98-1-1a

༼བ༽ ༄༅། ༈ །གསང་སྔགས་རྒྱུད་འབུམ་གྱི་སྐོར་བཞུགས་སོ། །
(黃)  秘密經第十五部

98-1-1b

༄༅། །རྒྱ་གར་སྐད་དུ།   པཱུ་ཛ་མེ་གྷ་ནཱ་མ་དྷཱ་ར་ཎཱི།   བོད་སྐད་དུ།  མཆོད་པའི་སྤྲིན་ཞེས་བྱ་བའི་
གཟུངས། དཀོན་མཆོག་གསུམ་ལ་ཕྱག་འཚལ་ལོ། །ན་མོ་རཏ་ན་ཏྲ་ཡཱ་ཡ། ན་མོ་བྷ་ག་བ་ཏེ། བཛྲ་
སཱ་ར་པྲ་མ་རྡི་ནི། ཏ་ཐཱ་ག་ཏཱ་ཡ། ཨར་ཧ་ཏེ་སམྱཀྶྃ་བུད་དྷ་ཡ། ཏདྱ་ཐཱ། ༀ་བཛྲེ་བཛྲེ། མ་ཧཱ་བཛྲེ། 
མ་ཧཱ་ཏེ་ཛ་བཛྲེ། མ་ཧཱ་བིདྱ་བཛྲེ། མ་ཧཱ་བོ་དྷེ་ཙིཏྟ་བཛྲེ། མ་ཧཱ་བོ་དྷེ་མནྡོ་པ་སྃ་ཀྲ་མ་ན་བཛྲེ། སརྦ་ཀརྨྨ་ཨ་
བ་ར་ཎ་བི་ཤོ་དྷ་ན་བཛྲེ་སྭཱ་ཧཱ། གསུངས་སྔགས་འདིའི་ཆོ་ག་ནི་འདི་ཡིན་ཏེ། དྲན་པ་ཙམ་གྱི་མོད་ལ་ཕྱོགས་བཅུ་
དག་ན་བཞུགས་པའི་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མའི་རྡུལ་ཕྲ་རབ་སྙེད་ལ་མཆོད་པ་བྱས་པར་
འགྱུར་ཞིང་ཞབས་ལ་ཕྱག་བྱས་པར་འགྱུར་རོ། །མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་བ་
དང་། བྱུག་པ་དང་། ཕྱེ་མ་དང་། གདུགས་དང་། རྒྱལ་མཚན་དང་། བ་དན་ཐམས་ཅད་དང་། གདན་དང་། 

98-1-1c

གདིང་བ་དང་། ན་བཟའ་དང་། སྤྱན་གཟིགས་དང་། བཤོས་གཙང་བ་ལ་སོགས་པ་དང་། རྒྱན་དང་། ལྷབ་ལྷུབ་ཐམས་ཅད་ཀྱིས་མཆོད་པར་འགྱུར་རོ། །སྡིག་པ་ཐམས་ཅད་
དང་བྲལ་བར་འགྱུར་ཞིང་དགེ་བའི་རྩ་བ་ཐམས་ཅད་དང་ལྡན་པར་འགྱུར་རོ། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་མཐོང་བས་ཡང་དག་པར་དབུགས་འབྱིན་པར་འགྱུར་རོ། །ལྷ་དང་། 
ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ཐམས་ཅད་དང་། ལག་ན་རྡོ་རྗེ་ལ་སོགས་པ་གསང་བ་པའི་
བདག་པོ་དང་།  བཅས་པ་རྣམས་དང་། རྒྱལ་པོ་ཆེན་པོ་བཞི་པོ་རྣམས་ཕྱི་བཞིན་ཡང་དག་པར་འབྲང་ཞིང་སྲུང་བ་དང་། བསྐྱོབ་པ་དང་། སྦེད་པར་བྱེད་དོ། །འདི་
ནས་ཤི་འཕོས་ན་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ་ཡོན་ཏན་གྱི་ཁྱད་པར་འདི་དག་ནི་མ་བསྒྲུབས་པར་ལན་ཅིག་དྲན་པ་རྩམ་གྱི་ཐོབ་པར་འགྱུར་རོ། །མཆོད་པའི་སྤྲིན་
ཞེས་བྱ་བའི་གཟུངས། རྫོགས་སྷོ།། །། ཨོཾ་ན་མོ་བྷ་ག་བ་ཏེ་རདྣ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་སམྱཀྶྃ་བུདྡྷ་ཡ། ཏདྱ་ཐཱ། ཨོཾ་རཏྣ་རཏྣེ་མ་ཧཱ་རཏྣེ་
རཏྣ་བི་ཛ་ཡེ་སྭཱ་ཧཱ། །ཞེས་ལན་བརྒྱད་བརྗོད་པས་ཕྱག་བྱའོ། །ན་མཿ སརྦ་བུདྡྷ་བོ་དྷི་སཏྭ་ནཱྃ། སརྦ་ཏྲ་སྃ་ཀུ་སུ་མི་དཱ་བྷི་ཛྙཱ་རཱ་སི་ནི་ན་མོ་སྟུ་ཏེ་སྭཱ་ཧཱ། །ཞེས་ལན་བརྒྱད་བརྗོད་
པས་བསྟོད་པའོ།། །།ཨོཾ་སརྦ་ཏ་ཐཱ་ག་ཏཱ་པཱུ་ཛ་མེ་གྷ་པྲ་ས་ར་ས་མཱུ་ཧེ་སྥ་ར་ན་ཧེ་མྃ་ག་ག་ན་ཀྃ་ཧཱུྃ་ཞེས་པས་མཆོད་པ་བྱིན་གྱིས་བརླབ་པོ། །ན་མཿ སརྦ་བུདྡྷ་བོ་དྷི་སཏྭཱ་ནཱྃ། །སརྦ་ཐཱ། ཨུད་ག་ཏེ་

98-1-1d

སྥ་ར་ན་ཧི་མྃ་ག་ག་ན་ཀྃ་ས་མན་ཏཏ་སྭཱ་ཧཱ། །ཞེས་ལན་བརྒྱད་བརྗོད་པས་མཆོད་པའི་སྤྲིན་འབྱུང་ངོ་། །ན་མཿ སརྦ་བུདྡྷ་བོ་དྷི་ས་ཏེ་བྷྱཿ སརྦ་བི་ཏ་པཱུ་ར་པཱུ་ར། ཨ་བར་ཏཱ་ཨ་བྷ་ཡེ་སྭཱ་ཧཱ། 
ཞེས་བརྗོད་པས་དེ་བཞིན་གཤེགས་པ་རྣམས་ལ་མཆོད་པ་དང་ཉེ་གནས་དང་ཞབས་ལ་སྤྱི་བོས་ཕྱག་བྱས་པར་འགྱུར་རོ།།  །།རྒྱ་གར་སྐད་དུ། ཨཱརྱ་པ་རེ་མི་ཏ་གུན་ཨ་ནུ་ཤཱང་སཱ་ནཱ་མ་དྷ་ར་ནཱི། 
 བོད་སྐད་དུ།  འཕགས་པ་ཡོན་ཏན་བསྔགས་པ་དཔག་ཏུ་མེད་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །ན་མོ་རཏ་ན་ཏྲ་ཡཱ་ཡ། ན་མོ་
བྷ་ག་བ་ཏེ། ཨ་མྲི་ཏ་བྷ་ཡ། ཏ་ཐཱ་ག་ཏཱ་ཡ། ཨར་ཧཱ་ཏེ། སྃ་མྱཀ་སྃ་བུད་དྷ་ཡ། ཏདྱ་ཐཱ། ཨོཾ་ཨ་མྲི་ཏེ། ཨ་མྲི་ཏོཏ་བྷ་བེ། ཨ་མྲི་ཏ་སྃ་བྷ་བེ། ཨ་མྲི་ཏ་
བེ་ཀྲན་ཏེ། ཨ་མྲི་ཏ་ག་མི་ནི། ག་ག་ན་ཀ་རི་ཏེ་ཀ་རི། སརྦ་ཀླེ་ཤ་ཀྴ་ཡྃ་ཀ་རི་སྭཱ་ཧཱ། གཟུངས་འདིའི་ཆོ་ག་ནི་
འདི་ཡིན་ཏེ། ལན་ཅིག་བརྗོད་པས་བསྐལ་པ་འབུམ་དུ་བསགས་པའི་ལས་ཀྱི་སྒྲིབ་པ་འབྱུང་བར་འགྱུར་རོ། །ཉིན་རེ་
བཞིན་དུ་དུས་གསུམ་དུ་བཟླས་བརྗོད་བྱས་ན་སྡིག་པ་ཐམས་ཅད་འབྱུང་བར་འགྱུར་རོ། །སངས་རྒྱས་སྟོང་གིས་བསྐྱེད་

98-1-2a

པའི་དགེ་བའི་རྩ་བ་འཐོབ་པར་འགྱུར་རོ། །ལན་ཉི་ཤུ་རྩ་གཅིག་བཟླས་བརྗོད་བྱས་ན་ལྟུང་བ་བཞི་འབྱང་བར་འགྱུར་རོ། །ལན་འབུམ་བཟླས་བརྗོད་བྱས་ན་འཕགས་པ་བྱམས་པ་མཐོང་
བར་འགྱུར་རོ། །ལན་ཉིས་འབུམ་བཟླས་བརྗོད་བྱས་ན་འཕགས་པ་སྤྱན་རས་གཟིགས་དབང་ཕྱུག་མཐོང་བར་འགྱུར་རོ། །ལན་སུམ་འབུམ་བཟླས་བརྗོད་བྱས་ན་དེ་བཞིན་གཤེགས་པ་འོད་
དཔག་མེད་མཐོང་བར་འགྱུར་རོ། །ཕན་ཡོན་གཞན་ཡང་དཔག་ཏུ་མེད་པ་ཡོད་ན་ཡང་མདོར་བསྡུས་ཏེ་བསྟན་པ་ཡིན་ནོ། །འཕགས་པ་ཡོན་ཏན་བསྔགས་པ་དཔག་ཏུ་མེད་པ་ཞེས་བྱ་བའི་
གཟུངས་རྫོགས་སྷོ།།  །།༄༅། །རྒྱ་གར་སྐད་དུ།   །ཨཱརྱ་སརྦ་དྷརྨ་ཏི་ཀ་ནཱ་མ་དྷཱ་ར་ཎཱི། །  བོད་སྐད་དུ།  འཕགས་པ་ཆོས་ཐམས་ཅད་ཀྱི་ཡུམ་ཞེས་བྱ་བའི་གཟུངས། སངས་རྒྱས་
དང་བྱང་ཆུབ་སེམས་པ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དེ་ནས་བཅོམ་ལྡན་འདས་ཀྱིས། 
ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ཆོས་ཐམས་ཅད་ཀྱི་མ་ཞེས་བྱ་བའི་ཕྱག་རྒྱའི་གཟུངས། ནད་ཐམས་ཅད་རབ་ཏུ་ཞི་བར་བྱེད་པ་དེ་བཞིན་གཤེགས་པ་ཐམས་
ཅད་ཀྱིས་གསུངས་པ་ཏེ། ཏཏྱ་ཐཱ། ཨ་བརྟེ་ཨ་བརྟེ། བི་བརྟེ་བི་བརྟེ། བྷ་ག་མ་ཤུད་དྷེ། པྲ་བྷ་སྭ་རེ་ཏཱ་ན་རེ། ཨུ་ཀ་ཁ་མི། མུ་ག་ཁ་ལེ། སརྦ་
དྷརྨ་པ་ཤི་བ་ཏེ་ནི་སྭཱཧཱ།  དེ་ནས་གནས་གཙང་མའི་ལྷ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་གཟུངས་འདིའྀ་སྙིང་པོ་བརྗོད་པར་བགྱིའོ། །

98-1-2b

ཏདྱ་ཐཱ། ཨ་ཙྪེ། ཨ་ནེ་ཡེ། ཨེ་ལུ་ལེ། ཨེ་ལུ་ཕེ། མཱཪྡྷ་ཨ་ནུ་ག་ཏེ་སརྦ་དྷརྨ་ཨ་དྷེ་པ་ཏེ་ཡ། པྲ་པྲ་ཏེ་ཛྱོ་སྣ་ཀ་ར་ཨ་དྷེ་ག་ཏ་ཛྙཱ་ནེ་བི་ཤུད་དྷེ་པ་ཏེ་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་
པ་ཀུན་དགའ་བོ་དང་། ཐམས་ཅད་དང་ལྡན་པའི་འཁོར་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཆོས་ཐམས་ཅད་ཀྱི་ཡུམ་ཞེས་བྱ་བ་རྫོགས་སྷོ།།  །།
༄༅། །རྒྱ་གར་སྐད་དུ། ཨཱརྱ་བ་ལ་བ་ཏཱི་ནཱ་མ་པྲ་ཏྱང་གི་རཱ།   བོད་སྐད་དུ།  འཕགས་པ་ཕྱིར་ཟློག་པ་སྟོབས་ཅན་ཞེས་བྱ་བའོ།  །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་
སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ། སེམས་ཅན་ཐམས་ཅད་ལ་སྙིང་བརྩེ་བ་ཅན། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །འབྱུང་པོ་ཐམས་ཅད་འགོག་པ། 
རིམས་ནད་ཐམས་ཅད་བཟློགས་པ། དུས་མ་ཡིན་པར་འཆི་བ་ཐམས་ཅད་འགོག་པ། གཟའ་དང་། རྒྱུ་སྐར་གྱི་གདོན་དང་། འབྱུང་པོའི་གདོན་ཐམས་ཅད་རྣམ་པར་འཇོམ་པ། བདུད་ཀྱི་གནས་
ཐམས་ཅད་འཇོམས་པ། མི་མཛའ་བ་ཐམས་ཅད་སོ་སོར་རེངས་པར་བྱེད་པ། ཚེ་སྐྱོང་བ། སྲོག་སྐྱོང་བའི་ཕྱིར་ཟློག་པ་འདི་བརྗོད་པར་བྱའོ། །ཏདྱ་ཐཱ། ཨ་བ་ལོ་ཀྀ་ཏེ། ཨ་བ་ལོ་ཀྀ་ཏེ། 
སྃ་བྷ་བེ། དྷ་ར་དྷ་ར་དྷ་ར། བ་ར་བ་ར་བ་ར། ཀཱ་ལེ་ཀཱ་ལེ་ཀཱ་ལེ། མ་ཧཱ་ཀཱ་ལ། ཨ་བ་ལོ་ཀྀ་ཏ། པྲ་ས་དྷ་ནེ། དྷ་མེ་དྷ་མེ་དྷ་མེ། དྷ་མ་ནེ། ས་མ་ཧི་ཏེ། བདག་ལ་སྲུང་དུ་གསོལ། བསྲུང་དུ་གསོལ། འཇིགས་
ཤིང་སྐྲག་པ་ཐམས་ཅད་ལས་བསྲུང་བ་མཛད་དུ་གསོལ། ཡོངས་སུ་བསྐྱབ་དུ་གསོལ། ཡོངས་སུ་གཟུང་དུ་གསོལ། ཡོངས་སུ་བསྐྱང་དུ་གསོལ། ཞི་བ་དང་། བདེ་ལེགས་སུ་འགྱུར་བར་མཛད་དུ་

98-1-3a

གསོལ། །ཆད་པ་སྤོང་བར་མཛད་དུ་གསོལ། མཚོན་ཆ་སྤོང་བར་མཛད་དུ་གསོལ། མཚམས་གཅད་པར་མཛད་ཏུ་གསོལ། ས་བཅིང་བར་མཛད་ཏུ་གསོལ། ཀུ་རུ་ཀུ་རུ་པྃ། མཀྵི། བི་དྷི་བི་དྷི་
བི་དྷི། མཱརྒ་སྃ་པྲ་སྭ་ཏེ། ཨ་མྲྀ་ཏ་ཏེ་ཛ་བ་ཏི། གནོད་པ་ཐམས་ཅད་ལས་བདག་ལ་རྟག་པར་བསྲུང་དུ་གསོལ། བསྲུང་དུ་གསོལ། མུ་ལུ་མུ་ལུ་མུ་ལུ། ཁུ་ཁུ་མེ། གྷོ་རི་གྷོ་རི། བ་ལེ་བ་ལེ། ཏ་ར་ཏ་ར། 
མུ་ཡ་མུ་ཡ། མུན་ཙ་ནི། ཁ་ཁ་རེ། དྷུ་ཧཱུྃ་ཧཱུྃ་ནི། དྷུ་ཧཱུྃ་ནི། བདག་འཐབ་པ་དང་། ཐབ་མོ་དང་། རྩོད་པ་དང་། འགྱེད་པ་ཐམས་ཅད་ལས་བསྲུང་དུ་གསོལ། བསྲུང་ཏུ་གསོལ། ཛ་ཡྃ་ཀུ་རུ་ཀུ་རུ། 
ཕུ་རུ་ཕུ་རུ་སྭཱ་ཧཱ། ཨ་མ་ལེ་སྭཱ་ཧཱ། ཨ་མྲྀ་ཏེ་སྭཱ་ཧཱ། འཕགས་པ་ཕྱིར་ཟློག་པ་སྟོབས་ཅན་ཞེས་བྱ་བའི་གཟུངས་རྫོགས་སྷོ།། །། བོད་མདངས་ཕྱིར་མི་འཕྲོག་པ་ཞེས་བྱ་བ། །བཻ་དཱུརྱའི་འོད་ལ་ཕྱག་འཚལ་ལོ།  །
ཏདྱ་ཐཱ། ཨོཾ་མ་མ་རཀྵ། སཱ་ག་རེ་མ་ཧཱ་སཱ་ག་རེ། པུ་རུ་ཙེ་པུ་རུ་ཙུ་རུ། ས་མ་ནེ་མེ། དེ་བ་བེ་ཧུ་ལུ་ཧུ་ལུ་སྭཱ་ཧཱ། །གླ་རྩི་དང་། ཤུ་དག་དང་། བྷི་སུ་ནག་པོ་ལ་འདི་གུ་བྱས་ཏེ། ལྐོག་མར་ཐིག་ལེ་བྱས་སྔགས་
ལན་བདུན་བཟླས་ན། འབྱུང་པོ་རྣམས་ཀྱིས་དེའི་མདངས་འཕྲོག་པ་ལྟ་ཅི་སྨོས་ཀྱི། བལྟ་བར་ཡང་མི་ནུས་སོ། །རྫོགས་སྷོ།། །། བོད་འཕགས་པ་རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བྱ་བ།  
སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ལ་གླིང་བཞི་པའི་དབང་ཕྱུག་འབྱུང་པོའི་བདག་པོ་ཆེན་པོ་མཆེ་བ་གཙིགས་པ་སེར་སྐྱ་ཞེས་བྱ་བས་འདི་སྐད་
ཅེས་གསོལ་ཏོ། །བཅོམ་ལྡན་འདས་བདག་ནི་འབྱུང་པོ་ཐམས་ཅད་ཀྱི་བདག་པོ་ལགས་ཏེ། བདག་གིས་གླིང་བཞི་པའི་འཇིག་རྟེན་གྱི་ཁམས་ན་མཆིས་པའི་འབྱུང་པོ་ཐམས་ཅད་ལ་འཚེ་བར་བགྱིད། 

98-1-3b

རྡེག་པར་བགྱིད། འཆིང་བར་བགྱིད། འཇིག་རྟེན་གྱི་ཁམས་འདི་ནས་འཇིག་རྟེན་གྱི་ཁམས་གཞན་ཏུ་འཕེན་པར་བགྱིད། ཡན་ལག་དང་། ཉིང་ལག་རྣམས་རྣམ་པར་གཅོད་པར་བགྱིད་ལགས་སོ། །
བཅོམ་ལྡན་འདས་གང་གིས་ཚེ་བདག་བཀྲེས་པར་གྱུར་པ་ན་དབུགས་གཏོང་སྟེ། དབུགས་དེས་གླིང་བཞི་པའི་འཇིག་རྟེན་གྱི་ཁམས་ཀུན་ཏུ་འགེངས་པར་བགྱིད་ཅིང་། བཅོམ་ལྡན་འདས་བདག་མི་དང་མི་མ་
ལགས་པ་ཐམས་ཅད་ཀྱི་གཟི་བྱིན་འཕྲོག་པར་བགྱིད་ལགས་ཏེ། །དབུགས་ཆེན་པོས་སེམས་ཅན་རྣམས་ལ་རེག་མ་ཐག་ཏུ་བྲོ་ནད་སྣ་ཚོགས་དག་འབྱུང་ལགས་སོ། །བཅོམ་ལྡན་འདས་གང་ན་རིག་
སྔགས་ཀྱི་རྒྱལ་པོ་དབུགས་ཆེན་པོ་ཞེས་བགྱི་བ་འདི་སྤྱོད་པ་དེར་བདག་གིས་དབུགས་ཀྱི་མི་ཚུགས་པ་དང་། །འབྱུང་པོ་རྣམས་འཚེ་བར་མི་འགྱུར་བ་དང་། །རིག་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་གིས་
སངས་རྒྱས་དང་། ཆོས་དང་། དགེ་འདུན་རྣམས་ལ་ཕྱག་བགྱི་ནས། མགོ་འམ། མགུལ་ཏུ་བཏགས་ཏེ་འཆང་བ་དེར་རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་
དང་། འདུས་པ་ལས་གྱུར་པའི་བྲོ་ནད་རྣམས་འབྱུང་བར་མི་འགྱུར་བར་བདག་དེང་སླན་ཆད་དེ་བཞིན་གཤེགས་པའི་སྤྱན་སྔར་ཡིད་དམ་འཚལ་ལགས་སོ། །ཏདྱ་ཐཱ། ཌ་ར་ཌ་ར། ཌ་ཌ་ར། ཌ་ཌ་ར། ཐ་ར་ཐ་ར། 
ཐ་ཐ་ར། མ་ར་མ་ར། མ་མ་ར། མ་མ་ར། ཧུ་དྷུ་ཧུ། ཧ་ཧ་ཧ། ས་ར་ས་ར། ཙུ་ཙུ་ཙུ། བུ་བུ་བུ། ཀི་ལི་ཀི་ལི་ཀི་ལི། སརྦ་བྷཱུ་ཏ་ཨ་དྷི་པ་ཏེ། དྲ་དྲ་དྲ། བྲ་བྲ་བྲ། ཁུ་ཁུ་ཁུ། ཀྲ་ཀྲ་ཀྲ། ཡ་ས་ཡ་ས་ཡ་ས། 
པཱཎ་ཌ་རེ། པཱཎ་ཌ་རེ། ཧུ་ལུ་ཧུ་ལུ་ཧུ་ལུ། ཧུ་ཧུ་ཧུ། བདག་ལ་སྲུངས་ཤིག །སྲུངས་ཤིག །ཙི་ལི་ཙི་ལི་ཙི་ལི། མི་ལི་མི་ལི་མི་ལི། ཁྴོ་ཁྴོ་ཁྴོ། གཽ་རི་གཽ་རི་གཽ་རི། བདག་གི་ནད་ཐམས་ཅད་རབ་

98-1-4a

ཏུ་ཞི་བར་གྱུར་ཅིག་སྭཱ་ཧཱ། མ་ཧཱ་ཤྭཱ་ཡ་སྭཱ་ཧཱ། མ་ཧཱ་བྷཱུ་ཏ་ཨ་དྷེ་པ་ཏ་ཡེ་སྭཱ་ཧཱ། གཽ་རི་ཡེ་སྭཱ་ཧཱ། ཨ་གྲཱ་ཡ་སྭཱ་ཧཱ། བདག་བདེ་ལེགས་སུ་གྱུར་ཅིག །དད་ཥྚཱ་ཀ་རཱ་ལ་བིང་ག་ལཱ་ཛྙ་བ་ཡ་ཏེ་སྭཱ་ཧཱ། 
འཕགས་པ་རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བྱ་བ། རྫོགས་སྷོ།། །།རྒྱ་གར་གྱི་མཁན་པོ་པྲཛྙཱ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། །
༄༅། །རྒྱ་གར་སྐད་དུ། ཀྲོ་དྷ་བི་ཛ་ཡ་ཀལྤ་གུ་ཧྱ་ཏན་ཏྲ།  བོད་སྐད་དུ། ཁྲོ་བོ་རྣམ་པར་རྒྱལ་བའི་རྟོག་པ་གསང་བའི་རྒྱུད། བཅོམ་ལྡན་དས་འཇམ་པའི་དབྱངས་ལ་ཕྱག་འཚལ་ལོ། །དེ་ནས་འཇམ་
པའི་དབྱངས་ཀྱི་ནི། །ཁྲོ་བོ་འདི་མིང་གཤིན་རྗེ་གཤེད། །མཚོན་ཆ་མེ་ལྕེ་འབར་བས་འཁྲུགས། །དྲག་ལ་མཐུ་རྩལ་དྲག་ལྡན་པ། །དེ་མཐོང་ནས་ནི་ཁྲོ་བོ་གཞན། །ཐམས་ཅད་ཀྱི་ནི་ལག་ཆ་ཤོར། །དེ་
བཞིན་དུ་ནི་འཇིག་རྟེན་པའི། །ལྷ་རྣམས་ལུས་ཀྱིས་འཏུད་པར་བྱེད། །གཞན་ཡང་ཐལ་མོ་སྦྱར་བྱས་ཏེ། །སྐྲག་ནས་བསྟོད་པ་མང་པོ་བྱེད། །ལྷ་རྣམས་མང་པོ་ཇི་སྙིད་ཀུན། །འཇམ་དཔལ་ཁྲོ་བོའི་གཟི་
བརྗིད་ཀྱིས། །གཟིར་བཞིན་དུ་ནི་རབ་སྨྲས་པ། །བཅོམ་ལྡན་བདག་ཅག་སངས་རྒྱས་དང་། །ཆོས་དང་དགེ་འདུན་སྐྱབས་མཆིས་ཀྱིས། །རབ་ཏུ་མི་བཟད་འཇིགས་པའི་གཟུགས། །གཟི་བརྗིད་
འབར་བས་ཕྱོགས་ཁྱབ་པ། །ཁམས་གསུམ་འཁྲུགས་པར་མཛད་པ་མཐོང་། །གང་ཚེ་ལྷ་དང་ལྷ་མིན་རྣམས། །སྐྲག་ནས་སྐྱབས་སུ་དོང་བ་ན། །དེ་ཚེ་འཇམ་པའི་དབྱངས་ཀྱི་ནི། །ཁྲོ་བོ་སླར་
ཡང་ཞི་བར་གྱུར། །གཤེན་རྗེའི་གཤེད་ཅེས་བྱ་བ་ཡི། །ཁྲོ་བོ་ཆེན་པོ་ཞི་བ་ལ། །དེ་ནས་སྐྱབས་སུ་དོང་བ་ཡི། །ལྷ་རྣམས་ཀུན་གྱིས་ཞུས་པ་ནི། །ཁྱོད་ཀྱི་བརྩོན་འགྲུས་མཆོག་འཚལ་བས། །

98-1-4b

ཅི་ལྟ་བུར་ན་མཉེས་པར་བགྱི། །ཅི་ལྟར་ཡང་ནི་དང་བར་འགྱུར། །བདག་ཅག་ཐེ་རྩོམ་ཆེན་པོ་མཆིས། །ཁྲོ་བོས་ལྷ་རྣམས་ཚིག་གསན་ནས། །གཤེན་རྗེའི་གཤེད་ཀྱིས་བཀའ་སྩལ་པ། །ལྷ་རྣམས་
ཐམས་ཅད་ཁྱོད་ཉོན་ཅིག །ང་ནི་དུས་གསུམ་སྔོན་ཏུ་འབྱུང་། །སངས་རྒྱས་ཀུན་གྱི་སྔོན་ཏུ་བྱུང་། །ང་ནི་དུས་གསུམ་ཕྱིས་ཀྱང་འབྱུང་། །ང་ནི་དུས་གསུམ་ད་ལྟར་འབྱུང་། །ང་ནི་ལྔ་བརྒྱ་ཐ་མའི་ཚེ། །
ང་ཡི་བསྟན་པ་འབྱུང་བར་བྱེད། །བསྟན་པ་ཐམས་ཅད་ནུབ་པའི་ཚེ། །ང་ཡི་བསྟན་པ་འབྱུང་བར་བྱེད། །ལས་ངན་མཚམས་མེད་བྱེད་པའི་ཚེ། །དེ་ཚེ་ངའི་བསྟན་པ་འབྱུང་། །ཟས་ངན་ལྕི་བ་ཟ་བའི་
ཚེ། །དེ་ཚེ་ངའི་བསྟན་པ་འབྱུང་། །གོས་ངན་དུག་ཧྲུལ་གྱོན་པའི་ཚེ། །དེ་ཚེ་ང་ཡི་བསྟན་པ་འབྱུང་། །ང་ནི་དུས་གསུམ་འབྱུང་བའི་སྐུ། །བསྟན་པ་ཐམས་ཅད་ནུབ་པའི་ཚེ། །དེ་ཚེ་ང་ཡི་བསྟན་པ་
འབྱུང་། །ཇི་ལྟ་བུར་ནི་ཞིར་འགྱུར་ཡང་། །ང་ནི་ཐམས་ཅད་ཞི་བའི་སྐུ། །ཇི་ལྟ་བུར་ནི་ཁྲོས་གྱུར་ཡང་། །ཐམས་ཅད་ཁྲོས་པ་ང་ཡི་སྐུ། །གཟི་རྗིད་ཆེན་པོ་ཁྱེད་རྣམས་ཀུན། །གང་ཚེ་གསུམ་ལ་སྐྱབ་
སོང་བ། །དེ་ཚེ་ང་ཡི་མི་བཟད་པ། །ཁྲོ་བོ་ཡིད་ལ་གནས་པར་གྱིས། །དཀོན་མཆོག་གསུམ་ནི་གནས་པ་དང་། །ང་ཡི་བཀའ་ཡང་བསྐྱང་བ་དང་། །སེམས་ཅན་ཀུན་ལ་བསྙིང་བརྩེའི་ཕྱིར། །ང་ཡི་
ཡིད་ནི་ཞི་འགྱུར་གྱིས། །ཁྱེད་རྣམས་སྐྱབས་སུ་དོང་བ་ཡི། །བྱང་ཆུབ་སེམས་དང་ལྡན་པ་ཡིས། །ཐམས་ཅད་དོན་ནི་བསྒྲུབས་པའི་མཆོག །ཡི་གེ་འབྲུ་ནི་བཅུ་བདུན་པོ། །ང་ཡི་སྙིང་པོ་ཡིད་ལ་བྱུང་། །
ལྷ་རྣམས་ཀུན་གྱིས་གཟུང་བར་གྱིས། །གཤེན་རྗེ་གཤེད་པོ་བདག་ཉིད་ཀྱི། །སྙིང་པོ་རབ་ཏུ་གསུངས་པ་ན། །དེ་ནས་ས་ནི་གཡོས་པར་འགྱུར། །རྒྱ་མཚོ་ཡང་ནི་རབ་ཏུ་འཁྲུགས། །གནོད་སྦྱིན་

98-1-5a

དང་ནི་སྲིན་པོ་དང་། །ཤ་ཟ་ལ་སོགས་ཕུང་བར་གྱུར། །ལྷ་རྣམས་ཀུན་ནི་ཕྱག་འཚལ་ཞིང་། །ཡན་ལག་ཀུན་ནས་སྤུ་ལངས་ནས། །གཤེན་རྗེ་གཤེད་པོ་ཁྲོ་བོ་ཡི། །ཁྲོ་བོ་སྙིང་པོ་དེ་བཟུང་
ངོ་། །དེ་ནས་དམ་ཆོས་བསྲུངས་བའི་ཕྱིར། །ཁྲོ་བོ་རྣམ་པར་རྒྱལ་བ་ཡི། །རྟོག་པ་འདི་ནི་དེ་དག་ལ། །གཤེན་རྗེ་གཤེད་ཀྱིས་རྒྱས་པར་གསུངས། །དེ་ནས་ཁྲོ་བོ་རྣམ་རྒྱལ་གྱི། །རྟོག་པ་ཁྲོ་བོ་ཉིད་ཀྱིས་
གསུངས། །སྙིང་རྗེ་བྱང་ཆུབ་སེམས་ལྡན་པའི། །ལྷ་རྣམས་ཀྱིས་ཐོས་དགའ་གྱུར་ནས། །དཀོན་མཆོག་གསུམ་ནི་བསྲུངས་བའི་ཕྱིར། །སོ་སོ་ཡི་ནི་རྟོག་པ་བཤད། །དེ་དག་གིས་ནི་རྩ་བའི་
རྒྱུད། །ཁྲོ་བོ་ཉིད་ཀྱིས་རབ་གསུངས་པ། །ཁྲོ་བོ་རྣམ་རྒྱལ་ཞེས་བྱ་འདི། །འཇིག་རྟེན་འདས་དང་འཇིག་རྟེན་པས། །སྔོན་ནས་ཕྱག་བྱས་ཁྲོ་བོ་ཡི། །ཞལ་ནས་ཇི་བཞིན་ཐོས་ནས་ཀྱང་། །
ཁྲོ་བོ་ཉིད་ཀྱིས་གསུངས་པ་ཡི། །རྒྱུད་འདི་བྱང་ཆུབ་སེམས་རྣམས་ཀྱིས། །སྙིང་རྗེ་དེ་བཞིན་རྒྱས་པ་དང་། །རྣམ་པ་མང་པོར་བྱིན་གྱིས་བརླབས། །འཇམ་དཔལ་གྱི་རྩ་བའི་རྟོག་པ་ཁྲོ་བོ་རྣམ་
པར་རྒྱལ་བ་ལས་རྒྱུད་འབྱུང་བ་ཞེས་བྱ་བའི་སྐབས་ཏེ་དང་པོའོ།། །། དེ་ནས་ཁྲོ་བོ་རྣམ་པར་རྒྱལ། །འཇམ་དཔལ་ཁྲོ་བོས་བཤད་པ་ཡི། །རྟག་པ་རྨད་དུ་བྱུང་བའི་མཆོག །མདོར་ནི་རབ་ཏུ་བཤད་པར་བྱ། །
དེ་ལ་འདིའི་དཀྱིལ་འཁོར་ནི། །དངོས་གྲུབ་ཐམས་ཅད་སྦྱིན་མཛད་པའི། །འཇིག་རྟེན་གསུམ་པོ་འཁྲུག་པར་མཛད། །ཡི་དག་མང་པོ་ཞེས་བྱའོ། །ཐམས་ཅད་དུ་ནི་དཀྱིལ་འཁོར་འདི། །གནས་ནི་
གང་དུ་འགྲུབ་པར་འགྱུར། །སྔགས་པས་ཐོག་མ་ཉིད་དུ་ནི། །དེ་ཡི་གནས་ནི་བརྟག་པར་བྱ། །ཤིང་གཅིག་པ་འམ་དུར་ཁྲོད་དང་། །ཁྱིམ་སྟོང་དང་ནི་བཞི་མདོ་དང་། །མཆོད་རྟེན་དང་ནི་མུ་

98-1-5b

གཉིས་དང་། །ཐེབས་པོ་གཏོང་པ་ལམ་སྲང་རྙིང་། །བསྐྱེད་མོས་ཚལ་དང་རི་ཡི་རྩེ། །ཆུ་ཡི་འགྲམ་དང་ནག་འཚལ་དང་། །ཡང་ན་མཚོ་ཡི་འགྲམ་དང་ནི། །ལྷ་ཆེན་གྱི་ནི་གནས་ཀྱང་རུང་། །བ་ལང་
ལྷས་སམ་གཡུལ་གྱི་ས། །ཁྱད་པར་དུ་ནི་ཡུལ་གཙང་བར། །གང་དུ་ཡིད་ནི་དགའ་བར་ཡང་། །དེས་ནི་དཀྱིལ་འཁོར་རབ་ཏུ་བྱ། །དེ་ནས་རིག་འཛིན་ནན་ཏན་གྱིས། །ས་ནི་ཡང་དག་སྦྱང་བྱ་
སྟེ། །བ་ཚ་མེད་ཅིང་མ་གས་པ། །མཉམ་ཞིང་ཟུག་རྔུ་མེད་པ་ལ། །ཤར་དང་བྱང་ནི་མཐོ་བ་དང་། །ཁ་དོག་སྣུམ་པ་ལྷག་པར་བཟང་། །བ་ལས་བྱུང་བ་རྣམ་ལྔ་དང་། །ལྡན་པ་ཡི་ནི་ལྕི་
བས་བྱུག །ཅི་རིག་པར་ནི་བྱུག་ནས་ཀྱང་། །སློབ་དཔོན་གྱིས་ནི་ཁྲུས་བྱས་ནས། །སྨྱུང་བ་བྱས་ཏེ་མཉམ་བཞག་ནས། །ཁྲོ་བོའི་བསྲུང་བས་བྱིན་གྱིས་བརླབ། །ཡི་དགས་ཕལ་ཆེན་ཞེས་
བྱ་བའི། །དཀྱིལ་འཁོར་གསུང་མཆོག་ནུབ་མོ་བྲི། །ཟར་མའི་རས་སམ་རས་བལ་ལས། །ཐིག་སྐུད་གསུམ་སྒྲིལ་མཛེས་པ་ཡིས། །གྲྭ་བཞི་དང་ནི་སྒོ་བཞི་པར། །མཁས་པས་དཀྱིལ་
འཁོར་ཐིག་བཏབ་སྟེ། །ཐོག་མར་ཤར་དང་བྱང་ནས་ནི། །ལྷོ་དང་ནུབ་ཀྱི་བར་དུའོ། །ཐིག་སྐུད་དེ་ནི་ཕྱོགས་མཚམས་ནས། །དེ་ནས་ཀྱང་ནི་དྲང་བར་བྱ། །ཤར་དང་ལྷོ་ཡི་མཚམས་དང་ནི། །
ནུབ་དང་བྱང་གི་མཚམས་དག་ཏུ། །ཐིག་གིས་རབ་ཏུ་ཚད་བྱས་སྟེ། །གྲུ་བཞི་པོར་ནི་ཐིག་གདབ་བོ། །རིམ་པ་གཅིག་པ་མཛེས་པ་ལ། །སྒོ་བཞི་དག་གིས་མཛེས་པར་བྱ། །ལྷོ་ཕྱོགས་
ཀྱིས་ནི་སྒོ་ཕྱེ་ལ། །ལྷག་མ་རྣམས་ནི་གཅད་པར་བྱ། །དཀྱིལ་འཁོར་དང་ནི་འཚམ་པ་ཡི། །དབུས་སུ་པད་མ་བྲི་བར་བྱ། །པད་མ་དང་ནི་ཕྱོགས་བཞི་སྒོ། །ཐེ་ཚོམ་མེད་པར་མཉམ་པར་

98-1-6a

བྱ། །མཛེས་བྱེད་སྒོ་ཡི་ཕྱེད་དུ་བྱ། །འགྲམ་པ་འདབ་མའི་ཚད་དང་མཉམ། །ཉེ་བ་ཡི་ནི་མཛེས་བྱེད་ཀྱང་། །མཛེས་བྱེད་དང་ནི་འདྲ་བར་བྱ། །ཆོ་ག་བཞིན་དུ་དཀྱིལ་འཁོར་
ཏེ། །ཀུན་ཏུ་ཐིག་ནི་བཏབ་ནས་ཀྱང་། །ཕྱི་ནས་ཚུལ་བཞིན་རིག་འཛིན་གྱིས། །དུར་ཁྲོད་ཐལ་བས་བྲི་བ་ནི། །རྟག་ཏུ་ཤར་བྱང་ལ་སོགས་པའི། །གྲྭ་ཡི་ནང་ནི་དེ་དག་ཏུ། །མཁས་པས་བེ་
ཅོན་ཕྱག་རྒྱ་བྲི། །ཕྱོགས་ཀྱི་སྒོར་ནི་ཡི་དགས་བཞག །གཞན་ཡང་ཡི་དགས་ལྔ་པ་ནི། །པད་མའི་སྟེང་དུ་བསམ་པར་བྱ། །དེ་བཞིན་ཕྱི་སྒོའི་ནང་དག་དང་། །ཕྱོགས་རྣམས་དེ་དག་ཐམས་ཅད་
དུ། །མི་རོ་མགོ་མེད་ཡི་དགས་རྣམས། །དུར་ཁྲོད་ཐལ་བས་མངར་ཏེ་བྲི། །དེ་ཕྱིར་ཡི་དགས་ཕལ་ཆེན་ཡིན། །ཁྲུ་གང་ལ་སོགས་རིམ་པ་ནས། །ཁྲུ་བརྒྱད་པ་ཡི་བར་དུ་སྟེ། །དེ་ལས་ལྷག་པར་
ཡོང་མི་བྲི། །རྟག་ཏུ་བདག་ཉིད་མཆོད་པ་ནི། །ཁྲུ་གང་པ་ནི་བྲི་བར་བྱ། །ཞི་བ་དང་ནི་རྒྱས་པ་དང་། །མི་རྒྱལ་སྒྲུབ་པ་ཁྲུ་དོར་བསྟམ། །སེམས་ཅན་ཀུན་ནི་བསྐྲད་པ་དང་། །དེ་བཞིན་གཞིག་ལ་ཁྲུ་
གསུམ་པ། །ཁྲུ་བཞི་དབང་དང་དགུག་པ་ཡི། །ལས་རྣམས་ཀྱི་ནི་མཆོག་ཏུ་གསུངས། །ཁྲུ་ལྔ་ནད་དང་མི་ནད་དང་། །དགྲ་རྣམས་མེད་པར་བརྩལ་བའི་མཆོག །ཁྲུ་དྲུག་བགེགས་རྣམས་ཐམས་
ཅད་དང་། །གདོན་རྣམས་ངེས་པར་ཟློག་པར་བྱེད། །ཁྲུ་བདུན་པ་ནི་ལྷ་ཡི་རྣམས། །དབང་དང་འགུག་པའི་ལས་རྣམས་བྱེད། །ཁྲུ་བརྒྱད་པ་ནི་དངོས་གྲུབ་ཀུན། །སྦྱིན་བྱེད་མཆོག་ཏུ་ཤེས་པར་
བྱ། །དེ་ལྟར་ཅི་རིགས་བྲིས་ནས་ནི། །དེ་ནས་བཙང་མས་ཉེ་རེག་བྱ། །ཆུ་ཡི་ཕྱིར་ནི་ཆུ་ཡི་སྣོད། །ཆུ་ནི་རབ་ཏུ་དགང་བར་བྱ། །དེ་བཞིན་མེ་ཏོག་དོན་དུ་ཡང་། །མེ་ཏོག་སྡུག་གུ་དྲི་ཞིམ་དང་། །

98-1-6b

མེ་ཏོག་ཕྲེང་བས་སྣོད་མཆོག་གཞན། །ལེགས་པར་དགང་ཞིང་མཛེས་པར་བྱ། །དྲིའི་དོན་དུ་བྱ་བ་ནི། །ཙན་དན་དཀར་པོ་དམར་པོ་བླང་། །ཨ་ག་རུ་དང་སྦྱར་བའི། །གུ་གུལ་བདུག་པ་དེ་བཞིན་
ནོ། །མར་མེ་མར་གྱིས་མར་མེ་དང་། །མཁས་པས་སྙིང་པོ་འཇམ་པའོ། །དྲག་པོ་ཡི་ནི་ལས་དག་ལས། །མི་ཡི་ཚིལ་གྱིས་བྱ་བར་བཤད། །གཏོར་མ་ཉ་དང་ཤ་ལ་སོགས། །སྦྱར་
ཐུག་ལས་སོགས་ལྷག་པར་དབུལ། །དེ་ལྟར་དེར་ནི་ཚོགས་བསགས་ནས། །དེ་ནས་རིག་སྔགས་འཆང་བ་ཡིས། །སངས་རྒྱས་ཀུན་ལ་ཕྱག་བྱས་ཏེ། །བྱང་ཆུབ་སེམས་ལ་དམིགས་ནས་
ནི། །མི་རོ་ཡི་ནི་ལས་རྣམས་དག །གལ་ཏེ་འདྲི་བར་མི་ནུས་ན། །ཡི་དགས་ཕལ་ཆེན་དབུས་དག་ཏུ། །པད་མ་སྔར་བྲིས་གང་ཡིན་པ། །དེ་ཡི་སྟེང་དུ་ཡི་དགས་ནི། །མཁས་པས་ཡིད་ཀྱིས་བསཾ་
པར་བྱ། །ཡི་དགས་ཀྱི་ནི་སྔགས་མཆོག་གིས། །བསམ་པ་དག་ནི་བྱས་ནས་ཀྱང་། །གྲྭ་ཡི་བེ་ཅོན་བཞི་པོ་ཡང་། །སྔགས་ཉིད་ཀྱི་ནི་བསམ་པར་བྱ། །གལ་ཏེ་འདྲི་བར་ནུས་ན་ནི། །སྔགས་ཉིད་
སྟེང་དུ་བཞག་པར་བྱ། །སྒོ་ཡི་ཡི་དགས་བཞི་པོ་ཡང་། །གལ་ཏེ་བྲི་བར་མ་ནུས་ན། །དེ་བཞིན་ཡི་དགས་འཛིན་སྔགས་ཀྱིས། །བྱིན་གྱིས་རློབ་པར་གསུངས་པ་སྟེ། །དེ་ཡི་ནང་དུ་རང་སྔགས་ཀྱི། །
བྱིན་གྱིས་རློབ་པར་བྱ་བའི་ཕྱིར། །རྐང་ལག་མགོ་བོ་དཔུང་པ་དང་། །དེ་བཞིན་བཞན་ཡང་དཔུང་པ་དང་། །གཞན་ཡང་དེ་བཞིན་ལག་པའི་ཕྲེང་། །ཐོད་པ་ཀེང་རུས་མི་ལྤགས་རློན། །རོ་ཡི་འཕྲེང་བ་
བསམ་པར་བྱ། །དེ་ཡི་ནང་དུ་རང་སྔགས་ཀྱིས། །བྱིན་གྱིས་རློབ་དུ་གཞུག་པར་བྱ། །དེ་ལྟར་ཆོ་ག་བཞིན་བསམས་ནས། །མཇུག་ཏུ་ཁྲོ་བོ་གཤེན་རྗེ་གཤེད། །སྔགས་བརྗོད་པས་ནི་སྤྱན་དྲངས་ནས། །

98-1-7a

རང་གི་སྙིང་པོས་བཞུགས་སུ་གསོལ། །ཁྲོ་བོ་འཁྲུགས་པ་འཇིགས་མཛད་པ། །སྐུ་ནི་མེ་ལྕེ་འབར་བ་འདྲ། །གཟི་རྗིད་འཕགས་པ་བསམ་པ་ནི། །སྐུ་མདོག་སྟང་ཟིལ་བཅག་འཕྲོ་འདྲ། །
ཞལ་དྲུག་སྐྲ་ཡང་ཁམ་པར་འདུག །སྨིན་མ་ཁམ་པ་མིག་ཀྱང་སེར། །སྤྱན་གསུམ་མིག་ནི་ཟླུམ་པ་སྟེ། །ཕྱག་ནི་བཅུ་གཉིས་པ་ཡི་གཟུགས། །དེ་བཞིན་ཡི་དགས་སྟེང་ན་བཞུགས། །ཞབ་དྲུག་
གིས་ནི་མཛེས་པར་བྱས། །ཏྲི་ཤུལ་རལ་གྲི་དབྱུག་དགྲ་སྟ། །སྦྱིན་པའི་ཕྱིར་ནི་ཕྱག་བརྐྱང་བ། །ལྕགས་ཀྱུ་ཡི་ནི་མཚོན་ཆ་དག །གཡས་པའི་ཕྱག་ན་དེ་བཞིན་བསྣམས། །དེ་བཞིན་གཡོན་
པའི་དྲུག་པོ་ཡང་། །ཐོད་པ་མདུང་ཐུང་མངའ་བོ་ཆེ། །མཛུབ་མོས་བསྡིགས་དང་ཞགས་པ་བསྣམས། །ཕྱག་ན་དབྱུག་ཏོ་བསམ་པར་བྱ། །མི་མགོ་རློན་དང་སྐམ་པོ་དང་། །ཡི་དགས་ཕྲེང་བས་
རྣམ་པར་བརྒྱན། །སྟག་གི་ལྤག་པའི་ན་བཟའ་གསོལ། །སྐུ་ཡང་ཆེ་ལ་གསུས་ཁྱིམ་ཆེ། །ཞལ་གྱི་དབྱིབས་ནི་དུ་མ་སྟེ། །སྐྲ་ནི་རྒྱ་མཚོ་འཁྲུགས་པ་འདྲ། །ཞལ་ཅིག་བཞད་ཅིང་ཞལ་གཅིག་ཞི། །
ཞལ་གཅིག་འཇིགས་པར་བགྲད་པའི་ཞལ། །ཞལ་གཅིག་ཞལ་ནི་གདངས་པ་སྟེ། །ལྗགས་ཀྱང་བསྐྱོད་པར་མཛད་པ་དང་། །ཞལ་ཅིག་ཞལ་ནི་མཆེ་བ་གཙིགས། །དེ་ལྟར་སྙིང་པོས་ལེགས་པར་ནི། །
སྤྱན་དྲུང་མཆོད་ཡོན་དབུལ་བར་བྱ། །དེ་ནས་དྲི་དང་སྦྱར་བའི་ཆུས། །མཆོད་ཡོན་ཆོ་ག་བཞིན་ཕུལ་ནས། །ཡི་དགས་ཀྱི་ནི་སྤྱི་བོར་ཡང་། །མེ་ཏོག་དམར་པོ་བཞག་པར་བྱ། །བློ་ཆེན་གྱི་ནི་ཁྲོ་བོ་ལ། །དེ་ནས་ཙན་དན་
དམར་པོ་དབུལ། །དྲི་ཡི་འོག་ཏུ་མེ་ཏོག་རྣམས། །ཙན་དན་གྱིས་ནི་གཏོར་བ་དབུལ། །མེ་ཏོག་མེ་ཏོག་ཕྲེང་བ་རྣམས། །མེ་ཏོག་སྔགས་ཀྱིས་དབུལ་བར་བྱ། །མེ་ཏོག་སྔགས་ཀྱིས་རིམ་བཞིན་དུ། །མེ་ཏོག་ཆོ་ག་བཞིན་ཕུལ་ནས། །

98-1-7b

རང་གི་སྙིང་པོ་སྔགས་ཀྱིས་ཀྱང་། །ཁྲོ་བོ་ཡི་ནི་སྤྱི་བོ་དང་། །ཁྲོ་བོ་གཙོ་བོའི་སྙིང་ཀར་ནི། །སྙིང་པོ་རྣམ་པར་དགོད་པར་བྱ། །འཚོགས་མར་དེའི་འཚོགས་མ་དང་། །དེའི་གཙུག་ཏུ་སྤྱི་གཙུག་གཞག །དེའི་ལུས་ལ་གོ་
ཆ་དང་། །མཚོན་ཆའི་ཚོགས་ལ་མཚོན་བཞག་སྟེ། །འདི་སྐད་བསྟན་པ་འདི་དག་ནི། །མེ་ཏོག་དག་གིས་དགོད་པར་བྱ། །དེ་ལྟར་ཅི་རིགས་མཆོད་ནས་ཀྱང་། །བདུག་པ་རང་གིས་སྔགས་ཀྱིས་དབུལ། །དེ་ནས་མར་མེ་
རབ་འབར་བ། །ཕྱོགས་བརྒྱད་དུ་ཡང་དགོད་པར་བྱ། །འབྱུང་པོའི་གཏོར་མ་ཁྲོ་བོ་ལ། །ཕུལ་ནས་ཡི་དགས་ཕལ་ཆེན་གྱི། །ཕྱི་རོལ་དུ་ནི་མཁས་པ་ཡིས། །སྨེ་གཏོར་རྣམས་ནི་སྦྱིན་པར་བྱ། །ཁྲོ་བོ་གཙོ་ལ་
དེ་ཕྱོགས་ཏེ། །དེ་ནས་ཡང་ནི་བདུག་པ་འབུལ། །དེ་ཡི་ཕྱི་རོལ་ཆུ་བཅས་སྣོད། །མེ་ཏོག་གིས་ནི་བཀང་སྟེ་བཞག །ཆོ་གས་ཁྲུས་ཀྱི་བསྙུང་བ་ཡི། །སློབ་མ་དག་ནི་བོས་ནས་ཀྱང་། །སྔགས་ཀུན་གྱི་ནི་གཟི་བསྐྱེད་ལ། །
ཁྲོ་བོ་ཡི་ནི་སྙིང་པོ་ཡིས། །ལག་གཉིས་མེ་ཏོག་བྱིན་ནས་ནི། །གོས་ཀྱིས་གདོང་ནི་གཡོགས་པར་བྱ། །དཀོན་མཆོག་གསུམ་ནི་དྲན་བྱས་ལ། །སློབ་དཔོན་གྱིས་ནི་གཞུག་པར་བྱ། །རང་གི་སྙིང་པོས་མེ་ཏོག་
ཉིད། །དཀྱིལ་འཁོར་ལ་ནི་གཏོར་དུ་གཞུག །དེ་ནས་བེ་ཅོན་ཞེས་པ་ཡི། །ཕྱག་རྒྱ་སྔགས་པས་དེ་ལ་བསྟན། །དཀོན་མཆོག་གསུམ་ནི་གསང་བ་ཡི། །དམ་ཚིག་དེ་ལ་སྦྱིན་པར་བྱ། །དེ་ནས་གྲུབ་པར་བྱ་བའི་ཕྱིར། །
སྔགས་པས་ཆུ་དང་མེ་ཏོག་གིས། །ཁྲོ་བོའི་གཙོ་བོའི་གསང་སྔགས་དག །དབང་བསྐུར་ནས་ནི་དེ་ལ་སྦྱིན། །དེ་ནས་ཁྲོ་བོའི་སྙིང་པོ་ཡིས། །ཆོ་ག་བཞིན་དུ་དབང་བསྐུར་ནས། །མེ་ཏོག་བདུག་པའི་ཕྲིང་བ་ཡིས། །
སྙིང་པོ་དེ་ལ་སྦྱིན་པར་བྱ། །ཁྲོ་བོ་ཡི་ནྀ་སྙིང་པོ་མཆོག །དེས་ཀྱང་དེ་ལྟར་མནོས་ནས་ནི། །དེ་ནས་བླ་མ་ཕྱག་བྱས་ནས། །ཅི་ནུས་སྦྱིན་པས་མཆོད་པར་བྱ། །སྔགས་པས་བླ་མ་མཆོད་བྱས་ན། །དངོས་གྲུབ་ཐོབ་

98-1-8a

འགྱུར་གཞན་དུ་མིན། །སློབ་མ་སྙིང་པོ་བྱིན་ནས་ཀྱང་། །ཕྲེང་བ་ཙན་དན་ལ་སོགས་པས། །མཆོད་ནས་དེ་ཡི་འོག་ཏུ་ནི། །ཕྱི་རོལ་དུ་ནི་སྔར་བཞག་པའི། །དྲི་ཆུ་ལ་སོགས་བཀང་བའི་སྣོད། །དེ་བླངས་མཆོད་
ཡོན་ཕུལ་ནས་ནི། །འཇམ་དབྱངས་ཁྲོ་བོ་མི་བཟད་པའི། །མཐུ་རྩལ་དྲག་པོ་གཤེགས་སུ་གསོལ། །བཞུད་ནས་ཀྱང་ནི་ཡོན་ཆུ་དེ། །དཀྱིལ་འཁོར་ལ་ཡང་དབུལ་བར་བྱ། །རྒྱ་ཆེ་ས་ཡི་དཀྱིལ་འཁོར་ན། །དངོས་གྲུབ་
མཚུངས་མེད་འདོད་པ་ཡི། །རིག་སྔགས་འཆང་གིས་དེ་ལྟར་ནི། །མཆོད་པ་རྟག་ཏུ་ལེགས་པར་བྱ། །དེ་ནས་དངོས་གྲུབ་ཐོབ་པར་འགྱུར། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་རྒྱུད་ཆེན་
པོ་ལས་ཡི་དགས་ཕལ་པོ་ཆེའི་དཀྱིལ་འཁོར་རིམ་པར་ཕྱེ་བ་སྟེ་གཉིས་པའོ།། །། དེ་ནས་གཞན་ཡང་གསང་སྔགས་རྣམས་འབྱུང་སྟེ། ཨོཾ་ན་མཿ སརྦ་ཏ་ཐཱ་ག་ཏེ་བྷྱཿ པྲེ་ཏ་མུ་ཁ་ཁ་ད་ཀླ་སྭཱ་ཧཱ། དབུས་ཀྱི་
ཡི་དགས་ཀྱིའོ། །ཨོཾ་ན་མཿ སརྦ་ཏ་ཐཱ་ག་ཏེ་བྷྱཿཨ་ཀྲོ་དྷ་བེ་ཛ་ཡ། ཨག་ནིར་ཛྭཱ་ལི་ཏི་ཛི་ཧྭེ་པྲེ་ཏེ་ཤྭ་རི་ཧཱུྃ་ཕཊ། འདི་ནི་གྲྭའི་བེ་ཅོན་བཞིའྀ་སྔགས་སོ། །ཨོཾ་ན་མཿསརྦ་ཏ་ཐཱ་ག་ཏེ་བྷྱཿཨོཾ་པྲེ་ཏ་ཐོདླ་ལྐ་ཡ་ཧཱུྃ་ཕཊ། 
ཤར་གྱི་སྒོའྀ་ཡི་དགས་ཀྱིའོ། །ཨོཾ་པྲེ་ཏ་བིགྷྣནྟ་ཀ་ཧཱུྃ་ཕཊ། ལྷོ་སྒོའི་དགས་ཀྱིའོ། །ཨོཾ་པྲེ་ཏ་ཛྭཱ་ལ་ཧཱུྃ་ཕཊ། ནུབ་ཀྱི་བསྒོའྀ་ཡི་དགས་སོ། །ཨཱ་ཀྵི་པྲ་པྲེ་ཏོད་ག་ཏ་ཧཱུྃ་ཕཊ། བྱང་སྒོའྀ་ཡི་དགས་ཀྱིའོ། །ཨོཾ་ན་མཿ
སརྦ་ཏ་ཐཱ་ག་ཏེ་བྷྱཿབྲེ་ཏ་མཱ་ལེ་བི་ཀྲྀ་ཏེ། པྲེ་ཏ་མཱ་ལེ་བི་ཀྲྀ་ཏེ། པྲེ་ཏ་མ་ལེ་བྲ་ཀྲི་ཏེ། གུ་ཧྱ་པེ་ཙི་ཀ་མུ་ཁི་སརྦ་རཀྵོ་པ་ཛཱུཥྚོ་ཧཱུྃ་ཕཊ། ཡི་དགས་ཕྲེང་བའི་འོ། །འདི་ནི་ཡི་དགས་ཀྱི་དཀྱིལ་འཁོར་གྱི་སྔགས་ཀྱི་ཚོགས་སོ། །ད་ནི་ཁྲོ་བོ་
གཤེན་རྗེ་གཤེད་སྤྱན་དྲང་བ་ལ་སོགས་པའི་སྔགས་ལ་སོགས་པར་འབྱུང་ངོ་། །ཨོཾ་ན་མོ་བུདྡྷ་དྷརྨ་སྃ་གྷེ་བྷྱཿཀྲོ་དྷ་བ་ར་བི་ར་སརྦ་མ་ཡེ་ན། ཨཱ་གཙྪ། ཨཱ་གཙྪ། ཨོཾ་ཨཱཿཧཱུྃ། ཨི་དམ་པྲེ་ཏ། ཨཱ་ས་ན་ཎ། པྲེ་ཏོད་ག་ཏ་ན། 

98-1-8b

རཀྵ་རཀྵ་སྭཱ་ཧཱ། ཁྲོ་བོའྀ་རྒྱལ་པོ་གཤེན་རྗེ་གཤེད་སྤྱན་དྲང་བས་སྔགས་སོ། །ཨོཾ་ཛྭཱ་ལ་ཛྭཱ་ལ་ཏི་བི་གྲ་ཧ་ཧཱུྃ་ཕཊ། གོ་ཆའི་འོ། །ཨོཾ་ཨཱ་ཀྲོ་དྷེ་ཀཱ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ། འདི་ནི་ཁྲོ་བོའི་རྒྱལ་པོ་གང་གིས་རྟོག་པ་
འདི་ཡིན་པ་དེའི་སྔགས་ཡི་གེ་འབྲུ་བཅུ་བདུན་པའོ། །ཨོཾ་ཨཱཿཧཱུྃ། དེ་ཉིད་ཀྱི་སྙིང་པོའོ། །ཨོཾ་ཀཱ་ལ་ཧཱུྃ་ཕཊ། མཚོགས་མའི་འོ། །ཨོཾ་ཡ་མཱནྟ་ཀ་ཨེ་ཀ་བཱི་ར་ཧཱུྃ། སྤྱི་གཙུག་གིའོ། །ཨོཾ་བཻ་བསྶྭ་ཏཱནྟ་ཀ་ཧཱུྃ། མཚོན་ཆའི་འོ། །
འདི་ནི་ཁྲོ་བོའྀ་རྒྱལ་པོ་གཤེན་རྗེ་གཤེད་ཀྱི་ཡན་ལག་ལྔ་པའོ། །ཨོཾ་ཨེ་ཀ་བཱི་ར་ཡ་མཱནྟ་ཀ་བི་ས་ར་སྭཱ་ཧཱ། མཆོད་ཡོན་དབུལ་བའི་སྔགས་སོ། །ཨོཾ་བྷི་མཱན་ཏ་ཀ་ཏེ་ཛོ་བི་ལིན་ནི་སྭཱ་ཧཱ། ལྷ་བཤོས་ཀྱིས་སྔགས་སོ། །
ཨོཾ་བཱ་ཀ་ཙི་ཏ་ཤོ་ནི་ཏྲ་ར་ཏྲ། སྭྃ་གནྡྷ་བི་གྲ་ཧི། སྭཱ་ཧཱ། དྲིའི་སྔགས་སོ། །ཨོཾ་དི་བྱ་སྲེཀྨཱ་ལྱ་དྷཱ་རི་ཎེ་སྭཱ་ཧཱ། མེ་ཏོག་གི་སྔགས་སོ། །ཨོཾ་ཙི་ཏི་དྷཱུ་བ་པྲི་ཡཱ་ཡ་སྭཱ་ཧཱ། བདུག་པའི་སྔགས་སོ། །ཨོཾ་དཱི་བྱ་ཛྱོ་ཏིཥྛ་ཏི་སྭཱ་ཧཱ། 
མར་མེའི་སྔགས་སོ། །ཨོཾ་སརྦ་ཨ་མི་ཤེ་བྷྱ། བ་ཧ་རི་ཎེ་སྭཱ་ཧཱ། སྨེ་གཏོར་ཐམས་ཅད་སྔགས་སོ། །ཨོཾ་དི་བྱ་ན་ན་བྷྱོ་ཛི་ནི། ཧ་ར་ཧ་ར་དྲུྃ་དྲུྃ་ཁཱ་ཧི་སྭཱ་ཧཱ། གཏོར་མ་ཐམས་ཅད་དབུལ་བའི་སྔགས་སོ། །ཨོཾ་ཁུ་ཁུ་
ནི་པྲེ་ཏོཀྟྟ་ཏེ། པྲེ་ཏ་མཱ་ལེ་ལ་ལི་ནི། མླཱ་མླཱ་ཀླེ་དྷ་ཀླེ་དྷ་པྲི་པྲི་ཏི་ཤི་ཕྲ་དྲིཾ་དྲིྃ་དྲིྃ་དྲིཾ། ཁུ་ཁུ་ནི་གྲི་ཧ་བ་ལིྃ་སྭཱ་ཧཱ། ཡི་དགས་མང་པོའི་དཀྱིལ་འཁོར་གྱི་གཏོར་མའི་སྔགས་སོ། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་
པར་རྒྱལ་བ་ལ་ཡི་དགས་ཕལ་པོ་ཆེའི་དཀྱིལ་འཁོར་གྱི་སྔགས་རིམ་པར་ཕྱེ་བ་སྟེ་གསུམ་པའོ།། །། དེ་ནས་གཞན་ཡང་འཇམ་དབྱངས་ཀྱི། །ཁྲོ་བོ་དཔའ་བོ་གཅིག་པུ་ནི། །ཚད་མེད་གཟི་བརྗིད་བདག་ཉིད་ཆེ། །དེའི་ཕྱག་རྒྱ་
བཤད་པར་བྱ། །ཐོག་མར་དཀོན་མཆོག་གསུམ་པོ་ཡི། །དམ་ཚིག་མངོན་པར་བསྟན་བྱས་ནས། །ལག་པ་གཡས་པ་ཆོ་ག་བཞིན། །ལེགས་པར་རབ་ཏུ་བཅིང་བར་བྱ། །རིག་འཛིན་དག་གིས་རྟག་པར་ནི། །ལག་པའི་

98-1-9a

སོར་མོ་ཐམས་ཅད་ཀྱིས། །མཐེ་བོ་ལེགས་པར་སྦས་པ་ནི། །རབ་ཏུ་བསྡམས་པ་བཟང་པོ་བཅིང་། །ཆོ་ག་ཞེས་པའི་བེ་ཅོན་རྒྱ། །སྙིང་པོ་སྔགས་སམ་ལོགས་ཤིག་ཏུ། །སྔགས་པ་ཕྱག་རྒྱ་སྔགས་ཀྱིས་བཅིང་། །
གཞན་དུ་ནམ་ཡང་མི་བཅིང་ངོ་། །ཨོཾ་ན་མོ་བུད་དྷ་དྷརྨཱ་སྃ་གྷེ། ཨོཾ་སརྦ་ཏ་ཐཱ་ག་ཏེ་ཀྲོ་དྷ་བི་ཛ་ཡ། ཨག་ནིར་ཛྭཱ་ལི་ཏ་ཛི་ཧཱ། པྲེ་ཤིར་ཧཱུྃ་ཕཊ། བེ་ཅོན་གྱི་ཕྱག་རྒྱ་དང་སྔགས་སོ། །ཕྱག་རྒྱ་གཅིག་པུར་གྱུར་པ་འདི། །ཁྲོ་བོའི་
སྙིང་པོ་སྔགས་འབར་བྱེད། །མཚོན་ཆ་མ་ལུས་པ་ཡི་གཙོ། །བདུད་རྣམས་ཐམས་ཅད་ཞི་བར་བྱེད། །ཇི་ལྟར་དཀྱིལ་འཁོར་དུ་བྲི་བ། །དེ་ཡི་ཆོ་ག་བཤད་པར་བྱ། །བེ་ཅོན་དབྱིག་པ་ལྟ་བུའི་ཚུལ། །འདི་ནི་བེ་ཅོན་ཞེས་པར་
གྲགས། །ཁྱད་པར་དུ་ནི་དེ་ཡི་རྩེར། །ཡི་དགས་མགོ་བོ་མཁས་པས་བྲི། །ཡི་དགས་མང་པོ་རྟག་ཏུ་བྲི། །དེ་ལས་གཞན་དུ་ནམས་ཀྱང་མིན། །རིག་འཛིན་གྱི་ནི་ཆོ་ག་བཞིན། །རྒྱ་འདི་དུར་ཁྲོད་ཐལ་བས་བྲི། །ཡང་ན་འདི་ཉིད་ལོགས་
ཤིག་ཏུ། །གང་གིས་ཚེ་ན་བསྒྲུབ་འདོད་པ། །སྒྲུབ་པ་དངོས་གྲུབ་འདོད་པ་ཡི། །རང་གིས་དཀྱིལ་འཁོར་དག་ཏུ་བྲི། །དེ་ནས་ཕྱག་རྒྱ་བསྒྲུབ་པ་ཡི། །དཀྱིལ་འཁོར་འདིར་ནི་བཤད་པར་བྱ། །སྔ་མ་བཞིན་དུ་གྲུ་བཞི་པ། །ཡི་དགས་
ཕལ་ཆེན་འདིར་ཡང་བྲི། །དེ་ཡི་དབུས་སུ་བེ་ཅོན་བཞག །ཕྱོགས་བརྒྱད་རྣམས་སུ་འང་དེ་བཞིན་ནོ། །ཕྱག་རྒྱ་དགུ་དང་ལྡན་པ་ཡི། །ཕྱག་རྒྱའི་དཀྱིལ་འཁོར་ཞེས་ཀྱང་བྱ། །དེ་བཞིན་དུ་ནི་ལྷོའི་སྒོ། །ཕྱེ་ཏེ་དེ་ནས་མཆོད་པ་བྱ། །
ཕྱག་རྒྱ་སྔགས་ནི་མ་ལུས་པ། །ཁྲོ་རྒྱལ་རང་གིས་སྤེལ་མ་བྱ། །དེ་ཡིས་འདིར་ནི་མཆོད་གྱུར་ལ། །རིམ་གྱིས་གསང་བའི་མཆོད་བྱས་འགྱུར། །ཨོཾ་ན་མོ་བུད་དྷ་དྷརྨ་སྃ་གྷེ་བྷྱ། ཨོཾ་ཨཱ་སརྦ་ཏ་ཐཱ་ག་ཏ་ཀྲོ་དྷ་བེ་ཛ་ཡ། ཨགྣི་ཛྭཱ་ལེ་ཏཱ་
པྲེ་ཏ་ཤི་ར་ཧཱུྃ་ཕཊ་ཧཱུྃ། འདི་ནི་ཁྲོ་བོའི་རྣམ་པར་རྒྱལ་བའི་གོང་དུ་བཅུག་པའི་བེ་ཅོན་གྱི་ཕྱག་རྒྱའི་སྔགས་སོ། །འདིས་ལས་ཐམས་ཅད་བསྒྲུབ་པར་བྱའོ། །དེ་ནས་དངོས་གྲུབ་ཀུན་གྱི་མཆོག །ཁྲོ་བོའི་གཙོ་བོ་དེ་ཁོ་

98-1-9b

ན། །གསང་བའི་མཆོད་དང་ལྡན་པའི། །བེ་ཅོན་བསྒྲུབ་པ་བཤད་པར་བྱ། །སྙིང་པོ་ཟེ་བ་མཛེས་པའི། །པད་མ་འདབ་མ་བརྒྱད་བྱས་ལ། །འདབ་མ་རྩེ་མོའི་ཕྱོགས་བརྒྱད་དུ། །བེ་ཅོན་ཁྲོ་བོའི་བར་བཅུག་བྲི། །
དབུས་སུ་དགུ་པ་བཞག་ནས་ནི། །གཞན་རྣམས་ཤར་ཕྱོགས་ནས་བརྩམས་ཏེ། །བསྐོར་བའི་ཚུལ་དུ་གོ་རིམ་བཞིན། །མེ་ཏོག་དག་གིས་གཞག་པར་བྱ། །བེ་ཅོན་ཀུན་གྱིས་ས་བོན་ཧཱུྃ། །
ཡི་དགས་སྤྱི་བོར་བཞག་པར་བྱ། །ཐོག་མར་ཨོཾ་དང་ལྡན་བྱས་ཏེ། །ཨོཾ་དང་ན་མཿམཆོད་པར་འགྱུར། །ཨཱཿའདི་ཁྲོ་བོ་རྣམ་རྒྱལ་གྱི། །ས་བོན་དམ་ཚིག་ཡིན་པར་བཤད། །ཨོཾ་ན་མོ་བུད། 
དྷ་དྷརྨ་སྃ་གྷེ་བྷྱ། སངས་རྒྱས་ཀུན་གྱིས་མངོན་པར་སྟོད། །བེ་ཅོན་རྣམས་ནི་ཐམས་ཅད་ཀྱང་། །རང་གི་དམ་ཚིག་བསྐུལ་བར་ལྡན། །ཐམས་ཅད་རང་གིས་དམ་ཚིག་ལྡན། །དེ་བཞིན་
གཤེགས་པའི་རིག་ལས་བྱུང་། །བསྐུལ་བ་ཚིག་ནི་རབ་ལྡན་ཞིང་། །ཁྲོ་བོའི་ལྟ་བས་བརྟག་པ་དང་། །རང་རང་རྟགས་ཀྱི་བསྐུལ་ན་ནི། །དེ་མ་ཐག་ཏུ་ལས་བྱེད་འགྱུར། །ཨཱཿའདི་ཁྲོ་བོ་
རྣམ་རྒྱལ་གྱི། །ཁྲོ་བོའི་ལྟ་བས་བལྟས་པའོ། །རང་གིས་དམ་ཚིག་དང་ལྡན་པ། །ཧཱུྃ་དང་ལྡན་པ་བསྐུལ་བ་བཞན། །ཞི་བ་རྒྱས་པ་དབང་དང་འགུག །དབྱེ་བ་དང་ནི་བསྐྲད་པ་རྣམས། །
གསང་བའི་མཆོད་པའི་སྦྱོར་བ་ཡི། །བདག་གིས་མདོར་ནི་བཤད་པར་བྱ། །དེའི་ཐོག་མར་ཡི་གེ་ཨོཾ། །དེ་ལས་གཞན་པ་སྔགས་འཕེལ་བྱེད། །དེ་བཞིན་གཤེགས་པའི་དམ་ཚིག་ཉིད། །གསུཾ་
པ་ཡིན་པར་ཡོངསུ་བསྒྲགས། །བཞི་པ་དངོས་གྲུབ་སྟེར་བྱའི་ཕྱིར། །འདིར་ནི་སྔགས་ལ་བསྐུལ་བའི་ཚིག །ཨོཾ་སརྦ་ཏ་ཐ་ག་ཏ་ཞེས། །བརྗོད་པ་སྔགས་ཀྱི་བདག་ཉིད་དོ། །མཇུག་གི་

98-1-10a

ཧཱུྃ་ནི་ཁྲོ་བོ་ཡྀ། །སྔགས་ནི་འཕེལ་བར་བྱེད་པར་བཤད། །དེ་ལས་གཞན་ནི་ཁྱད་པར་དུ། །རང་གིས་བསྐུལ་བའི་ཚིག་གིས་བྱེད། །དབང་དུ་བྱ་བར་འདོད་པས་ནི། །རང་གིས་ངོ་བོ་སྨོས་
པར་བྱ། །ལྷ་དབང་དབང་དུ་བྱོས་ཤིག་ཅེས། །བརྗོད་ནས་ཐ་མར་སྭཱ་ཧཱ་སྦྱར། །ཞི་བས་ཕྱིར་ནི་བསྐུལ་བ་ཉིད། །མཇུག་ཏུ་བཽ་ཥཊ་བརྟག་པར་བྱ། །དེ་བཞིན་གཤེགས་རིགས་ལས་བྱུང་བའི། །
དཔལ་ནི་མཚུངས་མེད་འདོད་པ་ཡིས། །བསྐུལ་བའི་ཚིག་གིས་མཇུག་ཏུ་ཡང་། །ན་མཿསྭཱ་ཧཱ་རྟག་ཏུ་སྦྱར། །རྒྱས་པའི་ཕྱིར་ནི་སྔོན་བཞིན་དུ། །བསྐུལ་ནས་བཽ་ཥཊ་སྦྱར་བར་བྱ། །རྒྱས་ཕྱིར་
བསྐུལ་བའི་ཐོག་མ་དང་། །ཐ་མར་ཁྲོ་བོའི་ཧཱུྃ་ཡང་སྦྱར། །གསད་པ་ལ་ནི་ཕཊ་ཅེས་པ། །འབར་བ་འདི་ལ་ལྷག་པ་ཡིན། །རིགས་རྣམས་བརླག་པར་བྱ་བ་ལ། །ཧཱུྃ་དབུས་ཁྲོ་དང་ལྡན་པའི་ཕཊ། །
དེ་བཞིན་བསྐྲད་དང་བསྐུལ་པ་ཡི། །མགོ་དང་འཇུག་ཏུ་ཧཱུྃ་གཞག་གོ། ཡང་དག་འབར་བའི་ཕཊ་ཀྱང་གཞག །གསང་བའི་མཆོད་པའི་ཆོ་གར་གྲགས། །དེ་ལྟར་མཆོད་པའི་རིམ་པ་དེར། །བེ་ཅོན་དགུ་ནི་
བྱས་པར་འགྱུར། །གསང་བའི་མཆོད་པའི་སྦྱོར་བ་ཡིས། །བདུག་པ་མེ་ཏོག་དེ་བཞིན་དྲི། །དེ་བཞིན་གཏོར་མ་མར་མེ་དང་། །བཟླས་པ་མེད་ཀྱང་འགྲུབ་པར་འགྱུར། །དབང་དུ་བྱ་དང་དབྱེ་བ་དང་། །
བསྐྲད་དང་བསད་ལ་སོགས་པ་ནི། །ཇི་སྐད་གསུང་པའི་ཚུལ་དག་དང་། །དེ་ལྟར་སྦྱོར་བ་དེ་འདྲ་ལས། །ཚེ་གྲངས་དག་དང་སྐར་མ་དང་། །སྨྱུང་བ་དག་ཀྱང་བྱ་མི་དགོས། །གསང་བའི་མཆོད་པའི་
ཆོ་ག་ཤེས། །ཕྱག་རྒྱའི་དཀྱིལ་འཁོར་ལེགས་བྱས་ལ། །ཁྲུས་བྱས་ཁྲུས་ནི་མ་བྱས་རུང་། །ཇི་ལྟར་འདོད་པ་རང་དགར་སྤྱོད། །ཅི་ཡང་རུང་བའི་གཏོར་མ་དང་། །ལོ་མ་མེ་ཏོག་འབྲས་བུས་ཀྱང་། །

98-1-10b

གང་དག་གཤེན་རྗེ་གཤེད་པོ་ཡི། །སྙིང་པོ་ཕྱག་རྒྱ་མཆོད་བྱེད་ལ། །བྱང་ཆུབ་སེམས་དང་ལྡན་འགྱུར་ཞིང་། །རབ་ཏུ་གུ་ན་ཟླ་དྲུག་གིས། །དེ་ནི་ཇི་འདོད་དགོས་པ་རྙེད། །ཇི་ལྟར་འདོད་པའི་ལས་ཀྱང་
བྱེད། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ། རྣམ་པར་རྒྱལ་བ་ལས་བེ་ཅོན་གྱི་ཕྱག་རྒྱའི་དཀྱིལ་འཁོར་གསང་བའི་མཆོད་པ་རིམ་པར་ཕྱེ་བ་སྟེ་བཞི་པའོ།། །། དེ་ནས་བེ་ཅོན་ཕྱག་རྒྱ་ཡི། །ཇི་སྐད་
གསུངས་པ་དེ་དག་བསྒྲུབ། །དེ་ཡི་དཀྱིལ་འཁོར་གཉིས་པ་འང་གཞན། །དཀྱིལ་ན་ཡི་དགས་ཤེས་བྱ་བ། །བསྒྲུབ་པས་མཚན་མོ་དུར་ཁྲོད་དུ། །དུར་ཁྲོད་དག་གིས་ཐལ་བ་ཡིས། །ཁྲུ་བཞི་
པ་ལ་སྒོ་བཞི་བྲི། །མི་རོའི་རོ་སྨད་དག་དང་ལྡན། །བླ་རེ་རྔ་ཡབ་མེ་ལོང་དྲིལ། །མེ་ཏོག་ཕྲེང་བས་མཛེས་པར་བྱ། །ལྷ་རྫས་ཡི་དགས་མང་པོ་མངར། །ཐོད་པ་བརྒྱད་ཀྱིས་རྣམ་པར་སྤྲས། །ཕྱིས་
ནི་བེ་ཅོན་ཕྱག་རྒྱ་ཡང་། །མགོ་མེད་རོ་ཡི་སྟེང་དུ་བྲི། །དཀྱིལ་ན་ཡི་དགས་ཞེས་བྱ་བའི། །ཐམས་ཅད་གྲུབ་བྱེད་དཀྱིལ་འཁོར་འདི། །ཁྲོ་བོའི་གཙོ་བོའི་ཕྱག་རྒྱ་ཡིས། །མཆོད་པ་ཇི་སྐད་གསུངས་པ་
བྱ། །སྨེ་གཏོར་ཐམས་ཅད་བྱིན་ནས་ནི། །གཙང་མ་གོ་ཆ་བགོས་ནས་ཀྱང་། །འབུམ་ཕྲག་གཅིག་ནི་སྔར་བསྙེན་པ། །བྱས་ནས་འདི་ནི་བརྩམ་པར་བྱ། །ཕྱུགས་ཆེན་དག་ནི་ཁྲག་གིས་ཀྱང་། །
ཤིས་པའི་ཐོད་པ་བཀང་ནས་ཀྱང་། །དེ་བཞིན་མི་ལས་བྱུང་བའི་ཤ །ཕྱག་རྒྱ་ལ་ནི་དབུལ་བར་བྱ། །ཕྱུགས་ཆེན་གྱི་ནི་ཚིལ་བུ་ལས། །མར་མེ་འབར་བ་བྱས་པ་དག །དེའི་ཕྱི་རོལ་ཕྱོགས་བརྒྱད་དུ། །
སྔགས་བསྲུང་དེ་ལ་དབུལ་བར་བྱ། །ཆོ་ག་ཤེས་པས་དེ་ལྟ་བུར། །བྱས་ནས་མཇུག་ལ་བསྒྲུབ་པར་བྱ། །དཔལ་ལྡན་གོས་ནི་དམར་པོ་གྱོན། །ཙན་དན་དམར་པོས་བསྐུས་ནས་ནི། །ཅུང་ཟད་

98-1-11a

དག་ཀྱང་མི་བྱེད་པར། །མར་གྱི་བརྒྱད་ལ་གཅིག་པུས་བྱ། །དཔའ་ལ་སེམས་དྲག་མཐུ་ལྡན་པའི། །གྲོགས་ནི་གསུམ་དང་ལྷན་ཅིག་ཏུ། །སྒྲུབ་པ་བློ་ལྡན་སེམས་སྟོབས་ཅན། །དབང་པོ་
ལེགས་པར་བསྡམས་པ་ཡིས། །ཡི་དགས་ཀྱི་ནི་དཀྱིལ་འཁོར་དུ། །སྒྲུབ་པ་ལ་ནི་འཇུག་པར་འགྱུར། །དེ་ནས་མཚན་མོ་རྒྱ་བཅིངས་ཏེ། །བརྟན་པར་འདུག་ལ་ལེགས་པར་བཟླས། །བགེགས་
རྣམས་སྣ་ཚོགས་མཚན་གཅིག་ཏུ། །འབྱུང་སྟེ་དེ་ལས་རྒྱལ་བར་བྱ། །དེ་ལྟར་སྲིན་པོའི་ཚོགས་ཆེན་ལས། །རྒྱལ་ནས་ཕྱག་རྒྱ་འགྲུབ་པར་འགྱུར། །མི་འགྲུབ་པ་ཡི་ལས་རྣམས་ཀྱང་། །
དེ་ནས་ཐོགས་པ་མེད་པར་བྱེད། །འཇམ་པའི་དབྱངས་ཀྱི་ཁྲོ་བོ་ཡིས། །བསྐུལ་ནས་འདིར་ནི་དོགས་པ་མེད། །ཧ་ན་བི་སྥོ་ཊ་བཉྫ་བཉྫ་ཞེས། །བསྐུལ་བའི་ཐ་མར་ཧཱུྃ་བརྗོད་ཅིང་། །གཡོན་
བརྐྱང་བ་ཡི་ཚུལ་གནས་ནས། །ཁྲོས་པས་རི་རྩེ་བགྲོད་དཀའ་དང་། །ར་བ་ཡང་ཐོག་སྒོ་ཁང་དང་། །པུ་ཤུ་ཁང་པ་མངར་བ་དག །སྐད་ཅིག་གིས་ནི་རྙིལ་བར་བྱེད། །དྷ་ར་བི་སྷོ་ཊ་བཉྫ་ཞེས། །བསྐུལ་
བའི་མཇུག་ཏུ་ཧཱུྃ་བརྗོད་ན། །རི་བོ་དང་ནི་མང་པོ་དང་། །དེ་བཞིན་ལྷ་མིན་སྒོ་དག་དང་། །དེ་བཞིན་ས་དང་གཞན་དག་དང་། །ཇི་ལྟར་འདོད་པ་འགས་པར་བྱེད། །པ་ཙ་བི་དྷྭ་སྃ་ཤོ་ཞེས། །བསྐུལ་ནས་
ཐ་མར་ཧཱུྃ་བརྗོད་ན། །ཕྱག་རྒྱ་འདི་ཡིས་ཆུ་རྣམས་ནི། །ཐོགས་པ་མེད་པར་སྐམ་པར་བྱེད། །མཚོ་ཆེན་དང་ནི་ཆུ་བོ་དང་། །རྒྱ་མཚོ་དག་ཀྱང་སྐམས་པར་བྱེད། །སྟམ་བྷ་ཡ་ཞེས་ལན་གཉིས་བརྗོད། །
ཐ་མར་ཧཱུྃ་དང་དེ་བཞིན་མུཿ། །དེ་ནས་དེ་ཡི་མཇུག་ཏུ་ཧཱུྃ། །སེ་ན་སྟམ་བྷ་ཞེས་སྦྱར་ན། །པ་ཙ་བི་དྷྭ་ན་ས་ཡ་ཤོ་ཥ་ཡ་ཤོ་ཥ་ཡ་ད་ཧཱུྃ་ཕཊ། །རི་མོ་ལ་ནི་གནས་པ་བཞིན། །ངེས་པར་མྱུར་དུ་གནོན་པར་འགྱུར། །

98-1-11b

ཐ་མར་ཧཱུྃ་བཞག་དེ་ནས་དྲི། །ཀྵོ་བྷ་ཡ་ཞེས་ལན་གཉིས་བརྗོད། །དེ་ཡི་ཐ་མར་ཡི་གེ་མ། །མཁས་པ་དག་གིས་སྦྱོར་བ་ནི། །དཔུང་རྣམས་འཁྲུག་པ་འགྱུར་བ་ལ། །ཁྲོས་ན་ངོ་མཚར་ཅི་ཞིག་ཆེ། །ཐ་མར་ཧཱུྃ་
དང་ག་གཞག་ལ། །དེ་ནས་ཏི་ཥྛ་ཏིཥྛ་གཞག །སྔགས་པས་གལ་ཏེ་སྦྱར་ན་ནི། །ཆོ་ག་འདི་ནི་གླང་པོ་གནོན། །ཧ་ན་བི་དྷྭྃ་ས་མ་ཡ། །བསྐུལ་ནས་ཐ་མར་ཧཱུྃ་བརྗོད་ཅིང་། །དེ་བཞིན་ཐ་མར་ཕཊ་བརྗོད་ན། །
དཔུང་དག་རབ་ཏུ་འཆི་བར་འགྱུར། །ཁ་ཁ་ཁཱ་ཧི་ཁཱ་ཧི་ཞེས། །བསྐུལ་ནས་ཐ་མར་ཧཱུྃ་བརྗོད་ན། །དཔུང་རྣམས་ཕན་ཚུན་འཁྲུག་པར་ནི། །ཐོག་པ་མེད་པར་རབ་ཏུ་འགྱུར། །ཐ་མར་ཧཱུྃ་དང་དེ་བཞིན་ཕཊ། །དྲིྃ་དྲིྃ་
ཛ་ཛ་དྲིྃ་དྲིྃ་དག །ངེས་པ་དག་ཏུ་སྦྱར་ན་ནི། །སྔགས་པ་ཁྲོ་དང་ལྡན་པ་ཡི། །ཁྲག་གིས་ཆར་འབབ་བྱེད་པར་གསུངས། །ཐ་མར་ཧཱུྃ་བརྗོད་ཧ་ཧ་ཧཱ་ཧཱ་བཻ་ཏ་ལཱི་ཕཊ། །ཅེས་བདག་གིས་བྱ། །སྔགས་པ་དཔའ་དང་ལྡན་
པ་ཡིས། །བསྐུལ་ནས་མྱུར་དུ་རྨོངས་པར་འགྱུར། །ཐ་མར་ཧཱུྃ་བརྗོད་ཧ་ཧ་ཧ། །དེ་བཞིན་ཨནྟ་ཡ་དང་ཕཊ། །བསྐུལ་བ་འདི་དག་དང་ལྡན་ན། །འགྲོ་བ་དག་ནི་ལྡོངས་པར་བྱེད། །ཐ་མར་ཧཱུྃ་བརྗོད་དེ་ནས་ཧཱུྃ། །དེ་བཞིན་དྲིྃ་དྲིྃ་
ཛ་ཛ་གཞག །ཐ་མར་དྲིང་དང་ཕཊ་ལྡན་ན། །འགྲོ་བ་དེ་མ་ཐག་ཏུ་འབེབས། །ཁྲོ་བོ་ཆེན་པོ་འདི་ཡི་ནི། །ཕྱག་རྒྱ་དེ་ལྟར་གྲུབ་གྱུར་ན། །དེ་ཚེ་ལས་རྣམས་ཐམས་ཅད་ནི། །ཡིད་ཀྱིས་བསྐུལ་བ་ཙམ་གྱིས་བྱེད། །བྱང་ཆུབ་སེམས་
དཔའི་ཐམས་ཅད་ཀྱི། །དམ་ཚིག་རབ་ཏུ་སྐོང་བ་ཡིན། །སྒྲུབ་པ་གང་དང་གང་འདོད་པ། །དེ་ནི་ཐོགས་པ་མེད་པར་བྱེད། །གལ་ཏེ་དེར་ནི་མ་གྲུབ་ན། །འདི་ཡི་སྔོན་དུ་བསྙེན་པ་ནི། །ཆོ་ག་བཞིན་དུ་འབུམ་བྱས་ལ། །
དེ་ནས་བློ་ལྡན་བསྒྲུབ་ལ་འཇུག །དེ་ཚེ་དེ་བཞིན་གཤེགས་པ་ཡི། །སྔ་མའི་དམ་ཚིག་བསྐུལ་བ་བཞིན། །དེ་ནས་སླར་ཡང་སྔགས་རྣམས་ལ། །ཐོག་པ་མེད་པར་དེ་བཞིན་སྦྱར། །ཕྱག་འཚལ་བ་དང་ཀུན་

98-1-12a

ཏུ་ལྡན། །དེ་ཡི་ཐོག་མར་ཨོཾ་གཞག་ལ། །ཨོཾ་ཞེས་བྱ་བ་གཞན་ཡང་གཞག །ཨཱཿཞེས་བྱ་བ་གཉིས་པའོ། །དེའི་ཚིག་གི་མཇུག་ཏུ་ཧཱུྃ། །གཞག་ཏེ་དེ་ནས་ཚིག་རྣམས་ཀུན། །དེ་ལྟར་
ཀྲོ་དྷ་བི་ཛ་ཡ། །ཨགྣི་ཛྭ་ལི་ཛི་ཧྭ་ཏ་ཤྲཱི། །ཚིག་རྣམས་གཞན་ནི་བརྗོད་པར་བྱ། །དེ་ནས་དེ་ཡི་ཐ་མར་ཧཱུྃ། །དེ་བཞིན་ཚིག་གིས་ཐ་མར་ཨོཾ། །མཐའ་མར་ཨཱ་བཞག་དེ་ཡི་མཐར། །ཧཱུྃ་དང་སི་
ཊི་ལག་གཉིས་བསྒོམ། །པྲ་བུ་ཏ་ཞེས་ལག་གཉིས་སྒོམ། །དེ་ནས་དེ་བཞིན་གཤེག་པ་ཡི། །བཀའ་ལུང་གིས་ནི་ཕྱག་རྒྱ་དེ། །གཟིར་ནས་རང་གིས་བཟླས་བརྗོད་བྱ། །དེ་ལྟར་བཟླས་བརྗོད་འབུམ་
བྱས་ནས། །ཁྲོ་བོ་ཆེན་པོ་དེ་ཡི་ནི། །ཀུན་ལ་ཅི་རིགས་བསྐུལ་ནས་སུ། །ལས་རྣམས་ཐམས་ཅད་བསྒྲུབ་པར་བྱ། །ཁྲོ་བོ་གཙོ་བོའི་དེ་ཡི་ནི། །བཀའ་བཞིན་བྱེད་དེ་གཞན་དུ་མིན། །གང་གིས་སྔོན་དུ་
བསྙེན་བྱས་པ། །དེ་ཡི་བསྐུལ་བའི་ཆོ་ག་ནི། །ཇི་སྐད་གསུངས་པའི་ལས་རྣམས་ལ། །མ་གྲུབ་ན་ནི་ངེས་པར་སྦྱར། །གཞན་དུ་སྔགས་ནི་གཟིར་བྱས་ན། །བདག་ཉིད་ངེས་པར་འཆི་བར་འགྱུར། །
ཁྱད་པར་དུ་ནི་དཔའ་བོ་ཡི། །ཁྲོ་བོའི་གཙོ་བོའི་སྙིང་པོ་ནི། །ཕྱག་རྒྱ་འདི་ནི་གཟིར་བྱས་ན། །འགྲོ་བ་མ་ལུས་འཁྲུག་པར་འགྱུར། །སྔག་འདི་གང་དུ་བཟླས་པ་དེར། །འཇིག་རྟེན་འཇིག་རྟེན་
ལས་འདས་པ། །དེ་དག་ཀུན་གྱི་ལུས་རྣམས་ནི། །དོགས་པ་མེད་པར་འཇིག་པར་འགྱུར། །ཕྱག་རྒྱ་འདི་ཡིས་གཟེར་གྱུར་ན། །དཔག་ཚད་བདུན་གྱི་དཀྱིལ་འཁོར་ན། །གཞན་གྱི་སྔགས་རྣཾས་
གང་ཡོད་དང་། །དགྲ་རྣམས་དྲེགས་པ་མེད་པར་བྱེད། །འབྱུང་པོ་སྐྲག་པར་བྱེད་པ་དང་། །དེ་བཞིན་ལྷ་རྣམས་འགུག་པར་བྱེད། །ཁྲོ་བོ་རབ་ཏུ་དགའ་བར་བྱེད། །གཤེན་རྗེ་གཤེད་པོའི་

98-1-12b

མཐུ་ཡང་བསྐྱེད། །ཡི་དགས་རོ་ལངས་རིགས་དག་ནི། །དེ་བཞིན་རབ་ཏུ་འཇིགས་པར་གསུངས། །བྱེད་དང་གནོད་པ་སྐྲག་པ་ཡང་། །རབ་ཏུ་བསྐུལ་ན་འཇིག་པར་བྱེད། །བགེགས་རྣམས་ཐམས་ཅད་
འཇིག་པར་བྱེད། །འཆི་བ་ཐམས་ཅད་མེད་པར་བྱེད། །ཕོངས་པ་ཐམས་ཅད་མེད་བྱེད་ལ། །བེ་ཅོན་ཕྱག་རྒྱ་དྲག་པོར་བསྒྲགས། །དགྲ་དང་དེ་བཞིན་གཞན་དག་ཀྱང་། །སྐྱེ་བོ་དག་ལ་འདི་བཅིངས་སྟན། །
གཤེན་རྗེ་གཤེད་པོ་སྦྱར་ན་ནི། །དེའི་མོད་ལ་སྲོག་ཀྱང་འཕྲོག །མདོར་ན་སྙིང་པོ་ཕྱག་རྒྱའི། །ཆོ་ག་རང་གིས་དམ་ཚིག་ཅན། །ཁྲོ་བོའི་ཞལ་ནས་གསུང་པ་འདི། །གསང་བར་རབ་ཏུ་བསྟན་པ་ཡིན། །
སྔགས་པ་ཁྲོ་བོའི་གཙོ་བོ་ནི། །གཤེན་རྗེ་གཤེད་པོ་གཅིག་དཔའ་བའི། །སྙིང་པོ་ཕྱག་རྒྱ་བེ་ཅོན་དང་། །སྙིང་པོ་དག་གིས་སྦྱར་བར་བྱ། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་
བེ་ཅོན་གྱི་ཕྱག་རྒྱའི་ཆོ་ག་ཞིབ་མོ་རིམ་པར་ཕྱེ་བ་སྟེ་ལྔ་པའོ།། །། དེ་ནས་ཡི་གེ་བཅུ་བདུན་པའི། །རྩ་བའི་སྔགས་ནི་གང་ཡིན་པ། །དེའི་ཕྱག་རྒྱ་གཞན་དག་ཀྱང་། །རོ་ལངས་ཞེས་ནི་བྱ་བ་ཡོད། །གཤིན་རྗེ་
གཤེད་པོ་དྲག་བརྩོན་པའི། །སྙིང་ནི་དགའ་བྱེད་གསང་བའོ། །སྔགས་པ་དག་གིས་གང་དག་ཏུ། །བཅིངས་པ་དེར་ནི་བྱིན་རློབ་པ། །རོ་ལངས་ཞེས་བྱའི་ཕྱག་རྒྱ་འདི། །ཁྲོ་བོས་གསུངས་པ་བཤད་པར་བྱ། །
དུར་ཁྲོད་དག་གིས་ཐམས་ཅད་ནི། །གང་ལ་རྟག་ཏུ་རག་ལུས་པའོ། །དེ་ནས་ལག་པ་གཉིས་ཀ་ཡི། །སོར་མོ་ཕན་ཚུན་བསྣོལ་བྱས་ཏེ། །སོར་མོ་གུང་མོ་གཤིབས་ཏེ་བསྒྲེང་། །མཛུབ་མོ་གཉི་
ཀྱིས་སྲིན་ལག་གཉིས། །མཐེ་བོང་གཉིས་ཀྱི་སྲིན་ལག་གཉིས། །ལེགས་པར་བཟུང་ནས་དགུག་པར་བྱ། །མཐེའུ་ཆུང་གཉིས་ཀྱང་ནང་དུ་དགུག །དེ་བཞིན་དུ་ནི་མཐེ་བོང་གཉིས། །ཕན་ཚུན་བསྣོལ་

98-1-13a

ཏེ་བརྒྱང་བར་བྱ། །ཤེས་རབ་ཅན་གྱིས་རོ་ལངས་འདི། །རྟག་ཏུ་ཚུལ་བཞིན་ཁྲོ་བོས་བསྟན། །ཁྲོ་བོ་གཙོ་བོའི་གསང་སྔགས་གང་། །ཡི་གེ་བཅུ་བདུན་ལེག་གསུང་པ། །དེ་ཉིད་འདི་དང་སྦྱར་བར་བྱ། །རོ་ལངས་
ཕྱག་རྒྱ་ལྡན་པ་སྟེ། །བདག་ཉིད་འདོད་པ་ཐམས་ཅད་དེ། །ཧ་ཧར་གྱུར་པའི་དཀྱིལ་འཁོར་དུ། །ཆོ་ག་བཞིན་དུ་སྦྱར་བར་བྱ། །ཧ་ཧར་གྱུར་པའི་དཀྱིལ་འཁོར་ནི། །ཁྲོ་བོ་འབར་བྱེད་བཤད་པར་བྱ། །ཚིག་བཞིན་དུ་ནི་
སྦྱར་བར་བྱ། །ཡི་དགས་ཕལ་ཆེན་བཤད་པ་བཞིན། །འདི་ཡང་གྲུ་བཞི་ལྷམ་པར་བྱ། །ཁྱད་པར་དག་ཏུ་ཕྱོགས་ཀུན་ཏུ། །མཁས་པས་མེ་ནི་སྦར་བར་བྱ། །ཁྲུ་བརྒྱད་ལྷག་ཆད་མེད་པར་ནི། །ཆོ་ག་བཞིན་དུ་བྲི་
བར་བྱ། །སྒོ་སྒོ་དག་ཏུ་གསལ་ཤིང་གིས། །ཕུག་པའི་དགས་ཁྲག་ཅན་བཞག །དབུས་སུ་མགོ་དང་བྲལ་བ་ཡི། །མི་རོ་རོ་སྨད་གསལ་བར་བཞག །ཡི་དགས་ཕལ་ཆེན་དཀྱིལ་འཁོར་བཞིན། །ཐ་མར་
ཡི་དགས་ཕྲེང་བ་དགོད། །ཁྲོ་བོ་ཡི་ནི་གཙོ་བོའི་སྔགས། །མཚོགས་མའི་སྤྱི་གཙུག་ལ་སོགས་མེད། །ཡི་གེ་བཅུ་བདུན་བློ་ལྡན་གྱིས། །མགོ་མེད་རོ་ཡི་སྟེང་དུ་བཞག །ཞལ་དྲུག་པ་ལ་ཞབས་ཀྱང་དྲུག །
དེ་བཞིན་ཕྱག་ནི་བཅུ་གཉིས་པ། །རབ་ཏུ་འབར་བ་དྲག་པོའི་གཟུགས། །སྔ་མ་བཞིན་དུ་གཞག་པར་བྱ། །ཡི་དགས་མང་པོ་སྦྱར་བ་ནི། །སྔ་མ་བཞིན་དུ་བཞག་ནས་ཀྱང་། །མེ་ཏོག་བདུག་པ་ཕྲེང་ལ་སོགས། །སྔགས་
དེས་དེ་ལ་མཆོད་པར་བྱ། །འདིར་ནི་གཏོར་མ་ཤ་ཆེན་དུ། །གསུངས་པས་གཞན་གྱིས་མི་བྱའོ། །ཁྲག་གིས་གཏོར་མའི་ཆོ་ག་དང་། །དེ་བཞིན་གདུག་པ་ཀུན་སྨེ་བའི། །དེ་ནས་དཔལ་ལྡན་རིག་འཛིན་གྱིས། །
རོ་ལངས་ཕྱག་རྒྱ་བཅིང་ནས་ནི། །གཏོར་མ་མེ་ཏོག་དབུལ་ལ་སོགས། །རྣམ་པ་ཀུན་ཏུ་ཁྲོ་བོས་བྱ། །དཀྱིལ་འཁོར་གྱི་ནི་ཁོར་ཡུག་གིས། །ཕྱོགས་བརྒྱད་དག་ཏུ་མར་མེ་དགོད། །དུར་ཁྲོད་དག་གི་མགལ་དུམ་མམ། །

98-1-13b

ཡང་ན་གསལ་ཤིང་དག་གིས་བུད། །སེང་ལྡེང་དག་གིས་གཟར་བུ་ཡིས། །ཚིལ་ཆེན་དག་ལ་ལན་བདུན་དུ། །ལྷོ་ཕྱོགས་མེ་ལ་བསྲེགས་ནས་ནི། །དེ་ནས་ཁྲོ་བོ་བསྒྲུབ་པར་བྱ། །དེ་ལ་མངོན་དུ་བསྙེན་པ་དང་། །བཟླས་
པ་དང་ནི་བསྡམས་པ་འང་མེད། །རིག་འཛིན་ཉིད་ཀྱི་སེམས་སྟོབས་ཉིད། །འདི་ཡི་རྒྱུར་ནི་ཤེས་པར་བྱ། །ལྷོ་ཕྱོགས་སྒོར་ནི་ནན་ཏན་དུ། །རྨ་མེད་པའི་རོ་བཞག་ཏེ། །སྙིང་ཀར་རོ་ལངས་རྒྱ་བཞག་ལ། །དེ་ལ་རབ་ཏུ་བསྐོར་བར་
བྱ། །དེ་ནས་ཁྲོ་བོ་ཆེན་པོའི། །ཤིན་དུ་བཀྲུས་ཤིང་ལེགས་པར་བརྒྱན། །དྲི་དང་མེ་ཏོག་དམར་སྔོན་གྱིས། །ལེགས་པ་དག་ཏུ་མཆོད་ནས་ཀྱང་། །མཁས་པས་རོ་ལངས་ཕྱག་རྒྱ་ཡིས། །ཐོག་མར་བདག་ཉིད་བསྲུང་བར་
བྱ། །གཤིན་རྗེ་གཤེད་བྱེད་ཡན་ལག་ལྔ། །དེ་བཞིན་ལུས་ལ་སྦྱར་བར་བྱ། །དཔའ་བོ་མཐུལ་ཆེན་བདག་ཉིད་ཀྱིས། །རལ་གྲི་ལག་པར་བླང་ནས་ནི། །དཔའ་བོའི་རྐང་པ་གཡོན་པ་ཡིས། །དེའི་འི་སྙིང་ཀར་མནན་ནས་ནི། །
ཁྲོ་བོ་ཡི་ནི་གཙོ་བོ་ཡི། །ཡི་གེ་བཅུ་བདུན་སྔགས་བཟླས་སོ། །ཨོཾ་ཨ་ཀྲོ་དྷེ་ཀ་ཡ་མཱནྟ་ཀ །ཧ་ན་མ་ཐ་བྷཉྫ་ཧཱུྃ་ཕཊ། འདི་ནི་རྩ་བའི་སྔགས་ཡི་གེ་འབྲུ་བཅུ་བདུན་པའོ། །དེའི་སྔགས་དྲག་པོས་བསྐུལ་བ་དང་། །ཡི་དགས་
དེ་ནི་གཡོ་བར་འགྱུར། །ཧ་ཧར་གྱུར་པ་འཁྲུགས་པ་དང་། །དེ་བཞིན་ཧ་ཧའི་སྒྲ་ཡང་འབྱིན། །དེ་ནས་བདག་གིས་ལངས་པ་ལ། །མཚོན་ཆ་རྣོན་པོ་འབར་བ་ཡིས། །བཅད་པའི་ཤ་དང་ཁྲག་ཅེས་པས། །མཆོད་ཡོན་དེ་
ལ་དབུལ་བར་བྱ། །རིག་པ་འཛིན་པ་དེ་ཡི་ནི། །སེམས་ཀྱི་དྲོད་ནི་དེ་ཤེས་ནས། །མཆོད་ཡོན་བླངས་ཏེ་དཀྱིལ་འཁོར་ནི། །ཧ་ཧར་གྱུར་པ་འཇིགས་པར་བྱེད། །དེ་ནས་བདག་ཉིད་ཆེན་པོ་དེ། །འཇིགས་སུ་རུང་བའི་གཟུགས་
མཐོང་ནས། །གཤེན་རྗེའི་གཤེག་པོ་དཔའ་བོ་ཡི། །རོ་ལངས་ཕྱག་རྒྱ་བསྟན་པར་བྱ། །དེ་ནས་གཤེན་རྗེའི་གཤེད་པོ་ནི། །ཡི་དགས་ལུ་ལ་གནས་པ་དེ། །རོ་ལངས་ཉིད་ཀྱི་རྒྱ་མཐོང་ནས། །རིགས་པ་འཛིན་པ་དེ་

98-1-14a

ཡི་ནི། །སེམས་དྲོད་རིག་ནས་འདོད་པའི་མཆོག །སྦྱིན་པར་བྱེད་ལ་གདོན་མི་ཟ། །ཁྲོ་བོའི་རྒྱལ་པོ་སླར་གཤེགས་ནས། །མི་རོ་ས་ལ་འགྱེལ་བར་འགྱུར། །དེའི་ལུས་ནི་དེ་ཉིད་ཀྱང་། །གསེར་དུ་འགྱུར་བ་གདོན་མི་ཟ། །
དེ་ཚེ་གྲོགས་པོ་རྣམས་དང་ཡང་། །སེམས་ཅན་རྣམས་ལ་ཅི་བདེར་སྦྱིན། །བདག་ཉིད་ཆེན་པོ་དཔའ་བོ་ཡི། །བསྒྲུབ་པ་བཤད་པ་འདི་ཡིན་ཏེ། །སེམས་ནི་རབ་ཏུ་དཔའ་བོས་བྱའི། །ངན་སོང་བཞན་གྱིས་ཡོང་མི་བྱ། །
སེམས་ཞན་པ་ཡི་སྒྲུབ་པ་པོས། །ཁྲོ་བོའི་རྒྱལ་པོ་དེ་བསྒྲུབ་ན། །དེ་ནས་ལངས་ནས་མྱུར་བར་ནི། །གྲོགས་དང་བཅས་པ་གསོད་པར་འགྱུར། །རོ་ལངས་ཕྱག་རྒྱ་མི་ཤེས་ན། །དེས་ནི་ཅི་ལྟར་དྲག་འགྱུར་ཀྱང་། །ཁྲོ་བོའི་རྒྱལ་
པོ་དེ་ཡི་ནི། །བསྒྲུབ་པ་པོ་ནི་བསད་པར་འགྱུར། །རིག་འཛིན་མཆོག་གིས་གང་དག་དུ། །དེ་བཞིན་གཤེགས་པའི་དམ་ཚིག་གིས། །བརྒྱན་ཅིང་ཁྲོ་བོ་བསྐུལ་བ་ཡིས། །རོ་ལངས་ཕྱག་རྒྱ་བཅིང་པ་དེར། །གདོན་མི་ཟ་བར་
ཁྲོ་བོ་ནི། །ལེགས་པར་བྱིན་གྱིས་རློབ་པར་འགྱུར། །མྱུར་དུ་མཆོག་ཀྱང་སྩོལ་བར་མཛད། །འགོ་བར་གྱུར་པ་གདོན་མི་ཟ། །ཨོཾ་ན་མོ་བུདྡྷ་དྷརྨ་སྃ་གྷེ་བྷྱོ། ཨ་ཀྲོ་དྷེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་བེ་ཐཱ་བི་རཀྵ་རཀྵ་མཱན་ཏ་ཐཱ་
ག་ཏོ་ཨཱ་ཛྙ་པ་ཡ་ཏི་སྭཱ་ཧཱ། དེ་བཞིན་གཤེགས་པའི་དམ་ཚིག་གིས་བཀས་བརྒྱན་པ། རོ་ལངས་ཀྱི་ཁྲོ་བོའི་ཕྱག་རྒྱའི་སྔགས་སོ། །ཧ་ཧར་གྱུར་པའི་དཀྱིལ་འཁོར་དུ། །རོ་ལངས་ཕྱག་རྒྱ་རངས་སྔགས་དང་། །ལྡན་ན་མྱུར་
དུ་ཁྲོ་བོ་ནི། །ངེས་པར་བྱིན་གྱིས་རློབ་པར་མཛད། །དཔའ་བོ་དག་གི་སྦྱོར་བར་ནི། །སྔར་བསྙེན་ལ་སོགས་བྱེད་ན་ཡང་། །སྒྲུབ་པ་པོར་ནི་འདོད་པ་བཞིན། །ཁྲོ་བོ་ངེས་པར་མྱུར་དུ་འགྲུབ། །ཡང་ན་རོ་ལངས་ཕྱག་རྒྱ་འདི། །སྐྱེས་བུ་
སེམས་ནི་མི་དཔའ་བས། །ཧ་ཧར་གྱུར་པའི་དཀྱིལ་འཁོར་དུ། །བདག་ཉིད་ཀྱི་ནི་དམ་ཚིག་གིས། །མཁས་པས་བཟུང་ནས་བཟླས་པར་བྱ། །འདི་ཉིད་ཀྱིས་ཀྱང་དབང་བསྐུར་ནས། །ཅི་ལྟར་ནུས་པས་གང་དུའང་རུང་། །ཁྲོ་བོ་མཆོག་

98-1-14b

གིས་རི་མོ་འམ། །དཀྱིལ་འཁོར་ཆོ་ག་བཞིན་བྱས་པ་འམ། །དེ་བཞིན་སྐུ་གཟུག་གཞན་ཡང་རུང་། །ཡིད་དང་དབང་པོ་བསྡམ་བྱས་ཏེ། །ཐོག་མར་ཚིག་འབུམ་ཟླས་པར་བྱ། །དེ་ལྟར་སྔོན་དུ་བསྙེན་པ་ནི། །ཅི་ལྟར་འདོད་པར་བྱས་
ནས་གདོད། །ཕྱི་ནས་སྨྱུང་བ་བྱས་པ་དེ། །རོ་ལངས་ཕྱག་རྒྱ་བསྒྲུབ་ལ་འཇུག །ཧ་ཧར་གྱུར་པའི་དཀྱིལ་འཁོར་ནི། །ཆོ་ག་བཞིན་དུ་དུར་ཁྲོད་བྲི། །ཡང་ན་སེམས་ནི་མི་དཔའ་བས། །དུར་ཁྲོད་ཐལ་བས་ཁྱིམ་དུ་བྲི། །ཁྱིམ་དེ་སྟོང་པ་
ཡིན་ཡང་རུང་། །གལ་ཏེ་ཁྱིམ་དེ་མི་སྟོང་ན། །ཧ་ཧར་གྱུར་པའི་མཐོང་བ་དང་། །ཞག་བདུན་ལོན་མ་ཐག་ཏུ་འཇིག །དེ་ནས་ཡི་དགས་མང་པོ་ལས། །གསང་བའི་མཆོད་པ་ཅི་རིགས་བྱས། །དེ་ནས་ལྷོ་ཕྱོགས་སྒོར་འདུག་སྟེ། །
བྱང་གིས་ཕྱོགས་སུ་ཁ་བལྟས་ལ། །རང་གི་དམ་ཚིག་ལས་གསུངས་པའི། །རོ་ལངས་ཕྱག་རྒྱ་བཅིངས་ཏེ་བཟླས། །ཟླ་བ་མར་གྱི་ཚེས་བརྒྱད་ལ། །བློ་ལྡན་ཆོ་ག་ཤེས་པའི། །མཚན་མ་བསྟན་ཅིང་འདུག་ནས་ནི། །ཉི་མ་ཤར་གྱི་
བར་དུ་བཟླས། །དེ་ནས་ཁྲོ་བོས་དགོངས་པ་ཡི། །རོ་ལངས་ལྷ་མོ་འགྲུབ་པར་འགྱུར། །ཁྲོ་བོ་ལྷ་སྔགས་དག་དང་། །བསྐུལ་བའི་ཚེ་ནི་མཆོག་རྣམས་ཀྱིས། །ཇི་སྐད་གསུང་པའི་ལས་རྣམས་ནི། །ཐམས་ཅད་
དེ་ནས་བྱེད་པར་འགྱུར། །བེ་ཅོན་ཞེས་བྱ་ཕྱག་རྒྱ་ལ་འང་། །དེ་དག་ཉིད་ལ་མྱུར་དུ་སྦྱར། །སྦྱར་ན་དོགས་པ་མེད་པར་ཡང་། །འདི་ནི་དེ་དག་བྱེད་པར་འགྱུར། །རོ་ལང་ཕྱག་རྒྱ་སྒྲུབ་པ་བྲི། །སྔགས་
པ་རྣམས་ལ་འདིར་གསུང་སོ། །དེ་ནི་ཞན་པའི་སེམས་རྣམས་ཀྱིས། །སྒྲུབ་པ་དག་ནི་གསུམ་པ་འབྱུང་། །ཆོ་ག་བཞིན་དུ་སྔར་བཤད་པའི། །ཡི་དགས་མང་པོ་དེ་ཚེ་བྲི། །གང་ཡང་རུང་བར་ཅི་རིགས་
པར། །སྔགས་དེ་རྣམས་ཀྱིས་སྦྱར་བར་བྱ། །དེ་ནས་ཡི་དགས་མང་པོ་ཡིས། །དཀྱིལ་འཁོར་བལྟ་ན་སྡུག་པ་འདི། །ཁྱིམ་མམ་ཡང་ན་གཞན་ཡང་རུང་། །དེར་ནི་དཀྱིལ་འཁོར་བྲི་ནས་ནི། །དེ་དབུས་

98-1-15a

ཡི་དགས་སྤྱི་བོ་ལ། །རོ་ལངས་མ་ནི་འདིར་བཞག་གོ། ཁྲོ་བོ་ཡི་གེ་གཟི་སྐྱེད་པ། །ཞི་ཞིང་ཀུན་དུ་དགའ་བྱེད་པ། །རོ་ལངས་སྙིང་པོའི་ཕྱག་རྒྱ་ནི། །བཅིངས་ནས་དེ་ལ་སྦྱར་བར་བྱ། །དེ་ནས་རོ་ལངས་ཕྱག་རྒྱ་ཡིས། །
གསང་བའི་གེ་བཅུ་གསུམ་པའོ། །ཞི་བ་བཞན་ཡང་ཤེས་བྱས་ནས། །ཅི་ལྟར་འདོད་པར་བཟླས་པར་བྱ། །ཨོཾ་ཨཱཿཧཱུྃ་བཻ་ཏཱ་ལེ་རཀྵ་རཀྵ་མཱྃ་སྭཱ་ཧཱ། རོ་ལངས་ཕྱག་རྒྱའི་སྙིང་པོ་འདི། །གང་ཡང་རུང་བར་ཅི་འདོད་པར། །
བཅུར་བསྒྱུར་བ་ཡི་རྣམ་གྲངས་སུ། །ཆོ་ག་བཞིན་དུ་བཟླས་ནས་ནི། །རྨད་དུ་བྱུང་བའི་ལས་རྣམས་ཀྱང་། །ཡིད་ཀྱིས་བསམ་པས་བྱེད་པར་འགྱུར། །གསང་བས་རིག་སྔགས་དམ་པ་འདི། །ལས་རྣམས་ཐམས་ཅད་བྱེད་པའོ། །
དེ་ནས་ད་ནི་འདི་ཡི་ལས། །ཁྲོ་བོའི་རྒྱལ་པོ་ཉིད་ཀྱིས་ཀྱང་། །ཆོ་ག་ཞིབ་ལས་གང་གསུང་པ། །དེ་དག་མདོར་ནི་བཤད་པར་བྱ། །རྨུགས་དང་གནད་དང་རྨོངས་པ་དང་། །དེ་བཞིན་དབབ་པའི་ཆོ་ག་དང་། །དབང་དུ་བྱ་དང་བྱེད་པ་དང་། །
གསད་པ་དང་ནི་བསྐྲད་པ་དང་། །ཕན་ཚུན་འཐབ་ཅིང་གསོད་པ་དང་། །དེ་བཞིན་བཞན་ཡང་མིག་འཕྲུལ་དང་། །ཞི་དང་རྒྱས་པར་སྦྱོར་བ་དང་། །དེ་བཞིན་དགའ་བར་བྱེད་པ་དང་། །དགུག་པར་བྱེད་པའི་ཆོ་ག་ཡང་། །མདོར་བསྡུས་ནས་
ནི་བཤད་པར་བྱ། །རོ་ལངས་ཕྱག་རྒྱ་ལས་སྒྲུབ་ཕྱིར། །ཆོ་ག་བཞིན་དུ་སྔར་བསྙེན་བྱས། །སོ་སོའི་དོན་རྣམས་བསྒྲུབ་པའི་ཕྱིར། །ཆོ་ག་འདི་ནི་རྣམ་པར་བརྩམ། །རྨ་བྱའི་འཇུག་མའི་སྒྲོ་དག་གིས། །མདོངས་བརྒྱ་བམ་པོར་སྦམས་
ནས་ཀྱང་། །སེང་ལྡེང་ཡུ་བ་འཕན་མེད་པ། །བཟང་པོ་ཁྲུ་གང་ཚད་ལ་ནི། །བུ་མོས་བཀལ་བའི་སྐུད་པའི། །མཁས་པ་དག་གིས་བཅིང་བར་བྱ། །ཡུ་བ་དེ་ཡི་ཙ་བ་ལའང་། །མཆོད་རྟེན་བཟང་པོ་ལེགས་པར་བྱ། །གྲོ་ག་ལ་ནི་གིའུ་ཝང་གིས། །
ཁྲོ་བོས་མཐར་བྱས་རོ་ལངས་བྲི། །མཁས་པས་མཆོད་རྟེན་འོག་ཏུ་བཞག །དེ་ནས་ཟླ་བ་གཟའ་ཟིན་པའི། །ནུབ་མོ་ཡི་དགས་ཕལ་ཆེན་གྱི། །དཀྱིལ་འཁོར་མཚོ་འགྲམ་བྲིས་ནས་བཟླས། །དེ་ནས་གྲུབ་ཕྱིར་སྔགས་པ་ཡིས། །

98-1-15b

འཇུག་མ་དེ་ལ་ཡིད་གཏད་ནས། །ལག་པ་གཡོན་པས་བཟུང་ནས་ནི། །ཟླ་བ་དེ་ལ་བལྟ་ཞིང་བཟླས། །སེམས་ནི་བདུད་ཀྱིས་མ་འཁྲུགས་པའི། །སེམས་དཔའ་ཆེན་པོ་ཁ་ཅིག་ལ། །དྲོད་དང་དུད་འཐུལ་འབར་བ་དག །མཇུག་མ་དེ་
ལས་འབྱུང་བར་འགྱུར། །དྲོ་བར་གྱུར་པ་མཐོང་ན་ནི། །བྱང་ཆུབ་སེམས་པ་འདྲ་བ་ཡིས། །སེམས་ཅན་རྣམས་ནི་ཐམས་ཅད་ལ། །དེས་ནི་ཕན་འདོགས་གནོད་པ་ནུས། །མཇུག་མ་བཟང་པོ་དེ་ལས་ནི། །དུ་བ་འབྱུང་བ་མཐོང་ན་ཡང་། །
མྱུར་དུ་མི་སྣང་བར་ཡང་འགྱུར། །འདོད་པའི་གཟུགས་ཅན་ཡིད་མགྱོགས་བཞིན། །རྒས་པ་དང་ནི་འཆི་བ་མེད། །གནོད་སྦྱིན་རྣམས་ནི་ཡོངས་སུ་བསྐོར། །སེམས་ཅན་ཆེན་པོ་དེ་ཡི་གཟིས། །གལ་ཏེ་དེ་ནི་འབར་འགྱུར་ན། །
རིག་འཛིན་དཔལ་དང་ལྡན་པར་འགྱུར། །ནམ་མཁའ་ལ་ནི་མྱུར་དུ་འགྲོ། །བདེ་བ་ཀུན་དང་ལྡན་པ་ཡིས། །རིག་འཛིན་རྣམས་ཀྱི་མཆོག་ཏུ་འགྱུར། །གལ་ཏེ་ཟླ་བ་གཟའ་བཏང་ལ། །དེ་ཚེ་གྲུབ་པར་མ་གྱུར་ནའང་། །མཇུག་མ་ལན་ཅིག་
བསྐོར་བ་ཡིས། །དཔུང་རྣམས་གནོན་པའི་དངོས་གྲུབ་དང་། །གང་ཡང་རུང་བ་གཅིག་ཀྱང་གནོན། །མྱོས་པས་དྲེག་པའི་གླང་པོ་དང་། །སྟག་དང་སེང་གེ་ཝ་རྣམས་དང་། །རྟ་དང་ཤིང་རྟ་བྱ་རྣམས་དང་། །གྲུ་དང་གྲུ་ཆེན་བཞོན་པ་རྣམས། །
བསྐོར་ན་ཐམས་ཅད་གནོན་པར་བྱེད། །མནན་པ་དག་ལས་ཐར་བར་ཡང་། །མཇུག་མ་འདིས་ནི་གདོན་མི་ཟ། །དེ་ནས་བཞན་ཡང་རོ་ལངས་ཀྱིས། །རྨུགས་པར་བྱ་བ་གསང་བར་བཤད། །དེ་ནས་ཚིལ་ཆེན་བླང་ནས་ནི། །དེ་ཡང་ཐོད་པའི་
ནང་དུ་བཞག །ཨེ་ཤྭ་མ་ར་དམར་པོ་ཡི། །ཤིང་བལ་འཇམ་པོའི་སྙིང་པོ་བྱ། །གདོལ་པའི་མེ་ཡིས་འབར་བྱས་ན། །ཉི་མ་ཟླ་བ་བཟས་ཟིན་ཚེ། །ཐོད་པའི་དུད་པ་བླངས་ནས་ནི། །ཟླ་བ་འམ་ཡང་ན་ཉི་མ་དག །བཏང་བའི་བར་དུ་བཟླས་པར་བྱ། །
ཡང་ན་ཨརྒའི་ཤིང་བལ་ལས། །དེ་ཡི་འོག་ཏུ་ལྕགས་ཐུར་གྱིས། །མིག་གཉིས་དག་ནི་བསྐུལ་བར་བྱ། །དེ་ལྟར་མིག་གཉིས་བསྐུལ་བ་ཡིས། །གང་དག་བལྟས་པ་དེ་དག་ནི། །རྨུགས་པར་འགྱུར་བར་གདོན་མི་ཟ། །

98-1-16a

དེ་ནས་གདོང་བཀྲུས་བལྟས་ན་ནི། །སླར་ཡང་དེ་ལས་ཐར་བར་འགྱུར། །དེ་ནས་གཞན་ཡང་རྨོངས་པ་ནི། །རྨོངས་པར་བྱེད་པ་མཆོག་གཤད་དོ། །ཨརྒ་གཅིག་གི་རྩ་བ་དང་། །ག་ན་ཀ་ཡི་རྩ་བ་དང་། །ཨ་ཤྭ་མ་ར་
རུ་རྟ་དང་། །མོ་ཧ་ནི་ཡི་རྩ་བ་དང་། །མ་ཧཱ་ན་ལའི་རྩ་བ་དང་། །ཤ་ར་བུ་ཀར་ལྡན་བྱས་ཤིང་། །ཡི་དགས་མེ་ཏོག་རྙིང་པར་ལྡན། །མདུན་སོ་དག་དང་ལྡན་བྱས་ཏེ། །སྐྱེས་པ་དག་གམ་བུད་མེད་ཀྱི། །གསང་བའི་ལྤགས་པ་དང་ལྡན་
པ། །བུ་མོ་འདོད་པ་མ་སྤྱད་པས། །མར་ཀྱི་བརྒྱད་ལ་ལེགས་པར་བཏག །ཕྱིས་ནི་བུད་མེད་ཁྲག་དག་དང་། །བོང་བུའི་ཁུ་བས་སྦྲུ་བར་བྱ། །དུར་ཁྲོད་ཐལ་བ་དང་སྦྱར་ཏེ། །དེ་ནས་མར་གྱི་ཚེས་བརྒྱད་ལ། །ཐོག་མར་ཡི་དགས་མང་
བྲིས་ནས། །རིགས་པ་འཛིན་པས་མཚན་མོ་བཟླས། །སྟོང་རྩ་བརྒྱད་ནི་ལེགས་བཟླས་ནས། །དེ་ནས་རྫས་ནི་གྲུབ་པར་འགྱུར། །རྨོངས་པར་བྱེད་པའི་ཕྱེ་མ་འདི། །སེམས་ཅན་ཀུན་ལ་སྦྱར་ན་ནི། །དེ་ནས་རྨོངས་པ་བྱེད་པར་འགྱུར། །
འདི་ལ་ཐེ་ཚོམ་མི་བྱའོ། །འཐབ་མོ་དང་ནི་བརྩོད་པ་དང་། །རྒྱལ་པོ་གཡུལ་ངོ་ཆེན་པོ་ལ། །བདག་གིས་ཕྱོགས་ནི་བསྲུང་བའི་ཕྱིར། །སྦྱོར་བ་ཤེས་པས་འདི་བསྐུལ་བའི། །བ་དན་དག་ཀྱང་བསྒྲེང་ན་ནི། །དགྲ་རྣམ་ཀུན་དུ་
རྨོང་པར་འགྱུར། །ཕྱེ་མ་འདི་ཡིས་རེག་ན་ནི། །དེ་མ་ཐག་ཏུ་མི་རྣམས་རྨོངས། །ཚུར་ཞུགས་ན་ནི་ཐར་བར་འགྱུར། །ངེས་པར་བཞན་དུ་མ་ཡིན་ནོ། །དེ་ནས་བཞན་ཡང་བདབབ་པ་ཡི། །ཆོ་གའི་མཆོག་ནི་བཤད་པར་བྱ། །
ཅི་ནས་འབྱུང་པོ་ཐམས་ཅད་ནི། །མོད་ལ་འབབ་པར་འགྱུར་བའོ། །སྟག་གི་ལྤགས་པ་དང་ལྡན་པར། །སྦྲུལ་གྱི་ཤུན་པ་བཏགས་ན་ནི། །དུག་དང་ཡུང་གི་རྩ་བ་དང་། །མོ་ཧ་ན་དང་མ་ལ་ཏི། །ར་ཡི་གཅིན་ལས་བརྟགས་ནས་ནི། །
དེ་ནས་དེ་དག་རི་ལུར་བྱ། །རྩ་ན་ཀ་ཡི་འབྲུ་ཚད་ལ། །བདུན་ནམ་བརྒྱད་དམ་དགུ་འམ་ཡང་། །གཞན་ཡང་རི་བོང་ཁྲག་དག་དང་། །གུར་གུམ་ལས་སུ་བརྟགས་ནས་སུ། །བདུན་ནམ་བརྒྱད་དམ་དགུ་དག་ཏུ། །རི་ལུ་སྔ་མ་བཞིན་དུ་བྱ། །

98-1-16b

དེ་ནས་སྔ་མའི་རི་ལུ་ལ། །སྔགས་པས་ཐོད་པའི་སྣོད་དུ་བཞག །མར་གྱི་ཚེས་བརྒྱད་མཚན་མོ་ནི། །བརྒྱ་རྩ་བརྒྱད་དུ་བཟླས་པར་བྱ། །གུར་གུམ་ཅན་ནི་ཨ་རི་སྟའི། །སྣོད་ནི་གཙང་མར་གཞག་པར་བྱ། །དེ་བཞིན་སྟོང་རྩ་བརྒྱད་
བཟླས་ཏེ། །རྩེ་མོ་རབ་ཏུ་སྦྱར་བར་བྱ། །སྔར་ནི་ལེགས་པར་སྦྱར་བྱས་པའི། །རི་ལུ་ཐ་མལ་བདུག་པ་ལ། །བཏབ་ན་མྱུར་དུ་འབབ་པ་ནི། །རིང་པོར་མི་ཐོགས་བཞན་དུ་མིན། །བསམ་ནས་མྱུར་དུ་བཏང་བ་ནི། །དེ་ནས་གུར་གུམ་རི་ལུ་
བྱ། །དེ་ནས་བཞན་ཡང་གྲུབ་པ་འདི། །དབང་དུ་བྱེད་པ་གང་གིས་མཆོག །རིག་པ་འཛིན་པའི་ཡིད་ལས་འབྱུང་། །ལས་ཀྱིས་ངེས་འགྱུར་བཤད་པར་བྱ། །རཀ་ཏ་ཞེས་ནི་འདིར་གྲགས་པ། །རྩ་བར་རཀ་ཏ་མུ་ལི་ཀ །དེར་བླང་ཤ་ར་
པུ་ཀ་དང་། །མི་ལས་བྱུང་བའི་མདུན་སོ་དང་། །ཚུབ་མས་གཙུབས་པའི་ཤིང་ལོ་ནི། །ལྡིང་ཞིང་ལྷག་དང་བཅས་པ་དག །གཞོན་ནུ་མས་ནི་མཚན་མོ་བཏག །ཕྱེ་མ་མཆོག་དེ་ལན་བདུན་དུ། །བདག་གི་ཁུ་བས་སྦྲུ་བར་བྱ། །
དེ་ནས་བདག་གིས་སྦྱར་བ་དེ། །པད་མོ་སྙིང་པོ་ལ་བཞག་ལ། །གཙང་མས་མར་གྱི་ཚེས་བརྒྱད་ལ། །བློ་ལྡན་ལགས་པས་བཟུང་ནས་ནི། །སྔགས་ཀྱིས་སྟོང་དུ་གདབ་པར་བྱ། །ཕྱེ་མའི་རྒྱལ་པོ་དབང་བྱེད་པ། །
དེ་ནས་དངོས་གྲུབ་ཐོབ་པར་འགྱུར། །བཟའ་བ་འམ་བཏུང་བ་དག་ལ་སྦྱིན། །ཡང་ན་ཕྱེ་མ་གདབ་པར་བྱ། །ཡང་ན་རླུང་གི་ཕྱོགས་སུ་བཏང་། །ཡང་ན་གོས་ལ་ལན་ཅིག་གདབ། །ཡང་ན་བྱུག་པ་འམ་སོ་ཡི་རྩི། །
གང་ཡང་རུང་བར་སྦྱར་ན་ནི། །དེ་ལ་འདི་ནི་ལན་གཅིག་གིས། །མྱོས་ཤིང་དྲེགས་པའི་དགྲ་དག་ནི། །རྒྱང་ནས་ཀྱང་ནི་དབང་དུ་འགྱུར། །བྲན་བཞིན་དུ་ནི་ལེག་པར་བྱེད། །ཕྱེ་མ་འདི་ཡིས་རིག་པ་ནི། །ཤི་ན་འང་རྗེས་སུ་
འབྲང་བར་འགྱུར། །གལ་ཏེ་རྒྱང་ནི་རིང་པོ་ནས། །ཕྱེ་མས་རིག་པར་མི་འགྱུར་ན། །དེའི་གཟུགས་བརྙན་བྱས་ནས་ནི། །ཕྱེ་མ་འདིའི་གདབ་པར་བྱ། །ཞག་བདུན་གྱིས་ནི་རིག་འཛིན་གྱི། །མིང་ནི་དེ་ཡི་ཐོས་ནས་

98-1-17a

ཀྱང་། །བདག་དང་རང་ནི་ནོར་བཅས་པ། །གདོན་མི་ཟ་བར་དབང་དུ་འགྱུར། །དེ་ནས་སྦྱོར་བ་འབའ་ཞིག་གིས། །མཁོན་པའི་ལས་དག་བཤད་པར་བྱ། །རྨ་བྱའི་མདོངས་ནི་བཟང་པོ་དང་། །དེ་བཞིན་སྦྲུལ་
གྱིས་ཤུན་པ་དང་། །རྟ་དང་མ་ཧཱེ་སྤུ་དག་དང་། །ཀ་ན་ཀ་ཡི་ས་བོན་དང་། །ཨ་ཤྭ་མ་རའི་མེ་ཏོག་དང་། །དེ་བཞིན་གླང་པོའི་པི་པི་ལིང་། །འདི་རྣམས་ཐམས་ཅད་མཉམ་བྱས་ཏེ། །བྱི་བ་བྱི་ལའི་ཁྲག་ལས་བཏབ། །བདག་གིས་རི་ལུ་
མཉམ་པར་བྱ། །བྱས་ནས་ཆོ་ག་ཤེས་པའི། །མཚན་མོ་སྟོང་རྩ་བརྒྱད་དུ་བཟླས། །བྱི་བ་དང་ནི་བྱི་ལ་ཡི། །སྤུ་ཡི་བཏུག་པས་བཏུག་པར་བྱ། །དེ་ནས་སྦྱོར་བ་ཤེས་པའི། །དེ་ལས་རི་ལུ་གཅིག་བླང་ནས། །གང་དག་དབྱེ་བར་བྱ་བ་ནི། །
དེ་དག་གཅིག་གིས་སྤྱི་བོ་ལ། །རི་ལུ་འམ་ཡང་ན་ཕྱེ་མ་དག །དབྱེ་བར་བྱ་བའི་ཕྱིར་བདབ་བོ། །དབྱེ་བར་བྱེད་པའི་མཆོག་འདི་ནི། །ཁྲོ་བོ་ཉིད་ཀྱིས་གསུངས་པའོ། །དེ་ནས་འདི་ནི་གསད་བྱ་བ། །སྦྱོར་བའི་ཚུལ་བཞིན་ལེགས་
སྦྱོར་ན། །དོགས་པ་མེད་པར་འགྲུབ་འགྱུར་བ། །གསོད་བྱེད་མཆོག་ནི་བཤད་པར་བྱ། །མི་དབང་རྣམས་པ་དུ་མ་ཡིས། །དཀོན་མཆོག་གསུམ་ལ་གནོད་བྱེད་པ། །དེ་ལ་སྦྱོར་བ་འདི་སྦྱར་གྱི། །ངན་སོང་གཞིན་ལ་མ་ཡིན་ནོ། །
འདི་ནི་བྱང་ཆུབ་སེམས་ལྡན་ལ། །གྲུབ་པར་འགྱུར་གྱི་གཞན་དུ་མིན། །དེ་བཞིན་གཤེགས་པའི་དམ་ཚེག་འདི། །དངོས་གྲུབ་ཐམས་ཅད་སྟེར་བས་ན། །ཆོ་ག་བཞིན་ཏུ་ལེགས་པར་བསྲུང་། །གཞན་དུ་བྱས་ན་འགྲུབ་མི་
འགྱུར། །དེ་བཞིན་གཤེགས་པའི་དངོས་གྲུབ་ཀུན། །འདོད་ན་སྲོག་ཆགས་ཕན་འདོད་པས། །འོག་དང་འཕུར་བའི་དངོས་གྲུབ་ཀྱང་། །བཤོལ་བ་མེད་པར་བསྒྲུབ་པར་བྱ། །ཁྲོ་དང་གཏུམ་པའི་སྤྱོད་པ་ཅན། །འདོད་ཕྱིར་གསོད་
པར་འདོད་དེ་ལ། །དེ་བཞིན་གཤེགས་པའི་དངོས་གྲུབ་དག །རྨི་ལམ་དུ་འང་ག་ལ་འབྱུང་། །སྙིང་རྩེ་བཟོད་དང་དེ་བཞིན་བྱམས། །རང་བཞིན་གྱིས་ནི་སྙིང་རྗེ་ཅན། །ཇི་སྐད་བསྟན་པའི་སྔགས་པ་ནི། །བྱང་ཆུབ་སེམས་ཉིད་

98-1-17b

སེམས་བྱེད་ལ། །དེ་བཞིན་གཤེགས་པའི་དངོས་གྲུབ་ཀུན། །གདོན་མི་ཟ་བར་དེ་ལ་འགྲུབ། །གདུག་པ་རྣམས་ནི་འདུལ་བའི་ཕྱིར། །སྦྱོར་བ་འདི་ནི་ཀུན་ཏུ་གསུངས། །དཀོན་མཆོག་གསུམ་ལ་ཆེར་གདོན་ལ། །བྱ་བར་བཤད་
ཀྱིས་གཞན་དུ་མིན། །སེམས་གདུག་བསྒྲུབ་པར་བྱ་བ་ཡིས། །རྐང་པའི་རྗེས་ཀྱི་ས་བླངས་ལ། །དེ་ནས་གཙང་མའི་མ་ཧེ་ཡི། །གཅིན་གྱིས་དེ་ནི་སྤྲུས་ནས་ཀྱང་། །དེ་ཡིས་གཟུགས་བརྙན་བྱས་ནས་ནི། །དུར་ཁྲོད་ཐལ་བས་
བསྐུ་བར་བྱ། །སོལ་བ་ཚེར་མ་རྣོན་པོ་དང་། །དེ་བཞིན་རུས་པ་ཕུབ་མ་དག །དེའི་སྙིང་ཀར་གདབ་པར་བྱ། །དེ་བཞིན་གཞན་ཡང་ལྟོ་བ་དང་། །རྣ་བ་སྣ་དང་མིག་དང་ཁ། །རབ་ཏུ་བཀང་ནས་གཡང་སར་བཞག །རྐང་པ་གཡོན་པས་
གནས་པར་བྱ། །དེ་ནས་རོ་ལངས་ཞི་བའི་སྔགས། །ཕྱིན་ཅི་ལོག་ཏུ་བཟློག་ཏེ་བཟླས། །བསྒྲུབ་པར་བྱ་བའི་མིང་སྨོས་ནས། །སྒྲུབ་པ་སྟོང་རྩ་བརྒྱད་བཟླས་ལ། །བཟློགས་པའི་རིམ་པ་འདི་ཉིད་ཀྱིས། །ཕཊ་གཉིས་དག་གི་བར་ཏུ་
གཞུག །ལས་འདི་བྱས་པས་ངེས་པར་ནི། །བསྒྲུབ་པར་བྱ་བ་སྦོས་གྱུར་ནས། །ངེས་པར་འཆི་བདག་དབང་དུ་འགྱུར། །བློ་དང་ལྡན་པས་བསྒྲུབ་བྱ་ཡི། །དྲེགས་པ་དེ་ལྟར་བསལ་བྱེས་ན། །ན་བ་ཀུན་གྱིས་བཏབ་པ་དེ། །དེ་ནས་སླར་
ཡང་ཐར་བར་བྱ། །གཞན་དུ་བྱས་ན་མོད་ལ་ནི། །ངེས་པར་འཆི་བདག་མདུན་དུ་འགྲོ། །དཀོན་མཆོག་གསུམ་ནི་བསྲུང་བའི་ཕྱིར། །གནོད་པར་བྱེད་པ་ཐམས་ཅད་ལ། །ནད་ལ་སོགས་པ་སྦྱར་ན་ཡང་། །འཆི་བར་འགྱུར་བ་
འདི་བཤད་དོ། །དམ་ཚིག་ཤེས་ལ་མི་བྱ་ཏེ། །གལ་ཏེ་བྱས་ན་བདག་ཉིད་འཆི། །བསྐྲད་པར་བྱ་བའི་ཆོ་ག་ཡང་། །འཇམ་དབྱངས་རབ་ཏུ་དཔའ་བོ་ཡི། །ཁྲོ་བོ་ཉིད་ཀྱིས་ཇི་སྐད་དུ། །གསུངས་པ་ད་ནི་བཤད་པར་བྱ། །སེང་ལྡེང་ལས་བྱས་
ཕུར་བུ་ནི། །སོར་བརྒྱད་རྩམ་ཏུ་བྱས་པ་ལ། །ཡུངས་མར་ཚ་བས་བྱུག་ནས་ནི། །དུར་ཁྲོད་ཐལ་བས་གདབ་པར་བྱ། །དེ་ནས་ཁྭ་ནི་རང་ཤི་བའི། །དེའི་ལྤགས་པས་དཀྲི་བར་བྱ། །སྒྲུབ་པས་ནུབ་མོ་ཕུར་བུ་དེ། །སྐུད་པ་དམར་པོས་བཅིངས་

98-1-18a

ནས་ནི། །དེ་ནས་རོ་ལངས་ཕྱག་རྒྱ་ནི། །སྐྲོད་ཅིག་པའི་ཚིག་ལྡན་པས། །བསྒྲུབ་པར་བྱ་བས་མིང་སྨོས་ཏེ། །མཁས་པས་སྟོང་རྩ་བརྒྱད་བཟླས་པ། །དེ་ནས་སྐྲད་པར་འདོད་པའི། །བསྒྲུབ་པར་བྱ་བའི་སྒོ་ཀར་ནི། །
ཕུར་བུ་དེ་ནི་གདབ་པར་བྱ། །འདི་ནི་སྐྲོད་པའི་མཆོག་ཏུ་གསུང་། །འོན་ཀྱང་བརྒྱ་བྱིན་སྟོབས་ལྡན་པའི། །བསྒྲུབ་པར་བྱ་བའང་བསྐྲད་པར་འགྱུར། །དེ་ནས་གཞན་ཡང་གཅིག་ལ་གཅིག །འཐབ་དང་རྩོད་པ་བཤད་པར་བྱ། །དཀོན་
མཆོག་གསུམ་ལ་གནོད་བྱེད་པར། །རིག་ནས་ཅི་ལྟར་འདོད་པ་ནི། །དེ་དག་རང་གིས་ཕྱོགས་འཁྲུགས་པར། །སྔགས་པས་ཇི་སྐད་གསུངས་བཞིན་བྱ། །བ་ར་ཧེ་དང་རི་ཙི་ར། །པ་ཏྲ་དང་ནི་ཀེ་ཤི་ནི། །དེ་བཞིན་ཐ་མ་སུ་ཀ་
རི། །རྫོགས་པའི་བྱང་ཆུབ་བཞུགས་བཞུགས་པ། །མཐུ་ཆེན་སྨན་ནི་འདི་རྣམས་ལས། །གང་ཡང་རུང་བ་གཅིག་བླངས་ཏེ། །ལོ་མ་རླུང་གི་བཏབ་པར་སྦྱར། །དེ་བཞིན་བ་ལ་ཀ་ཏ་དང་། །གོས་སྙོད་ནག་པོ་ལྡོང་རོས་དག །
འདི་དག་བཏགས་ཏེ་ཕྱེ་མར་བྱ། །མི་ཡི་ཚིལ་གྱིས་སྦྲུས་ནས་སུ། །རོ་ལངས་སྟོང་རྩ་བརྒྱད་དུ་བཟླས། །ནམ་ལངས་པ་རུ་གྱུར་པ་དང་། །གདུག་པ་འཁྲུག་པར་བྱེད་ཅེས་བྱ། །གང་གིས་བསྣམས་ཏེ་དེ་དག་ནི། །རང་གི་ཕྱོགས་
རྣམས་ཕན་ཚུན་འཁྲུག །གཅིག་ལ་གཅིག་ཀྱང་འཐབ་པར་འགྱུར། །ཡུལ་འཁོར་དང་ནི་གྲོང་ཁྱེར་དང་། །དཔུང་ལ་གནོད་པ་བྱ་བའི་ཕྱིར། །ཕན་ཚུན་གསོད་པར་བྱ་བ་ལ། །གདུག་པ་འདི་ནི་སྦྱར་བར་བྱ། །ཕན་ཚུན་འཐབ་
ཅིང་གསོད་པ་དག །ཅི་རིག་བསྟན་པ་འདི་ཡིན་ནོ། །དེ་ནས་གཞན་ཡང་མིག་འཁྲུལ་གྱི། །ཆོ་ག་ཚུལ་བཞིན་བཤད་པར་བྱ། །དུར་ཁྲོད་དག་གི་ཐལ་བ་ཡིས། །མིག་འཕྲུལ་དངོས་པོ་འགྲུབ་པར་འགྱུར། །མི་ཐོད་བཟང་
པོར་ཐལ་བ་དང་། །རི་བོང་དག་གི་ཁྲག་བླུགས་ཏེ། །ཡི་དགས་ཕལ་ཆེན་དཀྱིལ་འཁོར་གྱི། །ཇི་སྐད་གསུངས་པ་བྲིས་པ་གཞག །དེ་ཡི་ནང་དུ་རོ་ལངས་ལ། །མཆོད་པ་ཆེན་པོ་བྱས་ནས་ནི། །དེར་ཡང་ལྷོ་ཕྱོགས་སྒོ་

98-1-18b

དག་ཏུ། །ཞུགས་ཐབ་ཏུ་ནི་མེ་བུས་ཏེ། །དེ་ནས་ཐལ་བ་དེ་ལ་ནི། །མར་གྱིས་བདུགས་ཏེ་སྦྱིན་བསྲེགས་བྱ། །དེ་ནས་ཐལ་བ་དེ་ལ་ཡང་། །སྟོང་ཙ་བརྒྱད་དུ་བཟླས་བྱས་ཏེ། །སྟོང་རྩ་བརྒྱད་པོ་དེ་ཉིད་ཀྱིས། །ནམ་ལངས་པར་ནི་ངེས་པར་ཡང་། །
མཁས་པས་མིག་འཕྲུལ་རྩེད་མོ་རྣམས། །ཐལ་བ་དེས་ནི་བྱེད་པར་འགྱུར། །མེ་ཏོག་དཀར་ལ་ཐལ་བ་དེས། །ལན་རེ་དག་ཏུ་བསྐུས་ནས་ནི། །ནམ་མཁར་གཏོར་ན་ངེས་པར་ཡང་། །རྫོགས་པའི་སངས་རྒྱས་སྟོན་པར་འགྱུར། །
ཐལ་བ་དེའི་སྔ་མ་བཞིན། །མེ་ཏོག་སེར་པོ་ལ་བསྐུས་ཏེ། །དེ་བཞིན་ནམ་མཁའ་ལ་གཏོར་ན། །འདོད་ཆགས་བྲལ་བ་སྟོང་དག་དང་། །ཉིད་ཀྱི་གནས་བཅས་སངས་རྒྱས་ཀུན། །སྟོན་པར་བྱེད་དེ་གཞན་དུ་མིན། །མེ་ཏོག་དཀར་
པོས་འཇིག་རྟེན་པའི། །ལྷ་རྣམས་ཀྱང་ནི་སྔ་མ་བཞིན། །གང་དང་གང་གི་འདོད་པ་དག །ཡིད་ལ་བསམ་པས་སྟོན་པར་བྱེད། །མེ་ཏོག་སྔོན་པོས་དེ་བཞིན་དུ། །གནོད་སྦྱིན་སྲིན་པོ་སྔ་མ་བཞིན། །ཡི་དགས་མཁའ་འགྲོ་གྲུལ་བུཾ་
དང་། །ཡང་ན་གང་དང་གང་འདོད་པའོ། །ཆུ་ལས་ལན་བདུན་བཟླས་པ་ནི། །གྱེན་དུ་གཏོར་ནས་ངེས་པར་ཡང་། །མིག་འཕྲུལ་སླར་ཡང་བསྡུ་བར་བྱ། །ཡང་ན་ཁུ་ཚུར་བཅངས་པས་སོ། །ཁྭ་ཡི་སྒྲོ་བདུན་མི་རུས་ཀྱི། །
ཡུ་བ་དག་ལ་བཅིངས་ནས་སུ། །དེ་ལ་ཐལ་བ་དེ་བསྐུས་ཏེ། །མིག་འཕྲུལ་བསམ་ལ་ཅི་འདོད་པར། །ཚོགས་ཀྱི་ནང་དུ་བསྐོར་ནས་ནི། །མཚོ་དང་རྒྱ་མཚོ་རྒལ་བ་དང་། །དེ་བཞིན་ཁང་པ་ལི་བ་དང་། །གཡུལ་དང་འཁྲུག་ཅིང་འཆི་
བ་དང་། །བལྟད་མོ་ཆེན་པོ་མཆོག་རྣམས་ནི། །རབ་ཏུ་སྦྱར་བ་སྟོན་པར་འགྱུར། །ཁུ་ཚུར་བཅས་པས་དེ་བཞིན་སྡུད། །སའི་འོག་ཀྱང་སྟོན་པ་དང་། །འགྲོ་བ་མང་པོ་འདུས་པ་དང་། །གྱེན་དུ་འགྲོ་དང་དེ་བཞིན་འཁྲུག །རང་གི་དཔུང་
དང་རྒྱ་མཚོ་འང་འཁྲུག །མཇུག་མ་དེ་དང་ཐལ་བའི། །གཞན་ཡང་གང་དང་གང་འདོད་པ། །དེ་དག་ངེས་པར་བྱེད་པར་འགྱུར། །ཁུ་ཚུར་བཅངས་པས་དེ་བཞིན་སྡུད། །དེ་ལྟར་མིག་འཁྲུལ་མདོར་བསྡུས་པ། །ཇི་སྐད་བཤད་པ་དེ་བཞིན་

98-1-19a

བྱ། །རོ་ལངས་དེ་ཡི་ངོ་བོ་ཉིད། །ཞི་བའི་ཕྱིར་ནི་ཚུལ་བཞིན་བཟླས། །བདག་གམ་འོན་ཏེ་གཞན་ཡང་རུང་། །བསྒྲུབ་བྱ་ཞི་བའི་ཚིག་སྨོས་ཏེ། །སྟོང་རྩ་བརྒྱད་དུ་བཟླས་བྱས་ནས། །མེ་ཏོག་དཀར་པོ་བཟང་པོ་ནི། །བསུང་
ཞིམ་ཡིད་དུ་འོང་བ་དག །ཙན་དན་དཀར་པོའི་ཆུས་བཏབ་ནས། །རྒྱ་མཚོར་འགྲོ་བའི་ཆུ་ནང་དུ། །ཞུགས་ནས་རེ་རེ་ལ་བཟླས་ཤིང་། །བརྒྱ་རྩ་བརྒྱད་ནི་དོར་བར་བྱ། །འོན་ཀྱང་བདག་གམ་གཞན་ཡང་རུང་། །མཚུངས་པ་མེད་པ་ཞི་བར་
འགྱུར། །རྒྱལ་པོའི་ཡུལ་ལམ་ལྗོངས་དག་གམ། །གྲོང་ངམ་ཡང་ན་གྲོང་ཁྱེར་དག །ཞི་བའི་ལས་དེ་བྱས་པ་ཡི། །ཞི་བར་འགྱུར་བ་གདོན་མི་ཟ། །དེ་ནས་རྒྱས་པའི་ལས་རྣམས་ཀྱང་། །ཚུལ་བཞིན་དུ་ནི་བཤད་པར་བྱ། །
མཆོད་རྟེན་ལ་མཆོད་སྣ་ཚོགས་པ། །བྱས་ནས་དེ་ཡི་མདུན་འདུག་སྟེ། །རོ་ལངས་ཕྱག་རྒྱ་ཆེན་པོ་ནི། །རྫོགས་སངས་རྒྱས་ཀྱིས་མཆོད་པ་བཟླས། །གལ་ཏེ་མཆོད་རྟེན་རིང་བསྲེལ་ཅན། །ཡིན་ན་དེ་མ་ཐག་ཏུ་འགྱུར། །
བསྒྲུབ་བྱའི་མིང་སྨོས་བཟླས་ན་ནི། །སྐྱེས་པ་བུད་མེད་རྒྱས་པར་འགྱུར། །དམ་ཆོས་མཆོད་རྟེན་མདུན་དུ་ནི། །ཆོ་ག་བཞིན་དུ་ཁྲི་བཟླས་ན། །ཅི་སྲིད་རྒྱས་པར་འགྱུར་གྱི་བར། །དེ་སྲིད་རྒྱས་ཕྱིར་རིམ་གྱིས་བཟླས། །
དེ་བཞིན་གཤེགས་པའི་མཆོད་པ་དག །མཁས་པས་མཆོད་རྟེན་ཀུན་ལ་བྱ། །རིང་བསྲེལ་ཅན་ལ་ཆོ་ག་བཞིན། །ཁྱད་པར་དུ་ནི་བཤད་པར་བྱ། །ཐོག་མར་མཆོད་རྟེན་དྲུང་དུ་ནི། །མཁས་པ་དག་གི་དཀྱིལ་འཁོར་བྱ། །
དེ་ནས་དེར་ནི་མེ་ཏོག་དག །ཤིན་དུ་ཡིད་འོང་དགྲམ་པར་བྱ། །མེ་མར་རབ་ཏུ་འབར་བ་བརྒྱད། །མཁས་པས་དེ་ལ་དབུལ་བར་བྱ། །ཤིན་དུ་ཡིད་འོང་ཆུ་དང་བཅས། །སྣ་ཚོགས་པའི་བཤོས་ཕུལ་ནས། །གུ་གུལ་བདུག་
པ་ཕུལ་ནས་ནི། །བྱང་ཆུབ་སེམས་དང་ལྡན་པ་ཡིས། །དེ་བཞིན་གཤེགས་པ་ཐམས་ཅད་ལ། །ཞེ་སར་བཅས་པས་ཕྱག་བྱས་ནས། །མཆོད་རྟེན་ལ་ནི་མངོན་ཕྱོགས་ཏེ། །ཞི་དང་རྒྱས་ཕྱིར་བཟླས་པར་བྱ། །དམ་པའི་

98-1-19b

ཆོས་ཀྱང་ཀླག་པ་དང་། །དུས་དུས་སུ་ཡང་མཆོད་རྟེན་བྱ། །དེ་ལྟར་ཉིན་མཚན་ཕྱེད་བྱས་ན། །ཞི་བ་དག་དང་རྒྱས་པར་འགྱུར། །རྒྱས་པའི་ལས་ནི་བཤད་ཟིན་ཏོ། །གཞན་ཡང་བསྒྲུབ་པ་པོ་ལ་ནི། །འཇིག་རྟེན་ཐམས་ཅད་ངེས་
པར་ཡང་། །དགའ་བར་འགྱུར་བ་བཤད་པར་བྱ། །ཇི་ལྟར་མ་ལ་བུ་སྡུག་པ། །དེ་འདིར་དེ་བཞིན་བཞན་དུ་མིན། །མཁས་པ་ཡིས་ནི་གེའུ་ཝང་དག །ངེས་པར་བདག་གི་ཁྲག་དང་སྦྱར། །ལན་གྲངས་མང་དུ་སྦྱར་ནས་ཀྱང་། །
མཁས་པ་དེ་ནི་ཐོད་པར་བཞག །དེ་ནས་ཟླ་བ་བཟའ་ཟིན་ཚེ། །ཟླ་བ་ལ་ནི་མིག་བལྟས་ཤིང་། །བཏོང་གི་བར་དུ་ལེགས་པར་བཟླས། །ནང་པར་བདག་གིས་དཔྲལ་བ་ལ། །ཐིག་ལེ་གཅིག་ནི་བྱས་ནས་ཀྱང་། །དེ་ནས་རྒྱལ་
པོའི་འཁོར་དུ་འགྲོ། །འགྲོ་བ་དབང་བྱེད་སྦྱོར་བ་འདི། །མདོར་བསྡུས་ནས་ནི་བཤད་པ་སྟེ། །རྒྱུ་དང་མི་རྒྱུ་འཇིག་རྟེན་དག །མཐོང་བ་ཡིས་ནི་དགའ་བར་འགྱུར། །འདི་ནི་འཇིག་རྟེན་པ་རྣམས་ཀུན། །དགའ་བར་བྱེད་པ་བསྟན་
པ་ཡིན། །དེ་ནས་དགུག་པའི་ཆོ་ག་ཡང་། །འཇམ་དབྱངས་མགོན་པོ་གཅིག་པུ་ཡིས། །ཁྲོ་བོ་ཞེས་ནི་གསུངས་པ་དག །མདོར་བསྡུས་ནས་ནི་བཤད་པར་བྱ། །བུད་མེད་བུ་མོ་ཤི་སྐྲ་ལས། །མར་གྱི་བརྒྱད་ལ་ནན་ཏན་ཏུ། །
ཞག་པ་ལེགས་པར་བཀལ་བྱས་ཏེ། །དེ་ནས་ཐོད་པའི་ནང་དུ་གཞུག །དེ་ནས་ཟླ་བ་གཟའ་ཟིན་པར། །འགྱུར་བའི་བར་དུ་ཉིན་རེ་བཟླས། །ཟླ་བ་གཟའ་ཟིན་གྱུར་པ་དང་། །ཆུ་འགྲམ་གཙང་མ་དག་དུ་ཡང་། །དེར་ནི་ཡི་དགས་ཕལ་
ཆེན་གྱི། །དཀྱིལ་འཁོར་དེས་བྲིས་མཆོད་པ་བྱ། །ཁྲོ་བོའི་གཙོ་བོས་གསུངས་པའི། །རོ་ལངས་ཁྲོ་བོ་ལྡན་པ་ལ། །གཏོར་མ་རྒྱ་ཆེན་བྱས་ནས་ནི། །དེ་ནས་ཕྱི་རོལ་འབྱུང་པོ་ལའོ། །དེ་ནས་དེ་ལ་ལག་གིས་མནན། །མི་ཐོད་ནང་
དུ་འདུག་པའི། །ཞག་པ་ཅི་སྲིད་གཡོ་བའི་བར། །ཟླ་བ་ལ་བལྟས་བཟླས་བརྗོད་བྱ། །དེ་ནས་གྱེན་དུ་འཕར་ན་ནི། །བསྒྲུབ་པ་ལ་ནི་འགྲུབ་ཅེས་བྱ། །དེ་ཚེ་ཞགས་པ་བླངས་ནས་ནི། །འཇིག་རྟེན་ལྷ་རྣམས་སྐད་ཅིག་གིས། །

98-1-20a

བསམས་པས་དེའི་དྲངས་ནས་ནི། །དེ་ནས་རིག་པ་འཛིན་པ་ཡིས། །ཡིད་ཀྱི་བསམ་མམ་ཚིག་གི་ཀྱང་། །གང་དང་གང་འདོད་ལེགས་པར་བྱེད། །རྒྱ་བྱིན་ལ་སོགས་ལྷ་རྣམས་ཀྱང་། །དེ་ཡི་བཀའ་བཞིན་
ངེས་པར་བྱེད། །སྐད་གཅིག་གིས་ནི་ནམ་མཁའ་ལས། །རྫུ་འཕྲུལ་ཆེ་དང་ལྡན་པ་དང་། །ཞག་པ་དེ་ནི་དྲངས་ནས་སུ། །འདོད་པའི་མཆོག་ནི་རབ་དུ་དབུལ། །གནོད་སྦྱིན་བུ་མོ་འམ་དྲི་ཟ་མོ། །ཡང་ན་ལྷའི་བུ་མོ་དག །བདག་
གི་དྲུང་དུ་སྐད་ཅིག་གིས། །ཞག་པ་དེས་ནི་དྲངས་ནས་སུ། །དེ་ནས་རིག་པ་འཛིན་མཆོག་གིས། །ཡིད་དུ་འོང་བའི་ལས་རྣམས་བྱེད། །གལ་ཏེ་བསྒྲུབ་ན་དམན་པ་དག །འདོད་པས་གདུངས་པར་གྱུར་པ་ནི། །དེ་ཚེ་ཞག་
པ་དེ་ཉིད་ཀྱིས། །ལྷ་ཡི་ངོ་བོ་བཀུག་ནས་ནི། །དོག་པ་མེད་པར་བསྟེན་པར་བྱ། །འདོད་པས་གདུངས་ཀྱང་བུད་མེད་མིན། །དགའ་དང་མྱ་ངན་གྱིས་གདུངས་ན། །ནད་དང་གཙོ་བོས་སྨ་ཕབ་པ། །གཅིན་དང་རྔུལ་དང་དྲི་
མ་ཅན། །མི་ཡི་བུད་མེད་རྟག་ཏུ་སྤང་། །གལ་ཏེ་འདོད་པས་གདུངས་གྱུར་ན། །ལྷའི་བུད་མེད་བསྟེན་པར་བྱ། །འོན་ཏེ་སེམས་དཔའ་ཆེན་པོ་དེ། །དེ་ཚེ་བརྩེ་ལྡན་མ་ཡིན་ན། །ལྷའི་དབང་ཕྱུག་དགེ་བ་དང་། །གནོད་སྦྱིན་
གདུགས་པ་དག་གིས་བསྐོར། །རང་གིས་གཞལ་ཡས་ཁང་བཟངས་ན། །འདུག་ཅིང་གང་དུ་འདོད་པར་འགྲོ། །གཞལ་མེད་ཁང་ནི་བཟང་པོ་དག །ལྷ་རྣམས་དེ་ལ་རབ་ཏུ་དབུལ། །བཅུད་ཀྱིས་ལེན་ནི་དུ་མ་དང་། །
དཔག་བསམ་ཤིང་གི་འབྲས་བུ་ཡང་། །ལྷའི་དབང་ཕྱུག་མཉམ་ལྡན་པ། །དོགས་པ་མེད་པར་ཐོག་པར་འགྱུར། །བསྐྲེས་སྐོམ་ནད་ལས་ངེས་པར་ཐར། །རིག་པ་འཛིན་པ་ཀུན་གྱིས་མཆོད། །ཞག་པ་
འགུལ་ལམ་གཡོ་ན་ནི། །དངོས་གྲུབ་འདི་འདྲ་ཐོབ་པར་འགྱུར། །འགུལ་ལམ་གཡོས་སམ་གཞན་པ་དག །གལ་ཏེ་གྲུབ་པར་མ་གྱུར་ན། །མ་གྲུབ་པའི་ཞག་པས་ཀྱང་། །འཇིག་རྟེན་པ་ཡི་ལས་

98-1-20b

རྣམས་བྱ། །སྐྱེས་པ་འམ་ཡང་ན་བུད་མེད་དག །ཡིད་ལ་འདོད་པ་བསམ་ནས་ནི། །མཚན་མོ་ཞག་པ་དེ་བརྐྱང་སྟེ། །དེ་ནི་དེ་ན་ཕྱོགས་སུ་བཟླས། །བསྒྲུབ་བྱ་མིང་ནི་ཚིག་དང་བཅས། །དེ་ནི་ཚིག་གིས་མཇུག་དུ་སྦྱར། །
ཞག་པ་གང་ན་འདུག་པ་དེར། །ནམ་མཁའ་ལས་ནི་བྱ་བཞིན་དུ། །བདག་གི་དྲུང་དུ་སྐད་ཅིག་གིས། །ཐེ་རྩོམ་མེད་པར་འོང་བར་འགྱུར། །མི་དབང་སླས་དང་བཅས་པ་འམ། །ཡང་ན་སྐྱེ་བོ་ཕལ་པ་འམ། །བ་ལང་
རྟ་དང་ཤིང་རྟ་དང་། །འབྲས་བུའི་མེ་ཏོག་གང་ཡང་རུང་། །དེ་བཞིན་འདོད་པའི་རྫས་དག་ཀྱང་། །མཐོང་བ་འམ་ཡང་ན་ཐོས་པའང་རུང་། །དེ་ཡི་མིང་ཚིག་བསྐུལ་བ་དག །དེ་ཚེ་དེས་ནི་འགུག་པར་འགྱུར། །ཡུལ་གཞན་དག་ན་
གནས་པ་ནི། །དཔག་ཚད་བརྒྱ་ན་འདུག་པ་ཡང་། །དམ་ཚིག་དག་གི་བསྐུལ་ན་ནི། །ཞག་པ་དེས་ནི་ངེས་པར་ཁུགས། །ཁྲོ་བོ་ཁྲུག་པ་རོ་ལངས་སམ། །ཁྲོ་བོ་རྣམ་རྒྱལ་ཆོ་ག་འདིར། །ཞུག་པས་གྲུབ་པའི་ལས་རྣམ་དང་། །
མ་གྲུབ་གྲུབ་པ་གང་ཡིན་དེའི། །ལྷ་དང་ལྷ་མིན་གཉི་ག་དག །དགུག་པས་ཆོ་གར་གསུངས་པ་སྟེ། །རོ་ལངས་མའི་ཆོ་ག་འདི། །ཚུལ་བཞིན་རིམ་པ་བཞིན་དུ་བཤད། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་
པར་རྒྱལ་བ་ལས་རོ་ལངས་མའི་ཆོ་ག་ཞིབ་མོ་རྣམ་པར་ཕྱེ་བ་སྟེ་དྲུག་པའོ།། །། འདི་ནི་རོ་ལངས་ཆོ་ག་མཆོག །རིག་པ་འཛིན་པ་རྣམས་ལ་ནི། །དངོས་གྲུབ་ཆེན་པོ་མཆོག་སྟེར་བ། །ཚུལ་བཞིན་མདོར་བསྡུས་བཤད་པ་ཡིན། །
དེ་ནས་ཁྲོ་བོའི་ཆོ་ག་ནི། །ཞིབ་མོ་རྨད་དུ་བྱུང་བའི་མཆོག །ཁྲོ་བོའི་པད་མའི་ཞལ་ནས་བྱུང་། །ཡང་དག་རྒྱས་པར་བཤད་པར་བྱ། །སྔགས་ཀྱིས་གྲངས་ནི་བཅུ་བདུན་པོ། །ཁྲོ་བོ་ཉིད་ཀྱིས་གསུངས་པ་གང་། །ཐོས་པ་རྩམ་
གྱིས་མོད་ལ་ཡང་། །ལྷ་དག་ཀུན་ཏུ་རྨོངས་པར་གྱུར། །འཇམ་པའི་དབྱངས་ཀྱིས་རབ་བསྐུལ་བ། །ཁྲོ་བོ་དེ་ཉིད་འབར་བ་ཡི། །བཟླས་པའི་གྲངས་ནི་ངེས་པ་དག །ཆོ་ག་ཞིབ་མོ་འདིར་བཤད་བྱ། །ཐོག་མར་དྲུག་འབུམ་བཟླས་པ་ནི། །

98-1-21a

སྔོན་དུ་བསྙེན་པ་བྱས་པར་འགྱུར། །དེ་ནས་བུ་དོན་ཆོ་ག་ཡི། །ཕྱིས་ཀྱང་དྲུག་འབུམ་བཟླས་པར་བྱ། །དེ་བཞིན་རི་རྩེར་འབུམ་བཟླས་ན། །གྲུབ་པར་འགྱུར་ཏེ་གཞན་དུ་མིན། །ཕྱིས་ནི་མཁས་པས་ཅི་འདོད་
པར། །སྒྲུབ་པ་ལ་ནི་འཇུག་པར་བྱ། །དེ་ནས་ཁྲོ་བོ་རྣམ་རྒྱལ་གྱིས། །སྔོན་དུ་བསྙེན་ལ་སོགས་པའི་རིམ། །སྒྲུབ་པ་པོ་ལ་ཕན་པའི་ཕྱིར། །ཆོ་ག་འདིར་ནི་བཤད་པར་བྱ། །གཅིག་ཏུ་དཔའ་བའི་ཁྲོ་བོ་ཉིད། །བདུད་རྣམས་ཐཾད་
ཚར་གཅོད་པ། །དངོས་གྲུབ་ཐམས་ཅད་རབ་རྩོལ་ཅིང་། །འཚེ་བ་ཐམས་ཅད་འཇིག་མཛད་པ། །ཐོག་མར་ཁྲོ་བོ་རྒྱལ་པོ་ཡི། །ཁྲུས་ཀྱི་ཆོ་ག་ཉིན་རེ་བྱ། །དེ་ནས་ཁྲོ་བོས་བསྐུལ་བ་ཡིས། །བསྲུངས་བ་རང་གི་ལུས་ལ་
བྱ། །བྷྃ་གི་ས་བོན་ལས་བྱུང་བའི། །ཡིད་ཀྱིས་པད་མོའི་བསྟན་ལ་འདུག །བདག་ཉིད་དེ་ཡི་སྟེང་དུ་ཡང་། །ས་བོན་ཧཱུྃ་ལས་གྱུར་པའི་སྐུ། །བསྒོམ་པར་བྱས་ཏེ་བསྒོམ་ནས་ཀྱང་། །བདག་གི་སྤྱི་བོར་ཡི་གེ་ཨོཾ། །མིག་གཉིས་
སུ་ནི་ཡི་གེ་ཨཱི། །བསྲུང་བར་བྱ་སྟེ་དེ་ནས་ཡང་། །སྔགས་ནི་ཡི་གེ་བཅུ་བདུན་པོ། །ཟློས་ཤིང་དེ་བཞིན་གཤེགས་དྲན་ནས། །རང་གི་ལུས་ལ་སྔར་བཀོད་པའི། །སྙིང་པོ་སྙིང་ཀར་གཞག་པར་བྱ། །དེ་ནས་ཁྲོ་བོའི་ཚོགས་
མ་ཡིས། །བདག་གི་ཚོགས་མར་རེག་པར་བྱ། །ཁྲོ་བོ་གཙོ་བོའི་སྤྱི་གཙུག་ཀྱང་། །ཕྱིས་ནི་གཙུག་ཏུ་གཞག་པར་བྱ། །དེ་ནས་ལུས་ལ་ཆོ་ག་ཡང་། །ལག་པས་ཆོ་ག་བཞིན་དུ་བྱ། །དེ་ནས་བདག་གི་ལག་གཉིས་ལ། །
བློ་དང་ལྡན་པས་མཚོན་ཆ་དགོད། །རང་གི་དམ་ཚིག་ལྡན་པའི་རྒྱ། །མཁས་པས་ཆོ་ག་བཞིན་བཅིངས་ནས། །ཁྲོ་བོ་གཙོ་བོའི་རོ་ལངས་མ། །བདག་གི་སྙིང་ཀར་གཞག་པར་བྱ། །དེ་བཞིན་བེ་ཅོན་ཕྱག་རྒྱ་ཡང་། །ཤིན་དུ་དྲག་པའི་
མཚོན་ཆའི་གནས། །ལག་པ་གཡས་པས་བཅིངས་ནས་ནི། །ཁྲོ་བོའི་མཆོད་པ་འཇུག་པར་བྱ། །ཁྲོ་མཆོད་བཤད་པ་བཞིན་བྱས་པས། །འདོད་པ་ཐམས་ཅད་སྩོལ་བར་མཛད། །ཡི་དགས་ཕལ་ཆེན་དཀྱིལ་འཁོར་དང་། །

98-1-21b

གཞན་ཡང་རྟག་པར་སྐུ་གཟུགས་དང་། །ཅི་སྲིད་བསྟན་པའི་རི་མོ་ལ། །ཡིད་ཀྱི་མཆོད་པ་བྱ་བར་བསྒྲགས། །ལྷའི་མེ་ཏོག་དྲི་ཞིམ་དང་། །བིལ་བའི་ལོ་མ་བཟང་པོ་དང་། །སྤོས་ཆུ་དག་གིས་ས་ལ་འམ། །ཡང་ན་སྐུ་གཟུགས་
དག་ལ་མཆོད། །དགོས་པ་ཀུན་གྱི་དོན་སྒྲུབ་པ། །སྐུ་གཟུགས་མཚན་ཉིད་བཤད་པར་བྱ། །སྔར་བསྙེན་ཆོ་ག་བཞིན་བྱས་ནས། །དེ་ནས་སྐུ་གཟུགས་བྱེད་དུ་གཞུག །གསེར་རམ་ཡང་ན་དངུལ་ཡང་རུང་། །དེ་བཞིན་འཁར་
བ་འམ་ཟངས་ལ་བྱ། །ར་གན་ཨིན་ཏྲ་ནཱི་ལ་དང་། །མཆིང་བུ་ཤེལ་དང་རིན་ཆེན་ཏེ། །རྒྱལ་སྲིད་འདོད་པས་གསེར་ལ་བྱ། །ལོངས་སྤྱོད་འདོད་པས་དངུལ་ལ་བྱ། །ནད་རྣམས་འཇིག་ཕྱིར་ཁར་བས་བྱ། །ཟངས་ནི་འདོད་པ་རབ་
ཏུ་སྟེར། །དགྲ་རྣམས་གཤེགས་ཕྱིར་ར་གན་ཏེ། །རང་གི་ལོངས་སྤྱོད་འཕེལ་བའི་ཕྱིར། །ཨིན་དྲ་ནཱི་ལ་དག་ལས་བྱ། །མཆོག་དང་འདོད་པ་ཐམས་ཅད་སྟེར། །མཆིང་བུ་རྣམས་པ་སྣ་ཚོགས་པས། །ནོར་སྟེར་བར་ནི་ཡོངས་
སུ་བསྒྲགས། །དྲི་མེད་ཤེལ་ལས་བྱས་ན་ནི། །ཞི་དང་རྒྱས་པའི་མཆོག་རྣམ་སྟེར། །རིན་ཆེན་ལས་བྱེད་རལ་གྲི་དང་། །ས་འོག་ལྷའི་དངོས་གྲུབ་སྟེར། །ཐམས་ཅད་གྲུབ་པར་བྱ་བའི་ཕྱིར། །ད་ནི་ཚད་རྣམས་བཤད་པར་བྱ། །གསེར་ལས་
སོར་བརྒྱད་རྩམ་བྱས་ཏེ། །མཆོད་ན་རྒྱལ་སྲིད་དཔལ་ཡང་འཐོབ། །ལོངས་སྤྱོད་རྟག་པར་འདོད་པའི། །དངུལ་ལས་སོར་བཅུའི་ཚད་དུ་བྱ། །འཁར་བ་དེ་བཞིན་ནད་སེལ་བ། །སོར་གྲངས་བཅུ་དྲུག་ཚད་དུ་བྱ། །སོར་ནི་ཉི་ཤུ་ཚད་དག་
དུ། །ཟངས་ལས་བྱས་ཏེ་མཆོད་པར་བྱ། །ར་གན་གྱི་ཡང་ཟངས་བཞིན་དུ། །སོར་གྲངས་ཉི་ཤུ་གཉིས་ཀྱི་ཚད། །ཨིན་དྲ་ནཱི་ལས་བྱས་པ་ཡང་། །སོར་གྲངས་བཅུ་དྲུག་ཚད་དུ་བྱ། །མཆིང་བུ་ལས་ནི་སོར་བརྒྱད་ཤིས། །ཤེལ་ལས་
སོར་གྲངས་བཅུ་གཉིས་སོ། །རིན་ཆེན་སོར་ནི་བརྒྱད་པར་བྱ། །དེ་ལྟར་ཇི་བསྐད་གསུངས་པ་ཡི། །སྐུ་གཟུགས་འདོད་པ་ཀུན་སྟོན་པའི། །དངོས་གྲུབ་འདོད་པས་ལེགས་པར་མཆོད། །ཡན་ལག་མ་ཉམས་གསལ་ལ་བཟང་། །

98-1-22a

རྟག་པར་བཟོ་བོ་མཁས་པས་བྱ། །མཚན་ཉིད་སྔ་མ་རྣམས་དང་ལྡན། །མཚོན་ཆ་བཟང་པོས་རྒྱས་པར་བྱས། །ཡི་དགས་ལ་ཆིབས་ཞལ་ཡང་དྲུག །སྤྱན་གསུམ་འཇིགས་པར་གཟིགས་པའི་ཚུལ། །
གཟི་ཅན་ཕྱག་བཟངས་བཅུ་གཉིས་པ། །ཞབས་ནི་གསལ་བར་དྲུག་དང་ལྡན། །མི་མགོ་ཡི་དགས་ཕྲེང་བ་རྣམས། །སེ་རལ་ཁ་ཡི་ཐབས་སུ་ཐོགས། །གཡོན་བརྐྱང་བ་ཡི་ཚུལ་དུ་བཞུགས། །ན་བཟར་སྟག་ལྤགས་གསོལ་བར་དགྱེས། །
དེ་ལྟ་བུ་ཡི་སྐུ་གཟུགས་དང་། །སྔ་མའི་ཚུལ་དུ་ཡོངས་རྫོགས་པར། །ཅི་སྐད་གསུངས་པའི་ཁྲོ་བོ་འདི། །སྔགས་པས་བཟོ་བོ་བྱེད་དུ་གཞུག །ཡང་ན་ཤིང་གི་སྙིང་པོ་ལས། །ཁྲོ་བོ་གཙོ་བོའི་སྐུ་གཟུགས་དག །ཅི་སྐད་གསུངས་པའི་
མཚན་ཉིད་བཞིན། །བྱས་ནས་རྟག་ཏུ་མཆོད་པར་བྱ། །དེ་ནས་ཤིང་ལས་བྱས་པ་ཡི། །སྐུ་གཟུགས་ཚུལ་བཞིན་བཤད་པར་བྱ། །གཙང་མ་འདོད་པ་ཀུན་སྟེར་བ། །དེ་ཡང་དེ་བཞིན་སྦྱར་བར་བྱ། །རིག་འཛིན་ཀུན་གྱི་མཆོག་འདོད་ན། །
ཙན་དན་ཤིང་ལས་བྱས་པ་ཡི། །སྐུ་གཟུགས་སོར་གྲངས་ཉི་ཤུའི་ཚད། །སྔགས་པ་དག་གིས་བྱེད་དུ་གཞུག །ཙན་དན་དམར་པོའི་ཤིང་དག་ལས། །སོར་ནི་བཅུ་དྲུག་ཚད་དག་ཏུ། །འདོད་པ་ཐམས་ཅད་ཀུན་སྟེར་བའི། །སྐུ་གཟུག་
ལེགས་པར་བྱེད་དུ་གཞུག །ར་ཛ་ཨརྒའི་རྩ་བ་ལས། །བྱས་པ་འདོད་པའི་དོན་རྣམས་སྟེར། །སོར་གྲང་བཅུ་བཞིའི་ཚད་དུ་ཤིས། །བདེ་དང་ཕུན་སུམ་ཚོགས་ཀུན་འབྱུང་། །ཨ་ཤོ་ཀ་ཡི་སྙིང་པོ་ལས། །བཟོ་བོ་མཁས་པས་ལེགས་
པར་བྱས། །སར་པ་སོར་ལྔའི་ཚད་དུ་གསུངས། །འདི་ནི་དབང་དུ་བྱེད་པར་བཤད། །དེ་བཞིན་ཏ་ལའི་ཤིང་དག་ལས། །སོར་དྲུག་པར་ནི་བྱས་ན་ཡང་། །ལྷ་དང་ལྷ་མིན་བདག་པོ་དང་། །དེ་བཞིན་ཀླུ་རྣམས་འགུག་པར་བྱེད། །ནཱ་ག་གེ་སར་ཤིང་དག་
ལས། །དེ་བཞིན་སོར་བདུན་ཚད་དུ་བྱ། །ནད་རྣམས་འཇིགས་པར་བྱ་བ་དང་། །དགྲ་རྣམས་རྨོངས་པའི་ཕྱིར་བཤད་པའོ། །མི་ཐོད་དག་ལས་བྱས་པ་ནི། །རྟག་ཏུ་སོར་གྲངས་བཅུ་གཉིས་ཤིས། །རིང་པོར་མི་ཐོགས་མཆོག་སྟེར་

98-1-22b

ཅིང་། །འདོད་པའི་དངོས་གྲུབ་རབ་ཏུ་སྟེར། །མི་ཐོད་ལས་ནི་བྱས་པ་དག །སྔར་བསྙེན་ལ་སོགས་མ་བྱས་པར། །མཆོད་པ་འབའ་ཞིག་བྱས་པས་ཀྱང་། །དགོས་པའི་དོན་རྣམས་བསྒྲུབ་པར་བྱེད། །སྐུ་གཟུགས་བཟང་པོའི་མཚན་ཉིད་དག །
རྒྱས་པར་བཤད་པ་འདི་ཡིན་ནོ། །ཁྲོ་བོས་ཅི་སྐད་གསུང་པ་གཞིན། །རི་མོའི་མཚན་ཉིད་བཤད་པར་བྱ། །མི་རོའི་གོས་བཟང་བཀྲུས་པ་ནི། །མཁས་པས་ཁྲུ་ཚད་གང་དག་ལ། །མི་རོ་ཉིད་ཀྱི་སྐྲ་དག་གིས། །པིར་གྱིས་ལེགས་པར་བྲི་བར་བྱ། །
ཚོན་གྱི་ཁ་དོག་ཀུན་མེད་པར། །རི་བོང་ཁྲག་གིས་བྲི་བར་བྱ། །ཡང་ན་དེ་ཡི་སྐུ་གཟུགས་ནི། །སྔ་མ་བཞིན་དུ་བཙག་གིས་བྲི། །ཁྲོས་ཤིང་འབར་བས་འཇིགས་འཇིགས་ལྟར། །གཡོན་བརྐྱང་བསྐུམ་པའི་ཚུལ་དུ་གནས། །ཞལ་
དྲུག་དབུ་སྐྲ་གྱེན་དུ་བརྫེས། །སྨིན་མ་སེར་ཞིང་སྤྱན་ཡང་སེར། །སྤྱན་ནི་ཟླུམ་པོ་གསུམ་དང་ལྡན། །བཅུ་གཉིས་ཕྱག་དང་ལྡན་པའི་སྐུ། །དེ་བཞིན་ཡི་དགས་སྟེང་ན་བཞུགས། །ཞབས་ནི་དྲུག་གིས་མཛེས་པར་བྱས། །གཡས་ཀྱི་
ཕྱག་ན་མཆོག་སྦྱིན་ཅིང་། །རྩེ་གསུམ་རལ་གྲི་དགྲ་སྟ་དང་། །བེ་ཅོན་དང་ནི་ལྕགས་ཀྱུ་བསྣམས། །ཁྲོས་པའི་ཕྱག་གཡོན་བསྡེགས་པར་བྱེད། །ཕྱག་ན་ཤག་ཏི་ཐོ་མ་ར། །གཡོན་པའི་ཕྱག་ན་དབྱུག་ཏོ་བསྣམས། །ཕྱག་ན་
ཐོད་པ་ཞག་པ་བསྣམས། །གཤེན་རྗེའི་གཤིད་པོ་བྲི་བར་བྱ། །ན་བཟར་སྟགས་གི་ལྤགས་པ་གསོལ། །འཇིགས་པས་ཕ་རོལ་གནོན་པའི་ཞལ། །དེ་ཡི་མཆེ་བ་གཙིགས་པར་ནི། །མཁས་པས་རི་མོ་བྲི་བར་བྱ། །དེ་ནས་གློ་གཉིས་
དག་ཏུ་ཡང་། །ཕྱག་རྒྱའི་གཟུགས་དག་བྲི་བ་ནི། །གཡས་སུ་སྐྱེས་པ་ཁྲོ་བོའི་གཟུགས། །ཁ་གདངས་པ་ནི་འཇིགས་འཇིགས་བལྟ། །གྱེན་དུ་སྐྲ་བརྫེས་རབ་ཏུ་སེར། །བེ་ཅོན་ཕྱག་རྒྱ་མཚོན་ཆར་ཐོགས། །གཡས་བརྐྱང་
བསྐུམ་པའི་ཚུལ་དུ་གནས། །བསྡིགས་ཤིང་ཞལ་ནི་ཁྲོ་གཉེར་ཅན། །ཞལ་དང་སྤྱན་ཡང་ཁྲོས་པའི་ཚུལ། །གཡོན་དུ་རོ་ལངས་མོ་བྲི་བ། །འབར་བའི་ཁ་ལ་གཟི་ཡང་ཆེ། །མིག་གསུམ་གདོང་གི་ཁྲོ་གཉེར་ཅན། །རབ་ཏུ་འཇིགས་

98-1-23a

པའི་ཁ་ཡང་གདངས། །གྱེན་དུ་སྐྲ་བརྫེས་གསུས་པོ་ཆེ། །གཏུམ་པོ་དུག་ཧྲུལ་གོས་གྱོན་པ། །དེ་བཞིན་ལག་ན་ཏྲི་ཤུལ་ཐོགས། །གཟི་ཆེན་རབ་ཏུ་བསྡིགས་པར་བྱེད། །ལུས་ནི་མེ་ལྕེ་འབར་བ་ལ། །གདོངས་དང་མིག་
ནི་ཁྲོས་པའི་ཚུལ། །བདེ་གཤེགས་སྲས་ཀྱི་བཀའ་ནོད་པ། །གསང་བའི་ཕྱག་རྒྱའི་རི་མོ་འདི། །དབེན་པའི་གནས་སུ་གཞག་པར་བྱ། །ཆོ་ག་ཤེས་པས་བེ་ཅོན་རྒྱ། །སྐུ་གཟུགས་འདི་ལ་བཟླས་པར་བྱ། །ཡང་ན་རོ་
ལངས་ཕྱག་རྒྱ་ནི། །བཟླས་ན་ཕྱག་རྒྱའི་དངོས་གྲུབ་ཐོབ། །དབེན་ཞིང་འདུ་འཛི་མེད་པར་ནི། །བཞག་ནས་ཉིན་རེ་མཆོད་པར་བྱ། །ཡང་ན་ཕྱག་རྒྱའི་དཀྱིལ་འཁོར་དུ། །རྟག་ཏུ་རི་མོ་འདི་བཀྲམ་ཏེ། །མཉམ་བཞག་དངོས་གྲུབ་འདོད་
པ་ཡིས། །མཆོད་པ་དང་ནི་བཟླས་པ་བྱ། །བདག་གིས་ཕྱག་རྒྱ་བསྒྲུབ་པ་ལ། །རི་མོ་ཚུལ་བཞིན་བཤད་པའོ། །དེ་ནས་གཤིན་རྗེའི་གཤེད་པོ་ཡི། །རི་མོ་གཞན་ཡང་བཤད་པར་བྱ། །སྔར་བསྙེན་བྱས་པའི་འོག་ཏུ་ནི། །མི་རོའི་
གོས་བཟངས་བཀྲུས་པ་ནི། །ཁྲུ་གང་ཚད་དུ་བྱས་པ་ལ། །ཚོན་ཙི་སྦྱིན་མེད་བཟང་པོ་ཡིས། །སྤྲིན་ནི་ནག་པོ་འདྲ་བ་ཡི། །ཁྲོ་བོ་དཔའ་བོ་གཅིག་པུ་ནི། །སྔ་མ་བཞིན་དུ་བྲི་བར་བྱ། །སྔར་བསྙེན་བྱས་པའི་འོག་ཏུ་ནི། །ཇི་ལྟར་རིགས་པར་
བྲིས་ནས་ཀྱང་། །རབ་ཏུ་དབེན་པར་གཞག་ནས་སུ། །དེ་ནས་མཆོད་པའི་ཆོ་ག་བཞིན། །ཉེན་རེ་རྟག་ཏུ་མཆོད་ནས་ནི། །རབ་ཏུ་དབེན་པར་གཞག་ནས་ཀྱང་། །དེའི་འོག་ཏུ་བཟླས་པ་བརྩམ། །དེ་ནས་བཞན་ཡང་བཟླས་པ་ཡི། །ཆོ་ག་
ཇི་སྐད་གསུངས་པ་བཤད། །རི་མོ་བཀྲཾ་ནས་མཆོད་བྱས་ཏེ། །དེ་བཞིན་གཤེགས་པ་ཀུན་མཆོད་ནས། །ཀུ་ཤའི་སྟན་ལ་འདུག་ནས་ནི། །མཉམ་པར་བཞག་ཏེ་མི་སྨྲ་བར། །རི་མོ་གཅིག་པོ་ལ་བལྟས་ཤིང་། །མགོ་ནི་རྨ་བྱ་བཞིན་
བཀུག་སྟེ། །རུ་དྲཱཀྵ་ཡི་ཕྲེང་བ་ཡིས། །ཅི་སྲིད་ཡིད་ནི་མི་སྐྱོའི་བར། །རྩེ་གཅིག་སེམས་ཀྱིས་བཟླས་བྱ་སྟེ། །སྐྱོ་ན་བཟླས་པ་བཏང་བར་བྱ། །དེ་ལྟར་འབུམ་ཕྲག་གསུམ་བཟླས་ནས། །བསྙེན་པ་བྱས་པའི་འོག་ཏུ་ནི། །

98-1-23b

དེ་ནས་རི་ཁར་གནས་བཅས་ཏེ། །རླུང་ཟ་ཞིང་ནི་བཟླས་བརྗོད་བྱ། །དངོས་གྲུབ་མཆོག་དགའ་འདོད་པའི། །དེ་ནས་དེ་ཡི་བརྟུལ་ཞུགས་སྤྱད། །ཆོ་ག་ལས་གསུམ་མི་འདོད་ན། །སྔར་གསུངས་པ་ཡི་བཟླས་པའི། །འབྲིང་
དང་ཐ་མའི་དངོས་གྲུབ་དང་། །བརྟུལ་ཞུགས་མེད་པར་ལེགས་པར་ནི། །བསྒྲུབ་ན་དངོས་གྲུབ་ཐོབ་པར་འགྱུར། །བརྟུལ་ཞུགས་དེས་ནི་མཆོག་ཀྱང་འགྲུབ། །དེ་ནས་བཞན་ཡང་འདི་རུ་ནི། །དཔའ་བོ་ཞེས་བྱ་བརྟུལ་ཞུགས་
འབྱུང་། །ལམ་མི་བཟུར་དང་མི་སྨྲ་བ། །སློངས་མོ་ཟ་ཞིང་དབང་པོ་བསྡམས། །སེང་ལྡེང་དབྱུག་པ་འདོམ་གང་བ། །སྲ་བ་བཟང་པོ་ཐོགས་ནས་སུ། །གཤིན་རྗེ་མཐར་བྱེད་བཟོ་བྱེད་ཅིང་། །བགྲོད་དཀའ་བའི་ལམ་ནས་འགྲོ། །ཁྲོ་བོ་
དཔའ་བོ་བརྟུལ་ཞུགས་དག །དཔའ་བོ་གཟུགས་སུ་ཟླ་དྲུག་དུ། །བསྒྲུབ་པ་གང་གིས་ཡང་དག་སྤྱོད། །དེ་ནས་དངོས་གྲུབ་མཆོག་ཀྱང་འཐོབ། །དཔལ་ལྡན་བརྟུལ་ཞུགས་སྤྱད་ནས་ནི། །དེ་ནས་སྒྲུབ་པ་ལ་ཞུགས་ནས། །གདོན་
མི་ཟ་བར་དམ་པ་ཉིད། །དེ་ལྟར་དེ་ཉིད་མྱུར་དུ་འགྲུབ། །མི་བཟད་བརྟུལ་ཞུགས་བཟང་བའོ། །བསྒྲུབ་པ་ལ་ནི་བདུད་ཀྱི་རིགས། །ལྷ་མོ་འདོད་པའི་གཟུགས་དག་དང་། །དེ་བཞིན་གཞན་གྱིས་ལུས་སུ་ནི། །རྣམ་པ་སྣ་ཚོགས་
གཟུགས་དག་གིས། །དབང་པོ་བསྡམས་ལ་འཆའ་བར་བྱེད། །དེ་དང་ལྷན་ཅིག་སྨྲ་མི་བྱ། །ཅུང་ཟད་ཀྱང་ནི་ཆགས་མི་བྱ། །བྱང་ཆུབ་སེམས་དང་མཉམ་ལྡན་པ། །ཁྲོ་བོ་ལ་གཞོལ་ཟློས་བྱེད་པ། །གལ་ཏེ་དེ་ལྟར་འགྲོ་བ་ན། །མི་བཟད་
པའི་གཟུགས་དག་གམ། །གཞན་ཡང་ཤིན་དུ་ངོ་མཚར་བ། །བདེ་གཤེག་བསམ་པས་མཐོང་ན་ནི། །དེ་དག་གིས་ནི་འཇིགས་མི་བྱ། །གནོན་དང་སྔགས་པར་བྱེད་ན་ནི། །བདེ་གཤེགས་ཀྱི་ནི་བཀའ་གཅོག་པ། །ཁྲོ་བདག་ཉིད་
ནི་རྣམ་པར་འཇིག །བདེ་གཤེགས་བསམས་པ་བསྒོམ་པ་ཡིས། །རྟུལ་ཕོད་པ་ཡི་དཔའ་བོ་ཡིས། །བརྟུལ་ཞུགས་འདི་ནི་བསྟེན་བྱ་བ། །དཔའ་བོས་བྱ་ཡིས་གཞན་དུ་མིན། །སྒྲུབ་པ་མཆོག་རྣམ་འདོད་པ་ཡིས། །ལྷ་ཡི་བརྟུལ་ཞུགས་

98-1-24a

གསུངས་པ་འདི། །ཇི་སྐད་གསུངས་པའི་ཚུལ་བཞིན་དུ། །ནན་ཏན་གྱིས་ནི་བསྟེན་པར་བྱ། །འཇམ་དཔལ་གྱིས་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་ཁྲོ་བོའི་བརྟུལ་ཞུགས་རིམ་པར་ཕྱེ་བ་བདུན་པའོ།། །།
ཅི་སྐད་གསུངས་པའི་གཟུགས་རྣམས་ལ། །མེ་ཏོག་ཇི་སྐད་བཤད་པ་བཞིན། །རྟག་ཏུ་གང་ཞིག་མཆོད་བྱེད་ན། །དགེ་བའི་བརྟུལ་ཞུགས་འདི་དག་དང་། །དེ་བཞིན་སྔོན་དུ་བསྙེན་པ་ཡང་། །དྲན་པ་ཙམ་ནི་འབའ་ཞིག་གིས། །ངེས་
པར་འདོད་དེ་དེ་དག་ཉིད། །མཆོད་པས་མྱུར་དུ་འགྲུབ་པར་འགྱུར། །རྒྱལ་སྲིད་སྦྱིན་པའི་གཟུགས་ལ་ནི། །ཙན་དན་གུར་གུམ་ཨ་ཀ་རུ། །ཅི་རིགས་པར་ནི་བྱུག་ནས་ཀྱང་། །ཨུཏྤ་ལ་པུཎྜ་རི་ཀ་མཛེས། །ཙམ་པ་ཀ་དང་མ་ལི་ཀ །
ཀེ་ས་ར་ནི་དྲི་ཞིམ་པས། །མཆོད་གནས་བདུག་པ་མར་བཅས་པས། །གུ་གུལ་མཁས་པས་དབུལ་བར་བྱ། །དེ་ལྟར་བྱས་ན་ཁྱིམ་པས་ཀྱང་། །དེ་ལ་བསམ་ཞིང་བརྒྱད་བརྗོད་དེ། །ཅི་འབྱོར་པ་ཡི་མཆོད་པའི་བཤོས། །དེ་ཡི་སྤྱན་སྔར་
དབུལ་བར་བྱ། །སྔར་བསྙེན་ལ་སོགས་མེད་ཀྱང་བླ། །དེ་ལྟར་སྦྱོར་བས་ཟླ་དྲུག་གིས། །རྐུན་པོ་དང་ནི་དགྲ་མེད་ཅིང་། །ཐེ་རྩོམ་མེད་པར་རྒྱལ་སྲིད་ཐོབ། །མ་སྒྲུབས་ན་ཡང་ཉིན་ཅིག་བཞིན། །མཆོད་པ་བྱས་པས་ཡུལ་རྙེད་འགྱུར། །ལས་འདི་
གདོན་མི་ཟ་བར་ནི། །དེས་ནི་འབུམ་ནི་རྙེད་པར་འགྱུར། །ལོངས་སྤྱད་སྦྱིན་པའི་གཟུགས་ལ་ནི། །ཙན་དན་གུར་ཀུམ་ཨ་ཀ་རུས། །བདག་གིས་ལེགས་པར་བསྐུལ་ནས་ནི། །མེ་ཏོག་ཕྲེང་བས་རབ་ཏུ་མཆོད། །མེ་ཏོག་དཀར་པོའི་
ཕྲེང་བ་ཡིས། །ཉིན་གཅིག་བཞིན་དུ་མཆོད་བྱས་ནས། །མར་དང་ལྡན་པའི་གུ་གུལ་ལམ། །ཀུན་ཏུ་རུ་ཡི་བདུག་པའང་འབུལ། །མེ་ཏོག་ཨ་ཏེ་མུ་ཏ་ཀ །རེ་རེ་ཆོ་ག་བཞིན་བཟླས་ནས། །མཇུག་ཏུ་འབུམ་ནི་དབུལ་བར་བྱ། །དེ་ནས་ལོངས་སྤྱོད་
ཆེན་པོ་རྣམས། །དེ་ཡི་འཇུག་ཏུ་འབྱུང་འགྱུར་ཏེ། །འདི་ལ་སྤྱད་པ་དོགས་པ་མེད། །ནད་སེལ་པ་ཡི་གཟུགས་ལ་ནི། །ཙན་དན་དམར་པོས་བསྐུལ་ནས་ཀྱང་། །ཤ་ཏ་ཤིང་གི་བདག་པོ་དག །ཕུལ་ནས་མེ་ཏོག་གཙང་མ་ཡིས། །མཆོད་པའི་

98-1-24b

བཤོས་ནི་དབུལ་བར་བྱ། །མཇུག་ཏུ་ནད་སེལ་དང་ལྡན་པ། །ཁྲོ་བོའི་སྔགས་ནི་དེ་བཟླས་ནས། །བདག་གམ་ཕ་རོལ་པོ་དག་གམ། །སུ་ཡང་རུང་བའི་གཅོང་ཅན་ཡང་། །དེ་ནི་ཟ་མ་གཅིག་གིས་འཇོམས། །སྔར་བསྙེན་ལ་སོགས་
མེད་ཀྱང་བླ། །འདོད་དགུར་སྦྱིན་པའི་གཟུགས་ལ་ནི། །དེ་ལྟར་ཡང་ནི་མཆོད་བྱས་ན། །ཞི་བ་རྒྱས་པ་དབང་དང་དགུག །དབྱེ་དང་བསྐྲད་དང་བསད་པ་དང་། །ཟློས་པས་འཇུག་ཏུ་ཁྱད་པར་དུ། །བསྐུལ་བའི་ཚིག་བཅུག་བསྒྲུབ་པར་བྱ། །
གཞན་ཡང་གང་དག་འདོད་པའི། །ཡིད་དང་འཐུན་པའི་འདོད་པའི་དོན། །དེ་ཡང་དེ་ལྟར་ཡང་དག་སྒྲུབ། །སྐུ་གཟུགས་རབ་ཏུ་མཆེད་བྱས་ནས། །གང་དུ་ཅི་འདྲ་དེ་ལྟ་བུར། །གུས་པར་ཟླ་བ་དྲུག་བཟླས་ཏེ། །སྐུ་གཟུགས་ཉིན་ཅིག་
བཞིན་དུ་ནི། །དེ་ལྟར་ཀུན་ཏུ་རབ་མཆོད་ནས། །རྟག་ཏུ་དེ་ཡི་བཟླས་པ་ནི། །བློ་དང་ལྡན་པས་ཀུན་བྱས་ན། །གྲུབ་པ་ཉིད་ནི་མ་ཐོབ་ཀྱང་། །དངོས་གྲུབ་ཕྲ་མོ་ཐོབ་པར་འགྱུར། །ཡང་ན་ཁྲོ་བོ་འམ་ཕྱག་རྒྱ་འང་རུང་། །དེ་ཚེ་སྒྲུབ་པར་ནུས་ན་ནི། །
དེ་ཡི་རི་མོ་གསུངས་པ་དང་། །ལྷའི་བརྟུལ་ཞུགས་དེས་ཀྱང་འགྲུབ། །དེ་ནས་གཞན་ཡང་བརྟུལ་ཞུགས་ཀྱི། །མཆོག་གིས་དངོས་གྲུབ་གང་ཡིན་པ། །ཆོ་ག་བཞིན་དུ་མདོར་བསྡུས་ཏེ། །རྒྱས་པར་བདག་གིས་བཤད་པར་བྱ། །དེ་ནས་ཁྲོ་བོ་
གཙོ་བོ་ཡི། །རྩེ་གསུམ་ཤིན་དུ་གསལ་བསྒྲུབས་ན། །ཨུར་མོའི་ལྕགས་ལས་བྱས་པའི། །རྩེ་གསུམ་སོར་ནི་སུམ་བཅུ་པ། །རྣོ་ལ་བཟང་ཞིང་རབ་ལེགས་པ། །ཐོག་མ་ཆོ་ག་བཞིན་བྱས་ནས། །རི་ཡི་རྩེ་མོར་འདུག་ནས་སུ། །རི་མོ་
བཟང་པོ་དེ་བྲིས་ནས། །ཡི་དགས་མང་པོ་ཞེས་པའི། །དཀྱིལ་འཁོར་ཐལ་བས་ཚུལ་བཞིན་བྲི། །དེ་ནས་མཆོད་པ་རྒྱ་ཆེ་དང་། །ཉ་དང་ཤ་རྣམས་སྣ་ཚོགས་ཀྱིས། །ཕྱོགས་ཀྱི་གཏོར་མ་ཀུན་ཏུ་བྱ། །ཚེས་གྲངས་ཉི་ཤུ་གསུམ་གྱི་
རྒོངས། །རྩེ་གསུམ་དཀྱིལ་འཁོར་མེ་ཏོག་ལ། །བཞགས་ན་མེ་ཏོག་དག་གིས་མཆོད། །ཙན་དན་དམར་པོས་ཀུན་བསྐུས་ཤིང་། །མེ་ཏོག་དག་གིས་ཐམས་ཅད་བརྒྱན། །ཆོ་ག་བཞིན་དུ་ལག་གིས་བཟུང་། །རི་མོ་ལ་ནི་

98-1-25a

མངོན་ཕྱོགས་འདུག །ཁྲོ་བོ་མཆོག་གིས་སྔགས་དག་གིས། །རྩེ་གསུམ་པ་ལ་མཁས་པས་བཟླས། །དེ་ཡི་ཉེས་པ་སྦྱང་བའི་ཕྱིར། །བརྒྱ་རྩ་བརྒྱད་དུ་བཟླས་ནས་སུ། །ཁྲོ་བོ་མཆོག་གིས་སྔགས་དག་གིས། །
དེར་ནི་མེ་ཡང་རབ་སྦར་ནས། །ཆོ་ག་བཞིན་དུ་རྩེ་གསུམ་ལ། །བདུག་པའི་སྦྱིན་སྲེག་སྟོང་བྱས་ནས། །ལག་པས་བསྒྲེང་སྟེ་བཟུང་ནས་སུ། །དཔའ་ཞིང་བརྟན་པའི་ཚུལ་དུ་གནས། །ཇི་སྲིད་མེ་ལྟར་འབར་གྱུར་པ། །དེ་སྲིད་བློ་དང་ལྡན་
པས་བཟླས། །རྩེ་གསུཾ་འབར་བ་ཉིད་ཀྱིས་ན། །དེ་ནས་གྱེན་དུ་འཕར་བར་གྱུར། །སྔགས་ཀྱི་མཐུ་ཡི་མིག་གསུཾ་ལས། །འོད་ཀྱང་ཉི་མ་བཞིན་དུ་འབྱུང་། །རིག་འཛིན་གཞན་རྣམས་ཐམས་ཅད་ཀྱང་། །དེ་ལ་མཆོད་ཅིང་དགའ་བར་བྱེད། །དབང་ཕྱུག་
ཀུན་དང་རབ་ཏུ་ལྡན། །འདོད་པས་གཟུགས་ཅན་ཡིད་བཞིན་འགྱུར། །དེ་སྟེ་རྩེ་གསུཾ་དུ་བ་འབྱུང་། །དེ་ནས་ལུས་ནི་མི་སྣ་འགྱུར། །འོན་ཏེ་དེ་ནི་ཚད་གྱུར་ན། །དཔུང་དང་ལྷ་མ་ཡིན་གྱི་གནས། །གཡུལ་ངོ་ཆེན་པོ་ལ་སོགས་པར། །འཇིགས་ཤིང་
སྐྲག་པ་སྐྱེད་པར་བྱེད། །དེ་ལྟར་དང་པོ་སྒྲུབ་པའི་མཆོག །འདི་ནི་རབ་ཏུ་བཤད་པ་ཡིན། །དེ་ནི་རལ་གྲི་བཟང་པོ་ཡང་། །འདིར་ནི་བསྒྲུབ་པར་རབ་ཏུ་བཤད། །ཨུར་མོའི་ལྕགས་ལས་བྱས་པའི། །རལ་གྲི་སོ་ནི་སུཾ་བཅུ་གཉིས། །ལེག་པར་
བྱས་ཤིང་ཕན་བྱེད་ལ། །གླང་པོའི་སོ་ལ་དངོས་བྱེད་ལ། །རིའི་རྩེ་མོར་འདུག་ནས་སུ། །མཆོད་པ་ལ་སོགས་སྔོན་བཞིན་བྱ། །བདུག་པའི་སྦྱིན་སྲེག་བྱས་ནས་སུ། །རལ་གྲི་ལག་པར་བཟུང་སྟེ་བཟླས། །སྔགས་པའི་ཆང་བས་བཟུང་ནས་
ནི། །རབ་ཏུ་སྣང་བ་འབར་བ་འབྱིན། །འབར་བ་དེ་ནི་མཐོང་ནས་སུ། །རིག་འཛིན་མཆོག་ཏུ་དེ་འགྱུར་རོ། །དེ་སྟེ་དེ་ལས་དུ་བ་འབྱུང་། །དེ་ནས་དེ་ནི་མི་སྣང་འགྱུར། །ཚ་བར་གྱུར་ན་དེ་བཞིན་དུ། །སྟོབས་ཆེན་རྐང་པ་མགྱོགས་པར་འགྱུར། །ལོ་རྒྱ་རབ་
ཏུ་ཚང་བར་འཚོ། །འདི་ལ་རྣམ་པར་སྤྱད་མི་དགོས། །གལ་ཏེ་འདི་ལ་མ་རྟེན་ནས། །གྲུབ་པ་ཐོབ་པར་མ་གྱུར་ན། །རལ་གྲི་བརྩོན་འགྲུས་མཆོག་ལྡན་པས། །གཡུལ་ངོར་ཕྱིན་ནས་ཐཾད་དུ། །མྱུར་ཞིང་མི་ངལ་ཉོན་མི་མོངས། །ཕམ་པ་མེད་

98-1-25b

པར་སྟོང་ཡང་ཐུབ། །རལ་གྲི་བསྒྲུབ་པ་བཤད་ཟིན་ཏེ། །ད་ནི་བེ་ཅོན་སྒྲུབ་པ་བཤད། །ཀོ་བི་ད་རའི་བེ་ཅོན་ནམ། །ཡང་ན་སེང་ལྡེང་དག་ལས་ནི། །གཤིན་རྗེའི་བེ་ཅོན་ལྟ་བུ་བཟང་། །སོར་ནི་བཞི་བཅུ་གཉིས་པ་བྱ། །དེ་ནས་བློ་ཅན་དུར་ཁྲོད་དུ། །
གཏོར་མ་ཆོ་ག་རྒྱ་ཆེན་བྱ། །བེ་ཅོན་མཆོག་ལ་སྔོན་བཞིན་དུ། །བདུག་པའི་སྦྱིན་སྲེག་བྱས་ནས་སུ། །གོས་དམར་དགོས་ཤིང་ཐལ་བ་དང་། །མེ་ཏོག་དམར་པོས་བརྒྱན་ནས་སུ། །བསྲེག་གཞི་དེར་འདུག་བེ་ཅོན་ལས། །ཅི་སྲིད་ཧ་ཧ་ཞེས་
པ་དང་། །ལག་ན་བེ་ཅོན་འགུལ་བའི་བར། །དེ་སྲིད་ཆོ་ག་བཞིན་དུ་བཟླས། །དེ་ནས་དང་པོ་ཁྲོ་བའི་བདག །དབང་ཕྱུག་ཀུན་དང་རབ་ལྡན་པ། །དེའི་ཆིབས་པ་མ་ཧེ་ལ། །ཞོན་ན་མཁའ་ལ་འགྲོ་བར་འགྱུར། །སྐྲ་ནི་ལྕང་ལོ་འཁྱིལ་པ་སྟུག །སྣུམ་ཞིང་མཐིང་
ག་ལྟ་བུར་འགྱུར། །དུས་ཐའི་སྤྲིན་གྱི་ཁ་དོག་འདྲ། །དེའི་ལུས་མཆོག་སྟོབས་ཀྱང་ཆེ། །གལ་ཏེ་ཁྲོ་བོ་དེ་འདོད་ན། །བེ་ཅོན་གྱི་ནི་ལྷ་རྣམས་གསོད། །བེ་ཅོན་སྒྲུབ་པ་བཤད་པ་ཡིན། །དེ་བཞིན་ལེགས་པར་མདོར་སྡུས་ནས། །དགྲ་སྟ་བཟང་པོ་སྒྲུབ་
པ་དག །དེ་བཞིན་བདག་གི་བཤད་པར་བྱ། །སྔ་མ་བཞིན་དུ་ཨུར་མོ་ལས། །དགྲ་སྟ་བཟུང་པོ་བྱས་པ་ཡང་། །ཡུ་བ་སོར་ནི་བཅུ་དྲུག་པ། །དགྲ་སྟ་དེ་ནི་སོར་དྲུག་པ། །ཆོ་ག་སྔ་མ་བཞིན་བསྒྲུབ་ན། །དངོས་གྲུབ་དེ་དག་དེ་ཡི་འཐོབ། །དེ་ནས་
གཞན་ཡང་ལྕགས་ཀྱུའི་མཆོག །བསྒྲུབ་པ་བདག་གིས་བཤད་པར་བྱ། །ཨུར་མོ་ལྕག་ལས་བྱས་པ་ཡི། །ལྕགས་ཀྱུ་སོར་ནི་བཞི་པར་བྱ། །དེ་ཡི་ཡུ་བ་མཉཾ་པ་ལ། །སོར་ནི་བཅྭོ་བརྒྱད་ཡོད་པར་བྱ། །ཉི་ཤུ་དགུའི་ཚེས་གྲངས་ལ། །ནུབ་མོ་མཆོད་
པ་གཏོར་མ་བྱས། །རིའི་རྩེ་ལ་འདུག་ནས་སུ། །ལྕགས་ཀྱུ་གོ་ཆ་བསྒྲུབ་པར་བྱ། །སེར་ཀྱ་ལས་བྱུང་མར་དག་གིས། །བདུག་པའི་སྦྱིན་སྲེག་བྱས་ནས་སུ། །ཇི་སྲིད་སྒྲོན་མ་བཞིན་འབར་བ། །དེ་སྲིད་ལག་པས་བཟུང་སྟེ་བཟླས། །དེ་ནས་དེ་ནི་ཐོག་
པ་ཡིས། །ཐེ་ཚོམ་མེད་པར་ནམས་ལངས་ན། །འོད་ནི་མེ་བཞིན་ཀུན་དུ་སྣང་། །གྱེན་དུ་འབར་ཞིང་འགྲོ་བར་འགྱུར། །འཇིག་རྟེན་པའི་ལྷ་རྣམས་ནི། །བྲན་གཡོག་བཞིན་དུ་དབང་དུ་འགྱུར། །དེ་བཞིན་གཤེགས་པའི་བཀའ་མཆོག་བཞིན། །

98-1-26a

བཀའ་ཡང་རབ་ཏུ་ཉན་པར་འགྱུར། །འོན་ཏེ་དེའི་ལྕག་ཀྱུའི་མཆོག །དུ་བ་འབྱུང་བར་གྱུར་ན་ནི། །དེ་ཚེ་དུ་བ་བྱུང་བ་ཡིས། །སྟོབས་ཆེན་གྲིབ་མའང་མི་སྣ་འགྱུར། །སྔགས་པ་བྱེ་བ་གསུཾ་དུ་གསོན། །གནོད་སྦྱིན་རིག་འཛིན་
རྣམ་ཀྱིས་མཆོད། །བདེ་བ་ཀུན་དང་རབ་ཏུ་ལྡན། །འདོད་པར་འབྱོར་ཞིང་སྟོབས་ཀྱང་ཆེ། །ཁྲོ་བོ་སྔགས་ཀྱིས་མཐུ་སྟངས་ནས། །གལ་ཏེ་དེ་ནི་ཚ་གྱུར་ན། །ནང་པར་བཀྲ་ཤིས་བྱས་ནས་སུ། །ལྕགས་ཀྱུ་བཟང་པོ་དེ་ཐོགས་ནས། །བཟླས་ན་
བརྒྱ་བྱིན་ལ་སོགས་པའི། །ལྷ་རྣམས་འགུགས་པ་གདོན་མི་ཟ། །གནོད་སྦྱིན་རིགས་འཛིན་རྣམས་དག་དང་། །དེ་བཞིན་ལྟོ་འཕྱེ་མི་འམ་ཅི། །ལྷ་མ་ཡིན་གྱི་བུ་མོ་དང་། །དེ་བཞིན་དྲི་ཟའི་བུ་མོ་དང་། །ཡི་དགས་རོ་ལངས་རིགས་རྣཾ་
དང་། །དེ་བཞིན་གཞན་ཡང་མྱོས་དྲེགས་རྣམས། །བཀུག་ནས་བདག་གི་ལས་རྣཾས་ནི། །ཇི་ལྟར་འདོད་པ་བྱེད་དུ་གཞུག །གསེར་འགྱུར་རྩི་དང་བཅུད་ཀྱི་ལེན། །གྲུབ་པ་ཡི་ནི་རྫས་རྣམ་དང་། །གཞན་ཡང་ཡིད་ལ་གང་འདོད་པ། །
དེ་དག་ཐཾད་དེ་ལ་ནི། །ལྷ་དང་གནོད་སྦྱིན་ཚོགས་ལ་སོགས། །ཇི་སྙིད་པ་དག་འབུལ་བར་བྱེད། །དེའི་བཀའ་ནི་ཐཾད་ཀྱང་། །འཇིགས་པས་ངེས་པར་ཉན་པར་འགྱུར། །ངོ་མཚར་ཀུན་གྱིས་བརྒྱན་པའི། །རང་གིས་གཞོན་བས་ཡོངས་
བསྐོར་ཅིང་། །གནས་དང་བསྐྱེད་མོས་ཚལ་མང་པོ། །ངོ་ཚར་ཀུན་དང་རབ་ལྡན་པ། །ཁྱིམ་དང་སླས་ཀྱི་གནས་རྣཾས་དང་། །འཇིག་རྟེན་མ་ལུས་སྟོན་པར་བྱེད། །རྫུ་འཕྲུལ་ཡོན་ཏན་ལོངས་སྤྱོད་ཀྱིས། །སྒྲུབ་པ་པོ་ནི་དགའ་བར་བྱེད། །
ཅི་སྲིད་ལྕག་ཀྱུ་ཆང་བའི་མི། །དེ་ཡི་བཀའི་ངེས་པ་རུ། །གནོད་སྦྱིན་མ་དག་རང་རང་གི། འདོད་པའི་ལོང་སྤྱོད་ཉེ་བར་སྤྱོད། །དེ་སྟེ་ལས་ཀྱི་སྐྱོན་དག་གིས། །ཚ་བ་ཙམ་དུ་མ་གྱུར་ན་འང་། །ལྕག་ཀྱུའི་ཉིད་འདིར་བཟུང་ཏེ། །ནང་པར་དབེན་
པར་འདུག་ནས་སུ། །བུ་མོ་གང་གིས་མིང་བཅུག་སྟེ། །ཅི་སྲིད་འདོད་པ་ཟླས་ནས་ནི། །དཔག་ཚད་བརྒྱད་བརྒྱ་ན་གནས་པ། །དེ་ནས་མྱུར་དུ་འོང་བར་འགྱུར། །བུ་མོ་འམ་ཡང་ན་ཁྱེའུ་ཡྃ་རུང་། །ཅི་ལྟར་འདུག་པ་མྱུར་དུ་འགྲུབ། །མེ་ཏོག་འབྲས་བུ་

98-1-26b

དེ་བཞིན་གྲུབ། །ཤིང་རྟ་དང་ནི་ལྗོན་ཤིང་དག །མ་གྲུབ་ན་ཡང་རྟག་པ་རུ། །དེ་ཡིས་ངེས་པར་ཁུག་པར་འགྱུར། །དེ་ལྟར་ལྕག་ཀྱུ་དམ་པ་འདི། །བསྒྲུབ་པ་རབ་ཏུ་བཤད་པ་ཡིན། །ཐོད་པའི་དངོས་གྲུབ་གང་ཡིན་པ། །དེ་ཡང་འདིར་ནི་བཤད་པར་བྱ། །རྩེ་གསུམ་
རལ་གྲི་བེ་ཅོན་དང་། །དེ་བཞིན་དགྲ་སྟ་ལྕགས་ཀྱུ་ཡི། །སྒྲུབ་པ་གང་དག་བཤད་པ་ཡི། །ལག་པ་གཡས་པས་གཟུང་བར་བྱ། །ཐོད་པ་ལ་སོགས་གཞན་རྣཾས་ནི། །ལག་པ་གཡོན་པས་བཟུང་བསྒྲུབ་ན། །དེ་ནས་དེ་དག་བཤད་པ་བཞིན། །དངོས་གྲུབ་
ངེས་པར་ཐོབ་པར་འགྱུར། །ཤིང་ལས་ལེགས་པར་བྱས་པའི། །ཐོད་པ་སོར་ནི་ཉི་ཤུ་པ། །མཉཾ་པར་རབ་ཏུ་ལེགས་བྱས་ལ། །ཉེས་པ་ཐཾད་རྣམ་སྤང་པ། །རིའི་རྩེ་མོར་འདུག་ནས་སུ། །མཆོད་དང་གཏོར་མའི་རེམ་པར་བྱས། །བདུག་པའི་སྦྱིན་སྲེགས་
བྱས་ནས་སུ། །སྔགས་ཀྱང་བསྲུང་བ་མཐུ་བསྐྱེད་དེ། །ཐོད་པ་ལག་པ་གཡོན་པས་བཟུང་། །ལག་པ་གཡས་པས་བསྟེན་ནས་ནི། །དེའི་ཁ་ཡང་དགབ་པར་བྱ། །ཅི་སྲིད་དེ་ལ་འབར་བ་དང་། །དུ་བ་འམ་ཚ་བ་བྱུང་གི་བར། །དེ་སྲིད་སྔགས་ནི་བཟླས་པར་བྱ། །
འབར་ནས་ནམ་མཁར་འགྲོ་བར་འགྱུར། །འཇིག་རྟེན་གསུམ་གྱི་བདག་པོར་བཤད། །དུ་བ་འབྱུང་བར་གྱུར་ན་ཡང་། །དེ་བཞིན་ངེས་པར་མི་སྣང་འགྱུར། །འོན་ཏེ་ཚ་བར་དེ་གྱུར་ན། །དེའི་ཚེ་ན་གང་བསམ་པ། །ཐོད་པ་དེ་ལས་འབྱུང་བར་འགྱུར། །
དེ་ལ་རྣམ་པ་དཔྱད་མི་དགོས། །འོན་ཏེ་དེ་ནྀ་མ་གྲུབ་ན། །དེ་ནས་ས་ལ་མི་བཞག་པར། །དེ་ཡི་ཐོད་པ་བླངས་ནས་སུ། །ཤིང་གིས་ཁྲི་ལ་གཞག་པར་བྱ། །རས་ཀྱི་གཡོགས་ཏེ་གཞག་ནས་སུ། །ཡིད་ལ་ཅི་འདོད་བསམ་པ་ཡིས། །ཟན་དང་བཟའ་
དང་བྱ་ན་རྣམས། །གང་ཡང་རུང་བ་དེ་དག་ཉིད། །རས་གཡོགས་ལག་གིས་བཟུང་ནས་སུ། །སྟོང་ཙ་བརྒྱད་དུ་བཟླས་བྱས་ན། །གྲུབ་པ་ལ་ནི་ཉིན་རེ་ཞིང་། །དེ་ནས་གང་ཡང་རུང་བའི་ཟས། །བྱ་ན་བཅངས་པས་ངེས་པ་རུ། །ཐོད་པ་དེ་ནང་གང་བར་འགྱུར། །
སེཾན་རྣཾས་ནི་གང་ལ་ཡང་། །བདུད་རྩི་ཟས་ནི་སྦྱིན་པར་བྱ། །ཚུལ་བཞིན་བ་ཡི་འོག་ཏུ་ནི། །གཙང་སྦྲ་བྱས་ཏེ་ཚུལ་བཞིན་བཟའ། །ཐོད་པ་བསྒྲུབ་པ་བཤད་པ་འདི། །ལག་པ་གཡོན་པས་བཟུང་བར་བྱ། །མདུང་ཐུང་རྣོན་པོ་ལེགས་བྱས་པ། །བཤོལ་བ་

98-1-27a

མེད་པར་སྒྲུབ་པར་བྱ། །ཨུར་མོ་ལྕགས་ལས་བྱས་པ་མཆོག །བཀྲ་ཤིས་སོར་ནི་སུམ་བཅུ་གཉིས། །དེ་ནས་ཆོ་ག་སྔ་མ་བཞིན། །ཆུ་འགྲཾ་ཙང་མ་དག་ཏུ་ནི། །སྔོན་བཞིན་མཚན་མོ་བསྒྲུབ་པར་བྱ། །དངོས་གྲུབ་འབྲས་བུ་གསུམ་དུ་བཤད། །
དེ་ལྟར་ཇི་སྐད་བཤད་པ་བཞིན། །མདའ་བོ་ཆེ་ཡང་མཁས་པས་བསྒྲུབ། །ཨུར་མོ་ལྕགས་ལས་བྱས་པ་མཆོག །རབ་ཏུ་རྣོ་བ་སྔ་མ་བཞིན། །བདུག་པའི་སྦྱིན་སྲེག་བྱས་ནས་སུ། །ཙན་དན་དམར་པོས་གདབ་པར་བྱ། །སྒྲུབ་པ་པོ་
ནི་ཆོ་ག་བཞིན། །རི་ཡི་རྩེ་མོར་འདུག་ནས་ནི། །སྔ་མ་བཞིན་དུ་མཚན་མོ་བསྒྲུབ། །གྲུབ་ན་འབྲས་བུ་སྔ་མ་བཞིན། །ལག་པ་གཡོན་པའི་མཛུབ་མོ་ནི། །ལག་པ་གཡས་པས་གཡོགས་ནས་སུ། །ཆོ་ག་སྔ་མ་བཞིན་བྱས་ནས། །
ཟླ་བ་གཟའ་ཡིས་ཟིན་པའི་ཚེ། །སྟན་ཅིག་པ་ལ་ལེགས་འདུག་ནས། །བློ་དང་ལྡན་པས་བཟླས་བྱས་ན། །དེ་ནས་འཛུབ་མོ་དེ་ལས་ནི། །གདོན་མི་ཟ་བར་འབར་བར་འགྱུར། །ཡང་ན་དུ་བ་རང་འབྱུང་བ་འམ། །དེ་ནས་ཚ་བར་འགྱུར་ཡང་
སྲིད། །དེ་ནས་ངེས་པར་འབར་གྱུར་ན། །རིག་འཛིན་གོ་འཕང་ཐོབ་པར་འགྱུར། །དུ་བ་འབྱུང་བར་གྱུར་པ་ལས། །དེ་བཞིན་མི་སྣང་འགྱུར་བར་བཤད། །དེ་ཚེ་རབ་ཏུ་ཚར་གྱུར་ན། །རྐང་པ་མགྱོགས་པ་རབ་ཏུ་འཐོབ། །དེ་སྟེ་ལག་པ་གཡོན་པ་ཡི། །
མཛུབ་མོ་གྲུབ་པར་མ་གྱུར་ཏེ། །དངོས་གྲུབ་ཉམས་ཀྱང་ངེས་པར་ནི། །ལས་རྣམ་སྣ་ཚོགས་བྱེད་པར་འགྱུར། །ཁྲོས་ནས་དེ་ཡིས་བསྡིགས་ན་ནི། །མི་དེ་ཇི་ལྟར་འདོད་པ་རུ། །དེ་མ་ཐག་ཏུ་འགྱེལ་བར་འགྱུར། །སྔགས་མཁན་དག་གིས་
བསད་ནས་ཀྱང་། །དེ་ནས་ཤི་བར་གྱུར་པ་དེ། །དེ་ནས་ལག་པ་གཡས་པ་ཡིས། །ཅི་སྲིད་འདོད་པར་སློང་བར་བྱེད། །རབ་ཏུ་འཁྲུགས་པའི་དཔུང་ཆེན་ཡང་། །དེ་ནས་དེའི་སྡིགས་པར་ནུས། །གླང་པོ་དང་ནི་རྟ་རྣམས་དང་། །ལྗོན་ཤིང་དང་ནི་ནགས་
ཚལ་རྣཾས། །རིང་པོར་མི་ཐོག་འཇིག་པར་བྱེད། །རི་རྣཾས་ཀུན་གྱི་རྩེ་མོ་དག །རབ་ཏུ་བཟང་ཞིང་མཐོ་བ་ཡང་། །དེ་ནས་དེའི་མཛུབ་མོ་དེས། །རིང་པོར་མི་ཐོག་རྙིལ་བར་བྱེད། །མཛུབ་མོ་དངོས་གྲུབ་ཀུན་སྦྱིན་པའི། །གྲུབ་པའི་མཆོག་ནི་བཤད་

98-1-27b

པ་ཡིན། །དེ་ནས་བཞན་ཡང་ཞགས་པ་ཡི། །སྒྲུབ་པ་འང་འདིར་ནི་བཤད་པར་བྱ། །ཤི་བའི་སྐྲ་ལ་ཞག་པ་ནི། །སྦོམ་ཞིང་ཡིད་དུ་འོང་བ་བྱ། །ཆོ་ག་སྔ་མ་བཞིན་བསྒྲུབ་ན། །དེའི་དངོས་གྲུབ་དེ་ཉིད་འཐོབ། །ཤིང་ནི་རབ་ཏུ་བཟང་པོ་ལས། །དབྱུག་ཏོ་སོར་
ནི་བཅུ་དྲུག་བྱ། །ལེགས་པར་གཞོག་དང་ལེགས་བྲི་པ། །བཟང་པོ་ཡིད་དུ་འོང་བྱས་ནས། །དེའི་མགོ་བོ་དག་ལ་ཡང་། །རབ་ཏུ་བཟང་པོའི་གསེར་ཀྱི་དཀྲི། །དེའི་རྩེ་ལ་ནོར་བུ་ནི། །པད་མ་ར་གས་སྤྲས་པར་བྱ། །དེ་ནས་ཚུལ་བཞིན་རི་རྩེ་ལ། །
ཆོ་ག་སྔོན་དུ་བཤད་པ་བཞིན། །མངོན་དུ་འདུག་པའི་སྦྱིན་སྲེག་བྱ། །སྒྲུབ་པ་པོའི་ནུབ་མོ་བསྒྲུབ། །འབར་བ་དེ་ནི་བླང་ནས་སུ། །ནམ་མཁར་འཕགས་པ་གདོན་མི་ཟ། །སྔ་མ་བཞིན་དུ་གྲུབ་རྣམས་ཀྱི། །གཙོ་བོར་གྱུར་ཅིང་འདོད་གཟུགས་ཅན། །
དུ་བ་ཚ་ལ་སོགས་པས་ཀྱང་། །དེ་ཡིས་འབྲས་བུ་སྔོན་བཞིན་འཐོབ། །མཚོན་ཆ་མཆོག་རྣམས་བསྒྲུབ་པ་ནི། །དེ་ལྟར་མདོར་སྡུས་བཤད་པ་ཡིན། །དེ་ནས་ཆོ་ག་ལས་བྱུང་བས། །དངོས་གྲུབ་བཞན་ཡང་བཤད་བྱ་སྟེ། །ཅི་ལྟར་ཁྲོ་བོ་མཆོག་
གིས་ནི། །ཉིད་ཀྱིས་མདོར་སྡུས་བཤད་པའོ། །ཡི་དགས་མང་པོ་ཞེས་བྱ་བའི། །དཀྱིལ་འཁོར་ཐོག་མར་བྲིས་ནས་སུ། །རྨ་མེད་པའི་རོ་བླངས་ནས། །མཁས་པས་ཁྲུས་བྱས་ལེགས་པར་བརྒྱན། །མེ་ཏོག་སྤོས་ཀྱིས་མཆོད་ནས་སུ། །ཤ་
དང་ཅེས་པའི་གཏོར་མ་སྦྱིན། །ལས་ནི་དུར་ཁྲོད་དག་དུ་བྱ། །འདི་ནི་གཞན་དུ་མི་ཡོང་བྱ། །མེ་ཏོག་བཀྲམ་པའི་གནས་མལ་དུ། །ནུབ་ཕྱོགས་སྒོ་ཕྱོགས་མགོ་བསྟན་བཞག །ཐོད་པ་བཟང་པོ་ཟས་མཆོག་གིས། །རབ་ཏུ་གང་བ་བླངས་ནས་
སུ། །ཟས་མཆོག་དག་གིས་ནང་དུ་ཡང་། །ཚིལ་ཆེན་དག་གིས་བླུག་པར་བྱ། །མཁས་པས་དེ་དག་དེ་ཡི་ཚེ། །ཁྲོ་བོ་སྔགས་ཀྱིས་བཏབ་པའི། །སྦྱིན་བླུགས་བརྒྱ་ནི་ཚང་ཚང་དུ། །གཟར་བུས་མི་ཡི་ཁར་བླུགས་ན། །དེ་ཡི་ལྕེ་ཡང་འབྱུང་བར་འགྱུར། །དེ་
ནས་མཚོན་གྱིས་གཅད་པར་བྱ། །ལྕེ་ནི་རྩ་བར་བཅད་པ་ལས། །ཁྲོ་བོ་མཐུ་ཡིས་མྱུར་བ་རུ། །དེ་ནས་དེ་ཉིད་རལ་གྲིའི་གཟུགས། །བཟང་པོ་སུམ་བཅུ་རྩ་གཉིས་འགྱུར། །དེ་ནས་རལ་གྲི་བླངས་ནས་སུ། །གྲོགས་རྣཾས་ལ་ནི་རེ་རེ་སྦྱིན། །སྒྲུབ་

98-1-28a

པ་པོ་ཡིས་བླངས་ནས་ནི། །དེ་མ་ཐག་ཏུ་འགྲུབ་པར་འགྱུར། །རིག་འཛིན་དེ་དག་ཐམས་ཅད་ཀྱིས། །ཀུན་ཏུ་བཀུར་བའི་རྒྱལ་པོར་འགྱུར། །གྲོགས་པོ་དེ་རྣཾས་དང་བཅས་པར། །བསྐལ་པ་བདུན་དུ་གནས་པར་འགྱུར། །ཡང་
ནམ་མཁས་པས་དུར་ཁྲོད་དུ། །ཡི་དགས་མང་པོ་ཞེས་བྱ་བའི། །དཀྱིལ་འཁོར་དེ་ནས་བྲིས་ནས་སུ། །མཆོད་པ་ཇི་སྐད་གསུངས་པ་བྱ། །སྐྱེས་པ་བུད་མེད་ཤི་བ་ཡི། །རྨ་མེད་པའི་རོ་བླངས་ནས། །ལེགས་པར་ཁྲུས་བྱས་རྒྱན་གྱིས་བརྒྱན། །
དཀྱིལ་འཁོར་དེའི་སྒོར་བཞག་སྟེ། །དེའི་སྙིང་ཀར་དེ་འདུག་ནས། །སྟོང་རྩ་བརྒྱད་དུ་བཟླས་པར་བྱ། །ཁྲོ་བོ་མཆོག་ཏུ་གྱུར་པའི་སྔགས། །ཡི་གེ་བཅུ་བདུན་སྟོང་རྩ་བརྒྱད། །དེ་བཟླས་ནས་ནི་དངོས་གྲུབ་ཐོབ། །མི་རོ་དེ་ནས་ལྡང་བར་
འགྱུར། །མཆོད་ཡོན་ལེགས་པར་དབུལ་བར་བྱ། །དེའི་མགོ་ལ་ལག་གཡོན་གྱིས། །དེ་མ་ཐག་དུ་རིག་བྱས་ན། །ལྡོང་རོས་མེའི་མདོག་འདྲ་བ། །དེ་བས་བདག་ཉིད་ཅན་དེ་ཡི། །ཁ་ནས་མྱུར་དུ་འབྱུང་བར་འགྱུར། །སྒྲུབ་པ་པོ་ཡིས་དེ་
བླངས་ཏེ། །ཡན་ལག་ཐམས་ཅད་བསྐུས་ནས་ནི། །བཙོ་མའི་གསེར་གྱི་མདོག་ཏུ་འགྱུར། །གྲོགས་རྣམས་ལ་ཡང་དེ་བཞིན་སྦྱིན། །དེ་མ་ཐག་ཏུ་དེ་དག་ཀུན། །བཙོ་མ་གསེར་གྱི་མདོག་ཏུ་འགྱུར། །ཅི་ལྟར་འདོད་པའི་གཟུགས་ཅན་
འགྱུར། །རིག་འཛིན་རྣམས་ནི་ཐཾད་ཀྱི། །ཐོག་མར་འགྲོ་བ་དེ་དག་འགྱུར། །རྫས་རྣམ་ཐཾད་གྲུབ་པར་ནི། །གྲུབ་ན་དེ་ལ་དེ་ནས་ཡང་། །དཀོན་མཆོག་གསུམ་ལ་ཆ་གཅིག་འབུལ། །དེ་ནས་མཁས་པས་བདག་ཉིད་བཀུར། །
གྲོག་པོ་རྣམས་ནི་ཐཾད་ལ་འང་། །བྱིན་ནས་འདི་ནས་ནམ་མཁར་འཕུར། །རྫས་གཅིག་གྲུབ་པར་གྱུར་པ་ལ། །ཆོ་ག་གཞན་ཡང་སྤྱད་བྱ་སྟེ། །རྫས་གཅིག་གྲུབ་པར་གྱུར་ན་ནི། །ཐོག་མར་ཕྱག་ཀྱང་བྱས་ནས་སུ། །དཀོན་མཆོག་
གསུམ་ལ་ཆོ་ག་བཞིན། །བདག་ཉིད་རབ་ཏུ་དབུལ་བར་བྱ། །དེའི་འོག་ཏུ་རྫས་དེ་བླང་། །གྲོག་པོ་རྣཾས་ལ་རིམ་བཞིན་དུ། །རྫས་དེ་བྱིན་ནས་འཕུར་བར་འགྱུར། །ཕྱི་ནས་ཆོ་ག་འདི་རྣཾས་སྤྱད། །དེ་ལྟར་མ་བྱས་གྲུབ་ན་ཡང་། །དེ་ཡི་རྫས་ནི་འཕྲོག་

98-1-28b

པར་འགྱུར། །དེ་བས་དངོས་གྲུབ་མཆོག་རྣམས་ལ། །ཀུན་ཏུ་ཅི་སྲིད་བཤད་བཞིན་བྱ། །དེ་ནས་གཞན་ཡང་ཨཉྫ་ན། །བཟའ་བ་བསྒྲུབ་པ་ཅི་བཞེན་པ། །དགོས་པ་ཐཾད་འགྲུབ་པའི་ཕྱིར། །དམ་པ་འདི་ནི་བཤད་པར་བྱ། །ཞག་གསུམ་སྨྱུང་
བར་འདུག་ནས་སུ། །དུར་ཁྲོད་དག་ཏུ་དཀྱིལ་འཁོར་བྲི། །དེ་ནས་ཆོ་ག་སྔ་མ་བཞིན། །དེར་ནི་གཏོར་མའི་ལས་བྱའོ། །དེ་ནས་མི་རོ་བསྲེགས་པ་ཡི། །ཐལ་བས་བདག་ཉིད་བསུང་བར་བྱ། །དེའི་བདག་ཉིད་བྱུགས་ནས་སུ། །གྲོག་པོའི་
མཆོག་ལྡན་དགའ་བ་དེས། །དེའི་བདག་ཉིད་བྱུག་ནས་སུ། །ཨཉྫ་ན་ཡི་སྙིང་པོ་དེ། །གསལ་ཤིང་གིས་བསད་མགོ་ལ་བཞག །ཤི་བའི་གོས་ཀྱི་གཡོགས་ནས་སུ། །ལག་པས་བཟུང་སྟེ་བཟླས་བྱས་ཏེ། །དངོས་གྲུབ་རྣཾས་གསུམ་
འབྱུང་བའི་བར། །བློ་ཅན་གྱི་ནི་དེ་སྲིད་བཟླས། །ཚ་འམ་ཡང་ན་དུ་བ་འབྱུང་། །ཡང་ན་མེ་བཞིན་འབར་བར་འགྱུར། །དེའི་མིག་དག་སྐུ་ན་ནི། །འབར་བས་ནམ་མཁར་འགྲོ་བར་འགྱུར། །དུ་བས་ལུས་ནི་མི་སྣང་བར། །གདོན་མི་ཟ་བར་འགྱུར་
བར་བཤད། །ཚ་བར་གྱུར་ན་བལྟས་པ་ཡི། །འགྲོ་བ་དག་ནི་གསོད་པར་འགྱུར། །སླར་ཡང་ལེགས་པར་གསོ་བ་ནི། །རིང་པོར་མི་ཐོགས་གདོན་མི་ཟ། །འདི་ལ་སྒྲུབ་པར་མ་གྱུར་ནའང་། །མིག་དག་ལེགས་པར་སྐུ་ན་ནི། །བལྟས་པས་
འགྲོ་བ་དབང་དུ་འགྱུར། །སྤུ་མོས་གཙུག་ཤིང་མགོ་བོས་འདུད། །ཨཉྫ་ན་ཆོ་ག་བཞིན། །མཁས་པས་གིའུ་ཝང་སྒྲུབ་པར་བྱ། །དངོས་གྲུབ་དག་ཀྱང་དེ་བཞིན་བསྟན། །མ་གྲུབ་འགྲོ་བར་དབང་དུ་འགྱུར། །ལི་ཁྲི་དང་ནི་བ་བླ་ལ་དང་། །ལྡོང་རོས་
དག་ཀྱང་དེ་བཞིན་ཏེ། །ཨཉྫ་ན་ཡི་དཔྱད་བཞིན་དུ། །མགས་པ་དག་གིས་བསྒྲུབ་པར་བྱ། །ཤི་བའི་གོས་ཀྱང་ཆོ་ག་བཞིན། །བསྒྲུབ་པ་གཞན་དག་དེ་བཞིན་དུ། །ཁྲོ་བོ་ཉིད་ཀྱིས་གསུངས་པའི་སྔགས། །མདོར་སྡུས་རབ་ཏུ་བཤད་པར་བྱ། །
དུར་ཁྲོད་དག་ཏུ་དཀྱིལ་འཁོར་བྲི། །མཆོད་པ་དང་ནི་གཏོར་མ་བྱ། །ཤི་བའི་གོས་དེ་བགོས་ནས་ནི། །ཆོ་ག་ཤེས་པས་མཚན་མོ་ཟླས། །དེ་ནས་གོས་དེ་དང་བཅས་པར། །མཚན་མོ་རབ་ཏུ་འབར་འགྱུར་ན། །འབར་ཞིང་འབར་བས་ཡོངས་

98-1-29a

བསྐོར་ནས། །ནམ་མཁའ་དག་ལ་ལེགས་པར་འཕར། །རྒད་མོ་རབ་ཏུ་རྒོད་པའི་སྒྲ། །འཇིག་རྟེན་སྐྲག་པར་བྱེད་པར་འབྱིན། །རྟག་ཏུ་འདོད་པའི་གཟུགས་དང་ལྡན། །ཁྲོ་བོ་བཞིན་དུ་དེ་སྤྱོད་འགྱུར། །དེ་བཞིན་དུ་བ་བྱུང་ན་ཡང་། །གདོན་
མི་ཟ་བར་མི་སྣང་བའི། །མཆོག་ཏུ་འགྱུར་བར་རབ་ཏུ་བཤད། །སྒྲུབ་པ་དེ་ཡི་གོས་དེ་ནི། །དེ་བཞིན་ཚ་བར་གྱུར་ན་ཡང་། །རྐང་པ་མགྱོགས་ཤིང་སྟོབས་ཆེར་འགྱུར། །ས་སྟིང་རྣམས་སུ་ཁྱབ་པར་འགྲོ། །ནད་མེད་ལོ་རྒྱ་འཚོ་བར་འགྱུར། །དེ་སྟེ་གྲུབ་པར་
མ་གྱུར་ནའང་། །འགྲོ་བ་མ་ལུས་དབང་དུ་འགྱུར། །གང་རྣཾས་མཐོང་ཞིང་དེ་བཞིན་ཏེ། །མཐོང་བ་དེ་དག་བྲན་བཞིན་འགྱུར། །གལ་ཏེ་འདི་དག་གནོད་སྦྱིན་མོ། །མི་ཡིས་སྒྲུབ་པར་འདོད་ན་ནི། །བ་ཏི་ཤིང་དྲུང་ཉམས་དགའ་བ། །དེ་ཚེ་དཀྱིལ་འཁོར་བྲིས་
ནས་སུ། །སྐྲ་བཤིག་གོས་ཀྱང་མེད་བྱས་ལ། །ཟས་མཆོག་ལེགས་པར་བཅོས་པ་ཡིས། །ལྷུང་བཟེད་བཟང་པོ་ཡོངས་བཀང་ནས། །མར་གྱི་ངོའི་མཚན་མོ་བསྒྲུབ། །དེ་ནས་ཆང་བུ་བདུན་ཕྱུང་སྟེ། །སྔགས་ཀྱི་ལན་བདུན་བཏབ་ནས་སུ། །ལྷའི་
བཟང་པོ་འདི་བཞེས་ཤེས། །བྱས་ནས་དེ་ཡི་རྒྱབ་ཏུ་དོར། །དེ་ནས་གཞན་ཡང་ཆང་བུ་བདུན། །སྔག་ཀྱི་བཏབ་ཏེ་བཟའ་བར་བྱ། །ལྷའི་བཟང་མོ་ཞེས་བྱ་བ། །གྲུབ་པ་གནོད་སྦྱིན་ཀུན་གྱི་རྗེ། །འཁོར་རྣཾས་མང་པོས་ཀུན་སྐོར་ནས། །
དེ་ནས་དེའི་འོད་འབར་འགྱུར། །དེ་ནས་ཁ་བཀྲུ་དེ་ལ་ནི། །སྤོས་དང་མེ་ཏོག་མཆོག་ལྡན་པའྀ། །མཆོད་ཡོན་ཆུ་ནི་དབུལ་བར་བྱ། །ལེགས་འོངས་མེ་ཏོག་དག་ཀྱང་དབུལ། །དེ་ནས་སྟན་བཟང་ཉཾས་དགའ་བར། །མེ་ཏོག་ལྡན་པ་ཕུལ་ན་ནི། །
ད་ནི་ཁྱོད་ཀྱི་བདག་གྲུབ་སྟེ། །བཀའ་བཞོན་བྱེད་ཅིང་དེ་བཞིན་དུ། །གཞན་དུ་མི་འགྱུར་བཀའ་ཉན་གྱིས། །བཀའ་སྩོལ་ཅིག་ཅེས་དེ་ལ་སྨྲ། །མ་འམ་ཡང་ན་སྲིང་མོ་འམ། །མཛའ་མོ་འམ་ཡང་ན་ཆུང་མར་འགྱུར། །མར་བརྗོད་པས་ནི་ངེས་
པར་ཡང་། །དེའི་ལྡོང་རོས་ལ་སོགས་པ། །གྲུབ་པའི་རྫས་ནི་མང་པོ་དག །གདོན་མི་ཟ་བར་དེ་ལ་སྟེར། །སྲིང་མོས་མེ་ཏོག་འབྲས་བུ་དང་། །བདུད་རྩི་མཆོག་དང་གསེར་འགྱུར་རྩི། །རྟག་ཏུ་སྒྲུབ་པ་པོ་དེ་ལ། །གདོན་མི་ཟ་བར་སྟེར་བར་འགྱུར། །

98-1-29b

མཛའ་མོར་གྱུར་ཅིག་ཅེས་སྨྲས་ནས། །མཚན་མོ་ལྡིང་ཁང་མཆོག་རྣཾས་དང་། །ཡིད་དུ་འོང་བ་བཞན་རྣཾས་ཀྱང་། །བདག་ཉིད་དགའ་བ་སྟོན་པར་བྱེད། །མྱུར་དུ་ཆུང་མ་སྡུག་པ་དག །དཔག་ཚད་བརྒྱ་ནས་ཁྲིད་དེ་འོང་། །གཞན་
ཡང་སྒྲུབ་པ་པོ་དེ་ལ། །དེས་ཤིང་འདོད་དང་དགའ་བ་སྟེར། །དེ་སྟེ་དེ་ལ་ཆུང་མར་སྨྲས། །འདོད་པའི་གཟུག་ཅན་རྣམ་པར་མཛེས། །དབང་ཕྱུག་ལོངས་སྤྱོད་ཐཾད་ཀྱིས། །གྲུབ་པ་དེ་ནི་དགའ་བར་བྱེད། །དེས་ཤིང་འདོད་པ་དགའ་བ་སྟེར། །འཛུམ་
ཞིང་སྲི་བཞུ་འཇོ་མ་དང་། །དབང་ཕྱུག་ལོངས་སྤྱོད་ཐཾད་ནི། །སྒྲུབ་པ་ཅི་སྲིད་འདོད་པ་སྤྱོད། །གལ་ཏེ་མངལ་ནས་སྐྱེས་པའི། །ཤ་ཟ་མོ་དག་བསྒྲུབ་འདོད་ན། །སྒྲུབ་པ་པོ་ལ་དེའི་ལས། །དེ་དག་འདི་ནི་བཤད་པར་བྱ། །ཤླེ་ཤྨ་ཀ་ཏའི་ཤིང་དྲུང་ནི། །
གཅང་མར་དཀྱིལ་འཁོར་བྲི་བར་བྱ། །མཆོད་པ་ཆེན་པོ་བྱས་ནས་སུ། །གཏོར་མའྀ་ལས་ཀྱང་སྔོན་བཞིན་བྱ། །དེར་ནི་དུར་ཁྲོད་ཤིང་དག་གིས། །སྔགས་པས་མེ་ནི་རབ་སྦར་ནས། །གོས་མེད་སྐྲ་ཡང་ཧག་བྱས་ཏེ། །དེ་ནས་མེ་ཡང་
འབར་བ་ལ། །དེར་ནི་གཟེགས་མའི་སྦྱིན་སྲེག་རྣམས། །སྔགས་ཀྱིས་སྟོང་རྩ་རྒྱད་བསྲེག་ན། །དེ་ཚེ་གདོན་མི་ཟ་བར་ཡང་། །ཤ་ཟ་མོ་ནི་འབར་བའི་གདོང་། །འོང་བར་འགྱུར་ཏེ་དེའི་ཚེ། །སེཾས་ནི་དཔའ་བར་བྱས་ནས་སུ། །མི་འཇིག་
མདུན་དུ་མཆོད་ཡོན་དབུལ། །དེའི་འོག་ཏུ་དེ་ལ་ནི། །བདག་ཉིད་གཟུགས་ནི་བཟང་པོར་སྟོན། །དེའི་མིང་ནི་དཀར་རང་གི། །རང་མིང་སྔག་ཀྱི་སྦྱིན་སྲེག་བྱ། །གང་བསམ་པ་ཡི་ནོར་དེ་རྣམས། །འོང་ནས་རིང་པོར་མི་ཐོགས་པར། །གདོན་མི་ཟ་
བར་རབ་ཏུ་དབུལ། །ཀང་རང་གིས་ནི་ཞེས་བྱ་བ། །ཤ་ཟ་མོ་ནི་ཀུན་གྱི་མཆོག །སྒྲུབ་པ་པོ་ནི་སེམས་དཔའ་ཞིང་། །གཟི་ཡང་རབ་ཏུ་ཆེ་བ་ལ། །གདོན་རྣམས་ཐཾད་རབ་ཏུ་བསྒྲུབ། །དེ་ལྟར་མིན་ན་མྱུར་བར་ནི། །སྒྲུབ་པོ་ཡང་ནི་གསོད་པར་བྱེད། །
དེ་སྟེ་ཀླུ་ཡི་བུ་མོ་དག །དེ་ལ་རིག་འཛིན་དཔལ་ལྡན་པས། །བསྒྲུབ་པ་དག་ཏུ་འདོད་པ་ལ། །དེའི་ཆོ་གར་འདི་བཤད་དོ། །པད་མོ་དཀར་པོའི་མཚོ་འགྲམ་དུ། །སོང་ནས་ཆོ་ག་སྔ་མ་བཞིན། །ཡི་དགས་མང་པོ་ཞེས་བྱ་བའི། །

98-1-30a

དཀྱིལ་འཁོར་དེར་ནི་བྲི་བར་བྱ། །དེ་ནས་དེར་ནི་མཁས་པ་ཡིས། །གཏོར་མའི་ཆོ་ག་སྔ་མ་གཞིན། །ཨུ་དུམ་བ་ར་ཡི་ཡམ་ཤིང་གིས། །ཐོག་མར་མེ་ནི་རབ་སྦར་ནས། །ནཱ་ག་གེ་སར་ཕྱེ་མ་དག །མཁས་པས་སྟོང་རྩ་བརྒྱད་
དུ་བསྲེག །སྦྱིན་སྲེག་བྱེད་ཚེ་མྱུར་བར་ནི། །དེ་ནས་ཀླུའི་བུ་མོ་དག །འཇིགས་ཤིང་སྐྲག་ནས་འོང་བར་འགྱུར། །གལ་ཏེ་མཚན་མོ་དེ་བསྲེག་ན། །སྒྲུབ་པ་པོ་ནི་གང་འདོད་པ། །གདོན་མི་ཟ་བར་རབ་ཏུ་གཏེར། །དེ་སྟེ་སྔགས་པ་ལྷ་མིན་
གྱི། །ཕུག་སྒོར་སོང་ནས་ཅི་དགའ་བར། །ལྷ་མ་ཡིན་མོ་ཐཾད་ནི། །ལས་འདི་དག་ནི་ཐཾད་སྒྲུབ། །དཀྱིལ་འཁོར་སྔ་མ་བཞིན་བྲི་ནས། །ཏོར་མའི་ཆོ་ག་རྒྱ་ཆེར་བྱ། །པྲི་ཡང་ཀུའི་ཤིང་དག་གི། །ཞུག་མ་ཐག་ཏུ་མེ་སྤར་ནས། །ཆོ་ག་
བཞིན་དུ་སྔག་ཟློས་ཤིག །ཡུང་ཀར་དཀར་པོ་གུར་གུམ་ལ། །སྨྱུགས་ནས་སྟོང་རྩ་བརྒྱད་བཟླས་ལ། །དེ་ནས་ངེས་པར་བསྲེག་པར་བྱ། །དེ་ནས་སྦྱིན་སྲེག་བྱེད་པའི་ཚེ། །ལྷ་མིན་ན་ཆུང་འབྱུང་བར་བྱེད། །སྒྲུབ་པ་པོ་ནི་གང་འདོད་པ། །
གདོན་མི་ཟ་བར་རབ་ཏུ་སྟེར། །ལྷ་མ་ཡིན་གྱིས་གནས་དག་ཏུ། །བདེ་བའི་ལམ་ནས་འཇུག་པར་བྱེད། །དབང་ཕྱུག་ཀུན་དང་ལྡན་པར་ནི། །དེ་ན་དེ་ནི་འགྲུབ་པར་བྱེད། །གལ་ཏེ་འདིར་ནི་སྔགས་པ་དག །ཤ་ཆེན་དག་ནི་འཚོང་འདོད་ན། །
དང་པོར་དུར་ཁྲོད་འདུག་ནས་སུ། །དཔའ་བའི་སེམས་ཀྱིས་ཤ་ཆེན་བླང་། །བླངས་ནས་སྲངས་བ་བྱས་ནས་སུ། །ལག་པ་གཡོན་པས་ཆུ་གྲི་ཐོག །གཡས་པས་ཤ་ཆེན་སྐྱོན་མེད་གཟུང་། །མཚན་མོ་དུར་ཁྲོད་དུ་ཞུག་ནས། །སེམ་
དཔའ་དཔའ་བས་གཤིན་རྗེའི་གཤེད། །ཁྲོ་བོ་ཡིད་ལ་ཟློས་བྱེད་ཅིང་། །ཤ་འཚོང་བའི་སྒྲ་བསྒྲགས་སོ། །བདག་ཉིད་ཆེན་པོ་དེའི་ཚིག །སྲིན་པོ་དམ་ཚིག་མེད་པ་དང་། །སེཾན་ཕྲ་མོ་ཁ་ཅིག་གིས། །ཐོས་ནས་རབ་ཏུ་འཇིག་པར་འགྱུར། །
གང་བཞན་ལྷག་པའི་སེཾས་ཡོད་ཅིང་། །དྲག་པོའི་དུར་ཁྲོད་གནས་སྐྱོང་བ། །སྣ་ཚོགས་གཟུག་ཅན་སྟོབས་པོ་ཆེ། །དེ་དག་ལུས་ནི་སྟོན་པར་བྱེད། །གྲུབ་པ་འཇིག་པར་མི་བྱ་བར། །དེ་ནས་སེམས་ནི་དྲག་པོ་དེས། །ལེགས་པར་འོང་ཤེས་

98-1-30b

སྨྲ་བར་བྱ། །དེ་ནས་གནས་སྐྱོང་བསྒྲུབ་པའི་ཕྱིར། །དེ་ནས་ཨཉྫ་ན་དག་དང་། །རྫས་ནི་གང་རྣཾས་འདོད་པ་དེ། །ཤའི་རབ་ཏུ་སྦྱིན་བྱོས་ཤེས། །བསྒྲུབ་པ་པོས་ཀྱང་སྨྲ་བར་བྱ། །སྒྲུབ་པ་པོས་ཀྱང་བཞན་མི་སྨྲ། །སེཾས་ནི་དཔའ་
བར་ཤེས་ནས་སུ། །སྦྱིན་པར་བྱེད་ཀྱིས་གཞན་ལ་མིན། །དེ་ནས་བཞན་ཡང་འདིའི་ལས། །དཔུང་རྣཾས་མནན་པར་བྱ་བ་གང་། །ཁྲོ་བོ་མཆོག་གིས་གསུངས་པ་ནི། །དེ་དག་འདིར་ནི་བཤད་པར་བྱ། །མི་རོའི་གོས་ལས་བྱས་པའི། །
བ་དན་ཤིན་དུ་བཟང་པོ་བྱ། །དེ་ནས་མཐོན་ཀ་ལས་བྱའོ། །སོར་བཅུ་དྲུག་གིས་ཚད་དུ་བྱ། །སྨྱུག་མའི་ཡུ་བ་སྡུག་གུ་དག །ཁྲུ་གང་ཚད་དུ་བྱས་པ་ལ། །བཏག་ཏེ་དེ་ནས་བསྒྲེང་ནས་སུ། །དུར་ཁྲོད་དུ་ནི་མཚན་མོ་སྒྲུབ། །དཀྱིལ་འཁོར་རྒྱ་ཆེན་
བྲི་ནས་ཀྱང་། །དེར་ནི་ཙོག་བུར་གནས་ནས་སུ། །བ་དན་ལག་ན་ཐོག་ནས་ནི། །མཚན་མོ་ཐོག་ཐག་བཟླས་པར་བྱ། །དེ་ནས་ནམ་ནི་ལངས་པ་ན། །དེའི་ལག་ན་ཐོགས་པའི། །དེ་ཚེ་དགྲའི་དཔུང་འཕྲུག་པ། །ཐེ་ཚོམ་མེད་པར་གནས་པར་
འགྱུར། །ལག་ན་ཐོག་པ་གཞན་དག་ཀྱང་། །སྒྲུབ་པ་པོ་ནི་མཐོང་བའི། །དེ་དག་ཐཾད་ཐོང་མ་ཐག །མནན་ཏེ་རི་བཞིན་མི་གཡོར་འགྱུར། །གླང་པོ་རྒྱལ་པོ་མྱོས་པ་དང་། །ཤིང་རྟ་རྟ་དང་གླང་པོར་བཅས། །རྐང་ཐང་འཁྲུག་པ་མང་བཅས་
པའི། །དགྲའི་དཔུང་རྣམས་ངེས་པར་ནི། །མཐོང་བ་ཙམ་ནི་ཉིད་ཀྱི་སུ། །མནན་པ་བཞིན་དུ་སྣང་བར་འགྱུར། །དེ་ནས་གཞན་ཡང་དུར་ཁྲོད་ཀྱི། །སྦྱོར་བ་བཀྲ་ཤིས་དགེ་བ་དང་། །ཁྲོ་བོ་མཆོག་གིས་གསུངས་པ་དེ། །ད་ནི་ངེས་པར་བཤད་པར་
བྱ། །དེས་ནི་མི་རོ་བསྲེགས་པའི། །མཚན་མོ་མེ་འབར་བལྟས་ནས་སུ། །སྐྲ་བཤིག་གོས་ཀྱང་མེད་བྱས་ལ། །བཟླས་པ་དག་ཀྱང་བསྐོར་ཞིང་བྱ། །དེ་ནས་དེར་ནི་སྔག་པ་ཡི། །ལན་ཅིག་ཐལ་བ་སྤར་བ་གང་། །ལག་པ་གཡོན་པས་
བླང་ནས་སུ། །མཁས་པས་ཁྱིམ་དུ་འགྲོ་བར་འགྱུར། །ཡང་ན་ལྷ་ཁང་སྟོང་པར་འགྲོ། །ཕྱིར་ཡང་ལྟ་བར་ཡོང་མི་བྱ། །དེ་ནས་དེར་ཡང་ཐལ་བ་དེ། །ནམ་ལངས་བར་དུ་བཟླས་པར་བྱ། །ནཾ་ནི་ལངས་པར་གྱུར་པ་ནི། །ཐལ་བ་དེ་ནི་

98-1-31a

བསྲངས་ནས་སུ། །གསར་པའི་སྣོད་དུ་གཞག་བྱ་ཞིང་། །ས་ལ་བཞག་པར་ཡོ་མི་བྱ། །དགྲའི་དཔུང་དག་མནན་པའི་ཕྱིར། །ཐལ་བ་དེ་ནི་གཏོར་བྱས་ན། །ཤིང་རྟ་དང་ནི་གླང་པོ་དང་། །མཚོན་ཆ་ཐཾད་འཁྲུག་པ་དང་། །སྐྱེ་བོ་མང་པོར་ལྡན་བའི་
ཡུལ། །ཐལ་བ་དེའི་ཐཾད་དུ། །ལན་ཅིག་གཏོར་བ་ཙམ་གྱི་ཀྱང་། །ལུས་རྣཾས་མི་འགུལ་གདོན་མི་ཟ། །འདི་ནི་ཚོན་རྣཾས་གནོན་པ་དང་། །དཔུང་ཡང་གནོན་བྱེད་དགེ་བའོ། །དེ་བཞིན་གཉིད་ཀྱིས་ལོག་བྱ་དང་། །མྱོས་པར་བྱེད་པར་སྦྱོར་བ་ཡང་། །
རླུང་ཕྱོགས་དག་ཏུ་སོང་བ་འམ། །ཡང་ན་བསྙེན་ཏེ་བྱས་ན་འང་རུང་། །བགྲོད་དཀའི་དགྲ་ནི་མཚོན་འཁྲུགས་ལ། །བྱས་ནས་འགྲོ་བ་མི་འགུལ་འགྱུར། །དུར་ཁྲོད་དག་གིས་སྦྱོར་བ་ཡིས། །དཔུང་མནན་དེ་ལྟར་བཤད་ཟིན་ཏོ། །འགྲོ་བ་
དབང་བྱེད་སྦྱོར་བ་ནི། །རྣམ་པ་གཞན་དག་བཤད་པར་བྱ། །དུར་ཁྲོད་དག་ཏུ་དཀྱིལ་འཁོར་བྲི། །མཆོད་པ་སྔ་མ་བཞིན་དུ་བྱ། །གཏོར་མ་རྒྱ་ཆེན་བྱས་ནས་ནི། །མིའི་ཚུལ་གྱི་བསྣུམ་དག་ལས། །མར་མེ་འབར་བ་བྱས་ནས་སུ། །དེ་ནས་ཐོད་
པ་བཟང་པོ་ལ། །མཁས་པ་དག་གིས་སྣག་ཙ་སྦྱར། །དུ་བའི་སྣག་ཙ་སྦྱར་ནས་ཀྱང་། །ནམ་ལང་བར་དུ་བསླབ་པར་བྱ། །དེ་ནས་ནང་བར་ནཾ་ལངས་ཏེ། །དུ་བའི་སྣག་ཙས་མིག་བསྐུས་ན། །གང་མཐོང་དེའི་དབང་དུ་འགྱུར། །དེ་ལྟར་འགྲོ་བ་དབང་
བྱེད་པའི། །སྦྱོར་བ་དེ་ནི་སྐྲགས་པ་ཡིན། །བཙག་གི་སྦྱོར་བའི་དངོས་གྲུབ་ཀྱང་། །དགེ་བ་དག་ནི་དེ་བཤད་དོ། །ཡུག་སྣམ་བཙག་ནི་དགེ་བ་དག །མི་རོའི་ཁར་ནི་བཅུག་ནས་སུ། །དེ་ནས་དེ་ཕྱེད་ཚིག་ནས་ནི། །གྲོག་མེད་པར་ནི་མཚན་མོ་བླང་། །བླང་ནས་
ལྷའི་ཁང་སྟོང་དུ། །མཁས་པ་དག་གི་བཟླས་པ་བྱ། །བགེགས་ཀྱང་རྣཾ་པ་སྣ་ཚོགས་འབྱུང་། །ཅི་སྲིད་ནཾ་ལངས་བར་དུ་ནི། །དེ་ན་བདུག་ཅིང་དེ་ལ་བཟླས། །དེ་ནས་ནམ་ལངས་གྱུར་པ་དང་། །རས་ནི་དམར་པོས་དཀྲིས་ནས་ནི། །མཆོད་ཅིང་བསྲུང་
ནས་གཞག་པར་བྱ། །དེ་ནས་གང་ཡང་རུང་བའི་མིང་། །བཙག་གི་ཡུག་སྣམ་དེའི་སུ། །ཅི་འདོད་པར་ནི་བྲི་བར་བྱ། །སྒྲུབ་པ་པོའི་མིང་ནས་ཀྱང་། །བསྐུལ་ནས་དོགས་པ་མེད་པར་ཡང་། །བསྒྲུབ་པར་བྱ་བ་མྱུར་དུ་འོང་། །བཙག་སྒྲུབ་ཁ་རུ་གསུངས་

98-1-31b

པ་དག །མདོར་སྡུས་བཤད་པ་དེ་ཡིན་ནོ། །ད་ནི་ཅི་ལྟར་རིག་པ་རུ། །སོར་གདུབ་བསྒྲུབ་པ་སྦྱོར་བར་བཅས། །ཆོ་ག་བཞིན་དུ་གསུང་པ་དག །མདོར་ནི་རབ་ཏུ་བཤད་པར་བྱ། །མིའི་རོ་ཁྱིར་འགྲོ་བ་ན། །དེར་སོང་ནས་ནི་དེའི་ཁར། །གསེར་གྱི་སོར་
གདུབ་གཞག་པར་བྱ། །མཁས་པས་ཁྲོ་བོ་གཅིག་པུའི་སྔགས། །ཟློས་པས་བྱེད་དེ་འདུག་པ་ན། །མེ་ཡིས་ཚིག་པར་གྱུར་པ་ནི། །རོའི་ཁ་ན་འདུག་པ་ཡི། །སོར་གདུབ་ལག་པ་གཡོན་པས་བླང་། །ནམ་ལངས་བར་དུ་བཟླས་པར་
བྱ། །དེ་ནས་སོར་གདུབ་བཟང་པོ་དེ། །ལག་པ་གཡོན་པའི་མཛུབ་མོ་ལ། །མཁས་པ་དག་གིས་བཞག་པར་བྱ། །དེའི་ལག་པ་གཡོན་པ་ཡི། །གང་དང་གང་དག་རིག་འགྱུར་བ། །དེ་ཀུན་དེའི་ལས་བྱེད་གྱུར། །ཕྱི་བཞིན་དུ་ཡང་འབྲང་བར་
འགྱུར། །འདི་ལ་དཔྱོད་པར་ཡོང་མི་བྱ། །དེ་ནས་གཞན་ཡང་ཡུངས་ཀར་དག །ཤིན་དུ་ངོ་ཚར་དང་ལྡན་པ། །ཁྲོ་བོ་ཉིད་ཀྱི་ཇི་ལྟ་བར། །བསྒྲུབ་པའི་སྦྱོར་བ་གསུངས་བ་བཤད། །སི་ཏའི་ཤིང་ལས་གབ་ཚེ་ཡང་། །བཟང་པོ་སོར་ནི་བརྒྱད་པར་བྱ། །དེའི་
ནང་དུ་ཡུང་ཀར་དགང་། །དངོས་གྲུབ་མཆོག་ནི་དེར་བླུག་ལ། །ཟླ་བ་བཟས་ནི་ཟིན་བར་དུ། །ཉི་མ་རེ་རེ་བཟླས་བརྗོད་བྱ། །དཀྱིལ་འཁོར་ཆོ་ག་བཞིན་བྲིས་ནས། །གཏོར་མ་རྒྱ་ཆེན་དག་ཀྱང་བྱ། །གབ་ཙེ་ནང་གི་ཡུང་དཀར་ཀུན། །སྒྲ་འབྱུང་བ་
འམ་གས་ཀྱི་བར། །དེ་སྲིད་ཡུང་ཀར་བཟླས་པར་བྱ། །དེ་ནས་ཡུང་ཀར་གྲུབ་འགྱུར་བ། །བླངས་ནས་གང་ཡང་རུང་བར་ནི། །ཆོ་ག་བཞིན་ཏུ་སྦྱར་བྱས་ནས། །དེའི་མི་ནུས་ཅི་ཡང་མེད། །དེས་ནི་ས་ཡང་འགས་པར་བྱེད། །ཆུ་ཀླུང་དག་ཀྱང་སྐམ་
པར་བྱེད། །རི་མཐོ་རྣམ་པ་མང་པོ་དག །ཕྱེ་མ་དག་ཏུ་རློག་པར་བྱེད། །དེ་བཞིན་རིའི་ཙེ་མོ་ཡང་། །སྦྱར་ན་རབ་ཏུ་སྙིལ་བར་བྱེད། །ཁྲག་དང་སོལ་བའྀ་ཆར་དག་ཀྱང་། །འབེབས་པར་བྱེད་དེ་ཐེ་ཚོམ་མེད། །གནམ་ལྕགས་དང་ནི་སེར་བ་དག །གློ་བུར་
དག་དུ་འབབ་པར་བྱེད། །ས་གཡོ་བ་དག་སྤྲིན་པ་དུལ། །རིག་པ་འཛིན་པས་སྦྱར་བྱས་ནས། །གློ་བུར་དུ་ཡང་ཐོག་མེད་འགྱུར། །མཚོ་དང་བརྒྱ་མཚོ་གཡོ་བ་དང་། །ཤིང་རྣཾས་རབ་ཏུ་ལྡེག་པ་དང་། །སའི་འོག་ཀྱང་གཡོ་བྱེད་ཀྱང་། །དེ་བཞིན་

98-1-32a

ཀླུ་རྣམས་བསྡིག་པ་དང་། །མཚོ་ཆེན་དག་ནི་ལྟེང་ཀ་དང་། །ཀླུ་རྣཾས་ཚར་བཅད་བྱ་བ་དང་། །བཞན་ཡང་གང་འདོད་བྱ་བ་ཡི། །ལས་ནི་རྣཾ་པ་སྣ་ཚོགས་པ། །གསུང་པ་དང་ནི་མ་གསུངས་པ། །མཁས་པས་རང་བཞིན་བློས་བརྟགས་ལ། །
ཡུང་ཀར་གྲུབ་པས་གཏོར་ཙམ་གྱིས། །ཐོག་པ་མེད་པར་བྱེད་པར་འགྱུར། །ཡུང་ཀར་དངོས་གྲུབ་ཀུན་སྦྱིན་པའི། །སྒྲུབ་པ་དག་ནི་སྒྲུབས་ཟིན་ཏོ། །དཔའ་བོའི་བརྟུལ་ཞུགས་སྤྱོད་པ་ཡི། །དེ་དག་ལ་སོགས་སྣ་ཚོགས་དང་། །སྔ་མ་
བཞིན་དུ་སྣ་ཚོགས་དང་། །འབྲིང་རྣཾས་ལ་སོགས་བསྒྲུབ་པར་བྱ། །ཁྲོ་བོ་མཆོག་གིས་ཆོ་ག་འདི། །ལས་ནི་གང་དག་བཤད་པ་རྣཾས། །དེ་དག་ཀུན་ལ་བརྟུལ་ཞུགས་ནི། །མེད་པར་བྱས་ན་འབྲས་བུ་མེད། །ཕྱག་རྒྱ་གཉིས་ཀྱིས་ལས་རྣཾས་ནི། །
གང་དག་འདིར་ནི་བཤད་པ་རྣམས། །བརྟུལ་ཞུགས་བྱེད་ནི་མ་ནུས་ན། །དེ་ལྟར་ཁྲོ་བོ་མཆོག་འདི་ལ། །སྔོན་བཞིན་མཆོད་པ་བྱེད་པ་དང་། །ཇི་སྐད་བཤད་ཟིན་ཟླས་བྱས་པས། །ལས་རྣམས་ཅི་སྐད་བསྟན་པ་དང་། །དངོས་གྲུབ་ཅི་སྐད་སྟན་
པ་ཐོབ། །རྟག་ཏུ་བདེ་གཤེགས་སེམས་དཔའ་དེས། །བརྟུལ་ཞུགས་རྟག་ཏུ་མི་རུང་ན་འང་། །ཉིན་གཅིག་བཞིན་དུ་བཟླས་བརྗོད་ལ། །སྦྱོར་བས་འདོད་པས་དོན་རྣམ་འཐོབ། །དེ་ལྟར་བརྟུལ་ཞུགས་ཀྱིས་བསྒྲུབ་དང་། །སྒྲུབ་པ་སྣ་
ཚོགས་ཆོ་ག་འདིར། །ཁྲོ་བོ་མཆོག་གིས་ཅི་གསུང་བ། །མ་ལུས་པར་ནི་བཤད་པ་ཡིན། །འཇཾ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣཾ་པར་རྒྱལ་བ་ལས་ཁྲོ་བོ་གཤིན་རྗེའི་གཤེད་ཀྱི་རྩ་བའི་ཆོ་ག་ཞིབ་མོ་རིམ་པར་
ཕྱེ་བ་སྟེ་བརྒྱད་པའོ།། །། དེ་ནས་ཆོ་ག་ཕྱི་མར་ནི། །ཇི་ལྟར་བརྟུལ་ཞུགས་མེད་ཀྱང་རུང་། །དེ་ཕྱིར་ཁྲོ་བོ་བདག་ཉིད་ཀྱིས། །གསུང་པ་དེའི་ཆོ་ག་བརྗོད། །སྔགས་ནི་ཡི་གེ་བཅུ་བདུན་ནོ། །ཁྲོ་བོ་ཞེས་ནི་གང་བརྗོད་པ། །དེ་ལ་ཐོག་མར་སྟོན་
བཞིན་དུ། །རི་མོ་བྲིས་ལ་དེ་མདུན་དུ། །ཚུལ་བཞིན་དུ་ནི་མཆོད་པ་བྱ། །མཁས་པས་ཡང་ན་སྐུ་གཟུགས་ཀྱང་། །བྱེད་དུ་བཅུག་ཏེ་དེ་འོག་ཏུ། །མཁས་པས་བརྒྱད་འབུམ་བཟླས་པར་བྱ། །དེའི་མཐའ་མར་དཀོན་མཆོག་ནི། །གསུཾ་

98-1-32b

པོ་དག་ལ་མཆོད་ཆེན་བྱ། །དེའི་འོག་ཏུ་ཁྲོ་མཆོག་ནི། །ཅི་སྐད་གསུངས་བཞིན་མཆོད་པ་བྱ། །འོན་ཀྱང་གྲུབ་ཏེ་དེའི་ཚེ། །འབྱུང་པོའི་གདོན་དང་དུག་རྣམ་དང་། །ཡིད་ལ་གང་དང་གང་འདོད་པ། །དེའི་བསམ་པའི་ལས་ཀྱང་ནུས། །
ནམ་ཡང་དངོས་གྲུབ་ཕྲན་ཚེག་ལ། །དེ་ནི་སྦྱར་བར་མི་བྱའོ། །དུག་ལ་སོགས་ཏེ་གང་བརྗོད་པ། །ལས་ཀྱི་རྣཾ་ནི་ཚིག་གི་བྱ། །གཞན་ཏུ་ཡེངས་པའི་ཚིག་གིས་ཀྱང་། །བདག་ཉིད་ཇི་ལྟར་འདོད་བཞིན་ནོ། །དེ་བཞིན་སེཾན་སྡང་རྣམ་ལ། །
ཚར་བཅད་པ་དང་ཕན་འདོག་ནུས། །གང་ཞིག་ནག་པོས་ཟིན་པའི། །ལས་རྣམས་ཀྱང་ནི་བྱེད་འགྱུར་ཏེ། །ཆུ་ཡི་ངེས་པར་གཏོར་བ་དང་། །ལྕག་གམ་ཡང་ན་རྐང་པའི། །ཁྲོ་བོ་ཅི་སྐད་གསུང་པ་བཞིན། །ཐེ་ཚོམ་མེད་པར་
སོས་པར་འགྱུར། །དེ་ལྟར་ཀུན་དུ་ཡིད་ཀྱིས་སམ། །ཡང་ན་ཚིག་གིས་བསྐུལ་བར་བྱ། །ཇི་ལྟར་ཁྲོས་པ་མེད་པར་ཡང་། །ཕྲན་ཚེག་ལས་ནི་གྲུབ་འགྱུར་ཏེ། །དྲན་པ་རྩམ་ནི་འབའ་ཞིག་གི། །བྱེད་པ་པོའི་ལས་དེ་འགྲུབ། །དེ་ནས་སྣོད་
ལ་དབབ་པ་ཡི། །ལས་བཞན་འདི་ནི་རབ་ཏུ་བྱ། །གཞོན་ནུ་མཚན་དང་ལྡན་འགྱུར་ཞིང་། །ཉེས་པའི་སྐྱོན་མེད་ཡན་ལག་ཚང་། །ཤིན་དུ་བཀྲུས་ཏེ་རྒྱན་གྱི་རྒྱན། །བ་ལས་བྱུང་བའི་ལྔ་ཡང་བླུད། །དེའི་འོག་ཏུ་སྨྱུང་བྱས་ཏེ། །ནམ་
ལངས་པ་དང་བཀྲུས་བྱས་ལ། །དྲི་ཞིམ་པའི་དྲིས་བྱུགས་ཤིང་། །གོས་རྣམས་དང་ནི་བརྒྱན་གྱི་བརྒྱན། །དེ་ལྟར་མཆོད་པ་བྱས་ནས་ནི། །ཤར་གྱི་ཕྱོགས་སུ་ཁ་བསྟན་ཏེ། །ཆོ་ག་བཞིན་ཏུ་ཀུ་ཤ་ཡི། །སྟན་ལ་བཞག་སྟེ་དེ་
ནས་ནི། །དེའི་ལག་པ་གཉིས་ཀར་ཡང་། །ཙན་དན་གཏོར་མའི་མེ་ཏོག་སྦྱིན། །ཨ་ཀར་ནག་པོ་བདུག་པ་སྦྱིན། །དེས་ནི་མྱུར་དུ་སྔགས་བརྗོད་དེ། །སྒྲུབ་པ་ཆོ་ག་འདི་ཡིས་ནི། །སྣོད་ལ་དབབ་པའི་ལས་བྱའོ། །སྣོད་ལ་དབབ་འགྱུར་
དེའི་ནི། །དགེ་དང་མི་དགེ་དྲི་བར་བྱ། །དེ་ནས་བྱུང་དང་འབྱུང་བ་དང་། །བྱུང་བ་གང་ཡིན་བདེན་པར་སྨྲས། །སེཾན་ཆེན་པོ་འདི་གྱིས་ལ། །འདི་ནི་མིན་ཞེས་ཟློག་པར་བྱེད། །རིག་སྔགས་ཆད་དམ་ལྷག་པ་དག །སྔགས་ཀྱང་འདིར་

98-1-33a

ནི་ཚང་པར་བྱེད། །དེ་ནས་ཁྲོ་བོ་མཆོག་དེ་ལ། །མེ་ཏོག་ལྡན་པའི་མཆོད་ཡོན་དབུལ། །དེ་ནས་བདེ་གཤེགས་བསྟན་པའི། །དམ་ཚིག་དག་ཀྱང་བསྟན་པར་བྱ། །སྣོད་ཀྱིས་ཐོས་ནས་དེ་ནས་སུ། །བཏང་ནས་དེ་ནི་ས་ལ་
འགྱེལ། །རིག་པ་ཁྲོ་བོ་གཤིན་རྗེའི་གཤེད། །གྲུབ་པར་དེ་ནས་བཞུད་པར་འགྱུར། །དེ་ནས་སྣོད་ནི་བླངས་ནས་སུ། །ཕྱིས་ནས་ཀྱང་རབ་ཏུ་ཁྲུས་བྱས་ཏེ། །ཟན་ཟར་བཅུག་ལ་ཟོས་ནས་ཀྱང་། །མཆོད་པ་བྱས་ཏེ་སླར་གཏང་ངོ་། །ཇི་སྐད་
གསུང་པའི་ལས་རྣམས་ཀྱིས། །སྣོད་ལ་དབབ་པར་བྱས་ནས་ནི། །དེ་ནས་ཆོ་ག་ཕྱི་མ་ཡི། །ཆོ་ག་ལས་གསུང་ལས་རྣམས་བྱ། །དེ་ནས་གལ་ཏེ་སྔགས་པ་ནི། །རྒྱལ་པོ་དབང་ཏུ་བྱེད་འདོད་ན། །དེ་ཚེ་རི་མོ་སྤྱན་སྔ་རུ། །དུར་ཁྲོད་
ཐལ་བས་གཟུགས་བྲིས་ཏེ། །དེའི་སྙིང་དཀར་འདུགས་ནས་སུ། །རྩེ་གཅིག་ཡིད་ཀྱིས་ཁྲི་བཟླས་ཏེ། །ཆེ་གེ་མོ་ཞིག་དབང་འགྱུར་ནས། །དེའི་མི་ནི་སྔ་མ་བཞིན། །ཁྲོ་སྔགས་ཇི་སྐད་གསུང་པའི་མཐར། །སྦྱར་ཏེ་མཇུག་ཏུ་སྭཱ་ཧཱ་
བརྗོད། །ཁྲོ་བོས་དབང་དུ་བྱ་བའི་ཕྱིར། །སྦྱོར་བ་རྟག་ཏུ་བཤད་པ་ཡིན། །དེ་ནས་རྒྱལ་པོ་དབང་གྱུར་ནས། །མཛའ་སྡུག་སྐྱེ་བོ་བཏང་ནས་སུ། །བདག་ཉིད་དང་ནི་ནོར་དག་གིས། །ངེས་པར་བྲན་བཞིན་ལེགས་པར་བྱེད། །དེ་བཞིན་
བཟླས་པ་ཁྲི་བྱས་ན། །བྲམ་ཟེ་དག་ཀྱང་དབང་ཏུ་འགྱུར། །རྗེའུ་རིག་དམང་རིག་མ་ལུས་པར། །དྲུག་སྟོང་དག་གིས་ངེས་པར་འགྱུར། །བུད་མེད་རྣམས་དང་བུ་མོ་ལ། །ཁྲི་དག་ཏུ་ནི་བཟླས་པ་བྱ། །དེ་ནས་ཕན་ཚུན་མཛའ་བོ་གཉིས། །
དབྱེ་བར་བྱ་བར་འདོད་ན་ནི། །དེ་ནས་གཅིག་གིས་གཟུགས་བརྙན་ནི། །དེ་བཞིན་བྲིས་ནས་སྙིང་ཀ་རུ། །རྐང་པ་ཅིག་བཞག་ཙོག་བུར་འདུག །དེའི་མིང་ནི་མཐར་སྦྱར་ནས། །ཁྲོ་བོ་གཤེན་རྗེའི་གཤིད་བཟླས་པ། །ཆེ་གེ་མོ་ཞིག་མྱུར་
བ་དུ། །འདི་དང་དབྱེ་འགྱུར་ཕཊ་ཅེས་བྱ། །དེ་ལྟར་དབྱེ་བ་བྱ་འདི་ལ། །སྟོང་ཕྲག་བཅུར་ནི་བཟླས་པ་བྱ། །དེ་ནས་སེཾན་རབ་འདུག་པར། །ཤེས་ནས་ལེགས་པར་གདུལ་བྱ་ན། །དཀོན་མཆོག་གསུམ་ལ་གནོད་བྱེད་ལ། །ཁྲོ་བོས་

98-1-33b

བྱའི་གཞན་དུ་མིན། །དགྲ་བོའི་གཟུགས་བརྙན་མིང་སྨོས་ནས། །དུར་ཁྲོད་ཐལ་བས་བྲིས་ནས་སུ། །དེ་ནས་སེང་ལྡེང་ཕུར་བུ་ལ། །བརྒྱ་རྩ་བརྒྱད་དུ་བཟླས་བྱས་ཏེ། །དེའི་སྙིང་ཀར་བཏགས་ནས་སུ། །དེའི་འོག་ཏུ་ཁྲི་
བཟླས་སོ། །དེ་ནས་ཁྲོ་བོ་གཤིན་རྗེའི་གཤེད། །སྔགས་ཀྱི་ཐ་མར་མི་བཅུག་ཏེ། །ཆེ་གེ་མོ་ཞིག་སོད་གཅིག་ཅེས། །ཧཱུྃ་དང་ཕཊ་ཀྱིས་མཐའ་བརྟེན་ཏེ། །ཁྲི་དག་ཡོངསུ་ཚང་བར་ནི། །གལ་ཏེ་དེ་ལྟར་བཟླས་བྱས་ན། །ལས་དེ་
ཡི་ནྀ་འཆི་འགྱུར་ཏེ། །འདི་ལ་རྣམས་པར་དཔྱད་མི་དགོས། །རྟག་ཏུ་བདེ་གཤེགས་བསམ་བྱའི། །ངན་པའི་སེམས་ཀྱི་ཡོངས་མི་བྱ། །དེའི་སྙིང་ལས་སྡུག་བསྔལ་དག །བསྐྱེད་ནས་འདག་པ་མ་ཏོགས་སོ། །ཞི་བ་དག་གི་
ཆོ་ག་ཡི། །དེ་ནས་ཞི་བ་དགེ་བར་བྱ། །ཅི་ལྟར་ཇི་སྐད་གསུང་བའི། །མངོན་པར་སྤྱོད་པ་ཡོངས་མི་བྱ། །སེཾན་རྣམ་ལ་རྩེ་བས་ཕྱིར། །བདེ་གཤེགས་བསམ་པས་བྱ་བར་བསྟན། །དེ་བཞིན་གཤེགས་པ་ཅི་གསུང་པའི། །དེ་བཞིན་
དངོས་གྲུབ་ཐོག་མེད་པའི། །དངོས་གྲུབ་འདོད་པས་ཐོབ་འདོད་ན། །དེ་ལྟར་ཁྲོ་བོ་མི་བྱ། །བདེ་གཤེགས་བསམ་པ་གང་མེད་པ། །དེ་ནས་དངོས་གྲུབ་ཉམ་པར་འགྱུར། །མདོར་ན་བྱང་ཆུབ་སེམས་མེད་པ། །འཇམ་དཔལ་ཁྲ་བོ་གཙོ་
བོའི། །བརྟུལ་ཞུགས་བཟླས་པ་དང་བཅས་པ། །རྟོག་ལས་ཆོ་ག་བཞིན་གསུང་པའི། །དངོས་གྲུབ་མཆོག་ནི་ཉམ་པར་འགྱུར། །གང་ཞིག་བདེ་གཤེགས་བསམ་ལྡན་ནས། །བརྟུལ་ཞུགས་བཟང་པོ་མེད་པ་དང་། །དེ་བཞིན་གཟུགས་
ལ་སོགས་མེད་ཀྱང་། །དངོས་གྲུབ་མཆོག་རྣམས་དེ་ཐོབ་ཅིང་། །ཉོན་མོངས་མེད་པར་ཅི་འདོད་པར། །འདོད་པ་ཐཾད་རྙེད་པར་འགྱུར། །གང་ཞིག་གདེ་གཤེགས་བསམ་ལྡན་ཞིང་། །བློ་ནི་མ་རྨོངས་བརྟན་པ་ཡིས། །སྲིད་པ་ཉོན་མོང་བགྲོད་
དཀའ་རྒོལ། །དེ་བཞིན་གཤེགས་པ་ཐཾད་ལ། །ཕྱག་བྱས་ནས་ནི་དངོས་གྲུབ་མཆོག །བདེ་གཤེགས་བསམ་པ་ལྡན་པས་འཐོབ། །དེ་ལྟར་ཤེས་ནས་དེའི་ཚེ། །བདེ་གཤེགས་ལམ་མཆོག་བསྟེན་པར་བྱ། །ཉོན་མོངས་སྡུག་བསྔལ་

98-1-34a

འཇིག་འགྱུར་བ། །འཇིག་རྟེན་ལྷ་ནི་ཡོངས་མི་བསྙེན། །དེ་ལྟར་སེཾན་གདུག་འདུལ་བའི། །ལས་རྣམས་ཇི་སྐད་གསུངས་པ་ཡང་། །དཀོན་མཆོག་གསུམ་ནི་བསུང་ཕྱིར་གྱི། །གཞན་དུ་གར་ཡང་ཡོང་མི་སྦྱར། །དེ་ནས་
གཞན་ཡྃ་བསྐྲད་པའི་ལས། །འདི་དག་གར་ཡང་རུང་བར་ནི། །དེ་བཞིན་བྱེད་པར་འདོད་པ་ལ། །དེ་བཞིན་བར་ནི་བཤད་པར་བྱ། །དེ་བཞིན་དུར་ཁྲོད་ཐལ་བའི། །མཁས་པ་དགྲའི་གཟུགས་བརྙན་བྲི། །དེ་སྟེ་རྐང་གཉིས་འདུག་ནས་སུ། །
འཇམ་དཔལ་ཁྲོ་བོའི་སྤྱན་སྔར་ནི། །ཆེ་གེ་མོ་ཞིག་སྐྲོད་ཅིག་ཅེས། །དེའི་མིང་ནི་མཐར་སྦྱར་ནས། །དེ་བཞིན་ཧཱུྃ་དང་ཕཊ་དག་དང་། །ཧཱུྃ་ཡང་བརྗོད་དེ་ཁྲི་བཟླས་ན། །གདོན་མི་ཟ་བར་བསྐྲད་པར་འགྱུར། །ཡང་ན་ཐལ་བ་དེ་ཉིད་ཀྱིས། །དགྲ་
ཡི་གཟུགས་བརྙན་བྲི་ནས་ནི། །དེའི་སྙིང་ཀར་རྐང་གཡོན་གྱིས། །གདོན་མི་ཟ་བར་བརྫི་ནས་སུ། །ཉི་མ་ལ་ནི་ཁ་ལྟས་ནས། །གཤིན་རྗེའི་གཤེད་པོ་བཟླས་ན་ནི། །སྐད་ཅིག་གིས་ནི་དགྲ་བོ་དེ། །རབ་ཏུ་ཚ་བའི་ནད་ཀྱི་འདེབས། །
དེ་ནས་ཞི་བའི་ཆོ་གའི། །བདག་ཉིད་ཀྱིས་ནི་ཞི་བར་བྱ། །དེ་ལྟར་མ་བྱས་ཞག་བདུན་གྱིས། །གདོན་མི་ཟ་བར་འཆི་བར་འགྱུར། །དེ་ལ་སོགས་པའི་ལས་རྣཾས་ནི། །བདེ་གཤེགས་སེམས་པས་ཡོང་མི་བྱ། །སེཾན་རྣཾ་ནི་ཐཾད་ལ། །
ཞི་བ་དང་ནི་རྒྱས་པ་བྱ། །བྱང་ཆུབ་སེམས་ཀྱི་བདག་ཉིད་ཅན། །རིང་པོར་མི་ཐོགས་འགྲུབ་པར་འགྱུར། །དེ་ནས་སེམས་ཅན་ཐམས་ཅད་ནི། །བདེ་ཕྱིར་ཞི་བའི་ལས་རྣམས་དང་། །དེ་བཞིན་དུ་ནི་རྒྱས་པའི་ལས། །ཇི་སྐད་གསུངས་
པ་བཤད་པར་བྱ། །མཆོད་རྟེན་དག་གམ་དཀྱིལ་འཁོར་དུ། །དེ་བཞིན་གཤེགས་པའི་མཆོད་པ་བྱ། །དཀོན་མཆོག་གསུཾ་པོ་དག་ལ་ནི། །ཡང་དང་ཡང་དུ་ཕྱག་ཀྱང་བྱ། །ཉིན་པར་དང་ནི་མཚན་མོ་ཡང་། །དགེ་བ་གང་དག་ཅི་བསགས་
པ། །དཀོན་མཆོག་གསུམ་ལ་དེ་བརྟེན་ནས། །བདེ་བར་གཤེགས་པའི་བསམ་བས་བྱ། །འདི་ཡིས་སེམས་ཅན་ཐཾད་ནི། །ཤིན་དུ་སྡུག་བསྔལ་བདེར་གྱུར་ཅིག །དེ་ཡིས་དངོས་གྲུབ་ཅུང་ཟད་གང་། །ཕྲ་མོ་དག་ཀྱང་འཐོབ་གྱུར་

98-1-34b

པ། །བརྟག་ཏུ་སེམས་ཅན་རྣམས་ལ་ནི། །མཁས་པ་དག་གིས་ཕན་པར་བྱ། །མཁས་པས་མཆོད་རྟེན་ལས་བྱ་ཞིང་། །དེ་བཞིན་དམ་པའི་ཆོས་ཀྱང་བཀླག །དགེ་བ་ཅུང་ཟད་གཞན་དག་ཀྱང་། །ཆུང་ངུ་ཟིན་ཀྱང་འདི་ཉིད་ལ། །དངོས་གྲུབ་
མཆོག་ནི་ཐོབ་འདོད་པས། །རྟག་ཏུ་སེམས་ཅན་རྣཾས་ལ་བསྔོ། །དེ་ལྟར་འདི་ནི་བྱང་ཆུབ་སེམས། །ཆོས་ཀྱི་དོན་དུ་ཡུལ་དུ་འགྱུར། །བྱང་ཆུབ་སེམས་དཔའ་ཉེར་བསྙེན་པའི། །མཚན་ཉིད་རྣཾས་ཀྱང་རབ་ཏུ་བསྟན། །དེ་ལྟར་
བློ་གྲོས་བསྟན་བྱས་ནས། །དགེ་བ་དག་ནི་སྤེལ་བར་བྱ། །དགེ་བ་དག་ཀྱང་སྤེལ་ནས་སུ། །སེམས་ཅན་རྣམ་ལ་ཡོང་སུ་སྔོ། །སྔགས་པ་བདེ་གཤེགས་སེམས་ལྡན་གང་། །དེ་ལྟ་བུར་ནི་རྟག་པ་རུ། །སེཾན་རྣཾས་ལ་ཕན་བྱས་ནས། །
ཞི་བ་དག་དང་རྒྱས་པ་འཕེལ། །ཐོག་མར་དཀོན་མཆོག་གསུཾ་པོ་ལ། །མཆོད་པ་སྣ་ཚོག་བྱས་ནས་སུ། །དེའི་འོག་ཏུ་ཁྲོ་བོ་མཆོག །གཤིན་རྗེ་གཤེད་ལ་མེ་ཏོག་ནི། །དཀར་པོ་མཆོག་གིས་མཆོད་པ་བྱ། །མཆོད་པ་བྱས་ནས་
འདི་དག་ཏུ། །ཆོ་ག་བཞིན་དུ་བཟླས་པ་བྱ། །བདེ་ཞིང་སྟན་ལ་བདེར་འདུག་ལ། །རབ་ཏུ་དང་ཞིང་བདེ་གཤེགས་སེམས། །དེ་ཡི་མིང་སྨོས་ཞི་འགྱུར་ཞེས། །ཁྲོ་བོའི་ཚིག་གིས་མཐར་སྦྱར་ཏེ། །བཽ་ཥཊ་དག་ཀྱང་ཐ་མར་
སྦྱར། །གང་ཡང་རུང་བ་ཞིག་ལ་ནི། །དེ་ལྟར་སྟོང་དུ་བཟླས་པ་བྱ། །ཡུལ་དང་ཡུལ་གྱིས་ཕྱོགས་རྣམ་དང་། །རྒྱལ་པོ་དག་ལ་ཉིས་འགྱུར་བྱ། །རྟ་རྣམ་དང་ནི་གླང་པོ་དང་། །བ་ལང་དག་ལ་སྟོང་དུ་བཟླས། །ར་ལུག་དང་ནི་མ་ཧེ་ལ། །
རྟག་པར་སྟོང་དུ་བཟླས་པར་གསུང་། །ཡང་ན་ལུས་ཅན་ཐཾད་ལ། །བཟླས་པ་དག་ནི་བྱས་ནས་ཀྱང་། །བྱང་ཆུབ་སེམས་དང་ལྡན་པའི། །ཞི་བའི་མཆོག་ཏུ་ངེས་པར་འགྱུར། །དེ་བཞིན་དུ་ཡང་རྒྱས་གྱུར་པ། །ཁྱད་པར་དུ་ནི་
མེ་ཏོག་མཆོག །དཀར་པོ་ཙན་དན་གྱིས་བསྐུལ་པ། །བཟླས་ཤིང་བཟླས་པའི་ཆོ་ག་བཞིན། །འཇམ་དཔལ་ཁྲོ་བོའི་སྤྱན་སྔར་ནི། །འོ་མས་གང་བའི་སྣོད་དུ་དབུལ། །སྟོང་གིས་རབ་ཏུ་རྒྱས་པར་འགྱུར། །སྙིང་ལ་

98-1-35a

རབ་ཏུ་དགའ་འགྱུར་བའི། །རྒྱས་པ་དེ་དག་བྱ་འདོད་ན། །གང་ཡང་རུང་བ་དེའི་མིང་། །ཆོ་ག་བཞིན་དུ་ཐ་མར་སྦྱར། །མཁས་པས་རྒྱས་པར་གྱུར་ཅིག་ཅེས། །དེ་མཐར་བཤད་པ་སྦྱར་ནས་སུ། །མེ་ཏོག་ཡིད་དུ་འོང་བ་རྣམས། །
འོ་མར་བླུགས་པས་རྒྱས་པར་བྱ། །དེ་ནས་བཞན་ཡང་དཔལ་འདོད་པ། །དེར་ཡང་སྔ་མ་བཞིན་དུ་ནི། །ཙན་དན་དཀར་པོས་བསྐུས་བ་ཡི། །མེ་ཏོག་ཡིད་དུ་འོང་བས་མཆོད། །ཨ་ཀར་ནག་པོ་བཟང་པོ་ཡི། །བདུག་པ་དག་ཀྱང་
སྔགས་ཀྱིས་དབུལ། །ཉིན་རེ་དེ་ལྟར་བྱས་ནས་སུ། །ཆོ་ག་བཞིན་དུ་བཟླས་པ་བྱ། །དཔལ་ནི་བདག་ལ་སྩོལ་ཅིག་ཅེས། །མཐའ་མ་དག་ཏུ་སྦྱར་ནས་སུ། །དེ་ནས་ན་མ་སྭཱ་ཧཱར་ལྡན། །ཆོ་ག་སྔོན་བཞིན་ཁྲི་ཟླས་
ཏེ། །དེ་ནས་རྒྱ་མཚོ་རབ་འགྲོ་བའི། །ཀླུང་གི་འགྲམ་དུ་སོང་ནས་ནི། །ལྟེ་བ་ནུབ་པར་ཆུར་འདུག་ནས། །མེ་ཏོག་པུཎྚ་རི་ཀ་ནི། །ཙན་དན་དཀར་པོས་བསྐུས་ནས་ནི། །བཟླས་ཤིང་བཟླས་ཤིང་ཆུར་འབུལ་བ། །བློ་དང་ལྡན་པས་འབུལ་བྱས་
ན། །དེའི་འཇུག་ཏུ་དཔལ་ཆེན་འཐོབ། །ཡང་ན་པད་མ་དམར་པོ་ནི། །ཙན་དན་དམར་པོས་བསྐུས་ནས་ནི། །གལ་ཏེ་དེ་རུ་ཕུལ་ན་ནི། །དེ་ནས་དེའི་མཐའ་མ་རུ། །ལས་འདི་དག་གིས་ངེས་པར་ནི། །མི་ཟད་པ་ཡི་གཏེར་ཐོབ་འགྱུར། །ཨ་ཏི་མུཀྟའི་
མེ་ཏོག་རྣམས། །བཟླས་ཤིང་བཟླས་ཤིང་སྔ་མ་བཞིན། །གལ་ཏེ་ཆིག་འབུམ་ཕུལ་ན་ནྀ། །ཆོ་གས་གསུང་པ་བཞིན་གནས་པའི། །སྔགས་པས་ངེས་པར་དེ་མཐར་ནི། །འདི་ནོར་འབུམ་ནི་ཐོབ་པར་འགྱུར། །འདི་ལ་རྣམ་པར་དཔྱད་
མི་བྱ། །དེ་སྟེ་དེ་ཡི་སྔ་མ་བཞིན། །སུམ་འབུམ་དབུལ་བར་བྱས་ན་ནི། །གདོན་མི་ཟ་བར་གནོད་སྦྱིན་མ། །དེའི་དབང་དུ་འདི་འགྱུར་རོ། །ཆོ་ག་འདིའི་སྒྲུབ་པ་པོ། །རིན་ཆེན་དག་ཀྱང་ཐོབ་པར་འགྱུར། །དེ་སྟེ་སྔགས་པས་སྔ་མ་བཞིན། །
མེ་ཏོག་སྣ་ཚོགས་མང་པོ་ནི། །ཙན་དན་དག་གིས་བསྐུས་པའི་རྣམས། །དེ་ནས་སྔགས་པས་ཆིག་འབུམ་དུ། །ཆུའི་ནང་དུ་ཕུལ་ན་ནི། །སའི་སྟེང་ན་འདོད་པ་འཐོབ། །ཡང་ན་པད་མོ་དཀར་པོ་ནྀ། །མངར་གསུམ་དག་གིས་

98-1-35b

བསྐུས་པ་རྣམས། །མེ་འབར་ནང་དུ་ལེགས་བསྲེགས་ན། །དེ་ཡིས་དཔའ་བོ་མངོན་སུམ་མཐོང་། །དེ་ཡི་དེ་ལ་འདོད་མཆོག་དང་། །ནོར་དག་ཀྱང་ནི་རྙེད་པར་འགྱུར། །བློ་དང་ལྡན་པ་ཟས་ཀྱི་མཆོག །མར་དང་སྦྲང་རྩི་སྦྱར་བ་དག །
ཞག་བདུན་དུ་ནི་བཟར་བུ་ཡིས། །དེའི་དེ་ལ་འདོད་མཆོག་དང་། །ནོར་དག་ཀྱང་ནི་བརྙེད་པར་འགྱུར། །འབར་བའི་མི་ལ་བསྲེག་ནས་སུ། །ཡུལ་གྲུ་བདུན་རྣམས་རབ་ཏུ་འཐོབ། །འདི་ལ་རྣམ་པར་དཔྱད་མི་དགོས། །ཡང་ན་འབྲུ་རྣཾ་
ཐཾད་ཀྱིས། །སྦྱིན་སྲེག་དོན་རྣམ་ཐཾད་སྒྲུབ། །སྦྱིན་བསྲེག་ཅིག་འབུམ་བྱས་པ་ཡིས། །དེ་དག་ཉིད་ནི་མི་ཟད་འགྱུར། །བིལ་བ་མར་གྱིས་བསྐུས་པ་འབུམ། །མེ་ནི་རབ་ཏུ་འབར་བ་ལ། །བསྲེགས་ནས་ས་ཡི་བདག་པོ་ལ། །ནོར་ཅེས་
དག་ནི་ཐོབ་པར་འགྱུར། །དུར་བའི་འཇག་མ་མ་གྲུག་པ། །ན་མ་སྭཱ་ཧཱ་མཐར་ལྡན་པས། །འོ་མ་ལས་སྙུགས་བསྲེག་ན་ནི། །མིའི་ཚེའི་ནི་རིང་བར་འགྱུར། །དེ་བཞིན་མར་དང་སྦྲང་རྩི་དག །འབར་བའི་མེ་ལ་རྟག་ཏུ་བསྲེག །གདོན་མི་
ཟ་བར་མྱུར་བ་རུ། །ཡིད་བཞུངས་བར་ཡང་ཐོབ་པར་འགྱུར། །རྒྱ་སྐྱེགས་ཤིང་གི་མེ་དག་ལ། །དེ་བཞིན་ཉིན་རེ་མར་གྱི་ཧོམ། །བྱས་ན་ཚེ་དང་ཡིད་གཞུང་གྲངས། །རྒྱས་དང་སྟོབས་དང་གཟི་རྗིད་དང་། །དྲན་དང་དགའ་དང་མདངས་བཟང་
དང་། །དཔལ་དང་སེམས་དཔའི་དངོས་གྲུབ་དག །འཐོབ་པར་འགྱུར་བ་གདོན་མི་ཟ། །དེ་བཞིན་ཟས་རྣམས་ཀུན་སྲེགས་པས། །གཟི་དང་རྒྱས་དང་སྟོབ་དང་གྲགས། །འདོད་པ་ཐཾད་ཕུན་སུཾ་ཚོགས། །ཐོབ་པར་འགྱུར་བར་གདོན་མི་ཟ། །
ཅི་ལྟར་ཆོ་ག་ཕྱི་མ་ལས། །ཕལ་ཆེར་འཇམ་དབྱངས་ཁྲོ་བོ་ཡི། །པད་མའི་ཞལ་ནས་ངེས་འབྱུང་བ། །དེ་དག་མདོར་སྡུས་བཤད་པ་ཡིན། །འཇམ་དཔལ་གྱིས་ཆོ་ག་ཞིབ་མོ་ཁྲོ་བོ་གཤེན་རྗེའི་གཤིད་རྣམ་པར་རྒྱལ་བའི་ཆོ་ག་ཞིབ་
མོ་ཀུན་གྱི་ཕྱི་མ་ལས་འཕགས་པ་འཇམ་དཔལ་གྱིས་ཁྲོ་བོའི་ཆོ་ག་ཞིབ་མོ་ཕྱི་མ་རིམ་པར་ཕྱེ་བ་སྟེ་དགུ་པ་རྟོག་པ་ཕྱི་མ་རྫོགས་སོ།། །། དེ་ནས་ཆོ་ག་ཐཾད་ཀྱི། །ཕྱི་མའི་ཕྱི་མ་ཞེས་བྱ་བ། །སྦྱོར་བར་བཅས་ཤིང་རྒྱས་པའི། །

98-1-36a

ཆོ་ག་ད་ནི་བཤད་པར་བྱ། །ཡི་གེ་བཅུ་བདུན་སྔགས་ཀྱིས་ནི། །དཔའ་བོ་བརྟུལ་ཞུགས་བཟང་པོ་དང་། །དེ་བཞིན་སྔོན་དུ་བསྙེན་ལ་སོགས། །ཆོ་ག་དག་ནི་འདིར་བཤད་ཟིན། །ད་ནི་ཡི་གེ་འབྲུ་གཅིག་པ། །སྔགས་མཆོག་
འདི་ནི་གང་གསུངས་པ། །དེའི་ལས་ཀྱི་ཆོ་ག་བཤད། །དཔའ་བོ་བརྟུལ་ཞུགས་མེད་པར་ཡང་། །འཇམ་པའི་དབྱངས་ཀྱིས་ཁྲོ་བོ་གང་། །མིང་ནི་གཤིན་རྗེའི་གཤེད་ཅེས་བྱ། །དེའི་སྙིང་པོ་མཆོག་དེ་ནི། །ཧཱུྃ་ཞེས་བྱ་བའི་གེ་
གཅིག །ཐོག་མར་ཨོཾ་བཞག་ཆོ་ག་བཞིན། །རི་མོའི་སྤྱན་སྔར་འདུག་ནས་སུ། །འདི་ནི་འབུམ་ཕྲག་བཅུར་བཟླས་ན། །དེའི་འོག་ཏུ་སྒྲུབ་ལ་འཇུག །དེ་ནས་དེའི་རི་མོ་མཆོག །དོན་རྣམས་ཐཾད་སྒྲུབ་པ་གཞན། །གང་གི་
དངོས་གྲུབ་རབ་ཐོབ་པ། །ཚུལ་བཞིན་དུ་ནི་རབ་དུ་བཤད། །རས་ནི་སར་པ་ཁྲུ་གང་ཙམ། །ལེགས་པར་བཀྲུས་ཤིང་དྲིས་བསྐུས་ལ། །ཚོན་རྩི་བཟང་པོ་སྦྱིན་མེད་པས། །ཁྲོ་བོ་གཤིན་རྗེའི་གཤེད་བྲི་བྱ། །ཞལ་ནི་བགྲད་ཅིང་འཇིགྶ་
པའི་གཟུགས། །སྨིན་མ་སེར་ཞིང་སྤུ་ཡང་སེར། །ཆར་སྤྲིན་ནག་པོའི་ཁ་དོག་འདྲ། །ཐོད་པ་དག་གིས་རྒྱན་དུ་བྱས། །སྤྱན་གསུམ་དབུ་ཡང་གྱེན་དུ་རྫེས། །ཞལ་གཅིག་པ་ལ་མདངས་ཀྱང་གསལ། །ཕྱག་གཉིས་པ་ལ་
བེ་ཅོན་བསྣམས། །ཕྱག་གཡོན་པས་ནི་བསྡིགས་པར་མཛད། །ཞབས་ཀྱང་རབ་ཏུ་བཟང་པོ་གཉིས། །མ་ཧེ་ལ་ནི་ཆིབས་པར་བྱ། །སྟགས་ལྤགས་ན་བཟའ་མནབས་པར་དགྱེས། །འཁྲུགས་ཅིང་འཇིགས་པའི་
གསུང་ཡང་འབྱིན། །ཡན་ལག་ཐཾད་ཡོངས་རྫོགས་པ། །འོད་ཟེར་འབར་བ་བཅས་པའི་སྐུ། །དེ་ནས་དེ་ལ་མཁས་པ་ཡིས། །མཆོད་པ་ཡན་ལག་མཆོག་གིས་མཆོད། །སྔགས་པ་བརྟུལ་ཞུགས་བརྟན་པ་ནི། །
དེའི་འོག་ཏུ་བྲག་ཕུགས་ཞུགས། །རི་མོའི་སྤྱན་སྔར་འདུག་ནས་སུ། །ཁ་ཟས་ཟ་བ་དག་སྤངས་ནས། །རི་དབང་དེ་ནི་ཅི་རྩམ་དུ། །གཡོ་བར་འགྱུར་གྱི་བར་དུ་བཟླས། །ཡང་ན་ཁྲོ་བོ་གཤེན་རྗེའི་གཤིད། །བཞད་དམ་གཡོས་

98-1-36b

ཀྱི་བར་དུ་བཟླས། །ཡང་ན་རབ་ཀྱི་འབར་གྱི་བར། །བཟླས་ན་དེ་ཚེ་དངོས་གྲུབ་འཐོབ། །དེ་ལྟར་ལྷ་ནི་བཟླས་པ་ཡིས། །དངོས་གྲུབ་ཡ་མཚན་དེ་བཞིན་ནོ། །དེ་ནས་རིག་འཛིན་དཔལ་དང་ལྡན། །གྲུབ་པར་འདོད་རྣམས་
ཀུན་བསྒྲུབས་པ། །ཅི་བསམས་པ་ནི་དེ་དག་ཀུན། །རིང་པོར་མི་ཐོག་འབྱོར་པར་འགྱུར། །ཁྲོས་ན་ས་ཡང་འགས་པར་འགྱུར། །ཆུ་དག་ཀྱང་ནི་སྐམ་པར་འགྱུར། །རི་རྣཾས་ཐད་བརྙིལ་བར་ནུས། །རྒྱ་མཚོ་དག་ཀྱང་སྐམ་པར་བྱེད། །དེ་ལ་
སོགས་པའི་ལས་རྣམས་ནི། །ཡ་མཚན་ཆེན་པོ་ཐཾད་དང་། །སེམས་ཅན་རྣམས་ནི་ཐཾད་ལ། །ཕན་པ་རྣམ་པ་སྣ་ཚོགས་བྱེད། །ཆོ་ག་སྔ་མ་གསུང་པ་ཀུན། །ཆོ་ག་སྔ་མ་བཞིན་དུ་བསྒྲུབས། །བསྒྲུབས་ནས་སེཾན་ཐཾད་
ལ། །འབྲས་བུ་མཆོག་རྣམ་སྦྱིན་པར་བྱ། །གྲུབ་པའི་མཐུ་ནི་གང་ཡོད་པ། །བདེ་གཤེགས་བསམ་ན་དེ་དག་ཀུན། །འཇུངས་པ་མེད་པའི་བསམ་པ་ཡིས། །སྐྱེ་བོ་ཕོངས་པ་རྣཾས་ལ་སྦྱིན། །སྙིང་རྗེ་ཅན་གྱིས་བདག་གི་
ལུས། །ཕོངས་པ་དག་ལ་རྟག་ཏུ་སྦྱིན། །དེ་ལྟར་སྦྱིན་པའི་ཕ་རོལ་ཕྱིན། །དྲི་མ་མེད་པར་བསྒྲུབ་ནས་སུ། །དགེ་བ་འདིའི་སེཾན་ཀུན། །བདེ་བར་གཤེགས་ལྡན་དགེ་བར་འགྱུར། །བདེ་བ་ཐཾད་ཡོངས་རྫོགས་ཤིང་། །དགེ་
བ་ཀུན་ཀྱི་སྣོད་གྱུར་ཅེས། །ཡིད་ཀྱིས་ཡོངས་སུ་བསྔོ་བར་བྱ། །གང་ཞིག་དེ་ལྟར་སྔགས་བསྒྲུབ་ཀྱང་། །དྲི་མ་མེད་པའི་བྱང་ཆུབ་སེམས། །བདེ་བ་རྟག་ཏུ་སྤྱོད་པ་དེ། །དངོས་གྲུབ་རྟོག་ལས་གང་གསུང་པ། །དེ་བཞིན་
གཤེགས་པའི་ཞལ་ནས་བྱུང་། །ཐཾད་དེ་ལ་ཉེ་བར་གནས། །སྒྲུབ་པ་པོ་དེ་རྫུ་འཕྲུལ་གྱིས། །ཡོན་ཏན་ཀུན་དང་ལྡན་པར་འགྱུར། །དེ་ལྟར་འཇམ་དཔལ་ཁྲོ་བོའི། །ཞལ་ནས་གསུངས་པའི་ཆོ་ག་ནི། །ཁྲོ་བོ་རྣཾས་རྒྱལ་
རྒྱ་ཆེར་བསྟན། །ཆོ་ག་ཐཾད་བསྡུས་པའི། །འཇཾ་དཔལ་གྱི་ཆོ་ག་ཞིབ་མོ་ཁྲོ་བོ་ཐཾད་རྣམ་པར་རྒྱལ་བའི་ཆོ་ག་ཞིབ་མོ་བསྡུས་པ་ལས་འཕགས་པ་འཇཾ་དཔལ་གཤེན་རྗེའི་གཤེད་ཀྱི་ཆོ་ག་ཞིབ་མོ་ཕྱི་མའི་ཡང་ཕྱི་མ་རིམ་

98-1-37a

པར་ཕྱེ་བ་སྟེ་བཅུ་པའོ།། །། འཇཾ་པའི་དབྱངས་ཀྱི་ཁྲོ་བོ་ཡི། །ཡི་གེ་ཅིག་པ་བཤད་ཟིན་ཏེ། །དེ་ནས་བཞན་ཡང་དེ་ཡི་ནི། །ཆོ་ག་བཞིན་དུ་རྒྱ་ཆེར་བཤད། །གཤིན་རྗེ་རབ་ཏུ་འཇོཾ་པའི། །ཞལ་ནི་ཧཱུྃ་ཞེས་བྱ་བར་བཤད། །དེ་ནས་
འཇཾ་དཔལ་ཁྲོ་བོ་ནྀ། །ཧཱུྃ་ཞེས་བྱ་བ་མཆོག་རིག་བྱ། །དེའི་དཀྱིལ་འཁོར་གཞན་ཡིན་ཏེ། །འདོད་པ་ཀུན་སྦྱིན་ཤེས་པར་བྱ། །དུར་ཁྲོད་གནས་པར་བྱ་བ་སྟེ། །དུར་ཁྲོད་གནས་པ་གང་ཡིན་པའོ། །ཁྲུ་བརྒྱད་ལས་ནི་སྒོ་བཞི་པ། །
ཡང་ན་ཁྲི་བཞི་པ་ཡང་རུང་། །དུར་ཁྲོད་གནས་པ་བཟང་པོ་སྟེ། །དུར་ཁྲོད་ཐལ་བས་བྲི་བར་བྱ། །དེའི་དབུས་སུ་ཡི་དགས་ནི། །ཕྲེང་བ་དག་གིས་བརྒྱན་པ་བྲི། །སྒོར་ནི་ཡི་དགས་རོ་སྨད་གཞག །མཐའ་མ་དག་ཏུ་མགོ་བོ་
གཞག །གྲྭ་བཞིར་ཤུྰ་ལ་བཞི་རྣམས་དང་། །ཐོད་པ་དག་ཀྱང་བྲི་བར་བྱ། །གལ་ཏེ་བྲི་བར་ནུས་ན་ནི། །མཁས་པས་དེ་དག་ཐལ་བས་བྲི། །དེ་སྟེ་དེ་བདག་རི་མོ་ནི། །བྲི་བ་དག་ཏུ་མི་ནུས་ན། །དེ་ཚེ་ས་བཞི་བཟང་པོ་ལ། །ཙན་དན་དམར་པོས་
བསྐུལ་ནས་སུ། །དུར་ཁྲོད་གནས་སུ་དང་པོར་ནི། །སྔགས་པས་ཡི་གེ་དགོད་པར་བྱ། །དེ་ནས་གཤིན་རྗེ་རབ་འཇོམ་པ། །དེ་རུ་སྤྱན་དྲངས་མཆོད་པར་བྱ། །འཇིགས་པའི་ཞལ་ནི་འབར་བ་དྲུག །དེ་བཞིན་ཞབས་ཀྱང་དྲུག་དང་ལྡན། །སྤྱན་གསུཾ་
ཆར་སྤྲིན་སྔོན་པོའི་མདོག །ཕྱག་ཀྱང་བཅྭ་བརྒྱད་དག་གིས་བརྒྱན། །ཁྲོ་བོ་གཤིན་རྗེ་རབ་འཇོམ་པ། །གཟིག་ལྤགས་ན་བཟར་གསོལ་བར་དགྱེས། །མཚོན་ཆ་བཟང་པོ་དུ་མ་བསྣམས། །ཡི་དགས་སྟེང་དུ་མཆོད་པ་བྱ། །འཇཾ་དཔལ་ཁྲོ་
བོ་གཤིན་རྗེའི་གཤེད། །ཆོ་ག་བཞིན་དུ་མཆོད་བྱས་ཀྱང་། །མར་དང་སྦྲང་རྩི་སྦྱར་བ་ཡི། །འོ་མ་འབྲས་ཐུག་གཏོར་མར་དབུལ། །ཨ་ག་རུའི་གདུག་པ་དབུལ། །མར་མེ་དག་ནི་མར་ལས་བྱ། །དེ་ནས་གཤེན་རྗེ་རབ་འཇོཾ་པའི། །ས་བོན་ཡི་གེ་གཅིག་པ་འདི། །ཁྲོ་བོའི་
སྤྱན་སྔར་འདུག་ནས་སུ། །སྟོང་རྩ་བརྒྱད་དུ་བཟླས་པར་བྱ། །དེའི་འོག་ཏུ་མཁས་པའི། །དུར་ཁྲོད་གནས་སུ་སློབ་མ་བཟུང་། །ཁྲོ་བོ་གཤིན་རྗེའི་གཤེད་བྱེད་པ། །ཧཱུྃ་གི་ཞེས་ནི་ཟློས་ཤིང་གཟུང་། །བཙུད་ནས་དེའི་སྙིང་ཀར་ནི། །ཧཱུྃ་ཞེས་

98-1-37b

བྱ་བ་བཞག་པར་བྱ། །དེ་ནས་ཤུྰ་ལའི་ཕྱག་རྒྱ་ནི། །རས་ཀྱི་གཡོག་ཏེ་བཅིང་བར་བྱ། །སློབ་མ་དག་ལས་ལེགས་བསྟན་ནས། །དེ་ཡང་མཆོད་པ་བྱེད་དུ་གཞུག །དེ་ནས་གཤིན་རྗེ་རབ་འཇོམ་པའི། །ཁྲོ་བོ་མངོན་པར་དབང་སྐུར་ནས། །
འཇཾ་དཔལ་ཁྲོ་བོ་གཤེན་རྗེའྀ་གཤེད། །དེའི་གེ་འབྲུ་གཅིག་སྦྱིན། །དེ་ནས་མཆོད་པ་ཡང་བྱས་ནས། །ཁྲོ་བོ་དེ་ནྀ་གཤེགས་སུ་གསོལ། །ཤུྰ་ལ་ཕྱག་རྒྱ་བཅིང་ནས་སུ། །དེ་བཞིན་རྟག་པར་གཤེགས་སུ་གསོལ། །ཁྲོ་བོ་སྤྱན་
ནི་དྲང་བ་དག །ཤུྰ་ལའི་ཕྱག་རྒྱ་ལྡན་པར་བྱ། །དཀོན་མཆོག་གསུམ་ལ་ཕྱག་འཚལ་ནས། །ཤུྰ་ལ་རབ་ཏུ་བསྟན་པར་བྱ། །མཁས་པས་ལག་པ་གཉིས་དག་གིས། །སོར་མོ་ཕན་ཚུན་བསྣོལ་ནས་སུ། །གུང་མོའི་སོར་མོ་མཆོག་
གཉིས་ནི། །དབུས་ནས་གྱེན་དུ་སྒྲེང་ནས་བཞག །སྲིན་ལག་གཉིས་ནི་ནང་དུ་བཅུག །མཛུབ་མོ་གཉིས་ཀྱི་ནང་དུ་བཞག །དེ་ལྟར་དེ་གཉིས་བསྒྲེང་ནས་ནི། །ལྷག་མ་རྣཾས་ནི་ལེགས་པར་བྱ། །གཤིན་རྗེའི་གཤེད་ཀྱི་ཕྱག་རྒྱ་འདི། །ཤུྰ་ལའི་ཕྱག་
རྒྱ་ཞེས་གྲགས་པའོ། །འདི་ཡི་ལས་རྣམས་ཐཾད་ནི། །རྣམ་པར་སྤྱད་པ་མེད་པར་བྱ། །དེ་ནས་བཞན་ཡང་རིམ་པ་བཞིན། །གཤིན་རྗེ་རབ་ཏུ་འཇོམས་པ་འདི། །སྔག་རྣཾ་ཐཾད་མ་ལུས་པ། །དཀྱིལ་འཁོར་འདིར་ནི་སྨྲ་བར་བྱ། །ཨོཾ་ཧཱུྃ་ཏྲིཿདབུས་ཀྱི་
ཡི་དགས་ཀྱིའོ། །ཨོཾ་ཧཱུྃ་ལྃ་ལཱ་ཧ། ཡི་དགས་ཕྲེང་བའོ། །ཨོཾ་ཧཱུྃ་ཛྲི་ཏྲ། ཡི་དགས་རོ་སྨད་དེ་སྒོ་བཞི་ཅར་དུའོ། །ཨོཾ་ཧཱུྃ་ཧཱཿ །འོག་སྟེ་ཐ་མརོ། །ཨོཾ་ཧཱུྃ་ཧྲཱིཿཥྚཱིཿཁ། ཤུྰ་ལ་བཞི་ཆར་གྱིའོ། །ཨོཾ་ཧཱུྃ་ཧྲི་ཧཿཐོད་པ་རྣཾས་ཀྱིའོ། །ལྷོ་ཕྱོགས་ཀྱི་ནི་སྒོ་ཕྱེ་ནས། །ལྷག་མ་
བཞན་ནི་གཅད་པར་བྱ། །དུར་ཁྲོད་གནས་སུ་རྟག་པ་རུ། །གཤིན་རྗེ་རབ་ཏུ་འཇོཾ་པར་ནི། །སྔགས་རྣཾས་ཀྱི་ནི་རབ་རྒྱན་ན། །དུར་ཁྲོད་ཀྱི་ནི་གནས་སུ་འགྱུར། །ཙན་དན་དམར་པོ་བསྐུས་པ་ཡི། །ས་བཞི་ཁྲི་གང་ཙམ་ལ་ནི། །ཅི་ལྟ་བུར་ཡང་གང་ཡང་
རུང་། །དཀྱིལ་འཁོར་དག་ནི་བྲིས་ནས་སུ། །དཀྱིལ་ནས་ཆོ་ག་ཤེས་པ་ཡིས། །སྔགས་ཀྱིས་མཆོད་པ་རིམ་བཞིན་བྱ། །ཨོཾ་ཧཱུྃ་ཧྲཱིཿཥྚཱིཨཱ་གཙྪ་ཡ་ཡྃ་ཕྲྃ་ཐ་ན་སྭཱ་ཧཱ། སྤྱན་དྲང་བའོ། །ཨོཾ་ཧཱུྃ་ཧྲི་ཀ་ལམ་ཐཱ་ན་ཧཱ། མཆོད་ཡོན་གྱི་སྔགས་སོ། །

98-1-38a

ཨོཾ་ཧཱུྃ་ཧྲཱིཿཥྚྲི་ཁུྃ་ཁ། དྲིའི་སྔགས་སོ། །ཨོཾ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཀ་ར་ལ་ར་ན་ཧ་ཧཿ། མེ་ཏོག་གི་སྔགས་སོ། །ཨོཾ་ཧཱུྃ་ཏྲཱིྃ། ཧཱུྃ་པ་ཤི་ཁ་ཧཱ། བདུག་པའི་སྔགས་སོ། །ཛྲཾ་ཛྲྃ་ཧཱ། ཿ མར་མེའི་སྔགས་སོ། །ཨོཾ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཁང་ཀ་ཁ། གཏོར་མའི་སྔགས་
སོ། །ཨོཾ་ཧཱུྃ་སྭཱ་ཧཱ། ཁྲོ་བོའི་སྙིང་པོའོ། །ཨོཾ་ཧཱུྃ་ཧྲཱིཿཥྚཱིཿགཛྫ་ཧཱུྃ་པུ་ན་ར་ག་མ་ནཱ་ཡ་སྭཱ་ཧཱ། སླར་གཤེགསུ་གསོལ་བའི་སྔགས་སོ། །འཇཾ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣཾ་པར་རྒྱལ་བའི་ཕྱི་མའི་ཡང་ཕྱི་མ་ལས་གཤིན་རྗེ་རབ་ཏུ་འཇོམ་
པའི་ཡི་འབྲུ་གཅིག་པའི་རྒྱལ་པོའི་དཀྱིལ་འཁོར་བཀོད་པའི་རིམ་པ་ཕྱེ་བ་སྟེ་བཅུ་གཅིག་པའོ།། །། དེ་ནས་དེའི་རི་མོའི་མཆོག །སྒྲུབ་པ་པོ་ཡི་བྲི་བར་བྱ། །ཇི་སྐད་གསུང་པའི་ལས་རྣམས་བྱའི། །བཟླས་པའི་ལས་ནི་རབ་ཏུ་བྱ། །རས་ཕྲན་
ཁྲུ་གང་ཙམ་པོ་ནི། །བཟང་པོ་སར་པ་བཀྲུས་པ་ལ། །ཚོན་རྩི་དཀར་པོ་སྦྱིན་མེད་པས། །གཤིན་རྗེ་རབ་ཏུ་འཇོམ་པ་བྲི། །ཞལ་དྲུག་དབུ་ཡང་གྱེན་དུ་བརྫེས། །དེ་ཡང་སྤྱན་གསུམ་འཇིགས་འཇིགས་ལྟར། །ཁྲོས་པའི་ཕྱག་ཀྱང་བཅྭ་
བརྒྱད་པ། །ཞབས་རྣམས་རབ་ཏུ་གསལ་བ་དྲུག །གཟིག་གི་ལྤགས་པ་ན་བཟར་གསོལ། །ཚུལ་བཞིན་ཡི་དགས་སྟེང་ན་བཞུགས། །ཤུ་ལ་རལ་གྲི་འཁོར་ལོ་དང་། །དགྲ་སྟ་མཆོག་ཀྱང་སྦྱིན་པའི་ཕྱག །ལྕགས་མདའ་བེ་ཅོན་རྡོ་རྗེ་དང་། །
མདའ་བོ་ཆེ་ཡང་བསྣམས་པ་ནི། །གཡས་པའི་ཕྱག་སྟེ་གཡོན་པ་ན། །དབྱུག་ཏོ་ཞགས་པ་གཤོལ་དང་གཞུ། །ཐོད་པ་ལྕག་ཀྱུ་མདུང་ཐུང་དང་། །རྩེ་གསུཾ་གདེངས་དང་དེ་བཞིན་བསྡིགས། །དེ་ལྟར་ཇི་སྐད་གསུང་པའི་གཟུགས། །བུང་བ་དང་ནི་
སྤྲིན་འདྲ་བ། །བྲིས་ནས་དེ་ཡང་ལེག་པར་སྦ། །ཡིད་དུ་འོང་བའི་གནས་དག་ཏུ། །བཞག་ནས་བཟླས་པ་དག་ཀྱང་བྱ། །བཟླས་པའི་ཆོ་ག་འདིར་བཤད་དོ། །རིག་པ་འཛིན་པས་རྟག་པ་རུ། །འབར་བའི་སྔགས་ཀྱི་ཁྲུས་བྱའོ། །བདུད་རྩི་འབྱུང་བའི་
སྔགས་ཀྱིས་ནི། །ཐོག་མར་ཚུལ་བཞིན་ཁ་བཀྲུས་ནས། །བདག་གིས་ལུས་ལ་སྔགས་ཤས་པས། །དེ་ནས་བསྲུང་བ་ལེག་པར་བྱ། །དེའི་འོག་ཏུ་ཆོ་ག་བཞིན། །མཁས་པས་ཁྲོ་བོའི་ཁང་པར་འཇུག །ཞུགས་ནས་ཀུ་ཤ་ལས་བྱས་པའི། །སྟན་

98-1-38b

བཟང་དེ་ལ་འདུག་ནས་སུ། །དེ་ནས་ཆོ་ག་སྔོན་གསུང་པས། །ཁྲོ་བོ་ལ་ནི་མཆོད་པར་བྱ། །ལག་པ་གཉིས་ནི་དྲིས་བསྐུས་པས། །སྔགས་ཀྱི་ནོར་བུ་བླངས་ནས་སུ། །ཉེས་པའི་སྐྱོན་དག་སྦྱང་བའི་ཕྱིར། །ཁྲོ་བོ་བདུད་རྩི་ལན་བདུན་
བཟླས། །དེ་ནས་སྔགས་པ་ཁྲོ་བོ་ལ། །མངོན་པར་ཕྱོགས་འདུག་བཟླས་པར་བྱས། །རབ་དུ་དང་ཞིང་རྩེ་ཅིག་ཡིད། །ཡིད་ནི་མི་སྐྱོ་བར་དུ་བྱ། །དེ་ནས་མཁས་པས་བཟླས་པའི་མཐར། །ཁྲོ་བོ་གཤིན་རྗེ་རབ་འཇོམ་པ། །ཤུྰ་ལའི་ཕྱག་
རྒྱ་བཅིངས་གཤེགས་གསོལ། །དེ་ལྟར་ལེགས་པར་ཉིན་རེ་བཞིན། །ཡི་གེ་གཅིག་པའི་སྔགས་འདི་ནི། །རྣམ་པ་ཀུན་ཏུ་ཆོ་ག་བཞིན། །གང་ཞིག་བྱེ་བ་གཅིག་གཟློས་པ། །དེ་ཡི་དངོས་གྲུབ་དམ་པ་ཐོབ། །དེ་ནས་བཞན་ཡང་ཅི་བསྟན་པའི། །ཁྲོ་བོ་ཉིད་
ཀྱིས་གསུང་པའི། །ཆོ་ག་དག་གིས་སྔགས་རྣམས་ནི། །བསྒྲུབ་པ་རྣམ་ལ་ཕན་ཕྱིར་བཤད། །ཨོཾ་ཧཱུྃ་དཱི་པྟ་ཏེ་ཛཱ་སྭཱ་ཧཱ། ཁྲུས་ཀྱི་སྔག་སོ། །ཨོཾ་ཧཱུྃ་ཨ་མྲྀ་ཏ་པྲ་བྷ་བྃ་བ། ཁ་བཀྲུ་བའི་སྔགས་སོ། །ཨོཾ་ཧཱུྃ་སརྦ་ཧོ་རཀྵ་མན་ག་ཏཱ་ཐཱ་ཛྙཱ་པ་ཡ་ཏི་སྭཱ་ཧཱ། 
བསྲུང་བའི་སྔགས་སོ། །ཨོཾ་ན་མཿསརྦ་ཏ་ཐཱ་ག་ཏེ་བྷྱཿཧཱུྃ་མཉྫུ་གྷོ་ཥ་ཛྙ་ཡཱ་སརྦ་དུཥྚྃ་བནྡྷ་བནྡྷ་སྭཱ་ཧཱ། བདུག་པ་རྣམས་བཅིང་པའོ། །ན་མཿསརྦ་ཏ་ཐཱ་ག་ཏེ་བྷྱཿཧཱུྃ་དྷྲྀ་ཀ་པྲཱ་ཀཱ་ར་ཕཊ། ར་བའི་སྔགས་སོ། །ཨོཾ་ན་མཿསརྦ་ཏ་ཐཱ་ག་ཏེ་བྷྱཿཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། 
ཡ་མ་པྲ་མ་ཐ་ན་རཀྵ་རཀྵ། ན་མཿསརྦ་བྷུ་ཏ་བྷ་ཡེ་བྷྱཿཏ་ཐ་ག་ཏོ་ཛྙ་པ་ཡ་ཏི་སྭཱ་ཧཱ། འདི་ནི་ཡན་ལག་ཐཾད་བསྲུང་བའོ། །ཨོཾ་ཧཱུྃ་ཀཱ་ལ་མ་ཐ་ན་ཕཊ།  ཁྲོ་བོའི་ཁང་པར་འཇུག་པའི་སྔགས་སོ། །ཨོཾ་ཧཱུྃ་རཀྵ་རཀྵ་མཱྃ་སྭཱ་ཧཱ། གདན་གྱི་སྔགས་སོ། །ཨོཾ་ཧཱུྃ་
སི་ཏྱ་དི་ཧཱུྃ་ཐེཾ་ཐེཾ། སྔགས་ཀྱི་ནོར་བུ་བླངས་བའི་སྔགས་སོ། །ཨོཾ་ཧཱུྃ་ཀྲོ་དྷ་ཨ་མྲྀ་ཛ་གད་པྲ་བྷ་སྭཱ་ཧཱ། སྔགས་ཀྱི་ནོར་བུ་ལ་གདབ་པའི་སྔགས་སོ། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་གཤིན་རྗེ་རབ་ཏུ་
འཇོམ་པའི་གེ་གཅིག་པའི་རེ་མོ་དང་། མཆོད་པ་དང་བཟླས་པའི་ཆོ་ག་རིམ་པར་ཕྱེ་བ་སྟེ་བཅུ་གཉིས་པའོ།། །། དེའི་སྔོན་དུ་བསྙེན་པ་ནི། །བྱེ་བ་གཅིག་ཏུ་ངེས་པར་བཤད། །ཁྲོ་བོ་བརྟུལ་ཞུགས་ཕྱིས་སྤྱད་ན། །དངོས་གྲུབ་མཆོག་ནི་ཐོབ་པར་འགྱུར། །

98-1-39a

ཤིང་ལས་བྱས་པས་ཐོད་པ་ནི། །ཉི་ཤུ་རྩ་དྲུག་སོར་ཚད་བྱས། །མཁས་པ་ཙེ་གསུམ་རྣོན་པོ་ནི། །ལག་པ་གཡས་དང་གཡོན་དུ་བཟུང་། །གཟིག་ལྤག་ཀྱི་ནི་གོས་བགོས་ནས། །ལུས་ནི་ཐལ་བ་དག་གི་བསྐུས། །རུས་པ་དག་གི་ཕྲེང་བ་ཡིས། །རྒྱན་དུ་
བྱས་ནས་བརྟུལ་ཞུག་སྤྱད། །འཇིག་རྟེན་འཇིག་པར་བྱེད་པ་ཡི། །གད་མོ་སྒྲ་ཆེན་དག་ཀྱང་འབྱིན། །དུར་ཁྲོད་དམ་ནི་ཤིང་ཅིག་གམ། །རི་འམ་ཡང་ན་ཚལ་ཡང་རུང་། །མཁས་པས་ཟླ་བ་དྲུག་ཏུ་ནི། །ལྕི་བ་བཟའ་ཞིང་རྟུལ་ཞུག་སྤྱད། །
བློ་ལྡན་གྲོང་དུ་ཡོང་མྀ་འཇུག །མཉམ་པར་བཞག་བཅིང་ཚིག་མི་སྨྲ། །གཙང་ཞིང་ཚངས་པར་སྤྱོད་པ་དུལ། །རྟག་ཏུ་བདེ་གཤེགས་སེམས་དང་ལྡན། །བྱང་ཆུབ་སེམས་དང་ཀུན་ལྡན་ཞིང་། །ཁྲོ་བོའི་བརྟུལ་ཞུགས་གང་སྤྱོད་ཅིང་། །རྟག་ཏུ་
བཟླས་ལ་བརྩོན་བྱེད་པ། །དེ་ནས་དངོས་གྲུབ་མཆོག་འཐོབ་འགྱུར། །གཤིན་རྗེ་རབ་ཏུ་འཇོམ་པ་འདི། །དངོས་གྲུབ་བཞན་དུ་ཡོང་མི་འགྱུར། །གང་ཚེ་འདིའི་རྟུལ་ཞུགས་ནི། །བསྙེན་པར་བྱ་བར་མི་ནུས་ན། །དེ་ཚེ་ལྕི་བ་ཟ་ཞིང་ནི། །
ཚུལ་བཞིན་བྱེ་བ་གསུམ་དུ་བཟླས། །བཟླས་པ་བྱས་པས་ཐ་མར་ཡང་། །མཁས་པས་མཆོད་པ་རྒྱ་ཆེར་བྱ། །དེ་ནས་སྣ་མའི་མེ་ཏོག་སྟོང་། །རི་མོ་དག་ལ་ཕོག་པར་དབུལ། །རིག་པ་འཛིན་པའི་ལེགས་པ་རུ། །དེའི་ཕོག་པར་
ཕུལ་ནས་ནི། །གང་ཚེ་རབ་ཏུ་འབར་གྱུར་པ། །དེ་ཚེ་རི་མོ་དེ་ཡིས་ནི། །ནམ་མཁའ་འཕར་བར་གདོན་མི་ཟ། །དེ་ནས་རིག་འཛིན་ཐཾད་ཀྱི། །མཆོག་ཏུ་འགྱུར་ཏེ་ཐོག་མར་འགྲོ། །འོན་ཏེ་ཕོག་པར་ཕུལ་ནས་ནི། །རབ་ཏུ་གཡོ་བར་
གྱུར་ན་ནི། །ཆོ་ག་ཞིབ་ལས་བཤད་པ་བཞིན། །དེ་ལ་དངོས་གྲུབ་འབྲིང་དུ་འགྱུར། །དེ་སྟེ་རབ་དུ་མི་གཡོ་བར། །རི་མོ་རང་བཞིན་དུ་འདུག་ལ། །དངོས་གྲུབ་ཐ་མ་ཐོབ་པར་འགྱུར། །ཅི་ལྟར་འབྲས་བུ་རྣམ་གསུམ་བཤད། །ལུས་
ནི་ཉོན་མོངས་སྤྱད་པ་ལས། །དངོས་གྲུབ་རྣམ་གསུཾ་འཐོབ་པར་འགྱུར། །བརྟུལ་ཞུགས་སྨྱུང་ལ་རབ་ཏུ་འབད། །ཡང་ན་ཆུའི་ཀླུང་དག་བཟའ། །ཅི་ལ་མ་ཆགས་ཕྱུགས་གཅིན་བཏུང་། །བྱང་ཆུབ་སེམས་དང་ཀུན་ལྡན་ན། །

98-1-39b

དེ་ཚེ་དངོས་གྲུབ་དམ་པ་ཐོབ། །རིག་པའི་མཆོག་ཀུན་བསྒྲུབས་པ་ལ། །དངོས་གྲུབ་མཆོག་དང་འབྲིང་རྣམས་དང་། །ཐ་མ་དག་གིས་བསྒྲུབ་པའི་ཕྱིར། །འདི་དག་སྤྱིར་ནི་བསྒྲུབ་བསྟན་ཡིན། །གང་ཚེ་དངོས་གྲུབ་མཆོག་རྣམས་
དང་། །འབྲིང་ཡང་གལ་ཏེ་མི་འདོད་ལ། །ལོངས་སྤྱོད་རྟག་ཏུ་འདོད་ན་ནི། །དེ་ཚེ་རྟག་པར་བཟླས་པར་བྱ། །འདིའི་ཆོ་ག་གཞན་དག་ཀྱང་། །དེ་ནས་མདོར་ནི་བཤད་པར་བྱ། །ས་བཞི་རབ་ཏུ་མདངས་དགའ་བ། །ལྕི་བ་བཟང་པོ་སྐུས་
པ་ལ། །དེར་ནི་ཙན་དན་དམར་པོའི། །དཀྱིལ་འཁོར་དག་ནི་མཁས་པས་བྱ། །དེ་ཡང་བཟང་པོ་ཁྲུ་གང་ཙམ། །རབ་ཏུ་མཉམ་ཞིང་ཡིད་དུ་འོང་། །གཤིན་རྗེ་རབ་ཏུ་འཇོམ་པའི་གང་། །དཀྱིལ་འཁོར་དུར་ཁྲོད་གནས་གསུང་པ། །དེ་ནས་
དེར་ནི་སྔགས་དག་ནི། །དཀྱིལ་འཁོར་མཆོག་དེ་བྱས་ནས་ནི། །དེའི་འོག་ཏུ་སྔགས་རིག་པས། །ཇི་སྐད་གསུང་པའི་ལས་དག་གིས། །ཅི་འབྱོར་པ་དང་ཅི་ནུས་ཀྱིས། །ཁྲོ་བོ་ལ་ནི་མཆོད་པར་བྱ། །ཉི་མ་རེ་རེ་ཆོ་ག་བཞིན། །བཟླས་པ་དག་ཀྱང་
སྟོང་དུ་བྱ། །དེ་ལྟར་རྟག་ཏུ་བྱས་པ་ཡིས། །འདོད་པའི་འབྲས་བུ་ཐོབ་པར་འགྱུར། །འཇིག་རྗེན་ཐཾད་དགའ་བར་ཡང་། །གདོན་མི་ཟ་བར་འགྲུབ་པར་འགྱུར། །དེའི་དགྲ་ཡང་མེད་པར་འགྱུར། །ནད་མེད་འགྱུར་བར་གདོན་མི་ཟ། །དེ་ཡི་ལོང་སྤྱོད་
འཕེལ་བར་འགྱུར། །རྒྱལ་པོ་འང་དེ་དབང་དུ་འགྱུར། །གང་ཞིག་རྟག་པར་ཆོ་ག་འདིས། །གཤིན་རྗེའི་གཤེད་ནི་བཟློས་བྱེད་ན། །དེ་ལས་དེའི་དབང་པོ་དང་། །གཡོ་དང་མི་གཡོ་འཇིག་རྟེན་རྣཾས། །བྱང་ཆུབ་སེམས་ལྡན་དེའི་ནི། །དབང་དུ་འགྱུར་
བ་གདོན་མི་ཟ། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་གཤེན་རྗེ་རབ་ཏུ་འཇོམ་པའི་གེ་འབྲུ་གཅིག་པའི་བརྟུལ་ཞུགས་རིམ་པར་ཕྱེ་བ་སྟེ་བཅུ་གསུམ་པའོ།། །། དེ་ནས་བཞན་ཡང་
བརྟུལ་ཞུགས་ཀྱིས། །བསྒྲུབ་པའི་ལས་རྣམས་བཤད་པར་བྱ། །དངོས་གྲུབ་མཆོག་རྣམས་ཐཾད་ནི། །གཤིན་རྗེ་རབ་ཏུ་འཇོམ་པ་འདི། །བརྟུལ་ཞུག་དག་ནི་འདི་ཉིད་ཀྱིས། །རྣམ་པ་ཀུན་དུ་བསྒྲུབ་པར་བྱ། །ཕལ་ཆེར་དངོས་གྲུབ་མཆོག་རྣམས་

98-1-40a

ནི། །བརྟུལ་ཞུགས་མེད་པས་མི་འགྲུབ་སྟེ། །དེ་བས་གཤིན་རྗེ་འཇོམ་པའི། །བརྟུལ་ཞུགས་སྤྱད་པ་བྱས་ས་ནས་སུ། །དངོས་གྲུབ་མཆོག་རྣམས་ལེགས་པར་བསྒྲུབ། །མཁས་པས་བཞན་ལ་མ་ཡིན་ནོ། །ཇི་སྐད་བསྟན་པའི་
མཚོན་ཆ་རྣམས། །རྩ་བའི་རྟོགས་པའི་ཆོ་ག་བཞིན། །སྔགས་རིག་སྦྱོར་བ་སྔ་མ་བཞིན། །དེ་དག་རྟག་ཏུ་ལེགས་པར་བསྒྲུབ། །དེ་ལ་འདིར་ནི་རྟོག་པ་རུ། །དུར་ཁྲོད་གནས་པས་དཀྱིལ་འཁོར་ནི། །དངོས་གྲུབ་ཐཾད་རབ་སྦྱིན་པ། །བྱེ་བྲག་ཏུ་ནི་
ལོགས་ཤིག་གསུང་། །རལ་གྲི་ས་འོག་རོ་ལངས་དང་། །མིག་འཕྲུལ་ཨན་ཛ་གིའུ་ཝང་དང་། །ཡུངས་ཀར་བ་བླ་བཙག་རྣམས་དང་། །གཞན་ཡང་ལས་དག་ཅི་འདོད་དང་། །མི་སྣང་བ་དང་རྐང་མགྱོགས་དང་། །གསེར་འགྱུར་རྩི་དང་
བཅུད་ཀྱི་ལེན། །གནོད་སྦྱིན་མོ་རྣམས་བསྒྲུབ་པ་དང་། །ཀླུའི་བུ་མོ་ལ་སོག་བསྒྲུབ། །དགུག་པའི་ཆོ་ག་དམ་པ་ཡི། །བུད་མེད་དམ་པ་སྤྱད་བསྒྲུབ་པ། །རྩ་བའི་རྟོག་པའི་ཆོ་ག་ཡིས། །ཚུལ་བཞིན་གནས་ནས་བསྒྲུབ་པ་བྱ། །དེ་ལས་འདི་
ནི་ཁྲོ་བོ་འདི། །ཡི་གེ་འབྲུ་གཅིག་ཁྱད་པར་བཤད། །དེ་ནས་ཇི་སྐད་གསུང་བསྟན་ཀུན། །མ་སྨོས་པ་ཡང་བསྒྲུབ་པར་བྱ། །འཇམ་དཔལ་ཁྲོ་བོའི་སྙིང་པོ་འདི། །ཧཱུྃ་ཞེས་བྱ་བ་རྒྱས་པ་སྟེ། །འདི་ནི་རྩ་བའི་ཆོ་ག་ཡིན། །བསྡུ་བ་
ཡོངས་སུ་བསྒྲགས་པའོ། །འཇམ་དཔལ་གྱི་རྩ་བའི་ཆོ་ག་ཞིག་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་ཁྲོ་བོ་གཤིན་རྗེའི་གཤེད་ཀྱི་རྩ་བའི་ཆོ་ག་ཞིབ་མོ་བསྡུས་པ་རིམ་པར་ཕྱེ་བ་སྟེ་བཅུ་བཞི་པའོ།། །།
རྟོག་པ་མདོ་རུ་བསྡུས་པ་དང་། །རྒྱས་པ་དག་ཏུ་བཤད་པ་དང་། །བརྟུལ་ཞུགས་དང་ནི་ངེས་པའི། །དེ་ནས་ཁྲོ་བོ་གཟི་ཅན་གྱི། །ཞལ་དྲུག་ཧཱུྃ་ཞེས་བྱ་བའི་སྔགས། །བཟླས་པ་ཙམ་གྱིས་གྲུབ་པ་ནི། །གསང་བ་མདོ་རུ་བཤད་པར་བྱ། །རྟུལ་
ཞུགས་སྤྱད་དང་བརྟུལ་ཞུགས་དཀའ། །དེ་དག་འདི་ལ་ཡོང་མེད་དེ། །ལན་གཅིག་ཟླས་པ་ཙམ་གྱི་ཀྱང་། །ལས་རྣཾས་ཐཾད་བྱེད་པར་འགྱུར། །ཨོཾ་ན་མཿསརྦ་ཏ་ཐཱ་ག་ཏེ་བྷྱཿ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཡ་མ་པྲ་མ་ཐ་རཀྵ་རཀྵ། མྃ་སརྦ་བྷུ་ཏ་བྷ་

98-1-40b

ཡེ་བྷྱ། ཏ་ཐཱ་ག་ཏཱ་ཛྙཱ་པ་ཡ་ཏི་སྭཱ་ཧཱ། ཡི་གེ་བཞི་བཅུ་རྩ་གསུམ་འདི། །ཁྲོ་བོ་ཀླགས་པ་ཙཾ་གྱི་འགྲུབ། །དངོས་གྲུབ་ཐཾད་རབ་ཏུ་སྟེར། །སངས་རྒྱས་ཀུན་གྱིས་མངོན་པར་བསྟོད། །དེ་ནི་རྟག་པར་བཟླས་ན་ནི། །དངོས་གྲུབ་ཐཾད་སྟེར་
བར་བཤད། །དུར་ཁྲོད་གནས་སུ་རྟག་པར་ནི། །རྟག་ཏུ་ཟློས་པ་ཆོ་ག་འདིས། །ལྷ་དང་ལྷ་མིན་དྲི་ཟ་དང་། །གནོད་སྦྱིན་སྲིན་པོ་ཀླུའི་རིག །དཔག་ཚད་བདུན་ནི་ཁོར་ཡུག་ཏུ། །དེ་ཡི་གཟིས་ནི་འབྱེར་བར་འགྱུར། །ཁྲོ་བོ་གཤེན་རྗེའི་གཤེད་
མཛད་པ། །ཞལ་དྲུག་ཧཱུྃ་གི་སྔགས་འདི་ནི། །གང་ཞིག་ཟློས་པར་བྱེད་པ་ནི། །འགྲོ་དང་མི་འགྲོ་འཇིག་རྟེན་ན། །དེ་ལ་དཀའ་བ་ཅུང་ཟད་མེད། །ཞལ་དྲུག་ཧཱུྃ་ཞེས་བྱ་བའི་སྔགས། །ཤུྰ་ལ་ཕྱག་རྒྱ་ལྡན་པ་ནི། །ཁྲོ་བོ་རྣམ་རྒྱལ་རྒྱུད་འདི་ལ། །དེ་ནི་
གྲུབ་པར་རབ་ཏུ་སྒྲགས། །དུར་ཁྲོད་གནས་སུ་ཆོ་ག་བཞིན། །དེའི་སྔོན་དུ་བསྙེན་པ་ནི། །ཐོག་མ་ཉིད་དུ་གཅིག་འབུམ་བྱ། །དེ་ནས་རྟག་པའི་ཆོ་གར་སྤྱད། །རྟོག་པར་སྤྱོད་པའི་ཆོ་ག་ཡིས། །དེ་ནས་ཅིག་འབུཾ་བཟླས་ནས་ཀྱང་། །དེ་འོག་ཇི་
སྐད་གསུང་བ་པ་ཡིས། །ལས་རྣམས་ཀྱི་ནི་བསྒྲུབ་ལ་འཇུག །རྩ་བའི་རྟོག་པའི་ཆོ་ག་ཡི། །དེ་ནས་ཐཾད་ལས་གྲུབ་པར། །ཞལ་དྲུག་ཧཱུྃ་ཞེས་བྱ་བ་ཡི། །ཆོ་ག་འདིར་ནི་མདོར་བཤད་པ། །འཇམ་དཔལ་ལས་བྱུང་ཁྲོ་བོ་ནྀ། །ཧཱུྃ་ཞེས་བྱ་བའི་
ཞལ་ཉིད་ཡིན། །གཤིན་རྗེའི་གཤེད་ཅེས་བྱ་བར་གྲགས། །འདི་ལ་དཀའ་བ་ཅི་ཡང་མེད། །ཁྲོ་བོ་ཞེས་ནི་མདོ་རུ་ནྀ། །ཆོ་ག་བཟང་པོ་གཅིག་གསུངས་པའི། །ཆོ་ག་དེ་བཞིན་བདག་གིས་བཤད། །ཞེས་དྲུག་ཧཱུྃ་ཞེས་བྱ་བ་འདིས། །ཧཱུྃ་ཞེས་བྱ་
བ་དྲུག་དུ་སྒྲགས། །དེ་བཞིན་བཞན་ཡང་རྟོག་པ་རུ། །ཧཱུྃ་གི་མཐའ་ནི་བསྐུལ་བ་བྱ། །ཧཱུྃ་ཏྲྃ་ཤུ་པའི་ཕྱག་རྒྱར་ལྡན། །རི་རྣམས་ཀུན་ཀྱང་འགས་པར་བྱེད། །ཧཱུྃ་ཏྲི་རབ་ཏུ་སྦྱར་ན་ནི། །མྱུར་དུ་རས་ཀྱང་གས་པར་འགྱུར། །ཧཱུྃ་ཚིག་རིག་སྔགས་ཐཾད་
དང་། །མཚོན་ཆ་རྣམས་ནི་གཅོད་པར་བཤད། །ཤུྰ་ལའི་ཕྱག་རྒྱ་དང་ལྡན་པར། །ཧཱུྃ་ཁ་རྟག་པར་རབ་སྦྱར་ནས། །སྡང་བ་རྣམ་ནི་ཟ་བ་དང་། །དགྲའི་དཔུང་དག་རབ་ཏུ་འཇིག །ཧཱུྃ་གི་རབ་ཏུ་སྦྱར་ན་ནི། །གླང་པོ་གནོན་པ་རབ་ཏུ་སྒྲགས། །ཧཱུྃ་ཐ་མཚོན་

98-1-41a

ཆ་ཀུན་འཕེལ་ཚེ། །ལྷ་དང་ལྷ་མིན་འཇིག་པར་བྱེད། །ཧཱུྃ་ཧ་དཔུང་རྣམས་འཇིག་པ་དང་། །རྨོངས་པར་བྱེད་པ་ཡོངསུ་སྒྲགས། །ཧཱུྃ་གྲ་རབ་ཏུ་སྦྱར་ན་ནི། །ཕན་ཚུན་མཚོན་ཆ་འཁྲུག་པར་བྱེད། །ཧཱུྃ་ཨ་རབ་ཏུ་སྦྱར་ན་ནི། །སླར་ཡང་ཐར་བར་
བྱེད་པ་ཡིན། །ཧཱུྃ་ག་གླང་པོ་སེང་གེ་དང་། །རྟ་དང་མི་དང་བྱ་རྣམས་དང་། །གྲུ་དང་ཤིང་རྟའི་བཞོན་པ་དང་། །འབབ་ཆུ་དག་ཀྱང་མྱུར་བར་འདིར། །ཤུྰ་ལའི་ཕྱག་རྒྱར་ལྡན་བྱས་ན། །གནོད་པར་བྱེད་པའི་མཆོག་ཡིན་ནོ། །ཧཱུྃ་བ་རབ་ཏུ་སྦྱར་ན་
ནི། །མནན་པ་རྟག་ཏུ་ཐར་བར་བྱེད། །ཧཱུཾ་དྷྃ་རབ་ཏུ་སྦྱར་ན་ནི། །ལྷ་དང་ལྷ་མིན་བཞན་ཡང་འགྲུབ། །དངོས་གྲུབ་ཕྲ་མོ་ཐཾད་ལ། །བསྐུལ་ན་དེ་ཡི་འབྲས་བུར་འགྱུར། །ཧཱུྃ་བྃ་ཀུན་ཏུ་དབང་བྱེད་པ། །ཐ་མར་ར་བཞག་དབྱེ་བར་བྱེད། །ཏ་དང་སྦྱར་ན་
སྡང་བར་བྱེད། །མ་དང་སྦྱར་བ་གསོད་པར་བྱེད། །ཡ་དང་སྦྱར་ན་དེ་བཞིན་གསོད། །ལ་དང་སྦྱར་ན་མིག་འཕྲུལ་བྱེད། །ཞི་དང་རྒྱས་ལ་འབའ་ཞིག་གི། དེ་ལ་སོགས་པ་གཞན་རྣམ་ཀྱང་། །ཙ་བའི་ཆོ་གས་སྦྱར་བར་བྱ། །དེ་ནས་ཇི་སྐད་གསུང་
པ་ཡི། །ལས་རྣམས་ཀྱི་ནྀ་བསྒྲུབ་པར་བྱ། །དེ་ལྟར་གཤིན་རྗེའི་གཤེད་འདི་ཡི། །དངོས་གྲུབ་ངེས་པར་ཐོབ་པར་འགྱུར། །འདི་ནི་ཁྲོ་བོ་རྣམས་རྒྱལ་ཀྱི། །རྟོག་པའི་གེ་གཅིག་པ་གང་། །འཇམ་དཔལ་ཁྲོ་བོ་གཙོ་བོ་ཡི། །གསང་བ་གཞན་དག་
བཤད་པ་ཡིན། །འཇམ་དཔལ་གྱིས་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་ཁྲོ་བོའི་རྒྱལ་པོ་གཤེན་རྗེའི་གཤེད་ཞལ་དྲུག་ཧཱུྃ་ཞེས་བྱ་བ་ལས་བྱུང་བའི་ཆོ་ག་ཞིབ་མོ་རིམ་པར་ཕྱེ་བ་སྟེ་བཅྭ་ལྔ་པའོ།། །། དེ་ནས་ཆོ་
ག་ཞིབ་རྒྱས་པ། །གཤེན་རྗེའི་གཤེད་པོ་གཅིག་པོ་ཡི། །ཆོ་ག་ཀུན་གྱིས་མཆོག་དང་རབ། །དོན་གྲུབ་ཅེས་པ་བཤད་པར་བྱ། །དེ་ལ་རིག་འཛིན་དཔལ་ལྡན་བས། །ལས་རྣམས་ཐཾད་བསྒྲུབ་པའི་ཕྱིར། །མཉམ་བཞག་བྱང་ཆུབ་སེམས་
ལྡན་བས། །ཐོག་མར་དཀྱིལ་འཁོར་བྲི་བར་བྱ། །མཚོ་འམ་རྒྱ་མཚོའི་འགྲཾ་དག་གམ། །གཅོང་རོང་དུར་ཁྲོད་དུ་ཡང་རུང་། །དེ་དང་དེར་ནི་ས་རྟགས་ནས། །མེ་ཏོག་སིལ་མ་དག་གིས་བརྒྱན། །དཔའ་བོ་གཅིག་པའི་སྔགས་འབར་བས། །མེ་

98-1-41b

ལྕེ་འབར་བས་འཁྲུག་བྱས་ཏེ། །ས་དང་སྐྱུ་རུ་ར་ལ་སོགས། །བསངས་ནས་ཁྲུས་ལ་བརྩམ་པར་བྱ། །རིག་འཛིན་འཁྲུས་བྱས་གཙང་མའི། །དེ་ནས་སྔགས་དེས་ཐཾད་ནི། །བདག་གི་ལུས་ལ་དགོད་པར་བྱ། །ཁྲོ་མིག་དམར་པོར་
གྱུར་པ་ཡི། །དེ་ནས་ས་ཕྱོགས་གཙང་མ་ནི། །ཕྱག་དར་ཟང་ཟིང་ཡོངས་སྤངས་པ། །བགེགས་རྣམས་ཞི་བར་བྱ་བའི་ཕྱིར། །གསང་སྔགས་བཟློས་ཤིང་བལྟ་བར་བྱ། །དེ་ནས་ཁྲོ་བོ་གཤིན་རྗེའི་གཤེད། །དཔའ་བོ་གཅིག་པུའི་སྔགས་
བཟློས་ཤིང་། །དཀྱིལ་འཁོར་བཟང་པོ་གྲུ་བཞི་པར། །དུར་ཁྲོད་ཐལ་བས་བྲི་བར་བྱ། །ནུབ་ཕྱོགས་སྒོ་གདོང་སྒོ་བཞི་པར། །དེའི་དབུས་སུ་པད་མ་བྲི། །བེ་ཅོན་ཕྱག་རྒྱ་རྩེ་འབར་བ། །གྲྭ་བཞི་དག་ཏུ་བྲི་བར་བྱ། །འདི་ནི་བེ་ཅོན་མང་པོ་ཡིན། །
ཤུྰ་ལ་ཅན་གྱི་ཤུྰ་ལ་མང་། །མདུང་ཐུང་རྣམས་ཀྱི་ཡོང་སྐོར་བ། །དེ་བཞིན་མདུང་ཐུང་མང་ཞེས་བྱ། །དེ་བཞིན་ཐོད་པ་མང་པོ་ཡིན། །མི་རོ་དང་ལྡན་མི་རོ་མང་། །མི་རོ་མི་སྡུག་མགོ་མེད་པ། །ཡི་དགས་འབར་དང་སྲིན་པོར་ལྡན། །ཕྱོགས་
བཅུ་ཀུན་ནས་འཇིག་པ་ཅན། །དེ་ནས་དུར་ཁྲོད་མང་ཞེས་བྱ། །གཤིན་རྗེའི་གཤེད་པོ་དཔའ་བོ་ཡི། །དཀྱིལ་འཁོར་རྣཾ་པ་དྲུག་དུ་བཤད། །དེ་ལ་བེ་ཅོན་མང་པོ་ནི། །ལོངས་སྤྱོད་ཐཾད་འཕེལ་བར་བཤད། །ཤུྰ་ལ་མང་པོ་སྲིན་
རྣཾས་ནི། །འཇོམས་པ་རབ་ཏུ་བསྒྲགས་པ་ཡིན། །དེ་བཞིན་མདུང་ཐུང་མང་པོ་ནི། །བགེགས་རྣཾས་ཐཾད་ཚར་གཅོད་པའོ། །ཐོད་པ་མང་ཞེས་བྱ་བ་རྣཾས། །འཁྲུལ་འཁོར་ཐཾད་རབ་ཏུ་འཇིག །རི་མོ་མང་པོ་ཞེས་བྱ་བ། །རོ་ལངས་
ཐཾད་བསྒྲུབ་པའོ། །དུར་ཁྲོད་མང་པོ་རབ་གྲགས་པ། །དངོས་གྲུབ་ཐཾད་རབ་སྦྱིན་པའོ། །དེ་ལ་པད་མོའི་དབུས་སུ་ནི། །འཇམ་པའི་དཔལ་གྱི་ཁྲོ་བོའི་མཆོག །གཤེན་རྗེའི་གཤིད་ཅེས་བྱ་བ་དེ། །ཆོ་ག་བཞིན་དུ་བཞུགས་པར་བསཾ། །
ཨིནྡྲ་ནཱི་ལ་བཅག་འཕྲོའི་མདོག །ཞལ་དྲུག་སྤྱན་ཡང་འཇིག་པར་གཟིགས། །ཁྲོས་ཤིང་ཞལ་ཡང་བགྲད་པ་སྟེ། །འཇིགས་འཇིགས་བལྟ་ལ་འཇིགས་པར་གནོན། །སྤྱན་གསུཾ་སྐྲ་ཡང་གྱེན་དུ་བརྫེས། །ཚེམ་ཀྱིས་

98-1-42a

སྒྲོས་མནན་འཇིགས་འཇིགས་བལྟར། །བཅྭོ་བརྒྱད་ཕྱག་ནི་དྲན་ལ་བྱ། །ཞབས་ཀྱང་རབ་ཏུ་འབར་བ་དྲུག །མི་རོ་མགོ་མེད་ཕྲེང་བ་ཡིས། །སེ་རལ་ཁ་ཡི་རྒྱན་དུ་བྱས། །མདུང་ཐུང་ཐོ་བ་བཞགས་པའི། །རལ་གྲི་ལྕཀ་ཀྱུ་མཚོན་ཆ་ཐོགས། །
ཤུ་ལ་རྡོ་རྗེའྀ་དབྱུག་ཏོ་དང་། །བེ་ཅོན་མཚོན་ཆ་རྣཾས་དང་ནི། །དེ་ལྟར་གཡས་པའི་ཕྱག་ན་བསྣམས། །གཡོན་པས་བསྡིགས་ཤིང་དྲིལ་བུ་དང་། །ཐོད་པ་བཟང་པོ་ཁ་ཊྭཱྃ་ག །མི་མགོ་རློན་དང་ཀེང་རུས་དང་། །འཇིགས་པའི་མི་རོ་དབྱུག་ཏོ་འབར། །དེ་དག་ཕྱག་
ན་རྟག་ཏུ་ཐོགས། །ཁྲོ་བོ་གཤིན་རྗེའི་གཤེད་པོ་ནི། །ཤི་བའི་རོ་ཡི་སྟེང་ན་བཞུགས། །འཇིགས་པ་མཚོན་གདེངས་འཇིགས་འཇིགས་ལྟ། །དུར་ཁྲོད་ན་ནི་རྟག་ཏུ་བཞུགས། །སྦྲུལ་དང་སྲིན་པོ་ཐཾད་འཇོམས། །ལྷ་རྣམས་ཀུན་གྱིས་ཕྱག་བྱས་ཤིང་། །ཁྲོ་བོ་
ཐམས་ཅད་ལེགས་པར་འདུད། །སྐུ་ནི་རབ་ཏུ་འབར་བ་ཅན། །འཁྲུག་ཅིང་རབ་ཏུ་ཟ་བ་རྣམས། །སྟག་ལྤགས་ན་བཟའ་མནབས་པར་དགྱེས། །འཇིག་རྟེན་ལྷ་ནི་ཁྲོ་བོ་རྣམས། །མཚོན་ཆ་དང་ནི་མཐུ་སྤངས་ནས། །རྗེས་སུ་འབྲང་ཞིང་
ཕྱག་བྱས་པའི། །ཁྲོ་བོ་གཤིན་རྗེའི་གཤེད་དྲན་བྱ། །དེ་ལྟར་འཇིག་མེད་བྱས་ནས་སུ། །བདག་གི་སྔགས་ཀྱི་དྲན་བྱས་ནས། །སྤྱན་དྲངས་ཙན་དན་གྱིས་བསྐུས་ནས། །མེ་ཏོག་མང་པོས་མཆོད་པར་བྱ། །རྟག་ཏུ་རིག་པ་འཛིན་པ་ཡིས། །ཙན་དན་
དམར་པོ་དབུལ་བར་བྱ། །བདུག་པ་དང་ནི་གཏོར་མ་ཡིས། །རིམ་པ་བཞིན་དུ་མཆོད་ནས་ནི། །སློབ་མ་ཁྲོ་བོ་སྔགས་དག་དང་། །སངས་རྒྱས་སྤྱན་གྱིས་སྔགས་དག་གིས། །བཙུད་ནས་མེ་ཏོག་འདོར་དུ་གཞུག །དེ་ནས་རིག་འཛིན་དཔལ་དང་
ལྡན། །བདུད་ཙི་ཐབས་སྦྱོར་བཟླས་ནས་སུ། །ཕྲེང་བ་ཙན་དན་དཀར་ལ་སོགས། །མཆོད་པ་བྱས་ནས་སློབ་མ་ལ། །དེ་ནས་སངས་རྒྱས་སྤྱན་ཡང་བཟླས། །ཁྲོ་བོ་གཤིན་རྗེའི་གཤེད་པོ་ནི། །འཇིགས་པ་ཕ་རོལ་གནོན་པ་སྦྱིན། །ལྷ་ཁྱོད་བདག་གི་
མནོས་སོ་ཞེས། །དེ་སྐད་སློབ་མས་ལན་གསུམ་སྨྲས། །དེ་ནས་སྔགས་རིག་ཆོ་ག་བཞིན། །བླ་མ་དག་ལ་ཕྱག་བྱས་ནས། །ཆོ་ག་བཞིན་ཏུ་དབང་བསྐུར་བས། །ཁྲོ་བོ་གཤེན་རྗེའི་གཤིད་པོ་བཟླས། །འཇམ་དཔལ་གྱི་རྩ་བའི་ཆོ་ག་ཞིབ་མོ་

98-1-42b

ཁྲོ་བོ་རྣམ་པར་རྒྱལ་བ་ཕྱི་མའི་ཡང་ཕྱི་མ་ཞེས་བྱ་བ་ལས་ཁྲོ་བོའྀ་རྒྱལ་པོ་གཤིན་རྗེའི་གཤེད་རིམ་པར་ཕྱེ་བ་སྟེ་བཅུ་དྲུག་པའོ།། །། དེ་ནས་བཞན་ཡང་གཤེན་རྗེའི། །གཤིད་པོའྀ་སྔགས་འདི་མནོས་ནས་སུ། །མི་རོ་དག་གིས་གོས་བླངས་
ནས། །དེ་ལ་དེའི་གཟུགས་ཀྱང་བྲི། །དེ་ནས་མཚོན་རྩི་སྤྱིན་མེད་པས། །བཟང་པོས་སྔ་མ་བཞིན་དུ་བྱ། །བཟང་པོ་ཁྲུ་གང་ཚད་དུ་བྱ། །ཡང་ན་ཁྲུ་བཞིའི་ཚད་དུ་བྱ། །གང་ཚེ་སྔགས་པ་བདག་ཉིད་ཀྱིས། །བྲི་བར་མི་ནུས་དེ་ཡི་ཚེ། །བཟོ་བོ་བསྨྱུང་བ་བྱས་པ་ནི། །
ཁྲིམས་མནོས་པ་དག་འདྲི་རུ་གཞུག །ཤི་བའི་རོ་ཡྀ་སྟེང་དུ་གཞུགས། །ཕྱག་ནི་བཅྭ་བརྒྱད་རྣམས་ཀྱིས་བརྒྱན། །ཞལ་དྲུག་ཞབས་ཀྱང་དྲུག་དུ་བསྟན། །འཇིགས་པ་གནོན་པ་འཇིགས་འཇིགས་བལྟ། །ཁ་ཅིག་བཞད་ཅིང་ཁ་ཅིག་ནྀ། །ལྗགས་འདྲིལ་
ཁ་གཅིག་མཆེ་བ་བརྩིགས། །ཁ་གཅིག་ཞལ་གདངས་ཁ་གཅིག་ཁྲོས། །ཁ་གཅིག་འཇིགས་པ་ཕ་རོལ་གནོན། །ཁྲོ་བོ་དེ་འདྲའི་ཞལ་འདྲ་བ། །སྨིན་མཚམས་སེར་ལ་སྤྱན་ཡང་སེར། །ཇི་སྐད་གསུངས་པའི་མཚོན་ཆ་རྣཾས། །ཕྱག་ན་བསྣམས་པ་བྲི་བར་བྱ། །
དབེན་ཞིང་འདུ་འཛི་མེད་པར་རུ། །སྔགས་པས་དེ་ལྟར་འདྲིར་གཞུག་གོ། དེ་ལྟར་བྲི་ནས་སྔགས་མཁན་དེ། །རི་མོ་ལ་ནི་བལྟས་ནས་འདུག །ཆོ་ག་ཤེས་པས་འབུམ་བཟླས་ཏེ། །རི་མོ་བྲིས་པས་དེ་ཉིད་ཀྱིས། །དེ་ནས་བསྒྲུབ་ལ་འཇུག་པར་བྱ། །གཤིན་རྗེའི་གཤེད་
པོ་དེ་ཡི་སྔགས། །དྲག་པོ་གང་ཡིན་དེ་བཤད་དོ། །ཨོཾ་ནི་དེའི་དབང་པོ་ཡིན། །ཨ་ཞེས་བྱ་བ་གཉིས་པ་ཡིན། །ཀྲོ་ཞེས་བྱ་བ་གསུམ་པ་སྟེ། །དྷེ་ཞེས་བྱ་བ་བཞི་པ་ཡིན། །ཀ་ཞེས་བྱ་བ་ལྔ་པ་ཡིན། །ཡ་ཞེས་བྱ་བ་གསང་བ་དྲུག །མཱན་ཞེས་བྱ་བ་བདུན་པ་སྟེ། །ཏ་
ནི་བརྒྱད་པར་ཤེས་པར་བྱ། །ཀ་ནི་དགུ་སྟེ་ཧཱུྃ་དང་བཅུ། །དེ་བཞིན་ཕཊ་བྱ་ལྷག་པ་སྟེ། །མི་མཉམ་སྔགས་ནི་བཅུ་གཅིག་པའོ། །འཇམ་དཔལ་གྱི་ནི་ཁྲོ་བོ་མཆོག །གཤེན་རྗེའི་གཤེད་ཅེས་བྱ་བ་དེ། །ཆོ་ག་ཕྱི་མའི་ཕྱི་མ་སྟེ། །སངས་རྒྱས་ཀུན་གྱིས་མངོན་བསྟོད་
པའི། །སྔགས་དེ་དེ་ལྟར་མནོས་ནས་སུ། །ཆོ་ག་མནོས་ནས་བཟླས་བྱས་ན། །རིག་འཛིན་གོ་འཕང་ཐོབ་པར་འགྱུར། །ཨོཾ་ཨ་ཀྲོ་དྷེ་ཀ་ཡ་མཱནྟ་ཀ་ཧཱུྃ་ཕཊ། །གཤིན་རྗེའི་གཤེད་པོ་ལྷའི་ལྷའོ། །ཨོཾ་ཨ་མྲྀ་ཏ་ཀུཎྜ་ལི། །སརྦ་བིགྷྣཱ་ནཱ་ནི་ཀྲིནྟ་ན་ཧཱུྃ་ཧཱུྃ་ཧཱུྃ་ཕཊ། བདུད་རྩི་

98-1-43a

ཐབས་སྦྱོར་གྱིའོ། །ཨོཾ་བུངྔྷ་ལོ་ཙ་ནེ་སྭཱ་ཧཱ། སངས་རྒྱས་སྤྱན་གྱིའོ། །དེ་ནས་བཞན་ཡང་བཟླས་པ་ཡི། །གནས་དག་ཇི་ལྟར་ཡིན་པར་བཤད། །དུར་ཁྲོད་ཡང་ན་རི་ཡང་རུང་། །ཚང་ཚིང་པད་མའི་མཚོ་འགྲམ་དུ། །ཁྲོ་ཞིང་གཤིན་རྗེའི་གཤེད་པོ་ནི། །ཟླས་
ན་དངོས་གྲུབ་ཐོབ་པར་འགྱུར། །ཀུ་ཤའི་རྩྭ་ཡི་སྟན་ལ་འདུག །རི་མོ་ལ་ནི་ཕྱོགས་འདུག་སྟེ། །ལག་པ་གཉིས་ཀ་དྲིས་བསྐུས་ནས། །རུ་རཀྵ་ཡི་ཕྲེང་ཐོགས་ལ། །སྔགས་པས་རྟག་ཏུ་བཟླས་པར་བྱ། །དེ་བཞིན་བཏུག་པ་ཨརྒ་དབུལ། །མྱུར་བ་དང་
ནི་དབུལ་བ་དང་། །དེ་བཞིན་ཡི་གེ་འདྲེས་པར་ནི། །ནམ་ཡང་སྨྲ་བར་ཡོད་མི་བྱ། །རྟག་ཏུ་རབ་ཏུ་གསལ་བར་སྨྲས། །ཆོ་ག་བཞིན་དུ་ཡིད་བསམས་ནས། །བུ་དོན་ལ་ནི་སེམས་བཞག་སྟེ། །སྐྱེ་བ་མེད་པའི་སེམས་ཀྱི་ནི། །ཡི་གེ་གོ་རིམ་བཞིན་དུ་བཟླས། །
འབུཾ་ཅིག་བཟླས་པའི་ཐ་མ་ནི། །བསྒྲུབ་པར་བྱ་བ་བཤད་ཀྱིས་ཉོན། །མཚོ་ཡི་འགྲམ་དུ་དཀྱིལ་འཁོར་ནི། །དུར་ཁྲོད་མང་པོ་བྲི་བར་བྱ། །དེའི་ནང་དུ་རི་མོ་བཀྲམ། །སེམས་དཔའ་མཚན་མོ་ཞུགས་ནས་ནི། །གྲོགས་བཟང་སེམས་ཀྱང་མ་རྨོངས་པ། །
གུ་གུལ་བདུག་པ་དེ་བཞིན་བསྲེག །ཟློས་ཤིང་སྣ་མའི་མེ་ཏོག་སྟོང་། །སྙིང་ཀར་ཕོག་པར་བྱ་ཞིང་དབུལ། །དེ་ནས་ཁྲོ་བོ་གཤིན་རྗེའི་གཤེད། །རི་མོ་ལ་ཞུགས་ཁྲོ་བོའི་སྤྱན། །རི་མོ་དེ་ནི་ངེས་པ་རུ། །གཡོ་འམ་ཡང་ན་འགུལ་བར་འགྱུར། །དེ་ནས་ལྷ་དེ་
གྲུབ་གྱུར་ནས། །གང་འདོད་པའི་ལས་རྣཾས་བྱེད། །དེ་སྟེ་གྲུབ་པར་མ་གྱུར་ན། །གཞན་ཡང་ཆིག་འབུཾ་བཟླས་པར་བྱ། །དེ་ནས་དེའི་མཐའ་མར་བསྒྲུབ། །དེས་ཀྱང་མ་གྲུབ་གསུམ་པོ་ལ། །མཚམས་མེད་ལྔ་རྣམས་བྱེད་པ་ཡང་། །གདོན་མི་ཟ་བར་འགྲུབ་
པར་བྱེད། །གྲུབ་པའི་ལས་རྣཾས་གང་དག་འདིར། །བྱེད་པར་འགྱུར་བ་བཤད་པར་བྱ། །བསྒྲུབ་པར་དཀའ་བའི་ལས་རྣཾས་ཀྱང་། །ཡིད་ལ་གང་དང་གང་འདོད་པ། །དེ་དག་མཐར་ཕྱིན་མྱུར་བར་ནི། །རིག་སྔགས་འཆང་བས་བྱས་པར་འགྱུར། །རི་རྣམ་ཀྱི་ནི་རྩེ་མོ་དང་། །
གཅོང་རོང་རྣཾས་ནི་བརྙིལ་བར་བྱེད། །ས་ཡང་རབ་ཏུ་འགས་པར་བྱེད། །ཆུ་དག་ཀྱང་ནི་སྐཾ་པར་ནུས། །དཔུང་རྣཾས་མི་གཡོ་གནོན་པར་བྱེད། །ཁྲག་གི་ཆར་ཡང་འབེབས་པར་བྱེད། །སྟོང་ངམ་ཡང་ན་འབུཾ་ཡང་རུང་། །དེ་མ་ཐག་ཏུ་གསོད་པར་ནུས། །གནོད་པ་དང་ནི་རྨོང་པ་

98-1-43b

དང་། །དེ་མ་ཐག་ཏུ་འབེབས་པར་བྱེད། །ཤིང་རྟ་འམ་ཡང་ན་གྲུ་དག་དང་། །གླང་པོ་མྱོས་པ་གནོན་པར་ནུས། །ཕ་རོལ་དཔུང་དག་འཁྲུག་པར་བྱེད། །ཡུལ་ཕྱོགས་མྱུར་ཏུ་རྨོངས་པར་ནུས། །ཁྲོས་ནས་ས་ཡང་གཡོ་བར་བྱེད། །གླིང་དང་ནག་ཚལ་སྲེག་པར་ནུས། །
དེ་ནི་གང་གཱའི་མཚོ་ཡྃ་སྐེཾས། །སྐམས་པ་དག་ཀྱང་འགེངས་པར་ནུས། །སྤྲིན་ཡང་ལེགས་པར་གནོན་པར་ནུས། །ཆར་པ་དག་ཀྱང་འབེབས་པར་བྱེད། །དུས་མིན་ཆར་ཡྃ་འབེབས་པར་ནུས། །ཀླུའི་བདག་པོ་དག་ཀྱང་འགུགས། །དེ་ནས་ནག་པོས་ཟིན་
པ་ཡང་། །མཐོང་བ་འམ་ཡང་ན་སྤྲིན་ཙམ་གྱིས། །འགུག་པར་བྱེད་དེ་ཐེ་ཚོམ་མེད། །སེར་བ་དང་ནི་སོལ་བའི་ཆར། །དེ་མ་ཐག་ཏུ་འབེབས་པར་ནུས། །འབྲས་བུ་མེ་ཏོག་མཆོག་རྣཾས་དང་། །ཡལ་ག་དག་གིས་བརྒྱན་པའི་ཤིང་། །བལྟས་པ་འམ་ཡང་
ན་རྡོ་འཕངས་པས། །གློ་བུར་དུ་ཡང་འགྱེལ་བར་བྱེད། །དེ་ནི་སྦྱར་བ་ཙམ་གྱིས་སུ། །སའི་འོག་ཀྱང་འཁྲུག་པར་བྱེད། །དེ་བཞིན་ལྷ་དང་མི་རྣམས་ལ། །གནོད་པ་ཆེན་པོ་འབྱུང་བར་བྱེད། །ཁྲོ་བོའི་རྒྱལ་པོ་འདི་ཡི་ནི། །ངེས་པར་དབང་དུ་མི་འགྱུར་བའི། །དངོས་པོ་
འདས་དང་ད་ལྟར་དང་། །ཕྱི་འབྱུང་བ་དག་གང་ཡང་མེད། །ལྷ་དེ་གྲུབ་པར་མ་གྱུར་ཀྱང་། །མཐོང་བ་ཙམ་འམ་ཚིག་གིས་ཀྱང་། །དུག་དང་རིམ་དང་གདོན་རྣཾས་སོགས། །ཞི་བར་བྱེད་པའི་མཆོག་ཏུ་འགྱུར། །དབང་དུ་བྱེད་དང་དབྱེ་བ་དང་། །བསད་དང་བསྐྲད་
པར་བྱ་བ་དང་། །མིག་འཕྲུལ་ཨཉྫ་བསྐུ་བ་རྣམས། །བཏུག་དང་དྲིས་བྱུག་སྦྱོར་བ་ཡི། །ལས་རྣམས་འདི་དག་ཐཾད་ནི། །བཟླས་པ་བརྒྱ་བྱས་འགྲུབ་པར་བྱེད། །སྔགས་པ་གཏེར་ཆེན་ཡོད་པར་ནི། །སོང་སྟེ་བསྒྲུབ་པར་བྱས་ནས་སུ། །བགེགས་
རྣམས་ཀྱི་ནི་མི་འཇིགས་པར། །ནོར་དེ་བཟླས་པ་སྟོང་བྱས་པས། །བདག་གིས་ཁྱིམ་ནས་ལེན་པ་བཞིན། །ཕྲ་མོ་རྣཾས་ནི་རྒྱའི་འཐོབ། །བཟླས་དང་སྦྱིན་སྲེག་མ་བྱས་ཀྱང་། །གཤིན་རྗེའི་གཤེད་ཀྱི་མིང་རྩམ་གྱིས། །ལྷ་རྣཾས་སྐྲག་པར་འགྱུར་བ་
ནི། །རིང་པོར་མི་ཐོགས་གདོན་མི་ཟ། །མ་རུང་པར་ནི་བྱ་བ་དང་། །བྱད་དང་སྟེམ་དག་བྱ་བ་དང་། །རྨོངས་དང་གནན་པའི་དངོས་གྲུབ་རྣཾས། །བལྟས་པས་རྣམ་པ་དུ་མ་ཡི། །ཆོ་ག་བཞན་གྱིས་ཆོ་ག་ཡང་། །རིང་པོར་མི་ཐོགས་འགྲུབ་པར་ནུས། །

98-1-44a

ཡུལ་དང་ཡུལ་ཕྱོགས་དག་ཏུ་ཡང་། །གནོད་པ་དང་ནི་ནད་ཀྱང་འབྱིན། །རྨུགས་པ་དང་ནི་གནོད་པ་དང་། །རྨོངས་དང་མི་མཐོང་བྱེད་པ་དང་། །འཁྲུག་པ་དང་ནི་སྐྲག་པ་དང་། །སྐྱོ་ཞིང་སླར་ཡང་གཡོ་བ་དང་། །ནོར་འགུག་པ་དང་གནོན་པ་དང་། །སྐྱེ་བོ་
དག་ཀྱང་འགུག་པ་དང་། །ཡུན་དུ་འཚེ་ཞིང་འཇིགས་པ་དང་། །འཁྲུག་པ་འཐབ་མོ་སེར་བ་དང་། །བྲུ་བ་གཉིད་ཀྱིས་མྱོས་པ་དང་། །གང་ཡང་བཞན་དག་དེ་འདོད་པ། །སྔགས་པས་གཤིན་རྗེའི་གཤེད་དྲན་པས། །དེ་དག་ཐཾད་བྱེད་པར་འགྱུར། །དེ་ནས་ཆོ་ག་ཕྱི་
མ་འདི། །ཇི་ལྟར་ཡིན་པ་དེ་བཤད་དོ། །ལྷ་མ་ཡིན་གྱི་ཕུག་སྒོར་སོང་། །མཁས་པས་རི་མོ་བཀྲམ་ནས་སུ། །ཁ་ཟས་མི་ཟ་སྟན་ཅིག་འདུག །ཁྲི་ཡི་གྲངས་ཚད་བཟླས་བྱས་ནས། །དེ་ནས་བུད་མེད་གཟུགས་མཆོག་ལྡན། །བཟང་པོ་རྣམ་ནི་སྒོར་ཕྱུང་
ནས། །བསྒྲུབ་པ་དེའི་མདུན་དུ་ནི། །ནང་དུ་གཤེགས་ཤེས་དགའ་བར་བྱེད། །དེ་ནས་གྲོགས་པོ་ཡིད་བཅུགས་དང་། །སྒྲུབ་པ་པོ་ནི་ལྷན་ཅིག་ཏུ། །ངེས་པར་དམ་ཚིག་དག་གིས་ནི། །དེའི་གནསུ་འཇུག་པར་བྱ། །དེ་བཞིན་ཇི་ལྟར་འདོད་པ་རུ། །གནོད་སྦྱིན་མི་ཡི་
མིང་རྣམ་དང་། །ཤ་ཟ་མོ་འམ་དྲི་ཟ་མོ། །ཡང་ན་གང་འདོད་པ་ཡི་ལྷའི། །མིང་བྲིས་དེའི་མདུན་བཞག་ནས། །རི་མོ་ལ་ནི་ཉིན་རེ་ཞིང་། །དེའི་ཚིག་ནི་མཐར་སྦྱར་ནས། །མ་སྐྱོ་བར་ནི་འབུམ་བཟླས་ན། །སྒྲུབ་བ་པོ་དེས་འཇིག་གྱུར་ནས། །དེ་དག་ཐཾད་
འོང་བར་འགྱུར། །བསྒྲུབ་པོ་ཅི་སྲིད་འདོད་པར་ནི། །འདི་རུ་ལས་རྣམས་བྱེད་པར་འགྱུར། །ལྷ་རྣཾས་དག་ནི་ཐཾད་ཀྱང་། །གནོད་སྦྱིན་ལ་སོགས་སྒྲུབ་བཤད་ཟིན། །འདི་ཡི་ཆོ་ག་ཕྱི་མ་ཡི། །ཕྱི་མ་དག་ཀྱང་བཤད་པར་བྱ། །རི་མཆོག་དག་གི་ཙེ་མོ་
ལ། །ཡི་དགས་མང་པོའི་དཀྱིལ་འཁོར་བྲི། །ཡི་དགས་དཀྱིལ་འཁོར་བྲི་ནས་ཀྱང་། །ཀུན་ལ་ཤའི་གཏོར་མ་བྱ། །གྲོགས་པོ་སེཾས་ནི་དཔའ་བ་དང་། །ཡོན་ཏན་ལྡན་ཞིང་བཟོ་བ་དང་། །མི་རོའི་གོས་ལ་བྲིས་པ་ཡི། །རི་མོ་བཞག་ལ་དེ་ནས་སུ། །
བདག་གི་ཡན་ལག་ཐཾད་ལས། །རུས་པ་དག་གིས་ཁྲག་ཕྱུང་ཏེ། །མིའི་ཐོད་པའི་ནང་ཏུ་གཞག །ལུས་ལ་ཁྲག་ནི་ཅི་ཕྱིན་པ། །མི་རོ་སྐྲའི་པིར་དག་གིས། །དེ་ནས་དེའི་ལུས་དག་དང་། །མིག་ཀྱང་རབ་ཏུ་གསལ་བར་བྱ། །དེ་ལ་བགེགས་ཀྱང་

98-1-44b

མང་དུ་འགྱུར། །དེ་ནས་དཔའ་བོས་བཤད་པར་གསུང་། །དཔའ་བོ་དག་གིས་ལས་ཀྱང་བྱ། །དེའི་འོག་ཏུ་བཟོ་བོ་ལ། །དཔའ་བོ་དག་གིས་ཡོན་ཡང་འབུལ། །དེ་ཉིད་ཡོངསུ་རྫོགས་པར་ནི། །གྱུར་གྱི་བར་དུ་ཚུལ་བཞིན་གྱིས། །ཐ་མར་དཔའ་
བོ་གཅིག་པུ་དེ། །རི་མོ་མཚན་མོ་རབ་འབར་རམ། །ཡང་ན་དགོད་དམ་གཡོ་ཡང་རུང་། །དེ་ནས་དངོས་གྲུབ་ཐོབ་པར་བཤད། །རི་མོ་དེ་ནི་བླངས་པ་ཡིས། །ནམ་མཁར་འཕར་བ་གདོན་མི་ཟ། །དཔལ་ལྡན་ཐོག་པ་མེད་པར་འགྲོ། །མཚན་
མོ་ཉི་མ་བཞིན་དུ་འབར། །དཔའ་བོ་གདག་གི་བསྒྲུབ་པ་འདི། །རིག་འཛིན་ཀུན་གྱི་ཐོག་མར་འགྲོ། །གྲུབ་པ་དེ་ལ་ལྷ་རྣཾས་ཀྱང་། །གདོན་མི་ཟ་བར་ཕྱག་འཚལ་འགྱུར། །རིག་འཛིན་རྣཾས་ནི་ཐཾད་ཀུན། །ཀུན་ཏུ་བཀུར་བའི་རྒྱལ་པོར་
འགྱུར། །ཡང་ན་ཆོ་ག་ཤེས་པའི་རྒྱལ། །རི་མོ་ཞི་བ་སྔོན་བཞིན་དུ། །བླང་ཏེ་བསྲེགས་པའི་སྟེང་དུ་གཞག །དེ་ནས་བསྲེགས་པ་དེར་འདུག་ནས། །གཅིག་པོ་རལ་གྲི་བླང་ནས་སུ། །མཚན་མོ་གཤིན་རྗེའི་གཤེད་བཟླས་པ། །འབར་
བར་འགྱུར་གྱི་བར་དུ་འམ། །དུ་བ་འམ་ཚ་བའི་བར་དུ་བཟླས། །འབར་བར་གྱུར་པ་དཔལ་དང་ལྡན། །རིག་འཛིན་དུ་ནི་དེ་འགྱུར་རོ། །དུ་བ་བྱུང་བས་མི་སྣང་བ། །ནམ་མཁར་འགྲོ་བའི་མཆོག་ཏུ་འགྱུར། །དེ་ཚེ་ཚ་བར་གྱུར་ན་ནི། །ས་ཡི་
རྒྱལ་པོར་ངེས་པར་འགྱུར། །རལ་གྲི་མཆོག་དེ་བྱ་བ་ཡང་། །སོར་ནི་སུཾ་བཅུ་ཙ་གཉིས་ཤིས། །ཡན་ལག་ཐཾད་ཡོང་རྫོགས་པ། །བསྒྲུབ་པར་བྱ་བ་སོ་ཡི་རྡོ། །དེ་ལྟར་ཆོ་ག་ཕྱི་མ་ཡང་། །མདོར་ནི་ལེགས་པར་བཤད་པ་ཡིན། །ལག་པ་
གཡས་པའི་སོར་མོ་ཡིས། །མཐེ་བོང་སྦས་ནས་གྱེན་དུ་ནི། །བསྒྲེང་བར་བྱས་པའི་ཕྱག་ཕྱག་དེའི། །བེ་ཅོན་ཞེས་ནི་བསྒྲག་པ་ཡིན། །ཧ་ཉིད་ཀྱི་ནི་སྔགས་ལྡན་པར། །ལས་རྣཾས་ཀུན་ལ་བཅིང་བར་བྱ། །སྤྱན་དྲང་བ་དང་མཆོད་པ་དང་། །
གཤེགས་སུ་གསོལ་དང་བཞུགས་པ་དང་། །ལས་རྣམ་བྱ་བའི་ཚེ་དག་དང་། །གཞན་ཡང་དགོས་པ་འབྱུང་བའི་ཚེ། །ཚུལ་བཞིན་ཕྱག་རྒྱ་འདི་བཅིང་ནས། །གཤིན་རྗེའི་གཤེད་ཀྱི་ལྷ་བཟླས་སོ། །སྔགས་པ་རྒྱལ་པོའི་དྲུང་

98-1-45a

སོང་ནས། །མགོ་བཏུད་སཔུས་མོ་བཙུགས་ནས་སུ། །བདག་ཉིད་དང་ནི་ནོར་བཅས་པར། །གདོན་མི་ཟ་བར་མྱུར་དུ་འགྲུབ། །འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བའི་རྒྱུད་ཆེན་པོ་ཐཾད་ཀྱི་ཕྱི་མའི་ཡང་ཕྱི་མ་ལས་བཅོམ་
ལྡན་འདས་འཇམ་དཔལ་གཤིན་རྗེའི་གཤེད་ཀྱི་གསལ་ཤིང་ཁྲོ་བོ་རྣཾ་པར་རྒྱལ་བའི་ཆོ་ག་ཞིབ་མོ་ཕྱི་མའི་ཡང་ཕྱི་མ་གསང་བ་གསལ་ཤིང་རྒྱུད་དེ་རིམ་པར་ཕྱེ་བ་བཅུ་བདུན་པའོ།། །། ཨོཾ་ཨཱ་ཀྲོ་དྷེ་ཀ་ཡ་མཱནྟ་ཀ་ཧཱུྃ་ཧཱུྃ་ཧཱུྃ་ཕཊ་ཕཊ་
ཕཊ་སྭཱ་ཧཱ། འདི་ཡྃ་བཅོམ་ལྡན་འདས་ཀྱི་སྔགས་གཞན་ནོ། །ཨོཾ་ཨཱཿཧཱུྃ་འདི་ཡང་དེ་བཞིན་ནོ། །ཡི་གེ་བཅུ་གཅིག་རྒྱལ་པོ་ཡི། །དེ་ཉིད་བཟླས་པས་གྲུབ་པར་འགྱུར། །ཁྲོ་བོ་རྣམ་པར་རྒྱལ་བ་ཡི། །རྩ་བ་དང་ནི་ཕྱི་མ་དང་། །དེ་བཞིན་ཕྱི་མའི་ཕྱི་མ་འདི། །
རྟོག་པ་མ་ལུས་རྒྱས་པ་དག །ལྷ་དེ་རྣམས་ཀྱིས་ལེགས་ཐོས་ནས། །འཇིག་རྟེན་འཇིག་རྟེན་འདས་པ་ཀུན། །ཐལ་མོ་རབ་ཏུ་སྦྱར་ནས་སུ། །ཁྲོ་བོ་རྣམ་པར་རྒྱལ་བ་ནི། །གཤིན་རྗེའི་གཤེད་ལ་འདི་སྐད་སྨྲས། །བཅོམ་ལྡན་ཁྱོད་ཀྱིས་རྟོག་པ་
འདི། །བསྒྲུབ་པ་རྣམས་ལ་ཕན་པའི་ཕྱིར། །རབ་ཏུ་ངོ་ཚར་བཤད་ལགས་ཏེ། །བཟླས་དང་ཧོམ་དང་མཆོད་ལ་སོགས། །ཁྲོ་བོ་ཆེན་པོའི་བརྟུལ་ཞུགས་དང་། །དེ་བཞིན་དཀའ་ཐུབ་དྲག་པོ་དང་། །ཇི་སྐད་གསུངས་པའི་བསྨྱུང་བ་ཡིས། །ཁྲོ་བོ་
ཀི་ལི་ཀི་ལ་ལ། །སོགས་པ་འང་དུས་ལ་བབ་ན་ནི། །སྔགས་ཟློས་པ་ལ་དངོས་གྲུབ་སྟེར། །བཅོམ་ལྡན་འདས་ཀྱིས་རྟོགས་པ་དང་། །ཁྱད་པར་གྱུར་པ་ཅི་ཞིག་མཆིས། །དེ་བས་བཟླས་དང་སྦྱིན་སྲེག་དང་། །སྨྱུང་དང་བརྟུལ་ཞུགས་དཀའ་ཐུབ་དང་། །མེད་པར་
རང་དབང་ཉིད་དུ་ནི། །དངོས་གྲུབ་དམ་པ་ཁྱོད་ཀྱིས་གསུངས། །ལྷ་མཆོག་དེ་དག་ཐཾད་ཀྱིས། །ཕྱག་འཚལ་དེ་སྐད་སྨྲས་པ་དང་། །ཁྲོ་བོ་དྲག་ཏུ་བཞད་པ་ཡིས། །རབ་ཏུ་དྲག་པའི་ཚིག་ཏུ་གསུངས། །དྲག་ཏུ་བཞད་པའི་ཞལ་འཛུམ་པས། །ལྷ་ཡི་
ཚོགས་རྣམས་འཇིགས་རྨོངས་ལ། །མ་འཇིགས་མ་འཇིགས་ཞེས་གསུངས་པའི། །ཕན་པའི་ཚིག་གིས་དབུགས་ཕྱུང་ནས། །ཁྱེད་རྣམས་ཀྱིས་ནི་གང་སྨྲས་པ། །སྒྲུབ་པ་བདག་ནི་མེད་པར་ཡང་། །སྦྱོར་བ་ཤེས་པས་གྲུབ་འགྱུར་

98-1-45b

བ། །ལྷ་རྣཾས་ཀུན་གྱི་མཉན་པར་གྱིས། །བདེ་གཤེགས་དངོས་གྲུབ་ཅིག་པུ་ལས། །དགྱེས་པ་རྣཾས་པ་ཐ་དད་འགྱུར། །དེ་ནས་ཏིང་འཛིན་ཚུལ་ལས་ནི། །མཚན་མ་དང་ནི་དངོས་གྲུབ་དེ། །ཐོག་མར་བྱང་ཆུབ་རྩ་ལ་བརྟེན། །ཤེས་རབ་དེ་ལྟ་བུ་ཡང་བསྒོམ། །སེཾས་
ཀྱང་རྣཾ་པར་མི་རྟོག་པས། །བདེ་གཤེགས་དངོས་གྲུབ་དེ་དག་འཐོབ། །དེ་ང་ཡི་གཟུགས་སུ་གྱུར་པར་བྱོས། །ས་བོན་མཚོན་ཆ་མང་པོར་ལྡན། །ཁྲོ་བོ་དེ་ཡི་ཞལ་དྲུག་བསྒྱུར། །དྲིལ་བུ་གསིལ་བའི་སྒྲ་ཡང་འབྱིན། །ཁྲོ་བོའྀ་ཞལ་ནི་བཅས་པར་ལྡན། །
དེ་ཡི་གཟི་དང་མཐུ་ལྡན་བྱས། །ཀུན་ཏུ་དགའ་བའི་སྙིང་པོར་ལྡན། །གང་གིས་ཡིད་ལ་གང་བསྒོམས་པ། །དེ་ལ་ང་ཡི་ཐུགས་གཡོས་པས། །ཇི་ལྟ་བ་འམ་གར་ཡང་རུང་། །མདུན་ནམ་ཡང་ན་རྒྱབ་ནས་ཀྱང་། །ལས་ཀུན་བྱེད་ནུས་གྲུབ་པར་འགྱུར། །
གང་དག་ང་ནི་ཕྱག་ལྔ་བཅུ། །བེ་ཅོན་གདིངས་པས་བསྡིགས་པར་མཛད། །ཏྲི་ཤུྰ་རལ་གྲི་དགྲ་སྟ་སྐྱུ། །ཐོད་པ་ཤག་ཏི་ཐོད་མར་དབྱུག །དེ་བདག་ལས་ནི་ཕྱག་གསུཾ་དྲུག །གཡས་པ་བེ་ཅོན་མདའ་རལ་གྲི། །གཡོན་ན་འཁོར་ལོ་རྡོ་རྗེ་འཛིན། །རྡོ་རྗེ་
རྩེ་ཅིག་མིག་དྲུག་པ། །དཔྲལ་བའི་གཉེར་མ་བསྙེར་བ་དང་། །ཁྲོ་གཉེར་བསྙེར་བའི་ལྟ་བ་ཅན། །འཇིགས་པའི་སྦྲུལ་གྱིས་རོ་སྟོད་དཀྲིས། །ཐོད་པ་དག་གིས་རྒྱན་ཏུ་བྱས། །ཆར་སྤྲིན་སྔོན་པོའི་ཁ་དོག་འདྲ། །ཞལ་ཅིག་སྤྱན་ཡང་མི་མཉཾ་པ། །འབྲུག་
གིས་སྒྲ་དབྱངས་སྒྲ་སྒྲོགས་པ། །སྟག་ལྤགས་ན་བཟའ་གསོལ་བར་དགྱེས། །མཚོན་ཆ་མཚོན་རྣཾས་འབར་ཞིང་འཁྲུག །སྤྱན་དང་གཙུག་པུད་རྩ་དམར་སེར། །ཞབས་གཉིས་གདིངས་པའི་ཚམ་ངམ་མཛད། །སའྀ་སྟེང་ན་ཟ་ཟ་ལྟ། །མཆེ་བ་
དག་ཀྱང་ཙིག་པའི་ཞལ། །ཆིབས་པ་མ་ཧེ་ཆིབས་པ་དེ། །སེམས་དཔའམ་རི་མོ་ལ་བྲིས་པ། །བསྒྲུབ་པོ་མྱུར་ཏུ་མཆོད་བྱེད་ན། །དེ་ལ་ང་ནི་མྱུར་བ་རུ། །དགྱེས་ནས་མངོན་ཏུ་ཕྱོགས་པར་འགྱུར། །ཇི་ལྟར་འདོད་པའི་དོན་རྣམས་ནི། །གདོན་མི་ཟ་བར་གྲུབ་
པར་བྱེད། །རྣམ་པར་གནོན་པའི་གཟུགས་འདི་ནི། །བཏུད་ལས་རྒྱལ་བ་ཡིན་པར་སྒྲགས། །ཐོག་མ་བདག་གིས་དམ་ཚིག་སྦྱིན། །བསྲུང་མཆོག་ཚུལ་བཞིན་བྱས་ནས་སུ། །རས་ནི་སུམ་བཅུ་སོར་ཚད་ལ། །སྔགས་པ་བཟོ་བོ་ཡོན་ཏན་ཅན། །

98-1-46a

ཡིད་ནི་བསྟེན་པར་བྱ་བའི་ཕྱིར། །དབེན་པའི་གནས་སུ་མི་མངོན་པར། །ཚོན་རྩི་དགེ་བ་བཟང་པོ་ཡིས། །རི་མོ་ཐོག་མར་བྲིས་བར་བྱ། །ཟིན་ནས་ཀྱང་ནི་དབེན་པར་བཞག །སུ་ལ་འང་བསྟན་པར་ཡོང་མི་བྱ། །ང་ཡི་གཟུགས་སུ་གྱུར་
པར་བྱས། །ས་བོན་ཚོན་ཆ་བཟང་པོར་ལྡན། །ང་ཡི་ཞལ་ནི་ཁྲོ་བོར་འགྱུར། །དྲིལ་བུ་བསིལ་བའི་སྒྲ་དང་ལྡན། །ཁྲོ་བོའྀ་ཞལ་ནི་བསམ་བར་བྱས། །ངའི་གཟི་དང་མཐུར་ལྡན་བྱས། །ཀུན་དགའ་ཡི་ནི་སྙིང་པོར་ལྡན། །གལ་ཏེ་དམ་ཚིག་མི་ལྡན་པའི། །
སྐྱེ་བོ་རི་མོ་དེ་མཐོང་ན། །མྱུར་དུ་རྣམ་པར་མྱོས་པར་འགྱུར། །དེ་བས་རྣམ་པ་ཐཾད་དུ། །བསྲུང་བ་དྲག་པོ་ཀུན་ཏུ་བྱ། །གྲོང་ངམ་ཡང་ན་གྲོང་ཁྱེར་དུ། །རྣམ་པ་གཞན་ཏུ་བཞག་གྱུར་ཏམ། །གོང་ཏུ་མཆོད་པ་མ་བྱས་ན། །མྱུར་ཏུ་འཇིགས་པ་སྐྱེ་བར་
འགྱུར། །རི་མོ་ལ་ནི་གནས་པའི་གཟུགས། །དེ་ལྟར་རྟག་ཏུ་གོམས་བྱས་ཤིང་། །དེར་བསྒྱུར་དེའི་ཡིད་ཏུ་འགྱུར། །ཇི་སྲིད་གང་དག་གོམས་གྱུར་ཅིང་། །ཀུན་ཏུ་མདུན་ན་གནས་པ་རུ། །གང་ཚེ་མཐོང་བར་གྱུར་པ་ན། །དེ་ཚེ་རི་མོ་མེད་པར་
ཡང་། །ཇི་ལྟ་བུའི་ཚུལ་ཉིད་ཀྱིས། །རྟག་ཏུ་སྦྱོར་བ་བྱས་ནས་ནི། །སྦྱོར་བ་ཉིད་ཀྱི་རྟག་པ་རུ། །ཁྲོ་བོ་ཀུན་ཏུ་སྦྱོར་བ་ནི། །དེ་ལས་ལས་རྣམས་ཐཾད་བྱེད། །འདི་ནི་གསང་བ་བསྟན་པ་ཡིན། །ཡང་ན་བདག་ཉིད་དེ་འདྲ་བར། །ཇི་སྲིད་ཅིག་
ཏུ་གྲུབ་པའི་བར། །ཡིད་ལ་ལེགས་པར་སྒོམ་ན་ནི། །དེ་ནས་དེ་ཡི་དངོས་གནས་པར། །ཡིད་ལ་ཅུང་ཟད་གང་བསམ་པ། །དངོས་པོ་གོམས་པར་བྱས་ན་ནི། །དེ་ཉིད་འབྲས་བུ་ཡོད་པར་འགྱུར། །གང་ཕྱིར་ཁྲོ་བོ་བསྒོམ་པའི། །
ཁྲོ་བོ་ཡོང་ཡེ་བསྒོམ་ན་ནི། །བཟླས་པ་ལ་སོགས་མེད་པར་ཡང་། །དངོས་གྲུབ་དམ་པ་ཐོབ་པར་འགྱུར། །བསྒྲུབ་པ་རྣཾས་ལ་དམ་ཚིག་གིས། །གལ་ཏེ་སྦྱིན་པར་བྱ་ན་ཡང་། །དེ་ཚེ་ས་ནི་རབ་སྦྱང་ན། །ཐོག་མར་སྤོས་ཆུས་གདབ་
པར་བྱ། །ཀུན་ཏུ་ཟླུམ་པོ་ཞེས་བྱ་བའི། །དཀྱིལ་འཁོར་འདི་ནི་ལོགས་ཤིག་ཏུ། །ཀུན་ཏུ་ཟླུམ་པོ་བྲི་བར་བྱ། །ཚོན་རྩི་ནག་པོར་ལེགས་བྲིས་ཏེ། །ནུབ་ཕྱོགས་སྒོ་བཏོད་ཁྲུ་དོ་ཙམ། །དེའི་དབུས་སུ་མཆོག་བྲི་བ། །འགྱིང་ཞིང་ལྡེམ་

98-1-46b

བག་ཅན་གྱིས་ལུས། །ཆར་སྤྲིན་དང་ནི་བུང་བའི་མདོག །འཇམ་ཞིང་མཉེན་པ་དཔལ་དང་ལྡན། །གསེར་གྱི་དྲིལ་བུའི་སྒྲ་དང་ལྡན། །གཡག་རྔའི་བསིལ་ཡབ་གཡོབ་པ་ཅན། །ཨཉྫ་ན་ཡི་རི་ལྟ་བུའི། །མ་ཧེ་ཆེན་པོ་དམ་པ་ནི། །དཀྱིལ་
འཁོར་དམ་པ་དེ་བྲི་ཏེ། །བསྲུང་བ་ཆོ་ག་བཞིན་བྱས་ནས། །སྔགས་ཤེས་པས་ནི་མཆོད་བྱས་པ། །ཆོ་ག་བཞིན་དུ་འདིར་བཤད་དོ། །སྤྱན་དྲུང་གདན་ཏུ་བསྟབ་པ་དང་། །ཨརྒ་གཏོར་མས་མཆོད་པ་དང་། །མར་མེ་བདུག་པ་བསྟན་པ་དང་། །
ཐ་མར་སླར་གཤེགས་བསྟན་པའོ། །གཟུགས་དགོད་པ་དག་ཐོག་མ་རུ། །ལྷ་དགོད་པ་དག་ཡིག་འབྲུས་བསྐྱེད། །ས་བོན་གྱིས་ནི་ཚུལ་བཞིན་བཤད། །དེ་ལས་དང་པོར་ཐཾད་ནི། །ས་བོན་ཁྲོ་བོའྀ་གཟུགས་ཡིན་ཏེ། །དེ་ཉིད་ཕལ་ཆེར་རབ་
ཏུ་གྲགས། །གཅིག་པུ་མཚོན་ཆ་དུ་མའི་མཆོག །དེ་ཉིད་དེར་ནི་བརྟན་བྱ་བའི། །རྟག་ཏུ་མཚོན་ཆ་འབར་བྱེད་པ། །དེ་ཡི་གཟུག་འདིར་གཅིག་པུ་ལ། །ས་བོན་གྱི་ནི་བསྐུལ་བའི་ཞལ། །དྲིལ་བུའི་ས་བོན་དྲུག་རྣཾས་ཀྱིས། །སྒྲ་དེ་རྣཾས་བཞིན་སྒྲོག་
པར་རྟག །འདི་ནི་ཁྲོ་བོའྀ་ཞལ་ཡིན་གསུང་། །འདི་ནི་ཐོག་མ་ཉིད་ཀྱི་གཟུགས། །དེའི་མཐུ་ཡང་ཅི་འདྲ་བ། །ཚུལ་བཞིན་ཏུ་ཡང་འདིར་བཤད་དོ། །གང་གི་དྲན་པ་ཙམ་གྱིས་ནི། །བཏུད་དཔུང་གཏུག་པའི་གདོན་ལ་སོགས། །མཐུ་རྩལ་གནོད་པས་
ཉམས་ནས་སུ། །འཇིགས་ཤིང་དཔའ་སྐོང་བྱེད་པར་འགྱུར། །ཟུང་ཤིག་པའི་ཚིག་གཉིས་ལྡན། །ཞལ་ཡང་གདངས་ཤིང་འབར་བ་ཅན། །སྙིང་པོ་དག་པར་རབ་ཏུ་གཞག །ཚོན་ཆ་འདེབས་པའི་མཐུ་རྩལ་ཅན། །དེ་ལྟར་ཁྲོ་བོ་རྒྱལ་བའི་
གཟུགས། །ས་བོན་ཞེས་སུ་བྱ་བ་ཡི། །སྔགས་ཀྱི་དངོས་པོ་ཤེས་ནས་ནི། །སྔགས་པས་དངོས་གྲུབ་ཐོབ་པར་འགྱུར། །མཚོན་ཆར་འཕངས་པ་ཙམ་གྱིས་ནི། །དེའི་ཀུན་ཏུ་སྲུང་བར་བྱ། །ས་བོན་བཀོད་པའི་ཚུལ་བཞིན་དུ། །བདག་གི་ལུས་ལ་
སྦྱར་བར་བྱ། །གཟུགས་ནི་གཟུགས་ལ་བཞག་ནས་སུ། །མཚོན་ཆ་དེ་ཉིད་ལག་ན་ཐོག །ས་བོན་རྣམས་ཀྱང་ཁར་བཞག་ཏེ། །རྐང་པ་གཉིས་ཀྱང་ཚམ་ངམ་བྱ། །དེ་ནས་ཀུན་ཏུ་ཁྲོས་ནས་སུ། །རང་གིས་ས་བོན་དགོད་པར་བྱ། །ཐོག་མ་

98-1-47a

བདག་ལ་མ་གཡེངས་པར། །བསྲུང་བ་དེ་ལྟར་བྱས་ནས་སུ། །དཀྱིལ་འཁོར་དུ་ནི་སྤྱན་དྲང་ཏེ། །དེ་ནས་མདུན་དུ་མཆོད་པ་བྱ། །སྔག་ཀྱི་སྙིང་པོ་ཐ་མ་ལ། །ཚུར་གཤེགས་པའི་ཚིག་གཉིས་དང་། །རྟག་ཏུ་ལྡན་པར་བྱས་ནས་སུ། །སྤྱན་དྲང་
པ་དག་བྱ་བར་བཤད། །མེ་ཏོག་དག་གིས་གདན་འདི་ལ། །བཞུགས་སུ་གསོལ་ཞེས་རྟག་ཏུ་བྱ། །དེ་ལྟ་བུར་ནི་སྤྱན་དྲངས་ནས། །མེ་ཏོག་དག་གིས་སྔ་མ་བཞིན། །བཞུགས་ཤིག་པའི་ཚིག་གཉིས་ཀྱིས། །ཆོ་ག་བཞིན་དུ་བཞུགས་སུ་གསོལ། །
ཁྲོ་བོའྀ་རྒྱལ་པོ་དེ་ལ་ནི། །བཞུགས་པར་བྱ་བ་བསྟན་པ་ཡིན། །མེ་ཏོག་སྔགས་ཀྱི་བཏབ་པ་ཡིས། །དེ་ལྟར་བཞུགས་པར་བྱས་ནས་སུ། །ཨརྒ་འདི་ནི་བཞེས་ཤིག་ཅེས། །ཚིག་གི་འཇུག་ཏུ་བརྗོད་ནས་སུ། །སྤོས་ཆུ་མེ་ཏོག་སྦྱར་བའི། །
ཨརྒ་དེ་ལ་དབུལ་བར་བྱ། །མེ་ཏོག་བདག་གིས་ཕུལ་བ་འདི། །བཞེས་སུ་གསོལ་ཞེས་བརྗོད་ནས་སུ། །སྤོས་ཆུ་བཟང་པོ་བཏབ་པ་ཡི། །མེ་ཏོག་དག་ནི་སྔོན་བཞིན་དབུལ། །སྔགས་པས་རྟག་ཏུ་ཚིག་འཇུག་ལ། །གཏོར་མ་
བདག་གིས་ཕུལ་བ་འདི། །བཞེས་སུ་གསོལ་ཞེས་བརྗོད་ནས་སུ། །གཏོར་མ་སྣ་ཚོགས་དབུལ་བར་བྱ། །མར་མེ་བདག་གིས་ཕུལ་བ་འདི། །བཞེས་སུ་གསོལ་ཞེས་མཇུག་ཏུ་བརྗོད། །མར་གྱིས་ལེགས་པར་གང་བ་ཡི། །མར་མེ་དག་ནི་
དབུལ་བར་བྱ། །བདུག་པ་བདག་གིས་ཕུལ་བ་འདི། །བཞེས་སུ་གསོལ་ཞེས་མཇུག་ཏུ་བརྗོད། །བདུག་པ་ཐང་ཆུ་རྣམ་པ་ལྔ། །སྔགས་ཀྱིས་བཏབ་སྟེ་དབུལ་བར་བྱ། །དེར་ནི་མཆོད་པ་བྱས་ནས་ཀྱང་། །དཀྱིལ་འཁོར་དག་གམ་རི་མོ་ལ། །
རང་གི་ཡན་ལག་བཀོད་པ་དག །དམ་ཚིག་ཅན་ལ་བསྟན་ནས་ནི། །མཐོང་བ་ཙམ་ནི་ཉིད་ཀྱིས་སུ། །རིག་འཛིན་དམ་ཚིག་ཅན་དུ་འགྱུར། །དེ་ནས་རྟོག་པ་ལས་གསུངས་པའི། །ལས་རྣམས་མྱུར་དུ་བྱེད་པར་འགྱུར། །དེ་ལྟར་ཁྲོ་བོའི་རྒྱལ་པོ་ཡི། །
མཆོད་པ་ལེགས་པར་བྱས་ནས་སུ། །སྒྲུབ་པ་པོ་ནི་མ་ཡིང་པར། །སྔག་རྗོད་སླར་ཡང་གཤེགས་སུ་གསོལ། །སླར་ཡང་གཤེགས་པར་མཛད་ནས་སུ། །སླར་ཡང་གཤེགས་པའི་ཚིག་གཉིས་བརྗོད། །མེ་ཏོག་སྙིང་པ་བཀང་ནས་ནི། །ཕྱག་

98-1-47b

འཚལ་སླར་ཡང་གཤེགས་སུ་གསོལ། །དཀྱིལ་འཁོར་དག་གམ་གསང་སྔགས་བཟླས། །དེ་ནས་བཞན་ཡང་ཕྱག་རྒྱ་ནི། །རབ་ཏུ་འབར་བ་གཅིག་པུ་བཤད། །གཤིན་རྗེའི་གཤེད་ཅེས་བྱ་བའི་ལྷ། །གང་གིས་གྲུབ་པར་གྱུར་པའོ། །ལག་པ་གཡས་པའི་སོར་
མོ་ཡི། །མཐེ་བོང་སྦས་ཏེ་གྱེན་དུ་ནི། །བསྒྲེང་བར་བྱ་བའི་ཕྱག་རྒྱ་འདི། །བེ་ཅོན་ཞེས་ནི་གྲགས་པ་ཡིན། །ལྷ་ཉིད་ཀྱིས་ནི་སྔགས་ལྡན་པས། །ལས་རྣམས་ཀུན་ལ་བཅིང་བར་བྱ། །སྤྱན་དྲང་བ་དང་མཆོད་པ་དང་། །གཤེགས་སུ་གསོལ་དང་བཞུགས་པ་དང་། །ལས་
རྣམས་བྱ་བའི་ཚེ་དག་དང་། །གཞན་ཡང་རྒོལ་བ་བྱུང་བའི་ཚེ། །ཚུལ་བཞིན་ཕྱག་རྒྱ་འདི་བཅིངས་ནས། །གཤེན་རྗེའི་གཤེད་ཀྱང་ལྷ་བཟླས་སོ། །སྔགས་པ་རྒྱལ་པོའི་དྲུང་འགྲོ་ན། །མགོ་བཏུད་པུས་མོ་བཙུགས་ནས་སུ། །གདོན་མི་ཟ་བར་དབང་གྱུར་པ། །
བདག་ཉིད་དང་ནི་ནོར་གྱིས་སོ། །ཁྲོ་བོ་རྣམ་པར་རྒྱལ་བའི་རྒྱུད་ཆེན་པོ་འཇམ་དཔལ་གྱི་རྩ་བའི་རྟོག་པ་ཐམས་ཅད་ཀྱི་ཕྱི་མའི་ཕྱི་མ་ལས་ཁྲོ་བོ་རྣམ་པར་རྒྱལ་བ་བཅོམ་ལྡན་འདས་གཤིན་རྗེའི་གཤེད་ཀྱི་རྒྱལ་པོ་རྟོག་པ་ཕྱི་མའི་ཡང་ཕྱི་མ་
གསང་བའི་རིམ་པར་ཕྱེ་བ་སྟེ་བཅྭ་བརྒྱད་པའོ། །རྫོགས་སྷོ།། །།  མ་མཻ་མཱ་མི་མཱུ་མུ། །མུ་མཱུ་མི་མཱ་མཻ་མ། ཡི་གེ་བཟུང་། །ཐོག་མ་ཐ་མ་ཟུང་ཅིག་ཏུ། །ཟུང་དང་བསྣོལ་བའི་བྱེ་བྲག་གིས། །སྦྱར་བར་བྱ་བ་འདིར་བཤད་དོ། །ས་བོན་ཞེས་བྱ་དཀྱིལ་དུ་གཞག །ཁྲོ་བོ་དག་ནི་སོ་སོ་རུ། །
ཟུང་མའི་ཟུང་མིན་ཚིག་འདི་ལ། །ཐ་མའི་ཟུང་ནི་མ་ཡིན་ནོ། །ཟུང་མའི་ཟུང་མ་ཚིག་འདི་ལ། །ཧེ་ཧེ་ཧ་ཧ་ཧི་ཧི་ཧི་ཧི་ཧ་ཧ་ཧེ་ཧེ་ཞེས་གཉིས་སྦྱར་བ། ཁྲོ་ཆེན་ཚིག་གིས་ཐོག་མར་ཅེས། ཨོཾ་ཨོཾ་སྭཱ་ཧཱ། ཕྱག་འཚལ་གཞག །རྒྱས་པར་འདོད་པས་དགའ་བཞིན་
དུ། །མེལ་ཚེ་ཐུན་གཅིག་རྟག་ཏུ་བཟླས། །རི་མོ་ཆོ་ག་བཞིན་དུ་བསྒྲུབ་པ་ཡིས། །རྟག་པར་མཆོད་པའི་ཆོ་ག་འདི། །མདོ་རུ་བསྡུས་ནས་བཤད་པ་ཡིན། །བཟླས་པ་དང་ནི་ཧོམ་དག་དང་། །བརྟུལ་ཞུགས་དཀའ་ཐུབ་མ་བྱས་ཀྱང་། །སྔགས་ཀྱི་དངོས་འདི་ཤེས་
ནས་ནི། །མཆོད་པ་འབའ་ཞིག་དབུལ་བར་བྱ། །འདི་ལ་མཆོད་པ་བྱ་བ་ཉིད། །ཁྲོ་བོའི་རྒྱལ་པོ་རྟག་པ་རུ། །མཉེན་བྱས་ཡིན་པར་གང་ཤེས་པ། །སྔགས་པས་དངོས་གྲུབ་ཐོབ་པར་འགྱུར། །རྟག་ཏུ་སྔགས་པས་སེམས་པ་དང་། །རྟག་ཏུ་སྔགས་

98-1-48a

ཀྱི་བདག་ཉིད་འགྱུར། །རྟག་ཏུ་ཡིད་ལ་ཞེན་པ་དང་། །རྟག་ཏུ་མཆོད་ལ་བརྩོན་པ་དང་། །རྟག་ཏུ་ཁྲོ་བོར་འདུ་ཤེས་པ། །ལས་རྣཾས་ཐཾད་གྲུབ་པའི་ཕྱིར། །ཆོ་ག་མདོར་བསྡུས་འདི་བཤད་པའོ། །ཁྲོ་བོ་རྣམ་པར་རྒྱལ་བ་འཇམ་དཔལ་གྱིས་རྩ་
བའི་རྟོག་པ་ལས་གསང་བའི་རྟོག་པར་གཏོགས་པ་སྟེ་དང་པོའོ།། །།  མ་མཻ་མཱ་མི་མུ་མུྰ་མུ་མཱུ་མཱི་མ་མཻ་མའི། ཡི་གེ་ཟུང་དང་ཡ་བྲལ་བྱེ་བྲག་གིས། །ཐོག་མ་ཐ་མ་ཟུང་གཅིག་ཏུ། །འཁོར་ལོ་འདི་ནྀ་ཅི་རིག་པར། །སྦྱར་བར་བྱ་བ་འདི་བཤད་དོ། །ས་
བོན་ཞེས་བྱ་དཀྱིལ་འཁོར་བཞག །ཁྲོ་བོ་དག་ནི་སོ་སོ་རུ། །དབང་དང་མཁོན་དང་བསད་པ་དང་། །དེ་བཞིན་བསྐྲད་དང་ཞི་བ་དང་། །ཡང་ན་རྒྱས་པར་བྱ་བའི་ཕྱིར། །ཟུང་དང་བསྣོལ་བས་མྱུར་དུ་འགྲུབ། །ཁྲོ་བོ་ཞེས་བྱའི་དཀྱིལ་འཁོར་ནི། །
དཀྱིལ་དུ་བཞག་སྟེ་སོ་སོ་རུ། །ཟུང་ཤིག་ཚིག་གཉིས་ཐ་མར་བཞག །ཆེ་གེ་མོ་ཞིག་དབང་དུ་བྱོས། །མཚོན་ཆ་མེད་པའི་ས་བོན་བཞག །སྭཱ་ཧཱའི་ཚིག་ནི་བར་བར་བཞུགས། བསྒྲུབ་པར་བྱ་ཡི་གཟུགས་བྱས་ནས། །དེ་ལ་རྐང་པས་
བརྫི་བ་ནི། །སྔགས་པས་འགྲེང་སྟེ་འདུག་པ་ནི། །རྐང་སྐྱོ་བའི་བར་ཏུ་བྱ། །རྒྱལ་པོ་དབང་ཏུ་མ་གྱུར་པ། །དེ་ཡི་དབང་ཏུ་མྱུར་ཏུ་འགྱུར། །གཅིག་པོ་དེ་ལ་སྤོས་ནས་སུ། །མྱུར་ཏུ་གོ་རིམ་བཞིན་བཞག་པའོ། །ས་བོན་གཉིས་པའི་གནས་ལ་ནི། །གནས་
ནས་གདོང་ཡང་བསྒྱུར་ནས་སུ། །ཟུང་གཅིག་ཚིག་གཉིས་མཐའ་མར་བཞག །ཆེ་གེ་མོའི་མཛའ་བོ་དེ། །སྡང་བར་གྱུར་ཞེས་མཐའ་མར་བྱ། །བསྒྲག་པར་བྱ་བ་ཅུང་ཟད་མེད། །བསྒྲུབ་པར་བྱ་བ་གཉིས་ཀ་ཡི། །གཟུགས་ནི་འཇིགས་
པའི་ལས་བྱེད་དེ། །གཅིག་ཏུ་དཔའ་བར་མཉཾ་ལྡན་པར། །གཉིས་པ་ལ་ཡང་རྐང་པས་མནན། །སྔགས་མཁན་དེ་ལ་གནས་པའི། །མེལ་ཚེ་ཐུན་ནི་ཕྱེད་ཙམ་གྱིས། །དེ་ནས་སྒྲུབ་པ་འདོད་པ་བཞིན། །དེ་གཉིས་ཕན་ཚུན་དགྲར་གྱུར་པ། །ཁྲོ་བོ་
རིམ་བཞིན་སྒོམས་པས་ནི། །ལན་གཅིག་བྱས་པ་རྩཾ་གྱི་འགྱུར། །ས་བོན་གཉིས་པ་དེ་ལས་ཀྱང་། །དྲག་པོ་རྩལ་གྱིས་སྤོས་ནས་དེ། །ཁྲོ་བོ་ཆེན་པོ་མིག་རྩ་དམར། །གནས་ནི་གསུམ་པ་ལ་གནས་ཏེ། །གཡོན་པའི་གནོན་པས་

98-1-48b

མནན་པས་ནི། །དྲག་པོ་ཤུགས་ཅན་མ་ལུས་མནན། །ཁ་དང་བརླ་དང་རྒྱབ་ཀྱང་བསྒྱུར། །དྲིལ་བུ་དཀྲོལ་བའི་སྒྲ་མྱུར་འགྱུར། །ཕྱིས་ཀྱང་རིམ་གྱིས་འདི་ལ་གནས། །ལོགས་ཤིག་ཁྲོ་བོའྀ་འཁོར་ལོའྀ་བཀས། །བསྐང་པའི་ཚམ་རམ་
དེ་བཞིན་བྱས། །གདོང་ཡང་དལ་བུས་བསྒྱུར་ནས་སུ། །དང་པོའྀ་ས་བོན་གང་ཡིན་པའི། །དབང་དུ་བྱེད་ལ་རྒྱས་པར་འགྱུར། །དེ་ཡི་མཐའ་ཡང་ལྷན་གཅིག་ཏུ། །མེ་དང་འདྲ་བ་འབར་བ་ཏེ། །ཀུན་གྱི་ལས་ནི་གྲུབ་འདོད་ན། །ཤིན་ཏུ་ལེགས་
པར་སྦྱར་བར་བྱ། །དེའི་ཟུང་མས་བསྐུལ་བ་ཡང་། །སོ་སོ་འམ་གཅིག་ཏུ་འང་རུང་བར་བཤད། །ཁྲོ་བོ་ཡེ་ནི་འཁོར་ལོའྀ་མཐུ། །བརྒྱད་པ་དག་ལས་མྱུར་བར་གནས། །རིམ་པ་སྔ་མའི་ཚུལ་གྱིས་ནི། །འཁོན་པའི་ས་བོན་དག་གིས་བསྐུལ། །
ས་བོན་ཟུང་མས་བསྐུལ་བ་ཡང་། །བརྒྱད་པ་འབྱེད་པར་བསྒྲུབ་པ་ལ། །མཛའ་བ་མྱུར་ཏུ་བཟློག་པའི་ཕྱིར། །ཆོ་ག་བཞིན་ཏུ་རིམ་པར་སྦྱར། །རིམ་པ་སྔ་མའི་ཚུལ་བཞིན་ཏུ། །མྱུར་དུ་གསད་པར་འདོད་པ་ཡིས། །ཁྲོ་བོ་ཡིས་ནི་འཁོར་ལོ་གནས། །
དགུ་པ་ཨཱ་བི་ཙ་ར་ཡི། །ཆོ་ག་འདི་ཡིས་དགྲ་བོ་དག །མྱོས་པར་བྱས་ནས་འཇིགས་པར་འགྱུར། །ལྷ་རྣམས་ཀྱིས་ནི་སྦས་པ་ཡང་། །གཤེད་པོའི་དྲུང་ཏུ་ཁྲིད་པར་འགྱུར། །རིམ་པ་སྔ་མའི་ཚུལ་གྱིས་སུ། །ཁྲོ་བོ་ཡི་ནི་འཁོར་ལོའི་གནས། །
བཅུ་པ་དག་ལ་རིམ་གྱིས་གནས། །དྲག་ཤུལ་ཅན་གྱིས་དྲག་ཏུ་གནོན། །དེའི་ས་བོན་གྱིས་ཀྱང་ཕྱེ། །སྔོན་གྱི་ས་བོན་རབ་འབར་བ། །སྔ་མ་བཞིན་དུ་རིམ་གྱིས་བཟླས། །སྔར་བཤད་པའི་ལས་བསྒྲུབ་པོ། །འཁོར་ལོ་རིམ་པ་བཅུ་གཅིག་པོ། །
གང་ཡིན་པ་ནི་དེ་བཟང་ནས། །དེ་ནས་ཞི་བར་བྱེད་པ་ཡི། །ས་བོན་དེའི་བསྐུལ་བར་བྱ། །སྔ་མའི་བཞིན་དུ་སྐུལ་བ་དང་། །སྔ་མའི་ལས་ནི་བྱེད་པར་འགྱུར། །ཞི་བ་དག་ལ་གང་གསུང་པ། །རྒྱས་པ་དག་ལ་སྦྱར་བར་བྱ། །འཁོར་ལོའི་གནས་ཀྱི་
མཆོག་རིམ་པར། །བཅུ་གཉིས་པ་ལ་གནས་ནས་སུ། །དེའི་ས་བོན་བསྐུལ་བར་བྱས། །བདག་གིས་མཐུལ་རྩལ་གནོད་བརྟགས་པས། །ས་བོན་ཟུང་མ་སྦྱོར་བ་ཡིས། །ས་བོན་མཐུ་ནི་འབར་བ་ཅན། །འཁོར་ལོ་བཀོད་པས་ལས་

98-1-49a

རྣམས་ནི། །སྔོན་གསུངས་པ་དག་གྲུབ་པར་བྱ། །དེ་ལྟར་ཁྲོ་བོའི་འཁོར་ལོ་ནི། །ཆོ་གར་བཅས་པ་རྒྱས་པ་དག །གསང་བ་བསྐུལ་མར་བཅས་པ་ཡི། །སྦྱོར་བ་མ་ལུས་བཤད་པ་ཡིན། །ས་བོན་ཟུང་མས་བསྐུལ་བ་གང་། །གཉིས་པ་
རབ་ཏུ་གྲགས་པ་ཡིན། །དེ་འདིར་ས་བོན་གཉིས་པ་ཡིན། །མྱུར་དུ་གྲུབ་པར་འགྱུར་བར་བཤད། །ཐ་མའི་ས་བོན་ཐཾད་ལ། །ཕུལ་བའི་ཚྀག་གཉིས་རྟག་ཏུ་སྦྱར། །ཟུང་མའི་ཟུང་མའི་ཚིག་འདི་ལ། །ཡ་མཐའ་དག་དང་མ་མཐའ་རུའོ། །
འཁོར་ལོ་བཀོད་པ་བསྟན་པ་འདི། །ཇི་ལྟར་རིམ་པར་ཤེས་ན་ནི། །སྦྱིན་སྲེག་བཟླས་བརྗོད་མ་བྱས་ཀྱང་། །ཁྲོ་བོའྀ་རྒྱལ་པོའི་དངོས་གྲུབ་འཐོབ། །ཁྲོ་བོའྀ་འཁོར་ལོ་གསང་བ་ནི། །འདི་མི་ཤེས་པར་གང་སྦྱོར་བ། །དེ་འདི་དངོས་གྲུབ་མི་འཐོབ་
ཀྱིས། །མྱུར་ཏུ་སྨྱོ་བ་ཐོབ་པར་འགྱུར། །མ་མེ་མ་མཱི་མུ་མཱུ་ཡི། །ཡི་གེ་དྲུག་པོ་རྣམས་ཀྱིས་ནི། །དབང་དང་འཁོན་དང་གསད་པ་དང་། །བསྐྲད་དང་ཞི་དང་རྒྱས་པའི་མཐར། །མཁས་པ་དག་གིས་བསྒྲུབ་པར་བྱ། །དེ་དག་ཉིད་ལ་བཟླས་པ་ཡིས། །
དེ་བཞིན་དུ་ནི་བསྐུལ་བར་བྱ། །ཇི་སྐད་གསུངས་པ་འདི་རྣམས་ནི། །མ་གྲུབ་ན་སྟེ་གཞན་དུ་མེད། །མུ་མུ་མི་མ་མཱ་མི་ནི། །མ་ནི་རྒྱས་མཐར་དེ་བཞིན་དུ། །འཁོར་ལོའི་རྩིབས་ཀྱི་གནས་རྣཾས་ནི། །དེ་དང་དེ་དག་གཉིས་སུ་སྦྱར། །དེ་བཞིན་
འཁོར་ལོའྀ་ནང་དུ་ཡང་། །ཁྲོ་བོ་སྐུ་མཆོག་ས་བོན་ཡང་། །གཞག་ནས་ཚིག་གིས་མཐའ་མར་ཡང་། །ཁྲོ་བོའི་དྲིལ་བུ་དཀྲོལ་བ་དགོད། །འཁོར་ལོའི་མུ་རན་ནང་དག་ཏུ། །ཟུང་ཤིག་པའི་ཚིག་གཉིས་བརྗོད། །མཁས་པས་འཁོར་ལོའི་མིག་གི་
ནང་། །ས་བོན་བཀོད་པ་རྣམ་ལ་གནས། །ཁྲོ་བོའི་འཁོར་ལོ་བསྒྲགས་པ་ནི། །ཤེས་ན་ཇི་སྐད་བཤད་པའི། །དངོས་གྲུབ་རྣམས་ནི་ཐོབ་པར་འགྱུར། །དངོས་གྲུབ་ཚུལ་བཞིན་ཐོབ་འགྱུར་བ། །དེའི་སྦྱོར་བ་བཤད་པར་བྱ། །ཐོག་མར་ཕྱག་རྒྱ་ཅིང་ནས་སུ། །སྐུ་ནས་སྐུ་ནི་སྐུར་སྐྱུར་ཏེ། །
ལས་རྣཾས་ཚུལ་བཞིན་མཐོང་བ་ཡིས། །སྦྱོར་བ་དག་ནི་ལེགས་པར་བྱ། །གདོང་དང་ཁ་མིག་རྐང་པ་མཉམ། །རབ་ཏུ་དང་ཞིང་ཞི་བའི་སེམས། །སྙིང་ཡང་དེ་བཞིན་རབ་ཏུ་དགའ། །དབང་ཏུ་བྱ་བའི་སྔགས་གསུངས་པ། །ཤིན་དུ་མཉམ་པར་

98-1-49b

བཞག་པས་བསྒྲུབ། །རྐང་པ་ཡ་གཅིག་ཐུང་ངུ་བཞག །གདོང་དང་ནུ་མཇིང་གཅུས་ཏེ་གནོན། །ཁ་དང་མིག་ནི་ཡ་གཅིག་འཛུམས། །ཚམ་ངམ་གནོན་པ་ཆེན་པོ་བྱས། །བེ་ཅོན་ལ་ནི་མིག་གིས་བལྟ། །བསྒྲུབ་པར་བྱ་བ་སྒྲུབ་ལ་འབད། །
གང་དག་དབྱེ་བར་འདོད་པ་ཡིས། །དེ་དག་དབྱེ་བ་བརྩམ་པར་བྱ། །རྐང་པ་གཉིས་པ་བཏེག་པ་ཡིས། །མཚམ་ངམ་བྱ་བ་སླར་ལ་གཞག །བཞིན་བསྙེར་ཕྱག་རྒྱ་བཅིངས་ནས་སུ། །ཁྲོ་བོར་བལྟ་ཞིང་ཡིད་ཀྱང་ཁྲོས། །རབ་ཏུ་དཔའ་
བ་སྲན་དང་བཅས། །རྩལ་གྱིས་གནོན་པར་རབ་ཏུ་འདུད། །སྔགས་པ་སྔོན་བཞིན་སྔགས་ཚུལ་གནས། །གང་འདོད་པ་ནི་གཞོམ་པར་བྱ། །དེ་ལ་རྐང་པ་ཡ་གཅིག་ཀྱང་། །དྲག་ཤུལ་ཅན་དུ་བརྐྱང་སྟེ་གཞག །བཟུར་ཏེ་འདུག་པའི་
ཚུལ་ཏུ་གནས། །གདོང་ཡང་ཡོན་པོར་བསྙེར་བར་བྱ། །མཛུབ་མོ་བསྒྲེང་སྟེ་གདེངས་པ་དང་། །བེ་ཅོན་ཕྱག་རྒྱ་དག་གིས་བསྡིགས། །དགྲ་དག་བསྐྲད་པར་འདོད་ན་ནི། །མྱུར་ཏུ་བསྐྲད་པར་བྱ་བར་འགྱུར། །དེ་ནས་རྐང་པ་མཉམ་པར་
གཞག །ལག་པ་གཡས་པ་མཐོ་བར་བྱ། །དཔའ་དང་ལྡན་པས་གཡོན་པ་སྨད། །ཞི་བར་འདོད་ན་ཞི་བར་འགྱུར། །ཕྱེད་ནི་དམའ་བར་བཀུག་སྟེ་གནས། །རྐང་པ་གཡས་པས་ཚམ་ངམ་བྱེད། །སྔགས་ཚུལ་གནས་པས་བསྒྲིམས་
ན་ནི། །རྒྱས་པར་འདོད་ནས་ཐོབ་པར་འགྱུར། །སླར་ཡང་དེ་བཞིན་ཤེས་བྱ་བ། །བཟློག་སྟེ་བྱ་བ་གཞན་ཏུ་མེད། །གྲུབ་པ་བདག་ཉིད་ཆེན་པོ་ཡི། །ཚམ་ངམ་རིམ་པ་དྲུག་གསུངས་པ། །དང་པོའི་མིང་ནི་ལོགས་པར་ཕྱོགས། །དེ་ཡི་འོག་
མ་རྒྱབ་ཀྱི་ཕྱོགས། །དེ་བཞིན་ཚམ་ངམ་གསུཾ་པོ་ནྀ། །ཁྲོ་བོ་ཆེ་ཞེས་སྒྲག་པ་ཡིན། །བཞི་པ་མཛུབ་མོ་བསྒྲེང་བ་ཡིས། །ལྔ་པ་ལ་ནི་སྟོབས་ཞེས་བྱ། །དྲུག་པ་སྟོབས་པོ་ཆེ་ཞེས་བྱ། །འདི་རྣམས་ཚམ་ངམ་དྲུག་ཏུ་བསྒྲགས། །ཚམ་ངམ་
གདངས་པ་བྱས་པ་ཡིས། །དགྲ་ཡི་འཁོར་རྣམས་གཡེན་སྤྱོ་བ། །འཁོར་ལོའི་མཆོག་ལ་གོམས་བྱེད་པས། །གྲག་པ་ཆེན་པོ་ཐོབ་པར་འགྱུར། །ཁྲོ་བོ་ཆེན་པོས་གསུང་པའི། །རབ་གསུངས་པའི་རྒྱུད་འདི་དཀོན། །ཁྲོ་བོ་རྣཾས་པར་

98-1-50a

རྒྱལ་བ་འདི། །དེ་བས་ཡང་ནི་ཤིན་དུ་དཀོན། །གསང་བའི་རྟོག་པ་བཟང་པོ་འདི། །ཀུན་དུ་དངོས་གྲུབ་ཀུན་སྦྱིན་པར། །གསང་བས་རྟོགས་པ་དེ་བས་ཀྱང་། །འཁོར་ལོ་འདི་ནི་ཤིན་དུ་དཀོན། །ཧོམ་དང་བཟླས་པ་ཡོངས་མི་དགོས། །
སྔོན་དུ་བསྙེན་པ་བྱ་མི་དགོས། །ཁྲོ་བོའྀ་རྒྱལ་པོའི་བརྟུལ་ཞུགས་དང་། །དཀའ་ཐུབ་དྲག་པོའང་བྱ་མི་དགོས། །བསམ་གཏན་སྦྱོར་བའང་མི་དགོས་ཏེ། །གང་ལ་འཁོར་ལོ་འབའ་ཞིག་ཡོད། །གང་གསུང་པའི་དངོས་གྲུབ་ནས། །དེ་མ་ཐག་
ཏུ་དངོས་གྲུབ་ཐོབ། །དེ་བས་འདི་ནི་གསང་བྱས་ནས། །ཐམས་ཅད་བསྒྲུབ་པའི་བསྒྲུབ་པ་པོ། །བདག་གིས་དོན་མཆོག་གང་འདོད་པ། །ཤིན་དུ་ལེགས་པར་བསྒྲུབ་བར་བྱ། །ཁྲོ་བོ་རྣམ་པར་རྒྱལ་བ་འཇཾ་དཔལ་གྱི་རྩ་བའི་རྟོག་པ་ལས་
གསང་བའི་རྟོག་པར་གཏོགས་པ་སྟེ་གཉིས་པའོ།། །།  ཁྲོ་བོའི་རྒྱལ་པོའྀ་དངོས་གྲུབ་ནྀ། །སྣ་ཚོགས་ཐོགས་མེད་ཐ་དད་པ། །སྔགས་པ་འདོད་ན་ཆོ་ག་མཆོག །དང་པོར་བྱེད་ན་དངོས་གྲུབ་འཐོབ། །རབ་ཏུ་གསང་བའི་སྔགས་འདི་ནི། །རེ་ཤིག་
འདི་ཡི་མཚན་ཉིད་ནི། །གཞན་དག་འདིར་ནི་བཤད་པར་བྱ། །དེའི་ལས་ནི་གང་གསུངས་པ། །གང་དག་ཕྱིས་ཀྱང་གྲུབ་འགྱུར་བ། །དཔའ་བོ་ཅིག་པུ་འབའ་ཞིགི། ཐམས་ཅད་ཉིད་དེ་གང་གསུངས་པ། །ཐཾད་དེ་ནི་བཤད་པར་བྱའོ། །སྔགས་དེ་ལས་རྣཾས་
ཀུན་བྱས་པས། །རྒྱུད་ལ་དངོས་གྲུབ་གང་གསུངས་པ། །དཔའ་བོ་གཅིག་པུའི་མཐུས་ཀྱང་འགྲུབ། །ཨོཾ་ནི་དེ་ཡི་ཐོག་མ་སྟེ། །བདེ་བར་གཤེགས་པའི་དམ་ཚིག་ཡིན། །ཐོག་མ་དང་ནི་གཉིས་པ་ཡང་། །དྲག་པོའི་རྩེག་གིས་ཕུལ་བའི་ལུགས། །
ཀླད་ཀྱི་འཁོར་གྱིས་མནན་པའི་རིགས། །སྔགས་ཀྱི་ཡི་གེ་ཕྲེང་བཀོད་ལ། །སྔགས་རྣམས་ཐཾད་གསལ་བྱེད་པ། །ཁྲོ་བོའྀ་རྒྱལ་པོའྀ་སྙིང་པོ་ནི། །གསུམ་པོ་དེ་ནས་སྦྱར་བར་བྱ། །དེ་ནས་ཁྲོ་བོའི་རྒྱལ་པོའི། །སྐུ་ནི་དེ་ཡི་འོག་ཏུ་བསྟན། །སྔགས་
པས་སྔགས་རྣམས་ཀུན་གྱིས་མཚན། །དེ་དག་རྟག་ཏུ་རིག་པར་བྱ། །ཐོག་པ་མེད་པའི་སྔགས་རྣམས་ནི། །བདག་ཉིད་ཆེན་པོའི་ཐཾད་ཀྱིས། །བསྲུང་ལ་སོགས་པའི་ལས་རྣམས་ཀུན། །གོ་རིམ་བཤད་པ་བཞིན་དུ་བྱ། །ཐཾད་བདག་ཉིད་

98-1-50b

ཆེན་པོ་འདིས། །བསྲུང་བ་དག་གི་བྱས་ནས་སུ། །སྔོན་ཀྱི་ཚུལ་བཞིན་རབ་དབེན་པ། །སྐུ་གཟུགས་དོན་མཆོག་གཞན་ནས་ནི། །ཆོ་ག་ཇི་སྐད་སྔར་གསུངས་པ། །ཆོ་ག་བཞིན་དུ་མཆོད་པ་བྱ། །ཉིན་རེ་མེ་ཏོག་ཕྲེང་བ་ལ། །ལན་བདུན་
བཟླས་པ་རྣམས་ཀྱི་མཆོད། །མཆོད་ནས་ཀ་ར་བཱི་ར་ཡི། །མེ་ཏོག་དམར་པོ་ཁ་འབུས་པའི། །བརྒྱ་ནི་རྩ་བརྒྱ་གྲངས་རྣམས་ཀྱིས། །བུ་དོན་ལ་ནི་ཕོགས་པར་དབུལ། །ཆོ་ག་འདི་ནི་དུས་གསུམ་དུ། །ཟླ་བ་གཅིག་ཏུ་བྱས་ན་ནི། །ཁྲོ་བོ་མངོན་
སུམ་ཉེ་གྱུར་ནས། །རྨི་ལམ་དུ་ནི་དངོས་གྲུབ་སྟེར། །ཆོ་ག་འདི་ལྟར་སྔར་བྱས་ན། །གང་འདོད་པའི་དགོས་པ་དག །དེ་ཚེ་གདོན་མི་ཟ་བར་འགྲུབ། །དེ་ཡི་ཆོ་ག་མཆོག་བཤད་པ། །དེ་ལྟར་ཟླ་ཅིག་བསྙེན་བྱས་ན། །མི་ཡི་ལས་རྣཾས་གང་བྱ་བ། །
དེའི་ཆོ་ག་མདོར་བསྡུས་ནས། །ད་ནི་ལེགས་པར་བཤད་པར་བྱ། །དེ་ནས་དང་འགྲོ་དང་སྦྱར་བའི། །དུག་ནི་རྣམ་པ་གསུམ་དག་དང་། །གདོན་དང་འབྱུང་པོའི་གདོན་རྣམས་དང་། །ལྟོ་འཕྱེ་སྲིན་པོར་བཅས་པ་འཇིག །བདག་གིས་བྱཾས་
པའི་ཕྱག་རྒྱའི་སྔགས། །སྦྱོར་བ་ལན་གཅིག་བདག་གིས་བསྲུང་། །ཡིད་ལ་བསམ་པ་ཙམ་གྱིས་ཀྱང་། །གཞན་དག་གིས་ཀྱང་མཆོད་པར་བྱེད། །བཞི་པའི་རིམས་ལ་སོགས་དེ་ཡང་། །ཐོས་པས་མྱུར་དུ་མེད་པར་བྱེད། །མ་དང་
བྱིས་པའི་གདོན་རྣམས་ལ། །ཐལ་བ་འམ་ཡང་ན་སས་ཀྱང་རུང་། །བདག་ཉིད་དག་པར་བསམ་ནས་ནི། །བདག་དགར་ཕབ་ནས་དགོས་པའི་དོན། །གང་དང་གང་དག་འདོད་པར་ནི། །བསྒོམ་པས་དེ་དང་དེ་དག་བྱེད། །ཡིད་ལ་བསཾས་
པས་དེ་དག་ཐར། །རྡོ་ལ་ལན་གསུཾ་བཟླས་པ་ཡི། །ཆུ་སྲིན་ཀུམ་བི་ར་ལ་སོགས། །མཆེ་བ་ཅན་དག་ཕྱོགས་མེད་པར། །ཆུ་གསལ་བ་ཡི་མཆོག་ཏུ་འབྱུང་། །འགྲོ་ཚེ་ཡིད་ལ་བཟླས་ན་ནི། །ལཾ་ན་རྐུན་པོ་འཇིགས་པ་མེད། །སེང་གེ་སྟག་
དང་དགྲ་རྣཾས་དང་། །ནད་ཀྱི་འཇིགས་པ་མེད་པར་འགྱུར། །རྒྱལ་པོའི་དྲུང་དུ་འགྲོ་ན་ཡང་། །སྔགས་ཀྱིས་སྤྱི་གཙུག་བཅིངས་ན་ནི། །རྒྱལ་པོ་ཁྲོས་པ་མྱུར་རབ་ཏུ། །བརྐྱང་ནས་ཐལ་མོས་སྦྱོར་བར་བྱེད། །ཤགས་འགྱེད་པ་དང་རྒྱན་པོ་དང་། །མཚོན་དང་མེ་ཡིས་

98-1-51a

འཇིགས་པ་ལ། །ཡིད་ལ་དྲན་ཞིང་བཟླས་བྱས་ན། །མི་བདེ་ཀུན་ལས་ཐར་བར་འགྱུར། །འཚེ་བ་ཐམས་ཅད་ཞི་བའི་ཕྱིར། །མི་བདེ་ཉམས་ཐག་གྱུར་པ་ལ། །སྔགས་འདི་མྱུར་དྲན་བརྗོད་བྱས་ན། །སྤྲིན་དག་
མནན་པར་བྱ་བ་དང་། །འདོད་བཞིན་མྱུར་དུ་སླར་ཡང་བཟློག །གནམ་ལྕགས་སེར་བ་འབབ་པ་ཡང་། །དབྱུག་པའི་ཕྱག་རྒྱས་ཞི་བར་བྱེད། །ཕྱག་རྒྱ་བཅིང་པ་དེ་ཉིད་ཀྱིས། །ཡིད་ཀྱིས་སྤྲིན་རྣམས་
དབབ་པར་བྱ། །དེ་ལྟར་ཕྱག་རྒྱས་བསྡིགས་ནས་ནི། །སྨིན་མཚམས་དག་ཀྱང་བསྒྱུར་བར་བྱ། །རྣཾས་པ་དེ་དག་ཉིད་ཀྱིས་ནི། །གནམ་ལྕགས་སེར་བ་གཅད་པར་བྱ། །སྦྱོར་བ་མཁས་པས་ཅི་འདོད་
པ། །ཆར་པ་དག་ཀྱང་གཅད་པར་བྱ། །གོས་ནི་སྔོན་པོ་བགོས་ན་ནི། །ཁོ་ར་ཁོར་ཡུག་བསྲུང་བྱས་ནས། །མིད་པ་ནུབ་པར་ཆུར་ཞུགས་ཏེ། །ཉིན་གསུམ་ལེགས་པར་བཟླས་བྱས་ན། །རྒྱ་བྱིན་གྱིས་ནི་
སྤྲིན་བསྡུས་ནས། །འདོད་པ་བཞིན་དུ་ཆར་པ་འབེབས། །དེ་ནས་སྤྲིན་ཆེན་ལས་བྱུང་བ། །ཆར་པས་ས་སྟེང་ཁྱབ་པར་འགྱུར། །ཉི་མ་ལ་ནི་མངོན་ཕྱོགས་ནས། །ཉིན་རེ་རྟག་ཏུ་བཟླས་བྱས་ན། །བདག་དང་དེ་བཞིན་
གཞན་རྣམ་ཀྱིས། །ནད་རྣཾས་དེ་ནས་མེད་པར་འགྱུར། །རྒྱལ་པོ་དབང་དུ་བྱ་ཡང་རུང་། །ཡུངས་ཀར་དཀར་པོ་བཟང་པོ་ལས། །གཟུགས་བརྙན་ལེགས་པར་བྱས་ནས་སུ། །དེ་ཡི་གཟུགས་ཀྱི་སྟེང་འདུག་
ལ། །གང་གིས་མིང་སྨོས་ཉིན་བདུན་དུ། །བཟླས་བརྗོད་ལེགས་པར་བྱས་ན་ནི། །དེ་ནི་མྱུར་དུ་ཆོ་ག་འདིས། །བྲན་བཞིན་དུ་ནི་དབང་དུ་འགྱུར། །ཞག་གཅིག་བསྨྱུང་བ་བྱས་པ་ཡིས། །དམངས་རིགས་དག་ནི་དབང་
དུ་འགྱུར། །ཞག་གཉིས་བསྨྱུང་བ་དེ་བཞིན་དུ། །བཟླས་ན་རྗེའུ་རིགས་འདོད་པ་བཞིན། །ཞག་གསུམ་བྱས་བས་རྒྱལ་རིགས་ཏེ། །ཞག་བཞི་དག་གིས་བྲམ་ཟེ་དག །བཟླས་པའི་ཆོ་ག་བཞིན་བྱས་ན། །འདོད་

98-1-51b

བཞིན་དུ་དབང་དུ་འགྱུར། །འབྲུ་དང་ཕུབ་མ་ཐཾད་ལས། །བུ་དང་བུ་མོ་གང་ཡང་རུང་། །དེ་བཞིན་གཟུགས་བརྙན་བྱས་ན་ནི། །དམངས་རིགས་ལ་ནི་མཚན་གཅིག་གིས། །རབ་ཏུ་སྔང་བ་བྱ་བར་འགྱུར། །རྗེའུ་རིགས་ལ་ནི་ཞག་
གཉིས་ཀྱིས། །དེ་སྟེང་ཙོག་བུར་འདུག་ནས་ནི། །དེ་བཞིན་མཛའ་དང་བྲལ་བར་བྱེད། །ཉིན་ཞག་གསུམ་དང་བཞི་དག་གིས། །རྒྱལ་རིགས་དང་ནི་བྲམ་ཟེའོ། །ཇི་ལྟར་ཇི་སྐད་གསུངས་པ་ཡི། །ལས་ཀྱི་བྱ་ཡི་གཞན་
གྱིས་མིན། །གང་ཡང་རུང་བའི་གཟུགས་བརྙན་ནི། །དུར་ཁྲོད་སོལ་བས་ལེགས་པ་རུ། །སྔ་མ་བཞིན་དུ་ལེགས་པར་བྲི། །དེ་ནས་སེང་ལྡེང་ཕུར་བུ་ལ། །སྔགས་ཀྱིས་སྟོང་དུ་བཟླས་བྱས་ན། །དེའི་འོག་ཏུ་ལུས་ལ་གདབ། །
དགྲ་བོ་དེ་ཡི་མིང་སྨོས་ནས། །དེ་ལ་ཁྲོས་པར་བྱས་ནས་སུ། །དེ་ནས་དེའི་སྙིང་ཁར་འདུག །ཕུར་བུ་བཏབ་སྟེ་བཟླས་བྱ་བ། །དེ་ཉིད་ལག་པས་བཟུང་ནས་སུ། །དུག་གསུམ་ཉི་མ་གསུམ་བྱས་ན། །དགྲ་བོ་གང་དུ་
བཏབ་པ་དེར། །གཟེར་ཐབས་དྲག་པོས་བཏབ་ནས་སུ། །འགུལ་མི་ཕོད་པར་ས་ལ་ལྟུང་། །ཞག་བདུན་ལོན་ནས་འཆི་བར་འགྱུར། །མ་མོའི་གནས་སུ་སོང་ནས་སུ། །ལག་པས་བེ་ཅོན་ཕྱག་རྒྱ་བཅིང་། །ལག་པ་གཡོན་
པའི་མཛུབ་མོ་ཡིས། །བསྡིག་ཤིང་ཉི་མ་ནུབ་ནས་སུ། །ཁྲོས་ཤིང་དགྲ་ཡི་མིང་སྨོས་བཟླས། །དེ་ནས་དགྲ་བོ་མོ་གདོན་གྱིས། །ཟིན་ནས་སྤྱོད་པ་སྣ་ཚོགས་པས། །འཆི་བར་གྱུར་པ་དག་ནི་བྱེད། །དེ་ནས་བསྒྲུབ་
པོས་ཞི་བ་ཡིས། །ཆོ་གས་དེ་ལས་ཞི་བར་བྱ། །མ་མོ་རྣམས་ཀྱིས་མདུན་འདུག་ནས། །ཞི་བའི་ཆོ་ག་མཁས་པ་ཡིས། །དབང་པོ་བསྡམས་ཤིང་ཡིད་བདེ་བས། །ཉིན་ཞག་གསུམ་དུ་བཟླས་བྱས་ནས། །དེ་ནས་
དེ་ལ་ལས་དེ་ཡི། །ཞི་བར་འགྱུར་བ་གདོན་མི་ཟ། །ཉི་མ་ལ་ནི་མངོན་ཕྱོགས་ནས། །ལགས་པས་དགྲ་བོའི་མགོ་བྱུག་ཅིང་། །དགྲ་ཡི་མིང་སྨོས་མནན་ནས་སུ། །ཉི་མ་ནུབ་དུ་བཟླས་བྱས་ན། །དེ་ཡི་ཀླད་

98-1-52a

པ་ན་འགྱུར་བ། །ཚབས་ཆེན་ཤི་ལ་ཐུག་པར་འགྱུར། །དེ་ནས་ཐལ་མོ་སྦྱར་ནས་སུ། །ཉིན་པར་ཟློས་ཤིང་ཞི་བར་བྱ། །ས་སྟེང་རྐང་པ་གཅིག་གི་འདུག །ཉིན་པར་ལག་པ་གྱེན་དུ་བརྐྱང་། །མི་དགའ་ཁྲོས་ཤིང་བཟླས་བྱས་པ། །དགྲའི་མིང་སྨོས་ཅི་
འདོད་པར། །ཉི་མ་ནུབ་ཀར་དེ་ནས་དགྲ། །མི་དགའ་བ་དང་མྱོས་འགྱུར་ཏེ། །གཉེན་དང་མཛའ་བོ་རྣམས་བོར་ཏེ། །དེ་ནས་བཞན་གྱི་གནས་སུ་འགྲོ། །དེ་ལ་འདིར་ནི་ཞི་བ་འམ། །འོན་ཏེ་རྒྱས་པར་བྱ་འདོད་ན། །གཙང་སྦྲ་བྱས་ཏེ་གོས་དཀར་བགོས། །
བདེ་ཞིང་བརྟན་པར་མ་གཡོས་པར། །མཆོད་པ་བཟང་པོ་བྱས་ནས་སུ། །དེ་བཞིན་གཤེགས་ལ་ཕྱག་འཚལ་ནས། །འོ་མ་བཏུང་ཞིང་བཟླས་བྱས་པ། །ཞི་བར་འགྱུར་གྱིས་བར་དུའོ། །དེ་ལྟར་འདི་ནི་སྣ་ཚོགས་པ། །སྦྱོར་བཅས་རྒྱས་པར་བཤད་
པ་ཡིན། །རྟོག་པའི་ཆོ་ག་བཞིན་དུ་ནི། །མ་གསུང་པ་ཡང་ལེག་པར་བསྒྲུབ། །ཁྲོ་བོ་རྣམ་པར་རྒྱལ་བ་འཇམ་དཔལ་གྱིས་རྩ་བའི་རྟོགས་པ་གསང་བའི་རྟོག་པར་གཏོགས་པ་སྟེ་གསུམ་པའོ།། །། དེ་ནས་གཞན་ཡང་བཟང་པོ་འདི། །
ཧེ་ལའི་དཀྱིལ་འཁོར་རྒྱས་པ་ནི། །དེ་ལས་བཟང་པོ་གཞན་མེད་པ། །ཇི་ལྟར་རིགས་པ་བཤད་པར་བྱ། །དང་པོར་ཧེ་ཞེས་གང་གསུངས་པ། །བསྐུལ་བའི་ས་བོན་ཐཾད་པའོ། །དེ་ནི་ལེན་དང་འཛིན་པ་སྟེ། །ལས་ལ་མྱུར་དུ་བསྐུལ་བའོ། །
དེ་བས་ཐོག་མར་བསྐུལ་བ་དང་། །དོན་བཞིན་དུ་ནི་བཟུང་བ་ལ། །ཁྲོ་བོ་ཡི་ནྀ་རྒྱལ་པོ་ཡི། །ཧེ་ལའི་འཁོར་ལོ་རིམ་བཞིན་བསྟན། །ཧེ་ཧེ་ཧ་ཧ་ཧི་ཧི་ཧི། །ཧྀ་ཧ་ཧ་ཧེ་ཧེ། གཉིས་སྦྱར་བ། །ཁྲོ་ཆེན་ཚིག་གི་ཐོག་མར་སྦྱར། །ཟུང་ཤིག་པའི་ཚིག་གཉིས་པའོ། །ཟུང་དྲུག་
འཁོར་ལོའི་ཐ་མར་དགོད། །མུ་རན་རྩིབས་ཀྱི་མིག་རྣམས་སུ། །སྔགས་ལས་འབྱུང་བའི་རེ་རེའོ། །དོན་རྣམས་ཐཾད་བསྒྲུབ་པར་འགྱུར། །བཅུ་གཉིས་དག་ཏུ་གསུངས་པའི་སྔགས། །གནས་སུ་ཇི་ལྟར་བཀོད་པ་དང་། །ཇི་ལྟར་སྨོས་ཤིང་གང་གནས་པ། །
སོ་སོའི་ལས་ལ་སྦྱར་བར་བྱ། །དེ་ནས་འདི་དག་བཀོད་པ་དེ། །སྔགས་རྣམས་བསྟུ་བ་ཚུལ་བཞིན་བཤད། །དེའི་ནང་མུ་རན་གསུམ་པོ་དང་། །དབུས་གྱི་མུ་རན་བཟང་པོར་ལྡན། །མཐའ་ཡི་མུ་རན་དྲུག་པོ་དང་། །རྩེབས་ཀྱི་ཟུར་དྲུག་རབ་

98-1-52b

བཟང་བ། །རབ་དབེན་འདུ་འཛི་མེད་པའི་སར། །ཆོ་ག་བཞིན་དུ་ལེགས་བྲིས་ནས། །དེའི་གནས་སུ་སྦྱར་བ་དང་། །དེའི་གོ་རིམ་བཞིན་དུ་སྦྱར། །དེ་ཡི་ཚམ་ངམ་གསལ་བ་ཡི། །སྔགས་རྣམས་འདི་ནི་བསྡུ་བར་བྱ། །དབུས་སུ་དེ་བཞིན་གཤྱེ་
པའི། །སྙིང་པོ་མཚན་ནི་བརྗོད་པའི་མཆོག །བཞག་ནས་དེའི་གནས་དག་ལ། །སྔགས་ནི་གྲུབ་པར་བྱེད་པ་བཞག །མུ་རན་གཉིས་ལ་གནས་ནས་སུ། །ཁྲོ་བོའི་སྙིང་པོ་གཞག་པར་བྱ། །དེ་ནི་ཁྲོ་བོའྀ་ཞབས་ཀྱིས་མནན། །དྲིལ་བུ་
དཀྲོལ་བའི་སྒྲ་ཡང་བསྒྲགས། །ཁྲོ་བོ་ཞབས་ཀྱིས་བཅགས་བྱས་པ། །རྩིབས་རྣམས་ཁྲོ་བོ་མཐུ་དང་ལྡན། །དབུས་སུ་སྙིང་པོ་དག་པར་ལྡན། །རབ་ཏུ་འབར་ཞིང་ངེས་བྱས་པ། །མུ་རན་གསུམ་གྱིས་བར་དུ་སྟེ། །ཐཾད་དོན་རྣཾས་ཀུན་གྲུབ་
པའོ། །ཧེ་ཧེ་ཧ་ཧ་ཧི་ཧི་ཧི།  ཧི་ཧ་ཧ་ཧེ་ཧེ། གཉིས་སུ་སྦྱར། །ཁྲོ་བོ་ཆེན་པོའྀ་ཚིག་དབུས་ནས། །ས་བོན་བཟུང་བའི་ཕྱི་རོལ་གཞག །ཐོག་མར་བསྐུལ་བའི་ཚིག་རྣམས་དགོད། །ཁྲོ་བོ་དུ་མས་བསྐུལ་བ་སྟེ། །ཐཾད་ཀུན་དུ་དོན་རྣཾས་ཀུན། །གྲུབ་
པའི་ཕྱིར་ནི་དེ་ལ་གནས། །དེ་ལྟར་འཁོར་ལོ་བྱས་པ་ཡི། །ཕྱི་ནས་བདུད་རྩི་འཁྱིལ་པ་བཞག །བསྐུལ་བའི་ཚིག་རྣམས་བཀོད་པའི་མཐར། །ཁྲོ་བོ་གཞན་རྣམས་བཀོད་པར་བྱ། །དེ་ནས་གཞན་ཡང་རིམ་བཞིན་དུ། །ཁྲོ་བོ་ཆེན་པོ་
དགོད་པའི་ཕྱིར། །སྐུལ་བར་བྱེད་པ་བཅུ་གཉིས་བོ། །འདི་དག་ཚུལ་བཞིན་བཤད་པར་བྱ། །དང་པོར་ཁྲོ་བོ་རྒྱལ་པོས་གསུངས། །འབར་བའི་ཕྲེང་བ་ཆེ་ཞེས་བྱ། །རྡོ་རྗེ་མེའི་རྒྱལ་པོར་བཞག །རབ་ཏུ་དྲག་པོའི་ཤུགས་གཞག་གོ། རབ་
ཏུ་དྲག་ཤུལ་སྟོབས་པོ་ཆེ། །རྒྱ་ཆེན་ཁྲོ་བོ་ལྔ་པ་ཡིན། །དྲུག་པ་གཞན་གྱི་མི་ཐུབ་པ། །འཇིགས་པར་བྱེད་པ་ཞེས་བྱ་བ། །ཁྲོ་བོ་བདུན་པར་བྱེད་པ་ཡིན། །ཟུར་དུ་ཁྲོ་བོ་བརྒྱད་པོ་གྲགས། །ཕོངས་པ་སྒྲོལ་བ་དེ་བཞིན་དགུ། །རབ་ཏུ་འཇོམ་
པ་བཅུ་པ་ཡིན། །དེ་བཞིན་ཀཱི་ལི་ཀཱི་ལི་བཞག །ཀཱི་ལི་ཀཱི་ལི་ཆེན་པོ་དང་། །བཅུ་གཉིས་སུ་ནི་གསུངས་པ་ཡིན། །ཁྲོ་བོ་རབ་ཏུ་སྣང་བྱེད་པ། །བཅུ་གཉིས་བགྲངས་པ་འདི་དག་ནི། །ཁྲོ་བོའི་རྒྱལ་པོས་ཀུན་ཏུ་གནན། །ཐཾད་རིམ་པ་བཞིན་

98-1-53a

དུ་གསུངས། །འཁོར་ལོའི་ཕྱི་རོལ་གནས་པ་འཁོད། །འབར་ཞིང་དྲག་པོའི་མཐུ་དང་ལྡན། །ཐཾད་བསྟན་ནས་འཁོད་པ་ནི། །ཁྲོ་བོ་ཆེན་པོ་སྣང་བྱེད་པ། །མཐུ་རྩལ་ཆེན་པོ་སྟོབསུ་ལྡན། །ཀུན་ཀྱང་བདུད་རྩི་འཁྱིལ་པའོ། །ས་བོན་སྔ་མ་
མཐའ་ཡས་རྣམས། །གུག་སྐྱེད་དྲུག་དང་ལྡན་པར་བྱ། །སྟེང་དུ་ཀླད་ཀྱི་འཁོར་གྱིས་མཚན། །ས་བོན་བདུད་རྩི་འཁྱིལ་པའོ། །དང་པོ་དཀྱིལ་འཁོར་ན་གནས་གཅིག །ཚེག་དང་བཅས་པའི་དོན་ཀུན་འགྲུབ། །རབ་དུ་འབར་བའི་སྔགས་
ཀྱིས་མཐར། །འབར་བའི་ཕྲེང་བ་ཅན་གྱིས་བསྒྲགས། །ས་བོན་གཉིས་པ་གང་ཡིན་པ། །ཚིག་དང་བཅས་པར་དེ་བཞིན་གནས། །རྡོ་རྗེ་མེ་རྒྱལ་ཞེས་བྱས་པ། །ཁྲོ་བོ་དོན་ཀུན་འགྲུབ་བྱེད་པའོ། །དང་པོའི་ས་བོན་གསུངས་པ་ཡང་། །སྔ་མ་བཞིན་
དུ་ཚེག་དང་བཅས། །རབ་ཏུ་ཤུག་དྲག་ཆེར་གྲགས་པ། །ཁྲོ་བོ་རྒྱལ་པོ་ཁྲོ་བོར་སྣང་། །སྣང་བྱེད་ཁྲོ་བོའྀ་རིམ་པ་ལས། །ཚིག་དྲག་དེ་བཞིན་ཁྲོ་བོ་ཆེ། །དེ་ནི་སྟོབ་པོ་ཆེ་ཞེས་གསུངས། །གཉིས་པར་འཁོར་ལོ་ཚིག་མཐའ་ཅན། །གང་གསུངས་ཁྲོ་བོ་རྒྱ་
ཆེན་ནི། །དེ་ནི་སྙིང་པོ་གྲག་པ་ཡང་། །མི་ཐུབ་གཙོ་བོའི་ཚིག་དང་བཅས། །དེའི་གསུམ་པོ་ཚིག་བཅས་པ། །དེ་ཡང་དེ་བཞིན་བསྒྲགས་པ་ཡིན། །འཇིག་པ་ཞེས་བྱ་རབ་ཏུ་ཆེ། །ཁྲོ་འདི་ཁྲོ་བོ་སྣང་བྱེད་པ། །རྒྱ་ཆེན་གྱི་ནི་རིམ་བཞིན་ཏུ། །བཞི་པ་ཡོངས་སུ་
བསྒྲགས་པ་ཡིན། །ཚིག་བཅས་རབ་ཏུ་དྲག་པོ་ཉིད། །སུ་རུ་ཁྲོ་བོ་དེ་བཞིན་གཞག །དེ་ཡི་ས་བོན་ལྔ་པ་ཡིན། །འབར་བའི་ཕྲེང་ཆེན་ཞེས་བྱ་གང་། །ཚིག་དང་བཅས་པ་དེ་བཞིན་དུ། །ཁྲོ་བོ་ཕོངས་པ་གྲོལ་ཞེས་བྱའོ། །ལྔ་པོ་རྒྱ་ནི་ཉིད་ཡིན་ཏེ། །ཚིག་
དང་བཅས་པར་བསྒྲགས་པའོ། །རབ་ཏུ་འཇོམས་པ་ཞིས་བསྒྲགས་པ། །ཁྲོ་བོ་ཁྲོ་བོ་སྣ་བྱེད་པའོ། །ས་བོན་སྔ་མ་མཐའ་མེད་ལས། །སྔ་མ་ཚིག་བཅས་དེ་བཞིན་གཞག །ཀི་ལི་ཀི་ལི་བྱ་བ་ཡི། །དངོས་གྲུབ་ཐཾད་རབ་ཏུ་སྟེར། །དེ་བཞིན་དེའི་ས་བོན་
ཉིད། །ཚིག་བཅས་དེ་བཞིན་འདིར་བཤད་དོ། །ཀཱི་ལི་ཀཱི་ལི་ཆེན་པོ་དེ། །ཁྲོ་བོའི་ཁྲོ་བོ་སྣང་བྱེད་པའོ། །ཁྲོ་བོའྀ་རྒྱལ་པོ་དེ་དག་ནི། །ས་བོན་འདི་དག་རྣམས་ཀྱིས་བསྒྲགས། །ཁྲོ་བོའྀ་རྒྱལ་པོ་སྦྱོར་བ་ཡི། །རབ་ཏུ་སྣང་བར་བྱེད་ཅེས་བསྒྲགས། །ཁྲོ་བོའྀ་རྒྱལ་

98-1-53b

པོའི་འཁོར་ལོས་གནས། །གཤིན་རྗེའི་གཤེད་པོ་ཡིན་པར་གསུངས། །དང་པོར་དེ་ནི་འཁོར་ལོ་བསྟན། །ཁྲོ་བོ་བདུད་རྩི་འཁྱིལ་པ་དང་། །ཁྲོ་བོའྀ་རྒྱལ་པོ་དེ་ལས་བཞན། །ཁྲོ་བོའྀ་བདག་པོ་སྣང་བྱེད་པའོ། །དེ་ལྟར་ཁྲོ་བོ་གསུམ་པོ་དེ། །གང་དང་གང་དུ་
རབ་སྦྱར་བ། །དེ་དང་དེ་རུ་སྔགས་རྣཾས་ནི། །སྐུལ་བར་བྱེད་པས་དེ་བཞིན་བསྐུལ། །ཆོ་ག་ཤེས་པས་ནན་ཏན་དུ། །གང་ཡང་གང་འདོད་བསྒྲུབ་པར་བྱ། །ཁྲོ་བོ་བསྒོམ་དང་ལྡན་པ་ཡིས། །ཧེ་ལའི་འཁོར་ལོ་ཡོངས་བསྒོམས་ནས། །དཀའ་ཞིང་བསྒྲུབ་ཏུ་
འང་མི་རུང་བ། །བརྟུལ་ཞུགས་ཧོམ་དང་བཅས་ལ་སོགས། །དེ་ཡིས་དགོད་པ་མ་བྱས་ཀྱང་། །སྔགས་གོད་ཤེས་ན་བསྒྲུབ་པའོ། །ཧེ་ལའི་འཁོར་ལོ་ཚུལ་ཤེས་པ། །དེ་ཡིས་དཀའ་བ་མ་བྱས་ཀྱང་། །གདོན་མི་ཟ་བར་མྱུར་དུ་འགྲུབ། །བརྟུལ་ཞུག་
ཧོམ་དང་བསམ་གཏམ་དང་། །ཇི་ལྟར་གསུངས་པའི་དཀའ་ཐུབ་དང་། །མངོན་པར་བཙོན་ཞིང་དད་པའི་བདག །ལན་གྲངས་བཅུ་གཉིས་གང་བསྙེན་པ། །རྟོག་ལས་གསུངས་པའི་ལས་རྣམས་བྱེད། །རབ་ཏུ་ཡ་མཚན་སྟོན་པའོ། །
ཧེ་ལའི་འཁོར་ལོ་ཚུལ་ཤེས་པས། །རིང་པོར་མི་ཐོགས་བདེ་བ་ནི། །ཁྲོ་བོར་བསྒོམ་པ་དང་ལྡན་ཞིང་། །ཧེ་ལའི་འཁོར་ལོ་གནས་འདུག་ན། །ཁམས་གསུམ་དག་ཀྱང་ལན་ཅིག་གིས། །ཐོག་མེད་མྱུར་དུ་གཡོས་པར་བྱེད། །དེ་བས་རབ་ཏུ་བསྒྲིམས་
ནས་སུ། །ཁྲོ་བོ་བསྒོམ་པ་གོམ་བྱས་ཏེ། །ཧེ་ལའི་འཁོར་ལོ་ལས་འབྱུང་སྔགས། །སྦྱོར་བ་དག་གིས་གོམས་པར་བྱ། །ཁྲོ་བོ་རྣམ་པར་རྒྱལ་བ་ཡི། །རྟོག་པ་དང་པོར་གང་བསྒྲགས་པ། །དེ་ཡི་རྟོག་པ་གསང་བཤད་པ། །ཆོ་ག་འདི་ནི་གསང་
བའི་མཆོག །ཁྲོ་བོའྀ་འཁོར་ལོ་བསྒྲགས་པ་འདི། །ཆོ་ག་དེ་བས་ཤིན་དུ་གསང་། །ཁྲོ་བོའི་འཁོར་ལོ་གསང་བཤད་པ། །རབ་ཏུ་སྣང་བྱེད་དེ་བས་ཀྱང་། །ཧེ་ལའི་འཁོར་ལོ་བསྒྲགས་པ་འདི། །རབ་ཏུ་གསང་བའི་མཆོག་ཡིན་ཏེ། །རྟོག་པ་འདི་དག་ཐཾད་
ཀྱིས། །རབ་ཏུ་གསང་བ་བཤད་པ་ཡིན། །རྟོག་པ་རབ་ཏུ་གསང་བ་ནི། །འདི་དག་རྣམས་པ་ཀུན་ལ་ཡང་། །ཧེ་ལའི་འཁོར་ལོ་འདྲ་བའི། །འཁོར་ལོ་མ་བྱུང་ཕྱིས་མི་འབྱུང་། །གང་ཞིག་འདི་ཡི་དོན་ཐོས་ནས། །ཁྲོ་བོའི་གྲུབ་པ་སྒོམ་བྱེད་ན། །དེ་ཡིས་

98-1-54a

འབད་པ་མ་བྱས་ཀྱང་། །འཇིག་རྟེན་ན་ནི་བསྒྲུབ་དཀའ་མེད། །ཧེ་ལའི་འཁོར་ལོའྀ་གནས་ལ་ནི། །ཇི་ལྟར་འདོད་པར་གནས་ནས་སུ། །ཁྲོ་བོ་བསྒོམ་དང་རབ་ལྡན་པས། །ཁྲོ་བོའྀ་གཟུགསུ་གནས་ནས་ནི། །རྩེ་གཅིག་ཏུ་ཡང་ཚིག་གི་མཆོག །
བསྒྲུབ་པ་མཆོག་ནི་སྦྱིན་པར་བྱེད། །ཐོགས་པ་མེད་པར་འཇམ་དཔལ་མཐོང་། །ཇི་ལྟར་རིག་པའི་དོན་བཞིན་དུའོ། །ཁྲོ་བོ་རྣམ་པར་རྒྱལ་བ་འཇམ་དཔལ་གྱི་རྩ་བའི་རྟོགས་པ་ལས་གསང་བའི་གཏོགས་པ་སྟེ་བཞི་པའོ།། །། ཁྲོ་བོ་ཆེན་པོའི་ཚིག་གི་
མཐར། །སྐུལ་ཅིག་ཅེས་པའི་ཚིག་གཉིས་གཞག །སྐུལ་ཅིག་ཅེས་པའི་ཚིག་གཉིས་མཐར། །ཁྲོ་བོ་བདུད་རྩི་འཁྱིལ་པའོ། །ཁྲོ་བོ་ཆེན་པོ་ཕྲེང་བ་དང་། །བདུད་རྩི་འཁྱིལ་བ་འདི་ཡི་མཐར། །ཀུན་ཏུ་དང་པོ་གཡོ་བ་དང་། །སྔགས་ཤེས་ཚམ་ངམ་མཛེས་
པ་ཡིས། །ཧེ་ལའི་འཁོར་ལོ་ལ་གནས་ཏེ། །དང་པོ་གནས་སུ་འདུག་གནས་སུ། །བེ་ཅོན་ཕྱག་རྒྱ་ལན་ཅིག་བཅིང་། །དེ་ནས་ཁྲོ་བོའྀ་སྔགས་བཟླས་པ། །སྔགས་པ་འགྲེང་སྟེ་འདུག་པ་ནི། །རྐང་པ་གཉིས་ནི་བསྒྱུར་བ་དང་། །ཁྲོ་བོ་བསྒོམ་པ་འདི་
ལ་ནི། །སེམས་ནི་རབ་ཏུ་ཞེན་བྱས་ནས། །ས་འདི་རབ་ཏུ་གཡོས་པ་འམ། །རི་དག་གཡོ་བའི་བར་དུའོ། །དེ་ནས་འཁོར་ལོ་བསྒྲུབ་པ་ཡིས། །གཉིས་པའི་གཉིས་ལ་སོང་ནས་སུ། །ཁྲོ་བོ་ཆེན་པོའི་ཚིག་མཐར་གནས། །སྐོམ་ཤིག་ཅེས་པར་དབང་སྐུར་
རོ། །དེའི་ཚིག་ཐོག་མར་བཀོད་ནས་ནི། །དེ་ཡི་ཐ་མར་བདུད་རྩི་འཁྱིལ། །དེ་བཞིན་བདུད་རྩི་འཁྱིལ་བའི་མཐར། །རྡོ་རྗེ་མེ་འི་རྒྱལ་བའྀ་སྔགས། །རབ་ཏུ་གཡོ་བ་མཛེས་པ་དང་། །ཚམ་ངཾ་གསལ་བ་དག་ལ་གནས། །བེ་ཅོན་ཕྱག་རྒྱ་བཅིངས་ནས་ནི། །ཁྲོ་བོ་སྒོཾ་པས་སྔགྶ་
བཟླས་སོ། །རབ་ཏུ་སྦྱོར་བའི་ཐབས་འདི་ནི། །མཚོ་དང་རྫིང་ཆེན་ཀླུང་ཆེན་རྣཾས། །ཁྲོས་པས་མྱུར་དུ་བསྐཾས་པར་བྱེད། །འབབ་ཆུ་དག་ཀྱང་གྱེན་དུ་འབེབས། །ཁྲོ་བོ་མཐུ་ཆེན་གནོན་ལྡན་བ། ། སྔགས་ཀྱི་ཡི་གེ་དགོད་པར་བྱ། །རྩིབས་རྣཾས་རིམ་པས་ཀུན་མནན་པ། །
གཉིས་པོ་དེ་ལས་འཕོས་ནས་ནི། །དེ་ནས་གསུཾ་པའི་གནས་ལ་འདུག །མཐུ་རྩལ་ལྡན་པས་རིམ་པར་གནོན། །ཁྲོ་བོ་ཆེན་པོའྀ་ཚིག་གིས་མཐར། །བསྐྲད་པར་བྱོས་ཅེས་ཚིག་གཉིས་བསྐུལ། །དེ་ནི་སྔ་མ་བཞིན་བཀོད་ནས། །དེ་ཡི་མཐའ་མར་བདུད་རྩི་ཁྱིལ། །

98-1-54b

ཁྲོ་བོ་བདུད་རྩི་འཁྱིལ་པའི་མཐར། །རབ་ཏུ་དྲག་པའི་ཤུགས་བཞག་གོ། རྣཾ་པར་སྐྲག་བྱེད་གསལ་བ་ཡི། །ཁྲོ་བོ་ཚམ་ངཾ་བསྙེན་པར་གནས། །གླང་པོ་མྱོས་པའི་ཤུགས་ཅན་དག །མངོན་དུ་འོང་བར་གྱུར་ན་ཡང་། །དེ་མ་ཐག་ཏུ་བསྐྲག་པར་བྱེད། །
མྱོས་པའི་ཤུགས་ཀྱང་རབ་ཏུ་དོར། །སླད་དུ་ལོག་པར་ཕན་ཚུན་དུ། །སྐོར་ཞིང་མི་དགའ་བཞིན་དུ་འགྲོ། །གླང་པོའྀ་རྒྱལ་པོ་དེ་མྱོས་ཤིང་། །བདེ་བ་མ་ཐོབ་བབས་པར་འགྱུར། །བསྒྲུབ་པ་ཁྲོ་བོ་བསྒོཾ་པ་ཡྀ། །ཆོ་གའི་ཚུལ་ནི་དེ་བཞིན་ནོ། །ཧེ་ལའི་འཁོར་
ལོ་ཞེས་བྱ་བའི། །བཞི་པའི་གནས་ལ་འདུག་ནས་ཀྱང་། །ཁྲོ་བོ་ཆེན་པོའྀ་ཚིག་གི་མཐར། །ནོན་ཅིག་ཅེས་པའི་ཚིག་གཉིས་བསྐུལ། །དེ་ནས་ཆོ་ག་སྔར་བཤད་པས། །བདུད་རྩི་འཁྱིལ་པ་བཞག་པར་བྱ། །བདུད་རྩི་འཁྱིལ་པ་དེའི་མཐར། །ཁྲོ་བོ་ཆེན་པོ་
སྟོབས་ཆེན་བཞག །ཀུན་ཏུ་སྡོམ་པ་མཛེས་པ་ཡི། །ཚམ་ངམ་གྱིས་ནི་མི་གཡོར་གནོན། །དཔུང་ངམ་ཡང་ན་གླང་པོ་འམ། །གྲུ་འམ་ཡང་ན་ཤིང་རྟ་འཾ། །རྟ་དང་རྔ་མོ་ལུག་ལ་སོགས། །ཁྲོ་བོ་བསྒོམ་པའི་ཚུལ་བཞིན་བྱས། །སྦྱོར་བ་དེ་ལ་གནས་ནས་
ནི། །རབ་ཏུ་མནན་པ་བྱས་པར་འགྱུར། །དེ་ནས་ཧེ་ལ་ཞེས་བྱ་བའི། །འཁོར་ལོ་ལྔ་པ་ལ་གནས་ནས། །ཁྲོ་བོ་ཆེན་པོའྀ་ཚིག་གིས་མཐར། །དཀྲུགས་ཤིག་དཀྲུགས་ཤིག་ཚིག་གཉིས་གཞག །ཁྲོ་བོ་བདུད་རྩི་འཁྱིལ་པ་ཡང་། །མཐའ་ཡི་ཚིག་གི་གནས་
སུ་བཞག །ཁྲོ་བོ་རྒྱ་ཆེན་ཞེས་བྱ་བ། །རབ་ཏུ་འབར་བར་གྱུར་པར་བྱ། །ཁྲོ་བོ་བདུད་རྩི་འཁྱིལ་པ་ཡང་། །རབ་ཏུ་འཁྲུག་པ་ཞེས་བྱ་བའི། །ཚཾ་ངཾ་མཆོག་གིས་མྱུར་དུ་ནི། །དགྲའི་དཔུང་རྣཾས་ཕན་ཚུན་དུ། །རབ་ཏུ་རྣམ་པར་དཀྲུགས་པར་བྱ། །དེ་ནས་ཧེ་ལའི་འཁོར་ལོ་
ཡི། །རིམ་པ་དྲུག་ལ་གནས་ནས་ནི། །ཁྲོ་བོ་ཆེན་པོའི་མཚིག་གི་མཐར། །རྨོངས་པར་གྱུར་ཅེས་ཚིག་གཉིས་བསྐུལ། །ཁྲོ་བོ་བདུད་རྩི་འཁྱིལ་པ་ཡང་། །ཚིག་གིས་ཐ་མར་ཀུན་དུ་བཞག །ཁྲོ་བོ་བཞན་གྱིས་མི་ཐུབ་པ། །ཆོ་ག་སྔ་མ་བཞིན་དུ་བསྐུལ། །རྨོངས་
པར་བྱེད་པའི་ཚམ་ངཾ་གྱིས། །ཆོ་ག་བཞིན་དུ་རབ་བསྐུལ་ནས། །རི་མོ་དག་ལ་གནས་པ་བཞིན། །འགྲོ་བ་མྱུར་དུ་རྨོངས་པར་འགྱུར། །དེ་ནས་ཧེ་ལའི་འཁོར་ལོ་འདིར། །རིམ་བདུན་པ་ལ་གནས་ནས་སུ། །ཁྲོ་བོ་ཆེན་པོའི་ཚིག་གི་མཐར། །སྒྲོགྶ་ཤིག་སྒྲོགྶ་ཤིག་

98-1-55a

ཚིག་གཉིས་བཞག །ཁྲོ་བོ་འཛིན་པར་བྱེད་པའི། །བདུད་རྩི་འཁྱིལ་པ་བསྐུལ་བར་བྱེད། །འཇིགས་པར་གྱུར་པའི་སྒྲ་སྒྲོགས་པ། །ཁྲོ་བོའྀ་ཚམ་ངམ་མྱུར་བར་ནི། །དུས་མིན་པར་ཡང་སྤྲིན་གྱིས་ཁེབས། །དེ་ནས་འདོད་བཞིན་ཆར་པ་
འབེབས། །དེ་ནས་ཧེ་ལའི་འཁོར་ལོ་ཡི། །རྩིབས་ཀྱི་རིམ་པ་བརྒྱད་པ་ལ། །གནས་ནས་འདིར་ནི་སྔ་མ་བཞིན། །ཁྲོ་བོ་ཆེན་པོའྀ་ཚིག་གིས་མཐར། །ཧེ་ཧེ་ས་བོན་གཉིས་བཞག་ནས། །དེ་ཡི་འོག་ཏུ་བདུད་རྩི་འཁྱིལ། །ཁྲོ་བོ་ཟུར་དུ་དེ་
བཞིན་དུ། །བདུད་རྩི་འཁྱིལ་པའི་མཐའ་མར་བཞག །ཁྲོ་བོ་ཚམ་ངམ་ཁ་གདངས་པ། །མཆོག་ཅེས་བྱ་བ་མྱུར་བར་ནི། །རྐང་པ་ཡ་གཅིག་གདངས་པའི་སྟབས། །སད་དང་སེར་བ་རླུང་ལ་སོགས། །དུས་སམ་ཡང་ན་དུས་མིན་པར། །
བསྒྲུབ་པོ་ཁྲོ་བོ་བསྒོམ་པ་ཡིས། །ཁྲོ་བོའྀ་སྔགས་ཀྱི་ཚུལ་བཞིན་དུ། །སའི་སྟེང་དུ་འབེབས་པར་བྱེད། །ཧེ་ལའི་འཁོར་ལོ་གནས་བརྒྱད་པོ། །བསྒྲུབ་པ་ཡི་ནི་སར་བོར་ནས། །ཁྲོ་བོའི་ས་བོན་ཚིག་གསལ་བ། །དགུ་པ་བཟང་
པོ་ལ་གནས་ཏེ། །ཁྲོ་བོའྀ་ཆེན་པོའྀ་ཚིག་གིས་མཐར། །སློང་ཤིག་པའི་ཚིག་གཉིས་བསྐུལ། །ཁྲོ་བོ་བདུད་རྩི་འཁྱིལ་པའི། །ཐ་མར་ཕོངས་པ་བསྒྲོལ་བ་བཞག །ཁྲོ་བོ་བསྒོམ་པས་མཛེས་པ་ཡི། །ཚམ་ངམ་གསལ་བ་བྱས་
ནས་ནི། །ཁྲོ་བོ་གཤིན་རྗེའི་གཤེད་པོ་བཟླས། །ཁྲོ་བོ་ཉིད་ཀྱི་ཚིག་གིས་གསལ། །ཧཱུྃ་ཞེས་བྱ་བ་བཟང་པོ་ཡིས། །ཁྲོ་བོ་དངོས་པོར་བསྒོམས་ནས་ནི། །ཤིང་གི་རྩེ་དང་ཡལ་ག་དགུག །ཡང་ན་ཤིང་ཆེན་རྩ་ནས་འབྱིན། །མེ་ཏོག་འབྲས་བུ་
ཀློག་པ་འམ། །ཡང་ན་འདོད་བཞིན་གཡོ་བར་བྱེད། །ལྗོན་ཤིང་ཆེན་པོ་རྣམས་ཀྱང་ནི། །ཇི་ལྟར་འདོད་པར་མི་གཡོར་འགྱུར། །ཧེ་ལ་ཞེས་བྱའི་འཁོར་ལོ་ཡི། །རྩིབས་ནི་བཅུ་པ་ལ་གནས་ནས། །ཁྲོ་བོ་ཆེན་པོའི་ཚིག་གི་མཐར། །ཆོམ་
ཤིག་ཅེས་པའི་ཚིག་གཉིས་བསྐུལ། །ཁྲོ་བོ་ཆེན་པོ་རབ་འཇོམས་པ། །ཁྲོ་བོ་བདུད་རྩི་འཁྱིལ་པའི་མཐར། །སྔ་མ་བཞིན་དུ་གཞག་པར་བྱ། །འཇིགས་པར་བྱེད་པའི་ཚམ་ངམ་བྱེད། །རི་ཆེན་དག་གིས་རྩེ་མོ་དང་། །སྒོ་དང་ལྕགས་སྒྲོག་རྣཾས་ཀྱི་ནི། །

98-1-55b

ཁྲོ་བོའྀ་རྒྱལ་པོར་སྔོན་བཞིན་དུ། །བསྒོམས་ན་རབ་མཆོག་གྲུབ་བྱེད་པ། །ཧེ་ལ་ཡི་ནི་འཁོར་ལོ་ཡི། །རྩེབས་ནི་བཅུ་གཅིག་ལ་གནས་ཏེ། །ཁྲོ་བོ་ཆེན་པོའི་ཚིག་གི་མཐར། །བརྙིལ་ཅིག་ཅེས་པའི་ཚིག་གི་བསྐུལ། །ཁྲོ་བོ་ཀཱི་ལི་ཀཱི་ལི་ཡིས། །བདུད་
རྩི་འཁྱིལ་པ་བསྐུལ་བྱ་བ། །ཚིག་གི་མཐའ་མར་གནས་པ་སྟེ། །ཆོ་ག་བཞིན་དུ་བཤད་པ་བཞིན། །ཀཱི་ལི་ཀཱི་ལི་ཞེས་བྱ་བ། །ཚམ་ངམ་མཆོག་ལ་དེ་བཞིན་གནས། །བེ་ཅོན་གྱི་ནི་ཕྱག་རྒྱ་བཅིང་། །གཤེན་རྗེའི་གཤེད་པོ་བསྒོམ་པ་ནི། །རིན་
ཆེན་རྩ་བརྟན་པ་ཡང་། །རྩེ་མོ་ནས་ཀྱང་བརྙིལ་བར་བྱེད། །ཡང་ན་རི་ཁར་སྐྱེ་བ་ཡི། །བསྟན་པའི་ཤིང་རྣཾས་འགྱེལ་བར་བྱེད། །དེ་ནས་ཧེ་ལའི་འཁོར་ལོ་ཡྀ། །བཅུ་གཉིས་པའི་རྩེབ་ལ་གནས། །ཁྲོ་བོ་ཆེན་པོའི་ཚིག་གི་མཐར། །ཞུགས་ཤིང་
ཅེས་པའི་ཚིག་གིས་སྐུལ། །བསྐུལ་ནས་དེའི་ཐ་མར་ནི། །བདུད་རྩི་འཁྱིལ་པ་གཞག་པར་བྱ། །ཁྲོ་ཆེན་ཀི་ལི་ཀི་ལ་ཡ། །དེའི་ཐ་མར་བཞག་པར་བྱ། །ཀི་ལི་ཀི་ལ་ཆེན་པོ་ཞེས། །བྱ་བའི་ཚམ་ངམ་དེ་བཞིན་བྱ། །བེ་ཅོན་ཕྱག་རྒྱ་བཅིངས་ནས་སུ། །ཁྲོ་བོ་
ཆེན་པོ་གཤེན་རྗེའི་གཤེད། །ཡིད་ལ་རབ་ཏུ་གོམས་བྱས་ན། །བཙིགས་པ་ཤིང་སྐམ་རྡོ་ལ་སོགས། །བབས་ན་ཕྱུང་སྟེ་ནམ་མཁར་གནས། །ནཾ་མཁའ་ལ་ནི་བྱུང་ནས་ཀྱང་། །འདོད་པ་བཞིན་དུ་ལྟུང་བར་བྱེད། །འདི་ནི་རང་འབྱུང་ངོ་མཚར་
ལ། །འདི་ནི་དུས་གསུཾ་སྔོན་དུ་བྱུང་། །སྤྱོད་པ་བཞན་ཡང་སྔ་མ་བཞིན། །ཁྲོ་བོ་སྒོམ་པས་བྱེད་པར་གསུངས། །ཧེ་ལའི་འཁོར་ལོ་དགོད་པ་ནི། །རབ་ཏུ་གསང་བ་ཡིན་པར་བཤད། །གསང་དང་བཅས་ཤིང་སྦྱོར་བཅས་པ། །ཤེས་ན་དངོས་
གྲུབ་ཐོབ་བར་འགྱུར། །དེ་ནས་བཞན་ཡང་ཅི་རིགས་པ། །ཚམ་ངམ་བཅུ་གཉིས་སྦྱོར་བ་དག །མདོ་དང་རྒྱས་པའི་ཚུལ་དག་གིས། །ད་ནི་རབ་ཏུ་བཤད་པར་བྱ། །ཀུན་ཏུ་གཡོ་བ་དང་པོ་ཡིན། །དེ་བཞིན་རབ་ཏུ་གཡོ་བར་བཤད། །
སྒྲག་པར་བྱེད་པ་གསུཾ་པོ་སྟེ། །བཞི་པ་ཀུན་ཏུ་སྡོམ་པར་བྱེད། །རབ་ཏུ་འཁྲུག་ཅེས་བྱ་བ་ལྔ། །རྨོངས་པར་བྱེད་པས་དེ་བཞིན་དྲུག །མྱུར་བ་ཚམ་ངམ་དེ་ལ་གནས། །ཁ་གདངས་པ་ནི་བརྒྱད་པར་བཤད། །མཛེས་ཞེས་བྱ་བ་དགུ་པ་སྟེ། །འཇིགས་

98-1-56a

པར་བྱེད་པ་བཅུ་པ་ཡིན། །ཀི་ལི་ཀི་ལི་ཞེས་བྱ་དང་། །ཀི་ལི་ཀི་ལ་ཆེན་པོ་ཡི། །ཁྲོ་བོ་ཚམ་ངམ་བཅུ་གཉིས་སོ། །འདི་དག་རིམ་བཞིན་བཤད་པ་ཡིན། །ཐོག་མར་བསྡིགས་པའི་རིམ་པ་ཡིས། །བེ་ཅོན་ཕྱག་རྒྱ་ལྡན་པར་བྱ། །ཕྱི་ནས་
རང་གཟུགས་ཇི་བཞིན་ཏུ། །སྔགས་པ་དག་གིས་ཤེས་པར་བྱ། །རང་གིས་གཟུགས་ཀྱང་རང་གནས་པ། །བསྡིགས་ཤིང་ཚམ་ངམ་བྱེད་ལ་སོགས། །སྐྲག་པར་བྱེད་པའི་ཁ་ནི་ཟབ། །ཁྲོ་བོའི་ལྟ་བ་གདོང་འགྱུར་བ། །རྐང་པ་འགྱེད་པར་གཞག་
པ་དག །ཚམ་ངམ་མཚན་ཉིད་བཤད་པ་ཡིན། །རྐང་པ་ཡ་ཅིག་མྱུར་ཏུ་གཞག །གདོང་དང་ནུ་འཇིང་ཡོན་པོ་བྱས། །ཁྲོ་གཉེར་འཇིགས་པར་བྱེད་པ་བསྙེར། །གཡེན་པ་འཛུབ་མོ་གཅིག་གི་སྡིགས། །ཚམ་ངམ་བྱེད་ཅིང་བེ་ཅོན་གདེངས། །གདོང་དང་
བརླ་དང་རྐང་པ་གཡོན། །ཀུན་ཏུ་གཡོ་ཞེས་བྱ་བ་སྟེ། །ཁྲོ་བོ་ཚམ་ངམ་སྙེམས་དང་བཅས། །ཀུན་ཏུ་གཡོ་བའི་རིམ་གསུངས་ལ། །རབ་ཏུ་གཡོ་ཞེས་བྱ་བ་ནི། །ཅུང་ཟད་ཏུ་ནི་དབུས་དམ་པའི། །རབ་ཏུ་གཡོ་བ་བརྟག་པར་བྱ། །དེ་བཞིན་དཔུང་
པ་བརྐྱང་པ་དང་། །རྐང་པ་གཡོན་པ་གདངས་པ་དང་། །ལག་གཉིས་དྲག་ཏུ་རྡོབ་པ་ནི། །དེ་བཞིན་སྐྲག་པར་བྱེད་པར་བཤད། །བེ་ཅོན་ལ་ནི་བལྟ་བར་གཏད། །རྐང་པ་གཡས་པ་གསལ་བར་ཕྱར། །དེ་ནི་ཀུན་ཏུ་སྡོམ་པར་བཤད། །གཡོན་
པའི་འཛུབ་མོས་སྡིགས་པར་བྱེད། །དཔུང་པ་གདེངས་པ་གཡོན་བཞིན་ཏུ། །མིག་ནི་འཛུབ་མོ་གཅིག་ལ་གཏད། །རྐང་པ་གཡས་པ་ཕྱར་བ་ནི། །ཀུན་དུ་འཁྲུག་པ་ཞེས་བྱའོ། །རྐང་པ་གཡོན་པ་གདེངས་བྱས་ཏེ། །གཡོན་ཕྱོགས་
སུ་ནི་ཕྱར་ཞིང་བསྐོར། །དཔུང་པ་བརྐྱང་བའི་བེ་ཅོན་གདེངས། །བསྡེགས་པ་གཅིག་ཏུ་རྨོངས་པར་བྱེད། །མྱུར་དུ་ཚམ་ངམ་ཞེས་བྱ་བ། །དེ་ཉིད་དཔུང་བརྡབས་བསྡིགས་པའོ། །དེ་ཉིད་ལས་ནི་ཁ་གདངས་པ། །ཁ་གདངས་པ་ཞེས་བསྒྲགས་
པ་ཡིན། །སྲན་དང་བཅས་ལ་བཞི་ནི་བསྐོར། །ཐུ་ཙལ་ཆེ་བའི་སྟབ་སུ་སྩོལ། །མཆུ་ཡི་མཐའ་མ་སོའི་མནན། །ལག་པ་ཕྱར་ཏེ་བསྡེགས་པར་བྱེད། །བསྙེམས་དང་བཅས་ཤིང་སྒྲ་ཡང་འབྱིན། །འཇིགས་པར་བྱེད་པའི་ཧཱུྃ་བསྒྲགས་པའི། །ཚམ་ངམ་

98-1-56b

ལེགས་པར་བཤད་པ་ནི། །མཛེས་པའི་ཁྲོ་བོས་གནོན་པའོ། །བཙན་ཐབས་སུ་ནི་བསྐོར་བར་བྱ། །རྐང་པ་གཡས་པའི་བཙུགས་ཏེ་མནན། །ལག་པ་གཉིས་ཀ་དྲག་རྡོབ་པ། །བྱས་ནས་འཇིགས་པར་བྱ་བ་ནི། །དེ་བཞིན་སྙེམས་དང་
བཅས་བཤད་པ། །ཚམ་ངམ་བདག་ཉིད་ཆེན་པོ་འདི། །འཇིགས་པར་བྱེད་པ་ཞེས་བྱ་ཏེ། །རྟག་ཏུ་ཁྲོ་བོ་བསྒོམ་པའོ། །རྐང་པ་མཉམ་པར་བཞག་ཏེ་འདུག །གཡས་པ་ཅུང་ཟད་མཐོ་བར་བྱ། །དཔལ་དང་ལྡན་པས་གཡོན་པ་སྨད། །གཡོན་
པ་སོར་མོ་ཅིག་གིས་བསྡེགས། །དཔུང་པ་བཏེག་ཏེ་བེ་ཅོན་འཕྱར། །རྐང་པ་དང་ནི་གདོང་བསྒྱུར་བ། །རྟག་ཏུ་ཁྲོ་བོ་བསྒོམ་པ་ནི། །ཀི་ལི་ཀི་ལ་ཞེས་བྱའོ། །ཀི་ལི་ཀི་ལི་ཆེན་པོ་ནི། །དེ་ཉིད་ལས་ནི་རྒྱབ་ཏུ་བལྟ། །ཁྲོ་བོ་མིག་ནི་ཡ་ཅིག་བརྩུམས། །
མྱུར་དུ་མཆོད་སྟབས་བྱེད་པའོ། །འདི་ནི་ཚམ་ངམ་སྦྱོར་བ་སྟེ། །ཧེ་ལའི་འཁོར་ལོ་རྩིབས་རིམ་ལས། །མདོར་ནི་ཇི་ལྟར་དགོད་པ་དག །ལེག་པར་བཤད་པ་འདི་ཡིན་ནོ། །ཧེ་ལའི་འཁོར་ལོའི་མཐུ་སྔགས་དང་། །ཚམ་ངམ་གཡས་
ཀྱི་མཐུ་དགའ་ཡིས། །ལས་རྣམ་རབ་ཏུ་ངོ་མཚར་བ། །ཇི་སྐད་གསུངས་པའི་ལས་རྣཾས་བྱའོ། །བསྒྲུབ་པ་དེ་དག་གསང་རྒྱུད་དང་། །ཧེ་ལའི་འཁོར་ལོ་འདི་ཤེས་ན། །ཁྲོ་བོ་དངོས་དང་གཅིག་འགྱུར་བས། །ཁྲོ་བོའི་སྐད་དུ་སྤྱོད་པར་འགྱུར། །
རྟོག་པ་འདི་ནི་གསང་བར་བཅས། །གསང་བའི་སྙིང་པོའི་མཆོག་ཏུ་བཤད། །ཁྲོ་བོའི་རྒྱལ་པོའི་རྟོག་འདི་ལས། །མཆོག་ཏུ་གྱུར་པ་གཞན་མེད་དོ། །ཁྲོ་བོ་རྣམ་པར་རྒྱལ་བ་ལས། །རྟོག་པ་ཕྱི་མའི་ཕྱི་མ་འདི། །རབ་ཏུ་གསང་བ་ཞེས་བྱ་བ། །ཐོས་
ནས་གསང་བའི་དོན་བསྒོམས་པས། །ལྷ་དེ་ཐཾད་ཡི་རང་ནས། །ཁྲོ་བོ་མཆོག་ལ་ཕྱག་འཚལ་ཏེ། །རབ་ཏུ་དགའ་བའི་མཆོག་ཏུ་འགྱུར། །གསང་བའི་རྟོགས་པའི་གཏོགས་པ་ལྔ་པ་སྟེ།  བཅོམ་ལྡན་འདས་འཇམ་དཔལ་གཤིན་རྗེ་
གཤེད་པོ་ལ་རྗེས་སུ་ཡི་རང་བའི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །།ཁྲོ་བོ་ཁམས་གསུམ་རྣམ་པར་རྒྱལ་བའི་རྟོག་པའི་རྒྱལ་པོ་གསང་བའི་རྒྱུད་རྫོགས་སོ།། །། རྒྱ་གར་སྐད་དུ། ཨཱརྱ་ཙཱུ་ཌ་མ་ཎི་ནཱ་མ་དྷཱ་ར་ཎཱི།  བོད་སྐད་དུ། 

98-1-57a

འཕགས་པ་གཙུག་གི་ནོར་བུ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །
ཕྱོགས་བཅུའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤེས་བྱ་མཐའ་ཡས་པ་མ་ལུས་པར་ཁྱབ་པ་མཆོག་ཏུ་རྨད་དུ་བྱུང་ཞིང་རྣཾ་པར་དག་པའི་ཐུགས་མངའ་བ་ལ་ཕྱག་འཚལ་ལོ། །
བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ། མི་འཇིགས་པ་སྦྱིན་པ། ཕོངས་པ་ཐཾད་ལས་ཡོངས་སུ་སྐྱོབ་པར་མཛད་པ། འཇིགས་པ་ཐཾད་ལས་རྣཾ་
པར་ཐར་བར་མཛད་པ། ཡམས་ཀྱིས་ནད་དང་། གནོད་པ་ཐཾད་འཇིགས་པར་མཛད་པ། མི་མཐུན་པ་དང་། རྩོད་པ་དང་། འཐབ་པ་དང་། འགྱེད་པ་ཐཾད་རབ་ཏུ་ཞི་བར་མཛད་པ། སྡེག་པ་ཐཾད་འཇིག་པར་མཛད་པ། འབྱུང་པོ་དང་རོ་ལངས་དང་
གཤིས་ངན་དུ་འཆི་བ་དང་། རྨི་ལམ་ངན་པ་དང་། བགེགས་ཀྱི་ལོག་འདྲེན་ཐཾད་འཇིགས་པར་མཛད་པ། ཕ་རོལ་གྱི་དམག་ཚོག་དང་། མུ་གི་དང་། མྱ་ངན་གྱི་འཇིགས་པ་ཐཾད་དུ་བཟློག་པར་མཛད་པ། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། 
དྲི་ཟ་དང་། ལྷ་མ་ཡིན་དང་། ནཾ་མཁའ་ལྡིང་དང་། མིའམ་ཅི་དང་། ལྟོ་ཕྱེ་ཆེན་པོ་ཐཾད་འདུན་པར་མཛད་པ། དུག་དང་། འབྲུམ་ཕྲན་དང་། ཐོར་བུ་དང་། གཤེད་བྱེད་དང་། བྱད་དང་། རོ་ལངས་དང་། བཀྲ་མི་ཤིས་པའི་འཇིགས་པ་ཐཾད་འཇིགས་པར་མཛད་པ་ལ་
ཕྱག་འཚལ་ལོ། །གཤེད་བྱེད་ཐཾད་སེལ་བར་བྱེད། །སྡིག་པ་ཐཾད་འཕྲོག་པ་ཉིད། །ནོར་དང་འབྲུ་རྣམས་འཕེལ་མཛད་པ། །བདག་གི་བུ་དང་ཚ་བོ་དང་། །གཡོག་འཁོར་རྟག་ཏུ་མང་གྱུར་པ། །ཕྱིར་བཟློགས་པ་འདི་རྗོད་པར་བྱ། །ལྷ་དང་ལྷ་མིན་གཡུལ་
བཀྱེ་སྟེ། བརྒྱ་བྱིན་ལྷ་མིན་རྣཾས་ལས་ཕམ། །དེ་ནས་རིང་པ་ཁོ་ནར་ནི། །འཇིག་རྟེན་དབང་གི་དྲུང་འོངས་ཏེ། །དེ་ནས་སྙིང་ནི་རབ་བསྐྲག་པས། །འདི་སྐད་ཀྱིས་ནི་ཚིག་གསོལ་ཏོ། །ལྷ་མིན་བདག་ཕམ་འཇིག་རྟེན་དབང་། །ཇི་ལྟར་བདག་གི་ནན་ཏན་

98-1-57b

བགྱི། །འཇིག་རྟེན་དབང་པོ་བདག་ལ་ནི། །ལྷའི་གཟིགས་པས་རྟག་ཏུ་གཟིགས། །བརྒྱ་བྱིན་གྱི་ནི་ཚིག་གསན་ནས། །དབང་ཕྱུག་གིས་ནི་འདི་སྐད་གསུངས། །ལྷ་ཡི་དབང་པོ་ང་ལ་ཉོན། །ཁྱོད་ལ་ངེས་ནི་བསྲུང་བ་སྦྱིན། །ལྷའི་དབང་པོ་སོན་བྱུང་
བ་འདས་པའི་དུ་ན་འཇིག་རྟེན་གྱིས་ཁཾས་འཇིག་རྟེན་གྱིས་རྣམ་པར་བལྟས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་ཡང་དག་པར་རྫོགས་པའི་སངས་རྒྱས་འཇིག་རྟེན་དབང་ཕྱུག་འོད་ལས་ངས་གཙུག་གི་ནོར་བུ་
ཞེས་བྱ་བའི་ཕྱིར་བཟློག་པ་དེ་བཞིན་གཤེགས་པ་བྱེ་བས་གསུངས་པ་བཟུང་ངོ་། །མཁས་པ་གང་གིས་རིག་སྔགས་འདི། །བྲིས་ནས་སྤྱི་བོར་འདོགས་པ་འམ། །འདོན་ཏམ་འོན་ཏེ་ཀློག་ན་ཡང་། །དེའི་འཇིག་པ་ཀུན་མེད་དེ། །རྟག་ཏུ་བསྲུང་
ཞིང་སྦ་བ་དང་། །གཡུལ་འགྱེད་པ་ན་རྒྱལ་བར་བྱེད། །སྡེག་དང་རྨི་ངན་ཞི་བ་དང་། །བསོད་ནམས་བཀྲ་ཤིས་རབ་ཏུ་འཕེལ། །ལྷའི་དབང་པོ་དེ་བས་ན། །གང་ཞིག་རྒྱལ་བར་འགྱུར་འདོད་པས། །བྲིས་ཏེ་སྤྱི་བོར་གདགས་པར་བྱ། །ཡིད་ལ་རྟག་ཏུ་དྲན་པར་
གྱིས། །གཡུལ་འགྱེད་འབའ་ཞིག་མ་ཡིན་ཏེ། །འདི་ནི་རྟག་ཏུ་སྡིག་པ་འཕྲོག །བུད་མེད་རྣཾས་ལ་བུ་ཕོ་བསྐྱེད། །མངལ་ན་གནས་པ་ཡོངས་སུ་སྐྱོང་། །ཕུན་སུམ་ཚོག་པ་ཐཾད་བྱེད། །སྡིག་པ་ཐཾད་རབ་ཏུ་འཇིགས། །འདི་མིང་ཕྱིར་བཟློག་བྱེད་
བཅེས་བྱ། །ཡན་ལག་རྣཾས་ལ་ཕྱིར་འབབ་བྱེད། །ལྷའི་དབང་པོ་ཕྱིར་བཟློགས་པ་ཞེས་བྱ་བ་རིག་སྔགས་ཀྱིས་རྒྱལ་མོ་སེཾན་ཐཾད་ལ་ཕན་པར་བྱེད། ལྷ་མ་ཡིན་རྣཾས་ཕམ་པར་བྱེད་པ། ཕ་རོལ་གྱི་དམག་ཚོགས་ཐཾད་དུ་རབ་ཏུ་ཞི་བར་བྱེད་
པ་ཟུང་ཤིག །སངྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་བདུན་ཉན་ཐོས་ཀྱི་དགེ་འདུན་དང་བཅས་པ། བྱང་ཆུབ་སེམས་དཔའ་དག་དང་བཅས་པ་རྣཾས་ལ་
ཕྱག་འཚལ་ལོ། །ཏདྱ་ཐ། ཨོཾ་ཛ་ཡ་ཀ་རི། ཡུད་དྷོཏྟ་ར་ཎི་བི་ཙི་ཏྲ་ཡུ། གི་སརྦ་མྃ་ག་ལ་དྷཱ་ར་ཎཱི་ཇཱི་མཱུ་ཏེ་ས་ཧ་སྲ་བྷུ་ཛེ། ས་ཧ་སྲ་ནེ་ཏྲ། ས་ཧ་སྲ་ཤི་ནཱ་ན་ལངྐ་རཱ། བྷི་བྷུ་ཥི་ཏེ། མ་ཎི་ཀུཎྜ་ལ་སྃ་ནཱ་ཧ་སནྣ་དྷེ་བི་ཙིདྡྲ་མཽ་ལྀ་དྷ་རི། ཙན་དྲ་སཱུརྱ་ཨ་ཏེ་རེ་ཀེ་ཨ་ཀ་

98-1-58a

ཤ་ག་ག་ན་ཙ་རི་ཎྀ། མྃ་ག་ལ་ཤི་རེ་ཛྭི་མཱུ་ཏེ། པི་ཏྲ་ཀྲྀ་ཏ་མྃ་ག་ལྱེ། བྷཱུ་རི་མ་དྷ་ཀ་ར་ནི། ཙུ་རུ་ཙུ་རུ་ཤྭེ་ཏེ་སྟེ་མུ་རུ་མུ་རུ་ཤྭེ་ཏེ། ཨ་བ་ནཱཏྟེ། ཧུ་རུ་ཧུ་རུ། པ་པི་ཏྲ་མུ་ཁི། ཀུ་རུ་ཀུ་རུ། ཙན་དྲ་མུ་ཁི། ཨཱ་དི་ཏྱ་པ་ཤ་བརྟྟི་ནྀ། ཛྃ་བྷ་ནི། མྃ་ག་ལ་དྷཱ་རཱ་ཎཱི། སྟྃ་མྦྷ་ཎཱི། སྟྃ་བྷ་ནི། སརྦ་བི་
དྱཱ་དྷརྨཱ་ཏེ། མོ་ཧ་ནེ། ཨ་མོ་གྷ་པཱ་ཤ་ཧ་སྟེ། སརྦ་བྷ་ཡ་བི་མོ་ཙ་ནི། རཱ་ཛ་ཙོ་ར། ཨགྣི་བི་ཥ་ཨུ་ད་ཀ་བྷ་ཡ་པྲ་ཤ་མ་ནི་ཀ་ཁོརྡ་ནི་བ་ར་ནི། ཨོཾ་ཧི་རྀ་ཧི་རི། ཛ་ཡ་ཀ་རི། བ་ལ་ཀ་རི། དྷ་ན་ཀ་རི། ཏེ་ཛ་སྐ་རི་བི་བཱ་ད། པྲ་ཤ་མ་ནི་ཡུདྡྷ་ནི་བཱ་ར་ནི་པ་ར་ཙཀྲ་པྲ་ཤ་
མ་ནེ། པཱ་ར་སའྀ་ནྱཱ་བི་ནཱ་ཤ་ནི། ཡུ་ཏ་དྷྲོ་ཏྟ་ར་ནི། པྲ་བྷཱུ་ཏ་བེ་ལ། མ་ཎི་མ་ཎི། མ་ཧཱ་མ་ཎི་མ་ཧཱ་མ་ཎི། མ་ཎཱི་ན་དྷ་རི། ཏྲི་ལོ་ཀ་ཨ་ལོ་ཀ་ཀ་རི། ཏྲི་པུ་ར་ན་བ། བི་དྷྭན་ས་ནི་པ་ར་སི། ནྱ་བི་དྲཱ་བ་ནེ། སརྦ་ཀྲྀ་ཏྱ་ཀརྨ་ཎི་སཱུ་ད་ནི། སརྦ་བྱཱ་དྷི་ནཱ་མ་པྲ་ཤ་མ་
ནི། ཨོཾ་ཙི་ལེ་མི་ལེ་སྭཱ་ཧཱ། ཙི་ལེ་མི་ལེ་སྭཱ་ཧཱ། མི་ལི་མི་ལི་སྭཱ་ཧཱ། ཙི་ལི་ཙི་ལི་སྭཱ་ཧཱ། ཙ་ཁྀ་ལི་ཙ་ཁ་ལི་སྭཱ་ཧཱ། ཙནྜ་ཙ་ལི་མི་ཊི་ནི་སྭཱ་ཧཱ། ཨཱུར་དྷ་ཀེ། ཤི་པིངྒ་ལེ་པིངྒ་ལ་ཀྵེ་ད་དྷེ་མུ་ཁི་སྭཱ་ཧཱ། ཨོཾ་ཀ་ར་ཀ་ར། ཙ་ར་ཙ་ར། ས་ར་ས་ར། སི་རི་སི་རི། སུ་རུ་
སུ་རུ། མུཉྩ་མུཉྩ། མུཉྩཱ་པ་ཡ། མུཉྩཱ་པ་ཡ། པྲ་ཤ་མ་ཡ། པྲ་ཤ་མ་ཡ། ཡུཏ་དྷྲོད་དྷ་ར་ཎི་ཕཊ། ཙིཏྟ་ནིར་མ་ལ་ཀ་རི་ཕཊ། ཨ་སུ་ར་ནིཪྒྷ་ཏ་ནི་ཕཊ། ཛ་ཡ་ཀ་རི་ཕཊ། པི་ཏི་ཀ་ར་ཕཊ། ཧེེ་ས་ཧ་སྲ་ཤི་ར་སེ་ཕཊ། ས་ཧ་སྲ་བྷུ་ཛེ་ཕཊ། ས་ཧ་སྲ་ནེ་ཏྲེ་ཕཊ། སརྦ་བིདྱཱ་དྷ་
ར་དྷ་ར་ན་མསྐྲི་ཏེ་ཕཊ། སརྦ་ཤ་ཏྲུཾ་ནཱ་ཤ་ནི་ཕཊ། སརྦ་བྷ་ཡ་བི་མོ་ཀྵ་ཎི་ཕཊ། པ་ར་ཙཀྲ་ནི་བར་ཎི་ཕཊ། པ་ར་སཻ་ནྱ་བི་དྲ་བ་ཎི་ཕཊ། སརྦ་ཀྲཱི་ཏྱ་ཀརྨ་སཱུ་ད་ནི་ཕཊ། སརྦ་བྱཱ་དྷི་པྲ་ཤ་མ་ནི་ཕཊ། སརྦ་གྲ་ཧོ་ཏ་སཱ་ད་ནི་ཕཊ། རཀྵ་རཀྵ་མཱྃ་སརྦ་
བུད་དྷ་བོ་དྷི་སཏྭཱ་ནཱྃ། ས་མནྟ་བི་ཏྲཱ་ནཱཾ། སོ་བསྟ་ཡ་ཀཱ་ནཱྃ། ས་པ་རི་བཱ་རཱ་ནཱྃ། ཏེ་ཛ་སཾ་མ་མ་ཤ་རཱི་རྃ། སརྦ་བྷ་ཡོ་པ་དྲ་བེ་བྷྱཿ སརྦ་ཡུ་བྷྱཿ སརྦ་གྲ་ཧེ་བྷྱཿ སརྦ་བྱཱ་དྷི་བྷྱཿ སརྦ་དུསྐྲཱི་ཏེ་བྷྱཿ སརྦ་ཀྲཱི་ཏྱ་ཀ་ཁོརྡེ་བྷྱཿ སརྦ་བི་ཥེ་བྷྱཿ སརྦ་ཀཱ་ཡ་བཱཀྩིཏྟ་བི་རཱ་དྷེ་བྷྱ་
ཤྩ། རཀྵ་རཀྵ་མཱྃ་སྭཱ་ཧཱ། གཙུག་གི་ནོར་བུ་ཞེས་བྱ་བའི་ཕྱིར་ཟློག་པ་ལས་ཀྱི་སྒྲིབ་པ་ཐཾད་བྱང་བར་བྱེད་པ། ནད་ཐཾད་རབ་ཏུ་ཞི་བར་བྱེད་པ། ཐཾད་དུ་ཞི་བར་བྱེད་པ། བསོད་ནམས་ཐཾད་སོགས་པར་བྱེད་པ། སངས་རྒྱས་དང་བྱང་ཆུབ་སེམས་

98-1-58b

དཔའ་ཐཾད་ཡང་དག་པར་སྟོན་པར་བྱེད་པ། རྣམ་པ་ཐཾད་ཏུ་དཔལ་དུ་བྱེད་པ་སྟེ། ཡེ་གེ་བྲིས་པ་དང་། སྟོན་པ་དང་། བཀླགས་པ་དང་། བཟུང་བས་བདག་དང་གཞན་བསྲུང་བའོ། །དེ་བཞིན་ཏུ་ཁྲུས་བྱ་བ་དང་། སྦྱིན་སྲེག་གིས་ཡམ་
ཀྱིས་ནད་དང་། གནོད་པ་ཐམས་ཅད་རབ་ཏུ་ཞི་བར་བྱེད་པའོ། །འཕགས་པ་གཙུག་གེ་ནོར་བུ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཤཱི་ལེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་
ཞུས་ཏེ་གཏན་ལ་ཕབ་པ། ། ༄། །རྒྱ་གར་སྐད་དུ།   ཨཱརྱ་ཙན་དན་ཨང་ག་ནཱ་མ་དྡཱ་ར་ཎཱི།   བོད་སྐད་དུ།  འཕགས་པ་ཙན་དན་གྱི་ཡན་ལག་ཅེས་བྱ་བའི་བཟུངས། སངས་རྒྱས་དང་། བྱང་ཆུབ་སེམས་དཔའ་ཐཾད་ལ་ཕྱག་འཚལ་ལོ། །
འདི་སྐད་བདག་གིས་ཐོས་པ་ཏུ་གཅིག་ན། བཅོམ་ལྡན་འདས་རྒྱལ་པོའི་ཁབ་ན་དགེ་སློང་གིས་དགེ་འདུན་ཆེན་པོ་དགེ་སློང་ཁྲི་ཉིས་སྟོང་ལྔ་བརྒྱའི་དགེ་སློང་གི་དགེ་འདུན་ཆེན་པོ་དང་། བྱང་ཆུ་སེམས་དཔའ་སེམས་
དཔའ་ཆེན་པོ་རབ་ཏུ་མང་པོ་དང་། གཞན་ཡང་ལྷ་ཁྱད་པར་ཅན་མང་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་གདན་བཤམས་པ་ལ་དེ་བཞིན་གཤེགས་པའི་ཆོ་འཕྲུལ་གྱིས་ལྷམ་མེ། ལྷན་ནེ། ལྷང་ངེར་བཞུགས་སོ། །
དེ་ནས་བཅོཾ་ལྡན་འདས་ཀྱིས་འཁོར་དེར་བྱང་ཆུབ་སེམ་པ་སེམས་དཔའ་ཆེན་པོ། སྤྱན་རས་གཟིགས་དབང་ཕྱུགས་དང་། ཟླ་འོད་གཞོན་ནུར་གྱུར་པ་ལ་བཀའ་སྩལ་པ། རིག་ཀྱི་བུ་འཇིག་རྟེན་གྱི་ཁམས་འདི་ཕ་རོལ་གྱི་ཡང་ཆེས་
ཕ་རོལ་འཇིག་རྟེན་གྱི་ཁཾས་བྱེ་བ་ཁྲག་ཁྲིག་འབུཾ་ཕྲག་གང་གཱའི་ཀླུང་གྲངས་མེད་པའི་བྱེ་མ་སྙེད་འདས་པ་ན། ཅན་དན་གྱིས་དཔལ་ཞེས་བྱ་བའི་འཇིག་རྟེན་གྱིས་ཁཾས་ཡོད་དེ་དེ་ན་དེ་བཞིན་གཤེགས་པ་དགྲ་བཅོཾ་པ་ཡྃ་དག་པར་རྫོགས་
པའི་སངས་རྒྱས་ཙན་དན་གྱི་ཡན་ལག་ཅེས་བྱ་བ་ད་ལྟར་ཡྃ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ། །གྃ་འཇིག་རྟེན་གྱི་ཁཾས་དེའི་སེཾ་ཅན་དེ་དག་ཐཾད་ནི་ཕྱིར་མི་ལྡོག་པར་འགྱུར་བ་ཤ་སྟག་སྟེ། བཅོཾ་ལྡན་འདས་དེ་བཞིན་

98-1-59a

གཤེགས་པ་དགྲ་བཅོཾ་པ་ཡང་དག་པར་རྫོགས་པའི་སངས་རྒྱས་ཙན་དན་གྱི་འི་ཡན་ལག་དེས་སེམས་ཅན་ཐཾད་ཀྱི་དོན་གྱི་ཕྱིར་ཙན་དན་གྱི་ལན་ལག་ཅེས་བྱ་བའི་གཟུངས་ཀྱི་རིག་པའི་གསངས་སྔགས་ཀྱི་བཞི་གསུངས་པ་འདི་
ཐོས་ནས་ཕྱིར་མི་ལྡོག་པ་དེ་སྡིག་པ་དང་བྲལ་ཞིང་བྱང་ཆུབ་ཀྱིས་སེཾས་དང་མི་འབྲལ་ལོ། །བཅོཾ་ལྡན་འདས་དེ་བཞིན་གཤེགས་པ་ཚེ་དཔག་མེད་དང་། དེ་བཞིན་གཤེགས་པ་མར་མེ་མཛད་དང་། དེ་བཞིན་གཤེགས་པ་རྣཾ་པར་སྣཾ་
མཛད་དང་། གཞན་ཡྃ་འདས་པའི་སངས་རྒྱས་བཅོཾ་ལྡན་འདས་རྣཾས་ཀྱིས་ཀྱང་སྔོན་ཆད་གསུངས་ཏེ། ངེས་ཀྱང་ཁྱེད་རྣཾས་ལ་བཤད་ཀྱིས། སེཾན་ཐཾད་རྗེས་སུ་བཟུང་བའི་ཕྱིར་ལེག་པར་རབ་ཏུ་ཉོན་ལ་ཡིད་ལ་ཟུང་ཤིག །ཕྱི་མའི་ཚེ་
ཕྱི་མའི་དུས་ལྔ་རྒྱ་ཐ་མ་ལ་དཾ་པའི་ཆོས་རྣཾ་པར་འཇིག་པའི་ཚེ་ཐཾད་ཆོས་དང་མི་ལྡན་པ། མཚམས་མེད་པ་བྱེད་པ་དང་། དཾ་པའི་ཆོས་ལ་རྨོད་པ་དང་། མཆོད་རྟེན་འདྲལ་བ། དགེ་འདུན་གྱི་རྫས་ལ་རྐུ་འཕྲོག་བྱེད་པ་དང་། དགེ་སྦྱོང་མ་ཡིན་པར་དགེ་སྦྱོང་དུ་ཁས་
འཆེ་བ་སློབ་དཔོན་དང་། མཁན་པོ་སྤོང་བ་དག་འབྱུང་སྟེ། དེ་དག་རྗེས་སུ་གཟུང་བའི་ཕྱིར་ཙན་དན་གྱིས་ཡན་ལག་གི་གཟུངས་ཀྱི་གསང་སྔགས་གཞི་སངས་རྒྱས་ཐཾད་ཀྱིས་བྱིན་གྱིས་བརླབས་པ་འདི་བཤད་ཀྱིས་བྱང་ཆུབ་སེཾདའ་
རྣཾས་ང་ལ་ཉོན་གཅིག །དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་། ཟླ་འོད་གཞོན་ནུར་གྱུར་པས་བཅོཾ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བསྐུལ་བ། བྱང་ཆུབ་སེམས་དཔའ་སེཾདའ་
ཆེན་པོ་རྣཾས་དང་། གཞན་ཡྃ་སེམས་ཅན་ཁྲག་ཁྲིག་ཁྲག་འབུཾ་རྣཾས་ལ་ཐུགས་རྩེ་བ་དང་། སྡེག་པ་བྱང་བར་བགྱི་བའི་སླད་དུ་བཅྡོཾས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། དེ་བཞིན་གཤེགས་པ་བཤད་དུ་གསོལ། བདག་ཅག་གིས་
ཀྱང་གཟུངས་ཀྱི་གསང་སྔགས་གཞི་དེ་དག་གཟུང་བར་བགྱི་སྟེ། སེཾན་ཐཾད་ཀྱི་དོན་དུ་རྒྱ་ཆེར་ཡང་དག་པར་བཤད་པར་བགྱིའོ། །སངྱས་དང་བྱང་ཆུབ་སེམས་དཔའ་ཐཾད་ལ་ཕྱག་འཚལ་ལོ། །ཏདྱ་ཐཱ་ཙི་རཱ་ཏེ། མ་རཱི་ཙཱི་ཀི། དུ་ར་ད་མེ། དུར་དན་ཏེ་

98-1-59b

དུ་ར་ནུ། པྲ་བིཥྚེ། ཙནྡ་ནཱང་ག་ཛེ། ས་མནྟ་པ་རི་ཤོ་དྷ་ནི། བི་ཤུདྡྷ་ཤཱི་ལེ། ཙ་རི་ཏྲ་བ་ཏེ། ཨ་ན་ཙེདྱ་པྲ་ཏི་བྷཱ་ནེ། སརྦ་བུདྡྷཱ་དྷི་ཏེ། བྷ་ག་བ་ཏེ། པཱ་པཀྵ་ཡཾ། ཨཱ་ཤཱ་མེ་པ་རི་པཱུ་ར་ཡ་སྭཱ་ཧཱ། རིགས་ཀྱི་བུ་ཕོ་འམ། རིགས་ཀྱི་བུ་མོ་གང་ལ་ལ་ཞིག་གཟུངས་
ཆེན་པོའི་གསང་སྔགས་གཞི་འདི་དག་འཛིན་ཏམ། ཀློག་གམ། སྟོན་ཏམ། ཀུན་ཆུབ་པར་བྱེད་ན། དེ་ཚེ་འདི་ཉིད་ལ་མིག་རྣམ་པར་དག་པར་འགྱུར་རོ། །ཐོས་མ་ཐག་ཏུ་སྡིག་པ་ལས་རབ་ཏུ་གྲོལ་བར་འགྱུར། བྱང་ཆུབ་སེམས་དཔའ་ཐཾད་ཀྱིས་བྱིན་གྱིས་བརླབ་
པར་འགྱུར། དེ་བཞིན་གཤེགས་པའི་སྐུ་གཟུགས་ཀྱང་མཐོང་བར་འགྱུར། ཟླ་བ་ཕྱེད་ཀྱི་བར་དུ་བཟླས་པ་བྱས་ན། འཕགས་པ་སྤྱན་རས་གཟིགས་དབང་ཕྱུག་དང་། ཟླ་འོད་གཞོན་ནུར་གྱུར་པ་མཐོང་བར་འགྱུར། མཚམས་མེད་པ་ལྔའི་སྡིག་བྱས་པ་ཡང་འབྱང་བར་
འགྱུར། སྐྱེ་བ་དྲན་པར་འགྱུར། ཚེ་བརྗེས་ནས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར། ཁྱིམ་བདག་ཆེན་པོ་སྐྱིད་པ་དག་གི་ནང་དུ་སྐྱེ་བར་འགྱུར། སྐྱེ་བོ་ཐཾད་དགའ་བར་འགྱུར་རོ། །འདི་ལྟར་ས་ཆེན་པོ་མ་ལུས་པ་འདི་ནི་གྲུམ་པར་འགྱུར་ཡང་སྲིད། རྒྱ་མཚོ་ནི་སྐམས་
ཀྱང་སྲིད། དེ་བཞིན་དུ་རིའི་རྒྱལ་པོ་རི་རབ་ནི་འཇིག་པར་འགྱུར་ཡང་སྲིད། རླུང་ནི་ཞགས་པས་བཅིང་དུ་རུང་ཡང་སྲིད། ཟླ་བ་དང་ཉི་མ་ནི་སའི་སྟེང་དུ་ལྟུང་ཡང་སྲིད། ནམ་མཁའ་ནི་ལག་པ་གཉིས་ཀྱིས་མནན་དུ་རུང་ཡང་སྲིད། མེ་ནི་ཆུར་འགྱུར་ཡང་སྲིད། འབྱུང་
བ་ཆེན་པོ་བཞི་ནི་གཞན་དུ་འགྱུར་ཡང་སྲིད། སེམས་ཅན་ཐཾད་ཀྱི་སེམས་ནི་གཅིག་ཏུ་འགྱུར་ཡང་སྲིད་ཀྱི། དེ་བཞིན་གཤེགས་པས་གསུངས་ཤིང་བྱིན་གྱིས་བརླབས་པ་ནི་གཞན་དུ་འགྱུར་མི་སྲིད་དེ། སུས་ཀྱང་བསྐྱོད་པའམ། བསྒུལ་བར་མི་ནུས་སོ། །འདི་ལ་ནི་བདུད་སྡིག་ཅན་
གྱིས་གླགས་རྙེད་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བཅྡོཾས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅྡོཾས་བདག་གིས་ཀྱང་གཟུངས་འདིའི་ཆོ་ག་བཤད་པར་བགྱིའོ། །ཆོས་ཀྱི་
རྒྱལ་པོའི་མཆོད་རྟེན་རིང་བསྲེལ་དང་བཅས་པའམ། སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་ཙནྡན་དཀར་པོའི་དཀྱིལ་འཁོར་བགྱིས་ཏེ། མེ་ཏོག་སིལ་མ་གཏོར་ལ་ཙནྡན་གྱི་བདུག་པས་བདུགས་ཏེ། ཟླ་བ་ཚེས་པ་ནས་བརྩམས་ནས་ཚེས་བཅོ་ལྔའི་
98-1-60a

བར་དུ་དུས་གསུམ་དུ་ཁྲུས་བགྱི་ཞིང་གོས་ཀྱང་ལན་གསུཾ་དུ་བརྗེས་ཏེ། ཁ་ཟས་བསྲེག་བྱ་འཚལ་ཞིང་གསོ་སྦྱོང་དང་ལྡན་པ། སེམས་ཅན་ཐཾད་ལ་སེམས་སྙོམས་པས་ཟླ་བ་ཉའི་ཉིན་པར་ཞག་ཅིག་བསྙུང་བ་བགྱིས་ཏེ། རྩྭ་བམ་གྱི་སྟེང་ན་
མཆིས་ཤིང་རྩྭ་བམ་བཏིང་བའི་སྟེང་དུ་ཉལ་ནས་སེཾས་རྩེ་གཅིག་ཏུ་བཟླས་པ་བགྱིད་ཅིང་མེ་ཏོག་དྲི་ཞིམ་པོ་ལན་རྒྱ་སྟོང་དུ་གཏོར་ན་གཡོ་བར་འགྱུར། བདག་ཉིད་ཀྱང་བཅྡོཾས་དེ་བཞིན་གཤེགས་པ་འོད་དཔག་མེད་དང་། སྤྱན་རས་གཟིགས་དབང་
ཕྱུག་མཐོང་བར་འགྱུར། གཟུངས་ཆེན་པོ་ཐོས་མ་ཐག་ཏུ་ཅི་འདོད་པ་དེ་ཐོབ་པར་འགྱུར། ཐོས་པ་འཛིན་པ་ཡང་འགྱུར། ལས་ཀྱི་སྒྲིབ་པ་ཐཾད་ཀྱང་བྱང་བར་འགྱུརོ། །བཅོཾ་ལྡན་འདས་ཀྱི་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། བྱང་ཆུབ་
སེཾདའ་དེ་དག་དང་། ཐཾད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རངས་ཏེ། བཅོཾ་ལྡན་འདས་ཀྱིས་གསུངས་པ་ལ་མངོན་པར་སྟོད་དོ། །འཕགས་པ་ཙན་དན་གྱི་ཡན་ལག་ཅེས་བྱ་བའི་
གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་བོ། ། རྒྱ་གར་སྐད་དུ། ཨཱརྱ་བི་ཛ་ཡ་བ་ཏེ་ནཱ་མ་པྲ་ཏྱྃ་གི་ར།   
བོད་སྐད་དུ།  ཕྱིར་ཟློག་པ་འཕགས་པ་རྣཾ་པར་རྒྱལ་བ་ཅན་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་འགྲོ་བ་ཐཾད་བསྲུང་བ་ལ་མངོན་པར་བརྩོན་པ་ཐཾད་ལ་ཕྱག་འཚལ་ལོ། །གྲུབ་པ་ཐཾད་ལ་ཕྱག་འཚལ་ལོ། །རིག་སྔགས་འཆང་ཐཾད་ལ་
ཕྱག་འཚལ་ལོ། །སངྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །བྱང་ཆུབ་སེཾདའ་སེཾདའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །དེ་རྣཾས་ལ་ཕྱག་
འཚལ་ནས་ཕྱིར་བཟློག་པ་རྣཾས་པར་རྒྱལ་བ་ཅན་ཞེས་བྱ་བ་གཤེད་བྱེད་དང་བྱད་སེལ་བ། རོ་ལངས་དང་བཀྲ་མི་ཤིས་པ་རབ་ཏུ་ཞི་བར་བྱེད་པ། རྒྱལ་པོའི་འཇིགས་པ་དང་། ཆོམ་རྐུན་གྱི་འཇིགས་པ་དང་། མེའི་འཇིགས་པ་དང་། ཆུའི་འཇིགས་

98-1-60b

པ་དང་། མཁའ་འགྲོ་མའི་འཇིགས་པ་དང་། ཡི་དགས་དང་། ཤ་ཟ་དང་། གྲུལ་བུཾ་གྱི་འཇིགས་པ་དང་། གྲིབ་གནོན་གྱི་འཇིགས་པ་དང་། རྗེད་བྱེད་ཀྱི་འཇིགས་པ་དང་། སྲུལ་པོའི་འཇིགས་པ་དང་། ལུས་སྲུལ་པོའི་འཇིགས་པ་དང་། ལམ་ལོག་པ་དང་། ལམ་དུ་ཞུགས་
པའི་འཇིགས་པ་དང་། ཉིན་མོ་དང་མཚན་མོའྀ་འགྲོ་བ་སོ་སོའྀ་འཇིགས་པ་རྨུགས་པར་བྱེད་པ། རེངས་པར་བྱེད་པ། རྨོངས་པར་བྱེད་པ། མདོག་བཟང་པོར་བྱེད་པ། སྤྲོ་བ་ཡང་དག་པར་འཕེལ་བར་བྱེད་པ། དགྲ་ཐཾད་ཟློག་པ། བགེགས་དང་
ལོག་འདྲེན་ཐཾད་རབ་ཏུ་ཞི་བར་བྱེད་པ། སྡིག་པ་ཐཾད་ཡང་དག་པར་བྱང་བར་བྱེད་པ། ཁ་རྨུགས་པར་བྱེད་པ། ཁ་རེངས་པར་བྱེད་པ། བཞིན་མཛེས་པར་བྱེད་པ་བརྗོད་པར་བྱའོ། །བྱང་ཆུབ་སེཾདའ་སེཾདའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་
རས་གཟིགས་དབང་ཕྱུག་ལ་ཕྱག་འཚལ་ལོ། །གསང་སྔགས་ཀྱི་གཞི་འདི་དག་གྲུབ་པར་གྱུར་ཅིག །ཏདྱ་ཐཱ། ༀ་དྷ་ར་དྷ་ར། དྷ་ར་དྷ་ར། དྷ་ར་དྷ་ར། དྷ་ར། དྷི་རི་དྷི་རི། དྷི་རི་དྷི་རི། དྷི་རི་དྷི་རི། དྷི་རི། དྷུ་རུ་དྷུ་རུ། དྷུ་རུ་དྷུ་རུ། དྷུ་རུ་དྷུ་རུ། དྷུ་རུ། བདག་འཇིགས་པ་དང་། གནོད་པ་ཐཾད་དང་། 
གཤེད་བྱེད་དང་། བྱད་ཐཾད་ལས་བསྲུང་དུ་གསོལ། བསྲུང་དུ་གསོལ། ཏདྱ་ཐཱ། ས་ར་ས་ར། ས་ར་ས་ར། ས་ར་ས་ར། ས་ར། སི་རི་སི་རི། སི་རི་སི་རི། སི་རི་སི་རི། སི་རི། སུ་རུ་སུ་རུ། སུ་རུ་སུ་རུ། སུ་རུ་སུ་རུ། སུ་རུ། མ་ར་མ་ར། མ་ར་མ་ར། མ་ར་མ་ར། མ་ར། མི་རི་མི་རི་མི་རི་
མི་རི། མི་རི་མི་རི། མི་རི། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མུ་རུ། བདག་ནད་ཐཾད་ལས་སྲུང་དུ་གསོལ། བསྲུང་དུ་གསོལ། ཏདྱ་ཐཱ། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། ཧི་ལི། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ། ཀི་ལི་ཀི་ལི། ཀི་ལི་ཀི་
ལི། ཀི་ལི་ཀི་ལི། ཀི་ལི་ཀི་ལི། ཀི་ལི། མི་ལི་མི་ལི། མི་ལི་མི་ལི། མི་ལི་མི་ལི། མི་ལི་མི་ལི། མི་ལི། ཙི་ལི་ཙི་ལི། ཙི་ལི་ཙི་ལི། ཙི་ལི་ཙི་ལི། ཙི་ལི་ཙི་ལི། ཙི་ལི། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ། འབྱུང་པོ་ཐཾད་བཟློགས་པར་མཛད་དུ་གསོལ། 
ༀ་བི་ས་ར་བི་ས་ར། ཀམ་པ་ཀམ་པ། ནཱ་ཤ་ཡ། ནཱ་ཤ་ཡ། དགྲ་གང་དག་བདག་ལ་མི་ཕན་པར་འདོད་པ་དང་། རྣམ་པར་སྡང་བ་དང་། གནོད་པར་སེམས་པ་དང་། སྔགས་བྱེད་པ་དང་། སྦྱིན་སྲེག་བྱེད་པ་དང་། བྱེད་དུ་འཇུག་པ་དང་། བྱས་པ་ལ་རྗེས་སུ་ཡི་རང་བ་དེ་དག་

98-1-61a

ཐཾད་ཉིད་ལ་སླར་སོང་ཤིག་སྭཱ་ཧཱ། མི་མཛའ་བ་ཐཾད་ཀྱི་མིག་བཅིང་ངོ་། །རྣ་བ་བཅིང་ངོ་། །སྣ་བཅིང་ངོ་། །ལྕེ་བཅིང་ངོ་། །ལུས་བཅིང་ངོ་། །ཡིད་བཅིང་ངོ་། །ཡན་ལག་དང་ཉིང་ལག་ཐཾད་བཅིང་ངོ་། །སྥུ་ཊ་སྥུ་ཊ་སྥུ་ཊ། སྥོ་ཊ་ཡ་སྥོ་ཊ་ཡ་སྥོ་ཊ་ཡ། གཤེད་བྱེད་དང་བྱད་
ཐཾད་རྣཾ་པར་གསལ་དུ་གསོལ། རྣཾ་པར་གཞོཾ་དུ་གསོལ། སརྦ་ཤ་ཏྲཱུྃ། ཏུ་རུ་ཏུ་རུ། ཏུ་རུ་ཏུ་རུ། ཏུ་རུ་སྭཱ་ཧཱ། བདག་འཇིགས་པ་དང་། གནོད་པ་ཐཾད་དང་། གཤེད་བྱེད་དང་། རོ་ལངས་དང་། རྗེད་བྱེད་ཐཾད་ལས་བསྲུང་དུ་གསོལ། སྲུང་དུ་གསོལ་སྭཱ་ཧཱ། བདག་གི་སྡིག་
པ་ཐཾད་བསལ་དུ་གསོལ། བསལ་དུ་གསོལ། ཙ་ར་ཙ་ར་སྭཱ་ཧཱ། མ་ར་མ་ར་སྭཱ་ཧཱ། སི་རི་སི་རི་སྭཱ་ཧཱ། ཀུ་རུ་ཀུ་རུ་སྭཱ་ཧཱ། དྷུ་རུ་དྷུ་རུ། དྷུ་རུ་དྷུ་རུ། དྷུ་རུ་སྭཱ་ཧཱ། མི་གང་དག་གནོད་པར་འདོད་ལ་ཕན་པར་མི་འདོད་ཅིང་བདག་ལ་བལྟ་བ་ཐཾད་རྨུགས་པར་
བགྱིའོ། །རེངས་པར་བགྱིའོ། །འཁྲུགས་པར་བགྱིའོ། །འབྱུང་པོ་ཐཾད་དང་། གདོན་ཐཾད་དང་། ནད་ཐཾད་འཁྲུལ་པར་མཛད་མ། རྨོངས་པར་མཛད་མ། རྨུགས་པར་མཛད་མ། རེངས་པར་མཛད་མ། འཇིགས་པར་མཛད་མ། རྣཾ་པར་འཇིགས་པར་མཛད་མ། 
རྣཾ་པར་མཐོར་བར་མཛད་མ། རྣཾ་པར་འཇོཾ་པར་མཛད་མ། སྭཱ་ཧཱ། ནཱི་ལེ་ནཱི་ལེ། ནཱི་ལ་ཀེ་ཤེ་སྭཱ་ཧཱ། པཱི་ཏེ་པཱི་ཏེ། པཱི་ཏ་ཀེ་ཤེ་སྭཱ་ཧཱ། ལོ་ཧི་ཏེ་ལོ་ཧི་ཏེ། ལོ་ཧི་ཏེ་ཀེ་ཤེ་སྭཱ་ཧཱ། ཨཱ་བ་ད་ཏེ། ཨཱ་བ་ད་ཏེ། ཨཱ་བ་དཱ་ཏ་ཀེ་ཤེ་སྭཱ་ཧཱ། ཤྭེ་ཏེ་ཤྭེ་ཏེ་ཤྭེ་ཏེ་བ་སྟྲ་དྷ་ར་ཎི་ཡེ་སྭཱ་
ཧཱ། འབྱུང་པོ་ཐཾད་ལ་དབང་སྒྱུར་མ། བདག་གི་སྡིག་པ་ཐཾད་བསལ་དུ་གསོལ། སྭཱ་ཧཱ། འཕེལ་བར་མཛད་མ། འཕེལ་བར་མཛད་མ། བདག་གི་དཔལ་དང་སྐལ་པ་བཟང་པོ་ཐཾད་སྤེལ་དུ་གསོལ། འཕེལ་བར་མཛད་དུ་གསོལ། མཛད་དུ་གསོལ། སྭཱ་ཧཱ། 
བདག་འཇིགས་པ་དང་གནོད་པ་དང་། ནད་འགོ་བ་དང་། འཁྲུགས་པ་ཐཾད་དང་། གཤེད་བྱེད་ཐཾད་དང་། བྱད་ཐཾད་དང་ནད་ཐཾད་དང་། གདོན་ཐཾད་དང་སྡིག་པ་ཐཾད་དང་བཟའ་ཉེས་དང་། བསྒོམ་ཉེས་དང་། གནོད་སྒྲིབ་དང་། གནོད་ལྟས་ཐཾད་ལས་བསྲུང་དུ་གསོལ། བསྲུང་དུ་གསོལ། 
སྭཱ་ཧཱ། ཕྱིར་ཟློག་རྣཾ་པར་རྒྱལ་བ་ཅན། །རྒྱལ་བ་འབྱུང་བ་གསུངས་པ་འདི། །གང་གི་མགུལ་དུ་འདི་བཏགས་པ། །དེས་ནི་རྒྱལ་འགྱུར་ཐེ་ཙོཾ་མེད། །སྡིག་དང་རྨི་ངན་བཀྲ་མི་ཤིས། །རྒྱལ་པོ་མེ་དང་ཆོམ་རྐུན་དགྲ། །དེ་དག་རྣཾས་ཀྱིས་དེ་མི་ཚུགས། །གང་གི་མགུལ་དུ་འདི་བཏགས་པ། །དེ་ནི་

98-1-61b

ཆུ་ཡི་ཁྱེར་མི་འགྱུར། །སྡིག་པ་ཡང་དག་བྱུང་བར་འགྱུར། །དགེ་བ་རྣམས་ནི་རྟག་ཏུ་འཕེལ། །ནད་མེད་པ་ཡང་ཐོབ་པར་འགྱུར། །ཕྱིར་ཟློག་པ་འཕགས་པ་རྣཾ་པར་རྒྱལ་ཅན་ཞེས་བྱ་བ། རྫོགས་སྷོ།། །། ༄། །རྒྱ་གར་སྐད་དུ། ཨཱརྱ་ཨོ་ཛ་པྲ་ཏྱྃ་གི་ར་ཎི་སཱུ་ཏྲ།  བོད་སྐད་དུ།  འཕགྶ་
པ་མདངས་ཕྱིར་འཕྲོག་པ་ཞེས་བྱ་བྰི་མདོ། སངས་རྒྱས་དང་བྱང་ཆུབ་སེམས་དཔའ་ཐཾད་ལ་ཕྱག་འཚལ་ལོ། །འདི་སྐད་བདག་གི་ཐོས་པ་དུས་གཅིག་ན། བཅོཾ་ལྡན་འདས་མཉན་ཡོད་ན་བཞུགས་ཏེ། དེ་ནས་བཅོཾ་ལྡན་འདས་ཀྱིས་ཚེ་དང་ལྡན་པ་ཀུན་
དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱི་མདངས་ཕྱིར་འཕྲོགས་པའི་རིག་སྔགས་ཟུང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱི་ཤིག །ཀུན་དགའ་བོ་གང་ལ་ལ་ཞིག་མདངས་ཕྱིར་འཕྲོག་པའི་རིག་སྔགས་འཆང་ངམ། སྟོན་ཏམ་ཀློག་གམ། 
ཀུན་ཆུབ་པར་བྱེད་ན། དེའི་མདངས་མི་འཕྲོག་ཤིང་། འཕྲོག་པར་མི་འགྱུར་རོ། །ཕྲོགས་ན་ཡང་ཕྱིར་ཡང་དག་པར་གནས་པར་འགྱུར་རོ། །དེ་ནས་བཅོཾ་ལྡན་འདས་ཀྱིས་དེའི་ཚེ་གསང་སྔགས་ཀྱི་བཞི་འདི་དག་བཀའ་སྩལ་ཏོ། །ཏདྱ་ཐཱ། ཕི་ཕི་ལི་ཕི་ལ་མེ། ཕི་ལུ་མྃ་གེ། ཕི་ལུ་
མ་ཏི། བལྒུ་མ་ཏི། སྤ་ར་བ་ཏི། ཀྵི་ར་བ་ཏི། ཀུ་རུ་མཱ་ཏི། ཨུ་ཏ་བ་ལ་ནི། གཽ་རི། གན་དྷ་རི། ཙཽ་རི། ཙཎཱ་ལི། སྟུ་རི་སྟུ་བ་རེ། ཨིནྡྲ་མ་ལི་ནི། ཛ་ལ་ནི། སོ་བཱ་ཀེ་ཏྲི་ཀྵོ་ཤ་མེ་སཱ་ག་རེ། མ་ཧཱ་སཱ་ག་རེ། པུ་རུ་ཙུ་རེ། ས་ནེ་མ་ནེ། ད་བ་ཕེ་ད་དམ་བ་ཕེ། ཧུ་ལུ་ཧུ་ལུ་སྭཱ་ཧཱ། རིག་སྔགས་འདི་
བཀའ་སྩལ་པ་ན། སྟོང་གསུཾ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གཡོས། རབ་ཏུ་གཡོས། ཀུན་ཏུ་གཡོས། ཀུན་ཏུ་རབ་ཏུ་གཡོས་པ་ནས། འཁྲུགས་རབ་ཏུ་འཁྲུགས། ཀུན་ཏུ་རབ་ཏུ་འཁྲུགས་པའི་བར་དུ་གྱུར་ཏོ། །གནོད་སྦྱིན་རྣམས་ཀྱང་། ཀྱེ་མའོ་
སྡུག་བསྔལ་ལོ། །ཀྱེ་མའོ་ཉམ་ཐག་གོ་ཞེས་ངུ་ཞིང་སྐད་ཆེན་སྒྲ་ཆེན་འབྱིན་ཅིང་འཁོད་དོ། །བཅོཾ་ལྡན་འདས་དེ་བཞིན་གཤེགས་པ་དགྲ་བཅོཾ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ངས་བདེན་པ་དང་། བདེན་པའི་ཚིག་གང་གི་མདངས་
ཕྱིར་འཕྲོག་པའི་རིག་སྔགས་འདི་གསྲུང་བའི་བདེན་པ་དང་། བདེན་པའི་ཚེག་དེས་ངས་བསྲུང་བར་བྱའོ། །བདེ་ལེགས་སུ་འགྱུར་བའི་བར་དུའོ། །དེའི་མདངས་འཕྲོག་པར་བྱའོ། །ཕྱིར་དབྲོག་པར་བྱའོ། །ཉེ་བར་བསྒྲུབ་པར་བྱའོ། །གནོད་སྦྱིན་གྱིས་ཟིན་ཏཾ། 

98-1-62a

མི་དང་མི་མ་ཡིན་པས་ཟིན་ན་དུས་དེ་དང་། ཚོད་དེ་དང་། ཡིད་ཙམ་དེ་ལ་མདངས་འཕྲོག་གོ། ཕྱིར་མི་འཕྲོག་གོ། རྣམ་པར་འཇུག་གོ། གལ་ཏེ་འཕྲོག་ཅིང་ཕྱིར་མི་འཕྲོག་པར་མི་བྱེད་དེ། གནས་ན་འདུག་བཞིན་དུ་རྣམ་པར་མི་འཇིགས་ཅིང་། ཡང་འཇོཾས་པར་
འདོད་དམ་འཕྲོག་པར་འདོད་པར་གྱུར་ན། དེས་བཅོཾ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཉན་ཐོས་ཀྱི་ཚོགས་དང་བཅས་པ་དེ་མི་མཉེས་པར་བྱས་པར་འགྱུར་རོ། །བཅོཾ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་ཡིད་རངས་ཏེ་
བཅོཾ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་མདངས་ཕྱིར་ཕྲོག་པ་ཞེས་བྱ་བའི་ཐེག་པ་ཆེན་པོའྀ་མདོ། རྫོགས་སྷོ།། །། ༄། །རྒྱ་གར་སྐད་དུ། ཨརྱ་རད་ན་མཱ་ལ་ནཱ་མ་ཨ་པ་རཱ་རྫི་ཏ།  བོད་སྐད་དུ།  འཕགས་པ་གཞན་གྱིས་མི་ཐུབ་པ་རིན་པོ་ཆེའི་ཕྲེང་བ་
ཞེས་བྱ་བ། དཀོན་མཆོག་གསུཾ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངྱས་བྱེ་བ་ཕྲག་བདུན་ཉན་ཐོས་ཀྱི་དགེ་འདུན་དང་བཅས་པ་རྣཾས་ལ་ཕྱག་འཚལོ། །བྱམས་པ་
ལ་སོགས་པ་བྱང་ཆུབ་སེམས་དཔའ་ཐཾད་ལ་ཕྱག་འཚལ་ལོ། །ཡང་དག་པར་སོང་བ་རྣཾས་ལ་ཕྱག་འཚལ་ལོ། །ཡང་དག་པར་ཞུགས་པ་རྣཾས་ལ་ཕྱག་འཚལ་ལོ། །དགྲ་བཅོཾ་པ་རྣཾས་ལ་ཕྱག་འཚལ་ལོ། །ཕྱིར་མི་འོང་བ་རྣཾས་ལ་ཕྱག་འཚལ་ལོ། །ལན་ཅིག་ཕྱིར་འོང་བ་རྣཾས་ལ་
ཕྱག་འཚལ་ལོ། །རྒྱུན་དུ་ཞུགས་པ་རྣཾས་ལ་ཕྱག་འཚལ་ལོ། །ལྷའི་དྲང་སྲོང་རྣཾས་ལ་ཕྱག་འཚལ་ལོ། །བརྟུལ་ཞུགས་གྲུབ་པ་རྣཾས་ལ་ཕྱག་འཚལ་ལོ། །ལྷ་རྣཾས་ལ་ཕྱག་འཚལོ། །ཀླུ་རྣཾས་ལ་ཕྱག་འཚལོ། །གནོད་སྦྱིན་རྣཾས་ལ་ཕྱག་འཚལོ། །དྲི་ཟ་རྣཾས་ལ་ཕྱག་འཚལོ། །ལྟོ་འཕྱེ་ཆེན་པོ་
རྣཾས་ལ་ཕྱག་འཚལ་ལོ། །མི་འཾ་ཅི་རྣཾས་ལ་ཕྱག་འཚལ་ལོ། །སྲིན་པོ་རྣཾས་ལ་ཕྱག་འཚལོ། །ཤ་ཟ་སྐྲ་གྱེན་དུ་བརྫེས་པ་རྣཾས་ལ་ཕྱག་འཚལོ། །རིག་པའི་བདག་པོ་ཐཾད་ལ་ཕྱག་འཚལོ། །ཟླ་བ་དང་ཉི་མ་རྣཾས་ལ་ཕྱག་འཚལོ། །རྒྱུ་སྐར་ཉི་ཤུ་རྩ་བརྒྱད་ལ་ཕྱག་འཚལོ། །དེ་ནས་གཞན་ཀྱི་མི་ཐུབ་
པའི་རིན་པོ་ཆེའི་ཕྲེང་བའི་སྙིང་པོ་ཡང་དག་པར་རྫོགས་པའི་སངས་རྒྱས་ཀྱིས་གསུྃངས་པ། ལྷ་དང་། ཀླུ་རྣཾས་ཀྱིས་རྗེསུ་ཡི་རང་བ། ལས་ཐཾད་བྱེད་པ། གཙང་བ་བརྗོད་པར་བྱ་ཏེ། དག་ཅིང་དེ་བཞིན་བཀྲ་ཤིས་པ། །བསོད་ནམས་བྱེད་གཙང་དཔལ་ཡོན་ཅན། །སྲིན་པོ་འཇོཾས་པ་ལྷ་རྣཾས་དང་། །སེཾན་ཀུན་གྱིས་མི་ཐུབ་

98-1-62b

པ། །སྡིག་པ་ཐཾད་རབ་འཇིག་པ། །དོན་ཀུན་སྒྲུབ་པ་དཔལ་ཡོན་ཅན། །གདོན་ཀུན་རྣཾ་པར་འཇིག་བྱེད་པ། །རིག་སྔགས་འདི་ནི་བརྗོད་པར་བྱ། །འདི་ནི་རྟག་ཏུ་རྒྱལ་བྱེད་པ། །བརྒྱ་བྱིན་གྱིས་ཀྱང་མི་ཐུབ་འདི། །དུག་དང་གཤེད་བྱེད་འཇིག་བྱེད་པ། །མེ་དགྲ་རྒྱལ་པོའི་འཇིགས་པ་དང་། །གཤེད་
བྱེད་གདོན་དང་རོ་ལངས་དང་། །རྨི་ལཾ་ངན་དང་ལུས་སྲུལ་དང་། །ལྷ་དང་ལྷ་མིན་དྲི་ཟ་དང་། །གནོད་སྦྱིན་སྲིན་པོ་ཀླུ་རྣཾས་ལས། །ཀུན་ནས་དཔག་ཚད་བརྒྱ་ཚུན་ཅད། །རྟག་ཏུ་བདག་ལ་བསྲུང་བར་མཛོད། །ཉིན་གཅིག་པའི་རིམ་ནད་དང་། །ཉིན་གཉིས་པ་དང་ཉིན་གསུཾ་དང་། །ཉིན་བཞི་པ་ཡི་རིམ་ནད་
དང་། །མི་བཟད་རིམས་ལས་འདི་སྲུང་བྱད། །དུག་དང་དབྱིག་དུག་ཟོས་པ་ཡི། །ཁ་ཟས་བཞིན་དུ་འཇུ་བར་འགྱུར། །གང་གི་མངལ་ན་མི་འཆགས་དང་། །གང་གི་བུ་ཕོ་འཆི་བ་ཡང་། །རིན་པོ་ཆེའི་ཕྲེང་བ་འདིས། །དེ་དག་མྱུར་དུ་འཚོ་བར་བྱེད། །ནོར་འདོད་པ་ནི་ནོར་རྣཾས་འཐོབ། །དཔལ་འདོད་པ་ཡང་དཔལ་
ཐོབ་འགྱུར། །འཐབ་ཅིང་འགྱེད་དང་གཡུལ་ངོར་ཡང་། །མྱུར་ཏུ་རྒྱལ་བར་བྱེད་པ་ཡིན། །སེཾན་རྣཾས་ལ་གནོད་གཟིགས་ནས། །འཇིག་རྟེན་མགོན་གྱིས་རབ་གསུངས་པ། །རིན་ཆེན་ཕྲིང་ཞེས་བྱ་བ་ཡི། །རིག་སྔགས་འདི་ནི་བརྗོད་པར་བྱ། །ཏདྱ་ཐཱ། ༀ་དྷ་ན་ག་རི། བི་པུ་ལ་ཀ་རི། ཛ་ཡ་ཀ་རི། ཡཥྚི་ཀ་རི། 
བྲྀད་དྷི་ཀ་རི། ཨཱ་ཡུརྡ་དི། པུ་ཎྱ་ད་རི། ཨཱ་ལ་ཀྵྨཱི་པྲ་ཤ་མ་ནི། དྷ་ན་དྷ་ནྱ་བི་བརྟྷ་ནི། ཤྭཱི་ཀ་རི། སརྦ་གྲ་ཧ་ན་ཀྵ་ཏྲ་པ་ཤ་བརྡྷི་ནི། མེ་དའ་ཛ་ན་ནི་པུ་ཏྲ་ཛ་ན་ནི། པ་རི་བ་རཱ་བརྡྷ་ན། ཨཱ་ཡུརྡཱ་དི། པྲི་ཡ་ཀ་རི། ཛྃ་བྷ་ནི། སྟྃ་བྷ་ནི། མོ་ཧ་ནི། ཨཱ་མོ་གྷ་ཤཀྟི་ཀཉྩ་ན་མཱ་ཡི། གྲ་ཧ་སཽ་མྱ་ཀ་ར་ཎི། སརྦ་ཀི་ལི་ཀི་ལ་ཧ་བི་གྲ་
བཱི་བྷ་དྷ་པྲ་ཤ་མ་ནི། བ་ར་ཙཀྲ་ནི་བཱ་ར་ཎེ། ས་ར་སཻ་ནྱ། སྟྃ་བྷ་ནི་ཙིཏ་ཏ་ནིརྨ་ལཱི་ཀ་རི་ཎཱི། སརྦ་པཱ་པ་པྲ་ཤ་མ་ནི། སརྦ་ཀཱ་ལ་བིཥྚ་ནཱ་ཤ་ནི་སྭཱ་ཧཱ། ཙུ་རུ་ཙུ་རུ་སྭཱ་ཧཱ། ཏུ་རུ་ཏུ་རུ་སྭཱ་ཧཱ། མུ་རུ་མུ་རུ་སྭཱ་ཧཱ། སརྦྦ་དེ་བ་ཨ་ནུ་ཛྙཱི་ཏེ་སྭཱ་ཧཱ། སརྦ་ནཱ་གཱ་སྃ་རཀྵི་ཏེ་སྭཱ་ཧཱ། ༀ་ནྀ་རི་ནི་རི་ཕཊ། ད་ཧ་
ད་ཧ་ཕཊ། པ་ཙ་པ་ཙ་ཕཊ། གང་དག་བདག་ལ་སྡང་བར་སེཾས་པ་དང་། གནོད་པར་སེཾས་པ་དང་། སྦྱིན་སྲེག་བྱེད་པ་དང་། བྱད་བྱེད་པ་དང་། བྱེད་དུ་འཇུག་པ་དང་བྱེད་པ་ལ་རྗེསུ་ཡིད་རང་བ་དེ་དག་ཐཾད་ཕཊ་ཕཊ་སྭཱ་ཧཱ། ཨག་ནི་སྟྃ་བྷཱ་ཡཱ་མི། བཱི་ཤན་ཤ་བྲཱུྃ། ཨུ་ད་ཀན། ཙཽ་རཱན། སརྦ་དུ་
ཥྚཱ་ན། སརྦ་པྲ་ཏྱརྠི་ཀ །པྲ་ཏྱ་མནྟྲཱ་ན། སྟྃ་བྷ་ཡཱ་མི་ཛྃ་བྷ་ཡཱ་མི་མོ་ཧ་ཡཱ་མི། ཕཊ་ཕཊ་སྭཱ་ཧཱ། གཞན་གྱི་མི་ཐུབ་ཅེས་བྱ་བ། །རིན་ཆེན་ཕྲེང་གིས་རྣཾ་པར་བརྒྱན། །ལས་ཀུན་བྱེད་དང་དེ་བཞིན་དུ། །རྟག་ཏུ་བསྲུང་བ་བྱེད་པ་འདི། །འགྲོ་བ་འམ་ཡང་ན་ཅི་ཡང་རུང་། །དེ་དག་འགའ་ཞིག་བྲིས་ཏེ་འཆྃང་། །

98-1-63a

སྲིན་པོ་འཇོཾས་པ་བསོད་ནཾས་མཆོག །སྡིག་པའི་རྙོག་པ་འཇིགས་པར་བྱེད། །གཡུལ་འགྱེད་པ་དང་འཐབ་པར་ཡང་། །ཀུན་དུ་རྒྱལ་བར་བྱེད་པ་དགེ། །མི་གང་གཙང་སྦྲར་བྱས་ནས་སུ། །རིག་སྔགས་འདི་བྲིས་འཆང་བ་དང་། །བཀླགས་དྲན་ཤེས་རབ་ཅན་དེ་ལ། །འཇིགས་པ་ཀུན་དུ་མི་འབྱུང་ངོ་། །
ཆོ་ག་བཞིན་དུ་ཀློག་འཆང་ན། །གསང་བ་པོ་ཀུན་རྟག་ཏུ་བསྲུང་། །ཡོངསུ་སྐྱོང་བར་བྱེད་པར་འགྱུར། །རྟག་ཏུ་རྒྱལ་བར་བྱེད་པ་ཏེ། །དཔེར་ན་རིན་ཆེན་ཕྲེང་བ་ཡི། །མགོ་བོ་བརྒྱན་ན་མཛེས་པ་ལྟར། །དེ་བཞིན་ཕུན་སུཾ་ཚོགས་པས་མཛེས། །གང་ཞིག་རིག་སྔགས་འདི་འཆང་ན། །དེ་ཡིས་
གདོན་རྣམས་རྣམ་པར་འཇིག །ནད་ཀྱི་བཏབ་པར་མི་འགྱུརོ། །བུ་དང་ཚ་བོ་རྣམ་པར་འཕེལ། །དེའི་འཁོར་ནི་བཟང་པོར་འགྱུར། །སེཾན་ཀུན་ལ་ཕན་ཕྱིར་དང་། །བྱེ་བྲག་ཏུ་ནི་བྱིས་པའི་ཕྱིར། །དེ་བཞིན་གཤེགས་པ་ཐཾད་ཀྱིས། །རིག་སྔགས་འདི་ནི་བྱིན་གྱིས་རླབ། །ལྷའི་དབང་པོ་རྣཾས་དང་ནི། །དེ་བཞིན་
བྱང་ཆུབ་སེཾདའ་བསྲུང་། །དེ་ལ་ཕྱོགས་བཅུ་རྣཾས་ཀྱི་ནི། །དེ་བཞིན་གཤེགས་པ་གཟིགས་པར་མཛད། །དགེ་བ་དང་ནི་ནོར་རྣམས་འཕེལ། །སྡིག་པ་རྣམས་ཀྱང་བྱང་བར་འགྱུར། །རྨི་ལཾ་ངན་ཉེས་བྱས་པ་ཡིས། །གྲོལ་འགྱུར་འདི་ལ་ཐེ་ཚོཾ་མྱེད། །ཏདྱ་ཐཱ། མུ་ནི་མུ་ནི། མུ་ནི་མུ་ནི། མུ་ནི་རྀ། མ་ཏི་མ་ཏི་མ་ཏི། 
མ་ཧཱ་མ་ཏི། བདག་འཇིགས་པ་ཐཾད་ལས་སྲུངས་ཤིག །སྲུངས་ཤིག །སངས་རྒྱས་ཐཾད་ལ་ཕྱག་འཚལ་ལོ། །ཡམས་ཀྱི་ནད་དང་། གནོད་པ་ཐཾད་ལས་བདག་བདེ་ལེགསུ་གྱུར་ཅིག་སྭཱ་ཧཱ། འཕགས་པ་གཞན་གྱིས་མི་ཐུབ་པ་རིན་པོ་ཆེའི་ཕྲེང་བ་ཞེས་བྱ་བ། རྫོགས་སྷོ།། །།
པཎ་ཌི་ཏ་སུ་རེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། ༄༅། །རྒྱ་གར་སྐད་དུ། ཨཱརྱ་ཨ་བྷ་ཡཱཏ་ནཱ་མ་ཨ་པ་རཱ་ཛི་ཏ།  བོད་སྐད་དུ། འཕགྶ་པ་བཞན་གྱྶི་མི་ཐུབ་པ་མི་འཇིགྶ་པ་སྦྱིན་པ་ཞེས་བྱ་བ། སངས་རྒྱས་དང་
བྱང་ཆུབ་སེཾདའ་ཐཾད་ལ་ཕྱག་འཚལ་ལོ། །གྲུབ་པ་ཐཾད་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །བྱང་ཆུབ་སེམས་དཔའ་སེཾདའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་
དབང་ཕྱུག་ལ་ཕྱག་འཚལ་ལོ། །སེཾན་ཐཾད་ཀྱི་སྡུག་བསྔལ་སེལ་བ་ལ་ཕྱག་འཚལ་ལོ། །སེཾན་ཐཾད་ཀྱི་སྡུག་བསྔལ་ལས་གྲོལ་བར་མཛད་པ་ལ་ཕྱག་འཚལ་ལོ། །སེཾན་ཐཾད་ཀྱི་འཆིང་བ་གཅོད་པ་ལ་ཕྱག་འཚལ་ལོ། །སེཾན་ཐཾད་ལ་མི་འཇིགས་པ་སྦྱིན་པ་ལ་

98-1-63b

ཕྱག་འཚལ་ལོ། །དེ་ནས་འཇིགས་པ་མེད་པ་འཕགས་པ་སྤྱན་རས་གཟིགས་དབང་ཕྱུག་གི་གཞན་གྱི་མི་ཐུབ་པའི་སྙིང་པོ་བརྗོད་པར་བྱའོ། །ལས་ཀུན་བྱེད་པ་དགེ་བ་སྟེ། །འབྱུང་པོ་ཀུན་གྱིས་འཇིགས་པ་མེད། །བདུད་རྩི་ལས་ནི་བདུད་རྩི་འབྱུང་། །འདི་ནི་ལས་ཀུན་བྱེད་
པ་ཡིན། །དགྲ་ཀུན་འཇིགས་པར་བྱེད་པ་སྟེ། །རྩོད་དང་དེ་བཞིན་འཐབ་པ་དང་། །གཞན་དང་དགྲས་ནི་འཁོར་བ་དང་། །རྩོད་པའི་ནང་དུ་རྩོད་བྱེད་དང་། །རྟག་ཏུ་དགྲ་དང་ཕྲད་པ་དང་། །རྨུགས་པར་བྱེད་ཅིང་རིངས་པར་བྱེད། །རྨོངས་པར་བྱེད་ཅིང་སྡིག་པ་སེལ། །
དུག་དང་མེ་ནི་རེངས་བྱེད་དང་། །རིམས་དང་ཉེས་སྡིག་ཐཾད་སེལ། །ཆོམ་རྐུན་དང་ནི་ཆུ་དང་སྦྲུལ། །རྨི་ལམ་ངན་པ་ཐཾད་སེལ། །འབྱུང་པོ་ཐཾད་ཟློག་པ་ཡིན། །སངས་རྒྱས་བྱང་ཆུབ་འདྲེན་པ་དང་། །ཆོམ་རྐུན་རབ་ཏུ་སྟོན་པ་སྟེ། །འདི་ནི་རིག་སྔགས་མཐུ་སྟོབས་
ཅན། །གཞན་གྱིས་མི་ཐུབ་སྲིན་པོ་འཇོམས། །གང་ཚེ་རིག་སྔགས་འདི་བཤད་པ། །དེ་ན་ས་འདི་གཡོ་བར་འགྱུར། །འཇིགས་མེད་ལྡན་པ་ཞེས་བྱ་བའི། །རིག་སྔགས་རྒྱལ་པོ་བླ་ན་མེད། །འཇིག་རྟེན་མགོན་པོས་གསུངས་པ་སྟེ། །འཇིག་རྟེན་གསུཾ་པོ་ཀུན་
གྱི་མཆོད། །དེ་ནས་འཇིགས་པ་མེད་པ་སྤྱན་རས་གཟིགས་དབང་ཕྱུག་གིས་དེ་བཞིན་གཤེགས་པ་རྗེས་སུ་དྲན་པར་བྱས་ནས་རང་གི་སྙིང་པོ་གཞན་གྱིས་མི་ཐུབ་པ་དེ་བཞིན་གཤེགས་པ་ཐཾད་ཀྱིས་གསུངས་པ་འདི་སྨྲས་སོ། །ཨོཾ་ཏ་ར་ཏ་ར། ཏཱ་རེ་ཏཱ་རེ། མོ་རི་
ཀེ་ཙན་དྲ་པྲ་བྷེ། བྷི་རྀ་བྷི་རྀ། ཙི་རྀ་ཙི་རྀ། སཱུརྱ་ཀཱན་ཏེ། ཧེ་མ་པྲ་བྷེ། བུད་དྷྱ་བུད་དྷྱ། བོ་དྷ་ནི། སརྦ་པཱ་པ་པཱ་ནཱ་ཤ་མ་ནི། ཙ་ར་ཙ་ར། པི་ཤ་པྲ་ཤ་མ་ནི། ཙི་རྀ་ཙི་རྀ། ཙུ་རུ་ཙུ་རུ། སརྦ་བྷྀ་དྷྱ་དྷ་ར་ན། མ་སྐྲི་ཏེ། དྷ་ར་དྷ་ར། དྷི་རྀ་དྷི་རྀ། དྷུ་རུ་དྷུ་རུ། སརྦ་ཏ་ཐཱ་ག་ཏ་བྷ་ཥི་ཏ། པ་ར་པ་ར། 
པི་རྀ་པི་རྀ། པུ་རུ་པུ་རུ། པྲཛྙ་པཱ་ར་མི་ཏ། ཨ་ནུད་ཛྙཱ་ཏེ། ཥཊ་པཱ་ར་མི་ཏཱ་པཱ་རེ་པཱུ་རི། ག་གཱ་ན་དྷི་བ་ལུ་ཀོ་པཱ་མ། ཏ་ཐཱ་ག་ཏ་བྷཱ་ཤི་ཏ། པྲི་ཡྃ་ཀ་རི། དྷ་ན་ཀ་རི། པྲཱ་ཏི་ཀ་རི། ཤུ་བྷ་ཀ་རི། བ་པྲི་ད་ཏྲ། མྃ་ག་ལ་དྷ་རི་ཎྀ། སརྦ་དེ་བ་ཏ་ཨ་དྷིཥྛི་ཏེ། སརྦ་མ་ཧྭ་རོ་
ག་ཨ་དྷིཥྛི་ཏེ། སརྦ་ཀིན་ན་ར་ཨ་དྷིཥྛི་ཏེ། སརྦ་ཡཀྵ། རཀྵ་སཱ། ཨཱ་དྷིཥྛི་ཏེ། བྲཧྨ་བྷ་ཥི་ཏེ། ཨིན་དྲ་བྷ་ཥི་ཏེ། ཙ་ཏུར་མ་ཧཱ་རཱ་ཛ་བྷ་ཥི་ཏེ། ཙན་དྲ་སཱུརྱ་བྷ་ཥི་ཏེ། ༀ་ཏྀ་རྀ་ཏི་རྀ། ཙན་དྲ་ཀི་རཱ་ཎེ། ཀི་ལི་ཀི་ལི། སརྦ་ཤ་ཏྲཱུྃ་བི་ན་ཤ་ནི་ཧཱུྃ་ཕཊ་སྭཱ་ཧཱ། དེ་ནས་

98-1-64a

བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་གིས། བྱང་ཆུབ་སེམས་དཔའ་མི་འཇིགས་པ་སྦྱིན་པ་ལ་འདི་སྐད་ཅེས་སྨྲས་སོ། །མི་འཇིགས་པ་སྦྱིན་པ་སྔོན་
བྱུང་བ་འདས་པའི་དུ་ན་འཇིགས་རྟེན་གྱི་ཁཾས་གང་གཱའི་ཀླུང་གི་བྱེ་མ་སྙེད་འདས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། སེཾན་ཐཾད་ལ་ཕན་འདོགས་པ། 
གཞན་གྱིས་མི་ཐུབ་པའི་དབང་ཕྱུག་འོད་ཅེས་བྱ་བ་འཇིག་རྟེན་དུ་བྱུང་སྟེ། དེ་ལས་བདག་གིས་འདི་དག་ཐོས་སོ། །དེ་ལས་བཟུང་ནས་བྱང་ཆུབ་སེམས་པ་རྣཾས་དང་། སེཾན་ཐཾད་ལ་ཡང་བསྙད་དོ། །མི་འཇིགས་པ་སྦྱིན་པ་གཞན་གྱིས་
མི་ཐུབ་པའི་སྙིང་པོ་འདི་ནི་ཡང་དག་པར་རྫོགས་པའི་སངས་རྒྱས་བདུན་པོ་རྣཾ་པར་གཟིགས་དང་། གཙུག་ཏོར་ཅན་དང་། ཐཾད་སྐྱོབ་དང་། འཁོར་བ་འཇིག་དང་། གསེར་ཐུབ་དང་། འོད་སྲུང་དང་ཤཱཀྱ་ཐུབ་པ་རྣཾས་ཀྱིས་གསུངས་སོ། །
གཞན་གྱིས་མི་ཐུབ་པའི་སྙིང་པོ་འདི་ནི་བདག་སྲུང་བ་དང་། གཞན་སྲུང་བ་དང་། གཉི་ག་སྲུང་བ་དང་། གྲོང་དང་གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་སྲུང་བ། སྲོག་སྐྱོང་བ། ཚེ་སྦྱིན་པ། ལག་ཆ་རེངས་པར་བྱེད་པ། 
འཐབ་མོ་དང་། འཐབ་པ་དང་། འགྱེད་པ་དང་། རྩོད་པ་ཐཾད་ཞི་བར་བྱེད་པ། དགྲ་ཐཾད་ཟློག་པ། འཆིང་བ་ཐཾད་གྲོལ་བར་བྱེད་པ། ཐཾད་དུ་གཞན་གྱི་མི་ཐུབ་པའོ། །ཤུད་དྷི། མུ་ག་ཏེ་པྲ་བྷ་སྭཱ་རེ་ཤྭ་ཏེ། པད་ད་རཱ་བཱ་སི་ནི། སརྦ་དུཥྚ་ན་ཛྃ་བྷཱ་ཡ་མི་སྟྃ་བྷ་ཡ་མི་མོ་ཧཱ་
ཡ་མི། ཨོཾ་སྭཱ་ཧཱ། ས་བིད་ཏྲེ་སྭཱ་ཧཱ། ཤྭེ་ཏེ་སྭཱ་ཧཱ། ཤྭེ་ཏེ་པ་ཏ་པྲཱ་བྲི་ཏེ་སྭཱ་ཧཱ། ཏདྱ་ཐཱ། ཏཱ་རེ་ཏཱ་རེ་ཏཱ་རི་ནི་རཀྵ་རཀྵ་སརྦ་ཀ་ལེ་ལེ་ཀ་ལ་ཧ། པིག་གྲ་ཧ་བྷི་ཏ་དུ། སྭ་བ་པ་ན་བྷྱ་ཡི་བྷྱཿསྭཱ་ཧཱ། རྟག་ཏུ་ལེ་ལོ་མེད་པར་ནི། །གང་ཞིག་གཟུངས་འདི་འཆང་བྱེད་པ། །དེ་ལ་ལྷ་ཚོགས་ཐཾད་
ཀྱང་། །དུས་ཀུན་དུ་ནི་སྲུང་བར་བྱེད། །དེ་ནི་འཇིག་པར་འགྱུར་བ་མེད། །དེ་ནི་རྟག་སྲུང་ལྷན་ནེ་འཇུག །ཇི་ལྟར་ཉི་མ་ས་སྟེང་ན། །གཟི་བརྗིད་གྲགས་འཆང་ལྷན་ནེ་བཞིན། །དེ་ལ་གཤེད་བྱེད་བྱད་སྟེམ་དང་། །སྲུལ་པོ་དག་གིས་མི་ཚུགས་ཏེ། །དེ་ལ་

98-1-64b

དཔལ་ཡོན་འཇུག་པར་འགྱུར། །ཁ་དོག་དང་ནི་ཚེ་ཡང་འཕེལ། །འཕགྶ་པ་བཞན་གྱྶི་མི་ཐུབ་པ་མི་འཇིགྶ་པ་སྦྱིན་པ་ཞེས་བྱ་བ་རྫོགས་སྷོ།། །།རྒྱ་གར་གྱི་མཁན་པོ་པྲཛྙ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་
སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།།  རྒྱ་གར་སྐད་དུ། ༄། །བོད་སྐད་དུ། འཕགས་པ་གདོན་མི་ཟ་བ་ཞེས་བའི་གཟུངས། འདི་སྐད་བདག་གིས་ཐོས་པའི་དུས་གཅིག་ན། བཅོཾ་ལྡན་འདས་བེ་ཤ་ལེའྀ་སྤྲེའུ་
རྫིང་གིས་འགྲཾ་གྱི་ཁང་བུ་བརྩེགས་པ་ན་བཞུགས་ཏེ། དེའི་ཚེ་བརྒྱ་བྱིན་ལྷའི་དབང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོཾ་ལྡན་འདས་བདག་ལྷ་མ་ཡིན་རྣཾས་ཀྱིས་རྒོལ་ཞིང་གཙེས་ཏེ། བདག་དང་ལྷ་མ་ཡིན་དུས་ཡུན་
རིང་པོར་མི་འཛའ་ཞིང་དགྲར་གྱུར་ན། བཅོཾ་ལྡན་འདས་ཀྱིས་བདག་ལ་ཅི་ནས་ཀྱང་ཡུན་རིང་པོར་ཕན་པ་དང་། བདེ་བར་འགྱུར་བའི་ཕྱིར་དེ་ལྟ་བུའི་ཆོས་བདག་ལ་བཤད་དུ་གསོལ། དེ་སྐད་ཅེས་གསོལ་པ་དང་། བཅོཾ་ལྡན་འདས་ཀྱིས་བརྒྱ་
བྱིན་ལྷའི་དབང་པོ་ལ་འདི་སྐད་ཅེས་བཀའ་སྩལ་ཏོ། །དེའི་ཕྱིར་ཀཽ་ཤི་ཀ་ཁྱོད་ཀྱིས་ངའི་སྙིང་པོ་གདོན་མི་ཟ་བ་ཞེས་བྱ་བའི་རིག་སྔགས་འདི་ལོང་ཤིག །ཏདྱ་ཐཱ། ཨུརྦ་པ། ནིརྦྀ་སིརྦྀ་ཨུརྤུ་རྤུ་རེ། ཧཱུ་ལེ་ཧཱུ་ལེ། དེ་ཁུ་མེ། པྲ་ཏྱྃ་ག་མ་ཨ་གཙྪ་
མ་ཧཱ་མ་ཡཱུ་རི་ནཱ་མ། བདག་འཇིགས་པ་ཐཾད་དང་། འཚེ་བ་ཐཾད་དང་། འཁོར་ཐཾད་དང་བཅས་པ་ལ་སྲུངས་ཤིག་སྲུངས་ཤིག །སརྦ་ཀཱ་ཡ་བག་མ་མོ་མོཤྩ་རི་ཏེ་སྭཱ་ཧཱ། བཅོཾ་ལྡན་འདས་དགྱེས་ཤིང་དེ་སྐད་ཅེས་བཀའ་སྩལ་པ་དང་། བརྒྱ་བྱིན་
ལྷའི་དབང་པོ་ཡིད་དགའ་སྟེ། བཅོཾ་ལྡན་འདས་ཀྱིས་བཀའ་སྩལ་པ་ལ་རྗེས་སུ་ཡི་རང་ནས། བཅོཾ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་དེ་ཉིད་དུ་མི་སྣང་བར་གྱུར་ཏོ། །རྫོགས་སྷོ།། །། ཡང་དག་པར་རྫོགས་པའི་སངྱས་
ཉན་ཐོས་ཀྱི་དགེ་འདུན་དང་བཅས་པ་བདུན་ལ་ཕྱག་འཚལ་ལོ། །དགྲ་དང་འཇིགས་པ་ཀུན་ལས་རྒལ། །རྣཾ་པར་གཟིགས་ནི་གཟི་བརྗིད་ཆེ། །རྫུ་འཕྲུལ་ངོ་བོ་གཙུག་ཏོར་ཏེ། །ཐམས་ཅད་སྐྱོབ་པའི་ཤེས་རབ་དང་། །ལོག་དད་སེལ་བའི་སྟོབས་

98-1-65a

ཉིད་དང་། །གསེར་ཐུབ་ཀྱི་ནི་བསླབ་པ་དང་། །འོད་སྲུང་གིས་ནི་ཡོན་ཏན་དང་། །ཤཱཀྱ་ཐུབ་པའི་བརྩོན་འགྲུས་ཀྱིས། །བདག་ནི་རྟག་ཏུ་བདེ་བར་ཤོག །ཏདྱ་ཐཱ། ཛ་ཡན་ཏི། བི་ཛ་ཡན་ཏི། ཛ་ཡེ་བི་ཛ་ཡེན་ཛི་ཏྀ་ཛི་ཏྀ། ཨ་པ་རཱ་ཛི་ཏི། པ་ར་སཻ་ནྱ་
པྲ་མར་དྷ་ནི་ཡེ་སྭཱ་ཧཱ།  བཞན་གྱིས་མི་ཐུབ་པའི་རྀག་པ་ཆེན་མོ། རྫོགས་སྷོ།།  །།༄། །རྒྱ་གར་སྐད་དུ། ཨཱརྱ་སརྦ་ཨ་བྷ་ཡ་པྲ་དཱ་ན་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་ཐམས་ཅད་ལ་མི་འཇིགས་པ་རབ་ཏུ་སྦྱིན་པ་ཞེས་བྱ་བའི་བཟུངས། 
སངས་རྒྱས་དང་། བྱང་ཆུབ་སེམས་དཔའ་ཐཾད་ལ་ཕྱག་འཚལོ། །འདི་སྐད་བདག་གིས་ཐོས་པ་དུས་ཅིག་ན། བཅོཾ་ལྡན་འདས་ཡུལ་མ་ག་དྷ་ནས་ཡུལ་རྒྱུ་ཞིང་ཨ་མྲའི་ཚལ་དུ་གཤེགས་ཏེ་བྱོན་ནས། ཨ་མྲའི་ཚལ་ལུས་འཕགས་རིའྀ་
དབང་པོའི་བྲག་ཕུག་ན་བཞུགས་སོ། །དེ་ནས་ལྷའི་དབང་པོ་རྒྱ་བྱིན་བཅོཾ་ལྡན་འདས་ག་ལ་བ་དེར་སོང་ཏེ་ཕྱིན་ནས། བཅོཾ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོག་ཅིག་ཏུ་འདུག་གོ། ཕྱོག་ཅིག་ཏུ་འདུག་ནས་ལྷའི་དབང་
པོ་རྒྱ་བྱིན་གྱི་བཅོཾ་ལྡན་འདས་ལ་འདི་སྐད་ཅེས་གསོལ་ཏོ། །བཅོཾ་ལྡན་འདས་ལྷ་མ་ཡིན་རྣཾས་ནི་རབ་ཏུ་གནོད་པ་བགྱིད་པ་སྟེ། བཅོཾ་ལྡན་འདས་ལྷ་མ་ཡིན་རྣཾས་ནི། བདག་ལ་ཡིན་རིང་པོར་ཕྱིར་རྒོལ་བས་དགྲ་ལགས་ན། དེ་ནས་
བཅོཾ་ལྡན་འདས་ཀྱིས་བདག་ལ་ཆོས་བསྟན་ཏུ་གསོལ། དེ་སྐད་ཅེས་བསོལ་པ་དང་། བཅོཾ་ལྡན་འདས་ཀྱིས་ལྷའི་དབང་པོ་རྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ལྷའི་དབང་པོ་ཁྱོད་ཀྱིས་ཐཾད་ལ་མི་འཇིགས་པ་སྦྱིན་པའི་རིག་
སྔགས་དོན་ཐཾད་བྱེད་པ། འཇིགས་པ་ཐཾད་རབ་ཏུ་ཞི་བར་བྱེད་པ། ནད་ཐཾད་རབ་ཏུ་ཞི་བར་བྱེད་པ། དུག་ཐཾད་འཇིལ་བ། མཚོན་ཐཾད་རེངས་པར་བྱེད་པ། རྐང་མེད་དང་། རྐང་གཉིས་དང་། རྐང་བཞི་པ་ཐཾད་རེངས་པར་བྱེད་པ། དགྲ་ཐཾད་ཕུང་བར་
བྱེད་པ། ལྷ་ཡིན་དང་། ནཾ་མཁའ་ལྡིང་དང་། སྦྱིན་བྱེད་མའི་བུ་དང་། ཤ་ཟ་དང་། བརྗེད་བྱེད་དང་། སྨྱོ་བྱེད་དང་། བྲཾ་ཟེའི་སྲིན་པོ་དང་། འབྱུང་པོ་དང་། རོ་ལངས་དང་། བྱའི་གདོན་དང་། སྲུལ་པོ་དང་། ནམ་གྲུ་དང་། གནོན་པོའྀ་གདེན་དང་། བརྗེད་བྱེད་

98-1-65b

ཀྱི་གདོན་དང་། ལྷའི་གདོན་དང་། ཀླུའི་གདོན་དང་། གནོད་སྦྱིན་གྱི་གདོན་དང་། དྲི་ཟའི་གདོན་དང་། མི་འམ་ཅིའི་གདོན་དང་། ལོག་འདྲེན་གྱི་གདོན་དང་། མ་མོའི་གདོན་ཕུང་བར་བྱེད་པ། མདངས་འཕྲོག་མ་དང་། ཟས་སུ་ཕྲེང་བ་ཟ་བ་དང་། ཟས་
སུ་སྤོས་ཟ་བ་དང་། ཟས་སུ་མེ་ཏོག་ཟ་བ་དང་། ཟས་སུ་བདུག་པ་ཟ་བ་དང་། ཟས་སུ་ཁྲག་འཐུང་བ་དང་། ཟས་སུ་རྣག་འཐུང་བ་དང་། ཟས་སུ་མི་གཙང་བ་ཟ་བ་དང་། ཟས་སུ་བཅིན་འཐུང་བ་རབ་ཏུ་ཕུང་བར་བྱེད་པ། རིམས་ནད་ཐཾད་
དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། འགྲོ་བ་དྲག་ཤུལ་སྤྱོད་པ་རབ་ཏུ་འཇིགས་པར་བྱེད་པ། འཐབ་པ་དང་། རྩོད་པ་དང་། འགྱེད་པ་དང་། མཚང་འབྲུ་བ་
ཐཾད་རབ་ཏུ་ཞི་བར་བྱེད་པ་འདི་ཟུང་ཤིག །ཐཾད་ལ་མི་འཇིགས་པའི་སྦྱིན་པའི་རིག་སྔགས་བཤད་པར་བྱའོ། །ཏདྱ་ཐཱ། ཨ་ཌེ་མ་ཌེ་པྲ་མ་ཊེ། བྲ་བྃ་མ་དི་རྀ། གོ་ལེ་མ་བོ་ལྀ་བོ་སེ། མོད་དེ་བད་དེ། ཁ་རད་ཏེ། ཁ་ར་ནེ། གྲ་ཎ་གྲ་ཎེ། ག་ཎ་པྲ་ག་ཎེ་
མོ་ཎེ། པྲ་ཏེ་མོ་ཎེ། ཀཱ་ལཱི་པྲ་ཀྲཱ་ལཱི། ཙཎ་ཌེ་མ་ཧཱ་ཙཎ་ཌེ། པྲ་ཏི་ཙཎ་ཌེ། བེ་གེ་ཨ་བ་གེ་སོ་ན། གོ་ན་མོ་ཧཱ། པྲ་མོ་ཧཱ། མོ་ཏ་ཏྲ་མོ་ཊཱ། ནཱ་ཤཱ་ནི། པྲ་ནཱ་ཤཱ་ནི། དྷ་བ་ནཱི། པྲ་དྷ་བ་ནཱི། བ་ལ་ག་ནཱི། པྲ་བ་ལ་ནཱི། ནྲིད་ཏྱ་ནཱི། པྲ་ནྲིད་ཏྱ་ནཱི། ཀྲོ་དྷ་ནི། པྲ་ཏེ་ཀྲོ་དྷ་ནི། ཧ་ན་ཧ་
ན་བི་ཧ་ན་བི་ཧ་ན། སརྦ་དུཥྚ་པྲ་དུཥྚན་ནཱ་ཤ་ཡ། སརྦ་ཨ་བྷ་ཡ་པྲ་ཏེ། བདག་འཁོར་དང་བཅས་པ་འཇིགས་པ་ཐཾད་དང་། གདོན་ཐཾད་དང་། ནད་འགོ་བ་ཐཾད་ལས་སྲུངས་ཤིག །སྲུངས་ཤིག །གནས་འདིར་བདག་གི་དོན་ཐཾད་གྲུབ་
པར་གྱུར་ཅིག །དེ་ལྟ་བས་ན། ཁི་དི་ཁི་དི། ཙུམ་བྷེ། སརྦ་ས་ཏྭ་ཧི་ཏེ་ར་ཏེ། ན་མཿསརྦ་བུད་དྷ་ནཱྃ་སྭཱ་ཧཱ། ལྷའི་དབང་པོ་ཐཾད་ལ། མི་འཇིགས་པ་སྦྱིན་པའི་རིག་སྔགས་ཚིག་བཞི་བཅུ་ཙ་ཅིག་པོ་འདི་སྐུད་པ་མདུད་དེ་བཅིངས་སམ། སྐྲ་ལ་མདུད་
པ་བོར་རམ། བཟླས་བརྗོད་བྱས་སཾ། ཡུངས་ཀར་རམ། གིའུ་ཝང་ལ་ལན་གཅིག་སྔགས་དེ་བསྐུས་སམ། གོ་ཆ་ལ་བསྔགས་ན་མཚོན་གྱིས་མི་ཚུགས། དུག་གིས་མ་ཡིན། རིམ་ནད་ཀྱིས་མ་ཡིན། ཉིན་གཅིག་པས་མ་ཡིན། ཉིན་

98-1-66a

གཉིས་པས་མ་ཡིན། ཉིན་གསུམ་པས་མ་ཡིན། ཉིན་བཞི་པས་མ་ཡིན། མིས་མ་ཡིན། གསང་སྔགས་ཀྱིས་མ་ཡིན། རོ་ལངས་ཀྱིས་མ་ཡིན། དུག་གིས་མ་ཡིན། ནད་ཀྱིས་མ་ཡིན་ཏེ། ཆུས་འཆི་བའི་དུས་བྱེད་པར་མི་འགྱུར་རོ། །རིག་
སྔགས་དང་། གསང་སྔགས་དང་། སྦྱོར་བ་སྒྲུབ་པ་ཐཾད་སྦྱོར་བ་རྣམས་ཀྱིས་མ་གྲུབ་པ་རྣཾས་གྲུབ་པར་བྱེད་དོ། །སྦྱར་ཏེ་གྲུབ་པ་རྣམས་གཞན་གྱི་མི་ཚུགས་པར་བྱེད་དོ། །ཕ་རོལ་གྱིས་བཅིངས་པ་ལས་གྲོལ་བར་བྱེད་དོ། །གཞན་གྱི་རིག་སྔགས་གཅོད་པར་
བྱེད་དོ། །བདག་གི་རིག་སྔགས་འཕེལ་བར་བྱེད་དོ། །གདོན་ཐཾད་ཕུང་བར་བྱེད་དོ། །གདོན་གང་གིས་མི་གཏོང་ན་ཡང་དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་སོ། །དེ་ནས་ལྷའི་དབང་པོ་བརྒྱ་བྱིན་དེ་ཉིད་དུ་མི་
སྣ་བར་གྱུར་ཏེ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷའི་དབང་པོ་བརྒྱ་བྱིན་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཐམས་ཅད་ལ་རབ་ཏུ་མི་འཇིགས་
པ་སྦྱིན་པ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་
པ། །༄། །རྒྱ་གར་སྐད་དུ། ཨཱརྱ་ཨ་བྷི་ཥིཉྩ་ནི་ནཱ་མ་དྷ་ར་ཎཱི།  བོད་སྐད་དུ།  འཕགས་པ་དབང་བསྐུར་བ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་
ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་གྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་རྒྱ་སྟོང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་གྲང་མེད་པ་བྱེ་བ་སྔོན་
གྱི་རྒྱལ་བ་ལ་ལྷག་པར་བྱ་བ་བྱས་པ་རྣཾས་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཁྱོད་ཀྱིས་འདི་ལྟ་སྟེ། བྱང་ཆུབ་སེམས་དཔའི་མ་དང་། བྱང་ཆུབ་

98-1-66b

སེམས་དཔའི་སྔོན་སྤྱོད་པ་དང་། བདེན་པའི་སྨོན་ལཾ་དང་། བྱང་ཆུབ་སེམས་དཔའ་ཡོངས་སུ་བཟུང་བ། བྱང་ཆུབ་སེཾདའི་ཆོས་འདི་དག་བསྒོམ་ཤིག །སྟོན་ཅིག །འདི་ལྟ་སྟེ། གཟུངས་ཀྱི་ཆོས་ཀྱི་རྣཾས་གྲངསོ། །དེ་ནས་ཚེ་དང་ལྡན་
པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོཾ་ལྡན་འདས་གཟུངས་ནི། ཡུལ་ན་མི་གནས། ཕྱོགས་ན་མི་གནས་ན་བཅོམ་ལྡན་འདས་གཟུངས་གཟུངས་ཤེས་བགྱི་བ་ལ། བཅོམ་ལྡན་འདས་གཟུང་ཤེས་བགྱི་བ་
འདིའི་ཚིག་གིས་དོན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་སྟོ། །ཤཱ་རིའི་བུ་ལེགས་སོ་ལེགས་སོ། །ཤཱ་རིའི་བུ་ཁྱོད་འདི་ལྟར་ཐེག་པ་ཆེན་པོ་ལ་ཡང་
ཡང་དག་པར་ཞུགས་པ་དང་། ཐེག་པ་ཆེན་པོ་ལ་མངོན་པར་བརྩོན་པ་དང་། ཐེག་པ་ཆེན་པོ་ལ་ལྷག་པར་བྱེད་པ་དང་། ཁྱོད་གཟུངས་ཡུལ་ན་མི་གནས། ཕྱོགས་ན་མི་གནས་པར་སྟོན་པ་ཡང་ལེགས་སོ། །དེ་ཅིའི་ཕྱིར་ཞེ་ན། ཤཱ་རིའྀ་
བུ་གཟུངས་ནི་ཆོས་ཉིད་ཀྱིས་འདས་པ་དང་། མ་འོངས་པ་དང་། ད་ལྟར་བྱུང་བ་མ་ཡིན་ཏེ། ཤཱ་རིའི་བུ་གཟུངས་ནི་འདས་པ་ཞེས་མི་འཆད། མ་འོང་པ་ཞེས་མི་འཆད། ད་ལྟར་བྱུང་བ་ཞེས་མི་འཆད། དངོས་པོར་མི་འཆད། དངོས་པོ་
མེད་པར་མི་འཆད། མཚན་མ་དང་། མཚན་མ་མེད་པར་མི་འཆད། ཆོས་གང་སྐྱེ་བའི་ཕྱིར་རམ། འགག་པའི་ཕྱིར་མི་འཆད་མོད་ཀྱི། ཤཱ་རིའི་བུ་འོན་ཀྱང་བྱང་ཆུབ་སེམས་དཔའ་ལ་ཕན་པར་བཞེད་པའི་ཕྱིར་ཆོས་སྟོན་སྟེ། གང་འདི་
གཟུངས་ཀྱི་ཆོས་ཀྱི་རྣཾ་གྲངས་ཀྱི་གཟུངས་ནི་གཟུགས་མེད་པ་བྱ་བའི་ལན་དུ་གྱུར་པ། རིགས་པའི་སྟོབས་ཀྱིས་གནས་པ། སངས་རྒྱས་ཀྱི་ཡོན་ཏན། སངས་རྒྱས་ཀྱི་ལྷག་པར་བྱ་བ་སྒྲུབ་པ། སངས་རྒྱས་ཀྱི་ཚུལ་ཁྲིམས། 
སངས་རྒྱས་ཀྱི་བསྡུས་པ། སངས་རྒྱས་ཀྱི་མཚམས་སྦྱོར་བ། སངས་རྒྱས་འབྱུང་བའོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོཾ་ལྡན་འདས་གཟུངས་གང་ལ་གནས་ཤིང་བཟུང་

98-1-67a

དེ་ཐོས་ན་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དང་། དམ་བཅའ་བ་བཟང་བ་དང་། ཆོས་ལ་མི་གནས་པ་དང་། བདག་ཐེ་ཚོམས་མ་མཆིས་པ་དང་། སློབ་དཔོན་མ་མཆིས་
པ་དང་། རང་གིས་ལམ་ལ་གནས་པ་བཅོམ་ལྡན་འདས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ལེགསོ་ལེགས་སོ། །ཤཱ་རིའི་བུ་གཟུངས་ཐོབ་པའི་བྱང་ཆུབ་སེཾདའ་
ནི་སངས་རྒྱས་ཉིད་དུ་བརྗོད་དོ། །ཤཱ་རིའི་བུ་གང་ལ་ལ་ཞིང་བྱང་ཆུབ་སེམས་དཔའ་གཟུངས་ཐོབ་པ་ལ་སྟི་སྟང་དུ་བྱེད་དམ། བླ་མར་བྱེད་དམ། རིམ་གྲོར་བྱེད་དམ། མཆོད་ན་དེས་སངས་རྒྱས་ཐཾད་ལ་སྟི་སྟང་བྱས་པར་འགྱུར་རོ། །གང་དག་གིས་
གཟུངས་འདི་ཐོས་པ་དང་། གང་དག་མོས་པ་དེ་དག་ཀྱང་སངས་རྒྱས་རྣཾས་ཇི་ལྟ་བ་དེ་བཞིན་དུ་མཆོད་པའི་འོས་སུ་འགྱུར་ཞིང་བྱང་ཆུབ་ཀྱི་སེམས་དང་མི་བྲལ་བར་འགྱུར་རོ། །ཤཱ་རིའི་བུ་བཟུངས་ནི་འདི་ཡིན་ཏེ། སནྡྷཱ་རཱ་ཎི། ཨཱུདྡྷཱ་རཱ་ཎི། སམ་
པྲ་ཏིཥྛ་ཏ། སུ་ཏ་མ། སུ་པྲ་ཏིཥྛི་ཏཱ། བི་ཛ་ཡ་བཱ་ལཱ། སྭ་བྷ་པྲ་ཏི་ཛྙཱ་ཨ་རོ་ཧཱ་ཛྙཱ་ན་བ་ཏེ། ཨུད་པ་ད་ནཱི། བཱི་ན་མ་ཎཱི། ཨ་བྷི་ཥིཉྩ་ནི། ཨ་བྷི་བྷྱ་ཧཱ་རཱ། ཤུ་བྷ་བ་ཏི། ཨ་ནི་ཤཱི་ཏི། བ་ཧུ་ཀུམྦྷ་བྷ། ཨ་བྷི་བ་ཙ་ཤ་རིའི་བུ་འདི་དག་ནི་དབང་སྐུར་བ་ཞེས་བྱ་བའི་
གཟུངས་ཀྱིས་ཆོས་ཀྱི་མིང་རྣཾས་ཏེ། འདས་པ་རྣཾས་དང་། མ་འོང་པ་རྣཾས་དང་། ད་ལྟར་བྱུང་བ་རྣཾས་དང་། ལེགས་པར་གནས་པ་རྣཾས་བྱང་ཆུབ་སེམས་དཔའ་གང་གིས་ལེགས་པར་གཟུང་སྟེ་འཆང་བ་དེ་མྱུར་དུ་མངོན་པར་རྫོགས་པར་
འཚང་རྒྱ་བར་བྱ་བའི་ཕྱིར་བསྐལ་པ་བརྒྱ་དང་། བསྐལ་པ་སྟོང་དག་སྨོན་ལཾ་གྱིས་ཟད་པར་བྱེད་པར་འགྱུར། དེ་ལ་མཚོན་གྱིས་མི་ཚུགས་པར་འགྱུར། མེ་དང་སྲོག་ཆགས་མི་སྲུན་བ་རྣམས་ཀྱིས་མི་ཚུགས་པར་འགྱུར་རོ། །
དེ་ཅིའི་ཕྱིར་ཞེ་ན། འདི་ལྟར་ཤཱ་རིའི་བུ་གཟུངས་འདི་ནི་འདས་པའི་སངས་རྒྱས་རྣཾས་ཀྱི་ཡུམ་མོ། །ཤཱ་རིའི་བུ་རིག་ཀྱི་བུ་འམ། རིག་ཀྱི་བུ་མོ་གང་ལ་ལས་སྟོང་གསུཾ་གྱི་སྟོང་ཆེན་པོའི་གྲང་མེད་པ་བཅུ་མཐར་ཆགས་སུ་གང་བའི་

98-1-67b

སངས་རྒྱས་རྣམས་ལ་ན་བཟའ་དང་། ཞལ་ཟས་བཟང་པོས་བསྐལ་པ་གྲངས་མེད་པར་གཟུང་བ་བྱས་པ་བས། རིགས་ཀྱི་བུ་འམ། རིགས་ཀྱི་བུ་མོ་གཞན་གང་གིས་གཟུངས་འདི་ལས་ཐ་ན་ཚིག་གཅིག་ཙམ་གཟུང་བ་
དེ་བས་ཆེས་བསོད་ནཾས་མང་དུ་སྐྱེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་དབང་བསྐུར་བའི་གཟུངས་འདི་ནི་སངས་རྒྱས་ཀྱི་ཡུམ་ཡིན་པའི་ཕྱིར་རོ། །བཅོཾ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་
དང་། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇི་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དབང་བསྐུར་བ་ཞེས་
བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། །
༄། །རྒྱ་གར་སྐད་དུ། ཨཱརྱ་ཙཀྵུར་བི་ཤོ་དྷ་ནི་ནཱ་མ་བི་དྱ་མནྟྲ།  བོད་སྐད་དུ།  འཕགས་པ་མིག་རྣམ་པར་སྦྱོང་བ་ཞེས་བྱ་བའི་རིག་སྔགས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཤཱཀྱའི་གྲོང་རྡལ་བཟང་པོ་ཞིག་ན་ཤཱཀྱ་རྣཾས་ཀྱི་ནང་ན་བཞུགས་ཏེ། དེའི་ཚེ་སྟ་ཏུ་ས་ཞེས་བྱ་བ་ན་ཤཱཀྱ་བདེ་བ་ཞེས་བྱ་བ་སངས་རྒྱས་ལ་མངོན་པར་
དད་པ། ཆོས་དང་དགེ་འདུན་ལ་མངོན་པར་དད་པ། སངས་རྒྱས་ལ་སྐྱབས་སུ་སོང་། ཆོས་ལ་སྐྱབས་སུ་སོང་། དགེ་འདུན་ལ་སྐྱབས་སུ་སོང་། སངས་རྒྱས་ལ་གཅིག་ཏུ་ཕྱོགས། ཆོས་ལ་གཅིག་ཏུ་ཕྱོགས། དགེ་འདུན་ལ་
གཅིག་ཏུ་ཕྱོགས། སངས་རྒྱས་ལ་ནེམ་ནུར་མེད་ཅིང་ཐེ་ཚོམ་མེད། ཆོས་དང་། དགེ་འདུན་དང་། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་ལ་ནེམ་ནུར་མེད་ཅིང་ཐེ་ཚོམ་མེད་ལ་བདེན་པ་མཐོང་བ། འབྲས་

98-1-68a

བུ་ཐོབ་པ། མངོན་པར་རྟོགས་པར་འགྱུར་བ། མཚོན་ཆ་དང་། དབྱིག་པ་བོར་བ་ཞིག་གནས་པ་དེའི་མིག་ལ་སྣང་བ་དང་། མི་སྣང་བའི་གཟུགས་རྣཾས་སྣང་བར་མ་གྱུར་ནས། དེ་སངས་རྒྱས་བཅོམ་ལྡན་འདས་ལ་དད་པ་
སྐྱེས་ཏེ་ཡིད་ལ་བྱེད་ཅིང་། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །སངས་རྒྱས་བཅོཾ་ལྡན་འདས་སྣང་བ་མཛད་པ། སྒྲོན་མ་འཛིན་པ། བསལ་བ་འཛིན་པ་ལ་ཕྱག་འཚལ་ལོ། །བདེ་བར་གཤེགས་པ་ཐུག་རྗེ་ཆེན་
པོ་དང་ལྡན་པ། གསལ་བར་མཛད་དུ་གསོལ། བཅོཾ་ལྡན་འདས་བདག་གི་མིག་རྣམས་པར་སྦྱང་དུ་གསོལ་ཞེས་བྱས་པ་དང་། བཅོམ་ལྡན་འདས་ལྷའི་གནས་པ་ལ་བཞུགས་པ། ལྷའི་སྙན་རྣམ་པར་དག་པ་
མི་ལས་འདས་པས་ཤཱཀྱ་བདེ་བས་ཚིག་དེ་སྐད་བརྗོད་པ་གསན་ཏོ། །གསན་ནས་ཀྱང་ཏིང་ངེ་འཛིན་དེ་ལས་བཞེངས་ཏེ། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་སོང་ལ་མིག་རྣམ་
པར་སྦྱོང་བའི་རིག་སྔགས་འདིས་ཤཱཀྱ་བདེ་བ་ལ་བསྲུང་བ་གྱིས་ཤིག །ཡོངས་སུ་བཟུང་བ་དང་། ཡོངས་སུ་བསྐྱབ་པ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤངས་བ་དང་། 
མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ས་བཅིང་བ་གྱིས་ཤིག  ། དེ་དང་དེ་བཞིན་དུ་འཁོར་བཞི་པོ་དགེ་སློང་རྣམས་དང་། དགེ་སློང་མ་རྣམས་དང་། དགེ་སྙེན་རྣམས་དང་། 
དགེ་སྙེན་མ་རྣཾས་དང་། སེམས་ཅན་གཞན་གྱིས་མིག་ཀྱང་རྣམ་པར་སྦྱོངས་ཤིག །མིག་གིས་སྦུབས་རྣམ་པར་སྦྱོངས་ཤིག །མིག་གི་སྐྱོན་མེད་པར་གྱིས་ཤིག །ཏདྱ་ཐཱ། ཧི་ལི་མི་ལི། ཀི་ལི་མི་ལི། ཧི་ལི་ཏེ་མི་ལི། 
ཧུ་ཡཱ་ཧུ་ཡཱ་ཧུ་ཡཱ་མ་ནི། ཧུ་ལུ་ཧུ་ལུ་ཧུ་ལུ། ཧུ་དུ་ཧུ་དུ་ཧུ་དུ། ཙཀྵུར་མེ་བི་ཤོ་དྷ་ཡ་སྭཱ་ཧཱ། ཀུན་དགའ་བོ་རིག་སྔགས་ཀྱི་རྒྱལ་མོ་མིག་རྣམ་པར་སྦྱོང་བ་འདི་ནི་མིག་གི་སྐྱོན་དང་། རླུང་གི་སྐྱོན་དང་། མཁྲིས་པའི་སྐྱོན་དང་། བད་

98-1-68b

ཀན་གྱི་སྐྱོན་དང་། འདུས་པ་ལས་གྱུར་པའི་སྐྱོན་སེལ་ཏེ། ཚུལ་ཁྲིམས་ཀྱི་བདེན་པ་དང་། བརྟུལ་ཞུགས་ཀྱི་བདེན་པ་དང་། དྲང་སྲོང་རྣམས་ཀྱི་བདེན་པ་དང་། རྟེན་ཅིང་འབྲེལ་བར་འབྱུང་བའི་བདེན་པ་དང་། སྡུག་བསྔལ་གྱི་བདེན་
པ་དང་། ཀུན་འབྱུང་གི་བདེན་པ་དང་། འགོག་པའི་བདེན་པ་དང་། ལམ་གྱི་བདེན་པ་དང་། དགྲ་བཅོམ་པ་རྣམས་ཀྱི་བདེན་པ་དང་། རང་སངས་རྒྱས་རྣམས་ཀྱི་བདེན་པ་དང་། སངས་རྒྱས་བཅོམ་ལྡན་འདས་རྣམས་ཀྱི་བདེན་པས་
ཤཱཀྱ་བདེ་བའི་མྀག་ན་བར་མ་གྱུར་ཅིག །མཆི་མ་འཛག་པར་མ་གྱུར་ཅིག །ཀུན་ཏུ་མཆི་མ་འཛག་པར་མ་གྱུར་ཅིག །བདག་དང་སེམས་ཅན་ཐམས་ཅད་ཀྱི་མིག་རྣམ་པར་དག་པར་གྱུར་ཅིག་སྭཱ་ཧཱ། ཀུན་དགའ་བོ་རིག་
སྔགས་ཀྱི་རྒྱལ་མོ་མིག་རྣམ་པར་སྦྱོང་བ་འདི་ནི་ཡང་དག་པར་རྫོགས་པའི་སངས་རྒྱས་དྲུག་གི་གསུངས་པའོ། །ང་ཡང་ད་ལྟར་འཆད་དེ། རྒྱལ་པོ་ཆེན་པོ་བཞི་དང་། ལྷ་རྣམས་ཀྱི་བདག་པོ་རྒྱ་བྱིན་དང་། མི་མཇེད་
ཀྱི་བདག་པོ་ཚང་པ་ཡང་རྗེས་སུ་ཡི་རང་ངོ་། །ཀུན་དགའ་བོ་གང་གིས་རིག་སྔགས་འདི་དུས་གསུམ་དུ་བརྗོད་ན་དེ་ལ་ཐིབས་པར་འགྱུར་བའམ། རབ་རིབ་འམ། ལིང་ཏོག་གམ། མིག་ནད་སྔོན་པོར་མཐོང་བ་འམ། 
མིག་གི་ཡུལ་གྱི་སྐྱོན་ལྷ་ལས་གྱུར་པ་རྣཾས་སམ། ཀླུ་ལས་གྱུར་པ་རྣམས་སམ། དྲི་ཟ་ལས་གྱུར་པ་རྣམས་སམ། གནོད་སྦྱིན་ལས་གྱུར་པ་རྣམས་སམ། སྲིན་པོ་ལས་གྱུར་པ་རྣམས་སམ། ཤ་ཟ་ལས་གྱུར་པ་
རྣམས་སམ། བྱད་ལས་གྱུར་པ་རྣམས་སམ། རོ་ལངས་ལས་གྱུར་པ་རྣམས་སམ། རོ་ལངས་དང་བྱད་ལས་གྱུར་པ་རྣམས་སམ། ཀུན་ཏུ་རྒྱུ་ལས་གྱུར་པ་རྣམས་སམ། ཀུན་ཏུ་རྒྱུ་དང་རོ་ལངས་ལས་གྱུར་པ་རྣམས་
ཀྱིས་ཚུགས་པར་འགྱུར་བ་ནི་ལྷ་དང་བཅས་པ་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེར་བཅས་པ་དང་། ལྷ་དང་། མི་དང་། ལྷ་མ་ཡིན་ཏུ་བཅས་པའི་སྐྱི་དགུའི་འཇིག་རྟེན་ན་ངས་མ་མཐོང་སྟེ་

98-1-69a

དེ་ནི་གནས་མེད་དོ། །ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏེ། བཅོཾ་ལྡན་འདས་དེ་བཞིན་ནོ་ཞེས་གསོལ་ནས། གསང་སྔགས་ཀྱི་གཞི་འདི་རྣམས་གཟུང་སྟེ། ཀུན་
ཆུབ་པར་བྱས་ནས་ཤཱཀྱ་བདེ་བ་ག་ལ་བ་དེར་སོང་སྟེ། བདེ་བ་མིག་རྣམ་པར་སྦྱོང་བའི་གསང་སྔགས་ཀྱི་གཞི་འདི་དག་དེ་བཞིན་གཤེགས་པས་ཁྱོད་ལ་བསྐུར་གྱིས་ཉིན་རེ་ཞིང་དུས་གསུམ་དུ་དྲན་པར་གྱིས་
ཤིག་ཅེས་དེ་ལ་རྒྱས་པར་སྨྲས་སོ། །ཤཱཀྱ་བདེ་བས་ཐོས་མ་ཐག་ཁོ་ནར་མིག་རྣམ་པར་དག་ཏེ། མིག་རྣམ་པར་དག་པས་དྲི་མ་མེད་པའི་མིག་གིས་ཐམས་ཅད་མཐོང་ངོ་། །བཅོམ་ལྡན་
འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ཤཱཀྱ་བདེ་བ་དང་། ལྷ་དང་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་
པར་བསྟོད་དོ། །འཕགས་པ་མིག་རྣམ་པར་སྦྱོང་བ་ཞེས་བྱ་བའི་རིག་སྔགས། རྫོགས་སྷོ།། །། ༄། །རྒྱ་གར་སྐད་དུ། ཨཱརྱ་སརྦ་ཨན་ཏ་རཱ་ཡི་བི་ཤོ་དྷ་ནི་ནཱ་མ་དྷཱ་ར་ཎཱི།   བོད་སྐད་དུ།  འཕགས་པ་བར་དུ་གཅོད་
པ་ཐམས་ཅད་རྣམ་པར་སྦྱོང་བ་ཞེས་བྱ་བའི་གཟུངས། སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་
དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ཀྱི་ཤར་ཕྱོགས་བྲམ་ཟེའི་གྲོང་ཤིང་ཨ་མྲའི་གནས་ཤེས་བྱ་བ་དེའི་བྱང་ཕྱོགས་ན་ལུས་འཕགས་རི་ལ་དབང་པོའི་བྲག་ཕུག་ན་བཞུགས་སོ། །
དེ་ནས་ལྷའི་དབང་པོ་བརྒྱ་བྱིན་ལ་འཆི་འཕོའྀ་ཆོས་སུ་གྱུར་ཏེ། དེའི་ཚེ་འདུ་བྱེད་ཀྱི་ལྷག་མ་ལུས་པའི་ལྔ་ལྟས་ཁོང་དུ་ཆུད་ནས་སྐྲག་པ་སྐྱེས་ཏེ། བཙུན་མོའི་འཁོར་དང་། གཡོག་དང་བཅས་

98-1-69b

པར་བཅོམ་ལྡན་འདས་ཀྱི་གན་དུ་སོང་ནས། བཅོམ་ལྡན་འདས་ཀྱི་ཞབས་ལ་མགོ་བས་ཕྱག་འཚལ་ཏེ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་སྟེ། ཡང་དེའི་ཚེ་དོན་དུ་གཉེར་
བ་དང་། བཅོམ་ལྡན་འདས་ཀྱིས་དེ་ལ་བཀའ་སྩལ་པ། ཀཽ་ཤི་ཀ་དེའི་ཕྱིར་ཁྱོད་ཀྱི་རིག་པའི་གསང་སྔགས་གཞི་གང་དག་གིས་བདུད་ཐམས་ཅད་དང་། ཕྱིར་རྒོལ་བ་ཐམས་ཅད་དང་། 
ཕས་ཀྱི་རྒལ་བ་ཐཾད་ཤིན་ཏུ་ཚར་བཅད་པར་འགྱུར་བ་བར་དུ་བཅོད་པ་ཐམས་ཅད་རྣམ་པར་སྦྱོང་བ་ཞེས་བྱ་བའི་རིག་པའི་གསང་སྔགས་ཀྱི་གཞི་འདི་རྣམས་ཉོན་ཅིག །ཏདྱ་ཐཱ། ཨ་བྷ་ཡི། 
བྷ་ཡ་བི་ག་ཏེ། བྷ་ཡ་པ་རི་ཤོ་དྷ་ནེ། ཨ་བྷ་ཡི། ཨ་བྷ་ཡྃ་ད་དེ། ནི་དུ་བ་ཀླིཥྚེ། ཨ་ན་ཀུ་ལེ། ཨ་ཀུ་ལ་པ་རི་ཤོ་དྷ་ནེ། ཨ་བེ་ཀལ་པ་ནེ། ཨ་ཙྱུ་ཏི། ཤུ་བྷེ་ཤུ་བྷ། ཏེ་ཛོ་ཏེ་ཛོ་བ་ཏེ། ཤ་ནི་ཨུ་པ་ཤ་མེ། མ་ཧོ་པ་ཤ་མེ། མེ་དྲི། མཻ་ཏྲྱུད་
དྷི་ཏེ་ཏོ་ཤེ། ཏོ་ཤ་ཡ་ཎེ་སཏྱེ། ས་ཏྱ་དར་ཤི། ཨ་བི་རུད་དྷི། ས་ཧ་ཏེ། སྀ་ཧི་ཏ་ཏྭེ། ཨཪྦེ་ཨཪྠ་སིད་དྷི། ཨ་མྲྀ་ཏེ། ཨ་མྲི་ཏ་བ་ཏེ། ཨ་བྷཱི་ཏེ། བཛྲ་ས་ཏྱེ་ཨ་ཀྵ་ཡེ། ཨཀྵ་ཡ་པྲ་བྷེ། དྲན་ཏྲ་བ་རེ། ཤུད་དྷེ་
ཤུད་དྷེ་པྲ་བྷེ། ཨ་བ་བྷཱ་སེ། ཨ་བ་བྷཱ་ས་བ་ཏི། ཨུ་པ་ཡོ་གེ། ཨཱ་ནུཏ་ཏ་རེ། ས་མ་ཙིཏྟེ། བུད་དྷ་ཨདྷི་ཥྛཱ་ནེ། ཤཱི་ལེ་བི་ཤོ་དྷ་ན། ཨ་སང་ཧཱ་རྱེ། སུ་ནི་གྲི་ཏཱི། ཏམ་མ་ར་བཱ་ལཱ་ནཱ་མ། པ་ར་ཛ་ཡོ་
དྲྀཥྚི་ག་ཏྲ་ནཱྃ། ཛྭ་ལ་ནྃ་དྷརྨོ་ལ་ཀཱ་ལེ། ཨུད་གྷ་ཊ་ནཱྃ། དྷརྨྨ་ནི་དྷ་ན་སྱ་སྃ་གྲ་ཧ་ནཱྃ། དྷརྨྨ་གོ་ཤ་སྱ། ཀཽ་ཤི་ཀ་ཁྱོད་ཀྱིས་རིག་པའི་གསང་བསྔགས་གཞི་དག་ནི་ཁྱོད་ཀྱི་རིག་པའི་གསང་སྔགས་གཞི་གང་
དག་གིས་བདུད་ཐཾད་དང་། ཕྱིར་རྒོལ་བ་ཐམས་ཅད་དང་། ཕས་ཀྱི་རྒོལ་བ་ཐམས་ཅད་ཤིན་དུ་ཚར་བཅད་པར་འགྱུར་བ་དག་གོ། འདི་བཟླས་བརྗོད་བྱས་ན་སྔོན་གྱི་ལས་ཀྱི་རྣམ་པར་སྨིན་པ་མ་

98-1-70a

གཏོགས་པར་བར་དུ་གཅོད་པ་ཐམས་ཅད་རྣམ་པར་དག་པར་འགྱུར། དོན་ཐམས་ཅད་ཀྱང་གྲུབ་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ལྷའི་དབང་པོ་བརྒྱ་བྱིན་
ཡི་རངས་ཏེ། དེའི་ཚེ་འདི་སྐད་དུ། ཁོ་བོ་ལྷ་ལས་མ་གྱུར་ལ། །འདི་ཉིད་ན་ནི་འདུག་བཞིན་དུ། །ཁོ་བོས་ཚེ་ཡང་ཐོབ་ཟིན་གྱིས། །གྲོགས་དག་དེ་ལྟར་ཤེས་པར་གྱིས། །ཤེས་ཆེད་དུ་བརྗོད་པ་ཆེད་དུ་བརྗོད་དོ། །
འདིའི་མཐུ་ཐམས་ཅད་ཀྱིས་བདག་གི་བར་དུ་གཅོད་པ་དང་། བགེགས་དང་། ལོག་འདྲེན་ཐཾད་ནི་མེད་པར་གྱུར་ཅིག །ཕུན་སུམ་ཚོག་པ་ཐམས་ཅད་ནི་གྲུབ་པར་གྱུར་ཅིག །ན་མོ་ཨ་ཀེ་ཏུ་ལེ་ན་གེ་ཙཎ་ཌ་ན་ཡེ་སྭཱ་ཧཱ། 
སརྦ་ཨརྠ་སཱ་དྷ་ནི་ཡེ་སྭཱ་ཧཱ། དྷརྨཱ་སཱ་དྷ་ནི་ཡེ་སྭཱ་ཧཱ། སརྦ་ངར་ཡེ་བི་ཤོ་དྷ་ནི་ཡེ་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷ་རྣམས་ཀྱིས་དབང་པོ་བརྒྱ་བྱིན་བཙུན་མོའི་འཁོར་
དང་བཅས་ཤིང་འཁོར་དང་བཅས་པ་དང་། ཐམས་ཅད་དང་ལྡན་པའི་འཁོར་དེ་ཡིད་རངས་ཏེ། བཅོམ་ལྡན་འདས་ཀྱི་གསུང་པ་ལ་མངོན་པར་བསྟོད་དོ། །འཕགས་པ་བར་དུ་གཅོད་པ་ཐཾད་རྣམ་པར་སྦྱོང་བ་
ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ། ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དྷེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། ། ༄། །རྒྱ་གར་སྐད་དུ། ཨརྱ་སརྦ་
ཨན་ཏ་ར་སྃ་གྲཱ་ས་དྷཱ་ར་ཎཱྀ་མན་ཏྲ།  བོད་སྐད་དུ།  འཕགས་པ་བར་དུ་གཅོད་པ་ཐམས་ཅད་སེལ་བའི་གཟུངས་སྔགས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བཅོམ་ལྡན་
འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ཕྱག་ན་རྡོ་རྗེ་གཟུངས་བསྔགས་འདི་སུ་འཛིན་པ་དང་། འཆང་བ་དང་། བཟླས་རྗོད་བྱེད་པ་དེ་ལ་ནི་དུག་དང་། མཚོན་གྱིས་

98-1-70b

འཆི་བ་དང་། ལྟོགས་པ་དང་། མཚོན་བརྒྱབ་པ་དང་། གཅན་ཟན་མ་རུངས་པས་ཟ་བ་དང་། མེས་ཚིག་པ་དང་། ཆུར་འཆི་བ་དང་། འགོ་བའི་རྀམས་གཞན་ཡ་ང་བ་དང་། མཛེའི་ནད་དང་། གསོར་མི་རུང་བའི་ནད་ཡ་
ང་བ་དང་། གཡང་ལ་ལྷུང་བ་དང་། གཞན་གྱི་བྱད་དང་། ཟས་ཀྱིས་མནངས་པ་དང་། བདག་རང་གིས་གསོད་པ་དང་། དེ་ལྟར་གཤིས་ངན་དུ་འཆི་བ་བཅུ་གསུམ་གྱིས་རྐྱེན་བྱེད་པར་མི་འགྱུར་རོ། ། ཕྱག་ན་རྡོ་རྗེ་གཟུངས་
སྔགས་འདི་སུ་འཛིན་པ་དང་། འཆང་བ་དང་། བཟླས་རྗོད་བྱེད་པ་དེ་ལ་ནི་ས་དང་ནམ་མཁའ་ལ་གནས་པའི་བགེགས་དྲེགས་པ་ཅན་མ་རུངས་པ་རྣཾས་ཀྱིས་ཀྱང་གླག་རྙེད་པར་མི་འགྱུར་རོ། །ཕྱག་ན་
རྡོ་རྗེ་གཟུངས་སྔགས་འདི་སུ་འཛིན་པ་དང་། འཆང་བ་དང་། བཟླས་རྗོད་བྱེད་པ་དེ་ལ་ལས་ཀྱི་སྒྲིབ་པ་དང་། ཉོན་མོངས་པའི་སྒྲིབ་པ་དང་། ཤེས་བྱའི་སྒྲིབ་པ་ཐམས་ཅད་བྱང་ཞིང་དག་སྟེ། བདེ་བ་
ཅན་གྱི་འཇིག་རྟེན་དུ་སྐྱེ་བར་འགྱུར་རོ། །ༀ་བཛྲ་ཙནྜ་མ་ཧཱ་རོ་ཥ་ཎ་ཧཱུྃ་ཕཊ། ཨ་པྲ་ཏི་ཧ་ཏ་བ་ལ་ཧཱུྃ་ཕཊ། སརྦ་བིགྷྃ་ཨནྟ་རཱ་ཡ་བི་ནཱ་ཤ་ཀ་ར་མཱ་ར་ཡ་ཧཱུྃ་ཕཊ། ཅེས་བརྒྱ་ཙ་བརྒྱད་བརྗོད་ན་འགྲུབ་པའོ། །ངེས་པར་
འགྲུབ་པའོ་ཞེས་གསུངས་སོ། །འཕགས་པ་བར་དུ་གཅོད་པ་ཐམས་ཅད་སེལ་བའི་གཟུངས། སྔགས། རྫོགས་སྷོ།། །། ༄། །རྒྱ་གར་སྐད་དུ། ཨརྱ་དྲ་མི་དྲ་བིདྱ་རཱ་ཛ།   བོད་སྐད་དུ། འཕགས་
པ་འགྲོ་ལྡིང་བའི་རིག་སྔགས་ཀྱི་རྒྱལ་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་སྨིག་
མའི་མྱུ་གུའི་འཁོར་གྱི་ཁྱམས་ན་བཞུགས་ཏེ། དེ་ནས་བཅོམ་ལྡན་འདས་ཀྱི་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གློག་ཐཾད་ཟློག་པ། སོ་སོར་འབྲང་བ་སྔོན་གྱི་

98-1-71a

ཡང་དག་པར་རྫོགས་པའི་སངས་རྒྱས་རྣམས་ཀྱི་གསུངས་པ་ང་ཡང་ད་ལྟར་འཆད་ཀྱིས་ཟུང་ཤིག །ཀུན་དགའ་བོ་ཤར་ཕྱོགས་ན་འོང་བ་ཞེས་བྱ་བའི་གློག་ཡོད། ཀུན་དགའ་བོ་
ལྷོ་ཕྱོགས་ན་སྐད་བརྒྱ་ཞེས་བྱ་བའི་གློག་ཡོད། ཀུན་དགའ་བོ་ནུབ་ཕྱོགས་ན་འོད་ཉམ་པ་ཞེས་བྱ་བའི་གློག་ཡོད། ཀུན་དགའ་བོ་བྱང་ཕྱོགས་ན་རྒྱུན་གྱི་བདག་པོ་ཞེས་བྱ་བའི་གློག་ཡོད་དོ། །ཀུན་དགའ་
བོ་གང་ལ་ལ་གློག་འདི་རྣམས་ཀྱི་མིང་ཤེས་པ་དང་། ཕྱོགས་རྣམས་པར་གནས་པ་ཤེས་པ་དེ་ལ་གློག་གིས་འཇིགས་པ་ཐམས་ཅད་དུ་མི་འབྱུང་བར་ཤེས་པར་བྱའོ། །གློག་གི་མྀང་འདི་དག་ཡི་
གེར་བྲིས་ཏེ། གནས་གང་དག་ཏུ་བཞག་པའི་གནས་དེ་དག་ཏུ་གློག་ཐམས་ཅད་མི་འབབ་བོ། །དེ་ནས་བཅོམ་ལྡན་འདས་ཀྱིས་དེའི་ཚེ་འགྲོ་ལྡིང་བའི་གསང་སྔགས་གཞི་འདི་དག་བཀའ་སྩལ་
ཏོ། །ཏདྱ་ཐཱ། ནི་མི་ནི་ནི་མི་མི་ནི་མི་ནི་ནི་མི་ན་དྷ་རེ། འཇིག་རྟེན་གསུམ་སྣ་བར་བྱེད་པ། ལག་ན་རྩེ་གསུམ་པས་ཕྱོགས་འདིར་གློག་ཐམས་ཅད་ལས་བདག་ལ་སྲུང་ཤིག་བསྲུང་ཤིག་སྭཱ་ཧཱ། ཡང་དེའི་
ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིག་དབང་ཕྱུགས་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་བདག་གིས་ཀྱང་ཆོས་ཀྱི་རྣམས་གྲངས་འདི་ལ། འགྲོ་ལྡིང་བའི་གསང་སྔགས་གཞི་འདི་རྣམས་བརྗོད་པར་བགྱིའོ། །ཏདྱ་ཐཱ། ཧ་དེ། བི་ཧ་ཏེ། ནི་ཧ་ཏེ། པྲ་ཏྱརྠི་ཀེ །
པྲ་ཏྱ་མི་ཏྲེ། ཤུད་དྷེ། མུཀ་ཀེ། བི་མ་ལེ། པྲ་བྷ་སྭ་རེ། ཨཎ་ཌ་རེ། པཎ་ཌ་རེ། ཤྭེ་ཏེ། བན་དྷ་ར་བཱ་སི་ནི། ཧ་རི་ཀ་ར་དེ། པིང་ག་ལ་ཀཱི་དནྟི་མུ་ཁི། དུས་མ་ཡིན་པར་འཆི་བ་ཐམས་ཅད་

98-1-71b

ལས་བདག་ལ་བསྲུངས་ཤིག །བསྲུངས་ཤིག །འཕགས་པ་སྤྱན་རས་གཟིགས་དབང་ཕྱུག་གི་གཟི་བརྗིད་ཀྱིས་བདག་གིས་དུས་མ་ཡིན་པར་འཆི་བ་ཐམས་ཅད་མཐོང་བར་མ་གྱུར་
ཅིག་སྭཱ་ཧཱ། དེ་ནས་གསང་བ་པའི་བདག་པོ་ལག་ན་རྡོ་རྗེས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་བདག་གིས་ཀྱང་ཆོས་ཀྱི་རྣམས་གྲངས་འདི་ལ་གཟུངས་ཀྱི་ཚིག་རྣམས་བརྗོད་པར་བགྱིའོ། །ཏདྱ་ཐཱ། མུ་ནི་མུ་ནི། མུ་ནི་མུ་ནི་རེ་རྀ། མ་ཏི་མ་ཏི། སུ་མ་ཏི། མ་ཧཱ་མ་ཏི། 
ཧཱ་ཧཱ་ཧཱ་ཧཱ། ཁྱོད་ལ་སྡིག་པ་མེད་ཀྱིས་མ་འཇིགས་ཤིག་ཅེས་ལག་ན་རྡོ་རྗེས་སྨྲས་ཀྱིས། དྷི་ཌྷ་སྭཱ་ཧཱ། བཅོམ་ལྡན་འདས་བདག་གི་བསྲུང་བ་གཞན་གྱིས་མི་ཐུབ་པ་འདི་སུའི་སྙིང་ལ་འཛིན་ཏམ། 
ཡི་གེར་བྲིས་ནས་དེ་ལ་བདག་གིས་རྟག་པར་རྒྱུན་དུ་འཇིགས་པ་ཐཾད་ལས་བསྲུང་བར་བགྱིའོ། །དུས་མ་ལགས་པར་འགུམ་པ་ཐམས་ཅད་ལས་ཐར་བར་བགྱིའོ། །དེ་ནས་མི་མཇེད་ཀྱི་བདག་པོ་ཚངས་
པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སེམས་ཅན་ཐམས་ཅད་ཀྱི་དོན་དང་། སྨན་པ་དང་། བདེ་བ་བསྐྱེད་པའི་སླད་དུ་ཆོས་ཀྱི་རྣཾས་གྲངས་འདི་
ལ་གཟུངས་ཀྱི་གསང་སྔགས་གཞི་རྣམས་བརྗོད་པར་བགྱིའོ། །ཏདྱ་ཐཱ། ཧི་ལི་མི་ལི། ཙི་ལི་སྭཱ་ཧཱ། བྲཧྨ་སྭཱ་རེ་སྭ་རེ་སྭཱ་ཧཱ། བྲཧྨ་གརྦྷེ་པུཥྤ་སྃ་སྟ་རེ་སྭཱ་ཧཱ། བཅོམ་ལྡན་འདས་འདི་ནི་བདག་གི་
སྲུང་བ་ཚངས་པའི་ཆད་པ་ཞེས་བགྱི་བ་སྟེ། དུ་མ་ལགས་པར་འགུམ་པ་ཐམས་ཅད་ལས་ཡོངས་སུ་བསྐྱོབ་པ། སྡིག་པ་ཐམས་ཅད་རབ་ཏུ་ཞི་བར་བགྱིད་པ་ལགས་སོ། །དེ་ནས་ལྷའི་དབང་པོ་བརྒྱ་

98-1-71c

བྱིན་གྱིས་བཅོམ་ལྡན་འདས་ག་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་ཆོས་ཀྱི་རྣམ་གྲངས་འདི་ལ་གཟུངས་ཀྱི་
གསང་སྔགས་གཞི་རྣམས་བརྗོད་པར་བགྱིའོ། །ཏདྱ་ཐཱ། ནི་བ་ར་ནཱི་བན་དྷ་བན་དྷ་མཱ་དན་དྷ། མ་ཏི་མ་ཏི། ཏི་ཊི། གཽ་རི། གན་དྷ་རི། ཙན་ཌ་ལི། མ་ཏྃ་གི། བ་ར་ལ་ནི། ཧཱི་ན་མ་དྷྱ་མ་དྷཱ་ར་ནཱི་མ་ལ་ནི། ད་ལ་མད་ཏེ། 
ཙཀྲ་པ་ཀྲི། ཤ་བ་རི་ཤ་བ་རི་སྭཱ་ཧཱ། བཙུན་པ་བཅོམ་ལྡན་འདས་འདི་ནི་བདག་གི་རིག་སྔགས་རྡོ་རྗེ་ལྕེ་འབེབས་པ་ཞེས་བགྱི་སྟེ། འཇིགས་པ་ཐམས་ཅད་ལས་རྣམ་པར་ཐར་བར་བགྱིད་པ། དུས་མ་
ལགས་པར་འགུམ་པ་ཐམས་ཅད་ལས་ཡོངས་སུ་སྐྱོབ་པ་ལགས་སོ། །དེ་ནས་རྒྱལ་པོ་ཆེན་པོ་ཡུལ་འཁོར་བསྲུང་དང་། འཕགས་སྐྱེས་པོ་དང་། མིག་མི་བཟང་དང་། རྒྱལ་པོ་ཆེན་པོ་
རྣམ་ཐོས་ཀྱི་བུས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སྐྱེ་བོ་མང་པོ་ལ་སྨན་པ་དང་། 
སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བའི་སླད་དུ་ཆོས་ཀྱི་རྣམ་གྲངས་འདི་ལ་གཟུངས་ཀྱི་གསང་སྔགས་གཞི་རྣམས་བརྗོད་པར་བགྱིའོ། །ཏདྱ་ཐཱ། པུཥྤེ་པུཥྤེ། དྷརྨ་བ་རི་ཧ་རི། ཨཱརྱ་
པྲ་ཤ་སྟེ། ནིར་མུག་ཏེ། མྃ་ག་ལི། སྟུ་ཏེ། སྟ་བ་སྟེ། སྭཱ་ཧཱ། བཙུན་པ་བཅོམ་ལྡན་འདས་འདི་ནི་རྒྱལ་པོ་ཆེན་པོ་བཞི་པོ་བདག་ཅག་གི་བསྲུང་བ་འཇིགས་པ་མ་མཆིས་པ་ཞེས་བྱ་སྟེ། འཇིགས་པ་ཐམས་
ཅད་ལས་མི་འཇིགས་པར་བགྱིད་པ། ཚེ་སྐྱོང་བ། དུས་མ་ལགས་པར་འགུམ་པ་ཐཾད་ལས་ཡོངས་སུ་བསྐྱོབ་པ་ལགས་སོ། །དེ་ནས་ཀླུའི་རྒྱལ་པོ་བརྒྱ་མཚོ་དང་། ཀླུའི་རྒྱལ་པོ་གློག་འོད་དང་། ཀླུའི་

98-1-71d

རྒྱལ་པོ་མ་དྲོས་པ་དང་། ཀླུའི་རྒྱལ་པོ་གློག་ལྕེ་དང་། ཀླུའི་རྒྱལ་པོ་འོད་ཟེར་བརྒྱ་པས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་བདག་ཅག་གི་བསྲུང་བ་ཆེན་པོ་ཡིད་བཞིན་གྱི་ནོར་བུ་ཞེས་བགྱི་བ་གློག་ཐམས་ཅད་ཟློག་པ། དུས་མ་ལགས་པར་འགུམ་པ་ཐམས་ཅད་སེལ་
བ། དུག་རྣམས་མི་གདུག་པར་བགྱིད་པ། གཤེད་བྱེད་དང་། བྱད་དང་། རོ་ལངས་དང་། བཀྲ་མི་ཤིས་པ་འཇིག་པར་བགྱིད་པ་མཆིས་ན། བཅོམ་ལྡན་འདས་བདག་ཅག་ཀླུའི་སྐྱེ་གནས་འདི་
ནས་འབྱུང་བ་དང་། སེར་སྣ་སྤང་བའི་སླད་དུ་ཐུགས་བརྩེ་བར་དགོངས་ཏེ་དེ་བཞེས་སུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་འདས་བདག་ཅག་ཀླུ་རྣམས་ནི་སེམས་སེར་སྣ་
ཅན་སྟེ། སེམས་སེར་སྣས་ཀུན་ནས་དཀྲིས་པ་ལགས་པའི་སླད་དུའོ། །ཏདྱད་ཐཱ། ཨ་ར་ཛེ། ཨ་མ་རེ། ཨ་མྲྀ་ཏེ། ཨཀྵ་ཡེ། པུཎྱ་པརྱ་པ་ཏེ། སརྦ་པཱ་པ་པྲ་ཤ་མ་ནཱྀ་ཡེ་སྭཱ་ཧཱ། ཨཱརྱ་པུ་ནྱ་སོ་
པ་ཀཱི་ཡེ་སྭཱ་ཧཱ། བཙུན་པ་བཅོམ་ལྡན་འདས་གསང་སྔགས་གཞི་འདི་དག་སྐྱེས་པ་འམ། བུད་མེད་གང་ལ་ལའི་ལྕེ་ལ་འདོན་ཏམ། ཡི་གེར་བྲིས་པ་དེ་ལ་གློག་གི་འཇིགས་པ་ཐམས་ཅད་མ་
མཆིས་པར་རིག་པར་བགྱིའོ། །རྩ་བའི་དུག་གམ། མཆེ་བའི་དུག་གམ། དབྱིག་དུག་གམ། གང་དག་གཞན་ཡང་ཡན་ལག་ལས་བྱུང་བའི་དུག་དེ་དག་གིས་དེ་འགུམ་པའི་དུས་བགྱིད་པར་མི་
འགྱུར་རོ། །བདག་འཇིགས་པ་ཐཾད་དང་། གནོད་པ་ཐམས་ཅད་ལས་བདེ་ལེགས་སུ་གྱུར་ཅིག །དེ་ནས་བཅོམ་ལྡན་འདས་ཀྱིས་བརྒྱ་བྱིན་དང་། ཚངས་པ་དང་། འཇིགས་རྟེན་སྐྱོང་བ་དང་། 

98-1-72a

ཀླུའི་བདག་པོ་དེ་དག་ལ་ལེགས་སོ་ཞེས་བྱ་བ་བྱིན་ཏེ། བཞིན་བཟངས་དག་ཁྱེད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བའི་ཕྱིར་ཞུགས་ཏེ། ཆོས་ཀྱི་རྣམས་གྲངས་འདི་
བརྗེས་སུ་གཟུངས་བའི་ཕྱིར་འགྲོ་ལྡིང་བའི་གསང་སྔགས་ཀྱི་ཚིག་རྣམས་བཤད་པ་ལེགས་སོ་ལེགས་སོ། །ཕྱོགས་རྣམས་ན་གཉིད་ལོག་པ་དང་། མྱོས་པ་དང་། རབ་ཏུ་མྱོས་པ་རྣཾས་
བསྲུང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་། བརྒྱ་བྱིན་དང་། ཚངས་པ་དང་། འཇིག་རྟེན་བསྐྱོང་བ་དེ་དག་དང་། ཀླུའི་དབང་པོ་དེ་དག་དང་། 
ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་འགྲོ་ལྡིང་བའི་རིག་སྔགས་
ཀྱི་རྒྱལ་པོ། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། ། 
༄༅། །རྒྱ་གར་སྐད་དུ། ཨཱརྱ་དྷྭ་ཛ་ཨ་གྲ་ཀེ་ཡུྰ་ར་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་རྒྱལ་མཚན་གྱི་རྩེ་མོའྀ་དཔུང་རྒྱན་ཅེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །འདི་སྐད་བདག་གི་ཐོས་པ་དུས་གཅིག་ན། བཅོམ་ལྡན་འདས་སུམ་བཅུ་རྩ་གསུམ་པའི་ལྷའི་ནང་ན་ཟླ་བ་དཀར་པོ་ལྟ་བུའི་རྡོ་ལེབ་ལ་བཞུགས་ཏེ། དེ་ནས་ལྷའི་
དབང་པོ་བརྒྱ་བྱིན་ལྷ་མ་ཡིན་རྣཾས་ལས་ཕམ། རབ་ཏུ་ཕམ་ནས་དེ་བཏབ་ཅིང་རིངས་པའི་གཟུགས་ཀྱིས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་

98-1-72b

ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་འདི་ལྟར་ལྷ་མ་ཡིན་དང་གཡུལ་བཀྱེ་བ་ལས། ལྷ་མ་ཡིན་གྱི་དབང་པོ་ཐགས་ཟངས་རིས་ལས་ཕམ། 
རབ་ཏུ་ཕམ་སྟེ། སུམ་བཅུ་རྩ་གསུམ་པའི་ལྷ་རྣམས་ཀྱང་ཕམ། རབ་ཏུ་ཕམ་ན། བཅོམ་ལྡན་འདས་བདག་ཅག་གིས་དེ་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱི་བཀའ་སྩལ་པ། ལྷའི་
དབང་པོ་ཁྱོད་ཀྱིས་རྒྱལ་མཚན་གྱི་རྩེ་མོའི་དཔུང་རྒྱན་ཅེས་བྱ་བ་གཞན་གྱིས་མི་ཐུབ་པའི་གཟུངས་ཟུང་ཤིག །ངས་ཀྱང་སྔོན་བྱང་ཆུབ་སེམས་དཔར་གྱུར་པ་ན་དེ་བཞིན་གཤེགས་པ་གཞན་གྱིས་མི་ཐུབ་པའི་རྒྱལ་
མཚན་ལས་འདི་མནོས་སོ། །མནོས་ནས་ཀྱང་གཞན་ལ་རྒྱ་ཆེར་ཡང་དག་པར་བཤད་དོ། །མངོན་པར་དྲན་ཏེ་དེ་ཚུན་ཆད་འཇིགས་པ་འམ། བག་ཚ་བ་འམ། སྤུ་ཟིང་ཞེས་བྱེད་པ་འམ། ཐ་ན་སྐད་
ཅིག་ཡུད་ཙམ་ཡང་ལུས་ལ་གནོད་པ་བྱུང་མ་མྱོང་ངོ་། །བཅོམ་ལྡན་འདས་རྒྱལ་མཚན་གྱི་རྩེ་མོའི་དཔུང་བརྒྱན་ཅེས་བགྱི་བ་གཞན་གྱི་མི་ཐུབ་པའི་གཟུངས་དེ་གང་ལགས། །བཅོམ་ལྡན་འདས་ཀྱི་བཀའ་
སྩལ་པ། ཏདྱ་ཐཱ། ༀ་ཛ་ཡ་ཛ་ཡ། བི་ཛ་ཡ་བི་ཛ་ཡ། ཛ་ཡ་བཱ་ཧི་ནི། ཤང་ཀ་རི་ཤང་ཀ་རི། པྲ་བྷང་ཀ་རི། བདག་དང་སེམས་ཅན་ཐམས་ཅད་ཀྱི། སརྦ་ཤ་ཏྲཱུྃ། ཛྃ་བྷ་ཡ་ཛྃ་བྷ་ཡ། སྟམྦྷ་ཡ་སྟམྦྷ་ཡ། མོ་ཧ་ཡ། 
མོ་ཧ་ཡ། བྷ་ག་བ་ཏི། ཛ་ཡ་བཱ་ཧི་ནི། མ་ཐཱ་མ་ཐཱ། པྲ་མ་ཐཱ་པྲ་མ་ཐཱ། གྲ་ས་གྲ་ས། ཧ་ས་ཧ་ས། ཧཱུྃ་ཧཱུྃ། ལ་ཧཱུྃ་ལ་ཧཱུྃ། ལམ་བོ་དྷ་རི། ཏྲེ་ནེ་ཏྲེ། ཙ་ཏུར་བཱཀྐེ། ཙ་ཏུར་དྃ་ཥྚྲེ། ཙ་ཏུར་བྷུ་ཛེ། ཨ་སི་མུ་ས་ལ། ཙཀྲ། ཏྲི་ཤཱུ་ལ། བཛྲ་ཀ་བ་ཛ་དྷ་རི། 
བདག་གནོད་པ་ཐམས་ཅད་ལས་སྲུངས་ཤིག་སྲུངས་ཤིག །ༀ་བྷ་ག་བ་ཏི། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མ་ཐ་མ་ཐ། པྲ་མ་ཐ་པྲ་མ་ཐ། དྷུ་ན་དྷུ་ན། བི་དྷུ་ན་བི་དྷུ་ན། ཧཱུྃ་ཧཱུྃ། ཕཊ་ཕཊ། བྷཉྫ་བྷཉྫ། པ་ར་སེ་ནྱྃ། བི་དྷྭན་

98-1-73a

ས་ཡ། སརྦ་ཤ་ཏྲཱུྃ་ནཱ་ཤ་ཡ། དྷྭ་ཛ་ཨ་གྲ་ཀེ་ཡཱུ་རེ། ཏྲི་ཊ་ཏྲི་ཊ་ཏྲི་ཊ། བྷྲི་ཊ་བྷྲི་ཊ། ཨུ་ལ་ཀཱ་མུ་ཁི་ཨུ་ལ་ཀཱ་དྷ་ར་ཎཱི། ཏྲཻ་ལོཀྱ་མ་ཐཱ་ནི། བི་དྷྭན་ས་ཡ་པ་ར་སེ་ནྱན། བདག་གནོད་པ་ཐམས་ཅད་ལས་
སྲུངས་ཤིག་སྲུངས་ཤིག །ཙ་ལ་ཙ་ལ། ཙི་ལི་ཙི་ལི། ཙུ་ལུ་ཙུ་ལུ། ཀྃ་པ་ཀྃ་པ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། མུཉྫ་མུཉྫ། ཨཱམྚ་ཧཱ་སམ་བིདྷྭན་ས་ཡ། པ་ར་སེ་ནྱན། བདག་གནོད་
པ་ཐམས་ཅད་ལས་བསྲུངས་ཤིག་བསྲུངས་ཤིག །ཏྲཱ་ས་ཡ་ཏྲཱ་ས་ཡ། བྷྲཱ་མ་ཡ་བྷྲཱ་མ་ཡ། བུད་དྷ་ས་ཏྱེ་ན། དྷརྨ་ས་ཏྱེ་ན། སྃ་གྷ་ས་ཏྱེ་ན། ས་ཏྱ་བཱ་དི་ནཱྃ། ས་ཏྱེ་ན། བུད་དྷ་ས་ཏྱེ་མ་ཏྲི་ཀྲ་མ། དྷརྨ་ས་
ཏྱེ་མ་ཏྲི་ཀྲ་མ། སྃ་གྷ་ས་ཏྱེ་མ་ཏི་ཀྲ་མ། ས་ཏྱེ་བཱ་ཏི་ནཱྃ་ས་ཏྱེ་མ་ཏྱེ་ཀྲ་མ། ལམྦོ་དྷ་རི། ལམྦོ་དྷ་རི། ཀུ་ཊ་ཀུ་ཊ། ཀུཊྚ་ཀུཊྚ། ཀུཊྚ་ཀུཊྚཱ་པ་ཡ་ཀུཊྚཱ་པ་ཡ། རུ་དྲ་མ་ནཱ་ཡ། བིཥྞུ་མ་ནཱ་ཡ། ཙནྡྲ་སཱུརྱཱ་བཱ་མཱ་ནཱ་ཏྲཻ་
ལོཀྱ་ཨ་དྷི་པ་ཏི་མ་ནཱ་ཡ་སརྦ་དེ་བ་ཨ་དྷི་པ་ཏི་མཱ་ནཱ་ཡ། སརྦ་ཡཀྵ། རཀྵ་ས། གན་དྷརྦཱི། ཀུྃ་བྷཎྜ། མ་ཧོ་ར་གཱ་དྷི་པ་ཏི་མ་ནཱ་ཡ། བི་དྷྭྭན་ས་ཡ་བ་ར་སེ་ནྱྃ། རྃ་ག་རྃ་ག་རྃ་གཱ་པ་ཡ། །རྃ་གཱ་པ་ཡ། ཛཱ་ལ་ཛཱ་ལ། 
པུཥྤ་མཱ་ལི་ནི། རུནྡྷ་རུནྡྷ། རི་ཏི་རི་ཏྀ། ཙི་ཏི་ཙི་ཏི། དྷྲི་ཏི་དྷྲི་ཏི། བྷྲི་ཀུ་ཊི། མུ་ཁ་པ་ར་སེ་ན་གུ་ལོ་ཏ་སཱ་དྷ་ནི་ཀ་རི། ཧ་ལ་ཧ་ལ། ཧི་ལི་ཧི་ལི། ཧུ་ལུ་ཧུ་ལུ། ཧེ་ཧེ། རི་ནི་རི་ནི། རི་ནི་མི་ཏི། ཛྃ་བྷ་དྷྭ་ཛེ། སརྦ་བུད་དྷ་ཨ་བ་ལ་ཀི་ཏེ། 
བདག་འཇིགས་པ་ཐམས་ཅད་ལས་སྲུངས་ཤིག་སྲུངས་ཤིག །སརྦ་ཏ་ཐཱ་ག་ཏ་ཨ་པ་ལོ་ཀི་ཏེ་སྭཱ་ཧཱ། གུ་ནཱ་རཱ་ཛ་པྲ་བྷ་སོཏྟ་མེ་སྭཱ་ཧཱ། སཱུརྱ་ཨརྐ་བི་མ་ལེ་སྭཱ་ཧཱ། ཙན་དྲ་ཨརྐ་བི་མ་ལེ་སྭཱ་ཧཱ། སརྦ་གྲ་ཧ་ན་ཀྵ་ཏྲ་
དྷེ་མཱི་ཀ་ར་ཎེ་སྭཱ་ཧཱ། བདག་འཇིགས་པ་དང་། གནོད་པ་དང་། ནད་འགོ་བ་དང་། འཁྲུག་པ་ཐམས་ཅད་ལས་སྲུངས་ཤིག་སྲུང་ཤིག་སྭཱ་ཧཱ། ལྷའི་རྒྱལ་པོ་རྒྱལ་མཚན་གྱི་རྩེ་མོའི་དཔུང་རྒྱན་ཞེས་བྱ་བ་གཞན་

98-1-73b

གྱིས་མི་ཐུབ་པའི་གཟུངས་འདིས་ཁྱོད་གཡུལ་སྤྲོད་པ་འམ། འཐབ་པ་འམ། རྩོད་པ་འམ། འགྱེད་པ་འམ། གང་དུ་འགྲོ་ཡང་རུང་སྟེ་མི་འཇིགས་ཤིང་ཐམས་ཅད་དུ་རྒྱལ་བར་འགྱུར་རོ། །རྒྱལ་མཚན་གྱི་རྩེ་མོ་འཾ། 
མགུལ་དུ་བཏགས་ན་མིའི་རྒྱལ་པོ་དང་། སྐྱེས་བུ་དཔའ་བོ་ཐམས་ཅད་ལ་བསྲུངས་བར་བྱེད་དོ། །བུད་མེད་ཀྱི་གཟུགས་ལྟ་བུར་བསྒྱུར་ནས་མདུན་དུ་འདུག་ཏེ་མི་འཇིགས་པ་སྦྱིན་ཞིང་བསྲུང་བར་བྱེད། དཔལ་བསྐྱེད་
པར་བྱེད། ཕ་རོལ་གྱི་སྡེ་སྤ་གོང་བར་བྱེད། བཀྲ་ཤིས་པ་དང་། གཙང་བ་དང་། གྲགས་པ་དང་། དཔལ་དང་། ཕུན་སུམ་ཚོགས་པ་ཀུན་དུ་གནས་པར་བྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷའི་དབང་པོ་
བརྒྱ་བྱིན་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རྒྱལ་མཚན་གྱིས་རྩེ་མོའི་དཔུང་རྒྱན་ཅེས་བྱ་བའི་
གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་།   ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། ། 
༄། །རྒྱ་གར་སྐད་དུ། ཨཱརྱ་མ་ཧཱི་མརྡེ་ནྡྲ་ནཱ་མ་དྷཱ་ར་ཎཱི། བོད་སྐད་དུ།  འཕགས་པ་སའི་དབང་པོ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་
ཐོས་པ་དུས་གཅིག་ན། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀུན་དུ་འོད་བྲམ་ཟེ་སའི་དབང་པོ་ཆེན་པོ་ཤིང་ས་ལ་ཆེན་པོ་ལྟ་བུའི་གནས་ལྷ་དང་ལྡན་པ་ན་བཞུགས་ཏེ། དེ་ནས་བྲམ་ཟེ་སའི་དབང་པོ་ཤིང་
ས་ལ་ཆེན་པོ་ལྟ་བུ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀུན་ཏུ་འོད་ག་ལ་ག་དེར་སོང་སྟེ་ཕྱིན་ནས། བཅོཾ་ལྡན་འདས་ཡང་དག་པར་རྫོགས་པའི་སངས་རྒྱས་ཀུན་ཏུ་འོད་ཀྱི་ཞབས་ལ་མགོ་བོས་

98-1-74a

ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འདུག་ནས་བྲམ་ཟེ་སའི་དབང་པོ་ཤིང་ས་ལ་ཆེན་པོ་ལྟ་བུས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀུན་དུ་འོད་ལ་
འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་ལགས་ན། གང་གིས་བདག་སྐྱེ་བ་དྲན་པར་འགྱུར། བདག་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་ཀྱི་སེམས་བརྗིད་པར་མི་འགྱུར་བའི་ཐབས་དེ་བཅོཾ་ལྡན་འདས་ཀྱིས་བདག་ལ་ལེགས་པར་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀུན་དུ་འོད་
ཀྱིས་བྲམ་ཟེ་སའི་དབང་པོ་ཆེན་པོ་ཤིང་སཱ་ལ་ཆེན་པོ་ལྟ་བུ་ལ་འདི་སྐད་ཅེས་བཀའ་སྩལ་ཏོ། །དེའི་ཕྱིར་བུ་ཁྱོད་གལ་ཏེ་དེ་ལྟར་སྨོན་ན་དེའི་ཕྱིར་ཀུན་དུ་འོད་ཀྱི་རིག་སྔགས་ཀྱི་སྙིང་པོ་འདི་ཟུང་ཤིག །ཆོངས་ཤིག །ལྷོགས་
ཤིག །ཀུན་ཆུབ་པར་གྱིས་ཤིག །ཀུན་དུ་འོད་ཀྱི་རིག་སྔགས་ཀྱི་སྙིང་པོ་གང་ཞེ་ན། ཏདྱ་ཐཱ། ཨ་མོ་ད་ནི། པྲ་མོ་ད་ནི། བི་མོ་ད་ནི། སྃ་མོ་ད་ནི། པྲི་ཡཾ་ཀ་ར་ནཾ། ཤྲཱ་ཀ་ར་ཎི། ཤྲཱ་ཀ་ར་ཎི། བོ་དྷྀ་ཀ་ར་ཎི། ཨ་ནུ་དྷ་ར་སྱཾ་
སཾ་མྱཀ་སྃ་བུདྡྷ་ཀ་ར་ཎི། ཨ་ནུཏྟ་ར་ཨཱརྱཱ་ཀ་ར་ཎི། ཨ་ནུཏྟ་ར་པྲཛྙ་ཀ་ར་ཎི། ཨ་ནུདྟ་ར་བ་ཤཱི་ཀ་ར་ཎི། ཨ་ནུཏྟ་ར་སརྦ་ཀླེ་ཤོ། པ་ཀླེ་ཤ་བི་དྷ་ར་ནཱི། ཨ་བ་དྱཱ་ན་དྷ་ཀ་ར་བི་དྷྃ་ནི། ཨ་ནུཏྟ་ར་བིདྱཱ་ཨ་ལོ་ཀོད་པ་ད་ནི། ཨ་ནུཏྟ་ར་ཤཻ་ཀྵ་ཤི་ལ་
བིདྱཱ་ཙ་ར་ཎ། བི་མུག་ཏེ་གུ་ཎ་ག་ཎ། སྃ་བྷ་དྷ་ནི། ཨ་ནུཏྟ་ར་སརྦ་ཀུ་ཤ་ལ་མཱུ་ལོདྡྷེ་ནི། ཨ་ནུཏྟ་ར་བྷོ་ན་མཱུ་ལ་ནི། ཨ་ནུཏྟ་རཱ་ར་ག་ཏོ་ཥ་མོ་ཧ་ན་མཱུ་ལ་ནི། ཨ་ནུ་ཏྟ་རེ་ཤཻ་ཀྵ་མ་ཎ་ཨ་བིདྱཱ། ཨནྡྷ་ཀཱ་རཱ། བི་དྷ་མ་ནི། ཨ་ནུཏྟ་རཱ་སཱི་ཨ་པྲ་ཏེ་ཧ་
ཏ་བ་ལ་ཙ་ཀྲ། ཨ་ནུཏྟ་རཱ་སརྦ་ལཱ་ར་བ་བི་དྲཱ་མ་ནི། ཏྭྃ་ཧི་བྷ་དྲེ། ཨ་ནུཏྟ་རཱ་བ་ལ་བྷ་དྲ། སུ་བྷ་དྲ། ཤྲཱི་བྷ་དྲ། ཨ་ནུཏྟ་ར་བྷ་དྲ། ས་མནྟ་བྷ་དྲ། ཨ་ས་མ་ས་མ་བྷ་དྲ། ཨ་ནུཏྟྱ་ར་མ་ཧཱ་པུ་རུ་ཥ་བྷ་དྲ། ཨ་ནུཏྟ་ར་མ་ཧཱ་པུ་རུ་ཥ་སེ་བི་ཏཱ། ཨ་ནུཏྟ་ར་མ་ཧཱ་པུ་རུ་ཥ་

98-1-74b

ཨ་ནུ་བརྟ་ནཱི། ཨ་ནུཏྟ་ར་མ་ཧཱ་པུ་རུ་ཥ་དྷརྨཱ་དེ་ཤི་ཀཱ། ཨ་ནུཏྟ་ར་མ་ཧཱ་པུ་རུ་ཥ་དྷརྨ་ཀོ་ཥ་སྃ་བྷ་དྷི་ཀཱ། ཨ་ནུཏྟར་མ་ཧཱ་པུ་རུ་ཥ་ནྀརྦཱ་ཎ། ཨ་ནུཏ་པྲ་ཏར་ཤི་ཀཱ། ཏྭཾ་ཧི་བྷ་དྲེ། གང་ག་སི་ཏ་བཀྵུ། སམྱཀ་སཾ་བུདྷེ་ཨ་སེ་བི་ཏ། བྷ་བི་ཏཱ། བ་ཧུ་
ལཱི་ཀྲོ་ཏ། སྟུ་སྟོོ་མི་ཏ་སྟཽ་མི་བིརྣ་ཏཱ། པྲ་ཤ་སྟ། བུ་འདི་ནི་ཀུན་ཏུ་འོད་ཀྱི་རིག་སྔགས་ཀྱི་སྙིང་པོ་ཡིན་ཏེ། དེ་བས་ན་བུ་ཁྱོད་ཀྱིས་ཀུན་དུ་འོད་ཀྱི་རིག་སྔགས་ཀྱི་སྙིང་པོ་འདི་འགྲོ་བ་དང་། འགྲེང་བ་དང་། འདུག་པ་དང་། ཉལ་བ་ན་
ཡང་ཡིད་ལ་གྱིས་ཤིག །བུ་གང་ལ་ལ་ཞིག་ཀུན་དུ་འོད་ཀྱི་རིག་སྔགས་ཀྱི་སྙིང་པོ་འདི་མྀང་དང་། རིགས་དང་། རིགས་ཀྱི་བྱེ་བྲག་གང་ཡིད་ལ་བྱེད་དམ། སྐྱེས་པ་འམ། བུད་མེད་དམ། ཁྲེའུ་འམ། བུ་མོ་འམ། ལྷ་འམ། ལྷ་མོ་
འམ། ཀླུ་འམ། ཀླུ་མོ་འམ། དྲི་ཟ་འམ། དྲི་ཟ་མོ་འམ། ལྷ་མ་ཡིན་ནམ། ལྷ་མ་ཡིན་མོ་འམ། མི་འམ་ཅི་འམ། མི་འམ་ཅི་མོ་འམ། ལྟོ་འཕྱི་ཆེན་པོ་འམ། ལྟོ་འཕྱི་ཆེན་པོ་མོ་འམ། ཡི་དགས་སམ། ཡི་དགས་མོ་འམ། ཤ་ཟ་འམ། 
ཤ་ཟ་མོ་འམ། གྲུལ་བུམ་འམ། གྲུལ་བུམ་མོ་འམ། ལུས་སྲུལ་པོ་འམ། ལུས་སྲུལ་པོ་མོ་འམ། ཀུན་དུ་འོད་ཀྱི་རིག་སྔགས་ཀྱི་སྙིང་པོ་འདི་འཆང་ངམ། ཀློག་གམ། ལུང་འབོག་གམ། སྟོན་ཏམ། འཆང་ན་དེ་ཚེ་རབས་
བདུན་གྱིས་བར་དུ་ཚེ་རབས་དྲན་པར་འགྱུར་རོ། །དེ་ཇི་སྲིད་འཁོར་གྱི་བར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་མི་བརྗེད་པར་འགྱུར་རོ། །ལྷར་གྱུར་ཀྱང་རུང་། མིར་གྱུར་ཀྱང་རུང་སྟེ། དེ་མཚོན་ཆ་འམ། 
དུག་གམ། ཆུ་འམ། མེས་བར་མ་དོར་འཆི་བའི་དུས་བྱེད་པར་མི་འགྱུར་རོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀུན་དུ་རྒྱལ་བ་འོད་སྲུང་གི་རྀགས་དང་བཅས་པ་ལ་ཕྱག་འཚལ་ལོ། །
བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་མཐའ་ཡས་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འཆི་མེད་འོད་ཆེན་

98-1-75a

པོ་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་ཆེན་པོ་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལོ། །
བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་ཆེན་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་མཉམ་བ་མེད་པ་
རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་ལོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་མི་མཉམ་པ་དང་མཉམ་བ་རྒྱལ་བ་འོད་སྲུང་གི་རིགས་དང་བཅས་པ་ལ་ཕྱག་འཚལ་
ལོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་དྲང་སྲོང་ཆེན་པོ་འོད་སྲུང་གི་རིགས་དང་བཅས་པ་བདུན་པོ་དེ་དག་ལ་ཕྱག་འཚལ་ལོ། །ཞི་བའི་དབྱིངས་སུ་ཞུག་པ་འཁོར་དང་བཅས་པ་རྣམས་ལ་ཕྱག་
འཚལ་ལོ། །ཕྱག་འཚལ་ལོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྲམ་ཟེ་སའི་དབང་པོ་ཆེན་པོ་ཤིང་སཱ་ལ་ཆེན་པོ་ལྟ་བུ་ཡིད་རངས་ཏེ། བཅོམ་ལྡན་འདས་ཀྱིས་གསུང་པ་ལ་མངོན་པར་སྟོད་དོ། །འཕགས་
པ་སའི་དབང་པོ་ཆེན་པོ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་
གཏན་ལ་ཕབ་པ། ། ༄། །རྒྱ་གར་སྐད་དུ། ཨཱརྱ་མ་ཧཱ་དཎྜ་ནཱ་མ་དྷཱ་ར་ནཱི།  བོད་སྐད་དུ། འཕགས་པ་བེ་ཅོན་ཆེན་པོ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་
ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེའི་ཚེ་ན་ཚེ་དང་

98-1-75b

ལྡན་པ་སྒྲ་གཅན་ཟིན་རྒྱལ་པོའི་ཁབ་ཀྱི་དུར་ཁྲོད་ཆེན་པོ་བསིལ་བའི་གནས་ན་བུད་ཤིང་ཆེན་པོ་ལྟ་བུའི་ཕྱོགས་ན་འདུག་གོ། དེར་འདི་ལྟ་སྟེ། ལྷའི་གདོན་རྣམས་དང་། ལྷ་མ་ཡིན་གྱི་གདོན་རྣམས་དང་། ཀླུའི་གདོན་རྣཾས་
དང་། གནོད་སྦྱིན་གྱི་གདོན་རྣམས་དང་། སྲིན་པོའི་གདོན་རྣམས་དང་། མི་འམ་ཅིའི་གདོན་རྣམས་དང་། ལྟོ་འཕྱེ་ཆེན་པོའི་གདོན་རྣཾས་དང་། དྲི་ཟའི་གདོན་རྣམས་དང་། མིའི་གདོན་རྣམས་དང་། རླུང་ལྷའི་གདོན་རྣམས་དང་། 
ཡི་དགས་ཀྱི་གདོན་རྣམས་དང་། འབྱུང་པོའྀ་གདོན་རྣམས་དང་། ཤ་ཟའི་གདོན་རྣམས་དང་། གྲུལ་བུམ་གྱི་གདོན་རྣམས་དང་། གཟིག་རྣམས་དང་། བྱ་རོག་རྣམས་དང་། འུག་པ་རྣམས་དང་། གྲོག་བུར་རྣཾས་དང་། སྡིག་
སྦྲུལ་རྣམས་དང་། གཞན་ཡང་མི་དང་། མི་མ་ཡིན་པའི་སེམས་ཅན་རྣམས་ཀྱིས་ཚེ་དང་ལྡན་པ་སྒྲ་ཅན་ཟིན་ལ་ཤིན་དུ་གཙེས་སོ། །དེ་ནས་ཚེ་དང་ལྡན་པ་སྒྲ་ཅན་ཟིན་བྱ་རྒོད་ཕུང་པོའི་རི་ག་ལ་བ་དང་། བཅོམ་ལྡན་འདས་ག་ལ་
བ་དེར་སོང་སྟེ་ཕྱིན་ནས། བཅོཾ་ལྡན་འདས་ཀྱི་ཞབ་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔར་ངུས་ཏེ་མཆི་མ་བླགས་སོ། །དེ་ནས་བཅོཾ་
ལྡན་འདས་ཀྱི་ཚེ་དང་ལྡན་པ་སྒྲ་ཅན་ཟིན་ལ་བཀའ་སྩལ་པ། སྒྲ་ཅན་ཟིན་ཁྱོད་ཅིའི་ཕྱིར་ངའི་མདུན་ན་འདུག་ནས་མཆི་མ་འབྱིན། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་སྒྲ་ཅན་ཟིན་
གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་རྒྱལ་པོའི་ཁབ་ཀྱི་དུར་ཁྲོད་ཆེན་པོ་བསིལ་བའི་གནས་ན་བུད་ཤིང་ཆེན་པོ་ལྟ་བུའི་ཕྱོགས་ན་མཆིས་མཆིས་ན། དེར་ལྷའི་གདོན་རྣམས་དང་། ལྷ་མ་ཡིན་གྱི་གདོན་རྣཾས་
དང་། ཀླུའི་གདོན་རྣམས་དང་། གནོད་སྦྱིན་གྱི་གདོན་རྣམས་དང་། སྲིན་པོའི་གདོན་རྣམས་དང་། མི་འམ་ཅིའི་གདོན་རྣམས་དང་། དྲི་ཟའི་གདོན་རྣམས་དང་། ལྟོ་འཕྱེ་ཆེན་པོའི་གདོན་རྣམས་དང་། མིའི་གདོན་རྣམས་དང་། 

98-1-76a

རླུང་ལྷའི་གདོན་རྣམས་དང་། ཡི་དགས་ཀྱི་གདོན་རྣཾས་དང་། འབྱུང་པོའི་གདོན་རྣམས་དང་། ཤ་ཟའི་གདོན་རྣམས་དང་། གྲུལ་བུམ་གྱི་གདོན་རྣམས་དང་། གཟིག་རྣམས་དང་། བྱ་རོག་རྣམས་
དང་། འུག་པ་རྣམས་དང་། གྲོག་སྦུར་རྣམས་དང་། སྡིག་སྦྲུལ་རྣམས་དང་། གཞན་ཡང་མི་དང་། མི་མ་ལགས་པའི་སེམས་ཅན་རྣམས་ཀྱིས་བདག་ལ་ཤིན་དུ་གཙེས་ལགས་མོད། དེ་ནས་བཅོམ་ལྡན་འདས་ཀྱིས་
ཚེ་དང་ལྡན་པ་སྒྲ་ཅན་ཟིན་ལ་བཀའ་བསྩལ་པ། སྒྲ་ཅན་ཟིན་ཁྱོད་ཀྱི་བེ་ཅོན་ཆེན་པོའི་གཟུངས་ཀྱི་རིག་སྔགས་འཁོར་བཞི་པོ་དགེ་སློང་རྣམས་དང་། དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་
རྣམས་བསྲུང་བ་དང་། བསྐྱབ་པ་དང་། སྦ་བ་དང་། ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་བ་འདི་ཟུང་ཤིག །ཏདྱ་ཐཱ། ཨྃ་གཱ། བྃ་གཱ། ཏྃ་གཱ། ཏ་རྃ་གཱ། ཏ་རྃ་གཱ། ས་རཱ་ས་རཱ། ཏ་རྃ་གཱ་སྭ། ས་དད་ས། ཛ་དྷ་རཱ། 
ཨཀ་ར། ཨ་རཱ་བཱི་རཱ། ཏ་རཱ་བཱི་རཱ། ཀ་ར་བཱི་རཱ། ཀརྒ་ར་བཱི་རཱ། ཙུ་རུ་བཱི་རཱ། ཙུ་རུ་ཙུ་རུ། བཱི་ཨིན་དྲ། ཨིན་དྲ་ཀི། ས་ར་ཧྃ་ས། ཧ་ན་ས་ཀི་ས་ར། མི་ཙི་རེ་ལཱ། མ་ཧཱ་མིཙྪ་བ་ཧི་ཥཱི་ཀཱ་ཀ་ལིད་ཙ་ཀ །ཨྃ་གེ་ཛ་ཡེ། ཛ་ཡེ་ལི་ཀཱ་ཨེ་ལཱ། 
ཅིན་ཏ། ལི་ལི། ཏི་ལེ་ཏི་ལེ། སུ་མ་ཏི། བུ་སུ་མ་ཏི། ཙུ་ལུ་ནཊྚེ། ཙུ་ལུ་ཙུ་ལུ་ནཊྚེ། ཙུ་ལ་ན་ཊེ། ཀུ་ན་ཊི། ཧ་རཱི་ཊ་ཀི། ན་རཱི་ཊ་ཀི། ཏ་གཽ་རྀ། གནྡྷཱ་རི། དྷཱ་ར་ཎེ། དྷཱ་ར་ཎེ། ཨུཥྚ། པི་པཱི་ལི་ཀ་ཨུཥྚ། པ་པཱི་ལ་ཀེ། ཀ་ར་ཀཪྠི་ཀེ། ཀཱ་ཀེ་ལི། ཙ་ལ་
ནཊྚི། ཀ་གི་མ་ལི། ལ་མ་ཏི་རཀྵ་མ་ཏི། བཱ་ལ་ཀུ་ལི། བ་ཏ་ས་ལེ། ཨུ་ན་མི་ལེ། ཏ་ར་བཱི་རེ། ཏ་ར་ཏ་ར་བཱི་རེ། ཀུ་རུ་བཱི་རེ། ཀུ་རུ་ཀུ་རུ་བཱི་རེ། ཙུ་རུ་ཙུ་རུ། ཙུ་རུ་ཙུ་རུ། ཙུ་རུ་ཙུ་རུ། བཱི་རེ། མ་ཧཱ་བཱི་རེ། ཨི་ར་མ་ཏི། བ་ར་མ་ཏི། རཀྵ་མ་ཏི། སརྦ་ཨརྠ་སཱ་
དྷ་ནི། པ་ར་མ་སུ་ར་སཱ་དྷ་ནི། ཨ་པྲ་ཏི་ཧ་ཏེ། རྒྱལ་པོ་དབང་པོ་དང་། རྒྱལ་པོ་ཟླ་བའི་དང་། རྒྱལ་པོ་གཤིན་རྗེ་དང་། རྒྱལ་པོ་རླུང་ལྷ་དང་། རྒྱལ་པོ་གཟི་ཅན་དང་། རྒྱལ་པོ་ནོར་རྒྱས་ཀྱི་བུ་དང་། རྒྱལ་པོ་བེ་ཅོན་དང་། རྒྱལ་པོ་བེ་ཅོན་མེད་

98-1-76b

དང་། རྒྱལ་པོ་ཚངས་པ་སྟོང་ལྡན་དང་། སངས་རྒྱས་བཅོཾ་ལྡན་འདས་ཆོས་ཀྱི་རྗེ། ཆོས་ཀྱི་རྒྱལ་པོ། འཇིག་རྟེན་ཐམས་ཅད་ལ་ཐུགས་བརྩེ་བ་བླ་ན་མེད་པས་བདག་ལ་བསྲུང་དུ་གསོལ། ཡོངས་སུ་བསྐྱབ་པ་དང་། 
ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་བསད་པ་དང་། དུག་གཞིལ་བ་དང་། མཚམས་གཅད་པ་དང་། ས་བཅིང་
བ་མཛད་དུ་གསོལ། ཏདྱ་ཐཱ། ཨི་ལ་མི་ལི་ཏ་ས་ལཱ། ཨི་ར་མ་ཏི། བི་ར་མ་ཏི། ཙ་ལ་མ་ཏི། ཕུ་རུ་མ་ཏེ། ཕུ་རུ་ཕུ་རུ། ཕུ་རུ་ཕུ་རུ། པ་ར་ཁུ་རུ་རུ། ཁུ་རུ་མ་ཏི། བྷཱུ་མི་མཎ་ཌེ། ཀ་ལི་ཀེ། ཙཎ་ཌ་ལི། ཨ་ཀི་ས་རཱ་ལི། ཨ་ཡཱ་སཱ་ས་ལ་མ་ཏོ་ཧུ་
ལེ་སྠུ་ལེ། ཤ་ལེ་ཛ་ཡ་སྠུ་ལེ། ཙ་ལ་ནཱ་ཊི། ཙ་ལ་ནཱ་ཊི། ནཱ་ག་ནན་དྷཱ་ར་ཎཱི། གོ་ར་ཧི་ཎི། གོ་ལེ། ཏི་ཏེ། ཨརྣྡྷ་ར། པཎྚ་རེ། ཀེ་ཡུྰ་རེ། ཀི་ཏུ་མ་ཏི། བྷཱུ་ཏྃ་ག་མེ། བྷཱུ་ཏ་བ་ཏེ། དྷརྱེ་མ་ཧཱ་བ་ལེ། ཨ་ཙུན་དེ། ཨ་ཙུྃ་རུན་དེ། དྷ་རན་དྷ་ར། ཛ་ཡ་ལི་ཀཱ། ཛ་ལེ་གོ་
རོ་ཧ་ནི་ཙ་ར་ཧཱུ་རུ་ཧུ་རུ། རུྃ་དྷུ་རུྃ་དྷུ་ཧུ་རུ། དྷུ་མ་ཏི། དྷ་ར་ན་དྷ་རེ་དྷ་རེ། བི་ཤྭ་མ་ཏི། ན་ཤྭ་ན། མ་ཏ་དྷ་ནི། མོ་ཙ་ནི། བི་མོ་ཙ་ནི། ས་དྷ་ནི། ཤོ་དྷ་ནི། བི་ཤོདྷ་ནི། སྃ་གི་ར་ནི། མྃ་ཐཱི་ར་ཎི། ཨ་ཙྪིད་ཏ་ནི། ས་དྷུ་ཏ་ར་མ་ཎི། ཧ་ར་ཧ་ར། བན་དྷུ་མ་ཏི། ཧི་རྀ་
ཧི་རྀ། གི་ལི་རི་ལེ། ཧུ་རུ་ཧུ་རུ། བིང་ག་ལེ་སྭཱ་ཧཱ། སངས་རྒྱས་བཅོཾ་ལྡན་འདས་རྣཾས་ལ་ཕྱག་འཚལ་ལོ། །སྒྲ་ཅན་ཟིན་བེ་ཅོན་ཆེན་པོའི་གཟུངས་ཀྱི་རིག་སྔགས་རྒྱ་རྩ་བཅུ་པ་འདི་སྐུད་པ་ལ་མདུད་དེ། ལག་པ་ལ་བཏགས་
སམ། མགུལ་དུ་བཏགས་ན་ཀུན་ནས་དཔག་ཚད་བཅུ་ཁོར་ཡུག་ཏུ་བེ་ཅོན་རྣམས་དང་། མེ་ཏོག་རྣཾས་དང་། ཕྱག་རྒྱ་རྣཾས་ཀྱིས་དེ་སྲུང་བ་བྱས་པར་འགྱུར་རོ། །དེ་ལ་མི་དང་མི་མ་ཡིན་པ་རྣཾས་ཀྱིས་མི་ཚུག་པར་འགྱུར་རོ། །
མཚོན་དང་། དུག་དང་། ནད་དང་། རིམས་ནད་དང་། རིམས་དྲག་པོ་དང་། རིག་སྔགས་དང་། རོ་ལངས་དང་། ཁྲོ་གཏུག་དང་། མེ་དང་ཆུས་འཆི་བའི་དུས་བྱེད་པར་མི་འགྱུར་རོ། །རིག་སྔགས་དང་། གསང་སྔགས་སྦྱོར་བ་རྣཾས་

98-1-77a

ལེགས་པར་སྦྱོར་བ་ཐམས་ཅད་ཀྱིས་མ་གྲུབ་པ་རྣམས་ཀྱང་གྲུབ་པར་བྱེད་པའོ། །གྲུབ་པ་རྣཾས་ཆུད་མི་ཟ་བར་བྱེད་པའོ། །ཕ་རོལ་གྱི་འཆིང་བའོ། །ཕ་རོལ་གྱི་སྦྱོར་བ་ཅིངས་པ་ལས་གྲོལ་བར་བྱེད་པའོ། །
ནད་དང་། མྱ་ངན་དང་། བགེགས་རྣམ་པར་འཇིག་པར་བྱེད་པའོ། །འཐབ་པའི་རྙོག་པ་རབ་ཏུ་ཞི་བར་བྱེད་པའོ། །གདོན་ཐམས་ཅད་ཟློག་པར་བྱེད་པའོ། །གདོན་གང་གིས་གཏོང་བ་དེའི་མགོ་ཨརྫ་ཀའི་དོག་
པ་བཞིན་མགོ་ཚལ་པ་བདུན་དུ་འགེམས་སོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ཡང་རྡོ་རྗེ་འབར་བ། ཀུན་ཏུ་འབར་བ། ཀུན་དུ་རབ་ཏུ་འབར་བ། མེ་ལྕེ་གཅིག་ཏུ་གྱུར་པས་དེའི་མགོ་ཨརྫ་ཀའི་དོག་པ་
བཞིན་དུ་ཚལ་པ་བདུན་དུ་མགེམས་སོ། །རྒྱལ་པོ་ཆེན་པོ་བཞི་ཡང་ལྕགས་ཀྱི་འཁོར་ལོ་སྤུ་གྲི་སོ་ལྟ་བུའི་མཚོན་གྱིས་ཕུང་བར་བྱེད་དོ། །གནོད་སྦྱིན་གྱི་འཇིག་རྟེན་དེ་ནས་ཤི་འཕོས་ནས་ལྕང་ལོ་ཅན་གྱིས་
ཕོ་བྲང་འཁོར་དུ་གནས་པ་མི་འཐོབ་བོ། །སྒྲ་ཅན་ཟིན་རྒྱལ་པོ་དང་། མི་རྒོད་དང་། མེ་དང་། ཆུ་དང་། མཚོན་ཆ་དང་། འབྲོག་དང་། དགོན་པ་དང་། རི་དང་། མྱ་ངམ་དུ་སོང་བ་གང་གིས་བེ་ཅོན་ཆེན་པོའི་གཟུངས་ཀྱི་རིག་སྔགས་འདི་
ལན་གཅིག་བརྗོད་ན། སྡིག་པ་ཐམས་ཅད་ལས་རབ་ཏུ་ཐར་བར་འགྱུར་རོ། །སྒྲ་ཅན་ཟིན་བེ་ཅོན་ཆེན་པོའི་གཟུངས་སྔགས་འདི་སངས་རྒྱས་བཅོམ་ལྡན་འདས་གང་གཱའི་ཀླུང་དགུ་བཅུ་ཙ་གཅིག་གིས་བྱེ་མ་སྙེད་ཀྱིས་
གསུངས་པ། གསུང་བ། གསུང་བར་འགྱུར་བ་མཆོག་ཏུ་གྲུབ་པ། གཞན་གྱི་མི་ཐུབ་པ། ལྷ་དང་། ཀླུ་དང་། དྲི་ཟ་ལ་སོགས་པས་བསྟོད་པ། འབྱུང་པོ་ཐམས་ཅད་ཀྱིས་ཡོངས་སུ་བཟུང་བ་སྟེ། བདག་དང་སེམས་ཅན་ཐཾས་
ཅད་གནོད་པ་ཐཾད་ལས་བདེ་བར་གྱུར་ཅིག །ནད་མེད་པ་དང་། འཇིགས་པ་མེད་པར་གྱུར་ཅིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་སྒྲ་ཅན་ཟིན་ཡི་རངས་ཏེ། བཅོམ་ལྡན་འདས་ཀྱིས་གསུངས་

98-1-77b

པ་ལ་མངོན་པར་བསྟོད་དོ། །འཕགས་པ་བེ་ཅོན་ཆེན་པོ་ཞེས་བྱ་བ་ཐེག་པ་ཆེན་པའི་མདོ། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་
གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ། ། ༄། །རྒྱ་གར་སྐད་དུ། ཨཱརྱ་སུ་མུ་ཁན་ནཱ་མ་དྷཱ་ར་ཎཱི།  བོད་སྐད་དུ།  འཕགྶ་པ་སྒོ་བཟང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐཾད་ལ་ཕྱག་འཚལ་ལོ། །
འདི་སྐད་བདག་གི་ཐོས་པ་དུས་གཅིག་ན། བཅྡོཾས་བྱང་ཆུབ་ཀྱི་ཤིང་དྲུང་ན་བྱང་ཆུབ་ཀྱི་སྙིང་པོའི་མཆོད་རྟེན་ཆེན་པོ་ན། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་འདི་ལྟ་སྟེ། ཚེ་དང་ལྡན་པ་ཤ་ར་དྭ་ཏིའི་བུ་དང་། ཚེ་དང་ལྡན་
པ་མཽད་གལ་གྱི་བུ་ཆེན་པོ་ལ་སོགས་པ་ཉན་ཐོས་ཆེན་པོ་ཐཾད་དང་ཐབས་ཅིག་ཏུ་བཞུགས་ཏེ། བྱང་ཆུབ་སེཾདའི་དགེ་འདུན་ཆེན་པོ་འདི་ལྟ་སྟེ། བྱང་ཆུབ་སེམས་དཔའ་སེཾདའ་ཆེན་པོ་ལག་ན་རྡོ་རྗེ་དང་། བྱང་ཆུབ་སེམས་དཔའ་སེཾདའ་ཆེན་པོ་རྡོ་རྗེའི་
རྒྱལ་མཚན་དང་། བྱུྃབ་སེཾདའ་སེཾདའ་ཆེན་པོ་རྡོ་རྗེའི་སྙིང་པོ་དང་། བྱང་ཆུབ་སེཾདའ་སེཾདའ་ཆེན་པོ་བྱཾམས་པ་ལ་སོགས་པ་བསྐལ་པ་བཟང་པོའི་བྱང་ཆུབ་སེཾདའ་སེཾདའ་ཆེན་པོ་རྣམས་དང་ཡང་ཐབས་ཅིག་གོ། དེ་ནས་བྱང་ཆུབ་སེཾདའ་སེཾདའ་ཆེན་པོ་
ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོཾ་ལྡན་འདས་དེ་བཞིན་གཤེགས་པ་དགྲ་བཅོཾ་པ་ཡང་དག་པར་རྫོགས་པའི་སངས་རྒྱས་ཀྱིས་སྒོ་བཟང་པོ་ཞེས་བགྱི་བའི་ཆོས་ཀྱི་རྣམས་གྲངས་བཤད་དུ་གསོལ། 
གང་གི་སེཾན་རྣཾས་ལ་སྣང་བ་བགྱི་བར་འགྱུར་བ་དང་། ཕྱིར་རྒོལ་བ་དང་དགྲ་ཐཾད་ཀྱིས་གནོད་པ་མི་བགྱི་བར་བསྲུང་བ་དང་། བསྐྱབ་པར་འགྱུར་བ་དང་། འདི་ལྟ་སྟེ། ལྷའི་དབང་པོ་རྣཾས་དང་། ཀླུའི་དབང་པོ་རྣམ་དང་། གནོད་སྦྱིན་གྱི་དབང་པོ་རྣཾས་དང་། 
སྲིན་པོའི་དབང་པོ་རྣཾས་དང་། འབྱུང་པོའི་དབང་པོ་རྣམ་ཀྱིས་འཇིགས་པར་མི་འགྱུར་བ་དང་། སྡིག་པ་དང་། མཚོན་དང་། དུག་དང་། བྱད་ཀྱིས་གནོད་པར་མི་འགྱུར་བ་དང་། ཕར་མཆི་འམ། སླར་མཆི་འམ། ཉལ་ལམ། གཉིད་ཀྱི་ལོག་གཾམ། 

98-1-78a

སྨྱོས་སམ། རབ་ཏུ་སྨྱོས་ཀྱང་རུང་ཐཾད་དུ་ཡང་སྐྱོབ་པར་འགྱུར་བ་དེ་དག་གིས་དོན་དུ་དེ་ལྟ་བུའི་གསང་སྔགས་བཞི་རྣཾས་བཤད་དུ་གསོལ། ཇི་ལྟར་བདག་རྟག་ཏུ་དེ་བཞིན་གཤེགས་པའི་རིམ་གྲོ་འཚལ་བ་དང་། རྟག་ཏུ་བསྲུང་བ་དང་། 
ཡོངས་སུ་སྐྱོབ་པར་འཚལ་བ་དང་། དེ་བཞིན་དུ་སེཾན་ཐཾད་ཀྱི་དོན་དང་། བྱང་ཆུབ་སེཾདའི་ཐེག་པ་པའི་རིག་ཀྱི་བུ་འཾ། རིག་ཀྱི་བུ་མོ་དེ་དག་འཐབ་པ་དང་། མཚང་འདྲུ་བ་དང་། རྩོད་པ་དང་། ནད་དང་། དུས་མ་ལགས་པའི་འགུཾ་པ་ལས་བསྲུང་བ་
དང་། ཡོངས་སུ་བསྐྱང་བར་བགྱི་བའི་སླད་དུ་དེ་བཞིན་གཤེགས་པ་ལ་གསོལ་བ་འཚལ་ལོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེཾདའ་ཆེན་པོ་ལག་ན་རྡོ་རྗེས་གསོལ་བ་བཏབ་པ་ཐུགས་སུ་ཆུད་ནས། དེ་ལ་
འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་ཁྱོད་སེཾན་ཐཾད་ཀྱི་དོན་གྱི་ཕྱིར་དེ་བཞིན་གཤེགས་པ་ལ་གསོལ་བ་འདེབས་པ་ལེགས་སོ་ལེགས་སོ། །དེའི་ཕྱིར་ལག་ན་རྡོ་རྗེ་ཁྱོད་ལེག་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། སྒོ་བཟང་པོ་
ཞེས་བྱ་བའི་ཆོས་ཀྱིས་རྣཾས་གྲངས་བཤད་པར་བྱའོ། །ཨུ་གུ་མུ་གུ་བ་ལི་ནི། བན་དྷ་ནི། བ་ལ་ཙ་མ་ན། བ་ཧུ་བ་ཧུ་བ་ཧུ་ལི་བརྟ་ཡ་སྭཱ་ཧཱ། དེ་བཞིན་གཤེགས་པའི་སྤྱི་བོ་ནས་དབང་བསྐུར་བའི་གཟུངས་སྔགས་གཞི་རྣམས་བཀའ་སྩལ་ཏོ། །
དེ་བཞིན་གཤེགས་པས་ཀྱང་གཟུང་བར་འགྱུར་རོ། །བྱིན་གྱིས་རློབ་པར་འགྱུར་རོ། །ཏདྱ་ཐཱ། བཛྲི་བཛྲི་བཛྲི་བཛྲི་དྷ་རི། བཛྲ་པཱ་ནི། བཛྲི་དྷ་ཏེ། ཙཀྲ་བཛྲི། ཙཀྲ་དྷ་རི། པ་ཊུ་དྷི་དྷི་རི། བྷི་རི། མུ་རི་ཙྀ་རི། ཨ་ཧུ་རུ། བྷ་ག་བྷི་བྷི་རི། ཤི་རི་ཏྲ་ཤི་རི། རུ་རུ་ཙེ་རུ་རུ་ཙེ་
ཙ་རི་ཙ་རི། ད་རི་ཙ་ལེ། ཙུ་རི་མུ་རི་པཎ་ཌ་རེ། སྡིག་པ་ཐཾད་འཇིག་པར་བྱེད་པ། ནད་ཐཾད་རབ་ཏུ་ཞི་བར་བྱེད་པ། དུས་མ་ཡིན་པའི་འཆི་བ་འགོག་པ་ནས་རྨི་ལམ་ངན་པའི་བར་དུ་འགོག་པར་བྱེད་པ། ཏདྱ་ཐཱ། བན་དྷི་ད། ག་ག་ར་ཎི། མུརྡ་ནི། 
པྲ་མུརྡ་ནི། ནཱ་ཤ་ནི་པྲ་ནཱ་ཤ་ནི། ནད་རབ་ཏུ་ཞི་བར་བྱེད་པ་ནི་རྨི་ལཾ་ངན་པའི་བར་དུ་འགོག་པར་བྱེད་པ། འདི་ལྟ་སྟེ། ནཱ་ཤ་ནི། བན་དྷ་ནི་བན་དྷ་ནི། ཙྪིན་ད་ནི་ཙྪིན་ད་ནི། ཙི་རེ་མི་རེ། མ་ཧེ་ཧ་ད་ནི། བ་ནི་བ་རེ། ཁ་རེ་བེ་རེ། བི་རི་བི་རི། བོ་དྷི་བོ་དྷྀ། 

98-1-78b

སུ་ཤ་ནི། ཤ་ར་ནི། བ་རུ་བ་རི་ནི། བ་ར་ཧཱུྃ་ཡེ། བྲཧྨེ་ཙཱ་རི་ནི། ཨིན་དྲ་བ་ཏི། དྷི་དྷི་ར་ཡ་ནི། ན་མོ་མ་ཧི་ཤྭ་ར་ཡ་ཎི། རི་ཤི། བྷཉྫ་ནི་པཱ་པ་ཛ་ཧ་ནི། ཀཱ་ལ་པ་ཏི་ནྀ། བྷུ་ཏ་བ་ད་ནི། ས་ཏྱ་ག་ཐེ། སོ་མ་བཱ་དི། སོ་མ་པྲ་བྷེ་སྭཱ་ཧཱ། ཚེ་རིང་བར་འགྱུར། 
ཏདྱ་ཐཱ། ཧ་ར་ཧ་ར་ཧ་ར་ཧཱ་ཎི་སྭཱ་ཧཱ། ཏདྱ་ཐཱ། ཨི་ཊི་ཏ་ག་ཊི་ཏ་བ་དི་ད། ཨ་ཡི་ན། ཨ་རི་བཉྫ་ནི་ཀ་ཀརྡ་ནི། པུ་ཏྲ་ད་ད་ཧཱ་ནི། མརྒ་ཨ་བྷ་རོ་ཧ་ནི། ཧུ་ས་བ་ཏི། མུ་པ་བ་དི། ཧི་ལེ་ཧི་ལི། ཡ་ཐཱ་པ་ཛུ་ཡ། ཡ་ཐཱ་ཨ་ག་ནི་ཡ་ཐཱ་བ་ར་ན་
ཙ། ཡ་ཐཱ་ན་ཡ། ཡ་ཐཱ་བཛྲ་ན། ཡ་ཐཱ་ཧྲཱི་ད་ཡ་སྭཱ་ཧཱ། ལག་ན་རྡོ་རྗེ་འདི་ནི་སྒོ་བཟང་པོ་ཞེས་བྱ་བའི་བཟུངས་ཏེ། དེ་བཞིན་གཤེགས་པ་རྣམས་ཀྱིས་ཐུགས་རྗེས་སེམས་ཅན་རྣཾས་ཀྱི་དོན་དུ་བཤད་དོ། །ཇི་ལྟར་སྔོན་གྱི་
དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་གསུངས་ཤིང་བྱིན་གྱིས་བརླབས་པ་དང་། བདེན་པའི་ཐུགས་དམ་གྱིས་རྣམ་པར་གཞག་བཞིན་དུ་ང་ཡང་འཆད་དོ། །དེ་ནས་བཅོཾ་
ལྡན་འདས་ཀྱིས་སྐྱེས་བུ་ཆེན་པོའི་སྨིན་མཚམས་ཀྱི།  མཛོད་སྤུ་ནས་འོད་ཟེར་བྱུང་སྟེ། སངས་རྒྱས་ཀྱི་ཞིང་ཐམས་ཅད་དུ་འོད་ཟེར་གྱི་སྣ་བ་བྱུང་ངོ་། །འོད་ཟེར་གྱི་སྣ་བ་དེས་བསྐུལ་བས་རང་རང་གི་སངས་རྒྱས་ཀྱི་ཞིང་
དེ་ནས་ཆས་ཏེ། འཇིག་རྟེན་གྱི་ཁམས་མི་མཇེད་འདིར་བྱོན་ནས། བཅོམ་ལྡན་འདས་ཤཱཀྱ་ཐུབ་པ་ལ་ལེགས་སོ་ཞེས་བྱ་བ་བྱིན་ཏེ། ཤཱཀྱ་ཐུབ་པ་ཁྱོད་ཀྱིས་སེམས་ཅན་ཐམས་ཅད་ཀྱི་དོན་དུ་སྒོ་བཟང་པོ་ཞེས་བྱ་བའི་
ཆོས་ཀྱི་རྣམས་གྲངས་གཟུངས་སྔགས་གཞི་རྣམས་སྣང་བར་བྱེད་པ། མཆོག་ཏུ་དགའ་བར་བྱེད་པ། དྲན་པར་བྱེད་པ། བཤད་པ་ལེགས་སོ་ལེགས་སོ། །བདག་ཅག་གིས་ཀྱང་བྱིན་གྱི་བརླབ་བོ། །ལེགས་སོ་ཞེས་བྱ་བ་བྱིན་ནོ། །
རིག་ཀྱི་བུ་འམ། རིག་ཀྱི་བུ་མོ་གང་ལ་ལ་གཟུངས་སྔགས་གཞི་འདི་དག་འཛིན་ཅིང་། ནང་པར་ལངས་ནས་ཀློག་པའི་རིག་ཀྱི་བུ་འམ། རིག་ཀྱི་བུ་མོ་དའི་ཡོན་ཏན་གྱི་ཕན་ཡོན་ཉི་ཤུར་ཤེས་པར་བྱ་སྟེ། ཉི་ཤུ་གང་ཞེ་ན། 

98-1-79a

འདི་ལྟ་སྟེ། སངས་རྒྱས་ཐམས་ཅད་ཀྱིས་བྱིན་གྱིས་བརླབ་པར་འགྱུར་བ་དང་། སངས་རྒྱས་ཐམས་ཅད་ཀྱིས་དགོངས་པར་འགྱུར་བ་དང་། ངན་སོང་དུ་འགྱུར་བའི་ལས་ཀྱི་བསྒྲིབ་པ་ཐམས་ཅད་མེད་པར་འགྱུར་བ་
དང་། ཚེ་རིང་བར་འགྱུར་བ་དང་། རིང་དུ་འཚོ་ཞིང་གྲགས་པ་དང་ལྡན་པ་དང་། ལོངས་སྤྱོད་དང་ལྡན་པ་དང་། སྟོབས་དང་ལྡན་པ་དང་། གཟི་རྗིད་དང་ལྡན་པ་དང་། རྟག་ཏུ་ནད་མེད་པ་དང་ལྡན་པ་དང་། བརྩོན་འགྲུས་དང་ལྡན་པ་
དང་། སངས་རྒྱས་བཅོམ་ལྡན་འདས་ཐཾད་དགྱེས་ཤིང་ཐུགས་སུ་ཆུད་པར་འགྱུར་བ་དང་། ལྷ་ཐཾད་ཀྱི་བསམས་པར་འགྱུར་བ་དང་། དགེ་བར་སྤྱོད་པར་འགྱུར་བ་དང་། དགེ་བའི་དོན་ལ་རབ་ཏུ་བརྩོན་པ་དང་། སྣང་བར་བྱེད་པར་འགྱུར་བ་དང་། 
མཆོག་ཏུ་དགའ་བ་དང་། དྲན་པ་དང་ལྡན་པར་འགྱུར་བ་དང་། མཚན་ཕུན་སུམ་ཚོགས་པར་འགྱུར་བ་དང་། མི་འཇིགས་པར་འགྱུར་བ་དང་། དགེ་བའི་རྩ་བ་ཐམས་ཅད་དང་ལྡན་པར་འགྱུར་རོ། །ལག་ན་རྡོ་རྗེ་འདི་ནི་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་གསུང་པའི་གནས་ཀྱི་གཟུངས་སྔགས་གཞི་རྣམས་གསུངས་ཤིང་། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ཡིན་ནོ། །དེ་ནས་བྱང་ཆུབ་
སེམས་དཔའ་སེཾདའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་རིག་ཀྱི་བུ་འམ། རིག་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བའི་སླད་དུ་གཟུང་སྔགས་
གཞི་རྣམས་བཤད་པར་བགྱིའོ། །སུ་ཞིག་སྒོ་བཟང་པོ་ཞེས་བགྱི་བའི་ཆོས་ཀྱིས་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པ་དེ་རྣམ་པར་འཚེ་བ་ཐམས་ཅད་ལས་བསྲུང་བར་བགྱིའོ། །
ཐ་ཏདྱ་ཐཱ། ཤི་ཁི་ཤི་ཁི་ཤི་ཁི་ཤི་ཀ །ཙི་ཙི་ཙི་ཙི། བྷ་བྷ་བྷ་བྷ། རུ་རུ་རུ་རུ། ཛི་ཛི་ཛི་ཛི། གྲ་གྲ་གྲ་གྲ། ཧྲི་ཧྲི་ཧྲི་ཧྲི། ཧ་ཧ་ཧ་ཧ། མ་མ་མ་མ། ཧ་ན་ཧ་ན་མེ། སརྦ་པྲ་ཏྱེ་རྠི་ཀཱ། ད་ཧ་ད་ཧ་མེ། སརྦ་ཤ་ཏྲ་བ། པ་ཙ་པ་ཙ་མེ། སརྦ་ཨ་ཧི་ཏེ་ཥི་ན་སྭཱ་ཧཱ། དེ་ནས་བཅོམ་

98-1-79b

ལྡན་འདས་ཀྱིས་བྱང་ཆུབ་སེཾདའ་སེམས་དཔའ་ཆེན་པོ་ལག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། ལག་ན་རྡོ་རྗེ་སེམས་ཅན་ཐམས་ཅད་ཀྱི་དོན་གྱི་ཕྱིར་དངོས་གྲུབ་དམ་པའི་གཟུང་སྔགས་གཞི་རྣཾས་སྨྲས་པ་
ལེགས་སོ་ལེགས་སོ། །བྱང་ཆུབ་སེཾདའ་ལག་ན་རྡོ་རྗེ་གསོལ་པ། བཅོམ་ལྡན་འདས་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣཾ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པ་དེའི་སྤུའི་ཁུང་བུ་རྣཾས་
སུ་མདངས་ཐཾད་སྩལ་བར་བགྱི་བར་བཤད་པར་བགྱིའོ། །ཏདྱ་ཐཱ། ཧི་ལི་མི་ལི་ཙི་ལི་སྭཱ་ཧཱ། བྲཧྨ་སྭཱ་རེ་སྭཱ་ཧཱ། བྲཧྨ་ཨ་བ་སུ་གརྦེ། ཨ་ཀལ་པེ། པུ་ཤ་སྃ་སྟ་རེ་སྭཱ་ཧཱ། བཙུན་པ་བཅོམ་ལྡན་འདས་འདི་ནི་གང་ནྃ་པར་ལུང་
ནས་ཀློག་པའི་རིག་ཀྱི་བུ་འམ། རེག་ཀྱི་བུ་མོ་དེ་བསྲུང་བ་དང་། ཡོངས་སུ་བསྐྱང་བའི་སླད་དུ་གཟུངས་སྔགས་གཞི་རྣཾས་ལགསོ། །དེ་ནས་བཅོཾ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །
བཙུན་པ་བཅོཾ་ལྡན་འདས་བདག་གི་ཀྱང་གང་གིས་ཚེ་སྐྱོང་བའི་རིག་སྔགས་འདི་དག་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའཾ། རིགས་ཀྱི་བུ་མོས་བསུང་བ་དང་། ཡོངས་སུ་བསྐྱང་བའི་སླད་དུ་སངས་རྒྱས་ཀྱི་བྱིན་གྱི་བརླབས་ཀྱི་
གཟུང་སྔགས་གཞི་རྣཾས་བཤད་པར་བགྱིའོ། །ཏདྱ་ཐཱ། བོ་དྷི་ཙིད་ཏེ་བ་ར་ཎྀ། ད་མཱ་ར་ཎ་ཊི། དིཏྟི་དིཏྟི། གཽ་རི། གན་དྷ་རི། སར་མ་ཏན་ཏ། བཛྲ་ཏུ་ལ་ནེ། ཛྭཱ་ལ་མཱ་ལི་ནྀ། ཙཀྲ་བཱ་ཀ །ཤ་བ་རེ། ཤ་བ་རེ། ཤ་མ་རེ། ཤ་མ་རེ། སྭཱ་ཧཱ། དེ་ནས་རྒྱལ་པོ་ཆེན་པོ་
རྣཾ་ཐོས་ཀྱི་བུ་དང་། རྒྱལ་པོ་ཆེན་པོ་ཡུལ་འཁོར་སྲུང་དང་། རྒྱལ་པོ་ཆེན་པོ་འཕགས་སྐྱེས་པོ་དང་། རྒྱལ་པོ་ཆེན་པོ་མིག་མི་བཟང་གིས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་
ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣཾས་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་ནང་པར་ལངས་ནས་ཀློག་པའི་རིག་ཀྱི་བུ་འམ། 

98-1-80a

རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བའི་སླད་དུ་གཟུངས་ཀྱི་གསང་སྔགས་འདི་བརྗོད་པར་བྱའོ། །ཏདྱ་ཐཱ། པུཥྤེ་སུ་པུཥྤེ། ཤོ་དྷ་ནི། སཾ་ཤོ་དྷ་ནི། དྷུ་མ་པ་རི་ཧ་རེ། ཨཱརྱ་པྲ་ཤ་སྟེ། ཤཱན་ཏེ། ནིར་མུག་ཏེ། མི་
ག་ལྱེ། ཧི་རན་ཎ་གརྦྷེ་སྟ་རེ་ཏ་པ་དེ་ནས་འབྱུང་པོའི་མ་མོ་འཕྲོག་མས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་སྒོ་བཟང་པོའི་ཆོས་ཀྱི་རྣམས་གྲངས་ཚེ་སྐྱོང་བའི་རིགས་
སྔགས་འདི་འཛིན་ཅིང་། ནང་པར་ལངས་ནས་ཀློག་པ་དང་། ཡིད་ལ་བགྱིད་པའི་རིག་གྱི་བུ་འམ། རིག་ཀྱི་བུ་མོ་དེ་ལ་བསྲུང་བ་དང་། ཡོངསུ་བསྐྱང་བའི་སླད་དུ་གཟུངས་ཀྱིས་གསང་སྔགས་གཞི་རྣམས་བརྗོད་པར་བགྱིའོ། །ཏདྱ་ཐཱ། 
པི་ལི་སིབ་སི་ལི་སི་ལི། མ་ཧཱ་བི་པི་ལི། སི་མེ་ལི་སི། གུ་རུ་ཎེ། གུ་རུ་གུ་ཎེ། མ་ཧཱ་ཀུ་རུ་ཎེ་ཕུ་སྭཱ་ཧཱ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལྔས་རྩེན་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་
ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་འདི་འཛིན་ཅིང་། ནང་པར་ལང་ནས་ཀློག་པའི་རིག་ཀྱི་བུ་འམ། རིག་ཀྱི་བུ་མོ་དེ་
ལ་བསྲུང་བར་བགྱིའོ། །ཏདྱ་ཐཱ། ཨཊྚེ་ཕུ། བཊྚེ་ཕུ། ནཊྚེ་ཕུ། ཀུ་ནཊྚེ་ཕུ། མ་ནཊྚ་ཕུ། མུཎ་ཊ་ཏ་ཊ་ཀེ་ཕུ། ཤྲི་ཕུ། བྷཾ་གེ་ཕུ། མཾ་ཀེ་ཕུ་སྭཱ་ཧཱ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་
འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི། ཆོས་ཀྱི་རྣམ་གྲངས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུ་འམ། རིགས་ཀྱི་བུ་མོ་དེ་ལ་
བསྲུང་བར་བགྱིའོ། །ཡོངས་སུ་བསྐྱང་བ་དང་། ཡོངས་སུ་གཟུང་བ་དང་། ཡོངས་སུ་བསྐྱབ་པ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། དུག་གཞིལ་བར་བགྱིའོ། །མཚམས་བཅད་པར་བགྱིའོ། །

98-1-80b

ཏདྱ་ཐཱ། ཧེ་བཛྲེ། ཧེ་བཛྲེ། ཧཱི་ཧཱ། བི་སི་བི་སི། མ་ཧཱ་བི་སི་ཕུ་སྭཱ་ཧཱ། དེ་ནས་བཅོམ་ལྡན་འདས་ལ་ལྷའི་བུ་དབང་ཕྱུག་ཆེན་པོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་
པོ་ཞེས་བགྱི་བའི་ཆོསྐྱི་རྣམ་གྲངས་འདི་འཛིན་ཅིང་། ནང་པར་ལངས་ནས་ཀློག་པའི་རིག་ཀྱྀས་བུའམ། རིག་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བའི་སླད་དུ་གཟུངས་སྔགས་གཞི་རྣམས་བརྗོད་པར་བགྱིའོ། །
ཏདྱ་ཐཱ། ཧུ་ལུ་ཧུ་ལུ་ཧུ་ལུ་ཧུ་ལུ་ལུ། སརྦ་བྷཱུ་ཏ་པྲ་ཏི་ཤོ་དྷ་ནཾ་ཀ་རོ་མི་སྭཱ་ཧཱ། དེ་ནས་སྡེ་དཔོན་གཞོན་ནུས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་གཙང་མ་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུ་འམ། རིགས་ཀྱི་བུ་མོ་དེ་ལ་བསྲུང་བ་དང་། 
ཡོངས་སུ་བསྐྱང་བར་བགྱི་བའི་སླད་དུ་གསུངས་སྔགས་གཞི་འདི་རྣམས་བརྗོད་པར་བགྱིའོ། །ཏདྱ་ཐཱ། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། མི་ལི་མི་ལི། ཏུ་རུ་ཏུ་རུ། ཏུ་རུ་ཏུ་རུ། སརྦ་བྷཱུ་ཏ་པྲ་ཏི་ཥེ་དེ་ནཾ་ཀ་རོ་མི་སྭཱ་
ཧཱ། དེ་ནས་ལྷའི་བུ་ཟླ་འོད་ཀྱིས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གི་ཀྱང་གང་སྒོ་བཟང་
པོ་ཞེས་བགྱི་བའི་ཆོས་ཀྱི་རྣམ་གྲང་གཙང་མ་འདི་འཛིན་ཅིང་། ནང་པར་ལངས་ནས་ཀློག་པའི་རིག་ཀྱི་བུ་འམ། རིག་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བར་བགྱིའོ། །ཏདྱ་ཐཱ། ཨཾ་གེ། བཾ་གེ། ཙཾ་གེ་ཧི་ནི། ཌི་ཌྀ། དི་དི། 
ཙི་ཙི་ཕུ་སྭཱ་ཧཱ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་

98-1-81a

ཞེས་བགྱི་བའི་ཆོས་ཀྱི་རྣམ་གྲང་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིག་ཀྱི་བུ་འམ། རིག་ཀྱི་བུ་མོ་དེ་ལ་བསྲུང་བ་དང་ཡོངསུ་སྐྱང་བར་བགྱིའོ། །ཏདྱ་ཐཱ། ཧ་ཏེ་བི་ཧ་ཏྱ། རཱི་ཀཱ་པྲ་ཏྱཱ། 
མི་ཏྲ་ཤུད་དྷེ། མུཀ་ཀེ་བི་མུཀ་ཀི། བི་མ་ལེ། ནིརྨ་ལེ་པྲ་བྷ་སྭཱ་རེ། པྲ་བྷ་ཀ་རེ་ཕུ་སྭཱ་ཧཱ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་
འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིག་ཀྱི་བུ་འམ། རིག་ཀྱི་བུ་མོ་དེ་ལ་བསྲུང་བར་བགྱིའོ། །ཏདྱ་ཐཱ། ཛྭ་ལེ་
ཛྭ་ལེ། མ་ཧཱ་ཛྭ་ལེ་ཛྭ་ལེ། ཛྭ་ལེ་ནྀ། ཨུཀ་ཀེ། མུཀ་ཀེ། ཤ་མེ། པྲ་ཤ་མེ། མ་ཧཱ་པྲ་ཤ་མེ། ཤ་མེ་ས་མ་དྷེ། མ་ཧཱ་ས་མཱ་དྷེ། ས་མཱ་བ་དྷེ། ཛྭ་ལེ། མ་ཧཱ་ཛྭ་ལེ། ཛྭ་ལེ་བ་མ་ཕུ་སྭཱ་ཧཱ། དེ་ནས་གནོད་སྦྱིན་གྱི་སྡེ་དཔོན་ཁ་བ་ཅན་གྱི་བཅོམ་
ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གི་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་
སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིག་ཀྱི་བུ་འམ། རིག་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བར་བགྱིའོ། །ཏདྱ་ཐཱ། ཨུ་དུམ་བ་རེ། ཨུ་དུམ་བ་རེ།  དུམ་བེ་རེ་པྲ་དུམ་བེ། བྱཱ་བརྡེ། ཨཱ་ན་གྷེ། ས་མཱ་
དྷེ། མ་ཧ་ས་མ་དྷེ། ནཱི་ལེ་ནཱི་ལེ། ནཱི་ལ་ཀེ་ཤེ། ཀེ་ཤི་ནི། ཀུ་ལེ་ཀུ་ལེ། མ་ཧཱ་ཀུ་ལེ། ནཱི་ལ་ཀུ་ལེ། སིད་དྷི། སིད་དྷི། མ་ནོ་ཧ་རོ། ཨཊྚེ། བཊྚེ། ནཊྚེ། ཀུ་ནཊྚེ། ས་མ་ཐེ། བ་བ་ལ་ཀུ་ཙེ། དཱན་ཏེ། ནཱི་ལ་ཀ་ཤེ། ཀུ་ལེ་ནཱི་ལ། དྷན་ཏེ་ཛཱ་གུ་ལེ། 
ཧུ་ཤེ། མཱུ་ཤེ། བ་ལི། ཀུ་ཤེ། ཧ་ལ་ཀུ་ཤེ། ཕ་ལ་མུ་ཙེ་སྭཱ་ཧཱ། དེ་ནས་གནོད་སྦྱིན་ཀྱི་སྡེ་དཔོན་ཆེན་པོ་བདེ་བའི་རི་གནས་ཀྱིས་བཅོམ་ལྡན་འདས་ག་ལ་བ་དེ་ལོག་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་

98-1-81b

པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུ་འམ། རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱང་བར་
བགྱིའོ། །ཏདྱ་ཐཱ། ཨ་མ་ལེ། བི་མ་ལེ། ནིར་མ་ལེ། མཾ་ག་ལེ། ཧི་ར་ནྱ་གརྦྷེ། སརྦ་ཨརྠ་སཱ་དྷ་ནི། ཀ་མ་ཤྩི་ནི་ཡུ་བི་ར་ཛེ། ཀུ་ཊ་ཀུ་ཊ། ཀ་མཱ་ལེ་བྲཧྨ། བྲཧྨ་སྭ་རེ། བྲ་སིད་དྷེ། སིད་དྷ་མ་ནོ་ར་ཐེ་ཕུ་སྭཱ་ཧཱ། དེ་ནས་ལྷ་མོ་ཆེན་མོ་རྡོ་རྗེ་ལུ་གུ་རྒྱུད་ཀྱིས་བཅོམ་
ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་
འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུ་འམ། རིགས་ཀྱི་བུ་མོ་དེ་ལ་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བའི་སླད་དུ་གཟུངས་སྔགས་གཞི་རྣམས་བརྗོད་པར་བགྱིའོ། །
ཏདྱ་ཐཱ། བཛྲེ། བཛྲེ། མ་ཧཱ་བཛྲེ། བཛྲ་ད་ནི། བུད་དྷ་བཛྲ། བུད་དྷ་ཨ་དྷིཥྛི་ཏེ་བཛྲེ། སུ་བུད་དྷེ། ནི་བུད་དྷེ། བ་ཧུ་བུད་དྷེ། བི་ཤིཥྚ་བུད་དྷེ། ཤུད་དྷེ། བུད་དྷེ། བུད་དྷེ། ནཱི་ཤཾ་གྲཱ་མ་ནི། ཙཾ་གེ་ལེ། ཨ་ལ་སེ། ཏེ་ལི་མེ། ཏི་ལེ། ཏི་ལི་ལེ། མརྒེ། ཤཱནྟ། 
ཏ།  ཤཱན་ཏ། གཱ་མཱི་ནི་ཕུ་སྭཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྡེས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་ཞེས་བགྱི་བའི་ཆོས་ཀྱི་རྣམ་གྲངས་
ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུའམ། རིགས་ཀྱི་བུ་མོ་དེ་ལ་བསྲུང་བར་བགྱིའོ། །ཏདྱ་ཐཱ། ཧི་ལེ་བཛྲེ། ཧི་ཧི་བཛྲེ། ཧེ་ཧེ་བཛྲ། ཡ་བ་ཀི་རི་ཀི་རི་བཛྲ་སྭཱ་ཧཱ། ཏདྱ་ཐཱ། ཨཎ་
ཌ་རེ་པཎ་ཌ་རེ་ཤྱ་ཏེ། པད་ཌ་ར་བ་སི་ནི། ཀིན་ན་རེ། ཀ་རཱ་དེ། ཀེ་ཡཱུ་རེ། ཨི་ཧཱ་བུད་དྷེ། ཏ་ཏྭ་བུད་དྷེ། བྷཱུ་ཛེ་བྷཱུ་ཛེ། བྷཱུ་ཛེ་ག་མེ། བྷཱུ་ཛ་པཱ་པ་ཏེ། བྷ་ཡེ་བྷ་ཡེ། བྷ་ཡ་ཨ་གྲ་བ་ཏེ། བི་ནཱི་བི་ནཱི། ཤི་རི་པ་ཐེ། ཤི་བ་པ་ཐེ། ཨཱ་དི་ཏྟྱ་པྲ་ཐོ། ཏེ་ཛེ་ཏེ་ཛ་བ་ཏོ། 

98-1-82a

བ་ཏོ།  ཨཱ་ཀཱ་ཤ་པ་ཐེ་ཕུ་སྭཱ་ཧཱ། དེ་ནས་རྡོ་རྗེ་ཕོ་ཉ་མོས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་གང་སྒོ་བཟང་པོ་
ཞེས་བགྱི་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པའི་རིགས་ཀྱི་བུ་འམ། རིགས་ཀྱི་བུ་མོ་དེ་ལ་བསྲུང་བ་དང་། བསྐྱབ་པ་དང་། སྦ་བར་བགྱིའོ། །ཏདྱ་ཐཱ། ཀུ་ཊེ་ཀུ་ཊེ། ཀུ་ཊི་ནི། ཀུ་ཊ་ཀུ་ཊ་རེ་སྭཱ་ཧཱ། ནཱི་ལི་ནཱི་ལེ། 
ནཱི་ལ་ཀེ་ཤེ་སྭཱ་ཧཱ། པཱི་ཏེ་པཱི་ཏེ། པཱི་ཏ་ཀེ་ཤེ་སྭཱ་ཧཱ། ལོ་ཧི་ཏེ་ལོ་ཧི་ཏེ། ལོ་ཧི་ཏ་ཀེ་ཤེ་སྭཱ་ཧཱ། ཨ་བ་དཱ་ཧཱེ། ཨ་བ་དཱ་དེ། ཨ་བ་དཱ་ཏ་ཀེ་ནི་སྭཱ་ཧཱ། མཉྫི་ཥྛི་མཉྫི་ཥྛི། མཉྫི་ཥྛི་ཀེ་ཤེ་སྭཱ་ཧཱ། ཙ་ཀྲེ་ཙ་ཀྲེ། བཛྲ་ཙ་ཀྲེ་སྭཱ་ཧཱ། དེ་ནས་བཅོམ་ལྡན་འདས་ཀྱིས་ཕྱག་
གཡས་པ་གསེར་གྱི་ཁ་དོག་ཅན་བརྐྱང་ནས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་ལ་ལེགས་སོ་ཞེས་བྱ་བ་བྱིན་ཏེ་བཞིན་བཟངས་དག་དེ་བཞིན་གཤེགས་པའི་བྱིན་གྱིས་བརླབ་ཀྱིས་ལྷ་དང་། འཇིག་རྟེན་སྐྱོང་བ་
ཁྱོད་ཀྱིས་སེམས་ཅན་ཐམས་ཅད་ལ་ཕན་གདགས་པ་དང་། བསྲུང་བའི་ཕྱིར་གཟུངས་སྔགས་གཞི་འདི་དག་ལེགས་པར་བརྗོད་པ་ལེགས་སོ་ལེགས་སོ། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་ལག་ན་རྡོ་རྗེ་ལ་བཀའ་
སྩལ་པ། ལག་ན་རྡོ་རྗེ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་སྒོ་བཟང་པོ་ཞེས་བྱ་བའི་ཆོས་ཀྱི་རྣམ་གྲངས་ཚེ་སྐྱོང་བའི་རིག་སྔགས་འདི་འཛིན་ཅིང་། ནང་པར་ལངས་ནས་ཀློག་པ་དེ་སངས་རྒྱས་ཐམས་ཅད་ཀྱིས་བྱིན་གྱིས་
བརླབས་པར་འགྱུར། ལྷའི་དབང་པོ་དང་། ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། ལྷ་མ་ཡིན་གྱི་དབང་པོ་དང་། ནམ་མཁའ་ལྡིང་གི་དབང་པོ་དང་། མི་འམ་ཅིའི་དབང་པོ་དང་། ལྟོ་འཕྱེ་ཆེན་པོའི་དབང་པོ་ཐམས་ཅད་ཀྱིས་བསམས་པར་གྱུར་རོ། །
བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་ལག་ན་རྡོ་རྗེ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་

98-1-82b

འཇིག་རྟེན་ཡི་རང་ཏེ། བཅོམ་ལྡན་འདས་ཀྱིས་གསུང་པ་ལ་མངོན་པར་བསྟོད་དོ། །འཕགས་པ་སྒོ་བཟང་པོ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་ཀྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙ་བ་
བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་བཅོས་ནས་གཏན་ལ་ཕབ་བ། ། ༄༅། །རྒྱ་གར་སྐད་དུ།  ཨཱརྱ་དྷརྨ་སཱ་ག་ར་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་ཆོས་ཀྱི་རྒྱ་མཚོ་ཞེས་
བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བཱ་རཱ་ན་སཱི་ན་དྲང་སྲོང་སྨྲ་བའི་རི་དགས་ཀྱི་ནགས་ན་དགེ་སློང་ལྔ་བརྒྱ་
ཐམ་པའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ་དང་། དགེ་སློང་དེ་དག་གིས་བཅོམ་ལྡན་འདས་ལ་ཉན་པ་དང་། བཅོམ་ལྡན་འདས་ཀྱིས་
འདི་སྐད་ཅེས་བཀའ་སྩལ་ཏོ། །དགེ་སློང་དག་ངས་ནི་ཆོས་ཟབ་མོ་མཐོང་བར་དཀའ་བ། རྟོགས་པར་དཀའ་བ། ཆ་ཕྲ་བ། བརྟགས་པ། མཁས་ཤིང་ཤེས་པས་རིག་པར་བྱ་བ་རྟོགས་སོ། །ངས་ནི་སྐྱེ་བོ་མང་པོ་ལ་ཕན་པ་དང་། 
སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེའི་དོན་དང་། ལྷ་དང་། མི་རྣམས་ལ་ཕན་པ་དང་། བདེ་བའི་ཕྱིར་ཆོས་ཀྱི་འཁོར་ལོ་བསྐོར་རོ། །ངས་ཐོག་པ་མེད་པའི་ཆོས་ཀྱི་འཁོར་ལོ་བསྐོར་བའི་ཕྱིར་ངེས་པ་ཁོ་ནར་
བསྒྲུབ་པར་བྱའོ། །དགེ་སློང་དག་ཆོས་ཀྱི་རྒྱ་མཚོའི་གཟུངས་ཤེས་བྱ་བའི་ཆོས་ཀྱི་རྣམ་གྲངས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པའི་བློ་དང་ལྡན་པ། བློ་གྲོས་ཀྱི་བློ་དང་ལྡན་པ། རྟོགས་པའི་
བློ་དང་ལྡན་པ། བརྟན་པའི་བློ་དང་ལྡན་པ། ཤེས་རབ་ཀྱི་བློ་དང་ལྡན་པ། གསུང་གི་མཆོག་དང་ལྡན་པ། སྤོབས་པ་མཆོག་དང་ལྡན་པ། མཁྱེན་ཅིང་གཟིགས་པ་དག་གིས་བསྟན་ཅིང་བཤད་པ་ཡོད་དེ། གང་དག་དེ་ཤེས་པ་དང་། གང་དག་

98-1-83a

དེ་འཛིན་པ་དེ་དག་གིས་ནི་མྱུར་བ་ཁོ་ནར་ཆོས་ལྔ་ཐོབ་པར་འགྱུར་རོ། །ལྔ་གང་ཞེ་ན། འདི་ལྟ་སྟེ། ཐོས་པ་འཛིན་པའི་དྲན་པ་དང་ལྡན་པར་འགྱུར་བ་དང་། བརྗེད་ངས་པ་མེད་པའི་དྲན་པ་དང་ལྡན་ཞིང་ཆོས་བཟུང་བ་རྣམས་ཆུད་
ཟ་བར་མི་འགྱུར་བའི་བློ་གྲོས་དང་ལྡན་པར་འགྱུར་བ་དང་། རྣོན་པོ་ཐོབ་པའི་རྟོགས་པ་དང་ལྡན་པར་འགྱུར་བ་དང་། ཡི་གེ་དང་དོན་དང་ཚིག་ལ་འཇུག་པའི་སྤོབས་པ་ཐོག་པ་མེད་པ་དང་ལྡན་པར་འགྱུར་བ་དང་། སེམས་ཅན་རྣམས་ཀྱི་
རྒྱུའི་ལམ་མངོན་པར་ཤེས་ནས་སྔོན་གྱི་གནས་རྗེས་སུ་དྲན་པ་ལ་མཁས་པར་འགྱུར་བ་སྟེ། ཆོས་ལྔ་པོ་འདི་དག་ནི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བཞག་གོ། ད་ལྟར་ང་ཡང་
འཇོག་གོ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཆོས་ཐམས་ཅད་ཀྱི་སྡོམས་ཀྱི་གཞི་བཞི་བསྡུ་བ་ཁྱོད་ལ་བསྟན་པར་བྱ་སྟེ། དེས་ན་ཁྱོད་ཀྱིས་མ་ཐོས་པའི་ཆོས་རྣམས་ཐོས་པར་
འགྱུར་རོ། །ཐོས་པའི་ཆོས་རྣམས་འཛིན་པར་འགྱུར་རོ། །གཟུང་བའི་ཆོས་རྣམས་ནི་ཉམས་སུ་ལེན་པར་འགྱུར་རོ། །ཉམས་སུ་བླངས་པའི་ཆོས་རྣམས་ནི་གཞན་དག་ལ་ཁོང་དུ་ཆུད་པར་བྱེད་དོ། །ཚིག་གི་རབ་ཏུ་དབྱེ་བ་ལྔ་ནི་འདི་ལྟ་
སྟེ། འདུ་བྱེད་ཀྱི་ཚིག་གི་རབ་ཏུ་དབྱེ་བ་དང་། དེ་བཞིན་དུ་མ་ཐོས་པའི་ཆོས་ཀྱི་ཚིག་གི་རབ་ཏུ་དབྱེ་བ་དང་། བླ་ན་མེད་པའི་ཚིག་གི་རབ་ཏུ་དབྱེ་བ་དང་། ས་ནས་ས་བརྟགས་པའི་ཡི་གེའི་ཚིག་གི་རབ་ཏུ་དབྱེ་བ་དང་། ངེས་པའི་
ཚིག་དང་བརྡ་སྣ་ཚོགས་ཀྱི་ཚིག་གི་རབ་ཏུ་དབྱེ་བའོ། །དེ་ལ་འདི་དག་ནི་གཟི་བྱིན་རྟེན་པར་བྱེད་པའི་ཚིག་རིག་སྔགས་དང་ལྡན་པ་སྟེ། གླིང་བཞི་པའི་འཇིག་རྟེན་གྱི་ཁམས་ཀྱི་གནོད་སྦྱིན་དང་། སྲིན་པོ་དང་། གྲུལ་
བུམ་དང་། ཡི་དགས་དང་། ཤ་ཟ་འཛམ་བུའི་གླིང་དུ་ལྷགས་པ་ཐམས་ཅད་ཀྱིས་གང་ཟག་དེ་ལ་ཟས་ཀྱི་སྣ་གྲངས་རྣམས་དང་། སྨན་རྣམས་སྦྱིན་པར་འགྱུརོ། །དེ་ལ་གསང་སྔགས་ཀྱི་ཚིག་ཆོས་ལས་བྱུང་བ་གཞན་དག་ལ་མི་

98-1-83b

གནོད་པ། དེ་བཞིན་གཤེགས་པས་གསུངས་པ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་ཀྱིས་མནོས་པ། བསྟན་པ་ཡོངས་སུ་འཛིན་པ་ནི་འདི་དག་ཡིན་ཏེ། ཀུན་དགའ་བོ་གསང་སྔགས་ཀྱི་ཚིག་འདི་དག་ཉོན་ཅིག །ཁྱོད་
ཕྱིས་འགྱོད་ཏ་རེ། སྱཱད་ཡ་ཐེ་དན། ཀརྨ་ཀེ་ཏ་མ་ནུད་ཙེ། ར་ཏེ་རུ་ཏ་གྲན་དྲ་མ། ཐུ་མ་ན། ནཻ་ལ་ཏ། ཨ་སཾ་ཀུ་ལ་སྠཱ། བུ་མི་ཨ་ནུ་སྨ་རི། ཨི་ཤཾ་ག་མ་ཨི་ཤ་སྠཱ། ཀླེ་ན་ཨ་ནུ་ག་ཏེ། ཡཱ་མུ་ལ་གུམ་བྷེ། པ་བྷེ་མ་གུར་བ་ཡ་བ། ཨ་སྱ་བ་ཀྱ་
སྱ་བི་ལཾ་ག །བེ་ལ་མ་ཐ། ཤྲཱི་བ་བ་རཱི་པཉྩ་ཀ །པྲ་ས་ཏེ། ཨ་བ་བེ་ལ། ཨ་གྲ་བེ་ལ། ནི་ཤི་ལུ་ཁུ་ཙེ་ཛུ་མེ། ཨུ་ཛེ་ཛུ་མེ། ཀུན་དགའ་བོ་འདི་དག་ནི། གནོད་སྦྱིན་ཀྱི་དབབ་པ་གྲུབ་དང་། གནོད་སྦྱིན་གང་དག་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་འོད་སྲུང་མཐོང་བ་ལ་བསྙེན་བཀུར་ཡང་བྱེད་བྱེད། རིམ་གྲོ་བྱེད་བྱེད་པ་རྣམས་འཆིང་བ་སྟེ། ཀུན་དགའ་བོ་ཁྱོད་ཀྱིས་གནོད་སྦྱིན་དབབ་པ་གྲུབ་པ། དེ་བཞིན་གཤེགས་པས་གསུངས་པ་རྣམས་
ཟུང་ཤིག །ཀུན་དགའ་བོ་གང་ལ་ལ་གསང་སྔགས་ཀྱི་ཚིག་སྐྱོན་མེད་པའི་ཚིག་འདི་དག་འཛིན་པ་དང་། འཆང་བ་དང་། ཀུན་ཆུབ་པར་བྱེད་པ་དེ་ལ་ནི་རྒྱལ་པོ་ཆེན་པོ་བཞི་སེམས་བཞིན་དུ་གནས་སོ། །ཀུན་དགའ་བོ་གསང་སྔགས་
ཀྱི་ཚིག་འདི་དག་གཟུང་བས་ནི་དྲན་པ་དང་ལྡན་པར་འགྱུར་རོ། །སངས་རྒྱས་རྣམས་དང་བྲལ་བར་མི་འགྱུར་རོ། །ཀུན་དགའ་བོ་ཤར་ཀྱི་ལུས་འཕགས་གྱི་གླིང་ན་ནི་གནོད་སྦྱིན་སྲིད་པ་སྣང་བྱེད་ཅེས་བྱ་བ་གནས་སོ། །ཀུན་དགའ་བོ་ནུབ་
ཀྱི་བ་ལང་སྤྱོད་ཀྱི་གླིང་ན་ནི་གནོད་སྦྱིན་ཆེར་སྤྱོད་ཅེས་བྱ་བ་གནས་སོ། །ཀུན་དགའ་བོ་བྱང་གི་སྒྲ་མི་སྙན་ཀྱི་གླིང་ན་ནི་གནོད་སྦྱིན་རྣམ་གྲང་ཞེས་བྱ་བ་གནས་སོ། །ཀུན་དགའ་བོ་འཛམ་བུའི་གླིང་ན་ནི་གནོད་སྦྱིན་གྲག་ཐོབ་ཅེས་
བྱ་བ་གནས་ཏེ། ཀུན་དགའ་བོ་གནོད་སྦྱིན་དེ་དག་གིས་ཀྱང་རྗེས་སུ་དྲན་པར་འགྱུར་རོ། །ཀུན་དགའ་བོ་གནོད་སྦྱིན་གཞན་གཟི་བརྗིད་ཟ་བ་གང་ཡིན་པ་དེ་དག་ཀྱང་དད་པ་ཐོབ་པར་འགྱུར་རོ། །དད་པ་ཐོབ་པར་གྱུར་ནས་ཀྱང་དད་པ་མི་ཕྱེད་

98-1-84a

པར་ཐོབ་པར་བྱ་བའི་ཕྱིར་འགྲོ་བར་བྱེད་དོ། །ཀུན་དགའ་བོ་དེ་ལ་འདི་དག་ནི་ཤེས་བཞིན་གྱི་ཚིག་དྲང་སྲོང་གིས་སྟན་པ་དག་ཡིན་ཏེ། ཀུན་དགའ་བོ་ཁྱོད་ཀྱིས་དེ་བཞིན་གཤེགས་པ་དྲང་སྲོང་གི་མཆོག་གི་ཚིག་མཆོག་
སྲོག་ཆགས་འབྱུང་པོ་ཐམ་ཅད་ལ་རྣམ་པར་མི་འཚེ་བའི་ཚིག་རྣམ་ཟུང་ཤིག་དང་ངས་བཤད་དོ། །ཀུན་དགའ་བོ་དེ་ལ་ངའི་ཕྱིར་ན་འབྲང་བའི་གནོད་སྦྱིན་གང་ཡིན་པ་དེ་དག་གིས་ཀྱང་བར་ཆད་བྱེད་མི་ནུས་སོ། །སྱཱད་ཡ་ཐེ་
དན། དན་དྷ་ར་མ་ཧཱ་ཧ་ར་ཧ་ར་མ་བ་ར་ན། རུ་ད་དྲ་ཏྲ། ཀུ་མ་ཏི་དྲི་ཏྲ། ཨིན་དྲ་མན་ཏུ་ཀེ། ཨ་བ་ཏེ། ས་ཧ་རཱ། ས་དྷུ་མ་ཏི། ཨི་ལ་ལ་བ་མ་ཏི། ཨ་བ་ཏི། ཏ་ར་པ་ར། ཡི་བིཥྛ་ས་ད་བིཥྛ། ཨ་བ་ཏིཥྛ། པ་ར་བིརྟ། ཨི་ཤ་བརྡ། ས་ད་བརྟ། ཀྲ་མ་ཀྲ་མ་ཏི་
རན། ཨ་སི་བ་ཙ་མ་ལ་བི་ན་ཧ་ཐི། ཋ་ཤ་སུ་རེ། དྷུ་ར་དྷུ་ར། ཨུཀ་གྲ་མུཀ་ཀྲུ། ཨུཀ་གྲ་བ་ཏི། བི་ས་ར་གྲ་མ་ཏི། ཐམས་ཅད་དང་ལྡན་པའི་གླིང་བཞི་པ་ཆེན་པོའི་འཇིག་རྟེན་ཀྱི་ཁམས་ཀྱི་གནོད་སྦྱིན་དང་། འབྱུང་པོ་དང་། གྲུལ་བུམ་དང་། 
ཡི་དགས་དང་། སྲུལ་པོ་དང་། ཀླུ་དང་། དྲི་ཟ་དང་། ཤ་ཟ་གནས་པ་གང་ཡང་རུང་བ་དེ་དག་གིས་ཁྱིམ་གྱི་ནང་ན་གནས་པ་དང་། ལམ་དུ་ཞུགས་པ་རྣམས་ཀྱིས་དེ་བཞིན་གཤེགས་པས་གསུངས་ཚིག་འདི་དག་ཐོས་ནས་དགའ་བར་འགྱུརོ། །
ཀུན་དགའ་བོ་ཁྱོད་ཀྱིས་གཟུངས་སྔགས་ཀྱི་ཚིག་འདི་དག་ཟུང་ཤིག །ཕྱིས་འགྱོད་ཏ་རེ། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །གནོད་སྦྱིན་གྲུབ་པ་འདི་དག་ནི། །གླིང་བཞི་དག་ན་གཙོ་ཞེས་བྱ། །
གསང་སྔགས་འདི་དག་སུ་འཆང་བ། །དེ་ཡི་དྲན་པ་འཕེལ་བར་འགྱུར། །སངས་རྒྱས་རྣམས་ཀྱིས་གསུངས་པ་ཡི། །གནོད་སྦྱིན་དེ་དག་ལྷགས་ནས་ནི། །ཆོས་རྒྱལ་རྣམས་ཀྱིས་བསྟན་པ་དག །ཉམས་པར་གྱུར་པ་དེ་ལ་སྟོན། །
དཔག་ཚད་བརྒྱ་ཕྲག་མང་པོ་ཡང་། །མཐར་གྱིས་སུ་ནི་སོང་ནས་ཀྱང་། །ཟབ་ཅིང་དོན་དང་ལྡན་པ་ཡི། །ཚིག་འདི་དག་ནི་མཉན་པར་བྱ། །འདི་དག་ཆོས་ཀུན་རྩ་བ་སྟེ། །དེ་དག་མཁས་རྣམས་ཉན་པར་གྱིས། །དྲག་པོ་དག་གིས་ཐོས་ན་ཡང་། །

98-1-84b

ཕྱི་ནས་མཆོག་ཏུ་དགའ་བ་སྟེ། །གང་ལ་བདེ་དང་སྡུགས་བསྔལ་མེད། །དེ་ལ་དེ་ནི་དགའ་བར་འགྱུར། །ས་འདི་ཆགས་པ་མེད་པ་སྟེ། །སངས་རྒྱས་ས་ནི་བསམ་མི་ཁྱབ། །ཆགས་པ་མེད་པར་བསྟན་པ་ཡི། །བསམ་ཡས་
ས་དེ་ཐོབ་གྱུར་ནས། །ཉི་མ་སྤྲིན་ལས་བྱུང་བ་ལྟར། །དེ་ནས་ས་སྟེང་དེ་བཞིན་སྣང་། །འདི་ལ་སྐྱེ་མཆེད་ཕུང་པོ་རྣམས། །དབེན་དང་བྱང་ཆུབ་ཡན་ལག་དབང་། །དགེ་བའི་ཆོས་ནི་ཟབ་མོ་རྣམས། །སངས་རྒྱས་གསུང་པ་ཅི་ཡང་ཡོད། །
དེ་ཡི་ཐོས་པའི་ཚོགས་རྣམས་གང་། །ནམས་ཀྱང་ཆུད་ཟར་མི་འགྱུར་ཏེ། །མ་ཐོས་ཆོས་རྣམས་དེ་དག་ཐོས། །ཉེས་དང་ཉེས་མིན་རྣམས་ལ་མཁས། །རྟོག་པར་ཁོང་དུ་ཆུད་པའི་མཆོག །མིག་བཟད་རྣམས་ཀྱང་དག་པར་འགྱུར། །
འཆང་བ་དང་ནི་སྟོན་བྱེད་པ། །དེ་ནི་རྟག་ཏུ་སངས་རྒྱས་བསྔགས། །སངས་རྒྱས་ཀྱི་ནི་ཆོས་རྣམས་ལ། །ཐེ་ཚོམ་མི་མངའ་བདེན་པ་གང་། །བདེན་དེས་བདག་ལ་ལུང་མནོས་པ། །ཅི་ཡོད་ཐམས་ཅད་གནས་གྱུར་ཅིག །སངས་རྒྱས་
རྣམས་ནི་འབྱུང་རྣམས་ལ། །བྱམས་པས་གནས་པའི་བདེན་པ་དེས། །རང་གི་སེམས་དང་གཞན་སེམས་ལ། །སྟོན་པ་རབ་ཏུ་གནས་གྱུར་ཅིག །གླིང་བཞིའི་གནས་ཀྱིས་གནོད་སྦྱིན་དག །མ་དད་པ་དང་དད་པ་བསྟན། །གང་ལ་རྟོག་པ་མི་
སྣང་བ། །དེ་ལ་དེ་ཀུན་དོན་སྟོན་འགྱུར། །གནོད་སྦྱིན་སྐར་གདོང་གང་ཡིན་དང་། །གླང་ཆེན་སྣ་དང་ཁྱད་པར་སྟོབས། །དྲག་པོ་དགའ་བྱེད་གསོད་བྱེད་དང་། །ཟླ་བ་མགོ་མེད་ལུག་གསོད་པ། །དཔའ་སྡེ་དང་ནི་ལག་དཔའ་དང་། །སྲིན་པོ་དང་ནི་
ས་འཛིན་པ། །ལྗང་གུ་ཁ་དང་རྣ་བཟང་དང་། །རལ་གྲིའི་སྤུ་ཅན་བོང་བུ་རྣམས། །ཐམས་ཅད་གྲུབ་པར་བྱེད་པར་ཤོག །གསང་སྔགས་འདི་དག་སུ་འཛིན་ལ། །གནོད་སྦྱིན་སྲིན་པོ་དེ་དག་ནི། །སྤྲོ་བར་གྱུར་ནས་འཛུད་པར་བྱེད། །རྟག་ཏུ་དེ་ནི་
སྤོབས་པ་དང་། །ཚིག་རྣམས་དང་ནི་ལུང་བསྟན་དང་། །ངེས་པའི་ཚིག་དང་ཆོས་ཀུན་དང་། །ཡི་གེ་རྣམས་ལ་མཁས་པར་འགྱུར། །ལུང་མནོས་པ་ཡང་ཆུད་མི་ཟ། །རྟོགས་པ་མཐའ་ཡས་འཕེལ་བར་འགྱུར། །རྟག་ཏུ་དོན་དང་ཡི་གེ་ལ། །

98-1-85a

དེ་ཡི་ཤེས་པ་འཕེལ་བར་འགྱུར། །སུམ་བཅུ་རྩ་གསུམ་ལྷ་རྣམས་དང་། །མི་མཇེད་བདག་པོ་ཚང་པ་ཡང་། །དེ་ཡི་ལེགས་བཤད་ཉན་པ་རྣམས། །དེ་ཡི་མོད་ལ་དྲན་པར་བྱེད། །སྱད་ཡ་ཐེ་དན། ཏུ་ཀུ་ན། མུ་ཀུ་ན། ཧ་ར་ཎ། བི་ཧ་ར་ཎ། ཨི་ཤ་སཾ་
ཀྲ་མ་ཎ། ཨོ་སུ་མུ་ཁ། ཏ་ཀ་ཎ། ཨ་ག་ཎ་ཨ་པྲི་ཡ། ཨུ་སྠ་མེ། ཀོ་བ་ཧ་རེ། ཨུ་རུ་པ། པྲ་བ་ཎ་ཏན། སཾ་པྲ་མེ་བ་ཧ་ཛ་ག་རེ། པྲ་ཤི་ག་རེ། གུ་ཌྷ་བ་ནེ། ཨུཏྚ་ན། བི་གུ་ཎ། ཨི་ཤ་ཀུ་ན། ཨ་ཏུ་ལ་ཏུ་ལ། ཨ་ཊི་བ་ཊི། བ་རི་ཙ་མོ་ཤ །ཧ་ར། ཛ་ག་ཏ། ཨེ་བ་སཾ་
པྲ་མུ་ཁེ། ཨ་ག་བ་རེ། ཋ་ཧུ་ས་ཧུ། ཨི་ཏི་ཡ། ཐཱ་ཧུ། ཙ་ཏུར་དྭཱི་བི་ཀ་ཡན། ཋ་ཧུ་མ་ཧུ་ཨུ་ཀ་གྲ་ཧུ། དྷཱ་ར་ས་ཧུ། སི་གྲ་ཧ། ཨ་བི་ན་གྲ་ཧ། ཨ་བི་ན་གྲ་ཧ། པྲཛྙ་བྲྀད་དྷ་ཡེ། ཋ་ཧུ་ས་ཧུ། ཀ་ར་ཀུ་རུ། དྷ་ས་ཧུ། དེ་ལ་འདི་སྐད་ཅེས་བྱ་སྟེ། །གསང་སྔག་
ཀྱི་ནི་ཚིག་འདི་དག །གང་གིས་ལག་དང་ལུས་ལ་ཡོད། །དེ་ནི་ཐོས་ལ་རྨོངས་པ་མེད། །དེ་ནི་ཤེས་རབ་མེད་མི་འགྱུར། །སྐར་མདའ་ཇི་བཞིན་ཉི་མ་བཞིན། །ཟླ་བ་ཇི་ལྟར་སྣང་བ་བཞིན། །དེ་ལྟར་ཐོས་དང་དོན་གྱིས་ཀྱང་། །མྱ་ངན་འདས་པའི་
བར་ལ་རེག །དེ་ནས་བཅོམ་ལྡན་འདས་ཀྱིས་དེའི་ཚེ་གསང་སྔགས་འདི་དག་བཀའ་སྩལ་ཏོ། །སྱཱད་ཡ་ཐེ་དན། ཙ་ར་ཌྷེ། བི་ཙ་ར་ཌྷེ། ཨ་མཾ་ཀུ་ཏེ། ཨ་ཏི་མི་ཏི། པ་ར་ཧ་རེ། གྷ་ཎ་བྷེ། ཧི་བ་ར་མེ། མ་ཧཱ་པྲ་ཏི་བཱ་ཧཱ་ནེ། ཛ་ཡ་ཛ་ཡ། ཨ་ནུ་ཀེ། པ་ལ་
པ་ལེ། ཨུ་ཀ་གྲ་བ་ཏི། སྭ་ར་སྭ་ར། ཨ་བི་ས་རེ། གུ་གུན་དེ། པྲ་བི་བ་བརྡྷེ། ས་མ། ཨ་ཛི་ཏ་ཛ་ཡེ། ནུ་པ་ལེ་སུ་ཁོ་མ་སུ་སན་དྷི་ནི་ཀུ་མ་ནོ། །སཀྵེ། ཙཱ་པི་ཙཱ་པེ། ཙུ་པེ། ཙུ་ལུ་ཙུ་ལུ། པུ་ལུ་པུ་ལུ། བྱ་བ་པྲ་ས་རེ། ཀ་ར་བྷིན་དྷེ། བི་ཛཱ་བི་ཛེ། ཨ་པ་ཏི་
སན་དྷི། ནཱ་ནཱ་ནུ་མ་ཏི། པྲ་ན་ནུ་མ་ཏི། ཨ་རི་ད་སི། ཛེཥྛ་ནུ་པ་ནི་དེ། ཨ་སཾ་གྲ་ཨ་བ་ཏི། རིག་སྔག་སྡུས་པའི་གསང་སྔག་ཀྱི་ཚིག་འདི་དག་ལུས་ལ་ཐོག་ཏེ་འཆང་ན། གླིང་བཞི་པ་ཆེན་པོའི་འཇིག་རྟེན་གྱི་ཁམ་ན་གནོད་སྦྱིན་དང་། སྲིན་པོ་དང་། གྲུལ་བུམ་
དང་། ཡི་དག་དང་ཤ་ཟ་གནས་པ་དེ་དག་ཐམས་ཅད་དབང་དུ་འགྱུར་ཞིང་། དབང་དུ་མ་གྱུར་པ་རྣམ་ཀྱང་དབང་དུ་འགྱུརོ། །དོན་ཐམས་ཅད་ཀྱང་དེ་བཞིན་གཤེག་པ་གནང་བ་བཞིན་དུ་འཚོ་བའི་མཐར་ཐུག་གི་འཆི་བར་མི་འགྱུར། མེད་པར་མི་

98-1-85b

འགྱུར་རོ། །དེ་ལ་ཆོ་ག་ནི་འདི་ཡིན་ཏེ། དགོན་པར་འདུག་ལ་གཟུང་སྔགས་འདི་དག་ཐམས་ཅད་ཞག་བདུན་གྱི་བར་དུ་བརྗོད་དེ། ཉིན་ལན་གསུམ་མཚན་ལན་གསུམ་དུ་དྲན་པར་བྱའོ། །དེ་ནས་ཞག་བདུན་ལོན་པའི་འོག་ཏུ་བསམ་པ་
ཐམས་ཅད་འགྲུབ་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་
རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཆོས་ཀྱི་རྒྱ་མཚོ་ཞེས་བྱ་བའི་གཟུངས། རྫོགས་སྷོ།། །།རྒྱ་གར་གྱི་མཁན་པོ་སུ་རེན་དྲ་བོ་དྷི་དང་། པྲཛྙ་བར་མ་དང་། ཞུ་ཆེན་གྱི་ལོ་ཙ་བ་བན་དྷེ་
ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ། ། ༄༅། །རྒྱ་གར་སྐད་དུ། གཱ་ཐཱ་དྭཱི་ཡ་དྷཱ་ར་ཎཱི།  བོད་སྐད་དུ།  ཚིགས་སུ་བཅད་པ་གཉིས་པའི་གཟུངས། འཇམ་དཔལ་གཞོན་ནུར་གྱུར་པ་ཕྱག་འཚལ་ལོ། །
སངས་རྒྱས་དང་ནི་ཆོས་ལ་བརྙས་པ་དང་། །ལེ་ལོ་དང་ནི་ཅུང་ཟད་ཆོག་པར་འཛིན། །འདོད་ཆག་དང་ནི་ང་རྒྱལ་སྤྱོད་པ་དང་། །འགྱོད་པ་དང་ནི་མ་ངེས་སྤྱོད་པ་རྣམས། །སེམས་ཅན་རྣམས་ཀྱི་སྒྲིབ་པར་གྱུར་པ་སྟེ། །དེ་ཡི་གཉེན་པོར་ཐེག་པ་
མཆོག་བསྟན་པ། །དེ་ཡི་བར་དུ་གཅོད་པ་དེ་དག་གི། ཉེས་པ་ཐམས་ཅད་རབ་ཏུ་སྤོང་བར་འགྱུར། །ཏདྱ་ཐཱ། ཨོ་བཛྲཾ་པྲ་ཀཱ་ར། བཛྲ་པྲ་ཀ་ར་བཛྲ་ཙཀྲ། དཾཥྚཱ་བྷ་ཡཱ་ན་ཀེ། ཨ་མ་ལེ། བི་མ་ལེ། ནིར་མེ་ལ། ཙུ་ལུ་ཀ །ཙུ་ལུ་ཙུ་ལུ། སརྦ་བུད་དྷེ་སྭཱ་ཧཱ། 
ཚིགས་སུ་བཅད་པ་གཉིས་པའི་གཟུངས་ལ་ནི། །ཚིག་གམ་དོན་གྱི་སྒོ་ནས་གང་སྦྱོར་བ། །སེམས་ཅན་དམ་པ་བློ་དང་ལྡན་པ་དེས། །ཕན་ཡོན་རྣམ་པ་བཅུ་དག་ཐོབ་པར་འགྱུར། །ཁམས་རྣམས་མཐའ་དག་བརྟས་པར་
འགྱུར་བ་དང་། །འཆི་བའི་ཚེ་ན་མཆོག་དགའ་དམ་པ་འཐོབ། །ཇི་ལྟར་འདོད་པ་བཞིན་དུ་སྐྱེ་བ་དང་། །ཐམས་ཅད་དུ་ནི་ཚེ་རབ་དྲན་པར་འགྱུར། །སངས་རྒྱས་རྣམས་དང་ཕྲད་པར་འགྱུར་བ་དང་། །དེ་བཞིན་དེ་དག་ལས་ནི་ཐེག་མཆོག་

98-1-86a

ཐོས། །མོས་པར་འགྱུར་བ་བློ་དང་བཅས་པ་དང་། །སྒོ་གཉིས་དང་ནི་བྱང་ཆུབ་མྱུར་དུ་འཐོབ། །ཚིགས་སུ་བཅད་པ་གཉིས་པའི་གཟུངས། རྫོགས་སྷོ།། །། ༄༅། །རྒྱ་གར་སྐད་དུ། ཨཱརྱ་ཥ་ཊ་མུ་ཁ་ནཱ་མ་དྷཱ་ར་
ཎཱི།  བོད་སྐད་དུ།  འཕགས་པ་སྒོ་དྲུག་པ་ཞེས་བྱ་བའི་གཟུངས། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འཁོར་གྱི་ཁྱམས་གནས་གཙང་མའི་
སྟེང་གི་ནམ་མཁའི་དཀྱིལ་ན་གནས་པ་རིན་པོ་ཆེ་སྣ་བདུན་གྱིས་རབ་ཏུ་རྣམ་པར་ཕྱེད་བར་སྤྲས་པ་ན། བྱང་ཆུབ་སེམས་དཔའི་ཚོགས་གྲངས་མེད་པ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་
དཔའ་རྣམས་ལ་བཀའ་སྩལ་པ། རིག་ཀྱི་བུ་དག་ཁྱེད་ཀྱིས་འགྲོ་བ་ཐམས་ཅད་ལ་ཕན་པ་དང་བདེ་བའི་ཕྱིར་སྒོ་དྲུག་པ་ཞེས་བྱ་བའི་གཟུངས་འདི་ཟུང་ཤིག །དེ་ནི་འདི་ལྟ་སྟེ། འཁོར་བ་ནས་འཁོར་བའི་སྐྱེ་གནས་གཞན་དག་ཏུ། 
བདག་གིས་སྡུག་བསྔལ་གང་ཅི་མྱོང་བ་དེ་སེམས་ཅན་ཐམས་ཅད་དང་མཉམ་པ་ཉིད་དུ་མི་ཤེས་པའི་མཚན་ཉིད་དུ་མ་གྱུར་ཅིག །བདག་གིས་འཇིག་རྟེན་པའི་ཕུན་སུམ་ཚོགས་པའི་བདེ་བ་གང་ཅི་མྱོང་བ་དེ་སེམས་ཅན་
ཐམས་ཅད་དང་ཐུན་མོང་དུ་ཡོངས་སུ་སྤྱོད་པར་གྱུར་ཅིག །བདག་གིས་སྡིག་པ་མི་དགེ་བའི་ལས་གང་ཅི་བྱས་པ་དེ་སོ་སོར་བཤགས་པ་བླ་ན་མེད་པས་སོ་སོར་མ་བཤགས་པར་མ་གྱུར་ཅིག །བདག་གིས་བདུད་ཀྱི་
ལས་གང་ཅི་བྱས་པ་དེ་ཡོངས་སུ་ཤེས་པས་བླ་ན་མེད་པས་ཡོངསུ་མི་ཤེས་པར་མ་གྱུར་ཅིག །བདག་གི་ཕ་རོལ་དུ་ཕྱིན་པ་དང་ལྡན་པའི་དགེ་བའི་རྩ་བ་འཇིག་རྟེན་པ་དང་འཇིག་རྟེན་ལས་འདས་པ་ཡང་རུང་གང་
ཅི་ཡོད་པ་དེ་ཐམས་ཅད་བླ་ན་མེད་པའི་ཡེ་ཤེས་ཀྱི་འབྲས་བུར་གྱུར་ཅིག །བདག་གི་རྣམ་པར་གྲོལ་བ་གང་ཅི་ཡོད་པ་དེས་སེམས་ཅན་ཐམས་ཅད་རྣམ་པར་ཐར་བར་གྱུར་ཅིག །འཁོར་བ་དང་། མྱ་ངན་ལས་འདས་པ་ལ་བདག་

98-1-86b

གནས་པར་མ་གྱུར་ཅིག །ཏདྱ་ཐཱ། ༀ་ཀྵ་མེ་ཀྵ་མེ། ཀྵཱན་ཏེ་ཀྵཱན་ཏེ། ད་མེ་ད་མེ། དཱན་ཏེ་དཱན་ཏེ། བྷ་དྲེ་བྷ་དྲེ་སུ་བྷ་དྲེ་སུ་བྷ་དྲེ། ཙན་དྲེ་ཙན་དྲེ། སུ་ཙན་དྲེ་སུ་ཙན་དྲེ། ཙན་དྲ་ཀི་ར་ཎི། ཙན་དྲ་བ་ཏི། ཏེ་ཛོ་བ་ཏི། ཡ་ཤོ་བ་ཏི། དྷརྨཱ་བ་ཏི། བྲམ་བ་ཏི། སརྦ་ཀླེ་ཤ་བི་
ཤོ་དྷཱ་ནི། སརྦ་ཨརྠ་སཱ་དྷ་ནི། སརྦ་ཨརྠ་པྲ་ཤ་མ་ནི། པ་ར་མརྠ་སཱ་དྷ་ནི། ཀཱ་ཡ་བི་ཤོ་དྷ་ནི། བཱཀ་བི་ཤོ་དྷ་ནི། མ་ནཿསཾ་ཤོ་དྷ་ནི་སྭཱ་ཧཱ། རིག་ཀྱི་བུ་དག་དེ་ལྟར་ན་རིག་ཀྱི་བུ་དང་རིག་ཀྱི་བུ་མོ་གང་ལ་ལ་ཞིག་གིས་སྒོ་དྲུག་པ་ཞེས་
བྱ་བའི་གཟུངས་འདི་ཉིན་ལན་གསུམ་མཚན་ལན་གསུམ་བཀླགས་ན་དེའི་ལས་ཀྱི་སྒྲིབ་པ་ཐམས་ཅད་བྱང་ནས་སྐྱེ་བ་བདུན་གྱི་བར་དུ་དེ་སྐྱེ་བ་དྲན་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་
པར་འཚང་རྒྱ་བར་འགྱུར་རོ། །བཅོམ་ལྡན་འདས་དགྱེས་ཤིང་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའི་ཚོགས་དེ་དག་དང་། ལྷ་དང་། མི་དང་། ལྷ་མ་ཡིན་དང་། དི་ཟར་བཅས་པའི་འཇིག་རྟེན་གནས་གཙང་མའི་རིས་ཀྱི་ལྷའི་བུ་དེ་ཡི་ཏེ། བཅོམ་ལྡན་འདས་ཀྱིས་
གསུངས་པ་ལ་མངོན་པར་བསྟོད་དོ། །འཕགས་པ་སྒོ་དྲུག་པ་ཞེས་བྱ་བའི་གཟུངས། རྫོགས་སྷོ།། །། ༄༅། །རྒྱ་གར་སྐད་དུ། ཨཱརྱ་ཥ་ཌ་ཀྵ་རི་བིདྱཱ།  བོད་སྐད་དུ།  འཕགས་པ་ཡི་གེ་དྲུག་མའི་རིག་སྔགས། སངས་རྒྱས་
དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལོ། །འདི་སྐད་བདག་གི་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དེ་ནས་བཅོམ་ལྡན་འདས་ཀྱི་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། 
ཀུན་དགའ་བོ་ཡི་གེ་དྲུག་པའི་རིག་སྔགས་གང་ཡང་དག་པར་རྫོགས་པའི་སངས་རྒྱས་དྲུག་དང་། འཇིག་རྟེན་སྐྱོང་བ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་ཀྱིས་བཤད་པ། ཡི་གེ་དྲུག་པའི་རིག་སྔགས་ཀྱི་རྒྱལ་
མོ་འདི་ཀུན་དགའ་བོ་ཁྱོད་ཀྱིས་ཟུང་ཤིག །ཆོངས་ཤིག །ལྷོགས་ཤིག །ཀུན་ཆུབ་པར་གྱིས་ཤིག །ཏདྱ་ཐཱ། དནྟི་ལེ། ཀནྟི་ལེ། དཎྜ་མི་ཏི། མ་དྷུ་མ་ཏི། མ་ར་ཎ་ཌི། ཀོ་ར་ཎ་ཌེ། དྲཱ་བི་བ་ཏི། ཀོ་ཤཱ་རི། ཚ་ཊ་ཛེ། དུ་དུ་མ་ནྀ། ཀེ་ཏུ་

98-1-87a

མ་ཏེ། ཙུ་དུ་ནྡྷ་ཀེའུ་ཏ་དན་ཏེ། ཏ་ཧུ་ར་རེ། ཨེ་ན་ནི་གེ། ཧུ་ཏ་བ་ཧུ་ནི། ཀུན་དགའ་བོ་འདི་ནི་ཡི་གེ་དྲུག་པའི་རིག་སྔགས་ཏེ། གླད་པ་ན་བ་དང་། མིག་ན་བ་དང་། རྣ་བ་ན་བ་དང་། སོ་ན་བ་དང་། སྣ་ན་བ་དང་། ལྕེ་ན་བ་དང་། 
སྙིང་ན་བ་དང་། ལྟོ་ན་བ་དང་། རྒྱབ་ན་བ་དང་། རྩིབ་ལོགས་ན་བ་དང་། ཆུ་སོ་ན་བ་དང་། བྱིན་པ་ན་བ་དང་། རྐང་པ་ན་བ་དང་། ཡག་ལག་དང་། ཉིན་ལག་ན་བ་དང་། ཟས་མ་ཞུ་བ་དང་། སྦོས་པ་དང་། མངལ་དུ་ཐོགས་པ་དང་། རླུང་
ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། རིམས་དྲག་པོ་དང་། ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རིམས་
ཡུད་ཙམ་པ་དང་། ཉིན་མོའི་རིམས་དང་། མཚན་མོའི་རིམས་ཀྱི་བཏབ་པ་ལས་ཡེ་གེ་དྲུག་པའི་རིག་སྔགས་འདི་བསྲུངས་བ་དང་། ཡོངས་སུ་བསྐྱབ་པ་དང་། ཡོངསུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་
ལེགསུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། ཆུས་གཏོར་བ་དང་། སྲད་བུས་བཅིང་བ་བཅས་པ་ལས་གང་ཞིག་འགལ་བར་བྱེད་ན། དེའི་མགོ་ཨརྫ་ཀའི་དོག་པ་བཞིན་དུ་ཚལ་
པ་བདུན་དུ་མི་འགས་པ་ནི་ཀུན་དགའ་བོ་ངས་ལྷ་དང་བཅས་པ་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་མི་དང་ལྷ་མ་ཡིན་དུ་བཅས་པའི་
འཇིག་རྟེན་ན་མ་མཐོང་ངོ་། །ཏདྱ་ཐཱ། ཨཎ་ཌཱ་རེ། པཎ་ཌཱ་རེ། ཀ་རེ་ཏེ། ཀེ་ཡུ་རེ། བྷཱུ་ཏཾ་ག་མེ། བྷུ་ཏ་གྲ་ཧེ། བྷུ་ཏ་པྲ་ཀྵི་ཏེ། བྷུ་ཏ་ཡ་སྨྲ་ར་ཡ་ནི་བྲི་ཡཱ་བ་ནི་ཏེ་ཛ་བ་ཏི་ཡ་ཤ་བ་ཏི་གི་རྀ་ནི་ནི། བདག་འཇིག་པ་ཐམས་ཅད་དང་། གནོད་
པ་ཐམས་ཅད་ལས་བདེ་ལེགསུ་གྱུར་ཅིག་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ལྷ་དང་མི་དང་། ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡིད་རངས་ཏེ། 

98-1-87b

བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཡི་གེ་དྲུག་པ་ཞེས་བྱ་བའི་རིག་སྔགས་རྫོགསྷོ།། །། ༄༅། །རྒྱ་གར་སྐད་དུ། ཨཱརྱ་ཀཱན་ཀ་པ་ཏི་ནཱ་མ་དྷ་ར་ཎཱི།  བོད་སྐད་དུ།  འཕགས་པ་གསེར་
ཅན་ཞེས་བྱ་བའི་གཟུངས། ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ལྷས་མ་ལྟ་བུ་ན་གནོད་སྦྱིན་གྱི་སྡེ་དཔོན་ཆེན་པོ་
ལག་ན་རྡོ་རྗེ་དང་ཐབས་གཅིག་ཏུ་བཞུགས་ཏེ། དེ་ནས་ལྷའི་དབང་པོ་བརྒྱ་བྱིན་བཅོམ་ལྡན་འདས་ག་ལ་བ་དེར་སོང་ཏེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ །
ཕྱོགས་གཅིག་ཏུ་འདུག་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གཡུལ་ངོར་མཆིས་ཏེ་གཡུལ་འགྱེད་པ་ན་ལྷ་མ་ཡིན་གྱི་སྒྱུ་དང་རིག་སྔགས་རྣམས་
དང་། གསང་སྔགས་དང་། སྨན་དག་གིས་ཕམ་པར་གྱུར་པ་མཁྱེན་ལགས་སམ། བཅོམ་ལྡན་འདས་བདག་ཅག་རྗེས་སུ་གཟུང་བ་དང་། བདག་ཅག་ལ་ཐུགས་བརྩེ་བ་དང་། ལྷ་མ་ཡིན་རྣམས་ཀྱི་སྒྱུ་དང་རིགས་
སྔགས་དང་། གསང་སྔགས་དང་། སྨན་རབ་ཏུ་གཞོམ་པ་དང་། རབ་ཏུ་གཞིག་པའི་སླད་དུ་རྣམ་པར་རྒྱལ་བ་ཆེན་པོའི་གསང་སྔགས་ཆེན་པོ་ལེགས་པར་སྟན་དུ་གསོལ། དེ་ནས་བཅོམ་ལྡན་འདས་ཀྱིས་ལྷའི་དབང་
པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀོའུ་ཤི་ཀ་དེ་དེ་བཞིན་ནོ། །ལྷ་མ་ཡིན་དང་གཡུལ་སྤྲད་པ་ན་རིག་སྔགས་རྣམས་དང་། གསང་སྔགས་རྣམས་དང་སྨན་རྣམས་ཀྱི་ཕམ་པ་དེ་དེ་བཞིན་ཏེ། །ཀཽ་ཤི་ཀ་
སྙིང་བརྩེ་བའི་ཕྱིར་ད་འདིར་རིག་སྔགས་བརྗོད་པར་བྱ་སྟེ། སྒྱུ་ཐམས་ཅད་རེངས་པར་བྱེད་པ། རིག་སྔགས་ཐམས་ཅད་ཟློག་པ། གསང་སྔགས་ཐམས་ཅད་རེངས་པར་བྱེད་པ། འཐབ་པ་དང་། རྩོད་པ་དང་། མཚང་འབྲུ་

98-1-88a

བ་དང་འཐབ་མོ་དང་། འགྱེད་པ་ཐཾད་རབ་ཏུ་ཞི་བར་བྱེད་པ། གསང་སྔགས་དང་། སྨན་ཐཾད་གཅོད་པའི་རིག་སྔགས་བཤད་པར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་རིག་སྔགས་ཆེན་པོ་གསེར་ཅན་བཀའ་
སྩལ་པ། གང་བསྐལ་པ་གྲང་མེད་པ་གསུམ་དུ་གཞན་མུ་སྟེགས་ཅན་སྤྱོད་པ་དང་། ཀུན་དུ་རྒྱུ་བ་དང་གཅེར་བུ་པ་རྣམས་ཀྱིས་ངན་དུ་བསམས་ཤིང་བར་ཆད་དུ་བྱས་པ་ལས། ངས་དེ་ཚུན་ཆད་སྒྱུ་དང་ལྡན་པ་རྣམས་
ཀྱིས་རིག་སྔགས་ཐམས་ཅད་བཟློག་ནས་ཕ་རོལ་ཏུ་ཕྱིན་པ་དྲུག་ཡོངསུ་རྫོགས་པར་བྱས་ཏེ་གཞན་མུ་སྟེགས་ཅན་སྤྱོད་པ་པ་དང་། ཀུན་དུ་རྒྱུ་དང་། གཅེར་བུ་པ་དང་། འཚེ་བ་རྣམས་ཀྱི་སྒྱུ་དང་། རིགས་སྔགས་དང་། གསང་
སྔགས་དང་སྨན་དང་། བདུད་ཀྱི་སྡེ་ཐམས་ཅད་རབ་ཏུ་འཇོམས་པའི་རིག་པ་ཆེན་མོ་དེ་ངས་བཤད་པར་བྱས། ཀཽ་ཤི་ཀ་ཁྱོད་ཀྱིས་སེམས་ཅན་ཐམས་ཅད་རྗེས་སུ་གཟུང་བའི་ཕྱིར་གསང་སྔགས་ཆེན་པོ་རྣམ་པར་
རྒྱལ་བ་ཆེན་པོ་ཟུང་ཤིག །བཅོམ་ལྡན་འདས་དེ་བཞིན་ནོ་ཞེས་གསོལ་ཏེ་ལྷའི་དབང་པོ་བརྒྱ་བྱིན་བཅོམ་ལྡན་འདས་ཀྱི་ལྟར་ཉན་པ་དང་། དེ་ནས་བཅོམ་ལྡན་འདས་ཀྱི་དེའི་ཚེ་རིག་སྔགས་ཆེན་པོ་གསེར་ཅན་འདི་
དག་བཀའ་སྩལ་ཏོ། །ཏདྱ་ཐཱ། ༀ་ཧི་ནྀ་ཧི་ནི། ཧི་ལི་ཧི་ལི། ཧི་ལི་ཧི་ལི། མི་ལི་མི་ལི། ཧི་ལི་མི་ལི། ནི་ཧི་ནི་ཧི། ནི་ཧི་ར་པི་ནི། ཀཱ་ཉཱ་ནཱ་པ་ནི། ལོ་ཀཱ་མཱ་ཏེ་བྷུ་ཏེ་བྷུ་ཀུ་ཏ་མན་ཏྲ། ཨ་དྷི་ཀྲེ་ཏེ། བེ་དེ་བེ་དེ་བེ་ཏ་མན་ཏྲ། ཨ་དྷི་ཀྲི་ཏེ། 
ཧ་ན་ཧ་ན། ཧ་ས་ཧ་ས། ཚིན་དྷ་ཚིན་དྷ། བྷིན་དྷ་བྷིན་དྷ། བྷ་ག་བ་ཏེ། ཛ་ཡེ་བི་ཛ་ཡེ། ཛམ་བྷ་ནི། སྟམ་བྷ་ནི། བན་དྷ་ནི་མོ་ཧ་ནི། ཨ་མོ་གྷ་ཤག་ཏི་དྷཱ་ར་ཎཱི། གྲི་ཎ་གྲི་ཎ། ཀཱ་ཌ་མ་མཱ་ན་སི། ཛམ་བྷ་ཡ་ཛམ་བྷ་ཡ། བྷཉྩ་ཡ་
བྷཉྩ་ཡ། སྟམ་བྷ་ཡ་སྟམ་བྷ་ཡ། བན་དྷ་ཡ་བན་དྷ་ཡ། མོ་ཧ་ཡ་མོ་ཧ་ཡ། ལྷའི་སྒྱུ་དང་། ཀླུའི་སྒྱུ་དང་། གནོད་སྦྱིན་གྱི་སྒྱུ་དང་། སྲིན་པོའི་སྒྱུ་དང་། ནམ་མཁའི་ལྡིང་གི་སྒྱུ་དང་། དྲི་ཟའི་སྒྱུ་དང་། ལྷ་མ་ཡིན་གྱི་སྒྱུ་དང་། 

98-1-88b

མི་འམ་ཅིའི་སྒྱུ་དང་། ལྟོ་འཕྱེ་ཆེན་པོའི་སྒྱུ་དང་། རིག་སྔགས་འཆང་གི་སྒྱུ་དང་། རིག་སྔགས་འཆང་གྲུབ་པོའི་རྒྱལ་པོའི་སྒྱུ་དང་། དྲང་སྲོང་གི་སྒྱུ་དང་། སེམས་ཅན་རིག་སྔགས་འཆང་ཐཾད་ཀྱི་སྒྱུ་དང་། འབྱུང་པོའི་སྒྱུ་དང་སྒྱུ་ཐཾད་ར་ལ་ར་ལ། 
རད་ཛ་རད་ཛ། དྷུ་མ་དྷུ་མ། དྷུ་དྷུ་མ། རཱ་བ་རཱ་བ་རཱ་བ་ན་ཙཀྲུ་ན་ཏན། གྲུ་ན་ཐ་ནི་ཧ་ན་ཧ་ན། སརྦ་བི་དྷ། ཤ་ཏྲཱུཾ་ནཱཾ། སྟམ་བྷ་ཡ། བྷ་ཡུན་སྟམ་བྷ་ཡ། སཱུརྱཱན་སྟམ་བྷ་ཡ། སོ་ན་མ་སྟམ་བྷ་ཡ། བ་རུ་ཎཱན་སྟམ་བྷ་ཡ། ཨག་ན་ནི་སྟམ་བྷ་ཡ། 
ཨུད་ད་ཀན་དྷི་ཏི་དྷི་ཏི། དྷཱ་ར་ཎཱི་བཱ་ཤ་ཧ་སྟེ། བེཥྚ་ཡ་པཱ་ཤ་ནེ། གང་དག་བདག་ལ་ཕྱིར་རྒོལ་བ་རྣམས་དང་། དགྲ་རྣམས་དང་། སྡང་བ་དང་། རབ་ཏུ་སྡང་བའི་སེཾས་དང་ལྡན་པ་རྣམས་དང་། འཐབ་པ་དང་། རབ་ཏུ་འཐབ་པ་དང་། མི་ཕན་
པར་འདོད་པ་ཐཾད། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བྷཉྩ་ཡ་བྷཉྩ་ཡ། ཛཾ་བྷ་ཡ་ཛཾ་བྷ་ཡ། སྟམ་བྷ་ཡ་སྟམ་བྷ་ཡ། བྷན་དྷ་ཡ་བྷན་དྷ་ཡ། མོ་ཧ་ཡ་མོ་ཧ་ཡ། མ་ཧཱ་མོ་ཧཱ་ནི། བྷ་ག་བ་ཏི་སྭཱ་ཧཱ། བདག་འཇིགས་པ་དང་གནོད་
པ་དང་། ནད་འགོ་བ་ཐམས་ཅད་ལས་སྲུངས་ཤིག །ཕཊ་སྭཱ་ཧཱ། ཀཽ་ཤི་ཀ་རིག་ཀྱི་བུ་འམ། རིག་གྱིས་བུ་མོ་འམ། རྒྱལ་པོ་འམ། རྒྱལ་པོའི་བློན་པོ་ཆེན་པོ་གང་ལ་ལ་ཞིག །གསེར་ཅན་གྱི་རིག་སྔགས་འདི་རྗེསུ་དྲན་
པར་བྱེད་ན་དེ་ལ་ཕ་རོལ་གྱི་འཇིག་པ་མི་འབྱུང་ངོ་། །དེའི་སྡེ་ལ་ཕ་རོལ་གྱི་དམག་ཚོགས་ཀྱི་མི་ཚུགས་སོ། །ལྷས་མ་ཡིན་ཀླུས་མ་ཡིན། གནོད་སྦྱིན་གྱིས་མ་ཡིན། སྲིན་པོས་མ་ཡིན། དྲི་ཟས་མ་ཡིན། ལྷ་མ་ཡིན་ཀྱིས་
མ་ཡིན། ནམ་མཁའ་ལྡིང་གིས་མ་ཡིན། མཁའ་འགྲོ་མས་མ་ཡིན། དུས་མ་ཡིན་པར་འཆི་བའི་དུས་བྱེད་པར་མི་འགྱུར། རིག་སྔགས་དང་། གསང་སྔགས་དང་། སྨན་རྣམས་ཀྱིས་
ཕ་རོལ་ཀྱི་དམག་ཚོག་ཀྱིས་འཆི་བའི་དུས་བྱེད་པར་མི་འགྱུར། ལུས་ལ་མཚོན་གྱིས་མི་ཚུགས། ལུས་ལ་མེ་དང་། ཆུ་དང་དུག་དང་། རིག་སྔགས་དང་གསང་སྔགས་དང་སྨན་རྣམས་ཀྱིས་མི་ཚུགསོ། །གང་གི་

98-1-89a

སྡིག་པ་བྱས་པ་དང་། བྱེད་དུ་བཅུག་པ་དང་། རྗེསུ་ཡི་རང་བ་དེ་ཉིད་སླར་འབབ་པར་འགྱུར། དེ་ཉིད་དུ་སླར་འགྲོ་བར་འགྱུར། ཀོཾ་ཤི་ཀ་དེ་ལྟ་བས་ན་དད་པའི་དགེ་སློང་ངམ་དགེ་སློང་མ་འམ། དགེ་སྙེན་ནམ། དགེ་དགེ་བསྙེན་མ་འམ། 
རིག་ཀྱི་བུ་འམ། རིག་ཀྱི་བུ་མོས་རིག་སྔགས་འདི་ཆུ་ལ་ལན་བདུན་བཟླས་ཏེ་བདག་གི་ལུས་ལ་བླུགས་ན་བདག་གི་ལུས་བསྲུངས་བར་འགྱུརོ། །འཇིག་པ་ཐཾད་དང་། གནོད་པ་ཐཾད་དང་། ཡམས་ཀྱི་ནད་དང་། ནད་འགོ་བ་ཐད་དང་། རིག་སྔགས་ཐཾད་
དང་། གསང་སྔགས་དང་། སྨན་ཐཾད་ལས་བྱད་ཐཾད་ལས་ཤིན་དུ་འདའ་བར་འདོད་པ་གསེར་ཅན་ཀྱི་རིག་སྔགས་འདི་དྲན་པར་བྱའོ། །རྒྱལ་པོ་འམ། རྒྱལ་པོའི་བློན་པོ་ཕ་རོལ་གྱི་དམག་ཚོགས་བཞོམ་པ་དང་། ཕ་རོལ་གྱི་དམག་ཚོགས་གདུལ་བར་འདོད་པས་
གསེར་ཅན་གྱི་རིག་སྔགས་འདི་དྲན་བར་བྱའོ། །ལན་བདུན་བཟླས་ཏེ་མདུད་པ་བདུན་བོར་བའི་སྲད་བུ་བདགས་པར་བྱ་བ་འམ། ཆུ་ལ་ལན་བདུན་བཟླས་པས་བདག་བསྲུང་བར་བྱའོ། །འཇིག་པ་ཐཾད་ལ་ཐོག་པ་མེད་པའི་གཟུངས་ཡི་གེར་བྲིས་ཏེ་བཅང་
བར་བྱ། མགུལ་དུ་གདགས་པར་བྱའོ། །ཡི་གེར་བྲིས་ནས་རྒྱལ་མཚན་གྱི་རྩེ་མོ་ལ་བཏགས་ཏེ་གཡུལ་དུ་ཞུགས་ན་དགེ་བ་དང་བདེ་བར་ཐར་བར་འགྱུརོ། །རིག་སྔགས་འདྀའི་སྟོབས་ཀྱིས་ནང་མི་དང་། གཡོག་འཁོར་དང་། སྡེ་དང་དང་བཅས་ཏེ་དགེ་
བ་དང་བདེ་བར་རྒལ་བར་འགྱུརོ། །མ་གྲུབ་པ་རྣམས་ཀྱང་གྲུབ་པར་འགྱུརོ། །རིག་སྔགས་རེང་པར་བྱེད་པར་འདོད་པས་སྲད་པུ་དཀར་པོ་ལ་ལན་བདུན་བཟླས་ཏེ། མདུད་པ་བདུན་བོར་ན་བཅིངས་པ་དང་རེངས་པར་བྱས་པར་འགྱུར་རོ། །
རྒྱུ་རེངས་པར་བྱེད་པར་འདོད་པས་དུར་ཁྲོད་ཀྱི་ས་ལ་ལན་བདུན་བཟླས་ཏེ་གཏོར་ན་སྒྱུ་རེང་པར་བྱས་པར་འགྱུར་རོ། །འགྱེད་པའི་ཚེ་ཁ་ལྐུགས་པར་བྱེད་པར་འདོད་པའི་ཟིན་ཐིག་ལེ་ལ་ལན་བདུན་བཟླས་ཏེ་འཆོས་ན་སྨྲ་བ་ཐམས་ཅད་ཀྱི་ལན་
ཐེབས་པར་འགྱུརོ། །ཀླག་པར་བྱ། ཁ་ཏོན་དུ་བྱ། བརྗོད་པར་བྱ་སྟེ། བརྗོད་པ་ཙམ་གྱིས་སྡིག་པ་ཐམས་ཅད་རབ་ཏུ་ཞི་བར་འགྱུརོ། །གང་གིས་བྱས་པར་གྱུར་པ་དང་། གང་གིས་བསམས་པར་གྱུར་པ་དེ་ཉིད་ལ་སླར་འགྲོའོ། །སྲད་བུ་བཏགས་

98-1-89b

སམ། ཆུས་བདག་བསྲུང་བ་བྱས་ན་དེའི་ལུས་ལ་རིག་སྔགས་དང་། གསང་སྔགས་དང་། སྨན་ཐམས་ཅད་ཀྱིས་མི་ཚུགསོ། །མ་གྲུབ་པ་རྣམས་གྲུབ་པར་འགྱུརོ། །དེའི་དོན་ཐམས་ཅད་ཀྱང་འཐུན་པར་འགྱུར་རོ། །བཅོམ་
ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷའི་དབང་པོ་བརྒྱ་བྱིན་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་གསེར་ཅན་ཞེས་བྱ་བའི་གཟུངས། རྫོགསྷོ།། །།རྒྱ་གར་གྱི་
མཁན་པོ་འཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། །།
 ༄༅།  །རྒྱ་གར་སྐད་དུ། ཀ་རུ་ཎ་ཨ་གྲ་ནཱ་མ་དྷཱ་ར་ཎཱི།  བོད་སྐད་དུ།  སྙིང་རྗེའི་མཆོག་ཅེས་བྱ་བའི་གཟུངས། ཐམས་ཅད་མཁྱེན་པ་ལ་ཕྱག་འཚལོ། །ཕྱག་ན་པད་མ་བསྣམ་པ། སེམས་ཅན་སྡུག་བསྔལ་རྣམ་པ་སྣ་ཚོགས་ཀྱི་ཚང་ཚིང་དུ་ནུབ་
པ་རྣམས་ཡང་དག་པར་བསྐུལ་བའི་ཕྱིར་བློ་གྲོས་ཤར་བ་ལ་ཕྱག་འཚལོ། །དེ་བཞིན་གཤེགས་པའི་གསང་སྔགས་ཀྱི་མཆོག་སྙིང་རྗེ་ཆེན་པོའི་རྩེ་མོ་འཆར་བ། ཐོགས་པ་མེད་པའི་དོན་ཡོད་པའི་ལས་ཀྱི་དངོས་གྲུབ་དེ་བཞིན་གཤེགས་
པའི་ཞལ་ནས་བྱུང་བ། སེམས་ཅན་ཀྱི་དཀྱིལ་འཁོར་མ་ལུས་པའི་ལས་ཀྱི་སྒྲིབ་པ་དང་། ངན་སོང་གིས་སྡུག་བསྔལ་རྣམས་པ་སྣ་ཚོགས་ཞི་བར་བྱེད་པ། བྱེད་པ་མ་ཡིན་པ་དང་། བཀྲ་མི་ཤིས་པ་དང་། རྨི་ལམ་ངན་པ་དང་། 
ལྟས་ངན་པ་ཐམས་ཅད་དང་། ནད་རྣམ་པ་དུ་མ་དང་། དུས་མ་ཡིན་པར་འཆི་བ་རྣམ་པ་སྣ་ཚོགས་རབ་ཏུ་ཞི་བར་བྱེད་པ། སྟོང་ཆེན་པོ་རབ་ཏུ་འཇོམས་པར་བྱེད་པ་བཤད་པར་སྟེ། ཐོག་མར་བཅོམ་ལྡན་འདས་བསོད་ནམས་ཀྱི་
ཚོགས་དུ་མ་བྱེ་བ་ཕྲག་འབུམ་གྱིས་བརྒྱན་པའི་སྐུ་མངའ་བ་ལ་ཕྱག་འཚལ་ནས་བརྩམ་པར་བྱའོ། །ན་མོ་བྷ་ག་བ་ཏེ། བཻ་རོ་ཙ་ནཱ་ཡ། ཏ་ཐཱ་ག་ཏ་ཡ། ཨ་ར་ཧ་ཏེ་སམྱག་སཾ་བུད་

98-1-90a

དྷ་ཡ། སརྦ་ཨ་ཛྙ་ན་དྷ་ཀ་ར་ཤ་མ་ཡིད་ཏྲེ། ཏདྱ་ཐཱ། སཱ་དྷ་ནི་སཱ་དྷ་ནི། སིདྡྷ་བིད་དྷ་རི། བྷ་ག་བ་ཏེ་པ་རམ་པཱ་ར། ཀླེ་ཤ་དྷ་བ་ཧི། ཨ་ཛྙཱ་ན་ཤ་མ་ནཱི་ཤ་མཱ་ཡ། སརྦ་པ་པཾ་བི་ཤུདྡྷ་དྷ་རྨེ་ནིར་མ་ལ་ཛྙཱ་ན་གོ་ཙ་རེ། ཨ་སཾ་ག་ཙ་རི་
ནི་པྲ་ཤ་མ་མཱུརྟི་སུ་ཁ་པྲ་ཏེ་སརྦ་ཀླེ་ཤ་དྷ་བ་ཏི། སརྦ་པཾ་བི་ཤོ་དྷ་ནི། བི་དྷ་མཱ་ནི་བི་ན་ཤཱ་ནི་བི་ན་ཤཱ་ནི་བི་ན་ཤཱ་ཡ་བི་ན་ཤ་ཡ། བྷ་ག་བ་ཏི་སུ་ར་ས་བི་མ་ལ་བུདྡྷ། ས་ར་ས་ར། བི་ས་ར་བི་ས་ར། སུ་རུ་སུ་རུ། སཱུ་ར་སཱུ་ར། པྲ་ས་ར་པྲ་ས་ར། བི་
ས་ར་བི་ས་ར། ཨ་ཛྭ་ན་མ་ཀོ་ཊི་ས་ཧ་སྲ་སཾ་ཙཾ་ཏ་ན། ཀརྨ་ཨཱ་བ་ར་ཎཾ་ཀྵ་པ་ཡ། ཀྵེ་མ་བ་ཏི་བུདྡྷ་བི་ཤཱ་ཡ། བ་ཤ་བརྟི་ནི་པཱ་ར་མི་ཏཱ་ཛྙཱ་ན་གོ་ཙ་རེ། བི་ཤེ་ཤ་བ་ཏི། ཨ་ཤེ་ཤ་མ་ལི་ནྀ། ཀཱ་རུ་ཎ་གོ་ཙ་རེ། མ་ཧཱ་ཛྙཱ་ན་ཨ་བྷི་ཥེ་ཀ་བ་ཏི། 
སུ་བི་ནི་ཤྩི་ཏ་དྷརྨེ། ཧེ་ཧེ་བྷ་ག་བ་ཏི། མ་ཧཱ་ཀ་རུ་ཎེ་ཀུ་རུ་ཀུ་རུ་བི་ཤཱ་དྷ་ཡ། སཾ་སརྦ་སཏྭ་ཤྩ། མ་ཧཱ་ཀ་རུ་ཎོད་སེ་ཀེ་ན་ས་ན་སིན་ཙཱ་ཡ། ས་མ་བ་དྷཱ་ཡ། ས་མ་བྷ་ལ་ཡ། པྲ་རོ་ཧཱ་ཡ་མེ། མ་ཧཱ་ཀ་རུ་ཎ་བི་ཛ་ན་པ་རི་ཤུདྡྷ་ཡ། ཨ་མོ་གྷ་
མེ་ཀུ་རུ་ཛི་བི་ཏ་ན་རཀྵ་རཀྵམ། བྷ་ག་བ་ཏི་མ་མཱ་མ་བོ་དྷྀ་ཙིཏ་ཏཾ་སཾ་མཱུ་ཧྱེད་མ་སནྟུ་ཤུད་བི་ཏི་མི་ཀ་རུ་ཎི། བུད་དྷ་བོ་དྷི་པྲ་ཏེ། ན་ར་ཀ་པྲེ་ཏ་ཏིརྱ་ག་ཏི་དུ་ཁེན་མུ་ལ་ནི། དཱེ་བ་མ་ནུ་ཥྱ་ག་ཏི། སཾ་བ་ཧ་ན་བི་ག་ཏོ་བ་ཀླེ་ཤེ། སརྦ་བུད་དྷ་དྷརྨ་པ་
རི་པཱུ་ར་ཎི་སྭཱ་ཧཱ། བཅོམ་ལྡན་འདས་ཀྱི་སྙིང་རྗེ་ཆེན་པོའི་མཆོག་ཅེས་བྱ་བའི་གཟུངས། བཅོམ་ལྡན་འདས་ཀྱི་གཙུག་ཏོར་ནས་བྱུང་བ་འདི་ནི་གཟུངས་གྲངས་མེད་པ་ཕྲག་སྟོང་གི་འཁོར་དང་ལྡན་པའོ། །སྡིག་པ་དང་། ལས་
དང་ཉོན་མོངས་པ་ཐམ་ཅད་འཇོམ་པའོ། །བཀྲ་མི་ཤིས་པ་དང་། རྨི་ལམ་ངན་པ་དང་། ལྟས་ངན་པ་དང་། དུས་མ་ཡིན་པར་འཆི་བ་ཐཾད་ཞི་བར་བྱེད་པའོ། །ཚེ་དང་བསོད་ནམས་དང་། གཟུགས་དང་། སྟོབས་དང་། བདེ་བ་དང་། སྤོབས་པ་དང་། ནད་མེད་པར་
བྱེད་པའོ་འབྱུང་པོ་དང་། རྗེད་བྱེད་དང་། གནོད་སྦྱིན་དང་། སྲིན་པོ་དང་། ནམ་མཁའ་ལྡིང་དང་། ལྷ་མ་ཡིན་དང་། མི་འམ་ཅིའི་གདོན་ཐམས་ཅད་ངེས་པར་འཇོམས་པའོ། །གཟུང་འདིའི་མིང་གཟུང་བ་དང་། ཐོས་པ་དང་། བརྗོད་པ་ཙམ་གྱིས་ཀྱང་ཚེ་རབས་

98-1-90b

བྱེ་བ་ཕྲག་འབུམ་གྱི་བར་དུ་བསགས་པའི་ལས་ཀྱི་སྒྲིབ་པ་ཡང་འབྱང་བར་འགྱུར་རོ། །ཉོན་མོངས་པ་ཐམས་ཅད་བསྲབས་པར་འགྱུར་རོ། །དེའི་ངན་སོང་གི་འགྲོ་བ་ཐམས་ཅད་ཀྱང་རྒྱུན་ཆད་པར་འགྱུར་རོ། །སངས་རྒྱས་དང་བྱང་ཆུབ་སེམས་
དཔའ་ཐམས་ཅད་ཀྱིས་ཀྱང་ཡོངས་སུ་གཟུང་བར་འགྱུར་རོ། །བྱང་ཆུབ་སེམས་དཔའི་དགེ་བ་དང་ཡང་ལྡན་པར་འགྱུར་རོ། །ཡོངས་སུ་མི་ཉམས་པའི་ཆོས་ཅན་དུ་ཡང་འགྱུར་རོ། །སྙིང་རྗེ་ལས་ཀྱང་ཉམས་པར་མི་འགྱུར་རོ། །སེམས་ཅན་
ཐམས་ཅད་ཀྱིས་ཀྱང་མངོན་པར་དགའ་བར་བྱ་བར་འགྱུར་རོ། །ཉིན་དུས་གསུམ་མཚན་དུས་གསུམ་དུ་ལན་བདུན་བདུན་བརྗོད་ན་སྡིག་པ་ཐམས་ཅད་ལས་རྣམ་པར་ཐར་བར་འགྱུར་ལ། བྱང་ཆུབ་སེམས་དཔའི་ཡོན་ཏན་སྟོང་ཕྲག་
དཔག་ཏུ་མེད། གྲངས་མེད་པ་དག་ཀྱང་ཐོབ་པར་འགྱུར་རོ། །ནམ་ནངས་པའི་དུས་སུ་སྐྱིལ་མོ་ཀྲུང་བཅས་ཏེ་བདེ་བར་འདུག་ལ། ལག་པ་གྲུ་གསུམ་གྱི་ཕྱག་རྒྱ་བྱས་ནས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་
ལ་དམིགས་ཏེ། དེ་བཞིན་གཤེགས་པ་ཡོན་ཏན་བདག་ཉིད་ཆེན་པོ་མངོན་དུ་བསམས་ནས་དེ་བཞིན་གཤེགས་པ་ལ་ཕྱག་འཚལ་ལོ་ཞེས་སྨྲས་ཏེ། ཡིད་ཀྱིས་ཕྱག་འཚལ་ནས་ལན་ཉི་ཤུ་རྩ་གཅིག་བརྗོད་ན། དེ་ལ་ཡིད་ལ་ཇི་
ལྟར་འདོད་པའི་བསམ་པ་ཐམས་ཅད་ཡོངས་སུ་རྫོགས་པར་འགྱུར་ཏེ། དོན་ཇི་ལྟ་བ་བཞིན་དུ་འགྲུབ་པ་ཐོབ་པར་འགྱུར་རོ། །ཚེས་བརྒྱད་དང་། བཅུ་བཞི་དང་། བཅྭ་ལྔ་ལ་བཅོམ་ལྡན་འདས་ལ་མཆོད་པ་བྱས་ལ། བསྙེན་གནས་བླང་
ནས་གོས་དཀར་པོ་བགོས་ཏེ། སྦྱིན་པ་བྱས་ལ་བྱང་ཆུབ་ཀྱི་སེམས་ཆེན་པོ་བླངས་ནས་མི་སྡུག་པ་མེད་པར་ལག་པ་བརྐྱང་བ་དེས་རང་གི་ལག་གིས་དཀྱིལ་འཁོར་བྱུགས་ལ། མེ་ཏོག་ཁ་དོག་སྣ་གསུམ་གྱིས་མཆོད་ནས་ཙན་དན་དཀར་
པོས་བདུགས་ལ། འཇིག་རྟེན་གྱི་ཁམས་སྟོང་ཕྲག་མཐའ་ཡས་པ་དག་ན་མཆོད་པ་དང་། བཀུར་སྟི་ཆེན་པོ་རྣམ་པ་སྣ་ཚོག་ཡོད་པ། དེ་བཞིན་གཤེགས་པ་རྣམ་ལ་འོས་པ་རྣམ་ཡིད་ལ་བསམ་ཏེ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་

98-1-91a

ཕུལ་ནས། དེ་བཞིན་གཤེགས་པའི་སྙིང་པོ་སྟོང་ཆེན་པོ་འབར་བ་འབྱུང་བ་འདི་ནམ་དགའ་བ་ཆེན་པོ་སྐྱེས་ཀྱི་བར་དུ་བརྗོད་ན། བདག་ཉིད་དེ་བཞིན་གཤེགས་པ་རྣམས་ཀྱི་དྲུང་ན་འདུག་པར་ཤེས་ཤིང་། དེ་བཞིན་གཤེགས་པ་རྣམས་ཀྱི་
ཟང་ཟིང་མེད་པའི་ཆོས་གྱི་ལོངས་སྤྱོད་ཆེན་པོའི་དགའ་བ་ཐོབ་པར་འགྱུར་ཏེ། དེ་ཕྱིན་ཆད་དེ་བཞིན་གཤེགས་པའི་རིགས་སུ་ཕྱིར་མི་ལྡོག་པར་སྐྱེས་པ་ཡིན་ནོ། །ཚེ་རབས་གཞན་དུ་སོང་ན་ཡང་བྱང་ཆུབ་སེམས་དཔའི་ས་ཆེན་པོ་ཐོབ་པར་
འགྱུར་རོ། །རིག་སྔགས་འཆང་ཆེན་པོའི་འཁོར་ལོས་སྦྱར་བ་ཡང་ཐོབ་པར་འགྱུར་རོ། །གཟུངས་ཀྱང་ཐོབ་པར་འགྱུར་རོ། །དེ་བཞིན་གཤེགས་པ་རྣམ་ཀྱང་མཉེས་པར་བྱེད་དོ། །མངོན་པར་ཤེས་པ་མི་ཉམས་པ་ཡང་ཐོབ་པར་འགྱུར་རོ། །ཚེ་འདི་
ལ་ཡང་སེམས་ཅན་ཐམས་ཅད་དགའ་བར་འགྱུར་རོ། །ལྷ་ཐམས་ཅད་ཀྱིས་ཀྱང་བསྲུང་བར་འགྱུར་རོ། །ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། གནོད་སྦྱིན་དང་། སྲིན་པོ་ཐམས་ཅད་ཀྱིས་ཀྱང་བསྲུང་བར་
འགྱུར་ཏེ། གང་ལ་སྨྲས་པ་དེ་དེའི་བྱ་བ་སྒྲུབ་པར་འགྱུར་རོ། །དེས་ཅི་བསམ་པ་དང་། བྱེད་དུ་བཅུག་པ་རྣམ་ཀྱང་ལྷ་ལ་སོགས་པ་རྣམས་བྱེད་པར་འགྱུར་རོ། །དེའི་འདོད་པ་ཐམས་ཅད་ཀྱང་ཡོངས་སུ་རྫོག་པར་འགྱུར་རོ། །སུས་ཀྱང་ངག་མི་
གཅོག་པར་ཡང་འགྱུར་རོ། །ལྷ་རྣམ་ཀྱིས་ཀྱང་དེའི་སྟོབ་དང་། གཟུགས་དང་། བསོད་ནམས་དང་། ལང་ཚོ་དང་། ནད་མེད་པ་དང་། རྒྱས་པ་འཕེལ་བར་བྱེད་དོ། །བགེགས་ཐམས་ཅད་ཀྱིས་ཀྱང་མི་ཚུགས་པར་འགྱུརོ། །མདོར་ན་དེ་བཞིན་གཤེགས་པའི་
གྲོང་ཁྱེར་དུ་འཇུག་པར་འདོད་པ་རྣམ་དང་། དེ་བཞིན་གཤེས་པའི་སངས་རྒྱས་ཀྱི་སྐུ་ཆེན་པོ་མཐོང་བར་འདོད་པ་རྣམ་དང་། ཡོན་ཏན་ཕུན་སུམ་ཚོགས་པ་ཐམ་ཅད་ཐོབ་པར་འདོད་པ་རྣམ་དང་། གཞན་ཡང་བྱང་ཆུབ་སེམས་དཔའ་ཆེན་པོའི་བསླབ་པའི་གང་
ཟག་བྱེད་པ་ལ་འཇུག་པར་འདོད་པ་རྣམ་དང་། བྱང་ཆུབ་སེམས་དཔའ་ཆེན་པོའི་ཆོས་ཉིད་ཀྱི་དམ་ཚིག་ཐོབ་པར་འདོད་པ་རྣམས་དང་། རྟག་པར་རྒྱུན་མི་འཆད་པ་དང་། བར་ཆད་མེད་པར་རྒྱུད་ཆེན་པོའི་དེ་ཁོ་ན་རྟོགས་པར་འདོད་པ་རྣམས་དང་། དེ་བཞིན་

98-1-91b

གཤེགས་པའི་ཡོན་ཏན་གྱི་རྒྱན་ཀྱི་བདག་ཉིད་རྒྱན་པར་འདོད་པ་རྣམ་ཀྱིས་ཡོན་ཏན་གྱི་ཚོགས་ཆེན་པོ་བསགས་པའི་ཕྱིར་དེ་བཞིན་གཤེག་པ་རྣམས་ཀྱིས་བསྟོད་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་ཀྱི་ཡང་དག་པར་རྟེན་པ་འདི་ཐོག་མར་
སྒྲིམ་པ་ཆེན་པོས་དེ་བཞིན་གཤེག་པ་ཐམ་ཅད་བསམ་པའི་ཆོ་ག་ཇི་སྐད་བསྟན་པ་བཞིན་དུ་བླང་བར་བྱའོ། །སྙིང་རྗེའི་མཆོག་ཅེས་བྱ་བའི་གཟུངས། རྫོགས་སྷོ།། །། ༄༅། །རྒྱ་གར་སྐད་དུ། ཨཱརྱ་པུཥྤ་ཀཱུ་ཊ་ནཱ་མ་དྷཱ་ར་ཎཱི།  བོད་སྐད་དུ། 
འཕགས་པ་མེ་ཏོག་བརྩེགས་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཚོ་ཆེན་པོ་མ་དྲོས་པ་ན། ཀླུའི་
རྒྱལ་པོ་མ་དྲོས་པའི་ཁང་པ་ན། དགེ་སློང་ལྔ་རྒྱའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། བྱང་ཆུབ་སེམས་དཔའི་ཚོགས་ཆེན་པོ་འཇིག་རྟེན་གྱི་ཁམས་གཞན་དང་གཞན་ནས་འདུས་པ། བྱང་ཆུབ་སེམས་if་
དཔའ་སྟོང་དུ་ཚང་བ་ཐམས་ཅད་ཀྱང་གཟུངས་ཐོབ་པ། ཏིང་ངེ་འཛིན་ཐོབ་པ། སྐྱེ་བ་གཅིག་གིས་ཐོགས་པ། ས་བཅུ་ལ་རབ་ཏུ་གནས་པ། དེ་མ་ཐག་ཏུ་རྒྱལ་ཚབ་ཏུ་དབང་བསྐུར་བས་དབང་བསྐུར་བ། གོ་ཆ་ཆེན་པོ་བགོས་པ། སངས་རྒྱས་
ཀྱི་ཡོན་ཏན་ཐམས་ཅད་ལ་ཐེ་ཙོམ་མེད་པ་ཤ་སྟག་དང་ཡང་ཐབས་གཅིག་གོ། དེའི་ཚེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེ་རྣམ་པར་རྩེ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་གོ། དེ་ནས་བྱང་ཆུབ་
སེམས་དཔའ་སེམས་དཔའ་ཆེན་པོ་སེང་གེ་རྣམ་པར་རྩེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་
ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་གིས་དེ་བཞིན་གཤེགས་པ་ལ་མཆོད་པ་བགྱིས་ན་དེའི་བསོད་ནམས་ཇི་སྙེད་ཅིག་བསྐྱེད་པར་འགྱུར། དེ་སྐད་ཅེས་

98-1-92a

གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེ་རྣམ་པར་རྩེ་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་གིས་དེ་བཞིན་གཤེགས་པ་ལ་
མཆོད་པ་བགྱི་ན་དེའི་བསོད་ནམས་ཇི་སྙེད་ཅིག་སྐྱེད་པར་འགྱུར་ཞེས་སེང་གེ་རྣམ་པར་རྩེ་ཁྱོད་དེ་སྐད་མ་ཟེར་ཅིག །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་ཚུལ་ཁྲིམས་དཔག་ཏུ་མེད་པ། ཏིང་ངེ་འཛིན་དཔག་ཏུ་མེད་པ། ཤེས་རབ་དཔག་ཏུ་
མེད་པ། རྣམ་པར་གྲོལ་བ་དཔག་ཏུ་མེད་པ། རྣམ་པར་གྲོལ་བའྀ་ཡེ་ཤེས་མཐོང་བ་དཔག་ཏུ་མེད་པ་སྟེ། སེང་གེ་རྣམ་པར་རྩེ་བ་གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་གྱི་ཚོགས་དཔག་ཏུ་མེད་
པ་དང་ལྡན་པ་དེའི་ཕྱིར་དེ་ལ་མཆོད་པའི་རྣམ་པར་སྨིན་པ་དེ་ཡང་དཔག་ཏུ་མེད་པར་ཤེས་པར་བྱའོ། །སེང་གེ་རྣམ་པར་རྩེ་བ་གང་ལ་ལ་དག་དེ་བཞིན་གཤེགས་པ་བཞུགས་ཀྱང་རུང་། ཡོངས་སུ་མྱ་ངན་ལས་འདས་ཀྱང་རུང་སྟེ། མཆོད་པ་བྱེད་པ་དེ་དག་ཐམས་
ཅད་ནི་འདི་ལྟ་སྟེ། ཉན་ཐོས་ཀྱི་ཐེག་པ་འམ། རང་སངས་རྒྱས་ཀྱི་ཐེག་པའམ། །ཐེག་པ་ཆེན་པོ་འམ། ཐེག་པ་གསུམ་ལས་ཐེག་པ་གཅིག་གིས་ཡོངསུ་མྱ་ངན་ལས་འདའ་བར་འགྱུར་རོ། །སེང་གེ་རྣམ་པར་རྩེ་ཡང་གང་གིས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐོང་ནས་སེམས་དང་བར་གྱུར་ལ། དད་པའི་སེམས་ཀྱིས་རྙེད་པ་དང་། ན་བཟའ་དང་། ཞལ་ཟས་དང་། གཟིམས་ཆ་དང་། སྙུན་གྱི་གསོས་སྨན་དང་། ཡོ་བྱད་དང་། 
བདེ་བར་སྦྱར་བ་ཐམས་ཅད་ཀྱི་སྟི་སྟང་དུ་བྱས་ཤིང་། རི་མོར་བྱས་ཏེ་མཆོད་ཅིང་བརྗིད་ལ། རིམ་གྲོར་བྱས་པ་དང་། གང་ཞིག་གིས་དེ་བཞིན་གཤེགས་པ་ཡོངསུ་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་གྱི་མཆོད་རྟེན་
ལ་མཆོད་པ་བྱས་པོའི་རྣམ་པར་སྨིན་པ་མཉམ་པར་ཤེས་པར་བྱ་སྟེ། བྱེ་བྲག་གམ་ཐ་དད་དུ་བྱ་བ་མེད་དོ། །སེང་གེ་རྣམ་པར་རྩེ་བྱང་ཆུབ་སེམས་དཔའ་ཁྱིམ་པ་གང་ཞིག་གིས་ཉན་ཐོས་དང་། རང་སངས་རྒྱས་དང་། དེ་བཞིན་གཤེགས་པ་དགྲ་

98-1-92b

བཅོམ་བ་ཡང་དག་པར་རྫོགས་པའི་སངས་རྒྱས་རྣམ་ལ་རིན་པོ་ཆེའི་ཕུང་པོ་རི་རབ་ཙམ་འབུལ་བར་ཕུལ་བ་བས་བྱང་ཆུབ་སེམས་དཔའ་གང་རབ་ཏུ་བྱུང་ནས་ཀར་ཤ་པ་ནི་གཅིག་ཙམ་འབུལ་བར་ཕུལ་ལ། ཕུལ་ནས་ཀྱང་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་ཏུ་ཡོངསུ་བསྔོས་ན། དགེ་བའི་རྩ་བ་སྔ་མ་དེས་དགེ་བའི་རྩ་བ་ཕྱི་མའི་བརྒྱའི་ཆར་ཡང་ཉེ་བར་མེད་འགྲོ། སྟོང་གི་ཆ་དང་། འབུམ་གྱི་ཆ་དང་། གྲངས་དང་། ཆ་དང་། བགྲང་བ་དང་། བསྐྲུན་པ་དང་། རྒྱུར་ཡང་ཉེ་བར་མི་འགྲོ་བ་
ནས་དཔེའི་བར་དུ་ཡང་མེད་བཟོད་དོ། །སེང་གེ་རྣམ་པར་རྩེ་གང་ཞིག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ལོ་གཅིག་གམ། ལོ་བརྒྱ་འམ། ལོ་སྟོང་ཡང་རུང་སྟེ། བདེ་བའི་ཡོ་བྱད་ཐམས་ཅད་ཀྱིས་
བསྙེན་བཀུར་བྱས་པ་དང་། གང་ཞིག་གིས་དེ་བཞིན་གཤེགས་པ་ཡོང་སུ་མྱ་ངན་ལས་འདས་པའི་མཆོད་རྟེན་ལ་བྱང་ཆུབ་ཀྱི་སེམས་ཀྱིས་ཡང་དག་པར་ཟིན་པས་དེ་བཞིན་གཤེགས་པ་མཆོད་པའི་ཕྱིར་མེ་ཏོག་འགའ་འབུལ་
ལམ། ཆུ་སྙིམ་པ་གང་ཙམ་འཐོར་རམ། བྱུག་པའི་ཐེག་ལེ་འདྲི་འམ། མེ་ཏོག་གི་ཉལ་ཉིལ་འཕྱག་གམ། བྱུག་པ་འབུལ་ལམ། སྤོས་འབུལ་ལམ། མེ་ཏོག་འབུལ་ལམ། བདུག་སྤོས་འབུལ་ལམ། ཕྲེང་བ་འབུལ་ལམ། རོལ་མོའི་སོལ་
སྙན་འབུལ་ལམ། གདུགས་འབུལ་ལམ། དྲིལ་བུ་འབུལ་ལམ། དཔྱང་བ་འབུལ་ལམ། རྒྱལ་མཚན་འབུལ་ལམ། བ་དན་འབུལ་ལམ། དར་འབུལ་ལམ། མར་མེ་འབུལ་ཞིང་། ཕུལ་ནས་དགའ་བའི་སེམས་ཀྱིས་གོམ་པའི་གར་སྟབས་འགའ་
བོར་ཏེ། སངས་རྒྱས་བཅོམ་ལྡན་འདས་དེ་ལ་ཕྱག་འཚལ་ལོ་ཞེས་སྨྲ་བ་དེ་དག་ནི། སེང་གེ་རྣམ་པར་རྩེ་བསྐལ་པར་རམ། བསྐལ་པ་བརྒྱ་འམ། བསྐལ་པ་སྟོང་དུ་འམ། བསྐལ་པ་འབུམ་དུ་ཡང་ངན་འགྲོ་ལོག་པར་ལྟུང་བར་འགྲོ་བར་འགྱུར་
བ་དེའི་གནས་མེད་དེ། འདི་ལ་དོག་པ་འམ། ཡིད་གཉིས་སམ། ཐེ་རྩོམ་ཟ་བར་མི་བྱའོ། །སེང་གེ་རྣམ་པར་རྩེ་མེ་ཏོག་བརྩེགས་པ་ཞེས་བྱ་བའི་གཟུངས་ཡོད་ཀྱིས་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་

98-1-93a

དང་། ལྷ་དང་། མིའི་སྐྱེ་བོ་ཕལ་པོ་ཆེའི་དོན་དང་། ཕན་པ་དང་། བདེ་བའི་ཕྱིར་དེ་བཤད་པར་བྱའོ། སེང་གེ་རྣམ་པར་རྩེ་གང་ལ་ལ་ཞིག་མེ་ཏོག་བརྩེགས་པའི་གཟུངས་འདི་འཛིན་ཏམ། འཆང་ངམ། ཀློག་གམ། ཡིད་ལ་བྱེད་དམ། ཀུན་ཆུབ་པར་བྱེད་དམ། གཞན་
དག་ལ་ཡང་རྒྱ་ཆེར་ཡང་དག་པར་འཆད་པ་དེ་རྟག་ཏུ་ཚེ་རབས་དྲན་པར་འགྱུར། དེ་ངན་འགྲོ་ལོག་པར་ལྟུང་བར་མི་འགྱུར། དལ་བ་རྙེད་པར་འགྱུར། ནམ་དུ་ཡང་དཀོན་མཆོག་གསུམ་དང་མི་འབྲལ་བར་འགྱུར། ནམ་དུ་ཡང་དེ་བཞིན་གཤེགས་པ་དང་མི་
འབྲལ་བར་འགྱུར། ནམ་དུ་ཡང་སངས་རྒྱས་རྗེས་སུ་དྲན་པ་དང་མི་འབྲལ་བར་འགྱུར། ནམ་དུ་ཡང་བྱང་ཆུབ་སེམས་དཔའ་དང་མི་འབྲལ་བར་འགྱུར། ནམ་དུ་ཡང་བྱང་ཆུ་ཀྱི་སེམས་དཔའི་འབྲལ་བར་འགྱུར། ནམ་དུ་ཡང་དབང་པོ་མ་ཚང་བར་
མི་འགྱུར། ནམ་དུ་ཡང་རིག་དམའ་བར་སྐྱེ་བར་མི་འགྱུར། སྤོབས་པ་སྣ་ཚོག་ཟབ་མོ་ཕུན་སུམ་ཚོགས་པར་འགྱུར། ཕྱོག་བཅུའི་འཇིག་རྟེན་གྱི་ཁམས་གྲང་མེད་པ་དག་གིས་སངས་རྒྱས་བཅོམ་ལྡན་འདས་རྣམ་མཐོང་བར་འགྱུར་རོ། །ཏདྱ་ཐཱ། 
དྷཱ་ར་ཎཱི། དྷཱ་ར་ཎཱི། མུ་ནི་པྲ་བྷ་སྭ་རེ། སེདྡྷི་ཙཎྜེ་ནཱ་མ་ཙི་ནི་ཧེ་རེ་ཨ་རོ་ག་བ་ཏི། བུདྡྷ་མ་ཏི་དྷེརྱེ། ༀ་ཀ་ར་ཏེག་གར་སྟེ། ཏེ་ཛོ་བ་ཏི། བི་པུ་ལ་བུདྷེ། དྷརྨ་ཨ་བ་བྷཱ་སེ། ཨ་ཀྵ་ཡ་ཀལྤེ། ཀལྤ་པ་ཏི། ཨ་མྲི་ཏ་ཀལྤ་ཧུ་ཏཱ་ཤ་ནེ། ཏེ་ཛོ་བ་ཏི། ནིརྱ་སི་ཧི་ཏེ། ཏེ་
ཛོ་གྲ་བ་ཏི་ན་དྲ་ཡེ། ཏིཥྛ་ན་དྲ་ཡེ་བུདྡྷི་སྭཱ་ཧཱ། སེང་གེ་རྣམ་པར་རྩེ་གང་ལ་ལ་ཞིག་གིས་མེ་ཏོག་བརྩེགས་པའི་གཟུངས་འདིའི་མིང་དང་ཡི་གེ་དང་། ཚིག་མཐའ་དག་ཤེས་ཏེ། ཀུན་ཆུབ་པར་བྱེད་པ་དེ་དཔྱིད་ཟླ་ཐ་ཆུངས་དང་། དབྱར་ཟླ་ར་བ་དང་། སྟོན་ཟླ་ཐ་
ཆུངས་ཀྱི་ཡར་ངོའི་ཚེས་བརྒྱད་ནས་བཟུང་ལ་བཅྭ་ལྔའི་བར་ཏུ་སངས་རྒྱས་རྗེས་སུ་དྲན་པ་བསྒོམ་པར་བྱ་སྟེ། ཉིན་ལན་གསུམ་མཚན་ལན་གསུམ་བསམ་ཞིང་། དེ་བཞིན་གཤེགས་པ་རྩེ་གཅིག་ཏུ་ཡིད་ལ་བྱས་ལ། བཅོམ་ལྡན་འདས་ལ་སྤོས་
དང་། མེ་ཏོག་དང་། མར་མེ་དང་། བདུག་སྤོས་ཀྱིས་མཆོད་ན་སངས་རྒྱས་བཅོམ་ལྡན་འདས་པད་མའི་སྙིང་པོའི་སེང་གེའི་ཁྲི་ལ་བཞུགས་ཤིང་ཆོས་ཀྱང་སྟོན་པ་བཅྭ་ལྔ་མཐོང་བར་འགྱུར་རོ། །གཟུངས་རབ་ཏུ་ཐོབ་པར་འགྱུར། དྲན་པ་དང་ལྡན་པར་འགྱུར། 

98-1-93b

བློ་གྲོས་དང་ལྡན་པར་འགྱུར། རྟོགས་པ་དང་ལྡན་པར་འགྱུར། བློ་དང་ལྡན་པར་འགྱུར། ཡོངས་སུ་མྱ་ངན་ལས་འདས་པའི་བར་དུ་ཚེ་རབས་དྲན་པར་འགྱུར་རོ། །ཐོས་པ་ཐམས་ཅད་དང་། བསྟན་བཅོས་ཐམས་ཅད་དང་། བཟོ་ཐམས་ཅད་དང་། ལས་ཐམས་ཅད་
རབ་ཏུ་ཤེས་པར་འགྱུར། ཏིང་ངེ་འཛིན་ཐམས་ཅད་ཀྱང་དེའི་སེམས་ལས་རྣམ་པར་དག་པར་འགྱུར་ཏེ། འཕག་པའི་བདེན་པ་བཞི་ནི་མ་གཏོགས་སོ། །དེ་ཅིའི་ཕྱིར་ཞེ་ན། ཆོས་དེ་དག་ནི་ཟག་པ་མེད་པར་གཏོགས་པའི་ཕྱིར་རོ། །བཅོམ་ལྡན་འདས་ཀྱིས་དེ་
སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེ་རྣམ་པར་རྩེ་དང་། བྱང་ཆུབ་སེམས་དཔའ་དེ་དག་དང་། དགེ་སློང་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རང་ཏེ། བཅོམ་
ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་མེ་ཏོག་བརྩེགས་པ་ཞེས་བྱ་བའི་གཟུངས། རྫོགས་སྷོ།། །། ༄༅། །རྒྱ་གར་སྐད་དུ། ཨཱརྱ་མ་ཧཱ་དྷཱ་ར་ཎཱི།  བོད་སྐད་དུ།  འཕགས་པ་གཟུངས་
ཆེན་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་
དག་ར་བ་ན། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གིས་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེའི་ཚེ་ན་ཚེ་དང་ལྡན་པ་ཀུན་དགའ་བོ་གྲོང་ཁྱེར་གནས་བཅས་སུ་དབྱར་གནས་ནས་དབྱར་ཟླ་བ་གསུམ་
འདས་པ་དང་ཆོས་གོས་བྱས་ཏེ། ཆོས་གོས་ཟིན་ནས་ལྷུང་བཟེད་དང་ཆོས་གོས་ཐོགས་ཏེ། བཅོམ་ལྡན་འདས་ག་ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་
ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཁྱོད་ཀྱི་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བ་དང་། 

98-1-94a

སྟོབས་དང་། གཟི་བརྗིད་ཀྱི་ཕྱིར་གཟུངས་ཆེན་པོའི་གསང་སྔགས་ཀྱི་གཞི་འདི་དག་ཟུང་ཤིག །ཆོངས་ཤིག །ལོང་ཤིག །ལྷོགས་ཤིག །ཀུན་ཆུབ་པར་གྱིས་ཤིག །ཡིད་ལ་ཟུང་ཤིག །དེའི་ཅིའི་ཕྱིར་ཞེ་ན། ཀུན་དགའ་བོ་གཟུངས་ཆེན་པོའི་
གསང་སྔགས་ཀྱི་གཞི་རྣམས་ནི་རྙེད་པར་དཀའ་ཞིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བ་ཡང་རྙེད་པར་དཀའ་བའི་ཕྱིར་ཏེ། དཔེར་ན་ཨུ་དུམ་བ་རའི་མེ་ཏོག་ལྟ་བུ་ཡིན་
གྱིས། ཟུང་ཤིག །ཆོངས་ཤིག །ལོང་ཤིག །ལྷོགས་ཤིག ཡིད་ལ་ཟུང་ཤིག །ཀུན་ཆུབ་པར་གྱིས་ཤིག །ཀུན་དགའ་བོ་དང་རིག་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཆང་ངམ། འཛིན་
ཏམ། ཀློག་གམ། ཡིད་ལ་འཛིན་ཏམ། ཀུན་ཆུབ་པར་བྱས་ན་དེ་མཚོན་གྱིས་འཆི་བའི་དུས་བྱེད་པར་མི་འགྱུར། དུག་གིས་མ་ཡིན། མེས་མ་ཡིན། ཆུས་མ་ཡིན། རྒྱལ་པོའི་ཆད་པས་མ་ཡིན་ཏེ། དུས་མ་ཡིན་པར་འཆི་བའི་དུས་བྱེད་པར་མི་འགྱུར་
རོ། །དེ་ལྷ་དང་། ལྷ་མ་ཡིན་དང་། ཀླུ་དང་། རླུང་ལྷ་དང་། ནམ་མཁའ་ལྡིང་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། གྲུལ་བུམ་དང་། སྲུལ་པོ་དང་། ལུས་སྲུལ་པོ་དང་། འབྱུང་པོ་དང་། བརྗེད་བྱེད་
དང་། སྨྱོ་བྱེད་དང་། གནོན་པོ་དང་། གྲིབ་གནོན་དང་། གཤེད་བྱེད་དང་། གནོད་བྱེད་དང་། བྱད་ཀྱིས་མི་ཚུགས། དེ་ལ་མི་དང་། མི་མ་ཡིན་པ་རྣམས་ཀྱིས་མི་ཚུགས། དེ་ལ་རིགས་པའི་ལས་དང་། ངག་གི་ལས་དང་། ཡིད་ཀྱི་ལས་ཀྱི་
མི་ཚུགས། དེ་ལ་རིམས་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རྟག་པའི་རིམས་དང་། འབྱུང་པོའི་རིམས་དང་། ཡུད་ཙམ་པ་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། 
བད་ཀན་ལས་གྱུར་པ་དང་། འདུས་པ་ལས་གྱུར་པས་མི་ཚུགས་པར་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་བཞི་ནི་འདི་རྣམས་ཡིན་ནོ། །ཏདྱ་ཐཱ། ཛྭ་ལེ། མ་ཧཱ་ཛྭ་ལེ། ཛྭ་ལ་ནེ། མ་ཧཱ་ཛྭ་ལ་ནེ། ཏ་པ་ནེ། མ་ཧཱ་ཏ་པ་

98-1-94b

ཏ་པ་ནེ། ཛྭ་ལི་ཏེ། ཨུ་ག་གེ། བུ་ག་གེ། སཾ་བྷ་དེ། མ་ཧཱ་སཾ་བྷ་དེ། ཙཀྲེ། མ་ཧཱ་ཙཀྲེ། བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་དང་། ནད་འགོ་བ་ཐམས་ཅད་ལས་སྲུངས་ཤིག་སྭཱ་ཧཱ། ཀུན་དགའ་བོ་གཟུང་
ཆེན་པོའི་གསང་སྔགས་ཀྱི་གཞི་འདི་དག་ནི་ཡང་དག་པར་རྫོག་པའི་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱི་གསུངས་ཏེ། ང་ཡང་ད་ལྟར་འཆད་ཅིང་རྗེས་སུ་ཡི་རང་ངོ་། །ཀུན་དགའ་བོ་དངས་པའི་རིགས་ཀྱི་བུ་འམ། རིགས་ཀྱི་བུ་
མོ་གང་ལ་ལ་གཟུངས་ཆེན་པོའི་གསང་སྔག་ཀྱི་གཞི་འདི་དག་འཛིན་ཏམ། འཆང་ངམ། ཀློག་གམ། ཡིད་ལ་བྱེད་དམ། ཀུན་ཆུབ་པར་བྱེད་ན། དེ་ཚེ་རབས་བདུན་གྱི་བར་དུ་ཚེ་རབས་དྲན་པར་འགྱུར་རོ། །དེ་བྱང་ཆུབ་ཀྱི་
སེམས་ལས་མི་ལྡོག་པར་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི་འདི་རྣམས་ཡིན་ནོ། །ཏདྱ་ཐཱ། ཨན་ཏེ། བན་དྷེ། ཀྵ་མེ། ཀྵ་མ་མེ། དྷཱ་ན་སེ། བ་ད་ནེ། ཨ་ད་ནེ། ཧུ་ལེ། མ་ཧ་ཧུ་ལེ། ཀ་རེ་གཾ་བྷཱི་རེ། དུཥྤུས་ཏེ། 
བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་དང་། ནད་འགོ་བ་ཐམས་ཅད་ལས་སྲུངས་ཤིག་སྲུངས་ཤིག །སྭཱ་ཧཱ། ཀུན་དགའ་བོ་གཟུངས་ཆེན་པོའི་གསང་སྔགས་ཀྱི་གཞི་འདི་དག་ནི་ཡང་དག་པར་
རྫོགས་པའི་སངས་རྒྱས་བྱེ་བ་ཕྲག་བརྒྱད་བཅུ་རྩ་བརྒྱད་ཀྱིས་གསུངས་ཏེ། ང་ཡང་ད་ལྟ་ན་འཆད་ཅིང་རྗེས་སུ་ཡིད་རང་ངོ་། །ཀུན་དགའ་བོ་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་
གསང་སྔགས་ཀྱི་གཞི་འདི་དག་འཆང་ངམ། འཛིན་ཏམ། ཀློག་གམ། ཡིད་ལ་བྱེད་དམ། ཀུན་ཆུབ་པར་བྱེད་ན། དེ་ཚེ་རབས་བཅུ་བཞིའི་བར་དུ་ཚེ་རབས་དྲན་པར་འགྱུར་རོ། །དེ་བྱང་ཆུབ་ཀྱི་སེམས་ལས་མི་ལྡོག་
པར་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི་འདི་རྣམས་ཡིན་ནོ། །ཏདྱ་ཐཱ། ཨཊྚེ། བཊྚེ། ཨག་གེ། བག་གེ། ཋག་ཀེ་ཋག་ཀེ། དྷ་ཀེ། དྷ་ར་དྷག་ཀེ། ཊ་ཀེ་ཊ་ཀེ། ཨ་ཀ་སི། ས་ཀ་མ་སི། མ་ཀ་སི། 

98-1-95a

ཨི་ལི་མི་ལི། ཏི་ལི་མི་ལི། རོའུ་ར་བེ། མ་ཧཱ་རོའུ་ར་བེ། བྷཱུ་ཏཾ་ག་མེ་བྷཱུ་ཏ་པ་རཱ་ཡ་ཎེ། ཏི་མི་གི་སེ། མ་ཧཱ་ཏི་མི་གི་སེ། སཾ་བྷཱ་བེ། མ་ཧཱ་སཾ་བྷཱ་བེ། བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་ཐམས་ཅད་དང་། ནད་
འགོ་བ་ཐམས་ཅད་ལས་གསྲུངས་ཤིག །སྲུངས་ཤིག་སྭཱ་ཧཱ། ཀུན་དགའ་བོ་གཟུངས་ཆེན་པོའི་གསང་སྔགས་ཀྱི་གཞི་འདི་དག་ནི་ཡང་དག་པར་རྫོགས་པའི་སངས་རྒྱས་བྱེ་བ་ཕྲག་དགུ་ཅུ་རྩ་དགུས་གསུངས་ཏེ། ང་ཡང་ད་ལྟ་ན་འཆད་ཅིང་
རྗེས་སུ་ཡི་རང་ངོ་། །ཀུན་དགའ་བོ་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་འཆང་བ་དང་། འཛིན་པ་དང་། ཀློག་པ་དང་། ཡིད་ལ་བྱེད་པ། ཀུན་ཆུབ་པར་བྱེད་པ་དེ་ཚེ་རབ་ཉི་ཤུ་རྩ་གཅིག་
གིས་བར་དུ་ཚེ་རབས་དྲན་པར་འགྱུར་རོ། །དེ་བྱང་ཆུབ་ཀྱི་སེམས་ལས་ཕྱིར་ལྡོག་པར་མི་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི་འདི་རྣམས་ཡིན་ནོ། །ཏདྱ་ཐཱ། རུ་ལེ། མ་ཧཱ་རུ་ལེ། ཧེ་ཧེ་རི། མཏྟ་རི། ཛཾ་བྷ་ནི། སྟཾ་བྷ་ནི། ཀུན་དགའ་བོ་
དད་པའི་རིག་ཀྱི་བུ་འམ། རིག་ཀྱི་བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་དག་གི་ཤིང་སྐམ་པོ་བསྲུང་བ་འམ། ཡོངསུ་སྐྱབ་པ་དང་། ཡོང་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་ཆད་
པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། མཚམས་བཅད་པ་དང་། ནམཁའ་བཅིང་བ་དང་། ས་བཅིང་བ་བྱས་ཏེ། དེ་ལ་སྲད་བུས་བཅིངས་ན་དེའི་རྩ་བ་ཡང་སྐྱེ་བར་འགྱུར། ཡལ་ག་དང་། ལོ་མ་དང་། ལྕུག་མ་དང་། མེ་ཏོག་དང་། འབྲས་བུ་ཡང་
སྐྱེ་བར་འགྱུར་ན་རྣམ་པར་ཤེས་པ་དང་བཅས་པའི་ལུས་ལ་ལྟ་སྨོས་ཀྱང་ཅི་དགོས་ཏེ། ཀུན་དགའ་བོ་སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །ཀུན་དགའ་བོ་ཉི་ཟླ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་དབང་ཆེ་བར་
གྲགས་པ་འདི་གཉིས་ནི་ས་ལ་ལྟུང་ཡང་སྲིད་དོ། །ཀུན་དགའ་བོ་རིའི་རྒྱལ་པོ་རི་རབ་གནས་ནས་གཡོ་ཡང་སྲིད་དོ། །ཀུན་དགའ་བོ་རྒྱ་མཚོ་ཆེན་པོ་འདི་ལྟར་ཟབ་པ། འདི་ལྟར་རྒྱ་ཆེ་ལ་འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བ་བཞི་པོ་འདི་དག་ནི་སྐམས་ཤིང་

98-1-95b

ཡོངས་སུ་ཟད་དེ་མཋར་ཐུག་པར་འགྱུར་ཡང་སྲིད་དོ། །ཀུན་དགའ་བོ་ས་ཆེན་པོ་འདི་ནི་རྣམ་པ་སྟོང་དུ་འགྱེས་ཀྱང་སྲིད། ཆུ་ནི་གཤེར་བ་ཉིད་འདོར་ཡང་སྲིད། མེ་ནི་ཚ་བ་འདོར་ཡང་སྲིད། རླུང་ནི་གྲང་བ་འདོར་ཡང་སྲིད་ཀྱི།   གཟུངས་ཆེན་པོའི་གསང་སྔགས་
ཀྱི་གཞི་འདི་དག་ནི་སླུ་མི་སྲིད་དོ། །ཀུན་དགའ་བོ་ལྷ་འམ། ཀླུ་འམ། ལྷ་མ་ཡིན་ནམ། ནམ་མཁའ་ལྡིང་ངམ། རླུང་ལྷ་འམ། དྲི་ཟ་འམ། མི་འམ་ཅི་འམ། ལྟོ་འཕྱེ་ཆེན་པོ་འམ། གནོད་སྦྱིན་ནམ། སྲིན་པོ་འམ། ཡི་དག་སམ། ཤ་ཟ་འམ། གྲུལ་བུམ་འམ། 
སྲུལ་པོ་འམ། ལུས་སྲུལ་པོ་འམ། འབྱུང་པོ་འམ། བྲམ་ཟེའི་སྲིན་པོ་འམ། གྲིབ་གནོན་ནམ། མི་དང་མི་མ་ཡིན་པ་གང་ལ་ལ་ཞིག་གམ། གཞན་སུ་ཡང་རུང་བ་ཞིག་གིས་གཟུངས་ཆེན་པོའི་གསང་སྔགས་ཀྱི་གཞི་འདི་དག་ལས་འགལ་བར་བྱེད་
ན། ཏདྱ་ཐཱ། ཨག་བི་ལེ། ཙག་གི་ལེ། བལ་ལེ། མལ་ལེ། ཨོ་ཧཱ་ནི། མོ་ཧཱ་ནི། ཛཾ་བྷ་ནི་སྟཾ་བྷ་ནི། བདག་དང་སེམས་ཅན་ཐམས་ཅད་ལ་སྲུངས་ཤིག་སྲུངས་ཤིག་སྭཱ་ཧཱ། རྒྱལ་པོ་ཆེན་པོ་ཡུལ་འཁོར་སྲུང་ཡང་ལྕགསྐྱུ་འཁོར་ལོ་འབར་བ། རབ་ཏུ་
འབར་བ། ཀུན་དུ་རབ་ཏུ་མཆེད་ཅིང་འབར་བ་མེ་ལྕེ་གཅིག་ཏུ་གྱུར་པས་དེའི་མགོ་ཚལ་པ་བདུན་དུ་འགེམས་སོ། །རྒྱལ་པོ་ཆེན་པོ་འཕགས་སྐྱེས་པོ་དང་། མིག་མི་གཟང་དང་། རྣམ་ཐོས་ཀྱི་བུ་ཡང་ལྕགས་ཀྱི་འཁོར་ལོ་འབར་བ་རབ་ཏུ་
འབར་བ། ཀུན་དུ་རབ་ཏུ་མཆེད་ཅིང་འབར་བ་མེ་ལྕེ་གཅིག་ཏུ་གྱུར་པས་དེའི་མགོ་ཚལ་པ་བདུན་དུ་འགེམསོ། །ལྷའི་དབང་པོ་བརྒྱ་བྱིན་ཡང་རྡོ་རྗེ་འཕེན་ཏོ། །གསང་བ་པའི་བདག་པོ་ལག་ན་རྡོ་རྗེ་ཡང་རྡོ་རྗེ་འབར་བ། རབ་ཏུ་འབར་བ། ཀུན་དུ་
རབ་ཏུ་མཆེད་ཅིང་འབར་བ། མེ་ལྕེ་གཅིག་ཏུ་གྱུར་པས་དེའི་མགོ་ཚལ་པ་བདུན་དུ་འགེམས་སོ། །དེ་རྒྱལ་པོའི་ཕོ་བྲང་ལྕང་ལོ་ཅན་དུ་གནས་སུ་མི་དབང་སྟེ། དེ་འི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་སོ། །
བཅྡོཾས་ཀྱི་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རང་ཏེ། བཅོམ་ལྡན་འདས་ཀྱིས་གསྲུངས་པ་ལ་

98-1-96a

མངོན་པར་བསྟོད་དོ། །འཕགས་པ་གཟུངས་ཆེན་པོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཚྩ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་
གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། །། ༄༅། །རྒྱ་གར་སྐད་དུ།  ཨཱརྱ་ཨ་ཙ་ལ་ནཱ་མཱ་དྷཱ་ར་ཎཱི།  བོད་སྐད་དུ།  འཕགས་པ་མི་གཡོ་བ་ཞེས་
བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་སུམ་བཅུ་རྩ་གསུམ་གྱི་ཁང་བུ་རྩེགས་པ་ན་བཞུགས་ཏེ། དེའི་ཚེ་བཅོམ་ལྡན་འདས་
ཀྱིས་འཁོར་འདུས་པ་ནི་བྱང་ཆུབ་སེམས་དཔའ་ཀུན་ཏུ་བཟང་པོ་དང་། ནམ་མཁའི་སྙིང་པོ་དང་། སའི་སྙིང་པོ་དང་། སྒྲིབ་པ་ཐམས་ཅད་རྣམ་པར་སེལ་བ་དང་། འཇམ་དཔལ་དང་། སྤྱན་རས་གཟིགས་དབང་ཕྱུག་དང་། 
ལག་ན་རྡོ་རྗེ་དང་། བྱམས་པ་ལ་སོགས་པ་ས་བཅུ་པ་འབའ་ཞིག་དང་ངོ་། །དེ་ནས་བྱང་ཆུབ་སེམས་དཔའ་བྱམས་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུག་
ཏེ། བཅོམ་ལྡན་འདས་ལ་འདི་སྐད་ཅེས་བསལ་ཏོ། །བཅོམ་ལྡན་འདས་འཛམ་བུ་གླིང་ན་གནས་པའི་ལྷ་དང་ཀླུ་དང་། གནོད་སྦྱིན་དང་། ཤ་ཟ་མ་རུངས་པ་དག་གིས་མི་ནད་དང་། ཕྱུག་ནད་དང་། ཡམས་དང་། རྣམས་པར་འཚེ་བ་དང་། དུས་མ་ཡིན་པའི་འཆི་བ་དང་། 
སྡང་བ་དང་། རྨི་ལམ་ངན་པ་དང་། དུས་མ་ཡིན་པའི་རླུང་དང་། སེར་བ་དང་། ས་གཡོས་པ་ལ་སོགས་པ་ཕྱུང་སྟེ། དེ་དག་ཞི་བར་མཛད་དུ་གསོལ་ཞེས་གསོལ་པ་དང་། བཅོམ་ལྡན་འདས་ཅང་མི་གསུང་བར་རྣམ་པར་དག་པའི་
སྒོ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ། སྐུའི་བ་སྤུའི་ཁུང་བུ་ནས་འོད་ཟེར་མེ་ལྕེ་རབ་ཏུ་འབར་བ་བྱུང་སྟེ། འདོད་པ་དང་། གཟུགས་དང་། གཟུགས་མེད་པ་ལ་ཐུག་པ་མེ་ལྕེ་འབར་བ་གཅིག་ཏུ་གྱུར་ཏོ། །

98-1-96b

དེའི་ཚེ་ཉི་མ་དང་ཟླ་བ་ལ་སོགས་པའི་འོད་ཀྱང་ལྷམ་མེ་དང་། ལྷན་ནེ་དང་། ལྷ་ངེ་མ་ཡིན་ཏེ། ལྷ་རྣམས་ཀྱི་འོད་ཀྱང་ལྷ་མེ་དང་། ལྷན་ནེ་དང་། ལྷང་ངེ་མ་ཡིན་ནོ། །ཀླུ་དང་། གནོད་སྦྱིན་དང་། ཤ་ཟ་ལ་སོགས་པ་རྣམས་ནི་རླུང་
དྲག་པོས་བདས་པའི་ཤིང་བཞིན་ནོ། །དེ་ནས་བཅོམ་ལྡན་འདས་ཀྱིས་ཆོས་ཀྱི་དབྱིངས་རྣམས་པར་མི་རྟོག་པ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ། མཉམ་པའི་ཕྱག་རྒྱ་བཤིག་ནས་ཞབས་ཀྱིས་པུས་
མོ་ས་ལ་བརྡབས་པས་ཐུགས་ཀྱིས་བདག་ཉིད་ཀྱི་བརྟན་པའི་སྐུ་ཅན་གྱི་ཁྲོ་བོ་ཞབས་བརྐྱང་བསྐུམ་དུ་བཞུགས་པ་དག་བྱུང་སྟེ། ཐབས་ལས་བྱུང་བའི་ཁྲོ་བོའི་སྤྲུལ་པ་དཔག་ཏུ་མེད་པ་དང་བཅས་ནས་ནམ་མཁའ་མ་ལུས་
པ་འོད་ཀྱིས་འགེངས་པའོ། །འོད་ཀྱི་དཀྱིལ་འཁོར་དག་ན་བཞུགས་པ་ཚངས་པ་དང་། ཁྱབ་འཇུག་དང་དབང་ཕྱུག་ཆེན་པོ་དང་། དྲག་པོ་ཆེན་པོ་བཞི་པོ་དག་ཧ་ཧཱུྃ་ཧྲིཿ ཞེས་བྱ་བས་སྐྲག་པར་བྱེད་པ། འདོད་
ཆགས་དང་། ཞེ་སྡང་དང་། གཏི་མུག་དང་། སེར་སྣ་དག་འཇོམས་པ། ཀླུ་དང་། གནོད་སྦྱིན་དང་། ཤ་ཟ་ཡི་དགས་ལ་སོགས་པ་ཧྃ་མཾ་ཞེས་བརྗོད་པས་སྐྲག་པར་མཛད་པ་དག་སྤྲུལ་ཏོ། །གསུངས་གི་
བདག་ཉིད་ཀྱི་བརྟན་པའི་སྐུ་ཅན་ཞབས་ཕྱེད་ས་ལ་པུས་མོ་དང་མཐེ་བོ་བཙུགས་པ། ཞབས་གཅིག་ལངས་ཏེ་པུས་མོ་བཙུགས་པས་བཞུགས་པའི་ཁྲོ་བོ་བརྟན་པའི་སྐུ་ཅན། ཤེས་རབ་ཀྱི་བདག་ཉིད་
རལ་གྲི་མེ་འོད་དང་བཅས་པས་འོད་ཀྱིས་འགེངས་པ་དག་སྤྲུལ་ཏོ། །དེའི་ཚེ་བཅོམ་ལྡན་འདས་ཀྱི་བྱིན་གྱིས་བརླབས་པ་ལས་བྱུང་བའི་ཁྲོ་བོ་དག་གི་སྔགས་སྨྲས་པ། ན་མཿ་ས་མན་ཏ་བཛྲཱ་ཎཱྃ། ཨ་ཙ་ལ་
ཀ་ན་ཙཎ་ཌ་མ་ཧཱ་རོ་ཤ་ཎ་སྥོ་ཊ་ཡ་ཧཱུྃ་བཛྲ་དྷྲྀ་ཀ་ཁང་པ། ཧཱུྃ་མཾ་ཧཱུྃ་མཾ་ཞེས་བརྗོད་དེ། ཕྱག་རྒྱ་ནི་ལག་པ་གཡས་པ་ཁུ་ཚུར་བཅངས་ཏེ། སྲིན་ལག་དང་མཐེའུ་ཆུང་གཉིས་བསྒྲེང་

98-1-97a

བ་ནི་རལ་གྲིའི་ཕྱག་རྒྱ་སྟེ། གཡས་སྐོར་དུ་མཚམས་བཅད་དོ། །ན་མཿས་མན་ཏ་བཛྲཱ་ཎཱྃ། ཨ་ཙ་ལ་ཀ་ན་ཙཎ་ཌ་མ་ཧཱ་རོ་ཤ་ཎ། སྥོ་ཊ་ཡ་ཧཱུྃ། ཨ་མྲྀ་ཏ་ཧཱུྃ་ཧཱུྃ་ཞེས་བརྗོད་དོ། །ཕྱག་རྒྱ་ནི་ལག་པ་སོར་མོ་རྣམས་བརྐྱང་
སྟེ་མཐེའུ་ཆུང་མཐེ་བོས་མནན་པ་ནི་རྡོ་རྗེ་རྩེ་གསུམ་པའི་ཕྱག་སྟེ། གཡས་ནས་བསྐོར་ལ་བགེགས་བསྐྲད་དོ། །དེ་ནས་བཅོམ་ལྡན་འདས་ཀྱིས་རྣམས་པར་དག་པའི་ཏིང་ངེ་འཛིན་གྱིས་བསྲུང་བ་གསྲུངས་པ་ནི་དམར་པོའི་ཡི་
གེ་རཾ་སྤྱི་བོར་བསམ་སྟེ། རྣམས་པར་དག་པའི་ཡི་གེ་འདི་བསྟན་པར་བྱས་ནས་རྡོ་རྗེ་དང་རལ་གྲིས་ལུས་མེ་འོད་དང་བཅས་པར་བསྒོམས་ཏེ། ན་མཿས་མན་ཏ་བཛྲཱ་ཎཱྃ། ཨ་ཙ་ལ་ཀ་ན་ཙཎ་ཌ་མ་ཧཱ་རོ་ཥ་ཎ་ཀ་ཏེ་བྷྱ། 
སརྦ་བི་ག་ཏེ་བྷྱོ། བི་ཤྭ་མུ་ཁེ་བྷྱཿ སརྦྭ་ཏ་ཐཱ་ག་ཏ་ཧ་མཱཾ། རཀྵ་ཞེས་བརྗོད་དེ་ཕྱག་རྒྱ་ནི་རྡོ་རྗེ་ཐལ་མོ་སྦྱར་ཏེ། མཛུབ་མོ་གཉིས་གུང་མོའི་རྒྱབ་དུ་སྦྱར་ཏེ་སྨིན་མཚམས་སུ་བཅའ་བར་བྱའོ། །དེ་ནས་བཅོམ་
ལྡན་འདས་ཀྱིས་བྱང་ཆུབ་ཀྱི་སེམས་རིག་པ་ཆེན་པོའི་བསྲུང་བ་གསྲུངས་པ་ནི་ཧཱུྃ་དང་གཞིའི་རྣམ་པས་བལྟས་ཏེ། ན་མཿས་མན་ཏ་བཛྲཱ་ཎཱྃ། ཨ་ཙ་ལ་ཀ་ན་ཙཎ་ཌ་མ་ཧཱ་རོ་ཥ་ན་ཏེ་བྷྱཿསརྦྭ་བི་ག་ཏེ་བྷྱོ། བི་ཤྭ་
མུ་གེ་བྷྱ། སརྦྭ་ཏ་ཐཱ་ག་ཏ་ཧ་མཱཾ། རཀྵ་མ་ཧཱ་བ་ལེ། སརྦྭ་ཏ་ཐཱ་ག་ཏ་པྲ་མེ་ནིར་གརྫ་ཧཱུྃ་ཧཱུྃ་ཕཊ་ཏྲ་ཐ་ཏྲ་ཐ། ཨ་པྲ་ཏི་ཧ་ཏེ་སྭཱ་ཧཱ། ཞེས་བརྗོད་དེ་ཕྱག་རྒྱ་ནི་རྡོ་རྗེའི་ཐལ་མོ་སྦྱར་ལ་མཛུབ་མོ་གཉིས་ནང་དུ་བཀུག་ལ་གུང་
མོ་རྩེ་སྤྲད་དེ། སྲིན་ལག་གཉིས་རྐྱང་ནས་མཐེའུ་ཆུང་གཉིས་ཅུང་ཞིག་བཀུག་ལ་སྙིང་གར་བཅས་ཏེ་བསྲུང་བ་ནི་ཡུམ་གྱི་སྟེ། བགེགས་དང་ལོག་འདྲེན་དང་མ་རུངས་པ་ཐམས་ཅད་དྲན་བ་ཙམ་གྱིས་འབྱེར་
བར་འགྱུར་རོ། །དེ་ནས་བཅོམ་ལྡན་འདས་ཀྱི་བྱམས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཁ་ཟས་བྱེ་བྲག་བཟའ་བ་དང་། བཅའ་བ་དང་། བཞིབ་པ་དང་། བཏུང་བ་དང་། བལྡག་པ་ལ་སོགས་པ་དང་། 

98-1-97b

གཟུགས་དང་། སྒྲ་དང་། དྲི་དང་། རོའི་བྱེ་བྲག་ལ་བྱིན་གྱིས་བརླབ་པ་མཛད་དེ། ཨོཾ་སརྦ་དྷརྨ་ཏ་སི་ཏ་ཧཱུྃ་ཞེས་བྱས་པས་དག་པར་བྱས་ཏེ། ཨོཾ་ཨ་མྲྀ་ཏ་ཨོཾ་ཧཱུྃ་ཧྲྃཿཞེས་བྱ་བས་ནི་འདོད་པའི་དོན་དུའོ། །ཨོཾ་ན་མ་
སརྦ་ཏ་ཐཱ་ག་ཏ་ཨ་བ་ལོ་ཀི་ཏེ། སྃ་བྷ་ར་སྃ་བྷ་ར་ཧཱུྃ་ཞེས་བྱ་བས་ལན་བདུན་བཏབ་སྟེ་བསྔོས་པས་ཚིམ་པར་འགྱུར་རོ། །ཕྱག་རྒྱ་ནི་མཆོག་སྦྱིན་གྱི་ཕྱག་རྒྱའོ། །དེ་ནས་ཡང་བཅོམ་ལྡན་འདས་ཀྱི་གསུངས་པ། ལྡང་
བར་འདོད་ན་སྔགས་འདི་བརྗོད་པར་བྱའོ། །ན་མོ་རཏྣ་ཏྲ་ཡཱ་ཡ། ན་མཿཙན་ཊ་བཛྲ་པཱ་ཎ་ཡེ། ན་མོ་བཛྲ་ཀྲོ་དྷཱ་ཡ། དཾ་ཥྚྲོད་ཀ་ཊ་བྷཻ་ར་ཝཱ་ཡ། ཨ་སི་མུ་ས་ལ་པ་ར་ཤུ་པཱ་ཤ་ཧསྟཱ་ཡ། ཏདྱ་ཐཱ། ཨོཾ་ཨ་མྲྀ་ཏ་ཀུཎ་ཌ་ལི། ཁ་ཁ་ཁཱ་ཧཱི་ཁཱ་
ཧི། ཏིཥྛ་ཏིཥྛ། བན་དྷ་བན་དྷ། ཧ་ན་ཧ་ན། གྲྀཧྞ་གྲྀཧྞ། གརྫ་གརྫ། བི་སྥ་ཊ་ཡ། བི་སྥོ་ཊ་ཡ། སརྦ་བི་གྷ་ནཾ་བི་ནཱ་ཡ་ཀ་ནཱཾ་མ་ཧཱ་ག་ཎ་པ་ཏི་ཛི་བི་ཏ་ཨན་དྷ་ཀ་རཱ་ཎ་སྭཱ་ཧཱ། ཞེས་བྱ་བ་བརྗོད་དོ། །ལག་པ་གཉིས་ཁུ་ཚུར་བཅངས་
ལ་ཁ་ནང་དུ་བསྟན་ཏེ། མཛུབ་མོ་བསྒྲེང་ལ་བྲང་དུ་བསྣོལ་ལ་ཕྱག་རྒྱ་བཅིངས་ཏེ། གཏོར་མ་བཏང་ཞིང་འཆག་པའི་དུས་སུ་ཡང་དེ་བཞིན་ནོ། །ཉེ་རེག་བྱ་བ་དང་། ཁྲུས་བྱ་བ་ནི་རིན་པོ་ཆེའི་བུམ་
པར་དྲི་ཞིམ་པོའི་ཆུ་ལ། ན་མཿས་མན་ཏ་བཛྲཱ་ཎཱྃ། ཨ་ཙ་ལ་ཀ་ན་ཡ་ཨ་མྲྀ་ཏ་ཞེས་ལན་བདུན་བདུན་བཏབ་སྟེ། ལག་པ་གཡོན་པས་བུམ་པ་བཟུང་ནས་གཡས་པའི་གུང་མོ་དང་སྲིན་ལག་
ཅུང་ཟད་ཙམ་བཀུག་ལ། རི་མོ་ཅན་གྱི་ནང་དུ་ཨ་བསམས་ལ་ཆུ་བླུགས་ཏེ། ཨོཾ་ཤུད་དྷ་དུན་ཏེ་ཤོ་དྷ་ན་ཡེ་སྭཱ་ཧཱ། ཞེས་བྱ་བས་ཁྲུས་བྱའོ། །དེ་སྐད་ཅེས་བཅོམ་ལྡན་འདས་ཀྱིས་གསུངས་ཏེ། བྱང་
ཆུབ་སེམས་དཔའ་བྱམས་པ་ལའོ། །དེ་ནས་རྒྱལ་པོ་ཆེན་པོ་བཞི་འཁོར་དང་བཅས་པ་དང་། སུམ་བཅུ་རྩ་གསུམ་ཀྱི་ལྷ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་

98-1-98a

ལྷ་རྣམས་ཀྱིས་མེ་ཏོག་དང་། རྔ་དང་། བདུག་སྤོས་དང་། ལྷའི་ཞལ་ཟས་དང་། ལྷའི་བུ་ཕོ་དང་། བུ་མོ་དག་རིན་པོ་ཆེའི་རྒྱན་དང་བཅས་པས་ཤིང་རྟ་དཔག་ཏུ་མེད་པ་དང་། མཆོད་པའི་ཡོ་བྱད་དཔག་ཏུ་མེད་པ་དག་གིས་
བཅོམ་ལྡན་འདས་ལ་མཆོད་པ་དང་བསྐོར་བ་རྒྱ་ཆེན་པོ་དག་བྱས་ཏེ་བྱང་ཆུབ་སེམས་དཔའ་བྱམས་པ་དང་ཐབས་གཅིག་ཏུ་འདུག་གོ། དེ་ནས་བྱང་ཆུབ་སེམས་དཔའ་བྱམས་པ་སྤྲོ་བ་དང་།  ལྡན་པས་བཅོམ་ལྡན་འདས་ལ་བལྟའོ། །
བཅོམ་ལྡན་འདས་ཀྱིས་བྱམས་པའི་བསམ་པ་མཁྱེན་ནས་བསམ་གཏན་དང་པོ་ལ་མཉམ་པར་བཞག་སྟེ། འདོད་པའི་བདེ་བ་སྤངས་ཏེ་དགའ་བར་རྟོག་པ་ཙམ་མོ། །དེ་ནས་བསམ་གཏན་དང་པོ་ནས་གཉིས་པ་ལ་མཉམ་པར་
བཞག་སྟེ། རྩེ་གཅིག་པའི་རྟོག་སྤྱོད་སྤངས་ཏེ་དགའ་བདེ་ཙམ་མོ། །བསམ་གཏན་གཉིས་པ་ནས་གསུམ་པ་ལ་མཉམ་པར་བཞག་སྟེ། རྟོག་པ་དང་དཔྱོད་པ་སྤངས་ཏེ་བདེ་བ་ཙམ་མོ། །དེ་ནས་བསམ་གཏན་གསུམ་པ་ནས་
བཞི་པ་ལ་མཉམ་པར་བཞག་སྟེ། ཚོར་བ་ཉེ་བར་ཞི་བའི་བདེ་བ་ཙམ་མོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཏིང་ངེ་འཛིན་དེ་དག་དང་ལྡན་ན་རྣམས་པར་དག་པའོ། །བྱམས་པ་དང་། སྙིང་རྗེ་དང་། དགའ་བ་དང་། 
བཏང་སྙོམས་ཀྱིས་ནི་བྱང་ཆུབ་ཀྱྀ་སེམས་ཀྱི་རྒྱུད་སྤེལ་བའོ། །དེ་བཞིན་དུ་ཆོས་ཐམས་ཅད་ནི་ནམ་མཁའ་ལྟར་མཐའ་བཞི་ལས་རྣམ་པར་གྲོལ་བའོ། །ན་མཿས་མན་ཏ་བཛྲཱ་ཎཱྃ། དྷརྨ་དྷཱ་ཏུ་སྭ་བྷཱ་བ་ཨཱཏྨ་ཀོ་ཧཱཾ། 
ཞེས་བརྗོད་དེ་ཕྱག་རྒྱ་ནི་འདིའོ། །ལག་པ་གཉིས་སོ་སོར་ཁུར་ཚུར་བཅངས་ཏེ། མཐེ་བོང་གཉིས་ནང་དུ་བཅུག་ལ་མཛུབ་མོ་གཉིས་བསྒྲེང་བའོ། །འཕགས་པ་མི་གཡོ་བའི་གཟུངས་ལས་གླེང་གཞིའི་ལེའུ་
སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེའི་སྐྱིལ་མོ་དཀྲུང་བཅས་ཏེ་སྙིང་གར་ཉི་མའི་དཀྱིལ་འཁོར་ལ་ཐུགས་ཀྱི་ས་བོན་འོད་ཀྱིས་ནམ་མཁའ་ཀུན་ཁེངས་པར་བསམ་ཏེ། 

98-1-98b

ས་བོན་དེ་ལས་ཆོས་ཐམས་ཅད་ཚིག་གི་ལམ་དང་བྲལ་བའོ་ཞེས་བྱ་བའི་སྒ་དང་བཅས་པས་འཕེལ་བ་དང་འགྲིབ་པའི་སྒྲ་འོད་ཟེར་འཕྲོ་འདུ་དང་བཅས་པའོ། །དེ་ནས་སྣ་ཚོགས་པའི་གདན་འདམ་ནས་སྐྱེས་པའི་དྲི་མ་མེད་
བཅིང་ཡོང་སུ་རྒྱས་པ་ཚོགས་ཀྱི་བདག་པོའི་སྟེང་དུ་རྟ་བདུན་པ་ཀུན་ནས་འོད་འཕྲོ་བ་འདམ་སྐྱེས་དང་ལྡན་པ་དག་གི་སྟེང་དུ་ནམ་མཁའི་མདོག་ཅན་གྱི་ཐུགས་ཀྱི་ས་བོན་དང་བདག་ཉིད་གཅིག་པའི་ནམ་མཁའི་ཁམ་
ཀུན་དུ་ཁྱབ་པར་འོད་ཀྱིས་འགེངས་པའི་ཤེས་རབ་ཀྱི་རལ་གྲི་སྔོན་པོ་དག་ཏུ་གྱུར་ཏེ། དེ་དག་ལས་བདུད་དང་མ་རུངས་པ་མཐའ་དག་འཇོམ་པའི་ཁྲོ་བོ་ཆེན་པོ་རྣམ་རྟོག་ཐམས་ཅད་ཡོངས་སུ་བཅོམ་པ། དྲི་མ་མེད་ཅིང་
གཞོནུའི་སྐུའོ། །དེ་ཡང་གཞོན་ཞིང་སྐུའི་ཤ་རྒྱས་པ་ནི་དཔེར་ན་བུས་པ་གཞོན་ནུ་ལང་ཚོ་ལ་བབ་པའི་ལུས་ལྟ་བུ་སྟེ། དེའི་སྐུ་མདོག་ནི་མཐིང་ནག་ཏུ་གནས་ཏེ། དཔེར་ན་དབྱར་གྱི་ཆར་སྤྲིན་ནག་པོའི་མདོག་བཞིན་དུ་
གནས་པའོ། །ནམ་མཁའ་མ་ལུས་པ་ཐམས་ཅད་དུ་འོད་ཀྱིས་འགེངས་པ་ནི་དཔེར་ན་རྟ་བདུན་པའི་འོད་ཀྱིས་གླིང་ཀུན་དུ་ཁྱབ་པ་བཞིན་ནོ། །དབུ་སྐྲ་གཅིག་ཏུ་བཅིངས་ཤིང་འཕྱར་བ་ནི་དཔེར་ན་ཤིང་ཨ་ལ་ཀའི་འབྲས་བུ་
བཞིན་ནོ། །སྐུ་ཅུང་ཞིག་འགྱིང་བ་དང་གཡོ་བ་ནི་དཔེར་ན་དཔག་བསམ་གྱི་ཤིང་ཡོངས་འདུ་ས་བརྟོལ་བཞིན་ནོ། །ཞབས་བརྐྱང་བསྐུམ་དུ་བཞུགས་པ་ནི་དཔེར་ན་གྱད་གྱི་འགྲོས་བཞིན་ནོ། །སྤྱན་གསུམ་ཤིན་དུ་དམར་བ་ནི་
དཔེར་ན་པ་ལ་ཤའི་མེ་ཏོག་བཞིན་ནོ། །སྤྱན་སྟེང་འོག་ཏུ་བལྟ་བ་ནི་སྟེང་འོག་གི་བགེགས་བསྲེག་པ་སྟེ། དཔེར་ན་ལྷ་མ་ཡིན་གྱི་བྱ་གཏོར་མ་ཟ་བ་བཞིན་ནོ། །མཆེ་བ་གཙིག་པ་ནི་དཔེར་ན་ཟླ་བ་ཕྱེད་པ་བཞིན་ནོ། །ལྗག་ཤིན་ཏུ་འཁྱུག་
པ་ནི་དཔེར་ན་ནམ་མཁའི་གློག་བཞིན་ནོ། །སྨིན་པ་ཁྲོ་གཉེར་དུ་བསྡུས་པ་ནི་དཔེར་ན་ཤིང་པ་ག་ཀྵའི་ལོ་མ་བཞིན་ནོ། །ཕྱག་གཡས་ན་རལ་གྲི་བསྣམ་པ་ནི་དཔེར་ན་གཟའ་ཆེན་པོའི་འོད་ལྷུང་བ་བཞིནོ། །སྦྲུལ་གྱི་ཞག་པ་གཡོན་ན་བསྣམ་པ་ནི་

98-1-99a

དཔེར་ན་རྒྱ་མཚོ་མཆིང་བཞིན་ནོ། །དེ་ལྟ་བུའི་སྐུ་དེས་ནི་ཚང་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་པོ་དག་དང་། ཕྱོགས་སྐྱོང་བ་ལ་སོགས་པ་རྣམས་དབང་དུ་བསྡུད་པ། ལྷ་དང་ཀླུ་མ་རུངས་པ་དང་། སྲིན་པོ་དང་ཤ་ཟ་དང་། གྲུལ་
བུམ་དང་། ལྟོ་འཕྱེ་ལ་སོགས་པ་འཇོམས་པར་བྱེད་པ་དག་གོ། དེའི་སྔགས་བཅོམ་ལྡན་འདས་ཀྱིས་གསུངས་པ། ན་མཿས་མན་ཏ་བཛྲཱ་ཎཱཾ་ཏྲ་ཊ། ཨ་མོ་གྷ་ཙཎ་ཌ་མ་ཧཱ་རོ་ཥ་ཎ། སྥོ་ཊ་ཡ་ཧཱུྃ། ཏྲ་མ་ཡ་ཏྲ་མ་ཡ་ཧཱུྃ། ཏྲ་ཏ་ཧཱཾ་མཾ་ཞེས་བརྗོད་
པར་བྱའོ། །དེ་ནི་འཚེ་བ་དང་། རྣམ་པར་འཚེ་བ་དང་། སྡང་བ་དང་། རྣམ་པར་སྡང་བ་དང་། ལོག་འདྲེན་དང་། རྣམ་པར་ལོག་འདྲེན་དང་། སྲིན་པོ་དང་། ལྷ་དང་། ཀླུ་དང་། གྲུལ་བུམ་དང་། ཤ་ཟ་ལ་སོགས་པ་ཐམས་ཅད་ཞི་བར་འགྱུར་རོ། །རླུང་
ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འབྲས་དང་། ཤུ་བ་དང་། གཡན་པ་དང་། མཛེ་དང་། འབྲུམ་བུ་དང་། འབྲུམ་བུ་ཕྲ་མོ་དང་། རིམས་ཉིན་གཅིག་པ་དང་། ཉིན་གཉིས་པ་དང་། ཟླ་བ་ཕྱེད་པ་དང་། ལྡང་
དུབ་པ་དང་། ཡུད་ཙམ་པའི་རིམས་དང་། རྟག་པའི་རིམས་ལས་ཐར་བར་འགྱུར་རོ། །སེང་གེ་དང་། སྟག་དང་། དོམ་དང་། དྲེད་དང་། སྤྱང་ཀི་དང་། སྦྲུལ་དུག་ཅན་དང་། སྦྲང་བུ་དང་། ཤ་སྦྲང་དང་། བུང་བའི་གནོད་པ་ལས་ཐར་རོ། །རྒྱལ་པོའི་
ཆད་པ་དང་། དམག་དཔུང་གི་འཇིགས་པ་ལས་ཐར་རོ། །རྐུན་པོ་དང་། བྲན་དང་། གཟའ་མི་འཐབ་ཅིང་རྩོད་པ་ལས་ཐར་རོ། །ཆུ་ཡིས་འཇིགས་པ་དང་། མེ་ཡིས་འཇིགས་པ་དང་། ས་གཡོས་པའི་འཇིག་པ་དང་། 
ལྕེ་འབབ་པའི་འཇིག་པ་ལས་ཐར་རོ། །རལ་གྲི་དང་། ཤག་ཏི་དང་། དགྲ་སྟ་དང་། མདུང་དང་། མདའ་དང་། མདའ་བོ་ཆེ་དང་། འཁོར་ལོ་དང་། མཚོན་ཆའི་འཇིགས་པ་ལས་ཐར་རོ། །འཆི་བ་དང་། དུས་མ་ཡིན་པར་འཆི་བ་ལས་
ཐར་རོ། །མཚམ་མེད་ལྔ་ལ་སོགས་པའི་སྡིག་པ་ཀུན་འདག་པར་འགྱུར་རོ། །སེམས་ཅན་དམྱལ་བ་དང་། ཡི་དགས་དང་། དུད་འགྲོའི་སྐྱེ་གནས་དང་། ཡུལ་མཐའ་འཁོབ་དང་། དབང་པོ་མ་ཚང་བ་དང་། ལྷ་ཚེ་རིང་པོ་དང་། 

98-1-99b

ལོག་པར་ལྟ་བ་འཛིན་པ་དང་། སངས་རྒྱས་འབྱུང་བ་ལ་མཉེས་པ་མེད་པ་དག་ཏུ་མི་འགྱུར་རོ། །གཟུངས་སྔགས་འདི་ནི་དུས་གསུམ་གྱི་སངས་རྒྱས་ཐམས་ཅད་ཀྱིས་གསུངས་ཏེ། ལན་གཅིག་བརྗོད་པས་ཀྱང་སྡིག་པ་ཐམས་ཅད་འདག་
པར་འགྱུརོ། །འདི་བརྗོད་པའི་གང་ཟག་དེས་ནི་ཆོས་ཉིད་ཀྱི་ལམ་རྡོ་རྗེ་ལྟ་བུ་མྱུར་བ་ཉིད་དུ་ཐོབ་པར་འགྱུར་རོ། །དེ་ནས་རྟ་བདུན་པའི་སྟེང་དུ་རྣམ་པར་དག་པའི་ཡི་གེ་ནམ་མཁའ་མ་ལུས་པ་འོད་ཀྱིས་འགེངས་པ་བསམ་ཏེ། བྱམ་
པའི་ལྟ་བས་ལྟ་བའི་ཕྱིར་ཧཱཾ་སེར་པོ་མིག་ཏུའོ། །སྲོག་གི་ལམ་དུ་ནི་མཾ་ནག་པོ་བསམ་པར་བྱའོ། །སྤྱི་བོར་ཆོས་ཉིད་རྣམ་པར་དག་པའི་ཡི་གེ་བསམ་ཏེ། སྔག་འདི་བརྗོད་པར་བྱའོ། །ན་མཿས་མན་ཏ་བཛྲ་པཱ་ཎི། ཙཎ་ཌ་མ་ཧཱ་
རོ་ཥ་ཎ་ཧཱུྃ་ཞེས་བརྗོད་དེ་ལག་པ་ཐལ་མོ་སྦྱར་ཏེ། གུང་མོ་བསྒྲེང་བའི་རྒྱབ་དུ་མཛུབ་མོ་ཅུང་ཟད་བཀུག་ལ་སྲིན་ལག་ཀྱང་དེ་བཞིན་དུ་བྱས་ཏེ། རྡོ་རྗེའི་ཕྱག་རྒྱའོ། །འདིའི་བྱིན་གྱི་བརླབས་ཀྱིས་མ་རིག་པ་འཇོམས་ཤིང་ཡེ་
ཤེས་ཀྱི་སྐུ་ཉིད་དུ་བྱིན་གྱིས་བརླབ་པའོ། །གསེར་ལ་སོགས་པའི་སྣོད་དུ་ཁ་ཟས་ཀྱི་བྱེ་བྲག་ནས་དང་། འབྲས་དང་། གྲོ་དང་། སོ་བ་དང་། ཏིལ་ལ་སོགས་པ་དང་ཞོ་དང་། འོ་མ་དང་། སྦྲང་རྩི་དང་། ཁ་ར་དང་། གསེར་དང་། 
དངུལ་དང་། ཟངས་དང་། མུ་ཏིག་དང་། བྱི་རུ་དག་བླུགས་ཏེ། འབྲུ་གསུམ་པའི་སྔགས་ཀྱིས་བྱིན་གྱིས་བརླབས་ནས་སྔགས་འདི་བརྗོད་པར་བྱའོ། །ན་མ་ས་མན་ཏ་ཏ་ཐཱ་ག་ཏེ་བྷྱ། བི་ཤྭ་མུ་ཁེ་བྷྱ། སརྦ་ཏ་ད་ཁཾ་ཨུདྒ་ཏེ། 
སྥ་ར་ཎ་ཧཾ་མཾ་ག་ག་ན་ཁཾ་ཞེས་བརྗོད་པར་བྱའོ། །ཕྱག་རྒྱ་ནི་མཆོག་སྦྱིན་གྱི་ཕྱག་རྒྱའོ། །ན་མ་སརྦ་ཏ་ཐཱ་ག་ཏ་ཨ་བ་ལོ་ཀི་ཏི། ཨོཾ་སྃ་བྷཱ་ར་སྃ་བྷཱ་ར་ཧཱུྃ་ཞེས་བྱ་བས་འབྱུང་པོ་ཀུན་ལ་མཆོད་པར་བྱའོ། །དེ་ནས་གསང་སྔག་འདི་བརྗོད་
པར་བྱའོ། །ན་མ་ས་མན་ཏ་བུད་དྷ་ནཱཾ། ཙཎ་ཌ་མ་ཧཱ་རོ་ཥ་ཎ་ཨ་ས་མེ་ཏྲི། ས་མེ་མ་ཧཱ་ས་མ་ཡ། སརྦ་པ་པཾ་སྭཱ་ཧཱ། ཕྱག་རྒྱ་ཐལ་མོ་སྦྱར་ལ་གསོལ་བ་གདབ་སྟེ་དམ་ཚིག་གསོ་བའོ། །འཕག་པ་མི་གཡོ་བའི་གཟུངས་ལས་ལེའུ་གཉིས་པའོ།། །།

98-1-100a

དེ་ནས་དམ་ཚིག་ནི་འདི་ཡིན་ཏེ། སངས་རྒྱས་དང་ཆོས་དང་དགེ་འདུན་ནི་འབྲས་བུ་དང་། ལམ་དང་། སྒྲུབ་པའི་ཁྱད་པར་ཏེ། གང་ནས་བརྩམ་ཏེ་ཁྱད་པར་གྱིས་མཆོད་ཅིང་ནམ་དུ་ཡང་མི་འབྲལ་བར་བྱའོ། །ཚད་མེད་པའི་བྱང་ཆུབ་
ཀྱི་སེམས་ཀྱི་རྒྱུད་རྟག་ཏུ་སྒོམ་ཞིང་སྨོན་ལམ་རྒྱ་ཆེན་པོ་གདབ་པར་བྱའོ། །སྔགས་དང་། ཕྱག་རྒྱ་དང་། སྔགས་དང་ཕྱག་རྒྱའི་རྟེན་རྒྱུན་དུ་བཅང་ཤིང་བྲལ་བར་མི་བྱའོ། །ལྷ་དང་། བླ་མ་དང་། བྱང་ཆུབ་ཀྱི་གྲོགས་ལ་ཁོད་ནས་འཁྲུག་
པའི་སེམས་སྤང་ངོ་། །སྲོག་གིས་བསྡུས་པའི་སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་སྔོན་དུ་སོང་བས་གནོད་པ་དང་། རྣམ་པར་འཚེ་བ་སྤངས་ཏེ་ནམ་ཡང་དོར་བར་མི་བྱའོ། །སེར་སྣ་སྤངས་ཏེ་སེམས་ཅན་ལ་སྦྱིན་པ་
སྦྱིན་པར་བྱའོ། །སེམས་ཅན་ལ་གནོད་པ་དང་། རྣམ་པར་འཚེ་བ་སྤངས་པའི་ཚུལ་ཁྲིམས་བསྟེན་པའོ། །རང་ལ་རྣམ་པར་འཚེ་བ་ལ་བཟོད་པར་བྱའོ། །རང་དང་གཞན་གྱི་དོན་བསྒྲུབ་པ་ལ་བརྩོན་པ་དོར་བར་མི་བྱའོ། །རྣམ་པར་གཡེང་
བ་སྤངས་ཏེ་བསམ་གཏན་ལ་མཉམ་པར་བཞག་གོ། ཉལ་བ་དང་ལྡང་བ་ཀུན་ཏུ་རང་བཞིན་གྱིས་རྣམ་པར་དག་པའི་དོན་ལ་མ་ཡེངས་པར་བྱའོ། །དམ་ཚིག་མེད་ཅིང་མི་གནས་པ་ལ་བསམ་གཏན་དང་། ཏིང་ངེ་འཛིན་དང་། སྔགས་
དང་། ཕྱག་རྒྱ་ལ་སོགས་པ་ཀུན་བསྟན་ཅིང་བཤད་པར་མི་བྱའོ། །སྲོག་གཅོད་པ་དང་། མ་བྱིན་པར་ལེན་པ་དང་། འདོད་པ་ལ་ཕྱིན་ཅི་ལོག་པ་དང་བརྫུན་དུ་སྨྲ་བ་ནི་ཚངས་པར་སྤྱོད་པ་དང་། སྤྱད་པར་འདོད་པས་སྤང་བར་བྱའོ། །
དགེ་སློང་རྣམས་དང་། བྱང་ཆུབ་ཏུ་སེམས་བསྐྱེད་པ་དང་། དམ་ཚིག་དང་ལྡན་པ་ལ་གུས་པར་བྱ་ཞིང་བརྙས་པར་མི་བྱའོ། །ཐུན་མཚམས་ཀྱི་སྦྱོར་བ་དང་ལྡན་པར་བྱའོ། །ཁྲོ་བ་དང་། བབ་ཆོལ་དུ་སྨྲ་བ་དང་། ལད་ལུད་དང་། བཤང་
གཅི་འདོར་བ་དང་། དྲི་མ་འཁྲུ་བ་དང་། སྐྲ་དང་སེན་མོ་ལ་སོགས་པའི་མི་གཙང་བ་དེ་དག་དང་། དྲི་ང་བ་དང་། དྲི་མ་མི་ཞིམ་པ་དཀུ་ཞིང་མནམ་པ་དང་ལྡན་པ་ཐམས་ཅད་སྤང་བར་བྱའོ། །ཁང་པ་ནི་སྤོས་ཀྱི་ཁང་པ་ཡིད་དུ་འོང་བ་གཙང་

98-1-100b

ཞིང་དྲི་མ་མེད་པ་དག་བཀྲ་ཤིས་པའི་སྒོ་ཤར་དུ་བསྟན་པ། གསེང་སྐར་དང་བཅས་པའི་ཁང་པ་འམ། བྲམ་ཟེའི་ཁྱིམ་མམ། དགེ་འདུན་གྱི་ཀུན་དགའ་ར་བ་འམ། ལྷ་ཁང་ངམ། རི་བོའི་རྩེ་འམ། བྱ་སྐད་སྒྲོགས་པའི་ས་འམ། དགོན་
པ་འམ། བས་མཐའ་འམ། སྤང་ལྗོངས་དག་ཏུ་དྲི་ཞིམ་པོའི་ཆུས་བརྐྱང་ནུལ་བྱས་ལ། རྩའི་སྟན་བཏིང་སྟེ་གནས་པར་བྱའོ། །ཁྲི་ལ་འདུག་པ་སྤང་བར་བྱའོ། །ཞོ་དང་འོ་མ་དང་། མར་དང་། ལ་དུ་དང་། ལག་པན་དང་། སྣུམ་མཁུར་དང་། 
མཁུར་སྐྱ་དང་། འབྲས་དང་། འབྲས་ཟན་ལ་སོགས་པ་དག་བསྨྱུང་བ་དང་ལྡན་པས་བཟའ་བར་བྱའོ། །ཤ་དང་། ཆང་དང་། སྒོག་པ་ལ་སོགས་པ་དཀུ་བའི་ཟས་རྣམས་ཀུན་དུ་སྤང་བར་བྱའོ། །ཟླ་བ་དང་། སྐར་མ་དང་། ཚེས་གྲངས་ལ་
སོགས་པ་ནི་ཡར་གྱི་ངོ་དག་ལ་དཀོན་མཆོག་ལ་གསོལ་བ་བཏབ་ལ་བསྒྲུབ་པར་བྱའོ། །རེ་བ་དང་རྔ་མ་དང་། རྩུབ་པ་དག་ནི་མ་ཡིན་ནོ། །འདོད་པའི་དོན་དུ་འཇམ་ཤིང་གནག་པ་ལ་ནི་འགལ་བ་མེད་དོ། །དུས་རྟག་ཏུ་
ཡིད་དམ་ལ་དད་པ་བསྐྱེད་པའི་ཕྱིར་བྱམས་པའི་བསམ་པ་དང་ལྡན་པས་བསྒྲུབ་པར་བྱའོ། །སྤྲུལ་པའི་ཁྲོ་བོ་རྡོ་རྗེ་ཤུགས་ཅན་ནི་ཁ་དོག་ཤིན་དུ་གནག་པ་སྟེ། ང་དང་ང་ཡིར་འཛིན་པའི་བདག་ཉིད་གནམ་ལྕགས་ཀྱི་འཁོར་ལོ་བསྣམས་
པའོ། །རྡོ་རྗེ་ཆགས་ཆེན་ནི་མདོག་དམར་པོ་ཆགས་པ་དང་ཆགས་པར་བྱེད་པའི་བཞིན་གྱི་མདའ་གཞུའོ། །རྡོ་རྗེ་རྣོན་པོ་ནི་ལྗང་ཁུ་སྟེ། འཛིན་ཅིང་ཡོངས་སུ་འཛིན་པའི་བདག་ཉིད་ལྕགས་ཀྱུ་འཛིན་པའོ། །རྡོ་རྗེ་འབར་བ་ནི་མདོག་
དམར་པོ་སྟེ། མི་ཤེས་པ་དང་མི་ཤེས་པ་འཇོམ་པའི་བདག་ཉིད་ཀྱི་རྡོ་རྗེའི་བྲག་འཛིན་པའོ། །རྡོ་རྗེ་ཁྲོ་བོ་ནི་སེར་པོ་སྟེ། ཁྲོ་བ་དང་ཁྲོ་བོའྀ་བདག་ཉིད་ཀྱི་རལ་གྲི་འབར་བ་བསྣམས་པའོ། །རྡོ་རྗེ་གཏུམ་ཆེན་ནི་མདོག་ལྗང་ནག་སྟེ། བཏང་
སྙོམས་དང་བཏང་སྙོམས་སུ་གྱུར་པའི་བདག་ཉིད་ཀྱི་སྤྲིན་གྱི་ཞགས་པ་འཛིན་པའོ། །རྡོ་རྗེ་ཐབ་བདག་ནི་དུ་བའི་མདོག་ཅན་བྱ་བ་དང་བྱེད་པའི་བདག་ཉིད་ཀྱི་རྫ་རྔ་བསྣམས་པའོ། །རྡོ་རྗེ་སྟོབས་ཆེན་ནི་མཐིང་ག་སྟེ། དམན་པ་དང་། 

98-1-101a

དམན་པའི་རང་བཞིན་ཅན་གྱི་གནམ་ལྕགས་ཀྱི་འཁོར་ལོ་འཛིན་པའོ། །རྡོ་རྗེ་རྒྱུའི་སྟོབས་ནི་དམར་ནག་སྟེ། རྟེན་འབྲེལ་དང་རྟེན་ཅིང་འབྲེལ་པར་འབྱུང་བའི་བདག་ཉིད་ཀྱི་བེ་ཅོན་འཛིན་པའོ། །རྡོ་རྗེ་རབ་འབྱེད་ནི་སྣ་ཚོགས་
ཕྲིན་ལས་ཀྱི་མདོག་ཅན་མཐའ་དང་མཐའ་ལས་གྲོལ་བའི་བདག་ཉིད་ཅན་གྱི་རྡོ་རྗེ་རྩེ་གཅིག་པ་བསྣམས་པའོ། །དེ་དག་ནི་བཅུའི་བདག་ཉིད་ཅན་གྱི་མེ་འབར་བའི་སྐུའི་ལས་རབ་ཏུ་འཕྲོ་བའོ། །འཕགས་པ་མི་གཡོ་བ་
ཞེས་བྱ་བའི་གཟུངས་ལས་ལེའུ་གསུམ་པའོ།། །། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་ཐུན་མོང་དུ་དེ་དག་པའི་ཕྱིར་དེའི་ཆོ་ག་གསུངས་པ། གནས་ཁང་ཡིད་དུ་
འོང་བར་དྲི་ཞིམ་པོ་དང་ལྡན་པའི་ས་ལ་མཎ་ཌལ་མདའ་གང་བ་བྱས་ཏེ། བའི་རྣམ་ལྔའི་བརྐྱང་ནུལ་བྱས་ལ། མེ་ཏོག་སྔོན་པོ་དགྲམ་པར་བྱའོ། །དེ་ནས་བུམ་པ་གསེར་རམ། དངུལ་ལམ། ཟངས་ལས་བྱས་པའི་ལྷུང་
བཟེད་གྱི་ཚད་དུ་བྱ་སྟེ། དེར་རིན་པོ་ཆེ་གསེར་དང་དངུལ་དང་། ཟངས་དང་། བྱི་རུ་དང་། མུ་ཏིག་དང་། རྣམ་པ་ལྔ་གཞུག་པར་བྱའོ། །སྦྲང་རྩི་དང་། བུ་རམ་དང་། ཁ་ར་དང་། ཞོ་དང་། འོ་མ་དང་། མར་རྣམས་གཞུག་པར་བྱའོ། །ནས་
དང་། འབྲས་དང་། སོ་བ་དང་། ཏིལ་དང་། གྲོ་དང་། ཅུ་རྩེ་རྣམས་གཞུག་པར་བྱའོ། །བཅུ་གང་དང་། གུར་ཀུམ་དང་། ཛཱ་ཏི་དང་། སུག་སྨེལ་དང་། ཀ་ཀོ་ལ་དང་། ལི་ཤི་རྣམས་གཞུག་པར་བྱའོ། །ཙན་དན་དང་། ཨ་ཀ་རུ་དང་། དུ་རུ་
ཀ་དང་། གླ་རྩི་དང་། རྒྱ་སྤོས་དང་། ག་བུར་ལ་སོགས་པའི་དྲི་རྣམས་ཀྱང་གཞུག་པར་བྱའོ། །མཚོ་དང་རྫིང་དང་། ལྟེང་ཀ་དང་། འབབ་ཆུ་དང་ལུ་མ་བཀོད་མ་རྣམས་གྱི་ཆུ་ཡང་བླུགས་ལ་བ་ལའི་རས་ལ་དྲིའི་ཆུས་
བསང་བས་མགུལ་པ་བཅིངས་ཏེ་གཞག་པར་བྱའོ། །དྲི་དང་། མེ་ཏོག་དང་འབྲས་བུ་དང་བཅས་པའི་ཤིང་ལ་ཁ་རྒྱན་བྱས་ཏེ། དྲི་དང་། སྤོས་དང་། མེ་ཏོག་དང་། མར་མེ་དང་། བྱུག་པ་དང་། ལྷ་བཤོས་དང་། རོལ་མོའི་སྒྲ་དག་

98-1-101b

ཀྱང་བཤམ་པར་བྱའོ། །འབྱུང་པོ་ཐམས་ཅད་པའི་གཏོར་མ་ཡང་ཆ་བདུན་ནམ་ལྔ་ལ་སོགས་པ་བྱའོ། །ན་མཿས་མན་ཏ་བཛྲཱ་ཎཱྃ། ཨ་ཙ་ལ་ཙཎ་ཌ་མ་ཧཱ་རོ་ཥ་ཎ། སརྦ་བིགྷ་ནན་སྤོ་ཊ་ཡ། བཛྲ་དྷྲྀག་ཁངྒ་ཧཱུྃ་ཞེས་བྱ་བས་མཚམས་
རྣམས་བཅིང་བར་བྱའོ། །དེ་བཞིན་དུ་བསྲུང་བའི་ཆོ་ག་རྫོགས་པར་བྱ་སྟེ། བུམ་པ་ལ་གཟུངས་ཀྱི་ཐག་པ་བཏགས་ནས་རྣམ་པར་དག་པའི་ཡི་གེས་ཡོངས་སུ་བསྒྱུར་བའི་བུམ་པ་ལ་ཧཱུྃ་ཞེས་བྱ་བའི་ས་བོན་ལས་ཁ་དོག་དང་། ཚད་དང་ལྡན་པ་
འི་བུམ་པའོ། །ཐུགས་ཀྱི་ས་བོན་ལས་བྱུང་བའི་བཅོམ་ལྡན་འདས་དོན་དེ་ཁོ་ན་ཉིད་ལས་མཉམ་པར་བཞུགས་པ། བྱང་ཆུབ་སེམས་དཔའ་དང་། རང་སངས་རྒྱས་དང་། འཕགས་པའི་གང་ཟག་དང་བཅས་པ་གང་ན་སེང་གེའི་སྟེང་
ན་སྣ་ཚོགས་པའི་གདན་པད་མ་དང་ཟླ་བའི་སྟེང་ན་བཞུགས་པའོ། །ཆོས་ཉིད་དང་ལྡན་པའི་རྣམ་པ་དྲུག་གིས་བཅོམ་ལྡན་འདས་བསམ་པར་བྱའོ། །ཆོས་ཉིད་དང་། སེམས་དང་། སེམས་ཀྱི་རྣམ་པ་དང་། སྒྲ་དང་། སྒྲ་བརྙན་དང་། 
གཟུགས་དང་། གཟུགས་བརྙན་དང་བཅས་པའི་སྐུར་ཉི་མའི་གདན་པད་མ་དང་ཚོགས་ཀྱི་བདག་པོ་གླང་སྣའི་སྟེང་དུ་བསམས་ཏེ། ཐུགས་ཀྱི་ས་བོན་ལས་རལ་གྲི་མེ་འོད་དང་བཅས་པས་ནམ་མཁའ་ཀུན་ཏུ་ཁེབས་པའོ། །དེ་
ལས་བདུད་ཚར་གཅོད་པའི་བཅོམ་ལྡན་འདས་ཀྱི་སྐུར་བསམས་ཏེ། མཆོད་པས་བཅོམ་ལྡན་འདས་ལ་མཆོད་པར་བྱའོ། །ན་མཿས་མན་ཏ་བུད་དྷ་ནཱཾ། ཨོཾ་ཨཱཿཧཱུྃ། པྲ་བྲ་བྷ་སད་ག་ར་པྲ་ཏི་ཛ་ཧཱུྃ་ཞེས་བརྗོད་པར་བྱའོ། །ན་མཿས་
མན་ཏ་བུད་དྷ་ནཱཾ། ཨོཾ་ཨཱ་ཧཱུཾ། སརྦྦ་དེ་བ་ཏ་ཨ་ཙིན་ཏྱ་ཨ་མྲྀ་ཏ་དྷ་ར་ཡ་སྭཱ་ཧཱ། ཞེས་བརྗོད་པར་བྱའོ། །ན་མཿས་མན་ཏ་བུད་དྷ་ནཱཾ། ཨ་ཧ་ར་བྷ་ག་བཱ་ན། སརྦ་བིདྱཱ་དྷ་ར་པཱུ་ཛི་ཏེ་སྭཱ་ཧཱ། ཞེས་བརྗོད་པར་བྱའོ། །ན་མ་ས་མན་ཏ་བུད་དྷ་ནཱཾ། 
ཨོཾ་ཨཱ་ཧཱུཾ། དྷརྨ་དྷཱ་ཏུ་ཨ་ནུ་ག་ཏེ་དྷཱུ་པེ་ཧཱུྃ་སྭཱ་ཧཱ་ཞེས་བརྗོད་པར་བྱའོ། །ན་མ་ས་མན་ཏ་བུད་དྷ་ནཱཾ། ཨོཾ་ཨཱ་ཧཱུཾ། མ་ཧཱ་མཻ་ཏྲི་བྷྱ་ག་ཏེ་པུཥྤེ་ཧཱུྃ་ཞེས་བརྗོད་པར་བྱའོ། །ན་མ་ས་མན་ཏ་བུད་དྷ་ནཱཾ་ཨོཾ་ཨཱཿཧཱུྃ་སརྦ་ཏ་ཐཱ་ག་ཏ་ཨ་ཙི་པྲ་ན་ཨ་བྷ་བ་ག་ག་ན་བྷྱ་ནིརྱ་ཨཱ་

98-1-102a

ལོ་ཀེ་ཧཱུྃ་སྭཱ་ཧཱ་ཞེས་བརྗོད་པར་བྱའོ། །ན་མཿས་མན་ཏ་བུད་དྷ་ནཱཾ། ཨོཾ་ཨ་ཧཱུཾ། ག་ག་ན་ས་མ་ཡ་གན་དྷེ་ཧཱུྃ་སྭཱ་ཧཱ་ཞེས་བརྗོད་པར་བྱའོ། །ན་མ་ས་མན་ཏ་བུད་དྷ་ནཱཾ། ཨ་ཧ་ར་སརྦྭ་ཏ་ཐཱ་ག་ཏེ་ནི་ཝེ་དྱེ་པཱུ་ཛ་ན་སྥ་ར་ཎ་ཡེ་ཧཱུྃ་སྭཱ་ཧཱ། ཞེས་བརྗོད་པར་བྱའོ། །
ན་མ་ས་མན་ཏ་བུད་དྷ་ནཱཾ། ཨ་བི་སྨ་ར་ཡེ། སྥ་ར་ཎ་ཧི་མཾ་ག་ག་ན་ཁཾ། དྷརྨ་དྷཱ་ཏུ། ཨཱ་ཀཱ་ཤཱ་ཡ། ས་མན་ཏ་ཡ། སརྦ་ཏ་ཐཱ་ག་ཏ་པ་རི་ཤུད་དྷ་མཎ་ཌ་ལེ། མ་མ་པྲ་ནི་ཏི་པུ་པུ་ཛ་ན་མ་བེ་ལེན། དྷརྨ་དྷཱ་དུ། ཨ་དྷིཥྛཱ་ན་པཱ་ཙ་ཧཱུྃ་སྭཱ་ཧཱ། ཞེས་བརྗོད་དོ། །རྡོ་རྗེ་དང་དྲིལ་བུ་
བསིལ་བར་བྱའོ། །ཐལ་མོ་བཀན་ལ་མཛུབ་མོ་གཉིས་གུང་མོའི་རྒྱབ་དུ་ཅུང་ཞིག་བཀུག་ལ་སྦྱར། སྲིན་ལག་དང་མཐེའུ་ཆུང་བསྣོལ་ལ་མཐེ་བོ་ཅུང་ཞིག་བཀུག་པ་ནི་ཡོན་ཆབ་ཀྱི་ཕྱག་རྒྱའོ། །སོར་མོ་རྣམས་གུང་མོ་ལ་བརྟེན་ཏེ་ཅུང་ཟད་
བཀུག་ནས་གུང་མོ་བསྒྲེང་བ་ནི་བདུག་སྤོས་ཀྱི་ཕྱག་རྒྱའོ། །སོར་མོ་རྣམས་ཕན་ཚུན་དུ་བསྣོལ་ཏེ་ནང་དུ་བཅུག་ནས། མཛུབ་མོ་མཐེ་བོས་མནན་པ་ནི་མེ་ཏོག་གི་ཕྱག་རྒྱའོ། །མཐེ་བོ་དང་གུང་མོའི་སོར་མོ་རྩེ་སྤྲད་དེ། ལྷག་མ་ཁུ་ཚུར་བཅང་
པ་ནི་མར་མེའི་ཕྱག་རྒྱའོ། །མི་འཇིགས་པའི་ཕྱག་རྒྱ་ལག་པ་གཡོན་པས་འཁྲིག་མ་བཏེག་པ་ནི་དྲིའི་ཕྱག་རྒྱའོ། །ཐལ་མོ་བཀན་པའི་ཟུར་སྦྱར་ཏེ། མཐེའུ་ཆུང་གཉིས་གཤིབས་ནས་བསྒྲེང་བ་ནི་ལྷ་བཤོས་ཀྱི་ཕྱག་རྒྱའོ། །སྤྱི་
བོར་ལག་པ་བསྐོར་ཏེ། ཐལ་མོ་ཁོང་སྟོང་སྦྱར་ནས་དགྲོལ་བ་ནི་རྒྱ་ཆེན་པོའི་མཆོད་པ་སྟེ་མཆོད་པའི་རྫས་རྣམས་རང་བཞིན་གྱིས་དག་པའི་ལྷ་མོས་རྫས་སྦྱངས་པའོ། །ན་མ་ས་མན་ཏ་བུད་དྷཱ་ནཱཾ། ཨ་བྷཱ་བ་སྭ་བྷཱ་བ་མུད་ག་
ཊ་ནཱཾ། ན་མ་པྲེ་ཏ་ཀ་བུད་དྷ་ཨཱརྱ་ཤྲ་ར་བ་ཀ་ནཾ། ན་མོ་བོ་དྷི་སཏྭ་ནཱཾ། ད་ཤ་བྷུ་མི་པྲ་ཏིཥྛི་ཤ་ར་ཎཾ། བོ་དྷི་སཏྭཱ་ཡ། མ་ཧཱ་སཏྭ་ནཾ། ཏདྱ་ཐཱ། ཨཱོཾ་ཁ་ཁ་ཁཱ་ཧི་ཁཱ་ཧི། དུཥྚ་སཏྭཱ་ཀ་མ་ཀྲ་ཨ་སི་མུ་ས་ལ་པ་ར་ཤུ་བ་ཤ་ཧསྟཱ་ཡ། ཙ་ཏུར་བྷུ་ཛཱ། ཙ་ཏུར་མུ་
ཁ་ཥཊ་ཙ་ར་ཎ། གཙྪ་ཡ་གཙྪ་ཡ། སརྦ་བིགྷ་ནཾ་གྷ་ཏ་བི་ཀྲཾ་ཏ་ནཱན། སརྦ་བྷུ་ཏ་བ་ཡཾ་ཀར་ཨཊྚ། ཧ་ས་ནི་ནཱི་ཏེ་བྱཱ་གྷྲ་ཙ་མཾ་བཱ་ས་ནི། ཀུ་རུ་ཀུ་རུ་སརྦ་དྷརྨ་ཎཱྃ། ཙྪིན་དྷ་ཙྪིན་དྷ། སརྦ་མན་ཏྲ། བྷིན་དྷ་བྷིན་དྷ། པ་ར་མན་ཏྲ། ཨཱ་ཀཪྵཱ་ཡ། ཨཱ་ཀཪྵཱ་ཡ། སརྦ་བྷཱུ་ཏ། 

98-1-102b

ནིར་མ་ཐ་ནིར་མ་ཐ། སརྦ་དུཥྚཾ། པྲ་བེ་ཤ་ཡ། པྲ་བེ་ཤ་ཡ། མཎ་ཌ་ལ་མ་དྷེ་བྷཻ་བ་ས་ཏྭཱ་ཛི་བི་ཏནྟ། ཀ་ར་ཀ་ར། ཀུ་རུ་ཀུ་རུ། མ་མ་སརྦ་ཀ་དྱམ། ད་ཧ་ད་ཧ། པ་ཙ་པ་ཙ། མ་བི་ལམྦ། ས་མ་ཡ། ཨ་ནུ་སྨ་ར་ཧཱུྃ་ཧཱུྃ་སྤོ་ཊ་ཡ་སྥོ་ཊ་ཡ། སརྦ་ཥཊ་པ་རི་པུ་ར་ཀ །ཧེ་བྷ་
ག་བཱ་ན། ཀཉྩི་རཱ་ཡ་སི། མ་མ་སརྦཱ་ཐཾ་སཱ་དྷ་ཡ། ཨ་མོ་གྷ། ཙཎ་ཌ་མ་ཧཱ་རོ་ཥ་ཎ་སྥོ་ཊ་ཡ་ཧཱུྃ། ཏྲ་མ་ཏྲ་མ་ཧ་མཾ། ཞེས་པ་བདུན་ནམ་ཉི་ཤུ་རྩ་གཅིག་བརྗོད་པར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ལ་ཕྱག་འཚལ་བར་དམིག་ལ་ལས་དང་
རྣམ་པར་སྨིན་པ་དང་། འཇིག་པ་དང་གནོད་པ་དང་། རྣམ་པར་འཚེ་བ་དང་། ནད་ལ་སོགས་པ་ཞི་བར་དམིགས་ཏེ་བཟླས་པར་བྱའོ། །དེ་ནས་གཏོར་བར་འདོད་པས་ཟློས་པའི་ཚེ་གདམ་པའི་ཚུལ་གྱིས་དབུལ་བར་བྱའོ། །འཕགས་པའི་མི་གཡོ་
བའི་གཟུངས་ལས་ལེའུ་བཞི་པའོ།། །། དེ་ནས་བཅོམ་ལྡན་འདས་ཀྱིས་རས་རིས་ཀྱི་ཆོ་ག་གསྲུངས་པ། ཤིང་བལ་ཤིན་དུ་དྲི་མ་མེད་པ་ལ་བྲམ་ཟེ་འམ་གཙང་སྦྲ་དང་ལྡན་པས་ཁྲུས་བྱས་ཏེ། དཀོན་མཆོག་གསུམ་ལ་གསོལ་བ་བཏབ་
ལ་བརྟག་པར་བྱའོ། །རིགས་ངན་དམང་རིགས་ལ་སོགས་པའི་རས་དག་ནི་སྤང་བར་བྱའོ། །རས་དེ་གུར་ཀུམ་དང་གླ་རྩི་དང་། ཨ་ཀ་རུ་ལ་སོགས་པའི་ཆུས་དཀྲུས་ཏེ་དག་པར་བྱའོ། །དེ་ནས་སྔགས་འདི་གྲོ་ག་འམ་རས་ལ་བྲིས་ནས་
གདགས་པར་བྱའོ། །ཨ་ཨཱ་ཨི་ཨཱི་ཨུ་ཨུ། རྀ་རཱྀ་ལྀ་ལཱྀ། ཨེ་ཨཻ་ཨོ་ཨཽ་ཨཾ་ཨ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ་ཞེས་བྱ་བ་བྲིས་ཏེ་དགོད་པར་བྱའོ། །དེ་ནས་
སྔགས་འདི་ལན་བདུན་བརྗོད་པར་བྱའོ། །ན་མཿས་མན་ཏ་བུད་དྷ་ནཱཾ། ཙཎ་ཌ་མ་ཧཱ་རོ་ཥ་ཎ། སྥོ་ཊ་ཡ་ཧཱུྃ། ཏྲ་ཐ་ཧཾ་མཾ། ཨོཾ་བཱ་ཀྱེ་དཾ་ན་མ་ཞེས་བྱ་བ་ལས་ཐམས་ཅད་འགྲུབ་པ་སྟེ། གུར་ཀུམ་དང་ཙན་དན་དང་། གླ་རྩིའི་ཆུ་ལ་བསྔགས་
ཤིང་གཏོར་བར་བྱའོ། །དེ་ནས་རི་མོ་མཁན་ཁྲུས་དག་པར་བྱ་སྟེ། བྲམ་ཟེའི་རིགས་ཀྱིས་བྲི་བར་བྱའོ། །ཚོན་ནི་གསེར་དང་དངུལ་དང་། ཟངས་དང་། ལྕགས་རང་གིས་བྲི་བར་བྱ་བ་འམ། ཡང་ན་དཀར་རྩི་དང་། མཚལ་དང་། 

98-1-103a

ལྡོང་རོས་དང་། བ་བླ་དང་། སྤང་མ་དང་། མཐིང་ཤུན་དང་། རྒྱ་སྐྱེགས་དང་། རྡོ་སོལ་དང་། སྣག་ཚ་དང་། དེ་ལ་སོགས་པའི་ཚོན་རྣམས་ལ་ཨ་ཀ་རུ་དང་། དུ་རུ་ཀ་དང་། ཙན་དན་དང་། གླ་རྩི་དང་། རྒྱ་སྤོས་ལ་སོགས་པ་རྣམས་དང་
སྦྱར་ལ་སྔགས་འདི་ལན་བདུན་བརྗོད་དེ་བྲི་བར་བྱའོ། །ན་མཿས་མན་ཏ་བུད་དྷཱ་ནཱཾ། ཙཎ་ཌ་མ་ཧཱ་རོ་ཥ་ཎ་སྥོ་ཊ་ཡ་ཧཱུྃ། ཏྲ་ཐ་ཧཾ་མཾ། བཱ་ཀྱེ་ཧཱུྃ། ཨོཾ་ཨ་བི་ར་ཧཱུྃ། ཁེ་ཙ་ར་མཾ་ཞེས་བརྗོད་ལ་བྲི་བར་བྱ་སྟེ། ཁྱད་པར་བཟང་པོ་འཛོམ་པའི་དུས་
སུ་ཚུལ་ཁྲིམས་དང་ལྡན་ཞིང་དག་པ་ལ་ཁ་ཟས་བྱིན་ཏེ་སྤྱན་དབྱེ་བར་བྱའོ། །བྲི་བ་ཡང་དེ་བཞིན་ཏེ། སྤྱན་འབྱེད་པའི་དུས་སུ་སྔགས་འདི་བརྗོད་དོ། །ན་མཿས་མན་ཏ་བུད་དྷ་ནཱཾ། ཙཎ་ཌ་མ་ཧཱ་རོ་ཥ་ཎ་སྥོ་ཊ་ཡ་ཧཱུྃ། ཏྲ་ཐཱ་ཧཱཾ་མཱཾ། ག་ག་
ན་བ་ར་ལ་ཀྵ་ཎ་ཀ་རུ་ཎ་མ་ཡ། སརྦ་ཏ་ཐཱ་ག་ཏ་ཙཀྵུ་ཨོཾ་ཨཱ་ཧཱུྃ་སྭཱ་ཧཱ། ཞེས་སྦྲང་རྩི་གསེར་གྱི་ཐུར་མ་ལ་བྱུགས་ལ་ལན་གསུམ་དུ་བྱུགས་པར་བྱའོ། །བྲི་སྐུ་ཚད་དང་ལྡན་པ་ཡོངས་སུ་ཟིན་པ་དང་། འདྲི་མཁན་ལ་ཇི་ལྟར་འདོད་པ་
བཞིན་དུ་སྦྱིན་པར་བྱ་སྟེ། གསེར་རམ། དངུལ་ལམ། ཟངས་སམ། རྭའམ་རྡོ་བ་དག་ལས་བྱེད་ན་ཡང་དེ་བཞིན་དུ་བྱའོ། །གཟུགས་དང་སྐུའི་ཁྱད་པར་གྱི་རང་བཞིན་མ་ཡིན་པས་ཁྱད་པར་ཐ་དད་པར་དག་ཏུ་སྟེ། རང་བཞིན་
དང་ལྡན་པ་ལ་བར་ཆད་ཞི་བར་བྱ་བའི་ཕྱིར་གཟུགས་སྐུ་ལས་ནི་ཡོངས་སུ་བསྒྱུར་ནས་བྱིན་གྱིས་བརླབས་པར་བྱའོ། །དེ་ནས་ཁྱད་པར་བཟང་པོའི་དུས་སུ་ཁང་པ་བའི་རྣམ་ལྔས་བྱུགས་པར་བྱས་སྟེ། རས་རིས་དང་། 
ཐང་ཀ་དང་། པོ་ཏི་དང་། གླེགས་བམ་ལ་སོགས་པ་མཎ་ཌལ་གྱི་སྟེང་དུ་བཞུགས་སུ་གསོལ་ཏེ། སྤོས་དང་། མེ་ཏོག་དང་། མར་མེ་དང་། དྲི་དང་། ལྷ་བཤོས་ལ་སོགས་པའི་མཆོད་པའི་ཁྱད་པར་དཔག་ཏུ་མེད་པ་
བཤམས་ཏེ། གཏོར་མ་ཡང་དེ་བཞིན་དུའོ། །གདུགས་དང་། རྒྱལ་མཚན་དང་། བ་དན་དང་། བླ་རེ་ལ་སོགས་པ་ཡང་བྲི་བར་བྱའོ། །དེ་ནས་ཁྲོ་བོའི་སྐུ་དང་ལྡན་པས་སྔགས་བརྗོད་པར་བྱ་ཏེ། ན་མཿས་མན་ཏ་བུད་དྷཱ་ནཱཾ། ཨ་མོ་གྷ་ཨེ་ཧི། 

98-1-103b

ཨ་པྲ་ཏི་ཧ་ཏ་ཨ་ཙ་ལ་ཙེ་ཏ་ཨེ་ནཾ་ཏ་ཀ་ཎཾ། ཏིཥྛ་ཏིཥྛ། ཙུ་རུ་ཙུ་རུ། ཏ་དི་ཏ་དི། ཏ་ཊ་ཏ་ཊ། བིགྷ་ན་ན་གྷ་ཏཱ་ཡ། མཱ་ར་ཡ་ཁ་ད་ཡ། སྥོ་ཊ་ཡ། ས་ཏཾ་ཙ་མེ། ཨ་ནུ་བན་དྷ་ཡ། ཨ་ཛྙཾ་ཀུ་རུ། ཨ་དྷ་ཧ་དྷ་ཧ་ནཾ་ཀྲ། ཀ་ཏ་ཀ་ཏ། མ་ཏ་མ་ཏ། ཧཾ་ཧཾ་མཾ་
མཾ། ཨེ་ཏེ་བ་ལ་ཨེ་ཏེ་བ་ལ། ཨེ་ཧི་མ་ཧཱ་ནུ་ནི་བི་ཤ་ན། ནཊྚ་ནཊྚ། ཨ་བེ་ཤ་ཡ། ཨ་བེ་ཤ་ཡ། ཨ་ཙ་ལེ་ཙེ་ཧ། ཏ་ཊ་ཏ་ཊ། ད་མ་ད་མ། ཕཊ་ཕཊ། ཞེས་འབུམ་བརྗོད་པར་བྱ་སྟེ། ལྷའི་སྐུ་གཉིས་ལ་ནི་བྱེ་བའོ། །ཞི་བ་ནི་སྤྲུལ་པའི་སྐུ་
སྟེ། སྔོན་དུ་ནི་དེ་བཞིན་དུ་ཤེས་པར་བྱའོ། །ཨ་ཀ་རུ་དང་། དུ་རུ་ཀ་དང་། ཙན་དན་དང་། ག་པུར་དང་། གླ་རྩི་དང་། རྒྱ་སྤོས་ཀྱི་ཆུ་ལ། ན་མོ་རཏྣ་ཏྲ་ཡ་ཡཱ། ན་མོ་ཤཱཀྱ་མུ་ནེ་ཡེ། ཏ་ཐཱ་ག་ཏེ་བྷྱ། ཨར་ཧ་ཏེ་བྷྱ། སམྱཀ་སམ་བུད་དྷཱ་ཡ། ཏདྱ་ཐཱ། 
མུ་ནི་མུ་ནི་མ་ཧཱ་མུ་ནི་ཨོཾ་ཛ་ཡེ། ཛ་ཡེ། བཱ་ཀྱེ་ཤེ་སྭཱ་ཧཱ། ཨོཾ་བཱ་ཀྱེ་བཾ་ཛ་ཡ། ཨོཾ་བཱཀྱེ་ནིཥྚེ་ཡེ། ཨོཾ་བཱཀྱེ་ན་མཿཨོཾ་བཱཀྱེ་དཾ་ན། ཨོཾ་ཨཱཿཧཱུྃ་ཧཾ་མཾ་ཞེས་བྱ་བས་སྐུ་ཁྲུས་བྱའོ། །དེ་ནས་རོལ་མོ་བསྒྲག་པར་བྱ་སྟེ། རྫས་
ལ་སྔགས་ཉི་ཤུ་རྩ་གཅིག་བཟླས་ནས། ན་མཿས་མན་ཏ་བུད་དྷཱ་ནཱཾ། ཧཾ་མཾ། ཨོཾ་ཨཱདྱཱ་ནུཏ་པན་ན་ཏྭཏ་པྲ་བྷ་སྭ་ར་སུ་བི་ཤུད་དྷ། དྷརྨ་དྷཱ་ཏུ། སྭ་བྷཱ་བ་ཨཏྨ་ཀོ྅་ཧཱཾ། ཞེས་བྱ་བ་བརྗོད་པར་བྱའོ། །དེ་ནས་མཆོད་པ་དཔག་ཏུ་མེད་པས་མཆོད་
དེ། འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཏུ་བརྗོད་པའི་གཟུངས་སྔགས་སོ། །ན་མ་སྟྲཻ་ཡད་དྷི་ཀཱ་ནཱཾ། སརྦ་ཏ་ཐཱ་ག་ཏ་ནཾ་ཙཎ་ཌ་ཙཎ་ཌ། བ་ལ་བ་ལ། བ་ཏྲ་བ་ཏྲ། ཤཱནྟེ་ཤཱནྟེ། ཧ་ལ་ཧ་ལ། བ་ར་བ་ར། མ་
རཱ་ན་མ་རཱ་ན། བཛྲ་ད་ལ་སྥོ་ཊ་ལ། ལི་ཏི་ཏ་ཤི་ཁར། ས་མན་ཏ་བཛྲ་ནི་ཛྭ་ལ་ཛྭ་ལ། ན་མོ་ཏུད་ཏེ། ཨ་མོ་གྷ་ཙཎ་ཌ་མ་ཧཱ་རོ་ཥ་ཎ་ས་སྃ་ར་ན་ར་ན། ཧཾ་ཧཱུ་ལ་བཛྲ་སྥོ་ཊ་མཾ་སྭཱ་ཧཱ། ན་མ་སྟྲཻ་ཡད་དྷྭི་ཀཱ་ནཾ་ཏ་ཐཱ་ག་ཏཱ་ནཱཾ་སརྦ་དྲ་ཨ་པྲ་ཏི་ཧ་ཏཱ་
བཱ་པ་ཏི་དྷརྨ་ཏ་བ་ལི་ནཱཾ། ཨཾ་ཨ་ས་མ་ས་མ་ས་མན་ཏོ་ཨ་ནཱཾ་ཏ་ཏཱ་བཱ་པ་ཏི་ཤཱ་ས་ནི་ཧ་ར་ཧ་ར། སྨ་ར་སྨ་ར་ཎ། བི་ག་ཏ་རཱ་ག །བུད་དྷ་དྷརྨྨ་ཏེ། ས་ར་ས་ར། ས་མ་བ་ལཱ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ལཀྵ་ཎེ་ཛྭ་ལ་ཛྭ་ལ་ན་སཱ་

98-1-104a

ག་རེ་སྭཱ་ཧཱ། ན་མཿས་མན་ཏྲ་བུད་དྷཱ་ཡ། ན་མཿསརྦ་བུད་དྷ་བོ་དྷི་སཏྭ་ནཱཾ། ཨོཾ་ཨ་ར་ཛེ་བི་ར་ཛེ། མ་ཧཱ་བི་ར་ཛེ། མ་ཧཱ་བི་ར་ཛེ། སྭ་ར་ཏེ་སྭ་ར་ཏེ། ཏྲ་ཡི་ཏྲ་ཡི། བི་དྷ་མ་ནི། སྃ་བྷ་ཛ་ནི་ར་མ་ཏི། སིད་དྷ་ཨ་ཏྲེ་ཏྲཾ་སྭཱ་ཧཱ་ཞེས་བརྗོད་དོ། །
འདི་ནི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་ཐུགས་རྣམ་པར་དག་པའི་གཟུངས་ཏེ། ལན་གཅིག་བརྗོད་པ་ཙམ་གྱིས་ཀྱང་ལྷ་དང་། སྔགས་དང་། ཕྱག་རྒྱ་ཐམས་ཅད་རྣམ་པར་དག་པར་འགྱུར་རོ། །དེ་བཞིན་
གཤེགས་པའི་དམ་ཚིག་གསུམ་དང་ལྡན་པའི་གཟུངས་འདིས་ལྷ་དང་། སྔགས་དང་། ཕྱག་རྒྱ་བཅིངས་པ་རྣམས་ནུས་པ་དང་ལྡན་པར་འགྱུར་རོ། །ལྷ་དང་། སྔགས་དང་། ཕྱག་རྒྱ་རྣམས་ཀྱིས་ལྟས་དང་མཚན་མ་བར་ཆད་མེད་
པར་འགྱུར་རོ། །སྲོད་དང་ཐོ་རངས་ལ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་གཟུངས་འདི་རྗེས་སུ་བརྗོད་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་དམ་ཚིག་གསུམ་བཀོད་པའི་ཁྲུས་འདི་ལ་བརྩོན་པར་
བྱའོ། །ན་མཿས་མན་ཏ་བུད་དྷཱ་ནཱཾ། ཏད་ཡ་ཐཱ། ཨོཾ་ཨི་ཧོ་ཤུད་དྷེ། མཾ་ཧོ་ཤུད་དྡྷེ་ཤུད་དྡྷེ་རྃ། ཧོ་ཨཾ་ཤུད་དྷེ་ཤུད་དྷེ། ཨ་ཤུ་མཾ་བི་ཤུད་དྷེ། ཤུད་དྷེ་ཤུད་དྷེ། ས་མ་ཡ་སྭཱ་ཧཱ་ཞེས་བརྗོད་དོ། །འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིགས་
གསུམ་བཀོད་པའི་བཟུངས་ཏེ། ཆུ་ལ་སྔགས་བཟླས་ནས་ཁྲུས་བྱས་ན་སྡིག་པ་ཀུན་འདག་པར་འགྱུར་རོ། །རྨིག་ལམ་ངན་པ་དང་། ལྟས་ངན་པ་དང་། མཚན་མ་ངན་པ་དང་། དུས་མ་ཡིན་པའི་འཆི་བའི་དུས་བྱེད་པར་མི་འགྱུར་རོ། །
རིམ་དང་འབྲུམ་བུ་དང་། ལྷ་གོར་དང་། འབྲས་དང་། ཤུ་བ་དང་། འགོ་བའི་ནད་དང་། འཚེ་བ་ལས་ཐར་བར་འགྱུར་རོ། །འཕགས་པ་མི་གཡོ་བའི་གཟུངས་ལས་ལེའུ་ལྔ་པའོ།། །། དེ་ནས་བཅོམ་ལྡན་འདས་ཀྱིས་ལྷ་དང་། ཀླུ་དང་། 
གནོད་སྦྱིན་དང་། སྲིན་པོ་དང་། མི་འམ་ཅི་དང་། ལྟོ་ཕྱེ་ལ་སོགས་པ་ཙར་གཅད་པའི་ཕྱིར་དཀྱིལ་འཁོར་གྱི་འཁོར་ལོའི་རྣམ་པ་གསུང་པ། དང་པོ་ཆོས་ཀྱི་དབྱིང་ཀྱི་རང་བཞིན་གྱི་ཨེའི་རྣམ་པ་ཅན་གྱི་ནམ་མཁའོ། །

98-1-104b

རླུང་གི་དཀྱིལ་འཁོར་སྔོན་པོ་གཞུ་ལྟ་བུ་བ་དན་ཅན་ཡཾ་ལས་བྱུང་བའོ། །ཆུའི་དཀྱིལ་འཁོར་གངས་ལྟར་དཀར་བའི་ཟླུམ་པོ་བུམ་པ་ཅན་བཾ་ལས་སོ། །སའི་དཀྱིལ་འཁོར་གསེར་གྱི་མདོག་ཅན་གྲུ་བཞི་རྡོ་རྗེ་ཅན་ལཾ་ལས་
བྱུང་བའོ། །དེའི་སྟེང་དུ་རི་རབ་རིན་པོ་ཆེ་སྣ་བཞི་ལས་གྲུབ་པའི་ཚད་དང་ལྡན་པ་ཨོཾ་ལས་བྱུང་བའོ། །མེའི་དཀྱིལ་འཁོར་དམར་པོ་གྲུ་གསུམ་བ་འབར་བ་དང་བཅས་པ་རཾ་ལས་སོ། །དེའི་ནང་དུ་བྷྲུཾ་ཁ་དོག་སྣ་ཚོགས་ལས་བྱུང་བའི་
ཁང་བུ་བརྩེགས་པ་གྲུ་བཞི་པ་ལ་སྒོ་བཞི་དང་བཅས་པའི་རིན་པོ་ཆེ་སྣ་ལྔ་ལས་གྲུབ་པ་ནི་ཤེལ་དང་། བཻ་དཱུརྱ་དང་བྱི་རུ་དང་ཨིན་དྲ་ནཱི་ལ་དང་། གསེར་ལས་གྲུབ་པའོ། །དེའི་ནང་སྣ་ཚོགས་པའི་པད་མ་འདབ་མ་བརྒྱད་པའི་
གདན་ནོ། །ཤར་ཀྱི་འདབ་མ་ནི་ཤེལ་ལས་གྲུབ་པའོ། །ལྷོའི་འདབ་མ་ནི་བཻ་དཱུརྱ་ལས་གྲུབ་པའོ། །ནུབ་ཀྱི་འདབ་མ་ནི་བྱི་རུ་ལས་གྲུབ་པའོ། །བྱང་གི་འདབ་མ་ནི་ཨིན་དྲ་ནཱི་ལའོ། །མཚམས་རྣམས་ཀྱང་ཤེལ་དང་། བཻ་དཱུ་རྱ་
དང་། བྱི་རུ་དང་། ཨིན་དྲ་ནཱི་ལ་ལས་གྲུབ་པའོ། །དབུས་སུ་ནི་ཚོགས་བདག་གླང་སྣའི་སྟེང་དུ་སྣ་ཚོགས་པའི་འདམ་སྐྱེས་དང་ཉི་མའི་གདན་ནོ། །ཤར་དུ་བརྒྱ་བྱིན། ལྷོར་ལྷ་ཆེན་པོ། །ནུབ་ཏུ་ཁྱབ་འཇུག །བྱང་དུ་ཐགས་
བཟངས་རིས་སོ། །ཤར་ལྷོ་མཚམས་སུ་ཚངས་པ། ལྷོ་ནུབ་མཚམས་སུ་གཞོན་ནུ། ནུབ་བྱང་དུ་དགའ་བྱེད། བྱང་ཤར་དུ་ཀུན་དུ་རྒྱལ་བ་ཏེ། ལྷ་ཆེན་པོ་བརྒྱད་ཀྱི་སྟེང་དུ་པད་མ་དང་ཉི་མའི་གདན་ནོ། །ཡི་གེ་རཾ་ལས་
བྱུང་བའི་ཉི་མ་དང་། མཾ་ལས་བྱུང་བའི་ཤེས་རབ་ཀྱི་མཚན་མ་མཾ་དང་ལྡན་པ་ལས་བཅོམ་ལྡན་འདས་དེ་བཞིན་གཤེགས་པའི་བདག་ཉིད་ཀྱི་མི་གཡོ་བ། ནམ་མཁའི་མདོག་ཅན།  ཉི་མའི་སྙིང་པོ་ལ་པུས་མོ་རེག་ཅིང་བཞུགས་པའོ། །རིན་པོ་ཆེའི་
རྒྱན་དང་ལྡན་པའི་བཅོམ་ལྡན་འདས་ནམ་མཁའ་མ་ལུས་པ་འོད་ཀྱིས་འགེངས་པ། ཕྱག་གཡས་ན་རལ་གྲི་སྣམས་པ། གཡོན་ན་ཀླུའི་རྒྱལ་པོའི་ཞག་པ་སྣམས་པ། ཕུ་ཕུ་ཞེས་བྱ་བའི་སྒྲ་འདོན་པའོ། །ཤར་དུ་བཅོམ་ལྡན་འདས་རྡོ་རྗེའི་རིགས་

98-1-105a

ཡི་གེ་ཙཾ་ལས་བྱུང་བའི་ཤེས་རབ་ཀྱི་མཚན་མ་ཙཾ་དང་ལྡན་པ་ལས། བཅོམ་ལྡན་འདས་རྡོ་རྗེའི་རིགས་ཀྱི་བདག་ཉིད་ཅན་གྱི་མི་གཡོ་བ་ཤེལ་ཀྱི་མདོག་ཅན། ཉི་མའི་སྙིང་པོ་ལས་པུས་མོ་རེག་ཅིང་བཞུག་པ། རིན་པོ་ཆེའི་རྒྱན་དང་ལྡན་པའོ། །
བཅོམ་ལྡན་འདས་ནམ་མཁའ་མ་ལུས་པ་འོད་ཀྱི་འགེངས་པ། ཕྱག་གཡས་ན་རལ་གྲི་བསྣམས་པ། གཡོན་པ་ན་ཀླུ་ནོར་རྒྱས་བསྣམས་པ། ཕུ་ཕུ་ཞེས་བྱ་བའི་སྒྲ་འདོན་པའོ། །ལྷོར་བཅོམ་ལྡན་འདས་རིན་པོ་ཆེའི་རིགས་ཡི་གེ་དྷཱི་ལས་བྱུང་
བའི་ཤེས་རབ་ཀྱི་མཚན་མ་དྷི་དང་ལྡན་པ་ལས། བཅོམ་ལྡན་འདས་རིན་པོ་ཆེའི་རིགས་ཀྱི་བདག་ཉིད་མི་གཡོ་བ། བཻ་དཱུརྱའི་མདོག་ཅན་ཉི་མའི་སྙིང་པོ་ལ་པུས་མོ་རེག་ཅིང་བཞུག་པ། རིན་པོ་ཆེའི་རྒྱན་དང་ལྡན་པའི་བཅོམ་ལྡན་འདས་ནམ་མཁའ་
མ་ལུས་པ་འོད་ཀྱི་འགེངས་པ། ཕྱག་གཡས་ན་རལ་གྲི་སྣམས་པ། གཡོན་ན་ཀླུའི་རྒྱལ་པོའི་ཞག་པ་སྣམ་པའོ། །ཕུཿཕུཿཞེས་བྱ་བའི་སྒྲ་འདོན་པའོ། །ནུབ་ཏུ་བཅོམ་ལྡན་འདས་པད་མའི་རིགས་ཡི་གེ་མཾ་ལས་བྱུང་བའི་ཤེས་རབ་ཀྱི་
མཚན་མ་མཾ་དང་ལྡན་པ་ལས། བཅོམ་ལྡན་འདས་པད་མའི་རིགས་ཀྱི་བདག་ཉིད་ཅན་ཀྱི་མི་གཡོ་བ་བྱི་རུའི་མདོག་ཅན། ཉི་མའི་སྙིང་པོ་ལ་པུས་མོ་རེག་ཅིང་བཞུགས་པ། རིན་པོ་ཆེའི་རྒྱན་དང་ལྡན་པའི་བཅོམ་ལྡན་འདས་ནམ་མཁའ་
མ་ལུས་པ་འོད་ཀྱི་འགེངས་པ། གཡས་ན་རལ་གྲི་བསྣམས་པ། གཡོན་ན་ཀླུ་ཆུ་ལྷ་བསྣམས་པ་ཕུཿཕུཿཞེས་བྱ་བའི་སྒྲ་འདོན་པའོ། །བྱང་དུ་བཅོམ་ལྡན་འདས་ལས་ཀྱི་རིགས་ཡི་གེ་ཧཾ་ལས་བྱུང་བའི་ཤེས་རབ་ཀྱི་མཚན་
མ་ཧཾ་དང་ལྡན་པ་ལས། བཅོམ་ལྡན་འདས་ལས་ཀྱི་རིགས་ཀྱི་གདག་ཉིད་ཅན་གྱི་མི་གཡོ་བ་ཨིན་དྲ་ནཱི་ལའི་མདོག་ཅན། ཉི་མའི་སྙིང་པོ་ལ་པུས་མོ་རེག་ཅིང་བཞུགས་པ། རིན་པོ་ཆེའི་རྒྱན་དང་ལྡན་པའི་བཅོམ་ལྡན་འདས་ནམ་
མཁའ་མ་ལུས་པ་འོད་ཀྱི་འགེངས་པ། ཕྱག་གཡས་ན་རལ་གྲི་བསྣམས་པ། གཡོན་ན་ཀླུ་རིག་ལྡན་བསྣམས་པ། ཕུཿཕུཿཞེས་བྱ་བའི་སྒྲ་འདོན་པ། ཤར་ལྷོ་མཚམས་སུ་རཾ་ལས་བྱུང་བའི་ཏྲི་ཤུྰ་ལ་རཾ་གྱི་མཚན་པ་དང་ལྡན་པའི་

98-1-105b

ཞལ་གཅིག་ཕྱག་བཞི་པའི་ཁམས་གསུམ་རྣམ་པར་རྒྱལ་བ་གཡས་ཀྱི་དང་པོ་ན་ཏྲི་ཤཱུ་ལ། གཡོན་ཀྱི་དང་པོ་ན་ཀླུ་མཐའ་ཡས་ཀྱི་བུ། གཡས་གཡོན་ཀྱི་འོག་མ་ན་རྡོ་རྗེ་དང་ཐོད་པ་བསྣམ་པ། ལྷོ་ནུབ་མཚམས་སུ་ཥཾ་ལས་བྱུང་བའི་
དབྱུག་ཐོ་ཥཾ་གིས་མཚན་པ་དང་ལྡན་པའི་ཞལ་གཅིག་ཕྱག་བཞི་པའི་གཤིན་རྗེ་གཤེད་པོ་བཻ་དཱུརྱའི་མདོག་ཅན། གཡས་ཀྱི་དང་པོ་ན་རྡོ་རྗེའི་དབྱུག་ཐོ། གཡོན་གྱི་དང་པོ་ན་ཀླུ་དགའ་བོ་བསྣམས་པའོ། །གཡས་གཡོན་གྱི་འོག་མ་
གཉིས་ན་ཐོ་བ་ཕུར་བུ་བསྣམས་པ། ནུབ་བྱང་མཚམས་སུ་ཎ་ལས་བྱུང་བའི་ཁ་ཏྭཱཾ་ག་ཎའི་མཚན་པ་དང་ལྡན་པའི་ཞལ་གཅིག་ཕྱག་བཞི་པའི་རྟ་མགྲིན་བྱི་རུའི་མདོག་ཅན། གཡས་ཀྱི་དང་པོ་ན་ཁ་ཊྭཱཾ་ག་གཡོན་གྱི་དང་པོ་ན་ཀླུ་
པད་མ་ཆེན་པོ་བསྣམས་པ། གཡས་གཡོན་གྱི་འོག་མ་ན་ལྕགས་སྒྲོག་བསྣམས་པའོ། །བྱང་ཤར་མཚམས་སུ་ཧཱུྃ་ལས་བྱུང་བའི་བེ་ཅོན་ཧཱུྃ་གི་མཚན་པ་དང་ལྡན་པའི་ཞལ་གཅིག་ཕྱག་གཞི་པའི་བདུད་རྩི་འཁྱིལ་པ་ཨིན་དྲ་ནཱི་
ལའི་མདོག་ཅན། གཡས་དང་པོ་ན་བེ་ཅོན། གཡོན་གྱི་དང་པོ་ན་ཀླུ་སྟོབ་ཀྱིས་རྒྱུ་བསྣམས་པ། གཡས་གཡོན་གྱི་ཐ་མ་གཉིས་བསྣོལ་ནས་བསྡིགས་པའོ། །ཤར་ལྷོའི་གྲུ་ཆད་ལ་ལྷ་མོ་བདུག་པ་མ་མདོག་མཐིང་ག་སྤོག་ཕོར་
འཛིན་པ་དང་ལྡན་པ། ལྷོ་ནུབ་དུ་ལྷ་མོ་མེ་ཏོག་མ་མདོག་དཀར་མོ་མེ་ཏོག །འཛིན་པ་དང་ལྡན་པའོ། །ནུབ་བྱང་དུ་ལྷ་མོ་མར་མེ་མ་དམར་མོ་མར་མེ་འཛིན་པ། བྱང་ཤར་དུ་ལྷ་མོ་དྲི་ཆབ་མ་ལྗང་གུ་དྲི་ཆུ་བསྣམས་པའོ། །དེ་
དག་ནི་གཞོན་ནུ་ལང་ཚོ་ལ་བབ་པ། མཛེས་པའི་ཚུལ་ཅན་ཧཱུྃ་ལས་བསྐྱེད་པར་བྱའོ། །ཤར་ཕྱོགསུ་ལྷ་མོ་རྟྞའི་གདོང་ཅན་ཁ་དོག་དཀར་མོ།  ལྕག་ཀྱུ་བསྣམས་པའོ། །ལྷོ་ཕྱོགསུ་ལྷ་མོ་གསེར་གྱི་མདོག་ཅན་ཞགས་པ་འཛིན་པའོ། །ནུབ་
ཕྱོགསུ་ལྷ་མོ་དམར་མོ་ལྕགས་སྒྲོག་འཛིན་པའོ། །བྱང་ཕྱོགས་སུ་ལྷ་མོ་ལྗང་གུ་དྲིལ་བུ་འཛིན་པའོ། །དེ་དག་ནི་ཅུང་ཞིག་ཁྲོས་པའི་ཚུལ་ཅན་གྱི་ཕཊ་ལས་སྐྱེད་པར་བྱ་སྟེ། ཆོས་ཀྱི་དབྱིངས་ཀྱི་རང་བཞིན་ལ་ཡོངསུ་གནས་པར་བསྒོམ་པར་བྱའོ། །དེ་ནས་

98-1-106a

བཅོམ་ལྡན་འདས་ཀྱིས་ཡང་དག་པར་བརྗོད་པའི་གཟུངས་འདི་གསུངས་སོ། །ན་མཿས་མན་ཏ་བུད་དྷཱ་ནཱཾ། ཨོཾ་ཙཎ་ཌ་མ་ཧཱ་རོ་ཥ་ཎ་ཧཱུྃ་ཕཊ། ན་མཿས་མན་ཏ་བཛྲ་ནཱཾ། ཏྲཻ་ལོ་ཀྱ་བཱི་ཛ་ཡ་ཧཱུྃ་ཕཊ། ན་མ་ས་མན་ཏ་བཛྲ་ནཱཾ། ཨ་ཀྲོ་ཏེ་ཀ་ཡ་མན་ཏ་
ཀ་ཧཱུྃ་ཕཊ། ན་མ་ས་མན་ཏ་བཛྲ་ནཱཾ། བཛྲ་ཀྲོ་དྷ་ཧ་ཡ་གྲཱི་བ། ཧུ་ལུ་ཧུ་ལུ་ཧཱུྃ་ཕཊ། ན་མ་ས་མན་ཏ་བཛྲ་ནཱཾ། ཏྲ་ཐ་ཨ་མོ་གྷ་ཨ་མྲྀ་ཏ་ཀུཎ་ཌ་ལཱི་ཧཱུྃ་ཕཊ། ན་མ་ས་མན་ཏ་བུད་དྷཱ་ནཱཾ། ཏྲ་ཐ་བཛྲ། ཨ་ཙ་ལ་ཙེ་ཏ་ད་ཧ་ད་ཧ་ཧཱུྃ་ཕཊ། ན་མཿས་མན་ཏ་
བུད་དྷཱ་ནཱཾ། ཏྲ་ཐ་རཏྣ་ཨ་ཙ་ལ་པ་ཙ་ལ་ཧཱུྃ་ཕཊ། ན་མཿས་མན་ཏ་བུད་དྷཱ་ནཱཾ། ཏྲ་ཐ་པདྨ་ཨ་ཙ་ལ་ཙ་ལ་བན་དྷ་ཧཱུྃ་ཕཊ། ན་མཿས་མན་ཏ་བུད་དྷཱ་ནཱཾ། ཏྲ་ཐ་ཨ་མོ་གྷ་ཀརྨ་ཨ་ཙ་ལ་ཧ་ན་ཧ་ན་ཧཱུྃ་ཕཊ་ཞེས་བྱ་བ་གསུངས་ཏེ། ལྷ་མ་ཡིན་དང་མི་འམ་
ཅི་དང་ལྟོ་འཕྱེ་ཆེན་པོ་དང་། ལྷ་དང་ཀླུ་དང་། མ་རུངས་པ་དང་སྡང་བ་རྣམས་ཞི་བར་བྱེད་ཅིང་སྡིག་པ་དམན་པའི་ལས་རྣམས་འདག་པར་འགྱུར་རོ། །འཕགས་པ་མི་གཡོ་བའི་གཟུངས་ལས་ལེའུ་དྲུག་པའོ།། །། དེ་ནས་
བཅོམ་ལྡན་འདས་ཀྱིས་འཁོར་ཀྱི་ནང་དུ་གཟུངས་སྔགས་འདི་གཀའ་སྩལ་ཏོ། །ན་མཿས་མན་ཏ་བུད་དྷཱ་ནཾ། ཙཎ་ཌ་མ་ཧཱ་རོ་ཥ་ཎ་ཨ་ཙ་ལ་ཀ་ན། ཙཎ་ཌ་ཙཎ་ཌ། ན་ཏ་ན་ཏ། མ་ཏ་ཊ་མ་ཏ་ཊ། མོ་ཊ་ཏ་མོ་ཊ་ཏ་ཤ་ཏ་ཤ་ཏ། ཊ་ཏ་ཊ་ཏ། 
ཧ་ན་ཧ་ན། ད་ཧ་ད་ཧ། མོ་ཧ་མོ་ཧ། མོ་ཧ་སརྦ་པཱ་པཾ་ཀ་ར། ཧ་ས་ཧ་ས། བཛྲ་ཧ་ས་ཨ་མོ་གྷ་ཀུ་རུ། ཧ་ས་ཧ་ས། མར་ཏ་མར་ཏ། གརྫ་གརྫ། བན་དྷ་བན་དྷ། ཧ་ན་ཧ་ན། ཏིཥྛ་ཏིཥྛ། ཨཱ་བེ་ཤ་ཡ། ཨ་བཱི་ཤ་ཡ། མ་ཧཱ་མན་ཏྲ་པ་ལ་
ཀ །དུ་ན་དུ་ན། ཏི་ནི་ཏི་ནི། ཁཏ་ཁཏ། སརྦ་བིགྷ་ནཾ། མ་ར་ཡ་མ་ར་ཡ། སརྦ་དུཥྚཱ། བྷཀྵ་བྷཀྵ། སརྦ་བིགྷྣ་ནན། ཀུ་རུ་ཀུ་རུ། མ་ཧཱ་བི་ཥ། སརྦ་པཱ་པཾ། མ་ཧཱ་བཛ། སྥོ་ཊ་ཡ་སྥོ་ཊ་ཡ། ཧྲི་བ་ལི་ཏ་ར་གྷ་ན་ཏ་ཀ །ཧཱུྃ་ཧཱུྃ་མཾ་མཾ་ཧཾ་ཧཾ། 
ན་མ་ས་མན་ཏ་བུད་དྷཱ་ནཱཾ། མ་ཧཱ་ཙཎ་ཌ་མ་ཧཱ་རོ་ཥ་ཎ་ཡ། ཨ་མོ་གྷ་ཨེ་ཧི། ཨ་པྲ་ཏི་ཧ་ཏ་ཨེ་ཧི། ཨ་ཙ་ལེ་ཙེ་ཏ་ཨ་ནན་ཏ་ཀ་ནཱཾ། ཏིཥྛ་ཏིཥྛ། ཙ་རུ་ཙ་རུ། ཏ་དི་ཏ་དི། ཏ་ཊ་ཏ་ཏ། བིགྷ་ནན་གྷ་ཏ་ཡ། མ་ར་ཡ། ཁ་ཏྲ་ཡ། སྥོ་ཊ་ཡ། ས་ཙ་མེ། 

98-1-106b

ཨ་ནུ་བན་དྷ། ཨཛྙ་ཀུ་རུ་ཀུ་རུ། ཨ་ཧ་ས། ཨ་ད་ན། ཀྲ་ཀ་ཏ་མ་ཊ། མ་ཊ་མ་ཊ། ཧཾ་ཧཾ། ཨ་ཏི་པ་ལ་ཨི་ཏི་མ་ཧཱ་གུ་ཎ་བ་ཤི་ན། ནཊ་ཏ་ནཊ་ཏ། ཨ་བི་ཤ་ཡ། ཨ་ཙ་ལ་ཙེ་ཏ། སརྦ་ཏྲ། ཨ་ནུ་ཏྲ་རེ། ཀ་ཙེ། ཏ་ཏ་ཊ་ཏ་ཊ། ཌ་མ་ཌ་མ། ཧཾ་ཧཾ་མཾ་མཾ་
ཕཊ་ཕཊ་ཧཱུྃ། ན་མཿས་མན་ཏ་བཛྲཱ་ཎཱྃ། ཏྲ་ཨ་མོ་གྷ་ཙཎ་ཌ་མ་ཧཱ་རོ་ཥ་ཎ་སྥོ་ཊ་ཡ་ཧཱུྃ། ཏྲ་མ་ཡ་ཏྲ་མ་ཧཱུྃ་ཏྲ་ཊ། ཧཾ་མཾ། ཨོཾ་བ་ལིན་ཏ་ཏེ་ཛོ་བ་ལི་ན་སྭཱ་ཧཱ། ན་མ་ས་མན་ཏ་བུད་དྷཱ་ནཱཾ། ཙཎ་ཌ་མ་ཧཱ་རོ་ཥ་ཎ། ཨ་ཙ་ལ་ཙེ་ཏ། སྥོ་ཊ་ཡ་སྥོ་ཊ་ཡ་ཧཱུྃ། 
ཨ་ས་མན་ཏི་ཀ་ཏྲ་ཏ། མ་ཧཱ་བ་ལ་ཥཊ་པ་ར་མན་ཏྲཾ། ཨཾ་ཨཾ་ཧཾ་ཧཾ། ཤུད་དྷ་ཏྲཻ་ལོཀྱ་ཏུ་ཥྱེ་ཏུ་བཛྲ། ཨ་པྲ་ཏི་ཧ་ཏ་བི་ལི་བྷྱ། ན་མཿཛ་ལ་ཡ་ཏྲ་ཏ། ཨ་ཏ་ཧ་ས་ན་མཾ་ཧཾ་སྭཱ་ཧཱ། ཞེས་གསུངས་མ་ཐག་ཏུ་འཛམ་བུ་གླིང་ན་གནས་པའི་ལྷ་
དང་། ལྷ་མ་ཡིན་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། མི་འམ་ཅི་དང་། ལྟོ་འཕྱེ་ལ་སོགས་པ་ཐམ་ཅད་བསྲེག་ཅིང་ས་ལ་འགྱེལ་བར་གྱུར་ཏོ། །དེ་ནས་ཆོ་ག་གསུངས་པ་དང་། ལྕགས་སྣ་ལྔ་ལས་བྱས་པའི་རལ་གྲི་
ཁྲུ་ཚད་གསུམ་པ་བྱས་ཏེ། སྔགས་ཕྲེང་བ་མཾ་ཧཾ་ཞེས་བྱ་བ་བཀོད་ལ། ཁྲུ་དོ་དང་ལྡན་པའི་སྤོས་ཀྱི་མཎ་ཌལ་བྱས་ཏེ། མཆོད་པའི་རྫས་དང་ལྡན་པའི་དྲི་བཞག་སྟེ། གཟུངས་སྔགས་འདི་ཁྲི་ཕྲག་དུ་བརྗོད་ཅིང་བཟླས་ན་
རལ་གྲི་ནམ་མཁའ་ལ་འཕགས་པར་འགྱུར་རོ། །དེ་ནས་གཡུལ་དུ་ཞུགས་ན་དཔག་བསམ་གྱི་ཤིང་ཡང་དུམ་བུ་དུམ་བུར་གཅོད་པར་འགྱུར་ཏེ། གཡུལ་ལས་རྒྱལ་བར་བྱེད་དོ། །ལྕགསྣ་ལྔ་ལས་བྱས་པའི་ལྷུང་བཟེད་བྱས་ཏེ་
ཧཾ་མཾ་ཞེས་བྱ་བའི་ཡི་གེ་བཀོད་དེ་གསེར་དང་། དངུལ་དང་། ཟངས་ལས་བྱས་པའི་བུམ་པར་གདུགས་དང་། རྒྱལ་མཚན་དང་། དཔལ་བེའུ་དང་། མེ་ཏོག་དང་། འཁོར་ལོ་དང་། ཉ་དང་། དུང་གཡས་སུ་འཁྱིལ་བ་རྣམས་དང་། བྱི་རུ་བཅུག་པའམ། 
ཡང་ན་ཟངས་ལ་བྱི་རུ་བཅུག་པ་བྱས་ལ་གསང་སྔགས་འདི་གྲོ་ག་འམ་རས་ལ་བྲིས་ཏེ། ཁོང་པ་འམ་མགུལ་དུ་བཏགས་ནས་གཟུངས་སྔགས་བྱེ་བ་བཟླས་ལ་ལྷུང་བཟེད་བྱེ་བ་བཟླས་ལ་འཕག་ཏེ་གསོལ་བ་བཏབ་ན་འདོད་པའི་ཡོན་ཏན་

98-1-107a

ཅི་འདོད་པ་འབྱུང་སྟེ། ལྗོན་པའི་ཤིང་བཞིན་ནོ། །ནམ་མཁའི་ཏྲི་ཏའི་ལྕེ་དང་། འུག་པའི་མིག་དང་། གཉིས་ཆ་མཉམ་པ་དང་། ལྕགས་སྣ་གསུམ་གྱི་ཕྱེ་མ་ལ་ཁྭ་ཏའི་ཁྲག་གི་རི་ལུ་བདུན་ནམ་ཉི་ཤུ་རྩ་གཅིག་བྱས་ཏེ། ཐོད་པ་
དུམ་བུ་གཅིག་པར་བཅུག་ལ་གཟུངས་སྔགས་ཧཾ་མཾ་ཞེས་བྱས་པས་པད་མ་ལ་བསྐོར་ཏེ། གཟུངས་སྔགས་བྱེ་བ་བཟླས་ན་པད་མ་ནམ་མཁའ་ལ་འཕག་ཏེ། དེ་མི་དབུགས་དང་བྲལ་མ་ཐག་གི་སྙིང་གི་ཁྲག་རླང་དང་སྦྱར་ཏེ། 
མིག་ནི་སྣང་བྱེད་དུ་བསམ་ཞིང་རལ་གྲིའི་ཕྱག་རྒྱས་མིག་དང་རྣ་བ་ལ་བསྐུས་ན་ཐམས་ཅད་མཐོང་ཞིང་ཐོས་ལ། ཁར་བཅུག་ན་རང་ཉིད་སུས་ཀྱང་མི་མཐོང་བར་འགྱུར་རོ། །ན་མཿས་མན་ཏ་བུད་དྷཱ་ནཱཾ། སརྦ་ཏ་ཐཱ་ག་ཏ་བྱཱ་བཱ་ལོ་ཀི་
ཏེ། ཛ་ཡ་ཛ་ཡ། བཱཀྱེ་དཾ་ན་ཝ་ནི་ཙཀྵུར་བི་ཤོ་དྷཱ་ཡ་སྭཱ་ཧཱ། རྟ་པགས་ལ་བྱ་རྒོད་ཀྱི་ཚིལ་བུ་བྱུག་ནས་མཉེས་ཏེ་ལྷམ་བྱས་ལ། ཧཾ་དང་མཾ་རང་གི་རྐང་འཐིལ་ལ་བྲིས་ཏེ། གཟུངས་སྔགས་བྱེ་བ་བཟླས་ན་ལྷམ་ནམ་མཁའ་ལ་འཕག་
སྟེ། རྐང་པ་ལ་བྱ་རྒོད་ཀྱི་ཚིལ་བུ་བྱུག་ནས་གོན་ན་གར་འདོད་པར་ཕྱིན་ནོ། །ན་མཿས་མན་ཏ་བུད་དྷཱ་ནཱཾ། ཨོཾ་བྲུཾ་མ་ཧཱ་ཡེ་གྲྀ་ཏ་སྭཱ་ཧཱ། ཞེས་བྱ་བས་ནམ་མཁའ་ལ་འགྲོ་ཞིང་འཕགས་སྟེ། བྱ་རྒོད་བཞིན་དུའོ། །སྐྱེ་བ་བདུན་པའི་ཤ་དང་། བྱ་
རྒོད་ཀྱི་ཤ་དང་། རྩངས་པའི་ཤ་དང་། སྦྲང་རྩི་རྣམས་སྦྱར་ལ་འདེ་གུ་བྱས་ཏེ། གཟུངས་སྔགས་བྱེ་བ་བརྗོད་དེ་ལུས་ལ་བྱུགས་ནས་རམ་ཉེ་བ་དང་། ཉེའུ་ཤིང་པ་དང་། པྲ་མ་ཀ་རའི་མར་དང་སྦྱར་བའི་འདེ་གུ་རྣམ་ནང་རེ་ལ་སྲང་རེའི་ཆ་
སྦྲང་རྩི་དང་། བ་སེར་སྐྱའི་འོ་མ་རྣམས་བཏང་ཏེ། ཟླ་བ་གཅིག་ཏུ་བསྒྲུབས་ན་ནམ་མཁའ་ལ་ཐོགས་པ་མེད་དོ། །རྟ་ནག་པོའི་མིག་གཉིས་དཀར་པོ་འམ། བྱི་བ་ནག་པོ་རྣ་བ་གཉིས་དཀར་བ་འམ། ཕ་བང་དཀར་པོ་འམ། མི་མངལ་ནས་
སྐྲ་དཀར་བའི་སྲོག་ཆགས་ལ་རྨ་བྱའི་ཆུ་འཁར་ཕོར་དུ་བླུག་པ་ལ་གཟུངས་སྔགས་བྱེ་བ་བཟླས་ཏེ་བླུད་ལ། དེའི་མིག་གཉིས་མ་ནོར་བར་བཏོན་པ་གྲིབ་མ་ལ་སྐམས་ནས་མ་རུལ་བའི་ཕྱེ་མ་ལ་སྔགས་འདི་བཏབ་ཏེ། གཡས་གཡོན་

98-1-107b

མ་ནོར་བར་བྱུགས་ན་ཐམས་ཅད་མཁྱེན་པར་འགྱུར་རོ། །འཕག་པའི་སྤྱན་དང་ལྡན་པར་འགྱུར་རོ། །མོན་སྤོས་དང་། གིའུ་ཝང་དང་། སྟག་མའི་ཤུན་པ་དང་། ཉ་མཁྲིས་དང་། རུ་རྟ་དང་། ཕུག་རོན་གྱི་མིག་དང་ལྕེ་དང་། གོ་རོ་ཙ་ན་དང་། 
རྟུག་པ་རྣམས་ལ་རིལ་ལུ་བྱས་ཏེ། ཁམ་པའི་ག་འུར་རི་ལུ་རེ་རེ་ལ་གཟུངས་སྔགས་ཧཾ་མཾ་ཞེས་བྱ་བ་བརྗོད་དེ། གའུ་ནམ་མཁའ་ལ་འཕགས་ནས། ན་མཿས་མན་ཏ་བུད་དྷཱ་ནཱཾ། ན་མ་ཡཾ་ན་མ་ཧཱ་རི་བིནྟི་ནྟི། ཧྲིཿཞེས་ལན་བདུན་བཏབ་
ནས་བྱིན་ན་གང་འདོད་པ་དེ་དབང་དུ་འགྱུར་རོ། །བྱ་རྒོད་དང་། བྱ་གག་དང་། ཁྲ་དང་། སྟག་དང་། སྤྱང་ཀི་དང་། ཝ་དང་། དེ་རྣམས་ཀྱི་མཆེ་བ་དང་། སྡེར་མོ་དང་། བྲམ་ཟེའི་རུས་པའི་ཐལ་བ་ལ་གཟུངས་སྔགས་བཟླས་ཏེ། བསྒྲུབ་པ་བྱས་ནས་དུས་མ་ཡིན་
པའི་སྤྲིན་དང་སེར་བ་དག་ལ་གཏོར་ན་སྤྲྀན་རྣམས་འཐོར་ཞིང་སེར་བ་དང་། འབྲུག་དང་། ཐོག་ལ་སོགས་པ་ཞི་བར་འགྱུར་རོ། །གཅན་ཟན་ཐམས་ཅད་དང་། ཤ་ཟ་ཐམས་ཅད་དང་། ཁྱི་དང་། ཕག་དང་། རྔ་མོའི་རྟུག་པ་དང་། གུ་གུལ་དང་སྦྱར་ཏེ། དུད་པས་
བདུགས་ན་དོམ་ཀུན་འབྲོས་པར་འགྱུར་རོ། །འཕགས་པ་མི་གཡོ་བའི་གཟུངས་ལས་ལེའུ་བདུན་པའོ།། །། ཨོཾ་ཙཎ་ཌ་མ་ཧཱ་རོ་ཥ་ཎ་ཧཱུྃ་ཕཊ། གཟུངས་སྔགས་འདི་ནི་སྔགས་ཀྱི་རྒྱལ་པོ་སྟེ། ལན་གཅིག་བརྗོད་པས་ཀྱང་འཛམ་བུའི་གླིང་གི་
ལྷ་དང་། ཀླུ་དང་གནོད་སྦྱིན་ལ་སོག་པ་ཀུན་ཞི་བར་འགྱུར་རོ། །རིམས་ཉིན་གཅིག་པ་དང་། ཟླ་བ་ཕྱེད་པ་དང་། ཟླ་བ་གཅིག་པ་དང་། ལྡང་དུབ་པ་དང་། རྟག་པའི་རིམས་དང་། ཡུད་ཙམ་པ་ལས་ཐར་རོ། །འབྲུམ་བུ་དང་། ལྷ་གོར་དང་། ཤུ་བ་དང་། མེ་དབལ་དང་། 
གཡན་པ་དག་ཞི་བར་འགྱུར་རོ། །ལན་གཅིག་བརྗོད་པས་ཀྱང་མཚམས་མེད་པ་ལ་སོགས་པའི་སྡིག་པ་ཞི་བར་འགྱུར་རོ། །རིག་བྱེད་ཀྱི་ཚིག་གི་དང་པོ་དང་། །གཉིས་པའི་དང་པོར་བཅས་བ་ནི་གསུམ་པ་དག་གི་ལྔ་པར་ལྡན་ཞིང་། །
བཞི་པའི་ནི་བཞི་པ་དང་། །ལྔ་པ་དག་གི་ལྔ་པའོ། །ཨུཥྨའི་རྣམས་ཀྱི་བཞི་པ་དང་། །མཐར་གནས་པའི་གཉིས་པ་ལ་ནི། །ཨོ་ཡིས་མཚན་པ་བྲིས་ཏི། །ཨུཥྨ་རྣམས་ཀྱི་གཉིས་པ་དང་། །བཞི་པའི་ཡི་གེ་ལྔ་པ་དང་། །ཨུཥྨའི་ཡི་གེ་བཞི་པ་

98-1-108a

ལ་ཨུ་ཡིས་རྒྱན་ཅིང་ཐིག་ལེར་བཅས་པའོ། །སྡེ་ཚན་ལྔ་པ་དག་གི་ནི། །དང་པོའི་ཡི་གེ་སྤངས་པ་དང་། །བཞི་པ་དང་པོར་བཅས་པ་ནི་སྙིང་པོའི་ཡི་གེ་བཅུ་པ་དག་གོ། འཁོར་ལོ་རྩིབས་བཅུ་པ་བསྒྲུབ་བྱའི་མིང་དང་བཅས་པ་བྲིས་
ཏེ། ཁྱི་ནག་པོའི་ཐོད་པའི་ནང་དུ་བཞུག་ལ། གཟུངས་སྔགས་ལན་བརྒྱ་རྩ་བརྒྱད་བཟླས་ཏེ། ཡུངས་ཀར་གྱིས་བྲབ་པར་བྱའོ། །དེ་ནས་ཀླུ་ཡོད་པའི་གནས་སུ་ཁྱེར་ལ་རང་གི་ལུས་ལ་གླ་རྩིས་བྱུགས་ཏེ། ཆུ་མིག་ཏུ་ཐོད་པ་བཅུག་ལ་
གཟུངས་སྔགས་འདི་བརྗོད་པར་བྱའོ། །ན་མོ་རཏྣ་ཏྲ་ཡཱ་ཡ། ན་མཥྩ་ཎ་ཌ་མ་ཧཱ་རོ་ཥ་ཎ་ཧཱུྃ་ཕཊ། ན་མོ་བྷ་ག་བ་ཏེ་བུད་དྷ་བི་ར་ཡ། ཏདྱ་ཐཱ། ཕུ་ཊ་ཕུ་ཊ། བྷ་ར་བྷ་ར། མི་ལི་མི་ལི། ཧཱུྃ་ཧཱུྃ་ཕཊ་ཕཊ། ཕྱག་རྒྱ་ནི་སོར་མོ་རྣམས་བརྒྱང་ཏེ། 
མཐེའུ་ཆུང་བཀུག་ལ་མཐེ་བོས་མནན་ཏེ་བསྐོར་བར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཥྩཎྜ་བཛྲ་ཀྲོ་དྷ་ཧ་ཡ་གྲཱྀ་བ་ན་མི་མི་ལི་ཙི་ལི་དྷོ། བན་དྷ་ཡ། ཀྲོ་དྷ་ཡ། བཛྲ་ལ་མ་ཡ། མ་ཀ་ན་ཡ། ཨོཾ་ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། སྥུ་ཊ་སྥུ་ཊ། 
སརྦ་ནཱ་ག་བན་དྷ་བན་དྷ། ནཱ་ག་ནི་ས་ར་ས་ར། བ་ས་ར་སརྦ་དུཥྚཱཾ། ཧྲི་ད་ཡ། ཤོ་ཥ་ན་ཧཱུྃ་ཧཱུྃ་ཕཊ་ཕཊ། ཕྱག་རྒྱ་ནི་ལག་པའི་ཟུར་གཉིས་གཤིབས་ཏེ། སྲིན་ལག་གཉིས་རྒྱབ་ཏུ་བསྣོལ་ལ་འཛུབ་མོ་གཉིས་ཀྱིས་མནན་ནས་མཐེའུ་ཆུང་གཉིས་
གཤིབས་བསྒྲེང་ལ། གུང་མོ་དང་མཐེའོ་གཉིས་གཤིབ་ཏེ་སྤྱི་བོར་བཞག་ནས་སྔགས་ལན་བདུན་བརྗོད་དེ་ལྡང་བར་བྱའོ། །གུ་གུལ་དང་། ཡུངས་ཀར་དང་། ཤིང་ཀུན་དང་། དྲི་ཆེན་དང་། ཉའི་མཁྲིས་པ་དང་། སྒོག་སྐྱ་དང་། ཤུ་དག་རྣམ་
སྦྱར་ཏེ་ལུས་ལ་བྱུགས་ན་རྫས་ཀྱི་བསྲུང་བའོ། །རྒྱ་སོལ་གྱི་མེ་ལ་བསྲེགས་ཏེ་བདུགས་ན་སེར་བ་དང་། དུས་མ་ཡིན་པའི་རླུང་རྣམས་ཞི་བར་འགྱུར་ཞིང་། གདོན་རྣམས་འབྲོས་པར་འགྱུར་རོ། །ཞོ་དང་། འོ་མ་དང་། མར་དང་། 
སྦྲང་རྩི་དང་། བུ་རམ་དང་། ཁ་ར་དང་། འབྲས་ཡོས་དང་། དུང་དང་། མཚལ་དང་། རྒྱ་མཚོའི་ལྦུ་བ་ལ་སོགས་པ་དག་འཁར་གཞོང་དུ་བླུགས་ཏེ། ཡུངས་དཀར་ལ་གཟུངས་སྔགས་འདི་བརྗོད་ཅིང་། ཀླུ་མཆོད་པར་བྱའོ། །ན་མོ་ར་

98-1-108b

ཏྣ་ཏྲ་ཡཱ་ཡ། ན་མཥྩཎ་ཌ་བཛྲ་ཀྲོ་དྷ་ཡ་ཧཱུྃ་ཧཱུྃ། ཏད་ཡ་ཐཱ། ཨོཾ་ཨཱ་ནན་ཏ་ཀ །ཏཀྵ་ཀྵ། ཤཾ་ཁ་ར། བ་སུ་ཀི་མ་ཧཱ་པདྨ། ཨོཾ་ག་ཏ་བ་ལ་ཝ་ཏ། ཀ་རྐྐོ་ཊ་ཕུ་སྭཱ་ཧཱ། ཞེས་བརྗོད་པས་ཀླུ་རྣམས་བདེ་བ་དང་ལྡན་པར་འགྱུར་རོ། །ཆར་དབབ་པར་
འདོད་ན་དྲི་ཞིམ་པོའི་ཆུས་མཎ་ཌལ་བྱས་ཏེ། སྤྲ་ཚིལ་ལ་ཀླུའི་གཟུགས་སོར་ཉི་ཤུ་རྩ་ལྔ་པ་བྱས་ནས་མཎ་ཌལ་གྱི་སྟེང་དུ་མེ་ཏོག་གཏོར་ལ་གཟུངས་ཐག་བཏགས་ཏེ་གཞག་པར་བྱའོ། །སྙིང་གར་གོང་གི་དེ་གྲོ་ག་ལ་གིའུ་ཝང་གི་བྲིས་
ལ་གཞུག་པར་བྱས། ཉིན་མཚན་དུ་མཆོད་ཅིང་བལ་པོ་སེའིུ་ལྕུག་མས་བྱབ་པར་བྱས་ནས་གཟུངས་སྔགས་འདི་བརྗོད་པར་བྱའོ། །ཨོཾ་སུཾ་སུ་པྲ་ཏི་བཛྲ་དུན་ཏེ་མི་ལི་མི་མི་ལི་བ་རི་ཤཱ་ཡ་བ་རི་ཤ་ཡ་སྭཱ་ཧཱ། ཞེས་བརྗོད་དེ། རང་བསྨྱུང་
བར་གནས་པར་བྱའོ། །གལ་ཏེ་ཀླུ་རྣམ་གྱིས་ཆར་མི་འབེབས་ན་ཀླུ་རྣམས་ཀྱི་མགོ་ཨརྫ་ཀའི་དོག་པ་བཞིན་དུ་འགས་པར་འགྱུར་རོ། །སྤོས་ཀྱི་མཎ་ཌལ་བྱས་ཏེ། རྒྱ་སྤོས་ཀྱི་མེ་ལ་གཟུགས་བསྲོ་ཞིང་གཟུངས་སྔགས་བརྗོད་པ་
ནི་སྤོགས་པའི་ཆོ་གའོ། །དྲི་ཞིམ་པོའི་མི་ལ་བུ་རམ་དང་སྦྲང་རྩི་དང་། ཁ་ར་དང་། ཏིལ་ལ་སོགས་པའི་དགང་བླུགས་ཀྱིས་བཅོམ་ལྡན་འདས་ལ་མཆོད་པར་བྱ་སྟེ། ཨོཾ་ཙཎ་ཌ་མ་ཧཱ་རོ་ཥ་ཎ་ཧཱུྃ་ཤཱནྟི་ཀུ་རུ་སྭཱ་ཧཱ། ཞེས་བྱ་བས་མཆོད་པར་
བྱའོ། །འཕགས་པ་མི་གཡོ་བའི་གཟུངས་ལས་ལེའུ་བརྒྱད་པའོ།། །། དེ་ནས་འདམ་སྐྱེས་པད་མ་སྣ་ཚོགས་པའི་འདབ་མ་ཅན་གྱི་སྟེང་དུ་ཨ་ལས་བྱུང་བའི་ཆུའི་དཀྱིལ་འཁོར། དེའི་སྟེང་དུ་མུཾ་གྱི་ས་བོན་ལས་བྱུང་
བའི་ཤེས་རབ་ཀྱི་མཚན་མ་མུཾ་དང་ལྡན་པ་ལས་འཕགས་པ་འཇམ་དཔལ་མགོན་པོའི་སྐུ་བྱིས་པ་ལོ་བརྒྱད་གཉིས་ལོན་པ་ལྟ་བུ། གསེར་བཙོ་མ་འམ་གུར་ཀུམ་གྱི་ཁ་དོག་འདྲ་བ། ཞལ་གཅིག་ཕྱག་གཉིས་པ། སེམས་
དཔའི་སྐྱིལ་མོ་དཀྲུང་གིས་བཞུགས་པ། ཕྱག་གཡས་པ་ན་རལ་གྲི་ནམ་མཁའ་ལ་འཕྱར་བ། གཡོན་པ་པོ་ཏི་ཐུགས་ཀར་འཛིན་པའི། ཤར་གྱི་པད་མའི་འདབ་མ་ལ། འཇམ་དཔལ་དཔའ་བོ་སྐུ་མདོག་ཁ་བ་ལ་གུར་

98-1-109a

གུམ་གྱིས་གཏོར་བ་འདྲ་བའི་ཞལ་གཅིག་ཕྱག་གཉིས་པ། སེམས་དཔའི་སྐྱིལ་མོ་ཀྲུང་གིས་བཞུགས་པ། ཕྱག་གཡས་ན་རལ་གྲི་ནམ་མཁའ་ལ་འཕྱར་བ། གཡོན་པ་ན་ཨུད་པ་ལའི་སྡོང་བུ་དང་བཅས་པ་ཐུགས་ཀ་ན་འཛིན་
པའོ། །ལྷོའི་པད་མའི་འདབ་མ་ལ་འཇམ་དཔལ་གསུང་གི་དབང་ཕྱུག་སྐུ་མདོག་མཐིང་ག །  ཞལ་གཅིག །  ཕྱག་གཉིས་པ། སེམས་དཔའི་སྐྱིལ་མོ་དཀྲུང་གིས་བཞུགས་པ། ཕྱག་གཡས་པ་ན་རལ་གྲི་ནམ་མཁའ་ལ་འཕྱར་བ། 
ཕྱག་གཡོན་པ་ན་འཁོར་ལོ་ཐུགས་ཀ་ན་འཛིན་པའོ། །ནུབ་ཀྱི་པད་མའི་འདབ་མ་ལ་འཇམ་དཔལ་རྣོན་པོ་སྐུ་མདོག་བྱི་རུ་བཅག་པ་ལྟ་བུ། ཞལ་གཅིག་ཕྱག་གཉིས་པ་ལ་སེམས་དཔའི་སྐྱིལ་མོ་དཀྲུང་གིས་བཞུགས་པ། ཕྱག་
གཉིས་ན་ཨུད་པ་ལ་གཉིས་བསྣམས་པའོ། །བྱང་གི་པད་མའི་འདབ་མ་ལ་འཇམ་དཔལ་ཤེས་རབ་རལ་གྲི།  སྐུ་མདོག་ལྗང་ཁུ་ཞལ་གཅིག་ཕྱག་བཞི་པ། སེམས་དཔའི་སྐྱིལ་མོ་དཀྲུང་གིས་བཞུགས་པ། ཕྱག་གཡས་ཀྱི་
དང་པོ་ན་རལ་གྲི་ནམ་མཁའ་ལ་འཕྱར་བ། གཡོན་གྱི་དང་པོ་ན་ཨུད་པ་ལ་སྡོང་བུ་དང་བཅས་པ་ཐུགས་ཀར་འཛིན་པ། གཡས་ཀྱི་འོག་མ་ན་མདའ་འཛིན་པ། གཡོན་གྱི་འོག་མ་ན་རིན་པོ་ཆེའི་གཞུ་འཛིན་པའོ། །སྐུ་དེ་དག་ནི་མ་
རིག་པའི་མུན་པ་ཐམས་ཅད་གསལ་བའི་ནམ་མཁའ་མ་ལུས་པའི་འོད་ཀྱིས་འགེངས་པའི་སྐུའོ། །ཨོཾ་དྷརྨ་དྷཱ་ཏུ་བཱ་གཱི་ཤྭ་རི་མུཾ་ཞེས་བརྗོད་པས་ཤེས་རབ་དང་ལྡན་ཞིང་ཐོས་པ་འཛིན་པ་དང་ཡིད་གཞུངས་པར་འགྱུར་རོ། །རིན་
པོ་ཆེའི་བུམ་པ་བཅུ་གང་དང་། གུར་གུམ་དང་། ཨ་ཀ་རུ་དང་། ཙན་དན་དཀར་པོ་དང་། གླ་རྩི་ལ་སོགས་པ་དྲི་ཞིམ་པའི་ཆུ་བླུགས་ཏེ། ན་མཿསརྦ་ཏ་ཐཱ་ག་ཏེ་བྷྱ། ཨ་ར་ཧ་ཏེ་བྷྱ། སམྱག་སྃ་བུད་དྷཱ་བྷྱ། ཏདྱ་ཐཱ། ཨཱོཾ་ཀུ་མ་
ར་བྷཱུ་ཏ་ཡ། དྷཱ་ར་ཎཱི། བི་ཤྭ་སམ་བྷ་བ། ཨ་གཙྪ་ཡ། ཨ་གཙྪ་ཡ། ཧུ་ལུ་ཧུ་ལུ། བྲུཾ་བྲུཾ་བྲུཾ། ཧཱུྃ་ཧཱུཾ། ཛི་ན་ཛིག །མཉྫུ་ཤྲཱི་ཡེ། སུ་ཤྲཱི་ཡེ་ཏ་ར་ཡ་མཾ་ཧཾ། སརྦ་དུ་ཁེ་བྷྱ་ཕཊ་ཕཊ། ཨ་མྲྀ་ཏོད་བྷ་བ་ས་མ་ཡ་ས་མ་ཡ། ཨུད་བྷ་བེ། 

98-1-109b

སརྦ་པཱ་པཾ་མེ་ནཱ་ཤཱ་ཡ་སྭཱ་ཧཱ། ཞེས་གཟུང་སྔགས་འདི་བུམ་པའི་ཆུ་ལ་ལན་བདུན་བརྗོད་དེ་ཁྲུས་བྱས་ན་སྡིག་པ་ཐམས་ཅད་འདག་པར་འགྱུར་རོ། །དབང་པོ་རྣོ་ཞིང་ཐོས་པ་འཛིན་པར་འགྱུར་རོ། །ན་མཿསརྦ་ཏ་ཐཱ་ག་ཏཱ་ཡ་
ཨ་ར་ཧད་ཏེ་བྷྱཿ། སམྱཀ་སྃ་བུད་དྷ་ཡ། ན་མོ་མཉྫུ་ཤྲཱི་ཡེ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། ཏདྱ་ཐཱ། ཨོཾ་མཉྫུ་གྷོ་ཥ། ཧ་ན་ཧ་ན། པ་ཙ་པ་ཙ། མ་ཊ་མ་ཊ། མ་ཐ་མ་ཐ། བི་དྷྭཾ་ས་ཡ། ཀ་ར་ཀ་ར། ཏུ་ཏྲ་ཏུ་ཏྲ། བྷཉྫ་བྷཉྫ། ཨ་བི་ཤ་ཡ། 
ཨ་བི་ཤ་ཡ། ཏུ་ཏྲ་ཏུ་ཏྲ། ཏུ་ཊ་ཏུ་ཊ། སྥུ་ཊ་ས་སྥུ་ཊ་ས། ཧྲི་ད་ཡ་སཱ་དྷ་ནྀ། ན་མཿསྃ་བོ་དྷཱ་ནི། པྲ་བེ་ཤ་ཡ། ལཽ་ཧུ་ཏ། ཀྲཻ་ཏེ་ཀྲཻ་ཏེ། པྲ་བན་དྷ་པྲ་བན་དྷ། ཨ་བེ་ཤ་ཡ་ཨ་བེ་ཤ་ཡ། ཧཾ་མཾ་སརྦ་བིགྷ་ནཱན། ཧཱུྃ་ཧཱུྃ་ཕཊ་ཕཊ། སྭཱ་ཧཱ། ཞེས་བྱ་
བས་ནད་པ་ལ་འབྲས་ཀྱི་སྙེ་མ་འམ། ཏིལ་ལ་བཏབ་སྟེ་ཁྲུས་བྱའོ། །གཟུངས་སྔགས་ཟླས་པའི་ཁྲུས་བྱས་པས། ལས་དང་ཉོན་མོངས་པ་དང་། རྣམ་པར་སྨིན་པའི་སྡུག་བསྔལ་ལས་ཐར་བར་འགྱུར་རོ། །ཀ་རའི་ཤིང་
གི་མེ་ལ་སྦྱིན་སྲེག་བྱས་ན་ཡང་ཞི་བར་འགྱུར་རོ། །རལ་གྲི་ལ་བཏབ་ནས་གཡུལ་དུ་ཞུགས་ན་གཡུལ་ལས་རྒྱལ་བར་འགྱུར་རོ། །སྨྱུང་བ་དང་ལྡན་པས་སྐུ་གཟུགས་ཀྱི་མདུན་དུ་བསྒྲུབ་པར་བྱ་ཞིང་འཕགས་པ་ལ་གསོལ་
བ་གདབ་པར་བྱའོ། །གྲོ་ག་འམ་རས་ལ་བྲྀས་ཏེ། སྡུག་བསྔལ་གྱིས་ཉེན་པ་ལ་གདགས་པར་བྱའོ། །སྐུད་པ་ལ་གཟུངས་སྔགས་བཏབ་ཏེ་མདུད་པ་བྱས་ལ་སྲིད་ཀྱིས་གདུངས་པ་ལ་བཏགས་ཏེ། འཕགས་པ་ལ་གསོལ་
བ་གདབ་པར་བྱའོ། །རིགས་ཀྱི་བུ་འམ་བུ་མོ་དག་སྨྱུང་བས་འདུག་སྟེ། ཡི་དམ་དུ་འདོན་ན་ལྷ་དང་། ཀླུ་དང་། གནོད་སྦྱིན་དང་། ཡི་དག་དང་ཤ་ཟ་ལ་སོག་པའི་གདོན་མི་འབྱུང་ངོ་། །གཟའ་དང་། རྒྱུ་སྐར་དང་། ལྕེ་འབབ་པ་དང་། དུས་མ་
ཡིན་པའི་འཆི་བ་དག་ལས་གྲོལ་བར་འགྱུར་རོ། །སྟག་དང་། དོམ་དང་། དྲེད་ལ་སོག་པའི་དུད་འགྲོ་དག་གི་གནོད་པ་དང་། རླུང་དང་། སེར་བ་དང་། དུས་མ་ཡིན་པའི་ས་གཡོ་བ་རྣམས་ཞི་བར་འགྱུརོ། །ཡིད་གཞུང་ཤིང་ཐོས་པའི་འཛིན་པ་དང་། ཉོན་མོངས་པའི་བག་ཆགས་

98-1-110a

སྤོང་བ་ལ་གཞོལ་བར་འགྱུར་རོ། །འཕགས་པའི་སྐུ་ཐམས་ཅད་ཐོག་པ་མེད་པའི་སྤྱན་གྱིས་མཐོང་བར་འགྱུར་རོ། །རིགས་ཀྱི་བུ་དང་བུ་མོ་དག་གིས་འདི་ལན་གཅིག་གམ། ལན་གསུམ་འམ། བདུན་ནམ། ཉི་ཤུ་རྩ་གཅིག་གམ། 
བརྒྱ་རྩ་བརྒྱད་དུ་བརྗོད་པར་བྱེད་ན་དེའི་ལུས་ལ་མཛེ་དང་། ཕོལ་མིག་དང་། འབྲས་དང་། ཤུ་བ་དང་། གཡན་པ་དང་། ལྐོག་མའི་ལྷ་གོར་ན་བ་དང་། མིག་དང་། རྣ་བ་དང་། སོ་ན་བ་ལ་སོགས་པ་དག་མི་འབྱུང་ངོ་ཞེས་གསུངས་སོ། །དེ་ནས་བཅོམ་ལྡན་
འདས་ཀྱིས་ཞལ་འཛུམ་པ་མཛད་དེ། རྣམ་པར་ཐར་པའི་སྒོ་ཀུན་ནས་འཇུག་པའི་འོད་ཅེས་བྱ་བའི་ཏིང་ངེ་འཛིན་ལ་མཉམ་པར་གཞག་སྟེ། སེམས་ཅན་དམྱལ་བ་དང་། ཡི་དག་དང་། དུད་འགྲོ་དང་། གླིང་བཞིའི་མིའི་འཇིག་རྟེན་དུ་འོད་ཀྱི་ཁྱབ་
པར་མཛད་དོ། །དེ་ནས་རྒྱལ་པོ་ཆེན་པོ་བཞི་དང་། སུམ་བཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་གནས་མན་ཆད་ཁྱབ་པར་མཛད་དོ། །བསམ་གཏན་དང་པོའི་ཏིང་ངེ་འཛིན་
ལ་མཉམ་པར་བཞག་གོ། བསམ་གཏན་དང་པོ་ནས་ལངས་ཏེ་བསམ་གཏན་གཉིས་པ་ལ་མཉམ་པར་བཞག་གོ། གཉིས་པ་ལས་ལངས་ཏེ་བསམ་གཏན་གསུམ་པ་ལ་མཉམ་པར་བཞག་གོ། གསུམ་པ་ནས་ལང་ནས་བསམ་
གཏན་བཞི་པ་ལ་མཉམ་པར་གཞག་གོ། བསམ་གཏན་བཞི་པ་ལས་ལངས་ནས་ནམ་མཁའ་མཐའ་ཡས་སྐྱེ་མཆེད་ལ་མཉམ་པར་བཞག་གོ། ནམ་མཁའ་མཐའ་ཡས་སྐྱེ་མཆེད་ལས་ལངས་ནས་རྣམ་ཤེས་མཐའ་ཡས་སྐྱེ་
མཆེད་ལ་མཉམ་པར་བཞག་གོ། རྣམ་ཤེས་མཐའ་ཡས་སྐྱེ་མཆེད་ལས་ལངས་ནས་ཅི་ཡང་མེད་པའི་སྐྱེ་མཆེད་ལ་མཉམ་པར་བཞག་གོ། ཅི་ཡང་མེད་པའི་སྐྱེ་མཆེད་ལས་ལངས་ནས་ཡོད་མིན་མེད་མིན་སྐྱེ་མཆེད་ལ་
མཉམ་པར་བཞག་གོ། དེ་ལས་ལངས་ནས་དེ་བཞིན་ཉིད་ཀྱི་ཏིང་ངེ་འཛིན་ལ་མཉམ་པར་བཞག་གོ། དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ། བྱང་ཆུབ་སེམས་དཔའ་ཀུན་དུ་བཟང་པོ་དང་། ནམ་མཁའི་

98-1-110b

སྙིང་པོ་དང་། སྒྲིབ་པ་རྣམ་པར་སེལ་བ་དང་། འཇམ་དཔལ་དང་། སྤྱན་རས་གཟིགས་ཀྱི་དབང་ཕྱུག་དང་། ཕྱག་ན་རྡོ་རྗེ་དང་། བྱམས་པ་ལ་སོགས་པ་རྣམས་མངོན་པར་དགའོ། །ལྷ་དང་། མི་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། 
དྲི་ཟར་བཅས་པའི་འཇིག་རྟེན་ཡིད་རང་ཏེ། བཅོམ་ལྡན་འདས་ཀྱི་གསུང་པ་ལ་མངོན་པར་བསྟོད་དོ། །འཕག་པ་མི་གཡོ་བའི་གཟུངས་ལེའུ་དགུ་པའོ། །འཕག་པ་མི་གཡོ་བ་ཞེས་བྱ་བའི་གཟུང་། རྫོགསྷོ།། །།རྒྱ་གར་གྱི་མཁན་པོ་དྷརྨ་ཤྲཱི་མི་ཏྲ་དང་། བོད་ཀྱི་ལོ་ཙ་བ་དགེ་སློང་ཆོས་ཀྱི་བཟང་པོ་སྒྱུར་ཅིང་ཞུས་ཏེ་ཏན་ལ་
ཕབ་པའོ།།    །། ༄༅། །རྒྱ་གར་སྐད་དུ།  ཨཱརྱ་བཛྲ་ཀྲོ་དྷ་རཱ་ཛཱ་ཀལ་པ་ལ་གྷུ་ཏན་ཏྲ་ནཱ་མ།  བོད་སྐད་དུ།  འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་ཅེས་བྱ་བ། དཔལ་འཇམ་པའི་དབྱང་ལ་ཕྱག་
འཚལོ། །འདི་སྐད་བདག་གི་ཐོས་པ་དུས་གཅིག་ན། བཅོམ་ལྡན་འདས་གཞན་འཕྲུལ་དབང་བྱེད་ཀྱི་ནམ་མཁའི་རླུང་གི་དཀྱིལ་འཁོར་རྡོ་རྗེ་སྙིང་པོར་བྱིན་གྱི་བརླབས་པའི་སྟེང་དུ་རིན་པོ་ཆེ་སྣ་བདུན་ལས་གྲུབ་པ་
ལྷའི་གཞལ་མེད་ཁང་བྱེ་བ་ཕྲག་བརྒྱད་བཅུས་བསྐོར་བའི་དབུ་སུ་དཔག་ཚད་འབུམ་ཕྲག་ཁྱབ་པའི་ཁང་པ་བརྩེགས་མ་ཤིན་དུ་མཐོ་བ། ཀུན་ཀྱང་རིན་པོ་ཆེ་དུ་མའི་ཁྲི་པད་མ་དང་། སེང་གེས་མཐོ་བ། 
དབུ་རྩེ་རིན་པོ་ཆེའི་ཟུར་མངས་ཀྱི་མཆོད་རྟེན་པད་མ་དང་། འཁོར་ལོ་དང་། གདུགས་མཐོ་བར་དྲངས་པ་ལ་དར་གྱི་དཔྱངས་ལྡིང་བ། དེ་འི་གྲིབ་མ་ས་གཞི་ལ་བཀོད་པ་ན་བྱང་ཆུབ་སེམས་དཔའི་ཚོགས་རྣམས་ལྷའི་བཞོན་
པ་ལས་བབས་ནས་ནང་དུ་གཤེགས་པ། སྣ་ཚོགས་པའི་དྲིལ་བུ་དང་། བ་དན་དང་། རིན་པོ་ཆེའི་མེ་ཏོག་གི་ཕྲེང་བ་དང་། དྲ་བ་དང་། དྲ་བ་ཕྱེད་པ་དང་། རྔ་ཡབ་དང་། ཟླ་བ་ཕྱེད་པ་དང་། རྡོ་རྗེ་ཕྱེད་པ་དང་། ཆུན་འཕྱང་ཤར་བུ་ལ་སོགས་པ་
དུ་མས་མཛེས་པ། སྒོ་ཁྱུད་ཁྱམས་དང་། སྒོ་གླེགས་དང་། རིན་པོ་ཆེའི་མེ་ལོང་དང་། གདུགས་ལ་སོགས་པ་དུ་མས་ཁྱབ་པ། རིན་པོ་ཆེའི་ཕ་གུ་བརྩེགས་ཏེ་མཛེས་པར་བྱས་པ་དུ་མ་དེ་ཐམས་ཅད་ཀྱི་དབུས་སུ་

98-1-111a

འཁོར་ཀྱི་དཀྱིལ་འཁོར་ཆེན་པོ་དང་ལྷན་ཅིག་ཏུ་བཞུགས་སོ། །དེ་ཡང་འདི་ལྟ་སྟེ། བྱང་ཆུབ་སེམས་དཔའི་ཚོགས་ནི་འཕག་པ་སྤྱན་རས་གཟིག་ཀྱི་དབང་ཕྱུག་དང་། འཇམ་དཔལ་དང་། ཀུན་དུ་བཟང་
པོ་དང་། བྱམས་པ་དང་། སྒྲིབ་པ་ཐམས་ཅད་རྣམ་པར་སེལ་བ་དང་། ཞི་བའི་བློ་གྲོས་དང་། སྣ་ཚོགས་བཀྲམ་པ་དང་། མཁའ་འོད་མེ་ཏོག་འཆང་དང་། ནམ་མཁའི་སྙིང་པོ་དང་། གཟུགས་མཛེས་དག་པ་དང་། སའི་
སྙིང་པོ་དང་། ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཕྲག་བདུན་དང་། ཤཱ་རིའི་བུ་དང་། མཽད་གལ་དང་། རྟ་ཐུལ་དང་། འོད་སྲུང་ལ་སོག་པ་བྱེ་བ་ཕྲག་བཞི་དང་། གྲགས་ཆེན་སྙན་པ་
ཆེན་པོ་བརྒྱ་བྱིན་དང་། ཚངས་པ་དང་། ཁྱབ་འཇུག་དང་། དབང་ཕྱུག་དང་། ལུས་ངན་དང་། གཤིན་རྗེ་དང་། དགའ་རབ་དབང་ཕྱུག་ལ་སོགས་པ་ལྷའི་རིག་སུམ་བརྒྱ་དང་ལྷན་ཅིག་ཏུ་ཆོས་ཀྱི་རྣམ་གྲངས་གངས་སྔགས་ཞེས་བྱ་བ་ལ་འཇུག་
པ་གང་ཞིག་བྱང་ཆུབ་སེམས་དཔའ་དང་། ཉན་ཐོས་དང་། འཇིག་རྟེན་སྐྱོང་བ་ལ་སོགས་པ་རྣམ་པ་དུ་མ་དང་ལྡན་པའྀ་འཁོར་རྣམ་ལ་དགོངས་པ་ཐཾད་ཀྱི་བསམ་པ་དང་འཐུན་པའི་བཀོད་པ་ཆེན་པོ་བསྐྱེད་པ་དང་། ཆོ་འཕྲུལ་དུ་མ་
བསྒྱུར་བ་དང་། འོད་ཟེར་དུ་མ་འགྱེད་ཅིང་ཐབས་གཅིག་ཏུ་བཞུགསོ། །དེ་ནས་བཅོམ་ལྡན་འདས་ཀྱིས་འཛུམ་བཞིན་དུ་འཁོར་ལ་གཟིགས་ནས་ལྗགས་ཀྱི་དབང་པོ་བཀྲམ་སྟེ། བྱང་ཆུབ་སེམས་དཔའ་སེམས་
དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ཡི་གེ་མིང་ཚིག་ངག་གི་བསྒོས། །སྔགས་དབྱིབ་ཆོས་སུ་བྱིན་བརླབས་ཀྱི། །ཡི་གེ་སྒྲ་ཙམ་ཕྱེད་དམ་གཅིག །མངོན་སུམ་རྗེས་འཇུག་རིང་ཐུང་དང་། །དབྱང་དང་
གསལ་བྱེད་མཚན་མས་མཚོན། །ས་བཅུ་ཕ་རོལ་ཕྱིན་བཅུ་བདག །དབང་བཅུ་དོན་བཅུ་རྣམ་པ་བཅུ། །མི་འཇིགས་བཞི་དང་མ་འདྲེན་ཆོས། །བྱམས་དང་ཐུགས་རྗེ་ཆེན་པོ་དག །དབྱངས་ཅིག་

98-1-111b

གི་ནི་སྔགས་ཀྱིས་སུ། །བསྡུག་བསྔལ་སྣ་ཚོགས་རབ་ཞི་དང་། །ཡིད་འཕྲོག་དཔལ་འབྱོར་དབང་ཕྱུག་དང་། །མཐུ་སྟོབས་དུ་མ་བསྐྱེད་པ་དང་། །རྟག་གནས་ཐོབ་དང་དོན་ངེས་ཐོབ། །རྡོ་རྗེ་བླ་ན་མེད་སེམས་
བསྐྱེད། །མདོར་ན་གང་གིས་གང་འདོད་པ། །བསམ་པས་སེམས་རྣམས་རྫོགས་པའི་ཕྱིར། །རྡོ་རྗེ་བླ་ན་མེད་པ་གསོར། །ཆོས་སྒྲ་བླ་ན་མེད་པ་སྒྲོགས། །འཁོར་ལོ་བླ་ན་མེད་པ་བསྐོར། །རལ་གྲི་བླ་ན་
མེད་པ་ཟུང་། །པད་མ་བླ་ན་མེད་པ་ཆོངས། །རིན་ཆེན་བླ་མེད་གསལ་བར་གྱིས། །དཀྱིལ་འཁོར་ཚུལ་དུ་སྤྲོས་ནས་ཀྱང་། །ཆོས་རྟེན་ཚུལ་དུ་བསྡུ་བར་གྱིས། །ལྷ་ཀླུ་གནོད་སྦྱིན་དྲི་ཟ་དང་། །ལྷ་མིན་
མཁའ་ལྡིང་མི་འམ་ཅི། །སྲིན་པོ་ཤ་ཟ་བརྗེད་བྱེད་ཚོགས། །འཇིགས་པ་དག་ཀྱང་འཇིགས་འགྱུར་བའི། །རྣམ་འཕྲུལ་དུ་མ་འདི་བསྒྱུར་ཅིག །གསུང་མཆོག་དེ་སྐད་ཐོས་མ་ཐག །ལག་
ན་རྡོ་རྗེ་མཐུ་བོ་ཆེས། །དགའ་མགུ་ཐལ་མོ་རབ་སྦྱར་ཏེ། །སྙན་པའི་ཚིགས་གིས་འདི་གསོལ་ཏོ། །གསེར་དང་རིན་ཆེན་ལྔ་པོ་ལས། །རབ་མཆོག་རི་བོར་གྱུར་པ་ལས། །འགྲོ་རྣམ་ཀུན་གྱིས་
རྟེན་གནས་དང་། །རྟགས་སུ་ཡང་དག་འཛིན་པ་ལྟར། །རྣམ་པར་ཤེས་དང་ཕུང་པོ་བཞི། །འབྱུང་བ་རྣམ་པར་དག་བསྒྲུབས་པས། །ལྷ་དང་ཕྱག་རྒྱ་ཕྲིན་ལས་སུ། །སྔགས་ཤེས་རྣམ་ཀྱིས་གཟུང་
བྱས་ནས། །བརྡུལ་བའི་ཡེ་ཤེས་བྱང་ཆུབ་རིམ། །ཁྱད་པར་དེ་ལ་ལྡན་པར་འགྱུར། །དེ་ནས་བཅོམ་ལྡན་ཐུབ་པ་ཆེ། །ཀུན་མཁྱེན་ཡེ་ཤེས་གཙོ་བོ་ཆེས། །སྐུ་ལས་སྣ་ཚོགས་མདངས་འོད་ཅན། །
འོད་ཟེར་དུ་མ་བྱུང་ནས་ཀྱང་། །གཞི་དང་སྙིང་པོ་མེ་ཏོག་གིས། །བརྒྱན་པའི་ཞིང་རྣམས་ཁྱབ་བྱས་ཚེ། །ས་ཡང་རྣམ་པ་དྲུག་ཏུ་གཡོས། །འཇིག་རྟེན་སྐྱོང་དང་བདུད་ཀྱི་ཚོགས། །མ་ལུས་

98-1-112a

པ་རྣམས་བརྒྱལ་བར་འགྱུར། །ཉན་ཐོས་རང་རྒྱལ་འདར་བར་འགྱུར། །བྱང་ཆུབ་སེམས་དཔའ་བློ་ལྡན་གྱི། །ཚོགས་རྣམས་ཤིན་དུ་སྐྲག་པར་གྱུར། །དེ་ཚེ་ཕྱོག་བཅུའི་ཞིང་རྣམས་ནས། །སངས་རྒྱས་ཀུན་གྱི་མཛོད་
སྤུ་ནས། །ཁྲོ་བོ་ཆེན་པོའི་ཚོགས་བྱུང་པ། །འོད་ཟེར་རྩེ་མོས་དྲངས་ནས་སུ། །ཞིང་དབུས་དཀྱིལ་འཁོར་འདི་རུ་ལྷགས། །འོད་ཟེར་ཚོགས་ཀྱང་རབ་འདུས་ནས། །དཔལ་བེའུ་ཉིད་དུ་ཐིམ་པར་གྱུར། །དེ་ཚེ་འོད་དེའི་བྱིན་བརླབས་ལས། །
མཁའ་ལ་སྒྲ་འདི་གྲག་པར་གྱུར། །ཤཱཀྱའི་མགོན་པོ་རྫོགས་སངས་རྒྱས། །གང་དུ་གཟི་བརྗིད་ཆེ་བཞུགས་སླད། །ཆོས་ཀྱི་དབྱིངས་ལས་བྱུང་བ་ཡི། །རྒྱལ་བའི་སྲས་པོ་ཐམས་ཅད་གཤེགས། །དྲི་མ་མེད་པའི་དམ་ཆོས་
མཆོག །གསང་སྔགས་སྤྱོད་པའི་ཚུལ་དགེ་བ། །ཐོས་ནས་བྱང་ཆུབ་འདུས་མ་བྱས། །འཇིག་རྟེན་མགོན་པོ་བརྙེས་པར་གྱུར། །དེ་ནས་ལག་ན་རྡོ་རྗེ་ཚོགས། །འཁོར་གྱི་དཀྱིལ་འཁོར་ཐམས་ཅད་ཀྱང་། །སྙིམ་པ་མེ་ཏོག་བཀང་
བྱས་ཏེ། །གཏོར་ནས་ཕྱག་འཚལ་བསྐོར་བ་བྱས། །དང་ཞིང་གུས་པའི་ཚུལ་གྱིས་སུ། །པུས་བཙུགས་ཐལ་སྦྱར་གསོལ་བ་འདེབས། །མི་གནས་ཡེ་ཤེས་ཆེ་བའི་མཆོག །ཡོན་ཏན་རྒྱ་མཚོ་འབྱུང་བའི་གཙོ། །མཚན་ཉིད་
ཐམས་ཅད་རབ་བརྒྱན་པ། །མཚན་མིན་སྤངས་པའི་ཐུབ་པ་ཆེ། །དྲི་མེད་དགེ་བ་ཇི་ལྟར་ལགས། །གསང་སྔགས་ཚུལ་དུ་སྤྱོད་པ་ཅི། །འདུས་མ་བྱས་པའི་བྱང་ཆུབ་གང་། །འཇིག་རྟེན་མགོན་པོ་ཅི་ལྟར་འགྱུར། །བདག་ཅག་
རྣམས་ལ་སྨན་རབ་དང་། །འགྲོ་ལ་ཐུགས་རྗེ་ཆེ་མཛད་ཕྱིར། །མགོན་པོ་བཅོམ་ལྡན་ཐུབ་པ་ཆེས། །ཡང་དང་ཡང་དུ་བཤད་དུ་གསོལ། །དེ་ནས་ཡང་དག་རྫོགས་སངས་རྒྱས། །རྐང་གཉིས་གཙོ་བོས་བཀའ་སྩལ་པ། །
གསང་བའི་དབང་ཕྱུག་རྡོ་རྗེ་འཛིན། །ཤེས་རབ་ཆེན་པོའི་སྤྱན་ལྡན་པས། །བདག་གཞན་ཕན་དོན་ལ་བཙོན་ཕྱིར། །ལེགས་པར་ཉོན་ལ་ཡིད་ལ་ཟུང་། །ཡང་དག་ཡང་དག་མཐའ་མིན་ཚུལ། །དེ་ནི་ང་ཡིས་བཤད་པར་བྱ། །

98-1-112b

སྲོག་གཅོད་མ་བྱིན་ལེན་བརྫུན་འཁྲིག །ཚིག་རྩུབ་དབྱེན་དང་ངག་ཀྱལ་སྨྲ། །བརྣབ་སེམས་གནོད་སེམས་ལོག་ལྟ་ཆང་། །དྲི་རོ་ངན་པའི་ཟས་སྐོམ་དང་། །སྲོག་ཅན་ཤ་ཁྲག་ལོག་འཚོར་བཅས། །སློབ་དཔོན་དགེ་འདུན་མཆོད་
རྟེན་སོགས། །ཁྱད་པར་ཡུལ་ཅན་ཡོ་བྱད་དང་། །དམན་ཞིང་ཉམས་ཐག་ཕྲོག་དགུ་པ། །གླེགས་བམ་འཚོང་དང་ཆོས་ཀྱི་ཟོང་། །གཡང་ས་རལ་གྲི་སོ་དུག་སོག །མེ་འོབས་ལྟར་མཐོང་སྤངས་ནས་ཀྱང་། །རྣམ་པར་
དཀར་ལ་སོགས་པར་བྱ། །ཡི་གེ་འདྲི་མཆོད་སྦྱིན་སྩོལ་དང་། །ཉན་དང་འཛིན་དང་ཀློག་པ་དང་། །མཆོད་པ་དང་ནི་ཁ་ཏོན་དང་། །དེ་དག་སེམས་དང་སྒོམ་པ་སྟེ། །དཀར་བཅུ་ལམ་ལ་ཡུན་རིངས་དང་། །ནུས་བཅས་རྒྱུན་མི་
འཆད་དུ་འབད། །གཏན་པ་མེད་པའི་བྱང་ཆུབ་སེམས། །ཤེལ་ལྟར་དྲི་མ་མེད་པའོ། །མཆོག་འདི་སྤྱད་པས་སྡུག་བསྔལ་ཚོགས། །མྱུར་དུ་གཅོད་པས་དགེ་བའོ། །ཆོས་བདག་མེད་དང་མཉམ་ཉིད་དང་། །རང་
སེམས་གདོད་ནས་དག་པ་གང་། །རྒྱུ་འདྲ་འདུ་བྱེད་མེད་པ་དང་། །ཟག་བཅས་བདེ་དང་བྲལ་བ་ལས། །བྱང་ཆུབ་ཕྱོག་ཆོས་མ་ལུས་པ། །ཆོས་ཉིད་བདག་མེད་སྤྱོད་པ་ནི། །ཆོས་དབྱིངས་ཡེ་ཤེས་མངོན་བྱས་ནས། །
མ་འདྲེས་ཆོས་རྣམ་རྫོགས་གསལ་བ། །འདུས་མ་བྱས་ཀྱི་བྱང་ཆུབ་ཏེ། །ཆོས་རྣམས་ཀུན་ཀྱི་གཞི་ལུས་སོ། །འདོད་པའི་ཁམས་སོགས་ཡོན་ཏན་ལ། །ཤིན་དུ་བདེ་རོལ་སྤྱད་པ་སྤྱོད། །སངས་རྒྱས་མུ་སྟེགས་ཅན་
རྣམས་ཀྱི། །ལྐོག་ཏུ་གྱུར་པ་གསང་བ་སྟེ། །བསྐལ་པ་བསམ་ཡས་དཔག་མེད་དུ། །བསླབ་དཀའ་ཡངས་ཟབ་རྒྱ་ཆེན་རྣམས། །སྔགས་དང་ཕྱག་རྒྱ་ཏིང་འཛིན་དུ། །ལུས་ངག་ཡིད་ལ་གང་གནས་པ། །དབྱེར་མེད་ཚུལ་
དུ་སྐྱོབ་པས་ན། །སངས་རྒྱས་ཀུན་གྱིས་སྔགས་སུ་བརྗོད། །མཚན་དང་དཔེ་བྱད་ལྡན་པའི་སྐུ། །ཡོན་ཏན་མཐའ་དག་རྫོགས་པ་ནི། །བདེན་པ་གཉིས་ལ་གནས་པ་ཡི། །བྱང་ཆུབ་སེམས་དཔའ་རྣམ་ཀྱི་མགོན། །

98-1-113a

ལ་ལ་འཁོར་ལོས་སྒྱུར་བའི་གཟུགས། །ལ་ལར་དགེ་སྦྱོང་ཆེན་པོའི་གཟུགས། །ལ་ལར་སྲིན་པོ་སྲེན་མོའི་གཟུགས། །ལ་ལར་འགྲོ་བ་བཟང་པོའི་གཟུགས། །ཆོས་ཀྱི་འཁོར་ལོ་བསྐོར་བ་དང་། །སེང་གེ་
ལྟར་གཟིགས་མཛད་ལ་སོགས། །སྣ་ཚོགས་དུ་མ་མཛད་པ་ནི། །རྐང་གཉིས་ལྷ་མིན་རྣམ་གཉིས་སོགས། །འགྲོ་བའི་མགོན་པོར་གྱུར་པའོ། །རྟག་དང་འདྲ་དང་ངེས་མེད་པའི། །གཙོ་བོ་བསམ་པས་གྱུར་པ་རྣམས། །
འཇིག་རྟེན་ཕལ་པའི་མགོན་པོ་སྟེ། །གཟུགས་བྱད་ཁ་དོག་ཐ་དད་པ། །ཡུལ་དུ་རྣམ་པའི་བྱེ་བྲག་གིས། །གྲངས་མ་བྱུང་བ་མཆོད་འོས་སོ། །ཐུབ་པས་གསུངས་པའི་དེ་མ་ཐག །རྡོ་རྗེ་ཅན་གྱིས་བཞེངས་ནས་ཀྱང་། །
ཕྱག་འཚལ་བསྐོར་བ་བྱས་ནས་ནི། །སྤྱན་སྔར་འདུག་ནས་འདི་སྐད་གསོལ། །འདྲེན་པ་གཙོ་བོ་བཅོམ་ལྡན་འདས། །སྔགས་ཞེས་པ་ནི་གང་གང་ཡིན། །ཕྱག་རྒྱ་ཞེས་ནི་ཅི་ལྟ་བུ། །ཏིང་འཛིན་ཞེས་ནི་ཇི་ལྟར་
བཤད། །ལུས་ངག་ཡིད་ལ་ཇི་ལྟར་གནས། །དབྱེར་མེད་ཚུལ་དུ་ཇི་ལྟར་སྐྱོབ། །བདག་ལ་ཕན་པའི་དོན་ཕྱིར་དང་། །གཞན་ལ་བརྩེ་ཕྱིར་བཤད་དུ་གསོལ། །དེ་ནས་རྒྱལ་བ་གཙོ་མཆོག་ནི། །ལྗགས་ཀྱི་དབང་པོ་བཀྲཾ་
བྱས་ཏེ། །ཚང་པ་ཆེན་པོའི་གསུང་སྙན་གྱིས། །རྣམ་རྟོག་ཟད་ཕྱིར་འདི་གསུངསོ། །སྙིང་པོ་ཉེ་སྙིང་རྩ་བའི་སྔགས། །ལས་ཀྱི་སྔགས་སུ་གྱུར་པ་སྟེ། །སྙིང་པོ་བརྗོད་དང་ས་བོན་ནོ། །ཉེ་སྙིང་ཡེ་ཤེས་མཆོག་
དང་ནི། །གསང་བའི་སྙིང་པོ་ཞེས་གྲགས་སོ། །ལས་ཀྱི་སྔགས་ནི་གཉིས་ཡིན་ཏེ། །བདག་ཉིད་བརྟན་བྱེད་ལས་སྔགས་དང་། །སྦྱོར་ཚོགས་གྲུབ་པར་བྱེད་པའི། །ཕྱག་རྒྱ་ལག་པའི་འདུ་བྱེད་དང་། །རྐང་པ་སྟབས་ཀྱི་
འགྱུར་བའོ། །རྟགས་སུ་མཚོན་དང་འདེད་པ་དང་། །འགྱུར་བ་མེད་པར་བྱེད་པས་ན། །ཕྱག་རྒྱ་ཞེས་སུ་བཤད་པའོ། །རང་གི་རྩེ་གཅིག་སེམས་བསྡུས་ན། །སེམས་ལ་ལྷག་པའི་ཆོས་འབེབས་བ། །དེ་ནི་ཏིང་ངེ་

98-1-113b

འཛིན་ཞེས་བྱ། །དེ་ལྟར་དེ་དག་ལ་བརྟེན་ནས། །སྔ་མའི་གནས་དེ་ཡོངས་གྱུར་ནས། །སྒོ་ང་བྲལ་བའི་འདབ་བཟངས་ལྟར། །ལུས་འདི་མཁའ་ལ་ཆེར་སོང་ནས། །རྒྱལ་བའི་ཞིང་ཁམ་ཐམས་ཅད་དུ། །རྒྱལ་ལ་དམ་
ཆོས་མཉན་ནས་ཀྱང་། །རྒྱལ་སྲས་ཀུན་ལ་བཤད་པ་དང་། །སྐད་ཅིག་མཁྱེན་པའི་ཤེས་པས་ཀྱང་། །ཤེས་བྱ་མ་ལུས་ཕྱོགས་ཁྱབ་པ། །ལུས་ངག་ཡིད་ལ་གནས་པའོ། །སེམས་དང་ཡིད་ནི་འདྲེས་པའི་ཚེ། །ཡེ་ཤེས་
བདེ་བར་ཤར་བ་ནི། །དུས་གསུམ་སངས་རྒྱས་ཐམས་ཅད་ཀྱི། །དབྱེར་མེད་ཚུལ་དུ་སྐྱོབ་ཅེས་གསུངས། །འཕགས་པ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་ལས་ལྷག་པར་གནས་པའི་དོན་ཡོངས་སུ་
བཀོད་པའི་ལེའུ་སྟེ། དང་པོའོ།། །། ཞི་བས་གདུལ་དཀའ་བགེགས་ཆེན་དང་། །ལོག་འདྲེན་དེ་རྣམས་འདུལ་བའི་ཕྱིར། །སེམས་ཀྱི་བྱེ་བྲག་ཐུགས་ཆུད་ནས། །དེ་དང་གཟུགས་འདྲས་
གཞོམ་པའི་ཕྱིར། །རྟོག་མེད་ནམ་མཁའི་ལམ་གནས་ཏེ། །རྫོགས་སངས་གདུལ་དཀའ་འདུལ་མཛད་སྐུ། །རབ་འཕག་ཁྲོ་བོ་སྟོབས་ཆེན་དཔལ། །སངས་རྒྱས་ཀུན་གྱི་སྲས་ཀྱི་སྲས། །མི་གཡོའི་མཚན་
གྲགས་དེ་ལ་འདིར། །རྒྱལ་དང་རྒྱལ་སྲས་རྟག་ཕྱག་འཚལ། །ཚངས་སོགས་ལྷ་དང་ལུས་ཅན་ཀུན། །དེ་ལ་རྟག་ཏུ་མཆོད་པར་བྱེད། །རྒྱལ་བས་བྱས་གཟོ་རྒྱལ་སྲས་ཀྱི། །སྨོན་རྫོགས་བསམ་གྱིས་མི་ཁྱབ་པའི། །
ཡེ་ཤེས་རྫོགས་ནས་མི་གཡོའི་ས། །ཐོབ་པས་མི་གཡོ་བ་ཞེས་བྱ། །ཕས་ཀྱིས་རྒོལ་འཇོམས་དཔའ་བོ་སྟེ། །ཚར་གཅོད་པ་ནི་ཁྲོ་བོ་ཡིན། །སྔགས་ཀྱི་བདེན་ཚིག་མི་སླུ་བས། །ཉན་ཐོས་བདུད་ཚོགས་ཀྱིས་མི་གཡོ། །རྟོག་
མེད་བདུད་ལ་ཁྲོ་བས་རྒྱལ། །རྫུ་འཕྲུལ་བསྐྱོད་མེད་མི་གཡོ་བ། །དེ་བཞིན་ཉིད་ཀྱི་སྙིང་པོ་མཆོག །སྟོང་ཉིད་ལས་བྱུང་རྒྱལ་བའི་སྐུ། །ཆོས་དབྱིངས་བདག་ཉིད་ལ་བཞུགས་ནས། །སྤྲུལ་འདིས་སྲིད་པའི་ཁམས་སྦྱོང་

98-1-114a

མཛད། །མཁའ་ལྟར་དྲི་མེད་སྤྲོས་བྲལ་བས། །དུས་གསུམ་སངས་རྒྱས་ཐམས་ཅད་འབྱུང་། །སྤྲོས་མེད་ནམ་མཁའི་རང་བཞིན་ལ། །ཐ་སྙད་ཙམ་དུ་གསང་སྔགས་ཞེས། །བརྗོད་ཀྱང་ངག་གི་སྤྱོད་ཡུལ་
འདས། །སྐྱོབ་པས་ཐ་སྙད་རྟོགས་ཕྱིར་གསུངས། །སེམས་མེད་རང་བཞིན་མེད་སྟོང་ཉིད། །སྒྱུ་འདྲར་ཡིད་ཀྱིས་བསྒོམ་པ་ཡིན། །དངོས་མེད་མཉམ་མཛེས་འདོད་དོན་རྣམས། །གསང་སྔགས་མགོན་འདི་བརྗོད་
པས་སྩལ། །མུ་སྟེགས་བདག་དང་སྲོག་གང་ཟག །གཙོ་བོ་སྐྱེས་བུ་ཁྱབ་གནས་པས། །འཁོར་བ་རྟག་འདོད་ང་རྒྱལ་རྨོངས། །ལོག་པའི་ཞགས་བཅིངས་སྡུག་བསྔལ་བསྐྱེད། །བདག་མེད་སྲོག་མེད་སེམས་
ཅན་མེད། །བྱེད་པོ་མེད་ཅིང་གཙོ་བོ་མེད། །ཁྱབ་གནས་མེད་ཅིང་དངོས་པོ་མེད། །རྫས་ལ་རྫོགས་པའི་རང་བཞིན་མེད། །ལོག་རྟོག་སྲིད་འཆིང་ཞགས་བཅད་ཕྱིར། །དངོས་མེད་སྣ་ཚོགས་གཟུགས་བསྒོམ་པས། །
དངོས་གྲོལ་སྟོང་ཉིད་གོ་འཕང་འཐོབ། །ཕྱི་ནང་ཁྱད་པར་དེར་གོམས་པའོ། །དབུ་བ་ཆུ་བུར་སྒྱུ་འདྲར་བསྒོམ། །སྟོང་ཉིད་ལས་ལྡང་ཏིང་འཛིན་གྱིས། །རྣམ་རྟོག་སྡིག་བཅིངས་ལས་གྲོལ་ནས། །འཆི་མེད་ཡེ་ཤེས་གོ་འཕང་
འཐོབ། །ཕུང་པོ་ཁམས་དང་སྐྱེ་མཆེད་མེད། །ཀུན་གཞི་མེད་དེ་གང་ཟག་མེད། །གཟུང་འཛིན་མེད་དེ་བཅིངས་མེད་པར། །རྒྱལ་བ་རྣམས་ཀྱིས་རྟག་ཏུ་བཤད། །ཀུན་མེད་ཀུན་བྲལ་ཀུན་སྤངས་པའི། །སྟོང་ཉིད་བྱང་
སེམས་རྒྱུ་འདྲ་བར། །བག་ཡོད་པས་ནི་རྟག་བསྒོམས་ན། །བྱང་ཆུབ་སེམས་ཀྱི་མྱུ་གུ་འཆར། །ཡིད་བཞིན་ནོར་འདྲ་རྫུ་འཕྲུལ་ཆེ། །མཁའ་ལྟར་གོས་པ་མེད་པའི་སྐུ། །སྔགས་སྤྱོད་བྱང་ཆུབ་སེམས་དཔའ་ཡིས། །བྱང་
ཆུབ་སེམས་ཀྱི་སྒོམ་པ་འཐོབ། །ངོ་མཚར་གསུངས་ཏེ་ཐོས་མ་ཐག །ཁྲོ་བོ་རྣམས་ཀྱི་གཙོ་ལ་བསྟོད། །རྟག་ཏུ་དག་ཅིང་དྲི་མེད་པ། །རྣམ་རྟོག་རྒྱུན་འགག་ཀུན་རྟོག་མེད། །བརྟག་རྟོག་མེད་ལ་ཞུགས་པ་ཡི། །

98-1-114b

དཔའ་བོ་ཆེན་པོ་ཕྱག་འཚལ་བསྟོད། །ཆོས་ཀུན་གཡོ་བ་མེད་པ་ཁྱོད། །སྤྱོད་ཡུལ་ཀུན་དུ་ལེགས་སྦྱར་བས། །ཀུན་མཁྱེན་གཡོ་བ་མེད་པ་རྟག །རང་བཞིན་སྤྲོས་བྲལ་ཁྱོད་ཕྱག་འཚལ། །སེམས་ཅན་སྣ་ཚོགས་ཕན་
དོན་དུ། །མཛད་སྤྱོད་སྣ་ཚོགས་གསུང་པའོ། །དག་པའི་ལམ་རྣམ་ཡང་དག་འབྱུང་། །རྣམ་དག་སེམས་ལ་ཕྱག་འཚལ་བསྟོད། །མུན་པ་ཕྲ་རབ་རྡུལ་སྤངས་བའི། །སྤྲིན་བྲལ་ནམ་མཁའ་དག་པ་ལྟར། །མགོན་པོ་ཁྱོད་སྐུ་
ཤེལ་སྒོང་ལྟར། །ཀུན་རྟོག་སྤངས་ལ་ཕྱག་འཚལ་བསྟོད། །སྤྲོས་མེད་ནམ་མཁའ་ལྟ་བུ་ལ། །དངོས་པོ་ཐམས་ཅད་དང་བྲལ་བས། །ཕུང་ཁམས་སྐྱེ་མཆེད་ཤིན་དུ་དག །ཡེ་ཤེས་རྒྱ་མཚོ་ཕྱག་འཚལ་བསྟོད། །མཁའ་ལ་འཇའ་ཤར་
སྣ་ཚོགས་ལྟར། །གཙོ་ཁྱོད་དག་པའི་སེམས་ཅན་གཟིགས། །ངན་འགྲོ་ཀུན་སྒྲོལ་དཔའ་ཆེན་འཁྲུངས། །གོ་ཆ་ཆེན་པོ་ཕྱག་འཚལ་བསྟོད། །ཆོས་ཉིད་ལས་བྱུང་སྙིང་པོ་ནི། །ཡི་གེ་གཅིག་པ་གཟི་བརྗིད་ཆེ། །སེམས་ཅན་སྡུག་
བསྔལ་ས་གཞི་ལ། །མུན་འཁྲིགས་སེལ་ལ་ཕྱག་འཚལ་བསྟོད། །སྔགས་མཆོག་གཙོ་བོའི་གསང་བ་འདིས། །རྒྱལ་སྲས་ཆོས་འཕེལ་ཤེས་རབ་བསྐྱེད། །བླ་མེད་གོ་འཕང་མྱུར་འགྲོ་གསུངས། །གཙོ་བོ་ཁྱོད་ལ་ཕྱག་འཚལ་བསྟོད། །
དངོས་ཀུན་གྱུར་དང་བཅས་པ་ཡི། །ལས་དང་སྐྱེ་ལས་རྣམ་པར་གྲོལ། །རྒྱལ་བ་རྒྱུ་མེད་བདག་ཉིད་འཁྲུངས། །གཙོ་མཆོག་ཁྱོད་ལ་ཕྱག་འཚལ་བསྟོད། །དངོས་མེད་ཡེ་ཤེས་མེ་ལྕེ་ཡིས། །འདུས་བྱས་རི་བོ་ཀུན་བསྲེགས་ནས། །
ཆོས་དབྱིངས་རང་བཞིན་གཅིག་ཏུ་རྒྱལ། །བླ་མེད་སྐུ་ལ་ཕྱག་འཚལ་བསྟོད། །བསྟོད་པའི་དོན་དེ་ཐུགས་ཆུད་ནས། །འགྲོ་ལ་ཕན་ཕྱིར་ཆོ་ག་གསུངས། །གསང་སྔགས་ལོག་པར་སྤྱོད་པ་དང་། །སེར་སྣ་ལོག་པར་གོམས་པ་ལས། །
འདོད་པས་ནོན་པའི་སེམས་རྟོག་གིས། །སྔགས་པ་ཡི་དགས་གནས་སུ་སྐྱེ། །དང་པོས་མར་མེ་མེ་རྟོག་དང་། །ཞལ་ཟས་གཏོར་མ་ཕྲེང་བ་སོགས། །མཆོད་པའི་རྫས་དང་ཡོ་བྱད་དང་། །མི་ཡི་ལུས་དང་ཁ་ཟས་ལ། །

98-1-115a

འཚེ་ཞིང་སྒྲུབ་པའི་བར་དུ་བཅོད། །མི་སྡུག་ནད་བསྐྱེད་ལོ་རྟོག་འཚེ། །གཉིས་པ་གནོད་སྦྱིན་དྲག་གྱུར་ནས། །ཤ་ཁྲག་ཆང་ལ་སྣོམ་ཞིང་རྒྱུག །ཐོས་སམ་བསྒྲུབ་པའི་བར་གཅོད་ཅིང་། །ནད་བསྐྱེད་ཚེ་ལེན་ལོག་ལྟ་བསྐྱེད། །
རིག་སྔགས་འཆང་གི་གདོན་གཞོམ་ཕྱིར། །སྒྲུབ་པོས་འབད་དེ་སྔགས་བརྗོད་བྱ། །སྔགས་མཐུ་བསྐྱེད་པ་གཏོར་མ་དང་། །སྦྱིན་བསྲེག་ཕྱག་རྒྱ་སྔགས་བཅས་དང་། །མནན་པའི་ལས་ཀྱིས་ནགས་མ་ལྟར། །ཐོགས་པ་མེད་པར་
འཇོམས་པར་འགྱུར། །དེ་དག་བརྟན་བྱེད་ལྷ་ཡིན་ཏེ། །དེ་གསལ་བྱེད་པ་རས་རིས་ཡིན། །དེ་ཀུན་རྣམ་དག་གསོལ་བྱེད་པ། །བྱང་ཆུབ་སེམས་མཆོག་ཞི་བ་ནི། །ལོག་རྟོག་འཁོར་བའི་ཟོ་ཆུན་ལ། །རལ་གྲི་གནོན་པོའི་སྟ་རེ་
ལྟར། །འཕགས་པ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་ལས་དེ་བཞིན་ཉིད་ཀྱི་ལེའུ་སྟེ་གཉིས་པའོ།། །། དེ་ནས་སྔགས་དང་ཕྱག་རྒྱ་དག །འབྱུང་བར་རབ་ཏུ་བཤད་པར་བྱ། །ན་མཿ། སརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་
བྷྱ། སརྦ་ཐ་ཧཱཾ། སྙིང་པོ་དམ་པའོ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐཱ་ཙཎ་ཌ་མ་ཧཱ་རོ་ཥ་ཎ་སྤོ་ཊ་ཡ་ཧཱུཾ། ཊྲ་ཏ་ཧཾ་མཾ་སྙིང་པོའོ། །ན་མཿསརྦཱ་ས་པ་རི་པུ་ར་ཀེ་བྷྱ། སརྦ་ཏ་ཐཱ་ག་ཏེ་བྷྱོཿ སརྦ་ཐཱ་ཧྲ་ཏ་ཨ་མོ་ཀ་
ཙཎ་ཌ་མ་ཧཱ་རོ་ཥ་ཎ་སྥོ་ཊ་ཡ་ཧཱུྃ། ཏྲ་མ་ཡ་ཧཱུྃ། ཊ་ཊ་ཧཾ་མཾ་ཉེ་བའི་སྙིང་པོའོ། །ན་མ་སརྦཱ་པ་རི་པུ་ར་ཀེ་བྷྱ། སརྦ་ཏ་ཐ་ག་ཏེ་བྷྱ། སརྦ་ཐཱ་ཨ་ཙ་ལཱརྒ་ན། ནཊྚ་ནཊྚ། མོཊྚ་མོཊྚ། སཊྚ་སཊྚ། ཏཊྚ་ཏཊྚ། ཏིཥྛ་ཏིཥྛ། ཨཱ་བེ་ཤ་ཨཿམཊྚ། མ་ལ་ཀ །དྷ་ཎ་
དྷ་ན། ཏི་ཎི་ཏི་ཎི། ཁཱ་ད་ཁཱ་ད། བི་གྷ་ནཱན། མཱ་ར་མཱ་ར་དུ་ཥྚན། རཀྵ་རཀྵ་ས་ཏྲཾ། ཀུ་རུ་ཀུ་རུ། ཀི་རི་ཀི་རི། མ་ཧཱ་བི་ཛ་ཡ་བཛྲ་ཕཊ་ཧཱུྃ་ཧཱུྃ་ཧཱུྃ། ཏྲི་བི་ལ་ཏ་ར་ག །ནར་ཏ་ག་ཀ་ཧཾ་ཧཾ་ཧཾ་ཨ་ཙ་ལ། ཏེ་ཙ། ཕཊ་ཕཊ། ཨ་ཧཱུྃ། ཨ་ས་
མཾ་ཏ་ཀ །ཊ་ཊ། མ་ཧཱ་བ་ལ་ས་ཏཱ་མ་ན་ཡ། ཏྲཾ་མཾ་ཧཾ། ཤུ་རྱ་དུ་ལོ་ཀ །དུཥྚ་ན་དུ་བཛྲི་ན་མ་སྭཱ་པྲ་ཏི་ཧ་ཏ་བ་ལེ་བྷྱོ། ཛ་ལ་མ་ཏྲ་ཏ། ཨ་ས་ཏ་ན་མ་སྭཱ་ཧཱ། གསང་བའི་སྙིང་པོའོ། །དེ་ནས་ཕྱག་རྒྱ་སྟངས་སྟབས་ཀྱིས། །

98-1-115b

སྔགས་བརྗོད་པ་ནི་འདིར་གསྲུངས་སོ། །ན་མཿསརྦཱ་ས་པ་རི་པུ་ར་ཀེ་བྷྱཿ སརྦཱ་ཏ་ཐཱ་ག་ཏེ་བྷྱཿ སརྦ་ཐ། ཨོཾ་ཧ་ན་ཧ་ན་མཱ་ར་མཱ་ར་ཡ་ཛྙཱ་ན། ཁཌ་ག་ཧཱུྃ་ཕཊ། རལ་གྲིའི་ཕྱག་རྒྱའི་སྔགས་སོ། །ན་མཿསརྦཱ་ས་པ་
རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐ། ཨོཾ་གྲྀཧྞ་གྲྀཧྞ། ཁཱ་ད་ཁཱ་ད། བ་ཤ་ན། བན་དྷ་བན་དྷ། མ་ཧཱ་ཨདྱ་ཏེ། དྷརྨ་ཏེ་སྭཱ་ཧཱ། ཞགས་པའི་འོ། །ན་མཿསརྦཱ་ས་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་
ཐཱ། ཨོཾ་རཀྵ་རཀྵ། ཧ་ན་ཧ་ན། ཀུཊྚ་ཀུཊྚ། མཱ་ར་ཡ་དུཥྚ་བི་ནཱ་ཡ་ཀཾ་ཧཱུྃ་ཛ་གོ་ཆའི་འོ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐ། ཨོཾ་དྷ་ར་དྷ་ར་བཛྲ་ན་ལི། ཁཌ་ག་པཱ་ཤ་དྷ་ར་སྭཱ་ཧཱ། གཙུག་ཏོར་
གྱི་འོ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐཱ། ཨོཾ་བྷཉྫ་བན་དྷ་ད་ཧ་པ་ཙ་བྷ་སྨི་ཀུ་རུ་ཀུ་རུ་ཧ་ན་ཧ་ན་བཛྲ། གྲྀཧྞ་གྲྀཧྞ་ཕཊ། ཐོ་བའིའོ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་
ཐཱ་ག་ཏེ་བྷྱཿ སརྦ་ཐ། ༀཥྚ་ན་ཏ་མུར་ཏི། ད་ཧ་ད་ཧ། སཱ་དྷ་ཡ་སཱ་དྷ་ཡ། བི་ཛ་ཡ་བི་ཛ་ཡ། བི་ཛ་ཡ་ཀིར་ཏི་སྭཱ་ཧཱ། མགོན་པོའི་ཕྱག་རྒྱའོ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། 
སརྦ་ཐ། ཨོཾ་བྷུ་དྷ་ར་དྷ་ར། ཨ་ཙན་དྱ་བ་ལ་བི་ཀྲ་མ་ཎཾ། བུ་ར་བུ་ས་ལ་ཡ། རཀྵ་རཀྵ་སརྦ་སྭཱ་ཧཱ། རྡོ་བའི་ཕྱག་རྒྱའོ། །ན་མཿསརྦཱ་ས་པ་རི་པུ་ར་ཀེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐ། ཨོཾ་བཛྲ་ཧྲྀ་ད་ཡ། བཛྲ་
མ་ཏི་གི་སྭཱ་ཧཱ། སྙིང་གའི་ཕྱག་རྒྱའོ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ སརྦ་ཐ། ཨོཾ་ཧཱུྃ་ད་ཧ་ད་ཧ། ཀིན་ཙི་རཱ་ཡ་སི། ཨཱ་ན་ཡ་ཤཱི་གྷྲཾ། རཀྵ་རཀྵ། བན་དྷ་བན་དྷ། དུཥྚཾ། 
ད་མ་ད་མ་སྭཱ་ཧཱ། ཕྱོགས་བཅིང་པའོ། །ན་མཿསརྦ་ས་པ་རི་པུ་ར་ཀེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐ། ཨོཾ་དུ་ན་དུ་ན་མ་ཧཱ་པཱ་ཤ་ཁཌ་ག་དྷ་ར། ས་པ་རི་པུ་ར་ཀེ་སྭཱ་ཧཱ། བཀའ་རྟགས་ཀྱིའོ། །ན་མཿ

98-1-116a

སརྦཱ་ས་བ་རི་པུྰ་ར་ཀེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐ། ཨོཾ་ག་ག་ན་གན་དོད་བྷ་བ། མ་ཧཱ་ས་མ་ཡ། པ་རི་པུ་ར་ཀེ་སྭཱ་ཧཱ། གྲིའི་ཕྱག་རྒྱའོ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། 
སརྦ་ཐ། ཨོཾ་བི་ཤུད་དྷ་ཛྙཱ་ན་རཱ་ཛི་སཾ་བྷ་བེ་ག་ག་ནཱ་ནཾ་ཧཱ་སྭཱ་ཧཱ། མ་མོའི་ཕྱག་རྒྱའོ། །ན་མཿསརྦ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐ། ཨོཾ་ཤུད་དྷ་དྷརྨ་ཏེ། ཤུད་དྷ་ཤུད་དྷ། གྲྀཧྞ་གྲྀཧྞ། སརྦཱ་ས་པ་རི་པུ་ར་
ཀེ་བྷྱཿསྭཱ་ཧཱ། གཏོར་མའི་ཕྱག་རྒྱའོ། །ན་མཿསརྦ་ས་པ་རི་པཱུ་ར་ཀེ་བྷྱཿ སརྦ་ཏ་ཐཱ་ག་ཏེ་བྷྱཿ། སརྦ་ཐཱ། ཨོཾ་ཤུད་དྷ་མ་ཧཱ་ཛྙཱ་ན་སྭ་བྷ་གེ་ཏིཥྛ་ཏིཥྛ། མ་ཧཱ་ན་ཡེ་སྭཱ་ཧཱ། བདུག་པའི་འོ། །ན་མཿསརྦཱ་ས་པ་རི་པུ་ར་ཀེ་
བྷྱཿ། སརྦ་ཏ་ཐ་ག་ཏེ་བྷྱཿ། སརྦ་ཐཱ། ཨོཾ་ག་ག་ན་བི་ཀྲཱན་ཏ་གཱ་མ་ནི་མ་དཱ་ཤུད་དྷ་ཡེ་སྭཱ་ཧཱ། མེ་ཏོག་གིའོ། །ན་མཿསརྦ་ས་པ་རི་པུ་ར་ཀེ་བྷྱ། སརྦ་ཏ་ཐཱ་ག་ཏེ་བྷྱཿ སརྦ་ཐཱ། ཨོཾ་ཧ་ན་ཧ་ན། པ་ར་མ་བི་ཤུདྷེ། དྷརྨ་
ན་ཡ་པ་རི་པུ་ར་ཀེ་བྷྱཿསྭཱ་ཧཱ། ཞལ་ཟས་ཀྱིའོ། །ན་མཿསརྦ་ས་པ་རི་པུ་ར་ཀེ་བྷྱཿ སརྦ་ཏ་ཐ་ག་ཏེ་བྷྱཿ། སརྦ་ཐ། ཨོཾ་ཨ་པྲ་ཏི་དི་དོན་དྱ་ཏ། ད་མ་ད་མ། སརྦ་ཐཱ། ས་པ་རི་པུ་ར་ཀེ་བྷྱ་སྭཱ་ཧཱ། དཔའ་བོ་སྤྱན་དྲང་བའི་
འོ། །ན་མཿསརྦ་ས་པ་རི་པུ་ར་ཀེ་བྷྱཿ། སརྦ་ཏ་ཐ་ག་ཏེ་བྷྱཿ སརྦ་ཐཱ། ཨོཾ་བྀ་ཤུད་དྷ་བི་ཤུད་དྷ། ས་ཀྲ་སྭ་བྷ་བེ་ཨཱ་ན་ཡ། མ་ཧཱ་ན་ཡེ་སྭཱ་ཧཱ། བྱང་ཆུབ་སེམས་དཔའ་སྤྱན་དྲང་བའོ། །ན་མཿསརྦཱ་ས་པ་རི་པུ་
ར་ཀེ་བྷྱཿ། སརྦ་ཏ་ཐ་ག་ཏེ་བྷྱཿ སརྦ་ཐཱ། ཨོཾ་བི་ཤུད་དྷ་སྭཱ་ཧཱ། ཧ་ན་ཧ་ན། ད་མ་ད་མ། མ་ཧཱ་ན་ཡེ་སྭཱ་ཧཱ། ཉན་ཐོས་སྤྱན་དྲང་བའི་འོ། །ན་མཿསརྦཱ་ས་པ་རི་པུ་ར་ཀེ་བྷྱཿ སརྦ་ཏ་ཐཱ་ག་ཏེ་བྷྱ། སརྦ་ཐཱ། ཨོཾ་བཛྲཱ་ཀར་
ཥཱ་ཡ། ཤཱི་གྷྲཾ། ད་ཧ་ད་ཧ། པ་ཙ་པ་ཙ། མ་ཧཱ་པ་རི་ཝཱ་ར་སྭཱ་ཧཱ། ཕོ་ཉ་ཕོ་མོ་སྤྱན་དྲང་བའོ། །ན་མ། སརྦ་ས་པ་རི་པུ་ར་ཀེ་བྷྱཿསརྦ་ཏ་ཐ་ག་ཏེ་བྷྱཿ། སརྦ་ཐ། ཨོཾ་མ་ཐཱ་མ་ཐཱ། ཨཱ་ན་ཡ་ཨཱ་ན་ཡ། 

98-1-116b

པྲ་བེ་ཤ་ཡ། པྲ་བེ་ཤ་ཡ། སརྦ་ཏ་ཐཱ་ག་ཏ་སརྦ་དེ་བེ་ཏ་མ་ཏ་མ། མ་ཧཱ་ན་ཡ་པ་རི་ཝ་རི་ཧཱུྃ་སྭཱ་ཧཱ། འཇིག་རྟེན་པ་རྣམས་སྤྱན་དྲང་བའོ། །ན་མཿསརྦ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ སརྦ་ཐ། ཨོཾ་
ས་དྱ་ས་དྱ། མ་ཧཱ་སཱ་དྷྱ་ཡ། ད་མ་ད་མ། མ་ཧཱ་ད་མ། ཨཱ་ཀར་ཥཱ་ཡ་ཨཱ་ཀར་ཥཱ་ཡ། ཨ་དྱ་བ་མ་ཧཱ་ན་ཡ་ཤུད་དྷེ་སྭཱ་ཧཱ། དྲང་སྲོང་སྤྱན་དྲང་བའོ། །ན་མཿསརྦ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐཱ། ཨོཾ་ཛ་ཡ་
ཛ་ཡ། བི་ཛ་ཡ་བི་ཛ་ཡ། མ་ཧཱ་ས་དྱ་བ་ཏི་ནི། སརྦ་ཧཱེ་ཏེ་སྭཱ་ཧཱ། སྲིང་མོ་རྣམས་སྤྱན་དྲང་བའོ། །ན་མཿསརྦ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ སརྦ་ཐཱ། ཨོཾ་ཧྲི་ཧཱ་དཱ། མ་ཐ་མ་ཐ། ད་མ་ད་མ། ད་ན་ད་ན། མ་
ཧ་ན་ཡེ། མ་ར་མ་ར། ཧ་སྭཱ་ཧཱ། མ་མོ་རྣམས་སྤྱན་དྲང་བའོ། །ན་མཿསརྦ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱ། སརྦ་ཐཱ། ཨོཾ་ད་ན་བཛྲ་ཧཱུྃ་ཕཊ། སརྦ་དུཥྚ་གྲ་དཾ། མ་ཐ་མ་ཐ། བྷཉྫ་བྷཉྫ། སརྦ་བིགྷྣ། ད་མ་
ད་མ། སརྦ་དུཥྚཾ་ཨོཾ་ཧཱུྃ་ཕཊ་སྭཱ་ཧཱ། རྐང་སྟབས་ཚམ་ངམ་གྱི་སྔགས་སོ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐཱ། ཨོཾ་ཨཱ་ཧཱུཾ། ཨཱ་ཀཱ་ཤ་ག་ག་ན་སྥ་ར་ཎ་ཁཾ་སྭཱ་ཧཱ། འོ་ཐུག་འཁུར་བ་
འབྲུ་སྣ་ཚོགས། །སྤོས་དང་མེ་ཏོག་ལ་སོགས་པ། །ཅི་འབྱོར་འབྱོར་པའི་གཏོར་མ་ནི། །སྔགས་དེས་སྤྲོ་ཞིང་སྤེལ་བར་བྱ། །ན་མཿསརྦཱ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐཱ། ཨོཾ་སྭ་བྷ་བ་སརྦ་ཐ་
བྷྱཾ་བཱཾ་སྭཱ་ཧཱ། ན་མཿསརྦ་ས་པ་རི་པུ་ར་ཀེ་བྷྱཿ། སརྦ་ཏ་ཐ་ག་ཏེ་བྷྱཿ སརྦ་ཐ། ཨོཾ་ལ་བ་དྷེ་སརྦ་ག་ག་ན་ལ་བ་དྷ་ཡ་སྭཱ་ཧཱ། ན་མཿསརྦ་ས་པ་རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐཱ། ཨོཾ་སརྦ་སིད་དྷི་དྭ་མི་ཧཾ་སྭཱ་ཧཱ། བྱིན་བརླབས་
བཞིན་དུ་བསྒྱུར་བ་དང་། །ཀུན་གྱིས་ཐིམ་པར་བྱ་བ་དང་། །འདོད་པའི་ལས་རྣམས་གང་དང་གང་། །གྲུབ་པར་བྱ་བའི་སྔགས་ཡིན་ནོ། །གཟའ་ཆེན་བརྒྱད་དང་རྒྱུ་སྐར་དང་། །ཉི་ཤུ་རྩ་བརྒྱད་རྣམས་ཀྱི་སྔགས། །ན་མཿསརྦ་ས་བ་

98-1-117a

རི་པུ་ར་ཀེ་བྷྱཿ། སརྦ་ཏ་ཐཱ་ག་ཏེ་བྷྱཿ། སརྦ་ཐཱ། ཨཱ་དི་ཏྱ། སོ་མ་ཨཾ་གཱ་ར་བུདྷཿ། བྲྀ་ཧསྤ་ཏི། ཤུ་ཀྲ་ཤ་ན་ཤྩ་ར་རཱ་ཧུཿ ཀེ་ཏུ། ཀྲིཏྟི་ཀ །རོ་ཧི་ཎཱི། མྲི་ག་ཤི་རཱཿ ཨཱར་ཏྲ་པུ་ནར་བ་སུ། སུ་ཥྱ་ཨ་ཤླེ་ཥཱ། མ་གྷ་པུརྦཱ་ཕལ་གུ་ཎི་ཨུཏ་ཏ་
ར་ཕལ་གུ་ཎི། ཧསྟ། ཙི་ཏྲ་སྭ་སྟི། བི་ཤཱ་ཁཱ། ཨ་ནུ་རཱ་དྷ། ཛེཥྛ་མུ་ལ། པུ་རཱ་ཥ་ཌྷ། ཨུ་ཏ་ཏ་ར་ཥཱ་ཌྷཱ་ཤྲ་བ་ཎཱ་ཨ་བྷི་ཛི་ཏ། ཤཏ་བྷི་ཥ། དྷ་ནིཥྛ། པུརྦ་བྷ་དྲ་བ་དཱ། ཨུཏ་ཏ་ར་བྷ་དཱ། རཻ་བ་ཏི། ཨ་ཤྭ་ནི། བྷ་ར་ནཱི། ཨོཾ་དང་སྭཱ་ཧཱར་བཅས་པ་ནྀ། །རང་རང་
སྙིང་པོའི་སྔགས་ཡིན་ཏེ། །གང་འདོད་ལས་ཀྱང་སྦྱར་བར་བྱ། །མཆོད་པའི་རིགས་ཀྱང་ཐ་དད་བྱ། །ན་མཿས་མན་ཏ་ཀཱ་ཡ་བཱཀ་ཙི་ཏྟ་བཛྲཱ་ཎཱཾ། ཨོཾ་ཨ་ཙ་ལ་ཀ་ཎ་ཙཎ་ཌ་མ་ཧཱ་རོ་ཥ་ན་སྥོ་ཊ་ཡ་ཏྲ་ཀ་ཁ་ཧཾ་མཾ། ན་མཿས་མན་ཏ་ཀཱ་
ཡ་བཱཀ་ཙི་ཏྟ་བཛྲཱ་ཎཱཾ། ཨོཾ་བཛྲ་ཀ་བ་ཙ་དུཾ་བཾ། ཨོཾ་ན་མཿསརྦ་ཏ་ཐཱ་ག་ཏེ་བྷྱཿ། སརྦ་བྡ་ཡ་བི་ག་ཏེ་བྷྱཿ། བི་ཤ་མུ་ཁེ་བྷྱཿ། སརྦ་ཐ་ཁཾ་རཀྵ། མ་ཧཱ་བ་ལི། སརྦྦ་ཏ་ཐཱ་ག་ཏེ་པུ་ནྱ་ནི་རྫ་ཏེ་ཧཱུྃ་ཧཱུྃ་ཏྲ་ཐཱ་ཨ་པྲ་ཏི་ཧ་ཏེ་སྭཱ་ཧཱ། ཁྲོ་བོ་སྤྱན་གཅིག་
དྲག་ཤུལ་ཅན། །བསྲུང་དང་བཅས་པར་མཆོད་པ་དང་། །སྔགས་བཟླས་དངོས་གྲུབ་བླངས་པས་འགྲུབ། །ཅི་འདོད་ལས་ལ་ཆོ་གས་སྦྱར། །ལག་གཡས་གུང་མཛུབ་གཤིབས་ཏེ་བརྐྱང་། །སྲིན་ལག་མཐེ་ཆུང་མཐེ་བོས་
མནན། །ཤུགས་དྲངས་ཚུལ་ཕྱུང་མཁའ་ལ་སྦྱར། །རལ་གྲི་ཕྱག་རྒྱས་བདུད་ཚོགས་འཇོམས། །གཡོན་པ་ཁུ་ཚུར་སྡིགས་མཛུབ་བསྒྲེང་། །སླར་བསྒྱུར་བྱེད་པ་ཞགས་པའི་རྒྱ། །གུང་མོ་མཐེའུ་ཆུང་སོ་སོར་སྤྲད། །འཛུབ་
མོ་མིང་མེད་ནང་དུ་དགུག །མཐེ་བོ་གཤིབས་པ་གུང་འགྲམ་སྦྱར། །སྙིང་ག་བཀོད་དེ་གོ་ཆའི་རྒྱན། །སོར་འཁྱུད་ཁུ་ཚུར་ནང་དུ་བསྡམ། །མཐེབ་གཉིས་ཅུང་བསྒྱུར་མགོ་ཐོད་རྒྱ། །གཡོན་པའི་ཁུ་ཚུར་མཐེ་བོ་ནི། །གཡས་
པའི་ཁུ་ཚུར་ནང་བཅུག་ནས། །མཐེ་བོང་གཡས་བསྒྲེང་ཐོ་བའི་རྒྱ། །ཕྱོགས་བཅུར་བརྡུངས་པ་ལྟར་བྱའོ། །གཡས་པ་ཁུ་ཚུར་གུང་མོ་བསྒྲེང་། །སྤྱི་གཙུག་ཕྱག་རྒྱ་བཙུག་ཏུ་བཞག །གཡོན་པ་ཁུ་ཚུར་གུང་

98-1-117b

མཛུབ་བསྒྲེང་། །བཀའ་རྟགས་ཕྱག་རྒྱ་རྟག་ཏུ་ཕྱར། །ཁུ་ཚུར་གཉིས་གཤིབས་ལྟོ་སྦྱར་བ། །རྡོ་བ་ལྟ་བུའི་ཕྱག་རྒྱའོ། །གཡས་པའི་ཁུ་ཚུར་སྙིང་གར་གཞག །སྙིང་ག་བརྒྱན་པའི་ཕྱག་རྒྱའོ། །ལག་
གཉིས་སོར་མོ་སོ་སོར་བརྐྱང་། །ཕྱོགས་བཅུ་བའི་ཕྱག་རྒྱའོ། །ལག་སྦྱར་གུང་གཉིས་ནང་བཅུག་པ། །དྲི་ཡི་ཕྱག་རྒྱར་བཤར་པའོ། །ཁུ་ཚུར་རྒྱབ་སྤྲད་གུང་མཐེ་བོང་། །མཐེ་བོང་གུང་མཛུབ་སྤྲད་དང་འཁྱུད། །གཏོར་མ་སྦྱིན་
པའི་ཕྱག་རྒྱའོ། །ཐལ་མོ་ཁོང་སྟོང་ཤུབས་ལྟར་གདོན། །བདུག་སྤོས་འབུལ་བའི་ཕྱག་རྒྱའོ། །ལག་གཉིས་སོ་སོར་གུང་སྲིན་བཀུག །མཐེབ་མནན་བཞག་བརྐྱང་མེ་ཏོག་རྒྱ། །ཐལ་སྦྱར་གུང་སྲིན་མཛུབ་མོ་
བཀུག །མཐེའུ་ཆུང་མཐེབ་བརྐྱང་ཞལ་ཟས་རྒྱ། །སྐྱིལ་དཀྲུང་འདུག་སྟེ་སྙིམ་པ་ཟེད། །མཐེ་བོ་གཉིས་ནི་ནང་དུ་བཀུག །སོར་གཤིབས་ནས་གཡབ་བྱེད་པ་ནི། །དཔའ་བོ་གཙོ་བོ་སྤྱན་དྲང་རྒྱ། །ཐལ་སྦྱར་མཛུབ་བཀུག་མཐེ་
བོས་མནན། །བྱང་ཆུབ་སེམས་ཚོགས་འགུགས་པའྀ་རྒྱ། །སྙིམ་བསྐྱེད་མཐེའུ་ཆུང་བཤིབས་ཏེ་བརྐྱང་། །ལྷག་མ་བརྒྱད་པ་སོ་སོར་གུག །ཉན་ཐོས་རང་རྒྱལ་རྫུ་འཕྲུལ་ཅན། །མ་ལུས་ཐམས་ཅད་འགུགས་པའི་རྒྱ། །
ཁུ་ཚུར་གཡས་པ་གཡོན་སྟེངས་བཞག །མཛུབ་གཉིས་གརྐྱང་སྟེ་སོ་སོར་དགུག །ཅུང་ཟད་བསྐྱེད་པར་བྱེད་པ་ནི། །ཕོ་ཉ་ཕོ་མོ་འགུགས་པའི་རྒྱ། །ཁུ་ཚུར་རྒྱབ་སྤྲད་གུང་མཛུབ་ནི། །སོ་སོར་དྲང་པོར་གཤིབས་ཏེ་བརྐྱང་། །
མཐེབ་གཉིས་ཅུང་ཟད་སྤྲད་དེ་དགུག །འཇིག་རྟེན་པ་རྣམས་འགུགས་པའི་རྒྱ། །གཡོན་མིན་གཡས་པས་དེ་ལྟར་བྱ། །བརྟུལ་ཞུགས་དྲང་སྲོང་དགུག་པའི་རྒྱ། །གཡོན་པ་ཁུར་ཚུར་གུང་མོ་བསྒྲེང་། །དངོས་གྲུབ་སྲིང་མོ་འགུག་
པའི་རྒྱ། །ལག་གཡས་བཀན་ཏེ་བརྐྱང་ནས་ཀྱང་། །མཐེ་བོས་མཛུབ་མནན་གསུམ་པོ་གཡབ། །མ་བདུན་ལ་སོགས་མ་མོ་རྣམས། །ལས་ཀྱི་དུས་སུ་འགུགས་པར་འགྱུར། །རེས་ཀྱིས་བཏེག་ཅིང་དྲང་པོ་ཡི། །

98-1-118a

པུས་མོ་དག་ལ་རྐང་མཐིལ་སྦྱར། །སྤྱི་བོར་མེ་ཏོག་ཐལ་སྦྱར་ཡང་། །ཕྱོགས་དེར་གཡོབ་ཅིང་འབྲི་ཚུགས་ལྟ། །ཟླུམ་པའི་སྟབས་ཀྱིས་འདི་ཀུན་གྱིས། །བགེགས་ཚོགས་འཇོམས་ཤིང་རྣལ་འབྱོར་བསྲུང་། །
ལག་པ་གཡས་ནི་གྱེན་དུ་བརྐྱང་། །གཡོན་པ་སྙིང་གར་སྡིགས་མཛུབ་སྟེ། །རྐང་གཉིས་སྤྲད་ནས་རྟིང་པ་རྡེབས། །ཧཱུྃ་བརྗོད་དྲག་སྐད་མདུན་དུ་ལྟ། །ས་གསུམ་གཡོ་བྱེད་ཟླ་གམ་སྟབས། །རྐང་
གཡོན་བརྐྱང་བའི་སྟབས་དང་ནི། །ཧ་ཧ་བརྗོད་ཅིང་ཞབས་རྒྱ་བཅིང་། །ཕན་ཚུན་བསྣོལ་ནས་བགེག་ལ་བསྣུན། །འཁོར་ལོ་ཕྱག་རྒྱ་ཕྱེ་མར་བྱ། །རྐང་གཡས་བརྐྱང་བའི་སྟབས་དང་ནི། །རྡོ་རྗེ་ཐལ་མོ་མཁའ་
ལ་བསྣུན། །ཁྲོ་གཉིས་མིག་ཅན་མ་མཆུ་མནན། །ཡན་ལག་གཉིས་གཉིས་མེ་ལྟར་སྤྲད། །རྐང་པ་མཉམ་སྟབས་ཧཱུཾ་སྒྲ་ཅན། །ལག་གཉིས་སྡིགས་མཛུབ་ཕྱག་རྒྱའོ། །
རྐང་གཉིས་མཉམ་དུ་བཞགས་པ་ལས། །གཡས་ཀྱི་གཡོན་བསྐོར་ལྟེ་བ་ཡིན། །མདུན་དུ་གཡས་ཏེ་རྒྱབ་དུ་གཡོན། །གྱ་ཚོམ་གསུམ་གསུམ་མནན་པ་ནི། །རྩེ་གསུམ་ཡིན་ཏེ་རྩེ་གསུམ་རྒྱ། །
ལག་པ་སྟེང་བརྐྱང་དབྱིག་བསྒྲེང་ལྟར། །བགེགས་ལ་བསྣུན་ཞིང་འབྲི་ཚུགས་བལྟ། །གཡས་སུ་ཐོ་བ་ཧཱུཾ་བརྗོད་བརྡེག །གཡོན་པ་སྙིང་གའི་སྡིགས་མཛུབ་སྟེ། །གཉིས་ཀ་བགྲད་པ་འཁོར་ལོ་བྱ། །
གནུབ་བལྟས་རྐང་པ་མཉམ་བཞག་ནས། །མདུན་གཡས་རྒྱབ་དང་གཡོན་ཕྱོགས་སུ། །གཡོན་པས་བགེག་གསུམ་མནན་བྱ་ཞིང་། །རིམ་པས་མེ་དང་རལ་གྲི་དང་། །སྡིགས་མཛུབ་ཞགས་པ་ཕྱོག་བཞིར་
བཅིང་། །ཧ་ཧཱུྃ་དྲག་བརྗོད་བརྗིད་གནོན་རྒྱ། །རྐང་གཉིས་པུས་འཁྱུད་ལག་པ་གཉིས། །གྲུབ་མོ་བསྒྱུར་ན་ཐིག་གིས་མནན། །བགེགས་བསྐྲད་ཕྱིར་ནི་འབྲུ་ཚུགས་བལྟ། །རྩེ་གཅིག་རྡོ་རྗེ་སྟབསུ་བཅད། །

98-1-118b

རྐང་པ་གཡས་གཡོན་རེས་ཀྱི་བསྐོར། །ལྷོ་བྱང་གཡོན་ཏེ་ཤར་ནུབ་གཡས། །བརྐྱང་ཞིང་དྲག་དུ་བརྡབ་པར་བྱ། །རྒྱབ་ནས་དྲང་དང་ཐོ་བ་དང་། །རྡོ་རྗེ་དང་ནི་ཞགས་པའི་རྒྱ། །ཕྱོགས་བཞིར་བྱ་སྟེ་འཁོར་ལོ་སྟབ། །
ཕྱག་རྒྱ་དང་ནི་སྟང་སྟབས་ཀྱིས། །ཕྱོག་སྐྱོང་རྣམས་ཀྱང་སྒྲག་བྱེད་ན། །འབྱུང་པོའི་ཚོགས་འཇོམ་སྨོས་ཅིང་དགོས། །ཐམས་ཅད་དབང་དུ་སྡུད་པར་བྱེད། །དེ་ནས་ཕྱོགས་བཅུ་བཅིང་བ་ཡི། །
རྐང་སྟབས་ཁྱད་པར་བཤད་པར་བྱ། །ཤར་དུ་རྐང་པ་མཉམ་པ་ཡིས། །རྡོ་རྗེ་ཐལ་མོ་གྱེན་དུ་བརྡེག །ལྷོར་ནི་རྐང་རྟིང་སྤྲད་དེ་གདང་། །ཧཱུྃ་སྒྲོགས་ཐལ་མོ་མདུན་རྒྱབ་སྦྱར། །ནུབ་དུ་རྐང་སྤྲད་ལག་
པ་གཉིས། །སོ་སོར་སྡིགས་མཛུབ་གྱེན་དུ་བརྐྱང་། །བྱང་དུ་རལ་གྲིའི་ཕྱག་རྒྱ་དང་། །རྐང་པ་ཡ་གཅིག་ས་ལ་བསྒྲེང་། །ཁུ་ཚུར་མཛུབ་སྦྱར་དཔྲལ་བར་བཟློག །ཀང་གཉིས་མཉམ་བྱས་རེས་ཀྱིས་ཕྱར། །
མཆེ་གཙིགས་ཧཱུྃ་སྒྲོགས་ཁྲོ་གཉེར་བལྟ། །བྱང་ཤར་ཐིག་ལེར་གྲགས་པའི་རྒྱ། །ཁུ་ཚུར་མཐེའུ་ཆུང་མཆེ་བའི་རྒྱ། །རྐང་པ་རེས་བཏེག་ཤར་ལྷོར་ཕྱེ། །ལྷོ་ནུབ་རྐང་གཉིས་རེས་ཀྱིས་བརྡབ། །ཞགས་
པས་འདེབས་དང་རལ་གྲིས་གཅོད། །ནུབ་བྱང་རྐང་གཉིས་བརྡབ་པ་དང་། །ལག་གཉིས་འཐེབ་སྤྲད་འཁོར་ལོ་བསྐོར། །ཡང་ན་ཚེ་གཅིག་ཕྱག་རྒྱས་གདབ། །སྟང་སྟབས་ཐམས་ཅད་ཧ་ཧཱུྃ་སྒྲོགས། །དེ་ནས་
རིག་སྔགས་བཟློག་པ་ཡི། །ཕྱག་རྒྱ་ཆོ་ག་བཤད་པར་བྱ། །ཁུ་ཚུག་གུང་མོ་བརྐྱང་རྩེ་སྤྲད། །མཛུབ་གཉིས་དེ་ཡི་འགྲམ་དུ་བཅང་། །སྔགས་དང་ཕྱག་རྒྱ་ཐམས་ཅད་ཀྱིས། །ལྷ་ཀླུ་སྲིན་པོ་གནོད་སྦྱིན་དང་། །
མཁའ་འགྲོ་འབྱུང་པོ་མི་མ་ཡིན། །གསོད་དང་སྐྲོད་དེ་མེ་ལྟར་མཛད། །འཕག་པ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་ལས་སྔགས་དང་ཕྱག་རྒྱའི་ལེའུ་སྟེ་གསུམ་པའོ།། །།

98-1-119a

བླ་ན་མེད་པའི་རས་རིས་སྐུ། །ཆོ་ག་དེ་ནས་བཤད་པར་བྱ། །བྲིས་སྐུ་འདོད་པས་ཐམས་ཅད་དུ། །དགེ་བའི་རས་བཟངས་བཙལ་ནས་ཀྱང་། །བཀྲུས་ཏེ་སྔགས་ཀྱིས་བསྲུང་བྱས་ལ། །ངུར་
སྨྲིག་ཏུ་ནི་བསྒྱུར་བར་བྱ། །རྒྱུད་བཟངས་དལ་ཞིང་དུལ་བག་ཡོད། །ཆོས་ཐོས་རི་མོ་མཁས་ལ་བསྒྲིན། །སྲེད་ཆུང་ཡིད་གཞུངས་ཁྲོ་མེད་པས། །སེན་རྩི་ཤུན་ཀན་ཚ་ལ་སྦྱར། །སྤངས་དང་མུ་ཟི་ཀྲན་ལྟར་ལྗང་། །
བ་བླ་ཀྲ་ཏྀ་སླ་ན་སེར། །ལི་ཁྲི་སྒོ་ང་མཚལ་སྤགས་དམར། །རམས་དང་མཐིང་ཤུག་བྲུ་ནིར་སྔོ། །སྦྱིག་དང་ཨཉྫ་ནག་པོ་སྟེ། །ཤེ་ཏྭ་དག་ཀྱང་དཀར་པོར་འགྱུར། །ས་སྣོད་སོ་བཏང་སྐགས་སྙིག་བྱུག །པིར་འཇམ་
རབ་འབྲིང་ཐ་མ་བྲི། །རྒྱལ་དང་ས་རི་ནམ་གྲུ་དང་། །སྣྲོན་སྣྲུམས་སྨིན་དྲུག་ལྷ་མཚམས་ཤིས། །དེ་ནས་ཡང་དག་རབ་བཤད་པ། །ཐུབ་པའི་དགེ་བ་རས་རིས་ལ། །དབུས་སུ་བྱང་ཆུབ་ཤིང་མཆོག་དྲུང་། །གསེར་
མདོག་འཁོར་ལོ་སྒྱུར་བའི་ཆས། །ཆོས་འཆད་ཕྱག་རྒྱ་ངུར་སྨྲིག་མནབས། །ལོགས་སུ་འདབ་བཟངས་རྒྱལ་པོ་གཉིས། །སྙིམ་པ་མེ་ཏོག་བཀང་བའི་གཟུགས། །གཡས་སུ་འཇིག་རྟེན་དབང་པོ་དཀར། །ངུར་སྨྲིག་གྱོན་པས་
ཐལ་མོ་སྦྱར། །དེ་ཡི་ཞབས་སུ་མི་གཡོ་བ། །སྤྱན་གསུམ་ཁྲོས་པ་ཀླུ་ཡི་བརྒྱན། །ན་རའི་སྟོད་གཡོག་སྟག་སྨད་དཀྲིས། །རིན་ཆེན་རྒྱན་ཅན་དོ་ཀེར་ཅན། །རྡོ་བ་དམར་པོའི་ཁྲི་སྟེངས་ན། །རལ་གྲི་དང་ནི་ཞགས་པ་དང་། །གཡོན་པ་
ཅུང་ཟད་བརྐྱང་སྟེ་བཞེངས། །གཙོ་བོའི་གཡོན་གྱི་ཕྱོག་ཆ་ལ། །རྡོ་རྗེ་འཛིན་སྔོ་ངུར་སྨྲིག་ཅན། །རྡོ་རྗེ་དང་ནི་ཞག་པ་འཆང་། །དེ་ཡི་འོག་ཏུ་སྒྲུབ་པོ་ནི། །པུས་བཙུག་སྤོས་ཀྱི་ཁང་བུ་འཛིན། །གཙོ་བོ་ཞབས་སུ་ཁྲོ་བོ་ཆེ། །ནག་པོ་
ཁམས་གསུམ་བརྟན་པ་ཡི། །ལག་གཉིས་རིན་ཆེན་ཁྲི་ལ་བཏེག །གཙོ་བོའི་སྣ་ཚོགས་པད་མ་སྟེ། །མཇིག་རྟེན་དབང་དང་ཁྲོ་བོ་ཡི། །རྡོ་རྗེ་འཛིན་དང་བསྒྲུབ་པའི་སྔོ། །ཡན་ལག་ལྔ་པ་སྡོང་པོ་གཅིག །ཀླུ་ཡི་བུ་མོ་

98-1-119b

མཛེས་མ་གཉིས། །པང་གིས་འཁྱུད་དེ་འཛིན་པར་མཛད། །ཞི་བ་རྒྱས་པ་དབང་གི་ཕྱིར། །དེ་ནས་བྲིས་སྐུ་ཡང་དག་བཤད། །དབུས་སུ་ཤཱཀྱ་ཐུབ་པ་དང་། །གཡས་སུ་འཕགས་པ་འཇམ་དཔལ་ཏེ། །གཡོན་དུ་ཕྱག་ན་རྡོ་རྗེའོ། །
བསྙེན་པའི་དོན་དུ་རས་རིས་ནི། །ཤིན་དུ་བལྟ་དཀའ་གསུས་པོ་ཆེ། །ཞལ་གཅིག་ཕྱག་བཞི་ཀླུ་ཡིས་བརྒྱན། །ཁ་ནས་ཁྲག་འཛག་ལྕེ་འདྲིལ་བ། །མཆེ་གཙིག་ཧྲཱིཿསྒྲ་ཆེར་སྒྲོགས་པ། །སྤྱན་གསུམ་ཉི་མ་ཤར་ཀའི་
འོད། །ངུར་སྨྲིག་མནབས་པ་ཆར་སྤྲིན་མདོག །སྐུ་ལ་ཐོད་རློན་ཕྲེང་བ་ཅན། །དབུ་ལ་ཐོད་པ་ཚར་བཞིས་བརྒྱན། །གཡོན་དུ་རིན་ཆེན་ཟུར་ཕུད་འཕྱང་། །བསྐལ་པའི་མེད་འོད་འབར་བ་ཡིས། །ཕྱོགས་ཀྱི་བགེགས་
ཚོགས་སྲེག་པར་མཛད། །གཡས་ཀྱི་དང་པོ་རྡོ་རྗེ་སྟེ། །གཉིས་པས་རལ་གྲི་འོད་འབར་འཆང་། །གཡོན་གྱི་དང་པོ་རྡོ་རྗེ་ཞགས། །གཉིས་པ་བསྡིགས་མཛུབ་བརྐྱང་སྟེ་མཛད། །རིན་ཆེན་རྡོ་ཡི་ཁྲི་སྟེངས་སུ། །
བགེགས་ཀྱི་རྒྱལ་པོ་མནན་ནས་ཀྱང་། །གཡོན་བརྐྱང་པ་ཡི་གར་གྱིས་གནས། །དེ་ཡི་མདུན་དུ་ཞི་བའི་བྱད། །སྤོས་ཁང་བཟུང་བའི་སྒྲུབ་པོ་བྲི། །ཅི་འབྱོར་རྒྱུན་དུ་མཆོད་པར་བྱ། །མངོན་སྤྱོད་བསྒྲུབ་པའི་རས་རིས་ནི། །དེ་ནས་
ཡང་དག་བཤད་པར་བྱ། །དུར་ཁྲོད་རས་ལ་མི་གཡོ་བ། །མདོག་ནག་སྤྱན་གསུམ་ཟུར་མིག་ལྟ། །ངུར་སྨྲིག་གོས་གྱོན་ཁྲོ་གཉེར་ལྡན། །རལ་གྲི་དང་ནི་ཞག་པ་འཆང་། །བྲིས་ནས་བདག་གི་ཁྲག་གྀས་ནི། །སྤྱན་ཕྱེ་གསོལ་བ་
བཏབ་པར་བྱ། །རི་མོ་འདི་ནི་རིགས་འཛིན་ཀྱང་། །སྒྲུབ་པོ་མངོན་སྤྱོད་སྨོས་ཅི་དགོས། །ཡང་ན་སྣ་ཚོགས་ལས་ཀྱི་ཕྱིར། །མཐིང་ག་ན་རའི་རྒྱན་ཅན་ནི། །བརྐྱང་སྐུམ་རྡོ་རྗེ་དྲིལ་བུ་འཛིན། །པད་མ་ཟླ་བ་ལ་བཞུགས་བྲི། །དམག་དཔུང་
རེངས་པའི་རས་རིས་ནི། །གསེར་མདོག་ཁྲོ་བོ་མི་གཡོ་བ། །མི་སྡུག་མཆེ་བ་གཙིགས་པའི་སྐུ། །འབར་ཕྱེད་འཁྲིགས་པའི་འོད་ལྡན་པ། །ཞལ་བཞི་ཕྱག་ཀྱང་བཞི་པ་སྟེ། །རལ་གྲི་ཞགས་པ་དང་པོར་འཛིན། །རིན་པོ་ཆེ་དང་སྡིགས་མཛུམ་

98-1-120a

འོག །ཞབས་བཞི་བདུད་བཞི་སྙིང་གར་རོ། །དེ་ནས་རིག་འཛིན་དངོས་གྲུབ་ཀྱི། །རས་རིས་བྲི་བ་ཡང་དག་བཤད། །མི་གཡོ་ཁྲོ་བོ་ཞལ་གཅིག་པ། །མདངས་བཟང་ཟར་མའི་མེ་ཏོག་མདོག །རལ་གྲི་ཞག་
པ་སྡིག་མཛུབ་ཅན། །པུས་མོ་གཡས་བཏེག་གཡོན་པ་ནི། །ས་ལ་ཅུང་ཟད་བཙུགས་པར་མཛད། །མཁའ་ལ་ལྷ་ཡི་བུ་གཉིས་ཀྱིས། །དབུགས་འབྱིན་མཛད་པ་ཉམས་དགའི་གཟུགས། །གཡས་སུ་རྣམ་སྣང་མཛད་བྲི་སྟེ། །
གཡོན་དུ་འོད་དཔག་མེད་པའོ། །དེ་མདུན་སྒྲུབ་པོ་ཉིད་ཀྱང་བྲི། །གང་ཡང་རིས་མ་ཐམས་ཅད་ལ། །མཆོད་དེ་མེ་ཏོག་གཏོར་ནས་ཀྱང་། །སྤྱན་ཕྱེ་ན་བཟའ་གསོལ་བྱས་ཏེ། །རྟེན་འབྲེལ་སྔགས་ཀྱིས་རབ་གནས་བྱ། །དེ་རྗེས་
སྨོན་ལམ་གདབ་པ་ནི། །ཨོཾ་ལྡན་བདག་གིས་བསགས་པ་ཡི། །བསོད་ནམས་གྲངས་མེད་གཞལ་མི་ལང་། །དེས་ནི་འགྲོ་བ་མ་ལུས་པ། །བླ་མེད་གོ་འཕང་ཐོབ་པར་ཤོག །སེམས་ཅན་དམྱལ་བ་དུད་འགྲོ་དང་། །ཡི་དགས་གང་དག་
གྲངས་མེད་རྣམས། །བདག་གི་བསོད་ནམས་མཐུ་ཡིས་ནི། །ཐམས་ཅད་བདེ་དང་ལྡན་གྱུར་ཅིག །གང་ཡང་ལྷ་མི་དབུལ་ཕོངས་དང་། །མི་ནད་མུ་གེ་དགྲ་ཆོམ་སོགས། །བདག་གིས་བསོད་ནམས་མཐུ་ཡིས་ནི། །
དེ་དག་ཐམས་ཅད་བྲལ་གྱུར་ཤོག །ཇི་སྙེད་སེམས་ཅན་ཐམས་ཅད་རྣམས། །དེ་སྙིད་སྡུག་བསྔལ་རྒྱ་མཚོ་ཀུན། །སྣ་ཚོགས་དེ་དག་ཀུན་ཞི་ནས། །འགའ་ཡང་སྡུག་བསྔལ་མེད་པར་ཤོག །སེམས་ཅན་གང་དག་
ལུས་ངག་ཡིད། །མི་དགེ་སྤྱོད་པ་བྲལ་གྱུར་ནས། །དགེ་བ་ཕུན་ཚོགས་སྤྱོད་གྱུར་ཏེ། །ཀུན་ཀྱང་བདེ་ལྡན་ཐོབ་གྱུར་ཤོག །དེ་ནས་རྒྱལ་སྲས་ཀུན་བདུད་དེ། །ལག་ན་དྲི་དང་མེ་ཏོག་སོགས། །མཆོད་པའི་ཡོ་
བྱད་ཀུན་ཐོགས་ནས། །བླ་འོག་ཐ་དད་གསལ་བྱའི་ཕྱིར། །བདེ་གཤེགས་བསྡུ་དོན་འདི་སྐད་བརྗོད། །ཨོཾ་བདེ་བར་གཤེགས་པའི་བཅོམ་ལྡན་འདས། །སྐྱོབ་པ་དངོས་སུ་བཞུགས་པ་རྣམས། །བདག་ལ་སླར་ཡང་

98-1-120b

བརྩེ་བའི་ཕྱིར། །རྒྱལ་བ་སྲས་བཅས་ལ་མི་མངའ། །བདག་དོན་གྲུབ་པར་འགྲོ་བ་ལ། །བརྩེ་ཕྱིར་སླར་ཡང་བྱོན་པར་མཛོད། །དེ་ནས་གཏོར་མ་མེ་ཏོག་དྲི། །དཀྱིལ་འཁོར་རྒྱན་དང་རྡུལ་ཚོན་རྣམས། །དངོས་གྲུབ་དམ་
ཚིག་གནོད་སྤང་ཕྱིར། །ལག་པས་རེག་པར་མིད་བྱ་ཏེ། །གོས་ཀྱི་ཕུར་མ་ལ་སོགས་པ། །ཅི་བདེ་བས་ནི་ཕྱགས་ནས་ཀྱང་། །སྐྱེ་འགག་མེད་པའི་སྔགས་བརྗོད་ནས། །ཆུ་བོ་ལ་ནི་དོར་བར་བྱ། །འབྲས་དང་འོ་
མ་ཤ་ཀ་ར། །མར་དང་བཅས་པ་བསྐོལ་བྱས་ཏེ། །འབྲས་ཟན་དང་ནི་ལྷན་གཅིག་ཏུ། །དགའ་བསྐྱེད་ཕྱིར་དུ་དགེ་འདུན་དང་། །བྲམ་ཟེ་ལ་ནི་སྟོན་མོ་བྱ། །དེ་ནས་བྲིས་སྐུ་བརྟན་པར་ནི། །གསང་བའི་གནས་སུ་
མཆོད་པར་བྱ། །ཁྱད་པར་ཚེས་བརྒྱད་དུས་སུ་མཆོད། །བླ་མ་ལ་ནི་ཡོན་དབུལ་ཞིང་། །རྟག་ཏུ་སྔགས་འཛིན་ཐམས་ཅད་ཀྱང་། །མཉེས་པར་བྱ་པའི་ཁྲོས་པ་མིན། །སེམས་ཅན་མ་མོས་སྤང་བར་བྱ། །དཀོན་
མཆོག་གསུམ་ལ་ངེས་བསྐྱེད་དེ། །ཐེ་ཚོམ་ལེ་ལོ་སྤང་བར་བྱའོ། །རང་གི་ཕུང་པོ་བསྙེན་བཀུར་ཕྱིར། །ཁྲུས་དང་གཙང་སྦྲ་ལྡན་བྱས་ནས། །གོས་སྦྲ་དྲི་མ་མེད་པ་བགོ། ཟས་ཀྱང་འབྲས་སོགས་དྲི་
མེད་ལ། །ཉུང་ངུ་བཟའ་ཞིང་བཏུང་བར་བྱ། །མངས་པས་གཉིད་དང་ལེ་ལོ་དང་། །དྲི་ང་བ་ནི་བསྐྱེད་པར་འགྱུར། །ཐོ་རངས་དང་པོར་ལང་ནས་ནི། །སྲོད་ཐལ་བར་དུ་བརྩོན་པར་བྱ། །ནམ་གྱི་གུང་ལ་གཉིད་པའི་ཚེ། །
འགྲོ་ལ་ཕན་བྱའི་སེམས་ཀྱིས་ཉལ། །འཕགས་པ་ཁྲོ་བོའི་རྒྱལ་པོའི་རྟོག་པ་བསྡུགས་པའི་རྒྱུད་ལས་བྲིས་སྐུའི་ལེའུ་སྟེ་བཞི་པའོ།། །། དེ་ནས་ཡང་དག་བཤད་བྱ་སྟེ། །ལྷ་བསྒོམ་པའི་རིམ་པ་ནི། །
རང་གཟུགས་སྟོང་པར་བྱས་ནས་སུ། །ཡི་གེ་ཕྲེང་བའི་འཁོར་ལོ་ལས། །སྒྲ་གྲགས་པ་ནི་རིག་པ་ཆེ། །ཟླ་བའི་གཟུགས་བརྙན་ལྟ་བུར་སྣང་། །དེར་སོན་པ་ནི་རྡོ་རྗེ་སོགས། །རང་གི་ཕྱག་རྒྱ་ཉིད་ཡིན་ནོ། །

98-1-121a

དེ་ནས། དེ་ལས་གྱུར་པའི་སྐུ་མཆོག་ནི། །འཇའ་ཚོན་ཤར་བ་ཇི་ལྟར་བར། །མཚན་དཔེ་མདངས་འོད་ཡང་དག་ལྡན། །བརྗིད་ཅིང་དགྱེས་པའི་མདངས་དང་ལྡན། །སྒེག་ཅིང་རོལ་པའི་ཆ་བྱད་ནི། །
བྱིས་པ་གཞོན་ནུའི་ལང་ཚོ་འདྲ། །རི་ཆེན་རྒྱན་དང་ན་བཟའ་ནི། །གཟུགས་མཛེས་ལྷ་ཡི་ཅི་ལྟ་བ། །ཁྲོས་པའི་སྲིན་པོ་ལྟ་བུ་སྟེ། །སྐྲ་དང་ཁ་སྤུ་ལ་སོགས་པ། །སྤུ་སོགས་སེར་ཞིང་རྩུབ་ལ་འཁྱིལ། །སྣ་ཚོགས་དུར་ཁྲོད་རྒྱན་
རྣམས་ནི། །རྩུབ་ཅིང་བློ་ལྡན་རབ་ཏུ་ཁྲོས། །ན་བཟའ་རློན་པ་ཁྲག་ཅན་ནི། །སྟེང་གི་ཁྱམསུ་ཡོད་པར་མཛད། །ཧ་ཧ་ཧཱུྃ་ཧཱུྃ་ཕཊ་ཕཊ་ཀྱི། །ངར་སྐད་འབྲུག་སྐྲ་སྤྱུགས་གླུ་ནི། །རི་རབ་འབུམ་བསྙིལ་ཆལ་ཆོམ་ལྟར། །ལུས་རབ་ལྟོས་
འགྲོས་བརྒྱན་པ་ནི། །གཟི་ལྡན་འཁྱུད་ཅིང་ཕཊ་སྒྲ་འདོན། །འཕྲོ་འདུ་འོད་ཀྱི་དཀྱིལ་འཁོར་ནི། །ཉི་འབུམ་དུས་མེའི་བསྐལ་པ་འདྲ། །རབ་གདུག་མཚོན་ཆ་དུ་མ་ནྀ། །ལྷ་མིན་དུས་ཀྱི་འཁྲུག་པའི་ཆ། །ཁྲོ་བོ་ཁྲོ་མོའི་ཚོགས་འབྱུང་བ། །
ཐམས་ཅད་ཡི་གེ་ཧཱུྃ་སྒྲ་ཅན། །མ་མོ་དང་ནི་མཁའ་འགྲོ་རྣམས། །བྷྱོ་ཡིག་དྲག་པོའི་བདག་ཉིད་ཅན། །ཐུབ་པ་ཡི་གེ་མུཾ་ལས་བསྐྱེད། །རྒྱལ་སྲས་རིག་མ་ཉན་ཐོས་དང་། །འཇིག་རྟེན་སྐྱོང་རྣམས་སྔག་འདི་བསྐྱེད། །
ན་མཿསརྦ་ཏ་ཐཱ་ག་ཏེ་བྷྱཿས་པ་རི་པུ་ར་ཀེ་བྷྱཿསརྦ་ཐཱ། ཨོཾ་སརྦ་སཾ་སྐ་ར་པ་རི་ཤུད་དྷེ། དྷརྨ་ཏེ་ག་ག་ན་ས་མུད་ག་ཏེ་སྭ་བྷ་བ་པ་རི་ཤུད་དྷེ། མ་ཧཱ་ན་ཡ་པ་རི་ཝ་རེ་སྭཱ་ཧཱ། །རང་གི་ལུས་ལ་སེམས་བཙུག་ནས། །སྡིགས་
པ་ཐམས་ཅད་རབ་ཏུ་ཞི། །ངང་ཚུལ་བཟང་པོར་ཡང་དག་བྱུང་། །རིག་པར་གྱུར་པའི་སེམས་ལྡན་ནས། །དྲང་སྲོང་རྫུ་འཕྲུལ་ཅན་དུ་འགྱུར། །གཞན་ཡང་སྡུག་བསྔལ་ཞི་ནུས་ན། །རང་གི་བདེ་ཐོབ་སྨོས་ཅི་དགོས། །རང་
རང་རིགས་ཀྱི་ལྷ་རྣམས་ཀྱི། །གཟུགས་བརྙན་ཕྱག་མཚན་ཁ་དོག་ནི། །དཀྱིལ་འཁོར་རམ་ནི་རིས་མ་ལས། །གསུང་བ་ཇི་ལྟར་བསྒོམ་པར་བྱ། །དེ་ནས་མི་གཡོ་ཁྲོ་བོ་ཆེ། །རྡོ་རྗེ་འཛིན་པ་ཕྱག་འཚལ་ནས། །དག་ཅིང་གསལ་

98-1-121b

ལ་སྙན་པ་ཡིས། །ཚིག་གི་ཡང་ནི་འདི་གསོལ་ཏོ། །རྡོ་རྗེ་འཛིན་པ་བཅོམ་ལྡན་འདས། །གཏུམ་པོ་མཚན་ཉིད་རབ་ལྡན་པའི། །ང་ཡི་མཚན་ཉིད་ཁྱེད་བཤད་ནས། །དེ་ཚེ་རྡོ་རྗེ་འཛིན་རྒྱལ་པོས། །གཏུམ་མོའི་ཆ་བྱད་ལྡན་བྱས་
ནས། །རང་གཟུགས་སྔགས་དང་བཅས་པ་ཡིས། །གསང་ཆེན་བརྡ་འདི་བཀའ་སྩལ་ཏོ། །དག་པའི་སེམས་ཉིད་ཧཱུྃ་རྡོ་རྗེ། །མཐིང་གའི་མདོག་ལས་རྡོ་རྗེ་འཛིན། །མཐིང་ག་བརྐྱང་སྐུམ་ཁྲོ་སེམས་ནན། །ན་རའི་རྒྱན་བཅས་
འཇིགས་བྱེད་སྐུ། །གྱེན་སྐྲུ་ཁ་སྤུ་གྱོང་སེར་དམར། །པད་མ་ཟླ་བའི་སྟེང་དུ་ནི། །མེ་ཡི་ནང་བཞུགས་རྡོར་དྲིལ་འཆིང་། །རྣམ་སྣང་འཛིན་དང་གཉིས་དང་པོ། །བཞི་པའི་ལྔ་པ་དེའི་གསུམ་པ། །ལྔ་པའི་ལྔ་པ་བདུན་པའི་བཞི། །
མེ་ཡི་ས་བོན་དགུག་པས་མནན། །བདུན་པའི་དང་པོ་གསུམ་པ་ཡིན། །གསུམ་པས་བཏེག་གོ་ཧཱུྃ་ཕཊ་བཅས། །གསང་སྔགས་རྒྱལ་པོ་བླ་མེད་འདི། །དགོས་པ་ཐམས་ཅད་འགྲུབ་པ་དང་། །ཁྱད་པར་དུ་ནི་འབྱུང་པོ་སེལ། །
ཀླུ་འདུལ་བ་ནི་དཀར་པོ་ཆེ། །ནམ་མཁའ་ལྡིང་གི་ཆ་བྱད་ཆེ། །གྲུབ་པའི་གཏེར་གྱི་དོན་དུ་ནི། །སེར་པོ་འོད་དང་ལྡན་པ་ཡི། །དམར་པོ་དག་ནི་ལྗང་ནག་དག །དྲོག་པོའི་གདོན་རྣམས་སེལ་བ་དང་། །ཚེ་རིང་བ་ལ་ཤིས་པའོ། །
ལྷག་པ་བསྐྱེད་པའི་སྐུ་མཆོག་ནི། །འབྱུང་བར་གྱུར་པ་དེ་མ་ཐག །ས་སྟེང་ཐམས་ཅད་མུན་ནག་འཁྲིག །བདུད་རྣམས་ཐམས་ཅད་རབ་ཏུ་ཚིག །ཡེ་ཤེས་མེ་འོད་ཆེན་པོ་འདི། །བཟོད་པར་སླ་ལ་གཅིག་མ་མཆིས། །
བགེག་ཆེན་ལོག་པར་འདྲེན་པ་རྣམས། །དོག་པའི་སེམས་ཀྱི་ཐག་རིངས་འབྲོས། །གསང་སྔགས་ཡི་གེ་ཧཱུྃ་སྒྲ་ཅན། །གློག་འཁྲུག་པ་ཡི་འོད་ཟེར་འདྲ། །ཀླད་པར་ཡི་གེ་ཧཾ་གི་གཟུགས། །གྲུ་གསུམ་མེ་ཡི་གཟུག་
བརྙན་ཅན། །འོད་དམར་ཚལ་པ་རབ་འཐོར་བས། །བགེགས་ཚོགས་སྲེག་ཅིང་བྲོས་པར་བྱེད། །བོང་བུ་རྔ་མོ་ཁྱི་སྤྲེའུ་གཟུགས། །རོ་ལང་མ་ལུས་ཐམས་ཅད་ཀུན། །ཧ་ཧ་བརྗོད་ཅིང་བྲོས་པར་བྱེད། །རླུང་གིས་

98-1-122a

གཡེངས་པའི་རུལ་དང་མཚུངས། །གྱེན་ཐུར་ཧཱུྃ་གི་འཕྲོ་འདུ་དང་། །ཁྲོ་བཅུ་ས་བོན་ཡི་གེ་ཧཱུྃ། །མེ་དང་རླུང་གིས་ཚུལ་དུ་འབར། །མངོན་སུམ་རྩ་ལ་མེ་བཞིན་དུ། །སྙིང་གི་ཧཱུྃ་གིས་འདས་ནས་ཀྱང་། །ཀླད་པའི་ཧཱུྃ་
གིས་སྲེག་པར་བྱེད། །འོད་དང་ཕྱག་རྒྱ་ལྷ་ཡི་སྐུ། །བསྐྲད་དང་བཅིང་དང་མྱོས་བྱེད་བསམ། །སེང་གེ་དང་ནི་གླང་ཆེན་འབྲུག །དྲག་པོའི་སྒྲ་སྐད་ཅི་འདྲ་བར། །རྩ་བའི་གསང་སྔགས་ཟློས་པ་ནི། །བགེགས་དང་
ལོག་འདྲེན་མ་ལུས་པ། །སྲེག་ཅིང་ཕྱེ་མ་རྡུལ་དུ་རློག །སྙིང་ནང་སྙིང་པོ་བསྟན་པ་ནི། །འོད་འབར་འོད་གྱིས་སྡིག་པའི་ཚོགས། །དུ་མ་རྣམས་ཀྱང་ཟད་པར་མཛད། །ལུས་ངག་ཡིད་བརྟན་འཁོར་ལོ་སྔགས། །
ཨཱོཾ་དང་ཨཱ་དང་ཧཱུྃ་སྦྱོར་གྱིས། །དཔལ་འཕེལ་དབང་ཕྱུག་བསྐྱེད་པ་དང་། །གོ་ཆ་ཆེན་པོ་བསྐོན་པར་བྱེད། །ན་མ་སྟྲཻ་ཡ་ད་དྷྭི་ནཱཾ། ཏ་ཐཱ་ག་ཏཱ་ནཱཾ་ཧཾ་གོ་ཆ་ཆེན་པོའི་གསང་སྔགས་འདི། །རྒྱལ་སྲས་རྣམས་ཀྱང་འདར་འགྱུར་
ན། །བགེག་རྣམ་སྲེག་པ་སྨོས་ཅི་དགོས། །ས་མ་ཡ་སྟྭཾ་ཨ་ཧཾ་གྀས། །ཡེ་ཤེས་ལྷ་དང་འབྲེལ་པར་བྱ། །རྒྱལ་བས་དབང་བསྐུར་སྦྱོར་བས་ནི། །ཡེ་ཤེས་དབུ་རྒྱན་བརྟག་པར་བྱ། །གཙོ་ལ་མི་བསྐྱོད་དབུ་རྒྱན་ཅན། །འཁོར་ཀུན་
མི་གཡོས་རྒྱས་གདབ་བྱ། །བདག་ཉིད་ཡི་གེར་བྱས་ནས་སུ། །མེ་གཟུག་ཤིན་ཏུ་ཕྲ་བས་ནི། །མཚན་མོ་དུས་སུ་ཉམས་པར་བྱ། །སྡང་བ་ཧཱུཾ་གི་སྒྲ་ལས་སོ། །འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་
ལས་ལྷ་འབྱུང་བའི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ། །སྔགས་སྤྱོད་ཚུལ་གྱི་ཆོ་ག་ཉོན། །དད་པ་དང་ཡང་མི་ལྡན་ཞིང་། །བྱང་ཆུབ་སེམས་ཀྱང་མ་བསྐྱེད་དེ། །དབང་བསྐུར་རྗེས་གནང་མ་
ཐོབ་ལ། །སྡོམ་ཚུལ་དམ་ཚིག་བྲལ་བའི་མི། །གསང་སྔགས་རང་ཉིད་ལེན་པ་ནི། །བྱིས་པ་ལྕགས་བསྲེགས་མིད་པ་འདྲ། །ཐོག་མ་མེད་སྒྲིབ་བཀྲུ་བའི་ཕྱིར། །རྡོ་རྗེ་སློབ་དཔོན་འདི་སྐད་བརྗོད། །ཨོཾ་སྔགས་མཆོག་

98-1-122b

ཏིང་འཛིན་རྣམ་དག་ཆུ། །བསྐལ་པ་དུ་མར་བསག་པ་ཡི། །སྡིགས་པའི་ཚོགས་རྣམ་དག་གྱུར་ནས། །རང་བཞིན་དག་པའི་སེམས་སུ་བྱེད། །ཨོཾ་སརྦ་ཏ་ཐཱ་ག་ཏ་བཛྲ་ཨ་དྷིཥྛ་ན་ཀཱ་ཡ་བཱ་ག་ཙིཏ་ཏ་བི་ཤོ་དྷ་ན་ཨ་བྷི་ཤིཉྩ་ཧཱུྃ། 
ཨཱོཾ་སངས་རྒྱས་ཀུན་གྱིས་རབ་བསྔགས་པའི། །རིན་ཆེན་སྔགས་ལས་བྱུང་བ་ཡི། །དབུ་རྒྱན་ལྷ་རྫས་ཅོད་པན་འདིས། །དབང་བསྐུར་རེན་ཆེན་མཆོག་ཏུ་འགྱུར། །ཨོཾ་བཛྲ་དྷ་ར་ཤྲཱི་བཛྲ་ས་མ་ཡ་སྟྭཾ་ཨ་ཧཾ། རཏྣ་མུ་ཀུ་ཊ་ཨ་བྷི་
ཥིཉྩ་ཧཱུཾ། རྡོ་རྗེ་ཆེན་པོ་བླ་ན་མེད། །བཟུང་བས་ཕྱོག་ལས་རྒྱལ་གྱུར་ཏེ། །རྡོ་རྗེ་ལྟ་བུར་བརྟན་ཕྱེད་པས། །ཁྱོད་ཀྱིས་ཀྱང་ནི་རྟག་ཏུ་གཟུང་། །ཨོཾ་སརྦ་བཛྲ་ཨ་བྷི་ཥིཉྩ་ཧཱུྃ། དྲིལ་བུ་དབྱངས་སྙན་བླ་ན་མེད། །སྐུ་ཡི་རྡོ་རྗེ་རབ་
བསྐྱེད་པས། །ཁྱོད་ཀྱིས་ཀྱང་ནི་རྟག་ཏུ་གཟང་། །ཁམ་གསུམ་སྲིད་པའི་རྒྱལ་པོར་འགྱུར། །ཨོཾ་ས་མ་ཡ་གྷཎྚ། བཛྲ་ཨ་བྷི་ཥིཉྩ་ཧཱུྃ། ཨོཾ་སྙིང་རྗེ་ཤེས་རབ་དབྱེར་མེད་རྒྱ། །གང་གིས་ཐོས་པ་ནང་གི་སུ། །དེ་ཡི་མིང་མཚན་བདག་
པོར་འགྱུར། །རྟོག་པའི་ངང་གནས་བླང་བར་མཛོད། །ཨོཾ་བཛྲ་ན་མ་ཨ་བྷི་ཥེ་ཀ་ཏ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་དུ་བཟང་པོ་ཀུན་བདག་ཉིད། །རྡོ་རྗེ་བསྙེམ་བདག་
བདག་མཛོད་ཅིག །སངས་རྒྱས་ཀུན་གྱི་དྲིལ་བུ་རྒྱ། །ཤེས་རབ་དབྱང་ཀྱི་རྗེས་འགྲོར་བཤད། །རྟག་ཏུ་ཁྱོད་ཀྱི་གཟུང་བྱས་ན། །བྱང་ཆུབ་མཆོག་ཐོབ་རྒྱལ་བས་གསུངས། །ཨོཾ་ཤེས་རབ་རལ་གྲི་བླ་ན་མེད། །
གང་གིས་འཆང་བ་རྒྱལ་འགྱུར་ཏེ། །བདུད་ཀྱི་དཔུང་ནི་གཤེགས་ནས་ཀྱང་། །མཁའ་ལ་ཡེ་ཤེས་འོད་འབར་འགྱུར། །ཨོཾ་སརྦ་ཏ་ཐཱ་ག་ཏཱ་བཛྲ་ཛྙཱ་ན་ཁཌ་ག་ཨ་བྷི་ཥིཉྩ་ཧཱུྃ། ཨ་རྡོ་རྗེ་ཞག་པ་ཐུགས་རྗེ་ཅན། །ཉོན་མོང་
སྲིད་པའི་སྡོང་པོ་རྣམས། །ཐབས་ཀྱི་ཞགས་པས་བཅིང་ནས་ཀྱང་། །སྲིད་པའི་འཆིང་བ་ལས་གྲོལ་མཛོད། །ཨོཾ་སརྦ་ཏ་ཐཱ་ག་ཏ་བཛྲ་པཱ་ཤེ་ན་ཨ་བྷི་ཥིཉྩ་ཧཱུྃ། དབང་དང་རྗེས་གནང་མ་ཐོབ་ཅིང་། །དམ་ཚིགས་

98-1-123a

སྡོམ་པ་མི་ལྡན་ལ། །བླ་མ་མཉེས་པར་མི་བྱེད་ན། །སྒྲུབ་པ་འབྲས་མེད་ངན་སོང་འགྲོ། །ལོག་ལྟ་ཅན་གང་བླ་མ་འཚེ། །དམྱལ་བའི་གནས་སུ་འགྲོ་བར་ངེས། །འདིར་ཉམས་པས་ནི་ནད་ཡམས་དང་། །དགྲ་བོ་
མུ་གེས་རྟག་དུ་འཚེ། །དཀྱིལ་འཁོར་ས་གཞི་ཉམས་དགའ་བ། །ཆུ་ཀླུང་མཚོ་འགྲམ་རི་ལྗོངས་དང་། །འབྲས་བུ་མེ་ཏོག་བསྐྱེད་མོས་ཚལ། །ཀུན་དགའ་ར་བ་ཁང་བཟངས་མཆོག །བཞི་མདོ་རི་སུལ་ཤིང་གཅིག་དྲུང་། །
ཕྱུགས་ལྷས་ཁང་བརྩེགས་གླང་ཆེན་བྲེས། །གཙུག་ལག་ཁང་དང་དགོན་པ་དང་། །ཆུ་གླིང་མཚེའུ་འགྲམ་ནེའུ་བསིང་དུ། །བསྙེན་དང་དབང་བསྐུར་བྱེད་པ་དང་། །དུར་ཁྲོད་སོགས་སུ་ལས་རྣམས་བསྒྲུབ། །ལས་ཀྱི་
དཀྱིལ་འཁོར་ཁྲུ་གང་སྟེ། །དབང་གི་དཀྱིལ་འཁོར་ཆེན་པོ་ལ། །ཐུབ་པའི་དཀྱིལ་འཁོར་གྲུ་བཞི་པ། །ཡང་ན་དྲུག་གམ་བརྒྱད་ཀྱང་བྱ། །གཞན་ནི་ཁྲུ་གསུམ་ཚད་དུ་བྱ། །ཡང་ན་ལྔ་འམ་བདུན་དུ་བྱ། །གཟའ་ཡི་དཀྱིལ་
འཁོར་ཁྲུ་གཉིས་ཏེ། །ཡང་ན་ཕྱེད་དང་གསུམ་པར་བྱ། །ཀུན་དུ་བཞི་ཆ་ཕོ་བྲང་སྟེ། །ཁང་པས་ཚད་ཀྱི་ཕྱེད་ཡིན་ཏེ། །ཁང་པ་གཉིས་པ་ཆ་གསུམ་པ། །རྟ་བབས་རྡོ་རྗེ་པད་མའོ། །ལྷ་སྣམ་བཞི་ཆ་དག་ཏུ་འགྱུར། །
ཐུབ་པའི་སྒོ་ནི་བཞི་ཡིན་ཏེ། །གཞན་དུ་སྒོ་གཅིག་པ་ཉིད་ཤིས། །འཇམ་པའི་དབྱངས་ནི་བྱང་གི་སྒོ། །ཆོས་ནི་ནུབ་སྒོ་རྡོ་རྗེ་ལྷོ། །གཟའ་དང་འཇིག་རྟེན་སྐྱོང་སོགས་ཤར། །དབང་སྒྱུར་ལྷ་ཡི་གནས་རྣམསུ། །བུམ་པ་ཕྱག་རྒྱར་བཅས་པ་
འམ། །སྐུ་འམ་རང་རང་ཕྱག་རྒྱ་གཞག །ཐུབ་པའི་དཀྱིལ་འཁོར་དབུས་སུ་ནི། །པད་དཀར་སྟེང་དུ་ལྷུང་བཟེད་དོ། །གཙོ་བོའི་ས་ནི་སོར་དྲུག་སྟེ། །ལྷག་མ་རྣམ་ནི་སོར་བཞྀའོ། །རིགས་ཀྱི་མཚན་མས་ཡང་ཡང་བསྐོར། །བྱང་
དུ་འཇིག་རྟེན་དབང་སྡུད་ནི། །པད་དཀར་རྡོ་རྗེ་གདེངས་པོར་བཅས། །དབང་ལྡན་སྤྱི་བླུགས་བྱམས་པའོ། །ཤར་དུ་འཇམ་དཔལ་ཨུད་པལ་སྔོ། །མེར་ནི་ཀུན་བཟང་ཡིད་བཞིན་ནོར། །ལྷོར་ནི་རྡོ་རྗེ་རྡོ་རྗེ་འཛིན། །བདེན་

98-1-123b

བྲལ་མཁའ་སྙིང་པད་དཀར་ཏེ། །ནུབ་དུ་པད་སེར་རྡོ་རྗེ་ཆོས། །ནུབ་བྱང་ས་སྙིང་པད་མ་དམར། །གཙུག་ཏོར་གནོད་མཛེས་སྟེང་འོག་ཆར། །གཙུག་ཏོར་དང་ནི་གཏུན་ཤིང་ངོ་། །ཤར་དུ་རྣམ་རྒྱལ་ཐོད་པ་སྟེ། །མེར་ནི་འདོད་
རྒྱལ་རྩེ་གསུམ་མོ། །རྡོ་རྗེ་རྩེ་གཅིག་གཤིན་གཤེད་ལྷོར། །བདེན་བྲལ་རལ་གྲི་སྟོབས་པོ་ཆེ། །ནུབ་དུ་རྟ་མགྲིན་པད་མ་ཏེ། །བྱང་དུ་བགེགས་དགྲ་རྡོ་རྗེ་རྒྱ། །ནུབ་ཏུ་དབྱུག་པ་སྔོན་པོ་སྟེ། །དབང་ལྡན་དུ་ནི་མི་གཡོ་བ། །དེ་ཡི་རྒྱབ་ཏུ་ཉན་ཐོས་
ནི། །ཤཱ་རིའི་བུ་དང་རབ་འབྱོར་དང་། །མཽད་གལ་བུ་དང་འོད་སྲུངས་དང་། །རྒྱལ་མཆོག་དང་ནི་ས་སྟེང་སྐྱོང་། །རྟ་ཐུལ་དང་ནི་བ་བླང་བདག །དྲག་ཤུལ་དབང་ཆེན་ཆངས་བུ་ཅན། །བ་ར་དྷྭ་ཛ་ལྟེང་རྒྱས་དང་། །དགའ་བོ་ཉེ་དགའ་སྒྲ་གཅན་
ནོ། །དེ་ལྟར་བཅུ་དྲུག་ཕྱག་རྒྱའོ། །པད་མའི་སྟེང་དུ་ལྷུང་བཟེད་དོ། །དེ་ནས་ཡང་དག་བཤད་བྱ་བ། །འཇམ་དཔལ་དཀྱིལ་འཁོར་བཟང་པོ་ཡི། །དབུས་སུ་རལ་གྲི་མེ་འོད་ཅན། །རིན་ཆེན་རྡོ་བྲག་སྟེང་དུ་བྲི། །བྱང་དུ་རྡོ་རྗེས་མཚན་པའི། །བུམ་པ་བྲི་
བ་བྱམ་པའོ། །ཤར་དུ་ཀུན་དུ་བཟང་པོ་ཡི། །རྡོ་རྗེ་དཀར་པོ་བྲི་བར་བྱ། །ལྷོར་ནི་མེ་འོད་ལྡན་པ་ཡི། །ལག་ན་རྡོ་རྗེའི་རྡོ་རྗེ་བྲི། །ནུབ་ཏུ་འཇིག་རྟེན་དབང་པོ་སྟེ། །པད་དཀར་འོད་དང་ལྡན་པ་བྲི། །ཡིད་བཞིན་ནོར་འཛིན་མཛེས་གཟུགས་ཅན། །
རིན་ཆེན་རྡོ་སྟེང་དབང་ལྡན་བྲི། །མེར་ནི་རབ་འབར་རྡོ་རྗེ་ཡི། །བགྲང་ཕྲེང་པད་མ་ལ་གནས་བྲི། །བདེན་བྲལ་དུ་ནི་རབ་བརྗིད་པའི། །གོ་ཆ་འབར་བ་བྲི་བར་བྱ། །རླུང་དུ་མཛེས་པ་གཞོན་ནུའི་ལྷ། །རིན་ཆེན་སྒྲོམ་ནི་བྲི་བར་བྱ། །སྟེང་དུ་བརྟུལ་
ཕོད་ཅེས་ཁྲོ་བོའོ། །པད་མའི་སྟེང་དུ་ཁྲོ་བོ་ཡི། །འོག་ཏུ་ཁྲོ་རྒྱལ་མངག་གཞུག་གི། །རྡོ་རྗེ་བྲག་སྟེང་ཞགས་པ་བྲི། །ཁྲོ་བོ་ལྷག་མ་སྔོན་གྱི་ནི། །ཚུལ་གྱིས་རྒྱལ་བར་དགོད་པར་བྱ། །བརྟན་པ་ཞེས་པའི་ཕོ་ཉ་མོའི། །ཆུ་གྲི་བྱང་དུ་བྲི་བར་བྱ། །
ཟླ་བའི་དཀྱིལ་འཁོར་འཆང་བ་ཡི། །མཁའ་སོར་མ་ནི་ཤར་དུའོ། །ཉི་མའི་དཀྱིལ་འཁོར་འཆང་བ་ཡི། །རྣམ་འཇིགས་མ་ནི་ལྷོ་རུའོ། །ནུབ་ཀྱི་ཕྱོགསུ་བྲི་བར་བྱ། །མཛོད་སྤུ་མ་ཞེས་རིན་ཕྲེང་འཛིན། །རིན་ཆེན་རྡོ་སྟེང་ཤར་ལྷོར་བྲི། །ཤར་ལྷོར་དགེགས་

98-1-124a

འཛིན་མ་ཞེས་པ། །འཁོར་ལོ་མེ་འབར་རྡོ་རྗེ་བྲི། །འབར་བའི་གཏུན་ཤིང་བདེན་བྲལ་དུ། །འཇོམ་པའི་ཐོ་བ་རླུང་དུ་བྲི། །ཐལ་སྦྱར་གུང་མོ་ནང་དུ་བཅུག །པད་མ་མཛོད་ཀྱི་ཕྱག་རྒྱ་དང་། །སྔགས་འདིས་དཀྱིལ་འཁོར་བྱིན་ཀྱི་བརླབ། །
ན་མཿསརྦ་ཏ་ཐ་ག་ཏེ་བྷྱཿ། སརྦ་མུ་ཁེ་བྷྱཿ ཧཱུཾ་ཧཱུཾ་བ་བ་མཾ་མཾ་སྭཱ་ཧཱ། སྤྱན་དྲངས་གཤེགས་སུ་གསོལ་བ་དང་། །བསྲུང་བ་མཆོག་གི་སྔགས་ཡིན་ནོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་བི་ཤྭ་མུ་ཁེ་བྷྱཿ། ཧེ་ཧེ་ཧེ། ཨཱ་ཛྙ་པ་ར་མ་ད་ག་ག་ན་ཨ་
གཙྪ་གཙྪ་བྷ་ག་བཱན་ཤཱི་གྷྲཾ་སྭཱ་ཧཱ། བསྙེན་པ་འབུམ་ལ་བྱིན་བརླབས་དང་། །ལྷ་བསྒྲུབ་པ་དང་མཆོད་པའོ། །དེ་ནས་ཡང་དག་བཤད་བྱ་བ། །རྡོ་རྗེ་ཆོས་ཀྱི་དཀྱིལ་འཁོར་ནི། །དབུས་སུ་འཇིག་རྟེན་དབང་སྡུད་ཉིད། །པད་མ་དམར་པོ་འཆང་བའོ། །
ཤར་དུ་དོན་ཡོད་ཞགས་པ་ནི། །བགྲང་ཕྲེང་སྔོན་པོ་འཆང་བའོ། །ལྷོར་ནི་ནམ་མཁའ་དྲི་མེད་དེ། །རྡོ་རྗེ་སྔོན་པོ་འཆང་བའོ། །ནུབ་ཏུ་གར་གྱི་དབང་པད་མ། །བྱང་དུ་ཐུགས་རྗེ་ཤུགས་པོ་ཆེ། །རྡོ་རྗེ་ནག་པོ་འཛིན་པ་བྲི། །སྒྲོལ་མ་ཁྲོ་གཉེར་རལ་
གཅིག་དང་། །ཡིད་བཟངས་མ་ནི་མཚམསུ་བྲི། །ཁྲོ་བོ་དང་ནི་ཕོ་ཉ་མོ། །འཇམ་པའི་དབྱངས་ཀྱིས་རིམ་པས་དགོད། །དེ་ནས་ཕྱག་ན་རྡོ་རྗེ་ཡི། །དཀྱིལ་འཁོར་ཡང་དག་བཤད་པར་བྱ། །དབུས་སུ་ཕྱག་ན་རྡོ་རྗེ་ཉིད། །རྡོ་རྗེ་དཀར་
པོ་འཆང་བའོ། །ཤར་དུ་སངས་རྒྱས་སྤྱན་མ་ཡིན། །ལྷོར་ནི་པད་འཛིན་མཱ་མ་ཀཱི། །ནུབ་ཏུ་གོས་འཆང་ན་བཟའ་དཀར། །བྱང་དུ་སྒྲོལ་མ་ཨུད་པལ་འཆང་། །ཕྱོག་བཞིར་ནམ་མཁའ་དྲི་མེད་དང་། །ཤུགས་པོ་ཆེ་དང་རྡོ་རྗེ་ཏོག །སྙེམ་
ཚུལ་ཆེན་པོ་ཞེས་པ་རྣམས། །རིགས་ཀྱི་མཚན་མ་འཛིན་པའོ། །དེར་ཡང་སྔོན་ལྟར་ཁྲོ་བོ་རྣམས། །རིམ་པ་བཞིན་དུ་བྲི་བར་བྱ། །དེ་ཡི་ཆ་རྒྱབ་དཀྱིལ་འཁོར་ལ། །དྲག་པོ་ལྷ་རྣམས་བཀོད་པ་ནི། །དཔུང་བཟངས་ལ་སོག་
རྡོ་རྗེ་ཅན། །བརྒྱད་པོ་བྱང་གི་ཕྱོགས་སུ་བྲི། །ཚོགས་འཆང་བཤེས་གཉེན་འགྲོ་སྐྱོང་དང་། །མཐོང་དཀར་རིག་བྱེད་བདེན་བྲལ་མེད། །ངན་སྤོང་བརྒྱད་དེ་དྲང་སྲོང་ཤར། །ལྷོར་ནི་རྡོ་རྗེ་དགྲ་སྟ་མ། །རྡོ་རྗེ་ཐོ་བ་དྲག་ཤུལ་མ། །རྟ་རྣ་མ་དང་ཁྲོ་གཉེར་

98-1-124b

མ། །རོ་ལངས་མ་དང་ལྕག་སྒྲོག་མ། །མཐོང་དཀར་མ་སྟེ་བརྒྱད་པོ་བྲི། །དུག་སེལ་རྨ་བྱ་འོད་ཟེར་ཅན། །ནོར་རྒྱུན་རལ་གཅིག་དཔུང་རྒྱན་མ། །དབྱང་ལྡན་དྲིལ་སྒྲོལ་བརྒྱད་ནུབ་ཕྱོགས། །ཀུན་ཀྱང་རང་རིག་ཕྱག་རྒྱ་ཅན། །སྒོ་ཡི་ཕྱོགས་སུ་
དགོད་བྱ་བ། །ཐུབ་པའི་འཇིག་རྟེན་སྐྱོང་བ་བཞི། །བརྒྱ་བྱིན་ཁྱབ་འཇུག་དབང་ཕྱུག་ཆེ། །ཚངས་པ་འཇམ་དཔལ་དཀྱིལ་འཁོར་ལའོ། །རྒྱལ་དང་རྣམ་རྒྱལ་མི་ཐུབ་མ། །གཞན་མི་ཐུབ་མ་སྤྱན་རས་གཟིགས། །ནག་མོ་ཆེ་དང་ཨུ་ཙྪ་ཥྨ། །
གཞོན་ནུ་འཕྲོག་མོ་གཏེར་འཛིན་གྱི། །ཁྲོ་བོ་མི་གཡོ་སྒོ་བཞི་ལ། །ནག་པོ་ཆེ་དང་དགའ་བྱེད་དང་། །ངན་སྤོང་དང་ནི་ཚོག་བདག་གོ། མི་གཡོ་དབང་བསྐུར་དགྱེས་པ་ཡི། །དབུས་སུ་ཁྲོ་བོ་མི་གཡོ་བའི། །རལ་གྲི་མེ་འོད་འབར་བའོ། །ཕྱོགས་བཞིར་
ཁྲོ་བོ་མདོག་བཞིའོ། །འཁོར་ལོས་སྒྱུར་བའི་ཆ་བྱད་ཅན། །རྡོ་རྗེ་རིན་ཆེན་པད་མ་དང་། །རྒྱ་གྲམ་གཡས་པའི་ཕྱག་ཏུ་འཆང་། །གཡོན་པ་སྡིག་མཛུབ་ཞགས་པ་འཆང་། །རིན་ཆེན་བྲག་ལ་སྐུ་བཞུགས་ནས། །ཞབས་གཉིས་པད་
མའི་སྟེང་དུའོ། །མཚམསུ་ཁྲོ་མོ་བཞི་པོ་ཡང་། །གཙོ་བོ་དང་མཚུངས་སྒེག་པའི་ཉམས། །དེ་རྒྱབ་སྔོན་ལྟར་ཁྲོ་བོ་བཅུ། །སྐུ་འམ་ཕྱག་རྒྱའི་ཕྲེང་བ་བྲི། །དཀྱིལ་འཁོར་ཆ་ཡི་རྒྱབ་ཏུ་ནི། །འཇིག་རྟེན་སྐྱོང་བཅུ་དྲག་ཤུལ་ཅན། །ཁྲོས་
པས་རང་རིག་འཁོར་བཅས་བྲི། །བུམ་པ་ཚད་ལྡན་རས་ཀྱིས་དཀྲི། །དྲི་བཟང་ཆུས་བཀང་ལྷ་གྲངས་སམ། །བཅུ་གཉིས་སམ་ནི་དྲུག་ཀྱང་རུང་། །ཁ་རྒྱན་དང་བཅས་བཞག་པར་བྱ། །བླ་རེ་བ་དན་གདུགས་རྒྱལ་མཚན། །ཡོན་
ཆབ་བདུག་སྤོས་མེ་ཏོག་དང་། །སྒྲོན་མ་བྱུག་ཆབ་ཞལ་ཟས་དང་། །གླིང་བུ་སིལ་སྙན་ན་བཟའི་ཚོགས། །གཏོར་མའི་དྲི་བཟང་སྨན་དང་བཅས། །ཡིད་འོང་དྲི་ཞིམ་ཟས་སྐོམ་ཚོགས། །དཀྱིལ་འཁོར་སྤྲས་ནས་མཆོད་པར་
བྱ། །ས་ལ་པུས་མོ་ཚད་བརྐོས་ནས། །འབུ་སྲིན་ཤིང་རྡོ་དུམ་བུ་སོགས། །སྐྱོན་མང་བྲལ་ནས་ས་ཡིས་དགང་། །བ་ཡི་རྣམ་ལྔས་བྱུག་པའི་སར། །མེ་ཏོག་བཅལ་བཀྲམ་མཆོད་སོག་བཀོད། །ལྷ་ནི་སྤྱན་དྲང་མཆོད་ནས་ཀྱང་། །

98-1-125a

དགེ་མི་དགེ་བའི་རྨི་ལམ་རྟག །རྨི་ལམ་བཟང་ན་སྤྲོ་གྱུར་ནས། །ས་བདག་མོ་ལ་གསོལ་བ་གདབ། །ཁྱད་པར་དུ་ཡང་གཏོར་མས་མཆོད། །བུ་ཚུར་ཤོག་ཅེས་ཐེག་ཆེན་གྱི། །ཚུལ་ཆེན་ཁྱོད་ནི་སྣོད་ཡིན་པས། །
གསང་སྔག་སྤྱོད་ཚུལ་ཆོ་ག་རྣམས། །ཁྱོད་ལ་ཡང་དག་བསྟན་པར་བྱ། །དུས་གསུམ་སངས་རྒྱས་འབྱུང་བ་རྣམས། །མི་གཡོ་མགོན་པོར་རབ་བསྒོམ་པས། །ཡེ་ཤེས་མཚུངས་པ་མེད་པ་བརྙེས། །སྐྱོབ་པ་ཤཱཀྱ་སེང་གེས་ཀྱང་། །
གསང་སྔགས་སྦྱོར་བ་མཉམ་མེད་འདི། །བདུད་སྡེ་ཤིན་དུ་མི་བཟད་པ། །དཔུང་ཆེན་རྣམས་ཀྱང་དཔའ་བོས་བཅོམ། །འཇིག་རྟེན་འདུལ་ཕྱིར་ཆོས་རྣམས་ཀྱི། །འཁོར་ལོ་བསྐོར་ནས་མྱ་ངན་འདས། །དེ་འདྲ་ཀུན་མཁྱེན་
ཐོབ་བྱའི་ཕྱིར། །བུ་ཁྱོད་བློ་གྲོས་འདི་གྱིས་ཤིག །ཨུ་དུམ་བ་རའི་མེ་ཏོག་ལྟར། །བརྒྱ་ལམ་ན་ནི་རེ་འགའ་ཞིག །འབྱུང་འགྱུར་ཡང་ནི་མི་འབྱུང་ཏེ། །སྐྱོབ་པ་འཇིག་རྟེན་མགོན་པོ་ཆེ། །རྙེད་དཀའ་རྙེད་པར་གྱུར་ན་ཡང་། །གསང་སྔག་
སྐྱོབ་པའི་ཚུལ་འབྱུང་བ། །ཤིན་དུ་དཀའ་སྟེ་རྨད་བྱུང་ཕྱིར། །སྡུག་བསྔལ་ཤིན་དུ་མི་བཟད་པ། །འཁོར་བའི་རྒྱ་མཚོ་ཆེར་འཇིག་ལས། །མྱུར་དུ་སྒྲོལ་བ་གསང་སྔགས་ལས། །ས་སྟེང་གསང་སྔགས་ནོར་བུ་འདྲ། །རྒ་ནད་འཆི་
འཇིགས་སྤོང་བ་དང་། །ཉེས་མཛད་གྲོགས་གཅུག་འཐུན་འདོད་དང་། །མུ་གེ་དགྲ་ཆོམས་བྲལ་བདེ་དང་། །ཟས་སྐོམ་གོས་རྒྱན་ལོང་སྤྱོད་རྟག །བདེ་བསྐྱེད་དཔལ་འབྱོར་ཐོབ་པ་དང་། །མྱུར་དུ་སངས་རྒྱས་འདོད་པ་ཡི། །
གསང་སྔག་ཐབ་ལ་མྱུར་བརྩོན་བསྒྲུབས། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་མེད་པ། །དམ་པ་བདག་གི་སྐྱེད་པར་བྱ། །སྡོམ་པ་ཡི་ནི་ཚུལ་ཁྲིམ་དང་། །དགེ་བའི་ཆོས་ནི་སྡུད་
པ་དང་། །སེམས་ཅན་དོན་བྱེད་ཚུལ་ཁྲིམ་གསུམ། །དེང་ནས་མཆོག་ཏུ་རྟན་པར་བཟུང་། །འགྲོ་ལ་ལྷག་པའི་སེམས་སྐྱེད་ནས། །བླ་མ་ལ་ནི་ཡོན་ཕུལ་ཞུ། །ཡིད་བཞིན་ནོར་འདྲ་བླ་མེད་སྐུ། །ཞི་བ་སངས་རྒྱས་གོ་འཕང་ཐོབ། །སྲོག་གཅོད་རྐུ་

98-1-125b

བརྫུན་མི་ཚངས་སྤྱོད། །མྱོས་བྱེད་འཐུང་དང་གླུ་གར་རོལ། །རྒྱན་བྱུག་མལ་ཆེན་མཐོ་བ་དང་། །ཕྱི་དྲོ་ཁ་ཟས་སྤངས་པ་སྟེ། །བརྒྱད་དང་བཅུ་བཅིག་བཅྭ་ལྔ་དང་། །ཁྱད་པར་དུ་ནི་གནམ་སྟོང་ལ། །དལ་འབྱོར་ཐོབ་པ་ཤིན་ཏུ་དཀོན། །སངས་རྒྱས་སྟན་
པ་ཤིན་དུ་དཀོན། །སྡོམ་པ་བླང་ནས་སྲོག་བཞིན་དུ། །གཡེང་མེད་སྡམས་ཏེ་བསྲུང་བར་བྱ། །གསུམ་ལ་རྟག་ཏུ་སྐྱབ་འགྲོ་བྱ། །ལྷ་མི་བདེ་ལྡན་ལུས་ཐོབ་ནས། །དམྱལ་བ་དུད་འགྲོ་ཡི་དགས་གནས། །ཐོབ་ནས་སྤང་དཀའ་དེ་དག་ནི། །ནམ་ཡང་
ཐོབ་པར་མི་བྱའོ། །བདག་ནི་དཔའ་བོ་རལ་གྲི་འཆང་། །གསང་བའི་འཁོར་ལོ་སྦྱོར་བྱེད་པས། །བཀའ་ལས་འདས་པའི་གདུག་ཅན་རྣམ། །དུམ་བུ་ཕྱེ་མར་འགས་པར་འགྱུར། །སློབ་མ་གཟུང་ཕྱིར་ཐོག་མར་ནི། །བསྙེན་པས་སྔགས་ཀྱི་འཐུ་
བསྐྱེད་བྱ། །ལོངས་སྤྱོད་འཕེལ་ཕྱིར་གཏོར་མ་གཏང་། །བསོད་ནམས་འདོད་ཕྱིར་མཆོད་པ་བརྩོན། །བླ་མ་ཐོས་བསམ་སྒོམ་ལ་གནས། །གཏོང་ཕོད་དུལ་ཞིང་ཆོས་སྤྱོད་མཁས། །ནད་མེད་བཟོད་དེས་སྙིང་རྗེ་ཆེ། །སྔགས་སྒྲུབ་
བརྩོན་དཔའ་ཤེས་རབ་ཅན། །བརྟགས་ནས་སློབ་མ་ལྔ་འམ་བདུན། །དད་བརྩོན་ཞི་དུལ་བླ་མ་བཀུར། །སྡིག་འཇིགས་ནད་མེད་དབང་པོ་ཚང་། །དབྱིབས་སྡུག་སྙིང་རྗེར་ལྡན་པ་གཟུང་། །འཕག་པ་རྡོ་རྗེ་ཁྲོ་བོའི་རྒྱལ་པོའི་རྟོགས་
པ་སྡུས་པའི་རྒྱུད་ལས་སྐྱེ་བོ་གཟུང་བའི་ཐབས་ཀྱི་ལེའུ་སྟེ་དྲུག་པའོ།། །། དེ་ནས་ཡང་དག་བཤད་བྱ་བ། །རིག་འཛིན་པ་ཡི་དངོས་གྲུབ་ཆེ། །གཞན་དུ་མེད་པ་ཕུལ་བྱུང་བ། །རྒྱུད་འདིར་བཤད་པ་མཉན་པར་བྱོས། །མི་ནི་རིན་
ཆེན་དང་པོ་ཏེ། །གང་གང་བསྒྲུབ་པ་དེ་དང་དེ། །འགྲུབ་པར་འགྱུར་ཀྱི་གཞན་དུ་མིན། །རལ་གྲི་ལྕགས་སམ་ཤིང་ཉིད་ལ། །སོར་བཞི་པ་འམ་སོར་བརྒྱད་བྱ། །ཡུ་བར་རིགས་ཀྱི་རྒྱ་ལྔ་བྲི། །བ་ཡི་རྣམ་ལྔ་དྲི་ཞིམ་ཆུས། །བཀྲུས་ཏེ་དྲི་དང་མེ་ཏོག་མཆོད། །
ཟླ་དྲུག་སྔག་བཟླས་ཁྲོ་བོ་སྒོམ། །རལ་གྲི་དུད་འཐུལ་འོད་དུ་འབར། །བླངས་པས་མཁའ་སྤྱོད་ཡུལ་འགྲོ་འགྱུར། །ཚེ་ནི་བར་གྱི་བསྐལ་པ་ཏེ། །ལྷ་ཡི་བཞོན་པ་སྣ་ཚོགས་བཅིབས། །སངས་རྒྱས་ཞིང་རྣམས་འགྲོ་བར་འགྱུར། །གསེར་

98-1-126a

དངུལ་ཟངས་ཀྱི་ཞགས་པའམ། །ཤིང་གིས་ཞག་པའང་ཏེ་ལྟར་འགྲུབ། །རྒྱལ་མཚན་ནོར་བུ་གིའུ་ཝང་གདུགས། །ལྕགས་ཀྱུ་རྣམ་ཀྱང་དེ་བཞིན་བསྒྲུབ། །ལྷ་རྣམ་བསྒྲུབ་ན་ཐང་ཤིང་ལ། །གང་འདོད་ལྷ་ཡི་གཟུགས་བྱས་ཏེ། །
སྔགས་བཟླས་ཙམ་གྱིས་མདུན་དུ་འོང་། །ཅི་འདོད་གསོལ་འདེབས་འདོད་པ་སྨྲ། །ཀླུ་ལ་ནཱ་ག་གེ་སར་ཤིང་། །གནོད་སྦྱིན་ལ་ནི་གསེར་ལས་གཟུགས། །དྲི་ཟ་ལ་ནི་འོ་མའི་ཤིང་། །མཁའ་ལྡིང་འཇིམ་པའི་གཟུག་ཀྱིས་སོ། །སྲིན་པོ་ལ་ནི་དུར་
ཁྲོད་ཤིང་། །གང་ཡང་གཟུགས་བྱས་རྐང་པ་ནི། །གཡོན་པས་དེ་ཡི་སྐེ་མནན་ཏེ། །སུམ་འབུམ་བཟླས་ན་མདུན་དུ་འོང་། །ཅི་འདོད་སྨྲ་ཚེ་དགོས་པ་བླང་། །ཤར་དུ་རས་རིས་ཁ་སྤྲད་དྲུང་། །དུས་གསུམ་ཁྲུས་བྱ་གོས་རློན་བྱོན། །སུམ་འབུམ་
བཟླས་ན་མར་ངོ་ཡི། །བརྒྱད་ལ་འབྱུང་པོ་གཏོར་མ་སྦྱིན། །མཎ་ཌལ་སྟེང་དུ་རོ་བཞག་ནས། །རང་ཉིད་རིན་ཆེན་ཁྲི་སྟེང་དུ། །སྙིང་པོ་ཁྲི་བརྗོད་རོ་འགུལ་འགྱུར། །མི་སྐྲག་ཁ་ཡྀ་ནང་དུ་ལྕེ། །པད་མ་ཁ་ཕྱེ་ལྟེ་ཅན་མཐོང་། །བཅད་ན་རལ་གྲི་
རིག་འཛིན་འགྱུར། །ལྷ་ཡི་གཟུགས་ཀྱིས་ཚངས་པ་ཡི། །འཇིག་རྟེན་ཁམས་ཀྱི་གནས་རྣམས་རྒྱུ། །གིའུ་ཝང་བདུན་བཟླས་ཐིག་ལེས་ནི། །སྐྱེ་བོ་ཀུན་གྱིས་མི་མཐོང་ངོ་། །མི་གཡོ་པུས་མོ་བཙུགས་པའམ། །འཇམ་དཔལ་
རིས་མའི་དྲུང་དུ་ནི། །འཇམ་དཔལ་སྔགས་འདི་ས་ཡ་བཟླས། །ཉ་ལ་ཁྱད་པར་མཆོད་པ་བྱ། །མཚན་རངས་བཟླས་པའི་ཐོ་རངས་ནས། །དང་པོ་རྟགས་ས་གཡོ་བར་འགྱུར། །གཉིས་པ་ཉི་མ་འགྱུར་ལྡོག་བྱེད། །ཕྱོག་བཞིར་
མཁའ་ལ་སྒྲ་ཆེན་པོ། །ཧ་ཧ་འབྲུག་སྐད་གྲག་པར་འགྱུར། །གསུམ་པར་མཁའ་ལ་རིག་འཛིན་རྣམས། །མེ་ཏོག་ཆར་འབེབས་ཆུན་འཕྱང་སྦྲེང་། །དེ་རྗེས་རིག་འཛིན་མ་ལུས་དང་། །འཇིག་རྟེན་སྐྱོང་བས་རབ་བསྐོར་ནས། །
ཁྲོ་རྒྱལ་བྱོན་ནས་གསུང་སྙན་གྱིས། །ཅི་འདོད་བུ་ཁྱོད་གསུང་བར་འགྱུར། །རིག་འཛིན་རྒྱལ་པོ་མི་སྣང་སོགས། །ཅི་འདོད་པར་ནི་སྨྲ་བར་བྱ། །འགྲུབ་ནས་བརྒྱད་གཉིས་ཆ་བྱད་ཅན། །རྒྱན་བཟང་ལག་ན་རལ་གྲི་ཐོགས། །

98-1-126b

ལྷ་ཡི་བཞོན་པ་ལ་བཅིབས་ནས། །རིག་འཛིན་ཚོགས་མང་ལྷན་ཅིག་ཏུ། །སངས་རྒྱས་ཞིང་མང་ཕྱིན་པའི་ཚེ། །རྒྱལ་སྲས་རྣམས་ཀྱིས་ཕྱག་བྱས་ནས། །མཆོད་པ་ཆེན་པོ་ཐོབ་འགྱུར་ཏེ། །བསྐལ་པ་དུ་མར་ཚེ་གནས་འགྱུར། །
ཨུད་པལ་སྔོན་པོ་ལིག་བུ་མིག །རུ་རྟ་ཟངས་སྣོད་རི་ལུ་བཞག །ཟླ་བ་གཟས་ཟིན་པར་བཟླས་ནས། །མིག་བསྐུས་འདོད་པའི་ཁམས་གསལ་འགྱུར། །བདག་ནི་སུས་ཀྱང་མི་ཐོང་ངོ་། །གནམ་ལྕགས་རྡོ་རྗེ་སོར་བཅུ་དྲུག །ངེས་
གཉིས་རྩེ་གསུམ་དབྱིབས་ཅན་ཏེ། །ཙན་དན་དམར་དང་དྲི་བཟངས་བྱུག །ཆོ་འཕྲུལ་ཚེས་གཉིས་ཉ་ཡི་བར། །མཆོད་ཅིང་བཟླས་ན་ཐ་མར་ནི། །མར་མེ་བརྒྱད་སོག་ཀྱིས་མཆོད་དེ། །ཀུ་ཤ་ཁྲེས་ཀྱི་སྟེང་འདུག་ནས། །རྡོ་རྗེ་ལག་གཉིས་
གཟུང་མ་ཐག །དུད་འཐུལ་འོད་དུ་འབར་ནས་ཀྱང་། །འཁོར་བཅས་རིག་པའི་འཛིན་པ་ཡི། །འཁོར་ལོས་སྒྱུར་བ་ཐོབ་པར་འགྱུར། །འཁོར་ལོ་བདུན་སོག་མཚོན་ཆ་དང་། །གསེར་དང་མལ་ལྷམ་ཚངས་སྐུད་སོགས། །དགོས་པ་ཐམ་
ཅད་དེ་ལྟར་སྒྲུབ། །སྔོན་གྱི་ཚུལ་དུ་དངོས་གྲུབ་འབྱུང་། །ཚེས་གཅིག་ཉིན་པར་སྐུ་གཟུགས་ཀྱི། །མཐེ་བོར་ཛ་ཏི་སྔགས་བརྗོད་བརྡེག །སྟོང་ཕྲག་བརྒྱད་ཀྱི་མཐེ་བོ་ལས། །འོད་ཟེར་ཕྱུང་ནས་རེག་མ་ཐག །དབུ་སྐྲ་ལྕང་ལོ་
འཁྱིལ་གྱུར་ནས། །འཁོར་བཅས་རིག་འཛིན་རྒྱལ་པོ་འཐོབ། །སུས་ཀྱང་མི་ཐུབ་ལུས་གྲུབ་འགྱུར། །ཚེ་ནི་བསྐལ་པའི་བར་དུ་གནས། །ས་ལ་པད་འདབ་བརྒྱད་པ་བྲི། །བུམ་པ་སྐུད་པ་ནག་པོས་དཀྲི། །ཙན་དན་
གྱིས་བྱུག་དྲིས་ཀྱང་དགང་། །པད་མའི་སྟེང་བཞག་པད་སྟེང་འདུག །སྟོང་ཕྲག་བརྒྱད་བཟླས་ས་གཞི་གས། །པད་མར་སྣང་ཞིང་ས་གཞིར་སྣང་། །ཆུ་དེས་གཏོར་ལ་ཁྲུ་གང་བརྐོ། །བླངས་པས་བསྐལ་པའི་ཚེ་ཚད་
འཐོབ། །གྲོག་མཁར་ས་ལ་སེང་གེ་བྱ། །གིའུ་ཝང་གིས་བྱུགས་དཀྱིལ་འཁོར་གཞག །གཡོ་འགུལ་བར་དུ་མཆོད་ཅིང་བཟླ། །སེང་གེར་གྱུར་ནས་རྒྱབ་ཞོན་ནས། །འདོད་གཟུགས་ལྷ་གནས་ཀུན་དུ་འགྲོ། །

98-1-127a

སངས་རྒྱས་ཞིང་ཡང་མཐོང་བར་འགྱུར། །ཚེ་ལོ་ཁྲི་ཕྲག་གཅིག་བསྐོར་ནས། །རིག་འཛིན་ཆེན་པོའི་གནས་སུ་འགྲོ། །འདིར་གསུང་པ་འམ་མ་གསུངས་པ། །སྔགས་དང་ལྷ་འདི་བསྒྲུབ་པ་ཡིས། །རིག་འཛིན་གྲུབ་
པར་གྲགས་པ་རྣམས། །མ་ལུས་ཐམས་ཅད་འགྲུབ་པར་འགྱུར། །འཕགས་པ་རྡོ་རྗེ་ཁྲོ་བོའི་རྒྱལ་པོ་ཆེན་པོའི་རྟོག་པ་བསྡུས་པ་ལས་རིག་འཛིན་བསྒྲུབ་པའི་ལེའུ་སྟེ་བདུན་པའོ།། །། དེ་ནས་ཡང་དག་བཤད་བྱ་
བ། །ཕྲན་ཚེགས་ལས་ཀྱི་སྦྱོར་བ་གཙོ། །གཟའ་ཡི་ཆོ་ག་འདི་ཡིན་ཏེ། །གནོད་པ་སེལ་དང་ཕན་བསྐྱེད་མཛད། །བ་ཡི་རྣམ་ལྔས་བྱུག་པ་ཡི། །དཀྱིལ་འཁོར་དབུས་སུ་པད་མ་ནི། །ཁ་དོག་སྣ་ཚོག་ཉིས་བརྩེག་གི། དབུས་སུ་སངས་
རྒྱས་དེ་བཞིན་ལྷོར། །ཆོས་ནི་རྡོ་རྗེ་ཆོས་དཀར་པོ། །ཤར་དུ་དགེ་འདུན་ལྗང་གུའོ། །ནུབ་དུ་འཇིག་རྟེན་དབང་ཕྱུག་དམར། །བྱང་དུ་ཕྱག་ན་རྡོ་རྗེ་ཏེ། །བྱང་ཤར་དུ་ནི་འཇམ་དཔལ་སེར། །མེར་ནི་གཤིན་རྗེའི་གཤེད་ངོ་གནག །དབྱུག་ཆང་
མ་ཧེ་ཞོན་པའོ། །མི་གཡོ་མགོན་པོ་སྲིན་པོ་ཕྱོགས། །རྟ་མགྲིན་རླུང་གི་ཕྱོགས་སུའོ། །དཀོན་མཆོག་གསུམ་པོ་ཆོས་འཆད་རྒྱ། །སེམས་དཔའ་ཁྲོ་བོ་རང་རྟགས་སོ། །ཀུན་ཀྱང་རིན་ཆེན་ཁྲི་ལ་བཞུགས། །དེ་རྒྱབ་ཆ་ལ་གཟའ་རྣམས་
སྟེ། །ཤར་དུ་ཉི་མ་དཀར་སེར་ནི། །རྟ་ལ་ཞོན་ཏེ་པད་མ་འཆང་། །ནུབ་ཏུ་ཟླ་བ་དཀར་པོ་ནི། །ཀུ་མུ་ད་འཆང་ངང་པ་ཞོན། །ལྷོར་ནི་མིག་དམར་ཁ་དོག་དམར། །རིལ་བའི་སྟེང་བཞུགས་མེ་སྒྲོན་བསྣམས། །ལག་པ་མདོག་
སེར་ཨུད་པལ་འཆང་། །བྱང་དུ་པད་སྟེང་བཞུགས་པ་ཡི། །ཕུར་བུ་མདོག་སྔོན་གླེག་བམ་ཐོགས། །ཤར་ལྷོ་ཕྱོགས་སུ་ཀླུ་ལ་བཅིབས། །པ་ཝ་སངས་དཀར་ཤིང་ཐོག་འཆང་། །ལྷོ་ནུབ་གསེར་གྱི་ཁྲི་ལ་
བཞུགས། །བྱང་ཤར་སྤེན་པ་མདོག་ནག་ནི། །ཚངས་པའི་སྟེང་ན་དབྱུག་པ་ཐོགས། །ནུབ་བྱང་སྒྲ་ཅན་དུད་ཀ་ནི། །སྦྲུལ་གྱི་སྟེང་ན་འཁོར་ལོ་འཛིན། །རྣོན་པོ་ལྗང་གུ་རལ་གྲི་འཆང་། །གཙོ་བོའི་དྲུང་དུ་པད་སྟེང་བཞུགས། །

98-1-127b

ན་མཿསརྦ་ཏ་ཐཱ་ག་ཏེ་བྷྱཿ  སརྦ་པ་རི་པུ་ར་ཀེ་བྷྱཿ། སརྦ་ཐཱ། ཨོཾ་བྷ་གི་ནཾ་སྭཱ་ཧཱ། ཉི་མའི་སྙིང་པོའོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་པ་རི་པུ་ར་ཀེ་བྷྱཿསརྦ་ཐཱ། ཨཱོཾ་སརྦ་ཏྲ་ཡཾ་ཨ་སྭཱ་ཧཱ། ཟླ་བའིའོ། །ན་མཿསརྦ་
ཏ་ཐཱ་ག་ཏེ་བྷྱཿསརྦཱ་པ་རི་པུ་ར་ཀེ་བྷྱཿ སརྦ་ཐཱ། ཨོཾ་ཨ་བྷིརྱ་ཡ་སྭཱ་ཧཱ། རྣོན་པའིའོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་པ་རི་པུ་ར་ཀེ་བྷྱཿ། སརྦ་ཐཱ། །ཨོཾ་སུ་བྷི་ཤུད་དྷ་སྭཱ་ཧཱ། མིག་དམར་གྱིའོ། ན་མཿསརྦ་ཏ་ཐཱ་ག་ཏེ་བྷྱཿསརྦཱ་
པ་རི་པུ་ར་ཀེ་བྷྱཿ སརྦ་ཐཱ། ཨོཾ་བི་སུ་ཏྲ་བ་ཀཱ་ཡ་སྭཱ་ཧཱ། གཟའ་ལྷག་གིའོ། །ཨོཾ་ན་མཿསརྦ་ཏ་ཐཱ་ག་ཏེ་བྷྱཿ། སརྦ་པ་རི་པུ་ར་ཀེ་བྷྱཿ སརྦ་ཐཱ། ཨོཾ་བྷི་ཀ་མྱ་དྷ་ཡ་སྭཱ་ཧཱ། ཕུར་བུའིའོ། །ན་མཿསརྦ་ཏ་ཐཱ་ག་ཏེ་བྷྱཿསརྦ་པ་རི་པུ་ར་ཀེ་བྷྱཿ 
སརྦ་ཐཱ། ཨོཾ་སུ་དྷརྨ་རྞ་ར་ཧོ་སྭཱ་ཧཱ། པ་བ་སངས་ཀྱིའོ། །ན་མ་སརྦ་ཏ་ཐཱ་ག་ཏེ་བྷྱཿ སརྦཱ་པ་རི་པུ་ར་ཀེ་བྷྱཿ སརྦ་ཐཱ། ཨོཾ་ཀྲྀཥྞ་བརྞ་ཕ་ཀ་སྭཱ་ཧཱ། སྤེན་པའིའོ། །ན་མཿསརྦ་ཏ་ཐཱ་ག་ཏེ་བྷྱཿ སརྦ་པ་རི་པུ་ར་ཀེ་བྷྱཿ སརྦ་ཐཱ། ཨོཾ་བི་ཀྲྀ་ཏ་
ལ་ཀུ་རུ་ཙི་སྭཱ་ཧཱ། སྒྲ་གཅན་གྱིའོ། །སྔགས་རེ་བརྒྱད་སྟོང་བརྒྱད་བརྒྱ་བཟླས། །ཅི་འབྱོར་མཆོད་དེ་གསོལ་བ་གདབ། །ལོང་སྤྱོད་སྤེལ་ཅིང་འཇིགས་པ་སེལ། །ནད་མེད་བགེགས་རིགས་འཇོམས་པར་འགྱུར། །རིམ་སོག་གཟས་
ཟིན་ནད་ལ་ཡང་། །སྐུ་ཡི་དྲུང་དུ་གསོལ་ཏབ་སེལ། །ཞི་རྒྱས་དབང་དྲག་གང་སྦྱར་བ། །དེ་དག་ཐམས་ཅད་འགྲུབ་པར་འགྱུར། །མི་དང་བྱ་རྒོད་སྦྲུལ་རུས་པ། །སྐབས་སུ་བཏུམས་ནས་དགྲ་ཁྱིམ་སྦ། །དགྲ་བོ་ནད་བསྐྱེད་ནོར་
རྣམས་བརླག །རྟག་ཏུ་འཐབ་མོ་འབྱུང་བར་ངེས། །སྟག་སྤུ་ཐོད་རུས་འུག་པའི་སྤུ། །དགྲ་བོའི་སྒོར་སྦས་སྐྲད་པར་བྱེད། །ནེའུ་ལེ་ནག་པོ་ཝ་སྦལ་རུས། །རང་ཁྲག་གཙངས་པའི་མགོ་བོ་རྣམ། །གོང་བུ་མིང་བཅས་དགྲ་སྒོར་སྦ། །དགྲ་བོ་འཁོར་
བཅས་ཤི་བར་འགྱུར། །མི་ཚིལ་དུར་ཐལ་རྒྱ་སྐྱེགས་ནི། །ཐོད་པ་སོ་ཅན་ནང་བླུགས་ནས། །གང་གི་སྒོར་བཞག་ཁང་པ་འཇིག །ཀུ་ཤའི་གཟུག་བརྙན་རྐང་པས་མནན། །དབང་སྦྱར་འདོད་པའི་སྔགས་བཟླས་ན། །རྒྱལ་པོ་ཆེ་ཡང་དབང་འགྱུར་ན། །འབྱུང་

98-1-128a

པོ་གཞན་ལྟ་སྨོས་ཅི་དགོས། །བུད་མེད་སྐྱེས་ཕྱུག་ལ་སོགས་ལ། །རང་མི་ལྡན་པའི་གཟུག་བྱས་ཏེ། །རྐང་པ་གཡོན་མནན་མིང་བཅས་བཟླ། །གང་དང་གང་ཡང་ངེས་པར་འགྲུབ། །ས་ལ་བགེགས་ཀྱི་གཟུག་བྲིས་ཏེ། །སྔགས་ཀྱི་
བརྡུངས་ན་བརླག་པར་འགྱུར། །འཇིམ་པས་བགེགས་ཀྱི་གཟུགས་བྱས་ཏེ། །གདབ་ཅིང་བརྡུངས་ན་སེལ་བར་ངེས། །ཕུར་བུ་གདབ་དང་མཚོན་ཆས་བྲབ། །རྡོ་རྗེ་རི་རབ་ཅོག་བརྒྱད་ལྡན། །ས་ལ་བྱས་པའི་ཐེམ་བར་དུ། །གཟུག་བརྙན་བཅུག་ཏེ་
རྐང་པས་མནན། །གཟས་ཟིན་ནུབ་མོ་བའི་མཎྜལ། །དྲི་བཟང་མེ་ཏོག་སིལ་མ་བཀྲམ། །ཕ་རོལ་ཕྱིན་པའི་གླེག་བམ་བཞུགས། །ཟངས་མའི་སྣོད་དུ་མར་བཞག་སྟེ། །སེང་ལྡེང་མེས་ནི་བསྐོར་བར་བྱ། །དངོས་གྲུབ་རྣམ་གསུམ་
འགྲུབ་པ་དང་། །གཏེར་མཐོང་བར་ཡང་འདི་འགྱུར་རོ། །ཁྲོས་པས་སྤྱན་གྱི་ཕྱག་རྒྱ་བྱ། །ཧཱུྃ་མཐའ་གསང་སྔགས་དྲག་ཏུ་བརྗོད། །དུར་ཁྲོད་ཐལ་བ་གང་བྱིན་པ། །གདོན་གྱིས་འཛིན་ནམ་བྲན་དུ་འགྱུར། །དེ་ནས་མི་གཡོ་སྤྱན་གཅིག་
པའི། །སྔགས་ཀྱི་ཆོ་ག་བཤད་པར་བྱ། །རིས་མའི་དྲུང་དུ་འབུམ་ཕྲག་གསུམ། །བརྗོད་པས་འདི་ཡི་བསྙེན་པ་རྫོགས། །དབེན་པར་ཟན་གྱི་ཆང་བུ་སྦྱིན། །དེས་ན་རྟག་ཏུ་འབྲེལ་བར་འགྱུར། །མཛུབ་མོའི་རྩེ་ལ་ཧཱུྃ་བཀོད་ནས། །བརྗོད་
པས་སྤྲིན་རྣམས་འདྲལ་བར་བྱེད། །དགྲ་བོ་ལྷར་བཅས་གཟུག་བརྙན་ལ། །རྐང་གཡོན་མནན་བཟླས་ལྕགས་ཕུར་གདབ། །བཀའ་ཉན་འགྱུར་རོ་གཏུབས་ན་ཤི། །སྐུད་པ་སེར་པོས་བཅིང་ནད་དག །སྤང་ལེབ་མནན་ན་མནན་པར་
འགྱུར། །ར་པགས་བྲབས་ན་བཀའ་ཉན་འགྱུར། །སྲད་བུ་ཡུང་ཀར་ལ་བཟླས་ཏེ། །འཆང་ན་གང་འདོད་སྲུང་བར་བྱེད། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་བི་ཤྭ་མ་ཁེ་བྷྱོ། ། སརྦ་ཐཱ། ཨོཾ་ཙཎ་ཌ་མ་དཱ་རོ་ཥ་ཎ་ཧཱུྃ་ཏྲཾ་ཐཱ་མ་ཧཱ་ཙཎ་ཌ། ཨ་ཙ་ལ་ཀ་ན་ཧཱུྃ་
ཧཱུྃ་ཧཱུྃ་ཨ་པ་ཏི་ཧ་ཧ། ཏ་ཐཱ་ག་ཏི་ཛ། །སྨ་ར་ཧཱུྃ་ཧཱུྃ་ཕཊ་སྭཱ་ཧཱ་རྒྱ་མཚོར་འབབ་པའི་ཆུ་ཀླུང་དུ། །ཙན་དན་སྤྲས་པའི་པད་མ་ནི། །སྔགས་བཅས་ཅི་ཙམ་བསྒྱུར་བའི་གྲངས། །གསེར་གྱི་དོང་རྩེ་རྙེད་པར་འགྱུར། །བྲམ་ཟེ་འམ་ནི་དགེ་འདུན་རས། །

98-1-128b

རྒྱལ་པོ་རས་སམ་གྲོ་བ་ལ། །པད་མ་མུ་ཁྱུད་གཉིས་ལྡན་བྲི། །ལྟེ་བར་ཨོཾ་ཧཱུཾ་མིང་དང་བཅས། །ཙཎ་ཌ་མ་ཧ་རོ་ཥ་ཎ། །ཕཊ་དང་བཅས་པ་འདབ་མར་བཀོད། །མུ་ཁྱུད་དང་པོར་རྩ་སྔགས་ཏེ། །གཉིས་པ་འཇམ་དཔལ་སྔགས་ཉིད་བྲི། །དྲི་དང་
མེ་ཏོག་སོགས་མཆོད་ནས། །ཀོགས་ཀྱིས་དྲིལ་ནས་ལུས་ལ་བཅངས། །གདོན་དང་ནད་དང་མུ་གེ་སེལ། །གཡུལ་དུ་ཕྱིན་ན་རྒྱལ་བར་འགྱུར། །ཡང་ན་རལ་གྲི་སོར་བཞིར་བྲི། །འོད་ཀྱི་རི་མོ་ནང་ཆུད་པ། །ཡེ་དྷརྨ་ལ་སོག་ཀྱིས་བསྐོར། །དབུས་
སུ་མིང་དང་བཅས་པ་ཡི། །སྙིང་པོ་སྔགས་ནི་ཁྲིགས་སུ་བྲི། །འདིས་ཀྱང་སྔོན་གྱི་ཡོན་ཏན་འགྱུར། །མཐོ་ལྔས་འཁོར་བའི་པར་བུ་ནི། །མཐོ་གང་འཕང་དུ་ཡོད་པར་བྱ། །ནང་དུ་མཚལ་གྱིས་འཇམ་དཔལ་སྔགས། །མགོ་ནི་གྱེན་དུ་
བལྟས་པ་བྲི། །ཁ་ལ་ཉེ་བར་རྟེན་འབྲེལ་སྔགས། །སྤྲ་ཚིལ་ལས་བྱས་དགྲ་ཡི་གཟུགས། །དུག་དང་གྲི་ཁྲག་གིས་བྲིས་ནས། །མིང་ཡིག་བསོད་པར་བཅས་པ་ནི། །ལིང་ཁའི་སྙིང་གར་བཅུག་བྱས་ཏེ། །དཀྱིལ་འཁོར་གྲུ་གསུམ་
ནག་པོ་ཡི། །དབུསུ་མཐོ་གང་བྲུས་བྱས་ཏེ། །ནང་བཞག་སྟེང་དུ་སྤར་བུ་སྦུབ། །ཅི་སྲིད་མར་གྱི་ཚེས་གཅིག་ནས། །ཟླ་བ་མི་སྣང་ཞག་བར་དུ། །ཉིན་མོ་རྟེན་འབྲེལ་སྔགས་བཟླས་ཏེ། །མཚན་དུས་ཁྲོ་བོ་སྤྱན་གཅིག་པའི། །
སྔགས་ནི་དྲག་དུ་བརྗོད་པར་བྱ། །མཚམས་དང་ཅི་སྲིད་མཚམས་བར་དུ། །གཡོན་དུ་བསྐོར་ཞིང་རྩ་བའི་སྔགས། །དྲུག་ཅུ་རྩ་བཞིའི་གྲངས་སུ་བརྗོད། །འཇམ་དཔལ་སྔགས་ཀྱིས་ཆོས་གོས་སྲུ། །བདེ་གཤེགས་ཡི་གེ་བརྒྱ་
པས་ནི། །མཆོད་རྟེན་ལ་ནི་བསེག་བཤང་བསིལ། །སངས་རྒྱས་བསྟན་པ་འཇིག་པ་དང་། །སྔགས་ལ་འཕྱ་ཞིང་སེམས་ཅན་འཚེ། །ལོག་ལྟ་ལོག་པར་སྤྱོད་བྱེད་ཅིང་། །སེམས་ཅན་ལ་འཚེ་བྱེད་པ་ནི། །རྒྱལ་པོ་ཁྲོ་བོ་ཆེ་བཅུ་དང་། །འཇིག་རྟེན་སྐྱོང་དང་
རྒྱལ་ཆེན་བཞི། །མ་ཚོགས་གཟའ་དང་རྒྱུ་སྐར་ཚོགས། །བསྟན་དགའ་རྣམས་ཀྱིས་མྱུར་དུ་སྒྲོལ། །རྒྱུད་གཞན་དག་ལ་གྲགས་པ་ཡི། །བདེན་པའི་མཐུ་ཡང་དུ་མ་བརྗོད། །དུར་ཁྲོད་ས་ལ་མཆོད་རྟེན་ནི། །ནག་པོ་གྲུ་གསུམ་ཁྲུ་གང་བའི། །སྲོག་ཤིང་ནག་

98-1-129a

པོ་གྲུ་གསུམ་ལ། །བདེ་གཤེགས་ཡི་གེ་བརྒྱ་པས་དཀྲི། །གུར་ཀུམ་ལི་ཁྲིས་བྲིས་པའོ། །མྱ་ངན་མེད་ཤིང་གྲུ་གསུམ་ལ། །རྒྱ་གྲམ་དབང་ཆེན་རིམ་པར་བཅའ། །ལཾ་དང་སྟཾ་བྷ་ཡ་ནན་བརྒྱད། །ཕྱོགས་བརྒྱད་བྲི་བའི་རྭ་དབུས་ལ། །
ཉེ་སྙིང་མིང་དང་བཅས་པ་བྲི། །དེ་ཡི་སྟེ་བར་སྙིང་པོ་ནི། །བསད་པ་མིང་བཅས་བྲི་བའོ། །ཚོགས་ཀྱི་བདག་པོ་གཏོར་མས་མཆོད། །མ་མོ་རྣམས་དང་ལེག་ལྡན་སྲས། །ཤ་ཁྲག་མེ་ཏོག་ནག་པོས་མཆོད། །ཇི་སྲིད་གསུམ་དང་བདུན་
བར་དུ། །ལེ་ལོ་མེད་པར་བྱས་གྱུར་ན། །དགེ་སློང་དགེ་ཚུལ་བསྙེན་ལྡན་གང་། །སྡོམ་བརྩོན་དེ་ནི་ལྡན་གྱུར་ཏེ། །སྡིག་ལྡན་མྱུར་དུ་ཤི་བར་འགྱུར། །དེ་ནས་ཡང་དག་བཤད་བྱ་བ། །གཏུམ་པོ་རྡོ་རྗེ་འཛིན་པ་ཡི། །སྣ་ཚོགས་ལས་རྣམས་
ཐུན་མོང་སྟེ། །ཁྱད་པར་སྦྱོར་བ་ཅུང་ཟད་བཤད། །ཡུངས་ཀར་བསྣུན་པས་འབྱུང་པོ་འབྲོས། །སེར་བ་བསྲུང་ན་འཁོར་ལོ་འམ། །རྔ་དང་དུང་ལ་བྲི་བར་བྱ། །གཡུལ་དུ་འཇུག་ན་རལ་གྲི་སོགས། །ནད་ལ་འཁོར་ལོ་ཆུ་ཡུངས་ཀར། །ཐོད་ལོ་
ཀོར་གྱིས་ས་ཕོར་ལ། །བྲིས་ཏེ་སྒོར་སྤྱངས་སྲིའུ་བསྲུང་། །སྤྲ་ཚིལ་གཟུགས་བརྙན་སོར་བཞི་པ། །དུར་ཁྲོད་ཐལ་བཟླས་སྒོ་སྟེ་བཞག །ནད་པ་གདོན་ལས་བསྲུང་པར་ངེས། །སྙིང་གར་མིང་སྔགས་སྤེལ་བཅུག་ནས། །ཚེར་མ་
ཁར་བཙུགས་ངག་རེངས་བྱེད། །སྙིང་ལ་བཙུག་ནས་ཁྲོས་པ་ཞྀ། །ནན་ཏན་སེམས་ཀྱིས་གསོད་པར་ངེས། །ལིང་གས་རྟགས་ཀྱི་ནུས་པ་མེད། །ཡང་ན་རབས་ཆད་ཐོད་པ་ལ། །མིང་སྔགས་བྲིས་ཏེ་མི་ཁྲག་བཀང་། །རབས་ཆད་
དུར་སྦས་རིག་རྒྱུད་འཆད། །ཁྱི་ནག་ཐོད་པར་མིང་སྔགས་བཅས། །དུག་བཀང་ཀླུ་གནས་སྦས་མཛེས་འཛིན། །དགྲ་ཡི་སྒོར་སྦས་འབྱེད་པར་བྱེད། །ཞིང་དུ་སྦས་ན་ལོ་ཉེས་བྱེད། །ཕྱུགས་གནས་གོད་འབྱུང་ཟླ་དང་འབྱེད། །
ཆུ་དོང་སྦས་ན་ཆུ་སྐེམས་འགྱུར། །མེ་དུར་སྦས་ན་རིམས་ཀྱིས་འཛིན། །ཡང་ན་དགྲ་མིང་ཁྲག་གིས་བྲི། །སྤྲ་ཚིལ་གཟུག་ཀྱི་སྙིང་གར་བཅུག །མཆོད་རྟེན་ནག་པོ་མཐོ་གང་བའི། །ནང་བཅུག་དོང་བཞག་ལྷུང་བཟེད་སྤུབ། །

98-1-129b

བྲམ་ཟེ་རིགས་བཞིས་སྔགས་བརྗོད་ཅིང་། །ནག་པོ་ཚེས་ནས་ཕྱིས་བསྐོར་ཞིང་། །བདེན་པའི་མཐུ་བརྗོད་གཟུགས་བརྙན་བསྲེག །དགྲ་བོ་ཤི་འགྱུར་ཐེ་ཚོམ་མེད། །གྲི་ཁྲག་བྱ་རོག་འུག་པའི་ཁྲག །ཀ་ཏྲ་ཏ་ཡི་ལྟེ་བ་ལ། །
ཀ་རོ་ཀ་ཡི་དུས་སུ་ནི། །གཟུགས་ལ་མིང་དང་སྔགས་བཅས་བྲིས། །རྐང་པས་མཉེས་ན་རྡུལ་དུ་འགྱུར། །རྡོ་རྗེ་འཛིན་པའི་བཀའ་བཞིན་ནོ། །མཚོན་གྱིས་བསད་པའི་ཐོད་པ་ལ། །སྔགས་དང་ཡུལ་ལྷའི་མིང་སྤེལ་བྲི། །ལྷ་ཡི་གནས་
གཅུག་དེ་སྟེང་དུ། །སྔགས་བཟླས་ཕུར་པ་སྙིང་གར་གདབ། །གདུག་པའི་ཚེར་མའི་ཧོམ་སྦར་ཏེ། །མི་རྟ་བ་ལང་ཁྱི་མ་ཧེ། །སྣ་ཚོགས་ཁྲག་བསྲེས་འདི་སྐད་བརྗོད། །ལྷ་ཁྱོད་ཡུལ་འདིར་ཐོག་སེར་ཕོབ། །མེད་ན་བསྐལ་པར་
ཁྱོད་ཉིད་སྲེག །དེ་རྗེས་དཀར་དང་མངར་མཆོད་དོ། །འཕགས་པ་རྡོ་རྗེ་ཁྲོ་བོའི་རྒྱལ་པོ་ཆེན་པོའི་རྟོག་པ་བསྡུས་པའི་རྒྱུད་ལས།  སྦྱོར་བ་ཕྲན་ཚེགས་ཀྱི་ལེའུ་སྟེ་བརྒྱད་པའོ།། །། དེ་ནས་སྦྱིན་བསྲེག་ལས་རྣམས་ཀུན། །མྱུར་
འགྲུབ་ཐབས་ནི་བཤད་པར་བྱ། །མངར་གསུམ་དུར་བ་བསྲེགས་པ་ཡིས། །གནོད་རིགས་ཐམས་ཅད་སེལ་བར་བྱེད། །ཡམ་ཤིང་འབྲས་བུ་གསུམ་བསྲེགས་ཤིང་། །གདོན་ནད་ཐམས་ཅད་ཞི་བར་བྱེད། །འོ་མ་ཅན་གྱི་ཡམ་
ཤིང་ལ། །འོ་མ་དུར་བ་ཏིལ་དང་འབྲས། །སྙིང་རྗེའི་སེམས་ཀྱི་བརྒྱ་བསྲེགས་ན། །གནོད་པ་ཐཾད་ཞི་བར་འགྱུར། །ག་པུར་མངར་གསུམ་འབྲུ་ཐམས་ཅད། །དུར་བ་དཀར་པོའི་ཡམ་ཤིང་རྣམས། །འོ་མ་ཅན་གྱི་ཤིང་ལ་བསྲེག །
ནད་དང་གདོན་རྣམས་ཐམས་ཅད་ཞི། །འོ་མ་སྦྱིན་བསྲེག་བརྒྱ་རྩ་བརྒྱད། །ཕྱུགས་ངས་ཆེན་པོ་ཞི་བར་འགྱུར། །དུར་བ་མངར་གསུམ་མིང་བཅས་པས། །བསྲེགས་པས་རྟ་ཕྱུགས་ནད་ཞི་བྱེད། །ཤར་ལྷོ་ནུབ་
བྱང་ཕྱོགས་ཀྱི་ནི། །དཀར་ནག་དམར་སེར་ཁ་དོག་འགྲུབ། །ཁྲུ་གང་ཁྲུ་གཉིས་ཚད་ཀྱི་ཐབ། །སོར་བཞི་ཁ་ཁྱེར་རིམ་པས་བཏང་། །སེམས་དཔའ་པད་མའི་རྡོ་རྗེ་དང་། །གཅིག་པུས་ཞི་རྒྱས་དབང་དྲག་འགྲུབ། །དེ་ནས་

98-1-130a

རྒྱས་པའི་སྦྱིན་བསྲེག་ནི། །ཅི་འདོད་ཐོབ་པ་བཤད་པར་བྱ། །པད་མའི་ཆུ་བ་འབུམ་ཕྲགཅིག །རྒྱལ་པོ་འཐོབ་སྟེ་བློན་པོ་ནི། །ཀུ་མུ་ད་ལ་འབུམ་ཕྲག་གསུམ། །ཞོ་དང་མངར་གསུམ་དང་བཅས་པའོ། །ཨ་བ་མར་གའི་
འབྲས་བུ་དང་། །མངར་གསུམ་འབུཾ་གྱིས་ཡུལ་བདག་འཐོབ། །རིགས་བཟང་འབུཾ་ཕྲག་བདུན་གྱིས་ནི། །ཡིད་ལ་ཅི་འདོད་ཐོབ་པར་འགྱུར། །དུར་བ་ཏིལ་དང་འབྲས་སོགས་བསྲེག །བུད་མེད་བུ་བཟང་ཐོབ་པར་འགྱུར། །ནོར་
འདོད་པས་ནི་རྐུན་པོ་ཡི། །ལག་པ་གཡས་པ་མཛོད་བཞག་ནས། །མཆོད་ཅིང་གསོལ་བ་བཏབ་པས་ནི། །ནོར་རྣམས་མྱུར་དུ་ཐོབ་པར་འགྱུར། །ཡང་ན་རྒྱ་ཡི་ལྤགས་པ་ལ། །གུར་གུམ་གིའུ་ཝང་ཡུང་བས་ནི། །བྱི་བ་ཆེར་བརྗིད་སེར་པོ་བྲི། །
ཤར་ན་མཛོད་ཕུགས་བལྟས་པར་གཞག །ཟས་ཀྱི་ལྷག་མས་མཆོད་བྱ་ཞིང་། །གསོལ་བ་བཏབ་པས་ནོར་རྙེད་འགྱུར། །པད་མའི་ཟེ་བ་ཀ་ལི་ཀ །པྲི་ཡང་ཀུ་ནི་ནོར་རྙེད་དོ། །འབྲས་བསྲེགས་པས་ཀྱང་ནོར་ཆེན་འཐོབ། །ཀུ་མུ་ད་ཡི་འབྲས་
སོགས་སྲེགས། །ལོངས་སྤྱོད་ཆེ་དང་ས་གཞི་འཐོབ། །པད་མ་ཞོ་དང་སྦྲང་རྩི་མར། །སྦྱིན་སྲེག་འབུམ་གྱིས་མཆོག་སྩོལ་བ། །གསུམ་པ་དག་ཀྱང་མཐོང་བར་འགྱུར། །བིལ་བའི་འབྲས་བུ་མངར་གསུམ་བཅས། །འབུམ་ཕྲག་
གསུམ་དུ་བསྲེགས་པས་ནི། །རང་ཉིད་རྒྱལ་པོ་ཆེན་པོར་འགྱུར། །མར་དང་ཡུངས་ཀར་དཀར་པོས་ནི། །ནིམ་པའི་ཤིང་ལ་འབུམ་བསྲེག་ན། །སྙིང་པོ་རྙིང་པ་རྒྱས་པར་འགྱུར། །ནས་ལ་སོགས་པ་འབྲུ་རིགས་རྣམས། །གང་བསྲེགས་
གསོལ་བཏབ་དེ་རྒྱས་འགྱུར། །གང་འདོད་གོས་ཀྱི་ཁ་དོག་ཅན། །མེ་ཏོག་བསྲེགས་ན་གོས་རྙེད་འགྱུར། །སྤོས་ཤིང་བསྲེགས་ན་འཁོར་གཡོག་འཕེལ། །ཞོ་མར་སེང་ལྡེང་མེ་ལ་སྟོང་། །བསྲེགས་ན་ནོར་རྣམས་རྙེད་པར་
འགྱུར། །དེ་ནས་དབང་གི་བསྲེག་ལུགས་བཤད། །ཏིལ་དང་འབྲས་སོགས་ཕུབ་མ་བསྲེག །བུད་མེད་དབང་དུ་བྱེད་པའོ། །པྲི་ཡང་ཀུ་ཡི་སྦྱིན་བསྲེག་གིས། །བྱིས་པ་རྣམས་ནི་དབང་དུ་འགྱུར། །འོ་མ་སྦྲང་རྩི་ཨ་

98-1-130b

རུ་རའི། །ཤིང་ལ་བསྲེགས་ན་ལྷ་དབང་བྱེད། །གསུམ་པོ་དེ་དང་གུ་གུལ་བསྲེག །གནོད་སྦྱིན་རྣམས་ནི་དབང་དུ་འགྱུར། །མྱ་ངན་མེད་པའི་ཡམ་ཤིང་གིས། །གནོད་སྦྱིན་མོ་རྣམས་དབང་དུ་འགྱུར། །རྒྱལ་པོའི་ཡུངས་ཀར་ཡུངས་
མར་བཅས། །བསྲེག་པས་རྒྱལ་པོ་དབང་དུ་འགྱུར། །དེ་ནས་དྲག་པོའི་ལས་གྲུབ་པའི། །སྦྱིན་བསྲེག་ཡང་དག་བཤད་པར་བྱ། །མིང་བཅས་ཚད་དང་ནིམ་པ་བསྲེག །བསྟན་སྡང་དགྲ་བོ་མྱུར་དུ་འཆི། །དགྲ་མིང་དུག་གིས་ནིམ་པ་ལ། །
བྲིས་ཏེ་དུག་དང་ལྷན་ཅིག་ཏུ། །སྦྲུལ་ཤུན་ཐུམ་པོ་ལྔ་བྱས་ནས། །ཐོད་པ་ལྔ་ཡི་ནང་བཞག་སྟེ། །ལྔ་པོ་ཡུངས་མར་གྱིས་བཀང་ནས། །གསུམ་ནི་སྒྱེད་བུ་གཉིས་བརྩེགས་ལ། །ཁྲོས་པས་གཅིག་ཏུ་སྐྲ་གྲོལ་བས། །སྔགས་
བརྗོད་ཐལ་བར་གྱུར་པར་དུ། །ཉིན་ཕྱེད་བསྲེགས་ན་དགྲ་འཆི་ངེས། །འཆི་ལྟས་འདབ་མ་རྩ་བ་ཤུན། །ར་ཁྲག་ཡུངས་མར་རྩྭ་རྒྱ་སྐྱེགས། །ཚ་བའི་བུད་ཤིང་ཡམ་ཤིང་ལ། །བདུན་ཕྲག་མིང་དང་བཅས་པ་བསྲེག །སྟོང་ཕྲག་གཉིས་
ཀྱི་རྟ་ཕྱུགས་འཆི། །བཞིས་ནི་བུ་དང་ཆུང་མ་འཆི། །དྲུག་གིས་ཉེ་དུ་གཉེན་འདུན་བརླག །བརྒྱད་ཀྱིས་དགྲ་ཡི་རང་སྲོག་འཆད། །གལ་ཏེ་སྐྱབས་སུ་འོང་གྱུར་ན། །འོ་མ་སྟོང་བསྲེགས་རྣལ་དུ་སོས། །ཁྲག་དང་དུག་ཕྱེ་
ནིམ་པའྀ་འབྲས། །ཡུངས་མར་ལ་སྦགས་བརྒྱ་རྩ་བརྒྱད། །མྱོ་བྱེད་ལ་བསྲེགས་དགྲ་བོ་འཆི། །ཡང་ན་རུས་ཕྱེ་ནིམ་པའི་ལྔ། །རང་གི་ཁྲག་གམ་ཡུངས་མར་སྦྲག ། ཡང་ན་སྐེ་ཚེ་དུག་དང་ནི། །ནིམ་པའི་འབྲས་བུས་
བསད་པར་བྱ། །ཡང་ན་གྲི་ཁྲག་གིས་བསྲེགས་པས། །བྱད་མ་མྱུར་དུ་གསོད་པར་འགྱུར། །ནིམ་པའི་ལྔ་དང་ར་ཁྲག་དུག །དྲི་མ་ལྔ་བཅས་གཟུགས་སྙིང་གར། །མིང་ཡིག་བཅུག་ནས་ཕུར་བུས་གདབ། །
རིག་སྔགས་བྱད་མ་ཉིད་ལྡོག་འགྱུར། །རྒྱ་སྐྱེགས་མི་རུས་ཕྱེ་མ་ཡིས། །མི་ལྤགས་རློན་ལ་དགྲ་གཟུགས་བྲི། །དུག་དང་སྐེ་ཚེ་ཅུང་ཟད་བྱུགས། །ནིམ་པའི་མེ་ལ་ཁྲོས་པས་བསྲོ། །བསྲེགས་པས་ཚ་བའི་རིམས་ཀྱི་འཆི། །

98-1-131a

དུར་བ་འོ་མས་སོས་པར་འགྱུར། །དུག་དང་ནིམ་པ་སྒོག་སྐྱ་དང་། །མི་རུས་ཕྱི་བསྲེག་ཕྱུག་རྣམས་བརླག །ཚ་གསུམ་ལན་ཚྭ་དུར་རང་སྐྱུར། །ཡུངས་མར་རོ་སྐྲ་སྦྲུལ་ཤུན་དང་། །ནིམ་པའི་ལྔ་དང་མི་རུས་ཕྱེ། །སྐྱེ་ཚེ་དུག་ཕྱེ་
སྒོག་བཙོང་དང་། །སྒོག་སྐྱ་ཚེར་མའི་མེ་ལ་བསྲེག །དགྲ་བོ་ཁྲག་ཏུ་སྐྱུག་ཏེ་འཆི། །རྒྱ་སྐྱེགས་ལན་ཚྭ་བ་གླང་མཁྲིས། །བསྲེགས་ན་མཆིན་གས་ནད་ཀྱིས་འཆི། །སྒེའུ་གཤེར་ལན་ཚྭ་ཚ་བ་གསུམ། །གཟུགས་བརྙན་དུར་ཁྲོད་
མགལ་དུམ་ལ། །མགོ་ནས་རྐང་པའི་བར་དུ་བསྲེག །ཐིག་ནག་གིས་ནི་གསོད་པར་འགྱུར། །འོ་མ་ཅན་གྱི་ཡམ་ཤིང་ལ། །དཀར་གསུམ་བསྲེགས་ན་སོས་པར་འགྱུར། །དྲི་ཆུས་སྤངས་པའི་ས་ལས་ནི། །ཐབ་ཁུང་བྱས་ཏེ་
དུག་གིས་བྱུག །ནིམ་པའི་འདབ་མར་དགྲ་བོའི་མིང་། །ར་ཁྲག་གིས་བྲིས་རྒྱུས་པས་དཀྲིས། །ཚ་གསུམ་ཤིང་གི་མེར་བསྲེགས་པས། །རྒྱལ་པོ་མྱུར་དུ་འཆི་བར་ངེས། །དུག་ཁྲག་ལན་ཚྭ་ཚ་བ་གསུམ། །མིང་བཅས་
གཟུགས་བརྙན་ནིམ་པའི་མེར། །གསྲེགས་ན་དགྲ་བོ་དམུ་རྫིང་ངམ། །མཛེ་ནད་ཀྱིས་ནི་གསོད་པར་འགྱུར། །ཚ་གསུམ་ནིམ་པ་དུག་དང་དུར། །ཁྲག་དང་ལན་ཚྭའི་གཟུགས་བརྙན་ནི། །ལན་ཚྭ་ནིམ་པ་ཚ་བའི་མར། །
བྱུགས་ནས་ཨརྒའི་ཤིང་ལ་བསྲེག །མཛེ་ནད་ཆེན་པོས་བཟུང་ནས་འཆི། །ར་ཁྲག་ཚ་གསུམ་ཡུངས་མར་སོས། །ནིམ་པའི་ལོ་མ་ན་ལེ་ཤམ། །ཡུངས་མར་དུག་བསྲེགས་ཚ་བས་འཆི། །ནེའུ་ལེ་ཤའམ་དུག་དང་ཚ། །
དྷ་དུ་ར་ལྔ་ཚ་བ་གསུམ། །སོལ་བ་ལ་ནི་དགྲ་གཟུགས་བྱ། །ཡུངས་མར་བྱུགས་ཏེ་བསྲེགས་ན་འཆི། །ཚ་གསུམ་པ་ཡི་འབྲས་བུ་ཡིས། །ནིམ་པའི་འདབ་མང་དགྲ་མིང་བྲི། །ཐོད་པར་དུག་ཡུངས་ལྷན་ཅིག་གཞག །དྷ་དུ་
ར་ལྔ་བཙོས་ནས་འཆིང་། །རིས་མ་བྱང་དུ་བལྟས་ནས་ཀྱང་། །རང་ཉིད་ལྷོ་ཕྱོགས་བལྟ་བར་བྱ། །ཚངས་པ་ལ་སོགས་ལྷ་ཚོགས་དང་། །འཇིག་རྟེན་སྐྱོང་བ་རྫུ་འཕྲུལ་ཅན། །མ་མོ་མཁའ་འགྲོ་ཤ་ཟ་སོགས། །

98-1-131b

ས་བཅུའི་དབང་ཕྱུག་བྱང་ཆུབ་སེམས། །རིག་འཛིན་ཁྲོ་བོའི་རྒྱལ་པོ་དང་། །སངས་རྒྱས་དཀྱིལ་འཁོར་ལྷ་རྣམས་གསོན། །སྡིག་ཅན་ང་རྒྱལ་གདུག་ཅིང་ཁྲོ། །ཆད་ལྟ་སྔགས་འཕྱ་དཀོན་མཆོག་བཅོམ། །བསྟན་ལ་སྡང་
ཞིང་སེམས་ཅན་འཚེ། །མཚམས་མེད་ཅན་འདི་བསྒྲལ་དུ་གསོལ། །རླུང་གིས་འདར་ཞིང་ཆར་གྱིས་གཤེར། །མེས་གདུང་རྡུལ་ཚུབ་སྐམ་འདིར་སྐྱེ། །སེང་གེ་མཁའ་ལྡིང་སྟག་ཁྲོ་བོས། །བཅོམ་ཞིང་འབུ་སྦྲང་བུང་རྒོད་ཀྱིས། །
ཁྲག་འཇིབ་བྱ་ཚོགས་མཁའ་ལ་ཁྱེར། །མངོན་སྤྱོད་ལས་ཀྱི་བསམ་ཏན་ནོ། །དེ་ནས་སྣ་ཚོགས་ལས་བཤད་པ། །མི་རུས་ཕྱེ་མ་ཚེ་སྐེ་ཚེ། །གནོད་སྦྱིན་འཁྲིག་པ་དུག་ཤིང་ལ། །ཐ་དད་མིང་བཅས་བསྲེགས་པས་ནི། །བསྐྲད་དང་
དབྱེ་དང་སྨྱོ་བར་བྱེད། །དུར་བའོ་མར་བཅས་པས་སོས། །དྷ་དུར་ཡན་ལག་ལྔ་འབྲས་བུ། །ཚེར་མའི་མེས་བསྲེགས་སྨྱོ་བར་བྱེད། །ཚྭ་གསུམ་ལན་ཚྭས་ཚ་རིམས་བསྐྱེད། །ཡང་ན་ཤིང་སྐམ་ལྟ་བུར་སྐམས། །
ཛམ་བའི་རི་དང་རང་སྐྱུར་བཅས། །དགྲ་བོ་གྲང་བའི་རིམས་ཀྱིས་འདེབས། །ཁྭའི་སྒྲོ་ཨེ་རཎ་ཌའི་མར་ཁུས། །བྱུག་པ་དྷ་དུར་མེ་ལ་བསྲེག །ལག་སྟོབས་ཁྭ་ཏ་ལྟ་བུར་ནི། །དགྲ་བོས་མཐའ་མ་ཀུན་དུ་འཁྱམ། །སྐེ་ཚེ་མི་
རུས་ལན་ཚྭ་དུག །ཡུངས་མར་ནིམ་བའི་མེ་ལ་བསྲེག །དགྲ་བོ་རྟག་ཏུ་འཐབ་པ་དང་། །ནད་རྣམས་ཀུན་ཀྱིས་འདེབས་པར་འགྱུར། །དུར་ཁྲོད་ཐལ་བ་སོལ་བར་བཅས། །དགྲ་བོའི་གཟུགས་བྱས་དུམ་བུར་གནོན། །
ཚམ་ངམ་ཕུར་བུར་འདེབས་པ་ནི། །ཕོལ་མིག་ནད་ངན་བསྐྱེད་པར་བྱེད། །བྱ་རྒོད་འུག་པ་བྱི་ལ་ཤ །ནེའུ་ལེའི་སྤུ་རྣམས་ཁྱེར་བའི་མེར། །དྲུག་ཅུ་རྩ་བརྒྱད་བསྲེགས་པ་ཡིས། །ཐུན་གཉིས་མྱུར་དུ་འབྱེད་པར་ངེས། །ཁྲག་ཅན་རས་ལ་གཟུགས་
བྲིས་ན། །རྐང་གཡོན་སྐེར་མནན་ཚམ་ངམ་བཅས། །འདོད་བཅས་སྔགས་ནི་དྲག་པོ་ཡིས། །རྒྱལ་དང་རིམས་ནད་མཆེར་ནད་བསྐྱེད། །དགྲ་ཡི་སྐྲ་དང་རྐང་རྗེས་ས། །དགྲ་གཟུགས་དུག་དང་སྐེ་ཚེས་བྱུག །ཚེར་མེས་བསྲེགས་ན་རེངས་པར་འགྱུར། །

98-1-132a

དགྲ་ཡི་ཕ་རུས་དུག་རང་སྐྱུར། །གཟུགས་བྱད་ནིམ་པའི་མེར་བསྲེགས་ན། །དགྲ་བོ་གདོན་ཆེན་ནད་ཀྱིས་འདེབས། །ཕག་རྟུག་སྣུ་ཧ་ཨརྒའི་ཤིང་། །ཚེར་མེས་བསྲེགས་ན་མགོ་འཁོར་འགྱུར། །ནེའུ་ལེ་བྱི་ལ་བྱི་ཚེར་སྤུ། །བསྲེགས་ན་
བུད་མེད་བུ་བརླག་འགྱུར། །མི་དང་ནེའུ་ལེ་ཁྭ་རུས་པ། །ཡུངས་མར་ནིམ་པའི་མེ་ལ་བསྲེགས། །གྲོང་དང་གྲོང་ཁྱེར་བསྐྲད་པར་བྱེད། །སྟག་སྤུ་ཐོད་རུས་འུག་པའི་སྤུ། །ས་ཧ་མེ་ཏོག་ན་ལེ་ཤམ། །ནིམ་པའི་ལོ་མ་དུག་བསྲེགས་བྱེད། །ནིམ་པའི་
འབྲས་བུ་དུག་ལན་ཚྭ། །དྷ་དུར་འབྲུ་བསྲེགས་ནད་བསྐྱེད་བྱེད། །དུག་ཁྲག་དྷ་དུར་འབྲས་བུ་ཡིས། །ནིམ་པའི་ཤིང་ལ་དགྲ་མིང་བྲི། །ཚ་གསུམ་ལན་ཚྭ་ཁྲག་གིས་བྱུག །ལྕགས་སྣོད་ཡུངས་མར་ནང་བཞག་ནས། །ནིམ་པའི་ཤིང་གི་མེ་ཡིས་
བཙོ། །དགྲ་བོ་ལྷ་དང་འབྱེད་པར་འགྱུར། །མི་ཁྱི་བྱ་རྒོད་རུས་ཕྱེ་དུག །སྐེ་ཚེ་ཡུངས་མར་སྦྲུལ་ཤུན་དང་། །ནིམ་པའི་ལྔ་དང་སྐགས་ལན་ཚྭ། །ཚེར་མེས་བསྲེགས་ན་ནད་ཀྱིས་འདེབས། །སྐེ་ཚེར་དུག་སྐེགས་སྦྲུལ་ཤུན་ཚ་བའི་
མར། །གཟུགས་བྱས་ཚ་བའི་མེ་ལ་གདུང་། །ཆར་ཆེས་པ་དང་ཐོག་འབབ་འགྱུར། །འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་སྡུས་པའི་རྒྱུད་ལས། །སྦྱིན་བསྲེག་གི་ལེའུ་སྟེ་དགུ་པའོ།། །། དེ་ནས་ཚངས་པ་ཁྱབ་འཇུག་སོགས། །
འཁོར་གྱི་དཀྱིལ་འཁོར་ཐམས་ཅད་ཀྱིས། །བཞེངས་ཏེ་ཐལ་མོ་སྦྱར་ནས་ཀྱང་། །སྙན་པས་ཆེད་དུ་འདི་བརྗོད་དོ། །ཨེ་མ་སངས་རྒྱས་ཐམས་ཅད་ལ། །ཐབས་དང་ཤེས་རབ་བསམ་དུ་མེད། །ཐུགས་རྗེས་གྱུར་པའི་ཐུགས་ཀྱིས་
ནི། །མཚུང་མེད་རྒྱ་ཆེ་དམ་ཆོས་གསུངས། །དུག་གི་འཇིགས་པས་ས་སྟེངས་འཁྲིགས། །ཉོན་མོངས་མུན་འཇིགས་མེད་པ་ཡི། །བདུད་རྩི་འོད་བཟང་འདིར་གུས་ན། །ངན་འགྲོའི་འཇིགས་པ་སྟོངས་བར་འགྱུར། །དེ་ནས་ཚངས་སོགས་
འཇིག་རྟེན་སྐྱོང་། །རྫུ་འཕྲུལ་ལྡན་རྣམས་ཀུན་འདུས་ནས། །ངན་ཞིང་ཆེད་དུ་བརྗོད་པ་འདི། །སྙན་པའི་ཚིགས་གིས་རབ་ཏུ་གསོལ། །ཨེ་མ་སངས་རྒྱས་ཆེ་བའི་བདག །སེམས་ཅན་ཀུན་ལ་སྨན་པར་དགྱེས། །སྐྱོབ་ཆེན་འཇིག་

98-1-132b

རྟེན་མགོན་པོ་ཡི། །མཚུངས་མེད་བསམ་གྱིས་མི་ཁྱབ་ཐབས། །གསུངས་པ་འདི་ལ་གང་གནས་པ། །འཁོར་བའི་སྡུག་བསྔལ་རྒྱ་མཚོ་སྦྱོང་། །འགྲོ་ལ་སྨན་མཐོང་བསྒྲུབས་པས་ནི། །ལྷག་པའི་བདེ་བ་འབྱུང་བར་འགྱུར། །
དེ་ནས་རྡོ་རྗེ་འཛིན་པ་སོགས། །བྱང་ཆུབ་སེམས་དཔའི་ཚོགས་རྣམས་ཀྱིས། །ངོ་མཚར་སྤྱན་ནི་གདངས་ནས་སུ། །ཆེད་དུ་བརྗོད་པ་འདི་བརྗོད་དོ། །ཨེ་མ་སངས་རྒྱས་བསམ་མི་ཁྱབ། །གདོད་ནས་ཐུགསུ་འགྲོ་དོན་ཆུད། །རྟོག་མེད་རང་
བཞིན་ལས་གྲོལ་ནས། །བསམ་མི་ཁྱབ་པའི་གོ་འཕང་གསུངས། །འཆང་བྱེད་དང་པོ་ངན་འགྲོ་གཅོད། །གཉིས་པ་མཐོང་ཆོས་དངོས་གྲུབ་བྱེད། །དེ་རྗེས་འཇིག་མེད་ང་ཡི་མེད། །དོགས་པ་སྤངས་ན་ཟད་པར་གྱི། །ས་ལ་བཞུགས་ནས་
སེམས་ཅན་དོན། །མ་བསམས་ཐོགས་པ་མེད་པར་བྱེད། །གསང་སྔགས་རྒྱལ་པོ་སྐྱོབ་ཀུན་ལ། །སྦྱངས་ནས་འདོད་དོན་ཀུན་གྲུབ་སྟེ། །ནམ་མཁའ་ཆུ་གསེར་དག་པ་ལྟར། །བསྒོམ་པ་བླ་མེད་ཡིད་རྒྱས་བྱེད། །དེ་ནས་རིག་པ་འཛིན་པའི་ཚོགས། །
མ་ལུས་པ་རྣམས་འདུས་ནས་ཀྱང་། །གཙོ་ལ་མེ་ཏོག་གཏོར་བྱས་ཏེ། །ཆེད་དུ་བརྗོད་པ་འདི་བརྗོད་དོ། །ཨེ་མ་སངས་རྒྱས་བསམ་མི་ཁྱབ། །དམ་པའི་ཆོས་ཀྱང་བསམ་མི་ཁྱབ། །འགྲོ་ལ་ཕན་དང་དོན་བྱེད་པའི། །ཆོ་གའི་མིང་དང་ཤེས་རབ་
དང་། །སྙིང་རྗེའི་དབྱེ་བས་རྒྱས་གྱུར་ནས། །མནར་མེད་ལ་སོགས་ངན་འགྲོ་ཡི། །འཇིགས་རྣམས་ལས་བརྒལ་པད་མ་ལྟར། །རྣལ་འབྱོར་ཅན་དེ་མཛེས་པར་སྤྱོད། །དེ་ནས་མཐུ་སྟོབས་ཆེར་ལྡན་པའི། །ཕྱོགས་བཅུའི་ཁྲོ་བོའི་ཀུན་འདུས་
ནས། །ཤིན་དུ་ངམ་པས་སྙན་ཚིག་གིས། །ཆེད་དུ་བརྗོད་པ་འདི་བརྗོད་དོ། །ཨེ་མ་སངས་རྒྱས་ཆོས་ཆེན་དང་། །དགེ་འདུན་དཀོན་མཆོག་བསམ་མི་ཁྱབ། །འཁོར་བའི་མུན་པ་ཆེན་པོར་ནི། །བྱིང་བས་བལྟ་དཀའ་རྟོགས་པ་ཡིས། །
སྔགས་དང་ཕྱག་རྒྱ་བསམ་མི་ཁྱབ། །མཐོང་དང་ཐོས་པ་རྩམ་གྱིས་ཀྱང་། །བལྟ་དཀའ་འབྱུང་པོ་དྲག་པོ་རྣམས། །ལྷག་པའི་སེམས་ནི་སྐྱེས་པར་འགྱུར། །དེ་ནས་རིག་པའི་ལྷ་མོ་ཆེ། །སྤྱན་ལ་སོགས་པ་རྒྱ་ཆེན་རྣམས། །ངོ་མཚར་

98-1-133a

གྱུར་ནས་སྤྱན་གདངས་ཏེ། །སྙན་པས་ཆེད་དུ་འདི་བརྗོད་དོ། །ཨེ་མ་སངས་རྒྱས་རྨད་དུ་བྱུང་། །ཨེ་མ་སངས་རྒྱས་དཔའ་བོ་ཆེ། །ཨེ་མ་སངས་རྒྱས་རབ་ཏུ་ཟབ། །ཆོས་རྣམས་སྐྱེ་མེད་འགག་པ་མེད། །སྒྱུ་འཕྲུལ་སྣ་
ཚོགས་རོལ་བ་ལྟར། །རྒྱུ་མ་གདུལ་བྱ་ཚིམ་མཛད་པ། །སྤྲོས་པ་དང་བྲལ་སྤྲོས་པ་བྲལ། །སྒྱུ་མ་རབ་ཏུ་འཕེལ་བར་མཛད། །དེ་ནས་ཕྱོགས་བཅུའི་སངས་རྒྱས་རྣམས། །སྟོང་གསུམ་མི་མཇེད་འཇིག་རྟེན་ཁམས། །གདུལ་བ་དག་
ལ་རབ་གཟིགས་ནས། །འདུལ་མཛད་རྡོ་རྗེ་འཆང་བ་ལ། །ངོ་མཚར་རྨད་ཀྱི་གསུང་གིས་ནི། །ཆེད་དུ་བརྗོད་པ་འདིས་བསྟོད་དོ། །ཨོཾ་ཞེས་དང་པོ་ཕྱག་འཚལ་བཀྲ་ཤིས་སྟེར་བྱེད་པ། །སེར་སྣ་རྣམ་པར་དག་ནས་ཡོ་བྱད་དབང་ཐོབ་
དང་། །གནས་དང་གནས་མ་ཡིན་པ་མཁྱེན་པའི་སྟོབས་དང་ནི། །རབ་དགའ་ཡེ་ཤེས་ཁྲོ་བོ་ཁམས་གསུམ་རྣམ་རྒྱལ་འདུད། །ཙཎ་ཡིག་དྲི་བཟངས་ཙན་དན་བྱུགས་དང་ངང་ཚུལ་མཚུངས། །ཚུལ་ཁྲིམས་རྣམ་པར་དག་པས་ཚེ་ལ་དབང་
བ་དང་། །ལས་དང་རྣམ་པར་སྨིན་པ་མཁྱེན་པའི་སྟོབས་དང་ནི། །དྲི་མེད་ཡེ་ཤེས་ཁྲོ་རྒྱལ་མི་གཡོ་ཕྱག་འཚལ་ལོ། །ཌ་ཡིག་ཉོན་མོངས་སྒྲིབ་པ་གཏོར་བའི་ཞི་གནས་དང་། །བཟོད་པ་དག་པ་སྐྱེ་བ་ལ་དབང་ཐོབ་པ་དང་། །མོས་པ་སྣ་ཚོག་
མཁྱེན་པ་ཞེས་པའི་སྟོབས་དང་ནི། །འོད་འཕྲོ་ཡེ་ཤེས་ཁྲོ་བོ་དབྱུག་སྔོན་ཕྱག་འཚལ་ལོ། །མ་ཡིག་སྒྱུ་འཕྲུལ་ཆེན་པོ་ལྷག་མཐོང་ཆེ་བའི་བདག །བརྩོན་འགྲུས་དག་པས་སེམས་ལ་ཡང་དག་དབང་ཐོབ་དང་། །ཁམས་ཀྱི་
རྣམ་པ་སྣ་ཚོག་མཁྱེན་པའི་སྟོབས་དང་ནི། །འོད་བྱེད་ཡེ་ཤེས་གཤིན་རྗེ་གཤེད་པོ་ཕྱག་འཚལོ། །ཧཱ་ཡིག་མ་ཆགས་ཤེས་བྱའི་སྒྲིབ་འཕྲོག་སྦྱངས་ས་ཆེ། །བསམ་གཏན་དག་པས་རྫུ་འཕྲུལ་ལ་ནི་དབང་ཐོབ་དང་། །
ཐམས་ཅད་དག་ཏུ་འགྲོ་བའི་ལམ་དག་སྟོབས་དང་ནི། །སྦྱང་དཀར་ཡེ་ཤེས་རྟ་མགྲིན་ཁྲོ་བོ་ཕྱག་འཚལ་ལོ། །རོ་ཡིག་འཁོར་འདས་ནད་བྲལ་ཤེས་དག་ལས་དབང་ཐོབ། །བསམ་གཏན་རྣམ་ཐར་ཏིང་འཛིན་དང་ནི་

98-1-133b

སྙོམས་ཞུགས་པའི། །ཀུན་ནས་ཉོན་མོངས་རྣམ་བྱང་ལྟ་བ་ཀུན་མཁྱེན་སྟོབས། །མངོན་གྱུར་ཡེ་ཤེས་འདོད་པའི་རྒྱལ་པོ་ཕྱག་འཚལ་ལོ། །ཥ་ཡིག་མཉམ་ཉིད་སྡོམ་ཆེན་དབང་ཕྱུག་ཆེན་པོ་རྒྱལ། །སྟོབས་ཆེན་དག་
ལས་མོས་པ་ལ་ནི་དབང་ཐོབ་དང་། །སྔོན་གྱི་གནས་རྣམས་རྗེས་སུ་དྲན་པ་མཁྱེན་པའི་སྟོབས། །རིང་དུ་སོང་བའི་ཡེ་ཤེས་བདུད་རྩི་འཁྱིལ་ལ་འདུད། །ཎ་ཡིག་སྐྱེས་བུ་ཆེན་པོ་སྒྲ་ཆེན་ཀླུ་མཆོག་གཙོ། །སྨོན་ལམ་དག་
པས་སྨོན་ལམ་ཆེ་ལ་དབང་ཐོབ་དང་། །དབང་པོ་མཆོག་དང་མཆོག་མ་ཡིན་པ་མཁྱེན་པའི་སྟོབས། །མི་གཡོ་ཡེ་ཤེས་ཁྲོ་བོ་སྟོབས་ཆེན་ཕྱག་འཚལ་ལོ། །ཧཱུཾ་ཡིག་ཧུ་ལུ་སྤྲིན་གདེངས་འབྲུག་སྒྲ་གད་རྒྱངས་ཅན། །ཐབས་
དག་པས་ནི་ཡེ་ཤེས་ཆེ་ལ་དབང་ཐོབ་དང་། །འཆི་འཕོ་དང་ནི་གང་ཞིག་སྐྱེ་བ་མཁྱེན་པའི་སྟོབས། །ལེགས་པའི་བློ་གྲོས་ཡེ་ཤེས་ཁྲོ་བོ་ཧཱུཾ་མཛད་འདུད། །ཕཊ་སྒྲས་བག་ཆགས་ཀུན་གཏོར་དག་པས་ཤེལ་དང་མཚུངས། །ཡེ་ཤེས་
དག་པས་ཆོས་ལ་དབང་ནི་ཐོབ་པ་དང་། །ཟག་པ་ཐམས་ཅད་ཡང་དག་ཟད་པས་མཁྱེན་པའི་སྟོབས། །ཆོས་ཀྱི་སྤྲིན་གྱི་ཡེ་ཤེས་ཁྲོ་བོ་གནོད་མཛེས་འདུད། །དེ་ནས་ཆོས་རྗེ་ཐུབ་པས་ནི། །ལྗགས་ཀྱི་དབང་པོ་བཀྲམ་བྱས་ནས། །
འཛུམ་པ་མཛད་པས་རབ་གཟིགས་ཏེ། །འཁོར་གྱི་དཀྱིལ་འཁོར་ཆེན་པོའི་དབུས། །ལག་ན་རྡོ་རྗེ་མཐུ་ཆེན་ལ། །སྙན་པའི་གསུང་གིས་བཀའ་སྩལ་པ། །མཆོག་ཏུ་བརྟན་པར་རབ་བསྔགས་པ། །རྡོ་རྗེ་ཐེག་པ་བླ་ན་མེད། །མི་གང་
བསོད་ནམས་དམན་པ་འམ། །མཚམས་མེད་ལ་སོགས་བྱེད་པ་ཡང་། །རྒྱུད་འདིར་ཞུགས་པའི་དེ་མ་ཐག །གསེར་འགྱུར་གྱི་ནི་རྩི་བཞིན་དུ། །ལོག་རྟོག་མ་ལུས་དག་ནས་ཀྱང་། །རྟོག་མེད་བདེ་བའི་སྐུར་བྱུང་སྟེ། །རྨི་ལམ་
བཟང་པོའི་སེམས་བཞིན་དུ། །རྣམ་འཕྲུལ་སྣ་ཚོགས་ཅིར་ཡང་སྣང་། །མུ་མཐའ་མེད་པའི་འཁོར་བའི་མཚོ། །བརྒལ་བའི་གཟིངས་ཆེན་བླ་མེད་འདི། །ཆག་གསང་མེད་པའི་ཚུལ་དུ་ནི། །ཁྱོད་ཀྱིས་རྟག་ཏུ་གཟུང་བར་བྱ། །

98-1-134a

ལག་ན་རྡོ་རྗེ་སྟོབས་པོ་ཆེས། །སྟོན་པ་ལ་ནི་འདི་གསོལ་ཏོ། །རྒྱུད་འདི་ཕྱུང་མ་ཐག་ཏུ་ནི། །གདུལ་དཀའ་བ་ནི་རབ་ཏུ་ཞི། །ས་སྟེངས་ནད་དང་གདོན་མུ་གེ། བར་ཆད་གནོད་པ་ཀུན་དང་བྲལ། །སླར་ཡང་སྟན་པ་འཕེལ་
བའི་ཕྱིར། །བརྟན་པོར་བདག་གིས་གཟུང་བར་བགྱི། །དཔའ་བོ་མཁའ་འགྲོ་དྲག་པོ་རྣམས། །ཡིད་ཀྱིས་བརྟུལ་ཞུགས་ཕྱུང་ནས་ཀྱང་། །རྒྱུད་འདི་འཛིན་པའི་རྗེས་སུ་འབྲང་། །ལྷ་དང་འཇིག་རྟེན་པ་དང་ནི། །མ་མོ་སྲིན་མོ་
མཁའ་འགྲོ་མ། །ཤ་ཟ་གནོད་སྦྱིན་སྲིན་མོ་རྣམས། །རྒྱུད་འདི་འཛིན་པ་སྐྱོང་བར་བྱེད། །རྒྱུད་འཛིན་ལོང་སྤྱོད་སྤེལ་བར་བྱེད། །སྟོན་པས་གསུངས་པ་རྡོ་རྗེ་འཛིན། །ལེགས་སོ་ཤིན་ཏུ་ཆེར་ལེགས་སོ། །
རྒྱུད་འཛིན་རྣལ་འབྱོར་ཅན་ཆེན་དེ། །རྒྱུན་དུ་བསྲུང་ཞིང་བློ་འཕེལ་མཛོད། །དེ་སྐད་ཀྱི་ནི་གསུང་ཐོས་ནས། །བྱང་ཆུབ་སེམས་དཔའ་ཉན་ཐོས་དང་། །མཁའ་འགྲོ་མ་མོ་འཇིག་རྟེན་སྐྱོང་། །ལྷ་ཀླུ་གནོད་སྦྱིན་
དྲི་ཟར་བཅས། །ཐམས་ཅད་ལྡན་པའི་འཁོར་དེ་རྣམས། །དགྱེས་ཏེ་ཐལ་སྦྱར་མངོན་པར་དགའི། །མི་གཡོ་ཐུགས་རྗེའི་ལྕགས་ཀྱུ་བཟུང་བས་འཁོར་བའི་བཙོན་ར་ནས། །ལྷ་ཀླུ་འབུམ་ཕྲག་འཚེ་
བྲལ་དཀར་པོ་དགེ་བའི་ཀུན་སློང་སེམས། །སྐྱེ་གནས་བྱང་ཆུབ་རིན་ཆེན་ནོར་ཐོབ་མཛད་པས་རྨད་བྱུང་མཚར། །རྒྱལ་བའི་ཚུལ་བསྡུས་བསྟན་པའི་ཆོས་འདི་དམན་ལ་ཤིན་དུ་གསང་། །འཕགས་པ་
རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པ་ལས། །མངོན་པར་དགའ་བའི་ལེའུ་སྟེ་བཅུ་པའོ། །འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པ་རྫོགས་སྷོ།། །།
༄༅། །རྒྱ་གར་སྐད་དུ།  ཨཱརྱ་ཨ་བ་ལོ་ཀི་ཏི་ཤྭ་ར་ཨཥྚོཏྟ་ར་ཤ་ཏ་ཀ་ནཱ་མ་དྷཱ་ར་ཎཱི་མནྟྲ་ས་ཧི་ཏ།  བོད་སྐད་དུ།  འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་

98-1-134b

བརྒྱད་པ་གསུངས་སྔགས་དང་བཅས་པ།  བྱང་ཆུབ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ན་མཿསརྦ་བུད་དྷ་བོ་དྷི་སཏྭ་ནཱྃ། ས་མན་ཏ་ཨ་མོ་ག་ཨ་པྲ་ཏི་ཧ་ཏ་ཤཱ་ས་ན་
ནཱྃ། ན་མཿ ཨཱརྱ་ཨ་བ་ལོ་ཀེ་ཏེ་ཤྭ་ར་ཡ། མ་ཧཱ་བོ་དྷི་སཏྭཱ་ཡ། བཛྲ་སཏྭཱ་ཡ། བཛྲ་བི་པུ་ལཱ་ཡ། པདྨ་སྃ་བྷ་བཱ་ཡ། པདྨ་ཡོ་ན་ཡེ། ཏདྱ་ཐཱ། ཨོཾ་ཧྲཱི་ཀ་ར་ཧྲཱི་ཀ་ར། པྲ་བྷཱ་ཀར། བཛྲ་སཏྭ། བཛྲ་སཾ་བྷཱ་
བ། པདྨ་སཾ་བྷཱ་བ། པདྨ་ས་ག་ར། པདྨ་གོ་ཙ་ར། བར་དྷ་མ་ཧཱ་ཀཱ་རུ་ཎི་ཀ །ཀཱ་རུ་ཎི་ཀ་བྷ་བ། ཧཱུྃ་ཧཱུྃ། དྷ་ར་དྷ་ར། ད་ར་ད་ར། བ་ར་བ་ར། མ་ཧཱ་ཀཱ་རུ་ཎི་ཀ་མ་ཧཱ་ཤུད་དྷ་སཏྭཱ་སྭཱ་ཧཱ། དེ་ནས་ཕྱོགས་བཅུའི་དེ་བཞིན་
གཤེགས་པ་ཐམས་ཅད་ཀྱིས་ཕྱག་གཡས་པ་བརྐྱང་སྟེ། །བྱང་ཆུབ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་མགོ་བོ་ལ་བྱུགས་ནས་བཀའ་སྩལ་པ། ཡོན་ཏན་རིན་པོ་ཆེའྀ་ཕུང་པོ་
ཁྱོད་ཀྱིས་གཟུངས་སྔགས་འདི་བཤད་པས་སེམས་ཅན་རྣམས་ལ་སངས་རྒྱས་འབྱུང་བའི་ཆོས་བསྟན་པ་ལེགས་སོ་ལེགས་སོ། །འདི་ནི་ཐོས་པ་ཙམ་ཀྱིས་ཀྱང་སེམས་ཅན་རྣམས་ཤིན་ཏུ་རྣམ་
པར་དག་པར་བྱེད་པའོ། །གང་ལ་ལ་ཉན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དེས་ནི་ཡོན་ཏན་ཕུན་སུམ་ཚོགས་པ་ཐམས་ཅད་དང་། དག་པའི་མཆོག་ཀྱང་
ཐོབ་པར་འགྱུར་རོ། །དེ་ནས་ལྷའི་དབང་པོ་དབང་ཕྱུག་ཆེན་པོ་དཔག་ཚད་འབུམ་ཕྲག་དུ་མར་ཁྱབ་ཅིང་འཇིག་རྟེན་གསུམ་པོ་ཀུན་ཏུ་རྒྱས་ཀོ་ལྟ་སྟེ། འཁོར་དང་བཅས་པ་དང་། རྡོ་རྗེའི་དཀྱིལ་
འཁོར་དུ་འདུས་པའི་བྱང་ཆུབ་སེམས་དཔའ་ཐམས་ཅད་ཀྱིས་མགོ་བོ་བཏུད་ནས་འཕགས་པ་སྤྱན་རས་གཟིགས་དབང་ཕྱུག་ལ་སའི་དབང་ཕྱུག་དཔའ་བོ་རྣམ་པར་རྩེ་བ་ཞེས་བྱ་བའི་མཚན་བརྒྱ་རྩ་

98-1-135a

བརྒྱད་པས་མངོན་པར་བསྟོད་པ། ས་ཡི་དབང་ཕྱུག་རྡོ་རྗེའི་དཀྱིལ་འཁོར་པ། །སྲིད་གསུམ་མ་ལུས་ཡོན་ཏན་ཆེན་པོའི་བདག །དྲི་མེད་སྐྱོན་བྲལ་གསལ་བའི་དཀྱིལ་འཁོར་ཅན། །
སྙིང་རྗེས་ཁྱབ་པའི་དཀྱིལ་འཁོར་རྒྱ་ཆེ་བ། །རབ་དགའ་རབ་དགྱེས་རབ་ཏུ་སྟོན་པ་པོ། །སྐལ་པ་བཟང་པོ་རྣམ་ཐར་ཞི་བའི་མཆོག །ཤིན་ཏུ་རྣམ་དག་ཡོན་ཏན་ཆེན་པོའི་བདག །རྣམ་དག་དུ་མར་གྲག་
པའི་མེ་ཏོག་ཐོད། །རབ་མཆོག་སྲིད་གསུམ་དག་གི་མིག་གཅིག་པ། །མཆོག་སྦྱིན་འགྲོ་བ་ཀུན་གྱི་འབྱོར་པ་མཛེས། །དཔག་མེད་པས་ཀྱང་དཔག་མེད་བསྐལ་པར་འབྱུང་། །སྐྱབས་དང་ཡིད་འཕྲོག་
དག་ཅིང་གསལ་བར་མཛད། །ནོར་བུའི་ཐོད་ཅན་རྡོ་རྗེ་ལས་བྱུང་བ། །སྲིད་གསུམ་གཅིག་པ་དཔའ་བོ་པད་མའི་སྤྱན། །ཐོས་པའི་རྒྱ་མཚོ་སེམས་ཅན་ཀུན་བས་དཔའ། །འགྲོ་བ་ཐམས་ཅད་
རྣམ་པར་གྲོལ་མཛད་མཆོག །སྙན་ཆ་མགུལ་ཞིང་པད་མ་དག་པ་བསྣམས། །དབང་ཕྱུག་བདེ་གཤེགས་བཞུགས་པའི་ཐོར་ཚུགས་ཅན། །ཚུལ་བཟང་ཡོན་ཏན་རྒྱན་དུ་འཚམ་པའི་གཟུགས། །
འཇིག་པའི་རླུང་ཆེན་འཚབ་པའི་མཚོན་ཆ་ཅན། །དགེ་བའི་རྒྱུ་སྟེ་དམ་པ་སྩོལ་བའི་རྒྱུ། །ཚུལ་གྱིས་ལོང་སྤྱོད་བདེ་ཆེན་མཆོག་གི་རྒྱུ། །དཀྱིལ་འཁོར་མཆོག་གི་སྤྱོད་ཡུལ་རྒྱུ་གཅིག་པ། །སྲིད་གསུཾ་
སྒྲོལ་བའི་ཟམ་པ་གཅིག་པུ་ལགས། །དཀྱིལ་འཁོར་མཆོག་གི་རྒྱན་ཏེ་སྡིག་མེད་པ། །གསེར་མདོག་འོད་རྒྱན་རྟེན་དུ་གྱུར་པ་སྟེ། །མཉམ་པ་ཉིད་ཀྱིས་མི་མཉམ་མཚུངས་པར་འགྱུར། །ས་བརྙེས་
འོད་ཟེར་རྒྱས་པ་རྒྱན་ཕྲེང་མངའ། །ཆེན་པོའི་ཆེ་བ་ཐོག་མ་མེད་པ་སྟེ། །སྔ་མ་མུན་པ་བསལ་ཞིང་ཉོན་མོང་མེད། །དགེ་བས་དག་པ་སྤྱོད་ཡུལ་རྣམ་པར་དག །ཚུལ་གྱིས་དཀྱིལ་

98-1-135b

འཁོར་ཡང་ཤིང་རྣམ་པར་དག །སྲིད་གསུམ་དབང་ཕྱུག་པད་མ་ལས་བྱུང་བ། །སྲིད་གསུམ་བདེ་ཅན་ཡངས་པའི་དབང་ཕྱུག་སྟེ། །དབང་ཕྱུག་མི་གཡོ་རྣལ་འབྱོར་མཁས་པ་པོ། །དེ་བཞིན་གཤེགས་
པ་ཆེན་པོ་རབ་མཆོག་ཡངས། །ནོར་བུའི་རྒྱན་གྱི་རྡོ་རྗེ་རྒྱན་དུ་ཐོགས། །པད་མས་བརྒྱན་པ་ལྷུན་པོ་ལས་བྱུང་བ། །དགེ་སྣོད་ཡོན་ཏན་ཆེན་པོའི་སྣོད་གཅིག་པ། །བདེ་ལ་ལོངས་སྤྱོད་རྣམ་འདྲེན་ཆེན་པོའི་
བདག །སྨོན་ལམ་རྒྱ་ཆེན་རྒྱ་མཚོ་ལྡན་པ་སྟེ། །འགྲོ་བ་སྲིད་པར་ལྷུང་བ་གྲོལ་མཛད་པ། །ས་དང་མཉམ་པ་ཐམས་ཅད་གཟིགས་པར་མཛད། །སྐལ་བཟང་བསྐལ་པ་སྟོང་གི་སྣང་བ་པོ། །རྡོ་རྗེ་མཆོག་གིས་
བསྒེགས་པའི་དཀྱིལ་འཁོར་ཅན། །ཡོན་ཏན་རྣམ་གྲགས་ཁྱབ་པར་དཀྱིལ་འཁོར་བ། །དགེ་བའི་མཚན་ཉིད་དཔའ་བོའི་རྩལ་མངའ་བ། །དེ་བཞིན་ཉིད་ཆོས་རོ་མཁྱེན་སྤྱོད་ཡུལ་ཅན། །ཅོད་པན་ཐིག་
ལེ་དམར་པོའི་དཀྱིལ་འཁོར་ལྡན། །ལྷ་ཆེན་བརྒྱ་མངའ་སུམ་བཅུ་གསུམ་བདག་དབང་། །ལྷ་དང་ལྷ་མིན་དབང་བྱས་རྣམས་ཀྱིས་བཏུད། །བརྩོན་འགྲུས་བརྒྱ་དང་ལྡན་ཞིང་རྩལ་སྟོང་མངའ། །བསོད་
ནམས་བརྒྱ་མངའ་མཚོན་ཆ་བརྒྱ་འཆང་བ། །པད་མ་བརྒྱ་པ་པད་མ་ཉིད་ལས་བྱུང་། །དཀྱིལ་འཁོར་བརྒྱ་ཡི་དབུས་ན་མཛེས་པ་སྟེ། །ཆོས་བརྒྱ་ལྡན་པ་མཆོག་སྟོང་སྟོན་པ་པོ། །སངས་རྒྱས་
སྟོང་ཕྲག་མང་པོས་ཡོང་བསྟོད་པ། །བསྐལ་པ་རབ་འབྱམ་མང་པོར་མཁས་པ་ཏེ། །དཀྱིལ་འཁོར་མང་པོ་དག་ན་དཔའ་བའི་སྐུ། །འཇིག་རྟེན་འདས་པའི་མཐུ་མངའ་སྟོན་པ་པོ། །རྒྱ་ཆེན་དྲི་
མེད་དཀྱིལ་འཁོར་དབུས་ན་བཞུགས། །རབ་དགའ་བསྒྱིངས་པ་འཐོར་མཛད་མེ་ཏོག་ཐོད། །ན་བཟའ་དར་དཀར་ལ་མནབས་འོད་མཛད་པ། །ཐུགས་ཀྱི་དཀྱིལ་འཁོར་ཐུགས་རྗེས་བརྒྱན་པ་ལས། །

98-1-136a

ཆ་ཕྲར་གསེ་མཛད་མཐའ་ཡས་ཟད་མི་ཤེས། །དཔའ་བོ་ཉི་མའི་འོད་ཟེར་བརྒྱ་མངའ་བ། །ནོར་བུའི་དཀྱིལ་འཁོར་ཟླ་འདྲ་འོད་གསལ་ཞིང་། །ཉི་མས་ཁ་ཕྱེ་པད་མ་མཆོག་བསྣམས་པ། །མེ་ཏོག་
མཚོན་ཆ་ཐོག་པའི་ལྷ་ཞེས་གྲགས། །གཙུག་པུད་གསུམ་པ་ཚངས་སྲས་སྐྱེ་དགུའི་བདག །བཙུན་རིགས་མཆོག་སྟེ་རིགས་ཆེན་ནང་དུ་སྐྱེས། །རང་གི་རིགས་གསོལ་དབང་ཆེན་དཀྱིལ་འཁོར་བ། །པད་མ་
བཟང་བའི་རིགས་མཆོག་ཐིག་ལེས་མཚན། །སྤྱན་བཟང་དགེ་བའི་ལྷ་རྣམས་རྟེན་གྱུར་པ། །གསང་སྔགས་མང་པོ་འཛིན་པའི་དབང་ཕྱུག་པོ། །ཚོགས་ཆེན་བདུན་ན་འདུས་པའི་མངའ་བདག་ལགས། །སྤྱན་
གསུམ་དག་གིས་དཀྱིལ་འཁོར་མཛེས་གྱུར་པ། །ཀ་ལ་པིང་ཀའི་སྐད་ཀྱིས་སྡང་བ་འདུལ། །མདའ་དང་རུ་གཞུ་སྟོབས་ཆེན་མཚོན་ཆ་བསྣམས། །སྟོབས་ཀྱི་ལྷ་སྟེ་སྟོབས་དང་བརྩོན་པས་འདུལ། །རྒྱན་རྣམས་
སྣ་ཚོགས་ལེགས་པར་སྤྲས་པ་སྟེ། །རྒྱལ་བ་རིག་སྔགས་འཆང་བ་མང་པོས་བསྟོད། །ཚོགས་མཆོད་དག་བྱེད་རྣམས་གྱིས་རབ་བསྟོད་པ། །ཆུ་སྲིན་འཛིན་ཁྲིའི་འཇིགས་ལས་རབ་གྲོལ་མཛད། །གཟུགས་
མང་མངའ་ཞིང་བདེ་སྐྱིད་རབ་སྦྱིན་པ། །ལྷ་ཡུལ་འགྲོ་བའི་ཁྱད་པར་དཀྱིལ་འཁོར་ཅན། །མཚུངས་མེད་པས་ཀྱང་མཚུངས་མེད་མཐུ་རྩལ་མངའ། །སྟབས་གཤེགས་ཡོན་ཏན་ཆེ་མཆོག་འོད་ཟེར་ལྡན། །
འཇིག་རྟེན་ནང་ན་མཁས་པ་སྤྱན་རས་གཟིགས། །ས་གཞིའི་དཀྱིལ་འཁོར་དབུས་ཀྱི་དཀྱིལ་འཁོར་ཅན། །འོད་ཟེར་མང་པོ་སྟོང་ཕྲག་ཟད་མི་ཤེས། །ཉོན་མོངས་རྡུལ་རྣམས་ཐམས་ཅད་སེལ་མཛད་པ། །
མཐའ་དང་བྲལ་བ་ཀུན་དུ་གཟིགས་པ་སྟེ། །རབ་ཞི་ཀུན་ལས་འཕགས་པའི་སྤྱོད་ཡུལ་ཅན། །དོན་དང་ཚུལ་ལ་སེམས་ཅན་གཅིག་དཔའ་བ། །ཐེག་པ་བཟང་པོ་འཛིན་པའི་ཉི་མ་ལགས། །

98-1-136b

དུལ་དང་སྦྱིན་དང་ཚུལ་ལ་དད་པ་བརྙེས། །སྐྱེ་དགུ་རྣམས་ཀྱི་དྲི་མ་མ་ལུས་བཅོམ། །བློ་གྲོས་བཟང་པོ་རབ་དགྱེས་སྟོན་པ་པོ། །བདེ་ལྡན་གོས་བརྒྱན་ཡང་བ་སྣ་ཚོགས་ཅན། །བཅོམ་ལྡན་འབྱུང་བའི་འཇིག་
པ་མེད་པར་མཛད། །རྟག་ཏུ་དགེ་བ་ཀུན་མཆོག་སྦྱིན་པ་པོ། །རྒྱལ་བས་གསུངས་པའི་རྣམ་ཐར་བརྙེས་པའི་བློ། །བདེ་བ་ལོངས་སྤྱོད་ཆེར་འགྱུར་དྲི་མ་མེད། །ཞལ་གྱི་དཀྱིལ་འཁོར་རྒྱས་ཤིང་དྲི་མེད་པ། །
མི་དང་སྲེད་མེད་བརྒྱ་བྱིན་ལག་པའི་མཆོག །འཇིག་རྟེན་མང་པོ་གཟིགས་པའི་དབང་ཕྱུག་པོ། །སྟོབས་དང་རིགས་དང་མཐུ་སྟོབས་ཆེ་བ་ལགས། །སངས་རྒྱས་མཚུངས་ཤིང་ཆོས་མཆོག་རིན་ཆེན་
མཚུངས། །དགེ་འདུན་མཚུངས་ཤིང་ཆགས་བྲལ་ཐུབ་པར་དཀའ། །ཁྱད་པར་གསུམ་འཕགས་རྀན་ཆེན་མཆོག་ཆེན་མཚུངས། །ཁྱབ་བདག་ཉོན་མོངས་རྣམ་གསུམ་རྡུལ་བསོལ་བ། །རྡོ་རྗེ་སེམས་
མཆོག་ཁྱོད་ལ་ཕྱག་འཚལ་ལོ། །པད་མ་དྲི་མེད་ཕྱག་གི་དབུས་བསྣམས་པ། །ཐོར་ཚུགས་ཅན་ལ་གཟུགས་ལྡན་ཅོད་པན་ཐོགས། །སྤྱི་བོ་འོད་དཔག་མེད་རྒྱས་ཁྱོད་ཕྱག་འཚལ། །དེ་ནས་བཅོམ་ལྡན་
རང་བྱུང་མུན་སེལ་བ། །རྔ་ཆེན་སྒྲ་ལྟར་བརྟན་པས་བཀའ་རྩལ་པ། །མཆོག་ཆེན་རྡོ་རྗེ་གླུ་ལ་བསྟོད་པ་ཡིན། །མིང་བརྒྱ་རྩ་བརྒྱད་སྐྱོན་སེལ་ལེགས་པ་མང་། །ཇི་སྟེ་ལ་ལ་རྟག་ཏུ་དགེ་མཆོག་འདོད། །སྤྱན་རས་གཟིག་
དབང་ལ་ནི་བསྟོད་བྱེད་པ། །དེས་ནི་རིང་པོར་མི་ཐོགས་ཡོན་ཏན་གྱི། །ལོངས་སྤྱོད་མཆོག་ཆེན་ཆོས་ནི་ཐོབ་པར་འགྱུར། །མི་ནྀ་གང་ཞིག་རྟག་ཏུ་འདིས་བསྟོད་ལ། །སྤྱན་རས་གཟིགས་དབང་དམ་པ་སྦྱིན་པར་
བྱེད། །སྡིག་པ་རྣམས་ཀྱང་དེ་ལ་འབྱུང་མི་འགྱུར། །འདོད་པ་གང་ཡིན་བདེ་བླག་དེ་ཡིས་འཐོབ། །དེ་ནི་སྡིག་པའི་དྲི་མས་མི་གོས་ཏེ། །ལམ་སྲང་བཟང་པོར་དམིགས་ཏེ་འགྲོ་བར་འགྱུར། །

98-1-137a

སྲིད་གསུམ་སྐྱབས་འོས་གཅིག་པུ་པད་མ་སྐྱེས། །དེ་འདྲར་ཆོས་ཀྱི་མཆོག་ལ་སྤྱོད་པར་འགྱུར། །དེ་ལྟར་མིང་གི་ཁྱད་པར་གྲུབ་འདོད་ཅིང་། །གང་ཞིག་རྟག་ཏུ་བདེ་བ་འདོད་པ་ཡིས། །
འགྲོ་ཀུན་སྐྱེ་དགུའི་བདག་པོ་སྤྱན་རས་གཟིགས། །པད་མ་ལས་བྱུང་རྟག་ཏུ་བསྟོད་པར་གྱིས། །བཅོམ་ལྡན་འདས་བླ་མ་འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་
པ་གཟུངས་སྔགས་དང་བཅས་པ་རྫོགས་སྷོ།། །། ༄༅། །རྒྱ་གར་སྐད་དུ། ། ཨཱརྱ་མཻ་ཏྲི་ནཱ་མ་ཨཥྚོཏྟ་ར་ཤ་ཏ་ཀ་དྷཱ་ར་ཎཱི་མནྟྲ་ས་ཧི་ཏ།  བོད་སྐད་དུ། ། འཕགས་པ་བྱམས་པའི་
མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་ཕྱག་འཚལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་
པས་རང་གི་སྙིང་པོ་སྨྲས་པ། ན་མ་སྟྲཻ་ཡང་དྷི་ཀ་ནཱྃ། སརྦ་ཏ་ཐཱ་ག་ཏ་ནཱྃ། ཏད་ཡ་ཐཱ། ༀ་ས་ར་ས་ར། སུ་རུ་སུ་རུ། དྷ་ར་དྷ་ར། མ་ཧཱ་དྷ་ར། ཙ་ར་ཙ་ར། མ་ཧ་ཙ་ར། བྷ་ར་བྷ་ར། མ་ཧ་བྷ་ར། ཀམྤ་ཀམྤ། 
མ་ཧཱ་ཀམྤ། ཧཱུཾ་མ་ཧཱ་སྥ་ར་ཎ་དྷརྨ་ཨ་གྲ་སཱ་ག་ར་སྭཱ་ཧཱ། །དེ་ནས་དེ་བཞིན་གཤེགས་པ་ཐམས་ཅད་ཀྱི་འདི་སྐད་ཅེས་བཀའ་སྩལ་ཏོ། །ཀྱེ་མ་གཟུངས་ཆེན་མོ་འདི་ནི་ཡོན་ཏན་ཆེ་བ་ཏེ་མཐའ་ཡས་
པར་ཁྱབ་པ། བསྐལ་པ་བྱེ་བ་ཕྲག་མང་པོར་ཡང་ཤིན་དུ་ཐོས་པར་དཀའ་བ། སངས་རྒྱས་འབྱུང་བ་ཐམས་ཅད་སྟོན་པ། དེ་བཞིན་གཤིགས་པ་གྲངས་མེད་པ་འཇིག་རྟེན་གྱི་ཁམས་ཐམས་ཅད་
སྙེད་ཀྱིས་བསྙེན་བཀུར་མཛད་མཛད་པ། སྒྲིབ་པ་དང་། སྡུག་བསྔལ་བ་དང་། འཁྲུག་པ་དང་། རྨི་ལམ་ངན་པ་དང་། ལྟས་ངན་པ་ཐམས་ཅད་ལས་ཐར་བར་བྱེད་པ། སེམས་ཅན་གྱི་ཁམས་མཐའ་

98-1-137b

ཡས་མུ་མེད་པ་ཡོངས་སུ་ཐར་བར་བྱེད་པ་ཏེ་ཤིན་དུ་དཀོན་པའོ། །དེ་ནས་རྡོ་རྗེའི་དཀྱིལ་འཁོར་གྱི་འཁོར་ལྷ་དང་ལྷ་མ་ཡིན་དུ་བཅས་པ། ནོར་བུའི་ཅོད་པན་གྱིས་བསྒྱིངས་པ། རྒྱན་ཕྲེང་རབ་ཏུ་གཡོ་བ་རྣམས་
ཀྱིས་སྤྱི་བོར་ཐལ་མོ་སྦྱར་ནས་བྱང་ཆུབ་སེམས་དཔའི་མཆོག་འཕགས་པ་བྱམས་པ་ལ་མཚན་བརྒྱ་རྩ་བརྒྱད་ཀྱིས་མངོན་པར་བསྟོད་པ། དཔའ་བོ་ཆེན་པོ་ཐབས་བརྙེས་པ། །རྒྱལ་ཚབ་མི་ཡི་བདག་པོ་སྟེ། །
འཇིག་རྟེན་བདག་པོ་རྣམ་པར་གསལ། །དར་བ་ཆེན་པོ་མངོན་པར་རྒྱས། །ཚན་ཆེན་སྟོབས་ལྡན་ཆེ་བ་སྟེ། །དེ་བཞིན་ཡངས་ཤིང་རྡུལ་དང་བྲལ། །དབང་ཆེན་རྩེ་ལྡན་འོད་ལྡན་པ། །ས་ཡི་དབང་ཕྱུག་རྣམ་
པར་གནོན། །རྒྱལ་ཆེན་མཚོན་ཆ་བརྒྱ་པ་སྟེ། །མཚོན་ཆ་ཆེན་པོ་རྡོ་རྗེའི་མཚོན། །ཡོན་ཏན་འོད་བརྒྱས་བསྒྱིངས་པ་སྟེ། །ནོར་བུའི་རྣ་ཆའི་རྒྱན་ཐོགས་པ། །སྲིད་གསུམ་དག་ན་དཔའ་བའི་སྐུ། །
རྒྱ་མཚོ་ལྟ་བུའི་སྤྱོད་ཡུལ་ཅན། །ལྷུན་པོ་ཟླ་འབྱིན་ཏི་སི་ཡི། །རྩེ་ནས་དཀྱིལ་འཁོར་འཆར་བ་པོ། །དཀྱིལ་འཁོར་ཆེན་པོ་ལོངས་སྤྱོད་པ། །རབ་ཏུ་དགའ་བ་དེ་བཞིན་དེས། །ཡོངས་སུ་དགའ་ལྡན་ཆེན་
པོའི་ལྷ། །ཆེ་བ་ལྷ་རྣམས་ཀུན་གྱི་མཆོག །སངས་རྒྱས་གདུང་རྒྱུད་རྒྱས་མཛད་ཅིང་། །སངས་རྒྱས་དཀྱིལ་འཁོར་རྒྱན་དང་ལྡན། །སངས་རྒྱས་ལོངས་སྤྱོད་ལོངས་པར་སྤྱོད། །སངས་རྒྱས་
བསྟན་པ་སྟོན་པ་པོ། །ཏི་སེ་ཟླ་འབྱིན་བཞིན་དུ་ཡངས། །ས་ཡི་དབང་ཕྱུག་བདེ་མཛད་པ། །པད་མ་འདབ་སྟོང་རྩེ་མོ་ཅན། །རྡོ་རྗེའི་པད་མ་ལེགས་པར་སྐྱེས། །ཆོས་ཀྱི་ལོངས་སྤྱོད་ལོངས་
པར་སྤྱོད། །ས་དང་མཉམ་པ་ཐུབ་པར་དཀའ། །སྣང་བར་བྱེད་པ་འབྱུང་བ་པོ། །སྲིད་གསུམ་ཡེ་ཤེས་ཉི་མ་ལགས། །གཙོ་བོ་ཆེན་པོ་ཆེར་གྲགས་པ། །སེང་གེ་ཆེན་པོ་སྟོབས་པོ་ཆེ། །

98-1-138a

ཆ་ལུགས་ཆེན་པོ་ཞལ་ཆེ་བ། །སྐྱེ་བོ་ངན་དང་སྡུག་བསྔལ་འདུལ། །རྡོ་རྗེ་བྱི་རུ་བཻ་དུརྱ། །ནོར་བུའི་དབུ་ཐོད་རྒྱན་དུ་ཐོགས། །བྱི་རུ་གསེར་གྱི་གཅལ་བཀྲམ་ལ། །སྐུ་ཆེན་ཞབས་ཀྱི་སྟབས་ཀྱིས་
གཤེགས། །ཞལ་མདངས་ཉི་མ་དུ་མའི་གཟི། །ལྕང་ལོ་ཅོད་པན་དབུ་ཐོད་ཅན། །རིག་སྔགས་འཆང་བརྒྱས་ཞབས་ལ་བཏུད། །རྗེད་པར་བྱ་བ་རྣམས་ཀྱིས་མཆོད། །ནོར་བུ་བརྒྱ་འགུལ་
འོད་ཟེར་གྱིས། །བྲང་གི་ཕྱོགས་རྣམས་དག་པར་བྱས། །ཅོད་པན་ཅན་ཏེ་འོད་འཚེར་བ། །ཉི་མ་བྱེ་བ་བརྒྱ་འོད་ལྡན། །རིན་ཆེན་སྣ་ཚོགས་མཆོག་བཀྲམ་ཞིང་། །དྲི་མེད་དཀྱིལ་འཁོར་རབ་ཏུ་
འཕྲོ། །རླུང་གིས་མ་ལུས་བསྐྱོད་པ་ཡི། །འབར་བ་ཆེན་པོའི་ལྟ་བ་ཅན། །འོད་ཟེར་མང་པོས་ཕོག་པ་ཡི། །ཕན་པའི་ཐབས་ནི་རབ་སྟོན་པ། །བརྗིད་པའི་ཚུལ་གྱིས་བཞད་པ་ཡི། །འོད་ཀྱིས་
ཞལ་གསལ་རྔ་ཡབ་བསྐྱོད། །དཔུང་རྒྱན་འོད་ཟེར་སྤེལ་མར་བཀོད། །ཚོན་བྲིས་ཤིན་དུ་མཛེས་པར་འཆར། །ལྷུན་པོ་ཕྲད་ཅིང་འཁྲུགས་པ་ལྟར། །ཧ་ཧ་ཞེས་པའི་སྒྲ་ཆེན་སྒྲོགས། །རྡོ་རྗེ་ཆེན་
པོ་རྩེད་མོ་ཅན། །ཤིན་དུ་དགའ་མཛད་བདེ་སྦྱིན་པ། །བྱམས་པའི་དཀྱིལ་འཁོར་གོ་ཆར་བགོས། །བརྩོན་པ་ཀུན་ལས་རྣམ་པར་རྒྱལ། །སྙིང་རྗེའི་སྟོབས་ལས་བྱུང་བ་སྟེ། །མཚོན་ཆ་ཆེན་པོ་ཤིན་དུ་
འབར། །བྱམས་པ་བྱམས་པའི་རྟོག་པ་ཅན། །ཀུན་ནས་སྦ་བའི་དཀྱིལ་འཁོར་བ། །མ་ཕམ་ཐུབ་མེད་དག་པ་སྟེ། །སངས་རྒྱས་ཆ་ལུགས་མཉམ་མེད་ཆེ། །བྱམས་པའི་སྙིང་པོ་སྙིང་པོ་ཆེ། །བྱམས་
པའི་པད་མ་ལས་བྱུང་བ། །རྡོ་རྗེ་འཆང་ཆེན་རྡོ་རྗེ་ཅན། །རྡོ་རྗེའི་བསྟན་པའི་དཀྱིལ་འཁོར་བ། །རིག་སྔགས་འཆང་བ་རྣམས་ཀྱི་བཏུད། །དེ་བཞིན་བསྙེན་ཅིང་བསྟོད་པ་པོ། །གྲུབ་པ་ཆེན་པོ་རིག་སྔགས་གྲུབ། །

98-1-138b

རྡོ་རྗེའི་དཀྱིལ་འཁོར་མཛེས་པར་མཛད། །ཐམས་ཅད་གྲུབ་མཛད་གྲུབ་པ་པོ། །སངས་རྒྱས་གདུང་གི་སྡོང་ཆེན་ལགས། །གསང་སྔགས་ཆེན་པོའི་རྣམ་པར་ངེས། །མདོ་སྡེའི་བཀོད་
པ་མདོ་སྡུད་པ། །ངེས་གྱུར་ངེས་པའི་འོད་སྒྲོན་གྱི། །སྣང་བས་དྲི་མ་སེལ་བར་མཛད། །འབར་བ་རྩ་དམར་འོད་སྣང་བ། །དཀྱིལ་འཁོར་དཀར་པོ་ཆེ་བ་སྟེ། །གཞུང་དང་འཐུན་པའི་ཆོས་དབྱིང་
དང་། །ཉེ་བར་གྱུར་ཅིང་ཤིན་དུ་ངེས། །སྭཱ་ཧཱ་སྭཱ་ཧཱའི་བདག་པོ་མཆོག །འོད་ཟེར་བདེ་ལེགས་བདེ་ལེགས་མཛད། །སྟོབས་ཆེན་འཆང་བ་བཀྲ་ཤིས་པ། །ཉི་མ་འདྲ་སྟེ་སྙོམས་པ་ལགས། །
བསྟོད་བྱེད་རྒྱལ་བའི་ལོངས་སྤྱོད་ལྡན། །མཁའ་ལྟར་དྲི་མེད་སྤྱོད་ཡུལ་ཅན། །དཔའ་བོ་རྡོ་རྗེས་འཇོམས་པར་མཛད། །རྡོ་རྗེ་ཆེན་པོ་རབ་བསྒྲུབ་པ། །བསྒྲུབ་པ་པོ་སྟེ་རྩོད་པ་མེད། །དཀྱིལ་
འཁོར་ལྡན་པ་རྡོ་རྗེས་སྟོན། །རླུང་ཆེན་ཤུགས་ཀྱིས་བསྒྱོད་པ་ཡི། །གཡོ་དང་འབྲུག་སྒྲོགས་སྒྲ་ལྡན་པ། །སངས་རྒྱས་སྤྱོད་ཡུལ་པད་མ་ཏེ། །དེ་བཞིན་ཉིད་ཀྱི་མཚོ་ལས་སྐྱེས། །
མངོན་ཤེས་ཆེན་པོ་མངོན་ཤེས་བརྙེས། །ཁྱབ་བདག་སངས་རྒྱས་ཀུན་དང་མཉམ། །དེ་ནས་ས་ཡི་དབང་ཕྱུག་པོ། །བྱམས་པའི་དཀྱིལ་འཁོར་བྱམས་པ་ལ། །བསྟོད་ནས་ཀུན་མཁྱེན་
གནོད་བྲལ་བ། །ཐུབ་པ་ཉི་མས་བཀའ་སྩལ་པ། །ཀྱེ་མ་མིང་བརྒྱ་རྩ་བརྒྱད་མཆོག །མིང་གི་ཡོན་ཏན་འོད་ལྡན་པ། །བདེ་དང་ཕུན་སུམ་ཚོགས་བསྒྲུབ་པ། །ཐབས་ཆེན་བླ་
ན་མེད་པ་སྟེ། །མིང་བརྒྱ་རྩ་བརྒྱད་འདི་དག་ནི། །འཇིག་རྟེན་ཀུན་གྱི་བདེ་སྐྱེད་པ། །འདི་ནི་བཏོན་པ་ཙམ་གྱིས་ཀྱང་། །སྡིག་པ་ཐམས་ཅད་དག་པར་འགྱུར། །སྡིག་པ་དག་ལས་རྒྱལ་བ་ཡི། །

98-1-139a

བྱམས་པ་བསྟོད་པའི་གནས་པ་ལ། །མིང་བརྒྱ་རྩ་བརྒྱད་དམ་པ་འདིས། །མི་ནི་ལ་ལ་གང་བསྟོད་པ། །དེ་ལ་ལྷ་ལ་སོགས་ཀུན་དང་། །ལག་ན་རྡོ་རྗེ་སྟོབས་ཆེན་རྣམས། །རྟག་པ་ཉིད་ཏུ་སྡུག་བསྔལ་ཀུན། །
གཏན་དུ་བསལ་ཕྱིར་བརྩོན་པར་བྱེད། །གང་ཞིག་མིང་བརྒྱ་རྩ་བརྒྱད་མཆོག །མྱུར་དུ་འདོན་པའི་མི་དེ་ནི། །སངས་རྒྱས་ས་ཡང་ཐོབ་འགྱུར་ཏེ། །འདི་ལ་ཐེ་ཚོམ་ཡོང་མེད་དོ། །ནང་པར་མལ་ནས་ལངས་ནས་ནི། །
གང་ཞིག་བྱམས་པའི་སེམས་ཀྱིས་བསྟོད། །དེ་ལ་བྱམས་པ་རྟོགས་པའི། །བྱམས་པ་བདེ་ལེགས་བྱེད་པར་འགྱུར། །དེ་ཕྱིར་དྲི་མ་ཐམས་ཅད་སེལ་བྱེད་ཅིང་། །སྡིག་འཇོམས་ཡོན་ཏན་ཐམས་ཅད་བསྐྱེད་པ་དང་། །
དེ་བཞིན་འཇིག་རྟེན་སྡུག་བསྔལ་སེལ་བ་ཡྀ། །མིང་བརྒྱ་རྩ་བརྒྱད་ཆེད་ཏུ་དག་པར་ལྷོགས། །འཕགས་པ་བྱམས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་རྫོགས་སྷོ།། །།༄༅། ། རྒྱ་གར་
སྐད་དུ། ཨཱརྱ་ཁ་གརྦྷ་ཨཥྚོཏྟ་ར་ཤ་ཏ་ཀ་ནཱ་མ་དྷཱ་ར་ཎཱི་མནྟྲ་ས་ཧི་ཏ།  བོད་སྐད་དུ།  འཕགས་པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་ནམ་མཁའི་སྙིང་པོ་
ཞལ་རས་རྒྱ་ཆེ་ཞིང་སྤྱན་གྱྀ་འོད་འཕྲོ་བས་ནམ་མཁའི་དཀྱིལ། །དྲི་ཞིམ་པར་མཛད་པ་ལ་ཕྱག་འཚལ་ལོ། །ནམ་མཁའི་སྤྱོད་ཡུལ་ཅན་སའི་དཀྱིལ་འཁོར་ཐམས་ཅད་སྣང་བར་མཛད་པ་ལ་ཕྱག་འཚལ་ལོ། །ཨོཾ་སྭ་སྟི་
ཀ་མཱ་ལ་ཀྵི་བི་བུ་ལ་སམ་བྷ་བ། དྷརྨཱ་དྷཱ་ཏུ་གོ་ཙ་ར་སྭཱ་ཧཱ། །གཟུངས་འདི་བརྗོད་མ་ཐག་ཏུ་ངན་སོང་དང་ངན་འགྲོ་ཐམས་ཅད་ནི་རབ་ཏུ་ཞི་བར་གྱུར། ས་ཡང་གཡོས་པར་གྱུར། རྔ་བོ་ཆེ་དག་གི་སྒྲ་ཡང་གྲག་པར་གྱུར། 
སངས་རྒྱས་ཐམས་ཅད་ཀྱིས་ཀྱང་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་བཀའ་སྩལ་པ། །ཀྱེ་འཁོར་གྱི་དཀྱིལ་འཁོར་ན་འཁོད་པའི་སེམས་ཅན་རྣམས་ནམ་མཁའི་སྙིང་པོའི་

98-1-139b

སྙིང་པོ་དཀྱིལ་འཁོར་མངོན་སུམ་པ་རྣམས་ཀྱི་སྭཱ་ཧཱའི་གཆོག་གི་གཟུངས་འབྱུང་བར་ཤིན་དུ་དཀའ་བ། བསོད་ནམས་ཆེན་པོ་སྡིག་པ་དང་ཉོན་མོང་པ་ཐམས་ཅད་སྲེག་པ། བྱང་ཆུབ་སེམས་དཔའ་ཐམས་ཅད་ཀྱི་མ། རིན་པོ་ཆེའི་ཕུང་པོར་གྱུར་པ་འདི་ཉོན་
ཅིག་དང་། འདི་ཐོས་པས་དྲི་མ་མེད་པར་འགྱུར་ཞིང་ལེགས་པར་ཁྲུས་བྱས་པར་འགྱུར་ལ་ཤིན་དུ་རྣམ་པར་དག་པར་འགྱུར་རོ། །པད་མ་ལྟ་བུར་འགྱུར་ཏེ། འཁོར་བའི་འདམ་གྱིས་མི་གོས་སོ། །ཉི་མ་ལྟ་བུར་འགྱུར་ཏེ། སེམས་ཅན་ཐམས་
ཅད་སྣང་བར་བྱེད་དོ། །ཟླ་བ་ལྟ་བུར་འགྱུར་ཏེ། སེམས་ཅན་ཐམས་ཅད་རབ་ཏུ་སིམ་པར་བྱེད་དོ། །ནམ་མཁའ་ལྟ་བུར་འགྱུར་ཏེ། ངན་སོང་གི་སྡུག་བསྔལ་ཐམས་ཅད་ཀྱིས་མི་གོས་སོ། །ས་གཞི་ལྟ་བུར་འགྱུར་ཏེ། མཐོ་དམན་མེད་དོ། །
ལྷུན་པོ་ལྟ་བུར་འགྱུར་ཏེ། སེམས་ཅན་ཐམས་ཅད་ཀྱིས་བསྐྱོད་པར་མི་ནུས་སོ། །ཐར་པ་ལྟ་བུར་འགྱུར་ཏེ།  བདེ་བ་དང་སྡུག་བསྔལ་གྱིས་མི་གོས་སོ། །དེ་ལ་སོགས་པ་ཡོན་ཏན་སྟོང་ཕྲག་བགྲངས་བ་ཚད་མེད་གྲངས་མེད་པ་དག་
ཐོབ་པར་འགྱུར་ཏེ། ཉན་པ་དང་། འཆང་བ་དང་། ཀློག་པ་དང་། བརྗོད་པ་དང་། སྟོན་པ་ཙམ་དང་། བཟླས་བརྗོད་བྱས་པ་ཙམ་གྱིས་གང་ཅི་ཡང་རུང་སྟེ། དེའི་འདོད་པ་དང་། སྨོན་པ་དང་། རེ་བ་དེ་དག་འགྲུབ་པར་འགྱུར་རོ། །བཟླས་བརྗོད་
བྱས་པ་ཙམ་གྱིས་ཀྱང་ཆར་ཆེས་པ་དང་། ཆར་མི་འབབ་པ་དང་། སྡང་བས་དཀྲུགས་པ་དང་། མི་ནད་དང་། རྨི་ལམ་ངན་པ་དང་། གནོད་པ་འབྱུང་བ་དང་། འཇིག་པའི་དུས་དང་། འཆི་བ་དང་། ཆོམ་རྐུན་དང་། དགོན་པ་དང་། གཡུལ་འགྱེད་པ་དང་། 
ཅན་ཟན་དང་། མུ་གེའི་སྡུག་བསྔལ་རྣམས་ལས་ཡོངསུ་བསྲུངས་བར་བྱེད་ལ། བདེ་བ་དང་། འབྱོར་པ་དང་། ཅི་འདོད་པ་དང་། ཅི་ལ་དགའ་བ་ཐམས་ཅད་ཀྱང་འགྲུབ་པར་འགྱུར་རོ། །དེ་ནས་འཁོར་དེ་དག་ཐམས་ཅད་ཀྱིས་ཧ་ཧ་ཞེས་ཅ་ཅོ་དང་
ག་ཞ་བཏོན་ཏེ། སྒྲ་རིང་ཞེས་བྱས་ནས་གོས་དང་། རྒྱན་སྣ་ཚོགས་བསྐྱོད་དེ། སྙིང་ནས་ཕྱག་འཚལ་ནས་བྱང་ཆུབ་སེམས་དཔའ་ཐམས་ཅད་ལ་དབང་བྱེད་པ་འཕགས་པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་པའི་བསྔགས་པ་

98-1-140a

རྒྱ་མཚོའི་བསྟོད་པ་ཡང་དག་པར་བརྗོད་པ། ནམ་མཁའི་སྙིང་པོ་སྲིད་གསུམ་སེམས་ཅན་མཆོག །འབྱོར་ལྡན་བློ་གྲོས་རིན་ཆེན་རྒྱ་མཚོ་མངའ། །སེམས་ཅན་དག་པ་བླ་མེད་རིན་ཆེན་མཆོག །ཐར་པའི་ས་བོན་འཁོར་
བའི་སྡུག་བསྔལ་སེལ། །ཀུན་མཁྱེན་ཚུལ་མཁྱེན་ལེགས་དང་ལེགས་མིན་མཁྱེན། །ཐར་མཁྱེན་ཆོས་མཁྱེན་བདེ་དང་མི་བདེ་མཁྱེན། །ལམ་མཁྱེན་གཅེས་མཁྱེན་དགེ་དང་མི་དགེ་མཁྱེན། །དུས་མཁྱེན་དགེ་མཁྱེན་སྟོབས་དང་
སྟོབས་མིན་མཁྱེན། །འགྲོ་མཆོག་ཆོས་མཆོག་སེམས་ཅན་ཡོན་ཏན་མཆོག །ལམ་མཆོག་སྔགས་མཆོག་ཚུལ་དང་ཚུལ་མིན་མཆོག །རྒྱན་མཆོག་ཆོས་མཆོག་འཛིན་དང་འཛིན་མིན་མཆོག །དག་མཆོག་རྟོགས་
མཆོག་མཆོག་དང་མཆོག་མིན་མཆོག །ཞི་རབ་སྙིང་རྗེའི་རབ་སྟེ་འཁོར་གྱི་རབ། །འོད་རབ་ཐར་པའི་རབ་སྟེ་རྟེན་གྱི་རབ། །རྒྱ་རབ་སྔགས་ཀྱི་རབ་སྟེ་ཐུགས་བརྩེའི་རབ། །མཉམ་རབ་སེམས་ཅན་རབ་སྟེ་གསུམ་རིག་རབ། །ལེག་
སྒྲོན་མཆོག་སྒྲོན་སྟོབས་དང་སྟོབས་མིན་སྒྲོན། །ཐར་སྒྲོན་རིགས་སྒྲོན་རྒྱལ་དང་རྒྱལ་མིན་སྒྲོན། །དགེ་སྒྲོན་གཟི་སྒྲོན་ནོར་བུའི་འོད་ཀྱི་སྒྲོན། །རྒྱུ་སྐར་ཟླ་བའི་བརྒྱན་ལས་ཤར་བའི་སྒྲོན། །མཆོག་འོད་ཡོན་ཏན་ཀུན་གྱིས་
འོད་ཟེར་འོད། །ལེགས་འོད་ཐར་པའི་ཕོ་བྲང་རྟེན་གྱི་འོད། །འོད་ཆེན་གཏི་མུག་རབ་ཏུ་འབྱེད་པའི་འོད། །རྡོ་རྗེའི་འོད་འབར་བདེ་བའི་འོད་འཆང་བ། །རྡོ་རྗེའི་དབང་པོ་འདྲེན་དབང་སེམས་ཅན་དབང་། །རིན་ཆེན་འོད་ཀྱི་དཀྱིལ་འཁོར་བརྒྱན་
དབང་པོ། །རྒྱལ་དབང་རྒྱལ་བའི་སྟོབས་རྒྱུན་ཚད་མེད་དབང་། །དཔའ་བོ་རིག་སྔགས་འཆང་དབང་སྲིད་གསུམ་དབང་། །རྡོ་རྗེ་བཟང་པོ་རྡོར་འོད་རྡོ་རྗེ་འབར། །རྡོ་རྗེ་སེམས་དཔའ་རྡོ་རྗེ་འབར་བས་བརྒྱན། །རྡོ་རྗེ་འོད་ཅན་རྡོར་འཛིན་རྡོ་རྗེ་དྲག །རྡོ་རྗེ་
རྒྱ་ཆེན་རྡོ་རྗེ་རབ་མཆོག་དབང་། །ན་བཟའ་སྔོ་ཞིང་སྐུ་ཡི་ཆ་ལུགས་སྔོ། །སྐུ་མདོག་སྔོ་ཞིང་སྔོ་བའི་འོད་ཀྱིས་བརྒྱན། །རལ་གྱི་རྣོ་འཛེས་སྔོ་ཞིང་བསྟན་པ་བསྣམས། །མཁའ་སྔོ་གཞལ་མེད་ཁང་འབར་ནང་ན་བཞུགས། །ལྷ་ཞལ་དྲི་མེད་ཤིན་དུ་

98-1-140b

མི་བཟད་འབར། །རབ་ཏུ་དྲག་ལ་འོད་ཟེར་འཕྲོ་ཞིང་འགྱུར། །སྡིག་སེལ་རྡུལ་ལྟར་འཁྲུག་བྱེད་ཕྲེང་མཆོག་ཅན། །གློག་གི་སྟོབས་ཀྱིས་སྣང་བས་བསྒེགས་ལ་བསྟན། །རལ་གྲི་མཚོན་ཐོགས་དབང་ལྡན་མཐུ་སྟོབས་མཚོན། །རྡོ་རྗེའི་ཆ་ཚོན་
ཐོགས་མདའ་དང་མདུང་ཐུང་འཇིགས། །འཁོར་ལོའི་མཚོན་ཐོགས་བཅིབས་པ་རི་དང་འཁྲུལ། །གསལ་ཤིང་མཚོན་ཐོག་བགེགས་ཀྱི་སྟོབས་འཇོམས་པ། །བདེ་འབྱུང་འཇིག་རྟེན་གསུམ་བདག་རྡོ་རྗེའི་དབྱུག །སྐུ་རྣམས་ཐམས་ཅད་ཉི་མ་
འི་འོད་ཀྱིས་བརྒྱན། །གྲག་པའི་རིགསུ་བྱུང་བས་རྒྱལ་པོ་མཛད། །མུ་ཏིག་ཕྲེང་བས་བསྒེག་ཅིང་མཛེས་པར་བགྱིས། །སྐུ་མཛེས་བརྙེས་ཤིང་ཕུན་སུམ་ཚོག་པ་བརྙེས། །རབ་འབྱམ་མཆོག་བརྙེས་ས་ལ་འཇུག་པ་བརྙེས། །མཐུ་སྟོབ་ལྷག་པ་
བརྙེས་ཤིང་གྲུབ་བརྙེས་ལ། །རིག་པ་གསུམ་གྱི་སྟོབས་བརྙེས་མཐུ་བརྙེས་པ། །བདེ་འདྲེན་ཞི་བ་འདྲེན་ཅིང་འོད་འདྲེན་པ། །ཆ་ལུག་གསལ་མཆོག་དར་བ་ཆེན་པོ་འདྲེན། །བྱམ་འདྲེན་ཉི་མ་འདྲེན་ཅིང་སྐྱེ་དགུ་འདྲེན། །ལེག་འདྲེན་ཞིང་གི་སྟོབ་འདྲེན་སྙིང་
རྗེ་ཅན། །དྲི་མེད་ཆ་ལུག་གསལ་བ་ཆ་ལུག་འབར། །རྣམ་གྲག་བསྒེག་པས་གྲག་པའི་བ་དན་ཅན། །འགྲོ་བའི་སྐབས་བྱ་བྱེད་འཇུག་དང་ལྡོག་པ་མཁྱེན། །ལོང་སྤྱོད་གསལ་བར་སྟོན་པའི་སེམས་ཀྱིས་འཇུག །སྐུ་དམར་སྐུ་མཐོན་སྐུ་མཛེས་
སྐུ་བཟང་བ། །སྐུ་སེར་སྐུ་དཀར་དར་བ་ཆེན་པོའི་སྐུ། །སྐུ་རོལ་རྡོ་རྗེའི་སྐུ་མངའ་སྤྱན་ལེགས་སྐུ། །རིག་སྐུ་རིག་སྔགས་འཆང་བ་རིན་ཆེན་བསྣམས། །གཙུག་གི་ནོར་བུ་གཙུག་ཅན་ཅོད་པན་མཆོག །ཅོད་པན་ཅན་ཏེ་ཆོས་འཛིན་རྡོ་རྗེ་མཆོག །
དཔལ་འཛིན་རིན་ཆེན་དམ་པ་འཆང་བའི་མཆོག །སྔགས་གཞི་ཕྱག་རྒྱ་འཆང་བ་ཕུན་སུམ་ཚོགས། །རབ་མཛེས་མཁའ་ལ་གཤེགས་ཤིང་རབ་ཏུ་རྒྱུ། །སྲིད་གསུམ་ཉི་མ་གཅིག་པུ་འོད་སྟོང་མངའ། །རི་རྩེ་འཆར་བ་བདལ་ལེགས་བཀྲ་ཤིས་པ། །
ཡོན་ཏན་མཐུ་སྟོབས་ཁྱད་པར་རྣམ་པར་གྲག །ནོར་བུ་ཆེན་པོ་ནོར་སྡུག་ནོར་བུའི་འོད། །ཉི་མའི་ནོར་བུ་ཚུལ་སྤྱོད་ནོར་བུ་འབར། །ཡིད་བཞིན་ནོར་བུ་འགྲོ་ཀུན་མགོན་གཅིག་པུ། །ནམ་མཁའི་དཀྱིལ་ན་ནོར་བུ་གཅིག་སྣང་བ། །སེམས་ཅན་

98-1-141a

རྣམ་དག་ཡང་ཤིང་རྣམ་པར་གྲག །སྲིད་གསུམ་བསྲུངས་མ་གཅིག་པུ་རྒྱལ་སྲས་མཆོག །ཞི་བ་རབ་ཏུ་ཞི་བ་སྐྱབས་འོས་རྟག །སྐྱེ་དགུའི་བདག་པོ་པད་འབྱུང་པད་མ་སྐྱེས། །ཀུན་ནས་འོད་བཟང་ལེག་བཤད་ཆོས་མངའ་བ། །དར་བ་
ལེགས་བཤད་རབ་བརྟུལ་ལེགས་བཤད་ཕྱག །བློ་བཟང་འོད་བཟང་བདེ་ལྡན་སྐྱེ་གནས་བཟང་། །མཁས་རབ་ཞི་རབ་མཆོག་གི་ཆོས་དང་ལྡན། །ཞི་མཛད་རྒྱལ་འབྱུང་བདེ་བ་འབྱུང་བའི་གནས། །འོད་ཀྱི་འབྱུང་གནས་བདེ་མཛད་དབང་དུ་
མཛད། །ལེགས་འབྱུང་ཤེས་རབ་འབྱུང་གནས་སྟོབས་བསྐྱེད་པ། །སྙིང་རྗེའི་འབྱུང་གནས་བློ་བཟང་རྣམ་གྲགས་མཛད། །རྣམ་གྲོལ་ངེས་གྲོལ་ཤིན་དུ་གྲོལ་བའི་བློ། །བློ་ཡངས་རྣམ་པར་བཀྲམ་ཞིང་རྣམ་པར་གྲག །ཀུན་དུ་ལོངས་སྤྱོད་སྒོ་སྟེ་བློ་
ཡི་མཆོག །བློ་གྲོས་བརྟན་པ་དཀོན་མཆོག་གསུམ་ལས་བསྒྲུབས། །སངས་རྒྱས་པད་མ་འདབ་རྒྱས་འདྲ་བའི་ཞལ། །དག་ཅིང་སྤྱན་ཡངས་ཆ་ལུགས་ཡིད་ཏུ་འཐད། །སྙིང་པོ་གསལ་བའི་སྙིང་པོ་བརྟན་ཞིང་དུལ། །ངོ་བོ་ཉིད་ཀྱི་རྒྱུན་བརྙེས་རབ་
གསལ་བ། །སྤྱན་ཟུར་མངའ་ནི་རབ་དུ་གཏང་ལེགས་པ། །འཇིགས་མེད་ཞལ་རས་སྟོན་ཀྱི་ཟླ་བ་འདྲ། །མདུང་ཐུང་བརྒྱ་ཡི་མཚོན་མཆོག་མཚོན་ཆ་རྫོགས། །དྲག་པོ་འཇིགས་པ་སྡིག་སེལ་གསུམ་ལས་སྐྱེས། །རབ་དུལ་མཁས་པ་འགྲོག་དགའ་
འདྲིས་པར་སླ། །རབ་ཏུ་དྲག་པ་གཉེན་རབ་གསེར་མདོག་ཅན། །ལྷ་ཆེན་བདེ་བྱེད་གསལ་ཤིང་ཕྱག་ན་བསྣམས། །སྤྱན་གསུམ་རིག་པ་གསུམ་ལྡན་མེ་གསུམ་སེལ། །འདོད་བཟང་མེ་ཏོག་མཚོན་ཐོགས་མེ་ཏོག་མངའ། །ན་བཟའ་བཟང་མནབས་
གཡས་འཕེན་ཚབས་ཆེར་འཕེན། །ལེགས་བྲིས་སྣ་ཚོག་མཚོན་ཆ་སྣ་ཚོགས་མངའ། །ན་བཟའ་སྣ་ཚོགས་སྣ་ཚོགས་བརྒྱན་གྱི་དཔལ། །ཞལ་རས་ཟླ་བ་འོད་ཟེར་རྒྱས་པ་འདྲ། །ཞལ་མདངས་བསྟན་པས་འཇིག་རྟེན་ཀུན་འབྱོར་མཛད། །བཞད་པ་ཉི་
མའི་འོད་ཟེར་རབ་འཇེབས་མངའ། །ཞལ་མདངས་རྒྱ་མཚོ་གསལ་མཛད་ལམ་མེ་བ། །དབང་ཆེན་རྡོ་རྗེའི་ཐོག་ལགས་འཇིག་པའི་སྒྲ། །རྡོ་རྗེ་དྲག་པོ་ནོར་བུ་གཡོ་བ་འཛིན། །སྒྲ་བརྙན་སྣང་བར་མཛད་པའི་མཐུ་དང་ལྡན། །བློ་གྲོས་ཆེན་པོ་བློ་

98-1-141b

གྲོས་རྣོ་བའི་མཆོག །བརྒྱན་འཛིན་དཔལ་འཛིན་རིན་ཆེན་ཞལ་དང་ལྡན། །རྒྱུ་དང་མི་རྒྱུ་འགྲོ་བ་ཀུན་གྱི་གནས། །དེ་བཞིན་གཤེགས་པ་མགོན་སྲས་ཕྲེང་བ་བཟང་། །སྟོབས་ཆེན་འཇིག་རྟེན་བློ་གྲོས་ངོ་བོ་ཉིད། །སྐྱེ་དགུའི་བདག་པོ་བཀའ་
ལུང་མཉམ་ཞིང་བརྟགས། །མི་ཡི་མངའ་བདག་མཐོ་རིས་བསྐྱེད་པའི་རྒྱུ། །སྒྱུ་འདྲ་འདོད་པའི་མདའ་དང་རྡོ་རྗེ་ཅན། །མཐུ་སྟོབས་མངའ་ཞིང་སྤྱན་བཟང་སྡུག་པར་ལྟན། །སྟོན་པ་བཟང་པོ་སྟོང་ཉིད་ལམ་གྱི་སྟེགས། །གཅེས་གསུམ་འཕེལ་བའི་རྒྱུ་ལ་
འཇུག་པ་མཛད། །བརྟན་པོ་རྒྱུ་ལ་རབ་ཏུ་ངེས་གྱུར་པ། །དཀྱིལ་འཁོར་དམ་པ་ཀུན་གྱི་སློབ་དཔོན་ལགས། །གཅིག་པུ་སྐྱེ་དགུའི་དཀྱིལ་འཁོར་ཆོ་ག་མཁྱེན། །རྣམ་པར་སྣང་མཛད་ཞིང་གི་གནས་ནས་སྐྱེས། །དབང་བསྐུར་བརྙེས་ཤིང་ས་
བཅུར་ལེགས་པར་གནས། །གནས་ཆེན་སོན་པ་མཆོག་གནས་གཅིག་པུ་ལགས། །སྐྱེ་དགུ་རྣམས་ཀྱི་ཉོན་མོངས་སེལ་བ་དང་། །སྡིག་འཇོམས་མཚན་བརྒྱ་རྩ་བརྒྱད་འདི་ཐོས་ནས། །བདེ་གཤེགས་སྲས་མཆོག་སུ་ཞིག་འདོན་བྱེད་པ། །
འཇིག་རྟེན་ཟླ་བ་གཅིག་ཤར་བཞིན་དུ་སྣང་། །ནམ་མཁའི་སྙིང་པོ་སེམས་ཅན་གཅིག་པུ་ཡི། །མདུན་འདུག་ནང་པར་བསྟོད་པ་འདི་བརྗོད་གང་། །དེ་ནི་སྲིད་གསུམ་སེམས་ཅན་མཆོག་འགྱུར་ཞིང་། །དྲི་མའི་གནས་ཀུན་ལས་ཀྱང་ཐར་
བར་འགྱུར། །གཡུལ་དང་འཐབ་རྩོད་ཤིན་ཏུ་མི་བཟད་དང་། །མུ་གེའི་གནོད་པ་མི་ནད་བྱུང་བ་ན། །མཁས་པ་སུ་ཞིག་སྔར་ལངས་དད་བསྐྱེད་ནས། །ནམ་མཁའི་སྙིང་པོ་ལ་ནི་བསྟོད་བྱེད་པ། །དེ་ནི་འཇིགས་པའི་འབྱུང་གནས་
ཐམས་ཅད་དང་། །སྡུག་བསྔལ་འབྱུང་འདྲེན་སྡིག་པ་རྣམས་ལས་གྲོལ། །དེ་ནི་ཞི་མཆོག་མཆོག་བདེ་ཀུན་གནས་དང་། །བདེ་བ་རྒྱ་ཆེན་ངེས་པར་ཐོབ་པར་འགྱུར། །བདེ་འཐོབ་ལོང་སྤྱོད་འཕེལ་བར་བྱ་བ་འམ། །རྒྱལ་སྲིད་འཐོབ་
དང་བྱེད་གཟུགས་ནོར་འཐོབ་དང་། །རིག་འཐོབ་ཡོན་ཏན་ཀུན་གྱི་གཞི་བསྒྲུབ་ཕྱིར། །བཏོན་ན་འགྲུབ་འགྱུར་འདི་ལ་ཐེ་ཙོམ་མེད། །དེ་ཕྱིར་ཇི་སྟེ་རྟག་ཏུ་འདོད་བདེ་ཀུན། །འདོད་ན་འགྲོ་བ་ཀུན་ལ་གཅིག་དཔའ་བ། །ནམ་མཁའི་སྙིང་པོ་

98-1-142a

སྲིད་གསུམ་མགོན་པོ་ལ། །རྟག་ཏུ་བརྟན་ཅིང་སྔགས་ཀྱང་བསྟེན་པར་བགྱི། །འཕགས་པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྫོགས་སྷོ།། །། ༄༅།  །རྒྱ་གར་སྐད་དུ། ཨརྱ་ས་མནྟ་
བྷ་དུ་ཨཥྚོཏྟ་ར་ཤ་ཏ་ཀ་ནཱ་མ་དྷཱ་ར་ཎཱི་མནྟྲ་ས་ཧི་ཏ།  བོད་སྐད་དུ།  འཕགས་པ་ཀུན་དུ་བཟང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་ཀུན་
ཏུ་བཟང་པོ་ནམ་མཁའི་དཀྱིལ་ཀུན་དུ་རབ་འབྱམ་མ་ལུས་པ་དང་མཉམ་པའི་ངོ་བོ་ཉིད་ཀྱི་ཆོས་ཀྱི་སྣང་བ་གསལ་བ་བརྙེས་པ། སའི་དཀྱིལ་འཁོར་ཀུན་དུ་འཕྲོས་པའི་སྐུ་ཐ་དད་པ་མེད་ཅིང་དུས་གསུམ་གྱི་སྐུ་མཉམ་པ་ཉིད་
བརྙེས་པ། གཟུགས་སྣ་ཚོགས་ཅན་བྱང་ཆུབ་སེམས་དཔའ་སེམས་དཔའ་ཆེན་པོའི་མཆོག་དང་། རབ་མཆོག་དམ་པ་སྦྱིན་པ། ཡོན་ཏན་ཆེན་པོའི་སྐུས་ཀུན་དུལ་མཛད་པ་ལ་ཕྱག་འཚལ་ལོ། །དེ་ནས་དེའི་ཚེ་བྱང་ཆུབ་སེམས་
དཔའ་སེམས་དཔའ་ཆེན་པོའི་མཆོག་ཀུན་དུ་བཟང་པོ་གཟུགས་སྣ་ཚོགས་ཅན། བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་རབ་འབྱམ་སའི་དབང་ཕྱུག་ཆེན་པོ་ཞེས་བྱ་བ་ལ་སྙོམས་པར་ཞུགས་སོ། །དེ་ནས་བྱང་ཆུབ་སེམས་
དཔའ་སེམས་དཔའ་ཆེན་པོ་ཀུན་དུ་བཟང་པོ་སྙོམས་པར་ཞུགས་མ་ཐག་པ་དེའི་ཚེ་སྟོང་ཆེན་པོའི་འཇིག་རྟེན་ཀྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱྀ་སྐུ་རབ་འབྱམ་ཀུན་དུ་ཡོངས་སུ་རྒྱས་པར་གྱུར་ཏེ། ནམ་མཁའི་
ཁམས་ཀྱི་ཁོངས་སུ་གཏོགས་པའི་སྐུ་རྣམས་སའི་དཀྱིལ་འཁོར་དུ་མ་དག་ཏུ་ཀུན་ནས་འཁོད་པར་གྱུར་ཏོ། །དེ་ནས་སངས་རྒྱས་ཀྱི་ཞིང་རབ་འབྱམ་ཐམས་ཅད་ཀྱྀ་ཁོངསུ་གཏོགས་པའི་དེ་བཞིན་གཤེགས་པ་རྣམས་ཀྱིས་ཕྱག་
གཡས་པ་བརྐྱང་སྟེ། བྱང་ཆུབ་སེམས་དཔའ་ཆེན་པོ་ཀུན་དུ་བཟང་པོའི་མགོ་བོ་ལ་བྱུགས་ནས་བཀའ་སྩལ་པ། རིགས་ཀྱི་བུ་ལེགས་སོ་ལེགསོ། །སངས་རྒྱས་འབྱུང་བ་ཐམས་ཅད་ཀྱི་སྙིང་པོ་གཟུངས་ཆེན་མོ་ཤོད་ཅིག །དེ་ནས་བྱང་

98-1-142b

ཆུབ་སེམས་དཔའ་ཆེན་པོའི་མཆོག་ལུས་འོད་ཟེར་འབུམ་གྱིས་སྣ་བར་བྱས་པ་དེའི་ཚེ། སངས་རྒྱས་ཀྱི་ཞིང་ཐམས་ཅད་གཡོ་བར་བྱས་ནས་གཟུངས་འདི་བཤད་དོ། །ཏདྱ་ཐཱ། ༀ་ན་མོ་ན་མ་སྟྲི་བྷུ་བ་ནེ་ཤྭ་རེ། མ་ཧཱ་བྷོ་གཱ་ཡ། ཨ་ས་
མ་ས་མ་ས། ཨ་མྲྀ་ཏ་ས་མ། ཨཱ་ནན་ཏ་ས་མ། ག་ག་ན་ས་མ། ཏྲི་བྷུ་བ་ན་ས་མ། ཨ་ཤེ་ཥ་ས་མ། བེ་ཥ་ས་མ། པ་ར་མ་ཨརྠ་ས་མ། སྭཱ་བྷ་བ་ས་མ། ཏ་ཐཱ་ཏཱ་ས་མ། ཨ་ར་ཛེ་ས་མ། ཤུད་དྷི་ས་མ། བུད་དྷི་ས་མ། དྷརྨ་ཏ་ཐཱ་ཏཱ་ས་མ་ས་
མ་ས་མ། ཨ་བྷི་ཤ་མ་ས་མ། ས་མ་ས་མ། ཨེ་ག་ནཱ་ཡ། སཱ་ག་ར་བི་ཤུད་དྷ། ཨཱ་ལོ་ཀ་ཧི་ཧི་ལ་བྷ་ལ་བྷ། བི་ཛ་ཡ་བི་ཛ་ཡ། ༀ་པྲ་ས་ག་ཏ། ན་ཡ་ན་ཡ། ཧི་ནིར་ཨ་དྷིཥྛ་ན་སཾ་བྷོ་ག །ཨཾ་ཨ་ན་ལ་ཡ་ལ་ཡ། དྷ་རྨ་ཨ་གྲ། དྷ་ར་དྷ་ར། ཛ་ཡ་ཛ་
ཡ། ཧཱུྃ་ཧཱུྃ། དྷ་མ་དྷ་མ་སྭཱ་ཧཱ། དེ་ནས་རྒྱལ་བའི་སྲས་ཀྱི་ཐུ་བོ་འཇིག་རྟེན་ཐམས་ཅད་ཀྱི་མགོན་པོ་གཅིག་པུ་སེམས་ཅན་ཐམས་ཅད་ལ་ཕན་པར་འདོད་པ་བྱང་ཆུབ་སེམས་དཔའ་ཀུན་དུ་བཟང་པོས་བཅོམ་ལྡན་འདས་ཀྱི་ཞལ་དུ་ལྟས་
ཏེ། སའི་དཀྱིལ་འཁོར་གཡོ་བར་བྱས་ནས་དེ་སྐད་ཅེས་སྨྲས་ཏེ། འཇིག་རྟེན་གསུམ་པོ་ཀུན་དུ་གང་བར་བྱས་སོ། །དེ་ནས་ལྷ་དང་ལྷ་མ་ཡིན་དུ་བཅས་པའི་བྱང་ཆུབ་སེམས་དཔའ་ཆེན་པོ་རྣམས་ཀྱིས་གང་བའི་དཀྱིལ་འཁོར་ནས་
གསེར་གྱི་འོད་ཟེར་འབར་ཞིང་སྣང་ལ་རབ་ཏུ་གཡོ་བས་བརྒྱན་པའི་ལུས་ཅན་ས་སྟེང་ཀུན་གྱི་རྡོ་རྗེ་མེ་ཏོག་ཐོད་སྟན་ཆེན་པོ་ལས་བསྐྱོད་དེ། དཀྱིལ་འཁོར་ནས་ལངས་ནས་ཧ་ཧ་ཞེས་སྒྲ་ཕྱུང་སྟེ་སྨྲས་པ། ཀྱེ་མ་སྙིང་རྗེ་ཆེན་པོ་དང་
ཡོན་ཏན་གྲངས་མེད་པའི་རྒྱ་མཚོར་རབ་ཏུ་འབྱམ་པའི་གཟུངས་ཆེན་མོ། ཀྱེ་མ་སངས་རྒྱས་འབྱུང་བ་ཆེན་མོ། མཐའ་དང་དབུས་མེད་པའི་ས་གསུམ་དང་མཉམ་ཞིང་སེམས་ཅན་གྱི་ཁམས་གྲངས་མེད་པ་ཡོངསུ་སྨིན་པར་བྱ་བའི་
ཕྱིར་གནས་པ། ཆོས་ཀྱི་དཀྱིལ་འཁོར་གནས་པ་མེད་པའི་གཟུངས་ཆེན་མོ། །བསྐལ་པ་མཐའ་ཡས་པ་ནས་འཕངས་པའི་སྡིག་པའི་བག་ཆགས་སེལ་ཅིང་ཉོན་མོངས་པའི་རྒྱ་མཚོ་སྐེམས་ལ་ལྟ་བའི་རི་བོ་འཐོར་བར་བྱེད་པའི་

98-1-143a

གཟུངས་ཆེན་མོ་བསྐལ་པ་མཐའ་ཡས་པར་དགེ་བའི་རྩ་བའི་ཚོགས་འབྱུང་བ་ཡང་དག་པར་མ་བསགས་ཤིང་བདེ་བར་གཤེགས་པ་འབུམ་ཕྲག་དུ་མ་མངོན་སུམ་དུ་མཐོང་བས་བྱང་ཆུབ་ཀྱི་ས་བོན་མ་བསྒྲུབས་ལ། ཐམས་ཅད་
མཁྱེན་པའི་སའི་ཁྱད་པར་གྱི་ཡོན་ཏན་རྒྱ་མཚོ་ཡོངསུ་རྫོགས་པ་རྗེས་སུ་ཐོབ་པ་མ་ཡིན་པ་གཞན་ནི་སུས་ཀྱང་དེ་བཞིན་གཤེགས་པ་ཐམས་ཅད་ཀྱི་སྙིང་པོ་གཟུངས་ཆེན་མོ་འདི་མཉན་པར་ཡང་མི་ནུས་ན། བཟུང་བ་འམ། བཀླག་པ་
འམ། ཀུན་ཆུབ་པར་བྱ་བ་ལྟ་ཅི་སྨོས། གཟུངས་ཆེན་མོ་འདིའི་མིང་ཙམ་ཡང་བསྐལ་པ་བྱེ་བ་ཕྲག་སྟོང་གི་བར་དུ་ཐོས་པར་དཀའོ། །ཀྱེ་མ་གཟུངས་ཆེན་མོ་འདི་ནི་སེམས་ཅན་གང་དག་གི་ལག་ན་འདུག་པ་དེ་དག་གི་ནི་རྙེད་པ་ལེགས་
པར་རྙེད་པའོ། །འཚོ་བ་བཟང་པོས་འཚོ་བའོ། །མངོན་པར་ཤེས་པ་རྣམས་ཀྱི་གཞི་བཟང་པོའོ། །དགེ་བའི་རྩ་བ་ཡང་དག་པར་རྫོགས་པའོ། །དེ་བཞིན་གཤེགས་པའི་སྤྱོད་ཡུལ་ལ་གནས་པའོ། །ཡོན་ཏན་ཐམས་ཅད་ཡང་དག་པར་རྫོགས་
པའོ། །འདི་ལན་གཅིག་བརྗོད་པ་ཙམ་གྱིས་ངན་སོང་གི་སྡུག་བསྔལ་ཐམས་ཅད་ལས་ཐར་བར་འགྱུར། ལན་གཉིས་བརྗོད་པ་ཙམ་སྡིག་པ་ཐམས་ཅད་ལས་གྲོལ་བར་འགྱུར་རོ། །ལན་གསུམ་བརྗོད་པ་ཙམ་ཀྱིས་ཉོན་མོངས་པ་ཐམས་ཅད་ལས་
གྲོལ་བར་འགྱུར་རོ། །དེ་ལྟར་ན་བརྗོད་པ་ཙམ་གྱིས་གོང་ནས་གོང་དུ་ཡོན་ཏན་རྣམས་ཐོབ་པར་འགྱུར་ཏེ། དེ་བཞིན་གཤེགས་པ་ཡང་མཐོང་བར་འགྱུར་རོ། །འཆག་བཞིན་དུ་བཟླས་བརྗོད་བྱས་ན་སྡུག་བསྔལ་ཐམས་ཅད་ལས་ཐར་བར་
འགྱུར་རོ། །ཤིང་གཅིག་འཕྲེང་གི་དྲུང་དུ་བཟླས་བརྗོད་བྱས་ན་གྲུབ་པ་ཐམས་ཅད་ཐོབ་པར་འགྱུར་རོ། །འགྲོ་བཞིན་དུ་བཟླས་བརྗོད་བྱས་ན་སེམས་ཅན་ཐམས་ཅད་དབང་དུ་འགྱུར་རོ། །ནགས་འཚལ་ཆེན་པོའི་ནང་དུ་དཀྱིལ་མོ་དཀྲུང་བཅས་ཏེ་འདུག་
ལ་ལན་བདུན་བརྗོད་ན་བསམ་ཏན་ཆེན་པོ་ཐོབ་པར་འགྱུར་ལ་ཉོན་མོངས་པ་དང་ཡང་བྲལ་བར་འགྱུར་རོ། །འཕགས་པ་ཀུན་དུ་བཟང་པོའི་སྐུ་གཟུགས་ཀྱི་དྲུང་དུ་སྐྱིལ་མོ་དཀྲུང་བཅས་ཏེ་འདུག་ལ་མེ་ཏོག་ལ་སོགས་པ་ཇི་སྙེད་པས་མཆོད་ནས་ལུས་

98-1-143b

ངལ་བར་གྱུར་གྱི་བར་དུ་གཟུངས་ཆེན་མོ་འདི་བརྗོད་ལ། ངལ་བར་གྱུར་ནས་དེ་ཉིད་ཏུ་ཉལ་ན་རྨི་ལམ་ཏུ་བྱང་ཆུབ་སེམས་དཔའ་ཀུན་དུ་བཟང་པོ་མཐོང་བར་འགྱུར་ཏེ། ཕྱག་གཡས་པས་དེ་ལ་བྱུགས་ནས་ཡང་དག་པར་དབུགས་འབྱིན་པར་མཛད་དེ་
ཆོས་ཀྱི་སྣང་བ་ཆེན་པོ་ཡང་སྩོལ་བར་མཛད་དོ། །འདི་སྐད་དུ་རྒྱལ་བའི་སྲས་ལེགས་སོ། །ལེགས་སོ། །ཁྱོད་ནི་དེ་བཞིན་གཤེགས་པའི་དཀྱིལ་འཁོར་ཆེན་པོར་ཞུགས་པ་ཡིན་ཏེ། ཁྱོད་ཚེ་བརྗེས་ནས་ས་ཆེན་པོ་ཐོབ་པར་འགྱུར་རོ་ཞེས་
ཀྱང་གསུང་ངོ་། །དེ་ནས་ལུས་བདེ་བ་དང་། སེམས་བདེ་བ་དང་། དགའ་བ་ཆེན་པོ་དང་། དང་བ་དང་། མཆོག་ཏུ་དགའ་བ་ཆེན་པོ་དང་ལྡན་བཞིན་དུ་སད་པར་འགྱུར་རོ། །མཐུ་ཆེ་བ་དང་། དབང་ཆེ་བར་གྲགས་པར་ཡང་འགྱུར་རོ། །ལྷ་རྣམས་ཀྱང་དེ་ལ་
བལྟ་བའི་ཕྱིར་འོང་ངོ་། །ནང་པར་ལངས་ནས་བྱང་ཆུབ་སེམས་དཔའ་རྣམས་ཀྱིས་ཡང་དག་པར་བསྡུས་པའི་མདོ་སྡེ་རྣམས་བགླག་པར་བྱའོ། །སེམས་ཅན་ཐམས་ཅད་ལ་ཡང་ཕན་པ་དང་བདེ་བའི་སེམས་བསྐྱེད་པར་བྱའོ། །དེ་ནས་ཕ་རོལ་
དུ་ཕྱིན་པ་ཐམས་ཅད་ཡོངསུ་རྫོགས་ཤིང་སྡིག་པ་ཐམས་ཅད་དང་བྲལ་ཏེ། ཉོན་མོངས་པའི་ཕྱོགས་རྣམས་བཅོམ་ལ། དེ་བཞིན་གཤེགས་པ་རྣམས་ཀྱིས་ཀྱང་བསྔགས་པར་འགྱུར་རོ། །ལྷ་ལ་སོགས་པ་ཡང་དེ་ལ་བསྲུང་བ་དང་། 
བསྐྱབ་པ་དང་། སྦ་བའི་ཕྱིར་བརྩོན་པར་འགྱུར་རོ། །དེ་ལྟར་ཇི་སྐད་བསྟན་པ་བཞིན་དུ་བྱེད་པའི་རྒྱལ་བའི་སྲས་དེ་ནི་རིང་པོ་མི་ཐོགས་པར་ཀུན་དུ་བཟང་པོའི་ས་ཆེན་པོ་ལ་འཇུག་པར་འགྱུར་རོ། །དེ་ནས་རྡོ་རྗེ་གཙུག་ཕུད་ལ་སོག་པ་སྟོང་
གསུམ་གྱི་བདག་པོ་རིག་སྔགས་འཆང་ཆེན་པོ་རྣམས་དང་། སྤྱན་ཆེན་མོ་ལ་སོགས་པ་རིག་སྔགས་འཆང་ཆེན་མོ་རྣམས་དང་། རྡོ་རྗེ་སྙིང་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། རྡོ་རྗེ་ཞག་པ་ལ་སོགས་
པ་རིག་སྔགས་ཀྱི་ལྷ་ཆེན་པོ་རྣམས་དང་། རིན་ཆེན་དྲ་བ་ཅན་ལ་སོགས་པ་རིག་སྔགས་ཀྱི་ལྷ་མོ་ཆེན་མོ་རྣམས་དང་། ལྷ་མོ་སྒྲོལ་མ་ལ་སོགས་པ་བྱང་ཆུབ་སེམས་དཔའ་ཆེན་པོའི་དཀྱིལ་འཁོར་གྱི་ལྷ་རྣམས་དང་། དར་ཆེན་དང་། གཟུགས་བཟང་
98-1-144a

དང་། ཤིན་དུ་བལྟ་ན་སྡུག་པ་ལ་སོགས་པ་གཞོན་ནུ་རྣམས་དང་། གཞོན་ནུ་མ་རྣམས་དང་། བྲན་རྣམས་དང་། བྲན་མོ་རྣམས་དང་། མི་འཁྲུགས་པ་ལ་སོགས་པ་ལོག་འདྲེན་ཆེན་པོ་རྣམས་དང་། ལུས་མཆོག་ལ་སོགས་པ་སྲིན་པོའི་
དབང་པོ་རྣམས་དང་། མ་མོ་ལ་སོགས་པ་སྲིན་མོ་རྣམས་དང་། དབང་ཕྱུག་ཆེན་པོ་ལ་སོགས་པ་ལྷའི་དབང་ཕྱུག་རྣམས་དང་། རྡོ་རྗེ་མེ་ཏོག་ཐོད་ལ་སོགས་པ་དཀྱིལ་འཁོར་ཆེན་པོར་འདུས་པའི་བྱང་ཆུབ་སེམས་དཔའ་ལ་སོགས་པ་ཐམ་
ཅད་ལངས་ནས། བྱང་ཆུབ་སེམས་དཔའ་སེམས་དཔའ་ཆེན་པོའི་མཆོག་འཕགས་པ་ཀུན་དུ་བཟང་པོ་ལ་མཚན་བརྒྱ་རྩ་བརྒྱད་བླ་ན་མེད་པའི་ཡོན་ཏན་གྱི་སྣང་བ་ཞེས་བྱ་བས་བསྟོད་པ། ཀུན་དུ་བཟང་པོ་ཀུན་གྱི་མཆོག །སྣ་ཚོགས་
ཀུན་གྱི་འབྱོར་པ་ཆེ། །དཀྱིལ་འཁོར་ཆེན་པོ་རྡོ་རྗེ་མཆོག །སྣ་ཚོགས་གཟུགས་ཅན་ཕྱོགས་ཀྱི་བདག །རྡོ་རྗེ་ཆེན་པོ་དགྱེས་པ་ཆེ། །གཟི་བརྗིད་ཆེན་པོ་སྟོབས་པོ་ཆེ། །གནོད་དང་རབ་གནོན་དཔལ་གྱི་རབ། །ཁྱབ་བདག་རྒྱལ་བའི་བློ་གྲོས་
རྒྱལ། །རྡོ་རྗེ་ཆེན་པོ་རབ་ཏུ་བཞད། །སྒྲུབ་དཀའ་ཆེན་པོ་བསྒྲུབ་མཛད་པ། །རོལ་མོ་ཆེན་པོས་རྣམ་པར་རོལ། །རབ་དགའ་ཆེན་པོ་འདུལ་བ་པོ། །ལྷ་ཆེན་དབང་ཕྱུག་ཆེན་པོ་སྟེ། །བརྩན་པོ་ཁྱབ་འཇུག་སྐྱེ་དགུའི་བདག །ས་སྟེང་ས་འོག་
ས་ལ་དགྱེས། །དེ་བཞིན་ས་འཛིན་ས་གསུམ་པ། །དུལ་དང་སྦྱིན་པའི་གོ་རིམ་ཐབས། །རབ་མཁྱེན་སྟོང་གི་མངའ་བདག་ལགས། །བཤེས་གཉེན་ཅན་ཏེ་བཟོད་ལ་དགྱེས། །བཙོན་འགྲུས་འབྱུང་བ་འབྱོར་པ་ཆེ། །བརྩོན་འགྲུས་
བཅུ་དང་ཐབས་བཅུ་པ། །སྟོབས་བཅུའི་སྲས་ཆེན་ཐུ་བོ་སྟེ། །མཐུ་སྟོབས་སྟོང་གིས་སྤྲོ་བ་དང་། །ཡོངས་སུ་ལྡན་ཞིང་བཅུ་སེལ་བ། །རྡུལ་སེལ་རྒྱལ་པོ་ཆེན་པོ་སྟེ། །རྒྱལ་པོ་དཀྱིལ་འཁོར་རྒྱ་མཚོ་པ། །རྡུལ་རྣམས་རབ་ཏུ་ཞི་བའི་
ཐབས། །ཆོ་ག་མཁྱེན་པ་བློ་མངའ་བ། །མཁས་པ་མཛེས་པ་སྐལ་པ་བཟང་། །ཤིན་དུ་སྡུག་པ་དགའ་བསྐྱེད་པ། །སྙིང་པོ་ཆེན་པོ་ལས་བྱུང་བ། །ཉོན་མོངས་བྲལ་བ་ཐུབ་པར་དཀའ། །ས་དང་མཉམ་པ་མཁའ་དང་མཉམ། །རླུང་དང་མཚུངས་པའི་

98-1-144b

སྤྱོད་ཡུལ་ཅན། །གཟི་བརྗིད་ཉིད་དེ་གཟི་བརྗིད་མཚུངས། །རྒྱ་མཚོ་བཞི་ཡི་ཆུ་དང་འདྲ། །རྨུགས་དང་སྨྱོ་བ་ཞི་བར་མཛད། །ཐུབ་པར་དཀའ་བའི་ཉོན་མོངས་འཇིལ། །གཡུལ་སེལ་གཡུལ་ལ་དགྱེས་པ་སྟེ། །གཡུལ་གྱི་ཉེས་པ་རབ་འཇོམས་པ། །
གསུང་བཟང་ངང་པའི་གདངས་སུ་བཞད། །དབང་པོ་ཉེ་དབང་དབང་ཆེན་སྲས། །དབང་པོ་ལས་ལྷག་ཐུབ་དང་མཉམ། །ཆོས་འཛིན་འབྱོར་དང་ལྡན་པར་བསྟན། །རབ་དགའ་བུ་ལོན་ཞི་མཛད་པ། །ཉོན་མོངས་འདམ་རྫབ་སྐེམས་པར་མཛད། །དབའ་
བོ་རྒྱགས་པའི་རིམས་ནད་སེལ། །ཁྲོ་བོའི་དྲེགས་པ་རྣམ་པར་འཇོམས། །གསུང་སྙན་འཇམ་པ་ཉིད་དང་ལྡན། །མཉམ་པ་མི་མཉམ་མཉམ་པ་དང་། །མཉམ་མེད་གཡུལ་ལས་རྣམ་པར་འདས། །སངས་རྒྱས་ཀུན་དང་སྤྱོད་ཡུལ་གཅིག །
བྱང་ཆུབ་སྙིང་པོར་རྒྱ་ཆེར་རོལ། །རིམ་པ་རབ་སྟོན་དགེ་བ་སྟེ། །སྤྱན་བཟང་ཕུན་སུམ་ཚོགས་པ་དགེ། གཙང་མ་ལམ་བཟང་སྦྱིན་མཛད་པ། །དག་མཛད་བསྲེག་སྦྱིན་མཆོག་སྦྱིན་པོ། །འཇོམས་བྱེད་བགེག་རྣམས་རྣམ་པར་འཇོམས། །
འཐོབ་མཛད་དཔེ་མེད་གསུང་བ་པོ། །རྡོ་རྗེའི་འཇིག་རྟེན་གཅིག་སྣང་བ། །སྐྱེས་པ་བུད་མེད་ཚོགས་ཀྱི་བདག །ངེས་པར་ཡོན་ཏན་འབྱོར་མཛད་པ། །སེམས་ཅན་འཁོར་བ་ཞི་མཛད་པ། །བརྟན་པོ་སྡིག་པ་རྣམས་དང་བྲལ། །ཀུན་དུ་རྣམ་རྒྱལ་
སྣང་བ་པོ། །ཀུན་དུ་རྒྱལ་བའི་དཀྱིལ་འཁོར་ཅན། །ཀུན་དུ་རྒྱ་མཚོའི་སྣང་བ་མཛད། །ཀུན་དུ་ཉེས་པ་སེལ་བ་ལགས། །མི་བཟད་ས་འོག་རྣམ་པར་དཀྲུགས། །དེ་བཞིན་ཟད་མཛད་ཐུག་པར་མཛད། །ཉོན་མོངས་རྒྱ་མཚོ་
རྣམ་པར་དཀྲུགས། །ཉོན་མོངས་ཕྱོགས་རྣམས་ཟད་པར་མཛད། །འབར་བའི་དཀའ་བ་འཕྲོ་མཛད་པ། །རྒྱགས་ཤིང་བདོ་བ་ཞི་བར་མཛད། །རྡོ་རྗེ་ཆེན་པོ་སྟོབས་བསྐྱེད་པ། །སྡང་བ་ཐམས་ཅད་ངེས་པར་འཇོམས། །
ཕ་རོལ་བཞུགས་པ་སྡིག་སེལ་བ། །དག་པ་ནམ་མཁའི་སྤྱོད་ཡུལ་ཅན། །དག་པ་སྦྱིན་ཞིང་ཡོན་ཏན་སྦྱིན། །འབྲས་བུ་སྦྱིན་ཞིང་ཀུན་སྦྱིན་པ། །ཡེ་ཤེས་སྦྱིན་ཞིང་བསོད་ནམས་སྦྱིན། །ལོངས་སྤྱོད་སྦྱིན་ཞིང་རྒྱལ་སྦྱིན་པ། །

98-1-145a

དབང་ཕྱུག་སྦྱིན་ཞིང་ཚིག་སྦྱིན་ལ། །ནོར་སྦྱིན་ཚོགས་ལྡན་རྡོ་རྗེ་ཅན། །གཟུགས་སྦྱིན་དཔའ་བོ་རྣམ་པར་རྒྱལ། །དག་ཅིང་དགེ་བའི་ཚུལ་སྦྱིན་པ། །བདེ་འབྱུང་གཙུག་ན་ནོར་བུ་ཐོགས། །ས་འཛིན་གཟུང་བར་དཀའ་བ་པོ། །
དཀྱིལ་འཁོར་མགུ་བར་སྒྲུབ་མཛད་པ། །འབབ་ཅིང་དེ་བཞིན་འབེབས་པར་མཛད། །རིན་ཆེན་དྲ་བ་རིན་ཆེན་མཉམ། །སྒྲོན་མ་མུན་སེལ་རྒྱལ་བ་ཅན། །ཡོན་ཏན་ཡེ་ཤེས་ཐེག་ཆེན་ལྡན། །བརྟན་མཆོག་ཆེ་བའི་ཆོས་ཉིད་ཅན། །གསུང་
བ་ཆེན་པོ་ཤེས་རབ་ཆེ། །སངས་རྒྱལ་ཚུལ་ནི་རབ་སྟོན་པ། །མཆོད་པ་ཆེན་པོ་ཐེག་ཆེན་གྱི། །ཐེག་པ་བླ་ན་མེད་པར་ལྡན། །མཆོད་པ་ཆེན་པོའི་ཆོས་ཤེས་པ། །འབྲས་བུ་ཆེན་པོའི་ཆོས་ཀྱི་མཆོག །སྟོན་མཛད་འདུལ་མཛད་སྟོན་པ་པོ། །
ཞི་བ་དེ་བཞིན་ཞི་མཛད་པ། །བཟང་པོ་བཟང་དང་མཚུངས་པ་ཉིད། །ཀུན་དུ་རབ་འབྱམ་སེལ་མཛད་པ། །སྙིང་རྗེ་ཡེ་ཤེས་སྙིང་པོ་མཁྱེན། །སྙིང་རྗེའི་འོད་ཀྱི་དཀྱིལ་འཁོར་ཅན། །སྙིང་རྗེ་ཆེན་པོ་ཡོངསུ་རྫོགས། །དུས་ཆེན་རྣམ་པར་
དག་པར་མཛད། །མཚོན་མཆོག་དང་བ་རབ་མཐོ་བ། །རྩོད་ཆེན་འདས་པའི་སྤྱོད་ཡུལ་ཅན། །སྐྱེ་དགུ་བསྲུང་ཞིང་སྤྱན་ཡངས་པ། །རྙེད་པར་དཀའ་བའི་འབྱོར་པ་ཅན། །ཀུན་དུ་སྤྱོད་པ་ཁོང་དགེ་བ། །དགའ་བའི་དམ་པ་སྦྱིན་པ་པོ། །ཀུན་
དུ་ཡུལ་ཀུན་མངའ་བ་སྟེ། །ཞེ་ས་བཟང་པོ་རྟག་ཏུ་མངའ། །དུལ་བ་སངས་རྒྱས་ཀུན་དང་མཉམ། །དཀྱིལ་འཁོར་ཆེན་པོའི་པད་མ་ལགས། །ཟླ་བ་ལྟ་བུར་སིམ་མཛད་ཐབས། །མཁས་པ་རྒྱགས་སྤངས་ཆོ་ག་མཁྱེན། །
སྤྱོད་ཡུལ་གཅིག་ལ་གནས་པ་སྟེ། །དེ་བཞིན་གཤེགས་པའི་ཡེ་ཤེས་མངའ། །དམ་ཚིག་ཆེན་པོ་དེ་ཉིད་མཁྱེན། །སློབ་དཔོན་ཆེན་པོ་གྲགས་པ་ཆེ། །དམ་པ་ཉིད་དེ་བླ་ན་མེད། །གསང་སྔགས་རླབས་ནི་རྒྱས་པར་
མཛད། །དེ་ལྟར་ཁྱབ་བདག་ཆེན་པོ་ནི། །ཡོན་ཏན་བརྒྱ་ཡི་སྤོས་ཀྱིས་རྒྱས། །དག་ཅིང་བྱང་ལ་མཁས་ལ་སོགས། །ཡོན་ཏན་འབྱུང་ལ་རིག་སྔགས་རྒྱལ། །གཙུག་ན་ནོར་བུ་ཐོགས་ལ་སོགས། །མཆོག་རྣམས་

98-1-145b

ཀྱིས་ནི་བསྟོད་ནས་ཀྱང་། །སྡུག་བསྔལ་ཆུ་བོ་བཅོམ་པ་ཡི། །བཅོམ་ལྡན་འདས་ཀྱིས་ཚིག་འདི་གསུངས། །ཀྱེ་མ་བསྟོད་པ་ཆེན་པོ་བརྒྱ། །མིང་བརྒྱ་རྩ་བརྒྱད་དམ་པ་ཡིན། །མི་རྣམས་ལ་ལ་གང་ཞིག་གིས། །སྡིག་བསལ་
ཀུན་དུ་བཟང་པོ་ལ། །སྙིང་ནས་འདི་ཡིས་བསྟོད་བྱས་ན། །དེས་ནི་སངས་རྒྱས་ཉིད་ཀྱང་འཐོབ། །གང་ཞིག་མིང་བརྒྱ་རྩ་བརྒྱད་འདོན། །མི་དེ་ཡོན་ཏན་ཡོངས་རྫོགས་ཤིང་། །དེ་བཞིན་གཤེགས་ཚུལ་ཆེ་བ་ཡི། །ཡེ་ཤེས་མ་ལུས་
སྨྲ་བར་ནུས། །དེ་ལྟར་ཐུབ་མཆོག་སྲས་པོ་ཡོན་ཏན་བརྒྱ་ཡི་སྤོ་ལས་ངེས་པར་བྱུང་གྱུར་ཅིག །ཡོན་ཏན་སྣ་ཚོགས་འབྱུང་དང་འཇིག་རྟེན་ཡན་ཆད་དག་གིས་ཡོན་ཏན་རྒྱས་རྣམས་ལ། །བསྟོད་པ་ཆེན་པོས་སྣང་བྱས་རྒྱལ་
བའྀ་སྲས་ལ་བསྟོད་པས་ཉིན་རེ་བསྟོད་བྱས་ན། །སྟོབས་བཅུ་མངའ་བའི་སྐུར་འགྱུར་སྣང་བ་ཐོབ་ཅིང་རྣམ་དག་ཡོན་ཏན་འབྱུང་གནས་འགྱུར། །འཕགས་པ་ཀུན་དུ་བཟང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་
བཅས་པ། རྫོགས་སྷོ།། །། རྒྱ་གར་སྐད་དུ།  ཨཱརྱ་བཛྲ་པཱ་ཎི་ཨཥྚོཏྟ་ར་ཤ་ཏ་ཀ་ནཱ་མ་དྷཱ་ར་ཎཱི་མནྟྲ་ས་ཧི་ཏ།  བོད་སྐད་དུ།  འཕགས་པ་ལག་ན་རྡོ་རྗེའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། 
བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་རང་གི་སྙིང་པོ་སྨྲས་པ། ༀ་བཛྲ་ཙཎ་ཌ་སརྦ་དུ་ཥྚཱན་ཏ་ཀ །ཧ་ན་ད་ཧ། པ་ཙ་ཧཱུྃ་ཕཊ། དེ་ནས་
གཟུངས་སྔགས་འདི་བཤད་མ་ཐག་དུ་ས་ཆེན་པོ་གཡོས་པར་གྱུར་ཏེ། བགེགས་དང་ལོག་འདྲེན་ཐམས་ཅད་ཀྱང་སྐྲག་ནས་ཉམ་ཐག་པའི་སྐད་ཕྱུང་ངོ་། །དཀྱིལ་འཁོར་ཆེན་པོར་འདུས་པ་ཐམས་ཅད་ཀྱང་ཧ་ཧ་ཞེས་འཛེར་ཏོ། །
ལྷ་ལས་སོགས་པ་རིག་སྔགས་འཆང་ཆེན་པོ་རྣམས་ཀྱི་ཀྱང་རྒྱན་གྱྀ་ཆར་ཆེན་པོ་ཕབ་བོ། །བཅོམ་ལྡན་འདས་ཀྱིས་ཀྱང་ཞལ་འཛུམ་བཞིན་དུ་རྡོ་རྗེ་འཆང་ལ་གཟིགས་ནས་བཀའ་སྩལ་པ། སྡང་བ་སེལ་བ་འཁོར་འདི་དག་ཧ་ཅང་སྐྲག་

98-1-146a

པར་མ་བྱེད་ཅིག །རྡོ་རྗེ་འཆང་གིས་གསོལ་པ། བཅོམ་ལྡན་འདས་བདག་གི་གཟུངས་འདི་ནི་མཆོག་ཏུ་གསང་བ་ལགས་སོ། །རིག་སྔགས་ཐམས་ཅད་ཀྱི་མཆོག་དང་། བགེགས་ཐམས་ཅད་བཟློག་པ་དང་། སྣང་བ་ཐམས་ཅད་སེལ་བ་དང་དམ་པ་
སྩོལ་བ་དང་། འབྱོར་པ་སྩོལ་བ་དང་། སྡང་བ་རྣམས་དགའ་བར་བགྱིད་པ་དང་། ཐོས་ན་དོན་མཆིས་པ་དང་། བརྗོད་ན་དོན་མཆིས་པ་དང་། བསྙེན་བཀུར་བགྱིས་ན་དོན་མཆིས་པ་དང་། སྟོབས་སྐྱེད་པ་དང་། གཟུགས་བཟང་བར་བགྱིད་པ་དང་། སྤོབས་པ་བསྐྱེད་པ་དང་། 
དབང་ཕྱུག་ཐོབ་པར་བགྱིད་པ་དང་། ནོར་དང་ལྡན་པར་བགྱིད་པ་དང་། དབང་བགྱིད་པ་དང་། སྡང་བ་འཇོམ་པ་དང་། སྡང་བ་འཇིག་པར་བགྱིད་པ་དང་། དུག་སེལ་བ་དང་། རྒྱལ་བར་བགྱིད་པ་དང་། དགའ་བར་བགྱིད་པ་དང་། མཆོག་ཏུ་དགའ་བར་བགྱིད་
པ་དང་། དང་བར་བགྱིད་པ་དང་། ང་རྒྱལ་འཇོམས་པ་དང་། ཕ་རོལ་ཕམ་པར་བགྱིད་པ་དང་། སྡིག་པ་ཞི་བར་བགྱིད་པ་དང་། ནོངས་པ་བགྱིས་པ་སྦྱོང་བ་དང་། འདོད་ཆགས་ལ་སོགས་པའི་ཉོན་མོངས་པ་ཞི་བར་བགྱིད་པ་དང་། 
མཚམས་མ་མཆིས་པ་བཟློག་པ་དང་། རྨི་ལམ་ངན་པ་ཞི་བར་བགྱིད་པ་དང་། བཀྲ་མི་ཤིས་པ་ཞི་བར་བགྱིད་པ་དང་། དཔལ་བསྐྱེད་པ་དང་། སྐལ་པ་བཟང་པོར་བགྱིད་པ་དང་། སེམས་ཅན་ཐམས་ཅད་དགའ་བར་བགྱིད་
པ་དང་། གཞན་ལ་དབང་བགྱིད་པ་དང་། ཅི་འཚལ་བ་སྩོལ་བ་དང་། ཡོན་ཏན་ཐམས་ཅད་ཕུན་སུམ་ཚོགས་པར་བགྱིད་པ་དང་། ཆར་ཆེས་པ་དང་། ཆར་མི་འབབ་པ་དང་། དུས་ཀྱི་གནོད་པ་རབ་ཏུ་ཞི་བར་བགྱིད་པ་ལགས་
ཏེ། གཡུལ་ཆེན་པོ་དང་། མི་ནད་ཆེན་པོ་དང་། རྩོད་པ་ཆེན་པོ་དང་། མི་མ་ལགས་པ་ལ་སོགས་པ་འཇིགས་པ་དང་། སྡང་བ་དང་། བྱད་སྟེམ་དང་། རོ་ལངས་ཀྱི་སྦྱོར་བ་ཆེན་པོ་དང་། སྐྲོད་པ་དང་། སྲོག་འཇིག་པའི་ཚེ་དང་། འཇིགས་པ་
ཆེན་པོ་བྱུང་བ་ན་ནང་པར་ལངས་ནས་ལུས་ཁྲུས་བགྱིས་ལ། གོས་དཀར་པོ་འཚལ་ཏེ། ཁ་ཤར་ཕྱོགསུ་བལྟས་ལ་བཅོམ་ལྡན་འདས་རྡོ་རྗེ་འཆང་གི་གདོང་དུ་ལྟ་ཞིང་ལན་བདུན་བརྗོད་ན། བརྗོད་པ་ཙམ་གྱིས་འཇིག་པ་ཐཾད་ལས་

98-1-146b

ཐར་བར་འགྱུར་ཞིང་གྲུབ་པ་ཆེན་པོ་ཡང་ཐོབ་པར་འགྱུར་ལ། ཐམས་ཅད་དུ་ཡང་རྒྱལ་བར་འགྱུར་ཏེ། སེམས་ཅན་རྣམས་ལ་བསྲུང་བ་དང་། སྐྱོབ་པ་དང་། སྦེད་པ་ནི་གཟུངས་ཆེན་མོ་འདི་ལས་ལྷག་པ་མ་མཆིས་སོ། །དེ་ནས་
འཁོར་ཐམས་ཅད་ངོ་མཚན་དུ་གྱུར་ནས་རྡོ་རྗེ་འཆང་ལ་མཚན་བརྒྱ་རྩ་བརྒྱད་ཀྱིས་མངོན་པར་བསྟོད་པ། རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་རྒྱལ་པོ་བདེ་བ་ཆེ། །རྡོ་རྗེ་འཇིགས་པ་དགྱེས་པ་ཆེ། །རྡོ་རྗེ་སྙིང་པོ་སྟོབས་པོ་ཆེ། །
རྡོ་རྗེ་འཁྲུག་པ་ཞགས་པ་ཆེ། །རྡོ་རྗེ་འཇིགས་བྱེད་འཇིགས་པར་མཛད། །རྡོ་རྗེ་ཧཱུཾ་གི་ཧཱུྃ་ལགས་ཏེ། །རྡོ་རྗེ་ས་འོག་འཇིགས་པ་པོ། །ཆགས་པའི་རྡོ་རྗེ་ཆགས་པ་ཆེ། །ཆགས་པའི་ཞགས་པ་མགྱོགས་པ་ཆེ། །ཕྱག་དམར་ཕྱག་ནི་རིང་བ་སྟེ། །
སྤྱན་དམར་སྤྱན་དང་ལྡན་པ་ལགས། །རྡོ་རྗེ་མཐོན་ཀ་མཐོན་ཀ་ཆེ། །མཐོན་ཏིང་དབུ་སྐྲས་བརྒྱན་པ་ལགས། །རལ་གྲི་སྔོན་པོ་རལ་གྲི་ཆེ། །དཀྱིལ་འཁོར་སྔོན་པོའི་དཀྱིལ་འཁོར་ཅན། །མཐོན་ཀའི་སྤྱན་ཏེ་དབུ་སྔོ་བ། །འོད་ཆེན་མཐོན་ཀའི་
འོད་དང་ལྡན། །རྡོ་རྗེ་སྔོན་པོ་སྟོབས་མི་མཚུངས། །རྡོ་རྗེ་སྤྲོ་བའི་སྟོབས་པོ་ཆེ། །ཁྲོ་བོའི་རྡོ་རྗེ་ཁྲོ་བོ་ཆེ། །སེལ་མཛད་ཁྲོ་བོའི་རྒྱགས་པ་སེལ། །ཁྲོས་པའི་སྤྱན་ནི་རབ་ཏུ་བསྟོད། །ཁྲོ་བོ་བགེགས་རིགས་སེལ་བར་མཛད། །གཞུ་བསྣམས་ཞགས་
པ་བསྣམ་པ་ཏེ། །རྡོ་རྗེའི་མདས་ནི་ངེས་པར་འགུམ། །དབྱིག་ཐོགས་རྡོ་རྗེའྀ་རལ་གྲི་བསྣམ། །རྡོ་རྗེའི་ཞགས་པས་རབ་ཏུ་འཇོམས། །རྡོ་རྗེའི་འཁོར་ལོ་འཁོར་ལོ་ཆེ། །འཇིག་པའི་སྒྲ་སྒྲོགས་རབ་ཏུ་ཁྲོ། །སྣ་ཚོགས་སྐུ་ཏེ་ཐིག་ལེས་བྲིས། །གཟི་
བརྗིད་བསྐྱེད་པ་གྲགས་མཛད་པ། །བཟོད་པར་དཀའ་བ་རེག་མི་བཟོད། །སྡིག་དང་བགེགས་རྣམ་གཅོད་མཛད་པ། །དྲག་པོ་ཆེན་པོ་རྡོ་རྗེ་ཁྲོ། །སྐྱེལ་བྱེད་དྲག་པོ་སྐྱེལ་བར་མཛད། །གཏིང་དཔག་དཀའ་བ་རིང་དུ་གཤེགས། །རིན་ཆེན་རྒྱ་མཚོ་
རབ་ཏུ་དགའ། །རྒྱ་མཚོ་ལྷུན་པོའི་དཔུང་དང་ལྡན། །པད་མ་ཏི་སེ་ལྷུན་པོའི་རྩེ། །གད་རྒྱང་ཆེན་པོས་བཞད་པ་པོ། །སྤྱོད་ཡུལ་བསྐལ་པ་གྲངས་མེད་གསུམ། །རིག་སྔགས་འཆང་མཆོག་རྡོ་རྗེ་ཅན། །རིག་སྔགས་འཆང་ཆེན་མངའ་བདག་ལགས། །

98-1-147a

ན་བཟའ་ལྕང་ལོ་རྩ་དམར་གསོལ། །མཐོན་ཀ་ན་བཟའ་མཐོན་ལ་དགྱེས། །སྲིན་པོ་བསྲུང་བ་དྲག་པོ་སྟེ། །མེ་ཏོག་ཕྲེང་བའི་བརྒྱན་ལ་དགྱེས། །ཉི་མ་ཆེན་པོ་ཉི་མའི་འོད། །འོད་ཟེར་བརྒྱ་ཕྲག་རབ་ཏུ་འགྱེད། །གྲོལ་མཛད་མགོན་པོ་སྟོན་
པ་པོ། །རབ་མཆོག་རབ་མཆོག་རྣམས་ཀྱིས་མཆོད། །མགྲིན་ཆེན་མགྲིན་པའི་མདོག་སྔོ་བ། །མགུར་བཟང་ཞལ་བཟང་དམ་པ་ལགས། །ཅོད་པན་ཆེན་པོ་རྡོ་རྗེའི་འོད། །ཕུན་སུམ་ཚོགས་ལྡན་སེམས་དག་པ། །ཡེ་ཤེས་ཆེ་ལྡན་
བསྲུང་བ་ཆེ། །རླུང་མར་ལངས་ཏེ་སྤྱོད་ཡུལ་རིང་། །གཙོ་བོ་སྒྲོལ་མཛད་ཕ་རོལ་གཤེགས། །འཇིགས་ལས་གྲོལ་བ་རབ་འཇིགས་པ། །རྒྱལ་ཆེན་གཙུག་ན་ནོར་བུ་ཐོགས། །མཚོན་ཆ་ཆེན་པོ་སྣ་ཚོགས་མཚོན། །འཇིག་རྟེན་གསུཾ་
གྱི་ཚུལ་ཆེན་གཅིག །གསུམ་གཟིགས་རྩེ་གསུམ་གཙུག་པུད་གསུམ། །འདོད་པའི་ལྷ་སྟེ་སྣང་ཆེན་མཚན། །ཟ་བ་པོ་སྟེ་འཇིགས་པར་མཛད། །མཐོ་བ་སྐུ་མཆོག་ཞལ་གསུམ་པ། །ཚམ་ཚོམ་མེད་དེ་སྲིད་ལས་བྱུང་། །རྟག་པ་སྐར་
དགྱེས་དུས་འབྱོར་པ། །རྒྱུ་སྐར་རྒྱལ་རིགས་འཕེལ་བར་མཛད། །རྒྱལ་པོ་སྔགས་འཆང་ཆེན་པོ་སྟེ། །བགེགས་ཀུན་དབང་ཕྱུག་མཁས་པ་ལགས། །བཻ་དཱུརྱ་ལྟར་དྲི་མེད་སྐུ། །མཛེས་ཤིང་སྟོབས་བསྐྱེད་སྣ་ཚོགས་སྟོབས། །དགའ་
བ་བསྐྱེད་པ་དགའ་བ་མཛད། །དཀོན་མཆོག་གསུམ་པོ་འཛིན་པའི་མཆོག །ལྷ་ཆེན་དཔའ་བོ་ཆེན་པོ་སྟེ། །བརྟན་པོ་དཔའ་བོ་ལྷམ་མེ་བ། །བདེ་བ་ཆེན་པོ་འཆིང་བ་གཅོད། །དམ་དུ་འཆིང་བའི་རྩལ་མངའ་བ། །མཚོན་ཆ་ཆེ་ཚོགས་ཅོད་
པན་ཅན། །རིག་སྔགས་འཆང་བའི་ཚོགས་དགའ་བ། །པད་མ་ཆེན་པོའི་ཕྱག་རིང་བ། །པད་མ་ལས་བྱུང་པད་མའི་མཆོག །ནག་པོ་ཆེན་པོ་འབྱུང་པོ་ཆེ། །གཏུམ་ཆེན་ཐོག་ཐོག་ཆེན་པོ་ཏེ། །རླུང་ཆེན་བཞད་མོ་འབྱུང་བ་དང་། །རྡོ་རྗེའི་མཚོན་ཆ་
བརྒྱ་རྫོགས་པ། །རྡུལ་ཕོད་ཐུབ་དཀའ་བརྩོན་པ་སྟེ། །འབྱུང་པོ་ཆེན་པོའི་ཚོགས་ཀྱི་རྗེ། །ཞི་བ་དབང་པོ་རྡོ་རྗེའི་མཚོན། །གྲག་གི་རྩེ་མོ་རྣམ་པར་འགེམས། །རྒྱལ་བའི་སྲས་པོ་གཟུགས་ཆེ་བ། །རྡོ་རྗེ་ཡི་ནི་དཀྱིལ་འཁོར་བརྒྱན། །རྡོ་རྗེའི་ལྕག་མདས་

98-1-147b

བསྲེག་མཛད་པ། །རྡོ་རྗེའི་མདས་ནི་རྣམ་པར་སྦྱོང་། །རྡོ་རྗེ་དོན་ཡོད་རྡོ་རྗེའི་དབང་། །རྡོ་རྗེ་དབང་པོ་རྡོ་རྗེའི་རྩལ། །ཡེ་ཤེས་དག་པ་ཐེག་པ་ཆེ། །ཐབས་བརྙེས་སྙིང་རྗེ་ཆེན་པོ་ལགས། །རྡོ་རྗེ་ཆེན་པོ་རྩེད་མོ་ཅན། །སྤྱན་བཟང་རྣམ་པར་གཟིག་
པ་པོ། །རྡོ་རྗེ་དྲིལ་བུ་རྣམ་དག་སྤྱན། །མཛའ་བོ་སྡུག་པ་དམ་ཚིག་མཁྱེན། །རྡོ་རྗེ་ཆེན་པོ་མགོན་པོ་པ། །རྡོ་རྗེ་ས་འོག་འཇིགས་པར་མཛད། །རྡོ་རྗེ་ཆེན་པོ་གད་རྒྱངས་སྒྲོན། །མེ་ཏོག་ཆུན་པོ་འོད་གསོལ་བ། །དག་པ་ཟས་གཙང་སྲས་ཀྱི་
སྲས། །དེས་པ་སྐལ་བཟང་གཙང་བ་ལགས། །སྣ་ཚོགས་ཅན་ཏེ་ལྷ་ཀུན་མཆོག །རྡོ་རྗེའི་དཔུང་གི་དཀྱིལ་འཁོར་ལྡན། །རྡོ་རྗེ་གཙུག་སྡུག་ཤེས་རབ་ཅན། །རྡོ་རྗེའི་བཀོད་པ་རབ་ཏུ་མཛེས། །མཛེས་པ་ཤིན་དུ་རྣམ་པར་དག །
བསྐལ་པའི་རླུང་ཆེན་ལྟ་བུ་ལགས། །དཔའ་བོ་གསང་བ་ཆེན་པོ་འཆང་། །རིག་སྔགས་འཆང་གི་མཆོག་གིས་རྗེད། །གསང་བ་པོ་སྟེ་གསང་བ་གསུང་། །སྐྱེས་པ་བུད་མེད་ཚོགས་དགའ་བ། །རྡོ་རྗེ་ཐོག་ཐོག་སྒྲ་ཆེན་སྒྲོགས། །རྡོ་རྗེའི་
སྒྲོག་སྟེ་རྣམ་པར་འཇོམས། །རྡོ་རྗེའི་ལྕགས་ཀྱུ་དགྱེས་པ་ཆེ། །རྡོ་རྗེ་འབར་བ་ཆེར་འབར་བ། །ནོར་བུས་སྤྲས་པའི་ན་བཟའ་གསོལ། །སྤོས་དང་མེ་ཏོག་ཕྲེང་གིས་བརྒྱན། །དབུ་ཡི་སྙན་ཆ་གདུབ་ཀོར་བཏགས། །སངས་རྒྱས་བསྟན་
པ་སྟོན་པ་པོ། །རྒྱལ་པོ་སངས་རྒྱས་ཀུན་དང་མཉམ། །དབང་ཕྱུག་ཆེན་པོ་གྲགས་པ་ཆེ། །དཀྱིལ་འཁོར་སློབ་དཔོན་དཀྱིལ་འཁོར་ཅན། །སངས་རྒྱས་དཀྱིལ་འཁོར་སྟོན་པ་པོ། །དབུ་རྒྱན་ཅོད་པན་ཀུན་ནས་བཅིངས། །སྣ་ཚོག་རྒྱན་གྱིས་བརྒྱན་པ་
ལགས། །དེ་ལྟར་རྡོ་རྗེ་དབང་ཕྱུག་མགོན། །མཚན་བརྒྱ་རྩ་བརྒྱད་དག་གིས་བསྟོད། །དེ་ནས་རྡོ་རྗེ་དོན་ཡོད་པས་གསུང་པ། །རྡོ་རྗེ་གསང་བས་བརྒྱན་པ་ཡི། །རྡོ་རྗེ་མཚན་རྩ་བརྒྱད་པ་འདི། །མིང་ནི་རྡོ་རྗེ་དོན་ཡོད་འབྱུང་། །སྡང་བ་ཐམས་ཅད་བཟློག་བྱེད་པ། །
མིང་ནི་བརྒྱ་རྩ་བརྒྱད་པ་འདི། །དད་པ་གང་ཞིག་འཆང་བྱེད་པ། །གྲུབ་པ་ཐམས་ཅད་ཐོབ་འགྱུར་ཞིང་། །ཉེས་པ་ཀུན་ལས་རྣམ་པར་འགྲོལ། །ལག་ན་རྡོ་རྗེ་སྟོབས་པོ་ཆེ། །རྟག་ཏུ་ཕྱི་བཞིན་འབྲང་བར་འགྱུར། །ལག་ན་རྡོ་རྗེའི་ཡོན་ཏན་ཆེ། །གང་ཞིག་ནང་

98-1-148a

པར་ལངས་ནས་བརྗོད། །དེ་ནི་སྡིག་པ་ཀུན་ལས་འགྲོལ། །ངན་སོང་ཀུན་ལས་ཐར་བར་འགྱུར། །གསང་སྔགས་ཐོག་མར་སྨོས་པ་འདི། །སུ་ཞིག་ནང་པར་ལངས་ནས་འདོན། །རྒྱལ་པོ་བློན་པོ་གྲོང་ཁྱེར་བ། །གཉེན་རྣམས་ཀྱང་ནི་དགའ་
བར་འགྱུར། །བསྟོད་པའི་མཆོག་ནི་སུ་འདོན་པ། །འཇིག་རྟེན་ཐམས་ཅད་དེ་དབང་འགྱུར། །སྡིག་པ་ཐམས་ཅད་ཟད་པ་དང་། །ཚེ་དང་བསོད་ནམས་འཕེལ་བར་འགྱུར། །ཇི་ལྟར་འདོད་པ་དམ་པ་ཡི། །བདེ་བ་དེ་ཡིས་ཐོབ་པར་འགྱུར། །གང་ཞིག་
ནང་པར་ལངས་ནས་ནི། །ལག་ན་རྡོ་རྗེའི་དྲུང་དུ་བརྗོད། །དེ་ནི་ཇི་ལྟར་འདོད་པ་དང་། །ལྡན་འགྱུར་འདི་ལ་ཐེ་རྩོམ་མེད། །མིང་བརྒྱ་རྩ་བརྒྱད་འདོན་པ་ལ། །བགེགས་དང་ལོག་འདྲེན་ཐམས་ཅད་དང་། །འཇིགས་བྱེད་རྒྱལ་པོ་རྣམས་ཀྱིས་ཀྱང་། །
ཟིལ་གྱིས་མནན་པར་མི་ནུས་སོ། །ཤེས་རབ་ཅན་ནི་གང་ཞིག་གིས། །མིང་བརྒྱ་རྩ་བརྒྱད་མཆོག་བཏོན་ན། །གཟུགས་བཟང་སྟོབས་ནི་སྐྱེ་བ་དང་། །བདེ་བ་འཕེལ་བ་དེ་ཡིས་འཐོབ། །གང་ཞིག་མིང་བརྒྱ་རྩ་བརྒྱད་འདི། །ངེས་པར་གནས་
ཤིང་གཙང་མར་འདོན། །མདོར་ན་ཡོན་ཏན་རྒྱས་པ་ཡི། །བདེ་བ་དེ་ཡིས་ཐོབ་པར་འགྱུར། །འཕགས་པ་ལག་ན་རྡོ་རྗེའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྫོགས་སྷོ།། །། ༄༅། །རྒྱ་གར་སྐད་དུ།   
ཨཱརྱ་མཉྫུ་ཤྲཱི་ཀུ་མཱ་ར་བྷཱུ་ཏཱཥྚོཏྟ་ར་ཤ་ཏ་ཀ་ནཱ་མ་དྷཱ་ར་ཎཱི་མནྟྲ་ས་ཧི་ཏ།  བོད་སྐད་དུ།  འཕགས་པ་འཇམ་དཔལ་གཞོན་ནུར་གྱུར་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། ཕྱོགས་བཅུའི་ཡང་དག་པར་
རྫོགས་པའི་སངས་རྒྱས་ཤེས་བྱ་མཐའ་དག་མ་ལུས་པར་ཁྱབ་ཅིང་མཆོག་ཏུ་རྨད་དུ་བྱུང་བ་རྣམ་པར་དག་པའི་བློ་མངའ་བ་རྣམས་ལ་ཕྱག་འཚལ་ལོ། །འཇམ་དཔལ་གཞོན་ནུར་གྱུར་པ་ཐུགས་དྲི་མ་དང་སྐྱོན་ཐམས་ཅད་དང་
བྲལ་བ། ཡོན་ཏན་དྲི་མ་མེད་པའི་ཚོགས་གྱི་འོད་ཟེར་གྱིས་བརྒྱན་པའི་སྐུ། ཞབས་རྟེན་གྱི་པད་མ་ལ་ལྷ་དང་། མི་དང་། ལྷ་མ་ཡིན་དང་། ཀླུ་དང་། རིག་སྔགས་འཆང་རྣམས་ཀྱི་ཐོར་ཙུགས་དང་ཅོད་པན་གྱི་རྩེ་མོས་བསྡུགས་

98-1-148b

པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཆེན་པོ་འཇམ་པའི་དབྱངས་ངན་སོང་གིས་འགྲོ་བ་སྣ་ཚོགས་རྣམ་པར་འཇོམས་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་བྷོ་མ་ཧཱ་མ་ཎི་རུ་ཙི་ར་ཀ་ལཱ་པ་བི་རྩི་ཏྲ། མུག་ཏ་དཱ་མ། 
ཨ་ལཾ་ཀྲྀ་ཏ་ཤ་རི་ར། པ་ར་སཏྭ་མོ་ཙ་ཀ །ཏ་ཐཱ་ག་ཏ་མ་ཧཱ་དྷརྨ་ཀོ་ཥ་དྷ་ར། པྲ་བར་དྷརྨ་ལ་བྷ། བི་ཛ་ཡ་སུ་ར་ཏ། སཾ་བྷོ་ག་ཨུ་པ་དེ་ཤ་ཀ །ཀླེ་ཤ་ག་ར་པྲ་ཤ་མ་ཀ །ཤཱུནྱ་ཏཱ་སྭ་བྷ་བ། ཨ་ནུ་སྭ་རི། མ་ཧཱ་བོ་དྷི་སཏྭ་བ་ར། བ་ར་ཏ། བ་ར་ཎ་
ད་ད། ཨོཾ་མ་ཧཱ་པཱ་ཤ་པྲ་ས་ར། ཨ་ས་མ་ས་མ། ཨ་ནན་ཏ་ས་མ། ས་མན་ཏ་བྷ་དྲ། ས་མན་ཏ་སན་དྷ་ར། ས་མན་ཏ་ཨ་ཀ་ར། ས་མན་ཏ་པྲ་ས་ར། ས་ར་ས་ར། ཧེ་ཧེ། མཉྫུ་ར་བ། མ་ཧཱ་བཛྲ་ཁཌ་ག་ཙྪིནྡ་ཙྪིནྡ། བྷིནྡ་བྷིནྡ། བི་ར་ཛ་བི་ར་
ཛ། ཀརྨ་ཨ་བ་ག་མ་ཀ །ཀུ་རུ་ཀུ་རུ། ཧཱུ་རུ་ཧཱུ་རུ། སུ་རུ་སུ་རུ། མུ་རུ་མུ་རུ། དྷ་དྷུ་དྷ་དྷུ། དྷུ་དྷུ་དྷུ་དྷུ། མ་ཧཱ་མ་ཧཱ་མ་ཧཱ་མ་ཧཱ། མོ་ཧ་ཡ་མོ་ཧ་ཡ། བྷོ་བྷོ། བྷི་མ་བྷི་མ། ནཱ་ད་ནཱ་ད། ས་ར་ས་ར། མ་ཧཱུ་བི་དྷི་ས་ཏྭ། མོ་ཙ་ཡ། མ་མ་ནཱ་ཐ། མ་ནུ་སྲི་ཏ། 
ཨ་པཱ་ཡ་དུཿཁཾ། སུ་ཀ་ད། མ་ཧཱ་ཀ་རུ་ཎྀ་ཀཱ། ཨ་ནཱ་ཐོ་ཧཾ། དུཿཁི་ཏོ་ཧཾ། ས་ར་ཛོ་ཧཾ། ཨུ་པ་དྲུ་ཏོ་ཧཾ། ཨ་བི་བིག་ཏོ་ཧཾ། ཀུ་སི་དྷོ་ཧཾ། མཱ་ར་ན་དྷརྨོ་ཧཾ། ཏྭ་ན་བྷ་ག་བཱཾ། དུཿཁི་ཏ་ནཱྃ། སུ་ཁན་ད་ད། ཨ་ནཱ་ཐ་ནཱྃ། ས་ནཱ་ཐཱ་ཀ་ར། ས་ར་ཛ་སཾ། བི་ར་ཛ་
སྐ་ར། ཨུད་པད་དྲུ་ཏཱ་མཱྃ། སྭ་ར་ཨུ་པ་དྲ་བ་པྲ་ཤ་མ་ཀ །ཨ་བི་བི་ཀ་ཏ་ནཱྃ། ཀུ་ཤ་ལ་སྃ་བྷ་ར། པ་རི་པཱུ་ར་ཡི་ཏཱ། ཀུ་སི་ད་ནཱྃ། མ་ཧཱ་བིརྱ་དྷ་ཏཱ། མཱ་ར་ཎ་དྷརྨེ་ཎ། མ་མ་ཏི་པ་དཱ་དཱ་ཏཱ། མ་མ་བི་བྷ་ག་བཱན། ནཱ་ཐོ་བྷ་བ། ཤ་ར་ནཱྃ། པ་ར་ཡ་ནཱྃ། ཏྲ་ཏཱ། སརྦ་དུཿ
ཁཱ་ནི་མེ་པྲ་ཤ་མ་ཡ། སརྦ་ཀླ་ཤ་རཱ་ཛཱྃ་སི་མི། ཨ་བ་ན་ཡ། སརྦ་སན་ས་ར་ཨུ་པ་དྲ་བ། དུཿཁ་ནི་མེ་ནཱ་ཤ་ཡ། སརྦཾ་ཀུ་ཤ་ལ་དྷརྨ་པ་རི་པཱུ་ར་མེ་ཀུ་རུ། སརྦ་ཀརྨ་ཨ་བ་ར་ཎ། ཀླེ་ཤ་པ་ར་བ་ཏ་མེ་བི་ཀི་ར། མཱ་ཧཱ་བོ་དྷི་སཏྭ་སི་བི་དྷི། བཱིརྱ་
པཱ་ར་མི་ཏཱ། ཡོ་གོཾ་མེ་སན་ནི་ཡོ་ཛ་ཡ། ཨ་ར་ཎ་དྷརྨ། བི་ར་ཀ་བི་ར་ཛ། སན་ཛ་ཧ། པྲ་ཛ་ཧ། དྷ་ར་ཎི་ས་མ། ཁ་ས་མ། ཛ་ལ་ནི་དྷ་ས་མ། མེ་རུ་ས་མ། མ་ཧཱ་བོ་དྷི་ས་ཏྭ་པ་ར་ད་སྭཱ་ཧཱ། རིག་སྔགས་དོན་ཀུན་བསྒྲུབ་པ་འདི། །འཇམ་པའི་

98-1-149a

དབྱངས་ཀྱིས་བཤད་པ་ན། །དེ་མ་ཐག་ཏུ་སེམས་ཅན་རྣམས། །སྐྱེ་དང་རྒ་བ་ཟད་པར་འགྱུར། །ངན་འགྲོ་ཐམས་ཅད་ཞི་གྱུར་ནས། །བདུད་ཀྱི་སྡེ་རྣམས་རབ་ཏུ་འདར། །ལྷ་རྣམས་ཐམས་ཅད་རབ་ཏུ་དགའ། །ལོག་འདྲེན་
རྣམས་ནི་སྐྲག་པར་གྱུར། །སྡིག་པ་ཞི་བར་བྱེད་པ་ཡི། །གཟུངས་འདི་བཤད་པའི་མོད་ལ་ཡང་། །གྲངས་མེད་ཕྲག་ནི་དུང་ཕྱུར་སྙེད། །འཁོར་བའི་བཙོན་ར་དག་ནས་ཐར། །འཇམ་དཔལ་གཞོན་ནུར་གྱུར་པ་ཡིས། །འཇམ་པའི་དབྱངས་ནི་
རབ་བསྒྲགས་ཤིང་། །གང་ཚེ་རིག་སྔགས་བཤད་པ་ན། །བྲག་དང་ནགས་དང་ཚལ་དུ་བཅས། །རྒྱུ་བ་དང་ནི་མི་རྒྱུ་བའི། །ས་གཞི་དེ་ཡི་ཚེ་ན་གཡོས། །སངས་རྒྱས་འོད་ཀྱི་སྣང་བ་ཡིས། །ས་ཡི་སྟེང་ཡང་ཁྱབ་པར་གྱུར། །བགེགས་དང་ལོག་
འདྲེན་ཐམས་ཅད་དང་། །སྲིན་པོ་མི་བཟད་གཟུགས་ཅན་རྣམས། །སྟོབས་བཅུ་ལྡན་ལ་ཕྱག་འཚལ་ཞེས། །སྐད་ཕྱུང་ཚིག་ནི་འཐུན་པར་སྨྲས། །ལྷ་རྣམས་ཞི་བའི་ཆ་ལུགས་ཅན། །ཐམས་ཅད་ཡིད་ནི་དགའ་གྱུར་ནས། །གང་ན་
རྡོ་རྗེའི་རལ་གྲི་ཆེ། །དེ་ཡི་དྲུང་ལྷགས་སྨྲས་པ་ནི། །ཕྱག་འཚལ་མཆོག་སྦྱིན་རྡོ་རྗེའི་མཆོག །འཇམ་པའི་དབྱངས་ནི་སྟོབས་ཆེན་ལ། །ཤུགས་སྟོང་ལྡན་པ་རྒྱལ་བ་ཅན། །བགེགས་ཀྱི་ཡུལ་འཁོར་རབ་འཇོམས་པ། །སྔགས་འཆང་
གསང་སྔགས་ཆེན་པོ་འཆང་། །སྣ་ཚོགས་གཟུགས་ཅན་མི་ཡི་བདག །ཤིན་དུ་སྟོབས་ལྡན་གཟུགས་མཛེས་འཇིགས། །དྲག་པོ་དྲག་པོ་རབ་འཇོམས་པ། །གཟི་བརྗིད་གཟི་བརྗིད་མངའ་བའི་དཔལ། །དཔལ་ལྡན་མཉམ་
པ་མེད་པའི་དཔེ། །རྡོ་རྗེ་ཅན་ཏེ་སྙིང་སྦྱོང་བ། །མི་ཤེས་པ་ཡི་རབ་རིབ་སེལ། །སྒེག་པའི་ཆ་ལུགས་མཆོག་མངའ་བ། །སྐྱེ་དགུའི་བདག་པོ་སྒེག་པར་དགྱེས། །གཞུ་སྟོབས་ཅན་ལ་ཕྱག་རིང་
བ། །ཉོན་མོངས་དགྲ་རྣམས་སེལ་བར་མཛད། །མཛེས་པ་ན་བཟའ་སྣ་ཚོགས་གསོལ། །མེ་ཏོག་ཕྲེང་རྒྱན་སྣ་ཚོགས་ཅན། །སྤྱན་བཟང་དབུ་ནི་མཛེས་པ་སྟེ། །དགྱེས་ཤིང་ན་བཟའ་མཛེས་པར་གསོལ། །འཇམ་པའི་དབྱངས་དེ་

98-1-149b

རབ་ཏུ་བཞད། །དཀར་ནག་འབྱེས་པའི་སྤྱན་མངའ་བ། །ཧ་ཧའི་སྒྲ་ནི་གྲགས་པར་བསྒྲགས། །རབ་ཏུ་དང་བས་བསྟན་པ་དགའ། །རྒྱ་ཆེན་གསེར་གྱི་མདོག་དང་ལྡན། །རྒྱ་མཚོ་སྙིང་པོའི་སྤྱོད་ཡུལ་ཅན། །ཚུལ་མཁྱེན་ཚུལ་ལྡན་འཇིགས་
པ་ཏེ། །སྡང་བའི་སྙིང་ནི་འཇིགས་པར་མཛད། །ཆ་ལུགས་སྔོ་ལ་ས་སྐྱོང་བ། །ལྷ་ཡི་བདག་པོ་དགའ་བར་མཛད། །འདོད་པའི་ལྷ་སྟེ་འདོད་སེལ་བསྟན། །རྒྱལ་པོའི་འཇིག་རྟེན་ས་འཛིན་པ། །བརྟན་པོ་རྣམས་ལ་བརྟན་པར་གྲགས། །
ཡོན་ཏན་དག་གིས་ཕྱོགས་སུ་བཞད། །བཏུད་པ་ཡིས་བཏུད་ཕྱག་བགྱིས་པ། །རྟག་ཏུ་མཆོད་ཅིང་རྗེད་པ་ལགས། །སྟོབས་པོ་ཆེ་ལ་ཤུགས་ཆེ་བ། །ཕྱག་རིང་གཡུལ་ཆེན་མངའ་བ་པོ། །སྒེག་ཆེན་རྡོ་རྗེ་དམ་པ་སྟེ། །འཛེམ་ཤེས་རབ་
བསྲུང་ངོ་ཚ་ཤེས། །དཀྱིལ་འཁོར་ཆེན་པོའི་སྙིང་པོའི་མཆོག །དཀྱིལ་འཁོར་ཆེན་པོ་སྟོན་པ་པོ། །དཀྱིལ་འཁོར་ཆེན་པོར་གྲགས་པ་སྟེ། །དཀྱིལ་འཁོར་ཆེན་པོ་མཛད་པ་ལགས། །དཀྱིལ་འཁོར་སློབ་དཔོན་དཀྱིལ་འཁོར་ཅན། །
ཞབས་ལ་རྗེད་པའི་ཚོགས་དང་ལྡན། །ཧ་ཧ་སྭཱ་ཧཱའི་བདག་ཆེ་བ། །མཆོད་པ་ཆེན་པོ་ས་དང་མཉམ། །ཧཱུཾ་གིས་འཇིག་མཛད་འཇིགས་པ་སྟེ། །འཇིགས་པའི་འོད་ཀྱིས་གསལ་བ་པོ། །ལྷ་དང་ལྷ་མིན་རྣམས་ཀྱིས་བཏུད། །དེ་བཞིན་
མཆོད་ཅིང་རི་མོར་བགྱིད། །ཞམ་རིང་གད་རྒྱངས་ཆེན་པོ་ཅན། །རླུང་དྲག་མུན་པ་སེལ་མཛད་པ། །འཇིག་རྟེན་གསུམ་དུ་སྙན་པར་གྲགས། །གནོད་སྦྱིན་སྲིན་པོས་བསྙེན་བཀུར་བ། །དྲག་པོ་དཀར་མཛད་བདེ་འབྱུང་བ། །
མངའ་བདག་གཙུག་གི་ནོར་བུ་ཅན། །འཛུམ་ཞིང་སྒེག་པར་ཀུན་དུ་སྟོན། །སྤྱོད་པ་ས་ལྟར་བརྟན་པ་ལགས། །ནོར་བུའི་དཀྱིལ་འཁོར་འོད་མཛེས་པ། །ཉི་མ་གསལ་བ་ལམ་མེ་བ། །ཉི་མའི་འོད་འདྲ་འཇའ་ཁུགས་བཞིན། །ཐ་ལེར་
ཞུགས་ཤིང་རྒྱ་ཆེར་བཞད། །མཐོང་ན་དགའ་ཞིང་དགའ་བར་མཛད། །ནོར་སྦྱིན་དེ་བཞིན་གསང་སྔགས་སྦྱིན། །དབང་ཕྱུག་སྦྱིན་ཞིང་རྒྱལ་སྲིད་སྦྱིན། །གཟུགས་སྦྱིན་དེ་བཞིན་སྟོབས་སྦྱིན་པ། །དཔལ་ལྡན་དཔལ་མཛད་བགེགས་གནོན་རི། །

98-1-150a

ཀུན་དུ་རྨོངས་པ་སེལ་བར་མཛད། །འདུས་པའི་ནང་དུ་གདན་གཤེགས་པ། །ཞབས་ལ་མཆོད་པའི་ཚོགས་བསགས་པ། །དཔུང་རྒྱན་སྙན་ཆ་གདུབ་ཀོར་ཅན། །ནོར་བུའི་རྒྱན་གྱིས་བརྒྱན་པ་སྟེ། །རྒྱུ་དང་མི་རྒྱུ་འགྲོ་བའི་
སྒྲོན། །རབ་རིབ་སེལ་བར་མཛད་པ་པོ། །སྟོན་པ་སྟོན་མཛད་སྐྱོང་མཛད་པ། །དབང་པོ་མངའ་བདག་དམག་གི་མཆོག །འཇིགས་པ་སེལ་བར་མཛད་པ་ཏེ། །འཇིགས་པ་མེད་པའི་གནས་སྦྱིན་པ། །དཀར་བ་སྔོ་བ་འོད་
བཟང་བ། །མགྲིན་སྔོན་གྱི་ནི་སྟོན་པ་ལགས། །ཇི་ལྟར་འདུལ་བ་འདུལ་འགྱུར་བ། །དེ་བཞིན་ཆ་ལུགས་རབ་ཏུ་སྟོན། །ཤེས་རབ་རལ་གྲིས་འདེབས་པར་མཛད། །སྟོང་ཉིད་ཆོས་ནི་ལྷུར་འཛིན་པ། །བྱམས་པ་མཆོག་དང་ཐ་མ་
མཁྱེན། །རྣམ་པར་གྲགས་པ་གསན་པ་ངེས། །རིག་སྔགས་འཆང་བ་རྣམས་ཀྱིས་བསྟོད། །རིག་སྔགས་འཆང་བ་སྟོབས་པོ་ཆེ། །ཤིན་དུ་རྣམ་རྒྱལ་འཁོར་ལོས་བསྒྱུར། །འཇིགས་མེད་བློ་གྲོས་ཤེས་རབ་ཅན། །དེ་བཞིན་གཤེགས་
པ་ཆོས་འཛིན་པ། །མགུར་བཟངས་འདུལ་མཛད་ཞི་བ་སྟེ། །ཞི་བའི་ལམ་ནི་སྟོན་མཛད་པ། །ལྷ་དང་ལྷ་མིན་བཅས་པས་བཀུར། །སེམས་ཅན་ཐམས་ཅད་འཇིགས་མེད་མཛད། །སེམས་ཅན་ཀུན་ལ་རབ་སྟོན་པ། །
བརྟན་པོ་སེམས་ཅན་ཀུན་གྱི་མཆོག །སེམས་ཅན་རྣམས་ཀྱི་བློ་ལ་མཁས། །སྲེད་མེད་བུ་སྟེ་དྲག་ཤུལ་སྟོབས། །མེ་ཡི་འོད་དང་འདྲ་བ་སྟེ། །བྱིས་པ་སྐུ་མཆོག་མཆོག་སྦྱིན་པ། །རྩེད་མོ་རོལ་མོ་སྟོན་པར་མཛད། །ཕྱག་
རྒྱ་མཛད་པས་གསང་སྔགས་མཛད། །བདག་གིར་མི་འཛིན་རྡུལ་མེད་བརྟན། །མཁའ་འདྲ་དཔེ་མེད་སྨྲ་མཁས་པ། །བདུད་དཔུང་ངེས་པར་འཇོམས་པ་པོ། །མི་མཆོག་བརྩན་བ་བསྐྱོད་དུ་མེད། །དེ་བཞིན་ཐུབ་མེད་རྣམ་པར་རྒྱལ། །བརྟན་པོ་
སངས་རྒྱས་དེ་བཞིན་གཤེགས། །མྱ་ངན་མེད་ཅིང་གནས་པ་མེད། །འཇོམ་མེད་ཚིག་བཟང་ཆ་ལུགས་བཟང་། །དཔའ་བོ་དགྲ་རྣམས་རབ་འཇོམས་པ། །ཚན་ཆེན་ངེས་འཇོམས་རྣམ་འབྱོར་པ། །འདོད་པ་གནོད་པ་ཁྱབ་པར་གཤེགས། །མགོན་

98-1-150b

པོ་རྒྱལ་བའི་སྲས་ཀྱི་མཆོག །གཤིན་རྗེ་ཕམ་མཛད་སྐྱེ་དགུ་བསྲུང་། །ལས་དང་ཉོན་མོངས་རབ་བསྲེག་པ། །སྟོན་མཛད་ཉོན་མོངས་སེལ་བ་ལགས། །ལེགས་པ་ཁྱོད་ཀྱི་མཆོག་གི་མཚན། །བརྒྱ་རྩ་བརྒྱད་པ་རབ་གསལ་ཞིང་། །དད་པ་བསྐྱེད་པར་
བྱེད་པ་འདི། །ལྷ་མཆོག་རྣམས་ཀྱིས་རབ་ཏུ་བཤད། །བགེགས་ཆེན་དང་ནི་ལོག་འདྲེན་དང་། །གནོད་སྦྱིན་ལྷ་མིན་སྲིན་པོ་དང་། །མདངས་འཕྲོག་གཏུམ་པོ་རྒོད་རྣམས་ཀྱིས། །དེ་རིང་ལེགས་པར་བསྟོད་པར་གྱུར། །འཇམ་དཔལ་རྡོ་རྗེ་མཆོག་གིས་
རབ། །བསྒྱིངས་པས་བལྟས་པའང་བདེ་བར་གྱུར། །དེ་དག་ཀུན་ལ་བལྟས་ནས་ཀྱང་། །འདི་སྐད་དུ་ནི་ཚིག་སྨྲས་པ། །ཁྱེད་ཀུན་རྟག་ཏུ་བགེགས་མེད་ཅིང་། །ངེས་ལེགས་ཐར་པ་ཐོབ་གྱུར་ལ། །འཇིགས་མེད་བཀྲ་ཡང་ཤིས་པར་ཤོག །ང་ལ་འཇིགས་
པར་མ་སེམས་ཤིག །དེ་ནས་རབ་ཏུ་ཆེར་བཞད་ཅིང་། །འབྲུག་ཆེན་སྒྲ་ནི་སྒྲོགས་པ་ཡི། །དེ་བཞིན་གཤེགས་པ་ཞལ་གསལ་བས། །ཤར་ཕྱོགས་གཟིགས་ནས་བཀའ་སྩལ་པ། །ཀྱེ་མ་གསང་སྔགས་མཆོག་གི་ཡུལ། །སེམས་ཅན་
གཏི་མུག་བསལ་བའི་ཕྱིར། །སེམས་ཅན་རྣམས་ཀྱི་བསོད་ནམས་ཚོགས། །ཤིན་ཏུ་རྒྱས་པ་བྱུང་བར་གྱུར། །ཀྱེ་མ་བསོད་ནམས་ཆེར་བྱས་པའི། །སེམས་ཅན་རྣམས་ནི་རབ་སྦྱང་ཕྱིར། །དམ་པ་སྦྱིན་པའི་གྲུབ་པའི་གཟུངས། །
འཇམ་པའི་ཀློག་གིས་རབ་ཏུ་བཤད། །ལ་ལ་གང་ཞིག་མཉམ་བཞག་ནས། །སྡུག་བསྔལ་ཐམས་ཅད་སེལ་བ་ཡི། །གྲུབ་པའི་གཟུངས་འདི་འདོན་པ་འམ། །ཡང་ན་ཉན་ཏམ་སེམས་ཀྱང་རུང་། །དེ་ཡི་དོན་ཀུན་འགྲུབ་
འགྱུར་ཞིང་། །སྡུག་བསྔལ་ཀུན་ལས་ཐར་བར་འགྱུར། །སྡིག་པ་ཐམས་ཅད་རྣམ་དག་པ། །དེ་ཡིས་ངེས་པར་ཐོབ་པར་འགྱུར། །དེ་བཞིན་གཤེགས་པའི་ས་ཆེན་ཡང་། །རིང་པོར་མི་ཐོགས་དེ་ཡིས་
འཐོབ། །བྱང་ཆུབ་སེམས་དཔའ་རྣམས་ཀྱི་ས། །རབ་དགའ་ཤིན་ཏུ་དྲི་མ་མེད། །འོད་བྱེད་པ་དང་འོད་འཕྲོ་ཅན། །སྦྱང་དཀའ་དེ་བཞིན་མངོན་དུ་གྱུར། །རིང་དུ་སོང་དང་མི་གཡོ་བ། །ལེགས་པའི་བློ་གྲོས་

98-1-151a

ཆོས་ཀྱིས་སྤྲིན། །ས་ཆེན་དམ་པ་དེ་དག་ཀྱང་། །གང་ཞིག་ངེས་གནས་འདོད་པ་ཡི། །སེམས་ཅན་ཆེན་པོས་མི་ཐོགས་པར། །ཚེ་ཟད་ནས་ནི་ཐོབ་པར་འགྱུར། །སྡིག་པ་ཐམས་ཅད་རྣམ་དག་དང་། །སེམས་ཅན་ཀུན་
ལ་སྡུག་པ་དང་། །སྤྲོས་པ་ཐམས་ཅད་ཞི་བ་ཡི། །བྱང་ཆུབ་བླ་མེད་ཐོབ་པར་འགྱུར། །རིག་སྔགས་འཆང་ཀུན་བསྐྱེད་པ་དང་། །སྡིགས་པ་ཐམས་ཅད་ཞི་བྱེད་ཅིང་། །བཀྲ་ཤིས་མཆོག་ཏུ་དགེ་བ་ཡི། །མིང་བརྒྱ་ཙ་བརྒྱད་ཡིད་འོང་
འདི། །སོར་མོ་བཅུ་ཡི་ཐལ་སྦྱར་ནས། །འཇམ་པའི་དབྱངས་ཀྱིས་མདུན་འདུག་ལ། །ཤིན་ཏུ་དང་བའི་སེམས་ཀྱིས་སུ། །ནང་པར་ལངས་ནས་སུ་བརྗོད་པ། །དེ་ལ་རིག་སྔགས་འཆང་ཀུན་དང་། །དེ་བཞིན་ལྷའི་བདག་
པོ་རྣམས། །གནོད་སྦྱིན་སྲིན་པོ་མང་པོ་དག །རྟག་ཏུ་ཡང་ནི་བསྲུང་བར་བྱེད། །དེ་བཞིན་གཤེགས་པའི་སྲས་ཀུན་དང་། །དེ་བཞིན་གཤེགས་པ་ཉིད་རྣམས་དང་། །དེ་བཞིན་རྡོ་རྗེའི་མཚོན་འཆང་རྣམས། །དེ་ལ་ངེས་པར་
བསྲུང་བར་བྱེད། །དེ་ནས་སངས་རྒྱས་སྐུར་བཞུགས་ཤིང་། །མཉམ་པར་བཞག་པར་སྣང་བར་འགྱུར། །གནོད་སྦྱིན་ལྷའི་བདག་པོ་རྣམས། །བགེགས་དང་ལོག་འདྲེན་ཆེན་པོ་དག །དགའ་ཞིང་བསམ་པ་དམ་པ་ཡིས། །
རྒྱང་མ་དག་ནས་ཕྱག་ཀྱང་འཚལ། །དེ་ཕྱིར་བགེགས་རྣམས་དགའ་གྱུར་པས། །འཚེ་བར་བྱེད་ཀྱང་མི་ནུས་སོ། །ལན་གཅིག་ཀླགས་ན་ཚངས་ཆེན་དང་། །བསོད་ནམས་མཉམ་པ་ཐོབ་པར་འགྱུར། །
ཤེས་རབ་ཆེན་པོ་གང་ཞིག་གིས། །ཉིན་རེ་མཚན་མཆོག་བརྗོད་བྱས་ན། །དྲི་མ་མེད་ཅིང་རབ་དག་ལ། །རབ་ཏུ་འོད་གསལ་སྒྲ་སྙན་དང་། །སེམས་ཅན་ཐམས་ཅད་དགའ་བའི། །ཡིད་དུ་འོང་བའི་
གནས་ཀྱང་འཐོབ། །མཚུངས་པ་མེད་ཅིང་སྟོབས་བསྐྱེད་ལམ་མཆོག་འགྲོ་བ་དང་། །འོད་གསལ་དམ་ཚིག་ཅན་གྱི་ལྷ་རྣམས་ཀྱིས་བསྟོད་ཅིང་། །ཡིད་འཕྲོག་ལྷ་དང་ལྷ་མིན་ཚོགས་ཏེ་འདུན་པ་ཡི། །

98-1-151b

གཟུངས་འདི་རྒྱལ་བ་རྣམས་ཀྱི་ལེགས་པར་གསུངས་པ་ཡིན། འཕགས་པ་འཇམ་དཔལ་གྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་རྫོགས་སྷོ།། །། ༄། །རྒྱ་གར་སྐད་དུ། ཨརྱ་སརྦ་ནི་
བ་ར་ཎ་བི་སྐྃ་བྷི་ནཱི་ནཱ་མཱ་ཥྚོཏྟ་ར་ཤ་ཏ་ཀ་དྷཱ་རཱ་ཎཱི་མནྟྲ་ས་ཧི་ཏ།  བོད་སྐད་དུ། འཕགས་པ་སྒྲིབ་པ་ཐམས་ཅད་རྣམས་པར་སེལ་བའི་མཚན་བརྒྱ་རྩ་བརྒྱད་པ་གཟུང་སྔགས་དང་བཅས་པ། བྱང་ཆུབ་སེམས་དཔའ་
སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །ༀ་ཨ་མྲྀ་ཏ་བིན་ཏུ་ཛ་བ་མ་ཧཱ་སུ་ཀ་སྭཱ་ཧཱ། དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱིས་ཕྱག་
གཡས་པ་བརྐྱང་སྟེ་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་ཚིམ་པར་མཛད་ནས་བཀའ་སྩལ་པ། ཡོན་ཏན་རིན་པོ་ཆེའི་ཚོགས་ཅན་ཁྱོད་ཀྱི་གཟུང་སྔགས་འདི་ཕྱུང་
བས་སེམས་ཅན་རྣཾས་ཀྱི་བདེ་བ་ཆེན་པོ་བསྐྱེད་པ་ལེག་སོ་ལེགས་སོ། །ཀྱེ་རྒྱལ་བའི་སྲས་གང་ལ་ལ། གཟུང་སྔགས་འདི་ཐོས་པ་དེ་ནི་དེ་བཞིན་གཤེགས་པ་གང་གཱི་ཀླུང་བཅུའི་བྱེ་མ་སྙེད་ཀྱི་སྤྱན་སྔར་
དགེ་བའི་རྩ་བ་བསྐྱེད་པ་དང་ལྡན་པར་འགྱུར་རོ། །གང་ལ་ལའི་རྣ་ལམ་ཏུ་གྲགས་པར་གྱུར་པ་དེ་ཡང་སྒྲིབ་པ་དང་བྲལ་བར་འགྱུརོ། །སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ཟླ་བ་ཡར་གྱི་ངོ་ཚེས་བརྒྱད་དམ། ཚེས་བཅྭ་ལྔ་
ལ་སྨྱུང་བར་འདུག་ཅིང་གསོ་སྦྱོང་དང་ལྡན་པར་བྱས་ཏེ། སྤོས་དང་། བདུག་པ་དང་། མར་མེ་དང་། མེ་ཏོག་དང་། མེ་ཏོག་ཕྲིང་དང་། བྱུག་པ་སོགས་པས་མཆོད་ལ་བསྐོར་བ་བྱས་ནས་བཟླས་བརྗོད་བྱས་ན་དམ་པ་ཅི་འདོད་
པ་ཐོབ་པར་འགྱུར་ཏེ། སྡིག་པ་ཐམས་ཅད་དང་སྡུག་བསྔལ་བ་དང་། འཇིགས་པ་ཐམས་ཅད་ལས་ཐར་བར་འགྱུར་རོ། །བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་སྤོས་ལ་སོགས་པས་མཆོད་དེ་

98-1-152a

བཟླས་བརྗོད་བྱས་ན་རྨི་ལམ་དུ་སྟོན་པར་འགྱུར་ཏེ། བསམ་པ་ཐམས་ཅད་ཡོངས་སུ་རྫོགས་པར་བྱེད་ཅིང་། །ཉོན་མོངས་པ་དང་སྡུག་བསྔལ་བ་ཐམས་ཅད་སེལ་བར་བྱེད་དོ། །དེ་ནས་རྡོ་རྗེ་མེ་ཏོག་ཐོད་ཆེན་པོ་
ས་གསུམ་གྱི་དབང་ཕྱུག་དང་ཐབས་ཅིག་ཏུ་འཁོར་གྱི་དཀྱིལ་འཁོར་ཆེན་པོ་དེའི་ནང་ནས། སྟན་ལས་ལངས་ཏེ། བྱང་ཆུབ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་བཏུད་ནས་
མཚན་བརྒྱ་རྩ་བརྒྱད་ཀྱིས་མངོན་པར་སྟོད་པ། སེམས་ཅན་ཀུན་གྱི་གཙོ་བོ་ཆེ། །བྱང་ཆུབ་སེམས་དཔའི་ཚུལ་ཆེ་བ། །ཉོན་མོངས་དྲི་མ་ཀུན་ལས་འདས། །ཆོས་དབྱིངས་ཁྱོད་ལ་ཕྱག་འཚལ་ལོ། །སྒྲིབ་པ་ཀུན་ལས་ངེས་པར་
གྲོལ། །ཉོན་མོང་དྲི་མ་ཀུན་སེལ་ཅིང་། །ཉེས་པ་ཀུན་ལས་རྣམ་པར་གྲོལ། །སྐྱོན་བྲལ་ཁྱོད་ལ་ཕྱག་འཚལ་ལོ། །ལམ་སྲུང་ཅིག་སྤུའི་ཚུལ་སྟོན་ཅིང་། །ཐེག་པ་ཅིག་པུའི་ཚུལ་གཅིག་པ། །ཐེག་པ་ཆེན་པོའི་ཚུལ་བརྙེས་ཏེ། །
ཐེག་པ་དག་ཁྱོད་ལ་ཕྱག་འཚལ། །སྣང་བ་ཆེན་པོ་སྣང་བ་བསྙེས། །ཡོན་ཏན་དཀྱིལ་འཁོར་འཇིག་རྟེན་བདག །ཟླ་བ་བཞིན་དུ་འོད་དཀར་བ། །འཇིག་རྟེན་འདས་པ་ཁྱོད་ཕྱག་འཚལ། །ཐེག་པ་ཆེན་པོ་དག་པ་ཆེ། །སངས་
རྒྱས་ཐེག་པ་རྟོག་གྱུར་ཅིང་། །རྡོ་རྗེའི་དཀྱིལ་འཁོར་རྣམས་གྲགས་པ། །རྡོ་རྗེ་ཆེན་པོ་ཁྱོད་ཕྱག་འཚལ། །དཔའོ་བོ་ཆེན་པོ་བདུད་ལས་རྒྱལ། །དར་བ་ཆེན་པོ་ཉོན་མོངས་ཆོམས། །བགེགས་ཐུབ་གཤེན་རྗེ་ཐུབ་པ་སྟེ། །
རིན་ཆེན་དྲ་བ་ཁྱོད་ཕྱག་འཚལ། །ཟླ་བ་ཆེན་པོ་ཉི་མ་ཆེ། །ལྷུན་པོ་ཆེན་པོ་དབང་ཕྱུག་ཆེ། །ལྷ་ཆེན་མགོན་པོ་ཆེན་པོ་སྟེ། །འབྱོར་པ་ཆེན་པོ་ཁྱོད་ཕྱག་འཚལ། །སྒྲིབ་པ་ཐམས་ཅད་གཅོད་མཛད་ཅིང་། །སྒྲིབ་པ་ཐམས་ཅད་སེལ་
མཛད་པ། །ཀུན་མཁྱེན་ཡོན་ཏན་བདག་ཉིད་ཆེ། །རྣམ་སེལ་ཁྱོད་ལ་ཕྱག་འཚལ་ལོ། །སངས་རྒྱས་སྤྱོད་ཡུལ་ཞུགས་པ་སྟེ། །ཆོས་ཀྱི་སྤྱོད་ཡུལ་གཤེགས་པ་ལགས། །ཡེ་ཤེས་དབང་ཕྱུག་ཡེ་ཤེས་ཆེ། །སྲེད་བྲལ་ཁྱོད་

98-1-152b

ལ་ཕྱག་འཚལ་ལོ། །སྐུ་མཛེས་ཡོན་ཏན་སྙིང་པོ་མཁྱེན། །རྡོ་རྗེ་ཡི་ནི་དཀྱིལ་འཁོར་བརྒྱན། །སངས་རྒྱས་ལམ་སྟེ་དོན་ཡོད་ཆེ། །ཡེ་ཤེས་དག་པ་ཁྱོད་ཕྱག་འཚལ། །བསྟན་པ་གནས་པ་དབང་བདག་པོ། །བདེ་
མཛད་ཐུག་ཀྱང་ཞི་བ་སྟེ། །ཡངས་པ་དྲི་མེད་ཤེས་རབ་ཅན། །སྣང་བ་དག་པ་ཁྱོད་ཕྱག་འཚལ། །ཟབ་ཅིང་བརྟན་ལ་རྣམ་པར་གནོན། །ཞི་ལ་འཇིག་རྟེན་དག་པར་མཛད། །སྟོན་པ་སྐྱབས་འོས་སྲིད་གསུམ་ན། །དཔའ་བཙན་
ཁྱོད་ལ་ཕྱག་འཚལ་ལོ། །སྐལ་བ་ཆེན་པོ་ཉོན་མོངས་བཅོམ། །འཁོར་བའི་དཀྱིལ་འཁོར་འཇོམས་པ་སྟེ། །ཞི་བ་ཞི་མཛད་བདེ་འབྱུང་བ། །ཆུ་བོ་ཞི་མཛད་ཁྱོད་ཕྱག་འཚལ། །ཐར་པའི་རྒྱུ་སྟེ་ཆོས་ལུགས་ཆེ། །བདེ་འགྲོར་གནས་
པ་དྲི་མ་མེད། །རྣམ་དག་ཐུགས་མངའ་ཞི་བ་མཁྱེན། །ཉེས་སེལ་ཁྱོད་ལ་ཕྱག་འཚལ་ལོ། །རྩེ་མོ་ཡང་པར་རྣམ་པར་གྲགས། །སྔགས་ཆེན་མང་པོས་འདུལ་མཛད་པ། །སྙིང་པོ་ཆེན་པོ་དཀྱིལ་འཁོར་མཆོག །དཀྱིལ་འཁོར་
མཁྱེན་པ་ཁྱོད་ཕྱག་འཚལ། །སྡུག་བསྔལ་གསུམ་སེལ་གསུམ་གྱི་མཆོག །དཀོན་མཆོག་གསུམ་དང་སྤྱོད་ཡུལ་འདྲ། །རྣམ་གསུམ་མཁྱེན་པ་རྙེད་པའི་བདག །རྣམ་ཐར་གསུམ་ཁྱོད་ཕྱག་འཚལོ། །
བྱང་ཆུབ་སེམས་དཔའ་ཡོན་ཏན་གྱི། །འབྱོར་པ་བརྙེས་ཤིང་མཉམ་ཉིད་བརྙེས། །བསྐལ་པ་དག་ནི་གྲང་མེད་པར། །ཚོགས་ཆེན་བསགས་པ་ཁྱོད་ཕྱག་འཚལ། །ས་ལ་གནས་པ་ས་ཆེན་བརྙེས། །ས་ཡི་འབྲས་བུ་ཕུན་
སུམ་ཚོགས། །ཡང་དག་ས་འཛིན་ལས་བྱུང་བ། །ཡེ་ཤེས་ས་ཁྱོད་ཕྱག་འཚལ་ལོ། །ཏིང་ངེ་འཛིན་ལ་མངའ་བརྙེས་པ། །ཉེས་གསུཾ་སྤངས་ཞིང་སྡིག་པ་སེལ། །ཏིང་འཛིན་མཁྱེན་ཅིང་རྒྱ་ཆེ་བ། །མཉམ་པ་ཉིད་མཉམ་
ཁྱོད་ཕྱག་འཚལ། །མགོན་པོ་ཆེན་པོ་སྣང་བ་ཆེ། །སྡུག་བསྔལ་ཆེན་པོའི་དྲི་མ་སེལ། །ཞི་གྱུར་མ་ལུས་ཞི་མཛད་པ། །ཡོན་ཏན་ཕ་མཐའ་ཁྱོད་ཕྱག་འཚལ། །སངས་རྒྱས་ཀུན་མཚུངས་གསུང་ལྡན་པ། །ཆོས་ཀུན་ཞི་བ་

98-1-153a

ཕུན་སུམ་ཚོགས། །དཀོན་མཆོག་གསུམ་རིགས་དཔེ་མེད་པ། །རིན་ཆེན་མཐའ་ཡས་ཁྱོད་ཕྱག་འཚལ། །རྡོ་རྗེ་ཆེན་པོ་དྲི་མེད་མཆོག །རྡོ་རྗེའི་མཚོན་བསྣམས་སྡིག་མི་མངའ། །ནམ་མཁའ་མ་ལུས་ཡུལ་དང་
ལྡན། །ཡེ་ཤེས་སྤྱོད་ཡུལ་རྒྱ་མཚོ་མངའ། །དེ་བཞིན་གཤེག་དང་ཡུལ་གཅིག་པ། །སེལ་བ་པོ་སྟེ་དྲི་མ་སྦྱོང་། །ཤེས་རབ་ཆེན་པོ་རྒྱལ་བའི་སྲས། །སྲིད་བཅོད་ཁྱོད་ལ་ཕྱག་འཚལ་ལོ། །རྡོ་རྗེའི་དཀྱིལ་འཁོར་རྡོ་རྗེའི་མཆོག །
རྡོ་རྗེས་འདུལ་བ་རྡོ་རྗེ་འཆང་། །རྡོ་རྗེ་རྩལ་ཅན་རྣམས་ཀྱི་རྩལ། །རྡོ་རྗེ་སྣང་བ་ཁྱོད་ཕྱག་འཚལ། །རིན་ཆེན་ཆེན་པོ་རིན་ཆེན་བློ། །རིན་ཆེན་རྡོ་རྗེ་འོད་ཆེ་བ། །རིན་ཆེན་འོད་མཛེས་རིན་ཆེན་འབྱུང་། །རིན་ཆེན་བསྟན་པ་བསྲུང་མཛད་པ། །
སྟོང་པ་ཉིད་ཀྱི་ཡུལ་བརྙེས་པ། །ཡེ་ཤེས་སྟོང་པ་ཉིད་ཀྱིས་སྟོན། །སྟོང་ཉིད་ལོངས་སྤྱོད་ཡུལ་དང་ལྡན། །སྟོང་ཉིད་མཆོག་ཁྱོད་ཕྱག་འཚལ་ལོ། །ཤེས་རབ་མཚུངས་མེད་ཤེས་རབ་ཅན། །དགེ་བ་རྣམ་དག་ས་དང་བྲལ། །
ཆོས་གཅིག་ལས་བྱུང་སྣང་བ་པོ། །འཇིག་རྟེན་འདས་པའི་ཚུལ་ཆེན་ལགས། །འཇིག་རྟེན་སྣང་མཛད་སྨྲ་མཁས་པ། །འཇིག་རྟེན་ཆོས་ལས་རྣམ་པར་འདས། །འཇིག་རྟེན་མཁྱེན་པའི་ཡོན་ཏན་བརྙེས། །
བརྒྱན་པར་མཛད་པ་དཀྱིལ་འཁོར་དག །ཉེས་པ་མ་ལུས་བསལ་བ་ཏེ། །ཕལ་ཆེན་སྐྱེ་བོ་ཀུན་ལ་ཕན། །ས་འཛིན་རྣམ་པར་གྲགས་པ་པོ། །ཀུན་མཁྱེན་ཁྱོད་ལ་ཕྱག་འཚལ་ལོ། །དགའ་མཁྱེན་དགའ་ལ་ལོངས་སྤྱོད་
པ། །དགའ་བའི་རིག་མཆོག་རྣམས་ཀྱི་མཆོག །དགའ་བར་མཛད་པའི་རྟོག་པ་ཅན། །དགའ་ལ་སྣང་བ་ཁྱོད་ཕྱག་འཚལ། །སྒེག་ཆེན་འཇམ་ཞིང་དགོངས་པར་ལྡན། །རྣམ་པར་བསྒེག་ལ་སྤྱོད་པ་བརྟན། །
རྡོ་རྗེའི་རིག་པ་བསྒེག་པའི་མཆོག །སྒེག་ཆེན་ཁྱོད་ལ་ཕྱག་འཚལ་ལོ། །སངས་རྒྱས་བྱང་ཆུབ་སེམས་དཔའི་མཆོག །རྡོ་རྗེ་མཆོག་གི་དཀྱིལ་འཁོར་ཆེ། །ཐེག་པ་ཆེན་པོའི་ཚུལ་ལ་གནས། །

98-1-153b

བླ་མེད་མཆོག་ཁྱོད་ཕྱག་འཚལ་ལོ། །དཔའ་བོ་བྱང་ཆུབ་སེམས་དཔའི་མཆོག །སྒྲིབ་པ་ཐམས་ཅད་སེལ་མཛད་ལ། །རྡོ་རྗེའི་དཀྱིལ་འཁོར་འཁོར་རྣམས་ཀྱི་ནི། །མིང་བརྒྱ་རྩ་བརྒྱད་ཀྱིས་བསྟོད་ནས། །རྡོ་རྗེའི་
བསྟན་པ་རྣམ་གྲགས་པ། །བཅོམ་ལྡན་རྡོ་རྗེ་ཅན་གྱིས་གསུངས། །ཀྱེ་མ་འབྱོར་ཆེན་སྣང་བ་ཡི། །དཀྱིལ་འཁོར་རྒྱལ་བས་དཀྱིལ་འཁོར་པ། །གང་ཞིག་མི་བརྒྱ་རྩ་བརྒྱད་པ། །འདི་དག་སོ་སོར་བརྗོད་བྱེད་ན་
ན། །ང་ནི་ཉེས་པ་ཀུན་བཟློག་ཅིང་། །རྟག་ཏུ་དེའི་ཕྱི་བཞིད་འབྲང་། །ནང་པར་ལངས་ནས་གཙང་མ་ཡིས། །སྒྲིབ་པ་ཐམས་ཅད་སེལ་བ་ལ། །བློ་ལྡན་གང་ཞིག་བསྟོད་བྱེད་པ། །དེའི་སྡིག་པ་མེད་པར་
འགྱུར། །གང་ཞིག་མི་བརྒྱ་རྩ་བརྒྱད་མཆོག །ནང་པར་ལངས་ནས་བརྗོད་བྱེད་པ། །སྡང་བ་ཐམས་ཅད་དེ་དབང་འགྱུར། །གགེགས་རྣཾས་ཀྱིས་ཀྱང་ཡོངས་སུ་བཏང་། །སྡིག་པ་དག་པ་འཐོབ་པ་དང་། །
དེ་བཞིན་བསོད་ནམས་འཕེལ་བ་དང་། །ཡེ་ཤེས་རྒྱ་མཚོ་ལོངས་སྤྱོད་ཅིང་། །ས་མཆོག་ཆེན་པོ་ཐོབ་པར་འགྱུར། །གང་ཞིག་ངེས་པར་གནས་བྱས་ལ། །མིང་རྒྱ་རྩ་བརྒྱད་མཆོག་འདོན་པ། །དེས་ནི་འབྱོར་ཆེན་སངས་
རྒྱས་ས། །རིང་པོར་མི་ཐོག་ཐོབ་པར་འགྱུར། །རྒྱུད་ཆེན་ལྡན་ཞིང་བློ་ཆེ་བ། །གང་ཞིག་མིང་མཆོག་འདོན་པ་ནི། །རྡོ་རྗེའི་དཀྱིལ་འཁོར་བསྟན་པ་ལ། །རིང་པོར་མི་ཐོགས་འཇུག་པར་འགྱུར། །བྱང་ཆུབ་སེམས་
དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བའི་མཚན་རྒྱ་རྩ་བརྒྱད་པ་གཟུང་སྔགས་དང་བཅས་པ་རྫོགས་སྷོ།། །། ༄། །རྒྱ་གར་སྐད་དུ།  ཨཱརྱ་ཀྵ་ཏི་གརྦྷེ་ཨཥྚོཏྟ་ར་ཤ་ཏུ་ཀ་ནཱ་མ་དྷཱ་ར་ཎི་མནྟྲ་ས་ཧི་ཏ།   
བོད་སྐད་དུ།  འཕགས་པ་སའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། དཀྱིལ་འཁོར་གྱི་རྒྱལ་པོ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་ཕྱག་

98-1-154a

འཚལ་ལོ། །ཨོཾ་སུམ་བྷ་ནི་སུམ་བྷ། ཧ་ར་ཙ་ར། མ་ཧཱ་པཱ་ཤ་མ་རུ་ཏཱ། ཨ་མོ་གྷ་བཛྲ་སཏྭ་སྭཱ་ཧཱ། དེ་ནས་ཡོན་ཏན་སྦྱིན་པའི། །གཟུང་འདི་བཤད་མ་ཐག་ཏུ་ཡང་། །རྡོ་རྗེའི་དཀྱིལ་འཁོར་དམ་པ་ནི། །
ཏི་སེའི་གང་བཅས་གཡོས་པར་གྱུར། །སའི་སྙིང་པོ་ཚོགས་དབང་དབང་ལ། །བཅོམ་ལྡན་རྡོ་རྗེ་ཅན་གྱིས་སྨྲས། །བསྐལ་ལྡན་ཆེན་པོ་ལེགས་སོ་ལེགས། །ས་སྟེང་ཁྱོད་ཀྱིས་ཡངས་པར་བྱས། །ཁྱོད་ཀྱི་གཟུངས་ནི་རྣཾ་གྲགས་ཤིང་། །
ཡོན་ཏན་དཔག་མེད་ཚོགས་བསྐྱེད་པ། །སེམས་ཅན་ཀུན་གྱི་སྡུག་བསྔལ་དང་། །ཉེས་པ་ཟློག་བྱེད་ཐོས་པ་ནི། །འཁོར་བར་རབ་ཏུ་རྒྱུ་བ་ན། །ཉེས་པ་ཀུན་གྱིས་མི་གོས་ཏེ། །ཇི་ལྟར་འདམ་གྱི་པད་མ་དག །
འདམ་གྱི་ཉེས་པས་མི་གོས་བཞིན། །ལུས་ཅན་དག་ལས་སུ་ཡང་རུང་། །ཁྱོད་ཀྱི་གསང་སྔགས་འཆང་བྱེད་པ། །དེ་དག་ལས་ནི་གཅིག་ཙམ་ཡང་། །བྱང་ཆུབ་ལས་ནི་ལྡོག་མི་འགྱུར། །མཁས་པ་གང་ཞིག་གཟུངས་
སྔགས་མཆོག །ཐོས་ནས་མོས་པར་བྱེད་པ་ནི། །ངེས་པར་ཡོན་ཏན་ཐམས་ཅད་ཀྱང་། །ཐོབ་པར་འགྱུར་ཏེ་ཐེ་ཚོམ་མེད། །དེ་ནས་ཐམས་ཅད་ལྡན་པའི་འཁོར། །ལངས་ཏེ་སའི་དབང་ཕྱུག་པོ། །སའི་སྙིང་པོ་
ས་མཆོག་ལ། །མིང་བརྒྱ་རྩ་བརྒྱད་སྨྲས་པ་ནི། །སའི་སྙིང་པོ་གཙོ་བོ་ཆེ། །གློག་འགྱུ་ལྟ་བུའི་སྤྱན་མངའ་བ། །ཅོད་པན་ཅན་ཏེ་ས་བསྙེས་པ། །ཕུན་སུམ་ཚོགས་ལྡན་འབྱོར་པ་མཆོག །རིག་ལྡན་རིག་མཛད་
མཆོད་པའི་གནས། །གཙོ་བོ་དགེ་སྦྱོང་སྟོན་པ་པོ། །གཞི་བཅས་ལྡན་པའི་རླུང་གི་ཚུལ། །སྭཱ་ཧཱའི་བློ་ལྡན་སྙིང་རྗེའི་རབ། །ཐམས་ཅད་མཁྱེན་པའི་ཉི་མའི་མཆོག །སྙིང་པོ་སྙིང་པོ་མཁྱེན་པར་གྲགས། །གསང་
སྔགས་རོལ་ཅིང་རྒྱ་ཆེར་རོལ། །སའི་དབང་ཕྱུག་གར་ཐབས་ཅན། །སྒེག་པོ་ཞལ་བཟང་གར་མཁན་ལྡན། །འབྲས་བུ་མངོན་སུམ་སྟོན་པ་པོ། །རབ་འབྱོར་བློ་གྲོས་སྙིང་པོ་མཁྱེན། །སྙིང་པོ་བརྙེས་པ་འཇིག་པ་

98-1-154b

མེད། །མགོན་པོ་སངས་རྒྱས་གཟུགས་མངའ་བ། །ཤེས་རབ་ཀྱི་ནི་མ་ལུས་གཟིགས། །འདོད་ཆགས་ལ་སོགས་སྐྱོན་བསལ་ཅིང་། །གར་ཐབས་ཆེན་པོ་སྟོན་པ་པོ། །སྟོན་པ་དཔག་བསམ་ཤིང་དང་འདྲ། །ནམ་མཁའི་དབང་ཕྱུག་
གསུང་སྙན་པ། །ཉི་མ་ཆེན་པོ་ཉིད་ཡིན་ཏེ། །དབང་ཕྱུག་ཆེན་པོ་འབར་བས་བསྐོར། །ཡོན་ཏན་མཐའ་ཡས་ལོངས་སྤྱོད་པ། །སའི་དབང་ཕྱུག་སྤྱོད་ཡུལ་ཅན། །ཆོས་ཀྱི་ལོངས་སྤྱོད་ལོངས་སྤྱོད་ཆེ། །ཡོན་ཏན་རྒྱ་མཚོའི་གངས་ཆེན་
མཚོ། །ཡོན་ཏན་སྣ་ཚོགས་ལོངས་སྤྱོད་པ། །དེ་བཞིན་གཤེགས་པའི་རིག་ཀྱི་མཆོག །ཐབས་ཚུལ་ཟབ་ལ་མཁས་པ་སྟེ། །ཐེག་པ་ཆེན་པོ་འཇིགས་པ་མེད། །མཆོད་པ་ཆེན་པོ་སྒྲ་ཆེ་བ། །ཟླ་ལྟར་གྲགས་པའི་དཀྱིལ་འཁོར་ཅན། །
རྡོ་རྗེ་འཆང་ཆེན་མཚན་རྒྱ་པ། །རྡོ་རྗེ་དཀྱིལ་འཁོར་མེ་ཏོག་ཐོད། །བློ་གྲོས་ཆེན་པོ་ཕྱག་རིང་བ། །པད་མ་ཆེན་པོ་སྟོབས་པོ་ཆེ། །གསང་སྔགས་ཆེན་པོ་ཚོགས་ཆེན་པོ། །ས་བཞི་ཆེན་པོ་ལྷུན་པོ་ལགས། །ལགས་ན་རྡོ་རྗེ་ཡོན་ཏན་ངེས། །ནོར་བུའི་མེ་
ཏོག་ཐོད་གྱིས་བརྒྱན། །མཉམ་ཉིད་འབྱམ་ལ་ལོངས་སྤྱོད་པ། །རྒྱ་ཆེན་ཞིང་གི་རྒྱ་མཚོ་ཅན། །རྡོ་རྗེའི་འོད་མངའ་རྡོ་རྗེ་ལྡན། །སའི་བདག་པོ་ལྷུན་པོ་བཞིན། །ས་ལ་ལོངས་སྐྱོད་ལོངས་སྤྱོད་བཟང་། །མཚོན་ཆ་གཡོ་བ་ཕུན་སུཾ་ཚོགས། །རབ་འབྱམས་སྣོད་ནི་
རྣམ་པར་གྲགས། །སྨྲ་མཁས་རྡོ་རྗེ་རབ་འཇོམས་པ། །སྤྱན་རྩ་ཡིད་ཙམ་དམར་བ་སྟེ། །མེ་ཏོག་སྔོན་པོའི་ཐོད་ཀྱིས་ཅིངས། །སྤྲོ་བ་ཆེན་པོ་ཕྱག་རིང་བ། །བརྟན་པོ་བརྟན་ལ་བདེ་སྦྱིན་པ། །དེད་དཔོན་དཔལ་བཟང་ཆེན་པོ་སྟེ། །གང་ཅན་ལྷུན་པོ་ལྟ་བུ་ལགས། །
དབང་པོ་གཤིན་རྗེ་རྒྱལ་ཆེན་དང་། །བཙན་པོ་ཁྱབ་འཇུག་སྟོབས་དབང་ཕྱུག །འཇིག་རྟེན་མཆོག་རིགས་སངས་རྒྱས་ཚངས། །དེ་བཞིན་ཉིད་ཚུལ་སྤྱོད་ཡུལ་ཅན། །རྀན་ཆེན་རྟོག་སྟེ་ཆེར་བཞད་པ། །དགྱེས་པ་ན་བཟའ་སྣ་ཚོགས་གསོལ། །གཟིགས་
པ་རིང་པ་སྤྱན་ཡངས་པ། །ནཾ་མཁའ་བཞིན་དུ་ཐོག་པ་མེད། །ཐོགས་པ་མི་དཔོགས་རིན་ཆེན་གཙུག །སྲིད་གསུམ་འདོད་པ་མེད་པའི་རྒྱུ། །དུལ་བ་ཉོན་མོངས་མ་དྲི་མ་བསལ། །དག་པ་གཙང་བ་གསོ་སྦྱོང་ཅན། །རྣཾ་པར་གནོན་པའི་

98-1-155a

གཡུལ་ལས་འདས། །ལྗང་མདོག་སྐྱབས་མཛད་སྙིང་རྗེ་ཆེ། །སྟོབས་ཀྱིས་གྲགས་པ་རྒྱ་ཆེ་བ། །བསམས་ན་ཤེས་པའི་སྤྱོད་ཡུལ་ཅན། །དཔའ་བོ་སེང་གེ་འཇིག་པར་བྱེད། །སྡང་བ་རྣམ་ཀྱི་སྙིང་འཇོམས་པ། །མངའ་བདག་
གྲགས་པ་ཡུལ་དང་ལྡན། །དགའ་བ་བརྒྱ་ཆེན་རབ་འབྱུང་བ། །རིག་མཁྱེན་རིག་ཀྱིས་སྙིང་པོ་མཁྱེན། །རིག་ཀུན་དུ་ནི་མཆོད་པ་ལགས། །རྒྱལ་པོ་རིགས་མཆོག་སྐྱེས་པའི་རྟེན། །རྡོ་རྗེ་ཡི་ནི་དཀྱིལ་འཁོར་བརྒྱན། །
རྡོ་རྗེ་ས་འོག་རབ་གྲག་པ། །རིག་སྔགས་འཆང་བ་སྟོབ་པོ་ཆེ། །མངོན་པར་འཕགས་པ་ཁྱབ་པ་མཆོག །མགྲིན་བཟངས་ནད་དང་བྲལ་བ་ལགས། །སྐྱོང་མཛད་སྟོན་པ་དག་པ་ཏེ། །སངས་རྒྱས་ལམ་ནི་རབ་སྟོན་པ། །གྲོལ་
བ་སྨིན་མཛད་འདུད་པར་མཛད། །དཀྱིལ་འཁོར་མ་ལུས་རྣཾས་ཀྱི་བརྒྱན། །རབ་ཞུགས་དཀྱིལ་འཁོར་རྣཾ་ལ་མཁས། །རྡོ་རྗེའི་སློབ་དཔོན་ཡོན་རྟན་རྟེན། །གྲུབ་པ་སྦྱིན་པ་རྣཾ་དག་མཆོག །ཚུལ་དང་ཚུལ་མིན་རྟོགས་པ་པོ། །དཀྱིལ་འཁོར་ཙ་སེར་
མངའ་བ་སྟེ། །འོད་ཟེར་ལྗང་གུའི་འོད་དང་ལྡན། །སེར་ལ་ན་བཟའ་སེར་པོ་མནབས། །དཀྱིལ་འཁོར་མ་ལུས་ཀུན་གྱི་རྒྱན། །སྤྱན་ཙ་དམར་བ་ཟླ་བའི་དཔལ། །ནོར་བུ་སྣ་ཚོགས་འོད་འབྱུང་བ། །རྡོ་རྗེ་བརྒྱའི་སྟོབ་ཀྱི་སྤྲོ། །མཉཾ་ཉིད་
མཉམ་པ་དྲྀ་མ་མེད། །སྐུ་ཡང་དག་ཅིང་ན་བཟའ་དག །དག་པ་མཁྱེན་ཅིང་དག་པར་ལྡན། །དག་པའི་ཆོས་མངའ་སྣང་བ་ཏེ། །འབྱུང་ལྡན་སྲིད་པ་སེལ་མཛད་པ། །འཁོར་བ་ཟད་མཛད་ཤེས་རབ་ཅན། །ཚུལ་ཤེས་ཚུལ་ལ་སྤྱོད་ཡུལ་བ། །རྡོ་རྗེ་རྒྱ་མཚོའི་
སྙིང་པོ་ལགས། །རྡོ་རྗེ་སེམས་དཔའ་དགེ་བ་ཆེ། །འབྱུང་ལྡན་རབ་འབྱཾས་ཤེས་རབ་ཅན། །མ་ལུས་གྲགས་པའི་འོད་བཟང་བ། །སའི་སྙིང་པོ་སྙིང་པོ་ཆེ། །རྡོ་རྗེའི་སྙིང་པོ་རྣམ་པར་འདྲེན། །དཔག་ཏུ་མེད་པ་དཔག་མེད་རྫོགས། །ཁྱད་པར་
འཕགས་པའི་ཡུལ་ལ་གནས། །ཟབ་ཅིང་གསལ་བའི་གཙོ་བོ་ཏེ། །ཟླ་བའི་དཀྱིལ་འཁོར་འོད་ཟེར་བསིལ། །དགའ་དང་དང་བ་བསྐྱེད་པ་སྟེ། །ཡེ་ཤེས་རྒྱ་ཆེན་སྤྱོད་ཡུལ་བ། །རླུང་གིས་དྲག་ཤུལ་ལྟ་བུར་དྲག །དྲག་པོ་ལགས་

98-1-155b

ཏེ་དྲག་བསེལ་གཙང་། །རྒྱལ་བར་བྱེད་ཅིང་རྒྱལ་བ་ཞི། །རྒྱལ་བའི་དཔལ་མཛད་དགའ་བར་མཛད། །ལྷུན་པོ་ཏི་སེ་མ་ལ་ཡས། །སྤྱོད་ཡུལ་ཟབ་མོ་ནོན་པ་སྟེ། །རིན་ཆེན་རྡོ་རྗེ་སྙིང་པོ་ཆེ། །ས་བཞིའི་སྤྱོད་ཡུལ་མངའ་བ་ལགས། །རིན་ཆེན་
བྲག་ལས་བྱུང་བའི་འོད། །རྡོ་རྗེའི་དཀྱིལ་འཁོར་དག་གིས་བརྒྱན། །དེ་བཞིན་གཤེགས་ལ་ལྷུར་དགྱེས་པ། །ཤུགས་དྲག་དཔལ་གྱི་གཞི་རྟེན་ལགས། །རབ་གསལ་དཔལ་མཛད་གཙང་མ་སྟེ། །ཕྱོགས་བཅུའི་དབང་ཕྱུག་དབང་
ཕྱུག་ཆེ། །དེ་ལྟར་རྡོ་རྗེ་འཆང་ཆེན་ལ། །མི་བརྒྱ་ཙ་བརྒྱད་མཆོག་རྣམས་ཀྱིས། །རྡོ་རྗེ་སེམས་དཔའ་སྟོད་ནས་ནི། །རྡོ་རྗེའི་ས་གསུམ་དབང་མཆོག་སྨྲས། །ཡོན་ཏན་སྙིང་པོ་ཤེས་རྣམས་ཀྱིས། །མིང་བརྒྱ་རྩ་བརྒྱད་མཆོག་བརྗོད་ཅིང་། །
ཉེས་པ་ཟློག་པ་འདི་ལས་བཞན། །ས་ཡི་སྟིང་ན་ངེས་མ་མཐོང་། །མིང་རྒྱ་རྩ་བརྒྱད་དམ་པ་འདི། །ཐམས་ཅད་འགྲུབ་བྱེད་དགའ་བ་སྟེ། །སྡིག་པ་ཐམས་ཅད་སེལ་བ་དང་། །དྲི་མ་ཀུན་བྲལ་ཡོན་ཏན་ངེས། །དེ་ཕྱིར་སྒྲིམ་པ་ཐམས་ཅད་ཀྱིས། །ཕུན་
ཕ་སུཾ་ཚོགས་པ་འདོད་པའི་མིས། །མིང་བརྒྱ་རྩ་བརྒྱད་དགེ་བ་འདི། །རྟག་ཏུ་ཡང་ནི་བརྗོད་པར་གྱིས། །མིང་རྒྱ་རྩ་བརྒྱད་དམ་པ་འདི། །བསམ་པ་ཀུན་དང་འབྱོར་པ་ཡི། །གནས་མཆོག་བླ་ན་མེད་པ་སྟེ། །དཔལ་ཡོན་
རྒྱ་ཆེན་སྦྱིན་པ་ཡིན། །ཡིད་ནི་ཤིན་དུ་དང་བ་ཡིས། །ས་ཡི་སྙིང་པོའི་མཚན་གསལ་བ། །འདོད་པ་ཐམས་ཅད་རབ་བསྒྲུབ་པའི། །ཡོན་ཏན་མཆོག་ནི་གང་བརྗོད་དང་། །དཔལ་ཡོན་རྒྱ་ཆེན་འཛིན་པ་ཡི། །མིང་
བརྒྱ་རྩ་བརྒྱད་དམ་པ་འདི། །མི་ནི་གང་ཞིག་བརྗོད་བྱེད་པ། །སྡུག་བསྔལ་ཀུན་ལས་མྱུར་ཏུ་འགྲོལ། །འཕགས་པ་སའི་སྙིང་པོའི་མཚན་རྒྱ་རྩ་བརྒྱད་པ་གཟུངས་སྔགས་དང་བཅས་
པ་རྫོགས་སྷོ།། །། སངས་རྒྱས་འཁོར་བརྒྱད་དང་བཅས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། རྫོགས་སྷོ།།  །།རྒྱ་གར་སྐད་དུ།  ཨཱརྱཱ་བ་ལོ་ཀི་ཏེ་ཤྭ་ར་སྱ་ནཱ་མ་ཨཥྚ་ཤ་ཏ་ཀ །

98-1-156a

 བོད་སྐད་དུ། ། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་
ན། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་གནས། རི་གྲུ་འཛིན་གྱི་རྩེ་མོ་མེ་ཏོག་དྲི་ཞིམ་པོ་སྣ་ཚོགས་བཀྲམ་པ། འཛམ་བུ་ཆུ་བོའི་གསེར་ཁ་དོག་བཟང་པོ་ལྟར་སྣང་བ། རིན་པོ་ཆེ་སྣ་ཚོགས་
སྣ་བའི་ས་ཕྱོགས་ན་བཞུགས་ཏེ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་གིས། 
བཅོམ་ལྡན་འདས་ལ་སྟི་སྟང་དུ་བྱས། བླ་མར་བྱས། རི་མོར་བྱས་ཏེ། མཆོད་ཅིང་རྗེད་ནས། ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏེ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་
དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་བྱང་བ་ཡང་དག་པར་རབ་ཏུ་སྟོན་ཏོ། །དེ་ནས་ཚངས་པ་ལ་སོགས་པས་འཕགས་པ་སྤྱན་རས་གཟིགས་དབང་ཕྱུག་ལ་
བསྟོད་པ། ཀྱེ་བཅོམ་ལྡན་འདས། དགོངས་པ་མཛད་པ། མཛད་རྒྱུ་མཛད་པ། ཁུར་བོར་བ། བདག་གི་དོན་རྗེས་སུ་བརྙེས་པ། སྲིད་པར་ཀུན་དུ་སྦྱོར་བ་ཡོངས་སུ་བས་བ། ཡང་དག་པའི་མཁྱེན་པས། 
ཐུགས་ཤིན་དུ་རྣམ་པར་གྲོལ་བ། ཅང་མཁྱེན་པ། གླང་པོ་ཆེ་ཆེན་པོ་དང་། སེམས་ཅན་ཐམས་ཅད་ཀྱི་དབང་དམ་པའི་ཕ་རོལ་དུ་བྱོན་པ། ཡེ་ཤེས་ཀྱི་ཚོགས་ཡོངས་སུ་རྫོགས་པ། སྲིད་པའི་དགོན་པ་ལས་རྒལ་
བ། བཞན་ལ་སྨན་པ། ཐུགས་རྗེ་དང་འབྲེལ་བའི་ཐུགས་མངའ་བ། སྐྱེ་དགུ་ལ་མཆོག་ཏུ་མཉེས་གཤིན་པ། བདེ་བ་རབ་ཏུ་སྩོལ་བར་མཛད་པ། བྱམས་པས་ཞུགས་པ། སེམས་ཅན་མཐའ་ཡས་པ་སྒྲོལ་བ་ལ་མཁས་

98-1-156b

པ། བདེ་བར་གཤེགས་པའི་སྲས་པོ། སྲིད་པ་གསུམ་གྱི་རྩ་ལག་གཅིག་པུ། འདོད་ཆགས་མི་མངའ་བ། ཞེ་སྡང་མི་མངའ་བ། གཏི་མུག་མི་མངའ་བ། དྲི་མ་གསུམ་སྤངས་པ། རིག་པ་གསུམ་གྱི་ཕ་རོལ་དུ་གཤེགས་
པ། མངོན་པར་ཤེས་པ་དྲུག་བརྙེས་པ། ཤིང་ནྱ་གྲོ་དྷ་ལྟར་ཆུ་ཞིང་གབ་པ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་མངའ་བ། དཔེ་བྱད་བཟང་པོ་བརྒྱད་བཅུས་བརྒྱན་པ། ལྤགས་པ་སྲབ་ཅིང་མདོག་སེར་བ། སྐུ་རིང་རྒྱུ་
བཟང་ཞིང་དཀར་བ། སྐུ་ཤིང་གི་མེ་ཏོག་སར་པ་དང་། དམར་རིང་ལྟ་བུའི་དབུ་ཐོར་ཚུགས་མངའ་བ། ལྕང་ལོ་འཁྱིལ་བ་མང་པོས་དབུ་ཁེབས་པ། འོད་དཔག་མེད་ཀྱིས་འོད་ཟེར་བཏང་བ། འབར་བའི་འོད་འདོམ་གང་གིས་
གསེར་གྱི་རི་བོ་ལྟར་སྙན་པར་གྲགས་པ། གཟི་བརྗིད་རྒྱ་ཆེ་བ། གཟུགས་འཆར་ཀའི་རི་ལྟ་བུ་གཙུག་ཏོར་མངའ་བ། ནོར་བུ་རབ་ཏུ་འབར་བ། མཆོད་ཕྱིར་ཐོགས་སྐུ་ལ་སེ་རལ་དུ་ཐོགས་པ། ས་རབ་ཏུ་རྣམ་པར་འབྱེད་
པ། ཕ་རོལ་དུ་ཕྱིན་པ་བཅུའི་ཞབས་དང་ལྡན་པ། ཚུལ་ཁྲིམས་མ་ཉམས་པ། ཚུལ་ཁྲིམས་མ་ཞིག་པ། སེང་གེ་ལྟར་ཐོང་ཀ་ཕེལ་ཀ་ཆེ་བ། སྐུ་འཇམ་ཞིང་མཛེས་པ། གཟིགས་པ་དང་གཤེགས་ཐབས་ཁྱུ་ཆོག་
གི་དཔང་པོ་འདྲ་བ། མཁུར་བ་གཡས་སུ་འཁྱིལ་པ། དཔྲལ་བ་ཆེ་ཞིང་ཟླ་བ་ཁམ་པ་འདྲ་ལ་ཐིག་ལེ་མངའ་བ། ཕྱག་པུས་མོ་སླེབས་པ། སྨིན་མ་བར་མ་ཆད་པ། ཤངས་མཐོ་བ། མགུར་བུམ་པའི་མགྲིན་པ་འདྲ་
བ། ཕྱག་སོར་མོ་དང་ཚིགས་རིང་བ། སེན་མོ་འཇམ་ཞིང་ཟངས་ཀྱི་མདོག་དང་འདྲ་བ། ཕྱག་དྲ་བས་འབྲེལ་པ། ཕྱག་དང་ཞབས་ཀྱི་མཐིལ་འཁོར་ལོས་བརྒྱན་པ། སྟོན་ཀའི་པད་མ་འདྲ་བ། སྐུ་འཇམ་ཞིང་རྒྱལ་
པ། ཚངས་པ་ལྟར་དབྱངས་ཟབ་པ། ཡིད་ཏུ་མཆི་བ་སྡུག་པ། བལྟ་ན་སྡུག་པ། ཉམས་དགའ་བར་བགྱིད་པ། འོད་པད་མ་འདྲ་བ། པད་མ་ལས་འཁྲུངས་པ། པད་མ་ལས་བྱུང་བ། པད་མའི་

98-1-157a

གདན་ལ་བཞུགས་པ། ཕྱག་ན་པད་མ་མངའ་བ། ཕྱག་ན་རིལ་བ་སྤྱིའུ་བླུགས་བསྣམས་པ། རི་དགས་ནགས་པོའི་ལྤགས་པ་མནབས་པ། ཕྱག་མཁར་བསྣམས་པ། བགྲང་བའི་ནོར་བུ་བསྣམས་པ། གཅུང་བསྩངས་
པ། གསོང་པོར་གསུང་བ། བདུད་རྩིའི་ཆར་འབེབས་པ། ཡིད་བཞིན་གྱི་ནོར་བུ་ལྟ་བུ། བལྟ་ན་སྡུག་པའི་ཤིང་འདྲ་བ། སེམས་ཅན་ཐམས་ཅད་མོས་པར་མཛད་པ། དགའ་བར་མཛད་པ། སེམས་ཅན་ཐམས་ཅད་ཉེ་བར་མཚོ་བ། 
སངས་རྒྱས་ཀྱི་སྤྲུལ་པ། བདེ་བར་གཤེགས་པའི་ཆ་བྱད་མངའ་བ། བདེ་བར་གཤེགས་པའི་རིང་བསྲེལ་འཛིན་པ། སྤུ་རེ་རེ་སྐྱེས་པ། སེམས་ཅན་གྱི་སྙིང་པོ། བསོད་ནམས་མཛད་པ། དགེ་བ་མཛད་པ། ངེས་པར་མཛད་པ། 
བརྩོན་འགྲུས་འབར་བ། འཁོར་བ་ལས་ཤིན་དུ་གནས་པ། དམ་པའི་ཆོས་ལ་རྒྱལ་ཚབ་ཏུ་དབང་བསྐུར་བ། སྒྲོལ་མ་ཞབས་དྲུང་ན་གནས་པ། ཁྲོ་གཉེར་ཅན་བཀའ་བཞིན་བགྱིད་པ། རྒྱལ་བ་དང་ལྡན་པ། ཚུལ་དང་ལྡན་པ། དྲན་
པ་དང་ལྡན་པ། མཐུ་རྩལ་ཆེ་བ། ཡོན་ཏན་དང་ལྡན་པ། བྱམས་པ་དང་ལྡན་པ། ཞི་བ་དང་ལྡན་པ། ཚུལ་ཁྲིམས་དང་ལྡན་པ། སྐལ་པ་དང་ལྡན་པ། དོན་དང་ལྡན་པ། དོན་རྣམས་ཐུགསུ་ཆུད་པ། ཐེ་རྩོམ་རྣམས་གཅོད་པ། ཆོས་
རྣམས་གསུང་བ། འཇིག་རྟེན་རྣམས་ཀྱི་སྟོན་པ། ཞལ་གྱི་དཀྱིལ་འཁོར་ཡོངས་སུ་རྒྱས་པ། སྐུ་རྐེད་པའི་ཕྱོགས་རིན་པོ་ཆེ་ཐམས་ཅད་ཀྱིས་སྤྲས་པ། གསེར་གྱི་མཆོད་སྡོང་ལྟ་བུ། སྐུ་ཉི་མ་སྟོང་བས་ལྷག་པར་མཛེས་
པ། ཚངས་པའི་དབང་པོ་ལ་སོགས་པས་ཕྱག་བགྱིས་པ་ལགས་སོ། །གང་ལ་ལ་ཞིག་འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པས་བསྟོད་པ་སྒྲུབ་པ་བྱེད་པ་དེའི་མཚམས་མེད་པ་ལྔའི་ལས་ཀྱི་
སྒྲིབ་པ་རྣམ་པར་བྱང་བར་འགྱུར་རོ། །དཀྱིལ་འཁོར་ཐམས་ཅད་ཏུ་ཞུགས་པར་འགྱུར་རོ། །དེ་ལ་གསང་སྔགས་ཐམས་ཅད་གྲུབ་པར་འགྱུར་རོ། །བསྐལ་པ་བྱེ་བ་འབུམ་ཕྲག་དུ་མར་ངན་འགྲོར་འགྲོ་བར་མི་འགྱུར་རོ། །

98-1-157b

མཚམས་མེད་པར་འཇུག་པར་མི་འགྱུར་རོ། །སུ་ཞིག་ནང་པར་ལངས་ནས་འདོད་ཏམ། ཀློག་གམ། ཁ་ཏོན་བྱེད་ན་དེའི་ལུས་ལ་མཛེ་དང་། རྐང་ཤུ་དང་། ལུད་པ་དང་། མི་བདེ་བ་མི་འབྱུང་ཞིང་ནད་ཐམས་ཅད་ལས་ཐར་བར་
འགྱུར་རོ། །ཚེ་རབས་སོ་ཅོག་ཏུ་ཚེ་རབས་དྲན་པར་འགྱུར་རོ། །ལྷའི་བུ་དང་འདྲ་བར་འགྱུར་རོ། །འཆི་བའི་དུས་ཀྱི་ཚེ་འཇིག་རྟེན་ཀྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཚེ་རབས་སོ་ཅོག་ཏུ་འཕགས་པ་སྤྱན་རས་གཟིགས་དབང་
ཕྱུག་དང་མི་འབྲལ་བར་འགྱུར་རོ། །རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར། དཔའ་བར་འགྱུར། སྐད་སྙན་པར་འགྱུར། སྐལ་བ་བཟང་པོར་འགྱུར་རོ། །བསྟན་བཅོས་ཐམས་ཅད་ལ་འཇིགས་པ་མེད་པར་འགྱུར། 
ཚིག་བཙུན་པར་འགྱུར་རོ། །བསྟོད་པ་སྒྲུབ་པ་འདིས་བསྟོད་པ་བྱས་ན། སངས་རྒྱས་བཅོམ་ལྡན་འདས་གང་གཱའི་ཀླུང་དྲུག་བཅུ་རྩ་གཉིས་སྙེད་ཀྱི་བྱེ་མ་སྙེད་དག་ལ་མཆོད་པ་བྱས་པར་འགྱུར་ཏེ། རྣམ་པར་སྨྱིན་པ་མཚུང་
ཤིང་བྱེ་བྲག་མེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་རྒྱལ་བ་ཐམས་ཅད་ཀྱི་རིང་བསྲེལ་ཀྱི་ཟ་མ་ཏོག་ཅེས་བྱ་བ་རྫོགས་སྷོ།། །།
༄༅། །རྒྱ་གར་སྐད་དུ།  ཨཱརྱ་མཉྫུ་ཤྲཱི་ནཱ་མ་ཨཥྚ་ཤ་ཏ་ཀན།  བོད་སྐད་དུ།  འཕགས་པ་འཇམ་དཔལ་གྱི་མཚན་བརྒྱ་རྩ་བརྒྱད་པ་ཞེས་བྱ་བ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཤིན་དུ་དང་བའི་
སེམས་ཀྱིས་སུ། །ཐུབ་ལ་མགོ་བོས་ཕྱག་འཚལ་ཏེ། །སངས་རྒྱས་རྣམས་ཀྱིས་བསྔགས་པ་ཡི། །མཚན་རྣམས་འདིར་ནི་བརྗོད་པར་བགྱི། །གཟུགས་མཛེས་གཟུགས་དང་ལྡན་པ་སྟེ། །གཟུགས་རྣམས་ཀུན་གྱི་
བླ་ན་མེད། །མཚན་རྣམས་ཐམས་ཅད་ཀུན་དུ་རྫོགས། །འཇམ་དཔལ་དཔལ་གྱི་དམ་པ་ལགས། །བསམ་གྱིས་མི་ཁྱབ་བསམ་དང་བྲལ། །མཐུ་རྩལ་བསམ་ཡས་རྨད་ཏུ་བྱུང་། །སྐུ་གསུང་ཕྲིན་ལས་བསམ་མི་

98-1-158a

ཁྱབ། །དེ་བཞིན་ཐུགས་ཀྱང་བསམ་མི་ཁྱབ། །སྟོང་ཉིད་བསྒོམས་པའི་བདག་ཉིད་ཅན། །སྟོང་པའི་ཆོས་དང་ཡང་དག་ལྡན། །སྟོང་པ་ཉིད་ལ་ལྷག་པར་མོས། །སྲིད་པ་གསུམ་པོ་སྟོང་པར་སྟོན། །ཐམས་ཅད་
མཁྱེན་ཅིང་ཐམས་ཅད་གཟིགས། །ས་རྣམས་ཀུན་གྱི་བདག་དང་ལྡན། །སེམས་ཅན་ཀུན་གྱི་མཆོག་ཏུ་གྱུར། །སེམས་ཅན་ཀུན་ཀྱིས་ཕྱག་བགྱིས་པ། །ངན་འགྲོ་ཀུན་དང་དེ་བཞིན་དུ། །མུ་སྟེགས་ཅན་རྣམས་ཐམས་ཅད་འཇོམས། །
ཕས་ཀྱི་རྒོལ་བ་ཚར་གཅོད་པ། །སྨྲ་བའི་སེང་གེ་མི་ཡི་མཆོག །དུལ་ཞིང་ཉོན་མོངས་རྣམས་དང་བྲལ། །སྒྲིབ་པ་དྲི་མ་ཀུན་མི་མངའ། །སེམས་ཅན་ཐམས་ཅད་ཡོངས་སུ་སྐྱོབ། །གྲོལ་ཞིང་འཇིག་རྟེན་གྲོལ་མཛད་པ། །རལ་པ་མུན་ཛ་བརྟུལ་
ཞུགས་ཅན། །ཚངས་པ་ཚངས་པའི་གནས་ན་བཞུགས། །བགྲང་ནོར་ཐོགས་ཤིང་ཕྱག་མཁར་བསྣམས། །དག་ཅིང་དག་ལ་རྣམས་དང་ལྡན། །འཇམ་པའི་དབྱངས་ཅན་མངའ་དབང་མཛད། །པད་མ་ལས་འཁྲུངས་པད་མའི་སྤྱན། །
པད་མའི་ཟེ་བའི་ཁ་དོག་འདྲ། །བཞུགས་པའི་གདན་ཁྲི་པད་མ་ལགས། །གཙང་མ་ཨུད་པལ་སྔོན་པོ་བསྣམས། །བསམ་དག་ཞི་བའི་ཐུགས་དང་ལྡན། །ཁྱོད་ནི་སངས་རྒྱས་རང་སངས་རྒྱས། །ཁྱོད་ནི་དང་པོའི་སངས་རྒྱས་
ལགས། །རྫུ་འཕྲུལ་ལྡན་ཞིང་མངའ་དབང་བརྙེས། །བདེན་པ་བཞི་དག་སྟོན་པ་པོ། །འཇིག་རྟེན་སྐྱོང་བ་སྤྱན་སྟོང་མངའ། །ཁྱོད་ནི་དབང་ཕྱུག་སྐྱེ་དགུའི་བདག །ཁྱོད་ནི་ཞི་བའི་སེམས་ཅན་རྣམས། །ཀུན་གྱི་མངའ་བདག་ཡོན་
ཏན་གཙོ། །ཁྱོད་ནི་ཁྱུ་མཆོག་སྐྱེ་དགུའི་གཙོ། །ཐུ་བོ་དེ་བཞིན་ཚེ་རབས་དགོངས། །རྣམ་པར་འདྲེན་དང་འདུལ་མཛད་པ། །རྒྱལ་སྲས་རྒྱལ་བ་ཉིད་ལས་འཁྲུངས། །འོད་ཟེར་སྟོང་ལྡན་ཉི་མ་ཁྱོད། །ཟླ་བ་དང་ནི་ཕུར་བུ་
འང་ཁྱོད། །རྣམ་ཐོས་བུ་དང་ཆུ་ལྷའང་ལགས། །དབང་ཕྱུག་ཆེ་ཁྱོད་ཁྱབ་འཇུག་ཁྱོད། །ཀླུའི་རྒྱལ་པོ་མཐའ་ཡས་ཁྱོད། །དེ་བཞིན་སྡེ་དཔོན་སྐེམ་བྱེད་ལགས། །ལྷ་མིན་དབང་པོ་ཐགས་ཟངས་རིས། །མི་དམར་གཟའ་ལག་

98-1-158b

པ་བ་སངས། །སྤེན་པ་དཔའ་བོ་ལྷ་ཀུན་ལགས། །ལྷ་རྣམས་ཀུན་གྱིས་ཕྱག་བགྱིས་པ། །འཇིག་རྟེན་ཆོས་ཀྱི་དྲི་མ་བྲལ། །ཁྱོད་ནི་འཇིག་རྟེན་གང་ཟག་མཆོག །འཇིག་རྟེན་མཁྱེན་པ་འཇིག་རྟེན་རིག །ཡེ་ཤེས་ཅན་གྱི་དམ་
མཆོག་པ། །དམ་པ་སྦྱིན་དང་གནས་དང་སྐྱབས། །བདུད་ཀྱི་ལས་ཀྱིས་ཡོང་མི་རྫི། །ཁ་ན་མ་ཐོ་མི་མངའ་ཟབ། །དགེ་བའི་བཤེས་གཉེན་ཀུན་དུ་གྲགས། །ཁྱོད་ནི་སྨན་པ་ཟུག་རྔུ་འབྱིན། །མི་འདུལ་ཁ་ལོ་བསྒྱུར་བའི་མཆོག །བློ་གྲོས་
ལྡན་ཞིང་རྟོགས་དང་ལྡན། །བློ་དང་ལྡན་ཞིང་མཁས་པ་ལགས། །ཁྱོད་ནི་བསོད་ནམས་དཔག་བསམ་ཤིང་། །བྱང་ཆུབ་ཡན་ལག་མེ་ཏོག་བརྒྱན། །རྣམ་གྲོལ་འབྲས་བུ་ཕུན་སུམ་ཚོགས། །ལུས་ཅན་ཀུན་གྱི་མཆོག་ཏུ་གྱུར། །
ཡིད་ཏུ་འོང་ཞིང་ཡིད་འཕྲོག་པ། །སྡིག་པ་མི་མངའ་ཚངས་པར་སྤྱོད། །ཁྱོད་ནི་མཇུག་རིངས་གཟའ་མཆོག་ལགས། །ཁྱོད་ནི་དྲང་སྲོང་ཐུབ་པ་མཆོག །ཁྱོད་ནི་རྒྱལ་ཚབ་དབང་བསྐུར་བ། །ས་བཅུའི་མངའ་བདག་གཙོ་བོ་ལགས། །
དེད་དཔོན་འགྲོ་བ་རྣམས་ཀྱི་གཙོ། །མྱ་ངན་འདས་པ་མཆོག་སྟོན་བཞིན། །ཁྱོད་ནི་ནམ་མཁའ་ས་ཆུ་བཞིན། །ཁྱོད་ནི་མེ་དང་རླུང་ལྟ་བུ། །ཁྱོད་ནི་ཡིད་བཞིན་ནོར་བུ་ལྟར། །སེམས་ཅན་རེ་བ་ཀུན་རྫོགས་མཛད། །འབྱུང་པོ་
ཀུན་གྱིས་ཕྱག་བགྱིས་པ། །རིན་ཆེན་ཁྱོད་ལ་ཕྱག་འཚལ་ལོ། །འཇམ་དཔལ་གྱིས་ནི་བཀའ་སྩལ་པ། །ༀ་བཱ་ཀྱཻ་དྃ་ན་མཿསྭཱ་ཧཱ། །ཇི་སྐད་སྨོས་པའི་མཚན་རྣམས་དང་། །རིག་སྔགས་བཅས་པར་འཛིན་ན་ནི། །སྡིག་
འགྱུར་རྣམ་དག་རབ་ཏུ་ཐོབ། །བརྒྱ་ལས་རྩ་བརྒྱད་ལྷག་པའི་མཚན། །སྐྱེས་བུ་དུས་གསུམ་སུ་ཀློག་པ། །དེ་འདོད་བསམ་དགུ་ཡིད་བཞིན་དུ། །གདོན་མི་ཟ་བར་འགྲུབ་པར་འགྱུར། །བཟང་པོའི་མཚན་རྣམས་དྲན་ན་ནི། །མཚམ་
མེད་སྐལ་བ་མཉམ་པ་ཡི། །ལས་རྣམ་མི་བཟད་གང་བྱས་པ། །དེ་དག་ཐམས་ཅད་མྱུར་དུ་བྱང་། །འཇིག་རྟེན་ཕ་རོལ་འཕོ་བ་དང་། །འཇིགས་པ་ཆེན་པོ་འབྱུང་བའི་ཚེ། །སེམས་ཅན་དག་པས་དྲན་བྱས་ན། །འཇམ་པའི་དབྱངས་ཀྱང་ཐོབ་པར་

98-1-159a

འགྱུར། །བློ་དང་ལྡན་པས་དྲན་བྱས་ཏེ། །ངེས་པར་གནས་ནས་སུ་ཀློག་པ། །སངས་རྒྱས་ཉིད་ནི་འདོད་ན་ཡང་། །ཐོབ་འགྱུར་འདི་ལ་ཐེ་ཚོམ་མེད། །འཕགས་པ་འཇམ་དཔལ་གྱི་མཚན་བརྒྱ་རྩ་བརྒྱད་པ་རྫོགས་སྷོ།།  །།
རྒྱ་གར་སྐད་དུ།  ཨཱརྱ་མཻ་ཏྲི་ན་པྲ་ཏི་ཛྙཱ་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་བྱམས་པས་དམ་བཅས་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །རྒྱལ་བ་བྱམས་པ་ལ་ཕྱག་འཚལ་ལོ། །ན་མོ་རཏ་ན་ཏྲ་
ཡཱ་ཡ། ན་མོ་བྷ་ག་བཱ་ཏེ། ཤཱཀྱ་མུ་ན་ཡེ། ཏ་ཐཱ་ག་ཏཱ་ཡ། ཨ་ར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་ཨ་ཛི་ཏེ་ཨ་ཛི་ཏེ། ཨ་ཛི་ཏན་ཛ་ཡ། ཧ་ར་ཧ་ར། མཻ་ཏྲི་ཨ་བ་ལོ་ཀི་ཏེ། ཀ་ར་ཀ་ར། མ་ཧཱ་ས་མ་ཡ་སིད་དྷེ། བྷ་ར་བྷ་ར། མ་ཧཱ་བོ་དྷི་
མཎ་ཌ་བཱི་ཛེ། སྨ་ར་སྨ་ར། ཨསྨ་ཀང་ས་མ་ཡ་བོ་དྷི་བོ་དྷི། མ་ཧཱ་བོ་དྷྀ་སྭཱ་ཧཱ། རྩ་བའི་གསང་སྔགས་སོ། །ཨོཾ་མོ་ཧི་མོ་ཧི། མ་ཧཱ་མོ་ཧི་སྭཱ་ཧཱ། སྙིང་པོའོ། །ཨོཾ་མུ་ནི་མུ་ནི་སྭཱ་ཧཱ། ཉེ་བའི་སྙིང་པོའོ། །གཟུངས་འདི་ཉན་པ་ཙམ་དང་། 
ཀློག་པ་དང་། ཁ་ཏོན་བྱེད་པ་དང་། ཚུལ་བཞིན་ཡིད་ལ་སེམས་པ་དང་། བསྒོམ་པ་ཙམ་གྱིས་གང་གི་ཚེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་གྱུར་པ་ན། བདག་གིས་སེམས་ཅན་དེ་
ངེས་པར་བཙལ་བར་བགྱི་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་བགྱིའོ། །ཐ་ན་དུད་འགྲོའི་སྐྱེ་གནསུ་གྱུར་པའི་རི་དགས་དང་། བྱ་རྣམས་ཀྱི་རྣ་ཁུང་དུ་སྒྲོགས་པར་བྱེད་ན། དེ་དག་ཀྱང་བླ་ན་མེད་པ་ཡང་དག་
པར་རྫོགས་པའི་བྱང་ཆུབ་ཏུ་ལུང་བསྟན་པ་འཐོབ་བོ། །འདི་ཐོས་པ་ཙམ་གྱིས་ནམ་དུ་ཡང་ངན་སོང་དུ་འགྲོ་བར་མི་འགྱུརོ། །ངན་སོང་གི་དྲི་མས་མི་གོས་སོ། །མའི་མངལ་དུ་ཡང་མི་སྐྱེའོ། །ལྷའི་བསྐལ་པ་སྟོང་དུ་འཁོར་ལོས་
བསྒྱུར་བའི་རྒྱལ་པོར་འགྱུརོ། །དགེ་བ་བཅུའི་ལས་ཀྱི་ལྃ་དང་ལྡན་པར་འགྱུརོ། །ཇི་ལྟར་བསྃས་ཤིང་དོན་དུ་གཉེར་བའི་ལོངས་སྤྱོད་འགྲུབ་པར་འགྱུརོ། །བཅོམ་ལྡན་འདས་བདགིས་ཀྱང་སེཾས་ཅན་ཀྱང་སེཾས་ཅན་དེ་བསྐྱུད་པར་མི་བགྱི་ལགས་སོ། །

98-1-159b

ངེས་པར་བདག་བྱང་ཆུབ་ཀྱི་སྙིང་པོ་ལ་མཆིས་ནས། དེ་ཇི་ལྟར་གྱུར་ཀྱང་རུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་བགྱིའོ། །འཕགས་པ་བྱམས་པས་དམ་བཅས་པ་ཞེས་བྱ་བའི་གཟུངས། རྫོགས་སྷོ།། །།
རྒྱ་གར་གྱི་མཁན་པོ་བཛྲ་པཱ་ཎི་དང་། བོད་ཀྱི་ལོ་ཙྪ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། ། ༄༅། །རྒྱ་གར་སྐད་དུ།  ཨཱརྱ་ཛམ་བྷ་ལ་ནཱ་མ་ཨཥྚ་ཤ་ཏ་ཀ །  བོད་སྐད་དུ།  འཕགས་པ་གནོད་
འཛིན་གྱི་མཚན་བརྒྱ་རྩ་བརྒྱད་པ་ཞེས་བྱ་བ། འཕགས་པ་གནོད་འཛིན་ལ་ཕྱག་འཚལོ། །དེ་ནས་གནོད་སྦྱིན་འབྲོག་གནས་པོ། །གསེར་དག་གིས་ནི་ལེགས་པར་བརྒྱན། །རིན་ཆེན་གྱིས་ནི་རབ་མཛེས་ཤིང་། །མེ་ནི་ཤིང་དུ་འབར་
འདྲ་བ། །ལྕང་ལོ་ཅན་དུ་ཞུགས་ནས་ཀྱང་། །གསང་བདག་རྡོ་རྗེ་འཆང་བ་ཡི། །ཞབས་གཉིས་ལ་ནི་རབ་འཇུས་ནས། །ཤིན་དུ་མཉཾ་བཞག་དྲིས་པ་ནི། །བཅོམ་ལྡན་གནོད་འཛིན་རྒྱལ་དབང་པོ། །གསང་སྔགས་ཚོགས་ནི་ཀུན་གྱི་
བདག །རིག་སྔགས་འཆང་རྣམས་ཀུན་གྱིས་མཆོད། །ལྷ་དང་ལྷ་མིན་ཕྱག་བྱས་པ། །མ་རུངས་འདུལ་ལ་བརྩོན་པ་པོ། །བྱང་ཆུབ་སེམས་དཔའི་ཡོན་ཏན་ལྡན། །མགོན་པོ་སེམས་ཅན་ཀུན་དོན་མཛད། །སངས་རྒྱས་ཀུན་གྱི་གསང་བ་
འཛིན། །སེམས་ཅན་རྣཾས་ལ་ཕན་འདོད་པས། །སྙིང་རྗེས་ནོན་པའི་ཡིད་ཀྱིས་སུ། །ཡང་དག་རྫོགས་པའི་བྱང་ཆུབ་ཕྱིར། །བདག་གིས་ཀྱང་ནི་སེམས་བསྐྱེད་དེ། །མི་རྣམས་ནོར་ནི་ཉུང་བ་དང་། །བསོད་ནམས་ཆུང་ཞིང་དབང་ཆུང་བ། །མཐོང་
ནས་སྡུག་བསྔལ་ཆེན་པོ་ཡིས། །རབ་ཏུ་གཟེར་ཏོ་གསང་བའི་བདག །དེ་ནས་གནོད་འཛིན་གྱིས་སྨྲས་ནས། །བཅོམ་ལྡན་གསང་བ་གསང་བའི་བདག །སྙིང་རྗེས་ནོན་ཏེ་སྨྲས་པ་ནི། །ལེགས་པར་ཉོན་ཅིག་གསང་བ་པ། །མགོན་པོ་གནོད་
འཛིན་དཔལ་དང་ལྡན། །སེམས་ཅན་ཀུན་གྱི་དོན་བྱེད་པ། །དབུལ་བའི་ཉོན་མོངས་སེལ་བ་པོ། །ནོར་རོ་ཅོག་གི་དབང་ཕྱུག་གི། མཚན་བརྒྱ་རྩ་བརྒྱད་བསོད་ནམས་ལྡན། །དབུལ་བའི་ཉེས་སྡིག་སེལ་བྱེད་པ། །གང་གཱའི་བྱེ་མའི་གྲངས་སྙེད་ཀྱིས། །

98-1-160a

རྒྱལ་མཆོག་རྣམས་ཀྱིས་སྔོན་གསུངས་པ། །འོད་ཟེར་བརྒྱ་པ་ཞེས་པ་ཡི། །ཞིང་ན་སངས་རྒྱས་ཉི་མའི་ཞལ། །ཆོས་སྟོན་པ་ན་བདག་གིས་ཀྱང་། །དེ་ནི་རུང་གིས་སྔོན་ཐོས་ཏེ། །དབུལ་བ་སེལ་ཅིང་བསོད་ནམས་ལྡན། །དེ་ནི་བདགི་
ཤེས་རབ་ཀྱིས། །སེམས་ཅན་ཀུན་དོན་བརྩོན་པ་པོ། །ཁྱོད་ལ་ལེགས་པར་བསྟན་པར་བྱ། །ཁྱོད་ནི་མཉམ་ཞག་རབ་ཏུ་ཉོན། །འཕགས་པ་ལྷ་དང་ལྷ་མིན་བླ། །ཤེས་རབ་ལྡན་ཞིང་ཆོས་ལ་གུས། །སྙིང་བརྩེའི་བདག་ཉིད་བཟོད་ལྡན་བརྟན། །
དབང་པོ་ཞི་བ་དབང་པོ་ཐུལ། །དགེ་བས་སྡིག་འཇོམས་ཤེས་ཉེན་ཅན། །དེས་ཤིང་དོན་ཀུན་སྒྲུབ་པ་པོ། །མི་གནོད་མི་སླུ་དཔལ་དང་ལྡན། །མཛོད་བདག་གཞན་གྱིས་མི་ཐུབ་པ། །དཀོན་མཆོག་གསུམ་གྱི་སྐྱབས་གཅིག་པ། །
སངས་རྒྱས་ཀུན་གྱིས་གཟིགས་པ་པོ། །གཏེར་རྣམས་སྐྱོང་བ་གཟི་བརྗིད་ཅན། །རྟག་སྦྱིན་ནོར་ནི་འཕེལ་བྱེད་པ། །རིན་ཆེན་འབྱུང་གནས་སྐྱེ་བོ་འདུལ། །ཆུ་ཡི་བདག་པོ་ཆུ་འབེབས་པ། །གནོད་སྦྱིན་ཆུ་སྤྱོད་བདག་ཉིད་ཅན། །
གཏེར་དོན་ཉེ་བར་སྟོན་པ་པོ། །གསེར་གྱི་རི་བོ་ལྷུན་པོ་སྟེ། །དབུལ་བའི་གདོན་ལས་ཐར་བྱེད་པ། །དབང་པོ་ཉེ་དབང་འགྲོ་བའི་མགོན། །ཆུ་ཡི་དབང་པོ་སྤྲིན་མདོག་ཅན། །འཇིག་རྟེན་མིག་དང་འཇིག་རྟེན་བླ། །ཉི་མ་ཟླ་བ་ཐེར་
ཟུག་པ། །ནོར་ཆེན་རྒྱལ་པོ་ཆེན་པོ་སྟེ། །ལག་ན་ནེའུ་ལེ་རབ་གནས་པ། །གཞོན་ནུ་སེང་གེ་ཏོག་ཅན་ཏེ། །གནོད་སྦྱིན་ཆེན་པོ་རྫུ་འཕྲུལ་ཆེ། །ཚིག་གི་བདག་པོ་བཞིན་འཛུམ་པ། །གསོང་པོར་སྙན་པར་སྨྲ་བ་པོ། །བྲམ་ཟེ་
འདོད་པའི་ལྕགས་ཀྱུ་སྟེ། །ཆེ་བ་དོན་གྲུབ་གྲུབ་པས་མཆོད། །རིག་སྔགས་འཆང་བ་འཁོར་ལོས་སྒྱུར། །ཀུ་བེ་ར་དང་མི་ལ་ཞོན། །བུམ་པའི་ལྟོ་ཅན་མིག་ཡངས་པ། །ལྷ་ཡི་དྲི་ལྡན་ཡིད་ལྟར་མགྱོགས། །ཁྱབ་
བདག་བདེ་འབྱུང་ནོར་བཟངས་སྲས། །སེམས་ཅན་རྣྃས་ནི་སྐྱོང་ལ་དགའ། །འདོད་དགུར་བསྒྱུར་གཟུགས་ཡིད་ཀྱི་ལྷ། །ཅོད་པན་ཅན་དེ་རིགས་དགའ་བ། །གཡོན་ཕྱོགས་ཅོད་པན་ལག་ན་དབྱུག །ལག་པ་བརྒྱ་པ་སྟོབས་པོ་

98-1-160b

ཆེ། །ས་བརྒྱད་དབང་ཕྱུག་ལྷ་ཡུལ་པ། །ཟླ་བ་ཉ་བའི་ཞལ་མདོག་ཅན། །དེད་དཔོན་ཚོགས་ཀྱི་བདག་པོ་སྟེ། །གནས་བརྟན་ཚོང་པ་སྐལ་བཟང་བ། །ཡིད་བཞིན་ནོར་བུ་བུམ་པ་བཟང་། །དཔག་བསམ་ལྗོན་ཤིང་མི་ཡི་བདག །
མཆོག་དོན་འོས་པ་གཙོ་བོ་སྟེ། །མཆོག་སྦྱིན་མིའུ་ཐུང་ཁྱབ་འཇུག་པ། །སྐྱབས་འོས་བཀྲ་ཤིས་སྲུང་བ་པོ། །རིན་ཆེན་ཕྲེང་བས་རྣམ་པར་བརྒྱན། །ལྷ་ཡི་སེང་གེའི་ཁྲི་ལ་བཞུགས། །བྱང་ཆུབ་སེམས་དཔའ་དཔལ་གྱི་
བདག །རབ་དུ་དར་བ་ནོར་མི་ཟད། །སེང་གེའི་རྩལ་གྱི་མཐུ་རྩལ་ཅན། །སྟོན་པ་འཇིག་རྟེན་གསུམ་ལས་རྒྱལ། །གཙོ་བོ་ཚོང་པ་རིགས་ཀྱི་མཆོག །པད་མའི་ལྟེ་བ་ཐུབ་མེད་རྒྱལ། །ཚངས་པར་སྤྱོད་པ་རྒྱ་མཚོ་ཆེ། །གནོད་
འཛིན་བདག་ཉིད་ཆེ་བ་ཡི། །མིང་བརྒྱ་རྩ་བརྒྱད་ངས་བཤད་འདི། །སྡིག་པ་ཐམས་ཅད་འཇོམས་བྱེད་ཅིང་། །དབུལ་བའི་ཉོན་མོངས་སེལ་བྱེད་པ། །འབྱོར་དང་སྐལ་བཟང་སྐྱེད་པ་པོ། །གླང་པོ་རྟ་ནོར་འཕེལ་བྱེད་པ། །གཟའ་དང་རྒྱུ་
སྐར་རྨི་ལམ་ངན། །ལྟས་ངན་སེལ་བར་བྱེད་པ་སྟེ། །ནགས་སཾ་གལ་ཏེ་གྲོང་དང་ནི། །དུར་ཁྲོད་ཡང་ན་རི་ཡང་རུང་། །མཁས་པ་གང་ན་ཀློག་པ་དེར། །གཡུལ་དང་དགྲ་ནི་ཉམ་ང་བ། །སྦྲུལ་དང་མེ་ཆུ་ཆོམ་རྐུན་སོགས། །སྟག་དང་
དོམ་དང་འཇིགས་པ་ཆེ། །རྒྱ་མཚོ་བགྲོད་དཀའ་མི་བཟད་ལས། །མི་ནི་རབ་ཏུ་ཞི་བར་འགྱུར། །དབང་པོ་མེ་དང་ཆུ་ལྷ་དང་། །གཤིན་རྗེ་སྲིན་བདག་རླུང་ལྷ་དང་། །ནོར་སྦྱིན་དཔལ་ལྡན་ཀུ་བཻ་རཱ། །ནོར་བུ་བཟང་སྲས་ལྔ་རྩེན་དང་། །
རྩེད་མོ་ཅན་དང་འབྲོག་གནས་དང་། །ལྷ་དང་གནོད་སྦྱིན་གཞན་དག་ཀྱང་། །གཡེལ་བ་མེད་པར་ཉིན་མཚན་དུ། །རབ་ཏུ་དགའ་བཞིན་སྲུང་བར་བྱེད། །གང་ན་མིང་འདི་ཀློག་པ་དེར། །གླང་ཆེན་རྟ་དང་བ་ལང་དང་། །ལོ་ཏོག་རྣམ་པ་སྣ་
ཚོགས་དང་། །འབྲས་བུ་མེ་ཏོག་རྣམས་ཀྱང་འཕེལ། །མི་ནད་དང་ནི་འགོ་བའི་ནད། །གནོད་པ་ཀུན་ལས་བྱུང་བ་རྣཾས། །ཐྃད་དུ་ནི་བདེ་ལེགས་འགྱུར། །ལྷག་པར་བྱིས་པ་རྣམས་ལ་ཤིས། །དེ་ལ་ཡི་དགས་ཀླུ་རྣམས་དང་། །

98-1-161a

མ་མོ་དང་ནི་གདོན་དྲག་དང་། །མཁའགྲོ་མ་དང་མི་འམ་ཅི། །སྲིན་པོ་རྣམས་ཀྱང་འཚེ་མི་བྱེད། །ནད་དོ་ཅོག་ལས་རྣམ་པར་གྲོལ། །དེ་བཞིན་བདེ་ཞིང་ནོར་དང་ལྡན། །བུ་དག་དང་ནི་ཚ་བོ་དང་། །དཔལ་དང་གཏོང་བ་
རྣམས་ཀྱིས་རྒྱས། །རིགས་མཆོག་རྒྱལ་བ་འབྱུང་བ་དང་། །ལོངས་སྤྱོད་ཆེན་པོའི་ནང་དུ་སྐྱེ། །ཚེ་དང་དཔལ་དང་ལྡན་པ་དང་། །ནད་མེད་རིམས་དང་བྲལ་བར་འགྱུར། །ཚེ་རབས་ཀུན་དུ་སྐྱེ་བ་དྲན། །ལོབས་སྐྱེན་
ཐོས་པ་འཛིན་པ་དང་། །བྱང་ཆུབ་སེམས་དཔའི་ཡོན་ཏན་ལྡན། །སྐལ་བ་བཟང་པོ་ཉིད་ཏུ་འགྱུར། །ཕྱག་འཚལ་ཕྱག་འཚལ་གནོད་སྦྱིན་རྗེ། །གསང་བདག་ཁྱོད་ལ་ཕྱག་འཚལ་ཏེ། །མ་རུངས་འདུལ་ལ་བརྩོན་པ་
པོ། །ལག་ན་རྡོ་རྗེ་ཁྱོད་ལ་འདུད། །སེམས་ཅན་དད་ལ་མཉེས་གཤིན་པ། །ནོར་བཟང་སྲས་ཀྱི་གྲགས་པ་འདི། །དབུལ་བའི་ནད་ནི་ཞི་བྱེད་པ། །རབ་ཏུ་བཤད་པ་ལེགས་པར་གསུངས། །དོན་ཀུན་གྲུབ་པ་གསང་
བའི་སྔགས། །བདགིས་ཀྱང་ནི་འདིར་དབུལ་ཏེ། །དེ་ནི་ལེགས་པར་དྲན་ཙམ་གྱིས། །མི་ནི་དབུལ་ལས་གྲོལ་འགྱུར་ཞིང་། །གཞན་གྱིས་མི་ཚུགས་སྲུང་བར་འགྱུར། །དགྲ་རྣམས་ཀྱིས་ཀྱང་མི་ཆོམས་ཤིང་། །
སྐལ་བ་བཟང་དང་སྐལ་དང་ལྡན། །ལོ་བརྒྱ་ཡང་ནི་འཚོ་བར་འགྱུར། །ལྷ་ཡི་གླང་པོ་རིན་ཆེན་དང་། །རྒྱལ་དང་རྒྱལ་སྲིད་འོས་རྣམས་ཀྱང་། །ངེས་པར་མྱུར་དུ་ཐོབ་འགྱུར་ཏེ། །རྒྱལ་སྲིད་ཀྱང་ནི་ཐེ་ཚོམ་མེད། །
ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་ཧྲིྃ་ཧྲིྃ་ཀྵཱ་ཛྲཱྃ་ཧྲིྃ་ཧྲྃ། དེ་བ་བྱ་རད་ནོོ་ག་བ་རི་ཤ་ན་ཨ་ཏ་བྷ་ག་དེ་བ་ཡཀྵ་ས་མ་ཡ་མ་ནུ་སྨ་ར་ཧྲཱི་ཧཱུཾ་ཕཊ་སྭཱ་ཧཱ། འཕགས་པ་གནོད་འཛིན་གྱི་མཚན་བརྒྱ་རྩ་
བརྒྱད་པ་རྫོགས་སྷོ།། །། ༄༅། །རྒྱ་གར་སྐད་དུ།  མ་ཧཱ་ས་མཱ་ཛ་སུ་ཏྲན་ནཱ་མ་མ་ཧཱ་སཱུ་ཏྲ།  བོད་སྐད་དུ།  མདོ་ཆེན་པོ་འདུས་པ་ཆེན་པོའི་མདོ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་

98-1-161b

ཐོས་པ་དུས་གཅིག་ན། བཅོམ་ལྡན་འདས་ཤཱཀྱ་རྣམས་ཀྱི་སེར་སྐྱའི་གནས་ཀྱི་ནགས་ཚལ་ན། དགེ་སློང་ལྔ་བརྒྱ་ཐྃད་ཀྱང་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་
དོན་རྗེསུ་ཐོབ་པ། སྲིད་པར་ཀུན་དུ་སྦྱོར་བ་ཡོངསུ་ཟད་པ། ཡང་དག་པའི་ཤེས་པས་སེམས་ཤིན་དུ་རྣམ་པར་གྲོལ་བ་ཤ་སྟག་དང་ཐབས་གཅིག་ཏུ་བཞུགས་སོ། །དེ་ནས་བཅྡོྃས་དགེ་སློང་གི་དགེ་འདུན་ལ་མྱ་ངན་ལས་འདས་
པ་དང་ལྡན་པའི་ཆོས་ཀྱི་གཏཾ་སྟོན་པར་མཛད་དེ། དེའི་ཚེ་ན་ཕྱོགས་བཅུ་ཀུན་གྱི་འཇིག་རྟེན་གྱི་ཁཾས་དག་ནས། དབང་ཆེ་བར་གྲགས་པ་དབང་ཆེ་བར་གྲགས་པའི་ལྷ་དག་ལྷགས་ནས། བཅྡོྃས་དང་དགེ་སློང་གི་དགེ་འདུན་
ལ་བསྙེན་བཀུར་བྱེད་དོ། །དེ་ནས་ཚངས་རིགས་ཀྱི་ལྷ་ཚངས་པའི་འཇིག་རྟེན་གནས་པ་བཞི་ཞིག་འདི་སྙམ་དུ་སེམས་ཏེ། སངྱས་བཅྡོྃས་དེ་ནི་ཤཱཀྱ་རྣཾས་ཀྱི་སེར་སྐྱའི་གནས་ཀྱི་ནགས་ཚལ་ན། དགེ་སློང་ལྔ་བརྒྱ་ཐྃད་ཀྱང་དགྲ་
བཅོམ་པ་ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདགི་དོན་རྗེསུ་ཐོབ་པ། སྲིད་པར་ཀུན་དུ་སྦྱོར་བ་ཡོངསུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་ཤ་སྟག་དང་ཐབས་གཅིག་ཏུ་
བཞུགས་སོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་ལ་མྱ་ངན་ལས་འདས་པ་དང་ལྡན་པའི་ཆོས་ཀྱི་གཏཾ་སྟོན་པར་མཛད་དེ། དེའི་ཚེ་ན་ཕྱོགས་བཅུ་ཀུན་གྱི་འཇིག་རྟེན་གྱི་ཁམས་དག་ནས་དབང་ཆེ་བར་གྲགས་པ་དབང་ཆེ་བར་གྲགས་
པའི་ལྷ་དག་ལྷག་ནས་བཅོམ་ལྡན་འདས་དང་།  དགེ་སློང་གི་དགེ་འདུན་ལ་བསྙེན་བཀུར་བྱེད་ཀྱིས་བདག་ཅག་ཀྱང་སོང་ལ། བཅོམ་ལྡན་འདས་ལ་རེ་རེ་ནས་ཚིགསུ་བཅད་པས་མངོན་པར་བསྟོད་པར་བྱ་གོར་མ་ཆག་སྙམ་མོ། །དེ་ནས་ཚངས་རིས་ཀྱི་ལྷ་བཞི་
པོ་དག་འདི་ལྟ་སྟེ། དཔེར་ན་སྐྱེས་བུ་སྟོབས་དང་ལྡན་པས་ལག་པ་བསྐུམ་པ་ལས་བརྐྱང་བ་འམ། བརྐྱང་བ་ལས་བསྐུམ་པ་ཙམ་གྱིས་ཚངས་པའི་འཇིག་རྟེན་ནས་མི་སྣང་བར་གྱུར་ཅིང་། བཅྡོྃས་ཀྱི་སྤྱན་སྔར་ལྷགས་ཏེ། 

98-1-162a

ཕྱོགས་གཅིག་ཏུ་འཁོད་ནས། ཚངས་རིས་ཀྱི་ལྷ་གཅིག་གིས་ཚིགསུ་བཅད་དེ་གསོལ་བ། འདུས་པ་ཆེ་ལ་གཞོལ་བ་ཡི། །ལྷ་ཚོགས་ཀུན་ནས་ལྷགས་གྱུར་པས། །གཞན་གྱིས་མི་ཐུབ་དགེ་འདུན་ལ། །བལྟ་བའི་
སླད་དུ་བདག་ཅག་མཆིས། །ཚངས་རིས་ཀྱི་ལྷ་གཉིས་པས་ཚིགསུ་བཅད་དེ་གསོལ་བ། དྲང་པོར་གྱུར་པའི་སེཾས་ཀྱིས་ནི། །འདི་ན་དགེ་སྦྱོང་རབ་བརྩོན་པ། །ཁ་ལོ་བ་ལྟར་མིག་བླངས་ཤིང་། །དབང་པོ་རྣམས་ནི་ལེགས་སྡོམ་བགྱིད། །
ཚངས་རིས་ཀྱི་ལྷ་གསུམ་པས་ཚིགསུ་བཅད་དེ་གསོལ་བ། དབང་ཕུར་འོད་བ་འོབས་འདྲ་བའི། །ཕུར་བུ་རབ་བཅོམ་བཀྲིར་མི་ཚུགས། །དེ་དག་སྲེད་བྲལ་དག་སྤྱོད་ཅིང་། །འདྲེན་པས་གླང་པོ་གཞོན་ལྟར་བཏུལ། །ཚངས་རིས་ཀྱི་ལྷ་བཞི་
པས་ཚིགསུ་བཅད་དེ་གསོལ་བ། གང་དག་སངས་རྒྱས་སྐྱབས་མཆི་བ། །དེ་དག་ངན་འགྲོར་མི་མཆི་ཞིང་། །མི་ལུས་སྤངས་པར་གྱུར་ནས་ཀྱང་། །ལྷའི་ལུས་ནི་ཐོབ་པར་འགྱུར། །ཚངས་རིས་ཀྱི་ལྷ་བཞི་པོ་དག་གིས་དེ་སྐད་ཅེས་
གསོལ་ནས་དེ་ཉིད་ན་བག་བཅུམ་སྟེ་འཁོད་དོ། །དེ་ནས་བཅྡོཾས་ཀྱིས་ལྷའི་འཁོར་ཐྃད་ལ་རྣམ་པར་གཟིགས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ཀྱེ་མ་ལྷ་རྣམས་ཀྱི་འདུས་པ་འདི་ནི་ཆེ་བ་ཡིན་ནོ། །དགེ་སློང་དག་
ཀྱེ་མ་ལྷ་རྣཾས་ཀྱི་འདུས་པ་འདི་ནི་ཤིན་ཏུ་ཆེ་བ་ཡིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་འདས་པའི་དུས་ན་བྱུང་བར་གྱུར་པའི་སངས་རྒྱས་བཅྡོཾས་དེ་དག་ལ་ཡང་འདི་ལྟ་སྟེ། དཔེར་
ན་ད་ལྟར་ངའི་ལྷ་རྣཾས་ཀྱི་འདུས་པ་ཆེན་པོ་འདི་ཁོ་ན་ལྟ་བུ་དག་འདུས་པར་གྱུར་ཏོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་མ་འོངས་པའི་དུས་ན་འབྱུང་བར་འགྱུར་བའི་སངྱས་བཅྡོཾས་དེ་དག་
ལ་ཡང་འདི་ལྟ་སྟེ། དཔེར་ན་ད་ལྟར་ངའི་ལྷ་རྣཾས་ཀྱི་འདུས་པ་ཆེན་པོ་འདི་ཁོ་ན་ལྟ་བུ་དག་འདུ་བར་འགྱུརོ། །དགེ་སློང་དག་ལྷ་རྣཾས་ཀྱི་མིང་དག་བརྗོད་པར་བྱས། ལྷ་རྣམས་ཀྱི་མི་དག་ཟུང་ཤིག །གང་དག་ས་ལ་གནས་པ་དང་། །གང་དག་རི་ཁྲོད་གནས་

98-1-162b

པ་རྣམས། །སེང་གེ་བཞིན་དུ་ཐ་དད་ལ། །སེམས་བསྡུས་མཉམ་པར་བཞག་བྱས་ཤིང་། །ཀུན་ནས་འདུས་པར་གྱུར་པ་ནི། །སྤུ་དག་ཟིང་ཞེས་བྱེད་པ་ཡིན། །གང་དག་ས་ལ་གནས་པ་དང་། །གང་དག་རི་ཁྲོད་གནས་པ་རྣམས། །སེང་གེ་བཞིན་དུ་ཐ་
དད་ལ། །སེམས་བསྡུས་མཉམ་པར་བཞག་བྱས་ཤིང་། །ཀུན་ནས་འདུས་གྱུར་སྤུ་ཟིང་ཞེས། །བྱེད་པ་བདགིས་བརྗོད་པར་བྱ། །ཡིད་བྱད་དག་ཅིང་རབ་དང་ལ། །རྙོག་མེད་འཆི་བདག་སྤངས་བ་རྣམས། །ཚངས་པའི་འཇིག་རྟེན་མཐར་ཐུག་པའི། །
ལྷ་དང་མི་ཡི་བར་ན་འཁོད། །སློབ་མ་ལྔ་བརྒྱ་ཕྲག་གཉིས་དང་། །གཞན་ཡང་བརྒྱ་དང་བཅུ་དག་དང་། །སྟོང་ཕྲག་དུ་མ་རྣམས་དག་གི། ལྷ་རྣམས་འདུས་པར་གྱུར་པ་དག །མཐའ་ནས་མཐའ་མ་མི་མཐོང་ཞིང་། །ཕྱོགས་རྣཾས་ཐྃད་ཁྱབ་གྱུར་པ། །
སངས་རྒྱས་ཀྱིས་ནི་དེ་མཁྱེན་ནས། །དེ་བཞིན་གཤེགས་པས་རྣཾས་གཟིགས་ཏེ། །དེ་ནས་སྟོན་པས་བསྟན་དགའ་བའི། །ཉན་ཐོས་རྣམས་ལ་དགེ་སློང་དག །ལྷ་ཚོགས་མངོན་པར་ལྷགས་གྱུར་ཀྱིས། །ངེས་པར་རྟོགས་ཤེས་བཀའ་སྩལ་པ། །
ཚིགསུ་བཅད་པས་མཐར་ཆགས་ཀྱིས། །དེ་དག་རྣམས་ཀྱི་མིང་བརྗོད་ཀྱིས། །རྩེ་གཅིག་གྱུར་པའི་ཡིད་ཀྱིས་ནི། །ང་ཡི་བཤད་པ་མཉན་པར་གྱི། །སེར་སྐྱའི་གནས་ཀྱི་ནགས་ཚལ་གྱི། །གནོད་སྦྱིན་སྟོང་ཕྲག་བདུན་པོ་དག །སེར་སྐྱའི་གནས་ཀྱི་ནག་ཚལ་ནི། །སྣང་བར་བྱས་ཏེ་འཁོད་པ་དང་། །
གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །
གསེར་ཅན་སྟོང་ཕྲག་དྲུག་པོ་ཀུན། །ཁ་དོག་སྣ་ཚོགས་ལྡན་པ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་
ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚུལ་དུ་མངོན་པར་ཞུགས། །ཤར་ཕྱོགས་རྣམ་རྒྱལ་ཚལ་གྱི་ནི། །རི་མཉམ་སྟོང་ཕྲག་གསུམ་པོ་དག །སེར་སྐྱའི་གནས་ཀྱི་ནགས་ཚལ་ནི། །

98-1-163a

སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །
འདུས་པའི་ཚལ་དུ་མངོན་པར་ཞུགས། །དེ་ལྟར་སྟོང་ཕྲག་བཅུ་དྲུག་ཀུན། །ཁ་དོག་སྣ་ཚོགས་ལྡན་པ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣཾས་དང་། །དེ་དག་ཀྱང་ནི་
འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །གནོད་སྦྱིན་ཆུ་སྲིན་རྒྱལ་པོའི་ཁབ། །ཡངས་པ་ལ་ནི་
རྟག་གནས་ཤིང་། །བརྒྱ་སྟོང་ཕྲག་ནི་མང་པོ་ཡི། །གནོད་སྦྱིན་བསྙེན་བཀུར་བྱེད་པ་དང་། །གང་དག་དེ་ཡི་འཁོར་རྣཾས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །
དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཀུན་གྱི་བཤེས་གཉེན་ལྔ་བརྒྱ་དང་། །རྫུ་འཕྲུལ་ཆེན་པོ་ཀུན་གྱི་ལྷ། །གང་དག་དེ་ཡི་འཁོར་རྣམས་དང་། །དེ་གཉིས་ཀྱང་ནི་འདུས་པར་ལྷགས། །རྫུ་ཕྲུལ་
ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཤར་ཕྱོགས་མངོན་པར་སྐྱོང་བྱེད་པ། །རྒྱལ་ཆེན་གྲགས་དང་ལྡན་པ་ནི། །དྲི་ཟའི་བདག་
པོ་རྒྱལ་པོ་སྟེ། །མིང་ནི་ཡུལ་འཁོར་སྲུང་ཞེས་བྱ། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣཾས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་
ལྡན་རྣཾས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་བཅུ་དང་ནི་བཅུ་དང་གཅིག །དེ་དག་མིང་འཐུན་གྲགས་པ་ནི། །དབང་པོ་ཞེས་བྱ་སྟོབས་པོ་ཆེ། །ལྷ་དང་ལྷ་

98-1-163b

མིན་གཡུལ་འགྱེད་པར། །ཀུན་དུ་གཞན་གྱིས་མི་ཐུབ་པར། །གང་དག་དེ་ཡི་འཁོར་རྣཾས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་
ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ལྷོ་ཕྱོགས་མངོན་པར་སྐྱོང་བྱེད་པ། །རྒྱལ་ཆེན་གྲགས་དང་ལྡན་པ་ནི། །གྲུལ་བུམ་བདག་པོ་རྒྱལ་པོ་སྟེ། །མིང་ནི་འཕགས་སྐྱེས་པོ་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །
གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣཾས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ་
མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་བཅུ་དང་ནི་བཅུ་དང་གཅིག །དེ་དག་མིང་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པར། །ཀུན་དུ་གཞན་གྱིས་མི་ཐུབ་པ། །གང་དག་དེ་
ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ནུབ་ཕྱོགས་
མངོན་པར་སྐྱོང་བྱེད་པ། །རྒྱལ་ཆེན་གྲགས་དང་ལྡན་པ་ནི། །ཀླུ་ཡི་བདག་པོ་རྒྱལ་པོ་སྟེ། །མིང་ནི་མིག་མི་བཟང་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣཾས་དང་། །དེ་ཡང་འདུས་
པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་བཅུ་དང་ནི་
བཅུ་དང་གཅིག །དེ་དག་མིང་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པར། །ཀུན་དུ་གཞན་གྱིས་མི་ཐུབ་པ། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །

98-1-164a

རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །བྱང་ཕྱོགས་མངོན་པར་སྐྱོང་བྱེད་པ། །རྒྱལ་ཆེན་གྲགས་དང་ལྡན་པ་ནི། །
གནོད་སྦྱིན་བདག་པོ་རྒྱལ་པོ་སྟེ། །མིང་ནི་ལུས་ངན་པོ་ཞེས་བྱ། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གང་དག་དེ་ཡི་འཁོར་རྣམས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །
ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་ལ་བུ་ནི་མང་ཡོད་དེ། །བརྒྱད་བཅུ་དང་ནི་བཅུ་དང་གཅིག །དེ་དག་མིང་འཐུན་གྲགས་པ་ནི། །དབང་པོ་
ཞེས་བྱ་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པར། །ཀུན་དུ་གཞན་གྱིས་མི་ཐུབ་པ། །གང་དག་དེ་ཡི་འཁོར་རྣཾས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་
རྣམས། །དགེ་སློང་རྣཾས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་མིག་མི་བཟང་། །བྱང་ཕྱོགས་ན་ནི་ལུས་
ངན་པོ། །རྒྱལ་པོ་ཆེན་པོ་དེ་བཞི་དག །འཇིག་རྟེན་སྐྱོང་བ་གྲགས་དང་ལྡན། །རྫུ་འཕྲུལ་ཆེན་པོ་སྟོབས་པོ་ཆེ། །ཕྱོགས་བཞི་དག་ནི་སྐྱོང་བར་བྱེད། །གང་དག་དེ་ཡི་འཁོར་རྣཾས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་
ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དེ་དག་གི་ནི་ཁོལ་པོ་རྣམས། །མཆོད་རྟེན་མང་ལ་གནས་བཅས་པ། །སླུ་བྱེད་གཡོན་ཅན་
སྒྱུ་མ་ཅན། །སྒྱུ་མ་ཤེས་དང་རྣཾས་ཤེས་དང་། །ངན་སྤོང་ཁྲོ་གཉེར་ལྷན་ཅིག་ཏུ། །དེ་ཚེ་རྫུ་འཕྲུལ་སྟོན་ཅིང་ལྷགས། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །

98-1-164b

ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །གནོད་སྦྱིན་དང་། གནོད་སྦྱིན་ཆེན་པོ་དང་། གནོད་སྦྱིན་གྱི་སྡེ་དཔོན་དང་། དམག་དཔོན་འདི་དག་ཀྱང་དེར་ཀུན་ནས་
ལྷགས་ཏེ། འདི་ལྟ་སྟེ། དབང་པོ་ཟླ་བ་ཆུ་ལྷ་དང་། །བྷ་ར་དྭ་ཛ་སྐྱེ་དགུའི་བདག །དབང་ལྡན་ཙན་དན་འདོད་གཙོ་དང་། །མགྲིན་ངན་དང་ནི་མགུལ་ངེས་དང་། །སྤོབས་ལྡན་ནོར་བུ་ནོར་སྤྱོད་དང་། །སྒྲ་རབ་དང་ནི་ཉེ་ལྔ་དང་། །རི་མཉམ་གསེར་ཅན་
གང་པོ་དང་། །སེང་ལྡེང་བ་དང་གཡོན་ཅན་དང་། །གནོད་སྦྱིན་བ་སྐྱོང་འབྲོག་གནས་དང་། །རྒྱལ་བའི་ཁྱུ་མཆོག་མི་རྒྱལ་པོ། །དྲི་ཟ་སྣ་ཚོགས་སྡེ་དང་ནི། །ལྕགས་མདུང་རིང་དང་མ་ལྡན་དང་། །ཚིགས་ལྔ་སེར་པོ་ཡིད་དགའ་དང་། །
གནོད་སྦྱིན་རིང་པོ་འཁོར་དང་བཅས། །འབྲས་བུ་གསུམ་དང་མགུལ་གསུམ་པ། །འགྲོ་གནས་ཇི་སྙེད་ཡོད་པ་ཡིན། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །
ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ལྷན་ཅིག་འབྱུང་བའི་ཀླུ་དང་ནི། །འཇོག་པོ་དང་ནི་ཡངས་པ་འང་འོངས། །ལ་བ་དང་ནི་མགྱོགས་མཆོག་
དག །སྲུང་བྱེད་འགྲོ་དང་ལྷན་ཅིག་ལྷགས། །ཀླུ་བདག་བྲན་བཟང་བུ་དང་ནི། །ཡུལ་འཁོར་སྲུང་དང་གླང་པོ་ཆེ། །འཇིགས་བྱེད་ཆེ་དང་ས་སྲུང་བུ། །རྫུ་འཕྲུལ་ལྡན་པའི་ཀླུ་ཡང་འོངས། །གང་དག་དེ་ཡི་འཁོར་རྣམས་དང་། །
དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །གང་ཞིག་ཀླུ་རྒྱལ་ཟིལ་མནན་ལེན། །
སྟོབས་ལྡན་མིག་རྣོན་འདབ་ཆགས་བྱ། །དེ་མིན་འདབ་བཟང་ཁྲ་བོ་ཡང་། །མཁའ་ལས་ཚལ་དུ་མངོན་པར་འོངས། །དེ་ཚེ་ཀླུ་རྒྱལ་མི་འཇིགས་བྱིན། །སྟོན་པས་འདབ་བཟང་བདེ་མཛད་ཅིང་། །གསུང་འཇམ་བརྗོད་པ་དེ་ཉིད་ལ། །

98-1-165a

སངས་རྒྱས་སྐྱབསུ་ཉེ་བར་སོང་། །གང་དག་དེ་ཡི་འཁོར་རྣམས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །
འདུས་པའི་ཚལ་དུ་མངོན་པར་ཞུགས། །ལག་ན་རྡོ་རྗེས་ཕམ་བྱས་ཤིང་། །རྒྱ་མཚོར་རྟེན་པའི་ལྷ་མིན་རྣམས། །ཐཾད་ནོར་ལྷས་སྐྲག་གྱུར་ཅིང་། །མཚོ་ལ་སྐྱབསུ་འདུ་ཤེས་པ། །ཐགས་ཟངས་རིས་དང་རབ་བཀྲ་དང་། །
རབ་སིམ་བྱེད་དང་བཏང་ཟུང་དང་། །སྟོབས་ལྡན་བུ་ནི་རྒྱལ་པོ་ཀུན། །རྣམ་སྣང་བྱེད་པའི་བུ་རྣམས་དང་། །སྟོབས་ལྡན་སྡེ་དང་སྒྲ་གཅན་བཟང་། །དཔའ་ཆེན་ཁྱོད་ཀྱི་དུས་ལགས་ཤེས། །དགེ་སློང་འདུས་པའི་ནགས་ཚལ་དུ། །གོ་ཆ་དགོས་
ཏེ་ལྷགས་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམ་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་
ཞུགས། །ཆུ་ལྷ་མོ་དང་བུ་མོ་དང་། །ཟླ་བ་མོ་ཡང་ཕྱི་བཞིན་འོངས། །མཛའ་བཤེས་མ་དང་ཆུ་ལྷ་ཅན། །ལྷ་མོ་གྲགས་ལྡན་ཉིད་ཀྱང་འོངས། །ས་དང་ཆུ་དང་རླུང་གི་དང་། །མེ་ཡི་ལྷ་མོ་འང་འོངས་གྱུར་ཏེ། །བཅུ་ཚན་ཚོགས་བཅུ་དེ་དག་ཀུན། །ཁ་དོག་
སྣ་ཚོགས་ལྡན་པ་དག །སེར་སྐྱའི་གནས་ཀྱི་ནག་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣཾས། །
དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཁྱབ་འཇུག་ལྷ་དང་གཤོལ་ཅན་ལྷ། །འཚེ་མ་གཉིས་ཀྱང་ལྷགས་པར་གྱུར། །ཟླ་ལ་གནས་པའི་ལྷ་རྣམས་ཀྱིས། །ཟླ་བ་ཉིད་ནི་མདུན་དུ་བདར། །ཉི་ལ་གནས་
པའི་ལྷ་རྣམས་ཀྱིས། །ཉི་མ་ཉིད་ཀྱང་མདུན་བདར་ཅིང་། །ཆར་པ་འབེབས་པར་བྱེད་པ་དག །རྒྱུ་སྐར་རྣམས་ཀྱིས་མདུན་བདར་ལགས། །ཐཾད་བཟང་པོ་རྡོ་རྗེ་ཅན། །བརྒྱ་བྱིན་ཁྱེར་འཇིག་འོངས་གྱུར་ཏེ། །བཅུ་ཚན་ཚོགས་བཅུ་དེ་དག་ཀུན། །

98-1-165b

ཁ་དོག་སྣ་ཚོགས་ལྡན་པ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་
གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ལྷ་མོ་ཚོགས་ཅན་མ་དང་ནི། །མེ་ལྕེའི་རྩེ་འདྲ་འཆི་ལྟས་ཅན། །ཞི་བ་མོ་དང་དཀའ་བཟློག་མ། །མེ་ཏོག་གོས་ཅན་འོང་
གྱུར་ཅིང་། །རྒྱུ་བ་མོ་དང་མཚན་མཆིངས་བཟང་། །འཆི་མེད་རྣམ་པ་དུ་མ་དང་། །གང་ཞིག་ཕྱོགས་སུ་ཆར་འབེབས་པ། །འདོད་ལྷའི་དབྱངས་ཅན་མ་ཡང་འོངས། །བཅུ་ཚན་ཚོགས་བཅུ་དེ་དག་ཀུན། །ཁ་དོག་སྣ་ཚོགས་ལྡན་པ་དག །
སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་
རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །སྔོ་བསངས་སྔོ་བསངས་ཆེན་མོ་དང་། །མི་འདྲ་མི་འདྲ་དམ་པ་དང་། །རྩེད་མོས་མྱོས་དང་དེ་བཞིན་དུ། །ཡིད་ཁྲུག་མ་ཡང་འོངས་གྱུར་ཅིང་། །ཕག་མོ་ཕག་མོ་ཆེན་
མོ་དང་། །སློང་མ་ངེས་མ་ལྷན་ཅིག་ལྷགས། །བཅུ་ཚན་ཚོགས་བཅུ་དེ་དག་ཀུན། །ཁ་དོག་སྣ་ཚོགས་ལྡན་པ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་
རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་
ཞུགས། །དཀར་མོ་རྒྱགས་བྱེད་སྙིང་རྗེ་དང་། །གོས་སྔོན་མོ་ཡང་འོངས་གྱུར་ཅིང་། །སྐྲ་དཀར་མོ་ལ་སོགས་པ་དང་། །གོས་སེར་མོ་ཡང་འོངས་པར་གྱུར། །འཕྲོག་མ་རྟག་ཏུ་མྱོས་པ་དང་། །སྤེལ་མ་རྣམས་པ་དུ་མ་དང་། །

98-1-166a

དག་པ་དང་ནི་འོད་ཅན་མ། །ལྷ་མོ་གྲགས་ལྡན་རྣམས་ཀྱང་ལྷགས། །བཅུ་ཚན་ཚོགས་བཅུ་དེ་དག་ཀུན། །ཁ་དོག་སྣ་ཚོགས་ལྡན་པ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །
གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །
བདེ་བྱེད་དགའ་ལྡན་འཐབ་བྲལ་དང་། །ནག་པོ་བཏབ་པ་དུ་མ་དང་། །ལུམ་བི་ནི་དང་ལུམ་བི་མཆོག །སྐར་མ་ཞེས་བྱ་ལེགས་སྨོན་དང་། །འཕྲུལ་དགའ་རྣམས་དང་དེ་བཞིན་དུ། །དབང་བསྒྱུར་རྣམས་ཀྱང་ལྷགས་པར་གྱུར། །བཅུ་
ཚན་ཚོགས་བཅུ་དེ་དག་ཀུན། །ཁ་དོག་སྣ་ཚོགས་ལྡན་པ་དག །སེར་སྐྱའི་གནས་ཀྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་
ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ལྷ་ཚོགས་དྲུག་བཅུ་དེ་དག་ཀུན། །ཁ་དོག་སྣ་ཚོགས་ལྡན་པ་དག །
སེར་སྐྱའི་གནས་གྱི་ནགས་ཚལ་ནི། །སྣང་བར་བྱས་ཏེ་འཁོད་པ་དང་། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་
རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །ཚངས་པའི་འཇིག་རྟེན་སྟོང་དག་གི། ཚངས་པ་ཆེན་པོ་ཞེས་བྱ་བ། །ཀུན་བགེད་གཞོན་ནུ་སྐར་རྒྱལ་དེ། །སོ་སོར་དབང་
བསྒྱུར་དབང་ཕྱུག་བཅུ། །རྫུ་འཕྲུལ་ལྡན་པ་དེ་དག་དང་། །ལྷན་ཅིག་འགྲོགས་ཏེ་དེར་ལྷགས་པ། །གང་དག་དེ་ཡི་འཁོར་རྣམས་དང་། །དེ་དག་ཀྱང་ནི་འདུས་པར་ལྷགས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་

98-1-166b

གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །འདུས་པའི་ཚལ་དུ་མངོན་པར་ཞུགས། །དབང་བསྒྱུར་བྱེད་པའི་འཕྲོག་མ་མོ། །ཁ་དོག་གཟུགས་མཆོག་ལྡན་པ་ཡང་། །བུ་རྣམས་ཀྱིས་ནི་ཡོངས་བསྐོར་ཅིང་། །
དེ་དག་རྣམས་ཀྱི་ཕྱི་བཞིན་འོངས། །གང་དག་དེ་ཡི་འཁོར་རྣམས་དང་། །དེ་ཡང་འདུས་པའི་ནང་དུ་འོངས། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་རྣམས། །དགེ་སློང་རྣམས་ལ་ཕྱག་འཚལ་ཞིང་། །
འདུས་པའི་ཚལ་དུ་མངོན་པར་ཞུགས། །དབང་པོར་བཅས་དང་དབང་ལྡན་བཅས། །སྐྱེ་དགུའི་བདག་དང་བཅས་པ་ཡི། །ལྷ་རྣམས་དེ་དག་དེར་ལྷགས་ཤིང་། །དགེ་སློང་རྣམས་ཀྱང་དེར་ལྷགས་སོ། །ནག་པོས་སྨྲས་པའི་ཚིག་ལ་ལྟོས། །
འདོད་ཆགས་ཀྱིས་ནི་འདི་ཟུང་ལ། །བཅིང་བ་གྱིས་དང་ཁྱོད་ལ་ལེགས། །འདི་དག་ཀུན་ནས་ཡོངས་བསྡུས་ལ། །འདི་དག་གསོན་པོར་མ་བཏང་ཞེས། །དེ་ན་ནག་པོ་སྡེ་བོ་ཆེ། །སྡེ་རྣམས་ལ་ནི་སྐུལ་བྱེད་ཅིང་། །ཁྲོས་ཤིང་རང་དབང་
མེད་གྱུར་ནས། །རང་ཡང་མངོན་པར་ཞུགས་གྱུར་ཏེ། །ལག་པ་ས་ལ་བརྡབས་ནས་ནི། །ཤིན་དུ་འཇིགས་པའི་སྒྲ་ཕྱུང་སྟེ། །དེ་ནས་ལྷ་ཡིས་སྤྲིན་ཕྲེང་དང་། །གློག་དང་བཅས་པའི་ཆར་ཡང་ཕབ། །སངས་རྒྱས་ཀྱིས་ནི་དེ་
མཁྱེན་ནས། །དེ་བཞིན་གཤེགས་པས་རྣམས་གཟིགས་ཏེ། །དེ་ནས་སྟོན་པས་བསྟན་དགའ་བའི། །ཉན་ཐོས་རྣམས་ལ་དགེ་སློང་དག །བདུད་སྡེ་མངོན་པར་ལྷགས་གྱུར་གྱིས། །མངོན་པར་རྟོགས་ཤེས་བཀའ་སྩལ་པ། །
བརྩོན་པར་བྱེད་པ་དེ་དག་གིས། །སངས་རྒྱས་གསུངས་པ་ཐོས་ནས་ནི། །དེ་དག་སྤུ་ཡང་མི་གཡོ་བས། །དེ་དག་ཆགས་བྲལ་ཡིན་པར་རྟོགས། །རྒྱལ་སྲས་ཉན་ཐོས་དེ་དག་ནི། །སློབ་མ་རྣམས་དང་ལྷན་ཅིག་དགའ། །དེ་དག་གཡུལ་
ལས་རྣམ་རྒྱལ་ཞིང་། །འཇིགས་བྲལ་གྲགས་དང་ལྡན་པ་ཡིན། །བར་གྱི་སྡོམ་ནི། བདུན་སྟོང་གསེར་ཅན་རི་མཉམ་དང་། །དེ་བཞིན་གནོད་སྦྱིན་ཆུ་སྲིན་དང་། །ཀུན་གྱི་བཤེས་དང་རྒྱལ་པོ་རྣཾས། །དེ་བཞིན་ཁོལ་པོ་གནོད་སྦྱིན་དང་། །

98-1-167a

ཀླུ་དང་འདབ་བཟང་ལྷ་མིན་དང་། །ཆུ་ལྷ་མོ་དང་ཁྱབ་འཇུག་དང་། །ཚོགས་ཅན་མ་དང་སྔོ་བསངས་དང་། །དཀར་མོ་བདེ་བྱེད་དབང་ཕྱུག་དང་། །ཀུན་བགེད་གཞོན་དང་འཕྲོག་མ་དང་། །དབང་བཅས་བདུད་དང་དགེ་སློང་ངོ་། །
དེ་ནས་གནས་གཙང་མའི་ལྷ་ཤིན་དུ་དབང་ཆེ་བར་གྲགས་པ་རྣམས་མདོ་སྡེ་བསྟན་པས་ཡིད་རངས་པར་གྱུར་ནས་དེའི་ཚེ་ཚིག་འདི་དག་གིས་འདུས་པ་ཆེན་པོའི་མདོ་བཤད་དོ། །བཅྡོྃས་བདག་ཅག་གིས་ཀྱང་ཚིག་འདི་དག་
གིས་མདོ་སྡེ་འདི་ཡང་དག་པར་བསྙད་པར་བགྱི་ཞིང་ཡང་དག་པར་བརྗོད་པར་བགྱི་ལགས་སོ། །དེ་ལ་གཟུང་སྔགས་ཀྱི་ཚིག་ནི་འདི་དག་ལགསོ། །ཏདྱ་ཐཱ། ཏེ་ཛེ་ཏེ་ཛ་བ་ཏི། ཙིད་ཏྲེ་ཙིད་ཏྲ་བ་ཏི། ལ་ཏེ་ལ་ཏ་བ་ཏི། ཁ་མེ་ཁ་མ་བ་ཏི། ཀྵེ་མེ་ཀྵ་མ་བ་ཏི། བྷ་དྲེ་བྷ་དྲ་བ་ཏི། ཡ་ཤེ་
ཡ་ཤ་བ་ཏི། དཱུ་ཏེ་དཱུ་ཏ་བ་ཏི། ཙ་པ་ལེ་ཙ་པ་ལ་བ་ཏི། ཁ་ཙེ་ཁ་ཙ་བ་ཏི། བཅྡོཾས་འདི་དག་ནི་གནས་གཙང་མ་པ་རྣམས་ཀྱི་གསང་སྔགས་ཀྱི་ཚིག་རྣམས་ལགས་ཏེ། བཅྡོཾས་གང་ཞིག་མདོ་སྡེ་འདི་དང་། གསང་སྔགས་ཀྱི་
ཚིག་འདི་དག་རྨོངས་པ་མ་མཆིས་པར་འཛིན་པར་བགྱིད་ན་འདི་ནི་ཇི་སྲིད་འཚོའི་བར་དུ་འབྱུང་པོ་ཐྃད་ལས་བསྲུང་བ་བགྱིས་པར་འགྱུར་ལགསོ། །འབྱུང་པོ་ཐྃད་ཀྱང་དགའ་བར་འགྱུར་ལགསོ། །དེ་ལ་བྲོ་ནད་ཐྃད་ཀྱིས་
མི་ཚུགས་པར་འགྱུར་ལགས་སོ། །གང་དུ་ཀློག་པ་དེར་དགེ་བར་འགྱུར་ཞིང་དེ་དག་ལ་དགུང་ལོ་བདུན་དུ་བསྲུང་བ་བགྱིས་པར་ཡང་འགྱུར་ལགསོ། །ཇི་ཙམ་འཚལ་བར་འགྱུར་བ་དེ་ཙམ་གྱིས་དགུང་ཆར་འབབ་པར་ཡང་
འགྱུར། འཆད་པར་ཡང་འགྱུར། དགུང་སེར་འབབ་པར་ཡང་འགྱུར། འཆད་པར་ཡང་འགྱུར་ལགསོ། །བྲོ་ནད་ཐྃད་ལ་བྱབ་པ་བགྱིས་སམ། ཆབ་ལ་བཟླས་བརྗོད་བགྱིས་ཏེ་སྩལ་ན། དེས་དེའི་བྲོ་ནད་ཐྃད་རབ་ཏུ་ཞི་
བར་འགྱུར་ལགསོ། །དེ་ནས་བཅྡོཾས་ལ་ཚངས་པས་གསོལ་པ། བཅྡོཾས་གནས་གཙང་མ་པ་དག་མ་གཏོགས་པ་གཟུགས་ན་སྤྱོད་པའི་ལྷའི་རིས་གོང་མ་རྣཾས་ཀྱི་རིག་སྔགས་ཀྱང་འདི་དག་ལགས་ལ། གསང་སྔགས་ཀྱི་ཆོ་ག་

98-1-167b

ཞིབ་མོ་ཡང་འདི་དག་ལགས་སོ། །འདི་ནི་འདིར་མདོ་སྡེ་ཡོངསུ་འཛིན་པར་བགྱིད་པ་ལགས་སོ། །ཏདྱ་ཐཱ། བྷ་ལེ་བྷ་ལ་མ་ལེ། དུ་ར་དུ་ལེ། ཧི་མེ། ཕུ་བ་ཕེ་སེ། ཀཱ་ཙཱཀྵི་ཀུ་ཙེ་སི། མ་མི་ཎི་ཥེ་རེ་ཐོ་ར་ཎི། བམ་ཕི་བམ་ཕོ་ཊི་སྟེ་ཀེ །
ཏ་ར་ཀེ། གུ་རུ་ག་རོ། གུ་ག་གུ་མི་ཊི། ཏཱ་རེ་རཀྵ། སཱུ་ཏྲ་མ་ནུ་པཱ་ལ་ཡ་ཐ། འདི་ནི་བདག་ཅག་གི་རིག་སྔགས་ཀྱི་ཆོ་ག་ཞིབ་མོ་ལགས་ཏེ། གང་ལ་ལ་ཞིག་མདོ་སྡེ་འདི་དང་གསང་སྔགས་ཀྱི་ཚིག་འདི་དག་དུམ་བུར་མ་གྱུར་པར་འཛིན་
ཏམ། ཀློག་པར་བགྱིད་ན་དེ་ལ་མི་དང་། མི་མ་ལགས་པ་དག་མཆི་བར་མི་འགྱུར་ཞིང་གདུག་པ་ཡང་མི་མཆི། སྦྲུལ་ཡང་མི་མཆི། དུག་ཀྱང་མི་མཆི་ལ། དེའི་ལུས་ལ་གནོད་པ་དག་གིས་མི་ཚུགས་པར་འགྱུར་ལགས་སོ། །འབྱུང་པོ་
ཐྃད་ཀྱང་དགའ་བར་འགྱུར་ལགསོ། །ཇི་སྲིད་འཚོའི་བར་དུ་འབྱུང་པོ་ཐྃད་ལས་བསྲུང་བ་བགྱིས་པར་ཡང་འགྱུར་ལགསོ། །གང་ཀློག་པར་བགྱིད་པ་དང་། གང་ཉན་པར་བགྱིད་པ་དེ་ལ་གུང་ལོ་བདུན་དུ་བསྲུང་བ་བགྱིས་པར་འགྱུར་
ལགས་སོ། །ཆབ་ལ་བཟླས་བརྗོད་བགྱིས་ཏེ་གཏོར་ཏམ། འཚལ་དུ་སྩལ་ན། དེའི་བྲོ་ནད་ཐྃད་ཉེ་བར་ཞི་བར་འགྱུར་ལགསོ། །དེ་ནས་བཅྡོཾས་ལ་འདོད་པའི་བདག་པོ་ཐྃད་ཀྱིས་གསོལ་པ། བཅྡོཾས་འདི་ནི་བདག་ཅག་གི་ཡུལ་
ཡང་ལགས་ཏེ། མདོ་སྡེ་འདི་ཡོངསུ་གཟུང་བའི་རིག་སྔགས་ནི་འདི་ལགསོ། །ཏདྱ་ཐཱ། ལིན་ཏེ། ལི་པེ། ལོ་པེ། བ་པེ། པད་ཀེ་ཀ་མེ། ཀཱ་ཙེ་ཀཱ་ཙཱ་ཀྵི། ཀཱ་ཙ་པི་ག་ལེ། དུ་མེ་དུ་མེ། ཏ་ཊེ་ཏད་ཏྲ་ཊེ། ཏྲ་ཊཱ་ཀྵི། གོ་ལ། ཀི་ལི། ཀི་ཀ་ཀོ་ལི་
ཀེ་སྭཱ་དྷཱུ། སཱུ་ཏྲ་མ་ནུ་པཱ་ལ་ཡ་ཐ། ཨུད་གྲྀཧྞ་ཡ་ཙེ་ཏི། བཅོམ་ལྡན་འདས་གང་ཞིག་གསང་སྔགས་ཀྱི་ཚིག་འདི་དག་དང་། མདོ་སྡེ་ལེགས་པར་གསུངས་པ་འདི་དུམ་བུར་མ་གྱུར་པ་དང་། མཉམ་པར་བཟུང་སྟེ་བསྲུང་བར་བགྱིད་
ན་དེ་ནི་ཐྃད་ལས་བསྲུང་བ་བགྱིས་པར་འགྱུར་ལགསོ། །འབྱུང་པོ་ཐྃད་ཀྱང་དགའ་བར་འགྱུར་ལགསོ། །ཇི་ཙམ་འཚལ་བར་དེ་ཙམ་གྱི་དགུང་ཆར་འབེབ་པར་ཡང་འགྱུར། འཆད་པར་ཡང་འགྱུར། དགུང་སེར་འབབ་པར་ཡང་འགྱུར། 

98-1-168a

འཆད་པར་ཡང་འགྱུར་ལགས་སོ། །འབྱུང་པོ་དང་གདོན་རྣམས་ལས་ཡོངསུ་ཐར་བར་ཡང་འགྱུར་ལགས་སོ། །དུག་འབྱིན་པར་ཡང་འགྱུར་ལགས་སོ། །ཆབ་ལ་ལན་བདུན་བཟླས་བརྗོད་བགྱིས་ཏེ་གཏོར་
ཏམ་འཚལ་དུ་སྩལ་ན་དེས་བྲོ་ནད་ཐྃད་ཉེ་བར་ཞི་བར་འགྱུར་ལགསོ། །དེ་ནས་བཅྡོཾས་ལ་ལྷའི་དབང་པོ་བརྒྱ་བྱིན་གྱིས་གསོལ་པ། བཅྡོཾས་བདག་ཅག་གི་རིག་སྔགས་འདི་ཡང་དེ་བཞིན་དུ་མདོ་སྡེ་འདི་ཡོངསུ་འཛིན་
པར་བགྱིད་ཅིང་། འདོད་པ་ན་སྤྱོད་པའི་ལྷ་གོང་མ་རྣམས་ཀྱིས་ནི་རྗེསུ་ཡི་རང་བར་བགྱིས་ལ། འོག་མ་རྣམས་ཀྱིས་ཀྱང་ལེགས་པར་རྗེསུ་ཡི་རང་བར་བགྱིས་པ་ལགསོ། །ཏད་ཡ་ཐཱ། བཱི་རེ་བཱི་ར་བ་ཏི། 
ཏོ་ཊེ་ཏོ་ཊ་བ་ཏི། བྷ་དྲེ་བྷ་དྲ་བ་ཏི། གོ་ནྀ་གོ་ན་བ་ཏི། མེ་གྷེ་མེ་གྷ་པ་ཏི། ཛྭ་ལ་ནེ་ཛྭ་ལ་ན་པ་ཏི། བྷུ་ཏི་བྷུ་ཏ་པ་ཏི། ཁོ་ར་ཏེ་ཁོ་ར་ཏ་པ་ཏི། ཨི་དན་སཱུ་ཏྲ་མ་ནུ་གྲ་ཎྷ་ཋ། ཨ་ནུ་པཱ་ལ་ཡ་ཐ་ཙེ་ཏི། བཅྡོཾས་གང་ཞིག་མདོ་
སྡེ་འདི་དང་གསང་སྔགས་ཀྱི་ཚིག་འདི་དག་དུམ་བུར་མ་གྱུར་པར་འཛིན་པར་བགྱིད་ན་དེ་ཇི་སྲིད་འཚོའི་བར་དུ་འབྱུང་པོ་ཐྃད་ལས་བསྲུང་བར་བགྱིད་པར་འགྱུར་ལགསོ། །དེ་ལ་མི་དང་མི་མ་ལགས་པ་འགའ་ཡང་འཚེ་བར་
མི་འགྱུར་ལགས་སོ། །གང་དུ་ཀློག་པ་དེར་ཇི་སྲིད་འཚོའི་བར་དུ་བསྲུང་བ་བགྱིད་པར་འགྱུར་ལགས་སོ། །སེམས་ཅན་ཐྃད་ཀྱང་དགའ་བར་འགྱུར་ལགསོ། །དེ་ལ་ཟིལ་གྱིས་གནོན་པ་འགའ་ཡང་འབྱུང་བར་མི་
འགྱུར་ལགས་སོ། །དེའི་ལུས་ལ་བྲོ་ནད་རྣམས་ཀྱིས་མི་ཚུགས་པར་འགྱུར་ལགསོ། །སེམས་ཅན་ཐྃད་ལ་ཕན་འདོགས་པར་ཡང་འགྱུར་ལགསོ། །གང་དུ་ཀློགས་པར་འགྱུར་བ་དེར་དགུང་ལོ་བདུན་དུ་བསྲུང་
བ་བགྱིས་པར་འགྱུརོ། །འབྱུང་པོ་དང་གདོན་རྣམས་ལས་ཐར་བར་ཡང་འགྱུར་ལགས་སོ། །དུག་འཇོམས་པར་ཡང་འགྱུར་ལགསོ། །བྲོ་ནད་ཐྃད་སེལ་བར་ཡང་འགྱུར་ལགསོ། །སྐུད་པའཾ་ཆབ་ལ་བཟླས་

98-1-168b

བརྗོད་བགྱིས་ཏེ་བཅིངས་སམ་གཏོར་ན་བྲོ་ནད་ཐྃད་དང་བྲལ་བར་ཡང་འགྱུར་ལགས་སོ། །དེ་ནས་བཅྡོྃས་ལ་རྒྱལ་པོ་ཆེན་པོ་བཞིས་གསོལ་པ། བཅྡོྃས་བདག་ཅག་རྒྱལ་པོ་ཆེན་པོ་བཞིའི་རིག་སྔགས་
འདི་ཡང་མདོ་སྡེ་འདི་ཡོངསུ་འཛིན་ཅིང་གྲུབ་པར་བགྱིད་པ་ལགསོ། །རྣམ་ཐོས་ཀྱི་བུས་གསོལ་པ། ཏདྱ་ཐཱ། ཀུ་རེ་བུ་ར་ཎཱི། མོ་རེ་མོ་ར་ཎཱི། ཀཱ་ཙེ་ཀཱ་ཙ་ཎཱི། ཀྲི་མི་ཀྲི་མི་ནི། ཡུལ་འཁོར་སྲུང་གིས་
གསོལ་པ། པུ་རེ་པོ་རེ་པུ་ར་ཏཱི། ཧོ་རེ་ཧོ་ར་ཎཱི། པྲ་ཧོ་རེ་པྲ་ཧོ་ར་ཎཱི། འཕགས་སྐྱེས་པོས་གསོལ་པ། ཀེ་ཤེ་ཀེ་ཤེ་བ་ཏི། ཀ་ཤ་ན་མི་ཀེ། ཤ་ཋེ་ཏི་ཋེ་ནི་མ་རི་ཏི། མིག་མི་བཟང་གིས་གསོལ་པ། 
ཙཀྲེ་ཙཀྲི་ཎི། ཙཀྲ་བ་གི་ཎི། བྷི་ཏི་རིརྨི་ནི། ཤི་མི་ཤི་མྀ། ཤ་མ་ནེ་ཏི། བཅྡོཾས་གང་ཞིག་རྒྱལ་པོ་ཆེན་པོ་བཞིས་བརྗོད་པའི་རིག་སྔགས་ཀྱི་ཆོ་ག་ཞིབ་མོ་འདི་བཞི་དང་། མདོ་སྡེ་འདི་དུམ་བུར་མ་གྱུར་པ་
དང་། མ་བཀོལ་བར་ལེགས་པར་བཟུང་སྟེ་བསྲུང་བར་བགྱིད་ན། དེ་ཇི་སྲིད་འཚོའི་བར་དུ་བསྲུང་བ་བགྱིས་པར་འགྱུར་ལགསོ། །དེ་ལ་འབྱུང་པོ་ཐྃད་དང་། བྲོ་ནད་ཐྃད་ཀྱང་སླར་ལྡོག་པར་འགྱུར་ལགསོ། །
གདུག་པས་ཟིན་པ་དང་། དུག་ཐྃད་ལས་ཀྱང་ཐར་བར་འགྱུར་ལགས་སོ། །སྐུད་པ་འམ། ཆབ་ལ་བཟླས་བརྗོད་བགྱིས་ཏེ། བཅིངས་སམ། གཏོར་ཅིང་འཚལ་དུ་སྩལ་ན། ཆོ་ག་དེས་དེ་ལ་འགྲུབ་
པར་འགྱུར་ལགས་སོ། །དེ་ནས་བཅྡོྃས་ལ་ལྷ་མ་ཡིན་དང་། རླུང་ལྷས་གསོལ་པ། བཅྡོྃས་བདག་ཅག་གི་རིག་སྔགས་འདི་ཡང་ཡོངསུ་འཛིན་པར་བགྱིད་པ་ལགས་སོ། །ཏདྱ་ཐཱ། ག་ལེ་ག་ག་
ག་ལེ། ག་ལེ་ག་ནི། ཁི་ནི་ཁི་ནི། གྷུ་ཥེ་གྷུ་ཥེ་གྷུ་གྷུ་ཥྱ། ཁ་ན་ཁ་ཁ་ནེ། ཁ་ན་ཁ་ནི། ལུ་པེ་ལུ་པི། ལུ་པ་ལུ་པི་ཏི། བཅྡོཾས་གསང་སྔགས་འདི་དག་དང་། མདོ་སྡེ་འདི་དུམ་བུར་མ་གྱུར་ཅིང་། མ་བཀོལ་བར་

98-1-169a

བཟུང་ན་ཇི་སྲིད་འཚོའི་བར་དུ་བསྲུང་བར་འགྱུར་ལགསོ། །དེའི་བྲོ་ནད་ཐྃད་ཀྱང་རབ་ཏུ་ཞི་བར་འགྱུར་ལགསོ། །ལུས་ལ་དུག་གིས་མི་ཚུགས་པར་ཡང་འགྱུར་ལགསོ། །དེ་ནས་བཅྡོྃས་ལ་གནས་གཙང་མའི་རིས་ཀྱི་ལྷ་
རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ་མདོ་སྡེ་འདིའི་དགོངས་པ་ཡོངསུ་གཟུང་བའི་སླད་དུ་ཕྱོགས་བཅུའི་འཇིག་རྟེན་གྱི་ཁམས་ནས་ལྷགས་པ་རྣམས་ཀྱིས་རིག་སྔགས་དག་སྨྲས་ལགས་ན། བཅྡོྃས་ཉན་ཐོས་ཀྱི་ཚོགས་
དང་བཅས་པས་ཀྱང་ཡང་དག་པར་རྗེསུ་ཡི་རང་བར་མཛད་ཅིང་། ཀུན་དུ་གཟུང་བ་དང་། བསྲུང་བ་དང་། བསྒྲུབ་པ་དག་ལེགས་པར་བཤད་དུ་གསོལ། དེ་ལྟར་ན་རིགས་ཀྱི་བུ་དེ་དག་གི་སྦྱིན་པར་བགྱི་བའི་ཆོས་ཀྱི་མདོ་སྡེ་འདི་འབྲས་བུ་དང་
བཅས་པར་འགྱུར་ལགསོ། །དེ་ནས་བཅྡོཾས་ཀྱིས་བཀའ་སྩལ་པ། ཁྱེད་ཀྱིས་གསང་སྔགས་ཀུན་དུ་བཟུང་བ་འདི་ནི་གྲུབ་པ་ཡིན་ཏེ། ང་ཉན་ཐོས་ཀྱི་ཚོགས་དང་བཅས་པས་ཀྱང་མདོ་སྡེ་འདིའི་གྲུབ་པ་དང་། བསྲུང་བ་དང་། བསྒྲུབ་
པ་དག་བཤད་པར་བྱས། དེ་ཉོན་ཅིག་དང་བཤད་པར་བྱའོ། །གནས་གཙང་མའི་རིས་ཀྱི་ལྷ་རྣམས་ཀྱིས་བཅྡོཾས་དེ་བཞིན་ལགས་ཏེ། བཅྡོཾས་ཉན་ཐོས་ཀྱི་ཚོགས་དང་བཅས་པས་མདོ་ཆེན་པོ་འདི་གྲུབ་པར་བགྱི་བའི་སླད་དུ་བསྲུང་
བ་དང་། བསྒྲུབ་པ་དག་བཤད་དུ་གསོལ། དེ་ནས་བཅྡོཾས་ཀྱིས་མདོ་སྡེ་འདི་གྲུབ་པར་བྱ་བའི་ཕྱིར་བསྲུང་བ་དང་། བསྒྲུབ་པ་དག་བཀའ་སྩལ་པ། དེ་ལ་རྒྱུན་དུ་ཞུགས་པ་རྣམས་ཀྱི་གྲུབ་པ་ནི་འདི་ཡིན་ནོ། །ཏ་ལ་ཏ་ལ། ཏ་ན་ཏ་ལ། 
ཏ་ཏོ་ཏ་ལེ་མ་ཏེ། ལན་ཅིག་ཕྱིར་འོང་བ་རྣམས་ཀྱི་གྲུབ་པ་ནི་འདི་ཡིན་ནོ། །ས་ལེས་ས་ལི་ཏི། ཕྱིར་མི་འོང་བ་རྣམས་ཀྱི་གྲུབ་པ་ནི་འདི་ཡིན་ནོ། །ལ་ཏེ་ལ་ཏེ་ལོ་ལ་ཏེ། དགྲ་བཅོམ་པ་རྣམས་ཀྱི་གྲུབ་པ་ནི་འདི་ཡིན་ནོ། །དྷུ་པུ་དྷུ་པུ། 
དྷུ་རུ་དྷུ་རུ། ཀ་ཙ་བི་ཀ་ཙི། ཀ་ཙ་བི་ཀ་ཙ་ཏི། དེ་ནས་བཅྡོཾས་ཀྱིས་གྲུབ་པ་ནི་འདི་ཡིན་ནོ། །དྷ་མེ་དྷ་མེ། དྷ་མེ་དྷ་མེ། དྷ་སེ་དྷ་སེ། དྷ་རེ་དྷ་དྷ་རེ། དྷ་རོ་དྷི་དྷི་ཏི། དེ་ལ་བསྲུང་བ་ནི་འདི་ཡིན་ནོ། །ཏི་ན་ཏི་རི་ཙ་རི་ཥ ། བིངྒ་ལ་ཀྵི་རཀྵ། མཚམས་

98-1-169b

བཅད་པའི་ནི་འདི་ཡིན་ནོ། །བད་དྷ་བད་དྷོ་ཏི། བད་དྷ་སི་རི་མི་ཏི། བད་དྷ་ཀུ་ཥ་བད་དྷ། གྷུ་གྷུ་ཥེ་བད་དྷ། གྷུ་ཥ་ག་ཥེ་ཡྃ་བད་དྷ་བྷི། བསྒྲུབ་པ་ནི་འདི་ཡིན་ནོ། །བི་ཥེ་སཱ་དྷ་ཡ། ཏུ་ཏུ་ལེ་སཱ་དྷ་ཡེ་ཏི། ཞག་གསུམ་སྨྱུང་བ་བྱས་པས་ཚེས་
བཅྭ་ལྔའི་ཉིན་པར་གསང་སྔགས་ཀྱི་ཚིག་འདི་དག་དང་། མདོ་སྡེ་འདིས་བཅྡོཾས་ལ་མཆོད་པར་བྱས་ཏེ། ཁ་ཤར་ཕྱོགསུ་བལྟས་ལ་བསྲུང་བ་ལན་བརྒྱ་བརྗོད་པར་བྱ་ཞིང་། བཟླས་བརྗོད་ལན་བརྒྱ་བྱས་ལ། མདུད་པ་རེ་རེ་པ་བརྒྱ་
རྩ་བརྒྱད་བྱས་ན་བསྲུང་བ་བྱས་པ་ཡིན་ཞིང་། ལན་གསུམ་སྤུ་ཟིང་ཞེས་བྱེད་པར་ཡང་འགྱུར་ཏེ། སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །ཟླ་བ་ཡར་གྱི་ངོའི་ཚེས་བཅུ་གཉིས་ལ་བཅྡོཾས་ལ་མཆོད་པ་བྱས་
ལ་སྐུད་པ་དེ་ལག་ཏུ་བླངས་ཏེ་བཟླས་ཤིང་མཚམས་བཅད་པར་བྱས་ཏེ། ལན་བརྒྱ་རྩ་བརྒྱད་བརྗོད་ཅིང་མདུད་པ་བརྒྱ་རྩ་བརྒྱད་བྱས་ཏེ་མཚམས་གཅོད་པར་བྱེད་ན་ལན་བདུན་སྤུ་ཟིང་ཞེས་བྱེད་པར་ཡང་འགྱུརོ། །ལྷོ་ཕྱོགས་
ནས་ཅེ་སྤྱང་མོས་ལན་གསུམ་སྒྲ་ཕྱུང་སྟེ་འདུག་པར་གྱུར་ན། དེ་ནས་མཚམས་བཅད་པར་ཤེས་པར་བྱའོ། །དེས་དེ་བཞིན་དུ་སྨྱུང་བ་བྱས་ཏེ། ཚེས་བཅྭ་ལྔའི་ཉིན་པར་ཁྲུས་བྱས་ལ། བཅྡོྃས་ལ་མཆོད་པ་བྱས་སྟེ། སྐུད་པ་བླངས་
ལ། ཉན་ཐོས་ཀྱི་ཚིག་རྣམས་དང་། བཅྡོཾས་ཀྱི་ཆོ་ག་ཞིབ་མོས་ལན་བདུན་བཟླས་ཏེ། བཟླས་བརྗོད་ལན་བརྒྱ་རྩ་བརྒྱད་བརྗོད་ཅིང་མདུད་པ་བརྒྱ་རྩ་བརྒྱད་བྱས་ལ། སྐུད་པ་ལག་ཏུ་བླངས་ཏེ། རིག་སྔགས་ཐྃད་ལན་ཅིག་བཟླས་
བརྗོད་བྱས་ཤིང་སྒྲུབ་པ་བྱས་ན་ཆར་པ་ཆེན་པོ་དང་། རླུང་ཆེན་པོ་ཡང་འབྱུང་སྟེ། མཚམས་ཀྱི་ཕྱི་རོལ་དུ་ལྡང་ཞིང་འབབ་པར་འགྱུར་ལ། སྐད་ཅིག་གིས་ཆད་པར་ཡང་འགྱུར་ཏེ། ལན་བདུན་གྱི་བར་དུ་ཡང་བརྗོད་པར་བྱའོ། །དེ་ནས་ལྷའི་
བུ་སྤྲིན་ཆེན་ཞེས་བྱ་བ་དང་། སྤྲིན་བཟང་ཤེས་བྱ་བ་གཉིས་འོངས་ཏེ། དེའི་རྐང་པ་ལ་མགོ་བོས་ཕྱག་འཚལ་ཞིང་གྲུབ་པ་སྦྱིན་པ་དང་། རྗེསུ་ཡི་རང་བར་ཡང་འགྱུརོ། །དེ་ལ་གྲུབ་པ་ནི་འདི་དག་ཡིན་ཏེ། ཀུ་ཅུ་ཀུ་ཙ་ཞེས་བྱའོ། །སྤྲིན་བཟང་

98-1-170a

ཀྱི་ནི་འདི་ཡིན་ཏེ། ཀ་ར་ཀ་ར་ཀཱ་ར་ར་ཞེས་བྱའོ། །ཚིག་འདི་དག་དང་སྐུད་པ་ལག་ཏུ་བླངས་པས་མདོ་སྡེ་དང་། གསང་སྔགས་རྣམས་བསམས་ན་གང་བྱ་བར་འདོད་པ་དེ་དག་ཐམས་ཅད་བྱེད་པར་འགྱུརོ། །བཅྡོཾས་ཀྱི་མདོ་སྡེ་དང་། 
རིག་སྔགས་འདི་དག་ཐྃད་ཀྱིས་ཆུ་འམ་སྐུད་པ་ལ་བཟླས་ན་གང་བྱེད་པར་མི་འགྱུར་བ་དེ་མེད་དེ། ལས་ཐྃད་འགྲུབ་པར་འགྱུརོ། །ཇི་སྲིད་འཚོའི་བར་དུ་བདག་དང་། གཞན་དག་བསྲུང་བའི་ཕྱིར་མདོ་སྡེ་འདི་བཟུང་བར་བྱའོ། །བཅྡོཾས་
ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འབྱུང་པོ་གང་དག་འདིར་ནི་ལྷགས་གྱུར་ཅིང་། །ས་དང་བར་སྣང་དག་ལ་འཁོད་པ་རྣཾས། །
སྐྱེ་དགུ་རྣམས་ལ་རྟག་ཏུ་བྱམས་བྱས་ཅིང་། །ཉིན་དང་མཚན་དུ་ཆོས་ཀྱང་སྤྱོད་གྱུར་ཅིག །མདོ་ཆེན་པོ་འདུས་པ་ཆེན་པོའི་མདོ་ཞེས་བྱ་བ། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། པྲཛྙཱ་བར་མ་དང་། 
ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ། ། ༄༅།  །རྒྱ་གར་སྐད་དུ།  ཨཱ་ཊཱ་ནཱ་ཊཱི་ཡ་མ་སཱུ་ཏྲཱ་ན་ནཱ་མ་མ་ཧཱ་ཡ་སཱུ་ཏྲ།  བོད་སྐད་དུ། མདོ་ཆེན་པོ་ཀུན་ཏུ་རྒྱུ་བ་དང་། ཀུན་དུ་རྒྱུ་བ་མ་
ཡིན་པ་དང་འཐུན་པའི་མདོ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུ་ཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་
དགའ་ར་བ་ན་བཞུགསོ། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུ་ཁ་དོག་འཕགས་པ། གཡོག་འཁོར་གནོད་སྦྱིན་དུ་མ་དང་། གཡོག་འཁོར་གནོད་སྦྱིན་བརྒྱ་ཕྲག་དུ་མ་དང་། གཡོག་འཁོར་གནོད་སྦྱིན་སྟོང་ཕྲག་དུ་མ་
དང་། གཡོག་འཁོར་གནོད་སྦྱིན་འབུམ་ཕྲག་དུ་མ་དང་ལྡན་པ་ནམ་སྲོས་པ་དང་། བཅྡོཾས་ག་ལ་བ་དེར་སོང་ཏེ་ཕྱིན་ནས་བཅྡོཾས་ཀྱིས་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུགོ། དེའི་ཚེ་རྒྱལ་པོ་ཆེན་པོ་རྣཾས་

98-1-170b

ཐོས་ཀྱི་བུའི་ཁ་དོག་གི་མཐུས་རྒྱལ་བུ་རྒྱལ་བྱེད་ཀྱི་ཚལ་ཐྃད་སྣང་བ་ཆེན་པོས་གསལ་བར་གྱུར་ཏོ། །རྒྱལ་པོ་ཆེན་པོ་རྣམ་ཐོས་ཀྱི་བུ་ཕྱོགས་གཅིག་ཏུ་འདུག་ནས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །རྐང་གཉིས་
དམ་པ་རྫོགས་སངས་རྒྱས། །བློ་ལྡན་ཁྱོད་ཀྱིས་གང་མཁྱེན་པ། །ལྷ་རྣམས་ཀྱིས་ནི་དེ་མ་འཚལ། །དཔའ་ཆེན་ཁྱོད་ལ་ཕྱག་འཚལོ། །སངས་རྒྱས་གང་དག་འདས་པ་དང་། །ད་ལྟར་བྱུང་དང་མ་བྱོན་པ། །ཐམས་
ཅད་ལ་ནི་བདག་ཕྱག་འཚལ། །ཁྱོད་ལ་འང་བདག་ནི་སྐྱབསུ་མཆིས། །བཙུན་པ་བཅྡོཾས་ཀྱིས་ཉན་ཐོས་ཀྱི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་གང་དག་གནས་མལ་དགོན་
པ་དང་། ནགས་འདབ་དག་དང་། བས་མཐའ་དག་ན་གནས་པ་དག་ཀྱང་མཆིས་ལ། དེ་ལ་གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་གང་དག་བཅྡོཾས་ཀྱི་གསུང་རབ་ལ་མངོན་
པར་དད་པ་དག་དང་མངོན་པར་མ་དད་པ་དག་ཀྱང་མཆིས་ཏེ། གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་གང་དག་བཅྡོཾས་ཀྱི་གསུང་རབ་ལ་མངོན་པར་དད་པ་དེ་དག་ནི་ཤིན་དུ་ཉུང་ལ། 
གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་གང་དག་བཅྡོཾས་ཀྱི་གསུང་རབ་ལ་མངོན་པར་མ་དད་པ་དེ་དག་ནི་ཆེས་མང་ལགས་ཏེ། བཙུན་པ་བཅྡོཾས་ཀྱི་ཉན་ཐོས་དགེ་སློང་རྣམས་དང་། 
དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་རྣམས་འདི་ལྟར་བདག་ཉིད་བསྲུང་བ་དང་། བསྐྱབ་པ་དང་། བདེ་བ་ལ་རེག་པར་གནས་པར་བགྱི་བ་དང་། གནོད་སྦྱིན་དང་། མི་མ་ལགས་
པ་གདུག་པ་གཉུག་མར་གནས་པ་མངོན་པར་མ་དད་པ་དག་མངོན་པར་དད་པར་བགྱི་བ་དང་། མངོན་པར་དད་པ་རྣམས་ཀྱང་སླར་ཞིང་འཕེལ་བར་བགྱི་བའི་སླད་དུ་ཀུན་དུ་རྒྱུ་བ་ཀུན་དུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། 

98-1-171a

བསྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་འཛིན་ཅིང་། ཀུན་ཆུབ་པར་བགྱིད་ན་ལེགས་སོ།  ལེགས་སོ་ཞེས་གསོལ་པ་དང་། བཅོམ་ལྡན་འདས་ཀྱིས་རྒྱལ་པོ་ཆེན་པོ་རྣཾ་
ཐོས་ཀྱི་བུ་ལ་ཅང་མི་གསུང་བས་གནང་བར་མཛད་དོ། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་
འཚལ་ཏེ། དེའི་ཚེ་བཅོམ་ལྡན་འདས་ཀྱི་སྤྱན་སྔར་ཀུན་ཏུ་རྒྱུ་བ་དང་ཀུན་དུ་རྒྱུ་བ་མ་ཡིན་པ་དང་འཐུན་པའི་མདོ། རིག་སྔགས་དང་། བསྲུང་བ་དང་། རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་གསོལ་ཏོ། །
སྐྱེ་བོ་གང་དག་གཏོང་ཕོད་ཅིང་། །ཕྲ་མ་མ་མཆི་སེར་སྣ་བྲལ། །གང་དག་སངས་རྒྱས་སྐྱབས་མཆིས་པས། །མི་དེ་རྣམས་ཀྱི་རྙེད་པ་ལགས། །གང་གི་འཆར་ལ་བརྟེན་ནས་ནི། །དེས་ན་ཉིན་མོར་བརྗོད་པ་ཡི། །
ཉི་མ་ཆེན་པོ་དཀྱིལ་འཁོར་ཅན། །ཉི་གདུགས་གང་འཆར་འགྱུར་བ་ཡི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །དྲི་ཟའི་བདག་པོ་རྒྱལ་པོ་སྟེ། །མིང་ནི་ཡུལ་འཁོར་སྲུང་ཞེས་བགྱི། །
དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །དྲི་ཟ་རྣམས་ཀྱིས་ཡོངས་བསྐོར་ཅིང་། །དྲི་ཟ་རྣམས་ཀྱིས་མདུན་གྱིས་བལྟས། །དེ་ལ་བུ་ནི་མང་མཆིས་ཏེ། །བརྒྱད་བཅུ་དང་ནི་བཅུ་དང་གཅིག །དེ་དག་མིང་
འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པ། །ཀུན་དུ་གཞན་གྱིས་མི་ཐུབ་ལགས། །དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་
གཉེན་མཐོང་ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་འཚལ་ཞེས། །མི་ཡིས་ཕྱག་བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགས་སུ་

98-1-171b

གསོལ། །ཁྱོད་ལ་མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་ཏམ་རྒྱལ་ལ་ཕྱག་འཚོལ་ཅིག །སངས་རྒྱས་རིག་དང་ཞབས་
ལྡན་བ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་ཤར་གྱི་ཕྱོགས་དེ་ནི། །བཟང་བ་ལགས་ཤེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །གང་ན་ཡི་དགས་
ཞེས་བགྱི་བ། །རྒྱབ་ཀྱི་ཤ་འཚལ་ཕྲ་མ་ཅན། །སྲོག་གཅོད་བགྱིད་པ་མ་རུངས་པ། །འཇུངས་ཤིང་མི་སྙན་སྨྲ་བགྱིད་པའི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །གྲུལ་བུམ་
བདག་པོ་རྒྱལ་པོ་སྟེ། །མིང་ནི་འཕགས་སྐྱེས་པོ་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །གྲུལ་བུམ་རྣམས་ཀྱིས་ཡོངས་བསྐོར་ཅིང་། །གྲུལ་བུམ་རྣམས་ཀྱིས་མདུན་གྱིས་བལྟས། །
དེ་ལ་བུ་ནི་མང་མཆིས་ཏེ། །བརྒྱད་བཅུ་དང་ནྀ་བཅུ་དང་གཅིག །དེ་དག་མིང་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པ། །ཀུན་དུ་གཞན་གྱིས་མི་འཐུན་ལགས། །
དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་འཚལ་ཞེས། །མི་ཡིས་ཕྱག་བགྱིས་ཁྱོད་ལ་ནི། །
རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགས་སུ་གསོལ། །ཁྱོད་ལ་མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་སྐད་ཅེས། །འདྲེན་པ་རྒྱལ་ལ་ཕྱག་འཚོལ་
གཅིག །གཽ་གཏམ་རྒྱལ་ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་ལྷོ་ཡི་ཕྱོགས་དེ་ནི། །བཟང་བ་ལགས་ཤེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །

98-1-172a

རྒྱལ་ཆེན་གྲགས་དང་ལྡན་པ་ལགས། །གང་ཞིག་ནུབ་པ་ཁོ་ན་ལས། །དེས་ན་མཚན་མོར་བརྗོད་པ་ཡི། །ཉི་མ་ཆེན་པོ་དཀྱིལ་འཁོར་ཅན། །ཉི་གདུགས་གང་དུ་ནུབ་འགྱུར་བ། །དེ་ན་མཚོ་ཆེན་ཟབ་མོ་ནི། །ཤིན་དུ་འདའ་བར་
དཀའ་བ་སྟེ། །དེ་ནི་ཆུ་སྔོན་རྒྱ་མཚོ་ཞེས། །སྐྱེ་བོས་རྟོགས་པ་མཆིས་པ་ཡི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །ཀླུ་ཡི་བདག་པོ་རྒྱལ་པོ་སྟེ། །མིང་ནི་མིག་མི་བཟང་ཞེས་བགྱི། །
དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །ཀླུ་རྣམས་ཀྱིས་ནི་ཡོངས་བསྐོར་ཅིང་། །ཀླུ་རྣམས་ཀྱིས་ནི་མདུན་གྱིས་ལྟས། །དེ་ལ་བུ་ནི་མང་མཆིས་ཏེ། །བརྒྱད་བཅུ་དང་ནི་བཅུ་དང་གཅིག །དེ་དག་མི་འཐུན་གྲགས་
པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པ། །ཀུན་དུ་གཞན་གྱིས་མི་ཐུབ་ལགས། །དེ་དག་རྣམས་ཀྱི་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་བུ་ཅང་ཤེས་
ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་འཚལ་ཞེས། །མི་ཡིས་ཕྱག་བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགསུ་གསོལ། །ཁྱོད་ལ་མི་མིན་ཕྱག་འཚལ་བ། །
དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་ཏམ་ཁྱོད་ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་
ནུབ་ཀྱི་ཕྱོགས་དེ་ནི། །བཟང་བ་ལགས་ཤེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་ཅིང་། །རྒྱལ་ཆེན་གྲགས་དང་ལྡན་པ་ལགས། །གང་ན་བྱང་གི་སྒྲ་མི་སྙན། །དགའ་ཞིང་ལྷུན་ཆེན་ལྟ་མཛེས་དང་། །གང་ན་
མི་རྣམས་ཚེ་ལོ་ནི། །བརྒྱ་ཕྲག་བཅུ་པ་སྐྱེ་འགྱུར་ཞིང་། །དེ་དག་མི་རྨོ་མི་འདེབས་ལ། །གཤོལ་ཡང་འཆའ་བར་མི་བགྱིད་ཅིང་། །ཚེ་རིང་མདོག་དང་ལྡན་པ་དང་། །ངེས་པར་ཡོངསུ་སྤྱོད་བགྱིད་ཅིང་། །ཟསུ་སཱ་ལུ་ཁ་དོག་དང་། །

98-1-172b

དྲི་དང་རོ་དང་ལྡན་པ་དང་། །དྲི་བདའ་མེ་ཏོག་ཚོགས་འདྲ་ཞིང་། །ལྷ་ཡི་བདུད་ཙི་འདྲ་བ་འཚལ། །ན་ལི་ཀེ་ར་བསྐོལ་བགྱིས་ནས། །ཚོད་མར་དེ་འཚལ་སྲན་ཚོད་མིན། །གང་ན་མེ་ལྕེའི་རྩེ་འདྲ་བའི། །སྨན་དག་འཁྲུང་བར་
འགྱུར་བ་ཡི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །གནོད་སྦྱིན་བདག་པོ་རྒྱལ་པོ་ཏེ། །མིང་ནི་ལུས་ངན་པོ་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱི་རྟག་ཏུ་རྩེ། །གནོད་སྦྱིན་རྣཾས་
ཀྱིས་ཡོངས་བསྐོར་ཅིང་། །གནོད་སྦྱིན་རྣམས་ཀྱི་མདུན་གྱིས་བལྟས། །དེ་ལ་བུ་ནི་མང་མཆིས་སྟེ། །བརྒྱད་བཅུ་དང་ནི་བཅུ་དང་གཅིག །དེ་དག་མི་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་
གཡུལ་འགྱེད་པ། །ཀུན་དུ་གཞན་གྱིས་མི་ཐུབ་ལགས། །དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་འཚལ་
ཞེས། །མི་ཡིས་ཕྱག་བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགསུ་གསོལ། །ཁྱོད་ལ་མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་
ནི་འདི་སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་ཏམ་རྒྱལ་ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་བྱང་གི་ཕྱོགས་དེ་ནི། །བཟང་
བ་ལ་ཤེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །ཤར་ཕྱོགས་ན་ནི་ཡུལ་འཁོར་སྲུང་། །ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་མིག་མི་བཟང་། །
བྱང་ཕྱོགས་ན་ནི་ལུས་ངན་པོ། །རྒྱལ་པོ་ཆེན་པོ་དེ་བཞི་དག །འཇིག་རྟེན་སྐྱོང་བ་གྲགས་དང་ལྡན། །རྫུ་འཕྲུལ་ཆེན་པོ་སྟོབས་པོ་ཆེ། །ཕྱོགས་བཞི་དག་ནི་སྐྱོང་བར་བགྱིད། །རྒྱལ་པོ་དག་གི་མངག་གཞུག་པ། །

98-1-173a

གནོད་སྦྱིན་འདོད་དགུར་མཆི་བ་རྣམས། །དེ་དག་གླང་པོ་ཆེ་འཚལ་ཞིང་། །ཕྱོགས་ཕྱོགས་དག་ཏུ་རྣམ་པར་རྒྱུ། །དེ་དག་ནི་ཆིབས་རྟ་དང་། རྔ་མོ་དང་། ཁྱུ་མཆོག་དང་། མ་ཧེ་དང་། ར་དང་། ལུག་དང་། སྦྲུལ་དང་། 
བྱ་དང་། སྐྱེས་པ་དང་། བུད་མེད་དང་། གཞོན་ནུ་དང་། གཞོན་ནུ་མ་ལ་འཚལ་ཞིང་ཕྱོགས་ཕྱོགས་དག་ཏུ་ཡང་མཆི་ལགས་སོ། །གླང་པོ་ཆེ་གཅིག་གིས་ཤིང་རྟ་དྲང་ཤིང་ཕྱོགས་ཕྱོགས་དག་ཏུ་ཡང་མཆི་ལགསོ། །ཆིབས་
རྟ་དང་། རྔ་མོ་དང་། ཁྱུ་མཆོག་དང་། མ་ཧེ་དང་། ར་དང་། ལུག་དང་། སྦྲུལ་དང་། བྱ་དང་། སྐྱེས་པ་དང་། བུད་མེད་དང་། གཞོན་ནུ་དང་། གཞོན་ནུ་མ་གཅིག་གིས་ཤིང་རྟ་དྲངས་ཤིང་ཕྱོགས་ཕྱོགས་དག་ཏུ་ཡང་མཆི་ལགས་
སོ། །རྫུ་འཕྲུལ་ཆེན་པོ་སྟོབས་པོ་ཆེའི། །གནོད་སྦྱིན་འདོད་དགུར་མཆི་བ་རྣམས། །བཞོན་པ་དེ་དག་འཚལ་ནས་ནི། །ཕྱོགས་བཞི་དག་ནི་སྐྱོང་བར་བགྱིད། །རྒྱལ་པོ་དག་ནི་གྲོང་ཁྱེར་དག །སྣ་ཚོགས་མཁའ་ལ་རྒྱུ་བ་མཆིས། །
འདི་ལྟ་སྟེ། ཀུན་དུ་རྒྱུ་བ་དང་། ཀུན་ཏུ་རྒྱུ་བ་མ་ལགས་པ་དང་། ས་ལ་ཀུན་ཏུ་རྒྱུ་བ་མ་ལགས་པ་དང་། གར་བཅས་ས་སྟིང་ཀུན་ཏུ་རྒྱུ་བ་དང་། སྦུབས་ཅན་དང་གྲོང་ཁྱེར་སྦུབས་ཅན་ཞེས་བགྱི་བ་དག་ལགས་སོ། །བྱང་ཕྱོགས་
ན་མཚོ་ཀ་པི་བང་ཀ་ཞེས་བགྱི་བ་ཡང་མཆིས་ལགས་སོ། །ནུབ་ཕྱོགས་ན་གྲོང་ཁྱེར་སར་པ་གསར་ལྡན་དང་། གོས་ཅན་དང་། གོས་མཆོག་ཅན་དང་། པད་མ་ཅན་དང་། པད་མ་བཟང་པོ་ཅན་དང་། ས་གཞི་ཅན་
ཞེས་བགྱི་བ་དག་ཀྱང་མཆི་ལགས་སོ། །ཆབ་རྒྱུན་མང་པོའི་གནས་གྱུར་པ། །འཛིན་པ་ཞེས་བགྱིའི་མཚོ་མཆིས་ཏེ། །ཆབ་རྒྱུན་ཐ་དད་དེ་ལས་བྱུང་། །དེ་ལས་དགུང་ཆར་འབབ་པར་འགྱུར། །བཙུན་པ་གྲོང་ཁྱེར་
ཨུ་ཤ་རའི་སྦུབས་ཀྱི་ཕ་རོལ་ན། ལུས་གནས་དང་ནི་གནས་ཡངས་དང་། །དེ་བས་གནས་ཡང་རྒྱུན་ལུགས་ཅན། །རྒྱུན་ལུགས་མང་དང་དེ་བས་མང་། །བར་སྣང་མཁའ་ལ་བྱ་ལྟར་གདའ། །བཙུན་པ་གྲོང་ཁྱེར་སྦུབས་ཅན་གྱི་

98-1-173b

ཕ་རོལ་བྱང་ཕྱོགས་ན་མདུན་ས་བྱ་གར་ཅན་ཞེས་བགྱི་བ་དེ་མཆིས་ཏེ། དེར་ནི་གནོད་སྦྱིན་རྣམས་འདུ་ཞིང་གནས་ལགས་སོ། །རྐང་མི་སྡུག་ལ་མཆུ་འཕྱངས་དང་། །འཇིགས་རུང་ལྟོ་སྦུ་ཅན་དག་མཆིས། །དེ་ན་ལྗོན་
ཤིང་འབྲས་བུ་རྟགས། །རྨ་བྱ་ཁྲུང་ཁྲུང་སྒྲ་སྙན་དང་། །ཁུ་བྱུག་སྒྲ་སྐད་ཆེན་པོ་དང་། །ཤང་ཤང་དེའུ་དག་སྒྲ་འབྱིན་ཅིང་། །རྨ་བྱ་རྣམས་ཀྱི་སྒྲ་དག་ཀྱང་། །གཽའུ་ཀུམ་བྷ་དང་ཆུན་ལག་དང་། །བྱ་རྣམས་སྣ་ཚོགས་སྐད་འབྱིན་
ཅིང་། །མེ་ཏོག་སྦྲང་རྩིའི་རོ་ལ་དགའ། །ལུས་ངན་པོ་དེ་གླུ་གར་གྱིས། །པད་མ་ཅན་དང་ལྷན་ཅིག་རྩེ། །བཙུན་པ་གྲོང་ཁྱེར་ལྕང་ལོ་ཅན་གྱི་ཕ་རོལ་ན་རྒྱལ་པོ་དཔའ་བོ་ཞེས་བགྱི་བ་ཡུལ་འཁོར་མུ་ཁྱུད་ན་མཆིས་ལགས་སོ། །
བདག་གང་ན་མཆིས་པའི་མདུན་ས་དེ་ནི་ཁྱུ་མཆོག་ཅན་ཞེས་བགྱི་སྟེ། བདགིས་མིང་ནི་རྣམ་ཐོས་ཀྱི་བུ་ཞེས་བགྱི་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཨི་ལི་མི་ལི་ཨི་ལི་མི་
ལི། ཀིད་ཊི་མཱུ་ལེ། ཧི་ལི་ཀིད་ཊི་མཱུ་ལེ། ཧུ་དུ་མེ། ཧུ་དུར་དུ་མེ། གཽ་རི། གན་དྷ་རི། གོ་དོ་ཧ་ནི། ཨོ་ཀེ་མོ་ཀེ་སྭཱ་ཧཱ། བཙུན་པ་བཅྡོཾས་ཀྱིས་སྤྱན་སྔར་བདགིས་དྲི་ཟ་རྣམས་དང་། དྲི་ཟ་ཆེན་པོ་རྣམས་དང་། དྲི་ཟའི་སྡེ་དཔོན་
རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་ལགས་སོ། །འདི་ལྟ་སྟེ། འདོད་མྱོས་དགའ་བས་མྱོས་པ་དང་། །གླུ་ཡི་མྱོས་པ་སྤུན་དང་ནི། །ཕྲེང་བས་མྱོས་དང་སྦྲང་རྩིས་མྱོས། །མེ་ཏོག་མྱོས་པ་སྤུན་
རྣམས་དང་། །རྟག་ཏུ་མྱོས་དང་དཔལ་གྱིས་མྱོས། །ནོར་གྱིས་མྱོས་དང་དགའ་བྱེད་དང་། །ཨུད་པལ་པད་མ་ཟླ་བ་དང་། །ལྔ་འཛིན་དང་ནི་ཁུ་བྱུག་སྒྲ། །ཏུ་བུ་རུ་དང་གཙུག་ལྔ་དང་། །གསེར་སྤྱོད་བུ་མོ་གསེར་ཅན་དང་། །
པ་བ་སངས་དང་ཕུར་བུ་དག །འགྲོ་གནས་ཇི་སྙེད་རྒྱལ་པོ་ལགས། །དེ་དག་བདག་གི་སྤུན་ལགས་ཏེ། དེ་དག་ལ་བདག་དྲི་ཟ་འདི་ནི་བདག་ལ་འཚེའོ། །དྲི་ཟ་འདི་ནི་བདག་མི་གཏོང་ངོ་ཞེས་མཆི་ཞིང་དེ་དག་ལ་གོ་བར་བགྱིད་ལགས་སོ། །

98-1-174a

བདག་ལ་འཚེ་བའི་དྲི་ཟ་དང་། །བདག་མི་གཏོང་བའི་དྲི་ཟ་ཡིས། །ལེགས་པར་སྨྲས་པ་འདི་ཐོས་ན། །ཨ་ཛ་ཀ་ཡི་དོག་པ་བཞིན། །དེ་ཡི་མགོ་ཚལ་བདུན་དུ་འགས། །དེ་ལ་གསང་སྔགས་ཀྱི་ཚིག་ནི་འདི་དག་
ལགས་སོ། །ཏདྱ་ཐཱ། ཀུན་ཏུ་ལེ། ཀུན་ཏུ་ལེ། ཀུན་ཏུ་ལེ། ཀུན་ཏུ་ལེ། ཨེ་ཧི། ཨེ་ཧི། ས་དཱ་མད་ཏི་ཀེ། ས་དཱ་བྷཎ་ཊི་ནི་ཀེ། ཏིཥྛ་དུཥྚ་བད་དྷོ་སི་སྭཱ་ཧཱ། ཙུན་པ་བཅྡོཾས་ཀྱིས་ཉན་ཐོས་དགེ་སློང་ངམ། དགེ་སློང་མ་འཾ། 
དགེ་བསྙེན་ནམ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་། ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། །རིག་སྔགས་དང་། བསྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་ལུང་
མནོས་ཤིང་འདོན་པར་བགྱིད་པ་དེ་ལ། གལ་ཏེ་དྲི་ཟ་འམ། དྲི་ཟ་མོ་འམ། དྲི་ཟ་རྒན་པོ་འམ། དྲི་ཟ་རྒན་མོ་འམ། དྲི་ཟའི་བུ་ཕོ་འམ། དྲི་ཟའི་བུ་མོ་འམ། དྲི་ཟའི་འཁོར་ཕོ་འམ། དྲི་ཟའི་འཁོར་མོ་འམ། དྲི་ཟའི་མངག་གཞུགས་
པ་འམ། དྲི་ཟའི་མངག་གཞུག་མ་འཚེ་བར་བགྱིད་པ་གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླག་མི་རྙེད་ཅིང་གནས་མི་རྙེད་ལ། དྲི་ཟ་རྣམས་ཀྱིས་
དྲི་ཟ་འདུ་བའི་ནང་དུ་མཆིར་མི་ཆུད་ཅིང་། རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་ཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །བཙུན་པ་བཅྡོཾས་ཀྱི་ཉན་ཐོས་དགེ་སློང་
ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་དུ་རྒྱུ་བ་དང་ཀུན་དུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། བསྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་
བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་རྒྱུད་པ་དེ་ལ། གལ་ཏེ་ཤ་ཟ་འམ། ཤ་ཟ་མོ་འམ། ཤ་ཟ་རྒན་པོ་འམ། ཤ་ཟ་རྒན་མོ་འམ། ཤ་ཟའི་བུ་ཕོ་འམ། ཤ་ཟའི་བུ་མོ་འམ། ཤ་ཟའི་འཁོར་ཕོ་འམ། ཤ་ཟའི་འཁོར་

98-1-174b

མོ་འམ། ཤ་ཟའི་མངག་གཞུག་པ་འམ། ཤ་ཟའི་མངག་གཞུག་མ་འཚེ་བར་བགྱིད་པ། གླགས་ལྟ་ཞིང་གླག་འཚོ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་
གནས་མི་རྙེད་ལ། ཤ་ཟ་རྣམས་ཀྱི་ཤ་ཟ་འདུ་བའི་ནང་དུ་མཆེར་མི་ཆུད་ཅིང་། རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །དེ་ལ་
གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཧུ་མེ་ཧུ་མེ། ཧུ་མེ་ལེ། ཧུ་མི་ལ་བཱ་ཏེ་ཡེ་སྭཱ་ཧཱ། བཙུན་པ་བཅོམ་ལྡན་འདས་ཀྱི་སྤྱན་སྔར་བདག་གིས་གྲུལ་བུམ་རྣམས་དང་། གྲུལ་བུམ་ཆེན་པོ་རྣམས་དང་། 
གྲུལ་བུམ་གྱི་སྡེ་དཔོན་རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་ལགས་སོ། །འདི་ལྟ་སྟེ། བྱིན་དང་ཉེ་བྱིན་ཀྲི་མི་ཤ །རྩིབས་ལོབས་ཆེ་དང་གསུས་པོ་ཆེ། །ལག་བཅུ་དང་ནི་ས་ལ་རྒྱུ། །གཡོན་
ཕྱོགས་ནག་པོ་དམར་པོ་དང་། །སྤྲིན་མདོག་དང་ནི་དྲི་མེད་དང་། །རྣ་བ་རིང་དང་འབྲུག་སྒྲ་སྒྲོགས། །རལ་པ་ཅན་དང་སྟོབས་བཅུ་དང་། །སྲིད་སྒྲུབ་དང་ནི་འདོད་དགུར་མཆི། །འཇོག་པོ་དང་ནི་བྱ་བ་སྦེད། །ལ་བ་བཟང་
ལྡན་གསུམ་པོ་དང་། །ཚོན་ཀུན་དང་ནི་མིག་བཀྲ་པོ། །འགྲོ་གནས་ཇི་སྙེད་མཆི་བ་ལགས། །དེ་དག་ནི་བདག་གི་སྤུན་ལགས་ཏེ། དེ་དག་ལ་བདག་གྲུལ་བུམ་འདི་ནི་བདག་ལ་འཚེའོ། །གྲུལ་བུམ་འདི་ནི་བདག་
མི་གཏོང་ངོ་ཞེས་མཆི་ཞིང་དེ་དག་ལ་གོ་བར་བགྱིད་ལགས་སོ། །བདག་ལ་འཚེ་བའི་གྲུལ་བུམ་དང་། །བདག་མི་གཏོང་བའི་གྲུལ་བུམ་གྱིས། །ལེགས་པར་སྨྲས་པ་འདི་ཐོས་ན། །ཨརྫ་ཀའི་རྡོག་པ་བཞིན། །
དེ་མགོ་ཚལ་པ་བདུན་དུ་འགས། །དེ་ལ་གསང་སྔགས་ཀྱི་ཚིག་ནི་འདི་དག་ལགསོ། །ཏདྱ་ཐཱ། སི་ལེ་བི་སི་རེ། སི་རེ་བི་ས་རེ། ཀྲིཥྞ་ཚ་ག་ལེ། ཀ་རཱ་ཌི། པིཾ་ག་ལེ་སྭཱ་ཧཱ། བཙུན་པ་བཅྡོཾས་ཀྱི་ཉན་ཐོས་དགེ་སློང་ངམ། 

98-1-175a

དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ་རིག་སྔགས་དང་། བསྲུང་བ་དང་། སུག་པ་རྐང་པ་ལ་ཕྱག་འཚལ་བར་
འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ་གལ་ཏེ་གྲུལ་བུམ་འམ། གྲུལ་བུམ་མོ་འམ། གྲུལ་བུམ་རྒན་པོ་འམ། གྲུལ་བུམ་རྒན་མོ་འམ། གྲུལ་བུམ་གྱི་བུ་ཕོ་འམ། གྲུལ་བུམ་གྱི་བུ་
མོ་འམ། གྲུལ་བུམ་གྱི་འཁོར་ཕོ་འམ། གྲུལ་བུམ་གྱི་འཁོར་མོ་འམ། གྲུལ་བུམ་གྱི་མངག་གཞུག་པ་འམ། གྲུལ་བུམ་གྱི་མངག་གཞུག་མ་འཚེ་བར་བགྱིད་པ་གླགས་ལྟ་ཞིང་གླགས་ཚོལ་བ་ལ་ལ་ཞིག་
ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་གནས་མི་རྙེད་ལ། གྲུལ་བུམ་རྣམས་ཀྱི་གྲུལ་བུམ་འདུས་བའི་ནང་དུ་མཆིར་མི་ཆུད་ཅིང་། རྒྱལ་པོའི་ཕོ་བྲང་ལྕང་ལོ་
ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །བཙུན་པ་བཅྡོཾས་ཀྱི་ཉན་ཐོས་ཀྱི་དགེ་སློང་ངམ། དགེ་སློང་མ་འམ། དགེ་བསྙེན་ནམ། 
དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་། ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། བསྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་ལུང་
མནོས་ཤིང་འདོན་པར་བགྱིད་པ་དེ་ལ། གལ་ཏེ་ཡི་དགས་སམ། ཡི་དགས་མོ་འམ། ཡི་དགས་རྒན་པོ་འམ། ཡི་དགས་རྒན་མོ་འམ། ཡི་དགས་ཀྱི་བུ་ཕོ་འམ། ཡི་དགས་ཀྱི་བུ་མོ་འམ། ཡི་དགས་
ཀྱི་འཁོར་ཕོའམ། ཡི་དགས་ཀྱི་འཁོར་མོ་འམ། ཡི་དགས་ཀྱི་མངག་གཞུག་མ་འམ། ཡི་དགས་ཀྱི་མངག་གཞུག་མ་འཚེ་བར་བགྱིད་པ་གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆི་ཞིང་

98-1-175b

ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་གནས་མི་རྙེད་ལ། ཡི་དགས་རྣམས་ཀྱི་ཡི་དགས་འདུས་བའི་ནང་དུ་མཆིར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། 
དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཡུ་མེ་ཡུ་མེ། ཡུ་མི་ལི། ཡུ་མི་ལ་བཱ་ཏི་ཡེ་སྭཱ་ཧཱ། བཙུན་པ་
བཅོམ་ལྡན་འདས་ཀྱི་སྤྱན་སྔར་བདག་གིས་ཀླུ་རྣམས་དང་། ཀླུ་ཆེན་པོ་རྣམས་དང་། ཀླུའི་སྡེ་དཔོན་རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་ལགས་སོ། །འདི་ལྟ་སྟེ། དགའ་དང་ཉེ་
དགའ་ཀུན་དགའ་དང་། །ནོར་རྒྱལ་དང་ནི་འཛམ་བུ་བཟང་། །སེར་པོ་དང་ནི་ཞོ་རྣ་དང་། །དབང་པོ་ལག་དང་བཀྲ་ཤིས་དང་། །མྱ་ངན་མེད་དང་མྱ་ངན་བྲལ། །རབ་གྲོལ་དང་ནི་རྒྱལ་བའི་བདག །ངོས་ཡང་པོ་
དང་ངོས་བཀྲ་དང་། །ཡང་པ་ཅན་དང་བཀྲ་འདུད་རྒྱལ། །གདེངས་ཀ་ཆེ་དང་སྐར་དགའ་དང་། །ནག་པོ་ཆེ་དང་ལག་འགྲོ་དང་། །ར་སྐྱོང་དང་ནི་འཇོག་པོ་དང་། །གཡོན་ཕྱོགས་དེ་བཞིན་ནག་པོ་དང་། །
སྔོ་བསངས་དཀར་དང་འགྲོགས་པ་ནི། །འགྲོ་གནས་ཇི་སྙེད་མཆིས་པ་ལགས། །དེ་དག་ནི་བདག་གི་སྤུན་ལགས་ཏེ་དེ་དག་ལ་བདག་ཀླུ་འདི་ནི་བདག་ལ་འཚེའོ། །ཀླུ་འདི་ནི་བདག་མི་གཏོང་ངོ་ཞེས་
མཆི་ཞིང་དེ་དག་ལ་གོ་བར་བགྱིད་ལགས་སོ། །བདག་ལ་འཚེ་བའི་ཀླུ་དག་དང་། བདག་མི་གཏོང་བའི་ཀླུ་རྣམས་ཀྱིས། །ལེགས་པར་སྨྲས་པ་འདི་ཐོས་ན། །ཨརྫ་ཀའི་དོག་པ་བཞིན། །དེའི་གོ་
ཚལ་པ་བདུན་དུ་འགས། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཙི་ལི་བི་ལི་ལི་ཙི་ལི་བི་ཙི་ལི། གཽ་རི། གན་དྷ་རི། མ་ཏྃ་གི། ཙཎ་ཌ་ལི་སྭཱ་ཧཱ། བཙུན་པ་བཅྡོཾས་ཀྱི་ཉན་ཐོས་དགེ་

98-1-176a

སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། བསྲུང་བ་དང་། སུག་པ་རྐང་པ་ལ་ཕྱག་
འཚལ་བར་འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ། གལ་ཏེ་ཀླུ་འམ། ཀླུ་མོ་འམ། ཀླུ་རྒན་པོ་འམ། ཀླུ་རྒན་མོ་འམ། ཀླུའི་བུ་ཕོ་འམ། ཀླུའི་བུ་མོ་འམ། ཀླུའི་འཁོར་ཕོ་འམ། ཀླུའི་
འཁོར་མོ་འམ། ཀླུའི་མངག་གཞུག་པ་འམ། ཀླུའི་མངག་གཞུག་མ་འཚེ་བར་བགྱིད་པ། གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་འཆི་ཞིང་ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་
གནས་མི་རྙེད་ལ། ཀླུ་རྣམས་ཀྱི་ཀླུ་འདུ་བའི་ནང་མཆེར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །བཙུན་པ་བཅྡོཾས་
ཀྱི་ཉན་ཐོས་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་དུ་རྒྱུ་བ་དང་། ཀུན་དུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། བསྲུང་བ་དང་། སུག་པ་རྐང་པ་
ལ་ཕྱག་འཚལ་བར་འགྱུར་བར་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ། གལ་ཏེ་ལུས་སྲུལ་པོ་འམ། ལུས་སྲུལ་མོ་འམ། ལུས་སྲུལ་རྒན་པོ་འམ། ལུས་སྲུལ་རྒན་མོའམ། ལུས་སྲུལ་པོའི་བུ་ཕོའཾ། 
ལུས་སྲུལ་པོའི་བུ་མོ་འམ། ལུས་སྲུལ་པོའི་འཁོར་ཕོ་འམ། ལུས་སྲུལ་པོའི་འཁོར་མོ་འམ། ལུས་སྲུལ་པོའི་མངག་གཞུག་པ་འམ། ལུས་སྲུལ་པོའི་མངག་གཞུག་མ་འཚེ་བར་བགྱིད་པ། གླགས་ལྟ་ཞིང་
གླགས་ཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་གནས་མི་རྙེད་ལ། ལུས་སྲུལ་པོ་རྣམས་ཀྱི་ལུས་སྲུལ་པོ་འདུ་བའི་ནང་དུ་མཆེར་མི་ཆུད་ཅིང་རྒྱལ་པོའི་

98-1-176b

ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཨ་བེ་བ་ཧ་ན་
ཏི་ཡེ་སྭཱ་ཧཱ། བཙུན་པ་བཅྡོཾས་ཀྱི་སྤྱན་སྔར་བདག་གིས་གནོད་སྦྱིན་རྣམས་དང་། གནོད་སྦྱིན་ཆེན་པོ་རྣམས་དང་། གནོད་སྦྱིན་གྱི་སྡེ་དཔོན་རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་ལགས་སོ། །འདི་ལྟ་སྟེ། 
དབང་པོ་ཟླ་བ་ཆུ་ལྷ་དང་། །བྷ་ར་དྭ་ཛ་སྐྱེ་དགུའི་བདག །དབང་ལྡན་ཙན་དན་འདོད་གཙོ་དང་། །མགྲིན་ངན་དང་ནི་མགུལ་ངེས་དང་། །སྟོབས་ལྡན་ནོར་བུ་ནོར་སྤྱོད་དང་། །སྒྲ་རབ་དང་ནི་ཉེར་ལྔ་དང་། །རི་མཉམ་གསེར་ཅན་གང་
པོ་དང་། །སེང་ལྡེང་བ་དང་གཡོན་ཅན་དང་། །གནོད་སྦྱིན་བ་སྐྱོང་འབྲོག་གནས་དང་། །རྒྱལ་བ་ཁྱུ་མཆོག་མི་རྒྱལ་པོ། །དྲི་ཟ་སྣ་ཚོགས་སྡེ་དང་ནི། །ལྕགས་མདུང་རིང་དང་མ་ལྡན་དང་། །ཚིག་ལྔ་སེར་པོ་ཡིད་དགའ་དང་། །
གནོད་སྦྱིན་རིང་པོ་འཁོར་དང་བཅས། །འབྲས་བུ་གསུམ་པ་མགུལ་གསུམ་པ། །འགྲོ་གནས་ཇི་སྙེད་མཆིས་པ་ལགས། །དེ་དག་ནི་བདག་གི་སྤུན་ལགས་ཏེ་དེ་དག་ལ་བདག་གནོད་སྦྱིན་འདི་ནི་བདག་ལ་འཚེའོ། །
གནོད་སྦྱིན་འདི་ནི་བདག་མི་གཏོང་ངོ་ཞེས་མཆི་ཞིང་དེ་དག་ལ་བདག་གོ་བར་བགྱིད་ལགས་སོ། །བདག་ལ་འཚེ་བའི་གནོད་སྦྱིན་དང་། །བདག་མི་གཏོང་བའི་གནོད་སྦྱིན་གྱིས། །ལེགས་པར་སྨྲས་པ་འདི་ཐོས་ན། །ཨརྫ་
ཀའི་དོག་པ་བཞིན། །དེའི་མགོ་ཚལ་པ་བདུན་དུ་འགས། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཧི་ལེ་མི་ལེ། ཧི་ལེ་མི་ལེ། ཀཱིར་ཏི་མཱུ་ལི། ཧི་ལེ་ཀཱིར་ཏི་མཱུ་ལེ། ཨོ་ཏུམ་བེ་ཏུམ་བེ། ཨོ་ཏུམ་བེ། 
ཏུམ་བེ། ཨོ་གྷེ་མོ་གྷེ། གོ་དེ་ཧེ། བྷྲིྃ་གྷ་རེ། རི་ཥེ་སད་ཏ་མེ་སྭཱ་ཧཱ། བཙུན་པ་བཅྡོཾས་ཀྱི་ཉན་ཐོས་དགེ་སློང་ངམ། དགེ་སློང་མ་འཾ། དགེ་བསྙེན་ནཾ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་

98-1-177a

མདོ། རིག་སྔགས་དང་། བསྲུང་བ་དང་། སུག་པ་ད་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ། གལ་ཏེ་གནོད་སྦྱིན་ནམ། གནོད་སྦྱིན་མོ་འམ། གནོད་སྦྱིན་
རྒན་པོ་འམ། གནོད་སྦྱིན་རྒན་མོ་འམ། གནོད་སྦྱིན་གྱི་བུ་ཕོ་འམ། གནོད་སྦྱིན་གྱི་བུ་མོའམ། གནོད་སྦྱིན་གྱི་འཁོར་ཕོ་འམ། གནོད་སྦྱིན་གྱི་འཁོར་མོ་འམ། གནོད་སྦྱིན་གྱི་མངག་གཞུག་པའམ། གནོད་སྦྱིན་གྱི་མངགཞུག་
མ་འཚེ་བར་བགྱིད་པ། གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་བགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་གནས་མི་རྙེད་ལ། གནོད་སྦྱིན་རྣམས་ཀྱི་གནོད་སྦྱིན་འདུ་བའི་ནང་དུ་མཆིར་མི་
ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །བཙུན་པ་བཅྡོཾས་ཀྱི་ཉན་ཐོས་དགེ་སློང་ངམ། དགེ་སློང་མ་འམ། དགེ་བསྙེན་ནམ། 
དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་
དེ་ལ། གལ་ཏེ་སྲིན་པོ་འམ། སྲིན་མོ་འམ། སྲིན་པོ་རྒན་པོ་འམ། སྲིན་པོ་རྒན་མོ་འམ། སྲིན་པོའི་བུ་ཕོ་འམ། སྲིན་པོའི་བུ་མོའཾ། སྲིན་པོའི་འཁོར་ཕོ་འམ། སྲིན་པོའི་འཁོར་མོ་འམ། སྲིན་པོའི་མངག་གཞུག་པ་འམ། 
སྲིན་པོའི་མངག་གཞུག་མ་འཚེ་བར་བགྱིད་པ། གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་གནས་མི་རྙེད་ལ། སྲིན་པོ་རྣམས་ཀྱི་སྲིན་
པོ་འདུ་བའི་ནང་དུ་མཆིར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགསོ། །ཏདྱ་ཐཱ། ཧི་ལི་ཧི་ལི། 

98-1-177b

ཧུ་ལུ་ཧུ་ལུ། ཡུ་མེ་ཡུ་མེ་ལེ། ཡུ་མི་ལ་བཱ་ཏི་ཡེ་སྭཱ་ཧཱ། དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་བཅོམ་ལྡན་འདས་ཀྱི་སྤྱན་སྔར་ཀུན་དུ་རྒྱུ་བ་དང་ཀུན་དུ་རྒྱུ་བ་མ་ཡིན་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་
རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་བརྗོད་ནས་བཅྡོཾས་ཀྱི་ཞབས་ལ་མགོ་བོས་ཕྱག་འཚལ་ཏེ། དེ་ཉིད་དུ་མི་སྣང་བར་གྱུར་ཏོ། །དེ་ནས་བཅྡོཾས་འདས་ཀྱི་དེ་ཉིད་ཀྱི་མཚན་མོ་འདས་པ་དང་། དགེ་སློང་གི་དགེ་འདུན་གྱི་
གཙོ་ལ་གདན་བཤམས་པ་དེ་ཉིད་ལ་བཞུགས་སོ། །བཞུགས་ནས་ཀྱང་བཅྡོཾས་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མདང་རྒྱལ་པོ་ཆེན་པོ་རྣམ་ཐོས་ཀྱི་བུ་ཁ་དོག་འཕགས་པ། གཡོག་འཁོར་གནོད་སྦྱིན་
བརྒྱ་ཕྲག་དུ་མ་དང་། གཡོག་འཁོར་གནོད་སྦྱིན་སྟོང་ཕྲག་དུ་མ་དུང་། གཡོག་འཁོར་གནོད་སྦྱིན་འབུམ་ཕྲག་དུ་མ་དང་ལྡན་པ། ནམ་སྲོས་པ་དང་། ང་ག་ལ་བ་དེར་འོངས་ཏེ་ཕྱིན་ནས་ངའི་ཞབས་ལ་མགོ་བོས་ཕྱག་འཚལ་ཏེ་ཕྱོགས་
གཅིག་ཏུ་འདུག་གོ། དེའི་ཚེ་རྒྱལ་པོ་ཆེན་པོ་རྣམ་ཐོས་ཀྱི་བུའི་ཁ་དོག་གི་མཐུས་རྒྱལ་བུ་རྒྱལ་བྱེད་ཀྱི་ཚལ་ཐྃད་སྣང་བ་ཆེན་པོས་གསལ་བར་གྱུར་ཏོ། །རྒྱལ་པོ་ཆེན་པོ་རྣམ་ཐོས་ཀྱི་བུ་ཕྱོགས་གཅིག་ཏུ་འདུག་ནས་དེའི་ཚེ་ཚིགསུ་བཅད་པ་
འདི་དག་གསོལ་ཏོ། །རྐང་གཉིས་དམ་པ་རྫོགསངས་རྒྱས། །བློ་ལྡན་ཁྱོད་ཀྱིས་གང་མཁྱེན་པ། །ལྷ་རྣམས་ཀྱི་ནི་དེ་མ་འཚལ། །དཔའ་ཆེན་ཁྱོད་ལ་ཕྱག་འཚལ་ལོ། །སངས་རྒྱས་གང་དག་འདས་པ་དང་། །ད་ལྟར་བྱུང་དང་མ་བྱོན་པ། །
ཐྃད་ལ་ནི་བདག་ཕྱག་འཚལ། །ཁྱོད་ལའང་བདག་ནི་སྐྱབསུ་མཆི། །བཙུན་པ་བཅྡོཾས་ཀྱི་ཉན་ཐོས་དགེ་སློང་ངམ། དགེ་སློང་མ་འཾ། དགེ་བསྙེན་ནམ། དགེ་བསྙེན་མ་གང་དག་གནས་མལ་དགོན་པ་དག་དང་། ནགས་འདབ་དག་དང་། བས་
མཐའ་དག་ན་གནས་པ་དག་ཀྱང་མཆིས་ལ། དེ་ན་གནོད་སྦྱིན་དང་མི་མ་ལགས་པ་གདུག་པ་གཉུག་མར་གནས་པ་གང་དག་བཅྡོཾས་འདས་ཀྱི་གསུང་རབ་ལ་མངོན་པར་དད་པ་དག་དང་། མངོན་པར་མ་དད་པ་དག་ཀྱང་མཆིས་ཏེ། གནོད་སྦྱིན་དང་མི་མ་

98-1-178a

ལགས་པ་གདུག་པ་གཉུག་མར་གནས་པ་གང་དག་བཅོམ་ལྡན་འདས་ཀྱི་གསུང་རབ་ལ་མངོན་པར་དད་པ་དེ་དག་ནི་ཤིན་དུ་ཉུང་ལ། གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་གང་དག་བཅྡོཾས་འདས་
ཀྱི་གསུང་རབ་ལ་མངོན་པར་མ་དད་པ་དེ་དག་ནི་ཆེས་མང་ལགས་ཏེ། བཙུན་པ་བཅྡོཾས་ཀྱི་ཉན་ཐོས་དགེ་སློང་རྣམས་དང་། དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་རྣམས་འདི་ལྟར་བདག་ཉིད་བསྲུང་བ་དང་། 
བསྐྱབ་པ་དང་། བདེ་བ་ལ་རེག་པར་གནས་པར་བགྱི་བ་དང་། གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་མངོན་པར་མ་དད་པ་དག་མངོན་པར་དད་པར་བགྱི་བ་དང་། མངོན་པར་དད་པ་རྣམས་ཀྱང་སླར་ཞིང་ཕེལ་
བར་བགྱི་བའི་སླད་དུ། ཀུན་དུ་རྒྱུ་བ་དང་ཀུན་དུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་བརྒྱ་ཆེར་འཛིན་ཅིང་ཀུན་ཆུབ་པར་བགྱིད་ན་
ལེགསོ་ལེགསོ་ཞེས་གསོལ་པ་དང་། དགེ་སློང་དག་ངེས་རྒྱལ་པོ་ཆེན་པོ་རྣམ་ཐོས་ཀྱི་བུ་ལ་ཅང་མི་གསུང་བས་གནང་བར་མཛད་དོ། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་ངས་ཅང་མི་གསུང་བས་གནང་བར་རིག་ནས། ངའི་ཞབས་
ལ་མགོ་བོས་ཕྱག་འཚལ་ཏེ། ངའི་སྤྱན་སྔར་ཀུན་དུ་རྒྱུ་བ་དང་ཀུན་ཏུ་རྒྱུ་བ་མ་ཡིན་པ་དང་འཐུན་པའི་མདོ། རིག་སྔགས་དང་། སྲུང་བ་དང་། རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་གསོལ་ཏོ། །སྐྱེ་བོ་གང་དག་སྟོང་ཕོད་
ཅིང་། །ཕྲ་མ་མི་མཆི་སེར་སྣ་བྲལ། །གང་དག་སངས་རྒྱས་སྐྱབས་མཆིས་པ། །མི་དེ་རྣམས་ཀྱིས་རྙེད་པ་ལགས། །གང་གི་འཆར་ལ་བརྟེན་ནས་ནི། །དེས་ན་ཉིན་མོར་བརྗོད་པ་ཡི། །ཉི་མ་ཆེན་པོ་དཀྱིལ་འཁོར་ཅན། །ཉི་གདུགས་
གང་ནས་འཆར་འགྱུར་བའི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །དྲི་ཟའི་བདག་པོ་རྒྱལ་པོ་སྟེ། །མིང་ནི་ཡུལ་འཁོར་སྲུང་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱི་རྟག་ཏུ་རྩེ། །

98-1-178b

དྲི་ཟ་རྣམས་ཀྱིས་ཡོངས་བསྐོར་ཅིང་། །དྲི་ཟ་རྣམས་ཀྱིས་མདུན་གྱིས་བལྟས། །དེ་ལ་བུ་ནི་མང་མཆིས་ཏེ། །བརྒྱད་བཅུ་དང་ནི་བཅུ་དང་གཅིག །དེ་དག་མིང་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་
ལྷ་མིན་གཡུལ་འགྱེད་པ། །ཀུན་དུ་གཞན་གྱིས་མི་ཐུབ་ལགས། །དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་
འཚལ་ཞེས། །མི་ཡིས་ཕྱག་བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགསུ་གསོལ། །ཁྱོད་ལ་མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་
སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་གཏམ་རྒྱལ་ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་ཤར་གྱི་ཕྱོགས་དེ་ནི། །བཟང་བ་ལགས་ཤེས་སྐྱེ་བོ་
མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །གང་ན་ཡི་དགས་ཞེས་བགྱི་བ། །རྒྱབ་ཀྱི་ཤ་འཚལ་ཕྲ་མ་ཅན། །སྲོག་གཅོད་བགྱིད་པ་མ་རུངས་པ། །འཇུངས་ཤིང་མི་སྙན་སྨྲ་བགྱིད་པའི། །
ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །གྲུལ་བུམ་བདག་པོ་རྒྱལ་པོ་སྟེ། །མིང་ནི་འཕགས་སྐྱེས་པོ་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱི་རྟག་ཏུ་རྩེ། །གྲུལ་བུམ་རྣམས་ཀྱི་ཡོངས་
བསྐོར་ཅིང་། །གྲུལ་བུམ་རྣམས་ཀྱི་མདུན་གྱིས་བལྟས། །དེ་ལ་བུ་ནི་མང་མཆིས་ཏེ། །བརྒྱད་བཅུ་དང་ནི་བཅུ་དང་གཅིག ། དེ་དག་མིང་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་
པ། །ཀུན་དུ་གཞན་གྱིས་མི་ཐུབ་ལགས། །དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་འཚལ་ཞེས། །མི་ཡིས་ཕྱག་

98-1-179a

བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགསུ་གསོལ། །ཁྱོད་ལ་མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་སྐད་ཅེས། །འདྲེན་པ་
རྒྱལ་ལ་ཕྱག་འཚོལ་ཅིག །གཽ་གཏམ་རྒྱལ་ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །དེ་ལྟར་ལྷོ་ཡི་ཕྱོགས་དེ་ནི། །བཟང་བ་ལགས་ཤེས་སྐྱེ་བོ་མཆི། །ཕྱོགས་དེ་
མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །གང་ཞིག་ནུབ་པ་ཁོ་ན་ལས། །དེ་ལ་མཚན་མོར་བརྗོད་པ་ཡི། །ཉི་མ་ཆེན་པོ་དཀྱིལ་འཁོར་ཅན། །ཉི་གདུགས་གང་དུ་ནུབ་འགྱུར་བ། །དེ་ན་མཚོ་ཆེན་
ཟབ་མོ་འདི། །ཤིན་དུ་འདའ་བར་དཀའ་བ་སྟེ། །དེ་ནི་ཆུ་མངོན་རྒྱ་མཚོ་ཞེས། །སྐྱེ་བོས་རྟོགས་པ་མཆིས་པ་ཡི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །ཀླུ་ཡི་བདག་པོ་རྒྱལ་པོ་སྟེ། །མིང་ནི་
མིག་མི་བཟང་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །ཀླུ་རྣམས་ཀྱིས་ནི་ཡོངས་བསྐོར་ཅིང་། །ཀླུ་རྣམས་ཀྱིས་ནི་མདུན་གྱིས་བལྟས། །དེ་ལ་བུ་ནི་མང་མཆིས་ཏེ། །བརྒྱད་བཅུ་དང་ནི་བཅུ་དང་ཅིག །
དེ་དག་མིང་འཐུན་གྲགས་པ་ནི། །དབང་པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པ། །ཀུན་དུ་གཞན་གྱིས་མི་ཐུབ་ལགས། །དེ་དག་རྣམས་ཀྱི་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་
ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་འཚལ་ཞེས། །མི་ཡིས་ཕྱག་བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགསུ་གསོལ། །ཁྱོད་ལ་མི་མིན་
ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་ཏམ་རྒྱལ་ལ་ཕྱག་འཚོལ་ཅིག །སངྱས་རིག་དང་ཞབས་ལྡན་པ། །མྱ་ངན་འདས་ལ་ཕྱག་འཚོལ་མཆི། །

98-1-179b

དེ་ལྟར་ནུབ་ཀྱི་ཕྱོགས་དེ་ནི། །བཟང་བ་ལགས་ཤེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །གང་ན་བྱང་གི་སྒྲ་མི་སྙན། །དགའ་ཞིང་ལྷུན་ཆེན་བལྟ་མཛེས་དང་། །
གང་ན་མི་རྣམས་ཚེ་ལོ་ནི། །བརྒྱ་ཕྲག་བཅུ་པ་སྐྱེ་འགྱུར་ཞིང་། །དེ་དག་མི་རྨོ་མི་འདེབས་ལ། །གཤོལ་ཡང་འཆའ་བར་མི་བགྱིད་ཅིང་། །ཚེ་རིང་མདོག་དང་ལྡན་པ་དང་། །ངེས་པར་ཡོངསུ་སྤྱོད་བགྱིད་ཅིང་། །ཟསུ་སཱ་
ལུ་ཁ་དོག་དང་། །དྲི་དང་རོ་དང་ལྡན་པ་དང་། །དྲི་གདའ་མེ་ཏོག་ཚོགས་འདྲ་ཞིང་། །ལྷ་ཡི་བདུད་རྩི་འདྲ་བ་ཚལ། །ན་ལི་ཀེ་ར་བསྐོལ་བགྱིས་ན། །ཚོད་མར་དེ་འཚལ་སྲན་ཚོད་མིན། །གང་ན་མེ་ལྕེ་རྩེ་འདྲ་བའི། །སྨན་
དག་འཁྲུང་བར་འགྱུར་བ་ཡི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །གནོད་སྦྱིན་བདག་པོ་རྒྱལ་པོ་སྟེ། །མིང་ནི་ལུས་ངན་པོ་ཞེས་བགྱི། །དེ་ནི་ཉེ་དུ་ལྷན་ཅིག་ཏུ། །གླུ་དང་གར་
གྱིས་རྟག་ཏུ་རྩེ། །གནོད་སྦྱིན་རྣམས་ཀྱིས་ཡོངས་བསྐོར་ཅིང་། །གནོད་སྦྱིན་རྣམས་ཀྱིས་མདུན་གྱིས་བལྟས། །དེ་ལ་བུ་ནི་མང་མཆིས་སྟེ། །བརྒྱད་བཅུ་དང་ནི་བཅུ་དང་གཅིག །དེ་དག་མིང་འཐུན་གྲགས་པ་ནི། །
དབང་པོ་ཞེས་བགྱིས་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པ། །ཀུན་ཏུ་གཞན་གྱིས་མི་ཐུབ་ལགས། །དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་
བུ་ཅང་ཤེས་ཁྱོད་ལ་འདུད། །སྐྱེས་མཆོག་ཁྱོད་ལ་ཕྱག་འཚལ་ཞེས། །མི་ཡི་ཕྱག་བགྱིས་ཁྱོད་ལ་ནི། །རྒྱང་རིང་གནས་ཤིང་ཕྱག་འཚལ་ལགས། །བདག་ལ་དགེ་བས་གཟིགས་སུ་གསོལ། །ཁྱོད་ལ་
མི་མིན་ཕྱག་འཚལ་བ། །དེ་སྐད་ཡང་དང་ཡང་དུ་ཐོས། །དེ་སླད་བདག་ནི་འདི་སྐད་ཅེས། །འདྲེན་པ་རྒྱལ་ལ་ཕྱག་འཚོལ་ཅིག །གཽ་ཏམ་རྒྱལ་ལ་ཕྱག་འཚོལ་ཅིག །སངས་རྒྱས་རིག་དང་ཞབས་ལྡན་པ། །

98-1-180a

མྱ་ངན་འདས་ལ་ཕྱག་འཚོལ་མཆི། །དེ་ལྟར་བྱང་ཕྱི་ཕྱོགས་དེ་ནི། །བཟང་བ་ལགས་ཤེས་སྐྱེ་བོ་མཆི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ལགས། །ཤར་ཕྱོགས་ན་ནི་ཡུལ་འཁོར་སྲུྃ། །
ལྷོ་ཕྱོགས་ན་ནི་འཕགས་སྐྱེས་པོ། །ནུབ་ཕྱོགས་ན་ནི་མིག་མི་བཟང་། །བྱང་ཕྱོགས་ན་ནི་ལུས་ངན་པོ། །རྒྱལ་པོ་ཆེན་པོ་དེ་བཞི་དག །འཇིག་རྟེན་སྐྱོང་བ་གྲགས་དང་ལྡན། །རྫུ་འཕྲུལ་ཆེན་པོ་སྟོབས་པོ་ཆེ། །ཕྱོགས་བཞི་
དག་ནི་སྐྱོང་བར་བགྱིད། །རྒྱལ་པོ་དག་གི་མངག་གཞུག་པ། །གནོད་སྦྱིན་འདོད་དགུར་མཆི་བ་རྣམས། །དེ་དག་གླང་པོ་ཆེ་འཚལ་ཞིང་། །ཕྱོགས་ཕྱོགས་དག་ཏུ་རྣམ་པར་རྒྱུ། །དེ་དག་ནི་ཆིབས་རྟ་དང་། རྔ་མོ་དང་། ཁྱུ་མཆོག་
དང་། མ་ཧེ་དང་། ར་དང་། ལུག་དང་། སྦྲུལ་དང་། བྱ་དང་། སྐྱེས་པ་དང་། བུད་མེད་དང་། གཞོན་ནུ་དང་། གཞོན་ནུ་མ་ལ་འཚལ་ཞིང་ཕྱོགས་ཕྱོགས་དག་ཏུ་ཡང་མཆི་ལགས་སོ། །གླང་པོ་ཆེ་གཅིག་གིས་ཤིང་རྟ་དྲངས་ཕྱོགས་
ཕྱོགས་དག་ཏུ་ཡང་མཆི་ལགས་སོ། །ཆིབས་རྟ་དང་། རྔ་མོ་དང་། ཁྱུ་མཆོག་དང་། མ་ཧེ་དང་། ར་དང་། ལུག་དང་། སྦྲུལ་དང་། བྱ་དང་། སྐྱེས་པ་དང་། བུད་མེད་དང་། གཞོན་ནུ་དང་། གཞོན་ནུ་མ་གཅིག་གིས་ཤིང་རྟ་དྲངས་ཤིང་
ཕྱོགས་ཕྱོགས་དག་དུ་ཡང་མཆི་ལགས་སོ། །རྫུ་འཕྲུལ་ཆེན་པོ་སྟོབས་པོ་ཆེ། །གནོད་སྦྱིན་འདོད་དགུར་མཆུ་བ་རྣམས། །བཞོན་པ་དེ་དག་འཚལ་ནས་ནི། །ཕྱོགས་བཞི་དག་ནི་སྐྱོང་བར་བགྱིད། །རྒྱལ་པོ་དག་ནི་
གྲོང་ཁྱེར་དག །སྣ་ཚོགས་མཁའ་ལ་རྒྱུ་བ་མཆིས། །འདི་ལྟ་སྟེ། ཀུན་ཏུ་རྒྱུ་བ་དང་ཀུན་དུ་རྒྱུ་བ་མ་ལགས་པ་དང་། ས་ལ་ཀུན་དུ་རྒྱུ་བ་མ་ལགས་པ་དང་། གར་བཅས་ས་སྟེང་ཀུན་དུ་རྒྱུ་བ་དང་། སྦུབས་ཅན་དང་། གྲོང་
ཁྱེར་སྦུབས་ཅན་ཞེས་བགྱི་བ་དག་ལགས་སོ། །བྱང་ཕྱོགས་ན་མཚོ་ཀ་པི་བང་ཀ་ཞེས་བགྱི་བ་དག་མཆིས་ལགས་སོ། །ནུབ་ཕྱོགས་ན་གྲོང་ཁྱེར་སར་པ་གསེར་ལྡན་དང་། གོས་ཅན་དང་། གོས་མཆོག་

98-1-180b

ཅན་དང་། པད་མ་ཅན་དང་། པད་མ་བཟང་པོ་ཅན་དང་། ས་གཞི་ཅན་ཞེས་བགྱི་བ་དག་མཆིས་ལགས་སོ། །ཆབ་རྒྱུན་མང་པོའི་གནས་གྱུར་པ། །འཛིན་པ་ཞེས་བགྱིའི་མཚོ་མཆིས་ཏེ། །ཆབ་རྒྱུན་ཐ་དད་དེ་ལས་
འབྱུང་། །དེ་ལས་དགུང་ཆར་འབབ་པར་འགྱུར། །བཙུན་པ་གྲོང་ཁྱེར་ཨུ་ཤི་རའི་སྦུབས་ཀྱི་ཕ་རོལ་ན། ལུས་གནས་དང་ནི་གནས་ཡངས་དང་། །དེ་བས་གནས་ཡང་རྒྱུན་ལུགས་ཅན། །རྒྱུན་ལུགས་མང་དང་དེ་བས་
མང་། །བར་སྣང་མཁའ་ལ་བྱ་བལྟར་གདའ། །བཙུན་པ་གྲོང་ཁྱེར་སྦུབས་ཅན་གྱིས་ཕ་རོལ་བྱང་ཕྱོགས་ན་མདུན་ས་བྱ་གར་ཅན་ཞེས་བགྱི་བ་ཡང་མཆིས་སྟེ། དེར་ནི་གནོད་སྦྱིན་རྣམས་འདུ་ཤིང་གནས་ལགས་
སོ། །རྐང་མི་སྡུག་ལ་མཆུ་འཕྱངས་དང་། །འཇིགས་རུང་ལྟོ་སྤུ་ཅན་དག་མཆིས། །དེ་ན་ལྗོན་ཤིང་འབྲས་བུ་རྟག །རྨ་བྱ་ཁྲུང་ཁྲུང་སྒྲ་སྙན་དང་། །ཁུ་བྱུག་སྒྲ་སྐད་ཆེན་པོ་དང་། །ཤང་ཤང་ཏེའུ་དག་སྒྲ་འབྱིན་ཅིང་། །
རྨ་བྱ་རྣམས་ཀྱི་སྒྲ་དག་དང་། །ཀཽ་ཀུམ་བྷ་དང་ཆུན་ལག་དང་། །བྱ་རྣམས་སྣ་ཚོགས་སྐད་འབྱིན་ཅིང་། །མེ་ཏོག་སྦྲང་རྩིའི་རོ་ལ་དགའ། །ལུས་ངན་པོ་དེ་གླུ་གར་གྱིས། །པད་མ་ཅན་དང་ལྷན་ཅིག་རྩེ། །བཙུན་པ་གྲོང་
ཁྱེར་ལྕང་ལོ་ཅན་གྱི་ཕ་རོལ་ན་རྒྱལ་པོ་དཔའ་བོ་ཞེས་བགྱི་བ་ཡུལ་འཁོར་མུ་ཁྱུད་ན་མཆིས་ལགས་སོ། །བདག་གང་ན་མཆིས་པའི་མདུན་ས་དེ་ནི་ཁྱུ་མཆོག་ཅན་ཞེས་བགྱི་སྟེ། བདགིས་མིང་ནི་རྣམ་ཐོས་ཀྱི་བུ་ཞེས་
བགྱི་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགསོ། །ཏདྱ་ཐཱ། ཨི་ལི་མི་ལི་ཨི་ལི་མི་ལི། ཀིད་ཊི་མཱུ་ལེ། ཧི་ལི་ཀིད་ཊི་མཱུ་ལེ། ཧུ་དུ་མེ་ཧུ་དུ་ར་དུ་མེ། གཽ་རི། གན་དྷ་རི། གོ་དོ་ཧ་ནི། ཨོ་ཀེ་མོ་ཀེ་སྭཱ་ཧཱ། 
བཙུན་པ་བཅྡོཾས་ཀྱི་སྤྱན་སྔར་བདག་གིས་དྲི་ཟ་རྣམས་དང་། དྲི་ཟ་ཆེན་པོ་རྣམས་དང་། དྲི་ཟའི་སྡེ་དཔོན་རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་ལགས་སོ། །འདི་ལྟ་སྟེ། འདོད་མོས་དགའ་བས་མྱོས་

98-1-181a

པ་དང་། །ཀླུ་ཡིས་མྱོས་པ་སྤུན་དང་ནི། །ཕྲེང་བས་མྱོས་དང་སྦྲང་རྩིས་མྱོས། །མེ་ཏོག་མྱོས་པ་སྤུན་རྣམས་དང་། །རྟག་ཏུ་མྱོས་དང་དཔལ་གྱིས་མྱོས། །ནོར་གྱིས་མྱོས་དང་དགའ་བྱེད་དང་། །ཨུད་པལ་ཟླ་བ་པད་མ་དང་། །ལྔ་འཛིན་
དང་ནི་ཁུ་བྱུག་སྒྲ། །ཏུམ་བུ་རུ་དང་གཙུག་ལྔ་དང་། །གསེར་སྤྱོད་བུ་མོ་གསེར་ཅན་དང་། །པ་བ་སངས་དང་ཕུར་བུ་དག །འགྲོ་གནས་ཇི་སྙེད་རྒྱལ་པོ་ལགས། །དེ་དག་ནི་བདག་གིས་སྤུན་ལགས་ཏེ། དེ་དག་ལ་བདག་དྲི་ཟ་འདི་བདག་
ལ་འཚེའོ། །དྲི་ཟ་འདི་ནི་བདག་མི་གཏོང་ངོ་ཞེས་མཆི་ཞིང་དེ་དག་ལ་གོ་བར་བགྱིད་ལགས་སོ། །བདག་ལ་འཚེ་བའི་དྲི་ཟ་དང་། །བདག་མི་གཏོང་བའི་དྲི་ཟ་ཡིས། །ལེགས་པར་སྨྲས་པ་འདི་ཐོས་ན། །ཨརྫ་ཀའི་དོག་པ་བཞིན། །དེའི་མགོ་
ཚལ་པ་བདུན་དུ་འགས། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཀུན་ཏུ་ལེ། ཀུན་ཏུ་ལེ། ཀུན་ཏུ་ལེ། ཀུན་ཏུ་ལེ། ཨེ་ཧི་ཨེ་ཧི། ས་དཱ་མད་ཏི་ཀེ། ས་དཱ་བྷཎ་ཊི་ནི་ཀེ། ཏིཥྛ་དུཥྛ་བད་དྷོ་སི་སྭཱ་ཧཱ། བཙུན་པ་བཅྡོཾས་ལྡན་འདས་
ཀྱི་ཉན་ཐོས་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། །རིག་སྔགས་དང་། བསྲུང་བ་དང་། སུག་པ་རྐང་པ་ལ་ཕྱག་འཚལ་བར་
འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ། གལ་ཏེ་དྲི་ཟ་འམ། དྲི་ཟ་མོ་འམ། དྲི་ཟ་རྒན་པོ་འམ། དྲི་ཟ་རྒན་མོ་འམ། དྲི་ཟའི་བུ་ཕོ་འམ། དྲི་ཟའི་བུ་མོ་འམ། དྲི་ཟའི་འཁོར་ཕོ་འམ། དྲི་ཟའི་འཁོར་མོ་འམ། དྲི་ཟའི་
མངག་གཞུག་པ་འམ། དྲི་ཟའི་མངག་གཞུག་མ་འཚེ་བར་བགྱིད་པ། གླགས་ལྟ་ཞིང་གླགས་འཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆི་བར་གྱུར་ན་གླགས་མི་རྙེད་ཅིང་གནས་མི་རྙེད་ལ། དྲི་ཟ་རྣཾས་
ཀྱི་དྲི་ཟ་འདུ་བའི་ནང་དུ་མཆེར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་ཐོབ་སྟེ། དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་ལགསོ། །བཙུན་པ་བཅྡོཾས་ཀྱི་ཉན་ཐོས་དགེ་སློང་ངམ། དགེ་སློང་མ་འམ། 

98-1-181b

དགེ་བསྙེན་ནམ། དགེ་བསྙེན་མ་གང་ལ་ལ།  ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་
བགྱིད་པ་དེ་ལ། གལ་ཏེ་ཤ་ཟ་འམ། ཤ་ཟ་མོ་འམ། ཤ་ཟ་རྒན་པོ་འམ། ཤ་ཟ་རྒན་མོ་འམ། ཤ་ཟའི་བུ་ཕོ་འམ། ཤ་ཟའི་བུ་མོ་འམ། ཤ་ཟའི་འཁོར་ཕོ་འམ། ཤ་ཟའི་འཁོར་མོ་འམ། ཤ་ཟའི་མངག་གཞུག་པ་འམ། ཤ་
ཟའི་མངག་གཞུག་མ་འཚེ་བར་བགྱིད་པ། གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་། གནས་མི་རྙེད་ལ། ཤ་ཟ་རྣམས་ཀྱི་ཤ་ཟ་
འདུ་བའི་ནང་དུ་མཆིར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། 
ཧུ་མེ་ཧུ་མེ། ཧུ་མི་ལེ། ཧུ་མི་ལ་བཱ་ཏི་ཡེ་སྭཱ་ཧཱ། བཙུན་པ་བཅྡོཾས་ལྡན་འདས་ཀྱི་སྤྱན་སྔར་བདག་གིས་གྲུལ་བུམ་རྣམས་དང་། གྲུལ་བུམ་ཆེན་པོ་རྣམས་དང་། གྲུལ་བུམ་གྱི་སྡེ་དཔོན་རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་
ལགས་སོ། །འདི་ལྟ་སྟེ། བྱིན་དང་ཉེ་བྱིན་ཀྲི་མི་ཤ །རྩིབ་ལོགས་ཆེ་དང་གསུས་པོ་ཆེ། །ལག་བཅུ་དང་ནི་ས་ལ་རྒྱུ། གཡོན་ཕྱོགས་ནག་པོ་དམར་པོ་དང་། །སྤྲིན་མདོག་དང་ནི་དྲི་མེད་དང་། །རྣ་བ་རིང་དང་འབྲུག་སྒྲ་སྒྲོགས། །རལ་པ་ཅན་
དང་སྟོབས་བཅུ་དང་། །སྲིད་སྒྲུབ་དང་ནི་འདོད་དགུར་མཆི། །འཇོག་པོ་དང་ནི་བྱ་བ་སྦེད། །ལ་བ་བཟང་ལྡན་གསུམ་པོ་དང་། །ཚོན་ཀུན་དང་ནི་མིག་བཀྲ་པོ། །འགྲོ་གནས་ཇི་སྙེད་མཆིས་པ་ལགས། །དེ་དག་ནི་བདག་གི་དཔུན་ལགས་
ཏེ། དེ་དག་ལ་བདག་གྲུལ་བུམ་འདྀ་ནི་བདག་ལ་འཚེའོ། །གྲུལ་བུམ་འདི་ནི་བདག་མི་གཏོང་ངོ་ཞེས་མཆི་ཞིང་དེ་དག་ལ་གོ་བར་བགྱིད་ལགསོ། །བདག་ལ་འཚེ་བའི་གྲུལ་བུཾ་དང་། །བདག་མི་གཏོང་བའི་གྲུལ་བུམ་གྱིས། །ལེགས་པར་སྨྲས་པ་འདི་ཐོས་ནས། །ཨརྫ་ཀའི་

98-1-182a

དོག་པ་བཞིན། །དེའི་མགོ་ཚལ་པ་བདུན་དུ་འགས། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། སི་རེ་བི་སི་རེ། སི་རེ་བི་ས་རེ། སི་རེ་བི་ས་རེ། ཀྲིཥྞ་ཚ་ག་ལེ། ཀ་རཱ་ཌི། པིཾ་ག་ལེ་སྭཱ་ཧཱ། བཙུན་པ་བཅྡོཾས་
ཀྱི་ཉན་ཐོས་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་
འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ། གལ་ཏེ་གྲུལ་བུམ་འམ། གྲུལ་བུམ་མོ་འམ། གྲུལ་བུམ་རྒན་པོ་འམ། གྲུལ་བུམ་རྒན་མོ་འམ། གྲུལ་བུམ་གྱི་བུ་ཕོ་འམ། གྲུལ་བུམ་གྱི་བུ་མོ་འམ། 
གྲུལ་བུམ་གྱི་འཁོར་ཕོ་འམ། གྲུལ་བུམ་གྱི་འཁོར་མོ་འམ། གྲུལ་བུམ་གྱི་མངག་གཞུག་པ་འམ། གྲུལ་བུམ་གྱི་མངག་གཞུག་མ་འཚེ་བར་བགྱིད་པ་གླགས་ལྟ་ཞིང་གླགས་འཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་
འགྲེང་ངམ། ཉེ་བར་མཆིས་པར་གྱུར་ན་གླགས་མི་རྙེད་ཅིང་།  གནས་མི་རྙེད་ལ། གྲུལ་བུམ་རྣམས་ཀྱི་གྲུལ་བུམ་འདུ་བའི་ནང་དུ་མཆིར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་
པ་བཞིན་ཚལ་པ་བདུན་དུ་འགས་ལགས་སོ། །བཙུན་པ་བཅོམ་ལྡན་འདས་ཀྱི་ཉན་ཐོས་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་
དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ། གལ་ཏེ་ཡི་དགས་སམ། ཡི་དགས་མོ་འམ། ཡི་དགས་
རྒན་པོ་འམ། ཡི་དགས་རྒན་མོ་འམ། ཡི་དགས་ཀྱི་བུ་ཕོ་འམ། ཡི་དགས་ཀྱི་བུ་མོ་འམ། ཡི་དགས་ཀྱི་འཁོར་ཕོ་འམ། ཡི་དགས་ཀྱི་འཁོར་མོ་འམ། ཡི་དགས་ཀྱི་མངག་གཞུག་པ་འཾ། ཡི་དགས་ཀྱི་མངག་གཞུག་མ་འཚེ་བར་བགྱིད་པ་

98-1-182b

གླགས་ལྟ་ཞིང་གླགས་འཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆི་བར་གྱུར་ན། གླགས་མི་རྙེད་ཅིང་གནས་མི་རྙེད་ལ། ཡི་དགས་རྣམས་ཀྱི་ཡི་དགས་འདུ་བའི་ནང་དུ་མཆིར་མི་ཆུད་ཅིང་། རྒྱལ་པོའི་
ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཡུ་མེ་ཡུ་མེ། ཡུ་མི་ལེ། ཡུ་མི་ལ་བཱ་ཏི་
ཡི་སྭཱ་ཧཱ། བཙུན་པ་བཅྡོཾས་ཀྱི་སྤྱན་སྔར་བདག་གིས་ཀླུ་རྣམས་དང་། ཀླུ་ཆེན་པོ་རྣམས་དང་། ཀླུའི་སྡེ་དཔོན་རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་ལགས་སོ། །འདི་ལྟ་སྟེ། དགའ་དང་ཉེ་དགའ་ཀུན་དགའ་དང་། །ནོར་རྒྱལ་
དང་ནི་འཛམ་བུ་བཟང་། །སེར་པོ་དང་ནི་ཞོ་རྣ་དང་། །དབང་པོའི་ལག་དང་བཀྲ་ཤིས་དང་། །མྱ་ངན་མེད་དང་མྱ་ངན་བྲལ། །རབ་གྲོལ་དང་ནི་རྒྱལ་བའི་བདག །ངོས་ཡངས་པོ་དང་ངོས་བཀྲ་དང་། །ཡངས་པ་ཅན་དང་བཀྲ་འདུད་རྒྱལ། །གདེངས་ཀ་ཆེ་དང་སྐར་
དགའ་དང་། །ནག་པོ་ཆེ་དང་ལག་འགྲོ་དང་། །ར་སྐྱོང་དང་ནི་འཇོག་པོ་དང་། །གཡོན་ཕྱོགས་དེ་བཞིན་ནག་པོ་དང་། །སྔོ་བསངས་དཀར་དང་འགྲོགས་པ་ནི། །འགྲོ་གནས་ཇི་སྙེད་མཆི་པ་ལགས། །དེ་དག་ནི་བདག་གི་སྤུན་ལགས་ཏེ། དེ་དག་
ལ་བདག་ཀླུ་འདི་ནི་བདག་ལ་འཚེའོ། །ཀླུ་འདི་ནི་བདག་མི་གཏོང་ངོ་ཞེས་མཆི་ཞིང་དེ་དག་ལ་གོ་བར་བགྱིད་ལགས་སོ། །བདག་ལ་འཚེ་བའི་ཀླུ་དག་དང་། །བདག་མི་གཏོང་བའི་ཀླུ་རྣམས་ཀྱིས། །ལེགས་པར་སྨྲས་པ་འདི་ཐོས་ན། །
ཨརྫ་ཀའི་དོག་པ་བཞིན། །དེའི་མགོ་ཚལ་པ་བདུན་དུ་འགས། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཙི་ལེ་བི་ཙི་ལེ། ཙི་ལེ་བི་ཙི་ལེ། གཽ་རི། གན་དྷ་རི། མ་ཏངྒི་། ཙཎ་ཌ་ལི་སྭཱ་ཧཱ། བཙུན་པ་བཅོཾ་
ལྡན་འདས་ཀྱི་ཉན་ཐོས་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་དུ་རྒྱུ་བ་དང་ཀུན་དུ་རྒྱུ་བ་མ་ལགས་པ་དང་འཐུན་པའི་མདོ་རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་

98-1-183a

འཚལ་བར་འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ་གལ་ཏེ་ཀླུ་འམ། ཀླུ་མོ་འམ། ཀླུ་རྒན་པོ་འམ། ཀླུ་རྒན་མོ་འམ། ཀླུའི་བུ་ཕོ་འམ། ཀླུའི་བུ་མོ་འམ། ཀླུའི་འཁོར་ཕོ་འམ། ཀླུའི་འཁོར་
མོ་འམ། ཀླུའི་མངག་གཞུག་པ་འམ། ཀླུའི་མངག་གཞུག་མ་འཚེ་བར་བགྱིད་པ་གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆི་ཞིང་ཉེ་བར་འགྲེང་ངམ། ཉེ་བར་མཆིས་པར་གྱུར་ན། གླགས་མི་རྙེད་ཅིང་གནས་མི་རྙེད་ལ། 
ཀླུ་རྣམས་ཀྱི་ཀླུ་འདུ་བའི་ནང་དུ་ཆིར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །བཙུན་པ་བཅྡོཾས་ཀྱི་ཉན་ཐོས་དགེ་སློང་ངམ། 
དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་དུ་རྒྱུ་བ་དང་ཀུན་དུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་
ལུང་མནོས་ཤིང་འདོན་པར་བགྱིད་པ་དེ་ལ་གལ་ཏེ་ལུས་སྲུལ་པོ་འམ། ལུས་སྲུལ་མོ་འམ། ལུས་སྲུལ་རྒན་པོ་འམ། ལུས་སྲུལ་རྒན་མོ་འམ། ལུས་སྲུལ་པོའི་བུ་ཕོ་འམ། ལུས་སྲུལ་པོའི་བུ་མོ་འམ། ལུས་སྲུལ་པོའི་
འཁོར་ཕོ་འམ། ལུས་སྲུལ་པོའི་འཁོར་མོ་འམ། ལུས་སྲུལ་པོའི་མངག་གཞུག་པ་འམ། ལུས་སྲུལ་པོའི་མངག་གཞུག་མ་འཚེ་བར་བགྱིད་པ་གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆིས་ཞིང་། ཉེ་བར་
འགྲེང་ངམ་ཉེ་བར་མཆིས་པར་གྱུར་ན། གླགས་མི་རྙེད་ཅིང་གནས་མི་རྙེད་ལ། ལུས་སྲུལ་པོ་རྣམས་ཀྱི་ལུས་སྲུལ་པོ་འདུ་བའི་ནང་དུ་མཆིར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་
ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཨ་བི་བ་ཧ་ན་ཏི་ཡེ་སྭཱ་ཧཱ། བཙུན་པ་བཅྡོཾས་ཀྱི་སྤྱན་སྔར་བདག་གིས་གནོད་སྦྱིན་རྣམས་དང་། གནོད་

98-1-183b

སྦྱིན་ཆེན་པོ་རྣམས་དང་། གནོད་སྦྱིན་གྱི་སྡེ་དཔོན་རྣམས་དང་། དམག་དཔོན་རྣམས་ཀྱི་མིང་བརྗོད་པར་བགྱི་ལགས་སོ། །འདི་ལྟ་སྟེ། དབང་པོ་ཟླ་བ་ཆུ་ལྷ་དང་། །བྷ་ར་དྭ་ཙ་སྐྱེས་དགུའི་བདག །དབང་ལྡན་ཙན་དན་འདོད་
གཙོ་དང་། །མགྲིན་ངན་དང་ནི་མགུལ་ངེས་དང་། །སྟོབས་ལྡན་ནོར་བུ་ནོར་སྤྱོད་དང་། །སྒྲ་རབ་དང་ནི་ཉེ་ལྔ་དང་། །རིག་ཉམ་གསེར་ཅན་གང་པོ་དང་། །སེང་ལྡེང་པ་དང་གཡོན་ཅན་དང་། །གནོད་སྦྱིན་བ་སྐྱོང་འགྲོག་གནས་
དང་། །རྒྱལ་བ་ཁྱུ་མཆོག་མིའི་རྒྱལ་པོ། །དྲི་ཟ་སྣ་ཚོགས་སྡེ་དང་ནི། །ལྕགས་མདུང་རིང་དང་མ་ལྡན་དང་། །ཚིག་ལྔ་སེར་པོ་ཡིད་དགའ་དང་། །གནོད་སྦྱིན་རིང་པོ་འཁོར་དང་བཅས། །འབྲས་བུ་གསུམ་དང་མགུལ་གསུམ་པ། །
འགྲོ་གནས་ཇི་སྙེད་མཆིས་པ་ལགས། །དེ་དག་ནི་བདག་གི་སྤུན་ལགས་ཏེ། དེ་དག་ལ་བདག་གནོད་སྦྱིན་འདི་ནི་བདག་ལ་འཚེའོ། །གནོད་སྦྱིན་འདི་དག་ནི་བདག་མི་གཏོང་ངོ་ཞེས་མཆི་ཞིང་དེ་དག་ལ་གོ་བར་བགྱིད་ལགས་སོ། །
བདག་ལ་འཚེ་བའི་གནོད་སྦྱིན་དང་། །བདག་མི་གཏོང་བའི་གནོད་སྦྱིན་གྱིས། །ལེགས་པར་སྨྲས་པ་འདི་ཐོས་ན། །ཨརྫ་ཀའི་དོག་པ་བཞིན། །དེའི་མགོ་ཚལ་པ་བདུན་དུ་འགས། །དེ་ལ་གསང་སྔགས་ཀྱི་ཚིག་ནི་འདི་
དག་ལགས་སོ། །ཏདྱ་ཐཱ། ཧི་ལེ་མི་ལེ། ཀཱིར་ཏི་མཱུ་ལེ་ཧི་ལི་ཀཱིར་ཏི་མཱུ་ལེ། ཨོ་ཏུམ་བེ་ཏུམ་བེ་ཨོ་ཏུམ་བེ་ཏུམ་བེ། ཨོ་གྷེ་མོ་གྷེ། གོ་དེ་ཧེ། བྷྲིྃ་གྷ་རེ། རི་ཥི་སད་ཏ་མེ་སྭཱ་ཧཱ། བཙུན་པ་བཅྡོཾས་ཀྱི་དགེ་སློང་ངམ། དགེ་སློང་
མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་དུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་ལུང་མནོས་
ཤིང་འདོན་པར་བགྱིད་པ་དེ་ལ་གལ་ཏེ་གནོད་སྦྱིན་ནམ། གནོད་སྦྱིན་མོ་འམ། གནོད་སྦྱིན་རྒན་པོ་འམ། གནོད་སྦྱིན་རྒན་མོ་འམ། གནོད་སྦྱིན་གྱི་བུ་ཕོ་འམ། གནོད་སྦྱིན་གྱི་བུ་མོ་འམ། གནོད་སྦྱིན་གྱི་འཁོར་ཕོ་འཾ། གནོད་སྦྱིན་གྱི་འཁོར་མོ་འམ། 

98-1-184a

གནོད་སྦྱིན་གྱི་མངག་གཞུག་པ་འམ། གནོད་སྦྱིན་གྱི་མངག་གཞུག་མ་འཚེ་བར་བགྱིད་པ་གླགས་ལྟ་ཞིང་གླགས་ཚོལ་བ་ལ་ལ་ཞིག་ཉེ་བར་མཆི་ཞིང་། ཉེ་བར་འགྲེང་ངམ། ཉེ་བར་མཆིས་པར་གྱུར་ན་གླགས་མི་
རྙེད་ཅིང་གནས་མི་རྙེད་ལ། གནོད་སྦྱིན་རྣམས་ཀྱི་གནོད་སྦྱིན་འདུ་བའི་ནང་དུ་མཆིར་མི་བཅུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །
བཙུན་པ་བཅྡོཾས་ཀྱི་ཉན་ཐོས་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ལགས་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་
འཚལ་བར་འགྱུར་བ་འདི་ཉིད་རྒྱ་ཆེར་ལུང་མནོས་ཤིང་འདོན་པར་བགྱིད་པ་དེ་ལ། གལ་ཏེ་སྲིན་པོ་འམ། སྲིན་མོ་འམ། སྲིན་པོ་རྒན་པོ་འམ། སྲིན་པོ་རྒན་མོ་འམ། སྲིན་པོའི་བུ་ཕོ་འམ། སྲིན་པོའི་བུ་མོ་འམ། སྲིན་པོའི་འཁོར་ཕོའཾ། 
སྲིན་མོའི་འཁོར་མོ་འམ། སྲིན་པོའི་མངག་གཞུག་པ་འམ། སྲིན་པོའི་མངག་གཞུག་མ་འཚེ་བར་བགྱིད་པ་གླགས་ལྟ་ཞིང་གླགས་འཚོལ་བ་ལ་ལ་ཞིག་ཉེ་བར་མཆི་ཞིག་ཉེ་བར་འགྲེང་ངམ། ཉེ་བར་མཆིས་པར་གྱུར་ན། གླགས་
མི་རྙེད་ཅིང་གནས་མི་རྙེད་ལ། སྲིན་པོ་རྣམས་ཀྱི་སྲིན་པོ་འདུ་བའི་ནང་དུ་མཆིར་མི་ཆུད་ཅིང་རྒྱལ་པོའི་ཕོ་བྲང་ལྕང་ལོ་ཅན་དུ་ཡང་གནས་མི་འཐོབ་སྟེ། དེའི་མགོ་ཨརྫ་ཀའི་དོག་པ་བཞིན་ཚལ་པ་བདུན་དུ་འགས་ལགས་སོ། །
དེ་ལ་གསང་སྔགས་ཀྱི་ཚིག་ནི་འདི་དག་ལགས་སོ། །ཏདྱ་ཐཱ། ཧི་ལི་ཧི་ལི། ཧུ་ལུ་ཧུ་ལུ། ཡུ་མེ་ཡུ་མི་ལེ། ཡུ་མི་ལ་བཱ་ཏི་ཡེ་སྭཱ་ཧཱ། ཞེས་རྒྱ་ཆེར་སྨྲས་ནས། ངའི་རྐང་པ་ལ་མགོ་བོས་ཕྱག་འཚལ་ཏེ། དེ་དེ་ཉིད་དུ་མི་སྣང་བར་གྱུར་ཏོ། །
དགེ་སློང་དག་ཁྱེད་ཀྱིས་འདི་ལྟར་བདག་ཉིད་བསྲུང་བ་དང་། བསྐྱབ་པ་དང་། བདེ་བ་ལ་རེག་པར་གནས་པར་བྱ་བ་དང་། གནོད་སྦྱིན་དང་། མི་མ་ཡིན་པ་གདུག་པ་གཉུག་མར་གནས་པ་མངོན་པར་མ་དད་པ་དག་མངོན་པར་དད་པར་བྱ་བ་དང་། 

98-1-184b

མངོན་པར་དད་པ་རྣམས་ཀྱང་ཕྱིར་ཞིང་འཕེལ་བར་བྱ་བའི་ཕྱིར་ཀུན་དུ་རྒྱུ་བ་དང་ཀུན་ཏུ་རྒྱུ་བ་མ་ཡིན་པ་དང་འཐུན་པའི་མདོ། རིག་སྔགས་དང་། སྲུང་བ་དང་། སུགས་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་ལོང་ཤིག །
ཟུང་ཤིག །ཆོང་ཤིག །ལྷོགས་ཤིག །བཅྡོཾས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །བར་སྡོམ་ནི། ཨི། ཀུ། ཧུ། སི། ཡུ། ཙི། 
ཨཱ། ཧི། ཧི། གསང་སྔགས་ཀྱི་ཚིག་རྣམ་པ་དགུ་སྨོས་པ་དང་གོ་རིམས་བཞིན་དུ་སྦྱར་རོ། །མདོ་ཆེན་པོ་ཀུན་ཏུ་རྒྱུ་བ་དང་ཀུན་དུ་རྒྱུ་བ་མ་ཡིན་པ་དང་འཐུན་པའི་མདོ་ཞེས་བྱ་བ་རྫོགས་སྷོ།། །།རྒྱ་གར་གྱི་མཁན་
པོ་ཛི་ན་མི་ཏྲ་དང་། པྲཛྙཱ་བར་མ་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ། ། ༄༅།  །རྒྱ་གར་སྐད་དུ།  ཨཱརྱ་མ་ཧཱ་མེ་གྷ།  བོད་སྐད་དུ།  འཕགས་
པ་སྤྲིན་ཆེན་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཀླུའི་རྒྱལ་པོ་དགའ་བོ་དང་ཉེ་དགའི་
གནས་ན་ནོར་བུ་རིན་པོ་ཆེ་དཔལ་གྱི་སྙིང་པོ་སྤྲིན་གྱི་དཀྱིལ་འཁོར་ཆེན་པོའི་ཁང་པ་བརྩེགས་པ་ན། དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་དགེ་འདུན་ཆེན་པོ་དང་། ཀླུའི་རྒྱལ་པོའི་
ཚོགས་ཆེན་པོ་འདི་ལྟ་སྟེ། ཀླུའི་རྒྱལ་པོ་དགའ་བོ་དང་། ཉེ་དགའ་དང་། རྒྱ་མཚོ་དང་། མ་དྲོས་པ་དང་། གཟི་ཅན་དང་། ཆུ་ལྷ་དང་། འཇོག་པོ་དང་། ཡུལ་འཁོར་བསྲུང་དང་། ནོར་རྒྱལ་ཀྱི་བུ་དང་། 
ཀླུའི་རྒྱལ་པོ་བཏང་བཟུང་དང་། ས་སྲུང་གི་བུ་དང་། མདོངས་བུ་དང་། དཔལ་གྱི་གཟི་བརྗིད་དང་། དཔལ་བཟང་དང་། གློག་གི་ཕྲེང་བ་དང་། གཙུག་ན་རིན་པོ་ཆེ་དང་། གཙུག་ན་ནོར་བུ་ཐོགས་དང་། སྣང་ལྡན་གཙུག་པུད་ཅན་དང་། 

98-1-185a

གཙུག་པུད་འཇའ་ཅན་དང་། ཀླུའི་རྒྱལ་པོ་དབང་པོའི་རྒྱལ་མཚན་དང་། དབང་པོའི་མཆོད་སྡོང་དང་། འཛམ་བུའི་རྒྱལ་མཚན་དང་། བཀྲ་ཤིས་ལྡན་དང་། དཀྱིལ་འཁོར་ཆེན་པོ་ཅན་དང་། ལག་གིས་འགྲོ་
ཆེན་པོ་དང་། སྐར་མདོག་དང་། ཟླ་བའི་གཟི་བརྗིད་དང་། དཔལ་གྱི་བློ་གྲོས་དང་། ཟླ་མཐོང་དང་། ཀླུའི་རྒྱལ་པོ་ལེགས་མཐོང་དང་། ཤིན་དུ་བརྟན་པ་དང་། མགུལ་ན་ནོར་བུ་དང་། སྤྲིན་བྱུང་དང་། ཆར་རྒྱུན་དང་། རབ་འཇོཾས་
དང་། རྣམ་པར་འཇོམས་དང་། མཐུ་བསྒྱིངས་དང་། གདེངས་ཀ་ཆེན་པོ་དང་། དབྱངས་ཟབ་དང་། ཀླུའི་རྒྱལ་པོ་ཆེར་སྒྲོགས་དང་། རྣམ་པར་སྒྲ་འབྱིན་དང་། ཨུད་པལ་དང་། རྩལ་ཆེན་དང་། གཤོལ་མདའ་འཛིན་དང་། སྣ་ཚོགས་
སྡེ་དང་། ཞགས་པ་ཆེན་པོ་དང་། ཀླུའི་རྒྱལ་པོ་ཨེ་ལའི་འདབ་མ་དང་། ཀུན་དུ་སྣང་དང་། རྣ་རྩུབ་དང་། དུང་དང་། དར་དར་དང་། ཀླུའི་རྒྱལ་པོ་ཨུ་པ་དར་དར་དང་། བདེ་བྱེད་དང་། ལག་འགྲོ་དང་། ལག་འགྲོ་ཆེན་པོ་དང་། དྲི་མ་ཆེན་
པོ་དང་། འཕུར་ལྡིང་དང་། སོག་མ་མེད་དང་། འཕྱང་བ་དང་། སྲིན་བུ་གནས་དང་། ནག་པོ་དང་། ཀླུའི་རྒྱལ་པོ་དབང་པོ་སྡེ་དང་། འདམ་བུ་དང་། ཉེ་བའི་འདམ་བུ་དང་། དུང་ཐོགས་དང་། འགྲོ་ལྡིང་དང་། རབ་མཛེས་དང་། 
གླང་ཆེན་སྣ་དང་། རྣོན་པོ་དང་། སེར་སྐྱ་དང་། གློག་འབར་དང་། གློག་འོད་ཆེན་པོ་དང་། སྟོབས་ལྷ་དང་། ཆུ་སྟོབས་དང་། ཀླུའི་རྒྱལ་པོ་དམ་པ་འགེབས་དང་། བདུད་རྩི་ཅན་དང་། མུ་སྟེགས་ཅན་དང་། བཻ་དཱུརྱའི་འོད་ཅན་དང་། 
གསེར་མདོག་སྒྲ་དང་། གསེར་འོད་དང་། ཟླ་བའི་རྒྱལ་མཚན་འོད་དང་། ཉི་འོད་དང་། འཆར་བ་དང་། བལ་གླང་མགོ་དང་། ཀླུའི་རྒྱལ་པོ་དཀར་པོ་དང་། ནག་པོ་དང་། གཤིན་རྗེ་དང་། དགེ་ཚུལ་དང་། སྦལ་པ་དང་། ངང་པའི་
གཟི་བརྗིད་དང་། མུ་ཁྱུད་འཛིན་དང་། ས་འཛིན་དང་། མགོ་སྟོང་ཅན་དང་། གཙུག་ན་ནོར་བུ་དང་། ཀླུའི་རྒྱལ་པོ་དོན་ཡོད་མཐོང་དང་། སྤྲིན་ཆེན་དང་། སྡེ་བཟང་དང་། ས་སྐྱོང་དང་། མིས་བྱིན་དང་། རྣམ་པར་དུལ་དང་། 

98-1-185b

དགའ་བ་འབྱུང་དང་། ཆུ་སྲིན་ཀུམ་བྷི་རའི་གདོང་དང་། དུག་འཛིན་དང་། ཀླུའི་རྒྱལ་པོ་མྱུར་གདུག་དང་། པད་མ་ཀ་དང་། མཇུག་མ་དང་། རབ་འཕྱང་དང་། འཇིགས་བྱེད་དང་། གཟི་བརྗིད་མཛེས་དང་། མགོ་ལྔ་པ་དང་། 
བལ་ལི་ར་དང་། ཤིང་རྟས་རྒྱལ་དང་། ཀླུའི་རྒྱལ་པོ་བླ་མ་དང་། ཀླུའི་རྒྱལ་པོ་མཇུག་རིངས་དང་། མགོ་བོ་ཆེ་དང་། པིམ་པི་ཀ་དང་། བི་རྟ་ར་དང་། མགྱོགས་འགྲོ་དང་། ཀླུའི་རྒྱལ་པོ་མགོ་གསུམ་པ་དང་། ཀླུ་སྡེ་དང་། 
གཟི་ཆེན་དང་། འདམ་བུ་བྱིན་དང་། ཀླུའི་རྒྱལ་པོ་སྐྲག་བྱེད་དང་། འོད་འབར་དང་། མགོ་བདུན་པ་དང་། སྟོང་ཆེན་དང་། མཐོང་དགའ་དང་། རབ་ཏུ་ཆེར་ཏུམ་དང་། དྲི་མེད་གཟི་བརྗིད་དང་། མིག་བཟངས་དང་། དྲག་པོ་
ཆེན་པོ་དང་། འོད་འཕྲོ་ཕུང་པོ་དང་། ཀླུའི་རྒྱལ་པོ་གཏུམ་པོ་དང་། ཁྲོ་བོ་དྲག་ཤུལ་ཅན་དང་། རིན་ཆེན་ཆུ་སྦྱིན་དང་། ཆུ་སྦྱིན་སྤྲིན་ཆེན་པོ་དང་། དབང་པོའི་འོད་དང་། རྐང་པས་འཐུང་དང་། སྤྲིན་ཟླ་དང་། རྒྱ་
མཚོའི་སྤྲིན་དང་། མེ་ཏོག་དྲི་ཆེན་དང་། ཀུ་མུ་དའི་འབྱུང་གནས་དང་། ཀླུའི་རྒྱལ་པོ་རིན་ཆེན་མིག་དང་། ཏོག་ཆེན་པོའི་རྒྱལ་མཚན་དང་། སྤྲིན་ཆེན་སྙིང་པོ་དང་། ཁ་བ་ཅན་དང་། དཔལ་གྱི་སྙིང་པོ་དང་། 
སྤྲིན་མཐུ་ཅན་དང་། མཚན་མོ་འཛིན་དང་། ཆུ་སྦྱིན་དང་། ཆུ་སྦྱིན་ཆེན་པོ་དང་། ཀླུའི་རྒྱལ་པོ་གཟི་བརྗིད་མེ་འདྲ་དང་། སྤྲིན་གྱི་དབང་ཕྱུག་རྒྱལ་པོ་དང་། ཁྲོ་མེད་དང་། སའི་བུམ་པ་དང་། ཀླུ་དབལ་དང་། ཆུ་འཛིན་
དང་། སྤྲིན་གདུགས་དང་། ཨང་གི་རའི་གདོང་དང་། གཟི་བརྗིད་ཅན་དང་། སྤྲིན་ལས་མངོན་བྱུང་དང་། ཀླུའི་རྒྱལོ་གོམ་སྟབས་མཐའ་ཡས་དང་། ཆ་བྱད་མཛེས་དང་། ལུས་ཆེན་དང་། སྤྱད་ལྟོ་དང་། ཞི་བ་དང་། 
དཔའ་བ་དང་། གསེར་ངད་ཅན་དང་། མཆོག་དུ་བརྩོན་དང་། དུག་ཅན་དང་། དབྱངས་སྙན་དང་། ཀླུའི་རྒྱལ་པོ་བདུད་རྩི་སྙིང་པོ་དང་། རབ་ཏུ་ཆར་འབེབས་ཆེན་པོ་དང་། རྣམ་པར་གཡོ་དང་། འབྲུགས་སྒྲ་དང་། རྔ་སྒྲ་དང་། 

98-1-186a

བདུད་རྩིའི་རྒྱུན་དང་། དགའ་བར་བྱེད་པ་དང་། འབྲུག་སྒྲོགས་དང་། དཔའ་སྡེ་དང་། སྲེད་མེད་ཀྱི་བུ་དང་། རྒྱ་མཚོའི་ཀློང་དང་། ཀླུའི་རྒྱལ་པོ་ཡོན་པོ་དང་། ཀླུའི་རྒྱལ་པོ་ཆེན་པོ་དེ་དག་ལ་སོགས་པ་ཀླུ་བྱེ་བ་
ཁྲག་ཁྲིག་བརྒྱ་སྟོང་ཕྲག་བརྒྱད་བཅུ་རྩ་བཞི་དག་འདུས་ཏེ་འཁོད་པ་དང་ཐབས་གཅིག་ཏུ་བཞུགས་སོ། །དེའི་ཚེ་ཀླུའི་རྒྱལ་པོ་དེ་དག་འཁོར་དང་བཅས་ཏེ་སྟན་ལས་ལངས་ནས། བླ་གོས་ཕྲག་པ་གཅིག་ཏུ་
བཟར་ཏེ། པུས་མོ་གཡས་པའི་ལྷ་ང་ས་ལ་བཙུག་ནས། བཅྡོཾས་ག་ལ་བ་དེ་ལོགསུ་ཐལ་མོ་སྦྱར་བཏུད་ནས། བླ་མ་ལ་གུས་པ་དང་། ཕུ་དུད་ཆེན་པོ་བྱེད་པས། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། 
ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་དང་། དར་གྱི་ལྡ་ལྡིང་དང་། རོལ་མོའི་སྒྲ་དང་། སིལ་སྙན་དང་། ཕེག་རྡོབ་པ་དང་། གླུ་དབྱངས་དང་། རིན་པོ་ཆེའི་མེ་ཏོག་དང་། རིན་པོ་ཆེའི་ལྡ་ལྡི་དང་། མུ་ཏིག་གི་ཕྲེང་བ་དང་། 
ཀླུའི་མེ་ཏོག་དང་། མུ་ཏིག་གི་དྲ་བ་མཆོག་ཏུ་མཛེས་པ་རྣམས་པ་སྣ་ཚོགས་དཔག་ཏུ་མེད་གྲང་མེད་པ་དག །བཅྡོཾས་ལ་ཕུལ་ནས་བསྐོར་བ་བྱས་ཏེ་ཕྱོགས་གཅིག་ཏུ་འདུགོ། ཕྱོགས་གཅིག་ཏུ་འདུག་ནས་སྨོན་ལམ་རྣམས་བཏབ་པ། ལུས་
རྒྱ་མཚོ་འཇིན་རྟེན་གྱི་ཁམས་རྒྱ་མཚོ་ཐྃད་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱིས། སངས་རྒྱས་དང་། བྱང་ཆུབ་སེཾས་དཔའི་འཁོར་གྱི་དཀྱིལ་འཁོར་རྒྱ་མཚོ་ཐྃད་དང་། འཇིག་རྟེན་གྱི་ཁམས་རབ་འབྱམ་རྒྱ་མཚོ་ཐྃད་དང་། 
ས་དང་། ཆུ་དང་། མེ་དང་། རླུང་ཐྃད་ཀྱི་རྡུལ་ཕྲ་རབ་ཀྱི་རྡུལ་རྣམས་དང་། གཟུགསུ་སྣང་བ་ཐྃད་ཀྱི་རྡུལ་ཕྲ་རབ་ཀྱི་རྡུལ་རྣམས་ལས་རྡུལ་ཕྲ་རབ་ཀྱི་རྡུལ་རེ་རེ་ལ་ཡང་ལུས་ཀྱི་སྤྲིན་རྒྱ་མཚོ་བགྲང་བའི་རྒྱ་མཚོ་ཐྃད་ལས་ཡང་དག་
པར་འདས་པ། གྲངས་མེད། དཔག་ཏུ་མེད། བསམ་གྱིས་མི་ཁྱབ། མཚུངས་པ་མེད། གཞལ་དུ་མེད་བརྗོད་དུ་མེད་པ་ལས་ཡང་དག་པར་འདས་པ་དག་དང་། ལུས་རེ་རེ་ལ་ཡང་ལག་པ་བརྒྱ་མཚོའི་སྤྲིན་ཕྱོགས་ཀུན་གྱི་རྒྱུན་དུ་

98-1-186b

མངོན་པར་ཕྱོགས་པ་དཔག་ཏུ་མེད། གྲངས་མེད་པ་དག་བྱིན་གྱིས་བརླབས་ནས། རྡུལ་ཕྲ་རབ་ཀྱི་རྡུལ་གྱི་ཆ་རེ་རེ་ལས་ཀྱང་མཆོད་པ་ཐྃད་ཀྱི་སྤྲིན་རྒྱ་མཚོ་ཕྱོགས་ཀུན་གྱི་གཞི་རྒྱས་པར་འགེངས་པ་མ་འདྲེས་པ་རྣཾས་
ཀྱིས་སངས་རྒྱས་དང་། བྱང་ཆུབ་སེམས་དཔའ་ཐྃད་ལ་མཆོད་པ་བྱའོ་སྙམ་པ་འདི་ལྟ་སྟེ། ཀུན་དུ་སྤྱོད་པའི་ལུས་རྒྱ་མཚོ་སྤྲིན་མ་འདྲེས་པ་དཔག་ཏུ་མེད། གྲངས་མེད། བསམ་གྱིས་མི་ཁྱབ། གཞལ་དུ་མེད། 
ཚད་མེད། བརྗོད་དུ་མེད་པ་དག་གིས་ནམཁའི་དཀྱིལ་ཀུན་ཏུ་ཁེབས་པར་བྱིན་གྱིས་བརླབས་ནས། བྱང་ཆུབ་སེམས་དཔའི་རྒྱ་མཚོ་སྤྲིན་རྣམས་ཀྱིས་ཇི་ལྟ་བ་དེ་བཞིན་དུ་རིན་པོ་ཆེ་ཐྃད་ཀྱི་ཁ་དོག་དང་
འོད་ཟེར་སྟུག་པོ་དང་། ཉི་མ་དང་། ཟླ་བ་ཐྃད་ལྟ་བུའི་ལུས་ཀྱི་འཁོར་གྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། རིན་པོ་ཆེ་ཐྃད་ཀྱི་ཕྲེང་བ་དང་མེ་ཏོག་གི་རྒྱ་མཚོ་སྤྲིན་རྣམས་དང་། རིན་པོ་ཆེ་ཐྃད་ཀྱི་སྣང་བ་ཆེན་
པོའི་སྙིང་པོ་ཁང་པ་བརྩེགས་པ་རྒྱ་མཚོ་སྤྲིན་རྣམས་དང་། ཕྱེ་མ་དང་། ཤིང་ལྗོན་པ་ཐྃད་ཀྱི་མཛོད་རྒྱ་མཚོ་སྤྲིན་རྣམས་དང་། སྤོས་དང་། བདུག་པ་ཐྃད་ཀྱི་གཟུགས་ཀུན་དུ་སྟོན་པ་རྒྱ་མཚོ་སྤྲིན་རྣམས་དང་། 
སྒྲ་ཐྃད་སྒྲོགས་པའི་རོལ་མོའི་སྒྲ་རྒྱ་མཚོའི་སྤྲིན་རྣམས་དང་། སྤོས་ཐྃད་ཀྱི་ཤིང་ལྗོན་པ་རྒྱ་མཚོ་སྤྲིན་རྣམས་ཀྱིས་ནམཁའི་དཀྱིལ་ཀུན་དུ་ཁེབས་པར་བྱིན་གྱིས་བརླབས་ནས་དེ་ལ་སོགས་པ་མཆོད་པ་
ཐྃད་ཀྱི་སྤྲིན་རྒྱ་མཚོ་དཔག་ཏུ་མེད་གྲངས་མེད། བསམ་གྱིས་མི་ཁྱབ། གཞལ་དུ་མེད། ཚད་མེད། བརྗོད་དུ་མེད་པ། མ་འདྲེས་པ་རྣམས་ཀྱིས། སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་ཐྃད་ལ་བསྟི་སྟང་དུ་བྱའོ། །
བླ་མར་བྱའོ། །རི་མོར་བྱའོ། །མཆོད་པར་བྱའོ། །ཡུལ་ཐྃད་དུ་བཀོད་པ་རྣམ་པར་སྣང་བར་བྱས་པའི་སྙིང་པོ་ཅན་གྱི་ནོར་བུའི་རྒྱལ་པོ་རྒྱ་མཚོ་སྤྲིན་རྣམས་ཀྱི་ནཾ་མཁའི་དཀྱིལ་ཀུན་ཏུ་ཁེབས་པར་བྱིན་གྱིས་བརླབས་ཏེ། 

98-1-187a

སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་ཐྃད་ལ་བསྟིང་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །ཐྃད་ཀུན་དུ་སྣང་བའི་ནོར་བུ་རིན་པོ་ཆེའི་ཆར་འབབ་པ་བཀོད་པའི་ནོར་བུའི་རྒྱལ་པོ་རྒྱ་ཚོ་
སྤྲིན་རྣམས་དང་། རིན་པོ་ཆེ་ཐྃད་ཀྱི་འོད་འཕྲོ་བ་འབར་བ་དང་ལྡན་པ་སངས་རྒྱས་ལ་ངེས་པར་གྱུར་པའི་དབྱངས་ཀྱི་ནོར་བུའི་རྒྱལ་པོ་རྒྱ་མཚོ་སྤྲིན་རྣམས་དང་། ཀུན་དུ་སྒྲས་འགེངས་པ་སངས་རྒྱས་ཀྱི་ཆོས་ཐྃད་ཀྱི་དབྱངས་ཅན་ནོར་བུའི་
རྒྱལ་པོ་རྒྱ་མཚོ་སྤྲིན་རྣམས་དང་། ཀུན་ནས་སྒོ་རིན་པོ་ཆེ་འོད་ཟེར་གྱིས་སངས་རྒྱས་ཀྱི་སྤྲུལ་པ་སྣང་བར་བྱེད་པ་རྒྱ་མཚོ་སྤྲིན་རྣམས་དང་། འཁོར་གྱི་དཀྱིལ་འཁོར་མ་འདྲེས་པ་རྣམསུ་བཀོད་པ་ཐྃད་སྣང་བ་ཀུན་དུ་སྟོན་པའི་ནོར་བུའི་
རྒྱལ་པོ་རྒྱ་མཚོ་སྤྲིན་རྣམས། འོད་འཕྲོ་བ་སྒྲོན་མ་སངས་རྒྱས་ཀྱི་ཡུལ་ཐྃད་ཀྱི་རྗེསུ་འཇུག་པའི་ནོར་བུའི་རྒྱལ་པོ་རྒྱ་མཚོ་སྤྲིན་རྣམས་དང་། སངས་རྒྱས་ཀྱི་ཞིང་བསམ་གྱི་མི་ཁྱབ་པ་རྣམསུ་དེ་བཞིན་གཤེགས་པའི་གཞལ་
མེད་ཁང་སྣང་བ་ཀུན་དུ་སྟོན་པའི་ནོར་བུའི་རྒྱལ་པོ་རྒྱ་མཚོ་སྤྲིན་རྣམས་དང་། རིན་པོ་ཆེ་སྣ་ཚོགས་ཐྃད་ཀྱི་རྡུལ་ལ་དུས་གསུམ་གྱི་སངྱས་ཀྱི་སྐུ་སྣང་བ་རྣམ་པར་བྱེད་པའི་ནོར་བུའི་རྒྱལ་པོ་རྒྱ་མཚོ་སྤྲིན་རྣཾས་ཀྱིས་ནཾ་མཁའི་
དཀྱིལ་ཀུན་དུ་ཁེབས་པར་བྱིན་གྱིས་བརླབས་ཏེ། སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་ཐྃད་ལ་བསྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །རིན་པོ་དང་། སྤོས་དང་། མེ་ཏོག་སྣ་ཚོགས་
ཐྃད་ཀྱི་ཁང་པ་བརྩེགས་པ་མ་འདྲེས་པ་རྒྱ་མཚོ་སྤྲིན་རྣམས་དང་། ནོར་བུ་རིན་པོ་ཆེའི་རྒྱལ་པོ་ཁ་དོག་མཐའ་ཡས་པ་ཐྃད་ཀྱིས་རབ་ཏུ་བརྒྱན་པ་ཁང་པ་བརྩེགས་པ་རྒྱ་མཚོ་སྤྲིན་རྣཾས་དང་། རིན་པོ་ཆེའི་སྒྲོན་མ་དང་། སྤོས་ཀྱི་འོད་
འཕྲོ་བ་ཅན་གྱི་ཁང་པ་བརྩེགས་པ་རྒྱ་མཚོ་སྤྲིན་རྣམས་དང་། མུ་ཏིག་ཐྃད་ཀྱིས་རྣམ་པར་སྤྲས་པའི་ཁྃ་པ་བརྩེགས་པ་རྒྱ་མཚོ་སྤྲིན་རྣམས་དང་། མེ་ཏོག་ཐྃད་ཀྱི་ཟེ་བ་རྒྱ་མཚོ་སྤྲིན་རྣམས་དང་། རིན་པོ་ཆེའི་ཕྲེང་བ་མཐའ་ཡས་

98-1-187b

པས་ལེགས་པར་བརྒྱན་པའི་ཁང་པའི་བརྩེགས་པ་རྒྱ་མཚོ་སྤྲིན་རྣམས་ཀྱིས་ནམཁའི་དཀྱིལ་ཀུན་དུ་ཁེབས་པར་བྱིན་གྱིས་བརླབས་ནས། ཕྱོགས་བཅུ་ཀུན་ཏུ་འོད་ཟེར་སྣང་བའི་སྙིང་པོ་ཅན་བཀོད་པ་ཐྃད་ཡང་དག་པར་འདུ་
བའི་ཁང་པ་བརྩེགས་པ་རྒྱ་མཚོ་སྤྲིན་རྣམས་དང་། རིན་པོ་ཆེ་ཐྃད་ཀྱི་རྡུལ་གྱིས་རབ་ཏུ་བརྒྱན་པ་བཀོད་པ་དུ་མ་ཀུན་ཏུ་སྟོན་པ་ཁང་པ་བརྩེགས་པ་རྒྱ་མཚོ་སྤྲིན་རྣམས་དང་། བཀོད་པ་ཐྃད་ཀྱིས་རབ་ཏུ་
བརྒྱན་པ་ཀུན་དུ་རྒྱས་པར་འགེངས་པའི་ཁང་པ་བརྩེགས་པ་རྒྱ་མཚོ་སྤྲིན་རྣམས་དང་། སྒོ་ཀུན་དུ་མེ་ཏོག་གིས་རྟ་བབས་དྲིལ་བུའི་དྲ་བ་དཔྱངས་པ་རྒྱ་མཚོ་སྤྲིན་རྣམས་ཀྱིས་ནམཁའི་དཀྱིལ་ཀུན་དུ་ཁེབས་པར་
བྱིན་གྱིས་བརླབས་ཏེ། སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་ཐྃད་ལ་བསྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །གསེར་དང་། རིན་པོ་ཆེ་སྣ་ཚོགས་ཀྱི་ཚོང་ཚོད་དང་། ཕྲེང་བ་དང་། 
རིན་པོ་ཆེའི་མགུལ་གདུབ་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། མེ་ཏོག་སྣང་བ་ལྟར་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། ཨན་ད་རྙིལ་དང་། འཛམ་བུ་ཆུ་བོ་གསེར་གྱི་
པད་མ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། ནོར་བུ་རིན་པོ་ཆེའི་སྒྲོན་མའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། ནོར་བུ་རིན་པོ་ཆེ་སྣང་གསལ་རྒྱལ་མཚན་གྱི་
པད་མ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། རིན་པོ་ཆེས་བརྒྱན་པའི་པད་མ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། ཨན་ད་སྙིལ་མཛེས་པར་འབར་བའི་
འོད་ཟེར་ལྡན་གྱི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། འོད་ཟེར་འབར་བ་ཟད་མི་ཤེས་པའི་གཟི་བརྗིད་དང་ལྡན་པའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣཾས་དང་། རིན་པོ་ཆེ་འབར་

98-1-188a

བ་ཐམས་ཅད་བྱུང་བའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། རིན་པོ་ཆེ་འབར་བ་མཆོག་དམ་པ་ཐམས་ཅད་བྱུང་བའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། སངས་རྒྱས་
གསུང་སྒྲའི་འོད་ཟེར་དང་ལྡན་པའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་མ་འདྲེས་པ་རྣམས་ཀྱིས་ནམཁའི་དཀྱིལ་ཀུན་ཏུ་ཁེབས་པར་བྱིན་གྱིས་བརླབས་ཏེ། སངས་རྒྱས་དང་། བྱང་ཆུབ་སེམས་དཔའ་
རྒྱ་མཚོ་ཐྃད་ལ་བསྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །སྤོས་དང་། ནོར་བུ་སྣ་ཚོགས་ཐྃད་ཀྱི་ཤིང་ལྗོན་པ་སྣ་ཚོགས་སྤྲིན་རྣམས་དང་། ཀུན་ནས་སྒོ་ལོ་མ་ལས་ཐལ་མོ་སྦྱར་བའི་སྤྲིན་འབྱུང་བའི་
སྤོས་ཀྱི་ཤིང་ལྗོན་པ་རྒྱ་མཚོ་སྤྲིན་རྣམས་དང་། ཤིང་ལྗོན་པ་ཐམས་ཅད་ཀྱི་གཟུགས་མཐའ་ཡས་པ་བཀོད་པ་ཀུན་དུ་སྟོན་པའི་ཤིང་ལྗོན་པ་རྒྱ་མཚོ་སྤྲིན་རྣམས་དང་། མེ་ཏོག་ཐམས་ཅད་ཀྱི་སྤྲིན་རབ་ཏུ་འཕྱང་བའི་ཤིང་ལྗོན་
པ་ལྷུ་བུ་རྒྱ་མཚོ་སྤྲིན་རྣམས་དང་། བཀོད་པ་ཐྃད་འབྱུང་བའི་མཛོད་མཐའ་ཡས་པ་དང་ལྡན་པའི་ཤིང་ལྗོན་པ་རྒྱ་མཚོ་སྤྲིན་རྣམས་དང་། རིན་པོ་ཆེ་འོད་འཕྲོ་བ་ཐྃད་ཀྱི་དཀྱིལ་འཁོར་རྣམས་པར་སྣང་བར་བྱེད་པའི་ཤིང་
ལྗོན་པ་རྒྱ་མཚོ་སྤྲིན་རྣམས་དང་། བྱང་ཆུབ་སེམས་དཔའི་ལུས་ཕྱེད་ཙན་དན་ཐྃད་ཀྱི་ཕྱེ་མར་ཀུན་དུ་སྟོན་པའི་ཤིང་ལྗོན་པ་རྒྱ་མཚོ་སྤྲིན་རྣམས་དང་། བྱང་ཆུབ་ཀྱི་སྙིང་པོ་ཐྃད་ཀྱི་བཀོད་པ་བསམ་གྱིས་མི་ཁྱབ་པའི་འོད་
ཅན་གྱི་ཤིང་ལྗོན་པའི་རིན་པོ་ཆེའི་གོས་ཐྃད་ཀྱི་མཛོད་ཉི་མ་ལྟར་སྣང་བར་བྱས་པ་དང་ལྡན་པའི་ཤིང་ལྗོན་པ་རྒྱ་མཚོ་སྤྲིན་རྣམས་དང་། སྒྲ་དབྱངས་ཐྃད་སྒྲོགས་པ་ཡིད་དུ་འོང་བའི་དབྱངས་ཀུན་དུ་གཏོང་བའི་ཤིང་ལྗོན་པ་རྒྱ་ཚོ་
སྤྲིན་རྣམས་དང་། རིན་པོ་ཆེ་ཁ་དོག་མཐའ་ཡས་པའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། ཀུན་དུ་མངོན་པར་ཕྱོགས་པའི་ནོར་བུའི་རྒྱལ་པོ་སྣང་བར་བྱེད་པའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་

98-1-188b

སྤྲིན་རྣམས་དང་། རྒྱན་བཀོད་པ་ཐྃད་ཀྱིས་རབ་ཏུ་བརྒྱན་པའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། རིན་པོ་ཆེ་སྣ་ཚོགས་འོད་འཕྲོ་བའི་སྒྲོན་མའི་ཕྲེང་བའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་
སྤྲིན་རྣམས་དང་། ཀུན་ནས་སྒྲ་རིན་པོ་ཆེའི་ཤིང་ལྗོན་པ་འབྱུང་བའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། སྤོས་དང་། མེ་ཏོག་དང་། པད་མ་ཐྃད་ཀྱི་ཕྲེང་བ་རིན་པོ་ཆེའི་སྙིང་པོ་ཅན་གྱི་སེང་གེའི་ཁྲི་རྒྱ་
མཚོ་སྤྲིན་རྣམས་དང་། སངས་རྒྱས་ཐྃད་ཀྱི་གདན་བཀོད་པ་ཀུན་ཏུ་སྟོན་པའི་ནོར་བུ་རིན་པོ་ཆེའི་རྒྱལ་པོའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། བཀོད་པ་ཐྃད་ཀྱི་ཕྲེང་བ་རབ་ཏུ་དཕྱངས་པའི་རྟ་བབས་
སྟེགས་བུས་རབ་དུ་བརྒྱན་པ་རིན་པོ་ཆེའི་སྤྲིན་གྱི་སྙིང་པོ་ཅན་སེང་གེའི་ཁྲི་རྒྱ་མཚོ་སྤྲིན་རྣམས་དང་། ནོར་བུ་རིན་པོ་ཆེའི་ཡལ་ག་དང་ཕྱེ་མའི་མཛོད་ཡོད་པའི་སྡོང་པོ་ཐྃད་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་
རྣམས་དང་། སྤོས་སྣ་ཚོགས་དང་། རིན་པོའི་དྲིལ་བུ་གཡེར་ཀའི་དྲ་བ་ཀུན་ནས་རྒྱན་པ་ཉི་མ་སྣང་བར་བྱེད་པའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་ཀྱི་ནམཁའི་དཀྱིལ་ཀུན་ཏུ་ཁེབས་པར་བྱིན་གྱིས་བརླབས་
ཏེ། སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་ཐྃད་ལ་སྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །ཡིད་བཞིན་གྱི་ནོར་བུའི་རྒྱལ་པོ་ཐྃད་ཀྱི་གཞལ་མེད་ཁང་རྒྱ་མཚོ་སྤྲིན་རྣམས་དང་། ཨན་
ད་རྙིལ་གྱི་ཟེ་བ་ཅན་གྱི་མེ་ཏོག་བཀོད་པ་ཐྃད་བླ་རེ་རྒྱ་མཚོ་སྤྲིན་རྣམས་དང་། སྤོས་དང་། ནོར་བུ་ཐྃད་ཀྱི་བླ་རེ་རྒྱ་མཚོ་སྤྲིན་རྣམས་དང་། རིན་པོ་ཆེའི་འོད་འཕྲོ་བའི་སྒྲོན་མའི་གཟུགས་ཀྱི་བླ་རེ་རྒྱ་མཚོ་སྤྲིན་རྣམས་དང་། 
སངས་རྒྱས་ཀྱི་རྫུ་འཕྲུལ་རྣམས་པར་སྟོན་པར་སྣང་བའི་དབྱངས་ཀྱི་ནོར་བུའི་རྒྱལ་པོའི་བླ་རེ་རྒྱ་མཚོ་སྤྲིན་རྣམས་དང་། ནོར་བུ་སྣ་ཚོགས་ཀྱི་གོས་བཀོད་པ་ཐྃད་སྣང་བ་ཀུན་ཏུ་སྟོན་པའི་བླ་རེ་རྒྱ་མཚོ་སྤྲིན་རྣཾས་

98-1-189a

དང་། མེ་ཏོག་ཐྃད་ཀྱི་ཆུ་བོ་འབར་བར་སྣང་བའི་རིན་པོ་ཆེའི་བླ་རེ་རྒྱ་མཚོ་སྤྲིན་རྣམས་དང་། དྲིལ་བུ་སྣ་ཚོགས་ཀྱི་སྒྲས་ཀུན་དུ་རྒྱས་པར་འགེངས་པའི་དྲ་བའི་བླ་རེ་རྒྱ་མཚོ་སྤྲིན་རྣམས་དང་། པད་མ་འབར་
བ་ཁ་དོག་མཐའ་ཡས་པ་སྣ་ཚོགསུ་སྣང་བའི་ནོར་བུའི་སྙིང་པོ་ཅན་གྱི་པད་མའི་དྲ་བའི་བླ་རེ་རྒྱ་མཚོ་སྤྲིན་རྣམས་དང་། གསེར་གྱི་དྲ་བ་ཅན་གྱི་འོད་ཟེར་སྣང་བའི་རྒྱལ་མཚན་གྱི་བླ་རེ་རྒྱ་མཚོ་སྤྲིན་རྣམས་དང་། བཀོད་པ་
བསམས་གྱིས་མི་ཁྱབ་པར་སྣང་བའི་འོད་མཐའ་ཡས་པ་བཀོད་པ་ཐྃད་ཀྱི་བརྒྱན་བླ་རེ་རྒྱ་མཚོ་སྤྲིན་རྣམས་ཀྱིས་ནམཁའི་དཀྱིལ་ཀུན་དུ་ཁེབས་པར་བྱིན་གྱིས་བརླབས་ཏེ། སངས་རྒྱས་དང་། བྱང་ཆུབ་
སེམས་དཔའ་གང་ཆེན་མཚོ་སྤྲིན་རྒྱ་མཚོ་ཐྃད་ལ་བསྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །ནོར་བུ་རིན་པོ་ཆེ་སྣ་ཚོགས་ཐྃད་ཀྱིས། གདུགས་རྒྱ་མཚོ་སྤྲིན་རྣམས་
ཀྱི་ནམཁའི་དཀྱིལ་ཀུན་དུ་ཁེབས་པར་བྱིན་གྱིས་བརླབས་ལ། རིན་པོ་ཆེ་བཅུའི་འོད་སྣང་བ་བཀོད་པའི་མེ་ཏོག་གི་གདུགས་རྒྱ་མཚོ་སྤྲིན་རྣམས་དང་། མུ་ཏིག་ཁ་དོག་མཐའ་ཡས་པའི་མཛོད་ཀྱི་
གདུགས་རྒྱ་མཚོ་སྤྲིན་རྣམས་དང་། སངྱས་དང་། བྱང་ཆུབ་སེམས་དཔའ་ཐྃད་ཀྱི་སྙིང་རྗེའི་སྒོའི་སྒྲའི་ནོར་བུའི་རྒྱལ་པོའི་གདུགས་རྒྱ་མཚོའི་སྤྲིན་རྣམས་དང་། རིན་པོ་སྣ་ཚོགས་ཀྱི་འོད་འཕྲོ་བའི་
ཕྲེང་བའི་གདུགས་རྒྱ་མཚོ་སྤྲིན་རྣམས་དང་། རིན་པོ་ཆེའི་རྡུལ་ཀུན་དུ་སྣང་བས་རབ་ཏུ་བརྒྱན་པའི་དྲིལ་བུའི་དྲ་བ་དཔྱངས་པའི་གདུགས་རྒྱ་མཚོ་སྤྲིན་རྣཾས་དང་། ནོར་བུ་ཐམས་ཅད་ཀྱི་སྡོང་པོ་ཡལ་
གའི་བརྒྱན་གྱི་གདུག་རྒྱ་མཚོ་སྤྲིན་རྣམས་དང་། ཉི་མ་རྣམ་པར་སྣང་བར་བྱེད་པའི་འོད་འཕྲོ་བའི་ནོར་བུའི་རྒྱལ་པོ་དང་། སྤོས་དང་། བདུག་པ་ཐྃད་ཀྱི་གདུགས་རྒྱ་མཚོ་སྤྲིན་རྣཾས་དང་། ཙན་དན་གྱི་ཕྱེ་

98-1-189b

མའི་མཛོད་ཀུན་དུ་རྒྱས་པར་འགེངས་པའི་གདུགས་རྒྱ་མཚོ་རྣམས་དང་། སངས་རྒྱས་ཀྱི་ཡུལ་ཆེན་པོ་སྣང་བར་བྱེད་པ་ཀུན་དུ་བཀོད་པ་རྒྱས་པར་འགེངས་པའི་གདུགས་རྒྱ་མཚོ་སྤྲིན་མ་འདྲེས་པ་རྣམས་ཀྱི་སངས་རྒྱས་དང་། 
བྱང་ཆུབ་སེམས་དཔའ་རྒྱ་མཚོ་ཐྃད་ལ་བསྟི་སྟང་ཏུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །རིན་པོ་ཆེ་ཐྃད་སྣང་བའི་དཀྱིལ་འཁོར་རྒྱ་མཚོ་སྤྲིན་རྣམས་དང་། རིན་པོ་ཆེ་འོད་འཕྲོ་བ་ཐྃད་ཀྱི་གཟུགས་ཀྱི་འོད་ཀྱི་
དཀྱིལ་འཁོར་རྒྱ་མཚོ་སྤྲིན་མ་འདྲེས་པ་རྣམས་དང་། མེ་ཏོག་གི་སྤྲིན་སྣང་བར་བྱེད་པའི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། རིན་པོ་ཆེ་ཐྃད་ཀྱི་འོད་ཟེར་སངས་རྒྱས་ཀྱི་སྤྲུལ་པའི་འོད་ཀྱི་དཀྱིལ་འཁོར་དང་
ལྡན་པ་རྒྱ་མཚོ་སྤྲིན་རྣམས་དང་། སངས་རྒྱས་ཀྱི་ཞིང་ཐྃད་སྣང་བར་ཏོག་པའི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། ཀུན་ནས་སྒོ་སངས་རྒྱས་ཀྱི་ཡུལ་སྒྲོགས་པ་རིན་པོ་ཆེའི་ཡལ་གའི་འོད་ཀྱི་དཀྱིལ་འཁོར་
རྒྱ་མཚོ་སྤྲིན་རྣམས་དང་། བཻ་དཱུ་རྱ་དང་། རིན་པོ་ཆེའི་རིགས་དང་། ནོར་བུ་རིན་པོ་ཆེའི་རིགས་དང་། ནོར་བུའི་རྒྱལ་པོ་ཐྃད་ཀྱི་འོད་ཟེར་གྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། སེམས་ཅན་གྱི་གཟུགས་མཐའ་
ཡས་པ་དག་སེམས་ཀྱི་སྐད་གཅིག་ལ་ཀུན་དུ་སྟོན་པའི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། སངས་རྒྱས་ཐྃད་ཀྱི་སྨོན་ལམ་ལས་བྱུང་བ་ཡིད་དུ་འོང་བའི་སྒྲ་རབ་ཏུ་འབྱིན་པ་དང་ལྡན་པའི་འོད་ཀྱི་དཀྱིལ་འཁོར་རྒྱ་མཚོ་
སྤྲིན་རྣམས་དང་། འཁོར་གྱི་དཀྱིལ་འཁོར་ཐྃད་དུ་སེམས་ཅན་འདུལ་བའི་དབྱངས་ཅན་ནོར་བུའི་རྒྱལ་པོ་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་ཀྱིས་སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་ཐྃད་ལ་བསྟི་
སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །ནོར་བུ་ཐྃད་ཀྱི་མཛོད་ཀྱི་འོད་ཟེར་རྒྱ་མཚོ་སྤྲིན་རྣམས་དང་། སངས་རྒྱས་ཐྃད་ཀྱི་གཟུགས་དང་། སྒྲ་དང་། དྲི་དང་། རོ་དང་། རེག་བྱའི་འོད་ཟེར་རྒྱ་མཚོ་སྤྲིན་རྣཾས་དང་། 

98-1-190a

རིན་པོ་ཆེ་ཐམས་ཅད་ཀྱི་འོད་འཕྲོ་བ་རྒྱ་མཚོ་སྤྲིན་རྣམས་དང་། སངས་རྒྱས་ཐམས་ཅད་ཀྱི་ཆོས་སྒྲོགས་པ་རྒྱས་པར་འགེངས་པའི་འོད་ཟེར་རྒྱ་མཚོ་སྤྲིན་རྣམ་དང་། སངས་རྒྱས་ཀྱི་ཞིང་བཀོད་པ་ཐྃད་སྣང་བར་བྱེད་
པའི་འོད་ཟེར་རྒྱ་མཚོ་སྤྲིན་རྣམས་དང་། མེ་ཏོག་གི་ཁང་པ་བརྩེགས་པ་ཐྃད་ཀྱི་འོད་ཟེར་རྒྱ་མཚོ་སྤྲིན་རྣམས་དང་། རིན་པོ་ཆེ་ཐྃད་ཀྱི་རྡུལ་གྱི་འོད་ཟེར་རྒྱ་མཚོ་སྤྲིན་རྣམས་དང་། བསྐལ་པ་གཅིག་ནས་གཅིག་ཏུ་བརྒྱུད་པ་ཐྃད་དུ་
སངས་རྒྱས་འབྱུང་བས་སེམས་ཅན་ཡོངསུ་སྨིན་པར་བྱེད་པ་སྒྲོགས་པ་ཅན་གྱི་འོད་ཟེར་རྒྱ་མཚོ་སྤྲིན་རྣམས་དང་། རིན་པོ་ཆེ་མི་ཟད་པ་ཐྃད་བསྟན་པ་དང་མེ་ཏོག་ཐྃད་ཀྱི་ཟེ་བའི་འོད་ཟེར་རྒྱ་མཚོ་སྤྲིན་རྣམས་དང་། ཁྲི་སྟན་
བཀོད་པ་ཐྃད་ཀུན་དུ་སྟོན་པའི་འོད་ཟེར་རྒྱ་མཚོ་སྤྲིན་མ་འདྲེས་པ་རྣམས་ཀྱིས་སངྱས་དང་། བྱང་ཆུབ་སེམས་དཔའ་རྒྱ་མཚོ་ཐྃད་ལ་བསྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །རིན་པོ་ཆེའི་འོད་འཕྲོ་བའི་ཁ་
དོག་མཐའ་ཡས་པ་རྒྱ་མཚོ་སྤྲིན་མ་འདྲེས་པ་རྣམས་དང་། ཀུན་དུ་འོད་ཀྱི་ནོར་བུའི་རྒྱལ་པོའི་འོད་འཕྲོ་བ་རྒྱ་མཚོ་སྤྲིན་རྣམས་དང་། སངས་རྒྱས་ཐྃད་ཀྱི་ཞིང་རྒྱ་ཆེན་པོ་བཀོད་པ་སྣང་བར་བྱེད་པའི་འོད་འཕྲོ་བ་རྒྱ་མཚོ་སྤྲིན་རྣཾས་
དང་། སྤོས་ཐྃད་ཀྱི་འོད་འཕྲོ་བ་རྒྱ་མཚོ་སྤྲིན་རྣམས་དང་། བཀོད་པ་ཐྃད་ཀྱི་འོད་འཕྲོ་བ་རྒྱ་མཚོ་སྤྲིན་རྣམས་དང་། སངས་རྒྱས་ཐྃད་ཀྱི་སྤྲུལ་པའི་འོད་འཕྲོ་བ་རྒྱ་མཚོ་སྤྲིན་རྣམས་དང་། རིན་པོ་ཆེ་སྣ་ཚོགས་ཀྱི་ཤིང་གི་ཟེ་བའི་
འོད་འཕྲོ་བ་རྒྱ་མཚོ་སྤྲིན་རྣམས་དང་། གོས་ཐྃད་ཀྱི་འོད་འཕྲོ་བ་རྒྱ་མཚོ་སྤྲིན་རྣམས་དང་། བྱང་ཆུབ་སེམས་དཔའ་མཐའ་ཡས་པའི་སྤྱོད་པ་དབྱངས་ཅན་ནོར་བུའི་རྒྱལ་པོའི་འོད་འཕྲོ་བ་རྒྱ་མཚོ་སྤྲིན་རྣམས་དང་། མུ་ཏིག་
གི་སྒྲོན་མ་ཐྃད་ཀྱི་འོད་འཕྲོ་བ་རྒྱ་མཚོ་སྤྲིན་མ་འདྲེས་པ་རྣམས་ཀྱི་སངས་རྒྱས་དང་། བྱང་ཆུབ་སེཾས་དཔའ་གང་ཆེན་མཚོའི་སྤྲིན་གྱི་རྒྱ་མཚོ་ཐྃད་ལ་བསྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །སྤོས་དང་། 

98-1-190b

མེ་ཏོག་སྣ་ཚོགས་ཐམས་ཅད་ཀྱི་རྒྱ་མཚོ་སྤྲིན་བསམ་གྱི་མི་ཁྱབ་པ་རྣམས་དང་། རིན་པོ་ཆེ་འོད་འཕྲོ་བ་ཐྃད་ཀྱི་པད་མོའི་དྲ་བ་རྒྱ་མཚོ་སྤྲིན་རྣམས་དང་། ནོར་བུ་རིན་པོ་ཆེ་ཁ་དོག་མཐའ་ཡས་པའི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་
དང་། རིན་པོ་ཆེ་ཐྃད་ཀྱི་ཁ་དོག་དང་ལྡན་པའི་མུ་ཏིག་གི་མཛོད་རྒྱ་མཚོ་སྤྲིན་རྣམས་དང་། རིན་པོ་ཆེ་དང་། སྤོས་དང་། ཙན་དན་ཐྃད་ཀྱི་ཕྱེ་མ་རྒྱ་མཚོ་སྤྲིན་དང་། རིན་པོ་ཆེ་ཐྃད་ཀྱི་གདུགས་རྒྱ་མཚོ་སྤྲིན་རྣམས་དང་། ནོར་བུའི་རྒྱལ་པོ་ཡིད་
དུ་འོང་ཞིང་སྡུག་པ་མཛེས་པའི་དབྱངས་ཅན་རྒྱ་མཚོ་སྤྲིན་རྣམས་དང་། ཉི་མའི་འོད་ཀྱི་ནོར་བུའི་ཚོགས་ཀྱི་ཕྲེང་བ་རྒྱ་མཚོ་སྤྲིན་རྣམས་དང་། རིན་པོ་ཆེའི་མཛོད་མཐའ་ཡས་པ་རྒྱ་མཚོ་སྤྲིན་རྣམས་དང་། ཐྃད་ཀུན་ཏུ་བཟང་པོའི་
ལུས་མ་འདྲེས་པ་རྒྱ་མཚོ་སྤྲིན་རྣམས་ཀྱི། སངས་རྒྱས་དང་། བྱང་ཆུབ་སེམས་དཔའ་གང་ཆེན་མཚོའི་སྤྲིན་གྱི་རྒྱ་མཚོ་ཐྃད་ལ་སྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ་ཞེས་དེ་ལྟ་བུའི་སྨོན་ལམ་བཏབ་ནས། 
ཀླུའི་རྒྱལ་པོ་དེ་དག་གིས་ཡང་བཅྡོཾས་ལ་ལན་གསུམ་བསྐོར་བ་བྱས་ཏེ། ཞབས་ལ་ཕྱག་འཚལ་བ་དང་། བཅྡོཾས་ཀྱི་གནང་ནས་རང་རང་གི་སྟན་ལ་འཁོད་དོ། །དེའི་ཚེ་སྟོང་གསུམ་གྱི་སྟོང་ཆེན་པོའི་ཀླུའི་བདག་པོ་ཆེན་པོ་ཕྱིར་མི་
ལྡོག་པའི་སྨོན་ལམ་གྱི་སྟོབས་ཅན་གཡོག་མཐའ་ཡས་རྒྱ་མཚོ་སྤྲིན་བཀོད་པའི་གཟི་བརྗིད་ཀྱི་དཀྱིལ་འཁོར་གདུགས་ལྟ་བུའི་རྒྱལ་པོ་ཞེས་བྱ་བ་དེ་བཞིན་གཤེགས་པ་ལ་མཆོད་པ་དང་། ཕྱག་བྱ་བ་དང་། བསྙེན་བཀུར་
བྱ་བ་དང་། ཆོས་མཉན་པའི་ཕྱིར་འཛམ་བུའི་གླིང་འདིར་འོངས་སོ། །དེ་ནས་ཀླུའི་བདག་པོ་གཡོག་མཐའ་ཡས་རྒྱ་མཚོའི་སྤྲིན་བཀོད་པའི་གཟི་བརྗིད་ཀྱི་དཀྱིལ་འཁོར་གདུགས་ལྟ་བུའི་རྒྱལ་པོ་སྟན་ལས་ལངས་ཏེ། བླ་གོས་
ཕྲག་པ་གཅིག་ཏུ་བཟར་ནས་པུས་མོ་གཡས་པའི་ལྷ་ང་ས་ལ་བཙུགས་ན་སྟེ་བཅྡོཾས་ག་ལ་བ་དེ་ལོགསུ་ཐལ་མོ་སྦྱར་བ་བཏུད་དེ། བཅྡོཾས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་

98-1-191a

བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་
གསོལ་པ་དང་། བཅྡོཾས་ཀྱིས་ཀླུའི་བདག་པོ་གཡོག་མཐའ་ཡས་རྒྱ་མཚོའི་སྤྲིན་བཀོད་པའི་གཟི་བརྗིད་ཀྱི་དཀྱིལ་འཁོར་གདུགས་ལྟ་བུའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །ཀླུའི་བདག་པོ་ཅི་དང་ཅི་འདོད་
པ་དྲིས་ཤིག་དང་། དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཀླུའི་བདག་པོ་གཡོག་མཐའ་ཡས་རྒྱ་མཚོའི་སྤྲིན་བཀོད་པའི་གཟི་བརྗིད་ཀྱི་
དཀྱིལ་འཁོར་གདུགས་ལྟ་བུའི་རྒྱལ་པོས་འདི་སྐད་ཅེས་གསོལ་ཏོ། །བཅྡོཾས་ཇི་ལྟར་ན་ཀླུ་ཐྃད་ཀྱི་ཀླུའི་སྡུག་བསྔལ་ཐྃད་རྒྱུན་ཆད་པར་འགྱུར། བདེ་བ་ཐྃད་དང་ལྡན་པ་དང་། རབ་ཏུ་དགའ་བར་འགྱུར། འཛམ་བུའི་གླིང་འདིར་དུས་
དུསུ་ཆར་གྱི་རྒྱུན་འབེབས་པར་འགྱུར། རྩྭ་དང་། ཤིང་གེལ་པ་དང་། སྨན་དང་། ནགས་ཚལ་ཐྃད་འཁྲུང་པར་འགྱུར། འབྲུ་ཐྃད་སྐྱེ་བར་འགྱུར། བཅུད་ཐྃད་ཡང་དག་པར་སྐྱེས་བར་འགྱུར། གང་གིས་འཛམ་བུའི་གླིང་གི་མི་རྣཾས་བདེ་
བ་དང་ལྡན་པར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཀླུའི་བདག་པོ་གཡོག་མཐའ་ཡས་རྒྱ་མཚོ་སྤྲིན་བཀོད་པའི་གཟི་བརྗིད་ཀྱི་དཀྱིལ་འཁོར་གདུགས་ལྟ་བུའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །ཀླུའི་
བདག་པོ་ཁྱོད་སེམས་ཅན་ཐྃད་ལ་ཕན་པ་དང་བདེ་བའི་ཕྱིར་ཞུགས་ཏེ། དེ་བཞིན་གཤེགས་པ་ལ་དོན་འདི་ཡོངསུ་འདྲི་བར་སེམས་དཔའ་ལེགས་སོ་ལེགསོ། །ཀླུའི་བདག་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་
དང་། ངེས་ཁྱོད་ལ་བཤད་དོ། །ཀླུའི་བདག་པོ་ཆོས་ཅིག་དང་ལྡན་ན་ཀླུ་ཐྃད་ཀྱི་ཀླུའི་སྡུག་བསྔལ་རྒྱུན་ཆད་པར་འགྱུར། བདེ་བ་དང་ལྡན་པར་འགྱུརོ། །ཆོས་གཅིག་པོ་གང་ཞེ་ན། འདི་ལྟ་སྟེ། བྱཾས་པའོ། །ཀླུའི་བདག་པོ་བྱམས་པ་དེ་ལ་གནས་པའི་ལྷ་

98-1-191b

དང་མི་རྣམས་ནི་མེས་མི་ཚིག །མཚོན་གྱིས་མི་ཚུགས། ཆུས་མི་ཁྱེར། དུག་གིས་མི་ཚུགས། ཕ་རོལ་ཀྱི་དམག་ཚོགས་ཀྱིས་ཟིལ་གྱིས་མི་ནོན། བདེ་བར་གཉིད་ཀྱིས་ལོག་པར་འགྱུར། སེཾ་བདེ་བར་སད་པ་འགྱུར། 
རང་གིས་བསོད་ནམས་ཀྱིས་ཡོངསུ་བསྲུང་བར་འགྱུར། བསོད་ནམས་ཆེན་པོས་གཟི་བརྗིད་ཀྱིས་གཟི་ཅན་དུ་འགྱུར། ལྷ་དང་བཅས་པའི་འཇིག་རྟེན་གྱིས་མི་རྫི་བར་འགྱུར། མཛེས་པ་དང་མཐོང་ན་དགའ་
བར་འགྱུར། འགྲོ་བ་ཐྃད་དུ་ཐགས་ཐོག་མེད་པར་འགྱུར། སྡུག་བསྔལ་ཐྃད་རྒྱུན་ཆད་པ་དང་། རབ་ཏུ་དགའ་བར་འགྱུར། བདེ་བ་ཐྃད་དང་ལྡན་པ་དང་། མིའི་ཆོས་བླ་མ་རྟོགས་ནས་ལུས་ཞིག་པའི་འོག་ཏུ་
ཚངས་པའི་འཇིག་རྟེན་དུ་སྐྱེ་བར་འགྱུར་ཏེ། ཀླུའི་བདག་པོ་ལྷ་དང་མི་བྱམས་བ་ལ་གནས་པ་རྣམས་ཀྱི་ཕན་ཡོན་ནི་འདི་དག་གོ། །ཀླུའི་བདག་པོ་དེ་བས་ན་བྱམས་པའི་ལུས་ཀྱི་ལས་དང་། བྱམས་པའི་ངག་
གི་ལས་དང་། བྱམས་པའི་ཡིད་ཀྱི་ལས་ཀྱིས་གནས་པར་བྱའོ། །ཀླུའི་བདག་པོ་གཞན་ཡང་བདེ་བ་ཐྃད་སྦྱིན་པ་ཞེས་བྱ་བའི་གཟུངས་བརྗོད་པར་བྱ་སྟེ། དེས་ཀླུ་ཐྃད་ཀྱི་ཀླུའི་སྡུག་བསྔལ་ཐྃད་རྒྱུན་གཅོད་
པར་བྱེད། བདེ་བ་ཐྃད་སྦྱིན་པར་བྱེད་དེ། འཛམ་བུའི་གླིང་འདིར་དུས་དུསུ་ཆར་གྱི་རྒྱུན་འབེབས་པར་བྱེད། རྩྭ་དང་། ཤིང་གེལ་པ་དང་། སྨན་དང་། ནགས་ཚལ་དང་། ལོ་ཏོག་ཐྃད་སྐྱེ་བར་བྱེད་དོ། །ཀླུའི་བདག་པོ་
དེ་ལ་བདེ་བ་ཐྃད་སྦྱིན་པ་ཞེས་བྱ་བའི་གཟུངས་གང་ཞེ་ན། ཏདྱ་ཐཱ། དྷཱ་ར་ཎཱི་དྷཱ་ར་ཎཱི། ཨུད་ཏཱ་ར་ཎི། སཾ་པྲ་ཏིཥྛི་ཏེ། བི་ཛ་ཡ་བརྞ། སཏྱ་པྲ་ཏི་ཛྙཱ་ས་ར་ཧ། ཛྙཱ་ན་བ་ཏི། ཨུད་དེ་པཱ་ད་ནི་བི་ནཱ་མ་ཎཱི། ཨ་བྷི་ཤེ་རྩ་ནི། ཨ་བྷི་བྱ་ཧཱ་ར། 
ཤུ་བྷ་བ་ཏི། ཨ་ཛི་མ་ཏུ། ཨེ་ཧི་ཀུ་མ་བ་ལ་ནི། བ་ཧ་ཧཱ་ར་ཀླེ་ཤ་ན། དྷུ་ན་པཱ་པཾ། ཤོ་དྷ་ཡ་མརྒཱ་ཎ། ནི་ར་ཏི་ཀ །དྷརྨ་ཏ་ཤུད་དྷ། ལོ་ཀ་བི་ཏི་མི་ར་ར་ཙ་ས། དུཿཁ་ཤ་མ་ན་སརྦ་བུདྷ་ཨ་བ་ལོ་ཀ་ན་ཨ་དྷིཥྛི་ཏི། པྲཛྙཱ་ཛྙཱ་ན་བི་སྭཱ་ཧཱ། ཀླུའི་བདག་

98-1-192a

པོ་གཟུངས་ཀྱི་ཚིག་དོན་ཐྃད་སྒྲུབ་པར་བྱེད་པ། ཆོས་ཀྱི་སྐུ་ལ་འཇུག་པ། སངས་རྒྱས་ཐྃད་ཀྱིས་བྱིན་གྱིས་བརླབས་པ། བདེ་བ་ཐྃད་སྦྱིན་པ་འདི་དག་གཟུང་བར་བྱ། བརྗོད་པར་བྱའོ། །ཀླུའི་བདག་པོ་གཞན་ཡང་
སྤྲིན་གྱི་རིགས་ལས་འབྱུང་བའི་བྱིན་གྱིས་བརླབས་བཀོད་པ་གཟི་བརྗིད་ཀྱི་སྙིང་པོ་སྤྲུལ་པར་སྣང་བར་བྱེད་པ། ཡེ་ཤེས་ཀྱི་ཏོག་གི་ཆུའི་རྒྱུན་གྱི་སྤྲིན་གྱི་དཀྱིལ་འཁོར་དཔལ་དང་ལྡན་པ། གསེར་གྱི་འོད་ཟེར་རྣམ་པར་སྣང་བར་
བྱེད་པ། སྐྲའི་རྩེ་མོའི་ཆ་ཤས་གཅིག་ལས་བྱུང་བའི་རུས་དང་། རིགས་ཀྱི་དེ་བཞིན་གཤེགས་པ་རྣམས་ཀྱི་མཚན་གཟུང་བར་བྱ། ཡིད་ལ་བྱའོ། །དེ་དག་གིས་ཀླུ་ཐྃད་དང་། ཀླུའི་རིགས་ཐྃད་དང་། ཀླུའི་རུས་ཐྃད་དང་། 
ཀླུའི་རིགས་ཐྃད་དང་། ཀླུའི་འབྱུང་བ་ཐྃད་དང་། ཀླུའི་སྐྱེ་གནས་ཐྃད་དང་། ཀླུའི་རྒྱལ་པོ་ཐྃད་དང་། ཀླུའི་བུ་མོ་ཐྃད་དང་། ཀླུའི་གཡོག་ཐྃད་ཀྱི་ཀླུའི་སྡུག་བསྔལ་ཐྃད་རྒྱུན་གཅོད་པར་བྱེད་པ། བདེ་བའི་ཡོ་བྱད་ཐྃད་སྒྲུབ་པར་བྱེད་དོ། །
ཀླུའི་བདག་པོ་དེ་ལ་དེ་བཞིན་གཤེགས་པའི་མཚན་དེ་དག་གང་ཞེ་ན། འདི་ལྟ་སྟེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་སྙིང་པོ་ཅན་གྱི་སྤྲིན་ཆེན་པོ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་
ཀླུའི་རིགས་ལས་བྱུང་བའི་སྤྲིན་གྱིས་རྣམ་པར་མཛེས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་གྱི་ཆུ་འཛིན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དཔལྡན་སྤྲིན་གྱི་གཟི་བརྗིད་ལ་ཕྱག་འཚལོ། །
བཅོམ་ལྡན་འདས་དེ་བཞིན་གཤེགས་པ་སྤྲིན་ཆེན་འབྱུང་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་ཀླུང་གི་དཀྱིལ་འཁོར་ཐྃད་རྣམ་པར་འཇོམ་པའི་སྤྲིན་ལ་ཕྱག་འཚལོ། །བཅྡོྃས་དེ་བཞིན་གཤེགས་པ་
ནམཁའ་དཔག་མེད་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་པོའི་གློག་འབར་བའི་ཚོགས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་མཐུ་རྩལ་དཔའ་བོ་ལ་ཕྱག་འཚལོ། །

98-1-192b

བཅོམ་ལྡན་འདས་དེ་བཞིན་གཤེགས་པ་སྤྲིན་མཛེས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་སྡུད་ཆེན་པོ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་སྤྲིན་གྱི་དཀྱིལ་འཁོར་ཆེན་པོ་ལ་
ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་གྱི་འོད་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་སེང་གེ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་གདུགས་ལ་ཕྱག་
འཚལོ། །བཅྡོཾས་དེ་བཞིན་གཤེགས་པ་བལྟ་སྡུག་སྤྲིན་ཆེན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་པོས་ཁེབས་པ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ལས་བྱུང་བ་སྣང་
བར་བྱེད་པའི་དཀྱིལ་འཁོར་ཕྱོགས་བཅུ་མཐོ་འགེབས་རྔའི་སྒྲ་དབྱངས་ཤིན་དུ་རབ་ཏུ་སྒྲོགས་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་སྤྲིན་ཆེན་བསིལ་འབྱུང་མི་དགའ་རབ་འཇོམས་སྒྲ་ཟབ་
སྒྲོགས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་དཔལ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་གང་གཱའི་ཆུ་སྤྲིན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་རྩལ་གྱི་སྤྲིན་ལྟར་
དཔའ་བོ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་འབྲུག་སྒྲ་བསྒྲགས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་ཀུན་དུ་སྟོན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་རྒྱ་ཆེན་ལ་
ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་འཛག་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ལྟར་རྣམ་པར་སྒྲོགས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ལྟར་འཕགས་ལ་
ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་སྤྲིན་ལྟ་བུའི་ན་བཟའ་མནབས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་གྱིས་ལོ་ཏོག་བསྐྱེད་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་

98-1-193a

སྤྲིན་གྱི་གནས་ལ་གནས་པ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་ཆར་གྱི་སྤྲིན་གྱི་སྤྲིན་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་སྤྲིན་འདུ་བར་མཛད་ལ་ཕྱག་འཚལོ། །
བཅྡོཾས་དེ་བཞིན་གཤེགས་པ་སྤྲིན་རྣམ་པར་རྒྱས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་ཨུད་པལ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་སྤོས་ཀྱི་སྐུ་ལ་ཕྱག་འཚལ་ལོ། །
བཅོམ་ལྡན་འདས་དེ་བཞིན་གཤེགས་པ་སྤྲིན་ཆེན་འཕགས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་དབང་ཕྱུག་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་འོད་མཛད་ལ་ཕྱག་
འཚལོ། །དེ་བཞེན་བཅྡོཾས་དེ་བཞིན་གཤེགས་པ་སྤྲིན་ཆེན་བྱིན་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་ནོར་བུ་རིན་པོ་ཆེ་ཆེན་པོའི་སྤྲིན་ལྟ་བུ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤྱེས་
པ་སྤྲིན་ལྟར་རྣམ་པར་འཇོམ་པ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་གྱི་ཆུ་བོ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་སྡུད་ལ་ཕྱག་འཚལོ། །བཅྡོཾས་དེ་བཞིན་གཤེགས་
པ་དུས་མ་ཡིན་པའི་སྤྲིན་དང་ལྕེ་འབབ་པ་རྣམས་པར་འཇོམ་པ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་སྤྲིན་ཆེན་པོ་ལྟར་ནམཁའ་མཐོ་ནས་བསྒྲགས་པ་ལ་ཕྱག་འཚལོ། །བཅྡོཾས་དེ་
བཞིན་གཤེགས་པ་སྤྲིན་ཆེན་སྒྲ་འབྱིན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྤྲིན་ཆེན་ཆར་བུ་སྐྱེས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་སྙེམས་པའི་གཟི་བརྗིད་སྒྲུབ་པའི་སྤྲིན་ལ་
ཕྱག་འཚལོ། །བཅྡོཾས་དེ་བཞིན་གཤེགས་པ་རོ་བྲོ་བ་དྲུག་དང་ལྡན་པའི་ཆུ་ཆེན་པོའི་སྤྲིན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་ཆུ་འཐོར་སྤྲིན་ཆེན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་

98-1-193b

སྤྲིན་ཆེན་རྒྱ་མཚོ་འགེངས་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་འཆར་མི་འབབ་པ་ན་སྤྲིན་གྱིས་ཀུན་ཏུ་འགེབས་པ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་སྤྲིན་གཟུགས་མཐའ་ཡས་
ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ཆེན་པོ་ཐྃད་རྣམ་པར་སྒྲུབ་པ་འཛམ་བུའི་སྤྲིན་གྱི་དཔལ་གྱི་གཟི་བརྗིད་འོད་མཛད་པ་སྤྲིན་གྱི་འོད་ཟེར་ཅན་རྣཾས་ལ་ཕྱག་
འཚལོ། །ཀླུའི་བདག་པོ་དེ་བཞིན་གཤེགས་པའི་མཚན་འདི་དག་བརྗོད་པས་ཀླུ་ཐྃད་ཀྱི་སྡུག་བསྔལ་ཐྃད་རྒྱུན་ཆད་པ་དང་། བདེ་བ་ཐྃད་དང་ལྡན་པ་དང་། འཛམ་བུའི་གླིང་འདིར་དུས་དུསུ་ཆར་པའི་རྒྱུན་འབབ་པ་དང་། རྩྭ་དང་། 
ཤིང་གེལ་པ་དང་། སྨན་དང་། ནགས་ཚལ་དང་། ལོ་ཏོག་ཐྃད་བསྐྱེད་པར་བྱེད་དོ། །དེ་ནས་བཅོམ་ལྡན་འདས་ལ་སྟོང་གསུམ་གྱི་སྟོང་ཆེན་པོའི་ཀླུའི་བདག་པོ་གཡོག་མཐའ་ཡས་རྒྱ་མཚོའི་སྤྲིན་བཀོད་པའི་གཟི་བརྗིད་ཀྱི་
དཀྱིལ་འཁོར་གདུགས་ལྟ་བུའི་རྒྱལ་པོས་གསོལ་བ་བཏབ་པ། བཅོམ་ལྡན་འདས་སླད་མའི་ཚེ་སླད་མའི་དུས་ན། འཛམ་བུའི་གླིང་འདིར་ཆར་མི་འབབ་པའི་ཚེ་གང་དག་བརྗོད་ན་ཆར་གྱི་རྒྱུན་ཆེན་པོ་འབབ་པར་བགྱིད་པ་དང་། 
མི་བཟད་པའི་དུས་ཀྱི་ཚེ་དང་། གནོད་པ་འབྱུང་བའི་དུས་ཀྱི་ཚེ་དང་། ཆོས་མ་ལགས་པས་སྐྱེ་བོ་འཐབ་པའི་དུས་ཀྱི་ཚེ་དང་། ཡམས་ཀྱི་ནད་དང་གནོད་པ་འབྱུང་བའི་དུས་ཀྱི་ཚེ་དང་། ནད་དང་འཆི་བའི་དུས་ཀྱི་ཚེ་དང་། སྐར་མ་མ་
རུངས་པ་གནས་པའི་དུས་ཀྱི་ཚེ་དང་། ཡམས་ཀྱི་ནད་དང་། འཚེ་བ་དང་། གནོད་པ་ཐྃད་རབ་ཏུ་ཞི་བར་བགྱིད་པ་དང་། དེ་ལྟ་བུའི་གཟུངས་ཀྱི་གསང་སྔགས་ཀྱི་གཞི་རྣམས་བཤད་དུ་གསོལ། སངས་རྒྱས་ཀྱི་བྱིན་གྱིས་བརླབས་
ཀྱིས་བྱིན་གྱིས་བརླབས་པར་གསོལ། གང་དག་ཀླུ་ཐྃད་ལ་སྐུལ་མ་འདེབས་པར་འགྱུར་བ་དང་། ལྷ་ཐྃད་རབ་ཏུ་དགའ་བར་འགྱུར་བ་དང་། བདུད་ཐྃད་རྣམ་པར་འཇོམས་པར་འགྱུར་བ་དང་། སེམས་ཅན་ཐྃད་ཀྱི་འཇིགས་པ་

98-1-194a

ཐམས་ཅད་འཇིག་པར་འགྱུར་བ་དང་། གནོད་པ་ཐམས་ཅད་ཟློག་པར་འགྱུར་བ་དང་། ཞི་བ་དང་། བདེ་ལེགསུ་འགྱུར་བར་བགྱིད་པ་དང་། རྒྱུ་སྐར་མ་རུངས་པར་བགྱི་པར་རབ་ཏུ་ཞི་བར་འགྱུར་བ་དང་། བཅྡོཾས་
ཀྱིས་ཆར་པའི་བར་ཆད་ལྔ་གསུངས་པ་གང་ལགས་པ་དེ་དག་ཐྃད་སེལ་བར་འགྱུར་བ་དང་། འཛམ་བུའི་གླིང་འདིར་ཆར་པའི་རྒྱུན་ལེགས་པར་འབབ་པར་འགྱུར་བ་དེ་ལྟ་བུའི་གཟུངས་ཀྱི་གསང་སྔགས་ཀྱི་གཞི་རྣཾས་
བཅྡོཾས་མཆོག་ཏུ་ཐུགས་རྗེ་དང་ལྡན་པ། སེམས་ཅན་ཐྃད་ལ་ཕན་པར་ཐུགས་རྩེ་བ་དང་ལྡན་པས་བཤད་དུ་གསོལ། བཅོམ་ལྡན་འདས་དེ་བཞིན་གཤེགས་པ་ལ་གསོལ་བ་འཚལོ། །དེ་སྐད་ཅེས་གསོལ་པ་དང་། 
བཅོམ་ལྡན་འདས་ཀྱི་ཀླུའི་རྒྱལ་པོ་གཡོག་མཐའ་ཡས་རྒྱ་མཚོ་སྤྲིན་བཀོད་པའི་གཟི་བརྗིད་ཀྱི་དཀྱིལ་འཁོར་གདུགས་ལྟ་བུའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །ཀླུའི་བདག་པོ་ཁྱོད་སེཾས་ཅན་ཐྃད་ཀྱི་དོན་དང་། 
ཕན་པ་དང་། བདེ་བའི་ཕྱིར་དེ་བཞིན་གཤེགས་པ་ལ་གསོལ་བ་འདེབས་པ་ལེགས་སོ་ལེགས་སོ། །ཀླུའི་བདག་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། སྙིང་རྗེ་ཆེན་པོ་ལས་བྱུང་བ་འབྲུག་
ཆེན་པོའི་སྒྲ་ཅན་བསྒྱིང་པ་དཔའ་བོའི་ཏོག་ཅེས་བྱ་བའི་གཟུངས་སེམས་ཅན་ཐྃད་ཀྱི་དོན་དང་། ཕན་པ་དང་། བདེ་བའི་ཕྱིར་སངས་རྒྱས་ཐམས་ཅད་ཀྱི་གསུངས་པ། བྱིན་གྱིས་བརླབས་པ། རྗེསུ་ཡི་རང་བ་བཤད་
པར་བྱ་སྟེ། དེ་ནི་ཆར་མེད་པའི་ཚེ་ཆར་པ་བབ་པར་བྱེད། ཆར་ཆེས་པ་གཅོད། འཆི་བའི་གནོད་པ་རབ་ཏུ་ཞི་བར་བྱེད། ཀླུ་ཐྃད་བསྐུལ་བར་བྱེད། ལྷ་ཐྃད་སིམ་པར་བྱེད། བདུད་ཐྃད་རྣམ་པར་འཇོམས་པར་བྱེད། སེམས་ཅན་
ཐྃད་བདེ་བ་ཐྃད་དང་ལྡན་པར་བྱེད་དོ། །ཏདྱ་ཐཱ། མ་ཧཱ་ཛྙཱ་ན། ཨ་བ་བྷཱ་སི་ན། ཤྲི་ཏེ་ཛོ་ལ་གསྨ་དྲྀ་ཊ་བི་ཀྲ་མ། བཛྲ་སྃ་ཧ་ཏ་ནེ། པ་ར་མ་པི་རཱ་ཛ། ནིརྨ་ལ་གུ་ཎ་ཀེ། ཏུ་སཱུརྱ་པྲ་བྷེ། བི་མ་ལངྒ་ཡཥྚི། བྷ་ར་བྷ་ར། སྃ་བྷ་ར་སྃ་བྷ་ར། 

98-1-194b

དུ་དུྃ་བུ། ཧ་ན་ཧ་ན། མ་ཧཱ་པྲ་བྷེ་བི་དྷུ་ཏ་མ་ཧཱ་མོ་ཧཱ་ཨ་དྷ་ཀ་རེ། པྲཛྙཱ་གྲ་ཤུད་དྷེ། པ་རཱི་པཱུ་ར་ཎ་མཻ་ཏྲེ། མཻ་ཏྲེ་བི་ར་མ་ན་སྐན་དྷ། མཻ་ཏྲེ་མ་བུདྷ་རེ། ཛྭ་ལ་ཛྭ་ལ་ཛྭ་ལ། ཛྭ་ལཱྃ་བུད་དྷ་རེ། བོ་དྷྱཾ་ག་རུ་སུ་མེ་ད་ཤ་བ་ལེ། ཙ་ཏུ་ར་བཻ་ཤཱ་ར་དྱེ། ཨཥྚ་ད་ཤ །
ཨ་བེ་ནི་ཀ་བུད་དྷ་དྷརྨེ། ཤུ་བྷ་མ་ཏི། པུ་ཎྱ་རཱ་ཤི། ཤུ་ཀླ་དྷརྨ་མ་ས་མ་ནྭི་ཏེ། གཾ་བྷཱི་རེ། གྃ་བྷཱི་རེ། བི་རཱ་ཛ་སྐེ། བི་མ་ལོ། བི་ཤེ་ཥ། པྲཱ་བ་ཏེ། ནི་རཱ་སརྦ་དྷརྨེ། སརྦ་ལོ་ཀ་ཛྱེསྠ་ཛྱེསྠ། བ་ར་པྲ་བ་རེ། ཨ་ནུད་ཏ་རེ། ཨ་སཾ་གི། དྷ་ར་དྷ་ར། 
དྷི་རི་དྷི་རི། དྷུ་རུ་དྷུ་རུ། ཤཱན་ཏ་མ་ཏེ། ཤན་ཏ་མ་ཏེ། ཙ་ར་ཙ་ར། ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། པ་ར་མ་བུད་དྷཱ་ནུ་མི་ཏེ། མ་ཧཱ་པྲཛྙཱ་པཱ་ར་མི་ཏེ་སྭཱ་ཧཱ། དེ་བཞིན་གཤེགས་པ་རྣམ་པར་སྣང་མཛད་ཡེ་ཤེས་རྒྱ་མཚོ་དང་ལྡན་པ་ལ་ཕྱག་འཚལོ། །
སངས་རྒྱས་དང་། བྱང་ཆུབ་སེམས་དཔའ་ཐཾད་ལ་ཕྱག་འཚལོ། །དེ་ནས་འཛམ་བུའི་གླིང་འདིར་ཆར་དབབ་པའི་ཕྱིར་ཀླུ་ཐཾད་ཀྱི་སྙིང་པོ་བརྗོད་པར་བྱའོ། །སངས་རྒྱས་དང་། བྱང་ཆུབ་སེམས་དཔའ་ཐྃད་ཀྱི་བདེན་པས་ཆར་
པའི་བར་ཆད་བྱེད་པ་ལྔ་བཙལ་བར་བྱའོ། །སྱཱད་ཡ་ཐཱེ་དན། ས་ར་ས་ར། སི་རི་སི་རི། སུ་རུ་སུ་རུ། ཎཱ་གཱ་ནཱཾ་ན། ཛ་བ་ཛ་བ། ཛི་བི་ཛི་བི། ཛུ་བུ་ཛུ་བུ། ཀླུ་ཆེན་པོ་དག་ཚུར་ཤེག །སངས་རྒྱས་ཀྱི་བདེན་པས་འཛམ་བུའི་གླིང་
འདིར་ཆར་རབ་ཏུ་ཕོབ་ཅིག །ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། ཀླུའི་བདག་པོ་ཆེན་པོ་དག་ཚུར་ཤེག །ཀྱེ་ཀླུ་ཆེན་པོ་དག་སངས་རྒྱས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཅིག །བ་ར་བ་ར། བི་རི་བི་རི། བུ་རུ་བུ་རུ། 
སངས་རྒྱས་ཀྱི་བདེན་པས་ཀླུ་ཐྃད་དགུག་པར་བྱའོ། །བྱམས་པའི་སེམས་དང་། སྙིང་རྗེའི་སེམས་དང་། དགའ་བའི་སེམས་དང་། བཏང་སྙོམས་ཀྱི་སེམས་དང་། སངས་རྒྱས་དང་། བྱང་ཆུབ་སེམས་དཔའ་ཐྃད་ཀྱི་བྱིན་
གྱིས་བརླབས་དང་། བདེན་པ་དང་། བསམ་པ་ཆེན་པོས་ཀླུའི་བདག་པོ་དག་ཚུར་ཤེག །སངས་རྒྱས་རྣམས་དང་། སངས་རྒྱས་ཀྱི་ཆོས་རྣམས་དང་། བྱང་ཆུབ་སེམས་དཔའི་ཡོན་ཏན་རྣམས་དྲན་པར་གྱིས་ཤིག །བྷ་ར་བྷ་ར། 

98-1-195a

བྷི་རི་བྷི་རི། བྷུ་རུ་བྷུ་རུ། ཆུ་ཆེན་པོའི་ཆུ་དང་། སྤྲིན་གྱི་ཆུ་འཆང་བ་ཅན་ལག་གིས་འགྲོ་བ་ཆེན་པོའི་གཡོག་རྣམས་བྱམས་པའི་སེམས་ཀྱིས་ཚུར་ཤེག །སྟོན་པའི་བསྟན་པ་དམ་པ་དྲན་པར་གྱིས་ཤིག །གྷ་ཌ་གྷ་ཌ། 
གྷི་ཌི་གྷི་ཌི། གྷུ་ཌུ་གྷུ་ཌུ། དྲག་ཤུལ་ཅན། ཁྲོ་བོ་ཤུགས་ཆེན་པོ་དང་ལྡན་པ། དུག་ཆེན་པོའི་ལྕེ་འབྱིན་པ་རྣམས་བྱམས་པའི་སེམས་དང་ལྡན་པ་ཚུར་ཤེག །དེ་བཞིན་གཤེགས་པ་ཐྃད་ཀྱི་བདེན་པས་འཛམ་བུའི་གླིང་འདིར་ཆར་
ཕོབ་ཅིག །སྭཱ་ཧཱ། ཏ་ཊ་ཏ་ཊ། ཏི་ཊི་ཏི་ཊི། ཏུ་ཊུ་ཏུ་ཊུ། ནོར་བུ་ཆེན་པོའི་ཅོད་པན་ཐོགས་པ་དང་ལྡན་པ། སྦྲུལ་གདུག་པའི་གཟུགས་ཅན་རྣམས་དཀོན་མཆོག་གསུམ་གྱི་བྱིན་གྱིས་བརླབས་དྲན་པར་གྱིས་ལ། རྡོ་རྗེ་འཆང་གི་བདེན་
པས་འཛམ་བུའི་གླིང་འདིར་ཆར་ཕོབ་ཅིག་སྭཱ་ཧཱ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། ཆུ་ཆེན་པོ་ལ་གནས་པ་དང་ལྡན་པ་སྤྲིན་ཆེན་པོ་བརྩེགས་པའི་བཞོན་པ་ལ་ཞོན་ནས་མངོན་པར་འགྲོ་བ་རྣམས་ཚུར་ཤེག །
བྱམས་པའི་སེམས་ཀྱི་འཛམ་བུའི་གླིང་འདིར་ཆར་གྱི་རྒྱུན་ཐོང་ཤིག །དེ་བཞིན་གཤེགས་པའི་བདེན་པ་དང་། དེ་བཞིན་གཤེགས་པའི་བྱིན་གྱིས་བརླབས་ཀྱིས་ལག་ན་རྡོ་རྗེས་བསྒོ་བ། ར་ལ་ར་ལ། རི་ལི་རི་ལི། རུ་ལུ་རུ་ལུ། 
ལག་གིས་འགྲོ་ཐྃད་ཁྱེད་རྣམས་གཉིད་མེད་པར་དུས་གསུམ་གྱི་དེ་བཞིན་གཤེགས་པའི་བདེན་བས། གྷ་མ་གྷ་མ། གྷི་མི་གྷི་མི། གྷུ་མུ་གྷུ་མུ་སྭཱ་ཧཱ། ཀླུ་ཐྃད་དགུག་གོ། བྱམས་པའི་སེམས་ཀྱིས་བྱང་ཆུབ་ཀྱི་
སེམས་སྔོན་དུ་འགྲོ་བས། ན་ར་ན་ར། ནི་རི་ནི་རི། ནུ་རུ་ནུ་རུ་སྭཱ་ཧཱ། ཡོན་པོ་སྣ་ཚོགསུ་གྱུར་པའི་མགོ་སྟོང་པ། མགོ་དང་མིག་དམར་བ། སྟོབས་ཆེ་བའི་ལྟོ་འཕྱེ་ཆེན་པོ་རྣམས་དགུག་པར་བྱའོ། །ཀྱེ་ཀྱེ་ལག་
གིས་འགྲོ་ཆེན་པོ་དག་མཆོག་ཏུ་ཐུགས་རྗེ་ཅན། བསོད་ནམས་ཐྃད་ཀྱི་གཟི་བརྗིད་ཀྱིས་བརྗོད་པ། ཉོན་མོངས་པ་དང་བྲལ་བ། དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་དྲན་པར་གྱིས་ཤིག །

98-1-195b

ག་ཌ་ག་ཌ། གི་ཌི་གི་ཌི། གུ་ཌུ་གུ་ཌུ་སྭཱ་ཧཱ། སྟོབས་དང་། ཕ་རོལ་གནོན་པ་དང་། གཟི་བརྗིད་ཐོགས་པ་མེད་པ་དང་ལྡན་པ་བདག་གིས་འཛམ་བུའི་གླིང་འདིར་ཆར་གྱི་རྒྱུན་རྣམས་ཕོབ་ཤིག །ཤ་ར་ཤ་ར། 
ཤི་རི་ཤི་རི། ཤུ་རུ་ཤུ་རུ་སྭཱ་ཧཱ། ཀྱེ་ཀྱེ་ཀླུ་ཆེན་པོ་རྣམས་རང་རང་གི་རིགས་དང་། ཆོ་རིགས་དྲན་པར་གྱིས་ལ། མ་ཤོལ་བར་ལྷ་ཐྃད་ཀྱི་བདེན་པའི་བྱིན་གྱིས་བརླབས་ཀྱིས་འཛམ་བུའི་གླིང་འདིར་ཆར་གྱི་རྒྱུན་ཕོབ་ཤིག་
སྭཱ་ཧཱ། ཚངས་པའི་བདེན་པས་བྱིན་གྱིས་བརླབས་ཀྱིས་འཛམ་བུའི་གླིང་འདིར་ཆར་རབ་ཏུ་ཕོབ་ཅིག་སྭཱ་ཧཱ། བརྒྱ་བྱིན་གྱིས་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། རྒྱལ་པོ་ཆེན་པོ་
བཞིའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུ་ཆེན་པོ་དག་བརྒྱད་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུ་ཆེན་པོ་དག་རྒྱུན་དུ་ཞུགས་པའི་བདེན་
པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུ་ཆེན་པོ་དག་ལན་གཅིག་ཕྱིར་འོང་བའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུ་ཆེན་པོ་དག་ཕྱིར་མི་འོངས་བའི་བདེན་
པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུ་ཆེན་པོ་དག་དགྲ་བཅོམ་པའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུ་ཆེན་པོ་དག་རང་སངས་རྒྱས་ཀྱི་བདེན་པས་འཛམ་
བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུ་ཆེན་པོ་དག་སངས་རྒྱས་དང་། བྱང་ཆུབ་སེམས་དཔའ་ཐྃད་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུ་ཆེན་པོ་དག་དེ་བཞིན་གཤེགས་
པ་ཐམས་ཅད་ཀྱི་བདེན་པ་དང་། བྱིན་གྱིས་བརླབས་ཀྱིས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ལྷ་ཐྃད་ཀྱི་བདེན་པས་གནོད་པ་ཐྃད་ཞི་བར་གྱིས་ཤིག་སྭཱ་ཧཱ། ཀླུ་ཐྃད་ཀྱི་བདེན་པས་ས་ཆེན་པོ་འདིར་ཆར་རབ་

98-1-196a

ཏུ་ཕོབ་ཤིག་སྭཱ་ཧཱ། གནོད་སྦྱིན་ཐྃད་ཀྱི་བདེན་པས་སེམས་ཅན་ཐྃད་བསྲུང་ཤིག་སྭཱ་ཧཱ། དྲི་ཟ་ཐྃད་ཀྱི་བདེན་པས་མི་རྣམས་ཀྱི་འཁྲུག་པ་དང་། གནོད་པ་ཐྃད་སོལ་ཅིག་སྭཱ་ཧཱ། ལྷ་མ་ཡིན་ཐྃད་ཀྱི་བདེན་
པས་རྒྱུ་སྐར་མ་རུངས་པ་ཐྃད་རྣམ་པར་ཟློག་ཤིག་སྭཱ་ཧཱ། ནམཁའ་ལྡིང་ཐྃད་ཀྱི་བདེན་པས་ཀླུ་ཐྃད་བྱམས་པར་བྱོས་ལ་འཛམ་བུའི་གླིང་འདིར་ཆར་ཆེན་པོའི་རྒྱུན་ཕོབ་ཤིག་སྭཱ་ཧཱ། མི་འམ་ཅི་ཐྃད་ཀྱི་བདེན་པས་སྡིག་པ་ཐྃད་
ཞི་བར་གྱི་ཤིག་སྭཱ་ཧཱ། སེམས་ཅན་ཐྃད་ཚིམས་པར་གྱིས་ཤིག་སྭཱ་ཧཱ། ལྟོ་འཕྱེ་ཆེན་པོ་ཐྃད་ཀྱི་བདེན་པས་ཡང་ཤིང་རྒྱ་ཆེ་བས་ཆར་གྱི་རྒྱུན་ཕོབ་ཤིག་སྭཱ་ཧཱ། འདིར་ཆར་ལ་སྒྲིབ་པ་ལྔ་པོ་དག་ཡང་དག་པར་ཟུང་ཤིག་
སྭཱ་ཧཱ། མི་ཐྃད་ཀྱི་བདེན་པས་མི་ཐྃད་ལ་ཡོངསུ་བསྲུངས་ཤིག་སྭཱ་ཧཱ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། ད་ར་ད་ར། དི་རི་དི་རི། དུ་རུ་དུ་རུ། ན་ཏ་ན་ཏ། ནི་ཏི་ནི་ཏི། ནུ་ཏུ་ནུ་ཏུ། ཤིན་ཏུ་མགྱོགས་པར་བཞུད་མ། 
སྤྲིན་ཆེན་པོའི་ཆུ་འཛིན་མ། སྤྲིན་ལྡན་མ། སྤྲིན་ཆེན་ལྡན་མ། སྤྲིན་ཆེན་ཆུ་འཛིན་མ། སྤྲིན་གསལ་མ། སྤྲིན་འབྱུང་མ། དུས་སྤྲིན་མ། སྤྲིན་གྱི་འབྱུང་གནས་མ། སྤྲིན་སྒྲོགས་མ། སྤྲིན་བཞུགས་མ། སྤྲིན་གྱི་
ཅོད་པན་ལྡན་མ། སྤྲིན་གྱི་ཕྲེང་བ་མངའ་མ། སྤྲིན་གྱི་རྣམ་པར་བརྒྱན་མ། སྤྲིན་བཅིབས་མ། སྤྲིན་ལ་གནས་བཅས་མ། སྤྲིན་གྱི་སྙིང་པོའི་སྤྲིན་གྱི་རལ་པ་ཅན། སྤྲིན་འོད་མ། སྤྲིན་གྱི་འཁོར་ལྡན་མ། རྒྱ་ཆེན་
སྤྲིན་བཞུགས་མ། མཆོད་ཕྱིར་སྤྲིན་ཐོགས་མ། ལོ་ཏོག་འོངས་སྒྲུབ་མ། རིལ་རི་སུལ་ན་བཞུགས་མ། ཀླུའི་ཡུམ་བཅྡོཾས་མ། སྤྲིན་ཆེན་དཔལ་ལྡན་སྐར་མདོག་ཅན། བསིལ་རེག་མ། ཚུབ་མ་ཆེན་པོའི་སྤྱོད་
ཡུལ་མ། ཀླུ་ཆེན་རྣམ་པར་རོལ་མཛད་མ། བཅྡོཾས་མ། པོན་ཏྲ་བཅུད་ཀྱིས་ལེན་དྲུག་འཛིན་མ། སངས་རྒྱས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་དབབ་དུ་གསོལ་སྭཱ་ཧཱ། གྷ་ར་གྷ་ར། གྷི་རི་གྷི་རི། གྷུ་རུ་གྷུ་རུ། 

98-1-196b

གྷི་རི་ནི། གྷི་རི་ནི། གྷུ་མ་གྷུ་མ་གྷུ་མ། གྷུ་མ་གྷུ་མ་གྷུ་མ། གྷུ་མ་གྷུ་མ་གྷུ་མ་རི། དབུ་དགུ་དང་ལྡན་མ། སྤྲིན་ཕྲེང་ལྡན་མ། གློག་ཚོགས་ཕྲེང་ལྡན་མ། ལག་གིས་འགྲོ་ཐྃད་འཛིན་མ། སྤྲིན་ལྟ་བུའི་ན་བཟའ་
བནབས་མ། དུག་དྲག་པོ་ཐྃད་སྤྱོད་ཡུལ་མ། སྤྲིན་བཀོད་མ་ལ་བཅིབས་མ། འབྲུག་སྒྲོགས་མ། སྒྲ་སྒྲགས། ཀླུ་ཚོགས་ལ་སྐུལ་མ། ལྷ་མོ་སྤྲིན་ཆེན་ཕྲེང་ལྡན་མ། ཀླུ་ཐྃད་ལ་མ་ཤོལ་བར་དེ་བཞིན་གཤེགས་
པའི་བྱིན་གྱིས་བརླབས་ཀྱིས་འཛམ་བུའི་གླིང་འདིར་ཆར་ཕོབ་ཤིག་ཅེས་བསྐུལ་དུ་གསོལ་སྭཱ་ཧཱ། ཡ་ར་ཡ་ར། ཡི་རི་ཡི་རི། ཡུ་རུ་ཡུ་རུ། ཛ་ར་ཛ་ར། ཛི་རི་ཛི་རི། ཛུ་རུ་ཛུ་རུ། ཛྷ་ར་ཛྷ་ར། གུ་ཌུ་གུ་
ཌུ། གུ་གུ་ཌུ། ག་ཌ་ག་ཌ། གི་ཌི་གི་ཌི། ཧ་ར་ཧ་ར། ཧི་ལི་ཧི་ལི། མུ་ལུ་མུ་ལུ། ཏ་ལ་ཏ་ལ། ཏི་ལི་ཏི་ལི། ཏུ་ལུ་ཏུ་ལུ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྲྀཧྣ་གྲྀཧྣ། མར་ད་མར་ད། 
པྲ་མར་ད། པྲ་བར་ཤ་བིགྷ་ནན། མཻ་ཏྲི་ཡ་ཛྙཱ་པ་ཏ་ཡ་ཏི་སྭཱ་ཧཱ། བུད་དྷེ་བུད་དྷེ། བུ་བུད་དྷེ། བུ་བུད་དྷེ། ཧ་ར་པཱ་པྃ། སརྦ་སཏྭཱ་ནན། ཨ་དྷིཥྛི་ཡ་བ། ཎྱ་མ། སརྦ་བུད་དྷ་ནྃ། དྷ་རི་ནི་དྷ་རེ། ཤུ་བྷ་མ་ཏེ་
གུ་ནཱ་གྲ་པྲཱ་པ་ནེ། མ་ཧཱ་ཛྙཱ་ན་ལ་གེ། ཤུག་ཀཱ་དྷརྨ་པཏྱ་པ་དི་ད་ཉེ། མ་ཧཱ་ཡ་ནཱ་དྷུཥྛི་ཏྲཻ་ལོ་ཀ་ཛྱཥྛ་བྷ་ག་བ་ཏི། བུད་དྷ་མཻ་ཏྲི་ཨ་པཱུ་ར་ཡ་སརྦ་ཀྴེ་ཏྲ་ནཱི། ཤུ་ཀླེ་ཤྭེ་ཏཱ་མ། བ་ར་ད་རེ། པན་ཏ་ར་བ་སི་ནི། དྷུ་དྷུ་རེ། 
དྷུ་དྷུ་རུ། ཤ་མ་ཤ་མ། ཤན་ཏ་མ་ནཱ་སེ། ཆར་གྱི་བགེགས་ཐྃད་རྣམ་པར་བསལ་བར་གསོལ་སྭཱ་ཧཱ། དུས་གསུམ་གྱི་དེ་བཞིན་གཤེགས་པ་ཐྃད་ཀྱི་བདེན་པས་བྱམས་པའི་ཐུགས་ཀྱིས་ཡང་དག་པར་
བཏུལ་ཞུགས་དང་དཀའ་ཐུབ་ཀྱི་ཐུགས་སྐྱོན་མེད་པས་ཀླུ་ཆེན་པོ་རྣམས་ལ་ཡང་དག་པར་བསྐུལ་ལོ། །ཀླུའི་རྒྱལ་པོ་ཆེན་པོ་གཡོག་ཐ་ཡས་རྒྱ་མཚོ་སྤྲིན་བཀོད་པའི་གཟི་བརྗིད་ཀྱི་དཀྱིལ་འཁོར་

98-1-197a

གདུགས་ལྟ་བུའི་རྒྱལ་པོ་ལ་ཡང་དག་པར་བསྐུལ་ལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་དགའ་བོ་དང་ཉེ་དགའ་ལ་ཡང་དག་པར་སྐུལ་ལོ། །འཛམ་བུའི་གླིང་འདིར་ཆར་རབ་ཏུ་ཕོབ་
ཤིག་སྭཱ་ཧཱ། ཀླུའི་རྒྱལ་པོ་རྒྱ་མཚོ་ལ་ཡང་དག་པར་བསྐུལོ། །འཛམ་བུའི་གླིང་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་མ་དྲོས་པ་ལ་ཡང་དག་པར་སྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། 
ཀླུའི་རྒྱལ་པོ་ཟི་ཅན་ལ་ཡང་དག་པར་སྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་ཆུ་ལྷ་ལ་ཡང་དག་པར་སྐུལ་ལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་
པོ་འཇོག་པོ་ལ་ཡང་དག་པར་བསྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་ཡུལ་འཁོར་སྲུང་ལ་ཡང་དག་པར་བསྐུལ་ལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་
ནོར་རྒྱལ་གྱི་གྱི་བུ་ལ་ཡང་དག་པར་བསྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་བཏང་བཟུང་ལ་ཡང་དག་པར་བསྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། 
ཀླུའི་རྒྱལ་པོ་ས་བསྲུང་གི་བུ་ལ་ཡང་དག་པར་བསྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་ནུ་ཏ་ལ་ཡང་དག་པར་བསྐུལ་ལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་
རྒྱལ་པོ་དཔལ་གྱི་གཟི་བརྗིད་ལ་ཡང་དག་པར་བསྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་དཔལ་བཟང་ལ་ཡང་དག་པར་བསྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། 
ཀླུའི་རྒྱལ་པོ་གློག་གིས་ཕྲེང་བ་ལ་ཡང་དག་པར་བསྐུལ་ལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་གཙུག་ན་ནོར་བུ་ཆེན་པོ་ལ་ཡང་དག་པར་བསྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་

98-1-197b

སྭཱ་ཧཱ། ཀླུའི་རྒྱལ་པོ་གཙུག་ན་ནོར་བུ་ཐོགས་ལ་ཡང་དག་པར་བསྐུལ་ལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་སྣང་ལྡན་གཙུག་པུད་ཅན་ཡང་དག་པར་བསྐུལ་ལོ། །འཛམ་བུའི་གླིང་འདིར་ཆར་རབ་ཏུ་
ཕོབ་ཤིག་སྭཱ་ཧཱ། དེ་དག་ལ་སོགས་པ་ཀླུའི་རྒྱལ་པོ་ཆེན་པོ་ཐྃད་ལ་ཡང་དག་པར་བསྐུལོ། །འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ནཱ་གེ་ནཱ་གེ། མ་ཧཱ་ནཱ་གེ། གྷོ་ར་མན་སེ་ནཱ་ག་ཧྲྀ་ད་ཡ། དུ་མཱ་ཀུ་ལེ། ཨུ་གོ་
ར་ཤེ་པྲ་ཙཎ་ཌ་ཏེ་ཛེ། བི་ཤོ་གྲེ། ཨ་ཥེ་བི་ཤེ། ཨ་ཧི་གོ་རེ། ཀྲིཥྞ་པིངྒ་ལེ། ཙན་ཅ་ལེ། ལོ་ལ་ཛི་ཧི། མ་ཧཱ་ཕ་ན་ཀ་རེ། ཀ་ལཱ་པ་ཤེ། རཽ་དྲ་བཱ་སེ་ནི། ཌུ་ཌུ་མ་བེ་གྷ་ན་གྷ་ན། ཤི་ཀི་ནི། ཀ་ན་ཀ་ན། ག་ཎ་ག་ཎ། མ་ཧཱ་ག་ཎ་ག་ཎི། 
པ་ར་པ་ར། པི་རི་པི་རི། པུ་རུ་པུ་རུ། བིསྤུ་ཛ་ནི། བྷུ་རུ་བྷུ་རུ། མ་ཧཱ་བྷོ་གེ། མ་ནེ་ད་རེ། ཕེ་རི་ཕི་རི། ཕུ་རུ་ཕུ་རུ། ཕ་ར་ཕ་ར། བར་ཥ་བར་ཥ། ཛ་ལཱཾ་བུ་ད་རེ། ཤྃ་བུ་ཤཾ་བུ། བ་ཏ་ཏུ་ཏུ་མ་མེ། །དྷུྃ་དྷུྃ། དྷུྃ་དྷུྃ་བེ། མེ་གྷ་པྲ་བྷེ། 
མེ་གྷ་བྷ་ཧི་ནི། ཌྷ་ཀ་ཌྷ་ཀ །ཌྷ་ཀ་ཌྷུ་ཌྷུ་མ་བེ། གྷ་ན་གྷ་ན། ཤི་ཀི་ནི། ཀ་ན་ཀ་ན། ག་ཎ་ག་ཎ། མ་ཧཱ་ནཱ་ག་ག་ནེ། ནི་ར་ཏྲཱ་ཎྚྱུ། བཛྲ་དར་ཀ་རི་མ་ཧཱ་ནཱ་དྷི་ད་ཡེ། གྷུ་མ་གྷུ་མ། གྷུ་མ་པ་ཡཱ་སྟི་ཀ །ཛཱྃ་གི་རི་བུ་ཛཾ་ག་མེ། བི་ཀ་
ཊ་སཾ་ཀ་ཊེ། གོ་ར་བིསྤཱུ་ཛ་ཎི། བི་ཛྲ་མ་བྷ་ནེ། ཀླུ་ཐྃད་དགུགོ། སངས་རྒྱས་ཐྃད་ཀྱི་བྱིན་གྱིས་བརླབས་དང་། དུས་གསུམ་གྱི་དེ་བཞིན་གཤེགས་པ་ཐྃད་ཀྱི་བདེན་པ་དང་། བྱམས་པའི་ཐུགས་ཀྱིས་འཛམ་བུའི་གླིང་
འདིར་ཆར་རབ་ཏུ་ཕོབ་ཤིག་སྭཱ་ཧཱ། ན་མཿསརྦ་བུད་དྷེ་བྱཱ་སིད་དུན་ཏུ། མན་ཏྲ་བཱ་དྷ་ནི་སྭཱ་ཧཱ། འཕགས་པ་སྤྲིན་ཆེན་པོ་ཐེག་པ་ཆེན་པོའི་མདོ་སྟོང་ཕྲག་བརྒྱ་པ་ལས་ཆར་བབ་པ་ཀླུང་གི་དཀྱིལ་འཁོར་ཅེས་བྱ་བའི་
ལེའུ་སྟེ་དྲུག་བཅུ་རྩ་བཞི་པའོ།། །།ཆོ་ག་ནི་ཆར་ཆེར་དབབ་པར་འདོད་ན་བླ་གབ་མེད་པའི་ས་ཕྱོགས་གཙང་མར་བླ་བྲེ་སྔོན་པོ་བྲེ། བ་དན་སྔོན་པོ་དཔྱང་ངོ་། ཆོས་སྨྲ་བ་ལུས་བཀྲུས་ལ་ཡན་ལག་བརྒྱད་པ་ལ་ཉེ་བར་གནས་

98-1-198a

ཤིང་། གོས་གཙང་མ་སྔོན་པོ་བགོས་ལ། སྤོས་དྲི་ཞིམ་པོ་བསྐུས་ནས། ཟས་དཀར་གསུམ་ཟོས་ལ། སྟན་སྔོན་པོའི་སྟེང་དུ་འདུག་ནས། ཁ་ཤར་ཕྱོགས་སུ་བལྟས་ཏེ། དེ་བཞིན་གཤེགས་པ་ཐྃད་ལ་གསོལ་
བ་བཏབ་ནས་སྤྲིན་ཆེན་པོའི་དཀྱིལ་འཁོར་གྱི་ལེའུ་འདི་ཉིན་མཚན་རྒྱུན་མི་ཆད་པར་བཀླག་པར་བྱའོ། །ཆུ་སྔོན་པོས་བཀང་བའི་བུམ་པ་གང་བ་བཞི་བཞག་པར་བྱའོ། །གཏོར་མ་དང་། བདུག་པ་དང་། མེ་ཏོག་ཅི་ནུས་ཀྱིས་
སྦྱར་རོ། །དེ་ལ་ཆོས་སྨྲ་བས་ཕྱོགས་བཞིར་ལྕི་བའི་ཁུ་བས་བྲིས་བར་བྱ་སྟེ། ཤར་ཕྱོགསུ་ཁྲུ་གསུམ་ཙམ་དུ་ཀླུའི་རྒྱལ་པོ་མགོ་གསུམ་པ། ཀླུའི་གཡོག་འཁོར་སྣ་ཚོགས་དང་བཅས་པ་བའི་ལྕི་བས་བྲིས་བར་བྱའོ། །ལྷོ་ཕྱོགས་
སུ་ཁྲུ་ལྔ་ཙམ་དུ་ཀླུའི་རྒྱལ་པོ་མགོ་ལྔ་པ་ཀླུའི་གཡོག་འཁོར་སྣ་ཚོགས་དང་བཅས་པ་བྲི་བར་བྱའོ། །ནུབ་ཕྱོགསུ་ཁྲུ་བདུན་ཙམ་དུ་ཀླུའི་རྒྱལ་པོ་མགོ་བདུན་པ་ཀླུའི་གཡོག་འཁོར་སྣ་ཚོགས་དང་བཅས་པ་བྲི་བར་བྱའོ། །བྱང་
ཕྱོགསུ་ཁྲུ་དགུ་རྩམ་དུ་ཀླུའི་རྒྱལ་པོ་མགོ་དགུ་པ་ཀླུའི་གཡོག་འཁོར་སྣ་ཚོགས་དང་བཅས་པ་བྲི་བར་བྱའོ། །ཆོས་སྨྲ་བ་རང་གི་ལུས་བསྲུངས་ལ་བྱམས་པ་ལ་གནས་ཏེ། སེམས་ཅན་ཐྃད་ལ་སྙིང་རྗེའི་སེམས་ཉེ་བར་བཞག་
ནས། སངས་རྒྱས་དང་། བྱང་ཆུབ་སེམས་དཔའ་ཐྃད་ལ་གསོལ་བ་བཏབ་ལ་ཀླུ་རྣམས་དང་། དགེ་བའི་རྩ་བ་བགོས་བྱ་སྟེ། འདི་ནི་ཆོ་གའོ། །གང་ཞིག་ཆར་མི་འབབ་པའི་ཚེ་སྤྲིན་ཆེན་པོའི་དཀྱིལ་འཁོར་གྱི་ལེའུ་འདི་ཀློག་
ན། ཉིན་ཞག་ཅིག་གམ་གཉིས་ནས་ཉིན་ཞག་བདུན་ཚུན་ཆད་གདོན་མི་ཟ་བར་ཆར་འབབ་པར་འགྱུར་རོ། །རྒྱ་མཚོ་ནི་དུས་ལས་ཡོལ་ཡང་སྲིད་ཀྱི། ཐུབ་པ་ཆེན་པོའི་གསུང་རབ་ཆར་གྱི་ཆོ་ག་འདི་ནི་གཞན་དུ་མི་འགྱུརོ། །
དེ་ལྟ་མོད་ཀྱི་ཚུལ་ཁྲིམས་དང་། ཡོན་ཏན་ལ་གནས་ཏེ་འཆལ་པའི་ཚུལ་ཁྲིམས་དང་། ཤ་དང་ཉ་ཤ་ལ་སོགས་པ་ཡོངསུ་སྤང་བར་བྱའོ། །འོ་ཐུག་དང་། ཞོ་དང་། འོ་མ་དང་། འབྲས་ཆན་བུ་རཾ་ཅན་ལ་སོགས་པ་དང་། མངར་གསུམ་

98-1-198b

ཟ་ཞིང་ཀླག་པར་བྱའོ། །དེ་ལྟར་ན་འགྲུབ་པར་འགྱུར་ཏེ། ཐུབ་པའི་རྒྱལ་པོས་གསུངས་པ་བཞིན་དུ་ཐེ་ཚོམ་མེད་པར་བྱའོ། །འཕགས་པ་སྤྲིན་ཆེན་པོ་ཐེག་པ་ཆེན་པོའི་མདོ་ལས་ཆར་དབབ་པ་རླུང་གི་དཀྱིལ་འཁོར་གྱི་ལེའུ་
ཞེས་བྱ་བ་དྲུག་བཅུ་རྩ་བཞི་པ་ཆོ་ག་དང་བཅས་པ། རྫོགས་སྷོ།།  །།རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེན་དྲ་བོ་དྷི་དང་། ཞུས་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་
ཀྱིས་ཀྱང་བཅོས་ནས་གཏན་ལ་ཕབ་པ། ། ༄༅། །རྒྱ་གར་སྐད་དུ།  ཨཱརྱ་མ་ཧཱ་མེ་གྷ་བྷ་ཏ་མཎ་ཌ་ལི་སརྦ་ནཱ་ག་ཧྲྀ་ད་ཡ་ནཱ་མ་མ་ཧཱ་ཡཱ་ན་སཱུ་ཏྲ།  བོད་སྐད་དུ།  འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་
གྱི་ལེའུ་ཀླུ་ཐྃད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ།  སངས་རྒྱས་དང་། བྱང་ཆུབ་སེམས་དཔའ་ཐྃད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་རྒྱ་མཚོ་ཆེན་པོ་
ན་ནོར་བུ་རིན་པོ་ཆེའི་རྩེ་མོ་ཅན་གྱི་ཁང་པ་བརྩེགས་པ་ན་ཀླུ་སྟོང་དུ་ཚང་བའི་ཀླུའི་ཚོགས་ཆེན་པོ་ཀླུ་ཐྃད་ཀྱང་རྫུ་འཕྲུལ་ཆེ་ཞིང་དཀྱིལ་འཁོར་ཆེན་པོ་དང་ལྡན་པ་ཤ་སྟག་ལ་འདི་ལྟ་སྟེ། ཀླུའི་རྒྱལ་པོ་དགའ་བོ་དང་། ཀླུའི་རྒྱལ་པོ་
ཉེ་དགའ་བོ་དང་། ཀླུའི་རྒྱལ་པོ་ཡང་དག་བསྐུལ་དང་། ཀླུའི་རྒྱལ་པོ་གློག་ཕྲེང་ཅན་དང་། ཀླུའི་རྒྱལ་པོ་གཟི་ཅན་དང་། ཀླུའི་རྒྱལ་པོ་གཟི་ཅན་ཆེན་པོ་དང་། ཀླུའི་རྒྱལ་པོ་བཏང་བཟུང་དང་། ཀླུའི་རྒྱལ་པོ་དུང་དང་། ཀླུའི་རྒྱལ་
པོ་ཨེ་ལ་འདབ་དང་། ཀླུའི་རྒྱལ་པོ་མཚམས་བཟང་དང་། ཀླུའི་རྒྱལ་པོ་སྟོབས་ཀྱི་རྒྱུ་དང་། ཀླུའི་རྒྱལ་པོ་གློག་འབྱུང་དང་། ཀླུའི་རྒྱལ་པོ་སྣང་ལྡན་གཙུག་པུད་ཅན་དང་། ཀླུའི་རྒྱལ་པོ་སྤྲིན་ཆེན་རྣམ་པར་འཕྲུལ་དང་། ཀླུའི་རྒྱལ་
པོ་སྤྲིན་ཆེན་རྒྱས་བྱེད་དང་། ཀླུའི་རྒྱལ་པོ་འབྲུག་སྒྲོགས་དང་། ཀླུའི་རྒྱལ་པོ་ཆར་འབྱུང་དང་། ཀླུའི་རྒྱལ་པོ་སྐར་མདའ་གཏོང་དང་། ཀླུའི་རྒྱལ་པོ་དུས་མིན་སྒྲོགས་དང་། ཀླུའི་རྒྱལ་པོ་འབྲུག་སྐད་དང་། 

98-1-199a

ཀླུའི་རྒྱལ་པོ་གློག་རབ་ཏུ་གཏོང་བ་དང་། ཀླུའི་རྒྱལ་པོ་ས་འཛིན་དང་། ཀླུའི་རྒྱལ་པོ་སོགས་མ་མེད་དང་། ཀླུའི་རྒྱལ་པོ་ལེགས་མཐོང་དང་། ཀླུའི་རྒྱལ་པོ་རྣམ་པར་སྣང་དང་། ཀླུའི་རྒྱལ་པོ་འབྲུག་ཆེན་སྒྲོགས་
དང་། ཀླུའི་རྒྱལ་པོ་འོད་ཆེན་ལཾ་ལཾ་དང་། ཀླུའི་རྒྱལ་པོ་དཔལ་གྱི་གཟི་བརྗིད་དང་། ཀླུའི་རྒྱལ་པོ་མཐའ་ཡས་དང་། ཀླུའི་རྒྱལ་པོ་མདོངས་བུ་དང་། ཀླུའི་རྒྱལ་པོ་དཔལ་འཛིན་དང་། ཀླུའི་རྒྱལ་པོ་རྔ་སྒྲ་དང་། ཀླུའི་རྒྱལ་
པོ་རྔ་སྒྲ་རྣམ་པར་སྒྲོགས་པའི་སྐད་དང་། ཀླུའི་རྒྱལ་པོ་ལ་བ་དང་། ཀླུའི་རྒྱལ་པོ་འདྲེན་བྱེད་དང་། ཀླུའི་རྒྱལ་པོ་དཔལ་མགྲིན་དང་། ཀླུའི་རྒྱལ་པོ་དཔལ་བཟངས་དང་། ཀླུའི་རྒྱལ་པོ་ཤ་ཤོའི་སྒྲ་ཆེན་དང་། ཀླུའི་རྒྱལ་
པོ་དིང་དིང་སྒྲ་དང་། ཀླུའི་རྒྱལ་པོ་རབ་འཇོམས་དང་། ཀླུའི་རྒྱལ་པོ་ཆར་འབྱུང་དང་། ཀླུའི་རྒྱལ་པོ་རླུང་ཆེན་རྣམ་པར་འཕྲུལ་དང་། ཀླུའི་རྒྱལ་པོ་རླུང་རབ་ཏུ་གཏོང་དང་། ཀླུའི་རྒྱལ་པོ་འཇོག་པོ་དང་། ཀླུའི་རྒྱལ་པོ་དཔལ་
ལྡན་དང་། ཀླུའི་རྒྱལ་པོ་དཔལ་དཀྲིགས་དང་། ཀླུའི་རྒྱལ་པོ་བཀྲ་ཤིས་དང་། ཀླུའི་རྒྱལ་པོ་སྤྲིན་རྒྱས་བྱེད་དང་། ཀླུའི་རྒྱལ་པོ་སྤྲིན་གྱི་དགའ་བྱེད་དང་། ཀླུའི་རྒྱལ་པོ་སྤྲིན་གྱིས་འགེབས་པའི་རིགས་དང་། ཀླུའི་རྒྱལ་
པོ་ལེགས་པར་འགེབས་པ་དང་། ཀླུའི་རྒྱལ་པོ་རྣམ་པར་རྩེ་དང་། ཀླུའི་རྒྱལ་པོ་ནོར་རྒྱས་ཀྱི་བུ་དང་། ཀླུའི་རྒྱལ་པོ་མ་དྲོས་པ་དང་། ཀླུའི་རྒྱལ་པོ་འོད་བཟངས་དང་། ཀླུའི་རྒྱལ་པོ་མཐོང་དགའ་དང་། ཀླུའི་རྒྱལ་
པོ་དོན་ཡོད་དགའ་དང་། ཀླུའི་རྒྱལ་པོ་སྤྲིན་གྱི་དཀྱིལ་འཁོར་གྱིས་ལེགས་པར་འདེབས་དང་། ཀླུའི་རྒྱལ་པོ་གཞན་གྱིས་མི་ཐུབ་པ་དང་། ཀླུའི་རྒྱལ་པོ་སྤྲིན་ལས་ཆུ་འབྱིན་དང་། ཀླུའི་རྒྱལ་པོ་བདེ་མཐོང་དང་། 
ཀླུའི་རྒྱལ་པོ་རླུང་འབྱུང་དང་། ཀླུའི་རྒྱལ་པོ་རླུང་འཁྲུག་པར་བྱེད་པ་དང་། ཀླུའི་རྒྱལ་པོ་གཙུག་ན་ནོར་བུ་དང་། ཀླུའི་རྒྱལ་པོ་ཆེན་པོ་དེ་དག་དང་། གཞན་ཡང་ཀླུའི་རྒྱལ་པོ་ཆེན་པོ་སྟོང་དང་ཐབས་ཅིག་ཏུ་བཞུགས་ཏེ། 

98-1-199b

དེ་དག་ཐམས་ཅད་ཀྱང་ཀླུའི་རྫུ་འཕྲུལ་ཆེན་པོ་དང་། ཀླུའི་རྣམ་པར་འཕྲུལ་པ་ཆེན་པོས་ནམཁའ་ལ་དི་རི་རི་ར་སྒྲོགས་ཤིང་། །རྫི་ཆར་ཆེན་པོ་རབ་ཏུ་འབེབས་ཏེ། བཅྡོཾས་ལ་སྲི་ཞུ་བྱ་བ་དང་ཆོས་མཉན་པའི་ཕྱིར་ལྷགས་སོ། །
ཀྱཻ་ཀླུ་ཆེན་པོ་དང་ཀླུ་དག་ཚུར་ཤེག །མུ་ལུ་མུ་ལུ། ཙ་ཊ་ཙ་ཊ། པ་ཊ་པ་ཊ། མ་ཊ་མ་ཊ་སྭཱ་ཧཱ། གློག་འབར་བ་རབ་ཏུ་ཕྱུང་ཞིང་། རྫི་ཆར་ཆེན་པོའི་རྒྱུན་ཐོང་ལ་ཆར་ཕོབ་ཤིག །ཀྱེ་ཀྱེ་ཀླུ་ཆེན་པོ་དག་སངྱས་ཀྱི་བདེན་པ་དང་། 
ཆོས་ཀྱི་བདེན་པ་དང་། དགེ་འདུན་གྱི་བདེན་པ་དྲན་པར་གྱིས་ཤིག །ཀྱེ་ཀླུ་ཆེན་པོ་དག་ཚུར་ཤེག་ཚུར་ཤེག །འཛམ་བུའི་གླིང་དུ་ཆར་རབ་ཏུ་ཕོབ་ཤིག །གུ་ཌུ་གུ་ཌུ། མུ་ཌུ་མུ་ཌུ། ཧི་ཧི་ཧི་ཧི། ཙུ་ཌ་ཙུ་ཌ། མ་ཧཱ་ནཱ་ག་ཧྲྀ་ད་ཡ། 
སརྦ་ནཱ་ག་ན། ཨ་གད་ཌྷ་ཡ། སན་ཅོ་ད་ཡ། ཤྲི་གྲཱན་ད་ར་སྭཱ་ཧཱ། སྤྲིན་ཆེན་པོ་རྣམ་པར་འཕྲུལ་པའི་རྒྱན་བཀོད་པ་དག་གསེར་སྣམ་གྱི་མཐའ་རིན་པོ་ཆེ་ཐྃད་ཀྱི་ཚོན་གྱི་ལྡ་ལྡི་མཛེས་པ། མུ་ཏིགི་རྒྱན་ཕྲེང་རབ་ཏུ་འཕྱང་
བ་རྒྱ་མཚོ་ཆེན་པོའི་སྤྲིན་དག་དང་། ལྷའི་རིན་པོ་ཆེས་མཛེས་པར་བྱས་པའི་གཞལ་མེད་ཁང་མེ་ཏོག་རབ་ཏུ་འཕྱང་བ་རྒྱ་མཚོ་ཆེན་པོའི་སྤྲིན་དག་གིས་ནམ་མཁའི་དཀྱིལ་ཀུན་ཏུ་ཁེབས་པར་བྱིན་གྱིས་རློབས་ལ། རིན་པོ་ཆེའི་
སྤྲིན་རབ་ཏུ་འཕྱང་ཞིང་། ལྷའི་རས་བཅོས་བུ་མང་པོ་མུ་ཏིག་གི་རྒྱན་ཕྲེང་རྒྱ་མཚོ་ཆེན་པོའི་སྤྲིན་དག་དང་། སངྱས་ཀྱི་རྣམ་པར་འཕྲུལ་པ་ཟབ་མོ་སྣ་ཚོགས་ཀྱི་བྱིན་གྱིས་བརླབས་ཀྱིས་སྒྲ་སྒྲོགས་པ་རྒྱ་མཚོའི་སྤྲིན་དག་དང་། 
དེ་བཞིན་གཤེགས་པའི་ཡོན་ཏན་གྱི་རྒྱན་བཀོད་པ་བསམ་གྱིས་མི་ཁྱབ་པ་རྣམ་པ་སྣ་ཚོགས་ཡང་དག་པར་སྟོན་པ་རིན་པོ་ཆེ་བཀོད་པ་ཆེན་པོའི་རྒྱ་མཚོའི་སྤྲིན་དག་གིས་ནམཁའི་དཀྱིལ་ཀུན་དུ་ཁེབས་པར་
བྱིན་གྱིས་རློབས་སྟེ། སྤྲིན་ཆེན་པོ་རྣམ་པར་འཕྲུལ་པའི་སྒྲ་སྒྲོགས་པ་རྒྱ་མཚོའི་སྤྲིན་དག་དང་། རིན་པོ་ཆེ་སྣ་ཚོགས་ཀྱི་ལྷའི་བླ་རེའི་དྲིལ་བུའི་སྒྲ་སྒྲོགས་པ་རྒྱ་མཚོའི་སྤྲིན་དག་དང་། བྱའི་ཚོགས་ཐྃད་སྐད་

98-1-200a

འབྱིན་ཅིང་མེ་ཏོག་གི་ཆར་ཆེན་པོ་རབ་ཏུ་འབེབས་པ་རྒྱ་མཚོ་ཆེན་པོའི་སྤྲིན་དག་དང་། རྒྱ་མཚོ་སྤྲིན་ཆེན་པོ་སྒྲ་ཆེར་སྒྲོགས་ཤིང་ལྷའི་རིན་པོ་ཆེ་རབ་ཏུ་འཕྱང་ལ་མུ་ཏིགི་ལྡ་ལྡི་རྣམ་པ་སྣ་ཚོགས་རབ་ཏུ་འཕྱང་བ་རྒྱ་
མཚོའི་སྤྲིན་དག་དང་། གསེར་སྐུད་ཀྱིས་བརྒྱན་པའི་སྣང་བ་ཆེན་པོ་ཅན་གྱི་རྩེ་མོས་ནམཁའ་ཀུན་དུ་ཁེབས་པར་བྱེད་པ་རྒྱ་མཚོ་ཆེན་པོའི་སྤྲིན་དག་དང་། རིན་པོ་ཆེ་སྣ་ཚོགས་ཀྱི་ཕྲེང་བའི་འོད་ཀྱི་དཀྱིལ་འཁོར་གྱིས་
ནམཁའ་ཀུན་དུ་ཁེབས་པར་བྱེད་པ་ལ་མཁས་པ་རྒྱ་མཚོའི་སྤྲིན་དག་དང་། སྣང་བ་དང་ལྡན་པའི་རྒྱ་མཚོ་ཆེན་པོའི་སྒྲས་ཀུན་དུ་ཁེབས་པའི་རྒྱ་མཚོ་ཆེན་པོའི་སྤྲིན་དག་གིས་ནམཁའ་མངོན་པར་ཁེབ་པར་གྱིས་
ཤིག །ཀླུ་དང་ཀླུའི་རྒྱལ་པོ་ཐྃད་ཚུར་ཤེག །སའི་སྟེང་འདིར་འབྲུག་སྒྲ་སྒྲོགས་ཤིང་ཆར་ཕོབ་ཤོག །ཆར་རབ་དུ་ཕོབ་ཤིག །ཆར་ཀུན་ཏུ་རབ་དུ་ཕོབ་ཤིག །དི་རི་རིར་སྒྲོགས་ཤིག །གློག་ཆེན་པོ་སྣང་བ་རབ་
ཏུ་ཕྱུང་ཤིག །འདུ་ཞིང་ཀུན་དུ་འདུ་ལ་ཏོག་ཡར་དར་དིར་ཞིང་འདུག་སྟེ། ཀླུའི་སྐད་ཆེན་པོ་ཡིད་དུ་འོང་བའི་སྒྲ་ཆེན་པོ་འབྱིན་ཅིང་དབྱངས་ཆེན་པོ་རབ་ཏུ་སྒྲོགས་པ་དག་འཛམ་བུའི་གླིང་འདིར་དུ་ཆར་རབ་ཏུ་ཕོབ་
ཤིག །གྷ་ཌ་གྷ་ཌ། གྷི་ཌི་གྷི་ཌི། ཧུ་ཌུ་ཧུ་ཌུ། གྷུ་དྷུ་གྷུ་དྷུ། ག་ཊ་ག་ཊ། གི་ཊི་གི་ཊི། མ་ཊ་མ་ཊ། ཙ་ཊ་ཙ་ཊ། པ་ཊ་པ་ཊ། ཀྱེ་ཀྱེ་ཀླུ་དང་། ཀླུ་ཆེན་པོ་དག་ཚུར་ཚུར་ཚུར་ཤེག་ཚུར་ཤེག །དྷུ་དྷུ་དྷུ་དྷུ། ཧཱ་ཧཱ་ཧཱ། ཧཱི་ཧཱི། 
ཧཱུྃ་ཧཱུྃ། འབྲུག་སྒྲ་ཆེན་པོ་སྒྲོགས་ཤིང་། རླུང་ཆེན་པོ་རབ་ཏུ་གཏོང་བ་དག་སངྱས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀྱེ་ཀྱེ་ཀླུ་དང་། ཀླུའི་རྒྱལ་པོ་དག་ཀླུ་ཐྃད་ལ་ཡང་དག་པར་བསྐུལ་གྱིས་
འཛམ་བུའི་གླིང་དུ་ཆར་ཕོབ་ཤིག །གྷུ་ཌུ་གྷུ་ཌུ། ཕཊ་ཕཊ། ཧ་ཧ། ཧེ་ཧེ་ཀླུ་ཆེན་པོ་དག་འདུས་ཤིག་སའི་སྟེང་དུ་ཆར་ཕོབ་ཤིག །གྷུ་ཌུ་གྷུ་ཌུ། ཀི་རི་ཀི་རི། ཙི་རི་ཙི་རི། མི་རི་མི་རི། དི་རི་དི་རི། ཀི་ལི་ཀི་ལི། ཞིང་ཐྃད་ཡོངསུ་གང་

98-1-200b

བར་གྱིས་ཤིག །འབྲུ་དང་། ཤིང་ལྗོན་པ་དང་། རྩྭ་དང་། ཤིང་གེལ་པ་དང་། སྨན་ཐྃད་རབ་ཏུ་སྐྱེ་བར་གྱིས་ཤིག །བྱམས་པའི་སེམས་ཀྱིས་ཚུར་ཤེག །སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་
འདུན་གྱི་བདེན་པ་དང་། ལག་ན་རྡོ་རྗེའི་བདེན་པ་དང་། ཀླུ་ཐྃད་ཀྱི་བདེན་པས་ཀླུ་ཆེན་པོ་དག་ཚུར་ཤེག་ཚུར་ཤེག་སྭཱ་ཧཱ། ཀླུའི་རྒྱལ་པོ་མདོངས་བུ་ལ་ཡང་དག་པར་བསྐུལོ། །སངས་རྒྱས་ཀྱི་བདེན་པས་འཛམ་
བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་དཔལ་གྱི་གཟི་བརྗིད་ལ་ཡང་དག་པར་བསྐུལོ། །ཆོས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་མཐའ་ཡས་ལ་ཡང་དག་པར་
བསྐུལོ། །དགེ་འདུན་གྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་ནོར་རྒྱས་ཀྱི་བུ་ལ་ཡང་དག་པར་བསྐུལོ། །ལག་ན་རྡོ་རྗེའི་བདེན་པས་འཛམ་བུའི་གླིང་འདིར་ཆར་རབ་དུ་ཕོབ་ཤིག་སྭཱ་ཧཱ། 
ཀླུའི་རྒྱལ་པོ་འཇོག་པོ་ལ་ཡང་དག་པར་བསྐུལོ། །ཚངས་པའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་དཔལ་མགྲིན་ལ་ཡང་དག་པར་བསྐུལོ། །དབང་པོའི་བདེན་པས་འཛམ་བུའི་
གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་ས་སྲུང་གི་བུ་ལ་ཡང་དག་པར་བསྐུལོ། །ཁྱབ་འཇུག་གིས་བདེན་པས་འཛམ་བུའི་གླིང་འདིར་ཆར་རབ་དུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་ཕྲེང་བ་ཅན་ལ་ཡང་
དག་པར་བསྐུལོ། །དྲག་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་གཟི་ཅན་ལ་ཡང་དག་པར་བསྐུལོ། །དྲང་སྲོང་གི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་
ཤིག་སྭཱ་ཧཱ། ཀླུའི་རྒྱལ་པོ་སྐྲག་འབྲོས་བྱེད་ལ་ཡང་དག་པར་བསྐུལོ། །ལྷའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་གཟི་ཅན་ཆེན་པོ་ལ་ཡང་དག་པར་བསྐུལོ། །ཀླུ་ཐྃད་ཀྱི་

98-1-201a

བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། ཀླུའི་རྒྱལ་པོ་རབ་འཇོམ་ལ་ཡང་དག་པར་བསྐུལ་ལོ། །གནོད་སྦྱིན་གྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་
སྭཱ་ཧཱ། ཀླུའི་རྒྱལ་པོ་མ་དྲོས་པ་ལ་ཡང་དག་པར་བསྐུལོ། །སྲིན་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སྭཱ་ཧཱ། གོང་མ་གོང་མ་ཐྃད་ཀྱི་བདེན་པས་ཆར་རབ་ཏུ་ཕོབ་ཤིག །ཆར་ཕོབ་ཤིག །མ་འཕྱི་བར་ཚུར་ཤེག་
ཚུར་ཤེག །ཀྱེ་ཀྱེ་ཀླུ་ཆེན་པོ་དག་ཀླུ་ཐྃད་ཀྱི་སྙིང་པོ་ལ་ཡང་དག་པར་བསྐུལོ། །ཀུན་ནས་དྲང་ངོ་། །ས་ར་ས་ར། ཧཱ་ཧཱ། དྷུ་མ་དྷུ་མ། ཧཱ་ཧཱ་ཧཱ་ཧཱ། ཧི་ཧི་ཧི་ཧི། ཨེ་ཧྱེ་ཧི། ཐ་ཐ་ཐ། ཙ་ཙ་ཙ་ར་ཏ། ཞིང་ཐྃད་ཀུན་གང་བར་གྱིས་ཤིག །འབྲུ་ཐྃད་
ཀྱི་ཆར་ཕོབ་ཤིག །རླུང་ཆེན་པོ་རབ་ཏུ་ཐོང་ཤིག །དྲུྃ་དྲུྃ། གྷུྃ་གྷུྃ། བུམ་བུམ། ཊ་ཊ་ཊ་ཊ། ནི་བ་ར་ནི། སྟམྦྷ་ནི། མོ་ཧ་ནི། ཛྃ་གུ་ལི། པུཀྐ་སི། པྲ་ཧ་ནཱི། མ་ཏྃ་གི། ཛ་ཡེ་བི་ཛ་ཡེ། ཧ་ཧ་སྭཱ་ཧཱ། དེ་བཞིན་གཤེགས་པ་སྤྲིན་ཆེན་
སྙིང་པོ་དཔལ་གྱི་གཟི་བརྗིད་དང་། དེ་བཞིན་གཤེགས་པ་སྤྲིན་ཆེན་རབ་འཇོམ་དང་། དེ་བཞིན་གཤེགས་པ་སྤྲིན་ཆེན་འབྱུང་དང་། དེ་བཞིན་གཤེགས་པ་སྤྲིན་ཆེན་པོ་དང་། དེ་བཞིན་གཤེགས་པ་སྤྲིན་ཆེན་ཀུན་དུ་འགེབས་
དང་། དེ་བཞིན་གཤེགས་པ་འབྲུག་ཆེན་སྒྲོགས་དང་། དེ་བཞིན་གཤེགས་པ་སྤྲིན་ཆེན་རྒྱས་མཛད་དང་། དེ་བཞིན་གཤེགས་པ་འབྲུག་ཆེན་རྣམ་པར་སྒྲོགས་པ་སྒྲའི་རྒྱལ་པོ་དང་། དེ་བཞིན་གཤེགས་
པ་སྤྲིན་ཆེན་འཇིགས་མཛད་དང་། དེ་བཞིན་གཤེགས་པ་སྤྲིན་ཆེན་བསྲུང་དང་། དེ་བཞིན་གཤེགས་པ་སྤྲིན་རྔ་སྒྲ་དང་། དེ་བཞིན་གཤེགས་པ་འབྲུག་ཆེན་སྒྲ་དང་། དེ་བཞིན་གཤེགས་པ་སྤྲིན་ཆེན་
དཔལ་གྱི་གཟི་བརྗིད་དང་། དེ་བཞིན་གཤེགས་པ་སྤྲིན་ཆེན་དབྱངས་སྙན་དང་། དེ་བཞིན་གཤེགས་པ་སྤྲིན་ཆེན་སྐར་མའི་རྒྱལ་པོ་དང་། དེ་བཞིན་གཤེགས་པ་སྤྲིན་ཆེན་ཚུབ་མའི་རྒྱལ་པོ་དང་། དེ་བཞིན་གཤེགས་པ་སྤྲིན་

98-1-201b

ཆེན་ཤིན་དུ་བརྟན་པའི་རྒྱལ་པོ་དང་། དེ་བཞིན་གཤེགས་པ་སྤྲིན་ཆེན་སྤྲིན་བསྟན་པས་དགའ་བ་མཛད་པ་དང་། དེ་བཞིན་གཤེགས་པ་སྤྲིན་ཆེན་འུར་འུར་སྒྲ་དང་། དེ་བཞིན་གཤེགས་པ་སྤྲིན་ཆེན་འཇིགས་པས་འཇིགས་
མཛད་དང་། དེ་བཞིན་གཤེགས་པ་སྤྲིན་ཆེན་ཐོག་ཏོག་ཆར་འབེབས་དང་། དེ་བཞིན་གཤེགས་པ་སྤྲིན་རྣམ་པར་འཕྲུལ་པའི་རྒྱལ་པོ་དང་། དེ་བཞིན་གཤེགས་པ་སྤྲིན་ཆེན་བཀྲ་ཤིས་ཀྱི་ཆེད་དང་། སངས་རྒྱས་ཐྃད་ཀྱིས་
བྱིན་གྱིས་རླབས་དང་། བྱང་ཆུབ་སེམས་དཔའ་ཐྃད་ཀྱི་བྱིན་གྱིས་བརླབས་ཀྱིས་ཕྱིར་དེ་བཞིན་གཤེགས་པ་སྤྲིན་ཆེན་པོ་སྤྲིན་ཆེན་སྙིང་པོ་ཐྃད་ལ་ཡང་དག་པར་བསྐུལོ། །ཀླུ་ཐྃད་ཀྱི་བདེན་པས་ཀླུ་ཐྃད་ཀྱི་སྙིང་པོ་ལ་
ཡང་དག་པར་བསྐུལོ། །དཀོན་མཆོག་གསུམ་གྱི་བཀའ་ལུང་གིས་མྱུར་དུ་ཤེག་ཤིག །ཀྱེ་ཀྱེ་ཀླུ་ཆེན་པོ་དག་ཚུར་ཤེག་ཚུར་ཤེག །ཧུ་ལུ་ཧུ་ལུ། སུ་རུ་སུ་རུ། དྷ་བ་དྷ་བ། གྷ་ར་གྷ་ར། བྷུ་རུ་བྷུ་རུ། མ་འཕྱི་བར་སངྱྃས་
ཀྱི་བདེན་པས་ཚུར་ཤེག །ཆོས་ཀྱི་བདེན་པས་ཚུར་ཤེག །དགེ་འདུན་གྱི་བདེན་པས་ཚུར་ཤེག །ཀླུ་ཐྃད་དང་། ཀླུ་ཆེན་པོ་གོང་མ་གོང་མ་དག་གི་བདེན་པས་འཛམ་བུའི་གླིང་དུ་ཆར་ཕོབ་ཤིག །ཨ་ལ་ལ་ཞེས་གར་བྱེད་ཅིང་། 
ཨ་ལ་ལ་ཞེས་གླུ་ལེན་པ་དང་། ཨ་ལ་ལ་ཞེས་ཀླུའི་རྣམ་པར་འཕྲུལ་པ་ཆེན་པོ་བྱེད་ཅིང་འདུ་ལ་ཆར་གྱི་རྒྱུན་ཆེན་པོ་འབེབས་ཤིང་། ཀླུ་ཆེན་པོ་རྣམས་ཀྱི་ཆོས་ཀྱི་སྒྲ་ཡིད་དུ་འོང་བའི་སྟོན་པ་དག །གུ་ལུ་གུ་ལུ། ནཱ་གེ་ནཱ་གེ། ཙ་ཊ་ཙ་ཊ། 
ནཱ་ག་ནཱི། ཧ་ཧ་ཧི་ཧི། ནཱ་གེ་ནཱ་གི་ནི་ནཱ་གེ། སརྦ་ནཱ་ག་བིཥྚ་མ་བྷ་ནི་མ་ར་ཎི། སརྦ་ནཱ་ག་བཥྚ་མ་བྷ་ན། མ་ར་ཎ་མ་རེ་ཏ་ར་ཎི། ཏ་ར་ཎི། ཏ་རེ། ཏ་ར་ཏ་ར། ཏཱ་རེ། ཀཱ་བི་ལ་ཀེ་ཤི། བྀ་ཀྲྀ་ཏ་དྃཥྚི། བྷ་ཡཱ་ནཱ་གེ། ཨ་ཀཌྜྷ། མི་ལི་ལནྦ་ཐ། བིདྡྷྱད་ཛཱ་རེ། 
གྷོ་རཱ་རུྰ་པི་ནི། ཀ་ལེ། ཨ་ཀ་ལེ། གརྫ་ཏི། སརྦ་མེ་གྷ་བི་ཀུཪྦ་ནི། ས་ཙོཾ་ད་ནི། སརྦ་ཀྵེ་ཏྲ་ན། ཨ་བུ་ར་ནི་ཙཀྲ། ཙཀྲ་བརྟི། ཧི་རི་ཧི་རི། བྷེ་གྷེ་བྷེ་གྷེ། སྨ་ར་སྨ་ར། ཀཱ་ལི་ཀཱ་ལི། མ་ཧཱ་ཀཱ་ལི། ཧྲྀ་ད་ཡྃ། བྲ་བི་ཤ་ཨད་ཊེ། ། མད་ཏེ། སརྦ་ནཱ་ག །ཨ་ཀཪྵ་ནི། 

98-1-202a

པཱུ་ར་ཡ། ཧཱུྃ་ཧཱུྃ། རཏྣ་ཏྲ་ཡ། བི་ཀུ་རི་ཏེ། བཛྲི་ནི། བཛྲེ་བཛྲ་པ་ནི། ཀ་ལ་ཤོ་དྷི་རེ། ནཱ་ག་རཱུ་པི་ནི། སུ་རུ་བེ། བྷོ་གི་བྷོ་གི། མ་ཧཱ་བྷོ་གི། བྷོ་ག་རུྰ་བ་ཏ་ཡ། བ་ལེ། བཪྵ་ནི། སརྦ་ནཱ་ག་སཉྩ་ད་ནི་སྭཱ་ཧཱ། ན་མོ་རཏྣ་ཏྲ་ཡཱ་ཡ། 
ན་མཥྩཎ་ཌ་བཛྲ་པཱ་ཎ་ཡེ། བྷན་དྷ་བྷན་དྷ། སུ་རུྰ་པེ་ཀ་ལ་རུྰ་པི་ནི་སྭཱ་ཧཱ། ཆོས་སྨྲ་བས་ཐོག་མ་ཁོ་ནར་བསྲུང་བའི་ཆོ་ག་བྱས་ལ། ཆོས་གོས་ཀྱི་གྲྭར་ལན་བདུན་བཟླས་བརྗོད་བྱས་ཏེ། མདུད་པ་བདུན་བོར་ནས་རླུང་གི་དཀྱིལ་
འཁོར་གྱི་ལེའུ་ཀླུ་ཐྃད་ཀྱི་སྙིང་པོ་ཞེས་བྱ་བ་འདི་ཞག་ཉི་ཤུ་རྩ་གཅིག་གི་བར་དུ་རྒྱུན་མ་ཆད་པར་ཀླགས་པར་བྱའོ། །ཤར་ཕྱོགསུ་ནི་བ་ལང་གི་ལྕི་བས་ཀླུའི་རྒྱལ་པོ་མགོ་གསུམ་པ་ཞེས་བྱ་བ་འཁོར་དང་བཅས་ཏེ་བྲི་བར་བྱའོ། །
ལྷོ་ཕྱོགསུ་ནི་ཀླུའི་རྒྱལ་པོ་རབ་ཏུ་རྒྱལ་བྱེད་ཅེས་བྱ་བ་མགོ་ལྔ་པ་འཁོར་དང་བཅས་ཏེ་བྲི་བར་བྱའོ། །ནུབ་ཕྱོགསུ་ནི་ཀླུའི་རྒྱལ་པོ་སྣང་ལྡན་གཙུག་ཕུད་ཅན་ཞེས་བྱ་བ་མགོ་བདུན་པ་འཁོར་དང་བཅས་ཏེ་བྲི་བར་བྱའོ། །
བྱང་ཕྱོགསུ་ནི་ཀླུའི་རྒྱལ་པོ་སྤྲིན་སྐུལ་ཞེས་བྱ་བ་མགོ་དགུ་པ་འཁོར་དང་བཅས་ཏེ་བྲི་བར་བྱའོ། །བླ་རེ་དང་། གོས་སྔོན་པོ་དང་། རྒྱལ་མཚན་སྔོན་པོ་དང་། ལྷ་བཤོས་ཐྃད་ཀྱང་སྔོན་པོར་བྱའོ། །ཀླུ་གནད་ལ་དབབ་པ་
ནི་མངར་གསུམ་གྱིས་བྱའོ། །མངར་གསུམ་གྱིས་དགང་བླུགས་བདུན་ཡང་ཀླུའི་སྙིང་པོས་སྦྱིན་སྲེག་བྱའོ། །སྤྲིན་གྱི་རྒྱལ་པོ་རྣམ་ཀྱང་བྲེས་ཏེ་ཆར་གྱི་རྒྱུན་འབེབས་ལ་ཕན་ཚུན་ཐུག་ཅིང་མཐར་གློག་འགྱུ་
བར་བྱའོ། །འདིར་དབབ་པ་ནི་ཁུར་བ་བཀྲ་ཤིས་ལྡན་དང་། པེན་རྩེ་དང་། ཤ་དང་། ཉ་ཤ་དང་། སྦྲང་རྩི་ལས་བྱས་པའི་ཟས་མཆོག་རྒྱས་པར་བྱའོ། །དེ་ནས་ཆོས་སྨྲ་བ་གཙང་ཞིང་གོས་གཙང་མ་བགོས་པས་རླུང་གི་དཀྱིལ་འཁོར་གྱི་
ལེའུ་ཀླུ་ཐྃད་ཀྱི་སྙིང་པོ་བཀླག་པར་བྱའོ། །དེ་ནས་ཀླུ་རྣཾས་དང་པོའི་ཉིན་མོ་ནས་བརྩཾས་ཏེ། དི་རི་རིར་སྒྲ་སྒྲོགས་པར་བྱེད་ཅིང་། སྒྲ་ཡིད་དུ་འོང་བ་དག་འབྱིན་པར་འགྱུར་ཏེ། ལེའུ་འདི་ལ་ཐེ་ཚོཾ་དང་བརྙས་པར་མི་བྱའོ། །གལྟེ་རྒྱ་མཚོ་དུས་ལས་ཡོལ་ན་འདི་

98-1-202b

ཡང་ཆར་ལས་ཡོལ་བར་འགྱུརོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པར་བསྒྲགས་པའི་རྒྱལ་པོ་ལ་ཕྱག་འཚལ་ལོ། །
བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་སྒྲ་སྒྲོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་སྤྲིན་དཔལ་ལ་ཕྱག་འཚལ་ལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲོགས་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ཀུན་དུ་སྟོན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཛག་ལ་ཕྱག་འཚལོ། །
བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་རྣམ་པར་རྒྱས་མཛད་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་སྤྲིན་གྱི་ཡན་ལག་མཛེས་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངྱས་སྤྲིན་ལྟ་བུའི་ན་བཟའ་མནབས་ལ་
ཕྱག་འཚལ་ལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངྱས་སྤྲིན་གྱི་འབྲུག་བསྐྲུན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངྱས་སྤྲིན་གྱི་ཕྲེང་བ་ཅན་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡྃ་དག་པར་རྫོགས་པའི་སངས་རྒྱས་སྤྲིན་འཐོར་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡཾ་དག་པར་

98-1-203a

རྫོགས་པའི་སངས་རྒྱས་སྤྲིན་གྱི་དབང་ཕྱུག་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཛིན་ལ་ཕྱག་འཚལོ། །བཅོམ་ལྡན་འདས་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་བྱིན་ལ་ཕྱག་འཚལ་ལོ། །བཅྡོཾས་
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངྱས་འབྲུག་སྒྲ་རྣམ་པར་སྒྲོགས་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
སྤྲིན་གྱི་ཆུབ་ལ་ཕྱག་འཚལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་སྡུད་ལ་ཕྱག་འཚལོ། །བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་འབྲུག་ངེས་པར་བསྒྲགས་ལ་ཕྱག་འཚལོ། །སངྱས་ཐྃད་ལ་ཕྱག་འཚལོ། །སེམས་ཅན་ཐྃད་ལ་བདེ་ལེགསུ་གྱུར་ཅིག །འབྱུང་པོ་ཐྃད་ལ་བྱམས་པར་གྱུར་ཅིག །དུད་འགྲོར་གྱུར་པ་ཐྃད་
འཇིགས་པ་མེད་པར་གྱུར་ཅིག །ངན་འགྲོ་ཐྃད་ཞི་བར་གྱུར་ཅིག །སྒྲིབ་པ་ཐྃད་རྣམ་པར་སེལ་བ་ལ་ཕྱག་འཚལོ། །དེ་བཞིན་གཤེགས་པ་ཐྃད་ཀྱི་ཆོ་ག །སངས་རྒྱས་ཐྃད་ཀྱིས་གཟིགས་པའི་ཆོ་ག་འདི་གྲུབ་
པར་གྱུར་ཅིག །ཏདྱ་ཐཱ། སྥུ་ཊ་སྥུ་ཊ། སྥུ་ཊ་སྥུ་ཊ། སྥུ་ཊ་སྥུ་ཊ། སྥུ་ཊ་སྭཱ་ཧཱ། ཆར་མི་འབབ་པའི་ཚེ་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་གིས་མགོ་
བཀྲུས་ཏེ་གོས་གཙང་མ་དགོས་ལ། བྱམས་པའི་སེམས་དང་ལྡན་པས་དེ་བཞིན་གཤེགས་པའི་མཚན་འདི་དག་ཡི་གེར་བྲིས་ནས། གདན་གཙང་མ་ལ་བཞག་སྟེ། པོག་པོར་བདུན་གྱི་ནཾཁའ་ལ་གྱེན་དུ་འདུག་

98-1-203b

ཅིང་། དེ་བཞིན་གཤེགས་པའི་མཚན་རྣམས་ལན་ལྔ་བཅུའི་བར་དུ་བརྗོད་ལ་མཆོད་པ་ཆེན་པོ་བྱས་ཏེ། ཞག་བདུན་གྱི་བར་དུ་རྒྱུན་མ་ཆད་པར་བྱས་ན་ཆར་འབབ་པར་འགྱུརོ། །འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་
གྱི་ལེའུ་ཀླུ་ཐྃད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་
ཕབ་པ། ། ༄༅། །རྒྱ་གར་སྐད་དུ།  ཨཱརྱ་ན་མ་སྭཱི་ནཱ་ག་རཱ་ཛཱ་པ་རི་པྲིཙྪཱ་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པ་ཞེས་བྱ་བའི་གཟུངས། སངས་རྒྱས་དང་བྱང་
ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།  །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་མ་ག་དྷ་ན་ལུས་འཕགས་རིའི་དབང་པོའི་བྲག་ཕུག་ན་བཞུགས་ཏེ། 
དེ་ནས་ཀླུའི་རྒྱལ་པོ་གཟི་ཅན་ཁ་དོག་ཤིན་དུ་འཕགས་པ་དང་ལྡན་པ་ནམ་སྲོས་པ་དང་བཅྡོཾས་ག་ལ་བ་དེར་སོང་ཏེ་ཕྱིན་ནས། བཅྡོཾས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅྡོཾས་ལ་འདི་སྐད་ཅེས་གསོལ་ཏོ། །
བཅྡོཾས་ལུས་འཕགས་རི་འདི་ནི་རིང་པོ་དག་དགེ་སློང་རྣམས་ལ་འཚེ་ན། དེ་ལ་བདག་གིས་ཇི་ལྟར་གནས་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཀླུའི་རྒྱལ་པོ་གཟི་ཅན་ལ་འདི་སྐད་ཅེས་
བཀའ་སྩལ་ཏོ། །ཀླུའི་རྒྱལ་པོ་ལེགསོ་ལེགས་སོ། །འདི་ལྟ་བུར་ཁྱོད་ཀྱི་བྱ་བ་ཡིན་ནོ། །དེ་ནས་བཅྡོཾས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེའི་ཕྱིར་དུག་དང་། སྨན་ཆེན་པོ་བཅྭ་བརྒྱད་
པོ་འདི་དག་གི་མིང་ཟུང་ཤིག །ཏད་ཡ་ཐཱ། པཎ་ཌ་རེ། ཀ་ར་ཊེ། ཀེ་ཡཱུ་རེ། བོ་བྷྱྃ་ག་མ་ཏེ། བིན་དུ་མ་ཏེ། ཨ་ར་ཌ། ཏ་ར་ཌ། ཏ་རུ་ཌ། ད་ཧ་ད་ཧ་ན། ཨེ་ཏ་ད་ཧ། ཛེ་ལེ་ཛེ་ལ། ཕ་ལེ། ཤ་ཏ་ཤ་ཏ། 

98-1-204a

ཀུ་ལེ་ན་ཀུ་ལི། ཨེ་ཀར་ཥི་ཏ་རྃ་ག་པྲིཥྚི། དགེ་སློང་དག་སུ་ཞིག་དུག་དང་། སྨན་ཆེན་པོ་བཅྭ་བརྒྱད་པོ་འདི་དག་གི་མིང་འཛིན་པ་དེའི་ལུས་ལ་རིམས་ཀྱིས་མི་ཚུགས། དུག་དང་། མཚོན་དང་། བྱད་དང་། རོ་ལངས་དང་། 
ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པས་མི་ཚུགས། དེ་ལ་རིང་པོ་དག་འཚེ་བར་མི་འགྱུརོ། །སུ་ཞིག་འདི་དག་འཛིན་པ་དེ་ཇི་སྲིད་འཚོའི་བར་དུ་བསྲུང་བ་བྱས་པར་འགྱུརོ། །
བཅྡོཾས་ཀྱིས་དེ་སྐད་ཅེས་བཀའ་སྩལ་ནས། ཀླུའི་རྒྱལ་པོ་གཟི་ཅན་ཡི་རངས་ཏེ། བཅྡོཾས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པ་ཞེས་བྱ་བའི་གཟུངས། 
རྫོགས་སྷོ།། །། ༄། །རྒྱ་གར་སྐད་དུ།  མ་ཧཱ་ག་ན་པ་ཏི་ཏན་ཏྲ་ནཱ་མ།  བོད་སྐད་དུ།  ཚོགས་ཀྱི་བདག་པོ་ཆེན་པོའི་རྒྱུད་ཅེས་བྱ་བ། འཇིག་རྟེན་དབང་ཕྱུག་ལ་ཕྱག་འཚལོ། །དེ་ནས་དཔལ་ལྡན་ཚོགས་
བདག་ཆེ། །ཕྱག་འཚལ་དཔལྡན་ཚོགས་བདག་དགྱེས། །གཟུགས་བརྙན་མཎ་ཌལ་གྲུ་བཞིར་བཞག །ཟླ་བ་དྲུག་ཏུ་མཆོད་པར་བྱ། །ལྷ་ཡི་འཁོར་ལོས་བསྒྱུར་བ་དང་། །ཚེ་འདི་ཉིད་ལ་བསྐལ་པ་
མཉམ། །བསོད་ནམས་ཆེན་པོ་ཐོབ་པར་འགྱུར། །ལོངས་སྤྱོད་ལྷ་དང་མཉམ་པ་དང་། །ཚེ་ཡང་རིང་བའི་མཆོག་ཏུ་འགྱུར། །མི་ལ་སོགས་པ་དབང་དུ་འགྱུར། །ལྷ་ཡི་བུ་ཡང་བྲན་བཞིན་འགྱུར། །བདག་གི་
བསྒོ་བ་ཉན་པར་འགྱུར། །ཀླུ་ཡང་དེ་ཡི་བསྒོ་བ་ཉན། །བྲན་བཞིན་ལས་རྣམས་བྱེད་པར་འགྱུར། །ལྷ་ཡི་ལོངས་སྤྱོད་མངའ་རིས་ལས། །འདོད་པའི་ལོངས་སྤྱོད་འབྱུང་བར་འགྱུར། །དངོས་གྲུབ་སྒྲུབ་པའི་སྐལ་བ་
ཅན། །གདུལ་བྱའི་དབང་གིས་སྐུ་སྤྲུལ་པ། །ལྷ་ཆེན་ཚོགས་བདག་ཆེན་པོས་བྱ། །དངོས་གྲུབ་དམ་པ་མཆོག་སྒྲུབ་ན། །མཐུ་སྟོབས་ཕུན་སུམ་ཚོགས་ལྡན་ཞིང་། །ལོངས་སྤྱོད་ཡིད་བཞིན་འཕེལ་

98-1-204b

བར་བྱེད། །འཇིག་རྟེན་ཕན་མཛད་ལྷ་ཡི་ལྷ། །གང་གིས་མཆོད་པ་དངོས་གྲུབ་ཡིན། །ལྷ་ཆེན་ཚོགས་ཀྱི་བདག་པོའི་རྒྱུད་ལས་དངོས་གྲུབ་འབྱུང་བ་ཞེས་བྱ་བའི་ལེའུ་སྟེ་དང་པོའོ།། །། དེ་ནས་དབེན་
པའི་གནས་སུ་ནི། །དཀྱིལ་འཁོར་གྲུ་བཞི་དག་བྱ་སྟེ། །བ་ཡི་ལྕི་བས་ལེགས་པར་བྱུག །མཇམ་ཞིང་མཉེན་ལ་དབུས་མཐོ་བའི། །དབུས་སུ་ཚོགས་བདག་སྐུ་གཟུགས་བཞུགས། །མེ་ཏོག་དཀར་པོས་དེ་ལ་གཏོར། །
བདག་ཉིད་གཅེར་བུར་བྱུང་བྱས་ཏེ། །ལོག་འདྲེན་གཟུགས་ཀྱིས་ཡང་དག་མཆོད། །བ་ར་ཏ་ག་ཟླ་བ་དྲུག །ཉིན་རེ་བཞིན་དུ་དུས་གསུམ་དུ། །གསང་སྔགས་བརྒྱ་ནི་རྩ་བརྒྱད་བཟླས། །ཡིད་ལ་རེ་བ་ཐྃད་རྫོགས། །
བསམ་པ་ཐྃད་འགྲུབ་པར་འགྱུར། །ༀ་ནི་བཀྲ་ཤིས་དཔལ་དང་ལྡན། །གསང་སྔགས་མགོ་ལ་བཞག་པར་བྱ། །ཡིད་བཞིན་ནོར་བུ་ལྟ་བུ་ཡི། །དངོས་གྲུབ་སྟེར་བྱེད་ཡི་གེ་ཡང་། །དེ་འོག་གྲལ་ལ་བཞག་པར་བྱ། །
ཉི་མ་ལྟ་བུའི་ཡི་གེ་ཡང་། །དེ་ཡི་རྗེས་ལ་ཀླག་པར་བྱ། །དེ་བཞིན་གཤེགས་པའི་མཚན་དང་པོ། །ཡི་གེ་མཆོག་ནི་བླང་བར་བྱ། །གསལ་བྱེད་ཡི་གེ་དང་པོ་ཡང་། །དེ་ཡི་མཇུག་ཏུ་བརྗོད་པར་བྱ། །རིན་ཆེན་
ཡི་གེ་སྭཱ་ཞེས་བྱ། །ལས་ཀྱི་ཡི་གེ་ཧཱ་ཞེས་བྱ། །དངོས་གྲུབ་འདོད་པས་གསང་སྔགས་བཟླས། །ལྷ་ཆེན་དངོས་གྲུབ་སྒྲུབ་པའི་རྒྱུད་ལས་ལྷའི་དངོས་གྲུབ་ཀྱི་གསང་སྔགས་བསྟན་པའི་ལེའུ་སྟེ་གཉིས་པའོ།། །།
དེ་ནས་ཚོགས་ཀྱི་བདག་པོ་བཤད། །ཚོགས་ཀྱི་བདག་པོ་སྐུ་མདོག་དཀར། །གླང་པོ་ཆེ་ཡི་མགོ་བོ་ཅན། །མཆེ་བ་ཡ་གཅིག་ཆག་པ་དང་། །ཕྱག་གཡས་ལ་ཕུག་བསྣམས་པ། བྱི་ལའི་གདན་ལ་བཅིབས་
པ། རིན་པོ་ཆེས་སྐུ་བརྒྱན་པ། ཟླ་བ་ཚེས་པས་དབུ་བརྒྱན་པ། འོད་གསལ་བ། འོད་ཟེར་འཕྲོ་བ། མདོག་བཟང་བ། ཁ་དོག་བཟང་བ། གསུས་པ་ཆེ་བ། རྒྱན་གྱིས་སྤུད་པའོ། །དངོས་གྲུབ་སྒྲུབ་པའི་རྒྱུད་

98-1-205a

ལས། ཚོགས་ཀྱི་བདག་པོ་བསྟན་པའི་ལེའུ་སྟེ་གསུམ་པའོ།། །། དེ་ནས་སྐར་མ་རྒྱལ་གྱི་ཉིན་པར་མེ་ཏོག་དཀར་པོ་བླངས་ཏེ། ཚོགས་ཀྱི་བདག་པོའི་སྐུ་གཟུགས་བྲིས་ཏེ། ཁ་དོག་དཀར་པོ་གླང་པོ་ཆེའི་དབུ་ཅན། 
ཕྱག་གཡས་ན་ལ་ཕུག་བསྣམས་པ། གཡོན་པ་ན་རིན་པོ་ཆེའི་ནོར་བུ་བསྣམས་པ། གསུས་པ་ཆེ་བ། རྒྱན་ཐྃད་ཀྱིས་རྒྱན་པ། ཟླ་བ་དང་བྱི་ལའི་ཁྲི་ལ་བཞུགས་པ་མཁས་པས་བྱའོ། །དེ་ལ་དཀྱིལ་འཁོར་གྱི་
དབུསུ་བདག་ལ་ཞལ་ཕྱོགས་པར་བཞག་ལ། བདག་ཉིད་ལོག་འདྲེན་གྱི་གཟུགས་ཀྱི་ཡང་དག་པར་མཆོད་དོ། །ཚོགས་ཀྱི་བདག་པོ་ཞལ་གཅིག་ཕྱག་བཞི་པ་སྒྲུབ་པའི་ལེའུ་སྟེ་བཞི་པའོ།། །། དེ་ནས་དབང་ལྡན་གྱི་མཚཾས་
སུ་ཚོགས་ཀྱི་བདག་པོ་དཀར་པོ་གླང་པོ་ཆེའི་མགོ་ཅན། བྱི་ལ་ལ་ཞོན་པ། མིག་གསུམ་པ། ཟླ་བ་ཕྱེད་པ་འཛིན་པ། གཡས་ན་ལ་ཕུག་དང་དགྲ་སྟ་འཛིན་པ། གཡོན་པ་ཏྲི་ཤུྰ་ལ་དང་ཐོད་པ་འཛིན་པའོ། །ལག་པ་གཡོན་
པ་ཁུ་ཚུར་བཅངས་པའི་མཛུབ་མོ་དང་གུང་མོ་བརྐྱང་ལ་མཛུབ་མོ་བཀུག་ལ་གུང་མོའི་ཚིགསུ་བཟུང་བར་བྱ་བ་ནི་ཚོགས་ཀྱི་བདག་པོའི་ཕྱག་རྒྱའོ། །ཚོགས་ཀྱི་བདག་པོའི་ཕྱག་རྒྱ་བསྟན་པའི་ལེའུ་ཏེ་ལྔ་པའོ།། །།
དེ་ནས་གསང་སྔགས་བསྟན་པ་ནི། །ༀ་ནི་དཔལ་ལྡན་མགོ་ལ་བཞག །དེ་ནས་ཡིད་བཞིན་ནོར་བུ་ནི། །རིན་པོ་ཆེའི་ཡི་གེ་བྲི། །སྡེ་ཚན་གསལ་བྱེད་དང་པོ་ཡང་། །དེ་ཡི་རྗེསུ་བྲི་བར་བྱ། །དེ་བཞིན་གཤེགས་
པའི་མཚན་དང་པོ། །དབྱངས་ཡིག་བརྒྱད་པས་མཛེས་པར་བྱ། །གསལ་བྱེད་དང་པོ་ཡི་གེ་ཡང་། །བློ་ཡིས་བླངས་ཏེ་ཡིད་ཀྱིས་བྲི། །སྡེ་མཚན་གསུམ་པས་གསུམ་པ་ལ། །དང་པོའི་བཞི་པ་སྦྱར་བར་བྱ། །
སྡེ་མཚན་བདུན་པས་གསུམ་པ་ལ། །གསུམ་པའི་དང་པོས་འོག་ཏུ་སྦྱར། །ཡིད་བཞིན་ནོར་བུའི་ཡི་གེ་ལ། །བཞི་པའི་ལྔ་པ་ཟླ་ལ་བཞག །དབྱངས་ཡིག་གསུམ་པས་བརྒྱན་པར་བྱ། །

98-1-205b

བཞི་པའི་གསུམ་པས་དེ་ནས་བརྗོད། །དངོས་གྲུབ་བསྒྲུབ་པའི་ཡི་གེ་ནི། །དེ་ཡི་རྗེས་ལ་བྲི་བར་བྱ། །གསང་སྔགས་དྲག་པོའི་ཡི་གེ་ཡང་། །ཀུན་གྱི་མཐར་ནི་བརྗོད་པར་བྱ། །གསང་སྔགས་འདི་ཡི་
དངོས་གྲུབ་ནི། །འཇིག་རྟེན་དབང་ཕྱུག་ཉིད་ཀྱིས་བྱིན། །དགོས་པ་ཐྃད་གྲུབ་པར་འགྱུར། །ཚོགས་བདག་ཆེན་པོའི་གསང་སྔགས་བསྟན་པའི་ལེའུ་སྟེ་དྲུག་པའོ།། །། དེ་ནས་གཞན་ཡང་
གསུངས་པ་ནི། །དངོས་གྲུབ་ཐྃད་སྒྲུབ་པ་ཡི། །མཚན་གྱི་གསང་སྔགས་ཞེས་བྱ་བའི། །དངོས་གྲུབ་བསྒྲུབ་པའི་སྙིང་པོ་ནི། །དཔལ་དང་ཡྃ་གི་ཡི་གེ་སྟེ། །ༀ་ཞེས་བྱ་བ་མགོ་ལ་
བཞག །ཡིད་བཞིན་ནོར་བུའི་ཡི་གེ་ལས། །ཉི་མའི་ཡི་གེ་འོག་དུ་སྤྲས། །དབྱངས་ཡིག་དྲུག་པའི་འོག་དུ་སྦྱར། །ཐིག་ལེ་ནཱ་དས་བརྒྱན་པར་བྱ། །མཚན་གྱི་དང་པོའི་ཡི་གེ་ནི། །དེ་ཡི་རྗེས་ལ་བརྗོད་
པར་བྱ། །བཞི་པའི་ལྔ་པ་དེ་ནས་སྦྱར། །ལྔ་པའི་དང་པོ་བྲི་བར་བྱ། །དེ་བཞིན་གཤེགས་པའི་མཚན་དང་པོ། །འབྱུང་བ་རླུང་གི་ཡི་གེ་ཡང་། །དབྱངས་ཡིག་བརྒྱད་པས་བརྒྱན་པ་ནི། །དེ་ཡི་རྗེས་ལ་བྲི་བར་
བྱ། །ཞི་བའི་ཡིག་འབྲུ་གཉིས་པ་ཡང་། །ཀུན་གྱི་མཐར་ནི་བརྗོད་པར་བྱ། །མཚན་གྱི་གསང་སྔགས་ཞེས་བྱ་བ། །འདོད་པ་ཐམས་ཅད་གྲུབ་བྱེད་ཡིན། །མཚན་གྱི་གསང་སྔགས་བསྟན་པའི་ལེའུ་སྟེ་བདུན་པའོ།། །།
དེ་ནས་གཞན་ཡང་བཤད་པར་བྱ། །སྐར་མ་རྒྱལ་གྱི་ཉིན་པར་ནི། །མེ་ཏོག་དཀར་པོའི་རྩ་བ་བླང་། །ཙན་དན་དཀར་པོ་དག་ལས་ནི། །ཚོགས་ཀྱི་བདག་པོའི་སྐུ་གཟུགས་ནི། །མཐེ་བོང་གི་ནི་ཚད་ཙམ་བྱ། །གསུས་
པ་ཆེ་ལ་ཕྱག་བཞི་པ། །མཁས་པས་བྱས་ཏེ་ལེགས་པར་བྱ། །རིན་པོ་ཆེ་ཡི་སྣོད་དུ་གཞུག །དཀར་ཆེན་མངོན་པར་གསེལ་བའི་ཚེ། །ནང་གི་ཆ་རིས་སྐུ་ཁྲུས་གསོལ། །གསལ་ཞིང་དངས་ལ་ཡིད་དུ་འོང་། །དྲི་དང་ལྡན་

98-1-206a

པའི་བུམ་པ་ཡིས། །མེ་ཏོག་དཀར་པོའི་དྲི་ཡི་ནི། །འདག་ཆལ་ལྡན་པས་ཁྲུས་བྱའོ། །དེ་ནས་དེ་མ་ཐག་ཏུ་ནི། །དཀྱིལ་འཁོར་དབུསུ་སྤྱན་དྲངས་ལ། །མེ་ཏོག་དཀར་པོ་དབུལ་བར་བྱ། །ལ་ཕུག་ལ་
དུར་བཅས་པ་ཡི། །གཏོར་མ་ཆེན་པོའང་དེ་ནས་དབུལ། །སྤོས་དང་དྲི་དང་མར་མེ་དང་། །ལྷ་བཤོས་དག་གིས་མཆོད་པར་བྱ། །གསང་སྔགས་འདི་ལ་ཕུག་དང་། །ལ་དུ་དང་། ཆུ་དང་། དཀར་གསུམ་གཏོར་མས་
ཚོགས་ཀྱི་བདག་པོ་ལ་ཕུལ་ཏེ། སྤོས་དང་མེ་ཏོག་རྣམས་ཀྱང་དབུལ། དེ་ལྟར་བྱས་ན་ཕྱི་བགེགས་བྱེད་པར་མི་ནུསོ། །ཚོགས་ཀྱི་བདག་པོ་མཆོད་པའི་ལེའུ་སྟེ་བརྒྱད་པའོ།། །། དེ་ནས་ལ་ཕུག་ཞེས་
བྱ་བ། །རོ་བརྒྱད་ལྡན་པ་ཡུངས་མ་སྟེ། །ཟས་རྣམས་ཀུན་གྱི་མཆོག་ཀྱང་ཡིན། །རོ་མཆོག་བརྒྱད་དང་ལྡན་པ་ཡིན། །ཁ་དང་སྐྱུར་དང་སྐ་བ་དང་། །མངར་དང་ཚ་དང་ལན་ཚྭའི་རོ། །བཞུན་དང་བྲོ་མཆོག་
ཆེ་བ་ཡིན། །ནད་སྣ་བརྒྱད་ཀྱི་གཉེན་པོ་ཡིན། །མཁྲིས་པ་བད་ཀན་འདུས་པ་དང་། །ཁྲག་དང་ཆུ་སེར་མ་ཞུ་བ། །རླུང་དང་རིམས་ནད་ཀུན་ལ་ཕན། །འདི་འདྲ་བྱུང་བའི་ཁ་ཟས་མེད། །ལྷ་རྣམས་ཀུན་གྱི་མཆུ་
ཡང་འགུལ། །དངོས་གྲུབ་འགྲུབ་པའི་ཞལ་ཟས་ཡིན། །ཚོགས་ཀྱི་བདག་པོ་མཆོད་པར་བྱ། །ལ་དུ་ཞེས་བྱའི་ཞལ་ཟས་ནི། །མངར་གསུམ་འབྲས་བུ་གསུམ་པ་ནི། །དེ་བཞིན་ཞིམ་པའི་སྤོས་ཀྱིས་བྲན། །བག་ཟན་གྱི་ནི་
རི་ལུ་བྱ། །འོ་མ་མར་དུ་བཙོས་བྱས་ལ། །ཚོགས་པའི་གཏོར་མ་ཆེན་པོ་བྱ། །མར་དང་མཁུར་བ་མངར་གསུམ་དང་། །འཐུན་པའི་ཞལ་ཟས་སྣ་ཚོགས་ཀྱིས། །ཚོགས་བདག་ཆེན་པོ་མཆོད་པར་བྱ། །དེ་ལྟར་ཚོགས་ཀྱི་བདག་པོ་
ལའོ། །ཚོགས་ཀྱི་བདག་པོའི་སྐུ་གཟུགས་ལག་པ་གཡས་པའི་མཐིལ་དུ་བཞུགས་ལ། སེཾས་གཞན་དུ་མ་ཡིངས་པར་བཟླས་བརྗོད་འབུམ་བྱས་ལ། ལ་ཕུག་ལ་སྔགས་ཀྱིས་བཏབ་སྟེ་ཚོགས་ཀྱི་བདག་པོ་མཆོད་ན་

98-1-206b

ཚེ་འདི་ཉིད་ལ་འཁོར་ལོ་སྒྱུར་བའི་རྒྱལ་པོ་དང་བསོད་ནམས་མཉམ་པར་འགྱུརོ། །མེ་ཏོག་དཀར་པོས་མཆོད་ན་རྒྱལ་པོ་ལ་སོགས་པས་ཕམ་པར་མི་འགྱུར་རོ། །རྒྱལ་པོ་ལ་སོགས་པ་སྒྲུབ་པར་འགྱུར་རོ། །རྒྱལ་པོ་དང་བློན་པོ་ལ་སོགས་
པ་བདག་གིས་དབང་དུ་འདུས་པར་འགྱུར་རོ། །དངོས་གྲུབ་སྒྲུབ་པའི་ཞལ་ཟས་བསྟན་པའི་ལེའུ་སྟེ་དགུ་པའོ།། །། དེ་ནས་ཆོ་ག་བཤད་པར་བྱ། །དངུལ་ཞེས་བྱ་བའི་རིན་ཆེན་ལ། །ཚོགས་བདག་ཆེན་པོའི་གཟུགས་བྱས་ཏེ། །
ཡིད་བཞིན་ནོར་བུ་ལག་ན་ཐོགས། །དཀྱིལ་འཁོར་ཆེན་པོ་ཁྲུ་གང་ཚད། །རིན་ཆེན་མེ་ཏོག་དཀར་པོ་དགྲམ། །གསང་སྔགས་འབུམ་དུ་བཟླས་བྱས་པས། །ནད་དང་སྡུག་བསྔལ་ཞི་བར་འགྱུར། །ཤེལ་དང་དུང་ལས་ཚོགས་
བདག་སྐུ། །མཁས་པས་ཇི་ལྟར་འབྱོར་བར་བྱ། །སྡུག་བསྔལ་ཐྃད་སེལ་བར་འགྱུར། །རིན་ཆེན་ཤེལ་ལས་ཚོགས་བདག་སྐུ། །མཐེ་འོང་གི་ནི་ཚད་ཙམ་བྱ། །སེ་ན་པྲ་ཞེས་བྱ་བའི་སྔགས། །རིག་པ་འབུམ་
དུ་བཟླས་བྱས་ཏེ། །ཤེལ་གྱི་སྐུ་དེ་ཁྲུས་བྱས་ནས། །སྐར་མ་རྒྱལ་གྱི་ཉིན་པར་ནི། །བདག་ཉིད་ཤར་དུ་ཁ་ལྟས་ནས། །གོས་དཀར་གྱོན་ཏེ་ཁྲུས་བྱས་ལ། །ཐལ་སྦྱར་ཡིད་ཀྱིས་གསོལ་བ་གདབ། །བདག་ལ་
གནོད་པའི་བགེགས་གང་ཡིན། །ཤེལ་གྱི་སྐུ་དེ་མེ་ལོང་སྟེང་། །མི་གཡོ་མི་འགུལ་རབ་ཏུ་བཞུགས། །བདག་ཉིད་ཁྲུས་བྱས་ཤར་དུ་བལྟ། །ཛ་ར་པ་དང་རྐུན་མ་ནི། །གང་ཡིན་མེ་ལོང་ནང་དུ་འབྱུང་། །དེ་ཚེ་དེ་ཡི་ངོས་
ཟིན་འགྱུར། །ཚོགས་བདག་ཤེལ་གྱི་སྐུ་དེ་ནི། །མཆོད་པ་རབ་གསལ་ལེགས་བྱས་ལ། །ན་ག་ཀུ་རུ་ཞེས་བྱ་བའི། །རིག་པ་འབུམ་དུ་བཟླས་བྱས་ན། །ནད་དང་སྡུག་སྔལ་གྱིས་ཉེན་ལ། །སྐུ་དེ་བསྟན་པ་ཙམ་གྱིས་
ནི། །ནད་རྣམས་ཐྃད་སོས་པར་འགྱུར། །སྡུག་བསྔལ་ལས་ཀྱང་ཐར་བར་འགྱུར། །ཞི་བ་ཆེན་པོའི་ཆོ་ག་ཡིན། །རིན་ཆེན་གསེར་ཞེས་བྱ་བ་ལ། །ཚོགས་བདག་ཆེན་པོའི་སྐུ་བྱས་ཏེ། །རྒྱལ་གྱི་ཉིན་པར་མིག་ཕྱེ་ནས། །

98-1-207a

མཆོད་པ་རབ་ཏུ་གནས་པ་བྱ། །བ་ར་ཞེས་བྱའི་གསང་སྔགས་ནི། །འབུམ་ཕྲག་གཅིག་ཏུ་བཟླས་པ་ཡིས། །སྐུ་གཟུགས་བཞུགས་པའི་ཁྱིམ་དེར་ནི། །ནོར་རྣམས་ཐམས་ཅད་འཕེལ་བར་འགྱུར། །གསེར་
གྱི་ཚོགས་བདག་མཐོང་བ་ཡིས། །བགེགས་རྣམས་ཐྃད་ནོར་འབུལ་འགྱུར། །བགེགས་ཀྱིས་གནོད་པ་མི་ནུས་ཏེ། །རྒྱལ་པོ་བཞིན་དུ་མཆོད་པར་འགྱུར། །གསེར་གྱི་ཚོགས་བདག་གནས་པ་ཡི། །ས་ཕྱོགས་རིན་
ཆེན་ཆར་པ་འབེབས། །གསེར་གྱི་ཚོགས་ཀྱི་བདག་པོ་ལ། །བགེགས་ཀྱི་རྒྱལ་པོ་ཐྃད་ཀྱིས། །ནོར་རྣམས་ཐྃད་འབུལ་བ་ཡིན། །བདག་ཉིད་ཕུན་སུམ་ཚོགས་པར་འགྱུར། །ཚོགས་ཀྱི་བདག་པོའི་སྐུ་གཟུགས་
མཆོག །བྱས་པའི་ཡོན་ཏན་རྣམས་ལ་ནི། །གནོད་སྦྱིན་རྣམས་ཀྱིས་གཏེར་ཁ་འབྱེད། །སྐྱེ་བ་འདི་དང་ཕྱི་མ་ལ། །རྟག་ཏུ་ཡོ་བྱད་འཕེལ་བར་འགྱུར། །ནོར་གྱི་བདག་པོ་རྣམ་ཐོས་བུས། །རྒྱལ་པོ་བཞིན་དུ་སྙེན་
བཀུར་བྱེད། །དེ་ནས་དཔལ་ལྡན་ཚོགས་བདག་གིས། །སྐུ་གཟུགས་དཀྱིལ་འཁོར་གྲུ་བཞིར་གཞག །བྷ་ག་ཞེས་བྱའི་གསང་སྔགས་ནི། །བཟླས་པ་འབུམ་དུ་བྱས་པ་ཡིས། །ཚེ་དེ་ཉིད་ལ་དངོས་གྲུབ་ནི། །ཅི་འདོད་པ་
ནི་སྦྱིན་པར་མཛད། །ལྷ་ཡི་རྒྱལ་པོའི་མངའ་ཐང་ནི། །སྒྲུབ་པ་པོ་ལ་སྩོལ་བར་མཛད། །ཤིན་དུ་ཐུགས་རྗེའི་བདག་ཉིད་པས། །དཔལ་ལྡན་ཚོགས་བདག་ཐུགས་རྗེ་ཅན། །ཐུགས་རྗེའི་ཕུང་པོས་དབུལ་བ་སྐྱོབ། །
ནོར་ལྷ་ཆེན་པོའི་བདག་ཉིད་འདི། །དར་རམ་རས་ལ་ལེགས་བྲིས་ཏེ། །རྒྱལ་གྱི་ཉིན་པར་སྤྱན་ཕྱེ་ནས། །གང་གི་ཁྱིམ་དུ་བཞུགས་པ་དེའི། །ས་ཕྱོགས་དེ་ནི་བཀྲ་ཤིས་འགྱུར། །ཟངས་ལ་ཚོགས་བདག་ཆེན་པོའི་སྐུ། །
མཁས་པས་ལེགས་པར་བཟོ་བྱས་ཏེ། །ཙན་དན་དམར་པོས་བྱུགས་པའི་སར། །མཎ་ཌལ་སྟེང་དུ་ལེགས་པར་བཞག །བན་དུ་ཀ་ཡི་མེ་ཏོག་དང་། །པདྨ་རཱ་ག་རིན་ཆེན་དང་། །མེ་ཏོག་དམར་པོ་ཀུན་གྱིས་མཆོད། །བྲུྃ་ཞེས་བྱ་བའི་རིག་སྔགས་བཟླས། །

98-1-207b

རྒྱལ་པོའི་བུ་མོ་དབང་དུ་འགྱུར། །ལྷ་ཡི་བུ་མོ་ཀླུ་མོ་དང་། །མིའཾ་ཅི་ཡི་བུ་མོ་དང་། །བྲྃ་ཟེའི་བུ་མོ་མཚན་ལྡན་མོ། །མཆོག་ཏུ་གཟུགས་བཟང་གུས་པར་འགྱུར། །བྲན་མོ་བཞིན་དུ་བསྒོ་བ་ཉན། །དེ་ལ་སོགས་པ་མཐའ་ཡས་མཆོག །སྐུ་
གཟུགས་དག་ལ་བརྟེན་ཏེ་འགྲུབ། །མཆོད་པ་ཙམ་གྱིས་འབྱུང་བ་ཡིན། །གཞན་ཡང་ཚོགས་བདག་ཆེན་པོའི་སྐུ། །རིན་པོ་ཆེའི་རྒྱུ་ལས་བྱས། །དཀྱིལ་འཁོར་སྟེང་དུ་བཞུགས་བྱས་ཏེ། །རཏྣ་སིད་དྷི་ཞེས་བྱ་བའི། །རིག་པ་འབུམ་དུ་
བཟླས་པར་བྱ། །ས་འོག་གཏེར་རྣམས་སྟོན་པར་འགྱུར། །ཅི་དགའ་བར་ཡང་སྤྱོད་པར་འགྱུར། །ཚོགས་བདག་ཆེན་པོའི་རྒྱུད་ལས་རྒྱལ་པོ་ལ་སོགས་པ་སྒྲུབ་པའི་ལེའུ་སྟེ་བཅུ་པའོ།། །། དེ་ནས་དཔལྡན་ཚོགས་བདག་ཆེ། །དྲག་པོ་
ཆེན་པོ་དྲག་ཤུལ་ཅན། །སངས་རྒྱས་ཐུགས་ལ་བྱོལ་སོང་དབུ། །གླང་ཆེན་གཞོན་ནུས་ཞལ་བརྒྱན་པ། །སྤྱན་གསུམ་མཆེ་བ་བཞི་དང་ལྡན། །ཕྱག་བཞི་ཞབས་བཞི་ཀླུ་ཆེན་ལྡན། །དང་པོ་མཆེ་བ་དཀར་པོ་འཛིན། །དེ་འོག་ཞགས་
པ་གཡོན་པ་ན། །དགྲ་སྟ་ཁ་ཊྭཱྃ་རྩེ་གསུམ་འཛིན། །མཐིང་ག་གསུས་པ་ཆེ་བའོ། །དེ་ལྟ་བུ་ཡི་ཚོགས་བདག་སྐུ། །ཁར་བ་ཁྲོ་ཆུ་དག་ལ་བྱ། །རྒྱལ་གྱི་ཉིན་པར་རབ་ཏུ་གནས། །དེ་ནས་བསྒོམ་ཞིང་བསྒྲུབ་པ་ནི། །དཀྱིལ་འཁོར་བྱ་བའི་ས་
བརྟག་པ། །ལེའུ་ཚེ་དགུ་པའི་དཀྱིལ་འཁོར་བྲི། །སྒོ་དང་སྒོ་ཁྱུད་ལྡན་པར་བྱ། །དབུསུ་པདྨ་འདབ་བརྒྱད་ལ། །ཚོགས་བདག་ཆེན་པོས་བསྒྲུབ་བྱ་མནན། །ཟླ་བའི་གདན་ལ་ཡུམ་དང་ནི། །གཉིསུ་མེད་པ་དགོད་པར་བྱ། །དེའི་མིང་ཨ་ཙི་ཀ་རི་སྟེ། །རྡོ་རྗེ་
ཕག་གདོང་མ་ཞེས་བྱ། །དགྲ་སྟ་བན་ད་ལག་ན་ཐོགས། །ཁྲག་གིས་བཀང་བ་གཙོ་ལ་སྟོབས། །ཤར་གྱི་ལེའུ་ཚེ་སེར་པོ་ལ། ཁམས་གསུམ་གྱི་བདག་པོ་ལ་ཕུག་དང་གྲི་འཛིན་པའོ། །ལྷོ་ཕྱོགས་ཀྱི་ལེའུ་ཚེ་སྔོན་པོ་ལ། །གནོད་སྦྱིན་
ཆེན་པོ་རྡོ་རྗེ་མཆུ། མ་ཧཱ་དེ་བའི་གདོང་ཅན་དབྱུག་ཏོ་དང་ཐོ་བ་འཛིན་པ་ནག་པོའོ། །ནུབ་ཕྱོགས་ཀྱི་ལེའུ་ཚེ་དམར་པོ་ལ་གནོད་སྦྱིན་གྱི་རྒྱལ་པོ་སྤྲིན་གྱི་བདག་ཅེས་བྱ་བ་དམར་པོ་ཆུས་གང་བའི་སྤྲིན་ཕུང་དང་ཞགས་པ་འཛིན་པའོ། །བྱང་ཕྱོགས་

98-1-208a

ཀྱི་ལེའུ་ཚེ་ལྗང་གུ་ལ་གནོད་སྦྱིན་གྱི་བདག་པོ་ནོར་གནས་ཞེས་བྱ་བ་ལྗང་གུ་དབྱུག་ཐོ་དང་རིན་པོ་ཆེའི་ཁ་ཊྭཱྃ་ག་ཐོགས་པའོ། །བྱང་ཤར་གྱི་ལེའུ་ཚེ་དཀར་པོ་ལ་བགེགས་ཀྱི་རྒྱལ་ཕོ་བི་ན་ཡ་ཀ་གླང་པོའི་གདོང་མདུང་རྩེ་གསུམ་
པ་དང་ལ་ཕུག་ཐོགས་པ་ནག་པོའོ། །ཤར་ལྷོའི་ལེའུ་ཚེ་དམར་པོ་ལ་ཡི་དགས་ཀྱི་བདག་པོ་དྲག་པོ་ཞེས་བྱ་བ་དགྲ་སྟ་དང་། ཐོད་པའི་རིལ་པོ་ཐོགས་པ་ནག་པོའོ། །ལྷོ་ནུབ་ཀྱི་ལེའུ་ཚེ་ནག་པོ་ལ་སྤྲིན་གྱི་སྒྲོན་མ་ཞེས་བྱ་བ་སྤྲིན་ཕུང་དང་
གློག་གི་འོད་དུ་བཅས་པ་ལག་གཉིས་ཀྱིས་ཐོགས་པའོ། །བྱང་ནུབ་ཀྱི་ལེའུ་ཚེ་ནག་པོ་ལ་བགེགས་ཀྱི་རྒྱལ་པོ་ལོག་འདྲེན་སྣ་ཡོན་ཞེས་བྱ་བ་གླང་པོ་ཆེའི་སྣ་ཅན་རྩེ་གསུམ་དང་ཐོད་པ་སྐཾ་པོའི་ནང་དུ་ལ་ཕུག་དང་ཤས་བཀང་བ་ཐོགས་པའོ། །
ལྷ་རྣམས་ལ་ཀླུའི་རྒྱལ་པོ་བརྒྱད་བཀའ་ཉན་པ་ནི་ཀླུའི་རྒྱལ་པོ་ཨ་པ་ལ་དང་། བ་རུ་ཎ་དང་། དུང་སྐྱོང་དང་། འཇོག་པོ་དང་། རིགས་ལྡན་དང་། མཐའ་ཡས་དང་། པད་མ་དང་། པད་མ་ཆེན་པོ་རྣམསོ། །ཤར་གྱི་སྒོར་རྒྱལ་པོ་ཆེན་པོ་ཡུལ་འཁོར་
སྲུང་། ལྷོ་སྒོར་འཕགས་སྐྱེས་པོ། །ནུབ་སྒོར་སྤྱན་མི་བཟང་། བྱང་སྒོར་རྣམ་ཐོས་སྲས་རྣམས་སྐུ་མདོག་དཀར་བ་དང་། སྔོ་བ་དང་། དམར་བ་དང་། ལྗང་གུར་ཤེས་པར་བྱའོ། །ལག་ན་ནོར་བུ་རིན་པོ་ཆེ་རེ་རེ་རལ་གྲི་རེ་རེའོ། །འདི་རྣཾས་ཀྱི་ཆུང་
མ་ནི་མི་བྲིའོ། །འདི་ལྟར་བྲིས་པའི་བྱང་ཤར་དུ་བསད་པའི་དཀྱིལ་འཁོར་གྲུ་གསུམ་ལ། དེའི་ནང་དུ་དགྲ་བོའི་གཟུགས་སྤྲ་ཚིལ་ལས་བྱས་པ་རིད་པ། གནག་པ། སྐྲ་ཟེང་བ། ཏིལ་མར་གྱིས་བྱུགས་ཏེ། སྙིང་གར་མིང་རུས་བྲིས་ལ་གཞུགོ། 
དེའི་སྐེར་རོ་སྐྲ་ལས་བྱས་པའི་ཐག་པ་གདགས་སོ། །དེ་ལྟར་བྱས་ནས་གནོད་སྦྱིན་ཆེན་པོ་བརྒྱད་ལ། ལ་དུ་དང་ལ་ཕུག་དང་བཅས་པའི་གཏོར་མ་དང་། གནོད་སྦྱིན་ཆེན་པོ་བརྒྱད་ལ་ཉ་ཤ་དང་སྒོག་བརྩོང་དུ་སྦྱར་བའི་དམར་གྱི་
གཏོར་མ་རེ་རེ་བཤམ། ཀླུ་ཆེན་པོ་བརྒྱད་ལ་གཏོར་མ་ཆེ་བ་གཅིག་དང་། རྒྱལ་པོ་ཆེན་པོ་བཞི་ལ་རེ་རེ་བྱ། གལ་ཏེ་མ་འབྱོར་ན་ཆེ་བ་གཅིག་བྱ། ལྷ་བཤོས་རེ་རེ་དབུལ་བར་བྱའོ། །གཞན་ཡང་དྲག་པོའི་རྫས་སྤྱང་ཀིའི་ཐོད་པ་དང་། ཟི་ར་

98-1-208b

ནག་པོ་དང་། སྐེ་ཚེ་དང་། ཡུངས་ཀར་དང་། ཡུང་ནག་གཞག་པར་བྱའོ། །ཚོགས་བདག་ཆེན་པོའི་དཀྱིལ་འཁོར་གྱི་ལེའུ་སྟེ་བཅུ་གཅིག་པའོ།། །། དེ་ནས་གཞན་ཡང་བཤད་པར་བྱ། །བསྒོམ་པའི་རིམ་པ་འདི་ལྟ་བུ། །མ་བྱུང་
འབྱུང་བར་མི་འགྱུར་བས། །ཤིན་དུ་གསང་སྟེ་བསྒྲུབ་པར་བྱ། །ཡ་ཡི་རང་བཞིན་སྟོང་པ་ལས། །སྣང་བ་རང་བཞིན་ཧཱུྃ་དང་ནི། །ཡ་ཚོགས་བརྒྱད་པའི་ས་བོན་འབྱུང་། །མིང་གི་སྔགས་ལས་རབ་ཏུ་བསྐྱེད། །ཁྲོ་བོའི་སྤྲུལ་པས་སྟོང་
གསུམ་བཀང་། །འོད་བསྡུས་ཐོག་མའི་ཧཱུྃ་ལ་འདུས། །ཚོགས་ཀྱི་བདག་པོ་ཆེན་པོ་དེ། །འགྲོ་བའི་དོན་དུ་བཞེངས་པ་ནི། །ཁྲོ་བོ་ཆེན་པོ་འཇིགས་པའི་གཟུགས། །ཡུམ་དང་འཁོར་ཡང་རྫོགས་པར་བསྐྱེད། །ཕུ་བརྒྱད་ཀླུ་བརྒྱད་
སེམས་དཔའི་ཚུལ། །རྒྱལ་པོ་དེ་བཞིན་ཁྲོ་བོའི་ཚུལ། །ཡི་གེ་བྷཻ་དང་མིང་ལས་བསྐྱེད། །འོད་ཟེར་ཚུལ་དུ་གྱིས་སྤྱན་དྲངས་ལ། །ཛ་དང་ཛ་ཡི་འཕྲོ་འདུ་དང་། །ཧཱུྃ་དང་ཧཱུྃ་གི་གསང་སྔགས་དང་། །ལྕགས་ཀྱུའི་ཕྱག་རྒྱས་སྤྱན་དྲངས་
ལ། །ནུས་པའི་མཐུ་དང་ལྡན་པར་བྱ། །མཆོད་དང་གཏོར་མ་སྟབ་པར་བྱ། །བཱ་ལིང་གྲྀཧྞ་ཁ་ཡི་སྔགས། །སྙིང་པོ་དག་དང་སྤེལ་བར་བྱ། །བསྒོམ་པའི་རིམ་པའི་ལེའུ་སྟེ། བཅུ་གཉིས་པའོ།། །། དེ་ནས་གསང་
སྔགས་རྒྱལ་པོ་ནི། །དབྱངས་ཡིག་གསལ་བྱེད་དག་ལ་བཏུ། །དང་པོ་བཞི་པ་དེ་རྗེས་བྲི། །བཞི་པའི་ལྔ་པ་གྲལ་ལ་བཞག །ཡིད་བཞིན་ནོར་བུ་ཡི་གེ་དང་། །དེ་ཡི་རྗེས་སུ་བསམ་པར་བྱ། །དེ་བཞིན་གཤེགས་པའི་
མཚན་དང་པོ། །དེ་ཡི་རྗེསུ་བརྗོད་པར་བྱ། །དེ་ལ་དབྱངས་ཡིག་བརྒྱད་པས་བརྒྱན། །དགུག་པའི་ཡི་གེ་དག་དང་ནི། །འབྱུང་བ་རླུང་གི་ཡི་གེ་ལ། །དབྱངས་ཡིག་གཉིས་པ་སྦྱར་བ་ཡིས། །རྒྱལ་བའི་རྒྱལ་
པོ་ཞེས་བྱའོ། །ཡིད་བཞིན་ནོར་བུའི་ཡི་གེ་ལ། །དབྱངས་ཡིག་གཉིས་པ་སྦྱར་བར་བྱ། །ཉི་མ་ཡི་ནི་ཡི་གེ་དང་། །བཞི་པའི་ལྔ་པ་དེ་ནས་བྲི། །དེ་ལ་དབྱངས་ཡིག་བརྒྱད་པས་བརྒྱན། །གཉིས་པའི་བཞི་པའི་

98-1-209a

ཡི་གེ་ལ། །དབྱངས་ཡིག་བཞི་པས་བརྒྱན་པར་བྱ། །ལྔ་པའི་བཞི་པའི་ཡི་གེ་ལ། །གསུམ་པའི་ལྔ་པ་སྦྱར་བར་བྱ། །བཞི་པའི་དང་པོའི་ཡི་གེ་ལས། །དབྱངས་ཡིག་བཞི་པས་བརྒྱན་པར་བྱ། །འབྱུང་བ་རླུང་གི་
ཡི་གེ་ལ། །དེའི་འོག་དུ་སྦྱར་བར་བྱ། །རིན་པོ་ཆེ་ཡི་ཡི་གེ་དང་། །ལས་ཀྱི་ཡི་གེ་མཐའ་མར་བརྗོད། །ཚོགས་བདག་ཆེན་པོའི་རྩ་བའི་སྔགས། །འདོད་པ་ཐམས་ཅད་སྒྲུབ་བྱེད་ཡིན། །གནོད་སྦྱིན་བརྒྱད་ཀྱིས་
གསང་སྔགས་ནི། །ཡ་ཞེས་བྱ་བ་ལ་སོགས་པ། །ཡ་ཡ་ཞེས་བྱ་ལ་སོགས་དང་། །བྃ་ཞེས་བྱ་བ་ལ་སོགས་དང་། །བི་ན་ཡ་ཀ་ཞེས་བྱ་བ་ལ་སོགས་པ་དང་། །བྷཻ་ར་ཞེས་བྱ་བ་ལ་སོགས་པ་དང་། ཧཱུྃ་ཞེས་བྱ་བ་
དང་ཏྲི་ཞེས་བྱ་བ་སྟེ་བརྒྱད་ལ་ཧཱུྃ་དང་ཕཊ་ཀྱིས་མཐའ་བརྟེན་པས་སྲོག་གི་སྙིང་པོའོ། །ཀླུ་ཡི་སྔགས་ནི་མིང་ལས་བསྐྱེད། །ཨོཾ་དང་ཧཱུྃ་ཕཊ་ལྡན་པར་བྱ། །རྒྱལ་པོ་ཆེན་པོའི་གསང་སྔགས་ནི། །བྷཻ་ཞེས་བྱ་བ་དང་། བྷི་ཞེས་བྱ་བ་དང་། 
བྷ་ཞེས་བྱ་བའི་སྔགས་སུ་འགྱུརོ། །གནོད་སྦྱིན་ཆེན་པོ་རྣམས་ཀྱི་གསང་སྔགས་འབྱུང་བའི་ལེའུ་སྟེ་བཅུ་གསུམ་པའོ།། །། བསྒྲུབ་པ་བྱ་དགུག་པའི་སྔགས་ནི་ཡ་དང་ཀྵ་དང་ཀ་དང་ལ། །མ་དང་ཧཱ་དང་བྷཻ་ར་བྷེ། །ཏྲི་དང་རཱ་
དང་ཙ་དག་གིས། །ཤ་ཏྲཱུྃ་ནྲྀ་ཛ་ནི་ཛ་ཞེས། །ལན་གྲངས་མང་དུ་བཟླས་པར་བྱའོ། །གནོད་སྦྱིན་བརྒྱད་ཀྱི་གསང་སྔགས་ཀྱིས། །དགྲ་བོའི་བླ་རྡོ་བླང་བར་བྱ། །དེ་ནས་བླ་རྡོ་གནས་པར་བྱ། །སྦད་པའི་གསང་སྔགས་རྒྱལ་པོ་ནི། །
ཡ་དང་ཀྵ་དང་ཀ་དང་ལ། །མ་དང་ཧཱ་དང་བྷེ་ར་བྷེ། །དེ་བ་ཡཀྵ་ཡ་མ་དང་། །ནཱ་ག་ནཱ་ག་ཐུམ་རིལ་ཡ། །ཆེ་གེ་མོ་དགྲ་བོ་ཐུམ་རིལ་ཡ། །ཡ་ཡ་ཞེས་ཀྱང་བསྐུལ་བར་བྱ། །དེ་ནས་བསད་པའི་གསང་སྔགས་ནི། །མ་དང་ཧཱ་དང་བྷེ་ར་བྷེ། །
ཡཀྵ་ལ་སོགས་གོང་དང་འཐུན། །དེ་རྗེས་འདི་སྐད་བརྗོད་པར་བྱ། །ན་ཤ་ཡ་ན་ལན་གཉིས་སོ། །ཤ་ཡ་ཙུར་ན་ཙུར་ན་ཏྲ་ལ་ཡ། །ནཱ་ག་ཡ་ཀ་ཏྲ་མ་ར་ཡ། །ཧ་ན་ཙཀྲ་རིམ་པ་གཉིས། །བི་ན་ཡ་ག་ཛི་བྷིན་དྷ། །ཏན་ཏ་ཀ་ར་དེ་ནས་བརྗོད། །

98-1-209b

ཆེ་གེ་མོ་མཱ་ར་ཡ་ཞེས་པ། །ཧཱུྃ་ཧཱུྃ་ཕཊ་ཕཊ། དྲག་པོས་བསད་པ་སྔགས་ཀྱི་ལེའུ་སྟེ་བཅུ་བཞི་པའོ།། །། དེ་ནས་ཡང་ནི་དྲག་པོའི་སྔགས། །ༀ་བྷི་གྷཱ་བྷི་བ་བྷྱི་སརྦ་བིདྱ་བི་ཤ་ཡ་ཧྲི་ད་མི་ཏ་ཡ། ཧཱུྃ་ཙི་ཏུ་བ་ཏུ། ཏྲཾ་པྲ་མ་རུ་ཏ་
ཡ། ཧ་ན་ཧ་ན། གྲྀཧྞ་གྲྀཧྞ། པ་ཙ་པ་ཙ། བྷྲཧྨ་བྷྲཧྨ། བྷྲཧྨ་ཡ་བྷྲཧྨ་ཡ། ཧཱུྃ་ཧཱུྃ་ཕཊ་ཕཊ། འཁར་བ་འམ་ཡང་ན་ཟངས་དག་ལ། །ལོག་འདྲེན་ཆེན་པོའི་གཟུགས་བྱས་ལ། །དེ་ལ་རབ་གནས་མཆོད་པ་བྱ། །དགྲ་བོའི་གཟུགས་
བརྙན་འོག་ཏུ་གཞུག །ཚོགས་ཀྱི་བདག་པོའི་སྟན་དུ་བྱ། །དགྲ་དེ་འཆི་བར་ཐེ་ཚོམ་མེད། །ཡང་ནི་སྦྱོར་བའི་ལས་རྣམས་ནི། །དགོས་པ་ཆེན་པོ་འདི་གསུངས་སོ། །ཚོགས་ཀྱི་བདག་པོའི་སྐུ་ཙན་དན་ནམ་རིན་
པོ་ཆེ་ལ་བྱས་ཏེ། རབ་གནས་བྱས་ལ་མཆོད་པ་ཕུལ་ཏེ། །སེར་བ་གཅོད་པར་འདོད་ན་སེར་བའི་བདག་པོ་རླུང་ལྷ་དང་ཆུ་ལྷའི་གཟུགས་བྱས་ཏེ། སྤྲིན་གྱི་གཟུགས་དང་། འབྲུགི་གཟུགས་བྱས་ལ་ཚོགས་
ཀྱི་བདག་པོའི་གདན་དུ་མནན་པར་བྱའོ། །བདག་ཉིད་ཀྱིས་ཀྱང་མནན་པར་བསམས་ཏེ། ཧི་ཀ་ཙན་ཏྲ་ཞེས་བྱ་བ་ལ་སོགས་པའི་སྔགས་བཟླས་ན་སེར་བ་ཆོད་པར་འགྱུར་རོ། །ཡུངས་ཀར་ཡང་ཕྱོགསུ་
གཏོར་བར་བྱའོ། །སེར་བ་འབེབས་པར་འདོད་ན། ཆུ་དང་སྤྲིན་གྱི་མཎ་ཌལ་མངོན་པར་བྲིས་ཏེ། ཚོགས་བདག་ཆེན་པོ་འབྲུག་ལ་ཞོན་པར་བསྒོམས་ཏེ། བདག་གི་བཀའ་ཉན་པར་བསམ། གསང་བའི་རྫསུ་
བྱ་བ་ལ། ལྕགས་ཕྱེ་གསེར་ཕྱེ་ཟངས་ཕྱེ་རྣམས། གནམ་ཆུ་འབྲས་ཀྱི་ཕྱེ་སྦྲུས་ཏེ། སེར་བ་ཅི་ཙམ་འདོད་པའི་དབྱིབས་ཆེ་ཆུང་བྱས་ལ་ཁྲག་གིས་བྱུགས་ལ་བདུན་དང་བདུན་ཕྲག་མང་དུ་བྱས་ཏེ། 
ཀ་ཀ་ཀི་ཀུའི་ཐོད་པའི་ནང་དུ་བླུགས་ཏེ། སྤྲིན་གྱིས་དགབ་པར་བྱའོ། །ཀ་ཀའི་ཐོད་པ་ལ་སྔགས་བྲི་བར་བྱའོ། །རིམ་པ་གསུམ་མོ། །རྟེན་གྱི་རྫས་ཀྱང་གཞག་པར་བྱའོ། །བྲུྃ་བྲུྃ་བྷ་རི་ཤ་ཡ་ཞེས་བྱ་བ་

98-1-210a

ལ་སོགས་པའི་སྔགས་འབུམ་ཕྲགཅིག་བཟླས་པ་དང་། ཀ་ཀའི་ཐོད་པའི་ནང་དུ་སེར་བ་དངོས་སུ་གསུམ་འམ་བདུན་ནམ་བརྒྱད་བྱུང་བ་དང་། དགྲའི་ཡུལ་དུ་བསྐྱལ་ཏེ་སྔགས་བཟློག་ནས་བཟླས་
པས་འབབ་བོ། །གལ་ཏེ་མ་བབས་ན་ཚོགས་ཀྱི་བདག་པོའི་སྐུ་དབུ་ཐུར་ལ་སྟན། ཞབས་གྱེན་ལ་བསྟན་པ་དགྲ་བོའི་ཡུལ་གྱི་དབུས་སུ་སྦའོ། །མོད་ལ་སེར་བ་འབབ་ཏེ། བྱ་ཀ་ལན་ད་ཀའི་སྒོ་ང་ཙམ་དང་། དབྱིབས་
དམར་པོ་ཤ་བའི་རླིག་འབྲས་ཙམ་པ་ཡུན་རིང་པོར་འབབ་པོ། །ལོ་ཏོག་འཇོམས་པའི་སྔགས་ནི་བྲུྃ་ཞེས་པས་བྱའོ། །དེ་གཅོད་པར་འདོད་ན་ནི་སྐུ་དང་ཀ་ཀི་མ་ཕྱུང་བར་ལ་ཉི་མ་རེ་རེར་འབབ་པས་དབྱུང་བར་བྱའོ། །
ཚོགས་ཀྱི་བདག་པོའི་སྐུ་ལ་མཆོད་པ་འབུལ་བར་བྱའོ། །གསང་སྔགས་ཀྱང་དབུ་ཞབས་མ་ནོར་བར་རིན་པོ་ཆེའི་ཕྲེང་བ་བརྒྱ་རྩ་བརྒྱད་བཟླས་པར་བྱའོ། །སྐུ་ཁྲུས་གསོལ་བ་བདག་གི་དཀྱིལ་འཁོར་གྱི་དབུསུ་
བཞུགས་སུ་གསོལོ། །དེ་ལ་སོགས་པ་མཐའ་ཡས་མཆོག །ཚོགས་ཀྱི་བདག་པོས་བྱེད་པ་ཡིན། །ཕྱག་འཚལ་དཔལ་ལྡན་ཚོགས་བདག་དགྱེས། །ཕྱག་འཚལ་དཔལ་ལྡན་ཚོགས་བདག་ཆེ། །
ཕྱག་འཚལ་དཔལ་ལྡན་ཞི་ཁྲོ་ཆེ། །དངོས་གྲུབ་འབྱུང་བའི་རྒྱུད་ལས་ཚོགས་ཀྱི་བདག་པོ་ལ་བསྟོད་པའི་ལེའུ་སྟེ་བཅྭ་ལྔ་པའོ།། །།ཚོགས་ཀྱི་བདག་པོའི་རྒྱུད་དངོས་གྲུབ་འབྱུང་བ་ཞེས་བྱ་བ། རྫོགས་སྷོ།། །།
རྒྱ་གར་གྱི་མཁན་པོ་དཱི་པྃ་ཀ་ར་ཤྲཱི་ཛྙཱ་ནས། འཇིག་རྟེན་དངོས་གྲུབ་ཆེད་དུ་ནི། །རྒྱ་གར་ཡུལ་ནས་བསྣམས་ནས་བྱོན། །རྒྱལ་བའི་འབྱུང་གནས་གཏད་པ་ཡིན། །རྒྱུད་འདི་བསམ་པ་འགྲུབ་པ་ཡིན།། །།
༄༅༅། །རྒྱ་གར་སྐད་དུ།  ཨཱརྱ་ག་ཎ་པ་ཏི་ཧྲྀ་ད་ཡ།  བོད་སྐད་དུ།  འཕགས་པ་ཚོགས་ཀྱི་བདག་པོའི་སྙིང་པོའོ། ། སངས་རྒྱས་དང་བྱང་ཆུབ་སེམས་དཔའ་ཐྃད་ལ་ཕྱག་འཚལོ། །འདི་སྐད་

98-1-210b

བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་
ཤ་སྟག་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གང་ལ་ལ་ཚོགས་ཀྱི་བདག་པོ་ཚོགས་ཀྱི་དབང་ཕྱུག་གི་སྙིང་པོ་འཛིན་ན་དེའི་
ལས་ཐྃད་གྲུབ་པར་འགྱུར་རོ། །དེ་བཟུང་བས་དགོས་པ་འགྲུབ་ཅིང་གསང་སྔགས་ཐྃད་ཀྱང་དངོས་གྲུབ་དུ་འགྱུརོ། །ཏད་ཡ་ཐཱ། ན་མོ་སྟུ་ཏེ་མ་ཧཱ་ག་ཎ་པ་ཏེ་ཡེ་སྭཱ་ཧཱ། ཨོཾ་ཀ་ཊ་ཀ་ཊ། མ་ཊ་མ་ཊ། ད་ར་ད་ར། 
བི་ད་ར་བི་ད་ར། ཧ་ན་ཧ་ན། གྲྀཧྞ་གྲྀཧྞ། དྷཱ་བ་དྷཱ་བ། བྷཾ་ཛ་བྷཾ་ཛ། སྟཾ་བྷ་སྟཾ་བྷ། ཛཾ་བྷ་ཛཾ་བྷ། མོ་ཧ་མོ་ཧ། དེ་ཧི་དེ་ཧི། དཱ་པ་ཡ་དཱ་པ་ཡ། དྷཱ་ན་དྷཱ་ནྱ་སིད་དྷི་མེ་པྲ་ཡཙྪ་ས་མ་ཡ་མ་ནུ་སྨ་ར་མ་ཧཱ་རུ་ཏྲ་བ་
ཙ་ནཱི་ཡེ་སྭཱ་ཧཱ། ཨོཾ་ཀུ་རུ་ཀུ་རུ་སྭཱ་ཧཱ། ཨོཾ་ཏུ་རུ་ཏུ་རུ་སྭཱ་ཧཱ། ཨོཾ་མུ་རུ་མུ་རུ་སྭཱ་ཧཱ། ཨོཾ་པཱ་པ་ཤཾ་ཏི་བ་སུ་པུཥྚིཾ་ཀུ་རུ་སྭཱ་ཧཱ། ཨད་གུ་ཏ་བིན་ཏུ་ཀྵྱ་བྷི་ཏ་ཙིཏ་མ་ཧཱ་བི་དཱ་རཿས་མ་གཙྪ་ཏི་མ་ཧཱ་བ་ཡ། མ་ཧཱ་བ་ལ། 
མ་ཧཱ་བ་ར་ཀྲ། མ་ཧཱ་ཧསྟི། མ་ཧཱ་དཀྵི་ཎི་ཡ་པྲ་ཙི་ད་ཡ་མི་སྭཱ་ཧཱ། ཨོཾ་ཀུ་རུ་ཀུ་རུ། ཙུ་རུ་ཙུ་རུ། མུ་རུ་མུ་རུ། ཨོཾ་གཿགཿགཿགཿགཿགཿགཿགཿ ཨོཾ་ན་མོ་ན་མ་སྭཱ་ཧཱ། ཀུན་དགའ་བོ་རིགས་ཀྱི་བུའཾ། 
རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་ཚོགས་ཀྱི་བདག་པོ་ཚོགས་ཀྱི་དབང་ཕྱུག་གི་སྙིང་པོ་འདི་རྩོམ་ཞིང་གསང་སྔགས་
སྒྲུབ་པ། དཀོན་མཆོག་གསུམ་མཆོད་དུ་ཡུལ་གཞན་དུ་འགྲོ་འམ། རྒྱལ་པོའི་ཕོ་བྲང་འཁོར་དུ་འཇུག་ན་སངས་རྒྱས་བཅྡོཾས་རྣམས་ལ་མེ་ཏོག་དང་གདུག་པས་མཆོད་པ་བྱས་ཏེ། ཚོགས་ཀྱི་བདག་

98-1-211a

པོའི་སྙིང་པོ་འདི་བཀླགས་ན་ལས་ཐྃད་འགྲུབ་ཀྱིས་འདི་ལ་ཐེ་ཚོམ་མ་ཟ་ཤིག །འཐབ་པ་དང་། རྩོད་པ་དང་། ཁྲག་ཁྲུག་དང་། ཡུལ་འཁྲུགས་པ་ཐམས་ཅད་ཀྱི་ནང་དུ་ཡང་དྲན་པར་བྱས་ན་ཐྃད་རབ་
ཏུ་ཞི་བར་འགྱུར་རོ། །ཉིན་གཅིག་བཞིན་དུ་ནང་པར་ལངས་ནས་ཚིག་ཏུ་བཏོན་ན་ཐོས་པ་འཛིན་པར་འགྱུརོ། །གནོད་སྦྱིན་དང་། སྲིན་པོ་དང་། མཁའགྲོ་མ་ཐྃད་ཀྱིས་མདངས་འཕྲོག་པར་
མི་འགྱུར་ཞིང་ཐག་རིང་པོར་ཡོངསུ་སྤོང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། 
དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་ཚོགས་ཀྱི་བདག་པོའི་སྙིང་པོ། རྫོགས་སྷོ།།༓།། 
༄༅།  །རྒྱ་གར་སྐད་དུ།  ཨཱརྱ་གྲ་ཧཱ་མཱ་ཏྲཱི་ཀ་ནཱ་མ་དྷཱ་ར་ཎཱི།  བོད་སྐད་དུ།  འཕགས་མ་གཟའ་རྣམས་ཀྱི་ཡུམ་ཞེས་བྱ་བའི་གཟུངས། འཕགས་མ་བཅོམ་ལྡན་འདས་མ་གཟའ་རྣམས་ཀྱི་ཡུམ་ལ་ཕྱག་འཚལ་
ལོ། །འདི་སྐད་བདགིས་ཐོས་པ་དུས་གཅིག་ན། བཅྡོཾས་འབྲོག་གནས་ཀྱི་གྲོང་ཁྱེར་ཆེན་པོ་ན། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམཁའ་ལྡིང་
དང་། མི་འམ་ཅི་དང་། ལྟོ་འཕྱེ་ཆེན་པོ་དང་། བདུད་དང་། གཤིན་རྗེ་དང་། ཉི་མ་དང་། ཟླ་བ་དང་། མིག་དམར་དང་། གཟའ་ལྷག་དང་། ཕུར་བུ་དང་། པ་བ་སངས་དང་། སྤེན་པ་དང་། སྒྲ་ཅན་
དང་། མཇུག་རིངས་དང་། རྒྱུ་སྐར་ཉི་ཤུ་རྩ་བརྒྱད་ལ་སོགས་པ་དུ་མས་བསྟོད་ཅིང་། རྡོ་རྗེ་ཆེན་པོ་དམ་ཚིག་གི་རྒྱན་གྱིས་བྱིན་གྱིས་བརླབས་པའི་སེང་གེའི་ཁྲི་ལ་བཞུགས་ཏེ་བྱང་ཆུབ་སེམས་དཔའ་དུ་མ་དང་

98-1-211b

ཐབས་གཅིག་པ་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་གཏུམ་པོ་དང་། བྱང་ཆུབ་སེམས་དཔའ་སེམས་
དཔའ་ཆེན་པོ་རྡོ་རྗེ་སྡེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་གཞུ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་བདག་པོ་དང་། བྱང་ཆུབ་སེམས་དཔའ་སེམས་
དཔའ་ཆེན་པོ་རྡོ་རྗེ་རྒྱན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་འོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དང་། བྱང་ཆུབ་སེམས་
དཔའ་སེམས་དཔའ་ཆེན་པོ་ཀུན་དུ་གཟིགས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་དཔལ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་ཏོག་དང་། བྱང་ཆུབ་
སེམས་དཔའ་སེམས་དཔའ་ཆེན་པོ་ཞལ་རས་རྒྱས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་སྤྱན་དང་། བྱང་ཆུབ་
སེམས་དཔའ་སེམས་དཔའ་ཆེན་པོ་འཇམ་དཔལ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པའི་བྱང་ཆུབ་སེམས་དཔའི་དགེ་འདུན་བརྒྱ་ཕྲག་དུ་མ་རྣམས་ཀྱིས་ཡོངསུ་བསྐོར་
ཞིང་མདུན་དུ་བདར་ལ་ཆོས་སྟོན་ཏེ། བཀོད་པ་ཆེན་པོའི་རྒྱན་ཡིད་བཞིན་གྱི་ནོར་བུ་ཞེས་བྱ་བ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངསུ་
དག་པ། ཡོངསུ་བྱང་བའི་ཆོས་སྟོན་པར་མཛད་དོ། །དེ་ནས་སངས་རྒྱས་ཀྱི་བྱིན་གྱིས་བརླབས་ཀྱིས་ལག་ན་རྡོ་རྗེས་འཁོར་དེ་རྣམས་ལ་བལྟས་ནས་ལངས་ཏེ། བདགི་རྫུ་འཕྲུལ་གྱི་བྱིན་གྱིས་བརླབས་ཀྱིས་བཅྡོཾས་ལ་ལན་

98-1-212a

སྟོང་ཕྲག་དུ་མ་བསྐོར་བ་བྱས་ཏེ། ཕྱག་འཚལ་ནས་སྤྱན་སྔར་འདུག་སྟེ། སྙེམས་པ་དང་བཅས་པས་སྐྱིལ་མོ་དཀྲུང་ལེགས་པར་བཅས་པས་འཁོར་དེ་རྣམས་ལ་བལྟས་ཏེ། རྡོ་རྗེ་ཐལ་མོ་རང་གི་སྙིང་གར་སྦྱར་ནས་
བཅྡོཾས་ལ་འདི་སྐད་ཅེས་གསོལ་ཏོ། །བཅྡོཾས་གཟའ་རྣམས་ནི་གཏུམ་ཞིང་གཏུམ་པའི་གཟུགས་ཅན། དྲག་ཅིང་དྲག་པའི་གཟུགས་ཅན། ཁྲོ་ཞིང་ཁྲོ་བའི་སེམས་ཀྱི་སེམས་ཅན་རྣམས་ལ་རྣམ་པར་འཚེ་ཞིང་གནོད་པར་
བགྱིད་ལ་མདངས་འཕྲོག་པར་བགྱིད་དེ། ཁ་ཅིག་ནི་ནོར་རྫས་འཕྲོག་པར་བགྱིད། ཁ་ཅིག་ནི་སྲོག་འཕྲོག་པར་བགྱིད། སེམས་ཅན་ཚེ་རིང་པོ་ཁ་ཅིག་ནི་ཚེ་ཐུང་བར་བགྱིད། དེ་ལྟར་སེམས་ཅན་རྣམས་ལ་གནོད་པས་
འཚེ་བར་བགྱིད་པས་ན། དེའི་ཕྱིར་བཅྡོཾས་ཀྱིས་ཆོས་ཀྱི་རྣམ་གྲངས་གང་གིས་སེམས་ཅན་རྣམས་ལ་བསྲུང་བར་འགྱུར་བ་བཤད་དུ་གསོལ། བཅྡོྃས་ཀྱིས་བཀའ་སྩལ་པ། ལག་ན་རྡོ་རྗེ་གང་ཁྱོད་
ཀྱིས་སེམས་ཅན་རྣམས་ལ་ཕན་པར་བྱ་བའི་དོན་དུ་སྙིང་རྗེ་བསྐྱེད་ནས། གསང་བ་ཆེན་པོ་ཤིན་དུ་གསང་བ་དེ་བཞིན་གཤེགས་པ་ལ་ཞུ་བར་བྱེད་པ་ལེགསོ་ལེགས་སོ། །དེ་དག་ངས་བཤད་ཀྱིས་ཉོན་ལ་ལེགས་
པར་རབ་ཏུ་ཟུངས་ལ་ཡིད་ལ་གྱིས་ཤིག །གཟའ་རྣམས་གཏུམ་པའི་གཟུགས་ལ་ཤིན་དུ་ཁྲོ་ཞིང་འཇིགས་པ་རྣམས་ལ་མཆོད་པ་བཟང་པོ་མཆོད་ཡོན་དང་བཟླས་བརྗོད་བཟང་པོ་གསང་བ་ལས་ཆེས་གསང་བ་
ངས་བཤད་པར་བྱའོ། །དེ་དག་མཆོད་པས་མཆོད་འགྱུར་ཞིང་། །གནོད་པ་བྱས་ན་གནོད་བྱེད་པ། །གཟའ་དེ་ཀུན་གྱི་ཁ་དོག་དང་། །ཇི་ལྟར་དགའ་བར་འགྱུར་བ་དང་། །ལྷ་རྣམས་དང་ནི་ལྷ་མིན་དང་། །མི་འམ་ཅི་
དང་ཀླུ་དག་དང་། །གནོད་སྦྱིན་རྣམས་དང་སྲིན་པོ་དང་། །སྲུལ་པོ་དང་ནི་མི་རྣམས་དང་། །དྲག་པོ་གཟི་བརྗིད་ཆེན་པོ་དག །ཁྲོས་པ་ཞི་བར་བྱེད་པ་ཡི། །གསང་སྔགས་རྣམས་དང་མཆོད་པ་དག །རིམ་པ་བཞིན་དུ་བཤད་པར་བྱ། །

98-1-212b

དེ་ནས་བཅོམ་ལྡན་འདས་ཤཱཀྱ་ཐུབ་པ་ཉིད་ཀྱི་ཐུགས་ཀ་ནས་སྙིང་རྗེ་རྣམ་པར་རོལ་པ་ཞེས་བྱ་བའི་འོད་ཟེར་འབར་བ་ཕྱུང་ནས། གཟའ་རྣམས་ཀྱི་སྤྱི་བོར་ཞུགས་པར་གྱུར་ཏོ། །དེ་ནས་དེ་ཉིད་ཀྱི་སྐད་ཅིག་
ཉིད་ལ་ཉི་མ་ལ་སོགས་པའི་གཟའ་རྣམས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅྡོྃས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བདག་ཅག་
རྣམས་ལ་སྨན་ཡོན་བཏགས་པར་གྱུར་ཏེ། བཅོམ་ལྡན་འདས་ཀྱིས་ཆོས་ཀྱིས་རྣམས་གྲངས་བསྟན་དུ་གསོལ། བཅྡོྃས་གང་གིས་བདག་ཅག་རྣམས་འཚོགས་ནས་ཡོ་བྱད་དུ་གྱུར་པར་བྱེད་པའི་ཆོས་
སྨྲ་བ་རྣམས་ལ་བསྲུང་བ་དང་། ཡོངསུ་བསྐྱབ་པ་དང་། ཞི་བ་དང་། བདེ་ལེགས་སུ་འགྱུར་བ་དང་རིམ་གྲོ་དང་ཆད་པ་བཟློག་པ་དང་། མཚོན་ཆ་སྤང་བ་དང་། དུག་གཞིལ་བ་དང་། དུག་བསད་པ་དང་། 
མཚམས་བཅད་པ་དང་། ས་བཅིང་བར་འགྱུར་བ་རྣམས་བཤད་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་
ཐུབ་པས་གཟའ་རྣམས་ཀྱི་མཆོད་པ་དང་གསང་སྔགས་བཀའ་སྩལ་པ། ཇི་ལྟ་བའི་རིམ་པའི་ཁ་དོག་གི་དབྱེ་བས་ཕྱོགས་རྣམསུ་དྲིའི་དཀྱིལ་འཁོར་བྱས་ལ་པད་མ་སོར་བཅུ་གཉིས་ཀྱི་ཚད་དུ་བྱས་
པའི་འདབ་མ་བྲིས་ཏེ། ལྟེ་བ་ཡང་སོར་བཅུ་གཉིས་པ་ལ་སྒོ་བཞིས་མཛེས་པ་རིམ་བཞིན་དུ་བྱས་པ་ལ་པད་མ་རྒྱས་པའི་སྟེང་དུ་ལྷ་ཉི་མ་བསམ་པར་བྱ་བ་ནི་ལུས་གཟི་བརྗིད་ཀྱི་ཕུང་པོ་ལི་ཁྲི་ཉེ་བར་འབར་བ་ལྟ་བུ་ཉི་མ་
སྟོང་དང་མཚུངས་པའི་འོད་ཟེར་ཅན་ནོ། །ཨོཾ་མཻ་གྷོ་ལ་ག་ཡ་སྭཱ་ཧཱ། ཤར་དུ་ཟླ་བ་དཀར་པོ། ཨོཾ་ཤི་ཏྃ་ཤ་བཻ་སྭཱ་ཧཱ། མེའི་མཚམསུ་མིག་དམར་པོ། ཨོཾ་རཀྟ་ཨཾ་ག་ཀུ་མ་ར་ཡ་སྭཱ་ཧཱ། གཤིན་རྗེའི་ཕྱོགསུ་རྒྱལ་རིགས་

98-1-213a

གཟའ་ལྷག་མདོག་སེར་པོ། ཨོཾ་བུ་ད་ཡ་སྭཱ་ཧཱ། བདེན་བྲལ་དུ་ཕུར་བུ་དམར་སེར། ཨོཾ་གྷྲྀ་ཧ་སྤ་ཏི་ཡེ་སྭཱ་ཧཱ། ནུབ་ཀྱི་ཕྱོགསུ་པ་བ་སངས་དཀར་པོ། ༀ་ཨ་སུ་རོད་ཏ་མ་ཡ་སྭཱ་ཧཱ། རླུང་དུ་སྤེན་པ་མིག་སྨན་ལྟར་
ཤིན་ཏུ་གནག་པ། ཨོཾ་ཀྲྀཥྞ་ཝརྞྞ་ཡེ་སྭཱ་ཧཱ། ལུས་ངན་པོའི་ཕྱོགསུ་སྒྲ་ཅན་དམར་ནག །ༀ་ཨ་མྲྀ་ཏ་པྲི་ཡཱ་ཡ་སྭཱ་ཧཱ། དབང་ལྡན་གྱི་མཚམསུ་དུད་སྤྲིན་གྱི་མདོག་ལྟ་བུའི་མཇུག་རིངས། ༀ་ཛྷྱོ་ཏི་ཀེ་ཏ་བཻ་སྭཱ་ཧཱ། 
ཤར་གྱི་སྒོར་རྗེས་བཙུན་སངས་རྒྱས། ལྷོ་སྒོར་ཕྱག་ན་རྡོ་རྗེ། ནུབ་སྒོར་འཇིག་རྟེན་མགོན་པོ། བྱང་གི་སྒོར་འཇམ་དཔལ་ལོ། །དཀྱིལ་འཁོར་གྱི་ཕྱི་རོལ་གྱི་བྱང་ཤར་དུ་གཟའ་ཐྃད་དོ། །ཤར་ལྷོའི་མཚམསུ་ཁྱིམ་
རྣམས་དང་རྒྱུ་སྐར་རྣམསོ། །ལྷོ་ནུབ་དུ་གནོད་པ་ཐྃད་དོ། །ནུབ་བྱང་དུ་རྗེ་བཙུན་རིགས་པ་ཆེན་མོའོ། །དཀྱིལ་འཁོར་གྱི་སྒོའི་ཕྱི་རོལ་གྱི་ཤར་དུ་ཡུལ་འཁོར་བསྲུང་། ལྷོར་འཕགས་སྐྱེས་པོ། ནུབ་དུ་མིག་མི་བཟང་། 
བྱང་དུ་ལུས་ངན་པོའོ། །ཉི་མའི་འོ་ཐུག་དང་། ཟླ་བའི་ཞོ་ཟན་དང་། མིག་དམར་གྱི་སྲན་མ། མ་ཤ་བཟའ་བ་དང་། ལྷག་པའི་མར་གྱི་ཁུར་བ་དང་། ཕུར་བུའི་འོ་མ་དང་། པ་བ་སངས་ཀྱི་ཁུར་བ་དང་། 
སྤེན་པའི་སྲན་མ། མ་ཤ་དང་། མུད་ཁ་བསྲེས་པ་དང་། སྒྲ་ཅན་གྱི་ཏིལ་གྱི་ཐུག་པ་དང་། མཇུག་རིངས་ཀྱི་ཏིལ་ཀྱི་ཐུག་པ་དང་། བུ་རམ་གྱི་ཚོད་མའོ། །གནོད་སྦྱིན་གྱི་གཏོར་མ་ནི་ཡུལ་འཁོར་སྲུང་གི་
ཞོ་ཟན་ནོ། །འཕགས་སྐྱེས་པོའི་ཞོ་དང་སྲན་མ། མ་ཤའི་བཟའ་བའོ། །མིག་མི་བཟང་གི་འོ་ཐུག་གི་བཟའ་བའོ། །ལུས་ངན་པོའི་ཞོ་དང་སྲན་མ། མ་ཤའི་བཟའ་བ་དང་བུ་རམ་ཆང་དང་སྦྱར་བའོ། །
ཇི་ལྟ་བའི་རིམ་པའི་ཁ་དོག་གི་མེ་ཏོག་དབུལ་ལོ། །ཇི་ལྟ་བའི་རིམ་པའི་ཁ་དོག་གི་གདུག་སྤོས་དབུལོ། །ཇི་ལྟ་བའི་རིམ་པའི་ཁ་དོག་གི་བ་དན་དབུལོ། །སོ་སོ་ལ་མར་མེ་དབུལོ། །ཇི་ལྟ་བའི་རིཾ་པའི་མཆོད་

98-1-213b

པ་བྱའོ། །མར་དང་སྦྲང་རྩིས་དུང་ཕོར་བཀང་སྟེ། རིན་ཆེན་སྣ་ལྔ་བཅུག་ལ་མཆོད་ཡོན་དབུལ་ཞིང་གདོང་ལ་ཡང་དར་བཅིང་བར་བྱའོ། །ལག་ན་རྡོ་རྗེ་གཟའ་འདི་རྣམས་ཀྱི་སྙིང་པོའི་སྔགས་བཀླགས་པས་
འགྲུབ་པ་རྣམས་ཡིན་ཏེ། ཇི་ལྟ་བའི་རིམ་པའི་ཁ་དོག་དང་འཐུན་པའི་སྤོས་དཀྱི་དཀྱིལ་འཁོར་སོར་བཅུ་གཉིས་པ་བྱས་པའི་དབུསུ་མཆོད་པར་བྱའོ། །ཁམ་པ་འམ་ཟངས་ལ་སོགས་པ་འམ། གསེར་
དངུལ་གྱི་སྣོད་དུ་མཆོད་ཡོན་ཕུལ་ནས། རེ་རེ་ལ་ཡང་བཟླས་བརྗོད་ལན་བརྒྱ་རྩ་བརྒྱད་རྩ་བརྒྱད་བྱའོ། །ལག་ན་རྡོ་རྗེ་དེ་ནས་ཡང་དེའི་འོག་ཏུ་གཟའ་རྣམས་ཀྱི་ཡུམ་ཞེས་བྱ་བའི་གཟུངས་ཀྱི་སྔགས་ཀྱི་ཚིག་
རྣམས་ལན་བདུན་བརྗོད་པར་བྱའོ། །དེ་ནས་གཟའ་ཉི་མ་ལ་སོགས་པའི་གཟའ་ཐྃད་ཀྱིས་བསྲུང་བར་བྱེད་པར་འགྱུར་རོ། །དབུལ་བའི་གདོན་ལས་གྲོལ་བར་བྱེད་དོ། །ཚེ་ཟད་པ་རྣམས་ཚེ་རིང་བར་
འགྱུར་རོ། །ལག་ན་རྡོ་རྗེ་ཡང་གང་ཞིག་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་སམ། སེམས་ཅན་གཞན་སེམས་ཅན་གྱི་སྐྱེ་བར་གཏོགས་པ་གང་དག་
གི་རྣ་ལམ་དུ་ཐོས་ན། དེ་དག་ཀྱང་དུས་མ་ཡིན་པར་འཆི་བའི་དུས་བྱེད་པར་མི་འགྱུར་རོ། །ལག་ན་རྡོ་རྗེ་ཡང་གང་ཞིག་གཟའ་རྣམས་ཀྱི་དཀྱིལ་འཁོར་གྱི་དབུས་སུ་མཆོད་ཅིང་། ཉིན་གཅིག་
བཞིན་དུ་ཀློག་པར་བྱེད་པའི་ཆོས་སྨྲ་བར་བྱེད་པ་དེ་ལ་གཟའ་རྣམས་ཐྃད་ཀྱིས་རྣམ་པ་ཐྃད་དུ་བདག་ཉིད་ཀྱིས་བསམ་པ་ཐྃད་ཡོངསུ་རྫོགས་པར་བྱེད་དོ། །དེའི་རིགས་རྒྱུད་ཀྱི་དབུལ་བ་ཡང་
ཉམས་པར་བྱེད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གཟའ་རྣམས་ཀྱི་ཡུམ་ཞེས་བྱ་བའི་གཟུངས་བཀའ་སྩལ་པ། ན་མོ་བུད་དྷཱ་ཡ། ན་མོ་བཛྲ་དྷ་རཱ་ཡ། ན་མོ་པདྨ་

98-1-214a

དྷ་རཱ་ཡ། ན་མོ་ཀུ་མ་རཱ་ཡ། ན་མོ་གྲ་ཧཱ་ནྃ། སརྦ་ཤྭ་པ་རི་པུ་ར་ཀཱ་ནཱྃ། ན་མོ་ནཀྵ་ཏྲཱ་ནྃ། ན་མོ་དྭི་ད་ཤ་རཱ་ཤི་ནྃ། ཏདྱ་ཐཱ། ཨོཾ་བུད་དྷེ་བུད་དྷེ། བཛྲེ་བཛྲེ། པདྨེ་པདྨེ། ས་ར་ས་ར། པྲ་ས་ར་པྲ་ས་ར། 
སྨ་ར་སྨ་ར། ཀྲཱི་ཌཱ་ཡ་ཀྲཱི་ཌཱ་ཡ། མཱ་ར་ཡ་མཱ་ར་ཡ། མདྷ་ཡ་མདྷ་ཡ། གྷ་ཊ་ཡ་གྷ་ཊ་ཡ། སརྦ་བིགྷ་ནྃ། ཀུ་རུ་ཀུ་རུ། མ་མ་ཀཱརྱཱྃ། ཙྪིན་དྷ་ཙྪིན་དྷ། སརྦ་དུཥྚྃ། ཀྵཱ་པ་ཡ་ཀྵཱ་པ་ཡ། ཤཱན་ཏེ་
ཤཱན་ཏེ། དཱན་ཏེ་དཱན་ཏེ། དཱ་མ་ཡ་དཱ་མ་ཡ་སྭཱ་ཧཱ། དྲུ་ད་ན་དར་ཤ་ཡ། ཨཏྨ་ནྃ། རཀྵ་རཀྵ་མྃ། སརྦ་སཏྭཱཤྩ། སརྦ་གྲ་ཧཱ་ནཀྵ་ཏྲ། བི་དྷྭཾ་ས་ནི་བརྟྟ་ཡ། བྷ་ག་བ་ཏི་མ་ཧཱ་མཱ་ཡེ། པྲ་སད་ཡ། སརྦ་དུཥྚྃ། 
ཤོ་དྷ་ཡ་སརྦ་པཱ་པྃ་ཙཎ་ཌེ་ཙཎ་ཌེ། ཏུ་རུ་ཏུ་རུ། ཙཎ་ཌེ་ནི་ཙཎ་ཌེ་ནི། མུ་ཡུ་མུ་ཡུ། མུ་ཙུ་མུ་ཙུ། བ་ཧ་བ་ཧ། ཨུ་གྲེ་ཨུ་གྲ་ཏ་མེ། པཱུ་ར་ཡ་མེ། མ་ནོ་ར་ཐཾ་པ་རི་པུ་ར་ཡ། སརྦ་ཏ་ཐཱ་ག་ཏ། ཨ་དྷིཥྛི་ཏེ་ས་
མ་ཡེ་སྭཱ་ཧཱ། ཨོཾ་སྭཱ་ཧཱ། ཧཱུྃ་སྭཱ་ཧཱ། ཧྲྀ་སྭཱ་ཧཱ། དྷྲུཾ་སྭཱ་ཧཱ། དྷྲིཾ་སྭཱ་ཧཱ། པདྨ་དྷ་རཱ་ཡ་སྭཱ་ཧཱ། ཨཱ་དི་དྱ་ཡེ་སྭཱ་ཧཱ། སཽ་མ་ཡ་སྭཱ་ཧཱ། དྷཱ་ར་ཎཱི་ས་ཏཱ་ཡ་སྭཱ་ཧཱ། བྷུ་ད་ཡ་སྭཱ་ཧཱ། བྷྲྀ་ཧསྥ་ཏི་ཡེ་
སྭཱ་ཧཱ། ཤུ་ཀྲཱ་ཡེ་སྭཱ་ཧཱ། ཀྲིཥྞ་ཝརྣྣ་ཡེ་སྭཱ་ཧཱ། རཱ་ཧ་བེ་སྭཱ་ཧཱ། ཀེ་ཏ་བེ་སྭཱ་ཧཱ། བུད་དྷཱ་ཡ་སྭཱ་ཧཱ། བཛྲ་དྷ་ར་ཡ་སྭཱ་ཧཱ། པདྨ་དྷ་ར་ཡ་སྭཱ་ཧཱ། ཀུ་མ་ར་ཡེ་སྭཱ་ཧཱ། སརྦ་གྲ་ཧེ་བྷྱ་སྭཱ་ཧཱ། སརྦ་ནཀྵ་ཏྲེ་བྷྱཿ
སྭཱ་ཧཱ། སརྦ་དྭ་ད་ཤ་རཱ་ཤི་ནྃ་བྷྱ་སྭཱ་ཧཱ། སརྦ་ཨུ་པ་དྲ་བེ་བྷྱ་སྭཱ་ཧཱ། ཨོཾ་སརྦ་བི་དྱཱེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ལག་ན་རྡོ་རྗེ་གཟའ་རྣམས་ཀྱི་ཡུམ་ཞེས་བྱ་བའི་གཟུངས་ཀྱི་སྔགས་ཀྱི་ཚིག་འདི་དག་སྟོན་ཟླ་ཐ་ཆུངས་སྨིན་
དྲུག་གི་ཟླ་བའི་ཡར་ངོའི་ཚེས་བདུན་ནས་བརྩམས་ཏེ། གསོ་སྦྱོང་བླངས་ནས་ཚེས་བཅུ་བཞིའི་བར་དུ་ཉིན་གཅིག་བཞིན་དུ་མཆོད་ཅིང་བརྗོད་པར་བྱས་ནས་དེ་ནས་ཉ་ལ་ཉིན་མཚན་ཐོག་ཐག་བཀླགས་ན་དེ་ལ་ལོ་དགུ་བཅུ་རྩ་

98-1-214b

དགུའི་བར་དུ་འཆི་བའི་འཇིགས་པ་འབྱུང་བར་མི་འགྱུར་རོ། །སྐར་མདའ་ལྟུང་བ་དང་། གཟའ་དང་རྒྱུ་སྐར་གྱིས་གདུངས་པའི་འཇིགས་པ་འབྱུང་བར་མི་འགྱུར་རོ། །སྐྱེ་བ་དྲན་པར་འགྱུར་རོ། །
གཟའ་ཐཾད་ཀྱིས་མཆོད་པར་འགྱུར་རོ། །གཟའ་རྣམས་ཀྱིས་དེ་ལ་ཅི་འདོད་པའི་མཆོག་སྟེར་བར་འགྱུར་རོ། །དེ་ནས་གཟའ་དེ་རྣམས་ཀྱིས་བཅོམ་ལྡན་འདས་ལ་ལེགས་སོ་ཞེས་གསོལ་ནས་མི་སྣང་
བར་གྱུར་ཏོ། །འཕགས་མ་གཟའ་རྣམས་ཀྱི་ཡུམ་ཞེས་བྱ་བའི་གཟུངས།  རྫོགས་སྷོ།། །།རྒྱལ་བློན་བྱང་ཆུབ་སེམས་དཔའ་རྣམས་ཀྱི་སྐུ་རིང་ལ་བསྒྱུར་བ་ལས། དུས་ཕྱིས་དགེ་
བསྙེན་གྲགས་པ་རྒྱལ་མཚན་གྱིས་དཔལ་ལྡན་ས་སྐྱའི་དབེན་གནས་སུ་རྒྱ་དཔེ་ལ་གཏུགས་ནས་ཤིན་དུ་དག་པར་བྱས་པའོ། ། ༄༅༅། །རྒྱ་གར་སྐད་དུ།   གྲ་ཧ་མཱ་ཏྲི་ཀ་ནཱ་མ་དྷཱ་ར་ཎཱི།   
བོད་སྐད་དུ།   གཟའ་རྣམས་ཀྱིས་ཡུམ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། 
བཅོམ་ལྡན་འདས་འབྲོག་གནས་ཀྱི་གྲོང་ཁྱེར་ཆེན་པོ་ན། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་
ཆེན་པོ་དང་། བདུད་དང་། ཉི་མ་དང་། ཟླ་བ་དང་། མིག་དམར་དང་། པ་བ་སངས་དང་། ཕུར་བུ་དང་། གཟའ་ལྷག་དང་། སྤེན་པ་དང་། སྒྲ་གཅན་འཛིན་དང་། འཇུག་རིངས་རྣམས་དང་། རྒྱུ་སྐར་
ཉི་ཤུ་རྩ་བརྒྱད་ལ་སོགས་པ་མང་པོ་རྣམས་ཀྱིས་བསྟོད་པ། རྡོ་རྗེ་ཆེན་པོའི་དམ་ཚིག་གིས་བྱིན་གྱིས་བརླབས་ཀྱིས་རྡོ་རྗེའི་ཁྲི་ལ་བཞུགས་སོ། །བྱང་ཆུབ་སེམས་དཔའ་དུ་མ་དང་ཡང་ཐབས་ཅིག་སྟེ། 

98-1-215a

འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་གཏུམ་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྡེ་
དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་གཞུ་ཅན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་བདག་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་
རྒྱན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་འོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་ཀུན་ཏུ་གཟིགས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་དཔལ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་ཏོག་དང་། བྱང་ཆུབ་སེམས་དཔའ་
སེམས་དཔའ་ཆེན་པོ་ཞལ་རས་རྒྱས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་སྤྱན་དང་། བྱང་ཆུབ་
སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པ་བྱང་ཆུབ་སེམས་དཔའི་དགེ་འདུན་རྣམས་ཀྱིས་བསྐོར་ཅིང་མདུན་གྱིས་
བལྟས་པ་ལ་ཆོས་སྟོན་ཏོ། །བཀོད་པ་ཆེན་པོའི་རྒྱན་གྱི་ནོར་བུ་ཞེས་བྱ་བ་ཐོག་མར་དགེ་བ་དང་། བར་དུ་དགེ་བ་དང་། ཐ་མར་དགེ་བ་དང་། དོན་བཟང་པོ་དང་། ཚིག་འབྲུ་བཟང་པོ། མ་འདྲེས་པ། ཡོངསུ་
དག་པ། ཡོངསུ་བྱང་བའི་ཆོས་སྟོན་ཏོ། །དེ་ནས་ཕྱག་ན་རྡོ་རྗེས་འཁོར་དེ་དག་ལ་བལྟས་ཏེ། ལངས་ནས་རང་གི་རྫུ་འཕྲུལ་གྱི་བྱིན་གྱིས་བརླབས་ཀྱིས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་

98-1-215b

བྱས་ཏེ་ཕྱག་འཚལ་ནས་སྤྱན་སྔར་འདུག་སྟེ། སྙེམས་པ་དང་བཅས་པས་སྐྱིལ་མོ་དཀྲུང་ལེགས་པར་བཅས་ནས། འཁོར་དེ་དག་ལ་འགྱིང་བག་ཏུ་བལྟས་ཏེ། རྡོ་རྗེའི་ཐལ་མོ་རང་གི་སྙིང་གར་བཞག་
ནས། བཅྡོཾས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟའ་མི་བཟད་པ། མི་བཟད་པའི་གཟུགས་ཅན། དྲག་ཤུལ་གྱི་སེམས་དང་ལྡན་པ། ཁྲོ་བ།   ཁྲོ་བའི་གཟུགས་ཅན་དག་སེམས་
ཅན་ཐྃད་ལ་འཚེ་བར་བགྱིད་པ། ཐོ་འཚམ་པར་བགྱིད་པ། མདངས་ཀྱང་འཕྲོག་པར་བགྱིད་ཅིང་། ཁ་གཅིག་ནོར་ཟས་འཕྲོག་པར་བགྱིད། ཁ་ཅིག་ནི་སྲོག་འཕྲོག་པར་བགྱིད། སེམས་ཅན་ཚེ་རིང་བ་ཁ་ཅིག་ནི་ཚེ་ཐུང་ངུར་བགྱིད་
དོ། །དེ་ལྟར་སེམས་ཅན་ཐམས་ཅད་ལ་གནོད་ཅིང་འཚེ་བར་བགྱིད་པ་དེ་རྣམས་ཀྱི་སླད་དུ་བཅོམ་ལྡན་འདས་ཀྱིས་ཆོས་ཀྱི་རྣམས་གྲངས་གང་གིས་སེམས་ཅན་ཐཾད་ལ་བསྲུང་བར་འགྱུར་བ་བཤད་
དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གང་ཡང་ཁྱོད་ཀྱིས་སྙིང་རྗེ་བསྐྱེད་པས་སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་གསང་ཆེན་བས་ཀྱང་ཆེས་གསང་བ་དེ་བཞིན་གཤེགས་
པ་ལ་ཞུ་བར་བྱེད་པ་ལེགས་སོ་ལེགས་སོ། །དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། གཟའ་མི་བཟད་པའི་གཟུགས་ཅན་ཤིན་དུ་ཁྲོ་བ་དང་། ཤིན་དུ་འཇིགས་པར་བྱེད་པ་
རྣམས་ཀྱིས་མཆོད་པ་དང་། མཆོད་ཡོན་དང་། བཟླས་བརྗོད་བཟང་པོ་གསང་བ་བས་ཀྱང་ཆེས་གསང་བ་ངས་བཤད་དོ། །དེ་དག་མཆོད་པས་མཆོད་གྱུར་ཅིང་། །གནོད་པ་བྱས་ན་གནོད་བྱེད་དང་། །
གཟའ་དེ་ཀུན་གྱི་ཁ་དོག་དང་། །ཇི་ལྟ་བུར་ནི་འགྱུར་བ་དང་། །ལྷ་རྣམས་དང་ནི་ལྷ་མིན་དང་། །མི་འམ་ཅི་དང་ཀླུ་དག་དང་། །གནོད་སྦྱིན་རྣམས་དང་སྲིན་པོ་དང་། །མི་རྣམས་དང་ནི་མི་མ་ཡིན། །དྲག་པོ་

98-1-216a

གཟི་བརྗིད་ཆེན་པོ་དང་། །ཁྲོས་པ་ཞི་བར་བྱེད་པ་དེའི། །གསང་སྔགས་རྣམས་དང་མཆོད་པ་དང་། །རིམ་པ་བཞིན་དུ་བཤད་པར་བྱ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་
ཐུབ་པ་ཉིད་ཀྱི་ཐུགས་ཀ་ནས་སྙིང་རྗེ་རྣམ་པར་རོལ་པ་ཞེས་བྱ་བའི་འོད་ཟེར་བཀྱེ་སྟེ། །གཟའ་རྣམས་ཀྱི་སྤྱི་བོར་ཞུགས་སོ། །དེ་ནས་དེའི་མོད་ལ་ཉི་མ་ལ་སོགས་པའི་གཟའ་ཐམས་ཅད་ལངས་ཏེ། བཅྡོྃས་དེ་བཞིན་
གཤེགས་པ་ཤཱཀྱ་ཐུབ་པ་ལ་ལྷ་རྫས་ཀྱི་མཆོད་པ་བྱས་ཏེ། ཕྱག་འཚལ་ནས་པུས་མོ་བཙུགས་ནས་ཐལ་མོ་སྦྱར་བ་བྱས་ཏེ། བཅྡོྃས་ལ་འདི་སྐད་ཅེས་གསོལ་ཏོ། །བཅྡོྃས་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་ཀྱིས་བདག་ཅག་ལ་སྨན་ཡོན་བཏགས་པར་གྱུར་ཏོ། །བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་གང་གིས་བདག་ཅག་རྣམས་ལ་སོགས་པས་ཆོས་སྨྲ་བ་རྣམས་
ལ་བསྲུང་བར་འགྱུར་བ་དང་། ཡོངས་སུ་བསྐྱབ་པ་དང་། ཞི་བ་དང་། བདེ་ལེགས་སུ་འགྱུར་བ་དང་། མཚོན་ཆ་སྤང་བ་དང་། ཆད་པ་སྤང་བ་དང་། དུག་གཞིལ་བ་དང་། དུག་གསད་པ་དང་། མཚམས་
བཅད་པ་དང་། ས་བཅིང་བ་རྣམས་བགྱིད་པར་འགྱུར་བ་བཤད་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གཟའ་རྣམས་མཆོད་པ་དང་། གསང་སྔགས་བཀའ་སྩལ་
ཏོ། །ཨོཾ་མཻ་གྷོལ་གཱ་ཡ་སྭཱ་ཧཱ། ཨོཾ་ཤི་ཏྃ་ཤ་བེེ་སྭཱ་ཧཱ། ཨོཾ་རཀ་ཏ་ཨོཾ་ག་ཀུ་མ་ར་ཡ་སྭཱ་ཧཱ། ཨོཾ་བུ་ད་ཡ་སྭཱ་ཧཱ། ཨོཾ་བྷྲྀ་ཧསྤ་ཏི་ཡེ་སྭཱ་ཧཱ། ཨོཾ་ཨ་སུ་རོད་ཏ་མ་ཡ་སྭཱ་ཧཱ། ཨོཾ་ཀྲྀཥྞ་བརྞྞ་ཡེ་སྭཱ་ཧཱ། 
ཨོཾ་ཨ་མྲྀ་ཏ་པྲི་ཡཱ་ཡ་སྭཱ་ཧཱ། ཨོཾ་ཛྷྱོ་ཏི་ཀེ་ཏ་བཻ་སྭཱ་ཧཱ། ལག་ན་རྡོ་རྗེ་འདི་དག་ནི་གཟའ་དགུའི་གསང་སྔགས་ཀྱི་སྙིང་པོ་བཀླགས་པས་གྲུབ་པ་ཡིན་ཏེ། ཁ་དོག་དང་འཐུན་པར་སྤོས་ཀྱིས་དཀྱིལ་འཁོར་སོར་

98-1-216b

བཅུ་གཉིས་པ་བྱས་པའི་དབུས་སུ་མཆོད་པར་བྱའོ། །ཁམ་པ་འམ། ཟངས་ལ་སོགས་པ་འམ། གསེར་དང་དངུལ་གྱི་སྣོད་དུ་མཆོད་ཡོན་ཕུལ་ནས། རེ་རེ་ལ་ཡང་བཟླས་བརྗོད་བརྒྱ་རྩ་བརྒྱད་
བྱའོ། །ལག་ན་རྡོ་རྗེ་དེའི་འོག་ཏུ་གཟའ་རྣམས་ཀྱི་ཡུམ་ཞེས་བྱ་བའི་གཟུངས་ཀྱི་གསང་སྔགས་ཀྱི་ཚིག་ལན་བདུན་བརྗོད་པར་བྱའོ། །དེ་ནས་གཟའ་རྣམས་ཐྃད་བསྲུང་བ་བྱེད་པར་འགྱུར་རོ། །
དབུལ་བའི་གདོན་ལས་ཐར་བར་འགྱུར་རོ། །ཚེ་ཟད་པ་ལས་ཚེ་རིང་པོར་བྱེད་པར་འགྱུར་རོ། །ལག་ན་རྡོ་རྗེ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། གཞན་
ཡང་སེམས་ཅན་གྱི་རིགས་གང་ཡིན་པ་དང་། གང་དག་གིས་རྣ་ལམ་དུ་གྲག་པ་དེ་དག་ཀྱང་དུས་མ་ཡིན་པར་འཆི་བའི་དུས་བྱེད་པར་མི་འགྱུར་རོ། །ཕྱག་ན་རྡོ་རྗེ་གཟའ་རྣམས་ཀྱི་དཀྱིལ་འཁོར་གྱི་དབུསུ་
མཆོད་པར་བྱ་སྟེ། ཉིན་གཅིག་བཞིན་དུ་ཀློག་པར་བྱེད་པའི་ཆོས་སྨྲ་བ་གང་ཡིན་པ་དེ་ལ་གཟའ་ཐྃད་བདག་ཉིད་ཀུན་གྱིས་བསམ་པ་ཐྃད་ཡོངསུ་རྫོགས་པར་བྱེད་པར་འགྱུར་རོ། །དེ་དང་རིགས་གཅིག་
པ་རྣམས་ཀྱི་དབུལ་བ་ཡང་སེལ་བར་བྱེད་དོ། །དེ་ནས་བཅྡོཾས་དེ་བཞིན་གཤེགས་པ་ཤཱཀྱ་ཐུབ་པས་གཟའ་རྣམས་ཀྱི་ཡུམ་ཞེས་བྱ་བ་བཀའ་སྩལ་པ། སངས་རྒྱས་ལ་ཕྱག་འཚལ་ལོ། །
རྡོ་རྗེ་འཆང་ལ་ཕྱག་འཚལ་ལོ། །པད་མ་འཆང་ལ་ཕྱག་འཚལ་ལོ། །བསམ་པ་ཐྃད་ཡོངསུ་རྫོགས་པར་བྱེད་པའི་གཟའ་རྣམས་ལ་ཕྱག་འཚལ་ལོ། །རྒྱུ་སྐར་རྣམས་ལ་ཕྱག་འཚལོ། །
གཟའ་ཁྱིམ་བཅུ་གཉིས་པོ་རྣམས་ལ་ཕྱག་འཚལོ། །ཏད་ཡ་ཐཱ། བུད་དྷེ་བུད་དྷེ། བཛྲེ་བཛྲེ། པདྨེ་པདྨེ། ས་ར་ས་ར། པྲ་ས་ར་པྲ་ས་ར། སྨ་ར་སྨ་ར། ཀྲཱི་ཌཱ་ཡ་ཀྲཱི་ཌཱ་ཡ། 

98-1-217a

མཱ་ར་ཡ་མཱ་ར་ཡ། མརྡྷ་ཡ་མརྡྷ་ཡ། གྷཱ་ཏ་ཡ་གྷཱ་ཏ་ཡ། སརྦ་བིགྷཱ་ནྃ། ཀུ་རུ་ཀུ་རུ། ཙྪིན་དྷ་ཙྪིན་དྷ། ཀྵཱ་པ་ཡ་ཀྵཱ་པ་ཡ། ཤཱན་ཏེ་ཤཱན་ཏེ། དཱན་ཏེ་དཱན་ཏེ། དཱ་མ་ཡ་དཱ་མ་ཡ། 
བཅོམ་ལྡན་འདས་མ་བདག་ཉིད་མྱུར་དུ་བསྟན་དུ་གསོལ། བདག་འཁོར་དང་བཅས་པ་དང་། སེམས་ཅན་ཐྃད་ལ་བསྲུང་དུ་གསོལ། བསྲུང་དུ་གསོལ། གཟའ་ཐྃད་དང་། རྒྱུ་སྐར་རྣམས་
ཀྱི་གནོད་པ་བཟློག་ཏུ་གསོལ། བཅོམ་ལྡན་འདས་མ་རྫུ་འཕྲུལ་ཆེན་པོ་མངའ་བ་སྡང་བའི་སེམས་ཅན་རྣམས་བསལ་དུ་གསོལ། བདག་གི་སྡིག་པ་རྣམས་སྐམ་དུ་གསོལ། །ཙཎ་ཌེ་ཙཎ་ཌེ། 
ཏུ་རུ་ཏུ་རུ། ཙཎ་ཌེ་ནི་ཙཎ་ཌེ་ནི། མུ་ཡུ་མུ་ཡུ། མུ་ཙུ་མུ་ཙུ། བ་ཧ་བ་ཧ། ཨུ་གྲེ་ཨུ་གྲ་ཏ་མེ། པཱུ་ར་ཡ་མེ། མ་ནོ་ར་ཐྃ་པ་རི་པུ་ར་ཡ། སརྦ་ཏ་ཐཱ་ག་ཏ་ཨ་དྷིཥྛི་ཏེ་ས་མ་ཡེ་སྭཱ་ཧཱ། ཨོཾ་སྭཱ་ཧཱ། 
ཧཱུྃ་སྭཱ་ཧཱ། ཧྲཱིཾ་སྭཱ་ཧཱ། དྷྲུྃ་སྭཱ་ཧཱ། དྷྲྀྃ་སྭཱ་ཧཱ། པདྨ་དྷ་རཱ་སྭཱ་ཧཱ། ཨ་དི་ཏྱ་ཡེ་སྭཱ་ཧཱ། སཽ་མ་ཡ་སྭཱ་ཧཱ། དྷ་ར་ཎི་སུ་ཏཱ་ཡ་སྭཱ་ཧཱ། བྷུད་ཡ་སྭཱ་ཧཱ། བྷྲྀ་ཧསྥ་ཏི་ཡེ་སྭཱ་ཧཱ། ཤུ་ཀྲཱ་ཡེ་སྭཱ་ཧཱ། ཀྲྀཥྞ་བརྣ་
ཡེ་སྭཱ་ཧཱ། ར་ཧ་བེ་སྭཱ་ཧཱ། ཀེ་ཏ་བེེ་སྭཱ་ཧཱ། བུད་དྷ་ཡ་སྭཱ་ཧཱ། བཛྲ་དྷ་རཱ་ཡ་སྭཱ་ཧཱ། པདྨ་དྷ་རཱ་ཡ་སྭཱ་ཧཱ། ཀུ་མ་ར་ཡ་སྭཱ་ཧཱ། སརྦ་གྲ་ཧེ་བྷྱ་སྭཱ་ཧཱ། སརྦ་ནཀྵ་ཏྲེ་བྷྱ་སྭཱ་ཧཱ། སརྦ་དྭ་ད་ཤ་རཱ་ཤི་ནཾ་བྷྱ་སྭཱ་ཧཱ། 
སརྦ་ཨུ་པ་ཏྲ་བེ་བྷྱ་སྭཱ་ཧཱ། ཨོཾ་སརྦ་བི་དྱེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཕྱག་ན་རྡོ་རྗེ་འདི་ནི་གཟའ་རྣམས་ཀྱི་ཡུམ་ཞེས་བྱ་བའི་གཟུངས་ཀྱི་གསང་སྔགས་ཀྱི་ཚིག་དངོས་གྲུབ་ཐམས་ཅད་ཀྱི་གཞི་ཡིན་ནོ། །
ཕྱག་ན་རྡོ་རྗེ་གང་ཡང་གཟའ་རྣམས་ཀྱི་གཟུངས་ཀྱི་གསང་སྔགས་ཀྱི་ཚིག་འདི་དག་སྟོན་ཟླ་ཐ་ཆུངས་ཡར་གྱི་ངོའི་ཚེས་བདུན་ནས་བརྩམས་ཏེ་གསོ་སྦྱོང་དང་ལྡན་པར་བྱས་ཏེ། ཚེས་བཅུ་བཞིའི་བར་དུ་གཟའ་

98-1-217b

རྣམས་ལ་མཆོད་པ་བྱས་ཏེ་གཟུངས་བར་བྱའོ། །དེ་ནས་ཟླ་བ་ཉའི་ཉིན་མཚན་ཐོག་ཐག་བཀླགས་ན་དེ་དག་ལ་ལོ་དགུའི་བར་འཆི་བའི་འཇིགས་པ་མི་འབྱུང་ངོ་། །གཟའི་འཇིགས་པ་དང་། སྐར་མདའ་
ལྟུང་བ་དང་། རྒྱུ་སྐར་གྱི་གནོད་པས་འཇིགས་པར་མི་འགྱུར་རོ། །ཚེ་རབས་དྲན་པར་འགྱུར་རོ། །གཟའ་ཐམས་ལ་མཆོད་པ་བྱས་པར་འགྱུར་རོ། །ཐྃད་ཀྱིས་ཅི་འདོད་པ་སྦྱིན་པར་བྱེད་
དོ། །དེ་ནས་བཅོམ་ལྡན་ལ་གཟའ་རྣམས་ཀྱིས་ཕྱག་འཚལ་ཏེ། ལེགས་སོ་ལེགས་སོ་ཞེས་གསོལ་ཏེ་མི་སྣང་བར་གྱུར་ཏོ། །གཟའ་རྣམས་ཀྱི་ཡུམ་ཞེས་བྱ་བའི་གཟུངས་རྫོགས་སྷོ།། །།
༄༅། །རྒྱ་གར་སྐད་དུ།  ཨཱརྱ་བ་སུ་དྷ་ར་ནཱ་མ་དྷཱ་ར་ཎི།  བོད་སྐད་དུ།  འཕགས་པ་ནོར་གྱི་རྒྱུན་ཅེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐྃད་ལ་ཕྱག་
འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅྡོཾས་ཀཽ་ཤམ་བ་ནི་ཚེར་མ་ཅན་ཞེས་བྱ་བའི་ནགས་མཆོག་ཆེན་པོ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་
དང་། བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཡོན་ཏན་ཐྃད་དང་ལྡན་པ་རབ་ཏུ་མང་པོ་དང་ཐབས་ཅིག་ཏུ་བཞུགས་ཏེ། དེའི་ཚེ་ཀོའུ་ཤམ་བིའི་གྲོང་ཁྱེར་ཆེན་པོ་ན་ཁྱིམ་བདག་ཟླ་བ་
བཟང་པོ་ཞེས་བྱ་བ། དབང་པོ་ཉེ་བར་ཞི་བ་ཡིད་ཉེ་བར་ཞི་བ། བུ་ཕོ་དང་། བུ་མོ་དང་། བཟའ་མི་མང་པོ་དང་ལྡན་པ། དད་ཅིང་ཆེར་དད་པ་ཞིག་གནས་པ་དེ། བཅྡོཾས་ག་ལ་བ་དེར་སོང་སྟེ་ཕྱིན་ནས། 
བཅྡོཾས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་འབུམ་ཕྲག་དུ་མ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཁྱིམ་བདག་ཟླ་བ་བཟང་པོས་བཅྡོཾས་ལ་

98-1-218a

འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅྡོཾས་དེ་བཞིན་གཤེགས་པ་དགྲ་བཅོམ་པ་ཡང་དག་
པར་རྫོགས་པའི་སངས་རྒྱས་ལ་བདག་ཕྱོག་འགའ་ཞིག་ཞུ་ལགསོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཁྱིམ་བདག་ཟླ་བ་བཟང་པོ་ལ་འདི་སྐད་ཅེས་བཀའ་སྩལ་ཏོ། །
ཁྱིམ་བདག་ཅི་དང་ཅི་འདོད་པ་དྲིས་ཤིག་དང་། ཁྱོད་ཀྱིས་ཇི་སྐད་དྲིས་པའི་དྲི་བ་ལུང་བསྟན་པས་ངས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང་། །ཁྱིམ་བདག་ཟླ་བ་བཟང་པོས་
བཅྡོཾས་ལེགས་སོ་ཞེས་གསོལ་ཏེ། བཅོམ་ལྡན་འདས་ཀྱི་ལྟར་མཉན་ནས་བཅྡོཾས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་དབུལ་པོར་གྱུར་པ་ལས་
ཇི་ལྟར་དབུལ་བ་མ་མཆིས་པར་འགྱུར་ཞིང་། བྲོ་ནད་ཀྱིས་ཐེབས་ན་ཡང་བྲོ་ནད་མ་མཆིས་པར་འགྱུར་བ་ལགས། དེ་ནས་བཅྡོཾས་ཀྱིས་མཁྱེན་བཞིན་དུ་ཁྱིམ་བདག་ཟླ་བ་བཟང་པོ་ལ་འདི་སྐད་ཅེས་བཀའ་སྩལ་
ཏོ། །ཁྱིམ་བདག་ཁྱོད་ཅིའི་ཕྱིར་དབུལ་པོའི་དོན་དུ་འདྲི། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཁྱིམ་བདག་ཟླ་བ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་དབུལ་
བ་མང་བ་དང་། གསོ་བ་མང་བ་དང་། བུ་ཕོ་དང་། བུ་མོ་མང་བ། གཟའ་མི་མང་པོ་དང་ལྡན་པ་ལགས་ཏེ། དེའི་སླད་དུ་གང་གིས་སེམས་ཅན་དབུལ་པོ་རྣམ་ཀྱི་དབུལ་བ་མ་མཆིས་པར་འགྱུར་བ་དང་། བྲོ་ནད་
ཀྱིས་ཐེབས་པ་རྣམས་བྲོ་ནད་མ་མཆིས་པར་འགྱུར་བ་དང་། ནོར་དང་། འབྲུ་དང་། མཛོད་དང་། བང་མཛོད་མང་པོ་དང་ལྡན་པར་འགྱུར་བ་དང་། སྡུག་པ་དང་། ཡིད་དུ་མཆི་བ་དང་། མཐོང་ན་ཡིད་དུ་འཐད་པ་དང་། 

98-1-218b

དབང་ཕྱུག་དུ་འགྱུར་བ་དང་། སྦྱིན་བདག་མཛོད་པས་མི་འཚལ་ཞིང་། དབྱིགས་དང་། གསེར་དང་། ནོར་དང་། འབྲུའི་མཛོད་དང་། བང་མཛོད་རྣམས་དང་། ནོར་བུ་དང་། མུ་ཏིག་དང་། རྡོ་རྗེ་དང་། 
བཻ་དཱུརྱ་དང་། དུང་དང་། མན་ཤེལ་དང་། བྱི་རུ་དང་། ས་ལེ་སྦྲམ་དང་། དབུལ་བས་མ་འཚལ་ཅིང་འབྱོར་པར་འགྱུར་བ་དང་། ཁྱིམ་གྱི་བུ་སྨད་དང་། བཟའ་མི་རྣམས་བརྟན་པར་འགྱུར་
བའི་ཆོས་ཀྱི་རྣམས་གྲངས་དེ་བཅྡོཾས་ཀྱིས་ལེགས་པར་བཤད་དུ་གསོལ། དེ་སྐད་ཅེས་གསོལ་པ་དང་། བཅྡོཾས་ཀྱིས་ཁྱིམ་བདག་ཟླ་བ་བཟང་པོ་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག་
འདས་པའི་དུས་བསྐལ་པ་གྲངས་མེད་པ་འདས་པར་གྱུར་པ་དེའི་ཚེ་དེའི་དུས་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་
སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅྡོཾན་འདས་རྡོ་རྗེ་
འཆང་རྒྱ་མཚོའི་དབྱངས་ཞེས་བྱ་བ་འཇིག་རྟེན་དུ་བྱུང་སྟེ། རིགས་ཀྱི་བུ་ངས་དེ་བཞིན་གཤེགས་པ་དེ་ལས་ནོར་གྱི་རྒྱུན་ཅེས་བྱ་བའི་གཟུངས་འདི་ཐོས་ཏེ་བཟུང་ཞིང་བཅངས་བཀླགས། ཀུན་ཆུབ་
པར་བྱས། རྗེསུ་ཡི་རང་བར་བྱས་ཤིང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་བསྟན་ཏེ། རིགས་ཀྱི་བུ་ད་ཡང་ངས་དེ་བཤད་པའོ། །རིགས་ཀྱི་བུ་བཟུང་སྔགས་འདིའི་མཐུས་མི་རྣམས་རྣམ་པར་ཐོ་
འཚམ་པར་མི་བྱེད་དོ། །མི་མ་ཡིན་པ་རྣམས་རྣམ་པར་ཐོ་འཚམ་པར་མི་བྱེད་དོ། །གནོད་སྦྱིན་རྣམས་རྣམ་པར་ཐོ་འཚམ་པར་མི་བྱེད་དོ། །སྲིན་པོ་རྣམས་རྣམ་པར་ཐོ་འཚམ་པར་མི་བྱེད་དོ། །ཡི་དགས་རྣཾས་རྣཾ་པར་ཐོ་འཚམ་པར་མི་བྱེད་དོ། །

98-1-219a

ཤ་ཟ་རྣམས་རྣམ་པར་ཐོ་འཚམ་པར་མི་བྱེད་དོ། །འབྱུང་པོ་རྣམས་རྣམ་པར་ཐོ་འཚམ་པར་མི་བྱེད་དོ། །གྲུལ་འབུམ་རྣམས་རྣམ་པར་ཐོ་འཚམ་པར་མི་བྱེད་དོ། །བརྗེད་བྱེད་རྣམས་རྣམ་པར་
ཐོ་འཚམ་པར་མི་བྱེད་དོ། །གནོན་པོ་རྣམས་རྣམ་པར་ཐོ་འཚམ་པར་མི་བྱེད་དོ། །ལུས་སྲུལ་པོ་རྣམས་རྣམ་པར་ཐོ་འཚམ་པར་མི་བྱེད་དོ། །ལྷ་མ་ཡིན་རྣམས་རྣམ་པར་ཐོ་འཚམ་པར་མི་བྱེད་དོ། །
ཟས་སུ་མི་གཙང་བ་ཟ་བ་རྣམས་དང་། ཟས་སུ་གཅིན་འཐུང་བ་རྣམས་དང་། ཟསུ་ཁྲག་འཐུང་བ་རྣམས་དང་། ཟསུ་ཤ་ཟ་བ་རྣམས་དང་། ཟསུ་རྣག་འཐུང་བ་རྣམས་དང་། ཟསུ་ཞག་ཟ་
བ་རྣམས་དང་། ཟསུ་རྐང་ཟ་བ་རྣམས་དང་། ཟསུ་ངར་སྣབས་ཟ་བ་རྣམས་དང་། ཟསུ་སྟོར་ཁུང་ནས་འབབ་པ་ཟ་བ་རྣམས་དང་། ཟསུ་དབུགས་རྔུབ་པ་དང་། འབྱུང་བ་ཟ་བའི་བར་རྣམས་
རྣམ་པར་འཚེ་བར་མི་འགྱུར་རོ། །རིགས་ཀྱི་བུ་ནོར་གྱི་རྒྱུན་གྱི་གཟུངས་འདི་རིགས་ཀྱི་བུ་འམ། རིགས་ཀྱི་བུ་མོ་གང་གི་ཁྱིམ་ན་ཡོད་དམ། སྙིང་ལ་ཡོད་དམ། ལག་ན་ཡོད་དམ། 
གླེགས་བམ་དུ་ཆུད་དམ། ཐོས་པར་གྱུར་ཏམ། ཀུན་ཆུབ་པར་བྱས་སམ། གླགས་སམ། བཟུང་ངམ། རྗེསུ་ཡི་རང་བར་བྱས་སམ། གཞན་དག་ལ་རྒྱ་ཆེར་རབ་ཏུ་བསྟན་པའི་རིགས་
ཀྱི་བུ་འམ། རིགས་ཀྱི་བུ་མོ་དེ་ལ་ཡུན་རིང་པོའི་དོན་དང་། ཕན་པ་དང་། དགེ་བ་དང་། གྲུབ་པ་དང་། བདེ་བ་དང་། ལོ་ལེགས་པར་འགྱུར་རོ། །སུ་ཞིག་དེ་བཞིན་གཤེགས་པ་རྣམས་ལ་
མཆོད་པ་བྱས་ཏེ། ནོར་གྱི་རྒྱུན་གྱི་གཟུངས་འདི་ནམ་ཕྱེད་ན་ལན་གཉིས་སམ། ལན་གསུམ་འམ། ལན་བཞི་བཏོན་ན་དེའི་ལྷ་ཡིད་རངས་ཏེ། དེ་བཞིན་གཤེགས་པའི་བསྟན་པ་ལ་དགའ་བ་དང་། 

98-1-219b

ཆོས་གདགས་པ་བྱས་པས་དགའ་བ་དང་། དགེ་འདུན་གདགས་པ་བྱས་པས་དགའ་བ་དང་། ཆོས་སྨྲ་བ་ལ་དགའ་བ་དང་། ལྷག་པའི་བསམ་པས་བདག་ཉིད་འོངས་ཏེ། འབྲུ་ཆར་འབེབསོ། །
ན་མོ་བཛྲ་དྷ་ར་སཱ་ག་ནི་ར་གྷོ་ཥཱ་ཡ། ཏ་ཐཱ་ག་ཏཱ་ཡ། ཏདྱ་ཐཱ། ཨོཾ་སཱུ་རུ་པེ། བྷ་དྲཱེ། བྷ་དྲཱ་བ་ཏི། ཨང་ག་ལེ། མང་ག་ལེ། མང་ག་ལ་བ་ཏི། ཨ་ལེ། ཨ་ཙ་ལེ། ཨ་ཙ་ལ་བ་ལེ། ཨུད་གྷ་ཏ་ནི། 
ཨུད་བྷེ་ད་ན། བ་སྱ་བ་ཏི། དཱ་ན་པ་ཏི། དྷ་མྱི་པྲ་ཏི། ཤྲི་མ་ཏི། པྲ་བྷ་བ་ཏི། ཨ་མ་ལེ་བི་མ་ལེ་ནིར་མ་ལེ། རུ་རུ། སུ་རུ་བེ། སུ་རུ་པ་མ་ལེ། བི་མ་ལེ། ཙ་ལེ། ཨ་ཙ་ན་སྟེ། ཨ་ན་ན་སྟེ། 
བི་ཤྭ་ཀེ་ཤི། བི་ཤ་ནི་ཤི། ཨང་ཀུ་རེ། མང་ཀུ་རེ། པྲ་བང་ཀུ་རེ། བི་ར་མེ། བི་དྷ་མེ། རི་རི་མེ། དི་དི་མེ། དུ་དུ་མེ། ཁ་ཁ་མེ། ཏ་ཏ་རེ། ཏ་ར་ཏ་ར། ཏ་ར་ཏ་ར། བཛྲེ་བཛྲེ་བཛྲེ་བ་མེ། ཊ་ཀེ་ཊ་ཀེ །
ཋ་ཀེ་ཋ་ཀེ། ཨུག་ཀེ། བུག་ཀེ། ཋ་ཀེ་ཋ་ཀེ། ཨ་བརྟ་ནི་བ་ར་ཤ་ན། ཥ་ད་ནི་བཛྲ་དྷ་ར་སཱ་ག་ར་ནི་ར་གོ་ཥཱ་ན། ཏ་ཐཱ་ག་ཏ་མ་ནུ་སྨར། སྨྲ་ར་སྨྲ་ར། སརྦ་ཏ་ཐཱ་ག་ཏཱ་སཏྱ་མ་ནུ་སྨྲ་ར། 
དྷརྨ་སཏྱ་མ་ནུ་སྨྲ་ར། སང་གྷ་སཏྱ་མ་ནུ་སྨྲ་ར། ད་ཏ་ད་ཏ། པཱུ་ར་པཱུ་ར་ཡ། པཱུ་ར་ཡ། པུ་ར་ཎི། བྷ་ར་བྷ་ར་ནི། ཨ་མ་ལེ། སུ་མང་ག་ལེ། ཤཱན་ཏ་མ་ཏི། ཤུ་བཱ་མ་ཏི། མང་ག་ལ་བྷ་ནི། མ་ཧཱ་
མ་ཏི། མ་ཧཱ་མ་ཏི། བྷ་དྲ་བ་ཏི། བྷ་བ་ཏི། སུ་ཙན་དྲ་མ་ཏི། ཨཱ་གཙྪ། ཨཱ་གཙྪ། ས་མ་ཡ་མ་ནུ་སྨྲ་ར་སྭཱ་ཧཱ། ཨ་བ་ར་ཎི་མ་ནུ་སྨྲ་ར་སྭཱ་ཧཱ། པྲ་བྷ་བ་མ་ནུ་སྨྲ་ར་སྭཱ་ཧཱ། དཱི་དཱི་མ་ནུ་སྨྲ་ར་སྭཱ་ཧཱ། 
ཏེ་ཛ་མ་ནུ་སྨྲ་ར་སྭཱ་ཧཱ། བི་ཛ་ཡ་མ་ནུ་སྨྲ་ར་སྭཱ་ཧཱ། ཧྲྀ་ད་ཡ་མ་ནུ་སྨྲ་ར་སྭཱ་ཧཱ། སརྦ་སཏྭ་བི་ན་ཡ་མ་ནུ་སྨྲ་ར་སྭཱ་ཧཱ། ཨོཾ་བ་སུ་དྷཱ་རེ་སྭཱ་ཧཱ། ཨོཾ་བ་སུ་ཤྲཱི་ཡེ་སྭཱ་ཧཱ། ཨོཾ་ཤྲི་བ་སུ་སྭཱ་ཧཱ། ཨོཾ་བ་སུ་སྭཱ་ཧཱ། རིགས་ཀྱི་བུ་འདི་ནི་

98-1-220a

ནོར་གྱི་རྒྱུན་ཅེས་བྱ་བའི་གཟུངས་གཟུངས་སྔགས་འདིའི་མཐུས་མུ་གེ་དང་། ནད་དང་། འཆི་ངས་འབྱུང་བར་མི་འགྱུར་རོ། །རིགས་ཀྱི་བུ་སུ་ཞིག་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་ལ་མཆོད་པ་བྱས་ཏེ། ནོར་གྱི་རྒྱུན་གྱི་གཟུངས་ཀྱི་གསང་སྔགས་ཀྱི་ཚིག་འདི་དག་ནུབ་གཅིག་བཏོན་ན། དེ་ནས་དངོས་གྲུབ་དུ་འགྱུར་རོ། །རྒྱས་པའི་དོན་དུ་བདག་གི་ཁྱིམ་
འམ། གཞན་གྱི་ཁྱིམ་འམ། གནས་གཙང་མ་བང་མཛོད་དམ། གནས་གང་དུ་ཡང་རུང་བར་དེ་བཞིན་གཤེགས་པ་སྤྱན་རས་གཟིགས་དབང་ཕྱུག་དང་། སངས་རྒྱས་དང་། བྱང་ཆུབ་སེམས་
དཔའ་ཐཾད་དང་། གསང་སྔགས་ཀྱི་ལྷའི་ཕྱིར་ཙན་དན་གྱིས་དཀྱིལ་འཁོར་གྲུ་བཞིར་བྱས་ཏེ། ནུབ་གཅིག་བཏོན་ན། རིགས་ཀྱི་བུ་དེའི་ཁྱིམ་ནོར་བུ་དང་། འབྲུ་དང་། གསེར་དངུལ་དང་། 
ཡོ་བྱད་ཐཾད་ཀྱི་རྒྱུན་མི་ཆེན་པོའི་མཚན་ཙམ་གྱིས་གང་བར་འགྱུར་རོ། །འཇིགས་པ་དང་། གནོད་པ་ཐཾད་ཀྱང་མེད་པར་འགྱུར་རོ། །རིགས་ཀྱི་བུ་དེའི་ཕྱིར་ཁྱོད་རབ་ཏུ་བསྒྲིབས་ལ་ནོར་གྱི་རྒྱུན་གྱི་
གཟུངས་འདི་ཟུང་ཞིང་། ཆོང་ཤིག །ལྷོག་ཤིག །སྟོན་ཅིག །གཞན་དག་ལ་ཡང་དག་པར་རབ་ཏུ་སྟོན་ཅིག་དང་། དེ་ཁྱོད་ཀྱི་ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་རོ། །
བཅོམ་ལྡན་འདས་ལེགས་སོ་ཞེས་གསོལ་ཏེ། ཁྱིམ་བདག་ཟླ་བ་བཟང་པོས་བཅྡོཾས་ལས་ནོར་གྱི་རྒྱུན་གྱི་གཟུངས་འདི་ཐོས་ནས་ཚིམ་ཞིང་དགའ་ལ་མགུ་ཞིང་ཡི་རངས་ཏེ་རབ་ཏུ་དགའ་ནས། 
དགའ་བ་དང་། ཡིད་བདེ་བ་སྐྱེས་ཏེ། བཅྡོཾས་ཀྱི་ཞབས་ལ་མགོ་བོས་ཕྱག་འཚལ་ནས། བཅྡོཾས་ལ་འདི་སྐད་ཅེས་གསོལ་ཏོ། །བཅྡོཾས་བདག་གིས་ནོར་གྱི་རྒྱུན་ཅེས་བགྱི་བ་བླངས་ལགས། 

98-1-220b

གཟུངསུ་ཟིན་ལགས། བཟུང་ལགས། ཀླགས་ལགས། ཀུན་ཆུབ་པར་བགྱིས་ལགས། རྗེསུ་ཡི་བར་བགྱིས་ལགས་ཏེ། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་བསྟན་པར་བགྱི་
ལགས་སོ། །དེའི་སྐད་ཅིག་ཙམ་ལ་ཁྱིམ་བདག་ཟླ་བ་བཟང་པོའི་བང་མཛོད་རྣམས་ཡོངསུ་གང་བར་གྱུར་ཏོ། །དེ་ནས་ཁྱིམ་བདག་ཟླ་བ་བཟང་པོས་བཅོམ་ལྡན་འདས་ལ་ལན་འབུམ་ཕྲག་དུ་མར་
བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས། བཅོམ་ལྡན་འདས་ཀྱི་ཐད་ནས་སོང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་
སྩལ་པ། ཀུན་དགའ་བོ་ཁྱོད་སོང་ལ་ཁྱིམ་བདག་ཟླ་བ་བཟང་པོའི་ཁྱིམ་ནོར་དང་། འབྲུས་ཡོངས་སུ་གང་བ་ཕུན་སུམ་ཚོགས་པ་དང་། མཛོད་ཆེན་པོ་དང་། བང་མཛོད་ཡོངས་སུ་གང་བ་རྣམས་ལ་ལྟོས། 
དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་ཀོའུ་ཤམ་བིའི་གྲོང་ཁྱེར་ཆེན་པོ་ག་ལ་བ་དང་། ཁྱིམ་བདག་ཟླ་བ་བཟང་པོའི་ཁྱིམ་ག་ལ་བ་དེར་སོང་ཏེ་ཕྱིན་ནས་ནང་
དུ་ཞུགས་པ་དང་། ནོར་དང་། འབྲུས་ཡོངསུ་གང་བ་ཕུན་སུམ་ཚོགས་པ་དང་། རིན་པོ་ཆེ་ཕུན་སུམ་ཚོགས་པ་དང་། ཡོ་བྱད་ཐམས་ཅད་ཀྱི་མཛོད་ཆེན་པོ་དང་། བང་མཛོད་རྣམས་ཀྱང་ཡོངསུ་
གང་བར་མཐོང་ངོ་། །མཐོང་ནས་ཀྱང་ཚིམ་ཞིང་དགའ་ལ་མགུ་ཞིང་ཡིད་རང་ཏེ་རབ་ཏུ་དགའ་བ་དང་། ཡིད་བདེ་བ་སྐྱེས་ཏེ། བཅོམ་ལྡན་འདས་ག་ལ་བ་དེར་སོང་ངོ་། །དེ་ནས་ཚེ་དང་ལྡན་པ་ཀུན་དགའ་
བོ་ཡ་མཚན་དུ་འཛིན་ཅིང་། དགའ་བ་དང་ཡིད་བདེ་བ་སྐྱེས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གིས་ཁྱིམ་བདག་ཟླ་བ་བཟང་པོ་ནོར་མང་བ་མཛོད་ཆེན་པོ་དང་། 

98-1-221a

བང་མཛོད་རྣམས་ཀྱང་ནོར་དང་འབྲུ་ཕུན་སུམ་ཚོགས་པའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུ་
ཁྱིམ་བདག་ཟླ་བ་བཟང་པོ་དད་ཅིང་མཆོག་ཏུ་དད་ཅིང་དགེ་བའི་བསམ་པ་ཅན་དེས་ནོར་གྱི་རྒྱུན་གྱི་གཟུངས་འདི་བཟུང་ཞིང་རབ་ཏུ་བཏོན་ཏེ། བླངས་ཤིང་། ཀླགས། ཀུན་ཆུབ་
པར་བྱས། རྗེསུ་ཡི་རང་བར་བྱས་ཤིང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་བསྟན་པའི་ཕྱིར་རོ། །ཀུན་དགའ་བོ་དེའི་ཕྱིར་ཁྱོད་ཀྱིས་ཀྱང་ནོར་གྱི་གཟུངས་འདི་ལོང་ཞིག ། 
ཆོངས་ཤིག་ལྷོགས་ཤིག་སྟོན་ཞིག །ཟུང་ཞིག །ཀུན་ཆུབ་པར་གྱིས་ཤིག །གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ཞིག་དང་། དེ་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་
དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་། མི་རྣམས་ཀྱི་དོན་དང་། ཕན་པ་དང་། བདེ་བར་འགྱུར་རོ། །ཀུན་དགའ་བོ་སུ་ཞིག་རིག་སྔགས་འདི་ལས་གཞན་དུ་སྨྲ་བ་ནི་ལྷ་དང་
བཅས་པ་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེར་བཅས་པ་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ན་ངས་མ་མཐོང་ངོ་། །ལན་
གཉིས་སུ་བཏོན་ཏམ། ལན་གསུམ་དུ་བཏོན་ཀྱང་འགལ་བར་བྱེད་པ་དེ་ནི་གནས་མེད་དོ། །ཀུན་དགའ་བོ་གཟུངས་ཀྱི་གསང་སྔགས་ཀྱི་ཚིག་འདི་དག་ནི་མི་ཕྱེད་པ་ཡིན་ནོ། །ཀུན་དགའ་བོ་འདི་དག་ནི་
སེམས་ཅན་དགེ་བའི་རྩ་བ་ཟད་པ་རྣམས་ཀྱི་རྣ་ལམ་དུ་གྲགས་པར་མི་འགྱུར་ན་གླེགས་བམ་ལ་ཡི་གེར་བྲི་བ་དང་། ཡིད་ལ་གཟུང་བ་ལྟ་ཅི་སྨོས། དེ་ཅིའི་ཕྱིར་ཞེ་ན། འདི་ནི་དེ་བཞིན་གཤེགས་པ་ཐྃད་ཀྱིས་བཀའ་

98-1-221b

སྩལ་ཏེ། གཟུངས་སྔགས་འདི་ནི་སེམས་ཅན་དབུལ་པོ་དང་། ནད་སྣ་ཚོགས་ཀྱིས་གཟིར་བ་དང་། འཇིགས་པ་དང་། སེམས་ཅན་སྡང་བས་གནོད་པར་བྱས་པ་ཐྃད་ཀྱི་དོན་དུ་དེ་བཞིན་གཤེགས་པ་ཐྃད་ཀྱིས་
གསུངས་པ་དང་། བཤད་པ་དང་། རྗེསུ་ཡི་རང་བ་དང་། རབ་ཏུ་ཕྱེ་བ་དང་། བསྔགས་པ་དང་། བཀྲོལ་བ་དང་། གསལ་བར་མཛད་པ་དང་། བསྐྱེད་པ་དང་། བྱིན་གྱིས་བརླབས་པ་དང་། ཆོས་ཀྱི་
ཕྱག་རྒྱས་བཏབ་པ་དང་། བསྟོད་པ་དང་། སྙན་པར་བརྗོད་པ་དང་། གོ་བར་མཛད་པ་དང་། བསྙད་པའི་ཕྱིར་རོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ། དེའི་ཚེ་ཐལ་མོ་སྦྱར་
ནས་ཆེད་དུ་བརྗོད་པ་འདི་ཆེད་དུ་བརྗོད་ཅིང་ཚིགས་སུ་བཅད་པ་འདི་དག་གསོལ་ཏོ། །སངྱས་བཅྡོཾས་བསྃ་གྱིས་མི་ཁྱབ་སྟེ། །སངྱས་ཆོས་ཀྱང་བསམ་གྱིས་མི་ཁྱབ་ལགས། །བསྃ་གྱིས་མི་
ཁྱབ་པ་ལ་དད་རྣམས་ཀྱིས། །རྣམ་པར་སྨིན་པ་འང་བསྃ་གྱིས་མི་ཁྱབ་ལགས་ཞི་བ་ཅི་ཡང་མཁྱེན་པ་ཐྃད་མཁྱེན། །ཆོས་ཀྱི་རྒྱལ་པོ་རྒ་ཤི་མི་མངའ་བ། །ཡེ་ཤེས་ཕ་རོལ་བགྲོད་པར་ཕྱིན་གྱུར་
པ། །སངས་རྒྱས་དཔའ་བོ་ཁྱོད་ལ་ཕྱག་འཚལ་ལོ། །དེ་ནས་ཚེ་དང་ལྡན་པ་ཀུན་དགའ་བོ་ཚིམ་ཞིང་དགའ་ལ་མགུ་ཞིང་ཡི་རངས་ནས་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས་
བཅྡོཾས་ལ་འདི་སྐད་ཅེས་གསོལ་ཏོ། །བཅྡོཾས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི་བཅྡོཾས་ཀྱིས་བཀའ་སྩལ་པ། ཀུན་དགའ་བོ་འདི་ནི་ཁྱིམ་བདག་
ཟླ་བ་བཟང་པོས་ཞུས་པ་ཞེས་བྱ་བར་ཟུང་ཤིག །ནོར་དང་། འབྲུ་དང་། རིན་པོ་ཆེ་ཐྃད་ཀྱི་གཏེར་ཞེས་བྱ་བར་ཡང་ཟུང་ཤིག །དེ་བཞིན་གཤེགས་པ་ཐྃད་ཀྱིས་སྔགས་པ་ནོར་གྱི་རྒྱུན་གྱི་

98-1-222a

གཟུངས་ཞེས་བྱ་བར་ཡང་ཟུང་ཞིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་
དག་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅྡོཾས་ཀྱིས་གསུངས་པ་ལ་མངོན་པར་བསྟོད་དོ། །
འཕགས་པ་ནོར་གྱི་རྒྱུན་ཅེས་བྱ་བའི་གཟུངས།  རྫོགས་སྷོ།། །། དེ་ནས་བཅོམ་ལྡན་འདས་ནོར་རྒྱུན་མའི་རྟོག་པ་བཤད་པར་བྱ་སྟེ། དང་པོ་རེ་ཤིག་དཔྱིད་ཟླ་ཐ་ཆུངས་ཀྱི་དཀར་པོའི་ཕྱོགས་ཀྱི་ཚེས་
གཅིག་ལ་རྒྱ་མཚོར་འབབ་པའི་ཆུ་བོར་སོང་སྟེ། དེ་ནས་ནུ་མའི་བར་ཆུའི་ནང་དུ་ནུབ་པར་བྱས་ཏེ་འདུག་ལ་ཉི་མ་ལ་མངོན་དུ་ཕྱོགས་པར་ཡོངསུ་བརྟགས་ལ་ཇི་སྙེད་གནས་ཀྱི་བར་དུ་བཟླས་པ་བྱའོ། །བཟའ་བ་ཐྃད་སྤངས་ཏེ། 
ཉོན་མོངས་ཤིང་སྨྲ་བཅད་བྱས་ཏེ། ནུབ་བདུན་དུ་བཟླས་པ་བྱའོ། །དེ་ནས་བཅོམ་ལྡན་འདས་མའི་ཐང་སྐུ་ཡང་དབུ་སྐྲ་མ་གཏོག་པ་གུར་གུམ་དང་། ཙན་དན་གྱིས་བྱུག་པར་བྱ་བ་ནི་ནུབ་མོ་སྔ་བར་ལྃས་
ཏེ། མཆུར་ཁྲུ་བདུན་ཞེང་དུ་ཁྲུ་གསུམ་སྟེ། ཁྲུ་བཅུ་དང་བཅས་པ་ལ་ཚོན་སྣ་མ་ལུས་པ་གསོ་སྦྱོང་དང་ལྡན་པའི་ལྷ་བཟོས་བཅྡོཾས་མ་མདོག་ལྗང་སེར་སྣ་ཚོགས་པའི་རྒྱན་གྱིས་བརྒྱན་པ། ཕྱག་
གཡས་པ་ན་འབྲས་བུ་ཆེན་པོ་བསྣམས་པ། ཕྱག་གཡོན་པ་ན་སྒྲུབ་པ་པོ་རྣམས་ལ་སྟེར་བའི་རིན་པོ་ཆེའི་ཟ་མ་ཏོག་མུ་ཏིག་དང་། རྡོ་རྗེ་ཕ་ལམ་དང་། བཻ་དཱུརྱའི་འབྲས་བུ་ཅན་བསྣམ་པའི་ཕྱག་
དང་ལྡན་པ་བྱའོ། །སྟེང་དུ་ལྷའི་བུ་རིན་པོ་ཆེའི་ཆར་མངོན་དུ་འབེབས་བཞིན་པ་བྱའོ། །གཡས་ལོགསུ་དཔལ་ཆེན་མོ་པདྨའི་ཕྱག་ཅན་སྒྲུབ་པ་པོ་ལ་ཉེ་བར་དགོངས་པ་ལ་གནས་བཞིན་པ་བྱའོ། །གཡོན་ལོགས་

98-1-222b

སུ་པདྨའི་དཔལ་རིན་པོ་ཆེ་ཡིས་སྙིམ་པ་གང་བ་བྱའོ། །འོག་ཏུ་སྒྲུབ་པ་པོ་པདྨའི་ལག་པ་ཅན་བྱའོ། །དེ་ནས་ཐང་སྐུ་སྐུ་གདུང་དང་བཅས་པའི་མཆོད་རྟེན་གྱི་དྲུང་དུ་ནུབ་ཕྱོགསུ་ཁ་སྟན་ལ་བཀྲྃ་སྟེ། 
དེ་ནས་ཉེ་བར་སྤྱོད་པའི་གཏོར་མ་མ་གཏོགས་པ་མཛོད་ཀྱི་བཞེས་པ་ཡང་དབུལ་ཞིང་དྲི་ཞིམ་པོའི་མེ་ཏོག་གིས་མཆོད་པ་ཆེན་པོ་བྱས་ལ་ཙན་དན་དང་ཨ་ག་རུའི་བདུག་པས་བསྲེག་པར་བྱའོ། །ཞུན་འབར་
གྱི་མར་མེ་བརྒྱ་དབུལ་བར་བྱའོ། །དེ་ནས་སྟན་གཅིག་ལ་གནས་ཏེ་བཅོམ་ལྡན་འདས་མའི་ཞལ་ལ་དམིགས་ལ་ནུབ་མོ་མཚན་བཟླས་པ་བྱས་ན། དེ་ནས་སྐྱ་རེང་ཤར་བའི་དུསུ་སྐྱེས་བུ་ཆེན་པོ་ཙམ་གྱི་
ནོར་རིན་པོ་ཆེ་ཐྃད་ཀྱི་རྒྱུན་འབབ་ཅིང་ཁང་པ་གང་བར་འགྱུར་རོ། །ཡང་ན་མཚན་མོ་ཕྱེད་ན་ཆུའི་ནང་དུ་ཞུགས་ལ་བརྒྱད་བརྒྱ་བཟླས་པར་བྱའོ། །ཟླ་བ་གཅིག་དུ་གཅིག་གི་སྦྱོར་བས་ནོར་གྱི་
རྒྱུན་འབབ་པར་འགྱུར་ཏེ། མི་ཤེས་པར་ཁ་ཅིག་འཕེལ་བར་འགྱུར་རོ། །ཡང་ན་རྒྱལ་པོའི་སྐོར་མངོན་པར་འདོད་ན་ཉིན་མོ་ཆུའི་ནང་དུ་བཟླས་པ་བྱ་ཞིང་མཚན་མོའི་ཕྱེད་ནི་ཏིལ་གྱི་སྦྱིན་
སྲེག་བརྒྱད་བརྒྱ་བྱས་ན་རྒྱལ་རིགས་ལས་རྙེད་པ་ཆེན་པོ་ཐོབ་པོ། །ཡུངས་ཀར་མར་ལས་བསྲེས་ནས་སྦྱིན་སྲེག་བྱས་ན་རྒྱལ་པོ་དབང་དུ་བྱེད་དོ། །ཀུན་དུ་རའི་སྦྱིན་སྲེག་བྱས་ན་
རྒྱལ་པོའི་བློན་པོ་དབང་དུ་བྱེད་དོ། །ཁ་ཅིག་གིས་སྦྱོར་བ་གང་གིས་མཚན་མོ་བཅྡོཾས་པདྨའི་གདན་བྱས་ན་སྦྱིན་བདག་ཆེན་པོར་འགྱུརོ། །ཡང་ན་སྒྲུབ་ཐབས་ཆེན་པོ་བཤད་པར་བྱ་སྟེ། 
ཆོ་འཕྲུལ་གྱི་དཀར་པོའི་ཕྱོགས་ཀྱི་ཚེས་གཅིག་ནས་བརྩམས་ཏེ། ཟས་ཅི་སྲིད་དུ་བཅད་ནས་གདུང་དང་བཅས་པའི་མཆོད་རྟེན་གྱི་དྲུང་དུ་ཐང་ཀ་ནུབ་ཕྱོགསུ་བསྟན་ལ་དགྲམ་ཞིང་། 

98-1-223a

ཉིན་མོ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླག་ཅིང་མཚན་མོ་སྟན་གཅིག་ལ་གནས་པས་ནུབ་ཡལ་གྱིས་བཟླས་པ་བྱས་ན་ནོར་གྱི་ཕུང་པོ་ཆེན་པོ་རྙེད་དེ། འཐོར་གནོད་བྱས་ཀྱང་མཛད་པར་
མི་འགྱུར་ཏེ། ལྷ་ཁང་ཆེན་པོ་བྱའོ། །ཆོ་ག་འདིའི་ཆོ་འཕྲུལ་གྱི་དཀར་པོའི་ཕྱོགས་ལ་བཟླས་པ་བྱས་ན་འཁོར་ལོས་སྒྱུ་བ་ཐོབ་ཅིང་། བཅྡོཾས་མ་ནོར་རྒྱུན་མ་དངོསུ་མཐོང་ཞིང་ཕྱིར་མི་ལྡོག་པའི་བྱང་
ཆུབ་སེམས་དཔར་འགྱུརོ། །ཅི་ལྟར་དེ་ལྟར་ཚངས་སྤྱོད་བྱ་ཞིང་ཁ་ན་མ་ཐོ་བའི་ཟས་ཆང་དང་། ཉ་ཤ་ལ་སོགས་པ་སྤང་ཞིང་མཚན་མོ་བཟླས་པ་བྱས་ན་དབུལ་པོར་མི་འགྱུརོ། །དེ་ནས་བཅོམ་
ལྡན་འདས་ལ་འཕགས་པ་ཀུན་དགའ་བོ་དང་། ཟླ་བ་བཟང་པོ་ཡོངསུ་དགའ་ནས་ཁྱིམ་བདག་ཟླ་བ་བཟང་པོའི་དོན་དུ་གསུངས་པ་ལ་མངོན་པར་བསྟོད་དོ། །བཅྡོཾས་མ་ནོར་རྒྱུན་མའི་རྟོག་པ་
རྫོགས་སྷོ།། །། ན་མོ་རཏྞ་ཏྲ་ཡཱ་ཡ། ༀ་བ་སུ་དྷ་རེ་སྭཱ་ཧཱ། སྙིང་པོའོ། །ན་མོ་རཏྞ་ཏྲ་ཡཱ་ཡ། ༀ་བ་སུ་ཤྲི་སྭཱ་ཧཱ། ཉེ་བའི་སྙིང་པོའོ། །ན་མོ་རཏྞ་ཏྲ་ཡཱ་ཡ། ༀ་བ་སུ་སྭཱ་ཧཱ། ཉེ་བའི་སྙིང་
པོའི་ཡང་ཉེ་བའི་སྙིང་པོའི། ཐལ་མོ་སྦྱར་ཏེ་གུང་མོ་གཉིས་དང་དེ་ནས་སྲིན་ལག་གཉིས་དང་། མཐེ་འུ་ཆུང་གཉིས་བཤིབས་ཏེ། སྡིག་མཛུབ་ཕན་ཚུན་གཉིས་སྒྲིབ་ལ། ཐེ་འུ་ཆུང་གཉིས་
ཅུང་ཞིག་བསྣོལ་ཏེ། རྩེ་མོ་གཉིས་རྒྱབ་སྤྲད་དེ་ཁབ་ལྟ་བུ་བྱས་ལ། གུང་མོ་སྤྲད་པ་ལ་ཐེབ་མོ་ཟུང་ཅིག་དེའི་འོག་ཏུ་སྦྱར་ཏེ། རེག་པ་བཅས་པ་ནི་རབ་ཏུ་བཟུང་བའི་རྟོག་པ་ལ་གསུང་པ་སྟེ། 
ལས་ཐྃད་སྒྲུབ་པའི་བཅྡོཾས་མ་ནོར་རྒྱུན་མའི་གཟུངས་ནི་ཐུབ་པས་གསུངས་པའོ། །ན་མོ་རཏྞ་ཏྲ་ཡཱ་ཡ། ༀ་ཤྲཱི་ཡེ་ཤྲཱི་ཡེ་ཀ་རི། དྷ་ན་ཀ་རི། དྷ་ན་ཀ་རི། དྷ་ན་ཀ་རི་སྭཱ་ཧཱ། བསྒྲུབ་པར་བྱ་

98-1-223b

བའི་སྔགས་སྷོ། །རིགས་པ་འདིའི་དང་པོ་རེ་ཤིག་དམ་ཚིག་གིས་ཕྱག་ནི་སོར་མོ་རྣམས་ཐལ་མོ་སྦྱར་ལ་འཐེབ་ཆེན་དབུསུ་བཅུག་པ་ནི་བཅོམ་ལྡན་འདས་མའི་དམ་ཚིག་གི་ཕྱག་རྒྱའོ། །
ༀ་ས་མ་ཡེ། ས་མེ་ས་མ་ཡ་ཀ་རི། མ་ཧཱ་ས་མ་ཡེ་སྭཱ་ཧཱ། དམ་ཚིག་གི་ཕྱག་རྒྱ་དང་སྔགས་སོ། །ཕྱག་རྒྱ་དེ་ཉིད་ལས་གུང་མོ་དང་སྡིག་མཛུབ་ཀྱི་ཚིག་གསུམ་པ་བསྐུལ་ཞིང་འཐེབ་ཆུང་
གཉིས་ཅུང་ཟད་ཕྱིར་ཕྱུང་བ་ནི། བཅྡོཾས་མའི་ཕྱག་རྒྱའོ། །འདི་ནི་དབབ་པ་དང་། བསྡུ་བ་དང་། བསྒྲུབ་བྱའི་སྔགས་ཀྱི་བྱའོ། །ཕྱག་རྒྱ་དེ་ཉིད་ལ་སྡིགས་མཛུབ་གཉིས་བརྐྱང་བ་ནི་
མེ་ཏོག་གི་ཕྱག་རྒྱ་ཡིན་ཏེ། ༀ་བ་སུན་དྷེ་སྭཱ་ཧཱ། མེ་ཏོག་གི་ཕྱག་རྒྱ་དེ་ཉིད་ལ་གུང་མོ་བརྐྱང་བ་ནི་བདུག་སྤོས་ཀྱི་ཕྱག་རྒྱ་ཡིན་ཏེ། སྔགས་ནི། ༀ་བ་སུ་དྷ་རི་སྭཱ་ཧཱ། ཕྱག་རྒྱ་འདི་
ནི་མིང་མེད་བརྐྱང་བའི་ཕྱག་རྒྱ་ཡིན་ཏེ། སྔགས་ནི། ༀ་བ་སུ་དྷ་མ་ཏེ་ཤྲཱི་ཡེ་སྭཱ་ཧཱ། ཕྱག་རྒྱ་འདི་ཉིད་ལ་འཐེབ་ཆུང་གི་སེན་མོ་འཐེབ་ཆེན་གྱིས་བཀབ་སྟེ། སོར་མོ་གཞན་རྣམས་ནི་རྡོ་རྗེའི་
མཚན་ཉིད་དུ་བྱས་པ་ནི་མར་མེའི་ཕྱག་རྒྱ་སྟེ། སྔགས་ནི། ༀ་བ་སུ་དྷ་རེ་ཎི་སྭཱ་ཧཱ། སེན་མོ་གན་རྐྱལ་དུ་བྱས་ལ་མཐེང་བོང་གཉིས་ལོག་སུ་སྦྱར་བ་ནི་གཏོར་མའི་ཕྱག་རྒྱ་སྟེ། སྔགས་ནི། 
ༀ་བ་སུ་དྷ་ར་ཎི་སྭཱ་ཧཱ། ལྷག་མ་ཉེ་བར་སྤྱོད་པ་ཉི་ཤུ་རྩ་བའི་སྔགས་ཀྱི་འཐུན་མོང་གི་ཕྱག་རྒྱ་འམ། སྔགས་ཀྱིས་བསྒྲུབ་པར་བྱའོ། །བཅྡོཾས་མའི་ཐང་ཀའི་ཆོ་ག་ནི་ཉམས་པ་མེད་ཅིང་། 
སྐྲའི་ཉམས་པ་མེད་པ་སྐུད་པ་མ་ཆད་པའི་རས་ཞེང་དུ་མཐོ་གང་གི་ཚད་ཉིད་ལ་རིང་དུ་མཐོ་དོ་བྱས་ཏེ་སྟེང་དུ་བཅོམ་ལྡན་འདས་བྲི་གཡསུ་འཕགས་པ་སྤྱན་རས་གཟིགས་བྱས། གཡོན་

98-1-224a

དུ་རྡོ་རྗེ་འཆང་བྱ། བཅོམ་ལྡན་འདས་ཀྱི་འོག་ཐང་ཀའི་དབུསུ་བཅྡོཾས་མ་བྲི་སྟེ། གསེར་གྱི་མདོག་ཅན། རྒྱན་ཐམས་ཅད་ཀྱིས་བརྒྱན་པ། གོས་སྲབ་མོའི་ཤམ་ཀག་མནབས་
པ། དེ་བཞིན་དུ་གོས་སྲབ་མོའི་སྟོད་གཡོགས་ཅན།   ཁ་དོག་སྣ་ཚོགས་ཀྱི་གོས་ཀྱི་ཤམ་ཐབས་དང་། ལྡན་པའོ། །དེ་ནས་འོག་ཕྱོགསུ་སྒྲུབ་པ་པོ་ལག་ན་མཆོད་པའི་ཆོ་ག་བྱའོ། །
དེ་ནས་སྒྲུབ་པ་པོས་གཙང་སྦྲ་བྱས་གོས་གཙང་མ་གྱོན་ཏེ། གསོ་སྦྱོང་ཡན་ལག་བརྒྱད་བྱའོ། །དེའི་མདུན་དུ་བསྙེན་པ་འབུམ་ཕྲག་གཅིག་བྱས་ལ་ཇི་ལྟར་འབྱོར་པས་མཆོད་པས་ཆོ་ག་བྱའོ། །
དེ་ནས་སྒྲུབ་པོ་དང་ལྡན་པས་བསྙུང་བར་བྱས་ཏེ། ཞིང་གི་དབུསུ་ཐང་སྐུ་བཞུགས་སུ་གསོལ་ཏེ། དྲི་དང་མེ་ཏོག་དང་། བདུག་པ་དང་། ཉེ་བར་ལོངས་སྤྱོད་པའི་གཏོར་མ་བྱས་ལ་བརྒྱད་བརྒྱ་བཟླས་
པར་བྱའོ། །ཐང་ཀའི་འོག་དུ་ལན་བརྒྱ་ཚོ་གཅིག་གིས་བསྔགས་བྱས་པའི་བུམ་པ་ཆུས་ཡོངསུ་གང་བ་གཞག་པར་བྱའོ། །བུམ་པའི་ཆུས་གཏོར་མ་བཏང་ཞིང་། གླང་བུ་དང་ཐོང་
འཛིན་གཉིས་ལ་གཏོར་བར་བྱའོ། །གླང་བུའི་མགུལ་པ་དང་། ཐོང་འཛིན་གྱི་མགུལ་པར་མེ་ཏོག་གི་ཕྲེང་བ་གདགས་པར་བྱའོ། །དེ་རྣམས་ཀྱི་མདུན་དུ་སྔགས་པས་ཆུ་ཡི་རྒྱུན་
ཞིང་ལ་ལན་གཡས་ལོགསུ་བསྐོར་བར་བྱ་བ་ནི་སྔགས་པས་མདུན་དུ་འགྲོ་ཞིང་སྔགས་པའི་སྟེང་ནི་ཞིང་རྨོར་འགྲོ་བར་བྱའོ། །ཕྱིས་ས་བོན་འདེབས་པའི་དུསུ་ཆོ་ག་འདིས་བརྒྱད་བརྒྱ་
སྔགས་ལས་ས་བོན་སྤར་བ་གང་ལ་ལན་བདུན་བཟླས་ཏེ་ཞིང་ལ་གཏོར་བར་བྱའོ། །ས་བོན་གདབས་པའི་ཆོ་གའོ། །ད་ནི་ཞིང་རྔ་བའི་དུསུ་ཡང་ཆོ་ག་འདིས་བྱའོ། །ཆོ་ག་ལྷག་པ་ནི་འདིར་

98-1-224b

དགེ་སློང་བཞི་ལ་ཞིང་གི་མཚམས་བཞིར་ཅི་འདོད་སྟོན་མོ་བྱས་ཏེ། དེ་ནས་སྔགས་པས་ཆད་པ་བདུན་བཟླས་པ་བྱེད་ཅིང་བརྔ་བ་ནི་ལོ་ཏོག་རྩ་བ་བྱས་པའི་ཆོ་གའོ། །ད་ནི་གཡུལ་འཆག་པ་བྱའི་
ཆོ་ག་བཤད་པར་བྱ་སྟེ། གཡུལ་འཆག་པའི་དུསུ་སྔགས་པས་རང་ཉིད་གཙང་སྦྲ་བྱས་ལ་གོས་གཙང་མ་གོས་ལ་ཤར་དུ་ཞལ་སྟན་ཏེ། སྐུ་གཟུགས་བཞུགསུ་གསོལ་ལ་དྲི་དང་། མེ་ཏོག་དང་། 
བདུག་པ་དང་། ཡང་ཉེ་བར་ལོངས་སྤྱོད་པའི་གཏོར་མ་བྱས་ལ་བཟླས་པ་བྱས་ཏེ། འབྲུའི་ཕུང་པོའི་མཚམས་བཞིར་གཞོན་ནུ་མ་གསར་དུ་བག་མ་བྱས་ཤིང་ཁྱོ་ཡོད་པའི་བུད་མེད་བཞི་ལ་སྟོན་མོ་བྱས་
ལ། དེ་སྙེད་ཀྱི་མཐར་ཟད་པ་མེད་པར་གནས་སོ། །དེ་ནས་སྐྱེས་བུས་འབྲུ་འཇལ་ཞིང་གྲངས་བྱེད་པའི་དཔྲལ་བ་ལ་སྔགས་དགོད་པར་བྱའོ། །བཅྡོཾས་མའི་སྔགས་དེ་སྙེད་དུ་སྨྲ་བཅད་བྱས་ལ་
བཟླས་པ་བྱའོ། །ཇི་སྙེད་དུ་སྔོ་ལ་བལྟས་ན་གཉིས་འགྱུར་དུ་འགྲོ་བར་འགྱུར་རོ། །དེ་རྙེད་བཟླས་པ་བྱའོ། །དེ་ནས་འབྲུའི་ལྷག་མ་དེ་མི་འཇལ་བར་འཆིངས་པའི་མི་ལ་སོགས་པ་བོས་ཤིང་སྦྱིན་
པ་འམ། དགེ་འདུན་ལ་སྦྱིན་པར་བྱའོ། །གཡུལ་འཆག་པའི་ཆོ་གའོ། །ད་ནི་འབྲུ་བང་མཛོད་དུ་འཇུག་པའི་ཆོ་ག་བཤད་པར་བྱ་སྟེ། དང་པོ་རེ་ཤིག་མཛོད་ཀྱི་སྒོ་གཡས་གཡོན་དུ་
འབྱུང་པོ་གཉིས་གཅེར་བུ་གསུས་པ་འཕྱང་བ། དབང་པོ་འཕྱང་བ། གཡོན་པའི་ལག་ན་འབྲུའི་སྨོད་བཟུང་ཞིང་འབྲུ་སྐྱུག་བཞིན་པ། གསེར་གྱི་མདོག །རྒྱན་ཐྃད་ཀྱི་བརྒྱན་པ་
གཉིས་བྲི་བར་བྱའོ། །མཛོད་ཀྱི་ཁང་པར་ཡང་དྲི་དང་། བྱུག་པ་དང་། མཆོད་ཡོན་སྦྱིན་ཞིང་གདུགས་དང་། རྒྱལ་མཚན་དང་། བ་དན་ལ་སོགས་པས་བཅྡོཾས་མའི་ཐང་ཀའི་མཛོད་ཀྱི་ནང་

98-1-225a

དུ་བཞུགས་པར་བྱའོ། །དེ་ནས་འོ་མའི་ཆུ་རྒྱུན་གཏོར་བཞིན་པའི་སྔགས་པས་འགྲོ་བར་བྱ་ཞིང་། དེའི་རྒྱབ་ནས་དེ་ནས་བྲི་བར་ཁྱིམ་དུ་གཞུག་པར་བྱའོ། །དེའི་རྗེས་ལ་འབྲུའི་མཛོད་
ཁང་དུ་ཕྱག་རྒྱ་གཞག་པར་བྱའོ། །དེ་ནས་མཛོད་ཀྱི་ཁང་པའི་སྒོ་རུ་དགེ་འདུན་གྱི་སྟོན་མོ་བྱས་ལ་དྲི་དང་། མེ་ཏོག་དང་། བདུག་པ་ལ་སྩོགས་པས་མཆོད་དོ། །ནོར་རྒྱུན་མའི་གཟུངས་རྫོགས་
པར་བཀླག་པར་བྱའོ། །གཏོར་མ་རྒྱ་ཆེན་པོ་བྱས་ལ་ཐང་ཀའི་མདུན་དུ་དེ་ནས་སྐྱེས་བུས་འབྲུ་ཕྱིར་འབྱིན་པར་བྱེད་དེ། བཅྡོཾས་མ་དང་འདྲ་བར་བསམ་ལ་གུར་གུམ་གྱིས་གྲོ་ག་ལ་སྔགས་བྲིས་ལ་སྤྱི་བོར་
བཅིངས་ལ་ཁ་གོས་ཀྱིས་བཀབ་ལ་ཉི་མ་རེ་རེ་ཞིང་འབྲུ་ཕྱིར་དབྱུང་བར་བྱའོ། །མཛོད་ཁང་གི་སྒོ་རུ་ཉིན་རོ་ནོར་རྒྱུན་མ་ཞེས་བྱ་བའི་གཟུངས་ཀྱི་མདོ་བགླག་པར་བྱའོ། །སྔགས་པས་བསྒྲུབ་བྱའི་
སྔགས་བལྟས་ལ་དུས་གསུམ་དུ་བརྒྱད་བརྒྱ་བཟླས་པར་བྱའོ། །ཇི་ལྟར་རྙེད་པའི་བཅྡོཾས་མ་ནོར་རྒྱུན་མའི་གཟུངས་ཀྱི་རྟོག་པ་རྫོགས་སྷོ།། །། ༄༅།  །རྒྱ་གར་སྐད་དུ།  ཤྲཱི་མ་ཧཱ་ཀཱ་ལ་ཏན་ཏྲ།   
བོད་སྐད་དུ།  དཔལ་ནག་པོ་ཆེན་པོའི་རྒྱུད། དབང་གི་རྟ་མཆོག་སྐུ་ལ་ཕྱག་འཚལོ། །འདི་སྐད་བདག་གིས་ཐོས་པ་དུས་གཅིག་ན། ཤར་ལྷོའི་དུར་ཁྲོད་ཆེན་པོ་ཧ་ཧ་གྲག་དུ་རྒོད་པའི་གནས་
ཤིང་ཙན་དན་གྱི་ནགས་འཚལ་རབ་དུ་དགའ་བའི་མིང་ཞེས་བྱ་བ་མི་མ་ཡིན་ཕོ་མོ་མང་པོ་འདུས་པའི་ཕོ་བྲང་དུ། དཔལ་ནག་པོ་ཆེན་པོ་ཞེས་བྱ་བ་བི་ནཱ་ཡ་ཀ་ལ་སོགས་ཏེ། དེའི་ཚེ་འཁོར་གདུག་པ་ཅན་
རྣམས་ཀྱི་དབུས་ན། སྐྱེ་འགྲོ་སེམས་ཅན་རྣམས་ཀྱི་སྲོག་དབུགས་ལ་དབང་བྱེད་པའི་ནག་པོ་ཆེན་པོ་ཞེས་བྱ་བ་ཅིག་ཡོད་དོ། །དེའི་ཚེ་དེའི་དུས་ན་ནུབ་ཕྱོགས་ཀྱི་འཇིག་རྟེན་གྱི་ཁམས་ན། མཐར་བྱེད་

98-1-225b

པའི་རྟའི་རྒྱལ་པོ་ཞེས་བྱ་བ། རྒྱལ་པོ་ཆེན་པོ་བཞི་ལ་སོགས་པའི་འཁོར་གྱིས་བསྐོར་ཏེ། དྲེག་པ་ཅན་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལྕགས་ཀྱུའི་ཕྱག་རྒྱ་བཅས་ནས། ༀ་བཛྲ་
ཀྲོ་དྷ་ཧ་ཡ་གྲཱི་བ་ཧཱུྃ་ཧུ་ལུ་ཧུ་ལུ་ཧཱུྃ་བྃ་ཞེས་བརྗོད་པས་དུར་ཁྲོད་ཧ་ཧ་དྲག་དུ་རྒོད་པའི་གནས་ནག་པོ་ཆེན་པོ། རང་དབང་མེད་པར་མཐར་བྱེད་རྟའི་རྒྱལ་པོའི་མངོན་དུ་བྱུང་སྟེ་ལས་ཅི་བྱ་ཟེར་ཞིང་རང་རྟགས་སྲོག་གི་སྙིང་པོ་འདི་མདོངས་གསོལ་དུ་ཕུལ་བ། ཨོཾ་བཛྲ་མ་ཧཱ་ཀཱ་ལ་ཀྵིྃ་ཀྵེ་ཏྲ་བིགྷ་ནན་བི་ནཱ་
ཡ་ཀ་ཧཱུྃ་ཧཱུྃ་ཕཊ་ཅེས་ཕུལ་ལོ། །དཔལ་ནག་པོ་ཆེན་པོའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་རྒྱལ་པོ་མིག་མི་བཟང་གིས་མཐར་བྱེད་རྟའི་རྒྱལ་པོ་ལ་འདི་སྐད་ཅེས་གསོལ་ཏོ། །
ཨེ་མ་པད་མ་ཁྲོས་པའི་བདག །ནག་པོ་ཆེན་པོ་དྲག་ཤུལ་ཅན། །གསང་བའི་སྒྲུབ་པ་བཤད་དུ་གསོལ། །མགོན་པོ་སྒྲུབ་པར་བྱ་བ་གང་། །བསད་ཅིང་ལུས་སྲོག་དབྱེ་བ་དང་། །མ་གྲུབ་ཤི་ས་བསྟན་
པ་དང་། །མགོན་པོའི་རྟགས་དང་སེར་བ་རྣམས། །རྟ་མཆོག་ཆེན་པོས་བདག་ལ་གསོལ། །ཞེས་ཞུས་པས། དེ་ནས་པད་མ་ཁྲོས་པ་ཡིས། །ནག་པོའི་སྒྲུབ་ཐབས་ཆེད་དུ་བརྗོད། །དམ་ཚིག་ལྡན་པའི་
སྔགས་པ་ཡིས། །སངས་རྒྱས་བསྟན་པ་བསྲུང་སླད་དུ། །གཟའ་སྐར་ཚེས་གྲངས་ཤིས་པ་ལ། །དུར་ཁྲོད་ལ་སོགས་ཤིང་གཅིག་ཏུ། །བསོད་ནམས་ཚོགས་ནི་བསགས་བྱས་ལ། །ནག་པོ་
ཆེན་པོ་བསྒྲུབ་པར་བྱ། །ཕུང་བ་འམ་ས་ནག་དག་ལ་ནི། །སྟེགས་བུ་གྲུ་བཞི་བྱས་ནས་ནི། །དྲི་སྤོས་ཁྲག་གིས་ཆག་ཆག་བྱ། །དབུསུ་གྲུ་གསུམ་ཟླ་ཁམ་ལྡན། །ཕྱི་རོལ་པད་མ་འདབ་བརྒྱད་བྲི། །
དེ་དབུས་ཐོད་ཆེན་ནང་དུ་ནི། །ཤ་ལྔ་སྙིང་སྣས་བརྒྱན་པ་ཡི། །གཏོར་མ་བཤོས་བུ་ཁྲུ་གང་ཚད། །དེ་ལ་མདའ་གཟུགས་དམར་ནག་དར། །གྲི་སྙིང་ཙ་ཀ་ལི་ཡང་གཟུགས། །དེ་ཉིད་མགོན་པོའི་རྟེན་དུ་བཞག །

98-1-226a

ཌ་མ་རུ་ཡི་ལྤགས་པའི་ནང་། །མགོན་པོའི་སྲོག་སྔགས་བྲི་བར་བྱ། །ལྡོ་ཡི་ནང་དུ་བླ་རྡོས་དྲིལ། །སྤོས་དང་རྒྱུན་གཏོར་གཏང་བར་བྱ། །དཀོན་མཆོག་སྤྱི་ལ་མཆོད་པ་བཤམ། །དེ་ནས་པད་
མར་བདག་བསྒོམས་ལ། །ཐུགས་ཀའི་ཧྲཱི་ལས་འོད་འཕྲོས་པས། །བླ་མ་སངས་རྒྱས་ལ་སོགས་པ། །རང་གི་མདུན་དུ་བསམ་བྱས་ལ། །མཆོད་པ་རྣམ་ལྔ་དབུལ་བར་བྱ། །རྣམ་དག་བདུན་གྱི་འོག་
ཏུ་ནི། །ཚད་མེད་བཞི་པོ་བསྒོམ་པར་བྱ། །བཏང་སྙོམས་ལ་སོགས་བྃ་རྃ་ཏྲི། །པད་སྟེངས་ཡི་གེ་ཧཱུྃ་ལས་ནི། །ནག་པོ་ཞལ་གཅིག་ཕྱག་དྲུག་པ། །གྲི་གུག་ཕྲེང་བ་ཌ་མ་རུ། །ཐོད་པ་མདུང་དང་
ཞགས་པ་བསྣམས། །གཡས་གཡོན་རིམ་པས་བསྣམས་པའོ། །སྦྲུལ་དང་རིན་ཆེན་རྒྱན་གྱིས་བརྒྱན། །སྐུ་སྨད་བ་ཏི་ཁྲ་བོ་གསོལ། །སྟག་ལྤགས་ཞིང་གི་ཤམ་ཐབས་ཅན། །གཏུམ་པོ་
སྤྱན་གསུམ་མཆེ་བ་གཙིགས། །དཔྲལ་བར་དྲི་ཡི་ཐིག་ལེས་བརྒྱན། །སྤྱི་གཙུག་མི་བསྐྱོད་སྤྲུལ་སྐུ་བརྟན། །དེ་ལྟར་བདག་མདུན་གསལ་བསྒོམས་ནས། །སྤྱན་དྲངས་མཆོད་དང་བཟླས་
པ་བྱ། །གཏོར་མ་པཱུ་ཛ་ལ་སོགས་པས། །ནག་པོ་ཆེ་ལ་སྦྱིན་པར་བྱ། །མགོན་པོའི་ཐུགས་ཀའི་ཧཱུྃ་ལས་ནི། །སྲོག་གི་ཡི་གེས་གཡས་ནས་བསྐོར། །ཁོར་ཡུག་དག་གིས་བཟླས་པར་
བྱ། །ༀ་བཛྲ་མ་ཧཱ་ཀཱ་ལ་ཀྵིྃ་ཀྵེ་ཏྲ་བིགྷ་ནན་བི་ནཱ་ཡ་ཀ་ཧཱུྃ་ཧཱུྃ་ཕཊ། དེ་སྐད་ཅེས་ནི་རབ་བརྗོད་པས། །ནག་པོ་གྲུབ་པའི་རྟགས་རྣམས་འབྱུང་། །དཔལ་ནག་པོ་ཆེན་པོའི་རྒྱུད་ལས་བསྙེན་ཅིང་
བསྒྲུབ་པའི་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ། །སངྱས་བསྟན་པ་བཤིག་པ་དང་། །རྣལ་འབྱོར་བར་ཆད་བྱེད་པ་རྣམས། །ནག་པོ་ཆེན་པོས་བསྒྲལ་འདོད་ན། །

98-1-226b

སྟེགས་བུ་གྲུ་བཞི་བྱས་ནས་ཀྱང་། །དྲག་པོ་ཨེ་ཡི་ནང་དུ་ནི། །ཕོ་མོ་རབས་ཆད་ཐོད་པའི་ནང་། །གཟུགས་ནི་སྤྲ་ཚིལ་དག་ལ་བྱ། །མིང་རུས་དག་ནི་བཀོད་ནས་ཀྱང་། །བསད་དང་ན་བ་སྐབས་
དང་སྦྱར། །མགོན་པོའི་སྐུ་དང་དམ་རྫས་རྣམས། །ཁ་དང་ཁ་ལ་དགོད་པར་བྱ། །ཕག་ཐོད་ནང་དུ་ཐུན་རྫས་བླུགས། །རྟ་གཏོར་རྒྱུན་གཏོར་གཡས་དང་གཡོན། །གསང་སྔགས་
འདི་ཡིས་བསད་པར་བྱ། །ༀ་བཛྲ་མ་ཧཱ་ཀཱ་ལ་ཀྵིྃ་ཀྵེ་ཏྲ་ཡ་བིགྷ་ནན་བི་ནཱ་ཡ་ཀ་ཧཱུྃ་ཧཱུྃ་ཕཊ། ༀ་མ་ཧཱ་ཀཱ་ལ་ཡ་ཤཱ་ས་ན་ཨུ་པ་ཀ་རི་ཎི་ཥ་ཨཱ་པ་མ་ཀཱ་ལོ་ཡང་ཨི་དྃ་རཏྞ་ཏྲ་ཡཱ་ཡ་ཨ་པ་ཀཱ་རི་ཎྃ་ཡ་དི་པྲ་
ཏི་ཛྙཱ་སྨ་ར་སི་ཏ་དཱ་ཨི་དྃ་དུཥྚ་ན་ཁ་ཁ་ཁྷཱི་ཁྷཱི། མཱ་ར་མཱ་ར། གྷྲྀཧྞ་གྷྲྀཧྞ། བན་དྷ་བན་དྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མེ་ཀེ་ན་མཱ་ར་ཡ་ཧཱུྃ་ཧཱུྃ་ཕཊ་ཕཊ། ཧཱུྃ་བི་ནཱ་ཡ་ཀ་བི་ལས་ཏྲྃ་བི་ཧྲི་ཧཱུྃ་ཛ་
སི་མ་བུ་བི་ནཱ་ཡ་ཀ་ཨ་མུ་ཀ་བྲི་སྲོག་ཧུར་ཐུམས་ཛ་མ་ར་ཡ་རྦད། དྲག་སྔགས་བཟླས་ཤིང་ཐུན་གྱིས་བྲབ། །ཞག་བདུན་བར་དུ་སྨྲ་མི་བྱ། །དེ་ལ་རྟགས་རྣམས་རྫོགས་པར་འགྱུར། །དཔལ་
ནག་པོ་ཆེན་པོའི་རྒྱུད་ལས་ལུས་སྲོག་དབྱེ་བའི་ལེའུ་སྟེ་གསུམ་པའོ།། །། དེ་ནས་ཡང་དག་བཤད་བྱ་བ། །ལས་མཐའ་སྦྱིན་སྲེག་དག་གིས་བརྟུལ། །གྲུ་གསུམ་དབུསུ་
གདུག་པའི་ཤིང་། །དབུསུ་ནག་པོ་འཁོར་བཅས་བསྐྱེད། །ལིང་ཀ་གཏོར་མ་དམ་རྫས་རྣམས། །ནག་པོའི་ཞལ་དུ་དབུལ་བར་བྱ། །སྔགས་འདི་བཟླས་ཤིང་བསྲེག་པར་བྱ། །
ཨག་ནེ་ཛྭ་ལ་རྃ་ལས་རྫོགས། །ཐལ་བ་རླུང་དམར་དག་ལ་བསྐུར། །ཨ་མོ་གྷ་ནི་མྱུར་དུ་ཀློག །དཔལ་ནག་པོ་ཆེན་པོའི་རྒྱུད་ལས་མཐའ་བརྟུལ་བའི་ལེའུ་སྟེ་བཞི་པའོ།། །།

98-1-227a

དེ་ནས་ཡང་དག་བཤད་བྱ་བ། །དེ་ལྟར་བསྒྲུབས་ཀྱང་མ་གྲུབ་ན། །གཅིག་དང་གཉིས་ལ་ནན་ཏན་བསྐྱེད། །དེ་ལྟར་བྱས་ཀྱང་མ་གྲུབ་ན། །ས་གསུམ་ཁྲག་གསུམ་དུགསུམ་ལ། །
ཁྲུ་གང་བའི་གཟུགས་ཀྱི་ཚད། །གྲུ་གསུམ་དབུསུ་ནག་པོའི་གཟུགས། །སྤྱི་ཚར་དག་ཏུ་ལྡིང་དུ་གཞུག །བྲིས་སྐུ་དམ་རྫས་བླ་རྡོ་རྣམས། །རང་གི་གྲུ་གསུམ་མལ་གྱི་འོག །དུག་དང་ཚེར་མས་
སྟེང་ནས་དགབ། །ཐུན་རྫས་བྲབ་ཅིང་སྔགས་འདི་བཟླས། །ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུྃ་ཧུ་ལུ་ཧུ་ལུ་ཧཱུྃ་ཕཊ། ཕཊ་ཧཱུྃ་ཧཱུྃ་ཀ་ཡ་ནཱ་བི་ག་ནན་གྷ་བི་ཏྲ་ཀྵེ་ཀྵིྃ་ལ་ཀཱ་ཧཱ་མ་བཛྲ་ༀ། དེ་སྐད་བརྗོད་ཅིང་ཐུན་གྱི་
བྲབ། །དེ་ལ་རྟགས་རྣམས་རྫོགས་པ་དང་། །དེ་ནས་གསོ་བའི་ཆོ་ག་བྱ། །བྲིས་སྐུ་བླ་རྡོ་དམ་རྫས་རྣམས། །སྤོས་ཆུས་བཀྲུ་ཞིང་སྔགས་འདི་བཟླས། །ༀ་བཛྲ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷ་ནན་བི་ནཱ་
ཡ་ཀ་ཧཱུྃ་ཧཱུྃ་ཕཊ་སོས་སོས་སྭཱ་ཧཱ། དེ་སྐད་བྱས་ལ་གནསུ་ནི། །མགོན་པོའི་གཟུགས་ཀྱང་སྤོས་ཆུས་བཀྲུ། །གྲུ་གསུམ་དབུསུ་བླངས་བྱས་ལ། །དགྲ་བོའི་མིང་རུས་སྙིང་གར་གཞུག །
ཞག་བདུན་བསྒྲུབས་ལ་དགྲ་ལ་བསྐྱལ། །ཨ་མོ་གྷ་ནི་མྱུར་དུ་བཀླག །དཔལ་མགོན་པོ་ནག་པོའི་རྒྱུད་ལས་མ་གྲུབ་ན་སྤོགས་པའི་ཆོ་ག་དང་གསོ་བའི་ལེའུ་སྟེ་ལྔ་པའོ།། །།
དེ་ནས་ཡང་དག་བཤད་བྱ་བ། །བྱ་ནག་འཕུར་ཞིང་ལྡིང་བ་དང་། །མོས་པ་ཨ་ཙ་ར་དང་ནི། །དགེ་བཤེས་བན་དེ་སློབ་དཔོན་དང་། །འོད་དང་སྒྲ་དང་ཁང་པ་འཚིགས། །མགོན་པོའི་སྐུ་དག་དངོསུ་མཐོང་། །
དགྲ་ལ་དམག་དྲངས་སེམས་ཅན་བསད། །མི་ནག་བདག་ལ་སྙིང་སྟོབས་དང་། །མཛེ་པོ་དང་ནི་སྤྲང་པོ་དང་། །བྱ་ནག་ཐང་ལ་ལྷུང་བ་འབྱུང་། །དཔལ་མགོན་པོ་ནག་པོའི་རྒྱུད་ལས་རྟགས་ཀྱི་རིམ་པའི་ལེའུ་

98-1-227b

སྟེ་དྲུག་པའོ།། །། དེ་ནས་ཡང་དག་བཤད་བྱ་བ། །སེར་བ་དབབ་པའི་ལས་བྱ་ན། །མོན་ནམ་མཛེ་ཅན་ཐོད་པ་རུ། །འཁོར་ལོ་རྩིབས་བཞི་བྲིས་ནས་ཀྱང་། །རིགས་ལྔ་ཀླུ་
ཡི་ས་བོན་དགོད། །རྩིབས་ཆེན་སེར་སྲུང་མིང་རུས་དང་། །ཡུལ་དུ་ཕོབ་ཅེས་བྱ་བ་བྲིས། །དེ་མཐར་འཁོར་ལོ་རྩིབས་དགུ་ལ། །དྲེགས་པའི་སྔགས་དག་བྲི་བར་བྱ། །
རྒྱབ་དུ་གང་ཡིན་ཡུལ་མིང་དང་། །རླུང་གི་སྙིང་པོ་བྲི་བར་བྱ། །བདག་ཉིད་པད་མ་ཁྲོས་པར་བསྒོམ། །གསང་སྔགས་འདི་ཡིས་གནད་ལ་བོར། །ༀ་བཛྲ་མ་ཧཱ་ཀཱ་ལ་
ཀྵིྃ་ཀྵེ་ཏྲ་བིགྷ་ནན་བི་ནཱ་ཡ་ཀ་ཧཱུྃ་ཧཱུྃ་ཕཊ། ནཱ་ག་སྙིང་གཟིར། ཕུ་ཧུར་ཐུམས་ཛ་ཕྲོ་ཤར་ཧྲིལ་བྷྱོ། །དེ་སྐད་ཅེས་ནི་རབ་བརྗོད་ལ། །ཡུངས་དཀར་ཡུངས་ནག་སྐེ་ཚེ་དང་། །
ཁྲག་དང་དུག་གིས་ཐོད་པར་བྲབ། །ལོ་འབྲས་རླུང་ཁྱེར་རྟགས་བྱུང་ན། །དགྲ་ཡི་ཡུལ་དུ་དབབ་པར་བྱ། །གལ་ཏེ་འཇིག་རྟེན་ཕུང་བ་བའོ། །དཔལ་མགོན་པོ་ནག་
པོའི་རྒྱུད་ལས་སེར་བ་དབབ་པའི་ལེའུ་སྟེ་བདུན་པའོ།། །། དེ་ནས་ཡང་དག་ངེས་གསུངས་པ། །ཨེ་མ་འཁོར་འདུས་ངོ་མཚར་ཅན། །མ་འོངས་དམ་ཅན་
བསྒྲུབ་བྱེད་ན། །དམ་ཚིག་ལ་གནས་སྡོམ་པ་གཟུངས། །གཏོར་མ་དག་ལ་བརྩོན་པར་བྱ། །དམ་རྫས་བླ་རྡོ་ལུས་ལ་བསྲེལ། །ཞེས་གསུངས་པས་རྒྱལ་པོ་མིག་མི་
བཟང་ལ་སོགས་པའི་འཁོར་རྣཾས་ཡི་རང་ནས་ནག་པོ་ཆེན་པོས་བསྟན་པ་བསྲུང་བར་ཁས་བླངས་ནས་མི་སྣང་བར་གྱུར་ཏོ། །དཔལ་ནག་པོ་ཆེན་པོའི་རྒྱུད་ལས་ལེའུ་བརྒྱད་པ་རྫོགས་སྷོ།། །། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། བོད་ཀྱི་

98-1-228a

ལོ་ཙ་བ་ཕུར་བུ་འོད་ཀྱིས་བསྒྱུར་བའོ།།  །།༄༅། །རྒྱ་གར་སྐད་དུ།  ཤྲཱི་མ་ཧཱ་ཀཱ་ལ་ནཱ་མ་དྷཱ་ར་ཎཱི།  བོད་སྐད་དུ།  དཔལ་མགོན་པོ་ནག་པོ་ཞེས་བྱ་བའི་གཟུངས།  །སངྱས་དང་བྱང་ཆུབ་སེམས་དཔའ་ཐྃད་
ལ་ཕྱག་འཚལོ། །འདི་སྐད་བདགིས་ཐོས་པ་དུས་གཅིག་ན། བཅྡོཾས་རྡོ་རྗེའི་གདན་ལ་བདུད་བརྟུལ་ཏེ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ་ཞིག་ན་བྱང་ཆུབ་ཀྱི་ཤིང་དྲུང་ལ་བཞུགས་སོ། །བཅྡོཾས་ག་ལ་བ་
དེ་ལོགསུ་ལྷའི་སྡེ་དཔོན་ཆེན་པོ་ཚོགས་ཀྱི་བདག་པོ་མ་ཧཱ་ཀཱ་ལ་འདོད་པའི་ཁམས་ཀྱི་དབང་ཕྱུག་ལ་དབང་སྒྱུར་བ་དཔལ་མགོན་པོ་ནག་པོ་ཆེན་པོས། བཅྡོཾས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་
ཏུ་འདུག་ནས་འདི་སྐད་ཅེས་གསོལ་ཏོ། །བཙུན་པ་བཅྡོཾས་བདགི་རིག་པ་འབུལ་གྱིས་བཞེསུ་གསོལ། །ༀ་ཤྲཱི་མ་ཧཱ་ཀཱ་ལ་ག་ཎ་གུ་ཏི་སྭཱ་ཧཱ། ན་མཿཤྲཱི་མ་ཧཱ་ཀཱ་ལ་ག་ཎེ་གུ་ཏི་ཤཱ་ཡ། ན་མོ་ཡོ་ཀི་ན་ཎཱི་ན། 
ཏདྱ་ཐཱ། ༀ་ཧི་ལེ་ཧི་ལེ། ཀི་ཏེ་ཀི་ཏེ་ནི། ཙིད་དེ་ཙིད་དེ་ནི་སྭཱ་ཧཱ། འདི་བཏོན་པས་ནད་ཐྃད་དང་། རིམས་ཐྃད་དང་། གདོན་ཐྃད་དང་། མིངས་ཐྃད་དང་། འབྱུང་པོ་ཐྃད་དང་། ཉེས་པར་བསྒོམས་པ་ཐྃད་དང་། ཉེས་པར་བལྟས་པ་
རྣམས་སྟེང་དུ་གཞན་འཕྲུལ་དབང་བྱེད་ལ་ཐུག་པ་མན་ཆད་བཅིང་ངོ་། །འོག་ཏུ་ནི་སེམས་ཅན་དམྱལ་བ་ལ་ཐུག་པ་ཡན་ཆད་བཅིང་ངོ་། །ཐད་ཀ་ཁོ་ར་ཁོར་ཡུག་ཏུ་ནི་རི་ལ་ཐུག་པ་ཚུན་ཆད་བཅིང་ངོ་། །གཞན་ཡང་
གཙུག་ཁང་དང་དཀྱིལ་འཁོར་གྱི་བསྲུངས་མ། དུག་གསུམ་ནད་ཀྱི་སྨན་པ། རིག་འཛིན་ཡོངས་ཀྱི་སྲོག་ཤིང་། རྣལ་འབྱོར་ཀུན་གྱི་དགྲ་བླ། བདུད་འདུལ་རྣམས་ཀྱི་དབང་ཕྱུག །སྲིན་པོ་ལང་ཀ་པུ་རིའི་གྲོང་ཁྱེར་གཏན་
ནས་རློག་པ། གནོད་སྦྱིན་གྱི་བུ་མོ་ནམཁའི་གློག་མ་སྲིན་རྡུལ་དུ་རློག་པ། དཀོན་མཆོག་གསུཾ་གྱི་བསྟན་པ་བསྲུང་བར་ཁས་བླངས་ཤིང་དམ་བཅས་པའོ། །འཕགས་པ་དཔལ་མགོན་པོ་ནག་པོ་ཞེས་བྱ་བའི་གཟུངས་རྫོགས་སྷོ།། །།

98-1-228b

༄༅། །རྒྱ་གར་སྐད་དུ། དེ་བི་མ་ཧཱ་ཀཱ་ལི་ནཱ་མ་དྷཱ་ར་ཎཱི།  བོད་སྐད་དུ། ལྷ་མོ་ནག་མོ་ཆེན་མོའི་གཟུངས། སངྱྃས་དང་བྱང་ཆུབ་སེམས་དཔའ་ཐྃད་ལ་ཕྱག་འཚལོ། །འདི་སྐད་བདགིས་ཐོས་པ་དུས་གཅིག་ན། བཅྡོཾས་
མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ་ཞིག་ན་བྱང་ཆུབ་ཀྱི་ཤིང་དྲུང་ན་བཞུགས་སོ། །དེ་ནས་འདོད་པའི་ཁམས་ཀྱི་དབང་ཕྱུག་མ། བདུད་ཀྱི་ཡུམ། གཤིན་རྗེའི་ལྕམ་མོ་ལྷ་མོ་ནག་མོ་ཆེན་
མོས་བཅྡོཾས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འདུགོ།   དེ་ནས་བཅྡོཾས་ལ་ལྷ་མོ་ནག་མོ་ཆེན་མོས་གསོལ་པ། བཙུན་པ་བཅྡོཾས་ཀྱི་ཞབས་ལ་ཕྱག་འཚལ་བའི་རིག་པ་འབུལ་ན། བདགི་དེ་
བཅྡོཾས་ཀྱིས་བཞེསུ་གསོལ། དེ་ནས་བཅྡོཾས་ཀྱིས་བཀའ་སྩལ་པ། བདུད་ཀྱི་ཡུམ་གཤིན་རྗེའི་ལྕམ་མོ་ལྷ་མོ་ནག་མོ་ཆེན་མོས་སྟེང་དུ་ནི་གཞན་འཕྲུལ་དབང་བྱེད་ལ་ཐུག་པ་མན་ཆད་བཅིང་བར་བྱའོ། །
འོག་དུ་ནི་སེམས་ཅན་དམྱལ་བ་ལ་ཐུག་པ་ཡན་ཆད་བཅིང་པར་བྱའོ། །ཐད་ཀ་ཁོ་ར་ཁོར་ཡུག་ཏུ་ནི་རི་ལ་ཐུག་པ་ཚུན་ཆད་བཅིང་བར་བྱའོ། །དེའི་སྔགས་འདི་དག་ཀྱང་བཟླས་པར་བྱ་སྟེ། ཏདྱ་ཐཱ། ༀ་རུ་རུ་
བྷེ་ཏིཥྛ་བད་དྷོ་སི་རུ་རུ་རོ་རུ་བྷེ་ཏིཥྚ་བད་དྷོ་སི་སྭཱ་ཧཱ། འདི་བཏོན་པས་རིམས་དང་། ནད་དང་། མི་ངས་དང་། ཉེས་པ་ཐྃད་དང་། མཛེ་དང་། ཕོལ་མིག་དང་། གཡན་པ་ལ་སོགས་པའི་ནད་ཐྃད་ཞི་བར་འགྱུར་རོ་སྭཱ་ཧཱ། 
ལྷ་མོ་ནག་མོ་ཆེན་མོའི་གཟུངས།  རྫོགས་སྷོ།། །། ༄།  །འཕགས་པ་ནག་པོ་ཆེན་པོའི་གཟུངས་རིམས་ནད་ཐྃད་ལས་ཐར་བར་བྱེད་པ། སངས་རྒྱས་དང་།  བྱང་ཆུབ་སེམས་དཔའ་ཐྃད་ལ་ཕྱག་
འཚལོ། །ནག་པོ་ཆེན་པོ་སྐྱེས་བུ་ནག་སེར་མཆེ་བ་རྣོན་པོ། མཆེ་བ་ཆེན་པོ་རིམས་ནད་ཐྃད་ལས་རྣམ་པར་ཐར་བར་བྱེད་པ་བརྗོད་པར་བྱ་སྟེ། ཕྱོགས་གང་དང་གང་དུ་བལྟས་པ་དེར་བདག་ལ་རིམ་ནད་མེད་པར་གྱུར་ཅིག །

98-1-229a

ཏདྱ་ཐཱ། ཧ་ན་ཧ་ན་རཱ་ཛ་དྷུྰ་ཏེ་ན། ད་ཧ་ད་ཧ་རཱ་ཛ་དྷུྰ་ཏེ་ན། པ་ཙ་པ་ཙ་རཱ་ཛ་དྷུྰ་ཏེ་ན། བ་ཧུ་ཤྲ་བེ། བ་ཧུ་པ་རི་བཱ་རི། བ་ཧུ་པ་རི་ཤོ་དྷེ། ཨི་མྃ་ཛཱ་ར་ཙཎ་ཌཱ་ལྃ་ཧ་ན་ཧ་ན། ཨོཾ་སུྃ་བྷ་ནི་སུམ་བྷ་ཤི་ར་མུྃ་ཙ། ཙཀྵུ་མུྃ་ཙ། 
ཤྲོ་ཏྲ་མུྃ་རྩ། གྷྲཱ་ཎ་མུྃ་ཙ། ཛི་ཧྭཱ་མུྃ་ཙ། ཀ་ཎ་ཋ་མུྃ་ཙ། གྲཱཾ་བ་མུྃ་ཙ། པྲེཥྛ་མུྃ་ཙ། ཀཱ་ཊི་ཀཱ་མུྃ་ཙ། ཀུ་ཀྵ་མུྃ་ཙ། ཨུ་རུ་མུྃ་ཙ། ཛ་ནཽ་མུྃ་ཙ། ཧསྟ་མུྃ་ཙ། པཱ་དཽ་མུྃ་ཙ། ཨ་གུ་ལི་མུྃ་ཙ། ཨོཾ་ག་པྲ་ཏྱྃ་ག་མུྃ་ཙ། ཨ་པ་ས་ར་
ཨཎྱ་སི་མུྃ་གཙྪ། ཛྭ་ར་མུ་ཏོ་སི་བདག་ལ་སྭཱ་ཧཱ། ཨོཾ་ཛཱ་ལ་མཱ་ཨྃ་གུ་ལི་ཧཱུྃ། སརྦ་ཛཱ་རཱ་ནན་ཕཊ། འཕགས་པ་ནག་པོ་ཆེན་པོའི་གཟུངས་རིམས་ནད་ཐྃད་ལས་རྣམ་པར་ཐར་བར་བྱེད་པ། རྫོགས་སྷོ།། །།
རྒྱ་གར་གྱི་མཁན་པོ་པྲཛྙཱ་བར་མ་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། །༄༅། །རྒྱ་གར་སྐད་དུ།  ཤྲཱི་དེ་བི་ཀ་པྲ་མ་རཱ་ཛ་ཏན་ཏྲ་ཀཱ་ལི།   
བོད་སྐད་དུ།  དཔལ་ལྷ་མོ་ནག་མོའི་བསྟོད་པ་རྒྱལ་པོའི་རྒྱུད། རིག་སྔགས་དང་གསང་སྔགས་ཀྱི་མངའ་བདག་དཔལ་ཕྱག་ན་རྡོ་རྗེ་ལ་ཕྱག་འཚལོ། ། འདི་སྐད་བདགིས་ཐོས་པ་དུས་གཅིག་ན། རི་རབ་
ཀྱི་རྩེ་མོ་རྩུབ་འགྱུར་གྱི་ཚལ་ཆེན་པོ་ན་བཅྡོཾས་དཔལ་དྲག་པོ་ཆེན་པོ་ཕྱག་ན་རྡོ་རྗེ་ལུས་བསྐལ་པའི་མེ་ལྟར་འབར་བ། སྲིད་པ་གསུམ་ལས་རྣམ་པར་རྒྱལ་བ། ཉི་མ་སྟོང་གི་གཟི་བརྗིད་དང་ལྡན་ནས་བཞུགས་སོ། །
འཁོར་ནི་བརྒྱ་བྱིན་དང་། ཤ་ཟ་དང་། སྲིན་པོ་དང་། མ་མོའི་ཚོགས་བྱེ་བ་དུང་ཕྱུར་གྱིས་བསྐོར་ཏེ་བཞུགས་སོ། །དེའི་ཚེ་ན་དཔལ་ཕྱག་ན་རྡོ་རྗེ་པད་མའི་གདན་ལ་བཞུགས་ཏེ་བཀའ་སྩལ་པ། ངའི་འཁོར་དུ་གཏོགས་
པའི་ལྷ་མ་སྲིན་སྡེ་བརྒྱད་ཉོན་གཅིག །འདོད་པའི་ཁམས་འདི་ན་བདུད་ཀྱི་མ་གཤིན་རྗེའི་སྲིང་མོ་ཞེས་བྱ་བ་རྒྱལ་ཚབ་ཆེན་པོ་སངས་རྒྱས་ཐྃད་ཀྱི་བསྟན་པ་འཛིན་པ་ཅིག་ཡོད་ཀྱིས། ཁྱེད་ཀྱིས་དེ་ལ་མཆོད་

98-1-229b

པ་གྱིས་ཤིག །བསྟོད་པ་གྱིས་ཤིག །ངས་ཀྱང་ཁྱོད་ལ་བྱིན་གྱིས་བརླབ་པོ་ཞེས་བཀའ་སྩལ་པ་དང་། འཁོར་གྱི་ནང་ནས་ལྷའི་དབང་པོ་བརྒྱ་བྱིན་སྟན་ལས་ལངས་ཏེ་དཔལ་ལྷ་མོ་ནག་མོ་ལ་
དགེ་བ་བཅུའི་སྒོ་ནས་བསྟོད་པ། སྔོན་འདས་བསྐལ་པ་དང་པོའི་ཕ་རོལ་ན། །དགེ་བཅུའི་ལས་ལ་སེམས་རབ་ཆེར་སྦྱངས་ནས། །ལམ་གྱི་ཁྱད་པར་གོང་མ་རབ་རྫོགས་ཀྱང་། །མཐོ་རིས་སྐྱེས་པ་
རྣམས་ལ་དགེ་བ་བཅུའི། །ཚུལ་གྱིས་དོན་མཛད་ཕྱི་རོལ་བསྒྱུར་བ་ཡི། །དཔལ་ལྡན་ལྷ་མོ་ཁྱོད་ལ་ཕྱག་འཚལ་བསྟོད། །འདས་པའི་དུས་ན་སྲོག་གཅོད་རབ་སྤངས་པས། །སྐུ་ཚེ་རིང་ཞིང་གཟུགས་
བྱད་ཕུན་སུམ་ཚོགས། །གཞན་གྱི་ལན་ཆགས་གནོད་པའི་རྐྱེན་དང་ལྡན། །འཆི་བདག་འཇོམས་མཛད་ཁྱོད་ལ་ཕྱག་འཚལ་བསྟོད། །མ་བྱིན་ལེན་སྤངས་ཚུལ་ལ་རབ་སྤངས་པས། །བསོད་ནམས་
ཚོགས་ཀྱིས་ལོངས་སྤྱོད་ཕུན་སུམ་ཚོགས། །གཏེར་གྱི་ལོངས་སྤྱོད་མི་འགྲིབ་རབ་བརྟན་བརྙེས། །སྦྱིན་པའི་གཏེར་འཆང་ཁྱོད་ལ་ཕྱག་འཚལ་བསྟོད། །མི་ཚངས་སྤྱོད་པའི་བཀའ་རྣམས་བསྲུང་བ་དང་། །
མངལ་གྱི་གྲོང་ཁྱེར་དམན་ལས་རྣམ་པར་འཕགས། །སྲིད་པའི་འདོད་ཆགས་རིང་དུ་སྤངས་པ་སྟེ། །དགེ་སྦྱོང་ཆེན་མོ་ཁྱོད་ལ་ཕྱག་འཚལ་བསྟོད། །ཉོན་མོངས་བརྫུན་ཚིག་སྤངས་པའི་རྣམ་སྨིན་
གྱིས། །གསུང་གི་དངོས་གྲུབ་འཇིག་རྟེན་འདུལ་བའི་གཙོ། །གསུང་མཆོག་རྣམ་དག་བརྙེས་པའི་རང་བཞིན་ཏེ། །བདེན་པར་བསྲུང་བ་ཁྱོད་ལ་ཕྱག་འཚལ་བསྟོད། །ཕྲ་མའི་སྐྱོན་སྤངས་མི་ཕྱེད་
འཁོར་དང་ལྡན། །ཉིད་ལ་རྣམ་པར་དུལ་བའི་འཁོར་གྱིས་བསྐོར། །ལྷ་དང་ལྷ་མིན་བདེན་པས་འདུལ་མཛད་མ། །དཀར་མོའི་འཁོར་ཚོགས་ཁྱོད་ལ་ཕྱག་འཚལ་བསྟོད། །ངག་འཁྱལ་སྤངས་པའི་ཡོན་ཏན་

98-1-230a

སྦྱིན་པ་ཡིས། །ཏིང་འཛིན་རྩེ་གཅིག་མི་གཡོ་བར་ཆད་སྤངས། །དགོས་འབྲེལ་ཚུལ་གྱིས་བསྟན་པ་སྐྱོང་མཛད་མ། །བྱིས་པ་འདུལ་མཛད་ཁྱོད་ལ་ཕྱག་འཚལ་བསྟོད། །ང་རྒྱལ་ཁེངས་སེམས་སྤངས་པའི་ཡོན་ཏན་གྱིས། །ཞི་བའི་ཚིག་འཇམ་ལྷ་མོ་དབྱངས་
སྙན་མ། །ཚིག་རྩུབ་གཤེ་བའི་གཉེན་པོ་བྱེད་པ་སྟེ། །ངག་རྩུབ་འདུལ་མཛད་ཁྱོད་ལ་ཕྱག་འཚལ་བསྟོད། །རང་སེམས་བརྣབ་སེམས་སྤངས་པའི་ཁྱད་པར་ནི། །འཛིན་པའི་རྣམ་རྟོག་རྣམ་པར་སྤངས་པའི་རྟགས། །བདག་མེད་རྟགསུ་སེང་གེས་རྣ་བ་བརྒྱན། །བརྣབ་སེམས་སྤངས་
པ་ཁྱོད་ལ་ཕྱག་འཚལ་བསྟོད། །གཟུང་བའི་ཡུལ་ལ་གནོད་སེམས་རྣམ་པར་སྤངས། །ཕྱི་རོལ་ཡུལ་འདི་གཉིས་མེད་ཆོསུ་གཟིགས། །གང་ལ་གནོད་སེམས་ཡང་དག་སྤངས་པའི་རྟགས། །སྦྲུལ་གྱི་རྣ་བརྒྱན་ཅན་ལ་ཕྱག་འཚལ་བསྟོད། །ལོག་པར་ལྟ་བའི་ཆོས་
ཕྱོགས་རྣམ་སྤངས་ཏེ། །སངས་རྒྱས་ཆོས་ལས་འཁྲུངས་པའི་གཟུགས་བརྙན་ཁྱོད། །ལྟ་བ་རྣམ་པར་དག་པའི་ངང་ཚུལ་ཅན། །སྤྲོས་བྲལ་དོན་དམ་སྟོན་ལ་ཕྱག་འཚལ་བསྟོད། །འཇིག་རྟེན་འདི་ན་ལས་གཉིས་དག་མ་དག །མ་དག་མི་དགེ་བཅུ་ལས་ངན་སོང་གྲུབ། །
དག་པའི་དགེ་བ་བཅུ་ལས་མཐོ་རིས་གྲུབ། །ལས་འདི་དགེ་བ་དང་པོར་རབ་སྦྱངས་པས། །གོ་ནས་གོང་མའི་ས་ལ་རབ་གནས་ཀྱང་། །དགེ་བ་བཅུ་ཡི་རྟགས་ནི་དམན་པའི་ཞིང་འདིར་བསྟན། །གདུག་པའི་ངང་ཚུལ་ཅན་གྱིས་འགྲོ་བ་འདྲེན་མཛད་མ། །བསྟོད་པར་འོས་པ་
ཁྱོད་ལ་ཕྱག་འཚལ་བསྟོད། །དེ་ནས་དཔལ་ལྷ་མོ་ནག་མོ་ཆེན་མོ་ལ། གནོད་སྦྱིན་གྱི་རྒྱལ་པོ་རྣམ་ཐོས་སྲས་ཀྱིས་ལམ་རྣམ་པ་ལྔའི་ཚུལ་གྱིས་བསྟོད་པ། དམ་པ་རྣཾས་ཀྱིས་བགྲོད་པའི་ཁྱད་པར་ནི། །ཚོགས་ཀྱིས་སྦྱངས་ནས་དོན་དམ་མཐོང་བ་ཡི། །གཉེན་པོ་ཡེ་
ཤེས་རིམ་པར་སྒོམ་པ་ལ། །མཐར་ཕྱིན་པ་ལ་གཤེགས་པའི་དོན་མཆོག་ལགས། །དེ་བས་ལྷ་མོ་ཁྱོད་ཀྱི་མཚན་ཉིད་ནི། །འདི་ལྟར་རབ་ལྡན་ཁྱོད་ཀྱི་ཁྱད་པར་ཏེ། །དང་པོའི་ཚོགས་ལས་ཡང་དག་རབ་བསགས་པས། །དང་པོ་ས་ལས་སྦྱོར་བའི་ཏིང་འཛིན་བརྙེས། །
རབ་ཏུ་དགའ་བའི་ས་ལ་དོན་དམ་ནི། །རྣམ་པར་མི་རྟོག་སྐྱེ་མེད་ཚུལ་གྱིས་གཟིགས། །དཔལྡན་བྱང་ཆུབ་སེམས་དཔའི་ཁྱད་པར་ནི། །རང་སེམས་ས་གཉིས་དག་ལ་རབ་བརྟེན་ནས། །དེ་བཞིན་ས་གསུཾ་དག་པའི་ཕ་རོལ་སོན། །རང་སེམས་བཞི་པའི་ས་ལ་ཆེར་བསྒོཾས་པས། །

98-1-230b

ལྔ་པའི་ས་ལ་བསམ་གཏན་ཕ་རོལ་སོན། །རང་སེམས་དྲུག་པའི་ས་ལ་ཆེར་སྦྱངས་པས། །བདུན་པ་ལ་ནི་ཐབས་ཀྱི་ཕ་རོལ་སོན། །རང་སེམས་བརྒྱད་པ་ཉིད་ལ་ཆེར་བསྒོམས་པས། །དཔལ་ལྡན་ལྷ་མོ་ནག་མོ་སྨོན་ལམ་ཉིད། །དགུ་པ་ལ་ཡང་སྟོབས་ཀྱི་
ཡོན་ཏན་སྒྲུབ། །དེ་ཡི་སྟོབས་ཀྱི་ཡེ་ཤེས་འཕེན་པར་འགྲུབ། །འདི་དག་རྣམ་པར་རྫོགས་པར་བྱས་ནས་ནི། །སངས་རྒྱས་ས་ལ་སྨིན་པའི་སྨོན་ལམ་ཅན། །ས་བརྒྱད་ནོན་པས་གཞོན་ནུའི་ཚུལ་འཆང་མ། །འགྲོ་བ་འདུལ་ཕྱིར་དྲག་མོའི་
ཚུལ་སྟོན་ཅིང་། །གདུག་པ་འདུལ་མཛད་ཁྱོད་ལ་ཕྱག་འཚལ་བསྟོད། །བདག་ཀྱང་ཁྱོད་ཀྱི་ལམ་ལྟར་མྱུར་འགྲུབ་ཤོག །དེ་ནས་མི་འམ་ཅིའི་རྒྱལ་པོ་ལྗོན་པ་རྟ་མགོ་ཅན་གྱིས་དཔལ་ལྷ་མོ་ནག་མོ་ཆེན་མོ་ལ་གཉིསུ་མེད་པའི་
བསྒོ་ནས་བསྟོད་པ། དཔལ་ལྡན་ལྷ་མོ་གཉིསུ་མེད་པ་སྟེ། །དོན་དམ་སྤྲོས་བྲལ་ཆོས་ཉིད་འདི་ལས་བརྩལ། །དོན་དམ་ཀུན་རྫོབ་གཉིསུ་མེད་པ་བདེན། །འཁོར་བ་མྱང་འདས་གཉིསུ་མེད་པས་ཟབ། །སེམས་ཅན་སངས་རྒྱས་
གཉིསུ་མེད་པས་འཕགས། །ལས་དང་རྣམ་སྨིན་གཉིསུ་མེད་པས་བསྟོད། །རྒྱུ་དང་འབྲས་བུ་གཉིས་སུ་མེད་པས་སྨིན། །ཡུལ་དང་ཡུལ་ཅན་གཉིས་མེད་གཅིག་གི་ངང་། །སྤྲོས་དང་སྤྲོས་མེད་དོན་དམ་དབྱིངས་ཀྱིས་བསྡུས། །བསོད་ནཾས་
ཡེ་ཤེས་གཉིས་མེད་ཚོགས་ཆེན་ཏེ། །མཐོང་དང་དམ་པ་གཉིས་མེད་དག་པས་བསྟོད། །བདག་དང་གཞན་གྱི་ཆོས་ནི་ངང་ཚུལ་གཅིག །གཟུང་དང་འཛིན་པ་གཉིས་མེད་ཟབ་མོའི་མཐུ། །མཐོ་རིས་ངན་སོང་གཉིས་བྲལ་དག་པའི་
ཞིང་། །བཟང་ངན་གཉིས་མེད་རང་བཞིན་གཅིག་གིས་བསྟོད། །བསྐྱེད་མེད་རྫོགས་པ་གཉིས་མེད་ལྷུན་གྲུབ་མཆོག །སེམས་དང་ཕུང་པོ་གཉིས་མེད་སེམས་ཉིད་དེ། །སྒྲུབ་དང་བསྒྲུབ་བྱ་གཉིས་མེད་གྲུབ་པའི་ངང་། །བདགཞན་
གཉིས་མེད་ཚུལ་མཆོག་གཅིག་གིས་བསྐྱོད། །ཡབ་དང་ཡུམ་མཁའ་གཉིས་མེད་བྱང་ཆུབ་སེམས། །ཐབས་དང་ཤེས་རབ་གཉིསུ་མེད་པའི་དོན། །སྟོང་དང་མི་སྟོང་གཉིས་མེད་ཞི་བའི་ངང་། །གྱུར་དང་འགྱུར་མེད་རྩོལ་བྲལ་ཕྱག་འཚལ་

98-1-231a

བསྟོད། །སྒྲ་ཚིག་གཉིས་མེད་བརྗོད་པ་མེད་པའི་ངང་། །ལུས་ངག་གཉིས་མེད་སེམས་ཉིད་གཅིག་གི་ཚུལ། །རྩོལ་བྱེད་རྩོལ་བྱ་གཉིས་མེད་དོན་གཅིག་པས། །རྣམ་པར་སྤྲོས་མེད་དོན་དམ་དབྱིངས་ཀྱིས་བསྟོད། །
མུ་སྟེགས་སངས་རྒྱས་གཉིས་མེད་ཚུལ་གཅིག་པས། །དབྱིངས་དང་ཡེ་ཤེས་གཉིས་མེད་དོན་རྟོགས་ཏེ། །སྲིད་དང་རྣམ་གྲོལ་ཡང་དག་དོན་གཅིག་པས། །ཐྃད་གཉིས་མེད་སྐུ་ལ་ཕྱག་འཚལ་བསྟོད། །ཕྱི་དང་ནང་མེད་
གཉིས་མེད་གཅིག་གིས་ངང་། །སེམས་ལྡན་སེམས་མེད་རྣམ་དག་ཞི་བའི་ཚུལ། །སྣང་དང་མི་སྣང་གཉིས་མེད་གཅིག་གིས་མཐོང་། །གཉིས་མེད་དོན་མཆོག་ཁྱོད་ལ་ཕྱག་འཚལ་བསྟོད། །འདི་དག་རྣམས་ནི་དོན་དམ་ཟབ་
མོའི་ཚུལ། །སྤྲོས་པ་མེད་པའི་དོན་དང་འབྲེལ་པ་སྟེ། །འདི་རྣམས་ལྷ་མོ་ཁྱོད་ཀྱི་ཐུགས་ལ་གསལ། །འདི་ལྟར་བསྟོད་པས་བདག་ཀྱང་ཁྱོད་ལྟར་ཤོག །དེའི་ཚེ་དེའི་དུས་ན་དྲི་ཟའི་རྒྱལ་པོ་ཟུར་ཕུད་ལྔ་པས་དཔལ་ལྷ་མོ་ལ་
ཕྲིན་ལས་ཀྱི་སྒོ་ནས་བསྟོད་པ། སེམས་ཉིད་ཕྲིན་ལས་རྣམ་བཞིའི་ཁྱད་པར་ནི། །སེམས་ཉིད་གུད་ན་མེད་ཅིང་སེམས་ཀྱང་མེད། །དོན་དམ་སྤྲོས་བྲལ་ཁ་དོག་གཟུགས་ཀྱང་མེད། །ཀུན་རྫོབ་སྒྱུ་མ་ཙམ་དུ་རང་གི་སེམས། །
འཐུན་པར་བསྟན་པའི་ཞི་བའི་དཔལ་ལྷ་མོ། །ཞི་མཛད་ཞི་འགྱུར་ཞི་བའི་ངང་ཚུལ་ཅན། །ཞི་བའི་འཁོར་གྱིས་བསྐོར་བའི་གཙོ་མོ་ནི། །རྟགས་ཀྱི་སྐུ་མདོག་དཀར་མོ་ཤིན་དུ་དངས། །ཀུན་དུ་ཞི་མཛད་ཁྱོད་ལ་ཕྱག་འཚལ་བསྟོད། །
བདག་གི་དགྲ་དང་ནད་རྣམས་ཞི་བར་མཛོད། །འཐུན་པར་བསྟན་པའི་རྒྱས་པའི་དཔལ་ལྷ་མོ། །རྒྱས་མཛད་རྒྱས་འགྱུར་རྒྱས་པའི་ངང་ཚུལ་ཅན། །རྒྱས་པའི་འཁོར་གྱིས་བསྐོར་བའི་གཙོ་མོ་ནི། །རྟགས་ཀྱི་སྐུ་མདོག་
སེར་མོ་ཤིན་དུ་བརྗིད། །ཀུན་དུ་རྒྱས་མཛད་མ་ལ་ཕྱག་འཚལ་བསྟོད། །བདག་གི་བསོད་ནམས་ཡེ་ཤེས་རྒྱས་པར་མཛོད། །འཐུན་པར་བསྟན་པའི་དབང་མོ་དཔལ་ལྷ་མོ། །དབང་མཛད་དབང་བསྒྱུར་དབང་གི་ངང་ཚུལ་ཅན། །

98-1-231b

དབང་གི་འཁོར་གྱིས་བསྐོར་བའི་གཙོ་མོ་ནི། །རྟགས་ཀྱི་སྐུ་མདོག་དམར་མོ་ཤིན་དུ་བརྗིད། །ཀུན་དུ་དབང་མཛད་ཁྱོད་ལ་ཕྱག་འཚལ་བསྟོད། །བདག་གི་ནད་དང་དགྲ་རྣམས་དབང་དུ་མཛོད། །འཐུན་པར་བསྟན་པའི་དྲག་མོ་དཔལ་
ལྷ་མོ། །དྲག་མཛད་དྲག་འགྱུར་དྲག་མོའི་ངང་ཚུལ་ཅན། །དྲག་མོའི་འཁོར་གྱིས་བསྐོར་བའི་གཙོ་མོ་ནི། །རྟགས་ཀྱི་སྐུ་མདོག་ནག་མོ་ཤིན་དུ་བརྗིད། །ཀུན་དུ་དྲག་མཛད་ཁྱོད་ལ་ཕྱག་འཚལ་བསྟོད། །བདག་གི་ནད་དང་དགྲ་རྣཾས་
དྲག་མོས་སོད། །ཁྱོད་ཀྱི་རང་བཞིན་ཅིར་ཡང་མ་གྲུབ་ལ། །འདི་ལྟར་འཛིན་ཉིད་ཅིར་ཡང་སྣང་བ་ནི། །ཕྲིན་ལས་རྣམས་བཞིས་འགྲོ་དོན་མཛད་པ་ལགས། །བདག་ཀྱང་ལས་བཞི་རང་བཞིན་ལྷུན་གྲུབ་ནས། །ཁྱོད་ལྟར་གཞན་གྱི་
དོན་ལ་བརྩོན་པར་ཤོག །དེ་ནས་དཔལ་ལྷ་མོ་ནག་མོ་ལ་ཀླུའི་རྒྱལ་པོ་དགའ་བོས་སྐུའི་ཡོན་ཏན་གྱི་སྒོ་ནས་བསྟོད་པ། གསང་སྔགས་རྣལ་འབྱོར་གྲུབ་པའི་བདག་ཉིད་མ། །ཡོན་ཏན་རྣམས་ཀྱི་སྐུ་མདོག་ཕྱག་མཚན་ནི། །
དོན་དུ་སྣང་བ་མེད་ཀྱང་གདུལ་བྱའི་ཕྱིར། །རྟགས་ཀྱི་ཕྱག་རྒྱ་འདི་ལྟར་བསྟན་པའོ། །ཁམས་གསུམ་གདུལ་ཕྱིར་གདན་དུ་བོང་བུ་ཞོན། །མྱ་ངན་མི་འདའི་རྟགསུ་ལྕགས་སྒྲོག་མངའ། །བདག་དོན་ལྷུན་གྲུབ་གླང་ཆེན་ཀོ་བས་
བརྒྱན། །གཞན་དོན་ཕུན་སུམ་ཚོགས་ཕྱིར་རེ་ལྡེས་དཀྲིས། །བྱང་ཆུབ་སེམས་ལྡན་སྤྱི་གཙུག་ཟླ་རྒྱས་གསལ། །ཤེས་རབ་རྟོགས་ཕྱིར་ལྟེ་བ་ཉི་མས་བརྒྱན། །དུག་གསུམ་སྡོང་པོ་གཅོད་པའི་རལ་གྲི་དང་། །བསོད་ནམས་
གཏེར་གྱི་ཕྱག་མཚན་ནེའུ་ལེ་བསྣམས། །དབང་དྲག་རྫོགས་ཕྱིར་རལ་པ་ཁམ་ནག་སྤྲུག །ཉོན་མོངས་འདྲེན་ཕྱིར་རྣོ་དབལ་མཆེ་བ་གཙིགས། །འཁོར་བ་ལྗགས་ལ་བདར་ཕྱིར་རྐན་སྒྲ་བརྡེབ། །གདུག་པ་ཞེ་ལ་
གནོད་ཕྱིར་སྡང་མིག་བགྲད། །ཐྃད་དབང་དུ་བསྡུད་ཕྱིར་སྤྱན་རྩ་དམར། །སྙོམས་པའི་ཚོགས་མཆོག་མི་འགྱུར་སྐུ་མདོག་གནག །མ་མོ་འདུལ་ཕྱིར་དུར་ཁྲོད་རྒྱན་གྱིས་བརྒྱན། །སྐུ་གསུང་ཐུགས་ལྡན་རྟགས་ཀྱི་ཕྱག་རྒྱ་ཁ་ཊྭཱྃ་གསོར། །སྐུ་གསུམ་

98-1-232a

རྫོགས་བྱེད་ཐོད་པའི་ཕྲེང་བས་བརྒྱན། །དྲག་པོ་མྱུར་མགྱོགས་བསྟན་ཕྱིར་ཚུབ་མས་བརྒྱན། །ཉོན་མོངས་སྲེག་ཕྱིར་མེ་དཔུང་ནང་ན་བཞུགས། །འདོད་ཁམས་བསྐྱེད་ཕྱིར་ཡོངས་འདུའི་ཤིང་ལ་བརྟེན། །ལྷ་མིན་འདུལ་ཕྱིར་རྫོང་གི་བཀའ་
བཟློག་མ། །དཔའ་བརྟན་བསྟན་ཕྱིར་སྟག་གི་ཤམ་ཐབས་བསྣམས། །བསྟན་པ་བསྲུང་ཕྱིར་དྲག་མོའི་ཆ་ལུགས་རྫོགས། །ང་རྒྱལ་དབང་བསྡུད་བདག་མེད་སྒྲ་སྒྲོགས་ཕྱིར། །ཐབས་ཀྱི་སྙན་ཆ་གཡས་པ་སེང་གེས་བརྒྱན། །
ཞེ་སྡང་དབང་འདུལ་དུག་ཆེན་འདུལ་བའི་ཕྱིར། །ཤེས་རབ་སྙན་ཆ་གཡོན་པ་སྦྲུལ་གྱིས་བརྒྱན། །འདུ་བྱེད་མི་རྟག་རྟགས་སུ་དྲིལ་བུ་སྒྲོགས། །ཆགས་ཕྱིར་རྔམ་མཛད་རག་ཏའི་རྦ་ཀློང་འཐུང་། །དམ་ཚིག་བསྲུང་ཕྱིར་ཞིང་ལྤགས་
རྒྱན་དུ་མཛད། །ཐ་དད་ལས་རྣམས་འདུལ་ཕྱིར་རྨ་བྱའི་འཕྲུ། །ཉོན་མོངས་སྒྲིབ་པའི་ཚོགས་རྣམས་རབ་སྦྱངས་ནས། །ཡེ་ཤེས་རིག་པའི་ཚོགས་རྣམས་ཤར་བའི་ཕྱིར། །རང་བཞིན་གནས་མཆོག་བྱང་ཤར་འཚམས་ན་བརྟེན། །
དབུ་མའི་ས་ལ་གནས་ཕྱིར་དྲེའུ་ལ་ཞོན། །ཉོན་མོངས་གདུག་པ་འདུལ་ཕྱིར་མ་ཡི་ཚུལ། །མཁའ་འགྲོ་མ་མོ་ཁྱོད་ལ་ཕྱག་འཚལ་བསྟོད། །དེ་ནས་གྲུལ་བུམ་གྱི་རྒྱལ་པོ་སྦྲུལ་མགོ་དགུ་པས་དཔལ་ལྷ་མོ་ལ་སྐུ་གསུང་ཐུགས་ཀྱི་
སྒོ་ནས་བསྟོད་པ། དོན་དམ་གཉིས་མེད་བྱང་ཆུབ་སེམས་ཡིན་ཡང་། །སྲིད་གསུམ་གདུལ་ཕྱིར་རྟགས་ཀྱི་ཕྱག་རྒྱ་ནི། །རང་སེམས་རྣམ་དག་དྲག་པོའི་གཞལ་ཡས་ཁང་། །རག་ཏ་ཁྲག་གི་རྒྱ་མཚོ་འཁྱིལ་པ་ལས། །ཀེང་རུས་
ཐོད་ཕྲེང་ཞིང་གི་ལྤགས་པས་བརྒྱན། །སྐུ་མདོག་གནག་ལ་རབ་འཇིགས་ཁྲོ་མོ་རྒྱལ། །སྔོན་མོ་རལ་པ་འཛིངས་མའི་སྤྲུལ་པ་འགྱེད། །སྐུ་ཡི་སྤྲུལ་པ་དཔལ་ལྡན་རེ་མ་འཛུ། །གྲུ་གསུམ་སེར་ནག་ཞལ་གྱི་དབྱིངས་སུ་བཞེངས། །
ཡོན་ཏན་རྒྱས་མཛད་སེར་མོ་མཁའ་ལ་བཞད། །ཕྲིན་ལས་རྒྱས་པ་ཐྃད་ཉེ་བར་མཛོད། །གསུང་གི་སྤྲུལ་པ་དཔལ་ལྡན་རེ་མ་ཏི། །གྲུ་གསུམ་དམར་ནག་ཞལ་གྱི་དབྱིངས་ནས་བཞེངས། །དམར་མོ་ཆེན་མོ་དམར་ཆེན་གཏུམ་མ་སྟེ། །

98-1-232b

དབང་གི་ཕྲིན་ལས་ཐམས་ཅད་གྲུབ་པར་མཛོད། །སྐུ་གསུང་ཐུགས་ལྡན་སྤྲུལ་པ་རྒྱ་མཚོ་མ། །དྲག་པོ་འཇོམས་མཛད་བདུད་དཔུང་ཟིལ་གྱིས་གནོན། །འགྲོ་དྲུག་སྒྲོལ་མཛད་སེམས་ཅན་ཀུན་གྱི་མ། །བསྟན་པ་རྒྱས་མཛད་
མ་ལ་ཕྱག་འཚལ་བསྟོད། །བདག་གི་ལུས་ངག་ཡིད་གསུམ་བྱིན་གྱིས་རློབས། །དེ་ནས་དཔལ་ལྷ་མོ་ལ་ལྷ་མ་ཡིན་གྱི་རྒྱལ་པོ་ཐག་ཟངས་རིས་ཀྱིས་དོན་དམ་པའི་སྒོ་ནས་བསྟོད་པ། སྤྲོས་བྲལ་འོད་གསལ་ཡང་དག་ཞི་བའི་
ངང་། །ཐུགས་ཀྱི་ཐུགས་མཆོག་རྣམ་དག་བདེན་པའི་ཡུམ། །གདོད་ནས་གཉིས་མེད་ནམཁའི་སྙིང་པོ་ནི། །དཔལ་ལྡན་ཁྱོད་ཀྱི་རང་བཞིན་ཁྱད་པར་གསལ། །འདི་ལྟར་རྣམ་དག་བརྗོད་མེད་ངོ་བོ་ལ། །བྱིས་པ་རྣམས་ཀྱིས་བསྟོད་པ་
བྱེད་པ་ལྟུང་། །བླུན་པོ་རྣམས་ཀྱིས་དངོས་པོར་རབ་བརྟགས་ནས། །གཟུགས་ཅན་ཚུལ་དུ་གང་ཞིག་བསྟོད་པའི་ཚིག །རྒྱལ་བའི་དོན་སྤངས་ཐུགས་ཆུད་ཁྱོད་ཉིད་ལ། །ཚིག་དང་ཡི་གེའི་སྒོ་ནས་བསྟོད་པ་རྣམས། །ནམ་ཀྱང་གྲོལ་
བར་འགྱུར་བའི་ཆོས་ཉིད་མིན། །གདོད་ནས་གཉིས་མེད་བདེ་ཆེན་མ་རྟོགས་པར། །ཁྱོད་ཀྱི་སྨོན་ལམ་རྟགས་ཀྱི་ཆོ་འཕྲུལ་ལ། །དོན་དུ་བཟུང་ནས་གང་ཞིག་བསྟོད་པ་རྣམས། །ཁྱོད་ལ་བརྟེན་ནས་ཐྃད་ལྟུང་བར་འགྱུར། །གང་ཞིག་
སྐྱེ་བ་མེད་པར་ཤེས་པ་དང་། །གདོད་ནས་གཉིས་མེད་སྙིང་པོ་བསྒོམས་ནུས་ན། །གང་ཟག་དེས་ནི་ཁྱོད་ཉིད་བསྟོད་པ་ཡིན། །ཁྱོད་ཀྱི་གཟུགས་དང་ཁ་དོག་འཛིན་པ་ཡིས། །བསྐལ་པ་གྲངས་མེད་འདས་པར་རབ་བལྟས་ཀྱང་། །
ཁྱོད་ཀྱི་གཟུགས་དང་ཁ་དོག་མཐོང་མི་ནུས། །གང་ཞིག་གཟུགསུ་མི་འཛིན་རྣམས་ཀྱི་མཐོང་། །སྒྲ་དང་ཚིག་དང་བརྗོད་པ་ཐམས་ཅད་ཀྱིས། །ཁྱོད་ནི་བོས་ཀྱང་བསྐལ་པར་མི་ཐོས་ཏེ། །འདི་དག་སྤངས་པའི་རྣལ་འབྱོར་
དེ་ཡིས་ནི། །ཁྱོད་ཀྱང་ཐོས་ལ་དེ་ཡང་ཁྱོད་ཀྱིས་ཐོས། །གང་ཞིག་ལུས་ངག་དགེ་བས་ཁྱོད་བསྒྲུབ་པའི། །བླུན་པོ་དེ་ཡིས་ནཾ་ཀྱང་ཁྱོད་ཉིད་སྤངས། །ལུས་ངག་སྤངས་པའི་སེཾས་ཀྱིས་ཁྱོད་མཆོད་ནས། །མཆོད་ན་དངོས་གྲུབ་དེ་ཡིས་སྟེར་ཐོབ་འགྱུར། །

98-1-233a

ཁྱོད་ནི་རྒྱལ་བ་མང་པོའི་ཡོན་ཏན་བསྡུད། །ཆོས་ཀྱི་དབྱིངས་ན་རྒྱལ་བ་རྣམས་དང་མཇལ། །ཟབ་མོ་དབུ་མའི་རང་བཞིན་སྟོན་པའི་ཕྱིར། །མི་མཇེད་འཇིག་རྟེན་ཤིན་དུ་རྩུབ་པ་འདིར། །ཕྱི་རོལ་ཚུལ་གྱིས་ཐམས་ཅད་
འདྲེན་མཛད་མ། །ཁྱོད་ཀྱི་སྐུ་ནི་འདི་ལྟར་རབ་བརྟགས་པ། །སྒྲིབ་པ་མང་པོ་སྟོང་ཉིད་ངང་དུ་གཤེགས། །སྟོང་ཉིད་དམ་པ་སྟོང་པ་ཡང་དག་ཁྱོད། །སྟོང་པ་གཉིས་མེད་ཤེས་པ་རྣམས་ཀྱིས་བསྟོད། །འདི་ལྟར་བསྟོད་ན་
བསྟོད་པར་འགྱུར་གྲང་བས། །ཁྱོད་ནི་བསྟོད་པའི་ཡུལ་ཅན་མ་ཡིན་ཡང་། །བྱིས་པ་དྲང་ཕྱིར་དོན་ལ་འདི་ལྟར་བསྟོད། །དེ་ནས་ནམཁའ་ལྡིང་གི་རྒྱལ་པོ་རྡོ་རྗེ་གསེར་མིག་ཅན་གྱིས་དཔལ་ལྷ་མོ་ལ་བསྟོད་པ། དཔལྡན་ལྷ་མོ་
དཔག་པར་དཀའ་བའི་དོན། །ཐབས་ཀྱི་ཆོ་འཕྲུལ་ནམཁའི་མཁའ་ལ་སྤྱོད། །བྱང་ཆུབ་སེཾས་དཔའི་སྤྲུལ་པ་ཁྱོད་ཉིད་ལ། །སྒོ་གསུམ་རྡུལ་སྙེད་དབྱངས་ཀྱིས་ཕྱག་འཚལ་བསྟོད། །བདགིས་ཁྱོད་ནི་མཆོད་པས་མ་སྒྲིབས་ཀྱང་། །དཔལྡན་དངོས་གྲུབ་
དམ་པ་ཐོབ་བྱའི་ཕྱིར། །འདོད་པའི་ཡོན་ཏན་མཁའ་ལ་ཆར་འབབ་པས། །མཆོད་པའི་ཚོགས་འདིས་དབང་པོ་རྒྱལ་གྱུར་ཅིག །དཔལྡན་ཁྱོད་ནི་དགེ་སྡིག་བདག་པོ་སྟེ། །བདག་གི་ལུས་ངག་ཡིད་ཀྱི་སྡིག་པའི་ཚོགས། །ཁྱོད་ཀྱི་ཐད་དུ་འགྱོད་པས་
རབ་བཤགས་ན། །ཐུགས་རྗེའི་ཤུགས་ཀྱིས་བསྒྲིབ་པ་བྱང་བར་མཛོད། །ཁྱོད་ཀྱི་ཁྱད་པར་ཡོངསུ་འཕགས་པ་ནི། །འགྲོ་བའི་དོན་མཛད་བདག་དོན་ཕུན་སུམ་ཚོགས། །དགའ་འཐུན་ཕྲག་དོག་མེད་པའི་སྤྲོས་པ་ནི། །རྗེསུ་ཡི་རང་ཁྱོད་ཀྱི་
རྒྱུད་ལ་འབུལ། །འདི་ལྟར་ཡོན་ཏན་ལྡན་པའི་སྐུ་མཆོག་ནི། །ནག་མོ་བཟང་པོ་འཇིགས་པའི་མཐུ་སྟོབས་ཀྱིས། །ཕྱོགས་བཅུ་དུས་གསུམ་ཀུན་དུ་འགྲོ་དོན་ལ། །སྒྱུ་འཕྲུལ་དྲ་བའི་ཚུལ་གྱིས་བསྐུལ་བར་སྤོབས། །ཡང་དག་ཁྱོད་ཀྱི་
ཡོན་ཏན་སྐུ་མཆོག་ནི། །གདུག་པ་འདུལ་ཞིང་བསྟན་པ་བསྲུང་བའི་ཕྱིར། །སེམས་ཅན་ཟད་པར་མ་གྱུར་བར་དུ་ནི། །མྱ་ངན་མི་འདའ་བཞུགས་པར་གསོལ་བ་གདབ། །འདི་ལྟར་ཕྱག་འཚལ་མཆོད་ནས་གཤེགས་པ་དང་། །རྗེསུ་ཡི་རང་བསྐུལ་

98-1-233b

ཞིང་གསོལ་བཏབ་ནས། །དགེ་བ་འདི་ཡིས་ངན་སོང་སྟོངས་གྱུར་ཏེ། །ཐམས་ཅད་ཚོགས་རྫོགས་བྱང་ཆུབ་ཆེན་པོར་བསྔོ། །དེ་ནས་དཔལྡན་ལྷ་མོ་ནག་མོ་ལ། ནམཁའི་ལྷ་བྲན་རྣམས་ཀྱིས་བསྟོད་པ། བསྐལ་པ་མེ་ལྟར་འབར་བའི་
ཀློང་དཀྱིལ་ན། །རླུང་ནག་དགུ་པའི་ཀློང་འཁྱིལ་ཕོ་བྲང་ནས། །མ་ཅིག་འདོད་པའི་ཁམས་ཀྱི་དབང་ཕྱུག་མ། །བདུད་ཀྱི་ཡུམ་ལ་གཤིན་རྗེའི་ལྕམ་ཅིག་མ། །དཔལྡན་ལྷ་མོ་ནག་མོ་རེ་མ་ཏི། །ནག་མོ་ཟ་བྱེད་རྔམ་པའི་མཆེ་བ་ཅན། །
མཐིང་ནག་གཅེར་བུ་ཁྲག་གི་རལ་པ་ཅན། །ཁྱོད་ཀྱི་སྐུ་མདོག་ནག་མོར་བཞུགས་པ་ནི། །དོན་དམ་དབྱིངས་ཀྱིས་བསྐྱོད་པ་མེད་པའི་རྟགས། །དབུ་སྐྲ་གཡས་ནས་གཡོན་དུ་འཁྱིལ་པ་ནི། །ཡུམ་གྱི་མཁའ་ལ་སྤྲུལ་པ་འགྱེད་
པའི་རྟགས། །དབུ་གཙུག་རལ་པ་གཅིག་ཏུ་འཁྱིལ་པ་ནི། །དོན་དམ་དགོངས་སྤྱོད་གཅིག་ཏུ་མཛད་པའི་རྟགས། །རལ་པའི་གསེབ་ནས་མེ་སྟག་འཕྲོ་བ་ནི། །ཐུགས་ཀྱི་སྤྲུལ་པ་ཕྱོགས་བཅུར་འགྱེད་པའི་རྟགས། །དབུ་ལ་ཐོད་
རློན་ཕྲེང་བ་བཅིངས་པ་ནི། །ཐུགས་རྗེས་སྤྲུལ་སྐུས་འགྲོ་དོན་མཛད་པའི་རྟགས། །སྙན་ཆ་གཡས་ན་སེང་གེ་མཆོང་བ་ནི། །སྨན་མོ་ཐམས་ཅད་ཟིལ་གྱིས་གནོན་པའི་རྟགས། །གཡོན་ན་སྦྲུལ་མགོའི་གདེངས་ཀ་འཕྱར་བ་ནི། །ཞེ་སྡང་
མ་སྤངས་དབྱིངསུ་དག་པའི་རྟགས། །སྙན་ཆ་གསེར་གྱི་དྲིལ་བུ་འཁྲོལ་བ་ནི། །སངས་རྒྱས་ཀུན་ལ་བསྙེན་སྒྲུབ་བྱེད་པའི་རྟགས། །སྤྱན་ཙ་དམར་ལ་སྡང་མིག་བགྲད་པ་ནི། །སྲིད་གསུམ་རྣལ་འབྱོར་དམ་ཚིག་བྱ་ར་བྱེད། །
ཞལ་གྱི་དྲག་པོ་ཧོམ་ཁུང་གདེངས་པ་ནི། །བསྟན་པ་འཇིག་པའི་རུ་ཏྲ་སྒྲོལ་བའི་རྟགས། །རྣོ་གདུག་མཆེ་བ་ཟུར་གསུམ་གཙིགས་པ་ནི། །བསྒྲལ་བའི་ཞིང་བཅུ་ས་ལ་སྒྲོལ་བའི་རྟགས། །སྐུ་ལ་ཞིང་ལྤགས་གཡང་གཞི་གསོལ་
བ་ནི། །ཡང་དག་ཆོས་དང་དོན་དང་ལྡན་པའི་རྟགས། །གླང་ཆེན་ཀོ་རློན་སྣམ་ཕྱེད་དཀྲིས་པ་ནི། །ཐེག་པ་མཆོག་གི་དོན་དང་ལྡན་པའི་རྟགས། །རེ་ལྡེ་ནག་པོ་སྣམ་ཕྱེད་དཀྲིས་པ་ནི། །འཇིག་རྟེན་འདི་ན་ཆེ་བཙན་ལྡན་པའི་རྟགས། །

98-1-234a

ལྟེ་བའི་ཁུང་ནས་ཉི་མ་འཆར་བ་ནི། །སྡུག་བསྔལ་རྒྱ་མཚོ་གཏིང་ནས་སྐེམས་པའི་རྟགས། །སྤྱི་བོ་གཙུག་ནས་ཟླ་བ་འཆར་བ་ནི། །དུག་གསུམ་མ་རིག་མུན་པ་སེལ་བའི་རྟགས། །ཞབས་ལ་དབང་གི་ལྕགས་
སྒྲོག་འཁྲིལ་བ་ནི། །ཐབས་དང་ཤེས་རབ་ཟུང་དུ་འབྲེལ་བའི་རྟགས། །ཕྱག་གཡས་ཤང་ལང་ནག་པོ་བསྣམས་པ་ནི། །སྡུག་བསྔལ་སྐྱེ་ཤི་རྩད་ནས་གཅོད་པའི་རྟགས། །ཕྱག་གཡོན་ཐོད་རློན་དམར་ཆེན་འཐུང་བ་ནི། །
འཁོར་བའི་སྡུག་བསྔལ་ཁྲག་ལྟར་འཐུང་བའི་རྟགས། །བོང་བུ་གྭ་པ་ཕྱིན་ཕྱོགས་ཞོན་པ་ནི། །ལོག་པར་ལྟ་བའི་སེམས་ཅན་སྒྲོལ་བའི་རྟགས། །སྲིན་པོའི་ཨག་མས་སྔ་རུ་བྱས་པ་ནི། །སྲིན་ཡུལ་ལང་ཀ་པུ་ར་
འདུལ་བའི་རྟགས། །སྦྲུལ་ནག་ཆུན་པོས་གོང་སྨེད་བྱས་པ་ནི། །ཞེ་སྡང་དབང་གིས་བགེགས་རིགས་འཇོམས་པའི་རྟགས། །རུ་སྦལ་ནག་པོའི་ཕོག་བུ་བཏང་བ་ནི། །ཀླུ་བདུད་ནག་པོ་དམ་ལ་བཏགས་པའི་རྟགས། །
སྔ་ཤ་གཡས་པ་བདུད་ཀྱི་ཁྲམ་བས་ནི། །དམ་ཚིག་ཉམས་པ་ཁྲམ་ལ་འདེབས་པའི་རྟགས། །ཕྱི་ཤར་ནད་ཀྱི་རྐྱལ་པ་བཏགས་པ་ནི། །བསྟན་པ་འདི་ལ་གནོད་པའི་དགྲ་བོ་ལ། །ནད་ཀ་འབེབས་ཤིང་དལ་ཁ་བསྒྱུར་
བའི་རྟགས། །དོན་དམ་བཅུད་ཀྱི་རྟགསུ་ཞག་གི་ཟོར་རིས་བཏང་། །ཐུགས་རྗེ་ཆགས་པའི་རྟགསུ་རག་ཏའི་ཐིག་ལེས་བརྒྱན། །འདུལ་བྱེད་ཕྲིན་ལས་རྟགསུ་ཐལ་བའི་མཚན་མས་བཏབ། །མ་མོ་འབུམ་ཕྲག་བྲན་
དུ་འཁོལ་བ་ནི། །ཁམས་གསུམ་ཁྱབ་པར་ཕྲིན་ལས་མཛད་པའི་རྟགས། །མ་གཅིག་ཁ་ནས་མེ་འབར་རྒྱ་མཚོ་སྐེམས། །ལག་ན་རྡོ་རྗེ་འཕྱར་བས་རི་རབ་ཚོགས་པོར་འཕེན། །བདག་གིས་བརྩོན་པར་ལྷ་མོ་ཁྱོད་
ལ་བསྟོད། །དེ་ནས་ཡང་གཤིན་རྗེ་ནག་པོས་དཔལ་ལྷ་མོ་ལ་ཆེ་བའི་ཡོན་ཏན་གྱི་སྒོ་ནས་བསྟོད་པ། ལྷ་མོ་དཔལྡན་མཁའགྲོ་ནག་མོ་ཁྱོད་ལ་ནི། །རྒྱུན་དུ་ཏིལ་མར་གྱིས་བྱུགས་ལན་བུ་གཅིག་མ་སྟེ། །རོ་ཉེ་རྣ་ཆས་བསྒྱིངས་

98-1-234b

ཤིང་ཆ་ལུགས་མང་པོ་འཆང་བྱེད་མ། །རྒྱན་དུ་རྐང་སྒྲོག་ལྕགས་ལ་བྱས་པ་གཅིག་གིས་རྐང་ལ་མཛེས་པར་བརྒྱན་པ་སྟེ། །མཚན་མོ་བོང་བུ་ཞོན་ནས་འགྲོ་བ་དེ་ནི་ནག་མོ་ཁྱོད་ཉིད་ཡིན་པར་ཤེས། །རལ་པས་བདག་ཉིད་མཛེས་པར་བརྒྱན་
ཏེ་ཁྱོད་ཀྱི་སྤྱོད་པ་མཚོ་ཆེན་དོན་དག་སུ་ཡིས་ཤེས། །འཁོར་བ་འཇིག་པའི་ཚེ་ན་མི་རུས་དག་ལ་ཁྲག་དང་ཞག་འཛག་དུ་བ་ཐུལ་བ་ན། །ནག་མོ་མཆེ་བ་མི་བཟད་ཁྱོད་ཀྱི་ཞལ་དུ་འགྲོ་ཀུན་སྐད་ཅིག་ཙམ་དུ་ཞུགས་པར་འགྱུར། །
ལྷ་མོ་ལག་ན་མི་ཐོད་ཐོགས་པ་ཁྱོད་ནི་རྣལ་འབྱོར་གྲུབ་པའི་རྣལ་འབྱོར་ཅན་དུ་དུར་ཁྲོད་དགྱེས། །ཁྱོད་ནི་གཡོག་བཅས་མྱ་ངན་མྱེད་ཅིང་འཆི་བའི་འཇིགས་པ་མེད་པར་དྲིལ་བུའི་སྒྲ་ཡང་སྒྲོགས། །ཁྱོད་ནི་དཔའ་བོ་དག་གི་མགོ་བཅད་
གཡུལ་དུ་མཚོན་གྱིས་བསད་པའི་མགོ་ཕྲེང་ལག་ན་ཐོགས་ཤིང་གར་སྟབས་སྐོར་ཞིང་ལག་པ་བརྐྱང་བསྐུམ་ཆེ། །རྐུབ་ཚོས་ཆེ་ལ་ཀླུ་དབང་གཤིབས་པའི་སྐ་རགས་བཅིངས་ཤིང་ལག་ན་མདུང་དང་བ་དན་ཐོགས། །ཁྲག་
གི་ཆང་གིས་ར་རོ་མྱོས་ཏེ་མིག་རྩ་དམར་པོར་བྱས་ནས་མཚན་མོ་དུར་ཁྲོད་རྒྱུ་བ་འབྱུང་པོ་ཕལ་ཆེན་ཀུན་གྱིས་མཐོང་། །རྐང་པའི་གོས་ནི་ཀོ་རློན་མཚན་པས་དྲངས་པས་སྣམ་གྱི་ཕྱེད་ནི་རེ་ལྡེས་དཀྲིས། །མི་ཡི་རྒྱུ་མ་སར་པའི་
སྦུབས་ཀྱིས་ཞལ་གྱི་ཟླ་བ་བརྒྱན་ཅིང་ཁྲག་དང་ཞག་གི་ཚོམ་བུས་ཐིག་ལེར་བརྒྱན། །མི་ཡི་ཤ་ལ་སོ་སོར་ཆེམ་ཆེམ་ཟ་ཡིན་མི་རོ་དག་གི་ཅོད་པན་མགོ་ལ་བརྒྱན་པ་སྟེ། །བདག་ལ་སྐྱོབ་པའི་དྲག་མོ་མི་ཤ་ཐོགས་པ་ཁྱོད་ནི་སྔ་
ནས་མ་མཐོང་གཟོད་མཐོང་ན། །བདུད་དང་སྲིན་མོ་མ་མོ་རྣམས་ཀྱང་མིག་རྩ་རིག་རིག་དངང་ཞིང་ཁྱོད་ལ་འདུད། །ལྷ་མོ་བཟང་མོ་ལུས་མདོག་གནག་ཅིང་བཟོད་པར་དཀའ་བ་ཁྱོད་ལ་བརྒྱ་བྱིན་ལ་སོགས་པས། །བསྟོད་པ་བྱེད་
པའི་གཤིན་རྗེའི་རྒྱལ་པོ་ཉིད་ཀྱང་རྟག་ཏུ་འདུད། །ལྷ་རྣཾས་དང་ནི་འགྲོ་བ་མ་ལུས་མཇུག་བརྟུལ་བས་ན་རྣ་བ་ཡ་གཅིག་ལ། །བྲང་གིས་འགྲོ་བ་སྦྲུལ་མགོ་གདེངས་ཀ་སྟོང་དང་ལྡན་ཞིང་གཅིགིས་རྒྱབ་ནས་རྒྱན་དུ་བྱས། །ཡ་ཅིག་ལ་ནི་སེང་གེ་མཚུངས་མེད་

98-1-235a

ཐོགས་ཤིང་རྒྱ་མཚོ་བསྐོར་ཞིང་ས་གཞི་གནོན་པ་ས་སྟེང་གི། ཕྱོགས་ནས་རྒྱུ་བའི་ཉི་མ་ཟླ་བ་ལྷ་མོ་ཁྱོད་ཀྱི་ལྟེ་ནས་འཆར་ཞིང་སྲིད་གསུམ་ཟིལ་གྱིས་གནོན། །རྒྱ་མཚོ་ཀློང་ནས་མེ་འབར་ཆུ་རྣམས་སྐེམས་པར་བྱེད་པར་ནུས་པའི་
བུད་མེད་ཐྃད་ཞི་མཛད་མ། །ལྷ་ཆེན་སྐུ་དང་འཚམ་པར་བཞུགས་པའི་དཀའ་བཟློག་ནག་མོ་མི་ནད་ཕྱུགས་ནད་ཀུན་ལ་འཇིགས་པ་མེད། །མ་གཅིག་ཁྱོད་ཉིད་ལ་ནི་བདག་ནི་གུས་པར་ཕྱག་འཚལ་མཆོད་ཅིང་བསྟོད་པར་བགྱི། །དེ་ནས་
དཔལ་ལྷ་མོ་ནག་མོ་ལ་བྲམ་ཟེ་མཆོག་སྲིད་ཀྱིས་ཀུན་རྫོབ་ཀྱི་བདེན་པ་བརྟེན་པར་བསྟོད་པ། མ་ཅིག་ལྷ་མོ་དཔལ་ལྷ་མོ། །རྡོ་རྗེ་ལྷ་མོ་ནག་མོ་ཆེ། །མཐུ་ཆེན་ཁྱོད་ལ་ཕྱག་འཚལ་བསྟོད། །བདག་གིས་བཙུན་པར་ཁྱོད་བསྟོད་ཀྱིས། །
བཀྲ་ཤིས་མཆོག་གྲུབ་སེམས་གཏེར་གནས། །ཡིད་མྱུར་གཟུགས་ཆེན་ཀུན་དུ་གྲགས། །མ་མོར་གྲགས་ཤིང་འཇིག་རྟེན་སྐྱོང་། །དཔའ་བརྟུལ་དྲག་སྤྱོད་བརྩོན་འགྲུས་ཆེ། །འཐབ་མོ་གཡུལ་ལས་རྟག་ཏུ་རྒྱལ། །གཤིན་རྗེའི་སྲིང་མོ་
ཡིན་པར་བསྟོད། །གོས་སུ་དར་གོས་སྔོན་པོ་གསོལ། །སྡུག་དང་མི་སྡུག་ཆ་ལུགས་འཆང་། །སྤྱན་མིག་མཐོང་ན་མི་སྡུག་ཀུན་དུ་སྡང་། །དད་ཅིང་ཚོགས་པའི་མི་རྣམས་སྡུད། །རེས་འགའ་རི་བྲག་ཟབ་མོར་གནས། །རེས་འགའ་
ཚལ་དང་ཤིང་ལ་གནས། །རེ་འགའ་དུར་ཁྲོད་དབུས་ན་གནས། །ལྷ་མོའི་གནས་རྟེན་དེ་རུ་འཆའ། །གནས་དེ་རི་དང་ཚལ་དགོན་དུ། །རྟག་ཏུ་ལྷ་མོ་ཁྱོད་བསྟོད་ན། །དེ་ཡིས་དགོངས་པ་སྐོངས་བར་བྱེད། །བདག་གིས་རྟག་ཏུ་བསྟོད་
བྱས་ན། །བདག་གི་བསམ་པ་འགྲུབ་པར་མཛོད། །རྨ་བྱའི་སྒྲོ་ལ་རྒྱལ་མཚན་བྱས། །གང་ཞིག་རྟག་བསྟེན་བསུང་བར་བྱེད། །གནག་ལུག་ཕྱུགས་རྣམས་འཕེལ་བར་བྱེད། །སེང་གེ་སྟག་དང་སྤྱང་གི་ཡིས། །རྟག་ཏུ་ཀུན་ནས་
བསྐོར་ནས་ཀྱང་། །རྡོ་རྗེ་དྲིལ་ཆེན་སྙན་པར་སྒྲོགས། །བྱིན་ཏེ་དྲིལ་ཆེན་སྙན་པར་སྒྲོགས། །ལན་འགའ་ལག་ན་ཏྲི་ཤུྰལ་ཐོགས། །ལན་འགའ་ཉི་ཟླའི་རུ་མཚོན་ཕྱར། །མར་གྱི་ཚེས་དགུ་བཅུ་གཅིག་ན། །དེ་ཡི་དུསུ་མཆོད་བྱས་ན། །ལྷ་མོ་ཁྱོད་ལས་ལྷག་པ་མེད། །བདུད་འདུལ་ལྷ་མིན་

98-1-235b

སྲིན་མོར་སྟོན། །དགྲ་དང་འཐབ་ཚེ་རྒྱལ་བར་བྱེད། །བུད་མེད་ནང་ན་མཆོག་ཡིན་ཏེ། །ཚིག་དབང་འཇིག་རྟེན་མགོན་པོ་འདྲ། །རྒྱལ་པོའི་ཁབ་ན་པད་མ་འདྲ། །ཞལ་བཟངས་ཟླ་བ་ཉ་བ་འདྲ། །ཆུ་ལ་རྒལ་ན་གྲུ་ཟམ་འདྲ། །ཕོངས་པ་རྣཾས་
ཀྱི་གཉེན་བཤེས་འདྲ། །ལྷ་དང་ལྷ་མིན་གཡུལ་འགྱེད་ཚེ། །ལྷ་མོ་ཁྱོད་ཀྱི་ལྟེ་བ་ལ། །ལྷ་རྣམས་ཀུན་གྱི་རྫོང་བཅས་ནས། །ལྷ་དམག་དཀར་པོ་རྒྱལ་བར་བྱས། །ལྷ་མ་ཡིན་རྣམས་ཕམ་པར་བྱེད། །ལག་ན་མདུང་དམར་ཆེམས་སེ་ཆེམས། །
རུ་མཚོན་བ་དན་མེ་ལྟར་འབར། །དགྲ་འདུལ་གཡུལ་བཟློག་ཁྱེད་ལ་བསྟོད། །དེ་ནས་དྲང་སྲོང་ཆེན་པོ་ཀོའུ་དི་ནྱས་དཔལ་ལྷ་མོ་ལ་དཔེ་བྱད་ཀྱི་སྒོ་ནས་བསྟོད་པ། འཇིག་རྟེན་གཙོ་ལ་རྟག་ཏུ་གུས་ཕྱག་འཚལ། །མ་རྣམས་ནང་ན་ཁྱོད་ནི་རྟག་ཏུ་
མཆོག་ཡིན་ཏེ། །འཇིག་རྟེན་གསུམ་པོ་ཐམས་ཅད་ཁྱོད་ལ་བསྟོད། །བྱད་བཞིན་སྡུག་མཛེས་ཀུན་གྱིས་བལྟ་བར་མོས། །ཡོན་ཏན་རྣམ་པ་སྣ་ཚོགས་ལུས་རབ་བརྒྱན། །མིག་ཡངས་འདམ་སྐྱེས་སྔོན་པོའི་འདབ་མ་འདྲ། །བསོད་
ནམས་ཡེ་ཤེས་སྣང་བ་གྲགས་པས་བརྒྱན། །དཔེར་ན་རིན་ཐང་མེད་པའི་ནོར་བུ་འདྲ། །དེང་བདག་པད་མོ་ཁྱོད་ལ་སྔགས་པས་ཀྱང་། །སེམས་ལ་བསམ་པ་ཐྃད་འགྲུབ་པར་འགྱུར། །ཡང་དག་ཡེ་ཤེས་གྱ་ནོམ་བཀྲ་ཤིས་པ། །
པད་མ་ལྟ་བུར་ཤིན་དུ་རྣམ་པར་དག །ལུས་མདོག་རབ་མཛེས་ཀུན་གྱིས་ལྟ་བར་མོས། །མཚན་མ་ཡོན་ཏན་རྣམ་པ་སྣ་ཚོགས་བརྒྱན། །དྲི་མེད་ཡེ་ཤེས་རབ་མཛེས་པ། །དྲན་པ་རྣམས་ཀྱི་ནང་ན་མཆོག་ཏུ་གྱུར། །ཅི་ལྟར་སེང་
གེ་གཅན་ཟན་མཆོག་གྱུར་བཞིན། །བསྔགས་བསྟོད་ཚིག་ནི་འདི་ལས་འབྱུང་བ་ཡིས། །བསམ་པའི་དངོས་པོ་ཐམས་ཅད་གྲུབ་པར་ཤོག །ཅེས་བསྟོད་དོ། །དེ་ནས་དཔལ་ཕྱག་ན་རྡོ་རྗེས་འདུས་པ་རྣམས་ལ་བཀའ་སྩལ་པ། 
ཁྱེད་ཀྱིས་དཔལ་ལྷ་མོ་ལ་བསྟོད་པ་ལེགས་སོ། །ང་ཡང་བསྟོད་པ་འདི་དག་གི་དོན་བསྒོམས་ཤིག །ཡིད་ལ་རྟག་ཏུ་ཟློས་ཅིག །ལྷ་མོ་འདི་ལ་བསྟོད་པ་ནི་ང་ལ་བསྟོད་པ་ཡིནོ། །སངས་རྒྱས་ཐྃད་ལ་བསྟོད་པ་ཡིནོ། །ལྷ་མོ་དེས་ཀྱང་མི་

98-1-236a

འདི་བསྲུང་བར་བྱེད་དོ། །སྐྱོབ་པར་བྱེད་དོ། །ཅི་འདོད་པའི་དངོས་གྲུབ་སྟེར་རོ་ཞེས་བཀའ་སྩལ་པ་དང་། འཁོར་དེ་རྣམས་རབ་དུ་དགའ་ནས་བཅོམ་ལྡན་འདས་ཕྱག་ན་རྡོ་རྗེ་ལ་རྒྱན་གྱི་ཆར་ཆེན་པོ་ཕབ་ནས་
སོ་སོའི་གནས་སུ་འཁོད་དོ། །བསྟོད་པའི་རྒྱལ་པོའི་རྒྱུད།   རྫོགས་སྷོ།། །། ༄༅། །རྒྱ་གར་སྐད་དུ། ཤྲཱི་དེ་བི་ཀཱ་ལི་ཨཥྚ་ཤ་ཏ་ཀ །བོད་སྐད་དུ། དཔལ་ལྷ་མོ་ནག་མོའི་མཚན་བརྒྱ་རྩ་
བརྒྱད་པ། སངས་རྒྱས་དང་།   བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅྡོཾས་བྱ་རྒོད་ཀྱི་ཕུང་པོའི་རི་ལ་བཞུགས་ཏེ། རྒྱུ་དང་འབྲས་བུའི་བྱང་ཆུབ་སེཾས་
དཔའ་ཐྃད་ལ་བདེན་པའི་མཚན་རྣམས་སྟོན་པར་མཛད་དོ། །དེའི་ཚེ་དཔལ་ལྷ་མོ་ནག་མོ་ཆེན་མོ་ཡང་བཅོམ་ལྡན་འདས་ཀྱི་ཐད་དུ་སོང་སྟེ་ལན་གསུམ་བསྐོར་བ་བྱས་ནས་བཅྡོཾས་ཀྱི་སྤྱན་སྔར་ཕྱོགས་གཅིག་ཏུ་འདུག་གོ། དེ་ནས་བྱང་
ཆུབ་སེམས་དཔའ་སེང་གེའི་བརྩོན་འགྲུས་ཀྱིས་བཅྡོཾས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སྲིན་མོའི་ཆ་ལུགས་ཀྱིས་འཇིག་རྟེན་པའི་དོན་མཛད་པའི་མཚན་གྱི་རྣམ་གྲངས་ཇི་ལྟ་བུ་
ལགས་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེང་གེ་བརྩོན་འགྲུས་ལ་དགོངས་ནས་དཔལ་ལྷ་མོ་ནག་མོ་ལ་གཟིགས་ཏེ་འདི་སྐད་ཅེས་གསུངས་སོ། །ཐོས་བསམ་སྒོམ་
ལ་ཆེར་གནས་པའི། །རྒྱུ་འབྲས་རྐྱེན་གྱི་བདག་ཉིད་ཅན། །འགྲོ་ལ་ཕན་མཛད་མཁས་པའི་མཆོག །དཔལ་ལྡན་ལྷ་མོ་ནག་མོ་འཕགས། །བྱང་ཆུབ་སེམས་དཔའ་སྤྲུལ་པ་སྟེ། །ས་ལྟར་བརྟེན་པའི་
གཞིར་གྱུར་པ། །ཡོན་ཏན་བསྡུད་བྱེད་ཆུ་དང་འདྲ། །བྱང་ཆུབ་སྨིན་བྱེད་མེ་ལྟ་བུ། །དགེ་བའི་འདུ་བྱེད་རླུང་ལྟར་གཡོ། །ཤེས་རབ་རྣམ་དག་ནམ་མཁའ་སྟེ། །ཁྱོད་ནི་འབྱུང་བ་ཆེན་པོ་འདྲ། །འབྱུང་པོ་

98-1-236b

ཕལ་ཆེན་རྣམས་ཀྱིས་བསྟོད། །བསོད་ནམས་ཡེ་ཤེས་རབ་བསགས་པའི། །ལས་དང་རྣམ་སྨིན་དག་ལ་མཁས། །ང་རྒྱལ་གཟུགས་ཀྱི་འདུལ་བ་གོམས། །ཤེས་རབ་སྙིང་རྗེའི་ལམ་དུ་འགྲོ། །ཁྱོད་ནི་
བུམ་པ་བཟང་ལྟ་བུ། །དཔེར་ན་ཡིད་བཞིན་ནོར་བུའི་ཆུ། །ཀུན་ལ་ཕན་པའི་དཔག་བསམ་ཤིང་། །ཉི་མ་འདྲ་བར་ཁྱོད་ལ་གསལ། །ཟླ་ལྟར་གསལ་བའི་ཐུགས་མངའ་ཞིང་། །མིང་ནི་རི་བོང་རྭ་དང་འདྲ། །
རང་གི་རྒྱུད་ནི་འཁོར་ལོ་འདྲ། །ཨུ་དུམ་བར་ལྟར་ཁྱོད་དཀོན་ཡང་། །བདུད་རྩི་ལྟ་བུར་ཡོངས་ཚིམ་མཛད། །འགྲོ་བ་ཀུན་གྱི་བདག་མོ་ལགས། །རང་བཞིན་མེད་པའི་ཆོས་ཀྱང་སྟོན། །ཆུ་དང་
ནམ་མཁའི་ཚུབ་མ་ལྟར། །གདུལ་བྱའི་སྲིད་གསུམ་ཅིས་ཀྱང་འདུལ། །དུས་གསུམ་རྒྱལ་བའི་བསྟན་པ་སྐྱོང་། །དམ་པ་རྣམས་དང་ཡང་དག་གཅིག །དམ་པ་རྣམས་ཀྱི་ལམ་དུ་འགྲོ། །
ལྷ་མོ་མ་མོ་གནོད་སྦྱིན་མོ། །སྲིན་མོ་ཀླུ་མོ་ཤ་ཟ་མོ། །གདུག་མོ་འབྱུང་མོ་གྲུལ་བུམ་མོ། །དྲག་མོ་རྔམ་ཚུལ་གློག་འགྱུ་མ། །རླུང་མོ་ནག་མོ་འཇིགས་བྱེད་མ། །མཁའ་འགྲོ་གཏུམ་
མོ་ཞིང་སྒྲོལ་མ། །ཞི་རྒྱས་དབང་དང་དྲག་པོས་འདུལ། །དཀར་སེར་ལྗང་ནག་དམར་ཡང་སྟོན། །རྣམ་པ་བརྒྱད་ཀྱི་དབྱིབས་ཀྱང་འབྱུང་། །འགྲོ་བ་དྲུག་པོའི་ཚུལ་ཡང་སྟོན། །ཕུང་པོ་ལྔ་ཡང་
བརྗོད་པར་ནུས། །དབང་པོ་ཚིམ་བྱེད་ཡུལ་ལྔ་འང་སྟོན། །རྟེན་ཅིང་འབྲེལ་པའི་སྤྱོད་པ་མཁས། །ཡུལ་ཅན་རྣམས་ནི་གསོད་ལ་མཁས། །དེ་བཞིན་ངག་རྣཾས་གསོད་པ་དང་། །ལུས་ཅན་རྣཾས་ནི་གསོད་ལ་བརྩོན། །སེཾས་ནི་གསོད་པ་མེད་ལ་མཁས། །
འཁོར་བ་ལས་ནི་རིང་དུ་སོང་། །དེ་བཞིན་གཤེགས་པས་ལུང་བསྟན་ཏེ། །བྱང་ཆུབ་སེཾས་དཔའི་མཚན་རྣཾས་དང་། །འཇིག་རྟེན་སྐྱོང་མཛད་དཔལྡན་མ། །དམ་ཆོས་འཛིན་པ་རྣཾས་ལ་བྱམས། །ༀ་ཨཱཿཧཱུྃ་ཤྲཱི་དེ་བི་ཀཱ་ལི་ས་མ་ཡ་ཛ། ཌཱ་ཀི་ནཱེ་ཌཱ་ཡ་ས་མ་ཡ་སྭཱ་ཧཱ། 

98-1-237a

མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཀྱང་འཐོབ། །དམྱལ་བའི་སྡུག་བསྔལ་མྱོང་མི་འགྱུར། །ཡི་དགས་གནས་སུ་མི་སྐྱེ་ཞིང་། །བྱོལ་སོང་སྐྱེ་བས་ཐོགས་མི་འགྱུར། །ལུས་འཕགས་གནས་སུ་སྐྱེས་
པ་ན། །ཐོག་ལས་སོགས་པ་མི་འབབ་ཅིང་། །སྒྲ་མི་སྙན་དུ་རླུང་གིས་མིན། །དེ་བཞིན་བ་ལང་སྤྱོད་དུ་ཡང་། །ཆུ་དང་རླབས་ཀྱིས་ཁྱེར་མི་ནུས། །འཛམ་བུའི་གླིང་དུ་གང་སྐྱེས་པ། །སྣ་ཚོགས་གནོད་པས་ཉེན་མི་འགྱུར། །འདོད་པའི་ལྷ་
རྣམས་གནས་སུ་ཡང་། །སྐྱེས་ནས་ཆོས་ལ་དགའ་བར་འགྱུར། །བསམ་གཏན་བཞི་ཡི་སྐྱེ་གནས་སུ། །ཚད་མེད་བཞི་ནི་འཕེལ་བར་འགྱུར། །གཟུགས་མེད་གནས་ནི་བཞི་པོར་ཡང་། །དོན་མེད་ན་ནི་མི་སྐྱེ་སྟེ། །འདུ་ཤེས་མེད་
པར་ནམ་ཀྱང་མིན། །འཕགས་པ་བཞུགས་པའི་གནས་རྣམས་སུ། །ཁམས་གསུམ་ཚུལ་གྱིས་བདག་དོན་སྤྱོད། །རྟག་ཏུ་ཡུལ་ལ་ཆགས་མི་འགྱུར། །སེམས་ལ་འཛིན་པར་མི་བྱེད་དེ། །ཉོན་མོངས་རྩ་བ་དྲུག་པོ་དང་། །དེ་བཞིན་ཉེ་བ་
ཉི་ཤུ་དང་། །མཚམས་མེད་ལྔ་ཡང་བྱང་བར་འགྱུར། །བསྐལ་པ་གྲངས་མེད་མང་པོར་ཡང་། །མི་ཁོམ་བརྒྱད་དུ་སྐྱེ་མི་འགྱུར། །མུ་སྟེགས་རྩོད་པ་བཟློག་པ་དང་། །མཐུ་སྟོབས་ཕུན་སུམ་ཚོགས་ལྡན་ཞིང་། །ཚེ་རིང་ནད་མེད་དཔལ་དང་
ལྡན། །སྡུག་བསྔལ་བསྐལ་པ་མང་པོར་ཡང་། །ནམ་ཀྱང་འཁོར་བར་མི་ལྟུང་ཞིང་། །མྱ་ངན་འདས་པ་ཐོབ་བྱའྀ་ཕྱིར། །ཉན་ཐོས་ས་རྣམས་ནོན་པ་དང་། །རྟེན་འབྲེལ་བཅུ་གཉིས་ཤེས་པར་བྱ། །བྱང་ཆུབ་སེམས་དཔའི་
ས་རྣམས་ནྀ། །རབ་དགའ་དྲི་མེད་འོད་བྱེད་འཕྲོ། །སྦྱང་དཀའ་མངོན་འགྱུར་རིང་དུ་སོང་། །མི་གཡོ་ལེགས་པ་ཆོས་ཀྱི་སྤྲིན། །སངས་རྒྱས་ས་ཆེན་བླ་ན་མེད། །བཅུ་གཉིས་པོ་ཡང་ཐོབ་འགྱུར་ཏེ། །ཀུན་དུ་འོད་དང་བདུད་རྩི་
འོད། །ནམ་མཁའི་འོད་དང་རྡོ་རྗེའི་འོད། །རིན་ཆེན་འོད་དང་པད་མའི་འོད། །ལས་ཀྱི་འོད་དང་དཔེ་མེད་ས། །དཔལ་ལྡན་ས་དང་ཤེས་རབ་འོད། །ཐམས་ཅད་མཁྱེན་དང་རང་རིག་སྟེ། །བཅུ་གཉིས་སངས་རྒྱས་ས་རྣམས་ཀྱང་། །འདི་ཚེ་བྱུང་ན་

98-1-237b

མྱུར་དུ་ཐོབ། །ས་རྣམས་མ་ཐོབ་བར་དུ་ཡང་། །འགྲོ་བ་རྣམས་ལ་ཕན་པ་དང་། །ཤེས་རབ་སྙིང་རྗེ་ལྡན་གྱུར་ཅིང་། །ཆོས་ལ་དགའ་བ་རྣམས་ཀྱིས་བསྲུང་། །དངོས་གྲུབ་ཐོབ་སྟེ་དེ་བཞིན་གཤེགས། །རིན་ཆེན་ལས་བྱུང་
ཐོབ་པར་འགྱུར། །དཔལ་ལྡན་བྱང་ཆུབ་སེམས་དཔའ་དང་། །དཔལ་ལྡན་ལྷ་མོ་ནག་མོ་ཡི། །མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཐོབ་སྟེ། །སྐུ་གསུང་ཐུགས་ནི་གྲུབ་ནས་ཀྱང་། །ཁམས་གསུམ་ཆོས་ཀྱི་རྒྱལ་
པོར་འགྱུར། །ཞེས་གསུངས་པ་དང་། བྱང་ཆུབ་སེམས་དཔའི་འཁོར་དེ་དག་དང་། དཔལ་ལྷ་མོ་ནག་མོ་ཆེན་མོ་རྣམས་ངོ་མཚར་དུ་གྱུར་ཏེ། །བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རང་ཞིང་མངོན་པར་བསྟོད་དོ།། །།
དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ། རྫོགས་སྷོ།། །། ༄།  །ལྷའི་དབང་པོ་བརྒྱ་བྱིན་གྱིས་བསྟོད་པ།  དུས་གསུམ་འཁོར་བའི་སྡུག་བསྔལ་ཆེན་པོ་དང་། །འདོད་ཆགས་ཞེ་
སྡང་གཏི་མུག་གསུམ་གྱི་རྒྱུས། །སྡིག་སྨིན་ལས་གྲུབ་ལྷ་དང་ལྷ་མ་ཡིན། །དམྱལ་ཚོགས་མེ་ལྟར་འབར་བའི་གནས་འདི་རུ། །ཤ་ཁྲག་དམར་ལ་རོལ་པའི་ལྷ་མོ་ཁྱོད། །ལྷ་ཡི་གཡུལ་ངོ་རྒྱལ་བར་ཞལ་འཆེས་ལ། །
ལྷ་མ་ཡིན་གྱྀ་དཔུང་རྣམས་བརླག་པར་མཛོད། །ཅེས་བསྟོད་དོ་རྫོགས་སྷོ།། །། ༄།  །རྒྱ་གར་སྐད་དུ།   ཨཱརྱ་སབ་ཏ་བེ་ཏཱ་ཌ་ཀ་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་རོ་ལངས་
བདུན་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་
རྒོད་ཀྱི་ཕུང་པོའི་རི་ལ་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། ཕྱི་བཞིན་འབྲང་བའི་དགེ་སྦྱོང་ཚེ་དང་ལྡན་པ་ཀུན་དགའ་བོ་དང་ཡང་ཐབས་ཅིག་གོ། །

98-1-238a

དེའི་ཚེ་ན་མུ་སྟེགས་ཅན་ཀུན་ཏུ་རྒྱུ་བ་རྣམས་ཀྱིས་བཅོམ་ལྡན་འདས་ལ་གནོད་པར་བྱ་བའི་ཕྱིར། རོ་ལངས་ཆེན་པོ་བདུན་བཏང་བར་གྱུར་ཏོ། །དེ་དག་བཅོམ་ལྡན་འདས་ཀྱི་ཐད་དུ་སོང་བ་ལས་དེ་དག་གིས་གླག་མ་རྙེད། དམིགས་པ་
མ་རྙེད་དོ། །དེ་དག་གིས་གླགས་མ་རྙེད། དམིགས་པ་མ་རྙེད་ནས་དེ་དག་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོའི་ལུས་ལ་རེག་གོ། རེག་མ་ཐག་ཏུ་ཀུན་དགའ་བོ་དེ་སྡུག་བསྔལ་མི་བཟད་པ། 
དྲག་པ་ཚ་བ།   ཤི་ལ་ཐུག་པའི་ཚོར་བ་རྣམས་དང་ལྡན་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། བདག་ནི་སྡུག་བསྔལ་མི་བཟད་པ། དྲག་པ་ཚ་བ། ཤི་ལ་ཐུག་པའི་ཚོར་བ་རྣམས་དང་ལྡན་ན་བཅོམ་ལྡན་འདས་
དེས་མ་དགོངས་སོ། །བདག་འདི་ལྟར་ཉམ་ང་བར་གྱུར་ན་དེ་བཞིན་གཤེགས་པས་མ་དགོངས་སོ་སྙམ་མོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་དང་ཚེ་དང་ལྡན་པ་ཀུན་དགའ་བོ་དང་ཐག་མི་རིང་བ་ཞིག་ན་
འདུག་པར་གྱུར་ཏོ། །ཚེ་དང་ལྡན་པ་ཀུན་དགའ་བོའི་ཉེ་བའི་ཉོན་མོངས་པ་དེ་ལྟ་བུ་དེ་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོས་ཐོས་སོ། །དེ་ནས་དེ་གཉིས་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་
འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་སྡུག་བསྔལ་མི་བཟད་པ། དྲག་པ། ཚ་བའི་ཚོར་བ་མྱོང་ནས་བདག་ལ་དེ་བཞིན་གཤེགས་པས་མ་དགོངས་སོ་ཞེས་ཅི་དེ་སྐད་ཅེས་སྨྲའམ། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཀུན་
དགའ་བོས་དེ་དག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་བདག་གིས་ལུས་ལ་ཚོར་བ་དང་ལྡན་པ་ནི་དཔེར་ན་སོག་ལེས་མགོ་བོ་གཤེགས་པ་ལྟར་ཀུན་དགའ་བོ་ལ་རེག་པ་ཡང་དེ་དང་འདྲའོ། །ཀུན་དགའ་བོ་མ་འཇིག་ཤིག  །
བདག་ཅག་གིས་ཁྱོད་ཁྲིའི་སྟེང་དུ་བཞག་སྟེ། དེ་བཞིན་གཤེགས་པའི་དྲུང་དུ་བསྐུར་རོ། །བཅོམ་ལྡན་འདས་དེ་ཁྱོད་ལ་ཡོངས་སུ་སྐྱོབ་པར་མཛད་པར་འགྱུར་རོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་

98-1-238b

གྱི་བུ་ཆེན་པོས་ཚེ་དང་ལྡན་པ་ཀུན་དགའ་བོ་ཉལ་ཁྲིའི་སྟེང་དུ་བཞག་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་དྲུང་དུ་བཞག་གོ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་
བཀའ་སྩལ་པ། ཀུན་དགའ་བོ་ཁྱོད་ཅི་སྡུག་བསྔལ་མི་བཟད་པ། དྲག་པ། ཚ་བའི་ཚོར་བས་ཐེབས་སམ། བཙུན་པ་བཅོམ་ལྡན་འདས་དེ་ལྟ་ལགས་སོ། །ཀུན་དགའ་བོ་ཁྱོད་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་
ཤིག་དང་བཤད་དོ། །ཀུན་དགའ་བོ་ཁྱོད་ལ་རེག་པའི་རོ་ལངས་ཆེན་པོ་སྟོབས་ཆེ་བ། གདུལ་དཀའ་བ། མཐོང་ན་གནོད་པ་བདུན་ཡོད་དེ། བདུན་གང་ཞེ་ན། འདི་ལྟ་སྟེ། ཕྲེང་བ་འཛིན་ཅེས་བྱ་བ་དང་། ནོར་བུ་འཛིན་དང་། 
གཏུམ་པོ་དང་། གདོལ་བ་དང་། རྨ་བྱའི་སྙིང་དང་། ཚེ་ཟད་དང་། ལ་བ་ཅན་ཏེ། རོ་ལངས་ཆེན་པོ་བདུན་པོ་དེ་དག་ནི་སྟོབས་ཆེ་བ། གདུལ་དཀའ་བ། བསྙེན་པར་དཀའ་བ། རྫུ་འཕྲུལ་ཆེ་བ། མཐུ་ཆེ་བའོ། །ཀུན་དགའ་བོ་རོ་ལངས་རེ་རེས་
ཀྱང་འདོད་ན་རྐང་པ་གཡོན་པའི་མཐེ་བོས་རིའི་རྒྱལ་པོ་རི་རབ་ཀྱང་འཕེན་ཏོ། །རིའི་རྒྱལ་པོ་རི་རབ་ཡུངས་འབྲུ་ཙམ་དུ་རྣམ་པར་འཇིག་གོ། སྟེང་དུ་བལྟས་ན་ས་འགས་པར་བྱེད་དོ། །ཕྱོགས་སུ་བལྟས་ན་འཆི་བར་འགྱུར་རོ། །ཕྱོགས་
མཚམས་སུ་བལྟས་ན་མེས་སྲེག་པར་བྱེད་དོ། །དེ་དག་གིས་ཁྱོད་ལ་རེག་གོ། དེ་ལྟ་མོད་ཀྱི་དེ་བཞིན་གཤེགས་པའི་མཐུ་དང་། ཆོས་ཐོས་པའི་གུས་པ་དང་། དེ་བཞིན་གཤེགས་པའི་བྱིན་གྱིས་བརླབས་ཀྱིས་ད་དུང་དུ་ཁྱོད་ཀྱི་
ལུས་འཚོ་བ་ཡིན་ནོ། །ཀུན་དགའ་བོས་གསོལ་པ། བཅོམ་ལྡན་འདས་ལེགས་པར་བསལ་དུ་གསོལ། ཕྱིར་བཟློག་ཏུ་གསོལ། ཕྱག་རྒྱ་བཅིང་དུ་གསོལ། སྐུད་པས་བཅིང་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། 
ཀུན་དགའ་བོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བསྟན་པར་བྱའོ། །ཏདྱ་ཐཱ། ཧ་ར་མ་ཧཱ་གཱ་རེ། གྷ་ས་ར་པ་ཏི། དྷ་ར་དྷ་རི། དྷ་ར་ཎི་ཚོ་ར་ཚོ་ར།  ཎི་ཀ་རོ་ཏི་ཏི། ཀ་ཏ་ས་མཱ་དྷི་ནི། ས་མ་ར་ས་ར་ཎི། ས་ར་ན་ཀོ་ཏ་མི་ཏི། ས་མ་བེ། 

98-1-239a

བྷ་བ་ན། ནཱ་ག་རེ། བྷ་ད་ནཱི། སཱ་དཱ་ནི་ཏི་སྭཱ་ཧཱ། ཀུན་དགའ་བོ་གཟུངས་སྔགས་ཀྱི་ཚིག་འདི་དག་ལན་ལྔ་བཅུ་རྩ་གཉིས་བཟླས་བརྗོད་བྱས་ཏེ། མདུད་པ་ལྔ་བཅུ་རྩ་གཉིས་བོར་ན་བརྗེད་བྱེད་ཐམས་ཅད་དང་། འབྱུང་པོ་ཐམས་
ཅད་ཀྱི་སྙིང་ལ་གནོད་པ་བྱས་པར་འགྱུར་རོ། །གདོན་ཐམས་ཅད་ཀྱིས་བྱས་པ་ལས་ཐར་བར་འགྱུར་རོ། །བཅོམ་ལྡན་འདས་ལེགས་སོ། །དེ་ལྟར་མཛོད་ཅིག །སླར་ཡང་མི་འཆི་བར་མཛད་དུ་གསོལ། ཀུན་དགའ་བོ་དེའི་ཕྱིར་ཉོན་ལ་ལེགས་
པར་ཡང་ཟུང་ཤིག །ཏདྱ་ཐཱ། བད་ཙ་ལེ་བ་ལེ། མ་ཧཱ་བད་ཙ་ལེ་བ་ལེ། བྷི་ལི་བྷི་ལི། མ་ཧཱ་བྷི་རི་ནི། ནི་མི་རི་ནི། ཧ་ན་ཧ་ན་ཧ་ཏི་རི། མ་ཙ་ཐ། མ་བི་ཙ་ར་ཐཱ། ཏི་རེ་སྠི་ར་མུ་ལེ། མ་ཐ་ནིར་མ་ཐ་ནི། ཙཱ་ལ་ནི། མཱ་ཀ་ནཱི། ཛཾ་བྷ་ནི། པཱི་དཱ་ནི། བ་ཡ་ས་
ཀྲྀ་ནི། བྷ་ག་བ་ཏི། ཏ་ཐཱ་ག་ཏ། བི་ཏ་ཐེ། ཏི་བི་གྷ་དྷ་རེ། པ་ར་པྲ་དེ། ཧ་རེ་ཏིཥྛ། ནཱི་ལ་བ་ས་ནི་སྭཱ་ཧཱ། ཀུན་དགའ་བོ་རོ་ལངས་འདི་དག་ནི་འཚོག་པ། སྡང་བ། གཏུམ་པོར་གྱུར་པ། གསོད་པར་གྱུར་པའོ། །དེ་ལ་རིག་སྔགས་འདིས་ཀེ་མོ་
རུ་ཀའི་སྐུད་པ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། མདུད་པ་ཉི་ཤུ་རྩ་གཅིག་དོར་རོ། །དེས་ན་འབྱུང་པོ་ཆེན་པོ་ཤིན་ཏུ་འཁྲུགས་པར་འགྱུར་རོ། །འདིས་ཐམས་ཅད་ཀྱང་སྡང་བར་འགྱུར། འཛེམ་པར་འགྱུར། ཞི་བར་འགྱུར་ཞིང་། 
འདིས་འབྱུང་པོ་ཐམས་ཅད་ཀྱང་དབང་དུ་འགྱུར་འདིས་འབྱུང་པོ་ཐམས་ཅད་ཀྱང་རབ་ཏུ་ཞི་བར་འགྱུར་རོ། །ཀུན་དགའ་བོ་ཉོན་ཅིག་དང་བསྟན་པར་བྱའོ། །ཏདྱ་ཐཱ། ད་ར་ད་ར་ད་ར། ཀ་ར་ཀ་ར་ཀ་ར། མ་ཧཱ་ཀག་ཀ་ར། ཙ་ར་ཙ་ར། ཙ་ད་ཙ་ར། 
མ་ཧཱ་ཙ་ད་ཙ་ར། ཧ་ལ་ཧ་ལ་ཧ་ལ། ཧི་ལི་ཧི་ལི། ཧུ་ལུ་ཧུ་ལུ། ཧི་རེ་བི་རེ། ཀི་རི་བི་རི། བཻ་རཻ་བི་ཙི།  ནི་ཀ་རྃ་ཀ་རི། སརྦ་བྷུ་ཏ་ན་ན། པྲ་ཛྃ་བྷ་ལ་ནི། ནཱི་ལ་བ་ར་བ་ས་ནི། ཙད་ཚུ། ཙཀྲ་ཙཀྲ། ཨ་ཡུ་དྷེ་སྭཱ་ཧཱ། ཀུན་དགའ་བོ་འདི་དག་ནི་གནོད་སྦྱིན་ཐམས་
ཅད་དང་། སྲིན་པོ་ཐམས་ཅད་དང་། གསང་སྔགས་ཐམས་ཅད་དང་། ཡི་དགས་དང་། བྱད་དང་། སྡིག་པ་རབ་ཏུ་ཞི་བར་བྱེད་པའོ། །རྒྱལ་པོས་བཀྲབས་པ་དང་། ལག་ཅན་པ་ཕྱིར་བཟློག་པར་བྱེད་དོ། །དེ་ལ་རིག་སྔགས་འདི་སྐུད་པ་

98-1-239b

དམར་པོ་ལ་ལན་སུམ་བཅུ་རྩ་བདུན་བཟླས་བརྗོད་བྱས་ཏེ། མདུད་པ་སུམ་བཅུ་རྩ་བདུན་བོར་ན་ཐམས་ཅད་རེངས་པར་བྱས་པར་འགྱུར་རོ། །ཀུན་དགའ་བོ་གསང་སྔགས་ཀྱི་ཚིག་འདི་དག་ཟུང་ཤིག །ཆོངས་ཤིག །ལེགས་པར་རབ་
ཏུ་ཡིད་ལ་ཟུང་ཤིག །རྗེས་སུ་སྦྱོར་བར་གྱིས་ཤིག །དེ་ལྟ་བས་ན་ཀུན་དགའ་བོ་ཁྱོད་ཀྱིས་དྲན་པ་དང་ལྡན་པས་གཟུང་བར་བྱའོ། །ཏདྱ་ཐཱ། དྷ་ར་དྷ་ར། དྷ་དྷ་ར། ཁ་ར་ཁ་ར། མ་ཧཱ་ཁ་ར། མ་ཧཱ་བ་ལེ། བ་ལ་ནཱ་ཤ་ནི། གོ་ཏ་ཊ་ནཱི། ཀུད་ཊ་ནཱི། 
ས་མ་ཧཱ་རེ། ཀུད་དཾཥྚེ། ཀ་ཁ་ཁ་རེ། མ་ཀུད་ཏ་དྷ་རེ་ཎི། མུ་ལུཀྐ། ཀྵེ་ནེ་ཀ་ཀཻ་ནཱི་ཀེ ། ས་མེ་རྨ།  ཤཱ་ནི། ཀི་ནི། གི་རི་ནི། བྷོ་གི་སི། ས་སཱ་བེ་ཏ་ཊ། ཀུ་མཱ་ར་ཀ །ཀྲྀ་ཏེ་སྭཱ་སི། ཀྲིན་ནི་བི་བུད་དྷ་སི། བི་བུད་དྷྱ། བི་བུད་དྷྱ། གྲྀ་ཧཱཾ་བྷཻ། ཀྲི་ཏ་
བྷཻ་ར་བ། བི་ཀྲི་ཏ་བྷཻ་ར་བ། མ་ཧཱ་བ་ཡེ། ཀྃ་ཏྭྃ། ཧ་རི་སི། ཀིན་ན་མཱ་ར་ཡ་སི། ཀིན་ན་སརྦ་དེ་བ། ནཱ་ག །ཡཀྵ། གན་དྷ་ར་བ། ཨ་སུ་ར། སརྦ་ཨ་སུ་ར། སརྦ་བྷ་ཡ་ཤ་མ་ན། མཾ་ས་ར་སྭཱ་ཧཱ། ཀུན་དགའ་བོ་རིག་སྔགས་འདི་སྦྱིན་
བསྲེག་གམ། སྐུད་པས་བཅིངས་ན་འདོད་པའི་མཐར་གཏོགས་པ་ཐམས་ཅད་འཇིག་པར་བྱེད། ལྟུང་བར་བྱེད། ཟ་བར་བྱེད་དོ། །ཀུན་དགའ་བོ་རོ་ལངས་ཐམས་ཅད་རེངས་པར་བྱེད་པའི་རིག་སྔགས་ཟུང་ཤིག །ཏདྱ་ཐཱ། སེ་མེ་ལེ། 
མ་ཧཱ་ཧ་ཧ་ལེ། ཧ་ར་དྷ་རེ། གྷོ་ར་དྷ་རེ། དྷ་རཏྟི། རིཏྟི། བི་རོཏྟི། ཀུ་ནཏྟི། ཀུ་ཏ་ནི། སྃ་གོ་ཙ་ནི། ཀ་ཙ་རི། ཁ་ཙ་རི། མ་ར་ནི། ཧུ་ཧུ། མ་རེ་ཎ། མ་ཧཱ་མཱ་ལ་དྷ་རེ། ན་ཡོ་ན་མ་ཏི་སྭཱ་ཧཱ། ཀུན་དགའ་བོ་གསང་སྔགས་
ཀྱི་ཚིག་འདི་དག་དམོད་པ་དྲག་པོ་དང་མཚུངས་ཤིང་འདྲ་སྟེ། འབྱུང་པོ་ཐམས་ཅད་རྣམ་པར་བཤིག་པའི་ཕྱིར་བལ་གཙང་མའི་སྐུད་པ་ལ་ལན་ཉི་ཤུ་རྩ་བཞིར་བཟླས་བརྗོད་བྱས་ཏེ། མདུད་པ་ཉི་ཤུ་རྩ་བཞི་བོར་ན། 
ལོག་འདྲེན་ཐམས་ཅད་ཀྱིས་མི་ཚུགས་པར་འགྱུར་རོ། །ཀུན་དགའ་བོ་གསང་སྔགས་ཀྱི་ཚིག་འདི་དག་ཟུང་ཤིག །ལེགས་པར་རབ་ཏུ་གཟུང་བར་གྱིས་ཤིག །ཀུན་དགའ་བོ་གསང་སྔགས་འདི་གང་ཡང་

98-1-240a

རུང་བས།   གཟུང་བར་མི་ནུས་སོ། །ཀུན་དགའ་བོ་དེ་ལྟ་བས་ན་ལེགས་པར་གཟུང་བར་གྱིས་ཤིག །ཏདྱ་ཐཱ། ཙ་ཙྪ་ར། ཙ་ཙྪ་ར། མ་ཧཱ་ཙ་ཙྪ་ར། ཙི་རི་ཙི་རི། བུ་རུ་བུ་རུ། མ་ཧཱ་བུ་རུ། སྃ་བྷ་ལེ། མ་ཧཱ་སྃ་བྷ་ལེ། མ་ཧཱ་
བ་ལེ་སྭཱ་ཧཱ།  ཀུན་དགའ་བོ་ལྷ་དང་བཅས། བདུད་དང་བཅས། ཚངས་པ་དང་བཅས། དགེ་སྦྱོང་དང་། བྲམ་ཟེ་དང་། སྐྱེ་དགུར་བཅས་པའི་འཇིག་རྟེན་ན་གང་ཞིག་གསང་སྔགས་འདི་ལ་མི་སྤྲོ་བ་ནི་ངས་རྗེས་སུ་མ་མཐོང་སྟེ། 
བསྲུང་བ་དང་། རྗེས་སུ་འབྲང་བ་ཡིན་ནོ། །གསང་སྔགས་འདི་ནི་མི་བཟད་པ་སྟེ། སྲེག་པར་བྱེད། འཚེད་པར་བྱེད། འཆིང་བར་བྱེད། འཇོམས་པར་བྱེད། འབར་བར་བྱེད་པ་ཡིན་ཏེ། རིག་སྔགས་ལན་དྲུག་བཅུ་རྩ་གཅིག་བཟླས་
བརྗོད་བྱས་ཏེ། མདུད་པ་དྲུག་བཅུ་རྩ་གཅིག་བོར་ན་སྡིག་པ་ཐམས་ཅད་རབ་ཏུ་ཞི་བར་བྱེད། རིག་སྔགས་གཅོད་པར་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་
ལྡན་འདས་ལེགས་སོ། །ལེགས་པར་གཟུང་ལགས་སོ། །མདུད་པ་དོར་དུ་གསོལ། ཕྱག་རྒྱ་གཞག་པར་མཛད་དུ་གསོལ། ཀུན་དགའ་བོ་དེའི་ཕྱིར། ཏདྱ་ཐཱ། བྷ་བྷ་རེ། བྷ་རེ། བྷ་ར་ཎི་ཧ་ར་པྲ་ཧ་རེ། ཧ་ར་ནི། ཀུ་ཐ་ནི་ཏ་ཊི། 
ལེ་ཙྪ་དད་ཏི། ཚངས་པས་བྱས་པའི་རིག་སྔགས་གཅད་དོ། །དབང་ཕྱུག་ཆེན་པོས་བྱས་པའི་རིག་སྔགས་གཅད་དོ། །ཁྱབ་འཇུག་གིས་བྱས་པའི་རིག་སྔགས་གཅད་དོ། །བརྒྱ་བྱིན་གྱིས་བྱས་པའི་རིག་སྔགས་གཅད་དོ། །རྒྱལ་པོ་ཆེན་པོ་
བཞིས་བྱས་པའི་རིག་སྔགས་གཅད་དོ། །གནོད་སྦྱིན་གྱི་སྡེ་དཔོན་གྱིས་བྱས་པའི་རིག་སྔགས་གཅདོ། །ཟླ་བ་དང་ཉི་མས་བྱས་པའི་རིག་སྔགས་གཅདོ། །གཟའ་དང་ཉི་མས་བྱས་པའི་རིག་སྔགས་གཅདོ། །གཟའ་དང་རྒྱུ་སྐར་གྱིས་བྱས་པའི་
རིག་སྔགས་གཅདོ། །ཕྱོགས་ནས་བྱས་པའི་རིག་སྔགས་གཅད་དོ། །ཕྱོགས་མཚམས་ནས་བྱས་པའི་རིག་སྔགས་བཅད་དོ། །སྟེང་ནས་བྱས་པ་དང་འོག་ནས་བྱས་པའི་རིག་སྔགས་བཅད་དོ། །ལྷས་བྱས་པའི་རིག་སྔགས་བཅད་དོ། །ཀླུས་བྱས་པའི་རིག་

98-1-240b

སྔགས་གཅད་དོ། །གནོད་སྦྱིན་གྱིས་བྱས་པ་དང་། ནམ་མཁའ་ལྡིང་གིས་བྱས་པའི་རིག་སྔགས་བཅད་དོ། །གྲུལ་བུམ་གྱིས་བྱས་པ་དང་། ཚོར་བ་པས་བྱས་པ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། སྐྱེས་
པ་དང་། བུད་མེད་དང་། གདོལ་པས་བྱས་པ་དང་། ཀླ་ཀློ་དང་། རི་ཁྲོད་པས་བྱས་པ་དང་། སེང་གེ་དང་། སྦྲུལ་གྱིས་བྱས་པ་དང་། འགྲོ་ལྡིང་བའི་ཡིད་ཀྱིས་བྱས་པ་དང་། གཡུང་པོས་བྱས་པ་དང་། ཏོ་ས་ལ་པས་བྱས་པ་དང་། མུ་ད་ག་རི་ཁྲོད་པས་བྱས་པ་དང་། 
སེམས་ཅན་ཐམས་ཅད་ཀྱི་རིག་སྔགས་འཆང་བས་བྱས་པའི་རིག་སྔགས་བཅད་དོ། །ཏདྱ་ཐཱ། ག་ག་གཱ་ར་ལི་ཕུ། མ་ཧཱ་ག་ག་གཱ་ར་ལེ་ཕུ། བེ་ཤེ་ཕུ། ཤ་བ་ར་སིད་དྷི་ཕུ། ཙཎ་ཊཱ་ལི་ཕུ། མ་ཧཱ་ཙཎ་ཊཱ་ལི་ཕུ། ཙོ་གི་ཕུ། ཙི་མི་རི་ཕུ། ཙི་ཙི་མི་རེ་ཕུ། ཙཀྲེ་
ཕུ། ཙཀྲ་དཱ་རེ་ཕུ། ཕུ། ཙཎྜེ་ཕུ། སོ་གེ་ཕུ། པཉྩ་ཊ་ལི་ཕུ། པཉྩ་ལི་ཕུ། བྷི་མེ་ཕུ། བྷི་པཱ་པ་ལེ་ཕུ། པིྃ་གེ་ལེ་ཕུ། པིྃ་ག་ལ། ཨཀྵེ་ཕུ། ཨ་ནན་དེ་ཕུ། ས་མན་ཏེ་ཕུ། ནཱ་ཤ་ནཱི་ཕུ། ཚེ་ད་ནི་ཕུ། བིད་ཚེ་ད་ནི་ཕུ་སྭཱ་ཧཱ། ཀྲི་ས་
ནི། བཀྵ་ནི། མཱ་ར་ནི། པིན་ད་ནི། བིན་དྱ་ནྃ། བཀྵ་ནི། ནཱ་ཤཱ་ནི། ཁཱད་དྱ་ཀ་ནྃ། གཱ་ལ་བྷི་ནཱ་ཤཱ་ནཱི། དཱ་ཧཱ་མ་སི་བྷསྨ་བྷསྨ་ནི་མ་ས་ནི། བན་དྷ་ནི་སྭཱ་ཧཱ། ཀུན་དགའ་བོ་གནོད་སྦྱིན་གྱི་སྡེ་དཔོན་ཆེན་པོ་བཞི་བཅུ་རྩ་གཉིས་པོ་འདི་དག་ནི་མཚན་མོ་གཟི་བརྗིད་འཕྲོག་
པར་བྱེད་པའོ། །ཀུན་དགའ་བོ་ཉི་མ་འཆར་བའི་ཚེ། རོ་ལངས་ཆེན་པོ་གནོད་བྱེད་ཅེས་བྱ་བ་ཞིག་ཡོད་དེ། དེ་སྟོན་གྱི་དུས་ཀྱི་ཚེ་ཉི་མའི་འོད་ཟེར་གྱི་རྗེས་སུ་ཞུགས་ནས། གང་འོད་ཟེར་དེ་དག་གིས་གང་ལ་རེག་པ་འོད་ཟེར་གྱི་དྲ་བས་རེག་ནས་རིམས་སུ་འགྱུར་ཏེ་
དེ་ཡང་བཅད་དོ། །ཀུན་དགའ་བོ་རོ་ལངས་ཁ་གཅིག་པ་ཞེས་བྱ་བ་ཞིག་ཡོད་དེ། དེ་ཡང་འདི་ཉིད་ཀྱི་ནང་དུ་བསྡུ་བར་བྱའོ། །ཀླུའི་རྒྱལ་པོ་ས་འཛིན་ཅེས་བྱ་བ་ཡང་འདི་ཉིད་ཀྱི་ནང་དུ་བསྡུ་བར་བྱའོ། །ཀླུ་ཐམས་ཅད་དང་། གྲུལ་བུམ་ཐམས་ཅད་དང་། ཡི་དགས་
དང་། ཤ་ཟ་ཐམས་ཅད་ཀྱང་འདི་ཉིད་ཀྱི་ནང་དུ་བསྡུས། ནམ་མཁའ་ལྡིང་ཡང་འདི་ཉིད་ཀྱི་ནང་དུ་བསྡུས། ནོར་འཛིན་ཡང་འདི་ཉིད་ཀྱི་ནང་དུ་བསྡུས། རླུང་ལྷ་ཡང་འདི་ཉིད་ཀྱི་ནང་དུ་བསྡུས། སྒྱུ་མ་ལན་གྱི་བུ་པ་རོ་པ་ཏི། ཤེ་རུད་དྲོ་ཡང་འདི་ཉིད་ཀྱི་ནང་དུ་བསྡུས། 

98-1-241a

ཕུང་པོ་འཛིན་དང་མདུང་ཐུང་འཛིན་ཀྱང་དེ་བཞིན་དུ་བསྡུས། དེ་བཞིན་དུ་བློན་པོ་དང་བཅས་པ་དང་། འཁོར་དང་བཅས་པ་ཡང་འདི་ཉིད་ཀྱི་ནང་དུ་བསྡུས་སོ། །ཀུན་ནས་དཔག་ཚད་བརྒྱ་དག་ཏུ། །ང་ཡིས་ཆད་པ་དག་བྱས་པས། །ང་ལ་
འབྱུང་པོས་བྱར་ཅི་ཡོད། །ང་ཡིས་སྡང་བ་ཐམས་ཅད་བཅོམ། །གསོད་པར་གྱུར་པ་སྟོབས་པོ་ཆེ། །རོ་ལངས་དག་གིས་བྱར་ཅི་ཡོད། །དེ་དག་ཀྱང་ནི་ངའི་ཞགས་པས། །ཀུན་ནས་ཡོངས་སུ་བསྐོར་བ་ཡིན། །ཞག་པ་ཀུན་གྱིས་དེ་དག་ཀྱང་། །
རྨུགས་ཤིང་ཤིན་ཏུ་རྨོངས་པར་བྱས། །འདི་ཡིས་བདག་གིས་ཀུན་འགྲུབ་ཅིང་། །གསང་སྔགས་ཚིག་རྣམས་གྲུབ་གྱུར་ཅིག །ན་མ་སིད་དྷ་ནཱན། སིད་དྷྱན་ཏུ་མན་ཏྲ་པཱ་ད་སྭ་སྟིར་མེ་སརྦ་སཏྭ་ནན་ཙ་སྭཱ་ཧཱ། སངས་རྒྱས་ཀུན་གྱི་སྟོབས་
གང་དང་། །དགྲ་བཅོམ་རྣམས་ཀྱི་སྟོབས་གང་དང་། །དམ་པའི་ཆོས་ཀྱི་གཟི་བརྗིད་ཀྱིས། །བདེ་ལེགས་སུ་ནི་རབ་གྱུར་ཅིག །འཕགས་པ་སངས་རྒྱས་ཀྱི་གཟི་ཡིས་རྟག་ཏུ་འཇིགས་པ་ཐམས་ཅད་ལ་སྭཱ་ཧཱ། ཆོ་ག་ནི་ལན་དྲུག་ཅུ་རྩ་གཅིག་
བཟླས་བརྗོད་བྱས་ཏེ། ཀཻ་མེ་རུ་དང་། བལ་གཙང་མ་ལ་སོགས་པའི་སྐུད་པ་དམར་པོ་ལ་མདུད་པ་དོར་རོ། །དེ་བཞིན་དུ་བྱབ་པ་ཡང་བྱའོ། །འབྱུང་པོ་ཐམས་ཅད་དང་། བརྗེད་བྱེད་དང་། སེམས་རྣམ་པར་གཡེང་བྱེད་ལ་སོགས་པ་དང་། དུག་
བྱིན་པ་དང་། དུག་བྱས་པ་དང་། རྐང་གཉིས་པ་དང་། རྐང་བཞི་པ་རྣམས་ལ་ཀུན་ཏུ་འགྲོ་བ་གྲུབ་པའི་མཆོག་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ལྷ་དང་། མི་དང་། 
ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རོ་ལངས་བདུན་པ་ཞེས་བྱ་བའི་གཟུངས་རྫོགས་སྷོ།། །།
རྒྱ་གར་གྱི་མཁན་པོ་བི་ཤུད་དྷ་སིང་ཧ་དང་། བན་དེ་ཡེ་ཤེས་སྙིང་པོ་སྡེས་བསྒྱུར། རྒྱ་གར་གྱི་མཁན་པོ་བིདྱ་ཀ་ར་སིང་ཧ་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེས་ཞུས་ཏེ་གཏན་ལ་ཕབ་པ།། །།

98-1-241b

༄༅། །རྒྱ་གར་སྐད་དུ།  སུ་རུ་པ་ནཱ་མ་དྷ་ར་ནཱི།  བོད་སྐད་དུ།  སུ་རུ་པ་ཞེས་བྱ་བའི་གཟུངས།  སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ནམཿསུ་རུ་པ་ཡ་ཏ་ཐཱ་ག་ཏཱ་ཡ། ཨར་ཧ་ཏེ་སྃ་མྱག་སྃ་བུད་དྷ་
ཡ། ཏདྱ་ཐཱ། ཨོཾ་སུ་རུ་སུ་རུ། པྲ་སུ་རུ་པྲ་སུ་རུ། ཏ་ར་ཏ་ར། བྷ་ར་བྷ་ར། སྃ་བྷ་ར་སྃ་བྷ་ར། སྨ་ར་སྨ་ར། སན་ཏར་པ་ཡ་སན་ཏར་པ་ཡ། སརྦ་པྲེ་ཏ་དཱ་ནཱྂ་སྭཱ་ཧཱ། གཟུངས་འདིས་ཆུ་དང་བཅས་པའི་ཟན་ལ་ལན་བདུན་ཡོངས་སུ་བཟླས་ཏེ་ལག་པ་
གཡོན་པས་སེ་གོལ་གྱི་སྒྲ་ལན་གསུམ་དུ་བྱས་ནས་ཡི་དགས་ཐམས་ཅད་ལ་དབེན་པའི་ས་ཕྱོགས་སུ་སྦྱིན་པར་བྱ་ཞིང་། འདི་སྐད་ཀྱང་བརྗོད་པར་བྱ་སྟེ། སྐབས་ཚོལ་བ་དང་གླགས་ལྟ་བ་རྣམས་དེངས་ཤིག །འཇིག་རྟེན་གྱི་ཁམས་
ཐམས་ཅད་ན་གནས་པའི་ཡི་དགས་རྣམས་ལ་བཟའ་བ་འདི་བདག་གིས་སྦྱིན་པར་བགྱིའོ་ཞེས་པའོ། །ཟས་མ་ཟོས་པའི་སྔོན་རོལ་ཉིད་དུ་སྦྱིན་པར་བྱའོ། །དེ་ལྟར་ན་ཡི་དགས་ཐམས་ཅད་ལ་འབྲས་བྲེ་བོ་ཆེ་རེ་རེའི་བཟའ་བ་སོ་སོར་
བྱིན་པར་འགྱུར་རོ། །དེ་ལྟར་བྱས་ན་སྐྱེ་བ་ནས་སྐྱེ་བར་ཡང་ཉམ་ཆུང་བར་མི་འགྱུར་རོ། །དབུལ་པོར་མི་འགྱུར་རོ། །སྟོབས་ཆེ་བ་དང་། མཛེས་པ་དང་། མཐོང་ན་དགའ་བ་དང་། ཕྱུག་ཅིང་ལོངས་སྤྱོད་ཆེ་བར་འགྱུར་རོ། །ཚེ་རིང་ཞིང་ནད་མེད་
པ་དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་འགྱུར་རོ། །ཤི་འཕོས་ནས་ཀྱང་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །གཟུགས་ལེགས་ཤེས་བྱ་བའི་གཟུངས་རྫོགས་སྷོ།།  །།
དཀོན་མཆོག་གསུམ་ལ་ཕྱག་འཚལ་ལོ། །ཨོཾ་ཛྙཱ་ན་བི་ལོ་ཀི་ཏེ་ས་མན་ཏ་སྥ་ར་ཎ་རཤྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛ་ལ་ནི་ཧཱུྃ། འབབ་ཆུ་འམ། མཚོའི་འགྲམ་དུ་འདུག་སྟེ། ལག་པ་གཡས་པའི་ཁྱོར་བར་ཆུ་བླུགས་
ལ། ཡེ་ཤེས་སྐར་མདའི་སྙིང་པོ་འདི་ལན་བདུན་བཟླས་ཏེ། ཆུ་ཁྱོར་བ་བདུན་འབབ་ཆུ་འམ། ཆུར་གཏོར་ན་སངས་རྒྱས་ཀྱི་སྤྱན་གྱིས་གཟིགས་པའི་ཡིད་དགས་ཇི་སྙེད་ཡོད་པ་དེ་དག་ཐཾད་ལྷའི་ཁ་ཟས་ཀྱི་རོ་དང་།  བཏུང་བའི་རོ་མཆོག་དང་ལྡན་པ་འཐོབ་ཅིང་ཡི་དགས་རེ་རེ་ལ་ཡང་ཁ་ཟས་

98-1-242a

བཏུང་བ་ཡུལ་མ་ག་དྷའི་ལྔ་བྲེ་བདུན་བདུན་གྱིས་ཚིམ་པར་བྱས་པར་འགྱུར་ཞིང་། ཆུ་དེ་འཐུངས་པ་ཙམ་གྱིས་དེ་དག་ཐམས་ཅད་ཡི་དགས་ཀྱི་སྐྱེ་གནས་ལས་ཐར་ཅིང་། བདེ་འགྲོ་མཐོ་རིས་ཀྱི་སྐྱེ་གནས་སུ་སྐྱེ་བར་འགྱུར་རོ། །
སྐྱེས་པ་འམ། བུད་མེད་དམ། ཁྱེའུ་འམ། བུ་མོ་འམ། གཞན་ཡང་བྱོལ་སོང་གི་སྐྱེ་གནས་སུ་གཏོགས་པའི་རི་དགས་སམ། བྱ་འམ། ཆུ་ན་གནས་པ་ལ་སོགས་པ་གང་གིས་ཆུ་དེ་འཐུངས་པ་དེ་དག་ཐམས་ཅད་སྡིག་པ་དང་། སྒྲིབ་པ་ཐམས་ཅད་
བྱང་ཞིང་བདེ་འགྲོའི་ལམ་དུ་འགྲོ་བར་འགྱུར་རོ། །ཡེ་ཤེས་སྐར་མདའི་སྙིང་པོ་རྫོགས་སྷོ།། །། རྒྱ་གར་སྐད་དུ། ཨ་མྲི་ཏ་བྷ་བ་ནཱ་མ་དྷཱ་ར་ཎཱི།  བོད་སྐད་དུ།  བདུད་རྩི་འབྱུང་བ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱང་ཆུབ་ཀྱི་ཤིང་དྲུང་ན། འཁོར་རྣམ་བཞི་དང་། ལྷ་དང་། མི་རྣམས་ཀྱིས་བསྐོར་ནས་བཞུགས་སོ། །དེ་ནས་འཁོར་རྣམས་ཀྱི་
ནང་ནས་ཁྱིམ་བདག་བཟང་སྐྱོང་གིས། བཅོམ་ལྡན་འདས་ཀྱི་འཁོར་རྣམས་པ་བཞི་དང་། རིག་དྲུག་གི་སེམས་ཅན་ཐམས་ཅད་ལ། །སྤོས་དང་། སྨན་དང་། ཞལ་ཟས་ཀྱི་མཆོད་པ་ཆེན་པོ་བཤམས་ནས། བཅོམ་ལྡན་འདས་ལ་འདི་སྐད་
ཅེས་གསོལ་ཏོ། །བཅོམ་ལྡན་འདས་བཟའ་བ་དང་། བཅའ་བ་དང་། བཏུང་བ་འདི་རྣམས་སེམས་ཅན་རྣམས་ཀྱི་དོན་དུ་བྱིན་གྱིས་བརླབ་ཏུ་གསོལ། དེ་ནས་བཅོམ་ལྡན་འདས་ཀྱིས་བདུད་རྩི་འབྱུང་བ་ཞེས་བྱ་བའི་ཏིང་ངེ་འཛིན་ལ་
སྙོམས་པར་ཞུགས་ཏེ། ཞལ་ཟས་ཀྱི་སྟེང་དུ་ཟླ་བའི་དཀྱིལ་འཁོར་གྱི་སྟེང་དུ་རྃ་དཀར་པོ་ལ་ཆོས་ཐམས་ཅད་རྡུལ་དང་བྲལ་བའོ། །ཞེས་བྱ་བའི་སྒྲ་བྱུང་བས་ཞལ་ཟས་ཀྱི་དྲི་མ་དག་པར་གྱུར་ཏོ། །ཡང་ཟླ་བའི་དཀྱིལ་འཁོར་གྱི་
སྟེང་དུ་ཨ་དཀར་པོ་བསམས་ཏེ། ཞལ་ཟས་ལྷའི་བདུད་རྩི་དང་། ཡོ་བྱད་དུ་གྱུར་ཏོ། །ཡང་ཟླ་བའི་དཀྱིལ་འཁོར་གྱི་སྟེང་དུ། ཨོཾ་ཞེས་པས་འཕགས་པ་དང་སེམས་ཅན་ཐམས་ཅད་མཉེས་ཤིང་ཚིམ་པར་གྱུར་ཏོ། །དེ་ནས་བཅོམ་ལྡན་

98-1-242b

འདས་ཀྱིས་ཕྱག་རྡོ་རྗེ་ལྟར་བྱས་ཏེ་གཟུངས་འདི་གསུངས་སོ། །ཨོཾ་སརྦ་དྷརྨ་ཏ་བཛྲ་སིད་ཏ་ཧཱུྃ། ཨོཾ་ཨ་མྲྀ་ཏ་ཧཱུྃ། ན་མཿསརྦ་ཏ་ཐཱ་ག་ཏེ་བྷྱོཿབི་ཤྭ་མུ་གེ་བྷྱཿསརྦ་ཏད་ཁྃ་ཨུད་ག་ཏེ་སྥ་ར་ན་ཧི་མྃ་ག་ག་ན་ཁྃ་སྭཱ་ཧཱ། ཨོཾ་ན་མཿསརྦ་ཏ་ཐཱ་ག་ཏ་
ཨ་བ་ལོ་ཀི་ཏེ་སྃ་བྷ་ར་སྃ་བྷ་ར་ཧཱུྃ། ཨོཾ་རུ་རུ་སྤུ་རུ་ཛྭཱ་ལ་ཏིཥྛ་སིད་དྷ་ལོ་ཙ་ནི་སརྦ་ཨརྠ་སཱ་དྷ་ནེ་སྭཱ་ཧཱ། ཞེས་གཟུངས་འདི་བརྗོད་མ་ཐག་ཏུ་མཆོད་པའི་ཞལ་ཟས་ཀྱིས་མཆོད་ནས། འཕགས་པ་ཐམས་ཅད་མཉེས་པ་དང་། སེམས་ཅན་
ཐམས་ཅད་བདེ་བར་གྱུར་ཏོ། །དེ་ནས་ཁྱིམ་བདག་བཟང་སྐྱོང་གིས་བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ནས་འདི་སྐད་ཅེས་གསོལ་ཏོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཐུ་དང་། ཆོས་ཀྱི་
དབྱིངས་རྣམ་པར་དག་པའི་བྱིན་གྱིས་བརླབས་ཀྱི་མཐུ་དང་། བདག་གི་བསམ་པ་རྣམ་པར་དག་པའི་སྟོབས་ཀྱིས་འཕགས་པ་ཐམས་ཅད་ཀྱི་ཕོ་བྲང་དང་། སེམས་ཅན་ཐམས་ཅད་ཀྱི་གནས་དང་། སེམས་ཅན་ཐམས་ཅད་ཀྱི་རྒྱུད་ལ་
ཆོས་དང་ཟང་ཟིང་གི་ལོངས་སྤྱོད་དཔག་ཏུ་མེད་ཅིང་བརྗོད་ཀྱིས་མི་ཁྱབ་པ། བརྗོད་ཀྱིས་མི་རྫོགས་པ་འབྱུང་ཞིང་རྒྱས་པར་གྱུར་ཅིག །སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་
སྔགས་དང་། རིག་སྔགས་དང་། ཕྱག་རྒྱ་དང་། ཏིང་ངེ་འཛིན་གྱི་བདེན་པའི་བྱིན་གྱིས་བརླབས་ཀྱིས་ཕ་རོལ་ཏུ་ཕྱིན་པ་ལ་སོགས་ཏེ་ཆོས་ཀྱི་སྦྱིན་པ་དང་། བདག་གི་ཟང་ཟིང་གི་སྦྱིན་པ་འདིས་བདེ་བ་དང་། དགའ་བར་གྱུར་
ཅིག །བཅོམ་ལྡན་འདས་ཀྱིས་ལེགས་སོ་ཞེས་བྱ་བ་བྱིན་ཏེ། ཁྱིམ་བདག་བཟང་སྐྱོང་ལེགས་སོ། །དཀའ་བའི་སྤྱོད་པ་འདི་ལྟ་བུ་བྱེད་པ་ལེགས་སོ། །ངའི་འཁོར་ལྷ་དང་མི་རྣམས་ཀྱིས་ཀྱང་འདི་ལྟར་མཆོད་པར་
བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དང་། ཁྱིམ་བདག་བཟང་སྐྱོང་རྗེས་སུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ་དགའ་

98-1-243a

བར་གྱུར་ཏོ། །བདུད་རྩི་འབྱུང་བ་ཞེས་བྱ་བའི་གཟུངས་རྫོགས་སྷོ།། །། ༄༅།  །ཡི་དགས་མ་ཁ་འབར་མ་དབུགས་དབྱུང་བའི་གཏོར་མའི་ཆོ་ག །དཀོན་མཆོག་གསུམ་ལ་ཕྱག་འཚལ་ལོ། །དེ་ནས་བཅོམ་
ལྡན་འདས་ཡུལ་སེར་སྐྱ་ན་ཤིང་ནྱ་གྲོ་དྷའི་ཀུན་དགའ་ར་བ་ན་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་ཚོགས་ཆེན་པོ་དང་། སེམས་ཅན་གྱི་ཚོགས་ཆེན་པོ་དང་། ཐབས་ཅིག་ཏུ་བཞུགས་ཏེ་ཆོས་
སྟོན་ཏོ། །དེ་ནས་ཀུན་དགའ་བོ་དབེན་པར་འདུག་སྟེ། ནང་དུ་ཡང་དག་འཇོག་ཅིང་རྩེ་གཅིག་ཏུ་ཡིད་ལ་བྱེད་པས་ཆོས་མངོན་སུམ་དུ་བྱེད་པ་ན། མཚན་མོ་ནམ་གྱི་ཆ་སྨད་ལ་དེའི་མདུན་དུ་ཡི་དགས་མོ་ཁ་
འབར་མ་འདུག་ནས་སྨྲས་པ། ཀྱེེ་ཀུན་དགའ་བོ་ཁྱོད་གནངས་འཆི་བར་འགྱུར་ཏེ། ཡི་དགས་ཀྱི་གནས་འདིར་སྐྱེ་བར་འགྱུར་རོ། །ཀུན་དགའ་བོས་སྨྲས་པ། བརྟེན་པའི་ཐབས་ཅི་ཡོད། ཡི་དགས་མོས་སྨྲས་
པ། ཀུན་དགའ་བོ་གལ་ཏེ་ནང་པར་ཡི་དགས་གང་གཱའི་ཀླུང་བྱེ་བ་ཁྲག་ཁྲིག་ཕྲག་འབུྃ་གྱི་བྱེ་མ་སྙེད་དག་ལ་ཡི་དགས་རེ་རེ་ལ་ཡང་ཟས་དང་སྐོམ་ཡུལ་མ་ག་དྷཱའྀ་བྲི་བོ་ཆེ་བདུན་བདུན་ཙམ་བྱིན་ཏེ། བྲམ་ཟེའི་དྲང་སྲོང་འབུྃ་ཡང་
ཚིམ་པར་བྱས་ལ། བདག་གི་མིང་གིས་དཀོན་མཆོག་གསུམ་ལ་མཆོད་པ་བྱས་ན། དེ་ལྟ་ན་ཁྱོད་ཀྱི་ཚེ་ཡང་ཕྱིར་ནུར་བར་འགྱུར་ལ། བདག་ཀྱང་ཡི་དགས་ཀྱི་འཇིག་རྟེན་ནས་ཤི་འཕོས་ཏེ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུརོ། །
དེ་ནས་ཀུན་དགའ་བོས་ཡི་དགས་མོ་ཁ་འབར་མ་རིད་ཅིང་མདོག་ངན་ལ་ལུས་སྐེམ་པ། ཁ་ནས་མེ་ལྕེ་འབར་བ། ལྟོ་དང་ཁ་སྐམ་པ། རལ་པའི་ཕུང་པོ་གཡེངས་པ། སྤུ་དང་སེན་མོ་རིང་བ་མཐོང་སྟེ། ཚིག་མི་སྙན་ཅིང་ཡིད་དུ་མི་འོང་བ་དེ་ཐོས་ནས། 
སྐྲག་ཅིང་དངངས་ཏེ། སྤུ་ཟིང་ཞེས་བྱེད་ནས། སྟན་ལས་ལངས་ཏེ་ཤིན་ཏུ་རིངས་པ་དང་། ཤིན་ཏུ་མྱུར་བའི་ཤུགས་ཀྱིས། བཅྡོཾནས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། འདར་བཞིན་དུ་འདི་སྐད་ཅེས་གསོལ་ཏོ། །

98-1-243b

བཅོམ་ལྡན་འདས་སྐྱབས་མཛད་དུ་གསོལ། བདེ་བར་གཤེགས་པ་སྐྱབས་མཛད་དུ་གསོལ། བདག་ནི་གནངས་སྲོག་འགུམ་པར་འགྱུར་ལགས་སོ། །བཅོམ་ལྡན་འདས་བདག་གིས་ཡི་དགས་མོ་ཁ་འབར་མ་མཐོང་སྟེ། ཁྱོད་གནངས་
འཆི་བར་འགྱུར་རོ་ཞེས་མཆི་ན། བདག་གིས་ཐབས་ཅི་མཆིས་ཤེས་སྨྲས་ན། དེའི་མཆིད་ནས་གལ་ཏེ་ཁྱོད་ཀྱིས་ཡི་དགས་གང་གཱའི་ཀླུང་བྱེ་བ་ཁྲག་ཁྲིག་ཕྲག་འབུྃ་གྱི་བྱེ་མ་སྙེད་དག་ཚིམ་པར་བྱས་ཏེ། བྲམ་ཟེའི་དྲང་སྲོང་འབུྃ་
ཡང་ཚིམ་པར་བྱས་ན། དེ་ལྟ་ན་ཁྱོད་ཀྱི་ཚེ་ཕྱིར་ནུར་བར་འགྱུར་རོ་ཞེས་མཆི་ན། བཅོམ་ལྡན་འདས་དེ་ལ་ཇི་ལྟར་བསྒྲུབ་པར་བགྱི་བ་བཀའ་སྩལ་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ཚེ་དང་
ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་གང་གིས་ཁྱོད་ཡི་དགས་རྣམས་དང་། བྲམ་ཟེའི་དྲང་སྲོང་རྣམས་ཚིམ་པར་བྱེད་པར་འགྱུར་བའི་ཐབས་ཡོད་ཀྱིས་མ་འཇིགས་ཤིག །ཀུན་དགའ་བོ་ཐྃད་དུ་
འོད་དང་ལྡན་པ་རྒྱལ་ཆེན་ཤུགས་ལྡན་འོད་ཅེས་བྱ་བའི་གཟུངས་ཡོད་དེ། དེས་བྱིན་པ་ཙམ་གྱིས་ཡི་དགས་གང་གཱའི་ཀླུང་བྱེ་བ་ཁྲག་ཁྲིག་ཕྲག་འབུམ་གྱི་བྱེ་མ་སྙེད་དག་ཚིམ་པར་བྱས་པར་འགྱུར་ཏེ། ཡི་དགས་དང་། བྲྃ་ཟེའི་དྲང་སྲོང་
རེ་རེ་ལ་ཟས་དང་སྐོམ་ཡུལ་མ་ག་དྷའི་བྲེ་བོ་བདུན་བདུན་བྱིན་པར་འགྱུར་རོ། །དེ་ནི་ང་སྔོན་བྲམ་ཟེར་གྱུར་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་དབང་ཕྱུག་དང་། དེ་བཞིན་གཤེགས་པ་འཇིག་རྟེན་དབང་ཕྱུག་འོད་
ལས་ངས་བཟུང་སྟེ། དེས་ཡི་དགས་དང་བྲམ་ཟེའི་དྲང་སྲོང་གྲངས་སུ་བགྲང་བ་མང་བ་དང་། ཆེས་མང་བ་དག་ངས་ཟས་དང་སྐོམ་གྱིས་ཚིམ་པར་བྱས་ཏེ། དེ་དག་ཐམས་ཅད་ཡི་དགས་ཀྱི་འཇིག་རྟེན་ནས།  ཤི་འཕོས་ནས་ལྷའི་འཇིག་རྟེན་དུ་
སྐྱེས་སོ། །ཀུན་དགའ་བོ་ཁྱོད་ཀྱིས་ཟུང་ལ་ངོ་ལོན་གྱིས་ཤིག །ན་མཿསརྦ་ཏ་ཐཱ་ག་ཏཱ་ཨ་བ་ལོ་ཀི་ཏེ། ཨོཾ་སྃ་བྷཱ་ར་སྃ་བྷཱ་ར་ཧཱུྃ། ཀུན་དགའ་བོ་འདིས་ཡི་དགས་ཀྱི་གཏོར་མ་ལ་ལན་བདུན་བཟླས་བརྗོད་བྱས་ནས་ལག་པ་བརྐྱང་ཏེ་སྒོ་དྲུང་དུ་སྦྱིན་པར་བྱའོ། །

98-1-244a

སེ་གོལ་ཡང་བརྡབ་པར་བྱའོ། །དེ་ལྟར་བྱས་ནས་བྱིན་མ་ཐག་ཏུ་ཕྱོགས་བཞིའི་ཡི་དགས་གང་གཱའི་ཀླུང་བྱེ་བ་ཁྲག་ཁྲིག་གི་བྱེ་མ་སྙེད་དག་ཚིམ་པར་བྱས་པར་འགྱུར་ཏེ། ཡི་དགས་རེ་རེ་ལ་ཡང་ཡུལ་མ་ག་དྷའི་བྲེ་བོ་བདུན་བདུན་བྱིན་པར་
འགྱུར་རོ། །དེ་དག་ཟོས་པ་ཙམ་གྱིས་ཡི་དགས་ཀྱི་འཇིག་རྟེན་ནས་ཤི་འཕོས་ནས་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཀུན་དགའ་བོ་ཁྱོད་ཀྱིས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་རྟག་ཏུ་རྒྱུན་མི་འཆད་པར་
ཁོར་ཟུག་དུ་བསྙད་པར་བྱའོ། །དེ་ལྟར་བྱས་ན་བསོད་ནམས་ཀྱི་ཕུང་པོ་དང་ལྡན་པར་འགྱུར་ཏེ། ཚེ་ཡང་རིང་བར་འགྱུར་རོ། །དེ་བཞིན་གཤེགས་པ་བྱེ་བ་ཕྲག་འབུམ་གྱི་བསོད་ནམས་ཀྱི་ཕུང་པོ་དང་ལྡན་པར་འགྱུར་རོ། །རྟག་ཏུ་མི་མ་ཡིན་པ་
རྒྱུ་བ་འབྱུང་པོ་དང་། ཤ་ཟ་ལ་སོགས་པ་དང་། གནོད་སྦྱིན་དང་། སྲིན་པོ་དང་། གདོན་དང་། ཡི་དགས་རྣམས་ཀྱིས་མི་མཐོང་བར་འགྱུར་རོ། །སྟོབས་དང་། བརྩོན་འགྲུས་དང་ཡང་ལྡན་པར་འགྱུར་རོ། །གཟུགས་དང་ལྡན་པ་དང་། གཟི་བརྗིད་
དང་ལྡན་པ་དང་། དྲན་པ་དང་ལྡན་པར་ཡང་འགྱུར་རོ། །བྲམ་ཟེའི་དྲང་སྲོང་ཚིམ་པར་བྱེད་འདོད་པ་དེས་ནི་མཆོད་ཡོན་དང་། དབུལ་བར་བྱ་བ་སྣོད་བཀང་བ་ལ་ལན་བདུན་བཟླས་བརྗོད་བྱས་ལ་འབབ་ཆུ་ག་ལ་ཡོད་པའི་གནས་དེར་སྦྱིན་
པར་བྱའོ། །དེ་ལྟར་བྱས་ནས་བྲམ་ཟེའི་དྲང་སྲོང་གང་གཱའི་ཀླུང་བྱེ་བ་ཁྲག་ཁྲིག་འབུམ་ཕྲག་དུ་མའི་བྱེ་མ་སྙེད་དག་ལྷའི་བཟའ་བ་དང་། བཏུང་བ་རྣམས་ཀྱིས་ཚིམ་པར་བྱས་པར་འགྱུར་རོ། །བྲམ་ཟེའི་དྲང་སྲོང་དེ་དག་ཀྱང་དབང་པོ་ཚིམ་
པར་འགྱུར་ཏེ། དེ་དག་ཐམས་ཅད་ཀྱིས་ཨོཾ་བདེ་ལེགས་སུ་གྱུར་ཅིག་ཅེས་བྱ་བའི་སྒྲ་འབྱིན་པར་བྱེད་ལ། སེམས་ཅན་དེ་དག་ཀྱང་བསམ་པ་ཡོངས་སུ་དག་པར་འགྱུར་ཏེ། བྲམ་ཟེའི་གཟི་བརྗིད་དང་ལྡན་པར་འགྱུར་རོ། །རྟག་ཏུ་ཚངས་པར་
སྤྱོད་པར་ཡང་འགྱུར་རོ། །དེ་བཞིན་གཤེགས་པ་གང་གཱའི་ཀླུང་བྱེ་བ་ཁྲག་ཁྲིག་འབུམ་གྱི་བྱེ་མ་སྙེད་དག་གི་དགེ་བའི་རྩ་བ་དང་ལྡན་པར་ཡང་འགྱུར་རོ། །རྟག་ཏུ་དགྲ་ཐམས་ཅད་བཤིག་པར་འགྱུར་རོ། །མེ་ཏོག་གམ། བདུག་པ་འམ། སྤོས་སམ། 

98-1-244b

ཟས་དང་། སྐོམ་གྱི་ཡོ་བྱད་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ། སངས་རྒྱས་དང་ཆོས་དང་དགེ་འདུན་ལ་དབུལ་བར་བྱའོ། །དེ་ལྟར་བྱས་ན་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་
ནམ། དགེ་བསྙེན་མ་དེས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་གི་སངས་རྒྱས་དང་།  ཆོས་དང་དགེ་འདུན་ལ་ལྷའི་མཆོད་པ་དང་།  དེ་བཞིན་གཤེགས་པའི་མཆོད་པའི་མཆོག་གིས་མཆོད་པ་བྱས་པར་
འགྱུར་རོ། །བླ་མར་བྱས། རི་མོར་བྱས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་དགོངས་ཤིང་ལུང་བསྟན་པ་དང་། ལྷ་ཐམས་ཅད་ཀྱིས་ཀུན་དུ་བསྲུང་བར་ཡང་འགྱུར་རོ། །ཀུན་དགའ་བོ་སོང་ལ་ངོ་ལོན་ཡང་གྱིས་
ཤིག །སེམས་ཅན་ཐམས་ཅད་ལ་ཡང་ཡང་དག་པར་སྟོན་ཅིག །དགེ་བའི་རྩ་བའི་ཚོགས་ཐམས་ཅད་ཀྱང་གྱིས་ཤིག །ཅེས་ང་སྨྲའོ། །ཡི་དགས་མོ་ཁ་འབར་མ་དབུགས་དབྱུང་བའི་གཏོར་མའི་ཆོ་ག་རྫོགས་སྷོ།། །།
༄༅། །རྒྱ་གར་སྐད་དུ། པྲེ་ཏ་མུ་ཁ་ཨགྣི་ཛྭ་ལ་ཡ་ཤ་ར་ཀཱ་ར་ནཱ་མ་དྷཱ་ར་ཎཱི། བོད་སྐད་དུ། ཡི་དགས་ཁ་ནས་མེ་འབར་བ་ལ་སྐྱབས་མཛད་པ་ཞེས་བྱ་བའི་གཟུངས། དེའི་ཚེ་བཅོམ་ལྡན་འདས་ཡུལ་སེར་སྐྱ་ན་དགེ་འདུན་
གྱི་གནས་ན། དགེ་སློང་གི་དགེ་འདུན་དང་། བྱང་ཆུབ་སེམས་དཔའ་གྲངས་མེད་པས་ཡོངས་སུ་བསྐོར་པ་ལ་ཆོས་སྟོན་ཏོ། །དེའི་ཚེ་ན་ཚེ་དང་ལྡན་པ་དགའ་བོ་བས་མཐའ་ཞིག་ན། ཆོས་ཡིད་ལ་བྱེད་ཅིང་དྲན་པ་མངོན་དུ་བཞག་ནས་
འདུག་ལ། །དེའི་ནུབ་མོ་ནམ་གྱི་ཆ་སྨད་ལ་ཡི་དགས་ཁ་ནས་མེ་འབར་བ་ཞེས་བྱ་བ་གཟུགས་བྱད་མི་སྡུག་པ། ཤིན་ཏུ་རིད་ཅིང་སྐེམས་པ། ཁ་ནས་མེ་འབར་བ། མགྲིན་པ་མོ་ཁབ་ཙམ་དུ་ཕྲ་བ། སྐྲ་འཛིངས་པ། སེན་མོ་དང་
མཆེ་བ་རིང་བ་རྣོ་བ་ཤིན་ཏུ་འཇིགས་སུ་རུང་བ་ཞིག་དགའ་བོའི་དྲུང་དུ་འོངས་ནས། དགའ་བོ་ལ་འདི་སྐད་ཅེས་སྨྲས་སོ། །ཁྱོད་ད་སྟེ་ཞག་བདུན་ན་ཚེའི་དུས་བྱས་ཏེ་ཡི་དགས་ཀྱི་ཁམས་སུ་སྐྱེ་བར་འགྱུར་རོ་ཞེས་སྨྲས་སོ། །

98-1-245a

དགའ་བོས་དེས་སྨྲས་པ་དེ་ཐོས་ནས་ཤིན་ཏུ་འཇིགས་སྐྲག་སྟེ། ཡི་དགས་དེ་ལ་འདི་སྐད་ཅེས་སྨྲས་སོ། །གལ་ཏེ་ཚེའི་དུས་བྱས་ནས་ཡི་དགས་ཀྱི་ཁམས་སུ་སྐྱེ་བར་འགྱུར་བ་འདི་ཐབས་ཅི་བྱས་ན་སྡུག་བསྔལ་
དེ་ལས་ཡོངས་སུ་ཐར་བར་འགྱུར། དེ་ནས་ཡི་དགས་དེས་དགའ་བོ་ལ་འདི་སྐད་ཅེས་སྨྲས་སོ། །གལ་ཏེ་ཁྱོད་ཀྱིས་སང་གི་ཉི་མ་ལ་ཡི་དགས་གང་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་སྙེད་ལ་གཏོར་མ་བྱིན་ཏེ། 
བྲམ་ཟེ་དང་དྲང་སྲོང་བརྒྱ་སྟོང་སྙེད་ལ་ཡུལ་དབུས་འགྱུར་ཚལ་གྱི་བྲེ་ཚད་མ་རེ་རེའི་ཞལ་ཟས་མཆིས་པ་ཕུལ་ཏེ། ཁོ་བོའི་ཕྱིར་དཀོན་མཆོག་གསུམ་ལ་མཆོད་པ་བྱས་ན་ཚེ་རིང་ཞིང་ཡི་དགས་ཀྱི་སྡུག་བསྔལ་དང་བྲལ་ཏེ་
མཐོ་རིས་ཀྱི་ལྷར་འགྱུར་རོ། །དེའི་ཚེ་དགའ་བོས་ཡི་དགས་ཁ་ནས་མེ་འབར་བ། ལུས་མི་སྡུག་པ། ཤིན་ཏུ་རིད་ཅིང་སྐེམ་པ་དང་། ཁ་ནས་མེ་འབར་བ་དང་། མགྲིན་པ་མོ་ཁབ་ཙམ་ལ་སྐྲ་འཛིངས་པ་དང་། སེན་མོ་དང་མཆེ་
བ་རིང་ཞིང་རྣོ་བ་ཡང་མཐོང་ལ། ཡིད་དུ་མི་འོང་མི་འདོད་པའི་ཚིག་ཀྱང་ཐོས་ནས། ལུས་སྐྱི་བུང་ཞེས་བྱེད་པ་ཙམ་དུ་འཇིགས་སྐྲག་ནས་འདུག་པ་ལས་ལངས་ཏེ་མྱུར་བར་བཅོམ་ལྡན་འདས་ག་ལ་བ་དེར་སོང་ངོ་། །
བཅོམ་ལྡན་འདས་ཀྱི་སྤྱན་སྔར་ཕྱིན་ནས་ལུས་སྨད་ལྔ་ས་ལ་གཏུགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས། ལུས་འདར་བཞིན་དུ་སྡུག་བསྔལ་གྱིས་གདུངས་པའི་དཔུང་གཉེན་མཛད་དུ་གསོལ་
ཞེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་བས་མཐའ་ཞིག་ན་ཆོས་ཡིད་ལ་བགྱིད་ཅིང་མཆིས་པ་ལས། ཡི་དགྶ་ཁ་ནས་མེ་འབར་བ་ཞེས་བགྱི་བ་དེ་བདག་ལ་འདི་སྐད་མཆིའོ། །ཁྱོད་ད་སྟེ་ཞག་བདུན་ན་ངེས་པར་ཚེའི་དུས་
བྱས་ཏེ་ཡི་དགས་ཀྱི་ཁྃསུ་སྐྱེ་བར་འགྱུར་རོ་ཞེས་མཆིའོ། །བདགིས་དེ་ལ་ཐབས་ཅི་བགྱིས་ན་ཡི་དགྶ་ཀྱི་སྡུག་བསྔལ་དེ་ལས་ཡོངསུ་ཐར་བར་འགྱུར་ཞེས་དྲིས་ན་དེས་བདག་ལ་ཁྱོད་ཀྱིས་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་

98-1-245b

སྟོང་སྙེད་ལ་གཏོར་མ་བྱིན་ཏེ། བྲམ་ཟེ་དང་དྲང་སྲོང་ལ་སོགས་པ་བརྒྱ་སྟོང་སྙེད་ལ་ཞལ་ཟས་མཆོག་དམ་པ་ཕུལ་ན་ཚེ་རིང་བར་འགྱུར་ཞེས་མཆི་ན། བཅོམ་ལྡན་འདས་བདག་གིས་ཇི་ལྟ་བུར་ཡི་དགས་དང་དྲང་སྲོང་ལ་སོགས་པ་དེ་
སྙེད་ཀྱི་ཁ་ཟས་འབྱོར་པར་འགྱུར། དེ་ནས་བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ཁྱོད་འཇིགས་པར་མ་བྱེད་ཅིག་ཁྱོད་ཀྱིས་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་དང་། བྲམ་ཟེ་དང་དྲང་སྲོང་
ལ་སོགས་པ་ལ་ཁ་ཟས་དང་། གཏོར་མ་མང་པོ་འབྱོར་པའི་ཐབས་ང་ལ་ཡོད་ཀྱིས་ཡིད་ཀློང་བར་མ་བྱེད་ཅིག །དེ་ནས་བཅྡོཾས་ཀྱིས་དགའ་བོ་ལ་བཀའ་སྩལ་པ། ང་ལ་གཟུངས་སྔགས་གཟི་བརྗིད་ཚད་མེད་པའི་དབང་དུ་གྱུར་པའི་
འོད་ཟེར་རྣམ་པར་རྒྱལ་བའི་ཤུགས་ཞེས་བྱ་བ་ཡོད་དེ། གང་ཞིག་གིས་གཟུངས་འདི་བརྗོད་ན་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་དང་། བྲམ་ཟེ་དང་དྲང་སྲོང་ལ་སོགས་ཏེ་མང་པོའི་ཁ་ཟས་དང་གཏོར་མ་མཆོག་དམ་པར་
འགྱུར་ཏེ། དེ་དག་ལ་སོགས་པ་གཅིག་ཀྱང་ཁ་ཟས་ཡུལ་དབུས་འགྱུར་ཚལ་གྱི་བྲེ་ཚད་མས་བཅལ་བའི་བྲེ་བདུན་བདུན་སྙེད་ཐོབ་པར་འགྱུར་རོ། །དགའ་བོ་ང་ཡང་བྲམ་ཟེར་གྱུར་པ་ན་བྱང་ཆུབ་སེམས་དཔའ་སྤྱན་རས་གཟིགས་དང་། དེ་བཞིན་གཤེགྶ་
པ་དབང་སྒྱུར་ཡོན་ཏན་ཞེས་བྱ་བ་ལས་གཟུངས་འདི་ཐོས་པས་ན། དེའི་དབང་གིས་ཡི་དགས་ཚད་མེད་པ་སྙེད་དང་། དྲང་སྲོང་མང་པོ་ལ་ཁ་ཟས་དང་། གཏོར་མ་བྱིན་བྱིན་པར་གྱུར་ཏེ། ཡི་དགས་ཀྱི་ཁམསུ་སྐྱེས་པ་དེ་དག་སྡུག་བསྔལ་ལས་རྣྃ་པར་གྲོལ་ནས་མཐོ་
རིས་ཀྱི་ལྷར་སྐྱེས་པར་གྱུར་ཏོ། །དགའ་བོ་ཁྱོད་ཀྱིས་གཟུངས་འདི་ཟུང་ཤིག །བསོད་ནམས་དང་ཚེའི་ཚད་ཀྱང་འཕེལ་ཞིང་སྐྱེ་བར་འགྱུར་རོ། །དེའི་ཚེ་བཅོམ་ལྡན་འདས་ཀྱིས་དགའ་བོ་ལ་གཟུངས་སྔགས་འདི་བཀའ་སྩལ་ཏོ། །ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་
ཏེ། ༀ་སྃ་བྷ་ར་སྃ་བྷ་ར་ཧཱུྃ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་ཚེ་རིང་བར་འདོད་དམ་བསོད་ནམས་ཆེ་ཞིང་འཕེལ་བ་དང་། སྦྱིན་པའི་ཕ་རོལ་ཏུ་ཕྱིན་པ་མྱུར་དུ་ཡོངས་སུ་རྫོགས་པར་འདོད་ན་ནི་

98-1-246a

རྟག་ཏུ་སྔ་དྲོའི་དུས་སམ། ཡང་ན་དུས་ཐམས་ཅད་དུ་བྱས་ཀྱང་བར་ཆད་དུ་འགྱུར་བ་མེད་དོ། །སྣོད་གཙང་མའི་ནང་དུ་ཆུ་གཙང་མ་བླུགས་ལ། ཆེན་ནམ་ཕྱེ་འམ་ཁུར་བ་ལ་སོགས་པ་ཆུང་ཟད་ཅིག་བཏབ་སྟེ། ལག་པ་གཡས་པ་སྣོད་ཀྱི་སྟེང་དུ་
བཞག་ལ་གཟུངས་འདི་ལན་བདུན་བསྔགས་ནས། དེ་བཞིན་གཤེགས་པ་བཞིའི་མཚན་ནས་བརྗོད་པར་བྱའོ། །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མང་གིས་མཚན་ནས་བརྗོད་པའི་བྱིན་
གྱི་བརླབས་ཀྱིས་ཡི་དགས་ཐམས་ཅད་ཀྱི་སྐྱེ་བ་མང་པོའི་སེར་སྣ་བྱས་པའི་མི་དགེ་བའི་ལས་བཅོམ་ཞིང་བསོད་ནམས་ཡོངས་སུ་རྫོགས་པར་འགྱུར་རོ། །དེ་བཞིན་གཤེགས་པ་གཟུགས་དམ་པ་ལ་ཕྱག་འཚལ་ལོ། །དེ་བཞིན་གཤེགས་
པ་གཟུགས་དམ་པའི་མཚན་ནས་བརྗོད་པའི་བྱིན་གྱི་བརླབས་ཀྱིས་ཡི་དགས་མང་པོ་བྱད་གཟུགས་མི་སྡུག་པ་བཅོམ་ཞིང་གཟུགས་དང་མཚན་ཕུན་སུམ་ཚོགས་པར་འགྱུར་རོ། །དེ་བཞིན་གཤེགས་པ་སྐུ་འབྱམ་ཀླས་ལ་ཕྱག་འཚལ་ལོ། །
དེ་བཞིན་གཤེགས་པ་སྐུ་འབྱམ་ཀླས་ཀྱི་མཚན་ནས་བརྗོད་པའི་བྱིན་གྱིས་བརླབས་ཀྱིས་ཡི་དགས་མང་མོ་སྐོམ་པ་སྤངས་ཤིང་ཚིམ་པར་འགྱུར་ཏེ། སྦྱིན་པའི་གནས་ཡིད་བཞིན་དུ་ཟ་བ་དང་ཆོག་ཅིང་འགྲངས་པར་འགྱུར་རོ། །དེ་བཞིན་གཤེགས་
པ་འཇིགས་པ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བའི་མཚན་ནས་བརྗོད་པའི་བྱིན་གྱི་བརླབས་ཀྱིས། ཡི་དགས་མང་པོའི་འཇིགས་པ་ཐམས་ཅད་དང་བྲལ་ཏེ། ཡི་དགས་ཀྱི་ཁམས་ཐམས་ཅད་ཞི་བར་འགྱུར་རོ། །
བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། རིགས་ཀྱི་བུ་ལ་སོགས་པས་དེ་བཞིན་གཤེགས་པ་བཞིའི་མཚན་ནས་བརྗོད་དེ། བྱིན་གྱིས་བརླབས་པའི་འོག་ཏུ་སེ་གོལ་ལན་གསུམ་བྱས་ཏེ། གཏོར་མའི་སྣོད་
བླངས་ནས་ལག་པ་བརྐྱང་སྟེ། ས་གཙང་མར་བླུགས་པར་བྱའོ། །དེ་ལྟར་གཏོར་མ་སྦྱིན་པར་བྱས་ན་ཕྱོགས་བཞི་ནས་ལྷགས་པའི་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་སོ་སོ་ནས་ཡུལ་དབུས་འགྱུར་

98-1-246b

ཚལ་གྱི་བྲེ་ཚད་མས་བཅལ་བའི་བྲེ་བདུན་བདུན་ཐོབ་པར་འགྱུར་རོ། །ཁ་ཟས་དེ་དག་ཡི་དགས་ཀྱིས་ཡིད་བཞིན་དུ་ཟ་བ་དང་། ཆོག་འདྲངས་པ་དང་། ཡི་དགས་ཀྱི་ཁམས་སྤོངས་པ་དང་། མཐོ་རིས་ཀྱི་ལྷར་སྐྱེ་བར་འགྱུར་རོ། །
དགའ་བོ་གལ་ཏེ་དགེ་སློང་ཕ་དང་། དགེ་སློང་མ་དང་། དགེ་བསྙེན་ནམ། དགེ་བསྙེན་མ་གང་ཞིག་རྟག་ཏུ་གཟུངས་འདིས་ཁ་ཟས་ལ་བསྔགས་ཏེ། ཡི་དགས་ལ་སྦྱིན་པ་བྱིན་ན་བསོད་ནམས་ཚད་མེད་པ་སྙེད་ཡོངས་སུ་རྫོགས་པར་
འགྱུར་ཞིང་། དེ་ནས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་སྙེད་ལ་མཆོད་པ་བྱས་པའི་བསོད་ནམས་དང་ཁྱད་པར་མེད་དེ། ཚེ་རིང་བ་དང་། བསོད་ནམས་དང་། མདངས་དང་། སྟོབས་སྐྱེ་ཞིང་འཕེལ་བ་དང་། དགེ་བའི་རྩ་བ་ཡོངས་སུ་
རྫོགས་པ་དང་། མི་དང་མི་མ་ཡིན་པ་དང་། གནོད་སྦྱིན་དང་། སྲིན་པོ་དང་། ཡི་དགས་མ་རུངས་པ་ཐམས་ཅད་ཀྱིས་གཙེ་ཞིང་གནོད་པར་བྱེད་མི་ནུས་པ་དང་། གཞན་ལ་གཟི་བརྗིད་ཚད་མེད་པ་དང་ལྡན་པར་འགྱུར་རོ། །གལ་ཏེ་གང་
ཞིག་བྲམ་ཟེ་དང་དྲང་སྲོང་ལ་སྦྱིན་པ་བྱེད་འདོད་ན་ཁ་ཟས་ཡོངས་སུ་དག་པ་སྣོད་གཅིག་གི་ནང་དུ་བཀང་སྟེ། གཟུངས་སྔགས་འདི་ལན་བདུན་བཟླས་ཏེ་འབབ་ཆུ་གཙང་མར་གཏོར་ན། དེ་ལྟར་བྱས་པས་ལྷ་རྫས་ཀྱི་ཞལ་ཟས་
མཆོག་དམ་པར་འགྱུར་ཏེ། དེས་ན་བྲམ་ཟེ་དང་། དྲང་སྲོང་དེ་དག་ཀྱང་སྔགས་ཀྱིས་བཏབ་པའི་ཟས་ཐོབ་ནས། སྔགས་ཀྱི་བྱིན་གྱིས་སོ་སོ་ནས་སྔོན་ཆད་ཅི་དང་ཅི་ལ་དགའ་ཞིང་མོས་པའི་དགེ་བའི་རྩ་བའི་བསོད་ནམས་ཡོངས་
སུ་འགྱུར་བས། སོ་སོ་ནས་མཐུན་པར་དུས་གཅིག་ཏུ་དེ་ལ་ཚེ་རིང་བ་དང་། མདངས་དང་སྟོབས་སུ་ལྡན་ཏེ་བདེ་ཞིང་སྐྱིད་པར་གྱུར་ཅིག་ཅེས་སྨོན་ལམ་འདེབས་སོ། །གཞན་ཡང་མི་དེ་སེམས་བསམ་པ་བཞིན་དུ་མཐོང་ཞིང་ཐོས་
པའི་སྒོ་ནས་ཡོངས་སུ་དག་ཅིང་ཤེས་པ་མི་ནོར་བ་དག་ཚངས་པ་ལྷའི་སྤྱོད་པ་མཆོག་དང་ལྡན་ཞིང་ཡོངས་སུ་རྫོགས་པར་འགྱུར་རོ། །གཞན་ཡང་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་ལ་

98-1-247a

མཆོད་པ་བྱས་པའི་བསོད་ནམས་དང་འདྲ་སྟེ། ཕས་ཀྱི་རྒོལ་བ་ཐམས་ཅད་ཀྱིས་གནོད་པ་བྱེད་མི་ནུས་པར་འགྱུར་རོ། །གལ་ཏེ་དགེ་སློང་ཕ་དང་། དགེ་སློང་མ་དང་། དགེ་བསྙེན་ནམ། དགེ་བསྙེན་མ་གང་ཞིག་སངས་རྒྱས་དང་། ཆོས་དང་། 
དགེ་འདུན་ལ་མཆོད་པ་བྱེད་པར་འདོད་ན། སྤོས་དང་། མེ་ཏོག་དང་། ཞལ་ཟས་དམ་པ་ལ་གཟུངས་སྔགས་འདི་ལན་ཉི་ཤུ་རྩ་གཅིག་ཏུ་བཟླས་ཏེ། དཀོན་མཆོག་གསུམ་ལ་དབུལ་བར་བྱའོ། །དེ་ནས་རིགས་ཀྱི་བུ་ཕོ་དང་རིགས་ཀྱི་བུ་མོ་
དེས་ཕུལ་བའི་ཞལ་ཟས་དེ་ལྷ་རྫས་ཀྱི་ཞལ་ཟས་སུ་གྱུར་ཏེ། ཕྱོགས་བཅུའི་འཇིག་རྟེན་གྱི་ཁམས་ན་སངས་རྒྱས་དང་། ཆོས་དང་། དགེ་འདུན་ལ་མཆོད་པ་བྱས་པར་འགྱུར་རོ། །དེས་ན་བསྟོད་པ་དང་། གསོལ་བ་བཏབ་པ་དང་། རྗེས་
སུ་ཡི་རང་བའི་བསོད་ནམས་དང་ལྡན་པར་འགྱུར་ཏེ། རྟག་ཏུ་སངས་རྒྱས་བཅོམ་ལྡན་འདས་ཀྱིས་སྔགས་ཤིང་དགོངས་པར་འགྱུར་རོ། །ལྷ་མང་པོས་རྟག་ཏུ་བསྲུང་ཞིང་སྐྱོབ་པ་དང་། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་
རྫོགས་པར་འགྱུར་རོ། །དགའ་བོ་ཁྱོད་ཀྱིས་འདིའི་རྗེས་སུ་ཆོས་བཞིན་ཡིད་ལ་བྱས་ཏེ། སེམས་ཅན་ཐམས་ཅད་ཀྱིས་མཐོང་ཞིང་ཐོས་པར་བྱ་བའི་ཕྱིར་ཡོངས་སུ་རྒྱས་པར་སྟོན་ཅིག་དང་། བསོད་ནམས་ཚད་མེད་པ་ཐོབ་པར་འགྱུར་རོ། །
ཡི་དགས་ཁ་ནས་མེ་འབར་བ་ལ་སྐྱབས་མཛད་པའི་གཟུངས་རྫོགས་སོ།། །། ༄༅།  །བོད་སྐད་དུ།  འཇུར་འགེགས་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་
ཅད་ལ་ཕྱག་འཚལ་ལོ། །སེར་སྣ་ལས་ཆེར་ལྷག་པ། གཞན་གྱི་ལ་འཇུར་འགེགས་བྱས་པའི་ཉེས་པའི་འབྲས་བུ་འདི་ལྟ་སྟེ། འཕགས་པ་ཤཱ་རིའི་བུ་དང་། འཕགས་པ་མཽད་གལ་གྱི་བུ་གཉིས་པས་མཐའ་ཅིག་ན། སོ་སོར་
རྟོག་པའི་ཤེས་རབ་ཡིད་ལ་བྱེད་ཅིང་ཡོད་པ་ལས། ཉི་མའི་གུང་ལ་གཉིས་པོས་ཁམས་སེང་དུ་མཆིས་པའི་ས་ན་ཡི་དགས་མོ་ལུས་སྔོ་ལ་སྐམ་པ། ཁོག་ཁོག་ཟེར་བ། སྐྲ་འཛིངས་པ། མིག་དམར་ལ་གཡོན་དུ་ཡོ་བ། མ་མཆུ་རིང་ལ་

98-1-247b

གཡས་སུ་ཡོ་བ། སྐེ་དང་། རྐང་ལག་ཤིན་དུ་ཕྲ་ལ་རིད་པ། ལག་པ་ཁུ་ཚུར་བསྡམས་པའི་སེན་མོས་ཐད་ཀར་ཕུག་ནས་སེན་མོ་སྔོ་ཟང་ངེ་ཡོད་པ། ཁ་ནས་སྒྲ་རྣམ་པ་ལྔ་སྒྲོགས་པ་ནི་འདི་ལྟ་སྟེ། དགོས་ན་ཞེས་བྱ་བ་དང་། མེད་ན་ཞེས་བྱ་
བ་དང་། མ་སྦྱིན་ཅིག་ཞེས་བྱ་བ་དང་། སྟེར་ན་ཡང་མཆེ་ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཞེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་པ་ལས། དེར་གང་ཟག་གཉིས་པོ་དེས་བསམས་པ། དགོན་པ་བས་
གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ་བསླངས་པས་དཀར་གསུམ་དང་། མངར་གསུམ་དང་། འབྲས་དང་ནས་ཀྱི་ཟན་ལ་སོགས་པ་བཟའ་བ་དང་། བཏུང་བ་མང་དུ་རྙེད་ནས་ཡི་དགས་ཀྱི་དྲུང་དུ་ཁྱེར་ཏེ། ཕྱིན་ནས་
བཏབས་པས་མི་ལེན་པར་གོང་གི་སྒྲ་རྣམ་པ་ལྔ་སྒྲོགས་ཤིང་བྲོས་སོ། །དེར་གང་ཟག་གཉིས་པོ་དེས་ཤིན་དུ་མ་དགའ་ནས། ཡི་དགས་མོ་དེའི་སེམས་སུ་སོང་ནས་གཞན་ཡིད་ལ་མ་དྲན་ཏེ། བཅོམ་ལྡན་འདས་འོད་མའི་ཚལ་
ན་བཞུགས་པ་ཅན་དུ་དེ་མ་ཐག་ཕྱིན་ཏེ། ཞབས་ལ་ཕྱག་འཚལ་བས་འཁངས་ནས་ཐང་ཆད་དེ་དྲི་བ་མ་སྤོབས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱེད་ཅི་ཉེས། དྲི་བ་ཡོད་ན་དབུགས་ཕྱུང་ལ་དྲིས་ཤིག །
ཅེས་གསུངས་སོ། བཅོམ་ལྡན་འདས་ལགས་བདག་ཅག་ནི་ཤིན་ཏུ་མ་དགའ་སྟེ། ཉིད་ལ་ཁོང་ཡུས་ཆེ་ནས་འཁམས་པ་ལགས་སོ། །བཀའ་སྩལ་པ། ཅི་ལས་གྱུར། སྨྲས་པ། བདག་ཅག་གཉིས་ནི་བས་མཐའ་ཞིག་ན། 
བཅོམ་ལྡན་འདས་ཀྱི་ཞལ་ནས་གསུངས་པ་སོ་སོར་རྟོག་པ་ཡིད་ལ་བྱེད་པ་ལས་རྒྱང་རིང་པོར་འཆག་ཏུ་ཕྱིན་པ་ལས་ཡི་དགས་མོ་ལུས་པོ་སྔོ་ལ་སྐམ་པ། ཁོག་ཁོག་ཟེར་བ། སྐྲ་འཛིངས་པ། མིག་དམར་ལ་གཡོན་དུ་
ཡོ་བ། མ་མཆུ་རིང་ལ་གཡས་སུ་ཡོ་བ། སྐེ་དང་རྐང་ལག་ཤིན་ཏུ་ཕྲ་ལ་རིད་པ། ལག་པས་ཁུ་ཚུར་བསྡམས་པའི་སེན་མོས་ཐད་ཀར་ཕུག་ནས་སྔོ་ཟང་ངེ་བ། ཁ་ནས་སྒྲ་རྣམ་པ་ལྔ་སྒྲོགས་པ་འདི་ལྟ་སྟེ། དགོས་ན་ཞེས་

98-1-248a

བྱ་བ་དང་། མེད་ན་ཞེས་བྱ་བ་དང་། མ་བྱིན་ཅིག་ཅེས་བྱ་བ་དང་། སྟེར་ན་ཡང་མཆེ་ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཞེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་ནས། བདག་ཅག་
གཉིས་ཀྱིས་བསམས་པས་དགོན་པ་བས་གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ་བསླངས་པས་དཀར་གསུམ་དང་། མངར་གསུམ་དང་། འབྲས་དང་། ནས་ཀྱི་ཟན་ལ་སོགས་པ་བཟའ་བ་དང་བཏུང་བ་མང་དུ་
རྙེད་ནས་ཡི་དགས་མོ་དེའི་དྲུང་དུ་ཁྱེར་ནས་བསྟབས་པས། ཁ་ནས་གོང་གི་སྒྲ་རྣམ་པ་ལྔ་བརྗོད་ཅིང་གང་བྱིན་པ་མི་ལེན་པར་བྲོས་ཏེ་ཐལ་ན་འདི་ཅི་ལས་གྱུར་པ་དང་། འདི་ལ་སྨན་པའི་ཐབས་ཅི་མཆིས་ཞུ་རུ་མཆིས་པ་
ལགས་སོ། །བཀའ་སྩལ་པ། རིགས་ཀྱི་བུ་དག་དེ་ནི་ཤིན་ཏུ་ལེགས་སོ། །ངས་བཤད་ཀྱིས་ལེགས་པར་ཉོན་ལ་ཡིད་ལ་ཟུང་ཤིག །དེ་ཅི་ལས་གྱུར་ན་ལུས་སྔོ་ལ་སྐམས་པ་ནི་རང་གིས་ཟ་མ་ཕོད་པ་ལས་གྱུར་པའོ། །
སྐེ་ཕྲ་བ་ནི་གཞན་ཟ་ཞིང་སྤྱོད་པ་ལ་བདག་གིས་སེར་སྣ་བྱས་པ་ལས་གྱུར་ཏོ། །ཡན་ལག་ཕྲ་ལ་སོར་མོས་ཐད་ཀར་ཕུག་པ་ནི་གཞན་ལ་སྦྱིན་པ་དག་ལ་ཆེས་ཀྱིས་ཕྲི་ལ་བྱིན་ཅེས་བྱས་པ་དང་། རང་གིས་ཀྱང་སྤྱོད་
མི་ཕོད་པ་ལས་གྱུར་ཏོ། །སྐྲ་འཛིངས་པ་ནི་ཀུན་གྱི་ཡིད་དུ་མི་འོང་བ་བྱས་པ་ལས་གྱུར་ཏོ། །མིག་དམར་བ་ནི་འདོད་ཆགས་ཀྱིས་ཡོངས་སུ་རྒྱས་པ་ལས་གྱུར་ཏོ། །གཡོན་དུ་ཡོ་བ་ནི་མིག་མི་ལེགས་པར་གཞན་ལ་
བལྟས་པ་ལས་གྱུར་ཏོ། །མ་མཆུ་རིང་ལ་གཡས་སུ་ཡོ་བ་ནི་སྟེར་ན་ཡང་ཆེས་པར་འོང་ངོ་ཞེས་བྱས་པ་ལས་གྱུར་ཏོ། །ཁ་ནས་སྒྲ་རྣམ་པ་ལྔ་སྒྲོགས་པ་ནི་བྱེད་པ་རྒྱུ་མཐུན་པའི་འབྲས་བུ་སྟེ། སྔོན་བརྗོད་པའི་བག་
ཆགས་བརྟས་པ་ལས་གྱུར་ཏོ། །དེ་ལྟ་བུའི་ལས་ཀྱི་དབང་གིས་གཞན་ཅི་བྱིན་ཡང་ཕན་པར་མི་འགྱུར་ཏེ། ཆུ་གཅིག་པུ་ལས་རང་གིས་སྦྱིན་ནུས་པ་མ་ཡིན་ཏེ། གཞན་གྱི་ཆུ་ལ་འཇུར་འགེགས་མ་བྱས་པས་ད་ལྟ་ཡང་ཆུ་གཙང་མ་

98-1-248b

རྩམ་པས་མ་རེག་པ་ལ་སྔགས་ལན་ཅིག་བཏབ་སྟེ། སེ་གོལ་ལན་ཅིག་གཏོགས་ཏེ་བྱིན་ན་དེའི་རྒྱུད་གྲོལ་ཞིང་འདོད་པ་ཚིམ་པར་འགྱུར་རོ། །དེ་འདི་ལྟ་སྟེ། ༀ་ཛྭ་ལ་མི་དཾ་སརྦ་པྲེ་ཏ་བྷྱཿསྭཱ་ཧཱ། གསོལ་པ་དེའི་འབྲུ་དོན་བཤད་དུ་
གསོལ། བཀའ་སྩལ་པ། ༀ་ནི་ཡེ་ཤེས་ལྔའི་རང་བཞིན་ཏེ་དོན་དམ་པའོ། །ཛྭ་ལ་འདོད་པ་མེ་ལྟར་འབར་བའོ། །མི་དྃ་ནི་མིའི་རྒྱུད་ཀྱིས་སེར་སྣ་དང་འཇུར་འགེགས་བྱས་པའོ། །སརྦ་ནི་དེ་ལྟ་བུའི་ལས་ལས་གྱུར་པ་ཐམས་
ཅད་དོ། །པྲེ་ཏ་ནི་ཡི་དགས་ཀྱི་སྙིང་པོ་སྟེ། ལས་ཀྱི་རྒྱུད་སྨིན་པའི་དོན་ཏོ། །བྷྱཿནི་ལས་དང་སྡུག་བསྔལ་བྱང་བར་བྱ་བའི་དོན་ཏོ། །སྭཱ་ཧཱ་ནི་ལས་དང་སྡུག་བསྔལ་བཀྲེས་སྐོམ་བྱང་བར་གྱུར་ཅིག་པའོ། །ད་མྱུར་དུ་སོང་ལ་
དེ་ལྟར་གསོས་ཅིག་ཅེས་གསུངས་པས། དེ་ནས་དེ་གཉིས་ཀྱིས་མྱུར་དུ་ཕྱིན་ནས་དེ་བཞིན་དུ་བགྱིས་པས་གཟོད་དགའ་ནས་ལོངས་སྤྱོད་ཅིང་ལུས་བག་གླན་ནོ། །དེ་ནས་ཆོས་སྟོན་ལ་བབ་ནས་གཉིས་པོ་རེ་མོས་བྱས་ཏེ། 
ཤཱ་རིའི་བུས་བཤོས་གསོལ་ནས། གཅིག་གསོལ་དུ་སྩལ་ཏེ། ཆབ་བྱིན་པས་ཡང་གོང་བཞིན་བརྗོད་དེ་བྲོས་སོ། །ཡང་གཉིས་ཀྱིས་ཡིད་མ་ཆེས་ནས་བཅོམ་ལྡན་འདས་ལ་ཞུར་མཆིས་སོ། །བཅོམ་ལྡན་འདས་ལགས་བདག་
ཅག་གིས་གསུངས་པ་བཞིན་བགྱིས་ལགས་པས། གསོ་རུ་བཏུབ་པར་གདའ་བ་ལ་ཆོས་སྟོན་ཡོལ་དུ་དོགས་ནས་འཚལ་ནས་ཡང་སྔར་བཞིན་བརྗོད་ཅིང་བྲོས་ནས་ཡང་ཞུ་རུ་མཆིས་སོ། །བཀའ་སྩལ་པ། དེ་ནི་ཁྱོད་ཀྱི་སེན་
བར་དུ་བརྩམ་པ་ལས་པས་ལན་པ་ཡིན་གྱིས། ལག་པ་ཁྲུས་ལ་གཟོད་བྱིན་ཅིག །དེའི་དྲུང་དུ་འགྲོ་མི་དགོས་ཏེ་འདི་ཉིད་ཀྱིས་བཏུབ་པོ་ཞེས་གསུངས་སོ། །དེ་གཉིས་ཀྱིས་ཁྲུས་བགྱིས་ཏེ། ཆུ་སྦྱིན་སྩལ་བས་ཡི་དགས་མོ་
དེ་ཉིད་དུ་འོངས་ནས་ཅུང་ཟད་ན་མདངས་དང་ལྡན་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། འདི་ལྟ་བུའི་ཆུ་སྦྱིན་འདི་ནི་འདིར་མ་ཟད་དེ་དུས་ཐམས་ཅད་དུ་ཡང་ཡི་དམ་དུ་གྱིས་ལ་ཐོང་ཤིག །གཞན་ལ་ཡང་རྒྱ་ཆེར་

98-1-249a

སྤེལ་ཅིག །དེ་ཅིའི་ཕྱིར་ཞེ་ན། འདིའི་ཕན་ཡོན་ནི་དཔག་ཏུ་མེད་དེ་ཚད་ལས་འདས་སོ། །མདོ་ཙམ་བརྗོད་ན་འདི་ལྟ་སྟེ། འཇིག་རྟེན་གྱི་ཁམས་ཀྱི་མི་ཕྱུག་པོ་རྣམས་ལ་སྦྱིན་པ་བྱས་པ་བས་དབུལ་པོ་འགའ་ཞིག་ལ་སྦྱིན་པ་
བྱས་ན་དེའི་བསོད་ནམས་བརྒྱའི་ཆར་ཡང་མི་ཉེ་སྟེ། དེ་ཅི་སྟེ་ཞེ་ན། ཕྱུག་པོ་རྣམས་ནི་ང་རྒྱལ་ཏེ་དྲེགས་པ་དང་རྒྱག་པས་གནས་ངན་ལེན་སྤྲོ་བར་བྱེད་དོ། །འཇིག་རྟེན་གྱི་ཁམས་ཀྱི་དབུལ་པོ་རྣམས་ལ་སྦྱིན་པ་བྱས་བས་ཡི་
དགས་འགའ་ཞིག་ལ་སྦྱིན་པ་བྱས་ན་དེའི་བསོད་ནམས་བརྒྱའི་ཆར་ཡང་མི་ཉེའོ། །དེ་ཅི་སྟེ་ཞེ་ན། དབུལ་པོ་རྣམས་ལ་ནི་འབད་དུ་ཡོད། །བཙལ་དུ་ཡོད། བསླང་དུ་ཡོད་དོ། །ཡི་དགས་ལས་ཀྱིས་དེ་ལྟ་བུ་དག་མ་ཡིན་གྱི། མ་
བསྔོས་ན་ཁ་རུ་ཆུད་ཀྱང་དུག་ཆེན་པོར་འགྱུར་རོ། །འཇིག་རྟེན་གྱི་ཁམས་ཀྱི་ཡི་དགས་ལ་སྦྱིན་པ་བྱིན་པ་བས་འཇུར་འགེགས་ཡི་དགས་གཅིག་ལ་ཆུ་བྱིན་ན་དེའི་བསོད་ནམས་བརྒྱའི་ཆར་ཡང་མི་ཉེའོ། །དེ་ཅི་སྟེ་ཞེ་
ན། ཡི་དགས་དེ་དགས་ལ་ནི་དམིགས་པས་ཚིམ་པ་དང་། བཤམས་པས་ཚིམ་པ་དང་། བསྔོས་པས་ཚིམ་པ་དང་། རེག་པས་ཚིམ་པ་དང་། རྗེས་ཀྱིས་ཚིམ་པ་དང་། བཤལ་བས་ཚིམ་པ་ཡང་ཡོད་དེ། ལས་ཀྱི་རིམ་པ་བཞིན་ནོ། །འཇུར་
འགེགས་ནི་གཞན་བཀག་པའི་ལས་ཀྱིས་སྔགས་དང་། ཕྱག་རྒྱ་དང་། དམིགས་པ་གཞན་གྱིས་མི་ཐོབ། རྫས་ཐམས་ཅད་ལ་འཐམས་ཏེ་བཀག་པས་རྫས་གཞན་མི་མྱོང་། གཞན་གྱི་ཆུ་གཅིག་པུ་མ་བཀག་པས། ཆུ་གཙང་རྩམ་
པས་མ་རེག་པ་ལས་དབང་མེད། རང་གི་རྒྱུད་ཞི་བར་བྱེད་པའི་སྔགས་དང་། ཕྱག་རྒྱ་སེ་གོལ་གཅིག་མིན་པ་གཞན་གང་གིས་ཀྱང་ཐུབ་པར་མི་ནུས་སོ། །སེ་གོལ་གཅིག་ཏུ་བཞག་པ་ཅི་ཞེ་ན། གཉིས་སུ་གྱུར་ན་གཞན་གྱི་སྒྲར་གྱུར་ནས་མི་ཐོབ་
དེས་ན་རང་གི་གོ་བ་བསྐྱེད་པ་སྒྲ་གཅིག་ཏུ་ངེས་པའོ། །འདིས་ནི་བར་ཆད་ཀྱིས་མི་ཚུགས་པ་དང་། ནད་ཉུང་བ་དང་། ཚེ་རིང་བ་དང་། ལོངས་སྤྱོད་དང་ལྡན་པ་དང་། ཡི་ག་མཆུས་པ་རྣམས་འབྱེད་པར་བྱེད་པ་དང་། མདངས་ཉམས་པ་རྣམས་གསལ་བར་བྱེད་པ་

98-1-249b

དང་། འདི་གཞན་ལ་སྤེལ་ན་རྒྱུད་གྲོལ་ནས་ཡི་དགས་ཀྱི་རྒྱུད་ཆད་དེ་མཐར་མངོན་པར་རྫོགས་པར་འཚང་རྒྱའོ། །དེ་སྐད་ཅེས་བཀའ་སྩལ་ནས། རིགས་ཀྱི་བུ་དེ་དག་གིས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
འཇུར་འགེགས་ཞེས་བྱ་བའི་གཟུངས་རྫོགས་སྷོ།། །།ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཏེ་གཏན་ལ་ཕབ་པའོ། །
༄༅།  །དཀོན་མཆོག་གསུམ་ལ་ཕྱག་འཚལ་ལོ། ལུས་ཀྱི་ཟག་པ་སྦྱིན་པར་གཏང་བའི་གཟུངས་མཆིལ་མ་ལ། ཨོཾ་ཨ་སླ་མ་ཧ་རེ་བྷྱཿསྭཱ་ཧཱ། ལུད་པ་ལ། ཨོཾ་ཨ་ཁྲོར་ཨ་ཧ་རེ་བྷྱཿསྭཱ་ཧཱ། སྣབས་ལ། 
ཨོཾ་ཨཱཿསི་གྷ་ན་ཨ་ཧ་རེ་བྷྱཿསྭཱ་ཧཱ། ལུས་ཀྱི་དྲི་མ་ལ། ཨོཾ་ཨ་མ་ལ་ཨ་ཧ་རེ་བྷྱ་སྭཱ་ཧཱ། དྲི་ཆེན་ལ། ཨོཾ་ཨ་བྷི་སྠ་ཨ་ཧ་རེ་བྷྱ་སྭཱ་ཧཱ། དྲི་ཆུ་ལ། ཨོཾ་ཨ་ནཏྟ་ཨ་ཧ་རེ་བྷྱ་སྭཱ་ཧཱ། དེ་རྣམས་སོ་སོ་ལ་དེ་དག་ཟ་བ་རྣམས་ཀྱིས་
ཐོབ་པར་གྱུར་ཅིག་ཅེས་བརྗོད་པར་བྱའོ། །སེ་གོལ་བརྡབ་བོ། །དེ་རྣམས་དེ་ལྟར་བྱིན་པའི་བསོད་ནམས་ཅི་བསགས་པ་ཐམས་ཅད་སེམས་ཅན་ཐམས་ཅད་ཀྱི་དོན་དུ་བྱང་ཆུབ་ཏུ་བསྔོ་བར་བྱའོ། །འདི་དག་ནི་བླ་མ་རྡོ་རྗེ་
གདན་པས་མདོ་རྒྱུད་ནས་ཕྱུང་སྟེ། བ་རི་ལོ་ཙྪ་བས་བསྒྱུར་བའོ།།    །། དཀོན་མཆོག་གསུམ་ལ་ཕྱག་འཚལ་ལོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་རྣམ་པར་སྣང་མཛད་ཀྱི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་ནམ་མཁའི་སྙིང་པོ་ལ་ཕྱག་འཚལ་ལོ། །ཏདྱ་ཐཱ། 
བཛྲ་མ་བུ། བཛྲ་མ་བུ་བུད་དྷ་ཛྲེ། ཤཱུཎྱ་ཏ་པྲ་བྷེ་ཤེ། པི་རོ་ཙ་ན་གརྦྷེ། པཉྩེ་དི་ཡ། ཨ་པ་བོ་དྷ་ན་སྭཱ་ཧཱ། ཆོ་ག་ནི་རྟག་ཏུ་བཟླས་བརྗོད་བྱས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་ཐོབ་པར་འགྱུར་རོ། །

98-1-250a

བདུད་ཐམས་ཅད་དང་། དགྲ་ཐམས་ཅད་དང་། ལོག་འདྲེན་ཐམས་ཅད་ཀྱིས་མི་ཚུགས་སོ། །འཆི་བའི་ཚེ་འཕགས་པ་འོད་དཔག་མེད་མཐོང་བར་འགྱུར་རོ། །དེ་བཞིན་དུ་དེ་བཞིན་གཤེགས་པ་ཐམས་ཅད་དང་། བྱང་
ཆུབ་སེམས་དཔའ་ཐམས་ཅད་ཀྱང་མཐོང་བར་འགྱུར་རོ། །ཇི་ལྟར་སྨོན་ལམ་བཏབ་པ་བཞིན་དུ་སྐྱེ་བར་འགྱུར་རོ། །རྫོགས་སྷོ།།  །།
ཨོཾ་བཛྲ་ཨ་ཡུ་ཤེ་ཧཱུྂ་ཨ། འཕགས་པ་ཚེ་དཔག་མེད་ཀྱི་སྙིང་པོ་འདི་རྟག་ཏུ་བཟླས་སམ། སྔགས་ཆབ་ཀྱིས་དབང་བསྐུར་ན་ཚེ་ནུར་བར་འགྱུར་རོ། །ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ། ཨ་པ་ར་མི་ཏ་ཨ་ཡུར་པུ་ཎྱེ་ཛྣཱ་ན་སྃ་
བྷ་རོ་པ་ཙི་ཏེ་སྭཱ་ཧཱ།། །།  ༄༅།  །རྒྱ་གར་སྐད་དུ།  ཨཱརྱ་ཨ་པ་རི་མི་ཏ་ཨ་ཡུར་ཛྙཱ་ན་ནཱ་མ་མ་ཧཱ་ཡཱ་ན་སཱུ་ཏྲ།  བོད་སྐད་དུ།  འཕགས་པ་ཚེ་དང་ཡེ་ཤེས་དཔག་ཏུ་མེད་པ་ཞེས་བྱ་བ་ཐེག་
པ་ཆེན་པོའི་མདོ།  སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་
དགའ་ར་བ་ན། །དགེ་སློང་བརྒྱ་ཕྲག་ཕྱེད་དང་བཅུ་གསུམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་
འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་སྟེང་གི་ཕྱོགས་ན་འཇིག་རྟེན་གྱི་ཁམས་ཡོན་ཏན་དཔག་ཏུ་མེད་པ་སོགས་པ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་ངེས་པའི་གཟི་བརྗིད་ཀྱི་རྒྱལ་པོ་ཞེས་བྱ་བ་བཞུགས་ཏེ་ཚེ་འཛིན་ཅིང་མཐར་ཕྱིན་པར་གཞེས་ཏེ་སེམས་ཅན་རྣམས་ལ་ཆོས་

98-1-250b

ཀྱང་སྟོན་ཏོ། །འཇམ་དཔལ་གཞོན་ནུར་གྱུར་པ་ཉོན་ཅིག །འཛམ་བུའི་གླིང་འདིའི་མི་རྣམས་ནི་ཚེ་ཐུང་བ་ལས་ཚེ་ལོ་བརྒྱ་ཐུབ་པ་ཤ་སྟག་སྟེ། དེ་དག་ལས་ཀྱང་ཕལ་ཆེར་དུས་མ་ཡིན་པར་འཆི་བར་བསྟན་ཏོ། །འཇམ་
དཔལ་སེམས་ཅན་གང་དག་དེ་བཞིན་གཤེགས་པ་ཚེ་དཔག་ཏུ་མེད་པ་དེའི་ཡོན་ཏན་དང་བསྔགས་པ་ཡོངས་སུ་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས་འདི་ཡི་གེར་འདྲི་འམ་ཡི་གེར་འདྲིར་འཇུག་གམ་མིང་ཙམ་ཡང་
ཉན་ཏམ་ཀློག་པ་ནས་གླེགས་བམ་ལ་བྲིས་ཏེ་ཁྱིམ་ན་འཆང་བར་བྱེད་དམ། མེ་ཏོག་དང་བདུག་པ་དང་སྤོས་དང་ཕྲེང་བ་རྣམས་ཀྱིས་མཆོད་པར་འགྱུར་བ་དེ་དག་གི་ཚེ་ཡོངས་སུ་ཟད་པ་ལས་ཚེ་ལོ་བརྒྱ་ཐུབ་པར་
འགྱུར་རོ། །འཇམ་དཔལ་སེམས་ཅན་གང་དག་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་ངེས་པ་གཟི་བརྗིད་ཀྱི་རྒྱལ་པོའི་མཚན་བརྒྱ་རྩ་བརྒྱད་ཐོས་པར་གྱུར་པ་དེ་དག་གི་ཚེ་ཡང་འཕེལ་བར་འགྱུར་རོ། །སེམས་
ཅན་གང་དག་ཚེ་ཟད་ཀར་མཚན་འཆང་བར་འགྱུར་བ་དེ་དག་གི་ཚེ་ཡང་རྣམ་པར་འཕེལ་བར་འགྱུར་རོ། །འཇམ་དཔལ་དེ་ལྟ་བས་ན་རིགས་ཀྱི་བུ་འམ་རིགས་ཀྱི་བུ་མོ་ཚེ་རིང་བར་འདོད་པ་དེ་དག་དེ་བཞིན་གཤེགས་པ་
ཚེ་དཔག་ཏུ་མེད་པ་དེའི་མཚན་བརྒྱ་རྩ་བརྒྱད་ཉན་ཏམ་ཡི་གེར་འདྲི་འམ་ཡི་གེར་འདྲིར་འཇུག་ན་དེ་དག་གི་ཡོན་ཏན་དང་ལེགས་པར་འགྱུར་བ་ནི་འདི་དག་གོ། ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་
ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སྃ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་
སྭ་བྷ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། འཇམ་དཔལ་དེ་བཞིན་གཤེགས་པའི་མཚན་བརྒྱ་རྩ་བརྒྱད་པོ་འདི་དག་གང་ལ་ལ་ཞིག་ཡི་གེ་འདྲི་འམ་ཡི་གེ་འདྲིར་འཇུག་གམ་གླེགས་བམ་ལ་བྲིས་ཏེ་ཁྱིམ་ན་

98-1-251a

འཆང་ངམ་ཀློག་པར་གྱུར་པ་དེའི་ཚེ་ཚེ་ཟད་པ་ལས་ཚེ་ལོ་བརྒྱ་ཐོབ་པར་འགྱུར་ཏེ་འདི་ནས་ཤི་འཕོས་ནས་ཀྱང་དེ་བཞིན་གཤེགས་པ་ཚེ་དཔག་ཏུ་མེད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་ཡོན་
ཏན་དཔག་ཏུ་མེད་པ་ལ་སོགས་པར་སྐྱེ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་
རི་མི་ཏ་པུ་ཎྱེ་ཨ་པ་རི་མི་ཏ་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་ཕྲ་བྱེ་བ་ཕྲག་དགུ་བཅུ་རྩ་དགུས་དགོངས་
པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། 
ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨཱ་ཡུར་པུ་ཎྱེ་ཛྙཱ་ན་སྃ་བྷཱ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་
སངས་རྒྱས་བྱེ་བ་ཕྲག་བརྒྱད་བཅུ་རྩ་བཞིས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་
ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱ་ཛྙཱ་ན་སཾ་བྷཱ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་
མ་ཧཱ་ན་ཡ་པ་རི་བ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱིས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་

98-1-251b

ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་སྃ་བྷཱ་རོ་པ་ཙི་ཏེ། ཨོཾ་སརྦ་སཾ་སྐཱ་རི་པ་རི་
ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧ་ན་ཡ་པ་རི་བ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་དྲུག་བཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་
མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་
པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་ལྔ་བཅུ་རྩ་ལྔས་དགོངས་པ་གཅིག་དང་དབྱངས་
གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། 
ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་
ཕྲག་བཞི་བཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་
ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སཾ་བྷཱ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་བྷ་བ་བི་

98-1-252a

ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་སུམ་བཅུ་རྩ་དྲུག་གིས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །
ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏཱ་ཡ། ཨ་ར་ཧཱ་ཏེ་སྃ་མྱཀ་སྃ་བུད་དྷ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སཾ་བྷ་རོ་པ་
ཙི་ཏེ། ཨོཾ་སརྦ་སཾ་སྐ་རི་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭཱ་བྷ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་ཉི་ཤུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དང་
ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙ་ན་སུ་བི་ནི་ཤྕི་ཏ་ཏེ་ཛོ་ར་ཛཱ་ཡ་ཏ་ཐཱ་ག་ཏཱ་ཡ། ཨར་ཧ་ཏེ་སྃ་མྱཀ་སྃ་བུད་དྷ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་
པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རི་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་གང་གཱའི་ཀླུང་བཅུ་
འི་བྱེ་མ་སྙེད་ཀྱིས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏཱ་
ཡ་ཨ་ར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་ར་མི་ཏ་པུ་ཎྱེ་ཛྙ་ན་སཾ་བྷཱ་རོ་པ་ཙི་ཏེ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བ་རེ་སྭཱ་ཧཱ། 
གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་ན་དེ་ཚེ་ཟད་པ་ལས་ཚེ་ལོ་བརྒྱ་ཐུབ་པར་འགྱུར་ཏེ་དེ་ཚེ་རྣམ་པར་འཕེལ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་ར་མི་ཏ་ཨ་ཡུར་ཛྙ་ན་

98-1-252b

སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སྃ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུད་ག་ཏེ་སྭ་
བྷ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་སེམས་ཅན་དམྱལ་བ་དང་བྱོལ་སོང་གི་སྐྱེ་གནས་དང་གཤིན་རྗེའི་འཇིག་རྟེན་དུ་
ནམ་ཡང་སྐྱེ་བར་མི་འགྱུར་དེ་ནམ་དུ་ཡང་མི་ཁོམ་པར་སྐྱེ་བར་མི་འགྱུར་ཏེ། གང་དང་གང་དུ་སྐྱེ་བ་ཐམས་ཅད་དུ་སྐྱེ་བ་དྲན་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙ་ན་སུ་བི་ནི་ཤྕི་ཏ་ཏེ་རཱ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་
ཨ་ར་ཧ་ཏེ་སྃ་མྱག་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་ར་མི་ཏ་ཨ་ཡུར་པུ་ཎྱེ་ཛྙ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷ་བ་བི་ཤུད་དྷེ་མ་ཧཱ་ན་ཡ་པ་རི་བ་རེ་སྭཱ་ཧཱ། 
གང་ལ་ལ་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་འདྲིར་འཇུག་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་ར་མི་ཏ་ཨ་ཡུར་ཛྙ་ན་སུ་བི་ནི་ཤྩི་ཏ་ཏེ་
ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་ར་མི་ཏ་ཨ་ཡུར་པུ་ཎྱེ་ཛྙ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུདྷེ་མ་ཧཱ་ན་ཡ་པ་རི་བཱ་
རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་བྱེད་དུ་བཅུག་པ་དང་རབ་ཏུ་གནས་པར་བྱས་པ་ཡིན་ནོ། །ཨོཾ་ན་མོ་བྷ་ག་བ་ཏེ་ཨ་པ་ར་མི་ཏ་ཨ་ཡུར་
ཛྙ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏཱ་ཡ་ཨ་ར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་ར་མི་ཏ་ཨ་ཡུར་པུ་ཎྱེ་ཛྙ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུདྷེ་མ་ཧཱ། 

98-1-253a

ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེའི་མཚམས་མེད་པ་ལྔ་བྱས་པ་ཡང་ཡོངས་སུ་བྱང་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་
ཨཱ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སྃ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་
བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེའི་སྡིག་པའི་ཕུང་པོ་རི་རབ་ཙམ་ཡང་ཡོངས་སུ་བྱང་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་ར་
མི་ཏ་ཨ་ཡུར་ཛྙ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སྃ་མྱཀ་སྃ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་
སྭ་བྷ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་ལ་བདུད་དམ་བདུད་ཀྱི་རིས་ཀྱི་ལྷ་དང་གནོད་སྦྱིན་དང་སྲིན་པོས་གླགས་བལྟས་ཀྱང་གླགས་རྙེད་པར་མི་
འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུདྷ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨཱ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་
པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་འཆི་བའི་དུས་ཀྱི་ཚེ་སངས་རྒྱས་བྱེ་བ་ཕྲག་དགུ་བཅུ་རྩ་དགུས་
མངོན་སུམ་དུ་ལུང་སྟོན་པ་མཛད་དེ། སངས་རྒྱས་སྟོང་གིས་དེ་ལ་ཕྱག་རྐྱོང་བར་འགྱུར་རོ། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་མཛད་པར་འགྱུར་ཏེ་འདི་ལ་ཐེ་ཚོམ་དང་སོམ་ཉི་དང་ཡིད་གཉིས་མ་ཟ་ཤིག །ཨོཾ་ན་མོ་བྷ་ག་

98-1-253b

བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སྃ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་
ན་ས་མུད་ག་ཏེ་སྭ་བྷ་བ་བི་ཤུདྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་རྒྱལ་པོ་ཆེན་པོ་བཞི་དེའི་ཕྱི་བཞིན་འབྲང་ཞིང་བསྲུང་བ་དང་བསྐྱབ་པ་དང་སྦེད་
པ་བྱེད་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨཱ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་
སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་དེ་བཞིན་གཤེགས་པ་འོད་དཔག་ཏུ་
མེད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་
པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨཱ་ཡུར་པུ་ཎྱེ་ཛྙཱ་ན་སཾ་བྷཱ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ས་ཕྱོགས་གང་དུ་མདོ་སྡེ་འདི་འདྲི་བའི་ས་ཕྱོགས་དེ་ཡང་མཆོད་རྟེན་དུ་
འགྱུར་ཏེ་ཕྱག་བྱ་བར་ཡང་འོས་པར་འགྱུར་རོ། །བྱོལ་སོང་གི་སྐྱེ་གནས་སུ་སོང་བ་དང་བྱ་དང་རི་དགས་གང་དག་གི་རྣ་ལམ་དུ་གྲགས་པར་གྱུར་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་
རྒྱ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨཱ་ཡུར་པུ་ཎྱེ་ཛྙཱ་ན་སཾ་བྷ་ཙི་ཏེ། ཨོཾ་སརྦ་སཾ་སྐཱ་ར་པ་རི་

98-1-254a

ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་ན་དེ་བུད་མེད་ཀྱི་ལུས་སུ་ནམ་ཡང་སྐྱེ་བར་མི་
འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་
ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ལ་ལ་ཞིག་ཆོས་ཀྱི་རྣམ་གྲངས་འདིའི་ཕྱིར་ཀཱར་ཤ་པ་ཎི་གཅིག་སྦྱིན་པ་བྱིན་ན། དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་
པོ་ཆེ་སྣ་བདུན་གྱིས་ཡོངས་སུ་བཀང་སྟེ་སྦྱིན་པ་བྱིན་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་
མི་ཏ་ཨ་ཡུར་པུ་ཎྱེ་ཛྙ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ལ་ལ་ཞིག་ཆོས་ཀྱི་རྣམ་གྲངས་འདི་ལ་མཆོད་པ་བྱེད་པར་འགྱུར་བ་དེས་དམ་པའི་ཆོས་
མཐའ་དག་མཆོད་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨཱ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་
ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། འདི་ལྟ་སྟེ་དཔེར་ན་དེ་བཞིན་གཤེགས་པ་རྣམ་པར་གཟིགས་དང་། གཙུག་ཏོར་ཅན་དང་། ཐམས་ཅད་སྐྱོབ་དང་། ལོག་པར་དད་སེལ་དང་། 
གསེར་ཐུབ་དང་། འོད་སྲུང་དང་། ཤཱཀྱ་ཐུབ་པ་ལ་སོགས་པ་ལ་རིན་པོ་ཆེ་སྣ་བདུན་གྱི་མཆོད་པ་རྣམས་ཀྱིས་མཆོད་པ་བྱས་པའི་བསོད་ནམས་ཀྱི་ཕུང་པོའི་ཚད་ནི་བགྲངས་བར་ནུས་ཀྱི་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདིའི་བསོད་

98-1-254b

ནམས་ཀྱི་ཕུང་པོའི་ཚད་ནི་བགྲང་བར་མི་ནུས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་
ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། འདི་ལྟ་སྟེ་དཔེར་ན་རིན་པོ་ཆེའི་ཕུང་པོ་རི་རབ་ཙམ་སྤུངས་ཏེ་སྦྱིན་པ་བྱིན་པ་དེའི་བསོད་ནམས་ཀྱི་ཕུང་པོའི་
ཚད་ནི་བགྲང་བར་ནུས་ཀྱི་ཚེ་དཔག་ཏུ་མེད་པའི་མདོ་སྡེ་འདིའི་བསོད་ནམས་ཀྱི་ཕུང་པོའི་ཚད་ནི་བགྲང་བར་མི་ནུས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་
མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨཱ་ཡུར་པུ་ཎྱེ་ཛྙ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། འདི་ལྟ་སྟེ་དཔེར་ན་རྒྱ་མཚོ་
ཆེན་པོ་བཞི་ཆུས་ཡོངས་སུ་གང་བའི་ཐིགས་པ་རེ་རེ་ནས་བགྲང་བར་ནུས་ཀྱི་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདིའི་བསོད་ནམས་ཀྱི་ཕུང་པོའི་ཚད་ནི་བགྲང་བར་མི་ནུས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་
ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་
དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ་ཡི་གེར་འདྲིར་འཇུག་གམ། བསྟི་སྟང་དུ་བྱས་ཏེ་མཆོད་པ་བྱེད་པར་འགྱུར་བ་དེས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་དེ་
བཞིན་གཤེགས་པ་ཐམས་ཅད་ལ་ཕྱག་བྱས་པ་དང་། མཆོད་པ་བྱས་པ་ཡིན་ནོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་

98-1-255a

པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། སྦྱིན་པའི་སྟོབས་ཀྱིས་སངས་རྒྱས་ཡང་དག་འཕགས། །
མི་ཡི་སེང་གེ་སྦྱིན་པའི་སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །སྦྱིན་པའི་སྟོབས་ཀྱི་སྒྲ་ནི་གྲག་པར་འགྱུར། །ཚུལ་ཁྲིམས་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་ཚུལ་ཁྲིམས་
སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །ཚུལ་ཁྲིམས་སྟོབས་ཀྱི་སྒྲ་ནི་གྲག་པར་འགྱུར། །བཟོད་པའི་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་བཟོད་པའི་སྟོབས་རྟོགས་ནས། །སྙིང་རྗེ་ཅན་གྱི་
གྲོང་ཁྱེར་འཇུག་པ་ན། །བཟོད་པའི་སྟོབས་ཀྱི་སྒྲ་ནི་གྲག་པར་འགྱུར། །བརྩོན་འགྲུས་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་བརྩོན་འགྲུས་སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །བརྩོན་
འགྲུས་སྟོབས་ཀྱི་སྒྲ་ནི་གྲག་པར་འགྱུར། །བསམ་གཏན་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་བསམ་གཏན་སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །བསྃ་གཏན་སྟོབས་ཀྱི་སྒྲ་ནི་གྲག་པར་
འགྱུར། །ཤེས་རབ་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་ཤེས་རབ་སྟོབས་རྟོགས་ཏེ། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །ཤེས་རབ་སྟོབས་ཀྱི་སྒྲ་ནི་གྲག་པར་འགྱུར། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་
ཛྙ་ན་སུ་བི་ནི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་པུ་ཎྱེ་པུ་ཎྱེ་མ་ཧཱ་པུ་ཎྱེ་ཨ་པ་རི་མི་ཏ་ཨ་ཡུར་པུ་ཎྱེ་ཛྙཱ་ན་སཾ་བྷ་རོ་པ་ཙི་ཏེ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་
མ་ཧཱ་ན་ཡ་པ་རི་བཱ་རེ་སྭཱ་ཧཱ། བཅོམ་ལྡན་འདས་དགྱེས་ཤིང་དེ་སྐད་ཅེས་བཀའ་སྩལ་ནས། འཇམ་དཔལ་གཞོན་ནུར་གྱུར་པ་དང་། ཐྃད་དང་ལྡན་པའི་འཁོར་དེ་དག་དང་། ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རང་ཏེ། བཅྡོཾནས་

98-1-255b

ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཚེ་དང་ཡེ་ཤེས་དཔག་ཏུ་མེད་པ་ཞེས་བྱ་བ་ཐེག་པ་ཆེན་པོའི་མདོ།  རྫོགས་སྷོ།། །། རྒྱ་གར་སྐད་དུ།  ཨཱརྱ་ཨ་པ་རི་མི་ཏ་ཨ་ཡུར་ཛྙཱ་ན་ནཱ་མ་མ་ཧཱ་ཡ་ན་སུྰ་ཏྲ།  བོད་སྐད་དུ།  འཕགས་པ་
ཚེ་དང་ཡེ་ཤེས་དཔག་ཏུ་མེད་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་
བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་བརྒྱ་ཕྲག་ཕྱེད་དང་བཅུ་གསུམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དེ་དག་དང་ཐབས་ཅིག་ཏུ་
བཞུགས་ཏེ། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོནུར་གྱུར་པ་ལ་བཀའ་སྩལ་པ། འཇམ་དཔལ་སྟེང་གི་ཕྱོགས་ན། འཇིག་རྟེན་གྱི་ཁམས་ཡོན་ཏན་དཔག་ཏུ་མེད་པ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགྶ་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་གདོན་མི་ཟ་བའི་རྒྱལ་པོ་ཞེས་བྱ་བ་བཞུགས་སོ། །ཚེ་འཛིན་ཅིང་ཚེ་མཐར་ཕྱིན་པར་བཞེད་དེ། སེམས་ཅན་རྣམས་ལ་
ཆོས་ཀྱང་སྟོན་ཏོ། །འཇམ་དཔལ་གཞོན་ནུར་གྱུར་པ་ཉོན་ཅིག །འཛམ་བུའི་གླིང་འདིའི་སེམས་ཅན་རྣམས་ནི་ཚེ་ཐུང་བ་ལ་ལོ་བརྒྱ་ཐུབ་པ་ཤ་སྟག་སྟེ། དེ་དག་ལས་ཀྱང་ཕལ་ཆེར་ནི་དུས་མ་ཡིན་པར་འཆི་བར་བསྟན་ཏོ། །འཇམ་དཔལ་སེཾས་
ཅན་གང་དག་དེ་བཞིན་གཤེགས་པ་ཚེ་དང་ཡེ་ཤེས་དཔག་ཏུ་མེད་པ་དེའི་ཡོན་ཏན་དང་བསྔགས་པ་ཡོངས་སུ་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས་འདི་ཡི་གེར་འདྲི་འམ། ཡི་གེར་འདྲིར་འཇུག་གམ། མིང་ཙམ་ཉན་ཏམ། ཀློག་པ་
ནས་གླེགས་བྃ་ལ་བྲིས་ཏེ། ཁྱིམ་ན་འཆང་གི་བར་དུ་བྱེད་དམ། མེ་ཏོག་དང་། སྤོས་དང་། ཕྲེང་བ་དང་། ཕྱེ་མ་རྣམས་ཀྱིས་མཆོད་པར་གྱུར་པ་དེ་དག་གི་ཚེ་ཡོངསུ་ཟད་པ་ལས་ཚེ་ལོ་བརྒྱ་ཐུབ་པར་འགྱུར་རོ། །འཇམ་དཔལ་སེམས་ཅན་གང་དག་ཚེ་དང་

98-1-256a

ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་གདོན་མི་ཟ་བའི་རྒྱལ་པོའི་མཚན་བརྒྱ་རྩ་བརྒྱད་ཐོས་པ་དེ་དག་ཚེ་ཡང་རྣམ་པར་འཕེལ་བར་འགྱུར་རོ། །སེམས་ཅན་གང་དག་ཚེ་ཡོངས་སུ་ཟད་ཀར་མཚན་འཆང་བར་གྱུར་པ་
དེ་དག་གི་ཚེ་ཡང་རྣམ་པར་འཕེལ་བར་འགྱུར་རོ། །འཇམ་དཔལ་དེ་ལྟ་བས་ན་རིགས་ཀྱི་བུ་འམ་རིགས་ཀྱི་བུ་མོ་ཚེ་རིང་པོར་འདོད་པ་དག་དེ་བཞིན་གཤེགས་པ་ཚེ་དང་ཡེ་ཤེས་དཔག་ཏུ་མེད་པ་དེའི་མཚན་བརྒྱ་རྩ་བརྒྱད་ཉན་ཏམ། ཡི་གེར་འདྲི་
འམ། ཡི་གེར་འདྲིར་འཇུག་ན། དེ་དག་གི་ཡོན་ཏན་དང་ལེགས་པར་གྱུར་པ་ནི་འདི་དག་གོ། ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་
སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡཱ་པ་རི་བཱ་རེ་སྭཱ་ཧཱ། འཇམ་དཔལ་དེ་བཞིན་གཤེགས་པའི་མཚན་བརྒྱ་རྩ་བརྒྱད་པོ་འདི་དག་གང་ལ་ལ་ཞིག་གིས་ཡི་གེར་འདྲི་འམ། ཡི་གེར་འདྲིར་འཇུག་གམ། 
གླེགྶ་བམ་ལ་བྲིས་ཏེ་ཁྱིམ་ན་འཆང་ངམ། ཀློག་པར་གྱུར་ན། ཚེ་ཟད་པ་ལས་ཚེ་ལོ་བརྒྱ་ཐུབ་པར་འགྱུར་རོ། །དེ་ཤི་འཕོས་ནས་དེ་བཞིན་གཤེགས་པ་ཚེ་དང་ཡེ་ཤེས་དཔག་ཏུ་མེད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་ཡོན་ཏན་
དཔག་ཏུ་མེད་པ་ལ་སོགས་པར་སྐྱེ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་
བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་དགུ་བཅུ་རྩ་དགུས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་
ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨཾོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་བརྒྱད་བཅུ་རྩ་བཞིས་དགོངས་པ་གཅིག་

98-1-256b

དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་
ག་ག་ན་ས་མུད་ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱིས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་
ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་
ཕྲག་དྲུག་བཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། 
ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུངྒ་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་ལྔ་བཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་
གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨྨ་ཏེ་ག་ག་ན་ས་མུངྒ་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་
ཚེ་སངས་རྒྱས་བྱེ་བ་ཕྲག་བཞི་བཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་
སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུངྒ་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་སུམ་བཅུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་

98-1-257a

མདོ་སྡེ་འདི་གསུངས་སོ། །ཨོཾ་ན་མོ་བྷ་ག་ཝ་ཏེ་ཨ་པ་རི་མི་ཏ་ཨཱ་ཡུར་ཛྙ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་
ཝ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་ཉི་ཤུ་རྩ་ལྔས་དགོངས་པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་
ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། ཡང་དེའི་ཚེ་སངས་རྒྱས་བྱེ་བ་ཕྲག་གང་གཱའི་ཀླུང་བཅུའི་བྱེ་མ་སྙེད་ཀྱིས་དགོངས་
པ་གཅིག་དང་དབྱངས་གཅིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་གསུངས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་
སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡཱ་པ་རི་ཝ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་གམ། འཆང་ན་དེ་ཚེ་ཟད་པ་ལས་
ཚེ་ལོ་བརྒྱ་ཐུབ་པར་འགྱུར་ཏེ། ཚེ་ཡང་རྣམ་པར་འཕེལ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་
ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་ན་དེ་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་གཤིན་རྗེའི་འཇིག་རྟེན་
དུ་ནམ་ཡང་སྐྱེ་བར་མི་འགྱུར་ཏེ། ནམ་དུ་ཡང་མི་ཁོམ་པར་སྐྱེ་བར་མི་འགྱུར་རོ། །གང་དང་གང་དུ་སྐྱེ་བའི་སྐྱེ་བ་ཐམས་ཅད་དུ་སྐྱེ་བ་དྲན་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱ་

98-1-257b

ཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷ་ཝ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ལ་ལ་ཞིག་གིས་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་ན། དེས་ཆོས་
ཀྱི་ཕུང་པོ་བརྒྱད་ཁྲི་བཞི་སྟོང་འདྲིར་བཅུག་པར་འགྱུར་རོ། །ཨོཾ་ན་མོ་བྷ་ག་ཝ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་
ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་ན། དེས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་བྱེད་དུ་བཅུག་པ་དང་། རབ་ཏུ་གནས་པར་བྱས་པ་ཡིན་ནོ། །
ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་
ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་ན། དེའི་མཚམས་མེད་པ་ལྔ་ཡོངས་སུ་བྱང་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་
ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷ་བ་བི་ཤུད་དྷེ་མ་ཧཱ་ན་ཡ་པ་རི་ཝ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་ན། དེའི་སྡིག་
པའི་ཕུང་པོ་རི་རབ་ཙམ་ཡང་ཡོངས་སུ་བྱང་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་
ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་ན་དེ་ལ་བདུད་དང་བདུད་ཀྱི་རིས་ཀྱི་ལྷ་དང་གནོད་སྦྱིན་དང་། སྲིན་པོས་གླགས་བཙལ་ཀྱང་གླགས་རྙེད་པར་

98-1-258a

མི་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུཾ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་
ཝ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་བྲི་འམ། ཡི་གེར་འདྲིར་འཇུག་ན། དེ་འཆི་བའི་དུས་ཀྱི་ཚེ་སངས་རྒྱས་བྱེ་བ་ཕྲག་དྲུག་བཅུ་རྩ་དགུས་མངོན་སུམ་དུ་ལུང་སྟོན་པར་མཛད་དེ། སངས་རྒྱས་སྟོང་གིས་དེ་ལ་
ཕྱག་རྐྱོང་བར་འགྱུར། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་མཛད་པར་འགྱུར་ཏེ། འདི་ལ་ཐེ་ཚོམ་དང་སོམ་ཉི་དང་། ཡིད་གཉིས་མ་བྱེད་ཅིག །ཨོཾ་ན་མོ་བྷ་ག་ཝ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་
ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་
གེར་འདྲིར་འཇུག་ན། རྒྱལ་པོ་ཆེན་པོ་བཞིས་དེའི་ཕྱི་བཞིན་དུ་འབྲང་ཞིང་། བསྲུང་བ་དང་། བསྐྱབ་པ་དང་། སྦེད་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་
བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲིའམ། ཡི་གེར་འདྲིར་འཇུག་ན། དེ་བཞིན་གཤེགས་པ་
འོད་དཔག་ཏུ་མེད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་ས་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་
སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡཱ་པ་རི་བཱ་རེ་སྭཱ་ཧཱ། ས་ཕྱོགས་གང་དུ་མདོ་སྡེ་འདི་འདྲི་བའི་ས་ཕྱོགས་དེ་ཡང་མཆོད་རྟེན་དུ་འགྱུར་ཏེ། ཕྱག་བྱ་བའི་འོས་སུ་འགྱུར་རོ། །བྱོལ་སོང་གི་སྐྱེ་གནས་སུ་སོང་བའི་

98-1-258b

བྱ་དང་རི་དགས་གང་དག་གི་རྣ་ལམ་དུ་གྲག་པར་གྱུར་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་
རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡ་པ་རི་ཝ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་
འམ། ཡི་གེར་འདྲིར་འཇུག་ན། དེ་བུད་མེད་ཀྱི་དངོས་པོར་ནམ་དུ་ཡང་སྐྱེ་བར་མི་འགྱུར་རོ། །ཨོཾ་ན་མོ་བྷ་ག་ཝ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་
ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷ་ཝ་བི་ཤུད་དྷེ་མ་ཧཱ་ན་ཡ་པ་རི་བཱ་རེ་སྭཱ་ཧཱ། གང་ཞིག་ཚེ་དང་ཡེ་ཤེས་དཔག་ཏུ་མེད་པའི་ཆོས་ཀྱི་རྣམ་གྲངས་འདིའི་ཕྱིར་ཀཱར་ཤ་པ་ན་གཅིག་སྦྱིན་པ་བྱིན་ན། དེས་སྟོང་གསུམ་གྱི་སྟོང་ཆེན་པོའི་འཇིག་
རྟེན་གྱི་ཁམས་རིན་པོ་ཆེ་སྣ་བདུན་གྱིས་ཡོངས་སུ་བཀང་སྟེ་སྦྱིན་པ་བྱིན་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་
དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། གང་ཞིག་ཆོས་ཀྱི་རྣམ་གྲངས་འདི་ལ་མཆོད་པར་བྱེད་པ་དེ་དག་གིས་དམ་པའི་ཆོས་ཐམས་ཅད་ཆུབ་པར་འགྱུར་རོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་
ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། འདི་ལྟ་སྟེ་དཔེར་ན། དེ་བཞིན་གཤེགས་པ་རྣམ་པར་གཟིགས་དང་། གཙུག་
ཏོར་ཅན་དང་། ཐམས་ཅད་སྐྱོབ་དང་། ལོག་པར་དད་སེལ་དང་། འཁོར་བ་འཇིག་དང་། གསེར་ཐུབ་དང་། འོད་བསྲུང་དང་། ཤཱཀྱ་ཐུབ་པ་ལ་རིན་པོ་ཆེ་སྣ་བདུན་གྱིས་མཆོད་པ་བྱས་པའི་བསོད་ནམས་ཀྱི་ཚད་ནི་བགྲང་བར་ནུས་ཀྱི། ཚེ་དང་ཡེ་ཤེས་དཔག་ཏུ་མེད་

98-1-259a

པའི་བསོད་ནམས་ཀྱི་ཕུང་པོའི་ཚད་ནི་བགྲང་བར་མི་ནུས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་
མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། འདི་ལྟ་སྟེ་དཔེར་ན། རིའི་རྒྱལ་པོ་རི་རབ་དང་མཉམ་པའི་རིན་པོ་ཆེའི་ཕུང་པོར་བྱས་ཏེ། སྦྱིན་པ་བྱིན་པ་དེའི་བསོད་ནམས་ཀྱི་ཕུང་པོའི་ཚད་ནི་བགྲང་བར་ནུས་ཀྱི། ཚེ་དང་ཡེ་ཤེས་དཔག་ཏུ་
མེད་པའི་བསོད་ནམས་ཀྱི་ཕུང་པོའི་ཚད་ནི་བགྲང་བར་མི་ནུས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨར་ཧ་ཏེ་སཾ་མྱཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་
ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། འདི་ལྟ་སྟེ་དཔེར་ན་རྒྱ་མཚོ་ཆེན་པོ་ཆུས་ཡོངས་སུ་གང་བའི་ཐིགས་པ་རེ་རེ་ནས་བགྲང་བར་ནུས་ཀྱི། ཚེ་དང་ཡེ་ཤེས་དཔག་ཏུ་མེད་པའི་བསོད་ནམས་ཀྱི་ཕུང་པོའི་ཚད་ནི་བགྲང་
བར་མི་ནུས་སོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། 
གང་ཞིག་ཚེ་དང་ཡེ་ཤེས་དཔག་ཏུ་མེད་པའི་མདོ་སྡེ་འདི་ཡི་གེར་འདྲི་འམ། ཡི་གེར་འདྲིར་འཇུག་གམ། གུས་པར་བྱས་ཏེ། མཆོད་པར་བྱེད་པ་དེ་དག་གིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་དེ་བཞིན་གཤེགས་པ་ཐམས་ཅད་ལ་ཕྱག་བྱས་པ་དང་མཆོད་
པ་བྱས་པ་ཡིན་ནོ། །ཨོཾ་ན་མོ་བྷ་ག་བ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྩི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ་ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་ཝ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། སྦྱིན་
པའི་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་སྦྱིན་པའི་སྟོབས་རྟོགས་ནས། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །སྦྱིན་པའི་སྟོབས་ཀྱི་སྒྲ་ནི་གྲག་པར་འགྱུར། །ཚུལ་ཁྲིམས་སྟོབས་ཀྱིས་སངས་རྒྱས་ཡང་དག་འཕགས། 

98-1-259b

མི་ཡི་སེང་གེ་ཚུལ་ཁྲིམས་སྟོབས་རྟོགས་ནས། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །ཚུལ་ཁྲིམས་སྟོབས་ཀྱི་སྒྲ་ནི་གྲག་པར་འགྱུར། །བཟོད་པའི་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་བཟོད་པའི་སྟོབས་རྟོགས་
ནས། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །བཟོད་པའི་སྟོབས་ཀྱི་སྒྲ་ནི་གྲག་པར་འགྱུར། །བརྩོན་འགྲུས་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་བརྩོན་འགྲུས་སྟོབས་རྟོགས་ནས། །སྙིང་རྗེ་ཅན་གྱི་གྲོང་ཁྱེར་
འཇུག་པ་ན། །བརྩོན་འགྲུས་སྟོབས་ཀྱི་སྒྲ་ནི་གྲག་པར་འགྱུར། །བསམ་གཏན་སྟོབས་ཀྱིས་སངས་རྒྱས་ཡང་དག་འཕགས། །མི་ཡི་སེང་གེ་བསམ་གཏན་སྟོབས་རྟོགས་ནས། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །བསྃ་
གཏན་སྟོབས་ཀྱི་སྒྲ་ནི་གྲག་པར་འགྱུར། །ཤེས་རབ་སྟོབས་ཀྱི་སངས་རྒྱས་ཡང་དག་འཕགས། །མི་ཡི་སེང་གེ་ཤེས་རབ་སྟོབས་རྟོགས་ནས། །སྙིང་རྗེ་ཅན་གྱི་གྲོང་ཁྱེར་འཇུག་པ་ན། །ཤེས་རབ་སྟོབས་ཀྱི་སྒྲ་ནི་གྲག་པར་འགྱུར། །
ཨོཾ་ན་མོ་བྷ་ག་ཝ་ཏེ་ཨ་པ་རི་མི་ཏ་ཨཱ་ཡུར་ཛྙཱ་ན་སུ་བི་ནི་ཤྕི་ཏ་ཏེ་ཛོ་རཱ་ཛཱ་ཡ་ཏ་ཐཱ་ག་ཏཱ་ཡ་ཨ་ར་ཧ་ཏེ་སཾ་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུད་དྷ་དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་བི་ཤུད་དྷེ་མ་ཧཱ་ན་ཡ་པ་རི་ཝཱ་རེ་སྭཱ་ཧཱ། 
བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། འཇམ་དཔལ་གཞོན་ནུར་གྱུར་པ་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། 
བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཚེ་དང་ཡེ་ཤེས་དཔག་ཏུ་མེད་པའི་གཟུངས་རྫོགས་སྷོ།། །། ༄༅།  །རྒྱ་གར་སྐད་དུ།  ཨཱརྱ་ཨ་པ་ར་མི་ཏ་ཨ་ཡུར་
ཛྙཱ་ན་ཧྲྀ་ད་ཡ་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་ཚེ་དང་ཡེ་ཤེས་དཔག་ཏུ་མེད་པའི་སྙིང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་

98-1-260a

པ་དུས་གཅིག་ན། བཅོམ་ལྡན་འདས་གང་གཱ་ཏས་བསྐོར་བའི་རྫིང་བུའི་འགྲམ་ན། དགེ་སློང་ལྔ་བརྒྱའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་དགེ་འདུན་ཆེན་པོ་དང་ཐབས་ཅིག་ཏུ་བཞུག་ཏེ། དེ་ནས་བཅོམ་ལྡན་
འདས་ཀྱིས་དགེ་སློང་རྣམས་ལ་བཀའ་སྩལ་ནས། དགེ་སློང་དེ་དག་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ། །འདི་ནས་ནུབ་ཀྱི་ཕྱོགས་རོལ་ན། །བདེ་བ་ཅན་གྱི་འཇིག་
རྟེན་ཁམས། །དེ་ན་རྫོགས་པའི་སངས་རྒྱས་བཞུགས། །དེ་བཞིན་གཤེགས་པ་ཚེ་དཔག་མེད། །སུ་ཞིག་དེ་ཡི་མཚན་བརྗོད་ན། །དེ་ནི་དེ་རུ་སྐྱེ་བར་འགྱུར། །འཆི་བའི་དུས་སུ་སྟོན་པ་ནི། །དགེ་སློང་དགེ་འདུན་བཅས་ཏེ་མཐོང་། །དེ་ན་བུད་
མེད་ཡོད་མ་ཡིན། །མངལ་ན་གནས་པ་ཡོད་མ་ཡིན། །རིན་ཆེན་རྣམས་ཀྱི་པད་མོ་ལས། །རྫུ་འཕྲུལ་ཆེན་པོ་འབྱུང་བར་འགྱུར། །ཟས་དང་གོས་དང་སྨན་རྣམས་དང་། །ཆོས་གོས་མལ་ཆ་ལྷུང་བཟེད་རྣམས། །སེམས་ཀྱིས་
བསམ་མ་ཐག་ཏུ་ནི། །དེ་དག་མོད་ལས་འབྱུང་བར་འགྱུར། །ཕྱོགས་བཅུར་བཞུགས་པའི་སངས་རྒྱས་རྣམས། །བདེ་བ་ཅན་གྱི་བསྔགས་པ་བརྗོད། །དེ་ལྟར་སངས་རྒྱས་བསམ་མི་ཁྱབ། །སངས་རྒྱས་ཆོས་ཀྱང་བསམ་མི་ཁྱབ། །
འཕགས་པའི་དགེ་འདུན་བསམ་མི་ཁྱབ། །བསམ་མི་ཁྱབ་ལ་དད་བྱས་ན། །རྣམ་པར་སྨིན་པ་བསམ་མི་ཁྱབ། །རྣམ་དག་ཞིང་དུ་སྐྱེ་བར་འགྱུར། །དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
ཚེ་དཔག་མེད་ཀྱི་ཕོ་བྲང་འཁོར་དང་བཅས་པ་ཞེས་བྱ་བ་རྒྱར་དཔག་ཚད་ཁྲི་ཡོད་པ་ཞིག་ཡོད་དེ། རྒྱལ་རིགས་སུ་སྐྱེས་སོ། །དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་ཀྱི་ཡབ་
ནི་འཁོར་ལོས་བསྒྱུར་བའི་རྒྱལ་པོ་བཟང་པོའི་མཆོག་ཅེས་བྱ་བར་གྱུར་ཏོ། །དེའི་ཡུམ་ནི་གཟི་བརྗིད་ཅན་ཞེས་བྱ་བར་གྱུར་ཏོ། །དེའི་བཙུན་མོ་རྒྱལ་རིགས་བཟང་སྐྱོང་མ་ཞེས་བྱ་བར་གྱུར་ཏོ། །དགེ་སློང་དག་དེ་བཞིན་གཤེགས་པ་ཚེ་དཔག་

98-1-260b

མེད་ཀྱི་སྲས་ནི་ཟླ་བའི་འོད་ཅེས་བྱ་བར་གྱུར་ཏོ། །རིམ་གྲོ་པ་ནི་སྙན་པ་དྲི་མ་མེད་ཅེས་བྱ་བར་གྱུར་ཏོ། །དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་ཤེས་རབ་ཅན་གྱི་མཆོག་ཏུ་གྱུར་པ་ནི་བཟང་པོའི་ཏོག་ཅེས་བྱ་བར་གྱུར་ཏོ། །
རྫུ་འཕྲུལ་དང་ལྡན་པའི་མཆོག་དང་། །བརྩོན་འགྲུས་ཆེན་པོ་དང་ལྡན་པའི་མཆོག་ནི་བཀོད་པ་ཆེན་པོ་ཞེས་བྱའོ། །དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་བདུད་ནི་མཆོད་པའི་རྒྱལ་པོ་ཞེས་བྱ་བར་གྱུར་ཏོ། །ལྷས་བྱིན་
གྱི་མིང་ནི་དང་བ་ཞེས་བྱ་བར་གྱུར་ཏོ། །དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་ཉན་ཐོས་འདུས་པ་ཆེན་པོ་ནི་ཉན་ཐོས་ཆེན་པོ་དྲུག་ཁྲི་ཡོད་དོ། །དགེ་སློང་དག་སེམས་ཅན་ཐམས་ཅད་ཀྱིས་ལེགས་པར་བསམས་ཏེ། 
དེ་བཞིན་གཤེགས་པ་ཚེ་དཔག་མེད་ཀྱི་མཚན་ལེགས་པར་བཟུང་ལ། ཞག་བཅུར་སངས་རྒྱས་རྗེས་སུ་དྲན་པ་ཡིད་ལ་མ་ཡེངས་པར་སྒོམ་ཞིང་འཇིག་རྟེན་གྱི་ཁམས་བདེ་བ་ཅན་ན་བཞུགས་པའི་དེ་བཞིན་གཤེགས་པ་
ཚེ་དཔག་མེད་རྒྱུན་དུ་ཡིད་ལ་བྱའོ། །དཔལ་འཆི་མེད་རྔ་སྒྲའི་རྒྱལ་པོ་ཞེས་བྱ་བའི་གཟུངས་འདི་ཡང་རྟག་ཏུ་བཟླས་བརྗོད་བྱའོ། །ཉིན་ལན་གསུམ་མཚན་ལན་གསུམ་ཡན་ལག་ལྔས་ཕྱག་བྱས་ལ་སེམས་ཅན་
ཐམས་ཅད་ཀྱིས་བསམས་ན། ཞག་བཅུ་འདས་པའི་དུས་སུ་དེ་བཞིན་གཤེགས་པ་ཚེ་དཔག་མེད་མཐོང་བར་འགྱུར་རོ། །ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱང་མཐོང་བར་འགྱུར་རོ། །
དགེ་བའི་རྩ་བ་ཐམས་ཅད་ཀྱང་འཇིག་རྟེན་གྱི་ཁམས་བདེ་བ་ཅན་དུ་ཡོངས་སུ་བསྔོས་ན། དེ་འཆི་བའི་དུས་ཀྱི་ཚེ་དེ་བཞིན་གཤེགས་པ་ཚེ་དཔག་མེད་མདུན་ན་བཞུགས་པར་འགྱུར། དེ་བཞིན་གཤེགས་པ་ཚེ་དཔག་མེད་དེའི་སངས་
རྒྱས་ཀྱི་ཞིང་དུ་སྐྱེ་བར་འགྱུར་རོ། །དགེ་སློང་དག་འཆི་མེད་རྔ་སྒྲའི་རྒྱལ་པོ་ཞེས་བྱ་བའི་གཟུངས་དེ་གང་ཞེ་ན། ཏདྱ་ཐཱ། ཤ་བ་ལེ། ཨ་བ་ལེ། ས་མ་ཛ་ལེ། ནིརྡེ་ཤེ། ནིར་ཛཱ་ཏེ། ནི་རུག་ཏེ། ནིར་མུ་ཁེ། ཛྭ་ལ་བ་ར་ཙྪེ་ད་ནི། སུ་ཁ་

98-1-261a

བ་ཏི་ནིརྡེ་ཤེ། ཨ་མི་ཏེ། ཨ་ཡུར་གརྦྷ་ནིར་ཧཱ་ནི། ཨ་མི་ཏེ་ཨ་ཡུར་པྲ་སཱ་དྷ་ནེ། ནིར་བུད་དྷི་ཨ་ཀ་ཥ་ནིར་དེ་ཏ་ཤེ། ཨ་ཀ་ཤ་ནིར་ཀུ་ཤ་ལེ། ཨ་ཀར་ཤ་ནིར་ད་ཤ་ནི། ཨ་ཀ་ཤཱ་དྷིཥྛ་ནེ། ཨ་ཀ་ཤཱ་ཨ་དྷིཥྛ་ནེ། སུ་ཁ་བ་ཏེ་ཨ་དྷིཥྛ་ནེ། 
རུ་པ་ནི་དེ་ཤེ། ཙཱ་ཏྭ་རི་དྷརྨ་པྲ་སཱ་ད་ནི། ཙྭ་ཏྭ་རི་ཨཱརྱ་སཏྱ་པྲ་སཱ་དྷ་ནེ། ཙྭ་ཏྭ་རི་མཱརྒ་བྷ་ན་པྲ་སཱ་ད་ནི། བ་ལ་བིརྱ་པྲ་སཱ་དྷ་ནི། དྷརྨཱ་ཚེ་དྷ་ནི། ཀུ་ཤ་ལེ། ཀུ་ཤ་ལ་ནི་དེ་ཤ །ཀུ་ཤ་ལ་པྲ་ཏིཥྛ་ནི། བུད་དྷ་ཀུ་ཤ་ལེ། བི་ཤུད་དྷ་པྲ་བྷཱ། ས་དྷརྨ་
ཀ་ར་ནི། ནིརྫ་ཏེ། ནིར་བུད་དྷེ། བི་མ་ལེ། བི་ར་ཛེ། རཱ་ཛཱ་སེ། ར་ས་གྲེ། ར་ས་གྲ་བ་ལེ། ར་སཱ་གྲ། ཨ་དྷིཥྛི་ཏེ། ཀུ་ལེ་པྲ་ཏི་ཀུ་ལེ། བི་ཀུ་ལེ། དན་ཏོ་སུདྷན་ཏ་ཙི་ཏེ། སུ་པྲ་ཤན་ཏ་ཙི་ཏེ། སུ་པྲ་ཏིཥྛ་ཏེ། སུ་ལེ་སུ་མུ་ཁཱི། 
དྷརྨེ་ཙ་དྷཿ བི་ལེ་ཙ་བ་ལེ། ཨ་ནུ་ཤ་ཨ་བ་ལེ། བུད་དྷ་ཨ་ཀཱ་ཤཱ་ཀུཎ་བུད་དྷ། ཨཱ་ཀཱ་ཤཱ་ནིར་གུ་ཎི། ཨ་མྲྀ་ཏ་དུན་དུ་བྷེཿསྭ་རེ་སྭཱ་ཧཱ། དགེ་སློང་དག་དད་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་འཆི་མེད་རྔ་སྒྲའི་
རྒྱལ་པོ་ཞེས་བྱ་བའི་གཟུངས་འདི་སྐད་བསྟན་པ་དེ་བཞིན་དུ་ཁ་ཏོན་བྱེད་པ་དེས། གོས་གཙང་མ་བགོས་ཏེ་ས་ཕྱོགས་གཙང་ཞིང་དྲི་མ་མེད་པར། དེ་བཞིན་གཤེགས་པ་ཚེ་དཔག་མེད་ལ་མེ་ཏོག་དང་སྤོས་ཀྱིས་མཆོད་
པར་བྱའོ། །བྱང་ཆུབ་ཀྱི་སྙིང་པོ་པད་མའི་གནས་དང་། བྱང་ཆུབ་ཀྱི་ཤིང་ཕུན་སུམ་ཚོགས་པ་ཡང་ཡིད་ལ་བྱའོ། །དེ་ལ་ཡང་འདོད་པ་བསྐྱེད་པར་བྱས་ཏེ། འདོད་པ་དང་དད་པ་བྱས་ན་དེ་བཞིན་གཤེགས་པ་ཚེ་
དཔག་མེད་དེའི་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་ཤིང་གི་རྒྱལ་པོ་ནི་རིན་པོ་ཆེའི་པད་མ་རྣམ་པར་སྣང་བ་ཞེས་བྱ་བ་ཤིང་དེ་མེ་ཏོག་དང་འབྲས་བུ་
ཕུན་སུམ་ཚོགས་པའོ། །པད་མའི་གདན་ནི་དག་ཅིང་གསལ་ལ་བཟང་ཞིང་བཀྲ་བའི་འོད་ཟེར་ཅན་ཞེས་བྱས་ཏེ། རིན་པོ་ཆེ་དུ་མས་བསྐོར་བ་ལ་དེ་བཞིན་གཤེགས་པ་ཚེ་དཔག་མེད་བཞུགས་སོ། །གཡས་ན་ནི་
98-1-261b

བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གོ། གཡོན་ན་ནི་བྱང་ཆུབ་སེམས་དཔའ་མཐུ་ཆེན་ཐོབ་པ་སྟེ། བྱང་ཆུབ་སེམས་དཔའི་ཚོགས་གྲངས་མེད་པས་བསྐོར་ཏོ། །དད་པའི་རིགས་ཀྱི་བུ་འམ། རིགས་
ཀྱི་བུ་མོ་གང་ལ་ལ་མོས་པ་དང་དད་པ་དང་གུས་པ་མང་བ་དེ།  དེར་སྐྱེ་བར་འགྱུར་ཏེ། གསེར་གྱི་ས་བཞི་ཆེན་པོ་ལ་རིན་པོ་ཆེ་སྣ་བདུན་གྱི་པད་མ་ཆེན་པོ་དག་ལ་རྫུས་ཏེ་སྐྱེ་བར་འགྱུར་རོ། །དགེ་སློང་དག་དགེ་སློང་ཕ་འམ། དགེ་སློང་
མ་འམ། དགེ་བསྙེན་ཕ་འམ། དགེ་བསྙེན་མ་གང་ལ་ལ་བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་དེའི་མཚན་ཡང་དག་པར་འཛིན་པ་དེ་ལ། མེའི་འཇིགས་པ་མི་འབྱུང་། ཆུའི་འཇིགས་པ་མི་འབྱུང་། དུག་གི་འཇིགས་པ་མི་
འབྱུང་། མཚོན་ཆའི་འཇིགས་པ་མི་འབྱུང་། གནོད་སྦྱིན་གྱི་འཇིགས་པ་མི་འབྱུང་། སྲིན་པོའི་འཇིགས་པ་མི་འབྱུང་། སྔོན་གྱི་ལས་ཀྱི་རྣམ་པར་སྨིན་པ་ནི་གང་ལ་ཡང་མ་གཏོགས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་
སྩལ་ནས། དགེ་སློང་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
འཕགས་པ་ཚེ་དང་ཡེ་ཤེས་དཔག་ཏུ་མེད་པའི་སྙིང་པོ་ཞེས་བྱ་བའི་གཟུངས་རྫོགས་སྷོ།།  །།རྒྱ་གར་གྱི་མཁན་པོ་པུ་ཎྱ་སྃ་བྷ་ཝ་དང་། ལོ་ཙ་བ་པ་ཚབ་ཉི་མ་གྲགས་ཀྱིས་བསྒྱུར་བའོ། ། 
༄༅། །འཕགས་པ་སྤྱན་རས་གཟིགས་རྩ་བའི་རྒྱུད་པད་མ་དྲ་བ་བཞུགས་སྷོ། །རྒྱ་གར་སྐད་དུ།  ཨཱརྱ་བ་ལོ་ཀི་ཏེ་ཤྭ་ར་པདྨ་ཛཱ་ལ་མཱུ་ལ་ཏན་ཏྲ་རཱ་ཛ་ནཱ་མ།  བོད་སྐད་དུ།  འཕགས་པ་སྤྱན་རས་གཟིགས་དབང་ཕྱུག་གི་རྩ་

98-1-262a

བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་གུས་པར་ཕྱག་འཚལ་ལོ། །འདི་སྐད་བདག་
གིས་ཐོས་པ་དུས་གཅིག་ན། བཅོམ་ལྡན་འདས་ཧི་མ་ལ་ཡའི་ཚལ་ཆེན་པོ་ཙན་དན་སྡོང་པོ་དང་མྱུ་གུ་རྒྱས་པའི་དཀྱིལ་འཁོར་གྱི་ཚོགས་ཆེན་པོ་དང་ཐབས་ཅིག་ཏུ་བཞུགས་ཏེ། འདི་ལྟ་སྟེ། ཚེ་དང་ལྡན་པ་འོད་
སྲུང་ཆེན་པོ་དང་། ཚེ་དང་ལྡན་པ་ག་ཡ་འོད་སྲུང་དང་། ཚེ་དང་ལྡན་པ་བརླངས་། ཚེ་དང་ལྡན་པ་ཀུན་འགེད་གཞོན་ནུ་དང་། ཚེ་དང་ལྡན་པ་མ་འགགས་པ་དང་། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་
མཽད་གལ་གྱི་བུ་ཆེན་པོ་དང་། ཚེ་དང་ལྡན་པ་རབ་འབྱོར་ལ་སོགས་པ་དགེ་སློང་གི་དགེ་འདུན་ཆེན་པོ་སྟོང་ཉིས་བརྒྱ་ལྔ་བཅུ་དང་། བྱང་ཆུབ་སེམས་དཔའ་ཆེན་པོ་འདི་ལྟ་སྟེ། པད་མ་དཀར་པོ་དང་། ཉི་འོད་དང་། 
གཟུངས་ཀྱི་དབང་ཕྱུག་རྒྱལ་པོ་དང་། པད་མའི་སྤྱན་དང་། ཡེ་ཤེས་དབང་ཕྱུག་དང་། པད་མའི་དབང་ཕྱུག་དང་རྡོ་རྗེ་སྙིང་པོ་དང་རིན་ཆེན་སྙིང་པོ་དང་། ཀུན་ཏུ་བཟང་པོ་དང་། སྒྲིབ་པ་རྣམ་པར་སེལ་དང་། ནམ་མཁའི་སྙིང་
པོ་དང་། བྱམས་པ་དང་། འཇམ་དཔལ་དང་། འཇིག་རྟེན་དབང་ཕྱུག་དང་། ཕྱག་ན་རྡོ་རྗེ་དང་། བློ་གྲོས་མི་ཟད་པ་དང་། ནམ་མཁའི་མཛོད་དང་། བློ་གྲོས་རྒྱ་མཚོ་དང་། མཐུ་ཆེན་པོ་ཐོབ་པ་དང་། ཟླ་
འོད་དང་། དྲ་བ་ཅན་གྱི་འོད་དང་། སྤོབས་པ་བརྩེགས་པ་དང་། མྱ་ངན་དང་མུན་པ་ཐམས་ཅད་སེལ་བའི་བློ་གྲོས་ལ་སོགས་པ། བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་པ་དང་། གཞན་ཡང་
གཙོར་བྱམས་པ་ལ་གནས་པའི་དགེ་སློང་མང་པོ་དང་། དགེ་སློང་མ་མང་པོ་དང་། དགེ་བསྙེན་དང་། དགེ་བསྙེན་མ་མང་པོ་དང་། ལྷའི་ཚོགས་དང་། ཀླུའི་ཚོགས་དང་། དེ་བཞིན་དུ་གནོད་སྦྱིན་དང་། 

98-1-262b

དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གྲུལ་བུམ་དང་། ཤ་ཟ་དང་། མི་དང་། མི་དང་མི་མ་ཡིན་པ་བྱེ་བ་ཕྲག་དྲུག་དང་། ཁྲོ་བོ་ཆེན་པོ་རྡོ་རྗེ་ཧཱུྃ་མཛད་དང་། རྡོ་རྗེ་
གཤིན་རྗེ་གཤེད་དང་། རྡོ་རྗེ་གཞན་གྱིས་མི་ཐུབ་པ་དང་། རྡོ་རྗེ་རྟ་མགྲིན་དང་། རྡོ་རྗེ་བགེགས་མཐར་བྱེད་དང་། རྡོ་རྗེ་གཙུག་ཏོར་དང་། རྡོ་རྗེ་གནོད་མཛེས་རྒྱལ་པོ་ལ་སོགས་པ་བདུན་བཅུ་དང་། སྤྱན་མ་དང་། 
མཱ་མ་ཀཱི་དང་། གོས་དཀར་མོ་དང་། སྒྲོལ་མ་དང་། འོད་ཟེར་ཅན་དང་། དབྱངས་ཅན་མ་དང་། ཕག་ཞལ་མ་དང་། ཁྲོ་གཉེར་ཅན་དང་། རི་ཁྲོད་མ་དང་། དུག་སེལ་མ་དང་། ནོར་རྒྱུན་མ་དང་། དཀར་མོ་དང་། 
ཡིད་བཟང་མ་དང་། རྣམ་པར་རྒྱལ་མ་དང་། དཔལ་ཕྲེང་མོ་དང་། ས་འཛིན་བཟང་མོ་དང་། རྡོ་རྗེ་དབང་ཕྱུག་མ་ལ་སོགས་པ་སྟོང་ཕྲག་དྲུག་བརྒྱ་དང་ཐབས་ཅིག་ཏུ་བཞུགས་སྷོ། །དེའི་ཚེ་འཁོར་དེ་དག་ཐམས་
ཅད་ཀྱིས་བཅོམ་ལྡན་འདས་ལ་བླ་མ་དང་། བཀུར་སྟི་དང་། རིམ་གྲོར་བྱ་བའི་ཕྱིར་མཆོད་པ་དུ་མས་མཆོད་ཅིང་བསྔགས་པ་དུ་མས་བསྟོད་པར་བྱེད་དོ། །དེ་ནས་བཅོམ་ལྡན་འདས་ཐུབ་པ་ཆེན་པོ་ཐུགས་རྗེ་ཆེན་
པོ་ཡོངས་སུ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་ས་ཆེན་པོ་རྣམ་པ་དྲུག་ཏུ་གཡོས་ཤིང་ལྟས་བཅྭ་བརྒྱད་དུ་གྱུར་ཏོ། །དེའི་ལྟས་དེ་མཐོང་ནས་ལང་ཀའི་
རྒྱལ་པོ་སྒྲ་སྒྲོགས་ཤིན་ཏུ་སྙེམས་པ་དང་ལྡན་ནས་རང་གི་འཁོར་དུ་མ་དང་དེར་ལྷགས་སོ། །དེ་ནས་བཅོམ་ལྡན་འདས་སྒྲ་སྒྲོགས་ཀྱི་སེམས་ཀྱི་རྟོག་པ་ཐུགས་སུ་ཆུད་ནས་སྐུའི་གནས་ཐམས་ཅད་ནས་འོད་ཟེར་
བྱེ་བ་ཕྲག་དུ་མ་བྱུང་ངོ་། །འོད་ཟེར་དེ་དང་ས་གཡོས་པ་དེ་དག་གིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ཀྱང་གསལ་བར་གྱུར་ཏོ། །དེའི་ཚེ་སྒྲ་སྒྲོགས་སྙེམས་པ་དང་བཅས་པས་དེའི་

98-1-263a

འཁོར་ཐམས་ཅད་ཀྱིས་འཛམ་བུའི་གླིང་དུ་ཡམས་ནད་ལ་སོགས་པས་རྣམ་པར་འཚེ་བ་དེ་ཐུགས་ཀྱིས་དགོངས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་
ཕྱུག་གདོང་བཅུ་གཅིག་པ་དྲང་སྲོང་རིག་སྔགས་འཆང་བྱེ་བ་ཕྲག་བརྒྱ་སྟོང་དང་ལྷན་ཅིག་བཅོམ་ལྡན་འདས་ཀྱི་སྤྱན་སྔར་ལྷགས་ནས་ཞབས་ལ་སྤྱི་བོས་ཕྱག་འཚལ་ཏེ། གཡས་ཕྱོགས་སུ་བསྐོར་བ་བྱས་ནས་ཕྱོགས་གཅིག་
ཏུ་འཁོད་དོ། །དེ་ནས་སངས་རྒྱས་ཀྱི་མཐུས་ལྷའི་ཚོགས་རྣམས་ཀྱི་ནང་ནས་ལྷའི་བུ་རིན་པོ་ཆེ་པད་མའི་དྲ་བས་བརྒྱན་པ་ཞེས་བྱ་བ་བཞེངས་ཏེ་ཐལ་མོ་སྦྱར་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་
རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །ཀྱེ་མ་མགོན་པོ་ཐུགས་རྗེ་ཅན། །རིག་སྔགས་འཆང་བའི་ཚོགས་དང་བཅས། །ཆེ་བའི་བྱིན་བརླབས་ལྡན་པ་རྣམས། །སྒྲ་སྒྲོགས་སྙེམས་པ་གཞོམ་པ་དང་། །
ཉོན་མོངས་རྩད་ནད་གདོན་པ་དང་། །སེམས་ཅན་རྣམས་ལ་ཕན་པ་དང་། །བདག་ལ་ཤིན་ཏུ་སྨན་པའི་ཕྱིར། །སྐུ་དང་རྗེས་སུ་མཐུན་པ་ཡི། །རིག་སྔགས་སྦྱོར་བ་ཁྱད་པར་ཅན། །སྙིང་པོ་དམ་པ་བཤད་དུ་གསོལ། །དེ་ཚེ་འཁོར་
ཚོགས་ཐམས་ཅད་ཀྱིས། །མཁའ་ཕྱོགས་མེ་ཏོག་ཆར་གྱིས་བཀང་། །བཅོམ་ལྡན་ཐུབ་པའི་དབུ་ལ་ནི། །རིན་ཆེན་མེ་ཏོག་གདུགས་སུ་གྱུར། །ལྷ་རྣམས་གཙང་མར་སྦྱར་བ་ཡི། །ཡོན་ཆབ་བདུག་སྤོས་དྲི་དང་བཤོས། །ཅི་འབྱོར་
དད་པའི་སྟོབས་ཀྱིས་ཕུལ། །ཐུབ་པས་ནམ་མཁའི་མཛོད་དུ་བརླབས། །ལྷ་ཡི་བུ་མོ་དུ་མ་ཡིས། །རོལ་མོ་སིལ་སྙན་འཕན་གདུགས་དང་། །བླ་རེ་རྒྱལ་མཚན་ལྷབ་ལྷུབ་དང་། །ལྡ་ལྡི་ན་བཟའ་དུ་མས་མཆོད། །
དེ་ནས་མགོན་པོ་སྤྱན་རས་གཟིགས། །པད་མ་གཞོན་ནུའི་ཞལ་མངའ་བས། །བཞེངས་འཛུམ་ཐལ་མོ་སྦྱར་ནས་ནི། །སྟོན་པ་ལ་ནི་འདི་སྐད་གསོལ། །སྒྲ་སྒྲོགས་བཞིན་གྱིས་སྙེམས་པ་དང་། །མདའ་དང་

98-1-263b

རྩལ་གྱིས་དྲེགས་པ་སྟེ། །འདི་ནི་ལེགས་བརྩམས་ལས་བྱུང་མིན། །ཤིན་ཏུ་ལོག་པ་ལས་ཀྱང་མིན། །སྔོན་དུས་སངས་རྒྱས་གདོང་མཛེས་ཀྱི། །བསྟན་པ་ལ་ཡང་མགོ་བཏང་བའི། །བསོད་ནམས་གྲངས་ཀྱིས་བྱུང་བ་ཡིན། །
ལག་པ་དུ་མར་འཁྲུལ་པ་ནི། །ཟས་དང་སྣོད་དང་གོས་ནོར་རྒྱན། །བསྐལ་པ་བཞི་བཅུའི་མཆོད་སྦྱིན་ཏེ། །དེ་ནས་རྩལ་དང་ཤུགས་ཀྱང་ཡིན། །མདའ་ནི་བྷྲིཾ་གི་རི་ཏི་ཡི། །བྱིན་བརླབས་སྔོན་དུ་བྱེད་མོད་ཀྱང་། །གྲངས་
མེད་ཚུལ་ཁྲིམས་བྲལ་བས་ནི། །སྲིན་པོའི་རིགས་སུ་འཁྲུངས་པ་དང་། །འཁོར་བཅས་གཞན་ལ་གནོད་གྱུར་ཡིན། །ངས་ནི་ངང་ཚུལ་རྨད་བྱུང་བའི། །ལུས་ཀྱིས་བདེ་གཤེགས་སྦྱིན་པ་དང་། །སྒྲུབ་བརྩོན་ལེགས་བྱས་
མཐའ་ཡས་པ། །སྤྱོད་བཟང་ལ་གནས་བསྒྲལ་བའི་གྲངས། །གང་གཱ་ཀླུང་གིས་རྡུལ་དང་མཚུངས། །དེ་སྐད་འབྲས་བུ་དེ་ཙམ་སྟེ། །དང་པོའི་ལས་ཅན་ཅི་སྙེད་ལ། །ཕན་བདགས་གཞི་ནི་བྱ་བའི་ཕྱིར། །ཅུང་ཟད་བསྡུས་
ནས་བརྗོད་བྱ་སྟེ། །ལེགས་པར་ཉོན་ལ་ཡིད་ལ་ཟུང་། །སྔོན་ཚེ་འདས་དུས་བསྐལ་པ་ནི། །གང་གཱ་ཀླུང་བཅུའི་སྔ་རོལ་གྱི། །ཆེར་འདས་པ་ཡི་སྔ་རོལ་ན། །བདེ་གཤེགས་རྫོགས་སངས་རྒྱས་ཀྱི་མཚན། །མན་
དཱ་ར་ཡི་དྲི་ཞེས་བྱ། །འཇིག་རྟེན་སྟོན་པ་བྱུང་བའི་ཚེ། །བདག་ནི་ཁྱིམ་བདག་དྲག་པོར་གྱུར། །ཐུབ་པ་དེ་ལ་རིག་སྔགས་མནོས། །ཐོབ་མ་ཐག་ཏུ་བསྐལ་པའི་གྲངས། །བཞི་ཁྲི་སྙེད་ཀྱི་འཁོར་བ་སྙིལ། །དེ་རྗེས་
བསྐལ་པ་གང་གཱ་ཀླུང་། །བྱེ་བ་སྙེད་གཅིག་སྔ་རོལ་ན། །བདེ་གཤེགས་རྫོགས་སངས་རྒྱས་ཀྱི་མཚན། །ཐོགས་མེད་པད་མ་བརྒྱ་ཡི་སྤྱན། །གཙུག་ཏོར་ཡོན་ཏན་རབ་རྒྱས་པའི། །འོད་ཟེར་རྒྱལ་པོ་ཞེས་བྱ་བ། །འཇིག་
རྟེན་སྟོན་པ་བཞུགས་པའི་ཚེ། །བདག་ཉིད་དྲང་སྲོང་བདག་པོར་གྱུར། །རིག་སྔགས་འདི་མནོས་བསྒྲུབས་པ་ཡིས། །ཕྱོགས་བཅུའི་སངས་རྒྱས་ཞལ་མཐོང་ཞིང་། །སྐྱེ་མེད་ཆོས་ལ་བཟོད་པ་ཐོབ། །དེ་རྗེས་འདས་དུས་བསྐལ་

98-1-264a

པ་ནི། །བྱེ་བ་ཕྲག་བརྒྱའི་སྔ་རོལ་ན། །བདེ་གཤེགས་རྫོགས་སངས་རྒྱས་ཀྱི་མཚན། །ཚེ་དཔག་མེད་ཅེས་འཇིག་རྟེན་དུ། །སྟོན་པ་བྱུང་བ་བདག་གིས་མནོས། །དེ་ཚེ་ཕྱོགས་བཅུའི་སངས་རྒྱས་ཀྱིས། །བདག་
ལ་དབང་བསྐུར་ལུང་བསྟན་མཛད། །ཁྱོད་ཀྱི་སྔོན་དུ་བསྐལ་པའི་གྲངས། །བརྗོད་མི་ལང་ནས་རིག་སྔགས་ཕྱིར། །ཡང་དག་སྟོང་ཕྲག་སྟོང་སྙེད་ཀྱང་། །དང་པོའི་མཆོད་སྦྱིན་ཆེན་པོ་བྱས། །བྱེ་བ་ཕྲག་གྲངས་བཅུ་གཅིག་ཏུ། །
ཕྱོགས་བཅུའི་སངས་རྒྱས་དབང་བསྐུར་བླངས། །དེ་དང་དེ་ཡི་རྣམ་སྨིན་མཆོག །སངས་རྒྱས་ཞིང་ཁམས་རབ་འབྱམ་དུ། །ཡང་དང་ཡང་དུ་འབྱུང་བར་འགྱུར། །ཕྱིས་ནི་འདྲེན་པ་ཤཱཀྱ་ཞེས། །མི་མཇེད་འཇིག་རྟེན་
ཁམས་འཁྲུངས་ཚེ། །མི་ཡུལ་ལས་ཀྱང་ཁྱད་པར་དུ། །ཡི་དགས་གླིང་དུ་སྐྱེས་པ་འགའ། །གཏན་ལ་འདུད་འཕེལ་བྱ་བའི་ཕྱིར། །མཚན་མོ་མུན་ནག་སྤྲིན་རུམ་དུ། །སྐད་ཅིག་གློག་འགྱུ་ཅི་ལྟ་བར། །རིག་
སྔགས་འཆང་བ་གདོང་བཅུ་གཅིག །ཡན་ལག་སྟོང་དང་ལྡན་པ་ལ། །སྤྱན་ནི་ཆིག་སྟོང་སུམ་བཅུ་པའི། །མཚན་དང་ལྡན་པའི་སྐུ་འབྱུང་འགྱུར། །དེ་ཚེ་སྐལ་ལྡན་ལ་ལ་ཞིག །མཚན་ནས་བརྗོད་ཅིང་སྐུ་ལ་མོས། །
རིག་སྔགས་ཟློས་པ་པོ་གང་ཞིག །འཇིག་རྟེན་འདོད་པ་ཀུན་གྲུབ་ཅིང་། །ཕྱི་ནས་ཡེ་ཤེས་ཉིས་འགྱུར་རོ། །ལུང་བསྟན་དེ་སྐད་ཐོས་པའི་ཕྱིར། །སངས་རྒྱས་བྱེ་བ་ཕྲག་བཅུ་གཅིག །གྲངས་སྙེད་ཞལ་ནས་གསུངས་
པ་ཡི། །རིག་སྔགས་སྙིང་པོ་གདོང་བཅུ་གཅིག །མཐུ་ཆེན་ཐོགས་པ་མེད་པ་སྟེ། །འགྲོ་ལ་སྨན་ཅིང་བདེ་བ་དང་། །ནད་ཀུན་སེལ་བྱེད་སྡིག་ཀུན་སྦྱོང་། །བཀྲ་ཤིས་མེད་པ་ཀུན་ཟློག་ཅིང་། །རྨི་ལམ་མཚན་མ་ངན་
ཀུན་སེལ། །དུས་མིན་འཆི་དང་ངན་སེམས་ཟློག །རྟག་ཏུ་དཔལ་དང་སེམས་བདེ་ཐོབ། །མྱ་ངན་སྡུག་བསྔལ་ངལ་བ་སེལ། །རྩོད་འཁྲུག་ཐམས་ཅད་ཞི་བ་དང་། །བདུད་དང་གདོན་བགེགས་ཞི་བར་འགྱུར། །

98-1-264b

འཇིག་རྟེན་སྨོན་པ་ཀུན་གྲུབ་ཅིང་། །བདུད་དང་བར་ཆད་མཚོན་ཆའི་ནད། །དབྱིག་པ་བརྡེག་དང་བཅིང་བ་དང་། །བཙོན་རར་བཅུག་དང་མཚོན་ཆས་བརྩལ། །གསོད་སར་ཁྲིད་དང་ཡན་ལག་བཅད། །མིག་འབྲུ་མཚོན་གྱིས་
བཙབ་པ་དང་། །ཆུ་དང་མེ་དང་རླུང་ས་གཡོས། །དུག་དང་བྱད་སྟེམ་རོ་ལངས་དང་། །ཆོམ་རྐུན་མི་མ་ཡིན་རྣམས་གནོན། །རིག་སྔགས་འདི་ཡིས་བསྲུངས་པ་དང་། །ལེན་དང་འཛིན་དང་འདྲི་བ་དང་། །ཀློག་དང་ཁ་དོན་བཤད་
སོགས་རྣམས། །བརྩོན་ལ་འཇིག་རྟེན་ལྷར་བཅས་དང་། །བདུད་དང་ཚངས་པ་དགེ་སྦྱོང་དང་། །བྲམ་ཟེར་བཅས་པས་གནོད་པ་མེད། །སྔོན་གྱི་ལས་དྲག་ཡོད་པ་ཡང་། །བྱང་ཞིང་བསྲབས་ཏེ་མེད་པར་འགྱུར། །ངེས་པའི་
དངོས་པོ་འདི་ལགས་པས། །རིག་ནས་མངོན་སུམ་ཡིད་ཆེས་པར། །རྣམ་པར་རྟོག་མེད་སེམས་ཀྱིས་བླང་། །དེ་སླད་སྐྱབས་དང་སྐྱོབ་པ་དང་། །བསྲུང་དང་དབུགས་འབྱིན་དཔལ་མགོན་དང་། །གླིང་དང་ཁང་ཁྱིམ་འདི་ཉིད་ཡིན། །
ཉེ་རིང་ས་ཕྱོགས་ཅི་སྲིད་པར། །མཚམས་བཅད་ནས་ནི་རིག་སྔགས་དང་། །འབྱུང་པོ་རྣམས་ཀྱིས་འཚེ་བ་མེད། །གང་གིས་སངས་རྒྱས་ཕྱག་འཚལ་མཆོད། །སྐྱབསུ་འགྲོ་ཞིང་སྡིག་པ་བཤགས། །མངོན་པར་དགའ་
ཞིང་གཟུངས་སྔགས་འདིས། །ཉི་ཤུ་རྩ་གཅིག་བརྗོད་པ་ལ། །ཕྱོགས་བཅུའི་སངས་རྒྱས་མ་ལུས་པ། །མཚུངས་པར་ཡི་རང་ལེགས་པར་སྦྱིན། །རྩ་བ་བཞི་དང་མཚམས་མེད་ལྔ། །མ་ལུས་སྡིག་ཀུན་བྱང་བར་འགྱུར། །
གནོད་སྦྱིན་སྲིན་པོ་སོགས་སྣང་ཡང་། །བཟུང་ནས་བྱམས་པ་སྙིང་རྗེའི་སེམས། །དང་པོ་བསྐྱེད་ནས་བླ་མེད་ཀྱི། །བྱང་ཆུབ་སེམས་མཆོག་ས་ལ་དགོད། །གང་ག་ཀླུང་བརྒྱའི་སངས་རྒྱས་ཀྱི། །མཚན་ནས་བརྗོད་ཅིང་བསྟོད་
པ་བས། །རིགས་ཀྱི་བུ་འམ་བུ་མོ་གང་། །བདག་གི་མིང་བརྗོད་དྲན་བྱེད་ཅིང་། །རིག་སྔགས་རྒྱུན་དུ་བརྗོད་ན་དེ། །མྱུར་དུ་མཆོག་དགའི་ས་འཐོབ་ཅིང་། །ལག་པའི་མཐིལ་ནས་མཐོང་བ་ལྟར། །བླ་མེད་བྱང་ཆུབ་མྱུར་དུ་འབྱུང་། །

98-1-265a

རྩེ་གཅིག་དྲན་པས་གུས་བྱས་ཏེ། །རྟག་ཏུ་ནང་པར་སྔར་ལངས་ནས། །ཆོས་བཞིན་དུ་ནི་དགེ་བགྱིས་ཏེ། །བརྒྱ་རྩ་བརྒྱད་དུ་གང་བརྗོད་པ། །ཚེ་འདིར་ཕན་ཡོན་བཅུ་ཐོབ་འགྱུར། །རྟག་པར་ལུས་ལ་ནད་མེད་དང་། །
ལྷ་དང་སངས་རྒྱས་ཀུན་གྱིས་བསྲུང་། །ནོར་འབྲུ་རིན་ཆེན་གོས་རྙེད་དང་། །དགྲ་སྡང་དུལ་ཞིང་འཇིགས་མེད་དང་། །བཟའ་རྣམས་བཀུར་ཅིང་རིགས་བཙུན་ཐོབ། །དུག་དང་འདྲེ་གཤིན་གདོན་བྲལ་དང་། །ལུས་ལ་དྲི་ཞིམ་ཀུན་དགའ་དང་། །
བསམ་ངན་མི་སྙན་རྗོད་བྱེད་དང་། །རིམས་ནད་བྲལ་ཞིང་དགང་སླ་དང་། །དུས་མིན་འཆི་བ་སངས་པར་འགྱུར། །གཞན་ཡང་ཡོན་ཏན་བཞི་ཐོབ་སྟེ། །འཆི་ཁར་སངས་རྒྱས་ཞལ་མཐོང་དང་། །མཁའ་ལ་འོད་འབྱུང་ལྷས་མཆོད་དང་། །
ནམ་ཡང་ངན་འགྲོར་མི་འགྲོ་ཞིང་། །བདེ་བ་ཅན་ནམ་བདེ་འགྲོར་སྐྱེ། །རིག་སྔགས་འདི་དང་སངས་རྒྱས་ཀྱི། །ཡེ་ཤེས་སྙིང་པོ་འཛིན་པ་ལ། །བྱང་ཆུབ་སེམས་དང་སངས་རྒྱས་ཀྱི། །རྣམ་པར་ཐར་པའི་ཆོས་སྒོ་འཐོབ། །བསྐལ་
པ་དུ་མར་དགེ་བསགས་དང་། །རིག་སྔགས་འདི་རྙེད་འགྱུར་བ་སྟེ། །དད་ལྡན་ཁྲེལ་ཡོད་ངོ་ཚ་ཤེས། །བློ་བཟང་བརྩོན་ལྡན་སྙིང་རྗེ་ཆེ། །མདོག་དཀར་ངང་བཟང་གསོང་པོར་སྨྲ། །སེམས་འཇམ་ལུས་ངག་དལ་བར་སྤྱོད། །བླ་མ་
ལ་གུས་བརྟུལ་ཞུགས་ཆེ། །སྲེད་པ་ཆུང་ཞིང་སྦྱིན་ལ་དགའ། །སངས་རྒྱས་གུས་ཤིང་སེམས་བཅས་པས། །ཉིན་མཚན་རྒྱུན་དུ་རིག་སྔགས་འདོན། །བཅུ་བཞི་འམ་ནི་བཅོ་ལྔ་དང་། །ཁྱད་པར་དུ་ནི་ཚེས་བརྒྱད་ལ། །གསོ་སྦྱོང་སྐུ་ཡི་
མདུན་དུ་བླང་། །སྐྱོན་མེད་ཙན་དན་དཀར་སོགས་ཤིང་། །རིགས་བཟང་ལས་བྱས་སྐུ་གཟུགས་སམ། །ཡང་ན་ས་རྡོ་རིན་ཆེན་སོགས། །བཟང་ལས་བདེ་བར་གཤེགས་གཟུགས་བྱ། །ཡང་ན་རིས་སུ་བྲིས་ཀྱང་རུང་། །སྐུ་གཅིག་པོ་འམ་
ལྷ་ཚོགས་ཀྱི། །དཀྱིལ་འཁོར་རྒྱས་པར་བྱས་པ་ལ། །མངོན་སུམ་བཞིན་དུ་དམིགས་བྱས་ན། །མྱུར་དུ་མངོན་སུམ་མཐོང་བར་འགྱུར། །ཡོན་ཏན་ཀུན་གྱིས་བརྒྱན་པ་ཡི། །བུམ་པ་ཆུ་དང་བཅས་པ་ལ། །སྔགས་བརྗོད་པས་ནི་འདོད་

98-1-265b

དོན་ཀུན། །འགྲུབ་འགྱུར་ཐེ་ཚོམ་མི་བྱའོ། །ནད་དང་འཕྲོད་པའི་སྨན་རྣམས་ལ། །སྔགས་བཟླས་བཟའ་འམ་བྱུགས་པས་སམ། །བདུགས་པ་ཙམ་ཡང་གནོད་པ་སེལ། །སྲད་བུ་འམ་ནི་གོས་དག་དང་། །ཕྱག་རྒྱས་གདགས་
ཀྱང་དེ་བཞིན་ནོ། །འདོད་པ་གང་དང་གང་ལ་ཡང་། །མེ་ཡི་ལས་ཀྱི་སྦྱོར་བ་བྱ། །གསང་སྔགས་འདོད་འཛིན་ཡིད་བྱེད་པ། །བདག་ཀྱང་རྗེས་སུ་འཇུག་པར་བྱ། །དེ་སྐད་གསུངས་པའི་དེ་མ་ཐག །བྱང་ཆུབ་སེམས་དཔའ་
འཇམ་དབྱངས་ཀྱིས། །སྔགས་ཀྱི་ངོ་བོ་ཉིད་ལ་ནི། །ཆེད་དུ་བརྗོད་པ་འདི་བརྗོད་དོ། །ཨེ་མ་རང་བཞིན་མེད་པའི་ཆོས། །སྣ་ཚོགས་གཟུགས་སུ་སྣང་བ་ལ། །བརྗོད་རྟོག་བྲལ་བའི་སྐད་ཅིག་ནི། །ཞི་བའི་ཆེ་བ་ཉིད་ཡིན་ནོ། །སྲིད་
པ་དངོས་པོ་མེད་པ་ལ། །དམིགས་པར་བྱེད་པ་བསྒོམ་པའོ། །དམིགས་པ་མཐར་ཐུག་མེད་མཐོང་བ། །དེ་ནི་བསྒོམ་པའི་འབྲས་བུའོ། །ཀུན་དུ་བཟང་པོས་གསང་སྔགས་ཀྱི། །དོན་ལ་ཆེད་དུ་འདི་ལྟར་བརྗོད། །ཨེ་མ་སྐུ་
གསུམ་ཐ་དད་པར། །ལུས་ངག་ཡིད་ཀྱི་དོན་ལས་བྱུང་། །དོན་གཅིག་པ་ཡི་རྣལ་འབྱོར་གྱིས། །སྐུ་གཅིག་ཏུ་ནི་ངེས་པར་གཟུང་། །གང་ལ་གང་ཕན་བསྐྱེད་པ་ལ། །འཇའ་ཚོན་བཞིན་དུ་སྣང་མོད་ཀྱང་། །ཚིག་གིས་བརྗོད་
པའི་སྤྲུལ་ཙམ་སྟེ། །ཡེ་ཤེས་སྐུ་ལ་དབྱེ་བ་མེད། །སྒྲིབ་པ་རྣམ་སེལ་ལས་ལ་ནི། །ཆེད་དུ་བརྗོད་པ་འདི་ལྟར་བརྗོད། །ཨེ་མ་དངོས་པོ་ངོ་བོ་ཉིད། །མ་བྱུང་མ་སྐྱེས་མ་འགགས་པ། །སྐྱེ་འགག་ལྟ་བུའི་ཆོ་འཕྲུལ་ནི། །སྐུ་
དེས་ཕྱག་རྒྱ་སྔགས་སུ་སྣང་། །ཡོན་ཏན་ཆུ་ཡི་བརླབས་བཞིན་དུ། །སྐྱེ་བའི་ངོ་ལ་གསལ་བར་བྱེད། །ནན་ཏན་གྱིས་ནི་དེ་ཉིད་ཀྱང་། །རྒྱུ་བ་མེད་ཅིང་ཁོང་དུ་ཆུད། །བྱང་ཆུབ་སེམས་དཔའ་ས་སྙིང་གིས། །རྒྱུ་ལ་ཆེད་དུ་
འདི་བརྗོད་དོ། །ཨེ་མ་རང་བཞིན་རྣམ་དག་ལ། །ཐོག་མེད་བློའི་མུན་པའི་དབྱིངས། །རྣམ་རྟོག་བག་ཆགས་ཀྱིས་དཀྲུགས་ནས། །བློ་བུར་དཀར་ནག་ལས་སུ་སྣང་། །དཀར་པོ་སངས་རྒྱས་ཆོས་དགེ་འདུན། །དེ་ལ་སྒྲོ་བཏགས་

98-1-266a

བྱང་ཆུབ་སེམས། །དེ་ལས་བྱུང་བའི་ཕྲིན་ལས་ཀྱིས། །ཉོན་མོངས་ལས་ཀྱི་སྒྲིབ་པ་སྦྱོང་། །མགོན་པོ་བྱམས་པས་སྔགས་སྒྲུབ་ཀྱི། །ལམ་ལ་ཆེད་དུ་འདི་ལྟར་བརྗོད། །ཨེ་མ་གདོད་ནས་གྲོལ་ཞིའི་སེམས། །ཆུ་ལྟར་དང་
བར་སྣང་མོད་ཀྱང་། །སྣ་ཚོགས་འགྲོ་བའི་གཟུགས་བྱུང་བས། །མུན་པ་ཐིབས་པོས་རྣམ་པར་བསྒྱུར། །དེ་ཉིད་སེམས་ཀྱི་སྣང་བའི་ཕྱིར། །འབད་རྩོལ་མེད་པའི་སེཾས་ཀྱིས་གྲོལ། །རྩོལ་བ་སེམས་ཀྱི་དྲི་མས་ནི། །དྲི་མ་མེད་པའི་
སེམས་འཆིང་འགྱུར། །ནམ་མཁའི་སྙིང་པོས་སྔགས་མིང་ལ། །ཆེད་དུ་འདི་ལྟར་བརྗོད་པར་མཛད། །ཨེ་མ་སྟོང་པ་མཚན་མ་བྲལ། །ཁ་དོག་དབྱིབས་བྲལ་ཆོས་ཉིད་དག །དགའ་བའི་སེམས་ཆེན་གསལ་བྱེད་པ། །ཤེས་རབ་
ཆེན་པོའི་ཡི་གེ་མིན། །མཚན་དཔེ་ཡེ་ཤེས་བདེ་ལྡན་སྐུ། །གང་གང་དོན་དུ་དེ་སྣང་བ། །སྙིང་རྗེ་ཆེན་པོའི་རིང་ཤུགས་ཀྱིས། །འབྱུང་འགྱུར་ཡི་གེ་ཏ་ཡི་དོན། །བྱང་ཆུབ་སེམས་དཔའ་པད་མོས་ནི། །གནས་ལམ་འདི་ལྟར་
ཆེད་དུ་བརྗོད། །ཨེ་མ་རྒྱུ་རྐྱེན་ནམ་མཁའ་ལ། །ཉི་ཟླ་སྐར་རྒྱུན་འཁོར་བ་ཡིས། །གསལ་ནས་ཉིན་མཚན་བྱེ་བྲག་བརྗོད། །ཉོན་མོངས་མ་རིག་སྲེད་ལེན་གྱིས། །འདུ་བྱེད་སྲིད་པའི་ལས་བསྐུལ་ཏེ། །རྣམ་ཤེས་མིང་
གཟུགས་སྐྱེ་མཆེད་དྲུག །རེག་ཚོར་སྐྱེ་རྒ་ཤི་སྡུག་བསྔལ། །གསལ་བྱེད་དག་པ་གཉིས་ཀྱིས་དག །ཕྱག་ན་རྡོ་རྗེས་འབྲས་དོན་ལ། །ཆེད་དུ་བརྗོད་པ་འདི་བརྗོད་དོ། །ཨེ་མ་ཟབ་ཅིང་རྒྱ་ཆེ་བ། །སྔགས་མཐུ་བླ་ན་མེད་པ་ནི། །སངྱས་
མུ་སྟེགས་ཀྱིས་མི་ཤེས། །ཤེས་པ་ཉིད་ཀྱང་རྫས་མེད་ལ། །ཤེས་བྱ་རྫས་སུ་ག་ལ་ཡོད། །ཤེས་པ་ཡུལ་གྱི་རྣམ་པར་ནི། །རྟོག་པའི་གཟུང་འཛིན་གྱིས་བསྒོས་པ། །དེ་ཟད་ནས་ནི་གྲོལ་བར་འགྱུར། །དེ་ནས་རིག་པའི་ལྷ་མོའི་
ཚོགས། །སྤོས་དང་མེ་ཏོག་འཐོར་བྱེད་ཅིང་། །སྙན་པའི་སྔགས་ཀྱི་གླུ་ཡིས་ནི། །མགོན་པོ་སྤྱན་རས་གཟིགས་ལ་བསྟོད། །ཨོཾ་བཅོམ་ལྡན་མགོན་པོ་ཐུགས་རྗེ་སྤྱན་རས་གཟིགས། །ཞལ་གྲངས་མདོག་དབྱིབ་དུ་མ་ཅིར་ཡང་སྣང་། །

98-1-266b

སྟོང་དང་བརྒྱ་དང་བཅུ་གཅིག་དྲུག་དང་གཅིག །བྱམས་པའི་ཞལ་བཟང་མངའ་བའི་མགོན་ལ་འདུད། །སྤྱན་མའིའོ། །རབ་དགྱེས་ཞལ་མདོག་དུ་མ་ཅིར་ཡང་འགྱུར། །ལ་ལ་བྱམས་པ་སྙིང་རྗེ་དགའ་བའི་ཞལ། །ལ་ལ་
འདོད་རྨོངས་སེར་སྣ་ཆེན་པོའི་ཞལ། །ཁྲོ་སྡང་གཏུམ་ཆགས་ལྟ་ལྡན་ཕྱག་འཚལ་ལོ། །མཱ་མ་ཀཱིའིའོ། །ཕྱོགས་བཅུའི་སངས་རྒྱས་དབང་བསྐུར་རྫོགས་པའི་ཞལ། །བསྟན་པ་མེད་པའི་མཆོད་སྦྱིན་རྒྱལ་པོའི་ཕྱག །
མཛད་པ་གྲངས་མེད་ཆུབ་པའི་ཕྱག་རྒྱར་ལྡན། །གདན་གཉིས་ཞབས་གཉིས་གཤེགས་ལ་ཕྱག་འཚལ་ལོ། །ན་བཟའ་དཀར་མོའོ། །ཨོཾ་མཛད་པ་ཐུགས་རྗེའི་དབྱིངས་ལ་ཐུག་མེད་ཀྱང་། །རྩོམ་པ་རྒྱ་མཚོ་རྒྱུན་མི་ཆད་
མཛད་པས། །ཞིང་རྣམས་རྒྱ་མཚོ་རྣམ་པར་སྤྱོད་པ་ཡི། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །སྒྲོལ་མའོ། །ཨོཾ་ཉི་མ་གཟི་ལྡན་འོད་ཟེར་འགྱེད་པ་ལྟར། །འཇུག་དགོངས་མི་མངའ་ཀུན་རྟོག་མུན་
བྲལ་ཡང་། །བསྐལ་པ་རྒྱ་མཚོར་ཁྱད་པར་དོན་གསལ་བའི། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །འོད་ཟེར་ཅན་ནོ། །ཨོཾ་སེམས་ཀྱི་རྒྱུད་འགགས་མྱ་ངན་འདས་པའི་ཚེ། །འདོད་ཆགས་བྱུང་མ་
ཐག་ཏུ་ཡལ་བ་སྟེ། །ཉོན་མོངས་རྩ་བ་བཅད་ནས་ཕ་མཐའ་མེད། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །དབྱངས་ཅན་ནོ། །ཨོཾ་ཉོན་མོངས་བདག་ཏུ་བཟུང་ན་འཁོར་བར་སྐྱེ། །དེ་ལ་ཡང་ཡང་བརྟགས་ན་ངན་
འགྲོར་སྐྱེ། །རང་བཞིན་མེད་པར་ཤེས་ནས་གྲོལ་བར་འགྱུར། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ཕག་གདོང་མའིའོ། །ཨོཾ་ཆོས་རྣམས་དག་པར་མཐོང་ན་མཐོ་རིས་ཐོབ། །གཉིས་འཛིན་རྟོག་པ་
ཆད་ན་མྱ་ངན་འདའ། །སྒྱུ་མའི་སེམས་དང་ལྡན་ན་གཞན་དོན་འབྱུང་། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ཁྲོ་གཉེར་ཅན་མའོ། །ཨོཾ་རང་ཚུལ་སྤྱོད་ལ་ཆགས་པས་ས་བོན་རུལ། །གཞན་ཚུལ་དམན་

98-1-267a

པར་བརྗོད་པས་ཞིང་ས་ཚིག །ལུས་ངག་གཙང་སྦྲ་ཙམ་ལས་བྱང་ཆུབ་རིག །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ས་འཛིན་མའོ། །ཨོཾ་བདག་ལ་མུན་པའི་དུག་གིས་བརྒྱལ་བ་ལ། །བདག་མེད་
ཕྱོགས་བྲལ་ཡེ་ཤེས་བདུད་རྩི་སྨན། །ཕ་རོལ་ཕྱིན་བཅུ་སྤྱོད་དང་རྟོགས་སྩོལ་མཛད། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །དུག་སེལ་མའོ། །ཨོཾ་རང་ཚུལ་བཟང་སྤྱོད་ང་རྒྱལ་ཞེན་པ་མེད། །གཞན་སྤྱོད་
བཏང་སྙོམས་བྱས་ནས་རང་སེམས་སྤྱོད། །སྲེད་མེད་བཟོད་ལྡན་ངང་གིས་རྒོལ་བ་ལགས། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །རི་ཁྲོད་མའིའོ། ཨོཾ་ཁྲེལ་ཡོད་ངོ་ཚ་ཤེས་ཤིང་གཏོང་ལ་དགའ། །དད་དང་
ཐོས་ལྡན་ཚུལ་ཁྲིམས་ཤེས་རབ་བཟང་། །ཆོག་ཤེས་འདོད་ཆུང་འདི་དང་གཞན་དུ་ཕྱུག །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ནོར་རྒྱུན་མའི་འོ། །ཨོཾ་ཡི་གེ་འདྲི་མཆོད་སྦྱིན་ཉན་ཀློག་དང་འཆད། །ཁ་དོན་འཛིན་
སེམས་བསྒོམ་བརྩོན་དེ་ལ་ཆུའི། །ཁྲུས་སོགས་བསྨྱུང་གནས་དཀར་གཙང་ཡོན་ཏན་སྩོལ། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །དཀར་མོའི་འོ། །ཨོཾ་རང་སེམས་དུལ་ཞིང་ལུས་ངག་བག་ཡོད་སྤྱོད། །
འཇིག་རྟེན་འཇིག་རྟེན་འདས་མཆོད་དམ་པ་འཛིན། །ཐོས་བསམ་བསྒོམ་བརྩོན་དེ་ནི་དགྲ་ལས་རྒྱལ། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །རྣམ་པར་རྒྱལ་མའི་གླུའོ། །ཨོཾ་ཐ་དད་ཀྱིས་འཆིང་དབྱེར་མེད་
གྲོལ་བ་ཡི། །ཐབས་དང་ཤེས་རབ་བདེ་ཆེན་བྱང་ཆུབ་ལམ། །རྣམ་ཐར་ཡེ་ཤེས་མཐའ་ཡས་དཔལ་སྟེར་བ། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །དཔལ་ཕྲེང་མའི་གླུའོ། །ཨོཾ་བསམ་པ་བཟང་པོ་
གསེར་གྱི་ས་གཞི་ལ། །བྱང་ཆུབ་ཕྱོགས་ཆོས་དཔག་བསམ་ཤིང་ཆེན་འཁྲུངས། །ཡེ་ཤེས་ཐུགས་རྗེ་རྒྱུན་ཆུ་རླན་མཛད་པའི། །མགོན་པོ་སྤྱན་རས་གཟིགས་ལ་ཕྱག་འཚལ་ལོ། །ཡིད་བཟང་མའི་གླུའོ། །སྒྲ་སྒྲོགས་

98-1-267b

འཁོར་བཅས་འདར་གྱུར་ཏེ། །རླུང་གིས་བཏབ་པའི་རྩྭ་དང་མཚུངས། །ཐལ་མོ་སྤྱི་བོར་སྦྱར་ནས་སུ། །ཆེད་དུ་བརྗོད་པས་འདི་གསོལ་ཏོ། །ཨོཾ་མགོན་པོ་རང་བྱུང་བཅོམ་ལྡན་འདས། །གཙོ་བོ་རབ་ཏུ་ཆེ་བའི་ལྷ། །བསོད་ནམས་དུ་མས་བསྐྱེད་པའི་སྐུ། །ཡེ་ཤེས་
མཐའ་ཡས་ཐུགས་མངའ་བ། །བློ་ལྡན་སྲིད་མཐར་མཛད་པ་པོ། །ཚུལ་ལྡན་ཚུལ་ཁྲིམས་ལ་སྦྱོར་མཛད། །གཙང་ལྡན་བྲམ་ཟེ་ཚངས་པ་ཆེ། །མཛད་སྤྱོད་མཁའ་མཉམ་སྤྱོད་ཕྱག་འཚལ། །དེ་ནས་བཅོམ་ལྡན་ཐུབ་པ་ཆེ། །འཁོར་ལ་ལེགས་སོ་
ལེགསོ་ཞེས། །ཨོཾ་ཨཱཿཧྲཱིཿཧཱུཾ་སྭཱ་ཧཱ་བཅས། །ཡང་ཡང་བརྗོད་པས་བྱིན་གྱིས་བརླབས། །ལྕག་ཀྱུ་ཅན་གྱིས་ཉ་ར་ནས། །ཀླུ་ཕྱུགས་འབུམ་ཕྲག་འདྲེན་པ་ལྟར། །དགེ་སྦྱོང་ཀུན་སློང་དཀར་པོས་ནི། །བྱང་ཆུབ་རིན་ཆེན་གླིང་འཇོག་མཛད། །འཕགས་པ་
སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་གླེང་གཞིའི་ལེའུ་སྟེ་དང་པོའོ། ། དེ་ནས་བཅོམ་ལྡན་ཐུབ་པ་ཆེ། །མགོན་པོ་ཡང་དག་རྫོགས་སངས་རྒྱས། །སྣ་ཚོགས་སྣང་བ་ཞེས་བྱ་བའི། །ཏིང་ངེ་འཛིན་ལ་སྙོམས་
བཞུགས་ནས། །ཡན་ལག་ཆ་ཤས་ཐམས་ཅད་ལས། །འོད་ཟེར་སྣ་ལྔ་བྱེ་བ་ཕྲག །དྲུག་བཅུ་དྲུག་བཅུའི་མཐའ་གཞལ་བ། །གྲངས་མེད་དག་ནི་བཀྱེ་བར་མཛད། །ཞིང་ཁམས་གྲངས་མེད་བདུན་གྱི་མཐའ། །ཕྱོགས་བཅུ་མ་ལུས་ཐམས་ཅད་དུ། །
འོད་ཀྱིས་གང་ནས་འོད་དེ་ལས། །སྙན་པའི་ཚིག་བཅད་འདི་སྣང་ངོ་། །སངས་རྒྱས་དང་ནི་ཆོས་ལ་བསྙས་པ་སྤང་། །ལེ་ལོ་ཆེ་དང་སྤྱོད་པ་མཆོག་འཛིན་སྤང་། །འགྱོད་དང་ཆོས་ལ་མ་ངེས་འབྱེད་པ་སྤང་། །ང་རྒྱལ་ཆེ་དང་འདོད་ཆགས་སྤྱོད་པ་སྤང་། 
།འགྲོ་རྣམས་མེད་ན་བྱང་ཆུབ་ལམ་མེད་དོ། །འགྲོ་ལ་བརྟེན་ནས་བྱང་ཆུབ་ཆེ་ཐོབ་འགྱུར། །བྱང་ཆུབ་ཆེ་ལམ་ཐུགས་རྗེ་ཆེན་པོ་སྟེ། །འགྲོ་རྣམས་མེད་ན་གང་ལ་སྐྱེ་བར་འགྱུར། །
དེ་སྐད་གྲགས་པའི་དེ་མ་ཐག །ཕྱོགས་བཅུའི་ཞིང་བཞུགས་སངས་རྒྱས་སྲས། །བརྗོད་ཀྱིས་མི་ལང་གཙོ་བོ་མཆོག །སྤྱན་རས་གཟིགས་

98-1-268a

དབང་གྲངས་མེད་གཙོ། །ཐམས་ཅད་འཁོར་དང་བཅས་པ་རྣམས། །མི་མཇེད་ཞིང་འདིར་ལྷག་པར་གྱུར། །འདི་ནས་ཤར་ཕྱོགས་ཞིང་ཁམས་ནི། །གྲངས་མེད་བདུན་གྱི་མཐའ་ཉིད་ནས། །ཞིང་ཁམས་སེང་གེ་
སྤུངས་པར་ནི། །སངས་རྒྱས་སེང་གེ་རོལ་པ་ཡི། །དྲུང་དུ་བྱང་ཆུབ་སེམས་དཔའི་གཙོ། །སྤྱན་རས་གཟིགས་དབང་སེང་གེའི་སྒྲ། །མདོག་དཀར་ཤེལ་གྱི་རི་འདྲ་བ། །བྱང་ཆུབ་སེམས་མཆོག་བྱེ་བ་ཕྲག །བཅུ་
དང་ལྷན་ཅིག་མཁའ་ལ་གཤེགས། །ཀློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །དངུལ་གྱི་མེ་ཏོག་དུ་མས་
གཏོར། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོ་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་གཏི་མུག་མུན་པ་བཅོམ། །
ཤེས་རབ་མཐའ་ཡས་གསལ་བར་མཛད། །བདག་ཀྱང་སྙིང་པོ་འདི་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ཨོཾ་ཧྲཱི་སིཾ་ཧ་ནཱ་དྷ་ཧཱུྃ་ཕཊ། །སྙིང་པོ་དེ་སྐད་ཕུལ་ནས་ཀྱང་། །ཐུབ་པ་ག་ལ་དེ་ལོགས་སུ། །འཁོར་
བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །ལྷོ་ཡི་ཕྱོགས་ཀྱི་ཞིང་ཁམས་མཆོག །གྲངས་མེད་བདུན་གྱི་མཐའ་ཉིད་ཀྱི། །ཞིང་ཁམས་རིན་ཆེན་བརྩེགས་པ་ན། །སངས་རྒྱས་རིན་
ཆེན་དཔལ་བཞུགས་པའི། །དྲུང་དུ་བྱང་ཆུབ་སེམས་དཔའི་གཙོ། །སྤྱན་རས་གཟིགས་དབང་ཡིད་བཞིན་གྱི། །ནོར་བུ་འཁོར་ལོས་བསྒྱུར་བ་བྱེད། །གསེར་གྱི་རི་བོ་མདོག་འདྲ་བ། །བྱང་ཆུབ་སེམས་ཚོགས་བྱེ་བ་ཕྲག །
བཅུ་དང་ལྷན་ཅིག་མཁའ་ལ་གཤེགས། །ཀློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །རིན་ཆེན་གསེར་གྱི་མེ་ཏོག་ནི། །

98-1-268b

རྒྱ་ཆེ་དུ་མ་འཐོར་བར་བྱེད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེ་བའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་སེར་སྣ་འཆིང་བ་བཅད། །
སྦྱིན་པའི་འབྱུང་གནས་གཏེར་ཆེན་རྡོལ། །བདག་ཀྱང་སྙིང་པོ་འདི་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ཨོཾ་པདྨ་དྷ་ར་དྷ་ཀེ་ཧཱུྃ་ཕཊ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགསུ། །འཁོར་བཅས་
དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །ནུབ་ཀྱི་ཕྱོགས་ཀྱི་ཞིང་ཁམས་མཆོག །གྲངས་མེད་བདུན་གྱི་མཐའ་ཉིད་ཀྱི། །ཞིང་ཁམས་པད་མོ་བརྩེགས་པ་ན། །སངས་རྒྱས་པད་མའི་
འབྱུང་གནས་བཞུགས། །དྲུང་དུ་བྱང་ཆུབ་སེམས་དཔའི་གཙོ། །སྤྱན་རས་གཟིགས་དབང་ཐུགས་རྗེ་ཅན། །པད་མ་ནིར་ཏེ་ཤྭ་རི་གཙོ། །པད་མ་རཱ་གའི་རི་འདྲ་བ། །བྱང་ཆུབ་སེམས་ཚོགས་བྱེ་བ་ཕྲག །བཅུ་དང་ལྷན་ཅིག་
མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །པད་མ་རཱ་གའི་མེ་ཏོག་ནི། །རྒྱ་ཆེ་དུ་མ་འཐོར་བར་མཛད། །
བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་འདོད་ཆགས་འདམ་རྫབ་བསམས། །
ཚུལ་ཁྲིམས་བྱུག་སྤོས་ཆར་དུ་ཕབ། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ཨོཾ་པདྨ་ནིར་ཏེ་སྭ་ར་ཧྲཱིཿཧཱུྃ་ཕཊ། སྙིང་པོ་དེ་སྐད་ཕུལ་ནས་ཀྱང་། ཐུབ་པ་ག་ལ་དེ་ལོགསུ། །འཁོར་བཅས་དགའ་བའི་
ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །བྱང་གི་ཕྱོགས་ཀྱི་ཞིང་ཁམས་མཆོག །གྲངས་མེད་བདུན་གྱི་མཐའ་ཉིད་ཀྱི། །ཞིང་ཁམས་རྡོ་རྗེ་བཀོད་པ་ན། །སངས་རྒྱས་རྡོ་རྗེ་ཐོགས་མེད་བཞུགས། །

98-1-269a

དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །ཐུགས་རྗེ་ཆེན་པོ་མི་ཤོལ་བ། །རིན་ཆེན་མར་གད་རི་བོ་འདྲ། །བྱང་ཆུབ་སེམས་ཚོགས་བྱེ་བ་ཕྲག །བཅུ་དང་ལྷན་ཅིག་མཁའ་ལ་གཤེགས། །
གློག་འགྱུ་བཞིན་དུ་ཞིང་འདིར་བྱོན། །མཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །མ་ར་ག་ཏའི་མེ་ཏོག་ནི། །རྒྱ་ཆེ་དུ་མ་འཐོར་བར་མཛད། །བདེ་བར་གཤེགས་
སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཤད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་ལེ་ལོའི་ནགས་ཚལ་བསྲེགས། །བརྩོན་འགྲུས་བསྐུལ་བའི་
མེ་ཕུང་སྦར། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོག་བགྱིད་དོ། །ཨོཾ་རཏྣ་ཨ་གྲ་ཨ་པྲ་ཏི་ཧ་ཏ་ཧཱུྃ་ཕཊ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་
ཚུལ་གྱིས་ནི། །པུས་བཙུག་ཐལ་མོ་སྦྱར་ནས་བཞུགས། །བྱང་ཤར་ཕྱོགས་ཀྱི་ཞིང་ཁམས་མཆོག །གྲངས་མེད་བདུན་གྱི་མཐའ་ཉིད་ཀྱི། །ཞིང་ཁམས་གཏེར་ཆེན་བརྩེགས་པ་ན། །སངས་རྒྱས་དོན་ཡོད་འབྱུང་གནས་
བཞུགས། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །རྗེ་བཙུན་དོན་ཡོད་ཞགས་པ་ཅན། །ཤེལ་གྱི་རི་བོའི་མདོག་འདྲ་བ། །བྱང་ཆུབ་སེམས་ཚོགས་བྱེ་བ་ཕྲག །བཅུ་དང་ལྷན་
ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །རིན་ཆེན་ཤེལ་གྱི་མེ་ཏོག་ནི། །རྒྱ་ཆེ་དུ་མ་འཐོར་
བར་བྱེད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་ཞེ་སྡང་རི་བོ་བཅོམ། །བཟོད་པའི་

98-1-269b

ཉི་མ་ལྷ་ངེར་མཛད། །བདག་ཀྱང་སྙིང་པོ་འདི་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ཨོཾ་ཧྲཱིཿཏྲཻ་ལོཀྱ་བི་ཛ་ཡ་ཨ་མོ་གྷ་པཱ་ཤ་ཨ་པྲ་ཏི་ཧ་ཏ་ཧྲཱིཿཧ་ཧཱུྃ་ཕཊ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་
སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །ཤར་ལྷོའི་ཕྱོགས་ཀྱི་ཞིང་ཁམས་མཆོག །གྲངས་མེད་བདུན་གྱི་མཐའ་ཉིད་ཀྱི། །ཞིང་ཁམས་བདུད་རྩི་བརྩེགས་པ་ན། །སངས་
རྒྱས་སྨན་གྱི་འབྱུང་གནས་བཞུགས། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །རྗེ་བཙུན་ཧ་ལ་ཧ་ལ་ཆེ། །པུ་ཤ་ར་ཀའི་རི་བོ་འདྲ། །བྱང་ཆུབ་སེམས་མཆོག་བྱེ་བ་ཕྲག །བཅུ་དང་
ལྷན་ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་འདས་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །པུ་ཤ་ཀ་རའི་མེ་ཏོག་ནི། །རྒྱ་ཆེ་དུ་མ་འཐོར་བར་
བྱེད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་ཕྲག་དོག་དུག་སྡོང་སྦྲུལ། །བསམ་གཏན་
བདུད་རྩི་རྒྱ་མཚོ་རླབས། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ཨོཾ་ཧ་ལ་ཧ་ལ་ཧྲཱིྃ་པདྨ་གརྦྷ་ཧཱུྃ་ཕཊ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ་པ་ག་ལ་དེ་ལོགས་སུ། །འཁོར་བཅས་
དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །ལྷོ་ནུབ་ཕྱོགས་ཀྱི་ཞིང་ཁམས་མཆོག །གྲངས་མེད་བདུན་གྱི་མཐའ་ཉིད་ན། །ཞིང་ཁམས་པད་མས་བརྒྱན་པ་ན། །སངས་རྒྱས་པདྨའི་སྙིང་པོ་བཞུགས། །དྲུང་དུ་
བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །རྗེ་བཙུན་པད་མ་སྤྱན་གྱི་ལུང་། །ཟངས་མ་ཞུན་གྱི་རི་བོ་འདྲ། །བྱང་ཆུབ་སེམས་མཆོག་བྱེ་བ་ཕྲག །བཅུ་དང་ལྷན་ཅིག་མཁའ་ལ་གཤེགས། །གློག་འགྱུ་

98-1-270a

བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །ཟངས་མ་ཞུན་གྱི་མེ་ཏོག་ནི། །རྒྱ་ཆེ་དུ་མ་འཐོར་བར་བྱེད། །བདེ་བར་གཤེགས་སོ་རྫོགས་སངས་
རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བ་རྨོངས་པའི་ཐིབས་པོ་བཅོམ། །སྣ་ཚོགས་ཐབས་ཀྱི་རླུང་ཆེན་འཕྱོ། །བདག་ཀྱང་སྙིང་པོ་དེ་
ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ཨོཾ་པདྨ་ཨ་ལྃ་ཀཱ་ར་ཧཱུྃ་ཕཊ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་
བཞུགས། །ནུབ་བྱང་ཕྱོགས་ཀྱི་ཞིང་ཁམས་མཆོག །གྲངས་མེད་བདུན་གྱི་མཐའ་ཉིད་ན། །ཞིང་ཁམས་སྟོང་བརྒྱ་ཞེས་བྱ་བར། །སངས་རྒྱས་དམ་ཚིག་དཔལ་བཞུགས་སོ། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་
སྤྱན་རས་གཟིགས་དབང་ནི། །རྗེ་བཙུན་རྡོ་རྗེ་ཆོས་དབང་ཕྱུག །ནོར་བུ་སྤུག་གི་ཁ་དོག་འདྲ། །བྱང་ཆུབ་སེམས་མཆོག་བྱེ་བ་ཕྲག །བཅུ་དང་ལྷན་ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་
ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །སྤུག་གི་སྙིང་པོའི་མེ་ཏོག་ནི། །རྒྱ་ཆེ་དུ་མ་འཐོར་བར་བྱེད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །
རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་མནར་སེམས་ཞེན་པ་བསལ། །མཐུ་སྟོབས་ཆེན་པོའི་རྡོ་རྗེས་བཏབ། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་
གྲོགས་བགྱིད་དོ། །ཨོཾ་བཛྲ་དྷརྨ་དྷཱ་ཏུ་ཧཱུྃ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །སྟེང་གི་ཕྱོགས་ཀྱི་ཞིང་ཁཾས་མཆོག །

98-1-270b

གྲངས་མེད་བདུན་གྱི་མཐའ་ཉིད་ན། །ཞིང་ཁམས་གཙུག་ཏོར་བརྩེགས་པ་ན། །སངས་རྒྱས་གཙུག་ཏོར་རྒྱལ་པོ་བཞུགས། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །ཧ་རི་ཧ་རི་ཧ་རི་ལ། །ཞོན་ཞེས་
རབ་ཏུ་གྲགས་པ་ཡི། །རྗེ་བཙུན་ཆོས་ཀྱི་གཙུག་ཏོར་དེ། །ཨིན་དྲ་ནཱི་ལའི་རི་བོ་མདོག །བྱང་ཆུབ་སེམས་ཚོགས་བྱེ་བ་ཕྲག །བཅུ་དང་ལྷན་ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་
ཐུབ་པ་ལ། །ཕྱག་འཚལ་བསྐོར་བ་དུ་མ་བྱས། །འདབ་མ་སྟོང་དང་ལྡན་པ་ཡི། །ཨིན་དྲ་ནཱི་ལའི་མེ་ཏོག་ནི། །རྒྱ་ཆེ་དུ་མ་འཐོར་བར་མཛད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །
རྨད་བྱུང་ཆེན་པོའི་ཚིགས་བཅད་ཀྱིས། །ཞིང་རྣམས་རྣམ་པར་གཡོས་པར་འགྱུར། །འགྲོ་བའི་ལོག་ལྟའི་སྒྲིབ་གཡོགས་སེལ། །དག་པའི་སྨོན་ལམ་འཁོར་ལོ་བསྐོར། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་
ཉིད་གྲོགས་བགྱིད་དོ། །ཨོཾ་བྷྲུྃ་ཧྲཱིཿཧ་ཧཱུྃ་སྭཱ་ཧཱ། སྙིང་པོ་དེ་སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །འོག་གི་ཕྱོགས་ཀྱི་ཞིང་ཁཾས་
མཆོག །གྲངས་མེད་བདུན་གྱི་མཐའ་ཉིད་ན། །ཞིང་ཁམས་ཟ་མ་ཏོག་མཛེས་ན། །སངས་རྒྱས་གནོན་པའི་དཔལ་བཞུགས་སོ། །དྲུང་དུ་བྱང་ཆུབ་སེམས་དཔའི་གཙོ། །མགོན་པོ་སྤྱན་རས་གཟིགས་དབང་ནི། །རྗེ་བཙུན་མགྲིན་
པ་སྔོན་པོ་རྒྱལ། །ཨན་ད་རྙིལ་གྱི་རི་བོ་འདྲ། །བྱང་ཆུབ་སེམས་ཚོགས་བྱེ་བ་ཕྲག །བཅུ་དང་ལྷན་ཅིག་མཁའ་ལ་གཤེགས། །གློག་འགྱུ་བཞིན་དུ་ཞིང་འདིར་བྱོན། །བཅོམ་ལྡན་མགོན་པོ་ཐུབ་པ་ལ། །ཕྱག་འཚལ་བསྐོར་བ་
དུ་མ་བྱས། །འདབ་མ་སྟོང་དང་ལྡན་པ་ཡི། །ཨན་དྷ་རྙིལ་གྱི་མེ་ཏོག་ནི། །རྒྱ་ཆེ་དུ་མ་འཐོར་བར་མཛད། །བདེ་བར་གཤེགས་སོ་རྫོགས་སངས་རྒྱས། །འོད་ཟེར་ངོ་མཚར་ལྡན་པ་དང་། །རྨད་བྱུང་ཆེན་པོའི་ཚིགས་བཅད་ཀྱིས། །

98-1-271a

ཞིང་རྣམས་རྣམ་པར་གཡོས་པར་འགྱུར། །འགྲོ་བའི་ཤེས་བྱའི་སྒྲིབ་ནག་སེལ། །ཡེ་ཤེས་རལ་གྲིས་རྩ་བ་བྲེགས། །བདག་ཀྱང་སྙིང་པོ་དེ་ཡི་མཐུས། །ཕྲིན་ལས་འདི་ཉིད་གྲོགས་བགྱིད་དོ། །ཨོཾ་མ་ཎི་པདྨེ་ཧཱུྃ། སྙིང་པོ་དེ་
སྐད་ཕུལ་ནས་ཀྱང་། །ཐུབ་པའི་ག་ལ་དེ་ལོགས་སུ། །འཁོར་བཅས་དགའ་བའི་ཚུལ་གྱིས་ནི། །པུས་བཙུགས་ཐལ་མོ་སྦྱར་ནས་བཞུགས། །སྤྱན་རས་གཟིགས་དབང་ཚོགས་འདུས་ནས། །རིག་སྔགས་མཐུ་ཆེན་འཆད་པ་དང་། །
གཞན་དོན་རྫོགས་པར་མཛད་པ་དེའི། །ཤིན་དུ་དགའ་བར་མཛད་པ་ལ། །ཕྱོགས་བཅུའི་སངས་རྒྱས་ཐམས་ཅད་ཀུན། །ཕྱག་རྒྱ་ནས་ནི་སྤྱི་བོར་བཞག །འཛུམ་པའི་མདངས་ཀྱིས་ལེགས་སོ་བྱིན། །ནམ་མཁའ་སྙན་པ་
ཡིས་ཀྱང་བཀང་། །དེ་ཚེ་ཕྱོགས་བཅུར་བཞུགས་པ་ཡི། །ཁྲོ་བོ་རྒྱལ་པོ་མ་ལུས་རྣམས། །ས་སྟེང་ཐམས་ཅད་གར་གྱིས་བཀང་། །གཡས་བརྐྱང་གཡོན་བརྐྱང་ཟླ་གམ་དང་། །ཟླུྃ་པོ་གྲུ་བཞི་གྲུ་གསུམ་འགོས། །ཆོད་དང་གྲེད་ཆོངས་
ཧྲིལ་པོ་དང་། །རྡོབས་དང་བཙིར་བའི་ཚུལ་གྱིས་སུ། །བགེགས་རྣམས་སྟབས་ཀྱིས་ཚར་གཅོད་མཛད། །ལག་པ་ཐལ་སྦྱར་ཕྱེ་བཙུམ་བསྐྱེད། །སོར་མོ་གཅིག་སྣོལ་གཅིག་འཁྱུད་དང་། །ཀུན་བསྣོལ་ཀུན་འཁྱུད་ཀུན་གདེངས་
དང་། །རྒྱབ་བསྣོལ་རེས་འཁྱུད་ཀུན་འཁྱུད་དང་། །རེ་མོས་འཁྱུད་སྒྲིང་ཀུན་སྒེད་དང་། །མཉམ་བཞག་དང་ནི་མཆོག་གི་རྒྱ། །ས་གནོན་སྐྱབས་སྦྱིན་མཆོག་སྦྱིན་སོགས། །ཕྱག་རྒྱ་དུ་མ་བགེགས་སེལ་མཛད། །གཞན་ཡང་
འཇིག་རྟེན་སྐྱོང་བའི་ཚོགས། །མ་ལུས་འཁོར་དང་བཅས་པ་རྣམས། །གདོངས་བཅུ་གཅིག་པ་ཞེས་བྱ་བའི། །སྔ་ན་མེད་པའི་རིག་སྔགས་རྨད། །ངོ་མཚར་འབྱུང་ཞེས་ཐོས་མ་ཐག །ལུས་ཀྱང་ཤིན་དུ་འདར་གྱུར་ནས། །རྒྱལ་མཆོག་
གཙོ་བོ་དྲུང་ལྷགས་ཏེ། །ཕྱག་འཚལ་ཐལ་མོ་སྦྱར་ནས་ནི། །སྤྱན་སྔར་འདུག་ཏེ་འདི་སྐད་གསོལ། །གང་ཞིག་གདོད་ནི་བཅུ་གཅིག་པའི། །རིག་སྔགས་ལན་ཅིང་འཛིན་པ་དང་། །རྒྱུན་དུ་འདོན་དང་ཡིད་ལ་བྱེད། །འཇིག་རྟེན་

98-1-271b

མགོན་པོ་སྤྱན་རས་གཟིགས། །དཀྱིལ་འཁོར་ཆེན་པོའི་ཚོགས་འདི་རྣམས། །གང་གིས་ཡིད་ལ་བྱེད་པ་འམ། །ཡང་ན་ཇི་ཙམ་དྲན་ཡང་རུང་། །དགེ་ལྡན་རིགས་ཀྱི་བུ་དེ་ནི། །ཕྱོགས་བཅུ་རྒྱལ་བ་རྣམས་ཀྱི་སྲས། །བྱང་ཆུབ་སེམས་དཔའ་
རྣམས་ཀྱི་བཤེས། །རིག་པའི་ལྷ་མོ་རྣམས་ཀྱི་ཡབ། །བྱིས་པ་རྣམས་ཀྱི་གཉེན་ཡིན་ནོ། །བདག་ཅག་རྣམས་ནི་དེ་ཡི་འབངས། །སྐྱེས་བུ་ཁྱུ་མཆོག་ཆེན་པོ་སྟེ། །བསོད་ནམས་རྣམས་ཀྱི་གཏེར་ལྡན་ཞིང་། །དེ་ཡི་ཚུལ་ཁྲིམས་རལ་
བ་མེད། །མི་དེ་སྐྱེ་བ་དོན་ཡོད་དེ། །ལྷ་གནས་དག་ནས་སྤུ་གསེབ་ཏུ། །ཡེ་ཤེས་འོད་ཟེར་བདུད་རྩི་འཛུད། །འཇིག་རྟེན་འདི་ཡི་ནད་རིགས་དང་། །གདོན་རིགས་ཅི་སྙེད་ཡོད་པ་འམ། །རིག་སྔགས་བྱད་ལྟེམས་མ་ལུས་པས། །དེ་ལ་
ཚུགས་པར་མི་འགྱུར་རོ། །ཆོ་ག་བཞིན་དུ་སྤྱད་པ་ཡིས། །ཚངས་པའི་ཚེ་ཚད་གནས་ནས་ཀྱང་། །ཤི་བ་སེམས་བརྒྱལ་མེད་པར་ནི། །གནས་འཕོ་ཚུལ་གྱིས་མཐོ་རིས་འཇུག །རྒྱལ་བའི་ཞིང་དུ་གཤེགས་ནས་ཀྱང་། །རྒྱལ་བ་
རྣམས་ལ་ཆོས་ཉན་ཅིང་། །རྒྱལ་སྲས་རྣམས་དང་སྟོབས་གཅིག་ཏུ། །སྟོབས་དང་མི་འཇིགས་པ་བརྙེས་ཏེ། །མཚན་དང་དཔེ་བྱད་ལྡན་གྱུར་ནས། །སྐད་ཅིག་གློག་འགྱུ་ཅི་བཞིན་དུ། །འགྲོ་བ་མ་ལུས་དག་བྱེད་ཅིང་། །ཞིང་རྣམས་མ་
ལུས་དག་པར་བྱེད། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས་ལྷ་བྱུང་བའི་ལེའུ་སྟེ་གཉིས་པའོ།། །། དེ་ནས་ལག་ན་རྡོ་རྗེ་འཛིན། །བཞེངས་ཏེ་ཐལ་སྦྱར་ཐུབ་
པ་ལ། །ཕྱག་འཚལ་ཕྱོགས་སུ་འཁོད་ནས་ནི། །གསང་བ་བསྟོད་ནས་ཚིག་འདི་གསོལ། །ཕྱོགས་བཅུར་བཞུགས་པའི་རྒྱལ་དབང་པོ། །མགོན་པོ་སྤྱན་རས་གཟིགས་དབང་ཀུན། །རང་རང་གནས་ནས་གཤེགས་ནས་བྱོན། །
འགྲོ་བ་ཐུགས་བརྩེ་ཆེན་པོ་ཡིས། །སྙིང་པོ་བྱིན་བརླབས་ལྡན་ལ་གསོལ། །རྨད་དུ་བྱུང་བའི་སྙིང་པོ་ལ། །ཕྱོགས་བཅུའི་རྒྱལ་བ་སྲས་བཅས་དང་། །རིག་པ་འཛིན་རྣམས་འཐུན་པར་དགྱེས། །འོན་ཀྱང་འགྲོ་རྣམས་བཟུང་བ་

98-1-272a

དང་། །དངོས་གྲུབ་ཐམས་ཅད་མྱུར་བ་དང་། །སྙིང་པོ་མཐུ་དང་ལྡན་པའི་ཕྱིར། །མགོན་པོ་ཐུགས་རྗེ་ཆེ་རྣམས་ཀྱི། །བྱིན་བརླབས་ལྡན་པ་རྩ་བའི་སྔགས། །འདྲེན་པ་དེ་རིང་བཤད་དུ་གསོལ། །རིག་སྔགས་ཉི་མ་ཟླ་
བའི་འོད། །རྩ་བའི་སྔགས་ཀྱིས་སྤྲིན་བྲལ་བྱེད། །འགྲོ་ལ་ཐུགས་བརྩེ་མཛད་པ་དང་། །བདག་ལ་ཕན་པའི་དོན་སླད་དུ། །རྒྱལ་བ་མྱ་ངན་ཀུན་བྲལ་བ། །རྩ་བའི་གཟུངས་སྔགས་བཤད་དུ་གསོལ། །དེ་ནས་བཅོམ་ལྡན་ཐུབ་པ་
ཆེས། །སྡིག་པ་ཀུན་མྱུར་སྒྲོལ་བྱ་བའི། །ཏིང་ངེ་འཛིན་ལ་སྙོམས་ཞུགས་ནས། །སྐུ་གསུང་ཐུགས་ཀྱི་ཐུགས་རྗེ་ལས། །སྤྱན་རས་གཟིགས་དབང་སེང་གེའི་སྒྲ། །རྩ་བའི་རིག་སྔགས་འདི་གསུངས་སོ། །ན་མོ་རཏྣ་ཏྲ་ཡཱ་ཡ། 
ན་མཿཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏད་ཡ་ཐཱ། ཨོཾ་ཨ་ཀ་ཊེ་བི་ཀ་ཊེ། ཎི་ཀ་ཊེ། ཊི་ཀ་ཊེ། ཀ་ཊྃ་ཀ་ཊེ། ཀ་རོ་ཊེ་བིརྱ་སྭཱ་ཧཱ། ཡོན་ཏན་ཡེ་ཤེས་ཚོགས་རྣམས་ཀུན། །རིག་
སྔགས་འདིས་ནི་ངེས་པར་བསྐྱེད། །ཁྱད་པར་དུ་ནི་མཛེ་ནད་ལ། །རྩྭ་ལས་བྱུང་བའི་མེ་བཞིན་ནོ། །རྟོག་ལྡན་རྣམ་ཤེས་བརྒྱད་ཀྱི་གཞི། །སྦྱོར་ཕྱིར་མཎ་ཌལ་ལྷམ་པ་བརྒྱད། །བ་སེར་སྐྱ་ཡི་བདུད་རྩིས་བྱུག །ཡན་ལག་བཅུ་གཉིས་
མགོར་བཅས་པའི། །སྔགས་གྲངས་བྱིན་གྱིས་བརླབས་བྱུགས་ནས། །ལྷག་མ་ཡན་ལག་ཐིག་ལེར་བྱ། །ཅུང་ཟད་ལྕེ་ལ་མྱང་བས་ནི། །དུས་དུས་སུམ་བརྒྱ་དྲུག་བཅུའི་ཚད། །ཉི་མ་གྲངས་ཀྱིས་དག་ནས་ནི། །ལོ་གཅིག་
དུས་སུ་རྟོགས་ལྡན་འགྱུར། །དེ་ནས་བཅོམ་ལྡན་ཐུབ་པ་ཆེ། །དཔལ་བསྐྱེད་འཚེ་བ་བཟློག་པ་ཡི། །ཏིང་ངེ་འཛིན་ལ་སྙོམས་ཞུགས་ནས། །སྐུ་གསུང་ཐུགས་ཀྱི་རྡོ་རྗེ་ལས། །མགོན་པོ་ཡིད་བཞིན་འཁོར་ལོ་ཡི། །རྩ་བའི་
རིག་སྔགས་འདི་གསུངས་སོ། །ན་མོ་རཏྣ་ཏྲ་ཡཱ་ཡ། ན་མཿཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ།  མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ།  ཨོཾ་ཙཀྲ་ཝརྟི་པདྨ་ཙནྟ་མ་ཎི་ཛྭ་ལ་མ་ཧཱ་པདྨ་རུ་རུ་ཏིཥྛ་ཛྭ་ལ་ཨཱ་ཀར་ཥཱ་ཡ་

98-1-272b

ཧྲཱིཿཧཱུྃ་ཕཊ་སྭཱ་ཧཱ། འཇིག་རྟེན་འཇིག་རྟེན་འདས་པ་ཡི། །གློ་བུར་གནོད་པ་བསལ་བའི་ཕྱིར། །བདུན་ཕྲག་སྔགས་གྲངས་དང་མཉམ་པའི། །ཡུང་ཀར་སེར་པོ་བརྒྱ་རྩ་བརྒྱད། །རང་གི་ལུས་སམ་ཡན་ལག་ལ། །མཆོད་
དང་བཅས་པས་གདགས་པར་བྱ། །དེ་ལ་ཡང་ཡང་གསོལ་བ་གཏབ། །དེ་ནས་བཅོམ་ལྡན་ཐུབ་པ་ཆེས། །ཁམས་གསུམ་དབང་དུ་བྱ་བ་ཡི། །ཏིང་ངེ་འཛིན་ལ་སྙོམས་ཞུགས་ནས། །སྐུ་གསུང་ཐུགས་ཀྱི་རྡོ་རྗེ་ལས། །མགོན་
པོ་པདྨ་གར་དབང་གི། རྩ་བའི་གསང་སྔགས་འདི་གསུངས་སོ། །ན་མོ་རཏྣ་ཏྲ་ཡཱ་ཡ། ན་མཿཨཱརྱཱ་ཨཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎྀ་ཀཱ་ཡ། ཏདྱ་ཐཱ། སརྦ་སཏྭ་བཱ་ས་ནཱ་གཱ་དྷི་པ་ཏི་ནི། 
ན་མཿསརྦ་སཏྭ་པི་ས་ན། ཨཱ་ཧ་ར་ཎི། ན་མཿསརྦ་སཏྭ་བ་ཡོ་དྷེ་ར་ཎཱ་ཡ། ན་མཿསྟྃ་བྷ་སྲ་ཤྲ་མ་ཎཱ་ཡ། ན་མཿསརྦ་སཏྭ་བོ་དྷི་ཙིཏྟ་ཀ་ནི་ས་ན་ཀ་རཱ་ཡ། ན་མཿསརྦ་སཏྭ་བན་དྷ་ན་ཙྪེ་ད་ན་ཀ་རཱ་ཡ། ན་མཿསརྦ་སཏྭ་དུཿ
ཁ་བི་མོ་ཀྵན་ཀ་རཱ་ཡ། ན་མཿསརྦ་ཨཱན་ཏ་ཀཱ་ར་བི་དྷ་ནཱ་མ་ཀཱ་ར། ན་མཿསརྦ་བིདྱཱ་དྷཱ་ར་རཱ་ཛཱ་པྲ་ཤ་པྲ་སྟ་ཡེ། མ་ཧཱ་ཡོ་ག་ཡོ་གེ་ཤྭ་རཱ་ཡ། ཧ་ས་ཧ་སྱ་ནཱ་ཡ། ན་མ་སྐྲི་ཏྭཱ་ཨི་དཾ་ཨཱརྱ་ཨ་བ་ལོ་ཀི་ཏི་ཤྭ་ར་མུ་ཁོང་གིརྞྞ་
རི་ཤི་བི་བ་རི་དཱ། ནཱ་ག་ཡཀྵ་རཱཀྵ་ས། ཤཱཀྱ་བྲཧྨ་ལོ་ཀ་པཱ་ལ་ཡ། བིཥྞྱུ་མ་ཧེ་ཤྭ་ར་ན་རཱ་ཡ་ན་སྐན་དྷ། ཀུ་བེ་ར། ཨ་སུ་རེན་དྲ། མ་ཏྲི་ག་ན་ན་མ་སྐྲི་ཏྭ། བཛྲ་བཛྲ་ཁུ་ཎ་ས་ཧྲྀ་ད་ཡ། ཧ་ཡ་གྲཱྀ་བ་ན་མོ་ཡ་མ་ཧྲྀ་ད་ཡ།   མ། 
ཝརྟྱ་ཤྱི་མི། ཨ་བ་པྲ་མེ་ཡོར་ད་ས་དྷ་ཀན་ཨ་པ་ཧ་ན། སརྦ་བི་ན་ཡ་ཀྃ་ཨ་མོ་གྷྃ།  སརྦ་ཀརྨྨ་བི་ཥིཉྩཿབི་ནཱ་ཡ་ཀཾ ། ཏདྱ་ཐཱ། ཨོཾ་ཏ་རུ་ལ། ཏ་ནུ་ཏ་ལ། བི་ཏ་རུ་ལ། སརྦ་བི་ཥི་ཀ་ཀ །སརྦ་བུད་དྷ་བི་ད་ནི། པྲ་ཛཱ་བ་ཏི།  ཏ། ཨ་
ན་ལ་བི་སྥྱ་ལིྃ་ཀི། ཨནྚ་ཧཱ་ས་ཀེ་ཤྭ་རཱ་ཡ། ཨ་ཏོ་པ་པྲ་བི་ཏཱ་ཡ། བཛྲ་ཁུ་ར་ནརྒེ་ཏི་ཏ། ཙ་ལི་ཏ་པྲ་པུ་ད་ཏ་ལ། བཛྲོད་ཤཱནྟིཾ་ཏ་ཏི། སི་ཏ་མ་དུ་ཏོ་ག་ཏ་པྲ་ན་མ་ཎ་བ་ཀཱ་ར་བ་ར་དུཥྚྃ། བིདྱཱ་ཀ་མ་ག་སྃ་བྷ་ཀ་ན་ཀཱ་ར། སརྦ་

98-1-273a

བི་དྱཽ་བ་ཏྭ་ཧེ་ཤ་ཀཱ་ར། པ་ར་མ་ཤཱན་ཏཱི་ཀཱ་ར། བུད་དྷ་བོ་དྷཱ་ཡ་མ་ཏི། བྷ་ག་བཱན་ཧ་ཡ་གྲཱྀ་བ་སརྦ་བིདྱཱ་ཧྲྀ་ད་ཡ། མ་བར་ཏི་ཡི་ཤྱ་གི། ལ་ཏྲ་ཁ་དྲ་ལ་ཧཱ་རོ་ཊ། མན་ཏྲྃ་རཀྵ་རཀྵཿ ཨཱཏྨ་སྭ་སྟི་ཏྃ་མནྟྲྃ་སིད་དྷ་སཱ་དྷ། སརྦ་ཀ་རྨ་ཁ་
ཥ་མེ། སིད་དྷེ་སིད་དྷེ། དེ་ཧི་དེ་ཧི། ཨཱ་བེ་ཤ་ཨ་བེ་ཤ །པྲ་བེ་ཤ་ཡ་པྲ་བེ་ཤ་ཡ། སརྦ་གྲ་ཧེ་ཥ་ཨ་པྲ་ཏེ་ཧ་ཏ། དྷུ་ན་དྷུ་ནཿ  བི་དྷུ་ན་བི་དྷུ་ན། མ་ཐ་མ་ཐ། པྲ་མ་ཐ་པྲ་མ་ཐ། སརྦ་ས་རོ་ཀྲ་མ་ཀྲྀ  ཏནྟཱ་གྲཿ   ཀ་ཁོར་ད་དུར་ལཾ་གྷི་ཏ་ཧི་
བ་ཤི་ཀ་བི་ཤི་ཀ་ཏ། སཱ་ཤ་དཾཥྚྲ། བི་ཥ་ཙུརྞ་ཡོ་ག་ཨ་བྷི་ཙ་ར་བ་ཤཱི། ཀ་ར་ཎཿ  སིད་དྷ་ཨཉྫ་ན། ཙ་ཀུ་མོ་ཧ་ན་ཙིནྟ། པིྃ་ཤེ་ས་ན་ཀཱ་ར། ནིརྱ་ཨ་པ་ར་བྲེ་ཤ་ཀ་ར་ན། ཏྲཱ་ས་ཡ་ཏྲཱ་ས་ཡ། མ་ཧཱ་བོ་དྷི་སཏྭ་རིན་དྷ་དི་ཤ་ནྃ། སརྦ་
བྷ་ཡེ་བྷྱཿ སརྦ་སཏྭཱ་ནཱྃ།  རཀྵ་རཀྵ་མཱ་མ་ནུ་དྭ་དྷརྨ་སྃ་གྷ་ཨ་ནུ་ཛྙཱ་ཏྃ་མེ་ཀརྨ་ཤཱི་གྷཱྃ། ཀུ་རུ་ཀུ་རུ་ཕཊ། ཧ་ཡ་གྷྲཱྀ་བ་ཕཊ། བཛྲ་དཾ་ཋྚྲོ་ཀ་ད་བྷཱ་ཡ་པ་ར་ས་ན་ཕཊ། ཡེ་ཀེ་ཙི་ཏ་མཱ་མ་ཨེེ་ཧི་ད་ཤི་གོ་པ་ཀཱ་ཡ་ཀྲ་མི་ན་ཏོ་མན་ཏྲ་ཡན་
དྲ་མ་མན་ཏི།  ཛ་བ་ཡ་རི་ཛུ་ཧུྃ་ཏི། ཀ་ཁོ་རྡར་ཀུན་ཝན་དི་ནཱྃ། སརྦ་ཛ་མུ་ཁེན་དྲ་པྲ་དད་ཏཱ་ཡ་ཕཊ། ན་མཿསརྦ་དུཥྚ་གྲ་ཧོ་ཏ་སཱདྣ་ཡ་ཧ་ཡ་གྲཱྀ་བ་སིད་དྷྱྃ་ཏུ་མེ་མན་ཏྲ་པ་དཱཿནི་སྭཱ་ཧཱ། །ཨོཾ་ཨ་མྲྀ་ཏོད་བྷཱ་བཱ་ཡ་ཧཱུྃ་ཧཱུྃ་ཕཊ་ཕཊ་
སྭཱ་ཧཱ། ན་མཿསརྦ་སཏྭ་ཤྩ་སིད་དྷྱན་ཏུ། མེ་མན་ཏྲ་པ་དཱཿཎི་སྭཱ་ཧཱ། གང་ཞིག་ཀླུས་ནོན་སྤྱི་ལ་ནི། །དུང་གི་མེ་ཏོག་སྔགས་སྟོང་གིས། །བྱིན་གྱི་བརླབས་ནས་གུ་གུལ་བདུག །ལུས་ལ་ཐོགས་ན་ལེགས་པར་འགྱུར། །
དེ་ནས་བཅོམ་ལྡན་ཐུབ་པ་ཆེས། །ཐོགས་མེད་སེམས་དཔའ་ཞེས་བྱ་བའི། །ཏིང་ངེ་འཛིན་ལ་སྙོམས་པར་ཞུགས། །སྐུ་གསུང་ཐུགས་ཀྱི་རྡོ་རྗེ་ལས། །མགོན་པོ་ཐུགས་རྗེ་མི་བཤོལ་བའི། །རྩ་བའི་རིག་སྔགས་འདི་གསུངས་སོ། །
ན་མོ་རཏྣ་ཏྲ་ཡཱ་ཡ། ན་མཿཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ན་མཿསརྦ་བྷ་མ་ཙ་ཀ་རྃ། སརྦ་རོ་ག་པྲ་ཤ་མ་ན་ཀ་རྃ། སརྦ་བྱཱ་ད་ནི་བྷ་ད་ཀ་རྃ། ཨཥྚྲ་ཀྵ་ཎ་པ་དི་ས་ས་ཏྭེ་བྷྱཿཏཱ་རཱ་

98-1-273b

སཾ་མྱཀ་ཏཱ་རཱ་ནཾ། ད་ས་དཱི་ཀ་བོ་དྷི་སཏྭེ་བྷྱཿན་མཿསྃ་མྱཀ་སྃ་བུད་དྷ་ཀོ་ཊཱི་ཎཱྃ། ཨ་ཧེ་ན་མ་སྟྭི་ད་ཨཱརྱཱ་བ་ལོ་ཀི་ཏེ་ཤྭ་ར་ས་ཤུདྷ་དྷ་ར་ཎི། མ་ཧཱ་ཀཱ་རུ་ཎི་ཀཱ་ཡ་ཨ་གྲ་བཱི་ཤྱ་ཏི། མ་ཧཱ་ཀཱ་རུ་ཎི་ཀཱ་ཡ། ཨ་གྲ་ནཱ་མ་ཛྭ་ལ་ས་ཏི་ཀཱ་ར། མ་ཧཱ་
ཀཱ་རུ་ཎཱ་བྱུ་བས་མན་ཏ་ཧ་རན་ཏུ། ཏདྱ་ཐཱ། ཨོཾ་ཛ་ཊ་ཛ་ཊ། ཛི་ཊི་ཛི་ཊི། ཛུ་ཊུ་ཛུ་ཊུ། ར་ར་ར་ར། རི་རི་རི་རི། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། མ་ཧཱ་ཀཱ་རུ་ཎི་ཀཱ་ཡ། སརྦ་ཏ་ཐཱ་ག་ཏ། མ་ཧཱ་སྃ་གྲ་ཧ། ཨ་ནུ་ཧ་རྃ་ཏུ། ཨེ་ཧྱེ་
ཧི་སན་དྷུ་ཡ། ཨེ་ཧྱེ་ཧི་ཙ་ཏ་ཙ་ཏ་ཙི་ཏི་ཙི་ཏི། ཙུ་ཏུ་ཙུ་ཏུ། སརྦ་བོ་དྷི་སཏྭཿ   པྲ་ཎི་དྷ་ན་གྲྀཧྞ། ཀཱ་ར་ཨ་ནུ་སན་དྷཱ་ཡ། མ་ཧཱ་ཀཱ་རུ་ཎི་ཀཱ་ཡ། སྃ་བྷུ་བ་ཨེ་ཧྱེ་ཧི། ར་ལ་ར་ལ་རུ་ལུ། དྷྱཱ་ན་བི་མོཀྵ་ས་མཱ་དྷི། ས་མ་བ་ཏི་བྷི་ཤྩ་ར། 
ཨ་དྷི་ཏིཥྛ། ཙ་ལ་ཙ་ལ། ཙི་ལི་ཙི་ལི། ཙུ་ལུ་ཙུ་ལུ། བོ་དྷི་བོ་དྷི། ཨེ་ཧྱེ་ཨེ་ཧྱེ། བུད་དྷོ་བུད་དྷོ། བུད་དྷ་ས་ཏྱེ་ན། དྷརྨ་ས་ཏྱེ་ན། སྃ་ག་ས་ཏྱེ་ན། ཊེ། སྠཱ་ཊེ་སྠཱ་སརྦ་མ་ཧཱ་མཻ་ཏྲི་བྷུ་ཏཱ་ནི་པ་རན་ཏུ། མ་ཧཱ་ཀཱ་རུ་ཎ་མེ་གྷེན་མཱ་མ་
རྦ་སརྦ་རཱ་ག་ནི་བ་ར་ཡྃ་ཏུ།   བུ་ན་བུ་ན། བི་བུ་ན་བི་བུ་ན། མ་ཐ་མ་ཐ། པྲ་མ་ཐ་པྲ་མ་ཐ། ཊ་སྠོ་ཊ་སྠ། ཨེ་ཧྱེ་ཨེ་ཧྱེ། མཱ་མ་སརྦ་ཤ་པུ་ཡྃ་ཏུ། ཀརྨ་བི་ཤོ་དྷ་ཡ། མ་ཧཱ་ཀཱ་རུ་ནི་ཀཱ་ཡ། མ་ཧཱ་པདྨ་ནཱ་དཱ་ཡ། པདྨ་ཨ་པ་ཡ་སྭཱ་ཧཱ། 
ཤྭེ་ཏ་ཨཱ་ཛྙཱ་ཨུ་པ་བི་དྷཱ་ཡ་སྭཱ་ཧཱ། ཀ་རུ་རི་ནི་སྭཱ་ཧཱ། ཤུ་པ་ཛྙཱ་སྭཱ་ཧཱ། ཙཀྲ་ཎཱྃ་སྭཱ་ཧཱ། ཡ་མེ་ཡེ་སྭཱ་ཧཱ། ཨོཾ་ད་ཙེ་བི་བུད་དྷེ་བྷྱཿསྭཱ་ཧཱ། སྃ་སྤེ་ཚེ་བྷྱོཿབུད་དྷེ་བྷྱཿསྭཱ་ཧཱ། ཨ་དུ་པ་དུ་ཀེ་བྷྱོཿབྷྱ་དི་དེ་སྭཱ་ཧཱ། བི་དེ་ཀེ་བྷྱོ་བྱཱ་ཏེ་བྷྱཿསྭཱ་ཧཱ། བཻ་
དྷ་དེ་བྷྱོཿབྱཱ་དེ་བྷྱཿསྭཱ་ཧཱ། སྭ་ན་ནི་པ་ཛྙི་ཀེ་བྷྱོཿབྱཱ་དེ་བྷྱཿསྭཱ་ཧཱ། བྷཱུ་མི་ཨན་ཏི་རི་ཀ་ཤ་ཙ་རེ་བྷྱོཿསྭཱ་ཧཱ། ཏད་ཡ་ཐཱ། ཨོཾ་ན་ཏྲ་ཊ་ཏྲ་ཊ། ཏྲི་ཏི་ཏྲི་ཏི། ཏྲུ་ཏུ་ཏྲུ་ཏུ། ནཱ་མཱ་མ་སརྦ་བྷ་ཡེ་བྷྱཿ་ས་ཨ་པ་ཏྲ་བེ་བྷྱཿརཀྵ་རཀྵ་ཀུ་རུ་སྭཱ་ཧཱ། གྲ་ས་གྲ་
ས་སྭཱ་ཧཱ། མ་ཐ་མ་ཐ། པྲ་མ་ཐ་པྲ་མ་ཐ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ན་མཿཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀཱ་རུ་ཎི་ཀཱ་ཡ། ཨཱ་ཛྙཱ་པ་ཡ་ཏི་སྭཱ་ཧཱ། ཤང་ཀ་རིའི་ས་བོན་ལས། །སྟོང་དུ་བཟླས་ནས་དྲི་ཆུ་དང་། །

98-1-274a

ལྷན་ཅིག་སྐྲངས་ལ་བྱུགས་པས་ནི། །ལྷོག་ནད་དྲག་པོ་འཇོམས་པར་བྱེད། །དེ་ནས་བཅོམ་ལྡན་ཐུབ་པ་ཆེས། །རིག་སྔགས་རྦོད་གཏོང་བཞོམ་པ་ཡི། །ཏིང་ངེ་འཛིན་ལ་སྙོམས་པར་ཞུགས། །སྐུ་གསུང་ཐུགས་ཀྱི་རྡོ་རྗེ་
ལས། །མགོན་པོ་དོན་ཡོད་ཞགས་པ་ཡི། །རྩ་བའི་རིག་སྔགས་འདི་གསུངསོ། །ན་མ་སྟྲཻ་ཡདྷྭ་ཨ་ནུ་ག་ཏ་པྲ་ཏི་ཏེ་བྷྱཿསརྦ་བུད་དྷ་བོ་དྷི་སཏྭེ་བྷྱཿན་མཿཔྲ་ཏྱེ་ཀ་བུད་དྷཱ་ཨཱརྱ་ཤཱ་བ་ཀ་སྃ་གྷེ་བྷྱོཿཨ་ཏཱི་ནཱ་ག་ཏ་པྲ་ཏྱུད་པ་
ན་ནི་བྷྱཿ   ན་མཿ་སྃ་མྱཀ་ག་ཏཱ་ནཱྃ། ན་མཿ་སྃ་མྱཀ་པྲ་ཏི་པ་ནཱྃ། ན་མཿཤཱ་ར་དྭ་ཏཱི་པུ་ཏྲཱ་ཡ་མ་ཧཱ་མ་ཏི་ཡེ། ན་མཿཨཱརྱ་མཻ་ཏྟེ་ཡ་པྲ་མུ་ཁེ་བྷྱོཿམ་ཧཱ་བོ་དྷི་སཏྭེ་ན་མཿསུ་པྲ་ཏི་ཏ་ཤཻ་ལེན་དྲ་རཱ་ཛ་པྲ་མུ་ཁེ་བྷྱཿསརྦ་ཏ་ཐཱ་ག་ཏེ་བྷྱཿ
ཨར་ཧད་བྷྱཿ སྃ་མྱཀ་སྃ་བུད་དྷེ་བྷྱོ་ན་མཿསུ་བརྞ་བརྞ་སུ་པྲ་ཏི་བྷ་བི་ནན་ཏི་ཀེ་ཤྭ་ར་རཱ་ཛཱ་ཡ་ཏ་ཐཱ་ག་ཏཱ་ཡ། ན་མཿསིྃ་ཧེ་བི་ཀྲཱི་ཌི་ཏ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མཿཨཱརྱ་ཨ་མི་ཏཱ་བྷཱ་ཡ་ཏ་ཐཱ་ག་ཏཱ་ཡ། ན་མཿསུ་པྲ་ཏི་ཏ། 
མ་ཎི་ཀུྰ་ཊ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མཿས་མན་ཏ་ར་སྨྱུད་ག་ཏེ་ཤྲི་ཀཱུ་ཊ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་བི་བ་ཤྱི་ནི་ཏ་ཐཱ་ག་ཏཱ་ཡ། ན་མཿཤི་ཁི་ནེ་ཏ་ཐཱ་ག་ཏཱ་ཡ། ན་མོ་བི་ཤྭ་བྷུ་བེ་ཏ་ཐཱ་ག་ཏཱ་ཡ། ན་མཿཀྲ་ཀུ་ཙྪན་དཱ་ཡ་ཏ་ཐཱ་ག་
ཏཱ་ཡ། ན་མ་ཀ་ན་ཀ་མུ་ན་ཡེ་ཏ་ཐཱ་ག་ཏཱ་ཡ། ན་མ་ཀཱ་ཤྱ་པཱ་ཡ་ཏ་ཐཱ་ག་ཏཱ་ཡ། ན་མཿཤཱཀྱ་མུ་ན་ཡེ་ཏ་ཐཱ་ག་ཏཱ་ཡ། ཨར་ཧ་ཏེ་སྃ་མྱཀ་སྃ་བུད་དྷ་ཡ། ཏད་ཡ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱ་ཧཱ།   ཨོཾ་ས་མེ་ས་མེ་
མ་ཧཱ་ས་མེ་རཀྵ་རཀྵ་མྃ་སརྦྃ་སཏྭཱྃ་ཤྩ་སརྦ་པཱ་པ་པྲ་ཤ་མ་ནེ་སྭཱ་ཧཱ། ན་མཿསུ་པ་རི་ཀཱིར་ཏི་ཏ་ན་མ་དྷེ་ཡཱ་ཡ་ཏ་ཐཱ་ག་ཏཱ་ཡ། ན་མཿས་མན་ཏ་ཨ་ཝ་བྷཱ་ས་བི་ཛི་སྃ་གྲཱ་མ་ཤི་ཡེ་ཏ་ཐཱ་ག་ཏཱ་ཡ། ན་མ་ཨིནྡྲ་ཀེ་ཏུ་དྷྭ་ཛ་ཤྲི་ཡེ་
ཏ་ཐཱ་ག་ཏཱ་ཡ་ན་མོ་རཏྣ་པྲ་བྷ་སེ་ཤྭ་ར་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་ཨ་པྲ་ཏི་ཧ་ཏ་བྷཻ་ཥ་ཛྱ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་བི་ཀྲཱན་ཏ་ག་མི་ནེ་ཏ་ཐཱ་ག་ཏཱ་ཡ། ན་མོ་བྷུདྷཱ་ཡ། ན་མོ་དྷརྨཱ་ཡ། ན་མཿསྃ་གྷཱ་ཡ། ན་མ་ཨཱ་ཏཱི་ཏ་ཨ་ནཱ་ག་ཏ་པྲ་

98-1-274b

ཏྱུད་བན་ནེ་བྷྱོཿབུད་དྷེ་བྷྱོཿབྷ་ག་བ་ཏེ་བྷྱཿ། ཏདྱ་ཐཱ།  སྨྲྀ་ཏི་བར་དྷ་ནི། དྷྲྀ་ཏི་བར་དྷ་ནི། པྲཛྙཱ་བར་དྷ་ནི།  པྲ་ཏི་བྷ་ན་བར་དྷ་ནི།    དྷྱན་བར་དྷ་ནི། སཱ་མརྠ་ཡ་བར་དྷ་ནི། སརྦ་བོ་དྷི་བཀྵ་དྷརྨ་བར་དྷ་ནི། ས་ཀ་ལ་བུད་དྷ་དྷརྨ་
པ་རི་པཱུ་ར་ཎི་ཡེ་སྭཱ་ཧཱ། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་གི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀཱ་རུ་ཎི་ཀཱ་ཡ། ན་མོ་མ་ཧཱ་སྠཱ་མ་པྲཱ་པ་ཏཱ་ཡ་བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀཱ་རུ་ཎི་ཀཱ་ཡ། ཨེ་བྷྱོ་ན་མ་སྐྲི་ཏྱ་ཨི་དྃ་
ཨཱརྱ་ཨ་བ་ལོ་ཀི་ཏེ་ཤྭ་ར་མུ་ཁོད་གིརྞ་ཨ་མོ་པ་ཤ་རཱ་ཛ་ནཱ་མ་ཧྲྀ་ད་ཡྃ་ཏ་ཐཱ་ག་ཏཱ་སྃ་མུ་ཁྃ་བྷ་ཥི་ཏྃ་མ་ཧཱ་ཏཱྃ་པ་ར་ཁྃ་མ་དྷྱེ་ཨ་ཧ་མི་དཱ་ནི་མ་བར་ཏ་ཡི་ཤྲཱུ་མི་སིད་དྷྱན་ཏུ་མེ་མན་ཏྲ་པ་དཱཿསརྦ་ཀཱ་རྱ་ཎཱི། སརྦ་བྷ་ཡེ་བྷྱོཿ   མ་མ་སརྦ་སཏྭཱ་
ནཱཉྩ་རཀྵ་བྷ་བ་ཏུ། ཏདྱ་ཐཱཿ    ཨོཾ་ཙ་ར་ཙ་ར་ཙི་རི་ཙི་རི། ཙུ་རུ་ཙུ་རུ། མ་ར་མ་ར། མི་རི་མི་རི། མུ་རུ་མུ་རུ། མ་ཧཱ་ཀཱ་རུ་ཎི་ཀ །ས་ར་ས་ར། སི་རི་སི་རི། སུ་རུ་སུ་རུ། ཙུ་རུ་ཙུ་རུ། ཙི་རི་ཙི་རི། བི་རི་བི་རི། པི་རི་པི་རི། མི་རི་མི་རི། མ་ཧཱ་པདྨ་ཧསྟ། ཀ་ལ་ཀ་ལ། ཀི་ལི་ཀི་ལི། 
ཀུ་ལུ་ཀུ་ལུ། མ་ཧཱ་ཤུད་དྷ་སཏྭ། བུད་དྷྱ་བུད་དྷྱ། བོ་དྷ་བོ་དྷ། བོ་དྷི་བོ་དྷི། བོ་དྷ་ཡ་བོ་དྷ་ཡ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུད་དྷ་སཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་སྠཱ་མ་པྲཱ་པ་ཏ། ཙ་ལ་ཙ་ལ། སཉྩ་ལ་སཉྩ་ལ། བི་ཙ་ལ་
བི་ཙ་ལ། ཨེ་ཊ་ཊ། ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཏ་ར་ཏ་ར། ཏི་རི་ཏི་རི། ཏུ་རུ་ཏུ་རུ། ཨེ་ཧྱེ་ཧི་མ་ཧཱ་ཀ་རུ་ཎི་ཀ །མ་ཧཱ་པ་ཤུ་པ་ཏི་བེ་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། ཙ་ར་ཙ་ར། པ་ར་པ་ར། བ་ར་བ་ར། མ་ར་མ་ར། 
ལ་ར་ལ་ར། ཧ་ར་ཧ་ར། ཧཱ་ཧཱ་ཧཱི་ཧཱི། ཧུ་ཧཱུ། ཨོཾ་ཀཱ་ར་བྲཧྨ་བེ་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། ཙ་ར་ཙ་ར། ན་ར་ན་ར། བ་ར་བ་ར། ཧ་ར་ཧ་ར། རཤྨི་ཤ་ཏ་ས་ཧ་སྲ་པྲ་ཏི་མཎ་ཌི་ཏ་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ། བྷཱ་ས་བྷཱ་ས། བྷྲ་མ་
བྷྲ་མ། བྷ་ག་ཝན་སོ་མ། ཨཱ་དི་ཏྱ། ཡ་མ་བ་རུ་ཎ། ཀུ་བེ་ར། བྲཧྨེནྡྲ། བཱ་ཡུ། ཨག་ནི་དྷ་ན་ད། དེ་བ་རི་ཥི་ག་ཎ་ཨ་བྷྱར་ཙི་ཏ་ཙཱ་ར་ཎ། སུ་རུ་སུ་རུ་ཙུ་རུ་ཙུ་རུ། མུ་རུ་མུ་རུ། གྷུ་རུ་གྷུ་རུ། ས་ནད་ཀུ་མཱ་ར། རུ་དྲ། བཱ་ས་བ། བིཥྞུ། དྷ་ན་ད། བཱ་ཡུ། ཨགྣི། རཱི་ཥི། ནཱ་ཡ་ཀ །བེ་ནཱ་ཡ་

98-1-275a

ཀ་བ་ཧུ་བི་བི་དྷ་བེ་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། པ་ར་པ་ར། ས་ར་ས་ར། བ་ར་བ་ར། བ་ར་དཱ་ཡ་ཀ །ས་མནྟ་ཨ་ཝ་ལོ་ཀི་ཏ། བི་ལོ་ཀི་ཏ། ལོ་ཀེ་ཤྭ་ར། མ་ཧཱེ་ཤྭ་ར། 
ཏྲི་བྷུ་བ་ནེ་ཤྭ་ར། སརྦ་གུ་ཎ་ས་མ་ཨཱ་ལྃ་ཀྲྀ་ཏ། ཨ་བ་ལོ་ཀི་ཏེ་ཤྭ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུན་ཙ། རཀྵ་རཀྵ་མཱྃ་སརྦ་སཏྭཱྃ་ཤྩ་སརྦ་བྷ་ཡེ་བྷྱཿསརྦོ་པ་དྲ་བ་བྷྱཿསརྦོ་པ་སརྒེ་བྷྱཿསརྦ་གྲ་ཧེ་བྷྱཿསརྦ་བྱ་དྷི་བྷྱཿསརྦ་བི་ཥེ་
བྷྱཿསརྦ་ཛྭ་རེ་བྷྱཿཨེ་བྃ། བན་དྷ་བན་དྷ་ན། ཏཱ་ཊ་ན། ཏརྫ་ན། རཱ་ཛ། ཏསྐ་ར། ཨགྣི། ཨུ་ད་ཀ །བི་ཥ་ཤསྟྲ་པ་རི་མོ་ཙ་ཀ །ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། ཨིནྡྲ་ཡ། བ་ལ་བོ་ཪྷྱཾ་ག །ཙ་ཏུ་ར། ཨཱརྱ་སཏྱ་སྃ་པྲ་ཀ་
ཤཱ་ཀ་ཏ་པ་ཏ་པ། ཏ་མ་ཏ་མ། ད་མ་ད་མ། ས་མ་ས་མ། མ་ས་མ་ས་མ་དྷ་མ་དྷ་མ། མ་ཧཱ་ཀཱ་རུ་ཎི་ཀཱ། མ་ཧཱ་ད་མོ་ཨན་དྷ་ཀ་ར་བི་དྷ་མ་ན། ཥཊ་པཱ་ར་མི་ཏཱ་པ་རི་པཱུ་ར་ཀ་མ་ལ་མ་ལ། མི་ལི་མི་ལི། མུ་ལུ་མུ་ལུ། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། 
ཊུ་ཊུ་ཊུ་ཊུ། ཋི་ཋི་ཋི་ཋི། ཋུ་ཋུ་ཋུ་ཋུ། ཨེ་ནེ་ཡ་ཙརྨ་ཀྲྀ་ཏ་པ་རི་ཀེ་ར། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ་ཨི་ཤྭ་ར། མ་ཧེ་ཤྭ་ར། མ་ཧཱ་བྷུ་ཏ་ག་ཎ་སྃ་བྷནྫ་ཀ །ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། པ་ར་པ་ར། ཧ་ར་ཧ་ར། བ་ར་བ་ར། ས་ར་ས་ར། ཀ་ར་ཀ་ར། ཀ་ཊ་
ཀ་ཊ། ཀི་ཊི་ཀི་ཊི། ཀུ་ཊུ་ཀུ་ཊུ། མ་ཊ་མ་ཊ། མ་ཧཱ་བི་ཤུད་དྷ་བི་ཤ་ཡ་ནི་བཱ་སི་ན། མ་ཧཱ་ཀཱ་རུ་ཎི་ཀ་ཤྭི་ཏ་ཡ་ཛྙཱ་ཨུ་པ་བཱི་ཏ། རཏྣ་མུ་ཀུ་ཊ། མཱ་ལཱ་དྷ་ར། སརྦ་ཛྙཱ་སི་ར་སི་ཀྲྀ་ཏ་ཛ་ཊཱ་མུ་ཀུ་ཊ། མ་ཧཱ་ཨད་བྷུ་ཏ། ཀ་མ་ལ་ཨ་ལཾ་ཀྲྀ་ཏ་ཀ་རཱ་ལ་དྷྱ་ན་
ས་མཱ་དྷི། བི་མོཀྵ་ཨ་པྲ་ཀྃ་བྱ། བ་ཧུ་སཏྭ་སན་ཏ་ཏི་པ་རི་པཱ་ཙ་ཀ །མ་ཧཱ་ཀཱ་རུ་ཎི་ཀ་སརྦ་ཀརྨ་ཨཱ་ཝ་ར་ཎ་བི་ཤོ་དྷ་ཀ །སརྦ་ཛྙཱ་ཛྙཱ་ན་པ་རི་པུ་ར་ཀ །སརྦ་བྱཱ་དྷི་པ་རི་མོ་ཙ་ཀ །སརྦ་སཏྭ་ཨཱ་ཤཱ་པ་རི་པཱུ་ར་ཀ །སརྦ་སཏྭ་ས་མཱ་ཤྭ་ས་ན་
ཀ་ར་ན་མོ།  སྟུ་ཏེ་སྭཱ་ཧཱ། ཨ་མོ་གྷཱ་ཡ་སྭཱ་ཧཱ། ཨ་མོ་གྷཱ་པཱ་ཤཱ་ཡ་སྭཱ་ཧཱ། ཨ་ཛི་ཏཱ་ཡ་སྭཱ་ཧཱ། ཨ་པ་རཱ་ཛི་ཏཱ་ཡ་སྭཱ་ཧཱ། ཨ་མི་ཏཱ་བྷ་ཡ་སྭཱ་ཧཱ། ཨ་མི་ཏ་བྷ་སུ་ཏཱ་ཡ་སྭཱ་ཧཱ། མ་ར་སཻ་ན་ཡ་པྲ་མརྡ་ན་ཡ་སྭཱ་ཧཱ། ཨ་བྷ་ཡ་པྲ་ད་ཡ་སྭཱ་ཧཱ། ཛ་ཡཱ་ཡ་སྭཱ་ཧཱ། བི་ཛ་ཡཱ་ཡ་སྭཱ་ཧཱ། 

98-1-275b

ཛ་ཡ་བི་ཛ་ཡཱ་ཡ་སྭཱ་ཧཱ། བ་ར་དཱ་ལ་སྭཱ་ཧཱ། བ་ར་པྲ་དཱ་ཡ་སྭཱ་ཧཱ། ཨ་ཀཱ་ལ་མྲྀ་ཏྱུ་པྲ་ཤ་མ་ནཱ་ཡ་སྭཱ་ཧཱ། ཨི་དཉྩ་མེ་ཀརྨ་ཀུ་རུ་ན་མོ་སྟུ་ཏེ་སྭཱ་ཧཱ།  ཨོཾ་ར་ཎ་ར་ཎ་ཧཱུྃ་ཕཊ།   ཨོཾ་ཛ་ཡ་ཧཱུྃ་ཕཊ།  སྭཱ་ཧཱ།  ཨོཾ་ཛྲ་ཛིྃ་ཛཱ་སྭཱ་ཧཱ། ཨོཾ་ཧཱུྃ་ཛ་ཡ་སྭཱ་ཧཱ།  ཨོཾ་ཧྲིཿཏྲཻ་ལོཀྱ་བི་ཛ་ཡ་
ཨ་མོ་གྷ་པཱ་ཤ་ཨ་པྲ་ཏི་ཧ་ཏ་ཧྲཱིཿཧཿཧཱུཾ་ཕཊ།   སྭཱ་ཧཱ། ཨོཾ་བ་སུ་བ་ཏི་སྭཱ་ཧཱ། ཨོཾ་ཨཱ་རོ་ལཱི་ཀ་སྭཱ་ཧཱ།  ཨོཾ་བ་ཧུ་ལེ་བ་ཧུ་ལེ་སྭཱ་ཧཱ།  ཨོཾ་ཨཱ་རོ་ལི་ཀཱ་ཧྲཱིཿཧྲཱིཿཧཱུཾ་ཕཊ་སྭཱ་ཧཱ། ནི་ཡ་ཏ་ནི་ཡ་ཏ་བེ་དཱ་ནི་ཡཱཾ་ཨ་སུ་བྷ་སྱ་མེ་བྷ་ག་བཱན་ཀརྨ་ཎོ་ཨ་ཤེ་ཥ་ཏཿ
ཀྵ་ཡྃ་ཀུ་རུ་སྭཱ་ཧཱ། ཨོཾ་པདྨ་ཧསྟཱ་ཡ་སྭཱ་ཧཱ། ཨོཾ་བུད་དྷཱ་དྷརྨ་སྃ་གྷཱ་ཡ་སྭཱ་ཧཱ། རབས་ཆད་ཐོད་པར་རོ་བསྲེགས་ས། །ཡུངས་དཀར་སེར་པོ་དྲི་ཆུར་བཅས། །བསྐྱེད་དེ་མྱུ་གུས་སྔགས་སྟོང་བརྗོད། །འབྲས་བུ་ལ་ནི་ཁྲི་བརྗོད་བྱ། །ལུས་ལ་ཐོགས་
ན་བྱད་སྟེམས་སོགས། །ནད་དང་གདོན་རྣམས་མྱུར་དུ་སེལ། །གཞན་དག་ལས་རྣམས་གང་ལ་ཡང་། །བདུན་བདུན་གྲངས་ཀྱི་སྔགས་ཀྱིས་སྦྱར། །དེ་ནས་བཅོམ་ལྡན་ཐུབ་པ་ཆེས། །ལྟོས་འགྲོ་ལས་ནི་རབ་རྒྱལ་བའི། །ཏིང་ངེ་
འཛིན་ལ་སྙོམས་ཞུགས་ནས། །སྐུ་གསུང་ཐུགས་ཀྱི་རྡོ་རྗེ་ལས། །མགོན་པོ་ཧ་ལ་ཧ་ལ་ཡི། །རྩ་བའི་རིག་སྔགས་འདི་གསུངས་སོ། །ན་མོ་རཏྣ་ཏྲ་ཡཱ་ཡ། ན་མཿསརྦ་བུད་དྷ་བོ་དྷི་སརྦ་སུ་རུ་ཤ་རཱི་ཡ་ན་མཿཨཱརྱ་བ་ལོ་ཀི་ཏེ་
ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་མ་ཧཱ་སྠཱ་མ་པྲ་པ་ཏ། ཨཱརྱ་མཻ་ཏྲི་ཨཱརྱ་མཉྫུ་ཤྲཱི། ཨཱརྱ་བཛྲ་པཱ་ཎི་ཨ་དྷི་ཀཾ། བོ་དྷི་སཏྭ་མ་ཧཱ་སཏྭེ་བྷྱཿཨ་ཏེ་ན་མཿ་ཀྲྀ་ཏོ་བྷ་ག་བཱན། ཨཱརྱ་བ་ལོ་ཀི་ཏེ་ཤྭ་ར་ཏཾ་ཧྲྀ་ད་ཡ་སརྦ་ཀརྨི་པ་དཿསརྦ་
གྲ་ཧོ་ཙྪེ་ད་ན་ཀ་རྃ།   བྷ་བ་ཨ་མ་ར་ཎི་བི་ནཱ་ཤ་ཀ་བ་ཤཱི་ཏྃ། ས་ཡ་ཡ་ཐེ་དྷྃ་ཧི་བོ་དྷི་སཏྭ་མ་ཧཱ་བོ་དྷི་སཏྭ་པྲ་ཡ་བོ་དྷི་སཏྭ་ཧེ་ཧཱ་ལོ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བ་ར་མ་མཻ་ཏྲཻ་ཙིཏྟ་ཏི་ཏི་ཏ། ཙིཏྟ་ཀཱ་རུ་ཎི་ཀ །ཀུ་རུ་ཀུ་རུ། ཀྵ་མ་གྷ་མ་བི་ཧཾ་ག་མ་བི་ཡ་ཏི། བི་ཛི་ཡན་ཏི་
མ་ཧཱ་བི་ཛ་ཡན་ཏི། དྷུ་རུ་དྷུ་རུ། དྷ་ར་དྷ་ར། ཙ་ཡན་ཏྲ་མན་དྲ། ན་མོ་མེ་ཧྱ་དྷེ། སརྦ་སཏྭཱ་བཱ་ཡ། པྲ་ད་ས། ཧ་ར་ཧ་ར། ཧ་རི་བྷ་ཧྱ་ནོད་བྷ། བཱ་བཱ་བཱ་བཱ། བྷཱ་བ་ནཱ་ག །ཀུ་རུ་ཀུ་རུ། ཏུ་རུ་ཏུ་རུ། གྷུ་རུ་གྷུ་རུ། སུ་རུ་སུ་རུ། མུ་རུ་མུ་རུ། ཙུ་རུ་ཙུ་རུ། སུ་པྲ་སེ་དྷ། སཏྭ་མ་བི་

98-1-276a

མ་ལ་ཕ་ལ་ཕ་ལ། མཱུར་དྷེ་ཨཱརྱ་བ་ལོ་ཀི་ཏེ་ཤྭ་རཱ་ཡ། པ་ར་མ་ཀཱ་རུ་ཎི་ཀ་རུ་ཀྲྀཥྞ་ཛྙཱ་ན་དྷ། ཛ་ཊ་མུ་ཀུ་ཊ་བི་ལྃ་བྷ།  པྲ་ལྃ་བྷ།    ཙ་ལེ་ཙ་ལེ། མ་ལ་མ་ལ། ཀ་ལ་ཀ་ལ། ཧ་ལ་ཧ་ལ། ག་ལ་ག་ལ། ཏ་ལ་ཏ་ལ། ད་ལ་ད་ལ། ན་ལ་ན་ལ། ཏུ་ལུ་ཏུ་ལུ་ཧུ་
ལུ་ཧུ་ལུ། ཧི་ལི་ཧི་ལི། ཧེ་བོ་དྷི་སཏྟ་ན་མ་སྟྲཱུ་དྡྷྭ་ནུ། ཧཱུྃ་ཧཱུྃ་ཧཱུྃ། ཧྲཱིཿཀུ་རུ་ཀུ་རུ་ཧྲྀ་ད་ཡ། ཨ་ནུ་སྨ་ར། ས་མ་ཡ་ཨ་ནུ་སྨ་ར། ཛ་ཊི་ཨ་ནུ་སྨ་ར། ཨི་དྃ་མེ་ཀ་ཏྱྃ་ཀུ་རུ། མ་རི་ར་ཐྃ་མེ་པ་རི་པུ་ར་ཡ།  སིད་དྷྱྃ་ཏུ་སིདྡྷྱནྟུ། མེ་མན་ཏྲ་པ་དཱ་ནི་སྭཱ་ཧཱ། སྔ་བར་ཁྲུས་བྱས་གོས་གཙང་
གྱོན། །བཅོམ་ལྡན་སྤྱན་སྔར་ཉིན་རེ་བཞིན། །བ་ལྕི་ས་ལ་མ་ལྷུང་བས། །དཀྱིལ་འཁོར་གྲུ་བཞི་ལྷམ་པ་ནི། །བཅུ་གསུམ་བཟླས་ནས་བྱུག་པར་བྱ། །ལྷག་མས་ནད་རྣམས་ཐམས་ཅད་ལ། །བྱུག་པ་ཙམ་གྱིས་སོས་པར་ངེས། །ཟླ་བ་དྲུག་གིས་
བདུད་རྣམས་ཞི། །འདོད་པ་ཐམས་ཅད་བཀོང་གྱུར་ཏེ། །མཚམས་མེད་ལྔ་བྱས་མིས་ཀྱང་འགྲུབ། །གལ་ཏེ་གྲུབ་པར་མ་གྱུར་ན། །བདག་གིས་མཚམས་མེད་ལས་བྱས་ཏེ། །དུས་གསུམ་སངས་རྒྱས་ཀུན་བསྲུངས་ཡིན། །སྙིང་རྗེས་སྙིང་
རྗེ་ཅན་འགྲུབ་འགྱུར། །སྡང་བས་ཁྲོ་བ་གྲུབ་གྱུར་ཏེ། །རྟག་པའི་གནས་འདོད་བློ་གྲོས་ཅན། །རྣམ་པར་མི་རྟོག་བཏང་སྙོམས་ཀྱིས། །འདོད་པ་ཀུན་འགྲུབ་ཞེན་པས་བྱིན། །ཡིད་ལ་བྱེད་པས་འཆིང་བར་འགྱུར། །སེའུ་པོ་ཆེའི་འི་ལྕུག་མ་ལ། །
རོ་བསྲེགས་ཐལ་བ་ཁྲི་ཕྲག་བདུན། །སྔགས་ནས་གཏོར་བས་ཆར་ཆེས་པ། །ཆར་པ་མྱུར་དུ་འཆད་པར་བྱེད། །དྲི་ཆུ་གླ་རྩིར་བཅས་པས་ནི། །སྦྲུལ་གྱི་གདུག་པ་སེལ་བར་བྱེད། །ལྟོ་འཕྱེའི་རིགས་དང་སྦྲང་རྒོད་སོགས། །འཇིགས་པ་རྣམས་ནི་
འགྲིབ་པའི་ཕྱིར། །དེ་ནས་བཅོམ་ལྡན་ཐུབ་པ་ཆེས། །ཤེས་རབ་རྣམ་གྲོལ་ཞེས་བྱ་བའི། །ཏིང་ངེ་འཛིན་ལ་སྙོམས་ཞུགས་ནས། །སྐུ་གསུང་ཐུགས་ཀྱི་རྡོ་རྗེ་ལས། །མགོན་པོ་པད་མ་རྒྱན་ལུང་གི། རྩ་བའི་རིག་སྔགས་འདི་གསུངས་
སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ན་མ་ཨཱརྱ་ཨ་མི་ཏཱ་བྷ་ཡ། ཏ་ཐཱ་ག་ཏཱ་ཡ། ཨར་ཧདྦྷྱ་སཾ་མྱཀ་སྃ་བུད་དྷཱ་ཡ། ན་མོ་མ་ཧཱ་སྠ་མ་པྲཔྟཱ་ཡ། 

98-1-276b

བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་བི་པུ་ལ་བི་མ་ལ། སུ་པྲ་ཏི་པུ་ལ། སཱུརྱ་ཤ་ཏ་ཡྃ། ཨ་སྃ་ཁེ་ཡ། སཱུརྱ་ཤ་ཏ་ས་ཧཱ་པྲ། ཨ་དྷི་ཀེ་ར། ཨེ་བྷ་བ་ཏེ་མུར་ཧཱ་ཡེ། མ་ཧཱ་མ་ཎི་མུ་ཀུ་ཊ་ཀུ་ཎ་ཌ་ལ་ཨ་ལ་མ་
ཀཱ་ར་དྷ་ར་ཎཱི། བྷ་ག་བ་ཏེ་པདྨ་མཱ་ལེ། སརྦ་ལོ་ཀ་ཨ་པ་ཡ་ཤ་མ་ན་ཡེ། བི་བི་དྷ་མུ་ཁྲུ་ས་མ་བེ་ཤ །ཨཱ་བི་ཤ་སརྦ་སཏྭ་པ་རི་མོ་ཙ་ཀཱ་ཡ། བྷུར་བུ་བ་སྭཱ་ཧཱ། མ་ཧཱ་ལོ་ཀི་ཤྭ་རཱ་མ། ན་མ་སྠི་མི་ར་བ་ཏྲ་བི་ན་ཤ་ཀ །རཱ་ག་བེ་ཤ་མོ་ཧཱ་ཛྭ་
ལ་ཤ་མ་ཀ་ཤ་ས་མ་ཤ་ན་ཀཱ་ར། རཀྵ་ཀ་སརྦ་ཨ་བྷ་ཡ་དུརྒ་ཏི་པྲ་ཤ་མ་ན་ཀཱ་ར། སརྦ་སརྦ་ས་མ་ཤ་ན་ཀཱ་ར། སརྦ་ཨ་ཤཱ་པ་རི་པཱུ་ར་ཀ །སརྦ་ཏ་ཐཱ་ག་ཏཱ་སརྦ་དྷ་ན་ཀཱ་ར་ཨེ་ཧྱེ་ཧི་མ་ཧཱ་བོ་དྷི་སཏྭ་བ་ར་ད་པདྨ་ཨ་བ་ལོ་ཀ་སྃ་བུད་དྷོ་མ་
ཧཱ་ཀཱ་རུ་ཎི་ཀཱ་ཡ། ཛཱ་ཊཱ་མུ་ཀུ་ཊ། ཨ་ལྃ་ཀྲྀ་ཏ་ཤི་རོ་མ་ཎི། ཀ་ན་ཀཱ་རཱ་ཛ་ཏ། བཛྲ་བཻ་དཱུརྱ་ཨ་ལྃ་ཀྲྀ་ཏ་ཤ་རཱི་ར་ཨ་མ་ཏ་ཏ་ཛ་ན་ཀ་མ་ཨ་ལྃ་ཀྲྀ་ཏེ་པྲ་བྷཱ་ར་ཎ་ཤ་ཏ་ས་ཧཱ་སྲ་ཨ་བི་ལ་ཤ་ཏ་ཀཱ་ཡ། མ་ཧཱ་བོ་དྷི་སཏྭ་བ་ར་ད། བི་དྃ་ཁ་ད་མ། 
བི་ནཱ་ཤ་ཡ། བི་ནཱ་ཤ་ཡ། མ་ཧ་ཡན་ཏྲ་མ་ཀླེ་ཤ་ཀ་པ་ཏ། ཨ་བ་བོ་དྷི་བྷ། བོ་དྷི་ཡཾ་ཏྲ། གྷ་ར་ཙ་ར། ཀ་པྲ་མ་ཐ་ན་ཀ་ར། པུ་རུ་ཥ་པདྨ་པུ་རུ་ཥ། སྃ་པྲ་ར་ཎ། པུ་རུ་ཥ་སིྃ་ཧ། བི་ར་བི་ར། ཛ་སུ་ཏ་ན་ཏ་ཌ་བ་རི་བྲྀ་ཏ། དྷ་མ་དྷ་མ། ས་མ་ས་མ། དྷུ་རུ་དྷུ་རུ། པྲ་ཤ་ས་
མ་ཡ། པྲ་ཤ་ས་མ་ཡ། ཀི་རི་ཀི་རི། བྷི་བི་རི། བྷི་བི་རི། ཙི་རི་ཙི་རི། སི་རི་སི་རི། སུ་རུ་སུ་རུ། དྷི་རི་དྷི་རི། བི་དྷི་རི་བི་དྷི་རི། བི་རི་བི་རི། མུ་རུ་མུ་རུ། མུ་ཡ་མུ་ཡ། མུཉྫ་མུཉྫ། དྱུ་ནུ་དྱུ་ནུ་བི་དྱུ་བི་དྱུ། དྷུ་རུ་དྷུ་རུ། ག་ཡ་ག་ཡ། གྷཱ་ཏ་ཡ་གྷཱ་ཏ་ཡ། ཧ་ས་ཧ་ས། 
པྲ་ཧཱ་ས་པྲ་ཧཱ་ས། ནཱ་ག་བི་བི་བྷ་གེ་ཤ་སེ་ས་ན། ཧ་ར་ཧ་ར། སྃ་ཧ་ར་སྃ་ཧ་ར། དུ་རུ་དུ་རུ། མ་ཧཱ་མྃ་གྷ་ལ་ཀ་ར་ཎ། ཤ་ཏ་པྲ་སེ། ཀ་བ་ཨ་བ་བྷཱ་ས་ཏ་བི་བི་དྷ་བཱ་ས་ན་ཤ་མ་ཀ་ཤ་ས་ཀ་རཱ་ག་ཀ་མ་ཧཱ་བོ་དྷི་སཏྭ་བྷ་ར་བྷ་ར་སྭཱ་ཧཱ། ཐུབ་པོ་ཤེ་དང་ཤུ་དག་ལ། 
ཁྲི་ཕྲག་བཟླས་ནས་འཐུངས་པས་ནི། །ཤེས་རབ་ཆེན་པོ་འཕེལ་བར་བྱེད། །ནད་ལ་འཐུན་པའི་སྨན་དང་སྦྱར། །པདྨའི་རྩ་བ་ཀ་རར་བཅས། །ཉི་ཤུ་རྩ་གཅིག་ཡང་ན་བདུན། །སྔགས་བརྗོད་སྔ་བར་མེད་པར་བྱ། །དེ་ཡང་དབྱངས་སྙན་ཤེས་རབ་འཕེལ། །དེ་ནས་

98-1-277a

བཅོམ་ལྡན་ཐུབ་པ་ཆེས། །དགོངས་པ་བླ་མེད་ཅེས་བྱ་བའི། །ཏིང་ངེ་འཛིན་ལ་སྙོམས་ཞུགས་ནས། །སྐུ་གསུང་ཐུགས་ཀྱི་རྡོ་རྗེ་ལས། །མགོན་པོ་རྡོ་རྗེ་ཆེན་པོ་ཡི། །རྩ་བའི་རིག་སྔགས་འདི་གསུངས་སོ། །ན་མོ་རཏྣ་ཏྲ་ཡཱ་ཡ། 
ན་མ་ཨཱརྱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ན་མོ་བྷ་ག་བ་ཏེ། བཻ་རོ་ཙ་ན་པྲ་བྷཱ་རཱ་ཛཱ་ཡ། ཏ་ཐཱ་ག་ཏཱ་ཡ་ཨར་ཧ་ཏེ་བྷྱཿ  སྃ་མྱཀ་སྃ་བུད་དྷ་ཡ། སརྦ་ཨ་ཛྙཱ་ཡ། ཨན་དྷ་ཀཱ་ར་མཱ་མ་ཡི་ཏྲ། ཏདྱ་ཐཱ། 
ཨོཾ་སཱ་དྷ་ནི་སཱ་དྷ་ནི། སིད་དྷ་སིད་དྷེ།  སིད་དྷེ་དྷཱ་ར། བྷ་ག་བ་ཏེ། པ་རྃ་པ་ར། ཀླེ་ཤ་དི་བི་ན། ཨ་ཛྙཱ་ཤེ་ཥ་མ་ཎི་ཤ་མ་ཡ། སརྦ་པཱ་པ་བི་ཤུད་དྷེ་དྷརྨ་ནི་དྷ་མ་ནི། མཱ་ལ་ཛྙཱ་གོ་ཙ་རེ་ཨ་པན་གོ་ཙ་རི་ནི་སྭ་ཤྃ་མུརྡེ་སུ་ཁ་ར་པྲ་ཏེ། སརྦ་ཀླེ་ཤ་ད་བ་ནི། བི་དྷ་མ་ནི། བི་དྷ་མ་ནི། བི་ནཱ་ཤ་བི་
ན་ཤ །བི་ནཱ་ཤ་ཡ་བི་ནཱ་ཤ་ཡ། བྷ་ག་བ་ཏེ། པུ་ར་ས་བི་མ་ལ་བ་དྷི། ས་ར་ས་ར། སི་རི་སི་རི། སུ་རུ་སུ་རུ། པྲ་ས་ར་པྲ་ས་ར། བི་ས་ར་བི་ས་ར། ཨཱ་ཛྙྃ་མ་ཨི་ཧི་ས་ཧཱ་ཏྲ་ཎཱྃ། ཙི་ཏ་ནུ་ཀཱ་ར་མ་ཨ་བ་ར་ན་ཀྵ་པ་ཡ་ཀྵ་པ་མི་ཏ་སུ་བྷུ་དྷ་བི་ཤཱ་ཡ་པཱ་ཤ་བི་ད་ནི་པ་ར་མི་ཏ་
བྷཱ་ཛྙཱ་ན་གོ་ཙ་ར་ཙེ་པ་ཤ་ཤ་པ་ཏི་ཤ་ཤ་མཱ་ལེ་ནི་ཀཱ་ར་ན་གོ་ཙ་རེ། མ་ཧཱ་ཛྙཱ་ན་ཨ་བྷི་ཥེ་ཀ་མ་ཏི་སུ་བི་ནི་ཤྩི་ཏ་ད་དྷུ། ཧེ་ཧེ་བྷ་ག་བ་ཏེ་མ་ཧཱ་ཀཱ་རུ་ཎི་ཀཱ་ཡ། ཀུ་རུ་ཀུ་རུ། བི་ཤི་དྷ་མ་བ་ན། མཱ་མ་སརྦ་སཏྭ་བོཾ་མ་ཧཱ་ཀཱ་རུ་ཎོད་ས་དྷ་ཀེ་ན། སཉྩ་སཉྩ་ས།  ས་
བརྟ་ཡ། སམྦྷ་ལ་པྲ་རོ་ཧ་ཡ་མེ། མ་ཧཱ་ཀཱ་རུ་ཎི་ཀཱ་ཡ། བི་ཛ་ཡ་པ་རི་ཤུད་དྷ་ཡ། ཨ་མུ་ཀ་བི་ཀུ་རུ་བི། ཛ་ཡ་ན། ས་ར་ས་ར། མེ་གྷ་ག་ཏེ་མཱ་མཱ་མཱ། བོ་དྷི་ཙིཏྟྃ་ས་མ་བུད་དྷེ་མ་ན་སན་དུ་ཤེ། བོ་དྷི་མི་རི་ཀཱ་ར་ནི། བུད་དྷ་བོ་དྷི་པྲ་དེ། ནཱ་ར་ཀ་པྲེད་ད་ཏིརྱ་ཀ་ག་
ཏི་དུཿཁ་གུ་ལ་ནི། དེ་བ་མ་ནུ་ཥྱ་ག་ཏི་སྃ་བི་ད་ནི་བ་ག་ཏོ་ཀླེ་ཤ་སརྦ་ནུརྡ་དྷརྨ། པ་རི་པུ་ར་ནི་བཛྲ་དྷརྨ་སིད་དྷྱྃ་ཧུ་མེ་མན་ཏྲ་པ་དཱཿནི་སྭཱ་ཧཱ། སྔ་བར་ལངས་ནས་ཁྲུས་བྱས་ཏེ། །སྐྱིལ་དཀྲུང་མཉམ་བཞག་ཕྱག་རྒྱ་ཅན། །ཡིད་ཀྱིས་ཕྱག་འཚལ་ཉི་ཤུ་གཅིག །
རྡོ་རྗེ་ཆོས་ལས་དད་པས་བརྗོད། །བརྒྱད་དང་བཅུ་བཞི་བཅྭ་ལྔ་ལ། །གོས་གསར་གྱོན་ནས་གསོ་སྦྱོང་བླང་། །མེ་ཏོག་ཙན་དན་དཀར་སོགས་མཆོད། །དོན་གྲུབ་སྡིག་སེལ་ཤེས་རབ་འཕེལ། །དེ་ནས་བཅོམ་ལྡན་ཐུབ་པ་ཆེས། །བདུད་རྣྃ་འཇོམ་པ་རྡོ་རྗེ་ཡི། །ཏིང་ངེ་འཛིན་ལ་སྙོྃ་ཞུག་ནས། །

98-1-277b

སྐུ་གསུང་ཐུགས་ཀྱི་རྡོ་རྗེ་ལས། །རྩ་བའི་རིག་སྔགས་འདི་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ན་མོ་བྷ་ག་བ་ཏེ།   ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨར་ཧ་ཏེ་
ས་མྱཀ་སྃ་བུད་དྷ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཧ་རི་ཧ་རི། བིདྡ་ན་དྷ་མ་ཀ་བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། མ་ཨི་ལི་མི་ལི། ཙི་ལི་ཙི་ལི། ཏུ་ལེ་ཏུ་ལེ། ཀུ་རུ་མེ་ཀུ་རུ་མེ། སི་རི་སི་རི། བི་སི་རི། ཙ་ར་ཡ། བེ་ཤ་རེ་གོ་རེ་གྷན་དྷ་རེ་
ཏྲ་མི་ཊེ། མ་ཏྃ་གི། པུག་ཀ་སི། ཀ་ཏ་ཡ། མཱ་ལ་ཙཎ་ཌ་ལི། ཧུ་རུ་མཱ་ལི་ནི། ཙི་ལི་ཙི་ལི། གྲ་ན་སཽ་མ་དཪྴ་ནེ་ཀུ་རུ། ཙན་ཏྲ་མུ་ཁི། ལ་གྷུ་མ་ཎ་ཡ་མ་ཏི། ཨཱརྱ་དཀྵི་ན་བུད་དྷེ།    སརྦ་བིདྱ་ནཱྃ།   མཱ་མ་པྲ་སཱ་དྷ་ནི། སརྦ་བིདྱ་ནཱྃ།  ཨཱི་ཤྭ་རི་སྭཱ་ཧཱ། ན་མཿསརྦ་ཏ་ཐཱ་ག་ཏ་
ནཱྃ། སརྦ་ཨ་པ་རི་པཱུ་ར་ཀ་ན། ཏདྱ་ཐཱ། ཨོཾ་ཧ་ཧ་ཧ། མ་མ་མ། དྷི་རི་དྷི་རི། ཧི་རི་ཧི་རི། ཤཱན་ཏེ་པྲ་ཤཱན་ཏེ། སརྦ་པཱ་པ་ཀྵ་ཡ་ཀཱ་རི། ཨཱ་བ་ལོ་ཀ་ཡ་ཀཱ་རུ་ཎི་ཀཱ། བོ་དྷི་ཙིཏྟ་མ་ན་སི་ཀུ་རུ་བ་ཡ་ལོ་ཀཱ་ཡ། མ་མྃ་སྨ་ར་སྨ་ར། ས་མནྟ་ཡ་པུརྦེ། སཏྟྱ་ཨ་དྷིཥྛ་ན་ཀྲྀ་ཏྃ་
ཏེ་ན་སཏྱ་ན། ས་ཙི་བ་ཙི་ནྃ།   སརྦ་ཨཀྵ་མི། པ་རི་པཱུ་ར་ཡ། བུད་དྷོ་ཁེ་ཏྲ་མེ། པ་རི་ཤོ་དྷ་ཡ། མ་མེ་ཀན་ཙ། བི་ཧེ་ཐ་ནོཪྠ་བུད་དྷ་ཨ་དྷིཥྛ་ནྃ་སྭཱ་ཧཱ། ཏདྱ་ཐཱ། ཨོཾ་ཛི་ཏེ་ཛེ་ཏེ་མ་ཧཱ་ཛེ་ཏེ་ཡྃ། མཱ་མ་ཀཱ་ཡ། དུཤྩ་རི་སྟྃ་བྷ། བྷ་ག་དུཤྩ་རི་སྟྃ་བྷ། 
མ་ནོ་དུཤྩ་ར་སྟམྦྷ།  དྷ་རི་ཏ་ཏྲ་སྟམྦྷ།  ཏད་སརྦྃ་ཀཱ་པཱ་ཡ། ཨཱ་ལོ་ཀཱ་ཡ། བི་ལོ་ཀཱ་ལ། སརྦ་ཏ་ཐཱ་ག་ཏཱ་དྷ་རི་ཥ་ནཱྃ་ཙི་མ་ཧཱ་བཥྐྃ། ཀྵ་མི་ད་བོ་ད་ས་ད་དྷ་རི་ཥ་ཎཱྃ། མ་དུ་མ་དྷུ་བྷ་བ་ས་བྷ་ས་མེ་དྷ་རི་ཥ་ཎཱྃ།   སརྦ་མ་གུ་ཤ་ལ་ཨ་བྷི་བ་ར་དཾ་
དྷ་ན་མཿསརྦ་ཏ་ཐྵ་ག་ཏཱ་ནཱྃ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སྨ་ར་པྲ་ཏི་ཛྙཱ་མ་ཧཱ་སཏྭ་སིད་དྷྱྃ་ཏུ་མེ་མན་ཏྲ་བ་དེཿསྭཱ་ཧཱ། སྔགས་འདི་གུར་ཀུམ་ཙན་དན་གྱིས། །གྲོ་བ་ལ་
བྲིས་སྐུའི་མཆོད་རྟེན། །སྐུ་གདུངས་བཅས་པར་བཞུགས་པར་བྱ། །ཡང་ན་སྐུ་གདུངས་དང་བཅས་པའི། །སྤྱན་རས་གཟིགས་དབང་སྐུ་ལ་གདགས། །ཚེས་བརྒྱད་ནས་ནི་ཉ་ཡི་བར། །བུམ་པ་མཆོད་པ་བརྒྱད་བཤམས་ཏེ། །

98-1-278a

དྲི་དང་ཁ་དོག་སྣ་ཚོགས་པའི། །འོ་ཐུག་ཞོ་དང་འབྲས་ཆན་མར། །ཙན་དན་དཀར་པོ་དྲི་ག་པུར། །གཏོར་མ་དཀར་དང་དམར་བཅས་པའོ། །གཙོ་བོའི་མདུན་དུ་དཔེ་མེད་ས། །གཡས་སུ་དད་ཅན་འཇིགས་སམ་གཡོན། །
སྣ་མའི་མེ་ཏོག་བརྒྱ་རྩ་བརྒྱད། །གཏོར་ཞིང་དུས་གསུམ་མཆོད་དེ་བཀྲུ། །སྡིག་སྦྱང་རྨི་ལམ་འོད་དུ་འབར། །བདུད་རྣམས་ཟློག་པར་བྱེད་པ་ལ། །རྩེ་གསུམ་སོར་བརྒྱད་ཚད་ལ་ནི། །ཐོད་པ་སྐམ་པོ་སོར་དྲུག་སྟེ། །དབུསུ་རྡོ་རྗེ་རྩེ་
ལྔ་པ། །སེང་ལྡེང་ཡུ་བ་ཁྲུ་གང་པ། །དེ་ཡི་རྟེན་ཡང་སོར་དྲུག་སྟེ། །དེ་ནི་ཟུར་བརྒྱད་ལྡན་པ་ལ། །རྡོ་རྗེ་འཁོར་ལོ་རིན་པོ་ཆེ། །པད་མ་རལ་གྲི་ལྕགས་ཀྱུ་མདའ། །མདུང་རྣམས་གཡས་ནས་བསྐོར་བར་དགོད། །ཉི་ཤུ་རྩ་གཅིག་བརྗོད་བྱ་
སྟེ། །མཚན་མོ་སྔས་སུ་གཟུགས་པར་བྱ། །དེ་ནས་བཅོམ་ལྡན་ཐུབ་པ་ཆེས། །དུག་གི་ཚོགས་རྣམས་འཇོམས་པ་ཡི། །ཏིང་ངེ་འཛིན་ལ་སྙོམས་ཞུགས་ནས། །རྗེ་བཙུན་མགྲིན་པ་སྔོན་པོ་ཡི། །རྩ་བའི་རིག་སྔགས་འདི་གསུངས་
སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧྭ་ཀཱ་རུ་ཎི་ཀཱ་ཡ། ཏདྱ་ཐཱ། སརྦ་བན་དྷ་ཙྪེ་ད་ན་ཀཱ་ར་ཡ། སརྦ་པཱ་པ་ས་མུ་དྲོ་ཙྪོ་ད་ན་ཀཱ་རཱ་ཡ། སརྦ་བྱཱ་དྷི་པྲ་ཤ་མ་ཎ་ཀ་ར་ཡ། སརྦ་ཨི་ཏྱུ་
པ་དྲ་བ་བི་ནཱ་ཤ་ན་ཀ་རཱ་ཡ། སརྦ་བྷ་ཡེ་ཥུ་ཏྲཱ་ནཱ་ཡ་ཏ་སྱི་ན་མ་སྐྲྀ་ཏཾ། ཨི་མྃ་ཨཱརྱཱ་བ་ལོ་ཀི་ཏེ་ཤྭ་ར་ཧ་བ་ནཱི་ལ་ཀཎྛ་ནཱ་མ་ཧྲི་ད་ཡ་མཱ་བརྟ་ཡི་ཥྱ་མི་སརྦ་ཨརྠ་སཱ་དྷ་ནཾ་ཤུ་བྷ་ཙེ་ཏ་ནཾ། སརྦ་སཏྭཱ་ནཱཾ། པཱ་པ་མརྒ་བི་ཤོ་དྷ་ཀཾ ། ཏདྱ་ཐཱ། ཨ་བ་
ལོ་ཀ་ལོ་ཀ་བ་ཏི། ལོ་ཀ་ག་ཏི། ཨེ་ཧྱེ་ཧི། མ་ཧཱ་བོ་དྷི་སཏྭ། ཧེ་བོ་དྷི་སཏྭ། ཧེ་པྲི་ཡ་བོ་དྷི་སཏྭ། ཧེ་མ་ཧཱ་ཀཱ་རུ་ཎི་ཀ །སྨ་ར་ཧྲྀ་ད་ཡ། ཨེ་ཧྱེ་ཧི། ཨཱ་བ་ལོ་ཀི་ཏེ་ཤྭ་ར་པ་ར་མ་མཻ་ཏྲི་ཙིཏྟ་ཀཱ་རུ་ཎི་ཀ་ཀུ་རུ་ཀུ་རུ་ཀརྨྃ། སཱ་དྷ་ཡ་སཱ་དྷ་ཡ། བི་དྱཾ། 
དེ་ཧི་དེ་ཧི་མེ། ཨ་རངྒ་མངྒ་མ། བི་ཧཾ་ག་མི་ཧ་སིདྷ། ཡོ་གེ་དྷཱ་ར། ཧུ་དུ་ཧུ་དུ། བཱིརྱནྟེ། མ་ཧཱ་བཱིརྱནྟེ། དྷ་ར་དྷ་ར་དྷཱ་ར་ཎེ་ཤྭ་ར། ཛྭ་ལ་ཛྭ་ལ། བི་མ་ལ་ཨ་མ་ལ་མུརྟེ། ཨརྱ་བ་ལོ་ཀི་ཏེ་ཤྭ་ར་ཀྲྀཥྞཱ་ཛི་མ་མུ་ཀུ་ཊ་ཨ་ལཾ་སྐྲྀ་ཏ་ཤ་རི་ར་ལམྦ་པྲ་ལམྦ་

98-1-278b

བི་ལམྦ། མ་ཧཱ་སིད་དྷ་ཤུདྷ་དྷ་ར། བ་ལ་བ་ལ། མ་ཧཱ་བ་ལ། ཛྭ་ལ་ཛྭ་ལ་མ་ཧཱ་ཛྭ་ལ། ཀྲྀཥྞ་པཀྵ་ཀྲྀཥྞ་བརྞྞ་ཀྲྀཥྞ་པཱ་ཤ་ནིརྒྷཱ་ཏ་ན། ཧེ་པདྨ་ཧསྟ། ཛ་ཡ་ཀཱ་ར་ཎི།  ཤ་ཙ་རེ་ཤྭོ་ར། ཀྲྀཥྞ་སརྦ་ཀྲྀ་ཏ་ཡ་ཛྙོ་པ་བི་ཏ། ཨེ་ཧྱེ་ཧི་བ་རཱ་ཧ་མུ་ཁི། ཏྲི་པུ་ར་ད་
ཧ་ནེ་ཤོ་ར། ནཱ་རཱ་ཡཱ་ན། བ་ལ་རུ་པ་གི་ཥ་དྷ་རི། ཧེ་ནཱེ་ལ་ཀནྠ།  ཧེ་མ་ཧཱ་ཧཱ་ལ་ཧ་ལ། བི་ཥ་ནིརྫ་ཏ། ལོ་ཀ་སྱ། རཱ་ག་བི་ཥ་ནཱ་ཤ་ནན། དྭེ་ཥ་བི་ཥ་ན་ཤ་ནྃ། མོ་ཧ་བི་ཥ་ནཱ་ན་ནིར་མོ་ཀྵ་ཎ། ཧུ་ལུ་ཧུ་ལུ། མུཉྩ་མུཉྩ། མུ་ཧུ་མུ་ཧུ། ཧ་ལ་ཧ་ལ། མ་ཧཱ་པདྨ་ན་བྷ་
ས་ར་ས་ར། སི་རི་སི་རི། སུ་རུ་སུ་རུ། བུདྷྱེ་བུདྷྱ། བོ་དྷ་ཡ་བོ་དྷ་ཡ། ཏ་ཝ་ནཱི་ལ་ཀཎྛ། ཨེ་ཧྱེ་ཧི་བཱ་མ་སྠི་ཏ་སིཾ་ཧ་མུ་ཁ། ཧ་ས་ཧ་ས། མུཉྫ་མུཉྫ། མ་ཧཱ་ཨཊྚཱ་ཊྚ་ནིརྞ་དི་ནེ། ཨེ་ཧྱེ་ཧི་བྷོ་བྷོ་མ་ཧཱ་སིད་དྷ།   ཡོ་གཱི་ཤྭ་ར། བན་དྷ་བན་དྷ་བཱ་ཙཾ། སཱ་དྷ་ཡ་སཱ་དྷ་ཡ། བིདྱཱ་
སྨ་ར་སྟྭྃ་ཧེ།  བྷ་ག་བཱན། ལོ་ཀ་བི་ལོ་ཀ་སྟྭྃ། ཏ་ཐཱ་ག་ཏྃ། ད་དཱ་ཧི་མེ་དཪྴ་ནྃ། པྲ་ས་དྷ་ཡ་མེ་ཎ་སྭཱ་ཧཱ། སིད་དྷཱ་ཡ་སྭཱ་ཧཱ། མ་ཧཱ་སིད་དྷཱ་ཡ་སྭཱ་ཧཱ། སིདྡྷཱ་ཡོ་གི་ཤྭ་རཱ་ཡ་སྭཱ་ཧཱ། ནཱི་ལ་ཀཎྛ་ཡ་སྭཱ་ཧཱ། བ་ར་ཧ་མུ་ཁཱ་ཡ་སྭཱ་ཧཱ། སིཾ་ཧ་མུ་ཁཱ་ཡ་སྭཱ་ཧཱ། མ་ཧཱ་
ན་ར་སིཾ་ཧ་མུ་ཁཱ་ཡ་སྭཱ་ཧཱ། སིདྷ་བིདྱ་དྷཱ་རཱ་ཡ་སྭཱ་ཧཱ། པདྨ་ཧསྟཱ་ཡ་སྭཱ་ཧཱ། མ་ཧཱ་པད་མ་ཧསྟ་ཡ་སྭཱ་ཧཱ། བཛྲ་ཧསྟ་ཡ་སྭཱ་ཧཱ། མ་ཧཱ་བཛྲ་ཧསྟ་ཡ་སྭཱ་ཧཱ། ཀྲྀཥྞ་སརྦ་ཀྲྀ་ཏ་ཡཛྙོ་པ་པི་ཏ་སྭཱ་ཧཱ། མ་ཧཱ་ཀཱ་ལ་མུ་ཀུ་ཊ་དྷ་རཱ་ཡ་སྭཱ་ཧཱ། ཤཾ་ཁ་ཤབྡ་ནརྞ་ད་ན་ཀ་
ར་ཡ་སྭཱ་ཧཱ། བོ་དྷ་ན་ཀ་རཱ་ཡ་སྭཱ་ཧཱ། བ་མ་སྐནྡྷ་དེ་ཤསྠི་ཏ་ཀྲྀཥྞ་ཛི་ནཱ་ཡ་སྭཱ་ཧཱ། བྨད་ཧསྟ་བྱ་གྷྲ་ཙརྨ་ནི་བ་ས་ནཱ་ཡ་སྭཱ་ཧཱ། ལོ་ཀེ་ཤྭ་རཱ་ཡ་སྭཱ་ཧཱ། མ་ཧཱ་ལོ་ཀེ་ཤྭ་ར་ཡ་སྭཱ་ཧཱ། སརྦ་སིདྷེ་ཤྭ་རཱ་ཡ་སྭཱ་ཧཱ། རཀྴ་རཀྴ་མཱ་སྭཱ་ཧཱ། ཀུ་རུ་རཀྴ་མུ་རྟེ་ནཾ་སྭཱ་ཧཱ། ན་མོ་ཨཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་
ཡ། མ་ཧཱ་ཀཱ་རུ་ཎི་ཀཱ་ཡ། སེད་དྷྱྃ་ཏུ་མེ་མན་ཏྲ་པ་དཻཿསྭཱ་ཧཱ། སྨུག་བུ་མེ་ལེན་སྤུར་ལེན་དང་། །ཤེལ་དང་བཻ་ཌུརྱ་ཀ་རམ། །གསེར་གྱི་སྣོད་དུ་ཁུར་བཅས་པ། །མཎྜལ་དབུས་བཞག་སྔགས་ཁྲི་བརྗོད། །མུག་ཁྲི་རྡོ་ཡི་ཀོང་བུར་ན། །ཆུར་བཅས་སྔ་དྲོ་སྔར་
བྱས་ནས། །ཉི་ཤུ་རྩ་གཅིག་སྔགས་བརྗོད་དོ། །ཁོང་དུ་འཐུངས་པས་དབྱིག་དུག་དང་། །སྦྱར་དུག་ལྷན་ཅིག་སྐྱེས་དུག་དང་། །བཟའ་ཉེས་ཙམ་ཡང་སེལ་འགྱུར་ན། །དུག་རིག་གཞན་ལྟ་སྨོས་ཅི་དགོས། །དོགས་པའི་ཐེ་ཚོམ་མི་བྱའོ། །དད་ཅན་ཤེས་

98-1-279a

རབ་ལྡན་པའི་མི། །རྩ་བའི་གསང་སྔགས་གང་ལ་ཡང་། །ནན་ཏན་རྩེ་གཅིག་ཏུ་བརྗོད་ན། །དེ་ཡིས་ཐམས་ཅད་འགྲུབ་པར་འགྱུར། །གང་ཞིག་དད་པའི་ལྕགས་ཀྱུ་དང་། །བློ་ཡི་ར་བར་ལྡན་པ་ལ། །ལྷ་ཀླུ་འབུམ་ཕྲག་ཐུས་
སྐྱོབ་ཅིང་། །དཀར་པོ་དགེ་བ་ཀུན་སློང་སེམས། །བྱང་ཆུབ་རིན་ཆེན་གཏེར་ཐོབ་པར། །སྔགས་ཀྱི་མཐུས་ནི་མཛད་པ་སྟེ། །སྔགས་ལ་ཉེས་དད་མེད་པ་ལ། །བསྟན་ན་རང་ཉིད་ཉམས་པར་འགྱུར། །འཕགས་པ་སྤྱན་རས་གཟིགས་དབང་ཕྱུག་
གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས་རིགས་ཀྱི་ཁྱད་པར་གྱི་སྔགས་བྱུང་བའི་ལེའུ་སྟེ་གསུམ་པའོ།། །། དེ་ནས་ཡང་དག་བཤད་བྱ་བ། །ཕྱོགས་བཅུའི་སངས་རྒྱས་བསྡུས་པའི་དངོས། །འཇིག་རྟེན་མགོན་པོ་ས་བཅུའི་དབང་། །
སྟོབས་བཅུ་རྒྱས་པའི་རང་བཞིན་ཅན། །ཕ་རོལ་ཕྱིན་བཅུ་ལྷུན་གྲུབ་པ། །ས་བཅུ་གཅིག་ཏུ་རྫོགས་ནས་ཀྱང་། །ཕྱོགས་བཅུ་ཀུན་དུ་ཁྱབ་མཛད་པའི། །བཅུ་གཅིག་པ་ཡི་མཚན་ཉིད་ཉིད། །བསོད་ནམས་སྐལ་བར་ལྡན་པའི་མིས། །རང་གིས་
ལུས་ལ་སྔགས་དགོད་བྱ། །སྔགས་དང་བཅས་པའི་ལུས་ལ་ནི། །སྲེད་མེད་བུས་ཀྱང་མི་ཚུགས་ན། །འཇིག་རྟེན་གཞན་ལྟ་སྨོས་ཅི་དགོས། །བྱད་དང་ཤ་ཟ་རོ་ལངས་དང་། །འབྱུང་པོ་མཚོན་དང་གྲིབ་གནོན་དང་། །ལྟས་ངན་རྣམས་ནི་མྱུར་
དུ་སེལ། །བླ་མ་ལས་བྱུང་རིམ་པས་ནི། །མྱུར་དུ་བླ་མེད་བྱང་ཆུབ་འགྱུར། །བླ་མའི་ལུང་དང་བྲལ་བས་ནི། །ནམས་ཀྱང་འགྲུབ་པར་མི་འགྱུར་རོ། །སྤྱི་བོར་ཡི་གེ་ཨོཾ་དཀར་པོ། །ནན་ཏན་དུ་ནི་བསམ་པར་བྱ། །དཔྲལ་བར་ཡི་གེ་ཨ་ལྗང་གུ། །དེ་
བཞིན་དུ་ནི་བསམ་པར་བྱ། །ལྕེ་ཡི་སྟེང་དུ་ཡི་གེ་མཆོག །ཧྲིཿཡིག་དམར་པོ་འོད་ལྡན་བསམ། །སྙིང་གི་ཕྱོགས་སུ་ཧཱུྃ་སྔོན་པོ། །ལྟེ་བར་ཧ་ཡིག་སེར་པོ་སྟེ། །དེ་བཞིན་གསང་བར་ཧོ་ལྗང་གུ། །བཤང་བའི་གནས་སུ་ཧོ་སྔོན་པོ། །པུས་མོ་གཉིས་
ལ་ས་སེར་སྐྱ། །རྐང་མཐིལ་ཡི་གེ་ཧ་ལྗང་སེར། །ལག་མཐིལ་གཉིས་ལ་ཧཱུྃ་དཀར་པོ། །ལག་ངར་ལ་ནི་ཧྲིཿསྔོན་ཏེ། །དཔུང་པར་ཡི་གེ་ཧྲིཿདགོད་བྱ། །ཡི་གེ་ཚོགས་ཀྱིས་བྱིན་བརླབས་ནས། །གང་དང་གང་ཡང་རུང་བ་ཡི། །རྩོལ་བ་རྣམས་ལ་

98-1-279b

འཇུག་པར་བྱ། །སྩོལ་བ་དེ་དང་དེ་དག་ཀྱང་། །སྔགས་ཀྱི་བྱིན་བརླབས་ལས་བྱུང་ཞིང་། །ལུས་ཀྱང་སྔགས་ཀྱི་ངོ་བོ་ཉིད། །སྔགས་ཀྱིས་བསྐྱེད་པའི་ལུས་ཉིད་ནི། །སྔགས་དང་བཅས་པའི་ལུས་སུ་འགྱུར། །སྔགས་ཀྱི་ལུས་ཀྱི་རིགས་རྣམས་
ཀྱི། །ཞིང་ཁམས་དུ་མ་སྦྱངས་ནས་ཀྱང་། །འགྲོ་བ་རྣམས་ཀྱི་ལུས་སུ་ནི། །འགྲོ་བ་གྲོལ་བའི་སྤྱོད་པ་ནི། །ཀུན་བཟང་མཆོག་དང་མཚུངས་པ་སྟེ། །འགྲོ་དང་དབྱེར་མེད་དོན་རིག་འགྱུར། །དོན་དེ་མ་ལུས་ཐོབ་པའི་ཐབས། །ངག་གིས་རིག་པར་
གྱུར་པ་ཡིས། །རིག་འཛིན་ཞེས་བྱའི་དངོས་པོ་སྟེ། །དེ་ལ་གང་གནས་དེ་ཡི་མིང་། །རིག་པ་འཛིན་པ་ཞེས་བྱ་སྟེ། །སངས་རྒྱས་མུ་སྟེགས་པས་མི་ཤེས། །ལྷག་དང་བཅས་པའི་རྩོམ་པ་ནི། །ཤིན་ཏུ་ངལ་བ་ཉིད་ཡིན་ཏེ། །ངལ་བ་ཉིད་ཀྱིས་
གོལ་བའི་ལམ། །བགྲོད་པར་དཀའ་བ་དེ་སྤངས་ནས། །ཤིན་ཏུ་བག་ཡངས་བདེ་བའི་ལམ། །སྐལ་དམན་ཡང་དག་སྒྲུབ་འདི་ལ། །ནན་ཏན་དུ་ནི་འཇུག་པར་བྱ། །སྟོན་པས་དེ་སྐད་གསུངས་པའི་ཚེ། །འཁོར་རྣམས་དགའ་ནས་ཐལ་སྦྱར་ཏེ། །མཁའ་
ལ་མེ་ཏོག་གཏོར་ནས་ཀྱང་། །མགོན་པོ་སྤྱན་རས་གཟིགས་དབང་གཙོ། །ཐམས་ཅད་ཀྱིས་ནི་ཕྱག་འཚལ་ཏེ། །བསྐོར་བ་དུ་མ་བྱས་ནས་ཀྱང་། །གདོང་བཅུ་གཅིག་པ་ཞེས་བྱ་བའི། །ཞལ་དང་སྐུ་ཡི་འདུ་བྱེད་ལ། །འཛུམ་བཞིན་དུ་ནི་བལྟས་ནས་ཀྱང་། །
གསང་བའི་སེམས་དང་ལྡན་པ་དག །པུས་བཙུགས་ཐལ་མོ་སྦྱར་བྱས་ནས། །ཕྱོགས་བཅུ་རང་རང་བདེ་བར་འཁོད། །དེ་ནས་འཇིག་རྟེན་མགོན་པོས་ནི། །འགྲོ་བའི་དོན་དུ་རིག་སྔགས་གསུངས། །བདག་དང་གཞན་གྱི་དོན་རྫོགས་ཕྱིར། །ལས་
ཀྱི་སྦྱོར་བའང་ཐ་དད་དོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་ཧ་རཱ་ཛཱ་ཡ། ཏ་ཐཱ་ག་ཏ་ཡ་ཨར་ཧ་ཏེ་སྃ་མྱཀ་སཾ་བུད་དྷཱ་ཡ། ན་མ་སརྦ་ཏ་ཐཱ་ག་ཏེ་བྷྱཿཨཪྷ་ཏེ་བྷྱཿསཾ་བུདྷྱ་བྷྱཿམྱཀ་སྃ་བུདྷྱ་ན་མ་ཨརྱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭ་ཡ། མ་ཧཱ་སཏྭཱ་ཡ། 
མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིཊྚེ་བཊྚེ། ཙ་ལེ་ཙ་ལེ། པྲ་ཙ་ལེ་པྲ་ཙ་ལེ། ཀུ་སུ་མེ་ཀུ་སུ་མེ། བ་རེ་ཨི་ལི་མི་ལི། ཙི་ཏི་ཛྭ་ལ་མ་པ་ན་ཡ་སྭཱ་ཧཱ། ཤུདྷཱ་ཡ་སྭཱ་ཧཱ། མ་ཧཱ་ཀཱ་རུ་ཎི་ཀཱ་ཡ་སྭཱ་ཧཱ། འདི་གསུངས་ཚེ་ན་ས་ཆེན་ཡང་། །

98-1-280a

རྣམ་པ་དྲུག་ཏུ་གཡོས་པར་གྱུར། །རྩ་བའི་སྙིང་པོ་སྟོང་བརྗོད་པས། །དངོས་གྲུབ་ཅི་དང་ཅི་འདོད་འགྲུབ། །གཞན་ཡང་སྔགས་པས་ཀུན་གྱི་དབུར། །སྔོན་གྱི་ཕྱག་འཚལ་བཞི་པོ་བརྗོད། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་སཱ་
ག་ར་བཻ་རོ་ཙ་ན་བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ་རྡ་ཏེ་སམྱཀ་སྃ་བུདྷཱ་ཡ། ན་མ་སརྦ་ཏ་ཐཱ་ག་ཏཱ་ཨར་ཧ་ཏེ་བྷྱཿ ས་མྱ་ཀ་སྃ་བུདྷེ་བྷྱཿན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། མོ་དྷི་སཏྭ་ཡ་མ་ཧཱ་སཏྭ་ཡ་མ་ཧི་ཀ་རི་ཎི་ཀ་ཡ་ཏདྱ་ཐཱ་ཧ་ར་ཧ་ར་ཨི་ལི་མི་ལི་ཙི་ལི་ཙི་ལི། 
ཁེ་ལེ་ཧ་ལ་སྭཱ་ཧཱ། དཀྱིལ་འཁོར་ནང་དུ་འདུག་པ་ཡིས། །ཆུ་དང་གོས་ལ་བདུན་བདུན་བརྗོད། །ཁྲུས་བྱས་གོས་གོན་ནང་དུ་འཇུག །སྣོད་སོགས་རྫས་གཞན་དག་ཀྱང་བསམ། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་ས་ག་ར་བཻ་རོ་ཙ་ན་བྱུ་ཧ་
རཱ་ཛཱ་ཡ། ཏ་ཐཱ་ག་ཏཱ་ཡ་ཨཪྷ་སྟེམྱཀ་སྃ་བུདྷཱ་ཡ། ན་མ་སརྦ་ཏ་ཐཱ་ག་ཨར་ཧ་ཏེ་བྷྱཿསྃ་མྱཀ་སྃ་བྷུདྷ་ཡ།   ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀ་རུ་ཎི་ཀཱ་ཡ་ཏདྱ་ཐཱ། ཨོཾ་དྷུ་རུ་དྷུ་རུ་ཧ་ར་ཧ་ར་སྭཱ་ཧཱ། བདུན་ཕྲག་རེ་རེ་བཏབ་
པ་ཡིས། །སྤོས་བསྲེགས་པ་དང་མར་མེ་སྦར། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་ཧ་རཱ་ཛཱ་ཡ་ཏ་ཐཱ་ག་ཏཱ་ཡཱ་ཨར་ཧ་ཏེ་བྷྱཿསམྱཀ་སྃ་བུ་དྷཱ་ཡ་ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀ་རུ་ཎི་ཀཱ་ཡ་ཏདྱ་ཐཱ་སི་རི་
སི་རི། དྷི་རི་དྷི་རི་སི་དྷི་རི་སི་དྷི་རི་སྭཱ་ཧཱ། མེ་ཏོག་བྱུག་སྤོས་མེ་ཏོག་ཕྲེང་། །བདུན་བདུན་བརྗོད་ལ་སྐུ་གཟུགས་ལ། །གཏོར་དང་བྱུག་དང་གདགས་པར་བྱ། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་ཧ་རཱ་ཛཱ་ཡ་ཏ་ཐཱ་ག་ཏཱ་ཡཱ་ཨར་ཧ་ཏེ་སམྱཀ་སྃ་བུད་དྷཱ་ཡ་ན་མ་ཏ་ཐཱ་ག་ཡཱ་
ཧ་ཏེ་བྷྱཿསམྱཀ་སྃ་བུདྷཱ་ཡ་ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་སཱ་དྷེ་སཱ་དྷེ། སོ་ཧི་སོ་ཧི། སོ་དུ་སོ་དུ། བཤོས་གཙང་མེ་ཏོག་འབྲས་བུར་བཅས། །ཉི་ཤུ་རྩ་གཅིག་བརྗོད་ནས་ནི། །ཞལ་
ཟས་དག་གིས་རྣམ་པར་མཆོད། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་ཧ་རཱ་ཛཱ་ཡ་ཏ་ཐཱ་ག་ཏཱ་ཡཱ་ཨར་ཧ་ཏེ་སམྱཀ་སྃ་བུདྷཱ་ཡ། ན་མ་ཨརྱཱ་བ་ལོ་ཀི་ཤྭ་རཱ་ཡ་བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། 

98-1-280b

ཏདྱ་ཐཱ། ཨོཾ་ས་མཱ་དྷི་སི། ཙ་ལེ་ཙ་ལེ། ཙུ་རུ་ཙུ་རུ། སུ་རུ་སུ་རུ། མུ་རུ་མུ་རུ་སྭཱ་ཧཱ། མེ་ཏོག་དཀར་པོའི་ཤིང་དུམ་བུ། །སུམ་བཅུ་བཞི་མར་སྦྲང་རྩིར་ནི། །ཞག་གཅིག་སྦངས་ནས་ཉིན་གཅིག་གམ། །ནང་རེ་ནུབ་བར་རེ་རེ་ལ། །སྔགས་རེ་བཏབ་ནས་
བསྲེགས་ནས་གཟོད། །ཅི་དགོས་པ་རྣམས་བསྒྲུབས་ན་འགྲུབ། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ་རྷ་ཏེ་སམྱཀ་སྃ་བུདྷཱ་ཡ། ན་མ་སརྦ་ཏ་ཐཱ་ག་ཏཱ། ཨར་ཧ་ཏེ་བྷྱཿསྃམྱཀ་སྃ་བུདྷ་ཡ། 
ན་མ་ཨཱརྱ་བ་ལོ་ཀི་ཏེ་ཤྭ་ར་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨི་ལི་མི་ལི། པི་ལི་ཏི་ལི། ཙི་ལི་ཏི་ལི་སྭཱ་ཧཱ། ཆུ་འམ་ཐལ་བ་ཡུངས་ཀར་ལ། །ལན་བདུན་སྔགས་ནས་ཕྱོགས་བཞིར་གཏོར། །ས་ཕྱོགས་ཉེ་
རིང་གང་དུ་ཡང་། །མཚམས་གཅོད་པ་ཡི་མཆོག་ལགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ་རྷ་ཏེ་ས་མྱཀ་སྃ་བུདྷཱ་ཡ་ན་མ་སརྦ་ཏ་ཐཱ་ག་ཏེ་བྷྱཿ ས་མྱཀ་སྃ་བུདྷཱ་བྷྱཿ
ན་མ་ཨཱརྱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་བི་ཏི་བི་ཏི། ཏི་ཊེ་ཏི་ཊེ། བེ་དེ་བེ་དེ། ཀ་ཙ་ཀ་ཙ། བྷ་ག་བཱན། ཨརྱ་བ་ལོ་ཀི་ཏེ་ཤྭ་རཱ་ཡ། སརྦ་སཱ་དྷ་ནཱྃ་སྭཱ་ཧཱ། སྐུ་སོགས་སླར་ཡང་སྤྱན་དྲང་དང་། །
རང་ཉིད་གནས་ནས་ལྡོག་དོན་ཕྱིར། །ཆུ་ལ་ལན་བདུན་བཏབ་པ་ཡིས། །བཀྲུས་ནས་དགོངས་པ་དེ་དག་འགྲུབ། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་ཧ་རཱ་ཛཱ་ཡ་ཏ་ཐཱ་ག་ཏཱ་ཡ་རྷ་ཏེ་ས་མྱཀ་སྃ་བུདྷཱ་ཡ། ན་མ་སརྦ་
ཏ་ཐཱ་ག་ཏ་ཨར་ཧ་ཏེ་བྷྱཿ  སམྱཀ་སྃ་བུདྷ་ཡ།  ཨཱརྱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་བཛྲ་ཧཱུྃ་ཧྲིཿཧོ། འཇིག་རྟེན་འཕོ་ལ་རབ་དགའ་བས། །ཟས་སྐོམ་བྱིན་གྱིས་བརླབས་པའི་སྔགས། །
དེ་ནས་བཅོམ་ལྡན་ཐུབ་པ་ཆེས། །ཏིང་ངེ་འཛིན་ལ་སྙོམས་ཞུགས་ནས། །སྐུ་གསུང་ཐུགས་ཀྱི་རྡོ་རྗེ་ལས། །མགོན་པོ་ཞལ་ནི་བཅུ་གཅིག་པ། །རྩ་བའི་རིག་སྔགས་འདི་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་སཱ་ག་ར་

98-1-281a

བཻ་རོ་ཙ་ན་བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། རྷ་ཏེ་སམྱཀ་སྃ་བུདྷཱ་ཡ། ན་མ་སརྦ་ཏ་ཐཱ་ག་ཏ་ཨར་ཧ་ཏེ་བྷྱཿ སམྱཀ་སྃ་བུདྷ་ཡ།  ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ན་མ་སརྦ་
བྱུ་ཧ་བི་ཧི་སརྦ་ཨ་ཧྃ་བུདྷོ་པྲ་བ་ས་ཀེ་སཾ་གྷེ་བྷྱོཿན་མ་ཨརྱ་ཛྙཱ་ན་ས་ག་ར་བཻ་རོ་ཙ་ན་ན་མ་སརྦ་ཡ། ན་མ་སརྦ་ཏ་ཐཱ་ག་ཏཱ་ཡ། ཨར་ཧ་ཏེ་བྷྱཿསམྱཀ་སྃ་བུདྷཱ་ཡ། མ་སརྦ་ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། 
ཨ་བྷ་ཡ་དྷ་ན་སརྦ་པ་ཏ་གྷ་ར་ཏྭཱ་ན་ཀ་རཾ། སརྦ་ཨརྱ་ཡ་གྷ་བ་པཉྩ་པྲ་ཤ་མ་ན་ཀ་རྃ་སརྦ་བི་ཤུདྷ་ཀཱ་ལ་ཧི་གྷ་བ་ཧ། བི་ག་ཧ། པྲ་མ་ཎ་ཀ་རྃ་སརྦ་པཱ་པྃ་ནཱ་ཤ་ཡ་ཀ་རྃ་སརྦ་བྷྱ་ད་བེ་ཏ་ལ། པི་ཤ་མརྷེ་ན། དུར་སྭ་པ་ན། དུཪྞ་མི་ཏྃ། 
སརྦ་བིགྷྣྃ་བི་ན་ཡ་ཀཱྃ། བོ་དྷི་སཏྭཱ་ཀ་རྃ། པ་ར་ཙ་ཀྲ། དུར་བྷེ་ཀྴ། ཤ་ཀེ་བྷ་ཡ་ནི་ས་ར་ཀ་རཾ། སཱ་དྷེ་བ། ན་ཡཀྴ་གྃ་དྷརྦ་ཨ་སུ་ར་ག་རུ་ཊ་ཀིནྣ་ར་མ་ཧོ་ར་གེ་སརྦ་ཙྪེ་ན་ད་ཀ་རཾ། སརྦ་པི་ཤཱ་ཙེ་ཀེ་ཊ་བྷ། སུ་ཀྵ་དྷ་གྷ་དྷ། ཀྲཙྪ་ཀ་ལི་ར། བེ་ཊ་ལེ། 
ཨ་མྃ་གྷ་ལ་བི་ནཱ་ཤ་ཀཱ་རཱ་ཡ། ན་མོ་ནཱ་ཐ་མ་ཧཱ་ཀཱ་རུ་ཎ་ཨེ་ཀ་ད་ས་མུ་ཁ་སྭ་ཏྲ་ས་བྷུ་ཛེ་སྭཱ་ཧཱ། སྲེ་ན་ཊྃ། ཏདྱ་ཐཱ། ཨོཾ་ཛ་གི་རི། ཡུ་ད་ཙི་ཧཱ་ར་ཎི། པི་ཙོ་ཏྲ་མུ་ཁི་ཨེ་ཀ་སུ་མུ་ཁ། སརྦ་སྃ་གྷ་མ་ཧཱ་རཱ་ཎི་ཛ་མུ།  ས་ཧ་སྲ་བྷུ་ཛ་མ་ཧཱ་ནི་ཏྲི་མ་ཧཱ་
ཤྲི་ནི་ན་ལཾ་ཀཱ་ར། མ་ཎི་ཀུཎ་ཌ་ཡ་སན་དྷ་ཧཱ་ས་ནཏྟེ། བི་ཙིཏྟྲ་མུ་ལ་དྷ་རེ། ཙན་དྲ་སཱུརྱ། ཨ་ཏི་ར་ཀེ ། ཨཱ་ཀཱ་ཤ་ག་ག་ན་ཙ་རེ་ནེ། མྃ་གྷ་ལ་ཤ་རི་ཛཱི་མུ་ཏེ་བེ་པིཏྟ་པི་ན་མཾ་གྷ་ལེ་བྷུ་རི་མི་ཏྲ་ཀཱ་ར་ནེ་ཙུ་རུ་ཙུ་རུ་ཤྭེ་ཏ་བཱ་དེ་མུ་རུ་མུ་རུ་ཤཏྟ་ཨ་བ་ན་
ཏྟེ། ཧུ་རུ་ཧུ་རུ། བ་བིཏྟྲ་མུ་ཁི་ཀུ་རུ་ཀུ་རུ་ཙི་ཏྟྲ་མུ་ཁི་ཨ་དི་དྱ་པ་ཤཱ་པ་ར་ཎི་ནི། ཛཾ་བྷ་ནི། མང་གྷ་དྷ་ནི། མང་ག་དྷ་ནི། སརྦ་པཱ་ཎི་ནི། སརྦ་བིརྱ་རམྦྷེ། མ་ཧཱ་ནི། ཨ་མོ་གྷ་པ་ཤ་ཧསྟ། སརྦ་བྷ་ཡ་པི་ཡོ་ན་རི་ཙ་རི། ཨགྣི་བི་ཤྭ། ཨུ་ཏ་ཀ་པཱ་ཡ། པྲ་ཤ་མ་
ནི། ཀ་ཁོར་ད་ནི་བཱ་ན། ཨོཾ་ཧི་རི་ཧི་རི། ཛ་ཡ་ཀ་རི། བ་ལ་ཀ་རི། ད་ན་ཀ་རི། ཏི་ཙསྐ་ཀ་རི། བྷི་བ་བྷི། པྲ་ཤ་མ་ཎི། ཡུད་དྷ་ནི་པ་ར་ཙཀྲ་པྲ་པར་སྱཿབི་ན་ནི། མུ་དོཏྟེར་ནི་པྲ་བྷུ་ན་བྷེ་ལ། མ་ཎི། མ་ཧཱ་མ་ཎི་མ་ཎི་དྷ་རེ་ཏྲཻ་ལོ་ཀྱ་ཀ་རི་ཏི་པུརྞ་ཀ་ར་བི་དཾ་དཾ་ས་ནི། 

98-1-281b

བ་ར་བྷེ་ན། པིཏྟྲ་པཱ་ཎི་ནི། སརྦ་གྲྀརྱ་ཀརྨ་ཎི་སུ་ད་ནི། སརྦ་བྱ་དྷི་ན། པྲ་ཤ་མ་ཎི་སྭཱ་ཧཱ། ཨོཾ་ཙི་ལི་ཙི་ལི་སྭཱ་ཧཱ། མི་ལི་མི་ལི་སྭཱ་ཧཱ། སི་ལི་སི་ལི་སྭཱ་ཧཱ། ཙི་ལི་ལི་ཙི་ལི་ལི་སྭཱ་ཧཱ། །ཙིནྡྷ་ལི་མ་ཏི་ནི་སྭཱ་ཧཱ། ཨ་ད་ཀེ་ཤ་པིཾ་ཀ་ཀེ་ཏོ་དྷེ་མུ་ཁི་ཁི་སྭཱ་ཧཱ། ཨོཾ་
ཀ་ར་ཀ་ར། ཙ་ར་ཙ་ར། ས་ར་ས་ར། སི་རི་སི་རི། སུ་རུ་སུ་རུ། མུཉྩ་མུཉྩ་མུཉྩ་ཡ་མུཉྩ་ཡ། པྲ་ཤ་མཱ་ཡ། པྲ་ཤ་མཱ་ཡ། ཡུ་དོ་དྷཱ་ར་ཎཱི་ཕཊ། ཙིནྡྷ་ནིར་མཱ་ལ། ཀ་རི་ཕཊ། ཨ་སུ་ར་ནཱ་ར་ཀི་ཏི་ཧ་ཕཊ། ཛ་ཡ་ཀ་རི་ཕཊ། སྐ་ཏི་རི་ཕཊ། ས་ཧ་སྲ་བྷུ་ཛེ་
ཕཊ། སརྦ་སྲ་ནེ་ཏྲེ་ཕཊ། སརྦ་བྷ་དྲ་དྷ་ར་ན་མ་ས་ཏྲི་ཏེ་ཕཊ། སརྦ་བྷ་ཡ་བི་མོ་ཀྵ་ཎི་ཕཊ། མ་ར་ཙ་ཀྲ་ན་པ་ར་ར་ནི་ཕཊ། པ་ར་ས་ནྱ་སི་གྲུ་པ་ཎི་ཕཊ། སརྦ་ཀྲྀ་ཏྱ་ཀ་མ་སི་དུ་ནི་ཕཊ། སརྦ་བྱ་དྷི་པྲ་ཤ་མ་ནི་ཕཊ། སརྦ་བྱ་དྷི་བི་ནཱ་ཤ་ཡ་ཕཊ། སརྦ་
གྲ་ཧོ་ཙྪིནྡྷ་ནི་ཕཊ། རཀྵ་རཀྵ་མྃ། སརྦ་བུད་དྷ་བོ་དྷི་སཏྭཱ་ནཱྃ་ས་པ་ར་ས་པ་ར། ནཾ་ཏེ་ཙ་ཤ་རི་ས་མ་ནཱྃ། སརྦ་པྲ་ཡ་པྲ་ཏེ་བྷྱཿསརྦ་ཡུ་ཏྟེ་བྷྱཿདུས་ཏྲི་ཏེ་བྷྱཿསརྦ་ཏྲིཏྟ་ཀཱ་ཁོར་ད། སརྦ་བི་ཤེ་བྷྱཿ ས་ཀཱ་ཡ་བཱཀྩིཏྟ་སི་ཙེ་བྷྱཿརཀྵ་རཀྵ་མྃ་སྭཱ་ཧཱ། 
ས་ཧ་སྲ་བྷུ་ཛེ། ས་ཧ་སྲ་ནེ་ཏྲ། ཨེ་ཀ་ད་ཤ་མུ་ཁི། ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སིདྡྷྱ་ན་ཏུ་མེ་མནྟྲ་པ་དཱཿནི་སྭཱ་ཧཱ། རྗེ་བཙུན་ཞལ་ནི་བཅུ་གཅིག་པའི། །སྔགས་འདི་མོན་ཏན་
མཐའ་ཡས་ཏེ། །གང་ལ་འདི་ནི་གཙུག་ཏོར་དུ། །ཡིད་བཞིན་ནོར་བུ་ཐོགས་དང་མཚུངས། །འཆང་དང་ཀློག་པར་བྱེད་པ་དེས། །མཐའ་ཡས་ཡོན་ཏན་རྙེད་པར་འགྱུར། །ནད་དང་གདོན་རྣམས་སེལ་བ་དང་། །ཁྱད་པར་དུ་ནི་སྡིག་
ཀུན་འབྱང་། །བ་དཀར་མོ་ཡི་བདུད་རྩི་ལྔས། །མཎ་ཌལ་འཇམ་པོ་ལྔ་བྱུགས་ལ། །གཙང་སྦྲ་ལྡན་པས་དབུས་སུ་ནི། །ཤིང་སྐུ་རིང་བསྲེལ་ལྡན་པ་བཞག །གཞན་ཡང་རིང་བསྲེལ་ལྡན་པ་ཡི། །སྐུ་གདུང་བཞི་ནི་ཕྱོགས་བཞིར་ཏེ། །
ཚད་ལྡན་པ་ཡི་བུམ་པ་ནི། །ལྔ་པོ་དབུས་དང་མཚམསུ་སྟེ། །རིགས་ལྔའི་མདོག་དང་ཕྱག་རྒྱ་ཅན། །སྣ་ཚོགས་རྒྱན་དང་མཆོད་པ་དང་། །སྲད་བུ་ཐ་དད་བྲེ་བར་བྱ། །ཅི་འདོད་ཕྱག་རྒྱ་བྲི་བྱས་ཏེ། །ཚེས་གཅིག་ནས་ནི་བཅུ་བཞིའི་བར། །

98-1-282a

འདོད་ལ་དམིགས་ནས་སྔགས་བརྗོད་དེ། །བཞི་ཁྲི་རྫོགས་ནས་བཅྭ་ལྔ་ལ། །འདོད་པ་གསོལ་གདབ་ཁྲུས་བྱས་ནས། །ཅི་འདོད་མྱུར་དུ་འགྲུབ་པ་དང་། །བདུད་དང་བར་དུ་གཅོད་པ་དང་། །རྣམ་པར་འཚེ་དང་མི་མཐུན་པ། །ཁྲུས་ཀྱིས་
ངེས་པར་སེལ་བར་འགྱུར། །སྔགས་བརྗོད་ཡོན་ཏན་མཐའ་ཡས་རྣམས། །བསྡུས་ནས་སྒྲུབ་པོ་བློ་ལྡན་འགྱུར། །མགོན་པོ་སྤྱན་རས་གཟིགས་དབང་གི། སྔགས་གང་བརྗོད་པ་ཙམ་ལ་ཡང་། །གཤིས་ངན་ཤི་བ་བཅུ་ལྔ་མེད། །
སྐྱེ་བཟང་བཅྭ་ལྔ་ཐོབ་པར་འགྱུར། །མུ་གེ་རྒྱལ་པོའི་ཆད་པ་དང་། །དུག་དང་མཚོན་དང་གཡུལ་འགྱེད་དང་། །སྟག་སོགས་སྦྲུལ་སོགས་གཅན་ཟན་གདུག །དུག་ཅན་ཟས་དང་མེ་ཆུས་འཆི། །སྲོག་ཆགས་མདུན་དུ་ཉལ་ཉེས་དང་། །
གཡེང་བྱེད་དང་ནི་ལྷ་འདྲེས་གཙེས། །གསོར་མི་རུང་དང་བདག་ལྕེབ་རྣམས། །དེ་ལ་ནམ་ཡང་མི་འཇིགས་སོ། །རྒྱལ་པོ་ཆོས་ལྡན་ཡུལ་སྐྱེ་ཞིང་། །འཕགས་པ་བཞུགས་དང་དུས་བཟང་ཡུལ། །བཤེས་གཉེན་བཟང་དང་དབང་པོ་ཚང་། །
དགེ་ལ་དགའ་ཞིང་ཚུལ་ཁྲིམས་ལྡན། །བྲན་ཁོལ་བཟང་ཞིང་ནོར་མང་རྟག །གཞན་གྱིས་དབུལ་ཞིང་དགོས་འདོད་སྦྱོར། །སེམས་བདེར་འཇིག་རྟེན་སྐྱོང་བས་བསྲུང་། །སངས་རྒྱས་ཞལ་མཐོང་དོན་ཟབ་བརྟགས། །གཞན་ཡང་དམན་
ལ་བྱམས་སེམས་བསྐྱེད། །སྙིང་རྗེ་མཆི་མ་འཁྲུག་པ་དང་། །ཡོན་ཏན་དྲན་ནས་སྤྲོ་བ་དང་། །དཀོན་མཆོག་གསུམ་ལ་དད་པ་དང་། །ཕུལ་དུ་བྱུང་བའི་བློ་ཡིས་འཕེལ། །ཚུལ་བཞིན་མ་ཡིན་ཡིད་བྲལ་དང་། །བཀའ་ལུང་སྡེ་སྣོད་དང་བ་རྣམས། །
ཡང་ནས་ཡང་དུ་སྐྱེ་བར་འགྱུར། །ཇི་ལྟར་སྤྲོས་པའི་གནས་མཐོང་ན། །སྔགས་འདིས་རང་བཞིན་མེད་པར་བྱས། །ཨོཾ་སྭ་བྷཱ་བ་ཤུད་དྷཿསརྦ་དྷརྨཱཿསྭ་བྷཱ་བ་ཤུད་དྷོ་དྷ་ཧྃ། འཛིན་པ་དྲག་པོའི་བློ་བྱུང་ཚེ། །སྔགས་འདིས་སྟོང་པ་ཉིད་དུ་བྱ། །
ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧྃ། གང་གིས་ལུས་ངག་ཡིད་གཡོ་ན། །སྔགས་འདིས་བརྟན་པར་བྱིན་གྱིས་བརླབས། །ཨོཾ་སརྦ་ཏ་ཐཱ་ག་ཏ་ཀ་ཡ་བཱཀ་ཙིཏྟ་བཛྲ་སྭ་བྷ་བ་ཨཱཏྨ་ཀོ་ཧྃ། གང་ལ་གནོད་ཡོད་སེམས་ལྡན་དང་། །

98-1-282b

ངང་གིས་ས་གཞི་བགེགས་ཡོད་པ། །བསལ་ཕྱིར་སེང་ལྡེང་དཀར་པོ་ནི། །བྲག་ལ་སྐྱེས་ཤིང་གཞོན་པ་ལས། །སོར་དྲུག་ཚད་ལྡན་ཕུར་བུ་ནི། །བརྗིད་ལྡན་རྩེ་མོ་རྣོ་དབལ་ཅན། །མགོ་བོ་རྐེད་པ་རྒྱ་མདུད་ཚུལ། །སོར་ཚད་
ཕྱེད་ཕྱེད་ལྡན་པ་ལ། །ཟུར་ནི་བཅུ་དྲུག་རྐེད་པ་ལ། །སོར་གཉིས་ཟུར་བརྒྱད་ལྡན་པའོ། །སོར་གསུམ་ཟུར་གསུམ་རྩེ་རྣོ་བ། །དཔལ་མཐོ་ཅུང་ཟད་པར་རེག་པ། །ངོས་དང་སྐབས་ནི་ཟབ་པ་སྟེ། །སྔགས་ཀྱི་བྱིན་
བརླབས་ལྡན་པ་བརྒྱད། །ཁང་པའི་ཟུར་དང་ཕྱོགས་བཞི་པོར། །གཡས་སུ་ཕྱོགས་པར་གཟུགས་པར་བྱ། །ན་མོ་རཏྣ་ཏྲ་ཡཱ་ཡ། ན་མ་ཨརྱ་ཛྙཱ་ན་སཱ་ག་ར་བཻ་རོ་ཙ་ན་བྱུ་ཏ་རཱ་ཛཱ་ཡ། ན་མཿསརྦ་ཏ་ཐཱ་ག་ཏ་ཨར་ཧ་ཏེ་
བྷྱཿ ས་མྱཀ་སྃ་བུད་དྷཱ་ཡ། ན་མ་ཨཱརྱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མཤྩཎ་ཊ་བཛྲ་ཀྲོ་དྷཱ་ཡ་ཧུ་ལུ་ཧུ་ལུ། ཏིཥྛ་ཏིཥྛ། བན་དྷ་བན་དྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། 
ཨ་མྲི་ཏེ་ཧཱུྃ་ཕཊ། ལྟས་ངན་ཐམས་ཅད་འཇོམ་པ་དང་། །གནས་ཁང་བྱིན་གྱིས་བརླབ་པ་དང་། །ཚེ་དང་ལོང་སྤྱོད་རྟག་པ་དང་། །དལ་འབྱོར་ཕུན་སུམ་ཚོགས་པ་དང་། །དང་པོ་ཐལ་མོ་སྦྱར་བྱས་ཏེ། །ཕྱིས་ནི་ལག་གཡོན་
སྡིགས་མཛུབ་བཅས། །ཨོཾ་དང་ཨ་ལ་ལ་ལ་ཧོ། །ཞེས་བརྗོད་རྔམ་ཅིང་ཁང་པ་ཡི། །ནང་དུ་འཇུག་པ་ཁྲོ་བོར་བཅས། །དེ་ནས་ཧཱུྃ་སྒྲས་སེ་གོལ་གཏོགས། །དེ་ནས་ཨོཾ་ཨཱཿབཛྲ་དང་། །སྠ་ན་པཱ་ཎི་བྷྱཿཨ་ཧྃ། །རཀྵ་
རཀྵ་ཧཱུྃ་ཕཊ་བརྗོད། །ཤིན་ཏུ་འཇམ་པའི་སྟན་ལ་ནི། །རྡོ་རྗེ་སྐྱིལ་དཀྲུང་གིས་གནས་ནས། །བསྲང་ཏེ་མིག་ནི་སྣ་རྩེར་ཕབ། །དལ་བའི་རླུང་ལྡན་རྐན་ལ་ནི། །ལྕེ་ནི་ཅུང་ཟད་རེག་པར་བྱ། །ལྟེ་བ་ཅུང་ཟད་འཁུམ་པ་ཡིས། །
སེམས་ནི་བག་ཡོད་གནས་པར་བྱ། །རྟག་པ་མ་ཡིན་མི་རྟག་མིན། །གཙང་མ་མ་ཡིན་མི་གཙང་མིན། །བདེ་བ་མ་ཡིན་སྡུག་བསྔལ་མིན། །བདག་དང་ངར་མིན་བདག་མེད་མིན། །བླང་དང་དོར་བའི་འཇིག་ཚོགས་མིན། །སེྃས་མ་

98-1-283a

ཡིན་ཞིང་སེམས་བྱུང་མིན། །ཕུང་ཁམས་སྐྱེ་མཆེད་མེད་མ་ཡིན། །ཡིད་མིན་རྟག་མིན་མི་རྟག་མིན། །མུན་པ་མ་ཡིན་ཤེས་རབ་མིན། །འགྲོ་མིན་འོང་མིན་གནས་མ་ཡིན། །སྣ་ཚོགས་སྤྲིན་གློག་དུ་མ་ནི། །འདོད་གཟུགས་དུ་
མ་བསྒྱུར་བྱེད་པ། །མཁའ་བྱུང་ནམ་མཁའ་ལ་ནི་ཐིམ། །འགྲོ་འོང་སྟོན་པ་འདོད་བསྐུལ་བབ། །མེད་མོད་ན་ཡང་དེ་ལྟར་སྤྱོད། །ཡུལ་གྱིས་མ་སྐྱེས་དབང་པོ་མིན། །དུས་ཀྱིས་མ་ཡིན་གཏན་གྱིས་མིན། །རྒྱུ་དང་དེ་བཞིན་རྟེན་གྱིས་
མིན། །གནས་སྐབས་གཞན་ཡང་དེ་ལ་མེད། །དེ་ལ་སེམས་དཔའི་སེམས་ཉིད་ཀྱང་། །གང་ནས་མ་འོངས་གར་མི་གནས། །གར་ཡང་མ་སོང་བརྟག་ན་སྟོང་། །བརྟག་པར་བྱེད་པ་རྟོག་པ་ཙམ། །དངོས་རྣམས་བརྟག་པ་མིང་ཙམ་
སྟེ། །ཀུན་རྫོབ་ཙམ་དུ་མིང་ཡིག་ལ། །བརྟེན་ནས་རང་གི་སེམས་བཟུང་ན། །དྲོད་ཀྱི་བཞི་པ་དང་པོར་བཟུང་། །ཕྱུང་བའི་གཉིས་པ་དེ་ལ་བརྟེན། །དེ་ལ་དང་པོ་གཉིས་པས་བསྐོར། །དང་པོའི་བཅྭ་ལྔས་མནན་པས་སྟེ། །བཅུ་དྲུག་པ་
ནི་གྲོགས་སུ་བཞག །ཡི་གེ་དྲུག་ལ་གྲུབ་པ་ནི། །སངས་རྒྱས་དྲུག་གི་རང་བཞིན་ཏེ། །འོད་ཟེར་རྣམ་པ་དྲུག་ཏུ་བཅས། །རླུང་དྲུག་གིས་ནི་དབང་བྱས་ནས། །ཡུལ་ནི་རྣམ་པ་དྲུག་ལ་འཇུག །ཡུལ་དྲུག་དག་གིས་དབང་བྱས་ནས། །
ཉོན་མོངས་རྣམ་པ་དྲུག་དང་བཅས། །ཉོན་མོངས་རྒྱས་པར་འགྱུར་བ་ཡིན། །ཕུང་པོ་རྣམ་པ་དྲུག་དང་ལྡན། །ཕུང་པོ་གྲངས་ཀྱི་དབྱེ་བས་ནི། །ཡན་ལག་དྲུག་དྲུག་འཕེལ་བར་འགྱུར། །ཡན་ལག་རྫོགས་པའི་གྲིབ་མར་ནི། །རང་
བཞིན་དག་པའི་སེམས་སྒྲིབ་བྱེད། །སྒྲིབ་གཉིས་གོ་བས་འཐུག་པོ་ནི། །བསལ་དཀའི་རི་བོ་དང་བཅས་པ། །རྟག་ཆད་གནསུ་ཞུགས་པའོ། །སྲོག་རྩོལ་བསྡམ་པའི་སྦྱོར་བ་ཡིས། །ཕྱི་རོལ་སྣང་བ་ནུབ་པར་འགྱུར། །རྩོལ་དང་བྲལ་
ནས་དགའ་སྐྱེ་སྟེ། །ཡི་གེ་ལ་ནི་སེམས་གནས་འགྱུར། །ཡི་གེ་གསལ་བའི་འོད་ཟེར་ནི། །བ་སྤུ་ཁུང་རྣམས་ཐཾད་ནས། །སེམས་དང་བཅས་པ་ལྡང་འཇུག་སྟེ། །སླར་ཡང་ཐིག་ལེ་བསྡུས་ནས་ནི། །ཡི་གེ་ཉིད་ཀྱང་མི་དམིགས་སོ། །

98-1-283b

འཛིན་པ་དེ་ལས་ཐོས་ནས་ཀྱང་། །སྒྱུ་མའི་རྣམ་པ་རྗེས་དྲན་བྱ། །དེ་ལ་གོམ་ནས་ཏིང་འཛིན་ནི། །ཉམས་པ་མེད་པར་ཐོབ་པར་འགྱུར། །ཏིང་འཛིན་དེ་བརྟན་གྱུར་ནས་ནི། །ལུས་འདིས་རིག་པ་འཛིན་པ་འཐོབ། །རིག་འཛིན་
དེ་ལ་གནས་ནས་ནི། །བླ་མེད་བྱང་ཆུབ་དེ་ཐོབ་འགྱུར། །སྐད་ཅིག་དེ་ལ་དངོས་རྣམས་ནི། །ནམ་མཁའ་ལྟ་བུར་དག་ནས་ཀྱང་། །མཁའ་ལྟར་ཀུན་ལ་ཁྱབ་པར་སྤྱོད། །རྟེན་ནི་སྤྱན་རས་གཟིགས་དབང་སྟེ། །ལུས་ནི་འཕགས་
པ་འཇམ་དཔལོ། །ཡན་ལག་ཕྱག་ན་རྡོ་རྗེ་སྟེ། །མགོ་དང་བྲོད་ནི་མ་ཕམ་པ། །གཙུག་ཏོར་སྒྲིབ་པ་རྣམ་སེལ་ཉིད། །ཉི་ཟླ་ཀུན་ཏུ་བཟང་པོ་སྟེ། །ས་ཆུ་མེ་རླུང་ནམ་མཁའ་དང་། །རྣམ་ཤེས་ཉིད་དང་བཅས་པའོ། །ཐམས་ཅད་དབྱེར་མེད་
འགྱུར་བ་སྟེ། །བསམ་གཏན་ལ་ནི་གནས་པའི་ཕྱིར། །སྩལ་རྣམས་སོ་སོར་བསྡུ་བར་བྱ། །སེམས་གློང་བས་ནི་ངེས་པར་འགྲུབ། །འདས་དང་མ་འོངས་ད་ལྟར་གྱི། །དུས་ནི་རྟག་པ་མ་ཡིན་ཏེ། །མི་རྟོག་སེམས་ཉིད་འབྲེལ་གྱུར་ནས། །དུས་
ལ་ཐ་དད་མི་རྟོག་གོ། ཉི་མའི་འཁོར་ལོ་ཆུ་རྒྱུན་དང་། །ནམ་མཁའི་ཕྱོགས་ན་ཇི་ལྟ་བར། །སེམས་ཀྱང་སེམས་ཀྱིས་བཙལ་བར་བྱ། །གཞན་ནི་གོ་སྐབས་མི་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་
ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས། ཐུན་མོང་གི་སྔགས་བྱུང་བའི་ལེའུ་སྟེ་བཞི་པའོཾ།། །། དེ་ནས་དྲང་སྲོང་གནས་ནས་ནི། །སྣ་ཚོགས་གཟུགས་ལྡན་ཞེས་བྱ་བ། །བསྐལ་པ་དུ་མར་སྦྱངས་པ་ཡི། །བྱང་ཆུབ་སེམས་དཔའ་རིག་འཛིན་
ཞིག །རྒྱ་ཆེར་རང་གི་འཁོར་བཅས་ལ། །དཀྱིལ་འཁོར་དྲུང་དུ་ལྷག་ནས་ནི། །རྨད་བྱུང་ཆེན་པོའི་ཚོགས་ཀྱིས་མཆོད། །ཕྱག་འཚལ་བསྐོར་བ་དུ་མ་བྱས། །ཐལ་སྦྱར་འཛུམ་པའི་མདངས་ཀྱིས་ནི། །སྟོན་པ་ལ་ནི་འདི་སྐད་གསོལ། །
ཨོཾ་མཐའ་ཡས་སྤྲོས་པ་ཉེར་ཞི་ཞིང་། །ཞི་མཛད་དུལ་ཞི་རབ་སྤྱོད་མཛད། །རྟོག་བཅོམ་རྟོག་མཁྱེན་རྟོག་ཡོངས་ཞུགས། །ཡེ་ཤེས་ཀུན་རྒྱལ་ཕྱག་འཚལ་ལོ། །ཞི་ལས་ཞི་གྱུར་མཐའ་འབྱུང་བ། །ཆོས་རྣམས་ཀུན་མཆོག་ཞི་ཆོས་ཆེ། །

98-1-284a

སྤྲོས་མེད་ལས་སྤྲོས་དཀར་བཅུ་བྱ། །མཐའ་ཡས་ཆོས་ལ་ཕྱག་འཚལ་ལོ། །འགྲོ་འགྱུར་གྲོལ་མཛད་དག་པ་ཆེ། །དག་པར་སྤྱོད་པ་གཙང་མ་མགོན། །ཚོགས་རྫོགས་ཚོགས་ལྡན་ཚོགས་སྤྱོད་རྒྱལ། །ཚོགས་རྟག་བདག་ཉིད་ཕྱག་
འཚལ་ལོ། །རབ་མཛེས་ཐུགས་རྗེའི་ཉི་མས་བརྒྱན། །འཇིག་རྟེན་རབ་གསལ་མཛད་པའོ། །རྟག་པ་དོན་ཆེན་རྟག་ཞུགས་ལ། །མགོན་པོ་སྤྱན་རས་གཟིགས་ཕྱག་འཚལ། །ཁམས་གསུམ་བག་ཆགས་ཀྱིས་དཀྲུགས་པ། །ཐིབས་པོའི་
ལིང་ཏོག་ཞུགས་པ་རྣམས། །མངོན་དུ་སྣང་བར་བརྗོད་པ་དང་། །སེམས་ལ་གསལ་མྱུར་ཤིན་ཏུ་དགའ། །མངོན་སུམ་མེད་ལ་བརྗོད་བྲལ་ཡང་། །ལྐོག་ཏུ་གྱུར་པ་སྨོས་ཀྱི་དགོས། །ལྐོག་དོན་མངོན་དུ་བྱེད་པ་ལ། །ཕྱག་རྒྱ་དང་ནི་འདྲ་འབག་ཆོག །
མངོན་སུམ་ཐོབ་ལྡན་མིང་ནས་ཀྱང་། །དོན་ལ་སེམས་ཀྱིས་གསལ་བ་སྐྱེ། །དོན་གང་ཡང་ཡང་གོམས་པ་ལས། །སེམས་ཀྱི་འཇག་པ་རྟོག་པ་སྟེ། །དེ་བསལ་མི་རྟོག་བློ་འབྲས་བུ། །སྒོམ་པའི་ཕ་རོལ་ཕྱིན་པའོ། །བློ་དམན་རྣམས་ཀྱི་འཇུག་པ་དང་། །འབྲིང་
པོ་འགྲོ་བར་བྱ་ཕྱིར་དང་། །རྣོན་པོ་རྫོགས་སངས་རྒྱས་འགྱུར་ཕྱིར། །གཟུགས་བརྙན་བྱུང་ཚུལ་བཤད་དུ་གསོལ། །མྱུར་དུ་འཇུག་དང་གྲོལ་བ་དང་། །མྱུར་དུ་བྱང་ཆུབ་ཆེར་འགྱུར་ཅིང་། །གཟུགས་བརྙན་དགེ་བའི་ཚུལ་འབྱུང་ཅན། །འདྲེན་པས་དེ་
རིང་བཤད་དུ་གསོལ། །མཁའ་སྤྲིན་རྟག་པ་མེད་པ་ལ། །མཚན་མར་གཟུང་དུ་མེད་པ་ལྟར། །རྣམ་རྟོག་གིས་དཀྲུགས་སེམས་ལ་ནི། །སུ་ཞིག་མཚན་མར་འཛིན་པར་འགྱུར། །དམིགས་པའི་མཚན་མ་གསལ་བྱེད་པ། །གཟུགས་བརྙན་
ཚད་དང་ལྡན་པ་སྟེ། །ལེགས་པར་འགྱུར་བའི་ཡིད་འཇུག་ཅིང་། །བྱིན་བརླབས་ངེས་པར་འཇུག་པར་འགྱུར། །དེ་ནས་བཅོམ་ལྡན་འདྲེན་པ་གཙོས། །ལྗགས་ཀྱི་དབང་པོ་རབ་བཀྲམ་ནས། །གཟུགས་བརྙེན་དགེ་བའི་ཚུལ་བྱུང་བ། །ང་ལས་
ཉན་པར་བརྩོན་པ་ནི། །ལེགས་པ་ལྷ་ཡི་དྲང་སྲོང་མཆོག །རིག་འཛིན་བྱང་ཆུབ་སེམས་ཁྱོད་ལེགས། །རྩེ་གཅིག་སེམས་ཀྱིས་ཉན་ནས་ཀྱང་། །ལེགས་པར་གསུང་པ་ཡིད་ལ་ཞོག །ཁྱོད་ལ་ཡང་དག་བཤད་བྱ་བ། །བྱིན་བརླབས་

98-1-284b

དགྱེས་པའི་གཟུགས་བརྙན་ནི། །ཚོན་གྱིས་རིས་སུ་བྲིས་པ་འམ། །རིན་ཆེན་རིགས་སམ་ས་རྡོ་འམ། །ཤིང་ལ་བྱས་ན་མཆོག་ཏུ་བསྔགས། །དང་པོའི་ལས་ཅན་སེམས་ཅན་ལ། །དམིགས་པ་གསལ་བར་འགྱུར་བ་དང་། །བྱིན་རླབས་མཆོག་ནི་
འཇུག་པར་འགྱུར། །ཙན་དན་དཀར་པོ་གསལ་ཞིང་དྲང་། །གཞོན་ཞིང་ཆག་གས་མེད་པ་ལ། །བསང་ཞིང་དུད་པས་བདུགས་ནས་ནི། །དད་ལྡན་ངང་ཚུལ་བཟང་པོས་བཞག །འཇིག་རྟེན་དབང་ཕྱུག་མགོན་གྱི་སྐུ། །བཅྭ་བརྒྱད་
སོར་ཚད་ལྡན་པ་ལ། །གདན་ཁྲི་དག་ནི་སོ་དགུ་སྟེ། །རྒྱབ་ཡོལ་སོར་ཚད་དྲུག་གིས་བསྐྱེད། །བཞེངས་སྟེ་ལྡེམ་བག་ཉམས་དགའ་བ། །རིན་ཆེན་དུ་མའི་གཟུགས་ཀྱིས་བརྒྱན། །གཡས་ཀྱི་དང་པོ་བགྲང་ཕྲེང་སྟེ། །གཉིས་པ་མི་འཇིག་
སྩོལ་བའི་ཕྱག །གཡོན་པ་དང་པོ་པད་མ་དམར། །གཉིས་པ་རིལ་བ་སྤྱི་བླུགས་ཐོགས། །ཞལ་གྱི་གྲངས་ནི་བཅུ་གཅིག་ལ། །མདུན་གྱི་ཞལ་གསུམ་མཚན་བཟང་ཅན། །བྱམས་པ་སྙིང་རྗེ་དགའ་བའི་མདངས། །དཀར་པོ་དཀར་སེར་
དམར་སྐྱ་བོ། །གཡོན་གྱི་གསུམ་ནི་ཁྲོ་བོའི་ཞལ། །སྒེག་པའི་མདངས་དང་ལྡན་པ་སྟེ། །དམར་དང་དམར་སེར་ལེ་བརྒན་ནོ། །གཡས་སུ་གཏུམ་པོའི་ཁྲོ་ཞལ་གསུམ། །སྔོ་དང་སེར་དང་ལྗང་གུའོ། །རྒྱབ་ཏུ་ཁྲོ་གཏུམ་མདོག་དམར་བ། །
རྟ་སྐད་རབ་ཏུ་འཚེར་བའི་ཞལ། །ཁྲོ་བོའི་ཞལ་རྣམས་མཆེ་བ་གཙིགས། །མིག་གསུམ་དབུ་སྐྲ་སེར་པོ་ནི། །གྱེན་དུ་ཐོར་ཚུགས་བཅིངས་པའོ། །སྟེང་དུ་སངས་རྒྱས་འཛུམ་པའི་ཞལ། །བྱི་རུ་བཅག་པའི་མཚན་འདྲ་བའི། །དབུ་
ཡི་ཅོད་པན་ནང་རྣམས་སུ། །འདི་དག་ཕྱོགས་བཅུའི་ཐུབ་པ་རྣམས། །རེ་རེ་བཞིན་དུ་བཞུགས་པར་བྱ། །དབུ་རྒྱན་ཅོད་པན་ལྡན་པ་དང་། །རྣ་རྒྱན་མགུལ་རྒྱན་པུང་རྒྱན་དང་། །ལག་རྒྱན་སེ་མོ་རོར་བཅས་པ། །དོ་ཤལ་རྐང་
གདུབ་སྐྱེ་རགས་ཅན། །རྒྱན་དང་ན་བཟའ་མཛེས་པས་བརྒྱན། །དེ་ནས་ཡང་དག་བཤད་བྱ་བ། །རི་མོ་དག་ལ་དགའ་འགྱུར་ནས། །ཡིད་གཞུངས་དལ་སྤྱོད་ཁྲོ་བ་མེད། །སྲེད་ཆུང་ཤེས་རབ་སྙིང་རྗེ་ཆེ། །ཐབས་ལྡན་རི་མོ་རྒྱུད་

98-1-285a

ལ་མཁས། །བསམ་པ་བཟང་ལྡན་ཚུལ་ཁྲིམས་བསྲུང་། །འདྲི་ཆོས་གཟོབ་ལ་གཞུངས་པ་ཡིས། །དབེན་ཞིང་ཉམས་དགའི་གནས་སུ་བྲི། །གཟུགས་བཟང་ཡིད་དལ་གཙང་ལྡན་པའི། །བུ་མོས་བཀལ་བའི་རས་
ལ་ནི། །མཚོན་བཟང་ངུར་སྨྲིག་མདོག་བྱའོ། །འཐས་པིར་བཅགས་ཏེ་འཇམ་པོར་བྱ། །ཐིག་པིར་ཕྱོགས་སུ་བཤད་ནས་ཀྱང་། །སེར་སྐྱ་ཚོན་གྱི་གཟུགས་བརྙན་ནི། །ཚད་ལ་མཁས་པ་ཚད་ལྡན་པའི། །ནན་ཏན་དུ་ནི་བྲི་བར་
བྱ། །དཀར་པོ་ཝ་ཡི་ཤེལ་ཡིན་ཏེ། །དམར་པོ་སེམས་རྩོ་ལི་ཁྲིའོ། །སྔོན་པོ་རམས་དང་མཐིང་ཤིང་སྟེ། །སེར་པོ་བ་བླ་དག་པ་ཡིན། །ནག་པོ་སྣག་ཚ་ཉིད་ཡིན་ཏེ། །ལྗང་གུ་རམས་དང་ལྡོང་རོས་སྦྱར། །ཡང་ན་སྤངས་མ་ཉིད་
ཀྱིས་བྱ། །མུ་ཟི་རམས་དང་སྐག་སྦྱར་སྟེ། །གཞན་ཡང་ཅི་རིག་སྦྱར་བར་བྱ། །སྦྱིན་དང་བྲལ་ན་གྲུགས་པར་འགྱུར། །ཤིང་སྤྲིན་སེར་དང་ཀ་པི་ཏ། །ལོ་མི་ཏ་དང་ཐན་ཛ་ར། །དེ་དག་སོ་སོར་སྦྱར་བ་ཡིས། །གསལ་ཞིང་དཀྲུས་མེད་
དག་པར་བྱེད། །ཨ་ཏ་པས་ནི་སྣུམ་པར་བྱེད། །གན་ཏོ་ཧས་ནི་རྟག་པར་འགྱུར། །རྒྱས་པར་གྲུ་བཞི་སྒོ་བཞི་པ། །ཡང་ན་སྒོ་གཅིག་པ་ཡང་རུང་། །དཀྱིལ་འཁོར་ཆ་རིམ་གསུམ་པ་འམ། །ཡང་ན་གཉིས་སམ་གསུམ་ཡང་
རུང་། །དབུས་སུ་གདོང་བཅུ་གཅིག་པ་ནི། །མཛེས་པའི་ལྷ་མོ་བཞི་ལྡན་བྲི། །ཤར་དུ་སྤྱན་རས་གཟིགས་དབང་གི། དཀྱིལ་འཁོར་རྣམ་གནས་གཙོ་བོ་ཅན། །དེ་ཡང་སྤྱན་སོགས་ལྷ་མོ་བཞི། །ཕྱག་བཞི་པ་དང་བཅས་
པའོ། །ལྷོར་ནི་འཇིག་རྟེན་དབང་ཕྱུག་གི། དཀྱིལ་འཁོར་ཤཀ་ཐུབ་གཙོ་བོ་ཅན། །ལྕགས་ཀྱུ་ཞགས་པ་ལྕགས་སྒྲོག་དང་། །འབེབས་པའི་ཕྱག་རྒྱ་ལྡན་པའོ། །ནུབ་ཏུ་རིག་མའི་དཀྱིལ་འཁོར་ནི། །སེམས་དཔའ་བཞི་བཞིར་
བཅས་པའོ། །དབུས་སུ་རྡོ་རྗེ་དབང་མོ་ཡང་། །མདུན་དུ་རྡོ་རྗེ་རྟག་པ་སྟེ། །གཡས་སུ་རྡོ་རྗེ་དཔལ་འབྱུང་ངོ་། །རྒྱབ་ཏུ་རྡོ་རྗེ་དཔག་མེད་དེ། །གཡོན་དུ་རྡོ་རྗེ་དོན་གྲུབ་བོ། །ཤར་དུ་ལྷ་མོ་སྤྱན་མ་ནི། །མདུན་དུ་རྡོ་རྗེ་སེྃདའོ། །

98-1-285b

གཡས་སུ་རྡོ་རྗེ་རྒྱལ་པོའོ། །རྒྱབ་ཏུ་རྡོ་རྗེ་ཆགས་པ་སྟེ། །གཡོན་དུ་རྡོ་རྗེ་ལེགས་པའོ། །ལྷོར་ལྷ་མོ་མཱ་མ་ཀཱིས། །མདུན་དུ་རྡོ་རྗེ་རིན་ཆེན་ནོ། །གཡས་སུ་རྡོ་རྗེ་ཉི་མ་སྟེ། །རྒྱབ་ཏུ་རྡོ་རྗེ་རྒྱལ་མཚན་ནོ། །གཡོན་དུ་རྡོ་རྗེ་
བཞེད་པ་ཡིནོ། །ནུབ་དུ་ན་བཟའ་དཀར་མོ་ཡང་། །མདུན་དུ་རྡོ་རྗེ་ཆོས་ཡིན་ཏེ། །གཡས་སུ་རྡོ་རྗེ་རྣོན་པོ་ཡིན། །རྒྱབ་ཏུ་རྡོ་རྗེ་རྒྱུ་ཞེས་པ། །གཡོན་དུ་རྡོ་རྗེ་སྨྲ་བའོ། །བྱང་དུ་ལྷ་མོ་སྒྲོལ་མ་ཡང་། །མདུན་དུ་རྡོ་རྗེ་ལས་ཡིན་
ནོ། །གཡས་སུ་རྡོ་རྗེ་བསྲུང་བའོ། །རྒྱབ་ཏུ་རྡོ་རྗེ་གནོད་སྦྱིན་ཏེ། །གཡོན་དུ་རྡོ་རྗེ་ཁུ་ཚུར་རོ། །འཁོར་གྱི་བྱང་ཆུབ་སེམས་དཔའ་རྣམས། །ཀུན་ཀྱང་ཞལ་གཅིག་ཕྱག་བཞི་སྟེ། །གཡས་ཀྱི་དང་པོ་རང་རིགས་རྟགས། །གཉིས་
པ་ཐམས་ཅད་སྐྱབ་སྦྱིན་ཏེ། །གཡོན་གྱི་དང་པོ་པད་མ་ཡང་། །ཕྱོགས་ཀྱི་ཁ་དོག་ལྡན་པའོ། །གཉིས་པས་ཕྱོགས་ཀྱི་མདོག་ལྡན་པའི། །སྔགས་ནོར་ཕྲེང་ཡང་འཆང་བའོ། །འཁོར་གྱི་ལྷ་མོ་དེ་དག་ཀུན། །ཞལ་གཅིག་
པ་ལ་ཕྱག་བཞི་པ། །གཡོན་པའི་ཐ་མ་བུམ་པ་འཆང་། །ལྷག་མ་གོང་ལྟར་ཤེས་པར་བྱ། །བྱང་དུ་ཁྲོ་བོའི་དཀྱིལ་འཁོར་ཡང་། །ཁྲོ་མོ་བཞི་བཞིར་བཅས་པའོ། །དབུས་སུ་རྡོ་རྗེ་ཧཱུྃ་བྱེད་དེ། །སྔོན་པོ་ཨུད་པ་ལ་ཡི་མདོག །
མདུན་དུ་སྔོ་བསངས་ཆེན་པོ་སྟེ། །གཡས་སུ་རྡོ་རྗེ་དྲག་མོའོ། །རྒྱབ་ཏུ་རྡོ་རྗེ་བརྗེད་བྱེད་པའོ། །གཡོན་དུ་རྡོ་རྗེ་མཐུ་ཆེན་མོ། །ཤར་གྱི་འཁོར་ལོ་ཆ་རྩིབས་ལ། །ཁྲོ་བོ་གཤིན་རྗེ་གཤེད་པོ་གནག །མདུན་དུ་རྡོ་རྗེ་དབང་
ཞལ་མ། །གཡས་སུ་རྡོ་རྗེ་ཁྱབ་འཇུག་མོ། །རྒྱབ་ཏུ་རྡོ་རྗེ་གཞོན་ནུ་མ། །གཡོན་དུ་རྡོ་རྗེ་སྐུལ་བྱེད་མ། །འཁོར་ལོ་རྩིབས་ནི་མཉམ་པ་ལ། །ཁྲོ་བོ་གཞན་གྱིས་མི་ཐུབ་སེར། །མདུན་དུ་རྡོ་རྗེ་གནག་བྱེད་མོ། །གཡས་སུ་
རྡོ་རྗེ་མེ་ཆེན་མོ། །རྒྱབ་ཏུ་རྡོ་རྗེ་ཟླ་བ་མོ། །གཡོན་དུ་རྡོ་རྗེ་རྣོན་པོ་མ། །རྩིབས་གསུམ་རྡོ་རྗེ་གཙུག་ཏོར་སེར། །རྡོ་རྗེ་ཁྲོ་མོ་ཁྲག་འཐུང་མོ། །རྡོ་རྗེ་རླུང་འཛིན་ཆེན་མོ་དང་། །རྡོ་རྗེ་སྡང་བྱེད་མོར་བཅས་པའོ། །ནུབ་ཀྱི་རྩིབས་ལ་རྟ་

98-1-286a

མགྲིན་དམར། །མདུན་དུ་རྡོ་རྗེ་རྨོངས་བྱེད་མ། །གཡས་སུ་རྡོ་རྗེ་ཞི་བ་མོ། །གཡོན་དུ་རྡོ་རྗེ་ཚོལ་བྱེད་མ། །ལྔ་པའི་རྩིབས་ལ་དེ་བཞིན་དུ། །ཁྲོ་བོ་བགེགས་མཐར་བྱེད་པ་ལྗང་། །མདུན་དུ་རྡོ་རྗེ་གསོར་བྱེད་མ། །
གཡས་སུ་རྡོ་རྗེ་གཏུམ་མོ་སྟེ། །རྒྱབ་དུ་རྡོ་རྗེ་རོ་ལངས་མ། །གཡོན་དུ་རྡོ་རྗེ་རེངས་བྱེད་མ། །རྩིབས་དྲུག་འཁོར་ལོར་བྲི་བ་ནི། །རྡོ་རྗེ་གནོད་མཛེས་རྒྱལ་ལྗང་སྔོ། །མདུན་དུ་རྡོ་རྗེ་ཆུ་དབང་མོ། །གཡས་སུ་དངོས་གྲུབ་འབྱུང་
བ་མོ། །རྒྱབ་ཏུ་རྡོ་རྗེ་མཚན་མོ་དག །གཡོན་དུ་རྡོ་རྗེ་མཁའ་དབང་ཕྱུག །དེ་ལྟར་རྡོ་རྗེ་ཁྲོ་བོ་ཁྲོ་མོ་རྣམས། །ཀུན་ཀྱང་ཞལ་གཅིག་ཕྱག་བཞི་པའོ། །ཁྲོ་བོ་ཕྱག་གཉིས་མདའ་གཞུ་བཀང་། །གཡས་ན་བེ་ཅོན་ཁ་ཊྭཱྃ་དང་། །
ཐོ་བ་རྡོ་རྗེ་རྒྱ་གྲམ་དང་། །འཁོར་ལོ་གཏུན་ཤིང་རྡོ་རྗེ་རྣམས། །རང་རྟགས་ཕྱག་རྒྱ་འཆང་བའོ། །གཡོན་ན་སྡིག་མཛུབ་ཞགས་པའོ། །ཀུན་ཀྱང་སྟག་གི་ཤམ་ཐབས་ཅན། །ཁྲོ་མོ་རྣམས་ཀྱི་ཕྱག་རྒྱ་ནི། །གཡས་ན་གྲི་གུག་
ཅང་ཏེའུ་སྟེ། །གཡོན་ན་ཐོད་ཁྲག་ཁ་ཊྭཱྃ་ངོ་། །ཞིང་ལྤགས་དག་གི་ཆོས་གོས་ཏེ། །གཟིག་གི་ལྤགས་པའི་ཤམ་ཐབས་ཅན། །ཁྲོ་བོའི་གཡོན་ན་སྒེག་པའི་ཚོགས། །དེ་རྒྱབ་ཆ་ཡི་སྣམ་བུ་ལ། །ཕྱོགས་རེར་ལྷ་མོ་བཞི་བཞི་དང་། །
དེ་བཞིན་བྱང་ཆུབ་སེམས་དཔའ་བཞི། །ཕྱོགས་རེར་བརྒྱད་བརྒྱད་བཀོད་པ་སྟེ། །སུམ་བཅུ་རྩ་གཉིས་བཞེངས་པའི་ཚུལ། །དེ་བཞིན་བསྐོར་བཞིན་སེམས་མ་མཆོག །ལྕགས་ཀྱུ་ཞགས་པ་ལྕགས་སྒྲོག་དང་། །འབེབས་
མ་རང་རྟགས་ཕྱག་རྒྱ་གཡས། །གཉིས་པ་མི་འཇིགས་ཕྱག་རྒྱ་སྟེ། །གཡོན་པ་ཕྱོགས་མདོག་པད་མ་དང་། །གཉིས་པ་དར་གྱི་ཆོས་གོས་སོ། །ཀུན་ཀྱང་སྒེག་ཉམས་ལྡན་པའོ། །དེ་རྒྱབ་དཀྱིལ་འཁོར་ཆ་ལ་ནི། །ཤར་དུ་བརྒྱ་བྱིན་
གླང་ཆེན་ཞོན། །གཡས་ཀྱི་དང་པོ་རྡོ་རྗེ་སྟེ། །གཉིས་པ་སྐྱབས་སྦྱིན་ཕྱག་རྒྱ་ཅན། །གཡོན་པ་ཕྱོགས་མདོག་པད་མ་སྟེ། །གཉིས་པ་རང་མདོག་ཕྲེང་བ་བྲི། །དེ་ཡི་གཡོན་དུ་ཚངས་པ་སེར། །ངང་པའི་ཁྲི་ལ་བཞུགས་པ་ལ། །གཡས་ཀྱི་

98-1-286b

དང་པོ་ཉི་མ་འཆང་། །མེ་ཕྱོགས་སུ་ནི་མེ་ལྷ་སྟེ། །མདོག་དམར་ར་ཞོན་མེ་ཕུང་འཛིན། །ལྷོ་ཡི་ཕྱོགས་སུ་གཤིན་རྗེ་སྔོ། །ཐོད་དབྱུག་བཟུང་བ་མ་ཧེ་ཞོན། །བདེན་བྲལ་དུ་ནི་སྲིན་པོ་གནག །རྩེ་གསུམ་བཟུང་ནས་སྲིན་
པོ་ཞོན། །ནུབ་དུ་ཆུ་ལྷ་དཀར་པོ་ནི། །ཀླུ་ཡི་ཁྲི་ལ་སྦྲུལ་ཞགས་བཟུང་། །དེ་ཡི་གཡོན་དུ་ས་བདག་དཀར། །བུམ་པ་བཟུང་སྟེ་རུས་སྦལ་ཞོན། །ལྷ་མིན་ཕྱོགས་སུ་རླུང་ལྷ་ལྗང་། །བ་དན་བཟུང་སྟེ་ཤ་བ་ཞོན། །བྱང་དུ་གནོད་
སྦྱིན་མི་ལ་ཞོན། །ལྗང་ནག་ཕྱག་ན་གཏེར་སྒྲོམ་མོ། །བྱང་ཤར་དབང་ལྡན་དཀར་པོ་ནི། །རྩེ་གསུམ་བཟུང་སྟེ་ཁྱུ་མཆོག་ཞོན། །སྒོ་བཞིར་རྒྱལ་པོ་ཆེན་པོ་བཞི། །ཕྱོགས་ཀྱི་ཁ་དོག་གོ་ཆ་ཅན། །པི་ཝང་རལ་གྲི་ཞགས་
པ་ཅན། །རིན་ཆེན་དབྱུག་ཐོ་གཡས་ཀྱིས་འཆང་། །གཉིས་པ་སྐྱབས་ཀྱི་ཕྱག་རྒྱ་སྟེ། །གཡོན་པ་མ་ལ་བགྲང་ཕྲེང་ནི། །ཕྱོགས་ཀྱི་ཁ་དོག་ལྡན་པའོ། །ཀུན་ཀྱང་སྒེག་ཉམས་ཕྱོགས་ཀྱི་མདོག །རིམ་བཞིན་སྟག་གཟིག་
དོམ་སེང་གེའི། །ཁྲི་ལ་བཞུགས་པའི་གཟིགས་པ་ཅན། །རང་རང་ཕྱོགས་ཀྱི་སྒོ་ལ་ནི། །བསྲུང་བརྩོན་ཤིན་དུ་འགྲུས་པའོ། །དཀྱིལ་འཁོར་ཆ་བརྒྱད་འཁོར་ཡུག་ཏུ། །བཟའ་ཤིང་མེ་ཏོག་སྤོས་ཤིང་དང་། །མཛེས་པའི་
ཤིང་ཚོགས་ཚལ་གསེབ་ཏུ། །མཛེས་པའི་བྱ་སོགས་དུད་འགྲོ་དང་། །ལྷ་ཡི་བུ་དང་བུ་མོ་སོགས། །དེ་བཞིན་ཀླུ་དང་གནོད་སྦྱིན་དང་། །དྲི་ཟ་གྲུལ་བུམ་བུ་མོའོ། །རོལ་མོ་བྱེད་པ་དུ་མ་བྲི། །འདི་ལྟར་དད་ན་ལ་ལས་ནི། །འཇིག་
རྟེན་སྐྱོང་བའི་ནང་རོལ་དུ། །གཟའ་དང་རྒྱུ་སྐར་སུམ་བཅུ་དྲུག །རིན་ཆེན་པད་མ་ལ་གནས་བྲི། །སྨིན་དྲུག་པད་མ་དམར་པོ་འཆང་། །སྣར་མ་མགོ་ནི་ཨུད་པ་ལ། །ནབ་སོ་པད་དཀར་ལག་ཏྲི་ཤུལ། །རྒྱལ་ནི་བགྲང་ཕྲེང་སྐག་
སྦྲུལ་ནག །མཆུ་ནི་པད་སེར་ཁྲ་མཉམ་གཞག །མེ་བཞི་པད་དཀར་དབོ་དབྱུག་པ། །ནག་པ་པད་མ་ས་རི་རས། །ས་ག་པོ་ཏི་ལྷ་མཚམས་བུམ། །སྣྲོན་ནི་རྡོ་རྗེ་སྣྲུམས་དབྱུག་སྟེ། །ཆུ་སྟོད་རིལ་བ་ཆུ་སྨད་པད། །བྱི་ཞུན་གསེར་གྱི་

98-1-287a

འཁོར་ལོ་སྟེ། །གྲོ་ཞུན་ཆུ་སྐྱོགས་མོན་གྲུ་དང་། །མོན་གྲེ་ཤེལ་སྒོང་ཁྲུམས་སྟོད་ཀྱིས། །རལ་གྲི་ཁྲུམས་སྨད་ཀུ་མུ་ཏ། །ནམ་གྲུ་བ་དན་ཐ་སྐར་གྱིས། །ཤིང་ལོ་བྲ་ཉེ་དབྱུག་སྲན་ཏོ། །ཟླ་བ་ཀུ་མུད་དཀར་པོ་སྟེ། །ཉི་མ་པད་
མ་དམར་པོའོ། །མིག་དམར་མེའི་ཕུང་པོ་སྟེ། །གཟའ་ལག་ཨུད་པ་ལ་སྔོན་པོའོ། །ཕུར་བུས་ཆོས་ཀྱི་གླེགས་བམ་མོ། །པོ་པོ་སངས་ནི་བགྲང་ཕྲེང་བཟུང་། །སྤེན་པ་ལག་ན་རལ་གྲི་འཆང་། །སྒྲ་གཅན་བདུད་རྩིའི་གཞོང་བུའོ། །
ནང་གི་གྲྭ་ལི་ཆར་གཏོགས་པ། །བཀྲ་ཤིས་ལྷ་མོ་བརྒྱད་ཡིན་ཏེ། །རྟག་དགའ་མ་དང་རྒྱལ་མ་ཤར། །དོན་གྲུབ་མ་དང་མི་ཕམ་ལྷོར། །ནུབ་ཏུ་བདེ་བ་བདེ་དགའ་མ། །མྱུར་གྲུབ་མ་དང་གཏན་མ་བྱང་། །རྩེ་ལྔ་རྩེ་གསུམ་
རྡོ་རྗེ་དང་། །སྔོན་པོ་སེར་པོ་རིན་ཆེན་དང་། །དཀར་དང་དམར་དང་ཨུ་པ་ལ་དང་། །ཨུ་པ་ལ་སྔོ་དང་ཀུ་མུ་ཏ། །དང་པོ་ཕྱག་ན་རིམ་བཞིན་འཆང་། །སྐྱབས་སྦྱིན་པད་མ་བགྲང་ཕྲེང་ནི། །ལྷག་མ་རྣམས་ཀྱིས་རིམ་བཞིན་
འཆང་། །དེ་དག་ཐམས་ཅད་ཕྱོགས་མདོག་གོ། རྒྱས་པའི་སྤྲོས་པས་སྐྱོ་ན་ཡང་། །ལྔ་བཅུ་བརྒྱད་དམ་སུམ་བཅུ་བདུན། །ཉི་ཤུ་དགུ་འམ་ཉི་ཤུ་ལྔ། །བཅྭ་ལྔ་དགུ་འམ་ལྔ་འམ་གཅིག །ཡི་གེ་ཕྱག་རྒྱ་གཟུག་བརྙན་
ཚོགས། །སྤྲུལ་པ་སྐུ་ཡི་ཆོ་འཕྲུལ་ཏེ། །རང་གི་ཇི་ལྟར་འདོད་པ་ཡི། །སེམས་ཀྱི་བྱིན་བརླབ་ཉིད་དུ་འགྱུར། །བདེ་གཤེགས་སྐུ་དང་པོ་ཏི་དང་། །ཕྱག་རྒྱ་སོགས་པ་རབ་གནས་བྱ། །ཉམས་སམ་དྲི་མས་གོས་པ་ནི། །དཀྲུས་
དང་བཤིག་ནས་དག་བྱེད་ལ། །རྟོག་པ་མེད་པའི་སེམས་ཀྱིས་སུ། །དེ་ལ་བསོད་ནམས་དཔག་ཏུ་མེད། །གཟུགས་སོགས་སྔོན་པས་དམན་གྱུར་ཀྱང་། །དེ་ཡིས་བསོད་ནམས་མཐའ་ཡས་འཐོབ། །ཕྲིན་ལས་དང་ནི་སྐུ་
གསང་བ། །དེ་བཞིན་གཤེགས་པའི་མཚན་ཉིད་དེ། །དེ་བཞིན་ཉིད་དེ་སྟོང་པ་ཉིད། །བྱང་ཆུབ་ནམ་མཁའི་མཚན་ཉིད་དང་། །མཚན་དང་དཔེ་བྱད་ཀུན་རྫོབ་སྟེ། །སྒྱུ་མ་རྨི་ལམ་ལྟ་བུའོ། །སུམ་བཅུ་གཉིས་དང་བརྒྱད་བཅུ་ནི། །

98-1-287b

ཡི་གེ་བརྡ་དང་སྤྲོས་པའི་སྐུ། །ལོངས་སྐུ་བསོད་ནམས་རྒྱུ་མཐུན་འབྲས། །སྤྲུལ་སྐུ་ལས་ཀྱི་རྣམ་སྨིན་འབྲས། །ཀུན་རྫོབ་དོན་དམ་མཚན་ཉིད་ལྡན། །དག་དང་མ་དག་སྐལ་ལྡན་ལ། །བདེ་གཤེགས་ཕྲིན་ལས་གཟུགས་
སྐུ་གཉིས། །ཚོགས་གཉིས་ལ་ནི་སྐུ་གསུྃ་བྱུང་། །རྣམ་བྱང་ཀུན་ཉོན་མོངས་པས་སྟོང་། །ལུས་ངག་ཡིད་ཀྱི་སྤྱོད་ཡུལ་མིན། །དམིགས་མེད་ནམ་མཁའི་ཁམས་རྟོགས་པ། །རྒྱལ་བ་རྣམས་ཀྱི་ཆོས་སྐུའོ། །རྟག་
ཆད་མེད་པའི་རྟེན་འབྲེལ་ནི། །སྐྱེ་འགག་མེད་པར་ཐུགས་ཆུད་པ། །ཡིད་ཀྱི་རྣམ་ཤེས་འཇུག་ལམ་གྱིས། །བསམ་གཏན་གོམས་པས་ཤེས་པར་བྱ། །དད་པའི་ལྕགས་ཀྱུ་ཤེས་རབ་ཅན། །ལྷ་ཀླུ་འབུམ་ཕྲག་དཀར་པོའི་
སེམས་དགེ་བ། །ཀུན་སློང་བྱང་ཆུབ་གཏེར་གྱི་རིན་ཆེན་ནོར། །ཐོབ་པར་འདིས་མཛོད་འཁོར་ལོས་བསྒྱུར་བ་འབྱུང་། །སེམས་ཀྱི་དབུས་གཅེས་དེ་ཕྱིར་སྤྱོད་སྤྱད་པས། །དབང་པོར་བྱ་བའི་རྒྱུད་ཀུན་ཁྱད་པར་དུ། །པད་མའི་དྲ་བ་
ཕྱག་སྟོང་གིས་རྒྱན་པར། །མྱུར་དུ་སྒྲུབ་པའི་ཐབས་མང་གསུངས་པ་རྣམས། །བསྡུས་བརྩོན་དང་བྱས་ལྡན་པས་གཅེས་སུ་བྱ། །བླ་མའི་ལུང་ཡོད་སྙིང་རྗེ་གང་ལྡན་པ། །རྒྱལ་དང་རྒྱལ་སྲས་ཚོགས་རྣམས་ཀུན་དགྱེས་ནས། །
འཇིག་རྟེན་སྐྱོང་ཚོགས་དགའ་བ་སྨོས་ཅི་དགོས། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་གཟུགས་བརྙན་འབྱུང་བའི་ལེའུ་སྟེ་ལྔ་པའོ།། །། དེ་ནས་དགའ་ལྡན་གནས་
འཁྲུངས་པ། །བསྐལ་པ་དུ་མར་ཚོགས་བསགས་པ། །རིག་པ་གསུམ་ལྡན་ལྷ་ཡི་བུ། །མཛེས་པའི་ཏོག་ཅེས་མཚན་གསོལ་བ། །སྤྱན་རས་གཟིགས་ལ་ཆེར་དད་ནས། །བཞེངས་ཏེ་ཐལ་མོ་སྦྱར་བྱས་ཤིང་། །འཁོར་ཚོགས་ཆེན་
པོ་དང་བཅས་པས། །མགྲིན་གཅིག་དུ་ནི་འདི་སྐད་གསོལ། །ཨོཾ་ཁམས་གསུམ་ཀུན་གྱི་བླ་མ་གཙོ། །འདྲེན་པ་མགོན་པོ་རྫོགས་སངས་རྒྱས། །ས་གསུམ་ཡེ་ཤེས་འོད་པོ་ཆེ། །བདེ་བར་གཤེགས་ལ་ཕྱག་འཚལ་ལོ། །ཡོན་ཏན་ཀུན་

98-1-288a

གྱི་འབྱུང་གནས་མཆོག །རིག་སྔགས་བདེ་ལྡན་བྱིན་བརླབས་ཅན། །གཡུང་དྲུང་རྟག་པ་དམ་ཆོས་གཙོ། །ཀུན་རྟོག་སེལ་སྐྱོབ་ཕྱག་འཚལ་ལོ། །རྟག་པར་བརྩེ་ལྡན་སྤྱན་རས་གཟིགས། །བྱང་ཆུབ་སེམས་ཚོགས་འབྱུང་
ཚོགས་རྒྱལ། །བྱ་བ་བྱས་ནས་བསྐལ་པར་གནས། །པད་འཆང་ཚོགས་ལ་ཕྱག་འཚལ་ལོ། །བསྐལ་པ་དུ་མར་བསགས་པ་ཡི། །ཐུགས་རྗེ་ཡེ་ཤེས་ལས་བྱུང་བ། །རིག་སྔགས་ཕྲེང་བ་བྱིན་བརླབས་ཅན། །མགོན་པོ་སྤྱན་
རས་གཟིགས་དབང་གིས། །སེམས་ཅན་རྣམས་ལ་ཕན་དོན་ཕྱིར། །ཕྱག་རྒྱ་ཕྲིན་ལས་ལྡན་པར་གསུངས། །ལས་ཀྱི་དྲི་མ་དང་ལྡན་ཞིང་། །ཉོན་མོངས་བདག་རྒྱལ་ཀྱིས་བཅིངས་ནས། །ལེ་ལོ་སེར་སྣའི་འདབ་རྫབ་ཅན། །ཁུར་དང་ལྡན་
པའི་སེམས་ཅན་རྣམས། །མྱུར་དུ་གྲོལ་བར་བྱ་བ་དང་། །ཐུགས་རྗེ་ཉི་མ་བཀྲམ་བྱས་ཏེ། །སྲིད་འདབ་སྟུག་པོ་སྐེམས་པ་དང་། །མྱུར་དུ་སངས་རྒྱས་འགྲུབ་བྱའི་ཕྱིར། །ལྷ་དང་གསང་སྔགས་བླང་བ་དང་། །ཕྲིན་ལས་སྦྱོར་བ་ལྡན་
པ་དང་། །རྒྱུད་པ་རྒྱུན་གཞིན་མེད་པ་ཡི། །སྦྱོར་བའི་ཚུལ་འབྱུང་བཤད་དུ་གསོལ། །རིག་སྔགས་རྗེས་གནང་མེད་པ་ནི། །བསྒྲུབས་ཀྱང་འབྲས་མེད་ངལ་བ་སྟེ། །འདྲེན་པ་མེད་པའི་ཤིང་རྟ་ནི། །འཁོར་ལོ་བཟང་ཡང་གང་དུ་ཕྱིན། །
ཉོན་མོངས་རྩ་བ་གཅད་པའི་ཕྱིར། །རིག་སྔགས་རལ་གྲི་རྣོ་དང་མཚུངས། །བདག་འཛིན་གོ་ཆ་འབིག་པའི་མདུང་། །སྡུག་བསྔལ་མཚོ་སྐེམས་ཉི་མ་ཆེ། །ཀུན་རྟོག་རྡུལ་ཕུང་བསྲེག་པའི་མེ། །ཤེས་རབ་མེ་ཏོག་འཁྲུང་
པའི་རླན། །ནད་ངན་ཀུན་སེལ་སྨན་མཆོག་སྟེ། །བག་ཚོགས་སེལ་བའི་སྲེད་མེད་བུ། །བག་ཚོགས་བཀྲུས་པའི་ཆུ་རྒྱུན་ཡིན། །ལོངས་སྤྱོད་འཕེལ་བའི་གཏེར་ཆེན་ཉིད། །འཁོར་བ་ལས་བརྒལ་གྲུ་གཟིངས་ཏེ། །ཉེས་པ་ཀུན་
སེལ་རླུང་དང་མཚུངས། །དེ་ནས་བཅོམ་ལྡན་ཐུབ་པ་ཆེ། །མགོན་པོ་རྫོགས་སངས་རྒྱས་ཆེན་གྱིས། །སྲབ་འཇམ་རིང་བའི་ལྗགས་བཀྲམ་ནས། །ཚངས་པའི་གསུང་སྙན་དབྱངས་ཀྱིས་གསུངས། །འགྲོ་ལ་ཐུགས་རྗེ་ཆེན་པོ་ཡི། །

98-1-288b

སྔགས་འབྱུང་བརྒྱུད་པའི་རིམ་འབྱུང་བའི། །ཆོ་ག་དམ་པ་ཉན་བརྩོན་པ། །ཤིན་དུ་ལེགས་སོ་ལྷ་ཡི་བུ། །ཉམས་དགའ་དགེ་བའི་ས་ཕྱོགས་སུ། །ས་ཡི་ཆ་མཉམ་དཀྱིལ་འཁོར་ལྟར། །པད་མ་གདན་འདྲའི་དཀྱིལ་འཁོར་ནི། །ཚོན་སྣ་
མ་ལུས་རྣམས་ཀྱིས་བྲིས། །མགོན་པོ་སྤྱན་རས་གཟིགས་དབང་སོགས། །སངས་རྒྱས་བྱང་ཆུབ་སེམས་དཔའ་དང་། །རིག་པའི་ལྷ་མོ་ཁྲོ་མོར་བཅས། །འཇིག་རྟེན་སྐྱོང་སོགས་མ་ལུས་པའི། །སྐུ་འམ་ཕྱག་རྒྱ་བཀོད་པ་དང་། །མཆོད་པའི་ཚོགས་ཀྱང་
བཀྲམ་པར་བྱ། །མར་མེ་ཡོན་ཆབ་བྱུག་སྤོས་དྲི། །ཞལ་ཟས་གཏོར་མ་སྣ་ཚོགས་དང་། །གཞན་ཡང་ཟས་སྐོམ་སྣ་ཚོགས་དང་། །རྒྱན་དང་ན་བཟའ་ལྷབ་ལྷུབ་དང་། །སིལ་སྙན་མེ་ཏོག་ཕྲེང་དུ་མ། །ཡིད་འོང་མཛེས་པའི་ཚིག་གིས་བརྒྱན། །སློབ་མ་
གུས་པས་བླ་མ་ལ། །ཡོན་ཕུལ་བརྩོན་བྱས་འདི་སྐད་གསོལ། །སེམས་ཅན་ཀུན་གྱི་སེམས་ཀྱི་གཉེན། །དམུས་ལོང་ལམ་ལོག་ལས་འདྲེན་པ། །རབ་རིབ་སེལ་བའི་ཐུར་མ་ཅན། །བདག་ལ་འདྲེན་པའི་སྒྲོལ་མ་སོགས། །ཤེས་རབ་སྙིང་རྗེའི་
སྐྱ་བ་ཅན། །ཐོས་བསམ་བསྒོམ་པའི་གྲུ་གཟིངས་ཅན། །ལས་ཅན་སྡུག་བསྔལ་ཆུ་སྒྲོལ་བའི། །ཐབས་བརྩོན་ཉན་པ་ཁྱོད་ཕྱག་འཚལ། །བྱང་ཆུབ་ལམ་མཐོང་དཔག་ཡས་ཐུགས། །འགྲོ་རྣམས་ཐར་ལམ་རྟེན་གཟིགས་པ། །དགེ་བརྩོན་
དགེ་ལ་བསྐུལ་བའོ། །དགེ་བཅུ་མེད་པ་དག་ལ་སྩོལ། །དམ་ཚིག་སྡོམ་གནས་ངང་ཚུལ་བཟང་། །བག་ཡོད་དབྱངས་མཁས་ལྟུང་བ་མེད། །ཆོས་དོན་གཉེར་བའི་དོན་སྐྱབས་པོ། །སྐྱབས་དང་སྡོམ་གནས་བདག་ལ་སྩོལ། །དཔའ་བརྟན་ཞི་རྡུལ་
སྤྱད་པ་ཡི། །དགའ་སླད་སློབ་དཔོན་འདི་སྐད་བརྗོད། །ཨོཾ་གཏི་མུག་རྣམ་དག་བདེར་གཤེགས་ཐུགས། །རྣམ་པར་སྣང་མཛད་སྐྱབསུ་མཆི། །ཞེ་སྡང་རྣམ་དག་རྡོ་རྗེ་ཐུགས། །མི་བསྐྱོད་པ་ལ་སྐྱབས་སུ་མཆི། །སེར་སྣ་རྣམ་དག་ལོངས་སྤྱོད་གཏེར། །
རིན་ཆེན་འབྱུང་ལྡན་སྐྱབས་སུ་མཆི། །འདོད་ཆགས་རྣམ་དག་པད་མའི་གསུང་། །འོད་དཔག་མེད་ལ་སྐྱབས་སུ་མཆི། །ཕྲག་དོག་རྣམ་དག་ཕྲིན་ལས་རྒྱལ། །དོན་ཡོད་རྡོ་རྗེ་སྐྱབས་སུ་མཆི། །ཨཱཿགནས་མེད་མཁའ་དང་མཉམ་སྤྱོད་པ། །ཆོས་དབྱིངས་ཆོས་

98-1-289a

ལ་སྐྱབས་སུ་མཆི། །སྐྱེ་མེད་སྐྱེ་སྣང་ལྟར་གྲུབ་ཆོས། །འཕགས་ལམ་བརྒྱད་ལ་སྐྱབས་སུ་མཆི། །དོན་གཅིག་ཚོགས་ལམ་བཅུ་གཉིས་གྲངས། །གསུང་རབ་ཡན་ལག་སྐྱབསུ་མཆི། །རྒྱུ་འབྲས་སྣང་བའི་སོ་སོར་རྟོག །ཉན་ཐོས་དགེ་
འདུན་སྐྱབསུ་མཆི། །གཅིག་གམ་ཚོགས་སྤྱོད་རྫུ་འཕྲུལ་ཆེ། །རང་རྒྱལ་དགེ་འདུན་སྐྱབསུ་མཆི། །སྙིང་རྗེ་ཤེས་རབ་བྱང་ཆུབ་འབྲེལ། །སེམས་ཆེན་ཚོགས་ལ་སྐྱབསུ་མཆི། །གསོད་དང་རྐུ་རྫུན་འཁྲིག་སྤྱོད་དང་། །ཚིག་རྩུབ་
ཕྲ་མ་ངག་ཁྱལ་དང་། །བརྣབ་སེམས་གནོད་སེམས་ལོག་ལྟ་སྤྱོད། །ཐར་པའི་སྲོག་གཅོད་བཅུ་པོ་སྤོངས། །ཆང་འཐུང་ཏིལ་མར་ཚིར་ལས་དང་། །མགར་དང་རྒྱ་སྐྱེགས་རྩ་ཤིང་གཅོད། །སྲོག་ཆགས་ཚོགས་དང་མགོ་ཟླུམ་ཚོང་། །
མཐོ་རིས་ལུས་ཀྱི་གགས་ཆེན་སྤོང་། །རྟགས་དང་ཕྱག་རྒྱ་འདྲ་འབག་དང་། །རྟེན་དང་དགེ་འདུན་རྟགས་ཡི་གེ། བགྲང་ཕྲེང་འཛིན་པའི་ཡོ་བྱད་སོགས། །འགོམ་དང་བཤིག་པ་གཏན་དུ་སྤོང་། །མཆོད་པ་རྙིང་དང་སྒོག་པ་དང་། །
འབགས་དང་ལྷག་མར་གྱུར་པ་དང་། །ཤ་དང་དམན་པའི་ལག་གི་ཟས། །སྲོག་ཆགས་ཡོད་པའི་ཆུ་རྣམས་སྤོང་། །དེང་ནས་བཟུང་སྟེ་ཅི་སྲིད་པ། །བྱང་ཆུབ་སྙིང་པོ་ཐུག་པར་དུ། །སྡོམ་པ་ཡི་ནི་ཚུལ་ཁྲིམས་དང་། །དགེ་བའི་ཆོས་
ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་སོགས། །ནམ་དུ་མི་དོར་བརྟན་པོར་གཟུང་། །ལྷ་དང་སློབ་དཔོན་ཡིད་བྱེད་ཅིང་། །རྡོ་རྗེ་དྲིལ་བུ་ཕྱག་རྒྱ་གཟུང་། །འགྲོ་ལ་ཟང་ཟིང་མི་འཇིགས་སྐྱབས། །ཆོས་ཀྱི་སྦྱིན་པ་ཅི་
འབྱོར་སྩལ། །ཐེག་གསུམ་ཐ་དད་ཆོས་ཚུལ་རྣམས། །མི་འགལ་སྦྱོར་བས་རྒྱུན་དུ་སྤྱད། །ལུས་ངག་ཡིད་དང་ལོངས་སྤྱོད་བཅས། །སེར་སྣ་མེད་པས་མཆོད་འོས་མཆོད། །ལྷ་དང་ལྷ་མིན་གསང་བ་པའི། །རིག་འབྱུང་སྐུ་གསུང་
ཐུགས་ཀྱི་རྒྱ། །དེས་སྤྱོད་དམ་ཚིག་དམ་པ་རྣམས། །སྡོམ་ཚུལ་བརྟན་པོར་གཟུང་བར་བྱ། །འགྲོ་རྣམས་ཀུན་ལ་སྙིང་བརྩེ་དང་། །ཡི་དགས་རྣམས་ལ་གཏོར་མ་སྦྱིན། །འཛམ་བྷ་ལ་ནི་ཆུ་ཡིས་མཆོད། །ཡི་དགས་དག་ཀྱང་ཆུས་

98-1-289b

མཉེས་བྱ། །རྡོ་རྗེ་སློབ་མ་རབ་དགའ་ནས། །ཅི་འབྱོར་ལྷ་དང་བླ་མ་མཆོད། །དགའ་ཆེན་ལས་སྦྱོར་སློབ་དཔོན་དགོངས། །སྙིང་རྗེ་བདག་ལ་གཟིགས་ནས་ཀྱང་། །ལྷ་དང་སྔགས་དང་བྱིན་བརླབས་ཐབས། །དེ་བདག་བརྩེ་ཕྱིར་
སྩལ་དུ་གསོལ། །རྒྱལ་བ་སྲས་བཅས་ཚོགས་བཞུགས་པའི། །ཉམས་དགའ་ཐར་པའི་གྲོང་ཁྱེར་ཆེ། །ཡིད་བཞིན་ལོངས་སྤྱོད་ཆར་དུ་འབབ། །ཁང་ཆེན་དེར་ནི་བདག་འཇུག་འཚལ། །སྐུ་གསུང་ཐུགས་ཀྱི་རྡོ་རྗེ་ཅན། །ཟབ་
མོ་སངས་རྒྱས་སྤྱོད་ཡུལ་བ། །སྤྲོས་བྲལ་དམིགས་སུ་མེད་པའི་དོན། །ལམ་ཆེན་བདག་ལ་སྩལ་དུ་གསོལ། །དེ་ནས་སློབ་དཔོན་སྔགས་རིག་པ། །དེ་ཉིད་བཅུ་སྦྱར་མཁས་པ་པོ། །གཡོན་པས་ཆོས་གོས་རྩེ་བཟུང་
སྟེ། །ལག་པ་གཡས་ཆོས་ཕྱག་རྒྱ་ཅན། །གསང་བསྟོད་འཛུམ་པའི་མདངས་འོད་རྒྱས། །དད་དང་ལྡན་པ་འདི་སྐད་བརྗོད། །ཨོྂ་བུ་ཤོག་ཐེག་པ་ཆེན་པོ་ཡི། །ཁྱོད་ནི་ཚུལ་ཆེན་སྣོད་ཡིན་ཕྱིར། །གསང་སྔགས་
སྤྱོད་ཚུལ་ཆོ་ག་རྣམས། །ཁྱོད་ལ་ངེས་པར་བསྟན་པར་བྱ། །སྐུ་གསུང་ཐུགས་ཀྱི་རྡོ་རྗེ་ཅན། །དུས་གསུམ་སངས་རྒྱས་ཐྃད་ཀྱི། །རྡོ་རྗེ་གསང་སྔགས་རབ་བསྒོམས་པས། །མཚུངས་པ་མེད་པའི་ཡེ་ཤེས་རྣམས། །ཤཱཀྱ་
སེང་གེ་དཔའ་བོས་ཀྱང་། །གསང་སྔགས་སྦྱོར་བ་མཉམ་མེད་ཀྱིས། །བདུད་སྡེ་ཤིན་ཏུ་མི་བཟད་པའི། །དཔུང་ཆེན་དག་ཀྱང་འདིས་བཅོམ་མོ། །འཇིག་རྟེན་རྗེས་འདུལ་རྫོགས་བྱའི་ཕྱིར། །འཁོར་ལོ་བསྐོར་ནས་མྱ་ངན་འདས། །
དེ་ཕྱིར་ཀུན་ཐུབ་བྱ་བའི་ཕྱིར། །བུ་ཡིས་བློ་གྲོས་འདི་གྱིས་ཤིག །སྔགས་དང་རྫས་ཀྱི་བསྲུང་བ་དང་། །ལྷ་ཡི་རྟེན་མིག་དེ་ལ་མཆོད། །ཨུ་དུམ་བ་རའི་མེ་ཏོག་ལྟར། །འཇིག་རྟེན་དུ་ནི་ཀུན་མཁྱེན་དག །བརྒྱ་ལམ་
ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་། །སྔག་ཀྱི་སྤྱོད་ཚུལ་འབྱུང་བ་ནི། །དེ་བས་ཀྱང་ནི་ཆེས་དཀོན་ཏེ། །གང་གིས་མཚུངས་མེད་སེམས་ཅན་དོན། །མྱ་ངན་མི་འདའ་བྱེད་པར་ནུས། །བསྐལ་པ་དུ་མར་

98-1-290a

བསགས་པའི་སྡིག །གང་ལ་སྡིག་ཁུར་ཅི་ཡོད་པ། །ལྷ་ཡི་དཀྱིལ་འཁོར་མཐོང་བ་དང་། །བྱིན་བརླབས་ཙམ་གྱིས་བྱང་གྱུར་ནས། །བློ་གྲོས་དྲི་མ་མེད་པ་ཡིས། །སྤྱོད་ཚུལ་བརླབས་པ་ཞུགས་ནས་ལྷ། །ངན་འགྲོ་སྡུག་བསྔལ་
རྒྱུན་བཅད་ནས། །མཚན་ལྡན་སྐུ་ནི་གཞན་དོན་སྤྱོད། །བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་མཚུངས་མེད་དེ་རིང་རྙེད། །གང་ཕྱིར་རྒྱལ་བ་སྲས་བཅས་པས། །བདག་ཉིད་ཆེན་པོ་ཁྱེད་རྣམས་ནི། །གང་དུ་སྐྱེས་ཀྱང་
གཟུང་བའི་ཕྱིར། །དེང་ནས་ཁྱེད་རྣམས་ཐེག་ཆེན་རིགས། །ཤ་སྟག་ཏུ་ནི་སྐྱེ་ངེས་ཏེ། །ཐེག་པ་ཆེན་པོར་ཆེར་འབྱུང་བ། །དཔལ་དང་ལྡན་པའི་ལམ་མཆོག་འདི། །གང་དུ་རྒྱས་པར་ཁྲིད་ནས་ཀྱང་། །བདེ་བར་གཤེགས་པ་
ཉིད་དུ་འགྱུར། །དེ་བས་སྤྲོ་ལ་བརྩོན་པར་གྱིས། །སློབ་མ་སྐུ་ཤ་དགེ་བ་ཡི། །སྟན་ལ་ཉལ་ནས་རྨི་ལམ་དྲི། །གསང་དང་སྦྱོར་བ་བྱས་ནས་ཀྱང་། །ཆུས་བཀྲུས་འདི་རྣམས་བཀླག་པ་དང་། །བཀྲ་ཤིས་དུ་མ་བཀླག་
བྱས་ཏེ། །གདོང་པ་དར་གྱིས་བཅིངས་ནས་ཀྱང་། །འབྲས་ཀྱི་མེ་ཏོག་ཕྲེང་བ་ནི། །ལྷ་ཡི་དཀྱིལ་འཁོར་དབུས་སུ་དོར། །སླར་བླངས་མགོ་ལ་བཅིང་བྱ་སྟེ། །པད་མ་ལྡན་རིགས་མཚན་གྱིས་བརྒྱན། །མིག་ཕྱེ་དེ་ལ་ལྷ་རྣམས་དང་། །
བྱང་ཆུབ་ཕྱོགས་ཆོས་མཚན་མ་ཡི། །ཡོན་ཏན་ཡེ་ཤེས་སྟོབས་མངའ་བ། །མཆོད་རྟེན་ལྷ་ཚོགས་བཅས་པ་བསྟན། །ཡིད་ཆེས་དད་པ་མངོན་བྱས་ལ། །ཅི་འབྱོར་པ་ཡིས་མཆོད་པར་བྱ། །དེ་ནས་དག་པའི་སྲས་དེ་ལ། །
མར་མེ་ལ་ནི་མར་མེ་ལྟར། །འདོད་པའི་ལྷ་ནི་སྩལ་བར་བྱ། །བརྗོད་པ་དང་བཅས་འབྲེལ་པ་ཡིས། །རྩ་བའི་སྙིང་པོ་ཉེ་སྙིང་ཚོགས། །སྔགས་ཀྱང་གསལ་བར་སྦྱིན་པར་བྱ། །ཞི་བ་ཤེལ་གྱི་ཕྲེང་བ་སྟེ། །རྒྱས་པ་ལ་ནི་ཨ་
རུ་ར། །དབང་ལ་ལུང་ཐང་དམར་པོ་ཤིས། །དྲག་པོ་རྭ་འམ་རུ་རག་ཤ །པོ་དེ་ཙེས་ནི་ལས་ཀུན་བྱེད། །སྔགས་བཅས་སྩལ་ནས་མགོ་ལ་བཅིང་། །ཧཱུྃ་དང་བཅས་པའི་རྡོ་རྗེ་ཡང་། །ལག་པ་གཡསུ་གཞག་པར་བྱ། །སྟོད་

98-1-290b

གཡོགས་ཏྲིཥྞ་ས་རི་སྟེ། །སྨད་གཡོགས་ཁ་དོག་སྔོན་པོའོ། །དབུ་རྒྱན་རིགས་ལྔའི་ཁ་དོག་སྟེ། །ཞལ་ཟས་སྣོད་ནི་པད་མས་བརྒྱན། །སེམས་ཅན་ཀུན་དོན་སྤྱོད་པའི་རྫས། །ཐུབ་པའི་བཀྲ་ཤིས་བཞེད་པའི་རྟགས། །གདུགས་ཉ་བུྃ་
པ་དཔལ་བེའུ་དང་། །རྒྱལ་མཚན་འཁོར་ལོ་པད་མ་སྩལ། །ནད་སེལ་བདེ་བྱེད་འཚོ་བའི་ཕྱིར། །འདོད་ཡོན་ཕྱོགས་རིས་གྲུབ་པའི་རྫས། །གིའུ་ཝང་དུར་བ་ལི་ཁྲི་ཞོ། །བིལ་བ་སྦྲང་རྩི་ཨ་རུ་ར། །ཀ་ར་བི་རའི་འབྲས་བུ་རྣམས། །ཧྲི་ཞེས་
དག་པས་སྩལ་བར་བྱ། །གུར་ཀུམ་ག་ཕུར་གླ་རྩི་དང་། །བ་ཡི་འོ་མས་སྦྱར་བྱས་ནས། །ཚིག་འདིས་ལྕེ་ལ་གཞག་པར་བྱ། །ཨོྂ་ཡན་གར་ངེས་པའི་ཚིག་རིག་དང་། །མིང་གི་རྣམ་གྲངས་ཆོས་རིག་དང་། །དྲི་བ་ལན་ལྡོན་སྤོབས་པའི་རིག །
ཕྱི་ནང་མཚན་ཉིད་དོན་རིག་ཤོག །བཛྲ་དྷརྨ་པྲ་བེ་ཤ །ཨོྂ་བཅས་བརྗོད་ཅིང་ལྕེ་ལ་ནི། །ལན་གསུམ་རྡོ་རྗེ་གཞག་པར་བྱ། །ཧཱིཿཡིག་དམར་པོ་མེ་འབར་བསམ། །གང་ལ་གོམས་པ་དེ་འབྱུང་ཞིང་། །གོམས་པ་གཞན་གྱི་དབང་མེད་
ན། །རྟོག་པའི་འབྱུང་བ་ཆད་པའི་ཕྱིར། །ཀུན་རྟོག་ཕྱག་རྒྱ་ལ་དམིགས་བཤད། །དམིགས་པའི་རྟེན་གྱི་སྔགས་ལ་ཡང་། །བྱིན་བརླབ་ཐ་དད་འབྱུང་བར་འགྱུར། །ས་ལ་དབང་བསྐུར་ཐོབ་འདོད་པས། །ཕྱག་ན་འཁོར་ལོ་འཆང་
ལ་དམིགས། །ཏིང་འཛིན་བརྟན་ལ་རྡོ་རྗེ་སྟེ། །དཔལ་ཐོབ་འདོད་པས་རིན་ཆེན་དམིགས། །གཟུགས་བཟང་འདོད་པས་པད་མ་སྟེ། །སྤོབས་པ་འདོད་པས་རལ་གྲིའོ། །གཞན་དོན་འདོད་པས་རྒྱ་གྲམ་སྟེ། །རྡོ་རྗེ་དཀར་པོས་སེམས་གསལ་
འགྱུར། །ཤེས་རབ་འདོད་པས་གླེགས་བམ་མོ། །ཁང་བཟང་ཀྱིས་ནི་མིའི་རྒྱལ་པོའོ། །ཐུབ་གཟུགས་རྟག་ཏུ་སངས་རྒྱས་འཇམ། །ཐལ་སྦྱར་བ་ནི་འགྲོ་བས་བཀུར། །འཁར་བསིལ་བྱམས་དང་སྙིང་རྗེ་སྐྱེ། །ལྕགས་ཀྱུས་
འཇིག་རྟེན་སྐྱོང་བས་བསྲུང་། །རིན་ཆེན་ཟེའུ་འབྲུ་ལྕེ་བདེར་འགྱུར། །དྲིལ་བུས་སྐད་སྙན་བྱེད་པར་འགྱུར། །བགྲང་ཕྲེང་གིས་ནི་ལུང་བསྟན་འཐོབ། །ཁྲི་རྐང་གིས་ནི་ཉེ་དབང་འགྱུར། །ལྷ་སོགས་བདུག་པ་དུང་ཡིན་ཏེ། །མདུང་རྩེ་གསུྃ་

98-1-291a

པས་གཡུལ་ལས་རྒྱལ། །པད་མ་དམར་པོས་ལྷ་རུ་སྐྱེ། །རིལ་བ་སྤྱི་བླུགས་ཚངས་རིས་སྐྱེ། །སྤྲིན་མདོག་ལྔ་ནི་དྲང་སྲོང་སྐྱེ། །མེ་ལོང་གིས་ནི་ལྷ་ཞལ་མཐོང་། །པད་མ་རཱ་གས་ཡེ་ཤེས་སྐྱེ། །པད་མ་སྔོན་པོས་དག་པའི་ཞིང་། །
པད་མ་དཀར་པོས་དགེ་ཚོགས་འཕེལ། །རི་བོས་བུ་དང་བུ་མོ་འཕེལ། །དགྲ་སྟས་བདུད་ཀྱི་བར་ཆད་སེལ། །འཁོར་དང་སེམས་མཐུན་འབྲིང་གྷ་རས། །ཕུབ་ཀྱིས་དགྲ་དང་གཅན་གཟན་འཇོམས། །རྔ་ཡབ་དཀར་པོས་སྡིག་
པ་འཕྱག །མེ་ཏོག་སྙེ་མས་ནད་སེལ་བྱེད། །རིན་ཆེན་མདངས་ནི་ཡིད་འོང་གྲོགས། །གཞུས་ནི་ནོར་དང་གོ་འཕང་རྙེད། །ཆུ་ཤེལ་དུག་དང་ཚད་རིམས་སེལ། །མི་འཇིགས་ཕྱག་གིས་འཇིགས་སྐྲག་འཇོམས། །དགྲ་ལ་
རྡོ་རྗེ་གཏུན་ཤིང་སྟེ། །རྡོ་རྗེ་ནག་པོ་བདུད་འདུལ་འགྱུར། །རིན་ཆེན་རལ་གྲིས་རིག་སྔགས་བཟློག །ལྟོ་བ་ན་ལས་ལྷུང་བཟེད་དེ། །རིམས་ནད་སེལ་བྱེད་ཞགས་པའོ། །འབྲུ་འདོད་པས་ནི་འབྲུ་སྙེ་མ། །ནོར་དབྱིག་འདོད་
པས་རིན་ཆེན་ཕུག །ཡང་ན་ལུང་བསྟན་འདོད་པས་ན། །མགོ་ལ་སངས་རྒྱས་དམིགས་པར་བྱ། །མངོན་པར་ཤེས་པ་ལྔ་འདོད་ན། །སངས་རྒྱས་ལྔ་པོ་དམིགས་པར་བྱ། །དེ་ནས་མགོན་པོ་སྤྱན་རས་གཟིགས། །འཛུམ་
པའི་མདངས་ཀྱིས་པད་མའི་ཞལ། །ས་ཡི་སྙིང་པོ་ལ་གཟིགས་ནས། །ས་ཡི་གོ་རིམས་འདི་གསུངས་སོ། །རིག་པ་འཛིན་པའི་རྟོག་པ་ནི། །གསང་སྔགས་ཐཾད་ས་བདུན་ཏེ། །གསང་སྔག་ས་དང་སྔགས་སྦྱར་ས། །རིག་འཆང་ས་དང་རིག་གསལ་ས། །
རིག་མཆོག་ས་དང་རིན་ཆེན་ས། །ཕྱག་རྒྱ་ཆེན་པོའི་ས་རྣམས་སོ། །གཙུག་ཏོར་ཆེན་པོའི་སངས་རྒྱས་ས། །གནས་སྐབས་དྲུག་ཏུ་རྒྱལ་བས་གསུངས། །ཀུན་ཏུ་འོད་དང་པད་མའི་སྤྱན། །ཡི་གེ་འཁོར་ལོ་ཚོགས་ཆེན་ས། །
རྡོར་འཆང་ཡེ་ཤེས་བླ་མའི་ས། །རྫོགས་སངས་བདེ་བ་ཆེན་པོའི་ས། །སའི་སྙིང་པོས་གསོལ་བ། མགོན་པོ་འཕགས་པ་ཐུགས་རྗེའི་སྤྱན་རས་གཟིགས་དབང་ཕྱུག །བྱིན་བརླབས་ལྕགས་ཀྱུ་ལྟ་བུས་འཁོར་བའི་བཙོན་ར་ནས། །

98-1-291b

ཀླུ་ཕྱུགས་འབུམ་ཕྲག་དྲངས་ལྟར་དགེ་བ་ཀུན་སློང་གིས། །བྱང་ཆུབ་རིན་ཆེན་ས་ལ་འཇོག་མཛད་ངོ་མཚར་ཆེ། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་བྱིན་བརླབ་
འབྱུང་བའི་ལེའུ་སྟེ་དྲུག་པའོ།། །། དེ་ནས་ཚངས་པའི་འཇིག་རྟེན་དུ། །རབ་དགའི་ཚུལ་དུ་འཁྲུངས་པའི་ལྷ། །ཏིང་འཛིན་ཡངས་པ་ཞེས་བྱ་བ། །རྟོགས་པ་རྒྱ་ཆེ་ཟབ་པ་ཞིག །འཁོར་དང་བཅས་པ་བཞེངས་བྱས་ཏེ། །
མེ་ཏོག་རིན་ཆེན་རིགས་བྱུང་བ། །སྟོན་པའི་ཕྱོགས་སུ་ཆབ་བཞིན་ཕབ། །མཁའ་ལ་གདུགས་ཀྱི་བླ་རེ་བཀང་། །འཁོར་དང་བཅས་པས་མགྲིན་གཅིག་ཏུ། །གསང་བསྟོད་ནས་ནི་ཚིག་འདི་གསོལ། །ལག་ན་རྡོ་རྗེ་
རྡོ་རྗེ་འཆང་། །རྡོ་རྗེ་ཐེག་པ་བླ་མེད་པའི། །རྡོ་རྗེ་རིག་འཛིན་མཆོག་གྲུབ་པ། །རྡོ་རྗེ་རྣལ་འབྱོར་ལས་བྱུང་ཕྱིར། །བདག་དང་སེམས་ཅན་ཀུན་ཏུ་ཡང་། །དངོས་གྲུབ་འབྱུང་རིམ་བཤད་དུ་གསོལ། །ལ་ལ་སེམས་ནི་གཡེངས་
པ་ཡིས། །བླ་མའི་རྒྱུད་དོན་བྲལ་མོད་ཀྱང་། །སྔགས་རྒྱུད་སྡིག་པ་འཆང་བྱེད་འབྱུང་། །སྙན་ཚིག་རྨོངས་རྣམས་ངོ་མཚར་སྐྱེ། །གདམས་ངག་མེད་པས་འགྲོ་བ་བསླུ། །དངོས་གྲུབ་མེད་པས་བསྟན་པ་གཞིག །སྲེད་པས་
ལན་ཅིག་སོགས་པར་འགྱུར། །གཉིས་པ་དམྱལ་ཚོགས་ངན་འགྲོར་འགྲོ། །ལ་ལ་ལས་ཀྱི་སྐྱེ་མཆེད་སྒོ། །དབང་པོ་རྟེན་ཁང་དམར་མྱུར་ལ། །གདམས་ངག་རྒྱུད་ཚུལ་ཡོད་མོད་ཀྱི། །ཆོས་ཚུལ་བཞིན་དུ་སྤྱོད་བྱེད་ཅིང་། །
གང་ལ་དབང་དུ་བཟུང་བ་ཡི། །བུ་འདྲ་བས་ཀྱང་བརྙས་གྱུར་ནས། །སྡང་བ་འཕེལ་ནས་རྩོད་པར་འགྱུར། །དེས་ཀྱང་གཉིས་ཀར་དམྱལ་སོགས་འགྲོ། །ལ་ལ་ཐོས་ཆུང་ཤེས་རབ་དམན། །རྨོངས་པ་གཞན་རྐྱེན་ང་རྒྱལ་ཅན། །
བསྟན་པ་དང་ནི་འཆང་བྱེད་ལ། །སྐྱོན་རྨོད་སྨྲ་བས་དམྱལ་སོགས་འགྲོ། །ལ་ལ་མི་དགེའི་བཤེས་གཉེན་གྱིས། །ལོག་ལམ་འཇུག་པའི་ངེས་འཛིན་ཅན། །ཡང་དག་ལམ་སྨོད་བརྩོན་པ་དོར། །ལོག་སྒྲུབ་ཅན་དེ་དམྱལ་བར་འགྲོ། །

98-1-292a

ལ་ལ་བསམ་མེད་སྔགས་བརྗོད་མེད། །མར་མེ་བདུག་སྤོས་གཏོར་མ་སོགས། །འབྱུང་པོས་བརླམས་ཏེ་བདག་ཉིད་དང་། །འཁོར་བཅས་ཚེ་ཐུང་ལོངས་སྤྱོད་འགྲིབ། །ལ་ལ་འདོད་སྲེད་གཏུམ་རྡེབ་ཆེ། །མཁས་
གཞན་དག་ལ་ཕྲག་དོག་གིས། །སྒྲོ་སྐུར་ཚུལ་འཆོས་ཆོས་ལ་དམོད། །རང་ཉིད་ལྟ་ངན་བསྒྲུབ་ལ་རྩོད། །ཐེར་ཟུག་བློ་ཡི་མུན་པ་ཅན། །འབྱུང་པོ་དྲག་པོའི་རིགས་སུ་སྐྱེ། །ལ་ལ་སེར་སྣ་རབ་འཇུག་པས། །ལྷ་དང་བླ་མ་ཚིག་
གིས་བསྟོད། །ཟས་དང་ལོངས་སྤྱོད་རྒྱན་གོས་དང་། །མེ་ཏོག་བདུག་སྤོས་གཏོར་མ་སོགས། །ཉུང་ངུ་མུག་ཚུལ་རྒྱུན་སྩལ་ན། །ཟས་སྐོམ་དག་གིས་གདུངས་པ་ཡི། །ཡི་དགས་དམན་པའི་རིགས་སུ་ནི། །ཡང་ནས་
ཡང་དུ་སྐྱེ་བར་ངེས། །དེ་ཕྱིར་དེ་དག་སྤངས་ནས་ནི། །ཡ་རབས་བསམ་པ་བཟང་ལྡན་པས། །ཚུལ་བཞིན་བླངས་ཏེ་ཐོས་བསམ་གྱིས། །གཏན་ལ་ཕབ་དོན་མ་འཁྲུལ་བར། །བརྗོད་ཅིང་ཡིད་ལ་བྱེད་པ་དང་། །ཐེ་ཚོམ་
མེད་པར་བརྩོན་བྱེད་པས། །འགྲོ་ཚོགས་སྒྲོལ་བྱེད་ཐབས་ཐོབ་ན། །རང་དོན་འབའ་ཞིག་སྨོས་ཅི་དགོས། །དེ་ནས་ལག་ན་རྡོ་རྗེ་གཙོ། །ཡེ་ཤེས་མཐའ་ཡས་མངའ་བའི་སྐུས། །འགྲོ་ལ་སྙིང་བརྩེར་རབ་གཟིགས་
ནས། །གསང་བའི་སྐད་ཀྱིས་འདི་སྐད་གསུངས། །ང་ལ་ཉན་པར་བརྩོན་བྱེད་པ། །ཤིན་ཏུ་ལེགས་སོ་ལྷའི་བུ། །ལྷ་དང་དངོས་གྲུབ་འབྱུང་འབྲེལ་བའི། །ཏིང་འཛིན་ང་ཡིས་བཤད་པར་བྱ། །ཁྱོད་ཉིད་རྩེ་གཅིག་ཡིད་
ཀྱིས་ནི། །ལེགས་པར་ཉོན་ལ་ཡིད་ལ་ཟུང་། །ཤིན་ཏུ་ཟབ་ཅིང་རྒྱ་ཆེ་བའི། །དམ་ཆོས་ཐོབ་པ་ཤིན་ཏུ་དཀའ། །རྒྱུན་ཆད་མེད་པའི་ཐུགས་རྗེ་ཅན། །སྤྱན་རས་གཟིགས་དབང་མགོན་པོ་གཙོ། །རང་གི་སེམས་ལ་བསྐྱེད་པར་བྱ། །
ཤིན་ཏུ་གསལ་ན་དངོས་གྲུབ་འགྱུར། །དང་པོ་སྟོང་པའི་བྱང་ཆུབ་སེམས། །གཉིས་པ་ཡི་གེ་བྱང་ཆུབ་སེམས། །གསུམ་པ་སྒྲོ་བཏགས་མིང་ཚོགས་སེམས། །བཞི་པ་གཟུགས་བརྙན་ཕྱག་རྒྱའི་སེམས། །ལྔ་པ་བྱིན་བརླབ་རྒྱས་

98-1-292b

འདེབས་སེམས། །སྒྲ་དང་བྲག་ཆའི་ཚུལ་འབྱུང་བར། །གཙོ་བོའི་འཁོར་གྱིས་ཁྱད་པར་གསོལ། །དབུསུ་ཡི་གེ་ཨོཾ་ལ་སྟེ། །ཤར་དུ་ཧཱུྃ་སྟེ་ལྷོར་ནི་སྭཱ། །ནུབ་ཏུ་ཧྲིཿཡིག་བྱང་དུ་ཧཱ། །རིགས་ཀྱི་རིགས་ནི་ཡང་ཡང་བསྐྱེད། །ལྷ་ནི་
གང་དུ་འཕོ་འགྱུར་བས། །དཀྱིལ་འཁོར་དེ་ཡི་རིགས་འབྱུང་ཡིན། །རིགས་ཀྱི་ཕྱག་རྒྱ་དེ་ཉིད་ཀྱི། །རིག་པ་རིགས་ཀྱི་རྒྱས་འདེབས་ཤིང་། །རིགས་ཀྱི་ལྷ་ཚོགས་ཕོ་མོ་རྣམས། །ཉམས་དགའ་དབེན་པའི་ཚུལ་གྱིས་སུ། །ཕན་ཚུན་དུ་ནི་
བལྟས་ནས་གནས། །ལྡེམ་བག་ན་བཟའ་འཕྱང་འཕྲུལ་དང་། །འཕུར་ལྡིང་སིལ་སྙན་རིན་ཆེན་ཚོགས། །དུ་མའི་ཚོགས་ཀྱིས་བརྒྱན་བྱ་སྟེ། །ལ་ལ་ལྡེམ་བཞེངས་འགྱིང་དང་བཅས། །ལ་ལ་རྡོ་རྗེ་སྐྱིལ་ཀྲུང་བཅས། །ལ་ལ་པདྨའི་
སྐྱིལ་ཀྲུང་སྟེ། །ལ་ལ་སེམས་དཔའི་སྐྱིལ་ཀྲུང་ཅན། །ལ་ལ་ཁྲོ་ཐབས་བརྐྱང་བསྐུམ་ཅན། །ལ་ལ་ཞལ་ཕྱག་ཞབས་ཀྱང་མང་། །ལ་ལ་ཞབས་ནི་གཉིས་ཡིན་ཏེ། །ལ་ལ་ཞལ་གཅིག་ཕྱག་ཀྱང་གཉིས། །ལ་ལ་པད་སྡོང་
པད་མ་ཅན། །ལ་ལ་པད་མ་མི་འཇིགས་ཕྱག །གུན་དྷེ་བུམ་པ་འཁར་གསིལ་དང་། །རྔ་ཡབ་ལེགས་སོ་སྐྱབས་སྦྱིན་ཕྱག །རྡོ་རྗེ་དྲིལ་བུ་མདའ་གཞུ་དང་། །འཁར་རྔ་ཤིང་རྔ་རྫ་རྔ་དུང་། །ཟངས་ལྕགས་རྡོ་དང་རུས་པའི་རྔ། །རིང་ཟླུམ་
རྐེད་ཉག་ལེབ་ཕྱལ་ཆེ། །ཆུང་ཕྲ་སྦོམ་ཡངས་དོག་པ་དང་། །རལ་གྲི་ཆུ་གྲི་གྲི་རིངས་དང་། །གྲི་ལེབ་གྲི་ཟླུམ་གྲི་ཀྱོག་དང་། །སྟ་ཟུར་སྟ་ལེབ་ཕྱལ་སྟ་དང་། །སྟ་ཆུང་གཞོག་སྟ་འབིགས་སྟ་དང་། །ཟླུམ་སྟ་འཕྲེང་སྟ་གཞར་སྟ་དང་། །མདུང་
དང་མདུང་རྩེ་གསུམ་འཕེན་མདུང་། །འཁོར་ལོ་ཁ་ཊྭཱྃ་གཏུན་ཤིང་སྐྱོགས། །སྙེ་མ་ཏིག་བུ་མེ་ཏོག་དང་། །སྡོང་བུ་ལོ་འདབ་ཡལ་ག་དང་། །བ་དན་བད་གདུགས་རྒྱལ་མཚན་སྤུངས། །རྒྱ་གྲམ་པད་མ་རིན་ཆེན་སྒྲོམ། །འཁོར་ལོ་གླེག་བམ་
ཨུད་པལ་ལོ། །དེ་ལ་སོགས་ཏེ་མཆོག་མཐའ་ཡས། །ཕྱག་རྒྱ་སྟོང་སྙེད་ཚང་བ་འམ། །བརྒྱ་རྩ་བརྒྱད་དམ་བཞི་བཅུ་དྲུག །ཉི་ཤུ་གཉིས་སམ་བཅུ་གཉིས་དྲུག །བཞི་འམ་གཉིས་སོགས་མོས་པས་འབྱུང་། །ཕྱག་རྒྱ་བཅིང་ལྡན་

98-1-293a

ཕྱག་རྒྱ་སྟེ། །དེས་ནི་ལྷ་ལ་རྒྱས་འདེབས་བྱེད། །གོམ་པའི་སྟོབས་ཀྱིས་ཕྱག་རྒྱ་ཆེ། །སེང་གེའི་སྒྲ་ནི་སེང་གེ་ཞོན། །རྒྱལ་པོ་རོལ་པའི་སྟབས་ཚུལ་ཅན། །རྩེ་གསུམ་སྦྲུལ་དང་མི་འཇིགས་ཕྱག །པད་མ་སྡོང་བཅས་རལ་གྲི་འབར། །
དཔའ་བོའི་ལྕགས་ཀྱུ་ཐོད་པ་ནི། །ནང་མ་བདུན་གྱི་ཆ་གནས་པ། །གཏུམ་པོ་དྲག་པོ་འོད་ལྡན་མ། །གཡོན་དུ་ཀླུ་ཡི་དབང་ཕྱུག་མོ། །པད་མ་དང་ནི་ཕྱོགས་མདོག་སེམས་དཔའི་སྐྱིལ་ཀྲུང་ཅན། །ཡིད་བཞིན་ནོར་བུ་རྟ་ལ་ཅིབ། །
ཞལ་གསུྃ་ཕྱག་དྲུག་འཁོར་ལོ་དང་། །རྡོ་རྗེ་པད་མ་རིན་ཆེན་ཕྱག །སྐྱབས་གསོལ་མཆོག་སྦྱིན་ཕྱག་རྒྱ་ཅན། །འཁོར་ནི་སེམས་དཔའི་སྐྱིལ་དཀྲུང་སྟེ། །མདོག་བཟང་སྒེག་པའི་ལྷ་མོ་ནི། །ཡིད་མྱུར་རིན་ཆེན་བཟང་
མོ་དང་། །པད་རྒྱལ་མོ་དང་རྟ་རྣ་མོ། །རིན་ཆེན་པད་མ་ཟླ་ཉི་ལ། །འཁོར་ལོ་གྲོགས་ཀྱི་ཚུལ་དུའོ། །པད་མ་འབྱུང་གནས་རྨ་བྱ་ཞོན། །ཞལ་གཅིག་ཕྱག་བཞི་ལྡེམ་བག་ཅན། །པད་མ་སྐྱབས་སྦྱིན་ལྕགས་ཀྱུ་དང་། །རིལ་
བ་སྤྱི་བླུགས་ཕྱག་ན་འཆང་། །སྒེག་མོ་ཕྲེང་མ་གླུ་གར་མ། །པད་ཟླ་སེམས་དཔའི་སྐྱིལ་དཀྲུང་ངོ་། །མི་བསྐྱོད་པ་ནི་མཁའ་ལྡིང་བཅིབས། །རལ་གྲི་པད་མ་མདའ་གཞུ་དང་། །སྐྱབས་སྦྱིན་གང་བའི་བུམ་པ་ཐོགས། །བཟང་འཛིན་
མ་དང་རྣམ་སྦྱངས་མ། །ས་སྲུང་མོ་དང་རབ་བརྟན་མོ། །དེ་དག་གང་གི་ཆ་བྱད་མཚུངས། །དོན་ཡོད་ཞགས་པ་ཀླུ་སྟེང་བཞུགས། །རིན་པོ་ཆེ་དང་ཞགས་པ་དང་། །སྐྱབས་སྦྱིན་ལྕགས་ཀྱུ་འཆང་བའོ། །སེང་གེ་མོ་དང་གླང་པོ་མ། །
སྟག་གདོང་ཁྱུ་མཆོག་གདོང་ལྡན་མ། །པད་མ་ཟླ་བའི་གདན་ལའོ། །ཧ་ལ་ཧ་ལ་རུ་སྦལ་སྟེང་། །རྡོ་རྗེ་དྲིལ་བུ་སྐྱབས་སྦྱིན་དང་། །ཆོས་ཀྱི་ཟ་མ་ཏོག་འཆང་བའོ། །ཉི་འོད་མ་དང་ཟླ་འོད་མ། །ཆུ་དབང་མོ་དང་ནོར་ཕྲེང་མོ། །དགེ་བའི་
མདངས་དང་ལྡན་པའོ། །མགོན་པོ་པད་མ་རྒྱན་ལུང་ཆེ། །ཆུ་སྲིན་སྟེང་དུ་རོལ་པའི་ཚུལ། །ཌ་མ་རུ་དང་བགྲང་ཕྲེང་དང་། །མི་འཇིགས་ཕྱག་དང་ལྕགས་སྒྲོག་གོ། ལུ་གུ་རྒྱུད་མ་འཁོར་ལོ་མ། །གསང་བ་མོ་དང་རིང་བསྲེལ་མོ། །གླང་སོར་

98-1-293b

རྡོ་རྗེ་ཆོས་དབང་ཕྱུག །ཆོས་ཀྱི་འཁོར་ལོ་ཆོས་འཆད་རྒྱ། །སྐྱབ་སྦྱིན་པད་མ་པོ་ཏིར་བཅས། །དགའ་བ་དགའ་སྐྱེས་སྣང་བྱེད་མ། །སིལ་སྙན་མ་རྣམས་པད་ཟླར་ནི། །ཕྱེད་དཀྲུང་ལྡེམ་བག་ཚུལ་དུའོ། །རྗེ་བཙུན་ཆོས་ཀྱི་ཙུག་
ཏོར་ནི། །ཧ་རི་ཧ་རི་ཧ་རི་ཞོན། །ཞལ་གསུམ་ཕྱག་ནི་བརྒྱད་པ་ལ། །འཁོར་ལོ་རྡོ་རྗེ་མདའ་གཞུ་དང་། །པད་དཀར་བགྲང་ཕྲེང་སྐྱབ་སྦྱིན་དང་། །བདུད་རྩིས་གང་བའི་བུམ་པ་འཆང་། །མཁའ་ལྡིང་གདོང་མ་ཤཱ་རིའི་གདོང་། །
ཉི་ཞལ་ཟླ་ཞལ་ལྷ་མོའོ། །མགྲིན་སྔོ་དགའ་བོ་ཉེ་དགའི་སྟེང་། །ཞལ་གསུམ་ཕྱག་དྲུག་པད་མ་དང་། །པོ་ཏི་སྐྱབ་སྦྱིན་བགྲང་ཕྲེང་ཕྱག །སེང་གེ་གདོང་མོ་ཀླུ་ཞལ་མོ། །དགའ་བྱེད་མོ་དང་སྲོག་བྱེད་མོ། །པད་ཟླར་སེམས་
དཔའི་སྐྱིལ་ཀྲུང་ངོ་། །དབུས་སུ་མགོན་པོ་གདོང་བཅུ་གཅིག །གསང་འཛིན་མོ་དང་འཛིན་པ་མོ། །སྔགས་སྲུང་བ་དང་གྲུབ་བསྲུངས་མ། །གོང་ལྟར་ཆ་བྱད་ཕྱོགས་མདོག་གོ། ཕྱོགས་བཞི་འཁོར་ལོའི་ཆ་ལ་ནི། །
གཙོ་བོ་སེམས་དཔའ་བཞི་དང་བཅས། །ཤར་དུ་རྡོ་རྗེ་དབང་ཕྱུག་ནི། །ཐོགས་མེད་ཡིད་དང་གྲུབ་དབང་ཕྱུག །རྡོ་རྗེ་ཕྱག་རྒྱ་གཏེར་སྒྲོམ་ཅན། །ཀུན་ཀྱང་པད་མ་ཟླ་བ་ལའོ། །ལྷོར་ནི་རིན་ཆེན་དབང་ཕྱུག་སྟེ། །གྲུབ་
ཆེན་དབང་ཕྱུག་དང་ཕག་ཞལ། །གྲུབ་པའི་རྣལ་འབྱོར་དབང་ཕྱུག་དང་། །གྲུ་འཛིན་དབང་ཕྱུག་ཅེས་བྱའོ། །ནུབ་ཏུ་པད་མའི་དབང་ཕྱུག་ནི། །སྐྱེས་བུ་སེང་གེའི་ཞལ་དང་ནི། །པད་མའི་ཕྱག་དང་སྦྲུལ་ནག་ཕྱག །
རྩེ་བྲན་རྒྱས་འཛིན་ཞེས་བྱའོ། །བྱང་དུ་དམ་ཚིག་དབང་ཕྱུག་དང་། །འཁོར་ལོ་འཆང་དང་སྟག་ལྤགས་འཆང་། །ཀུན་གྲུབ་དབང་ཕྱུག་སྒྲ་དུང་འཕེལ། །ཕྱོགས་དང་ཕྱོགས་ཀྱི་མདོག་ཅན་ནོ། །འཇིག་རྟེན་སྐྱོང་བ་བཅུ་པོ་དང་། །
རྒྱལ་པོ་ཆེན་པོ་སྡེ་བཞི་པོ། །ཀུན་ཏུ་གྲགས་པའི་ལྷ་ཆེན་རྣམས། །བསྟན་ལ་དགའ་བ་དགོད་པར་བྱ། །འཇིག་རྟེན་འཇིག་རྟེན་འདས་དོན་དུ། །རིགས་བཟང་སྐྱེ་བ་བཞེས་དགོངས་པ། །བསྐལ་པ་བཟང་པོ་འདི་འབྱུང་བའི། །

98-1-294a

སངས་རྒྱས་སྟོང་ཡང་དགོད་པར་བྱ། །དེ་ལྟར་རྒྱས་པར་སྤྲོས་པ་ནི། །ལྷ་རྣམས་གྲངས་ནི་རྒྱ་ཆེ་བར། །གཅིག་སྟོང་ཉིས་བརྒྱ་བཞི་བཅུ་བདུན། །འཇིག་རྟེན་འཇིག་རྟེན་འདས་པའི་ལྷ། །མགོན་པོ་གདོང་བཅུ་
གཅིག་པ་ཡི། །ལྷ་གྲངས་དཀྱིལ་འཁོར་བཀོད་པའོ། །སྤྱན་རས་གཟིགས་ཀྱི་དཀྱིལ་འཁོར་བཅུ། །འཇིག་རྟེན་དབང་གི་དཀྱིལ་འཁོར་ལྔ། །རིག་པའི་ལྷ་མོའི་དཀྱིལ་འཁོར་ལྔ། །རྡོ་རྗེ་ཁྲོ་བོའི་དཀྱིལ་འཁོར་བདུན། །དཀྱིལ་
འཁོར་དེ་དག་རེ་རེ་ལ། །སེམས་ཀྱི་དཀྱིལ་འཁོར་ལྷ་མང་སྟེ། །རང་བཞིན་གྱིས་ནི་ཉི་ཤུ་ལྔ། །རྒྱུ་འབྲས་ཚུལ་དུ་རྣམ་པ་དགུ། །ཡེ་ཤེས་ཆ་ལ་ལྔ་ཡིན་ཏེ། །ཆོས་ཉིད་ངོ་བོས་གཅིག་ཏུ་རྒྱལ། །གང་གང་མོས་པ་དེ་དང་དེའི། །
དཀྱིལ་འཁོར་རྣམ་པར་སྤྲོ་བ་འམ། །གཅིག་ཏུ་མོས་པའི་སྦྱོར་བ་ཡིས། །བྱང་ཆུབ་རྡོ་རྗེ་མཆོག་ཐོབ་ནས། །ཁམས་གསུམ་རྒྱལ་པོར་ལོངས་སྤྱོད་ཆེ། །ཆོས་ཀྱི་འཁོར་ལོ་བསྐོར་བར་འགྱུར། །གཙང་སྦྲ་ཆེ་ཞིང་དད་སེྃས་
ཅན། །རྩེ་གཅིག་སྒྲུབ་ལ་ནན་ཏན་སྩོལ། །བློ་བཟང་འགྲོ་ལ་འཇུག་ཅིང་སྦྱོང་། །ངག་སྙན་ངང་གིས་ཁྲོ་བ་མེད། །གཡོ་སྒྱུ་འདོད་བརྐམ་གཡེང་བ་མེད། །ལུས་ངག་དལ་ཞིང་ཐོས་པ་མང་། །ང་རྒྱལ་སེར་སྣ་ཆགས་པ་མེད། །
གཏོང་ཕོད་སྙིང་རྗེ་དྲག་ལྡན་པས། །སྤྱན་རས་གཟིགས་ལ་གང་དམིགས་ནས། །དེ་ཡི་སྙིང་པོ་རྩ་སྔགས་ལ། །བར་ཆོད་མེད་པས་རབ་བརྗོད་ནས། །གཞན་ལ་ཕན་ཕྱིར་སྨོན་ལམ་བརྗོད། །སྤྱན་རས་གཟིགས་མགོན་
ཕྱག་འཚལ་ལོ། །གང་ལ་འཇིགས་པ་བརྒྱད་སྣང་ཚེ། །ཁྲོ་བོ་ཆེན་པོའི་རྫུ་འཕྲུལ་གྱིས། །དེ་དག་མྱུར་དུ་སེལ་བྱེད་ཤོག །སྤྱན་རས་གཟིགས་མགོན་ཕྱག་འཚལ་ལོ། །གང་ལ་ནད་རིམས་གང་བྱུང་ཚེ། །གསོ་སྤྱད་སྨན་དང་སྨན་
པར་ནི། །བདག་ཉིད་གྱུར་ནས་མྱུར་སེལ་ཤོག །སྤྱན་རས་གཟིགས་མགོན་ཕྱག་འཚལ་ལོ། །མུ་གེའི་ནང་དུ་བྱུང་གྱུར་ཚེ། །ཕྱོགས་གཅིག་ནས་ནི་རྣམ་གཡོས་ནས། །ཟས་སྐོམ་རྒྱུན་ཆད་མེད་པར་ཤོག །སྤྱན་རས་གཟིགས་
98-1-294b

མགོན་ཕྱག་འཚལ་ལོ། །གང་དུ་འཁྲུག་པ་ཆེ་བྱུང་ཚེ། །རང་དབང་གིས་ནི་སེམས་གྱུར་ནས། །བདེ་བས་ཕན་ཚུན་སྡུམ་པར་ཤོག །སྤྱན་རས་གཟིགས་མགོན་ཕྱག་འཚལ་ལོ། །བྱོལ་སོང་གཅིག་ལ་གཅིག་ཟ་དང་། །
ཟས་སྐོམ་དཀོན་དང་གཞན་འཇིགས་དང་། །དེ་དག་སེལ་བའི་སྐྱབས་གྱུར་ཅིག །སྤྱན་རས་གཟིགས་མགོན་ཕྱག་འཚལ་ལོ། །ཡི་དགས་ཟས་སྐོམ་གདུངས་པ་དང་། །ལོག་པར་ལྟ་བའི་གནས་ཞུགས་ཚེ། །ནད་བྲལ་
བདུད་རྩི་ཀུན་སྣང་ཤོག །སྤྱན་རས་གཟིགས་མགོན་ཕྱག་འཚལ་ལོ། །འགྲོ་བའི་སྐྱབས་དང་ཐབས་མཁས་དང་། །ཤེས་རབ་གྲུ་དང་ལྡན་ནས་ཀྱང་། །ཐབས་ཀྱིས་སྡུག་བསྔལ་ལས་གྲོལ་ཤོག །སྤྱན་རས་གཟིགས་
མགོན་ཕྱག་འཚལ་ལོ། །ཚུལ་ཁྲིམས་ཞགས་ལྡན་ལམ་ལ་རྟག །མྱ་ངན་འདས་པའི་རི་བོ་འཛེག །འདུས་མ་བྱས་ཀྱི་ཁྱིམ་འཇུག་ཤོག །སྤྱན་རས་གཟིགས་མགོན་ཕྱག་འཚལ་ལོ། །ངན་སོང་གནས་རྣམས་
མཐོང་ནས་ཀྱང་། །དེར་ཕྱིན་དེ་རྣྃས་ཟད་པ་ཡི། །གཉེན་པོས་ས་སར་འབྱུང་བར་ཤོག །སྤྱན་རས་གཟིགས་མགོན་ཕྱག་འཚལ་ལོ། །དམྱལ་རྣམས་ཚ་གྲང་གཅད་གཏུབས་ཚེ། །གོ་ཆ་ཆེ་དང་བསིལ་གྲིབ་དང་། །དྲོད་ཀྱི་
འོད་དུ་གྱུར་པར་ཤོག །རིག་སྔགས་ཡང་ཡང་བརྗོད་པ་ཡིས། །ཡང་དག་ལམ་ཉིད་རྟོགས་པར་ཤོག །ཀུན་འབྱུང་ས་བོན་རུལ་ནས་ནི། །སྡུག་བསྔལ་ཕུང་པོ་སྐམ་པར་ཤོག །མགོན་པོ་མྱ་ངན་འདས་ཐོབ་ནས། །
འཇིག་རྟེན་ཕྱོགས་བཅུར་རབ་གྲགས་འགྱུར། །དེ་ནས་ཡང་དག་བཤད་བྱ་བ། །བསྙེན་པས་བགེགས་ཀྱི་མཐུ་བཅོམ་ནས། །དངོས་གྲུབ་མྱུར་དུ་རྙེད་བྱའི་ཕྱིར། །བསྒྲུབ་པ་ལ་ནི་བརྩོན་པར་བྱ། །ཟླ་བ་དཀར་པོའི་ཚེས་
གཅིག་ནས། །ཁྲུས་བྱས་གོས་སར་གྱོན་བྱས་ནས། །སྐུ་གཟུགས་བཟང་པོའི་མདུན་འདུག་ནས། །བསྨྱུང་བར་གནས་ནས་ཉིན་ཅིག་ལ། །དུས་གསུམ་སྔགས་འདི་བརྒྱ་རྩ་བརྒྱད། །བརྗོད་ཅིང་ཅི་འབྱོར་མཆོད་པར་བྱ། །ཚེས་བརྒྱད་

98-1-295a

ཐོ་རངས་དུས་ནས་ནི། །དབེན་པར་གདན་ཁྲི་བཟང་པོ་ལ། །སྐུ་གཟུགས་ནུབ་ཏུ་གཟིགས་ནས་གཞག །བཟའ་བཏུང་དངར་བས་དཔགས་པས་མཆོད། །ཨོཾ་ཨ་ཀ་རུ་དང་དུ་རུ་སྐ། །བདུག་པ་རྒྱུན་དུ་སྲེག་པར་བྱ། །
འབྲུ་དཀར་འོ་མའི་ཟས་བཟའ་ཞིང་། །ཞག་གསུམ་བཟླས་པ་ཅི་ནུས་བྱ། །དེ་ནས་ཞག་གསུྃ་བར་དུ་བདག །འོ་མ་ཞོ་དང་འབྲས་ཆེན་འཚལ། །ལྷ་ལ་མཆོད་པ་ཆེར་བསྐྱེད་ནས། །བྱང་ཆུབ་ཤིང་དྲུང་སྟོང་རྩ་བརྒྱད། །དུ་རུ་སྐ་
མར་དུ་སྦང་། །དུམ་བུ་རེ་རེ་སྔགས་རེ་དང་། །བྱང་ཆུབ་སེམས་དཔའི་དྲུང་དུ་བསྲེག །ས་ཡང་གཡོ་ཞིང་སྐུ་ཡང་གཡོ། །སྟེང་ཞལ་ནས་ནི་སྙན་པའི་སྒྲ། །ལེགས་སོ་ལེགས་སོ་རིགས་ཀྱི་བུ། །ཁྱོད་ནི་ནན་ཏན་བརྩོན་འགྲུས་
ཅན། །འདོད་སྨན་དོན་གཉེར་གང་ཡིན་པ། །མཁའ་ལ་འཕུར་རམ་རྐང་འགྱོགས་སམ། །དྲང་སྲོང་རིག་འཛིན་རྒྱལ་པོ་ལ། །བདག་དང་སྐལ་བ་མཉམ་འདོད་ན། །དེ་རིང་ཉིད་དུ་སྩལ་བར་བགྱི། །བཅྭ་ལྔའི་ཚེས་ལ་སྐུ་
གཟུགས་དེ། །བདེ་གཤེགས་རིང་བསྲེལ་ཡོད་པ་ཡི། །མཆོད་རྟེན་ནང་ངམ་དྲུང་དུ་བཞུགས། །གསོ་སྦྱོང་བླངས་ནས་བསྨྱུང་བ་ཡིས། །སྐྱ་སྣར་མེ་ཏོག་བརྒྱ་རྩ་བརྒྱད། །སྔགས་རེ་བརྗོད་པས་སྐུ་ལ་བརྡེག །
དེ་ཚེ་མདུན་ཞལ་རྩ་བ་ནས། །འབྲུག་སྒྲ་ཆེན་པོ་ལྟ་བུ་འབྱུང་། །ས་ཆེན་རབ་ཏུ་གཡོ་བར་འགྱུར། །དེ་ཚེ་བདག་ཉིད་མ་སྐྲག་པར། །སྔགས་བསྒྲུབ་རྗེས་སུ་དྲན་བྱ་སྟེ། །བྱང་ཆུབ་སེམས་དཔའ་སེམས་དཔའ་ཆེ། །
མགོན་པོ་སྤྱན་རས་གཟིགས་དབང་ཕྱུག །ཐུགས་རྗེ་ཆེ་དང་ལྡན་པ་ལ། །བདག་ཉིད་གུས་པར་ཕྱག་འཚལ་ལོ། །བདག་ནི་སེམས་ཅན་ཐམས་ཅད་ཀྱི། །མགོན་སྐྱབས་རེ་གནས་གྱུར་ནས་ཀྱང་། །འགྲོ་བ་ཀུན་
གྱི་རེ་འདོད་རྣམས། །ཚུལ་བཞིན་དུ་ནི་སྐོང་བར་ཤོག །དེ་ཚེ་འདོད་པ་སྩོལ་བ་ལ། །ལྷ་ཀླུ་ཚོགས་ཀྱི་བར་ཆད་མེད། །སྔགས་ཀྱི་འདོད་དོན་ཀུན་གྲུབ་ཡིན། །བསོད་ནམས་རྫོགས་བྱེད་སྨོན་ལམ་མོ། །ཕྱག་འཚལ་

98-1-295b

རྟེན་ལ་བསྐོར་བ་དང་། །མཆོད་རྟེན་བརྩིག་དང་དཀྱིལ་འཁོར་ནི། །རྣལ་འབྱོར་ཡན་ལག་ལས་ལྡན་པས། །བདག་དང་གཞན་གྱི་དོན་གྱི་ཕྱིར། །རྒྱུན་ཆད་མེད་པར་བརྩོན་པ་ན། །དགེ་བྱེད་སྨོན་ལམ་རྒྱས་པ་ནི། །དེ་དག་
མྱུར་དུ་འབྱུང་བར་འགྱུར། །དེ་ཕྱིར་སྨོན་ལམ་མཆོག་ཏུ་བཤད། །གང་ལ་དགེ་སྤྱོད་གཡེལ་བ་ཡི། །ལེ་ལོ་ཅན་ནི་བདུད་བཟུང་ནས། །གྱ་ཚོམ་སྨྲ་ཞིང་ཆོས་ལ་སྨོད། །བསྟན་པ་འཇིག་པར་བྱེད་པར་འགྱུར། །དེ་ཕྱིར་
དམན་རིགས་གདོལ་པ་ཅན། །ལོག་སྤྱོད་ཅན་ནི་རིང་དུ་སོང་། །སེར་སྣ་ལེ་ལོ་ང་རྒྱལ་ཅན། །བག་མེད་གཡེང་དང་བཅས་པ་ནི། །བདུད་ཀྱི་འཆིང་ལམ་ལོག་ལྃ་པ། །ཞུགས་དང་སླར་ལ་བཏུང་བར་བྱ། །འཕགས་པ་
སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མའི་དྲ་བ་ཞེས་བྱ་བ་ལས་དངོས་གྲུབ་འབྱུང་བའི་ལེའུ་སྟེ་བདུན་པའོ།། །། དེ་ནས་ནད་དང་གནོད་པ་སོགས། །སྔགས་བརྗོད་ཙམ་གྱིས་བསལ་བར་བཤད། །
ནད་གདོན་གང་དང་གང་ལ་ཡང་། །སྔགས་པས་དྲག་ཏུ་གསལ་བཏབ་ལ། །རང་གིས་རྩེ་གཅིག་སེམས་ཀྱིས་བཟླ། །དང་པོར་སྙིང་རྗེར་བཅས་པ་ཡི། །སྔགས་ཀྱིས་ནད་དང་གདོན་ལས་གྲོལ། །དེ་ཚེ་མཆོད་ལ་བརྩོན་པར་བྱ། །
སྨྱོ་ནད་ཉིན་རེ་ལྡང་བ་དང་། །ཉིན་གཉིས་པ་འམ་ཉིན་གསུམ་པ། །ཉིན་བཞི་ཉིན་བདུན་ལྡང་བའི་རིམས། །འབྱུང་པོ་མཁའ་འགྲོ་ཤ་ཟ་འམ། །སྨྱོ་བྱེད་བརྗེད་བྱེད་ལུས་སྲུལ་པོ། །འདྲེ་གདོན་དྲག་པོས་བགྱིད་མོད་ཀྱང་། །
བརྒྱ་རྩ་བརྒྱད་ཀྱིས་སེལ་བར་འགྱུར། །ཡང་ན་སྲད་བུ་ཁ་དོག་ལྔ། །མདུད་རེ་སྔགས་རེ་བརྒྱ་རྩ་བརྒྱད། །མདུད་ལྡན་མགུལ་ལམ་དཔུང་པར་གདགས། །ཁ་ན་མ་ཐོ་བསག་པ་ཡི། །སྒྲིབ་ཀུན་ཞི་ཞིང་བྱང་འགྱུར་ན། །བགེག་
སོགས་ནད་ལྟ་སྨོས་ཅི་དགོས། །བདེ་བརླབ་བསམ་གྱིས་མི་ཁྱབ་བོ། །སྐྲངས་དང་འབྲས་ཀྱི་ཕྲེང་བ་དང་། །ཤུ་བ་ཕོལ་མིག་རྨ་མཛེ་དང་། །མེ་དབལ་ལྷོག་པ་གཡན་ལ་སོགས། །མ་རུངས་པ་ཡི་ནད་རྣམས་དང་། །རལ་གྲི་

98-1-296a

མདའ་མདུང་ལ་སོགས་པས། །མྱོས་སམ་དེ་ཡིས་ཉེན་པ་དང་། །སྦྲུལ་དང་སྡིག་པ་རྩངས་པ་དང་། །བུང་བ་མཆུ་རྣོན་ལ་སོགས་པ། །གདུག་པ་རྣམས་ལ་ལན་བདུན་དང་། །བརྒྱ་རྩ་བརྒྱད་དང་སྟོང་དུ་བརྗོད། །ཡང་
ན་ས་སེར་འཇིམ་པས་བྱུགས། །དེ་ཡིས་ནད་ལས་གྲོལ་བར་ངེས། །བགེགས་སམ་རླུང་ལ་སོགས་པ་ཡི། །གཞོགས་གཅིག་ཕྱོགས་སུ་ནད་ལངས་སམ། །རྣ་བ་འོན་ནམ་སྣ་སུབ་ན། །བརྒྱ་རྩ་བརྒྱད་དུ་བཟླས་པ་འམ། །
འབྲུ་མར་ཞོ་དང་རུ་རྟ་དང་། །ལན་བདུན་བརྗོད་ནས་སྐུ་བྱུག་དང་། །ཟོས་ཤིང་རྣ་བ་སྣར་བྱུགས་ནས། །སོས་པར་འགྱུར་བར་ཐེ་ཚོམ་མེད། །དེ་ནས་བྱང་ཆུབ་སེམས་དཔའ་ཆེ། །ཉི་འོད་ཀྱིས་ཀྱང་རིག་སྔགས་འཆང་། །
བསྲུང་དང་ལམ་འགྲོ་སྐྱབ་པའི་ཕྱིར། །བྱིན་བརླབས་ལྡན་པའི་ཚིག་འདི་གསུངས། །ན་མོ་བུད་དྷཱ་ཡ་གུ་ར་བེ། ན་མོ་དྷརྨཱ་ཡ་ཏ་ཡེ་ནི། །ན་མཿསང་གྷཱ་ཡ་མ་ཧཱ་ཏེ། ཏྲི་བི་ཡི་སྭཱ་ཧཱ་ན་མཱ། ཉིན་མཚན་དུས་སུ་འདི་བརྗོད་པས། །
སྡིག་ཀུན་བྱང་ཞིང་ནད་རྣམས་ཞི། །ལམ་དུ་བགེགས་བདུད་མི་ཕྲད་ཅིང་། །རྟག་ཏུ་སེམས་དགའ་དམ་པས་འཐོབ། །བྱང་ཆུབ་སེམས་དཔའ་ཟླ་འོད་ཀྱང་། །བསྲུང་བའི་དོན་དུ་སྔགས་འདི་གསུངས། །ཤ་མ་ཏ་ཧེ་རུ་ཤ་ཧོ། །
ཨཛྙ་པ་ཏེ། སུ་རུ་ཏེ། ཤྃ་ཀེ་ཊེ། བ་ར་མ་བྱ་ཏེ། སུ་རུ་ཊེ། ཀྱ་ལ་ཊ་ཏེ་ཁི་མ་ཏེ་སྭཱ་ཧཱ། ཚོན་སྣ་ལྔ་ཡི་སྐུད་པ་ལ། །བདུན་བཟླས་མདུད་པ་ཉི་ཤུ་རྩ་གཅིག །ན་སར་བཏགས་ན་ནད་སེལ་འགྱུར། །གཞན་ཡང་ཡོན་ཏན་གྲངས་མེད་
འཐོབ། །སྦྲུལ་གྱི་རྨ་ནི་སྒོ་ཕྱེ་ལ། །བདུན་བཟླས་རྨ་ཁར་བཏབ་ན་སོས། །སེང་གེ་སྟག་གཟིག་དོམ་དྲེད་ཀྱིས། །བཀླགས་ལ་ཉི་ཤུ་རྩ་གཅིག་བསྔགས། །བརྗོད་ནས་གྲ་ཁྲིམས་ཅན་ལ་བསྐོན། །དེ་མ་ཐག་ཏུ་རིམ་སེལ་
འགྱུར། །བློ་བུར་གདོན་གྱིས་ཉེན་པ་ལ། །ལན་བདུན་བརྗོད་པའི་གུ་གུལ་བདུག །ལྡོང་རོས་ཡུངས་ཀར་ལན་ཚྭ་དཀར། །སྦྱར་ནས་ཉི་ཤུ་རྩ་ཅིག་བརྗོད། །ནད་པའི་མལ་བཞག་ནས་བདུགས་ན། །འབྱུང་པོ་འབྲོས་ཏེ་ནད་ལས་གྲོལ། །

98-1-296b

ཏིལ་མས་ནང་དུ་རུ་རྟ་བཙོས། །བྱུགས་པས་གཞོགས་ནད་རྣ་ནད་དང་། །ཞ་གྲུམ་མྱུར་དུ་སེལ་བར་བྱེད། །ཡང་ན་རྩི་མར་ཉིད་ལ་བྱ། །ཏིལ་མར་ལྟེ་བར་བསྐུས་པ་ཡིས། །མྱུར་དུ་བུ་ཐོན་འགྱུར་བར་ངེས། །ལྕིམ་རྩས་ཤ་མ་
ཐོན་པར་ངེས། །དུ་རུ་ཀ་དང་སྦྱི་མོང་སྦྱར། །སྙིང་ནད་དྲག་པོ་སེལ་བར་འགྱུར། །བ་རོག་མོའི་ལྕི་དྲོན་གྱིས། །རྨ་ཁར་བསླན་ན་མེས་ཚིག་སོས། །སྲིན་བུ་རིང་མོ་སྙིང་ལ་ཟ། །རྟ་དཀར་གཅིན་ལ་ཁྱོར་གང་འཐུང་། །དེས་ནི་སྲོག་
ཆགས་བུད་པར་འགྱུར། །འབྲས་ལ་རམས་ཀྱི་ལོ་མ་ཡིས། །ཁུ་བ་བསྐོལ་བས་བྱུག་པར་བྱ། །བོང་བུའི་རྟུག་པ་གསར་པ་བརྩིར། །ཉལ་ཀར་མིག་དུ་བླུགས་ན་སོས། །མཚན་མ་སྐྲངས་ལ་སྐུད་དཀར་རོ། །དེ་ཀུ་ཉི་ཤུ་རྩ་གཅིག་
བཟླས། །བརྒྱ་རྩ་བརྒྱད་བརྗོད་ཤུ་དག་དཀར། །དཔུང་པར་བཏགས་པས་གཡུལ་ལས་རྒྱལ། །ཕུག་རོན་རིལ་མ་ཉི་ཤུ་བརྒྱད། །བཟླས་བཅས་བསྐུས་པས་ལྕག་སྒྲོག་དང་། །ཤིང་སྒྲོག་ལ་སོགས་གྲོལ་བར་ངེས། །ཐལ་བ་འམ་བྱེ་མ་
ལ་ནི་སྔགས། །སྟོང་བཟླས་མེ་ཏོག་སྲིན་བུ་གྲོལ། །གདོན་དང་ཡམས་ནད་བཟློག་པ་ལ། །དྲི་བཟང་ཆུ་ལ་བཟླས་ནས་བཀྲུས། །བུ་མེད་བུ་འདོད་དོན་དུ་ནི། །སྟོང་བཟླས་བ་མར་བཏུང་བར་བྱ། །བྱི་བ་སྦྲུལ་དང་རུ་སྦལ་ཤ །ཕྱེ་མ་གཏོར་ན་
ཕྱུགས་རྣམས་རེངས། །མར་ག་ནི་དང་ཤུ་དག་དང་། །ལྒ་དང་གོ་སྙོད་སྦྲང་རྩི་སྦྱར། །སྔགས་འདི་ཡིས་ནི་ཤེས་རབ་འཕེལ། །ན་མོ་རཏྣ་ཏྲ་ཡཱ་ཡ། ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་
ཡ། ཏདྱ་ཐཱ། ཁཱ་ཧི་ཁཱ་ཧི། བ་ལི་ཏེ་སྭཱ་ཧཱ། ན་མོ་རཏྣ་ཏྲ་ཡཱ་ཡ། །ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་པདྨེ་ཕུ་མ་ཧཱ་པདྨེ་ཕུ། པདྨ་ལོ་ཙ་ནེ་ཕུ། ཨ་མོ་གྷ་བེ་ཏེ། ན་མོ་ཨ་དོཏ་ཀུ་ཏྲ་ཡ། 
ས་ར་ས་ར་ག་ཙ་ག་ཙ།  ཨི་མ་མ་མ་ཀྵི་རོ་གྃ་ནཱ་ཤ་ཡ་སྭཱ་ཧཱ། ཉི་ཤུ་རྩ་གཅིག་བཟླས་ནས་ཀྱང་། །ཐལ་བས་མིག་ནི་ཕྱི་རོལ་བསྐུ། །མིག་ནད་ཐམས་ཅད་འཇོམས་པར་འགྱུར། །སྐུད་པ་དཀར་པོ་མདུད་པ་བདུན། །སྔགས་བདུན་བཟླས་པའི་རྣ་བ་ཡི། ནད་

98-1-297a

རྣྃས་ཐམས་ཅད་འཇོམ་པར་བྱེད། །གུར་གུམ་ཀ་ར་ཆ་མཉམ་པས། །སྣའི་ནད་ནི་སེལ་བར་བྱེད། །ཨ་རུ་རའི་ཕྱེ་མ་དང་། །སྦྲང་རྩི་བསྲེས་པའི་འདག་པས་ནི། །སོ་ཡི་ནད་དང་ལྕེ་ཡི་ནད། །ཐཾད་འཇོམ་པར་ཤེས་པར་བྱ། །ཨོཾ་ཧཱུྃ་
ཤྲུྃ་ཧཱུྃ་ཤུ་ཀྵེ་ཕུ། །ཉི་ཤུ་རྩ་གཅིག་ཆུ་ལ་བཟླ། །འཐུངས་པའི་མ་ཞུའི་གནོད་པ་སེལ། །ན་མོ་རཏྣ་ཏྲ་ཡཱ་ཡ། ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་རཏྣ་ཤེ། མ་ཧཱ་ཙཎ་ཌ་ཨ་
སུ་ར་མར་ཏ་ཀ་ཛྭ་ལ་ཛྭ་ལ། ཙྪིན་དྷ་ཙྪིན་དྷ། ཧུ་རུ་ཧུ་རུ། ཀི་རི་ཀི་རི། ཧ་ན་ཧ་ན། སརྦ་ཛྭ་རེཾ་རུ་དྲ་ཀ་བན་དྷེ་ན། མཱ་ར་ཡ་མཱ་ར་ཡ། སརྦ་གྲ་ཧྃ་སྭཱ་ཧཱ། སྔགས་འདི་མཚལ་གྱིས་བྲིས་ནས་ཀྱང་། །མགུལ་དུ་བཏགས་ན་ནད་རྣམས་སེལ། །
གཞན་ཡང་རྩ་བའི་སྔགས་གང་གིས། །ལས་རྣམས་དེ་དང་དེ་ལ་སྦྱར། །སྦྲང་བུ་སྲིན་བུ་སྦྲུལ་ལྷོག་པ། །གཡེན་པ་ཤུ་བ་སྐེ་ནད་ལ། །སྦྲང་རྩི་པི་པི་ལིང་གིས་བྱུག །གང་ཞིག་བརྩོན་དུ་ཞུགས་པ་ལ། །ཉི་ཤུ་རྩ་གཅིག་
བཟླས་པ་ལ། །ཙན་དན་འདི་གུ་སྙིང་གར་བྱུག །གང་གིས་མིག་ནད་སེལ་བ་ལ། །ཤིང་དངར་ཆུ་འམ་སྤོས་ཆུ་འམ། །ལ་ལ་ཤ་ཡི་ཁུས་ཡིས་བྱ། །རྣ་བ་ལ་ནི་ཏིལ་མར་གྱིས། །གཞན་གྱི་ཡི་གེ་གསལ་བ་དང་། །འཐབ་མོ་
ཤགས་འགྱེད་འགྱུར་བའི་ཚེ། །བུམ་པ་ཆུ་ཡིས་གདོང་པ་བཀྲུ། །གང་ཡང་བྱིས་པ་བསྲུང་བ་ནི། །སེང་ལྡེང་ཕུར་བུ་སོར་བཞི་པ། །པད་མ་གར་གྱི་དབང་ཕྱུག་དང་། །དོན་ཡོད་ཞགས་པའི་སྔགས་རིང་དག །སྟོང་རྩ་བརྒྱད་
དུ་བཟླས་བཏགས་ན། །ཚེ་རིང་ཉིད་དུ་བདེ་བར་སྤྱོད། །བ་ལང་རྭ་དང་པོ་སོ་འཆ། །ཤིང་ཀུན་དུང་སྦྲུལ་ལྤགས་པ་དང་། །རས་བལ་ས་བོན་དྲུང་པོ་དང་། །དེ་བཞིན་དུ་ནི་སེར་པོ་གཉིས། །ནས་ཀྱི་ཕུབ་མ་གཡེངས་པའི་སྐྲ། །
བྱི་ལའི་རྟུག་པ་བྲི་ཧ་ཏི། །ཤུགས་པ་བྱ་རོག་སྒོང་ང་དང་། །བ་ལང་རྨིག་པ་ན་ལེ་ཤམ། །ད་དུ་ར་དང་ལྷན་ཅིག་སྦྱར། །དེ་རྣམས་བསྲེས་པའི་དུད་པ་ཡིས། །བགེགས་རྣམས་སེལ་ཕྱིར་རུ་ཏྲ་ཡི། །དུད་པ་བཅུ་

98-1-297b

དྲུག་ཞེས་བྱ་བའོ། །པུ་ཤེལ་ཙེ་དང་བ་བླ་དང་། །བཙན་དུག་གི་ནི་སྦྲུལ་ཤུན་གྱིས། །བདུགས་ན་རིམ་ནད་ཐཾད་སེལ། །ནད་གཞན་དག་ཀྱང་སེལ་བར་བྱེད། །བ་ལང་ལྕི་བའི་ཁུ་བར་ནི། །སོ་མ་ར་ཛའི་ཕྱེ་མ་གདབ། །ཡི་གེ་
ཧྲཱི་ཡིས་བྱིན་བརླབས་ནས། །མགྲིན་པ་སྔོན་པོའི་རྩ་བའི་སྔགས། །བརྒྱ་རྩ་བརྒྱད་བརྗོད་འཐུངས་པས་ནི། །དུག་དང་རིམས་ནད་སེལ་བར་བྱེད། །སྐྱེར་པ་བསྐོལ་བའི་ཁུ་བར་ནི། །སོ་མ་ར་ཙའི་ཕྱེ་མར་སྦྱར། །
རིལ་བུ་རྒྱ་སྲན་ཙམ་གྱི་ཚད། །ཡིད་བཞིན་ནོར་བུའི་སྔགས་བརྗོད་ནས། །ཟོས་པ་ཙམ་གྱིས་དུག་རིགས་རྣམས། །ཟོས་ཀྱང་ལུས་ལ་གནོད་པ་མེད། །འོ་མར་ཡུང་བ་སྲང་གཅིག་བསྐོལ། །སོ་མ་ར་ཙ་བླུགས་ཏེ་
བླུད། །སོ་སོ་འཆང་ལ་ཧ་ལའི་སྔགས། །བརྒྱ་རྩ་བརྒྱད་སྔགས་གྲངས་ཚང་བ། །བརྗོད་དེ་བླུད་ན་སྐྱུགས་ནས་ནི། །དུག་གིས་ཚུག་པར་མི་འགྱུར་རོ། །ཁྱིམ་གྱི་དུད་པ་རྒྱམ་ཚྭ་དང་། །སྐྱེ་དུ་དམར་རྩ་ལོ་མར་བཅས། །
ཕྱེ་མ་མར་སར་སྦྲང་རྩི་བཅས། །ཧ་རི་ཆེན་པོ་རྩ་བའི་སྔགས། །བརྒྱ་རྩ་བརྒྱད་ཀྱིས་བཏུང་བར་བྱ། །སྦྲུལ་ནད་ཐམས་ཅད་སེལ་བར་བྱེད། །ཤུ་དག་རུ་རྟ་ཨ་ག་རུ། །ཡུང་བ་བོང་ང་དཀར་པོ་རྣམས། །དོན་ཡོད་
ཞགས་པའི་སྔགས་ཀྱིས་མཉེ། །བྱུག་པས་དུག་རྣམས་ཐམས་ཅད་སེལ། །རྒྱམ་ཚྭ་སྲང་གང་མར་སྲང་གཉིས། །གཅིན་སྲང་བརྒྱད་དང་ལྷན་ཅིག་བསྐོལ། །རྡོ་རྗེ་ཆོས་ཀྱི་སྔགས་ཀྱིས་འཐུངས། །དུག་ནད་ཐམས་ཅད་སེལ་
བར་བྱེད། །རྒྱམ་ཚྭ་ཚྭ་གསུམ་མར་སྲང་བཞི། །སྦྱར་ཏེ་མི་ཤོལ་སྔགས་བརྗོད་ནས། །བྱུགས་ན་རེག་པ་ཙམ་གྱིས་ནི། །སྡིག་པ་སྦྲུལ་གྱིས་ཟིན་པ་སེལ། །ཀུ་མུ་རི་དང་སེར་པོ་གཉིས། །ལྕིམ་ཚ་མྱང་ཚྭ་སྤར་བཅས་ལ། །
གར་དབང་སྔགས་དང་ཆུ་ཡིས་བཏུང་། །དུག་ནད་ཐམས་ཅད་སེལ་བར་བྱེད། །སེར་པོ་གཉིས་དང་ལྡོང་རོས་དང་། །གོ་ཐལ་གུར་གུམ་ལེ་བརྒན་རྩི། །པད་མ་རྒྱན་ལུང་བསྔགས་ཀྱི་བཏུང་། །དབྱིག་དུག་ཐམས་ཅད་འཇོམས་པར་བྱེད། །

98-1-298a

གང་ལ་གཟའ་དང་རྒྱུ་སྐར་གྱི། །འཚེ་བ་བྱུང་ན་དེ་བསལ་ཕྱིར། །པད་མ་འདབ་བརྒྱད་མཎ་ཌལ་གྱི། །ཕྱོགས་དང་ཕྱོགས་མཚམས་དབུས་རྣམས་སུ། །མགོན་པོ་འཇམ་པའི་རྡོ་རྗེ་ནི། །མཁའ་ལྡིང་གཟུགས་སུ་
འགྱུར་བ་ལ། །སྤྱན་རས་གཟིགས་དབང་བཅུ་གཅིག་གིས། །གུས་པའི་ཚུལ་དུ་མཆོད་བྱེད་བཀོད། །ཉི་མ་ཟླ་བ་ལག་འཛིན་པའི། །ཁྱབ་འཇུག་གིས་ནི་བྱི་བའི་གཟུགས། །མནན་པའི་མཁའ་ལྡིང་མིག་སྨན་མདོག །
ནོར་རྒྱས་བུ་གཉིས་ལྷ་ཡི་གཟུགས། །མིག་གསུམ་ལྡན་པ་བརྗིད་པའི་ལུས། །རིན་ཆེན་ལྔ་ཡི་སྡེར་གཤོག་ཅན། །རྡོ་རྗེ་མཆུ་རྣོ་ཁྲོ་དང་བཅས། །ཉི་མ་བྱེ་བས་བརྒྱན་པའི་འོད། །སྙིང་གར་ཉི་མ་འོད་འབར་ལ། །གྃ་ཡིག་ནག་
པོ་སྔགས་ཀྱིས་བསྐུལ། །སྤུ་རྣམས་ཟིངས་ཀྱིས་གྱུར་ནས་ཀྱང་། །ཕྱོགས་བཅུར་རྡོ་རྗེ་ཁྱབ་པར་འཕྲོ། །གཟའ་དང་རྒྱུ་སྐར་མོག་བྱས་ཏེ། །གདོན་དང་ཀླུ་རྣྃས་སྲེག་པར་བྱེད། །ཐུགས་རྗེ་མི་བཤོལ་བ་ཡི་སྔགས། །འབྲུག་
སྒྲ་ལྟ་བུར་གསལ་བར་བརྗོད། །གང་ཡང་གྲངས་མེད་སྟོང་ཕྲག་ནི། །ལས་རྣམས་ཐཾད་སྔགས་འདིས་འགྲུབ། །མཁའ་ལྡིང་དཀར་པོ་བརྗིད་པའི་ལུས། །ཀླུ་ཡི་གདོན་ལས་སྦྱར་བར་བྱ། །དེ་ལ་མགྲིན་པ་སྔོན་པོ་ཡི། །རྩ་བའི་སྔགས་
ཀྱིས་བསྐུལ་བས་ནི། །ས་སྟེང་གཏུམ་པོ་ཀླུ་ཡི་གདོན། །དུ་མ་ངེས་པར་སེལ་བར་བྱེད། །ཀླུ་དང་ཚངས་པའི་སྲིན་པོ་བསྲེག །འགྲོ་ལ་མཛེ་ནད་གཏོང་བར་བྱེད། །མཁའ་ལྡིང་དམར་པོ་སྦྲུལ་ཟ་མ། །མེ་ཏོག་ཐོད་པ་ཁ་ཊྭཱྃ་ག །
གཡོན་ན་འཆང་སྟེ་གཡས་པ་ན། །རལ་གྲི་མེ་འོད་འབར་བ་འཆང་། །མགོན་པོ་སེང་གེའི་སྒྲས་སྐུལ་ནས། །དབའ་རླབས་བསྐལ་པའི་མེ་དང་མཉམ། །སྦྲུལ་དང་རིན་ཆེན་དབྱུག་ཐོ་ཅན། །མཁའ་ལྡིང་ཤ་ཟའི་གདོན་ལ་ནི། །མགོན་པོ་
ཧ་རའི་སྔགས་ཀྱིས་བསྐུལ། །མཁའ་འགྲོའི་གདོན་ལ་མཁའ་ལྡིང་ནི། །ལྗང་གུ་རལ་གྲི་ཕུར་པ་འཆང་། །པད་མ་རལ་གྲི་སྔགས་ཀྱིས་བསྐུལ། །ལས་རྣྃས་གང་དང་གང་ལ་ཡང་། །སྔགས་དང་ཕྱག་རྒྱ་ལྡན་པར་བྱའོ། །ཅི་ལྟར་མོས་ཏེ་ཕྱག་རྒྱར་

98-1-298b

བཅས། །ལུས་ཀྱི་ཕྱག་རྒྱ་སེམས་ཀྱི་རྒྱ། །ངོ་བོ་ཉིད་ཀྱིས་མཚོན་པ་ཡི། །སྔགས་དང་ཕྱག་རྒྱས་རྒྱས་འདེབས་འགྱུར། །ད་ནི་ཕྱག་རྒྱ་བཤད་པར་བྱ། །སྐུ་ཡི་མདུན་དུ་ལངས་ནས་ཀྱང་། །རྐང་པ་གཡས་པ་ཡིད་ཙམ་སྐུམ། །
ལག་གཉིས་སོ་སོར་ཐུར་དུ་བརྐྱང་། །གུང་སྲིན་སོ་སོར་མཐིལ་དུ་བཀུག །མཐེབ་མཛུབ་དག་ནི་སོ་སོར་བརྐྱང་། །གྲུ་ཁུག་ལག་མཐིལ་མདུན་དུ་བསྟན། །འགྲོ་འམ་འདུག་ཀྱང་དགྲ་དཔུང་ལས། །རྒྱལ་ཕྱིར་སྔགས་འདི་བརྗོད་པར་བྱ། །
ན་མོ་རཏྣ་ཏྲ་ཡཱ་ཡ། །ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་བ་ཏེ་པ་ར་བ་ཏེ། ཨེ་ཧྱེ་ཧི་སྭཱ་ཧཱ། ཡང་ན་སྔོན་ལྟར་ལུས་བསྲང་སྟེ། །སྙིང་གར་ཐལ་སྦྱར་སྤྲོ་བ་སྣོལ། །
མཛུབ་མོ་གཉིས་སྦྲེངས་རྩེ་མོ་སྤྲད། །མཐེབ་གཉིས་མཛུབ་ཚིགས་དང་པོར་བཀུག །ལག་མཐིལ་ཅུང་ཟད་མ་རེག་པ། །གཟུངས་སྔགས་གང་བརྗོད་ཕྱག་བྱའོ། །བགེགས་ཀྱི་འཚེ་བ་འབྱུང་བའི་ཚེ། །སྔགས་དང་ཕྱག་རྒྱ་འདིས་
བསལ་བྱ། །ན་མོ་རཏྣ་ཏྲ་ཡཱ་ཡ། ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་སརྦ་དྷརྨཱ་ཎི་མཎ་ཌ་ལཱ་ཡ། ཨེ་ཧྱི་ཧེ་པ་ར་མ་ཤུད་དྷ་སཏྭཱ་ཡ་སྭཱ་ཧཱ། ཡང་ན་སྒོམ་ལ་འཇུག་པས་
ནི། །ཐོག་མར་ཕྱག་རྒྱ་འདི་བཅིང་ངོ་། །པུས་བཙུགས་སྤྱི་བོར་ཐལ་མོ་སྦྱར། །མཛུབ་གཉིས་བཀུག་ལ་རྩེ་སྤྲད་ནས། །དེ་ལ་མཐེབ་གཉིས་སྦྱར་བར་བྱ། །འདི་ནི་བདུད་ལས་རྒྱལ་བར་ངེས། །ཡང་ན་ལག་གཉིས་རྒྱབ་སྤྲད་ནས། །
སོར་མོ་རྩེ་རྣམས་རེག་པར་བྱ། །མཐེབ་གཉིས་བརྐྱང་ནས་མཛུབ་སྣང་སྦྱར། །སྨིན་མཚམས་སུ་ནི་གཞག་པར་བྱ། །ན་མོ་རཏྣ་ཏྲ་ཡཱ་ཡ། ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་
ཡ། ཏདྱ་ཐཱ། ཨོཾ་སརྦ་དུཥྚ་ན་མོ་བཛྲཱ་ཡ་མེ་སྭཱ་ཧཱ། ཁྱད་པར་དུ་ནི་ལྷ་མཐོང་འགྱུར། །ཡང་ན་འབྲེང་སྟེ་མཉམ་བཞག་རྒྱ། །སྙིང་གར་བཞག་ལ་སྔགས་འདི་བརྗོད། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། 

98-1-299a

བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་སརྦ་དེ་བ་ཨཱ་ན་ལེ་སྭཱ་ཧཱ། གློ་བུར་རྩོད་པ་རྒྱལ་བྱེད་ཡིན། །ཡང་ནི་འགྲེང་སྟེ་རྟིང་པ་སྤྲད། །ལག་གཉིས་འཇིགས་བྱེད་ཚུལ་དུ་བྱ། །རྩ་སྔགས་གང་
རུང་བརྗོད་པས་ནི། །ཏིང་འཛིན་ཡན་ལག་བརྟན་པར་འགྱུར། །ཡང་ན་པད་མ་རྒྱན་ལུང་གི། རྩ་བའི་སྔགས་ཀྱི་ཕྱག་རྒྱའོ། །ལག་གཉིས་ཐལ་སྦྱར་སྲིན་ལག་གིས། །མཐེ་བོའི་སེན་མོ་མནན་བྱས་ཏེ། །མཐེའུ་
ཆུང་རྩེ་མོའི་གུང་མོ་སྤྲད། །གཤེགས་སུ་གསོལ་བའི་ཕྱག་རྒྱ་སྟེ། །དགུག་ན་མཛུབ་རྩེ་བསྒུལ་ཞིང་དགུག །ཡང་ན་གཡས་པའི་མཛུབ་མོ་དགུག །གཡོན་པ་སླར་བཏང་བྱ་བའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་
བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་བྲཧྨ་ཨེ་ཧྱེ་ཧི་སྭཱ་ཧཱ། ཡང་ན་སོར་རྩེ་རྣམས་བསྐྱེད་ན། །མཛུབ་མོ་གཡབ་ལ་ལྷ་ཆེན་རྣམས། །ཡང་ན་ཕྱག་རྒྱ་འདི་བཅས་ལ། །ཉི་ཟླ་
གཟས་བཟུང་དུས་སུ་ནི། །གཟུངས་སྔགས་བ་མར་ལ་བཟླས་ནས་ནི། །ཕྱག་རྒྱ་བཏབ་ནས་ཟོས་པས་ནི། །ཤེས་རབ་འཕེལ་དང་ཚེ་འཕེལ་འགྱུར། །ནད་མེད་གཟུགས་བཟང་འཐོབ་པར་ངེས། །འགྲང་སྟེ་རྐང་གཤིབ་ཐལ་སྦྱར་
ནས། །མཐེབ་གཉིས་ལག་པའི་ནད་བཀུག་པ། །སྙིང་གར་གཞག་བྱ་སྤྱན་རས་གཟིགས། །ཡིད་བཞིན་ནོར་བུའི་འཁོར་ལོའི་རྒྱ། །མཆོད་སོགས་ལས་ཀྱི་སྔོན་འགྲོ་བའོ། །དེ་བཞིན་སྡིག་བཤགས་ལ་ཡང་ངོ་། །མཛུབ་བཀུག་
མཐེ་བོ་སེན་མོར་བཅས། །ལག་གཉིས་རྒྱབ་སྤྲད་གར་དབང་རྒྱ། །ཐལ་སྦྱར་མཐེབ་མཛུབ་སོ་སོར་བརྐྱང་། །མགྲིན་པ་སྔོན་པོའི་ཕྱག་རྒྱའོ། །མཛུབ་མོ་གཉིས་བཀུག་ལྷག་མ་བརྐྱང་། །མི་གི་ཤོལ་བ་ཡི་ཕྱག་རྒྱའོ། །
ལག་གཉིས་རྒྱབ་སྤྲད་མཐེབ་གཉིས་བརྐྱང་། །བདུག་པ་བཟང་ལ་སྔགས་འདི་བཟླས། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ན་མོ་རཏྣ་ཤ་རི་ཙན་

98-1-299b

དྲ་ཨ་ལྃ་ཀཱ་ར་མརྒ་ཏེ་ཛ་སུ་པྲ་ཙ་ཀ་བི་ཤ་རཱ་ཛཱ་ཡ། ཏད་ཡ་ཐཱ། ཨོཾ་རཏྣེ་རཏྣེ། ཏ་ཏ་ཤ་རཏྣ། ཏ་ཏ་ཤ་རཏྣ་པྲི་ཏེ་མ་ཧེ་རཏྣ་པྲ་བྷ་ཏེ། རཏྣ་ཏེ་ག་ར་སྭཱ་ཧཱ། སྔ་བར་བརྒྱ་རྩ་བརྒྱད་བརྗོད་དོ། །ནོར་ཡང་ཐོབ་པའི་གཏེར་རྙེད་འགྱུར། །འགྲོ་
གཞན་བདག་ལ་བྱམས་འདོད་ན། །སོ་ཤིང་ལ་ནི་ཉི་ཤུ་གཅིག །ལྡོབ་སྐྱེན་འདོད་པ་ཤུ་དག་ལ། །སྟོང་རྩ་བརྒྱད་བཟླས་སྙིང་གར་བསྐུ། །གང་བཤད་ཕྱག་རྒྱ་དང་བཅས་པས། །གདུག་པའི་སྔགས་འདིས་བགེགས་
ཀྱང་འབྲོས། །ན་མཿསརྦ་བུད་དྷ་དྷརྨ་སྃ་གྷ་ཡ། ན་མོ་རཏྣ་ཏྲ་ཡཱ་ཡ། ན་མོ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ན་མོ་བཛྲ་པཱ་ཎི་སྱ། ཏདྱ་ཐཱ། ཨོཾ་ཧུ་པི་ཧུ་པི། ཀ་པ་
དུ་པི། པྲ་གཱ་ཡ་ནི་སྭཱ་ཧཱ། རྣམ་གྲངས་བདུག་པས་སངས་རྒྱས་བདུག །ལྷ་རྣམས་དག་ཀྱང་མཆོད་པར་བྱ། །ཡན་ལག་གཡས་པའི་མཐེ་བོ་ནི། །ལག་མཐིལ་བཞག་ནས་སོར་མོས་དགབ། །རྣ་ལྟག་ཕྱར་ནས་མཛུབ་
མོ་ནི། །བརྐྱང་བསྐུམ་བསྐུལ་བས་སྤྲོ་བ་དང་། །གཡོན་པ་མི་འཇིགས་ཕྱག་རྒྱ་སྟེ། །དུས་མ་ཡིན་པར་འཆི་སོགས་བཟློག །ལག་གཉིས་ཐལ་མོ་སྦྱར་ནས་ཀྱང་། །སོར་མོ་བསྣོལ་ཏེ་བཀོད་པ་ལས། །མཐེ་
འོ་མཐེའུ་ཆུང་སོ་སོར་ནི། །སྤྲད་དེ་སྤྲད་པ་ཤེས་རབ་རྒྱ། །ཨོཾ་སརྦ་སྃ་ཤོ་དྷ་ནི་སྭཱ་ཧཱ། དེ་བཞིན་བསྣོལ་ཏེ་བཀན་པ་ཡི། །གང་གཉིས་ནང་དུ་གཤིབས་བསྒྲེང་བ། །མར་མེའི་རྒྱ་སྟེ་སྔགས་འདིའོ། །
ཨོཾ་དཱི་པ་ཏ་བོ་ཙ་ན་སྭཱ་ཧཱ། དེ་ཉིད་སྦུབས་ནས་གུང་མོ་གཉིས། །རྩེ་སྤྲད་སྦྲེངས་པ་བདུག་སྤོས་སོ། །ཨོཾ་དྷུ་པ་དྷ་ཏ་སྭཱ་ཧཱ། རྟིང་སྤྲད་སོ་སོ་རྩེངས་སར་དགུག །བྱུག་པའི་ཚུལ་ནི་བྱུག་པའི་རྒྱ། །
ཨོཾ་དྷ་ལེ་བེ་ཏྱ་སྭཱ་ཧཱ། རྟིང་སྤྲད་སོར་མོ་གྱེན་དུ་བགྲོད། །ཞལ་ནས་འཐོར་ཚུལ་བཤོས་ཀྱི་རྒྱ། །ཨོཾ་ནེ་བི་དྱི་པྲོ་ཀྵ་ཏྃ་སྭཱ་ཧཱ། ལག་གཉིས་བཀུག་ནས་རྩེ་བརྒྱད་སྤྲད། །མཐེ་བོང་གྱེན་དུ་ཡན་

98-1-300a

པ་ནི། །ན་བཟའ་དམ་པའི་ཕྱག་རྒྱའོ། །ཨོཾ་བྷ་ས་ར་ནི་སྭཱ་ཧཱ། སྙིམ་པ་ཁ་ཕྱེ་བཏེག་པའི་ཚུལ། །རོ་མ་སྩལ་པའི་ཕྱག་རྒྱའོ། །ཨོཾ་ཨཱྃ་ཀྲུྃ་ཧྲཱི། ས་ཀ་ལ་གྷ་ན་པ་རི་ཝ་རེ་ནྃ། པ་རི་ཀེ་ར་ཨ་ཨ་ཨ་པ་ཏ་རཾ་ཏེ། ཨ་བ་པ་རཾ་ཏི། ཨ་པ་ཏ་རཾ་ཏ་
ཤ་དི་ཀ་ལོ་ཀ་པཱ་ལ། ས་པ་རི་ཝ་རི་བྷྱཿཨི་དྃ་བ་ལིཾ་གྲྀ་ཧྞནྟུ་ཁཱ་དཾ་ཏུ་པི་བནྟུ། ཡ་ཐཻ་བྃ་ཡ་ཐེཥྚཾ། ཛཿཧཱུཾ་བཾ་ཧོཿ། སཾ་ཏྲིཔྟ་སརྦ་སཏྭ་ནི། ཤཱནྟིཾ་ཀུ་རུ། པུཥྚི་ཀུ་རུ་ཁ་ཤཾ་ཀུ་རུ། ཨཱ་པ་ར་ཎ་ཀུ་རུ་གུཔ་ཏིཾ།  ཀ་རོ་ཏྟུ་ཀུརྦཱནྟུ་ཧཱུྃ་ཧཱུྃ་ཕཊ། ཨརྱ་ཨ་
བ་ལོ་ཀི་ཏེ་ཤྭ་ར་སྱ། ཨཱ་ཛྙཱ་པ་ཡ་ཏི་སྭཱ་ཧཱ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱཱ་ནུད་པནྣ་ཏྭཱཏ་ཨོཾ་ཨཱཿཧཱུྃ་ཕཊ་སྭཱ་ཧཱ། ཨོཾ་ཧྲཱི་ཛཾ་བྷ་ལ་ཛ་ལེན་དྲཱ་ཡ་སྭཱ་ཧཱ། ལོངས་སྤྱོད་རྟག་ཕྱིར་གནོད་གནས་ལ། །ཆུ་གཙང་རྟག་ཏུ་སྦྱིན་པར་བྱ། །ཨོཾ་ཨཱཿ
ཧྲཱི་ལོ་ཀེ་ཤྭ་ར་ཧཱུ་ནུ་སྨྲྀ་ཏི་ཀ་རཱ་ཡ་སྭཱ་ཧཱ། ཡི་དགས་རྣམས་ལ་སྲ་ར་ཟས། །ཅི་ཕྱིར་ཆུ་དང་བཅས་པ་སྩལ། །རྣལ་འབྱོར་ལྡན་པའི་རྣལ་འབྱོར་གྲོགས། །ལྷ་དང་འཇིག་རྟེན་སྐྱོང་བ་དང་། །འབྱུང་པོ་ཡི་དགས་ཀུན་བརྩོན་འགྱུར། །སེམས་
ཀྱི་ལྕགས་ཀྱུ་ལྡན་བྱ་སྟེ། །ཉོན་མོངས་སེམས་ལ་རབ་དྲངས་ཏེ། །ལྷ་ཀླུ་འབུམ་ཕྲག་སེམས་དགའ་བའི། །ཀུན་སློང་བྱང་ཆུབ་རིན་ཆེན་གྱི། །ལས་ལ་བསྒྱུར་བའི་ལྷག་བསམ་བསྐྱེད། །མཛད་པ་རྒྱ་ཆེ་ཀུན་གྲུབ་འགྱུར། །འཕགས་
པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བའི་རྒྱུད་ལས་སྔགས་ཀྱི་སྦྱོར་བའི་ལེའུ་སྟེ་བརྒྱད་པའོ།། །། དེ་ནས་འཁོར་གྱི་དཀྱིལ་འཁོར་ནས། །བྱང་ཆུབ་སེམས་དཔའ་སེམས་
དཔའ་ཆེ། །ཉི་མའི་སྙིང་པོ་ཞེས་བྱ་བ། །འཁོར་གྱི་ཚོགས་དང་བཅས་པ་ཞིག །མཆོད་པའི་བཀོད་པ་ཆེན་པོ་དང་། །བསྟོད་པའི་དབྱངས་དང་བཅས་པ་ཡིས། །བཅོམ་ལྡན་འདས་ལ་མཆོད་པར་བྱས། །སྐོར་བ་དུ་མ་བྱས་
ནས་ཀྱང་། །ཕྱག་འཚལ་གསང་བསྟོད་ཕྱོགས་གཅིག་འཁོད། །པུས་བརྩུགས་ཐལ་སྦྱར་འདི་སྐད་གསོལ། །མགོན་པོ་ཡོན་ཏན་ཀུན་གྱི་རྒྱལ། །ཡེ་ཤེས་རྨད་ཀྱི་འབྱུང་གནས་གཙོ། །ཐར་པའི་ལམ་ཆེན་ཉི་ཤར་རྒྱལ། །

98-1-300b

འདྲེན་པ་རྒྱ་མཚོ་ཕྱག་འཚལ་ལོ། །མཚན་དཔེ་མཐར་ཐུག་མེད་པའི་སྐུ། །གཟི་བརྗིད་རྒྱ་ཆེ་མཁའ་ཁྱབ་ལ། །བློ་གྲོས་ཡངས་པའི་ནམ་མཁའ་ཅན། །སྐུ་ཡི་གསང་བ་ཕྱག་འཚལ་ལོ། །ཚངས་དབྱངས་དུ་མ་བསམ་མི་ཁྱབ། །
ནམ་མཁའ་ཡངས་པའི་མཐའ་བཀང་ནས། །ཚད་མེད་ཡན་ལག་བཅུ་གཉིས་བྱུང་། །གསུང་གི་གསང་བ་ཕྱག་འཚལ་ལོ། །ཏིང་འཛིན་རྣམ་ཐར་བསམ་གཏན་སྒོ། །བསམ་ཡས་བསམ་དུ་མེད་བསམ་པས། །བསམ་མི་
ཁྱབ་པའི་ཤེས་རབ་དང་། །ཐུགས་རྗེའི་ཐུགས་ལ་ཕྱག་འཚལ་ལོ། །འགྲོ་བའི་ཉོན་མོངས་འཆིང་གཅོད་པའི། །མ་རིག་གཡུལ་ལས་རྒྱལ་བྱེད་པ། །ཀུན་རྟོག་དྲ་བ་སེལ་བ་ཡི། །སྒྲོན་མ་དེ་རིང་བཤད་དུ་གསོལ། །བྱིས་རྣམས་
མུན་པའི་འོབས་སུ་ལྟུང་། །ཉན་ཐོས་འདོད་ཆགས་ཚིག་གིས་སྐྲག །རང་རྒྱལ་གསང་བའི་བཟོད་དང་ལྡན། །བྱང་ཆུབ་སེམས་དཔའ་འཆིང་བས་འཇིགས། །ཉོན་མོངས་མངའ་བདག་གསང་སྔགས་ལ། །ཤེས་རབ་སྙིང་
རྗེའི་སྦྱོར་བ་ཡིས། །བག་ཆགས་བཅས་པ་གཏན་སྤོང་བའི། །ཐབས་མཆོག་དུ་མ་བཤད་དུ་གསོལ། །དེ་ནས་བཅོམ་ལྡན་ཐུབ་པ་ཆེ། །འོད་ཟེར་ཕྱོགས་བཅུར་རྒྱས་བྱས་ནས། །ཚངས་པའི་དབྱངས་ཆེན་གསུང་སྙན་པས། །
ནམ་མཁའི་ཁམས་ཆེན་རབ་བཀང་ནས། །ཤེས་རབ་སྙིང་རྗེར་འབྲེལ་བ་ཡི། །སྦྱོར་བའི་ཆོ་ག་དུ་མ་རྣམས། །བསྡུས་པའི་དོན་དུ་བྱས་པ་འདི། །ཉི་མའི་སྙིང་པོ་ཉན་པ་ནི། །ལེགས་སོ་བྱང་ཆུབ་སེམས་དཔའ་ཆེ། །དཔལ་དང་
ལྡན་པ་ཁྱོད་ལེགས་སོ། །རྩེ་གཅིག་གུས་དང་བཅས་པ་ཡི། །སེམས་ཀྱིས་ལེགས་ཉོན་ཡིད་ལ་ཟུང་། །ཉམས་དགའ་བདེ་བའི་ས་ཕྱོགས་སུ། །ཤིན་དུ་དགའ་བའི་ས་ལས་ནི། །དཀྱིལ་འཁོར་གྲུ་བཞི་ལྷམ་པ་བྱ། །གྲུ་བཞི་
སྒོ་བཞི་རྟ་བབས་བཅས། །ཤར་རམ་ལྷོ་ཡི་སྒོ་གཏོད་བྱ། །དཀར་པོ་སེར་པོ་དམར་པོ་དང་། །ལྗང་ཀུའི་ཚོན་གྱིས་བྲི་བར་བྱ། །དབུས་སུ་པད་མ་འདབ་བརྒྱད་པ། །དཀར་པོའི་ལྟེ་བར་འཚམ་བར་དམར། །མུ་ཁྱུད་གཉིས་དང་ལྡན་

98-1-301a

པའོ། །གསེར་དངུལ་ཟངས་སམ་ས་ཉིད་ལ། །བུམ་པ་ལྟོ་ཡངས་མགྲིན་པ་ཕྲ། །ཁ་གཡེལ་ཞབས་ཚོད་ཞུམ་པ་ལ། །ཤིན་ཏུ་གཙང་མར་བཀྲུས་ནས་ཀྱང་། །ག་པུར་གུར་གུམ་ཅུ་གང་དང་། །གླ་རྩི་གིའུ་ཝང་ཆུ་ཡིས་བཀང་། །
བྱ་གྲི་སེང་གྲི་ཧ་ས་དེར། །ཀ་རི་ཀར་ནི་དེ་བ་ཀོ། །ནས་འབྲས་ཏིལ་གྲོ་མོན་སྲན་དང་། །གསེར་དངུལ་བྱི་རུ་མུ་ཏིག་དང་། །མན་ཤེལ་ཡིན་ཏེ་རིན་ཆེན་ལྔ། །བུམ་པར་སྩལ་ནས་རས་དཀར་གྱིས། །མགུལ་པ་བཅིངས་ནས་ཁ་
རྒྱན་ཡང་། །དྲི་ཞིམ་ཤིང་ལོ་མེ་ཏོག་གཞག །མེ་ཏོག་ཕྲེང་དང་བཅས་པ་དེ། །པད་མའི་དབུས་སུ་བཞག་ནས་ཀྱང་། །རྒྱ་མཚོ་ཆེན་པོར་འཁྲུགས་པ་ནས། །དཔག་བསམ་ཤིང་ཆེན་འབྲས་བུར་བཅས། །འཇིག་རྟེན་དབང་
གིས་གང་བ་ཡི། །སྔགས་ཀྱང་མཐའ་ཡས་ཁྱབ་དམིགས་ནས། །སྔགས་ཀྱི་མཐུ་ཡིས་སངས་རྒྱས་ནས། །དགོངས་པ་རྒྱ་ཆེན་སྐྱེས་གྱུར་ཏེ། །ལེགས་སོ་བཀྲ་ཤིས་འབབ་པར་འགྱུར། །རྒྱལ་སྲས་རྣམས་དང་
རིག་པ་ཡི། །ལྷ་མོ་ཚོགས་དང་གླུ་ལེན་དང་། །བཀྲ་ཤིས་དུ་མ་བརྗོད་པར་འགྱུར། །དེ་ཚེ་མཁའ་ལ་ཡེ་ཤེས་ཀྱི། །འོད་ཟེར་བྱེ་བ་ཕྲག་བརྒྱ་ཡིས། །ཤིང་ཆེན་ཡོངས་སུ་སྨིན་པ་ལས། །བདུད་རྩི་ཆར་ཆེན་
འབེབས་པར་འགྱུར། །འཇིག་རྟེན་སྐྱོང་ལ་གཏོར་མ་སྦྱིན། །རྒྱལ་དང་རྒྱལ་སྲས་མཆོད་པར་བྱ། །སྐར་མ་ལ་སོགས་འབབ་པ་འམ། །ཚེས་གཅིག་ནས་ནི་ཉ་ཡི་བར། །སྔགས་ཀྱི་ཕྲེང་བ་བརྗོད་པར་བྱ། །
ལྷ་ལ་ཡང་ཡང་བསྐོར་བར་བྱ། །ལས་རྣམས་གང་དང་གང་ལ་ཡང་། །ལྷ་ཡི་དབང་གྱུར་སྦྱར་བར་བྱ། །དེ་དང་དེ་ནི་ལས་རྣམས་ལ། །ཅི་བདེ་བར་ཡང་སྦྱར་བར་བྱ། །ཕྲན་ཚེགས་ལས་ལ་སྤྱན་མའི་སྔགས། །
ལྷོག་པ་འབྲུམ་བུ་ལ་སོགས་ལ། །མི་བཤོལ་བ་ཡི་སྔགས་ཀྱི་སྦྱར། །གདོན་རིགས་བཟློག་ལ་གར་དབང་སྟེ། །བྱད་སྟེམས་རིག་སྔགས་བཟློག་པ་ལ། །དོན་ཡོད་ཞགས་པའི་སྔགས་ཀྱིས་བཀྲུ། །ཤེས་རབ་

98-1-301b

འཕེལ་བ་རྡོ་རྗེ་ཆོས། །ཀླུ་ནད་ཧ་ལ་ཧ་ལས་སེལ། །ཚེ་འཕེལ་པད་མ་རྒྱན་ལུང་སྟེ། །མགྲིན་སྔོན་སྔགས་ཀྱིས་དཔལ་འཕེལ་བྱེད། །ཧ་རི་ཆེན་པོ་བདུག་སྤོས་ཏེ། །གདོང་བཅུ་གཅིག་པས་གློ་བུར་སེལ། །སེང་གེ་སྒྲས་
ནི་མཛེ་ནད་སེལ། །རྣལ་འབྱོར་ཡོ་བྱད་འདོད་པས་ནི། །ཡིད་བཞིན་ནོར་བུའི་སྔགས་ཀྱིས་བཀྲུ། །བཀྲ་ཤིས་རོལ་མོ་དུ་མ་དང་། །གཙང་སྦྲ་གོས་གསར་ལྡན་པ་ཡིས། །སྙན་པའི་གདངས་དང་ལྡན་པས་བཀྲུ། །མྱུར་
དུ་སྒྲིབ་པ་འབྱང་བ་དང་། །འདོད་ཡོན་ཀུན་གྲུབ་སྔགས་ཕྲེང་ནི། །གང་དང་གང་ཡང་སྦྱར་བར་འགྱུར། །ཕྲན་ཚེགས་གཞན་ལྟ་སྨོས་ཅི་དགོས། །ཟླ་བ་གཟས་བཟུང་གྱུར་པའི་ཚེ། །མར་སྲང་གཅིག་ནི་དངུལ་སྣོད་བཞུག །
སྐུ་གཟུགས་མདུན་བཞག་སྔགས་བརྗོད་ནས། །ཟླ་བ་སོས་ནས་མར་བླངས་ཏེ། །ཟོས་སཾ་ལུས་ལ་བྱུགས་པ་ཡིས། །ནད་རྣམས་ཞི་ཞིང་བདེ་བར་འགྱུར། །ལྡོང་རོས་གེའུ་ཝང་ཆ་མཉམ་པས། །སྐུ་ཡི་མདུན་
བཞག་སྔགས་སྟོང་བཟླ། །ཆུས་སྦྲུས་དཔྲལ་བར་ཐིག་ལེ་ནི། །ཁམས་གསུམ་མཐོང་ཞིང་འདོད་གསུམ་འགྲུབ། །ཆུ་དྲོན་སྦྱར་ནས་ལུས་བཀྲུས་ན། །ནད་དང་བགེགས་རྣམས་དག་པར་འགྱུར། །
བསེ་འབྲས་ལ་ནི་བརྒྱ་རྩ་བརྒྱད། །བཟླས་ནས་ཁྲོ་ཞལ་གཡས་ལ་བྱུག །དགྲ་དཔུང་ཕྱོགས་སུ་བསྟན་ན་ནི། །དགྲ་གཡུལ་ཤིན་དུ་ཉེས་པར་འགྱུར། །བལ་བུ་འབྲས་བུ་སྔགས་རེར་བཅས། །
བལ་བུ་ལེ་ལ་བརྒྱ་རྩ་བརྒྱད། །སྐུ་ཡི་དྲུང་དུ་བསྲེགས་པས་ནི། །མི་ཡམས་ཕྱུགས་ནད་ཐམས་ཅད་འཆད། །སྐུད་པ་གཙང་མ་མདོག་དམར་པོ། །སྔགས་རེ་བཏབ་པའི་མདུད་པ་བདུན། །
ཞལ་གཅིག་སྟེང་ཞལ་བཏགས་ནས་ནི། །ནད་པ་ལ་བཏགས་རིམས་ནད་ཞི། །སྔགས་རེ་མདུད་པ་ཉི་ཤུ་གཅིག །མདུན་ཞལ་སྟེང་བཞག་བླངས་བཏགས་པས། །མཁའ་འགྲོ་འབྱུང་པོ་རོ་ལངས་གདོན། །

98-1-302a

དྲག་པོས་ཟིན་པ་འཇོམས་པར་བྱེད། །གལ་ཏེ་དེས་ཀྱང་མ་སོས་ན། །མདུད་རེ་བརྒྱ་རྩ་བརྒྱད་བརྗོད་ནས། །ཞལ་གཅིག་མདུན་ཞལ་དབུར་བཏགས་ཏེ། །བླངས་ཏེ་བཏགས་ན་ངེས་པར་གྲོལ། །སྡུག་བསྔལ་
ནད་པ་ཡུན་རིངས་གདུངས། །ཁྱིམ་དུ་འདྲེ་གདོན་འཇིགས་ཞུགས་ནས། །འབྲུ་རེ་སྔགས་རེ་ཐང་འབྲོམ་འབྲས། །སྐུ་མདུན་བརྒྱ་རྩ་བརྒྱད་གྲངས་ཏེ། །གོང་ལྟར་བསྒྲུབས་པའི་སྐུད་པ་ཡང་། །ལུས་ལ་བཏགས་ན་གྲོལ་བར་ངེས། །
མི་མཛའ་བ་དང་འཁྲུག་པ་དང་། །བྱད་སྟེམས་དྲག་པོ་བཟློག་པ་ལ། །སྐུ་ལ་སྤོས་དང་མེ་ཏོག་མཆོད། །བི་ནཱ་ཡ་ཡི་གཟུགས་མདུན་དུ། །བྲ་བོའི་འབྲས་བུ་དགྲ་མིང་བསྲེག །སྔགས་རེ་མདུད་པ་བརྒྱ་རྩ་བརྒྱད། །མདུད་ལྡན་
གཡོན་གྱི་ཁྲོ་ཞལ་གདགས། །ཞག་བཞི་ལོན་ནས་སྐུ་ལས་དགྲོལ། །མདུད་པ་རེ་རེའི་བར་དུ་ནི། །སྔགས་རེ་བརྗོད་ཅིང་བཅང་བར་བྱ། །བདག་ལ་སྡང་བྱེད་སྐྱབས་སུ་འོང་། །རྫས་དང་སྔགས་ཀྱི་ནུས་པའོ། །བརྩོན་པའི་བར་
ཆད་བསལ་བ་ནི། །ཚོན་སྣ་ལྔ་ཡི་སྐུད་པ་ལ། །མདུད་རེ་སྔགས་རེ་བརྒྱ་རྩ་བརྒྱད། །མདུད་ནས་མདུད་བཞག་སྟེང་བཏགས་པ། །ཞག་གཅིག་ལོན་དགྲོལ་ལུས་བཏགས་ན། །ལས་རྣམས་བཀྲ་ཤིས་ཚུལ་དུ་འགྲུབ། །གང་
ཞིག་བསྒྲིབས་པའི་གཤེགས་ལྡན་པས། །ལས་གང་འདོད་བཞིན་མི་འགྲུབ་ཅིང་། །དུས་དུས་བཀྲ་མི་ཤིས་བྱུང་ན། །གཙང་སྦྲ་བུམ་ཆུ་བཟང་པོ་གཉིས། །བརྒྱ་རྩ་བརྒྱད་བགྲངས་རེ་རེ་བརྗོད། །དང་པོས་སྐུ་
གཟུགས་བཀྲུ་བར་བྱ། །གཉིས་པས་བི་ན་ཡ་ཀ་བཀྲུ། །བརྒྱ་རྩ་བརྒྱད་ཀྱིས་སྔགས་བཏབ་ནས། །རང་ཉིད་དེ་ནས་བཀྲུ་བར་བྱ། །བར་ཆད་བྱང་ནས་འདོད་ཀུན་འགྲུབ། །ཅི་ལྟར་སྤྲུལ་པའི་གདོན་བསལ་ཕྱིར། །བྱི་ལའི་
མགོ་རུས་ཐལ་བ་དང་། །ས་བཟང་ཆུ་གཙང་སྦྲུས་པའི་ས། །བྱི་ལ་ཡི་ནི་གཟུགས་བྱས་ཏེ། །སྐུ་ཡི་མདུན་དུ་བཞག་ནས་ཀྱང་། །ཁྲོ་ཞལ་གཡོན་པར་སྲད་བུས་གདགས། །རྟ་མགྲིན་སྔགས་ནི་སྟོང་ཕྲག་བྲབ། །གཟུངས་རྒྱ་

98-1-302b

བཟླས་པའི་རལ་གྲི་ཡིས། །དུམ་བུ་བརྒྱ་རྩ་བརྒྱད་དུ་ཏུབ། །དུམ་བུ་རེ་རེ་སྔགས་རེ་དང་། །དོང་གི་ནང་དུ་དོར་བར་བྱ། །དེ་དག་གནོད་པ་གཏན་དུ་སེལ། །མིག་ནད་སྣ་ཚོགས་མ་རུངས་ལ། །འབྲས་བུ་གསུམ་པ་ཞིབ་ཏུ་བཏགས། །
སྦྲང་དཀར་ཁྱེའུ་འཚོ་ནུ་ཞོར་བཅས། །བུ་ཚས་གསར་པའི་བུད་མེད་དང་། །ཁྱི་ཕག་དག་གིས་མ་མཐོང་བྱས། །ཐུམ་པོ་འཛུམ་པའི་ཞལ་ལ་བཏགས། །སྔགས་སྟོང་བཟླས་ནས་སྦྱར་བ་དེས། །མིག་དུ་བླུགས་ན་མིག་
འབྲས་སྐྱེ། །མིག་ནད་ཐམས་ཅད་སེལ་བར་བྱེད། །མིག་རྣོན་དག་ཀྱང་འཐོབ་པར་འགྱུར། །ལྷག་མ་མ་ཡིན་ཁྲོན་པའི་ཆུས། །ག་བུར་གུ་གུལ་ཆ་མཉམ་བསྐོལ། །ཁྱོར་གང་འདག་པར་འགྱུར་བ་དེ། །རྩ་བའི་
ཞལ་གདངས་སྔགས་སྟོད་བཟླས། །བཀྲོལ་ནས་རིལ་བུ་བྱས་མིད་ན། །ཧ་ལ་ཧ་ལའི་དུག་འཇོམས་འགྱུར། །གླང་པོ་དཀར་པོའི་གིའུ་ཝང་ནི། །མཐིང་བུམ་བཞག་ནས་སྐུ་ཡི་མདུན། །སྟོང་རྩ་བརྒྱད་བཟླས་ཡན་
ལག་བསྐུལ། །དཔྲལ་བར་ཐིག་ལེ་བྱས་གྱུར་ན། །ལྷ་ཀླུ་འབྱུང་པོ་མི་རྣམས་དགའ། །ཁྱོ་ཤུག་མི་མཐུན་བརྟགས་པ་ལ། །ངུར་པའི་མཇུག་སྒྲོ་སྐུའི་མདུན་དུ། །སྟོང་བཟླས་ལག་ཏུ་བླངས་ན་འདུམ། །ཆུ་སྐམ་པ་
འམ་ཆར་མེད་ན། །ལིང་གའི་དྲུང་དུ་སྐུ་བཞུགས་ལ། །ཆེར་མཆོད་ནས་ནི་སྐུའི་མདུན་དུ། །སྟོང་བརྗོད་ཆུ་སྐྱེས་ཆར་ཆེན་འབེབས། །གང་ཞིག་ཆར་ཆེ་རིང་འདོད་ནི། །འགོག་པར་སྙོམས་ཞུགས་ཕྱག་རྒྱ་བཅིང་། །སྐུ་ཡི་
མདུན་དུ་རྟག་པར་ནི། །ཨ་ཀ་རུ་ནག་བདུགས་པ་སོགས། །མཆོད་པས་རྒྱུན་དུ་མཆོད་བྱ་ཞིང་། །བརྒྱད་ནས་ཉ་བར་སྔགས་སྟོང་བརྗོད། །མིག་གི་མངོན་ཤེས་བསྒྲུབ་པའི་ཕྱིར། །དྲི་ཞིམ་དཀྱིལ་འཁོར་གྲུ་བཞི་ལ། །
རྒྱལ་མཚན་བ་དན་ཁ་དོག་བཞི། །བླ་རེ་ཡོལ་བ་དཀར་པོ་ཡི། །དབུས་སུ་པད་མ་ལྔ་བྲིས་ཏེ། །རིང་བསྲེལ་ལྡན་པའི་སྐུ་གདུང་བཞུགས། །ཙན་དན་དཀར་པོའི་དྲི་ཆུ་དང་། །བདུག་པས་རྒྱུན་དུ་མཆོད་པར་བྱ། །བ་མདོག་

98-1-303a

སེར་སྐྱའི་མར་གྱི་ནི། །སྒྲོན་མའི་ཕྲེང་བས་མཆོད་པར་བྱ། །མན་ཤི་རི་ཀ་ཀུ་ཤུ་དང་། །པད་མ་དམར་དང་སྔོན་པོ་དང་། །རྒྱ་མཚོ་ཆབ་ཀྱི་དབུ་བ་དང་། །ཉ་རྒུན་ནག་པོའི་མྱུ་གུ་དང་། །མ་བརླབས་པ་དང་གུ་གུལ་དང་། །ཀུ་བ་ན་
ས་དང་གིའུ་ཝང་དང་། །གུར་གུམ་དམར་དང་སེར་པོ་དང་། །ཚ་བ་གསུམ་དང་ཆ་མཉམ་བརྡུངས། །དེ་རྣམས་ཕྱེད་ཚད་གླ་རྩི་དང་། །ག་བུར་སྩལ་ནས་རེ་རེའི་ཚད། །སྔགས་ནི་སྟོང་ཕྲག་རེ་རེའི་གྲངས། །སྐུ་ཡི་མདུན་དུ་བརྗོད་
པར་བྱ། །དེ་ནས་དཀྱིལ་འཁོར་དབུས་བཞག་ནས། །སྔགས་ཁྲིར་བཅས་ཏེ་ཉ་ལ་ནི། །ཟངས་ཀྱི་ཟ་མ་ཏོག་ཏུ་སྩལ། །སྐུ་ཡི་སྟེང་ཞལ་བཏགས་ནས་ནི། །མཆོད་པ་བྱས་ནས་གསོལ་བ་གདབ། །འཁར་བའི་ཐུར་མས་
མིག་ཏུ་སྩལ། །ལིང་ཐོག་གམ་ནི་མཆི་མ་འཛག །སྤྲིན་དཀར་སྤྲིན་དམར་གཡོས་པ་དང་། །ཀླད་པ་ན་དང་མིག་ནད་དང་། །གློ་བུར་ལོང་དང་ཐིབ་པ་སེལ། །ཉིན་གཉིས་བསྐུས་ན་ལུས་ཀྱི་ནད། །བཞི་བརྒྱ་རྩ་བཞི་སེལ་བར་
འགྱུར། །གསུམ་པ་གདོན་རྣམས་འབྲོས་པར་འགྱུར། །བཞི་པས་སྒྲིབ་པ་ཐམས་ཅད་བྱང་། །ལྔས་ནི་རྩོད་པའི་གཡུལ་ལས་རྒྱལ། །དྲུག་པས་རྨི་ངན་བྱད་སྟེམས་སེལ། །བདུན་པས་གློ་བུར་འཆི་བ་མེད། །བདུན་
ཕྲག་གཉིས་ཀྱིས་དབང་ཕྱུག་འཐོབ། །གསུམ་གྱིས་འབྱུང་པོ་དབང་དུ་འགྱུར། །བཞི་པས་གནོད་སྦྱིན་ལྔ་པས་ཀླུ། །ལྔ་པས་ལྷ་མི་སྲིན་པོ་རྣམས། །དྲུག་པས་མཁའ་ལྡིང་རི་བདུན་ལྷ། །བདུན་པས་ནག་པོ་ཆེན་པོ་
འགྲུབ། །བརྒྱད་པས་མ་མོ་དགུས་གཏེར་མཐོང་། །བཅུ་པས་འགྲོ་བའི་སྨན་པར་འགྱུར། །བཅུ་གཅིག་ལྷ་མོའི་ཁང་པར་ཕྱིན། །བཅུ་གཉིས་རིག་འཛིན་དྲང་སྲོང་ཁྱིམ། །བཅུ་གསུམ་ཀླུ་ཡི་ཁང་པར་ཕྱིན། །བཅུ་བཞི་སུམ་
བཅུ་གསུམ་པའི་གནས། །བཅྭ་ལྔ་མཚན་མོ་ཀུན་མཐོང་སྟེ། །བཅུ་དྲུག་ཁམས་གཏེར་མཐོང་བར་ངེས། །བཅུ་བདུན་རྡོ་རྗེ་ས་གཞི་དང་། །རླུང་གི་དཀྱིལ་འཁོར་ཐོག་པ་མེད། །བཅྭ་བརྒྱད་པས་ནི་ཉི་ལྟར་མགྱོག ། །བཅུ་དགུ་རྒྱལ་སྲས་ཀུན་མཐོང་འགྱུར། །

98-1-303b

ཉི་ཤུས་སྤྱན་རས་གཟིགས་ཉིད་ཀྱིས། །ལུང་བསྟན་དམ་ཆོས་བཤད་པར་འགྱུར། །ཉི་ཤུ་གཅིག་གིས་གཟུགས་ཁམས་ཕྱིན། །མངོན་ཤེས་ལྔ་དང་ལྡན་པར་འགྱུར། །ལོ་གཅིག་གིས་ནི་སངས་རྒྱས་ཀྱི། །ཞིང་ཁམས་དུ་མར་ཕྱིན་པ་
དང་། །དམ་ཆོས་ཉན་དང་ཞིང་སྤྱོད་འགྱུར། །མིག་སྨན་སྦྱོར་བ་བླ་མེད་འདི། །སངས་རྒྱས་མུ་སྟེགས་ཅན་ལ་གསང་། །དེ་ནས་གཞན་ཡང་བཤད་བྱ་བ། །སྣ་ཚོགས་སྨན་གྱི་སྦྱོར་བ་ཡིས། །བདག་དང་འགྲོ་བ་མ་ལུས་པའི། །འདོད་
པའི་དོན་ཀུན་འགྲུབ་བྱེད་ཉོན། །ག་པུར་གླ་རྩི་གིའུ་ཝང་དང་། །གུར་གུམ་ཛཱ་ཏི་ལི་ཤི་དང་། །ཀ་ཏན་ལ་དང་སུག་སྨེལ་དང་། །ཙན་དན་དཀར་དང་པད་མ་དང་། །གསེར་གྱི་མེ་ཏོག་ཨུད་པལ་སྔོ། །རེ་རེ་ལ་ཡང་སྔགས་སྟོང་བཟླ། །
སྦྲང་རྩི་དཀར་པོ་ལྷན་ཅིག་སྦྲུ། །དཀྱིལ་འཁོར་དབུས་སུ་སྐུ་ཡི་ཞལ། །དབུ་མ་ལ་ནི་གདགས་བྱ་སྟེ། །ཚེས་གཅིག་ནས་ནི་བཅུ་བཞིའི་བར། །ཉིན་རེ་སྔགས་སྟོང་བརྗོད་པར་བྱ། །མཆོད་པ་རྒྱ་ཆེར་མཆོད་པར་བྱ། །བསྟོད་
དང་གསོལ་བ་གདབ་པར་བྱ། །དགེ་སློང་དགེ་ཚུལ་དགེ་བསྙེན་གང་། །བཅྭ་ལྔའི་ཉིན་པར་ལྔ་སྟོང་བཟླ། །དེ་ནས་གཙང་མའི་སྣོད་བཞག་སྟེ། །དགོས་པ་གང་དང་གང་ལ་ཡང་། །ལྷ་ནི་དེ་དང་དེ་དག་སྦྱར། །གང་ལ་བགེག་ཀྱི་
གནོད་གྱུར་ནས། །པད་མ་གར་གྱི་སྔགས་ཀྱིས་བདུན། །འགོ་བའི་ནད་ཡམས་བསལ་བ་དང་། །ཧ་ལ་ཧ་ལའི་སྔགས་བཟླས་པས། །གོས་ལ་སོགས་པ་བདུག་པར་བྱ། །གཞན་དག་དགའ་བར་འདོད་པས་ནི། །ཡིད་བཞིན་
ནོར་བུའི་ཕྲེང་སྔགས་ཀྱིས། །མིག་གི་སྟེང་དུ་བྱུག་པར་བྱ། །རྒྱལ་པོ་རྒྱལ་མོ་ལ་སོགས་པ། །ཕོ་མོ་དབང་དུ་བྱ་འདོད་ན། །རྡོ་རྗེ་ཆོས་ཀྱི་ཕྲེང་སྔགས་ཀྱིས། །དཔྲལ་བར་ཐིག་ལེ་བྱ་བའོ། །མཛེ་ལ་སོགས་པའི་ནད་ལ་ནི། །
སེང་གེ་སྒྲའི་ཕྲེང་སྔགས་ཀྱིས། །ལུས་ལ་རེག་པ་བདེ་བར་བྱུག །ལོང་དུ་ཞུགས་པའི་ནད་ལ་ནི། །ཧ་རི་ཆེན་པོའི་སྔགས་དང་ཆུས། །རང་གི་ཁོང་དུ་བཏུང་བར་བྱ། །བྱད་སྟེམས་རིག་སྔགས་བཟློག་པ་ལ། །དོན་ཡོད་ཞག་པའི་

98-1-304a

སྔགས་ཀྱིས་བདུག །དུག་ནད་སེལ་ལ་མགྲིན་སྔོན་ཏེ། །སྒྲིབ་པ་སྦྱོང་བའི་དོན་དུ་ནི། །གདོང་བཅུ་གཅིག་པ་ཉིད་ཀྱིས་སྦྱར། །རྒྱལ་སྲིད་ཐོབ་པར་བྱེད་པ་ནི། །མགོན་པོ་པད་མ་རྒྱན་ལུང་ངོ་། །དེ་ནས་སྦྱོར་བ་
བཤད་བྱ་བ། །འབྱུང་པོ་ཤ་ཟ་མཁའ་འགྲོ་དང་། །ལུས་སྲུལ་པོ་དང་བརྗིད་བྱེད་ཀྱིས། །ཉིན་གཅིག་ནས་ནི་ཉིན་བདུན་བར། །གློ་བུར་བ་ཡི་རིམས་རྣམས་དང་། །རྟག་པའི་རིམས་དང་དྲག་པོའི་རིམས། །བརྟུན་བྱེད་ལ་སོགས་
རིམས་རིགས་དང་། །གློ་བུར་བ་དང་རྟག་པའི་གདོན། །ནད་དྲག་པོ་ནི་ཇི་སྙེད་དང་། །དུག་རིགས་རིམས་དང་ལྦ་བ་དང་། །འབྲས་དང་ལྷོག་པ་མེ་དབལ་དང་། །ཤུ་བ་རྔོ་དང་འབྲུམ་བུའི་རིགས། །ཕོལ་མིག་མེ་དབལ་བལ་ལྡོག་
སོགས། །མངོན་དུ་གང་དང་གང་སྣང་ལ། །སྔགས་སྟོང་བཟླས་པའི་འཇིམ་པ་ནི། །སྐུ་ཞལ་དབུས་ལ་བཏགས་ནས་ནི། །མཆོད་པས་མཆོད་དེ་སྔགས་ཁྲི་བརྗོད། །ཚེས་གཅིག་ནས་ནི་ཚེས་བརྒྱད་བར། །གསོལ་བ་ཡང་ནི་
གདབ་བྱས་ནས། །ཚེས་དགུའི་སྔ་དྲོ་དགྲོལ་བར་བྱ། །བདུན་ནམ་ཉི་ཤུ་རྩ་གཅིག་བརྗོད། །འབྲས་ཕྱེ་བ་མར་འབྲུ་བཟང་རྣམས། །ཤིང་རྩི་ཤི་འམ་བརྒྱ་རྩ་བརྒྱད། །བསྒྲགས་པས་ནད་ཡམས་གནོད་པ་ཞི། །ནད་ལ་མར་
ལྷག་ཉུང་ཞིག་བཏུང་། །ནད་གཟེར་གང་ཡང་འཇོམས་པར་འགྱུར། །ཡང་ན་འབྲུ་མེན་ཕྱེ་མ་འམ། །ས་འམ་སྤྲ་ཚིལ་གཟུགས་བྱས་ཏེ། །སྲད་བུས་ཁྲོ་བའི་ཞལ་བཏགས་ནས། །རིག་སྔགས་བརྒྱ་རྩ་བརྒྱད་བརྗོད་དེ། །
རལ་གྲིས་གཏུབས་ནས་སྦྱིན་སྲེག་བྱ། །བརྒྱ་ཕྲག་ལྔས་ནི་སྡང་བྱེད་ཉམས། །ཡང་ན་དུག་གིས་གཟུགས་བརྙན་བཏུམ། །དུག་ཁྲག་ནིམ་པའི་ཤིང་ལ་བསྲེག །དྲུག་བཅུ་རྩ་བཞི་གྲངས་ཀྱིས་ནི། །ཚར་བཅད་པ་ཡི་དབང་དུ་
འགྱུར། །འབྱུང་པོ་དྲག་པོ་ཞེན་པ་ལ། །གུ་གུལ་ཡུངས་ཀར་དེ་ལྟར་བསྲེག །བལ་པོ་སེའུ་ལྕུག་མ་ལ། །བུ་རམ་སྦྲང་རྩི་ཞོ་མར་སྦག །སྐུའི་མདུན་དུ་བསྲེག་པས་ནི། །འགོ་བའི་ནད་ཡམ་འཆད་པར་འགྱུར། །གུ་གུལ་དཀར་པོ་ཉི་ཤུ་

98-1-304b

གཅིག །བསྲེགས་ན་བྱང་ཆུབ་སེམས་དཔའ་འགུགས། །ཞོ་མར་སྦྲང་རྩི་ལུང་ཏང་ཤིང་། །ཉི་ཤུ་རྩ་གཅིག་སྐུ་མདུན་བསྲེག །ས་ཆེན་རྒྱལ་སྲས་ཀུན་མཉམ་པའི། །རྫུ་འཕྲུལ་ཆེན་པོ་དེས་རྙེད་འགྱུར། །གང་གི་བསོད་
ནམས་རྒྱས་འདོད་ན། །དྲི་བཟང་ཆུ་དང་ས་གཙང་ལ། །གྲུ་བཞི་ཁྲུ་གང་དཀྱིལ་འཁོར་བྱ། །དྲི་བཟང་ཤིང་ལ་ཁྲུ་གང་བརྩིག །མན་འཛུ་ཤ་ཀ་ཡུངས་ཀར་སྦྲང་། །འོ་མ་ཞོ་མར་ཨ་ཀ་རུ། །ཙན་དན་དཀར་པོ་དམར་པོ་དང་། །དྲི་ཞིམ་མཐོ་གང་ཚད་ཀྱི་ཞིང་། །འབྲུ་བཟང་
ཚད་དང་བཅས་པ་དག །དང་པོར་སྔགས་སྟོང་བཟླས་ནས་ཀྱང་། །བརྒྱ་རྩ་བརྒྱད་དུ་བསྒྲགས་པ་ཡིས། །ཚེ་རིང་ནད་མེད་རྒྱལ་སྲིད་འཐོབ། །སྟོང་གིས་འཇིག་རྟེན་པ་དག་འགྲུབ། །ཁྲིས་ནི་འདོད་པའི་ལྷ་ཡིན་ཏེ། །འབུམ་གྱིས་
གཟུགས་ཁམས་མངོན་དུ་གྱུར། །ས་ཡས་རྒྱལ་སྲས་ཀུན་མཐོང་ཞིང་། །མངོན་ཤེས་དྲུག་དང་ལྡན་པར་འགྱུར། །བྱེ་བས་རྒྱལ་བ་ཀུན་མཐོང་ཞིང་། །ཞིང་ཁམས་དུ་མ་སྤྱོད་པར་འགྱུར། །གཞན་ཡང་ཕྲན་ཚེགས་ལས་རྣམས་
ལ། །ཅི་སྲིད་ཉི་ཤུ་རྩ་གཅིག་ནས། །བརྒྱ་རྩ་བརྒྱད་ཀྱི་བར་དུ་སྦྱོར། །སྔགས་དང་ལྷ་ལ་སེམས་བརྟན་བྱ། །ནད་ཡམས་དྲག་པོ་བསལ་བ་ལ། །གཙོ་བོར་འབྲས་བུ་གསུམ་བསྲེག་གོ། གདོན་ཆེན་རྣམས་ནི་བསལ་བ་ལ། །
གུ་གུལ་སྒོག་པ་རྔ་མོའི་ཤ །བརྒྱ་རྩ་བརྒྱད་དུ་བསྲེག་པར་བྱ། །རྨི་ལམ་ངན་དང་མཚན་མ་ངན། །ཕྲ་མོ་ནད་དང་གདོན་རིགས་ལ། །དུར་བ་ཡུངས་ཀར་མཆོག་ཏུ་བཤད། །འབྲུ་རྣམས་གང་དང་གང་འདོད་ལ། །འབྲུ་རིག་
དེ་ཉིད་སྦྱིན་སྲེག་བྱ། །ཆར་པ་དབབ་པར་འདོད་པས་ནི། །ཙམ་པ་ཀ་དང་རྣམ་གསུམ་དང་། །མངར་གསུམ་ནཱ་ག་གེ་སར་དང་། །དབང་པོ་ལག་གི་སྦྱིན་སྲེག་ནི། །ཅི་འདོད་ཆར་པ་འབབ་པར་འགྱུར། །གལ་ཏེ་བཅད་
པར་འདོད་པས་ནི། །ཐལ་བ་དེ་དང་ཡུངས་ཀར་གྱིས། །ནན་ཏན་ཕྱོགས་བཞིར་གར་དབང་གི། སྔགས་ཀྱིས་ཡང་ཡང་གཏོར་བར་བྱ། །ཡུངས་ཀར་ཞོ་མར་སྦྲང་རྩི་དང་། །འབྲས་ཡོས་ཀྱིས་ནི་བྱིས་པ་སོས། །

98-1-305a

གདོན་ནམ་རིམས་ལས་འཇིགས་པ་དང་། །ཁྱིམ་བསྲུང་བར་ནི་འདོད་པ་ཡིས། །པད་མ་དམར་པོའི་སྦྱིན་སྲེག་ནི། །ཉི་ཤུ་རྩ་གཅིག་ཁོ་ན་བྱ། །སེམས་བཟང་གཉུགས་རིང་འདོད་པས་ནི། །ཙན་དན་དཀར་པོའི་སྦྱིན་
སྲེག་བྱ། །ཕྲན་ཚེགས་ཡམས་ནད་སེལ་བ་ལ། །ལོ་མ་ཙམ་གྱི་སྦྱིན་སྲེག་བྱ། །ཕྱུགས་ནད་སེལ་བར་འདོད་པའི་ཚེ། །འོ་མ་མེ་ཏོག་དཀར་བཅས་བསྲེག །ནད་དང་གདོན་བཅས་སེལ་བ་ལ། །མངར་གསུམ་འབྲུ་བཟང་
ག་པུར་བཅས། །དུར་བ་དཀར་པོའི་ཡམས་ཤིང་རྣམས། །དྲི་བཟང་བྱུགས་པས་ནད་རྣམས་སེལ། །ཆོ་ག་དེ་ལྟར་ལྡན་པས་ནི། །སྣ་ནད་རུ་རྟ་འབྲུ་མར་བྱུག །ཡང་ན་གྲེ་བར་སྔགས་བཅས་གདགས། །བྱིས་པ་གདོན་
གྱིས་ཉེན་པ་ལ། །འབྲུ་མར་རམ་ནི་སྲད་བུ་བྱ། །དུད་འགྲོ་ལ་ནི་ཆུ་ཉིད་དམ། །ཡང་ན་སྲད་བུ་བྱ་བ་སྟེ། །རྩི་མར་དག་གིས་མཆོག་ཏུ་འགྱུར། །སྦྱོར་རྣམས་གང་དང་གང་ལ་ཡང་། །སྐུ་བྱད་མཚན་དཔེ་ལྡན་པ་ནི། །
མེ་ལོང་ནང་གི་གཟུགས་ལྟར་དམིགས། །གསོལ་བ་བཏབ་པས་འགྲུབ་པར་འགྱུར། །དང་པོ་སྐྱེ་མཆེད་དྲུག་ལྡན་སེམས། །ཐུན་མོང་རིགས་ཅན་སྲ་བའི་ཁམས། །གཉིས་པ་མོས་དང་ལྡན་པ་ནི། །ཐུན་མོང་ཀུན་དུ་
ཞུགས་པའི་རིགས། །གསུམ་པ་རིག་པའི་རྟགས་ལྡན་པ། །རིག་འཛིན་གསང་སྔགས་འཆང་བའི་རིགས། །བཞི་པ་ལྷག་སེམས་མཐུན་ལྡན་ཞིང་། །གསང་སྔགས་སྔོན་དུ་གྱུར་པ་ཡི། །ལྔ་པ་བླང་དོར་མེད་པའི་སེམས། །དྲུག་པ་
བདག་གཞན་དབྱེར་མེད་སེམས། །བདུན་པ་ཆོས་རྣམས་རྒྱལ་བའི་སེམས། །བརྒྱད་པ་འཕགས་པའི་བདེན་པའི་སེམས། །དགུ་པ་རྟེན་འབྲེལ་ཟབ་སྣང་སེམས། །བཅུ་པ་མཚན་བྲལ་གྲུབ་པའི་སེམས། །བཅུ་གཅིག་མཚན་
བྲལ་སྣང་བའི་སེམས། །བཅུ་གཉིས་ཆོས་ཀྱི་སྒོ་ཡི་སེམས། །བཅུ་གསུམ་ལྷག་པར་འབྱུང་བའི་སེམས། །བཅུ་བཞི་ཤེས་བྱ་མཐར་ཐུག་སེམས། །རྒྱས་དང་གསལ་དང་ཁྱབ་པ་དང་། །རྟག་དང་འགྱུར་མེད་གྱ་ནོམ་པའི། །

98-1-305b

གནས་སྐབས་བཅུ་བཞིར་རབ་ཏུ་རྟོགས། །སེམས་རྟོགས་གྱུར་ནས་སངས་རྒྱས་ཆོས། །རྒྱུད་ཀུན་དུ་ནི་རྒྱལ་བས་བཤད། །འོད་ཟེར་ལྕགས་ཀྱུ་ཁྱུད་མོའི་བར་ཏུ་ནི། །སྤྲོས་པས་ལྷ་འབུམ་ཕྲག་དགེ་ཀུན་སློང་སེམས། །དཀར་པོ་
སྐྱེས་ནས་བྱང་ཆུབ་རིན་ཆེན་གླིང་། །ཐོབ་མཛད་བློས་བསྒྱུར་འདི་ནི་ངོ་མཚར་ཆེ། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་སྐུ་ལ་རྟེན་པའི་སྦྱོར་བའི་ལེའུ་སྟེ་དགུ་
པའོ།། །། དེ་ནས་འཇིག་རྟེན་སྐྱོང་བའི་ཚོགས། །རྒྱ་ཆེན་རྣམས་ཀྱི་དཀྱིལ་འཁོར་གྱི། །ཤར་ལྷོ་མཚམས་ན་བཞུགས་པ་ཡི། །ཉ་ན་ཀ་ཞེས་ལ་སོགས་པ། །དྲང་སྲོང་ཚོགས་རྣམས་མགྲིན་གཅིག་ཏུ། །བཅོམ་ལྡན་
འདས་ལ་འདི་སྐད་གསོལ། །ཨོཾ་ཀུན་མཁྱེན་ཡེ་ཤེས་ཉི་ལྟར་ལྷ། །མཚན་དཔེ་དུ་མས་བརྒྱན་མཛད་པ། །བདུད་ལས་རྒྱལ་བ་རྐང་གཉིས་མཆོག །འདྲེན་པ་རྣམས་ལ་ཕྱག་འཚལ་ལོ། །ཞི་བ་ཆགས་བྲལ་འོད་གསལ་
བ། །རྒྱུན་ཆད་མེད་པའི་འཁོར་ལོའི་ཚུལ། །སྐྱེ་རྒ་ན་འཆི་ལས་སྒྲོལ་ཞིང་། །རྣམ་དག་བསྒྲུབ་གསུམ་ཆོས་ཕྱག་འཚལ། །ས་ཆེན་ས་ཆེན་གཞན་རྣམས་ཀྱང་། །ས་ལ་འདྲེན་མཛད་ཚོགས་ཆེན་རྫོགས། །རྒྱུན་
མི་འཆད་དུ་སྐུ་འབྱུང་བ། །ཐལ་སྦྱར་པུས་བཙུགས་ཕྱོགས་གཅིག་འཁོད། །དེ་ནས་རྒྱལ་བ་ཀུན་གྱི་ཡབ། །དབང་ཕྱུག་ཆེན་པོ་མཆོག་གི་ལྷ། །སྤྱན་རས་གཟིགས་དབང་ཐུགས་རྗེ་ཅན། །འགྲོ་ལ་ཐུགས་བརྩེའི་སླད་དུ་ནི། །རིག་
སྔགས་བླ་ན་མེད་པ་གསུང་། །སྔགས་དེ་མྱུར་དུ་འགྲུབ་པ་དང་། །སྐོངས་དང་ངག་ལ་སེལ་བའི་ཕྱིར། །མེ་ཡི་ལས་ལ་བརྟེན་པའི་ཕྱིར། །སྦྱོར་བ་རིམ་པ་བཤད་དུ་གསོལ། །དེ་སྐད་གསོལ་ནས་དྲང་སྲོང་ཚོགས། །ཕྱག་
འཚལ་བསྐོར་བ་བྱས་ནས་ཀྱང་། །མཆོད་པའི་ཆར་ཆེན་ཕབ་པ་སྟེ། །ཐལ་སྦྱར་པུས་བཙུགས་ཕྱོགས་གཅིག་འཁོད། །དེ་ནས་རྒྱལ་སྲས་ཀུན་གྱི་ཡབ། །འགྲོ་བའི་གཉེན་གཅིག་འདྲེན་པའི་གཙོ། །སྦྱིན་སྲེག་ལས་ཀྱི་ཆོ་ག་འདི། །

98-1-306a

ནན་ཏན་དུ་ནི་བཀའ་སྩལ་ཏོ། །ས་བཟང་དྲི་བཟང་ཆུར་བཅས་པས། །དཀྱིལ་འཁོར་གྲུ་བཞི་ལྷམ་པ་བྱ། ། བུད་ཤིང་འོ་མ་ཅན་རྣམས་ནི། །མེ་ཏོག་བཟང་པོའི་ཤིང་ལ་བསྲེག །གདོན་ནད་ཞི་བར་འདོད་པས་ནི། །འབྲས་བུ་
གསུམ་སོགས་ཤིང་རྣམས་བསྲེག །གདོན་ཕྲན་ལ་ནི་མངར་གསུམ་དང་། །དུར་བ་དཀར་པོ་བསྲེགས་པས་ཞི། །རྨི་ལམ་ངན་དང་ལྟས་ངན་གང་། །འབྲས་ཕྱེ་མར་སྔགས་སེལ་བར་བྱེད། །གོས་དང་སྣོད་བཅད་རྫས་དང་
ལུས། །གཞན་གྲིབ་ངན་པས་གོས་པ་ལ། །འབྲས་ཕྱེ་མར་དང་སྤོས་དཀར་དང་། །མེ་ཏོག་དཀར་པོ་བསྲེག་པར་བྱ། །ཏིང་ལོ་བྱིད་ཀྱི་མེ་ཏོག་བསྲེག །མིག་ནད་ཐམས་ཅད་སེལ་བར་བྱེད། །མ་སུ་ལི་མ་རྩ་བར་བཅས། །བསྲེག་
ན་རྣ་བའི་ནད་སེལ་འགྱུར། །ཙན་དན་གླ་རྩི་བ་མར་བསྲེགས། །སྣ་ཡི་ནད་རྣམས་ཐམས་ཅད་སེལ། །མུ་ཟི་གུ་གུལ་རི་ལུ་བསྲེགས། །སོ་དང་ལྕེ་ཡི་ནད་སེལ་འགྱུར། །སོ་ནྃ་ཛ་དང་ཀ་ཀུ་ར། །བསྲེགས་པས་སྐེ་ནད་འཇོམས་
པར་བྱེད། །སྦྲང་རྩི་ཙན་དན་ཤ་ཀ་ར། །བསྲེག་པས་གློ་ནད་སེལ་བར་བྱེད། །འབྲས་བུ་གསུམ་དང་ཞོ་ཤ་ལྔ། །བསྲེགས་པས་སྙིང་ནད་སེལ་བར་བྱེད། །འུ་སུ་སྦྲང་དང་བྱི་དང་ཀ །བསྲེགས་པས་མཆིན་པའི་ནད་སེལ་འགྱུར། །
མེ་ཏོག་ཁ་དོག་ལྔ་བསྲེགས་ན། །ཕོ་བ་ལ་སོགས་ནང་གྲོལ་ནད། །མ་ལུས་ཐམས་ཅད་ཞི་བར་བྱེད། །ལུས་མཛེས་པ་ཡང་ཐོབ་པར་འགྱུར། །ནོར་འདོད་པས་ནི་སེང་ལྡེང་མེར། །བ་སེར་ཞོ་དང་མར་བསྲེག་
བྱ། །གོས་མདོག་གང་དང་གང་འདོད་ལ། །དེ་དང་མཚུངས་པའི་མེ་ཏོག་དང་། །སྲད་བུ་སོར་ནི་བཅུ་གཉིས་པ། །ཤིང་མདོག་དེ་དང་མཐུན་པ་ཡི། །དྲི་ཞིམ་དག་ལ་བསྲེག་པར་བྱ། །རྙེད་འགྱུར་ཐེ་ཚོམ་མི་བྱའོ། །པྲི་ཡང་ཀུ་
དང་ཀ་ལིང་ཀ །པདྨའི་ཟེ་བ་ཡལ་སྡོང་ལ། །བསྲེགས་ཅིང་གསོལ་བ་གདབ་པ་ནི། །གཏེར་གྱི་ལོངས་སྤྱོད་རྒྱས་པར་འགྱུར། །འབྲས་དང་མྱུ་གུའི་འབྲས་བུ་སོགས། །བསྲེག་ན་ལོངས་སྤྱོད་བརྟན་པར་འགྱུར། །འདན་འདོད་པ་ལ་དང་འབྲས་

98-1-306b

བུ་གསུམ། །བརྒྱ་བསྲེགས་བུ་དང་བུ་མོ་འཕེལ། །འབྲས་ཡོས་འཕེལ་བར་འདོད་པས་ཀྱང་། །སྲི་ཀ་འཛ་ཏི་མེ་ཏོག་དཀར། །བ་དཀར་འོ་མ་ཞོ་མར་བཅས། །བསྲེགས་པས་འཁོར་དང་དམག་དཔུང་འཕེལ། །དེ་འབུམ་གྲངས་
ཀྱིས་རྒྱལ་སྲིད་འཐོབ། །མངར་གསུམ་བིལ་བའི་འབྲས་བུ་ལ། །འབུམ་གྱིས་རང་ཉིད་རྒྱལ་པོར་འགྱུར། །སྔགས་མཐུ་རྒྱས་པའི་དོན་དུ་ནི། །ནིམ་པའི་ཤིང་ལ་མར་དང་ནི། །ཡུངས་ཀར་དཀར་པོ་སྦྲང་བཅས་ལ། །བརྒྱ་རྩ་བརྒྱད་
དུ་བསྲེག་པར་བྱ། །གང་གིས་རྒྱལ་པོ་འཁོར་དང་བཅས། །དབང་དུ་བྱ་བར་འདོད་པ་ཡིས། །ཡུངས་ཀར་རྒྱལ་བའི་ཡུངས་ཀར་བཅས། །རྒྱ་སྲན་དྲུག་དུ་བསྲེག་པར་བྱ། །གནོད་སྦྱིན་མོ་རྣམས་དབང་འདོད་ན། །མྱ་ངན་མེད་
པའི་ཡམ་ཤིང་ལ། །འབྲས་བུ་གསུམ་དང་གུར་གུམ་ནི། །སྟོང་ཕྲག་གཅིག་ཏུ་བསྲེག་པར་བྱ། །གནོད་སྦྱིན་ཚོགས་དབང་བྱེད་པ་ལ། །འབྲས་བུ་གསུམ་པའི་ཤིང་ལ་ནི། །འབྲས་བུ་གསུམ་དང་གུ་གུལ་ལ། །སྟོང་ཕྲག་གཉིས་སུ་བསྲེག་པར་བྱ། །ལྷ་
རྣམས་དབང་དུ་བྱ་འདོད་པས། །ཨ་རུ་ར་ཡི་ཤིང་སར་ལ། །འོ་མ་ཞོ་མར་སྦྲང་རྩི་ལ། །སུམ་སྟོང་བསྲེག་པས་ལྷ་དབང་འགྱུར། །བུད་མེད་དབང་དུ་འདོད་པས་ནི། །ཏིལ་དང་འབྲས་སོགས་ཕུབ་མ་ལ། །འབྲས་དང་རང་བྱུང་བརྒྱ་རྩ་བརྒྱད། །
བསྲེག་པས་བཟང་མོ་དབང་དུ་འགྱུར། །བྱིས་པ་དབང་དུ་འདོད་པས་ནི། །པྲི་ཡང་ཀུ་ཡི་སྦྱིན་སྲེག་བྱ། །ལས་རྣམས་གང་དང་གང་ལ་ཡང་། །དེ་དང་མཚུངས་པའི་སེམས་ཀྱིས་སྦྱོར། །ཞི་བ་ཞི་བའི་ཡིད་ཀྱིས་ཏེ། །སྐལ་བཟང་བློ་ནི་རྒྱས་
པ་ལ། །ཆགས་དང་འདུན་སེམས་ལྡན་པས་ནི། །དབང་དུ་འགྱུར་ལ་ཐེ་ཚོམ་མེད། །ཁྲོ་དང་བཅས་པའི་ཡིད་ཀྱིས་ནི། །དྲག་པོའི་ལས་སུ་འགྱུར་བ་ཡོད། །བརྟན་པོ་དལ་འབྱོར་ལྡན་པའི་བློ། །རྒྱུན་རྟག་གསལ་བ་ཡོད་གྱུར་པས། །
ཅི་ལྟར་བསམས་པ་དེ་འགྲུབ་ཀྱི། །གཞན་དུ་ཡང་ནི་དེ་ལྟར་མིན། །མིག་ལ་སྐྱོན་ཞུགས་ལུས་ཀྱི་ནི། །དངོས་གང་གསལ་བར་བལྟ་བ་ལྟར། །བླ་མ་དང་ནི་བྲལ་གྱུར་ན། །སྔགས་ཀྱི་བྱིན་བརླབས་སྣང་བ་མེད། །ལུས་ངག་ཡིད་ཀྱི་སྒོ་ནས་ཀྱང་། །

98-1-307a

རྣམ་པ་ཀུན་དུ་བླ་མ་ལ། །དམོད་པ་འབད་དེ་སྤང་བར་བྱ། །དམད་པས་དམྱལ་སོགས་ངན་འགྲོར་འགྲོ། །བླ་མའི་ངག་ལས་བྱུང་བ་དང་། །ཏིང་འཛིན་སྔགས་དང་ཕྱག་རྒྱ་མཆོད། །ཨོཾ་རུ་རུ་སྥུ་རུ་ཛྭ་ལ་ཏིཥྛ་སིད་དྷ་ལོ་ཙ་ན་
སརྦ་ཨརྠ་སཱ་དྷ་ནི་སྭཱ་ཧཱ། བསང་གཏོར་དང་ཀུ་ཤ་དགྲམ་པའི་སྔགས་སོ། །ཨོཾ་ཛྭ་ལ་ཛྭ་ལཱ་ན་ལཱརྐ་སྭཱ་ཧཱ། སྦར་བའི་སྔགས་སོ། །ན་མཿས་མན་ཏ་བུད་དྷཱ་ཎཱྃ། ཨོཾ་ཨག་ནེ་ཡེ་ཨཱ་དཱི་པྱ་ཨ་བཱི་ཤ་མ་ཧཱ་ཤྲི་ཡེ་ཧ་བྱ་ཀ་བྱ་བ་ཧ་ནཱ་ཡ་
སྭཱ་ཧཱ། མཆོད་མར་གྱི་སྔགས་སོ། །ཨོཾ་སརྦ་པཱ་པྃ་ད་ཧ་ན་བཛྲ་ཡེ་སྭཱ་ཧཱ། ཏིལ་གྱི་སྔགས་སོ། །ཨོཾ་སརྦ་སྃ་པཱ་དེ་སྭཱ་ཧཱ། །ཞོ་དང་ཟན་དམ་པ་ཡིའོ། །ཨོཾ་བཛྲ་བསྨི་ཀུ་རུ་ཀུ་རུ་སྭཱ་ཧཱ། ཨུད་པལ་ལོ། །ཨོཾ་བཛྲ་པུཥྚ་སྭཱ་ཧཱ། འབྲས་ཀྱིའོ། །
ཨོཾ་བཛྲ་ཨ་པྲ་ཏེ་ཧ་ཏ་བཛྲ་སྭཱ་ཧཱ། ཀུ་ཤའོ། །ཨོཾ་བཛྲ་བི་ཛཱ་ཡ་སྭཱ་ཧཱ། ལག་པན་གྱིའོ། །ཨོཾ་བཛྲ་མཱ་ལེ་པུཥྤ་ཡེ་སྭཱ་ཧཱ། མངར་གསུམ་དང་དཀར་གྱིའོ། །ཨོཾ་བཛྲ་མ་ཧཱ་བེ་གཱ་ཡ་སྭཱ་ཧཱ། ནས་ཀྱིའོ། །ཨོཾ་མ་ཧཱ་བ་ལཱ་ཡ་སྭཱ་ཧཱ། སྲན་མ་མ་ཤ་ཡིའོ། །
ཨོཾ་བཛྲ་གྷསྨ་རི་སྭཱ་ཧཱ། གྲོའོ། །ཨོཾ་བཛྲ་ཡཛྙཱ་ཡ་སྭཱ་ཧཱ། ཨུ་དུམ་བཱ་རའོ། །ཨོཾ་ཏི་ཏི་པྲི་མི་སྭཱ་ཧཱ། བྱང་ཆུབ་ཤིང་ངོ་། །ཨོཾ་བཛྲཱ་ཡ་སྭཱ་ཧཱ། ནྱ་ཡ་གྲོ་དྷའོ། །ཨོཾ་བཛྲ་ནྃ་ཀ་ཡ་སྭཱ་ཧཱ། ཨ་མྲའིའོ། །ཨོཾ་ཨཱཿཧྲཱིཿཧཱུཾ། ཐམས་ཅད་དུ་བསང་བའོ། །ཆུས་
ནི་དག་པར་བྱེད་པ་དང་། །རྡུལ་སོགས་མུན་པ་ཞི་བར་བྱེད། །ཞི་བ་ཆུ་ཡི་དཀྱིལ་འཁོར་བར། །དཀར་པོ་ཟླུམ་པོ་ཁོ་ནའོ། །ས་ནི་རྩྭ་ཤིང་འབྲུ་མེ་ཏོག །བསྐྱེད་དང་དངོས་པོ་རྒྱས་པར་བྱེད། །རྒྱས་པའི་ས་ཡི་དཀྱིལ་འཁོར་ལྟར། །སེར་པོ་
གྲུ་བཞི་པ་ནའོ། །རླུང་གིས་སྡུད་དང་འབྱེད་པ་དང་། །དབང་དུ་བྱས་ནས་གཡོ་བར་བྱེད། །དབང་ལ་རླུང་གི་དཀྱིལ་འཁོར་ལྟར། །ཟླ་གམ་དམར་པོའི་ཁ་དོག་གོ། མེས་ནི་སྨིན་ཅིང་བསྲེག་པ་དང་། །དྲག་ཤུལ་གྱིས་ནི་ཡལ་བར་བྱེད། །
དྲག་པོ་གྲུ་གསུམ་མེའི་དཀྱིལ་འཁོར་ལྟར། །ནང་དམར་རྒྱབ་ནི་ནག་པོར་བྱ། །མཁའ་ལ་ཉི་མ་ཤར་བ་ནི། །མུན་པའི་སྒྲིབ་པ་ཞི་བར་བྱེད། །ཞི་ལ་ཤར་དུ་བལྟས་པ་སྟེ། །དཔལ་ལྡན་གོས་ཀྱང་དཀར་པོའོ། །ཉི་མ་བྱང་དུ་འགྲོ་བའི་ཚེ། །

98-1-307b

དངོས་པོ་རྒྱས་པར་འགྱུར་བའི་ཕྱིར། །རྒྱས་པ་བྱང་དུ་བལྟས་བྱ་བ། །གོས་ནི་སེར་རམ་ལྗང་ཁུ་ཤིས། །ཉི་མ་ཐལ་ནས་མཚན་མོ་ནི། །དབང་དུ་དངོས་པོ་འགྱུར་བའི་ཕྱིར། །དབང་ལ་ནུབ་ཕྱོགས་བལྟས་པ་དང་། །གོས་ཀྱང་དམར་སེར་
རབ་ཏུ་ཤིས། །ཉི་མ་ལྷོར་འགྲོའི་དུས་སུ་ནི། །ཤིན་དུ་གྲངས་བའི་ཆུ་ཡིས་ནི། །རྩྭ་སོག་དངོས་རྣམས་བསད་ནས་ཀྱང་། །དེས་དང་འཐོར་དང་དེངས་པ་དང་། །སྐབས་དང་གཡར་དང་དུབ་པ་དང་། །རབ་ཏུ་གཡོས་དང་བཅས་པར་
འགྱུར། །མངོན་སྤྱོད་ལྷོ་ཡི་ཕྱོགས་བལྟས་ནས། །གོས་ཀྱང་སྔོ་དང་ནག་པོ་བྱ། །ཙམ་པ་ཀ་དང་པུ་ཏི་ཀ །ལག་སྐྱེས་པད་མ་དཀར་པོ་དང་། །ཀུ་མུད་དཀར་པོ་ཟླ་སེང་རྣམས། །ཆུ་གཙང་དང་བར་བཅས་པ་དག །ཞི་བའི་ལས་ལ་
མཆོད་པར་བྱ། །མཉྫུ་ནཱ་ག་བི་ཤ་རི། །སུ་མུ་ལེ་དང་ཨ་སྤྲས་དང་། །གསེར་མདོག་ཆེན་པོ་ཆུ་དུང་དང་། །ཙིའུ་ལེ་སེར་དང་པད་མ་སེར། །ཆུ་བོ་ཆེན་པོ་ཆུར་བཅས་པ། །རྒྱས་པའི་ལས་ལ་བསྔགས་པའོ། །མུ་ཙི་ན་དང་མན་དུ་
དམར། །ལོ་ཡི་ཆེ་དང་ཉ་ཤ་རྣམས། །སིན་དུ་ར་དང་པད་མ་དམར། །ཀུ་མུ་ཏ་རིགས་དམར་པོ་རྣམས། །ལུ་མའི་ཆུ་དང་བཅས་པ་སྟེ། །དབང་གི་ལས་ལ་མཆོད་པར་བྱ། །ཨུ་པལ་ཀྵེ་པ་ལ་ཀ་དང་། །ཨུད་ཁྱེ་བ་བ་དང་མ་
མི་ཤི། །ཛུ་མོང་སྦྱིན་ལ་མགོ་བོ་དང་། །ཕག་རྣ་དཎྜོཏ་པ་ལ་རྣམས། །ཁྲོན་པའི་ཆུ་དང་ལྷན་ཅིག་ཏུ། །མངོན་སྤྱོད་ལས་ལ་མཆོད་པར་བྱ། །སཱ་ལུ་དཀར་པོ་ཟན་དང་ཞོ། །པྲི་ཀ་སྤོས་ནི་ཞི་བ་ལ། །སཱ་ལུ་དམར་པོའི་ཟན་
འོ་མ། །ཙན་དན་དམར་པོ་དབང་ལའོ། །གྲོ་དང་མ་ཤ་བསེར་བའི་ཟན། །ཧུ་ལུ་ཀ་ནི་རྒྱས་པ་ལའོ། །ནས་དང་བྲ་བོའི་ཟན་གུ་གུལ། །བཙོས་པའི་ཤ་དང་ལྷན་ཅིག་སྟེ། །དྲག་པོའི་ལས་དེ་ཞལ་ཟས་དང་། །བདུག་སྤོས་
བྱེ་བྲག་ཤེས་པར་བྱ། །རྩི་མར་དང་ནི་ཨ་བ་སེའི། །སྡོང་བུར་ལྡན་པའི་མར་མེ་ནི། །ཞི་བའི་ལས་ལ་ཤིན་ཏུ་ཤིས། །ཡང་ན་པད་དཀར་སྡོང་བུའོ། །ཏིལ་ལམ་ཤིན་ཏུ་དངས་མ་དང་། །ས་རི་ཧ་ཡི་སྡོང་བུ་ནི། །རྒྱས་པའི་ལས་ལ་ཤིན་ཏུ་ཤིས། །

98-1-308a

ཡང་ན་བ་ཡི་ལག་གི་ཆ། །ན་ཀེ་ལ་ཡི་མར་དང་ནི། །པད་མ་དམར་པོའི་མར་དང་ནི། །དབང་གི་ལས་ལ་ཤིན་དུ་ཤིས། །ཡང་ན་བ་ཡ་མ་རིའོ། །ཡུངས་དང་ཙི་ལི་མར་དང་ནི། །ཙི་ཏྲའི་སྡོང་བུ་མར་མེ་ནི། །ཡང་ན་གསོ་མའི་
ཤུན་པ་ཡིས། །མདོག་དམར་དལ་ཞིང་གསལ་བ་ནི། །གངས་རིའི་རྩེ་ལྟར་རབ་འབར་བ། །བར་བྲེ་སྨྲ་གུལ་སྤོས་དཀར་དྲི། །ཞི་བའི་ལས་ནི་འགྲུབ་པར་འགྱུར། །མདོག་དམར་གཡོ་ཞིང་མོག་པ་ལ། །ཉི་མ་ཐལ་ཀའི་རི་རྩེ་
འདྲ། །ཤིབ་སྒྲ་མ་ལི་ཀ་ལའི་དྲི། །དབང་གི་ལས་འགྲུབ་ཐེ་ཚོམ་མེད། །མདོག་སེར་མིག་གཡོ་དངས་པ་ལ། །ཉི་མ་ཤར་བའི་རི་ལྟར་འབར། །ལྷབ་སྒྲ་ཙམ་པ་ཀ་ཡི་དྲི། །རྒྱས་པའི་ལས་འགྲུབ་ཐེ་ཚོམ་མེད། །
ལེ་བརྒན་མདོག་ལྡན་འཁྱིལ་ཞིང་སྨུག །ཧུར་སྒྲ་རུལ་དྲི་བྲོ་བ་དང་། །ནགས་ཀྱི་རི་བོ་ལྟར་འབར་བ། །མངོན་སྤྱོད་ལས་ལ་འགྲུབ་པར་འགྱུར། །འཇིག་རྟེན་ཏིང་འཛིན་ལྡན་གྲུབ་པའི། །དྲང་སྲོང་རིགས་ལ་དཔག་
མེད་ཀྱང་། །མེ་ཡི་ལྷ་ནི་བཞི་བཅུ་བཞི། །སྦྱིན་སྲེག་ལས་ལ་སྤང་བར་བྱ། །འཇིག་རྟེན་འདས་པའི་ཏིང་འཛིན་ཅན། །བཅུ་གཉིས་གྲངས་ནི་གཟུང་བར་བྱ། །གཉའ་ན་ཀ་དང་ས་བི་ཀི། །ཏུཀྵུ་སེའུ་མྱ་སྱེ་ཏྲོ་དང་། །ལྟོ་
བ་ཡིད་སྐྱེས་ཁྲོ་བོ་དང་། །དམར་པོ་མྲི་ཏ་ཆོ་མ་ལི། །བྷི་སུ་ཡ་ཀེ་བཅུ་གཉིས་པོ། །ཕན་འདོགས་ལ་སོགས་ལས་ལ་སྦྱར། །ཞི་བའི་སྦྱིན་སྲེག་ཐལ་བས་ནི། །འབྱུང་པོ་ཕྲ་མོ་ཞི་བར་བྱེད། །དབང་གི་ཐལ་བས་འབྱུང་པོ་
འཆིང་། །རྒྱས་པས་འདོད་པའི་ལས་སྦྱིན་བྱེད། །རི་བོ་རྩེ་ལ་གཏོར་བར་བྱ། །དྲག་པོས་འབྱུང་པོ་སེལ་བར་བྱ། །ལམ་གྱི་གཞུང་དུ་གདོང་བར་བྱ། །ཞི་དང་དབང་གི་ཞིང་ཕྱོགས་དང་། །ར་བ་སྐྱེད་མོས་ཚལ་དུ་གཏོར། །དག་པར་བྱེད་པས་ཆུ་བོ་
ལྟར། །རྒྱས་པ་ཉི་མའི་དཀྱིལ་འཁོར་དང་། །གང་བར་བྱེད་པ་རྒྱ་མཚོ་ལྟར། །སྦྱིན་སྲེག་གིས་ནི་ལྷ་མཉེས་ཤིང་། །སྔགས་བསྒྲུབ་སྔགས་ཀྱི་ལས་རྣཾས་འགྲུབ། །དྲང་སྲོང་ཚོགས་རྣམས་ཐཾད་དང་། །དྲི་ཟའི་ཚོགས་རྣམས་ཐམས་ཅད་དང་། །འབྱུང་པོའི་ཚོགས་རྣམས་ཐམས་ཅད་དང་། །

98-1-308b

སྦྱིན་སྲེག་གིས་ནི་རབ་དགའ་ནས། །རྣལ་འབྱོར་གྲོགས་བྱེད་བསྲུང་བ་དང་། །སྐྱོབ་ཕྱིར་ཚེ་རིང་དཔལ་འཕེལ་ཞིང་། །ནད་མེད་ལོངས་སྤྱོད་རྒྱས་པ་དང་། །བསམ་པ་བཞིན་དུ་འགྲུབ་པར་འགྱུར། །འཕགས་པ་སྤྱན་རས་གཟིགས་དབང་ཕྱུག་གི་
རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས་མེ་ལ་བརྟེན་པའི་སྦྱོར་བའི་ལེའུ་སྟེ་བཅུ་པའོ།། །། དེ་ནས་བྱང་ཆུབ་སེམས་དཔའ་ཆེ། །རྫུ་འཕྲུལ་འཁོར་ལོ་ཞེས་བྱ་བ། །མཁའ་ལ་ཡི་གེ་སྤྲུལ་ནས་ནི། །འགྲོ་དོན་སྣ་ཚོགས་མཛད་
པ་ཞིག །འཁོར་བཅས་དཀྱིལ་འཁོར་དེར་ལྷགས་ནས། །ཕྱག་འཚལ་བསྐོར་བ་དུ་མ་བྱས། །མཆོད་པའི་སྤྲིན་གྱིས་རྒྱས་པར་མཆོད། །ཕྱོགས་གཅིག་འཁོད་ནས་སྟོན་པ་ལ། །མགྲིན་གཅིག་གསུང་ནི་སྙན་པ་ཡིས། །འདི་སྐད་ཚིག་ནི་
གསོལ་བ་འདེབས། །ཨོཾ་མཚན་དང་དཔེ་བྱད་བརྒྱན་པའི་སྐུ། །འཇིག་རྟེན་འཇིག་རྟེན་འདས་པ་ཡི། །ཆོས་ཀྱི་ལོངས་སྤྱོད་ཅི་སྙེད་པ། །རྫོགས་པར་ལོངས་སྤྱོད་མཛད་ཕྱག་འཚལ། །གང་ལ་མཁོ་བ་དེའི་གཙོ་བོ། །འདྲེན་པ་
གཟུགས་བརྙན་དུ་མ་འཆང་། །སྣ་ཚོགས་རྫུ་འཕྲུལ་མཛད་པའི་སྐུ། །བདེ་བ་ཆེ་ལ་ཕྱག་འཚལ་ལོ། །མི་འགྱུར་རྣམ་དག་བྱང་ཆུབ་ལྃ། །ཕྱོགས་ཆོས་བྱང་ཆུབ་སུམ་བཅུ་བདུན། །སྟོབས་དང་མི་འཇིགས་བརྩོན་མཛད་པ། །ཆོས་རྣམས་
ལྷུན་གྲུབ་སྐུ་ཕྱག་འཚལ། །རྣམ་དག་རྒྱ་མཚོར་ལྡན་རྣམས་ལ། །ཐུགས་རྗེ་རྒྱ་མཚོ་རྒྱུན་བྱུང་ནས། །ཞིང་ཁམས་རྒྱ་མཚོ་སྤྱོད་མཛད་པའི། །མགོན་པོ་སྤྱན་རས་གཟིགས་ཕྱག་འཚལ། །སྔགས་དང་རྫས་དང་ཕྱག་རྒྱའི་རིམ། །སྣ་ཚོགས་
ཀྱིས་ནི་དོན་མཛད་ཕྱིར། །ཐེག་པ་ཀུན་ལས་ཁྱད་པར་དུ། །སྔགས་ཀྱི་ཐེག་ལེ་ཁྱད་པར་འཕགས། །ནན་ཏན་སྒྲུབ་པ་སྨོས་ཅི་དགོས། །སྔགས་དང་ཕྱག་རྒྱ་འཆང་བས་ཀྱང་། །ནད་དང་གནོད་སེལ་བསྐལ་པ་ཡི། །སྒྲིབ་རྣམས་འབྱང་བས་
ཁྱད་པར་འཕགས། །དབུལ་པོ་རིགས་དང་དམན་པ་ཡང་། །ཞུགས་མ་ཐག་ནས་བདེ་ལྡན་ཞིང་། །ཅུང་ཟད་གྲུབ་ནས་ནུས་མཐུ་ནི། །དཔག་མེད་འབྱུང་བས་ཁྱད་པར་འཕགས། །མགོན་པོ་བཅོམ་ལྡན་རྫོགས་སངས་རྒྱས། །དཔལ་ཆེན་

98-1-309a

ཡེ་ཤེས་ཀུན་གྱི་མཛོད། །འོད་ཟེར་ཉི་མ་འབུམ་གཟི་ཅན། །འགྲོ་བ་འདྲེན་གཙོ་དེད་དཔོན་གྱི། །མགོན་པོ་སྤྱན་རས་གཟིགས་དབང་གི། སྔགས་དང་ཕྱག་རྒྱར་བཅས་པ་ཡི། །འགྲོ་ལ་སྣ་ཚོགས་ཕན་དོན་དུ། །ཅི་ལྟར་
འགྱུར་མཛད་བཤད་དུ་གསོལ། །དེ་ནས་བཅོམ་ལྡན་ཐུབ་པ་ཆེ། །པད་མའི་སྤྱན་གདངས་འཛུམ་མཛད་ནས། །ཚངས་པའི་གསུང་ནི་སྙན་པ་ཡིས། །འགྲོ་ལ་ཕན་ཕྱིར་འདི་སྐད་གསུངས། །དགེ་བྱེད་ཕྱག་རྒྱ་སྔགས་དང་བཅས། །
འགྲོ་ལ་ཕན་ཕྱིར་ཞུས་པ་ནི། །ལེགས་སོ་རྫུ་འཕྲུལ་འཁོར་ལོ་ཆེ། །ཤེས་རབ་འཆང་བ་ཁྱོད་ལེགས་སོ། །སེམས་དཔའ་ཆེན་པོ་དེ་ཕྱིར་ངས། །ཁྱོད་ལ་ངོ་མཚར་ལེགས་པར་བཤད། །ཁྱོད་ཀྱང་རྩེ་གཅིག་ཡིད་ཀྱིས་ཉོན། །
ལེགས་པར་ཟུང་ལ་རྒྱ་ཆེར་སྤྲོས། །རས་སམ་གྲོ་ག་ཤིང་ཤུན་གང་། །འཇམ་ཞིང་ནག་རིས་མེད་པ་ལ། །གུར་གུམ་གིའུ་ཝང་སེན་རྩི་དང་། །ཙན་དན་གྱིས་ནི་ཕྱག་རྒྱ་བྲི། །པད་མ་འདབ་བརྒྱད་མུ་ཁྱུད་བཅས། །འོད་དང་ལྡན་པ་བྲི་
བར་བྱ། །དྷ་ར་དྷ་ར་དང་པོ་སྟེ། །གཉིས་པར་དྷི་རི་དྷི་རི་སྤྲོ། །གསུམ་པ་དྷུ་རུ་དྷུ་རུ་སྟེ། །ཨི་ཏི་བི་ཊི་བཞི་ལྔ་པ། །ཙ་ལེ་ཙ་ལེ་གཉིས་བྲིའོ། །པྲ་ཙ་ལེ་གཉིས་དྲུག་པར་རོ། །ཀུ་སུ་མེ་དང་ཀུ་སུ་མ། །བདུན་པ་བྲིས་ཏེ་བརྒྱད་པ་ལ། །
བྷ་ལེ་ཨི་ལི་མི་ལི་བྲི། །ཨོཾ་མི་ཙི་ཏི་ཛ་ལམ་དང་། །ཧ་སར་བཅས་པ་དབུས་སུའོ། །ཕྱག་འཚལ་བཅས་སྔགས་མཐའ་མར་བྲི། །རབ་རྫོགས་སྔགས་ཀྱིས་ལྷར་དམིགས་ནས། །གཙང་མའི་མཆོད་པས་མཆོད་བྱ་སྟེ། །སྔགས་
སྟོང་བརྗོད་ནས་ལུས་ལ་གདགས། །འདི་ནི་བསྲུང་བའི་མཆོག་ཏུ་འགྱུར། །ནད་དང་ཡམས་དང་གདོན་རྣམས་དང་། །འཇིགས་པ་བརྒྱད་ལས་སྐྱོབ་པར་ངེས། །རིག་སྔགས་བཟློག་ན་ཁྱད་པར་དུ། །རྡོ་རྗེ་དཀར་པོ་རྩེ་ལྔ་ལ། །འོད་ཀྱི་ར་བ་ཟླུམ་
པོ་ཡི། །རི་མོ་གཉིས་དང་བཅས་པ་བྲི། །རྭ་རྣམས་ལ་ནི་ཧཱུྃ་གཉིས་པར། །རིག་སྔགས་བཟློག་དང་བཅས་པ་བྲི། །ལྟེ་བར་ཨོཾ་ཧྲཱིཿསྭཱ་ཧཱའི་བར། །བདག་ཉིད་བསྲུང་ཤེས་བྲི་བར་བྱ། །མུ་ཁྱུད་དང་པོར་བྲི་བར་བྱ། །གཟིགས་དབང་ཡིད་བཞིན་ནོར་སྔགས་སོ། །

98-1-309b

གཉིས་པར་གདོང་བཅུ་གཅིག་པའི་སྔགས། །གསུམ་པར་པད་མ་གར་དབང་གི། སྔགས་རྣམས་གཡས་སུ་བསྐོར་བར་བྱ། །གལ་ཏེ་ནད་ཡམས་བཟློག་པ་ལ། །འདབ་བརྒྱད་པད་མ་མུ་ཁྱུད་གསུམ། །སྔོན་ལྟར་ཡི་གེ་བཀོད་
པ་ལ། །མུ་ཁྱུད་གཉིས་པར་སྤྱན་གྱི་སྔགས། །གསུམ་པར་རྟེན་འབྲེལ་སྔགས་བྲིས་ནས། །ལུས་སམ་མགུལ་དུ་ཐོགས་པས་ནི། །ནད་རིམས་དང་ནི་ལྷོག་འབྲུམ་ཚོགས། །རླུང་གིས་རྡུལ་བཞིན་སེལ་བར་འགྱུར། །དེ་ནས་
ཚིག་དེ་ཐོས་མ་ཐག །ལྷ་མིན་བུ་མོ་ནད་བདག་མོ། །ས་ཏུ་དེ་བི་ཞེས་བྱ་བ། །བཞེངས་ཏེ་ཐལ་མོ་སྦྱར་བྱས་ཏེ། །བུ་མོ་ཁྲིས་ནི་མགྲིན་གཅིག་ཏུ། །བཅོམ་ལྡན་འདས་ལ་འདི་སྐད་གསོལ། །རྗེ་བཙུན་འགྲོ་བའི་གཉེན་གཅིག་པོ། །མགོན་པོ་
སངས་རྒྱས་བཅོམ་ལྡན་འདས།  བདག་གི་སྔགས་འདི་གང་འཛིན་པ། །གལ་ཏེ་འབྲུཾ་ནད་བྱུང་ན་ནི། །བདག་ནི་སེམས་ཅན་དམྱལ་བར་འགྲོ། །དམ་བཅས་འདི་ནི་དྲན་པར་བྱ། །ཏྲེ་བལ་བྱའི་ཀ་ཀ་བ་ནི་ཏ། །སུ་མ་ཡ་བི་ལས་ཀ་ཀ་ར་ནི། །
ཀི་ཤུན་པན་ཙ་ཏྲ་ལི་ཧེ་ན་ཡི། །ཀེ་ན་ཀ་ཏྲ་ཙ་ར་ནི། །ཡ་མི་རྣ་ནད་མ་ན་ཙ། །མ་ཡི་པ་ར་ནད་བུར་དྭ། །དྭ་ཙ་པིད་ཏྭ་ཙིཏྟ་ནད་དན། །ས་སྟུ་དེ་ཝི་མེ་ཝ། །ལྷ་མོས་དེ་སྐད་གསོལ་མ་ཐག །མགོན་པོས་འདི་སྐད་བཀའ་སྩལ་ཏོ། །ཨོཾ་ཨོཾ་བྷ་བིཏ་
བིཏྟ་མི་ཏི། ག་ཙན་དྲ་ཀ་ར་ནི། ཨ་མུ་ཀ་སྱ་ཀ་པྱ། ལོ་ཧི་ཏ་གྃ་དྷ་པ་རཀྵ་ཀུ་རུ་སྭཱ་ཧཱ། བྱིན་བརླབས་ལྡན་པའི་སྔགས་དེ་ནི། །རྒྱུན་དུ་བཟླས་པས་འགྲུབ་པར་འགྱུར། །ཨོཾ་ཧ་ནེ་སེ་རུ་པ་དྷ་རི་སྭཱ་ཧཱ། སྲད་བུ་མ་ཉམས་དཀར་པོ་ལ། །
ཉི་ཤུ་རྩ་གཅིག་མདུད་པར་བྱ། །བཞི་བརྒྱ་རྩ་བཞི་བཟླས་ནས་ཀྱང་། །ལུས་སམ་མགུལ་དུ་གདགས་པར་བྱ། །ཀྲཾ་ཧི་ཏིག་ཏིག་ཏྲ་ཐ་པྲག་ཤིག །ཏ་ཐ་ཡོ་ཐ་ཙ་ལ་ཧེ་ཧུྃ་ཧཱུྃ་ཕཊ། སྲན་མ་རྡོག་པོ་རེ་རེ་ལ། །བརྒྱ་རྩ་བརྒྱད་བརྒྱད་བཟླས་པ་ཡི། །
འབྲུ་བདུན་ཐུམ་པོར་བྱས་པ་ཞིག །དྲི་བཟང་བཅས་ལ་མགུལ་དུ་ཐོགས། །ཡམ་ནད་ཀུན་དང་འབྲུམ་ནག་ནད། །ཤིན་དུ་གདུག་པ་ཀུན་སེལ་འགྱུར། །དེ་ནས་རིག་སྔགས་འཆང་བ་མོ། །དཔལ་ཕྲེང་མས་ནི་འདི་སྐད་གསོལ། །བདག་གི་

98-1-310a

རིག་སྔགས་འདི་ཟློས་པ། །རིམས་ནད་ཀུན་དང་བྲལ་བར་འགྱུར། །ན་མོ་རཏྣ་ཏྲ་ཡཱ་ཡ། ན་མ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རི་ཎི་ཀཱ་ཡ། ན་མོ་བཛྲ་མུ་ར་བེེ་ཛ་ཡ། ཏ་ཐཱ་ག་ཏཱ་ཨར་ཧ་ཏེ་བྷྱཿ
ས་མྱཀ་སྃ་བུད་དྷ་ཡ། ཏདྱ་ཐཱ། ཨོཾ་བཛྲེ་བཛྲེ། མ་ཧཱ་བཛྲེ། སརྦ་བྷི་རི་ཐཱ། ཧ་ན་ཧ་ན་བཛྲ། སརྦ་བྷ་པྲ་ཤྲ་མ་ན་ཡེ་སྭཱ་ཧཱ། མི་སྐྲ་མི་རུས་སླེ་ཧྲེས་དང་། །གུ་གུལ་ཡུངས་ཀར་སྒོག་སྐྱ་དང་། །ཤིང་ཤུན་གླ་རྩི་འཁོར་ལོ་ནི། །རྩིབ་བརྒྱད་
ཕྱོགས་བཞིར་ཧྲིཿཡིག་བྲི། །མཚམས་བཞིར་བྲིས་ཏེ་དབུས་སུ་མིང་། །སྔགས་འདི་མུ་ཁྱུད་དང་པོ་ལ། །གཉིས་གདོང་བཅུ་གཅིག་པ་ཡི་སྔགས། །བྲིས་ནས་ལུས་སམ་མགུལ་དུ་ཐོགས། །ནད་རིམས་ཐམས་ཅད་སེལ་བ་
དང་། །རྣལ་འབྱོར་ཀུན་དང་ལྡན་པར་འགྱུར། །དེ་ནས་སྤྱན་རས་གཟིགས་དབང་གིས། །འགྲོ་བའི་དོན་དུ་འདི་སྐད་གསོལ། །རང་འབྱུང་ཅན་གྱི་རས་ལ་ནི། །སེན་རྩིས་འཁོར་ལོ་རྩིབ་བཞི་པ། །མུ་ཁྱུད་གསུམ་དང་ལྡན་པ་བྲི། །རྩིབ་
བཞི་ཧྲཱིཿལ་གཡོན་བསྐོར་དུ། །ཧྲིཿགྷི་ཝ་ཤི་ཀུ་རུ་ཧྲཱིཿ། །མུ་ཁྱུད་དང་པོར་མགོན་པོ་ནི། །པད་མ་གར་དབང་སྔགས་བྲིའོ། །གཉིས་པ་ཨུད་པལ་དམར་པོ་ཕྲེང་། །གསུམ་པ་ལྕག་ཀྱུ་ཉི་ཤུ་གཅིག །དབུས་སུ་བྃ་ཡིག་ཧྲིར་
བཅས་བྲི། །ལྷ་དམ་ཉིད་ཀྱང་དམ་བྱེད་ན། །འགྲོ་བ་གཞན་ལྟ་སྨོས་ཅི་དགོས། །གསོལ་དང་བཀྲ་ཤིས་བརྗོད་པ་དང་། །བགེགས་ཀྱི་གནོད་པ་སེལ་འདོད་པས། །རྩེ་གསུམ་རྡོ་རྗེ་རྒྱ་གྲམ་སྟེ། །དབུས་སུ་སྤྱན་རས་
གཟིགས་དབང་མགོན། །པད་མ་གཙུག་ཏོར་སྔགས་བྲིའོ། །རྭ་རྣམས་ཀུན་ལ་ཧཱུྃ་ཡིག་ནི། །བགེགས་མིང་ཨུད་ཙ་ཊ་ཡིས་བསྐོར། །མུ་ཁྱུད་དང་པོ་སྤྱན་རས་གཟིགས། །ཧ་ལ་ཧ་ལའི་སྔགས་བྲིའོ། །གཉིས་པ་ཁྲོ་བོ་རྟ་སྐད་སྔགས། །
གསུམ་པར་བགེགས་དགྲའི་སྔགས་བྲིས་ལ། །དེ་རྒྱབ་མེ་ཡི་ཕུང་པོ་བྲི། །གང་ཞིག་འཁོར་ལོ་འདི་བྲིས་པས། །སྲེད་མེད་བུ་ལྟར་མཐུ་ཆེ་བ། །བུག་པ་ཅན་ཡང་འཐོར་བྱེད་ན། །ཕྲན་ཚེག་དབྱེར་བ་སྨོས་ཅི་དགོས། །གང་ལ་སེར་སྣ་རྣམས་ཆག་ཤིང་། །ལོངས་

98-1-310b

སྤྱོད་འཕེལ་བར་མི་འགྱུར་ན། །ཕུན་སུམ་ཚོགས་ལྡན་དཔལ་འཕེལ་ཕྱིར། །སྐྱོབ་པའི་ཕྱག་རྒྱ་བཤད་པར་བྱ། །རྒྱལ་པོ་འམ་ནི་དགེ་འདུན་ལ། །གཙང་ལྡན་རས་བཟང་བླངས་ནས་ཀྱང་། །དག་པར་བཀྲུས་ཏེ་དྲི་བཟང་བྱུག །ལེགས་པར་
བརྒྱན་ནས་ཐིག་བཏབ་སྟེ། །གུར་ཀུམ་དང་ནི་གླ་རྩི་ཡིས། །པད་མ་འདབ་མ་བཅུ་དྲུག་བྲི། །ཕྱོགས་བཞིར་འདབ་མར་དཔལ་བེའུ་སྟེ། །མཚམས་བཞིར་ཡིད་བཞིན་ནོར་བུ་བྲི། །མཚམས་བརྒྱད་ལ་ནི་ཡི་གེ་གྃ། ཨོཾ་དང་བཛྲ་ད་ཀེ་
ཧཱུྃ། །ཡི་གེ་དྲུག་གིས་བསྐོར་བར་བྱ། །མུ་ཁྱུད་དང་པོར་མི་བཤོལ་སྔགས། །གཉིས་པ་གདོང་བཅུ་གཅིག་པའི་སྔགས། །གསུམ་པ་ཨུད་པལ་ཕྲེང་བ་སྟེ། །ཡང་ཏོག་རྩེ་འམ་མཛོད་བཞག་ནས། །གསོལ་བཏབ་མཆོད་ན་ལོང་སྤྱོད་
འཕེལ། །བུད་མེད་གང་ཞིག་བུ་འདོད་པས། །དེ་བཞིན་པད་མ་འདབ་བརྒྱད་པ། །ཕྱོགས་བཞིར་ཧྲཱི་ནི་མཚམས་སུ་དྲང་། །དབུས་སུ་ཁྱེའུ་ཡི་གཟིགས་ཤིག་བྲི། །ཕྱོགས་བཞིར་ཡིད་བཞིན་ནོར་བུ་བྲི། །སྔགས་བུ་སྩོལ་བཅས་བྲི་
བར་བྱ། །མཚམས་བཞིར་ཨོཾ་དང་ཨ་མ་ར། །ཛཱི་ཝན་ཏཱི་ཡེ་སྭཱ་ཧཱས་བསྐོར། །མུ་ཁྱུད་དང་པོ་སྤྱན་རས་གཟིགས། །པད་མ་རྒྱན་ལུང་ཅན་གྱི་སྔགས། །གཉིས་པར་གདོང་བཅུ་གཅིག་པའི་སྔགས། །གསུམ་པར་ཨུཏ་པལ་དམར་
པོའི་ཕྲེང་། །འོད་འཕྲོ་རྟག་པར་མཆོད་པ་དང་། །ཕུལ་དུ་བྱུང་བའི་བསྟོད་པས་བསྟོད། །གསོལ་བ་འདེབས་ཤིང་སྔགས་བཟླས་ན། །བུ་སྩོལ་འགྱུར་ལ་ཐེ་ཚོམ་མེད། །བསྲུང་དང་ནོར་འཕེལ་དབང་བྱེད་དང་། །བུ་སློང་བ་ཡི་ཕྱག་རྒྱ་
ནི། །སྨིན་དྲུག་སྣར་མ་རྒྱལ་ལ་བྲི། །ལྷག་མ་རྣམས་ནི་ཅི་བདེར་བྲི། །གང་ཞིག་སེམས་སྟོར་ཡིད་མི་དགའ། །གློ་བུར་ཡི་མུག་སྐྱེ་འགྱུར་ན། །པད་མ་འདབ་མ་བཞི་པ་ཡི། །དབུས་སུ་རང་གཟུགས་མཚན་མ་བྲི། །འདབ་མར་རྡོ་རྗེ་མདོག་
བཞི་པ། །གདོང་བཅུ་གཅིག་པའི་སྔགས་ཀྱིས་བསྐོར། །མུ་ཁྱུད་ལ་ནི་སྤྱན་རས་གཟིགས། །དོན་ཡོད་ཞགས་པའི་སྔགས་བྲིའོ། །གཉིས་པར་རྡོ་རྗེ་ཕྲེང་བ་བྲི། །དེའི་རྒྱབ་འོད་ཀྱི་ཕྲེང་བ་བྲི། །རྟག་པར་མཆོད་ཅིང་གསོལ་བ་གདབ། །ནད་སེལ་ཚེ་རིང་བསོད་

98-1-311a

ནམས་འཕེལ། །གང་ཞིག་ཤེས་རབ་འདོད་པས་ནི། །དཔལ་བེའུ་རྒྱལ་པོའི་དུ་མར་ནི། །ཏྲི་ཡིག་རྒྱབ་ཏུ་སྔགས་འདིས་བསྐོར། །ཨོཾ་དང་སྐལ་དེ་སྐལ་མ་ནི་སྭཱ་ཧཱ་ཞེས་པ་བྲི། །དེ་རྒྱབ་མུ་ཁྱུད་འཁོར་བ་ལ། །མགྲིན་པ་སྔོན་པོའི་རྩ་སྔགས་
བྲི། །དེ་རྒྱབ་འོད་ཀྱིས་ར་བ་བྲི། །གང་གིས་འདི་འཆང་མཆོད་པ་ལ། །ནད་དང་གནོད་པ་ཀུན་བྲལ་ཏེ། །དུག་དང་རིམས་ནད་འཇོམས་པ་དང་། །ཤེས་རབ་མྱུར་དུ་འཕེལ་བར་འགྱུར། །ཡུལ་དུ་ལོ་ཐོག་ཉམས་པ་དང་། །ཐོག་འབྲུག་སེར་བ་རྒོད་པ་དང་། །
ཀླུ་དང་ས་བདག་གནོད་པ་སྟེ། །དེ་བསལ་སྦྱོར་བ་བཤད་པར་བྱ། །ཤིང་ཀུན་དཀར་པོ་མ་ཉམས་པ། །ཉམས་དགའི་སྦྱོར་བ་ཉི་རིམ་ལ། །རྡོ་རྗེ་རྩེ་མོ་བཅུ་གཉིས་པ། །མིག་སྨན་གྱིས་ནི་བྲི་བར་བྱ། །གྲྭ་རྣམས་ལ་ནི་ཧཱུྃ་ཡིག་ལ། །ཨོཾ་དང་ཛི་ནི་ཏི་ཏི་ཏེ། །ཧཱུྃ་
ཕཊ་ཅེས་པའི་སྔགས་ཀྱིས་བསྐོར། །མུ་ཁྱུད་དང་པོ་མགོན་པོ་ཆེ། །གདོང་བཅུ་གཅིག་པའི་སྔགས་ཕྲེང་བྲི། །གཉིས་པར་ཐུགས་རྗེ་ཆེན་པོ་མགོན། །མི་གཤོལ་བ་ཡི་སྔགས་ཀྱིས་བསྐོར། །གསུམ་པར་རྡོ་རྗེ་ཕྲེང་བ་དང་། །མེ་ཡི་
འོད་དང་ལྡན་པར་བྲི། །ཕྱག་རྒྱ་འདི་ནི་བསྟན་ཙམ་གྱིས། །ཀླུ་ཡི་རྒྱལ་པོ་མཐུ་ལྡན་རྣམས། །འཁོར་དང་བཅས་ཏེ་ལུས་སྐམས་འགྱུར། །གང་གི་ཁྱིམ་དུ་གདོད་པ་དང་། །མ་ཧེ་རྟ་སོགས་ཡམས་ནད་ཅན། །བསལ་བའི་ཐབས་ཀྱི་ཕྱག་
རྒྱ་ནི། །བརྟན་པར་དྲང་སྲོང་ཚོགས་རྣམས་ཉོན། །ཀོ་བི་ད་རིའི་ཤིང་ལ་ནི། །ཁྲུ་གང་ཁྲུ་གཉིས་དབྱིབས་གྲུ་བཞི། །གས་གྲུགས་ཆག་སོགས་མེད་པ་ལ། །ཤིན་ཏུ་སྲབ་འཇམ་སོར་གཉིས་རྔམས། །ཤིང་དེ་ལ་ནི་རྟ་བབས་
གཟུགས། །འཁོར་ལོ་གདུགས་དང་བཅས་པ་ཡི། །བརྩེགས་པའི་གཡས་ཟུར་དང་པོ་ནི། །རྡོ་རྗེ་སྔོན་པོ་རྩེ་ལྔ་སྟེ། །གཉིས་པ་ཨུད་པ་ལ་དམར་པོའོ། །གསུམ་པ་འཁོར་ལོ་རྩིབས་བརྒྱད་སེར། །བཞི་པར་པད་མ་དཀར་
པོའོ། །གཡོན་ཟུར་དང་པོར་པད་མ་དམར། །གཉིས་པ་ཨུད་པལ་སྔོན་པོའོ། །གསུམ་པར་ནོར་བུ་བཞི་རྒྱ་གྲམ། །ནང་ཁང་དུ་ནི་པད་མ་བྱ། །འདབ་མ་བརྒྱད་པ་འོད་ལྡན་པའོ། །ལྟེ་བ་དང་ནི་འདབ་བརྒྱད་ལ། །ཨོཾ་དང་པི་ཤཱ་ཙི་པརྞ། །ཤ་བ་རི་སརྦ་བྱ་

98-1-311b

དྷི། །པྲ་ཤ་མ་ནི་སྭཱ་ཧཱ། །ཞེས་པཾ་ཡིག་ལ་ནི་བསྐོར་བར་བྲི། །མུ་ཁྱུད་དང་པོ་སྤྱན་རས་གཟིགས། །གདོང་བཅུ་གཅིག་གི་སྔགས་བྲིའོ། །གཉིས་པར་ཆོས་ཀྱི་གཙུག་ཏོར་གྱི། །རྩ་བའི་ཕྲེང་སྔགས་བྲི་བར་བྱ། །རྒྱ་སྐྱེགས་དང་ནི་མཚལ་ཡིན་ཏེ། །
དེ་ལ་ཤིང་སྤྱིན་བྱུག་པར་བྱ། །མཆོད་དང་གསོལ་གདབ་སྔགས་དག་ནི། །བདུན་སྟོང་རེ་རེ་བརྗོད་བྱས་ནས། །སྒོ་གོང་ལ་གདགས་བྱུང་འཇུག་ཚེ། །འཇིག་རྟེན་མགོན་ལ་ཕྱག་འཚལ་ལོ། །རྟ་ཕྱུགས་ཡམས་ནད་མ་ལུས་ལ། །རིག་པའི་ལྷ་མོ་
འི་ཚོགས་བཅས་པའི། །འཇིག་རྟེན་མགོན་གྱི་རིག་སྔགས་མཐུས། །མྱུར་དུ་སེལ་བར་མནན་པ་དང་། །བཟློག་དང་བཅིང་བར་མཛོད་ཅེས་བརྗོད། །ཕྱུགས་བདག་ཆེན་པོས་སྐྱོང་བ་ལྟར། །གླང་པོ་རྟ་བོང་མ་ཧེ་ཚོགས། །བརྟན་ཞིང་ནད་
དང་གནོད་པ་མེད། །ཤིན་དུ་འཕེལ་ཞིང་རྒྱལ་བར་འགྱུར། །དེ་ནས་ཡང་དག་བཤད་བྱ་བ། །དམག་དཔུང་ཆེན་པོ་འཇིགས་པ་ལ། །ཁྱད་པར་དུ་ནི་སྐྱོབ་པ་ཡི། །ཕྱག་རྒྱ་སྦྱོར་བ་མཉན་པར་གྱིས། །ཡུང་བས་རས་སམ་ཤིང་ལ་ནི། །པད་
དཀར་སྟེང་དུ་ཁ་ཊྭཱྃ་དང་། །རལ་གྲི་འོད་མ་བྲི་བར་བྱ། །དེ་ལ་གདུག་གུ་གསུམ་གྱིས་བསྐོར། །དང་པོ་གདོང་བཅུ་གཅིག་པའི་སྔགས། །གཉིས་པ་སེང་གེ་སྒྲ་ཡི་སྔགས། །གསུམ་པར་ཧ་ཡ་ཆེན་པོའི་སྔགས། །དེ་རྒྱབ་མེ་ཡི་ར་བ་བྲི། །
འདི་ལ་གསོལ་བ་བཏབ་ནས་ནི། །གཡུལ་ངོར་ཁྱེར་ཏེ་ཞུགས་པ་གང་། །དགྲ་དཔུང་ཆེན་པོ་འབྲོས་འགྱུར་ཏེ། །རང་ཉིད་གཡུལ་ལས་རྒྱལ་བར་འགྱུར། །ལོངས་སྤྱོད་ཕྱིར་ནི་བྱང་བལྟས་བྲི། །དབང་བྱེད་པ་ནི་ནུབ་ཏུ་སྟེ། །
གཡུལ་བཟློག་པ་ནི་ལྷོར་བལྟས་བྲི། །ལྷག་མ་རྣམས་ལ་ཤར་བལྟས་བྲི། །དཀར་སེར་དམར་དང་སྔོ་བ་ཡི། །དབྱེ་བས་ཟས་དང་གོས་ཤེས་བྱ། །འཛུམ་དང་རྔམ་དང་དགོད་དང་ཁྲོ། །བཞིན་
གྱི་རྣམ་པ་བཤད་པ་ཡི། །སྔགས་དང་སྔགས་ཀྱི་འོད་ཕྲེང་དང་། །ལྷ་ཡི་ཁ་དོག་དབྱེ་བ་དང་། །སྣོད་ལ་སོགས་པའི་དབྱེ་བ་དང་། །རྒྱན་ཡང་དེ་ལྟར་ཤེས་པར་བྱ། །ཀུན་ཀྱང་རིན་ཆེན་པད་མའི་གདན། །ཁ་དོག་སྣ་ཚོགས་

98-1-312a

ལྡན་པར་ནི། །སྔགས་ཀྱིས་ཡིག་འབྲུའི་ལྷ་རྣམས་བཞུགས། །སྔགས་རྫོགས་ནས་ནི་སྔགས་སུ་དམིགས། །གང་གིས་ཕྱག་རྒྱ་འཆང་བྱེད་ལ། །བྱང་ཆུབ་སེམས་དཔའི་ཚོགས་རྣམས་དང་། །རིག་པའི་ལྷ་མོའི་
ཚོགས་རྣམས་དང་། །འཇིག་རྟེན་འདྲེན་པའི་ཚོགས་བཅས་དང་། །སྤྱན་རས་གཟིགས་དབང་ཚོགས་ཆེན་དང་། །ཁྲོ་བོ་ཚོགས་བཅས་མ་ལུས་དང་། །འཇིག་རྟེན་སྐྱོང་བ་གྲགས་ལྡན་རྣམས། །ཅི་འདོད་ལས་རྣམས་མ་ལུས་པའི། །
གྲོགས་དང་དཔུང་དུ་བྱས་ནས་ནི། །ཚུལ་བཞིན་དུ་ནི་བསྒྲུབ་པ་ལ། །བརྩོན་འགྲུས་གང་དང་གང་གིས་ཀྱང་། །ཐེ་ཚོམ་དུ་ནི་མི་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ལས་
ཕྱག་རྒྱ་ལ་བརྟེན་པའི་ལེའུ་སྟེ་བཅུ་གཅིག་པའོ།། །། དེ་ནས་མཁའ་ལ་གཤེགས་པ་ཡི། །རིག་པ་འཛིན་པའི་དྲང་སྲོང་མཆོག །མཚན་དཔེ་དུ་མ་རྒྱས་པ་ཆེ། །ཉི་མའི་གོང་བུ་ཞེས་བྱ་བ། །དྲང་སྲོང་
རྗེ་དཔོན་ཚོགས་ཀྱི་མཆོག །འགྲོ་དོན་རྫོགས་མཛད་ཐུགས་རྗེ་ཅན། །སྤྱན་རས་གཟིགས་དབང་མགོན་པོ་ལ། །སངས་རྒྱས་ཚིག་གིས་འདི་སྐད་གསོལ། །ཨོཾ་འོད་ཟེར་དུ་མ་ཐེར་ཟུག་གི །
སྲིད་འདམ་སྟུག་པོ་སེལ་བྱེད་རྒྱལ། །ཡོན་ཏན་ཡེ་ཤེས་ཀྱིས་བརྒྱན་སྐུ། །མགོན་པོ་སྤྱན་རས་གཟིགས་ཕྱག་འཚལ། །གསུང་སྙན་ཡན་ལག་བརྗོད་བྲལ་ཆོས། །བག་ཆགས་རི་བོ་སྙིལ་
མཛད་རྒྱལ། །སྐྱེ་འགག་བྲལ་སྟོན་སྡེ་སྣོད་གསུམ། །མགོན་པོ་སྤྱན་རས་གཟིགས་ཕྱག་འཚལ། །སྐྱེ་འགག་གནོད་བྲལ་མཉམ་བཞག་པ། །ཏིང་འཛིན་ཤེས་རབ་འཕེལ་མཛད་རྒྱལ། །ཡེ་ཤེས་
གཟིགས་པ་མཐའ་ཡས་ཐུགས། །མགོན་པོ་སྤྱན་རས་གཟིགས་ཕྱག་འཚལ། །སྣ་ཚོགས་སྨན་དང་སྔགས་སྦྱར་ནས། །ལྷ་ཡི་གོང་བུའི་རི་ལུ་ནི། །འཇིག་རྟེན་འཇིག་རྟེན་འདས་པ་ཡི། །དངོས་

98-1-312b

གྲུབ་མ་ལུས་རྫོགས་པ་ཡི། །ཐུགས་རྗེའི་ཉི་མ་ལྷམ་མཛད་པའི། །མགོན་པོ་པད་མས་བཤད་དུ་གསོལ། །འགྲོ་རྣམས་མ་རིག་འདམ་ལ་ཞེན། །སྲིད་པའི་ཐག་པས་རྒྱ་གྲམ་བཅིངས། །འདོད་ཆགས་
ཞེ་སྡང་མུན་པས་གཡོགས། །ང་རྒྱལ་ཕྲག་དོག་ཆུ་བོས་གཡེངས། །ངན་རྟོག་ལོག་ལམ་གཡང་སར་ལྟུང་། །བག་མེད་སེར་སྣའི་དུག་གིས་མྱོས། །སྡིག་པའི་གྲིབ་མས་རྣམ་པར་རྒྱལ། །བག་
ཆགས་འཐུག་པོའི་རི་བོས་མནན། །མགོན་པོ་ཁྱོད་ནི་ཐུགས་རྗེས་ངལ་བ་མེད། །ཉེས་པའི་རྒྱ་མཚོ་བསལ་བའི་ཕྱིར། །ཤེས་རབ་ཐབས་འབྱུང་བཤད་དུ་གསོལ། །དེ་ནས་འཇིག་རྟེན་མགོན་པོ་རྗེ། །ཐུགས་རྗེ་
ཐུགས་དཔལ་མངའ་བ་ཡི། །ཐུགས་དམ་རྫོགས་པའི་འབྲས་བུ་བཅས། །ཁྱད་པར་གསུང་འདི་བཀའ་སྩལ་ཏོ། །མཐའ་དག་གཟུགས་སྒྲ་ཐོས་པ་དང་། །རྫུ་འཕྲུལ་བསྒྱུར་དང་གཞན་སེམས་ཤེས། །
འདས་དང་མ་འོངས་དོན་ཤེས་དང་། །མཐའ་ཡས་ཤེས་དྲུག་ལས་སྤྱོད་པ། །དངོས་དང་རྟགས་དང་ཆ་མཐུན་གྱིས། །རྣམ་པ་བཅྭ་བརྒྱད་དག་ཏུ་འགྱུར། །ཕྲ་དང་ཡང་དང་མཆོད་པར་བྱ་བ་དང་། །བདག་
པོར་གྱུར་དང་དབང་དུ་འགྱུར་བ་དང་། །གར་ཡང་ཕྱིན་ཡང་འདོད་དགུར་ལྡན་པ་དང་། །དགའ་མགུར་གནས་ཏེ་དབང་ཕྱུག་ཡོན་ཏན་ནོ། །རྣམ་པ་བརྒྱད་ཀྱིས་དཔེར་བྱ་ཡིས། །ལོངས་སྤྱོད་དབང་དང་ལུས་
ལ་དབང་། །ཚེ་ལ་དབང་དང་རྐང་མགྱོགས་དང་། །ཆུ་ལ་མི་འབྱིང་མཁའ་ལ་འགྲོ། །ས་འོག་འགྲོ་དང་མི་སྣང་བ། །ཞི་རྒྱས་དབང་དང་མངོན་སྤྱོད་སོགས། །དངོས་པོ་གང་དང་གང་བསྒྲུབ་རྣམས། །རི་ལུས་
ལས་ནི་འབྱུང་འགྱུར་གྱི། །གཞན་གྱི་མྱུར་དུ་འགྲུབ་མི་འགྱུར། །བྱང་ཆུབ་སེམས་དཔའི་རིལ་བུ་ནི། །མཚམས་མེད་ལ་སོགས་བྱེད་པས་ཀྱང་། །རྙེད་མ་ཐག་ཏུ་དངོས་གྲུབ་འགྱུར། །ཉེ་དང་དབང་ལྡན་ལྷ་ཡི་

98-1-313a

སྲས། །མ་མོས་དབང་དུ་བྱེད་གྱུར་ན། །འབྱུང་པོ་ཤ་ཟ་ལྷ་མིན་མི། །མ་མོ་མཁའ་འགྲོ་འབྱུང་པོ་ཀླུ། །དུད་འགྲོ་ལ་སོགས་རྫོགས་གཟུགས་ཅན། །སེམས་ཅན་གཞན་ལྟ་སྣོས་ཅི་དགོས། །དངོས་
གྲུབ་བཟང་པོ་འདོད་པ་ཡིས། །ཁྱད་པར་རི་ལུས་འདི་བསྒྲུབ་བྱ། །གིའུ་ཝང་དང་ནི་ལིག་བུ་མིག །ལྡོང་རོས་བཟང་པོར་སྦྱར་བ་ཡི། །རི་ལུ་རྒྱ་སྲན་ཚད་བྱས་ནས། །སྣོད་གཙང་ནང་དུ་གཞག་པར་
བྱ། །སྐུ་ཡི་མདུན་དུ་སྔགས་བརྗོད་ན། །སྔན་ཆད་མ་མཐོང་སྣང་བ་འམ། །སྒྲ་ཐོས་སམ་ནི་བདེ་གཤེགས་གཟུགས། །ཡིད་འོང་མངོན་དུ་བྱུང་བ་སོགས། །མར་ངོ་གསུམ་གྱིས་འབྱུང་བར་འགྱུར། །དེ་ནས་
ཟླ་བ་གཟས་བཟུང་ཚེ། །ཅི་འབྱོར་མཆོད་དེ་སྙིམ་པར་བཅུག །བཟླས་བརྗོད་བྱས་ནས་ཉི་ཤར་ན། །དུ་བར་འཐུལ་དང་དྲི་ཅན་འགྱུར། །དུད་འཐུལ་ལུས་ལ་བྱུགས་པས་ཀྱང་། །སྣང་བ་དང་འོད་གཟུགས་ཅན་དང་། །
འཛམ་གླིང་ཕྱོགས་རྣམས་རྒྱུ་བ་དང་། །ལོངས་སྤྱོད་ཆེ་དང་ལྡན་འགྱུར་ཏེ། །ཤི་འཕོས་ནས་ནི་དགའ་ལྡན་གནས་སུ་སྟེ། །དྲི་མ་ཙམ་གྱིས་ལུས་བྱུགས་ཀྱང་། །འགྲོ་བ་ཐམས་ཅད་དབང་བྱེད་ཅིང་། །ཐོས་པ་འཛིན་
ཅིང་སྒྱུ་རྩལ་མཁས། །ཤི་ནས་འཛམ་གླིང་འདི་ཉིད་དུ། །ལྕང་ལོ་ཅན་གྱི་གནོད་སྦྱིན་ནི། །འཁོར་ལ་གཞོན་ནུའི་རིགས་སུ་སྐྱེ། །ཡང་ན་མི་ཡི་རྒྱལ་པོ་འམ། །གླང་པོ་ཉིད་དུ་སྐྱེ་བར་འགྱུར། །འབར་བ་ལུས་ལ་བསྐུས་ན་བལྟ། །
རིག་སྔགས་འཆང་ལུས་ཉི་ཤར་མདོག །བསྐྲ་པར་གནས་ཏེ་འདོད་དགུར་སྤྱོད། །འཇིག་རྟེན་ཀུན་དུ་ཐོགས་མེད་རྒྱུ། །མཁའ་ལྡིང་ས་འོག་ཆུ་བྲན་འགྲོ། །སངས་རྒྱས་ཀུན་ནས་ཕྱིན་ནས་ཀྱང་། །དབང་པོར་གནས་ཏེ་
རྒྱལ་པོར་གནས། །སྤྲུལ་པའི་རྫས་ཀྱིས་བདེ་གཤེགས་མཆོད། །འདོད་ནས་ཤི་འཕོས་འཇིག་རྟེན་ཁམས། །གཞན་འདས་སངས་རྒྱས་དག་ཏུ་སྐྱེ། །འཇིག་རྟེན་འཇིག་རྟེན་འདས་པ་ཡིས། །བདག་ཉིད་ཡིད་དུ་

98-1-313b

འོང་འདོད་པས། །གུར་ཀུམ་ག་བུར་གླ་རྩི་དང་། །གིའུ་ཝང་བསྲེགས་ནས་སྔགས་སྟོང་བཟླས། །བརྡུངས་ཏེ་ཕྱེ་མར་བྱས་ནས་ཀྱང་། །སྔགས་སྟོང་བཟླས་ཏེ་ཆུ་གཙང་གིས། །རིལ་བུ་རྒྱ་སྲན་ཚད་བྱས་ནས། །རེ་རེ་ལ་
ཡང་སྟོང་སྟོང་བརྗོད། །རླུང་དང་ཉི་མས་མ་རིག་པར། །བསྐམས་ནས་སྣོད་གཙང་གཞག་པར་བྱ། །རི་བུ་ཙམ་ཅིག་མུར་ན་ཡང་། །རྒྱལ་པོ་བློན་པོ་འཁོར་བཅས་ཀྱིས། །མཐོང་ན་བུ་བཞིན་གཟིགས་པས་ན། །ཐ་མལ་སྐྱེ་བོ་སྨོས་
ཅི་དགོས། །ནོར་རྣམས་གཞན་གྱིས་སྟེར་བ་དང་། །བསྒོ་བ་ལ་ནི་ངག་བཙན་འགྱུར། །ག་པུར་གུར་ཀུམ་གིའུ་བང་དང་། །ཙན་དན་གན་ད་བརྡ་དང་། །གླ་རྩི་དག་སྟེ་ཆ་མཉམ་དུ། །རེ་རེ་སྔགས་སྟོང་བཟླས་ནས་སུ། །བརྡུངས་ཏེ་རིལ་བུ་བྱས་པ་
དག །གཡོན་པའི་ཞལ་ལ་གདགས་པར་བྱ། །བདུན་ནས་ཉའི་བར་དུ་ནི། །སྔགས་བཟླས་པ་དང་མཆོད་པ་བྱ། །བདུགས་པས་ནད་དང་གདོན་རྣམས་སེལ། །མིག་ལ་བྱུགས་པས་རྒྱལ་པོ་དང་། །རྒྱལ་མོ་བུ་དང་བུ་མོ་དང་། །བློན་པོ་
ལ་སོགས་དབང་དུ་འགྱུར། །ཁར་བཅུག་ཙམ་གྱིས་གྲོལ་བར་འོང་། །གདམས་པ་ཐམས་ཅད་དོན་ཡོད་འགྱུར། །སྤྱི་བོར་བཏགས་ན་བྱད་སྟེམས་དང་། །གཡུལ་ལས་ཤིན་ཏུ་རྒྱལ་བར་འགྱུར། །གལ་ཏེ་ཕྱེ་མས་བདུགས་
པས་ཀྱང་། །སྡིག་པ་ཐམས་ཅད་བྱང་འགྱུར་ཏེ། །ཀུན་གྱི་མཐོང་དང་དགའ་བ་དང་། །གཟི་བྱིན་འཕགས་པ་ཀུན་གྱིས་མཆོད། །ག་བུར་གླ་རྩི་གུར་ཀུམ་དང་། །ཙན་དན་གླ་རྩི་ཀ་ཀོ་ལ། །སྤོས་ཀྱི་རྒྱལ་པོ་པད་མ་དང་། །ཨུཏ་པལ་སྔོ་དང་ཙན་
དན་དམར། །རེ་རེ་ལ་ཡང་སྟོང་སྟོང་བཟླས། །ཆ་མཉམ་ཕྱེ་མ་གིའུ་ཝང་བཅས། །རིལ་བུ་ཙ་ན་ཀ་ཚད་བྱ། །གྲིབ་སྐམས་བྱས་ནས་ལུས་ལ་འཆུང་། །གླིང་བཞི་ཀུན་ཁྱབ་རྒྱལ་སྲིད་འཐོབ། །ཀྲ་ཀུ་ལ་ཡི་ཐང་ཆུ་དང་། །ལྡོང་རོས་
བེད་དང་ཨུད་པལ་སྔོ། །རྒྱ་མཚོ་ལྦུ་བ་གིའུ་ཝང་དང་། །ཡུང་དང་སྐྱེར་པ་གུར་ཀུམ་དང་། །ག་ཕུར་དང་ནི་གླ་རྩི་གསུམ། །རེ་རེ་ལ་ཡང་སྔགས་སྟོང་བཟླ། །དེ་ནས་སྐུ་ཡི་མགུལ་བཏགས་ཏེ། །སྟོང་བཟླས་དྲིལ་ནས་རིལ་བུ་བྱ། །

98-1-314a

མིག་ནད་སེལ་ན་ཆུ་དང་སྦྱར། །སོ་ནད་ལ་ནི་ཀ་ཀ་རུ། །རྣ་བའི་ནད་ལ་རུ་རྟ་སྟེ། །ཨུཏ་པལ་མུ་ཏིག་མིག་ནད་ལ། །གྲེ་བའི་ནད་ལ་བ་ཤ་ཀ །གློ་ནད་ལ་ནི་བ་ལེ་ཀ །ཤ་ཀ་རའི་ཐང་དང་སྦྱར། །རླུང་ནད་ལ་ནི་མར་དང་སྦྱར། །
མཁྲིས་ནད་ལ་ནི་ཏིག་ཏ་དང་། །བད་ཀན་ལ་ནི་ལྒ་དང་སྦྱར། །མཛེ་ནད་ལ་ནི་དུག་མོ་ཉུངས། །མ་ཞུ་བ་ལ་ཁ་རུ་ཚྭ། །སྐྲངས་ནད་རྣམས་ལ་ཐུག་པོ་ཆེ། །བགེགས་དང་ཡམས་ནད་སེལ་བ་ལ། །གུ་གུལ་དང་བཅས་བདུག་པར་བྱ། །
རིལ་བུའི་ཡོན་ཏན་མཐའ་ཡས་ནི། །ནམ་ཡང་བརྗོད་པར་མི་ནུས་སོ། །གུ་གུལ་ལ་ནི་སྟོང་བཟླས་པའི། །རི་ལུས་བགེགས་ཚོགས་སེལ་བར་བྱེད། །ཀེ་སུ་རྩ་དང་སྒེའུ་གཤེར་དང་། །བ་ལ་ཏ་ཀ་ཚ་བ་གསུམ། །སེར་པོ་མུ་ཟི་ཕྱེ་མ་རྣཾས། །
སྦྲང་རྩི་དང་བཅས་རི་ལུ་བྱ། །པད་མ་གར་དབང་སྔགས་སྟོང་བཟླས། །ཟོས་པ་ཙམ་གྱིས་ལུས་རྒྱས་ཏེ། །ནད་དང་གདོན་དང་དགྲས་མི་ཚུགས། །འདོད་རྣམས་ཐམས་ཅད་གྲུབ་པར་འགྱུར། །ཏ་ཀའི་རྩ་བ་བ་རུ་ར། །སྐྱུ་རུ་ར་དང་ཏིལ་ཏི་ལ། །མཉམ་བྱས་
སྲིན་བྱའི་ཁྲག་དང་ནི། །རི་ལུ་བྱས་ལ་མིག་ལ་བྱུག །ཀླུ་དང་ཡི་དགས་ཁང་པ་དང་། །ས་འོག་ཐམས་ཅད་མཐོང་བར་ངེས། །བྱིས་པ་ཟླ་བ་གསུམ་པའི་ལྕེ། །ཉིན་གཅིག་སྤོས་ཕོར་ནང་དུ་གཞུག །གཉིས་པ་ར་འོ་གསུམ་དང་འབྱུང་། །བཞི་
པ་རིལ་བུ་ཚིལ་ཆེན་བཙོ། །ལྔ་པ་སྦྲང་རྩི་ནང་དུ་སྟེ། །དྲུག་པ་དངུལ་ཆུའི་ནང་དུ་བཞག །བདུན་པ་རིགས་ངན་ཐོད་པར་ནི། །བྱི་ལའི་ཁྲག་གིས་བསྐུ་ལ་གཞག །སྐམས་ནས་བྱ་དང་སྤྱང་ཀུའི་ཤ །ལྷན་ཅིག་རང་གི་ཁར་བཅུག་ན། །དེ་མ་ཐག་ཏུ་
མི་སྣང་འགྱུར། །གཞན་ཡང་ཡོན་ཏན་དཔག་ཏུ་མེད། །ལྡོང་རོས་གྱེན་དུ་བཅས་པ་དང་། །ཛ་ཏི་ལོ་མ་ས་བོན་བཅས། །རི་ལུ་སྔགས་སྟོང་བཟླས་པ་ཡིས། །བར་སྣང་ལ་ནི་འགྲོ་བར་ངེས། །བན་དུ་མ་དང་ཀི་རམ་དང་། །མ་ཀ་རི་དང་སུ་མི་
ཏམ། །བྲ་པན་ཏ་མའི་རི་ལུ་ནི། །ཉི་ཟླ་བཟས་བཟུང་དུས་སུ་མིད། །ཤེས་རབ་ཕུལ་དུ་འབྱུང་བ་སྟེ། །ཐོས་པ་འཛིན་འགྱུར་སྨོས་ཅི་དགོས། །གིའུ་ཝང་སཱ་ཧཱ་ཙི་ན་དང་། །སྲེ་ཏ་སྦྲང་གི་རིལུ་བྱ། །སྔགས་སྟོང་བཟླས་ནས་ཁར་བཅུག་ན། །འདས་པའི་

98-1-314b

དོན་རྣམས་ཤེས་པར་འགྱུར། །གིའུ་ཝང་སུག་པ་ཕྱེ་མ་དང་། །བ་ར་སྭཱ་ཏ་ཧ་སུ་རི། །ཨ་ར་ཧུ་རི་སྦྲང་རྩིར་བཅས། །རིལ་བུ་བྱས་ནས་སྔགས་སྟོང་བཟླ། །མིད་པས་མ་འོངས་དོན་རྣམས་ཤེས། །གཞན་ཡང་ནད་འདོན་བྱེད་པ་ཡིས། །རི་ལུ་
ཆེན་པོ་བཤད་པར་བྱ། །རྒྱལ་དང་རྣམ་རྒྱལ་ན་གུ་ལ། །ཀན་དྷ་ན་གུ་ལི་དང་ནི། །རུ་ཎི་ཨ་པ་ཡ་བ་ནི། །ཨི་པ་ཡ་ན་ཏ་ག་ར། །གན་དྷ་ག་དང་པྲི་ཡང་ཀུ། །འཁོར་ལོ་ཆེ་དང་འཁོར་ལོ་དང་། །བིཥྣུ་ཀ་ཊི་དེ་བཞིན་དུ། །སོ་མ་ར་ཙ་ཨུན་ན་ཏི། །
རེ་རེ་ལ་ཡང་སྔགས་ཕྲེང་དང་། །བརྒྱ་རྩ་བརྒྱད་དུ་བརྗོད་པར་བྱ། །དེ་ནས་བརྡུངས་ཏེ་སྦྲང་དང་བཅས། །བྱིས་པ་ལ་ནི་དཔུང་པར་ཏེ། །བུ་འདོད་མོ་ལ་མགུལ་པར་གདགས། །འདི་བཏགས་པ་ཡི་དེ་མ་ཐག །འཇིགས་པ་བརྒྱད་དང་ནད་
ལས་གྲོལ། །བ་མར་ཤུ་དག་བ་ལྕིར་བཅས། །ལྕགས་ཀྱི་སྣོད་དུ་བཙོས་པ་ཡི། །རིལ་བུ་ཨ་མྲའི་འབྲས་བུ་ཙམ། །སྔགས་འདི་སྟོང་ཕྲག་བརྒྱད་བརྗོད་དེ། །ཕྱིས་ནི་ཉི་ཤུ་གཅིག་བརྗོད་ནས། །སྔ་བར་མིད་པས་ཤེས་རབ་འཕེལ། །
ན་མོ་རཏྣ་ཏྲ་ཡཱ་ཡ། ན་མོ་ཨརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཤུད་དྷེ་མྲྀ་ཏི་བ་ལ་བར་དྷ་ནི་སྭཱ་ཧཱ། སྲོད་དང་ཐོ་རངས་དགེ་སྦྱོང་དང་། །དལ་སྨྲ་གསོང་པོ་དུལ་བག་ཅན། །ཁྲུས་ལ་དགའ་
ཞིང་དྲི་བཟང་བསྟེན། །སྤྱོད་ལམ་རབ་ཞི་ཁྲོ་བ་མེད། །རྟག་ཏུ་བསྔགས་བརྗོད་བརྩེ་སེམས་ཅན། །སྤྱན་རས་གཟིགས་ཉིད་ལ་ཆེར་དང་། །གདུག་བག་ཅན་ལ་མཆི་མ་ཅན། །ལུང་ཐོབ་བླ་མར་རབ་དགའ་བའི། །སྐྱེས་མཆོག་དེ་ལ་རབ་
དགེ་ཞིང་། །འཇིག་རྟེན་སྐྱོང་གི་ལྷ་རྣམས་དང་། །འབྱུང་བ་ལ་སོགས་སྨོས་ཅི་དགོས། །རྟག་པར་རང་གི་ཡིད་ལ་ནི། །སྙིང་པོ་གསང་སྔགས་བཅང་བར་བྱ། །ཉེ་བའི་སྙིང་པོ་ལུས་དག་པའི། །ལྷ་ཡང་རང་ལ་ཉེ་བར་བྱེད། །
རྩ་བའི་སྔགས་རྣམས་བརྗོད་མང་བ། །ཁྲི་དང་འབུམ་དང་ས་ཡ་དང་། །ས་ཡ་གསུམ་དང་དྲུག་བརྗོད་དེ། །ཁ་ཅིག་ལ་ཡང་བཞི་དང་ནི། །ལྔ་ཙམ་གྱིས་ནི་དེ་གྲུབ་ཡིན། །ལས་ལ་སྦྱར་བ་བདུན་དང་ནི། །བཅུ་བཞི་ཉི་ཤུ་རྩ་གཅིག་

98-1-315a

དང་། །བརྒྱ་དང་དེ་བཞིན་སྟོང་གིས་རྫོགས། །དེ་མ་ཐག་ཏུ་ཆུ་ཡིན་ཏེ། །ཅུང་ཟད་བ་ནི་མར་གྱིས་བྱ། །བསྟན་པར་གྱུར་པ་ཀ་ར་ཏེ། །ཆེས་བསྟན་པ་ལ་སྲད་བུ་ཡིན། །སྨན་དང་སྔགས་ཀྱིས་སེལ་བྱེད་དེ། །རིལ་བུས་རིང་དུ་སྐྱོང་བྱེད་
ཡིན། །སྔགས་བསྒྲུབ་པ་ལ་མི་མོས་པའོ། །མདུན་དུ་རྩོམ་ན་དེ་དག་རྣམས། །དེ་སྐད་གསུངས་པའི་དེ་མ་ཐག །རྡོ་རྗེ་སྙིང་པོ་ཉི་འོད་དང་། །པད་དཀར་རིན་ཆེན་སྙིང་པོ་དང་། །པད་སྤྱན་གཟིགས་ཀྱི་སྙིང་པོ་དང་། །ཡེ་ཤེས་དབང་ཕྱུག་པད་
དབང་ཕྱུག །བྱང་ཆུབ་སེམས་དཔའ་ཆེན་པོ་རྣམས། །རང་རང་སྡེ་དཔུང་སྡེར་བཅས་པ། །འཁོར་གྱི་དཀྱིལ་འཁོར་ཆེན་པོ་རྣམས། །འཇིག་རྟེན་དབང་ལ་ཆེར་དམིགས་ནས། །མཆོད་པའི་ཚོགས་རྣམས་བཀྲམ་བྱས་ཏེ། །རིན་
ཆེན་རིགས་ལས་འཁྲུངས་པ་ཡི། །མཆོད་པ་ནམ་མཁའ་གཏོས་པར་བཀང་། །རོལ་མོ་དུ་མ་ལྷབ་ལྷུབ་དང་། །སིལ་སྙན་ལྷའི་ཚོགས་རྣམས་ཀྱིས། །སྤྲིན་མཛེས་ཚོགས་རྣམས་རབ་འཁྲིགས་ལྟར། །བཀོད་པ་མཐའ་ཡས་
བཤམ་བྱ་སྟེ། །དེ་ནས་བྱང་ཆུབ་སེམས་དཔའི་ཚོགས། །མགོན་གྱུར་ཡེ་ཤེས་མངའ་བ་རྣམས། །སྤྱན་རས་གཟིགས་དབང་གསུང་སྙན་ལ། །ཡི་རང་སྐྱེས་ནས་མཚན་ཆེན་བརྗོད། །སྤྱན་རས་གཟིགས་དབང་མཆོག་བརྟན་
ཆེ། །འཇིག་རྟེན་དབང་པོ་དབང་ཕྱུག་ཆེ། །པད་མ་སེམས་དཔའ་པད་འབྱུང་ཆེ། །རྡོ་རྗེ་ཆོས་ལ་ཕྱག་འཚལ་ལོ། །དག་པ་ཆེན་པོ་ཆོས་རྒྱལ་གཙོ། །བློ་གྲོས་ཆེན་པོ་སེམས་དཔའ་ཆེ། །པད་མ་འཆང་དང་པད་མ་དཔའ། །པད་མའི་མགོན་
ཁྱོད་ཕྱག་འཚལ་ལོ། །པད་མ་ལས་བྱུང་དམ་པའི་ཡིད། །པད་མ་གསལ་མཛད་དགའ་མཛད་པོ། །པད་མའི་རྡོ་རྗེ་པད་མའི་སྐུ། །ཁྱོད་མཆོག་སྤྱན་ལ་ཕྱག་འཚལ་ལོ། །སྣང་བ་ཀུན་ཆེན་ཐབས་པོ་ཆེ། །ཆེ་མཉཾ་དགའ་བ་དགོངས་པ་
ཆེ། །དཔའ་བོ་ཆེན་པོ་བརྟན་ཆེན་རྒྱལ། །བདེ་བ་ཆེན་པོ་ཁྱོད་ཕྱག་འཚལ། །བསམ་ཆེན་མཁྱེན་ཆེན་ཐེག་ཆེན་པོ། །རྣལ་འབྱོར་ཆེན་པོ་མེས་པོ་ཆེ། །བདེ་སྩོལ་བདེ་མཛད་དགའ་མཛད་ཆེ། །པད་མ་རྒྱས་ཞལ་ཕྱག་འཚལ་ལོ། །ཆོས་

98-1-315b

མངའ་དོན་མངའ་པད་མ་རྒྱལ། །དག་པ་ཆོས་མངའ་ཆོས་མཆོག་འཛིན། །རྨད་འབྱུང་ཆེན་ལྡན་ཆོས་རབ་འཆང་། །ཆོས་ཀྱི་ཚོགས་ཁྱོད་ཕྱག་འཚལ་ལོ། །སངས་རྒྱས་སེམས་དཔའ་མཆོག་སེམས་དཔའ། །རིན་ཆེན་
སེམས་དཔའ་ཆོས་སེམས་དཔའ། །དམ་ཚིག་སེམས་དཔའ་ལས་སེམས་དཔའ། །ཀུན་མཁྱེན་སེམས་དཔའ་ཁྱོད་ཕྱག་འཚལ། །འཇིག་རྟེན་དཔའ་བོ་དཔའ་བོ་མཆོག །རྣམ་པར་གཟིགས་གཙོ་སྐྱོབ་མཛད་ཆེ། །
འཇིག་རྟེན་གསལ་མཛད་འཇིག་རྟེན་དོན། །འཇིག་རྟེན་མགོན་པོ་ཕྱག་འཚལ་ལོ། །འཇིག་རྟེན་ཡི་གེ་ཁ་དོག་ཆེ། །ཡི་གེ་ཆེ་ཚུངས་ཡིག་དྲུག་མཆོག །ཡི་གེའི་རང་བཞིན་ཡི་གེ་གཟིགས། །ཡི་གེ་འཁོར་ལོ་ཁྱོད་ཕྱག་འཚལ། །
པད་མའི་ཕྱག་རྒྱ་པད་མའི་ལག །ལེགས་སོ་སྦྱིན་མཛད་དབུགས་སྦྱིན་པའོ། །སངས་རྒྱས་ཚོགས་དེ་སངས་རྒྱས་ཆོས། །སངས་རྒྱས་ཆེ་མཁྱོད་ཕྱག་འཚལ་ལོ། །ཚད་མེད་ཆེ་སྐུ་སངས་རྒྱས་སྐུ། །གཟུགས་བཟང་འཆང་ལྡན་
རྡོ་རྗེ་གཟུགས། །གཟི་བརྗིད་ཆེ་མཆོག་ཆོས་སྣང་བ། །སྣང་བར་མཛད་ཁྱོད་ཕྱག་འཚལ་ལོ། །གཙོ་མགོན་རྒྱལ་པོ་པད་མའི་དཔལ། །ཆོས་ཀྱི་དཔལ་མགོན་འདྲེན་མཛད་པ། །ཚངས་པའི་མགོན་ཆེན་ཁྱབ་འཇུག་མགོན། །ཚངས་པའི་
སྲས་ཁྱོད་ཕྱག་འཚལ་ལོ། །ཆེར་གསལ་གཙོ་བོ་སྣང་བ་མཆོག །འོད་ཆེན་མཛད་པ་རང་གསལ་མཛད། །སྣང་བ་ཆེན་པོ་ཀུན་གསལ་མགོན། །སྣང་བ་ཁྱོད་ལ་ཕྱག་འཚལ་ལོ། །སངས་རྒྱས་སྤྱན་ཅན་སྤྱན་པོ་ཆེ། །ཆོས་ཀྱི་སྤྱན་ཏེ་
གཟིགས་པ་ཆེ། །ཏིང་འཛིན་ཆེན་པོ་ཡེ་ཤེས་མཚོ། །རྡོ་རྗེ་སྤྱན་ཁྱོད་ཕྱག་འཚལ་ལོ། །འདྲེན་པའི་གཙོ་བོ་དབང་སྒྱུར་གཙོ། །མཁས་པ་ཆེན་པོ་སངས་རྒྱས་སྲས། །རྒྱལ་ཐབས་མཉེས་པ་ཁྱུ་མཆོག་ཆེ། །སངས་རྒྱས་དཔག་མེད་
ཕྱག་འཚལ་ལོ། །དྲག་པོ་ཆེན་པོ་རྟུལ་ཆེན་པོ། །ཧ་ལ་ཆེན་པོ་སེང་གེ་སྒྲ། །མགྲིན་སྔོན་གར་གྱི་དབང་ཕྱུག་གཙོ། །ཡེ་ཤེས་གཙུག་ཏོར་ཕྱག་འཚལ་ལོ། །དེ་ལྟར་མིང་བརྒྱ་རྩ་བརྒྱད་གང་། །འཆང་ལ་ནད་མེད་བགེགས་མེད་དེ། །དཔལ་འབྱོར་

98-1-316a

འཇིག་རྟེན་དབང་ཕྱུག་མཐོང་། །ཡང་ཡང་ལྷར་སྐྱེ་མྱ་ངན་འདའ། །དེ་སྐད་གསུངས་ནས་བློ་ལྡན་རྣམས། །རང་རང་སྟན་ལ་མངོན་པར་འཁོད། །དེ་ཚེ་ཕྱོགས་བཅུ་རྣམ་པར་གཡོས། །བདུད་རིགས་ཐམས་ཅད་མོག་པོར་གྱུར། །
དེ་ནས་གཟུངས་ཀྱི་དབང་ཕྱུག་གིས། །བྱང་ཆུབ་སེམས་དཔའི་ཚོགས་རྣམས་ལ། །རྟོགས་པའི་ཡེ་ཤེས་ངོ་བོ་ཉིད། །ངའི་མཚན་ཉིད་འདི་གསུངས་སོ། །ཀུན་ཏུ་བཟང་པོའི་སྤྱོད་ཡུལ་ཅན། །དཀར་ལམ་བཅུ་པ་རྣམ་སྤྲོ་བ། །སེམས་ཅན་
གང་དུ་འདོད་སྦྱོར་བའི། །རིགས་ནི་རིགས་ཆེན་ཐམས་ཅད་པའོ། །ལུས་ངག་ཡིད་བཅུ་སྤྱོད་བཅུ་ནི། །རྒྱུན་མི་ཆད་དུ་སྦྱོར་མོད་ཀྱང་། །རགས་པ་ཡི་ནི་གཟུགས་བརྙན་མཐུས། །སྔགས་སྦྱོར་གསང་སྔགས་འཛིན་པ་ཡི། །ལྷ་ལ་
གོམས་པ་ལྷ་མཐོང་ངམ། །མངོན་ཤེས་དང་པོ་སེམས་གསལ་བས། །མཁའ་མཉམ་སེམས་ཀྱི་རྫུ་འཕྲུལ་ཆེ། །སེམས་སྣང་རིགས་པ་འཛིན་པའི་ས། །མཚན་མ་ཕྲ་བ་ལ་སོགས་པའི། །མངོན་ཤེས་འཇིག་རྟེན་གསལ་
མཐོང་ས། །འཇིག་རྟེན་འདས་པའི་སྙིང་པོ་སྟེ། །བསྟན་པའི་ཡེ་ཤེས་ལས་བྱུང་བའོ། །དམ་ཚིག་སྡོམ་པ་མཁའ་མཉམ་སྤྱོད། །སེམས་དང་སེམས་དཔའ་དབྱེར་མེད་དང་། །ཞི་ལམ་སྒྲོ་སྐུར་ཆད་པ་དང་། །སྡུག་བསྔལ་ཀུན་འབྱུང་འགོག་
དང་ལམ། །བཞི་བཞི་ལྷུན་གྱིས་གྲུབ་པ་དང་། །རྟེན་འབྲེལ་ཟབ་དོན་མངོན་གྱུར་པ། །འཇིག་རྟེན་འདས་པའི་རིགས་ཀུན་མཆོག །མཚན་མེད་ཏིང་འཛིན་ལ་གནས་ནས། །རྩོལ་བཅས་གཞན་དོན་སྒྲུབ་པ་དང་། །རྩོལ་མེད་ཤུགས་ཀྱིས་བདེ་
འབྱུང་དང་། །ངེས་ཚིག་ཆོས་དོན་སྤོས་པའི་མཐའ། །རྫུ་འཕྲུལ་དུ་མ་སྤྱོད་ཡུལ་ལ། །རིགས་ཆེན་ཡོངས་སུ་གྲུབ་པའི་ས། །མཁའ་སྤྱོད་ཕུན་སུམ་ཚོགས་ལྡན་ཅིང་། །སེམས་ཀྱི་སྣང་བ་དུ་མར་སྒྱུར། །དངོས་རྣམས་སྤྲོས་སྤང་བསྡུ་སྤྱོད་པ། །
རིག་འཛིན་ཕྱག་རྒྱ་ཆེན་པོ་ཡིས། །ཆོས་སྐུ་ཀུན་སྣང་ཀུན་དུ་འོད། །བདེ་སྐུར་སྣང་བ་པད་མའི་སྤྱན། །ཡི་གེ་འཁོར་ལོ་སྤྲུལ་ཚོགས་ཆེ། །མཚོན་བྱ་མཚན་ཉིད་རྡོ་རྗེ་འཛིན། །ཟག་མེད་ཡེ་ཤེས་བླ་མའི་ས། །འདུ་འབྲལ་མེད་པའི་

98-1-316b

བདེ་ཆེན་ས། །དེ་ལྟར་དྲུག་ནི་སངས་རྒྱས་ཀྱི། །ས་ཆེན་བླ་མེད་མཐར་གནས་སོ། །ངོ་བོ་སྤྲོས་མེད་ཆོས་སེམས་པ། །གསང་སྔགས་བསྒྲུབ་པའི་རྒྱུ་གཅིག་གོ། སེམས་ཅན་སེམས་སྙོམས་བྱང་སེམས་འཛིན། །ངེས་པར་
སྒྲུབ་པའི་རྒྱུ་གཉིས་སོ། །སེམས་ཅན་མི་གཏོང་ཚུལ་ཁྲིམས་བསྲུང་། །སྔགས་དོན་མི་སྤོང་ཉིད་དང་གསུམ། །རང་གིས་སྔགས་བསྒྲུབ་གཞན་གྱིས་སྔགས། །བར་མི་གཅོད་དང་འགྲོ་བ་ལ། །བྱམས་པ་
བསྒྲུབ་དང་སྙིང་རྗེ་བསྒྲུབ། །གྲུབ་པར་བྱེད་པའི་རྒྱུ་བཞིའོ། །དབེན་པ་བསྟེན་དང་འདུ་འཛི་སྤོང་། །ཐོས་པ་བསམ་ཞིང་དེ་དོན་སྤྱོད། །ཕྱི་རོལ་སྔགས་སྤོང་ཞེ་སྡང་སྐྱུང་། །དེ་དག་སྔགས་སྒྲུབ་རྒྱུ་ལྔའོ། །
དད་པ་འདུན་པ་གསོལ་བ་དང་། །ཕྱི་ནང་སྔགས་ལ་མི་སྤྱོད་དང་། །སྤྲོས་མེད་སྟོན་པའི་གཞུང་འཇུག་དང་། །ཐེག་ཆེན་མདོ་གཞུང་འཛིན་པ་དང་། །སྔགས་གཞུང་ཚོལ་བ་མི་སྐྱོ་དང་། །བེད་
སྤྱོད་བརྩོན་དང་དྲུག་པའོ། །བཟླས་དང་སྦྱིན་སྲེག་མཆོད་གཏོར་བརྩོན། །ཕྱི་རོལ་དཀའ་ཐུབ་གདུང་མེད་དང་། །སྣོད་བཅུད་འོག་མིན་གནས་ལྷ་དང་། །བུ་མོ་ཕ་རོལ་ཕྱིན་ཡུལ་
ལྷ། །འགྲོ་བ་མི་བསླུ་ཆོས་མི་འབྱེད། །ཐེག་དམན་མི་ལེན་པ་དང་བདུན། །ཉན་ཐོས་རང་རྒྱལ་བློ་ལྡན་དང་། །རིག་འཛིན་རྫུ་འཕྲུལ་ཐེ་ཚོམ་མེད། །ལྷ་དང་བླ་མའི་བསྙེན་
བཀུར་དང་། །དབང་བསྐུར་ལུང་ནོད་སྤྲོ་བ་དང་། །སེར་སྣ་མེད་དང་གཏོང་ལ་དགའ། །གསང་བ་དགའ་ཞིང་མི་གཡེངས་དང་། །གཟི་བརྗིད་དབང་ཆེའི་ལུས་ཐོབ་དང་། །གྲགས་ཀུན་བློ་
ལྡན་བརྒྱད་པོར་བལྟ། །སྐུར་པ་མེད་ཅིང་བདེན་པར་སྨྲ། །བག་ཡོད་ཚུལ་འཆོས་སྤངས་པ་སྟེ། །བརྒྱད་པ་དེ་ཡང་བསྒྲུབ་པའི་རྒྱུ། །རྒྱུ་མེད་འབྲས་བུ་ག་ལ་སྲིད། །

98-1-317a

གང་ཞིག་ལྕགས་ཀྱུས་བཟུང་བས་གཉིས་རེ་ནས། །ཀླུ་ཕྲུག་འབུམ་ཕྲག་འདྲེན་ལྟར་དགེ་བའི་སེམས། །ཀུན་སློང་བྱང་ཆུབ་རིན་ཆེན་ཐོབ་མཛད་རྒྱུ། །རྟག་པར་འཆང་ན་གནས་བསྒྱུར་བྱེད་པར་
འགྱུར། །དེ་ནས་བཅོམ་ལྡན་ཐུབ་པ་ཆེས། །བློ་ལྡན་རྣམས་ལ་བཀའ་སྩལ་པ། །ལེགས་སོ་ལེགས་སོ་སེམས་དཔའ་ཆེ། །གང་དག་དེ་དག་དེ་བཞིན་དུ། །བདེ་འདོད་རྣཾ་པར་གཡེང་བ་དང་། །དེས་ནི་སྡུག་བསྔལ་མྱ་ངན་འདས། །
གདུང་བ་ཆགས་སྡང་འཁྲུག་པ་དང་། །དེས་ནི་ལོག་པའི་ཆོས་འདོར་ཡང་། །དགེ་སྦྱོང་ལོག་ལྟས་ཚངས་པའི་གདོན། །སྔགས་ལོག་སྤྱོད་བྱེད་རིག་འཛིན་གདོན། །གདུལ་དཀའ་དག་ལ་རྒྱུན་རིངས་སོ། །སྐྱེ་ངན་འཇིགས་
ཕྱིར་བློ་ཟབ་སྤྱོད། །གང་གིས་ཁྱིམ་དུ་རྒྱུད་འདི་ཡོད། །བྲི་དང་བཀླག་དང་མཆོད་པ་དང་། །རིམ་གྲོ་ཆེད་དུ་གསལ་བྱེད་དང་། །བཀྲ་ཤིས་ཚེ་རིང་དཔལ་འབྱོར་སྐྱེ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། །
བྱང་ཆུབ་སེམས་དཔའ་སེམས་དཔའ་ཆེན་པོའི་ཚོགས་དེ་དག་དང་། རིག་པའི་ལྷ་མོ་དང་། ཁྲོ་བོ་དུ་མ་དང་། ཉན་ཐོས་ཀྱི་ཚོགས་ཐམས་ཅད་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། 
བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་ལས། སྦྱོར་བ་སྣ་ཚོགས་ཀྱི་ལེའུ་སྟེ་བཅུ་གཉིས་པའོ། །
འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པད་མ་དྲ་བ་ཞེས་བྱ་བ་རྫོགས་སྷོ།། །།རིག་པའི་འབྱུང་གནས་རིག་པའི་འོད་ཟེར་གྱིས་ཤེས་རབ་པད་མ་རྒྱས་པའི་ཁ་ཆེའི་ཡུལ་བདུད་རྩི་འབྱུང་བའི་
གཙུག་ལག་ཁང་ཆེན་པོར་པཎ་ཌི་ཏ་ཆེན་པོ་སོ་མ་ཤྲཱི་བྷ་བྱ་ཞེས་བྱ་བ་དང་། བོད་ཀྱི་ལོ་ཙྪ་བ་ཀྱུ་ར་དགེ་སློང་ཚུལ་ཁྲིམས་འོད་ཟེར་གྱིས་བསྒྱུར་ཅིང་གཏན་ལ་ཕབ་པའོ། །ཞུས་དག །བཀྲི་ཤིས་ཤོག ། །།