །དཀོན་མཆོག་གསུཾ་
ལ་ཕྱག་འཚལ་ལོ། །ན་མོ་ཧི་ཏུ་ཧེ་གེ་སྭཱ་ཧཱ། བསིལ་ཡབ་ཀྱིས་ལུས་ལ་གཡབས་ན་མཁྲིས་པའི་ནད་དང་། མིག་སེར་དང་། གཡའ་བའི་ནད་སེལ་བར་བྱེད་དོ། །འཁྲིས་པའི་ནད་
སེལ་བའི་གཟུངས། རྫོགས་སྷོ།། །། བད་ཀན་གྱི་ནད་སེལ་བའི་གཟུངས་སྔགས་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཤཱནྟི་ཤཱནྟི། བྷི་ཏི་ཤཱནྟི། སརྦ་བི་ཏི་མུལ་མྱགས་
97-1-317a


སྭཱ་ཧཱ། ཟས་མ་ཞུ་བ་དང་། སྤོས་པ་དང་། སྐྲན་ནད་དང་། ཆུ་དང་། ཁྲག་སྐྱུགས་པ་དང་། བད་ཀན་གྱི་ཟུག་གཟེར་རབ་ཏུ་སེལ་ལོ། །བད་ཀན་གྱི་ནད་སེལ་བའི་གཟུངས་
རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །ཀྵ་ཡའི་ནད་སེལ་བའི་སྔགས། ན་མོ་ཧེ་ཏུ་ཧེ་ཀེ་སྭཱ་ཧཱ། ལུས་ལ་ནད་བདུན་ནད་ཁོང་སྐེམས་ཀྱིས་བཏབ་ན་བསིལ་
ཡབ་ལ་ཆུས་གཏོར་ཏེ། ལན་དྲུག་བཅུ་རྩ་གཅིག་བསྔགས་ནས་དེའི་ལུས་ལ་གཡབས་ན་ནད་མེད་པར་འགྱུར་རོ། །ཀྵ་ཡའི་ནད་སེལ་བའི་གཟུངས། རྫོགས་སྷོ།། །། 　
འཕགས་པ་རིམས་དང་། སྲོག་ཆགས་ཀྱིས་མི་ཚུགས་བ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །ཨོཾ་ཛ་ཛ་རེ། །པརྣ་ཤ་བ་རི་སྭཱ་ཧཱ། ན་མཿ
སིང་ཧ་བྱ་གྷ། རཀྵུ་ཏ་རཀྵུ། ཁ་ཐིན་དྲཱ་མེ་ཁ་མེ་ཁ། ཙན་ཏེ་ཏེ་བ་ཏ་ཡེ་རོ་ག་ནི་དཱི་པ་ས་ཏ་ཡེ་སྭཱ་ཧཱ། དྲིལ་བུ་ལ་ལན་བདུན་བསྔགས་ཏེ། །གང་གིས་ས་ཕྱོགསུ་དཀྲོལ་བ་དང་། བྱ་དང་། 
གཅན་ཟན་དང་། སྲིན་བུ་དང་། བྱི་བ་དང་། རིམས་ནད་ཐམས་ཅད་བསྲུང་བར་འགྱུར་རོ། །རིམས་དང་སྲོག་ཆགས་ཀྱིས་མི་ཚུགས་པའི་གཟུངས། རྫོགས་སྷོ།། །། དཀོན་
མཆོག་གསུམ་ལ་ཕྱག་འཚལ་ལོ། །སྱཱད་ཡ་ཐེ་དན། ཁ་ཊེ་ཁ་ཊེ། ཁ་ཊ་བི་ཁ་ཊེ། ཙ་ལེ་བི་ཙ་ལེ། བི་ལ་མ་བི་བ་ལེ་བལ་བ་ཏེ། ཙན་དྲེ་ཙ་ར་ཎེ། ཨ་མྲྀ་ཏ་ནི་ར་གྷོ་ཤེ། རླུང་མཁྲིས་བད་
ཀན་འདུས་པ་ཞི་བར་གྱུར་ཅིག་སྭཱ་ཧཱ། ནད་པའི་སྨན་ལ་གདབ་བོ། །སྟོང་ཆེན་མོ་ནས་ཕྱུང་བ་སྨན་ལ་སྔགས་ཀྱི་གདབ་པ་རྫོགས་སྷོ།། །། དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་
97-1-317b


དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་ལྷ་བེེ་དུ་རྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །ཏདྱཱ་ཡ་ཐཱ། ཨོཾ་བྷ་ཥ་ཛྱེ་བྷ་ཥ་ཛྱེ། མ་ཧཱ་བྷེ་ཥ་ཛྱེ། བྷེ་ཥ་ཛྱེ་ས་མུ་
ག་ཏེ་སྭཱ་ཧཱ། སྨན་གཏོང་པའི་ཚེ་སྨན་ལ་སྔགས་ཀྱིས་གདབ་པ།། །།རྒྱ་གར་སྐད་དུ།  ཨ་གྲ་བིདྱཱ་མནྟྲ།  བོད་སྐད་དུ།  མཆོག་ཐོབ་པའི་རིག་སྔགས།  བཅོམ་ལྡན་འདས་ལྷ་མོ་དུང་ཅན་
མ་ལ་ཕྱག་འཚལ་ལོ། །བསྙན་པ་རྫོགས་པར་བྱེད་པ། གཟི་རྗིད་རྒྱས་པར་བྱེད་པ་ལོངས་སྤྱོད་འཕེལ་བར་བྱེད་པ་དབང་ཕྱུག་འཕེལ་བར་བྱེད་པ་འཁོར་འཕེལ་བར་བྱེད་པ་ཚེ་འཕེལ་བར་བྱེད་པ། དགྲ་ཞི་བར་བྱེད་པ། བགེགས་ཞི་བར་
བྱེད་པའོ། །དཀོན་མཆོག་གསུཾ་ལ་མཆོད་པ་ཕུལ་ལ། སེཾས་བྱཾས་པ་ལ་གནས་པས། ཅིག་ལ་ལན་རྒྱ་རྩ་རྒྱད་རྗོད་པར་བྱའོ། །འདི་ལྟ་སྟེ་ན་མཿ སརྦ་ཏ་ཐཱ་ག་ཏཱ་ནཱྃ། ཏདྱ་ཐཱ། ཨོཾ་ཤང་ཁི་ནི་དེ་བི་ཏ་ཨ་གཙྪ། ཏིཥྚ་དྷ་ནེ་དྷ་ན་ཛྭ་ཡེ། བྲཱི་བྲཱི་
བྲཱིད་དྡྷེ་ཀ་རི་དྷྲི་དྷྲི་དྷྲི་ཏེ་ཀ་རི་ནན། བི་བིདྱ་བེ་ཤ་བསྟ། ཨ་ཡུ་དྷ་ར་ནི་ཡུ་ཡུ།  ཨ་ཡུཥྦཱ་ལ་ནི་ཏ་ཐཱ་ག་ཏཱ་སྨ་ར་བོ་དྷི་ཙིཏ་ཏ། མི་ཏཱ་ལྃ་བོ་ད་ར། དེ་ཧི་མེ་པ་ར་ན་ཤང་ཁི་ནི་སྭཱ་ཧཱ། བདག་དགེ་བ་འདི་ཉིད་ཀྱི་སྤྲུལ་པའི་སྐུ་འདི་ཉིད་དུ་མཐོང་བར་གྱུར་ཅིག་སྟོང་པ་ཉིད་
ལ་བཟོད་པར་གྱུར་ཅིག །སྟོང་པ་ཉིད་ལ་བཟོད་པ་ཐོབ་པར་གྱུར་ཅིག །སྟོང་པ་ཉིད་ཀྱི་དོན་མཐོང་བར་གྱུར་ཅིག་སྟོང་པ་ཉིད་ཀྱི་དོན་བྱེད་པར་གྱུར་ཅིག་འདི་རྗོད་པས་བར་དུ་གཅོད་པ་ཐཾད་ཀྱང་རྣཾམ་པར་སལ་བར་འགྱུར། འཕགས་པ་མཆོག་ཐོབ་པ་རྫོགས་སོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་
རྒྱ་པའི་གཟུཾ་བཅྡོཾས་མ་ཡུཾ་ཤེ་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལོ། །ཏདྱཱ་ཐཱ། ཨོཾ་མུ་ནི་དྷརྨ་སཾ་གྲ་ཧ་དྷརྨེ་ཨ་ནུ་གྲ་ཧ་དྷརྨེ་བེ་མུགྟེ་དྷརྨེ་ས་ར་ཨ་ནུ་གྲ་ཧ་དྷརྨེ་ར་བརྟ་ན་དྷརྨེ་སརྦ་ཀ་ཏྱ་པ་རི་པྲ་མ་ན་དྷརྨེ་ས་མྟཾ་ཨྣུ་ས་མ་ཏཾ་ཨ་ནུ་པྼིབརྟ་ན་དྷརྨེ་ཨོཾ་པྲ་ཛྙེ་ཤྲུ་ཏི་སྨྲི་ཏི་མ་ཏི་བི་ཛ་ཡེ་སྭཱ་ཧཱ། དྷི་དྷཱ་ར་ཎཱི་སྭཱ་ཧཱ་ཨོཾ་པྲ་ཛྙ་
པ་རི་མ་ཏཱ་བ་ལྶ་སྭཱ་ཧཱ། འདི་བཟུཾ་བས་ཤྲེབ་ཀྱི་ཕ་རོལ་ཏུ་ཕྱིན་པ་སྟྲོཾག་རྒྱ་པ་བཟུཾ་བར་འགྱུཪ་རྟག་ཏུ་ཟླས་རྗོད་བྱས་ན་ཡིད་གཞུཾ་བར་འགྱུརོ་ལས་ཀྱི་སྒྲིབ་པ་ཐཾད་བྱཾ་བར་འགྱུརོ་ཤྲེབ་ཀྱི་ཕ་རོལ་ཏུ་ཕྱིན་པ་སྟོཾ་ཕྲག་རྒྱ་པའི་བཟུཾ་རྫོགས་སོ།། །། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ། །
97-1-318a


པའི་གཟུངས། བཅོམ་ལྡན་འདས་མ་ཡུམ་ཤེས་རབ་ཀྱི་ཕ་རོལ་ཏུ་ཕྱིར་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་པྲ་ཛྙཱ་པྲ་ཛྙཱེ། པྲ་ཛྙཱ་ཨ་བ་བྷཱ་སེ། པྲ་ཛྙཱ་བ་ལོ་ག་ཏི་སརྦ་དྷརྨ་ཨར་དྷ་ཀ་ར་བྷི་དྷ་མཱ་ནི། སིད་དྷེ་སུ་དྷེ། 
སིད་དྷྱན་ཏུ་མཾ་བྷ་ག་བ་ཏི། སརྦ་ཛྙཱ་ན་སན་དྷ་རི། བྷ་ག་བ་ཏི་བད་ཚེལ། པྲ་ས་ར་དྷེ་ཧ་སྟ་མ་མ་སུ་ཀ་ར། སིད་དྷི་སིད་དྷི། བུད་དྷ་བུད་དྷ། ཀཾ་པ་ཀཾ་པ། པཱ་ལ་པཱ་ལ། དྷ་ར་དྷ་ར། བ་ར་བ་ར། གརྫ་གརྫ། ཨ་གཙྪ་ཨ་གཙྪ་བ་ག་
བ་ཏི་མ་བྷི་ལམ་སྭཱ་ཧཱ། འདི་གཟུང་བས་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ་པ་གཟུང་བར་འགྱུར་རོ། །ལས་ཀྱི་སྒྲིབ་པ་ཐམས་ཅད་བྱང་བར་འགྱུརོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉིས་
ལྔ་པའི་བཟུངས་རྫོགས་སོ།། །། འཕགས་པ་ཤེས་རབ་ཀྱི་ཕ་རོལ་ཏུ་ཏུ་ཕྱིན་པ་བརྒྱད་སྟོང་པའི་གཟུངས། བཅོམ་ལྡན་འདས་མ་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་ཧྲྀ། ཤྲཱ་ཏི་སྨྲྀ་ཏི་བི་
ཛ་ཡེ་སྭཱ་ཧཱ། པྲ་ཛྙཱ་པ་ར་མི་ཏཱ་ཡེ། སརྦ་དུརྒ་ཏི་ཤོ་ཧཱ་ཡ། རཱ་ཛཱ་སྭཱ་ཧཱ། འདི་གཟུངས་བས་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ་གཟུང་བར་འགྱུར་རོ། །བལྟས་ངན་པ་སྣ་ཚོགས་ཀྱང་བཟློགས་གོ། ལས་ཀྱི་སྒྲིབ་པ་དང་། 
ངན་སོང་ཐམས་ཅད་རྣམ་པར་སྦྱོང་བར་འགྱུར་རོ། །འཕགས་པ་ཤེས་རབ་ཀྱིས་ཕ་རོལ་ཏུ་ཕྱིན་པ་བརྒྱད་སྟོང་པའི་གཟུངས་རྫོགས་སོ།། །། ཕ་རོལ་ཏུ་ཕྱིན་པ་དྲུག་གི་སྙིང་པོའི་གཟུངས། འཕགས་པ་ཡུམ་ཤེས་རབ་ཀྱི་ཕ་རོལ་ཏུ་
ཕྱིན་པ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལོ། །ཆོས་ལ་ཕྱག་འཚལོ། །དགེ་འདུན་ལ་ཕྱག་ཚུལོ། །ན་མོ་དྷརྨ་ཀཱ་ཡ། སཾ་བྷོ་ག་ཀཱ་ཡ། ནིར་མཱ་ཎ་ཀཱ་ཡ། ཏདྱ་ཐཱ། དཱ་ན་པཱ་ར་མི་ཏཱ། ཤཱི་ལ་པཱ་ར་མི་ཏཱ། ཀྵན་ཏི་པཱ་ར་མི་ཏཱ། བཱིརྱ་པཱ་ར་
མི་ཏཱ། དྷྱཱ་ན་པཱ་ར་མི་ཏཱ། པྲཛྙཱ་པཱ་ར་མི་ཏཱ། སརྦ་དྷརྨ་ཤཱུ་ནྱ་ཏཱ་སྭཱ་ཧཱ། འདི་བཟུང་བས་ཕ་རོལ་ཏུ་ཕྱིན་པ་དྲུག་བཟུང་བར་འགྱུར་རོ། །སྟོང་པ་ཉིད་ཡིད་ལ་བྱས་པར་འགྱུར་རོ། །རྟག་ཏུ་བཟླས་བརྗོད་བྱས་ན་ཆོས་ཐམས་
97-1-318b


ཅད་ཀྱི་མདོ་དང་རྒྱས་པ་ཤེས་པར་འགྱུར་རོ། །མཚམས་མེད་པ་ལྔ་བྱང་བར་འགྱུར་རོ། །བལྟས་ངན་པ་ཐམས་ཅད་ཀྱང་མི་སྡིག་གོ། ཕ་རོལ་ཏུ་ཕྱིན་པ་དྲུག་གི་སྙིང་པོའི་གཟུངས་རྫོགས་སོ།། །། དཀོན་མཆོག་གསུམ་
ལ་ཕྱག་འཚལ་ལོ། །སྦྱིན་པའི་སྙིང་པོ་འདི་ལན་ཅིག་ཐོས་པས་སྦྱིན་པ་ཐོབ་པར་འགྱུར་རོ། །ཨོཾ་ན་མ་སྟྲཻ་བྷ་ག་བ་ཏི་དཱ་ནཱ་དྷི་པ་ཏེ་སྭཱ་ཧཱ། ཚུལ་ཁྲིམ་ཀྱི་སྙིང་པོ་འདི་ལན་ཅིག་ཐོས་པས་ཚུལ་ཁྲིམ་ཐོབ་པར་འགྱུར་རོ། །
ན་མཿསརྦ་ཏ་ཐཱ་ག་ཏ་ནཱྃ། མ་ཧཱ་ཀ་ནཱ་ད་མ་ཀཱ་ནཱྃ། ན་མོ་བྷ་ག་ཏྱེ། ཤཱི་ལ་པ་རི་པུརྣ་ཤ་རི་ཡཻ་ཤཱ་ལ་མ་མེ། སྭཱ་དྷ་ཡ་སྭ་དྷ་ཡ། ཀིན་ཏིཥྚ་ས་བུད་དྷོ་བྷ་ག་བན་དྷརྨ་སྱ། ས་མ་ཛྙཱ་ན་པ་ཡ་ཏི་སྭཱ་ཧཱ། བཟོད་པའི་སྙིང་
པོ་འདི་ལན་ཅིག་ཐོས་པས་བཟོད་པ་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ཡ། ཨ་ཙིན་ཏ་གོ་ཙ་ཡ། ན་མོ་ཤྵཱ་ན་ཡཻ་བ་ཧུ་བྷྱིཿ། ཏ་ཐཱ་ག་ཏ་ན་བྷུ་ཏ་ཀྲོ་ཊི་བྷི་བ་རི་བ་ར་ཏི་ཏ་ཡཻ་རཀྵཾ་ཀུ་རུ་ཏུ་རུ་ཏུ་རུ་ས་མ་ཡ་མ་ནུ་སྨ་
ར་ཤཱཀྱ་མུ་ནི་སརྦ་ཏ་ཐཱ་ག་ཏ་མ་ཨ་པཱ་ར་མི་ཏཱ་ཛྙཱ་ན་གོ་ཙ་རོ་ཛྙཱ་ནཱ་པ་ཡ་ཏི་སྭཱ་ཧཱ། བརྩོན་འགྲུས་ཀྱི་སྙིང་པོ་འདི་ལན་ཅིག་ཐོས་པས་བརྩོན་འགྲུས་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏ་ནཱྃ། མ་ཙིན་ཏྱ་
བི་ཤ་ཡ་ནཱྃ། ན་མོ་སྟུ་ཏེ་བྷ་ག་བ་ཏེ་བཱིརྱ་པཱ་ར་མི་ཏཱ། བཱི་རྱན་ཀུ་རུ་བཱིརྱེ་བཱིརྱེ། མ་ཧཱ་བཱི་རྱ་ཏ་ཐཱ་ག་ཏ། སརྦ་ཛྙཱ་ན་པ་ཏ་ཡ་ཏི་སྭཱ་ཧཱ། བསམ་གཏན་གྱི་སྙིང་པོ་འདི་ལན་ཅིག་ཐོས་པས་བསམ་གཏན་
ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏ་ནཱྃ། ཨོཾ་བི་མ་ལེ། ན་ར་མ་ལེ། དྷྱཱ་ནི་དྷྱཱ་ནེ། དྷྱཱ་ན་པྲི་ཡེ་ཧཱུྃ་ཕཊ། ཤེས་རབ་ཀྱི་སྙིང་པོ་འདི་ལན་ཅིག་ཐོས་པས་ཤེས་རབ་ཐོབ་པར་འགྱུར་རོ། །
ན་མཿ ཏ་ཐཱ་ག་ཏ་ཡ། ཨ་པ་རི་མི་ཏཱ་ཛྙཱ་ན་གོ་ཙ་ར་ཡ། ན་མོ་བྷ་ག་བ་ཏེ། ཛྙཱ་ན་པཱ་ར་མི་ཏ་ཡཻ། ཛྙཱ་ནཱཾ་མི་ཀུ་རུ་ཀུ་བི་གཱ་ན་ཏ་སྱ། ས་མ་ཡ་མ་ནུ་སྨ་ར། ཧི་ཧི་ཧི་ཧི། ཛྙཱ་ཛྙཱ་ཛྙཱ་ཛྙཱ། ཧཱུྃ་ཧཱུྃ་ཕཊ། 
97-1-319a


ཕ་རོལ་ཏུ་ཕྱིན་པ་དྲུག་གཟུང་བར་འགྱུར་བའི་གཟུངས་རྫོག་སོ།། །། ཕ་རོལ་ཏུ་ཕྱིན་པ་བཅུའི་སྙིང་པོ་འདི་ལན་ཅིག་ཐོས་པས་ཕ་རོལ་ཏུ་ཕྱིན་པ་བཅུ་ཐོབ་པར་འགྱུར་རོ། །ན་མཿ སརྦ་ཏཱ་ནཱཾ་ཏ་ཐཱ་ག་ཏ་ནཱཾ། ད་ཤ་པཱ་ར་མི་
ཏཱ་པ་རི་པཱུ་རེ་ཀཱ་ནཱཾ་ཧཱི། ཕ་རོལ་ཏུ་ཕྱིན་བཅུ་ཐོབ་པར་འགྱུར་བའི་གཟུང་རྫོགས་སོ།། །། འདི་ལན་གཅིག་རྗོད་པས་བྱམས་པ་ཐོབ་པར་འགྱུརོ། །ན་མཿ སརྦ་ཏ་ཐཱ་ག་ཏ་ནཱཾ། ཙུ་རུ་ཙུ་རུ། མུ་རུ་མུ་རུ། ཀཱ་རུ་ཎི། ཀ་རུ་
ནྱ་ཙིད་ཏ་མུད་པཱ་པ་ཡ། བྷ་ག་བ་ཏི་སརྦ་བྷ་ཡཾ་མེ་ནཱ་ཤ་ཡ། སྭཱ་ཧཱ། འདི་ལན་ཅིག་བརྗོད་པས་སྙིང་རྗེ་ཐོབ་པར་འགྱུརོ། །ན་མ་སརྦ་ཏ་ཐཱ་ག་ཏ་ཐཱ་ག་ཏ་ནཱཾ། ན་མོ་བྷ་ག་བ་ཏི་སརྦ་ས་ཏྲ་པྲི་ཡེ་ཧཱུཾ་མུ་དི་ཏེ་སྭཱ་ཧཱ། འདི་
ལན་ཅིག་བརྗོད་པས་དགའ་བ་ཐོབ་པར་འགྱུར་རོ། །ན་མཿསརྦ་ཏ་ཐཱ་ག་ཏ་ནཱཾ། མ་ཙིན་ཏྱ་བེ་ཤ་ནཱི། ཨོཾ་ཏུ་རུ་ཏུ་རུ་ཏྲཾ། ཧུ་ལུ་ཧུ་ལུ་མུ་ལུ་མུ་ལུ་སྭཱ་ཧཱ། འདི་ལན་ཅིག་བརྗོད་པས་གཏང་སྙོམ་ཐོབ་པར་
འགྱུར་རོ། །ན་མ་སརྦ་ཏ་ཐཱ་ག་ཏཱ་ཧྲི་ད་ཡ། ཨ་ནུ་ག་ཏེ། ཨོཾ་ཀུ་རུཾ་གི་ནི་སྭཱ་ཧཱ། ཚད་མེད་པ་བཞི་ཐོབ་པར་འགྱུར་བའི་གཟུངས་རྫོགས་སོ།། །། བཅོམ་ལྡན་འདས་མ་འཕག་མ་ཤེས་རབ་ཀྱི་ཕ་རོལ་ཏུ་ཕྱིན་
ཕྱིན་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་མུ་ནི་དྷརྨེ། སཾ་གྲ་ཧ་དྷརྨེ། ཨ་ནུ་གྲ་ཧ་དྷརྨེ། བི་མུག་ཏི་དྷརྨེ། ས་དཱ་ཨ་ནུ་གྲ་ཧ་དྷརྨེ། བཻ་ཤྲ་བ་ཎ་པ་རི་བ་དྷརྨེ། སརྦ་ཀ་ཏྱ་པ་རི་པྲ་མ་ཎ་དྷརྨེ། ས་མ་ཧཱ་
པ་རི་བརྟ་ན་དྷརྨེ་སྭཱ་ཧཱ། ཨོཾ་པྲཛྙེ་ཤྲུ་ཏི་སྨྲྀ་ཏི་བི་ཛ་ཡེ། དྷི་དྷ་ར་ཎཱི་ཡེ་སྭཱ་ཧཱ། འདི་གཟུངས་བས་ཤེས་རབ་གྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ་བཟུང་བར་འགྱུརོ། །ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་
ཕྲག་བརྒྱ་པ་བཟུང་བར་འགྱུར་བའི་གཟུང་རྫོགསོ།། །། དཀོན་མཆོག་གསུམ་ལ་ཕྱག་འཚལོ། །ཨོཾ་ནྠཱཾ་ན་མཿསརྦ་བུད་དྷཱ་ནཱཾ། ཨོཾ་མཱཾ། བྷྲཱུཾ་མཱུཾ། ཏདྱ་ཐཱ། ཨོཾ་བྲཱུཾ། འདི་བཟུང་བས་འཕགས་པ་ཕལ་པོ་ཆེ་བཟུང་བར་འགྱུར་རོ། །
97-1-319b


འདྲི་བ་དང་། ཀློག་པ་ཡང་དེ་དང་འདྲའོ། །འཕགས་པ་ཕལ་པོ་ཆེ་གསུང་བར་འགྱུར་བའི་གཟུངས་རྫོགས་སོ།། །། དཀོན་མཆོག་གསུམ་ལ་ཕྱག་འཚལོ། །ན་མཿ །སརྦ་ནྟ་བུད་དྷཱ་ནཱྃ། 
ཨ་པྲ་ཏ་ཧི་ཏ་ཤཱ་ས་ནཱ་ནཱྃ། ཨོཾ་ཀི་ཎི་ཀི་ཎི་ཏ་ཐཱ་ག་ཏ་ཨུད་བྷ་བ་ཤན་ཏེ་བ་ར་དེ། ཨུད་ཏ་མ་ཨུད་ཏ་མ་ཏ་ཐཱ་ག་ཏ། ཨུད་བྷ་བ་ཧཱུྃ་ཕཊ་སྭཱ་ཧཱ། །འདི་གཟུང་བས་འཕགས་པ་སྡོང་པོ་བཀོད་པའི་
མདོ་ཐམས་ཅད་རྫོགས་པར་ཀླགས་ཤིང་ཁ་ཏོན་དུ་བྱས་པར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ཀྱི་དཀྱིལ་འཁོར་དང་། དམ་ཚིག་ཤེས་པར་འགྱུར་རོ། །ཕྱག་
བརྒྱ་རྣམས་ཀྱང་ཤེས་པར་འགྱུར་རོ། །འཕགས་པ་སྡོང་པོ་བཀོད་པའི་སྙིང་པོ་རྫོགས་སོ།། །། དཀོན་མཆོག་གསུམ་ལ་ཕྱག་འཚལ་ལོ། །ན་མཿ ས་མནྟ་བུད་དྷཱ་ནཱྃ། ཨ་པྲ་ཏི་ཧ་ཏ་ཤཱ་སཱ་ནཱ་ནཱྃ། 
ཨོཾ་དྷུ་ན་དྷུ་ན་ཧཱུྃ་ཧཱུྃ་ཕཊ་སྭཱ་ཧཱ། འདི་བཟུང་བས་འཕགས་པ་ཏིང་ངེ་འཛིན་གྱི་རྒྱལ་པོའི་མདོ་བཟུང་བར་འགྱུར་རོ། །འཕགས་པ་ཏིང་ངེ་འཛིན་གྱི་རྒྱལ་པོའི་མདོ་གཟུང་བར་འགྱུར་བའི་གཟུངས་རྫོགས་སོ།། །། 
དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ཀུན་ནས་ཐོགས་མེད་སྟོན་ལ་ཕྱག་འཚལ་ལོ། །ཨོཾ་པི་ཤུ་ནི་སྭཱ་ཧཱ། འདི་གཟུངས་ན་འཕགས་པ་རྨ་བྱ་ཆེན་མོའི་སྙིང་པོ་བཟུང་བར་འགྱུརོ།  །འཕགས་པ་རྨ་བྱ་ཆེན་མོའི་སྙིང་པོ་རྫོགསོ།།  །། དཀོན་
མཆོག་གསུམ་ལ་ཕྱག་འཚལ་ལོ། །ན་མཿས་མནྟ་བུད་དྷ་ནཱྃ། ཨ་པྲ་ཏི་ཧ་ཏ་ཤཱ་སཱ་ནཱ་ནཱྃ། ཨོཾ་མ་ཎྀ་དྷ་རི་བཛྲི་ཎྀ་མ་ཧཱ་པྲ་ཏི་ས་རེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། །འདི་བཟུང་བས་འཕགས་མ་རིག་པའི་
རྒྱལ་མོ་སོ་སོར་འབྲང་མ་ཆེན་མོ་གཟུང་བར་འགྱུར་རོ། །འཕགས་མ་སོ་སོར་འབྲང་མ་ཆེན་མོ་གཟུང་བར་འགྱུར་བའི་གཟུངས་རྫོགས་སོ།། །། འཕགས་པ་ལང་ཀར་གཤེགས་པ་ལ་ཕྱག་འཚལ་ལོ། །
97-1-320a


བློ་གྲོས་ཆེན་པོ་སྔགས་ཀྱི་ཚིག་འདི་དག་བཤད་པར་བྱའོ། །ཏདྱ་ཐཱ། ཨཱོྃ་པད་མེ་པད་མེད་དེ་བཻ་ཧ་ཧི་ནི། ཙུ་ལུ་ཙུ་ལུ། ཧུ་ལེ་ཧུ་ལེ་ཧུ་ལེ། ཡུ་ལེ་ཡུ་ལེ་ཡུ་ལེ། །པ་ལེ་པ་ལེ་པ་ལེ། མུཾ་ཙེ་ཚན་དེ། བྷིན་དྷེ་བྷན་ཛྭ། 
མན་དྷེ་པྲ་མ་དྷེ། དེ་ན་ཀ་རེ་སྭཱ་ཧཱ། བློ་གྲོས་ཆེན་པོ་རིགས་ཀྱི་བུའམ། རིག་ཀྱིས་བུ་མོ་གང་ལ་ལ་སྔགས་ཀྱི་ཚིག་འདི་དག་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་ན། ལྷ་འམ། 
ལྷ་མོ་འམ། ཀླུ་འམ། ཀླུ་མོ་འམ། གནོད་སྦྱིན་ནམ། གནོད་སྦྱིན་མོ་འམ། ལྷ་མ་ཡིན་ནམ། ལྷ་མ་ཡིན་མོ་འམ། ནམ་མཁའ་ལྡིང་ངམ། ནམ་མཁའ་ལྡིང་མོ་འམ། མི་འམ་ཅི་འམ། མིའམ་ཅི་མོ་འམ། 
ལྟོ་འཕྱེ་ཆེན་པོ་འམ། ལྟོ་འཕྱེ་ཆེན་མོ་འམ། དྲི་ཟ་འམ། དྲི་ཟ་མོ་འམ། འབྱུང་པོ་འམ། འབྱུང་མོ་དང་གྲུལ་བུམ་མམ། གྲུལ་བུམ་མོ་འམ། ཤ་ཟ་འམ། ཤ་ཟ་མོ་འམ། གནོན་པོ་འམ། གནོན་མོ་འམ། 
བརྗེད་བྱེད་དམ། བརྗེད་བྱེད་མོ་འམ། སྲིན་པོ་འམ། སྲིན་མོ་འམ། འཕྲ་མེན་ཕོ་འམ། འཕྲ་མེན་མོ་འམ། མདངས་འཕྲོག་པ་འམ། མདངས་འཕྲོག་མ་འམ། ལུས་སྲུལ་པོ་འམ། ལུས་སྲུལ་མོ་འམ། 
མིའམ་མི་མ་ཡིན་པ་དེ་དག་ཐམས་ཅད་ཀྱིས་གླགས་མི་རྙེད་དོ། །གསང་སྔགས་ཀྱི་ཚིག་འདི་དག་ཀློག་པར་བྱེད་པ་དེས་ལང་ཀར་གཤེགས་པའི་མདོ་ཐམས་ཅད་ཀླགས་པར་འགྱུར་རོ། །སྔགས་ཀྱི་ཚིག་དག་ནི་བཅོམ་
ལྡན་འདས་ཀྱིས་སྲིན་པོ་ལ་སོགས་པ་རྣམས་བཟློག་པའི་ཕྱིར་གསུངས་སོ། །འཕགས་པ་ལང་ཀར་གཤེགས་པའི་མདོ་ཐམས་ཅད་ཀླགས་པར་འགྱུར་བའི་གཟུང་སྔགས་རྫོགས་སྷོ།། །།