99-1-1a

༼མ༽ ༄༅། ༈ །གསང་སྔགས་རྒྱུད་འབུམ་གྱི་སྐོར་བཞུགས་སོ། །
(黃)  秘密經第十六部

99-1-1b

༄༅། །རྒྱ་གར་སྐད་དུ།  ཨརྱ་ཨ་མོ་གྷ་པཱ་ཤ་ཀལ་པ་རཱ་ཛཱ།  བོད་སྐད་དུ།  འཕགས་པ་དོན་ཡོད་པའི་ཞགས་
པའི་ཆོ་ག་ཞིབ་མོའི་རྒྱལ་པོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །འདི་
སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རི་བོ་པོ་ཏ་ལ་ན། སྤྱན་རས་གཟིགས་དབང་ཕྱུག་གི་ཕོ་
བྲང་ཤིང་ས་ལ་དང་། ཏ་མ་ལ་དང་། ཙམ་པ་ཀ་དང་། མྱ་ངན་འཚང་དང་། ཨ་ཏི་མུག་ཏ་ཀ་སྣ་ཚོགས་མང་པོས་ལེགས་པར་
བརྒྱན་པ་ན། དགེ་སློང་གི་དགེ་འདུན་ཆེན་པོ་བརྒྱ་སྟོང་དང་། བྱང་ཆུབ་སེམས་དཔའ་ས་ཡ་བྱེ་བ་བརྒྱ་སྟོང་ཕྲག་དགུ་བཅུ་
རྩ་དགུ་དང་ཐབས་གཅིག་ཏུ་བཞུགས་ཏེ། གནས་གཙང་མའི་རིགས་ཀྱི་ལྷའི་བུ་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་
མདུན་གྱིས་བལྟས་པ་ན། དབང་ཕྱུག་དང་། དབང་ཕྱུག་ཆེན་པོ་དང་། ཚངས་པ་དང་། ལྷའི་བུ་རྣམས་ཀྱི་དབང་དུ་མཛད་ནས་ཆོས་

99-1-2a

སྟོན་པར་མཛད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་
སྦྱར་བ་བཏུད་ནས། བཅོམ་ལྡན་འདས་ག་ལ་བ་དེ་ལོགས་སུ་འཛུམ་པའི་བཞིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་འདི་དོན་ཡོད་པའི་རྒྱལ་པོའི་སྙིང་པོ་ཞེས་བགྱི་བ་མཆིས་ཏེ། བདག་གིས་བསྐལ་
པ་དགུ་བཅུ་རྩ་གཅིག་གི་སྔོན་ལོགས་སུ་འཇིག་རྟེན་གྱི་ཁམས་རྣམ་པར་བལྟ་བར། དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོ་ལས་མནོས་ནས། འདི་ལྟར་བདག་གིས་དབང་ཕྱུག་དང་། དབང་ཕྱུག་ཆེན་པོ་ལ་སོགས་པ་ལྷའི་བུ་
རྣམས་དང་། གནས་གཙང་མའི་ལྷའི་བུ་བརྒྱ་སྟོང་ཕྲག་མང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཛིན་དུ་སྩལ་ནས། བདག་གིས་རྨོངས་པ་མ་མཆིས་པའི་ཡེ་ཤེས་བཀོད་པ་ལ་སོགས་ཏེ་ཏིང་ངེ་འཛིན་བརྒྱ་སྟོང་ཕྲག་བཅུ་
ཐོབ་པར་བགྱིས་ལགས་སོ། །བཅོམ་ལྡན་འདས་འདི་ལྟར་ཡང་ས་ཕྱོགས་གང་དུ་སྙིང་པོ་འདི་སྤྱོད་པའི་ས་ཕྱོགས་དེར། དབང་ཕྱུག་དང་དབང་ཕྱུག་ཆེན་པོ་ལ་སོགས་པ་ལྷའི་བུ་ཁྲི་ཉིས་སྟོང་བསྲུང་བ་དང་། སྦ་བའི་སླད་དུ་གནས་
པར་རིག་པར་བགྱི་ལགས་སོ། །བཅོམ་ལྡན་འདས་གང་ན་དོན་ཡོད་པའི་ཕུན་སུམ་ཚོགས་པའི་སྙིང་པོ་འདི་སྤྱོད་པའི་ས་ཕྱོགས་དེ་མཆོད་རྟེན་དུ་བཀུར་བར་འགྱུར་ལགས་སོ། །བཅོམ་ལྡན་འདས་སེམས་ཅན་དེ་དག་ནི་སངས་རྒྱས་བྱེ་བ་ཁྲག་
ཁྲིག་སྟོང་ཕྲག་ལ་དགེ་བའི་རྩ་བ་བསྐྱེད་པར་འགྱུར་ལགས་སོ། །གང་ཞིག་དོན་ཡོད་པའི་ཞགས་པའི་སྙིང་པོ་འདི་ཉན་པར་བགྱིད་ན། བཅོམ་ལྡན་འདས་སྡིག་པ་སྤྱོད་པའམ། སྡིག་པའི་ཆོས་ཀུན་ཏུ་སྤྱོད་པའམ། འཕགས་པ་ལ་སྐུར་བ་འདེབས་པ་
འམ། དམ་པའི་ཆོས་སྤོང་བ་འམ། མནར་མེད་པར་གཞོལ་བ་འམ། སངས་རྒྱས་དང་བྱང་ཆུབ་སེམས་དཔའ་དང་། ཉན་ཐོས་དང་རང་སངས་རྒྱས་ཐམས་ཅད་སྤོང་བ་དེ་འགྱོད་པར་འགྱུར་ཞིང་། མ་འོངས་པ་ན་སྡོམ་པ་འཐོབ་པར་འགྱུར་ལགས་སོ། །བཅོམ་

99-1-2b

ལྡན་འདས་རེ་ཤིག་དེ་ཉིད་ཀྱིས་ཞག་གཅིག་སྨྱུང་བ་བགྱིས་ཏེ། བཟླས་བརྗོད་བགྱིས་ན། ཚེ་འདི་ཉིད་ལ་ལས་དེ་རྣམ་པར་དག་པ་དང་། གཏུགས་པ་དང་བསལ་བར་འགྱུར་རོ། །རིམས་ཉིན་གཅིག་པ་འམ། རིམས་ཉིན་གཉིས་པ་འམ། ཉིན་གསུམ་པ་འམ། 
ཉིན་བཞི་པ་འམ། དེ་བཞིན་དུ་རིམས་ཉིན་བདུན་པ་འམ། མིག་ནད་དང་། རྣ་བའི་ནད་དང་། སྣའི་ནད་དམ། སོ་དང་མཆུའི་ནད་དམ། ལྕེ་དང་རྐན་གྱི་ནད་དམ། སྙིང་ནད་དམ། ལྟོ་ནད་དམ། རོ་རྒྱབ་དང་རྐེད་པའི་ནད་དམ། ཡན་ལག་གམ་ཉིང་
ལག་གི་ནད་དམ། གཞང་འབྲུམ་འམ། ཕོ་བའི་ནད་དམ། ཚད་པ་འམ། ལག་པ་དང་རྐང་པའི་ནད་དམ། སྣ་ནད་དང་གླད་པའི་ནད་དམ། ཤ་བཀྲ་ཆེན་པོ་འམ། ཤ་གཟིག་གུ་འམ། མཛེ་འམ་རྐང་ཤུའམ་འབྲུམ་བུ་ཕྲ་མོ་འམ། ལྷོག་པ་འམ། 
མཚན་བར་རྡོལ་པའམ། འབྲུམ་བུ་འམ། བརྗེད་བྱེད་དམ། བྱད་དམ། གཞན་གྱིས་བགྱིས་པའི་གསོད་པ་འམ། འཆིང་བ་འམ། བརྡེག་པ་འམ། སྐྲོད་པ་འམ། བདེན་པ་མ་ལགས་པས་སྐུར་བ་འདེབས་པ་འམ། བཅོམ་ལྡན་འདས་མདོར་ན་ལུས་ཀྱིས་
གདུང་པའམ། སེམས་ཀྱིས་གདུང་བ་འམ། རྨི་ལམ་ངན་པའི་ལས་དེ་ཡོངས་སུ་གཏུགས་པར་གྱུར་ན། སེམས་ཅན་དག་པ་ལྷག་པར་དད་པ་རྣམས་ཀྱིས་ཡོངས་སུ་བྱང་བར་འགྱུར་བ་ལྟ་སྨོས་ཀྱང་ཅི་འཚལ། །བཅོམ་ལྡན་འདས་གལ་ཏེ་འཁོར་བཞི་འམ། རིགས་བཞི་
ལས་གང་དག་རྒྱུ་དང་། གཡོ་དག་གིས་དོན་ཡོད་པའི་ཞགས་པའི་སྙིང་པོ་འདི་ཉན་པར་བགྱིད། འཛིན་པར་བགྱིད། འཆང་བར་བགྱིད། ཀློག་པར་བགྱིད། འབྲི་བར་བགྱིད་འབྲིར་འཇུག་པར་བགྱིད། ཀུན་ཆུབ་པར་བགྱིད། སེམས་ཅན་གཞན་ལ་ཡང་སྒྲོགས་པར་བགྱིད་ཅིང་། 
ཐ་ན་དུད་འགྲོའི་སྐྱེ་གནས་སུ་གཏོགས་པ་རྣམས་ཀྱི་རྣ་བུག་ཏུ་གཏད་དེ། རྣ་བར་བཟླས་བརྗོད་བགྱིད་ལ། རྡོ་རྗེའི་ཚིག་འདི་རྣམས་སེམས་པར་བགྱིད་དེ། སྐུར་པར་མ་མཆིས་པ་དང་། གཟུགས་མ་མཆིས་པ་དང་། རྣམ་པར་མི་རྟོག་པ་དང་། ཀུན་དུ་འབྱུང་བ་མ་མཆིས་པ་དང་། 
རིང་དུ་འགྲོ་བ་མ་མཆིས་པ་དང་། བགྱིད་པ་མ་མཆིས་པ་དང་། གོས་པ་མ་མཆིས་པ་དང་། སེམས་མཉམ་པ་ཉིད་དང་། མ་བྲལ་བ་དང་། ཕུང་པོ་ལྔ་དང་བྲལ་བ་སྟེ། རྣལ་འབྱོར་འདིས་སངས་རྒྱས་རྗེས་སུ་དྲན་པ་བསྒོམ་པར་བགྱིད་ན། དེ་ལ་ཕྱོགས་བཅུ་ནས་སངས་རྒྱས་

99-1-3a

སྟོང་ཞལ་སྟོན་པར་མཛད་པར་འགྱུར་ཞིང་། ནོངས་པ་འཆགས་པར་འགྱུར་བ་ལ་སོགས་པ་རྒྱས་པར་སྦྱར་རོ། །གླེགས་བམ་དུ་བགྱིས་ཏེ་ཁྱིམ་ན་འཆང་བར་བགྱིད་དམ། རྗེ་དཔོན་གྱིས་སྐྲག་པས་བགྱིས་སམ། བཞད་གད་ཙམ་གྱི་རྒྱུས་
ཉན་པར་བགྱིད་ན། བཅོམ་ལྡན་འདས་མཁས་པས་འཕགས་པ་སྤྱན་རས་གཟིགས་དབང་ཕྱུག་གི་མཐུས། དེ་དག་གི་རྣ་ཁུང་དུ་སྒྲ་དེ་གྲག་པ་ལགས་པར་འཚལ་བར་བགྱིའོ། །བཅོམ་ལྡན་འདས་དཔེར་ན་སྐྱེས་བུ་འགའ་ཞིག་གིས་ཙན་
དན་ནམ། ག་བུར་རམ་གླ་རྩི་ཞིག་ལ་ཁྲོས་སམ། ཡོངས་སུ་སྨད་དེ་རྡོ་ལ་བཏགས་ནས། བདག་ཉིད་ལ་བྱུགས་ན་ཙན་དན་ནམ། ག་བུར་རམ། གླ་རྩི་དེ་འདི་སྙམ་དུ་འདིས་བདག་ལ་ཁྲོས་སམ། ཡོངས་སུ་སྨད་པས་དྲི་མནམ་པར་མི་བགྱིའོ་སྙམ་དུ་
མི་སེམས་ཀྱི། གཞན་དུ་ན་དེ་ཉིད་ལ་དྲི་བདའ་བར་བགྱིད་ལགས་སོ། །བཅོམ་ལྡན་འདས་དེ་བཞིན་དུ་བདག་གི་དོན་ཡོད་པའི་ཞགས་པའི་སྙིང་པོ་འདི་ཡང་གང་སུ་ཡང་རུང་བས། བཞད་གད་ཙམ་གྱིས་ཞེས་བྱ་བ་རྒྱས་པར་སྦྱར་རོ། །བཅོམ་ལྡན་འདས་གཡོ་
དང་སྒྱུས་མཆོད་པར་བགྱིད་ན་ཡང་དེ་ཉིད་སེམས་ཅན་དམུ་རྒོད་དག་གི་དགེ་བའི་རྒྱུར་འགྱུར་ལགས་སོ། །གང་དང་གང་དུ་སྐྱེ་བར་འགྱུར་བར། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། བསོད་ནམས་ཀྱི་ཚོགས་ཀྱི་དྲི་དང་བྲལ་བར་མི་འགྱུར་ཏེ། ཚུལ་ཁྲིམས་ཀྱི་དྲི་བདའ་
བར་བགྱིད་ལགས་སོ། །བཅོམ་ལྡན་འདས་གང་ཡང་རིགས་ཀྱི་བུ་འམ་རིགས་ཀྱི་བུ་མོ་འམ། དགེ་སློང་ཕ་འམ། དགེ་སློང་མ་འམ། དགེ་བསྙེན་ཕ་འམ། དགེ་བསྙེན་མ་འམ། དེ་ལས་གཞན་པའི་སེམས་ཅན་སུ་ཡང་རུང་བས། དོན་ཡོད་པའི་ཞགས་པའི་
སྙིང་པོའི་ཆེད་དུ་ཡར་ངོའི་ཚེས་བརྒྱད་ལ་སྨྱུང་བ་བགྱིས་ཏེ། གཞན་མི་སྨྲ་བར་དོན་ཡོད་པའི་ཞགས་པའི་སྙིང་པོ་ལན་བདུན་བཟླས་བརྗོད་བགྱིད་ན། བཅོམ་ལྡན་འདས་དེས་ཚེ་འདི་ཉིད་ལ་ཕན་ཡོན་ཉི་ཤུ་རྩ་གཅིག་འཐོབ་པར་འགྱུར་ཏེ། ཉི་ཤུ་རྩ་གཅིག་
གང་ཞེ་ན་འདི་ལྟ་སྟེ། དེའི་ལུས་ལ་ནད་རྣམས་འབྱུང་བར་མི་འགྱུར་རོ། །དེའི་ལུས་ལ་ལས་ཀྱི་དབང་གིས་ནད་རྣམས་བྱུང་ཡང་མྱུར་དུ་ཞི་བར་འགྱུར་ཞིང་། ལུས་མདངས་དང་ལྡན་པ་དང་ཡིད་དུ་མཆི་བར་འགྱུར་རོ། །སྐྱེ་བོ་མང་པོའི་སྙིང་དུ་སྡུག་པ་དང་། དབང་པོ་

99-1-3b

སྦས་པར་འགྱུར་རོ། །དེའི་དོན་རྣམས་འགྲུབ་པར་འགྱུར་རོ། །དེའི་དོན་གྲུབ་པ་ཡང་ཆོམ་རྐུན་གྱིས་མི་འཕྲོགས་ཏེ། ཞུགས་ཀྱིས་མི་འཚིག་ཆབ་ཀྱིས་མི་འཚལ་རྒྱལ་པོའི་མཐུས་དབྲོག་པར་རྔོ་མི་ཐོག་པར་འགྱུར་རོ། །དེའི་ལུས་ཀྱི་མཐའ་རྣམས་
རྒྱས་པར་འགྱུར་ཏེ། སེར་བས་མ་ལགས་སོ། །ཆབ་ཀྱི་འཇིགས་པ་འབྱུང་བར་མི་འགྱུར་ཏེ། རླུང་དང་ཆར་གྱི་འཇིགས་པ་མ་ལགས་སོ། །དོན་ཡོད་པའི་ཞགས་པའི་སྙིང་པོ་ཐལ་བ་འམ། ཆུ་ལ་ལན་བདུན་བཟླས་བརྗོད་བགྱིས་ནས། ཞིང་གི་ཕྱོགས་
མཚམས་དང་སྟེང་འོག་ཏུ་བཅིང་བ་བགྱིས་ན་གནོད་པ་ཐམས་ཅད་ཉེ་བར་ཞི་བར་འགྱུར་རོ། །གཟི་བརྗིད་དང་མདངས་འཕྲོགས་པར་རྔོ་མི་ཐོག་པར་འགྱུར་ཞིང་སེམས་ཅན་ཐམས་ཅད་ཀྱི་སྙིང་དུ་སྡུག་པ་དང་ཡིད་ལ་འཐད་པར་འགྱུར་རོ། །དེ་ལ་དགྲའི་འཇིགས་པ་
འབྱུང་བར་མི་འགྱུར་རོ། །དེ་ལ་དགྲའི་འཇིགས་པ་བྱུང་ཡང་མྱུར་དུ་ཞི་བར་འགྱུར་རོ། །དེ་ལ་མི་མ་ལགས་པའི་འཇིགས་པ་འབྱུང་བར་མི་འགྱུར་ཏེ། བྱད་ཀྱི་འཇིགས་པ་མ་ལགས་མཁའ་འགྲོ་མའི་འཇིགས་པ་མ་ལགས་ཏེ། དེ་ལ་ཉོན་མོངས་པ་དང་ཉེ་བའི་ཉོན་
མོངས་པ་དྲག་པོ་འབྱུང་བར་མི་འགྱུར་རོ། །མེ་དང་མཚོན་དང་། དུག་གིས་འགུམ་པར་མི་འགྱུར་རོ། །དེ་ལ་ཡང་ལྷ་རྣམས་ཀྱིས་རྟག་ཏུ་རྒྱུན་མི་འཆད་པར་བསྲུང་བ་དང་། སྐྱོབ་པ་དང་སྦེད་པའི་ཕྱིར་གནས་པར་འགྱུར་རོ། །གང་དང་གང་དུ་སྐྱེ་བར་འགྱུར་བར་
བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་དང་འབྲལ་བར་མི་འགྱུར་ཏེ། དེ་ལ་ཕན་ཡོན་ཉི་ཤུ་རྩ་གཅིག་པོ་འདི་དག་ཐོབ་པར་འགྱུར་ལགས་སོ། །གཞན་ཡང་ཆོས་བརྒྱད་འཐོབ་པར་འགྱུར་ཏེ་བརྒྱད་གང་ཞེ་ན་འགུམ་པའི་དུས་སུ་འཕགས་པ་སྤྱན་
རས་གཟིགས་དབང་ཕྱུག་དགེ་སློང་གི་གཟུགས་སུ་མངོན་སུམ་དུ་ཞལ་སྟོན་པར་འགྱུར་རོ། །བདེ་བར་འཆི་བའི་དུས་བྱེད་པར་འགྱུར་རོ། །ལྟ་བ་འཁྲུལ་པར་མི་འགྱུར་རོ། །ལག་པ་མི་གཡོབ་དང་དང་། རྐང་པ་མི་གཡོབ་པ་དང་བཤང་གཅི་མ་མཆིས་པ་དང་ཁྲིའི་
སྟེང་དུ་འཆི་བའི་དུས་བྱེད་པར་འགྱུར་རོ། །དྲན་པ་ཤིན་དུ་ཉེ་བར་གནས་པར་འགྱུར་རོ། །ཁ་བུབ་དུ་འཆི་བའི་དུས་བྱེད་པར་མི་འགྱུར་རོ། །འགུམ་པའི་དུས་ན་ཡང་སྤོབས་པ་མི་བས་པར་འགྱུར་རོ། །དེ་ཡང་སངས་རྒྱས་ཀྱི་ཞིང་གང་དུ་སྨོན་པ་དེར་སྐྱེ་བར་

99-1-4a

འགྱུར་ཞིང་དགེ་བའི་བཤེས་གཉེན་དང་འབྲལ་བར་མི་འགྱུར་རོ། །ཉིན་གཅིག་བཞིན་དུ་དུས་གསུམ་དུ་བཟླས་བརྗོད་བགྱིའོ། །ཆང་དང་ཤ་དང་ཀུན་དོང་དང་ཀེའུ་དང་སྒོག་སྐྱ་དང་། འདྲེས་པ་དང་། ལྷག་རོལ་དང་། འདི་རྣམས་ཁྱད་པར་དུ་དོན་དུ་གཉེར་བས་སྤང་
བར་བགྱིའོ། །དོན་ཡོད་པའི་ཞགས་པའི་སྙིང་པོའི་ཆོས་ཀྱི་རྣམ་གྲངས་འདི་ཡང་སེམས་ཅན་རྣམས་ལ་མཐུ་མཆིས་པ་དང་། མཐུ་མ་མཆིས་པ་ལ་འཚལ་བར་བགྱིས་ནས་བསྒྲག་པར་བགྱིའོ། །སློབ་དཔོན་གྱིས་དཔེ་མཁྱུད་མི་བགྱིའོ། །འདི་ལྟར་དྲི་མ་དང་བྲལ་
ཞིང་ཕྲག་དོག་དང་སེར་སྣ་སྤངས་པ་ནི། བྱང་ཆུབ་སེམས་དཔའ་རྣམས་ལགས་ཏེ། སེམས་ཅན་རྣམས་ཀྱི་དོན་བགྱི་བའི་སླད་དུ་སངས་རྒྱས་ཀྱི་བྱང་ཆུབ་འཐོབ་པར་འགྱུར་བས། བྱང་ཆུབ་སེམས་དཔའ་རྣམས་ཀྱི་ཚོགས་ཀྱི་ནང་དུ་གཏོགས་སོ། །བྱང་ཆུབ་
ཅེས་བགྱི་བ་ནི་ཤེས་རབ་ལགས་ཏེ་སེམས་དཔའ་ཞེས་བགྱི་བ་ནི་ཐབས་ལགསོ། ཆོས་འདི་གཉིས་སེམས་ཅན་རྣམས་ཀྱི་དོན་བགྱི་བའི་སླད་དུ་ཁོ་ནས་ཐོབ་པ་ལགས་སོ། །གལ་ཏེ་བཅོམ་ལྡན་འདས་ཀྱིས་བདག་ལ་རྗེས་སུ་གནང་ན། འདི་ལྟར་
བདག་གི་སྙིང་པོ་འདི་དེ་བཞིན་གཤེགས་པའི་སྤྱན་སྔར་འཁོར་བཞི་རྣམས་དང་གཞན་སྡིག་པ་སྤྱོད་པ་རྣམས་ཀྱི་དོན་དང་། སྨན་པ་དང་བདེ་བའི་སླད་དུ་བསྒྲག་པར་བགྱིའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཕགས་པ་སྤྱན་རས་
གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པ་དེའི་དུས་ལ་བབ་པར་ཤེས་ན་ཁྱོད་སྨྲོས་ཤིག །དེ་བཞིན་གཤེགས་པས་རྗེས་སུ་ཡི་རང་བར་མཛད་ཟིན་ཏེ། ཕྱི་མའི་ཚེ་ཕྱི་མའི་དུས་ན། བྱང་ཆུབ་སེམས་དཔའི་ཐེག་པ་ཅན་རྣམས་ལ་
ཕའི་བྱ་བ་བྱེད་པར་འགྱུར་རོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་མིག་མི་འཛུམས་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ་རྣམ་པར་གྲོལ་
བའི་དཀྱིལ་འཁོར་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོའི་ཚོགས་ཆེན་པོའི་དོན་དུ་བདག་ལ་གསན་དུ་གསོལ། དུས་གསུམ་དུ་གཤེགས་ཤིང་བཞུགས་པའི་སངས་རྒྱས་དང་བྱང་ཆུབ་སེམས་དཔའ་

99-1-4b

ཐམས་ཅད་ལ་ཕྱག་འཚལ་ལོ། །རང་སངས་རྒྱས་དང་། འཕགས་པ་ཉན་ཐོས་ཀྱི་དགེ་འདུན་འདས་པ་དང་། མ་བྱོན་པ་དང་། ད་ལྟར་བྱུང་བ་ཐམས་ཅད་ལ་ཕྱག་འཚལ་ལོ། །ཡང་དག་པར་སོང་བ་རྣམས་དང་། ཡང་དག་པར་ཞུགས་པ་རྣམས་
ལ་ཕྱག་འཚལ་ལོ། །ཤ་ར་དྭ་ཏིའི་བུ་ལ་ཕྱག་འཚལ་ལོ། །བྱམས་པ་ལ་སོགས་པ་སྟེ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ལ་ཕྱག་འཚལ་ལོ། །འཕགས་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་
ཕྱག་འཚལ་ལོ། །ཏད་ཡ་ཐཱ། ཨོཾ་ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ །ཙི་རི་ཙི་རི། མི་རི་མི་རི། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀཱ་ཡ། སི་རི་སི་རི། ཙི་རི་ཙི་རི། པི་རི་པི་རི། བི་རི་བི་རི། མ་ཧཱ་པད་མ་ཧཱསྟ། ཀ་ལ་ཀ་
ལ། ཀི་ལི་ཀི་ལི། ཀུ་ལུ་ཀུ་ལུ། མ་ཧཱ་ཤུད་དྷ་སཏྭ། བུད་དྷྱ་བུད་དྷྱ། དྷཱ་བ་དྷཱ་བ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུད་དྷ་སཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱསྠཱ་མ་པྲཱ་པ་ཏ་། ཙ་ལ་ཙ་ལ། སཉྩ་ལ་སཉྩ་ལ། བི་ཙ་ལ་བི་ཙ་
ལ། ཨེ་ཊ་ཊ། ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ །མ་ཧཱ་པ་ཤུྰ་བ་ཏི་བེ་ཤ་དྷ་ར། དྷ་ར་དྷ་ར། ས་ར་ས་ར། ཙ་ར་ཙ་ར། ཧ་ར་ཧ་ར། ཧ་ཧཱ་ཧ་ཧཱ། ཧི་ཧཱི་ཧི་ཧཱི། ཧུ་ཧཱུ་ཧུ་ཧཱུ་ༀ། ཀཱ་ར་བྲཧྨ། བེ་ཥ་དྷ་ར། དྷ་ར་དྷ་ར། དྷི་རི་དྷི་རི། 
དྷུ་རུ་དྷུ་རུ། ཏ་ར་ཏ་ར། ས་ར་ས་ར། པ་ར་པ་ར། ཙ་ར་ཙ་ར། རཤྨི་ཤ་ཏ་ས་ཧ་སྲ་པྲ་ཏི་མན་ཌི་ཏ། ཤ་རཱི་ར་ཡ། ཛྭ་ལ་ཛྭ་ལ། ཏ་པ་ཏ་པ། བྷ་ག་ཝན། སོ་མ་ཨཱ་དི་ཏྱ། ཡ་མ་བ་རུ་ཎ། ཀུ་བེ་ར། བྲ་ནྡྲ་རི་ཥི་དེ་བ་ག་ཎ། ཨ་བྷྱ་རྩི་ཏ་ཙ་ར་ཎ། སུ་རུ་སུ་རུ། ཙུ་རུ་ཙུ་རུ། མུ་རུ་མུ་རུ། 
པུ་རུ་པུ་རུ། ས་ནད་ཀུ་མཱ་ར། རུ་དྲ། བཱ་ས་བ། བིཥྞུ་དྷ་ན་དཱ། དེ་བ་རྀ་ཥི་ནཱ་ཡ་ཀ །བ་ཧུ་བི་བི་དྷ། བེ་ཥ་དྷ་ར། དྷ་ར་དྷ་ར། དྷ་རི་དྷ་རི། དྷུ་རུ་དྷུ་རུ། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། མ་ར་མ་ར། པ་ར་པ་ར། བ་ར་བ་ར། བ་ར་དཱ་ཡ་ཀ །ས་མནྟ་ཨ་བ་ལོ་ཀི་ཏ། བི་ལོ་

99-1-5a

ཀི་ཏ། ལོ་ཀེ་ཤྭ་ར་མ་ཧེ་ཤྭ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུན་ཙ་མུན་ཙ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གིས་དཔལ་ས་གསུམ་གྱི་ལྷ་རྣམས་དང་། བདག་དང་། སེམས་ཅན་ཐམས་ཅད་འཇིགས་པ་ཐམས་ཅད་དང་། 
གནོད་པ་ཐམས་ཅད་དང་། འཚེ་བ་ཐམས་ཅད་དང་། གདོན་ཐམས་ཅད་ལས་བསྲུངས་ཤིག །བསྲུངས་ཤིག །གསད་པ་དང་། བཅིང་བ་དང་། བསྡིགས་པ་དང་། རྒྱལ་པོ་དང་། ཆོམ་པོ་དང་། རྐུན་པོ་དང་། མེ་དང་། ཆུ་དང་། དུག་དང་། མཚོན་ལས་ཡོངས་སུ་ཐར་
བར་མཛད་པ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། ཙ་ར་ཙ་ར། ཨིན་དྲི་ཡ། བ་ལ་བོ་དྷྱཱྃ་ག །ཙ་ཏུར། ས་རྱ་སཾ་པྲ་ཀཱ་ཤ་ཀ །ཏ་པ་ཏ་པ། ད་མ་ད་མ། ས་མ་ས་མ། མ་ས་མ་ས། མ་ཧཱ་ཏ་མོ་ཨན་དྷ་ཀཱ་ར། བི་དྷ་མ་ན་ཥ། ཊ་པ་ར་མི་ཏཱ་པ་རི་པཱུ་ར་ཀ །
མི་ལི་མི་ལི། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཊུ་ཊུ་ཊུ་ཊུ། ཨེ་ནེ་ཡ་ཙར་མ་ཀྲི་ཏ་པ་རི་ཀ་ར། ཨེ་ཧྱེ་ཧི། ཨཱི་ཤྭ་ར་མ་ཧེ་ཤྭ་ར། མ་ཧཱ་བྷཱུ་ཏ་ག་ཎ་སྃ་བྷཉྫ་ཀ །ཀུ་རུ་ཀུ་རུ། པ་ར་པ་ར། ཀ་ར་ཀ་ར། ཀ་ཊ་ཀ་ཊ། མ་ཊ་མ་ཊ། བི་ཤུད་དྷ། བི་ཥ་ཡ། བཱ་སི་ན་མ་ཧཱ་ཀཱ་རུ་
ཎི་ཀ །ཤྭེ་ཏ་ཡ་ཛྙོ་པ་བི་ཏ། རད་ན་མུ་ཀུ་ཊ། མཱ་ལཱ་དྷ་ར། སརྦ་ཛྙཱ་ཤི་ར། སི་ཀྲྀ་ཏ་མུ་ཀུ་ཊ། མཱ་ལཱ་དྷ་ར། མ་ཧཱ་ད་བྷཱུ་ཏ། ཀ་མ་ལཱ་ལྃ་ཀྲྀ་ཏ། ཀ་ར་དྷཱ་ཡ། དྷྱཱ་ན་ས་མཱ་དྷི། བི་མོ་ཀྵ། ཨ་པྲ་ཀྃ་པྱ། བ་ཧུ་སཏྭ་སན་ཏ་ཧི་པ་རི་པཱ་ཙ་ཀ །མ་ཧཱ་ཀཱ་རུ་ཎི་ཀ །སརྦ་
ཀར་མ་ཨཱ་བ་ར་ཎ་བི་ཤོ་དྷ་ཀ་སརྦ་བྱཱ་དྷྀ་པ་རི་མོ་ཙ་ཀ །སརྦ་ཨཱ་ཤཱ་པ་རི་པུྰ་ར་ཀ །སརྦ་སཏྭ་ས་མཱ་ཤྭ་ཨ་ས་ཀ་ར། ན་མོ་སྟུ་ཏེ་སྭཱ་ཧཱ། བཀླགས་པས་ལས་ཐམས་ཅད་འགྲུབ་པར་འགྱུར་རོ། །དུས་གསུམ་དུ་བཟླས་བརྗོད་བགྱིས་ན། མཚམས་མེད་
པ་ལྔ་འབྱང་བར་འགྱུར་ཞིང་། ལས་ཀྱྀ་སྒྲིབ་པ་ཐམས་ཅད་ཀྱང་ཡོངས་སུ་དག་པར་བགྱིད་དོ། མཚམས་བཅད་པ་ནི། ཨ་ག་རུའི་བདུག་པ་འམ། ཐལ་བ་དང་། ཆབ་བྃ། ཡུངས་ཀར་དང་། སེང་ལྡེང་གི་ཕུར་བུ་ལ་སོགས་པས་སོ། །རིམས་ཐམས་ཅད་
ལ་ནི་སྐུད་པས་སོ། །ནད་ཐམས་ཅད་ལ་ནི་མར་རམ། འབྲུ་མར་རམ། ཆབ་ལ་བཟླས་བརྗོད་བགྱིས་ཏེ་གཏོར་བར་བགྱིའོ། །བྱད་དགྲོལ་བ་ལ་ནི་མཚོན་གྱིས་སོ། །ལྟོ་ན་བ་ལ་ནི་སྲུང་བའི་སྐུད་པས་སོ། །དུག་བསད་པ་ལ་ནི་ས་འམ་ཆབ་ཀྱིས་སོ། །མིག་ནད་ལ་

99-1-5b

ནི་སྐུད་པ་དཀར་པོས་རྣ་བ་ལ་གདགས་པར་བགྱིའོ། །སོ་ན་བ་ལ་ནི་ཤིང་ཀ་ར་བི་རའི་སོ་ཤིང་གིས་སོ། །མཚམས་བཅད་པ་ནི། ཚོན་སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། སེང་ལྡེང་གི་ཕུར་བུ་བཞི་ལ་བཅིངས་ནས། ཕྱོགས་
བཞིར་གཟུགས་པར་བགྱིས་ན། མཚམས་ཆེན་པོ་བཅིང་བར་འགྱུར་རོ། །ཐམས་ཅད་བསྲུང་བ་ནི་སྐུད་པ་འམ། ཆབ་བམ་ཐལ་བས་སོ། །གདོན་ཐམས་ཅད་ལ་ནི་ཚོན་སྣ་ལྔའི་སྐུད་པས་སོ། །རིམས་ཐམས་ཅད་ལ་ནི་སྐུད་པ་དཀར་པོས་སོ། །གཡན་པ་
དང་། ཁྱི་རྔོ་དང་། ལྷོག་པ་དང་། མགྲིན་པ་འགགས་པ་ཐམས་ཅད་ལ་ནི་སྦྲང་རྩི་དང་། པི་པི་ལིང་སྲེས་པས་སོ། །མིག་ནད་ལ་ནི་དྲི་ཆུ་འམ། ཤིང་པ་ལ་ཤའི་ཆུ་འམ། ཤིང་མངར་གྱིས་ཆུས་སོ། །རྣ་བའི་ནད་ལ་ནི་འབྲུ་མར་གྱིས་སོ། །འཐབ་པ་དང་། འཐབ་
མོ་དང་། རྩོད་པར་འགྱེད་པ་དང་། སྐུར་པ་འདེབས་པ་ཐམས་ཅད་ལ་ནི་ཆབ་ལ་བཟླས་བརྗོད་བགྱིས་ཏེ། ཁ་བཤལ་བར་བགྱིའོ། །དཔུང་དང་ཡུལ་དང་རྒྱལ་སྲིད་དང་། ཡུལ་འཁོར་ཐམས་ཅད་བསྲུང་བ་ལ་ནི་བུམ་པ་གང་བ་གཞག་ལ་གོས་གཙང་མ་
བགོས་པས་མཆོད་པ་རྒྱ་ཆེན་པོ་བགྱིས་ནས། བཀླག་པར་བགྱིས་ན་ཞི་བ་ཆེན་པོར་འགྱུར་རོ། །དེར་ཡང་ཆབ་ཀྱིས་གཏོར་བར་བགྱིས་ཏེ། སེམས་ཅན་ཐམས་ཅད་ལ་བསྲུང་བ་བགྱིས་པར་འགྱུར་ལགས་སོ། །ཡམས་ཀྱི་ནད་དང་གནོད་པ་དང་འཚེ་
བ་ཐམས་ཅད་ཞི་བར་བགྱིད་པ་དང་། གླགས་ལྟ་བ་རྣམས་ལ་ནི་ཙན་དན་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། སྙིང་གར་བྱུག་པར་བགྱིའོ། །མཚམས་མེད་པའི་ལས་ཐམས་ཅད་བས་པར་བགྱི་བ་ནི། རྟག་ཏུ་བཟླས་བརྗོད་ཀྱིས་སོ། །ཁྱིམ་
བསྲུང་བ་ལ་ནི་པད་མའི་སྦྱིན་སྲེག་གིས་སོ། །སེམས་ཅན་ཐམས་ཅད་བསྐྱང་བ་དང་། འབྱུང་པོའི་འཇིགས་པ་དང་། གདོན་ཐམས་ཅད་བསྲུང་བ་ལ་ནི་ཙན་དན་གྱི་སྦྱིན་སྲེག་གིས་སོ། །ཛ་ཡ་དང་བི་ཛ་ཡ་དང་། ན་ཀུ་ལི་དང་། གྷན་དྷ་ན་གུ་ལི་དང་། 
བ་རུ་ནི་དང་། ཙཻ་འགྲ་བ་རུ་ཎི་དང་། ཨ་བྷ་ཡ་བ་ནི་དང་། ཨིན་དྲ་བ་ནི་དང་། གྷན་དྷ་པྲི་ཡང་གུ་དང་། རྒྱ་སྤོས་དང་། ཙཀྲ་དང་། མ་ཧཱ་ཙཀྲ་བིཥྞུ་ཀྲན་ཏ་དང་། སོ་མ་ར་ཛི་དང་། སུ་ནན་ད་རྣམས་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ། ནོར་བུར་

99-1-6a

བགྱིས་ནས་སྤྱི་བོ་འམ། དཔུང་པ་ལ་བཏགས་པས་བསྲེལ་བར་བགྱིའོ། །ཁྱེའུ་རྣམས་ལ་ནི་མགུལ་པར་རོ། །བུ་མོ་རྣམས་ལ་ནི་སྟ་ཟུར་ནས་ཏེ། དཔལ་དང་ལྡན་པར་བགྱིད་པ་དང་། བཀྲ་མི་ཤིས་པ་རབ་ཏུ་ཞི་བར་བགྱིད་པའི་ནོར་བུ་
འདི་བསྲེས་ན་ཐམས་ཅད་ལས་བསྲུང་བ་བགྱིས་པར་འགྱུར་རོ། །དུག་དང་མེས་མི་ཚུགས་ལགས་སོ། །དུག་གིས་གནོད་པ་བསྐྱེད་པར་མི་འགྱུར་རོ། །སྐྱེས་ན་ཡང་གནོད་པ་བསྐྱེད་པར་མི་བགྱིད་ཅིང་། མྱུར་དུ་ཞི་བར་འགྱུར་རོ། །གདོན་རྣམས་
ཞི་བར་འགྱུར་རོ། །རླུང་དང་འབྲུག་དང་སེར་བ་གཅད་པ་དང་། ཆབ་ཀྱི་རྒྱུན་དང་། སེར་བ་ཟློག་ལ་ནི་ཤིང་ཀ་ར་བི་རའི་ལྕུག་མས་ཏེ། ལས་ཐམས་ཅད་བགྱིད་པ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་གྲུབ་པ་དམ་པ་མ་བསྒྲུབས་པར་ལས་
འདི་རྣམས་བགྱིད་པར་འགྱུར་ལགས་སོ། །དེ་ནས་བསྒྲུབ་པར་འཚལ་ན་ནི་རས་ལ་ལྷག་མ་མ་ཡིན་པའི་ཚོན་རྩིས། སངས་རྒྱས་དང་འཕགས་པ་སྤྱན་རས་གཟིགས་ཀྱི་དབང་ཕྱུག་གི་གཟུགས་བརྙན་རལ་པའྀ་ཐོར་ཚུགས་དང་ཨེ་ན་ཡའི་ལྤགས་
པ་དང་། ཕྱུགས་བདག་གི་ཆ་ལུགས་འཆང་ལ། རྒྱན་ཐམས་ཅད་ཀྱྀས་བརྒྱན་པ་བྲི་བར་བགྱི་སྟེ། རི་མོ་མཁན་གསོ་སྦྱོང་ཅན་འདྲིལ་སྩལ་བར་བགྱིའོ། །དེ་ནས་སྒྲུབ་པ་པོས་སྐུ་གཟུགས་དེའི་སྤྱན་སྔར་བའི་ལྕི་བའི་དཀྱིལ་འཁོར་བགྱིས་ཏེ། མེ་ཏོག་དཀར་པོའི་
སིལ་མ་བཀྲམ་ལ། སྤོས་ཀྱིས་བཀང་བའི་སྣོད་བརྒྱད་གཞག་པར་བགྱིའོ། །སྣ་བརྒྱད་པ་འམ་དྲུག་བཅུ་རྩ་བཞི་པ་འམ། གཞན་ཡང་ལྷ་བཤོས་ཤ་དང་། ཁྲག་དང་མ་འདྲེས་པ་བཤམས་ཤིང་དྲངས་ལ། ཨ་ཀ་རུའི་བདུག་པས་བདུགས་ཏེ། ལན་སྟོང་
རྩ་བརྒྱད་བཟླས་བརྗོད་བགྱིའོ། །ཉིན་ཞག་གཅིག་གམ། ཉིན་ཞག་གསུམ་དུ་སྨྱུང་བ་བགྱིས་ནས་ཟས་དཀར་གསུམ་འཚལ་ཏེ། དུས་གསུམ་དུ་ཁྲུས་བགྱིས་ནས། གོས་གཙང་མ་བགོས་ན། འཕགས་པ་སྤྱན་རས་གཟིགས་དབང་ཕྱུག་བདག་ཉིད་
མཆིས་ནས། བསམས་པ་ཐམས་ཅད་ཡོངས་སུ་རྫོགས་པར་བགྱིད་དོ། །ལྡོང་རོས་སམ་མིག་སྨན་ལ་བཟླས་བརྗོད་བགྱིས་ཏེ། མིག་ལ་བསྐུས་ན་དེ་ནས་མི་གདའ་བར་གྱུར་ནས་ནམ་མཁའ་ལ་མཆི་བར་འགྱུར་ཞིང་དོན་ཡོད་པའི་

99-1-6b

ཡེ་ཤེས་བཀོད་པ་ཐམས་ཅད་ཞེས་བགྱི་བའི་ཏིང་ངེ་འཛིན་འཐོབ་པར་འགྱུར་ཏེ། ཅི་འཚལ་བ་དེ་བགྱིད་པར་འགྱུར་རོ། །དེ་ནི་འགྲུབ་པའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་འཕགས་པ་སྤྱན་རས་
གཟིགས་དབང་ཕྱུག་དང་། གནས་གཙང་མའི་རིས་ཀྱི་ལྷའི་བུ་དེ་དག་དང་། མི་མཇེད་ཀྱི་བདག་པོ་ཚངས་པ་དང་། དབང་ཕྱུག་དང་། དབང་ཕྱུག་ཆེན་པོའི་ལྷའི་བུ་རྣམས་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
དོན་ཡོད་པའི་ཞགས་པ་རྫོགས་སོ།། །། དེ་བཞིན་གཤེགས་པ་རྒྱ་མཚོ་རབ་འབྱམ་ཐམས་ཅད་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བླ་
གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ནས། ཉི་མའི་འོད་ལྟར་འོད་ཟེར་སྟོང་འཕྲོ་ཞིང་། འོད་ཟེར་སྣ་ཚོགས་པ་འགྱེད་པའི་ལུས་ཀྱིས་བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་
བཏུད་དེ། ཞལ་གྱི་དཀྱིལ་འཁོར་རྒྱས་ཤིང་རྫོགས་ལ་ཞི་བ། བཞིན་འཛུམ་པའི་བཞིན་གྱིས་བྱམས་པ་དང་། སྙིང་རྗེ་ཆེན་པོའི་མཐུ་ཡིད་ལ་བྱེད་པས། རིགས་བཞི་ཡི་འཇིག་རྟེན་ལ་ཕན་པ་དང་། སྙིང་བརྩེ་བས་དོན་ཐམས་ཅད་གྲུབ་
པར་རིག་སྔགས་འཆང་རྣམས་ཀྱི་བླ་ན་མེད་པའི་དེ་ཁོ་ན་ཉིད་གྲུབ་པ་མཆོག་སྦྱིན་པ་ཐོབ་པར་བྱ་བའི་ཕྱིར། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་དོན་ཡོད་པའི་རྒྱལ་པོའི་ཆོ་ག་ཞིབ་མོའི་རྒྱལ་པོ་
ཆེན་པོའི་སྙིང་པོ་འདི་མཆིས་ཏེ། འདི་པད་མ་རྒྱ་ཆེན་པོའི་དཀྱིལ་འཁོར་དེ་ཁོ་ན་ཉིད་ཆེན་པོའི་སྙིང་པོར་འཕགས་པ་སྙིང་པོར་གྱུར་པ། དེ་ཁོ་ན་ཉིད་གྲུབ་པ་པད་མ་དམ་པ་དཀྱིལ་འཁོར་ཆེན་པོ་འདི་ཕྱག་རྒྱ་དང་། གསང་སྔགས་དང་། སྙིང་པོ་རིམ་པར་ཕྱེ་བ་
གསང་བ་དམ་པ་རྣམ་པར་གྲོལ་བའི་དཀྱིལ་འཁོར་དམ་ཚིག་དང་། སྒྲུབ་པ་གསང་བ་འདི། བཅོམ་ལྡན་འདས་ཀྱི་སྤྱན་སྔར་བསྒྲག་པར་བགྱིའོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་

99-1-7a

ཆེན་པོ་མང་པོའི་འཁོར་ཆེན་པོའི་མདུན་དང་། རིག་སྔགས་གྲུབ་པའི་ལྷའི་དཀྱིལ་འཁོར་གྱི་མདུན་འདིར་ཡང་བསྒྲག་པར་བགྱིའོ། །གང་ཡང་དབང་ཕྱུག་དང་། དབང་ཕྱུག་ཆེན་པོ་དང་། ཚངས་པ་དང་། ལྷ་དང་གཤིན་རྗེ་དང་། ཆུ་ལྷ་དང་། 
ལུས་ངན་དང་། དྲང་སྲོང་གི་ཚོགས་དང་། ཟླ་བ་དང་། ཉི་མ་དང་། སྐར་མའི་ཚོགས་དང་། རྒྱུ་སྐར་དང་། རིག་སྔགས་འཆང་གྲུབ་པའི་ལྷ་མོ་རྣམས་ཀྱི་མདུན་དུ་དེ་ཁོ་ན་ཉིད་ཀྱི་སྙིང་པོ་ཡང་དག་པ་འཇིག་རྟེན་ལས་འདས་པ། དངོས་གྲུབ་སྒྲུབ་པ་བཀླགས་
པས་གྲུབ་པ་དང་། བསྒོམས་པས་གྲུབ་པ་བཅོམ་ལྡན་འདས་ཀྱི་སྤྱན་སྔར་རིག་སྔགས་ཆེན་པོ་འཆང་བའི་ཚོགས་ཀྱིས་ཡོངས་སུ་བསྐོར་བའི་མདུན་དུ་དེ་ཁོ་ན་ཉིད་ཀྱི་སྙིང་པོ་གསང་བ་དམ་པ་བསྒྲགས་ཤིང་བརྗོད་པར་བགྱིའོ། །དེ་ནས་
བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་བསོད་ནམས་སྟོང་གིས་བརྒྱན་པ་མཚན་དང་དཔེ་བྱད་རྣམས་ཀྱིས་རྣམ་པར་སྤྲས་པ། ཕྱག་དཔུང་པའི་མདོག་གསེར་གྱི་ཁ་དོག་ལྟ་བུ་འོད་ཟེར་འཕྲོ་བ་དུ་མའི་ཕྲེང་བ་དང་། 
སྤོས་ཀྱི་གླང་པོ་ཆེའི་སྣ་ལྟ་བུའི་ཕྱག་བརྐྱང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྤྱི་བོར་གཞག་ནས་ཀླད་པ་ལ་བྱུགས་ཏེ། འདི་སྐད་ཅེས་བཀའ་སྩལ་ཏོ། །
སེམས་ཅན་དག་པ་དམ་པ་སྙིང་རྗེ་ཆེན་པོ་དང་ལྡན་པ་ཁྱོད་སྨྲོས་ཤིག ། དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཏེ། ངས་ཀྱང་ད་ལྟར་བྱིན་གྱིས་རློབ་ཀྱིས་ཁྱོད་གསང་བ་དམ་པའི་དམ་ཚིག་སྨྲོས་ཤིག །ཕྱོགས་
བཅུའི་དེ་བཞིན་གཤེགས་པ་ཐམས་ཅད་ཀྱིས་རྗེས་སུ་ཡི་རང་ཞིང་བྱིན་གྱིས་བརླབས་པ་གང་གཱའི་ཀླུང་གི་འབུམ་ཕྲག་བྱེ་བ་བརྒྱ་སྟོང་གི་བྱེ་མའི་རྡུལ་ཕྲ་རབ་སྙེད་ཀྱི་དེ་བཞིན་གཤེགས་པ་རྣམས་ཀྱིས་ཀྱང་བྱིན་གྱིས་བརླབས་ཤིང་
རྗེས་སུ་ཡི་རང་བར་མཛད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཕྱོགས་བཅུར་བལྟས་ཏེ། བཅོམ་ལྡན་འདས་ཀྱི་སྤྱན་སྔར་རང་གི་སྙིང་པོ་དེ་ཁོ་ན་ཉིད་གསང་བའི་

99-1-7b

གསང་སྔགས་འདི་དག་གསོལ་ཏོ། །ཨོཾ་པད་མ་ཧསྟ། མ་ཧཱ་ཨ་མོ་གྷ་པཱ་ཤ་སཱ་དྷ་ཡ་ས་མ་ཡ་ཧྲི་ད་ཡན་ཙ་ར་ཙ་ར་ཧཱུྃ། དོན་ཡོད་ཞགས་པའི་རང་བཞིན་གྱི་གཟུངས་ཀྱི་སྙིང་པོ་ཡིན་ནོ། །བྱང་ཆུབ་སེམས་དཔའ་སེམས་དཔའ་
ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གསང་བའི་སྙིང་པོ་འདི་བརྗོད་མ་ཐག་ཏུ་རིའི་རྒྱལ་པོ་པོ་ཏ་ལ་འདི་བྲག་དང་ནགས་ཚལ་དང་། རྩི་ཤིང་དུ་བཅས་པ་དང་། རི་རབ་ཁོར་ཡུག་དང་། ཁོར་ཡུག་ཆེན་པོ་དང་བཅས་པ་རྣམས་
རྣམ་པ་དྲུག་ཏུ་རབ་ཏུ་གཡོས་ཤིང་ལྷའི་གནས་རྣམས་ལྡེག་པར་གྱུར་ཏེ། ཐམས་ཅད་འདར་འདར་པོར་གྱུར་ཏོ། །ཀླུའི་གནས་དང་། གནོད་སྦྱིན་དང་། སྲིན་པོའི་གནས་རྣམས་ཀྱང་འཁྲུག་པར་གྱུར་ཏོ། །རྒྱ་མཚོ་ཆེན་པོའི་རླབས་ཀྱང་
འཁྲུག་པར་གྱུར་ཏོ། །ཆུ་གཏེར་རྣམས་ཀྱང་འཁྲུག་པར་གྱུར་ཏོ། །དེ་མ་ཐག་ཏུ་ཕྱོགས་བཅུ་ན་སངས་རྒྱས་ཀྱི་སྐུ་གཟུགས་བརྙན་བཞུགས་པ་རྣམས་ཀྱིས་ལེགས་སོ་ཞེས་བྱ་བ་བྱིན་ཏེ། འདི་སྐད་ཅེས་ཀྱང་བཀའ་སྩལ་ཏོ། །རྒྱལ་
བའི་བདག་ཉིད་དུ་སྐྱེས་པ་དོན་ཡོད་པའི་ཞགས་པའི་གསང་བའི་སྙིང་པོ་བཀླགས་པས་འགྲུབ་པ་བླ་ན་མེད་པ་སྨྲས་པ་ལེགས་སོ་ལེགས་སོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་འདི་སྐད་ཅེས་བཀའ་སྩལ་ཏོ། །
སེམས་པ་དག་པ་ཁྱོད་ཀྱིས་གསང་བ་བཀླག་པའི་ཆོ་ག་དེ་ཁོ་ན་ཉིད་སྒྲུབ་པ་རྒྱས་པ་དང་བཅས་པར་སྨྲོས་ཤིག ། སྤྱན་རས་གཟིགས་དབང་ཕྱུག་གིས་གསོལ་པ། བཅོམ་ལྡན་འདས་གསང་བའི་སྙིང་པོའི་གཟུངས་འདི་ལན་ཅིག་བརྗོད་པ་ཙམ་གྱིས་
དེའི་མོད་ལ་ཕྱོགས་བཅུ་ཐ་དད་པ་ནས་གང་གཱ་ཀླུང་ས་ཡ་བྱེ་བ་བརྒྱ་སྟོང་གི་བྱེ་མ་སྙེད་ཀྱི་དེ་བཞིན་གཤེགས་པའི་ཕྱག་བརྐྱང་སྟེ། སྤྱི་བོར་གཞག་ནས་ལེགས་སོ་ཞེས་བགྱི་བའི་སྒྲ་གསུངས་ཏེ། གསུངས་པ་ཙམ་གྱི་མོད་ལ་སྔོན་བསྐལ་པ་
བརྒྱ་སྟོང་དུ་བསགས་པའི་སྒྲིབ་པ་རྣམས་ཉམས་པར་བགྱིད། ཞིག་པར་བགྱིད་དོ། །སྡིག་པ་ཐམས་ཅད་དང་། ནད་ཐམས་ཅད་དང་། དེ་བཞིན་དུ་གནོད་པ་ཞི་བར་བགྱིད་དོ། །སྡིག་པ་དང་སེམས་ཅན་གདུག་པ་རྣམས་དང་། ཕས་ཀྱི་རྒོལ་བ་རྣམས་

99-1-8a

དང་། མི་འཛའ་བ་རྣམས་འཇིག་པར་བགྱིད་དེ། འདི་ལ་ཐེ་ཚོམ་མི་བགྱིའོ། །རྟག་ཏུ་འཕགས་པ་སྤྱན་རས་གཟིགས་དབང་ཕྱུག་མཆོད་སྦྱིན་ལྟ་འཚལ་བར་འགྱུར་ལགས་སོ། །རིག་སྔགས་འདིའི་ཆོ་ག་བསྒྲུབ་པ་ནི་འདི་ཡིན་
ཏེ། རིག་སྔགས་འཆང་གཙང་མར་གྱུར་པས་ཤིན་ཏུ་ཁྲུས་བགྱིས་ཏེ། གོས་གཙང་མ་བགོས་པར་བགྱིའོ། །བྱམས་པ་དང་། སྙིང་རྗེ་ཡིད་ལ་བགྱིས་པས་འབྱུང་པོ་ཐམས་ཅད་ལ་མཆོག་ཏུ་སྙིང་བརྩེ་བར་བགྱིའོ། །འཕགས་པ་སྤྱན་རས་
གཟིགས་དབང་ཕྱུག་གི་རི་མོའི་གཟུགས་ལ་མཆོད་པར་བགྱིའོ། །མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། མར་མེ་དབུལ་བར་བགྱིའོ། །ཚེས་བརྒྱད་དམ། ཚེས་བཅྭ་ལྔ་ལ་བསྒྲུབ་པའི་བཟླས་བརྗོད་ཀྱི་ཆོ་ག་བགྱིའོ། །རི་མོའི་
གཟུགས་ཀྱི་མདུན་དུ་ཐོག་མར་སྐྱིལ་མོ་དཀྲུང་བཅས་ནས་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བགྱིའོ། །ཚིག་གཞན་མི་སྨྲ་བར་ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བགྱིས་ཏེ་ཆབ་དང་། ཡུངས་ཀར་གྱིས་
དབང་བསྐུར་བར་བགྱིའོ། །ཕྱག་རྒྱ་བཅིང་བར་བགྱི་སྟེ། ལན་ཉི་ཤུ་གཅིག་ཏུ་བཅིང་བར་བགྱིའོ། །གསང་སྔགས་ཀྱིས་ནི་དབང་བསྐུར་བར་བགྱིའོ། །ཕྱག་རྒྱས་ཀྱང་དབང་བསྐུར་བར་བགྱིའོ། །དེའི་འོག་ཏུ་དོན་ཡོད་ཞགས་པའི་གསང་བའི་དམ་
ཚིག་གི་སྙིང་པོ་སྟོང་རྩ་བརྒྱད་བཟླས་བརྗོད་བགྱིའོ། །བཟླས་བརྗོད་བཏོན་པ་ཙམ་གྱིས་དེའི་མོད་ལ་དོན་ཡོད་པའི་ཞགས་པའི་སྙིང་པོ་ཁྲོ་བོའི་རྒྱལ་པོ་དང་བཅས་པ་འབུམ་འགྱུར་དུ་བཟླས་བརྗོད་བགྱིས་པར་འགྱུར་རོ། །བཟླས་བརྗོད་རྫོགས་
ནས་རི་མོའི་གཟུགས་འབར་ཞིང་ས་ཡང་གཡོ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ལུས་ལས་འོད་ཟེར་སྣ་ཚོགས་པ་འབྱུང་བར་འགྱུར་རོ། །དོན་ཡོད་པའི་ཞགས་པའི་ལག་ན་ཐོགས་པའི་ཞགས་པ་འབར་བར་འགྱུར་ཞིང་། 
རིག་སྔགས་འཆང་སྙིང་དགའ་བ་དང་། སྤྱི་བོའི་གཙུག་འབར་བར་འགྱུར་རོ། །འདི་ནི་གྲུབ་པའི་རྟགས་ཡིན་ནོ་ཞེས་གྲུབ་པའི་རྟགས་དང་ལེགས་སོ་ཞེས་བྱ་བའི་སྒྲ་འབྱིན་ཏེ། དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོའི་ཕྱག་

99-1-8b

རྒྱ་འགྲུབ་པར་འགྱུར་རོ། །དེ་ནས་དགོས་པ་ཐམས་ཅད་དང་ལས་ཐམས་ཅད་བརྗོད་པ་ཙམ་གྱིས་དེའི་མོད་ལ་འགྲུབ་པར་འགྱུར་ལགས་སོ། །དེ་བཞིན་གཤེགས་པ་ས་ཡ་བྱེ་བ་བརྒྱ་སྟོང་གང་གཱའི་ཀླུང་གི་བྱེ་མ་སྙེད་དང་མཉམ་པའི་ཕྱག་
གསེར་གྱི་ཁ་དོག་འདྲ་བས་སྤྱི་བོའི་གཙུག་ཏུ་འཇོག་པར་རྨི་ལམ་དུ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་རང་བཞིན་གྱི་ལུས་ཤིན་ཏུ་དྲི་མ་དང་བྲལ་བ་ཡོངས་སུ་དག་པས་དྲི་མ་མེད་པའི་བདག་ཉིད་ཀྱི་ལུས་རང་
བཞིན་གྱིས་མདུན་དུ་མཆིས་པར་འགྱུར་རོ། །མཆོག་ཐམས་ཅད་སྩོལ་བར་འགྱུར་རོ། །རྣམ་པ་ཐམས་ཅད་དུ་གྲུབ་པ་སྩོལ་བར་འགྱུར་རོ། །དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོའི་ཕྱག་རྒྱ་གྲུབ་པ་སྩོལ་བར་འགྱུར་རོ། །
ཇི་ལྟར་སྙིང་ལས་སྐྱེས་པའི་བུ་བཞིན་དུ་སངས་རྒྱས་ཀྱི་བྱང་ཆུབ་ཐོབ་ཀྱི་བར་དུ་ཡོངས་སུ་སྐྱོང་བར་བགྱིད་དོ། །དེ་ལྟ་བས་ན། འཇིག་རྟེན་གྱི་ཁམས་བདེ་བ་ཅན་གྱི་དཀྱིལ་འཁོར་མཐའ་དག་ཡོངས་སུ་རྫོགས་པ་སངས་རྒྱས་ཀྱི་ཞིང་ལེགས་པར་བརྒྱན་
པ་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ་དང་བཅས་པ་ན། ཁང་པ་བརྩེགས་པ་ལེགས་པར་བརྒྱན་པའི་སེང་གེའི་ཁྲིའི་མཆོག་ལ་འཕགས་པ་རྒྱལ་བ་འོད་དཔག་མེད་འོད་ཟེར་བརྒྱ་སྟོང་ཕྲག་འབུམ་འཕྲོ་བའི་སྐུ་བཞུགས་
ཤིང་ཆོས་སྟོན་པར་བལྟ་བར་འཚལ་ན། རིག་སྔགས་འཆང་དེས་ལེགས་པར་བཀྲུས་ཏེ། གཙང་མར་གྱུར་པས་གོས་གཙང་མ་བགོས་ཏེ། ཆོ་འཕྲུལ་གྱི་ཟླ་བ་ཡར་ངོ་ལ་བྱམས་པའི་སེམས་དང་། སྙིང་རྗེའི་ལྷག་པའི་བསམ་པས་གུས་པ་དང་། དད་པ་དང་། 
ཞེ་ས་དང་། བླ་མར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་ཅི་འབྱོར་པ་མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། ལྷབ་ལྷུབ་དང་། བ་དན་གྱིས་མཆོད་པར་བགྱིའོ། །ཚེས་བརྒྱད་
ནས་ཚེས་བཅུ་གསུམ་གྱི་བར་ལ་ཟས་དཀར་གསུམ་འཚལ་བར་བགྱིའོ། །རི་མོའི་གཟུགས་ཀྱི་མདུན་དུ་ཉིན་གཅིག་བཞིན་དུས་གསུམ་དུ་དོན་ཡོད་པའི་ཞགས་པའི་སྙིང་པོ་ལན་ཉི་ཤུ་རྩ་གཅིག་དང་། ཚིག་གཞན་མི་སྨྲ་བར་ཁྲོ་བོའི་རྒྱལ་པོ་ལན་

99-1-9a

ཉི་ཤུ་རྩ་གཅིག་དང་། སྙིང་པོ་དང་། ཉེ་བའི་སྙིང་པོ་བརྒྱ་རྩ་བརྒྱད་བཟླས་བརྗོད་བགྱིས་ནས། རི་མོའི་གཟུགས་དེ་ཉིད་ཀྱི་མདུན་དུ་མཆིས་ནས་ཉལ་བར་བགྱིའོ། །མཆོད་ཡོན་དང་ཡོན་ཆབ་དུས་གསུམ་དུ་དབུལ་བར་བགྱིའོ། །ཨ་ག་
རུ་དང་། ཙན་དན་དང་། དུ་རུ་ཀ་དང་། གུ་གུལ་གྱི་མེ་ཏོག་ཁུ་བ་དང་བཅས་པ་གླ་རྩི་དང་ལྷན་ཅིག་བསྲེས་ནས་བླང་བར་བགྱིའོ། །དགུག་པའི་སྔགས་ལན་སྟོང་རྩ་བརྒྱད་བཟླས་བརྗོད་བགྱིས་ཏེ། དོན་ཡོད་ཁམས་གསུམ་རྣམ་པར་གྲགས་
། །བདུག་པའི་རྒྱལ་པོ་བླ་ན་མེད། །གང་ཕྱིར་བདུགས་པ་ཙམ་གྱིས་ནི། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་བདུག་པའི་སྤྲིན་ཆེན་པོ་འཁྲིགས་པས་རྒྱས་པར་འགྱུར་རོ། །
དྲི་འཁྲིགས་པ་དེ་དག་གིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་ལ། དྲི་
ཆེན་པོའི་མཆོད་པ་དང་། བདུག་པ་ཆེན་པོའི་མཆོད་པ་བགྱིས་པར་འགྱུར་ཞིང་། དེ་དག་ཐམས་ཅད་དགའ་བར་འགྱུར་རོ། །གང་ཡང་དུད་འགྲོའི་སྐྱེ་གནས་སུ་གཏོགས་པའི་སེམས་ཅན་གང་དག་གིས་བདུག་པའི་དྲི་ཚོར་ན་དེ་དག་ཐམས་ཅད་ངན་སོང་དུ་
སྐྱེ་བར་འགྱུར་བའི་ལས་ཀྱི་སྒྲིབ་པ་རྣམས་ཡོངས་སུ་གཏུགས་པར་འགྱུར་རོ། །འཐབ་པ་དང་། འཐབ་མོ་དང་། མུ་གེ་དང་། རྩོད་པ་དང་། འགྱེད་པ་དང་། ནང་འཁྲུག་པ་དང་། འཁྲུགས་པ་དང་། རྨི་ལམ་ངན་པ་དང་། ཡམས་ཀྱི་ནད་དང་། གནོད་པ་དང་། འཚེ་བ་དང་། 
གདུང་བ་དང་། མི་བདེ་བ་ཐམས་ཅད་དང་། ནད་ཐམས་ཅད་ཞི་བར་འགྱུར་རོ། །རླུང་དང་། སེར་བ་དང་། གྲང་བ་དང་། ཚ་བའི་སྤྲིན་ཐམས་ཅད་ཞི་བར་འགྱུར་རོ། །སྡིག་པ་ཐམས་ཅད་འཇིག་པར་འགྱུར་རོ། །བྱད་དང་གཡེངས་བྱེད་དང་། སྔགས་ཀྱི་སྦྱོར་བ་ཐམས་ཅད་དང་། 
དུག་དང་དབྱིག་དུག་དང་དུག་སྦྱར་མ་ཐམས་ཅད་ཞི་བར་འགྱུར་རོ། །གདོན་ཐམས་ཅད་དང་རྗེད་བྱེད་ཐམས་ཅད་དང་། རིམས་དང་། བཟའ་ཉེས་དང་། སྒོ་མཉེས་དང་། གནོད་སྒྲིབ་དང་། ནད་ཐམས་ཅད་འཇིག་པར་འགྱུར་ཞིང་། རྨི་ལམ་ངན་པ་ཐམས་ཅད་ཞི་བར་འགྱུར་རོ། །

99-1-9b

གནོད་ལྟས་ཐམས་ཅད་བདུག་པའི་དྲིས་འབྲོས་པར་འགྱུར། འཇིག་པར་འགྱུར། འགྱེས་པར་འགྱུར་ཏེ། བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་ལན་འགའ་ཡང་ཚུགས་པར་མི་འགྱུར་རོ། །བདུག་པའི་རྒྱལ་པོ་འདི་རྟག་ཏུ་སྦྱར་བར་བགྱིའོ། །འདི་ལྟར་
ཚེས་བཅུ་བཞིའི་ནུབ་མོ་མཆིས་ལ། དོན་ཡོད་པའི་ཞགས་པའི་སྙིང་པོ་བརྒྱ་རྩ་བརྒྱད་དང་། ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བགྱིའོ། །ཟས་དཀར་གསུམ་གྱི་གཏོར་མ་ཅི་འབྱོར་པ་དབུལ་བར་བགྱིའོ། །སྙིང་པོ་དང་ཉེ་བའི་སྙིང་པོ་སྟོང་རྩ་བརྒྱད་
བཟླས་བརྗོད་བགྱིས་ལ། དྲི་དང་འབྲུ་མར་གྱི་མར་མེ་དབུལ་བར་བགྱིའོ། །རི་མོའི་གཟུགས་དེ་ཉིད་ཀྱི་མདུན་དུ་ནམ་ལངས་ཀྱི་བར་མཆིས་ནས་ཉལ་བར་བགྱི་སྟེ། རྨི་ལམ་དུ་དབྱིག་གི་མཚོན་མཐོང་ངམ། བདེ་བ་ཅན་གྱི་འཇིག་རྟེན་གྱི་ཁམས་གཞལ་མེད་
ཁང་དང་བཅས། རིན་པོ་ཆེའི་ཤིང་དང་བཅས། རིན་པོ་ཆེའི་རི་དང་བཅས། རྫིང་དང་བཅས། གནས་དང་བཅས། ཁང་པ་བརྩེགས་པ་དང་བཅས། གཞལ་མེད་ཁང་དང་བཅས། རྫུ་འཕྲུལ་དང་ཆོ་འཕྲུལ་དང་། རྣམ་པར་འཕྲུལ་པ་དང་བཅས་པ་མཐོང་
ངམ། དེ་བཞིན་གཤེགས་པ་ཚེ་དཔག་མེད་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་། ཁང་པ་བརྩེགས་པ་ན་བཞུགས་ལ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་
ཆེན་པོ་འཁོར་དང་བཅས་པ་མཐོང་ངམ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཚེ་དཔག་མེད་དེ་ཡང་། རིག་སྔགས་འཆང་དེ་ལ་དབུགས་འབྱིན་པར་མཛད་ཅིང་ལེགས་སོ་
ཞེས་བགྱི་བ་ཡང་སྩོལ་བར་མཛད་དེ། ཀྱེ་སྐྱེས་བུ་དམ་པ་ཁྱོད་ཀྱིས་རིག་སྔགས་འཆང་གི་སྐྱེས་བུའི་བྱེད་པ་མང་དུ་བྱས་པ་དང་། ཁྱོད་ཀྱིས་དགེ་བའི་རྩ་བ་མང་དུ་སྐྲུན་པ་དང་། ཁྱོད་ཀྱིས་ལྷག་པར་མང་དུ་བྱས་པ་དང་། ཁྱོད་ཀྱིས་བྱ་བ་གང་
ཡིན་པ་བྱས་པ་དང་། ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་ཕྱག་རྒྱ་ཆེན་པོ་དང་། གསང་སྔགས་རྣམ་པར་ཕྱེ་བའི་སྙིང་པོ་སྒྲུབ་པ་ནི་གྲུབ་ཟིན་ཏེ། ལེགས་སོ་ལེགས་སོ། །ཁྱོད་རིག་སྔགས་འཆང་གི་སངས་རྒྱས་ཉིད་

99-1-10a

དུ་གྱུར་ཅིག །ཁྱོད་འདི་ནས་མ་འོངས་པའི་མངལ་གྱི་སྐྱེ་བ་བླངས་ཏེ། ཚེ་བརྗེས་ནས་ངའི་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་རོ། །
ཞེས་ཕྱག་གཡས་པ་སྤྱི་བོར་འཇོག་པར་འགྱུར། འཇིག་རྟེན་པའི་དངོས་གྲུབ་ཐམས་ཅད་སྩོལ་ཅིང་འཇིག་རྟེན་ལས་འདས་པའི་དངོས་གྲུབ་སྒྲུབ་པ་སྟེ། འདི་ནི་དམ་པ་སྒྲུབ་པ་ཡིན་ནོ་ཞེས་བདག་གཉིད་སད་ནས་དགའ་བར་མཐོང་སྟེ། སྒྲིབ་
པ་ཐམས་ཅད་དང་བྲལ་ཞིང་ཡོངས་སུ་དག་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་བྲམ་ཟེའི་གཟུགས་ཀྱིས་མདུན་ན་མཆིས་པར་འགྱུར་ཞིང་འདོད་པ་ཐམས་ཅད་ཀྱི་མཆོག་སྩོལ་བར་འགྱུར་རོ། །གཟུགས་ཀྱི་རི་མོ་དེ་ཡང་
འབར་ཞིང་འོད་ཟེར་འབྱུང་བར་འགྱུར་རོ། །ཡོན་ཏན་བརྒྱ་སྟོང་མང་པོ་གཞན་ཡང་འཐོབ་པར་འགྱུར་རོ། །འཇིག་རྟེན་པའི་ཕུན་སུམ་ཚོགས་པ་ཡང་འཐོབ་པར་འགྱུར་རོ། །སྐྱེ་བོ་དང་རྒྱལ་པོ་དང་། བློན་པོ་དང་། བྲམ་ཟེ་དང་། ཁྱིམ་བདག་ཐམས་ཅད་དབང་དུ་
འགྱུར་ཞིང་ཆེར་མཆོད་པར་འགྱུར་རོ། །དགེ་སྦྱོང་དང་བྲམ་ཟེ་རྣམས་ལས་དོན་ཡོད་པའི་གྲུབ་པ་ཆེན་པོ་ཐོབ་པར་འགྱུར་རོ། །གྲུབ་པ་ཆེན་པོ་བླ་ན་མེད་པའང་འཐོབ་པར་འགྱུར་རོ། །ཉིན་གཅིག་བཞིན་དུ་དུས་གསུམ་དུ་ཕྱག་རྒྱ་བཅིང་བར་
བགྱིའོ། །དེ་ནས་ཚེས་བཅུ་བཞི་ལ་ཐོག་མར་དགེ་སྦྱོང་དང་བྲམ་ཟེ་རྣམས་ལ་ཅི་འབྱོར་པའི་ཡོན་དང་བཅས་པའི་མཆོད་སྟོན་སྩལ་བར་བགྱིའོ། །དེ་ནས་བདག་ཉིད་ལོངས་སྤྱད་པར་བགྱིའོ། །གང་གི་ཚེ་ཡང་སངས་རྒྱས་ལ་བལྟ་བ་དང་། 
བྱང་ཆུབ་སེམས་དཔའ་ལ་བལྟ་བ་དང་། ལྷ་རྣམས་ལ་བལྟ་བར་འཚལ་བ་ན། དེའི་ཚེ་བདུག་པའི་རྒྱལ་པོ་ལ་དགུག་པའི་གསང་སྔགས་ལན་ཉི་ཤུ་རྩ་གཅིག་བཟླས་བརྗོད་བགྱི་སྟེ། སངས་རྒྱས་བཅོམ་ལྡན་འདས་ལ་བདུག་པར་བགྱིའོ། །
བདུག་པས་བདུགས་པ་ཙམ་གྱི་མོད་ལ་ཞལ་སྟོན་པར་འགྱུར་ཞིང་། དགེ་བའམ་མི་དགེ་བ་ཐམས་ཅད་དམ། ཉམས་པའམ་བྲི་བ་དེ་ཐམས་ཅད་བསྲུང་བར་འགྱུར་རོ། །ཇི་ཙམ་ཚེའི་མཐར་ཐུག་གི་བར་དུ་གསུང་བ་འམ། འགྲོ་བའམ་འོང་བ་གསུང་བར་

99-1-10b

འགྱུར་རོ། །དེ་ནས་གསང་སྔགས་ཀྱི་ཆོ་ག་དང་། བསྒྲུབ་པའི་དོན་དང་ལས་ཀྱི་ཆོ་ག་ཡང་ཇི་ལྟ་བ་བཞིན་དུ་བཤད་པར་བགྱིའོ། །ཨོཾ་པད་མ་དྷ་ར་ཨ་མོ་གྷ་ཛ་ཡ་དེ་ཙུ་རུ་ཙུ་རུ་སྭཱ་ཧཱ། དོན་ཡོད་པའི་རྒྱལ་པོའི་ཉེ་བའི་སྙིང་པོའི་གསང་སྔགས་སོ། །
ཨོཾ་པད་མ་པཱ་ཤ་དྷ་རཱ་ཡ། ཨ་མོ་གྷ་བ་ར་སན་ཙོ་ད་ཡ་ཧཱུྃ། དེ་བཞིན་གཤེགས་པ་དང་། བྱང་ཆུབ་སེམས་དཔའ་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་
ཆེན་པོ་དང་། མི་དང་། མི་མ་ཡིན་པ་ལ་སོགས་པ་བསྐུལ་བའི་གསང་སྔགས་ཏེ། བདུག་པའི་རྒྱལ་པོས་བདུགས་ནས་ཆབ་དང་ཡུངས་དཀར་བསྲེས་པ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས། ཕྱོགས་བཅུར་གཏོར་ན་ཐམས་
ཅད་བསྐུལ་བར་བགྱིས་པར་འགྱུར་རོ། །ཨོཾ་ཏྲཻ་ལོ་ཀྱ་ཨ་བྷཱ་ཧཱ་ན་ཨ་མོ་གྷ་པཱ་ཤ །པད་མ་བི་ལོ་ཀི་ཏ་ཨཱ་ཨཱན་ཏུ། བྷུ་བ་ནེ་སུ་ར། སུ་རུ་སུ་རུ། བི་མ་ལེ་ཧཱུྃ། དགུག་པའི་གསང་སྔགས་ཏེ། གུ་གུལ་གྱི་བདུག་པ་ལ་ལན་བརྒྱ་རྩ་བརྒྱད་
བཟླས་བརྗོད་བགྱིས་ནས་ཆུ་དང་མེ་ཏོག་བསྲེས་པས་ཕྱོགས་བཅུར་གཏོར་བར་བགྱི་སྟེ། ཐམས་ཅད་ནས་དགུག་པ་དམ་པ་གྲུབ་པ་ལགས་སོ། །ཨོཾ་པད་མ་བྷུ་ཛ་མ་ཧཱ་པཱ་ཤ་དྷཱ་ར་ཎི་མན་ཏྲ་ཡཱ་མི། ཨ་མོ་གྷཱ་པ་ལ་ཡན་ཏུ་བྷུ་བ་སྭཱ་ཧཱ། 
མུ་རུ་མུ་རུ་ཧཱུྃ། དེ་བཞིན་གཤེགས་པ་དང་། བྱང་ཆུབ་སེམས་དཔའ་ཐམས་ཅད་དང་། ཉན་ཐོས་དང་། རང་སངས་རྒྱས་ཐམས་ཅད་དང་། དཀྱིལ་འཁོར་ཐམས་ཅད་ན་གནས་པའི་ལྷ་ཚོགས་ལ་སོགས་པ་སྤྱན་དྲང་བའི་གསང་
སྔགས་ཏེ། རིལ་བ་སྤྱི་བླུགས་དང་། ཆབ་དང་། མེ་ཏོག་དང་། ཚེམས་ཤིང་ལ་བདུག་པའི་རྒྱལ་པོས་བདུགས་ཏེ། ཐམས་ཅད་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ། ཐམས་ཅད་སྤྱན་དྲང་བའི་རིག་སྔགས་སོ། །
ཨོཾ་པད་མ་ཨ་མོ་གྷཱ་བཛྲ་ཨ་དྷིཥྛཱ་ན། ཀུ་རུ་ཀུ་རུ་སྭཱ་ཧཱ། སའི་དཀྱིལ་འཁོར་བཅིང་བ་སྟེ། ཆབ་དང་ཡུངས་དཀར་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་ས་ལ་གཏོར་ན། དཔག་ཚད་སུམ་བརྒྱས་ཀུན་ནས་འཁོར་བའི་སའི་

99-1-11a

དཀྱིལ་འཁོར་རྡོ་རྗེར་བྱིན་གྱིས་བརླབ་པར་འགྱུར་རོ། །དེ་ཐམས་ཅད་བསྲུངས་པ་ནི་རྡོ་རྗེ་སྲ་བའི་སེམས་སུ་འགྱུར་རོ། །དགྲ་རྣམས་ཀྱིས་མི་མཐོང་བ་དང་། བགེགས་དང་། ལོག་འདྲེན་དང་། གནོད་སྦྱིན་དང་། སྲིན་པོ་དང་། 
འབྱུང་པོ་དང་། ཤ་ཟ་དང་། བརྗེད་བྱེད་དང་། རོ་ལངས་དང་། འདོད་དགུར་བསྒྱུར་བའི་གཟུགས་ཅན་ཐམས་ཅད་ཀྱིས་མི་མཐོང་སྟེ། རྣམ་པ་ཐམས་ཅད་དུ་མི་མཐོང་བས་རྡོ་རྗེ་ལྟར་སྲ་བར་འགྱུར་རོ། །ཨོཾ་ཨ་མོ་གྷཱ་པཱ་ཤ་པད་མོ་ཏུ་ར་
སིང་ཧཱ། སན་ཏུ་ཊི་སི་རི་སི་རི་ཧཱུྃ། གདན་གྱི་གསང་སྔགས་ཏེ་ཡུངས་དཀར་ལ་སྟོང་རྩ་བརྒྱད་བཟླས་བརྗོད་བགྱིས་ཏེ་ས་ལ་གཏོར་ན། པད་མ་ཆེན་པོའི་གཞལ་ཡས་ཁང་གི་གདན་དུ་བྱིན་གྱིས་བརླབ་ནས་ལེགས་པར་ཕུལ་བར་འགྱུར་རོ། །
དེ་བཞིན་གཤེགས་པ་ཐམས་ཅད་ལ་རིན་པོ་ཆེ་སྣ་བདུན་ལས་བྱས་པའི་སེང་གེའི་གདན་དུ་བྱིན་གྱིས་བརླབས་ནས་ལེགས་པར་ཕུལ་བར་འགྱུར་རོ། །རིག་སྔགས་འཆང་གིས་རང་གི་སྟན་ལ་ཆབ་དང་། ཡུངས་དཀར་ལ་ལན་ཉི་ཤུ་རྩ་
གཅིག་བཟླས་བརྗོད་བགྱིས་ནས་གཏོར་ཏེ། རིག་སྔགས་འགྲུབ་པའི་པད་མའི་སྟན་གསང་བའི་གསང་སྔགས་སོ། །ཨོཾ་མ་ཧཱ་ཀ་རུ་ཎ་པད་མ་ཨ་མོ་གྷཱ་པཱ་ཤ་དྲྀ་ཌྷ་བཛྲ་ཨ་དྷི་ཏི་བྷུ་རུ་བྷུ་རུ་བྷན་དྷ་རེ་སྭཱ་ཧཱ། དཀྱིལ་འཁོར་
མཐའ་དག་ན་ཁྱིམ་དང་། ནགས་ཚལ་དང་། ཀུན་དགའ་ར་བ་དང་། གཙུག་ལག་ཁང་དང་། བསྟི་གནས་དང་། འཆག་ས་དང་། ཕུག་དང་། དགོན་པ་དང་། གནས་བསང་བའི་ཕྱིར་དྲི་ཆབ་དང་། ཡུངས་དཀར་ལ་ལན་བརྒྱ་རྩ་
བརྒྱད་བཟླས་བརྗོད་བགྱིས་ནས་གཏོར་བར་བགྱིས་ཏེ། གནས་སུ་གཏོགས་པ་ཐམས་ཅད་བསང་བ་ཆེན་པོ་བགྱིས་པར་འགྱུར་རོ། །ཉེས་པར་བགྱིད་པ་དང་། བགེགས་དང་། ལོག་འདྲེན་དང་། གནོད་སྦྱིན་དང་། སྲིན་པོ་
དང་། འབྱུང་པོ་ཐམས་ཅད་འབྲོས་པར་འགྱུར་ཏེ། གནས་བསང་བའི་གསང་སྔགས་སོ། །ཨོཾ་པད་མ་ཨ་མོ་གྷཱ་པཱ་ཤེ་ན་ས་མན་ཏཱ་ད་ཤ་སུ་ཤུྰ་སི་མཱ་བན་དྷ་ཡ། ཏུ་རུ་ཏུ་རུ་ཧཱུྃ། ལྕགས་ཀྱི་ཕུར་བུ་སོར་བརྒྱད་པའི་ཚད་

99-1-11b

ལྔ་ལ། ཚོན་སྣ་ལྔའི་སྐུད་པས་དཀྲིས་ཏེ། ལན་སྟོང་རྩ་བརྒྱད་བཟླས་བརྗོད་བགྱིས་ནས་ཕྱོགས་བཞིར་གཟུགས་པར་བགྱིའོ། །ལྔ་པ་ནི་དབུས་ཀྱི་གཞིར་གཟུགས་པར་བགྱི་སྟེ། རྒྱང་གྲགས་བདུན་
འཁོར་བར་མཚམས་བཅྀང་བ་བགྱིས་པར་འགྱུར་རོ། །ཇི་སྲིད་དུ་ཕུར་བུ་མ་ཕྱུང་བ་དེ་སྲིད་དུ་མཚམས་མཆེན་པོ་བཅིང་བ་བགྱིས་པར་འགྱུར་རོ། །ཨོཾ་ཨ་མོ་གྷ་མཎྜ་ལ་བན་དྷ་ཡ་ས་མན་ཏེ་ན། པད་མ་
མ་ཧཱ་པད་མེ་དྷུ་རུ་དྷུ་རུ་སྭཱ་ཧཱ། དཀྱིལ་འཁོར་བཅིང་བ་སྟེ། དྲི་ཆབ་དང་། ཡུངས་དཀར་ལ་ལན་བརྒྱ་རྩ་བརྒྱད་བཟླས་བརྗོད་བགྱྀས་ནས་དཀྱིལ་འཁོར་མཐའ་དག་དང་། དེ་བཞིན་དུ་འོག་དང་སྟེང་དུ་ཡང་གཏོར་ཏེ། 
དཀྱིལ་འཁོར་ཆེན་པོ་བཅིང་བར་བགྱིས་པར་འགྱུར་ཏེ། བགེགས་དང་། ལོག་འདྲེན་དང་། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་མཆི་བར་འོས་པ་ཐམས་ཅད་ཀྱིས་མཆི་བར་མི་འགྱུར་རོ། །སེམས་ཅན་གདུག་
པ་དང་། ལྷ་འམ། ཀླུ་གདུག་པ། གང་སུ་ཡང་རུང་བ་དེ་དག་ཐམས་ཅད་ཟིལ་གྱིས་མནན་པར་འགྱུར་རོ། །འཇིག་རྟེན་པའི་བགྱི་བ་ངན་པ་དང་། སྔགས་ངན་པ་དང་། སེམས་ངན་པ་དང་། བགྱིད་པ་ངན་པ་ཐམས་ཅད་
ཡོངས་སུ་སྤངས་པར་འགྱུར་རོ། །ཨོཾ་ཨ་མོ་གྷ་པ་རི་ཤུད་དྷེ་ཤོ་དྷ་ཡ་ས་མན་ཏེ་ན། དྷི་རི་དྷི་རི་ཤུད་དྷ་ས་ཏྭ་མ་ཧཱ་པད་མེ་ཧཱུྃ། འདིས་བའི་རྣམ་ལྔ་ལ་ལན་སྟོང་རྩ་བརྒྱད་བཟླས་བརྗོད་བགྱིས་ཏེ། དཀྱིལ་འཁོར་གྱི་སའི་ཆ་
མཐའ་དག་ན། གཙུག་ལག་ཁང་ངམ། དགོན་པའམ། བྱ་སྐྱིབས་སམ། ཚང་ཚིང་ངམ། འཆག་སའམ། གནས་སམ། ཚལ་ལམ། ནགས་ཚལ་ལམ། སྐྱེད་མོས་ཚལ་ལམ། ཀུན་དགའ་ར་བའམ། བྲང་སའམ། སྐྱབས་
སམ། ཁང་པ་ལ་གཏོར་ན་སྟོང་པའམ། མི་སྟོང་པའམ། འདམ་རྫབ་དང་། མི་གཙང་བ་དང་། ཕྱག་དར་གྱིས་གང་བ་དང་། འབྱུང་པོ་དང་། ཤ་ཟ་དང་། ཡི་དགས་ལ་སོགས་ཏེ་རིགས་ངན་པ་ཐམས་ཅད་ཡོངས་སུ་སྤངས་པར་འགྱུར་རོ། །

99-1-12a

གཙང་བ་དག་པར་འགྱུར་རོ། །གནས་གཙང་མར་འགྱུར་རོ། །བདག་ཉིད་ལ་དབང་བསྐུར་ན་བཟའ་ཉེས་དང་། བགོ་ཉེས་དང་། གནོད་ལྟས་དང་། གནོད་སྒྲིབ་ཀྱི་གནས་ངན་པ་ཐམས་ཅད་ཡོངས་སུ་དག་པར་འགྱུར་རོ། །
གཙང་མ་དག་པར་འགྱུར་རོ། །མི་གཙང་བ་གཙང་བར་འགྱུར་རོ། །ཚངས་པར་སྤྱོད་པ་མ་ལགས་པ་ཚངས་པར་སྤྱོད་པར་འགྱུར་རོ། །བསྙེན་གནས་མ་བགྱིས་པ་ནི་བསྙེན་གནས་བགྱིས་པར་འགྱུར་རོ། །དེ་ལ་ལྷ་ཐམས་ཅད་བསྲུང་བ་
དང་། བསྐྱབ་པ་དང་སྦ་བ་བགྱིད་པར་འགྱུར་རོ། །དབང་ཕྱུག་དང་དབང་ཕྱུག་ཆེན་པོ་དང་། ཚངས་པ་དང་། ཁྱབ་འཇུག་དང་། དབང་ཕྱུག་དང་། གཤིན་རྗེ་དང་། ཆུ་ལྷ་དང་། ལུས་ངན་ལ་སོགས་པ་བསྲུང་བ་དང་། བསྐྱབ་པ་དང་། སྦ་བའི་སླད་དུ། རྟག་ཏུ་རྗེས་
སུ་འབྲང་བར་འགྱུར་རོ། །འཇིག་རྟེན་པ་ཐམས་ཅད་ཀྱི་སྙིང་དུ་སྡུག་པ་དང་། མཆོད་པར་འོས་པར་འགྱུར་རོ། །ཚིག་བཙན་པར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །སྡིག་པ་དང་། སྒྲིབ་པ་དང་། ཆད་པ་ལ་སོགས་པ་
ཐམས་ཅད་ལས་ཡོངས་སུ་ཐར་བར་འགྱུར་རོ། །ཕྱོགས་བཞིར་ཀུན་ཏུ་གཏོར་ན་འཐབ་པ་དང་འཐབ་མོ་དང་། རྩོད་པ་དང་། འགྱེད་པ་དང་། མུ་གེ་དང་མི་ངས་དང་། ཡམས་ཀྱི་ནད་དང་། གནོད་པ་དང་། འཚེ་བ་དང་། འཁྲུག་པ་ཐམས་ཅད་
ཞི་བར་འགྱུར་རོ། །ཉིན་གཅིག་བཞིན་དུ་བདག་ཉིད་ལ་དབང་བསྐུར་རམ། རེག་པར་བགྱིད་ན། རྀག་སྔགས་དང་ཕྱག་རྒྱ་དང་། དཀྱིལ་འཁོར་གྱི་རིམ་པར་དབྱེ་བ་དང་ལས་ཆེན་པོ་འགྲུབ་པར་འགྱུར་རོ། །དོན་ཡོད་པའི་གྲུབ་པ་ཆེན་པོ་
འགྲུབ་པར་འགྱུར་རོ། །གང་དང་གང་དུ་མཆིས་པ་དེ་དང་དེར་ཆེར་མཆོད་པར་འགྱུར་རོ། །ཐམས་ཅད་ཀྱིས་མི་ཟློག་པར་འགྱུར་རོ། །ཉིན་གཅིག་བཞིན་གཞལ་མེད་ཁང་རྒྱ་ཆེན་པོ་བཀྲ་ཞིང་རྣམ་པར་བཀྲ་བ་ཆེན་པོ་རྨི་ལམ་དུ་མཐོང་བ་
དང་། རྣམ་པ་ཐམས་ཅད་དུ་མཆོག་རྒྱ་ཆེན་པོ་འཐོབ་པར་འགྱུར་རོ། །དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། ཁྱིམ་བདག་དང་། རྒྱལ་པོ་དང་། བློན་པོ་དང་། བཙུན་མོའི་འཁོར་དང་བཅས་པ་ཐམས་ཅད་དབང་དུ་འགྱུར་ཞིང་མཆོད་པར་འོས་པར་

99-1-12b

འགྱུར་རོ། །རྟག་ཏུ་གཙང་བར་སྤྱོད་པར་གཙང་ཞིང་དག་པར་འགྱུར་རོ། །རྟག་པར་དུས་ཀུན་ཏུ་འཕགས་པ་སྤྱན་རས་གཟིགས་དབང་ཕྱུག་བལྟ་འཚལ་བར་འགྱུར་རོ། །འདོད་པ་ཐམས་ཅད་ཀྱི་མཆོག་སྩོལ་བར་འགྱུར་རོ། །དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་རྨི་ལམ་དུ་རྟག་ཏུ་མཐོང་ཞིང་ཤི་འཕོས་ནས་ཡང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཨོཾ་པད་མེ་ས་ར་ས་ར་ཏིཥྛ་ཏིཥྛ་མ་ཧཱ་ཨ་མོ་གྷ་ས་མ་ཡ་སྭཱ་ཧཱ། 
གསང་བ་ཆེན་པོའི་དམ་ཚིག་གི་གསང་སྔགས་སོ། །ཨོཾ་བི་པུ་ལ་པད་མ་ཨ་མོ་གྷ་ས་ར་བ་བི་ཤ་ཏུ། ཀུ་རུ་ཀུ་རུ་སྭཱ་ཧཱ། འཇུག་པའི་གསང་སྔགས་སོ། །ཨོཾ་ཨ་མོ་གྷ་ཨ་ནུ་ཤ་ཡ་མ་ཧཱ་པད་མ་བན་དྷུ་རེ་ཧཱུྃ། སློབ་མའི་གསང་
སྔགས་སོ། །ཨོཾ་ཨ་མོ་གྷ་པད་མ་ཤི་གེ་ཏུ་རུ་ཏུ་རུ། ཏིཤྛ་བཛྲ་བན་དྷེ་སྭཱ་ཧཱ། སྤྱི་གཙུག་བཅིང་བའི་གསང་སྔགས་སོ། །ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་མོ་གྷ་པད་མ་ཛ་ལོ་ཀྵེ་པ། བྷི་རི་བྷི་རི་ཧཱུྃ། ཆབ་བཏེག་པའི་
གསང་སྔགས་ཏེ། ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་མོ་གྷ་བི་ཀ་ཊ་སྃ་བྷ་ར་པད་མ་ཨཱ་ས་ཎེ་ཛ་ལ་པ་ཏི། ཀུ་རུ་ཀུ་རུ་ཧཱུྃ། བུམ་པའི་གསང་སྔགས་ཏེ་ལན་བརྒྱ་རྩ་བརྒྱད་བཟླས་སོ། །ཨོཾ་པད་མོ་པྲ་ས་ར་ཨ་མོ་གྷ་བི་མ་ལེ་
བྷ་ར་བྷ་ར་སྭཱ་ཧཱ། ཆབ་ཀྱི་རྒྱུན་གྱི་གསང་སྔགས་ཏེ། ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་མོ་གྷ་པད་མེ་སུ་པད་མེ། པཱུརྞ་ཀ་རེ་དྷི་རི་དྷི་རི་བི་མ་ལེ་སྭཱ་ཧཱ། ལག་པའི་གསང་སྔགས་ཏེ། ལག་པ་གཉིས་ལ་ལན་སྟོང་རྩ་བརྒྱད་
བཟླས་བརྗོད་བགྱིས་ནས། དཀྱིལ་འཁོར་དང་གསང་སྔགས་དང་། ཕྱག་རྒྱ་དང་། ཆོ་ག་ཞིབ་མོ་དང་བསྒྲུབ་པའི་དགོས་པ་ཐམས་ཅད་བགྱི་སྟེ། སྒྲུབ་པ་ཐམས་ཅད་ལ་བསྒྲུབ་པར་བགྱི་ཞིང་ལས་ཐམས་ཅད་ལ་དུས་ཐམས་ཅད་དུ་བགྱིའོ། །ཨོཾ་
ཨ་མོ་གྷ་བི་མ་ལེ་ཛི་ཧྭཱ་གྲ་སྃ་ཤོ་དྷ་ནི་སྃ་ཤོ་དྷ་ཡ་དྷ་ར་དྷ་ར་བི་མ་ལེ་པད་མ་ཀ་མ་ལ་ཛི་ཧྭཱ་སྭཱ་ཧཱ། ལྕེ་སྦྱང་བའི་གསང་སྔགས་ཏེ། དྲི་ཆབ་ལ་ལན་སྟོང་རྩ་བརྒྱད་བཟླས་བརྗོད་བགྱིས་ཏེ། ཁ་བཤལ་ལ་ལྕེའི་དྲི་མ་ཡོངས་སུ་དག་པར་འགྱུར་རོ། །

99-1-13a

པད་མ་དང་། ཀུ་མུ་ཏའི་འདབ་མ་དང་། འདྲ་བར་ལྕེ་མཉེན་པར་འགྱུར་རོ། །སོ་དང་རྐན་དང་མགུལ་པ་ཡོངས་སུ་དག་པར་འགྱུར་རོ། །ཨོཾ་ཨ་མོ་གྷ་ན་དྷ་བསྟི་སུ་རུ་སུ་རུ་པྲ་བྷུ་རུ་དི་བྱ་གན་དྷི་པད་མ་པྲ་བྷེ་སྭཱ་ཧཱ། གསང་སྔགས་འདིས་
ཁར་སྩལ་བའི་རི་ལུ་ཙན་དན་དང་། ན་ལ་དང་། སྤྲི་ཀ་དང་། ཨུཏྤ་ལ་དང་། གུར་གུམ་དང་། གླ་རྩི་ལྷན་ཅིག་བླང་བ་བགྱིས་ལ། ཕྱེ་མ་ཞིབ་མོར་བཏགས་ནས་རི་ལུ་ཞོ་གཉིས་ཙམ་པའི་ཚད་དུ་སྦྲང་རྩི་དང་ལྷན་ཅིག་སྦྱར་ལ་གསང་སྔགས་སྟོང་རྩ་བརྒྱད་ཚང་
བར་བཟླས་བརྗོད་བགྱིས་ཏེ། ཟངས་ཀྱི་སྣོད་ཀྱི་ནང་དུ་སྩལ་ནས་བཟླས་བརྗོད་བགྱིད་པའི་ཚེ་ཁར་སྩལ་ནས་སྐད་ཅིག་ཙམ་བསྡད་པ་བགྱིས་ན། རྟག་ཏུ་ཁ་ནས་ཨུཏྤ་ལའི་དྲི་འབྱུང་བར་འགྱུར་ཏེ། རྒྱང་གྲགས་ཙམ་དུ་ཐེ་ཚོམ་མེད། །དེ་བཞིན་
གཤེགས་པ་ཐམས་ཅད་དང་། །དེ་བཞིན་བྱང་ཆུབ་སེམས་དཔའ་དགྱེས། །འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་མགོན་པོ་མཆོག་ཏུ་དགའ་བར་འགྱུར་རོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་
པོ། བམ་པོ་གཉིས་པ། བཟླས་པས་བདེ་བར་འགྲུབ་འགྱུར་བས། །དོན་ཡོད་རིག་སྔགས་བླ་ན་མེད། །རིག་སྔགས་འཆང་དང་གཏམ་བགྱིས་པས། །དུས་ཀུན་རྡུལ་དྲི་སྤང་བར་བགྱྀ། །མཁྲིས་པ་བད་ཀན་སྣབས་དག་དང་། །
དེ་བཞིན་ཀུན་འཇིག་མྱུར་དུ་ནི། །ཁ་ནས་ལྷ་ཡི་དྲི་འབྱུང་འགྱུར། །སུ་ལ་ཚིག་དག་སྨྲས་པ་ནི། །དེ་ནི་མྱུར་དུ་དབང་དུ་འགྱུར། །ལྷ་རྣམས་དབང་དུ་མཆིས་པ་དང་། །བདེ་སོགས་བདག་པོ་དབང་པོ་དང་། །གཤིན་རྗེ་ཆུ་ལྷ་དེ་བཞིན་དུ། །
ཚངས་པ་ཁྱབ་འཇུག་དབང་ཕྱུག་ཆེ། །འཇིག་རྟེན་སྐྱོང་བ་བཞི་དག་དང་། །ཟླ་བ་ཉི་མ་ཉིད་དག་དང་། །ཐམས་ཅད་དབང་དུ་གྱུར་ནས་མཆིས། །འདི་ནི་ཁ་ན་མུར་བགྱིད་ན། །ཚིག་ལྡན་ལྕེ་ཡི་རྩེ་མོ་ན། །མཆིས་སམ་ཚིག་ནི་གསལ་
བར་འགྱུར། །རྟག་ཏུ་མི་མིན་དབྱངས་འགྱུར་ཏེ། །དྲི་མའི་སྐྱོན་ནི་རྣམ་པར་སྤངས། །ཚིག་བཅད་སྟོང་བཀླགས་ཉམས་མི་འགྱུར། །ཧཱུྃ་ཞེས་བགྱིས་པས་ལྷ་ཀུན་དང་། །ལྷ་གང་དཀྱིལ་འཁོར་གནས་པའང་མཆིས། །ཕཊ་

99-1-13b

ཅེས་བགྱིས་པས་གདུག་པ་དང་། །བགེགས་དང་ལོག་འདྲེན་ཐམས་ཅད་འཇིག །གནོད་སྦྱིན་སྲིན་པོ་ཤ་ཟ་དང་། །བརྗེད་བྱེད་འབྱུང་པོ་གསང་བ་པ། །ཐམས་ཅད་མོད་ལ་འབྱེར་འགྱུར་ཞིང་། །ཁ་བུབ་ཏུ་ཡང་འགྱེལ་བར་འགྱུར། །
རི་ལུ་ཁ་ན་ཐོགས་ན་ནི། །དུས་ཀུན་དུ་ནི་མཁས་པར་འགྱུར། །གྲུབ་པ་མྱུར་དུ་འཐོབ་འགྱུར་ཏེ། །ཐམས་ཅད་དུ་ཡང་ཚེ་རིང་འགྱུར། །ཚིག་སྙན་འཇམ་ཞིང་མཉེན་པར་འགྱུར། །རི་ལུ་འདི་ནི་བཅང་བགྱིས་ན། །དོན་ཡོད་པད་མ་དྲི་མ་མེད། །
རི་ལུ་ཞེས་བགྱི་འགྲུབ་པར་འགྱུར། །ཨོཾ་མ་ལ་བི་ག་ཏེ། པད་མ་བི་བ་རེ། སན་ཙར་བ་ཙ་རེ་སྭཱ་ཧཱ། ཨ་མོ་གྷ་སིད་དྷི་ཤོ་དྷ་ཡ་ཧཱུྃ། ནཱ་ག་པུས་པའི་ཤུན་པ་དང་། ཨུ་ཤི་ར་དང་ཙན་དན་དང་། པད་མ་གེ་སར་དང་། ལི་ཤི་དང་། ཀ་ཀོ་ལ་དང་། 
སྤང་སྤོས་དང་། རྒྱ་སྤོས་དང་། གུར་གུམ་དང་། པྲ་པུན་ད་རི་ཀ་དང་། ཨེ་ལ་དང་། ས་མ་ཀ་དང་། ཨུ་གྲ་དང་། སུ་གན་དྷི་ག་འདྀ་རྣམས་ཆ་མཉམ་པར་བགྱི་སྟེ་ཞིབ་ཏུ་བཏགས་ནས། གསང་སྔགས་ལན་སྟོང་རྩ་བརྒྱད་བཟླས་ནས་ཆར་པའི་
ཆབ་དང་བསྲེས་པས་ཁྲུས་བགྱིས་ཤིང་འཚལ་བའམ། ཆབ་དྲོན་པོས་ཁྲུས་བགྱིས་པ་འམ། འཚལ་བས་ཤིན་ཏུ་ཁྲུས་བགྱིས་པ་གཙང་མ་ཤིན་ཏུ་དག་པས་བག་ཚ་བ་མ་མཆིས་པར་བཏོན་པ་ཙམ་གྱིས་སྔོན་གྱི་དྲག་པོའི་ལས་
རྣམས་དང་། གདོན་ཀུན་འཇོམས་པར་འགྲུབ་པ་དང་། །ནད་ཀུན་རྣམ་པར་ཉམས་པ་དང་། །འདོད་ཆགས་ཞེ་སྡང་གཏི་མུག་གི། མུན་པ་མི་ཟད་སྤོང་བར་གསུངས། །བཀྲུས་འཚལ་ཙམ་གྱི་མོད་ལ་ནི། །དྲི་མ་ཀུན་ཞི་སོམ་ཉི་
མེད། །དཔལ་གྱིས་ལྷ་ཡི་བཞིན་དུ་འབར། །བསོད་ནམས་ཕུང་པོ་རྣམ་པར་འཕེལ། །གཟི་བརྗིད་ཕུང་པོ་རྟག་ཏུ་འབར། །ཟླ་བ་ཉི་མ་བཞིན་དུ་མཛེས། །གཙང་མའི་ལུས་སུ་གྱུར་པ་ན། །ལུས་ནི་ལྷ་ཡི་བཞིན་དུ་གྱུར། །མི་
གཙང་བ་ནི་གཙང་བར་གྱུར། །མ་དག་པ་ནི་དག་པར་འགྱུར། །ཚངས་པར་སྤྱོད་མིན་ཚངས་སྤྱོད་འགྱུར། །ཐུབ་མིན་ཐུབ་པ་ཁོ་ནར་འགྱུར། །ཚངས་པར་མི་སྤྱོད་ཚངས་སྤྱོད་འགྱུར། །མགོ་སྐྱ་གཉེར་མ་སྤངས་པ་དང་། །རྟག་ཏུ་བྲོ་ནད་མ་

99-1-14a

མཆིས་འགྱུར། །ལུས་ལ་ལྷ་ཡི་དྲི་དག་འབྱུང་། །པད་མ་ཀུ་མུ་མཉེན་པའི་ལུས། །སྔོན་གྱི་དྲི་ནི་རབ་སྤངས་ཏེ། །ལྷ་ཡི་ཙན་དན་དྲི་དག་ནི། །མདའ་རྒྱང་གང་དུ་སོམ་ཉི་མེད། །རྟག་ཏུ་བདེ་བར་ཉལ་བ་དང་། །བདེ་བར་ཡང་
ནི་སད་པར་འགྱུར། །གནོད་སྦྱིན་སྲིན་པོ་འབྱུང་པོ་དང་། །ལྷ་མིན་གདུག་པ་ལོག་འདྲེན་དང་། །གདུག་པའི་བགེགས་རྣམས་མཐོང་མི་འགྱུར། །མི་བཟད་དགྲ་རྣམས་ཀྱིས་ཀྱང་མིན། །ལུས་ཉིད་སྦྱང་བ་བགྱིས་ནས་སུ། །སྔགས་བཟླས་
བརྗོད་པའི་སྒྲུབ་པ་བགྱི། །ལེགས་པར་སྒྲུབ་པའི་ལས་བགྱིས་ན། །དེ་ཉིད་བདེ་བར་འགྲུབ་པར་འགྱུར། །རྒྱལ་བ་བྱང་ཆུབ་སེམས་དཔའ་ཀུན། །དེ་བཞིན་མོད་ལ་གཟིགས་པར་འགྱུར། །ལྷ་རྣམས་ཀུན་དང་གང་དག་གཞན། །དཀྱིལ་
འཁོར་གནས་པ་མྱུར་དུ་མཆི། །ཅི་འདོད་ཡིད་ལ་བཟླས་པ་ཡིས། །རྟག་ཏུ་དོན་ཡོད་གྲུབ་པར་འགྱུར། །ཐོག་མར་ལུས་སྦྱང་ཆོ་ག་བགྱི། །དེ་ནས་གསང་སྔགས་ལེགས་པར་སྤྱད། །ཨོཾ་ཨ་མོ་གྷ་པད་མ་ལོ་ཙ་ནི་དི་བྱ་དྲྀཥྚི་པ་
རི་ཤུད་དྷེ། སུ་རུ་སུ་རུ་པད་མ། ཨ་ཀྵི་བུ་རུ་བུ་རུ་ས་མན་ཏ་བྱ་བ་ལོ་ཀ་ནི་སྭཱ་ཧཱ། ལྡོང་རོས་གི་ཧང་རྒྱ་མཚོ་སྦུ་བ་ས་ཧ་ཛ། །ཨུཏྤ་ལ་སྦྲང་རྩི་ལྷན་ཅིག་རེང་བུ་འདི་བགྱིས་ལ། །གསང་སྔགས་སུམ་སྟོང་རྩ་བརྒྱད་བཟླས་
པའི་མིག་སྨན་འདི། །དེ་བཞིན་གཤེགས་པ་རྣམས་ཀྱིས་མཆོག་ཏུ་བཟང་ཞེས་གསུངས། །འདི་ནི་འཇིག་རྟེན་དབང་ཕྱུག་མཆོག་སྦྱིན་གྱིས། །ཀུན་པས་བཀྲ་ཤིས་འདི་ནི་མིག་ནད་ཀུན། །འཇོམས་པར་བགྱིད་དེ་གཡར་ལམ་བཟང་
པོ་རྨི། །ཡིད་དུ་མི་མཆི་བ་ཉིད་མཐོང་མི་འགྱུར། །ངན་པར་སྣང་དང་ངན་པར་བལྟ། །ནམ་ཡང་མཐོང་བར་མི་འགྱུར་རོ། །གཏུམ་པོ་འཇོམས་པ་གཏུམ་པོ་དང་། །ལྷག་མ་སྦགས་པ་བསྒོམ་ཉེས་དང་། །བཟའ་ཉེས་གནོད་སྒྲིབ་
གནོད་སྦྱིན་དང་། །སྲིན་པོ་དང་ནི་སྡིག་སྦྲུལ་དག །ཐམས་ཅད་ཉིན་དང་མཚན་དག་ཏུ། །མི་སྣང་བར་ནི་ཐེ་ཚོམ་མེད། །མི་གིས་བཟང་པོ་མཐོང་བ་དང་། །རྨི་ལམ་བཟང་པོ་མཐོང་བར་འགྱུར། །ཟླ་བ་སྲིད་དུ་རབ་སྦྱར་བས། །ལྷ་རྫས་

99-1-14b

དག་ནི་མཐོང་བར་འགྱུར། །མིག་ཡོངས་སུ་སྦྱང་བའོ། །ཨོཾ་བུད་དྷ་བུད་དྷ། བི་བུད་དྷ་པད་མ་ཨ་མོ་གྷཱ་མུ་ཁི་བ་ར་བ་ར་དེ་སྭཱ་ཧཱ། རིག་སྔགས་འདིས་གི་ཧང་ལ་ལན་སྟོང་རྩ་བརྒྱད་བཟླས་སོ། །དོན་ཡོད་པའི་རྒྱལ་པོ་
ལན་ཉི་ཤུ་རྩ་གཅིག་བརྗོད་པར་བགྱིའོ། །ཁྲོ་བོའི་རྒྱལ་པོ་ལན་བདུན་བཟླས་བརྗོད་བགྱིའོ། །སྙིང་པོ་དང་ཉེ་བའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བགྱིའོ། །བཟླས་བརྗོད་བགྱིད་པའི་ཚེ་ཡང་འདི་བླངས་
ཏེ་དཔྲལ་བའི་དབུས་སུ་ཐིག་ལི་བགྱིས་ཏེ། ཐིག་ལེ་ལན་ཅིག་བགྱིས་པས་དཔྲལ་བའི་སྟེང་ན་སྐར་མའྀ་དབྱིབས་ལྟ་བུར་གནས་པར་འགྱུར་རོ། །གདུག་པ་ཐམས་ཅད་དབང་གྱུར་མཆིས། །གནོད་སྦྱིན་འབྱུང་པོ་གང་དག་
དང་། །སྲིན་པོ་བགེགས་དང་ལོག་འདྲེན་ཉིད། །ཐམས་ཅད་འཇིག་འགྱུར་ཐེ་ཚོམ་མེད། །སེམས་ཅན་གདུག་པས་གདུག་བསམས་ཀྱང་། །ཕྱིར་ཞིང་བཟོད་པར་མི་ནུས་པས། །དེ་དག་ཐམས་ཅད་འཇིག་འགྱུར་ཏེ། །མེ་ལ་
ཕྱེ་མ་ལེབ་བཞིན་ནོ། །རྟག་ཏུ་རྒྱལ་པོ་སྐྱེ་བོས་བཅས། །འཁོར་བཅས་བློན་པོར་བཅས་པ་དང་། །བློན་པོ་ཆེ་དང་མདུན་ན་འདོན། །བཙུན་མོའི་ཚོགས་བཅས་དབང་དུ་གྱུར། །དགེ་སྦྱོང་དང་ནི་བྲམ་ཟེ་དག །ཐམས་
ཅད་དབང་དུ་མཆི་བར་འགྱུར། །རྒྱལ་རིགས་དམངས་རིགས་དག་དང་ནི། །ཐམས་ཅད་དབང་དུ་མཆི་བར་འགྱུར། །མཆོད་པ་ཆེན་པོའི་འོས་སུ་འགྱུར། །རིག་སྔགས་ལྷ་ནི་ཐམས་ཅད་དང་། །གང་ལྟར་དཀྱིལ་འཁོར་གནས་པ་སྟེ། །དེ་དག་
ཐམས་ཅད་དམ་ཚིག་གི། རྗེས་སུ་བསྒྲུབ་ཅིང་སྐྱོང་བར་འགྱུར། །ཕྱོགས་བཅུར་བསྲུང་བ་བགྱིད་འགྱུར་བ། །རྟག་ཏུ་སྒྲུབ་པ་བླ་མེད་སྩོལ། །ཐིག་ལེ་འདི་བགྱིས་གྲོགས་མེད་རྒྱུ་བ་དག །ཆོམ་རྐུན་དང་ནི་ཆོམ་པོ་གཡོན་ཅན་དང་། །
གཡུལ་འགྱེད་ཉིད་ཀྱི་འཇིགས་པ་གང་ཡིན་པ། །ཀུན་ནས་སྒྲལ་བར་འགྱུར་ཏེ་སོམ་ཉི་མེད། །སེང་གེ་སྟག་དང་དོམ་དང་ནི། །གླང་ཆེན་ཁྲོ་བོ་མི་བཟད་དང་། །ཝ་དང་གདུག་བཅས་སྲོག་ཆགས་དང་། །སོ་གདུག་སྦྲུལ་ཀུན་མགོ་ནས་ཟ། །

99-1-15a

གང་དག་སྲོག་ཆགས་གདུག་པར་བཅས། །དེ་དག་ཐམས་ཅད་ནུབ་འགྱུར་ཏེ། །ནམ་ཡང་འབྱུང་བར་མི་འགྱུར་རོ། །སེར་བ་མེ་དང་ཚིག་པ་དང་། །ཆར་པ་མི་ཟད་མཚོན་ཆུ་བྱད། །མཁས་པས་ཐིག་ལེ་འཆང་བའི་ལུས། །ཁྱིམ་རྡིབ་པས་
ཀྱང་ནོན་མི་འགྱུར། །མཁས་པ་རིག་སྔགས་འཆང་བའི་དོན། །ཐམས་ཅད་འདི་ཡིས་བགྱིད་པར་འགྱུར། །ཤིན་ཏུ་མ་གྲུབ་གསལ་བར་ཡང་། །འགྲུབ་པར་འགྱུར་ཏེ་ཐེ་ཚོམ་མེད། །བཅོམ་ལྡན་འདས་རིག་སྔགས་འཆང་གིས་བདག་དྲན་པར་
བགྱིད་ཅིང་། དོན་ཡོད་པའི་ཞགས་པའི་སྙིང་པོ་དྲན་པར་བགྱིད་ན། བཅོམ་ལྡན་འདས་དེ་མ་ཐག་ཏུ་རིག་སྔགས་འཆང་དེའི་མདུན་དུ་བདག་མཆིས་ནས། ཡིད་ལ་བསམས་པ་ཡོངས་སུ་རྫོགས་པར་བགྱིའོ། །ཐམས་ཅད་ཀྱི་མཆོག་
ཐམས་ཅད་ཇི་སྐད་གསུངས་པ་བཞིན་སྩལ་བར་བགྱིའོ། །དགོས་པ་ཐམས་ཅད་སྒྲུབ་པར་བགྱིའོ། །དོན་ཡོད་པ་གྲུབ་པ་རྗེས་སུ་སྩལ་བར་བགྱིའོ། །བདེན་པར་དམ་བཅས་པས་དམ་ཚིག་རྗེས་སུ་བསྐྱང་བར་བགྱིའོ། །བཅོམ་ལྡན་འདས་
གལ་ཏེ་རིག་སྔགས་འཆང་གིས་ཇི་སྐད་གསུངས་པའི་ཆོ་ག་ཞིབ་མོ་བསྒྲུབ་པར་བགྱིད་ན། དེ་བཞིན་གཤེགས་པའི་བྱིན་བརླབས་དང་། དེ་བཞིན་གཤེགས་པའི་བཀའ་རྗེས་སུ་གནང་བ་དེ་དག་ཐམས་ཅད་བདག་གིས་སྩལ་བར་བགྱིའོ། །
བཅོམ་ལྡན་འདས་གལ་ཏེ་རིག་སྔགས་འཆང་སྒྲུབ་པ་དང་བྲལ་བར་གྱུར་ན། བཅོམ་ལྡན་འདས་དེ་ནི་བདག་གིས་མ་ནོངས་སོ། །དེ་ལྟ་བས་ན་རིག་སྔགས་འཆང་གིས་ཅི་སྐད་གསུངས་པའི་ཆོ་ག་དང་། ཆོ་ག་ཞིབ་མོ་སྒྲུབ་པས། གསང་
སྔགས་དང་། ཕྱག་རྒྱ་བསྒྲུབ་པར་བགྱི་སྟེ། དགོས་པ་དེ་དག་ཐམས་ཅད་ཐེ་ཚོམ་མ་མཆིས་པར་འགྲུབ་པར་འགྱུར་རོ། །དེ་ནས་གསང་སྔགས་བཟླས་ཏེ། ཨོཾ་ཨ་མོ་གྷཱ་པཱ་ཤ་དྷ་ར་ས་ར་པྲ་ས་ར་ཧཱུྃ། མཆོད་ཕྱིར་ཐོགས་པའི་སྐུད་པའི་
གསང་སྔགས་ཏེ། གཞོན་ནུ་མས་བཀལ་བའི་སྐུད་པ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས། མདུད་པ་གསུམ་དོར་བར་བགྱིའོ། །ཨོཾ་ཨ་མོ་གྷཱ་པྲ་བ་ར་ཎ་མུ་རུ་མུ་རི་དི་བྱ་ཀ་ཤི་ཀྃ ། སཾ་བྷ་བ་ཏུ་ཏ་ར་ཏ་ར་སྭཱ་ཧཱ། གོས་ཀྱི་གསང་སྔགས་

99-1-15b

སྟེ་ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་མོ་གྷ་པྲ་སྟ་ཎྱོད་ཤི་པཱ་མི་བོ་དྷི་ནི་པད་མེ་སྭཱ་ཧཱ། གོས་སྟེགས་པའི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་དིབ་བྱོད་ཀ་སྭྃ་བྷུ་ཏ་ཨ་མོ་གྷ་བྷ་རུ་ན་ཙ་རེ་བྷི་ཤིན་ཙྱ་
ཧཱུྃ། ཁྲུས་ཀྱི་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་མྲྀ་ཏ་ཨ་མོ་གྷ་པད་མེ་ཨ་ས་ནེ། བིར་ཤ་ནི་ཙུ་རུ་ཙུ་རུ་སྭཱ་ཧཱ། ཉེ་རེག་གི་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་མོ་གྷ་རཀྵ་ཎི་ཀུ་རུ་ཀུ་རུ་སྭཱ་ཧཱ། བདག་བསྲུང་བ་
སྟེ། ཡུངས་ཀར་དང་ཆབ་ལ་ལན་ཉི་ཤུ་རྩ་གཅིག་བཟླས་ནས། རང་གི་ལུས་ལ་དབང་བསྐུར་རོ། །ཨོཾ་ཨ་མོ་གྷ་ས་མ་ཡ། མ་ཧཱ་པད་མེ་ཏིཥྠ་ཏིཥྠ་ཧཱུྃ། དམ་ཚིག་གི་གསང་སྔགས་ཏེ་ལན་བདུན་བཟླས་སོ། །ཨོཾ་ས་རྦད་ཏྲ་ཨ་མོ་གྷ་
བ་པ་ཏི་ཏིཥྠ་རཀྵྃ་ཏུ་ཧཱུྃ། སློབ་མ་དང་གྲོགས་བགྱིད་པ་བསྲུང་བ་སྟེ། ཐལ་བ་ལ་ལན་བདུན་བཟླས་ནས་དཔྲལ་བར་ཐིག་ལེ་བགྱིའོ། །ཨོཾ་ཏྲཻ་ལོ་ཀྱ་པད་མ་ཨ་མོ་གྷ་ཀྲ་མ་ཎེ་མི་ལི་མི་ལི་སྭཱ་ཧཱ། གོམ་པ་འདོར་བའི་སྔགས་ཏེ་ལན་ཉི་ཤུ་རྩ་གཅིག་བཟླས་
བརྗོད་བགྱིའོ། །ཨོཾ་པད་མེ་མ་ཧཱ་པད་མེ་ས་ར་ས་ར། ས་མན་ཏེ་ན་པ་རི་བེ་ཤྟ་ཡ། ཨ་མོ་གྷ་པཱ་ཤེ་ན་སུ་རུ་སུ་རུ་སྭཱ་ཧཱ། ཚོན་སྐུད་སྣ་ལྔ་ལ་ལན་བདུན་བཟླས་ཏེ་དཀྲི་བར་བྱའོ། །ཨོཾ་པི་ཙིད་ཏྲེ་ཨ་མོ་གྷ་བ་ཏན་ན་རང་ག་བི་ཤུད་དྷ་ཡ། ཀི་ཎི་ཀི་ཎི་སྭཱ་ཧཱ། 
བ་དན་གྱི་གསང་སྔགས་ཏེ་ལན་བདུན་བཟླས་སོ། །ཨོཾ་ཨ་མོ་གྷ་ཤ་ར་བཛྲ་ཏུཎྜ་ཐ་ར་ཐ་ར་སྭཱ་ཧཱ། མདའི་གསང་སྔགས་ཏེ་ལན་བདུན་བཟླས་སོ། །ཨོཾ་བི་པུ་ལ་ཨ་མོ་གྷ་མ་ཧཱ་དྷ་ར་བི་ཤུད་དྷེ་སེ་རེ་སེ་རེ་སྭཱ་ཧཱ། རྟ་བབས་ཀྱི་གསང་སྔགས་ཏེ་ལན་ཉི་ཤུ་རྩ་གཅིག་
བཟླས་སོ། །སུ་དག་དེར་ཞུགས་ནས་མཐོ་རིས་ཀྱི་སྒོར་ཞུགས་པར་འགྱུར་རོ། །སྡིག་པ་དང་སྒྲིབ་པ་ཐམས་ཅད་ཡོངས་སུ་བྱང་བར་འགྱུར་རོ། །ཨོཾ་ནཱ་ནཱ་བི་ཙི་ཏྲ། ཨ་མོ་གྷ་པུས་པ། ཕ་ལ་ལ་ཏཱ་ཀིརྣ་པུྰ་ར་ཡ་པ་ར་པ་ར་ཧཱུྃ། བུམ་པ་གང་བའི་གསང་སྔགས་ཏེ་ལན་བདུན་
བཟླས་སོ། །ཨོཾ་ཨ་མོ་གྷ་རད་ན་བི་མ་ཎ། ཀ་ཊ་ད་ཙ་ཨ་དྷི་ཥྚི་བིད་བྱ་གྷན་དོ་ཛྭ་ལ་སྥ་ར་ཎ། ས་མན་ཏེ་ན་ཛྭ་ལ་ཛྭ་ལ་སྭཱ་ཧཱ། པོག་ཕོར་གྱི་གསང་སྔགས་ཏེ་ལན་བདུན་བཟླས་སོ། །ཨོཾ་ཛྭ་ལ་བ་ཏི། རད་ན་གྷ་ཏ། སི་རི་ཎི་ཏུ་ཊི་ཏུ་ཊི་སྭཱ་ཧཱ། གཏོར་མའི་སྣོད་ཀྱི་གསང་

99-1-16a

སྔགས་ཏེ་ལན་བདུན་བཟླས་སོ། །ཨོཾ་དིབ་བྱ་བྷ་ཙན་ཨ་མོ་གྷ་པད་མ་བ་རེ་པཱུ་རུ་ཡ་ཧཱུྃ། ཁམ་ཕོར་གྱི་གསང་སྔགས་ཏེ་ལན་བདུན་བཟླས་སོ། །ཨོཾ་ཨ་མོ་གྷ་སྃ་པཱུ་ར་ཎི་དྲོ་ཎ་གྷན་དྷ་པ་ཏི་སྭཱ་ཧཱ། ཐིག་ལེའི་གསང་སྔགས་ཏེ་ལན་བདུན་བཟླས་སོ། །
ཨོཾ་ས་ར་ནི་སཱ་ར་ཡ། ཨ་མོ་གྷ་བྷུ་ཛ་ནེ་མཱ་ད་ནི་ཧཱུྃ། རིལ་བ་མགྲིན་རིངས་ཀྱི་གསང་སྔགས་ཏེ་ལན་བདུན་བཟླས་སོ། །ཨོཾ་རཏ་ན་དིབ་བྱ་རཏ་ན་ཀུྃ་བྷ་བ་ཏི་སཱ་ག་ར་སྃ་པུྰ་ར་ཎི་སྭཱ་ཧཱ། བུམ་པའི་གསང་སྔགས་ཏེ་ལན་བདུན་བཟླས་སོ། །ཨོཾ་བི་ཙིད་ཏྲོ་ཛྭ་ལ་
ནཱན་རཾ་གྷ་བི་བྷེག་ཏ་ཡ་སྃ་ཤོ་དྷ་ཡ་ཏུ་ཊི་སྭཱ་ཧཱ། ཚོན་རྩིའྀ་གསང་སྔགས་ཏེ་ལན་བདུན་བཟླས་སོ། །ཨོཾ་དིབ་བྱ་ཨ་བ་ལོ་ཀི་ཎེ་བི་བྷ་ཛ་ཡ་ཏུ་ས་མན་ཏེ་ན་ས་མ་ར་ཎེ་སྭཱ་ཧཱ། ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་སོ་སོར་དབྱེ་བར་བགྱིའོ། །
ཨོཾ་ནཱ་ནཱ་པྲ་ཧཱ་ར་ཎ་ཨ་མོ་གྷ་མུད་ཏྲ་ཛྭ་ལ་ཛྭ་ལ་སྭཱ་ཧཱ། ཕྱག་མཚན་བྲི་བ་སྟེ་ལན་བདུན་བཟླས་སོ། །ཨོཾ་ཨ་མོ་གྷ་རད་ན་སཱུ་ཏྲ་དྷ་རེ་ཀི་ཎི་ཀི་ཎི་སྭཱ་ཧཱ། ཐིག་སྐུད་ཀྱི་གསང་སྔགས་ཏེ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་དཀྱིལ་འཁོར་
རམ་རི་མོ་བྲིས་པའི་རས་སཾ། གཞན་གཞི་གང་ཡང་རུང་བ་ལ་གདབ་པར་བྱའོ། །ཨོཾ་བི་པུ་ལ་བ་རེ་པྲ་བེ་ཤ་ཡ། ཨ་མོ་གྷ་པད་མེ་ཧཱུྃ། སྒོའི་ཆ་དབྱེ་བ་སྟེ་སྒོ་རེ་རེ་ཡང་ལན་ཉི་ཤུ་རྩ་གཅིག་བཟླས་སོ། །ཨོཾ་སུ་བ་བྷག་ཏི་སུ་མངྒ་ལ་དྭཱ་ར་བ་བན་ཏི། 
ཨོཾ་དིབ་བྱ་བཱ་ཛ་ན། ཨ་མོ་གྷ་པཱ་ཤ་ན་བ་ན་བ་རེ། གི་རི་གི་རི་ཧཱུྃ། ཨོཾ་སམ་པཱུརྣ། རཱུ་པྱ་དིབ་བྱ་བྷ་ཛ་ནི། ཨ་མོ་གྷ་པད་མེ་སྭཱ་ཧཱ། ལན་བདུན་བཟླས་པར་བགྱིའོ། །ཨོཾ་བི་བི་དྷ་རུ་པ་ཧཱ་རོ་པ་ཀ་ར་ཎ། ཙ་ལ་ཙ་ལ། ཨ་མོ་གྷ་བ་ཏི་སྭཱ་ཧཱ། 
ལན་ཉི་ཤུ་རྩ་གཅིག་བཟླས་སོ། །ཨོཾ་དི་བྱ་གན་དྷ་ནུ་ས་ར་ནི་ཨ་མོ་གྷ་བ་ལེ་དྷ་ར་དྷ་ར་སྭཱ་ཧཱ། མཆོད་ཡོན་གྱི་གསང་སྔགས་ཏེ་ལན་བདུན་བཟླས་སོ། །ཨོཾ་གྷན་དྷ་སྥ་ར་ནི་ས་མན་ཏ། ཨ་མོ་གྷ་པྲ་པུ་ར་ཧཱུྃ། དྲིའི་གསང་སྔགས་ཏེ་ལན་
བདུན་བཟླས་སོ། །ཨོཾ་ནི་ར་མ་ལ་ཀཱ་ཡ་ཤོ་དྷ་ནི་དིབ་བྱ་གན་དྷ་པྲ་པཱུ་ར་ཡ་ནི་པཱུ་ར་ཡ་ཧཱུྃ། བྱུག་པའི་གསང་སྔགས་ཏེ་ལན་བདུན་བཟླས་སོ། །ཨོཾ་གན་དྷ་ཙཱུརྞ་པྲ་པུྰ་ར་ཎི། ཙུ་རུ་ཙུ་རུ་སྭཱ་ཧཱ། དྲིའི་ཕྱེ་མའི་གསང་སྔགས་ཏེ་ལན་བདུན་བཟླས་སོ། །

99-1-16b

ཨོཾ་ས་མན་ཏེ་ན། བི་མ་ལེ་གན་དྷོད་ཏ་རེ་སྭཱ་ཧཱ། བསྐུལ་བའི་གསང་སྔགས་ཏེ་ལན་བདུན་བཟླས་སོ། །ཨོཾ་དིབ་བྱ་གྷན་དྷ་པྲ་པུྰ་ར་ནི་སཱ་ག་ར་ཛ་ལ་དིབ་བྱ་ཨ་དྷི་ཏེ་ཀ་ལ་ཤོ་ད་ར་པཱུརྞ་པཱུ་ར་ཡ། ཛ་ཡ་སིད་དྷི་སྭཱ་ཧཱ། བུམ་པའི་དྲི་ཆབ་ཀྱི་
གསང་སྔགས་ཏེ་ལན་བརྒྱ་རྩ་བརྒྱད་བཟླས་སོ། །ཨོཾ་ར་ས་སཱ་གྲ་བ་ཏི། སརྦ་བི་དྷ་ཨ་དྷིཥྛི་ཏེ་སྃ་པཱུ་ར་ཡ་ཧཱུྃ། གཏོར་མ་རོ་སྣ་ཚོགས་ཅན་གྱི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་དིབ་བྱ་བྷོ་ཛ་ན། སམ་པཱུ་ར་ཡཱ། བི་པུ་
ལ་པྲ་བེ་སྭཱ་ཧཱ། ཁ་ཟས་ཀྱི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་ཏྲི་ཤུ་ཀླ་བྷོ་ཛ་ན་བ་ལི་བི་པུྰ་ལ་ར་སཱ་གྲ་བ་ཏི་སུ་ར་པྲ་སུ་ར་ཧཱུྃ། ཟས་དཀར་གསུམ་གྱི་གཏོར་མ་འམ། གཞན་ཡང་ལན་ཉི་ཤུ་རྩ་གཅིག་བཟླས་སོ། །ཨོཾ་
བ་ལ་བ་ཏི་སཱ་ར་བ་ཏི་དི་བྱ་བ་ན་སྤ་ཏི། ཏ་ར་ཏ་ར་ཏུ་ནི་སྭཱ་ཧཱ། འབྲས་བུའི་གསང་སྔགས་ཏེ་ལན་བདུན་བཟླས་སོ། །ཨོཾ་དི་བྱ་ཀུ་རུ་སུ་མོད་པ་ལ་ནཱ་ནཱ་པུཥྤ་པྲ་བར་ཥ་ཎི་བྷ་བ་སྭཱ་ཧཱ། མེ་ཏོག་གི་གསང་སྔགས་ཏེ་ལན་བདུན་བཟླས་སོ། །
ཨོཾ་བི་བི་དྷ་ལ་ཏ་པུ་པ་ཀུན་ཋི་ཏ་བ་ན་སྤ་ཏི་ཨ་ཧ་ར་སྃ་པཱུརྞ་ཀུམ་བྷེ་སྭཱ་ཧཱ། མེ་ཏོག་གཏོར་བའི་གསང་སྔགས་ཏེ་ལན་བདུན་བཟླས་སོ། །ཨོཾ་མ་ཧཱ་དྷཱུ་བ་མེ་གྷ་པ་ཊ་ལ་སན་ཙ་ད་ཡ། ས་མན་ཏེ་ན་ཧཱུྃ་སྭཱ་ཧཱ། བདུག་པའི་
གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་ཐར་པ་ནི་ཛྭ་ལ་ཛྭ་ལ་དེ་མུ་ཁེ་སྭཱ་ཧཱ། མེའི་གསང་སྔགས་ཏེ་ལན་བདུན་བཟླས་སོ། །ཨོཾ་བི་བྀ་དྷ་མ་ཎི་ཀ་ན་ཀ་རད་ནོ་ཛྭ་ལ་པཱུ་ཥ་ཎ་མ་ཎ་མ་ཎི་ཨ་མོ་གྷ་མ་སྭཱ་ཧཱ། 
ཆ་ཞིང་བརྒྱན་པའི་གསང་སྔགས་ཏེ་ལན་བདུན་བཟླས་སོ། །ཨོཾ་པད་མ་ཀ་རེ་བི་མ་ལ་ན་ཁ། ཨང་གུ་ལི། ས་མ་ས་མ་སརྦ་ཏ་ཐཱ་ག་ཏ། ཨ་དྷི་ཏེ་སྭཱ་ཧཱ། ཐལ་མོ་སྦྱར་བའི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་སརྦ་
གུ་ནོ་པྲ་ན་ཏ། ཤེ་རོ་བྃ་ད་ན་ཡཱ་ན་མསྐ་རོ་མི། མི་ལི་མི་ལི་ཏུ་རི་ནི་སྭཱ་ཧཱ། ཕྱག་བགྱི་བའི་གསང་སྔགས་ཏེ་ལན་བདུན་བཟླས་སོ། །ཨོཾ་ད་ཤ་དི་ཤ་ཨ་བི་བན་ད་ན་པྲ་ས་ར་ཏུ་ཧཱུྃ། བསྐོར་བའི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་

99-1-17a

བི་བི་དྷཱ་ཡུ་དྷཱ་ཛྭ་ལི་ཏ་པ་ནི། པྲ་ཛྭ་ལ་པྲ་སྥུ་ར་ཧཱུྃ། ཐལ་མོའི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་དི་བྱ་ཨ་མོ་གྷ་བི་པུ་ལ་སྭ་རེ་མ་དྷུ་ར་ནིར་གྷོ་ཥ་རུ་ཏེ་ན་ར་ཎ་ར་ཎ་ར་ཧཱུྃ། དྲིལ་བུའི་གསང་སྔགས་ཏེ་ལན་ཉི་ཤུ་རྩ་གཅིག་
བཟླས་སོ། །ཡང་ན་བརྒྱ་རྩ་བརྒྱད་དོ། །ཨོཾ་རཤྨི་ཛྭ་ལ་ས་མན་ཏེ་མ་ཨ་བ་བྷ་ས་ཡ་མ་ཧཱ་མ་ཎི་རད་ནི་ཤི་ཁེ་སྭཱ་ཧཱ། མར་མེའི་གསང་སྔགས་ཏེ་ལན་བརྒྱ་རྩ་བརྒྱད་བཟླས་སོ། །ཨོཾ་དྷུ་རུ་དྷུ་རུ་ཨ་པཱ་ཧཱ་ཡ་ཤི་གྷྲྃ་ཛ་བེ་ཧཱུྃ། དགུག་པའི་གསང་སྔགས་
ཏེ་གུ་གུལ་གྱི་བདུག་པ་ལ་ལན་བརྒྱ་རྩ་བརྒྱད་བཟླས་སོ། །ཨོཾ་དུཥྛཱ་ས་དོ་བི་བོ་དྷ་ནི། ས་མ་ས་མ་ཡ་བ་རེ་སྭཱ་ཧཱ། དམ་ཚིག་གི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་བི་ཙི་ཏྲ་མ་ནི་བི་པུ་ལ་པྲ་བར་ཏ་ནི་ཧཱུྃ། བགྲང་ཕྲེང་གི་གསང་
སྔགས་ཏེ་ལན་བརྒྱ་རྩ་བརྒྱད་བཟླས་སོ། །ཨོཾ་བི་ཙིད་ཏྲ་རད་ནོ་ཛྭ་ལོ་བིད་བྱ། ཀུ་སུ་མ་བ་རེ་པུཥྤ་ར་ཏི་སྭཱ་ཧཱ། མེ་ཏོག་ཕྲེང་བའི་གསང་སྔགས་ཏེ་ལན་བདུན་བཟླས་སོ། །ཨོཾ་དིབ་བྱ་ལོ་ཙ་ནེ་ཨ་མོ་གྷེ་པྲ་བ་རེ། སརྦ་དི་བྱ་ཨ་དྷི་ཏ། 
སིད་དྷི་ཤུད་དྷ་བི་ལོ་ཀི་ཏེ་སྭཱ་ཧཱ། དགུག་པའི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་ཨ་མོ་གྷ་པད་མེ་ས་མན་ཏ་ཤུ་བ་ནེ་ཏ་ར་ཏ་ར་གཙྪ་སྭ་བྷཱ་བ་ནམ་སྭཱ་ཧཱ། སླར་གཤེགས་སུ་གསོལ་བའི་གསང་སྔགས་ཏེ་ལན་ཉི་ཤུ་
རྩ་གཅིག་བཟླས་སོ། །ཨོཾ་དི་བྱ་སམ་པཱུ་ར་ཎི་ནཱ་ག་བི་ལོ་ཀི་ན་ཧཱུྃ། མཁར་བསིལ་གྱི་གསང་སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་པད་ཏྲ་སྤུ་ར་ཎི་སྤཱུ་ར་ཡ། ཨ་མོ་གྷ་བ་ཏི་ས་མན་ཏ་པྲ་བེ་སྭཱ་ཧཱ། ལྷུང་བཟེད་ཀྱི་གསང་
སྔགས་ཏེ་ལན་ཉི་ཤུ་རྩ་གཅིག་བཟླས་སོ། །ཨོཾ་དུར་བྷ་སང་སྠ་ར་བིད་དྷྱི་ཨ་དྷིཥྛི་ཏ་པྲ་ས་ར་སུ་ར་སུ་ར། རྀ་ཥི་པུྰ་ཛི་ཏེ་སྭཱ་ཧཱ། རྩྭ་གདིང་བའི་གསང་སྔགས་ཏེ། ལན་ཉི་ཤུ་རྩ་གཅིག་བཟླས་སོ། །ཨོཾ་ཛྭ་ལ་དུ་མ་ཛྭ་ལ་ཤི་ཁི་
རཤྨི་གར་བྷི་སྭཱ་ཧཱ། སྦྱིན་སྲེག་གི་གསང་སྔགས་ཏེ་ལན་བརྒྱ་རྩ་བརྒྱད་བཟླས་སོ། །ཨོཾ་པད་མེ་ནི་པད་མ་ས་ནེ་བ་རེ་པྲ་བ་རེ་ནཱ་ག་བྷུ་བ་ནེ་སྭཱ་ཧཱ། འབབ་ཆུ་དང་མཚོའི་གསང་སྔགས་ཏེ་ལན་བདུན་བཟླས་སོ། །ཨོཾ་ཁ་ག་ཙ་རི་ཎི། ག་མ་ག་མ་

99-1-17b

ཡ་པཱ་ད་པྲ་ཙ་རི་ནི་ཧཱུྃ། ལེན་པའི་གསང་སྔགས་ཏེ་ལན་བརྒྱ་རྩ་བརྒྱད་བཟླས་སོ། །ཨོཾ་སརྦད་ཧྲ་ཨ་མོ་གྷ་བྷི་ཥི་ཀ་མ་ཧཱ་ཙཱུ་ཊ་བི་མ་ལེ་ཨ་བྷི་ཥིཉྩ་ཏུ་མཱྃ། པྲ་བ་ར་པ་ཎི་བྷུ་ཛེ་པད་མ་དྭ་ཛེ་སྭཱ་ཧཱ། དབང་བསྐུར་བའི་གསང་སྔགས་ཏེ་ལན་
ཉི་ཤུ་རྩ་གཅིག་བཟླས་སོ། །རིགས་སྔགས་འཆང་གིས་གསང་སྔགས་འདི་དག་ཐམས་ཅད་སོ་སོར་ཆོ་ག་ཞིབ་མོའི་སྒྲུབ་པ་ཅི་ལྟ་བ་བཞིན་དུ་ཐམས་ཅད་སོ་སོར་སྦྱར་ནས། ཆོ་ག་བསྒྲུབས་པའ་ན་དགོས་པ་རྒྱ་ཆེན་པོའི་འབྱོར་པའི་མཐུ་
འདི་དག་དང་། མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། རིན་པོ་ཆེའི་སྣོད་སྣ་ཚོགས་པ་དང་། ནོར་བུ་སྣ་ཚོགས་པའི་གཞལ་མེད་ཁང་རྒྱ་ཆེན་པོ་འབྱུང་བར་འགྱུར་རོ། །ལྷའི་མེ་ཏོག་དང་། གདུགས་དང་། བ་དན་སྣ་ཚོགས་
པ་འབྱུང་བར་འགྱུར་རོ། །རོ་བརྒྱ་དང་ལྡན་པའི་ཁ་ཟས་ཀྱི་མཆོག་དང་། རོ་སྣ་ཚོགས་པའི་མཆོག་རྣམས་འབྱུང་བར་འགྱུར་རོ། །གཏོར་མ་བཟང་པོ་རྣམ་པ་སྣ་ཚོགས་པ་ཡང་འབྱུང་བར་འགྱུར་རོ། །ཅི་ཙམ་དེ་བཞིན་གཤེགས་པ་ལ་འོས་
པའི་གཞལ་མེད་ཁང་དག་འབྱུང་བར་འགྱུར་རོ། །བྱང་ཆུབ་སེམས་དཔའི་གཞལ་མེད་ཁང་ཅི་ལྟ་བ་དེ་ལྟ་བུ་དག་འབྱུང་བར་འགྱུར་རོ། །ལྷ་རྣམས་ཀྱི་གཞལ་མེད་ཁང་ཇི་ལྟ་བ་དེ་ལྟ་བུ་དག་འབྱུང་བར་འགྱུར་རོ། །ཀླུ་རྣམས་དང་། གནོད་སྦྱིན་
རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ལ་སོ་སོའི་གཞལ་མེད་ཁང་ཅི་ལྟ་བ་དེ་ལྟ་བུ་དག་འབྱུང་བར་འགྱུར་རོ། །མི་རྣམས་ཀྱི་ཁང་པ་ཅི་ལྟ་བ་དང་། ཁ་ཟས་
ཀྱི་མཆོག་ཅི་ལྟ་བུ་དག་འབྱུང་བར་འགྱུར་རོ། །དེ་ལྟ་བས་ན་དགོས་པའི་རྣམ་པ་ཐམས་ཅད་དང་། དེ་ཁོ་ན་ཉིད་སྒྲུབ་པའི་ཅི་སྐད་གསུངས་པའི་ཆོ་ག་ཞིབ་མོ་དང་། ཆོ་ག་དང་གསང་སྔགས་བསྒྲུབ་པ་རྣམས་བགྱིའོ། །དེ་ནས་རིག་སྔགས་འཆང་གིས་གྲུབ་པ་
བླ་ན་མེད་པ་ཐམས་ཅད་འཐོབ་པར་འགྱུར་རོ། །གལ་ཏེ་རིག་སྔགས་འཆང་གིས་ལས་ཡོངས་སུ་གྲུབ་པར་བགྱིས་ཏེ། དོན་ཡོད་པའི་ཞགས་པའི་སྙིང་པོ་འདི་བརྗོད་པ་ཙམ་གྱིས་རིག་སྔགས་འཆང་གི་མདུན་དུ་བདག་རང་གི་གཟུགས་

99-1-18a

ཀྱིས་ཉེ་བར་མཆིས་ནས་བསམ་པ་དང་རེ་བ་ཐམས་ཅད་ཡོངས་སུ་རྫོགས་པར་བགྱིའོ། །སྡིག་པ་དང་སྒྲིབ་པ་དང་། གནོད་པ་ཐམས་ཅད་འཇིག་པར་འགྱུར་རོ། །ཡོངས་སུ་དག་པའི་ལྷ་ཆེན་པོ་ལྟར་ལུས་དག་པར་བགྱིའོ། །ཆོ་ག་ཞིབ་
མོ་དང་། ཕྱག་རྒྱ་དང་། གསང་སྔགས་དང་། སྙིང་པོ་དང་། དཀྱིལ་འཁོར་དང་། དོན་ཡོད་པའི་ཞགས་པའི་རྒྱལ་པོའི་རྣམ་པར་ཐར་པའི་དཀྱིལ་འཁོར་གྲུབ་པའི་མཆོག་ཐམས་ཅད་སྩལ་བར་བགྱིའོ། །རིག་སྔགས་འཆང་འཁོར་ལོས་སྒྱུར་བ་ཆེན་
པོའི་དབང་བསྐུར་བས་དབང་བསྐུར་བར་བགྱིའོ། །དེ་ཁོ་ན་ཉིད་ཡང་དག་པ་སྒྲུབ་པའི་གྲུབ་པ་སྩལ་བར་བགྱིའོ། །དོན་ཡོད་པའི་ཞགས་པའི་འཇིག་རྟེན་པ་དང་། འཇིག་རྟེན་ལས་འདས་པ་སྒྲུབ་པའི་གྲུབ་པ་ཆེན་པོ་སྩལ་བར་བགྱིའོ། །
ཤིན་ཏུ་རྒྱ་ཆེ་ཞིང་བག་ཚ་བ་མ་མཆྀས་པ་དང་། མཆོད་པ་དང་བཀུར་སྟི་ཆེན་པོ་འཇིག་རྟེན་ཐམས་ཅད་ཀྱི་མཆོག་ཁྱད་པར་དུ་འཕགས་ཤིང་ནོར་འདུ་བའི་བཀྲ་ཤིས་དང་དཔལ་སྩལ་བར་བགྱིའོ། །འདི་ལ་ཡིད་གཉིས་དང་སོམ་ཉི་བསྐྱེད་པར་མི་
བགྱི་ཞིང་། དངོས་པོ་གཞན་དུ་ཡང་ཡིད་ལ་མི་བགྱིའོ། །སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱིས་བརྩེ་བ་ལ་མཆོག་ཏུ་བརྩོན་པར་བགྱིའོ། །བུ་གཅིག་པ་བཞིན་དུ་སེམས་ཅན་དུ་གྱུར་པ་ཐམས་ཅད་
ལ་མཆོག་ཏུ་བརྩེ་བར་བགྱིའོ། །བདེན་པར་སྨྲ་བ་དང་། བདེན་པ་ལ་དགའ་བ་དང་། སྙན་པར་སྨྲ་བ་དང་། སྙིང་རྗེའི་ལྷག་པའི་བསམ་པས་དམིགས་ནས། དོན་ཡོད་པའི་ཞགས་པའི་སྙིང་པོ་བཟླས་པར་བགྱིའོ། །བཟླས་བརྗོད་ཀྱི་ཆོ་
ག་བགྱི་ཞིང་། ཕྱག་རྒྱ་དང་གསང་སྔགས་ཀྱང་བཟླས་པར་བགྱིའོ། །ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་གཏོགས་པའི་དེ་བཞིན་གཤེགས་པ་རྣམས་ཡིད་ལ་བགྱིས་ནས། སངས་རྒྱས་ཡིད་ལ་རྗེས་སུ་དྲན་པ་བསྒོམ་པར་
བགྱིའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བགྱིའོ། །འཕགས་པ་མགོན་པོ་སྤྱན་རས་གཟིགས་དབང་ཕྱུག་ལ་ཕྱག་བགྱིས་ནས། མངོན་སུམ་དུ་མཆི་བར་བགྱིའོ། །བཅོམ་ལྡན་འདས་འཕགས་པ་

99-1-18b

སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་ཕྱག་བགྱིས་ཏེ། མདུན་དུ་རྩྭའི་གདིང་བ་བཏིང་ནས་དཀྱིལ་མོ་དཀྲུང་བཅས་ཏེ་མཆིས་ནས། གཞན་མི་སྨྲ་བར་བཟླས་པ་བགྱིས་ཏེ། འདི་ནི་གསང་བའི་དེ་ཁོ་ན་ཉིད་བསྒྲུབ་
པའོ། །དེ་ནས་ཕྱག་རྒྱ་དང་གསང་སྔགས་བརྗོད་པར་བགྱིའོ། །བདག་ལ་དོན་ཡོད་པའི་ཞགས་པའི་སྙིང་པོའི་དེ་ཁོ་ན་ཉིད་འགྲུབ་པར་གྱུར་ཅིག །འཇིག་རྟེན་དབང་ཕྱུག་མགོན་པོ་ཐུགས་རྗེ་ཅན་སེམས་ཅན་ལ་བྱམས་པ། སེམས་དག་
པ་ལག་ན་པད་མ་ཅན་སེམས་ཅན་ཐམས་ཅད་ལ་བྱམས་པའི་བདག་ཉིད་ཅན་གྱི་བྱིན་གྱིས་བརླབས་ཀྱིས་བྱིན་གྱིས་བརླབས་པས། ཕྱོགས་བཅུའི་དེ་བཞིན་གཤེགས་ཀུན་དང་། །ལྷ་དང་ཀླུ་དང་གནོད་སྦྱིན་དང་། །སྲིན་པོ་ལྷ་མིན་གསང་བ་པ། །
འཇིག་རྟེན་སྐྱོང་དང་ཚངས་པ་དང་། །དྲག་པོ་ཁྱབ་འཇུག་གཞོན་ནུ་སོགས། །གཤིན་རྗེ་ཆུ་ལྷ་ལུས་ངན་དང་། །དྲང་སྲོང་སོགས་དང་དེ་བཞིན་དུ། །ཟླ་ཉི་ཀུན་འགྱེད་གཞོན་ནུ་དང་། །དེ་བཞིན་དབང་ཕྱུག་དབང་ཆེན་དག །ཕྱག་རྒྱ་བཅིངས་པ་ཙམ་
གྱིས་ནི། །དེ་དག་མྱུར་དུ་འདུ་བར་འགྱུར། །སྒྲོལ་མ་བདུན་ནི་འདུ་བར་འགྱུར། །དེ་བཞིན་ཕ་རོལ་ཕྱིན་བཅུ་དག །མགྲིན་སྔོན་དེ་བཞིན་གོས་དཀར་ཅན། །དེ་བཞིན་པད་མ་གར་གྱི་དབང་། །རྒྱལ་དང་རྣམ་རྒྱལ་ཉིད་དང་ནི། །ལྕགས་སྒྲོག་
རྡོ་རྗེ་ལྕགས་སྒྲོག་དང་། །ལྷ་མོ་ཁྲོ་གཉེར་མཱ་མ་ཀཱི། །དཔེ་མེད་ཕོ་ཉ་མོ་དང་ནི། །འཇིགས་མེད་དཔལ་དང་དབྱངས་ཅན་དང་། །པད་མ་ཀོ་ཏི་ཨུཏ་པ་ལ། །པད་མའི་སོ་ཅན་དེ་བཞིན་དུ། །ཏི་སི་ཡི་ནི་རྩེ་མོ་ན། །འཕྲོག་མ་འབྱུང་པོའི་མ་དག་དང་། །
དེ་བཞིན་ལག་ན་རྡོ་རྗེ་བཅུ། །མཐུ་ཆེན་དེ་བཞིན་རིག་འཛིན་དབང་། །རྡོ་རྗེ་འཆང་ཆེན་དེ་བཞིན་དུ། །བཅུ་གསུམ་ལྷ་དབང་ལྷན་ཅིག་དང་། །སུམ་བཅུ་གཉིས་ནས་ལྷ་དག་ནི། །གསང་སྔགས་ཕྱག་རྒྱ་བཅིངས་ཙམ་གྱིས། །དེ་དག་ཐམས་ཅད་འདུ་
བར་འགྱུར། །ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་རྣམ་པར་གཟིགས་ཤིང་སྟོན་པར་མཛད་དོ། །དེའི་མོད་ལ་བྱང་ཆུབ་སེམས་དཔའ་རྣམས་ཀྱིས་རྣམ་པར་གཟིགས་ཤིང་རྟག་ཏུ་མཆོག་སྩོལ་བར་འགྱུར་རོ། །རྟག་ཏུ་མགོན་

99-1-19a

པོ་འཕགས་པ་སྤྱན་རས་གཟིགས་དབང་ཕྱུག་སྤྱན་སྟོང་ཕྱག་སྟོང་དང་། ཕྱག་རྒྱ་སྣ་ཚོགས་པ་འཛིན་པ་ལྟ་འཚལ་བར་འགྱུར་རོ། །ཕྱག་རྒྱ་བཅིངས་པ་ཙམ་གྱིས་ནི། །བྲམ་ཟེའི་ཆ་ལུགས་དོན་ཡོད་ཞགས། །མཐོང་བར་འགྱུར་ཏེ་
སོམ་ཉི་མེད། །མགྲིན་སྔོན་དང་ནི་རྟ་མགྲིན་དང་། །དེ་བཞིན་རྒྱ་མཚོའི་ཀློང་དང་ནི། །མགོན་པོའི་ཞལ་ནི་བཅུ་གཅིག་དང་། །དེ་བཞིན་ཞལ་ནི་བཞི་དག་དང་། །མགོན་པོ་འཇིགས་པ་བརྒྱད་འཕྲོག་དང་། །དེ་བཞིན་འཇིགས་པ་བསམ་མི་ཁྱབ། །
རྣམ་པ་སྣ་ཚོགས་གཟུགས་དང་ནི། །སྒྱུ་མ་ལྟ་བུའི་ཏིང་ངེ་འཛིན། །ཕྱག་རྒྱ་བཅིངས་པ་ཙམ་གྱིས་ནི། །མགོན་པོ་ཐམས་ཅད་སྟོན་པར་མཛད། །བདེ་བ་ཅན་གྱི་འཇིག་རྟེན་ཁམས། །རྒྱལ་བ་འདྲེན་པ་འོད་དཔག་མེད། །བྱང་ཆུབ་སེམས་
དཔའི་ཚོགས་བསྐོར་བ། །མགོན་པོ་མོད་ལ་མཐོང་བར་འགྱུར། །གཞན་ཡང་སངས་རྒྱས་སྟོང་གི་ཞིང་དག་ནི། །ཆུ་བོ་གང་གཱའི་བྱེ་མ་དང་མཉམ་པའི། །དེ་བཞིན་གཤེགས་འབུམ་བྱེ་བ་བརྒྱ་ཕྲག་སྟོང་། །བྱང་ཆུབ་སེམས་དཔའི་ཚོགས་
བཅས་ཡོངས་བསྐོར་མགོན། །ཕྱག་རྒྱ་བཅིངས་པ་ཙམ་གྱིས་མཐོང་བར་འགྱུར། །མཐོང་བ་ཆེན་པོའི་རྣམ་པར་གཞན་མཐོང་སྟེ། །ཉིན་གཅིག་བཞིན་དུ་བྱང་ཆུབ་སྙིང་པོ་དང་། །ཆོས་ཀྱི་འཁོར་ལོ་དེ་བཞིན་རྡོ་རྗེའི་གདན། །དེ་དག་
རྨི་ལམ་སྣང་བ་མཐོང་འགྱུར་བར། །དེ་ལ་ཡིད་གཉིས་སོམ་ཉི་ཐེ་ཙོམ་མེད། །སངས་རྒྱས་རྣམས་ཀྱིས་བཤུང་བ་འམ་མཚམས་མེད་ལྔ། །མགོན་པོ་ཆེ་ལ་གདུག་སེམས་ཉིད་དང་ནི། །བྱང་ཆུབ་སེམས་དཔའི་བར་ཆད་འཕགས་པ་ལ། །
ཁ་ཟེར་བ་དང་དམ་ཆོས་བསླུ་བ་དང་། །རྒྱལ་བས་གསུངས་སྤོང་མནར་མེད་གཞོལ་བ་དང་། །མི་བཟད་དམྱལ་བ་བཅུ་དྲུག་གནས་པ་དང་། །བསྐལ་པ་འབུམ་པོ་ཐམས་ཅད་སྐད་ཅིག་གྲོལ། །ཕྱག་རྒྱ་གསང་སྔགས་བཟླས་པ་ཙམ་གྱིས་སམ། །
ཐོས་སམ་མཐོང་ངམ་མིང་ནི་གཟུང་བས་ཀྱང་། །སྡིག་པ་དེ་ཀུན་འཇིག་འགྱུར་སོམ་ཉི་མེད། །དོན་ཞགས་སྙིང་པོའི་ཕྱག་རྒྱ་མཐོང་བ་ཡང་། །འཇིག་རྟེན་མགོན་དང་མཚུངས་ཏེ་ཁྱད་པར་འཕགས། །སངས་རྒྱས་འབུམ་ཕྲག་སྟོང་དང་

99-1-19b

གང་གཱ་ཡི། །བྱེ་བ་བརྒྱ་སྟོང་དག་ནི་མཐོང་བར་འགྱུར། །བྱང་ཆུབ་སྙིང་པོར་གཏོགས་པ་ཐམས་ཅད་དང་། །ཆོས་ཀྱི་འཁོར་ལོ་རབ་ཏུ་བསྐོར་བར་མཚུངས། །དོན་ཡོད་རྒྱལ་པོའི་སྙིང་པོ་ཕྱག་རྒྱ་དང་། །གསང་སྔགས་མཐོང་ན་བསོད་ནམས་
ཕུང་ཆེན་གྱི། །བསོད་ནམས་ཕུང་པོ་འདི་དག་འཕེལ་བར་འགྱུར། །དེ་ཡི་ཚེ་ཡང་རྣམ་པར་འཕེལ་བར་འགྱུར། །དེ་ནི་དཔག་ཏུ་མེད་པ་སོམ་ཉི་མེད། །དེ་ནས་རིགས་སྔགས་འཆང་བ་གསང་གྱུར་ནས། །གཙང་མའི་གོས་བསྒོས་ནས་ནི་ཐོག་
མར་ཡང་། །ཡོ་བྱད་བསྒྲུབ་པ་གཙང་ཞིང་སྤྱོད་པ་གཙང་། །རྟག་ཏུ་ཡན་ལག་སྤོས་ནི་སྣ་ཚོགས་དང་། །སྣ་ཚོགས་བདུག་པས་རབ་ཏུ་བདུག་བགྱིས་ཞིང་། །དཔུང་པ་ལག་པ་ལྷ་ཡི་སྤོས་ཀྱིས་བྱུག །གཙང་མའི་ས་ཕྱོགས་གཙང་མའི་གདན་
བཤམས་པར། །སྐྱིལ་མོ་དཀྲུང་བཅས་ནས་ནི་བྱམས་སེམས་དང་། །སྙིང་རྗེའི་ལྷག་བསམ་དེ་ཉིད་མཉམ་བཞག་ནས། །ཕྱོགས་བཅུའི་དུས་གསུམ་གཤེགས་པའི་སངས་རྒྱས་དང་། །རྟག་ཏུ་འཇིག་རྟེན་དབང་ལ་ཕྱག་བགྱི་ཞིང་། །རྟག་ཏུ་བླ་མ་
མཆོད་ཅིང་ཆོས་ལ་བརྩོན། །ཤིན་ཏུ་རིག་པས་ཚིག་གཞན་མི་སྨྲ་བར། །ཤིན་ཏུ་རིག་པས་བསྲུང་བའི་ཆོ་ག་བགྱི། །ཤིན་ཏུ་བཀྲ་ཤིས་བླ་མ་དེ་ཉིད་གུས། །བདེན་པར་སྨྲ་ཞིང་སྙན་པར་སྨྲ་བ་དང་། །སེམས་ཅན་ཀུན་ལ་སྙིང་རྗེའི་བདག་ཉིད་ཅན། །
ལྷན་ཅིག་རྗེས་མཐུན་གྱུར་ནས་དེ་ནས་ནི། །ཕྱག་རྒྱ་འདི་བཅིང་བར་བགྱི་སྟེ། ལག་པ་པད་མའི་ཚུལ་དུ་གཞག་ལ། སོར་མོ་རྣམས་མཉམ་པར་བཅིངས་ཏེ། མཐེའུ་ཆུང་ཟླ་བའི་ཚུལ་དུ་སྙིང་གར་གཞག་གོ། ཕྱག་རྒྱ་འདི་ནི་དོན་ཡོད་པའི་རྒྱལ་
པོའི་སྙིང་པོའི་རྩ་བའི་ཕྱག་རྒྱ་སྟེ། བྱང་ཆུབ་སྙིང་པོའི་བར་དུ་སྩོལ་བར་བགྱིད་དོ། །མགོན་པོ་འཇིག་རྟེན་དབང་ཕྱུག་དགུག་པའི་གསང་སྔགས་འདི་བརྗོད་དོ། །ཨོཾ་ཨ་མོ་གྷ་བི་ཀུར་བི་ཏ། ས་མན་ཏ་ཨ་བ་ལོ་ཀ་ཡ་མན་སྟྲེ་ཡ་དྭ་ཨ་
དྷི་ཏ་ཨ་མོ་གྷ་པད་མེ། ཙ་ར་བི་ཙ་ར་སན་ཙ་ར་ཧཱུྃ་ཧཱུྃ། དེ་མ་ཐག་ཏུ་དུས་གསུམ་ལ་རྣམ་པར་ལྟ་བ་དོན་ཡོད་པའི་རྒྱལ་པོ་པད་མ་འབར་བའི་གསལ་བའི་ཆོ་འཕྲུལ་དང་བཅས་པའི་ཕྱག་རྒྱའི་རྒྱལ་པོས་ཤིན་ཏུ་ཕྲ་བའི་རྡུལ་དང་། མཉམ་པའི་

99-1-20a

དུས་གསུམ་དུ་གཤེགས་པའི་སངས་རྒྱས་ཀྱི་ཞིང་མང་པོ་མཐའ་དག་ཆེར་གཡོས་པར་འགྱུར་རོ། །དུས་གསུམ་དུ་གཤེགས་ཤིང་བཞུགས་པའི་སངས་རྒྱས་བཅོམ་ལྡན་འདས་དེ་དག་གི་སྐུ་ལས་འོད་ཟེར་སྣ་ཚོགས་འབུམ་ཕྲག་བརྒྱ་སྟོང་དུ་
མ་དག་བྱུང་ནས། དེ་བཞིན་གཤེགས་པ་དེ་དག་ཐམས་ཅད་རབ་ཏུ་དགྱེས་ཤིང་། སངས་རྒྱས་ཀྱི་ཞིང་ལ་མཛད་པའི་ཐུགས་རྗེ་ཆེན་པོས་ཕྱག་གསེར་གྱི་ཁ་དོག་ལྟ་བུ་བརྐྱང་ནས། རིག་སྔགས་འཆང་གི་སྤྱི་བོར་འཇོག་པར་འགྱུར་རོ། །སྒྲུབ་པ་
དམ་པ་དོན་ཡོད་པའི་རྣམ་པར་འཕྲུལ་པའི་བྱིན་གྱིས་བརླབས་ཀྱིས། བྱིན་གྱིས་བརླབས་པ་སྩོལ་བར་འགྱུར་རོ། །དབང་ཕྱུག་དང་། དབང་ཕྱུག་ཆེན་པོ་དང་། ཚངས་པ་དང་། ལྷའི་བུ་དང་གཤིན་རྗེ་དང་། ཆུ་ལྷ་དང་། ལུས་ངན་དང་། ཁྱབ་བདག་དང་། ཀུན་འགྱེད་
གཞོན་ནུ་ལ་སོགས་པ་ལྷ་རྣམས་བསྲུང་བ་དང་། སྐྱོབ་པ་དང་། སྦེད་པར་བགྱིད་པར་འགྱུར་རོ། །ཕྱག་རྒྱ་བཅིངས་པ་ཙམ་གྱི་མོད་ལ་སྡིག་པ་དང་། སྒྲིབ་པ་ཐམས་ཅད་དང་། འཇིགས་པ་བརྒྱད་རྣམས་དང་། ཆད་པ་ཐམས་ཅད་ལས་ཡོངས་སུ་ཐར་
བར་འགྱུར་རོ། །དེའི་གྲུབ་པ་ཡིད་དུ་མཆི་བར་འགྱུར་རོ། །ལས་ཐམས་ཅད་བགྱིད་པའི་ཕྱག་རྒྱ་ཐམས་ཅད་དུ་མཆོག་ལགས་པར་གྲགས་པ་ལགས་སོ། །དོན་ཡོད་དམ་ཚིག་མཆོག་གྲགས་པ། །པད་མ་རྒྱས་པའི་ཕྱག་རྒྱ་བཅིང་། །མཛུབ་མོ་
གུང་རྣམས་པད་མ་ལྕགས་ཀྱུའི་ཚུལ་དུ་བགྱིས་ལ། སེམས་མོ་མཉམ་པར་གཞག་པའི་ཕྱག་རྒྱ་འདི་བསྟན་ཏེ། རྣམ་པར་གྲོལ་བའི་དཀྱིལ་འཁོར་རྩེ་བའི་ཕྱག་རྒྱ་འཛིན་པའི་གསང་སྔགས་འདི་བརྗོད་དོ། །ཨོཾ་ཨ་མོ་གྷ་པད་མྃ་ཀུ་ཤ་ས་མན་
ཡཱན། གྲྀཧྞ་གྲྀཧྞ། དྷ་ར་དྷ་ར། མ་ཧཱ་སཏྭ་ཧཱུྃ། ཕྱག་རྒྱ་བཅིངས་ཏེ་བཅིངས་མ་ཐག་ཏུ་འམ། བཟླས་པ་ཙམ་གྱིས་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱིས་ལེགས་སོ་ཞེས་བགྱི་བ་སྩོལ་བར་འགྱུར་རོ། །དེ་བཞིན་གཤེགས་
པ་དེ་དག་ཐམས་ཅད་དགྱེས་པ་དང་། མཉེས་པ་དང་། རབ་ཏུ་དགྱེས་པ་དང་། ཚིམ་པ་དང་། ཐུགས་དགྱེས་པ་སྐྱེ་བར་འགྱུར་ཞིང་། རིག་སྔགས་འཆང་ལ་ཐུགས་རྗེ་ཆེན་པོ་རྒྱས་པའི་སྙིང་པོ་གྲུབ་པ་དམ་པ་སྩོལ་བར་འགྱུར་ཞིང་། ཡང་ནས་ཡང་དུ་མཐོང་བ་སྩོལ་བར་

99-1-20b

འགྱུར་རོ། །མཆོག་ཐམས་ཅད་སྩོལ་བར་འགྱུར་རོ། །དོན་ཡོད་པའི་ཞགས་པའི་དམ་ཚིག་གྲུབ་པ་སྩོལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་གྱི་ཆོ་ག་ཞིབ་མོ་ཕྱག་རྒྱ་དང་གསང་སྔགས་འཛིན་པ་རྣམ་པར་
གྲོལ་བའི་དཀྱིལ་འཁོར་གཟུང་བ་ཙམ་གྱིས་དམ་ཚིག་རྗེས་སུ་འཇུག་པར་འགྱུར་རོ། །ཐམས་ཅད་དུ་འཕགས་པ་སྤྱན་རས་གཟིགས་དབང་ཕྱུག་གི་གསང་བའི་དཀྱིལ་འཁོར་ཕྱག་རྒྱ་དང་དམ་ཚིག་འཚལ་བར་འགྱུར་རོ། །ཐམས་ཅད་དུ་དགོས་པའི་
གསང་སྔགས་འགྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པ་རྟག་ཏུ་བལྟ་འཚལ་བར་འགྱུར་རོ། །ལག་མཐིལ་པད་མ་ལྟར་བགྱིས་ལ་མཛུབ་མོ་གུང་མོ་རྡོ་རྗེ་ལྟར་བགྱི་ཞིང་། མཐེ་ཆུང་བརྐྱང་བའི་ཕྱག་རྒྱ་
ནི། །པད་མ་འཆང་ལ་བདུག་པ་དང་། །མེ་ཏོག་ལ་སོགས་དྲི་རྣམས་དང་། །ཕྲེང་བ་བྱུག་པ་ཕྱེ་མ་དང་། །བ་དན་གོས་དང་རྒྱན་དང་ནི། །གཏོར་མ་མཆོད་ཡོན་རབ་ཏུ་དབུལ། །བུམ་པ་གང་བའི་དྲི་སོགས་དང་། །ཚོན་སྐུད་སྣ་ལྔ་ཚོན་དབྱེའོ། །གཞན་
ཡང་ཟས་ནི་སྣ་ཚོགས་ལ། །ཕྱག་རྒྱ་འདི་ནི་ཀུན་ལ་མཆོག །འདི་ནི་དབུལ་བའི་ཕྱག་རྒྱར་གསུངས། །ཐམས་ཅད་དུ་ནི་དོན་ཡོད་མཆོག །གོ་བར་བགྱི་བའི་ཕྱག་རྒྱ་འདི། །པད་མའི་ཕྱག་གིས་བྱིན་གྱིས་བརླབ། །གུང་མོ་ནོར་བུས་དཀྲིས་པ་ལྟ་
བུའི་ཕྱག་རྒྱ་འདི་ནི་བག་ཚ་བ་མེད་པའི་པད་མ་རིན་པོ་ཆེའི་ཕྱག་རྒྱ་ལགས་ཏེ། འདི་ནི་གྲུབ་པ་དམ་པ་ལགས་སོ། །སྤྱན་དྲང་བའི་གསང་སྔགས་ནི། ཨོཾ་ཨ་མོ་གྷ་པད་མ་མ་ཧཱ་ས་ཏྱ་ཨ་ཡ་ཏུ་མྱི་ཧཱ་མཎ་ཌ་ལེ། བི་རི་བི་རི་བི་རི་པད་མ་བྷུ་ཛེ་སྭཱ་ཧཱ། 
དུས་གསུམ་གཤེགས་པའི་སངས་རྒྱས་རྣམས། །གསོལ་བ་གདབ་པའི་གསང་སྔགས་ཏེ། །བྱང་ཆུབ་སེམས་དཔའ་ཐམས་ཅད་དང་། །ཕྱག་ན་པད་མ་གསོལ་གདབ་དགུག །ལྷ་རྣམས་ཀུན་དང་དེ་བཞིན་དུ། །དཀྱིལ་འཁོར་གྱི་ནི་ལྷ་རྣམས་
དགུག །ཕྱག་རྒྱ་འདི་ནི་བཅིངས་པ་ཡིས། །ཕྱོགས་བཅུ་ཀུན་གྱི་སངས་རྒྱས་དང་། །དེ་བཞིན་བྱང་ཆུབ་སེམས་དཔའང་འདུ། །ལྷ་དང་ཀླུ་དང་གནོད་སྦྱིན་དང་། །དྲི་ཟ་ལྷ་མིན་དེ་བཞིན་དུ། །ནམ་མཁའ་ལྡིང་དང་མི་འམ་ཅི། །ལྟོ་འཕྱེ་ཆེན་པོ་ཉིད་

99-1-21a

དག་སྟེ། །དེ་ཀུན་སྐད་ཅིག་འདུ་འགྱུར་ཞིང་། །སྲུང་བའི་ཕྱིར་ནི་སོམ་ཉི་མེད། །ལག་པ་རྡོ་རྗེའི་ཚུལ་དུ་གཞག་ལ་ལག་པའི་མཐེའུ་ཆུང་རྣམས་པད་མའི་མཚམས་སུ་བྱ་སྟེ། གུང་མོ་རྣམས་ཡིད་ཙམ་བསྐུམས་པའི་ཕྱག་རྒྱ་
བཅིངས་པ་ནི། གྲུབ་ལྡན་འདི་ནི་ཕྱོགས་བཅིང་དང་། །དཀྱིལ་འཁོར་བཅིང་བར་བགྱིས་པ་ཡི། །བསྲུང་བའི་ལས་ལ་བག་ཚ་མེད། །ཕྱག་རྒྱ་འདི་ནི་བཅིངས་ཙམ་དང་། །གསང་སྔགས་སྟོང་ནི་བཟླས་ཙམ་གྱིས། །དཔག་ཚད་བདུན་ནི་ཁོར་
ཡུག་ཏུ། །མཚམས་བཅིང་དཀྱིལ་འཁོར་བཅིང་བ་དང་། །བསྲུང་བའི་ལས་ནི་བགྱིས་པར་འགྱུར། །ཨོཾ་ཨ་མོ་གྷ་བཛྲ་དྲྀ་ཌྷ་པད་མ་བན་དྷ་ས་མན་ཏ་ཤན་ཏུ་མཱཾ། ཙུ་རུ་ཙུ་རུ་ཧཱུྃ་ཕཊ། དེ་ནས་དོན་ཡོད་ཕྱག་རྒྱ་སྟེ། །
གྲུབ་ལྡན་སེམས་ཅན་ཀུན་སྨྲ་ན། །དོན་ཡོད་པའི་ཕྱག་རྒྱ་ཡི། །ཁྱད་པར་འཕགས་པ་གཞན་ཡང་བསྟན། །རྡོ་རྗེ་ཐལ་མོ་སྦྱར་ནས་སོར་མོ་རྣམས་མཉམ་པར་གཞག་ཏེ། སྲིན་ལག་ཁ་གདངས་ལ་སོར་མོ་རྣམས་ཡིད་ཙམ་
བསྐུམ་པ་ནི། དོན་ཡོད་སྣ་ཚོགས་རྒྱལ་པོ་ཡི། །པད་མའི་ཕྱག་རྒྱ་ཆེན་པོར་བསྒྲགས། །ཕྱག་རྒྱ་འདི་ནི་ལས་ཀུན་དང་། །འཇུག་པའི་ལས་ཀུན་སྦྱར་བ་དང་། །དཀྱིལ་འཁོར་ཕྱག་རྒྱ་མཆོག་ཀུན་གསུངས། །ཕྱག་རྒྱ་
འདི་ནི་གཟུང་ཙམ་དང་། །གསང་སྔགས་དམ་པས་བསྲུངས་བགྱིས་ནས། །རིག་སྔགས་འཆང་བ་འཇུག་པར་འགྱུར། །དུས་གསུམ་གཤེགས་པ་རྣམ་ཐར་པའི། །དཀྱིལ་འཁོར་དམ་པ་གྲུབ་པར་འགྱུར། །ཨོཾ་བཛྲེ་
བཛྲ། ཨ་དྷིཥྛི་ཏེ་པད་མེ་བི་ཤྭ་རཱུ་པ་དྷ་རེ། དྷ་ར་དྷ་ར་ཧཱུྃ། པྲ་བེ་ཤ་ཏུ་ས་ཏྲེེ་ཡད་དྷཱ་ག་དན་དྷི་རི་ཏུ་ཊི་སྭཱ་ཧཱ། ཕྱག་རྒྱ་འདི་ནི་བཅིངས་ཙམ་གྱིས། །དེ་ཉིད་གྲུབ་པས་ཕྱོགས་བཅུ་ཡི། །སངས་རྒྱས་ཞིང་ནི་རྣམ་དྲུག་
ཏུ། །གཡོ་བར་འགྱུར་བ་སོམ་ཉི་མེད། །ཕྱག་ན་པད་མའི་ལུས་འབར་ནས། །མགུ་བ་ཆེན་པོ་འབྱུང་བར་འགྱུར། །རིག་སྔགས་འཆང་ལ་འཛུམ་བཞིན་གྱིས། །རྟག་ཏུ་ལྟ་ཞིང་མདུན་ན་མཆིས། །སངས་རྒྱས་ཀྱི་ནི་ཞིང་ཀུན་

99-1-21b

དང་། །མཐོ་རིས་སྒོ་རྣམས་འབྱེད་པར་འགྱུར། །སུམ་བཅུ་རྩ་གཉིས་གནས་རྣམས་ན། །གནས་པའི་ལྷ་རྣམས་སྒོ་འབྱེད་ཅིང་། །སུམ་བཅུ་རྩ་གསུམ་གནས་སྒོ་ན། །གནས་པ་ཐམས་ཅད་སྒོ་འབྱེད་དོ། །བདེ་ཅན་འཇིག་རྟེན་
ཁམས་དག་ནི། །སྒོ་ན་གནས་པ་སྒོ་འབྱེད་དོ། །ཕྱག་རྒྱ་འདི་ནི་བཅིངས་ཙམ་གྱིས། །གནས་ཀུན་ཏུ་ནི་འཇུག་པར་འགྱུར། །ཕྱག་རྒྱ་སྡིག་པ་ཐམས་ཅད་འཕྲོག །ཉེ་བའི་ཉོན་མོངས་ཐམས་ཅད་འཇོམས། །སྡུག་བསྔལ་ཀུན་
ལས་རྣམ་པར་གྲོལ། །གནོད་པ་ཐམས་ཅད་འཇིག་པར་བགྱིད། །དམྱལ་བ་བཅུ་དྲུག་རྣམས་ལས་ཐར། །ཕྱག་རྒྱ་བཅིངས་པ་ཙམ་གྱིས་ནི། །མི་བཟད་འཇིགས་པ་བརྒྱད་རྣམས་དང་། །ཉེས་བྱས་ཐམས་ཅད་འཇིག་པར་བྱེད། །
དམྱལ་བའི་སྒོ་ནི་བཅད་པར་འགྱུར། །མི་བཟད་འཇིགས་ལས་བསྒྲལ་བར་འགྱུར། །ཕྱག་རྒྱ་འདི་ནི་མཐོང་ཙམ་གྱིས། །མཚམས་མེད་ལྔ་ནི་བགྱིས་པ་དང་། །སྡིག་པ་ཀུན་ལས་རྣམ་པར་ཐར། །སེམས་ཅན་ཀུན་ལས་རྟག་ཏུ་སྡུག །
དེ་བཞིན་གཤེགས་ཀུན་བྱིན་གྱིས་རློབ། །ཕྱག་རྒྱ་འདི་ནི་མཐེ་བོའི་རྩེ་མོ་ཅུང་ཟད་བཀུག་ལ་གཟུང་སྟེ། གུང་མོ་པད་མའི་རལ་པའི་ཚུལ་དུ་བགྱིས་ཏེ། སྤྱི་བོའི་རལ་པ་ལ་གཞག་པ་ནི་པད་མའི་རལ་པའི་ཕྱག་རྒྱ་ལགས་ཏེ། འདི་ནི་དོན་
ཡོད་པའི་ཞགས་པ་ཞེས་བསྒྲགས་ཏེ། སེམས་ཅན་ཐམས་ཅད་ལ་སྨན་པའི་སླད་དུ། གསང་སྔགས་འདི་བརྗོད་པར་བགྱིའོ། །ཨོཾ་ཨ་མོ་གྷ་པད་མོ་ཛེ་ལེ་བི་ཤོ་དྷ་ཡ་ཧཱུྃ། བི་རི་བི་རི་མ་ལེ་སྭཱ་ཧཱ། ཕྱག་རྒྱ་སྤྱི་བོར་གཞག་ནས་
ཆབ་དག་གིས་བཀྲུས་ནས་གཙང་མས་གསང་སྔགས་འདི། བརྒྱ་རྩ་བརྒྱད་དུ་བཟླས་ནས་སུ། །ཕྱག་རྒྱ་གསང་སྔགས་དོགས་མེད་པས། །རྟག་ཏུ་བཀྲུས་པའི་མོད་ཙམ་གྱིས། །མི་གཙང་བ་ནི་གཙང་བར་འགྱུར། །མི་གཙང་སྤྱོད་པ་གཙང་
བར་འགྱུར། །ཚངས་སྤྱོད་མ་ཡིན་ཚངས་སྤྱོད་འགྱུར། །མི་ཐུབ་པ་ནི་ཐུབ་པར་འགྱུར། །བསོད་ནམས་ཕུང་པོ་ལྷ་བཞིན་འབར། །ཟླ་བ་ཉི་མ་བཞིན་དུ་མཛེས། །འཇིག་རྟེན་ཀུན་སྙིང་རྟག་ཏུ་སྡུག །གསང་སྔགས་བླ་ན་མེད་པ་

99-1-22a

འགྲུབ། །གྲུབ་པ་དོན་ཡོད་ཞགས་པ་ཡི། །དོན་ཡོད་དེ་ཉིད་གྲུབ་པར་འགྱུར། །ལྷ་རྣམས་ཀུན་ནི་འདུ་འགྱུར་ཏེ། །བསྲུང་བའི་ཕྱིར་ནི་སོམ་ཉི་མེད། །མགོན་པོ་འཕགས་པ་སྤྱན་རས་གཟིགས། །སེམས་
པ་མཆོག་སྦྱིན་དག་པ་པོ། །མཆོག་སྦྱིན་རྒྱུན་ཏུ་ཐམས་ཅད་དུ། །ཉི་མ་རེ་རེ་མཐོང་འགྱུར་ཞིང་། །ཚེ་འཕེལ་རྟག་ཏུ་ནད་མེད་འགྱུར། །དེ་བཞིན་མགུ་དང་རྒྱས་པར་འགྱུར། །ཐམས་ཅད་དུ་ནི་ལས་འགྲུབ་སྟེ། །གནོད་
པ་ཀུན་ལས་རྣམ་པར་གྲོལ། །སྡིག་པ་ཀུན་ལས་རྣམ་པར་ཐར། །ཐམས་ཅད་དུ་ནི་བཀྲ་ཤིས་མཆོག །ཁྲུས་ཀྱི་རྣམ་པ་འདི་དག་ནི། །དོན་ཡོད་ཁྲུས་ཀྱི་མཆོག་ཡིན་ནོ། །ལག་གཉིས་བསྡམས་ལ་འོག་ཏུ་བསྟན། །
སྲིན་ལག་གཉིས་ཡུད་ཙམ་བསྐུམ་པ་ནི་པད་མའི་ནོར་བུ་ཕྱག་རྒྱ་ལགས་ཏེ། ཀུན་ནས་ཀྱང་ནི་མཉམ་པར་གཞག །ཕྱག་རྒྱ་ཏིང་འཛིན་ལྟ་བུ་འདི། །སྐྱིལ་མོ་དཀྲུང་བཅས་མཆིས་ནས་སུ། །ཕྱག་རྒྱ་འདི་དག་བཅིང་བགྱི་
ཞིང་། །མཉམ་པར་གཞག་ནས་གསང་སྔགས་བཟླས། །བཅིངས་པ་ཙམ་གྱི་མོད་ནས་ནི། །སྐྱིལ་དཀྲུང་རྡོ་རྗེ་ལྷུན་མཉམ་འགྱུར། །ཀུན་ནས་གོ་ཆར་གྱུར་ནས་ནི། །བགེགས་དང་ལོག་འདྲེན་ཐམས་ཅད་དང་། །གནོད་
སྦྱིན་སྲིན་པོ་འབྱུང་པོར་བཅས། །ལྷ་མིན་མཁའ་ལྡིང་གིས་མི་མཐོང་། །ཕྱོགས་དང་ཕྱོགས་ཀྱི་མཚམས་དག་ཏུ། །དེ་དག་ཐམས་ཅད་རྒྱང་རིང་འབྲོས། །བགེགས་མེད་པར་ནི་ལས་འགྲུབ་པས། །བཟླས་པའི་ལས་
ལ་སོམ་ཉི་མེད། །ཨོཾ་ཨ་མོ་གྷ་བཛྲ་དྲྀ་ཌྷ་པད་མེ་ཤྭ་ར་ཧཱུྃ། ཐལ་མོ་མཉམ་པར་སྦྱར་ལ་མཛུབ་མོ་དང་གུང་མོ་བཀུག་ནས། མཐེ་བོ་པད་མ་ཁ་ཕྱེ་བ་ལྟར་བགྱིས་ཏེ། དོན་ཡོད་པའི་དབང་ཕྱུག་རྒྱལ་པོའི་ཕྱག་རྒྱའོ། །
འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་གསང་སྔགས་དང་ཕྱག་རྒྱ་བཅིང་བར་བགྱིའོ། །ཨོཾ་པད་མེ་ཤྭ་ར་ཨ་མོ་གྷ་བ་ར་དྷ། བི་རི་བི་རི་སྭཱ་ཧཱ། འདིས་ཐོག་མར་བཟླས་བརྗོད་ཉི་ཤུ་རྩ་གཅིག་བགྱིའོ། །དེའི་འོག་ཏུ་ཕྱག་རྒྱ་བཅིངས་

99-1-22b

ནས། དོན་ཡོད་པའི་ཞགས་པའི་སྙིང་པོ་དེ་ཁོ་ན་ཉིད་སེམས་དཔའི་བསམ་པ་རྩེ་གཅིག་ཏུ་བཟླས་བརྗོད་བགྱིའོ། །ལན་ཅིག་བཟླས་པ་ཙམ་གྱི་མོད་ལ། དུས་གསུམ་དུ་རྒྱུན་དུ་གཤེགས་པའི་སངས་རྒྱས་འབུམ་ཕྲག་བརྒྱ་སྟོང་གང་གཱའི་
ཀླུང་གི་བྱེ་མ་སྙེད་དང་མཉམ་པ་གཡོ་བར་འགྱུར་ཞིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས། རིག་སྔགས་འཆང་དེ་ལ་ལེགས་སོ་ཞེས་བགྱི་བསྩོལ་བར་འགྱུར་རོ། །དབུགས་འབྱིན་པར་
མཛད་དོ། །རིག་སྔགས་འཆང་དེ་ལ་འོད་ཟེར་སྣ་ཚོགས་གཏོང་བར་མཛད་དོ། །མགོན་པོ་འཕགས་པ་སྤྱན་རས་གཟིགས་དབང་ཕྱུག་དྲན་པར་བགྱིས་པ་ཙམ་གྱི་མོད་ལ་མདུན་དུ་མཆིས་པར་འགྱུར་རོ། །འདི་ལྟར་བཅིངས་པ་ཙམ་གྱིས་
ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །ཕ་རོལ་ཏུ་ཕྱིན་པ་བཅུ་དང་ལྡན་པར་འགྱུར་རོ། །སངས་རྒྱས་ཀྱི་ཆོས་མ་འདྲེས་པ་བཅྭ་བརྒྱད་དང་ལྡན་པར་འགྱུར་རོ། །དེ་བཞིན་གཤེགས་པའི་སྟོབས་བཅུ་དང་ལྡན་
པར་འགྱུར་རོ། །མི་འཇིགས་པ་བཞི་ཐོབ་པར་འགྱུར་རོ། །འཕགས་པའི་ལམ་ཡན་ལག་བརྒྱད་ཡོངས་སུ་དག་པ་ཐོབ་པར་འགྱུར་རོ། །ཕྱག་རྒྱ་འདི་བཅིངས་ལ་དོན་ཡོད་པའི་རྒྱལ་པོའི་སྙིང་པོ་དྲན་པར་བགྱིས་པ་ཙམ་གྱི་
མོད་ལ། ཡོན་ཏན་དང་ཕན་ཡོན་རྣམས་འཐོབ་པར་འགྱུར་རོ། །བཟླས་བརྗོད་བརྒྱ་རྩ་བརྒྱད་བགྱིས་ལ་ཕྱག་རྒྱ་བརྒྱ་རྩ་བརྒྱད་བཅིངས་ནས། ཞག་གཅིག་སྨྱུང་བ་བགྱིས་ཏེ་བཟླས་བརྗོད་བགྱིས་ན། འཕགས་པ་སྤྱན་རས་གཟིགས་
དབང་ཕྱུག་བདག་ཉིད་ཀྱི་རང་བཞིན་དུ་མདུན་ན་མཆིས་ནས། རིག་སྔགས་འཆང་ལ་ལེགས་སོ་ཞེས་བགྱི་བ་སྩོལ་ཏེ། རིག་སྔགས་འཆང་ལེགས་སོ་ལེགས་སོ། །འདི་ནི་བཟླས་བརྗོད་ཀྱི་དམ་པ་ཡིན་ནོ། །ཞེས་དཔུང་པ་གཡས་པ་བརྐྱང་
བའི་ལག་པས་རིག་སྔགས་འཆང་གི་སྤྱི་བོར་གཞག་ནས། དབུགས་འབྱིན་པར་མཛད་དེ་ཚུར་ཤོག་བུ། གང་འདོད་པའི་མཆོག་སློངས་ཤིག་དང་སྦྱིན་ནོ། །ཁྱོད་རྗེས་སུ་བཟུང་ཞིང་བྱིན་གྱིས་བརླབས་པས། ངའི་བུ་རིག་སྔགས་འཆང་གི་ཐུ་བོར་

99-1-23a

གྱུར་ཅིག །རིག་སྔགས་འཆང་ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་གྲུབ་པས། རྣམ་པར་གྲོལ་བའི་དཀྱིལ་འཁོར་གྱི་ཕྱག་རྒྱ་རིམ་པར་དབྱེ་བ་དང་། ཆོ་ག་ཞིབ་མོའི་རྒྱལ་པོ་ལ་བརྟན་པར་གྱིས་ཤིག །སྙིང་རྗེ་ཆེན་པོའི་སེམས་ཀྱིས་
སེམས་ཅན་ཐམས་ཅད་ལ་གོམས་པར་གྱིས་ཤིག །ཁྱོད་འདི་ནས་མ་འོངས་པའི་མངལ་དུ་གནས་ནས། ཤི་འཕོས་ཏེ་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་ཞིང་། ཁྱོད་པད་མའི་ནང་དུ་རྫུས་ཏེ་སྐྱེས་ནས། བརྒྱན་ཐམས་ཅད་ཀྱིས་
བརྒྱན་ཅིང་མཚན་དང་དཔེ་བྱད་ཀྱིས་རབ་ཏུ་བརྒྱན་པ། བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་ཚེ་དཔག་ཏུ་མེད་པར་འགྱུར་རོ། །འདི་ལྟར་ཚིག་གཞན་མི་སྨྲ་བར་ལན་སྟོང་རྩ་བརྒྱད་བཟླས་བརྗོད་བགྱིས་ཏེ། ལན་སྟོང་རྩ་བརྒྱད་ཚང་ན་ནམ་
མཁའ་ལ་མཆི་བར་འགྱུར་རོ། །དོན་ཡོད་པའི་རྣམ་པར་འཕྲུལ་པ་རྣམ་པར་དག་པའི་དཀྱིལ་འཁོར་གྱི་འཁོར་ལོས་བསྒྱུར་བར་འགྱུར་རོ། །རིག་སྔགས་འཆང་འབུམ་ཕྲག་བྱེ་བ་སྟོང་ཕྲག་བཅྭ་བརྒྱད་ཀྱིས་ཡོངས་སུ་བསྐོར་བར་འགྱུར་རོ། །
ཚེ་དཔག་ཏུ་མ་མཆིས་པར་འགྱུར་རོ། །དོན་རྒྱ་ཆེར་སྣང་བ་ཞེས་བགྱི་བའི་རྫུ་འཕྲུལ་འཐོབ་པར་འགྱུར་རོ། །རྫུ་འཕྲུལ་གང་གི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་དཔུང་པ་བསྐུམ་པ་ལས་བརྐྱང་པ་ཙམ་གྱིས་མཆི་
ཞིང་སླར་ལྡོག་པར་འགྱུར། བཟླས་བརྗོད་བརྒྱ་སྟོང་བགྱིས་ལ་ཕྱག་རྒྱ་བརྒྱ་སྟོང་བཅིངས་ན། ཚེ་འདི་ཉིད་ལ་འཕགས་པ་སྤྱན་རས་གཟིགས་དབང་ཕྱུག་དང་འདྲ་བར་འགྱུར་རོ། །སྒྱུ་མ་ལྟ་བུའི་ཏིང་ངེ་འཛིན་གྱིས་རྣམ་པར་རོལ་པའི་
དོན་ཡོད་པའི་མིག་ཡོངས་སུ་དག་པ་འཐོབ་པར་འགྱུར་རོ། །དབང་ཕྱུག་དང་དབང་ཕྱུག་ཆེན་པོ་དང་། ཚངས་པ་དང་། ལྷའི་བུ་དང་། དྲག་པོ་དང་། དབང་པོ་དང་། ཉི་མ་དང་། ཟླ་བ་དང་། གཞོན་ནུ་དང་། གཤིན་རྗེ་དང་། ཆུ་ལྷ་དང་། ལུས་ངན་ལ་སོགས་པའི་
གཟུགས་སྣ་ཚོགས་མཐོང་བར་འགྱུར་རོ། །ཀླུའི་རྒྱལ་པོའི་གཟུགས་རྣམ་པ་སྣ་ཚོགས་ཀྱི་བར་དུ་མཐོང་བར་འགྱུར་རོ། །ཅི་ལྟ་ཅི་ལྟར་སེམས་ཅན་རྣམས་འདུལ་བར་འགྱུར་བ་དེ་ལྟ་དེ་བུའི་གཟུགས་མཐོང་བར་འགྱུར་ཏེ། འདི་ནི་

99-1-23b

འཇིག་རྟེན་པའི་བཟླས་བརྗོད་སྒྲུབ་པ་འབུམ་ལགས་སོ། །འབུམ་བཟླས་པས་འཇིག་རྟེན་ལས་འདས་པ་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ན། དེ་བཞིན་གཤེགས་པ་ཐམས་ཅད་མངོན་སུམ་དུ་སྣང་བར་མཐོང་བར་འགྱུར་རོ། །
དེ་བཞིན་གཤེགས་པ་ཐམས་ཅད་ལ་ལུང་བསྟན་པ་འཐོབ་པར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་ཕྱིར་མི་ལྡོག་པར་བྱིན་གྱིས་བརླབས་ཀྱིས་བྱིན་གྱིས་བརླབས་པར་འགྱུར་རོ། །ཕྱག་རྒྱ་བཅིངས་ཏེ་སྐྱིལ་མོ་དཀྲུང་བཅས་ནས། སེམས་
ཅན་ཐམས་ཅད་ལ་བརྩེ་བ་དང་། འབྱུང་པོ་ཐམས་ཅད་ལ་བྱམས་པ་དང་། སྙིང་རྗེའི་སེམས་ཀྱི་རང་བཞིན་གྱིས་དོན་ཡོད་པའི་ཞགས་པའི་སྙིང་པོ་ལན་ཅིག་བཟླས་བརྗོད་བགྱིའོ། །བཟླས་བརྗོད་བགྱིས་མ་ཐག་ཁོ་ནར་ལན་དྲུག་བརྒྱ་བཞི་བཅུར་
བཟླས་བརྗོད་བགྱིས་པར་འགྱུར་རོ། །དེ་བཞིན་གཤེགས་པ་ཐམས་ཅད་དབུགས་འབྱིན་པ་མཛད་ཅིང་དྲན་པ་དང་། བློ་གྲོས་དང་། གཟི་བརྗིད་ལུས་ལ་འཇུག་པར་བགྱིད་དོ། །བཟླས་བརྗོད་བགྱིས་པ་ཙམ་གྱི་མོད་ལ་ཕ་རོལ་ཏུ་ཕྱིན་པ་དྲུག་ཡོངས་
སུ་རྫོགས་པར་འགྱུར་རོ། །རི་མོའི་སྐུ་གཟུགས་དེ་ལ་ཡང་འོད་ཟེར་འབྱུང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཡོངས་སུ་དག་པའི་བདག་ཉིད་རྨི་ལམ་དུ་མཐོང་བར་འགྱུར་རོ། །མཆོག་ཐམས་ཅད་སྩོལ་བར་འགྱུར་རོ། །
དེའི་ལས་ཀྱི་སྒྲིབ་པ་ཐམས་ཅད་ཡོངས་སུ་དག་པར་འགྱུར་རོ། །སྡིག་པ་དང་སྒྲིབ་པ་ཐམས་ཅད་ཡོངས་སུ་བསལ་བ་དང་། གཏུགས་པར་འགྱུར་རོ། །ནད་ཐམས་ཅད་སྤངས་པར་འགྱུར་རོ། །འཇིག་རྟེན་པའི་དགོས་པ་སྒྲུབ་པ་རྣམས་ཀྱི་དམ་པ་
ཐམས་ཅད་འགྲུབ་པར་འགྱུར་བས་སངས་རྒྱས་རྗེས་སུ་དྲན་པ་བསྒོམ་པར་བགྱིའོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་གསུམ་པ། ཐལ་མོ་ལྷན་ཅིག་བསྡམས་ཏེ་སྦྱར་ལ། རྩེ་མོ་
ཡིད་ཙམ་བཀུག་སྟེ་ཁར་གཏད་ལ་སྲིན་ལག་གཉིས་ཕྱིར་འགྱེད་ཅིང་། གུང་མོ་པད་མ་ལྟ་བུར་བགྱིས་ཏེ། སྔགས་འདི་བརྗོད་དོ། །ཨོཾ་ཏུ་རུ་ཏུ་རུ་པད་མེ། ཨ་མོ་གྷ་སིད་དྷི་ཧཱུྃ། ཕྱག་རྒྱ་འདི་ནི་དོན་ཡོད་འགྲུབ། །ལས་རྣམས་གྲུབ་དང་ལྡན་པ་ཡི། །

99-1-24a

འདི་ནི་བཅིང་བ་བགྱིས་པ་ཡིས། །ཀུན་རིག་མྱུར་དུ་འགྲུབ་པར་འགྱུར། །མྱུར་དུ་སྟོན་པ་སྩོལ་འགྱུར་ཏེ། །རྙེད་དཀའ་དོན་ཡོད་གྲུབ་པ་མཆོག །མཆོག་ཀུན་རབ་ཏུ་སྟོབས་པར་འགྱུར། །འཇིག་རྟེན་འདས་པ་དེ་བཞིན་འཇིག་རྟེན་པ། །
སྒྲིབ་པ་ཐམས་ཅད་ལས་ནི་རྣམ་པར་གྲོལ། །བསོད་ནམས་ཕུང་པོ་དག་ནི་རྟག་ཏུ་འཕེལ། །བཀྲ་ཤིས་སྒྲ་ནི་འབྱུང་བར་འགྱུར་བའོ། །ལྷ་རྣམས་རྟག་ཏུ་བསྲུང་བར་འགྱུར། །རྡོ་རྗེ་བཅིངས་པ་ཤིན་ཏུ་བཅིང་། །རྟག་ཏུ་སེམས་ནི་བརྟན་པོར་བགྱི། །
མཛུབ་མོ་དག་ནི་ཡིད་བསྒུམས་ནས། །སྙིང་པོ་དག་ནི་རབ་ཏུ་བརྒྱང་། །དོན་ཡོད་པའི་པད་མའི་དཀྱིལ་འཁོར་ཕྱག་རྒྱ་དང་། སྙིང་པོ་གསུངས་པ་དང་། པད་མའི་དབང་ཕྱུག་གི་ཕྱག་རྒྱ་ལས་དང་དོན་ཐམས་ཅད་འགྲུབ་པའི་གསང་སྔགས་དེ་དག་
ཐམས་ཅད་གསུངས་ནས། དེ་ནས་དོན་ཡོད་པའི་རྒྱལ་པོ་གསུངས་པ། ཨོཾ་ཨ་མོ་གྷ་ཧྲྀ་ད་ཡ། པད་མེ་དྷ་ར་དྷ་ར་པད་མ་དྷ་ར་མ་ཧཱ་མཎ་ཌ་ལ་ཧྲྀ་ད་ཡ་ཧཱུྃ། སྙིང་པོ་ཕྱག་རྒྱ་འདི་ནི་བཅིངས་པ་ཡིས། །པད་མ་འཆང་བའི་དོན་ཡོད་
སྙིང་པོ་ཡི། །གྲུབ་པ་དེ་ཉིད་ཡང་དག་སོམ་ཉི་མེད། །ཐམས་ཅད་དུ་ནི་ལས་རྣམས་ཐམས་ཅད་དག །དེ་ནི་གྲུབ་པར་འགྱུར་ཏེ་སོམ་ཉི་མེད། །ཤིན་ཏུ་གསང་བའི་ཕྱག་རྒྱ་གཟུང་། །ཤིན་ཏུ་གསང་བའི་གསང་སྔགས་བཟླས། །ཤིན་ཏུ་བཀྲུ་
བས་གོས་གཙང་གྱོན། །གཙང་མའི་སེམས་ཀྱིས་འཆང་བགྱིད་ཅིང་། །སེམས་ཅན་ཀུན་ལ་བརྩེ་གྱུར་ནས། །རྟག་ཏུ་བླ་མ་གུས་པར་བསྒོམ། །རྟག་ཏུ་ཤིན་ཏུ་དང་བགྱི་ཞིང་། །པད་མའི་ཕྱག་ལ་དགའ་བར་བགྱི། །མྱུར་དུ་ལས་འགྲུབ་
མྱུར་དུ་ནི། །པད་མ་འཆང་དང་སངས་རྒྱས་འགྲུབ། །མྱུར་དུ་འཇིག་རྟེན་དབང་ཕྱུག་འཐོབ། །མྱུར་དུ་སེམས་ཅན་ཀུན་ཕན་ལྡན། །ལག་པ་གཡོན་པ་བརྐྱང་བ་ཙམ་གྱིས་ཁར་པད་མའི་ཚུལ་དུ་གཞག་ལ་ལག་པ་བསྒྱུར་ནས། མཛུབ་མོ་གྱེན་དུ་
བསྒྲེང་མཐེ་བོ་ཡིད་ཙམ་བཀུག་ལ་ལག་པ་གཡས་པ་བརྐྱང་སྟེ། སོར་མོ་རྣམས་པད་མའི་ཚུལ་དུ་གཞག་ལ། མཐེ་བོ་ཡིད་ཙམ་བཀུག་སྟེ། གུང་མོ་དོན་ཡོད་པའི་ཞགས་པར་བགྱི་བ་ནི། དོན་ཡོད་པའི་ཞི་བ་ཆེན་པོའི་མིག་སེམས་ཅན་ཐམས་

99-1-24b

ཅད་ལ་བྱམས་པའི་སེམས་དང་། སྙིང་རྗེའི་བདག་ཉིད་ཅན་ལགས་ཏེ། གསང་སྔགས་འདི་བརྗོད་དོ། །ཨོཾ་པ་ཤུ་པ་ཏི་པཱ་ཤ་དྷ་ར་ས་ཧཱ་སྲ་རཤྨི་པྲ་ཏི་མན་དི་ཏ་ཀཱ་ཡ། ཨཱ་ཀར་ཥ་ནི་སན་ཙོ་ད་ནི། བྷུ་རུ་བྷུ་རུ། ཨ་མོ་གྷ་པཱ་ཤ་སིད་དྷི་ཧཱུྃ། ཕྱག་
རྒྱ་འདིས་གསང་སྔགས་ལན་ཉི་ཤུ་རྩ་གཅིག་བཟླས་སོ། །དེ་ནས་དོན་ཡོད་པའི་ཞགས་པའི་སྙིང་པོ་བཟླས་ནས། ལག་པ་གཡས་པ་ཞགས་པའི་ཕྱག་རྒྱའི་ཚུལ་དུ་བརྡེག་ཅིང་སླར་ཡང་རང་གི་གནས་སུ་གཟུང་ཞིང་། གསང་སྔགས་ལན་བདུན་བཟླས་ཏེ། ལན་བདུན་དུ་ཡང་
བརྡེག་གོ། དོན་ཡོད་རྒྱལ་པོ་བཟླས་པས་ནི། །བསམ་པ་མཆོག་ཏུ་དག་པས་བགྱི། །བཟླས་པ་ཙམ་གྱི་མོད་ལ་ནི། །དོན་ཆེན་ཞགས་པའི་ཕྱག་རྒྱ་ཡིས། །བྱང་ཆུབ་ཐམས་ཅད་དགུག་པ་དང་། །མོད་ལས་སངས་རྒྱས་ཉིད་དུ་འགྱུར། །གཞན་ཡང་དགོས་
པ་སྣ་ཚོགས་དག །ཅི་ལྟར་ཡིད་ལ་བསམས་པ་བཞིན། །མོད་ལ་གྲུབ་པ་བླ་མེད་དང་། །མོད་ལ་ཐམས་ཅད་དགུག་པར་འགྱུར། །ལྷ་དང་ཀླུ་དང་གནོད་སྦྱིན་དང་། །དྲི་ཟ་ལྷ་མིན་ནམ་མཁའ་ལྡིང་། །མི་འམ་ཅི་དང་ལྟོ་འཕྱེ་ཆེ། །
རིག་སྔགས་འཆང་ལ་ལྟ་བའི་ཕྱིར། །ཐམས་ཅད་དེ་ཡི་མོད་ལ་འདུ། །ཕྱོགས་བཅུའི་སངས་རྒྱས་ཐམས་ཅད་དག །དེ་ཉིད་གཟིགས་པས་གཟིགས་པར་འགྱུར། །རིག་སྔགས་འཆང་ལ་ཕྱག་བགྱིའི་ཕྱིར། །བྱང་ཆུབ་
སེམས་དཔའ་འདུ་བར་འགྱུར། །མགོན་པོ་འཕགས་པ་སྤྱན་རས་གཟིགས། །མཆོག་སྦྱིན་སྤྱི་བོར་ཕྱག་འཇོག་འགྱུར། །ཡོངས་སུ་དག་པའི་བདག་ཉིད་ཀྱི། །རང་བཞིན་མོད་ལ་སྟོན་པར་མཛད། །གང་དག་མནར་མེད་སོང་བ་
དང་། །སེམས་ཅན་མཚམས་མེད་ལྔ་བགྱིད་དང་། །གང་དག་འཕགས་ལ་སྐུར་འདེབས་དང་། །གང་དག་དམ་ཆོས་སྤོང་བ་དང་། །ཕྱག་རྒྱ་འདི་མཐོང་འཛིན་འཇུག་གམ། །བཅིངས་པས་མོད་ལ་སྡིག་པ་ཀུན། །འཇིག་འགྱུར་
མོད་ལ་འདྲེན་པ་མཐོང་། །ཕྱག་རྒྱ་བཅིངས་པ་ཙམ་གྱིས་ནི། །དགོས་པ་ཐམས་ཅད་འགྲུབ་པར་འགྱུར། །ཕྱག་རྒྱ་འདི་ནི་མཐོང་ཙམ་དང་། །རྗེས་སུ་ཟློས་པར་བགྱིད་པ་དང་། །རིག་སྔགས་འཆང་བ་མཐོང་བ་དེ། །འཕགས་པ་སྤྱན་

99-1-25a

རས་གཟིགས་དབང་ནི། །མངོན་དུ་མཐོང་བར་ལྟ་བར་བྱ། །ཚེ་རབས་བརྒྱུད་པར་བསྐལ་པ་ནི། །བརྒྱ་དང་སྟོང་དུ་བསགས་པ་ཡི། །སྡིག་པ་ལས་ཀྱི་སྒྲིབ་པ་རྣམས། །ཕྱག་རྒྱ་བཅིངས་སམ་མཐོང་ཙམ་གྱིས། །དེ་ཀུན་འབྱང་
འགྱུར་སོམ་ཉི་མེད། །ཐལ་མོ་ལྷན་ཅིག་དམ་པར་སྦྱར་ཏེ། མཁས་པས་པད་མའི་ཚུལ་དུ་བགྱིས་ལ། མཛུབ་མོ་ནོར་བུར་བགྱིས་ཏེ་གུང་མོ་ཡིད་ཙམ་ཞིག་བཀུག་པ་ནི། ཡིད་བཞིན་གྱི་ནོར་བུ་ཆེན་པོའི་རྒྱལ་མཚན་གྱི་རྩེ་མོ་སྟེ་ལག་པ་སྤྱི་
བོར་བརྐྱང་ནས་སྤྱི་བོར་དབང་བསྐུར་བ་སྩོལ་བའི་གསང་སྔགས་འདི་བརྗོད་དོ། །ཨོཾ་སྟྲཻ་ཡ་དྷཱ་ནུ་ག་ཏ། ཨ་བྷི་ཥིཉྩ་ཏུ། སརྦ་སྟྲཻ་ཡ་དྷྭ། ཨ་བྷི་ཥེ་ཀཻ་པད་མ་མ་ཎི་སུ་པད་མེ། ཨ་མོ་གྷེ་སརྦ་ཏ་ཐཱ་ག་ཏ། ཨ་དྷི་ཏེ་ཧཱུྃ། འདིས་དབང་
བསྐུར་བ་ཙམ་གྱིས། རིག་སྔགས་འཆང་ལ་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ཕྱག་གིས་དབང་བསྐུར་བར་འགྱུར་རོ། །རིག་སྔགས་འཆང་གི་
བྱ་བ་བྱེད་པའི་རྒྱལ་པོ་ཆེན་པོར་འགྱུར་རོ། །རིག་སྔགས་འཆང་ཐམས་ཅད་འགྲུབ་པར་འགྱུར་རོ། །ཉོན་མོངས་པའི་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །འཇིག་རྟེན་ཐམས་ཅད་ཀྱི་གཙོ་བོ་གཅིག་པུའི་གནས་
སུ་འགྱུར་རོ། །སྤྱི་གཙུག་རྡོ་རྗེའི་པད་མ་བཅིང་། །རྟག་ཏུ་སོར་མོའི་རྩེ་མོ་བརྐྱང་། །མཛུབ་མོ་ལྕགས་ཀྱུའི་ཚུལ་དུ་བགྱིའོ། །རང་གི་གདོང་གི་ཁྲོ་གཉེར་བཞིན། །ཁྲོ་བོའི་རྒྱལ་པོའི་ཕྱག་རྒྱ་སྟེ། །ལས་ཀུན་སྒྲུབ་པར་བགྱིས་
པ་ཡི། །ཐམས་ཅད་སྒྲུབ་བྱེད་ཕྱག་རྒྱ་སྟེ། །ཀུན་སྒྲུབ་དམ་པའི་གསང་སྔགས་པས། །འདི་དྲན་སྒྲུབ་པ་ཀུན་ཀྱི་མཆོག །ཨོཾ་ཀྲོ་དྷ་རཱ་ཛཱ་དྷ་མ་ཧཱ། ཨ་མོ་གྷ་ཧ་ན་ཧ་ན། སརྦ་དུཥྚ་ན་ཧཱུྃ། ཕྱག་རྒྱ་འདི་དྲན་ཙམ་གྱིས་ཀྱང་། །
མཐུ་ཆེན་པོའི་གསང་སྔགས་ཀྱིས། །གདུག་པ་ཀུན་ནི་རྣམ་འཇིག་སྟེ། །རི་རབ་ཀྱང་ནི་རྙིལ་བར་བགྱིད། །ཕྱག་རྒྱ་བཅིང་བ་བགྱིས་པ་ཡིས། །སྡིག་པ་ཐམས་ཅད་འཇིག་པར་བགྱིད། །སེམས་ཅན་གདུག་དང་གདུག་པའི་ཀླུ། །

99-1-25b

བགེགས་དང་ལོག་འདྲེན་གདུག་པ་སྟེ། །དེ་དག་ཐམས་ཅད་ཞི་བར་འགྱུར། །ཕྱག་རྒྱ་བཅིངས་པ་ཙམ་གྱིས་ནི། །ཐམས་ཅད་དབང་དུ་གྱུར་ནས་མཆིས། །ལྷ་དང་མི་དང་དགེ་སྦྱོང་དང་། །བྲམ་ཟེ་རྒྱལ་རིགས་གང་ལགས་པ། །
ཐམས་ཅད་དབང་དུ་གྱུར་ནས་ནི། །མཆིས་པར་འགྱུར་བ་སོམ་ཉི་མེད། །རྒྱུད་ནི་རྟག་ཏུ་མཉམ་གཞག་ལ། །མཐེ་བོ་མཉམ་དུ་བཏེག་ནས་ནི། །གུང་མོ་ཡི་ནི་གུང་མོ་ཉིད། །ཡིད་ཙམ་བཀུག་ནས་བསྒྲེང་བར་བགྱི། །འདི་ནི་པད་མ་
ཆེན་པོ་ཡི། །ལྷ་མོ་སྒྲོལ་མའི་ཕྱག་རྒྱ་སྟེ། །གྲུབ་པ་བླ་ན་མེད་པ་ཡི། །ཐམས་ཅད་ཀྱི་ནི་དམ་པ་ལགས། །ཐལ་མོ་པད་མའི་ཚུལ་དུ་སྦྱར། །མཐེ་བོ་ཉིད་ནི་བརྐྱང་བགྱིས་ལ། །མཐེ་ཆུང་ཡིད་ཙམ་བཀུག་པ་ནི། །དཀར་
ཤམ་ཆེན་མོའི་ཕྱག་རྒྱ་སྟེ། །འདི་ནི་ཀུན་གྲུབ་བླ་ན་མེད། །རྡོ་རྗེའི་ཚུལ་དུ་ཐལ་སྦྱོར་དམ་བཅིངས་ཤིང་། །ཤེས་རབ་ཅན་གྱིས་གཡས་པའི་ལག་བསྒྱུར་ལ། །ཁྲོ་གཉེར་བཞིན་ནི་དེ་བཞིན་ཁྲོ་བ་དང་། །ཕྱག་རྒྱ་ཆེན་པོ་
ཀུན་འདོད་རབ་ཏུ་སྦྱིན། །ལག་པ་གཉིས་ཀྱིས་ཐལ་སྦྱར་བརྐྱང་ནས་ནི། །གསང་བ་དེ་བརྐྱང་གུང་མོ་བསྐུམ་ནས་ནི། །མཐེ་ཆུང་བརྐྱང་ནས་ལྕགས་སྒྲོག་པད་མ་ཡི། །ཚུལ་དུ་སྙིང་གའི་གནས་སུ་གཞག་པར་བགྱི། །ཕྱག་
རྒྱ་འདི་ནི་ཕྱག་རྒྱ་ཆེ། །ཕྱག་རྒྱ་འདི་ནི་བཅིངས་པ་ཡིས། །དཀྱིལ་འཁོར་ཀུན་ནས་ལྷ་དག་དང་། །དཀྱིལ་འཁོར་ལྷ་ཀུན་དགའ་བར་འགྱུར། །ཐམས་ཅད་འཚོགས་ཤིང་འདུ་བ་དང་། །ཀུན་གྱིས་བསྲུང་བགྱིད་སོམ་ཉི་མེད། །
ཕྱག་རྒྱ་འདི་ཉིད་བཤིག་ནས་ལག་པ་ནི། །འཐལ་སྦྱར་པད་མའི་ཚུལ་བཞིན་ལེགས་བྱས་ཏེ། །སྙིང་གར་གཞག་པ་གནོད་སྦྱིན་ཕོ་ཉ་མོའི། །འདི་ནི་ཕྱག་རྒྱ་ལགས་པར་ལེགས་པར་སྒྲགས། །དང་པོར་རྡོ་རྗེ་ཁུ་ཚུར་ལེགས་བཅངས་ལ། །
གུང་མོ་ལྷག་མ་སྐུམ་ཞིང་མཐེ་བོང་གཞག །པད་མ་ཚུལ་གྱི་བཞིན་དྲན་སྒྲོལ་བདུན་གྱི། །གྲུབ་པ་ཀུན་གྱི་བླ་མེད་ཕྱག་རྒྱ་འདི། །སྡིག་པ་ཐམས་ཅད་འཇིག་ཅིང་ཉོན་མོངས་ཀུན། །ནད་ཀུན་ཉེ་བར་ཞི་བ་སོམ་ཉི་མེད། །དོན་ཡོད་པ་ཡི་

99-1-26a

གྲུབ་པ་བླ་མེད་ཀྱིས། །ཆོ་ག་ཞིབ་མོ་ཐམས་ཅད་རབ་ཏུ་འགྲུབ། །ལག་པ་གཉིས་ནི་མཉམ་གཞག་སྟེ། །རྡོ་རྗེའི་ཚུལ་དུ་པད་མ་བཅིང་། །མཛུབ་མོ་བསྐུམ་པ་བགྱིས་ནས་ནི། །མཐེ་བོ་ཡང་ནི་དགུག་པར་བགྱི། །འདི་ནི་རྟ་མགྲིན་
ཕྱག་རྒྱ་སྟེ། །ཆོ་ག་ཞིབ་མོའི་པད་མ་ལགས། །པད་མོའི་ཚུལ་དུ་ཐལ་མོ་སྦྱར། །མཛུབ་མོས་འཁྱུད་ལ་གུང་མོ་ནི། །ལྕགས་ཀྱུའི་ཚུལ་དུ་བསྒྲེང་བར་བགྱི། །དོན་ཡོད་ཞགས་པའི་ཕྱག་རྒྱ་འདི། །རྒྱ་མཚོའི་ཀློང་གི་ཁ་ལྟ་བུ། །
རྡོ་རྗེ་ཟ་བ་ཉིད་ཀྱིས་གསུངས། །འདི་ནི་ལས་ཀུན་བགྱིད་པ་པོ། །གྲུབ་པ་ཀུན་གྱི་བླ་ན་མེད། །ཕྱག་རྒྱ་འདི་ནི་མཛུབ་མོའི་མཐེ་བོ་གཉིས། །ལྕགས་སྒྲོག་ལྷག་མ་བཀུག་ནས་པད་མའི་ཚུལ། །སྙིང་གའི་གནས་སུ་གཞག་པ་མགྲིན་
སྔོན་གྱི། །འདི་ནི་དོགས་མེད་ལས་ཀུན་ཕྱག་རྒྱ་ལགས། །ལག་གཉིས་པད་མའི་ཁུ་ཚུར་ཏེ། །གཡས་གཡོན་དུ་ནི་གཞག་ནས་སུ། །ཀུན་ནས་ཞི་བའི་བཞིན་དུ་གཞག །བྱམས་པའི་མིག་གཉིས་བགྱིས་པ་ནི། །ཞལ་ནི་བཅུ་
གཅིག་ཕྱག་རྒྱ་སྟེ། །དེ་བཞིན་ཀུན་གྱིས་མྱི་ཐུབ་པའོ། །མཐེ་བོ་མཉམ་པར་མཉམ་བགྱིས་ལ། །སོར་མོའི་རྩེ་མོ་བསྐུམས་པ་དང་། །མཛུབ་མོ་གཉིས་ནི་པད་མའི་ཚུལ། །རིག་པའི་དབང་ཕྱུག་ཕྱག་རྒྱ་ལགས། །ཕྱག་རྒྱ་འདི་ཉིད་
དབུས་སུ་ནི། །འཁོར་ལོའི་ཚུལ་དུ་མཛུབ་མོ་བསྐུམ། །གཡོན་པ་བརྐྱང་བ་དབང་ཆེན་གྱི། །ཕྱག་རྒྱ་འབྱུང་པོ་ཐམས་ཅད་འཇོམས། །ལྕགས་སྒྲོག་དམ་དུ་བགྱིས་ནས་ནི། །ལག་པ་གཉིས་པ་བརྐྱང་ནས་ཀྱང་། །སྙིང་གར་གཞག་པའི་ཕྱག་
རྒྱ་སྟེ། །འདི་ནི་རྒྱུན་དུ་གཤིན་རྗེ་ལགས། །ལག་པ་གཡོན་པ་བརྐྱང་ནས་སུ། །སོར་མོ་སྒྲེང་བའི་ཐོར་ཐོ་དགུག །གཡས་པ་སྙིང་གར་གཞག་ནས་སུ། །མཐེ་བོ་དང་ནི་མཐེ་ཆུང་དགུག །ལྷག་མ་རྣམས་ནི་བརྐྱང་བགྱིས་ཏེ། །འདི་ནི་ཆུ་ལྷའི་
ཕྱག་རྒྱ་སྟེ། །ཀླུ་ཀུན་དགུག་པའི་མཆོག་ལགས་སོ། །ལག་པ་གཉིས་ནི་བསྡམས་བགྱིས་ལ། །སོར་མོ་ཕྱིན་ཁ་ལོག་ཏུ་སྦྲེལ། །གཡས་པ་དང་ནི་གཡོན་པ་དག །སྙིང་གའི་གནས་སུ་གཞག་བགྱི་སྟེ། །ཕྱག་རྒྱ་འདི་ནི་ལུས་ངན་གྱི། །

99-1-26b

གནོད་སྦྱིན་ཐམས་ཅད་སྐྲག་པར་བགྱི། །ལག་པ་གཡས་པ་སྤྱི་བོར་ཡང་། །མཐེ་བོ་མཛུབ་མོ་དགུག་བགྱིས་ལ། །ལག་པ་གཡོན་པ་བརྐྱང་ནས་སུ། །མཛུབ་མོ་གྱེན་དུ་བསྒྲེང་བ་ནི། །འདི་ནི་ཚངས་པའི་ཕྱག་རྒྱ་སྟེ། །
ཐམས་ཅད་དུ་ནི་ལས་སྒྲུབ་པའོ། །ཕྱག་རྒྱ་འདི་ཉིད་གཡས་པ་ཡི། །མཐེ་ཆུང་སོར་མོ་དགུག་བགྱིས་ཏེ། །དྲང་སྲོང་ཚོགས་ཀྱི་ཕྱག་རྒྱ་འདི། །ལྷ་རྣམས་ཀུན་གྱིས་ཕྱག་བགྱིས་པའོ། །ལག་པ་གཉིས་ནི་དམ་བཅིངས་ལ། །
ལྟ་སྡུག་འཁོར་ལོའི་ཕྱག་རྒྱ་སྟེ། །ལྷ་མིན་ཐམས་ཅད་འགུགས་པ་ཡི། །ཁྱབ་འཇུག་ཕྱག་རྒྱ་འདི་ཞེས་གསུངས། །གཡས་པ་བི་ཛ་པུ་རར་བགྱི། །གཡོན་པ་རྩེ་གསུམ་ཚུལ་དུ་བགྱི། །མཐེ་བོ་མཐེ་ཆུང་བསྐུམ་པ་ནི། །འབྱུང་པོ་
ཐམས་ཅད་བསྐྲད་བགྱིད་པ། །འདི་ནི་དྲག་པའི་ཕྱག་རྒྱར་གསུངས། །གཡས་པ་ཁུ་ཚུར་བཅངས་ནས་སུ། །མཛུབ་མོ་བརྐྱང་ནས་གཡོན་པ་ནི། །དཀུར་བསྟེན་ཁུ་ཚུར་བཅངས་ནས་གཞག །སོར་མོ་རྣམས་ནི་བརྐྱང་བར་བགྱི། །དྲག་
པོ་རྒྱུན་དུ་ལྟ་བགྱིད་པ། །དེ་བཞིན་ལྷ་ཡི་སྡེ་དཔོན་གྱི། །གཞོན་ནུ་ཕྱག་རྒྱ་འདི་ཞེས་གསུངས། །གྱེན་དུ་ལག་པ་གཉིས་བརྐྱང་ནས། །སོར་མོ་གསུམ་ནི་བརྐྱང་བགྱིས་ཏེ། །མཐེ་བོ་མཛུབ་མོ་དགུག་པ་ནི། །འོད་ཟེར་སྟོང་དག་འཕྲོ་
བགྱིད་པ། །འདི་ནི་ཉི་མའི་ཕྱག་རྒྱ་ལགས། །ཕྱག་རྒྱ་འདི་ཉིད་སོར་མོ་གསུམ། །བཀུག་ནས་སོར་མོ་གཉིས་གཉིས་བརྐྱང་། །སྐར་མའི་ཚོགས་ཀྱིས་མཛེས་གྱུར་པ། །འདི་ནི་ཟླ་བའི་ཕྱག་རྒྱར་གསུངས། །གསང་སྔགས་ཆེན་པོའི་
ཕྱག་རྒྱ་འདི་དག་ནི། །ལས་དང་དོན་ཀུན་གྲུབ་པ་བསྒྲུབ་པར་བགྱིད། །སྡིག་པ་ཐམས་ཅད་སྤོང་ཞིང་ཉོན་མོངས་ཀུན། །ཉམས་པར་བགྱིད་ཅིང་སྒྲིབ་པ་ཐམས་ཅད་འབྱང་། །ལས་ཀུན་ཟད་པར་བྱེད་ཅིང་དོན་ཡོད་པའི། །ལས་སྒྲུབ་དོན་
ཡོད་གྲུབ་པ་འགྲུབ་པར་འགྱུར། །ཨོཾ་པད་མཱ་ཏ་རེ་ཏ་རཱ་ཡ། པད་མ་བྷུ་ཛེ་ཧཱུྃ། ཨོཾ་མ་ཧཱ་པད་མེ་ཤྭ་རྃ་གེ ། ཧུ་རུ་ཧུ་རུ་སྭཱ་ཧཱ། ཨོཾ་བྷྲྀ་ཀུ་ཊི་པད་མེ་ཏ་ར་ཏ་ར་ཧཱུྃ། ཨོཾ་པད་མེ་པཎ་ཌ་ར་བཱ་སི་ནི། ཀུན་ཌ་ཀུན་ཌ་སྭཱ་ཧཱ། ཨོཾ་ཨ་མོ་གྷ་པད་མ་བ་ར་ཏེ་

99-1-27a

སིད་དྷྱ་སིད་དྷྱ་ཏུཾ་ཧཱུྃ། ཨོཾ་སརྦད་ཏྲ་ག་མི་ནི་ཨ་ཧཱ་ཡ་རཽ་དྲི་ཎི་ཧཱུྃ། ཨོཾ་ཨ་མོ་གྷ་ནི་ཏ་རེ་ཏ་རཱ་ཡ་པད་མེ་བྷུ་ཛེ་ཧཱུྃ། ཨོཾ་དཱ་རུ་ལ་རུ་ལ་པད་མེ་ཨ་མོ་གྷ་ཧཱུྃ། ཨོཾ་བ་ཌ་བ་མུ་ཁེ་ནི་ཀྲིན་ཏཱ་ཡ་དུཥྚན་ཧཱུྃ། ཨོཾ་པད་མེ་ནཱི་ལ་ཀན་ཋེ་ཤྭ་ར། 
བྷུ་རུ་བྷུ་རུ་ཧཱུྃ། ཨོཾ་སོ་མྱ་བ་ད་ནེ་པྲ་སི་ཏ་ཤཱ་ས་ཡ་ཧཱུྃ། ཨོཾ་པད་མེ་ཤྭ་རི་སདྷཱ་ཡ་ཧཱུྃ། ཨོཾ་ཨ་མོ་གྷེ་ཤྭ་རེ་ཧཱུྃ། ཨོཾ་ས་མ་རི་ཏ་རེ་ཏ་རེ་ཧཱུྃ། ཨོཾ་ཡོཀྴྭ་དི་པ་ཏི་མུ་རུ་མུ་རུ་ཧཱུཾ། ཨོཾ་ཨ་མོ་གྷེ་བྲཧྨ་ར་ཏེ་ཧཱུྃ། ཨོཾ་ཤི་རི་བིར་དེ་ཨ་མོ་བྷ་བྷྱ་ཛེ་
ཧཱུྃ། ཨོཾ་ཨ་མོ་གྷ་རཱ་ཛ་པད་མ་ནཱ་བྷེ། ས་ར་ས་ར་ས་མན་ཏ་བྷུ་ཛྭེ་སྭཱ་ཧཱ། ཨོཾ་རུ་ཏྲ་རུ་ཊི་མི་ལི་མི་ལི་སྭཱ་ཧཱ། ཨོཾ་ཤག་ཏི་དྷ་རེ་ཨ་མོ་གྷ་བ་ཏི་སྭཱ་ཧཱ། ཨོཾ་ས་ཧ་སྲ་ཀ་ར་འཎི་ཧཱུྃ་རུ་ཧི་སྭཱ་ཧཱ། ཨོཾ་སོ་མ་བྲ་ཧཱུྃ། དེ་བཞིན་ཕྱག་རྒྱ་གསང་
སྔགས་གསུངས་པ་ཡང་། །ཕྱག་རྒྱ་ཐ་དད་གསང་སྔགས་ཐ་དད་སྒྲུབ། །གསང་སྔགས་འཆང་གིས་ཅི་སྐད་གསུངས་པའི་ལས། །རྟག་ཏུ་ཀུན་བགྱིད་མདོར་ན་ཐམས་ཅད་བགྱིད། །གཙང་མ་སྤྱོད་པ་གཙང་མ་དག །ལེགས་བཀྲུས་གཙང་
མའི་གོས་བགོས་ནས། །དྲི་ཞིམ་དྲི་ཡིས་དཔུང་པ་དང་། །ལག་པ་ཡན་ལག་བྱུགས་ནས་སུ། །ཕྱག་རྒྱ་ལན་རེ་བཅིངས་པ་ན། །གསང་སྔགས་ལན་རེ་བཟླས་པར་བགྱི། །ཕྱག་རྒྱ་དག་ནི་བཅིངས་པ་དང་། །གསང་སྔགས་བཟླས་པའི་མོད་ལ་
ནི། །བརྒྱ་སྟོང་ཕྲག་ནི་འབུམ་ཕྲག་འབུམ། །ཕྱག་རྒྱ་དག་ནི་བཅིངས་པར་འགྱུར། །ཕྱག་རྒྱ་བཅིངས་པ་བགྱིས་པ་ན། །བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ལུང་བསྟན་
པ་དང་། བྱིན་གྱིས་བརླབས་པར་འགྱུར་རོ། །ལྷ་ཐམས་ཅད་ཀྱིས་ལེགས་པར་བསྲུང་བར་འགྱུར་རོ། །འཇིག་རྟེན་ཐམས་ཅད་ཀྱི་མཆོད་གནས་གཅིག་པུར་འགྱུར་རོ། །འཇིག་རྟེན་ཐམས་ཅད་ཀྱི་བླ་མ་གཅིག་པུར་འགྱུར་རོ། །དཀྱིལ་འཁོར་གྱི་ཕྱག་
རྒྱའི་ཆོ་ག་རིམ་པར་ཕྱེ་བ་དམ་ཚིག་ཐམས་ཅད་ལ་ཞུགས་པར་འགྱུར་རོ། །ཚེ་དཔག་ཏུ་མ་མཆིས་པར་འགྱུར་རོ། །དོན་ཡོད་པའི་རིག་སྔགས་འགྲུབ་པར་འགྱུར་རོ། །ཚིག་བཙན་པར་འགྱུར་རོ། །དྲན་པ་དང་བློ་གྲོས་བག་ཚ་བ་མ་མཆིས་པར་འགྱུར་རོ། །

99-1-27b

བློ་གྲོས་ཐོགས་པ་མ་མཆིས་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པ་མཛད་པ་རྟག་ཏུ་ལྟ་འཚལ་བར་འགྱུར་རོ། །རྟག་ཏུ་དམ་པ་སྩོལ་བར་འགྱུར་རོ། །རྟག་ཏུ་དགྲ་དང་ཕས་ཀྱི་རྒོལ་བ་དང་། མི་འཛའ་བ་
དང་གདུག་པ་དང་། རབ་ཏུ་གདུག་པ་ཐམས་ཅད་ཕམ་པར་བགྱིས་པར་འགྱུར་རོ། །རྟག་ཏུ་ཐམས་ཅད་དུ་རྒྱལ་བར་འགྱུར་རོ། །གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། བགེགས་དང་། ལོག་འདྲེན་དང་། ལྷ་མ་ཡིན་དང་། ཀླུ་ཐམས་ཅད་མཐོང་
བར་འགྱུར་རོ། །འཕགས་པ་ཆེན་པོ་ཐམས་ཅད་ལ་བག་ཚ་བ་མ་མཆིས་པར་འགྱུར་རོ། །རྒྱལ་པོ་དང་། བློན་པོ་དང་། བཙུན་མོའི་འཁོར་དང་བཅས་པ་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །ཐམས་ཅད་གཙོ་བོ་གཅིག་པུར་འགྱུར་རོ། །
ཐམས་ཅད་བླ་མའི་གནས་གཅིག་པུར་འགྱུར་རོ། །ཚེ་རིང་བར་འགྱུར་རོ། །ནད་ཐམས་ཅད་ལས་ཐར་བར་འགྱུར་རོ། །སྐྱོན་གྱི་དྲི་མ་དང་། སེར་སྣ་དང་། ཕྲག་དོག་ཐམས་ཅད་དང་བྲལ་བར་འགྱུར་རོ། །ལེགས་པར་དྲན་ཞིང་ལུས་ཤིན་ཏུ་ཡོངས་སུ་དག་
པར་འགྱུར་རོ། །འཆི་བའི་དུས་ཀྱི་མོད་ལ་དེ་བཞིན་གཤེགས་པ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མཐོང་བར་འགྱུར་ཞིང་། དེ་དག་ཐམས་ཅད་ཀྱིས་དབུགས་འབྱིན་པར་འགྱུར་ཏེ། རིགས་ཀྱི་བུ་ཁྱོད་འཇིག་རྟེན་
གྱི་ཁམས་བདེ་བ་ཅན་དུ་སོང་ཤིག་ཅེས་ཤིན་ཏུ་དྲན་པ་ཉེ་བར་གཞག་ནས་དུས་བགྱིད་པར་འགྱུར་རོ། །དམྱལ་བའི་སྒོ་ཐམས་ཅད་བཅད་པར་འགྱུར་རོ། །ངན་སོང་གི་འགྲོ་བ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །འདི་ནས་མ་
འོངས་པའི་མངལ་དུ་སྐྱེ་བར་མི་འགྱུར་རོ། །སྐྱེ་བ་ན་རྟག་ཏུ་སྐྱེ་བ་དྲན་པར་འགྱུར་རོ། །ཐམས་ཅད་དུ་པད་མ་ལས་རྫུས་ཏེ་སྐྱེ་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་སངས་རྒྱས་ཀྱི་ཞིང་ནས་སངས་རྒྱས་ཀྱི་
ཞིང་དུ་མཆི་བར་འགྱུར་རོ། །དེ་ནས་འཇིག་རྟེན་དབང་ཕྱུག་སྤྲུལ་པ་ཡི། །ཕྱག་རྒྱའི་རྟགས་ནི་བརྗོད་པར་བགྱི། །ཁྲུ་གང་ཁོ་ནའི་ཚད་དག་གིས། །དཀྱིལ་འཁོར་ལྷམ་པ་བྲི་བར་བགྱི། །གང་ཞིག་མཐོང་བའི་མོད་ཙམ་གྱིས། །

99-1-28a

དགའ་བ་དང་ནི་མགུ་བར་འགྱུར། །སྡིག་པ་ཀུན་ལས་གྲོལ་བ་དང་། །དེ་ཉིད་དག་ནི་གྲུབ་པར་འགྱུར། །རྒྱུན་དུ་གང་གིས་གོ་ཆ་ཡིས། །རྟག་ཏུ་གོ་ཅ་བགོས་པར་འགྱུར། །གོ་ཆའི་གོ་ནི་འབར་བ་དང་། །མཛེས་པ་རྟག་ཏུ་སྩོལ་བར་
འགྱུར། །ཆོ་ག་ཞིབ་མོ་ལེགས་གྲུབ་སྟེ། །གསང་སྔགས་བླ་མེད་ཐམས་ཅད་འགྲུབ། །ཕྱག་རྒྱའི་དཀྱིལ་འཁོར་བྲིས་ཙམ་གྱིས། །གནོད་སྦྱིན་སྲིན་པོ་འབྱེར་བར་འགྱུར། །མཐོང་བ་ཙམ་གྱིས་གདོན་ཀུན་དག །འཇིག་པར་འགྱུར་ཏེ་
སོམ་ཉི་མེད། །གནོད་པ་ཀུན་ལས་གྲོལ་འགྱུར་ཏེ། །ནད་ཀུན་ལས་ཀྱང་དེ་བཞིན་ནོ། །ཕ་རོལ་དཔུང་ངམ་རང་དཔུང་ངམ། །མི་ཐུབ་པ་ཡི་དགྲ་ཀུན་ལས། །རྟག་ཏུ་ལེགས་པར་རྒྱལ་བར་བགྱིད། །རྟག་ཏུ་གདོན་ལས་བསྲུང་བ་དང་། །དུས་ཀུན་
ཏུ་ཡང་འགྲུབ་པར་འགྱུར། །རིག་སྔགས་འཆང་རྣམས་བདེ་བགྱི་ཕྱིར། །དེ་ཉིད་དམ་པ་འགྲུབ་འགྱུར་ཞིང་། །འཕགས་པ་སྤྱན་རས་གཟིགས་དབང་གི། ཕྱག་རྒྱའི་མཚན་མ་མཚོན་ཆ་དག །དགོས་པ་ཀུན་གྱི་རྗེས་མཐུན་པར། །གང་དང་གང་དུ་
བཀོད་པ་དག །དེ་དང་དེར་ནི་ཕྱག་རྒྱར་འགྱུར། །པད་མ་ཁ་ཕྱེ་ཞེས་བགྱི་བའི། །པད་མ་འདབ་མས་མཛེས་པ་དང་། །ཀུན་ནས་འཁོར་བར་འབར་བའི་ཕྲེང་། །རྣམ་པར་རྟོག་པ་མེད་པར་བགྱི། །ཕྱག་རྒྱ་འདི་ཀུན་སྲོག་ལས་བྱུང་། །འདི་དག་
ཐམས་ཅད་འབྲས་བུ་སྩོལ། །རྡོ་རྗེ་རྩེ་གསུམ་རྡོ་རྗེའི་མདའ། །དཀྱིལ་འཁོར་པད་མ་རྡོ་རྗེ་དང་། །པད་མའི་ཕྲེང་བ་རྡོ་རྗེའི་མཚན། །པད་མ་རབ་གནས་པད་མ་གཉིས། །རྟག་ཏུ་པད་མ་ལེགས་པར་བགྱིད། །པད་མའི་ཁུ་ཚུར་དེ་བཞིན་དུ། །པད་མའི་
མཛུབ་མོ་པད་མ་འགྱིངས། །པད་མའི་ལྕགས་ཀྱུ་ཐལ་མོ་སྦྱར། །པད་མའི་ལྕགས་སྒྲོག་པད་མའི་གསེབ། །རྟག་ཏུ་པད་མ་སེམས་དཔའ་དང་། །ནོར་བུ་པད་མ་རྡོ་རྗེར་གསུངས། །དོན་ཡོད་པད་མ་དེ་བཞིན་དུ། །པད་མའི་རལ་གྲི་པད་མའི་དྲིལ། །
རྩེ་གསུམ་ཞེས་བགྱི་གཏུན་ཤིང་འཆང་། །ནོར་བུ་དབྱུག་པ་མེ་ཏོག་དབྱུག །དེ་བཞིན་ཞགས་པ་བདུན་འཛིན་དང་། །ཆུ་སྲིན་འཛིན་དུང་འཁོར་ལོ་ཕྱེད། །བཱི་ཛ་པཱུར་རྟག་ཏུ་སེའུ། །ཟླ་འཛིན་ཉི་མ་འཛིན་པ་དང་། །ཐོད་པ་འཛིན་དང་ཚེམས་ཤིང་དང་། །མེ་ཏོག་

99-1-28b

ཕུར་མ་བགྲང་ཕྲེང་དང་། །རྡོ་རྗེ་རྩེ་ལྔ་དོན་ཡོད་ཞགས། །དོན་ཡོད་གྲུབ་པ་དེ་དག་སྟེ། །ཐམས་ཅད་པད་མའི་སྟེང་དུ་དགོད། །ལག་པའི་ཕྱག་རྒྱ་འདི་བྲི་བ། །གང་དང་གང་དུ་དགོད་པ་ནི། །ལག་པའི་ཕྱག་རྒྱ་བཞི་བཅུ་ཐམ། །འདི་དག་ཀྱང་ནི་བྲི་བར་
བགྱི། །ཀུན་ནས་ཀྱང་ནི་འབར་བར་བགྱི། །ནོར་བུའི་རྒྱན་གྱིས་ཀླུབ་པར་བགྱི། །དཀྱིལ་འཁོར་ལྡན་པའི་རས་སམ་ནི། །ར་བའམ་རྩིག་པར་བགྱིས་པའམ། །ཅི་ཡང་རུང་བ་དེ་དག་སྟེ། །དེ་དག་མཐོང་བ་ཙམ་གྱིས་སམ། །མཐོང་བ་ཙམ་
གྱི་མོད་ལ་ནི། །རྟག་ཏུ་སྡིག་པ་ཐམས་ཅད་སྤོང་། །མནར་མེད་གནས་སུ་གཏོགས་པ་དང་། །མཚམས་མེད་པ་ནི་ལྔ་ཉིད་དེ། །ཐམས་ཅད་སྐད་ཅིག་ཙམ་གྱིས་འབྱང་། །སེམས་ཅན་དག་པ་དྲན་བགྱིད་ན། །ཕྱིར་མི་ལྡོག་པ་ཉིད་དུ་འགྱུར། །
སེམས་དཔའ་ས་བཅུ་རབ་ཏུ་གནས། །འདི་ནི་ཕྱིར་མི་ལྡོག་པའི་གནས། །གང་ལགས་དཀྱིལ་འཁོར་མཐོང་བ་ནི། །སྤྱན་རས་གཟིགས་དབང་མཆོག་སྦྱིན་ནི། །རྒྱུན་དུ་སྤྱི་བོ་ལག་ན་ཐོགས། །གང་གིས་ཕྱག་རྒྱ་འདི་མཐོང་བ། །རྒྱུན་དུ་
མཆོག་སྦྱིན་འཇིག་རྟེན་དབང་། །རྟག་ཏུ་མངོན་སུམ་མཐོང་བ་ཡི། །དེ་དང་མཚུངས་ཏེ་ཁྱད་པར་འཕགས། །གསང་སྔགས་སུམ་བཅུ་རྩ་ལྔའི་ཚིག །རྟག་ཏུ་དྲན་བགྱིད་ཐམས་ཅད་འགྲུབ། །དེ་ནི་དུས་རྣམས་ཀུན་ཏུ་ཡང་། །
ངན་འགྲོར་མཆི་བར་མི་འགྱུར་རོ། །རྣམ་གྲོལ་དཀྱིལ་འཁོར་རབ་མྱུར་བར། །མྱུར་དུ་སངས་རྒྱས་ཉིད་ཐོབ་འགྱུར། །འོད་དཔག་མེད་ཀྱི་སྲས་པོ་ཡི། །མཐུ་བོར་འགྱུར་བ་སོམ་ཉི་མེད། །འཇིག་རྟེན་མགོན་གྱི་ཐུགས་ཞལ་
ནས། །སྐྱེས་སྲས་རྟག་ཏུ་ཐུ་བོར་འགྱུར། །འདྲེན་པས་འདི་ནི་ཆོས་ཉིད་དང་། །ཆོས་ལས་སྐྱེས་པར་ལུང་སྟོན་འགྱུར། །གང་གཱའི་ས་ཡ་བྱེ་བ་བརྒྱད་སྟོང་དང་། མཉམ་པའི་བྱེ་མ་སྙེད་ཀྱི་དེ་བཞིན་གཤེགས་པ་དགྲ་བཅོམ་པ་
ཡང་དག་པར་རྫོགས་པའི་སངས་རྒྱས་རྣམས་ལ་དགེ་བའི་རྩ་བ་བསྐྱེད་པར་འགྱུར་རོ། །ཚད་མེད་གྲངས་མེད་དཔག་ཏུ་མེད་པའི་བསོད་ནམས་ཀྱི་ཕུང་པོ་འཐོབ་པར་འགྱུར་རོ། །གང་གིས་སུག་པར་ཕྱག་རྒྱ་དང་གསང་སྔགས་ཀྱི་ཚིག་

99-1-29a

འདི་མཆིས་པར་གྱུར་ན། ཕྱག་རྒྱ་འདི་ལས་འདི་ལྟ་བུའི་ཕན་ཡོན་མང་ཞིང་ཆེ་བ་མཆིས་པར་སྒྲགས་སོ། །དེ་ལ་གསང་སྔགས་ནི། ཨོཾ་ཨ་མོ་གྷ་མན་ཛ་ལི་མི་ལི་ཙི་ལི་ཧཱུྃ། ཨོཾ་ཨ་ཤྭཱ་ས་ཡཀྵ་ཎ་བི་ག་ཏེ་ཧཱུྃ། ཨོཾ་ཨ་བྷ་
ཡ་བ་ར་དེ་ཌི་ཧཱུྃ། ཨོཾ་སརྦ་ཏ་ཐཱ་ག་ཏ། ཨ་དྷི་ཏེ་དྷི་རི་དྷི་རི་ཧཱུྃ། ཨོཾ་པད་མ་ཧྲྀ་ད་ཡ་མཱུ་ཧཱུྃ། ཨོཾ་བི་ས་ར་བི་ས་ར་སརྦ་མཱ་ལཱན་ཏ་རཱ་ཛཱ་ཡ་ཧཱུྃ། ཨོཾ་བཛྲིམྦྷ་ཧུ་རུ་ཧུ་རུ་ཧཱུྃ། ཨོཾ་ཨྃ་ཀུ་ཤ་ཨ་མོ་གྷ་ཨཱ་ཀ་རི་ཤ་ཡ་ཧཱུྃ། ཨོཾ་ཀ་བ་ཙ་ཡ་ཏུ་རུ་ཏུ་རུ་
ཧཱུྃ། ཨོཾ་ཨ་མོ་གྷ་ཤྃ་ཀ་ལི་མི་ལི་ཧཱུྃ། ཨོཾ་ཨ་མོ་གྷ་ཙ་ནི་ཏཱ་མ་ནི་ཏུ་རི་ཏུ་རི་ཧཱུྃ། ཨོཾ་ཨ་མོ་གྷ་མཱ་ནི་ཙི་ལི་ཙི་ལི་ཧཱུྃ། ཨོཾ་བཛྲ་ཏུ་ཊི་ཙི་ལི་ཧཱུྃ། ཨོཾ་ཨ་མོ་གྷ་ཧྲྀ་ད་ཡ་ཙ་ར་ཙ་ར་ཤུད་དྷ་ས་ཏྭ་ཧཱུྃ། ཨོཾ་གྷོ་ཤ་བ་ཏི་ཙི་ཊི་ཙི་ཊི་ཧཱུྃ། ཨོཾ་བིད་དྱ་
ཁད་ག་ཙིནྡ་ཡ་ཤ་ཏྲུན་ཧཱུྃ། ཨོཾ་ཏྲི་མ་ལ་པ་རི་ཤུད་དྷེ་བྷི་ཊི་བྷི་ཊི་ཧཱུྃ། ཨོཾ་སུ་རུ་སུ་རུ་ཧཱུྃ། ཨོཾ་མ་ཎི་མ་ཎི་ཧཱུྃ། ཨོཾ་པུཥྤ་བ་ཏི་ཛ་ཡེ་ཧཱུྃ། ཨོཾ་བོ་དྷི་ཙིཏ་ཏ་པཱ་ཤ་དྷ་ར་དྷ་ར་ཧཱུྃ། ཨོཾ་པད་མ་པཱ་ཤ་བི་ཤུད་དྷེ་ཧཱུྃ། ཨོཾ་བཛྲེ་པཱ་ཤེ་བྷ་བ་ཏུ་མུ་རུ་མུ་རུ་ཧཱུྃ། 
ཨོཾ་ཙིན་དྷ་མ་ཎི་པཱ་ཤ་བི་ར་དེ་ཧཱུྃ། ཨོཾ་ཙཀྲ་པཱ་ཤ་སྭ་ནིར་གྷཱ་ཏ་ཀ་དྷུ་རུ་དྷུ་རུ་ཧཱུྃ། ཨོཾ་ཏྲི་ཤུྰ་ལི་པཱ་ཤ་བི་ལོ་ཀ་ཏཱ་ར་ཡ་ཧཱུྃ། ཨོཾ་ནཱ་ག་པཱ་ཤ་བན་དྷ་ཡ་ཀ་དྷ་ཡ་དུཥྚ་ན་ག་ན་པཱ་ཤ་པ་ཏ་ཡ་ཧཱུྃ། ཨོཾ་ཛྭ་ལོད་བྷ་བ་དྷ་ར་ཡ་ཧཱུྃ། ཨོཾ་ཙན་དྲ་བི་མ་ལེ་བི་ཤོ་དྷ་ཡ་ཨན་
དྷ་ཀ་ར་རཤྨི་བ་རེ་ཧཱུྃ། ཨོཾ་ཤྲཱི་བོ་དྷ་ཡ་ཧཱུྃ། ཨོཾ་བི་ཛ་ཡ་པཱུརྞ་པ་རེ་ཧཱུྃ། ཨོཾ་ཕ་ལོད་བྷ་བཻ་ཏུ་རེ་ཧཱུྃ། ཨོཾ་པཱུརྞ་མན་ཌ་ལེ་ཛ་ཡ་ཧཱུྃ། ཨོཾ་ས་ཧ་སྲ་ར་ཀི་ར་ཎེ་ཧཱུྃ། ཨོཾ་སརྦ་དུཥྚ་ན་པྲ་ཧ་ར་ཤཱ་སཱ་ཡ་ཧཱུྃ། ཨོཾ་མ་ན་བི་ཤོ་དྷ་ཡ་མཱ་ལཱ་བི་མ་ལེ་ཧཱུྃ། ཨོཾ་པུཥྤ་བ་ཏི་
སུ་གན་དྷ་བ་རེ་ཧཱུྃ། ཨོཾ་པཱ་ཤ་ས་ཧ་སྲ་གུ་ནི་ཏེ་ཀྵ་ཎ་ཀྵ་ཎ་ཧཱུྃ། ཨོཾ་བཛྲོད་ཀྵེ་པ་སུ་ཙི་མུ་ཁ་ཙི་ཏི་ཙི་ཏི་ཧཱུྃ། ཨོཾ་ཨ་མོ་གྷ་ཨ་པྲ་ཏི་ཧ་ཏ་པཱ་ཤ་ཧ་སྟེ་ཧཱུྃ། ཨོཾ་སརྦ་དུཥྚ་ཨ་མོ་གྷ་སིད་དྷྱ་སིད་དྷྱ་སཱ་དྷ་ཡ་ཧཱུྃ། ལག་པའི་ཕྱག་རྒྱ་འདི་དག་དང་། །དེ་
བཞིན་གསང་སྔགས་ཕྱག་རྒྱ་དག །ལན་གཅིག་བཟླས་པ་ཙམ་དང་ནི། །ཕྱག་རྒྱ་མཐོང་བ་ཁོ་ནས་ཡང་། །སྡིག་པ་ཐམས་ཅད་མོད་ལ་འཇོམས། །མྱུར་དུ་སངས་རྒྱས་ཉིད་འཐོབ་འགྱུར། །ཆོ་ག་ཞིབ་མོ་མྱུར་དུ་འགྲུབ། །དོན་ཡོད་ཞགས་པ་

99-1-29b

རྣམ་པར་གྲོལ་བ་ཡི། །དཀྱིལ་འཁོར་དམ་པས་འགྲུབ་པར་འགྱུར། །དེ་ལ་མཚོན་ཆའི་ཕྱག་རྒྱ་ནི། ནོར་བུ་རིན་པོ་ཆེ་དང་། མེ་ཏོག་དང་། པད་མ་དང་། རྀལ་བ་སྤྱི་བླུགས་དང་། ནོར་བུའི་ཕྲེང་བ་དང་། བགྲང་ཕྲེང་བ་དང་། དུང་དང་འཁོར་ལོ་དང་། དབྱུག་ཏོ་དང་། 
མདུང་ཐུང་དང་། རྡོ་རྗེ་དང་། རྩེ་གསུམ་པ་དང་། རྩེ་གསུམ་ཁ་གདེངས་དང་། མཚོན་ཤག་ཏི་དང་། རྡོ་རྗེ་དང་། དགྲ་སྟ་དང་། རྩེ་གསུམ་པ་དང་། གཉིས་པ་དང་། ནོར་བུ་དང་། མཚོན་ཤུ་ལི་དང་། ལས་ཀྱི་རྡོ་རྗེ་དང་། ཡིད་བཞིན་ནོར་བུ་དང་། མཚོན་ཆ་དང་། བེ་ཆོན་
དང་དབྱུག་པ་དང་། དབང་ཕྱུག་ཆེན་པོའི་རྩེ་གསུམ་དང་། རལ་གྲི་དང་། ཞགས་པ་དང་། ལྕགས་ཀྱུ་དང་། སྦྲུལ་དང་། ལྗོན་ཤིང་དང་། བྱི་རུ་དང་། དགྲ་སྟ་དང་། འཁོར་ལོ་དང་། དགྲ་སྟ་ཡ་བ་སྦོམ་པོ་ཅན་དང་། ལག་པ་དང་། གཙུག་ཕུད་དང་། ནོར་བུ་སྒྲོན་མ་དང་། 
འོད་དང་། འོད་ཟེར་དང་། གཏུན་ཤིང་དང་། འཕྱུང་མོ་མྱུག་པ་དང་། དགྲ་སྟ་དང་། སྣོད་ཟླུམ་པོ་དང་། བུམ་པ་དང་། བྲག་དང་རི་དང་། ལྷུན་པོ་དང་། སྦྲུལ་འཁྱིལ་པ་དང་། གདུགས་དང་། རྒྱལ་མཚན་དང་། ཆུ་སྲིན་དང་། ཉ་དང་། རུ་སྦལ་དང་། གཡུང་དྲུང་འཁྱིལ་པ་དང་། 
རིག་སྔགས་ཀྱི་དཀྱིལ་འཁོར་དང་། རིག་སྔགས་དང་། ཕྱག་རྒྱ་དང་། རྩེ་གསུམ་དང་། དཀྱིལ་འཁོར་དང་། རལ་གྲི་དང་། གྲི་དང་། པད་མའི་ཕྲེང་བ་དང་། རྩེ་གསུམ་དང་། མུ་སུན་དི་དང་། མཚོན་རྩེ་གཅིག་པ་དང་། ཕྱག་རྒྱ་བཞི་པ་དང་། མཆེ་བ་བཞི་དང་། ཟླུམ་
པོ་དང་། དུང་དང་། འཁོར་ལོ་དང་། རྡོ་རྗེ་དང་། རྩེ་གསུམ་དང་། དུང་དང་། ནོར་བུའི་དུང་དང་། པད་མའི་དུང་དང་། ཨུ་དྷ་དང་། གོས་དང་། སེང་གེའི་གདོང་དང་། ཤང་ཤང་ཏེའུ་དང་། ཀ་ལ་པིང་ཀ་དང་། ངང་པ་དང་། བཞད་དང་། ཁྲུང་ཁྲུང་དང་། རྨ་བྱ་དང་། གཤིན་རྗེའི་དབྱུག་
པ་དང་། གདོང་བཞྀ་པ་དང་། དཀྱིལ་འཁོར་བཞི་དང་། རྩེ་གསུམ་དང་། བུམ་པ་གང་བ་དང་། ཟླ་ཕྱེད་དང་། ཉྀ་མའི་དཀྱིལ་འཁོར་དང་། པད་མ་བཞི་དང་། པད་མ་གསུམ་དང་། རྒྱ་མཚོ་དང་། མེ་ཏོག་དང་། ཕུར་མ་དང་། གླེགས་བམ་དང་། རི་དགས་ཀྱི་གཡང་
གཞི་དང་། རྡོ་རྗེ་ལྕགས་སྒྲོག་དང་། རྟ་བབས་དང་། ལྷུང་བཟེད་དང་། ཆོས་གོས་དང་། མཁར་བསིལ་དང་། སོ་མངས་དང་། ཁ་ཁྱེར་དང་། སྐ་རགས་དང་། གཙུག་ཕུད་དང་། མཆོད་ཕྱིར་ཐོགས་དང་། ཕྲེང་བ་ཆེན་པོ་དང་། གྲུ་གསུམ་དང་། ཀུན་ནས་རྡོ་རྗེ་སྡེ་དང་། ཕྱག་རྒྱ་

99-1-30a

མཚོན་ཆ་འདི་དག་ནི། །འཇིག་རྟེན་འདྲེན་པས་གསུངས་པ་བཞིན། །རྣམ་གྲོལ་དཀྱིལ་འཁོར་གསང་བ་འདི། །དོན་ཡོད་ཞགས་པའི་ཆོ་གར་དྲན། །རས་སམ་གོས་སམ་བརྩིག་པ་འམ། །ཅི་ཡང་རུང་བ་འདྲི་བགྱིད་པས། །
དོགས་མེད་ལེགས་གསལ་ལེགས་འབྱོར་པས། །མཚོན་གསལ་ཀུན་དུ་པད་མར་གཞག །ཕྱག་རྒྱ་ཀུན་ནས་འབར་བར་བགྱི། །ཐམས་ཅད་སྲོག་ལས་བྱུང་བས་ན། །དོན་དང་ལས་རྣམས་ཀུན་སྩོལ་ཅིང་། །ཕྱག་རྒྱ་མོད་ལ་སྡིག་
པ་འཕྲོག །དེ་ནི་མོད་ལ་འབྲས་བུ་སྟེར། །འདྲེན་པ་འཇིག་རྟེན་དབང་ཕྱུག་ཀུན། །ཕྱག་རྒྱ་འདི་ནི་བྱིན་གྱིས་བརླབས། །སངས་རྒྱས་ཀུན་དང་ཤཱཀྱ་ཡི། །རྒྱལ་པོ་དེ་བཞིན་གཤེགས་པས་བརླབ། །དེ་ལྟ་བས་ན་མཁས་པས་སུ། །
རྟག་ཏུ་ཀུན་ནས་མཚོན་བཅངས་ན། །སངས་རྒྱས་རྣམས་ནི་དགྱེས་འགྱུར་ཏེ། །སྲས་ཀྱི་ཐུ་བོར་སོམ་ཉི་མེད། །ཕྱག་རྒྱ་རིམ་བྱེད་དམ་པ་འཆང་བ་གང་། །འཇིག་རྟེན་མགོན་པོའི་སྲས་ཀྱི་ཐུ་བོར་འགྱུར། །དོན་ཡོད་ཞགས་པའི་སྙིང་པོ་གསང་བ་
ཡི། །རྣམ་པར་གྲོལ་བའི་སྙིང་པོ་བླ་ན་མེད། །ཕྱག་རྒྱ་དང་ནི་གསང་སྔགས་དམ་པ་དག །འདི་འཆང་བ་ལ་མྱུར་དུ་འགྲུབ་པར་འགྱུར། །དེ་ནས་དོན་ཡོད་པ་ལས་ཐམས་ཅད་པ་དང་། རྗེས་སུ་མཐུན་པའི་ཞགས་པ་བདུན་བཤད་པར་བགྱི་སྟེ། 
དེ་ཉིད་གྲུབ་པས་ཅི་ལྟ་བུའི། །ཆོ་གའི་ཆོ་ག་བསྒྲུབ་པ་བཞིན། །སོ་སོ་སོ་སོར་འཚམ་པ་ཡི། །དེ་དག་ཀུན་ནི་རྟོགས་པར་བགྱི། །དེ་ཉིད་གྲུབ་པའི་ཅི་ལྟ་བུའི། །མཚན་ཉིད་གཟུགས་ནི་ཅི་བཞིན་པ། །དེ་ཉིད་བསྒྲུབ་པས་ཞགས་པ་ནི། །
སྐུད་པ་ལྔ་ལས་འགྲུབ་འགྱུར་ཏེ། །གསང་སྔགས་འཛིན་པས་མོད་ལ་ནི། །འགྲུབ་པར་འགྱུར་ལ་སོམ་ཉི་མེད། །རས་སྐུད་པད་མའི་སྐུད་པ་དང་། །ཨརྒ་ཁ་ཆེ་དར་དག་གིས། །སྐུད་པ་ཤུན་པའི་སྐུད་པ་སྟེ། །སྐུད་པ་འདི་དག་བཀལ་ནས་དེ་ཁོ་ན་
ཉིད་ཀྱི་ཆོ་ག་དང་ཆོ་ག་ཞིབ་མོ་བསྒྲུབ་པས་ཞགས་པ་རས་སྐུད་ཀྱི་རྒྱུ་ལས་བླངས་ཏེ། ཚད་བཞིན་བཀལ་ནས་རྟག་ཏུ་སྨྱུང་བ་བགྱིས་ལ་ལེགས་པར་བཀྲུས་པ། གོས་གཙང་མ་ཅན་ཚངས་པར་སྤྱོད་པས་ཟས་དཀར་གསུམ་འཚལ་ནས་གནས་

99-1-30b

གཙང་མའི་ཕྱོགས་སུ་དོན་ཡོད་པའི་ཞགས་པའི་སྙིང་པོ་མདོར་ན་བྱམས་པའི་སེམས་དང་ལྡན་པས་དྲན་པར་བགྱིའོ། །དེ་ནས་ཤིན་དུ་མཉམ་པར་གཞག་པས་བརྒྱད་བསྒྲིལ་དུ་བཀལ་ཏེ། དོན་ཡོད་རྒྱལ་པོས་ཐལ་མོ་སྦྱར་བས་པད་མ་ཁ་ཕྱེ་བ་ཐོགས་པ་
རལ་པའི་ཐོར་ཚུགས་ཀྱིས་བཞུགས་པ། རྒྱན་ཐམས་ཅད་ཀྱིས་ཀླུབས་པའི་ལུས་ཕྱེད་པ་སོར་བཞི་པའི་ཚད་བགྱིའོ། །བགྱིས་ནས་གཟུགས་རྣམ་པ་གསུམ་དུ་བགྱིས་ཏེ། དེས་པའི་གཟུགས་དང་། ཁྲོ་གཉེར་གྱི་བཞིན་དང་། ཁྲོ་བོའི་རྒྱལ་པོའི་
གཟུགས་ཏེ། དངུལ་ལམ་གསེར་ལས་བགྱིའོ། །དེ་ནས་ཞགས་པ་སྲིད་ཀྱི་ཚད་ཁྲུ་བཅུ་དྲུག་པ་ཞགས་པའི་ཐོར་ཏོ་གཅིག་རྡོ་རྗེ་རྩེ་གསུམ་པ་དང་། སྐྱུ་རུ་ར་ལྷན་ཅིག་སྦྲེལ་བ་གདགས་པར་བགྱིའོ། །དེ་ནས་རིག་སྔགས་འཆང་གིས་ཡར་གྱི་
ངོའི་ཚེས་བཅྭ་ལྔ་འམ་ཚེས་བརྒྱད་ལ་ལེགས་པར་བཀྲུས་ཏེ་གོས་གཙང་མ་བགོས་ནས་ཞག་གཅིག་མཆིས་ཏེ། སྐྱིལ་མོ་དཀྲུང་བཅས་ནས་སངས་རྒྱས་ལ་མཆོད་པ་རྣམ་པ་སྣ་ཚོགས་བགྱིས་ཏེ། ཚིག་གཞན་མི་སྨྲ་བར་ཞགས་པ་ལ་
ལན་སྟོང་རྩ་བརྒྱད་བཟླས་བརྗོད་བགྱིའོ། །དེ་ནས་སྟོང་རྩ་བརྒྱད་ཚང་བ་དང་། སྟན་བཟང་པོ་བཤམས་ནས། དེའི་སྟེང་དུ་ཞགས་པ་བཞག་པར་བགྱིའོ། །དོན་ཡོད་པའི་ཞགས་པའི་ཕྱག་རྒྱས་དབང་བསྐུར་བར་བགྱིའོ། །མེ་ཏོག་དང་བདུག་པ་དང་དྲི་དང་
ཕྲེང་བ་དང་། བྱུག་པ་དང་། ཕྱེ་མ་དང་བ་དན་བཟང་པོ་ལ་སོགས་པས་མཆོད་པར་བགྱིའོ། །ཨ་ག་རུ་དང་ཙན་དན་དང་། དུ་རུ་ཀའི་བདུག་པ་དབུལ་བར་བགྱིའོ། །མར་མེ་ཡང་དབུལ་བར་བགྱིའོ། །དེ་ནས་རིག་སྔགས་འཆང་གིས་ཡུངས་དཀར་
ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། ཞགས་པའི་སྟེང་དུ་གཏོར་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་ཡང་ཅི་འབྱོར་བས་མཆོད་པར་བགྱིའོ། །དེ་ནས་རིག་སྔགས་འཆང་གིས་ཞགས་པ་
དེའི་མདུན་དུ་སྐྱིལ་མོ་དཀྲུང་བཅས་ཏེ། མ་ཁྲུགས་པས་གདུགས་རྩེའི་བར་དུ་མཆོད་པ་བགྱིས་ནས་བཟླས་བརྗོད་བགྱིའོ། །ཡུངས་དཀར་རེ་རེ་ལ་བཟླས་བརྗོད་རེ་རེ་བགྱིས་ཏེ། ཞགས་པའི་སྟེང་དུ་གཏོར་ཞིང་སྟོང་རྩ་བརྒྱད་ཚང་གི་བར་དུ་

99-1-31a

གདུགས་རེ་རེ་མཆིས་པར་བགྱི་སྟེ། རྔོ་ཅི་ཐོག་པས་གདུགས་རྩེའི་བར་དུ་བཟླས་བརྗོད་བགྱིའོ། །མཆོད་པ་བགྱིའོ། །ཁ་ཟས་ངན་པ་སྤང་བར་བགྱིའོ། །ལྷག་མ་དང་སྦགས་པ་སྤང་བར་བགྱིའོ། །གོས་གཙང་མ་བགོ་བར་བགྱིའོ། །སྟོང་རྩ་བརྒྱད་ཚང་ནས་
ཞགས་པ་འབར་བར་འགྱུར་ཏེ། གལ་ཏེ་འཇིག་རྟེན་པའི་གྲུབ་ན་ནི་མེའི་ཁ་དོག་ཏུ་འབར་བར་འགྱུར་རོ། །གལ་ཏེ་འཇིག་རྟེན་ལས་འདས་པ་གྲུབ་ན་ནི། ཁ་དོག་སྣ་ཚོགས་འབར་བར་འགྱུར་རོ། །དོན་ཡོད་པའི་ལུས་དེ་ཡང་འབར་བར་འགྱུར་རོ། །སྒྲ་འབྱུང་
བར་འགྱུར་ཏེ། རིག་སྔགས་འཆང་ལེགས་སོ་ལེགས་སོ། །ཁྱོད་ཀྱིས་འཇིག་རྟེན་ལས་འདས་པའི་བྱང་ཆུབ་ཀྱི་སེམས་ཀྱི་ཞགས་པ་འདི་འགྲུབ་ཀྱིས། ཁྱོད་ཀྱིས་བྱང་ཆུབ་ཀྱི་སེམས་བླ་ན་མེད་པ་ཁུག་ཅིག །ཕ་རོལ་ཏུ་ཕྱིན་པ་དྲུག་དང་། ཕ་རོལ་ཏུ་
ཕྱིན་པ་བཅུའི་ཁོངས་སུ་གཏོགས་པ་ཡོངས་སུ་རྫོགས་པར་གྱིས་ཤིག །འོན་ཏེ་འཇིག་རྟེན་པ་སྒྲུབ་ན་ནི་ཡིད་བཞིན་གྱི་ནོར་བུས་བསམས་པ་ཅི་ལྟ་བ་བཞིན་དུ་ཡོངས་སུ་རྫོགས་པར་འགྱུར་རོ། །ཅི་ལྟར་ཡིད་ལ་བསམས་ཤིང་སྨོན་པ་བཞིན་ལག་
པས་འཕངས་ན་གསང་སྔགས་ཀྱིས་ཐམས་ཅད་འགྲུབ་པར་བགྱིད་དེ། ཐམས་ཅད་བཀུག་པར་འགྱུར་རོ། །ཕྱོགས་གང་དང་གང་དུ་འཕངས་པ་དེ་ལོགས་སུ་དོན་ཡོད་པའི་ཞགས་པའི་སྙིང་པོ་ལེན་བདུན་བཟླས་པར་བགྱིས་ཏེ། མོད་ལ་བསམས་
པ་ཐམས་ཅད་འགྲུབ་པར་འགྱུར་རོ། །གལ་ཏེ་མཚམས་མེད་པ་ལྔ་བགྱིས་པ་འམ་མནར་མེད་པར་མཆི་བ་ཞིག་ན་ཡང་དེའི་ལེགས་པར་འགྲུབ་པར་འགྱུར་ཏེ། དེ་ལ་ཡིད་གཉིས་དང་། སོམ་གཉིས་བསྐྱེད་པར་མི་བགྱིའོ། །ཁྲོ་གཉེར་གྱི་བཞིན་གྱིས་
གང་དུ་འཕངས་ན། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་རྣམས་བཀུག་ནས། རིག་སྔགས་འཆང་གི་མདུན་དུ་མཆི་བར་འགྱུར་ཞིང་། ཅི་སྲིད་འཚོའི་
བར་དུ་བྲན་བཞིན་དུ་མཆིས་པར་འགྱུར་རོ། །རྒྱལ་པོ་དང་བློན་པོ་དང་། བཙུན་མོའི་འཁོར་ཐམས་ཅད་མཆིས་པར་འགྱུར་རོ། །འཇིག་རྟེན་ཐམས་ཅད་ཀྱིས་ཆེར་མཆོད་པར་འགྱུར་རོ། །གང་གི་དོན་དུ་ཞགས་པ་འཕངས་པའི་དོན་དེ་འགྲུབ་པར་འགྱུར་རོ། །

99-1-31b

ཁྲོ་བོའི་རྒྱལ་པོའི་ཞགས་པ་ལ་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་འཕང་བར་བགྱིའོ། །འཕངས་པ་ཙམ་གྱིས་མོད་ལ་བགེགས་དང་ལོག་འདྲེན་དང་། གདུག་པའི་སེམས་ཅན་ཐམས་ཅད་ཞགས་པས་བཅིངས་པར་འགྱུར་རོ། །
གལ་ཏེ་འཚལ་ན་ལོ་འམ། ལོ་བརྒྱ་འམ། ལོ་སྟོང་ངམ། བསྐལ་པ་བརྒྱ་སྟོང་གི་བར་དུ་ཞགས་པས་བཅིངས་པར་འགྱུར་རོ། །ནམ་བྱམས་པ་དང་། སྙིང་རྗེ་བསྐྱེད་ནས། དེའི་ཚེ་དོན་ཡོད་པའི་ཞགས་པའི་སྙིང་པོ་ལན་གསུམ་བཟླས་ན་ཕྱིར་བཀྲོལ་
བར་འགྱུར་རོ། །དཔུང་གི་ནང་དུ་འཕངས་ན་དཔུང་རྣམས་ཞགས་པས་བཅིངས་པར་འགྱུར་རོ། །གཡུལ་འགྱེད་པའི་དབུས་སུ་འཕངས་ན་མཚོན་ཆ་དང་། གོ་མཚོན་དང་། གཞུ་དང་། མདའ་དང་། མདུང་དང་། རལ་གྲི་དང་། གཏུན་ཤིང་དང་། མུ་སིན་དྲི་དང་། 
འཁོར་ལོ་དང་། ཐག་མདུང་དང་། མཚོན་ཐམས་ཅད་དང་། གོ་ཆ་དང་། ཡ་ལད་ཐམས་ཅད་ཞགས་པས་བཅིངས་པར་འགྱུར་རོ། །ཆབ་དང་ཡུངས་དཀར་ལ་ལན་བདུན་བཟླས་བརྗོད་བགྱིས་ཏེ། གཏོར་ན་གྲོལ་བར་འགྱུར་རོ། །ཞགས་པ་ལ་གདུགས་
གཅིག་བཞིན་ཅི་འབྱོར་པས་མཆོད་པར་བགྱིའོ། །གང་གི་དོན་དུ་བསམས་པ་དེ་ཐམས་ཅད་འགྲུབ་པར་འགྱུར་རོ། །དོན་ཡོད་པའི་ཞགས་པ་སྒྲུབ་པའི་ཆོ་གའོ།། །། འོན་ཏེ་མི་སྣང་བ་བསྒྲུབ་པར་འཚལ་ན་དོན་ཡོད་པའི་ཞགས་པའི་ཕྱག་རྒྱ་
ལག་པས་བཅིངས་ཏེ། གཡས་པ་དང་གཡོན་པས་གང་དུ་ཇི་སྐད་གསུངས་པ་བཞིན་ཞགས་པ་གཟུང་ནས་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བགྱིས་ན་མི་གདའ་བར་འགྱུར་རོ། །བརྒྱ་རྩ་
བརྒྱད་ལན་གཉིས་བཟླས་བརྗོད་བགྱིས་ན་ནམ་མཁའ་ལ་མཆི་བར་འགྱུར་རོ། །དོན་ཡོད་པའི་རིག་སྔགས་འཆང་གི་འཁོར་ལོས་སྒྱུར་བར་འགྱུར་རོ། །རིག་སྔགས་འཆང་བརྒྱ་སྟོང་ཕྲག་འབུམ་གྱིས་ཡོངས་སུ་བསྐོར་བར་འགྱུར་རོ། །
ལོ་བྱེ་བར་འཚོ་བར་འགྱུར་རོ། །སྐྲ་ཅུང་ཟད་འཁྱིལ་བར་འགྱུར་རོ། །སྟོབས་དང་། བརྩོན་འགྲུས་ཕ་རོལ་གྱིས་ཟིལ་གྱིས་མི་གནོན་པར་འགྱུར་རོ། །ཆར་པ་འཚལ་བས་མཆོད་པ་བགྱིས་ན་ཅི་ཙམ་གསོལ་བ་བཏབ་པ་བཞིན་འབབ་པར་འགྱུར་རོ། །

99-1-32a

ཧ་ཆང་ཆར་པ་ཆེས་པ་དགག་པའི་སླད་དུ་མཆོད་པ་བགྱིས་ན་ཆར་པ་བཀག་པར་འགྱུར་རོ། །ཡམས་ཀྱི་ནད་དང་། གནོད་པ་དང་། འཚེ་བ་དང་། འཁྲུག་པ་ཐམས་ཅད་དང་། མི་ངས་ཐམས་ཅད་རབ་ཏུ་ཞི་བར་འཚལ་བས་རིག་སྔགས་འཆང་ལེགས་པར་
ཁྲུས་བགྱིས་པ་གཙང་མས་གོས་གཙང་མ་བགོས་ལ་ལག་པས་ཞགས་པ་བླངས་ཏེ། གནས་མཐོན་པོར་མཛེགས་ནས་དོན་ཡོད་པའི་ཞགས་པའི་ཕྱག་རྒྱ་དང་། ཞགས་པ་བཅིངས་ནས་དོན་ཡོད་པའི་ཞགས་པའི་སྙིང་པོ་ཕྱོགས་བཞིར་ལན་བདུན་བཟླས་
ནས་ཞགས་པ་འཕངས་ན་དེ་དག་ཐམས་ཅད་དྲན་པ་ཙམ་གྱིས་འཐབ་པ་དང་། རྩོད་པ་དང་། འགྱེད་པ་དང་། རང་གི་དཔུང་དང་། གཞན་གྱི་དཔུང་ཐམས་ཅད་དང་། ཕས་ཀྱི་རྒོལ་བ་ཐམས་ཅད་དང་། མི་མཛའ་བ་ཐམས་ཅད་རབ་ཏུ་ཞི་བར་འགྱུར་རོ། །འཇིགས་པ་དང་། 
ཡམས་ཀྱི་ནད་དང་། གནོད་པ་ཐམས་ཅད་དང་། མི་ངས་ཆེན་པོ་དང་མུ་གེའི་དགོན་པའི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །ཧ་ཅང་ཆར་ཆེ་བ་དང་། དུས་མ་ལགས་པའི་ཆར་དང་། གྲང་བ་དང་། རླུང་དང་། ཚ་བ་མི་བཟད་པའི་འཇིགས་
པ་ཐམས་ཅད་རབ་ཏུ་ཞི་བར་འགྱུར་རོ། །དཔག་ཚད་བརྒྱ་སྟོང་ཁོར་ཡུག་ཏུ་མཚམས་ཆེན་པོ་བཅིངས་བ་བགྱིས་པར་འགྱུར་རོ། །ཅི་ལྟ་ཅི་ལྟར་ཡིད་ལ་བསམས་པ་དེ་ལྟ་དེ་ལྟར་ཐམས་ཅད་འགྲུབ་པར་འགྱུར་བས། དོན་ཡོད་རྒྱལ་པོ་མཆོད་པར་བགྱི་
ཞིང་བཟླས་བརྗོད་བགྱི་གསོལ་བར་ཡང་བགྱིའོ། །མཆོད་པ་དང་། གསོལ་བ་བགྱིས་པ་ཙམ་གྱི་མོད་ལ་ཐམས་ཅད་ཕུན་སུམ་ཚོགས་པར་འགྱུར་ཏེ། དེ་ལ་ཡིད་གཉིས་དང་སོམ་ཉི་བསྐྱེད་པར་མི་བགྱིའོ། །ཆོ་ག་ཞིབ་མོ་ལས་ཅི་སྐད་གསུངས་པ་
བཞིན་ལས་བགྱིད་པ་རྣམས་ཀྱིས་ཆོ་ག་དེ་བཞིན་དུ་བསྒྲུབ་པར་བགྱིའོ། །དེ་ནས་སྐད་ཅིག་དེའི་མོད་ལ་ཐམས་ཅད་འགྲུབ་པར་འགྱུར་རོ། །བྱམས་པ་དང་སྙིང་རྗེ་དང་དགའ་བ་དང་། བཏང་སྙོམས་བསྒོམ་པར་བགྱིའོ། །སེམས་ཅན་ཐམས་ཅད་ལ་
མཆོག་ཏུ་བརྩེ་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བགྱིའོ། །དཀོན་མཆོག་གསུམ་ལ་གུས་པར་བགྱིའོ། །དེ་བཞིན་གཤེགས་པ་ཐམས་ཅད་ལ་གུས་པ་དང་། བླ་མར་ཡིད་ལ་བསྒོམ་པར་བགྱིའོ། །མི་གཙང་བ་སྤྱོད་པ་

99-1-32b

གཙང་བར་བགྱི་ཞིང་ཡོངས་སུ་དག་པའི་ངང་ཚུལ་ཅན་དུ་བསྒོམ་པར་བགྱིའོ། །དོན་ཡོད་པའི་ཞགས་པ་དེ་ཁོ་ན་ཉིད་ཀྱི་ཆོ་ག་སྒྲུབ་པ་ཡིད་བཞིན་གྱི་ནོར་བུ་བྱང་ཆུབ་དགུག་པར་བགྱིའོ། །དེ་ནས་ཞགས་པའི་འཁོར་ལོའི་ཆོ་ག་སྒྲུབ་པ་བཤད་པར་
བགྱི་སྟེ། རིག་སྔགས་འཆང་དེ་ཁོ་ན་ཉིད་བསྒྲུབ་པས་ཕུག་ཏུ་འཇུག་པའི་བསྒྲུབ་པ་ཐམས་ཅད་ཀྱི་མཆོག་ཕུག་ཏུ་འཇུག་པ་དང་། ལྷ་མ་ཡིན་གྱི་གནས་སུ་འཇུག་པ་དང་། མི་འམ་ཅིའི་གནས་སུ་འཇུག་པ་དང་། དྲི་ཟའི་གནས་སུ་འཇུག་པ་དང་། 
ལྷའི་གནས་སུ་འཇུག་པ་དང་། ནམ་མཁའ་ལ་རྒྱུ་བ་དང་། སུམ་བཅུ་རྩ་གསུམ་པའི་གནས་སུ་འཇུག་པ་དང་། འོག་མིན་གྱི་གནས་ཀྱི་བར་དུ་འཇུག་པ་དང་། ཀླུའི་རྒྱལ་པོའི་གནས་སུ་འཇུག་པ་དང་། ཐང་ལ་རྒྱུ་བ་དང་། ཉི་མའི་གནས་སུ་འཇུག་པ་དང་། 
ཟླ་བའི་གནས་སུ་འཇུག་པ་དང་། སྐར་མ་དང་རྒྱུ་སྐར་གྱི་གནས་སུ་འཇུག་པ་དང་། རི་ལ་རྒྱུ་བ་དང་། འབབ་ཆུ་ཆེན་པོར་འཇུག་པ་སྟེ། ཅི་ལྟ་ཅི་ལྟར་ཡིད་ལ་བསམས་པ་དེ་ལྟ་དེ་ལྟར་འཇིག་རྟེན་པ་དང་། འཇིག་རྟེན་ལས་འདས་པའི་ཞགས་པའི་ཆོ་
གའི་བསྒྲུབ་པ་ཚེགས་ཆུང་ངུ་དང་། རྩོལ་བ་ཆུང་ངུས་འགྲུབ་པར་འགྱུར་རོ། །དེ་ལ་ཡིད་གཉིས་དང་། སོམ་ཉི་བསྐྱེད་པར་མི་བྱའོ། །རིག་སྔགས་འཆང་གཙང་མར་གྱུར་པས་ལེགས་པར་ཁྲུས་བགྱིས་ཏེ། གོས་གཙང་མ་བགོས་ནས་ཟས་དཀར་
གསུམ་འཚལ་བ། གཙང་མ་དེ་ཁོ་ན་ཉིད་ལ་གུས་པས་སངས་རྒྱས་རྗེས་སུ་དྲན་པ་བསྒོམ་པར་བགྱིའོ། །བྱམས་པའི་སེམས་ལ་མཉམ་པར་གཞག་ནས་སྙིང་རྗེའི་བསམ་པ་དག་པའི་ཡིད་ཀྱིས་ཚེས་བཅུ་གསུམ་ནས་བརྩམས་ཏེ། ཟླ་བ་
ཉའི་བར་དུ་གསལ་བ་ཤིན་ཏུ་བཀྲ་ཤིས་པ་ལ་དུས་གསུམ་དུ་ཅི་འབྱོར་པའི་མཆོད་པ་རྣམ་པ་སྣ་ཚོགས་ཀྱིས་མཆོད་པར་བགྱིས་ལ། རྟག་ཏུ་བརྒྱ་རྩ་བརྒྱད་པ་ཡི། །དུས་གསུམ་རྒྱུན་དུ་བཟླས་བརྗོད་བགྱི། །ཉིན་པར་དུས་གསུམ་ལན་གསུམ་སྟེ། །
མཚན་མོའི་དུས་སུ་ལན་གསུམ་བགྱི། །འཁོར་ལོ་ཞགས་པ་བླ་མེད་འདི། །སྐུད་པ་གསུམ་ལས་བསྒྲུབ་བགྱི་སྟེ། །རས་སྐུད་པད་མའི་སྐུད་པ་དང་། །ཨརྒའི་སྐུད་པ་སུམ་འགྱུར་དུ། །དེ་ནི་ལེགས་པར་ཚད་བཞིན་དུ། །ཁྲུ་ནི་སུམ་བཅུ་རྩ་དྲུག་བགྱི། །འཁོར་ལོ་རྣམ་པ་གསུམ་

99-1-33a

ལས་བགྱི། །རྒྱ་ནི་སོར་བཞིའི་ཚད་ལགས་ཏེ། །སྙིང་པོར་བཅས་ཤིང་མུ་ཁྱུད་བཅས། །ཀུན་ནས་རྩིབས་དང་ལྡན་པ་དག །གསེར་དང་དངུལ་དང་ཟངས་ལས་བགྱི། །ཆོས་བསྟན་ལེགས་པར་བརྒྱན་པ་ཡི། །བཟང་པོའི་སྟན་ལ་གཞག་པར་བགྱི། །
སྤོས་ཀྱི་དཀྱིལ་འཁོར་མེ་ཏོག་གི། སིལ་མ་བཀྲམ་ནས་བུམ་པ་དགོད། །དེ་བཞིན་མཆོད་ཡོན་སྣོད་ཀྱང་བཤམ། །རི་མོའི་གཟུགས་ཀྱི་མདུན་དུ་ཆོས་ཀྱི་སྟན་བཤམས་པར་བགྱིས་པའི་སྟེང་དུ་འཁོར་ལོའི་ཞགས་པ་གཞག་པར་བྱ་སྟེ། 
མཆོད་པ་བགྱིས་ལ་བསམས་པ་ཅི་ལྟ་བ་བཞིན་དུ་དུས་གསུམ་དུ་ལན་བརྒྱ་རྩ་བརྒྱད་བཟླས་བརྗོད་བགྱིའོ། །དེ་ནས་ཚེས་བཅྭ་ལྔའི་ཟླ་བ་ཉ་བ་ལ་ཉིན་ཞག་གཅིག་མཆིས་པར་གྱུར་པས། ཚིག་གཞན་མི་སྨྲ་བར་འཕགས་པ་སྤྱན་རས་གཟིགས་
དབང་ཕྱུག་གི་རི་མོའི་གཟུགས་ལ་མཆོད་པ་བགྱི་ཞིང་། བདུག་པ་རྣམ་པ་གསུམ་པོ། ཨ་ག་རུ་དང་ཙན་དན་དང་། གུ་གུལ་རྣམས་འབུལ་བར་བགྱིའོ། །རི་མོའི་གཟུགས་ཀྱི་མདུན་དུ་ཆོས་ཀྱི་སྟན་མཆིས་པ་ལ་མངོན་དུ་ཕྱོགས་ཏེ་མཆིས་ནས། དོན་
ཡོད་པའི་ཞགས་པའི་སྙིང་པོ་སྟོང་རྩ་བརྒྱད་བཟླས་བརྗོད་བགྱིས་ཏེ། ཡུངས་དཀར་རེ་རེ་ལ་བཟླས་བརྗོད་བགྱིས་པས། ཞགས་པའི་སྟེང་དུ་གཏོར་བར་བགྱིའོ། །སྟོང་རྩ་བརྒྱད་ཚང་ནས་ཞགས་པ་འབར་བའི་འཁོར་ལོ་ནམ་མཁའ་ལ་མཆིས་
ནས་འབར་ཞིང་ལྡིང་བར་འགྱུར་རོ། །རིག་སྔགས་འཆང་གི་ལུས་ཀྱི་སྟོད་དང་། སྤྱི་བོ་ནས་འོད་ཟེར་འབྱུང་བར་འགྱུར་རོ། །རི་མོའི་གཟུགས་ལས་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་རོ། །དེ་ནས་རིག་སྔགས་འཆང་གིས་དོན་ཡོད་པའི་ཞགས་པའི་
སྙིང་པོའི་འཁོར་ལོ་ཞགས་པའི་ཆོ་ག་རྒྱ་ཆེན་པོ་འདི་འགྲུབ་པར་འཚལ་བར་བགྱིའོ། །དེ་ནས་རིག་སྔགས་འཆང་གིས་མཆོད་པ་ཆེན་པོ་བགྱིས་ལ། དོན་ཡོད་ཁྲོ་བོའི་རྒྱལ་པོ་ལན་སྟོང་རྩ་བརྒྱད་བཟླས་བརྗོད་བགྱི་སྟེ། དེའི་འོག་ཏུ་རིག་སྔགས་འཆང་
གིས་ཞགས་པ་བླང་བར་བགྱིའོ། །ལག་པ་གཡོན་པ་འཁོར་ལོའི་ཕྱག་རྒྱའི་ཚུལ་དུ་བཅིང་བར་བགྱི་ཞིང་། གཡས་པ་ཞགས་པའི་ཕྱག་རྒྱ་དང་འཁོར་ལོའི་ཚུལ་ལ་བརྟེན་ནས་བླངས་ཏེ། དོན་ཡོད་པའི་ཞགས་པའི་སྙིང་པོ་བརྗོད་ནས་ཕྱོགས་བཞིར་

99-1-33b

འཕང་བར་བགྱིའོ། །དེ་ནས་ཕྱོགས་བཅུར་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱིའོ། །དེ་ནས་བདག་ཉིད་ཀྱི་ལུས་ལ་དབང་བསྐུར་བའི་ཚུལ་དུ་ལན་བདུན་དུ་བསྐོར་བར་བགྱིའོ། །དེ་ནས་ཕྱག་རྒྱའི་ཚུལ་དུ་བསྐོར་བ་ཙམ་གྱིས་རིག་སྔགས་
འཆང་འཁོར་ལོས་བསྒྱུར་བའི་དབང་བསྐུར་བར་འགྱུར་རོ། །དམ་པ་ཆེན་པོ་འགྲུབ་པར་འགྱུར་རོ། །འཁོར་ལོས་བསྒྱུར་བའི་རྒྱལ་པོ་ཆེན་པོ་ལེགས་མཐོང་རང་གི་གཟུགས་ཀྱིས་མདུན་ན་མཆིས་ནས། རིག་སྔགས་འཆང་གི་རྐང་པ་སྤྱི་བོས་
བླངས་ནས་འདི་སྐད་ཅེས་ཀྱང་སྨྲ་བར་འགྱུར་ཏེ། རིག་སྔགས་འཆང་གིས་ཅི་བཀའ་སྩལ་བ་དེ་བགྱིའོ་ཞེས་ཅི་བསྒོ་བའི་དོན་དེ་དང་དེ་ཐམས་ཅད་བགྱིད་པར་འགྱུར་རོ། །བྲན་ནི་རང་བཞིན་གྱིས་ཐམས་ཅད་དུ་ལས་བགྱིད་པར་འགྱུར་རོ། །དེ་ནས་རིག་
སྔགས་འཆང་གི་གནས་སུ་འཇུག་པར་འཚལ་བས། འདི་ལྟར་ནུབ་གསུམ་དུ་མཆིས་པར་གྱུར་པས། ཞགས་པའི་ཕྱག་རྒྱ་ལག་པས་བླང་བར་བགྱིའོ། །ཕུག་གི་སྒོ་གང་ལགས་པ་དེར་ཞགས་པ་ལན་གསུམ་དུ་བསྐོར་བར་བགྱིའོ། །དོན་ཡོད་པའི་
རྒྱལ་པོ་བཟླས་བརྗོད་བགྱིས་ཏེ། ཞགས་པ་གདབ་པར་བགྱིའོ། །ཞགས་པ་བཏབ་པ་ཙམ་གྱི་མོད་ལ་གནས་ཀྱི་ཕུག་གི་སྒོ་ཐམས་ཅད་ཕྱེ་བར་འགྱུར་རོ། །འཁྲུལ་འཁོར་དང་། གཏན་པ་དང་། ཕུག་དང་། འབབ་ཆུ་ཆེན་པོ་དང་། གསེག་མ་དང་། 
འབབ་ཆུ་དང་། གནོད་སྦྱིན་དང་། སྲིན་པོ་དང་། ལམ་མི་བདེ་བ་ཐམས་ཅད་བསལ་བ་དང་། བཅོམ་པ་དང་བཤིག་པར་འགྱུར་རོ། །གཏན་པ་དང་། སྒོ་གླེགས་དང་། འཁྲུལ་འཁོར་དང་། ལྕགས་སྒྲོག་རྣམས་དུམ་བུ་དུམ་བུར་བཅད་ཅིང་གྱེས་པར་འགྱུར། 
ཉམས་པར་འགྱུར། འཇིག་པར་འགྱུར་རོ། །ཤིན་ཏུ་དག་པ་དང་ཤིན་ཏུ་དྲི་མ་མེད་པ། ཤིན་ཏུ་རྒྱ་ཆེ་བའི་གཞལ་མེད་ཁང་འབྱོར་པ་རྣམ་པར་འཕྲུལ་པ་དག་མཐོང་བར་འགྱུར་རོ། །རིན་པོ་ཆེ་སྣ་ཚོགས་ལས་བཀྲ་བ་རིན་པོ་ཆེ་སྣ་བདུན་གྱིས་
བརྒྱན་པའི་གནས། རིན་པོ་ཆེ་སྣ་ཚོགས་ཀྱི་ལྗོན་ཤིང་གིས་བརྒྱན་པའི་གཞལ་མེད་ཁང་མཐོང་བར་འགྱུར་རོ། །མེ་ཏོག་སྣ་ཚོགས་ཀྱི་ར་བ་ཤིན་ཏུ་དྲི་ཞིམ་པོའི་གཞལ་མེད་ཁང་མཐོང་བར་འགྱུར་རོ། །དེ་ནས་རིག་སྔགས་འཆང་གིས་

99-1-34a

ལག་པའི་ཞགས་པ་དང་། འཁོར་ལོའི་ཕྱག་རྒྱའི་ཚུལ་མངོན་སུམ་དུ་བགྱིས་ནས། དོན་ཡོད་པའི་ཞགས་པའི་སྙིང་པོ་བཟླས་ཏེ་འཇུག་པར་བགྱིའོ། །རིག་སྔགས་འཆང་གནས་སུ་ཞུགས་པ་ཙམ་ཁོ་ནས་གནས་མཆོག་དེ་ཡང་
རྣམ་པ་དྲུག་ཏུ་འགུལ་བ་དང་། གཡོ་བ་དང་། ལྡེག་པ་དང་། འུར་འུར་ཆེམ་ཆེམ་སྟེ་ལྷའི་འོད་ཟེར་གྱི་སྣང་བ་ཆེན་པོས་སྣང་བར་འགྱུར་རོ། །དེ་ནས་རིག་སྔགས་འཆང་འཇུག་པར་བགྱིའོ། །དེ་ནས་དོན་ཡོད་པ་རྣམ་པར་དག་པ་དྲི་མ་མེད་པ་ཞེས་བགྱི་བའི་
སྨན། བུད་མེད་ཀྱི་གཟུགས་ལྷའི་རྒྱན་གྱིས་བརྒྱན་པ། ལྷའི་གོས་ཀྱི་རྒྱན་གྱིས་ཀླུབས་པ་ཁ་དོག་བཟང་པོ་རྒྱས་པ། མཆོག་དང་ལྡན་པ། ལྷའི་གཟུགས་ཆེན་པོ་འཆང་བའི་བི་རྩ་པུ་ར་ཐོགས་པ་མཆི་བར་འགྱུར་རོ། །སྨན་བུད་མེད་ཀྱི་གཟུགས་
འཆང་བ་དེ་མཐོང་བ་ཙམ་ཁོ་ནས་དཔག་ཚད་གང་ཙམ་ནས། གཟི་བརྗིད་ཐམས་ཅད་དང་། སྟོབས་ཐམས་ཅད་ཉེ་བར་བསྒྲུབ་པར་བགྱིའོ། །དེ་ནས་རིག་སྔགས་འཆང་གིས་དོན་ཡོད་པའི་འཁོར་ལོའི་ཞགས་པ་མདུན་དུ་བཅིང་བར་བགྱི་སྟེ། 
མཐོང་བ་ཙམ་གྱི་མོད་ལ་དེའི་སྟོབས་དང་། བརྩོན་འགྲུས་དང་། གཟི་བརྗིད་ཉམས་པར་འགྱུར་རོ། །མཐུ་ཆུང་བར་འགྱུར་རོ། །དེ་ནས་བུད་མེད་དེ་རྒོད་པ་དང་། ཨོཾ་ཞེས་བགྱི་བས་གནོན་པར་བྱའོ། །ཁྲོ་བོའི་རྒྱལ་པོ་བཟླས་པར་བགྱིས་ཏེ། 
ཁ་བུབ་ཏུ་སྒྱེལ་ནས་ཆབ་འབྱུང་བར་འགྱུར་ཏེ་ཆབ་དེ་ལ་རེག་པར་མི་བགྱིའོ། །དོན་ཡོད་རྒྱལ་པོ་བཟླས་པར་བགྱི་སྟེ། དེ་ནས་མིག་ཚུགས་ཀྱིས་བལྟ་བར་བགྱིད་ན། རིག་སྔགས་འཆང་གིས་ཞགས་པས་བཞུ་བར་བགྱིའོ། །དེའི་འོག་ཏུ་བདུད་
རྩིའི་ཆབ་འབྱུང་སྟེ་བླང་བར་བགྱི་བྱུག་པར་བགྱིའོ། །ཀུན་དུ་བྱུགས་པ་ཙམ་གྱིས་ནམ་མཁའ་ལ་མཆི་བར་འགྱུར་ཏེ། ཐོགས་མར་རླུང་གི་ཕུང་པོ་ནས་འཛེག་པར་འགྱུར་རོ། །མིག་ལ་བྱུགས་ན་ཕྱོགས་བཅུ་ཐམས་ཅད་དུ་གཏོགས་པའི་དེ་བཞིན་
གཤེགས་པ་བྱང་ཆུབ་སེམས་དཔའི་ཚོགས་ཀྱི་འཁོར་དང་བཅས་པ་ཐམས་ཅད་དང་། སངས་རྒྱས་ཀྱི་ཞིང་དེའི་གཞལ་མེད་ཁང་དང་། གནས་རྣམ་པར་འཕྲུལ་པ་དང་། གང་དག་གཞུགས་ཤིང་བཞེས་ལ་འཚོ་བ་དག་ཅི་ལྟར་ལག་མཐིལ་ན་

99-1-34b

མཆིས་པ་དེ་བཞིན་དུ་མཐོང་བར་འགྱུར་རོ། །གང་དག་ཡོངས་སུ་མྱ་ངན་ལས་འདས་པ་དང་། གང་དག་ད་ལྟར་བྱུང་བ་དང་། སངས་རྒྱས་པ་རྣམས་དང་། གང་དག་རིང་བསྲེལ་སྙིང་པོའི་མཆོད་རྟེན་ཆེན་པོའི་སྲོག་ཤིང་གི་ཚོགས་ཅན་
དག་དང་། དེ་བཞིན་དུ་ཅི་ལྟར་འཁོར་གྱི་དཀྱིལ་འཁོར་གྱི་ཁང་པ་དེ་དག་ཐམས་ཅད་མཐོང་བར་འགྱུར་རོ། །བདག་ཉིད་ལ་ཀུན་ནས་བྱུགས་ཏེ། དེས་བྱུགས་པ་ཙམ་གྱིས་ལྤགས་པའི་མདོག་ལྷའི་གསེར་འདྲ་བར་འགྱུར་རོ། །སྐྲ་སྔོ་ལ་ཅུང་ཟད་འཁྱིལ་
བར་འགྱུར་རོ། །མིག་ལྷའི་ཨུཏ་པ་ལ་སྔོན་པོ་མཆོག་འདྲ་བར་འགྱུར་རོ། །ཚེ་ལྷའི་བསྐལ་པ་བརྒྱ་སྟོང་དུ་འགྱུར་རོ། །རིག་སྔགས་འཆང་གི་འཁོར་ལོས་སྒྱུར་བ་འབུམ་ཕྲག་བརྒྱ་སྟོང་ཕྲག་བཅྭ་བརྒྱད་ཀྱིས་ཡོངས་སུ་བསྐོར་བར་འགྱུར་རོ། །
ལྷའི་བུ་མོ་བརྒྱ་བཞི་བཅུ་དང་། མི་འམ་ཅིའི་བུ་མོ་དང་། རིག་སྔགས་འཆང་གི་བུ་མོ་གང་གཱའི་ཀླུང་གི་བྱེ་མ་བརྒྱ་སྟོང་ཕྲག་འབུམ་སྙེད་ཀྱིས་ཡོངས་སུ་བསྐོར་བར་འགྱུར་རོ། །ཅི་ལྟར་ཡིད་ལ་བསམས་པ་དང་། ཡིད་ལ་བསྣགས་པ་ཙམ་གྱིས་ལྷའི་
ཟས་ཀྱི་མཆོག་རོ་བརྒྱ་དང་ལྡན་པ་དག་མདུན་དུ་འབྱུང་བར་འགྱུར་རོ། །ལྷའི་བཏུང་བ་ཆེན་པོ་བདུད་རྩིའི་རོ་བྲོ་བ་དག་འབྱུང་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་འཁོར་ལོས་སྒྱུར་བའི་རྒྱལ་པོ་ཆེན་པོ་ལེགས་མཐོང་མཐུན་ཟེར་
མདུན་ནས་རྒྱུག་པར་བྱེད་དོ། །དགྲ་ཐམས་ཅད་དང་། བགེགས་དང་། ལོག་འདྲེན་ཐམས་ཅད་བཅོམ་པ་དང་། ཉམས་པ་དང་། གཏུགས་པ་དང་། གཤེགས་པ་དང་། བཙལ་བ་དང་། གྱེས་པ་དང་། ཕྱེ་མར་བགྱིས་པར་འགྱུར་རོ། །ཡང་ན་སྨན་གྱི་བུད་
མེད་དེའི་སྐྲ་ཀུན་བཏོན་ཏེ། སྐ་རགས་སུ་བགྱིས་ནས་བཅིང་བར་བགྱིའོ། །གང་དུ་བཅིངས་པ་དེ་ཡང་རིན་པོ་ཆེ་སྣ་བདུན་དུ་འགྱུར་རོ། །གང་དུ་ཞུགས་པ་ཐམས་ཅད་མི་སྣང་བར་འགྱུར་རོ། །དེ་ལ་ལྷ་ཐམས་ཅད་གནས་འཆའ་བར་འགྱུར་རོ། །
ཀླུ་ཐམས་ཅད་དང་། ལྷ་ཐམས་ཅད་དང་། མི་འམ་ཅི་ཐམས་ཅད་དང་། རིག་སྔགས་འཆང་ཐམས་ཅད་དེའི་དབང་དུ་མཆི་བར་འགྱུར་རོ། །འཁོར་དེ་ཐམས་ཅད་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་དེའི་ཕྱི་བཞིན་རྗེས་སུ་འབྲང་བར་འགྱུར་རོ། །

99-1-35a

དེ་ནས་རིག་སྔགས་འཆང་གནས་སུ་འཇུག་པར་འཚལ་ཞིང་སླར་ཡང་ལྡོག་པར་འཚལ་ན་སྨན་གྱི་བུད་མེད་དེ་དང་གཏམ་མི་བགྱི། རེག་པར་མི་བགྱི་བར་ལག་པའི་ཕྱག་རྒྱ་གནས་མཆོག་ཏུ་འཇུག་པར་བགྱིའོ། །དེ་ནས་གནས་ཐམས་
ཅད་ན་གནས་པའི་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་ཐམས་ཅད་ཕྱིར་བྱུང་ནས་མདུན་ན་སྡོད་པར་འགྱུར་ཏེ། ཁ་ཅིག་གི་ལག་ན་ནི་བུམ་པ་གང་བའོ། །ཁ་ཅིག་གི་ལག་ན་ནི་གདུགས་སོ། །ཁ་ཅིག་གི་ལག་ན་ནི་ལྷའི་གོས་ཐོགས་སོ། །ཁ་
ཅིག་ནི་ལྷའི་ནོར་བུ་རིན་པོ་ཆེ་ཐོགས་པའོ། །ཁ་ཅིག་ནི་དྲི་དག་གོ། ཁ་ཅིག་ནི་མེ་ཏོག་དག་གོ། ཁ་ཅིག་ནི་ཕྲེང་བ་དག་གོ། །ཁ་ཅིག་ནི་རྒྱན་དང་ལྷབ་ལྷུབ་སྣ་ཚོགས་ཐོགས་སོ། །ཁ་ཅིག་ནི་བྱུག་པ་དག་གོ། ཁ་ཅིག་ནི་དྲིའྀ་ཕྱེ་མ་དག་གོ། །ཁ་ཅིག་
ནི་སྤོས་ཆུས་རིན་པོ་ཆེ་སྣ་བདུན་གྱི་སྣོད་བཀང་བ་དག་གོ། །ཁ་ཅིག་ནི་ལྷའི་མེ་ཏོག་སྣ་ཚོགས་ཐོགས་ཏེ། པད་མ་དང་། ཀུ་མུ་ད་དང་། པད་མ་དཀར་མོ་དང་། མན་དཱ་ར་བ་དང་། མན་དཱ་ར་བ་ཆེན་པོ་དང་། མན་ཛུ་ཤ་ཀ་དང་། མན་ཛུ་ཤ་ཀ་ཆེན་པོ་དང་། མདོག་
མཛེས་དང་། མདོག་མཛེས་ཆེན་པོ་དང་། ཨ་ཏི་མུག་ཏ་ཀཱ་དང་། ཙམ་པ་ཀ་དང་། བར་ཤི་ཀ་དང་། མཐོན་ཀ་དང་། མཐོན་ཀ་ཆེན་པོ་དང་། ཀཱ་དམ་པ་དང་། གནའ་མ་དང་། ཡུ་ཏི་ཀ་དང་། ཀླུའི་མེ་ཏོག་དང་། ཀོན་ཏ་དང་། གྷན་དྷ་བར་ཤི་ཀའི་མེ་ཏོག་དག་ཐོགས་སོ། །ཁ་ཅིག་
ནི་ལྷའི་ཙན་དན་གྷོར་ཤིར་ཤ་དང་། སྦྲུལ་གྱི་སྙིང་པོའི་བདུག་པ་དང་། ཨ་ག་རུ་དང་། དུ་རུ་ཀ་དང་། ཏ་མ་ལའི་ལོ་མའི་བདུག་པ་ཐོགས་པའོ། །ཁ་ཅིག་གི་ལག་པ་ན་ནི་རྨ་བྱའི་བསིལ་ཡབ་ཐོགས་སོ། །ཁ་ཅིག་གི་ལག་པ་ན་ནི་རལ་གྲིའོ། །ཁ་ཅིག་
གི་ལག་པ་ན་ནི་མདུང་ཐུང་ངོ་། །ཁ་ཅིག་གི་ལག་པ་ན་ནི་རྡོ་རྗེ་དང་། དགྲ་སྟ་དང་། མདའ་བོ་ཆེ་དང་། མདུང་དང་། གཏུན་ཤིང་དང་། མདུང་རྩེ་གསུམ་པ་དང་། བཟོང་ཁ་གཉིས་པ་དག་གོ། ཁ་ཅིག་ནི་གོ་ཆ་དང་། ཡ་ལད་བསྒོས་ནས་བསྲུང་བའི་ཕྱིར་ཀུན་
ནས་འདུ་ཞིང་མཆི་བར་འགྱུར་རོ། །ཁ་ཅིག་ནི་རིན་པོ་ཆེ་སྣ་ཚོགས་པའི་སྣོད་དང་། གསེར་གྱི་སྣོད་དང་། དངུལ་གྱི་སྣོད་དག་ཐོགས་པ་རིན་པོ་ཆེ་སྣ་ཚོགས་ཀྱི་མེ་ཏོག་དང་། གསེར་གྱི་མེ་ཏོག་དང་། དངུལ་གྱི་མེ་ཏོག་གིས་བཀང་ན་ཐོགས་ཏེ། དེ་དག་ཐམས་ཅད་

99-1-35b

རིག་སྔགས་འཆང་ལ་དབུལ་བར་བགྱིད་དོ། །རིག་སྔགས་འཆང་གིས་བྱམས་པ་དང་། སྙིང་རྗེ་ཆེན་པོ་ཡིད་ལ་བགྱིད་པ་དང་། སངས་རྒྱས་ཡིད་ལ་བྱེད་པས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པའི་ཆ་ལུགས་འཆང་བ་ཡིད་
ལ་བགྱིའོ། །མཆོག་ཏུ་བརྩེ་བའི་ཡིད་ལ་བགྱིད་པས་ཚིག་གཞན་མི་སྨྲ་བར་དབུགས་དབྱུང་བར་བགྱི་ཞིང་ལམ་དྲང་པོ་ནས་འཇུག་པར་བགྱི་སྟེ། སེང་གེའི་ཁྲི་ལ་མངོན་དུ་མཆིས་ནས། དོན་ཡོད་པའི་འཁོར་ལོའི་ཞགས་པ་ཐོག་མར་སེང་གེའི་
ཁྲིའི་སྟེང་དུ་བཞག་པར་བགྱིའོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཞི་པ། དེའི་འོག་ཏུ་རིག་སྔགས་འཆང་རང་ཉིད་མཆིས་ནས། སྟེང་དུ་གཏོགས་པའི་དེ་བཞིན་གཤེགས་པ་
ཐམས་ཅད་ལ་ཕྱག་བགྱི་ཞིང་། འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པ་ལ་ཡང་ཕྱག་བགྱིའོ། །དེས་དགྲ་ཐམས་ཅད་འཕམ་པར་བགྱིས་པར་འགྱུར་རོ། །གལ་ཏེ་འོག་ཏུ་ཕྱག་བགྱིས་ན་དེ་ནས་འཁོར་ལོས་རིག་སྔགས་འཆང་
གི་ཕྱིར་རྒོལ་བ་རྣམས་མགོ་བཅད་པར་འགྱུར་རོ། །རིག་སྔགས་འཆང་མཆིས་མ་ཐག་ཏུ་གནས་རྣམ་པ་དྲུག་ཏུ་གཡོས་ནས་སྒྲ་ཆེན་པོ་འབྱུང་བར་འགྱུར་རོ། །ཅ་ཅོའི་སྒྲ་ཆེན་པོ་འབྱུང་བར་འགྱུར་རོ། །ལྷའི་རོལ་མོའི་ཆ་བྱད་ཡན་ལག་ལྔ་དང་
ལྡན་པ་དག་འབུད་པར་འགྱུར་རོ། །ནམ་མཁའི་ལྷ་རྣམས་ཀྱིས་ཀྱང་གཞལ་མེད་ཁང་ཆེན་པོ་ནས་དབུ་རྒྱན་དང་། ཅོད་པན་གྱིས་རིག་སྔགས་འཆང་གི་མགོ་བོ་ལ་དབང་བསྐུར་བར་བགྱིད་དོ། །དབང་བཀུར་བ་ཙམ་གྱི་མོད་ལ་རིན་པོ་ཆེ་
སྣ་བདུན་གྱི་ཆར་འབབ་པར་འགྱུར་རོ། །གསེར་གྱི་ཆར་དང་གོས་ཀྱི་ཆར་འབབ་པར་འགྱུར་རོ། །གསེར་གྱི་མེ་ཏོག་དང་། དངུལ་གྱི་མེ་ཏོག་དང་། ལྷའི་མེ་ཏོག་བཀྲམ་པ་སྣ་ཚོགས་ཀྱི་ཆར་དང་། ལྷའི་རྒྱན་གྱི་ཆར་འབབ་པར་འགྱུར་རོ། །
དེ་ནས་ལྷའི་བུ་མོ་རིན་པོ་ཆེ་སྣ་བདུན་གྱི་སྣོད་དུ་བདུད་རྩིའི་བཅུད་འཚལ་ཏེ། མཆིས་ནས་འབུལ་བར་བགྱིད་དོ། །རིག་སྔགས་འཆང་གིས་བླངས་ནས་དོན་ཡོད་པའི་ཞགས་པའི་སྙིང་པོ་བཟླས་པར་བགྱིའོ། །དེ་ནས་རིག་སྔགས་འཆང་

99-1-36a

གིས་པ་ཙམ་གྱི་མོད་ལ་ལྷའི་ལུས་རྣམ་པར་དག་པ་ཐོབ་ནས། ལྤགས་པའི་མདོག་གསེར་འདྲ་བར་འགྱུར་རོ། །སྐྲ་ལྷག་པར་སྔོ་བ་དང་། མིག་ཨུད་པ་ལ་སྔོན་པོ་ལྟར་ལྷའི་མིག་ཡོངས་སུ་དག་པར་འགྱུར་རོ། །ཚེའི་ཚད་ལྷའི་བསྐལ་པ་
འབུམ་ཕྲག་བརྒྱ་སྟོང་དུ་འགྱུར་རོ། །གལ་ཏེ་ཕྱིར་མི་ལྡོག་པར་འཚལ་ན། དེའི་བཅུད་ཀྱིས་ལན་མཆོག་ལས་ཅི་ཙམ་འཚལ་བ་བླངས་ཏེ། ལྷའི་ཆབ་ཙན་དན་གྱི་དྲི་དང་ལྡན་པའི་ནང་དུ་ཞུགས་ནས་ཁྲུས་བགྱིའོ། །ཁྲུས་བགྱིས་པ་ཙམ་གྱི་མོད་ལ་ཕུག་གི་སྒོ་རང་
འབྱེ་བར་འགྱུར་ཞིང་། ཅི་ལྟར་དབང་ཕྱུག་ཆེན་པོའི་གཟུགས་འདྲ་བར་མཐོང་ན་ནི་འཇིག་རྟེན་ཐམས་ཅད་ཀྱི་མཆོད་གནས་ཀྱི་གཙོ་བོ་གཅིག་པུར་འགྱུར་རོ། །ཅི་ལྟར་འཕགས་པ་སྤྱན་རས་གཟིགས་དབང་ཕྱུག་བཞིན་དུ་རིག་སྔགས་འཆང་འདི་ཡང་མཆོད་པ་
དང་། བཀུར་སྟི་དང་བླ་མས་བླ་མར་བགྱི་བ་དེ་ལྟ་བུར་འགྱུར་རོ། །གང་དུ་བཅུད་ཀྱིས་ན་ལེན་མཆོག་འདིས་རེག་ན་འཛམ་བུ་ཆུ་བོའི་གསེར་ཡོངས་སུ་དག་པར་འགྱུར་རོ། །རྩིག་པ་འམ། རི་འམ་ཀ་བའམ། ལྗོན་ཤིང་ངམ་སྣོད་དམ། བུམ་པའམ། 
རྫ་བོའམ། གོས་སམ། བོང་བ་ལ་རེག་ན་དེ་དག་ཐམས་ཅད་འཛམ་བུའི་ཆུ་བོའི་གསེར་ཡོངས་སུ་དག་པར་འགྱུར་བ་ནས། དགོས་པའི་བར་དུ་འགྱུར་རོ། །དེ་ནས་རིག་སྔགས་འཆང་ཀླུ་མོའམ། ལྷ་མོའམ། མིའམ་ཅི་མོ་འཚལ་ན། རིག་སྔགས་
འཆང་གཙང་མ་བགོས་ནས། ལེགས་པར་ཁྲུས་བགྱིའོ། །ཚེས་བརྒྱད་དམ། བཅུ་བཞིའམ། བཅྭ་ལྔ་ལ་འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་མཆོད་པ་བགྱིས་ནས། ཉིན་ཞག་གཅིག་གནས་པར་
བགྱིའོ། །འཁོར་ལོའི་ཞགས་པ་ཆེན་པོ་འདི་ཆོས་ཀྱི་སྟན་ལེགས་པར་བརྒྱན་པའི་སྟན་བཟང་པོའི་སྟེང་དུ་གཞག་པར་བགྱི་ཞིང་མཆོད་པ་ཆེན་པོ་བགྱི་སྟེ། དེ་ཉིད་ཀྱི་མདུན་དུ་ཚིག་གཞན་མི་སྨྲ་བར། ལན་སྟོང་རྩ་བརྒྱད་བཟླས་ཏེ། ཡུངས་དཀར་
རེ་རེ་ནས་བཟླས་བརྗོད་བགྱིས་པ་ཞགས་པའི་སྟེང་དུ་གཏོར་བར་བགྱིའོ། །ལན་སྟོང་རྩ་བརྒྱད་ཚང་ནས་ཞགས་པ་དེ་ཡང་སྦྲུལ་བཞིན་དུ་ཡོངས་སུ་འཁྱིལ་ལ་འཁོར་ལོའི་གདེངས་ཀའི་ཚུལ་དུ་མཆིས་པར་འགྱུར་རོ། །དེ་ནས་རིག་སྔགས་
99-1-36b

འཆང་གིས་ཞགས་པ་བླངས་ཏེ། ཀླུ་གནས་པའི་མཚོ་འམ། མིའམ་ཅི་གནས་པའི་མཚོ་འམ། ལྷ་མོ་གནས་པའི་མཚོ་འགྲམ་དུ་མཆིས་ནས། དོན་ཡོད་པའི་ཞགས་པའི་སྙིང་པོ་བཟླས་ཏེ། གནས་ཀྱི་ནང་དུ་ཞགས་པ་འཕང་བར་བགྱིའོ། །འཕངས་མ་ཐག་
སླར་ཡང་ཁོ་ནར་དྲང་བར་བགྱི་སྟེ། ཅི་ལྟ་བུའི་དོན་ཡིད་ལ་བསམས་པའི་དོན་དེ་ཞགས་པས་བཅིངས་ནས། ཅི་ལྟར་བསམས་པ་དེ་བཞིན་དུ་བགྱི་བར་འགྱུར་རོ། །གཞན་ཡང་ཇི་ལྟར་ཡིད་ལ་བསམས་པའི་ནོར་རམ། དབྱིག་གམ། གསེར་རམ། ནོར་བུ་འམ། 
མུ་ཏིག་གམ། བཻ་དུྰརྱ་འམ། ཤམ་ཀ་ཤི་ལ་འམ། བྱི་རུའམ་ས་ལེ་སྦྲམ་འམ། དངུལ་ལམ། གོས་སམ། ཆས་སམ། རྒྱན་ནམ། གཞན་ཡང་གཞལ་མེད་ཁང་ཅི་ལྟ་བུར་འབྱོར་པ་ཅན་དག་དོན་དུ་གཉེར་ན་ཞགས་པ་འཕང་བར་བགྱི་སྟེ། དེ་ཐམས་
ཅད་འདྲེན་པར་བགྱིད་དོ། །གང་དང་གང་དུ་འཕངས་པ་དེ་དང་དེར་ཅི་ལྟར་ཡིད་ལ་བསམས་པ་དེ་ཉིད་ཤིན་དུ་གསལ་བར་ཡོངས་སུ་རྫོགས་པར་འགྱུར་རོ། །དངོས་པོ་གཞན་དུ་མི་འགྱུར་རོ། །རྒྱལ་པོའི་རིགས་སམ། བྲམ་ཟེའི་རིགས་སམ། ཁྱིམ་
བདག་གི་རིགས་སམ། རྗེའུ་རིགས་ཀྱིས་ཅི་དང་ཅི་བསམས་པ་འགྲུབ་པར་བགྱིད་དོ། །སྐྱེས་པ་འམ། བུད་མེད་དམ། ཁྱེའུ་འམ། བུ་མོའི་མིང་ནས་བརྗོད་དེ་ཞགས་པ་འཕངས་པ་ཙམ་གྱི་མོད་ལ་ཞགས་པས་བཅིངས་ནས་འདྲེན་པར་འགྱུར་རོ། །
ཐ་ན་རི་དགས་དང་། བྱ་དང་སེང་གེ་དང་། སྟག་དང་། བླང་པོ་ཆེ་དང་། མ་ཧེ་ཡང་འདྲེན་པར་བྱེད་དོ། །གང་གི་མིང་ནས་བརྗོད་དེ་གཡུལ་འགྱེད་པའི་ནང་དུ་འཕངས་ན། དེ་ཡང་ཞགས་པས་བཅིངས་ནས་མདུན་དུ་མཆིས་ཏེ། ཅི་ལྟར་ཡིད་ལ་
བསམས་པ་དེ་བཞིན་དུ་ཐམས་ཅད་འགྲུབ་པར་བགྱིད་དོ། །ཟླ་བ་དང་ཉི་མ་དབབ་པར་འཚལ་ན་ཡང་། ཟླ་བ་དང་ཉི་མའི་མདུན་དུ་མཆིས་ནས། དོན་ཡོད་པའི་ཞགས་པའི་སྙིང་པོ་ལན་བདུན་བཟླས་ཏེ། ཟླ་བ་དང་ཉི་མའི་མངོན་སུམ་དུ་ཞགས་
པ་འཕངས་ནས་སླར་ཡང་དྲང་བར་བགྱི་སྟེ། ཟླ་བ་དང་ཉི་མ་ཞགས་པས་བཅིངས་ནས་དྲངས་པར་འགྱུར་རོ། །ནམ་མཁའ་ལས་བབས་ནས་རྀག་སྔགས་འཆང་གི་མདུན་དུ་མཆིས་ཏེ། ཅི་ལྟར་ཡིད་ལ་བསམས་པ་བཞིན་དགོས་པ་ཐམས་ཅད་

99-1-37a

སྒྲུབ་པར་བགྱིད་དོ། །འོན་ཏེ་ཟླ་བ་དང་ཉི་མའི་གནས་སུ་མཆི་བར་འཚལ་ནས། ཞགས་པའི་ཕྱག་རྒྱ་བཅིངས་པ་ལག་པས་བླངས་ཏེ། དོན་ཡོད་པའི་རྒྱལ་པོའི་སྙིང་པོ་བཟླས་པ་དང་། རིག་སྔགས་འཆང་ནམ་མཁའ་ལ་འཕུར་ན། ཉི་མ་དང་ཟླ་
བའི་སྟན་ལ་ཅི་སྲིད་དུ་འཚལ་བར་ལོངས་སྤྱོད་པར་འགྱུར་ཞིང་། སླར་བདེ་བ་དང་། མ་སྣད་པ་དང་། མ་རྨས་པ་དང་། ལེགས་པར་འབབ་པར་འགྱུར་རོ། །ནགས་ཁུང་དུ་འགྲོ་བར་འཚལ་ན། གཙང་མ་ལེགས་པར་ཁྲུས་བགྱིས་པས། གོས་གཙང་མ་བགོ་
བར་བགྱི་ཞིང་། ནགས་ཁུང་གི་སྒོར་ལན་ཉི་ཤུ་རྩ་གཅིག་བཟླས་བརྗོད་བགྱི་སྟེ། ཞགས་པ་འཕང་བར་བགྱིའོ། །ལག་པས་ཞགས་པ་འཕངས་པ་ཙམ་གྱིས་ནགས་ཁུང་གི་གནས་ཀྱི་གཞལ་མེད་ཁང་གི་ཀླུ་ཐམས་ཅད་བཅིངས་ནས་ཐམས་
ཅད་རིག་སྔགས་འཆང་གི་མདུན་དུ་མཆིས་པར་འགྱུར་ཞིང་རིག་སྔགས་འཆང་ལ་ཕྱག་བགྱིས་ནས། རིག་སྔགས་འཆང་ཁྱོད་གནས་ཆེན་པོ་མཆོག་ཏུ་ཞུགས་ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གི་དོན་ཡོད་པའི་རྒྱལ་
པོའི་སྙིང་པོ་བཟླས་ཏེ། ལག་པ་ཞགས་པའི་ཕྱག་རྒྱས་ནགས་ཁུང་དུ་འཇུག་པར་བགྱིའོ། །ཞུགས་པ་ཙམ་ཁོ་ནས་ནགས་ཀྱི་གནས་རྣམ་པ་དྲུག་ཏུ་གཡོས་བར་འགྱུར་ཞིང་། དབུས་ཀྱི་ནགས་ཀྱི་མཐའ་ན་རིན་པོ་ཆེ་སྣ་བདུན་གྱི་རྫིང་
ལྷའི་ཆབ་དང་བརྙོག་པ་མ་མཆིས་པ་ཤིན་ཏུ་གསལ་བ་ལྷའི་ཙན་དན་གྱི་དྲི་དང་ལྡན་པ་ཧ་ཅང་མི་གྲང་བ་ཧ་ཅང་མི་དྲོ་བ་རེག་ན་བདེ་བ་རོ་དང་ལྡན་པ། བདུད་རྩིའི་བཅུད་ཅན་མཆིས་ཏེ། དེ་ལྟར་དོན་ཡོད་པའི་རྒྱལ་པོའི་སྙིང་པོ་ཡུངས་དཀར་ལ་ལན་ཉི་ཤུ་རྩ་
གཅིག་བཟླས་བརྗོད་བགྱིས་ནས་རྫིང་གི་དབུས་སུ་ཞགས་པ་འཕང་བར་བགྱིའོ། །འཕངས་པ་ཙམ་གྱི་མོད་ལ་བུད་མེད་རིན་པོ་ཆེའི་གཟུགས་འདྲ་བ་ལྷའི་བུ་མོའི་ལུས་ཕྱེད་བྱུང་ནས། ལྷའི་མེ་ཏོག་རྣམ་པ་སྣ་ཚོགས་ཀྱིས་བརྒྱན་ཅིང་། རིན་པོ་ཆེ་སྣ་
བདུན་གྱི་བུམ་པ་གང་བ་ཐོགས་ཏེ། རིག་སྔགས་འཆང་ལ་དབུལ་ཞིང་སྤྱི་བོ་སྨད་དེ་འཛུམ་པ་དང་བཅས་པས་རིག་སྔགས་འཆང་ལ་སྨྲས་པ། རྗེ་བཙུན་རིག་སྔགས་འཆང་ཁྱོད་མ་བཞེངས་པར་གནས་སུ་ཞུགས་ཤིག །རིག་སྔགས་འཆང་གིས་གྲུབ་པའི་ཚིག་གསུམ་བརྗོད་པར་

99-1-37b

བགྱི་སྟེ། འཇིག་རྟེན་ཕ་རོལ་གྱི་དོན་དང་། རིག་སྔགས་འཆང་ཉིད་དང་། འཇིག་རྟེན་པའི་དངོས་གྲུབ་གྲུབ་སྟེ། བདག་ཉིད་ཀྱི་མ་དང་། སྲིང་མོ་དང་། མངག་གཞུག་མ་ཞེས་གར་བདེ་བར་བརྗོད་ལ་དེའི་འོག་ཏུ་རིག་སྔགས་འཆང་གིས་སྨྲ་བར་བགྱི་སྟེ། སྲིང་མོ་ཁོ་བོ་ལ་
འཇིག་རྟེན་ཕ་རོལ་གྱི་དོན་བྱིན་ཅིག་ཅེས་འཇུག་པར་བགྱིའོ། །དེ་ཡང་རིག་སྔགས་འཆང་ཁྱོད་རང་གི་གནས་སུ་སྣོམས་ཏེ་ཞུགས་ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་ལག་པ་ཞགས་པའི་ཕྱག་རྒྱས་འཇུག་པར་བགྱི་ཞིང་། དོན་ཡོད་པའི་
རྒྱལ་པོའི་སྙིང་པོ་བཟླས་སོ། །དེ་ནས་གནས་ཆེན་པོ་མཆོག་རིན་པོ་ཆེ་སྣ་བདུན་གྱི་གཞལ་མེད་ཁང་ལྷའི་དྲིལ་བུ་གཡེར་ཁའི་དྲ་བ་དང་། གསེར་དང་། གོས་སྤྱངས་པ་དར་གྱི་ཆུན་འཕྱང་རབ་ཏུ་སྤྱངས་པར་གདའ་བ་ནས་བུ་མོ་དེ་ཡང་ནོར་བུ་རིན་པོ་ཆེ་ཆེན་པོ་ཐོགས་ཏེ། 
རིག་སྔགས་འཆང་འཇིག་རྟེན་ཕ་རོལ་གྱི་དོན་དུ་རིན་པོ་ཆེ་ཆེན་པོ་བཞེས་ཤིག་ཅེས་འབུལ་བར་བགྱིད་དོ། །དེ་ནས་རིག་སྔགས་འཆང་གིས་སྟན་བཤམས་པའི་སྟེང་དུ་ཞགས་པ་ལེགས་པར་ཡོངས་སུ་སྐྱིལ་ཏེ། སྟན་དུ་བཏིང་ལ་ནོར་བུ་རིན་པོ་ཆེ་ཆེན་པོ་དེ་ཞགས་
པའི་སྟེང་དུ་གཞག་ཅིང་མེ་ཏོག་དང་བདུག་པ་དབུལ་བར་བགྱིའོ། །དོན་ཡོད་རྒྱལ་པོའི་སྙིང་པོ་བཟླས་པར་བགྱིའོ། །བཟླས་པ་ཙམ་གྱི་མོད་ལ་ཞགས་པ་ནོར་བུ་རིན་པོ་ཆེ་དང་བཅས་ཏེ་འབར་བར་འགྱུར་རོ། །ནོར་བུ་རིན་པོ་ཆེ་ཆེན་པོ་དེ་ལས་ཀྱང་འོ་མའི་ཆབ་
འབྱུང་བར་འགྱུར་རོ། །རིག་སྔགས་འཆང་གིས་འོ་མའི་ཆབ་དེ་ལས་བླངས་ལ་སྐྱོར་ཆུ་ལན་བདུན་དུ་རེག་པར་བགྱིའོ། །འོ་མའི་ཆབ་ཀྱིས་རེག་པ་ཙམ་གྱི་མོད་ལ་ལུས་ཐམས་ཅད་དྲི་མ་དང་བྲལ་ཞིང་ཡོངས་སུ་དག་པར་འགྱུར་རོ། །དོན་ཡོད་སྣང་བ་
ནོར་བུ་གཞལ་མེད་ཀྱི་དཀྱིལ་འཁོར་གྱི་འོད་ཟེར་གྱི་དྲ་བའི་འོད་ཟེར་ཞེས་བགྱི་བ་ཐོབ་ནས་ས་བཅུ་ལ་གནས་ཏེ་ཕྱིར་མི་ལྡོག་པར་འགྱུར་རོ། །བླ་ན་མེད་པའི་བྱང་ཆུབ་ཀྱི་ལམ་འཐོབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་
གི་ཏིང་ངེ་འཛིན་སྒྱུ་མ་ལྟ་བུར་རྣམ་པར་འཕྲུལ་པ་ཐོབ་པར་འགྱུར་ཞིང་། ཤིན་ཏུ་ཡོངས་སུ་དག་པའི་བདག་ཉིད་ཀྱི་རང་བཞིན་གྱིས་དོན་ཡོད་པའི་ཞགས་པའི་ཆ་ལུགས་འཆང་བ་རིག་སྔགས་འཆང་གི་མདུན་དུ་མཆིས་ནས། ལག་པ་གཡས་པ་སྤྱི་བོར་

99-1-38a

བཞག་ཏེ་ང་ཡི་རིག་སྔགས་འཆང་གི་བུ་ཐུ་བོ་ཁྱོད་ཀྱིས་གྲོལ་བ་ཆེན་པོའི་དཀྱིལ་འཁོར་སངས་རྒྱས་ཀྱི་སྐུ་ཡོངས་སུ་དག་པ་འཐོབ་བོ། །ཞེས་དབུགས་འབྱིན་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་རྣམས་མཐོང་ནས་ཐམས་
ཅད་ཀྱིས་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་ཏེ། སེམས་དཔའ་ཆེན་པོ་ལེགས་སོ་ལེགས་སོ། །ཁྱོད་ནི་བྱང་ཆུབ་ལམ་དུ་ཞུགས། །ཁྱོད་ཀྱིས་སངས་རྒྱས་ཉིད་འཐོབ་སྟེ། །གྲོལ་བའི་ལམ་ཞེས་བྱ་བ་བསྒྲུབས། །འོན་ཏེ་རིག་སྔགས་འཆང་ཉིད་
དོན་དུ་གཉེར་ན་དེའི་ཚེ་གསེར་གྱི་མེ་ཏོག་སྩོལ་བར་འགྱུར་ཏེ། བླངས་ལ་བུ་མོ་དེ་ཉིད་ཀྱི་སྤྱི་བོར་གཞག་ནས། ཨོཾ་ཞེས་བགྱི་བས་མནན་པར་བགྱིའོ། །ཨོཾ་ཞེས་བགྱི་བའི་སྒྲ་བརྗོད་ནས་སྤྱི་བོར་གཞག་པ་ཙམ་གྱི་མོད་ལ་བུ་མོ་དེའི་མིག་མཆོག་གཉིས་ནས་
མཆི་མ་འཛག་པར་འགྱུར་རོ། །དེ་ནས་རིག་སྔགས་འཆང་གིས་བླངས་ཏེ་ཉེ་རེག་བགྱིའོ། །ཉེ་རེག་བགྱིས་པ་ཙམ་གྱི་མོད་ལ་རིག་སྔགས་འཆང་གི་འཁོར་ལོས་སྒྱུར་བར་འགྱུར་རོ། །སྐྲ་ཅུང་ཟད་འཁྱིལ་ཅིང་ལག་པ་ན་འཁོར་ལོའི་ཞགས་པ་ཐོགས་ཏེ་
ནམ་མཁའ་ལ་མཆི་བར་འགྱུར་རོ། །རིག་སྔགས་འཆང་བྱེ་བ་འབུམ་ཕྲག་བཅྭ་བརྒྱད་ཀྱིས་ཡོངས་སུ་བསྐོར་བར་འགྱུར་རོ། །ཚེ་ལོ་དྲུག་ཁྲི་ཉིས་སྟོང་དུ་འགྱུར་ཞིང་སྐྱེ་བ་བདུན་སྟོང་རྗེས་སུ་དྲན་པར་འགྱུར་རོ། །འོན་ཏེ་གསང་སྔགས་འཆང་
འཇིག་རྟེན་པའི་དངོས་གྲུབ་ཀྱི་ཆོ་ག་སློང་ན་དེའི་ཚེ་འདི་ལྟ་བུར་འགྱུར་ཏེ། རིག་སྔགས་འཆང་གིས་བདག་གི་སྐྲ་འདི་སྡོམས་ཤིག་ཅེས་དེའི་ཚེ་བུད་མེད་དེས་སྐྲའི་རལ་པ་བཏོན་ནས། རིག་སྔགས་འཆང་ལ་འབུལ་བ་ན། སྐྲ་ཐམས་ཅད་བླངས་
ཏེ་དུམ་བུ་གསུམ་དུ་བཀུག་ནས་སྲད་བུ་ཉི་ཤུ་རྩ་གཅིག་བཀལ་ཏེ། མགོ་ལ་བཏགས་པས་ནི་ཅི་ལྟར་ཡིད་ལ་བསམས་པ་དེ་བཞིན་དུ་མིག་འཕྲུལ་སྟོན་པར་འགྱུར། འབྲས་བུ་དང་མེ་ཏོག་ཐམས་ཅད་སྟོན་པར་འགྱུར། བདེན་པ་ཅི་ལྟར་
འཚལ་བ་བཞིན་སྟོན་པར་འགྱུར་རོ། །མགུལ་དུ་བཏགས་པས་ནི་མི་གདའ་བར་གྱུར་ནས། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། གྲུལ་བུམ་དང་། ལྟོ་འཕྱེ་ཆེན་པོ་དང་། མི་མ་ཡིན་པ་རྣམས་དབང་དུ་གྱུར་ནས་མཆིས་པར་

99-1-38b

འགྱུར་རོ། །དཔྲལ་བ་ལ་བཏགས་པས་ནི་ལྷ་དང་ཀླུ་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །དཔུང་པ་གཡས་པ་ལ་བཏགས་པས་ནི་གླང་པོ་ཆེ་བཅུའི་སྟོབས་དང་ལྡན་པར་འགྱུར་ཏེ། ཕས་ཀྱི་དགྲ་བོ་དང་མི་མཛའ་བ་དང་། གདུག་
པ་ཐམས་ཅད་ཀྱིས་མི་ཚུགས་པས་སྟོབས་ཀྱིས་འཁོར་ལོས་སྒྱུར་བར་འགྱུར་རོ། །དཔུང་པ་གཡོན་པ་ལ་བཏགས་པས་ནི་རིགས་བཞིའི་འཇིག་རྟེན་དབང་དུ་གྱུར་ནས་མཆིས་པར་འགྱུར་རོ། །ལག་པ་གཡོན་པ་ལ་བཏགས་པས་ནི་གང་
ལ་རེག་པ་དེ་དབང་དུ་འགྱུར་ཞིང་། བདག་གི་ནོར་དུ་འགྱུར་རོ། །ལག་པ་གཡས་པ་ལ་བཏགས་པས་ནི་གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་རྒྱལ་པོའི་སྒོ་ལ་ཐལ་མོ་ལན་གསུམ་བརྡབས་ན་རྒྱལ་པོའི་བཙུན་མོ་འཁོར་དང་བཅས་པ་དང་། 
གྲོང་ཁྱེར་དང་ཡུལ་འཁོར་དང་། རྒྱལ་པོའི་ཕོ་བྲང་དང་། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་བཅས་པ་བདག་ཉིད་དམ། ནོར་དབང་དུ་གྱུར་ནས་མཆིས་པར་འགྱུར་རོ། །ཐ་ན་དུད་འགྲོའི་སྐྱེ་གནས་སུ་གཏོགས་པར་བྱ་དང་། གཅན་
ཟན་དང་། རི་དགས་དང་། གདུག་པ་དང་། གཞན་ཡང་། གདུག་པ་དང་། བཅས་པའི་སྲོག་ཆགས་རྣམས་དབང་དུ་གྱུར་ནས་མཆིས་པར་འགྱུར་རོ། །བརླ་གཡས་པ་ལ་བཏགས་པས་ནི་ཚལ་ལམ་སེར་ཁ་འམ། རྀ་བོར་རམ་ཕུག་གམ། དགོན་པ་འམ། 
བསྟི་གནས་གང་དུ་ཞུགས་ཏེ། ཞུགས་པ་ཙམ་གྱི་མོད་ལ་ནོར་ཐམས་ཅད་དང་། སྨན་ཐམས་ཅད་དང་། ལྷ་ཐམས་ཅད་རང་གི་གཟུགས་སུ་མདུན་དུ་མཆིས་པར་འགྱུར་རོ། །བྱིན་པ་གཡས་པ་དང་། རྐང་པ་གཡས་པ་ལ་བཏགས་པས་ནི། རྒྱ་མཚོ་
ཆེན་པོའི་ཕ་མཐར་ཡང་རྒལ་བར་འགྱུར་ན་ཆུ་ཀླུང་ཆེན་པོའི་ཆབ་ཀྱིས་བྱིན་པ་ནུབ་ཙམ་དུ་འགྱུར་བ་ལྟ་སྨོས་ཀྱང་ཅི་འཚལ། བྱིན་པ་གཡོན་པ་ལ་བཏགས་པས་ནི། ཉི་མ་རེ་རེ་བཞིན་དཔག་ཚད་བརྒྱར་ཕྱིན་ནས། དུབ་པ་མ་མཆིས་པར་སླར་
ཡང་ལྡོག་པར་འགྱུར་རོ། །བརླ་གཡོན་པ་ལ་བཏགས་ནས་དུར་ཁྲོད་ཆེན་པོར་ཞུགས་ན་དུར་ཁྲོད་ཐམས་ཅད་ན་གནས་པའི་གཅེར་བུ་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །དེ་རིག་སྔགས་འཆང་གནས་དེ་ཉིད་ན་སྤྱོད་ན་རིག་སྔགས་འཆང་དེས་ལག་

99-1-39a

ལག་པ་གཡོན་པས་བུམ་པ་གང་བ་བཟུང་ཞིང་། ལག་པ་གཡས་པས་བུད་མེད་དེ་བཟུང་ནས། གནས་ཆེན་པོའི་མཆོག་ཏུ་འཇུག་པར་བགྱིའོ། །གནས་མཆོག་དེའི་དབུས་ནས་རྫིང་མེ་ཏོག་གི་ཚལ་པར་བཀྲམ་པར་བགྱི་སྟེ། རྫིང་དེར་གཉིས་ཀ་
ཁྲུས་བགྱི་ཞིང་ཆབ་ཀྱིས་ཉེ་རེག་བགྱིའོ། །བཀྲུས་ཤིང་རེག་པ་ཙམ་ཁོ་ནས། འཁོར་ལོའི་རིག་སྔགས་འཆང་ཞགས་པ་དང་། འཁོར་ལོས་སྒྱུར་བའི་རིག་སྔགས་འཆང་དུ་འགྱུར་རོ། །རིག་སྔགས་འཆང་འབུམ་ཕྲག་བདུན་སྟོང་གིས་ཡོངས་སུ་བསྐོར་ཅིང་ཚེ་
བསྐལ་པ་ཁྲིར་འགྱུར་རོ། །སྐྲ་ཅུང་ཟད་འཁྱིལ་པར་ཡང་འགྱུར་རོ། །ནགས་ཀྱི་གནས་ཀྱི་གཞལ་མེད་ཁང་བདུན་བཅུ་རྩ་གཉིས་ཀྱི་དཔོན་པོ་རྒྱལ་པོར་འགྱུར་རོ། །གལ་ཏེ་མ་ཞེས་བགྱི་བས་དོན་དུ་གཉེར་ན་ནི་བུ་གཅིག་པ་བཞིན་ཡོངས་སུ་སྐྱོངས་བར་འགྱུར་
རོ། །འབྲས་དང་འབྲུ་དང་གོས་དང་། ཆས་དང་ནོར་བུ་དང་། མུ་ཏིག་དང་། བྱི་རུ་དང་། གསེར་དང་། དངུལ་ཡོངས་སུ་འགྲུབ་པར་བགྱིད་དོ། །སྲིང་མོ་ཞེས་བགྱི་བས་ནི་དགོས་པའི་ཡོ་བྱད་ཐམས་ཅད་ཚང་བར་སྟོབས་པར་འགྱུར་ཞིང་ཡན་ལག་སྤོང་བར་བགྱིད་དོ། །
ཉི་མ་རེ་རེ་ཞིང་རྒྱན་ཐམས་ཅད་ཀྱིས་ཀླུབས་པའི་ལྷའི་བུ་མོ་ཁྲིད་ནས་མཆི་བར་འགྱུར། ལྷའི་གཞལ་མེད་ཁང་འབྱོར་པ་སྟོབས་པར་བགྱིད། ལྷའི་ཁྱིམ་དང་། གཞལ་མེད་ཁང་སྟོབས་པར་བགྱིད་དོ། །མངག་གཞུག་མ་ཞེས་བགྱི་བ་ནི། གང་དང་གང་དུ་
མངག་པ་དེ་དང་དེར་མཆི་བར་འགྱུར་ཏེ། ལྷའི་གནས་སམ། ཀླུའི་གནས་སམ། གནོད་སྦྱིན་གྱི་གནས་སམ། སྲིན་པོའི་གནས་སམ། འབྱུང་པོའི་གནས་སམ། གཞན་ཡང་མངག་གཞུག་པའི་སྒྲུབ་པ་རྣམ་པ་སྣ་ཚོགས་ཡིད་ལ་བསམས་པ་
བཞིན་བགྱིད་དོ། །ནགས་སྒྲུབ་པའི་ཆོ་གའོ།། །། དེ་ནས་རིག་སྔགས་འཆང་ཐང་ལ་རྒྱུ་བར་འཚལ་ན། གཙང་མ་ཁྲུས་བགྱིས་པས་གོས་གཙང་མ་བགོ་བར་བགྱི། གནས་དབེན་པ་གཙང་མའི་ས་ཕྱོགས་སུ་དཀྱིལ་འཁོར་གྲུ་བཞིར་བྲིས་ལ། 
དྲི་སྣ་ཚོགས་ཀྱིས་བྱུག །རོ་སྣ་ཚོགས་དང་ལྡན་པའི་གཏོར་མ་བཤམས་ལ། ཨ་ཀ་རུའི་བདུག་པ་བསྲེག་སྟེ་ནུབ་གསུམ་དུ་མཆིས་ནས་འཁོར་ལོ་ཞགས་པའི་ལག་པའི་ཕྱག་རྒྱས་དོན་ཡོད་རྒྱལ་པོའི་སྙིང་པོའི་བཟླས་བརྗོད་སྟོང་རྩ་བརྒྱད་

99-1-39b

བགྱིས་ཏེ། ལན་སྟོང་རྩ་བརྒྱད་ཚང་བ་དང་། དཀྱིལ་འཁོར་གྱི་དབུས་ནས་དུ་བ་འབྱུང་བར་འགྱུར་ཏེ། ཁྲོ་བོའི་རྒྱལ་པོ་ལན་བདུན་བཟླས་པར་བགྱིའོ། །དེ་ནས་དཀྱིལ་འཁོར་གྱི་དབུས་ནས་སྐྱེས་པ་ནག་པོ་ཆེན་པོའི་ཚུལ་མི་སྡུག་པ། མཆེ་བ་གཙིགས་པ། སྐྲ་
གྱེན་དུ་སྒྲེང་བ། མགོ་འབར་བ། མིག་དམར་བ། མཆུ་དང་ལྕེ་དམར་བ། སེན་མོ་དམར་བ། སྐྲ་སྔོ་བ། དཔུང་པ་མཁྲང་ཅིང་བརྟན་པ། གསུས་པ་འཕྱངས་པོ་མཆོད་ཕྱིར་ཐོགས་པ་དང་ལྡན་པ། མགོ་ལྔ་པ་སྦྲུལ་ལྟར་ལྕེ་བསྒྱུར་བ། སྟག་གི་ཤམ་ཐབས་བགོས་པ། 
ལག་པ་ན་དགྲ་སྟ་དང་། དྲིལ་བུ་ཐོགས་པ། ཞིག་ལུས་ཕྱེད་ཙམ་ཕྱུང་ནས་ཕྱོགས་བཅུར་ལྟ་བར་བྱེད་དོ། །དེ་ནས་རིག་སྔགས་འཆང་གིས་སྐྲག་པར་མི་བགྱི་སྟེ། བརྟན་པར་བགྱིས་ལ། ཁྲོ་བོའི་རྒྱལ་པོ་བཟླས་ནས། འཁོར་ལོའི་ཞགས་པས་
འཕངས་ཏེ་མགོ་བཅད་ལ་ཁྲག་མང་དུ་བྱུང་བ་དང་། རིག་སྔགས་འཆང་གིས་ཁྲག་དེས་ལུས་ཐམས་ཅད་བྱུག་པར་བགྱིའོ། །བྱུགས་པ་ཙམ་གྱི་མོད་ལ་བདག་ཉིད་ཀྱི་ལུས་མི་ཆོད་པ་དང་། མི་ཤིགས་པས་རྡོ་རྗེར་བྱིན་གྱིས་བརླབས་པར་འགྱུར་རོ། །
མིག་གཉིས་ཕྱུང་ལ་རང་གི་མིག་ཕྱིས་ནས་མིག་ལ་བསྐུས་ན་ལྷའི་མིག་ཏུ་འགྱུར་རོ། །རྐང་བྲུས་ཏེ་བྱུགས་ན་ཚེ་བསྐལ་པ་བཅུར་འགྱུར་ཞིང་ཐོས་པ་བསགས་པའི་རྒྱ་མཚོར་འགྱུར། བསྐལ་པ་བརྒྱ་སྟོང་གི་སྐྱེ་བའི་སྐྱེ་བ་དང་། ཚེ་རབས་
དྲན་པར་འགྱུར་རོ། །སྙིང་ཕྱུང་སྟེ་འཚལ་ན་ནམ་མཁའ་ལ་མཆིའོ། །ཁྲག་གིས་སྙིང་གར་ཐིག་ལེ་བགྱིས་ན་མི་གདའ་བར་འགྱུར་རོ། །ལྕེ་བཅད་ན་རལ་གྲིར་གྱུར་ནས་དགྲ་ཐམས་ཅད་བརླག་པར་བགྱིད་དོ། །
གལ་ཏེ་ཐང་ལ་རྒྱུ་བར་འཚལ་ན། དེའི་ཚེ་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད། ཞགས་པ་དང་འཁོར་ལོ་ལ་བཟླས་བརྗོད་བགྱིའོ། །འཁོར་ལོ་ཞགས་པའི་གསང་བའི་ཕྱག་རྒྱའི་ཚུལ་གྱིས་ཐལ་
མོ་ས་ལ་བརྡབ་པར་བགྱི་སྟེ། ལན་གསུམ་དུ་ཐལ་མོ་བརྡབས་པ་དང་། དེའི་འོག་ཏུ་ཐང་གི་སྒོ་བྱེ་བར་འགྱུར་རོ། །ཅི་ལྟར་རང་གི་ཁྱིམ་བཞིན་དུ་འཇུག་པར་བགྱི་སྟེ། ཞུགས་ནས་སླར་ཡང་མཆི་ཞིང་དགོས་པ་གཞན་ཐམས་ཅད་བགྱིད་

99-1-40a

པ་དང་ཐང་ཐམས་ཅད་ལ་གནས་པ་ཐམས་ཅད་དབང་དུ་གྱུར་ནས་གནས་པར་འགྱུར་རོ། །འོན་ཏེ་ནམ་མཁའ་ལ་མཆི་བར་འཚལ་ན་གྱེན་དུ་བལྟས་ནས། དོན་ཡོད་པའི་རྒྱལ་པོའི་སྙིང་པོ་ཡུངས་མར་ལ་ལན་སྟོང་རྩ་བརྒྱད་བཟླས་ཏེ། ལན་སྟོང་རྩ་
བརྒྱད་བཟླས་ནས། བདག་ཉིད་ལ་བྱུགས་ཏེ། ལག་པའི་ཞགས་པའི་ཕྱག་རྒྱས་ནམ་མཁའ་ལ་མཆི་བར་འགྱུར་ཞིང་ནམ་མཁའི་སྒོ་འབྱེད་པར་འགྱུར་རོ། །ལྷའི་གནས་སུ་མཆི་བར་འཚལ་ན། ལྷའི་ཁྱིམ་དུ་མཆིས་ནས་ཞགས་པས་ལྷའི་མགུལ་
ནས་བཅིང་བར་བགྱི་ཞིང་དོན་ཡོད་པའི་སྙིང་པོ་ལན་སྟོང་རྩ་བརྒྱད་བཟླས་ནས། ལྷ་བཅིངས་པ་གང་ཡིན་པ་དེའི་མིང་ནས་བརྗོད་ན་ལྷ་དེ་བབས་ནས་རིག་སྔགས་འཆང་གི་མདུན་ན་མཆིས་པར་འགྱུར་རོ། །ཚངས་པ་དང་། ཁྱབ་འཇུག་དང་། དབང་
ཕྱུག་ཆེན་པོ་རིག་སྔགས་འཆང་ཅི་ཞིག་དོན་དུ་གཉེར་བ་དེ་སྣོམས་ཤིག་ཅེས་སྨྲ་བར་འགྱུར་རོ། །རིག་སྔགས་འཆང་གིས་ལྷའི་གནས་སུ་འགྲོའོ་ཞེས་བརྗོད་པར་བགྱིའོ། །གལ་ཏེ་གཞན་བསམས་པ་ཞིག་མཆིས་ན་མཆོག་ཐམས་ཅད་
སྩོལ་བར་བགྱིད་དོ། །དེ་ནས་ལྷའི་གནས་ནས་མཆི་བ་ན། ལྷའི་གནས་ལྷའི་རྫུ་འཕྲུལ་གྱིས་ལག་པ་ན་ཐོགས་ཏེ། ནམ་མཁའ་ལ་མཆི་བར་འགྱུར་རོ། །ཅི་སྲིད་འཚལ་བར་ལྷའི་གཞལ་མེད་ཁང་ཆེན་པོར་ལོངས་སྤྱོད་པར་འགྱུར་ཞིང་། འོན་ཏེ་
མི་འཚལ་ན་ལྷའི་གནས་ནས་སླར་ཡང་འབབ་པར་འགྱུར་རོ། །གཞན་ཅི་ལྟར་རང་གི་བློ་གྲོས་དང་། ཡིད་ལ་བསམས་པའི་དགོས་པ་ཐམས་ཅད་བགྱིད་པར་འགྱུར་ཞིང་ཐམས་ཅད་དུ་གྲུབ་པར་འགྱུར་ཏེ། དེ་ལ་སོམ་ཉི་དང་ཡིད་གཉིས་
བསྐྱེད་པར་མི་བགྱིའོ། །འཁོར་ལོའི་ཞགས་པ་བསྒྲུབ་པའི་ཆོ་གའོ།། །། དེ་ནས་རིག་སྔགས་འཆང་པད་མའི་ཞགས་པ་བསྒྲུབ་པར་འཚལ་བས། རིག་སྔགས་འཆང་དེ་གཙང་མ་ལེགས་པར་བཀྲུས་ཏེ་གོས་གཙང་མ་བགོ་བར་བགྱིའོ། །ནུབ་
གསུམ་མཆིས་སམ། ནུབ་ལྔ་མཆིས་སམ། ནུབ་གཅིག་མཆིས་ནས་རིག་སྔགས་འཆང་གིས་ཞགས་པའི་སྐུད་པ་བསྒྲུབ་པར་བགྱི་སྟེ། རས་ཀྱི་སྐུད་པའམ་པད་མའི་སྐུད་པ་བཻ་དཱུརྱའི་ཁ་དོག་ལྟ་བུར་ཚོན་གྱིས་བསྒྱུར་བར་བགྱི་ཞིང་ཁྲུ་ཉི་ཤུ་རྩ་གཅིག་བཀལ་

99-1-40b

ཏེ་དེ་ལ་ཡང་པད་མ་བགྱིས་ཏེ། རིན་པོ་ཆེ་སྣ་བདུན་གྱི་འདབ་མ་ཁ་ཕྱེ་བ་སོར་བཞི་པའི་ཚད་ཀྱིས་པད་མ་གསེར་གྱི་འདབ་མ་དང་། དངུལ་གྱི་འདབ་མ་དང་། བཻ་དུྰརྱ་དང་། ཨིན་དྲ་ནཱི་ལ་དང་། རིན་པོ་ཆེ་ཀ་ཏི་ཀ་ལས་བགྱི་ཞིང་མུ་ཏིག་གིས་བསྐོར་བ་བགྱི་སྟེ། དེ་ནས་
ཞགས་པ་ལ་བཏགས་པར་བགྱིའོ། །ཞགས་པའི་ཐོར་ཏོ་གཅིག་ལ་ནི་པད་མའི་ཕྱག་རྒྱ་གདགས་པར་བགྱིའོ། །དེ་ནས་ལེགས་པར་བརྒྱན་པའི་ཆོས་ཀྱི་སྟན་བཟང་པོ་བཤམ་པར་བགྱིའོ། །བའི་ལྕི་བས་དཀྱིལ་འཁོར་བགྱིས་ལ་དཀྱིལ་འཁོར་གྱི་སྟེང་དུ་
དྲིའི་པད་མ་བསམས་པར་བགྱི་ཞིང་། དཀྱིལ་འཁོར་གྱི་སྟེང་དུ་ཆོས་ཀྱི་སྟན་བཤམས་ལ། བུམ་པ་གང་བས་བརྒྱན་པར་བགྱིའོ། །མེ་ཏོག་གི་སིལ་མ་བཀྲམ་ཞིང་ཨ་ག་རུ་དང་། ཀ་རུ་དང་། ཙན་དན་དང་། དུ་རུ་ཀའི་བདུག་པ་དབུལ་བར་བགྱིའོ། །མཆོད་ཡོན་གྱི་སྣོད་ཀྱང་བཞག་
པར་བགྱིའོ། །པད་མའི་ཞགས་པ་དེ་ཡང་ཆོས་ཀྱི་སྟན་གྱི་སྟེང་དུ་བཞག་པར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་རིག་སྔགས་འཆང་གིས་སྐྱིལ་མོ་དཀྲུང་བཅས་ནས། དོན་ཡོད་པའི་ཞགས་པའི་སྙིང་པོ་ལན་ཁྲི་བཟླས་ཏེ། བཟླས་པའི་
ཡུངས་དཀར་རེ་རེ་ནས་དེའི་སྟེང་དུ་གཏོར་བར་བགྱིའོ། །ལན་ཁྲི་རྫོགས་ནས་དེ་ནས་ཚེས་བཅྭ་ལྔའི་ཟླ་བ་ཉ་བའི་ནུབ་མོ་མཆིས་ནས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བགྱིའོ། །ཞགས་པ་དེ་ལ་ཡང་མཆོད་པར་བགྱིའོ། །དོན་
ཡོད་པའི་ཞགས་པའི་ཕྱག་རྒྱ་བཅིངས་ནས་དོན་ཡོད་པའི་རྒྱལ་པོའི་སྙིང་པོ་ལན་བརྒྱ་རྩ་བརྒྱད་བཟླའོ། །དེ་ནས་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་ཏེ། ཉིན་མཚན་གསུམ་དུས་གསུམ་དུ་བཟླས་བརྗོད་དང་མཆོད་པ་བགྱིའོ། །
དེ་ནས་པད་མའི་ཞགས་པ་འབར་ཞིང་ཁ་དོག་སྣ་ཚོགས་ཀྱི་འོད་ཟེར་འབྱུང་བར་འགྱུར་རོ། །ལེགས་སོ་ལེགས་སོ་ཞེས་བགྱི་བའི་ཚིག་འབྱིན་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ལུས་ལ་ཁ་
དོག་སྣ་ཚོགས་ཀྱི་འོད་ཟེར་འབྱུང་བར་འགྱུར་རོ། །དེ་ནས་རིག་སྔགས་འཆང་ཕྱག་རྒྱའི་སྐྱིལ་མོ་དཀྲུང་གིས་མཆིས་ནས་མིག་མི་འཛུམས་ཞིང་བཞིན་འཛུམ་པས་སྙིང་རྗེ་ཆེན་པོ་ཡིད་ལ་བསྒོམ་པར་བགྱིའོ། །

99-1-41a

འཕགས་པ་སྤྱན་རས་གཟིགས་དབང་ཕྱུག་གི་གདོང་དུ་བལྟ་སྟེ། དོན་ཡོད་པའི་ཞགས་པའི་སྙིང་པོ་ལན་སུམ་སྟོང་བཟླས་པར་བགྱིའོ། །དེའི་འོག་ཏུ་འཕགས་པ་སྤྱན་རས་གཟིགས་དབང་ཕྱུག་བདག་ཉིད་ཀྱི་ལྷའི་རང་བཞིན་མདུན་དུ་མཆིས་ནས། 
ལག་པ་གཡས་པ་བརྐྱང་སྟེ་རིག་སྔགས་འཆང་གི་སྤྱི་བོར་གཞག་ནས་ལེགས་སོ་ཞེས་བགྱི་བ་སྩོལ་བར་འགྱུར་ཞིང་། འདི་སྐད་ཅེས་ཀྱང་དབུགས་འབྱིན་པར་འགྱུར་རོ། །རིག་སྔགས་འཆང་ངའི་བུ་སྙིང་ལས་སྐྱེས་པའི་ཐུ་བོ། བཟླས་བརྗོད་ཀྱི་ཆོ་ག་ཆེན་
པོ་དང་། མཆོད་པའི་ཆོ་ག་ཆེན་པོ་འདིས་ང་ལ་མཆོད་པའི་མཆོག་བྱས་པ་དང་། བཟླས་བརྗོད་ཀྱི་མཆོག་དང་གྲུབ་པའི་མཆོག་དེ། ཁྱོད་ཀྱིས་དོན་ཡོད་རྒྱལ་པོའི་སྙིང་པོ་གྲུབ་ཅིང་། ཁྱོད་ཀྱིས་པད་མའི་ཞགས་པ་ཆེན་པོ་གྲུབ་ཀྱིས། ཅི་ལྟར་ཡིད་ལ་བསམས་
པ་བཞིན་དུ་མཆོག་ཁྱེར་ཅིག །ཁྱོད་ཀྱིས་ཡིད་ཀྱི་བརྣག་པ་ཐམས་ཅད་ནི་ཡོངས་སུ་རྫོགས་པར་བྱས། ཁྱོད་འཁོར་བའི་འཇིགས་པ་རྒྱུ་བ་ལས་ནི་གྲོལ། ཁྱོད་སྐྱེ་བ་དང་། རྒ་བ་དང་། ན་བ་དང་། མཆི་བའི་མྱ་ངན་མི་བཟད་པའི་འཇིགས་པ་ལས་ཐར་ན། ཁྱོད་དམྱལ་
བ་ཆེན་པོ་མི་བཟད་པ་བཅུ་དྲུག་ལས་ནི་ཡོངས་སུ་གྲོལ། འཇིགས་པ་ཆེན་པོ་མི་བཟད་པའི་སྡུག་བསྔལ་གྱི་ཚོར་བ་བརྒྱད་ལས་ནི་ཡོངས་སུ་ཐར། འདི་ནས་ཕྱི་མའི་སྐྱེ་བའི་མངལ་དུ་གནས་ནས་སྡུག་བསྔལ་མི་བཟད་པ་ལས་ཤི་འཕོས་ཏེ། རིག་སྔགས་འཆང་ཁྱོད་
བྱང་ཆུབ་ཀྱི་སྙིང་པོ་ལ་ཐུག་གི་བར་དུ། འཇིག་རྟེན་གྱི་ཁམས་བདེ་བ་ཅན་དུ་པད་མ་ལས་རྫུས་ཏེ་སྐྱེ་བར་འགྱུར་རོ། །ཁྱོད་ཀྱི་གང་གཱའི་ཀླུང་འབུམ་ཕྲག་སྟོང་བརྒྱད་བཅུ་རྩ་བཞི་སྙེད་ཀྱི་བྱེ་མ་དང་མཉམ་པའི་དེ་བཞིན་གཤེགས་པ་རྣམས་ལ་
དགེ་བའི་རྩ་བ་ཆེར་བསྐྱེད་པའི་བསོད་ནམས་ཀྱི་ཚོགས་ཆེན་པོ་དང་ནི་ལྡན། རིག་སྔགས་འཆང་ཁྱོད་ཀྱིས་ལྷག་པར་བྱ་བ་མང་པོ་ནི་བྱས། ཁྱོད་རིག་སྔགས་འཆང་ཆེན་པོར་ནི་ལུང་བསྟན། དམྱལ་བ་དང་། ངན་སོང་གི་ལས་ཀྱི་སྒྲིབ་པ་མི་བཟད་པ་ཐམས་
ཅད་ལས་ནི་གྲོལ་གྱིས། ཅི་ལྟར་ཡིད་ལ་བསམས་པ་བཞིན་མཆོག་ཁྱེར་ཅིག །དེ་ནས་རིག་སྔགས་འཆང་གིས་ཅི་ལྟར་ཡིད་ལ་བསམས་པ་བཞིན་དེའི་ཚེ་མཆོག་ཐོབ་པར་འགྱུར་རོ། །དེ་ནས་རིག་སྔགས་འཆང་གིས་པད་མའི་ཞགས་པ་དེ་བླངས་ཏེ་

99-1-41b

གནས་གཙང་མར་གུས་པས་མཆོད་པ་རྒྱ་ཆེར་བགྱིའོ། །ནམ་དགོས་པ་དེའི་ཚེ་ཞགས་པ་བླངས་བར་བགྱིའོ། །ལས་ཐམས་ཅད་བགྱིད་པར་འགྱུར་རོ། །པད་མ་ནི་འཕགས་པ་སྤྱན་རས་གཟིགས་དབང་ཕྱུག་གི་ལག་པར་བཞག་ལ། ལག་པ་གཡས་པས་
ཞགས་པ་གཟུང་སྟེ། དོན་ཡོད་པའི་རྒྱལ་པོའི་སྙིང་པོ་ལན་བརྒྱ་རྩ་བརྒྱད་བཟླས་ནས། སེམས་ཅན་ནམ་ལྷ་གང་གི་མིང་ནས་བརྗོད་དེ། བཟླས་བརྗོད་བརྒྱ་རྩ་བརྒྱད་ཚང་བ་དང་། བྱང་ཆུབ་སེམས་དཔའ་མདུན་ན་མཆིས་ནས། འདོད་པའི་མཆོག་ཐམས་ཅད་
སྩོལ་བར་འགྱུར་རོ། །དེ་ནས་རིག་སྔགས་འཆང་བྱང་ཆུབ་ཏུ་ལུང་བསྟན་པ་དོན་དུ་གཉེར་བར་འཚལ་ན། རིག་སྔགས་འཆང་གཙང་མས་ལེགས་པར་ཁྲུས་བགྱིས་ཏེ། གོས་གཙང་མ་བགོས་པས་ཉིན་ཞགས་གཅིག་མཆིས་པར་གྱུར་པས། སངས་རྒྱས་
བཅོམ་ལྡན་འདས་ཤཱཀྱ་ཐུབ་པ་ལ་མཆོད་པ་རྒྱ་ཆེན་པོ་བགྱིས་ནས། པད་མའི་ཞགས་པ་དེ་ཡང་སངས་རྒྱས་བཅོམ་ལྡན་འདས་ཀྱི་ཕྱག་དུ་དབུལ་བར་བགྱིའོ། །ཞགས་པའི་ཐོར་ཏོ་ཡ་ཅིག་གིས་ནི་རང་གི་མགུལ་དུ་བཏགས་ལ་དོན་ཡོད་རྒྱལ་པོའི་སྙིང་པོ་ལན་
སྟོང་རྩ་བརྒྱད་ཚང་བར་བཟླས་བརྗོད་བགྱིའོ། །སྟོང་རྩ་བརྒྱད་ཚང་བ་དང་། སངས་རྒྱས་བཅོམ་ལྡན་འདས་སྐུ་གསེར་གྱི་མདོག་ཅན་རིག་སྔགས་འཆང་གི་མདུན་དུ་བཞུགས་ནས་རིག་སྔགས་འཆང་གི་སྤྱི་བོར་ཕྱག་གཞག་སྟེ་དབུགས་འབྱིན་པར་མཛད་དོ། །ལུང་སྟོན་
པར་མཛད་ཡིད་ཀྱི་བརྣག་པ་ཐམས་ཅད་ཡོངས་སུ་རྫོགས་པར་མཛད་པར་འགྱུར་རོ། །སྒྲིབ་པ་དང་སྡིག་པ་ཚེ་རབས་སྟོང་དུ་བསགས་པ་ཐམས་ཅད་གཏུགས་པར་འགྱུར། ལྷག་མ་མ་ལུས་པ་གཏུགས་པར་གྱུར་ནས། ལུས་ཡོངས་སུ་དག་པར་འགྱུར་
རོ། །དྲི་མ་དང་བྲལ་ཞིང་ཕྲག་དོག་དང་། སེར་སྣ་སྤངས་པར་འགྱུར་རོ། །འདི་ནས་མ་འོངས་པའི་སྐྱེ་བའི་མངལ་དུ་གནས་ནས། ལྷ་དང་མིའི་དཔལ་ཉམས་སུ་མྱོང་བར་བགྱིས་ནས། སེམས་ཅན་ཐམས་ཅད་ཀྱི་བླ་མ་གཅིག་པུར་འགྱུར་རོ། །མཆོད་པར་འོས་པ་
དང་། བླ་མའི་གནས་སུ་ཡང་འགྱུར་རོ། །ནད་རྣམས་དང་བྲལ་བར་འགྱུར་རོ། །སྐྱེ་བོ་ཐམས་ཅད་དགའ་བར་འགྱུར་རོ། །འགུམ་པའི་དུས་སུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར། དབུགས་འབྱིན་པར་མཛད། 

99-1-42a

ལེགས་པའི་ལམ་སྟོན་པར་ཡང་མཛད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མདུན་ན་མཆིས་ནས་དབུགས་འབྱིན་པར་བགྱིད་ཅིང་ལག་པ་གཡས་པ་སྤྱི་བོར་འཇོག་པར་བགྱིད་དོ། །དེ་དེ་བས་ཤིན་ཏུ་དྲན་པ་ཉེ་བར་བཞག་ནས་
ལུས་འདོར་བར་འགྱུར་རོ། །བོར་བ་ཙམས་གྱི་མོད་ལ་སྐལ་བ་མཉམ་པར་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་ཏེ། རྒྱན་ཐམས་ཅད་ཀྱིས་བརྒྱན་ནས། མཚན་དང་དཔེ་བྱད་ཀྱིས་སྤྲས་པའི་ལུས་པད་མ་ལས་རྫུས་ཏེ་སྐྱེ་བར་འགྱུར་རོ། །
ཚེ་རབས་དྲན་པར་འགྱུར་ཏེ། བསྐལ་པ་བརྒྱ་སྟོང་གི་སྐྱེ་བའི་ཚེ་རབས་དྲན་པར་འགྱུར་རོ། །དོན་ཡོད་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་གྱི་ཕྱག་རྒྱ་རིམ་པར་དབྱེ་བའི་ཆོ་ག་ཞིབ་མོ་འདི་མཐའ་དག་རྫོགས་པར་གཡར་ཐོན་དུ་བགྱིས་ནས་ས་བཅུ་
ལ་གནས་ཤིང་ཕྱིན་ཅི་ལོག་ཏུ་མ་གྱུར་པས་ཕྱིར་མི་ལྡོག་པར་འགྱུར་རོ། །རྫུ་འཕྲུལ་གྱི་རྣམ་པར་འཕྲུལ་པ་ཆེན་པོ་དང་། ཆོ་འཕྲུལ་ཆེན་པོས་ལྷའི་ཁང་པ་བརྩེགས་པ་དང་། གཞལ་མེད་ཁང་དང་། གནས་མཆོག་དང་། ཕྱོགས་བཅུའི་སངས་རྒྱས་
ཀྱི་ཞིང་ཐམས་ཅད་ནས། སངས་རྒྱས་ཀྱི་ཞིང་དུ་བྱང་ཆུབ་ཀྱི་ཞིང་དུ་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་མཆི་བར་འགྱུར་རོ། །དེ་ནས་རིག་སྔགས་འཆང་བདེ་བ་ཅན་གྱི་འཇིག་རྟེན་གྱི་ཁམས་མཐོང་བའི་ཆོས་ཁོ་ན་ལ་བལྟ་བར་འཚལ་ན། 
རིག་སྔགས་འཆང་གིས་གནས་གཙང་མའི་ཕྱོགས་སམ། གནས་སམ། ཁང་པ་འམ། དགོན་པའི་གནས་སམ། འཁོར་གྱི་ཁྱམས་སམ། འཆག་ས་འམ། ཁང་པ་བརྩེགས་པ་འམ། སྤྱིལ་པོ་གཙང་མ་ཕྱི་བརྡར་ལེགས་པར་
བགྱིས་པའི་ས་ཕྱོགས་སུ་དཀྱིལ་འཁོར་གྲུ་བཞི་འབྱེས་པ་ཁྲུ་གང་བ་འམ། ཁྲུ་དོ་པའི་དཀྱིལ་འཁོར་བགྱི་སྟེ། གྲུ་བཞི་ལྷམ་པ། གྲྭ་ཀུན་ནས་ཆར་འབྱེས་པ། ས་དང་སྦྱར་བའི་ལྕི་བས་ཤིན་ཏུ་ལེགས་པར་ཕྱི་བརྡར་བགྱིས་ལ། 
རྩྭ་སྔོན་པོ་གཉེན་པོ་ལྟ་བུ་ལ་མཁས་པས་དཀྱིལ་འཁོར་མཐའ་དག་གི་ཆ་དབྱེ་བའི་ཐིག་གདབ་པར་བགྱིའོ། །དཀྱིལ་འཁོར་གྱི་དབུས་ཀྱི་སྙིང་པོ་ལ་པད་མ་རྒྱ་ཆེན་པོ་འབྱེས་པ་འདབ་མ་བརྒྱ་པ་ཚོན་སྣ་བརྒྱད་ཀྱི་ཚོན་རྩིས་བཀྲ་བར་

99-1-42b

བགྱི་ཞིང་མཛེས་པར་བགྱིས་ལ། སྙིང་པོ་ནི་རིན་པོ་ཆེ་ཀ་ཏི་ཀ་ལས་བགྱིའོ། །པད་མའི་མཐའ་ནོར་བུ་རིན་པོ་ཆེ་སྣ་ཚོགས་ཀྱིས་བསྐོར་ལ། གྲྭ་བཞི་ནས་ཁ་ཁྱེར་སོར་བཞི་པའི་ཚད་དུ་བགྱིའོ། །པད་མའི་བར་གྱི་ཟུར་ཟུར་དུ་ཨུཏ་པ་ལ་སྔོན་པོ་
ལེགས་པར་བྲིས་ལ། ཁ་ཁྱེར་གྱི་ཕྱི་རོལ་དུ་ནོར་བུས་འཁོར་བའི་མཐའ་དེ་མཚོས་བསྐོར་བར་བགྱིའོ། །ལྷའི་ཆབ་རིན་པོ་ཆེ་སྣ་ཚོགས་ཀྱི་གཞལ་མེད་ཁང་གིས་མཛེས་པར་བགྱིས་ལ། ཆབ་ལ་མེ་ཏོག་སྣ་ཚོགས་ཀྱི་སིལ་མ་བཀོད་པ་བྱ་རྣམ་པ་
སྣ་ཚོགས་གནས་འཆའ་བ་ངང་པ་དང་། བཞད་དང་། ཁྲུང་ཁྲུང་དང་། ངུར་པ་དང་། ཤང་ཤང་ཏེའུ་དང་། ཀ་ལ་པིང་ཀ་དང་། བྱའི་ཚོགས་ཀྱིས་མཛེས་པར་བགྱིས་ལ། ཉ་དང་ཆུ་སྲིན་དང་། ཆུ་སྲིན་བྱིས་པ་གསོད་ཀུན་ནས་རྟེན་འཆའ་བར་བགྱིད་དོ། །
མཚོའི་འགྲམ་ན་རིན་པོ་ཆེའི་ལྗོན་ཤིང་དང་། མེ་ཏོག་གི་ལྗོན་ཤིང་དང་། འབྲས་བུའི་ལྗོན་ཤིང་དང་། སྣ་ཚོགས་པ་ཁ་ཁྱེར་དང་བཅས་པར་བགྱིའོ། །དཀྱིལ་འཁོར་གྱི་ཁ་ཁྱེར་གྱི་ཕྱི་རོལ་ན་ལག་པ་དང་ཐལ་མོའི་ཕྱག་རྒྱ་བྲིས་ལ་སྒོ་བཞི་
རྣམས་སུ་རྒྱལ་པོ་ཆེན་པོ་བཞི་བགྱིའོ། །དེ་ནས་དབུས་ཀྱི་དཀྱིལ་འཁོར་ལ་པད་མའི་གདན་བཟང་པོ་བཤམས་ཏེ་དེའི་སྟེང་དུ། བཅོམ་ལྡན་འདས་འོད་དཔག་མེད་དང་། འཕགས་པ་སྤྱན་རས་གཟིགས་དབང་ཕྱུག་དང་
མཐུ་ཆེན་ཐོབ་བཞག་པར་བགྱིའོ། །དཀྱིལ་འཁོར་བུམ་པ་གང་བས་བརྒྱན་པར་བགྱིའོ། །མེ་ཏོག་སིལ་མ་དང་། དྲི་དང་བྱུག་པ་ཡང་དབུལ་བར་བགྱིའོ། །བ་དན་བཟང་པོ་སྣ་ཚོགས་ཀྱིས་བརྒྱན་པར་བགྱིའོ། །
གཏོར་མ་དཀར་པོ་དབུལ་བར་བགྱིའོ། །ཡོན་ཆབ་ཀྱི་སྣོད་དང་། མར་མེའི་ཕྲེང་བ་དབུལ་བར་བགྱིའོ། །པད་མའི་ཞགས་པ་འོད་དཔག་མེད་ཀྱི་ཕྱག་དུ་དབུལ་བར་བགྱིའོ། །རིག་སྔགས་འཆང་གཙང་མས་གོས་གཙང་མ་བགོ་
བར་བགྱིའོ། །ལེགས་པར་ཁྲུས་བགྱིས་ནས་བའི་རྣམ་ལྔས་ཉེ་རེག་བགྱིས་ལ་ཟླ་བ་ཉ་ལ་ཉིན་ཞག་གཅིག་མཆིས་པར་གྱུར་པས་ཁ་ཤར་ཕྱོགས་སུ་བལྟས་ལ་སྐྱིལ་མོ་དཀྲུང་བཅས་ཏེ་

99-1-43a

མཆིས་ནས། ལག་པས་ཞགས་པའི་ཕྱག་རྒྱ་བཅིངས་ཏེ་བཟླས་བརྗོད་བགྱིའོ། །བྱམས་པ་དང་བརྩེ་བའི་སེམས་ཀྱིས་ལྷག་པར་བརྩོན་པར་བགྱིའོ། །སྙིང་རྗེས་མཆོག་ཏུ་བརྩེ་བར་གྱུར་པས་སེམས་ཅན་ཐམས་ཅད་ལ་བརྩེ་བར་བགྱིད་ན། དོན་ཡོད་པའི་ཞགས་པའི་
སྙིང་པོ་བཟླས་བརྗོད་བགྱིས་ཏེ། ཅི་ཙམ་ན་ཐུན་ཐ་མ་ལ། འོད་དཔག་མེད་འབར་བར་གྱུར་ནས། དཀྱིལ་འཁོར་ཆེན་པོ་དེ་ལ་ཡང་འོད་ཟེར་འབྱུང་བར་འགྱུར་རོ། །རིག་སྔགས་འཆང་གཡོ་བར་གྱུར་ནས་ལུས་འབར་བར་འགྱུར་རོ། །དེ་ནས་རིག་སྔགས་འཆང་
གིས་སྐྱ་རེངས་ཤར་ཙམ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཕགས་པ་འོད་དཔག་མེད་གསེར་སྤུངས་པ་ལྟ་བུ་དེ་བཞིན་གཤེགས་པའི་སྐུ་གསེར་གྱི་ཁ་དོག་གིས་རིག་སྔགས་འཆང་གི་མདུན་དུ་བཞུགས་ནས། 
ཕྱག་གཡས་པ་རིག་སྔགས་འཆང་གི་སྤྱི་བོར་གཞག་ནས། དབུགས་འབྱིན་པར་མཛད་ཅིང་ཡིད་ཀྱི་བརྣག་པ་ཐམས་ཅད་ཡོངས་སུ་རྫོགས་པར་མཛད་ནས་མི་གདའ་བར་གྱུར་པ་དང་། ཤིན་ཏུ་རྣམ་པར་དག་པ་དྲི་མ་མེད་པའི་སྣང་བ་ཞེས་བགྱི་བའི་གཉིད་ཐོབ་ནས། 
ཅི་ལྟར་ཉལ་ཙམ་འམ་མིག་བཙུམ་པ་ཙམ་གྱིས་འཇིག་རྟེན་གྱི་ཁམས་བདེ་བ་ཅན་གཞལ་མེད་ཁང་དང་། གནས་དང་། འཇིག་རྟེན་དང་། ཡུལ་ལྗོངས་དང་། བྱང་ཆུབ་སེམས་དཔའི་འཁོར་མཐའ་དག་དང་བཅས་པའི་དཀྱིལ་འཁོར་ཡོངས་སུ་རྫོགས་པར་
མཐོང་བར་འགྱུར་ལགས་སོ། །དེ་བཞིན་གཤེགས་པ་དེ་ཆོས་སྟོན་པར་མཛད་པ་ཡང་མཐོང་བར་འགྱུར་ལགས་སོ། །འཁོར་གྱི་དཀྱིལ་འཁོར་དེ་དག་ཐམས་ཅད་དབུགས་འབྱིན་པར་བགྱིད་པ་དང་། གཞལ་མེད་ཁང་དང་། རྣམ་པར་འཕྲུལ་པ་དང་། 
རྫུ་འཕྲུལ་དང་། ཆོ་འཕྲུལ་ཐམས་ཅད་མཐོང་བར་འགྱུར་ལགས་སོ། །འདི་ནས་མ་འོངས་པའི་སྐྱེ་བ་ནས་ཤི་འཕོས་ཏེ། འཇིག་རྟེན་གྱི་ཁམས་བདེ་བ་ཅན་དུ་སྐལ་བ་མཉམ་པར་སྐྱེ་བར་འགྱུར་རོ། །སྐྱེ་བའི་སྐྱེ་བ་དྲན་པར་འགྱུར་ཏེ་སྐྱེ་བ་བདུན་སྟོང་རྗེས་
སུ་དྲན་པར་འགྱུར་རོ། །དེ་སད་ནས་ཞགས་པ་ལ་ལན་སྟོང་རྩ་བརྒྱད་བཟླས་བརྗོད་བགྱིས་ནས། ལག་པ་གཡས་པས་གཟུང་ནས། ནམ་མཁའ་ལ་འཕུར་བར་འགྱུར་རོ། །ལོ་ཁྲིར་འཚོ་བར་འགྱུར་རོ། །ཞགས་པ་གྲུབ་པ་རྣམས་དང་། རིག་སྔགས་འཆང་

99-1-43b

ཐམས་ཅད་ཀྱི་འཁོར་ལོས་བསྒྱུར་བར་འགྱུར་རོ། །འཁོར་ཁྲི་བརྒྱ་སྟོང་དང་ལྡན་པར་འགྱུར་རོ། །པད་མའི་ཞགས་པ་སྒྲུབ་པའི་ཆོ་གའོ།། །། དེ་ནས་རིག་སྔགས་འཆང་རྡོ་རྗེའི་ཞགས་པ་བསྒྲུབ་པར་འཚལ་ན། ཤིང་ཤུན་དང་། རས་སྐུད་དང་། ཁ་ཆེ་དར་གྱི་སྐུད་པ་མཉམ་དུ་ལྷན་
ཅིག་བཀལ་ཏེ། ཁྲུ་ཉི་ཤུ་རྩ་གཅིག་གི་ཚད་ཙམ་དུ་བགྱིས་ལ། ཙན་དན་དཀར་པོ་ལས་རྡོ་རྗེ་སོར་བཞི་པའི་ཚད་དུ་བགྱིས་ཏེ། རྩེ་ལྔ་པ་འབྱུང་པོ་ལ་སོགས་པའི་མགོ་དང་། སྦྲུལ་གྱི་སྐ་རགས་ཀྱིས་བཅིངས་ལ། ཀླུའི་རྒྱལ་པོ་དགའ་བོ་དང་ཉེ་དགའ་བོའི་
དྲ་བའི་ཕྲེང་བས་དཀྲི་བ་བགྱིས་ནས་ཞགས་པ་ལ་གདགས་པར་བགྱིའོ། །དེ་ནས་རིག་སྔགས་འཆང་གཙང་མས་གོས་གཙང་མ་བགོ་བར་བྱའོ། །ལེགས་པར་ཁྲུས་བགྱིའོ། །བའི་རྣམ་ལྔས་ཉེ་རེག་བགྱིའོ། །རྩྭའི་སྟན་བཏིང་ནས་རི་མོའི་གཟུགས་
ཀྱི་མདུན་དུ་ལག་པ་གཡས་པས་ཞགས་པ་མནན་ནས། དོན་ཡོད་པའི་ཞགས་པའི་སྙིང་པོ་ཁྲི་བཟླས་སོ། །ཁྲོ་བོའི་རྒྱལ་པོའི་སྙིང་པོ་སྟོང་བཟླས་སོ། །དེ་ནས་ཞགས་པ་དེ་འབར་བར་འགྱུར་ཏེ། དེ་བཟུང་ནས་ནམ་མཁའ་ལ་འཕུར་བར་
འགྱུར་རོ། །རྡོ་རྗེའི་རིགས་དང་། དེ་བཞིན་གཤེགས་པའི་རིགས་དང་། ནོར་བུའི་རིགས་དང་། པད་མའི་རིགས་གང་དག་ལགས་པ་དེ་དག་ཐམས་ཅད་མདུན་ན་བཞུགས་པར་འགྱུར་རོ། །ལག་ན་རྡོ་རྗེ་དང་འདྲ་བར་གཟུགས་དང་། མཐུ་དང་། 
བརྩོན་འགྲུས་ཕ་རོལ་གྱི་ཟིལ་གྱིས་མི་ནོན་པར་འགྱུར་རོ། །ལག་ན་རྡོ་རྗེ་དང་འདྲ་བར་རིག་སྔགས་འཆང་གི་དབང་པོར་འགྱུར་རོ། །ལོ་ཁྲི་འཚོ་བར་འགྱུར་རོ། །ལས་ཐམས་ཅད་བགྱི་པ་རྡོ་རྗེའི་ཞགས་པ་དགྲ་ཐམས་ཅད་འཇོམས་པར་བགྱིད་
པའི་ཞགས་པ་སྟེང་ངམ་འོག་གར་འཕངས་པར་ཡིད་ལ་བསམས་པ་བཞིན་ཐམས་ཅད་བཅིངས་ནས་དགུག་པར་བགྱིད་དོ། །ཕྱོགས་བཅུར་འཕང་སྟེ་ཁྲོ་བོའི་རྒྱལ་པོ་བཟླས་ནས་སྐྱེས་པ་དང་། བུད་མེད་དམ། གཞན་ཡང་ཅི་ཡང་རུང་བ་ཐམས་ཅད་ཞགས་
པས་བཅིངས་ནས། མྱུར་དུ་དགུག་པར་བགྱིད་དེ། སོམ་ཉི་མི་བགྱིའོ། །གལ་ཏེ་ལྷ་འམ། ཀླུ་འམ། གནོད་སྦྱིན་ནམ། སྲིན་པོ་འམ། དྲི་ཟ་འམ། ལྷ་མ་ཡིན་ནམ། ནམ་མཁའ་ལྡིང་ངམ། མི་འམ་ཅི་འམ། འབྱུང་པོ་འམ། ལྟོ་འཕྱེ་ཆེན་པོ་ཐམས་ཅད་ཞགས་པས་བཅིངས་

99-1-44a

ནས་མྱུར་དུ་དགུག་པར་བགྱི་སྟེ་སོམ་ཉི་མི་བགྱིའོ། །ཞགས་པ་ལ་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བགྱི་སྟེ། མར་གྱི་ངོ་ཚེས་བཅུ་བཞིའི་མཚན་མོ་ནམ་ཕྱེད་ན་ཞགས་པ་ཕྱོགས་བཞིར་འཕང་བར་བགྱིའོ། །འཕངས་པ་ཙམ་གྱི་མོད་ལ་བགེགས་
དང་། ལོག་འདྲེན་དང་། གནོད་སྦྱིན་དང་། སྲིན་པོ་དང་། གདུག་པ་ཐམས་ཅད་ཞགས་པས་བཅིངས་ནས། རིགས་སྔགས་འཆང་གི་མདུན་ན་མཆིས་ཤིང་ཅི་སྲིད་འཚོའི་བར་དུ་དབང་དུ་གྱུར་ནས་མཆིས་ཏེ། བྲན་བཞིན་དུ་ལས་ཐམས་ཅད་བགྱིད་པར་འགྱུར། བལྟས་པ་ཙམ་
གྱིས་གདོན་ཐམས་ཅད་ལས་ཐར་བར་འགྱུར་རོ། །ཞགས་པ་ལ་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ། ལག་པས་ཞགས་པ་བླངས་ཏེ་དུར་ཁྲོད་དུ་ཞུགས་ན་མི་སྣང་བར་འགྱུར་ཞིང་གནས་ཐམས་ཅད་ཀྱི་སྒོ་འབྱེ་བར་འགྱུར་རོ། །ཕུག་གི་
སྒོར་མཆིས་ནས་རྡོ་རྗེའི་ཞགས་པས་བརྡབས་ན། ཕུག་ཐམས་ཅད་ཀྱི་སྒོ་དབྱེ་བར་འགྱུར་ཞིང་འཁྲུལ་འཁོར་དང་གཏན་པ་ཐམས་ཅད་དུམ་བུར་འཆག་པར་འགྱུར་རོ། །ལྟས་ངན་པ་དང་། རྨི་ལམ་ངན་པ་དང་། མི་མ་ཡིན་པ་དང་། འབབ་ཆུ་ངན་པ་དང་། སྦྲུལ་དང་། དབུགས་གདུག་
པ་དང་། སྲོག་ཆགས་གོ་ནས་དང་། གདུག་པ་དང་བཅས་པའི་སྲོག་ཆགས་སུ་གཏོགས་པ་ཐམས་ཅད་མི་གདའ་བར་འགྱུར་རོ། །མི་དྲང་པོ་དང་ལམ་དྲང་པོར་ཅི་ལྟར་རང་གི་གནས་སམ། གཙུག་ལག་ཁང་ངམ། ཁང་པ་བཞིན་དུ་ཞུགས་ནས་དགོས་པ་ཐམས་
ཅད་བསྒྲུབས་ཏེ། སླར་ཡང་གནས་ནས་ཕྱིར་ལྡོག་པར་འགྱུར་རོ། །རྡོ་རྗེའི་ཞགས་པ་ལས་ཐམས་ཅད་བགྱིད་པ་སྒྲུབ་པའི་ཆོ་གའོ།། །། དེ་ནས་རིག་སྔགས་འཆང་ནོར་བུའི་ཞགས་པ་བསྒྲུབ་པར་འཚལ་ན། རིག་སྔགས་འཆང་དེས་ནོར་བུ་འཚལ་བར་བགྱི་སྟེ། 
རྡོ་རྗེ་འམ། བཻ་དཱུརྱཱ་འམ། ཤེལ་རང་འབྱུང་ངམ། མརྒད་དམ། ཨིན་དྲ་ནཱི་ལ་ལ་སོར་མོའི་ཚིགས་པས་ལྷག་ཙམ་ཤིན་ཏུ་ཕྱིས་ལ། ཤིན་ཏུ་ཡོངས་སུ་དག་པར་བགྱིས་ལ། གསེར་གྱི་མེ་ཏོག་གི་ཚུལ་དུ་བགྱིས་པ། མུ་ཏིག་གིས་དཀྲིས་པ། གེ་སར་ཁ་ཕྱེ་བ་
ཙམ་པ་ཀའི་མེ་ཏོག་ཅི་ལྟ་བ་བཞིན་བགྱིས་ལ། རས་བཟང་པོའི་སྐུད་པ་ཚོན་རྩི་མཛེས་པས་ཁ་བསྒྱུར་བ། ཤིན་ཏུ་ཚད་ལ་བབ་པར་བཀལ་བ་ཁྲུ་ཉི་ཤུ་རྩ་གཅིག་པ། སོར་མོ་གུང་མོའི་ཚད་ཙམ་གྱི་ནོར་བུས་བརྒྱན་ལ། ཐོར་ཏོ་ཅིག་ཤོས་སུ་ནི་

99-1-44b

ནོར་བུ་འམ་གསེར་ལས་བགྱིས་པའི་ལྕགས་ཀྱུ་གདགས་པར་བགྱིའོ། །དེ་ནས་རིག་སྔགས་འཆང་གཙང་མས་གོས་གཙང་མ་བགོ་བར་བགྱིའོ། །ལེགས་པར་བཀྲུས་ནས་བའི་རྣམ་ལྔས་ཉེ་རེག་བགྱིའོ། །དེའི་འོག་ཏུ་རི་མོའི་གཟུགས་ཀྱི་མདུན་དུ་
སྤོས་ཐམས་ཅད་ཀྱི་དཀྱིལ་འཁོར་ཚད་དང་ལྡན་པ་བགྱིས་ལ་གྲྭ་བཞིར་བུམ་པ་གང་བ་གཞག་པར་བགྱིད་ཅིང་། སྤོས་ཕོར་གྱི་སྣོད་བཤམས་ནས། ཨ་ག་རུའི་བདུག་པ་དང་། ཙན་དན་དང་། དུ་རུ་ཀའི་བདུག་པ་དབུལ་བར་བགྱིསའོ། །
དཀྱིལ་འཁོར་གྱི་དབུས་སུ་ཆོས་ཀྱི་སྟན་བཟང་པོ་ཚད་དང་ལྡན་པ་བཤམས་ལ། བ་དན་སྣ་ཚོགས་ཀྱིས་དཀྱིལ་འཁོར་བསྐོར་བར་བགྱིའོ། །མེ་ཏོག་གི་སིལ་མ་དང་། དྲི་དང་རོལ་མོའི་ཆ་བྱད་དག་དགོད་པར་བགྱིའོ། །རིག་སྔགས་འཆང་
གིས་ཟས་དཀར་གསུམ་འཚལ་བར་བགྱིའོ། །བཏུང་བ་ངན་པ་དང་། ཁ་ཟས་ངན་པ་དང་། གནས་ངན་པ་དང་། ལྷག་མ་དང་། སྤགས་པ་པ་དང་རྣམ་པར་སྤང་བར་བགྱིའོ། །དོན་ཡོད་པའི་རྒྱལ་པོའི་སྙིང་པོ་ཉི་ཁྲི་ཆིག་སྟོང་བཟླས་ནས། ལག་པ་
གཡས་པས་ཆོས་ཀྱི་སྟན་གྱི་སྟེང་དུ་གཞག་པའི་ཞགས་པ་ལ་མནན་ནོ། །ལན་ཉི་ཁྲི་ཆིག་སྟོང་ཚང་བ་དང་། དེ་ནས་རིག་སྔགས་འཆང་གིས་ཁྲོ་བོའི་རྒྱལ་པོ་ལན་སྟོང་རྩ་བརྒྱད་ཚང་བར་བཟླས་ཏེ། ཡུངས་དཀར་རེ་རེ་ནས་དབང་བསྐུར་
བར་བགྱིའོ། །ལན་སྟོང་རྩ་བརྒྱད་ཚང་བ་དང་། རིག་སྔགས་འཆང་གིས་འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་མཆོད་པ་རྒྱ་ཆེར་བགྱིའོ། །བཅོམ་ལྡན་འདས་འོད་དཔག་མེད་དང་། དེ་བཞིན་གཤེགས་
པ་ཤཱཀྱ་ཐུབ་པ་ལ་ཡང་མཆོད་པ་རྒྱ་ཆེར་བགྱིའོ། །དེ་ནས་རིག་སྔགས་འཆང་གིས་ཚེས་བཅྭ་ལྔའི་ཉ་ལ་ཉིན་ཞག་གཅིག་སྨྱུང་བ་བགྱིས་ནས་མཆོད་པ་རྒྱ་ཆེར་བགྱིས་ཏེ། མཆོད་པའི་ཡོ་བྱད་གང་ཅི་ཡང་རུང་བ་དེ་དག་ཐམས་ཅད་རེ་རེ་
ནས་དོན་ཡོད་པའི་ཞགས་པའི་སྙིང་པོ་ལན་ཉི་ཤུ་རྩ་རེ་རེ་ནས་བཟླས་བརྗོད་བགྱིས་ནས་དབུལ་བ་བགྱིའོ། །དེ་ནས་སྐྱིལ་མོ་དཀྲུང་བཅས་ཏེ་མཆིས་ནས། ཉིན་མཚན་ཀུན་ཏུ་དོན་ཡོད་པའི་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་

99-1-45a

ཏེ། ཡུངས་དཀར་རེ་རེ་ནས་བརྡེགས་པར་བགྱིའོ། །ལན་སྟོང་རྩ་བརྒྱད་ཚང་བ་ཆེར་གཡོ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལས་ཀྱང་འོད་ཟེར་ཁ་དོག་སྣ་ཚོགས་དག་འབྱུང་བར་འགྱུར་
རོ། །ནོར་བུའི་ཞགས་པ་དེ་ཡང་འབར་བར་འགྱུར། རིག་སྔགས་འཆང་གི་མགོ་བོ་ཡང་འབར་བར་འགྱུར་རོ། །འབར་བ་ཙམ་གྱི་མོད་ལ་རིག་སྔགས་འཆང་གི་ལག་པ་གཡས་པས་ནོར་བུའི་ཞགས་པ་བླངས་པ་ན། སྒྲ་ཆེན་པོ་ཡང་འབྱུང་བར་འགྱུར་རོ། །དེ་ནས་འཕགས་པ་སྤྱན་རས་
གཟིགས་དབང་ཕྱུག་ལྷའི་བདག་ཉིད་ཀྱི་རང་བཞིན་གྱིས་རིག་སྔགས་འཆང་གི་མདུན་ན་མཆིས་པར་འགྱུར་རོ། །དེ་བཞིན་གཤེགས་པ་འོད་དཔག་མེད་དང་། དེ་བཞིན་གཤེགས་པ་ཤཱཀྱ་ཐུབ་པ་དང་། དེ་བཞིན་གཤེགས་པ་འཕགས་པ་སྤྱན་རས་གཟིགས་
འོད་ཀྱི་རྒྱལ་པོའི་སྐུ་གསེར་གྱི་ཁ་དོག་གིས་ནམ་མཁའ་ལ་རྫུ་འཕྲུལ་གྱིས་བཞུགས་ནས། རིག་སྔགས་འཆང་ལ་ལེགས་སོ་ཞེས་བགྱི་བ་སྩོལ་བར་འགྱུར། ཕྱག་དཔུང་པ་གསེར་གྱི་ཁ་དོག་འདྲ་བ་བརྐྱང་བའི་ཕྱག་གིས། རིག་སྔགས་འཆང་
གི་མགོ་བོར་བཞག་ནས། རིག་སྔགས་འཆང་ལ་དབུགས་འབྱིན་པར་མཛད་དེ། རིག་སྔགས་འཆང་ལེགས་སོ་ལེགས་སོ། །ཁྱོད་ཀྱིས་ཡིད་བཞིན་གྱི་ནོར་བུ་ཆེན་པོ་དོན་ཡོད་པའི་ཞགས་པ་རྣམ་པར་དག་པ་གྲུབ་པོ། །ཁྱོད་ཀྱིས་འཇིག་རྟེན་
པ་དང་འཇིག་རྟེན་ལས་འདས་པའི་ལས་བསྒྲུབ་པའི་ཆོ་ག་བླ་ན་མེད་པ་གྲུབ་སྟེ། རིག་སྔགས་འཆང་གིས་འདོད་དགུར་བསྒྱུར་བ་ཐམས་ཅད་དེ། འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་གྲུབ་པ་ཡིད་བཞིན་གྱི་ནོར་བུ་ཆེན་པོའི་ཞགས་
པ་ཐོགས་ནས། རིག་སྔགས་འཆང་གིས་འབད་མི་དགོས་པར་ཡིད་བཞིན་གྱི་ནོར་བུ་ཆེན་པོ་དོན་ཡོད་པའི་ཞགས་པ་གྲུབ་པའི་རང་བཞིན་འདིས། འཇིག་རྟེན་པ་དང་། འཇིག་རྟེན་ལས་འདས་པའི་དགོས་པ་རྣམ་པ་སྣ་ཚོགས་བསྒྲུབས་པར་བྱེད་པ་ལ་
ལྟོས་ཤིག །ཡིད་ལ་ཅི་ལྟར་བསམས་པ་བཞིན་རྫུ་འཕྲུལ་དང་། ཆོ་འཕྲུལ་སྣ་ཚོགས་ལ་བལྟོས་ཤིག །རིག་སྔགས་འཆང་ཁྱོད་ཤི་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་སོང་ཞིག །འོན་ཏེ་བདེ་བ་ཅན་བལྟ་བར་འཚལ་ལམ། ཅི་ལྟར་དེ་

99-1-45b

བཞིན་གཤེགས་པ་ལ་འོས་པའི་ལྷ་རྫས་ཀྱི་མཆོད་པར་འཚལ་ལམ། དེ་བཞིན་གཤེགས་པ་ལ་མཆོད་པའི་སྤྲིན་གྱིས་མཆོད་པར་འཚལ་ལམ། ལྷའི་མེ་ཏོག་དང་། ལྷའི་དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། ཆོས་གོས་དང་། གདུགས་དང་། རྒྱལ་མཚན་
དང་། དྲིལ་བུ་དང་། བ་དན་དང་། ལྷབ་ལྷུབ་དང་། རྒྱན་དང་གོས་ཀྱིས་དེ་བཞིན་གཤེགས་པ་ལ་མཆོད་པར་བགྱི་བ་འཚལ་ན། རིག་སྔགས་འཆང་དེས་སྤྱི་བོའི་གཙུག་དུ་དྲིའི་དཀྱིལ་འཁོར་བགྱིས་ལ་མེ་ཏོག་དང་། བདུག་པ་ཡང་དབུལ་ལོ། །ཡིད་བཞིན་གྱི་
ནོར་བུ་ཆེན་པོ་དོན་ཡོད་པའི་ཞགས་པའི་མཆོག་འདི། ལག་པ་གཡོན་པས་མནན་ལ། ལག་པ་གཡས་པས་དོན་ཡོད་པ་ཡིད་བཞིན་གྱི་ནོར་བུའི་མཆོག་གཟུངས་ནས། པུས་མོ་གཡས་པའི་ལྷ་ང་ས་ལ་གཙུགས་ཏེ། འདི་ལྟ་བུ་ཡིད་ལ་བགྱིད་
པ་ཆེན་པོ་ཅི་ལྟ་བུའི་བསམ་པ་ཡིད་ལ་བགྱིད་པ་དེ་ལྟ་བུ་ཡང་བསམས་ནས། དོན་ཡོད་རྒྱལ་པོའི་སྙིང་པོ་ལན་བདུན་བཟླས་ཏེ་ཕྱག་བགྱིའོ། །ཡིད་བཞིན་གྱི་ནོར་བུ་ཆེན་པོ་རྒྱ་ཆེན་དོན་ཡོད་པ་འདི་བཟླས་ནས། འཕགས་པ་སྤྱན་རས་གཟིགས་དབང་
ཕྱུག་གི་སྙིང་པོ་འདི། ལན་བརྒྱ་རྩ་བརྒྱད་བཟླས་བརྗོད་བགྱིའོ། །བྱམས་པ་ཆེན་པོ་དང་སྙིང་རྗེ་ཆེན་པོས་ཡོངས་སུ་གདུངས་པའི་སྙིང་གིས་སེམས་ཅན་ཐམས་ཅད་ལ་མཆོག་དུ་བརྩེ་བར་བགྱིས་ནས་གསང་སྔགས་བཟླས་བརྗོད་བགྱིའོ།། །།
འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ལྔ་པ། དུས་གསུམ་དུ་གཤེགས་ཤིང་བཞུགས་པའི་སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་མཐའ་ཡས་པ་ཐམས་ཅད་ལ་ཕྱག་
འཚལ་ལོ། །རང་སངས་རྒྱས་དང་། འཕགས་པ་ཉན་ཐོས་ཀྱི་དགེ་འདུན་འདས་པ་དང་། མ་བྱོན་པ་དང་། ད་ལྟར་བྱུང་བ་ཐམས་ཅད་ལ་ཕྱག་འཚལ་ལོ། །ཡང་དག་པར་སོང་བ་དང་། ཡང་དག་པར་ཞུགས་པ་ཐམས་ཅད་ལ་ཕྱག་འཚལ་
ལོ། །བློ་གྲོས་ཆེན་པོ་ཤྭ་ར་དྭ་ཏིའི་བུ་ལ་ཕྱག་འཚལ་ལོ། །གནས་ཀྱི་མཆོག་དགའ་ལྡན་ན་གནས་པ་འཕགས་པ་བྱམས་པ་ལ་སོགས་པའི་ཚོགས་དང་བཅས་པའི་མཆོག་ལ་ཕྱག་འཚལ་ལོ། །བདེ་བ་ཅན་གྱི་དཀྱིལ་འཁོར་ན་

99-1-46a

བཞུགས་པ་དེ་བཞིན་གཤེགས་པ་འཕགས་པ་འོད་དཔག་མེད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་
དབང་ཕྱུག་ལ་ཕྱག་འཚལ་ལོ། །ཚངས་པ་དང་ཁྱབ་འཇུག་དང་། དབང་ཕྱུག་ཆེན་པོ་དང་། དབང་ཕྱུག་ལ་སོགས་པའི་ལྷའི་བུ་གཟུགས་སྣ་ཚོགས་མངའ་བ་སྤྱན་རས་གཟིགས་ལ་ཕྱག་འཚལ་ལོ། །ཏདྱ་ཐཱ། ཨོཾ་མ་ཧཱ་པད་མ་ཙིན་ཏ་མ་ཎི་མ་ཎན་ཎི། ཨ་མོ་གྷ་མ་
ཎི་སུ་མ་ཎི། མ་ཧཱ་མ་ཎི། སརྦ་ཏ་ཐཱ་ག་ཏ། ཨ་ལྃ་ཀཱ་ར། མ་ཧཱ་ཨ་མོ་གྷ་མ་ཎི། ཙ་ར་ཙ་ར་སན་ཙ་ར། ན་ཤ་ཙ་ཙ་རེ་ཤྭ་ར་མ་ཧཱ། པད་མ་བྷུ་ཛ་བ་ར་ད། མ་ཧཱ་ཀཱ་རུ་ནི་ཀ །མ་ཧཱ་བི་ཤྭ་རུྰ་པ་དྷ་ར། པྲ་བ་ར་མ་ཧཱ་བོ་དྷི་སཏྭ་པད་མ་དྷ་ར་པད་མ་ཨཱ་སན་པད་མ་མ་
ཀུ་ཊ། མཱ་ལཱ་དྷ་ར། པད་མ་གཽ་ར། པད་མ་བཾ་ཀྲྀ་ཏ་ཏ་ནུ། ས་ཧཱ་སྲ་བྷུ་ཛ་ས་ཧཱ་སྲ་ནེ་ཏྲ་ནཱ་ནཱད་བྷུ་ཏ། པྲ་བ་ར་ཎ། མུད་དྲ་བི་བྷུ་ཥི་ཏཱ་ས་ཧཱ་སྲ་བྷུ་ཛ། ཛ་ཡ་ཛ་ཡ། ཤ་ཏ་ས་ཧཱ་སྲ་རཤྨི་པྲ་ཏི་མན་ཌི་ཏ་ཤ་རཱི་རཱ། བྷ་ར་བྷ་ར། བི་ཙིད་ཏྲ། ཨཱ་བྷ་ར་ཎ་དྷ་ར། 
མ་ཎི་ཀན་ཀ །བཛྲ་བཻ་དུྰརྱ། མ་ར་ཀ་ཏ། ཨིན་དྲ་ནཱི་ལ་པད་མ་རཱ་ག་བྷུ་ཥི་ཏ་ཤི་རཱི་ར། ཙི་རི་ཙི་རི། བི་ཙིད་ཏྲ། ཙ་རཱ་ཎ། མ་ཧཱ་བོ་དྷི་སཏྭ་བ་ར་ད་བྲཧྨ། བིཥྞུ་མ་ཧེ་ཤྭ་ར་རུྰ་པ་དྷ་ར། པད་མེ་ཤྭ་ར། ལོ་ཀི་ཤྭ་ར་ཡམ་ཨནྟེ་ཤྭ་ར་བ་རུ་ཎ། 
ཀུ་བེ་ར་རྀ་ཥ་ག་ཎ་ཀུ་མཱ་ར། སེ་ནཱ་པ་ཏི་བེ་ཤ་དྷ་ར་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། མ་ཧཱད་བྷུ་ཏ་བི་ཤ་དྷ་ར། སརྦ་ཏ་ཐཱ་ག་ཏཱ་ཨ་བྷི་ཥི་ཀ་ཏ་ས་མ་ཡ་མ་ནུ་སྨ་ར་བྷ་ག་བཱན། པུྰ་ར་ཡ་མ་ཤཱན་ཏཱ་རཱ་ཡ་པུ་ར་ན། ཤཱ་ཡ་
ཡ་ས་ཏྭན། ཏར་ཛ་ཡ་དུ་ཤྚ་ན། བཱ་ཏ་ཡ་བིགྷ་ནན། ། མ་ར་ཡ་ཏྲི་དོ་ཥ་མཱ་ལྃ་ས་ར་ས་ར། པ་པྃ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སིདྷྱ་སིད་དྷྱ། མ་ཧཱ་ཙིན་ཏཱ་མ་ཎི། ཨ་མོ་གྷ་པཱ་ཤ་དྷ་ར། སཱ་དྷ་ཡ་སཱ་དྷ་ཡ། བི་པུ་ལ་སིད་དྷིྃ། 
མ་མ་པྲ་ཡཙྪ། མ་ཧཱ་ཀཱ་རུ་ཎི་ཀ །བུད་དྷ་བུད་དྷ། བོ་དྷ་ཡ་བོ་དྷ་ཡ། སྃ་བྷོ་དྷ་ཡཱ། སྃ་བྷོ་དྷ་ཡཱ། མ་ཧཱ་པ་ཤུ་པ་ཏི་བེ་ཥ་དྷ་ར། ཨ་ནན་བི་ཀུར་བ་ཎ། རྀད་དྷི་སན་ད་རི་ཤ་ར། ཏུ་རུ་ཏུ་རུ། ཏ་ར་ཏུ་རཱ། ག་ག་ནེ་བི་པུ་ལ་བི་མཱ་ན། 

99-1-46b

སན་དྷ་རི་ཤ་ཀ །ན་མོ་སྟུ་ཏེ་བི་པུ་ལ་པུ་ཎྱ། ཀོ་ཤཱ་དྷ་ར། མ་ཧཱ་ཨ་མོ་གྷ་སིད་དྷེ་ཧཱུྃ་ཧཱུྃ། ཨ་བྷི་ཥིཉྩ་ཏུ་མཱྃ། བི་པུ་ལ་ཀཱིརྟི་ཀ་རེ་སྭཱ་ཧཱ། བྷུ་སྭཱ་ཧཱ། བྷུར་བྷུ་བ་སྭཱ་ཧཱ། ཨ་མོ་གྷ་བི་པུ་ལེ་སྭཱ་ཧཱ། མ་ཧཱ་ཙིན་ཏཱ་མ་ཎི་སིད་དྷེ་སྭཱ་ཧཱ། སརྦ་སིད་
དྷི་བ་ར་དྷེ་སྭཱ་ཧཱ། ཨོཾ་བི་པུ་ལེ་ཤྭ་ར། ལོ་ཀེ་ཤྭ་ར། མ་ཧཱ་ཙིན་ཏ་མ་ཎི། མ་ཧཱ་ཨ་མོ་གྷ་སིད་དྷི་ཧཱུྃ་ཕཊ་སྭཱ་ཧཱ། དོན་ཡོད་ནོར་བུའི་ཞགས་པ་ཆེན་པོ་འདི་ལན་བརྒྱ་རྩ་བརྒྱད་བཟླས་མ་ཐག་ཏུ་རིག་སྔགས་འཆང་གི་ལུས་ཐམས་ཅད་
འབར་བར་འགྱུར་རོ། །དོན་ཡོད་པའི་ཞགས་པ་ལག་པས་མནན་ན་ནམ་མཁའི་ངོས་ལ་རྫུ་འཕྲུལ་གྱིས་མཆི་བར་འགྱུར་རོ། །སྒྱུ་མ་ལྟ་བུའི་ཏིང་ངེ་འཛིན་དང་འདྲ་བའི་རྫུ་འཕྲུལ་གྱི་ཆོ་འཕྲུལ་ཆེན་པོ་སྟོན་པར་འགྱུར་རོ། །
འཇིག་རྟེན་གྱི་ཁམས་བདེ་བ་ཅན་མཐོང་བར་འགྱུར་རོ། །དེ་བཞིན་གཤེགས་པ་འོད་དཔག་མེད་ཀྱང་ཚོགས་དང་བཅས། འཁོར་དང་བཅས། བྱང་ཆུབ་སེམས་དཔའ་ཆེན་པོའི་དཀྱིལ་འཁོར་དང་། གཞལ་མེད་ཁང་མཆོག་དང་བཅས་
པ་རྫུ་འཕྲུལ་གྱིས་རྣམ་པར་འཕྲུལ་པ་མཐོང་བར་འགྱུར་རོ། །བདེ་བ་ཅན་གྱི་གནས་མཐའ་དག་ཏུ་མཆོད་པའི་ཆར་སྤྲིན་གྱི་ཚོགས་ཆེན་པོ་འབྱུང་བར་འགྱུར་ཞིང་། དེ་བཞིན་གཤེགས་པ་ཚེ་དཔག་མེད་ཀྱི་མཐུས་མཆོད་པའི་སྤྲིན་ཆེན་
པོར་གནས་པར་འགྱུར་རོ། །བདེ་བ་ཅན་ན་གནས་པ་དེ་དག་ཐམས་ཅད་དེ་བཞིན་གཤེགས་པ་ཚེ་དཔག་མེད་དེས། རིག་སྔགས་འཆང་ལ་ལེགས་སོ་ཞེས་བགྱི་བ་སྩོལ་བར་འགྱུར་རོ། །རིག་སྔགས་འཆང་དེས་ཀྱང་སྒྲ་དེ་དག་ཐམས་ཅད་ཐོས་པར་འགྱུར་
ཞིང་མཆོད་པའི་ཆར་ཆེན་པོ་དེ་ཡང་མཐོང་བར་འགྱུར་རོ། །གལ་ཏེ་རིག་སྔགས་འཆང་ནམ་མཁའ་ལས་ཆུ་འབེབས་པར་འཚལ་ན། དེའི་ཚེ་བསམས་པ་ཙམ་གྱིས་འབབ་པར་འགྱུར་རོ། །འོན་ཏེ་མི་འཚལ་ན་ནམ་མཁའ་དེ་ཉིད་ན་ནམ་མཁའ་ལ་གྲུབ་པ་དང་། རིག་སྔགས་
འཆང་ཐམས་ཅད་ཀྱི་མཆོག་དོན་ཡོད་རྒྱ་ཆེན་གྲུབ་པ་ཡིད་བཞིན་ནོར་བུ་ལག་པ་ཞེས་བྱ་བའི་འཁོར་ལོས་བསྒྱུར་བར་འགྱུར་རོ། །དཔག་ཏུ་མ་མཆིས་པའི་འཁོར་ལོས་སྒྱུར་བའི་རིག་སྔགས་འཆང་གིས་ཡོངས་སུ་བསྐོར་བར་འགྱུར་རོ། །ཚེ་བསྐལ་པ་ཆེན་པོ་བརྒྱ་

99-1-47a

སྟོང་ཕྲག་བརྒྱད་བཅུ་རྩ་གཉིས་སུ་འགྱུར་རོ། །འོན་ཏེ་བབས་ན་ལོ་ཁྲིར་འཚོ་བར་འགྱུར་རོ། །འཇིག་རྟེན་དབང་ཕྱུག་དང་འདྲ་བར་མཆོད་པ་དང་གུས་པ་ཆེན་པོ་བགྱིད་པར་འགྱུར་རོ། །འཇིག་རྟེན་ཐམས་ཅད་ཀྱི་གཙོ་བོ་གཅིག་པུར་འགྱུར་རོ། །ལྷ་རྣམས་ཀྱང་བབས་ནས་རིག་
སྔགས་འཆང་དེ་ལ་མཆོད་པའི་མཆོག་རྒྱ་ཆེན་པོ་དག་བགྱིད་པར་འགྱུར་རོ། །སེམས་ཅན་ཐམས་ཅད་ལ་བུ་གཅིག་པ་བཞིན་དུ་མངོན་པར་དགའ་བར་འགྱུར་རོ། །མཆོད་པའི་འོས་སུ་ཡང་འགྱུར་རོ། །ལྷ་ཐམས་ཅད་ཀྱིས་ཀྱང་ཀུན་དུ་བསྲུང་ཞིང་ཕྱག་བགྱི་བའི་འོས་སུ་
འགྱུར་རོ། །ཐོས་པ་བསགས་པའི་རྒྱ་མཚོ་ཆེན་པོར་ཡང་འགྱུར་རོ། །གལ་ཏེ་རིག་སྔགས་འཆང་ཕྱོགས་བཅུ་དུས་གསུམ་ཐམས་ཅད་ཀྱི་དེ་བཞིན་གཤེགས་པ་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ་དང་བཅས་པ་རང་སངས་རྒྱས་དང་། འཕགས་པ་
ཉན་ཐོས་ཀྱི་དགེ་འདུན་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་སངས་རྒྱས་ཀྱི་བསྟན་པ་ལ་མངོན་པར་དད་པ་དང་བཅས་པ་ལ་མཆོད་པ་བགྱིད་པར་འཚལ་བ་འམ། 
ཕྱོགས་བཅུ་དུས་གསུམ་དུ་གཏོགས་པ་ཐམས་ཅད་ཀྱི་དེ་བཞིན་གཤེགས་པ་རྣམས་ལ་བསོད་ནམས་ཀྱི་ཕུང་པོ་ཆེན་པོ་ཡོངས་སུ་རྫོགས་པར་འཚལ་བ་དགེ་བའི་རྩ་བ་ཆེན་པོ་བསྐྱེད་པར་འཚལ་བ་འམ། ལྷའི་ཞལ་ཟས་ཀྱི་མཆོག་རོ་བྲོ་བའི་མཆོག་དང་ལྡན་པའི་བཟའ་བ་དང་། 
ལྷའི་བཅུད་ཀྱིས་ལེན་གྱི་མཆོག་གིས་དེ་བཞིན་གཤེགས་པ་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། འཕགས་པ་ཉན་ཐོས་ཀྱི་དགེ་འདུན་ཐམས་ཅད་ལ་བསྟབས་པར་འཚལ་བ་འམ། སྦྱིན་པ་མང་པོ་དང་། ཆེན་པོ་གཏོང་བར་འཚལ་བ་འམ། 
ཉིན་རེ་ཞིང་མཆོད་པའི་སྤྲིན་བགྱིད་པར་འཚལ་ན། རིག་སྔགས་འཆང་དེས་ལེགས་པར་བཀྲུས་ཏེ། གཙང་མས་གོས་གཙང་མ་བགོས་ནས། ཅི་འབྱོར་པས་དཀྱིལ་འཁོར་གྲུ་བཞིར་བགྱིས་ལ། བཅོམ་ལྡན་འདས་འཕགས་པ་སྤྱན་རས་གཟིགས་དབང་
ཕྱུག་གི་མདུན་དུ་མེ་ཏོག་དང་། བདུག་པ་ཡང་དབུལ་བར་བགྱིའོ། །པུས་མོ་གཙུགས་ཏེ་ཐལ་མོ་སྦྱར་ནས་ཞགས་པ་གཟུང་སྟེ། དེ་བཞིན་གཤེགས་པ་ཐམས་ཅད་ཡིད་ལ་བགྱིའོ། །ཡིད་བཞིན་ནོར་བུ་ཆེན་པོ་རྒྱ་ཆེན་དོན་ཡོད་འདི་ཡང་མཆོད་པར་བགྱིའོ། །

99-1-47b

འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་ལན་བདུན་བཟླས་པར་བགྱིའོ། །ཡིད་ལ་བགྱིད་པ་ཡངས་པ་རྒྱ་ཆེན་པོ་མཆོད་པའི་སྤྲིན་ཆེན་པོ་དང་། སྦྱིན་གཏོང་ཆེན་པོ་དང་། ཁ་ཟས་དང་། བཏུང་བ་དང་། དྲི་དང་ཕྲེང་བ་དང་། བྱུག་པ་དང་། ཕྱེ་མ་དང་། ཆོས་གོས་དང་། 
གདུགས་དང་། རྒྱལ་མཚན་དང་། བ་དན་དང་། གོས་དང་། རྒྱན་དང་། ལྷབ་ལྷུབ་དང་། རྒྱན་འཕྱང་དང་། རོལ་མོ་དང་། སིལ་སྙན་དང་། ཕེག་རྡོབ་པ་དང་། རིན་པོ་ཆེའི་ལྗོན་ཤིང་དང་། འབྲས་བུའི་ལྗོན་ཤིང་དང་། མེ་ཏོག་གི་ལྗོན་ཤིང་དང་། མར་མེའི་ལྗོན་ཤིང་དང་། 
དཔག་བསམ་གྱི་ལྗོན་ཤིང་ཡིད་ལ་བགྱིས་ཏེ། གསང་སྔགས་ཀྱི་གཟུངས་བཟླས་ནས་ཇི་ལྟར་ཡིད་ལ་བསམས་ཤིང་དོན་དུ་གཉེར་བ་བཞིན་ཕྱོགས་བཅུར་འཕངས་ན། དེའི་ཚེ་ཕྱོགས་བཅུ་དུས་གསུམ་དུ་གཤེགས་པ་དཀྱིལ་འཁོར་མཐའ་དག་ཏུ་
གཏོགས་པའི་འཁོར་གྱི་དཀྱིལ་འཁོར་དུ་མཁོ་བའི་ཡོ་བྱད་ཐམས་ཅད་མ་ཚང་བ་མ་མཆིས་པར་ཅི་བསམས་པ་བཞིན་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་གྱི་སྤྱན་སྔར་མཆོད་པའི་ཆར་གྱི་སྤྲིན་ཆེན་པོ་འབྱུང་བར་འགྱུར་རོ། །
དེ་བཞིན་དུ་མཁོ་བའི་ཡོ་བྱད་ཐམས་ཅད་ཀྱི་མཆོད་པ་ཆེན་པོ་མ་ཚང་བ་མ་མཆིས་པ་འབྱུང་བར་འགྱུར་རོ། །དེ་བཞིན་དུ་མཐུ་ཆེན་པོའི་ནོར་བུ་རྒྱ་ཆེན་དོན་ཡོད་ལ་མཆོད་པའི་གཟུངས་བཟླས་ཤིང་། འཕགས་པ་སྤྱན་རས་གཟིགས་དབང་ཕྱུག་གི་སྙིང་
པོའི་གཟུངས་འདི་ཡང་ཉིན་གཅིག་བཞིན་དུ་བཟླས་པར་བགྱིའོ། །དེ་ནས་རིག་སྔགས་འཆང་གིས་དུས་གསུམ་དུ་གཤེགས་པའི་འཁོར་གྱི་དཀྱིལ་འཁོར་དང་བཅས་པ་དེ་དག་མཉེས་པར་བགྱིས་པ་དང་། མཆོད་པ་བགྱིས་པ་དང་། 
རིམ་གྲོ་བགྱིས་པར་འགྱུར་རོ། །བསོད་ནམས་ཀྱི་ཕུང་པོའི་ཚོགས་ཆེན་པོ་དང་། དགེ་བའི་རྩ་བ་ཆེན་པོ་བསྐྱེད་པར་འགྱུར་རོ། །དུས་གསུམ་དུ་གཏོགས་པའི་དེ་བཞིན་གཤེགས་པ་འཁོར་གྱི་དཀྱིལ་འཁོར་དང་བཅས་པ་དེ་དག་ཐམས་ཅད་
ཀྱིས་རིག་སྔགས་འཆང་ལ་དྲན་པ་དང་། 

99-1-48a

བློ་གྲོས་དང་སྟོབས་དང་བརྩོན་འགྲུས་དང་གཟི་བརྗིད་སྩོལ་བར་འགྱུར་རོ། །ཉིན་གཅིག་བཞིན་དུ་དེ་བཞིན་གཤེགས་པ་ཐམས་ཅད་མཐོང་བར་འགྱུར་རོ། །རྟག་ཏུ་དེ་བཞིན་གཤེགས་པ་རྣམས་ཀྱིས་དགོངས་པར་
འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་ཏུ་རྗེས་སུ་འབྲང་བར་འགྱུར་རོ། །རྟག་ཏུ་མཆོག་སྦྱིན་པ་མཐོང་བར་འགྱུར་རོ། །མཐོང་བའི་ཆོས་ལ་འཁོར་བའི་སྡུག་བསྔལ་འཇིགས་པ་འཇིགས་སུ་རུང་བ་དང་། སྐྲག་
པ་དང་དངར་བ་རྣམས་ཞི་བར་འགྱུར་རོ། །ནད་ཀྱིས་ཀྱང་གནོད་པར་མི་འགྱུར་རོ། །རིམས་ཀྱིས་མ་ལགས་དུག་གིས་མ་ལགས། དུག་སྦྱར་མས་མ་ལགས། སྦྱོར་བས་མ་ལགས། མཚོན་གྱིས་མ་ལགས། མེས་
མ་ལགས། ཆུས་མ་ལགས་ཏེ། ལུས་ལ་སེར་བ་འབབ་པར་མི་འགྱུར་རོ། །དགྲས་འཇིགས་པར་མི་འགྱུར་ཏེ། ཕ་རོལ་གྱི་དཔུང་གི་འཇིགས་པས་མ་ལགས། ཕ་རོལ་གྱི་སྡེའི་འཇིགས་པས་མ་ལགས། ཕས་ཀྱི་
རྒོལ་བ་དང་མི་མཛའ་བའི་འཇིགས་པས་མ་ལགས། ལྷའི་འཇིགས་པས་མ་ལགས། ཀླུའི་འཇིགས་པས་མ་ལགས་ཏེ། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། 
མཁའ་འགྲོ་མ་དང་། འདོད་དགུར་བསྒྱུར་བ་དང་། སྦྱོར་བ་མོའི་འཇིགས་པ་འབྱུང་བར་མི་འགྱུར་རོ། །དཔག་ཚད་གཅིག་གི་ནང་ཚུན་ཆད་བཟུང་བར་མི་ནུས་ཤིང་། རྒྱང་རིང་པོར་འབྲོས་པར་འགྱུར་ཏེ། དེ་ལ་བགེགས་བགྱིད་པར་
མི་འགྱུར་རོ། །གང་དག་མནར་མེད་པར་གནས་པར་འགྱུར་བའི་སེམས་ཅན་ནམ། མཚམས་མེད་པ་ལྔ་བགྱིད་པ་འམ། འཕགས་པ་ལ་སྐུར་བ་འདེབས་པ་འམ། དམ་པའི་ཆོས་སྤོང་བ་འམ། བསྐལ་པ་བྱེ་བར་
བསགས་པའི་ལས་ཀྱི་སྒྲིབ་པས་ལུས་ཡོངས་སུ་དཀྲིས་པ་གང་ལགས་པ་དེ་ཡང་མཐོང་བའི་ཆོས་ལ་ཐམས་ཅད་ལྷག་མ་མ་ལུས་པར་ཡོངས་སུ་གཏུགས་པར་འགྱུར། ཡོངས་སུ་གྲོལ་བར་འགྱུར་རོ། །གལ་ཏེ་ཚིག་གཞན་

99-1-48b

མི་སྨྲ་བར་ལན་སྟོང་རྩ་བརྒྱད་བཟླས་བརྗོད་བགྱིད་ཅིང་། སྨྱུང་བ་ལན་ཅིག་བགྱིས་ཏེ། བཟླས་བརྗོད་བྱས་ན་དེ་བསྐལ་པ་བྱེ་བ་ཕྲག་བརྒྱ་སྟོང་དུ་འཁོར་བར་སྐྱེ་བ་ལས་ཕྱིར་ཟློག་པར་འགྱུར་རོ། །གཟུགས་ཀྱི་བཟླས་བརྗོད་ཀྱིས་ལས་
སྔ་མ་རྣམས་ཀྱང་འབྱང་བར་འགྱུར་ཞིང་། བསྐལ་པ་སྟོང་དུ་བསགས་པའི་སྡིག་པ་རྣམས་ཉམས་པར་འགྱུར་རོ། །འཁོར་བའི་ཉེས་པས་ཕྱིར་ཡང་གོས་པར་མི་འགྱུར་ཏེ། སྡིག་པ་དང་སྒྲིབ་པ་ཐམས་ཅད་ཀྱིས་པད་མ་བཞིན་དུ་
གོས་པར་མི་འགྱུར་རོ། །མཐོང་བའི་ཆོས་ལ་ས་ལྔ་པ་ཐོབ་པར་འགྱུར་རོ། །བསྟེན་པ་ཙམ་མམ་ཆོ་གའི་བཟླས་བརྗོད་ལ་ངེས་པར་གནས་ན། ཕྱིར་མི་ལྡོག་པའི་གནས་ཐོབ་པར་འགྱུར་རོ། །དྲན་པ་ཙམ་གྱིས་ཕ་རོལ་ཏུ་ཕྱིན་པ་
དྲུག་ཡོངས་སུ་རྫོགས་པར་འགྱུར་རོ། །ཕ་རོལ་ཏུ་ཕྱིན་པ་བཅུའི་རྗེས་སུ་མཆི་བར་འགྱུར་རོ། །ཉིན་གཅིག་བཞིན་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ན། མཐོང་བའི་ཆོས་ལ་ཀུན་ཏུ་བཟང་པོ་ཉིད་ཐོབ་པར་འགྱུར་རོ། །གསང་
སྔགས་དང་ཆོ་ག་ཞིབ་མོ་དང་། དཀྱིལ་འཁོར་དང་ཕྱག་རྒྱ་ཐམས་ཅད་ཀྱི་རྗེས་སུ་ཞུགས་པ་དང་། དམ་ཚིག་ཐམས་ཅད་ལ་ཞུགས་པར་འགྱུར་རོ། །ཡང་དག་པར་སྐྱེད་པ་ཐམས་ཅད་ཀྱི་རྗེས་སུ་འབྲང་བར་འགྱུར་རོ། །རིག་
སྔགས་འཆང་མཐོང་བ་ཙམ་གྱིས། མནར་མེད་པར་གནས་པ་རྣམས་ཀྱི་སྡིག་པ་རྣམ་པར་འཇིག་པར་འགྱུར་རོ། །ཆུང་ངུ་ན་རིག་སྔགས་འཆང་དུར་ཁྲོད་དུ་ཞུགས་ནས་གུམ་པའི་རུས་པ་འམ། གུམ་པའི་ཤ་འམ། གུམ་པའི་
རོ་རུལ་པ་འམ། ཆུང་ངུ་ན་གུམ་པའི་གོས་བོར་བ་འམ། རྩིག་པའི་རི་མོ་ལ་རིག་སྔགས་འཆང་དེའི་གྲིབ་མས་ཕོག་པར་གྱུར་ན། སེམས་ཅན་དེ་གང་དང་གང་གིས་དམྱལ་བར་གཞོལ་བར་འགྱུར་བ་དེ་དང་དེ་ནས་མོད་ལ་ཐར་ནས་
འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། དེ་ལ་ཡིད་གཉིས་སོམ་ཉི་བསྐྱེད་པར་མི་བགྱིད་ན། གང་དག་ཆེས་མང་དུ་ལྷག་པར་བགྱིད་པར་འགྱུར་བ་ལྟ་སྨོས་ཀྱང་ཅི་འཚལ། གང་རིགས་ཀྱི་བུ་ཕོ་འམ། རིགས་

99-1-49a

ཀྱི་བུ་མོ་འམ། དགེ་སློང་ཕ་འམ། དགེ་སློང་མ་འམ། དགེ་སྙེན་ཕ་འམ། དགེ་སྙེན་མ་འམ། དད་པའི་རྗེས་སུ་འབྲང་བ་འགའ་ཞིག་གཟུངས་འདི་འཆང་བར་བགྱིད་དམ། བརྗོད་པར་བགྱིད། ཀློག་པར་བགྱིད། འདོན་པར་བགྱིད། སེམས་པར་བགྱིད། བསྒོམ་
པར་བགྱིད། མཆོད་པར་བགྱིད། བྲི་བར་བགྱིད། འདྲིར་འཇུག་པར་བགྱིད་ན། དེ་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །མཐོང་བའི་ཆོས་ལ་ཡོན་ཏན་ཆེན་པོ་བརྒྱ་སྟོང་མང་པོ་མཐོང་བར་འགྱུར་རོ། །འདི་ཉིད་
བཅངས་ན། མཐོང་བའི་ཆོས་ལ་དགེ་བའི་རྩ་བ་ཐམས་ཅད་དང་། ཕ་རོལ་ཏུ་ཕྱིན་པ་དྲུག་དང་རྗེས་སུ་མཐུན་པའི་དགེ་བའི་རྩ་བ་ཡོངས་སུ་རྫོགས་པར་འགྱུར་རོ། །གཟུངས་འདི་ཉིད་རེ་ཤིག་ཀུན་ཆུབ་པར་བགྱིས་ནས། མཁོ་བའི་ཡོ་བྱད་ཐམས་ཅད་ཡོངས་སུ་
རྫོགས་པར་འགྱུར་ན། དགོས་པ་མང་པོས་གྲིམས་པར་བགྱིད་པ་ལྟ་སྨོས་ཀྱང་ཅི་འཚལ། དེ་ནས་རིག་སྔགས་འཆང་དོན་ཡོད་ཡིད་བཞིན་ནོར་བུའི་ཞགས་པ་བསྒྲུབས་ནས་ཡིད་ལ་བསམས་ཏེ། བསམས་པའི་ལས་ཐམས་ཅད་བགྱིས་ན་ཐམས་ཅད་འགྲུབ་པར་འགྱུར་
རོ། །དགོས་པ་དང་བགྱི་བ་ཐམས་ཅད་འགྲུབ་པར་འགྱུར་རོ། །ཅི་ལྟར་འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་མངོན་སུམ་དུ་མཐོང་ནས། ལུང་བསྟན་པ་བཞིན་དུ་དོན་ཡོད་པའི་ཡིད་བཞིན་གྱི་ནོར་བུའི་ཞགས་པ་འདི་དེ་བཞིན་དུ་བལྟ་བར་བགྱི་སྟེ། 
འདི་ལ་ཡིད་གཉིས་མི་བགྱིའོ། །དེ་ནས་རིག་སྔགས་འཆང་གིས་ཞགས་པ་མགྲིན་པར་བཏགས་ལ། ལག་པ་གཡས་པས་ནོར་བུ་ཟེར་ཞགས་པ་བླངས་ཏེ། ལག་པ་གཡོན་པས་ལྕགས་ཀྱུ་བླངས་ན་མི་གདའ་བར་གྱུར་ནས། གར་དགའ་བ་དེར་འཇུག་
པར་འགྱུར་ཏེ། མཚན་མོ་ཡང་ནོར་བུའི་འོད་ཀྱི་སྣང་བས་ཉིན་པར་བལྟ་བ་བཞིན་མཐོང་བར་འགྱུར་རོ། །ཐམས་ཅད་དུ་ལྷའི་གནས་སུ་འཇུག་པ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅིའི་གནས་དང་། 
ལྟོ་འཕྱེ་ཆེན་པོའི་གནས་དང་། རི་སུལ་གྱི་ཕུག་དང་། རི་དང་ནགས་ཚལ་དང་། ཐང་གི་སྒོ་རྣམས་འབྱེ་བར་འགྱུར་རོ། །ཐམས་ཅད་དུ་མི་མངོན་པར་ཞུགས་ནས་སླར་ལྡོག་པར་འགྱུར་ཞིང་ཅི་འཚལ་བ་དེ་བགྱིད་པར་འགྱུར་རོ། །མི་རྣམས་ཀྱི་ནང་དུ་ལྷའི་

99-1-49b

ཚེ་ལོ་བརྒྱར་འཚོ་བར་འགྱུར་རོ། །ཉོན་མོངས་པ་དང་། ཉེས་པའི་སྐྱོན་ཐམས་ཅད་སྤངས་པར་འགྱུར་རོ། །འོན་ཏེ་རིག་སྔགས་འཆང་གིས་གྲུབ་པའི་དོན་ལ་བརྟག་པར་འཚལ་ན། ཟླ་བ་ཡར་གྱི་ངོའི་ཚེས་བརྒྱད་དམ། བཅུ་བཞི་ལ་ལེགས་པར་ཁྲུས་བགྱིའོ། །
གཙང་མས་གོས་གཙང་མ་བགོ་བར་བགྱིའོ། །གཙང་མའི་གནས་སམ། ཕྱོགས་སུ་བའི་གཅིག་སྟེ། བའི་རྣམ་ལྔས་ཡོངས་སུ་སྦྱང་བར་བགྱིའོ། །གནས་དེའི་ནང་ལོགས་ཀྱི་དབུས་སུ་དྲིའི་དཀྱིལ་འཁོར་བགྱིའོ། །མེ་ཏོག་གི་སིལ་མ་བཀྲམ་ཞིང་བུམ་
པ་གང་བས་བརྒྱན་ཅིང་། སྤོས་སྣ་ཚོགས་ཀྱིས་བགོས་པའི་བདུག་པ་བཞག་པར་བགྱིའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་སྟན་བཟངས་པོ་བཤམས་ཏེ་ཤིན་ཏུ་མཉམ་པར་གཞག་པས་ཞགས་པ་སྦྲུལ་ཁྱིལ་པའི་ཚུལ་དུ་
ཟླུམ་པོར་སྐྱིལ་ནས་གཞག་པར་བགྱིའོ། །དབུས་སུ་ནོར་བུ་གཞག་པར་བགྱིའོ། །དེ་ནས་རིག་སྔགས་འཆང་གིས་མཆོད་པར་བགྱིའོ། །དོན་ཡོད་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས། ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་
བཟླས་བརྗོད་བགྱིའོ། །དེ་ནས་དོན་ཡོད་ཡིད་བཞིན་གྱི་ནོར་བུའི་སྙིང་པོ་ལན་བརྒྱ་རྩ་བརྒྱད་བཟླས་ནས་དེའི་འོག་ཏུ་ཙན་དན་དང་། ཨ་ཀ་རུ་དང་། དུ་རུ་ཀའི་བདུག་པ་དབུལ་ཞིང་ནོར་བུ་ལ་བརྟག་པར་བགྱི་སྟེ། ཞགས་པ་དང་། དེ་ཐམས་ཅད་
ནོར་བུའི་ནང་ནས་གདའ་བར་འགྱུར་རོ། །དེ་བཞིན་གཤེགས་པ་གདའ་བ་འམ། བྱང་ཆུབ་སེམས་དཔའ་གདའ་བ་འམ། ལྷ་གདའ་བ་འམ། ཀླུ་གདའ་བ་འམ། གནོད་སྦྱིན་དང་སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་
གདའ་བ་དང་། འབྱུང་པོ་དང་། ལྟོ་འཕྱེ་ཆེན་པོ་གདའ་བ་འམ། གཡུལ་འགྱེད་པ་གདའ་བ་འམ། ཚེ་རིང་བ་གདའ་བ་འམ། ཚེ་ཉམས་པ་གདའ་བ་འམ། ཚེ་འཕོ་བ་གདའ་བ་འམ། རྒྱལ་སྲིད་གདའ་བ་འམ། གྲོང་འཐོབ་པའམ། ཡུལ་འཐོབ་པ་དང་། གྲོང་ཁྱེར་
འཐོབ་པ་འམ། དབྱིག་དང་། གསེར་དང་། ནོར་བུ་དང་། མུ་ཏིག་དང་། བཻ་དུྰརྱ་དང་། ཤང་ཀ་ཤྀ་ལ་དང་། བྱི་རུ་དང་། ས་ལེ་སྦྲམ་དང་། དངུལ་དང་། གོས་དང་། ལྷབ་ལྷུབ་དང་། རྒྱན་གདའ་བ་འམ། ནོར་བསྒྱུར་བ་སྨྲ་བ་དང་། མིག་འཕྲུལ་སྨྲ་བ་འམ། ཞིང་སྨྲ་བ་འམ། གཏེར་སྨྲ་བ་འམ། 

99-1-50a

འབྲུ་སྨྲ་བ་འམ། བུད་མེད་འཕྲོག་པ་འམ། ལས་སྒྲུབ་པ་འམ། གསང་སྔགས་བསྒྲུབ་པ་འམ། དབང་དུ་བགྱི་བ་འམ། ངོ་མཚར་བ་དེ་དག་ཐམས་ཅད་ནོར་བུའི་ནང་ནས་གདའ་བར་འགྱུར་ཞིང་དགེ་བ་འམ་མི་དགེ་བ། དེ་དག་ཐམས་ཅད་ཀྱང་གདའ་བར་འགྱུར་རོ། །
ལོ་འམ། ལོ་ཕྱེད་དམ་གནོད་པ་འམ། འཚེ་བ་འམ། མི་ཡམས་སམ། ངས་སམ། མི་ངས་ཆེན་པོ་འམ། ཕྱུག་ངས་སམ། གོར་རམ། རྟ་ནད་དམ། གླང་པོ་ཆེའི་ནད་དམ། རང་གི་དཔུང་ངམ། གཞན་གྱི་དཔུང་གི་འཇིགས་པ་དང་སྐྲག་པ་ཆེན་པོ་དེ་དག་ཐམས་ཅད་མེ་ལོང་གི་དཀྱིལ་
འཁོར་ལ་ཅི་ལྟ་བ་དེ་བཞིན་དུ་གདའ་བར་འགྱུར་ལགས་སོ། །གང་བསམས་ཤིང་གང་གཉེར་བར་འགྲུབ་པ་འམ། མི་འགྲུབ་པ་འམ། དགེ་བ་འམ་མི་དགེ་བ་ཐམས་ཅད་གདའ་བར་འགྱུར་ཏེ། དེ་ལ་ཐེ་ཚོམ་དང་ཡིད་གཉིས་དང་སོམ་ཉི་མི་བགྱི་སྟེ། དངོས་པོ་དོན་གཞན་དུ་མི་འགྱུར་རོ། །ཆར་
མི་འབབ་པའི་དུས་སུ་ཀླུའི་གནས་སུ་ནོར་བུ་གཞག་ན། ཅི་ཙམ་འཚལ་བར་ཆར་གྱི་རྒྱུན་འབབ་པར་འགྱུར་རོ། །ཧ་ཅང་ཆར་ཆེས་ན་ནམ་མཁའ་ལ་ནོར་བུ་བསྟན་ན་ཆར་ཆེན་པོ་འཆད་པར་འགྱུར་རོ། །ཉི་མ་འཆར་ཁར་ཉི་མ་ལ་བསྟན་ན་ཉི་མ་བབས་ནས་མཆོག་ཐམས་
ཅད་སྩོལ་བར་འགྱུར་རོ། །ཟླ་བ་ཚེས་པ་ལ་བསྟན་ན་ཟླ་བ་བབས་ནས་འདོད་དགུ་ཐམས་ཅད་ཀྱི་མཆོག་སྩོལ་བར་བགྱིད་དོ། །ཆུ་ཀླུང་ཆེན་པོར་བསྟན་ན་རིན་པོ་ཆེ་རྣམས་འབྱུང་བར་འགྱུར་རོ། །ནགས་ཁུང་དུ་བསྟན་ན་སྨན་གྱི་རྫས་ཐམས་ཅད་རང་གི་
གཟུགས་ཀྱིས་མདུན་ན་མཆིས་ནས་གང་གཉེར་བ་དེ་ལེན་པར་འགྱུར་རོ། །རི་ཕུག་དུ་བསྟན་ན་སྨན་ཐམས་ཅད་འབབ་པར་འགྱུར་ཏེ། ཅི་འཚལ་བ་དེ་བླང་བར་བགྱིའོ། །འབྲུའི་ཕུང་པོ་ལ་བསྟན་ན་འབྲུ་ཐམས་ཅད་འདུ་བར་འགྱུར་ཏེ། གང་དུ་འཚལ་བ་དེར་འབྱུང་བར་
འགྱུར་རོ། །མ་མོའི་གནས་སམ། ནག་པོ་ཆེན་པོ་ལ་བསྟན་ཏེ། སྤྱི་བོའི་གཙུག་ཏུ་གཞག་ན་ནག་པོ་ཆེན་པོ་མ་མོའི་ཚོགས་ཀྱི་འཁོར་དང་བཅས་པ་རང་གི་གཟུགས་ཀྱིས་མདུན་ན་མཆིས་ནས། དབང་དུ་འགྱུར་ཞིང་དགོས་པ་ཐམས་ཅད་དང་ལས་ཐམས་ཅད་
བགྱིད་པར་འགྱུར་རོ། །རྒྱལ་པོའི་མངོན་སུམ་དུ་བསྟན་ན་ཡན་ལག་བཞིའི་དཔུང་དང་བཅས་པ། བློན་པོའི་ཚོགས་དང་བཅས། བཙུན་མོའི་འཁོར་དང་བཅས་པ། དབྱིག་དང་། གསེར་དང་། ནོར་བུ་དང་། མུ་ཏིག་དང་། བཻ་དུྰརྱ་དང་། ཤང་ཀ་ཤི་ལ་དང་། བྱི་རུ་དང་། ས་ལེ་སྦྲམ་དང་། 

99-1-50b

དངུལ་དང་གོས་དང་རྒྱན་དང་། ལྷབ་ལྷུབ་དང་། རྒྱན་འཆང་བ་དང་། ཁང་པ་དང་། ངོ་མཚར་དུ་བཅས་པ་དབང་དུ་གྱུར་ནས། ཇི་སྲིད་འཚོའི་བར་དུ་བསྙེན་བཀུར་བགྱིད་པར་འགྱུར་རོ། །སྐྱེ་བོའི་ཚོགས་ཆེན་པོའི་ནང་དུ་ཞགས་པ་འཕངས་ཏེ། དོན་ཡོད་པའི་ཡིད་བཞིན་ནོར་བུའི་གཟུངས་
བཟླས་ན། ཅི་ལྟར་འཚལ་བ་ཡིད་ལ་བསམས་པ་བཞིན། མེ་ཏོག་དང་འབྲས་བུ་དང་། གཞལ་མེད་ཁང་འབབ་པར་འགྱུར་རོ། །རྒྱལ་མཚན་བསྒྲེང་བའི་རྩེ་མོར་གཞག་སྟེ། རྒྱལ་རིགས་སྤྱི་བོར་དབང་བསྐུར་བ་ཁྱིམ་གྱི་སྟེང་ངམ་ཁྱམས་སུ་གཞག་ལ། འཕགས་པའི་
ཡན་ལག་བརྒྱད་ཀྱི་བསྙེན་གནས་ཀྱིས་སེམས་ཅན་ཐམས་ཅད་ལ་མཆོག་ཏུ་བརྩེ་བར་བགྱིད་དོ། །དོན་ཡོད་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས། ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་པར་བགྱིའོ། །དེ་ནས་དོན་ཡོད་པའི་ཡིད་
བཞིན་ནོར་བུའི་གཟུངས་ལན་བརྒྱ་རྩ་བརྒྱད་གསང་བསྟོད་དེ་བཟླས་བརྗོད་བགྱིའོ། །ལན་བརྒྱ་རྩ་བརྒྱད་ཚང་ནས། ཅི་ལྟར་ཡིད་ལ་བསམས་པ་བཞིན་ཆར་དུ་འབབ་པར་འགྱུར་རོ། །ནོར་དང་། འབྲུ་དང་། གོས་དང་། ལྷབ་ལྷུབ་ལ་སོགས་པ། མེ་ཏོག་དང་འབྲས་བུའི་
འཆར་འབབ་པར་འགྱུར་རོ། །འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་དང་། མུ་གེའི་དགོན་པའི་འཇིགས་པ་དང་། ཡམས་དང་། གནོད་པ་དེ་དག་ཐམས་ཅད་འཕགས་པ་སྤྱན་རས་གཟིགས་དབང་ཕྱུག་གི་མཐུས་བབས་པར་འགྱུར་རོ། །ཐམས་
ཅད་རབ་ཏུ་ཞི་བར་འགྱུར་རོ། །སེམས་ཅན་ཐམས་ཅད་ལ་མི་འཇིགས་པ་སྩོལ་བར་འགྱུར་རོ། །འཇིགས་པ་དང་ཤ་འཁོན་ཐམས་ཅད་ལས་ཐར་བར་འགྱུར་རོ། །གདུག་པ་ནས་གཅན་ཟན་ཁྲོ་བོ་ཐམས་ཅད་ཀྱི་བར་དུ་ཡང་བྱམས་པ་ལ་གནས་པར་
འགྱུར་རོ། །སེམས་ཅན་ཐམས་ཅད་མཐུན་པར་བགྱིད་པར་འགྱུར་རོ། །ཡིད་ཀྱི་བརྣག་པ་ཐམས་ཅད་ཡོངས་སུ་རྫོགས་པར་འགྱུར་རོ། །དོན་ཡོད་ཡིད་བཞིན་ནོར་བུའི་ཞགས་པ་ཆེན་པོ་སྒྲུབ་པའི་ཆོ་གའོ།། །། དེ་ནས་རིག་སྔགས་འཆང་རལ་
གྲི་དང་ཞགས་པ་བསྒྲུབ་པར་འཚལ་ན། རིག་སྔགས་འཆང་གིས་ལྕགས་ཆེན་པོ་ལས་རལ་གྲི་སོར་བཅུ་དྲུག་གི་ཚད་དུ་བགྱིས་ལ་ལག་ཟུངས་ཀྱི་ངོས་ལ་དངུལ་ལས་བགྱིས་ཏེ། གསེར་གྱིས་འབར་བར་བྲིའོ། །ཤིང་ཤུན་གྱི་སྐུད་པ་

99-1-51a

འམ། ཨརྐའི་སྐུད་པ་དང་། ཁ་ཆེ་དར་གྱི་སྐུད་པ་ལྷན་ཅིག་དུ་སྒྲིལ་ལ་ཁྲུ་བཅུ་དྲུག་བྱུང་བ་ཤིན་དུ་ཚད་ལ་བབ་པར་བཀུམ་པ། བསྒྲུབ་པའི་དགོས་པ་ཡོངས་སུ་རྫོགས་པ་ལ་སུམ་སྒྲིལ་དུ་བཀལ་བར་བགྱིའོ། །དེ་ནས་རིག་སྔགས་འཆང་གིས་ལེགས་
པར་ཁྲུས་བགྱིས་ཏེ། གཙང་མས་གོས་གཙང་མ་བསྒོས་ཏེ། ཞགས་པ་དང་། རལ་གྲྀ་མནན་ལ། ལག་པ་གཡས་པས་དཀྱིལ་འཁོར་ལ་གཞག་སྟེ། གཟུང་བར་བགྱིའོ། །ཁྲོས་པའི་གཉེར་གྱི་བཞིན་གྱིས་སྐྱིལ་མོ་དཀྲུང་བཅས་ཏེ་མཆིས་ནས། འཕགས་
པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ཀྱི་མདུན་དུ་ཁྲོ་བོའི་རྒྱལ་པོ་ལན་སྟོང་རྩ་བརྒྱད་བཟླས་པར་བགྱིའོ། །བཟླས་བརྗོད་ལན་སྟོང་རྩ་བརྒྱད་ཚང་ནས། རལ་གྲི་འབར་བར་གྱུར་ནས། རིག་སྔགས་འཆང་ནམ་མཁའ་ལ་འཕུར་
བར་འགྱུར་ཞིང་། རལ་གྲི་གྲུབ་པའི་རིག་སྔགས་འཆང་ཐམས་ཅད་ཀྱི་གཙོ་བོ་འཁོར་ལོས་སྒྱུར་བར་འགྱུར་རོ། །གཞན་གྱི་མཐུས་ཟིལ་གྱིས་ནོན་པར་མི་འགྱུར་རོ། །ལོ་ཁྲི་བརྒྱད་སྟོང་དུ་འཚོ་བར་འགྱུར་རོ། །འོན་ཏེ་ལག་པ་གཡོན་པས་ཞགས་པ་
གཟུང་ལ་གཡས་པས་རལ་གྲི་གཟུང་སྟེ། ཁྲོས་པས་ཧཱུྃ་ཞེས་བགྱི་བས་མནན་ན། མི་གདའ་བར་གྱུར་ནས། མི་གདའ་བ་དང་། ཞགས་པ་དང་། རལ་གྲི་གྲུབ་པའི་རིག་སྔགས་འཆང་ཐམས་ཅད་ཀྱི་གཙོ་བོ་རྒྱལ་པོ་འཁོར་ལོས་སྒྱུར་བར་འགྱུར་རོ། །ཚེ་ལོ་ཁྲི་ཐུབ་པར་
འགྱུར་རོ། །འོན་ཏེ་རིག་སྔགས་འཆང་ཁྲོས་པས་རལ་གྲི་བསྐོར་ན། བགེགས་དང་། ལོག་འདྲེན་དང་། གནོད་སྦྱིན་དང་། སྲིན་པོ་གདུག་པ་ཐམས་ཅད་དང་། འབྱུང་པོ་ཐམས་ཅད་ཀྱི་རིག་སྔགས་བཅད་པར་འགྱུར་རོ། །གཡུལ་གྱི་དབུས་སུ་ལན་ཅིག་བསྐོར་ན། གཡུལ་
འགྱེད་པའི་མཚོན་ཆ་ཐམས་ཅད་བཅད་པར་འགྱུར། རེངས་པར་བགྱིས་པར་འགྱུར་ཏེ། ཐམས་ཅད་ཕྱོགས་བཅུར་འབྱེར་བར་འགྱུར་རོ། །དུར་ཁྲོད་ཀྱི་ནང་དུ་བསྐོར་ན། དུར་ཁྲོད་ན་གནས་པའི་གདུག་པ་རྒྱུ་བ་ཐམས་ཅད་ཀྱི་རིག་སྔགས་གཏུབས་པར་འགྱུར་ཞིང་། གནས་ཐམས་ཅད་སྟོངས་པར་
འགྱུར་རོ། །ཕུག་གི་བསྐོར་ན། འཁྲུལ་འཁོར་དང་སྒོ་གླེགས་ཐམས་ཅད་དཀྲུགས་པར་འགྱུར་རོ། །གཏན་པ་ཐམས་ཅད་གཏུགས་པར་འགྱུར་རོ། །གདུག་པའི་མི་མ་ཡིན་པ་བར་ཆད་བགྱིད་པ་ཐམས་ཅད་བཅོམ་པར་འགྱུར། ཐལ་བར་བརླག་པར་འགྱུར་རོ། །གཞན་ཡང་དགོས་པ་

99-1-51b

ཐམས་ཅད་དུ་ཅི་ལྟར་འཚལ་བ་བཞིན་དུ་བགྱིད་པར་འགྱུར་རོ། །རལ་གྲི་སྒྲུབ་པའི་ཆོ་གའོ།། །། དེ་ནས་ཡང་རིག་སྔགས་འཆང་སྦྲུལ་གྱི་ཞགས་པ་སྒྲུབ་པར་འཚལ་ན། རིག་སྔགས་འཆང་དེས་སྐུད་པ་ལྔ་ལས་སྒྲུབས་ཏེ། ཚོན་རྩིས་ཁ་བསྒྱུར་བའི་སྐུད་པ་ཚད་བཞིན་
དུ་གཏུབས་ལ། སྒྲུབ་པར་ཤིན་ཏུ་འོས་པར་ལས་སྒྲུབ་པར་བགྱིའོ། །དེ་ནས་ཟས་བཟང་པོའི་ཕྱེ་མ་དང་། མ་དྷུའི་མེ་ཏོག་དང་། རས་སའི་མེ་ཏོག་དང་ལྡོང་རོས་དང་། པད་མ་གེ་སར་དང་། ན་ག་པུས་པ་དང་། ཤིང་ཨརྐའི་འོ་མ་དེ་ལྷན་ཅིག་དུ་སྦྱར་བ་དེར་བཙག་བཙལ་
ཏེ། དུས་གཅིག་ཏུ་ལྷན་ཅིག་ཏུ་མཉམ་དུ་བཏགས་ཤིང་སྤྱི་བོར་ལེགས་པར་སྤྲུ་སྟེ། དེ་ལ་དོན་ཡོད་རྒྱལ་པོ་ལན་སྟོང་རྩ་བརྒྱད་བཟླས་བརྗོད་བགྱིས་ནས། སྦྲུལ་འཁྱིལ་པ་མགོ་གསུམ་གྱི་གདེངས་ཀ་ཅན་ཡོངས་སུ་འཁྱིལ་པ་གསེར་གྱིས་
གཡོགས་པ། ལེགས་པར་སྦྲེལ་པ་ནི་ཞགས་པའི་མཆོག་ལགས་སོ། །རིག་སྔགས་འཆང་གིས་ལེགས་པར་ཁྲུས་བགྱིས་ལ། གཙང་མས་གོས་གཙང་མ་བགོས་ཏེ། བའི་ལྕི་བའི་དཀྱིལ་འཁོར་གྲུ་བཞི་ཚད་བཞིན་བགྱིས་ཏེ། 
དྲིས་མཆོད་པར་བགྱིའོ། །མེ་ཏོག་གི་སིལ་མ་དང་། བུམ་པ་གང་བས་བརྒྱན་པར་བགྱིའོ། །བ་དན་གྱིས་ཀུན་ནས་བརྒྱན་པར་བགྱིའོ། །དཀྱིལ་འཁོར་གྱི་དབུས་ཀྱི་གནས་སུ་སྟན་བཟང་པོ་བཤམས་ཏེ། དེའི་སྟེང་དུ་ཀླུའི་
ཞགས་པ་བསྐྱིལ་ནས་གཞག་པར་བགྱིའོ། །སྦྲུལ་གྱི་མགོའི་གདེངས་ཀ་དབུས་མ་ནི་ཁ་ཤར་ཕྱོགས་སུ་བསྟན་ནོ། །དཀར་གསུམ་གྱི་གཏོར་མ་གཞག་པར་བགྱིའོ། །མཆོད་ཡོན་དཀར་པོའི་སྣོད་དང་། བདུག་པ་རྣམ་པ་
གསུམ་པོ་ཙན་དན་དང་། ཨ་ག་རུ་དང་དྷུ་རུ་ཀ་རྣམས་བསྲེག་གོ། འབྲས་ཡོས་དང་། ཡུངས་ཀར་བཀྲམ་པའི་དཀྱིལ་འཁོར་བགྱིས་ལ། འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་གཞག་ལ་མཆོད་པ་རྒྱ་ཆེན་
པོ་བགྱིས་ཏེ། རིག་སྔགས་འཆང་གིས་སྐྱིལ་མོ་དཀྲུང་བཅས་ཏེ། མཆིས་ནས་བཟུས་བརྗོད་མང་དུ་བགྱིའོ། །ཐོག་མར་དོན་ཡོད་ཞགས་པའི་སྙིང་པོ་

99-1-52a

ལན་སྟོང་རྩ་བརྒྱད་བཟླས་བརྗོད་བགྱིས་ནས། ཁྲོ་བོའི་རྒྱལ་པོ་ལན་སྟོང་རྩ་བརྒྱད་བཟླས་པའི་ཡུངས་ཀར་རེ་རེ་ནས་སྦྲུལ་གྱི་མགོ་ལ་གཏོར་བར་བགྱིའོ། །སྒྲུབ་པ་ཐམས་ཅད་ཚང་ནས་ནི། །རྒྱུན་དུ་སྦྲུལ་ནི་འབར་བར་འགྱུར། །སྟན་ལས་
ཞགས་པ་གཡོ་བ་ནི། །སོར་བཞི་ཙམ་གྱི་ཚད་ཙམ་དུ། །སྟན་ལས་གྱེན་དུ་འཕར་བར་འགྱུར། །དེ་ནས་རིག་སྔགས་འཆང་གིས་གཟུང་ནས་མི་གདའ་བར་གྱུར་ནས། ཀླུའི་གནས་སུ་མཆིས་ཏེ། ཀླུའི་མཚོར་མཆིས་ན། ཀླུའི་གནས་ཀྱི་སྒོ་རྣམས་འབྱེ་བར་འགྱུར་རོ། །
རིག་སྔགས་འཆང་གིས་ཞུགས་ཏེ་དོན་ཡོད་རྒྱལ་པོ་བཟླས་ནས། སྦྲུལ་གྱི་ཞགས་པ་ལན་གསུམ་དུ་བསྐོར་བར་བགྱིའོ། །དེ་ནས་ཀླུའི་རྒྱལ་པོ་བཙུན་མོའི་འཁོར་དང་བཅས་པ་མཆིས་ནས་རིག་སྔགས་འཆང་ལ་མངོན་དུ་སྨྲ་བས་རིག་སྔགས་འཆང་ཞུགས་
ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་སྦྲུལ་གྱི་ཞགས་པ་གཟུང་ཏེ་བསྐོར་ནས་འཇུག་པར་བགྱིའོ། །དེ་ནས་རིགས་སྔགས་འཆང་གིས་ཀླུའི་སྐྱོན་དེ་མི་མཐོང་ཞིང་ནུབ་པར་འགྱུར་རོ། །འཁྲུལ་འཁོར་དང་། སྒོ་གླེགས་དང་། གཏན་
ཐམས་ཅད་གཏུབས་ཤིང་བཅད་པར་འགྱུར་རོ། །ཞུགས་པ་ཙམ་གྱི་མོད་ལ་ཀླུའི་བུ་མོ་གཟུགས་བཟང་མོ་མཛེས་མ་རྒྱན་ཐམས་ཅད་ཀྱིས་བརྒྱན་ཅིང་ཀླུབས་མ་མཛེས་མ་མཆིས་ནས། རིན་པོ་ཆེའི་ཕྲེང་བ་ཐོགས་ཏེ། རིག་སྔགས་འཆང་ལ་དབུལ་
བར་བགྱིད་དོ། །རིག་སྔགས་འཆང་གིས་བླངས་ནས་སྤྱི་བོ་ལ་གཞག་ཏེ། གཞག་པ་ཙམ་གྱི་མོད་ལ་ཀླུའི་བུ་མོ་ནམ་མཁའ་ལ་འཕུར་ནས་ནུ་མ་གཉིས་ནས་འོ་མ་ཟགས་པ་དང་། རིག་སྔགས་འཆང་གིས་བཟེད་ནས་བཏུང་བར་བགྱི་སྟེ། ཚེ་ཉི་ཁྲི་
ཐུབ་པར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །ཀླུའི་རྒྱལ་པོ་ཞེས་བགྱི་བ་ཐམས་ཅད་ཀྱི་བདག་པོ་འཁོར་ལོས་སྒྱུར་བར་འགྱུར་རོ། །མཐུ་དང་བརྩོན་འགྲུས་ཆེན་པོས་ཕ་རོལ་གནོན་པར་འགྱུར་རོ། །དེ་ནས་རིག་སྔགས་འཆང་གིས་
སྦྲུལ་གྱི་ཞགས་པ་གཞག་ལ། དོན་ཡོད་རྒྱལ་པོའི་སྙིང་པོ་ཤིང་ཀ་ར་བི་རའི་ལྕུག་མ་ལ་བཟླས་ནས་བྱབ་པར་བགྱི་སྟེ། གང་དང་གང་གི་མིང་ནས་དྲངས་ཤིང་ཡིད་ལ་བསམས་པས་མོད་ལ་ཐམས་ཅད་འགྲུབ་པར་འགྱུར་རོ། །ཆར་མི་འབབ་པའི་དུས་

99-1-52b

སུ་སྦྲུལ་གྱི་ཞགས་པ་གནས་མཐོན་པོར་བསྐོར་བར་བགྱི་སྟེ། ལན་ཅིག་བསྐོར་བ་ཙམ་གྱིས་ཆར་གྱི་རྒྱུན་ཆེན་པོ་འབབ་པར་འགྱུར་རོ། །ཧ་ཅང་ཆར་ཆེས་པའི་དུས་སུ་སྦྲུལ་གྱི་ཞགས་པ་གནས་མཐོན་པོར་གཞག་ན་ཆར་ཧ་ཆུང་ཆེ་བ་ལས་འཆད་
པར་འགྱུར་རོ། །གྲང་བ་འམ། །རླུང་ངམ་སེར་བ་འབབ་པའི་དུས་སུ་ནང་པར་སྔར་ཀླུའི་ཞགས་པ་ཕྱོགས་བཞིར་བསྐོར་ན། དཔག་ཚད་བརྒྱ་ཁོར་ར་ཁོར་ཡུག་ཏུ་སེར་བ་འབབ་པར་མི་འགྱུར་རོ། །གྲང་བའི་རླུང་དང་སེར་བ་ཐམས་ཅད་བཅིངས་པར་
འགྱུར་རོ། །ལོ་ཁྱུད་འཁོར་ཚང་བར་མཚམས་ཆེན་པོ་བཅིངས་པར་འགྱུར་རོ། །ཉིན་གཅིག་བཞིན་དོན་ཡོད་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་ཞགས་པ་ལག་པ་གཡས་པས་བརྡོགས་ལ། ལག་
པ་གཡོན་པས་བསྐྲད་པ་བགྱིས་ན། ཉིན་གཅིག་བཞིན་ལྷའི་ཞལ་ཟས་དང་། བཏུང་བ་འདོད་དགུ་ཐམས་ཅད་ཀླུའི་གནས་ནས་བྱུང་ནས་སྐྱེ་བོ་སྟོང་སྟོང་ཙམ་ལ་སྩོལ་བར་འགྱུར་རོ། །དེའི་དུག་ཐམས་ཅད་མཐོང་བ་ཙམ་གྱིས་དུག་མ་ལགས་
པར་འགྱུར་རོ། །སྦྲུལ་གྱི་ཞགས་པ་ལག་པ་གཡས་པས་གཟུང་ལ། ལག་པ་གཡོན་པས་ཀླུ་གཟུང་ནས། དཔྱིད་དམ། སྟོན་ཁ་འམ། སྤྲིན་ཆགས་པའི་དུས་སུ་ཞགས་པ་བསྐོར་ལ་ཁྲོ་བོའི་རྒྱལ་པོ་བཟླས་བརྗོད་བགྱིས་ཏེ། ནམ་མཁའ་ལ་
འཕངས་ན་མེ་ཏོག་དང་། འབྲས་བུ་དང་། ལོ་ཏོག་བཟང་པོ་གང་ཅི་ཡང་རུང་བ་བཟང་པོ་ཤིན་དུ་སྨིན་པ། ཁ་ཟས་ཤིན་དུ་བཟང་པོ་ཐམས་ཅད་ནམ་མཁའི་ངོས་ལས་ས་ལ་འབབ་པར་འགྱུར་རོ། །གལ་ཏེ་ལན་ཉི་ཤུ་རྩ་གཅིག་བསྐོར་ནས་ཁྲོ་བོའི་རྒྱལ་པོ་ལན་ཉི་ཤུ་
རྩ་གཅིག་བཟླས་བརྗོད་བགྱིས་ན། ཀླུའི་གཞལ་མེད་ཁང་དང་། གོས་དང་ལྷབ་ལྷུབ་དང་། རྒྱན་འཕྱང་དང་། རྒྱན་ཐམས་ཅད་ས་ལ་འབབ་པར་འགྱུར་རོ། །གལ་ཏེ་རིག་སྔགས་འཆང་གིས་ལན་ཉི་ཤུ་རྩ་གཅིག་ལས་ལྷག་པར་བསྐོར་ཅིང་ཁྲོ་བོའི་རྒྱལ་པོ་བཟླས་བརྗོད་བགྱིས་ན་དེའི་
ཚེ་ཀླུ་འཁོར་དང་བཅས་པ་གཞལ་མེད་ཁང་དང་བཅས་པར་སའི་སྟེང་དུ་ལྟུང་བར་འགྱུར་རོ། །གལ་ཏེ་རིག་སྔགས་འཆང་གིས་རྒྱལ་པོ་བཙུན་མོའི་འཁོར་དང་བཅས་པ་དབང་དུ་བགྱི་བར་འཚལ་ན། ཞགས་པ་གཞག་ལ་ཡུངས་ཀར་ལ་དོན་ཡོད་རྒྱལ་པོ་ལན་སྟོང་རྩ་བརྒྱད་བཟླས་བརྗོད་

99-1-53a

བགྱིས་ནས་བསྣུན་ལ། དེ་ནས་སྦྲུལ་གྱི་ཞགས་པ་བླངས་ཏེ། རྒྱལ་པོའི་ཁྱིམ་གྱི་ཕྱོགས་གང་ལགས་པ་དེར་ལྷག་པར་ཞགས་པ་བསྐོར་ན། རྒྱལ་པོའི་བཙུན་མོ་འཁོར་དང་བཅས་པ་དབང་དུ་གྱུར་ནས། ཇི་སྲིད་འཚོའི་བར་དུ་
མཆིས་པར་འགྱུར་རོ། །གཡུལ་འགྱེད་པ་ན་ཁྲོ་བོའི་རྒྱལ་པོ་བཟླས་བརྗོད་བགྱིས་ནས་ཞགས་པ་གཡུལ་གྱི་དབུས་སུ་ཕངས་ན་སྦྲུལ་གདུག་པ་མིག་དགྲད་པ། ལྕེ་སྒྱུར་བ་མིག་མེ་མདག་ལྟར་དམར་བ་འབྱུང་བར་འགྱུར་ཏེ། མཐོང་བ་ཙམ་གྱི་མོད་ལ་
དཔུང་གི་ཚོགས་ཡན་ལག་བཞི་པ་ཕྱོགས་བཅུར་འབྱེར་བར་འགྱུར་རོ། །གཞན་ཡང་ཅི་ལྟ་ཅི་ལྟར་ཡིད་ལ་བསམས་པའི་དོན་དེ་ལྟ་དེ་ལྟ་བུར་ཐམས་ཅད་སྒྲུབ་པར་བྱེད་པར་འགྱུར་རོ། །སྦྲུལ་གྱི་ཞགས་པ་སྒྲུབ་པའི་ཆོ་གའོ།། །། དེ་ནས་འབྱུང་པོའི་དབང་
ཕྱུག་གི་ཞགས་པ་སྒྲུབ་པར་འཚལ་ན། འབྲིའི་རྩིད་པ་དང་། རྩིད་པོ་ཆེན་པོ་ལྷན་ཅིག་ཏུ་བཀལ་བ་དང་། ལྕགས་ལས་མདུང་རྩེ་གསུམ་པ་སོར་བཞིའི་ཚད་ཙམ་དུ་བགྱིས་ལ། དེ་ནས་དོན་ཡོད་རྒྱལ་པོའི་སྙིང་པོ་ལན་སྟོང་རྩ་བརྒྱད་བཟླས་བརྗོད་བགྱིས་
ནས་ཁྲོ་བོའི་རྒྱལ་པོ་ལན་སྟོང་རྩ་བརྒྱད་བཟླས་ཏེ། ཉིན་ཞག་གཅིག་མཆིས་ལ་ལེགས་པར་ཁྲུས་བགྱིས་ཏེ། གཙང་མས་གོས་གཙང་མ་བགོ་བར་བགྱིའོ། །ཟླ་བ་མར་གྱི་ངོའི་ཚེས་བཅུ་བཞིའི་ཉིན་ཞག་གཅིག་གིས་བསྒྲུབ་པར་བགྱིའོ། །དེ་ནས་
མདུང་རྩེ་གསུམ་པའི་ཞགས་པ་བླངས་ནས་འབྱུང་པོའི་དབང་ཕྱུག་གི་གཟུགས་འདྲ་བར་འགྱུར་རོ། །འབྱུང་པོ་ཐམས་ཅད་ཀྱི་བདག་པོ་ལོ་བརྒྱ་སྟོང་དུ་འཚོ་བར་འགྱུར་རོ། །འབྱུང་པོའི་གནས་ཀྱི་གཞལ་མེད་ཁང་ཐམས་ཅད་ཀྱི་བདག་
པོར་འགྱུར་རོ། །ཞགས་པ་ལག་པར་ཐོགས་ནས། དུར་ཁྲོད་དུ་ཞུགས་ན། དུར་ཁྲོད་ན་གནས་པ་ཐམས་ཅད་མདུན་དུ་མཆིས་ཏེ། གནས་ཀྱི་སྒོ་ཐམས་ཅད་འབྱེ་བར་འགྱུར་ཞིང་ཁྱོད་ཅི་དགར་ཞུགས་ཤིག་ཅེས་ཅི་འཚལ་བ་དེ་བགྱིད་པར་འགྱུར་རོ། །
རོའི་མགུལ་དུ་བཏགས་ནས་ཁྲོ་བོའི་རྒྱལ་པོ་བཟླས་ན་དེ་ནས་རོ་ལངས་ནས་ཅི་དྲིས་པ་དེ་སྨྲ་བར་འགྱུར་ཞིང་། ཅྀ་བསྒོ་བ་དེ་བགྱིད་པར་འགྱུར་རོ། །བཀྲོལ་ན་འཆི་བར་འགྱུར་རོ། །གནོད་སྦྱིན་གྱི་མགུལ་དུ་བཏགས་ནས་ཁྲོ་བོའི་རྒྱལ་པོ་བཟླས་ལ་ཁྲོས་པས་དྲངས་ནས། 

99-1-53b

གནོད་སྦྱིན་དེ་ཡང་མདུན་དུ་མཆིས་ནས། རིག་སྔགས་འཆང་ལ་རྗེ་བཙུན་བཀའ་སྩོལ་ཅིག་དང་། ཐམས་ཅད་བགྱིའོ་ཞེས་སྨྲ་བར་འགྱུར་རོ། །རིག་སྔགས་འཆང་གིས་ཁྱོད་ཇི་སྲིད་འཚོའི་བར་དུ་ཁྲོ་བོའི་མངག་གཞུག་པའི་ལས་གྱིས་ཤིག་ཅེས་སྨྲ་བར་
བགྱི་སྟེ། བཀའ་བཞིན་འཚལ་ཞེས་དེ་ནས་ཉིན་གཅིག་བཞིན་བསྒོ་བ་བགྱིས་ན། ལས་ཐམས་ཅད་བགྱིད་པར་འགྱུར་རོ། །གནོད་སྦྱིན་མོའི་མགུལ་དུ་བཏགས་ཏེ། ཁྲོ་བོའི་རྒྱལ་པོ་བཟླས་ན། གནོད་སྦྱིན་མོ་མཆིས་ནས། རིག་སྔགས་འཆང་གི་
མདུན་དུ་མཆིས་ཏེ། རིག་སྔགས་འཆང་ལ་མིག་མི་འཛུམས་པར་བལྟ་ཞིང་། རིག་སྔགས་འཆང་ཅི་ཞིག་དོན་དུ་གཉེར་ཞེས་སྨྲ་བར་འགྱུར་རོ། །རིག་སྔགས་འཆང་གིས་ཁོ་བོ་ལ་མ་དང་། ཆུང་མ་དང་སྲིང་མོས་བསྒྲུབ་པར་བྱ་བའི་དགོས་པ་གསུམ་བྱོས་
ཤིག་ཅེས་བསྒོ་བར་བགྱིའོ། །གལ་ཏེ་མ་ཞིག་དུ་བགྱིད་ན་བུ་གཅིག་པ་བཞིན་དུ་བཟའ་བ་དང་། བཏུང་བ་དང་། མལ་དང་། གོས་དང་། ནོར་དང་། འབྲུས་ཡོངས་སུ་སྐྱོང་བར་བགྱིད་དོ། །ཆུང་མ་ཞིག་ཏུ་བགྱིད་ན། འཁོ་བའི་ཡོ་བྱད་ཐམས་ཅད་ཀྱི་དབང་ཕྱུག་དང་
བདག་པོར་བགྱིད་ཅིང་། དེ་དང་ལྷག་པར་དགའ་བར་རྩེ་བས་ཕྱི་བཞིན་འབྲང་བར་འགྱུར་རོ། །གལ་ཏེ་སྲིང་མོ་ཞིག་དུ་བགྱིད་ན། ཡིད་ལ་བརྣག་པའི་འདོད་པ་ཐམས་ཅད་ཡོངས་སུ་རྫོགས་པར་བགྱིད་དོ། །དགོས་པ་ཐམས་ཅད་བགྱིད་པར་འགྱུར་རོ། །
ཐམས་ཅད་དུ་རྒྱུག་ཅིང་སླར་ཡང་ལྡོག་པར་འགྱུར་རོ། །ཉིན་གཅིག་བཞིན་ལྷབ་ལྷུབ་དང་། གོས་དང་། རྒྱན་ཐམས་ཅད་སྩོལ་བར་བགྱིད་དོ། །ཉིན་གཅིག་བཞིན་གཞན་ཡང་ལྷའི་བུ་མོ་དག་རྩེད་མོའི་དོན་དུ་དགུག་པར་བགྱིད་དོ། །རྣམ་ཐོས་ཀྱི་
མགུལ་དུ་བཏགས་ཏེ་ཁྲོས་པས་དྲངས་ནས་ཁྲོ་བོའི་རྒྱལ་པོའི་བཟླས་བརྗོད་བགྱིས་ན། དེ་ནས་རྣམ་ཐོས་མཆིས་ནས། ཉིན་གཅིག་བཞིན་དོང་ཚེ་སྟོང་སྩོལ་བར་འགྱུར། གསེར་སྟོང་སྩོལ་བར་འགྱུར་ཏེ། དེས་ཉིན་གཅིག་བཞིན་སྦྱིན་པ་ཡང་སྩོལ། བསོད་
ནམས་ཀྱང་བགྱིའོ། །ནག་པོ་ཆེན་པོའི་མགུལ་དུ་བཏགས་ལ་ཁྲོ་བོའི་རྒྱལ་པོ་ལན་བདུན་བཟླས་བརྗོད་བགྱིས་ཏེ། ཁྲོས་པས་ལག་པ་གཡས་པའི་ཐལ་ལྕག་གིས་བརྡེག་པར་བགྱིའོ། །ནག་པོ་ཆེན་པོས་སྒྲ་ཕྱུང་བ་དང་། རིག་སྔགས་འཆང་སྐྲག་པར་མི་བགྱི་བར་སླར་ཡང་

99-1-54a

ཁྲོས་པས་བརྡེག་པར་བགྱིའོ། །དེ་ནས་མཆི་མ་ཟག་པ་དང་། རིག་སྔགས་འཆང་གིས་མཆི་མ་བཟེད་དེ། ཐིག་ལེ་བགྱིས་ན་མི་གདའ་བར་གྱུར་ནས་གཏེར་ཐམས་ཅད་མཐོང་བར་འགྱུར་རོ། །དེ་ནས་རིག་སྔགས་འཆང་གིས་སླར་ཡང་ཐལ་མོས་
བརྡེག་པར་བགྱིས་ཏེ། དེ་ནས་ནག་པོ་ཆེན་པོ་ཁྲག་དུ་སྐྱུགས་པ། རིག་སྔགས་འཆང་གིས་བྱུགས་ན་ནམ་མཁའ་ལ་མཆིས་ནས། གནོད་སྦྱིན་གྱི་སྡེ་དཔོན་ཆེན་པོར་འགྱུར་རོ། །གུ་གུལ་གྱི་བདུག་པས་བདུགས་ནས་ཁྲོ་བོའི་རྒྱལ་པོ་བཟླས་ན། ནག་པོ་
ཆེན་པོ་རང་གི་གཟུགས་ཀྱིས་མདུན་ན་མཆིས་ནས་ཅི་འཚལ་བའི་མཆོག་ཐམས་ཅད་སྩོལ་བར་བགྱིད་ཅིང་། མ་མོའི་ཚོགས་དང་བཅས་པ་ཐམས་ཅད་དབང་དུ་མཆི་བར་འགྱུར་རོ། །གཞན་ཡང་ཅི་འཚལ་བ་བགྱིད་པ་དགོས་པ་ཐམས་ཅད་བགྱིད་
པར་འགྱུར་རོ། །མདུང་རྩེ་གསུམ་པ་བསྒྲུབ་པའི་ཆོ་གའོ།། །། དེ་ནས་གཞན་ཡང་ཞགས་པ་དང་རྗེས་སུ་མཐུན་པའི་རི་མོའི་ཆོ་ག་དེ་ཁོ་ན་ཉིད་སྒྲུབ་པའི་ཆོ་ག་བླ་ན་མེད་པ་བརྗོད་པར་བགྱི་སྟེ། འཇིག་རྟེན་མགོན་པོས་སྣ་ཚོགས་
པའི། །རྣམ་པའི་ཁ་དོག་གཟུགས་བསྟན་པ། །སྒྱུ་མ་ལྟ་བུའི་ཏིང་འཛིན་གྱིས། །ཆོ་འཕྲུལ་སྣ་ཚོགས་གཟུགས་བསྟན་ཏེ། །ལག་པ་སྟོང་དང་མིག་སྟོང་དང་། །མཐའ་ཡས་པ་ཡི་ཕྱག་རྒྱ་བསྟན། །རྣམ་པ་སྣ་ཚོགས་པའི་
གཟུགས། །ཁམས་གསུམ་དག་ཏུ་བསྟན་པ་ནི། །གདུལ་བྱ་གདུལ་ཕྱིར་གཟུགས་བསྟན་ཏོ། །གསང་བ་འདི་ཡི་གཟུགས་བསྟན་པ། །སེམས་ཅན་ཀུན་ལ་ཕན་པའི་ཕྱིར། །རིག་སྔགས་སྒྲུབ་པ་བླ་ན་མེད། །དེ་ཉིད་
ཞགས་པ་བསྒྲུབས་ཕྱིར་རོ། །དེ་བས་རིག་འཛིན་ཤེས་རབ་ཅན། །འཇིག་རྟེན་ཕ་རོལ་རྗེས་མཐུན་པ། །སངས་རྒྱས་ཉིད་དོན་གཉེར་བ་དང་། །དེ་བཞིན་གཤེགས་ཀུན་ལྟ་བ་དང་། །བདེ་ཅན་བལྟ་བར་འཚལ་བ་དང་། །
དེ་ཉིད་འཇིག་རྟེན་འདས་པ་ཡི། །འཇྀག་དབང་མགོན་པོ་མཐོང་འཚལ་བ། །མཆོག་དུ་གུས་པར་བགྱི་བ་ཡི། །ཆོ་གའི་རྒྱལ་པོ་འདི་བརྗོད་ཀྱིས། །དེ་ཉིད་གུས་པར་དང་བ་དང་། །ཤིན་ཏུ་དང་བ་ཉིད་དུ་བགྱི། །གྲོལ་བ་སྣ་ཚོགས་

99-1-54b

འཚལ་བ་ལ། །སྣ་ཚོགས་པ་ཡི་གཟུགས་བསྟན་ཏེ། །སྣ་ཚོགས་ཐབས་ཀྱིས་གྲོལ་བར་འགྱུར། །དོན་ཡོད་རྒྱལ་པོ་ཆོ་གའི་མཆོག །དོན་ཡོད་གྲུབ་པའི་འཇིག་རྟེན་འདས། །དོན་ཡོད་འབྲས་བུ་དམ་པ་པོ། །དོན་ཡོད་ཀུན་དུ་གྲུབ་
པ་འཐོབ། །སངས་རྒྱས་ཀུན་གྱིས་བྱིན་གྱིས་བརླབས། །དོན་ཡོད་འཇིག་རྟེན་འཇིག་རྟེན་མགོན། །འཇིག་རྟེན་དབང་ཕྱུག་མཆོག་སྦྱིན་པ། །དོན་ཡོད་འཇིག་རྟེན་ཅི་འཚལ་བ། །མཆོག་འཚལ་བ་ནི་གྲུབ་པར་འགྱུར། །དོན་ཡོད་
རྒྱ་ཆེན་རྫུ་འཕྲུལ་གྱི། །ཆོ་འཕྲུལ་རྣམ་འཕྲུལ་རྒྱུན་མི་འཆད། །དེ་ལྟ་བས་ན་ཀུན་བསྒྲིམས་ཏེ། །བདག་ཉིད་ཡོངས་སུ་དག་བགྱིས་ནས། །ཅི་ལྟར་ཆོ་ག་བཀོད་པ་བཞིན། །རྗེས་སུ་མཐུན་པར་རི་མོའི་གཟུགས། །རྟག་ཏུ་རི་མོའི་
གཟུགས་བལྟ་ཞིང་། །ཞགས་པ་གཟུགས་ནི་སྣ་ཚོགས་དང་། །དེ་བཞིན་ཁྲོ་བོའི་རྒྱལ་པོ་དང་། །རིག་སྔགས་རྒྱལ་པོ་དེ་བཞིན་དུ། །དཀྱིལ་འཁོར་ལྷ་དང་མེ་ལྷ་དང་། །སྦྱིན་སྲེག་རླུང་ལྷ་ཆུ་ལྷ་དང་། །ཁྲོ་བོའི་གཟུགས་དང་ཞི་
བ་དང་། །ལྷ་དང་ཀླུ་དང་སྟོན་པ་དང་། །གནོད་སྦྱིན་སྲིན་པོའི་གཟུགས་དང་ནི། །འབྱུང་པོ་ལྷ་མིན་དྲི་ཟ་དང་། །ནམ་མཁའ་ལྡིང་དང་མི་འམ་ཅི། །ལྟོ་འཕྱེ་ཆེན་པོའི་གཟུགས་ཀུན་དུ། །འཇིག་རྟེན་མགོན་པོ་མཆོག་སྦྱིན་བསྟན། །
གཤིན་རྗེ་དང་ནི་ལུས་ངན་དང་། །ཚངས་པ་ཁྱབ་འཇུག་དབང་ཕྱུག་ཆེ། །གཞོན་ནུ་དབང་ཕྱུག་ལྷ་དང་ནི། །དབང་ཕྱུག་ཆེན་པོ་ཉི་མ་དང་། །ཟླ་གཟུགས་རྒྱུ་སྐར་ཚེས་གྲངས་ལྷ། །འདི་དག་རྣམ་པ་སྣ་ཚོགས་པའི། །གཟུགས་སུ་
འཇིག་རྟེན་མགོན་པོས་བསྟན། །སེམས་ཅན་རྣམས་ལ་ཕན་འཚལ་བས། །གདུལ་བའི་དོན་དུ་གྲོལ་བའི་ལམ། །སེམས་ཅན་རྣམས་ལ་བསྟན་པས་ན། །དེ་བས་སོམ་ཉི་ཉིད་མི་བགྱི། །མཆོག་ཏུ་དང་བར་བགྱི་བ་ལགས། །ཅི་
ལྟར་མཐུན་པའི་དགོས་པ་རྣམས། །ཅི་ལྟར་མཐུན་པ་བཞིན་དུ་འགྲུབ། །ཅི་ལྟར་མཐུན་པ་རི་མོའི་གཟུགས། །ཅི་ལྟར་མཐུན་པའི་ཞགས་པ་བསྒྲུབ། །གནས་འདི་གང་དུ་འོས་པ་དང་། །གང་དུ་སེམས་ནི་དགའ་བར་འགྱུར། །

99-1-55a

གོམས་པ་གང་གི་ཕྱག་རྒྱ་དང་། །གང་གི་དཀྱིལ་འཁོར་ཆར་དབྱེ་བ། །འཕགས་པ་སྤྱན་རས་གཟིགས་དབང་མགོན། །ཀུན་དུ་སྒྲོལ་བ་འདྲེན་པའི་གཙོ། །དོན་ཡོད་འབྲས་བུ་སྩོལ་བའོ། །དོན་ཡོད་གྲུབ་པའི་གྲུབ་པ་ཐོབ། །དོན་ཡོད་དགོས་པ་
ཐམས་ཅད་དང་། །གྲུབ་པའི་ཆོས་ཀྱི་འཁོར་ལོ་ནི། །མཆོག་ཉིད་ལ་ཡང་རེག་པར་འགྱུར། །ཞགས་པ་དང་རི་མོ་བསྒྲུབ་པའི་ཆོ་གའོ།། །། དེ་ནས་དོན་ཡོད་པའི་ལས་དང་དགོས་པ་བསྒྲུབ་པ་ཐམས་ཅད་ཀྱི་སྦྱིན་སྲེག་གི་ཆོ་ག་བཤད་པར་
བྱ་སྟེ། སྡིག་པ་ཐམས་ཅད་མོད་ལ་འཕྲོག་པ། སྒྲིབ་པ་ཐམས་ཅད་འཇིགས་པར་བགྱིད་པ། དགྲ་ཐམས་ཅད་འཇོམས་པ། བགེགས་ཐམས་ཅད་རྣམ་པར་འཇོམས་པ། གདུག་པ་ཐམས་ཅད་བཟློག་པའི་མཆོག་སྡིག་པ་ཐམས་
ཅད་འཇིག་པར་བགྱིད་པ། དམྱལ་བའི་སྡུག་བསྔལ་བཅུ་དྲུག་ལས་གྲོལ་བར་བགྱིད་པ། འཇིགས་པ་མི་བཟད་པ་བརྒྱད་རྟག་ཏུ་འཕྲོག་པ། མི་བཟད་པ་རྣམས་འཇོམས་པ། ཕ་རོལ་གྱི་དཔུང་ལྡོག་པའི་མཆོག །ནད་
ཐམས་ཅད་འཇོམས་པ། མོད་ལ་འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཞི་བར་བགྱིད་པ། མུ་གེའི་དགོན་པ་འཇིག་པར་བགྱིད་པ། ཡམས་ཀྱི་ནད་དང་གནོད་པ་འཇོམས་པ། ལྷའི་བདེ་བ་འདྲེན་པར་
བགྱིད་པའི་མཆོག་དེ་ཁོ་ན་ཉིད་ཀྱི་སངས་རྒྱས་སྒྲུབ་པ། སངས་རྒྱས་ཀྱི་བྱང་ཆུབ་བླ་ན་མེད་པའི་མཆོག་ཐམས་ཅད་སྒྲུབ་པར་བགྱིད་པ། སེམས་ཅན་ཐམས་ཅད་ཀྱི་ཐུན་མོང་མཆོག་སྦྱིན་ཤིན་ཏུ་རྙེད་པར་དཀའ་བ་ལྷ་རྣམས་
རྟག་ཏུ་མགུ་བར་འགྱུར་བ། ཀླུ་རྣམས་དགའ་བ་འཐོབ་པར་འགྱུར་བ། དེ་བཞིན་གཤེགས་པ་རྣམས་རྟག་ཏུ་ཉིན་མཚན་དུ་གཟིགས་པར་སོམ་ཉི་མ་མཆིས་པ། བྱང་ཆུབ་སེམས་དཔའ་རྣམས་དགའ་བར་འགྱུར་
བ། དུས་ཀུན་དུ་ཤིན་ཏུ་མཉམ་པར་གཞག་པས། འཇིག་རྟེན་དབང་ཕྱུག་མཆོག་སྦྱིན་རྟག་ཏུ་མཆིས་པར་སོམ་ཉི་མ་མཆིས་པར་རྒྱལ་པོ་ཆེན་པོ་བཞི་འཁོར་དང་བཅས་བློན་པོ་དང་བཅས་པ་བསྲུང་བའི་དོན་དུ་ཐམས་ཅད་དུ་

99-1-55b

རྟག་ཏུ་རྗེས་སུ་འབྲང་བར་འགྱུར་ལགས་སོ། །དེ་ནས་རིག་སྔགས་འཆང་ཤེས་རབ་དང་ལྡན་པས། གཙང་མའི་གནས་སུ་མཆིས་ནས་སྦྱིན་སྲེག་བགྱི་སྟེ། གཙང་མ་ཡི་ནི་ས་ཕྱོགས་སམ། །ཅ་ཅོ་མ་མཆིས་དབེན་པར་ནི། །
ཞི་བ་དང་ནི་རྒྱས་པ་དང་། །དྲག་ཤུལ་སྤྱོད་པ་རྣམས་བགྱིའོ། །ཞི་བ་སེམས་ཅན་ཐམས་ཅད་ཀྱི། །དོན་དུ་སྡིག་པ་ཐམས་ཅད་འཇོམས། །རྒྱས་པ་རྒྱས་པ་ཐོབ་འགྱུར་ཏེ། །ཐམས་ཅད་ཕུན་སུམ་ཚོགས་པར་
འགྱུར། །དགྲ་དང་ལོག་འདྲེན་གདུག་པ་དང་། །གནོད་སྦྱིན་སྲིན་པོ་གསང་བ་པ། །གདུག་སེམས་ཅན་རྣམས་བྲེད་པ་དང་། །སྐྲགས་པར་སྡིགས་པ་དྲག་ཤུལ་སྤྱོད། །གསང་སྔགས་སྒྲུབ་པའི་སྦྱིན་སྲེག་སྟེ། །
གསང་སྔགས་སྒྲུབ་པ་བླ་ན་མེད། །འཇིག་རྟེན་འཇིག་རྟེན་ཕ་རོལ་གྱི། །སྦྱིན་སྲེག་གི་ནི་ལས་བགྱིའོ། །མེ་ལྷའི་ལྷ་དང་ཀླུ་དག་དང་། །དེ་བཞིན་རིག་པ་འཛིན་པ་འང་དགུག །ཁུང་བསྐོས་དེ་ལ་པད་མའི་ཚུལ། །པད་མ་རྟག་
ཏུ་བྲིས་བར་བགྱི། །ཆོ་ག་ཅི་བཞིན་ཁུང་ནང་གི། པད་མ་ལ་ནི་གེ་སར་བགྱི། །གྲུ་བཞི་འམ་ནི་ཟླུམ་པོ་སྟེ། །དེ་ལྟ་བུ་ནི་བརྐོ་བར་བགྱི། །ལེགས་པར་བྱུགས་ཤིང་ཤིན་ཏུ་གནག །ཤིན་ཏུ་སྦས་ཤིང་ཚད་ལ་དབབ། །ཚེས་གྲངས་
རྒྱུ་སྐར་ཉིད་དག་དང་། །ཤིན་ཏུ་བཀྲ་ཤིས་དག་ལ་བགྱི། །བཀྲ་ཤིས་ཕྱག་རྒྱ་ཆེན་པོ་སྟེ། །བཟང་པོས་གཏོར་མའི་ལས་བགྱིའོ། །བདུག་པ་མེ་ཏོག་ལ་སོགས་པ། །བཟང་པོ་དག་ནི་འཁོར་བར་དགོད། །ཐོག་མར་མེ་ལྷ་བཀུག་ནས་ནི། །དེ་ནས་
སྦྱིན་སྲེག་ལས་རྣམས་བགྱི། །རིག་སྔགས་འཆང་བ་གཙང་གྱུར་པ། །ལེགས་བཀྲུས་གཙང་མའི་གོས་བགོས་ནས། །གསང་སྔགས་བཟླས་པའི་ཆོ་ག་བགྱི། །དེ་ལ་མཚམས་ཀྱང་བཅིང་བར་བགྱི། །བདག་བསྲུང་གཙུག་ཏོར་བཅིང་བ་དང་། །གཞན་བསྲུང་
དཀྱིལ་འཁོར་བཅིང་བ་དང་། །དེ་བཞིན་གྲོགས་བགྱིད་བསྲུང་བ་དང་། །རྒྱུན་ཏུ་ཨརྐའི་ཤིང་སྦར་ཏེ། །དྲི་ཡི་ཤིང་རྣམས་ཉིད་དག་དང་། །མར་དང་ཡུངས་དཀར་འབྲས་ཡོས་དག །ཉི་ཤུ་གཅིག་དབུལ་མེ་སྟོན་བགྱི། །དེ་ནས་མེའི་ལྷ་དགུག་གོ། ཨོཾ་ན་ཛྭ་ལ་མ་ཧཱ་ཛྭ་ལ། 

99-1-56a

ཛྭ་ལ་ཛྱོད་སྣཱ་པྲ་བྷ་མཎ་ཌ་ལ་སརྦ་བིད་ཨཱ་ཧུ་ཏི་རག་ནི་རད་ཏུཥྞ་ཛྭ་ལ། དྷུ་མ་ཤྭ་ས། ཨརྩི་ཥཱ་མུ་ཁ་ཏྲིཥྞ། ར་ཤྨི་ད་བ་ཨག་ནིཤྩ་བིད་ཏུ་ཏཤྩ་ཧུ་ཏ་ཤ་ན་མུ་ཁན་ཏེ། སརྦ་དེ་བཱ་ནཱ། སརྦ་ཡཀྵ་མ་ཧཱ་བཱིརྱ་མ་ཧཱ་ཛ་བ། མ་ཧཱ་བཱ་ལ། ནིར་མ་རི་ཤན། 
སརྦ་ད་ཧཱ་ན་པྲ་པུ་ལ་ལ་ཨཱ་ཀཱ་ཤ་ས་མུག་གང་ཀས་ཤྩ་ཨ་བ་པྲ་སད་ཀཱ་ཤན། མན་ཌ་ལ་པུ་ཛི་ཏོ། མ་ཎི་ཌ་སརྦ་ཏྲ་དི་བ་བྱ་རུ་པ། བི་ཤཱ་ར་ད། ཨཱ་བཱ་ཧ་ན་སརྦ་ད་ཏྲ་གཱན། དེ་བ་ཧུ་ཏ། ཤ་ན་ཧུ་ཏྲ། ཤ་ན་ཏ་མ་སི་བི་དྷ་མ་ཀན། ཨན་དྷ་ཀཱ་རཱ་ན། མུ་ག་
ཏ་ར་ཤྨི་མ་པྲི་ཡང་གུ་གྷན་དྷ་ཕ་ལཱ་ཧ་ར། ས་ར་ས་ར། ཨ་གྲ་ཛ། སུག་ཤྨ་སུ་ཏཱིཀྵྞཤྩ་མྲྀ་ཏི་སན་ཙི་བི་ན། པྲི་ཡོ་བ་ཤྨི་པུ་བྷ་སྨ་བྷ་སྟ་ཙ་བྷ་སྨ་བསྟྲ་ནི། སེ་བ་ཀྃ། བྷ་སྨ་སན་ཙ་དྷ་ནིད་ཏྱན་དྷུ་མ་མཱ་ཀུ་ལ། ཛཱ་ཡ་སེ་བཱ་ཀ་སིད་དྷ་ར་ས་གྲ་ཙ་ར་སརྦད་
ཏྲ་པྲ་དྷ་པ་རི་ཤཱ། སརྦད་ཏྲ་ནི་ར་མ་རི་ཤ་ཎོ། ནིར་ཏྱ་སྤྲིཤྚ་དྷཤྚ་ན་མུན་ཙ་སི། དྭ་ཏྲིང་ཤ །བྷ་ག་ནོ་དཱེ་བ་ཨག་ནི་མུ་ཁ་དེ་བཱ་ཏ། ཨེ་རུ་ཙི་རུ་ཛཱ་བ་ལ་བ་ད་ཀ་མ་ཧཱ་ན་ཏ། ཨ་ཐ་པར་ཎོ་དེ་བ་དེ་བ་ན། བི་ཤཱ་ར་ད། ཨ་ཡཱན་ཏུ་སཱ་ད་ཤི་གྷྲ་ཀར་མ་
སཱ་ད་ཡ་ཏད་ཏྭཏ། ཨོཾ་ཛྭ་ལ་ཛྭ་ལ། ཏིཥྠ་ས་མ་ཡན། ཧུ་རུ་ཧུ་རུ་ཧཱུྃ་ཕཊ་སྭཱ་ཧཱ། གསང་སྔགས་འདིས་ནི་ལན་བདུན་དུ། །བཟླས་ནི་མེ་ནི་དགུག་པར་བགྱི། །གུ་གུལ་ཡུངས་ཀར་མར་སྦྱར་ལ། །སྤར་བདུན་སྤར་བས་མེ་ལ་དབུལ། །
མཆོད་ཡོན་སྣོད། རྣམས་དབུལ་བ་ཡང་། །དེ་བཞིན་སྤར་བའི་སྤར་བས་སོ། །དྲི་རྣམས་དང་ནི་བྱུག་པ་དང་། །བདུག་པ་རྒྱ་ཆེར་དབུལ་བར་བགྱི། །དེ་བཞིན་འབྲས་བུ་སྤར་བར་འབུལ། །དེ་ནས་ཆབ་ཀྱིས་བསང་བ་བགྱི། །ཅི་
ལྟར་ལྷ་རྣམས་རིམ་བཞིན་དུ། །ཉེ་རེག་དག་ཀྱང་དབུལ་བར་བགྱི། །དེ་ནས་རིག་སྔགས་འཆང་གིས་སུ། །སྦྱིན་སྲེག་ལས་ནི་ཡང་དག་བརྩམ། །དྲི་ཞིམ་ཤིན་ཏུ་དག་པ་དང་། །བླག་ཤ་ཨུ་དུམ་འབའ་ར་དང་། །སྣ་མའི་མེ་ཏོག་
ཙམ་པ་དང་། །ཀར་ནི་ཀ་ར་ཉིད་དག་དང་། །པད་མ་ཨུད་པལ་ཐང་ཤིང་དང་། །དེ་བཞིན་དྲི་བདའི་ཙན་དན་དང་། །བྱང་ཆུབ་ལྗོན་ཤིང་ཤིང་དག་དང་། །དེ་བཞིན་གཞན་ཡང་དྲི་བདའི་ཤིང་། །འོན་ཏེ་འབྲས་བུའི་ཤིང་མང་དང་། །ཤ་མི་ཤི་བའྀ་ལས་

99-1-56b

ལགས་པས། །མཆོད་ཡོན་དེ་བཞིན་རྩྭ་དག་སྟེ། །དེ་དག་གིས་ནི་མེ་སྦར་ནས། །སྦྱིན་སྲེག་གི་ནི་ལས་རྣམས་བགྱིའོ། །འབྲས་ཡོས་ཙན་དན་ཕྱེ་མ་དང་། །ཨ་ཀ་རུ་དང་དུ་རུ་ཀ །ཀུན་ཏུ་རུ་ལ་སོགས་པ་དང་། །དུ་རུ་ཀར་བཅས་སྤྲི་ཀ་
དང་། །སྤང་སྤོས་པྲི་ཡང་གུ་བླངས་ཏེ། །དེ་དག་ལྷན་ཅིག་སྦྱར་བསྲེས་ཤིང་། །མར་རམ་མར་སར་ལྷན་ཅིག་རྫི། །དོན་ཡོད་རྒྱལ་པོའི་གསང་སྔགས་ནི། །བརྒྱ་རྩ་བརྒྱད་བཟླས་མེ་ལ་དབུལ། །འཕགས་པ་སྤྱན་རས་གཟིགས་དབང་ཕྱུག་གི་
མདུན་དུ་ལན་སྟོང་རྩ་བརྒྱད་ཀྱི་སྦྱིན་སྲེག་བགྱིའོ། །ལན་སྟོང་རྩ་བརྒྱད་ཚང་བ་དང་། ནམ་ཕྱེད་ན་མེ་ལྷ་རང་གི་གཟུགས་འབར་བར་ཤིན་ཏུ་གནས་པ་ལགས་ནས་ཕྱོགས་བཅུར་བལྟ་ཞིང་ཀུན་དུ་བརྟགས་ནས། རིག་སྔགས་འཆང་ལ་
ལེགས་སོ་ཞེས་བགྱི་བ་སྩོལ་བར་འགྱུར་ཏེ། རིགས་སྔགས་འཆང་ལེགས་སོ་ལེགས་སོ། །བདག་ཚིམ་པར་བྱས་པས་རིག་སྔགས་འཆང་ཁྱོད་ཀྱིས་སྦྱིན་སྲེག་གི་ཆོ་ག་གྲུབ་ཀྱིས་མཆོག་སློངས་ཤིག་དང་། ཐམས་ཅད་སྦྱིན་ནོ། །དེ་
ནས་རིག་སྔགས་འཆང་གིས་ཅི་ལྟ་བུའི་འདོད་པའི་མཆོག་རྣམས་བླང་བར་བགྱི་སྟེ། ཅི་ལྟར་བླངས་པ་བཞིན་ཐམས་ཅད་སྩོལ་བར་འགྱུར་རོ། །དེ་ནས་རིག་སྔགས་འཆང་གིས་མཆོད་ཡོན་གྱི་སྣོད་དག་འབུལ་ཞིང་གཏོར་མ་དབུལ་བའི་
ལས་བགྱིའོ། །དེ་ནས་རིག་སྔགས་འཆང་གིས་མར་དང་བསྲེག་པའི་གོང་བུ་ཆེན་པོ་དག་གིས་སྦྱིན་སྲེག་བགྱི་ཞིང་། འབྲས་བུའི་ཤིང་སྤར་ནས། དོན་ཡོད་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་བརྗོད་བགྱིའོ། །སྟོང་
རྩ་བརྒྱད་ཚང་བ་དང་། ཐབ་ཀྱི་དབུས་ནས་སྐྱེས་པ་ཞིག་ལུས་ཕྱེད་ཙམ་ཕྱུང་ནས། དངུལ་གྱི་གཞོང་པ་ཁ་ཟས་ཀྱིས་བཀང་སྟེ། པུས་མོ་ནུབ་ཙམ་དུ་འབུལ་བར་འགྱུར་རོ། །རིག་སྔགས་འཆང་གིས་བླངས་བར་བགྱི་སྟེ། བླངས་
པ་ཙམ་གྱིས་ནམ་མཁའ་ལ་འཕུར་བར་འགྱུར་ཞིང་། རིག་སྔགས་འཆང་གི་ལུས་ལ་མེ་འབར་བའི་འོད་ཟེར་འབྱུང་བར་འགྱུར་རོ། །དེ་འཚལ་ན་ཚེ་ལོ་ཁྲིར་འགྱུར་རོ། །ནམ་མཁའི་རིག་སྔགས་འཆང་གི་འཁོར་ལོས་བསྒྱུར་བར་འགྱུར་རོ། །བསྐལ་པ་བཅུ་ཚུན་

99-1-57a

ཆོད་ཀྱི་སྔོན་གྱི་སྐྱེ་བ་དྲན་པར་འགྱུར་རོ། །དོན་ཡོད་རྒྱལ་པོའི་ཆོ་ག་ཞིབ་མོ་རྣམ་པར་གྲོལ་བའི་དཀྱིལ་འཁོར་ཁ་ཏོན་དུ་གནས་པར་འགྱུར་རོ། །གལ་ཏེ་སྣོད་མི་ལེན་ན་དེའི་ཚེ་ཡང་ལན་ཉི་ཤུ་རྩ་གཅིག་སྦྱིན་སྲེག་བགྱིས་ན། ཆེར་
གཡོ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་གཟུགས་ཀྱི་མདུན་དུ་མཆིས་ན། རིག་སྔགས་འཆང་ལ་དབུགས་འབྱིན་པར་བགྱིས་ཏེ། རིག་སྔགས་འཆང་ལེགས་སོ་ལེགས་སོ། །རིག་སྔགས་འཆང་
ཁྱོད་ཀྱིས་སྦྱིན་སྲེག་གི་ཆོ་ག་དེ་བསྒྲུབས་ཟིན་གྱིས། མཆོག་སློངས་ཤིག་དང་སྦྱིན་ནོ་ཞེས་དེའི་ཚེ་རིག་སྔགས་འཆང་གིས་ཅི་བསམས་པའི་མཆོག་སྨྲས་པ། དེའི་ཚེ་ཐམས་ཅད་སྩོལ་བར་བགྱིའོ། །འཕགས་པ་སྤྱན་རས་
གཟིགས་དབང་ཕྱུག་གིས་སྐྱེས་པ་དེ་ལ་སྣོད་བླངས་ཏེ། རང་གི་ལག་ནས་རིག་སྔགས་འཆང་ལ་སྩོལ་བར་བགྱིད་དོ། །རིག་སྔགས་འཆང་གིས་བླངས་ནས་ཟས་ཀྱི་གོང་བུ་དེ་བཟའ་བར་བགྱིའོ། །འཚལ་བ་ཙམ་གྱི་མོད་ལ་
ནམ་མཁའ་ལ་རྫུ་འཕྲུལ་གྱིས་མཆི་བར་འགྱུར་རོ། །ལུ་ལས་མེའི་སྙིང་པོ་འབར་བའི་ཁ་དོག་སྣ་ཚོགས་འབྱུང་བར་འགྱུར་རོ། །དོན་ཡོད་པའི་རྒྱལ་པོའི་རིག་སྔགས་འཛིན་འཁོར་ལོས་བསྒྱུར་བར་འགྱུར་རོ།། །།འཕགས་པ་དོན་ཡོད་
ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་དྲུག་པ། གང་གཱའི་ཀླུང་བྱེ་བ་ཁྲི་ཁྲིག་བརྒྱ་སྟོང་དགུ་བཅུ་རྩ་གཉིས་ཀྱི་བྱེ་མ་སྙེད་དང་མཉམ་པའི་རིག་སྔགས་འཆང་བའི་འཁོར་ལོས་བསྒྱུར་བ་རྣམས་ཀྱི་རིག་སྔགས་
འཆང་གིས་ཡོངས་སུ་བསྐོར་བར་འགྱུར་རོ། །གང་གཱའི་ཀླུང་བྱེ་བ་ཁྲི་ཕྲག་བརྒྱ་སྟོང་དགུ་བཅུ་རྩ་གཉིས་ཀྱི་བྱེ་མ་དང་མཉམ་པའི་གནས་ཀྱི་གཞལ་མེད་ཁང་དོན་ཡོད་རབ་ཏུ་གནས་པའི་གནས་རྣམས་འབྱུང་བར་འགྱུར་རོ། །རིན་
པོ་ཆེ་སྣ་བདུན་གྱི་གཞལ་མེད་ཁང་རི་དང་། ཚལ་དང་ནགས་ཚལ་དང་། བཅས་པ་མེ་ཏོག་དང་འབྲས་བུའི་ཤིང་རྣམས་པ་སྣ་ཚོགས་ཡལ་ག་དང་། སྦལ་མིག་དང་། ལོ་མ་དང་། རྩ་བ་དང་། མྱུ་གུར་བཅས་པ་ཁ་ཅིག་ནི་གསེར་གྱི་མེ་ཏོག་

99-1-57b

ཁ་ཅིག་ནི་དངུལ་གྱི་མེ་ཏོག །ཁ་ཅིག་ནི་རིན་པོ་ཆེ་སྣ་བདུན་ལས་བྱུང་བའི་མེ་ཏོག་དག་གོ། གཞན་ཡང་ལྷའི་མེ་ཏོག་རྣམ་པ་སྣ་ཚོགས་པ་དག་དང་། ཏ་མ་ལ་དང་ཙམ་པ་ཀ་དང་ལྕུག་མའི་མེ་ཏོག་དང་། ཏ་ལ་དང་གྷན་དྷ་པར་ཤི་ཀ་དང་སྣ་
མ་དང་ཡུ་ཐི་ཀ་དང་ཏ་ར་ན་དང་ཀུབ་སྤྱ་ཀའི་མེ་ཏོག་དག་དང་ཚལ་དང་ནགས་ཚལ་དང་། སྐྱེད་མོས་ཚལ་དགའ་བར་འགྱུར་བའི་གནས་ཀྱི་གཞལ་མེད་ཁང་གིས་མཛེས་པར་བགྱིས་པའི་གཞལ་མེད་ཁང་ཐམས་ཅད་འབྱུང་བར་འགྱུར་ཞིང་
དགའ་བ་དང་ཡིད་མགུ་བ་དང་། ཡྀད་དུ་མཆི་བར་འགྱུར་རོ། །ལྷའི་ཆུ་ཀླུང་དང་། འབབ་ཆུ་དང་། རྫིང་ལྷའི་ཙན་དན་གྱི་དྲིའི་ཆབ་ཀྱིས་ཡོངས་སུ་གང་བ་དེ་ལ་རིན་པོ་ཆེ་སྣ་བདུན་ལས་བྱུང་བའི་གཞལ་མེད་ཁང་དང་། ལྷའི་པད་མ་དང་། 
ཨུད་པ་ལ་དང་ཀུ་མུ་ཏ་དང་པད་མ་དཀར་པོས་ལེགས་པར་བརྒྱན་པའི་ཆབ་གསེར་གྱི་བྱེ་མ་ལེགས་པར་བརྡལ་བའི་གཞལ་མེད་ཁང་དག་འབྱུང་བར་འགྱུར་རོ། །ལྷའི་བུ་མོ་དང་མི་འམ་ཅིའི་ཚོགས་དང་། དྲི་ཟའི་ཚོགས་ཀྱིས་དགའ་
བར་བགྱིས་པ། ལྷ་དང་ལྷ་མ་ཡིན་དང་དྲི་ཟ་དང་། ཀླུ་དང་རིག་འཛིན་དང་། མི་འམ་ཅིའི་ཚོགས་ཀྱིས་ཡོངས་སུ་བསྐོར་ཅིང་། ལྷའི་འབྱོར་པ་གཞལ་མེད་ཁང་ལེགས་པར་བསྟབས་པའི་གནས་ན་ཐམས་ཅད་དུ་རྩེ་བར་བགྱི། དགའ་བར་
བགྱིད། དགའ་མགུར་སྤྱོད་པར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་པ་ནས་བྱང་ཆུབ་ལ་མཆིས་ཀྱི་བར་དང་། ཆོས་ཀྱི་འཁོར་ལོ་བསྐོར་བ་ན་ཡོངས་སུ་མྱ་ངན་ལས་འདས་པའི་བར་དུ་ཚེའི་ཚད་གཅིག་ཙམ་དུ་སྐྱོང་བར་བགྱིད་
དོ། །དེ་བཞིན་དུ་གྲུབ་པ་བླ་ན་མེད་པ་ཆེན་པོ། འཕགས་པ་སྤྱན་རས་གཟིགས་དབང་ཕྱུག་ཉིད་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་རྟག་ཏུ་རྗེས་སུ་འབྲང་བར་འགྱུར་ཏེ། དེ་ལྟར་ཟས་ཀྱི་གོང་བུ་སྒྲུབ་པའི་ཆོ་ག་ཤིན་ཏུ་རྙེད་
པར་དཀའ་ལགས་སོ། །ཕྱོགས་བཅུ་མཐའ་དག་གི་སངས་རྒྱས་ཀྱི་ཞིང་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་དང་ལྷན་ཅིག་འགྲོགས་ནས་མཆི་བར་འགྱུར། དེ་བཞིན་གཤེགས་པ་ཐམས་ཅད་ལས་མངོན་སུམ་དུ་ཆོས་ཉན་པ་ཐོས་པར་འགྱུར་རོ། །

99-1-58a

དེའི་འོད་ཟེར་འབར་བའི་སྙིང་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བར་འགྱུར་རོ། །དོན་ཡོད་པའི་ཞགས་པ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་
ཕྱག་བགྱིས་པ་རྣམ་པར་གྲོལ་བའི་དཀྱིལ་འཁོར་གྱི་གསང་སྔགས་དང་ཕྱག་རྒྱ་རིམ་པར་ཕྱེ་བའི་ཆོ་ག་ཞིབ་མོ་མཐའ་དག་རྫོགས་པར་བསྒྲུབ་པའི་ཆོ་ག་ཐམས་ཅད་དང་། ཆོ་ག་ཞིབ་མོ་རྒྱ་ཆེན་པོ་མཐའ་དག་གི་དཀྱིལ་འཁོར་འདི་ཁོ་ན་ཉིད་དུ་
གནས་པར་འགྱུར་ལགས་སོ། །ཀླུའི་རྒྱལ་པོ་བྱེ་བ་ཕྲག་བརྒྱ་སྟོང་རྣམས་དེའི་དབང་དུ་གྱུར་ནས་རྟག་པར་རྒྱུན་ཏུ་མཆི་བར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་
ཆེན་པོ་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །འོག་མིན་གྱི་གནས་ཀྱི་ལྷ་རྣམས་རིག་སྔགས་འཆང་དེའི་ཕྱི་བཞིན་རྟག་ཏུ་འབྲང་ཞིང་རྟག་པར་རྒྱུན་དུ་ཡོངས་སུ་བསྐོར་བར་འགྱུར་རོ། །ལྷའི་རོ་བྲོ་བའི་མཆོག་དང་། ལྡན་
པའི་གཞལ་མེད་ཁང་རྣམ་པ་སྣ་ཚོགས་དག་ལྷུན་གྱིས་གྲུབ་པར་འབྱུང་བར་འགྱུར་རོ། །དེ་བཞིན་དུ་གོས་དང་། ལྷབ་ལྷུབ་དང་རྒྱན་སྣ་ཚོགས་དང་ལྡན་པའི་གཞལ་མེད་ཁང་དག་འབྱུང་བར་འགྱུར་ཏེ། དེ་ལ་སོགས་པ་སྦྱིན་སྲེག་གི་ཆོ་ག་དོན་ཡོད་
པ་སྒྲུབ་པ་དག་འབྱུང་བར་འགྱུར་བའི་གྲུབ་པ་འཐོབ་པར་འགྱུར་རོ། །འོན་ཏེ་སྐལ་བ་ཆུང་བ་སངས་རྒྱས་དང་བྱང་ཆུབ་སེམས་དཔའི་ས་བོན་མ་མཆིས་པ་ཞིག་མཆིས་ལ་དེས་སྣོད་དེ་བླངས་པ་ཙམ་གྱི་མོད་ལ་རྒྱལ་སྲིད་ཀྱི་དབང་ཕྱུག་
ཐོབ་པར་འགྱུར་ཏེ། ལྷ་དང་མིའི་དཔལ་ཉམས་སུ་མྱོང་བར་འགྱུར་རོ། །རེག་པ་ཙམ་གྱི་མོད་ལ་ཚེ་ལྷའི་ལོ་བརྒྱ་ཁྲི་བཞི་སྟོང་ཐུབ་པར་འགྱུར་རོ། །དེ་ལ་ཕྱིས་ཀྱང་ནད་འབྱུང་བར་མི་འགྱུར་ཏེ། སྡིག་པ་དང་སྒྲིབ་པ་ཐམས་ཅད་ཀྱིས་ཉོན་མོངས་
པར་མི་འགྱུར་རོ། །ཕས་ཀྱི་རྒོལ་བ་དང་མི་མཛའ་བ་དང་། གདུག་པ་དང་རབ་ཏུ་གདུག་པ་ཐམས་ཅད་ནུབ་པར་འགྱུར་རོ། །སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ཡི་དགས་ཀྱི་ཡུལ་ཐམས་ཅད་ལས་

99-1-58b

ཡོངས་སུ་གྲོལ་བར་འགྱུར་རོ། །སེམས་ཅན་ཐམས་ཅད་ཀྱི་མཆོད་གནས་གཅིག་པུར་འགྱུར་རོ། །བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། སེམས་ཅན་ཐམས་ཅད་བལྟ་འཚལ་བར་འགྱུར་རོ། །ཐམས་ཅད་དུ་རྒྱས་པར་འགྱུར་རོ། །ཚིག་
བཙན་ཞིང་དོན་ཡོད་པ་ཐོབ་པར་འགྱུར་རོ། །མགུམ་པའི་དུས་སུ་དེ་བཞིན་གཤེགས་པ་ཐམས་ཅད་གཟིགས་པ་བཞེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་མཐོང་བར་འགྱུར་རོ། །དྲན་པ་ཤིན་དུ་
ཉེ་བར་གཞག་ནས་དུས་བགྱིད་པར་འགྱུར་རོ། །དུས་བགྱིས་ནས་སྐལ་བ་མཉམ་པར་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། པད་མ་ལ་རྫུས་ཏེ་སྐྱེ་བར་འགྱུར་ཞིང་སྐྱེ་བ་དྲན་པར་འགྱུར་རོ། །ལན་འགའ་ཡང་ཕྱིར་
ངན་སོང་དུ་མཆི་བར་མི་འགྱུར་ཏེ། ཕྱིར་ཡང་མའི་མངལ་དུ་སྐྱེ་བར་མི་འགྱུར་རོ། །དེ་བཞིན་གཤེགས་པ་ཐམས་ཅད་བལྟ་བ་དང་། བྱང་ཆུབ་སེམས་དཔའ་ཐམས་ཅད་བལྟ་བའི་ཕྱིར་སངས་རྒྱས་ཀྱི་ཞིང་ནས་སངས་རྒྱས་ཀྱི་
ཞིང་དུ་རྟག་ཏུ་མཆི་བར་འགྱུར་རོ། །དཔྲལ་བར་ཐིག་ལེ་བགྱིས་ན། ཐམས་ཅད་དུ་མི་གདའ་བར་འགྱུར་རོ། །མེ་ལྷ་རྟག་པར་རྒྱུན་དུ་དྲན་པར་བགྱིས་པ་ཙམ་གྱིས། རང་གི་གཟུགས་ཀྱིས་མདུན་ན་མཆིས་ནས་མཆོག་ཐམས་
ཅད་སྩོལ་བར་བགྱིད་དོ། །དགོས་པ་ཐམས་ཅད་བགྱིད་པར་འགྱུར་རོ། །དེ་ནས་དོན་ཡོད་དགོངས་པ་བསྒྲུབ་པར་འཚལ་ན། རིག་སྔགས་འཆང་དེས་འབྲས་དང་ཀུལ་མ་ཤར་བསྲེས་ཏེ་བསྒྲིལ་ལ་བསྒོངས་ནས། མར་དང་བུ་
རམ་དང་། ཤ་ཁ་ར་དང་། སྦྲང་རྩི་ལྷན་དུ་བརྫིས་ནས། བིལ་བའི་ཚད་ཙམ་དུ་བགྱིས་ཏེ། དེའི་འོག་ཏུ་ཤིང་ཀ་ར་བི་རའི་མེ་སྦར་ནས། བསྒོངས་པ་རེ་རེ་ལ་ལན་བདུན་བཟླས་བརྗོད་བགྱིས་ནས། མེའི་ནང་དུ་སྦྱིན་སྲེག་བགྱིས་ཏེ། 
ཉིན་ལན་གསུམ་མཚན་ལན་གསུམ་དུ། བརྒྱ་རྩ་བརྒྱད་ཙམ་སྦྱིན་སྲེག་བགྱིའོ། །དེ་ནས་རིག་སྔགས་འཆང་ཡུངས་ཀར་དང་། མེ་ཏོག་ཅི་རྙེད་པ་དང་བསྲེས་ཏེ། ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་མེའི་དབུས་སུ་སྩལ་བར་བགྱིའོ། །

99-1-59a

འབྲས་ཡོས་དང་། ཡུངས་ཀར་ལ་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་ནས་གཏོར་བར་བགྱིའོ། །དེ་ནས་མེའི་དབུས་ནས་མེ་ལྷ་ལུས་ཕྱེད་ཙམ་ཕྱུང་ནས། རིན་པོ་ཆེ་སྣ་བདུན་ལས་བགྱིས་པའི་སྣོད་ཟས་བསྒོངས་པས་བཀང་ནས། 
རིག་སྔགས་འཆང་ལ་རིག་སྔགས་འཆང་ཁྱོད་ཀྱིས་ཟས་བསྒོངས་པ་བསྒྲུབ་པའི་ཆོ་ག་གྲུབ་ཟིན་གྱིས། ལྷའི་ཟས་བསྒོངས་པ་ཆེན་པོ་ལོང་ཤིག་ཅེས་སྟོབས་པར་བགྱིད་དོ། །དེ་ནས་རིག་སྔགས་འཆང་གིས་ཟས་བསྒོངས་པའི་སྣོད་དེ་བླང་བར་
བགྱིའོ། །བླངས་པ་ཙམ་ཁོ་ནས་བཅུད་ཀྱིས་ལེན་དུ་གྱུར་ནས། ནམ་མཁའ་ལ་འཕུར་བར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །ལྤགས་པ་ཡོངས་སུ་དག་པར་འགྱུར་རོ། །རིག་སྔགས་འཆང་འཁོར་ལོས་བསྒྱུར་བར་
འགྱུར་རོ། །རིག་སྔགས་འཆང་གིས་འཁོར་ལོས་བསྒྱུར་བ་དྲུག་ཁྲི་བརྒྱད་སྟོང་གིས་ཡོངས་སུ་བསྐོར་བར་འགྱུར་རོ། །མེ་ལྷ་གནས་དང་གཞལ་མེད་ཁང་དང་བཅས། འཁོར་དང་བཅས་པས་དབང་དུ་མཆིས་ནས། ལས་ཐམས་ཅད་བགྱིད་
པར་འགྱུར་རོ། །གང་དང་གང་གིས་བསྒོངས་པ་ལ་རེག་པ་དེ་ཡང་ཐོས་པ་བསགས་པའི་རྒྱ་མཚོ་ཆེན་པོར་འགྱུར་རོ། །དོན་ཡོད་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ་རྣམ་པར་གྲོལ་བའི་དཀྱིལ་འཁོར་ཕྱག་རྒྱ་དང་། 
གསང་སྔགས་རིམ་པར་དབྱེ་བ་དང་བཅས་པ་ཆོ་ག་ཞིབ་མོ་མཐའ་དག་རྫོགས་པར་ཁ་ཏོན་དུ་གནས་པ་འདི། ཉིན་གཅིག་བཞིན་ཤློ་ཀ་སྟོང་ཀློག་གམ་འཆང་བར་བགྱིད་ན། ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །པད་མ་ལ་བརྫུས་
ཏེ་སྐྱེས་ནས་སྐྱེ་བ་དྲན་པར་འགྱུར་རོ། །ལན་འགའ་ཡང་ཕྱིས་དྲན་པ་བརྗེད་པར་མི་འགྱུར་རོ། །ཚིག་བཙན་པར་འགྱུར་ཏེ། སེམས་ཅན་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །མཆོད་པ་ཆེན་པོའི་འོས་སུ་ཡང་འགྱུར་རོ། །དཔྲལ་བ་ལ་ཐིག་ལེ་བགྱིས་ན་མི་
གདའ་བར་གྱུར་ནས། འབྱུང་པོ་དང་། གནོད་སྦྱིན་དང་། སྲིན་པོ་ཐམས་ཅད་དབང་དུ་གྱུར་ནས། གནས་ཀྱི་སྒོ་ཐམས་ཅད་འབྱེད་པར་འགྱུར་རོ། །བུད་མེད་གང་ཞིག་བུའི་ཆེད་དུ་ཟས་བསྒོངས་པ་དེ་འཚལ་ན། བུ་གཟུགས་བཟང་བ་མཛེས་པ། བལྟ་ན་སྡུག་པ་ཁ་དོག་

99-1-59b

བཟང་པོ་རྒྱས་པ་མཆོག་དང་ལྡན་པ་རྙེད་ནས། ཡུན་རིང་དུ་འཚོ་ཞིང་ཡིད་གཞུངས་པ་དང་། མཁས་པ་དང་། བསྟན་བཅོས་ཐམས་ཅད་ལ་བག་ཚ་བ་མ་མཆིས་པར་འགྱུར་རོ། །དེ་ནས་སྐྱེ་བོ་འབུམ་ཟས་བཙལ་བར་སེམས་ན། འོ་མའི་ཐུག་པ་བསྒྲུབ་པར་
བགྱི་སྟེ། གནས་གཙང་མ་བཅོམ་སྐྱུངས་པར་ཤིང་ཀ་ར་བི་རའི་ལྕུག་མས་དཀྲུག་ཅིང་དོན་ཡོད་ཞགས་པའི་སྙིང་པོ་གསང་སྔགས་བཟླས་བརྗོད་བགྱིས་ཏེ། དེ་ནས་ཁྲོ་བོའི་རྒྱལ་པོ་ཆབ་དང་ཡུངས་ཀར་ལ་བཟླས་བརྗོད་བགྱིས་ནས་གཏོར་བར་བྱའོ། །
དེ་ནས་ཟས་བསྒོངས་པ་གཅིག་སྣོད་ཀྱི་ནང་ནས་ཕྱུང་ནས། འོ་ཐུག་གི་ནང་དུ་སྩོལ་ལོ། །དེ་ནས་ཆར་བགོས་ཏེ་ཐོག་མར་དཀོན་མཆོག་གསུམ་ལ་བསོད་སྙོམས་དབུལ་བར་བགྱིའོ། །དེའི་འོག་ཏུ་བྱང་ཆུབ་སེམས་དཔའ་འཕགས་པ་སྤྱན་རས་
གཟིགས་དབང་ཕྱུག་ལ་དབུལ་བར་བགྱིའོ། །དེའི་འོག་ཏུ་འཕགས་པ་འཇམ་དཔལ་ལ་དབུལ་བར་བགྱིའོ། །དེའི་འོག་ཏུ་དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། སྐྱེས་པ་དང་། བུད་མེད་དང་། 
ཁྱེའུ་དང་། བུ་མོ་རྣམས་དང་། བཀྲེན་པ་དང་། སྡུག་འཕོངས་པ་དང་། ལམ་གྱིས་དུབ་པ་དང་། སློངས་མོ་པ་རྣམས་ལ་རབ་ཏུ་སྩལ་བར་བགྱིའོ། །ཅི་ཙམ་དུ་སྐྱེ་བོ་འབུམ་ཅི་འཚལ་བར་ཁ་ཟས་འཚལ་དུ་སྩལ་ཀྱང་། སྣོད་དེ་གང་བའམ་བྲི་བར་
མི་མངོན་ཞིང་དེ་བས་པར་མི་འགྱུར་རོ། །གང་དག་ཟས་དེ་འཚལ་བ་དེ་དག་སྔོན་གྱི་སྡིག་པ་དང་། སྒྲིབ་པ་དང་། རྩོད་པ་ཐམས་ཅད་དང་བྲལ་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །དགྲ་ཐམས་ཅད་དང་། ཕས་ཀྱི་རྒོལ་བ་ཐམས་
ཅད་དང་། མི་མཛའ་བའི་འཇིགས་པ་ཐམས་ཅད་ཀྱིས་ཚུགས་པར་མི་འགྱུར་རོ། །འབྱུང་པོ་དང་། གནོད་སྦྱིན་དང་། སྲིན་པོའི་འཇིགས་པ་ཐམས་ཅད་ཀྱིས་མི་ཚུགས་པར་འགྱུར་རོ། །ལུས་མཉེན་ཅིང་འཇམ་པར་འགྱུར་རོ། །ང་རོ་ལྷ་
ལྟར་མཉེན་ཅིང་སྙན་ལ་དགའ་བར་བགྱིད་པ་མ་ཡིན་པའི་དབྱངས་སུ་མི་འགྱུར་རོ། །རྟག་ཏུ་དུབ་པའི་སྡུག་བསྔལ་ཐམས་ཅད་ཡོངས་སུ་སྤངས་པར་འགྱུར་རོ། །རྟག་ཏུ་ཇི་སྲིད་འཚོ་བའི་བར་དུ་བདེ་བ་ཡང་དག་པར་སྟོབས་པར་འགྱུར་རོ། །

99-1-60a

ཚེ་རྗེས་ནས་བདེ་འགྲོ་ཐམས་ཅད་དུ་འགྲོ་བར་འགྱུར་རོ། །འོ་མའི་ཐུག་པས་ལྷུང་བཟེད་བཀང་ནས། དེ་གནས་མཐོན་པོ་བླ་གབ་མེད་པར་དཀྱིལ་འཁོར་བགྱིས་ཏེ། དཀྱིལ་འཁོར་གྱི་སྟེང་དུ་གཞག་ནས། ཕྱོགས་བཅུའི་དེ་བཞིན་གཤེགས་པ་
ཐམས་ཅད་ལ་ལྷུང་བཟེད་དེ་དབུལ་བར་བགྱིའོ། །ཕུལ་བ་ཙམ་གྱི་མོད་ལ་ཆུ་བོ་གང་གཱའི་བྱེ་མ་འབུམ་ཕྲག་བརྒྱ་སྟོང་གི་བྱེ་མ་སྙེད་ཀྱི་ཕྱོགས་བཅུའི་སངས་རྒྱས་ཀྱི་ཞིང་དེ་བཞིན་གཤེགས་པ་ཐམས་ཅད་ཀྱི་དེ་བཞིན་གཤེགས་པ་རེ་རེའི་སྤྱན་སྔར་
ལྷའི་ཞལ་ཟས་རོ་བརྒྱ་དང་ལྡན་པའི་ལྷའི་ཟས་བསྒོངས་པ་དང་། ལྷོའི་ཐུགས་ཀྱིས་ལྷུང་བཟེད་བཀང་བ་དང་། ལྷའི་ཙན་དན་གྱི་དཀྱིལ་འཁོར་ལྷའི་མེ་ཏོག་སིལ་མ་བཀྲམ་པ་ཡང་འབྱུང་བར་འགྱུར་རོ། །ཕྱོགས་བཅུའི་སངས་རྒྱས་ཀྱི་ཞིང་དུ་གཏོགས་
པའི་དེ་བཞིན་གཤེགས་པའི་འཁོར་གྱི་དཀྱིལ་འཁོར་དང་བཅས་པ་བྱང་ཆུབ་སེམས་དཔའི་ཚོགས་དང་ཉན་ཐོས་ཀྱི་དགེ་འདུན་དང་བཅས་པ་ལ་ལྷའི་ཞལ་ཟས་རོ་བརྒྱ་དང་ལྡན་པའི་མཆོག་གིས་བསྟབས་པར་འགྱུར་རོ། །དེ་བཞིན་གཤེགས་
པའི་འཁོར་གྱི་དཀྱིལ་འཁོར་དང་བཅས་པ་བྱང་ཆུབ་སེམས་དཔའི་ཚོགས་དང་། ཉན་ཐོས་ཀྱི་དགེ་འདུན་དང་བཅས་པ་དེ་དག་ཐམས་ཅད་ཀྱིས་རིག་སྔགས་འཆང་ཡོན་བདག་དེའི་ཡོན་སྦྱོང་བར་མཛད་དོ། །གང་གི་ཕྱིར་ཡོན་སྦྱངས་ནས། སྐལ་
བ་དང་མཐུན་པའི་ཚེ་འདི་ཉིད་དང་། གཞན་དུ་དབང་ཕྱུག་ཆེན་པོ་ཐོབ་པར་འགྱུར་རོ། །གྲུབ་པ་ཆེན་པོའི་གསེར་གྱིས་འབྱོར་བར་འགྱུར་རོ། །མཛོད་དང་བང་མཛོད་མང་པོས་རྒྱས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་
དགོངས་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་བལྟ་འཚལ་བར་འགྱུར་རོ། །ལྷ་ཐམས་ཅད་ཀྱིས་དེ་ལ་བསྲུང་བ་དང་། སྐྱབ་པ་དང་། སྦ་བ་བགྱིད་པར་འགྱུར་རོ། །དེ་ནས་རྒྱལ་པོ་བཙུན་མོའི་འཁོར་དང་དཔུང་གི་ཚོགས་ཡན་
ལག་བཞི་དང་བཅས་པ་དབང་དུ་བགྱི་བར་འཚལ་ན། རིག་སྔགས་འཆང་དེས་ལེགས་པར་ཁྲུས་བགྱིས་ཏེ། གཙང་མས་གོས་གཙང་མ་བགོས་ནས་འོ་ཐུག་མར་དང་བསྲེས་པ་འདིས་ལན་བརྒྱ་རྩ་བརྒྱད་སྦྱིན་སྲེག་བགྱིའོ། །སྒྲོན་ཤིང་དང་

99-1-60b

ཨརྐའི་ཤིང་གི་ཡམ་བསྲེགས་ཤིང་གིས་མེ་སྦར་བར་བགྱིའོ། །སྦྱིན་སྲེག་ལན་སྟོང་རྩ་བརྒྱད་ཚང་བ་དང་། རྒྱལ་པོ་བཙུན་མོའི་འཁོར་དང་དཔུང་གི་ཚོགས་ཡན་ལག་བཞི་དང་བཅས་པ་བདག་ཉིད་དམ། ནོར་དབང་དུ་གྱུར་ནས་མཆིས་པར་
འགྱུར་རོ། །ནུབ་གསུམ་དུ་བགྱིས་ན། ཀླུའི་རྒྱལ་པོ་ཐམས་ཅད་གནས་དང་འཁོར་དུ་བཅས་པ་དབང་དུ་གྱུར་ནས་མཆིས་པར་འགྱུར་རོ། །ནུབ་ལྔར་བགྱིས་ན་འབྱུང་པོ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་
དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་མ་ལགས་པ་ཐམས་ཅད་དང་། མི་ཐམས་ཅད་འཁོར་དང་བཅས་པར་དབང་དུ་གྱུར་ནས། མཆིས་པར་འགྱུར་རོ། །ནུབ་བདུན་དུ་བགྱིས་ན་རིག་སྔགས་འཛིན་ཐམས་ཅད་དབང་དུ་གྱུར་ནས་མཆིས་པར་
འགྱུར་རོ། །ནུབ་ཐམས་ཅད་དུ་བགྱིས་ན། བརྒྱ་བྱིན་ལ་སོགས་པ་སུམ་བཅུ་རྩ་གསུམ་རིས་ཀྱི་ལྷ་རྣམས་དང་། ལྷའི་བུ་མོའི་ཚོགས་ཐམས་ཅད་དང་། གཙང་མའི་ལྷའི་བུ་མོ་ཐམས་ཅད་བབས་ནས་དབང་དུ་འགྱུར་ཏེ། ཇི་སྲིད་འཚོ་བའི་བར་དུ་བསྙེན་
བཀུར་བགྱིད་ཅིང་མཆིས་པར་འགྱུར་རོ། །ཟླ་བ་ཉ་ནས་བརྩམས་ཏེ་མར་གྱི་ངོའི་ཚེས་ཉི་ཤུ་གསུམ་མམ་གནམ་སྟོང་གི་བར་དུ་དུས་གསུམ་དུ་ལན་ཉི་ཤུ་རྩ་གཅིག་སྦྱིན་སྲེག་བགྱིས་ལ། ཨརྐའི་ཤིང་གི་ཡམ་སྲེག་ཤིང་གིས་མེ་སྦར་ནས་གནམ་སྟོང་
གིས་རྫོགས་པ་དང་། འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་མདུན་དུ་མཆིས་ནས། རིག་སྔགས་འཆང་ལེགས་སོ་ཞེས་བགྱི་བ་སྩོལ་བར་འགྱུར་ཏེ། རིག་སྔགས་འཆང་ལེགས་སོ་ལེགས་སོ། །ང་མཉེས་པར་བྱས་
ཀྱིས། རིག་སྔགས་འཆང་སྨྲོས་ཤིག་དང་། མཆོག་སྦྱིན་ཏེ་གང་གཉེར་བ་དེ་ཐམས་ཅད་སྦྱིན་ནོ། །གཏེར་སྨྲ་བ་འམ། ནོར་སྒྱུར་བར་སྨྲ་བ་འམ། ཞིང་སྨྲ་བ་འམ། ནམ་མཁའ་ལ་འགྲོ་བ་འམ། མི་སྣང་བར་བྱ་བ་འམ། གསང་སྔགས་སྨྲ་བ་འམ། ཆོ་ག་
ཞིབ་མོ་འགྲུབ་པ་དེ་དག་ཐམས་ཅད་སྦྱིན་ནོ། །རྒྱལ་པོ་ཉིད་དམ། བློན་པོ་ཉིད་དམ། ཡུལ་བདག་ཉིད་དམ། ཕྱུག་པ་ཉིད་དམ། གྲོང་བརྡལ་འཐོབ་པ་འམ། གོས་འཐོབ་པ་འམ། བ་ལང་དང་། རྟ་དང་། མ་ཧེ་དང་། རྔ་མོ་དང་། ལུག་འཐོབ་པ་འམ། ནོར་འཐོབ་པ་འམ། 

99-1-61a

འབྲུ་འཐོབ་པ་དེ་དག་ཐམས་ཅད་སྦྱིན་ནོ། །ནམ་མཁའ་ལ་འགྲོ་བ་འམ། མི་སྣང་བར་བྱ་བ་འམ། རྫུ་འཕྲུལ་འཐོབ་པ་འམ། ཏིང་ངེ་འཛིན་འཐོབ་པ་འམ་གཟུངས་འཐོབ་པ་འམ། ཕྱག་རྒྱ་དང་དཀྱིལ་འཁོར་གྱི་ཆོ་ག་ཞིབ་མོ་བསྒྲུབ་པ་དང་རོ་ལངས་
བསླངས་པ་འམ། རིག་འཛིན་སྒྲུབ་པ་ཉིད་དམ་རལ་གྲིའི་རིག་འཛིན་ཉིད་དམ། ནམ་མཁའི་རིག་འཛིན་ཉིད་དམ། ཕུག་ཏུ་འཇུག་པ་འམ། དུར་ཁྲོད་དུ་འཇུག་པ་འམ། ནགས་སུ་འཇུག་པའམ་རི་ལ་རྒྱུ་བ་དེ་དག་ཐམས་ཅད་སྦྱིན་ནོ། །དེ་ནས་རིག་སྔགས་འཆང་
གིས་ཇི་ལྟར་ཡིད་ལ་བསམས་ཤིང་སྨྲས་པ་དེ་དག་ཐམས་ཅད་སྩོལ་བར་བགྱིད་དོ། །རིག་སྔགས་འཆང་ལ་བསྟན་པ་ཙམ་གྱི་མོད་ལ་དྲི་མེད་དོན་ཡོད་ལྟ་བ་ཞེས་བགྱི་བ་ལུས་ཡོངས་སུ་དག་པ་འཐོབ་པར་འགྱུར་རོ། །ཚེ་བརྗེས་ནས་འཇིག་རྟེན་གྱི་
ཁམས་བདེ་བ་ཅན་དུ་སྐྱེ་བར་འགྱུར་ཏེ། པད་མ་ཟེ་བའི་དབུས་ནས་རྫུས་ཏེ་པད་མ་ལས་སྐྱེས་ནས་སྐྱེ་བའི་སྐྱེ་བ་དྲན་པར་འགྱུར་རོ། །དོན་ཡོད་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ་རྣམ་པར་གྲོལ་བའི་དཀྱིལ་
འཁོར་ཕྱག་རྒྱ་དང་། དཀྱིལ་འཁོར་རིམ་པར་དབྱེ་བ་དང་བཅས་པ། ཆོ་ག་ཞིབ་མོ་མཐའ་དག་དང་བཅས་པ་འདི་རྫོགས་ཏེ། བྱང་ཆུབ་ཀྱི་སྙིང་པོ་ལ་ཐུག་གི་བར་དུ་ཁ་ཏོན་དུ་གནས་པར་བགྱིའོ། །དེ་ནས་ལ་དུའི་སྦྱིན་སྲེག་གི་ཆོ་ག་བསྒྲུབ་པར་འཚལ་ན། རིག་
སྔགས་འཆང་དེས་ཁ་ཟས་ལ་ལ་དུ་སྟོང་རྩ་བརྒྱད་བགྱིས་ལ། དེ་ནས་རིག་སྔགས་འཆང་གིས་དོན་ཡོད་པའི་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་བརྗོད་བགྱིའོ། །དེ་ནས་ལེགས་པར་ཁྲུས་བགྱིས་ཏེ། གཙང་མས་གོས་གཙང་མ་བགོ་
བར་བགྱིའོ། །དེ་ནས་ལ་དུ་མར་དང་བསྲེས་ཏེ་སྦྱིན་སྲེག་བགྱིའོ། །ཤིན་དུ་དྲི་ཞྀམ་པོའི་ཤིང་གི་ཡམ་བསྲེག་ཤིང་གྀ་མེ་སྦར་བར་བགྱིའོ། །སྟོང་རྩ་བརྒྱད་ཚང་བ་དང་མེའྀ་དབུས་ནས་ཁྱེའུ་ཞིག་བྱུང་ནས་སྣོད་ལྷའི་ལ་དུས་བཀང་ནས་དབུལ་
བར་བགྱིད་དོ། །དེ་ནས་རིག་སྔགས་འཆང་གིས་ཡུངས་ཀར་ལ་ལན་བདུན་བཟླས་ཏེ། ཁྱེའུ་དེའི་ལ་དུ་གཏོར་རོ། །ཁྱེའུ་དེས་རིག་སྔགས་འཆང་ལ་སྨྲས་པ། རིག་སྔགས་འཆང་ཁྱོད་ཅི་ཞིག་དོན་དུ་གཉེར། རིག་སྔགས་འཆང་གིས་འདོད་པ་

99-1-61b

ཐམས་ཅད་བྱིན་ཅིག་ཅེས་བརྗོད་པར་བགྱིའོ། །དེས་སྨྲས་པ། རིག་སྔགས་འཆང་སྣོད་ཀྱི་ལ་དུ་ཁྱེར་ཅིག་དང་། འདིས་ཁྱོད་ཀྱི་དགོས་པ་དཔག་ཏུ་མེད་པ་འགྲུབ་པར་འགྱུར་རོ། །འདི་ནི་ཁྱོད་ཀྱི་བཅུད་ཀྱི་མཆོག་ཡིན་ནོ། །རིག་སྔགས་འཆང་ལོང་ཤིག །
འདི་ནི་ཁྱོད་ཀྱི་གྲུབ་པའི་མཆོག་ཡིན་ནོ། །དེ་ནས་རིག་སྔགས་འཆང་གིས་སྣོད་གང་བ་དེ་བླངས་ཏེ་ཁྱེའུ་ལ་ཡང་ཁྱེད་ཀྱིས་ཁོ་བོའི་གྲོགས་གྱིས་ཤིག་ཅེས་བརྗོད་པར་བགྱིའོ། །ཁྱེའུ་ཡིས་སྨྲས་པ། དགོས་པ་ཐམས་ཅད་སྒྲུབ་པའི་གྲོགས་བགྱིའོ། །
རིག་སྔགས་འཆང་གང་གི་ཚེ། དགོས་པ་བྱུང་བ་དེའི་ཚེ། གུ་གུལ་དང་། ཙན་དན་ལྷན་ཅིག་བསྲེས་ལ་མར་དང་ཡུངས་ཀར་སྦྱར་ནས། དོན་ཡོད་ལྕགས་ཀྱུས་ལན་བདུན་བཟླས་ཏེ་བཟླས་བརྗོད་བགྱིའོ། །ཨརྐའི་ཤིང་གི་མེ་སྦར་རོ། །སྦྱིན་སྲེག་བགྱིས་
པ་ཙམ་གྱི་མོད་ལ། བདག་བཀུག་པས་མོད་ལ་མཆིས་ནས་དགོས་པ་ཐམས་ཅད་བསྒྲུབ་པར་བགྱིའོ། །ལས་ཐམས་ཅད་བགྱིའོ། །ཇི་སྲིད་འཚོའི་བར་དུ་བསྙེན་བཀུར་བགྱིས་མཆིས་ཤིང་བཀུར་སྟིར་སྤྱད་པར་བགྱིའོ། །བགེགས་དང་ལོག་འདྲེན་
དང་། འབྱུང་པོ་དང་གནོད་སྦྱིན་དང་། སྲིན་པོ་ཐམས་ཅད་ཟློག་པར་བགྱིའོ། །དེ་ནས་རིག་སྔགས་འཆང་གིས་ལ་དུ་དེ་ལ་རེག་པར་བགྱིས་ན། ནམ་མཁའ་ལ་འཕུར་ནས། རིག་སྔགས་འཆང་གི་རིགས་ཐམས་ཅད་ཟིལ་གྱིས་གནོན་པར་འགྱུར་རོ། །
རིག་སྔགས་འཆང་ཐམས་ཅད་ཀྱི་འཁོར་ལོས་སྒྱུར་བར་འགྱུར་རོ། །རིག་སྔགས་འཆང་གི་འཁོར་ལོས་སྒྱུར་བ་ས་ཡ་ཕྲག་གཉིས་དང་། བྱེ་བ་ཕྲག་བདུན་གྱིས་ཡོངས་སུ་བསྐོར་བར་འགྱུར་རོ། །ཚེའི་ཚད་ལྷའི་བསྐལ་པ་དྲུག་ཁྲིར་འགྱུར་
རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །ལ་དུ་ལྷུང་བཟེད་ཀྱི་ནང་དུ་སྩལ་ཏེ། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་གཞག་ནས། དོན་ཡོད་རྒྱལ་པོའི་ཁྲོ་བོས་དབང་བསྐུར་ཏེ། དེ་ནས་དགེ་སྦྱོང་དང་། བྲམ་
ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་ལ་སྩལ་བར་བགྱིའོ། །ལོངས་སྤྱོད་དུ་སྩལ་ཀྱང་བས་པར་མི་འགྱུར་གྱི། སླར་ཞིང་སླར་ཞིང་འཕེལ་བར་འགྱུར་རོ། །

99-1-62a

ཇི་སྲིད་དུ་ལྷུང་བཟེད་ན་ལ་དུ་མཆིས་པ་དེ་སྲིད་དུ་འཕེལ་བར་འགྱུར་ཏེ། ཇི་སྲྀད་དུ་སྐྱེ་བོ་འབུམ་འབུམ་མང་ཞིང་ཕལ་ཆེ་བར་སྩལ་ཀྱང་། གཏུགས་པར་མི་འགྱུར་རོ། །ལ་དུ་ལ་དོན་ཡོད་པའི་ཞགས་པའི་སྙིང་པོ་ལན་བདུན་བཟླས་
བརྗོད་བགྱིས་ན། དེའི་འོག་ཏུ་གང་དུ་རེག་པ་དེར་ཡང་གསེར་བཟང་པོར་འགྱུར་རོ། །ལ་དུ་ལ་ལན་བདུན་བཟླས་བརྗོད་བགྱིས་ཏེ། ཀླུའི་གནས་སུ་འཕངས་ན་དེའི་ཚེ་རྒྱ་མཚོ་ཆེན་པོ་མཐར་གཏུགས་པའི་ཀླུའི་རྒྱལ་པོ་འཁོར་དང་བཅས་པ་
ཐམས་ཅད་དབང་དུ་གྱུར་ནས་མཆིས་པར་འགྱུར་ཏེ། སྒོ་ན་ཆར་འབབ་པ། བསྒོ་བ་བཞིན་ཆར་འབེབས་པར་བགྱིད་དོ། །ཅི་བསྒོ་བ་བཞིན་བགྱིད་པར་འགྱུར་རོ། །ཧ་ཅང་ཆར་ཆེས་ན་བསྒོ་བ་བཞིན། ཧ་ཅང་ཆར་ཆེན་པོ་
འགུམས་པར་བགྱིད་དོ། །རླུང་དང་། གྲང་བ་དང་། ཚ་བ་དང་། སེར་བ་ཐམས་ཅད་བསྒོ་བ་ཙམ་གྱིས་གཅོད་པར་བགྱིད་དོ། །ཕུག་གི་སྒོར་ལ་དུ་ལ་ལན་བདུན་བཟླས་བརྗོད་བགྱིས་ནས། ཕུག་གི་སྒོར་བསྣུན་ན་ཕུག་གི་སྒོ་ཐམས་ཅད་
འབྱེ་བར་འགྱུར་རོ། །འཕྲུལ་འཁོར་དང་གཏན་པ་དང་། སྒོ་གླེགས་ཐམས་ཅད་དུམ་བུར་བཅག་པར་འགྱུར་རོ། །གནས་ན་གནས་པ་ཐམས་ཅད་ཕྱིར་བྱུང་ནས། རིག་སྔགས་འཆང་གི་མདུན་དུ་མཆིས་ཏེ། བསྒོ་བ་བཞིན་དུ་
བགྱིད་པར་འགྱུར་རོ། །ནགས་ཚང་ཚིང་གི་དབུས་སུ་འཕངས་ན། ནགས་ཚང་ཚིང་གི་གནས་ཀྱི་སྒོ་ཐམས་ཅད་ཕྱེ་ནས་སྨན་གྱི་རྫས་ཐམས་ཅད་རང་གི་གཟུགས་ཀྱིས་མདུན་ན་མཆིས་པར་འགྱུར་རོ། །ལ་དུ་ལ་ལན་བདུན་བཟླས་
བརྗོད་བགྱིས་ཏེ། དུར་ཁྲོད་ཆེན་པོའི་དབུས་སུ་འཕངས་ན་འབྱུང་པོ་དང་། གནོད་སྦྱིན་དང་། སྲིན་པོ་དང་བཅས་པའི་གནས་ཀྱི་སྒོ་ཐམས་ཅད་འབྱེ་བར་འགྱུར་རོ། །གནོད་སྦྱིན་དང་། སྲིན་པོ་དང་། འབྱུང་པོ་ཐམས་ཅད་སྒྲེན་
མོར་གྱུར་ན། ཐམས་ཅད་དབང་དུ་མཆིས་པར་འགྱུར་ཞིང་། ཇི་སྲིད་འཚོའི་བར་དུ་བསྒོ་བ་བཞིན་མཆིས་པར་འགྱུར་རོ། །རྨ་མ་བྱུང་བའི་མྀ་རོ་ལ། དྲི་ཆབ་ཀྱིས་ཁྲུས་བགྱིས་ལ་ལ་དུ་ལ་ལན་ཉི་ཤུ་རྩ་གཅིག་བཟླས་

99-1-62b

བརྗོད་བགྱིས་ཏེ། ལག་པ་གཉིས་སུ་སྩལ་ལ། གོས་དཀར་པོས་རོ་གཡོགས་ནས། ཁྲོ་བོའི་རྒྱལ་པོ་ཆབ་དང་ཡུངས་ཀར་ལ་ལན་བདུན་བཟླས་ནས་དབང་བསྐུར་ན་ཅི་དྲིས་པ་དེ་དག་ཐམས་ཅད་སྨྲ་བར་འགྱུར་ཏེ། བདེ་བ་དང་ལོ་ལེགས་པ་དང་། ལོ་
ནོངས་པ་དང་། ནད་དང་། གནོད་པ་དང་། འཚེ་བ་དང་། ཕ་རོལ་གྱི་དཔུང་དང་། ཕས་ཀྱི་དགྲ་བོ་དང་། མི་འཛའ་བའི་འཇིགས་པ་དང་། མི་ངས་དང་། ཡམས་ཀྱི་ནད་དེ་དག་ཐམས་ཅད་སྨྲ་བར་འགྱུར་རོ། །ལྷའི་འཇིག་རྟེན་དུ་སྐྱེ་བ་འམ། སངས་རྒྱས་ཀྱི་
ཞིང་དུ་སྐྱེ་བ་སྨྲ་བར་འགྱུར་ཞིང་། དམྱལ་བར་སྐྱེ་བ་སྨྲ་བར་འགྱུར་རོ། །ཚེ་རིང་བ་འམ་ཚེ་ཐུང་བ་སྨྲ་བར་འགྱུར་རོ། །དུས་མ་ལགས་པའི་འཆི་བ་སྨྲ་བར་འགྱུར་རོ། །གཏེར་གྱི་གཏམ་སྨྲ་བར་འགྱུར་ཏེ། ནོར་བསྒྱུར་བའི་གཏམ་མམ། ཞིང་
གི་གཏམ་མམ་མིག་འཕྲུལ་གྱི་གཏམ་སྨྲ་བར་འགྱུར་རོ། །ཆོ་ག་ཞིབ་མོ་འགྲུབ་པ་དང་། གསང་སྔགས་འགྲུབ་པ་དང་། ཕྱག་རྒྱའི་དཀྱིལ་འཁོར་འགྲུབ་པ་སྨྲ་བར་འགྱུར་རོ། །མིག་སྨན་འགྲུབ་པ་སྨྲ་བར་འགྱུར་རོ། །ནམ་མཁའ་
ལ་མཆི་བ་དང་། མི་གདའ་བར་བགྱི་བ་དང་། རོ་ལངས་བསླང་བ་དང་། རིགས་མ་དག་པ་དང་། དགྲ་ཆད་པས་བཅད་ཅིང་དབང་དུ་བགྱི་བ་དེ་དག་ཐམས་ཅད་སྨྲ་བར་འགྱུར་རོ། །སྒྱུ་ཐབས་སྨྲ་བར་འགྱུར་རོ། །ཉམས་པ་སྨྲ་བར་འགྱུར་རོ། །འཕེལ་
བ་སྨྲ་བར་འགྱུར་བ་ནས་བསྐལ་པ་ལས་འདས་པའི་འདས་པ་དང་། མ་འོངས་པའི་དང་། ད་ལྟར་བྱུང་བའི་བར་དུ་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་ཆབ་ཀྱི་ཁར་སྩལ་ལ་ལ་དུ་བླངས་ན་རོ་འགྱེལ་བར་འགྱུར་རོ། །ལ་དུ་ལ་
ལན་ཉི་ཤུ་རྩ་གཅིག་བཟླས་བརྗོད་བགྱིས་ནས། རྒྱལ་པོའི་སྒོར་བསྣུན་ན། རྒྱལ་པོའི་བཙུན་མོ་འཁོར་དང་བཅས་པ་བདག་ཉིད་དམ། ནོར་དབང་དུ་གྱུར་ནས་མཆིས་པར་འགྱུར་རོ། །གྲོང་ཁྱེར་གྱི་སྒོར་བསྣུན་ན། གྲོང་ཁྱེར་ན་གནས་
པའི་སྐྱེས་པ་འམ། བུད་མེད་དམ། ཁྱེའུ་དང་བུ་མོ་ཐམས་ཅད་དབང་དུ་གྱུར་ནས་མཆིས་པར་འགྱུར་ཞིང་། ནོར་ཆེན་པོ་འདུ་བ་འགྲུབ་པ་ཐོབ་པར་འགྱུར་རོ། །མཆོད་པའི་གནས་ཆེན་པོར་འགྱུར་རོ། །ལ་དུ་ལ་ལན་བདུན་བཟླས་

99-1-63a

བརྗོད་བགྱིས་ཏེ། དཔལ་ལྷ་མོ་ཆེན་མོའི་ལག་པར་སྩལ་ན། དཔལ་ལྷ་མོ་ཆེན་མོ་དབང་དུ་གྱུར་ནས། ནོར་ཆེན་པོ་སྩོལ་ཅིང་ཇི་སྲིད་འཚོའི་བར་དུ་མཆིས་པར་འགྱུར་རོ། །ལ་དུ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ནས། ཁུག་
མའི་ནང་དུ་སྩལ་ཏེ། མཆན་ཁུང་དུ་བསྲེལ་བར་བགྱིས་ཏེ། ཅི་ཙམ་བསྲེལ་བ་དེ་སྲིད་དུ་མི་གདའ་བར་གྱུར་ནས། གང་དུ་སྩལ་བ་དེར་འཇུག་པར་འགྱུར་རོ། །གང་ན་ཤིང་གཅིག་པ་འམ། འབབ་ཆུ་གཅིག་པར་ལ་དུ་ལ་ཁྲོ་བོའི་རྒྱལ་པོ་ལན་
བརྒྱ་རྩ་བརྒྱད་བཟླས་བརྗོད་བགྱིས་ཏེ། དབང་བསྐུར་ནས་ཤིང་གི་དྲུང་དུ་བརྡེགས་ན། འདོད་དགུར་སྒྱུར་བ་དབང་དུ་གྱུར་ནས་མཆིས་པར་འགྱུར་རོ། །ཅི་ལྟར་བསམས་པའི་འདོད་པ་ཐམས་ཅད་ཉེ་བར་མཆིས་ནས་ཡོངས་སུ་སྤྱོད་པ་དང་། 
ཇི་སྲིད་འཚོའི་བར་དུ་མཆིས་པར་འགྱུར་རོ། །ལ་དུ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། མ་མོའི་གནས་སུ་ནག་པོ་ཆེན་པོའི་སྤྱི་བོའི་གཙུག་ཏུ་གཞག་ལ། ཁྲོ་བོའི་རྒྱལ་པོ་ལན་བདུན་བཟླས་ཏེ། ཆབ་དང་ཡུངས་ཀར་གྱིས་
དབང་བསྐུར་བ་བགྱིས་ན། དེ་ནས་སྦྱོར་བ་མོ་ཐམས་ཅད་དང་། མཁའ་འགྲོ་མ་ཐམས་ཅད་དབང་དུ་གྱུར་ནས་མངག་གཞུག་པ་ལས་ཐམས་ཅད་བགྱིད་པར་འགྱུར་རོ། །ལ་དུ་ལ་ལན་ཉི་ཤུ་རྩ་གཅིག་བཟླས་ཏེ། ནག་པོ་ཆེན་པོའི་
ལྟེ་བའི་ཕྱོགས་སུ་གཞག་ན་མ་མོའི་ཚོགས་ཐམས་ཅད་རང་གི་གཟུགས་ཀྱིས་མདུན་དུ་མཆིས་ནས། མཆོག་ཐམས་ཅད་སྩོལ་བར་འགྱུར་རོ། །ལས་ཐམས་ཅད་བགྱིད་པར་འགྱུར་རོ། །ལ་དུ་ལ་ལན་བརྒྱ་རྩ་བརྒྱད་
བཟླས་བརྗོད་བགྱིས་ནས། འཕགས་པ་འཇམ་དཔལ་གྱི་ལྷུང་བཟེད་ཀྱི་ནང་དུ་སྩལ་ཏེ། ཁྲོ་བོའི་རྒྱལ་པོས་དབང་བསྐུར་བགྱིས་ན། ཇི་སྲིད་དུ་ལྷུང་བཟེད་ན་ལ་དུ་མཆིས་པ་དེ་སྲིད་དུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་
ཀྱི་སྤྱན་སྔར། ལྷའི་ཞལ་ཟས་རོ་སྣ་ཚོགས་ཀྱི་རོའི་མཆོག་དང་ལྡན་པ་དག་འབྱུང་བར་འགྱུར་ཞིང་། ཉན་ཐོས་དང་བྱང་ཆུབ་སེམས་དཔའི་ཚོགས་ཀྱི་འཁོར་གྱི་དཀྱིལ་འཁོར་ཆེན་པོ་དང་བཅས་པ་ཚིམ་པར་བགྱིས་པར་འགྱུར་རོ། །

99-1-63b

དེ་བཞིན་གཤེགས་པ་དེ་དག་ཐམས་ཅད་དང་། བྱང་ཆུབ་སེམས་དཔའི་ཚོགས་དང་ཉན་ཐོས་ཀྱི་དགེ་འདུན་དང་བཅས་པ་དེ་དག་ཐམས་ཅད་ཀྱིས་རིག་སྔགས་འཆང་དེའི་ཡོན་སྦྱོང་བ་མཛད་པར་འགྱུར་རོ། །ལ་དུ་ལ་ལན་བརྒྱ་རྩ་
བརྒྱད་བཟླས་བརྗོད་བགྱིས་ཏེ། ཁྲོ་བོའི་རྒྱལ་པོའི་དབང་བསྐུར་ལ། ལྕགས་ཀྱུའི་རྒྱལ་པོས་ཆབ་ལ་བཟླས་བརྗོད་བགྱིས་ནས། མེ་འཐབ་ཀྱི་མཚམས་བཅིང་བར་བགྱིའོ། །དེ་ནས་ཨརྐའི་ཡམ་ཤིང་གི་མེ་སྦར་ལ། ལ་དུ་དེ་
མེ་ཐབ་ཀྱི་དབུས་སུ་གཞག་སྟེ། མར་དང་ཡུངས་ཀར་དང་ཞོ་དང་སྦྲང་རྩི་བསྲེས་ལ་ལན་བརྒྱ་རྩ་བརྒྱད་སྦྱིན་སྲེག་བགྱིའོ། །ལན་བརྒྱ་རྩ་བརྒྱད་ཚང་བ་དང་། མེ་ལྷ་མེའི་རང་བཞིན་གྱི་གཟུགས་ཀྱིས་བྱུང་ནས། རིག་སྔགས་འཆང་
ལ་སྨྲས་པ། རིག་སྔགས་འཆང་ལེགས་སོ་ལེགས་སོ། །བདག་ཚིམ་པར་བྱས་སོ། །བདག་དགའ་བར་གྱུར་ཏོ། །རིག་སྔགས་འཆང་བདག་གིས་མཆོག་ཏུ་དགའ་བ་ཐོབ་ཀྱིས་རིག་སྔགས་འཆང་ཅི་ལྟར་ཡིད་ལ་བསམས་པ་བཞིན་འདོད་
པ་སྨྲོས་ཤིག་དང་། མཆོག་སྦྱིན་ནོ། །རིག་སྔགས་འཆང་གིས་ཇི་ལྟར་ཡིད་ལ་བསམས་པ་བཞིན་མཆོག་བརྗོད་པར་བགྱིའོ། །མེ་ལྷ་དེས་ཡང་ཐམས་ཅད་སྩོལ་ཅིང་དབང་དུ་གྱུར་ནས་མཆིས་པར་འགྱུར་རོ། །ལས་ཐམས་ཅད་གྲུབ་
པ་སྩོལ་བར་འགྱུར་རོ། །མེའི་ཕུང་པོའི་དབུས་སུ་ཞུགས་ནས་འོད་ཟེར་སྟོང་འཕྲོ་བ་རྣམས་གངས་བཞིན་དུ་བསིལ་བར་འགྱུར་ཏེ། ཆབ་ནས་འབྱུང་བ་བཞིན་ནོ། །ལག་པས་མེ་རྣམས་ཚུགས་པར་བགྱིད་དོ། །འབར་བཞིན་དུ་ཀླད་པའི་སྤྱི་བོར་གཞག་
ན། སྐྲ་ཉག་མ་གཅིག་ཀྱང་འཚིག་པར་མི་བགྱིད་དེ། དེའི་དབང་དུ་མཆི་བར་མི་འགྱུར་རོ། །འབར་བཞིན་དུ་གཡར་གྱི་ནང་དུ་བསྲེལ་ན་ཅུང་ཟད་དྲོ་བ་ཙམ་དུ་ཡང་མི་འགྱུར་རོ། །ལུས་ལ་བབ་ན་ཅི་ལྟར་ཙན་དན་བཞིན་དུ་བསིལ་ཞིང་བདེ་བར་འགྱུར་རོ། །གཞན་
ཡང་དགོས་པ་སྣ་ཚོགས་བགྱིད་པར་འགྱུར་རོ། །གོས་ཀྱི་མཐའ་མར་ཐུམ་པོ་བགྱིས་ན་ཚིག་པར་མི་འགྱུར་རོ། །ཆབ་ཀྱི་ནང་དུ་སྩལ་ན་འགུམ་པར་མི་འགྱུར་རོ། །སྦྱིན་སྲེག་ཐམས་ཅད་ཀྱི་ཆོ་ག་སོ་སོའི་གཟུགས་སུ་མཆིས་པར་འགྱུར་རོ། །ཐམས་ཅད་

99-1-64a

དུ་དགོས་པ་གྲུབ་པ་སྩོལ་བར་འགྱུར་རོ། །དགོས་པ་གང་དང་གང་དུ་བསྐོས་པ་དེ་དང་དེར་དགོས་པ་ཐམས་ཅད་གྲུབ་པ་སྩོལ་བར་འགྱུར་རོ། །ཐམས་ཅད་དུ་གསང་སྔགས་དང་དཀྱིལ་འཁོར་དང་ཆོ་ག་གྲུབ་པ་ཐམས་ཅད་ལུང་
འབོག་པར་འགྱུར་རོ། །དུ་བ་དང་རླུང་དང་མེ་འབར་བའི་ཤུགས་ཀྱིས་དཔག་ཚད་སྟོང་དུ་མཆིས་ཤིང་སླར་ཡང་ལྡོག་པར་འགྱུར་རོ། །དགོས་པ་ཐམས་ཅད་ཉེ་བར་སྟོན་པར་འགྱུར་རོ། །དགོས་པ་ཐམས་ཅད་བགྱིད་པར་འགྱུར་རོ། །
ཐམས་ཅད་དུ་གྲུབ་པ་སྩོལ་བར་འགྱུར་རོ། །དེ་ནས་དོན་ཡོད་མེ་འབར་བ། །བླ་མེད་འབར་བཟང་བསྒྲུབ་འཚལ་ན། །ཡིད་བཞིན་ནོར་བུ་ལྟ་བུ་དང་། །གཟི་བརྗིད་ཉི་མ་དང་མཉམ་པས། །ཕྱོགས་བཅུ་འཁོར་ར་ཁོར་ཡུག་གི། །ཀུན་ནས་སུ་ནི་
གསལ་བར་བགྱིད། །སྒྲུབ་པ་རྣམ་པ་སྣ་ཚོགས་དང་། །མཆོད་པ་བླ་ན་མེད་པ་འགྲུབ། །བཅུད་ཀྱི་མཆོག་དེ་དམ་པ་ལགས། །ནོར་སྒྱུར་སྨྲ་བ་བླ་ན་མེད། །གཞན་ཡང་མཆོད་པ་སྣ་ཚོགས་པ། །སྒྲུབ་པ་བླ་ན་མེད་པ་ལགས། །ཅི་ལྟར་
ཉིན་བཞིན་མཚན་གདའ་བས། །ཉིན་པར་གྱི་ནི་གདུགས་དང་མཚུངས། །ལན་ཅིག་དགོས་པ་སྒྲུབ་པ་ན། །ལེགས་པར་ལས་བགྱིས་ནོར་བུ་དང་། །རྫས་བསྲེས་ལེགས་པར་བགྱིས་པ་ལ། །གཙང་མས་བཟླས་པའི་ལས་
རྣམས་དང་། །གཙང་མས་སྤྱད་པས་སྒྲུབ་པ་དང་། །དོན་ཡོད་ཆུ་དང་མེ་དང་ནི། །མེ་ཡི་ཤིང་རྣམས་བརྗོད་པར་བགྱི། །མེ་འབར་འོད་དང་མཚུངས་པ་སྟེ། །དེ་དག་ཐམས་ཅད་གཅིག་སྤུངས་ཡིན། །ཡམ་སྲེག་ཆོ་ག་བླ་ན་མེད། །
ཙན་དན་དང་ནི་སེང་ལྡེང་དང་། །པ་ཏང་ཀ་ར་བི་ར་དང་། །ཨརྐ་ཤ་མི་སྨྱུག་མ་དག །ཤྀར་ཤ་ཀ་ནཱ་ཀི་ར་ཀ །འོ་མའི་ཤིང་དང་བྱང་ཆུབ་ཤིང་། །བླག་ཤ་དང་ནི་སྣ་མ་དང་། །གྷན་དྷ་པར་ཤི་པད་མ་ཡི། །རྩ་བ་དང་ནི་ལོ་མར་
བཅས། །པད་མ་དཀར་པོ་ཀུ་མུ་ཏ། །ཨུད་པལ་མེ་ཏོག་ལོ་མ་རྩ། །བི་ཛ་པུ་ར་བིལ་བ་ཤིང་། །སིན་དུ་བ་རི་ཙམ་པ་ཀ །དྲེ་ཀ་པི་ཙུ་མ་དྷི་ཙ། །ས་ཧ་བ་ལ་ཙི་ཏྲ་ཀ །ཤིང་དེ་ཀུན་ག་བསྡུས་པ་ཡིས། །ཡམ་སྲེག་ཤིང་གིས་ལས་

99-1-64b

བགྱིས་ཏེ། །ཡུངས་དཀར་མར་དང་ཞོ་དང་ནི། །སྦྲང་རྩི་འབྲས་ཡོས་སྦྱིན་བསྲེག་བགྱི། །བཟང་པོའི་ལས་ལས་སྲང་གསུམ་དང་། །མཚལ་ལས་གཉིས་འགྱུར་གང་བསྐུས་ཀྱང་། །སྲང་གཅིག་ཙན་དན་དཀར་པོ་ཉིད། །སྲང་བཅུ་ལྡོང་
རོས་སྲང་གཅིག་སྟེ། །དེ་དག་བསྲེས་པའི་རྫས་རྣམས་དང་། །དེ་བཞིན་ཡུང་ནི་ཉིས་འགྱུར་དག །ཞི་ག་དག་ནི་བསྐང་ནས་སུ། །མེ་ཐབ་དབུས་སུ་གཞུག་པར་བགྱི། །སྦྱིན་སྲེག་སྟོང་ནི་རྩ་བརྒྱད་དུ། །ཤྀན་དུ་མཉམ་གཞག་ལེགས་གསལ་
བ། །གཙང་མ་གཙང་མར་སྤྱོད་པ་ཡི། །གོས་གཙང་ལེགས་པར་ཁྲུས་བགྱིས་པ། །དྲི་ཞིམ་དྲི་ཡིས་བསྒོས་པར་བགྱི། །རོ་སྣ་ཚོགས་པའི་གཏོར་མ་དང་། །མེ་ཏོག་འབྲས་བུ་ཉིད་ཀྱང་དགོད། །བཟླས་བརྗོད་ཀྱི་ནི་སྦྱིན་སྲེག་ཉིད། །
སྟོང་རྩ་བརྒྱད་ནི་ཚང་བ་དང་། །དེ་ནས་ལྷ་བཤོས་གཏོར་མ་དང་། །མེ་ཏོག་བདུག་པ་མཆོད་ཡོན་སྣོད། །དབུལ་ཏེ་འོ་མས་མདག་མ་དགུམ། །འོ་མས་ཞི་ག་ཞི་བར་བགྱི། །དེ་ནས་རིག་སྔགས་འཆང་གིས་བཟླས་བརྗོད་སྟོང་རྩ་
བརྒྱད་བགྱིས་ནས་ཡུངས་དཀར་གྱིས་བསྣུན་པར་བགྱིའོ། །ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་དུ་དབང་བསྐུར་བར་བགྱིའོ། །དེ་ནས་ཞི་ག་འབར་བར་འགྱུར་རོ། །དེ་ནས་རིག་སྔགས་འཆང་གིས་ཞི་ག་དེ་ལ་མཆོད་པར་བགྱིའོ། །
དེ་ནས་ཟངས་ཀྱི་སྒྲོམ་བུ་འམ། དངུལ་གྱི་སྒྲོམ་བུར་ཞི་ག་ནས་ནོར་བུ་བླངས་ཏེ། སྒྲོམ་བུ་དེར་གཞག་ཏེ། ཡིད་བཞིན་གྱི་ནོར་བུ་ཅི་ལྟ་བ་བཞིན་དུ། འདི་ཡང་དོན་ཡོད་པ་འབར་བ་མཐུ་ཆེན་པོའི་མཐུ་དང་ལྡན་པར་འགྱུར་རོ། །མཚན་
མོ་ནི་ཟླ་བའི་འོད་བཞིན་དུ་གདའ་བར་འགྱུར་རོ། །ཉིན་མོ་ནི་ཉི་མའི་འོད་བཞིན་དུ་གདའ་བར་འགྱུར་རོ། །ནམ་ཕྱེད་པའི་དུས་ཀྱི་ཚེ་ནོར་བུ་དེ་གཞག་ན་འཚོ་བ་དང་། སྲེག་པ་དང་། འཚེད་པ་ཐམས་ཅད་འགྲུབ་པར་འགྱུར་རོ། །ནམ་
ཧོ་མ་བགྱིད་པ་ཡི་ཚེ། ཐབ་ཀྱི་དབུས་སུ་གཞག་སྟེ། སྲེག་བླུགས་ཀྱིས་སྦྱིན་སྲེག་བགྱིས་ན། མེ་ཆེན་པོ་འབར་བར་འགྱུར་རོ། །ཐམས་ཅད་ཀྱི་ཐམས་ཅད་དུ་དགོས་པ་རྣམས་སྒྲོན་མས་གསལ་བར་བགྱིས་པ་བཞིན་དུ་འགྱུར་རོ། །

99-1-65a

གཡུལ་ངོ་ཆེན་པོར་གཡུལ་འགྱེད་པའི་དབུས་སུ་སྐྱེས་པ་དཔའ་བོ་ལེགས་པར་ཁྲུས་བགྱིས་པ། གོས་གཙང་མ་བགོས་པ། ཡ་ལད་དང་གོ་ཆར་གཏམས་པས་ཡིད་བཞིན་གྱི་ནོར་བུ་ཆེན་པོ་དེ་སྤྱི་བོའི་གཙུག་ཏུ་གཞག་
ནས། གཅིག་པོ་གཡུལ་གྱི་དབུས་སུ་ཞུགས་ན། དེ་ནས་སྐྱེས་པ་དེ་མེ་འབར་བ་གཅིག་པུར་འགྱུར་རོ། །དེ་ནས་གཡུལ་འགྱེད་པའི་ཕ་རོལ་གྱི་དཔུང་རྣམས་ཕམ་པར་གྱུར་ནས། ཕྱོགས་བཅུར་འཁྲུགས་ནས་འབྱེར་བར་འགྱུར་རོ། །
ཕྱི་ནས་ལན་འགའ་ཡང་ཕ་རོལ་གྱི་དཔུང་དང་། དགྲའི་འཇིགས་པ་འབྱུང་བར་མི་འགྱུར་རོ། །ཕ་རོལ་གྱི་དགྲ་དང་མི་མཛའ་བའི་འཇིགས་པ་འབྱུང་བར་མི་འགྱུར་རོ། །ལག་པས་ནོར་བུ་གཟུང་ནས་ཕུག་གི་གནས་སུ་ཞུགས་ན། 
གནས་ཀྱི་སྒོ་ཐམས་ཅད་འབྱེ་བར་འགྱུར་རོ། །གནས་ན་གནས་པ་ཐམས་ཅད་མདུན་དུ་མཆིས་པར་འགྱུར་རོ། །ཀླུའི་གནས་ཐམས་ཅད་དུ་མཆིས་ནས། ལག་པས་ནོར་བུ་གཟུང་སྟེ། གནས་ཀྱི་ནང་དུ་ཞུགས་ནས། 
ཆབ་ཐམས་ཅད་ཀྱིས་ཕྱིར་མི་ཚུགས་པར་འགྱུར་རོ། །དེ་ནས་ཀླུ་ཐམས་ཅད་མདུན་ན་མཆིས་ནས། བདེན་པར་དམ་བཅའ་བར་འགྱུར་རོ། །དབང་དུ་གྱུར་ནས་ཇི་སྲིད་འཚོའི་བར་དུ་ལས་བགྱིད་པར་འགྱུར་རོ། །བསྒོ་བ་
བཞིན་བགྱིད་པར་འགྱུར་རོ། །ལོ་ཏོག་དང་རྩྭ་དང་། ཤིང་གེལ་པ་དང་ནགས་ཚལ་ཐམས་ཅད་བདེ་བར་འཕེལ་བར་འགྱུར་རོ། །མཉན་ཅིང་མདངས་དང་ལྡན་པ་དང་གཉེན་པར་འགྱུར་རོ། །གཟི་བརྗིད་དང་ལྡན་པ་དང་། དྲན་པ་
དང་ལྡན་པ་དང་མི་བདེ་བ་ཡང་ཆུང་བར་འགྱུར་རོ། །སེམས་ཅན་གང་དག་གིས་ཀྱང་ལོ་ཏོག་དང་། མེ་ཏོག་དང་། འབྲས་བུ་ལ་ལོངས་སྤྱོད་པར་འགྱུར་བ་དེ་དག་ཐམས་ཅད་དང་། གཞན་ཆེས་མང་པོ་དག་གིས་དགོས་པ་མང་པོ་
བགྱིད་པར་འགྱུར་བ་ནི། ནོར་བུ་ཆེན་པོ་དོན་ཡོད་འབར་བའི་ནོར་བུ་མེ་འབར་བ་ཆེན་པོ་ལགས་སོ། །དེ་ནས་དོན་ཡོད་སྣང་བ་རྣམ་པར་བལྟ་བས། འཕགས་པ་སྤྱན་རས་གཟིགས་དབང་ཕྱུག་བཀུག་སྟེ། རང་གི་གཟུགས་སུ་ལྟ་

99-1-65b

བར་འཚལ་ན། དེ་ནས་རིག་སྔགས་འཆང་གཙང་མས་གོས་གཙང་མ་བགོ་བར་བགྱིའོ། །ལུས་ལེགས་པར་བཀྲུས་ཏེ། སྤོས་ཆབ་ཀྱིས་བྱུག་པར་བགྱིའོ། །ཤིང་ཨརྐའི་ཡམ་བསྲེག་ཤིང་གིས་མེ་སྦར་བར་བགྱིའོ། །ཡུངས་དཀར་
དང་། ཨ་ག་རུ་དང་། ཙན་དན་དང་ཞོ་དང་སྦྲང་རྩི་དང་མར་སྦྱར་བས་སྟོང་རྩ་བརྒྱད་སྦྱིན་སྲེག་བགྱིའོ། །དེ་ནས་དོན་ཡོད་ལྕགས་ཀྱུ་གུ་གུལ་ལ་ལན་ཉི་ཤུ་རྩ་གཅིག་གི་སྲེག་བླུགས་ཀྱིས་སྦྱིན་སྲེག་བགྱིས་ན། འཕགས་པ་སྤྱན་
རས་གཟིགས་དབང་ཕྱུག་རང་གི་གཟུགས་ཀྱིས་མདུན་ན་མཆིས་སམ། མཆོག་ཐམས་ཅད་བསམས་པ་བཞིན་ཡོངས་སུ་རྫོགས་པར་བགྱིད་དོ། །ཅི་ལྟར་ཡིད་ལ་བགྱིད་ཅིང་བསམས་པའི་མཆོག་སྩོལ་བར་བགྱིད་དོ། །
དེ་ནས་རིག་སྔགས་འཆང་གིས་ཅི་ལྟར་ཡིད་ལ་བགྱིས་ཤིང་བསམས་པའི་མཆོག་སྨྲས་པ་དང་། དེའི་འོག་ཏུ་འཕགས་པ་སྤྱན་རས་གཟིགས་དབང་ཕྱུག་གིས་ཐམས་ཅད་སྩོལ་བར་བགྱིད་དོ། །དེ་ནས་མིག་སྨན་བསྒྲུབ་པར་འཚལ་ན། རིག་
སྔགས་འཆང་དེས་ལེགས་པར་བཀྲུས་ཏེ་གཙང་མས་གོས་གཙང་མ་བགོ་བར་བགྱིའོ། །ནུབ་གཅིག་སྨྱུང་བ་བགྱིས་ཏེ། དེས་ཟངས་ཀྱི་ཟ་མ་ཏོག་བགྱིས་ལ་དེ་ནས་མིག་སྨན་སོའི་བི་ར་དང་ཡུངས་དཀར་ཉིས་འགྱུར་དུ་བསྲེས་པས་དགང་
བར་བགྱིའོ། །དེ་ནས་སྟོང་རྩ་བརྒྱད་བཟླས་བརྗོད་བགྱིས་ནས། ཐབ་ཀྱི་དབུས་སུ་བཞག་པར་བགྱིའོ། །དེའི་སྟེང་དུ་ཨུ་ཤྀ་ར་དང་། ཡུངས་དཀར་དང་། ཙན་དན་དང་། ཞོ་དང་སྦྲང་རྩི་དང་། མར་བསྲེས་པས་ལན་སྟོང་རྩ་བརྒྱད་སྦྱིན་སྲེག་བགྱིའོ། །
ཤིང་ཨརྐའི་མེ་སྦར་བར་བགྱིའོ། །ལན་སྟོང་རྩ་བརྒྱད་ཚང་བ་དང་། དེ་ནས་མིག་སྨན་བླངས་ལ་གཏུན་གྱི་སྟེང་དུ་ལེགས་པར་ཞིབ་ཏུ་བཏགས་ལ་ལྡོང་རོས་དང་། ག་པུར་དང་གླ་རྩིར་བསྲེས་ནས་སླར་ཡང་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་
བརྒྱད་བཟླས་བརྗོད་བགྱིས་ལ་དོན་ཡོད་སྙིང་པོའི་རིག་སྔགས་རྒྱལ་པོས་ལན་ཉི་ཤུ་རྩ་གཅིག་བཟླས་བརྗོད་བགྱིས་པ་ནི་ཐམས་ཅད་དུ་འགུལ་ལ་ལེགས་པར་སྦྱར་ཏེ། དེ་ནས་དོན་ཡོད་རྒྱལ་པོས་དབང་བསྐུར་བར་བགྱིའོ། །དོན་ཡོད་ཞགས་པའི་ཕྱག་རྒྱ་ལན་བདུན་ཕྱག་རྒྱ་བཅིང་ངོ་། །དེ་ནས་

99-1-66a

མིག་སྨན་གྱིས་བྱུགས་ན་ནམ་མཁའ་ལ་འཕུར་ནས་རིག་སྔགས་འཆང་ཐམས་ཅད་ཀྱི་དཔོན་པོར་འགྱུར་རོ། །སྐྲ་ཅུང་ཟད་འཁྱིལ་བར་འགྱུར་རོ། །བསྐལ་པ་ཁྲིར་འཚོ་བར་འགྱུར་རོ། །དཔྲལ་བར་ཐིག་ལེ་བགྱིས་ན་མི་གདའ་བར་འགྱུར་རོ། །
མིག་ལ་བསྐུས་ཏེ་ཚིག་གཞན་མི་སྨྲ་བར་རྒྱལ་པོའི་ཕོ་བྲང་དུ་ཞུགས་ན། རྒྱལ་པོ་བཙུན་མོའི་འཁོར་དང་བཅས་པ་དབང་དུ་གྱུར་ནས་མཆིས་པར་འགྱུར་རོ། །མཆོད་པ་ཕལ་པོ་ཆེས་ཆེར་མཆོད་པར་འགྱུར་རོ། །ནོར་འདུ་བ་གྲུབ་པ་ཆེན་པོ་ཐོབ་པར་འགྱུར་
རོ། །སྒྲུབ་པའི་དུས་སམ། བཟླས་བརྗོད་ཀྱི་དུས་སུ་མིག་ལ་བསྐུས་ན། བགེགས་དང་ལོག་འདྲེན་དང་། བདུད་ཀྱི་རིས་ཀྱི་ལྷ་རྣམས་ཐམས་ཅད་ཀྱིས་མི་མཐོང་བར་འགྱུར་རོ། །ཕྱྀས་ཀྱང་བགེགས་བྱེད་པར་མི་ནུས་ཏེ་བར་ཆད་བགྱིད་པར་མི་འགྱུར་རོ། །བདེ་བ་
སྒྲུབ་པའི་ཆོ་ག་དང་བཟླས་བརྗོད་ཀྱི་ཆོ་ག་འགྲུབ་པར་འགྱུར་རོ། །མིག་ལ་བྱུགས་ཏེ་སྐྱེ་བོ་མང་པོའི་ནང་དུ་ཞུགས་ན་དེ་དག་ཐམས་ཅད་དབང་དུ་གྱུར་ཏེ། ནོར་དང་། འབྲུས་དང་། གོས་དང་ལྷབ་ལྷུབ་རྒྱན་ཕལ་པོ་ཆེ་འགྲུབ་པར་འགྱུར་རོ། །བུད་མེད་ཀྱང་མིག་མི་
འཛུམས་པར་ལྟ་བཞིན་དུ་བདག་ཉིད་དམ་ནོར་དབང་དུ་འགྱུར་རོ། །མིག་ལ་བྱུགས་ཏེ་དགོན་པ་ཆེན་པོར་ཞུགས་ན། ཆོམ་པོ་དང་། གཡོན་ཅན་དང་། རྐུན་པོ་དང་གཅན་ཟན་གདུག་པ་དང་། སྦྲུལ་དང་། དབྱིག་དུག་དང་། སྦྲུལ་གྱི་དུག་གི་འཇིགས་པ་ཐམས་ཅད་
འབྱུང་བར་མི་འགྱུར་ཏེ། བདེ་ལེགས་སུ་སླར་མཆི་བར་འགྱུར་རོ། །འཐབ་མོ་དང་རྩོད་པ་དང་འགྱེད་པ་ཐམས་ཅད་ལ་མིག་སྨན་བསྐུས་ན། སྨྲ་བ་རྣམས་ཀྱི་བླ་ན་མེད་པར་འགྱུར་ཏེ། ཐམས་ཅད་དུ་རྒྱལ་བར་འགྱུར་རོ། །གཡུལ་ངོར་གཡུལ་འགྱེད་པའི་
ནང་དུ་མཆིས་ནས་མིག་ལ་བྱུགས་ན། ཐམས་ཅད་ལས་རྒྱལ་བར་འགྱུར་ཞིང་། འཇིགས་པ་ཐམས་ཅད་ལས་བསྒྲལ་བར་འགྱུར་རོ། །གདུག་པས་ཟིན་པ་ཐམས་ཅད་ལ་མིག་ལ་བསྐུས་ན། གདུག་པ་མ་མཆིས་པར་འགྱུར་རོ། །རིམས་ཞག་
གཅིག་པ་དང་། ཞག་གཉིས་པ་དང་། ཞག་གསུམ་པ་དང་། རིམས་ཞག་བཞི་པ་ཐམས་ཅད་ལ་མིག་ལ་བསྐུས་ན། རིམས་ཐམས་ཅད་ལས་གྲོལ་བར་འགྱུར་རོ། །དུག་མི་བཟད་པར་འཚལ་བ་ལ་མིག་ལ་བསྐུས་ན་དུག་མ་མཆིས་པར་

99-1-66b

འགྱུར་རོ། །གདོན་ཐམས་ཅད་ཀྱིས་ཟིན་པ་ལ་མིག་ལ་བསྐུས་ན། གདོན་བརྒྱད་ཁྲི་བཞི་སྟོང་ལས་ཐར་བར་འགྱུར་རོ། །མིག་བྲོ་འཚལ་བ་ལ་བསྐུས་པ་ཙམ་གྱི་མོད་ལ་བྱུང་བར་འགྱུར་རོ། །ཀླད་པ་ཕྱེད་བྲོ་འཚལ་བ་ཡང་མིག་ལ་བསྐུས་
པ་ཙམ་གྱིས་བྱང་བར་འགྱུར་རོ། །ཚངས་པའི་སྲིན་པོའི་གདོན་དང་། རྗེད་བྱེད་ཀྱིས་ཟིན་པ་ལ་ཡང་མིག་ལ་བསྐུས་པ་ཙམ་གྱིས་ཐར་བར་འགྱུར་རོ། །རྒྱལ་པོ་ཁྲོས་པས་གསོད་པར་འོས་པ་གང་སུ་ཡང་རུང་བ་ཁྲིད་པ་ལ་མིག་ལ་བསྐུས་
པ་ཙམ་གྱིས་འཇིགས་པ་ཐམས་ཅད་སྤངས་པའི་ཐར་བར་འགྱུར་རོ། །ནག་པོ་ཆེན་པོའི་མིག་ལ་བསྐུས་ན་རང་གི་གཟུགས་ཀྱིས་དུས་ནས་མདུན་ན་མཆིས་ནས་མཆོག་ཐམས་ཅད་སྩོལ་ཅིང་དགོས་པ་ཐམས་ཅད་བགྱིད་པར་འགྱུར་རོ། །
མ་མོའི་ཚོགས་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །དཔལ་ལྷ་མོའི་མིག་ལ་བསྐུས་ཏེ། མིག་མི་འཛུམས་པར་དོན་ཡོད་རྒྱལ་པོའི་སྙིང་པོ་ལན་བདུན་བཟླས་ན། དཔལ་ལྷ་མོ་ཆེན་མོ་མཆིས་ནས་དགོས་པ་ཐམས་
ཅད་དང་། འབྲུ་མང་པོ་རབ་ཏུ་སྩོལ་བར་འགྱུར་རོ། །ཉལ་བའི་ཚེ་མིག་ལ་བསྐུས་ནས་ཉལ་ན། རྨི་ལམ་བཟང་པོ་མང་ཞིང་ཕལ་པོ་ཆེ་བ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་མཐོང་བར་
འགྱུར་རོ། །མཆོག་ཐམས་ཅད་སྩོལ་བར་འགྱུར་རོ། །དྲན་པ་དང་བློ་གྲོས་རྒྱ་ཆེན་པོར་འགྱུར་རོ། །མིག་ལ་བསྐུས་ཏེ་ཚོགས་ཀྱི་དབུས་སུ་ཞུགས་ན་མཆོད་པ་ཆེན་པོ་ཐོབ་པར་འགྱུར་རོ། །འཕགས་པ་སྤྱན་རས་གཟིགས་
དབང་ཕྱུག་གི་གཟུགས་བརྙན་གྱི་མིག་ལ་བསྐུས་ན། རྟག་ཏུ་མཆོག་སྩོལ་བར་འགྱུར་རོ། །རྟག་ཏུ་བལྟ་འཚལ་བར་འགྱུར་རོ། །གི་ཝང་དང་ལྷན་ཅིག་སྦྱར་ཏེ་མིག་ལ་བསྐུས་ནས་རྒྱལ་པོའི་ཕོ་བྲང་དུ་ཞུགས་ན་དབང་ཕྱུག་
རྒྱ་ཆེན་པོ་ཐོབ་པར་འགྱུར་རོ། །ལོངས་སྤྱོད་ཆེན་པོ་ཕུན་སུམ་ཚོགས་པར་ཡང་འགྱུར་རོ། །དོན་ཆེན་པོ་འགྲུབ་པར་ཡང་འགྱུར་རོ། །རྒྱལ་པོའི་བཙུན་མོ་དང་བློན་པོའི་ཚོགས་དང་། འཁོར་ཐམས་ཅད་དགའ་བར་གྱུར་ནས་ཐམས་

99-1-67a

ཅད་དབང་དུ་གྱུར་ཏེ་མཆིས་པར་འགྱུར་རོ། །དཔལ་ལྷ་མོ་ཆེན་མོའི་གཟུགས་བརྙན་གྱི་མིག་ཏུ་བསྐུས་ན། འབྱུང་པོ་ཐམས་ཅད་ཀྱི་བདག་པོར་འགྱུར་ཞིང་ལས་བགྱི་བ་ཅི་མཆིས་ཤེས་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །
ནག་པོ་ཆེན་པོའི་གཟུགས་བརྙན་གྱི་དཔྲལ་བ་དང་མིག་ལ་བསྐུས་ན། གནོད་སྦྱིན་ཐམས་ཅད་དབང་དུ་འགྱུར་རོ། །མི་རོའི་མིག་ལ་བསྐུས་ན་ལྡང་བར་འགྱུར་རོ། །གསང་སྔགས་དང་། དུག་སྦྱར་མ་དང་། བྱད་ཀྱིས་ཟིན་པ་ཐམས་ཅད་ཀྱི་མིག་ལ་བསྐུས་ན་
དུག་སྦྱར་མ་དང་། བྱད་དང་། གསང་སྔགས་ཐམས་ཅད་བཤིག་པར་འགྱུར་ཞིང་ལན་འགའ་ཡང་སླར་ཟིལ་གྱིས་གནོན་པར་མི་འགྱུར་རོ། །བཀྲེས་པའི་མིག་ལ་བསྐུས་ཏེ། གྲོང་དུ་ཞུགས་ནས་བཟའ་བ་དང་བཏུང་བའི་སྟོན་མོ་ལྷུན་གྱིས་གྲུབ་ཅིང་འཐོབ་པར་
འགྱུར་རོ། །བསོད་སྙོམས་པའི་མིག་ལ་བསྐུས་ཏེ། བསོད་སྙོམས་ལ་མཆིས་ན། ཁ་ཟས་སྣ་ཚོགས་མང་པོ་དང་། ཡོན་ཕལ་པོ་ཆེ་འཐོབ་པར་འགྱུར་རོ། །སྨེ་བ་དང་ལིང་ཏོག་དང་། རབ་རིབ་དང་ཆུ་བུར་དང་མཚན་མོ་འཐོམ་པ་དང་གཡའ་བ་དང་། ཚག་པོ་དང་། 
མིག་གི་རྫི་མ་རྡུང་བ་དང་། མིག་སླེ་བོ་དེ་དག་ཐམས་ཅད་ཞི་བར་འགྱུར་རོ། །མིག་ནད་ཐམས་ཅད་ལས་སོས་པར་འགྱུར་རོ། །ལྷའི་མིག་དག་པ་འདབ་བཟངས་དང་མཚུངས་པ་འདབ་བཟངས་ཀྱི་མཐོང་བ་ཐོབ་ནས་ཐམས་ཅད་ཀྱི་སྙིང་དུ་སྡུག་པ་
དང་དབང་དུ་གྱུར་ནས་ནོར་རྙེད་པ་དང་དོན་གྲུབ་པ་ཡང་ཐོབ་ནས། དབང་ཕྱུག་བླ་ན་མེད་པར་འགྱུར་རོ། །དེ་ནས་ནོར་དང་འབྲུ་དང་གོས་དང་ལྷབ་ལྷུབ་དང་རྒྱན་དང་རྒྱན་འཕྱང་ཐམས་ཅད་དགུག་པ་དང་། འཕེལ་བར་བགྱིད་པ་དང་དོན་ཡོད་མེ་ལྷ་དགུག་པའི་སྦྱིན་
སྲེག་རྒྱ་ཆེན་པོ་བརྗོད་པར་བགྱིའོ། །གྲུབ་པ་ཀུན་གྱི་བླ་ན་མེད། །དོན་ཀུན་གྲུབ་པས་མོད་ལ་ནི། །མཁས་པ་མཆོག་ཏུ་དགའ་བར་བགྱིད། །དབང་ཕྱུག་སྐལ་བ་ཕུན་སུམ་ཚོགས། །མོད་ཉིད་ཁོ་ནར་ཐོབ་འགྱུར་བར། །ཐེ་ཚོམ་དུ་ཡང་མི་བགྱི་
ཞིང་། །ཡིད་གཉིས་ཉིད་ཀྱང་མ་ལགས་སོ། །གཙང་མས་གཙང་མའི་གོས་དག་དང་། །ལེགས་པར་བཀྲུས་པས་ལས་སྒྲུབ་བོ། །སྦྱིན་བསྲེག་བླ་ན་མེད་འཕེལ་བ། །འདི་ནི་རྒྱ་ཆེན་བསམ་མི་ཁྱབ། །ཀ་རན་རྩ་བ་སྡོང་བུར་བཅས། །འདབ་མ་

99-1-67b

མེ་ཏོག་འབྲས་བུར་བཅས། །ཨརྐའི་ཤིང་དང་བླག་ཤའི་ཤིང་། །ཡམ་བསྲེག་དག་གིས་མེ་སྦར་ལ། །ས་བོན་བདུན་པོ་འབྲས་དང་བཅས། །འབྲས་ཡོས་ཏིལ་དང་ཡུངས་ཀར་དང་། །ཞོ་དང་སྦྲང་རྩི་མར་དང་ནི། །ཡུངས་མར་དག་དང་བསྲེས་པ་ཡི། །
སྦྱིན་བསྲེག་སྟོང་རྩ་བརྒྱད་ཚང་བགྱི། །ཁྲོ་བོའི་རྒྱལ་པོ་ལན་སྟོང་རྩ་བརྒྱད་ཀྱིས་དབང་བསྐུར་བ་ཚང་བ་དང་། དེ་ནས་དོན་ཡོད་ལྕགས་ཀྱུའི་རིག་སྔགས་ཀྱི་རྒྱལ་པོ་ལན་བརྒྱ་རྩ་བརྒྱད་བཟླས་ནས། གུ་གུལ་དང་སྐེ་ཚེའི་འབྲས་བུ་དང་། མར་དུ་
སྦྱར་བས་སྦྱིན་བསྲེག་བགྱིའོ། །དགོས་པ་ཐམས་ཅད་རྫོགས་པ་དང་། དེའི་ཚེ་བཟའ་བ་དང་བཏུང་བ་དང་གནས་མལ་དང་སྟན་དང་ནད་ཀྱི་རྐྱེན་སྨན་དང་། ཡོ་བྱད་དང་ནོར་དང་འབྲུ་དང་མཛོད་དང་། བང་བ་འཕེལ་བར་ཡང་འགྱུར་རོ། །གོས་སྣ་ཚོགས་དང་ལྷབ་
ལྷུབ་དང་རྒྱན་དང་རྒྱན་ཕྲེང་དང་མེ་ཏོག་དང་དྲི་དང་ཕྲེང་བ་དང་། བྱུག་པ་རྣམས་ལྷུན་གྱིས་གྲུབ་པ་འབྱུང་བར་འགྱུར་རོ། །དབང་ཕྱུག་གི་འབྱོར་པ་རྒྱ་ཆེན་པོ་འཐོབ་པར་འགྱུར་ཞིང་ཇི་སྲིད་འཚོའི་བར་དུ་མཆིས་པར་འགྱུར་རོ། །དེ་ནས་ཟླ་བ་ཡར་གྱི་ངོའི་
ཚེས་བརྒྱད་ལ་ཉིན་ཞག་ཅིག་མཆིས་ནས་མིག་ལ་བསྐུས་ཏེ། དོན་ཡོད་ཞགས་པའི་སྙིང་པོ་ལན་དགུ་བཅུ་བཟླས་བརྗོད་བགྱིས་ལ། ཁྲོ་བོའི་རྒྱལ་པོས་དབང་བསྐུར་ནས། དོན་ཡོད་ཞགས་པའི་ཕྱག་རྒྱས་ཕྱག་རྒྱ་བཅིངས་ཏེ། དེ་ནས་མིག་ལ་མིག་སྨན་
བསྐུས་ན། ནམ་མཁའ་ལ་རྫུ་འཕྲུལ་གྱིས་མཆི་བར་འགྱུར་རོ། །མིག་སྨན་གྲུབ་པའི་རིག་སྔགས་འཆང་ཐམས་ཅད་ཀྱི་གཙོ་བོ་རྒྱལ་པོ་འཁོར་ལོས་སྒྱུར་བར་འགྱུར་རོ། །སྐྲ་ཅུང་ཟད་ཡང་འཁྱིལ་པར་འགྱུར་རོ། །བསྐལ་པ་ཁྲིར་འཚོ་བར་
འགྱུར་རོ། །མིག་སྨན་འདི་མིག་ལ་བྱུགས་ན་ཉིན་པར་ལྟ་བ་བཞིན་དུ་མཚན་མོ་མཐོང་བར་འགྱུར་ཞིང་མྀ་གདའ་བར་ཡང་འགྱུར་རོ། །འབྱུང་པོ་དང་གནོད་སྦྱིན་དང་། སྲིན་པོའི་གནས་ཐམས་ཅད་དུ་ཞུགས་ན་ཐམས་ཅད་ཀྱི་དཔོན་པོར་
འགྱུར་རོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བདུན་པ། མིག་སྨན་འདིས་མིག་ལ་བྱུགས་ནས་མ་མོའི་གནས་སུ་ཞུགས་ན། ལྷ་གཙོ་བོ་དེ་དག་མིག་མི་འཛུམ་པར་

99-1-68a

ལྟ་བར་བགྱིད་ལ་ཁྲོ་བོའི་རྒྱལ་པོ་ལན་ཅིག་བཟླས་པར་བགྱིའོ། །དེ་ནས་མ་མོ་དང་གཙོ་བོའི་ལྷ་ཐམས་ཅད་མདུན་དུ་མཆིས་ནས། མཆོག་ཐམས་ཅད་སྩོལ་བར་འགྱུར་རོ། །ཇི་སྲིད་འཚོའི་བར་དུ་ལས་ཐམས་ཅད་
སྒྲུབ་པར་བགྱིད་པས་མཆིས་པར་འགྱུར་རོ། །མ་མོའི་ཚོགས་ཐམས་ཅད་ཀྱིས་ཡོངས་སུ་བཀུར་ཞིང་སྙྀང་དུ་སྡུག་པར་འགྱུར་རོ། །རྟག་པར་རྒྱུན་དུ་བསྲུང་བ་དང་། བསྐྱབ་པ་དང་། སྦ་བའི་ཕྱིར་གནས་ཤིང་རྗེས་སུ་འབྲང་བར་འགྱུར་རོ། །
དེ་ནས་གི་ཝང་སྒྲུབ་པའི་སྦྱིན་སྲེག་གི་ཆོ་ག་བརྗོད་པར་བགྱི་སྟེ། དོན་ཡོད་རྒྱལ་པོ་གྲུབ་པ་ཡིས། །རིག་སྔགས་འཆང་བ་བདེ་མྱོང་ཞིང་། །ལྷ་དང་ལྷ་མིན་མཆོད་པ་དང་། །སྒྲུབ་པའི་དོན་ཀུན་འགྲུབ་པ་དང་། །དབང་དུ་གྱུར་པ་དམ་པ་
དང་། །མཁའ་ལ་མཆི་བའི་དམ་པ་དང་། །མི་སྣང་ཤིན་ཏུ་རྙེད་དཀའ་དང་། །མོད་ལ་ཕུག་ཏུ་འཇུག་པ་དང་། །ནགས་ཀྱི་ནང་དུ་འཇུག་པ་དང་། །རྀ་སུལ་དག་ཏུ་འཇུག་པ་དང་། །ཐང་དག་ལ་ནི་རྒྱུ་བ་དང་། །ཀླུ་གནས་མཚོར་ནི་འཇུག་
པ་དང་། །དེ་བཞིན་ཆུ་ཀླུང་ཆེར་བསྒྲལ་དང་། །རྫུ་འཕྲུལ་གྲུབ་དང་སྐྱེས་པ་དང་། །དེ་བཞིན་འཇིགས་དང་སྒྲིབ་ཀུན་དང་། །ནད་ཀུན་ཞི་བར་བགྱིད་པ་ཉིད། །སྡིག་པ་ཐམས་ཅད་ཉམས་པར་བགྱིད། །གཡུལ་ངོར་གཡུལ་ལས་རྒྱལ་
བགྱིད་དེ། །རྟག་ཏུ་དགྲ་ཀུན་བརླག་པར་བགྱིད། །གདོན་རིགས་ཀུན་ཀྱང་ཚར་གཅོད་ཅིང་། །རིགས་རྣམས་ཐམས་ཅད་ཟློག་པར་བགྱིད། །སྔོན་གྱི་སྒྲིབ་པ་འཇིག་བགྱིད་ཅིང་། །སྡིག་པ་ཐམས་ཅད་ཉམས་པར་བགྱིད། །དབང་
ཕྱུག་སྩོལ་ཅིང་སྐལ་བ་སྩོལ། །ནོར་དང་འབྲུ་རྣམས་འཕེལ་བར་བགྱིད། །འཐབ་པ་འཐབ་མོ་རྩོད་པ་དང་། །འགྱེད་པ་རབ་ཏུ་ཞི་བར་བགྱིད། །བཅྀང་བ་དང་ནི་ཤིང་སྒྲོག་དང་། །ཁོང་སྒྲིལ་ལྕགས་སྒྲོག་ཕྱེ་མར་རློག །རྒྱལ་པོ་
གདུག་པ་ཁྲོས་པ་ཡིས། །གསད་པར་འོས་པ་སེལ་བར་བགྱིད། །ད་ལྟ་འདི་ལ་རྟེན་པ་ན། །མི་བདག་བུ་སྡུག་བཞིན་སྨྲ་ཞིང་། །མྀ་བདེ་ཀུན་ལས་གྲོལ་བར་འགྱུར། །འདི་ནི་ཀུན་ཏུ་སྡུག་པ་དང་། །གནས་ཀུན་མཆིས་

99-1-68b

པར་མཆོད་པར་འོས། །ལུས་ཅན་ཤིན་ཏུ་སྙིང་དུ་སྡུག །རྒྱལ་པོ་བཙུན་མོ་འཁོར་བཅས་པའི། །རྟག་ཏུ་སྣང་ཆེན་དག་ཏུ་འགྱུར། །དགེ་སྦྱོང་བྲམ་ཟེ་ཉིད་དང་ནི། །རྒྱལ་རིགས་རྗེའུ་རིགས་དམང་རིགས་དང་། །བུད་མེད་ཀུན་དང་
དེ་བཞིན་དུ། །སྐྱེས་པ་ཁྱེའུ་དང་བུ་མོ་ཡི། །རྟག་ཏུ་གནང་ཆེན་དག་ཏུ་འགྱུར། །གི་ཝང་བླ་ན་མེད་པ་པོ། །འདི་ལ་གང་དག་རྟག་བརྟེན་ན། །འཕགས་པ་འཇིག་རྟེན་དབང་ཕྱུག་སྟེ། །མཆོག་སྦྱིན་རྟག་ཏུ་མཆོད་པ་བགྱིད། །ཚངས་
པ་ཁྱབ་འཇུག་དབང་ཕྱུག་ཆེ། །ཉིན་དང་མཚན་དུ་བསྲུང་བ་དང་། །རྟག་ཏུ་མཆོག་སྩོལ་ཕྱིར་མཆིས་སོ། །གཞན་ཡང་ལྷ་ནི་མང་པོ་དང་། །ཀླུ་ཡི་རྒྱལ་པོ་མཐུ་ཆེན་དང་། །འབྱུང་པོ་གནོད་སྦྱིན་སྲིན་པོ་དང་། །གྲུལ་བུམ་མི་མིན་
ལྟོ་འཕྱེ་ཆེ། །དྲི་ཟ་ལྷ་མིན་ཉིད་དག་དང་། །ནམ་མཁའ་ལྡིང་དབང་མཐུ་ཆེན་ཏེ། །དེ་དག་ཐམས་ཅད་བསྲུང་བ་ཡི། །ཆེད་དུ་ཉིན་དང་མཚན་དག་ཏུ། །རང་དབང་ཉིད་ཀྱིས་གནས་པར་འགྱུར། །གི་ཝང་གྲུབ་པ་དམ་པ་པོ། །
དེ་ལྟར་སྟོབས་དང་ལྡན་པ་ལགས། །དེ་ནས་རིག་སྔགས་འཆང་བ་ཡིས། །གཙང་གྱུར་ལེགས་པར་ཁྲུས་བགྱིས་ནས། །གཙང་མ་ཡི་ནི་གོས་བགོས་ཏེ། །གི་ཝང་ལེགས་པར་བསྒྲུབས་ནས་སུ། །དམར་པོ་ཆེན་པོ་ཉིད་དག་
དང་། །གུར་གུམ་དག་དང་མཉམ་སྦྱར་ལ། །ཟངས་ཀྱི་སྣོད་དུ་བཀང་ནས་སུ། །དོན་ཡོད་ཞགས་པའི་གཟུགས་མདུན་དུ། །སྟོང་རྩ་བརྒྱད་ནི་ཚང་བཟླས་ནས། །རྒྱ་དར་གྱིས་ནི་ཁ་འགུམ་མོ། །དེ་ནས་སེང་ལྡེང་གི་ཤྀང་དང་། 
ཨརྐའི་ཤྀང་གི་ཡམ་ཤིང་གིས་མེ་སྦར་ལ། འབྲས་ཡོས་ཡུངས་ཀར་དང་གུ་གུལ་དང་། འབྲས་དང་། ཏིལ་དང་བསྲེས་ལ། ཞོ་དང་སྦྲང་རྩི་མར་དུ་བསྲེས་ཏེ། ལན་སྟོང་རྩ་བརྒྱད་སྦྱིན་སྲེག་བགྱིའོ། །ལན་སྟོང་རྩ་བརྒྱད་ཚང་བ་དང་། དེ་ནས་
མེ་ཞི་ཞིང་མེ་མདག་ཕྲ་མོ་ཡང་ཞི་བ་དང་ཐལ་བ་བླངས་ཏེ། སྣོད་ཀྱི་ནང་དུ་སྩལ་ནས་དེ་ནས་སླར་ཡང་ལན་བརྒྱ་རྩ་བརྒྱད་བཟླས་ལ། ཁྲོ་བོའི་རྒྱལ་པོས་དབང་བསྐུར་ཏེ། ཕྱག་རྒྱའི་ཕྱག་རྒྱས་ཀྱང་དབང་བསྐུར་རོ། །དེ་ནས་དཔྲལ་བའི་དབུས་སུ་

99-1-69a

ཐིག་ལེ་བགྱིས་ན་ནམ་མཁའ་ལ་འཕུར་ནས། རིག་སྔགས་འཆང་ཆེན་པོའི་རྒྱལ་པོ་འཁོར་ལོས་སྒྱུར་བར་འགྱུར་རོ། །རིག་སྔགས་འཆང་ཐམས་ཅད་ཀྱི་དཔོན་པོར་འགྱུར་ཞིང་། སྐྲ་ཅུང་ཟད་འཁྱིལ་པར་ཡང་འགྱུར་རོ། །ལོ་
དགུ་ཁྲི་དགུ་སྟོང་དུ་འཚོ་བར་འགྱུར་ཞིང་གནས་ཀྱི་སྒོ་ཐམས་ཅད་རྟག་ཏུ་འབྱེད་པར་འགྱུར་རོ། །དཔྲལ་བ་ལ་ཐིག་ལེ་བགྱིས་ན་མི་གདའ་བར་གྱུར་ནས། གནས་ཐམས་ཅད་དུ་ཞུགས་ན་གནས་ཐམས་ཅད་ཀྱི་བདག་པོར་འགྱུར་ཞིང་། 
འབྱུང་པོ་དང་གནོད་སྦྱིན་དང་སྲིན་པོའི་གནས་ཀྱི་སྒོ་ཐམས་ཅད་འབྱེད་པར་འགྱུར་རོ། །འབྱུང་པོ་དང་གནོད་སྦྱིན་དང་། སྲིན་པོ་མཐུ་དང་བཅས་པ་ཐམས་ཅད་ཀྱིས་ཡོངས་སུ་བསྐོར་ནས་མཆིས་པར་འགྱུར་རོ། །ཇི་སྲིད་འཚོ་བའི་བར་
དུ་བསྒོ་བ་བཞིན་བགྱིད་པར་འགྱུར་རོ། །མིག་ལ་བསྐུས་ན་ཅི་ལྟ་ཉིན་པར་བཞིན་དུ་མཚན་མོ་སྣང་ཞིང་ཐམས་ཅད་དུ་གཏེར་མཐོང་བར་འགྱུར་རོ། །སའི་ཕུག་དང་ཐང་གི་སྒོ་ཕྱེ་བ་མཐོང་བར་འགྱུར་རོ། །ཐང་གི་གནས་སུ་ཞུགས་
ནས། ཐང་གི་དགོས་པ་ཐམས་ཅད་བགྱི་སྟེ། སླར་ཡང་མཆི་བར་འགྱུར་རོ། །ཆུ་ཀླུང་ཆེན་པོའི་ནང་དུ་ཞུགས་ན། ཁྱིམ་དང་གཞལ་མེད་ཁང་ཅི་ལྟ་བ་བཞིན་དུ་མཐོང་བར་འགྱུར་རོ། །རིན་པོ་ཆེ་ཐམས་ཅད་ཀྱིས་བརྒྱན་པའི་གཞལ་མེད་
ཁང་མཐོང་བར་འགྱུར་རོ། །ཆབ་ལ་གནས་པ་གང་ལགས་པ་དེ་དག་ཐམས་ཅད་དབང་དུ་གྱུར་ནས་མཆིས་པར་འགྱུར་རོ། །ཀླུའི་མཚོ་དང་གནས་སུ་ཅི་ལྟར་རང་གི་ཁྱིམ་བཞིན་དུ་འཇུག་ཅིང་འབྱུང་བར་འགྱུར་རོ། །ལུས་མཐའ་
དག་བྱུགས་ཏེ་གཡུལ་ངོར། གཡུལ་འགྱེད་པའི་ནང་དུ་ཞུགས་ན་ཡ་ལད་དང་། གོ་ཆ་བགོས་པ་བཞིན་དུ་མཐོང་ནས་ཐམས་ཅད་ལས་རྒྱལ་བར་འགྱུར་རོ། །ཁར་བསྲེལ་ཏེ་རྒྱལ་པོའི་ཕོ་བྲང་དུ་ཞུགས་པ་ན་བཙུན་མོ་འཁོར་དང་བཅས་
པ་དབང་དུ་གྱུར་ནས་མཆིས་པར་འགྱུར་རོ། །གང་ལ་ཚིག་སྨྲས་པ་དེ་དག་ཐམས་ཅད་བགྱིད་པར་འགྱུར་རོ། །གང་ལ་བླངས་ན་དེ་དག་ཐམས་ཅད་སྟེར་བར་འགྱུར་རོ། །གང་ལ་བསྒོ་བ་དེ་དག་ཐམས་ཅད་བསྒོ་བ་བཞིན་བགྱིད་པར་འགྱུར་རོ། །ཁར་འཆོས་ནས། 

99-1-69b

གང་དང་གང་དུ་མཆིས་པ་དེ་དང་དེར་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་བདག་ཉིད་དང་ནོར་དབང་དུ་གྱུར་ནས་མཆིས་པར་འགྱུར་རོ། །ལག་པ་གཡས་པ་ལ་བྱུགས་ན་སུ་རེག་པ་དེ་དབང་དུ་འགྱུར་རོ། །ནོར་དང་འབྲུ་དང་དབྱིག་
དང་བྲན་ཕོ་དང་བྲན་མོ་དང་ལས་བགྱིས་པ་དང་ཞོ་ཤས་འཚོ་བ་དང་མངག་གཞུག་པ་རྣམས་དབང་དུ་གྱུར་ནས། བསྒོ་བ་བཞིན་མཆིས་པར་འགྱུར་རོ། །མཛུབ་མོ་གཡས་པ་ལ་བསྐུས་ནས་སེར་བ་དང་སྤྲིན་དང་། འབྲུག་གི་དུས་སུ་སྤྲིན་
ལ་མངོན་སུམ་དུ་བསྟན་ཏེ་བསྡིགས་ན་གྲང་བ་དང་རླུང་དང་སེར་བ་རྣམས་ཞི་བར་འགྱུར་རོ། །དཔག་ཚད་གཅིག་ཁོ་ར་ཡུག་དུ་ཟིལ་གྱིས་གནོན་པར་འགྱུར་རོ། །ཆར་ཧ་ཆང་ཆེས་ན་ལག་པ་གཡས་པ་སྤྲིན་ལ་མངོན་སུམ་དུ་བསྟན་པས་
ཧ་ཆང་ཆར་ཆེས་པ་གཅོད་པར་འགྱུར་རོ། །ཆར་མི་འབབ་པའི་དུས་སུ་ལག་པ་གཡས་པའི་ལག་འཐིལ་ལ་བྱུགས་ནས་ཀླུ་གནས་པའི་མཚོའི་ཆུ་ལ་ཐལ་མོ་ལན་གསུམ་བརྡབས་ན། དེའི་མོད་ལ་ཀླུའི་རྒྱལ་པོས་ཆར་གྱི་རྒྱུན་ཆེན་པོ་
གཏོང་བར་འགྱུར་རོ། །གལ་ཏེ་མོད་ལ་ཆར་པ་མི་ཕེབས་ན་དེའི་ཚེ་ལན་ལྔ་བརྡེབས་པ་དང་། ཀླུ་དེ་དག་ཐམས་ཅད་ཀྱིས་ཆར་གྱི་རྒྱུན་གཏོང་བར་འགྱུར་རོ། །གང་གི་ཚེ་ཆར་པ་མི་འབེབས་པ་དེའི་ཚེ། ཀླུ་ཐམས་ཅད་ལ་ཀླད་པའི་
ནད་འབྱུང་བར་འགྱུར་རོ། །གལ་ཏེ་ལན་བདུན་བསྣུན་ན་ཀླུའི་རྒྱལ་པོ་ཐམས་ཅད་ལ་ཚུལ་མ་ཡིན་པའི་སྡུག་བསྔལ་འབྱུང་བར་འགྱུར་རོ། །ཀླུའི་རྒྱལ་པོ་ཐམས་ཅད་ཀྱི་རིགས་ཕུང་བར་བགྱིས་པར་འགྱུར་རོ། །གདོན་གྱིས་ཟིན་པ་
ཐམས་ཅད་ཀྱི་མྀག་ལ་བསྐུས་ན། བསྐུས་པ་ཙམ་གྱི་མོད་ལ་གདོན་བརྒྱད་ཁྲི་བཞྀ་སྟོང་རབ་ཏུ་ཞི་བར་འགྱུར་རོ། །རྀམས་ཀྱིས་ཐེབས་པ་རྣམས་ཀྱི་དཔྲལ་བ་ལ་ཐིག་ལེ་བགྱིས་ན། རིམས་ཞག་གཅིག་པ་འམ། ཉིན་གཉིས་པ་འམ། 
ཉིན་གསུམ་པའམ་ཉིན་བཞི་པའི་རྀམས་ཐམས་ཅད་ཞི་བར་འགྱུར་རོ། །ནད་ཀྱིས་ཟིན་པ་རྣམས་ལ་ཁྲུས་བགྱིས་ན་མོད་ལ་ནད་ཐམས་ཅད་ལས་ཐར་བར་འགྱུར་རོ། །ཤ་བཀྲ་དང་མཛེ་དང་རྐང་ཤུ་དང་ཤུ་བ་དང་གཡོན་པ་དང་། འབྲུམ་བུ་རྣམས་ལས་ཐར་བར་འགྱུར་རོ། །ལྦ་བ་དང་། 

99-1-70a

ལྷོག་པ་དང་། མཚན་བར་བརྡོལ་བ་དང་། ཤུ་བ་མཆེད་པ་དང་། འབྲུམ་བུ་ཕྲ་མོ་མཆེད་པ་ལ་བྱུགས་པ་ཙམ་གྱིས་ཐར་བར་འགྱུར་རོ། །གདུག་པས་ཟིན་པ་ཐམས་ཅད་ལ་བྱུགས་པ་ཙམ་གྱིས་མི་གདུག་པར་འགྱུར་རོ། །དུག་གིས་མྱོས་པར་
བགྱིས་པ་ཐམས་ཅད་ལ་འཚལ་བ་ཙམ་གྱི་མོད་ལ་ཐར་བར་འགྱུར་རོ། །ལྟོ་ན་བ་དང་། སྐྲན་དང་། རྨུ་ཆུ་དང་མཆིན་པ་ན་བ་དང་། རྩིབས་ལོགས་ན་བ་དང་། ཆུ་སོ་ན་བ་དང་། གཞང་ནད་དང་། ཚད་པ་དང་། གཅིན་སྲི་བ་དང་། གསུད་པ་དང་། མ་ཞུ་བ་དང་། རྟུག་སྐམས་ལ་
སྲོས་ན་འཚལ་བ་ཙམ་གྱི་མོད་ལ་ཞི་བར་འགྱུར་རོ། །ཕྱིས་ལན་འགའ་ཡང་གནོད་པར་བགྱིད་པར་མི་འགྱུར་རོ། །འཚོགས་མར་གི་ཝང་གི་རི་ལུ་བགྱིས་ཏེ། ཕུག་གི་སྒོ་དང་ཉེ་བར་མཆིས་ནས་ལག་པ་གཡས་པ་ལ་བྱུགས་ཏེ། མགོ་ལ་
ཐལ་མོ་བརྡབས་ན། ཕུག་གི་སྒོ་རྣམས་འབྱེ་བར་འགྱུར་རོ། །བག་ཚ་བ་མ་མཆིས་པར་འཇུག་སྟེ། སླར་ཅུང་ཟད་ཀྱང་བགེགས་བགྱིད་པར་མི་འགྱུར་རོ། །གནས་དེ་ན་གནས་པ་གང་ལགས་པ་དེ་དག་ཐམས་ཅད་དབང་དུ་གྱུར་ནས་མདུན་ན་མཆིས་
པར་འགྱུར་རོ། །དགོས་པ་སྒྲུབ་པ་ཆེན་པོ་ཐམས་ཅད་གྲུབ་པར་འགྱུར་རོ། །རྐང་པ་གཉིས་ལ་བྱུགས་ཏེ། མེ་འབར་བའི་ནང་དུ་ཞུགས་ན་མེ་ལྷ་རང་གི་གཟུགས་ཀྱིས་མདུན་ན་མཆིས་ནས་ལག་པ་ནས་གཟུང་སྟེ། རིག་སྔགས་འཆང་ལ་རིག་
སྔགས་འཆང་བ་དག་གི་གཞལ་མེད་ཁང་གི་གནས་སུ་ཞུགས་ཤིག །རིག་སྔགས་འཆང་གིས་བསྒོ་བ་ཐམས་ཅད་བསྒྲུབ་པར་བགྱིའོ་ཞེས་སྨྲ་བ་ན། དེའི་ཚེ་རིག་སྔགས་འཆང་གིས་བགྱི་བ་ཅི་མཆིས་པ་དེ་བསྒོ་བར་བགྱི་སྟེ། ཐམས་ཅད་
བགྱིད་པར་འགྱུར་རོ། །དཔུང་པ་གཉིས་ལ་བྱུགས་ན་གླང་པོ་ཆེ་བདུན་གྱི་སྟོབས་དང་ལྡན་པར་འགྱུར་རོ། །བརླ་གཉིས་ལ་བྱུགས་ན་ཚུགས་པ་མ་མཆིས་པའི་གྱད་དུ་འགྱུར་རོ། །བྱིན་པ་གཉིས་ལ་བྱུགས་ན་འབབ་ཆུ་ཆེན་པོའི་ཕ་རོལ་ཏུ་
རྒལ་བར་འགྱུར་རོ། །མགྲིན་པ་ལ་བྱུགས་ནས་ནགས་ཁུང་དུ་ཞུགས་ན། ནགས་ཁུང་གི་གནས་ཀྱི་སྒོ་ཐམས་ཅད་བྱེ་ནས་སྨན་གྱི་རྫས་ཐམས་ཅད་རང་གི་གཟུགས་ཀྱིས་མདུན་ན་མཆིས་པར་འགྱུར་རོ། །ཅི་འཚལ་བ་དེ་བླང་བར་བགྱིའོ། །གི་ཝང་གི་རི་

99-1-70b

ལུ་བགྱིས་ཏེ་ཁར་བསྲེལ་ནས་རི་སུལ་དང་སྨན་གཤོང་དུ་ཞུགས་ནས་སྐད་དྲག་པོ་ལན་གསུམ་གདོན་པར་བགྱི་སྟེ། རི་སུལ་དང་སྨན་ལྗོངས་གི་གནས་གསང་བའི་སྒོ་གང་དག་ལགས་པ་བྱེ་བར་འགྱུར་ཞིང་། དེ་ན་གནས་པ་གང་ལགས་པ་དེ་
དག་ཐམས་ཅད་རང་རང་གི་གཟུགས་ཀྱིས་མདུན་ན་མཆིས་པར་འགྱུར་ཞིང་། ལས་ཐམས་ཅད་བགྱིད་པར་འགྱུར་རོ། །དེ་ནས་རྩྭ་དང་ཤིང་གེལ་པ་དང་། ནགས་ཚང་ཚིང་གི་སྨན་གྱི་རྫས་གང་ལགས་པ་དག་རང་གི་གཟུགས་ཀྱིས་མདུན་ན་མཆིས་
པར་འགྱུར་ཞིང་། གང་དག་གི་བཅུད་ཀྱི་མཆོག་དེ་དག་འཛག་ལ། བཅུད་བསྲུང་བ་དེ་དག་ཀྱང་རང་གི་གཟུགས་ཀྱིས་མདུན་ན་མཆིས་ནས་ཐམས་ཅད་དབང་དུ་འགྱུར་རོ། །ཅི་ལྟར་འཚལ་བ་བག་ཚ་བ་མ་མཆིས་པར་དགོས་པ་ཐམས་ཅད་
བགྱིད་པར་འགྱུར་རོ། །སྙིང་གར་ཐིག་ལེ་བགྱིས་ནས་སྙིང་ལ་ཅུང་ཟད་ཅི་བསམས་པ་དང་། ཡིད་ལ་བསམས་ཤིང་བརྣག་པའི་དགོས་པ་དེ་དག་ཐམས་ཅད་མོད་ལ་འགྲུབ་པར་འགྱུར་རོ། །ལྟོ་ལ་ཐིག་ལེ་བགྱིས་ནས་ཁ་ཟས་དང་གཏུང་
བའི་སྟོན་མོ་འདོད་དགུ་ཐམས་ཅད་ཐོབ་པར་འགྱུར་ཏེ། ཕུན་སུམ་ཚོགས་པ་ཐམས་ཅད་ལྷུན་གྱིས་འགྲུབ་པར་འགྱུར་རོ། །རྩིབས་ལོགས་གཉིས་ལ་བྱུགས་ན། ཅི་ལྟར་བསམས་ཤིང་དོན་དུ་གཉེར་བའི་གོས་རྣམས་ཐོབ་པར་འགྱུར་རོ། །སྒལ་
ཚིགས་ལ་བྱུགས་ན་ཅི་ལྟར་ཡིད་ལ་བསམས་པའི་མལ་དང་། སྟན་ཐོབ་པར་འགྱུར་རོ། །རྣ་བ་ལ་བྱུགས་སམ། གནད་དང་གནད་ཐམས་ཅད་ཀྱི་གནས་སུ་བྱུགས་ན། ཅི་ལྟར་བསམས་པའི་རྒྱན་དང་ལྷབ་ལྷུབ་ཐོབ་པར་འགྱུར་རོ། །མཇུག་རྡོ་ལ་
བྱུགས་ན། རྟའི་བཞོན་པ་ཐོབ་པར་འགྱུར་རོ། །ཉིན་གཅིག་བཞིན་ནང་པར་ཚིག་གཞན་མི་སྨྲ་བར་གི་ཝང་གི་རི་ལུ་རེ་རེ་ལ་དོན་ཡོད་རྒྱལ་པོའི་སྙིང་པོ་བཟླས་ནས་འཚལ་ཏེ། ཉི་མ་དང་པོ་ལ་ཚིགས་སུ་བཅད་པ་སྟོང་བཀླགས་ན་འཛིན་པར་འགྱུར་རོ། །ཉིན་
གཅིག་བཞིན་ཉིས་འགྱུར་དུ་བགྱིས་ནས་བཀླགས་ན་འཛིན་པར་འགྱུར་རོ། །ཞག་བདུན་གྱིས་ཐོས་པ་མང་པོར་འགྱུར་རོ། །ཞག་བཅུ་བཞི་བགྱིས་ན་མིའམ་ཅི་མོ་ལྟ་བུའི་སྒྲ་དབྱངས་སུ་འགྱུར་རོ། །ལན་ཉི་ཤུ་རྩ་གཅིག་ཏུ་བགྱིས་ན་ཐོས་པ་བསགས་པའི་རྒྱ་མཚོ་

99-1-71a

ཆེན་པོར་འགྱུར་རོ། །ཀ་ལ་པིང་ཀའི་དབྱངས་ལྟར་མཉེན་ཞིང་སྙན་ལ་རྣ་བའི་དབྱངས་སུ་འགྱུར་རོ། །བུའི་ཆེད་དུ་མར་དང་ལྷན་ཅིག་བསྩལ་ན་བྱ་རོག་ལྟ་བུ་དང་། མོ་ཤམས་རྣམས་ཀྱིས་ཀྱང་བུ་རྙེད་པར་འགྱུར་རོ། །བཙོན་རར་སྩལ་བ་དང་། 
ཤྀང་སྒྲོག་དང་། ལྕགས་སྒྲོག་དང་། གཏན་པ་དང་། ཁོང་སྒྲིལ་ལ་བྱུགས་ན་བྱུགས་པ་ཙམ་གྱི་མོད་ལ་དུམ་བུ་དུམ་བུར་འཆག་པར་འགྱུར་རོ། །འཐོར་བར་འགྱུར་རོ། །ཚེས་བརྒྱད་དམ་བཅུ་བཞི་འམ་ཚེས་བཅྭ་ལྔ་ལ་དོན་ཡོད་རྒྱལ་པོའི་སྙིང་པོ་ལན་
བདུན་བཟླས་ལ་ཁྲོ་བོའི་རྒྱལ་པོས་རང་ལ་དབང་བསྐུར་ནས་གི་ཝང་གི་རི་ལུ་དང་སྤོས་ཆབ་བསྲེས་པས་ཁྲུས་བགྱིའོ། །ཁྲུས་བགྱིས་པ་ཙམ་གྱི་མོད་ལ་སྡིག་པ་ཐམས་ཅད་དང་། སྔོན་གྱི་སྒྲིབ་པ་ཐམས་ཅད་རྣམ་པར་འཇིག་པར་འགྱུར་རོ། །
ནུབ་གསུམ་དུ་ཁྲུས་བགྱིས་ན་གསང་སྔགས་དང་ཕྱག་རྒྱ་དང་སྒྲུབ་པ་དང་གྲུབ་པའི་མཆོག་ཐམས་ཅད་ཐོབ་པར་འགྱུར་རོ། །ཕས་ཀྱི་རྒོལ་བ་དང་མི་འཛའ་བ་དང་གདུག་པ་དང་སྡིག་པ་ཐམས་ཅད་ཀྱིས་མི་ཚུགས་པར་འགྱུར་རོ། །
ལན་འགའ་ཡང་ཐམས་ཅད་ཀྱིས་ཐམས་ཅད་དུ་འཇིགས་པ་མི་འབྱུང་ཞིང་ཡོངས་སུ་ཐར་བར་འགྱུར་རོ། །ཕྱིས་ལན་འགའ་ཡང་སྡིག་པའི་དྲི་མས་གོས་པར་མི་འགྱུར་རོ། །གི་ཝང་གི་རི་ལུ་ཏིལ་མར་དང་བསྲེས་ཏེ་ཁ་གདོང་ལ་
བྱུགས་ན་རྒྱལ་པོའི་མདུན་དུ་མཆིས་ནས་བུ་བཞིན་དུ་སྤང་དུ་འཁྱུད་ནས་དགའ་བ་ཆེན་པོ་འཐོབ་པ་དང་། རྒྱལ་པོ་ཁྲོ་བོའི་འཇིགས་པ་ཐམས་ཅད་ཞི་བར་འགྱུར་རོ། །ལུས་ཐོག་ཐག་ཏུ་བྱུགས་ན་གསད་པར་འོས་པའི་ལུས་
ལ་ཡང་མཚོན་གྱིས་ཕོག་པར་མི་འགྱུར་ཏེ། དུམ་བུ་དུམ་བུར་འཆག་པར་འགྱུར་རོ། །མདའ་འཕངས་ན་ལུས་ལ་འབབ་པར་མི་འགྱུར་ཞིང་གཞུ་འཆག་པར་འགྱུར་རོ། །གི་ཝང་གི་རྀ་ལུ་མགུལ་དུ་བཏགས་ནས་འབྲོག་དགོན་པ་
དང་རི་དང་། ནགས་ཚང་ཚིང་བགྲོད་དཀའ་བར་ཞུགས་ན་ཆོམ་པོ་དང་གཡོན་ཅན་དང་རྐུན་པོ་དང་གནོད་སྦྱིན་དང་སྲིན་པོ་དང་མི་དང་མི་མ་ལགས་པ་དང་གཅན་གཟན་གདུག་པ་དང་སྦྲུལ་གདུག་པའི་འཇིགས་པ་ཐམས་ཅད་འབྱུང་བར་མི་འགྱུར་ཏེ། མི་གདའ་

99-1-71b

བར་འགྱུར་རོ། །དཔུང་པ་གཡས་པ་ལ་བཏགས་ན་ཐམས་ཅད་དུ་ཕ་རོལ་ལས་རྒྱལ་བར་འགྱུར་རོ། །ཐམས་ཅད་དུ་མཆོད་གནས་ཆེན་པོར་ཡང་འགྱུར་རོ། །ཐམས་ཅད་དུ་མཐུ་དང་བརྩོན་འགྲུས་ཆེན་པོ་རྫི་བ་མེད་པས་ཕ་རོལ་ཟིལ་གྱིས་
གནོན་པར་འགྱུར་རོ། །དཔུང་པ་གཡོན་པ་ལ་བཏགས་ན་སྐྱེས་པ་དང་བུད་མེད་དང་ཁྱེའུ་དང་བུ་མོ་ཐམས་ཅད་ཀྱི་གནང་ཆེན་དུ་འགྱུར་ཏེ། ཐམས་ཅད་ལྟ་འཚལ་བར་འགྱུར་རོ། །མཆོད་པའི་འོས་ཆེན་པོར་འགྱུར་རོ། །དགོས་པ་མང་པོ་འགྲུབ་
པར་འགྱུར་རོ། །བྱིན་པ་གཡས་པ་ལ་བཏགས་ན་དུབ་པ་མ་མཆིས་པར་དཔག་ཚད་སྟོང་དུ་མཆིས་པར་འགྱུར་རོ། །གི་ཝང་གི་རི་ལུ་ཁར་བསྲེལ་ལ་ལག་པ་གཡས་པས་ཡུངས་ཀར་གྱིས་དོན་ཡོད་ལྕགས་ཀྱུ་བཟླས་ནས་དྲངས་ཏེ་ཚིག་
གཞན་མི་སྨྲ་བར་གནས་མཐོན་པོར་འཛེགས་ཏེ་ཕྱོགས་གང་དུ་བསམས་པའི་སྐྱེས་པ་དང་བུད་མེད་དང་ཁྱེའུ་དང་བུ་མོ་མཆིས་པའི་ཕྱོགས་དེར་ཡུངས་ཀར་གྱིས་གཏོར་ན་མོད་ལ་བཀུག་པར་འགྱུར་ཏེ་མཆིས་པར་འགྱུར་རོ། །
གལ་ཏེ་དཔག་ཚད་བརྒྱ་ཙམ་ན་གནས་པ་ཞིག་ན་ཡང་གདོན་མི་འཚལ་བར་དེ་ཞག་གསུམ་གྱིས་མཆི་བར་འགྱུར་ཏེ་ཡིད་གཉིས་མི་བགྱིའོ། །ལག་པ་གཡས་པ་འམ་ལག་པ་གཡོན་པ་ལ་གི་ཝང་གི་རྀ་ལུ་བཏགས་ན་གང་དུ་རེག་པར་ནོར་དང་འབྲུ་དང་། 
དབྱིག་དང་ནོར་བུ་དང་མུ་ཏིག་དང་ཤང་ཀ་ཤི་ལ་དང་། བྱི་རུ་དང་ས་ལེ་སྦྲམ་དང་། དངུལ་དང་གོས་དང་ལྷབ་ལྷུབ་དེ་དག་ཐམས་ཅད་བཀུག་ནས་མཆིས་པར་འགྱུར་ཏེ། ཅི་འཚལ་བ་དེ་མཆི་བར་འགྱུར་རོ། །བྱན་ཚང་དུ་ཞུགས་ནས་ཚང་མང་
གི་སྒོར་ཐལ་མོ་བརྡབས་ན་འཚེད་པ་དང་འཚེད་པའི་ཁ་ཟས་དེ་དག་ཐམས་ཅད་བཀུག་ནས་མཆིས་པར་འགྱུར་ཏེ་ཅི་འཚལ་བ་དེ་མཆིས་པར་འགྱུར་རོ། །སྤོས་འཚོང་གི་ཚོང་ཁང་དུ་མཆིས་ན་ཚོང་ཁང་གི་ཡོ་བྱད་ཐམས་ཅད་མཆི་
བར་འགྱུར་རོ། །ཆང་འཚོང་གི་སྒོར་ཐལ་མོ་བརྡབས་ན་ཆང་གི་བུམ་པ་ཐམས་ཅད་མཆི་བར་འགྱུར་རོ། །བང་བའི་སྒོར་ཐལ་མོ་བརྡབས་ན་འབྲུ་ཐམས་ཅད་བཀུག་པར་འགྱུར་རོ། །བཅུད་འབྱིན་པའི་ཁྱིམ་དུ་ཞུགས་ནས་འཁྲུལ་འཁོར་ལ་རེག་པར་བགྱིད་ན་བུ་རམ་གྱི་ཁུ་

99-1-72a

བ་དང་ཤ་ཁ་རའི་གླེགས་བུ་ཐམས་ཅད་མཆི་བར་འགྱུར་རོ། །གང་དུ་འཚལ་བུ་དེར་མངགས་པར་འགྱུར་རོ། །གྲོང་ཁྱེར་གྱི་སྒོར་མུན་ཚབ་ཚུབ་ན་ཐལ་མོ་བརྡབས་ན་གྲོང་ཁྱེར་ན་གནས་པ་ཐམས་ཅད་གཉིད་བསྐྲོགས་པར་འགྱུར་
རོ། །དགྲ་བོའི་སྒོར་བཏབ་ན་བསྐྲད་པར་འགྱུར་རོ། །མཚོན་ཆ་མཁན་གྱི་ཁྱིམ་དུ་འཕངས་ན་མཚོན་ཆ་དང་། གོ་ཆ་རྣམས་རེངས་པ་དང་། རྨུགས་པར་བགྱིས་པར་འགྱུར་རོ། །རྒྱལ་པོའི་སྒོར་བཏབ་ན་ཕས་ཀྱི་རྒོལ་བ་དང་། མི་མཛའ་བ་དང་། 
སེམས་ཅན་གདུག་པ་ཐམས་ཅད་བཅིངས་པ་དང་། རེངས་པ་དང་རྨུགས་པར་བགྱིས་པར་འགྱུར་རོ། །དུང་ལ་བྱུགས་ནས་བུས་ན་སྒྲ་གང་དུ་གྲག་པ་དེ་དག་ཏུ་འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་དང་། བྱད་དང་། དུག་སྦྱར་མ་
དང་། དུག་དང་། ནད་ལས་ཡོངས་སུ་ཐར་བར་འགྱུར་རོ། །གྲོང་ཁྱེར་གྱི་སྒོར་བུས་ན་ཡམས་ཀྱི་ནད་དང་། གནོད་པ་དང་། མི་ངས་ཐམས་ཅད་རབ་ཏུ་ཞི་བར་འགྱུར་རོ། །ཕྱུགས་ལྷས་སུ་བུས་ན་འོ་མ་ཐམས་ཅད་ཕྲོགས་པར་འགྱུར་རོ། །གང་དུ་
འཚལ་བ་དེར་མཆི་བར་འགྱུར་རོ། །ར་ལུག་གི་ལྷས་སུ་བུས་ན་ར་ལུག་གི་འོ་མ་ཕྲོགས་པར་འགྱུར་ཏེ། གར་འཚལ་བ་དེར་མཆི་བར་འགྱུར་རོ། །སྐྱེ་བོའི་ཚོགས་ཆེན་པོའི་དབུས་སུ་བུས་ན་ཐམས་ཅད་སྒྲེན་པོར་གྱུར་ནས་གོས་
ཐམས་ཅད་བཀུག་པར་འགྱུར་རོ། །རྫ་རྔ་ལ་བྱུགས་ཏེ་ཁྱམས་མཐོན་པོའི་སྟེང་དུ་བརྡུངས་ན་གྲང་བ་དང་། རླུང་དང་། སེར་བ་ཐམས་ཅད་བཅིངས་པ་དང་གཤིག་པར་འགྱུར་ཏེ་ཚུགས་པར་མི་འགྱུར་རོ། །དཔག་ཚད་བརྒྱ་
ཁོ་ར་ཁོར་ཡུག་ཏུ་སེར་བ་བཀག་པར་འགྱུར་རོ། །གྲོང་ཁྱེར་རམ། ཡུལ་འཁོར་མཐའ་དག་ཏུ་བུས་ན་ནད་དང་། ཡམས་ཀྱི་ནད་དང་། གནོད་པ་དང་། འཚེ་བ་ཐམས་ཅད་ཞི་བར་འགྱུར་རོ། །འཐབ་པ་དང་། འཐབ་མོ་དང་། 
རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །མི་ངས་དང་། མུ་གེའི་འཇིགས་པ་ཐམས་ཅད་རབ་ཏུ་ཞི་བར་འགྱུར་རོ། །གཞན་ཡང་དགོས་པ་རྣམ་པ་སྣ་ཚོགས་བརྒྱ་སྟོང་དག་བགྱིད་པར་འགྱུར་ཏེ། ཐམས་ཅད་ལ་སྦྱར་བར་

99-1-72b

བགྱིའོ། །དེ་ནས་སེམས་ཅན་ཐམས་ཅད་དང་ཐུན་མོང་བ་ཞི་བ་དང་། རྒྱས་པ་ནད་ཐམས་ཅད་ཞི་བར་བགྱིད་ཅིང་སྡིག་པ་ཐམས་ཅད་འཇིག་པར་བགྱིད་པ། ཡམས་ཀྱི་ནད་དང་། གནོད་པ་ཐམས་ཅད་རབ་ཏུ་ཞི་བར་བགྱིད་པ། 
མུ་གེའི་དགོན་པ་ཐམས་ཅད་རབ་ཏུ་ཞི་བར་བགྱིད་པ། འབྱུང་པོ་དང་། གནོད་སྦྱིན་དང་། སྲིན་པོ་དང་། གདོན་དང་། རྗེད་བྱེད་ཐམས་ཅད་བརླག་པར་བགྱིད་པ་བརྗོད་པར་བགྱིད་བའོ། །རིག་སྔགས་འཆང་གཙང་མར་གྱུར་པས་ལེགས་པར་ཁྲུས་
བགྱིས་ཏེ། སྤོས་དྲི་ཞིམ་པོས་ལུས་བྱུགས་ལ། གོས་གཙང་མ་བགོས་ལ་སྤོས་དྲི་ཞིམ་པོས་བགོས་ནས་བྱམས་པའི་སེམས་ལ་མཉམ་པར་གཞག་ཅིང་། སེམས་ཅན་ཐམས་ཅད་ལ་ལྷག་པར་བརྩེ་བ་དང་། སྙིང་རྗེ་ཆེན་པོས་སྙིང་གདུངས་
པས་སྦྱིན་སྲེག་གི་ལས་འདི་བགྱི་སྟེ། ཨརྐའི་ཤིང་དང་། ཤ་མིའི་ཤིང་དང་། ཤིང་འོ་མ་ཅན་ནམ། ཇི་ལྟར་ཡང་བྱང་ཆུབ་ཀྱི་ཤིང་སྟེ། དེ་དག་གི་ཡམ་སྲེག་ཤིང་གིས་མེ་སྦར་ལ། འབྲས་ཡོས་དང་། ཡུངས་ཀར་དང་། པད་མ་དང་། པད་མའི་ལྡུམ་བུ་དང་། འདབ་མ་དང་། 
ཞོ་དང་། སྦྲང་རྩི་དང་། མར་དུ་བསྲེས་པས་སྦྱིན་སྲེག་བགྱིའོ། །དོན་ཡོད་ཞགས་པའི་སྙིང་པོ་སྟོང་རྩ་བརྒྱད་བཟླས་ནས། དེ་ནས་དོན་ཡོད་ཞགས་པ་ཁྲོ་བོའི་རྒྱལ་པོས་དབང་བསྐུར་ཏེ། དོན་ཡོད་ཞགས་པའི་ཕྱག་རྒྱས་ཕྱག་རྒྱ་ལན་བརྒྱ་རྩ་བརྒྱད་བཅིང་ངོ་། །
དེ་ནས་སྦྱིན་སྲེག་གི་དགོས་པ་རྣམས་མཐར་ཕྱིན་པའི་མོད་ཁོ་ནར་དཔག་ཚད་གཅིག་ཁོར་ཡུག་ཏུ་ཡམས་ཀྱི་ནད་དང་། གནོད་པ་དང་། འཚེ་བ་དང་། ནད་དང་། མུ་གེའི་དགོན་པ་མི་བཟད་པ་དང་། རང་གི་དཔུང་དང་། གཞན་གྱི་དཔུང་གི་འཇིགས་པ་དང་། 
ཕས་ཀྱི་རྒོལ་བ་དང་། མི་མཛའ་བའི་འཇིགས་པ་ཐམས་ཅད་དང་། ཆོམ་པོ་དང་། གཡོན་ཅན་དང་། རྐུན་པོ་དང་། གཅན་གཟན་གདུག་པ་དང་། སྦྲུལ་དང་། དུག་མི་བཟད་པ་དང་། གདུག་པ་དང་། བཅས་པའི་སྲོག་ཆགས་ཀྱི་འཇིགས་པ་ཐམས་ཅད་
རབ་ཏུ་ཞི་བར་འགྱུར་རོ། །མི་ཚུགས་པར་འགྱུར་རོ། །དཔག་ཚད་བརྒྱར་ཁོ་ར་ཁོར་ཡུག་ཏུ་རིམས་མི་འབྱུང་སྟེ། གནོད་པས་མ་ལགས། ནད་ཀྱིས་མ་ལགས་ཏེ། གནོད་སྦྱིན་དང་། སྲིན་པོ་དང་། གནོད་སྦྱིན་རྣམས་ཀྱིས་མི་ཚུགས་ཏེ། 

99-1-73a

རབ་ཏུ་ཞི་བར་འགྱུར་རོ། །འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་དང་། ནང་འཁྲུག་དང་འཁྲུག་པ་དང་། སྐྲོད་པ་དང་། མདངས་གཅོད་པ་དང་། འཆིང་བ་དང་། སྡིགས་པ་རྣམས་ཀྱིས་མི་ཚུགས་ཏེ་རབ་ཏུ་ཞི་བར་འགྱུར་རོ། །སེམས་
ཅན་ཐམས་ཅད་བདེ་བར་འགྱུར་རོ། །ཤིན་དུ་ལོ་ལེགས་ཤིང་མདངས་དགའ་ལ་སྐྱེ་བོ་དང་། མི་མང་པོས་རབ་ཏུ་གང་ཞིང་མེ་ཏོག་དང་། འབྲས་བུ་ཕུན་སུམ་ཚོགས་པར་འགྱུར་རོ། །ནོར་དང་། འབྲུ་དང་། ལོ་ཏོག་རབ་ཏུ་མང་པོ་འགྲུབ་པར་འགྱུར་རོ། །
ཤིན་དུ་རོ་དང་ལྡན་པ་དང་། ཤིན་དུ་སྨིན་པ་དང་ཡོངས་སུ་རྫོགས་པར་འགྱུར་རོ། །རྩྭ་དང་། ཤིང་གེལ་པ་དང་། སྨན་དང་། ནགས་ཚང་ཚིང་དང་། མྱུ་གུ་དང་། རྩ་བ་དང་། འབྲས་བུ་བཟང་པོ་ཡོངས་སུ་རྫོགས་པར་འགྱུར་རོ། །ཕྱིར་ཞིང་ཇི་སྲིད་འཚོའི་
བར་དུ་ཡུལ་དེ་ནི་ཡིད་དུ་མི་མཆི་བའི་རེག་པ་མྱོང་བར་མི་འགྱུར་རོ། །ཡུལ་དེ་ན་དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་རྣམས་རྟག་ཏུ་ནད་མ་
མཆིས་པར་འགྱུར་རོ། །བདེ་བར་འཚོ་བ་དང་། ཡིད་ལ་དགའ་ཞིང་མགུ་བར་འགྱུར་རོ། །བྱམས་པ་དང་། སྙིང་རྗེའི་སེམས་ཀྱིས་གནས་པར་འགྱུར་རོ། །ལྷ་དང་། ཀླུ་དང་གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། 
མི་འམ་ཅི་དང་། ལྟོ་འཕྱེ་ཆེན་པོ་དེ་དག་ཐམས་ཅད་ཀྱང་ལེགས་པར་བསྲུང་བའི་ཕྱིར་རྟག་ཏུ་བསྲུང་བ་དང་། བསྐྱབ་པ་དང་། སྦ་བའི་ཕྱིར་དཔག་ཚད་བརྒྱ་ཁོ་ར་ཁོར་ཡུག་ཏུ་བསྲུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་
སུ་བགྱིད་པར་འགྱུར་རོ། །རྒྱལ་པོ་བཞི་ཡང་དཔུང་དང་བཅས་ཏེ། ཡོངས་སུ་སྐྱོང་བ་དང་། བསྲུང་བ་དང་། སྐྱོབ་པ་དང་། སྦེད་པ་བགྱིད་པར་འགྱུར་རོ། །གདུག་པ་ཐམས་ཅད་བཟློག་པ་དང་། བསྲུང་བ་དང་། ཡོངས་སུ་སྐྱོང་བར་འགྱུར་རོ། །
དབང་ཕྱུག་དང་། དབང་ཕྱུག་ཆེན་པོའི་ལྷའི་བུ་རྣམས་རྟག་པར་རྒྱུན་དུ་བསྲུང་བ་དང་། སྐྱོབ་པ་དང་། སྦེད་པ་བགྱིད་པར་འགྱུར་རོ། །ལྷའི་རྒྱལ་པོ་སུམ་བཅུ་རྩ་གསུམ་པའི་ལྷའི་བུ་འཁོར་དང་། ཚངས་པ་དང་། ཁྱབ་འཇུག་དང་། དབང་ཕྱུག་

99-1-73b

ཆེན་པོ་དང་། ལྷའི་ཚོགས་ཀྱི་འཁོར་ཐམས་ཅད་ཀྱིས་ཡུལ་དེ་ལེགས་པར་བསྲུངས་པར་འགྱུར་རོ། །གཟི་བྱིན་སྩོལ་བར་འགྱུར་རོ། །དཔག་ཚད་གཅིག་ཁོ་ར་ཁོར་ཡུག་ཏུ་སེམས་ཅན་ཐམས་ཅད་ཡོངས་སུ་བསྲུང་བ་དང་། ཡོངས་སུ་སྐྱོང་བར་
འགྱུར་རོ། །དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་ལ་བསྲུང་བ་དང་། བསྐྱབ་པ་དང་། སྦེད་པ་བགྱིས་པར་འགྱུར་རོ། །ཞི་བའི་ལས་འདིའི་མཐུས་
སེམས་ཅན་ཐམས་ཅད་སྡིག་པ་དང་། སྒྲིབ་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཡུལ་དེ་ལ་དགོངས་པར་འགྱུར་རོ། །ཕྱོགས་བཅུའི་བྱང་ཆུབ་སེམས་དཔའ་ཐམས་ཅད་དང་། བྱང་
ཆུབ་སེམས་དཔའི་ཚོགས་ཐམས་ཅད་ཡང་དག་པར་འདུ་བར་འགྱུར་རོ། །སེམས་ཅན་ཐམས་ཅད་ལ་དབུགས་འབྱིན་པར་སྟོན་པར་འཚལ་བར་འགྱུར་རོ། །སེམས་ཅན་ཐམས་ཅད་ཡོངས་སུ་བསྲུང་བའི་དོན་དུ་ཉི་མ་དང་། ཟླ་བ་
རྒྱུ་སྐར་གྱི་ཚོགས་དང་བཅས་པ་ལེགས་པར་འབྱོར་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་པར་རྒྱུན་དུ་སྐྱེས་པ་དང་བུད་མེད་དང་ཁྱེའུ་དང་བུ་མོ་ཐམས་ཅད་ལུ་བུ་གཅིག་པ་བཞིན་དུ་དབུགས་འབྱིན་པར་
འགྱུར་རོ། །ཡོངས་སུ་བསྲུང་བ་དང་། ཡིད་ཀྱིས་བརྣག་པ་ཐམས་ཅད་ཡོངས་སུ་རྫོགས་པར་བགྱིད་པར་འགྱུར་ཏེ། ཡང་ནས་ཡང་དུ་བལྟ་བར་འགྱུར་རོ། །དེ་ནས་དེས་སྦྱིན་སྲེག་གི་ཐལ་བ་དང་། དྲི་ཆུ་སྐྱོ་མ་བགྱིས་ཏེ་ཕྱོགས་བཞི་ཀུན་དུ་དབང་
བསྐུར་ན་མཚམས་ཆེན་པོ་བཅད་པར་བགྱིས་པར་འགྱུར་རོ། །ནད་ཀྱིས་ཟིན་པ་ཐམས་ཅད་ཀྱི་ནད་ཐམས་ཅད་ཉེ་བར་ཞི་བར་འགྱུར་རོ། །རིམས་ཐམས་ཅད་ལ་ཐིག་ལེ་བགྱིས་ན་རིམས་ཐམས་ཅད་ལས་ཐར་བར་འགྱུར་རོ། །དྲི་ཆབ་དང་ཐལ་བས་ཁྲུས་བགྱིས་ན་ཐམས་ཅད་ཀྱི་སྒྲིབ་པ་དང་། 
སྡིག་པ་ཐམས་ཅད་རྣམ་པར་དག་པར་འགྱུར་རོ། །བཙོན་ར་ན་མཆིས་པ་འམ། ཕྱག་སྦལ་ན་མཆིས་པའི་གོས་ལ་བསྐུས་ན་རལ་བར་འགྱུར་རོ། །གདུག་པས་ཟིན་པ་དང་། དུག་གིས་མྱོས་པ་ཐམས་ཅད་ལ་བསྐུས་ན་གདུག་པར་མི་འགྱུར་རོ། །མེ་དགུག་པའི་སྦྱིན་སྲེག་གི་ཆོ་ག་རྫོགས་སྷོ།། །། དེ་ནས་པད་མ་

99-1-74a

ཆེན་པོའི་དཀྱིལ་འཁོར་འདིར་པད་མའི་རིགས་འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་ཆོ་ག་ཞིབ་མོ་རྒྱལ་པོ་ཆེན་པོ་བརྗོད་པར་བགྱི་སྟེ། འདི་ནྀ་མ་བསྒྲུབས་
པར་ལས་བརྒྱ་སྟོང་བགྱིད་པར་འགྱུར་རོ། །ཚེས་གྲངས་རྒྱུ་སྐར་བཟང་པོ་དང་། །ཤིན་དུ་བཀྲ་ཤིས་མཆོག་དགེ་ལ། །ལེགས་པར་ཁྲུས་བགྱི་གོས་གཙང་བསྒོ། བྱམས་པའི་སེམས་ལ་མཉམ་པར་བཞག །སེམས་ཅན་ཀུན་ལ་བརྩེ་བ་དང་། །སྙིང་རྗེ་
དམ་པས་བརྒྱན་པ་དང་། །དོན་ཡོད་ཞགས་པའི་རིག་སྔགས་ཆེ། །གྲུབ་པ་བླ་མེད་ཆོ་གའི་རྒྱལ། །བཀླགས་པས་ལས་རྣམས་ཐམས་ཅད་དག །འགྲུབ་པར་བགྱིད་དེ་སོམ་ཉི་མེད། །འཇིག་རྟེན་བླ་མའི་སྙིང་པོ་དག །དེ་བཞིན་གང་དག་རྟག་བརྗོད་ན། །
ལུས་ཅན་རྟག་ཏུ་མཆོག་སྦྱིན་གྱི། །ཕྱག་ན་པད་མ་རྟག་ཏུ་འགྱུར། །ཅི་ལྟར་གྃ་གཱའི་བྱེ་སྙེད་ཀྱི། །སངས་རྒྱས་བྱེ་བ་ཕྲག་སྟོང་ལ། །བསོད་ནམས་ཕུང་པོ་ཁྲི་ཕྲག་བསྐྱེད། །དགེ་བའི་རྩ་བ་སོགས་པ་དང་། །སངས་རྒྱས་བྱ་བ་བགྱིད་པར་འགྱུར། །སྨྱུང་
བ་བགྱིས་ནས་བཟླས་བརྗོད་གཅིག །མཁས་པའི་མིས་ནི་བརྗོད་བགྱིད་པ། །དགེ་སློང་ཕ་དང་དགེ་སློང་མ། །དགེ་བསྙེན་ཕོ་མོས་དེ་བཞིན་དུ། །བདེ་བ་ཅན་དུ་མྱུར་དུ་མཆི། །སྡུག་བསྔལ་མི་བཟད་མྱོང་འགྱུར་བའི། །ཉོན་མོངས་པ་ལས་ཐར་
བར་འགྱུར། །རྟག་ཏུ་སངས་རྒྱས་བྱང་ཆུབ་དག །མཐོང་བར་འགྱུར་ཏེ་སོམ་ཉི་མེད། །དེ་ནས་དོན་ཡོད་པའི་ཞགས་པའི་སྙྀང་པོའི་ཆོ་ག་ཅི་ལྟ་བ་བཞིན་དུ་བཟླས་བརྗོད་ཀྱི་ཆོ་ག་བརྗོད་པར་བགྱི་སྟེ། བཟླས་བརྗོད་ཀྱི་ནི་ལས་བགྱིས་ན། །
རིག་སྔགས་འཆང་ལ་དེ་ཉིད་འགྲུབ། །དོན་ཡོད་ཞགས་པའི་གཟུགས་བརྙན་གྱི། །མདུན་དུ་ལྕི་བའི་དཀྱིལ་འཁོར་བགྱི། །གྲུ་བཞི་ཁོ་ར་ཁོར་ཡུག་ཏུ། །ཚོན་རྩི་དཀར་པོ་ཞིབ་མོ་ཡིས། །གྲུ་བཞི་ལྷམ་པར་ཐིག་གདབ་བོ། །ངོས་བཞི་
རྣམས་སུ་སྒོ་བཞི་དག །དབུས་ནས་ངོས་བཞིར་གཤིས་སུ་དབབ། །ཙན་དན་དཀར་པོས་བྲི་བ་ནི། །དཀྱིལ་འཁོར་མཆོག་ལ་པད་མ་དང་། །འདབ་བརྒྱ་གུར་གུམ་གྱིས་གཏོར་ཞིང་། །པད་མའི་ཟེ་བའི་དཀྱིལ་དག་ཏུ། །མ་ཞོམ་པ་ཡི་བུམ་པ་ནི། །

99-1-74b

སྤོས་ཆབ་ཀྱིས་ནི་བཀང་བ་ཡི། །ཡུངས་ཀར་ལྡན་པ་བཞག་པར་བགྱི། །ཨ་ཀ་རུ་ཡི་བདུག་པ་དབུལ། །བུམ་པ་གང་བར་དགོད་པར་བགྱི། །མེ་ཏོག་སྣ་ཚོགས་བརྒྱན་པར་བགྱི། །མཆོད་ཡོན་སྣོད་ཀྱང་བཞི་གཞག་གོ། །རིག་སྔགས་འཆང་བ་གཙང་
གྱུར་པས། །གཙང་མའི་གོས་ནི་བགོ་བར་བགྱི། །ལེགས་བཀྲུས་རྣམ་པར་དག་པ་དང་། །གསོ་སྦྱོང་དག་ནི་བླངས་པ་དང་། །དཀར་གསུམ་ཟས་ནི་འཚལ་ནས་སུ། །དུས་གསུམ་དུ་ནི་ཁྲུས་བགྱིའོ། །དུས་གསུམ་བཟླས་བརྗོད་བགྱི་བ་ནི། །དོན་
ཡོད་ཞགས་པའི་སྙིང་པོ་དག །དུས་གསུམ་དུ་ཡང་བརྒྱ་རྩ་བརྒྱད། །འཕགས་པ་འཇིག་རྟེན་དབང་ཕྱུག་གི། མངོན་སུམ་སྐྱིལ་མོ་དཀྲུང་བཅས་ཏེ། །བཟླས་བརྗོད་ཕྱག་རྒྱ་བཅིངས་ནས་སུ། །བགྲང་ཕྲེང་དག་ནི་བླང་བར་བགྱི། །མཛུབ་མོ་
དག་ནི་མཐེ་བོ་དག །བརྐྱང་ནས་ཞི་ཞིང་དུལ་བ་ཡི། །ཡིད་ཀྱིས་བྱམས་སེམས་མཉམ་པར་གཞག །ཏིང་འཛིན་བརྟན་པས་ལུས་སྙོམས་པར། །ལེགས་པར་བཞག་ཏེ་ཞི་བར་ལྟ། །ཚིག་གཞན་མི་སྨྲ་བཟླས་བརྗོད་བགྱི། །བཟླས་བརྗོད་
བགྱིས་པ་ཙམ་གྱི་མོད་ལ། ས་ཆེན་པོ་གཡོ་བར་འགྱུར་རོ། །དོན་ཡོད་པའི་ཞགས་པའི་ཕྱག་རྒྱ་བཅིངས་ཏེ། ཕྱག་རྒྱ་བཅིངས་ནས་ས་ཆེན་པོ་ཡང་གཡོ་བར་འགྱུར་རོ། །བརྟན་པའི་སེམས་ཀྱིས་སྐྲག་པར་མི་བགྱིའོ། །སེམས་ཅན་ཐམས་
ཅད་ལ་མཆོག་ཏུ་བརྩེ་བས། འཕགས་པ་སྤྱན་རས་གཟིགས་དབང་ཕྱུག་དོན་ཡོད་ཞགས་པའི་ཞབས་མཐོང་བ་ཙམ་དུ་བྲིས་ལ། ཅི་ཙམ་ན་ཁྲོ་བོའི་རྒྱལ་པོ་ལན་བདུན་བཟླས་སོ། །ལན་བདུན་བཟླས་པ་ཙམ་གྱི་མོད་ལ་ས་ཆེན་པོ་གཡོ་
ཞིང་སྒྲ་འབྱུང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་དཔྲལ་བ་ནས་འོད་ཟེར་བྱུང་ནས་ཀུན་ཏུ་སྣང་བར་འགྱུར་རོ། །རིག་སྔགས་འཆང་དེ་ཡང་ཆེར་སྙྀང་དགའ་བ་དང་བཞིན་འཛུམ་པ་དང་ཤྀན་དུ་རབ་ཏུ་དགའ་
བས་སྤུ་ཟིང་ཞེས་བགྱིད་པར་འགྱུར་རོ། །དེ་ནས་བཅོམ་ལྡན་འདས་ཀྱི་གདོང་དུ་བལྟ་བར་བགྱི་སྟེ། གདོང་དུ་བལྟས་པ་ཙམ་གྱི་མོད་ལ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་ངོས་གཡས་པ་ནས་ལེགས་སོ་

99-1-75a

ཞེས་བྱ་བའི་སྒྲ་འབྱུང་བར་འགྱུར་རོ། །མིག་བསྒྱུར་བར་བགྱིད་ཅིང་ཀུན་དུ་ལེགས་སོ་ཞེས་བགྱི་བའི་སྒྲ་བྱུང་ན། རིག་སྔགས་འཆང་གིས་སྒྲིབ་པ་རྣམ་པར་དག་པ་ཐོབ་ནས་ལུས་ཡོངས་སུ་དག་པ་ཆེན་པོ་དང་ལྡན་
པར་འགྱུར་རོ། །དེ་བཞིན་གཤེགས་པ་བྱེ་བ་ས་ཡ་ཕྲག་བརྒྱ་སྟོང་ལ་དགེ་བའི་རྩ་བ་བསྐྱེད་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་བལྟ་བའི་འོས་སུ་འགྱུར་རོ། །ལུས་འཇམ་པ་དང་ཤིན་དུ་གཞོན་ཤ་ཆགས་པ་དང་
མཉེན་པར་འགྱུར་རོ། །སྐྲ་ཅུང་ཟད་འཁྱིལ་པ་དང་མཉེན་པ་དང་། སྙན་པའི་ཚིག་སྨྲ་བར་འགྱུར་རོ། །མིག་ཡོངས་སུ་དག་པ་འཐོབ་པར་འགྱུར་རོ། །ལུས་ཡོངས་སུ་དག་པ་དང་ཡིད་ཡོངས་སུ་དག་པ་དང་གཉེར་མ་དང་སྐྲ་སྐྱ་བོ་སྤངས་པར་
འགྱུར་རོ། །སེམས་ཅན་ཐམས་ཅད་ལ་ལྟ་བ་དག་པ་ཞེས་བགྱི་བའི་ཏིང་ངེ་འཛིན་འཐོབ་པར་འགྱུར་རོ། །ཅི་ཙམ་དུ་འདུག་ཅེ་ན་གདུགས་རྩེ་ན་ཟེར། འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་སྟོན་ཅིང་དབུགས་འབྱིན་པར་
བགྱིད་དོ། །ལག་པ་གཡས་པ་སྤྱི་བོར་གཞག་ནས་མཆོག་ཐམས་ཅད་སྩོལ་བར་འགྱུར་རོ། །ནམ་མཁའ་ལ་མཆི་བ་འམ། མི་གདའ་བར་བགྱི་བ་འམ། ལྷའི་མིག་འཐོབ་པ་འམ། སངས་རྒྱས་ཀྱི་ཞིང་ལ་བལྟ་བ་འམ། ཏིང་ངེ་འཛིན་རབ་ཏུ་འཐོབ་
པ་འམ། གཟུགས་སུ་རབ་ཏུ་འཐོབ་པ་འམ། དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་འགྲུབ་པ་འམ། གཙུག་ལག་སྨྲ་བ་འམ། གསང་སྔགས་སྨྲ་བ་འམ། ཐོས་པ་ཉིད་དང་། གཏེར་སྨྲ་བ་འམ། ནོར་སྒྱུར་བ་སྨྲ་བ་འམ། མིག་འཕྲུལ་སྨྲ་བ་འམ། 
འཇིག་རྟེན་དུ་འགྲོ་བ་འམ། ཕུག་ཏུ་འཇུག་པ་འམ། ཀླུའི་གནས་སུ་འཇུག་པ་འམ། ཞིང་སྨྲ་བ་འམ། གནོད་སྦྱིན་དགུག་པ་འམ། སྲིན་པོ་དགུག་པ་འམ་རོ་ལངས་བསླང་བ་འམ། ནགས་ཁྲོད་དུ་འཇུག་པ་འམ། རི་ལ་རྒྱུ་བ་འམ། གྲོང་ཁྱེར་དུ་
འཇུག་པ་འམ། སྨན་བལྟ་བའི་ཕྱིར་འཇུག་པ་འམ། རལ་གྲི་རིག་སྔགས་འཆང་ཉིད་དམ། གྲུབ་པའི་རིག་སྔགས་འཆང་ཉིད་དམ། འཁོར་ལོས་སྒྱུར་བ་ཉིད་དམ། རྒྱལ་པོ་འཐོབ་པ་འམ། ཡུལ་འཐོབ་པ་འམ་ཡུལ་གྱི་བདག་པོ་ཉིད་དམ། དཔུང་

99-1-75b

ཆེན་པོ་རབ་ཏུ་འཇོམས་པ་འམ། བསྐྲད་པ་འམ། རྒྱ་མཚོར་འཇུག་པ་དེ་དག་ཐམས་ཅད་སྩོལ་བར་འགྱུར་རོ། །དགོས་པ་གྲུབ་པ་ཐམས་ཅད་སྩོལ་བར་འགྱུར་རོ། །ཅི་ལྟར་གང་དུ་འཚལ་བར་ཡོངས་སུ་སྐྱོང་བར་འགྱུར་རོ། །མཚམས་མ་མཆིས་པ་ལྔ་རྣམས་
འབྱུང་བར་འགྱུར་རོ། །རྟག་ཏུ་བཟླས་བརྗོད་བགྱིས་ན། སེམས་ཅན་ཐམས་ཅད་ལ་ལྟ་བ་སྒྲིབ་པ་དང་བྲལ་བ་དག་པ་ཞེས་བགྱི་བའི་ཏིང་ངེ་འཛིན་འཐོབ་པར་འགྱུར་རོ། །མིག་སྨན་སྒྲུབ་པར་འཚལ་བས། དེས་ཟླ་བ་ཡར་གྱི་ངོ་ཚེས་བརྒྱད་ལ་ལྡོང་རོས་
ཀྱི་མིག་སྨན་ཟངས་ཀྱི་སྣོད་ཀྱི་ནང་དུ་སྩལ་ཏེ། ཙན་དན་གྱི་དཀྱིལ་འཁོར་བགྱིས་ལ། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་གཞག་ནས་ལེགས་པར་ཁྲུས་བགྱིས་ཏེ་གོས་གཙང་མ་བསྒོས་ནས་འཕགས་པ་སྤྱན་རས་གཟིགས་
དབང་ཕྱུག་གི་མདུན་ན་དསྐྱིལ་མོ་དཀྲུང་བཅས་སྟེ་མཆིས་ནས་བཟླས་བརྗོད་བགྱིའོ། །དོན་ཡོད་ཞགས་པའི་ཕྱག་རྒྱའི་མཚམས་བཅིངས་བས་མཚམས་བཅིངས་བར་བགྱིའོ། །ཁྲོ་བོའི་རྒྱལ་པོ་ལན་བདུན་དུ་བཟླས་པར་བགྱིའོ། །
ཟས་དཀར་གསུམ་འཚལ་བར་བགྱིའོ། །རིགས་ཀྱི་བུ་ཕོའམ་རིགས་ཀྱི་བུ་མོ་གང་ཡང་རུང་བས། འཕགས་པའི་ཡན་ལག་བརྒྱད་ཀྱི་བསྙེན་གནས་ལ་གོམས་པར་བགྱིས་ནས་བཟླས་བརྗོད་བགྱིའོ། །བཟླས་བརྗོད་བགྱིས་པ་
ཙམ་གྱི་མོད་ལ། ཟངས་ཀྱི་སྣོད་འབར་བ་དང་རླངས་པ་དང་དབུ་བ་འབྱུང་བར་འགྱུར་ཏེ། དེ་བླངས་ནས་མིག་ལ་བྱུགས་ན་ནམ་མཁའ་ལ་རྫུ་འཕྲུལ་གྱིས་མཆིས་ནས། སངས་རྒྱས་ཀྱི་ཞིང་ཐམས་ཅད་ཀྱི་དེ་བཞིན་གཤེགས་པ་ཐམས་
ཅད་མཐོང་བར་འགྱུར་རོ། །ཕྱོགས་བཅུའི་སངས་རྒྱས་རྣམས་མཐོང་བ་དང་། རིག་སྔགས་འཆང་འཁོར་ལོས་སྒྱུར་བ་ཆེན་པོར་འགྱུར་རོ། །ཕུག་གི་གནས་ཕྱེ་བ་ཐམས་ཅད་མཐོང་བར་འགྱུར་རོ། །གཏེར་བྱུང་བ་ཐམས་ཅད་
མཐོང་བར་འགྱུར་རོ། །ལྷའི་གནས་ཐམས་ཅད་ཀྱི་སྒོ་ཕྱེ་བ་མཐོང་བར་འགྱུར་རོ། །གང་དུ་འཚལ་བ་དེར་མཆི་བར་འགྱུར་རོ། །གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། གདོན་དང་། མི་དང་། མི་མ་ཡིན་པ་དང་། ཕས་ཀྱི་

99-1-76a

རྒོལ་བ་དང་། མི་མཛའ་བ་ཐམས་ཅད་མི་གདའ་བར་འགྱུར་རོ། །ཚེས་བརྒྱད་དམ། བཅུ་བཞི་འམ། བཅྭ་ལྔ་ལ་ཚིག་གཞན་མི་སྨྲ་བར་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་སྐྱིལ་མོ་དཀྲུང་བཅས་ཏེ་མཆིས་ནས། ལན་སྟོང་རྩ་
བརྒྱད་བཟླས་བརྗོད་བགྱིའོ། །བཟླས་བརྗོད་བགྱིས་པ་ཙམ་གྱི་མོད་ལ་འཕགས་པ་སྤྱན་རས་གཟིགས་དབང་ཕྱུག་ལྷའི་བདག་ཉིད་ཀྱི་རང་བཞིན་གྱི་གཟུགས་ཀྱིས་མདུན་དུ་མཆིས་ནས། ལག་པ་གཡས་པ་སྤྱི་བོར་གཞག་པ་དང་། དྲི་མེད་
འཕགས་ཀྱི་ལྟ་བའི་ཆོ་འཕྲུལ་ཞེས་བགྱི་བའི་ཏིང་ངེ་འཛིན་འཐོབ་ཅིང་། དེ་བཞིན་གཤེགས་པ་ཐམས་ཅད་ཀྱིས་གཟིགས་པའི་བྱྀན་གྱིས་བརླབས་བཀོད་པ་ཡང་དག་པར་ལྟ་བ་སྣང་བ་ཞེས་བྱ་བའི་རྫུ་འཕྲུལ་ཐོབ་ནས། ཚེའི་ཚད་ལྷའི་བསྐལ་
པ་སྟོང་དུ་འགྱུར་རོ། །བདག་ཉིད་ལྷའི་རང་བཞིན་ཐོབ་པ་དང་། དེ་བཞིན་གཤེགས་པ་ཐམས་ཅད་དང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱིས་དམ་པའི་ཆོས་ཀྱི་གཏམ་གླེང་བར་མཛད་
པ་མཐོང་པར་འགྱུར་རོ། །བདེ་བ་ཅན་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་བསྲུ་བའི་སླད་དུ། ལྷའི་གཟུགས་ཀྱིས་མདུན་ན་མཆིས་པར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །པད་མ་
སྣང་བའི་གཞལ་མེད་ཁང་ཞེས་བགྱི་བ་ཁང་པ་བརྩེགས་མའི་གཞལ་མེད་ཁང་ཐོབ་པར་འགྱུར་རོ། །དེ་ནས་རང་གི་ལུས་རྡོ་རྗེ་སྲ་བ་བདག་ཉིད་ཀྱི་སྙིང་པོའྀ་རང་བཞིན་ཐོབ་པར་འཚལ་ན། རིག་སྔགས་འཆང་དེས་སྤོས་ཆབ་དེས་
བུམ་པ་བཀང་ནས་ལན་ཁྲི་ཉིས་སྟོང་བཟླས་བརྗོད་བགྱིས་ཏེ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་ཉིན་ཞག་གཅིག་མཆིས་པར་འགྱུར་བས་ཁྲུས་བགྱིའོ། །ཁྲུས་བགྱིས་པ་ཙམ་
གྱི་མོད་ལ། ལུས་རྡོ་རྗེ་ལས་བྱུང་བའི་རང་བཞིན་དུ་འགྱུར་རོ། །དེ་བཞིན་གཤེགས་པ་ཐམས་ཅད་དེ་ལ་གཟིགས་པར་འགྱུར་རོ། །ཚེ་ལྷའི་ལོ་ཁྲིར་འགྱུར་རོ། །གནོད་སྦྱིན་དང་། སྲིན་པོ་དང་། གདོན་ཐམས་ཅད་དབང་དུ་འགྱུར་རོ། །ལྷ་

99-1-76b

དང་ཀླུ་ཐམས་ཅད་ཀྱི་དཔོན་པོར་འགྱུར་རོ། །འཇིག་རྟེན་པའི་དགོས་པ་བསྒྲུབ་པ་ཐམས་ཅད་བགྱིད་པར་འགྱུར་རོ། །དྲན་པ་ཙམ་མམ་སེམས་བསྐྱེད་པ་ཙམ་གྱི་མོད་ལ་གདོན་ཐམས་ཅད་དང་། བརྗེད་བྱེད་ཐམས་ཅད་བབས་ནས་ཐམས་ཅད་
སྨྲ་བར་འགྱུར་ཏེ། བདེན་པ་འམ་མི་བདེན་པ་འམ་ཡང་དག་པ་འམ། ཡང་དག་པ་མ་ལགས་པ་འམ། སྐལ་བ་དང་ལྡན་པ་འམ་སྐལ་བ་དང་མི་ལྡན་པ་འམ། བྱུང་བ་འམ། མ་བྱུང་བ་འམ། འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དེ་
ཐམས་ཅད་སྨྲ་བར་འགྱུར་རོ། །དེ་ལ་སོགས་ཏེ་ལས་བགྱི་བ་ཐམས་ཅད་བགྱིད་པར་འགྱུར་རོ། །བྲན་བཞིན་དུ་ལས་ཐམས་ཅད་རྟག་ཏུ་བགྱིད་པར་འགྱུར་རོ། །ཡང་ན་འཇིག་རྟེན་ཐམས་ཅད་སོ་སོར་བསྒྲལ་བར་འཚལ་བ་འམ། ཐམས་
ཅད་དབང་དུ་གྱུར་ནས་གཞག་པར་འཚལ་ལམ་ཐམས་ཅད་སེམས་ཅན་དམྱལ་བ་འམ་དུད་འགྲོའི་སྐྱེ་གནས་སམ་གཤིན་རྗེའི་འཇིག་རྟེན་ལས་ཐར་བར་བགྱི་བར་འཚལ་ལམ། དོན་ཡོད་ཡེ་ཤེས་བཀོད་པ་ཞེས་བགྱི་བའྀ་ཏིང་ངེ་འཛིན་འཐོབ་
པར་འཚལ་ལམ། རྣམ་པར་གྲོལ་བའི་དཀྱིལ་འཁོར་བསྒྲུབ་པར་འཚལ་ལམ། དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་བསྒྲུབ་པར་འཚལ་ན། རིག་སྔགས་འཆང་དེས་གཟུགས་བརྙན་སོ་སོ་བ་བཞིན་དུ། འཕགས་པ་སྤྱན་རས་གཟིགས་
དབང་ཕྱུག་དོན་ཡོད་པའི་གཟུགས་སུ་བགྱིས་ཏེ། རལ་པའི་ཐོར་ཚུགས་དང་རི་དགས་ཨེ་ན་ཡའི་ལྤགས་པས་བརྒྱན་པ། ཕྱུགས་བདག་གི་ཆ་ལུགས་འཆང་བ། རྒྱན་ཐམས་ཅད་ཀྱིས་བརྒྱན་པ། སྐྱིལ་མོ་དཀྲུང་ངམ་འགྲེང་བ་དང་དྲུང་ན་ནོར་
བཟངས་པུས་མོ་གཡས་པ་ཕབ་པ། གཡོན་པ་ཁྲོ་བོའི་རྒྱལ་པོ་གདོང་གྱེན་དུ་ལྟ་བ་ཁྲོ་བོའི་གཟུགས་ལག་པ་དྲུག་པ། འོད་དཔག་མེད་ཀྱི་དབུ་རྒྱན་ཐོགས་པ། རྒྱན་ཐམས་ཅད་ཀྱིས་ཀླུབས་པ་ཐམས་ཅད་རིང་བསྲེལ་དང་བཅས་པར་བགྱི་སྟེ། རིའྀ་
སྟེང་གི་པད་མའི་སྟན་ལ་མཆིས་པར་བགྱིའོ། །གཙང་མས་གོས་གཙང་མ་བགོས་ཏེ། དུས་གསུམ་དུ་ཁྲུས་བགྱིས་ན་ཉིན་ཞག་གཅིག་མཆིས་ཏེ། རིག་སྔགས་འཆང་གིས་བའི་རྣམ་ལྔས་ཉེ་རེག་བགྱིའོ། །ཆབ་དང་ཡུངས་དཀར་གྱི་དབང་བསྐུར་བས། 

99-1-77a

དབང་བསྐུར་བར་བགྱིའོ། །སྙིང་རྗེ་ཆེན་པོས་གདུངས་པའི་སྙྀང་གིས་བལྟ་བར་བགྱིའོ། །གལ་ཏེ་འདི་ལྟ་བུའི་ཆོ་གས་མི་བགྱིད་ན། བཀླགས་པ་ཙམ་གྱི་མོད་ལ་ཡང་འགྲུབ་པར་འགྱུར་ན། བཟླས་བརྗོད་ཀྱི་ལས་ཀྱི་ཆོ་གས་ལྟ་
སྨོས་ཀྱང་ཅི་འཚལ། ཡང་རིག་སྔགས་འཆང་གང་ཞིག་གྃ་གཱའི་ཀླུང་བྱེ་བ་ཕྲག་བརྒྱད་བཅུ་རྩ་བརྒྱད་ཀྱི་བྱེ་མ་དང་མཉམ་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་མཆོད་པར་འཚལ་ལམ། 
བལྟ་བར་འཚལ་ལམ། དགེ་བའི་རྩ་བ་རྒྱ་ཆེན་པོ་བསྐྱེད་པར་འཚལ་ལམ། སེམས་ཅན་ཐམས་ཅད་དགེ་བའི་རྩ་བ་ལ་རབ་ཏུ་བཞག་པར་འཚལ་བ་འམ་ཐམས་ཅད་ཀྱི་སྒྲིབ་པ་རྣམ་པར་དག་པར་བགྱི་བར་འཚལ་ན། རིག་སྔགས་འཆང་དེས་དགེ་
སློང་ཕ་འམ། དགེ་སློང་མ་འམ། དགེ་བསྙེན་ཕ་འམ། དགེ་བསྙེན་མ་འམ། རྒྱལ་པོ་འམ། བཙུན་མོ་འམ། གཞན་སུ་ཡང་རུང་བས་ཐམས་ཅད་ཆོ་ག་འདི་བཞིན་བགྱིས་ཏེ། དེས་ཅི་འབྱོར་པའི་གསེར་ལས་དོན་ཡོད་པའི་ཞགས་པའི་གཟུགས་
བརྙན་བགྱིའོ། །དེ་ནས་ཁ་ཤར་ཕྱོགས་སུ་བསྟན་ཏེ་གཞག་ལ་གུར་ཀུམ་གྱི་དཀྱིལ་འཁོར་བགྱི་སྟེ། གྲུ་བཞི་ཆ་འབྱེས་པར་ལི་ཁྲིས་ཐིག་གདབ་པར་བགྱིའོ། །དཀྱིལ་འཁོར་དབུས་སུ་པད་མའི་ཕྲེང་བ་བགྱིའོ། །པད་མའི་
ཕྲེང་བའི་དབུས་སུ་རིལ་བ་སྤྱི་བླུགས་དང་བགྲང་ཕྲེང་བཞག་པར་བགྱིའོ། །མེ་ཏོག་སྣ་ཚོགས་ཀྱིས་མཛེས་པར་བགྱིའོ། །སྤོས་ཆབ་ཀྱིས་བཀང་བའི་བུམ་པ་མེ་ཏོག་ཅི་འབྱོར་པས་ལེགས་པར་བརྒྱན་པ་བཞི་བཞག་པར་བགྱིའོ། །མཆོད་ཡོན་
གྱི་སྣོད་ལྔ་བཞག་པར་བགྱིའོ། །པོག་ཕོར་གྱི་སྣོད་ལྔ་ནས་ཨ་ཀ་རུའི་བདུག་པས་བདུག་པར་བགྱིའོ། །དྲིས་བསྒོས་པའི་མར་མེ་བཅུ་དྲུག་སྦར་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བགྱིའོ། །མེ་
ཏོག་དང་། བདུག་པ་དང་། དྲི་དང་། ཕྲེང་བ་ཡང་དབུལ་བར་བགྱིའོ། །འཇིག་རྟེན་དབང་ཕྱུག་གི་མདུན་དུ་སྐྱིལ་མོ་དཀྲུང་བཅས་ཏེ་མཆིས་ནས་དོན་ཡོད་ཞགས་པའི་ཕྱག་རྒྱ་བཅིངས་ཏེ། བདག་ཉིད་ལ་དབང་བསྐུར་བར་བགྱིའོ། །ཁྲོ་བོའི་རྒྱལ་པོ་ལན་ཅིག་བཟླས་

99-1-77b

བརྗོད་བགྱིའོ། །དེ་བཞིན་གཤེགས་པ་ཐམས་ཅད་ལ་དམིགས་པ་ཡིད་ལ་བགྱིས་ནས། ཕྱོགས་བཅུར་ཡིད་ཀྱིས་མཆོད་ཅིང་ཕྱག་བགྱིའོ། །བཟླས་བརྗོད་ཀྱི་ཕྱག་རྒྱ་བཅིངས་ཏེ་བཟླས་བརྗོད་བགྱིའོ། །བཟླས་བརྗོད་བརྒྱ་རྩ་བརྒྱད་བགྱིས་པ་དང་ས་ཆེན་པོ་
གཡོ་བར་འགྱུར་རོ། །བདག་ཉིད་དགའ་བར་གྱུར་ནས་འབར་བར་མཐོང་ངོ་། །དེ་བཞིན་གཤེགས་པ་དེ་དག་ཐམས་ཅད་ཀྱང་། ཞལ་མངོན་སུམ་དུ་སྟོན་པ་ཉེ་བར་སྟོན་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་རལ་པའི་གསེབ་འབར་
བར་གྱུར་ནས། ལེགས་སོ་ཞེས་བྱ་བའི་སྒྲ་འབྱུང་བར་འགྱུར་རོ། །ལན་བརྒྱ་རྩ་བརྒྱད་པ་ལན་གཉིས་བཟླས་བརྗོད་བགྱིས་ན། གྲུབ་པ་ཆེན་པོའི་རྟགས་སྟོན་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ཕྱག་བརྐྱང་ནས་རིག་སྔགས་
འཆང་གི་སྤྱི་བོར་འཇོག་པར་འགྱུར་རོ། །དེ་བཞིན་གཤེགས་པ་ཐམས་ཅད་གཟིགས་པ་ཞེས་བགྱི་བའི་ཏིང་ངེ་འཛིན་ཐོབ་པར་འགྱུར་རོ། །དོན་ཡོད་ཞགས་པའི་རིག་སྔགས་འཆང་བར་འགྱུར་རོ། །ཉི་མའི་རྩེ་ན་དེ་བཞིན་གཤེགས་པ་དེ་དག་
ཀྱང་མཐོང་བར་གྱུར་ནས་སངས་རྒྱས་ཀྱི་ཞིང་ཐམས་ཅད་སྟོན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་དང་ལྡན་པར་འགྱུར་རོ། །བརྒྱ་རྩ་བརྒྱད་པ་ལན་གསུམ་བཟླས་ན་འཕགས་པ་སྤྱན་རས་གཟིགས་
དབང་ཕྱུག་གི་གཟུགས་སྐྱ་རེང་འཆར་ཀའི་དུས་སུ་མདུན་དུ་མཆིས་ནས་པད་མ་དྲི་མ་མེད་པ་ཞེས་བགྱི་བའྀ་ཞགས་པ་སྩོལ་བར་འགྱུར་རོ། །གྲུབ་པ་ཐམས་ཅད་སྩོལ་བར་འགྱུར་རོ། །རྒྱལ་བ་འོད་དཔག་མེད་ཀྱང་ལེགས་སོ་
ཞེས་བགྱི་བ་སྩོལ་བར་འགྱུར་རོ། །གང་སུ་ཡང་རུང་བས་འཕགས་པ་སྤྱན་རས་གཟིགས་དབང་ཕྱུག་གི་གཟུགས་མཐོང་ན། དེ་ནི་དེ་བཞིན་གཤེགས་པ་དྲུག་ཁྲི་ལ་དགེ་བའི་རྩ་བ་བསྐྱེད་པར་འགྱུར་རོ། །དེ་ལ་ལྷ་ཐམས་ཅད་དང་། 
ཚངས་པ་ལ་སོགས་ཏེ། དབང་ཕྱུག་དང་། དབང་ཕྱུག་ཆེན་པོའི་ལྷའི་བུ་རྣམས་རྟག་ཏུ་བལྟ་འཚལ་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །མཆོག་ཐམས་ཅད་ཡོངས་སུ་རྫོགས་ནས། །

99-1-78a

རྟག་ཏུ་རྗེས་སུ་འབྲང་ཞིང་བསྲུང་བ་དང་སྐྱོབ་པ་དང་སྦེད་པ་བགྱིད་པར་འགྱུར་རོ། །སྡིག་པ་ཐམས་ཅད་དང་བྲལ་བར་འགྱུར་རོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བརྒྱད་པ། དེས་
ཅི་འབྱོར་པའི་གསེར་ལས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་བྱས་ལ། དེ་ནས་ཞལ་ཤར་ཕྱོགས་སུ་བསྟན་ཏེ་གཞག་ལ་གུར་གུམ་གྱི་དཀྱིལ་འཁོར་གྲུ་བཞི་པ་ལེགས་པར་མཛེས་པ་བྱས་ཏེ། ལི་ཁྲྀས་ཐིག་
བཏབ་ལ་དཀྱིལ་འཁོར་གྱི་དབུས་སུ་པད་མ་བྲི། པད་མའི་དབུས་སུ་རིལ་བ་བྲི། ན་ཀ་ར་དང་བགྲང་ཕྲེང་བྲི། མེ་ཏོག་སྣ་ཚོགས་བཀྲམ་ལ་བུམ་པ་སྤོས་ཆུས་བཀང་ལ། མེ་ཏོག་ཅི་འབྱོར་པས་ལེགས་པར་བརྒྱན་པ་བཞི་གཞག །མཆོད་ཡོན་གྱི་
སྣོད་ལྔ་གཞག་པར་བྱ་ཞིང་། པོག་ཕོར་ལྔ་ནས་ཨ་ཀ་རུའི་བདུག་པས་བདུག་པར་བྱའོ། །སྤོས་སྣ་བཅུ་དྲུག་དང་ལྡན་པའི་ཏིལ་མར་གྱི་མར་མེ་གཏམ་སྟེ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱ་ཞིང་། མེ་ཏོག་དང་། བདུག་
པ་དང་། དྲི་དང་ཕྲེང་བ་དག་ཀྱང་དབུལ་བར་བྱའོ། །འཇིག་རྟེན་དབང་ཕྱུག་ལ་མངོན་དུ་ཕྱོགས་ཏེ། སྐྱིལ་མོ་ཀྲུང་བཅས་ལ་དོན་ཡོད་པའི་ཞགས་པའི་ཕྱག་རྒྱ་བཅིངས་ལ་བདག་ཉིད་ལ་དབང་བསྐུར་རོ། །ཁྲོ་བོའི་རྒྱལ་པོ་ལན་ཅིག་
བཟླས་ལ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཡིད་ལ་བྱས་ཏེ་ཡིད་ཀྱིས་ཕྱག་བྱས་ལ་ལུས་ཀྱིས་ཀྱང་ཕྱག་བྱས་ཏེ། བཟླས་བརྗོད་ཀྱི་ཕྱག་རྒྱ་བཅིངས་ལ་བཟླས་བརྗོད་བྱའོ། །བརྒྱ་རྩ་བརྒྱད་བཟླས་པས་ས་ཆེན་པོ་གཡོ་བར་
འགྱུར་ཞིང་བདག་ཉིད་སྙིང་དགའ་ལ་འབར་བར་སྣང་ངོ་། །དེ་བཞིན་གཤེགས་པ་དེ་དག་ཐམས་ཅད་ཞལ་ཉེ་བར་སྟོན་པར་མཛད་དོ། །འཕགས་པ་སྤྱན་རས་གཟིགས་དབང་ཕྱུག་གི་དབུ་རལ་པའི་གསེབ་འབར་ཞིང་ལེགས་སོ་ཞེས་བྱ་བའི་སྒྲ་འབྱུང་ངོ་། །
བརྒྱ་རྩ་བརྒྱད་བཟླས་པ་གཉིས་པས་ནི། དངོས་གྲུབ་ཆེན་པོའི་མཚན་མ་སྟོན་ཏོ། །འཕགས་པ་སྤྱན་རས་གཟིགས་དབང་ཕྱུག་གི་ཕྱག་བརྐྱང་སྟེ། རིག་སྔགས་འཆང་གི་མགོ་བོའི་སྤྱི་བོར་འཇོག་པར་འགྱུར་རོ། །དེ་བཞིན་གཤེགས་པ་

99-1-78b

ཐམས་ཅད་ལ་རྣམ་པར་བལྟ་བ་ཞེས་བྱ་བའི་ཏིང་ངེ་འཛིན་འཐོབ་པར་འགྱུར་རོ། །རིག་སྔགས་འཆང་ལ་དོན་ཡོད་པའི་ཞགས་པ་འགྲུབ་པར་འགྱུར་རོ། །ཐོ་རངས་དེ་བཞིན་གཤེགས་པ་དེ་དག་གྀ་ཞལ་སྟོན་པར་འགྱུར། སངས་རྒྱས་ཀྱི་ཞིང་ཐམས་ཅད་སྟོན་
པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་དང་ལྡན་པར་འགྱུར་རོ། །བཟླས་བརྗོད་བརྒྱ་རྩ་བརྒྱད་གསུམ་པས་ནི། སྐྱ་རེངས་ཤར་བའི་དུས་ཀྱི་ཚེ། འཕགས་པ་སྤྱན་རས་གཟིགས་དབང་ཕྱུག་གི་རང་གི་གཟུགས་ཀྱིས་
མདུན་ན་བཞུགས་ཏེ། པད་མའི་དྲི་མ་མེད་པ་ཞེས་བྱ་བའི་ཞགས་པ་སྦྱིན་པར་མཛད་ཅིང་། དངོས་གྲུབ་ཐམས་ཅད་སྦྱིན་པར་མཛད་དོ། །རྒྱལ་བ་འོད་དཔག་མེད་ལེགས་སོ་ཞེས་བྱ་བ་སྦྱིན་པར་མཛད་དོ། །གང་ལ་འཕགས་པ་
སྤྱན་རས་གཟིགས་དབང་ཕྱུག་གི་སྐུར་བསྟན་པ་སྟེ། དེ་བཞིན་གཤེགས་པ་སྟོང་ཕྲག་དྲུག་བཅུ་རྩ་བཞི་ལ་དགེ་བའི་རྩ་བ་སྐྲུན་པར་འགྱུར་རོ། །ལྷ་ཐམས་ཅད་དང་ཚངས་པ་ལ་སོགས་པ་དབང་ཕྱུག་དང་དབང་ཕྱུག་ཆེན་པོ་དང་ལྷའི་བུ་
རྣམས་རྟག་ཏུ་ལུས་སྟོན་པར་འགྱུར་རོ། །ནད་ཐམས་ཅད་དང་བྲལ་བར་འགྱུར་བ་དང་། མཆོག་ཐམས་ཅད་ཡོངས་སུ་རྫོགས་པ་དང་། རྟག་ཏུ་ཕྱྀ་བཞིན་འབྲང་ཞིང་བསྲུང་བ་དང་། སྐྱབ་པ་དང་སྦ་བར་བྱེད་པར་འགྱུར་རོ། །སྡིག་
པ་ཐམས་ཅད་དང་བྲལ་བར་འགྱུར་རོ། །དེ་ནས་དངུལ་ལས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པའི་གཟུགས་སྔ་མ་བཞིན་དུ་བྱས་པ་ལ། ཙན་དན་དཀར་པོའི་དཀྱིལ་འཁོར་དུ་ཙན་དན་དཀར་པོའི་དྲི་ཆབ་ཀྱིས་
བཀང་བ་གཞག་པར་བྱ་ཞིང་། མཆོད་ཡོན་གྱི་སྣོད་ལྔ་གཞག་པར་བྱའོ། མེ་ཏོག་སྣ་ཚོགས་པ་བགྲམ་ཞིང་། ཙན་དན་དཀར་པོའི་བདུག་སྤོས་ཀྱིས་བདུགས་ཏེ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བྱའོ། །
དྲི་སྣ་བཞི་བཅུ་རྩ་གཉིས་དང་ལྡན་པའི་ཏྀལ་མར་གྱི་མར་མེ་གཏམ་པར་བྱ་ཞིང་། བདུག་སྤོས་ཀྱི་སྣོད་བཞི་བཅུ་བཞག་པར་བགྱིའོ། །ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་རིག་སྔགས་འཆང་གཙང་མས་གོས་གཙང་

99-1-79a

མ་བགོས་ཏེ། དོན་ཡོད་པའི་ཞགས་པའི་ཕྱག་རྒྱ་ལན་བདུན་བཅིང་ངོ་། །བཟླས་བརྗོད་ཀྱི་ཕྱག་རྒྱ་བྱས་ཏེ། སྐྱིལ་མོ་དཀྲུང་དུ་འདུག་ལ་ལག་པ་གཡོན་པའི་མཛུབ་མོ་བརྐྱང་བ་པད་མའི་ཚུལ་དུ་བྱས་ལ། བཟླས་བརྗོད་ལན་
བརྒྱ་རྩ་བརྒྱད་བྱའོ། །ལན་བརྒྱ་རྩ་བརྒྱད་ཚང་བ་དང་། ཤར་ཕྱོགས་ནས་ལེགས་སོ་ཞེས་བྱ་བའི་སྒྲ་གྲག་པར་འགྱུར་ཞིང་། བདག་ཉིད་དགའ་བར་སྣང་ངོ་། །རྒྱལ་པོ་བློན་པོ་དང་བཙུན་མོའི་འཁོར་དང་བཅས་པ་དབང་དུ་གྱུར་ཏེ། མིང་བརྗོད་པས་
དཔག་ཚད་སྟོང་ནས་འོང་བར་འགྱུར་རོ། །ཐམས་ཅད་བགྱི་བ་ཅི་མཆིས་ཞེས་བྲན་བཞིན་དུ་འགྱུར་རོ། །གང་བསྒོ་བ་དེ་བྱེད་པར་འགྱུར་རོ། །དེ་ཉིད་བླ་མར་འགྱུར་ཞིང་ཆེར་བརྗོད་པར་འགྱུར་རོ། །བརྒྱ་རྩ་བརྒྱད་ལན་གཉིས་བཟླས་པས་བརྒྱ་བྱིན་དང་། 
ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། གཤིན་རྗེ་དང་། ཆུ་ལྷ་དང་། རླུང་ལྷ་ལ་སོགས་པ་དབང་དུ་འགྱུར་ཞིང་། བསྒོ་བ་བཞིན་བྱེད་པར་འགྱུར་རོ། །གང་བསྒོ་བ་བྱེད་པར་འགྱུར་རོ། །རྒྱལ་པོ་བཞི་འཁོར་གནོད་སྦྱིན་གྱི་ཚོགས་
དང་བཅས་པ་རྣམས་དབང་དུ་འགྱུར་རོ། །བརྒྱ་རྩ་བརྒྱད་ལན་གསུམ་དུ་བཟླས་པས་ཉི་མ་དང་ཟླ་བ་ནམ་མཁའ་ལས་འབབ་ཅིང་མདུན་ན་འདུག་པར་འགྱུར་རོ། །མཚན་མོའི་ལྷ་དང་ནམ་མཁའི་ལྷ་འོངས་ནས་མདུན་ན་འདུག་པར་འགྱུར་ཞིང་དབང་
དུ་འགྱུར་རོ། །ཐམས་ཅད་ཅི་བགྱི་ཞེས་པའི་བྱ་བ་བྱེད་ཅིང་འདུག་པར་འགྱུར་རོ། །བརྒྱ་རྩ་ལན་བཞི་བཟླས་པས། ཀླུ་ཐམས་ཅད་དབང་དུ་བྱས་པར་འགྱུར་རོ། །རྒྱ་མཚོའི་ཀླུའི་རྒྱལ་པོ་དགའ་བོ་དང་། ཉེ་དགའ་བོ་ལ་སོགས་པའི་བར་ཐམས་ཅད་
དབང་དུ་བྱས་པར་འགྱུར་རོ། །ཟངས་ལས་བྱས་པའི་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་ལ། ཙན་དན་དཀར་པོའི་དཀྱིལ་འཁོར་བྱས་ཏེ། མེ་ཏོག་དམར་པོ་བཀྲམ་ལ། བདུག་སྤོས་ཀྱི་སྣོད་བཞི་ནས་བདུག་པར་བྱ་
ཞིང་། མར་གྱི་མར་མེ་ལྔ་བཅུ་རྩ་གཉིས་གཏམ་པར་བྱའོ། །མཆོད་ཡོན་གྱི་སྣོད་བཞི་གཞག་ལ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བྱའོ། །ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་རྗེས་སུ་དྲན་པར་བྱའོ། །དོན་ཡོད་པའི་

99-1-79b

ཞགས་པའི་ཕྱག་རྒྱ་ལན་ཉི་ཤུ་རྩ་གཅིག་བཅིང་བར་བྱའོ། །རས་ལ་བྲིས་པའི་སྐུ་གཟུགས་ཀྱི་སྤྱན་སྔར་དཀྱིལ་མོ་དཀྲུང་དུ་འདུག་སྟེ། སེམས་ཅན་ཐམས་ཅད་ལ་དམིགས་པས་དེ་བཞིན་གཤེགས་པ་ཐམས་ཅད་ཡིད་ལ་བྱའོ། །ཕྱོགས་
བཞིར་བྱམས་པའི་ལྟ་བས་བལྟ་བར་བྱའོ། །སེམས་ཅན་དམྱལ་བ་པ་དང་། གཤིན་རྗེའི་འཇིག་རྟེན་དང་། ལྷ་མ་ཡིན་དང་། ཡི་དགས་ཀྱི་ཡུལ་ཐམས་ཅད་ཡིད་ལ་བྱའོ། །སེམས་ཅན་དམྱལ་བ་པ་ཆེན་པོ་བརྒྱད་ཡིད་ལ་བྱ་ཞིང་སྙིང་རྗེའི་སེམས་
ཀྱིས་བལྟ་བར་བྱའོ། །བཟླས་བརྗོད་ཀྱི་ཕྱག་རྒྱ་པད་མའི་ཚུལ་དུ་བཅིངས་ཏེ་བཟླས་བརྗོད་བྱའོ། །བརྒྱ་རྩ་བརྒྱད་ཚང་བ་དང་། ཕྱོགས་བཞི་གཡོ་ཞིང་སྒྲ་གྲག་པར་འགྱུར་ལ། དམྱལ་བ་པའི་སེམས་ཅན་དེ་དག་ཐམས་ཅད་ཡོངས་སུ་གྲོལ་བར་འགྱུར་
རོ། །དམྱལ་བའི་སྒོ་ཐམས་ཅད་བཅད་པར་འགྱུར་ཞིང་། བཅོམ་པ་དང་ཐལ་བར་བརླག་པར་འགྱུར་རོ། །དམྱལ་བའི་སེམས་ཅན་དེ་དག་བདེ་འགྲོར་འགྲོ་བར་འགྱུར་རོ། །བདག་ཉིད་ཀྱང་བྱང་ཆུབ་ཀྱི་མཐར་ཐུག་གི་བར་དུ་དམྱལ་བའི་སྡུག་བསྔལ་གྱི་
ཚོར་བ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ལུས་ཀྱང་མཚན་བཟང་པོས་བརྒྱན་པར་འགྱུར་ཞིང་། སེམས་ཅན་གང་དག་གིས་མཐོང་བ་དེ་དག་ཐམས་ཅད་ཕྱིར་མི་ལྡོག་པར་འགྱུར་རོ། །བརྒྱ་རྩ་བརྒྱད་ལན་གཉིས་བཟླས་བརྗོད་བྱས་པས་
ནི། སའི་འོག་གི་སེམས་ཅན་མུན་གནག་སྣང་བ་དང་བྲལ་བ་དེ་དག་དོན་ཡོད་པའི་ཞགས་པའི་སྙིང་པོའི་མཐུས་མུན་གནག་དང་བྲལ་བར་འགྱུར་ཞིང་། འོད་ཟེར་འབྱུང་བར་འགྱུར་རོ། །ཡོངས་སུ་གྲོལ་བའི་སེམས་ཅན་དེ་དག་འཕགས་པ་སྤྱན་རས་གཟིགས་
དབང་ཕྱུག་གི་གནས་སུ་བརྫུས་ཏེ་སྐྱེ་བར་འགྱུར་ཞིང་རྒ་བ་དང་། འཆི་བ་སྤངས་པར་འགྱུར་རོ། །བྱང་ཆུབ་ཀྱི་མཐར་ཐུག་གི་བར་དུ་ཀུན་ནས་མཐུ་འཕགས་པ་དྲི་མ་མེད་པ་ཞེས་བྱ་བའི་ཏིང་ངེ་འཛིན་འཐོབ་པར་འགྱུར་ཞིང་། ཚེ་བསྐལ་པར་ཐུབ་པར་འགྱུར་
རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །བྱང་ཆུབ་ཀྱི་མཐར་ཐུག་གི་བར་དུ། དེ་ཉིད་ཀྱི་ཞབས་དྲུང་ན་གནས་པར་འགྱུར་ཞིང་། མྱ་ངན་ཐམས་ཅད་དང་བྲལ་བར་འགྱུར་རོ། །ཙན་དན་དཀར་པོ་དང་། གླ་རྩི་དང་། ག་པུར་

99-1-80a

དང་། སྤོས་ཀྱི་རིགས་སྣ་ཚོགས་གཞན་དག་ཕྱེ་མ་ཞིབ་མོར་བྱས་ཏེ། ཡང་ལེགས་པར་བཏགས་ལ། ཀུན་ཏུ་རུ་དང་། སྲ་རྩི་པོག་དང་། གན་དྷ་ར་ས་དང་། ཆུ་དང་ལྷན་ཅིག་སྦྱར་ཏེ། ཤ་ཁ་ར་བཏབ་ལ། ལེགས་པར་བཏགས་པ་ལས་འཕགས་པ་སྤྱན་རས་
གཟིགས་དབང་ཕྱུག་དོན་ཡོད་པའི་ཞགས་པ་སོར་བཞི་པའི་ཚད་དུ་བྱས་ཏེ། རྒྱན་ཐམས་ཅད་ཀྱིས་བརྒྱན་པ་རལ་པའི་ཐོར་ཚུགས་དང་། ཨེ་ནེ་ཡའི་ལྤགས་པས་གཞག་པ། ཕྱུགས་བདག་གི་ཆ་ལུགས་འཛིན་པ། ཕྱག་བཞི་གཅིག་ན་པད་མ་ཐོགས། 
གཉིས་པ་ན་ཞགས་པ་ཐོགས། གསུམ་པ་ན་གསལ་ཤིང་ཐོགས་པ། བཞི་པ་དབུགས་འབྱིན་པ། གདན་པད་མ་འོད་ཀྱི་དཀྱིལ་འཁོར་འདོམ་གང་གིས་བརྒྱན་པར་བྱ་སྟེ། གཡས་སུ་འཕགས་མ་སྒྲོལ་མ། གཡོན་དུ་དྲི་མེད་འགྲོ་བྱའོ། །འཇིག་རྟེན་དབང་
ཕྱུག་གི་འོག་ཏུ་ནི་ཁྲོ་བོའི་རྒྱལ་པོའོ། །གདོང་དུ་ནི་འོད་དཔག་མེད་དོ། །དེ་ནས་རིགས་སྔགས་འཆང་གཙང་མས་གོས་གཙང་མ་བགོས་ཏེ། དུས་གསུམ་དུ་ཁྲུས་བྱ་ཞིང་གོས་སུམ་ཕྲུགས་སུ་བགོས་ལ་ཚེས་བརྒྱད་ནས་ཚེས་བཅྭ་ལྔའི་བར་དུ་དུས་གསུམ་དུ་
བཟླས་བརྗོད་བརྒྱ་རྩ་བརྒྱད་བྱའོ། །སྤོས་སྣ་ཚོགས་ཀྱིས་དཀྱིལ་འཁོར་བྱུག་པར་བྱ་ཞིང་། མཚོན་སྣ་ལྔས་བྲི་བར་བྱ་སྟེ། དཀྱིལ་འཁོར་གྱི་དབུས་སུ་དོན་ཡོད་པའི་ཞགས་པ་དང་། རིག་སྔགས་ཀྱི་ལྷ་པུས་མོ་བཙུགས་ཏེ་གྱེན་དུ་ལྟ་བ་བྲི་བར་བྱའོ། །གྲྭ་བཞིར་
དབང་ཕྱུག་དང་། དབང་ཕྱུག་ཆེན་པོ་དང་། གཤིན་རྗེ་དང་། ཆུ་ལྷ་བྲི་བར་བྱའོ། །སྒོ་བཞིའི་ཆ་འབྱེས་པར་བྱའོ། །དཀྱིལ་འཁོར་ཁོར་ཡུག་ཏུ་པད་མ་བྲི་བར་བྱའོ། །གྲྭ་བཞིར་སྤོས་ཀྱིས་བཀང་བ་བཞག་པར་བྱའོ། །སྒོ་བཞིར་དྲི་དང་གཏོར་མ་དང་བུམ་པ་
བཀང་བ་གཞག་གོ། དཀར་གསུམ་གྱི་གཏོར་མ་དང་མཆོད་ཡོན་གྱི་སྣོད་བརྒྱད་གཞག་གོ། མེ་ཏོག་སྣ་ཚོགས་པ་བཀྲམ་པར་བྱ་ཞིང་། ཙན་དན་གྱི་བདུག་པ་དབུལ་བར་བྱའོ། །སྤོས་སྣ་བརྒྱ་ཉི་ཤུ་རྩ་བརྒྱད་དང་ལྡན་པའི་ཏིལ་མར་གྱི་མར་མེ་གཏམ་
པར་བྱ། འཕན་གདུགས་བཟང་པོ་སྣ་ཚོགས་པས་ལེགས་པར་བརྒྱན་པར་བྱ་སྟེ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་དཀྱིལ་འཁོར་དུ་ཞལ་ཤར་ཕྱོགས་སུ་བསྟན་ལ་མཆོད་པར་བྱའོ། །རས་ཀྱི་ཚོན་སྐུད་སྣ་ལྔ་པ། 

99-1-80b

སྲིད་དུ་ཁྲུ་བཅུ་དྲུག་པ། ཐོར་ཏོ་ཅིག་ཏུ་གསེར་གྱི་ཡང་མིག་ཐོར་ཏོ་ཅིག་ཏུ་མུ་ཏིག་གི་ཆུན་བསྐོར་བཏགས་ཏེ། སྦྲུལ་འཁྱིལ་པ་བཞིན་དུ་བསྐྱིལ་ལ་དཀྱིལ་འཁོར་གྱི་དབུས་སུ་བཞག་སྟེ། གཙང་མས་གོས་གཙང་མས་གཡོག་པར་བྱའོ། །རིག་སྔགས་འཆང་
དཀྱིལ་འཁོར་ལ་མངོན་དུ་ཕྱོགས་ཏེ། སྐྱིལ་མོ་དཀྲུང་དུ་འདུག་ལ། དོན་ཡོད་པའི་ཞགས་པའི་ཕྱག་རྒྱ་ལན་སུམ་བཅུ་རྩ་གཉིས་བཅིང་བ་བྱས་ལ་བདག་བསྲུང་ངོ་། །ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་པར་བྱས་ལ། དཀྱིལ་འཁོར་བཅིང་བ་དང་། 
ཕྱོགས་བཅིང་བ་ཡང་བྱའོ། །དེ་ནས་རིག་སྔགས་འཆང་གིས་བཞིན་འཛུམ་གྱིས་བརྒྱན་པར་བྱས་ལ། བཟླས་བརྗོད་ཀྱི་ཕྱག་རྒྱ་བཅིངས་ཏེ། མི་སྨྲ་བར་ཡུངས་ཀར་འབྲུ་རེ་རེ་ནས་བཟླས་བརྗོད་སྟོང་རྩ་བརྒྱད་བརྗོད་ནས་རས་ཀྱི་སྲད་བུའི་སྟེང་དུ་གཏོར་བར་
བྱ་སྟེ། སྟོང་རྩ་བརྒྱད་ཚང་བ་དང་རས་ཀྱི་སྲད་བུ་དེ་འབར་བར་འགྱུར་ཞིང་། འོད་ཟེར་སྣ་ཚོགས་འབྱུང་བར་འགྱུར་རོ། །ལེགས་སོ་ཞེས་བྱ་བའི་སྒྲ་འབྱུང་བར་འགྱུར་ཏེ། རིག་སྔགས་འཆང་ལེགས་སོ་ལེགས་སོ། །ཁྱོད་ཀྱིས་དོན་ཡོད་པའི་ཞགས་པ་
གྲུབ་ཀྱིས་ལོང་ལ་དགོས་པ་ཐམས་ཅད་བྱོས་ཤིག །ཁྱོད་ཀྱི་ཡིད་བཞིན་གྱི་ནོར་བུ་ཆེན་པོ་གཉིས་དོན་ཡོད་པའི་ཞགས་པ་པད་མ་འགྲུབ་པས། འཇིག་རྟེན་པ་དང་འཇིག་རྟེན་ལས་འདས་པའི་དགོས་པ་ཐམས་ཅད་སྒྲུབ་པར་འགྱུར་རོ། །འཕགས་པ་སྤྱན་
རས་གཟིགས་དབང་ཕྱུག་དེ་ཡང་འབར་བར་འགྱུར་རོ། །འཇིག་རྟེན་དབང་ཕྱུག་གི་སྐུ་ལས་སྤོས་ཀྱི་སྤྲིན་ཆེན་པོ་འབྱུང་བར་འགྱུར་ཏེ། སྤོས་དེས་དཔག་ཚད་ཙམ་དུ་ཁྱབ་པར་བྱེད་དོ། །གང་ལ་དྲི་མནམས་པ་ཙམ་གྱིས་ནད་ཐམས་ཅད་དང་
བྲལ་བར་འགྱུར། སྡིག་པ་ཐམས་ཅད་དང་བྲལ་བར་འགྱུར། སྡུག་བསྔལ་གྱི་སྒྲིབ་པ་ཐམས་ཅད་དང་། བྱད་དང་། དུག་དང་། དབྱིག་དུག་དང་། བྱེ་མའི་སྦྱོར་བ་རྣམས་འཇིག་པར་འགྱུར་རོ། །ལུས་ཐམས་ཅད་དྲི་མ་མེད་པར་འགྱུར་རོ། །དེ་ནས་རིག་
སྔགས་འཆང་གིས་ཡིད་བཞིན་གྱི་ནོར་བུའི་ཞགས་པ་དེ་བླངས་ལ་གབ་ཚེ་བཟང་པོའི་ནང་དུ་བཅུག་སྟེ། འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་གཞག་པར་བྱའོ། །ནམ་དགོས་པ་བྱུང་བའི་ཚེ། གཙང་མས་ཁྲུས་ལེགས་པར་བྱས་

99-1-81a

སྟེ་བླངས་བར་བྱ་ཞིང་དགོས་པར་བྱའོ། །ཉིན་རེ་བཞིན་དུས་གསུམ་དུ་མཆོད་པར་བྱའོ། །རིག་སྔགས་འཆང་དེ་ཡང་ནམ་མཁའ་ལ་འགྲོ་བར་འགྱུར་ཞིང་ལུས་ཡོངས་སུ་དག་པ་དང་། སྔོན་གྱི་རིག་སྔགས་འཆང་རྣམས་དང་ལྷན་ཅིག་རྩེ་ཞིང་
ཐམས་ཅད་དབང་དུ་འགྱུར་རོ། །ཚེ་ལོ་སྟོང་ཐུབ་པར་འགྱུར་ཏེ། ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་བ་མཉམ་པ་རྣམས་ཀྱི་ནང་དུ་པད་མའི་སྙིང་པོ་ལས་རྫུས་ཏེ་སྐྱེ་བར་འགྱུར་རོ། །རིག་སྔགས་འཆང་ཐམས་ཅད་ཀྱི་འཁོར་ལོས་སྒྱུར་
བར་འགྱུར་རོ། །བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་ཚེ་བསྐལ་པ་བརྒྱ་ཕྲག་སྟོང་ཐུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་དེ་ཡང་གང་གིས་མཐོང་བ་ཙམ་གྱིས་མཚམས་མེད་པ་ལྔ་ལ་སོགས་པ་ཟད་པར་འགྱུར་རོ། །སྣ་མའི་
མེ་ཏོག་ལ་ལན་བརྒྱ་རྩ་བརྒྱད་བཟླས་ལ། འཕགས་པ་སྤྱན་རས་གཟིགས་དབང་ཕྱུག་ལ་རེ་རེ་ནས་དབུལ་བར་བྱ་སྟེ། ལན་བརྒྱ་རྩ་བརྒྱད་ཚང་བ་དང་རྒྱལ་པོ་དང་བློན་པོ་དང་བཙུན་མོའི་འཁོར་དང་བཅས་པ་དབང་དུ་འགྱུར་ཏེ། རང་ཉིད་ནོར་དང་བཅས་དབྱིག་དང་བཅས་འབྲུ་
དང་བཅས་བྲན་ཕོ་དང་བཅས་བྲན་མོ་དང་བཅས་ཏེ་ལས་བྱེད་པར་འགྱུར་རོ། །སྣ་མའི་མེ་ཏོག་རྙིང་པ་དེ་བཏུས་ལ་བླ་རྩི་དང་། པྲི་ཡང་ཀུ་དང་། རྒྱ་སྤོས་དང་། རུ་སྟ་དང་། གུར་ཀུམ་དང་། སྤང་སྤོས་དང་། སྭ་མ་ཀ་དང་། སྤྲིག་ཀ་དང་། ན་ལ་དང་། བོ་ལ་དང་། ཡུངས་ཀར་
རྣམས་ཞིབ་དུ་བཏགས་པའི་ཕྱེ་མ་ཆར་པའི་ཆུ་དང་སྦྱར་བའི་རི་ལུ་ནི་དུག་མེད་པར་བྱེད་པའི་མཆོག །པད་མ་ཞེས་བྱ་སྟེ། ཐོགས་མར་གྲགས་པ་དང་དཔལ་དུ་བྱེད་ནད་ཐམས་ཅད་སེལ་བ་དང་རིམས་ནད་ཐམས་ཅད་ཉེ་བར་སེལ་བར་བྱེད་དོ། །
བཙོག་ཤུ་དང་། འབྲས་དང་། མེ་དབལ་དང་། རྐང་ཤུ་དང་། ཕོལ་མིག་དང་། ལྷོག་པ་དང་། དེ་ཐམས་ཅད་ལ་ནི་བསྐུས་ན་བདེ་བར་ཞི་བར་འགྱུར་རོ། །ཞེས་གསུང་ངོ་། །ནད་དེ་དག་ཐམས་ཅད་ལ་ཁྲུས་བྱས་ན་སྡིག་པ་བསེལ་ཏོ་ཞེས་ཐུབ་པས་གསུངས་སོ། །
ཚེ་སྦྱིན་པར་བྱེད། རྒྱལ་པོ་དག་ཡུལ་སྦྱིན་པར་བྱེད་དོ། །ཐིག་ལེ་བྱས་ཏེ་གཡུལ་ངོར་སོང་ན་ཐམས་ཅད་ལས་རྟག་ཏུ་རྒྱལ་བ་དང་བུད་མེད་རྣམས་དགའ་བ་དང་དབང་དུ་འགྱུར་བར་བྱེད་པའི་མཆོག་ཡིན་ནོ། །བྱད་འཇོམས་ཤིང་དུག་དང་། དབྱིག་དུག་དང་། 

99-1-81b

ཕྱེ་མའི་དུག་དང་། གསང་སྔགས་ཀྱི་སྦྱོར་བ་དག་ཀྱང་དེ་བཞིན་ནོ། །ཟས་ཟ་བ་དང་ཁྲུས་བྱེད་པ་ན་ཐིག་ལེའི་བྱུག་པ་རྟག་ཏུ་བྱས་ན། དེ་ཐམས་ཅད་ལས་གྲོལ་བ་རྣམས་བདེ་བར་ཐར་བར་འགྱུར་རོ། །ཞེས་འཇིག་རྟེན་དབང་ཕྱུག་གསུང་ངོ་། །གླད་
པའི་ནད་མི་བཟད་པ་ལ་ནི་བྱུག་པར་བྱའོ། །མིག་ན་བ་ལ་ནི་མྀག་སྨན་གྱི་ཐུར་མས་སོ། །སོ་ན་བ་ལ་ནི་ཁར་མུར་རོ། །ལྟོ་ན་བ་ལ་ནི་ཆུ་གྲོན་དང་ངོ་། །རྩིབ་ལོགས་ན་བ་ལ་ནི་མར་དང་བྱུག་གོ། ཡན་ལག་དང་ཉིང་ལག་ན་བ་ལ་ནི་བསྐུ་བར་བྱའོ། །
དབང་དུ་བྱ་བ་ནི་ལག་མཐིལ་བསྐུ་བས་སོ། །ནད་ཚབས་ཆེ་བ་ལ་ནི་སྐུ་མཉེ་དང་ཁྲུས་བྱའོ། །གནོད་སྦྱིན་གྱི་གདོན་བསལ་བ་ལ་ནི་སྣ་ནས་བཏང་བའི་ལས་བྱའོ། །བདུག་པས་ནི་གདོན་ཐམས་ཅད་ལས་རྣམ་པར་གྲོལ་བར་འགྱུར་རོ། །
རྒྱས་ཐེབས་པ་ལ་ནི་འཚོགས་མར་ཐིག་ལེ་བྱའོ། །སྙིང་ན་བ་ལ་ནི་ཆུ་དྲོན་དང་ལན་ཚ་བསྲེས་པའོ། །ཁྱིམ་ཞི་བར་བྱ་བ་ལ་ནི་འབྲས་ཡོས་དང་གསུམ་སྦྱར་བས་ཞྀ་བ་ཆེན་པོར་འགྱུར་རོ། །ཐམས་ཅད་དུ་ལན་ཉི་ཤུ་རྩ་གཅིག་བཟླས་ནས་སོ། །འཐབ་པ་དང་། 
རྩོད་པ་རྣམས་ལ་ནི་བ་ལང་གྀ་ལྕྀ་བས་དཀྱིལ་འཁོར་བྱས་ལ་མེ་ཏོག་བཀྲམ་སྟེ། དྲྀ་ཆུས་བཀང་བ་བཞི་གཞག་ཅིང་འོ་མས་བཀང་བ་བཞི་དང་། མཆོད་ཡོན་གྱི་སྣོད་བཞི་དང་། པོག་ཕོར་བཞི་གཞག་སྟེ། ཨ་ཀ་རུ་དང་དུ་རུ་ཀས་བདུག་གོ། གུ་གུལ་ལ་
ལན་ཉི་ཤུ་རྩ་གཅིག་བཟླས་ཏེ་བདུག་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་ལ་དྲི་ཆབ་ཀྱིས་མཆོད་པར་བྱའོ། །ཁྲོ་བོའི་རྒྱལ་པོ་ཡུངས་ཀར་ལ་ལན་བརྒྱ་རྩ་བརྒྱད་བཟླས་ཏེ་ཕྱོགས་བཞིར་གཏོར་བར་བྱའོ། །དོན་ཡོད་པའི་
ཞགས་པའི་སྙིང་པོ་ལན་དགུ་བཅུ་རྩ་གཅིག་བཟླས་ན། འཐབ་པ་དང་། རྩོད་པ་རྣམས་ལ་སྨྲ་བའི་མཆོག་ཏུ་འགྱུར་རོ། །གཡུལ་འགྱེད་པ་ལས་རྒྱལ་བར་འགྱུར་རོ། །རང་གི་དཔུང་དང་གཞན་གྱི་དཔུང་ཡན་ལག་བཞི་པ་ཐམས་ཅད་ལས་རྒྱལ་
བར་འགྱུར་རོ། །གལ་ཏེ་བརྒྱ་བྱིན་རང་དང་། ལྷ་མ་ཡིན་ལྷན་ཅིག་པས་ཀྱང་མ་ཡིན་ན། མི་རྣམས་ཀྱིས་ལྟ་ཅི་སྨོས། བརྒྱ་བྱིན་དགུག་པར་འདོད་ན་པད་མ་ལ་ལན་བརྒྱ་རྩ་བརྒྱད་བཟླས་ཏེ། བརྒྱ་བྱིན་གྱི་མིང་ནས་བརྗོད་ལ་འཕགས་པ་སྤྱན་

99-1-82a

རས་གཟིགས་དབང་ཕྱུག་ལ་རེ་རེ་ནས་དབུལ་བར་བྱ་ཞིང་དྲི་ཆབ་ཀྱང་དབུལ་ལོ། །གུ་གུལ་དང་མར་དང་ཡུངས་དཀར་ལ་ལན་བརྒྱ་རྩ་བརྒྱད་བཟླས་ཏེ། ཤིང་ཨརྐའི་མེ་སྦར་ལ་ཚེས་བཅུ་བཞི་ལ་སྦྱིན་སྲེག་བྱའོ། །བཟླས་བརྗོད་
ཀྱི་ཆོ་ག་རྫོགས་པ་དང་བརྒྱ་བྱིན་ལྷའི་དབང་པོ་འོངས་ནས་མདུན་དུ་འདུག་སྟེ། བསྒོ་བ་བཞིན་བྱེད་ཅིང་ཐམས་ཅད་དབང་དུ་འགྱུར་རོ། །བརྒྱ་བྱིན་གྱི་གོ་འཕང་མ་གཏོགས་པ་གང་བླངས་པ་དེ་སྦྱིན་པར་བྱེད་དེ་དེ་ནི་སེམས་མི་བཟོད་དོ། །ཚངས་པ་
རྡོག་པས་མནན་ཏེ་ལན་བརྒྱ་རྩ་བརྒྱད་བཟླས་ན་བརྒྱ་རྩ་བརྒྱད་ཚང་བ་དང་། ཚངས་པ་རང་གི་གཟུགས་ཀྱིས་མདུན་ན་འདུག་སྟེ། མཆོག་ཐམས་ཅད་སྦྱིན་པར་བྱེད་དོ། །ཡིད་ལ་ཅི་འདོད་པ་སྒྲུབ་པར་བྱེད་དོ། །གུ་གུལ་ལ་ལན་དགུ་བཅུ་བཟླས་ཏེ། 
ཁྱབ་འཇུག་ལ་བདུག་ཅིང་ཆུ་དང་ཡུངས་དཀར་ལ་ལན་ཉི་ཤུ་རྩ་གཅིག་བཟླས་ཏེ་སྤྱི་བོར་གཏོར་ན། ཁྱབ་འཇུག་རང་གི་གཟུགས་ཀྱིས་མདུན་ན་འདུག་ཅིང་ལས་ཐམས་ཅད་བྱེད་པར་འགྱུར་རོ། །གཟུགས་སྣ་ཚོགས་ཀྱི་བར་དུ་སྟོན་ཏོ། །
ཧི་རན་ནྱ་ཀ་ཤི་བུ་ལ་ཡང་སྦྱིན་པར་བྱེད་ཅིང་ཁྱབ་འཇུག་ཆེན་པོའི་སྟོབས་ཀྱི་ཤུགས་དང་ལྡན་པར་འགྱུར་རོ། །དབང་ཕྱུག་ཆེན་པོའི་ཞལ་མཐོང་བར་འདོད་ན། རྣ་བ་གཡས་པར་ལན་བརྒྱ་རྩ་བརྒྱད་བཟླས་ཏེ། ཡུངས་དཀར་ལ་
ལན་ཉི་ཤུ་རྩ་གཅིག་བཟླས་ནས་སྤྱི་བོར་གཏོར་རོ། །གུ་གུལ་གྱི་བདུག་པས་བདུག་ཅིང་། ཨརྐའི་ཆུ་ལ་ལན་བདུན་བཟླས་ཏེ་དབུལ་བར་བྱའོ། །དེ་ནས་དབང་ཕྱུག་ཆེན་པོའི་གཟུགས་འགུལ་བར་འགྱུར་ཞིང་ལེགས་སོ་ཞེས་བྱ་
བར་སྒྲ་འབྱུང་ངོ་། །དེ་ནས་དབང་ཕྱུག་ཆེན་པོ་རང་གི་གཟུགས་ཀྱིས་མདུན་ན་འདུག་པར་འགྱུར་ཞིང་། རང་གི་ཚོགས་ཀྱི་འཁོར་དང་བཅས་པ་ཐམས་ཅད་དབང་དུ་འགྱུར་རོ། །འདོད་པའི་མཆོག་ཐམས་ཅད་སྦྱིན་པར་མཛད་དོ། །མཆོག་
གང་འདོད་པ་ཐམས་ཅད་སྦྱིན་པར་བྱེད་དོ། །ནག་པོ་ཆེན་པོ་དགུག་པར་འདོད་པས་གུ་གུལ་ལ་ལན་བརྒྱ་རྩ་བརྒྱད་བཟླས་ཏེ། ཁྲག་དང་ཆང་དབུལ་བར་བྱ་ཞིང་། ཡུངས་དཀར་ལ་ལན་ཉི་ཤུ་རྩ་གཅིག་བཟླས་ནས། ནག་པོ་ཆེན་པོའི་སྟེང་དུ་

99-1-82b

གཏོར་ན་ཁྲུགས་པར་འགྱུར་ཏེ། བྲན་བཞིན་དུ་ལས་ཐམས་ཅད་བྱེད་པར་འགྱུར་ཞིང་། གར་མངགས་པ་དེར་འགྲོ་བར་འགྱུར་རོ། །འཁོར་གྱི་ཚོགས་དང་བཅས་པ་དབང་དུ་འགྱུར་རོ། །གནོད་སྦྱིན་གྱི་གནས་ཐམས་ཅད་ཀྱི་སྒོ་འབྱེ་བར་འགྱུར་ཞིང་གང་འདོད་
པ་བྱེད་དོ། །ཐམས་ཅད་བྱམས་པར་འགྱུར་ཞིང་ལས་ཐམས་ཅད་བྱེད་པར་འགྱུར་རོ། །མི་སྨྲ་བར་མཚན་མོའི་དུས་མཚམས་གསུམ་དུ་ལན་ཉི་ཤུ་རྩ་རེ་རེ་བཟླས་ན་མཚན་མོའི་ལྷ་འཁོར་དང་བཅས་པ་དང་། མཚན་མོ་རྒྱུ་བ་དང་། ཉིན་པར་རྒྱུ་བའི་
ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་ཐམས་ཅད་དབང་དུ་འགྱུར་ཏེ། ལས་ཐམས་ཅད་བྱེད་པར་འགྱུར་རོ། །ཐམས་ཅད་རང་གི་གཟུགས་ཀྱིས་རྟག་
ཏུ་མདུན་ན་ཉེ་བར་གནས་སོ། །མཚན་མོ་ལོངས་སྤྱོད་པར་གཞལ་མེད་ཁང་ཐམས་ཅད་སྦྱིན་པར་བྱེད་དོ། །གཙང་མ་གོས་གཙང་མ་བགོས་ཏེ། ཁྲུས་ལེགས་པར་བྱས་ནས་བདེན་པར་སྨྲ་ཞིང་བྱམས་པའི་སེམས་ཉེ་བར་གཞག་ནས་སེམས་
ཅན་ཐམས་ཅད་ལ་རྟག་ཏུ་བརྩེ་བ་དང་སྙིང་རྗེ་ཆེན་པོས་ལྷག་པར་དམིགས་ཏེ་བཟླས་བརྗོད་རྟག་ཏུ་བྱའོ། །བཟླས་བརྗོད་ཀྱི་ཆོ་ག་རིམ་པར་ཕྱེ་བའོ། །དེ་ནས་རྟག་ཏུ་ལས་ཐམས་ཅད་བྱེད་པ་དགེ་བ་ཞི་བ་རྒྱས་པ་དྲག་ཤུལ་སྤྱོད་པ་བསྲུང་
བ་ནད་ཐམས་ཅད་སེལ་བ། བྱད་འཇིག་པ། དབང་དུ་བྱེད་པ། སྦྱིན་སྲེག་གི་ཆོ་ག་བཤད་པར་བྱའོ། །ཁྱིམ་སྲུང་བར་འདོད་པས་ཨརྐའི་ཡམ་སྲེག་ཤྀང་དང་། པད་མ་དང་། ཡུངས་མར་བསྲེས་པ་ལས་སྦྱིན་སྲེག་ལན་བརྒྱ་རྩ་བརྒྱད་
བྱས་ཏེ། དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བྱས་ལ། ཁྲོ་བོའི་རྒྱལ་པོ་ལན་བདུན་བཟླས་བརྗོད་བྱས་ན། ཁྱིམ་ཆེན་པོ་བསྲུང་བར་འགྱུར་རོ། །འཐབ་པ་དང་། རྩོད་པ་དང་། ཁྲག་ཁྲུག་
ཐམས་ཅད་དང་། ཕྱིར་རྒོལ་བ་དང་། མི་མཛའ་བ་ཐམས་ཅད་དང་། རིམས་ཐམས་ཅད་དང་། ཡམས་ཀྱི་ནད་དང་། ནད་འགོ་བ་ཐམས་ཅད་དང་། གདོན་ཐམས་ཅད་དང་། མུ་གེའི་གནོད་པ་དང་། མི་ངས་དང་། སྐྱེས་པ་དང་། བུད་མེད་དང་། ཁྱེའུ་དང་། 

99-1-83a

བུ་མོའྀ་མི་ངས་ཐམས་ཅད་ཞི་བར་འགྱུར་རོ། །ལྷ་ཐམས་ཅད་ཀྱང་བསྲུང་བ་དང་སྐྱབ་པ་དང་སྦ་བར་བྱེད་པར་འགྱུར་རོ། །དབང་ཕྱུག་དང་དབང་ཕྱུག་ཆེན་པོ་ཡང་རྟག་ཏུ་ཕྱི་བཞིན་འབྲང་བར་འགྱུར་རོ། །འཕགས་པ་སྤྱན་
རས་གཟིགས་དབང་ཕྱུག་ཀྱང་རྟག་ཏུ་རྒྱུན་མི་འཆད་པར་སྐུ་སྟོན་པར་བཞེད་པར་འགྱུར་རོ། །སྦྱིན་སྲེག་གི་མར་དང་། ཡུངས་ཀར་དང་། གུ་གུལ་གྱི་སྦྱིན་སྲེག་སྟོང་རྩ་བརྒྱད་བྱས་ན། ཡུལ་དང་། ཡུལ་འཁོར་དང་། གྲོང་ཁྱེར་དང་། ཡུལ་
གྲུ་དང་། རི་ཁྲོད་དང་། ལྗོངས་རྣམས་ཞི་བ་ཆེན་པོར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཟླ་བ་ཉ་ལ་མེ་ཏོག་དཀར་པོ་དང་། གྷན་དྷ་པྲི་ཡང་ཀུ་དང་། རྒྱ་སྤོས་རྣམས་ཡུངས་མར་དང་བསྲེས་ཏེ་སྦྱིན་སྲེག་སྟོང་
རྩ་བརྒྱད་བྱས་ན་རྒྱལ་པོ་དང་། བློན་པོ་བཙུན་མོའི་འཁོར་དང་བཅས་པ་དང་། ཡུལ་གྲུ་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རྟ་དང་། གླང་པོ་ཆེ་དང་། བ་ལང་དང་། མ་ཧེ་རྣམས་དབང་དུ་འགྱུར་རོ། །ཤི་ཨ་པ་མརྒའི་ཡམ་སྲེག་ཤིང་ཞོ་དང་
སྦྲང་རྩི་དང་། མར་བསྲེས་པ་དང་། མེ་ཏོག་དཀར་པོ་རྣམས་ལས་ལན་བརྒྱ་རྩ་བརྒྱད་སྦྱིན་སྲེག་བྱས་ན་ཡུལ་གྲུ་སྟོང་འཐོབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཞོ་དང་སྦྲང་རྩི་དང་མར་བསྲེས་པ་དང་པད་མའི་
སྡོང་པོའི་ཡམ་སྲེག་ཤིང་རྣམས་ལས་བརྒྱ་རྩ་བརྒྱད་སྦྱིན་སྲེག་བྱས་ན་མཚན་མོ་ཟད་པ་དང་ཏི་ན་ར་བརྒྱད་བརྒྱ་འཐོབ་པར་འགྱུར་རོ། །མེ་ཏོག་ཀུ་མུད་དང་། པད་མ་སྡོང་བུ་དང་། རྩ་བ་དང་། འདབ་མར་བཅས་པ་དང་། ཡུངས་དཀར་
བསྲེས་ཏེ་ཤིང་སེང་ལྡེང་གི་མེ་སྦར་ལ་སྦྱིན་སྲེག་བརྒྱ་རྩ་བརྒྱད་བྱས་ན། ལོག་འདྲེན་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ཟླ་བ་ཡར་གྱི་ངོ་ཚེས་བརྒྱད་ལ་སྨྱུང་བ་བགྱི་སྟེ། གཙང་མས་ཁྲུས་ལེགས་པར་
བྱས་ལ་གོས་དཀར་པོ་བགོས་ཏེ་ཙན་དན་དང་པྲི་ཡང་ཀུའི་ཤིང་དང་། འབྲས་ཡོས་དང་། མར་དང་། ཡུངས་དཀར་བསྲེས་པའི་སྦྱིན་སྲེག་སྟོང་རྩ་བརྒྱད་བྱས་ན་ནམ་ཕྱེད་ཀྱིས་དུས་སུ་གནོད་སྦྱིན་མོ་འོངས་ནས་ཟོང་ལྔ་སྟོང་སྦྱིན་པར་

99-1-83b

འགྱུར་རོ། །ཟླ་བ་མར་གྱི་ངོ་ཚེས་བཅུ་བཞི་ལ་ཉིན་ཞགས་གཅིག་སྨྱུང་བ་བྱས་ཏེ། རྒྱ་མཚོར་འགྲོ་བའི་ཆུ་ཀླུང་གི་འགྲམ་དུ་སོང་ལ། ཤིང་བིལ་བའི་མེ་སྦར་ཏེ། ཤིང་བིལ་བའི་མེ་ཏོག་དང་མར་བསྲེས་པ་སྟོང་རྩ་བརྒྱད་སྦྱིན་བསྲེག་བྱས་ན། དེའི་འོག་ཏུ་
གནོད་སྦྱིན་མོ་ཐམས་ཅད་ཀྱིས་བརྒྱན་པ་འོང་བར་འགྱུར་རོ། །ནམ་ཕྱེད་ན་རིན་པོ་ཆེའི་ཟ་མ་ཏོག་ཐོགས་ནས་འོང་བར་འགྱུར་ཏེ་རིག་སྔགས་འཆང་དེས་བླང་བར་བྱའོ། །གདོང་དུ་མིག་བལྟ་བར་བྱའོ། །ཡང་བརྒྱ་རྩ་བརྒྱད་བཟླས་
བརྗོད་བྱས་པ་དང་རྐང་པའི་དྲུང་དུ་སྣོད་བོར་ནས་བཏུད་དེ་རིག་སྔགས་འཆང་འགུམ་མོ་ཞེས་ཟེར་རོ། །དེ་ནས་རིག་སྔགས་འཆང་གིས་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བྱའོ། །དེ་ནས་གང་གི་ཚེ་དགོས་པ་བྱུང་བ་དེའི་ཚེ་
ནམ་ཕྱེད་ལ་ལན་བརྒྱ་རྩ་བརྒྱད་བཟླས་བརྗོད་བྱས་ན་གནོད་སྦྱིན་མོ་འོང་བར་འགྱུར་ཏེ། དགོས་པ་ཐམས་ཅད་བྱེད་ཅིང་བྲན་བཞིན་དུ་ལས་ཐམས་ཅད་བྱེད་པར་འགྱུར་རོ། །ཟླ་བ་མར་གྱི་ངོ་ཚེས་བཅུ་བཞི་ལ་གང་ན་གཏེར་ཡོད་པ་དེར་སོང་སྟེ་
སྟོང་རྩ་བརྒྱད་བཟླས་བརྗོད་བྱས་ལ། གཏོར་མའི་ཆོ་ག་ཡང་གཞག་པར་བྱ་ཞིང་། འཕགས་པ་དོན་ཡོད་པའི་ཞགས་པ་ལ་མཆོད་པ་བྱས་ལ་སྣ་མའི་མེ་ཏོག་དང་། པད་མའི་འདབ་མ་དང་། ཡུངས་ཀར་དང་། མར་བསྲེས་པ་རྣམས་ལས་
སྦྱིན་སྲེག་སྟོང་རྩ་བརྒྱད་བྱས་ཏེ། ཆུ་དང་། ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ནས་ས་ལ་བརྡབས་ན། དེའི་འོག་ཏུ་གཏེར་ཐམས་ཅད་འབྱུང་བར་འགྱུར་ཏེ། བླངས་ལ་དཀོན་མཆོག་གསུམ་གྱི་སྐུ་སྐལ་དབུལ་བར་བྱ་ཞིང་ལྷག་མ་རང་
གིས་བླང་བར་བྱའོ། །བ་རུ་རའི་ཤིང་གི་མེ་སྦར་ལ་ཏིལ་དང་། འབྲས་སོ་བ་དང་། མར་བསྲེས་པ་ལས་སྦྱིན་སྲེག་སྟོང་རྩ་བརྒྱད་བྱས་ན། རྒྱལ་པོ་བཙུན་མོའི་འཁོར་དང་བཅས་པ་དང་དཔུང་གི་ཡན་ལག་བཞི་དང་བཅས་པ་དང་། ནོར་དང་། འབྲུ་དང་
བཅས་པ་དང་། དབྱིག་དང་། གསེར་དང་། བཅས་པ་དབང་དུ་འགྱུར་ཏེ། ཇི་སྲིད་འཚོའི་བར་དུ་གནས་པར་འགྱུར་རོ། །ཡུངས་ཀར་དཀར་པོ་དང་། ཙམ་པ་ཀའི་མེ་ཏོག་དང་། པད་མའི་ཡམ་སྲེག་ཤིང་དང་། སྦྲང་རྩི་དང་། མར་བསྲེས་པའི་སྦྱིན་བསྲེག་སྟོང་རྩ་

99-1-84a

བརྒྱད་བྱས་ན་ཡུལ་ཐམས་ཅད་དབང་དུ་འགྱུར་ཞིང་། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དབང་དུ་འགྱུར་རོ། །འབྲས་ཕུབ་ལན་ཚྭ་དང་ལྡན་པ་ལས་ལན་དགུ་བཅུ་རྩ་གཅིག་སྦྱིན་བསྲེག་བྱས་ན། རིགས་བཞིའི་འཇིག་རྟེན་
དབང་དུ་འགྱུར་རོ། །ཨ་ག་རྡའི་ཤིང་གིས་མེ་སྦར་ལ་སྦྲང་རྩི་དང་མར་བསྲེས་པ་དང་། ཨརྐའི་མེ་ཏོག་ལས་སྦྱིན་སྲེག་བརྒྱ་རྩ་བརྒྱད་བྱས་ལ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ན། ཉིན་རེ་བཞིན་ཏི་ན་ར་བརྒྱ་
འཐོབ་པར་འགྱུར་རོ། །པ་ལ་ཤའི་ཡམ་བསྲེག་ཤིང་དང་འབྲས་ཡོས་ལས་སྦྱིན་སྲེག་སྟོང་རྩ་བརྒྱད་བྱས་ན། གསེར་བརྒྱ་ཕྲག་སྟོང་ཐོབ་པར་འགྱུར་རོ། །དཀོན་མཆོག་གསུམ་ལ་མཆོད་པ་བྱ་ཞིང་བགོ་བཤ་བྱས་ན་ཡང་འབྱུང་བར་
འགྱུར་རོ། །ཚེས་བཅྭ་ལྔ་ཟླ་བ་ཉ་བ་ལ་སྨྱུང་བ་བྱས་ཏེ། རྒྱ་མཚོར་འབབ་པའི་ཆུ་ཀླུང་ངམ། ཆུ་ཀླུང་ཆེན་པོའི་ནང་རྐད་པ་ནུབ་ཙམ་དུ་ཞུགས་ཏེ། ལན་བརྒྱ་རྩ་བརྒྱད་བཟླས་བརྗོད་བྱས་ནས། ཡུངས་ཀར་ལ་ལན་ཉི་ཤུ་རྩ་གཅིག་བཟླས་
ན་ཁྲོས་པས་ཆུ་ཀླུང་དེ་ལ་བརྡབ་པར་བྱའོ། །དེ་ནས་ཆུའི་ནང་ནས་བུ་མོ་ཞིག་བྱུང་ནས་རིན་པོ་ཆེ་མང་པོ་ཞིག་སྦྱིན་པར་བྱེད་དེ་བླངས་ལ་ཕྱེད་ཀྱིས་དཀོན་མཆོག་གསུམ་ལ་མཆོད་པར་བྱ་ཞིང་། འཕགས་པ་སྤྱན་རས་གཟིགས་དབང་
ཕྱུག་ལ་ཡང་མཆོད་པར་བྱའོ། །ཚེས་བཅྭ་ལྔ་ཟླ་བ་ཉ་བ་ལ་སྨྱུང་བ་བྱས་ཏེ། ནམ་ཕྱེད་ན་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ནས། ཨ་པ་མར་གའི་ཡམ་སྲེག་ཤིང་དང་། སྦྲང་རྩི་དང་། 
མར་དང་། སྲ་རྩི་པོག་སྲེག་པ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ལ། རང་གི་མིང་གིས་སྦྱིན་བསྲེག་སྟོང་བྱས་ན་སྡིག་པ་སྒྲིབ་པ་ཐམས་ཅད་ལས་གྲོལ་བར་འགྱུར་ཞིང་ནད་ཐམས་ཅད་དང་། གནོད་པ་ཐམས་ཅད་ལས་གྲོལ་བར་འགྱུར་རོ། །
ཕྱིར་རྒོལ་བ་ཐམས་ཅད་དང་། མི་མཛའ་བ་ཐམས་ཅད་འཇིག་པར་འགྱུར་རོ། །ཤིང་ཨརྐ་དང་། ཏིལ་དང་། ཡུངས་ཀར་དང་། གུ་གུལ་དང་། མར་བསྲེས་པ་ལ་སྦྱིན་སྲེག་བྱས་ན། ཞི་བ་ཆེན་པོར་འགྱུར་རོ། །འབྲས་ཡོས་དང་། འོ་མ་དང་། མར་དང་། ཡུངས་ཀར་

99-1-84b

དང་། ཙན་དན་དཀར་པོ་བསྲེས་ལ་སྦྱིན་སྲེག་ལན་བརྒྱ་རྩ་བརྒྱད་བྱས་ན་རྒྱས་པ་དང་མཆོག་ཏུ་དགེ་བར་འགྱུར་རོ། །ཚེས་བཅུ་བཞི་ལ་ཀ་ར་བི་རའི་མེ་ཏོག་དང་། ལན་ཚ་སྣ་བདུན་བསྲེས་པ་དང་། ཤིང་ཚེར་མ་ཅན་གྱི་ཡམ་སྲེག་ཤིང་ཡུངས་ཀར་ལ་བསྲེས་པ་
དྲག་ཤུལ་སྤྱོད་པར་བྱའོ། །ཆར་མི་འབབ་པའི་ཚེ་པད་མ་དང་ཙན་དན་དང་། ཡུངས་དཀར་དང་། མར་བསྲེས་པ་ལ་ལན་ཉི་ཤུ་རྩ་གཅིག་བཟླས་ཏེ། སྦྱིན་སྲེག་བརྒྱ་རྩ་བརྒྱད་བྱས་ནས་ཁྲོ་བོའི་གསང་སྔགས་ལན་བདུན་བཟླས་ན་ཇི་སྲྀད་འདོད་པ་དེ་
སྲིད་དུ་ཆར་གྱི་རྒྱུན་ཆེན་པོ་འབབ་པར་འགྱུར་རོ། །ཐལ་བ་དེ་བླངས་ལ་ལན་ཉི་ཤུ་རྩ་གཅིག་བཟླས་ཏེ་ནམ་མཁའ་ལ་གཏོར་ན་ཆར་ཧ་ཅང་ཆེས་པ་ཞི་བར་འགྱུར་རོ། །ཕྱོགས་བཞིར་གཏོར་ན་མཚམས་ཆེན་པོ་བཅད་པར་འགྱུར་རོ། །སྤྲིན་ལ་སྔོན་
དུ་ཕྱོགས་ཏེ་གཏོར་ན་རླུང་དང་སྤྲིན་དང་། སེར་བ་རྣམས་འབྱུང་བར་མི་འགྱུར་རོ། །གཞན་གྱི་སྡེ་གནོན་པ་ནི་ཏྀལ་དང་འབྲས་སོ་བའི་སྦྱིན་སྲེག་གིས་སོ། །ཕ་རོལ་གྱི་དཔུང་ཟློག་པ་ནི་ས་བོན་བདུན་གྱི་སྦྱིན་སྲེག་གིས་སོ། །ཕུག་སྒྲུབ་པ་ནི་ཤིང་
ཨརྐའི་སྦྱིན་སྲེག་གྀས་སོ། །ཨརྐའི་ལོ་མ་དང་། མར་བསྲེས་པའི་སྦྱིན་སྲེག་བྱས་ན་ཕུག་གི་སྒོ་ཐམས་ཅད་འབྱེད་པར་འགྱུར་རོ། །ནགས་སུ་འགྲོ་བའི་ཚེ་ཀུ་མུ་ད་དང་། རྒྱ་སྤོས་དང་། ཡུངས་ཀར་དང་། མར་བསྲེས་པས་ནགས་
ཀྱི་ཕུག་གི་སྒོ་ཐམས་ཅད་འབྱེད་པར་འགྱུར་ཞིང་སྨན་གྱི་དངོས་པོ་ཐམས་ཅད་རང་བཞིན་དུ་གནས་པར་འགྱུར་རོ། །ཤིང་པ་ལ་ཤའི་མེ་སྦར་ཏེ་ན་ལེ་ཤམ་བརྒྱ་སྟོང་སྦྱིན་སྲེག་བྱས་ནས། བརྒྱ་བྱིན་དང་། ཚངས་པ་དང་། ཁྱབ་འཇུག་དང་། 
དབང་ཕྱུག་ཆེན་པོ་དང་། ཉི་མ་འོངས་ནས་མདུན་དུ་འདུག་པར་འགྱུར་རོ། །སྣ་མའི་མེ་ཏོག་དང་། ཀར་ནི་ཀཱ་རའི་མེ་ཏོག་དང་། ཨུད་པལ་རྣམས་མར་དང་བསྲེས་པ་ལས་སྦྱིན་སྲེག་བརྒྱ་སྟོང་བྱས་ན། ཟླ་བ་དང་ཉི་མ་འོངས་ནས་མཆོག་སྦྱིན་ཞིང་ལུས་ལ་
འོད་ཟེར་བཏང་ནས་ནམ་མཁའ་ལ་འགྲོ་བར་འགྱུར་རོ། །ཨ་ཤྭད་ཐས་ཡམ་སྲེག་ཤིང་བྱས་ལ། ཤུ་ཏི་དང་། ཉེའུ་ཤིང་དང་། ཨར་ཀ་དང་། ཙན་དན་དང་། ཡུངས་ཀར་དང་། ནས་དང་། མར་བསྲེས་པ་ལས་ཉི་མ་བདུན་གྱི་དུས་མཚམས་གསུམ་དུ་སྦྱིན་སྲེག་ཉི་ཤུ་རྩ་

99-1-85a

གཅིག་བྱས་ནས་རྒྱལ་པོ་བཙུན་མོའི་འཁོར་དང་བཅས་པ་དབང་དུ་འགྱུར་རོ། །གདོན་དང་། གནོད་སྦྱིན་དང་། སྲིན་པོ་ཐམས་ཅད་ཆད་པས་བཅད་ན་འབྲས་སོ་བ་དང་། ཡུངས་ཀར་དང་། ལན་ཚྭའི་སྦྱིན་སྲེག་བགྱིས་ཏེ། ཐམས་ཅད་ལ་དོན་ཡོད་
པའི་ཞགས་པ་བཅིངས་བར་བྱ་ཞིང་ཁྲོ་བོའི་ཕྱག་རྒྱ་དང་གསང་སྔགས་ལྷན་ཅིག་རྗེས་སུ་དྲན་པར་བྱའོ། །སྦྱིན་སྲེག་གི་ཆོ་གའོ།། །། དེ་ནས་དོན་ཡོད་པའི་ཞགས་པའི་སྙིང་པོ་ཆོ་གའི་རྒྱལ་པོ་ཆེན་པོ་རས་ཀྱི་སྐུ་གཟུགས་མཐོང་བ་ཙམ་གྱི་མོད་ལ་མནར་
མེད་པའི་མཐར་ཐུག་པ་དང་། མཚམས་མེད་པ་ལྔ་བྱེད་པ་བྱུང་བར་འགྱུར་བ་བཤད་པར་བྱ་སྟེ། རས་ཁྲུ་དོ་གྲུ་བཞི་ལྷམ་པ་ཁ་ཚར་མ་ཆད་པ་སྐྲ་མེད་པ་ཐག་རན་བཟང་བ། ཤིན་དུ་དཀར་བ། ཤིན་ཏུ་སྦྱངས་པ་ལ་རི་མོ་མཁན་མི་སྨྲ་བའི་དཀའ་
ཐུབ་ཅན་བསྙེན་གནས་ལ་གནས་པ། གཙང་མས་གོས་གཙང་མ་བགོས་པ། ཟས་དཀར་གསུམ་ཟ་བ། དུས་གསུམ་དུ་ཁྲུས་བྱས་པ། ལྷག་མ་མ་ཡིན་པའི་ཚོན་རྩི་སྣོད་སར་པར་གཞག་སྟེ། པིར་སར་པས་འཕགས་པ་སྤྱན་རས་གཟིགས་
དབང་ཕྱུག་བཞེངས་པ་འམ་བཞུགས་པ་འམ་སྐྱིལ་མོ་དཀྲུང་དུ་བཞུགས་པ་བྲི་བར་བྱ་སྟེ། རལ་པའི་ཐོར་ཚུགས་ཀྱིས་བརྒྱན་པ། ཨེ་ནེ་ཡའི་ལྤགས་པ་བསྣམས་པ། ཕྱུགས་བདག་གི་ཆ་ལུགས་འཆང་བ། རྒྱན་ཐམས་ཅད་ཀྱིས་བརྒྱན་
པ། ཕྱག་བཅུ་དྲུག་པ་ཞལ་ཞི་བ་སྤྱན་ཕྱེ་བ། དབུ་རྒྱན་ལ་རྒྱལ་བ་འོད་དཔག་མེད་བཞུགས་པ། ཞལ་གཡས་པའི་ཐོར་ཚུགས་ལ་ཟླ་ཚེས་ཀྱིས་བརྒྱན་པ། ཕྱག་གཉིས་རྡོ་རྗེའི་ཐལ་མོ་སྦྱར་བ་ལས་གྱེན་དུ་པད་མའི་ཚུལ་དུ་བྱའོ། །ཕྱག་
གཉིས་མ་ཐུར་དུ་ཀུན་ཏུ་ཞལ་གྱི་ཕྱག་རྒྱ་བྱའོ། །ཕྱག་གཉིས་བཟླས་བརྗོད་ཀྱི་ཕྱག་རྒྱ་བྱས་ལ་མཛུབ་མོ་གཡས་པ་བརྐྱང་སྟེ། པད་མའི་ཚུལ་དུ་བྱས་ལ་བར་ན་བགྲང་ཕྲེང་འཛིན་པ་བྱའོ། །ཕྱག་གཉིས་དོན་ཡོད་པའི་ཞགས་པའི་ཕྱག་
རྒྱ་བྱའོ། །ཕྱག་གཅིག་ན་རྩེ་གསུམ་པ། གཉིས་པ་ན་པད་མ། གསུམ་པ་དོན་ཡོད་པའི་ཞགས་པའི་གླེགས་བམ། བཞི་པ་ན་དོན་ཡོད་པའི་ཞགས་པ། ཞགས་པ་ཐ་མལ་པ་འདྲ་བ། ལྔ་པ་དབུགས་འབྱིན་པ། དྲུག་པ་ན་རིལ་བ་སྤྱི་བླུགས། བདུན་པ་
99-1-85b

ན་རིན་པོ་ཆེ་སྣ་ཚོགས་ཀྱིས་བཀང་བའི་སྣོད། བརྒྱད་པ་ན་མེ་ཏོག་སྣ་ཚོགས་ཀྱི་སྣོད་ཐོགས་པར་བྱ་ཞིང་། འོད་འདོམ་གང་གིས་བརྒྱན་པ་སྐུ་མེ་ཏོག་སྣ་ཚོགས་ཀྱིས་བཀྲ་བས་མཛེས་པར་བྱའོ། །རི་པོ་ཏ་ལའི་ཁང་པ་བརྩེགས་པ་ཤིན་ཏུ་
མཛེས་པ། གྲུ་བཞི་ལྷམ་པ། ཀ་བ་བཞི་ཟུག་པ། ཁྲི་འཕང་སྟེགས་བུ་མཛེས་པ་དང་ལྡན་པ། རིན་པོ་ཆེ་སྣ་ཚོགས་ཀྱིས་མཛེས་པར་བརྒྱན་པ། པད་མའི་ཕྲེང་བས་མཛེས་པར་བྱས་པ། རྡོ་རྗེའི་ཕྲེང་བས་བརྒྱན་པ། མེ་ཏོག་སྣ་ཚོགས་དང་ཆུ་ཤིང་གི་
ཡལ་གས་མཛེས་པར་བྱས་ལ། གཡས་ལོགས་ཀྱི་སྟེང་ན་ཉི་མ། གཡོན་ལོགས་ན་ཟླ་བ། གནས་གཙང་མའི་རིགས་ཀྱི་ལྷའི་བུ་དག་ལག་ན་མེ་ཏོག་སྣ་ཚོགས་མང་པོ་ཐོགས་ཏེ། བཅོམ་ལྡན་འདས་ལ་མཆོད་པ་བྱེད་པ་བྱའོ། །རི་པད་མ་
འདྲ་བ་ཞིག་སྙིང་པོས་མཛེས་པར་བྱས་ཤིང་། སྡོང་པོ་དང་ལྡན་པ། མཚོས་མཛེས་པར་བྱས་པ། མཚོ་ཉས་གང་ཞིང་ཆུ་སྲིན་མ་ཀ་ར་དང་། ངང་པ་དང་བཞད་དང་ཤང་ཤང་ཏེའུ་དང་། ངུར་བས་བརྒྱན་པ། ནོར་བུ་རིན་པོ་ཆེ་སྣ་ཚོགས་ཀྱིས་ལེགས་པར་བརྒྱན་པའི་
རི་དེའྀ་སྟེང་དུ་པད་མའི་གདན་དང་སེང་གེའི་ཁྲི་བྱའོ། །གཡས་ཕྱོགས་ཀྱི་ཕྱི་རོལ་ཁང་པའི་གནས་སུ་དབང་ཕྱུག་བྱའོ། །གཡོན་དུ་དབང་ཕྱུག་ཆེན་པོ་རྒྱན་ཐམས་ཅད་ཀྱིས་བརྒྱན་པར་བྱའོ། །ནང་གི་གནས་སུ་འཕགས་པ་སྤྱན་རས་གཟིགས་
དབང་ཕྱུག་གོ། གཡས་སུ་འཕགས་མ་སྒྲོལ་མ་ལུས་བཏུད་དེ་འཛེམ་བག་དང་བཅས་པ་བྱའོ། །གཡོན་དུ་དྲི་མེད་འགྲོ་ལག་པ་དབུགས་འབྱིན་པ་དང་ནོར་བཟངས་པུས་མོ་གཙུགས་པར་བྱའོ། །པད་མའི་སྙིང་པོའྀ་དབུས་ཀྱི་
གནས་སུ་ཁྲོ་བོའི་རྒྱལ་པོ་ཁྲོས་པའི་གཟུགས་ཅན། ལག་པ་བཞི་པའྀ་ལག་ན་མཚོན་ཆ་ཐོགས་པ་སྟེ། ཞགས་པ་དང་། དབྱུག་ཏོ་དང་། རྩེ་གསུམ་དང་། པད་མའོ། །པད་མའི་གདན་ལ་སྐྱིལ་མོ་དཀྲུང་ཕྱེད་བཅས་པ་ལུས་ཅུང་ཟད་བཏུད་པ། 
མགོའི་སྟེང་གཡས་གཡོན་དུ་དྲང་སྲོང་བསྟོད་རབས་བྱེད་པ་བྱའོ། །དེ་ནས་འོག་གི་གཡས་གཡོན་དུ་རྡོ་རྗེའི་ཟོམ་ཆེན་པོ། ལག་ན་རྡོ་རྗེའི་ཚོགས་མང་པོ་འདུག་པ་དང་། གཤིན་རྗེ་དང་། ཆུ་ལྷ་དང་། རླུང་ལྷ་དང་། དབང་པོ་དང་། 

99-1-86a

ལྷའི་ཚོགས་དག་བྱའོ། །གཡས་ཕྱོགས་ཀྱི་མཚོ་དང་། རིའི་བར་དུ་བརྒྱ་བྱིན་དང་ཚངས་པ་བྱའོ། །གཡོན་ཕྱོགས་སུ་རྒྱལ་པོ་ཆེན་པོ་བཞི་གོ་ཆ་བགོས་པ་བྱའོ། །དེའི་འོག་ཏུ་པད་མའི་རིགས་མཛེས་མ་ལག་པ་འབྲེལ་པ་
བྱའོ། །ལྷ་མོ་དཔལ་ཆེན་མོ་དང་། དབྱངས་ལྡན་མ་དང་། འཇིགས་བྱེད་མ་དང་། མཚན་མོའི་ལྷ་དང་། སའི་ལྷ་མོ་དང་། ལོ་ཏོག་གི་ལྷ་མོ་བྱའོ། །དབང་ཕྱུག་གི་དྲུང་དུ་ཁྲོ་གཉེར་ཅན་བྱའོ། །དབང་ཕྱུག་ཆེན་པོའི་དྲུང་དུ་གོས་དཀར་མོའོ། །རི་དང་། ཕོ་ཉ་མོའི་
བར་དུ་སྲིན་མོ་རལ་གཅིག་མའོ། །རིའི་འཁོར་ཡུག་ཏུ་གྲུ་བཞི་རིན་པོ་ཆེ་སྣ་བདུན་གྱིས་སྤྲས་པ་བྱ་ཞིང་། ལྗོན་ཤིང་དང་། ལྕུག་མ་སྣ་ཚོགས་དང་། མེ་ཏོག་གིས་བརྒྱན་ཅིང་། མཚེའུ་མཛེས་པ། མེ་ཏོག་སྣ་ཚོགས་ཀྱིས་བརྒྱན་པ་དང་། སེང་གེ་དང་། སྟག་གིས་
གང་བ་དང་། ཀླུའི་ཕྲུ་གུ་དང་། གྲུལ་བུམ་དག་བྱའོ། །གཡོན་དུ་གསང་བ་པ་ལྔ་བྱའོ། །འོག་ཏུ་ཀླུའི་རྒྱལ་པོ་ཆེན་པོ་ལྔ་བྱའོ། །ཐམས་ཅད་བྲག་གི་སྟན་དང་། ལག་ན་རིན་པོ་ཆེའི་མེ་ཏོག་གི་ཕོར་པ་ཐོགས་ཏེ། བཅོམ་ལྡན་འདས་ལ་བལྟ་བར་
བྱའོ། །འཕགས་པ་སྤྱན་རས་གཟིགས་དབང་ཕྱུག་གི་ཞབས་ཀྱི་དྲུང་དུ་རིག་སྔགས་འཆང་པུས་མོ་གཙུགས་ཏེ། ལག་ན་མེ་ཏོག་དང་། པོག་ཕོར་ཐོགས་པ་བཅོམ་ལྡན་འདས་ལ་བལྟ་བར་བྱའོ། །སྟེང་གི་བང་རིམ་དུ་ཐུབ་པ་ཆེན་པོ་རྒྱལ་བ་འོད་
དཔག་མེད་དང་། ཤཱཀྱའྀ་རྒྱལ་པོ་དང་། འཇིག་རྟེན་དབང་པོའི་རྒྱལ་པོ་བྱའོ། །རས་ཀྱི་སྐུ་གཟུགས་འདི་མཐོང་བ་ཙམ་གྱི་མོད་ལ། ཚེ་རབས་བརྒྱ་སྟོང་དུ་མནར་མེད་པ་བསགས་པ་དང་། མཚམས་མེད་པ་ལྔའི་ལས་བྱས་པ་དེ་དག་ཐམས་ཅད་
འཇིག་པར་འགྱུར། རྣམ་པར་འཇིག་པར་འགྱུར་ཞིང་། སེམས་ཅན་དེ་དག་ཐམས་ཅད་ཀྱང་ཡོངས་སུ་གྲོལ་བར་འགྱུར་ན། སེམས་ཅན་དག་པ་རྣམས་ལྟ་ཅི་སྨོས། དད་པས་མོས་པ་རྣམས་དང་། དཀོན་མཆོག་གསུམ་མཆོད་པ་དོན་དུ་གཉེར་བ་དེ་དག་ནི། ཚེ་
འདི་ཉིད་ལ་འབྲས་བུ་ཆེ་བ་དང་། ཕན་ཡོན་མང་པོ་དག་ཏུ་ཤེས་པར་བྱའོ། །དེ་བཞིན་གཤེགས་པ་གྂ་གཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་བཅུ་རྩ་བཞིའི་དྲུང་དུ་དགེ་བའི་རྩ་བ་བསྐྱེད་པར་འགྱུར་ཞིང་། དེ་དག་གི་དགེ་བའི་རྩ་བ་དང་

99-1-86b

ལྡན་པར་འགྱུར་རོ། །རས་ཀྱི་སྐུ་གཟུགས་འདི་མཐོང་བ་ནི་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པའི་གཟུངས་ཀྱི་སྙིང་པོ་དངོས་སུ་མཐོང་བ་ཡིན་ནོ། །རས་ཀྱི་སྐུ་གཟུགས་འདི་མཐོང་བ་ཙམ་གྱིས་འཕགས་པ་སྤྱན་རས་གཟིགས་
དབང་ཕྱུག་དགོངས་པར་འགྱུར་ཞིང་སྐུ་ཡང་སྟོན་པར་འགྱུར་རོ། །ཉམས་ཐགས་པ་ཙམ་གྱི་མོད་ལ་སྐུ་སྟོན་པར་འགྱུར་ཞིང་མཆོག་ཐམས་ཅད་སྦྱིན་པར་འགྱུར་རོ། །དོན་ཡོད་པའི་ཞགས་པའི་གཟུངས་ཀྱི་སྙིང་པོ་འགྲུབ་པར་འགྱུར་རོ། །ནད་ཀྱིས་
ཐེབས་པ་དང་། ནད་ཚབས་ཆེན་པོས་གཟིར་བ་དང་། ནད་སྣ་ཚོགས་དང་། སྡུག་བསྔལ་བརྒྱ་སྟོང་གིས་དཀྲུགས་པ་དེ་དག་ཐམས་ཅད་ཀྱིས་མཐོང་བ་ཙམ་གྱི་མོད་ལ། ནད་ཐམས་ཅད་དང་། སྡུག་བསྔལ་ཐམས་ཅད་དང་། གདོན་ཐམས་ཅད་ཡོངས་སུ་
གྲོལ་བར་འགྱུར་ཞིང་། སྒྲིབ་པ་དང་། ནད་དང་བྲལ་བར་འགྱུར་རོ། །ཐ་ན་དུད་འགྲོའི་སྐྱེ་གནས་སུ་གཏོགས་པ་དག་ཀྱང་། མཐོང་བ་ཙམ་གྱི་མོད་ལ་ཡོངས་སུ་གྲོལ་བར་འགྱུར་རོ། །རས་ཀྱི་སྐུ་གཟུགས་འདི་འཁོར་མང་པོས་མཆོད་པ་དང་། བཀུར་
སྟི་ཆེན་པོ་དང་། སིལ་སྙན་སྐྲོལ་བ་མང་པོ་དང་། གདུགས་དང་། རྒྱལ་མཚན་དང་། བ་དན་གྱིས་ལེགས་པར་བརྒྱན་པར་བྱ་སྟེ། གྲོང་ཁྱེར་ཆེན་པོ་འམ། རྒྱལ་པོའི་ཕོ་བྲང་ངམ། གཙུག་ལག་ཁང་ངམ། ལྗོངས་སམ། ཁྱིམ་འམ། གྲོང་དུ་ཞུགས་ནས་རས་ཀྱི་
སྐུ་གཟུགས་བཞུགས་པ་ཙམ་གྱི་མོད་ལ། འཐབ་པ་དང་། རྩོད་པ་དང་། འཐབ་མོ་དང་། ཁྲག་ཁྲུག་དང་། མུ་གེའི་དགོན་པ་དང་། མི་ངས་དང་། རང་གི་དཔུང་དང་། གཞན་གྱི་དཔུང་གི་འཇྀགས་པ་ཞི་བར་འགྱུར་རོ། །གནོད་སྦྱིན་དང་། སྲིན་པོ་དང་། འབྱུང་པོ་དང་། 
ཤ་ཟ་དང་། སྲུལ་པོ་དང་། ལུས་སྲུལ་པོ་དང་། སྐེམ་བྱེད་དང་། གྲིབ་གནོན་ཞི་བར་འགྱུར་ཞིང་། བདེ་བ་དང་། ལོ་ལེགས་པ་དང་། དགའ་བ་དང་། མི་མང་པོ་བདེ་བ་མང་བར་འགྱུར་རོ། །དགའ་བ་དང་ཡིད་བདེ་བ་མང་བར་འགྱུར་རོ། །ཕ་རོལ་ཏུ་ཕྱིན་པ་དྲུག་གི་རྗེས་སུ་
འགྲོ་བར་འགྱུར་རོ། །འདི་མཐོང་བ་ཙམ་གྱིས་ཐམས་ཅད་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །བསྐལ་པ་སྟོང་ཕྲག་བདུན་བཅུའི་ཚེ་རབས་སུ་ཚེ་རབས་དྲན་པར་འགྱུར་རོ། །པད་མའི་འོད་དྲི་མ་མེད་ཅིང་རྣམ་པར་དག་པའི་རྒྱལ་པོ་

99-1-87a

ཞེས་བྱ་བའི་ཏིང་ངེ་འཛིན་བྱང་ཆུབ་སེམས་དཔའ་སེམས་དཔའ་ཆེན་པོས་མ་ཐོབ་པ་ཐོབ་པར་འགྱུར་རོ། །པད་མ་རབ་ཏུ་གནས་པ་ཞེས་བྱ་བའི་རིག་སྔགས་འཆང་གི་འཁོར་ལོས་བསྒྱུར་བ་ཉིད་འཐོབ་པར་འགྱུར་རོ། །རི་མོའི་སྐུ་གཟུགས་
བསྒྲུབ་པའི་ཆོ་ག་དང་ཆོ་ག་ཞིབ་མོའོ།། །། དེ་ནས་དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་ཆེན་པོའི་དཀྱིལ་འཁོར་བཤད་པར་བྱ་སྟེ། ཆུ་ཀླུང་གི་འགྲམ་འམ། པད་མའི་འཚེའུ་འམ། ཨུད་པ་ལའི་ཚེའུ་འམ། མེ་ཏོག་གི་བསྐྱེད་མོས་ཚལ་ལམ། 
འབྲས་བུའི་ཀུན་དགའ་ར་བ་འམ། ཁང་བཟང་ས་གཞི་དག་ཅིང་ས་གཞི་ཡོངས་སུ་སྦྱངས་པ། རྩྭ་དང་ཤིང་བལ་དང་། སྐྲ་དང་། ཕུབ་མ་དང་། སོལ་བ་དང་། ཕྱག་དར་གྱི་ཕུང་པོ་དང་། གྱོ་མོ་དང་ཤིང་དང་། བོང་བ་དང་། གསེག་མ་དང་། ཐོད་པའི་རུས་པས་གང་བ་རྣམས་
སྤངས་པའི་ས་གཞིའི་ཕྱོགས་ན་མཚེའུ་དང་། འབབ་ཆུ་དང་། འབབ་ཆུ་བྱང་ཕྱོགས་ནས་འབབ་པ་དང་། ཉེ་བ་ན་ཆུ་ཡོད་ཅིང་ཤྀན་ཏུ་མཛེས་པ། ལྷོ་ཕྱོགས་དང་། བྱང་ཕྱོགས་དང་། ནུབ་ཕྱོགས་དང་། ཤར་ཕྱོགས་གང་ན་ལྗོན་ཤིང་གིས་མཛེས་པར་བྱས་པ། 
གང་ཉམས་དགའ་བ། ཁ་དོག་དང་། གཟི་བྱྀན་དུ་ལྡན་པའི་གནས་དེ་ལྟ་བུ་རྙེད་ནས་ཆུ་དང་ཡུངས་ཀར་ལ་བཟླས་ཏེ། ཀུན་ཏུ་གཏོར་རོ། །ས་གཞྀ་དེ་ལྟ་བུ་སྦྱང་བ་ནི་མཆོག་ཡིན་ནོ། །ཁྲོ་བོའི་རྒྱལ་པོ་ཡུངས་ཀར་ལ་ལན་ཉི་ཤུ་རྩ་གཅིག་བཟླས་ཏེ། 
ཕྱོགས་བཞྀར་གཏོར་ན། ཀུན་ནས་དཔག་ཚད་བརྒྱ་ཚུན་ཆད་ཕྱོགས་བཅིངས་པ་དང་། དཀྱིལ་འཁོར་བཅྀང་བ་དང་། མཚམས་བཅྀང་བ་བྱས་པར་འགྱུར་རོ། །སྡང་བ་ཐམས་ཅད་དང་། བགེགས་དང་། ལོག་འདྲེན་ཐམས་ཅད་སྐད་ཅིག་ཀྱང་མི་གནས་པར་
ཕྱོགས་བཞིར་བྱེར་ཏེ་འདོང་ངོ་། །སྲོག་ཆགས་སྡང་བ་དང་། སྡང་བའི་སེམས་ཅན་དང་། སྡང་བའི་གཅན་གཟན་ཁྲོ་བོ་གང་ཡིན་པ་དེ་དག་ཐམས་ཅད་རབ་ཏུ་ཞི་བར་འགྱུར་ཞིང་ལྷ་ཐམས་ཅད་སྲུང་བར་འགྱུར་རོ། །གནས་ཀྱི་ཕྱོགས་དེར་མཁས་པས་དཀྱིལ་
འཁོར་བྱས་ཏེ། གྲུ་བཞི་ལྷམ་པ་ངོས་རེ་རེ་ཞིང་ཁྲུ་སུམ་བཅུ་རྩ་གཉིས་གཞལ་བར་བྱ་ཞིང་། ཆ་འབྱེས་པ་གྲུ་བཞི་པ་ཆ་མཉམ་ཞིང་མཛེས་པ་སྒོ་བཞི་དང་། རྟ་བབས་བཞིར་ལྡན་པ། འབྲས་ཀྱི་ཕྱེ་མའི་ཚོན་སྣ་བཞིར་སྦྱར་ལ། དེ་ནས་དཀྱིལ་འཁོར་བྲི་བར་བྱ་སྟེ། 

99-1-87b

ཚོན་ལྔའི་ཐིག་སྐུད་ཀྱིས་ཐིག་བཏབ་ནས། ཙན་དན་དཀར་པོའི་ཕུར་བུ་བཏབ་སྟེ། ཟླ་བ་ཡར་གྱི་ངོ་ཚེས་བརྒྱད་དམ། ཚེས་བཅྭ་ལྔའི་ཚེས་གྲངས་དང་། རྒྱུ་སྐར་བཟང་པོ་བསྡམས་ཏེ། དཀྱིལ་འཁོར་གྱི་མཆོག་བྲི་བར་བྱའོ། །དང་པོ་ནི་དཀར་པོས་བྲིའོ། །
གཉིས་པ་ནི་དམར་པོས་སོ། །གསུམ་པ་ནི་སེར་པོས་སོ། །བཞི་པ་ནི་ནམ་མཁའི་ཁ་དོག་གིས་སོ། །ལྔ་པ་ནི་མྀག་སྨན་གྱི་ཁ་དོག་གིས་ཏེ། དཀྱིལ་འཁོར་གྱི་དབུས་ཀྱི་སྙིང་པོ་འཇིགས་པ་མེད་པ་ཆ་རྣམ་པར་མཛེས་ཤིང་། གསལ་བར་པིར་སར་
པ་དང་ཚོན་དང་སྣོད་སར་པས་བྲི་བར་བྱ་སྟེ། དཀྱིལ་འཁོར་གྱི་སྙིང་པོར་པད་མ་འདབ་མ་སྟོང་པ་ཁོར་ཡུག་སྟེགས་བུ་དང་བཅས་པ་བྲི་ཞིང་། པད་མའི་ཕྲེང་བ་ཚོན་གྱིས་མཛེས་པ་བྲིས་ལ། དེའི་དབུས་སུ་སངས་རྒྱས་བཅོམ་ལྡན་འདས་ཐུབ་པ་ཆེན་པོ་
ཤཱཀྱའི་རྒྱལ་པོ་དང་། འོད་དཔག་མེད་དང་། འཇིག་རྟེན་དབང་པོའི་རྒྱལ་པོ་གཞག་གོ། གཡས་སུ་མགོན་པོ་འཇིག་རྟེན་དབང་ཕྱུག་དོན་ཡོད་པའི་ཞགས་པའི་ཆ་བྱད་འཆང་བ་གསང་སྔགས་ཀྱི་རྗེས་སུ་འབྲང་བར་བྱའོ། །གཡོན་དུ་ཕྱག་ན་
རྡོ་རྗེ་རྔ་ཡབ་དང་རྡོ་རྗེ་ཐོགས་པ་བཞིན་ཁྲོ་གཉེར་ཅན་འོད་འབར་བས་བསྐོར་བའོ། །འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་ལྷ་མོ་སྒྲོལ་མ་དང་དྲི་མེད་འོད་འཕྲོ་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་འོག་ཏུ་
དཀར་ཤམ་ཆེན་པོ་དང་། གོས་དཀར་མོ་དང་། དཀར་མོ་ཆེན་མོ་ལག་ན་དབྱུག་པ་དང་། རིལ་བ་སྤྱི་བླུགས་ཐོགས་པའོ། །དེའི་འོག་ཏུ་སྲིན་མོ་རལ་པ་གཅིག་པ་མཆེ་བ་གཙིགས་པ་ཐོད་པའི་ཕྲེང་བ་ཐོགས་པ། སྦྲུལ་གྱི་མཆོད་ཕྱིར་ཐོགས་པ་ལག་
པ་བཞི་པ། ལག་པ་གཡས་གཡོན་གཉིས་ན་རྡོ་རྗེ་དང་། དགྲ་སྟ་དང་། གཡས་པའི་གུང་མོ་ལྷ་དང་། ལོག་འདྲེན་ལ་བསྡིགས་པར་བྱའོ། །གཡོན་དུ་འཕགས་པ་སྤྱན་རས་གཟིགས་དབང་ཕྱུག་བྲམ་ཟེའི་ཆ་ལུགས་འཆང་བ་རལ་པའི་ཐོར་
ཚུགས་ཀྱིས་བཞུགས་པ། འོད་དཔག་མེད་ཀྱི་ཐོར་ཚུགས་ཀྱིས་བརྒྱན་པར་བྱའོ། །གཡས་གཡོན་དུ་དབང་ཕྱུག་དང་། དབང་ཕྱུག་ཆེན་པོ་བྱའོ། །དེའི་འོག་ཏུ་དཔལ་ལྷ་མོ་དང་། ལྷ་མོ་དབྱངས་ཅན་མ་དང་། མཚན་མོའི་ལྷ་མོ་དང་། སའི་ལྷ་མོ་དང་། ལོ་ཐོག་གི་ལྷ་མོ་དང་། 

99-1-88a

འབྲས་བུའི་ལྷ་མོ་བྱའོ། །དེའི་འོག་ཏུ་འཁོར་ཡུག་ཏུ་གཤིན་རྗེ་དང་ཆུ་ལྷ་དང་རླུང་ལྷ་ལ་སོགས་པ་བྱའོ། །རལ་པའི་ཐོར་ཚུགས་ཀྱིས་བརྒྱན་པའི་དྲང་སྲོང་གཞག་པར་བྱའོ། །གྲྭ་རྒྱལ་པོ་ཆེན་པོ་བཞི་གོ་ཆ་བགོས་
པ་གཞག་པར་བྱའོ། །དཀྱིལ་འཁོར་གྱི་སྙིང་པོའི་དབུས་དང་བར་བར་དུ་ལྕགས་ཀྱུ་དང་། དགྲ་སྟ་དང་། རྡོ་རྗེ་དང་། དབྱུག་པ་དང་། ཞགས་པ་དང་། ལྕགས་སྒྲོག་བྱའོ། །ཕྱི་རོལ་དུ་ཚངས་པ་དང་། དྲག་པོ་དང་། ལྷ་མོ་ཨུ་མ་དང་། ཚངས་པའི་དྲུང་དུ་ལྷ་མོ་
དབྱངས་ལྡན་མ་ཁྲོས་པའི་གཟུགས་ཅན་ནོ། །དེ་གཉིས་ཀྱི་བར་དུ་དབྱུག་པ་དང་། རིལ་བ་སྤྱི་བླུགས་བྲི་བར་བྱའོ། །གྲྭ་གཅིག་ཏུ་དོན་ཡོད་པའི་ཞགས་པའི་སྙིང་པོའི་རྣམ་པར་གྲོལ་བའི་དཀྱིལ་འཁོར་ཀྱི་ཆོས་ཀྱི་རྣམ་གྲངས་གཞག་གོ། གྲྭ་གཅིག་ཏུ་ཤི་བཱ་བ་ཧ་བཞག་གོ། དེ་ནས་ཤར་
ཕྱོགས་ཀྱི་སྒོར་ཁྲོ་བོ་རྟ་མགྲིན་འཇིགས་སུ་རུང་བའི་མིག་ཅན་གཞག་གོ། ལྷོ་ཕྱོགས་ཀྱི་སྒོར་རྡོ་རྗེ་ཆེན་པོ་ཀཱི་ལི་ཀི་ལ་ཞེས་བྱ་བ། རྡོ་རྗེ་རྣམ་པར་འདྲེན་པ། ལག་ན་རྡོ་རྗེ་དང་། དགྲ་སྟ་དང་། ཞགས་པ་ཐོགས་པར་བྱའོ། །ནུབ་ཕྱོགས་ཀྱི་སྒོར་ཕོ་ཉ་མོ་པད་
མའི་རིགས་མཛེས་མ་ལག་པ་པད་མའི་རྩེ་མོ་ནས་འཛིན་པར་བྱའོ། །བྱང་ཕྱོགས་ཀྱི་སྒོར་རྡོ་རྗེ་ཆེན་པོ་ཟོམ་ཞེས་བྱ་བའི་ཚོགས་ལག་ན་རྡོ་རྗེ་དང་ཞགས་པ་ཐོགས་པ་བྱའོ། །དེ་ནས་འཇུག་པའི་སྒོ་ནས་གསེར་གྱི་བུམ་པ་སྤོས་ཆུས་བཀང་སྟེ་དར་ལས་བཅིངས་ལ་རྣམ་པ་ཐམས་ཅད་
དང་། མེ་ཏོག་གི་ཕྲེང་བས་བརྒྱན་ནས་བསམ་པ་ཅི་ལྟ་བ་བཞིན་དུ་དཀྱིལ་འཁོར་གྱི་དབུས་སུ་གཞག་སྟེ། སྟེང་དུ་སྣ་མའི་མེ་ཏོག་གི་གདུ་བུ་གཞག་པར་བྱའོ། །ཙན་དན་དང་གུར་ཀུམ་དང་། གླ་རྩི་དང་། ག་བུར་གྱི་ཆུ་དང་། པོག་ཕོར་བཞི་གཞག་ཅིང་། ཨ་ཀ་རུའི་
བདུག་པས་བདུག་གོ། ཚོན་སྣ་ལྔའི་རས་ཀྱི་སྲད་བུ་མཆོད་ཕྱིར་གྱི་སྲད་བུ་ཚད་དུ་བྱས་ལ། གསེར་གྱི་ཡང་མིག་རྩེ་གསུམ་ཅན་གདགས་པར་བྱ་ཞིང་། ཐོར་ཏོ་གཅིག་ཏུ་མེ་ཏོག་པད་མའི་གདུབ་འཁོར་རིན་པོ་ཆེས་སྤྲས་པ། ཟླུམ་པོར་བསྐྱིལ་ལ་བུམ་
པའི་སྟེང་དུ་གཞག་ལ་མཆོད་པ་དང་། བསྙེན་བཀུར་བྱས་ཏེ་ཡུངས་དཀར་ལ་དོན་ཡོད་པའི་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་ཏེ། དེ་ལ་གདབ་པར་བྱའོ། །ཙན་དན་དང་། ག་བུར་དང་། གླ་རྩི་ཕྱེ་མས་བསྒོས་ལ་བསྒོ་བར་བྱའོ། །སྒོ་བཞིའི་གནས་སུ་དྲི་

99-1-88b

ཆབ་ཀྱིས་བཀང་བའི་བུམ་པ་དང་ཟས་དཀར་གསུམ་གྱི་གཏོར་མ་གཞག་པར་བྱ་ཞིང་དངུལ་གྱི་མཆོད་ཡོན་གྱི་སྣོད་སུམ་བཅུ་རྩ་གཉིས་དང་། སྤོས་ཆུས་བཀང་བ་བརྒྱད་དང་། སྤོས་ཆུ་དཀར་པོས་བཀང་བ་བརྒྱད་གཞག་པར་བྱའོ། །རོ་དང་དྲི་སྣ་ཚོགས་
ཀྱིས་བཀང་བ་བརྒྱད་དང་། ཞོ་དང་། འོ་མ་དང་། སྤོས་ཆུས་བཀང་བ་བརྒྱད་དང་། གཏོར་མ་ལ་སོགས་པ་དབུལ་བ་སྣ་བརྒྱད་དང་། དབུལ་བ་དྲུག་བཅུ་རྩ་བཞི་པ་རྣམས་ཤ་དང་། ཁྲག་དང་། དཀུན་དོང་དང་། ཀེའུ་དང་། ཁ་ཟས་ངན་པ་དང་། བཏུང་བ་ངན་པ་སྤངས་ཏེ། གཙང་
མས་གཙང་མ་སྦྱར་བར་བྱའོ། །མེ་ཏོག་སྣ་ཚོགས་ཀྱི་གཅལ་བགྲམ་པར་བྱ་ཞིང་། གདུགས་དང་། རྒྱལ་མཚན་དང་། ལྡ་ལྡི་དང་། བ་དན་གྱིས་བརྒྱན་པར་བྱ། པོག་ཕོར་སུམ་བཅུ་རྩ་གཉིས་གཞག་པར་བྱ་ཞིང་། བདུག་སྤོས་སྣ་ཚོགས་མང་པོས་བདུག་
པར་བྱ། སྤོས་སྣ་བརྒྱ་རྩ་བརྒྱད་དང་ལྡན་པའི་ཏིལ་མར་གྱི་མར་མེ་གཏམ་པར་བྱ། དཀྱིལ་འཁོར་གྱི་ཁོར་ཡུག་ཏུ་པད་མའི་ཕྲེང་བ་བྲི་བར་བྱའོ། །རིག་སྔགས་འཆང་གཙང་མས་གོས་གཙང་མ་བགོ་བར་བྱ་ཞིང་། དུས་གསུམ་དུ་ཁྲུས་བྱས་ལ་གོས་
གསུམ་བགོ་བར་བྱ། གྲོགས་གཙང་མ་བསྒྲུབ་པར་བྱའོ། །འཇུག་པའི་ཆོ་ག་བྱས་པ་ནས་དོན་ཡོད་པའི་ཞགས་པའི་སྙིང་པོས་དབང་བསྐུར་བའི་བར་ཙམ་གྱིས་སངས་རྒྱས་ཐམས་ཅད་ཀྱིས་ཡོངས་སུ་གཟུང་ཞིང་། འཇིག་རྟེན་མགོན་པོས་
བྱིན་གྱིས་བརླབས་པ་དང་། པད་མའི་རིགས་པད་མ་འཆང་བའི་དཀྱིལ་འཁོར་ཆེན་པོ་དོན་ཡོད་པའི་སྙིང་པོའི་དངོས་གྲུབ་ལ་མངོན་དུ་ཕྱོགས་པར་འགྱུར་རོ། །གང་བསམས་པ་ཐམས་ཅད་དེ་ཁོ་ན་བཞིན་བྱེད་པར་འགྱུར་རོ། །དམ་
ཚིག་ཐམས་ཅད་ལ་དོན་ཡོད་པར་འཇུག་གོ། ཆོས་ཉིད་ཐམས་ཅད་ཀྱིས་རྣམ་པར་གྲོལ་བའི་དཀྱིལ་འཁོར་གྱི་ཆོས་ལ་དམ་ཚིག་གྲུབ་པར་འགྱུར་རོ། །ལས་ཀྱི་སྒྲྀབ་པ་ཐམས་ཅད་རྣམ་པར་གྲོལ་བ་དང་། བདེ་བ་ཐམས་ཅད་ཀྱི་རྗེས་སུ་
འགྲོ་ཞིང་ལྷ་དང་མིའི་དཔལ་ཐམས་ཅད་མྱོང་བར་འགྱུར་རོ། །ལྷ་དང་ལྷ་མ་ཡིན་དང་གནོད་སྦྱིན་དང་སྲིན་པོའི་ཚོགས་ཀྱི་བསྒོ་སྐལ་ལ་དབང་བར་འགྱུར་རོ། །རྣལ་འབྱོར་གྱི་དཀྱིལ་འཁོར་དང་གསང་སྔགས་ལ་བརྟེན་པར་འགྱུར་རོ། །བརྡེག་པ་དང་། 

99-1-89a

སྤྱོ་བ་དང་ཕུར་བུས་གདབ་པ་དང་། བསྡིགས་པ་དང་གཡེང་བ་དང་གསད་པ་དང་། དབང་དུ་བྱས་པས་མི་ཚུགས་སོ། །གང་དག་དེ་ལྟ་བུ་བྱེད་པ་དེ་ཉིད་ཀྱི་ལུས་སམ། མགོ་ལ་བརྒྱ་ཕྲག་སྟོང་གྱུར་དུ་འབབ་པར་
འགྱུར་ཞིང་། གཞན་གྱིས་ཕྱིར་བཟླས་ཤིང་དགྲོལ་བར་མི་ནུས་ཏེ། རིག་སྔགས་འཆང་དེས་དགྲོལ་བར་བྱའོ། །དེ་ནས་རིག་སྔགས་དེས་རི་མོའི་གཟུགས་དེ་དཀྱིལ་འཁོར་ལ་མངོན་དུ་ཕྱོགས་པར་གཞག་ནས། དོན་
ཡོད་པའི་ཞགས་པའི་སྙིང་པོ་སྟོང་རྩ་བརྒྱད་བཟླས་ལ། དོན་ཡོད་པའི་ཞགས་པའི་ཕྱག་རྒྱ་ལན་བརྒྱ་རྩ་བརྒྱད་བཅིང་བར་བྱ་ཞིང་། ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བྱའོ། །དེའི་འོག་ཏུ་དཀྱིལ་འཁོར་གྱི་ལྷ་
རྣམས་ལས་འོད་ཟེར་ཁ་དོག་སྣ་ཚོགས་འབྱུང་བར་འགྱུར་རོ། །བུམ་པ་དེ་ཡང་འབར་ལ་རས་ཀྱི་སྐུ་གཟུགས་དེ་ཡང་ཁ་དོག་སྣ་བདུན་དུ་འབར་ཞིང་། ཤས་ཆེར་འབར་བ་མགུལ་བར་འགྱུར་ཏེ། ཁྲོ་བོའི་རིག་སྔགས་
འཆང་སྙིང་དགའ་བར་འགྱུར་ཞིང་། རས་ཀྱི་སྐུ་གཟུགས་ལས་ལེགས་སོ་ཞེས་བྱ་བའི་སྒྲ་འབྱུང་བར་འགྱུར་ཏེ། རིག་སྔགས་འཆང་ལེགས་སོ་ལེགས་སོ། །ཁྱོད་ཀྱིས་འཕགས་པ་སྤྱན་རས་གཟིགས་དབང་ཕྱུག་
དོན་ཡོད་པའི་ཞགས་པའི་སྙིང་པོ་གྲུབ་ཅིང་། ཁྱོད་ཀྱིས་ཞགས་པ་འདི་ཡང་གྲུབ། ཁྱོད་ཀྱིས་ཡིད་བཞིན་གྱི་ནོར་བུའི་ཞགས་པའི་མཆོག་འདི་ཡང་གྲུབ་ཀྱིས། ཁྱོད་ཀྱིས་ལས་ཐམས་ཅད་བྱོས་ཤིག །དེ་དཀྱིལ་
འཁོར་གྱི་ཆོ་ག་རྒྱས་མཆོག་གྲུབ་ནས། བུམ་པ་སྤོས་ཆུས་བཀང་བ་དེ་བླངས་ལ་ལན་བརྒྱ་རྩ་བརྒྱད་བཟླས་ཏེ། རྒྱུ་སྐར་རྒྱལ་ལ་ཁྲུས་བྱ་བ་འམ་ཟླ་བ་ཡར་གྱི་ངོ་ཚེས་གྲངས་ཤིས་པ་ལ་ཁྲུས་བྱས་པ་ཙམ་གྱི་མོད་ལ། ལུས་
ཐམས་ཅད་དྲི་མ་མེད་ཅིང་ཡོངས་སུ་དག་པ་འཐོབ་པར་འགྱུར་ཞིང་། དངོས་པོ་ལྔའི་བདག་ཉིད་ཡོངས་སུ་དག་པར་འགྱུར་ཏེ། རྣ་བ་ལྔ་ཡོངས་སུ་དག་པ་དང་མིག་ལྔ་ཡོངས་སུ་དག་པ་དང་སྣ་ལྔ་ཡོངས་སུ་དག་པ་དང་ལྕེ་ལྔ་ཡོངས་སུ་

99-1-89b

དག་པ་དང་རྣམ་པར་ཤེས་པ་ལྔ་ཡོངས་སུ་དག་པ་དང་དབང་པོ་ལྔ་ཡོངས་སུ་དག་པ་ཐོབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཆོག་སྦྱིན་པར་འགྱུར་ཞིང་། རྟག་ཏུ་སྐུ་སྟོན་པ་བཞེད་མར་ཡང་
འགྱུར་རོ། །དེ་བཞིན་གཤེགས་པ་ཐམས་ཅད་ཞལ་སྟོན་པར་འགྱུར་རོ། །རྟག་ཏུ་བྱང་ཆུབ་སེམས་དཔའ་ཐམས་ཅད་དགོངས་པར་འགྱུར་རོ། །ལྷ་ཐམས་ཅད་ཀྱང་དེ་ལ་བསྲུང་བ་དང་བསྐྱབ་པ་དང་སྦ་བ་བྱེད་པར་འགྱུར་
རོ། །བརྒྱ་བྱིན་དང་ཚངས་པ་དག་ཀྱང་འོང་བར་འགྱུར་རོ། །རྒྱལ་པོ་ཆེན་པོ་བཞི་དཔུང་གི་འཁོར་དང་བཅས་ཏེ་སའི་ཕྱོགས་དེར་འོང་བར་འགྱུར་ཞིང་། རྟག་ཏུ་རྒྱུན་མི་འཆད་པར་བསྲུང་བ་དང་བསྐྱབ་པ་དང་སྦ་བ་བྱེད་པར་
འགྱུར་རོ། །སྲེད་མེད་ཀྱི་བུ་དང་དབང་ཕྱུག་ཆེན་པོ་དང་ནོར་བུ་བཟང་པོ་དང་གསང་བ་པ་བརྒྱ་སྟོང་ཕྲག་དུ་མ་བསྲུང་བ་དང་བསྐྱབ་པ་དང་སྦ་བ་བྱེད་པར་འགྱུར་ཞིང་། ཞི་བ་དང་བདེ་ལེགས་སུ་བྱེད་པར་འགྱུར་རོ། །ཤེས་པ་
དོན་ཡོད་པ་དང་ཤེས་རབ་དོན་ཡོད་པ་དང་ཐོས་པ་དང་ཚུལ་ཁྲིམས་དང་བརྩོན་འགྲུས་འཐོབ་པར་འགྱུར་ཞིང་། སྦྱིན་པ་དོན་ཡོད་པའི་སྦྱིན་པར་འགྱུར་རོ། །བསོད་ནམས་ཀྱི་ཕུང་པོ་དོན་ཡོད་པ་དང་ལྡན་པར་འགྱུར་ཞིང་འདི་ལྟ་
སྟེ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །རྫུ་འཕྲུལ་དཔག་ཏུ་མེད་པ་ལ་མཁས་པར་ཡང་འགྱུར་རོ། །རིག་སྔགས་འཆང་གི་ཆོ་ག་ཞིབ་མོ་ཡང་འགྲུབ་པར་འགྱུར་རོ། །སྟོབས་དང་བརྩོན་འགྲུས་དང་
ཕ་རོལ་གནོན་པ་དོན་ཡོད་པར་འགྱུར་རོ། །སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་ཐོབ་པར་འགྱུར་རོ། །དེ་བཞིན་གཤེགས་པ་གྂ་གཱའི་ཀླུང་བྱེ་མ་སྙེད་ས་ཡ་བརྒྱ་ཕྲག་བརྒྱད་སྟོང་དྲུག་བཅུ་རྩ་བཞིའི་
དགེ་བའི་རྩ་བ་ཡོངས་སུ་རྫོགས་པར་ཡང་དག་པར་བཟུང་བར་འགྱུར་རོ། །སེམས་ཅན་ཐམས་ཅད་ཀྱིས་ཀྱང་མཆོད་པ་དང་བཀུར་སྟི་བྱ་བར་འགྱུར་ཞིང་ཐམས་ཅད་དབང་དུ་འགྱུར་རོ། །མཆོད་རྟེན་གྱི་སྙིང་པོ་དང་འདྲ་བར་

99-1-90a

ཕྱག་བྱ་བའི་འོས་སུ་འགྱུར་རོ། །དཀྱིལ་འཁོར་གྱི་ཆོ་ག་ཞིབ་མོའོ།། །། འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་དགུ་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་
ཕྱུག་སྟན་ལས་ལངས་ནས། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་གཙུགས་ཏེ། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་ཏེ་བཏུད་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་
ལྡན་འདས་ཀྱི་ཞབས་ལ་མགོ་བོས་ཕྱག་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་པད་མའི་རིགས་ལ་རྣམ་པར་གྲོལ་བའི་དཀྱིལ་འཁོར་གྱི་ཆོ་ག་རིག་སྔགས་ཆེན་པོའི་རིམ་པར་ཕྱེ་བ་ཆོ་ག་ཞིབ་མོ་
དོན་ཡོད་པའི་ཞགས་པའི་སྙིང་པོ། རིག་སྔགས་ཀྱི་རྒྱལ་པོ་ཆེན་པོ་མཆིས་ཏེ། བཅོམ་ལྡན་འདས་ཀྱི་སྤྱན་སྔར་དེ་བདག་གིས་ཡོངས་སུ་བསྒྲག་པར་བགྱིའོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་བཞིན་
འཛུམ་པས། བཅོམ་ལྡན་འདས་ལ་ལྟ་བཞིན་དུ་དོན་ཡོད་པའི་ཞགས་པའི་སྙིང་པོ་འདི་སྨྲས་སོ། །ན་མ་སྟྲཻ་ཡད་དྷྭཱ་ནུ་ག་ཏ་པྲ་ཏིཥྛི་ཏི་བྷྱཿ སརྦ་བུད་དྷ་བོ་དྷི་ས་ཏྭེ་བྷྱཿ ན་མཿཔྲ་ཏྱེ་ཀ་བུད་དྷཱརྱ་ཤྲཱ་བ་ཀ་སྃ་གྷེ་བྷྱཿ ཨ་ཏཱི་ཏཱ་ནུ་ག་ཏ་པྲ་ཏྱུད་པ་ན་ནེ་བྷྱཿ 
ན་མཿ སམྱཀ་ག་ཏཱ་ནཱན། ན་མཿ སམྱཀ་པྲ་ཏི་པན་ནཱན་ན་མཿཤཱ་ར་ཏྭ་ཏི་སྤཱུ་ཏཱ་ཡ། མ་ཧཱ་མ་ཏ་ཡེ། ན་མ་ཨཱརྱ་མཻ་ཏྲྷྲེ་ཡ་པྲ་མུ་ཁེ་བྷྱོ། མ་ཧཱ་བོ་དྷི་སཏྭ། ཨཱརྱ་ག་ཎ་པ་རེ་བྷྱཿ ན་མཿ ཨཱརྱ་ཨ་མྀ་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་སམྱཀ་སམ་བུད་དྷཱ་ཡ། 
ན་མོ་རད་ན་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏེ་བྷྱོ་མ་ཧཱ་ཤི་རཱི་ཨཱརྱ་ག་ཎ་བ་རེ་བྷྱོ་ན་མ་སྐྲྀ་ཏྭཱ་ཨི་དན་ཨཱརྱཱ་བ་ལོ་ཀི་ཏེ་ཤྭ་ར་མུ་ཁོང་གིརྞྞ་ཨ་མོ་གྷ་རཱ་ཛན་ནཱ་མ་ཧྲྀ་ད་ཡན། ཏ་ཐཱ་
ག་ཏ་སྃ་མུ་ཁྃ་བྷཱ་ཤི་ཏྃ་མ་ཧཱ་ཏཱྃ་པར་ཥ་ན་མ་དྷྱེ་ཨ་ཧ་མི་དཱ་ནཱི་མཱ་བ་ཡི་ཥྱ། སི་དྷྱྃ་ཏུ་མེ་མནྟྲ་པདཱཿ སརྦ་ཀཱརྱ་ཎི། སརྦ་བྷ་ཡེ་བྷྱོ་མ་མ་སརྦ་སཏྭཱ་ནཱཉྩ་རཀྵ་བྷ་བ་ཏུ། ཏདྱ་ཐཱ། ཨོཾ་ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀ །བི་རི་བི་རི། 

99-1-90b

ཙི་རི་ཙི་རི། པ་ར་མ་ཀཱ་རུ་ཎི་ཀ །སི་རི་སི་རི། པི་རི་པི་རི། ཙྀ་རི་ཙྀ་རི། མ་ཧཱ་པད་མ་ཧསྟ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། མ་ཧཱ་ཤུད་དྷ་སཏྭ། ཨེ་ཧྱེ་ཧི། བུདྷེ་བུདྷེ། དྷཱ་བ་དྷཱ་བ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུད་དྷ་སཏ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། 
མ་ཧཱ་སྠཱམ་པྲཱ་པ་ཏ། ཙ་ལ་ཙ་ལ། སན་ཙ་ལ། བི་ཙ་ལ། ཨེ་ཊ་ཊ། ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཨེ་ཧྱེ་ཧི། མ་ཧཱ་ཀཱ་རུ་ཎི་ཀཱ། མ་ཧཱ་པ་ཤུ་པ་ཏི། བེ་ཥ་དྷ་ར། དྷ་ར་དྷ་ར། ས་ར་ས་ར། ཙ་ར་ཙ་ར། ཧ་ར་ཧ་ར། ཧ་ཧཱ་ཧ་ཧཱ། ཧི་ཧཱི་ཧི་ཧཱི། ཧུ་ཧཱུ་ཧུ་ཧཱུ། ཨོཾ་ཀཱ་ར་མ་
ཧཱ་བྲཧྨ། བེ་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། པ་ར་པ་ར། ཙ་ར་ཙ་ར། བ་ར་བ་ར། བ་ར་ད། ར་ཤྨི་ཤ་ཏ་ས་ཧ་སྲ་པྲ་ཏི་མཎ་ཌི་ཏ་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ་བྷ་ག་བཱན། སོམ་ཨཱ་དི་ཏྱ། ཡ་མ་བ་རུ་ཎ། ཀུ་བེ་ར། བྲ་ན་ཏྲ། རྀ་ཤི་ག་ན། ཨ་
བྷྱ་རེ་རྩི་ཏ་ཙ་ར་ཎ་སུ་རུ་སུ་རུ། ཙུ་རུ་ཙུ་རུ། པུ་རུ་པུ་རུ། མུ་རུ་མུ་རུ། སན་ད་ཀུ་མཱ་ར། རུ་དྲ། བཱ་ས་བ། བིཥྞུ་དྷ་ན་ད། དེ་བ་རི། ཥི་ནཱ་ཡ་ག་བ་ཧུ་བི་བི་དྷ་བི་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། མ་ར་
མ་ར། པ་ར་པ་ར། བ་ར་བ་ར། པ་ར་དྷ་ཡ། ཀ་ས་མན་ཏ། ཨ་བ་ལོ་ཀི་ཏི་ཏ། ལོ་ཀེ་ཤྭ་ར་མ་ཧེ་ཤྭ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། བྷ་ག་བཱན། ཨཱརྱཱ་བ་ལོ་ཀྀ་ཏེ་ཤྭ་ར། རཀྵ་རཀྵ། མམ་སརྦ་སཏྭཱྃ་ཤྩ་སརྦ་བྷ་ཡེ་བྷྱ། སརྦོ་པ་སརྒེ་
བྷྱཿ སརྦ་གྲ་ཧེ་བྷྱཿ སརྦ་བྱ་དྷི་བྷྱཿ སརྦ་བ་དྷ། བྃ་དྷ་ན། ཏཱ་ཌ་ན། ཏརྫ་ན། རཱ་ཛ་ཙོ་ར་ཏ་སྐར། ཨག་ནི། ཨུད་དཀ །བི་ཥ་ཤ་སྟྲ། པ་རི་མོ་ཙ་ཀ །ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། ཙ་ར་ཙ་ར། ཨིན་ཏྲི་ཡ། བ་ལ་བོ་དྷྱྃ་ག །ཙ་ཏུ་རཱ་རྱ་སད་ཏྱ་
མ་སམ་པྲ། ཀ་ཤ་ཀ །ཏ་མ་ཏ་མ། ད་མ་ད་མ། ས་མ་ས་མ། མ་ས་མ་ས། མ་ཧཱ་ཏ་མོན་དྷ་ཀ་ར། བི་དྷ་མ་ན། བི་དྷ་མ་ན། ཥ་ཊ་པཱ་ར་མི་ཏཱ། པ་རི་པཱུ་ར་ཀ །མི་ལི་མི་ལི། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཊུ་ཊུ་ཊུ་ཊུ། ཨེ་ནེ་ཡ་ཙརྨ་ཀྲི་ཏ་པ་རི་
ཀ་ར། ཨེ་ཧྱེ་ཧི་ཨཱི་ཤྭ་ར། མ་ཧེ་ཤྭ་ར་མ་ཧཱ་བྷུྰ་ཏ་ག་ན་བཱཉྫ་ཀ །ཀུ་རུ་ཀུ་རུ། པ་ར་པ་ར། ཀ་ཊ་ཀ་ཊ། མ་ཊ་མ་ཊ། བི་ཤུད་དྷ། བིཥ་ཡ། བཱ་སིན། མ་ཧཱ་ཀཱ་རུ་ཎི་ཀ །ཤྭེ་ཏ་ཡ་ཛྙོ་པ་བཱི་ཏ་རད་ན་མ་ཀུ་ཊ། མཱ་ལཱ་དྷ་ར། སརྦ་ཛྙཱ་ཤི་ར་སི་ཀྲྀ་ཏ་མ་ཀུ་ཊ། 

99-1-91a

མ་ཧཱ་ད་བྷུྰ་ཏ། ཀ་མ་ལ་ལྃ་ཀྲྀ་ཏ། ཀ་ར་ཏ་ལ། དྷྱཱ་ན་ས་མཱ་དྷི་བི་མོ་ཀྵ་ཨ་པྲ་ཀམ་བྱ། བ་ཧུ་སཏཱ་ས་ན་ཏ་ཏི་པ་རི་པཱ་ཙ་ཀ །མ་ཧཱ་ཀཱ་རུ་ཎི་ཀ །སརྦ་ཀརྨ་ཨཱ་པ་ར་ཎི། བི་ཤོ་དྷ་ཀ །སརྦ་བྱཱ་དྷི་པྲ་མོ་ཙ་ཀ །སརྦ་ཨཱ་ཤ་བ་རི་པཱུ་རི་ཀ །སརྦ་
ས་ཏྭཱ་ས་མཱ་ཤྭཱ་ས་ཀ་ན་མོ་སྟུ་ཏེ་སྭཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པའི་ཞགས་པའི་སྙིང་པོ་འདི་བཤད་པ་ཙམ་གྱིས་འཁོར་མང་པོ་རི་དང་
ནགས་ཚལ་དང་བཅས་པ་འདི་རྣམ་པ་དྲུག་ཏུ་གཡོས་སོ། །འཇིག་རྟེན་དུ་སྣང་བ་ཆེན་པོ་བྱུང་བར་འགྱུར་རོ། །ལྷའི་མེ་ཏོག་ཨུཏ་པ་ལ་དང་། པད་མ་དང་། ཀུ་མུ་ད་དང་། པུན་ད་རི་ཀ་དང་། མཱན་དཱར་བའི་མེ་ཏོག་གི་ཆར་ཆེན་
པོས་པུས་མོ་ནུབ་པ་ཙམ་བབ་པར་གྱུར་ཏོ། །སིལ་སྙན་དང་ཕེག་རྡོབ་པའི་སྒྲ་དག་ཀྱང་ཕྱུང་བར་གྱུར་ཏོ། །མཐོ་རིས་ཀྱི་ལྷ་དག་གིས་ཀྱང་ནམ་མཁའ་ལས། བཅོམ་ལྡན་འདས་ལ་རྒྱན་དང་ལྷབ་ལྷུབ་དག་གིས་ཆར་
ཕབ་བོ། །འཁོར་གྱི་དཀྱིལ་འཁོར་ན་གནས་པའི་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གཙང་མ་དེ་དག་ཐམས་ཅད་ཀྱིས་ལེགས་སོ་
ཞེས་བྱ་བ་བྱིན་ཏེ། སེམས་ཅན་དག་པ་ཆེན་པོ་ལེགས་སོ་ལེགས་སོ། །ཡིད་བཞིན་གྱི་ནོར་བུ་ཆེན་པོ་དོན་ཡོད་པའི་སྙིང་པོ་མཆོག་ཏུ་རྙེད་པར་དཀའ་བ་འདི་བཤད་ཅིང་དངོས་གྲུབ་མཆོག་གི་ཆོ་ག་ཞིབ་མོའི་
རྒྱལ་པོ་འདི་བཤད་པས་རིན་པོ་ཆེའི་ཆར་ཆེན་པོ་འབབ་པོ་ཞེས་ཟེར་རོ། །དེ་ནས་དེའི་ཕྱིར་དུས་གསུམ་དུ་བཟླས་བརྗོད་བྱ་ཞིང་གཙང་མས་གོས་གཙང་མ་བགོས་ཏེ་དུས་གསུམ་དུ་ཁྲུས་བྱ་ཞིང་ཟས་དཀར་གསུམ་
ཟ་བས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར། དཔལ་ལྷ་མོ་གཞག་ཏེ་མཆོད་པ་བྱས་ལ། ཡུངས་དཀར་འབྲུ་རེ་རེ་ལ་ལན་བརྒྱ་རྩ་བརྒྱད་བཟླས་ནས། དཔལ་ལྷ་མོ་ལ་བསྣུན་པ་བྱས་ན་ཚེས་བཅུ་

99-1-91b

བཞི་ནས་བཅྭ་ལྔའི་བར་དུ་དཔལ་ལྷ་མོ་འོང་བར་འགྱུར་རོ། །མཚམས་མེད་པ་ལྔ་འབྱུང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པར་འགྱུར་རོ། །སྡིག་པ་ཐམས་ཅད་བྱང་བར་འགྱུར་རོ། །མཚམས་
བཅད་པ་དང་ཞི་བར་བྱ་བ་ལ། ཨ་ཀ་རུ་དང་ཙན་དན་གྱི་བདུག་སྤོས་བསྲེགས་ལ། ཐལ་བ་དང་། ཡུངས་དཀར་དང་སེང་ལྡེང་གི་ཕུར་བུ་གདབ་པར་བྱའོ། །རིམས་ཐམས་ཅད་ལ་བུ་མོ་གཙང་མས་བཀལ་བའི་སྲད་བུ་ལ། འདུད་པ་
ཉི་ཤུ་རྩ་གཅིག་བོར་ལ་ལན་ཉི་ཤུ་རྩ་གཅིག་བཟླས་ཏེ་བཏགས་ན། རིམས་ཐམས་ཅད་ལས་ཐར་བར་འགྱུར་རོ། །ནད་ཐམས་ཅད་ལ་མར་དང་ཏིལ་མར་ལ་བཟླས་ཏེ། ཟངས་ཀྱི་སྣོད་དུ་སངས་རྒྱས་ལ་ཕུལ་བའི་སྣ་མའི་མེ་ཏོག་རྙིང་པ་
དང་པད་མ་ཟེ་བ་དང་བཅས་པ་བཏབ་ཏེ་བཙོས་པ་འདི་ནི་གྲུབ་པ་ཡིན་ཏེ། ཟས་དང་སྐོམ་དང་། དཀུ་བ་དང་སྣ་ནས་བཏང་བའི་ལས་བྱ་སྟེ། ཉི་ཤུ་རྩ་གཅིག་བཟླས་པས་ནད་ཐམས་ཅད་ལས་ཐར་བར་འགྱུར་རོ། །བྱད་བཅད་ན་མར་
དང་སྦྲང་རྩི་ལ་ལན་ཉི་ཤུ་རྩ་གཅིག་བཟླས་ཏེ་ལུས་ལ་བསྐུ་ཞིང་ཚིགས་མ་དྲིལ་ལ། ལུས་ཀྱི་དྲི་མ་ཕྱིན་པར་བྱས་ཏེ། གོང་བུ་ལས་གཟུགས་བརྙན་བྱས་ལ་ལན་བདུན་བཟླས་ཏེ། མཚོན་
གྱིས་བཏབ་ན་དུག་སྦྱར་མ་དང་བྱད་དང་གསང་སྔགས་ཐམས་ཅད་བཅད་པར་འགྱུར་ཞིང་། ནད་ཐམས་ཅད་ལས་ཐར་བར་འགྱུར་རོ། །བྱད་ཆེན་པོ་འཇིག་པར་འགྱུར་རོ། །བསྲུང་བའི་
སྐུད་པ་ལ་ལན་ཉི་ཤུ་རྩ་གཅིག་བཟླས་ཏེ། དེ་བཞིན་དུ་མདུད་པ་བོར་བ་བྱས་ན་བསྲུང་བ་ཆེན་པོ་བྱས་པར་འགྱུར་རོ། །འཇིགས་པ་དང་སྐྲག་པ་དང་། དངང་བ་ཐམས་ཅད་དང་འབྱུང་པོའི་འཇིགས་པ་
ཐམས་ཅད་ཀྱིས་མི་ཚུགས་སོ། །ལྟོ་ན་བ་ལ་ཚྭ་ཆུ་འཇམ་ཙམ་ལ་ལན་བདུན་བཟླས་ཏེ་བྱིན་ན་ལྟོ་བའི་ནད་འཇིག་པར་འགྱུར་རོ། །དུག་གསད་ན་ཆུ་ལ་ལན་བདུན་བཟླས་ཏེ་བྱིན་ན་དུག་ཐམས་ཅད་འཇིགྶ་པར་འགྱུར་རོ། ཞིང་མི་གདུག་པར་འགྱུར་རོ། །

99-1-92a

མིག་ན་བ་ལ་སྲད་བུ་དཀར་པོ་རྣ་བ་ལ་བཏགས་ན། མིག་ནད་ཐམས་ཅད་འཇིག་པར་འགྱུར་རོ། །སྡང་བའི་དུག་མི་བཟད་པ་ལ་འཇིམ་པ་ལ་བཟླས་ཏེ་བྱུགས་ན་དུག་མེད་པར་འགྱུར་རོ། །སོ་ན་བ་ལ་ཀ་ར་བི་རའི་སོ་ཤིང་ངམ་
སྣང་མའི་སོ་ཤིང་ངམ་ཤིང་བ་ཀུའི་སོ་ཤིང་ལ་བཟླས་ཏེ་ཟོས་ན་སོ་ནད་ཞི་བར་འགྱུར་རོ། །མཚམས་གཅད་པ་ཐམས་ཅད་ལ་སྦྲང་རྩི་དང་པི་པི་ལིང་ལྡན་པར་བྱས་ཏེ་བྱུག་གོ་མགུལ་འགགས་པ་ལ་གདགས་པ་བྱས་ན་མགུལ་འགགས་པ་
ཐམས་ཅད་ལས་ཐར་བར་འགྱུར་རོ། །མིག་ནད་ལ་སྤོས་ཆུ་དང་ཤིང་པ་ལ་ཤའི་ཆུ་དང་པ་ལ་ཤའི་མེ་ཏོག་གིས་བཀྲུ་བ་བྱ་བ་འམ་ཤིང་མངར་གྱི་ཆུ་ལ་ལན་བདུན་བཟླས་ཏེ། བཀྲུས་ན་མིག་ནད་ཐམས་ཅད་ལས་ཐར་བར་འགྱུར་རོ། །རྣ་བ་
ན་བ་ལ་ཏིལ་མར་དང་ཤུ་ཏི་ཟངས་ཀྱི་སྣོད་དུ་བཙོས་པས་རྣ་བ་བཀང་ན་རྣ་ནད་ལས་ཐར་བར་འགྱུར་རོ། །འཐབ་པ་དང་བརྩོད་པ་དང་ཁྲག་ཁྲུག་དང་། མི་སྙན་པ་ཐམས་ཅད་ལ་ཆུ་ལ་ལན་བདུན་བཟླས་ཏེ། གདོང་བ་བཀྲུ་བ་བྱས་ན་ཐམས་
ཅད་ལས་རྒྱལ་བར་འགྱུར་རོ། །དཔུང་དང་སྟོབས་དང་ཡུལ་དང་ཡུལ་འཁོར་དང་ཕྱིར་རྒོལ་བ་དང་མི་མཛའ་བ་ཐམས་ཅད་དང་། གཡུལ་ངོ་ཐམས་ཅད་དུ་བ་ལང་གི་ལྕི་བས་དཀྱིལ་འཁོར་བྱས་ལ་བུམ་པ་གང་བ་བཞི་ཞག་སྟེ། གཙང་
མས་གོས་གཙང་མ་བགོས་ལ། ཨ་ཀ་རུའི་བདུག་པ་དབུལ་བར་བྱ་ཞིང་། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ནས། དོན་ཡོད་པའི་ཞགས་པའི་སྙིང་པོའི་མདོ་འདི་མཆོད་དེ། བཀླག་པ་བྱས་ན་ཞི་བ་ཆེན་
པོར་འགྱུར་རོ། ཐམས་ཅད་བྱམས་པའི་སེམས་དང་བྱམས་པའི་ཡིད་དུ་འགྱུར་ཞིང་། ཐམས་ཅད་དུ་རྒྱལ་བ་ཐོབ་པར་འགྱུར་རོ། །ཞི་བ་ཆེན་པོར་འགྱུར་རོ། །ཆུ་དེས་བདག་ཉིད་ལ་ཀུན་ཏུ་གཏོར་ཏེ། ཙན་དན་ལ་ལན་ཉི་ཤུ་རྩ་གཅིག་
བཟླས་ཏེ་སྙིང་གར་ཐིག་ལེ་བྱས་ཏེ། རྟག་ཏུ་དྲན་པར་བྱས་ན་མཚམས་མེད་པ་ཐམས་ཅད་ཟད་པར་འགྱུར་རོ། །ཁྱིམ་ཐམས་ཅད་བསྲུང་ན་མཚོན་སྣ་ལྔའི་སྲད་བུ་བྱས་ལ་ལན་ཉི་ཤུ་རྩ་གཅིག་བཟླས་ཏེ། སེང་ལྡེང་གི་ཕུར་པ་བཞི་ལ་བཏགྶ་

99-1-92b

ཏེ། ཕྱོགས་བཞིར་བཙུགས་ན། མཚམས་ཆེན་པོ་བཅད་པར་འགྱུར་རོ། །གདོན་ཐམས་ཅད་ལ་ཚོན་སྣ་ལྔའི་སྲད་བུ་ལ་ལན་ཉི་ཤུ་རྩ་གཅིག་བཟླས་ན། གདོན་ཐམས་ཅད་ལས་ཐར་བར་འགྱུར་རོ། །སྲོག་ཆགས་ཀྱི་རྟ་དང་ལུ་འུ་ཏ་དང་མེ་དཔལ་
རྣམས་ལ་པད་མ་དང་ན་ཀུ་ལེ་དང་ཤིང་ཨརྐའི་མེ་ཏོག་མར་དང་བསྲེས་པ་ལས་སྦྱིན་སྲེག་བྱས་ན། ཁྱིམ་བསྲུང་བ་ཆེན་པོ་བྱས་པར་འགྱུར་རོ། །འབྱུང་པོའི་གདོན་ཐམས་ཅད་ལས་བསྲུང་བ་བྱས་པར་འགྱུར་རོ། །ཡང་ལས་ཐམས་
ཅད་ལ་ནོར་བུ་བསྒྲུབ་པའི་རྫས་འདི་དག་བསོགས་ལ་ཆ་མཉམ་པར་བྱས་ཏེ། གཙང་མས་གོས་གཙང་མ་བགོས་ལ། སྙིང་པོ་བརྒྱ་རྩ་བརྒྱད་བཟླས་པས་ལས་ཐམས་ཅད་བྱའོ། །ཛ་ཡ་དང་། བི་ཛ་ཡཱ་དཱ་མཱ་གུ་ལི་དང་། གན་དྷ་ནཱ་དང་། 
བཱ་རུ་ཎཱི་དང་། ཏཱ་ན་ཏྲ་བ་རུ་ཎཱི་དང་གན་དྷ་པྲི་ཡང་ཀུ་དང་ཏ་ག་ར་དང་ཙཀྲ་དང་མ་ཧཱ་ཙཀྲ་དང་སོ་མ་རཱ་ཛཱི་དང་། ས་མན་ད་རྣམས་ཕྱེ་མ་ཞིབ་མོར་བྱས་ཏེ། ཆར་པའི་ཆུས་སྦྲུས་ལ། ཙན་དན་དང་གུར་གུམ་སྦྱར་བའི་ཆུས་བརླན་ཏེ་བརྒྱ་རྩ་བརྒྱད་
བཟླས་ལ། འཕགས་པ་སྤྱན་རས་གཟིགས་ཀྱི་སྤྱན་སྔར་ནོར་བུར་བྱས་ཏེ། ཡང་ལན་ཉི་ཤུ་རྩ་གཅིག་བཟླས་ནས་ཨ་ག་རུའི་བདུག་པས་བདུགས་ལ། དེ་ཉིད་བཅོམ་ལྡན་འདས་ཀྱི་ཞབས་དྲུང་དུ་བཞག་སྟེ། རས་ཀྱི་གཡོས་ལ་
གྲིབ་མར་བསྐམས་ཏེ། བླངས་ལ་ཡང་དོན་ཡོད་པའི་ཞགས་པའི་སྙིང་པོ་ལན་བདུན་བཟླས་པར་བྱ་ཞིང་། ཁྲོ་བོའི་རྒྱལ་པོ་ལན་གསུམ་བཟླས་བརྗོད་བྱས་ཏེ། མགོ་བོར་གཟུང་ན། རྒྱལ་པོ་བཙུན་མོ་འཁོར་དང་བཅས་པས་མཆོད་པར་
འགྱུར་ཞིང་ཐམས་ཅད་དབང་དུ་འགྱུར་རོ། །རིགས་བཞིའི་འཇིག་རྟེན་ཐམས་ཅད་དབང་དུ་འགྱུར་རོ། །བླ་མ་གཅིག་པུར་འགྱུར་རོ། །ལྷ་ཐམས་ཅད་ཀྱང་གཟི་བྱིན་འཇུག་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་
ཀྱང་རྟག་ཏུ་གཟིགས་པར་འགྱུར་རོ། །ཚངས་པ་དང་ཁྱབ་འཇུག་དང་དབང་ཕྱུག་ཆེན་པོ་ཡང་རྟག་ཏུ་ཕྱི་བཞིན་འབྲང་བར་འགྱུར་ཞིང་། དུས་ཐམས་ཅད་དུ་མཆོག་སྦྱིན་པར་འགྱུར་རོ། །ཕྱིར་རྒོལ་བ་དང་མི་མཛའ་བ་ཐམས་ཅད་ཀྱང་

99-1-93a

རྟག་ཏུ་མཐུན་པར་བྱེད་ཅིང་དབང་དུ་འགྱུར་རོ། །བྱད་མི་བཟད་པ་དང་དུག་སྦྱར་མ་དང་ཕྱེ་མའི་དུག་དང་གསང་སྔགས་དང་གཡེངས་བྱེད་ཀྱིས་མི་ཚུགས་ཤིང་། ཐམས་ཅད་འཇིགས་པར་འགྱུར་རོ། །རྟག་ཏུ་དཔལ་དང་། 
གཟི་བྱིན་དང་། བསོད་ནམས་དང་བཀྲ་ཤིས་དང་དགེ་བའི་ཚོགས་དང་ལྡན་པར་འགྱུར། དེ་བཞིན་གཤེགས་པ་ཐམས་ཅད་དེ་ལ་གཟིགས་པར་འགྱུར་རོ། །རྟག་ཏུ་སྟོན་པ་བཞེད་པར་འགྱུར་རོ། །ཐམས་ཅད་དུ་དུས་ཐམས་
ཅད་ན་རྒྱལ་བ་ཐོབ་པར་འགྱུར་རོ། །སྐལ་བ་བཟང་པོ་ཐོགས་པ་མེད་པ་ཡང་འཕེལ་བར་འགྱུར་རོ། །དཔུང་པ་ལ་བཏགས་ན་གླང་པོ་ཆེན་པོའི་སྟོབས་དང་ལྡན་པར་འགྱུར་རོ། །འགྱེད་པ་དང་དམག་ཐམས་ཅད་ལས་རྒྱལ་
བ་ཆེན་པོར་འགྱུར་རོ། །སྟོབས་དང་བརྩོན་འགྲུས་དང་ཕ་རོལ་གནོན་པ་ཆེན་པོར་འགྱུར་རོ། །རིག་སྔགས་འཆང་གི་ཆོ་ག་ཞིབ་མོ་ཆེན་པོར་འགྱུར་རོ། །གནོད་སྦྱིན་དང་སྲིན་པོ་དང་འབྱུང་པོ་དང་ཤ་ཟའི་གདོན་དང་བརྗེད་བྱེད་ཀྱིས་མི་ཚུགས་པར་
འགྱུར་རོ། །ནམ་ཡང་དེ་ལ་རྨི་ལམ་ངན་པ་དང་ལྟས་ངན་པ་འབྱུང་བར་མི་འགྱུར་རོ། །བྱིས་པ་རྣམས་ལ་མགུལ་དུ་བཏགས་ན་གདོན་ཐམས་ཅད་དང་། རིམས་ནད་ཐམས་ཅད་དང་། ནད་ཐམས་ཅད་དང་། བཙས་པ་འཕྲོག་པ་ཐམས་ཅད་ཀྱིས་
མི་ཚུགས་སོ། །ནག་པོ་ཆེན་པོ་མ་མོའི་ཚོགས་ཀྱི་འཁོར་དང་བཅས་པ་རྟག་ཏུ་རྒྱུན་མི་འཆད་པར་ཕྱི་བཞིན་འབྲང་ཞིང་བསྲུང་བ་དང་བསྐྱབ་པ་དང་སྦ་བ་བྱེད་པར་འགྱུར། ཡུན་དུ་འཚོ་བར་འགྱུར་ཚེ་རིང་བར་འགྱུར་རོ། །བུད་
མེད་རྣམས་ལ་སྐ་རགས་གསར་པ་བཏགས་ཏེ་ཁྲུས་བྱས་ནས། གོས་གསར་པ་གཙང་མ་བགོས་ཏེ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ན། སྐལ་བ་བཟང་པོ་མཆོག་དང་ལྡན་པར་བྱེད་ཅིང་། བཀྲ་མི་ཤིས་
པ་ཐམས་ཅད་རབ་ཏུ་ཞི་བར་བྱེད། ཁྱིམ་ཐབས་དང་རྟག་ཏུ་རྗེས་སུ་མཐུན་པར་འགྱུར། ཁྱེའུ་དང་བུ་མོ་ཡོད་པར་འགྱུར། ཤེས་རབ་མཆོག་ཏུ་འགྱུར། ཐམས་ཅད་དགའ་བས་ལྟ་བར་འགྱུར། དེ་ལ་བུད་མེད་ཀྱི་སྐྱོན་ཡང་འབྱུང་བར་མི་

99-1-93b

འགྱུར་ཕྱི་མ་ལ་དེ་ལྟ་བུའི་བུད་མེད་ཀྱི་ལུས་ཐོབ་པར་ཤེས་པར་བྱ་སྟེ། ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ནོར་བུ་འདི་བཏགས་ན་ཐམས་ཅད་དུ་བསྲུང་བ་བྱས་པར་འགྱུར་ཞིང་། དུག་དང་མཚོན་དང་མེས་མི་
ཚུགས་སོ། །དུག་བྱས་པ་ཡང་སྐྱེ་བར་མི་འགྱུར་རོ། །ནོར་བུ་འདི་བཏགས་པས་དུག་མེད་པར་འགྱུར་ཞིང་མྱུར་དུ་ཞི་བར་འགྱུར་རོ། །ཚོར་བ་སྐྱེ་བར་མི་འགྱུར་ཞིང་། བདེ་བར་ཞི་བར་འགྱུར་རོ། །རླུང་དང་སྤྲིན་དང་སེར་བ་གནོན་ན། ཆུ་ལ་ལན་
བདུན་བཟླས་ཏེ། ནམ་མཁའ་ལ་གཏོར་ན་རླུང་དང་སྤྲིན་དང་སེར་བ་ཐམས་ཅད་མནན་པར་འགྱུར་རོ། །བཟློག་པར་བྱ་ན་བལ་པོ་སེ་འུའི་ལྕུག་མས་བཟློག་པར་བྱའོ། །དྲན་པ་སྐྱེད་ནས་འཕགས་པ་སྤྱན་རས་གཟིགས་དབང་ཕྱུག་
གི་སྤྱན་སྔར་མི་སྨྲ་བར་དོན་ཡོད་པའི་ཞགས་པའི་སྙིང་པོ་ལན་བདུན་བཟླས་ཏེ། ནོར་བུ་ཆུ་དྲོན་ལས་བཏང་བ་བྱས་ན་བཀླགས་པ་ཙམ་གྱིས་ཚིགས་སུ་བཅད་པ་སྟོང་འཛིན་པར་འགྱུར་ཞིང་། ཐོས་པ་མང་པོ་རྒྱ་མཚོ་བསགས་
པར་འགྱུར་རོ། །རྒྱལ་སྲིད་དང་ཡུལ་འཁོར་དང་བཙུན་མོ་འཁོར་དང་བཅས་པ་དབང་དུ་བྱ་བར་འདོད་ན་ལུས་བསྐུ་བ་བྱས་ན་གང་དུ་ཞུགས་པ་དེར་ཐམས་ཅད་དབང་དུ་འགྱུར་རོ། །པུས་མོ་གཉིས་ལ་བྱུགས་ན་ཆུ་ཀླུང་ཆེན་པོ་པུས་
མོ་ནུབ་ཙམ་གྱིས་ཕ་རོལ་ཏུ་རྒོལ་བར་འགྱུར་རོ། །རྒྱལ་མཚན་གྱི་རྩེ་མོ་ལ་བཏགས་ཏེ། དམག་གམ། གཡུལ་ངོའམ་ཚོགས་པའི་ནང་ངམ། རི་ཁྲོད་དང་ཚང་ཚིང་དང་རི་སུལ་དང་དགོན་པར་ཕྱིན་པ་ན། བསྒྲེང་བ་བྱས་ན། 
བདེ་བ་དང་བདེ་ལེགས་སུ་རྒལ་བར་འགྱུར་ཞིང་ཆོམ་པོ་དང་གཡོན་ཅན་དང་རྐུན་པོ་དང་གཅན་གཟན་གཏུམ་པོའི་འཇིགས་པས་མི་ཚུགས་པར་འགྱུར་ཞིང་ལྟར་མེད་པར་འགྱུར་རོ། །བཙོན་ར་ཐམས་ཅད་དུ་སོང་བ་ན་བྱུགས་
པ་བྱས་ན། ཁོང་བསྒྲིལ་དང་ལྕགས་སྒྲོག་གིས་བཅིངས་པ་ཐམས་ཅད་ཆགས་གྲུགས་སུ་འགྱུར་རོ། །བདག་ཉིད་ལ་བསྐུས་ན་མཚོན་མི་སྣང་བར་འགྱུར་རོ། །མིག་གཉིས་ལ་བསྐུས་ན་ཉིད་ལོག་པའི་ཚེ་རྨི་ལམ་ཆེན་

99-1-94a

པོ་རྨི་བར་འགྱུར་ཞིང་ཅི་ལྟར་བསམས་ཤིང་སྨོན་པ་སྣང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པར་མཛད་ཅིང་ཐམས་ཅད་བཀའ་སྩལ་བར་འགྱུར་རོ། །དེ་ལ་མིག་ནད་ཐམས་
ཅད་ཀྱིས་མི་ཚུགས་སོ། །ཁའི་ནང་དུ་གཞག་ན། གང་བླངས་པ་སྦྱིན་པར་བྱེད་ཅིང་དབང་དུ་འགྱུར་རོ། །གདོན་གྱིས་ཟིན་པ་ལ་དཔྲལ་བར་བྱུག་པ་བྱས་ན་བྱུགས་པ་ཙམ་གྱིས་འབབ་པར་འགྱུར་ཏེ། ཐམས་ཅད་སྨྲ་བར་འགྱུར་
རོ། །ལག་མཐིལ་དུ་བསྐུས་ན། གླང་པོ་ཆེ་དབང་དུ་འགྱུར་ཞིང་གར་བཏང་བ་དེར་འགྲོ་བར་འགྱུར་རོ། །དཔྲལ་བའི་དབུས་སུ་ཐིག་ལེ་བྱས་ན་འཇིག་རྟེན་ཐམས་ཅད་ཀྱིས་ཆེར་མཆོད་པར་འགྱུར་རོ། །མིད་པ་ལ་
བྱུགས་ན་མགྲིན་སྔོན་བཞིན་དུ་བྲམ་ཟེ་ཐམས་ཅད་དབང་དུ་འགྱུར་ཞིང་བགྱི་བ་ཅི་མཆིས་ཞེས་བྲན་བཞིན་དུ་འགྱུར་རོ། །འོ་མ་དང་སྦྱར་ཏེ་མིག་ལ་བསྐུས་ན་མཚན་མོ་ཡང་ཉིན་མོ་བཞིན་དུ་སྣང་བར་འགྱུར་རོ། །གནོད་སྦྱིན་
དང་སྲིན་པོའི་གནས་ཐམས་ཅད་ཀྱི་སྒོ་ཕྱེ་བར་འགྱུར་ཞིང་། གཏེར་ཐམས་ཅད་འབྱུང་བར་འགྱུར་རོ། །ཐམས་ཅད་བྲན་བཞིན་བྱེད་པར་འགྱུར་ཀླུའི་གནས་ཀྱི་མཚོར་བོར་ན་ཀླུ་ཆེན་པོས་ཆར་གྱི་རྒྱུན་གཏོང་བར་འགྱུར་རོ། །ཆར་ཧ་ཅང་ཆེ་བའི་ཚེ་
ཆུ་དང་བསྲེས་ཏེ་ནམ་མཁའ་ལ་གཏོར་ན་ཞི་བར་འགྱུར་རོ། །སྤྲིན་ལ་བལྟས་ཏེ་སེར་བའི་རྒྱུན་ལ་གཏོར་ན་སེར་བ་འབབ་པར་མི་འགྱུར་རོ། །ལག་པ་ལ་བཏགས་ན་གང་ལ་རེག་པ་དེ་ཟད་མི་ཤེས་པར་འགྱུར་རོ། །རྐང་པའི་
རྗེ་ངར་ལ་བཏགས་ཏེ་མེའི་ནང་དུ་ཞུགས་ན་མེས་མི་ཚུགས་ཤིང་ཙན་དན་བཞིན་དུ་བསིལ་བར་འགྱུར་རོ། །རལ་གྲི་ལ་བྱུགས་ནས་གཡུལ་ངོར་སོང་ན་ལུས་ཐམས་ཅད་གཅིག་ཏུ་འབར་བར་གྱུར་ནས་ཕ་རོལ་གྱི་དཔུང་ཐམས་
ཅད་འབྱེར་བར་འགྱུར་ཞིང་ཐམས་ཅད་དུ་རྒྱལ་བར་འགྱུར་རོ། །ནད་ཆེན་པོས་ཐེབས་པའི་ནད་པ་ཚབས་པོ་ཆེ་ལ་ཕྱེ་མ་བྱིན་ན་ནད་ཚབས་ཆེན་པོ་ལས་ཐར་བར་འགྱུར་རོ། །ཕོ་བ་ན་བ་ལ་ཆུ་དྲོན་ལས་བཏང་ན་མོད་ལ་ཡོངས་སུ་ཐར་བར་འགྱུར་རོ། །

99-1-94b

རྩིབ་ལོགས་ན་བ་ལ་དར་བ་ལས་བཏང་ན་ཞི་བར་འགྱུར་རོ། །ནད་ཐམས་ཅད་ལ་ནི་ཞུན་མར་དང་ཏིལ་མར་ལས་སྦྱར་ཏེ་སྐུ་མཉེ་བ་དང་བཟའ་བ་དང་བཏུང་བའི་ནད་དང་སྣར་བླུགས་པ་དང་བྱུག་པ་བྱས་ན་ནད་ཐམས་ཅད་འཇིག་པར་
འགྱུར་ཞིང་ནམ་ཡང་འབྱུང་བར་མི་འགྱུར་རོ། །ཕུག་གི་སྒོར་ཁོར་ཡུག་ཏུ་བྱུགས་ལ་སྙིང་པོ་ལན་བདུན་བཟླས་ཏེ། དོན་ཡོད་པའི་ཞགས་པའི་ཕྱག་རྒྱ་བྱས་ལ། ཁྲོ་བོའི་རྒྱལ་པོའི་གསང་སྔགས་ལན་གཅིག་བཟླས་བརྗོད་
བྱས་ནས་ཞུགས་ན། ཕུག་གི་སྒོ་ཆག་སྟེ་རང་གི་ཁྱིམ་དུ་འགྱུར་ཞིང་སྡང་བ་ཐམས་ཅད་བཟློག་པར་འགྱུར་རོ། །བགེགས་དང་ལོག་འདྲེན་ཐམས་ཅད་མི་སྣང་བར་འགྱུར་རོ། །ཁར་བཅུག་ཏེ་མི་སྨྲ་བར་སྙིང་པོའི་མདོ་བརྗོད་
པ་བྱས་ན། ལན་བརྒྱ་ཕྲག་སྟོང་བཟླས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་དང་ལྡན་པར་འགྱུར་རོ། །ཤིང་རྟའི་སྲོག་ཤིང་ལ་བྱུགས་ན་གཡུལ་ངོ་ཐམས་ཅད་དུ་རྒྱལ་བ་ཐོབ་པར་འགྱུར་རོ། །ཟོང་
ལ་གཏོར་ན་རིན་ཆེན་པོས་ཉོ་བར་འགྱུར་རོ། །བུ་མོའི་གདོང་བཀྲུས་ན་མགོ་ཡང་བར་འགྱུར་རོ། །སྙིང་ཀར་ཐིག་ལེ་བྱས་ན་ཐམས་ཅད་དུ་བལྟར་མེད་པར་འགྱུར་རོ། །ཐམས་ཅད་དུ་འདོད་པ་ཐམས་ཅད་སྦྱིན་པ་ལས་ཐམས་ཅད་བྱེད་པ་བདག་སྲུང་བ། གཞན་སྲུང་བའི་
ནོར་བུ་གང་དང་གང་ལ་སྦྱར་ཞིང་བཟླས་པས། ཐམས་ཅད་དུ་བལྟར་མེད་པར་འགྱུར་རོ། །བགེགས་དང་ལོག་འདྲེན་རྣམས་ལ་ལན་བདུན་བཟླས་ཏེ་བྱིན་ན། བགེགས་དང་ལོག་འདྲེན་ཐམས་ཅད་ཞི་བར་འགྱུར་རོ། །
བྱུར་ངན་པ་མེད་པར་བྱ་ན་རས་ལ་དཀྱིལ་འཁོར་ཟླུམ་པོ་བྲིས་ལ་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་མི་སྨྲ་བར་བཟླས་བརྗོད་སྟོང་རྩ་བརྒྱད་བཟླས་ལ། མཆོད་པ་རྒྱ་ཆེན་པོ་བྱས་ཏེ། གཙང་མས་
གོས་གཙང་མ་བགོས་ཏེ། ཨ་ཀ་རུའི་བདུག་སྤོས་བདུག་པར་བྱ་ཞིང་། སྤོས་དང་ལྡན་པའི་ཏིལ་མར་གྱི་མར་མེ་གཏམ་པར་བྱས་ན། བཟླས་བརྗོད་བྱས་པ་ཙམ་གྱི་མོད་ལ་བྱུར་ངན་པ་ཐམས་ཅད་མེད་པར་འགྱུར་

99-1-95a

རོ། །སྡིག་པ་དང་རྨི་ལམ་ངན་པ་དང་། ལྟས་ངན་པ་དང་། སྒྲིབ་པ་བསལ་ན་གསེར་རམ་དངུལ་གྱི་བུམ་པ་སྤོས་ཆུས་བཀང་བ་ལ་ལན་བརྒྱ་རྩ་བརྒྱད་བཟླས་ཏེ། བླུགས་ན་དེ་དག་ཐམས་ཅད་འཇིག་པར་འགྱུར་
ཞིང་། འཇིག་རྟེན་པའི་དཔལ་ཆེན་པོ་ཉམས་སུ་མྱོང་བར་འགྱུར་རོ། །གདོན་ཐམས་ཅད་ཚར་བཅད་ན་ཏལ་དང་འབྲས་སོ་བའི་སྦྱིན་སྲེག་གིས་སོ། །ནད་དང་གནོད་པ་ཐམས་ཅད་བསལ་ན་ཆུ་ལ་བཟླས་པས་སོ། །དུས་མ་ཡིན་
པར་འཆི་བ་ཞི་བར་བྱ་ན། དུས་གསུམ་དུ་ལན་དུ་རྟག་ཏུ་བཟླས་པས་དུས་མ་ཡིན་པར་འཆི་བ་ཞི་བར་འགྱུར་རོ། །བཅིངས་པ་དང་ལྕགས་སྒྲོག་དང་ཁོང་སྒྲིལ་གཞོལ་ན་ཉིན་རེ་ཞིང་བརྒྱ་རྩ་བརྒྱད་བཟླས་པས་སོ། །རྒྱལ་པོ་དབང་
དུ་བྱ་ན་ལམ་པོ་ཆེར་བརྒྱ་རྩ་བརྒྱད་བཟླས་ན་རྒྱལ་པོ་འཁོར་དང་བཅས་པ་དབང་དུ་འགྱུར་རོ། །ཆོམ་པོ་དང་རྐུན་པོ་རེངས་པར་བྱ་ན། རཱ་ཛཱ་ཀོ་ཤྭཱ་ཀའི་ས་བོན་གྱི་སྦྱིན་སྲེག་གིས་སོ། །མེ་རེངས་པར་བྱ་ན་སེང་ལྡེང་གི་ཤིང་ལ་བཟླས་ཏེ་མེར་
བཅུག་ནས་བཟླས་ན་མེ་རེངས་པར་བྱེད་པར་འགྱུར་རོ། །ཆུ་རེངས་པར་བྱ་ན་ཀ་ལ་ཀིའི་ས་བོན་ཆུའི་ནང་དུ་བཏབ་ན་ཆུ་རེངས་པར་བྱས་པར་འགྱུར་རོ། །དུག་གཞོལ་ན་རྨ་བྱའི་སྒྲོ་ཡིས་སོ། །མཚོན་རེངས་པར་བྱ་ན་ཤིང་རྣམས་ལྕགས་ཀྱིས་
ཚིག་པའི་ཐལ་བ་ལ་བཟླས་ཏེ་གཏོར་ན་མཚོན་ཆ་ཐམས་ཅད་ངེས་པར་འགྱུར་རོ། །ཏིང་ངེ་འཛིན་བསྒྲུབ་ན་ཏིང་ངེ་འཛིན་གྱི་ཕྱག་རྒྱ་བཅིངས་ཏེ་བཟླས་ན་ཏིང་ངེ་འཛིན་སྟོང་ཐོབ་པར་འགྱུར་རོ། །ཕ་རོལ་ཏུ་ཕྱིན་པ་དྲུག་རྫོགས་པར་
འདོད་པའི་རིག་སྔགས་འཆང་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་དེས་བ་ལང་གི་ལྕི་བས་དཀྱིལ་འཁོར་གྲུ་བཞི་པ་ཆ་ཤིན་ཏུ་མཛེས་པ་བྱས་ཏེ། ཙན་དན་གྱིས་མཆོད་པར་བྱ་ཞིང་། གུར་ཀུམ་དང་། གླ་རྩི་དང་། 
ག་བུར་གྱིས་མཆོད་ནས་མེ་ཏོག་སྣ་ཚོགས་བཀྲམ་ཏེ། འཕགས་པ་སྤྱན་རས་གཟིགས་དབང་ཕྱུག་མངོན་དུ་ཕྱོགས་པར་བཞག་ནས། བུམ་པ་སྤོས་ཆུས་བཀང་བ་བཞི་གཞག་ལ། མཆོད་ཡོན་གྱི་སྣོད་བཞི་དང་པོག་ཕོར་

99-1-95b

བཞི་སྤོས་ཆུའི་བུམ་པའི་དབུས་སུ་གཞག་པར་བྱ་ཞིང་། ཨ་ཀ་རུའི་བདུག་པ་དབུལ་བར་བྱའོ། །བུམ་པའི་སྟེང་དུ་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་གཞག་པར་བྱ་རྒྱན་ཐམས་ཅད་ཀྱིས་བརྒྱན་པར་བྱ་ཞིང་སྤོས་
ཀྱི་མར་མེ་བཞི་དངར་བར་བྱ། མཆོད་པ་རྒྱ་ཆེན་པོ་བྱ། བ་དན་གྱིས་བརྒྱན་པར་བྱ་ཞིང་དཀྱིལ་འཁོར་བྱས་ལ་དཀྱིལ་འཁོར་གྱི་དབུས་སུ་སྐྱིལ་མོ་དཀྲུང་དུ་འདུག་སྟེ་བཟླས་བརྗོད་སྟོང་རྩ་བརྒྱད་བྱ་ཁྲོ་བོའི་རྒྱལ་པོ་ལན་བརྒྱ་རྩ་བརྒྱད་བཟླས་
བརྗོད་བྱས་ན་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་ཞིང་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྐུ་སྟོན་པར་འགྱུར་རོ། །དགེ་བའི་རྩ་བའི་ཚོགས་ཐམས་ཅད་ཡོངས་སུ་རྫོགས་པར་འགྱུར་རོ། །སེམས་ཅན་བརྒྱ་སྟོང་མང་པོ་
གདུལ་ན་རིའྀ་རྩེ་མོར་སྟོང་རྩ་བརྒྱད་བཟླས་པས་སོ། །སྡང་བ་ཐམས་ཅད་གཞོམ་པར་འདོད་པས་རྡོ་རྗེ་འམ་མདུང་རྩེ་གསུམ་ལ་ལན་སྟོང་རྩ་བརྒྱད་བཟླས་ཏེ། དོན་ཡོད་པའི་ཞགས་པའི་ཕྱག་རྒྱས་ཚམ་ངམ་བྱ་ཞིང་ཁྲོ་བོའི་རྒྱལ་པོའི་བསྡིགས་
པའི་ཕྱག་རྒྱ་བཅིངས་ཏེ་ཁྲོས་པས་ལན་བརྒྱ་རྩ་བརྒྱད་བཟླས་ནས། གསོར་ཏེ་ནམ་མཁའ་ལ་འཕངས་ན་བདུད་ལ་སོགས་པ་སྡང་བ་ཐམས་ཅད་བཅོམ་པར་འགྱུར་རོ། །ལས་ཐམས་ཅད་གྲུབ་པ་དང་གསང་སྔགས་ཐམས་ཅད་
འགྲུབ་པ་དང་བསམ་པ་ཐམས་ཅད་འགྲུབ་ཅིང་ཡོངས་སུ་རྫོགས་པར་འདོད་པས་དོན་ཡོད་པའི་ཞགས་པའི་ཕྱག་རྒྱ་བཅིངས་ཏེ་སྟོང་ཉི་ཤུ་བཟླས་ན་གྲུབ་པ་ཆེན་པོར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་
དབང་བསྐུར་བར་འདོད་པས་སྟོང་ཕྲག་སུམ་བཅུ་རྩ་གཉིས་བཟླས་ན། དེ་བཞིན་གཤེགས་པ་ཐམས་ཅད་དབང་བསྐུར་བར་འགྱུར་ཏེ། དེ་བཞིན་དུ་སྤོས་ཆུའི་བུམ་པས་དབང་བསྐུར་བར་བྱའོ། །དེ་བཞིན་གཤེགས་
པའི་གཟུགས་བརྙན་སྐུ་གདུང་དང་བཅས་པ་ལ། མིག་གཏད་དེ་ཁྲི་བཟླས་ན་དེ་བཞིན་གཤེགས་པ་ཉིད་འཐོབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ཞབས་མནན་ཏེ་ཁྲི་བཟླས་ན་སྤྱན་རས་གཟིགས་

99-1-96a

དབང་ཕྱུག་དང་འདྲ་བར་འགྱུར་རོ། །ཕྱག་ན་རྡོ་རྗེ་སྤྱན་དྲང་བར་འདོད་པས། ཕྱག་ན་རྡོ་རྗེའི་ཞབས་མནན་ཏེ་བཟླས་བརྗོད་ལན་སྟོང་བྱས་ནས། གུ་གུལ་གྱི་བདུག་པ་དབུལ་བ་བྱས་ན། འཕགས་པ་ཕྱག་ན་རྡོ་རྗེའི་རང་
གི་སྐུ་གཟུགས་ཀྱིས་མདུན་ན་འདུག་པར་འགྱུར་རོ། །ཐམས་ཅད་དུ་ཁྲོ་བོའི་རྒྱལ་པོ་དྲན་པར་བྱ་ཞིང་ཐམས་ཅད་དུ་དོན་ཡོད་པའི་ཞགས་པའི་ཕྱག་རྒྱ་བཅིང་བ་བྱས་ན། མ་བསྒྲུབས་མ་བཀླགས་པར་འགྲུབ་ཅིང་ཆོ་ག་ཞིབ་མོ་
མཐའ་ཡས་པ་འགྲུབ་པར་འགྱུར་རོ། །སྙིང་རྗེ་དང་། དགའ་བ་དང་། བཏང་སྙོམས་དང་། ངོ་ཚ་ཤེས་པ་དང་། བརྩེ་བ་དང་། བྱམས་པ་དང་། ཤེས་རབ་དང་ལྡན་པས་འདི་འགྲུབ་པར་བསྟན་ཏོ། །གོ་ཆ་བགོས་པ་འགྲུབ་པ་མཆོག་
ཐམས་ཅད་གྲུབ་པ་ཐོབ་ཅིང་བསོད་ནམས་ཀྱི་ཕུང་པོ་འབར་བར་འགྱུར་རོ། །ཐོག་མར་ཁྲོ་བོའི་རྒྱལ་པོ་བཟླས་པས་རྟག་ཏུ་མཚམས་བཅད་པ་དང་ཕྱོགས་བཅིང་བ་དང་ཡུལ་བཅིང་བ་བྱས་ཏེ་བསྲུང་བ་མཆོག་ཏུ་བཀོད་པའོ། །
དེ་བཞིན་གཤེགས་པ་དང་རྒྱལ་བའི་བདག་ཉིད་སྐྱེས་པ་ཐམས་ཅད་ཀྱིས་དབང་བསྐུར་བར་འགྱུར་ཞིང་། གོ་ཆ་བགོས་པར་འགྱུར་རོ། །གལ་ཏེ་དབང་བསྐུར་བར་འདོད་ན་ཡང་རྒྱལ་བ་ཐམས་ཅད་ཀྱིས་དབང་བསྐུར་བར་འགྱུར་རོ། །དེ་བཞིན་
གཤེགས་པས་བདེན་པ་སྟོན་པར་འགྱུར་རོ། །དོན་ཡོད་པའི་རྒྱལ་པོའི་ཆོ་ག་ཞིབ་མོ་མཆོག་ལས་ཁྲོ་བོའི་རྒྱལ་པོ་བཤད་པར་བྱ་སྟེ། གཙང་མས་གོས་གཙང་མ་བགོས་ལ། ཤེས་རབ་དང་བྱང་ཆུབ་ཀྱི་ཐབས་དང་ལྡན་པས་འདི་འགྲུབ་
པར་དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་ཏོ། །ན་མཿ སརྦ་ཏ་ཐཱ་ག་ཏ། ཨཱརྱཱ་བ་ལོ་ཀི་ཏེ་ཤྭ་ར་བཛྲ་དྷེ་རེ་བྷྱཿ ཨོཾ་ཙ་ར་ཙ་ར། ཙུ་རུ་ཙུ་རུ། མ་ཧཱ་ཀཱ་རུ་ཎྀ་ཀ །ཙི་རི་ཙི་རི། བི་རི་བི་རི། མ་ཧཱ་པད་མ་ཧསྟ། ཀ་ལ་ཀ་ལ། ཀུ་ལུ་
ཀུ་ལུ། མ་ཧཱ་སྠཱ་མ་པྲཱ་པ་ཏ། ཙ་ར་ཙ་ར། ཙ་ཙ་རི་ཏ། ཙ་རེ་ཤྭ་ར། ཨེ་ཧྱེ་ཧི། སིདྷྱ་སིདྷྱ། བུདྷྱ་བུདྷྱ། དྷཱ་བ་དྷཱ་བ། ཀི་ཎི་ཀི་ཎི། པ་ར་མ་ཤུད་དྷ་ས་ཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་པ་ཤུ་པ་ཏི་བེ་ཤ་དྷ་ར། ཧ་ཧཱ་ཧི་ཧཱི་ཧུ་ཧཱུ། ཨོཾ་ཀཱ་ར་མ་

99-1-96b

ཧཱ་བྲ་མ་ཧ་མ་བེ་ཤ་དྷ་ར། ཙ་ར་ཙ་ར། བ་ར་བ་ར། རཤྨི་ཤ་ཏ་ས་ཧ་སྲ་པྲ་ཏ་མན་ཌི་ཏི་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ། བྷ་ག་བཱན། སོ་མཱ་དེ་ཏྱ། ཡ་མ་བ་རུ་ན། ཀུ་བེ་ར། བྲཧྨེན་ཏྲ། རྀ་ཥི་ག་ན། དེ་བ་ག་ཎ་བྷྱ། ཙི་ཏ་ཙ་ར་ཎ། སུ་རུ་སུ་རུ། མུ་རུ་མུ་རུ། ས་
ནད་ཀུ་མཱ་ར། རུ་དྲ། བིཥྞུ་བཱ་ས་བ། དྷ་ན་ད། དེ་བ་རི་ཥི་ནཱ་ཡ་ཀ །བ་ཧཱུ་བི་བི་དྷ་བི་ཥ་དྷ་ར་དྷ་ར་དྷ་ར་ས་མན་ཏཱ་བ་ལོ་ཀཱ། བ་ལོ་ཀི་ཏེ། ལོ་ཀེ་ཤྭ་ར། མུ་ཡ་མུ་ཡ། མུཉྩ་མུཉྩ། བན་དྷ་བན་དྷན། ཏཱ་ཌ་ན། ཏརྫ་ན། ར་ཛ་ཏསྐ་ར། ཨ་ག་ནི། ཨུ་ད་ཀ །བི་ཥ་
ཤསྟྲ་པ་རི་མོ་ཙ་ཀ །ཀ་ཎ་ཀ་ཎ། བ་ལ་བོ་དྷྱད་ག་ཙ་ཏུ་རཱ་རྱ་སད་ཏྱ་སམ་པྲ་ཀཱ་ཤ་ཀ །ཏ་མ་ཏ་མ། ས་མ་ས་མ། མ་ཧཱ་ཙི་ཏྱན་དྷྱ་ཀཱ་ར་པྲ་ཤ་མ་ན་མི་ལི་མི་ལི། ཨེ་ཎེ་ཡ་ཙརྨ་པ་རི་ཀ་ར། ཨེ་ཧྱེ་ཧྀ། མ་ཊ་མ་ཊ། བི་ཤུད་དྷ་བི་ཥ་ཡ་ནི་བཱ་སི་ན་
མ་ཧཱ་ཀཱ་རུ་ནི་ཎི་ཀ །ཤྭེ་ཏ་ཡཛྙོ་པ་བི་ཏ། རད་ན་མ་ཀུ་ཊ་མཱ་ལཱ་དྷ་ར། སརྦ་ཛྙཱ་ཤི་ར་སི་ཀྲི་ཏ། ཀ་ར་པུ་ཊ་དྷ་ན། ས་མཱ་དྷི། བི་མོ་ཀྵ་ཨ་པྲ་ཀཾ་པྱ། ཥཊ་པཱ་ར་མི་ཏཱ་པ་རི་པཱུ་ར་ཀ །བ་ཧཱུ་སཏྭ་སན་ཏ་ཏི་པ་རི་པཱ་ཙ་ཀ །སརྦ་མཱ་རཱ་དྷཱི་པྲ་དུཥྚ་པྲ་མརྡ་ཀ །སརྦ་སིད་དྷྱ་ཤ་པ་རི་པུྰ་ར་
ཀ །ཨ་བྷི་ཥིཉ་ཙ་སརྦ་ཏ་ཐཱ་ག་ཏ། ཨ་བྷི་ཥིཉ་ཙ་སརྦ་ཏ་ཐཱ་ག་ཏ། ཨ་བྷི་ཥེ་ཀཻ་ར། བྷ་ག་བཱན་ཏ། ཨ་མོ་གྷ་རཱ་ཛ་ཧཱུྃ་ཕཊ། ན་མོ་སྟུ་ཏེ་སྭཱ་ཧཱ། གསང་སྔགས་ཀྱི་ཆོ་ག་སྔ་མ་དེ་ལྟ་བུ་ལས་ཐམས་ཅད་པ་དོན་ཡོད་པའི་ཞགས་པ་ཁྲོ་བོ་ཞེས་བྱ་བ་གྲུབ་པ་
མཆོག་ལས་ཐམས་ཅད་པའོ། །ན་མོ་རད་ན་ཏྲ་ཡཱ་ཡ། ན་མཿཨཱརྱ་ཨ་མི་ཏཱ་བྷཱ་ཡ་ཏ་ཐཱ་ག་ཏཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨ་མོ་གྷ་བ་ར་ད་པ་ཤ་ཧཱ་སྟ་ཡ། མ་ཧཱ་ཤུད་དྷ་སཏྭཱ་ཡ། 
ཨ་གད་ཚ། བྷ་ག་བཱམ། པད་མ་ཧ་སྟ། བ་ར་ད་ཀ་རཱད་གུ་ལེ། པད་མ་ཧཱུྃ་ཛཻ། མ་ཧཱ་པ་ཤུ་པ་ཏི། བེ་ཤ་དྷ་རེ། པྲ་ཤཱི་ད་ཤཱི་གྷཱ་མཱ་གཙྪ། མ་ཧཱ་བི་ག །བི་བྷ་ཥི་ཏ་རཥྨི། ཧ་ས་ཧ་ས། ཨ་མོ་གྷ་ཤུད་དྷེ། ས་ཧ་ས་ཧ། ཙ་ལ་ཙ་ལ། ཨཱ་གཙྪ། ཨཱ་
གཙྪ། བྷ་ག་བཱན། ཨ་བ་ལོ་ཀི་ཏེ་ཤྭ་ར། མ་མ་གན་དྷ་པུཥྤ་སམ་མརྫ་ནི། ཡམ་པྲ་ཏིཙྪ། ཏྲི་རཏྣ་སད་ཏྱ་ན། ཨ་མོ་གྷ་སིད་དྷེ་སྭཱ་ཧཱ། འཕགས་པ་སྤྱན་རས་གཟིགས་དབང་ཕྱུག་གི་དཀྱིལ་འཁོར་ན་གནས་པ་ཐམས་ཅད་དགུག་

99-1-97a

ཨ་ག་རུའི་བདུག་པ་ལ་ལན་ཉི་ཤུ་རྩ་གཅིག་བཟླས་པ་བྱའོ། །ན་མོ་རཏྣ་ཏྲ་ཡཱ་ཡ། ན་མཿཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སརྦ་གན་དྷཱ་དྷི་བ་སི་ཏ། 
ཨ་མོ་གྷ་བྷུ་ཛ། བ་ར་དཱ་ཡ། སརྦ་གན་དྷ་མཱ་ལྱ། བི་བྷུ་ཥི་ཏ་པྲི་ཡེ། ཙཎ་ཌརྡྷཱ་ཤི་ར་སྲི་པྲི་ཡེ། གན་དྷ་གན་དྷ་ནུ་ལེ་བ་ན་སཱ་མ་མ་པྲ་ཏཱིཙྪ། བ་ར་བ་ར་བ་ར་དཱ་ཡ་སྭཱ་ཧཱ། ལན་བདུན་བཟླས་ཏེ་དབུལ་བར་བྱའོ། །
ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷ་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧ་ཀཱ་རུ་ཎི་ཀཱ་ཡ། ཏདྱ་ཐཱ། ཧི་ལི་ཧི་ལི། མི་ལི་མི་ལི། མ་ཧཱ་པྲ་བྷ། སུ་བྷེ་མ་ལི། བྲཧྨ་བེ་ཥ་དྷ་རེ་
སུ་མ་ཏེ་བ་ར་ཏེ། ཏུ་རུ་ཏུ་རུ། པི་ཙིད་ཏྲ་པུཥྤ་མ་ལྱ་བྷི་བྷུ་ཥི་ཏེ། ཧ་ར་ཧ་ར། མ་ར་མ་ར། ཏུ་རུ་ཏུ་རུ། ཨ་མོ་གྷ་ཧྲི་དཱ་ཡ། པྲ་མོ་ད་ན་ཀུ་རུ་པྲ་ཏཱིཙྪ་མ་མ་པུཥྤ་བ་རེ་སྭཱ་ཧཱ། མེ་ཏོག་ལ་ལན་བདུན་
བཟླས་ཏེ་དབུལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀུ་རུ་ཎི་ཀཱ་ཡ། མ་ཧཱ་བོ་དྷི་སཏྭཱ་བ་ར་དེ། སྨ་ར་སྨ་ར། བྷ་ག་བཱན། ས་མ་
ཡ་སརྦ་ཏ་ཐཱ་ག་ཏ་ཤཱ་སིད་ཏེ། བྷ་ག་བཱན། ཨ་བ་ལོ་ཀཱ་ཡ། སརྦ་སཏྭ་ཨ་བ་ལོ་ཀ་ནྀ། ཨ་མོ་གྷ་བ་ཏི་པཱ་ཤ་ཧསྟེ། སིད་དྷི་སིད་དྷི་སིད་དྷ་བྲ་ད། སིད་དྷྱན་ཏུ་ཏེ། བུད་དྷ་དྷརྨ་སྃ་གྷ་ས་ཏྱེ་ན་ཏུ་རུ་ཏུ་རུ་ས་ཏྱ་ས་མ་ཡ་པཱ་ལཱ་ཡ་
སྭཱ་ཧཱ། འཕགས་པ་སྤྱན་རས་གཟིགས་དབང་ཕྱུག་དྲན་པར་བྱ་བའི་རིག་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ་མ་ཧཱ་ཀུ་རུ་ཎི་ཀཱ་ཡ། ཏདྱ་ཐཱ་དྷུ་རེ་དྷུ་རེ་བཛྲ་དྷ་ར་པད་མ་
ཛ་བེ། བེ་ག་ཏཱ་བ་ར་ཏེ་བེ་ག་བེ་ག །དྷུ་ཊུ་དྷུ་ཊུ། སརྦ་བཱི་ཛ་པྲི་ཡེ། བུད་དྷ་དྷརྨ་སྃ་གྷ་ས་ཏྱེ་ན། མི་ལི་མི་ལི་སྭཱ་ཧཱ། གཏོར་མའི་སྔགས་ཏེ་ལན་བདུན་བཟླས་ཏེ་སྦྱིན་ནོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། 

99-1-97b

མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨ་པྲ་ཏི་ཧ་ཏ། ཏ་ཐཱ་ག་ཏ་ཛྙ་ནེ་ཀཱ་ཡ། བྷ་ག་བཱན། ཨཱ་ཧ་ར་ཨཱ་ཧ་ར་པད་མཱ་ས་ན་པད་མ་བྷུ་ཛི། ཤྭེ་ཏྂ་གེ་ཤྭེ་ཏ་ཏ་མཱ་ལྱ་བི་བྷཱུ་ཥེ་ཏེ། དྷུ་མ་དྷུ་མ་ཛྭ་ལ་བུད་དྷ་དྷརྨ་སྃ་གྷ་ས་ཏྱེ་ན་སྭཱ་ཧཱ། མར་མེའི་
རིག་སྔགས་ཏེ་ལན་བདུན་བཟླས་པས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་བི་རི་བི་རི། པད་མ་པཱ་ཎི་ཨ་ག་མཱ་ག་མ་
ཨ་མོ་གྷ་ཏ་ཏྭ་སིད་དྷི་སརྦ་ཏ་ཐཱ་ག་ཏ་ག་ག་ན་ར་སན་ཙོ་དི་ཏེ། སརྦ་བི་དྱ་དྷ་ར་བི་ཤོ་དྷ་ནི། ཨ་མོ་ག་སིད་དྷི་སྭཱ་ཧཱ། སྤོས་ཆུའི་དྲི་ཞིམ་པོའི་བུམ་པ་ལ་ལན་བདུན་བཟླས་ཏེ་ཁྲུས་བྱའོ། །ཁྲུས་ཀྱི་རིག་སྔགས་སོ། །ན་མོ་
རཏྣ་ཏྲ་ཡཱ་ཡ། ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། དྷུ་མེ་དྷུ་མེ་པད་མེ་པད་མ་ནི་ར་བྷ་སེ། ཤུད་དྷེ་ཤུད་དྷ་ཀ་བ་ཙན་པྲ་བྷཱ་ས་བི་མ་ལེ། ཤུད་དྷ་རཱ་ཤི ། ཤུ་ཙི་ཤུ་ཙི་ཤུ་ཙི་གོ་ཙ་ར་
སིད་དྷི་པད་མཱང་ག་བ་ཏི། པྲ་བ་ར་ཎི་སྭཱ་ཧཱ། གོས་ཀྱི་རིག་སྔགས་ཏེ་ལན་བདུན་བཟླས་པས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཤཱ་མེ་ཤཱ་མ་
ཡ་ཤཱན་ཏེ་མེ། མ་མ་སྭ་སྟྱ་ནཾ་ཀུ་རུ་ཤན་ཏོ་སི་མི་སརྦ་པཱ་པ། ཤཱན་ཏ་ཤུད་དྷ་ཀ་ལྱཱ་ཎ་བེ་ར་ཛེ། ཤཱན་ཏི་བི་ཛ་ཡེ། ཛ་ཡ་སིད་དྷེ་བྷ་ག་བཱན་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ་ས་ར་ས་ར་སྭཱ་ཧཱ། མལ་ཆ་ལ་བསྔགས་ཏེ་ཉལ་ན་རྨི་ལམ་ངན་པ་
དང་། ལྟས་ངན་པ་ཐམས་ཅད་མི་མཐོང་ངོ་། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ནཱ་ག་པྲཱ་ཀ་ར་ཥ་ཎེ། དི་བྱ་ཛ་ལ། ཛ་ལཱ་བ་ཧེ། ཛ་ལ་སང་ཀྵོ་བྷ་
ཡན་ནཱ་ག་ཛ་ལ་སང་ཤོ་དྷ། ནི་པད་མ་ས་རེ། པད་མ་བི་ཤུད་དྷེ། པཱ་ཎི་ཛ་ལི་སང་ཤོ་དྷ་ཡ། ཨཱད་མ་ནྃ་དྷ་ར་དྷ་ར་ས་ལི་ལེ་སྭཱ་ཧཱ། ཆུའི་སྔགས་ཏེ་ཁྲུས་དང་དབང་བསྐུར་བའི་ཆུ་བླངས་ལ་ལན་བདུན་བཟླས་ཏེ་དཔྱད་དོ། །ན་མོ་

99-1-98a

རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སརྦ་ས་ཏྭཱཾ་ཧི་ཏང་ཀ་རཱ་ཡ། ཨ་མོ་གྷ་བ་ར་པྲ་དཱ་ཡ། སརྦ་ས་ཏྭཱཾ་མ་ན་ན་པཱ་ན་པྲ་དཱ་ཡ། དེ་བ་ནཱ་གཱ་ད་ཡཱ་བྷོ་
ཛྱ་བི་དྷི་དྷ་ར་ས་ནུ་པྲ་དཱ་ཡ། ས་ཀ་ལ་བྷུ་བ་ནེ། བུ་བ་ན་བི་ཤོ་དྷ་ནི། སན་ཏ་རྦ་ཡ་པྲ་བྷ་ར་བི་ཤུད་དྷེ་སྭཱ་ཧཱ། དབུལ་བའི་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། 
མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སརྦ་དེ་བཱ་སུ་ར་ན་མ་སྐྲི་ཏེ། ས་མ་ས་མན་ཏ་པྲ་པུྰ་ར་ཎི། ས་མ་གན་དྷཱ་བ་བྷཱ་སི་ཏེ། ག་ག་ན་བི་ཤུད་དྷེ། མུག་ཏེ་པྲ་བྷེ། ཛ་ཡེ་བི་ཛ་ཡེ། ཛ་ཡ་ནིར་མཱ་ལྱོ་པ་ན་ཡ་ཧེ། པུ་
ཥྤ་མ་ལྱ་གན་དྷ་བི་ཤོ་དྷ་ན། བི་ཤོ་དྷ་ཡ། སརྦ་ཏ་ཐཱ་ག་ཏ་བི་ཤུད་དྷི་པད་མ་བི་ཤོ་དྷ་ནི་སྭཱ་ཧཱ། མེ་ཏོག་ཉིད་དོར་བའི་རིག་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ་མ་ཧཱ་ས་ཏྭཱ་ཡ། མ་ཧཱ་
ཀཱ་རུ་ཎི་ཀཱ་ཡ། ཏདྱ་ཡ་ཐཱ། དྷ་ར་ཎི་ན་དྷ་རེ་དྷ་ར་ཎི་བན་དྷེ། བན་དྷ་བན་དྷ་ཤུ་ཀྲ་བི་ཤོ་དྷ་ནི། ཤུ་ཀྲ་མཱ་ལི་ལིང་གི་ཏི། ཤུ་ཀྲ་བི་ཤོ་དྷ་ནི། ཤུད་དྷ་བི་མ་ལེ་སྭཱ་ཧཱ། རྩྭ་ཀུ་ཤ་འམ་རས་ཀྱི་སྲད་བུ་འམ། བུ་མོ་གཙང་མས་བཀལ་བའི་སྲད་བུ་ལ་
ལན་ཉི་ཤུ་རྩ་གཅིག་བཟླས་ཏེ། མདུད་པ་ཉི་ཤུ་རྩ་གཅིག་བོར་བ་བྱས་ན། ཁུ་ཆུ་འགགས་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། 
ཛ་ལེ་ཛ་ལེ། བི་མ་ལེ་ཛྭ་ལོ། པྲ་བྷ་ས་བི་ར་ཛ། སཱུརྱ་བ་ཏེ་ཛ་ཡ་པད་མ། མཱ་ལ་དྷ་རེ་སྭཱ་ཧཱ། མེའི་སྦྱིན་སྲེག་གི་ཐལ་བ་ལ་ལན་བདུན་ལ་བཟླས་ཏེ་ཀུན་ཏུ་གཏོར་ན། བགེགས་དང་ལོག་འདྲེན་ཐམས་ཅད་ཀྱིས་ནམ་ཡང་མི་ཚུགས་སོ། །
ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ་མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཛ་ལ་ཛ་ལེ། ཛ་ལ་བ་ཏེ། ཛ་ལ་པྲ་བྷ་བ་ནི། ནཱ་ག་སྲ་བ་ཎི་དི་བྱ་བཱ་རི་ཎི། མི་ལི་མི་ལི་སྭཱ་ཧཱ། ཉེ་རེག་གི་རིག་སྔགས་

99-1-98b

ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། རི་ཎི་ཧ་རི་ཎི་པིང་ག་ལི་པིང་ག་ལེ། ཧི་རི་ཧི་རི། བྷ་ག་བཱན། ནི་རྩ་ལ་པྲ་ཙ་ལ། པྲ་ཏ་ཏིཥྠི་མཱ་ནཱ་རཀྵ་རཀྵ་མ་མ་བུད་
དྷ། དྷརྨ་སང་གྷས་ཏྱེ་ན་སྭཱ་ཧཱ། སྟེགས་བུ་འམ་རྩྭ་ཀུ་ཤ་བཏིང་བ་ལ་ལན་བདུན་སྔགས་སོ། །སྟན་གྱི་རིག་སྔགས་སོ། །ན་མོ་རཏྣ་ཏྲ་ཡཱ་ཡ། ན་མཿ སརྦ་མཎྚ་ལ་ནི་པ་སི་ན་དེ་པ་ཏྲཱ་ནཱྃ་ན་མོ་བིདྱཱ་དེ་བ་ཏཱ་ནཱན། སརྦ་ཀལ་པ་སིད་དྷཱ་
ནཱན། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨེ་ཧྱེ་ཧི་བྷ་ག་བ་ཏེ་པད་མ་སུན་དྷ་རི། མ་ཧཱ་བིདྱཱ་དེ་བ་ཏེ། ཙ་ལ་ཙ་ལ། པད་མ་སུན་དྷ་རི། བེ་ག་བ་ཏེ། སུ་རུ་སུ་རུ་སྭཱ་ཧཱ། 
ཉིན་རེ་ཞིང་མེ་ཏོག་དང་། བདུག་པ་དང་། གཏོར་མ་དང་། སྤོས་ཆུས་ཕོ་ཉ་མོ་པད་མའི་རིགས་མཛེས་པ་དང་གནོད་སྦྱིན་མོ་རལ་པ་གཅིག་མ་མཆོད་ནས། བཟླས་བརྗོད་ལན་བདུན་བྱས་ན། ནམ་ཡང་བགེགས་ཐམས་ཅད་ཀྱིས་མི་ཚུགས་སོ། །
ན་མོ་རཏྣ་ཏྲ་ཡཱ་ཡ། ན་མཿཀྲོ་དྷ་རཱ་ཛ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མཿ སརྦ་བིདྱཱ་ཀུ་ལ་བང་ཤ་སྱ། ཏདྱ་ཐཱ། ཨོཾ་ཨ་མོ་གྷ་ཧྲི་ད་ཡ་པྲ་བྷ་བི་ནི། སརྦ་བགྷི་ནྃ་
པྲ་ཤ་མ་ཏི། ཨཱ་ཧ་ར། སང་ཧ་ར། པད་མ་པི་ཋོ་བ་བིཥྚེ། མ་ཎི་ཀ་ཎ་ཀ་བི་བྷུ་ཥི་ཏ། ཀ་མ་ལ་བྷུ་ཛེ། ཏ་ར་ཏ་ར། ཏཱ་རཱ་ཡ་པ་རམ། ཨ་མོ་གྷ་ཧྲི་དཱ་ཡ། ཛ་ཡེ་ཏྲི་ནེ་ཏྲེ། བ་ར་ད་བྷུ་ཛེ། སྨ་ར་སྨ་ར། བྷ་ག་བཱན། སརྦ་ཏ་ཐཱ་
ག་ཏ་ས་མ་ཡ། བྷ་ར་བྷ་ར། བྷུ་རུ་བྷུ་རུ། བྲཧྨ་བྷི་ཥ་དྷ་ར་བི་བྷུྰ་ཥི་ཏ་ཏ་ནུ། མ་ཧཱ་བྷ་ཡ་ཧ་རེ། ཨཱ་ལོ་ཀཱ་ཡ། བི་ལོ་ཀ་ཡ། སརྦ་སཏྭཱ་བ་ལོ་ཀི་ནི། བ་ར་བ་ར་དེ་སྭཱ་ཧཱ། ལས་ཐམས་ཅད་པའི་རིག་སྔགས་ཏེ། ཁྱད་པར་དུ་
ནི། རིག་སྔགས་འདིས་དཀྱིལ་འཁོར་གྱི་གནས་ན་འཁོད་པའི་ལས་མི་རྣམས་བསྲུང་བར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། 

99-1-99a

ཏདྱ་ཐཱ། མ་ར་མ་ར། ས་ར་ས་ར། བན་དྷ་བན་དྷ། ས་མན་ཏེ་ན། ཨ་མོ་གྷ་པཱ་ཤ་ཧ་སྟེ། ཏིཥྛ་ཏིཥྛ་བུད་དྷ་དྷརྨ། སཾ་གྷ་ས་ཏྱེ་ན་སྭཱ་ཧཱ། ཐལ་བ་ལ་ལན་ཉི་ཤུ་རྩ་གཅིག་བཟླས་ཏེ་ཡུལ་བཅིང་ངོ་། །ན་མོ་རཏྣ་ཏྲ་
ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། དི་ཤཱ་བན་དྷ་ནི། ཨ་མོ་གྷེ། ཨ་པྲ་ཏེ་ཧ་ཏེ། མུ་རུ་མུ་རུ། སུ་རུ་སུ་རུ། ཏུ་རུ་ཏུ་རུ། སརྦ་བིགྷྣ་ནྃ་བི་ནཱ་
ཤ་ནི། པད་མ་ས་ར་བི་བྷཱུ་ཥི་ཏེ། བུད་དྷ་དྷརྨ་སྃ་གྷ་ས་ཏྱེ་ན་བན་དྷ། ཨ་ཛི་ཏ་བ་ར་དེ་སྭཱ་ཧཱ། སྤྱན་དྲངས་ཏེ་ཕྱི་ནས་ཕྱོགས་བཅིངས་བར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། 
མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཧི་ལི་ཧི་ལི། མི་ལི་མི་ལི། སི་རི་སི་རི། པི་རི་པི་རྀ། བ་ར་བ་ར། པྲ་བ་ར་བི་མཱན། དྷ་ར་ད་ར་ད་ར། གཙྪ་གཙྪ་བྷ་ག་བཱན། ཨཱརྱ་ཨ་བ་ལོ་ཀི་ཏེ་ཤྭ་རཤྩ། བྷ་ག་བཱན། ཏུ་རུ་ཏུ་རུ། ཨ་མོ་
གྷ་པད་མེ་སྭཱ་ཧཱ། མེ་ཏོག་ཅི་སྙེད་པ་ལ་ལན་ཉི་ཤུ་རྩ་གཅིག་བཟླས་ཏེ་སྙིམ་པ་ནས་ཕུལ་ན་སླར་གཤེགས་སུ་གསོལ་བར་འགྱུར་རོ། །རིག་སྔགས་ཀྱི་ཆོ་ག་ཞིབ་མོ་རིམ་པར་ཕྱེ་བའི་ཆོ་གའོ།། །།
དེ་ནས་དོན་ཡོད་པའི་ཞགས་པའི་རྒྱལ་པོ་ཁྲོ་བོ་ཆེན་པོའི་སྙིང་པོའི་མཆོག་བསྒྲུབ་ན། བསྒྲུབ་སླ་བའི་རས་ཀྱི་སྐུ་གཟུགས་ཀྱི་ཆོ་ག་བཤད་པར་བྱའོ། །ཆོ་ག་ཞིབ་གྲུབ་གྲུབ་པ་མཆོག །དོན་ཡོད་པ་ནི་གྲུབ་པའི་མཆོག །རིག་སྔགས་
འདི་ནི་བཤད་པར་བྱའོ། །དོན་ཡོད་རྒྱལ་པོ་ཁྲོ་ཆེན་གྱི། །སྙིང་པོ་དམ་པ་བསྒྲུབ་པ་ནི། །ཆོ་ག་ཞིབ་གྲུབ་གྲུབ་པ་ཆེ། །ཁྲོ་བོའི་རྒྱལ་པོ་གྲུབ་པ་མཆོག །གྲུབ་པའི་མཆོག་སྟེ་དོན་ཡོད་པ། །རིག་སྔགས་འདི་ནི་བཤད་
པར་བྱ། །གང་བརྗོད་པ་ཙམ་གྱིས་ཆོ་ག་ཞིབ་མོའི་མཆོག་འགྲུབ་པ། སངས་རྒྱས་བྱེ་བ་བརྒྱ་ཕྲག་སྟོང་གིས་གཟིགས་པར་འགྱུར་བ། རྫོགས་པའི་སངས་རྒྱས་གྃ་གཱའི་ཀླུང་གི་བྱེ་མ་རྙེད་བརྒྱ་སྟོང་མཐོང་བར་འགྱུར་ལ། །

99-1-99b

དེ་བཞིན་གཤེགས་པ་འབུམ་ལ་དགེ་བའི་རྩ་བ་བསྐྱེད་པར་འགྱུར་བ། བསོད་ནམས་ཀྱི་ཕུང་པོ་བླ་ན་མེད་པ། སྡིག་པ་ཐམས་ཅད་རབ་ཏུ་ཞི་བར་འགྱུར་བ། སྟོབས་དང་བརྩོན་འགྲུས་བསྐྱེད་པ། ཆོ་ག་ཞིབ་མོ་ཐམས་ཅད་དོན་ཡོད་པ། དེ་ཁོ་
ན་ཉིད་བསྒྲུབ་པ་འགྲུབ་པ། དྲན་པ་ཙམ་གྱི་མོད་ལ་ནི། །ས་གཞི་ཡང་ནི་གཡོ་འགྱུར་ལ། །སུམ་བཅུའི་ལྷ་རྣམས་གཡོ་འགྱུར་ཞིང་། །ལྷར་བཅས་རྒྱ་མཚོ་ལྷུན་པོར་བཅས། །ཀླུ་རྣམས་འདར་ནི་ཡེད་ཡེད་ཅིང་། །གནོད་སྦྱིན་
སྲིན་མོ་འབྲོས་འགྱུར་བ། །ལྷ་དང་ལྷ་མིན་ཡུལ་འགྱེད་ཚེ། །རིག་སྔགས་རྒྱལ་པོ་བླ་མེད་ཀྱིས། །ཕྱག་ན་རྡོ་རྗེ་གནོད་སྦྱིན་བཅས། །དཔུང་དང་བཅས་ཤིང་བཞོན་བཅས་པའི། །ལུས་སྐྱེས་འབར་བའི་ཕྲེང་ཅན་ཀུན། །འདར་
ཞིང་ཀུན་དུ་འདར་ཡེད་ཡེད། །རྒྱལ་པོ་ཆེན་པོ་བཞི་པོ་ཡི། །གནས་མཆོག་དག་ནི་གཡོ་འགྱུར་ཞིང་། །དེ་དག་ཐམས་ཅད་འདུས་འགྱུར་ནས། །འཇིག་རྟེན་དབང་ལ་སྐྱབས་དོང་ཞིང་། །བཅོམ་ལྡན་མགོན་པོ་སྐྱབ་ཏུ་
གསོལ། །ཐུགས་རྗེའི་བདག་ཉིད་བསྐྱབ་ཏུ་གསོལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག །བཅོམ་ལྡན་འདས་གང་ན་བ་དེར་སོང་ཏེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
འདས་བདག་ལ་གྲུབ་པ་དོན་ཡོད་པའི་སྙིང་པོའི་རིག་སྔགས་རྒྱལ་པོའི་སྙིང་པོ་འདི་གང་གིས་བཀླགས་པ་ཙམ་གྱིས། དོན་ཡོད་པའི་ཞགས་པའི་སྙིང་པོ་མྱུར་དུ་རབ་ཏུ་འགྲུབ་ཅིང་། དྲན་པ་ཙམ་གྱིས་འཕགས་པ་སྤྱན་རས་
གཟིགས་དབང་ཕྱུག་ལྷའི་ལུས་ཀྱིས་ལུས་སྟོན་པར་འགྱུར་བ། དངོས་གྲུབ་དང་མཆོག་ཐམས་ཅད་སྦྱིན་པར་འགྱུར་བ་མཆིས་ཏེ། བཅོམ་ལྡན་འདས་དེ་བདག་གིས་བཅོམ་ལྡན་འདས་ཀྱི་སྤྱན་
སྔར། འཁོར་གྱི་དཀྱིལ་འཁོར་འདིའི་ནང་དུ་བསྒྲགས་པར་བགྱིའོ། །ན་མོ་རཏྣ་ཏྲ་ཡཱ་ཡ། ན་མཿཨ་མི་ཏཱ་བྷཱ་ཡ། ཏ་ཐཱ་ག་ཏ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་

99-1-100a

ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཡ་ཐཱ། ཨོཾ་པད་མེ་པད་མེ། པད་མ་དྷ་ར་བི་བྷུ་ཥི་ཏ། བྷུ་ཛེ། ཙ་ར་ཙ་ར། བྲཧྨ་བེ་ཥ་དྷ་ར། བྷ་ར་བྷ་ར། བི་ཙིད་ཏྲ་མཽ་ལ་དྷ་ར། མ་ནི་ཀ་ན་ཀ་བཛྲ་བཻ་དཱུརྱཱ་ལང་ཀྲྀ་
ཏ་ཤ་རཱི་ར། ཏ་ར་ཏ་ར་ཏ་རཱ་ཡ་ཏ་རཱ་ཡ། བྷ་ག་བ་ཏེ་པཱ་ར་ཎ། དྷུ་རུ་དྷུ་རུ། ཨ་མོ་གྷ་པཱ་ཤ་ཧ་སྟེ། བ་ར་བ་ར་བ་ར་དཱ་ཡ་ཀ །ས་མན་ཏ་ཨ་བ་ལོ་ཀི་ཏེ། མ་ཧཱ་བོ་དྷ་ས་ཏྭ་བར་ད་པད་མ་སན་པད་མ་གཽ་ར། ཛྭ་ལ་ཛྭ་ལ་སརྦ་ཏ་ཐཱ་ག་ཏ་
ཨ་བྷི་ཥེ་ཀ །ཨ་བྷི་ཥི་ཀ་ཏེ་མ་ཧཱ་ཀཱ་རུ་ཎི་ཀཱ་ཡ། བ་ལ་བ་ལ། མ་ཧཱ་བི་ག་དྷ་ར་བི་ཀྲྀ་ཏཱ་ནན། དཥྚཱྃ་ཀ་རཱ་ལ་མ་ཧཱ་ཏེ་ཛ། དྷ་ར་དྷ་ར་བི་པུ་ལ་ཛ་ན་བ་ར་ད་མ་ཧཱ་ཀཱ་རུ་ཎི་ཀཱ་ཡ། མ་ཧཱ་པཱ་ཤུ་པ་ཏི་བི་ཥ་དྷ་ར། ས་ར་ས་ར། པྲ་བ་ར་པུ་ཎྱ་སམ་བྷཱ་ར། 
སུ་ག་ཏ་ན་ས་མཱ་དྷི། ས་མན་ཏ་ཨ་བ་ལོ་ཀི་ཏ། ཨཱི་ཤྭ་ར་མ་ཧེ་ཤྭ་ར། དུཊ་ད་མ་ཀ །རུ་དྲ་པྲ་ལ་ད་མ་ཀ །ཀྲོ་དྷ་རཱ་ཛ་མ་ཧ་བེ་གི་ག་དྷ་ར། ས་མ་ས་མ་མ་ཧཱ་སྠཱ་མ་པྲཱ་བ་ཏ། ཙནྤྲ་སཱུརྱ་ཨ་ཏེ་རེ་ཀ་པྲ་བྷ་མ་ལ་མ་ལ་སརྦ་མ་ལ་བོ་དྷ་ཀ་སརྦ་རི་ཥི་
ག་ཎ་སན་ཏ་ཏེ་མ་ཧཱ་མ་ཧེ་ཤྭ་ར་རུ་པ་དྷ་ར། ཨ་མི་ཏཱ་བྷ་ཛི་ནཱ་ལང་ཀྲི་ཏ་ཛ་ཊ། དཀྵི་ཎ་ཙནྡྲ་དྲཱ་ལྃ་ཀྲི་ཏ་ཤ་རི། མ་ཐ་མ་ཐ། སརྦ་ཡཀྵ་རཱཀྵ་ས་བྷུ་ཏ་ག་ན་བྷཉྫ་ཀ་ཏ་ར་ཏ་ར་ཏ་ར་ག་ཎ་སམཱ་ལང་ཀྲི་ཏེ། ནཀྵ་ཏྲ་མཱ་ལ་སརྦ་བིགྷྣན་བི་ནཱ་ཤ་ན་ཀ་
ཀ་ར་པ་ར་མེ་ཏྲི་ཙིཎྟ་མ་ཧཱ་ཀཱ་རུ་ཎི་ཀཱ། པ་ར་པ་ར། པ་རི་པཱུརྞ་མཎྜ་ལ་སཽ་མྱ་མུ་ཁ། ཥ་ཌ་པཱ་ར་མི་ཏཱ། པ་རི་པུྰ་ར་ཀ་མི་ལི་མི་ལི། ཨེ་ཎི་ཡ་ཙརྨ་ནི་བཱ་སན། བྱཱ་གྷྲ་ཙརྨོད་ཏ་རི་ཡ། དྷ་ར་དྷ་ར། སརྦ་ཏ་ཐཱ་ག་ཏ་ཨ་བ་ལོ་ཀི་ཏ། ཏྲི་ན་ཏྲེ་ཏྲི་
ཤཱུ་ལ་དྷ་ར། བཛྲ་ཛྭ་ལ་དྷ་ར། ཨ་མོ་གྷ་པཱ་ཤ་ཧ་སྟེ། ཡ་མ་བ་རུ་ཎ་ཀུ་བེ་ར་རཱུ་པ་དྷ་ར། ནཱ་གེན་དྲ་རུ་པ་དྷར། བི་མ་ལ་བི་ཤུད་དྷ་དེ་ཧ་སརྦ་པཱ་ལ་ཤམ་ཀ་སརྦཱ་བ་ར་ཎ་བི་ཤོ་དྷ་ཀ །སརྦ་ཀི་བི་ཥ་ན་ཤ་ཀ །སྟྲཻ་ལོ་ཀྱ་བ་ཤང་
ཀ་ར། སརྦ་སཏྭཱ་བི་ཤོ་དྷ་ཀ །བོ་དྷི་ས་ཏྭཱ་བ་ར་ད། སརྦ་ཏ་ཐཱ་ག་ཏ། ཨ་དྷིཥྛི་ཏེ། ཨོཾ་པད་མ་བི་བྷུ་ཥི་ཏ། ཤུད་དྷེ་དྷི་རི་དྷི་རི། ཨ་བ་ལོ་ཀི་ཡ་མཱ་ན། ས་མ་ས་མ། སརྦ་ཀརྨ་མི་སཱ་དྷ་ཡ། ཨ་མོ་གྷ་པཱ་ཤ་ཧྲི་ད་ཡ་

99-1-100b

སིད་དྷེ། གུ་ཧྱ་ནི་བ་སི་ནི་བ་ར་ད་ཧཱུྂ་ཕཊ། ན་མོསྟུ་ཏེ་སྭཱ་ཧཱ། གྲུབ་པ་དོན་ཡོད་པ་རིག་སྔགས་ཀྱི་རྒྱལ་པོ་འདི་བཤད་མ་ཐག་ཏུ་འབྱུང་པོའི་ཚོགས་དང་། གནོད་སྦྱིན་དང་། སྲིན་པོ་དང་། བགེགས་དང་། ལོག་འདྲེན་དེ་དག་ཐམས་ཅད་
ཁ་བུབ་ཏུ་འགྱེལ་ཏེ། གཅིག་ཏུ་འབར་བར་གྱུར་ཅིང་གནས་ཀྱང་འབར་བར་གྱུར་པ་དང་། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་དགའ་བས་བ་སྤུ་ལངས་ཏེ། སྐྲག་པར་གྱུར་པའི་ལྷ་ཚོགས་ཐམས་ཅད་དང་། 
བརྒྱ་བྱིན་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། རྒྱལ་པོ་ཆེན་པོ་བཞི་དང་། སྐྲགས་པར་འགྱུར་བའི་ལྷ་དང་། ལྷ་མ་ཡིན་དང་། དྲང་སྲོང་སྤ་གོང་བ་ཐམས་ཅད་དང་། རྒྱ་མཚོ་ན་གནས་པའི་
ཀླུའི་རྒྱལ་པོ་ཐམས་ཅད་དང་། ཆུ་བྲན་ཐམས་ཅད་དང་། ལྷ་དང་། ཀླུ་གང་དག་ཆུ་ན་གནས་པ་ཐམས་ཅད་དང་། རྒྱ་མཚོ་ཆེན་པོའི་ལྷ་དང་། ལྷ་གང་དག་ལང་ཀའི་གྲོང་ཁྱེར་ན་གནས་པ་ཐམས་ཅད་དང་། རིག་སྔགས་འཆང་གིས་
འཁོར་ལོས་སྒྱུར་བ་ཐམས་ཅད་དང་། གང་དག་གནས་གཙང་མའི་རིགས་ཀྱི་ལྷ་རྣམས་དང་། ནམ་མཁའི་ལྷ་ཐམས་ཅད་འཁྲུགས་པར་གྱུར་ནས་ནམ་མཁའ་ལས་བབས་ཏེ། བཅོམ་ལྡན་འདས་ལ་མཆོད་པའི་ལས་དང་བྱང་ཆུབ་སེམས་
དཔའ་འཕགས་པ་སྤྱན་རས་གཟིགས་དབང་ཕྱུག་དེ་ལ་ཡང་མཆོད་པའི་ཕྱིར། ལྷའི་མེ་ཏོག་རྣམ་པ་སྣ་ཚོགས་པད་མ་དང་། ཀུ་མུ་ཏ་དང་། ཨུཏ་པ་ལ་དང་། པུན་ད་རི་ཀ་དང་། མཱན་དཱ་ར་བ་དང་། མན་དཱ་ར་བ་ཆེན་པོའི་ཆར་དང་། ལྷའི་
རྒྱན་དང་ལྷབ་ལྷུབ་ཀྱི་ཆར་པུས་མོ་ནུབ་ཙམ་རི་བོ་ཏ་ལར་ཕབ་སྟེ། ལྷའི་སིལ་སྙན་དང་། གླུ་དབྱངས་ལེན་ཅིང་ཧ་ཧ་ཞེས་ཅ་ཅོ་དང་ག་ཞའི་སྒྲ་བཏོན་ནས། བཅོམ་ལྡན་འདས་འཕགས་པ་སྤྱན་རས་གཟིགས་དབང་
ཕྱུག་གིས་སེམས་ཅན་ཐམས་ཅད་ཀྱི་དོན་དུ་རིག་སྔགས་འཆང་ཆེན་པོ་འདི་བཤད་དོ་ཞེས་ཆེད་དུ་བརྗོད་པ་ཆེན་པོ་ཆེད་དུ་བརྗོད་དོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་

99-1-101a

དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གང་ན་བ་དེར་སོང་སྟེ། ལན་གསུམ་བསྐོར་བ་བྱས་ནས་མཆོད་པའི་ཕྱིར་མུ་ཏིག་གི་དོ་ཤལ་བརྒྱ་སྟོང་རི་བ་ཕུལ་ཏེ། བཅོམ་ལྡན་འདས་ཀྱིས་རིག་སྔགས་ཆེན་
པོའི་ཆོ་ག་ཞིབ་མོ་ཐམས་ཅད་ཀྱི་མཆོག་བཤད་དོ། །དོན་ཡོད་པའི་ཞགས་པའི་རྒྱལ་པོ་རིག་སྔགས་ཆེན་པོའི་སྙིང་པོ་མགོན་པོ་ཐུབ་པ་ཆེན་པོས་བཤད་དུ་གསོལ། བཅོམ་ལྡན་འདས་ཆོ་ག་ཞིབ་མོ་མཐའ་དག་དོན་ཡོད་པའི་རྒྱལ་
པོ་གྲུབ་པའི་མཆོག་ལས་ཐམས་ཅད་གྲུབ་པ་བཤད་དུ་གསོལ། དེ་ནས་དེའི་དོན་དུ་འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོ་གྲུབ་པ་དོན་ཡོད་པ། རིག་སྔགས་ཀྱི་
རྒྱལ་པོ་རས་ཀྱི་སྐུ་གཟུགས་བསྒྲུབ་པའི་མཆོག །ཆོ་ག་དང་ཡོ་བྱད་དུ་བཅས་པ་བཤད་པ། རས་གྲུ་བཞི་པ་ཀུན་ནས་ཆ་ལེགས་པར་ཕྱེ་བ། ཁ་ཚར་མ་བཅད་པ་སྐྲ་མེད་པ། རི་མོ་མཁན་གཙང་མ་ཁྲུས་བྱས་པས་གོས་གཙང་མ་
བགོས་ལ་གསོ་སྦྱོང་དང་ལྡན་པར་བྱས་པས། ཚོན་ལྷག་མ་མ་ཡིན་པ་སྣོད་བསར་པར་གཞག་ལ་བྲི་བར་བྱ་སྟེ། དབུས་སུ་འཕགས་པ་སྤྱན་རས་གཟིགས་དབང་ཕྱུག་རལ་པའི་ཐོར་ཚུགས་ཀྱིས་བཞུགས་ཤིང་། རྒྱལ་བ་འོད་དཔག་
མེད་ཀྱིས་བརྒྱན་པ། ཐོར་ཚུགས་ཀྱི་གཡས་སུ་ཟླ་ཚེས་ཀྱིས་བརྒྱན་པ། རི་དགས་ཨེ་ན་ཡའི་ལྤགས་པ་གྱོན་པ། ཕྱུགས་བདག་གི་ཆ་ལུགས་འཆང་བ། རྒྱན་ཐམས་ཅད་ཀྱིས་བརྒྱན་པ། དབུ་གསུམ་སྤྱན་གསུམ་ཕྱག་བཞི་
པ། རིའི་སྟེང་ན་པད་མའི་གདན་ལ་བཞུགས་པ། ཞལ་དབུས་མ་ཞི་བའི་ཞལ་བཞིན་འཛུམ་པ། ཞལ་གཡས་པ་འཇིགས་སུ་རུང་བ་ཁྲོ་གཉེར་ཅན། ཐོར་ཚུགས་འོད་དཔག་མེད་ཀྱིས་བརྒྱན་པ། དབུ་ཟླ་ཚེས་ཀྱིས་བརྒྱན་པ། ཞལ་གཡོན་
པ་འཇིགས་སུ་རུང་བ་བཞིན་བསྒྱུར་ཅིང་མཆེ་བ་གཙིགས་པ། རྒྱལ་བ་འོད་དཔག་མེད་དབུ་ལ་བཞུགས་པ། ཕྱག་གཅིག་ན་པད་མ་ཐོགས་པ། གཉིས་པ་རྩེ་གསུམ་ཐོགས་པ། གསུམ་པ་དོན་ཡོད་ཞགས་པ་སྐུའི་ཕྱེད་ན་འཛིན་པ་ལ། བཅོམ་ལྡན་འདས་

99-1-101b

ཞལ་ཁྲོ་གཉེར་ཅན་སྤྱན་གཏོད་པར་བྱས་ཞིང་། བཞི་པ་དབུགས་འབྱིན་པའི་ཕྱག་ཏུ་བྱ་ཞིང་འོད་འདོམ་གང་བ་འཁོར་ཡུག་འབར་བ་དང་ལྡན་པར་བྱའོ། །གཡས་ཕྱོགས་ན་ལྷ་མོ་སྒྲོལ་མ་འགྱིང་བག་དང་བཅས་ཤིང་ལུས་བཏུད་པར་མཆོག་
སྦྱིན་པའི་ཕྱག་ལ་མིག་གཏོད་པར་བྱའོ། །གཡོན་དུ་པད་མའི་རིགས་མཛེས་མ་མཛེས་བག་དང་བཅས་པ་གསང་སྔགས་ཀྱི་ཚུལ་དང་རྗེས་སུ་མཐུན་ཞིང་དོན་ཡོད་པའི་ཞགས་པ་ལ་མིག་གཏོད་པར་བྱའོ། །ལྷ་མོ་སྒྲོལ་མའི་བར་དུ་
གནོད་སྦྱིན་མོ་རལ་པ་གཅིག་མ་བྱའོ། །པད་མའི་རིགས་མཛེས་མའི་བར་དུ་ཁྲོ་གཉེར་ཅན་བྱའོ། །ཕྱོགས་གཉིས་པར་ལྷ་མོ་དཀར་མོ་ལག་ན་པད་མ་ཐོགས་པ་བྱའོ། །པད་མའི་རིགས་མཛེས་མའི་འོག་ཏུ་ཕོ་ཉ་མོ་གསང་སྔགས་
ཀྱི་རྗེས་སུ་འབྲང་བར་བྱའོ། །རལ་གཅིག་མའི་འོག་ཏུ་ལྷ་མོ་ཆེན་མོ་འཇིག་བྱེད་མ་བྱའོ། །གོང་དུ་གནས་གཙང་མའི་རིགས་ཀྱི་ལྷའི་བུ་དང་བརྒྱ་བྱིན་དང་ཚངས་པ་དང་ཁྱབ་འཇུག་དང་དབང་ཕྱུག་ཆེན་པོ་མེ་ཏོག་སྣ་ཚོགས་ཐོགས་
ཏེ་བཅོམ་ལྡན་འདས་ལ་མཆོད་པ་བྱེད་པ་བྱའོ། །འོག་ཏུ་རྒྱལ་པོ་ཆེན་པོ་བཞི་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་འོག་ཏུ་འཕགས་པ་ཕྱག་ན་རྡོ་རྗེ་འཇིགས་སུ་རུང་བ་གད་རྒྱངས་ཅན་ཁྲོ་བོ་དོན་ཡོད་པའི་
རྒྱལ་པོ་དང་སྨྲ་བ་བྱའོ། །རས་ཀྱི་སྐུ་གཟུགས་འདི་མཐོང་བ་ཙམ་གྱིས་འཕགས་པ་སྤྱན་རས་གཟིགས་དབང་ཕྱུག་རི་པོ་ཏ་ལ་ན་གཞལ་མེད་ཁང་དང་བཅས་པ་མངོན་སུམ་དུ་མཐོང་བར་རིག་པར་བྱའོ།། །།
འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་པ། མཐོང་བ་ཙམ་གྱིས་སེམས་ཅན་དམྱལ་བ་ཆེན་པོ་བརྒྱད་ལས་ཐར་བར་འགྱུར། འཇིགས་པ་ཆེན་པོ་བརྒྱད་ལས་ཡོངས་སུ་གྲོལ་
བར་འགྱུར། མཚམས་མེད་པ་ལྔ་བྱེད་པ་ཡོངས་སུ་ཐར་བར་འགྱུར། དམ་པའི་ཆོས་སྤོང་བ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤོང་བས་མཐོང་བ་ཙམ་གྱི་མོད་ལ་རྣམ་པར་དག་པར་འགྱུར། 

99-1-102a

མནར་མེད་པ་ལ་གཞོལ་བའི་མཐར་ཐུག་པ་ཡང་ཡོངས་སུ་གྲོལ་བར་འགྱུར་རོ། །ཚངས་པ་ཆེན་པོའི་བསོད་ནམས་བརྒྱ་སྟོང་གི་དགེ་བའི་རྩ་བ་བསྐྱེད་པར་འགྱུར། འཇིག་རྟེན་པའི་ཐམས་ཅད་ཀྱི་དགེ་
བའི་རྩ་བ་མཆོག་ཐོབ་པར་འགྱུར། འཆི་བའི་དུས་ན་འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་སྟོན་པར་འགྱུར་ཞིང་དབུགས་འབྱིན་པར་འགྱུར། ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་
སྐྱེ་བར་འགྱུར། སྒྲིབ་པ་ཐམས་ཅད་དང་བྲལ་ནས་ཚེ་རབས་བརྒྱ་སྟོང་ཕྲག་ལྔ་བཅུ་རྗེས་སུ་དྲན་པར་འགྱུར་རོ། །བྱང་ཆུབ་སྙིང་པོའི་མཐར་ཐུག་གི་བར་དུ་སྐྱེ་བ་འདི་ཐ་མ་ཡིན་ཏེ། འདི་མཐོང་བ་ཙམ་གྱིས་བསོད་
ནམས་ཀྱི་ཕུང་པོ་དང་ལྡན་པར་འགྱུར་ན། ལྷག་པར་མང་དུ་བྱེད་པ་ལྟས་སྨོ་ཅི་སྟེ། དེ་ནི་ཕྱིར་མི་ལྡོག་པར་འགྱུར། བླ་ན་མེད་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །གལ་ཏེ་རིགས་ཀྱི་བུ་འམ་
རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། རྒྱལ་པོ་དང་། བློན་པོ་དང་། བཙུན་མོའི་འཁོར་དང་བཅས་པ་འམ། བཙུན་མོ་དམ་པ་གང་ལ་ལ་ཞིག་གིས་རས་ཀྱི་
སྐུ་གཟུགས་བསྒྲུབ་པར་བྱ་བ་དེའི་སྤྱན་སྔར། དོན་ཡོད་པའི་ཞགས་པའི་སྙིང་པོ་དྲན་པར་བྱེད་ཅིང་། འཕགས་པ་སྤྱན་རས་གཟིགས་དབང་ཕྱུག་དེ་ལ་ཡང་མཆོད་པར་བྱེད་ན། དེས་ན་ཁྱོད་ཀྱིས་འདི་ལྟར་རིག་པར་
བྱ་སྟེ། དོན་ཡོད་པའི་ཞགས་པའི་སྙིང་པོ་སྟོང་ཕྲག་བརྒྱ་འགྱུར་དུ་བཟླས་ཤིང་བཟླས་བརྗོད་ཀྱི་ཆོ་ག་ཆེན་པོ་བྱས་པ་ཡིན་ནོ། །གང་ཞིག་ཁྲོ་བོ་དོན་ཡོད་པའི་ཞགས་པ། བཅོམ་ལྡན་འདས་ཀྱི་སྤྱན་སྔར་མི་སྨྲ་
བར་ལན་གསུམ་བཟླས་བརྗོད་བྱ་སྟེ། ཆུ་དབང་བསྐུར་ན་དེས་ན་ཁྱོད་ཀྱིས་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་དབང་བསྐུར་བར་འགྱུར་རོ། །སྙམ་དུ་

99-1-102b

དེ་ལྟར་ཤེས་པར་བྱའོ། །གང་གིས་དོན་ཡོད་པར་གྲུབ་པའི་ཆོ་ག་ཞིབ་མོ་ཆེན་པོའི་གཟུངས། འཕགས་པ་སྤྱན་རས་གཟིགས་དབང་ཕྱུག་རས་ཀྱི་སྐུ་གཟུགས་ཀྱི་སྤྱན་སྔར་མངོན་སུམ་དུ་ཐལ་མོ་སྦྱར་ཏེ་འདུག་ནས་ལན་གསུམ་
བཟླས་ཏེ་བསྐོར་བ་ལན་བདུན་བྱས་ལ་ཆུའི་ནང་དུ་མཆོད་ཡོན་དང་ལྷ་བཤོས་དང་བདུག་སྤོས་དང་། མེ་ཏོག་ཕུལ་ནས་ཕྱག་འཚལ་ལོ་ཞེས་སྨྲས་ན། དེས་ཁྱོད་ཀྱིས་འདི་ལྟར་ཤེས་པར་བྱ་སྟེ། གཟུངས་ཐམས་ཅད་སོ་སོར་ལན་སྟོང་ཕྲག་
བརྒྱ་བཟླས་པར་འགྱུར་ཞིང་། དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་གྱི་ཆོས་ཀྱི་རྣམ་གྲངས་ཆེན་པོ་འདི་ལན་སྟོང་ཕྲག་བརྒྱ་བཟླས་པར་འགྱུར་རོ། །དོན་ཡོད་པའི་ཞགས་པའི་ཕྱག་རྒྱ་བྱས་ལ་འཕགས་པ་
སྤྱན་རས་གཟིགས་དབང་ཕྱུག་གི་ཞལ་ལ་མིག་གཏད་དེ་ལག་པ་གཡས་གཡོན་གཉིས་སྦྱར་ལ། སྙིང་གར་གཞག་ཅིང་ཚུལ་འདིས་ཕྱག་རྒྱ་རེ་རེ་ནས་ལན་སྟོང་ཕྲག་བརྒྱ་བྱས་པར་འགྱུར་རོ། །བཅོམ་ལྡན་འདས་རིགས་ཀྱི་བུ་འམ་
རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། རྒྱལ་པོ་དང་རྒྱལ་པོའི་བཙུན་མོ་དམ་པ་གང་ལ་ལ་ཞིག་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པའི་སྙིང་པོ་འདི་བརྒྱ་སྟོང་ཕྲག་ཁྲི་བཟླས་བརྗོད་བྱ་བར་འདོད་
པ་དང་། དེ་བཞིན་གཤེགས་པ་བརྒྱ་སྟོང་ཕྲག་ཁྲིས་དབང་བསྐུར་བར་འདོད་པ་དང་རྣམ་པར་གྲོལ་བའི་དཀྱིལ་འཁོར་མཐའ་དག་གི་ཆོ་ག་ཞིབ་མོ་འདི་རྫོགས་པར་ལན་བརྒྱ་སྟོང་ཁྲི་བཟླས་པར་འདོད་པ་དང་། དོན་ཡོད་པའི་ཞགས་པའི་
ཕྱག་རྒྱ་འདི་ལན་བརྒྱ་སྟོང་ཕྲག་ཁྲི་བྱ་བར་འདོད་པ་དེས་རས་ཀྱི་སྐུ་གཟུགས་ལ་བརྩོན་པར་བྱ་སྟེ། རས་ཀྱི་སྐུ་གཟུགས་སྔོན་དུ་བཞག་ནས་གནས་གཙང་ཞིང་དབེན་པར་གནས་སམ་ཆགས་ས་འམ་དགོན་པའི་གནས་སམ་ཕུག་གམ་རིའི་རྩེ་
མོ་འམ། གཙུག་ལག་ཁང་ངམ། ཁང་པར་གཙང་སྦྲ་དང་བྱི་དོར་བྱ་སྟེ། བ་སེར་མོའི་ལྕི་བ་ལེགས་པར་མཉེས་ལ། བ་ལས་བྱུང་བ་ལྔ་དང་བསྲེས་ཏེ་བསྐུས་ལ་སྤོས་སྣ་ཚོགས་ཀྱི་བྱུག་པས་བྱུགས་ན་རས་ཀྱི་སྐུ་གཟུགས་ཀྱི་སྤྱན་སྔར་

99-1-103a

ཙན་དན་དཀར་པོའི་དཀྱིལ་འཁོར་བྱས་ཏེ། གུར་གུམ་གྱིས་ཁྲུ་དོའི་ཚད་ཙམ་བྲིས་ལ་གླ་རྩི་དང་ག་བུར་གྱིས་མཆོད་པར་བྱའོ། །དྲི་ཆབ་ཀྱི་བུམ་པ་དྲི་རྣམ་པ་སྣ་ཚོགས་ཀྱིས་བཀང་སྟེ། རས་ཀྱི་མགུལ་ཆིངས་ཀྱིས་
བཅིངས་ལ། དཀྱིལ་འཁོར་གྱི་དབུས་སུ་གཞག་པར་བྱ། མེ་ཏོག་དང་བདུག་སྤོས་དྲི་ཞིམ་པོ་དང་མེ་ཏོག་གི་ཕྲེང་བ་ཉི་ཤུ་རྩ་གཅིག་གཞག་པར་བྱ། དྲི་ཆབ་ཀྱིས་བཀང་བ་བརྒྱད་ཕྱོགས་བཞིར་གཞག་པར་བྱ། འོ་མས་
བཀང་བའི་སྣོད་བརྒྱད་གཞག་པར་བྱ། སྟེགས་བུའི་དྲུང་དུ་འོ་མས་བཀང་བའི་སྣོད་བཞག་པར་བྱ། འོ་ཐུག་དང་། སྦྱར་ཐུག་དང་། ཁཎ་ཌ་ཁ་དྱ་དང་། འབྲས་ཆན་དང་། ལག་པན་དང་། བུ་རམ་དང་ཤ་ཁ་ར་དང་། ཞུན་མར་གྱི་
བཀང་བའི་སྣོད་གཞག་པར་བྱ། ཨ་ཀ་རུ་ནག་པོ་དང་ཙན་དན་དཀར་པོ་དང་། ག་བུར་དང་། ཀུན་དུ་དང་། ཤི་རི་བཱ་ས་ཀ་དང་། ཅུང་པེང་རྣམས་སྣོད་དང་བཅས་པ་གཞག་ནས། ཨ་ཀ་རུའི་ཤིང་གིས་སྦྱིན་སྲེག་བྱ། མེ་ཏོག་སྣ་
ཚོགས་ཀྱིས་བརྒྱན་པར་བྱ། མར་གྱི་མར་མེ་སུམ་བཅུ་རྩ་གཉིས་གཏམ་པར་བྱའོ། །དེ་ནས་རིག་སྔགས་འཆང་གཙང་མས་གོས་གཙང་མ་བགོས་ཤིང་ཁྲུས་ལེགས་པར་བྱས་པས་ཚེས་བཅུ་བཞི་ནས་བཅྭ་ལྔའི་བར་
དུ་འཕགས་པ་སྤྱན་རས་གཟིགས་དབང་ཕྱུག་གི་རས་ཀྱི་སྐུ་གཟུགས་ལ་མཆོད་པར་བྱའོ། །དེའི་འོག་ཏུ་རིག་སྔགས་འཆང་གིས་ཁྲོ་བོའི་རྒྱལ་པོ་ལན་བདུན་བཟླས་ཏེ། དྲི་ཆབ་ཀྱིས་དབང་སྐུར་བར་བྱ། དོན་ཡོད་པའི་
ཞགས་པའི་སྙིང་པོ་ལན་ཉི་ཤུ་རྩ་གཅིག་བྱ། དེ་ནས་མི་སྨྲ་བར་དཀྱིལ་མོ་དཀྲུང་དུ་འདུག་སྟེ་བཟླས་བརྗོད་ཀྱི་ཕྱག་རྒྱ་བཅིངས་ལ་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་པར་བྱ་དེའི་འོག་ཏུ་དོན་ཡོད་པར་གྲུབ་
པའི་རིག་སྔགས་ཀྱི་རྒྱལ་པོ་སྟོང་རྩ་བརྒྱད་བཟླས་པར་བྱས་ན་དེ་ནས་རས་ཀྱི་སྐུ་གཟུགས་ལས་འོད་ཟེར་བདུན་བྱུང་ནས་ཀུན་ཏུ་སྣང་བར་བྱས་ཏེ་ལན་གསུམ་བསྐོར་བ་བྱས་ནས་འཕགས་པ་སྤྱན་རས་གཟིགས་དབང་ཕྱུག་གི་དཔྲལ་བའི་

99-1-103b

སྤྱན་དུ་ཞུགས་པར་འགྱུར་རོ། །ཞུགས་པ་ཙམ་གྱི་མོད་ལ་ས་ཆེན་པོ་གཡོ་བར་འགྱུར་ཞིང་རིག་སྔགས་འཆང་ཡང་སྙིང་དགའ་ཞིང་བ་སྤུ་ལྡང་བར་འགྱུར། མདོགས་མདངས་ཡོངས་སུ་དག་པར་འགྱུར། འཕགས་པ་སྤྱན་རས་
གཟིགས་དབང་ཕྱུག་གི་མཆོག་སྦྱིན་པའི་ཕྱག་གི་སོར་མོ་ལས་ལྷའི་ཆུ་འཛག་པར་འགྱུར། ཞབས་གཉིས་ལས་འོ་མ་འཛག་པར་འགྱུར། དོན་ཡོད་པའི་ཞགས་པའི་ཕྱག་འབར་བར་འགྱུར། ཕྱག་ན་པད་མའི་
པད་མ་ལོ་མ་གཡོ་བར་འགྱུར། རྩེ་གསུམ་གཡོ་བར་འགྱུར་ཞིང་ལེགས་སོ་ཞེས་བྱ་བའི་སྒྲ་འབྱུང་བར་འགྱུར་ཏེ། རིགས་ཀྱི་བུ་ལེགས་སོ་ལེགས་སོ། །ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་གྲུབ་ཀྱིས་ལས་
ཐམས་ཅད་བྱོས་ཤིག་ཁྱོད་ཀྱིས་དོན་ཡོད་གྲུབ་པའི་ཆོ་ག་ཞིབ་མོའི་རྒྱལ་པོ་ཆེན་པོའི་དམ་པ་གྲུབ་པོ་ཞེས་ནས། དེ་ནས་འཕགས་པ་སྤྱན་རས་གཟིགས་དབང་ཕྱུག་རང་གིས་གཟུགས་སྟོན་པར་འགྱུར་རོ། །འདོད་པ་ཐམས་
ཅད་ཀྱི་མཆོག་སྦྱིན་པར་མཛད་དོ། །འདི་ན་གྲུབ་པའི་མཆོག་བླ་ན་མེད་པ་སྟེ་མ་བསྒྲུབས་པར་ལས་བྱའོ། །དེ་ནས་དབང་དུ་བྱ་བར་འདོད་པས་མེ་ཏོག་པད་མ་ལ་ལན་བརྒྱ་རྩ་བརྒྱད་བཟླས་ལ་འཕགས་པ་སྤྱན་རས་གཟིགས་དབང་
ཕྱུག་ལ་ཕུལ་ཏེ་གང་གི་མིང་ནས་བརྗོད་པ་དེ་དབང་དུ་འགྱུར་རོ། །སྣ་མའི་མེ་ཏོག་ལ་ལན་བརྒྱ་རྩ་བརྒྱད་བཟླས་ཏེ། འཕགས་པ་སྤྱན་རས་གཟིགས་དབང་ཕྱུག་ལ་ཕུལ་ལ། ཡང་ལན་བདུན་བཟླས་ནས་མེ་ཏོག་སྙིང་པོ་
བླངས་ནས་གང་ལ་བྱིན་པ་དེ་དབང་དུ་འགྱུར་རོ། །གདོན་གྱིས་ཟིན་པ་ལ་བྱིན་ན་གདོན་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ནད་ཀྱིས་ཐེབས་པ་ལ་བྱིན་ན་ནད་ཐམས་ཅད་ལས་ཡོངས་སུ་གྲོལ་བར་
འགྱུར་རོ། །རྒྱལ་པོའི་སྒོར་གཏོར་ན་རྒྱལ་པོ་བཙུན་མོའི་འཁོར་དང་བཅས་པ་དབང་དུ་འགྱུར་རོ། །མི་རོ་བསྲེགས་པའི་སའི་སྟེང་དུ་གཏོར་ན། སེམས་ཅན་དེ་སེམས་ཅན་དམྱལ་བ་ལས་ཡོངས་སུ་གྲོལ་

99-1-104a

བར་འགྱུར་རོ། །མནར་མེད་པ་ན་གནས་པའི་སེམས་ཅན་ལ་གཏོར་ན་སྐད་ཅིག་དེ་ལ་ཡོངས་སུ་གྲོལ་བར་འགྱུར་ཉལ་བའི་སྔས་སུ་གཞག་ན་རྨི་ལམ་ཆེན་པོ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་
ཕྱུག་སྐུ་སྟོན་པར་མཛད་ཅིང་ཡིད་དུ་འོང་བ་ཐམས་ཅད་གསུང་བར་འགྱུར་རོ། །སྐྱེས་པ་འམ་བུད་མེད་གང་གི་སྟེང་དུ་གཏོར་བ་དེ་དབང་དུ་འགྱུར་ཞིང་གྲིབ་མ་བཞིན་ཕྱི་བཞིན་འབྲང་བར་འགྱུར་རོ། །རྒྱལ་པོའི་སྟེང་དུ་གཏོར་ན་དེ་བཞིན་
དུ་འགྱུར་རོ། །ལྷའི་གཟུགས་བརྙན་གྱི་སྟེང་དུ་བཞག་ན་འགུགས་པར་འགྱུར་ཞིང་ལས་ཐམས་ཅད་བྱེད་པར་འགྱུར་རོ། །མིག་སྨན་སྒྲུབ་པར་འདོད་པས་རས་ཀྱི་སྐུ་གཟུགས་ཀྱི་སྤྱན་སྔར་མིག་སྨན་ལྡོང་རོས་ལ་སྟོང་
རྩ་བརྒྱད་བཟླས་ནས་གྲུབ་པའི་རྟགས་གསུམ་སྟོན་པར་འགྱུར་ཏེ། འབར་བ་དང་དབུ་བ་འབྱུང་བ་དང་། དུད་པ་འབྱུང་བར་འགྱུར་ཏེ། དེས་མིག་ལ་བསྐུས་ན་མི་སྣང་བར་འགྱུར་རོ། །གཏེར་ཐམས་ཅད་མཐོང་བར་
བར་འགྱུར་རོ། །གནོད་སྦྱིན་གྱི་གནས་ཐམས་ཅད་མཐོང་བར་འགྱུར་རོ། །དཔྲལ་བར་ཐིག་ལེ་བྱས་ན་ཕུགས་ཐམས་ཅད་དུ་འཇུག་པར་འགྱུར། སྒོ་ཐམས་ཅད་དང་འཁྲུལ་འཁོར་ཐམས་ཅད་འབྱེ་བར་འགྱུར། ཡན་ལག་
དང་ཉིང་ལག་ལ་བསྐུས་ན་ནམ་མཁའ་ལ་འགྲོ་བར་འགྱུར། སྤྱི་བོར་ཐིག་ལེ་བྱས་ནས་འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པར་འགྱུར་རོ། །མིག་ལ་བྱུགས་ན། ཁྱབ་འཇུག་དང་དབང་ཕྱུག་
ཆེན་པོ་ལ་སོགས་པ་ལྷ་རྣམས་རྟག་ཏུ་ཕྱི་བཞིན་འབྲང་བར་འགྱུར་ཞིང་། དགོས་པ་ཐམས་ཅད་འགྲུབ་པར་བྱེད་དོ། །མཚན་མོ་མིག་ལ་བསྐུལ་ན་ཉིན་མོ་བཞིན་དུ་མཐོང་བར་འགྱུར་ཞིང་། གཏེར་ཐམས་ཅད་འབྱུང་བར་འགྱུར་
ཏེ་ཁ་ཕུག་ནས་དོར་བར་བྱའོ། །རང་གི་ལུས་ལ་བྱུགས་ན་ཇི་སྲིད་འཚོའི་བར་དུ་གོ་ཆ་བགོས་པའི་ལུས་སུ་འགྱུར། གནོད་སྦྱིན་དང་སྲིན་པོ་ལ་སོགས་པས་མི་མཐོང་བར་འགྱུར་ཞིང་ལས་ཐམས་ཅད་བྱེད་པར་འགྱུར་ཚེ་བསྐལ་པ་སྟོང་ཐུབ་

99-1-104b

པར་འགྱུར་རོ། །བཟའ་བ་དང་སྙིང་གར་བསྐུལ་བ་བྱས་ན་ནག་པོ་ཆེན་པོའི་གཟུགས་སུ་འགྱུར་ཞིང་ལྷ་ཐམས་ཅད་ཀྱི་གཟུགས་སྟོན་པར་འགྱུར་བ་ནས་ཚངས་པ་དང་ཁྱབ་འཇུག་དང་དབང་ཕྱུག་ཆེན་པོའི་གཟུགས་དང་གཟུགས་སྣ་
ཚོགས་མང་པོ་སྟོན་པར་འགྱུར་ཟླ་བ་དང་ཉི་མ་སྟོན་པར་འགྱུར་རོ། །ལྡོང་རོས་དང་གི་བང་དང་། སཽ་བི་རཱ་ཀ་དང་། གུར་གུམ་དང་ཀྲ་ཀུ་དྷ་ལ་དོན་ཡོད་པར་གྲུབ་པ་ཁྲི་བཟླས་དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་བཟླས་ཁྲོ་བོའི་རྒྱལ་པོ་
བརྒྱ་རྩ་བརྒྱད་པར་བྱས་སྟེ། ཐམས་ཅད་དུ་མི་སྨྲ་བར་བྱ་ཞིང་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་བཏགས་ལ། རས་ཀྱི་སྐུ་གཟུགས་ལ་མངོན་དུ་ཕྱོགས་ཏེ། གཙང་མས་གོས་གཙང་མ་བགོས་ལ་ཚེས་བཅྭ་ལྔ་ཉ་ལ་
ཉིན་ཞག་གཅིག་སྨྱུང་བ་བྱས་ནས་ཕྱེ་མ་ཞིབ་ཏུ་བཏགས་ཏེ་ཡང་དོན་ཡོད་པའི་ཞགས་པའི་སྙིང་པོ་དང་ཁྲོ་བོའི་རྒྱལ་པོ་དང་དོན་ཡོད་པའི་གྲུབ་པའི་རིག་སྔགས་ཀྱི་རྒྱལ་པོ་ལན་བརྒྱ་རྩ་བརྒྱད་བཟླས་བརྗོད་བྱས་ལ་འཕགས་པ་སྤྱན་རས་
གཟིགས་དབང་ཕྱུག་གི་ཕྱག་ཏུ་བཞག་སྟེ། མཆོད་པ་ཆེན་པོ་བྱས་ནས་རས་ཀྱི་སྐུ་གཟུགས་ལ་མཆོད་པ་བྱས་ལ་ཉིན་ཞག་གཅིག་སྨྱུང་བ་བྱས་ཏེ་རས་ཀྱི་སྐུ་གཟུགས་ཀྱི་སྤྱན་སྔར་སྐྱིལ་མོ་དཀྲུང་དུ་འདུག་པ་ལ་དོན་ཡོད་པའི་ཞགས་པའི་ཕྱག་རྒྱ་
ལན་ཉི་ཤུ་རྩ་གཅིག་བྱ་དོན་ཡོད་པའི་ཞགས་པའི་སྙིང་པོ་ལན་ཉི་ཤུ་རྩ་གཅིག་བཟླས་པར་བྱ་སྟེ། བཟླས་བརྗོད་ཀྱི་ཕྱག་རྒྱ་བྱས་ལ་ཁྲོ་བོའི་གསང་སྔགས་ལན་བདུན་བཟླས་ཏེ་དེའི་འོག་ཏུ་མིག་ལ་བསྐུས་ནས་དོན་ཡོད་པར་གྲུབ་པའི་གཟུངས་
བཟླས་པར་བྱས་ན་བསྐུས་པ་ཙམ་གྱིས་འཕགས་པ་སྤྱན་རས་གཟིགས་དབང་ཕྱུག་རི་བོ་པོ་ཏ་ལ་དང་བཅས་གཞལ་མེད་ཁང་དང་བཅས་བྱང་ཆུབ་སེམས་དཔའི་ཚོགས་གཞལ་མེད་ཁང་དང་བཅས་པའི་རི་བོ་པོ་ཏ་ལ་གནས་པ་མཐོང་བར་འགྱུར་
རོ། །བདེ་བ་ཅན་གྱི་འཇིག་རྟེན་གྱི་ཁམས་མཐོང་བར་འགྱུར་ཞིང་དེ་བཞིན་གཤེགས་པ་འོད་དཔག་མེད་ཆོས་འཆད་པ་འཐོང་བར་འགྱུར། ཆོས་བཤད་པ་དེ་ཡང་ཐོས་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་བྱང་ཆུབ་སེམས་དཔའི་ཚོགས་

99-1-105a

དང་བཅས་ཉན་ཐོས་ཀྱི་དགེ་འདུན་དང་བཅས་སངས་རྒྱས་ཀྱི་ཞིང་གཞལ་མེད་ཁང་དང་བཅས་པ་མཐོང་བར་འགྱུར་ཞིང་ཆོས་འཆད་པའི་གསུང་གི་སྒྲ་དེ་ཡང་ཐོས་པར་འགྱུར་རོ། །འདི་ལྟར་རིགས་ངན་གྱི་རིགས་སུ་སྐྱེས་
པ་དང་། མནར་མེད་པ་ལ་གཞོལ་བ་དང་། མཚམས་མེད་པ་ལྔ་བྱེད་པ་གང་ཡིན་པ་ཐམས་ཅད་ཀྱང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་དང་འཕགས་པ་སྤྱན་རས་གཟིགས་དབང་ཕྱུག་གི་ཐུགས་རྗེས་དགོངས་པར་
འགྱུར་ཞིང་རྨི་ལམ་དུ་སྟོན་པར་མཛད་དོ། །སྡིག་པ་དང་སྒྲིབ་པ་ཐམས་ཅད་རྣམ་པར་སྦྱོང་བར་འགྱུར། མཆོག་ཐམས་ཅད་སྦྱིན་པར་འགྱུར། དོན་ཡོད་པའི་ཞགས་པའི་སྙིང་པོའི་དངོས་གྲུབ་སྦྱིན་པར་འགྱུར། ལྷའི་ལོ་སྟོང་དུ་འཚོ་བར་
འགྱུར་ཞིང་ལྷའི་བདེ་བ་ཉམས་སུ་མྱོང་བར་འགྱུར། ནད་ཀྱིས་ཐེབས་པ་ཐམས་ཅད་ལ་མིག་སྨན་འདིས་བསྐུས་ན་ནད་ཐམས་ཅད་ཞི་བར་འགྱུར། རིམས་ཐམས་ཅད་སེལ་བར་འགྱུར་རོ། །དུག་ཐམས་ཅད་ལ་བསྐུས་པ་ཙམ་གྱིས་དུག་མེད་
པར་འགྱུར་རོ། །འཇིགས་པ་ཐམས་ཅད་ལ་མིག་ལ་བསྐུས་ན་མི་མཐོང་བར་འགྱུར། ཕྱིར་རྒོལ་བ་དང་དགྲ་བོ་དང་གཡོ་ཅན་དང་ཆོམ་པོ་དང་རྐུན་པོ་ཐམས་ཅད་ཀྱིས་མི་མཐོང་བར་འགྱུར་རོ། །མཚོན་གདབ་པའི་འཇིགས་པ་འབྱུང་བར་མི་འགྱུར། 
འཐབ་པ་དང་བརྩོད་པ་དང་ཁྲག་ཁྲུག་ལ་མིག་ལ་བསྐུས་ན་ཐམས་ཅད་ལས་རྒྱལ་ཞིང་ལན་ཐེབས་པར་འགྱུར་རོ། །གཡུལ་ངོ་ཐམས་ཅད་དུ་མིག་ལ་བསྐུས་ན་གཡུལ་འགྱེད་པ་ལས་རྒྱལ་བར་འགྱུར་ཞིང་དཔུང་གི་མཆོག་རྒྱལ་བར་
འགྱུར་རོ། །རྒྱལ་པོའི་ཕོ་བྲང་དུ་འགྲོ་བའི་ཚེ་མིག་ལ་བསྐུས་ན་རྒྱལ་པོ་བཙུན་མོའི་འཁོར་དང་བཅས་པ་དབང་དུ་འགྱུར་རོ། །མི་སྨྲ་བར་གྲོང་ཁྱེར་དུ་སོང་ན་སྐྱེས་པ་དང་བུད་མེད་དང་ཁྱེའུ་དང་བུ་མོ་གྲོང་ཁྱེར་ན་གནས་སོ་ཅོག་ཐམས་
ཅད་དབང་དུ་འགྱུར་རོ། །མིག་གཡས་པ་ལ་བསྐུས་ན་རིགས་བཞིའི་འཇིག་རྟེན་གང་མཐོང་བ་དེ་ཐམས་ཅད་དབང་དུ་འགྱུར་རོ། །མིག་གཡོན་པ་ལ་བསྐུས་ན་རིགས་ངན་ཐམས་ཅད་དབང་དུ་འགྱུར་རོ། །འཕགས་པ་སྤྱན་རས་

99-1-105b

གཟིགས་དབང་ཕྱུག་གི་ཕྱག་གཡས་པ་ནས་གཟུང་སྟེ། དོན་ཡོད་པ་གྲུབ་པའི་རིག་སྔགས་ཀྱི་རྒྱལ་པོ་ལན་སྟོང་རྩ་བརྒྱད་བཟླས་བརྗོད་བྱ་སྟེ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱེད་ན་དེ་ནས་དོན་ཡོད་
པའི་ཞགས་པའི་སྙིང་པོ་དང་། ཁྲོ་བོའི་རྒྱལ་པོ་དང་། གཟུངས་ཐམས་ཅད་སོ་སོར་ལན་སྟོང་ཕྲག་བརྒྱ་བརྒྱ་བཟླས་པར་འགྱུར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་སྟོང་ཕྲག་དྲུག་བཅུའི་དྲུང་
དུ་དགེ་བའི་རྩ་བ་བསྐྱེད་པར་འགྱུར་ཐམས་ཅད་ཀྱིས་མྱིང་བཟུང་བ་བྱས་པར་འགྱུར། དེ་བཞིན་གཤེགས་པ་སྟོང་མཉེས་པར་བྱས་པར་འགྱུར། དེ་བཞིན་གཤེགས་པ་སྟོང་ཕྲག་དྲུག་བཅུ་རྩ་བཞི་མངོན་སུམ་དུ་མཐོང་བ་ཐོབ་པར་འགྱུར། 
འཇིག་རྟེན་པའི་དོན་ཐམས་ཅད་འགྲུབ་པར་འགྱུར། སྔོན་གྱི་སྒྲིབ་པས་མནར་མེད་པའི་གནས་སུ་འགྲོ་བ་ཡོངས་སུ་དག་པར་འགྱུར། ནམ་ཡང་ངན་སོང་དུ་འགྲོ་བར་མི་འགྱུར། ཚེ་རབས་ཚེ་རབས་སུ་སྐྱེ་བ་དྲན་པར་འགྱུར། ལྷ་ཐམས་ཅད་ཀྱང་
མཆོག་སྦྱིན་པར་འགྱུར་ཞིང་རྟག་ཏུ་བསྲུང་བ་དང་། བསྐྱབ་པ་དང་། སྦ་བར་བྱེད་པར་འགྱུར་རོ། །ཕྱག་གཡོན་པ་བསྣན་ཏེ་ལན་སྟོང་རྩ་བརྒྱད་བཟླས་བརྗོད་བྱས་ན་བཟླས་པ་ཙམ་གྱི་མོད་ལ་ལྷ་དང་ཀླུ་དང་གནོད་སྦྱིན་དང་སྲིན་པོ་ལ་སོགས་
པ་བཀུག་པར་འགྱུར་ཞིང་ཐམས་ཅད་དབང་དུ་འགྱུར་ཏེ་གནས་སོ། །གང་གི་ཚེ་དགོས་པ་བྱུང་བ་དེའི་ཚེ་དོན་ཡོད་པར་གྲུབ་པའི་རིག་སྔགས་ཀྱི་རྒྱལ་པོ་ལན་བདུན་བཟླས་པ་བྱས་ན་ལྷ་དང་ཀླུ་ལ་སོགས་པ་ཐམས་ཅད་ཀྱང་ལས་
ཐམས་ཅད་བྱེད་ཅིང་རྟག་ཏུ་རྒྱུན་མི་འཆད་པར་ཕྱི་བཞིན་འབྲང་བར་འགྱུར་རོ། །ལྟེ་བའི་གནས་སུ་མནན་ཏེ་ཀླུ་ལ་སོགས་པ་ཐམས་ཅད་ཆར་གྱི་རྒྱུན་འབེབས་པར་འགྱུར་རོ། །འཛམ་བུའི་གླིང་མཐའ་དག་ཚིམ་པར་བྱེད་པར་འགྱུར་
རོ་སྙམ་དུ་ལན་བརྒྱ་རྩ་བརྒྱད་བཟླས་ན་གང་དང་གང་དུ་སོང་བ་དེར་སྐྱེས་པ་འམ། བུད་མེད་དམ། རྒྱལ་པོ་འམ། རྒྱལ་མོ་འམ། དགེ་སྦྱོང་ངམ། བྲམ་ཟེ་འམ། དགེ་བསྙེན་ནམ། དགེ་བསྙེན་མ་ལ་གང་བསམས་པ་དང་གང་བཅོལ་བ་དང་། སྨྲས་

99-1-106a

པའི་ལས་དེ་ཐམས་ཅད་བསྒྲུབ་པར་འགྱུར་རོ། །དབུ་ནས་གཟུང་སྟེ་བཟླས་ནས་ཚངས་པའི་འཇིག་རྟེན་གྱི་བར་དུ་དབང་དུ་བྱས་པར་འགྱུར་ཏེ། ཐམས་ཅད་དབང་བསྒྱུར་ཞིང་བསྒོ་བ་བཞིན་བྱེད་པར་འགྱུར་རོ། །ཐོག་མར་
བཟླས་བརྗོད་སྟོང་རྩ་བརྒྱད་བྱས་ནས་བཟླས་པར་བྱའོ། །ཞབས་གཉིས་མནན་ཏེ་སྟོང་ཕྲག་བཅུ་བཟླས་པ་བྱས་ན་སའི་འོག་ཡན་ཆད་དབང་དུ་བྱས་པར་འགྱུར་ཞིང་ལས་ཐམས་ཅད་བྱེད་པར་འགྱུར་ཏེ་མངག་གཞུག་ཐམས་ཅད་བྱེད་པར་
འགྱུར་རོ། །པད་མ་ལ་སྟོང་རྩ་བརྒྱད་བཟླས་ནས་པད་མའི་མཚེ་འུར་བོར་ན་པད་མ་ཟད་མི་ཤེས་པར་འབྱུང་ཞིང་པད་མ་དུས་ཐམས་ཅད་པར་འགྱུར་རོ། །ཨུཏ་པ་ལ་ལན་སྟོང་རྩ་བརྒྱད་བཟླས་ནས་ཨུཏ་པ་ལའི་མཚེ་འུར་བོར་
ན་ཨུཏ་པ་ལ་སྔོན་པོ་ཟད་མི་ཤེས་པ་འབྱུང་བར་འགྱུར་ཞིང་ནམ་ཡང་ཉམས་པར་མི་འགྱུར་ཏེ་དུས་ཐམས་ཅད་དུ་མེ་ཏོག་འབྱུང་བར་འགྱུར་རོ། །དེ་བཞིན་དུ་སྣའ་མའི་མེ་ཏོག་དང་གན་དྷ་བཱ་ཥི་ཀ་དང་ཡཱུ་ཐི་ཀ་དང་ན་བ་མཱ་ལཱའི་མེ་ཏོག་
རྣམས་ཀྱིང་དུས་ཐམས་ཅད་དུ་མེ་ཏོག་འབྱུང་བར་འགྱུར་ཞིང་ཟད་མི་ཤེས་པར་འགྱུར་རོ། །འབྲས་བུ་དང་མེ་ཏོག་ལ་ལན་བརྒྱ་རྩ་བརྒྱད་བཟླས་ཏེ་སྐྱེས་མོས་ཚལ་ལམ་ནགས་ཚལ་གྱི་ནང་དུ་གཏོར་ན་མེ་ཏོག་དང་འབྲས་བུ་ཟད་མི་ཤེས་
ཤིང་དུས་ཐམས་ཅད་པར་འགྱུར་རོ། །དཔལ་ཆེན་མོ་དགུག་པར་འདོད་པས་པྲ་ཚིལ་ལས་ལྷ་མོ་དཔལ་ཆེན་མོ་སྐྱིལ་མོ་དཀྲུང་ཕྱེད་དུ་འདུག་པ་རྒྱན་ཐམས་ཅད་ཀྱིས་བརྒྱན་པ་ལུས་བཏུད་པ་
ལག་པ་ན་པད་མ་ཐོགས་པ་བྲང་རྒྱས་པ་བྱས་ལ་འབྲས་བུ་དང་། མེ་ཏོག་བཀྲམ་པར་བྱ་ཞིང་ག་བུར་དང་། གླ་རྩི་དང་། ཙན་དན་དཀར་པོས་མཆོད་པ་བྱས་ལ་རས་ཀྱི་སྐུ་གཟུགས་ཀྱི་སྤྱན་སྔར་བཞག་པར་བྱ་ཞིང་སྔར་
ཙན་དན་དཀར་པོ་ལས་བྱས་པའི་དཀྱིལ་འཁོར་གྱི་ཆོ་ག་བཞིན་བྱས་ལ་འཕགས་པ་སྤྱན་རས་གཟིགས་དབང་ཕྱུག་རས་ཀྱི་སྐུ་གཟུགས་ལ་ཨ་ག་རུའི་བདུག་པ་དབུལ་བར་བྱ། དཔལ་ལྷ་མོ་ཆེན་མོ་ལ་ཙན་དན་དཀར་པོའི་བདུག་པ་དབུལ་བར་

99-1-106b

བྱ་ཞིང་གཉིས་ཀ་ལ་མཆོད་པ་དང་བསྙེན་བཀུར་བྱ་གཏོར་མ་དཀར་པོ་དང་དྲི་ཆབ་དབུལ་བར་བགྱི། མཆོད་ཡོན་སྟོང་དབུལ་བར་བགྱི་རིག་སྔགས་འཆང་གཙང་མ་དུས་གསུམ་དུ་ཁྲུས་བྱས་ཤིང་གོས་གཙང་མ་བགོས་པས་མངོན་དུ་ཕྱོགས་ཏེ། 
སྐྱིལ་མོ་དཀྲུང་དུ་འདུག་ནས་དོན་ཡོད་པའི་ཞགས་པའི་ཕྱག་རྒྱ་ལན་བདུན་བྱས་ལ་ཇི་སྙེད་པའི་དྲི་དང་ཕྲེང་བ་དང་མེ་ཏོག་ལ་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་ཏེ། དཔལ་ལྷ་མོ་ཆེན་མོའི་མགོ་ལ་གདགས་
པར་བྱ། མེ་ཏོག་གཞན་གྱིས་མཆོད་པ་བྱ་ཞིང་ཙན་དན་དཀར་པོ་ལ་ལན་བརྒྱ་རྩ་བརྒྱད་བཟླས་པའི་བདུག་སྤོས་དབུལ་བར་བྱའོ། །དེ་ནས་རིག་སྔགས་འཆང་གིས་དོན་ཡོད་པའི་ཞགས་པའི་སྙིང་པོ་ལན་སྟོང་རྩ་བརྒྱད་བཟླས་
པར་བྱ་ཞིང་ཡང་ཀར་རེ་རེ་ཞིང་བཟླས་ལ་དཔལ་ལྷ་མོ་ཆེན་མོ་ལ་བསྣུན་པར་བྱས་ཏེ་སྟོང་རྩ་བརྒྱད་ཚངས་པ་དང་དཔལ་ལྷ་མོ་ཆེན་མོ་འབར་བར་འགྱུར་ཞིང་འཕགས་པ་སྤྱན་རས་གཟིགས་དབང་ཕྱུག་གི་དཔྲལ་བ་ནས་འོད་ཟེར་འབྱུང་བར་
འགྱུར་རོ། །དཀྱིལ་འཁོར་གྱི་ཡོ་བྱད་གང་ཡིན་པ་ཐམས་ཅད་གསེར་དུ་སྣང་བར་འགྱུར་རོ། །དཔལ་ལྷ་མོ་ཆེན་མོ་བཀུག་པར་འགྱུར་ཞིང་ཇི་སྲིད་འཚོའི་བར་དུ་འདའ་བར་མི་འགྱུར་རོ། །ལྷའི་དཔལ་རྗེས་སུ་སྤྱོད་པར་འདོད་ན་ཉིན་རེ་ཞིང་འཕགས་
པ་སྤྱན་རས་གཟིགས་དབང་ཕྱུག་དང་དཔལ་ལྷ་མོ་ལ་དུས་གསུམ་དུ་མཆོད་པ་བྱ་ཞིང་མཆོད་ཡོན་གྱི་སྣོད་ཀྱང་གཞག་པར་བྱ། དཀོན་མཆོག་གསུམ་མཆོད་པར་བྱ་སྦྱིན་པར་བྱ། ལོངས་སྤྱད་པར་བྱ། བསོད་ནམས་ཀྱང་བྱ་ཞིང་དཔལ་ལྷ་
མོ་ཆེན་མོ་ལ་དུས་གསུམ་དུ་མཆོད་པར་བྱའོ། །དཔལ་ལྷ་མོ་ཆེན་མོ་རང་གི་གཟུགས་ཀྱིས་གནས་པར་འདོད་པས་དོན་ཡོད་པའི་རྒྱལ་པོའི་ཁྲོ་བོའི་སྙིང་པོ་སྟོང་རྩ་བརྒྱད་བཟླས་པར་བྱ་ཞིང་ཙན་དན་གྱི་རིལ་བུ་སྟོང་རྩ་བརྒྱད་ཀྱིས་ལུས་བདུག་པར་
བྱ། ཡུངས་ཀར་སྟོང་རྩ་བརྒྱད་ཀྱིས་བསྣུན་པར་བྱ་སྟེ། ཡུངས་ཀར་སྟོང་རྩ་བརྒྱད་ཚང་བ་དང་དཔལ་ལྷ་མོ་ཆེན་མོ་རྒྱན་ཐམས་ཅད་ཀྱིས་བརྒྱན་པ་ལྷའི་ནོར་བུ་དང་གསེར་དང་མུ་ཏིག་གི་རྒྱན་གྱིས་བརྒྱན་པའི་ལུས་སྣང་གསལ་

99-1-107a

ཞལ་པད་མ་ཁ་ཕྱེ་བ་ལྟ་བུ་སྤྱན་ཨུཏ་པ་ལ་སྔོན་པོ་ལྟར་གསལ་བ་པད་མ་བསྣམས་པ་གདན་པད་མ་ནོར་བུ་དང་རིན་པོ་ཆེ་དང་གསེར་མང་པོའི་པད་མའི་ཆར་འབེབས་པ་རིན་པོ་ཆེ་འབར་བའི་བུམ་པའ་སྟོང་ཕྲག་བརྒྱ་
ཐོགྶ་པ་ལྷའི་བུ་མོ་དང་གནོད་སྦྱིན་གྱི་བུ་མོ་བརྒྱ་སྟོང་མང་པོ་ཐམས་ཅད་ལྷའི་རྒྱན་གྱིས་བརྒྱན་པས་ལུས་གསལ་ཞིང་འབར་ལ་མཛེས་པ་མང་པོས་ཡོངས་སུ་བསྐོར་བ་མདུན་དུ་འཁོད་པར་འགྱུར་ཏེ་རིག་སྔགས་འཆང་གི་
འཇིགས་པར་མི་བྱ་ཞིང་སེམས་དགའ་བར་བྱས་ལ་གསང་སྔགས་འདི་ལན་བདུན་བཟླས་པར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། མ་ཧཱ་
ཨ་མོ་གྷ་བ་ར་དཱ་ཡ། ཏདྱ་ཐཱ། ཨོཾ་པད་མི་ཎི་པད་མ་ནེ་ཏྲ་པད་མཱ་གེ། པད་མ་དྷ་རེ་པད་མ་བྷ་ཏེ། པད་མ་པྲི་ཡི་པད་མ་པད་མཱ་པྲ་བྷི་པད་མཱས་ན་པྲ་ཏེཥྛི་ཏེ། ཨ་བ་ལོ་ཀི་ཏ་པྲི་ཡི་བ་ར་དེ་བ་ར་དཱ་ཡི་ནི་པྲ་སི་ཏ་པྲ་སཱ་དཱ་ཡ་ཀུ་རུ་ཀུ་ར། ཨཱརྱ་ཨ་
བ་ལོ་ཀ་ཏི་བ་ར་ཏེ་ཧུ་རུ་ཧུ་རུ་བ་རང་གི་ནི་ཙ་ལ་ཙ་ལ་པད་མ་བི་བྷྱཱ་ཥི་ཏ་པད་མ་པྲི་ཡེ་བི་ཙིད་ཏྲ་བི་མཱན་དྷ་རེ་བྷ་ར་བྷ་ར་སམ་བྷ་ར་སྨ་ར་ས་མ་ཡ། ཨཱརྱ་ཨ་བ་ལོ་ཀེ་ཏ་ཤྭ་ར་མ་མེ་སཏྱ་ཨ་དྷེ་ཥྛྀ་ཏ་དེ་བི་ཨ་མོ་གྷ་པཱ་ཤ་བ་ར་དེ་ཧཱུྃ། ན་མོ་སྟུ་ཏེ་
སྭཱ་ཧཱ། ལན་བདུན་བཟླས་པ་ཙམ་གྱིས་ལྷ་མོ་དཔལ་ཆེན་མོ་ཕྱག་བརྐྱང་སྟེ་རིག་སྔགས་འཆང་གི་སྤྱི་བོར་འཇུག་པར་འགྱུར་ཞིང་འདི་སྐད་ཅེས་ཀྱང་གསུང་བར་འགྱུར་རོ། རིགས་ཀྱི་བུ་ཚུར་ཤོག །ཐུགས་ལས་སྐྱེས་པ་གསུང་ལས་
སྐྱེས་པ་ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་ཁྲོ་བོ་དང་བཅས་པ་གྲུབ་ཀྱིས་དོན་ཡོད་པའི་ཞགས་པས་པད་མ་དྲི་མ་མེད་པའི་དཔལ་ཞེས་བྱ་བའི་གཟུངས་ལ་ཞུགས་ཤིག་ངའི་གནས་ལ་རང་གི་ཁྱིམ་བཞིན་དུ་ལས་སུ་
བྱ་བ་ཐམས་ཅད་བྱོས་ཤིག །དེ་ནས་རིགས་སྔགས་འཆང་གིས་ཡང་རིག་སྔགས་དང་གསང་སྔགས་དང་གཟུངས་སྔགས་འདི་ལན་གསུམ་བཟླས་བརྗོད་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་

99-1-107b

རཱ་ཡ་བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཨོཾ་བྷ་ག་བ་ཏི་མཱ་ཏྲི་ཛ་ནི་ཏྲི་བ་ར་བ་ར་ཨ་བ་ལོ་ཀི་ཏ་བ་ར་དེ་ཀྵི་རི་ནི་སྲ་བ་ཏུ། ཨམ་བ་ཨམ་བ་བི་བྷུ་ལ་ཀཱི་རྟ་ཀ་རེ་པྲ་བ་ར་བྷུ་ཛེ་ཨ་མོ་གྷ་པཱ་ཤ་ཧསྟེ་སྭཱ་ཧཱ། དེའི་
འོག་ཏུ་ལྷ་མོ་དཔལ་ཆེན་མོའི་ནུ་མ་གཉིས་ལས་འོ་མའི་རྒྱུན་འབྱུང་བར་འགྱུར་ཏེ། འོ་མའི་རྒྱུན་དེ་ཁས་ཟེད་དེ་འཐུངས་པ་ཙམ་གྱི་མོད་ལ་ལྷའི་མེ་ཏོག་པད་མ་དང་ཀུ་མུ་དྷ་ལྟར་འཇམ་པའི་ལྷའི་ལུས་སུ་འགྱུར་སྐྲ་ཅུང་ཟད་
འཁྱིལ་ཅིང་འཁྱིལ་ལ་མིག་ཨུཏ་པ་ལ་སྔོན་པོ་ལྟ་བུ་དང་ཚིག་གསལ་ཞིང་མི་འམ་ཅིའི་སྒྲ་དབྱངས་དང་ལྡན་པར་འགྱུར། དོན་ཡོད་པའི་རྒྱ་མཚོའི་ནོར་བུ་ཆེན་པོ་པད་མ་ལ་རྣམ་པར་ལྟ་བའི་དཔལ་དྲི་མ་མེད་པ་ཞེས་བྱ་
བའི་ཆོ་ག་ཞིག་མོའི་རྒྱལ་པོ་མངོན་སུམ་དུ་འགྱུར། ཆོ་ག་ཞིབ་མོ་མང་པོ་འགྲུབ་པར་འགྱུར། ཚེ་ལོ་སྟོང་ཕྲག་བཅུ་ཐུབ་པར་འགྱུར། རྒྱལ་བ་འོད་དཔག་མེད་བྱང་ཆུབ་སེམས་དཔའི་ཚོགས་དང་བཅས་པ་ཐབས་གཅིག་ཏུ་
གཞལ་མེད་ཁང་མཆོག་ན་ཆོས་བགྲོ་བ་མཐོང་བར་འགྱུར། རྫུ་འཕྲུལ་གྱིས་ནམ་མཁའ་ལ་འགྲོ་བར་འགྱུར། ནོར་བུ་ཆེན་པོ་པད་མ་ལ་ལྟ་བ་ཞེས་བྱ་བ་དོན་ཡོད་པའི་ཞགས་པ་ཆེན་པོའི་འཁོར་ལོས་སྒྱུར་བར་འགྱུར། རིག་
སྔགས་འཆང་ཐམས་ཅད་ཀྱིས་འཁོར་ལོས་སྒྱུར་བའི་གཙོ་བོ་གཅིག་པུར་འགྱུར། འཕགས་པ་སྤྱན་རས་གཟིགས་དབང་ཕྱུག་གི་སྲས་སུ་འགྱུར། དེ་བཞིན་གཤེགས་པ་ཐམས་ཅད་ཀྱི་སྲས་གཅིག་པུར་འགྱུར། ལྷ་དང་ཀླུ་དང་། 
གནོད་སྦྱིན་དང་དང་ལྷ་མ་ཡིན་དང་ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱི་བུའི་གཙོ་བོ་གཅིག་པུར་འགྱུར། རྒྱལ་པོ་ཆེན་པོ་བཞིའི་བུ་གཅིག་པུར་འགྱུར། ཐམས་ཅད་དུ་སྟོབས་དང་། ཕ་རོལ་གནོད་པ་དང་། 
བརྩོན་འགྲུས་ཐོགས་པ་མེད་པ་དང་ལྡན་པར་འགྱུར། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་དང་དཀྱིལ་འཁོར་རིམ་པ་ཕྱེ་བ་རིག་སྔགས་ཀྱི་རྒྱལ་པོ་གསུང་བའི་གཟུངས་ཀྱི་རྒྱལ་པོ་ཆོ་ག་ཞིབ་མོ་ཟབ་པ་དག་མངོན་སུམ་དུ་
99-1-108a

འགྱུར། ལྷ་ཐམས་ཅད་ཀྱི་གནས་དང་། ཀླུ་ཐམས་ཅད་ཀྱི་གནས་དང་། མི་འམ་ཅི་ཐམས་ཅད་ཀྱི་གནས་དང་། ཕུག་དང་ཁུང་གི་གནས་ཐམས་ཅད་སྒོ་འབྱེ་བར་འགྱུར། གནོད་སྦྱིན་དང་སྲིན་པོའི་གནས་
ཐམས་ཅད་སྒོ་འབྱེ་བར་འགྱུར། ཐམས་ཅད་དབང་དུ་འགྱུར་ཞིང་བགྱི་བ་ཅི་མཆིས་ཤེས་བྱ་བ་བྱེད་ཅིང་འདུག་པར་འགྱུར། འཇིག་རྟེན་ཐམས་ཅད་ཀྱི་སྟོན་པ་བླ་མ་གཅིག་པུ་འཇིག་རྟེན་མགོན་པོ་དང་འདྲ་བ་མཆོད་པའི་
གནས་སུ་འགྱུར། འཇིག་རྟེན་པ་དང་འཇིག་རྟེན་ལས་འདས་པའི་གསང་སྔགས་དང་དཀྱིལ་འཁོར་ཐམས་ཅད་གྲུབ་པ་ཆེན་པོར་འགྱུར། དཔལ་ལྷ་མོ་ཆེན་མོ་འཁོར་དང་བཅས་པ་ལ་སྦྱིན་སྲེག་བྱས་ན་རིག་སྔགས་
འཆང་དེ་ལ་བུ་བཞིན་དུ་བྱམས་པས་རང་ཉིད་བསྙེན་བཀུར་ཡོངས་སུ་སྤྱད་པས་ཡོངས་སུ་སྤྱོད་དོ། །འདོད་པ་ཐམས་ཅད་དང་ཡིད་དུ་འོང་བ་ཐམས་ཅད་ཀྱི་དགོས་པ་བྱེད་པར་འགྱུར་རོ། ནོར་དང་འབྲུས་དང་། དབྱིག་དང་གསེར་
དང་། ནོར་བུ་དང་མུ་ཏིག་དང་བཻ་དཱུརྱ་དང་ཤང་ཁ་ཤི་ལ་དང་། བྱི་རུ་དང་ས་ལེ་སྦྲམ་དང་དངུལ་དང་ལྷའི་ནོར་བུ་ཆེན་པོ་རིན་པོ་ཆེའི་བར་ཐམས་ཅད་སྦྱིན་པར་བྱེད་དོ། །ཡུལ་ཀ་ཤི་ཀའི་གོས་བཟང་པོ་མང་པོ་སྦྱིན་པར་བྱེད་ཅིང་
ལྷའི་བཟའ་བ་དང་བཏུང་བའི་བར་དང་བདུད་རྩིའི་རོའི་བར་དུ་སྦྱིན་པར་བྱེད་དོ། །གནས་ཐམས་ཅད་དུ་སོང་བ་ན་ཡང་རྟག་ཏུ་རྒྱུན་མི་འཆད་པར་བུ་ལ་བྱམས་པའི་ཚུལ་གྱིས་རྟག་ཏུ་ཕྱི་བཞིན་འབྲང་ཞིང་འགྲོ་བར་འགྱུར་རོ། །རིག་
སྔགས་འཆང་གི་རང་གི་ཁྱིམ་ཡང་རྒྱལ་པོའི་ཕོ་བྲང་ལྕང་ལོ་ཅན་ཇི་ལྟ་བ་བཞིན་དུ་རིག་སྔགས་འཆང་གི་གཞལ་མེད་ཁང་མཆོག་ཏུ་འགྱུར་རོ། །རྣམ་ཐོས་ཀྱི་བུའི་གནས་ན་འབྱོར་པ་ཇི་ལྟ་བ་བཞིན་རྒྱས་པར་
འགྱུར་རོ། །ཚངས་པ་དང་ཁྱབ་འཇུག་དང་དབང་ཕྱུག་ཆེན་པོ་དུས་ཀུན་དུ་འོང་བར་འགྱུར་རོ། །གནོད་སྦྱིན་གྱི་སྡེ་དཔོན་ཆེན་པོ་རྡོ་རྗེ་འཆང་ཡང་རིག་སྔགས་འཆང་གི་ཚོགས་ཐམས་ཅད་དང་། གནོད་སྦྱིན་

99-1-108b

ཆེན་པོ་གསང་བ་པའི་འཁོར་རྣམས་དང་རྟག་ཏུ་རྒྱུན་མི་འཆད་པར་བསྲུང་བ་དང་བསྐྱབ་པ་དང་སྦ་བར་བྱེད་པར་འགྱུར་རོ། །དེ་བཞིན་དུ་དཔལ་ལྷ་མོ་ཆེན་མོ་འཁོར་དང་བཅས་པ་དང་རྣམ་ཐོས་ཀྱི་བུ་གནོད་སྦྱིན་བྱེ་བས་ཡོངས་སུ་བསྐོར་
བས་ཉིན་མཚན་དུ་བསྲུང་བ་དང་བསྐྱབ་པ་དང་སྦ་བར་བྱེད་པར་འགྱུར་རོ། །དེ་ནས་དོན་ཡོད་པའི་རྒྱ་མཚོ་ནོར་བུ་ཆེན་པོ་པད་མ་ལ་ལྟ་བའི་དཔལ་དྲི་མ་མེད་པ་ཞེས་བྱ་བ་དོན་ཡོད་པའི་ཞགས་པའི་སྙིང་པོའི་ཆོ་ག་
ཞིབ་མོ་བཀླགས་པས་འགྲུབ་པར་འགྱུར་ཞིང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྃ་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་སྟོང་དྲུག་བཅུ་རྩ་བཞིའི་རྡུལ་ཕྲ་མོ་སྙེད་ལས་དགེ་
བའི་རྩ་བ་བསྐྱེད་པར་འགྱུར། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །རིགས་ཀྱི་བུ་འམ་རིགས་ཀྱི་བུ་མོ་འམ། དགེ་སློང་ངམ་དགེ་སློང་མ་འམ། གང་ལ་ལ་ཞིག་གིས་ལྷའི་ནོར་བུ་རིན་པོ་ཆེ་ཆེན་པོ་དང་ནོར་བུ་
རིན་པོ་ཆེ་ཆེན་པོ་སྣ་བདུན་དང་། ལྷའི་གསེར་དང་གསེར་གྱི་མེ་ཏོག་དང་དངུལ་གྱི་མེ་ཏོག་མང་པོ་དང་ལྷའི་གོས་དང་ལྷའི་བརྒྱན་དང་ལྷའི་དྲི་དང་མེ་ཏོག་ཕྲེང་དང་བྱུག་པ་རྣམས་རེ་རེ་ཞིང་འཕང་དུ་རིའི་རྒྱལ་པོ་རི་རབ་
ཙམ་གྱི་ཕུང་པོ་བྱས་ནས་དེ་དག་དེ་བཞིན་གཤེགས་པ་གྃ་གཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་བརྒྱ་སྟོང་དྲུག་བཅུ་རྩ་བཞིའི་རྡུལ་ཕྲ་མོ་སྙེད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་རྣམས་ལ་དེ་བཞིན་གཤེགས་པ་རེ་རེ་ལ་ཚུལ་དེ་ལྟ་བུས་སོ་སོར་དེ་བཞིན་གཤེགས་པ་ཐམས་ཅད་ལ་ཉིན་རེ་ཞིང་ལོ་གཅིག་གི་བར་དུ་འབུལ་བར་བྱེད་མཆོད་པ་དང་བསྙེན་བཀུར་བྱེད་ཅིང་དེ་བཞིན་གཤེགས་པ་རེ་རེའི་
སྤྱན་སྔར་དྲི་ཞིམ་པོ་དང་ལྡན་པའི་ཏིལ་མར་རྒྱ་མཚོ་ཙམ་གྱིས་བཀང་བའི་མར་མེ་གཏམ་པར་བྱེད་པའི་བསོད་ནམས་ཀྱི་ཕུང་པོ་དང་ལྡན་པར་འགྱུར། དགེ་བའི་རྩ་བ་ཆེན་པོ་ཡོངས་སུ་བཟུང་བར་འགྱུར་རོ། །གལ་ཏེ་དོན་ཡོད་པའི་

99-1-109a

རྒྱ་མཚོའི་ནོར་བུ་ཆེན་པོ་པད་མ་ལ་རྣམ་པར་བལྟ་བའི་དཔལ་དྲི་མ་མེད་པ་དོན་ཡོད་པའི་ཞགས་པའི་སྙིང་པོ་འདི་ཀློག་པ་དང་བཟླས་བརྗོད་བརྒྱ་རྩ་བརྒྱད་བྱེད་པ་འདི་ནི་བསོད་ནམས་ཀྱི་ཕུང་པོ་དེ་དང་ལྡན་པར་འགྱུར་
ཞིང་། དགེ་བའི་རྩ་བ་ཆེན་པོ་དང་ལྡན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གཟུངས་བར་འགྱུར། དེ་
བཞིན་གཤེགས་པ་ཐམས་ཅད་སྐུ་སྟོན་པར་འགྱུར། དེ་བཞིན་གཤེགས་པ་ཐམས་ཅད་ལུང་སྟོན་པར་འགྱུར། དཔལ་ལྷ་མོ་ཆེན་མོ་དེ་ཡང་མཆོག་ཐམས་ཅད་སྦྱིན་པར་འགྱུར། དུས་ཀུན་དུ་དེའི་ཁྱིམ་དུ་དཔལ་
གནས་པར་འགྱུར་ཏེ་གང་ན་དཔལ་ལྷ་མོ་ཆེན་མོ་གནས་པ་དེར་དེ་བཞིན་གཤེགས་པ་གྃ་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་བཅུ་རྩ་བཞིའི་རྡུལ་ཕྲ་མོ་དང་མཉམ་པས་ཕྱོགས་དེ་ཉིད་དུ་གནས་པར་འགྱུར་
ཏེ། དཔལ་ལྷ་མོ་དེ་བཞིན་གཤེགས་པ་ཐམས་ཅད་ཀྱི་ཡུམ་ཡིན་པའི་ཕྱིར་རོ། །ལྷ་དང་། ཀླུ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོའི་གསང་སྔགས་དང་། ཆོ་ག་ཞིབ་མོ་དང་། ཕྱག་རྒྱ་དང་དཀྱིལ་
འཁོར་དང་ཞི་བ་དང་རྒྱས་པ་དང་དྲག་ཤུལ་སྤྱོད་པ་དང་ལས་སྣ་ཚོགས་གཞན་དག་པས་དཔལ་ལྷ་མོ་ཆེན་མོའི་མཆོག་ཏུ་སྟོན་ཏོ། །དཔལ་ལྷ་མོ་ཆེན་མོ་ནི་ཐམས་ཅད་ཀྱི་མ་ཡིན་ནོ། །དཔལ་ལྷ་མོ་ཆེན་པོ་ནི་དོན་ཡོད་པའི་
མཆོག་སྦྱིན་པའོ། །དོན་ཡོད་པའི་ཞགས་པས་སྦྱིན་པའོ། །དོན་ཡོད་པའི་གྲགས་པ་རྒྱ་ཆེན་པོ་སྦྱིན་པའོ། །དོན་ཡོད་པའི་ནམ་མཁའི་གཞལ་མེད་ཁང་འཆང་བའོ། །དོན་ཡོད་པའི་ཡོན་ཏན་བསྒྲགས་པའི་མཆོག་
སྦྱིན་པའོ། །དཔལ་ལྷ་མོ་ཆེན་མོ་ནི་ཟླ་བ་དང་། ཉི་མའི་འོད་བྱེད་པ་གནས་སུམ་བཅུ་རྩ་གཉིས་ཀྱི་ནང་ན་དཔལ་ལྷ་མོ་ཆེན་མོ་མཆོག་ཏུ་བསྟན་ཏོ། །དེ་ནས་རིག་སྔགས་འཆང་གཙང་མས་ཁྲུས་ལེགས་པར་བྱས་པ་དྲི་ཆུས་བསངས་

99-1-109b

ཤིང་བ་ལས་བྱུང་བ་ལྔས་བྱུགས་པ། གོས་གཙང་མ་བགོས་པས་ཁ་ཟས་གཙང་མ་བཟའ་བར་བྱ་ཞིང་ཆང་དང་། ཤ་དང་བིག་ཙོང་དང་། སྒོག་སྐྱ་དང་ཀེའུ་རྣམས་དང་། འདྲེས་པ་དང་། འབགས་པ་རྣམས་ཡོངས་སུ་སྤོང་བར་བྱ། ཁ་
ཟས་ངན་པ་དང་། བཏུང་བ་ངན་པ་དང་གོས་ངན་པ་དང་། དྲི་མ་ཅན་ཡོངས་སུ་སྤོང་བར་བྱ། སེམས་ཅན་ངན་པ་དང་རྟེན་པ་དང་ངན་གཡོ་ཅན་དང་གསོལ་རྐྱེན་ཅན་དང་སྐྱེ་བོ་ངན་པ་ཅན་དང་ཁྲེལ་མེད་པ་དང་སྙིང་རྗེ་མེད་པ་དང་བྱམས་པ་དང་བྲལ་
བ་དང་། ཐུབ་ཆོས་ཅན་གྱི་སྐྱེ་བོ་ངན་པ་ཡོངས་སུ་སྤང་བར་བྱའོ། །གནས་ངན་པ་དང་གནས་རྟེན་ངན་པ་དང་། བགོ་ཉེས་དང་། བཟའ་ཉེས་དང་། གྲིབ་མ་ངན་པ་ཡོངས་སུ་སྤོང་བར་བྱ། གཅིག་གིས་གཅིག་འབགས་པའི་ཁ་ཟས་ངན་
པ་ཡོངས་སུ་སྤང་བར་བྱ་ཞིང་དྲི་དང་བདུག་སྤོས་ཀྱིས་བསངས་ཏེ་མི་སྨྲ་བར་བཟླས་བརྗོད་བྱ། བྱམས་པ་དང་སྙིང་རྗེ་དང་དགའ་བའི་སེམས་དང་ཡིད་བདེ་བ་བྱ། བཀྲ་ཤིས་ཚང་བར་བྱ་ཞིང་སྙིང་དགའ་བ་དང་མགུ་བ་དང་། རབ་ཏུ་དགའ་བའི་སེམས་
སུ་བྱས་ནས་བཟླས་བརྗོད་བྱའོ། །འཕགས་པ་སྤྱན་རས་གཟིགས་དབང་ཕྱུག་ལ་ཨ་ག་རུའི་བདུག་པ་དབུལ་བར་བྱ། དེ་བཞིན་གཤེགས་པ་ཐམས་ཅད་ལ་དུ་རུ་ཀའི་བདུག་པ་དབུལ་བར་བྱ་དཔལ་ལྷ་མོ་ཆེན་མོ་ལ་ཙན་དན་གྱི་བདུག་སྤོས་དབུལ་བར་
བྱ་ཞིང་དུས་ཇི་ལྟ་བའི་མེ་ཏོག་དབུལ་བར་བྱ་སྟེ། གསང་སྔགས་འདི་ལན་ཉི་ཤུ་རྩ་གཅིག་བཟླས་ཏེ་ཐམས་ཅད་ལ་དབུལ་བར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀཱི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ་མ་
ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་པུཥྤ་བི་ལོ་ཀི་ཏེ་གན་དྷ་རེ། ཨ་མོ་གྷ་ཛ་ལ་སམ་བྷ་ར་ཎི་པད་མེ་སམ་བྷཱུ་རེ་ཏ་ར་ཏ་ར་མུ་དེ་ཏེ་བྷཱུྃ་སྭཱ་ཧཱ། ལན་ཉི་ཤུ་རྩ་གཅིག་བཟླས་ཏེ་མེ་ཏོག་དང་བདུག་སྤོས་དང་དྲི་དང་མཆོད་ཡོན་དབུལ་ལོ། །འཕགས་པ་
སྤྱན་རས་གཟིགས་དབང་ཕྱུག་གི་ཞབས་དྲུང་དུ་སྟོང་རྩ་བརྒྱད་བཟླས་དོན་ཡོད་པའི་ཞགས་པའི་སྙིང་པོ་ལན་བདུན་བཟླས་ཁྲོ་བོའི་རྒྱལ་པོ་ལན་གསུམ་བཟླས་ལ། ཨ་ཀ་རུའི་བདུག་སྤོས་འབུལ་བར་བྱ་ཞིང་ཅི་སྙེད་པའི་མེ་ཏོག་དབུལ་བར་བྱ། 

99-1-110a

སྤོས་དང་ལྡན་པའི་ཏིལ་མར་གྱི་མར་མེ་གཏམ་པར་བྱ་ཞིང་དེ་ཉིད་ཀྱི་ཞབས་དྲུང་དུ་སྐྱིལ་མོ་དཀྲུང་དུ་འདུག་ལ་འཕགས་པ་སྤྱན་རས་གཟིགས་དབང་ཕྱུག་ལ་བལྟས་ལ་སྙིང་པོའི་གཟུངས་ལན་བརྒྱ་རྩ་བརྒྱད་བཟླས་ལ་བཟླས་བརྗོད་
ཀྱི་ཕྱག་རྒྱ་བྱས་ཏེ་དོན་ཡོད་པའི་ཞགས་པའི་ཕྱག་རྒྱ་ལན་བདུན་བཅིང་བ་བྱེད་ན། བཅིངས་པ་ཙམ་གྱི་མོད་ལ་སྐུ་གཟུགས་གཡོ་བར་འགྱུར་ཞིང་སྐུ་ཐམས་ཅད་འབར་བར་འགྱུར་རང་གི་ལུས་སྤུ་ཟིང་ཞེས་བྱེད་པར་འགྱུར། ཐོ་རངས་འཕགས་
པ་སྤྱན་རས་གཟིགས་དབང་ཕྱུག་སྐུ་སྟོན་པར་འགྱུར་ཏེ། ཡིད་ལ་བསམས་པ་ཐམས་ཅད་བཀའ་སྩོལ་བར་འགྱུར། མཆོག་ཐམས་ཅད་སྦྱིན་པར་འགྱུར། འདོད་པའི་མཆོག་ཐམས་ཅད་སྦྱིན་པར་འགྱུར། དབུགས་ཀྱང་འབྱིན་པར་འགྱུར། ཡིད་དུ་འོང་
བ་ཐམས་ཅད་ཡོངས་སུ་རྫོགས་པར་བྱེད། ཚེ་འདི་ཉིད་ལ་ནད་ཐམས་ཅད་དང་བྲལ་བར་འགྱུར་རོ། །དགེ་བའི་རྩ་བའི་ཚོགས་ཐམས་ཅད་དང་ལྡན་པར་འགྱུར། སྒྲིབ་པ་དང་སྡིག་པ་ཐམས་ཅད་ཟད་ཅིང་མཐར་ཐུག་པར་འགྱུར། ཉོན་མོངས་ཐམྶ་
ཅད་ལས་ཡོངས་སུ་གྲོལ་བར་འགྱུར། ཕས་ཀྱི་རྒོལ་བ་དང་དགྲ་བོ་ཐམས་ཅད་འཇིག་པར་འགྱུར་ཞིང་མི་ཚུགས་པར་འགྱུར་གཡུལ་ངོར་འཇུག་པའི་ཚེ་རིག་སྔགས་ཀྱི་རྒྱལ་པོ་འདི་ཡུངས་ཀར་ལ་ལན་ཉི་ཤུ་རྩ་གཅིག་བཟླས་
ནས་དམག་གི་ནང་དུ་གཏོར་བ་བྱས་ན་ཐམས་ཅད་རེངས་པར་བྱས་པ་དང་རྨུགས་པར་བྱས་པར་འགྱུར་རོ། །འདིའི་སྙིང་པོ་དང་གསང་སྔགས་ནི་འདི་ཡིན་ནོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་
ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་མོ་གྷ་བཱ་ཤ་ཧྲི་ད་ཡ་པད་མེ་ནི་བ་ར་ཏེ་ཛྭ་ལ་ཛྭ་ལ་པྲ་ས་རི་ཏ་པད་མ་བྷུ་ཛེ་སྭཱ་ཧཱ། སྙིང་པོའི་རིག་སྔགས་སོ། །ཨོཾ་ཨ་བ་ལོ་ཀི་ཏ་པད་མེ་ནི་བ་རང་གི་ནི་ཏུ་རུ་ཏུ་རུ་ཧཱུྃ་
སྭཱ་ཧཱ། ཉེ་བའི་སྙིང་པོའི་གཟུངས་སོ། །དོན་ཡོད་པའི་རྒྱ་མཚོའི་ནོར་བུ་པད་མ་རྣམ་པར་བལྟ་བའི་དཔལ་དྲི་མ་མེད་པ་དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོའི་གཟུངས་འདི་རྟག་ཏུ་བཟླས་བརྗོད་བྱས་ན་མཚམས་མེད་པ་

99-1-110b

ལྔ་ཟད་པར་འགྱུར། དཔལ་ལྷ་མོ་ཆེན་མོ་རྟག་ཏུ་རྒྱུན་མི་འཆད་པར་མཆོག་སྦྱིན་པར་འགྱུར། འཕགས་པ་སྤྱན་རས་གཟིགས་དབང་ཕྱུག་དུས་ཀུན་དུ་སྐུ་སྟོན་པར་བཞེད་པར་འགྱུར། དེའི་ལུས་ལ་དུག་ཐམས་ཅད་ཀྱིས་མི་ཚུགས་
པར་འགྱུར། འཇིགས་པ་ཆེན་པོ་མི་བཟད་པ་བརྒྱད་ལས་ཡོངས་སུ་གྲོལ་བར་འགྱུར། རིམས་ཐམས་ཅད་དང་ནད་ཐམས་ཅད་ཀྱིས་མི་ཚུགས་པར་འགྱུར་རོ། །གདོན་ཐམས་ཅད་ལ་ཚོན་སྣ་ལྔའི་སྲད་བུ་ལ་ལན་ཉི་ཤུ་རྩ་
གཅིག་བཟླས་ཏེ་མདུད་པ་ཉི་ཤུ་རྩ་གཅིག་བོར་ལ་གུ་གུལ་གྱིས་བདུགས་ཏེ་མགུལ་དུ་བཏགས་ན་གདོན་ཐམས་ཅད་ལས་ཡོངས་སུ་གྲོལ་བར་འགྱུར་རོ། །གལ་ཏེ་ནག་པོ་ཆེན་པོ་དང་མ་མོའི་ཚོགས་འོངས་ཏེ་རྒྱས་
བཏབ་པ་གང་ཡིན་པ་ཡང་གདོན་ཐམས་ཅད་ལས་ཡོངས་སུ་ཐར་བར་འགྱུར་རོ། །སྐུད་པ་ནག་པོས་རིམས་ཉིན་གཅིག་པ་ལས་ཡོངས་སུ་གྲོལ་བར་འགྱུར། གཞན་དག་ལ་ནི་ཐམས་ཅད་དུ་སྲད་བུ་དཀར་པོས་བསལ་བར་བྱའོ། །
འཐབ་པ་དང་བརྩོད་པ་དང་ཁྲག་ཁྲུག་ཐམས་ཅད་ལ་གི་ཝང་ལ་ལན་ཉི་ཤུ་རྩ་གཅིག་བཟླས་ཏེ་ཐིག་ལེ་བྱས་ན་ཐམས་ཅད་དུ་ཐོགས་པ་མེད་པར་འགྱུར་རོ། །སྙིང་གར་ཐིག་ལེ་བྱས་ན་གནོད་སྦྱིན་དང་སྲིན་པོ་དང་འབྱུང་པོ་དང་ཤ་ཟ་ལ་
སོགས་པ་ཐམས་ཅད་ཀྱིས་མི་མཐོང་བར་འགྱུར་རོ། །ལག་མཐིལ་ལ་ཐིག་ལེ་བྱས་ན་སྐྱེས་པ་དང་བུད་མེད་དང་ཁྱེའུ་དང་བུ་མོ་གང་ལ་རེག་པ་དབང་དུ་འགྱུར་རོ། །སྨིན་མཚམས་སུ་ཐིག་ལེ་བྱས་ན་རྒྱལ་པོ་བཙུན་མོའི་འཁོར་
དང་བཅས་པ་དབང་དུ་འགྱུར་རོ། །མགུལ་པར་བྱུགས་ན་རྗེའུ་རིགས་ཐམས་ཅད་དབང་དུ་འགྱུར་རོ། །དཔུང་པ་གཉིས་ལ་བྱུགས་ན་རྒྱལ་རིགས་ཐམས་ཅད་དབང་དུ་འགྱུར་རོ། །དཔྲལ་བའི་སྐྲ་མཚམས་སུ་ཐིག་ལེ་བྱས་ན་བྲམ་ཟེ་
ཐམས་ཅད་དབང་དུ་འགྱུར་རོ། །ལྟེ་བའི་གནས་སུ་ཐིག་ལེ་བྱས་ན་དམངས་རིགས་ཐམས་ཅད་དབང་དུ་འགྱུར་རོ། །རྐང་པའི་རྗེ་ངར་ལ་བྱུགས་ན་དཔག་ཚད་བརྒྱར་ངལ་བ་མེད་པར་འགྲོ་ཞིང་སླར་ཡང་འོང་བར་འགྱུར་རོ། །རྐང་མཐིལ་ལ་བསྐུ་

99-1-111a

ན་ཆུ་ཀླུ་ཆེན་པོའི་ཕ་རོལ་ཏུ་ཕྱིན་པར་འགྱུར་ཞིང་རྒྱ་མཚོའི་བར་དུ་རྒལ་བར་འགྱུར་རོ། །དཔུང་པ་གཉིས་ལ་བྱུག་ན་གྱད་གྱིས་མི་ཐུབ་པར་འགྱུར་རོ། །པུས་མོ་གཉིས་ལ་བྱུགས་ན་མེའི་ཕུང་པོ་འབར་ཞིང་རབ་ཏུ་འབར་
བར་ཞུགས་ན་ཙན་དན་དང་པུ་ཤེལ་ཙི་བཞེན་དུ་བསིལ་བར་འགྱུར་རོ། །བ་སེར་སྐྱའི་འོ་མ་དང་སྦྱར་ཏེ་མི་ལ་བསྐུས་ན་མཚན་མོ་ཡང་ཉིན་མོ་བཞིན་དུ་སྣང་བར་འགྱུར་རོ། །གཏེར་ཐམས་ཅད་འབར་བར་འགྱུར་ཞིང་གལ་ཏེ་
བསྐལ་པ་སྟོང་དུ་བཞག་པ་ཞིག་ནས་ཡང་འབྱུང་བར་འགྱུར་རོ། །དེ་བཞིན་དུ་ལྟོ་བར་བསྐུས་ན་ཇི་སྲིད་དུ་ལྟོ་ཆུས་མ་བསྐྲུས་ན་དེ་སྲིད་དུ་ཁ་ཟས་དང་བཏུང་བ་མི་འདོད་པར་འགྱུར་རོ། །ཕོ་མཚན་ལ་སྐུས་ན་ཁུ་བ་འགགས་
པར་འགྱུར་རོ། །བ་ལས་བྱུང་བ་ལྔ་དང་བསྲེས་ཏེ་འཐུངས་ན་ལུས་དག་ཅིང་དྲི་མ་མེད་ལ་གཙང་ཞིང་སྤྱོད་པ་གཙང་བ་དང་ལྡན་པར་འགྱུར་རོ། །བསྒོྃ་ཉེས་དང་། བཟའ་ཉེས་དང་གྲིབ་མ་ངན་པ་དང་བལྟ་ཉེས་
སུ་མི་འགྱུར། འཇིགས་པ་ཐམས་ཅད་ལས་ཡོངས་སུ་གྲོལ་བར་འགྱུར། སྡིག་པ་དང་བསྒྲིབ་པ་ཐམས་ཅད་ལས་ཡོངས་སུ་གྲོལ་བར་འགྱུར། རྨི་ལམ་ངན་པ་དང་ལྟས་ངན་པ་དང་བཀྲ་མི་ཤིས་པའི་དངོས་པོ་ཐམས་ཅད་འཇིག་
པར་འགྱུར། དུག་དང་དབྱིག་དུག་དང་བྱད་ཐམས་ཅད་འཇིག་པར་འགྱུར། གསང་སྔགས་དང་སྦྱོར་བ་དང་གཏོར་བ་རྣམས་འཇིག་པར་འགྱུར། ཐབས་པ་དང་བརྩོད་པ་དང་ཁྲག་ཁྲུག་རྣམས་ཀྱི་ལན་ཐེབས་པར་འགྱུར་ཞིང་ཐམས་ཅད་
དུ་རྒྱལ་བར་འགྱུར། ཕས་ཀྱི་རྒོལ་བ་དང་མི་མཛའ་བ་དང་། ཕ་རོལ་གྱི་དཔུང་གི་འཇིག་པ་ཐམས་ཅད་འབྱུང་བར་མི་འགྱུར་རོ། །ཞུན་མར་དང་སྦྲང་རྩི་དང་ལྷན་ཅིག་སྦྱར་ཏེ་ཐོ་རངས་ཀྱི་དུས་སུ་མི་སྨྲ་བར་བྱས་ནས། ཟོས་ན་བཀླགས་པས་
ཚིགས་སུ་བཅད་པ་སྟོང་འཛིན་པར་འགྱུར་རོ། །སྦྱོར་བ་ཞག་བདུན་དུ་བྱས་ན་བསྟན་བཅོས་ཐམས་ཅད་ལ་མངོན་དུ་འགྱུར་རོ། །ཞག་ཉི་ཤུ་རྩ་གཅིག་ཏུ་སྦྱོར་བ་བྱེད་ན་གསང་སྔགས་ཀྱི་ཆོ་ག་ཞིབ་མོ་དང་དཀྱིལ་འཁོར་དང་གསང་སྔགས་

99-1-111b

དང་ཕྱག་རྒྱ་རིམས་པར་བྱེ་བ་ཐམས་ཅད་འགྲུབ་པར་འགྱུར། ཟླ་བ་གཅིག་ཏུ་སྦྱོར་བ་བྱས་ན་ཐོས་པ་མང་པོ་རྒྱ་མཚོ་བསགས་པར་འགྱུར་རོ། །སྦྱོར་བ་ལོ་གཅིག་གི་བར་དུ་བྱས་ན་ཚེ་ལོ་སྟོང་ཐུབ་པར་འགྱུར་རོ། །འཇིག་རྟེན་ཐམས་
ཅད་ན་བླ་མ་གཅིག་པུར་འགྱུར་ཞིང་དགེ་བ་དང་ཚིག་བཙུན་པར་འགྱུར་རོ། །ཏིལ་མར་དང་ལྷན་ཅིག་སྐལ་ནས་མགོ་ལ་བསྐུས་ན་སྐྲ་ཅུང་ཟད་འཁྱིལ་ཅིང་ལྕང་ལོ་ཅན་དུ་འགྱུར་རོ། །བཞིན་གྱི་དཀྱིལ་འཁོར་ལ་བསྐུས་ན་སྟོན་ཀའི་ཟླ་བ་ཉ་བ་
དང་མཚུངས་པར་འགྱུར་ཞིང་མེ་ཏོག་པད་མ་དང་ཀུ་མུ་ད་ལྟར་འཇམ་པར་འགྱུར་ལུས་ཐམས་ཅད་ལ་བྱུགས་ན་མར་དང་འདྲ་བར་འཇམ་པོར་འགྱུར་ཞིང་རྐང་ལག་ཤིན་ཏུ་གཞོན་ཤ་ཅན་དུ་འགྱུར། རྣ་བ་ལ་བྱུགས་ན་རྣ་བ་ཇི་ཙམ་འདོད་པ་སྐྱེ་
བར་འགྱུར། སྣ་ནས་བཏང་ན་གླད་པའི་ནད་དོ་ཅོག་འཇིག་པར་འགྱུར་ཞིང་སྣབས་དང་མཆིལ་མ་འབྱུང་བར་མི་འགྱུར། ལྷའི་སྤོས་ཀྱི་དྲི་མནམ་པར་འགྱུར་ཞིང་ནམ་ཡང་ཡིད་དུ་མི་འོང་བའི་དྲི་མནམ་པར་མི་འགྱུར། གཉེར་མ་དང་
སྐྲ་དཀར་སྤངས་བར་འགྱུར། སོ་རྒས་པ་ཡང་གསར་དུ་སྐྱེ་བར་འགྱུར་ལྕེ་པད་མའི་ལོ་མ་ལྟར་འཇམ་པར་འགྱུར། མིད་པའི་ནད་དང་སྐེ་འགགས་པ་ཐམས་ཅད་ལས་ཡོངས་སུ་གྲོལ་བར་འགྱུར། འཇམ་ཙམ་དུ་བྱས་ཏེ་རྣ་
བ་བཀང་ན་སིམ་པར་བྱེད་ཅིང་ལྷའི་རྣ་བ་དང་ལྡན་པར་འགྱུར། སྒྲ་ཡིད་དུ་འོང་བ་དང་བཀྲ་ཤིས་པའི་སྒྲ་ཐོས་པར་འགྱུར་རོ། །དེ་ལྟ་བན་གི་ཝང་གི་ཆོ་ག་ཆེན་མོ་བསྒྲུབ་པར་བྱའོ། །དེ་ནས་ལེགས་པར་གྲུབ་པ་མཆོག་ཏུ་
དགེ་བ་དགེ་བར་འགྲོ་བ་མིག་རྐང་ཞེས་བྱ་བ་བཤད་པར་བྱ་སྟེ། དོན་ཡོད་པའི་ཞགས་པའི་སྙིང་པོ་འདི་ལན་ཉི་ཤུ་རྩ་གཅིག་བཟླས་ཏེ། ཁྲོ་བོའི་རྒྱལ་པོ་ལན་བདུན་བཟླས་ནས་དོན་ཡོད་པའི་རྒྱ་མཚོའི་ནོར་བུ་པད་མ་ལ་རྣམ་པར་
བལྟ་བའི་དཔལ་དྲི་མ་མེད་པ་དོན་ཡོད་པའི་ཞགས་པའི་སྙིང་པོ་འདི་སྟོང་རྩ་བརྒྱད་བཟླས་ཏེ། གཙང་མས་གོས་གཙང་མ་བགོས་ཤིང་ཁྲུས་ལེགས་པར་བྱས་པས་ཁ་ཟས་དཀར་པོ་ཟོས་ལ་མིག་རྐང་གི་རི་ལུ་ཁར་བཅུག་ན་ཇི་སྙེད་

99-1-112a

བཤད་པ་དང་བཀླགས་པ་འཛིན་པར་འགྱུར། ལྕེ་པད་མ་དང་ཀུ་མུ་དའི་ལོ་མ་ལྟར་འཇམ་པར་འགྱུར། མི་འམ་ཅིའི་སྒྲ་དབྱངས་དང་ལྡན་པར་འགྱུར། དེ་ལས་ལྷའི་སྒྲ་ཡང་འབྱུང་བར་འགྱུར། གང་ལ་སྨྲས་པ་དེ་དག་བྲན་ཕོ་དང་བྲན་
མོ་བཞིན་དུ་གནས་པར་འགྱུར། གང་ལ་དྲི་མནམ་པ་དེ་ཡང་དབང་དུ་འགྱུར། ཐ་ན་དུད་འགྲོའི་སྐྱེ་གནས་སུ་གྱུར་པ་ཡང་དབང་དུ་བྱེད་དོ། །གནོད་སྦྱིན་དང་། སྲིན་པོ་དང་། གནོད་སྦྱིན་མོ་དང་། ཡིད་དགས་དང་ཤ་ཟ་ལ་སོགས་པ་
ཐམས་ཅད་དང་། བརྗེད་བྱེད་དང་། སྡང་བ་དང་རབ་ཏུ་སྡང་བ་དང་། མི་མ་ཡིན་པ་ཐམས་ཅད་དྲི་དེས་འབྱེར་བར་འགྱུར་ཞིང་ཕྱོགས་བཞིར་དཔག་ཚད་བརྒྱར་བྱེར་ནས་ཐག་རིང་པོ་ནས་འཁོད་པར་འགྱུར་རོ། །ཕྱིར་རྒོལ་བ་དང་སྡང་བ་དང་
རབ་ཏུ་སྡང་བའི་སེམས་དང་ལྡན་པ་ཐམས་ཅད་དྲི་ནས་འབྱེར་བར་འགྱུར་ཞིང་བྱམས་པའི་སེམས་ཀྱིས་དབང་དུ་འགྱུར་རོ། །དཔུང་པ་གཡས་པ་ལ་བཏགས་ན་ལག་པས་གླང་པོ་ཆེ་གནོད་པར་འགྱུར་རོ། །སྟོབས་དང་བརྩོན་འགྲུས་དང་
ཕ་རོལ་གནོད་པ་ཆེན་པོར་འགྱུར་རོ། །གྱད་ཀྱིས་མི་ཐུབ་པར་འགྱུར་རོ། །རྡོ་རྗེ་འཆང་དང་འདྲ་བའི་མཐུ་སྟོབས་སྟོན་པར་འགྱུར་རོ། །མགུལ་དུ་བཏགས་ཏེ་གཡུལ་ངོར་སོང་ན་གཅིག་པུས་དཔུང་གི་ཚོགས་ཡན་ལག་བཞི་ལས་
རྒྱལ་བར་འགྱུར་ཞིང་སླར་ཡང་འོང་བར་འགྱུར་རོ། །སྤྱི་བོར་གཞག་སྟེ་རྒྱལ་པོའི་ཕོ་བྲང་དུ་སོང་ན་རྒྱལ་པོའི་བཙུན་མོའི་འཁོར་དང་བཅས་པ་དང་བློན་པོ་དང་བློན་པོ་ཆེན་པོ་དང་བྲམ་ཟེའི་མདུན་ན་འདོན་པ་དང་བཅས་པ་དབང་དུ་
འགྱུར་ཞིང་སྤྱི་བོ་ལ་བསྐུར་བར་འགྱུར། ཐམས་ཅད་དུ་ཐོགས་པ་མེད་པ་དང་ལྡན་པར་འགྱུར། ལག་པ་ལ་བཏགས་ན་གང་ལ་རེག་པ་དེ་ཐམས་ཅད་དབང་དུ་འགྱུར། ནོར་དང་འབྲུ་དང་། དབྱིག་དང་ནོར་བུ་དང་མུ་ཏིག་དང་། 
གསེར་ལ་རེག་པ་ཙམ་གྱིས་ཟད་མི་ཤེས་པར་འགྱུར། ས་བོན་གདབ་པ་དང་བརྔ་བ་བྱས་ན་ཟད་མི་ཤེས་པར་འཕེལ་བར་འགྱུར་རིན་པོ་ཆེའི་ལག་པ་དང་འདྲ་བར་འགྱུར། འབྲུའི་ཕུང་པོ་འཕེལ་བར་འགྱུར་རོ། །ཉི་མ་རེ་རེ་ཟོས་ན་དྲན་

99-1-112b

པ་དང་བློ་ཆེན་པོ་འཕེལ་བར་འགྱུར། སྡིག་པ་ཐམས་ཅད་དང་བྲལ་བར་འགྱུར། ནད་ཐམས་ཅད་དང་བྲལ་བར་འགྱུར། རིམས་ཐམས་ཅད་སེལ་བར་འགྱུར། འབྲས་དང་མཛེ་དང་ལྷོག་པ་དང་ལུའུ་ཏ་དང་ཤུ་བ་དང་གཡན་པ་དང་
གཡའ་བ་དང་། ཕོལ་མིག་ལ་བྱུགས་པ་ཙམ་གྱིས་འཇིག་པར་འགྱུར་ཞིང་ནམ་ཡང་ཚུགས་པར་མི་འགྱུར་རོ། །སྦྱོར་བ་ཟླ་བ་གཅིག་ཙམ་དུ་བྱས་ན་ཆོ་ག་ཞིབ་མོ་དང་། གསང་སྔགས་རིམ་པར་ཕྱེ་བ་དང་། ཕྱག་རྒྱ་དང་། 
དཀྱིལ་འཁོར་གྱི་མཆོག་འགྲུབ་པར་འགྱུར་རོ། །དུས་ཀུན་དུ་ལུས་ལ་ཐོགས་ན་མཚོན་གཟས་པས་ལུས་ལ་མི་ཚུགས་སོ། །ཆོམ་རྐུན་དང་གཡོ་ཅན་ཐམས་ཅད་ཀྱིས་གླགས་རྙེད་པར་མི་འགྱུར་རོ། །ཐམས་ཅད་དུ་ཐོགས་
པ་མེད་པར་འགྱུར། ཏིལ་མར་དང་ལྷན་ཅིག་བསྐོལ་ཏེ་ཀླད་པ་ན་བ་དང་སོ་ན་བ་དང་མིག་ན་བ་དང་། ཀླད་པ་ཕྱེད་ན་བ་ལ་འཇམ་ཙམ་བླུགས་པ་ཙམ་གྱིས་སྡུག་བསྔལ་ཐམས་ཅད་རབ་ཏུ་ཞི་བར་འགྱུར་ཞིང་ཕྱིན་ཅད་ནད་གང་ཡང་
འབྱུང་བར་མི་འགྱུར་རོ། །གདོན་སྟོང་ཕྲག་དྲུག་བཅུ་རྩ་བརྒྱད་ལ་ཞུན་མར་དང་ཡུངས་དཀར་བསྲེས་ཏེ་བདུགས་ན་འདུས་ནས་ཕྱོགས་བཅུར་འབྱེར་ཞིང་ནམ་ཡང་གནས་ཀྱི་ས་ཕྱོགས་དེར་འོང་བར་མི་འགྱུར་རོ། །རང་གི་ཡིད་ལ་
འདོད་པའི་དགོས་པ་གཞན་ཐམས་ཅད་ཀྱང་བྱེད་པར་འགྱུར་རོ། །དེ་ནས་ལྷ་ཐམས་ཅད་འགུགས་པ་དང་བྱང་ཆུབ་སེམས་དཔའ་ཐམས་ཅད་སྤྱན་འདྲེན་པ། དེ་བཞིན་གཤེགས་པ་ཐམས་ཅད་བསྐུལ་བ། རིག་སྔགས་འཆང་
ཐམས་ཅད་ཀྱི་གྲུབ་པའི་མཐའ། གནོད་སྦྱིན་དང་། སྲིན་པོ་རྣམས་དང་། འབྱུང་པོའི་གདོན་རྣམས་དང་། བརྗེད་བྱེད་དང་། གནོད་སྦྱིན་མོ་རྣམས་དང་། ཡི་དགས་དང་། ཤ་ཟ་དང་། སྐེམ་བྱེད་ཐམས་ཅད་འབྱེར་བར་བྱེད་པ་དང་སྡང་བའི་
བདུད་རྣམས་གསོད་པ་ནད་ཐམས་ཅད་ཟློག་པ་གདུག་པའི་དུག་རྣམས་བཟློག་པ་མཆེ་བའི་དུག་དང་གནས་པའི་དུག་དང་འགྲོ་བའི་དུག་ཐམས་ཅད་ལ་ཐོགས་པ་མེད་པར་འགྲུབ་པ་རིམས་ཐམས་ཅད་འཇོམས་པ་ཁྱད་པར་དུ་རིམས་ཉིན་

99-1-113a

བཞི་པ་འཇོམས་པ། བཞིན་དང་བར་བྱེད་པའི་གཙོ་བོ་གོས་བདུག་པའི་མཆོག་གསང་སྔགས་དང་བྱད་ཐམས་ཅད་དབང་དུ་བྱེད་པའི་མཆོག་གང་ལ་རྒྱལ་པོ་ཁྲོས་ནས་གཤེད་མས་མཚོན་གཟས་པ་ཡང་བདུག་པ་
འདིས་བདུག་ན་དེ་ཐམས་ཅད་ཞི་བར་འགྱུར་རོ། །དུག་དང་དུག་སྦྱར་མ་དང་སྲོག་ཆགས་ལུའུ་ཏ་དང་སྦྲུལ་གྱིས་ཟིན་པ་དང་། སྲོག་ཆགས་གོ་ན་སེ་དང་གཞན་ཡང་སྲོག་ཆགས་སྣ་ཚོགས་དུག་དང་བཅས་པ་མཆོག་ཏུ་མི་བཟད་པ་རྣམས་
དང་གལ་ཏེ་ཀླུ་འཇོག་པོས་ཟིན་ན་ཡང་བདུགས་པ་ཙམ་གྱིས་དུག་ཐམས་ཅད་མེད་པར་འགྱུར་རོ། །ནད་ཀུན་འཕྲོག་པ་གྲུབ་པ་སྟེ། །སྡིག་པ་ཐམས་ཅད་འཇིག་བྱེད་པ། །བསོད་ནམས་ཕུང་པོ་ཆེ་དང་མཉམ། །གྲུབ་པ་ལྷ་རྣམས་
ཀུན་གྱིས་མཆོད། །བརྒྱ་བྱིན་སུམ་བཅུའི་ལྷ་དང་ནི། །ལྷ་མིན་ལྷན་ཅིག་གཡུལ་འགྱེད་ཚེ། །བདུག་པ་འདི་ཡིས་བདུགས་པ་དང་། །ལྷ་མིན་དེ་བཞིན་ཕམ་པར་འགྱུར། །དྲག་པོ་ཡིས་ནི་སུམ་རྩེགས་བསྲེགས། །ཁྱབ་འཇུག་
གིས་ནི་བ་ལི་བཅིངས། །མིའུ་ཐུང་གིས་ནི་ས་བཞི་མནན། །ལྷ་མིན་དབང་པོས་ཉི་ཟླ་དང་། །གཟའ་རྣམས་ཕམ་བྱས་འཁྲུགས་པར་འགྱུར། །བདུད་ནི་བྱེ་བ་སྟོང་ཕྲག་བརྒྱ། །འདྲེན་པས་བྱམས་པའི་སྟོབས་ཀྱིས་བཏུལ། །བདུད་ནི་བྱེ་བ་
སྟོང་ཕྲག་བརྒྱས། །བདུག་པའི་རྒྱལ་པོའི་མཐུ་སྟོབས་ཀྱི། །སྡང་བའི་བདུད་ནི་ཡང་དག་ཟད། །རྒྱ་མཚོ་རྣམ་པར་བཀྲུག་བྱས་པས། །རྒྱ་མཚོ་གནས་ཀུན་གཅེར་བུར་འགྱུར། །སྣོད་གཅིག་གི་ནི་སུམ་ཆ་སྐམས། །ཡིད་བཞིན་ནོར་བུ་ཆུད་ཟོས་
པས། །དོན་ཀུན་གྲུབ་པ་བདག་ཉིད་ཆེས། །བདུག་སྤོས་འདི་ཡིས་བདུགས་བྱས་ནས། །སླར་ཡང་རང་གི་ཁྱིམ་འོངས་པས། །རྟག་ཏུ་རྒྱལ་མཚན་རྩེར་བཏགས་ན། །བདུག་པ་འདི་ཡིས་བདུགས་བྱས་ཤིང་། །ཉིན་མཚན་བདུན་གྱི་བར་དུ་ནི། །རིན་ཆེན་བདུན་གྱི་ཆར་
པ་ཕབ། །དེ་ལྟར་བདུག་པ་སྟོབས་ལྡན་ཡིན། །དེ་བཞིན་གཤེགས་པ་ཐམས་ཅད་ལ་དམིགས་ཏེ་འཇིག་རྟེན་དབང་ཕྱུག་གི་ཞལ་ནས་བྱུང་བ་དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་ཁྲོ་བོའི་རྒྱལ་པོ་སྟོང་རྩ་བརྒྱད་དོན་ཡོད་པ་འགྲུབ་པའི་བརྒྱ་རྩ་བརྒྱད་

99-1-113b

ཚིག་དང་ཡི་གེ་ཤིན་ཏུ་གསལ་བས་བཟླས་ནས་དོན་ཡོད་པའི་རྒྱ་མཚོའི་ནོར་བུ་པད་མ་ལ་རྣམ་པར་བལྟ་བའི་དཔལ་དྲི་མ་མེད་པ་དོན་ཡོད་པའི་ཞགས་པའི་སྙིང་པོ་སྟོང་ཕྲག་བཅུ་བཟླས་ཏེ། དེ་ནས་གསང་སྔགས་འདི་སྟོང་ཕྲག་བརྒྱ་བཟླས་སོ། །
ཨོཾ་སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨ་མོ་གྷ་ཧྲྀ་ད་ཡན་ཙ་ར་ཙ་ཙ་ཙ་ར་མ་ཧཱ་ཀཱ་རུ་ཎི་ཀཱ་ཡ་སཱ་དྷ་ཡ་ཧཱུཾ། ཨ་བྷི་ཥིཉྩ་ཡ་ཨ་མོ་གྷ་པཱ་ཤ་ཧསྟེ་སྭཱ་ཧཱ། དེ་ནས་གསང་སྔགས་བཟླས་བརྗོད་བྱས་ཏེ་མཉམ་པར་གཞག་སྟེ་ལས་ཐམས་ཅད་ལ་
མཁས་པས་བདུག་སྤོས་ཀྱི་མཆོག་ལ་བཟླས་པ་ཙམ་གྱི་མོད་ལ་བདུག་སྤོས་ཀྱི་རྒྱལ་པོ་ལ་དེ་བཞིན་གཤེགས་པ་ཐམས་ཅད་ཀྱིས་བརླབས་པར་འགྱུར་རོ། །དོན་ཡོད་པའི་ཞགས་པ་སྣང་བ་རྒྱ་ཆེ་བ་ནོར་བུ་ཆེན་པོའི་སྤྲིན་དྲི་མ་མེད་པ་
ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱིས་རྣམ་པར་གཟིགས་པ་འཕགས་པ་སྤྱན་རས་གཟིགས་དབང་ཕྱུག་གི་མཆོག་སྦྱིན་པའི་འཁོར་ལོས་སྒྱུར་བ་ཞེས་བྱ་བའི་བདུག་པའི་རྒྱལ་པོ་ཡིན་ཏེ་ཐོག་མར་དེ་བཞིན་གཤེགས་པ་
ཐམས་ཅད་ལ་སྔགས་འདི་ལན་བདུན་བཟླས་ཏེ་བདུག་པ་དབུལ་བར་བྱའོ། །ཨོཾ་སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་མ་ཧཱ་ཨ་མོ་གྷ་ཛ་ཡ་ཛ་ཡ་སྭཱ་ཧཱ། དེའི་འོག་ཏུ་བདག་རང་ལ་བདུགས་ན་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་
རློབ་པར་འགྱུར་རོ། །བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པ་བདུགས་པ་ཙམ་གྱི་མོད་ལ་འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པར་འགྱུར་རོ། །དགེ་སྦྱོང་དང་བྲམ་ཟེའི་གཟུགས་
ཀྱིས་དེ་དང་ལྷན་ཅིག་སྨྲ་བར་བྱེད་དེ། གང་ལ་སྨྲས་པ་དང་གང་ལ་གཏམ་བྱས་པ་དེ་ཐམས་ཅད་ཚེ་འདི་ལ་ཐམས་ཅད་འགྲུབ་པར་འགྱུར་རོ། །དེའི་འོག་ཏུ་མཚན་མོ་རང་གི་གཟུགས་སྟོན་པར་འགྱུར་ཞིང་མཆོག་སྦྱིན་པར་མཛད་དོ། །དོན་
ཡོད་པའི་ཞགས་པའི་ཡེ་ཤེས་ཐོབ་པར་འགྱུར། འཇིགས་པ་ཆེན་པོ་བརྒྱད་ལས་ཡོངས་སུ་གྲོལ་བར་འགྱུར། སྔོན་གྱི་སྒྲིབ་པ་དང་སྡིག་པ་དམྱལ་བའི་ཚོར་བ་མྱོང་བར་འགྱུར་བ་ཟད་ཅིང་མཐར་ཐུག་པར་འགྱུར་རོ། །གང་དག་གི་ལུས་

99-1-114a

ལ་བདུགས་པ་ཙམ་གྱིས་ཐམས་ཅད་དབང་དུ་འགྱུར་རོ། །ཡུལ་འཁོར་དང་གྲོང་ཁྱེར་དང་གྲོང་རྡལ་དང་ལྗོངས་དང་རྒྱལ་པོའི་བཙུན་མོའི་འཁོར་དང་བཅས་པ་དང་། བློན་པོ་དང་བྲམ་ཟེ་མདུན་ན་འདོན་དང་བཅས་པ་དབང་
དུ་འགྱུར་ཞིང་ཐམས་ཅད་བགྱི་བ་ཅི་མཆི་ཞེས་བྱ་བ་བྱེད་པར་འགྱུར་རོ། །རིགས་བཞིའི་འཇིག་རྟེན་དབང་དུ་འགྱུར་རོ། །ཚེས་བཅུ་བཞི་དང་བཅྭ་ལྔ་དང་ཚེས་བརྒྱད་ལ་ཁྲུས་ལེགས་པར་བྱ་སྟེ། གོས་གཙང་མ་བགོས་ལ་བ་ལས་
བྱུང་བ་ལྔས་བྱུགས་པས་ཁྱིམ་གྱི་ཕུགས་སུ་དཀྱིལ་འཁོར་བྱས་ལ། མེ་ཏོག་དང་མཆོད་ཡོན་གྱི་སྣོད་གཞག་པར་བྱ། གཏོར་མ་དཀར་པོ་ཉེ་བར་བཞག་པར་བྱ། དེ་བཞིན་གཤེགས་པ་ཐམས་ཅད་ལ་དམིགས་བྱང་ཆུབ་
སེམས་དཔའ་ཐམས་ཅད་ལ་དམིགས་ཏེ་ཕྱོགས་བཞིར་ཕྱག་བྱས་ལ་བདུག་པའི་རྒྱལ་པོ་འདིས་བདུག་པར་བྱས་ན། བདུགས་པ་ཙམ་གྱི་མོད་ལ་ཕྱོགས་བཅུ་མཐའ་ཡས་མུ་མེད་པའི་སངས་རྒྱས་ཀྱི་ཞིང་རྣམས་ཀྱི་རྡུལ་ཕྲ་མོ་སྙེད་ཀྱི་
དེ་བཞིན་གཤེགས་པས་ཡོངས་སུ་གང་བ་འདི་ལྟ་སྟེ་སངས་རྒྱས་ཀྱི་ཞིང་རེ་རེར་དེ་བཞིན་གཤེགས་པ་གྃ་གཱའི་ཀླུང་གི་བྱེ་བ་ཁྲག་ཁྲིག་སྟོང་ཕྲག་བརྒྱ་ལ་བདུག་པའི་སྤྲིན་འཁྲིགས་པ་ལྷའི་སྤོས་ཀྱིས་བགོས་པ་མི་མཉམ་པ་དང་མཉམ་
པའི་བདུག་སྤོས་ཆེན་པོ་ཙན་དན་སྦྲུལ་གྱི་སྙིང་པོ་དང་གོར་ཤི་ཤ་དང་ཏ་མ་ལའི་ལོ་མ་དང་བདུག་སྤོས་མང་པོ་ནམ་མཁའི་ངོས་ཁེབས་པས་མཆོད་པར་འགྱུར་རོ། །བྱང་ཆུབ་སེམས་དཔའི་འཁོར་རྣམས་དང་སུམ་བཅུ་རྩ་གསུམ་ན་གནས་པའི་
ལྷ་བརྒྱ་བྱིན་དང་ཚངས་པ་དང་ཁྱབ་འཇུག་དང་དབང་ཕྱུག་ཆེན་པོ་ལ་སོགས་པ་འོག་མིན་གྱི་གནས་ན་གནས་པའི་ལྷའི་བར་དུ་ཐམས་ཅད་བདུག་པའི་དྲིས་རབ་ཏུ་དགའ་བར་འགྱུར་རོ། །རྒྱུ་སྐར་དང་སྐར་མའི་ཚོགས་དང་ཉི་མ་དང་ཟླ་བ་
ཐམས་ཅད་དགའ་བར་འགྱུར་ཏེ་འདི་ལ་ཐེ་ཚོམ་མི་བྱ་ཞིང་ཡིད་གཉིས་བསྐྱེད་པར་མི་བྱའོ། །སྐད་ཆེན་པོས་དོན་ཡོད་པའི་ཞགས་པའི་སྙིང་པོ་བཟླས་པ་བྱས་ན་དེས་ན་སངས་རྒྱས་ཀྱི་ཞིང་ཐམས་ཅད་ན་བཞུགས་པའི་དེ་བཞིན་གཤེགས་པས་

99-1-114b

ལེགས་སོ་ཞེས་བྱ་བའི་སྒྲ་འབྱིན་པར་འགྱུར་ཞིང་རིག་སྔགས་འཆང་དེ་ལ་ཡང་དེ་བཞིན་གཤེགས་པས་བྱིན་གྱིས་རློབ་པར་འགྱུར། དུས་ཀུན་ཏུ་དགོངས་པར་འགྱུར། ཡང་དང་ཡང་དུ་གཟིགས་པའི་ཕྱིར་བྱོན་པར་འགྱུར་
རོ། །བདེ་བ་ཅན་ན་བཞུགས་པའི་དེ་བཞིན་གཤེགས་པ་ཚེ་དཔག་མེད་དང་། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་དང་། མཐུའ་ཆེན་སྟོབས་ལ་སོགས་བྱང་ཆུབ་སེམས་དཔའ་ཐམས་ཅད་ཐུགས་རབ་
ཏུ་དགྱེས་པར་འགྱུར། རིག་སྔགས་འཆང་ལ་དོན་ཡོད་པ་ཆེན་པོའི་དངོས་གྲུབ་སྩོལ་བར་མཛད་གཟིགས་བཞེད་པར་འགྱུར་རོ། །ཀླུ་ཐམས་ཅད་ལ་བདུག་པ་ཙམ་གྱིས་དབང་དུ་འགྱུར་ཞིང་ཧ་ཅང་ཆར་ཆེས་ན་གཅོད་པར་བྱེད་
ཅིང་ཆར་མི་འབབ་ན་འབེབས་པར་བྱེད་དོ། །རླུང་དང་སེར་བ་དང་སྤྲིན་ཐམས་ཅད་གཅོད་པར་བྱེད་བདུགས་པ་ཙམ་གྱིས་གདོན་ཐམས་ཅད་འཇིགས་པར་བྱེད་བགེགས་དང་ལོག་འདྲེན་ཐམས་ཅད་ཕྱོགས་བཅུར་དཔག་ཚད་སྟོང་དུ་འབྲོས་
པར་འགྱུར། མ་མོའི་གནས་སུ་བདུགས་ན་རླུང་དང་སེར་བ་དང་སྤྲིན་ཐམས་ཅད་གཅོད་པར་བྱེད་མ་མོའི་ཚོགས་དང་ནག་པོ་ཆེན་པོ་ལ་སོགས་པ་འགུགས་པར་འགྱུར་ཞིང་དབང་དུ་གྱུར་ནས་འདུག་པར་འགྱུར་བྱ་བ་ཐམས་ཅད་
བྱེད་པར་འགྱུར་རོ། །གཡུལ་འགྱེད་པའི་ཚེ་བདུགས་ན་དཔུང་གི་ཚོགས་ཡན་ལག་བཞི་ལས་རྒྱལ་བར་འགྱུར། ཐམས་ཅད་དུ་བདུགས་པ་ཙམ་གྱིས་རྒྱལ་བར་འགྱུར། ཐམས་ཅད་དུ་སྦྱར་བར་བྱེད་ན་ཀུན་དུ་གྲུབ་པ་ཆེན་པོར་འགྱུར་
རོ། །བདུག་པའི་ཆོ་གའོ།། །། འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་གཅིག་པ། དེ་ནས་རིག་སྔགས་འཆང་རྣམས་ལ་ཕན་པ་དང་བདེ་བའི་ཕྱིར་ཐིག་ལེ་བྱ་བ་དང་། གདོང་བཀྲུ་བ་དང་ལུས་
བསྐུ་བ་བྱས་ན་ཡ་ལད་དང་གོ་ཆ་བགོས་པ་དང་འདྲ་བར་འགྱུར་བ་བཤད་པར་བགྱི་ཡིས་བཅོམ་ལྡན་འདས་གསན་དུ་གསོལ། དོན་ཡོད་པའི་ནོར་བུ་རྒྱ་ཆེན་པོ་རྡོ་རྗེའི་ཞགས་པ་ཞེས་བྱ་བའི་ནོར་བུ་གང་སྦྱོར་བ་བྱེད་པ་ཙམ་གྱིས་

99-1-115a

ཐམས་ཅད་འགྲུབ་པ་བླ་ན་མེད་པ་མཁས་པས་མཛོད་སྤུ་རྣམས་སུ་ཐིག་ལེ་བྱས་ན་ཚོགས་ཀྱི་ནང་དང་སྐྱེ་བོ་མང་པོའི་ནང་དང་ཚོགས་པའི་ནང་དང་དགེ་འདུན་གྱི་ནང་དང་དེ་བཞིན་དུ་རིགས་ཀྱི་ཚོགས་བཞིའི་ནང་དང་
སྐར་མའི་ཚོགས་ཀྱི་ནང་དང་ཟླ་བ་ཚེས་པ་བཞིན་དུ་མཛེས་ཤིང་འཇིགས་པ་མེད་དོ། །ལྷ་རྣམས་ཐམས་ཅད་ཡ་མཚན་སྐྱེ། །དྲག་པོ་ཡི་ནི་ཅོད་པན་འཆང་། །འཇིག་རྟེན་མགོན་པོའི་གཡས་ཀྱི་དབུའི། །དབུ་རྒྱན་རྩེ་ཕྲན་ཟླ་
ཚེས་བཞིན། །གདོང་བཀྲུ་བ་ནི་མཆོག་ཡིན་ནོ། །ཟླ་བ་ཉ་བའི་འོད་དང་མཚུངས། །སྨིན་མ་རྣ་བ་དཔྲལ་བ་དང་། །པད་མ་དཀར་ཤམ་ཤིན་དུ་མཇམ། །མིག་གཉིས་ཨུཏ་དཔལ་སྔོན་པོ་འདྲ། །སེམས་ཅན་ཐམས་
ཅད་དགའ་བས་བལྟ། །དགའ་ཞིང་རྟག་ཏུ་ཚིག་བཙན་འགྱུར། །དེ་ཡི་མིག་གིས་གང་མཐོང་བ། །ཐམས་ཅད་དབང་དུ་གྱུར་པར་འགྱུར། །སྐྱེས་པ་དག་ལ་བསྐུ་བྱས་ན། །རྟག་ཏུ་རིག་སྨྲ་བློ་ཆེ་ཞིང་། །རྟག་ཏུ་ཡ་ལད་
གོ་བགོས་པའི། །འཇིགས་པ་མེད་པའི་ལུས་སུ་འགྱུར། །འབྱུང་པོ་རྣམས་ནི་མྀ་བཟོད་ཅིང་། །གནོད་སྦྱིན་འབྱུང་པོ་གསང་བ་པས། །རྟག་ཏུ་ཐུབ་པར་མི་འགྱུར་རོ། །སྟོབས་ཆེན་ཕ་རོལ་གནོན་པ་དང་། །རྟག་ཏུ་སྲེད་མེད་
སྟོབས་ལྡན་ཞིང་། །གླང་ཆེན་སྟོབས་ཀྱི་སྟོབས་ལྡན་འགྱུར། །ལྷ་རྣམས་འདར་ནི་ཡེད་ཡེད་ཅིང་། །ཀླུ་རྣམས་མཚོ་ན་སྐྲག་པར་བྱེད། །གལ་ཏེ་རིག་སྔགས་སྨྲ་བ་ཡིས། །རེག་ན་རི་རབ་ལྷུན་པོ་ཡང་། །གཡོ་བར་
འགྱུར་བར་ཐེ་ཚོམ་མེད། །རྟག་ཏུ་སྲེད་མེད་སྟོབས་ལྡན་ཞིང་། །སྟོབས་དང་གཟུགས་དང་རྩལ་ལྡན་འགྱུར། །ནོར་བུ་རྒྱལ་པོ་བླ་ན་མེད། །འདི་ནི་ཐོས་པ་ཙམ་གྱིས་ཀྱང་། །སྡིག་པ་ཀུན་ལས་ངེས་གྲོལ་ཞིང་། །དུག་རྣམས་
ཐམས་ཅད་འཇོམས་པར་བྱེད། །དཔལ་དང་སྐལ་བཟང་རྟག་ཐོབ་འགྱུར། །གང་གི་ལག་ཏུ་ཐོག་གྱུར་པ། །སྒྲིབ་པ་ཀུན་ལས་ངེས་གྲོལ་ཞིང་། །དེ་བཞིན་འཇིག་རྟེན་དགའ་བར་འགྱུར། །དེ་ནི་དེ་བཞིན་གཤེགས་ཀུན་གྱི། །ཐུགས་

99-1-115b

སྐྱེས་གསུང་སྐྱེས་སྲས་སུ་འགྱུར། །འཕགས་པ་སྤྱན་རས་གཟིགས་དབང་ཕྱུག །བླ་མ་རྟག་ཏུ་རྗེས་འབྲང་ཞིང་། །རིག་སྔགས་སྨྲ་བ་དབུགས་འབྱུང་ཕྱིར། །དེ་བཞིན་དུ་ནི་བསྲུང་བ་དང་། །རྟག་ཏུ་མཆོག་ནི་སྦྱིན་པར་འགྱུར། །
འཇིག་རྟེན་མགོན་པོ་ཐུབ་ཆེན་གྱི། །བསོད་ནམས་ཕུང་པོ་ཆེན་པོ་འཐོབ། །གང་ཞིག་ནོར་བུ་འདི་འཆང་བ་དེ་དེ་བཞིན་གཤེགས་པ་གང་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་བཅུ་རྩ་བཞི་སྙེད་ལ་དགེ་བའི་རྩ་བ་བསྐྱེད་
པར་འགྱུར། དེ་བཞིན་གཤེགས་པ་དེ་དག་ཐམས་ཅད་མཐོང་ཞིང་དབུགས་འབྱིན་པ་དང་། ཕྱི་བཞིན་འབྲང་བར་འགྱུར། དཔལ་དང་སྐལ་བ་བཟང་པོ་ཐམས་ཅད་དང་ལྡན་པར་འགྱུར། རྟག་ཏུ་ལུས་དང་ངག་དང་ཡིད་ཡོངས་སུ་དག་པར་
འགྱུར། སེམས་ཅན་ཐམས་ཅད་ཀྱིས་མཆོད་པ་གཅིག་པུར་འགྱུར། དགྲ་ཐམས་ཅད་ཀྱིས་མི་སོད་པར་འགྱུར། ཕྱག་ན་རྡོ་རྗེས་དེ་ལ་རྟག་ཏུ་བསྲུང་བ་དང་། བསྐྱབ་པ་དང་། སྦ་བའི་ཕྱིར་གནས་པར་འགྱུར་རོ། །ཕྱག་ན་པད་མ་
ཡང་རྟག་ཏུ་མཆོག་སྦྱིན་པར་འགྱུར་རོ། །རིག་སྔགས་འཆང་འདི་ནི་དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པ་སྟེ། འདིར་དེ་བཞིན་གཤེགས་པ་ཐམས་ཅད་ཀྱི་ནོར་བུ་ཆེན་པོ་གཟུངས་བས་སྡང་བ་བདུད་ལ་སོགས་པ་
ཐམས་ཅད་དང་བགེགས་དང་ལོག་འདྲེན་ཐམས་ཅད་ལས་རྒྱལ་ཏེ་ཕ་རོལ་ཕམ་པར་མཛད་ནས་ཆོས་ཀྱི་འཁོར་ལོ་བསྐོར་རོ། །འདིས་རྔ་བོ་ཆེ་ལ་བསྐུས་ཏེ་བརྡུངས་ནས་ཆོས་ཀྱི་རྔ་བོ་ཆེ་བརྡུངས་པར་འགྱུར་རོ། །གང་དག་སྒྲ་ཐོས་
པ་ཙམ་གྱིས་སེམས་ཅན་ཐམས་ཅད་ཀྱི་མཚམས་མེད་པ་ལྔའི་སྡིག་པ་རབ་ཏུ་ཞི་བར་འགྱུར་རོ། །ཐ་ན་དུད་འགྲོའི་སྐྱེ་གནས་སུ་གཏོགས་པ་རི་དགས་དང་བྱ་གང་ཡིན་པ་དེ་དག་ཐམས་ཅད་ཡོངས་སུ་གྲོལ་བར་འགྱུར་
རོ། །འཕགས་པ་ལ་སྐུར་པ་འདེབས་པ་དང་། དམ་པའི་ཆོས་སྤོང་བ་དང་། མནར་མེད་པ་ལ་གཞོལ་ཞིང་གནས་པ་དག་ལས་ཡོངས་སུ་གྲོལ་བར་འགྱུར། དམྱལ་བ་ཆེན་པོ་བཅུ་དྲུག་ལས་ཡོངས་སུ་གྲོལ་བར་འགྱུར། འཇིགས་

99-1-116a

པ་ཆེན་པོ་བརྒྱད་ལས་ཡོངས་སུ་གྲོལ་བར་འགྱུར། དེ་ལ་དུག་གི་འཇིགས་པ་འབྱུང་བར་མི་འགྱུར། མེའི་འཇིགས་པ་འབྱུང་བར་མི་འགྱུར། མཚོན་གྱི་འཇིགས་པ་འབྱུང་བར་མི་འགྱུར། དུས་མ་ཡིན་པར་འཆི་བའི་འཇིགས་པ་
འབྱུང་བར་མི་འགྱུར། རིམས་ཐམས་ཅད་ཀྱི་འཇིགས་པ་འབྱུང་བར་མི་འགྱུར། འདིས་དུང་ལ་བསྐུས་ཏེ་བུས་ན་ཆོས་ཀྱི་དུང་ཆེན་པོ་བུས་པར་འགྱུར། ཐ་ན་དུང་གི་སྒྲ་ཐོས་པའི་བར་དེ་དག་ཐམས་ཅད་ཀྱང་སླར་ལྡོག་པར་མི་
འགྱུར། སྐྱེས་པ་དང་བུད་མེད་དང་ཁྱེའུ་དག་ཀྱང་སྐྱེ་བ་དང་རྒ་བ་དང་ནད་དང་འཆི་བ་དང་མྱ་ངན་དང་། སྨྲེ་སྔགས་འདོན་པའི་སྡུག་བསྔལ་ལས་ཡོངས་སུ་གྲོལ་བར་འགྱུར། འདི་ནི་སྐྱེ་བ་ཕྱི་མ་ཡིན་ཏེ། ཤི་ན་ཐམས་ཅད་རིགས་
མཐུན་པར་བདེ་བ་ཅན་གྱི་འཇིག་རྟེན་གྱི་ཁམས་སུ་པད་མ་ལ་བརྫུས་ཏེ་སྐྱེ་བར་འགྱུར་། ལུས་སྐྱེས་བུ་ཆེན་པོའི་མཚན་དང་དཔེ་བྱད་ཀྱིས་བརྒྱན་པ་རྒྱན་ཐམས་ཅད་ཀྱིས་ཀླུབས་པ་པད་མ་ལས་སྐྱིལ་མོ་དཀྲུང་བཅས་ཏེ་སྐྱེ་བར་འགྱུར་
རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་འོད་དཔག་མེད་ལས་མངོན་སུམ་དུ་ཆོས་ཀྱི་གཏམ་ཐོབ་པར་འགྱུར་རོ། །ཟླ་བ་ཡར་གྱི་ངོ་ལ་ཅོད་པན་དཀར་པོ་བཅིངས་ཏེ་ནོར་བུ་ཆེན་པོ་འདི་རྒྱལ་མཚན་གྱི་རྩེ་མོ་ལ་བཏགས་ཏེ་
བསྒྲེང་བ་ཙམ་གྱི་མོད་ལ་ཆོས་ཀྱི་རྒྱལ་མཚན་བསྒྲེང་བར་འགྱུར་རོ། །འདི་རྒྱལ་མཚན་གྱི་རྩེ་མོ་ལ་བཏགས་པ་མཐོང་བ་ཙམ་གྱིས་དེ་བཞིན་གཤེགས་པ་བྱང་ཆུབ་ཀྱི་སྙིང་པོར་ཆོས་ཀྱི་འཁོར་ལོ་བསྐོར་བ་དང་བདུད་འདུལ་བའི་
རྒྱལ་མཚན་སྒྲེང་བ་མཐོང་བར་རིག་པར་བྱའོ། །འདི་བསྒྲེང་བ་ཙམ་གྱིས་འཐབ་པ་དང་། བརྩོད་པ་དང་ཁྲག་ཁྲུག་ཐམས་ཅད་ཞི་བར་འགྱུར། གནོད་པ་ཐམས་ཅད་དང་མི་ངས་དང་། མུ་གེའི་དགོན་པ་རབ་ཏུ་ཞི་བར་འགྱུར། ཆོམ་པོ་དང་
གཡོན་ཅན་དང་རྐུན་མ་དང་ཕྱིར་རྒོལ་བ་དང་མི་མཛའ་བ་འཇིག་པར་འགྱུར། རང་གི་དཔུང་དང་གཞན་གྱི་དཔུང་དང་སྡང་བའི་སེམས་ཀྱང་རབ་ཏུ་ཞི་བར་འགྱུར། དུག་མི་བཟད་པ་དང་གཅན་གཟན་གཏུམ་པོ་དང་བྱ་དང་སྦྲང་བུ་ཤ་སྦྲང་དང་ཕྱེ་བ་དང་སྡིག་

99-1-116b

སྦྲུལ་དང་འབྲས་དང་ལུའུ་ཏ་དང་དུག་དང་ཤུ་བ་དང་ལྷོག་པ་དང་མཚན་བར་བརྡོལ་བ་དང་སྐེ་བགེགས་པ་འཇིག་པར་འགྱུར། སྡང་བའི་ཀླུ་དང་སེར་བ་དང་གྲང་བ་དང་རླུང་གིས་མི་ཚུགས་ཤིང་བདེ་བ་དང་དགའ་བ་དང་ལོ་ལེགས་པ་དང་
སྐྱེ་བོ་མང་པོ་དང་མི་མང་པོས་ཡོངས་སུ་གང་ཞིང་འབྱོར་བར་འགྱུར། ཆོས་འདོད་ཅིང་ཆོས་ཀྱི་ཀུན་དགའ་ལ་དགའ་བ་དང་མགུ་བར་འགྱུར། མེ་ཏོག་དང་འབྲས་བུ་དང་ལོ་ཏོག་དང་ཟས་དང་སྐོམ་རོ་ཞིམ་པ་དང་། ཤིན་དུ་
འཇམ་པ་ཕུན་སུམ་ཚོགས་པར་འགྱུར། སྡང་བའི་གནོད་སྦྱིན་དང་སྲིན་པོ་དང་འབྱུང་པོ་དང་ཤ་ཟ་དང་ཕྲ་མེན་མ་དང་། ཡི་དགས་དང་བརྗེད་བྱེད་དང་སྲུལ་པོ་དང་ལུས་སྲུལ་པོ་དང་སྐེམ་བྱེད་དང་གྲིབ་མ་དང་བཟའ་ཉེས་དང་
ཉེས་དང་བལྟ་ཉེས་དང་གྲིབ་མ་ངན་པ་ཞི་བར་འགྱུར་ཞིང་མི་ཚུགས་པར་འགྱུར། སེམས་ཅན་དེ་དག་ཐམས་ཅད་ཕན་ཚུན་དུ་བྱམས་པའི་སེམས་སུ་འགྱུར། མཆོག་ཏུ་ཡིད་བདེ་བའི་གནས་པས་གནས་པར་འགྱུར་རོ། །ཡོན་
ཏན་དང་ཕན་ཡོན་ཆེན་པོ་དེ་དག་ནི་ནོར་བུའི་རྒྱལ་པོ་ཆེན་པོའི་བྱིན་གྱིས་བརླབས་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱི་སྤྱན་སྔ་ན་བཞིན་འཛུམ་ཞིང་མིག་མི་
འཛུམ་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གྲུབ་པའི་རྫས་ཀྱི་མཆོག་ནོར་བུ་གདགས་པ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ཤིང་ལུང་བསྟན་པ་བདག་གི་སྙིང་པོ་ཡིད་བཞིན་གྱི་
ནོར་བུ་ཆེན་པོ་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་ཞུགས་པ་རྗེས་སུ་བསྒྲགས་པར་བགྱིའོ། །གསེར་དང་ན་ལ་ད་དང་གི་ཝང་དང་བ་བླ་དང་ལྡོང་རོས་དང་པད་མ་དང་ཨུཏ་པ་ལ་དང་གུར་གུམ་དང་ནཱ་ག་སྤུས་པ་དང་ཏྭ་ཙ་
དང་། ཏར་ག་དང་ཙན་དན་རྣམས་གཉིས་དང་སྤྲིག་ཀ་དང་ཀ་ལ་ཀཱ་དང་ར་སྟ་དང་ཤུ་ཏི་དང་པྲི་ཡང་ཀུ་དང་ཧ་རེ་ནུ་ཀེ་དང་། སུག་སྨེས་དང་ལོ་དྷ་དང་ཛཱ་ཏ་པ་ཀྲི་ཀཱ་སུ་མ་ན་དང་སཱ་མ་ཀ་དང་སྲ་རྩི་པོག་དང་ཤིང་ཨརྐའི་འོ་མ་རྣམས་བསོགས་ཏེ་ཆ་མཉམ་

99-1-117a

པར་བྱས་ལ་གསེར་གཉིས་འགྱུར་དུ་བྱས་ཏེ་རྒྱུ་སྐར་བཟང་པོ་དང་ཚེས་གྲངས་ཤིས་ཤིང་དགེ་བ་ལ་ཁྲུས་ལེགས་པར་བྱས་ཏེ་གོས་བཙང་མ་བགོས་ནས་ཉིན་ཞག་གཅིག་བྱམས་པའི་སེམས་ལ་མཉམ་པར་གཞག་སྟེ། 
ཕྱེ་མ་ཞིབ་མོར་བྱས་ཏེ་དོན་ཡོད་པའི་རྒྱལ་པོའི་སྙིང་པོའི་གཟུངས་སྟོང་རྩ་བརྒྱད་བཟླས་ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་ཏེ་གཏོར་ལ་དྲི་ཆབ་བཟང་པོས་སྤོངས་ཏེ་སྦྱར་ལ་གསེར་དང་བསྲེས་ལ་ག་པུར་དང་གླ་རྩིའི་བདུག་པ་བདུགས་
ཏེ་ནོར་བུ་ཞོ་གཉིས་པའི་ཚད་དུ་བྱས་ནས་ཕུག་ལ་རས་སྐུད་ཀྱིས་བཏགས་ཏེ་གསེར་གྱིས་གཡོགས་ལ་ཡང་དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་བཟླས་ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་ཏེ་འཕགས་པ་སྤྱན་རས་
གཟིགས་དབང་ཕྱུག་གི་སྤྱན་སྔར་མི་སྨྲ་བར་སྒྲུབ་པ་བྱས་ལ་དེ་ཉིད་ཀྱི་ཞབས་དྲུང་དུ་གྲིབ་མ་ལ་བསྐམ་པར་བྱས་ཏེ་ཕྱེད་དམ་བཞི་ཆ་གསེར་གྱིས་གཡོག་པར་བྱ་ཞིང་ཕྱེད་གཡོག་པར་མི་བྱའོ། །གང་ལ་གསེར་གྱིས་གཡོགས་པ་
འདི་ནི་གང་ལ་དོན་ཡོད་པའི་ཞགས་པ་ཡིད་བཞིན་གྱི་ནོར་བུ་ཆེན་པོ་དང་འདྲ་སྟེ་སངས་རྒྱས་ཀྱི་བྱང་ཆུབ་དང་འཇིག་རྟེན་པ་དང་འཇིག་རྟེན་ལས་འདས་པའི་ལས་ཆེན་པོ་སྒྲུབ་པར་བྱེད་དོ། །གསེར་གྱིས་མ་གཡོགས་པས་ནི་འཇིག་རྟེན་
པའི་དགོས་པ་ཐམས་ཅད་སྒྲུབ་པར་བྱེད་དེ། ནད་ཐམས་ཅད་དང་། གདོན་ཐམས་ཅད་དང་ལུ་ཏ་དང་འབྲས་དང་འགོ་བའི་ནད་དང་ཤུ་བ་དང་ལྷོག་པ་དང་མཚན་བར་བརྡོལ་བ་དང་ཕོལ་མིག་དང་ཤ་བཀྲ་དང་མིག་ནད་དང་ཀླད་ནད་དང་གཞོགྶ་
ཕྱེད་ན་བ་དང་ཁ་ནད་དང་སྣ་ནད་དང་རྣ་བའི་ནད་དང་སོ་ནད་དང་རྐན་ན་བ་དང་ལྕེ་ན་བ་དང་མཆུ་ན་བ་དང་སྙིང་ན་བ་དང་རྩིབ་ལོགས་ན་བ་དང་ལྟོ་ན་བ་དང་མཆིན་པ་ན་བ་དང་རྒྱབ་ན་བ་དང་གཅིན་སྙིང་བ་དང་ཟུག་གཟེར་དང་འཁྲུ་བ་དང་ཕོ་བའི་
ནད་དང་གཞང་འབྲུམ་ཐམས་ཅད་རབ་ཏུ་ཞི་བར་འགྱུར་ཞིང་རིམས་ཐམས་ཅད་རབ་ཏུ་ཞི་བར་འགྱུར་ཏེ་རིམས་ཉིན་བཞི་པ་དང་རླུང་ལས་གྱུར་པ་དང་མཁྲིས་པ་ལས་གྱུར་པ་དང་བད་ཀན་ལས་གྱུར་པ་དང་། འདུས་པ་ལས་གྱུར་

99-1-117b

པ་རྣམས་རབ་ཏུ་ཞི་བར་འགྱུར་རོ། །ལུས་ཀྱི་ནང་གི་ནད་ཐམས་ཅད་ལ་ཆུ་དྲོན་དང་བ་སྦྱིན་ནོ། །ཕ་རོལ་གྱི་ནད་ཐམས་ཅད་དང་གནོད་པ་ཐམས་ཅད་ལ་བྱུགས་པ་ཙམ་གྱིས་ཡོངས་སུ་གྲོལ་བར་འགྱུར་རོ། །ཐམས་ཅད་དུ་དགོས་
པ་ཐམས་ཅད་ལ་སྦྱར་བ་ཙམ་གྱིས་ཐམས་ཅད་འགྲུབ་པར་འགྱུར་ཏེ་ཐེ་ཚོམ་མི་བྱའོ། །གསེར་གྱིས་གཡོགས་པ་དཔུང་པ་ལ་བཏགས་ན་ཐམས་ཅད་དུ་ཐོགས་པ་མེད་པར་འགྱུར་ཏེ། སྟོབས་དང་བརྩོན་འགྲུས་དང་། ཕ་
རོལ་གནོད་པ་ཕྱག་ན་རྡོ་རྗེ་དང་། པད་མ་འཆང་དང་འདྲ་བར་འགྱུར་རོ། །དགོས་པ་ཐམས་ཅད་འགྲུབ་པ་བླ་ན་མེད་པ་རྣམ་པ་གསུམ་པོ་འདི་ལ་སྦྱར་བར་བྱས་ཏེ། ཐིག་ལེ་དང་གདོང་པ་བཀྲུ་བ་དང་ལུས་བཀྲུ་བའོ། །
ཡིད་ལ་ཇི་ལྟར་བསམ་པའི་དགོས་པ་བསྒྲུབ་པའི་དེ་ཁོ་ན་ཉིད་འགྲུབ་པ་སྟེ། ཐེ་ཚོམ་མི་བྱའོ། །རྒྱལ་པོ་བཙུན་མོའི་འཁོར་དང་བཅས་པ་དང་། སྐྱེ་བོ་དང་བློན་པོར་བཅས་པ་བྲན་བཞིན་དུ་དབང་དུ་འགྱུར་རོ། །ནོར་བུ་སྤྱི་
གཙུག་ཏུ་བཞག་ནས་རིག་སྔགས་བཟླས་ན་བགེགས་མེད་པར་ཐམས་ཅད་འགྲུབ་པར་འགྱུར་རོ། །ལག་པ་གཡས་པ་ལ་བཏགས་ཏེ་རིག་སྔགས་བཟླས་ན་བཟླས་བརྗོད་ཀྱི་ཆོ་ག་སྟོང་ཕྲག་བརྒྱ་འགྱུར་དུ་བྱས་པར་
འགྱུར་ཏེ། ལན་ཅིག་བཟླས་པས་སྟོང་ཕྲག་བརྒྱར་རབ་ཏུ་འཕེལ་བར་འགྱུར་རོ། །མགུལ་པར་བཏགས་ཏེ་བཅངས་ན་ཁྲུས་མ་བྱས་པ་ཁྲུས་བྱས་པར་འགྱུར། མི་གཙང་བ་གཙང་བར་འགྱུར། ཚངས་པར་མི་སྤྱོད་པ་
ཚངས་པར་སྤྱོད་པར་འགྱུར། ཐུབ་པར་མ་བྱས་པ་ཐུབ་པར་བྱས་པར་འགྱུར། སྨྱུང་བ་མ་བྱས་པ་སྨྱུང་བ་བྱས་པར་འགྱུར། ཚིག་མི་བཙན་པ་ཚིགས་བཙན་པར་འགྱུར། མ་གྲུབ་པ་གྲུབ་པར་འགྱུར། དམ་ཚིག་མི་
ཤེས་པ་དམ་ཚིག་ཤེས་པར་འགྱུར། བྱམས་པའི་སེམས་དང་ལྡན་པར་འགྱུར། སྦྱིན་པ་གང་ཅང་ཟད་ཅི་སྦྱིན་པ་ཆུང་ངུ་ཡང་སྟོང་ཕྲག་བརྒྱ་འགྱུར་དུ་སྦྱིན་པ་ཆེན་པོ་འཕེལ་བར་འགྱུར། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་

99-1-118a

པར་འགྱུར། ནོར་བུ་འདི་ལག་མཐིལ་གཡས་པ་ལ་བཏགས་ན་གང་ལ་རེག་པ་དེ་ཟད་མི་ཤེས་པར་འགྱུར་རོ། །སུ་ལ་ཡང་བརྗོད་པར་མི་བྱ་སྟེ་དེའི་འོག་ཏུ་དེ་དག་ཐམས་ཅད་འཕེལ་བར་འགྱུར་རོ། །རྐེད་པ་
ལ་བཏགས་ཏེ་ཆུའི་ནང་དུ་ཞུགས་ན་ཆུ་ཀླུང་ཆེན་པོའི་གཏིང་དུ་བསླེབས་པར་འགྱུར་རོ། །དེ་ནས་ནོར་བུ་བསྒྲུབ་པར་འདོད་པས་དངུལ་ཤིན་དུ་ཡོངས་སུ་དག་པ་ལས་པད་མ་འདབ་མ་སུམ་བཅུ་རྩ་གཉིས་པ་ཁ་ཕྱེ་བ་དབུས་ཀྱི་
སྙིང་པོ་དང་ཟེ་བ་ཟ་མ་ཏོག་འདྲ་བ་སོར་བཅུ་དྲུག་བཅུ་དྲུག་པའི་ཚད་དུ་བྱས་ལ་དེའི་དབུས་སུ་གསེར་གྱི་ནོར་བུ་བཞག་པར་བྱའོ། །བ་ལང་གི་ལྕི་བ་བ་ལང་གི་གཅིན་དང་ལྡན་པས་དཀྱིལ་འཁོར་གྲུ་བཞི་པ་བྱས་ལ་ཚོན་སྣ་ཚོགྶ་
ཀྱིས་བྲི་བར་བྱ་སྟེ། ཁོ་ར་ཁོར་ཡུག་ཏུ་པད་མ་བྲིས་ལ་པད་མའི་དབུས་ཀྱི་ཟེ་བར་དངུལ་ལས་བྱས་པའི་པད་མ་གཞག་སྟེ། བུམ་པ་གང་བ་བཞི་དང་གཏོར་མའི་བུམ་པ་བཞི་གཞག་པར་བྱ་ཞིང་མེ་ཏོག་བགྲམ་པར་བྱ། ཚོན་རྣམ་པ་
སྣ་ཚོགས་ཀྱི་བྲི་བར་བྱ། ཨ་ཀ་རུ་དང་ཙན་དན་དང་དུ་རུ་ཀའི་བདུག་པ་བདུག་ཅིང་གཏོར་མ་དཀར་པོ་གཞག་པར་བྱ། འཕན་བདུགས་རྣམ་པ་སྣ་ཚོགས་ཀྱིས་བརྒྱན་པར་བྱ། མར་གྱི་མར་མེ་སུམ་བཅུ་རྩ་གཉིས་ཀྱང་གཏམ་པར་
བྱ། འབྲས་བུ་དང་མེ་ཏོག་ཕྲེང་སྣ་ཚོགས་གཞག་པར་བྱ། འཕགས་པ་སྤྱན་རས་གཟིགས་དབང་ཕྱུག་མངོན་དུ་ཕྱོགས་པར་གཞག་སྟེ། རིག་སྔགས་འཆང་གཙང་མའི་གོས་གཙང་མ་བགོས་ལ་ཉིན་མཚན་གཅིག་སྨྱུང་
བ་བྱས་ལ། ཚེས་བཅྭ་ལྔ་ནས་ཉི་ཤུ་དགུ་དང་གནམ་སྟོང་གི་བར་དུ་མཚམས་གསུམ་དུ་མཆོད་པར་བྱ་ཞིང་། པད་མ་ཟ་མ་ཏོག་ཅན་དེ་དང་འཕགས་པ་སྤྱན་རས་གཟིགས་དབང་ཕྱུག་ལའང་མཆོད་པ་བྱས་ལ་དཀྱིལ་འཁོར་གྱི་
ཤར་ཕྱོགས་སུ་མངོན་དུ་ཕྱོགས་ཏེ་འདུག་ལ་བཟླས་བརྗོད་སྟོང་རྩ་བརྒྱད་བྱ། ཁྲོ་བོའི་རྒྱལ་པོ་སྟོང་རྩ་བརྒྱད་བཟླས་ཏེ་ཡུངས་དཀར་དང་ཆུས་དབང་བསྐུར་བར་བྱ། དོན་ཡོད་པའི་ཞགས་པའི་ཕྱག་རྒྱ་སྟོང་རྩ་བརྒྱད་བྱ། དེ་བཞིན་དུ་ཁྲོ་བོའི་ཕྱག་རྒྱ་

99-1-118b

བྱའོ། །མི་སྨྲ་བར་དགོས་པ་ཐམས་ཅད་བྱས་ནས་དེའི་འོག་ཏུ་ཚེས་བཅྭ་ལྔ་ཟླ་བ་ཉའི་ནང་པར་གྱི་དུས་མཚམས་སུ་ནོར་བུའི་རྒྱལ་པོ་པད་མ་དང་བཅས་ཏེ་གཅིག་ཏུ་འབར་བར་འགྱུར་ཞིང་། འཕགས་པ་སྤྱན་རས་གཟིགས་དབང་ཕྱུག་
གི་ཞལ་ནས་སྒྲ་འབྱུང་བར་འགྱུར། རིག་སྔགས་འཆང་དགའ་བར་འགྱུར། ནམ་མཁའི་དཀྱིལ་ནས་ལེགས་སོ་ཞེས་བྱ་བའི་སྒྲ་འབྱུང་བར་འགྱུར། དེ་བཞིན་གཤེགས་པའི་སྒྲ་ཆེན་པོ་མཐོང་བར་འགྱུར། དེ་ནས་རིག་སྔགས་འཆང་གིས་
པད་མ་འབར་བ་དེ་ལག་པ་གཡས་པས་བླངས་ཏེ། བླངས་པ་ཙམ་གྱི་མོད་ལ་ནམ་མཁའ་ལ་འགྲོ་བར་འགྱུར་ཞིང་། རིག་སྔགས་འཆང་ཐམས་ཅད་ཀྱི་འཁོར་ལོས་སྒྱུར་བར་འགྱུར། འཁོར་ལོས་སྒྱུར་བའི་རྒྱལ་པོ་གསེར་གྱི་མདོག་
ཅན་ལྟ་ན་སྡུག་པ་ཆེན་པོ་མདུན་ན་གནས་པར་འགྱུར། སྡང་བ་དང་ཕྱིར་རྒོལ་བ་དང་མི་འཛའ་བ་ཐམས་ཅད་ཟློག་པར་བྱེད། འཁོར་བྱེ་བ་སྟོང་ཕྲག་བཅུ་གཉིས་དང་ལྡན་པའི་རིག་སྔགས་འཆང་གི་རྒྱལ་པོར་འགྱུར། ཚེ་སྐལ་པ་སྟོང་
ཐུབ་པར་འགྱུར། དོན་ཡོད་པའི་རྣམ་པར་བལྟ་བའི་ནོར་བུ་ཆེན་པོ་རྒྱལ་མཚན་གྱི་རྩེ་མོ་དང་ལྡན་པའི་ཏིང་ངེ་འཛིན་ཐོབ་པར་འགྱུར། དོན་ཡོད་པའི་དྲི་མ་མེད་པ་འབར་བའི་རྩེ་མོ་རྣམ་པར་ལྟ་བ་ཞེས་བྱ་བའི་དོན་ཡོད་པའི་ཞགས་པ་འཐོབ་པར་འགྱུར། 
ཕྱོགས་བཅུ་ཀུན་གྱི་དེ་བཞིན་གཤེགས་པའི་ཞིང་གི་རྣམ་པར་འཕྲུལ་པ་མཐོང་བར་འགྱུར། དེ་བཞིན་གཤེགས་པ་དེ་དག་ཐམས་ཅད་ཀྱིས་དབུགས་འབྱིན་པར་འགྱུར། ནོར་བུ་ཆེན་པོ་ཡོངས་སུ་དག་པ་རྡོ་རྗེ་ལ་རྣམ་པར་ལྟ་བའི་འོད་
ཀྱིས་ལུས་རྣམ་པར་དག་པ་འཐོབ་པར་འགྱུར། ལྷ་དང་ཀླུ་དང་གནོད་སྦྱིན་དང་སྲིན་པོ་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་། ལྟོ་འཕྱེ་ཆེན་པོ་རྣམས་བགྱི་བ་ཅི་མཆི་ཞེས་དབང་དུ་བགྱི་བར་འགྱུར། མགོའི་སྤྱི་བོར་
བཏགས་ན་ནོར་བུ་ཆེན་པོ་རྫུ་འཕྲུལ་གྱིས་ནུབ་ཕྱོགས་སུ་སོང་ནས་བདེ་བ་ཅན་གྱི་རབ་ཏུ་དབྱེ་བ་གཞལ་མེད་ཁང་དང་བཅས་འཁོར་དང་བཅས་ལེགས་པར་བརྒྱན་པའི་དཀྱིལ་འཁོར་དང་བྱང་ཆུབ་སེམས་དཔའི་ཚོགས་དང་བཅས་པ་མཐོང་བར་

99-1-119a

འགྱུར་རོ། ། ཁར་བཅུག་ན་ཉི་མ་རེ་རེ་བཞིན་ཚིགས་སུ་བཅད་པ་སྟོང་ལོབས་པར་འགྱུར་རོ། །མིད་པ་ཙམ་གྱིས་ཐོས་པ་རྒྱ་མཚོ་བསགས་པར་འགྱུར་རོ། །ལྕེའི་རྩེ་མོར་གཞག་ན་ལྕེ་པད་མ་དང་ཀུ་མུ་ད་ལྟར་འཇམ་པར་
འགྱུར་ཞིང་ཐོས་པ་མང་པོ་འཛིན་པར་འགྱུར་རོ། །ལག་པ་ལ་བྱུགས་ན་གང་ལ་རེག་པ་དེ་བགྱི་བ་ཅི་མཆིས་ཞེས་དེ་བཞིན་གཤེགས་པ་དེ་དག་ལས་ཆོས་གནང་བའི་སྒོའི་ཆོས་བཤད་པ་ཆེན་པོ་ཐོས་པར་འགྱུར། འཕགས་པ་སྤྱན་རས་
གཟིགས་དབང་ཕྱུག་གི་གཟུགས་དང་རྒྱན་དང་གཞལ་མེད་ཁང་སྟོན་པར་འགྱུར། མགུལ་དུ་བཏགས་ན་ཕུག་གིས་གནས་ཐམས་ཅད་དུ་འཇུག་པར་འགྱུར་ཐམས་ཅད་དུ་རྒྱལ་བའི་རྗེ་དཔོན་དང་འཁོར་ལོས་སྒྱུར་བའི་རྒྱལ་པོར་
འགྱུར་ཕུག་སྟོང་ཕྲག་དྲུག་བཅུ་རྩ་བཞིའི་སྒོ་འབྱེ་བར་འགྱུར། དཔུང་པ་གཡས་པ་ལ་བཏགས་ན་མི་སྣང་བར་འགྱུར་ཞིང་ལུས་མི་སྣང་བ་གང་གཱའི་ཀླུང་གི་བྱེ་བ་སྟོང་ཕྲག་བརྒྱ་སྙེད་ཀྱི་ལུས་མི་སྣང་བ་རྣམས་ཀྱི་མཆོག་རྗེ་དཔོན་དང་
རྒྱལ་པོར་འགྱུར་རོ། །དཔུང་པ་གཡོན་པ་ལ་བཏགས་ན་གནོད་སྦྱིན་དང་སྲིན་པོ་དང་འབྱུང་པོ་ལ་སོགས་པ་ཐམས་ཅད་མི་སྣང་བར་བྱས་པར་འགྱུར། ཐམས་ཅད་ཀྱི་གནས་ཀྱི་གཞལ་མེད་ཁང་སྒོ་བྱེ་ཞིང་འདུག་པར་འགྱུར་རོ། །རྐེད་
པ་ལ་བཏགས་ན་གཏེར་ཐམས་ཅད་འབྱུང་བར་འགྱུར། པུས་མོ་གཡས་པ་དང་བརླ་གཡས་པ་ལ་བཏགས་ན་ནགས་ཀྱི་ཕུག་གི་གཞལ་མེད་ཁང་གི་གནས་ཐམས་ཅད་ཀྱི་སྒོ་ཕྱེ་ཞིང་། སྨན་གྱི་དངོས་པོ་ཐམས་ཅད་རང་གི་གཟུགྶ་
ཀྱིས་མདུན་ན་གནས་པར་འགྱུར་ཞིང་ཐམས་ཅད་དབང་དུ་འགྱུར་རོ། །རྐང་པའི་རྗེ་ངར་ལ་བཏགས་ན་རླུང་གི་ཕུང་པོ་དང་པོའི་སྟོབས་ཀྱི་ཤུགས་ཆེན་པོ་དང་ལྡན་པར་འགྱུར་ཞིང་། ཅུང་ཟད་ཙམ་སོང་བས་དཔག་ཚད་སྟོང་ཕྲག་བཅུར་འགྲོ་ཞིང་སླར་ཡང་འོང་
བར་འགྱུར། ཉིན་མཚན་གཅིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རླུང་ཆེན་པོའི་ཤུགས་ཀྱི་སྟོབས་དང་བརྩོན་འགྲུས་ཀྱིས་སོང་སྟེ། སླར་ཡང་འོང་བར་འགྱུར་ཞིང་གང་གིས་ཀྱང་གནོད་པར་མི་འགྱུར། ཐམས་ཅད་དུ་དགོས་པ་

99-1-119b

བསྒྲུབ་པ་ཐམས་ཅད་འགྲུབ་པར་འགྱུར་རོ། །རྐང་མཐིལ་ལ་བཏགས་ན་སའི་འོག་གི་དངོས་གྲུབ་ཆེན་པོ་ཐོབ་པར་འགྱུར་ཞིང་། སའི་འོག་ཕུག་གི་སྒོ་ཐམས་ཅད་བྱེ་བར་འགྱུར་ཏེ་རང་ཇི་ལྟར་འདོད་པ་དེར་འཇུག་ཅིང་འབྱུང་བར་འགྱུར་རོ། བྲན་
བཞིན་དུ་འགྱུར་རོ། །སྐྱེས་པ་དང་བུད་མེད་དང་ཁྱེའུ་དང་དགེ་སྦྱོང་དང་བྲམ་ཟེ་དང་ཐམས་ཅད་བགྱི་བ་ཅི་མཆིས་ཤེས་ཐམས་ཅད་དབང་དུ་འགྱུར་རོ། །ནོར་བུ་བསྒྲུབ་པའི་ཆོ་གའོ། ། དེ་ནས་བྱང་ཆུབ་སེམས་དཔའ་སེམས་དཔའ་
ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་དོན་ཡོད་གྲུབ་ཀྱི་བུམ་པ་རབ་མཆོག་ཅེས་བགྱི་བའི་སྒྲུབ་པའི་ཆོ་ག་ཆེན་པོ་མཆིས་ཏེ། དོན་ཡོད་
པའི་ཞགས་པའི་སྙིང་པོ་ཡིད་བཞིན་གྱི་ནོར་བུའི་གཟུངས་ཀྱི་མཐུ་བསྟན་པ་ཇི་ལྟ་བ་དེར་དེ་ལྟར་བཅོམ་ལྡན་འདས་བུམ་པ་ཆེན་པོའི་མཐུ་བསྒྲུབ་པའི་ཆོ་ག་འདི་རྣམ་པར་འཕྲུལ་པ་བསམ་གྱིས་མི་ཁྱབ་པ་སྒྲུབ་པ་འགྲུབ་པར་འགྱུར་ལགས་
སོ། །རིག་སྔགས་འཆང་རྣམས་ལ་ཕན་པ་དང་བདེ་བའི་ཕྱིར་དེ་ཁོ་ན་ཉིད་ཡང་དག་པར་སྒྲུབ་པར་འགྱུར་བ་ལགས་སོ། །དེ་ནས་གསེར་རམ་དངུལ་ལམ་ཟངས་སམ་ཁམ་པའི་བུམ་པ་ཚད་དང་ལྡན་པ་ཀུན་ནས་ཤིན་དུ་ཟླུམ་པ་མགོ་འམ་མགྲིན་
པར་ཕྱིན་པའི་ཚད་འཇམ་ཞིང་ཐག་ཐུག་དང་ཤང་ཤོང་མེད་པ། དབྱིབས་ལེགས་ཤིང་བྱི་དོར་ལེགས་པར་བྱས་པ། ཀུན་ནས་ཡོངས་སུ་གང་བ་ལ་མཚལ་གྱི་ཚོན་གྱིས་པད་མ་འདབ་མ་བརྒྱ་རྩ་བརྒྱད་པ་བྲི་བར་བྱ་སྟེ། མགྲིན་
པར་པད་མའི་སྙིང་པོ་དང་ཟེ་བ་བྲི། འཕགས་པ་སྤྱན་རས་གཟིགས་དབང་ཕྱུག་བྲི་བར་བྱ་སྟེ། ཤར་ཕྱོགས་སུ་ཞལ་བྲི། ལྷོ་རུ་མི་འཇིགས་པ་སྦྱིན་པའི་ཕྱག །ནུབ་ཏུ་དབྱིག་འབྱིན་གྱི་ཕྱག །བྱང་དུ་ཡིད་བཞིན་ནོར་བུ་ཐམས་ཅད་
རྒྱན་ཐམས་ཅད་ཀྱིས་བརྒྱན་པ་སྐྱིལ་མོ་དཀྲུང་དུ་བཞུགས་པར་བྱའོ། །པད་མའི་འདབ་མ་དབང་ཕྱུག་དང་དབང་ཕྱུག་ཆེན་པོ་དང་། བྲམ་ཟེ་དང་དྲང་སྲོང་གི་ཚོགས་དང་། གཤིན་རྗེ་དང་། ཆུ་ལྷ་དང་། རླུང་ལྷ་དང་། ཁྱབ་བདག་དང་། 

99-1-120a

བརྒྱ་བྱིན་དང་རྡོ་རྗེ་འཆང་དང་ལྷའི་ཚོགས་གཞན་དག་བྲི་བར་བྱ་ཞིང་མེ་དང་རླུང་དང་ཉི་མ་དང་ཟླ་བ་དང་ལྷ་མོ་སྒྲོལ་མ་དང་ཁྲོ་གཉེར་ཅན་དང་ཕོ་ཉ་མོ་དཀར་མོ་དང་ཚོགས་ཀྱི་བདག་པོ་དང་། གཞོན་ནུ་དང་རྒྱལ་པོ་ཆེན་པོ་བཞི་
དང་། དྲག་པོ་དང་། ཁྱབ་འཇུག་བྲི་བར་བྱའོ། །པད་མའི་འདབ་མའི་ཁོར་ཡུག་ཏུ་པད་མའི་ཕྲེང་བ་བྲིའོ། །དེ་ནས་བུམ་པ་ཚོན་སྣ་ཚོགས་ཀྱིས་བྲི་བར་བྱ་ཞིང་གསེར་གྱི་རྒྱན་གྱིས་བརྒྱན་པར་བྱ། རིམ་པའི་ཆ་བཀྲ་ཞིང་མཛེས་པར་
བྱའོ། །དེ་ནས་ཐང་ཤིང་ལས་པད་མའི་གདན་ཟླུམ་པོ་བུམ་པ་ཤོང་བ་ཙམ་གྱི་ཚད་དུ་བྱེད་ལ་དེའི་སྟེང་དུ་བུམ་པ་གཞག་ལ་བུམ་པ་དེ་ཡུངས་དཀར་དཀར་པོས་བཀང་སྟེ། རྒྱན་ཐམས་ཅད་ཀྱིས་བརྒྱན་པར་བྱ། རས་དཀར་པོས་བཅིང་བར་
བྱ། སྟེང་དུ་ཡུངས་དཀར་དང་གླ་རྩི་དང་གི་ཝང་དང་ལྡོང་རོས་བཞག་པར་བྱ། བུམ་པའི་ཁ་རས་དམར་པོས་གཡོག་པར་བྱ། རིན་པོ་ཆེ་སྣ་བདུན་གཞག་པར་བྱ། དེ་ནས་རིག་སྔགས་འཆང་གཙང་མས་གོས་གཙང་མ་བགོས་ལ་དཀྱིལ་
འཁོར་ཁྲུ་བཞི་གྲུ་བཞི་པ་འཕང་དུ་ཁྲུ་གང་བ་བྱས་ཏེ། བ་ལང་གི་ལྕི་བ་དང་སར་བསྲེས་པས་ལེགས་པར་བྱུགས་ཏེ་ཆ་མཉམ་པར་བྱའོ། །དེ་ནས་དཀྱིལ་འཁོར་གྱི་སྟེང་དུ་དྲི་ཐམས་ཅད་ཀྱིས་བྱུགས་ལ་དཀྱིལ་འཁོར་གྱི་སྙིང་པོ་དབུས་སུ་
ཙན་དན་དཀར་པོས་དཀྱིལ་འཁོར་ཁྲུ་གང་གྲུ་བཞི་པ་བྱས་ལ། གུར་གུམ་དང་མེ་ཏོག་པད་མས་མཆོད་པ་བྱས་ཏེ། པད་མ་འདབ་མ་སུམ་བཅུ་རྩ་གཉིས་པ་བྲི་ལ་པད་མའི་ཟེ་བའི་སྟེང་དུ་བུམ་པ་གཞག་སྟེ། འཕན་གདུགས་སྣ་ཚོགས་
ཀྱིས་བརྒྱན་པར་བྱ། དཀྱིལ་འཁོར་གྱི་སྙིང་པོ་ཁོར་ཡུག་ཏུ་སྤོས་དང་མེ་ཏོག་སྣ་ཚོགས་དང་བྱུག་སྤོས་སྣ་ཚོགས་དང་། མཆོད་ཡོན་གྱི་སྣོད་སྣ་ཚོགས་དང་བུམ་པ་གང་བར་མཛེས་པ་དང་། བདུག་སྤོས་ཀྱི་ཕྱེ་མ་རྣམ་པ་མང་པོ་གཞག་
པར་བྱ། མེ་ཏོག་རྣམ་པ་སྣ་ཚོགས་དང་མེ་ཏོག་ཕྲེང་ཅི་འབྱོར་པ་ཀུན་ཏུ་གཞག་པར་བྱ། མར་གྱི་མར་མེ་བཟང་པོ་བཅུ་དྲུག་གཏམ་པར་བྱ། ཕྱི་རོལ་གྱི་དཀྱིལ་འཁོར་ཀུན་ནས་པད་མའི་ཕྲེང་བ་བྲི་བར་བྱ། སྒོ་བཞི་ཤིན་དུ་མཛེས་པ་

99-1-120b

བྲི་བར་བྱ། འཇིག་རྟེན་དབང་ཕྱུག་གི་མཚན་མ་གསལ་བར་བྱ། མདའ་དང་བ་དན་འཁོར་ཡུག་ཏུ་གཞག་པར་བྱ། ཚོན་སྐུད་སྣ་ལྔས་བསྐོར་བར་བྱ། རོ་རྣམ་པ་སྣ་ཚོགས་དང་དཀར་གསུམ་ཅི་འབྱོར་བ་གཞག་པར་བྱ། འབྲས་བུ་
སྣ་ཚོགས་དང་བཟའ་བ་རྣམ་པ་སྣ་ཚོགས་གཞག་པར་བྱ། མེ་ཏོག་སྣ་ཚོགས་གཞག་པར་བྱ། མེ་ཏོག་སྣ་ཚོགས་དགྲམ་པར་བྱ། མེ་ཏོག་ཕྲེང་བཟང་པོ་ཀུན་དུ་གཞག་པར་བྱ། བདུག་སྤོས་
ཀྱི་སྣོད་དང་བུམ་པ་གང་བ་ཀུན་དུ་གཞག་པར་བྱ། པོག་ཕོར་བཞི་གཞག་པར་བྱ། དྲི་ཆབ་ཀྱི་ཕོར་པ་བཞི་བཞག་པར་བྱ། སྣོད་བཞི་དང་ཁམ་ཕོར་བརྒྱད་གཞག་པར་བྱ། རོ་སྣ་ཚོགས་ཀྱི་གཏོར་མ་དཀར་པོ་རྣམ་པ་མང་པོ་གཞག་
པར་བྱ། མར་གྱི་མར་མེ་གང་བ་དྲུག་བཅུ་རྩ་གཉིས་དབུལ་བར་བྱ། འབྲས་ཡོས་དང་ཡུངས་དཀར་དགྲམ་པར་བྱའོ། །ཆང་དང་ཤ་དང་བེག་ཙོང་དང་ཀེའུ་དང་འབགས་པ་དང་ཁ་ཟས་ངན་པ་དང་བཏུང་བ་ངན་པ་སྤང་བར་བྱ། བགོ་ཉེས་སྤོང་བར་བྱ་སྟེ། 
གཙང་མའི་གོས་གཙང་མ་བགོས་ལ་ཟླ་བ་ཉ་བ་བསྒྲུབ་པར་བྱའོ། །སྲུང་བའི་ཆོ་གས་བདག་བསྲུང་བ་དང་ཐོར་ཚུགས་བཅིང་བ་དང་། ཡུལ་བཅིང་བ་དང་། དེ་བཞིན་དུ་གྲོག་བསྲུང་བ་དང་གཞན་བསྲུང་བ་ཡང་བྱའོ། །གུ་གུལ་གྱི་བདུག་པ་དང་མར་
དང་ཡུངས་དཀར་གྱི་བདུག་པས་བདུག་པར་བྱའོ། །ཙན་དན་དང་ཨ་ག་རུ་དང་དུ་རུ་ཀ་དང་ཀུན་དུ་རུའི་བདུག་པ་འདི་ནི་ཡང་དག་པར་བསྟན་ཏོ། །བུམ་པ་བསྒྲུབ་པ་འདི་ནི་མཆོག་སྟེ་ཞག་ལྔ་སྨྱུང་བ་བྱས་ནས་གསང་སྔགས་བསྒྲུབ་པར་བྱ་སྟེ། 
དུས་མཚམས་གསུམ་དུ་བུམ་པ་དང་སངས་རྒྱས་ལ་མཆོད་པར་བྱའོ། །མི་སྨྲ་བར་དཀྱིལ་འཁོར་ལ་མངོན་དུ་ཕྱོགས་ཏེ་སྐྱིལ་མོ་དཀྲུང་དུ་འདུག་ནས་ལག་པ་གཡས་པ་བུམ་པའི་སྟེང་དུ་གཞག་ནས་ཁྲོ་བོའི་རྒྱལ་པོ་སྟོང་རྩ་བརྒྱད་བཟླས་ལ་ཆུ་དང་
ཡུངས་དཀར་གྱིས་དབང་སྐུར་ལ་དོན་ཡོད་པའི་ཞགས་པའི་གཟུངས་སྟོང་ཕྲག་བརྒྱད་བཅུ་བཟླས་སོ། །ཡིད་ལ་བྱེད་པ་རྩེ་གཅིག་པས་སེམས་ཅན་ཐམས་ཅད་ལ་བྱམས་པ་དང་སྙིང་རྗེ་ལྷུར་ལེན་ཅིང་སངས་རྒྱས་ཡིད་ལ་བྱ་བ་སྒོམ་ལ་བཟླས་

99-1-121a

བརྗོད་བྱའོ། །དེའི་འོག་ཏུ་ཚེས་བཅྭ་ལྔ་ཉའི་ཐུན་ཐ་མའི་ནང་པར་དབྱིག་གི་བུམ་པ་ཆེར་གཡོ་བར་འགྱུར་ཞིང་ལེགས་སོ་ཞེས་བྱ་བའི་སྒྲ་ཆེན་པོ་ཡང་གྲག་པར་འགྱུར་ཏེ། བུམ་པ་ཆེན་པོ་དེ་ཡང་འབར་ཞིང་འོད་ཟེར་ཁ་དོག་སྣ་ལྔ་འབྱུང་བར་འགྱུར། 
རིག་སྔགས་འཆང་དགའ་བར་འགྱུར། དྲི་མ་མེད་ཅིང་ཡོངས་སུ་དག་ལ་དྲི་མ་དང་བྲལ་བར་འགྱུར། མདོག་ཡོངས་སུ་དག་ཅིང་མེ་ཏོག་པད་མ་དང་ཀུ་མུ་ད་ལྟར་དཀར་ཞིང་འཇམ་པར་འགྱུར། བུམ་པ་དེའི་སྐུ་གཟུགས་རྣམས་རང་རང་གི་ལུས་
ལས་འོད་ཟེར་འབྱུང་བར་འགྱུར་རོ། །དེ་ནས་རིག་སྔགས་འཆང་གིས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེན་པོ་བྱ་རིག་སྔགས་འཆང་བུམ་པ་བསྒྲུབ་པ་འདི་ནི་གྲུབ་བོ། །དེའི་འོག་ཏུ་རིག་སྔགས་འཆང་གིས་ཆུ་དང་ཡུངས་
དཀར་ལ་ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་ནས་དབང་བསྐུར་བར་བྱས་ན་དབང་བསྐུར་མ་ཐག་ཏུ་བུམ་པ་དེ་ལས་སྒྲ་འབྱུང་བར་འགྱུར་ཏེ། རིག་སྔགས་ཆེན་པོ་ལེགས་སོ་ལེགས་སོ། །ཁྱོད་ཀྱིས་བུམ་པ་བཟང་པོ་གྲུབ་ཏེ་བུམ་པ་བཟང་པོ་ཇི་ལྟ་
བ་བཞིན་དོན་ཡོད་པའི་སྙིང་པོའི་བུམ་པ་བཟང་པོ་ཡིད་བཞིན་ཀྱི་ནོར་བུ་ཆེན་པོ་ཡང་སྦྱིན་གྱིས་ཇི་ལྟར་འདོད་པར་ལོངས་སྤྱོད་ཅིག །ཡིད་ལ་ཇི་ལྟར་བསམས་པ་ཐམས་ཅད་གྲུབ་པར་གྱུར་ཅིག །དེ་ནས་མཆོད་པ་ཆེན་པོས་གཞལ་མེད་ཁང་ཆེན་པོ་
མཆོད་སྟེ་བུམ་པ་བཟང་པོ་དེ་བཟུང་བར་བྱ་ཞིང་མཆོད་པ་བྱས་ན་ཡིད་ལ་ཇི་ལྟར་འཐད་པ་དང་འདོད་པ་ཐམས་ཅད་གྲུབ་པར་འགྱུར་ཏེ། ལེགས་པར་བཤད་པ་འམ་གཙུག་ལག་གམ། སྙན་དངགས་དང་གར་གྱི་བསྟན་བཅོས་དང་རྩིས་ཆོས་དང་བྱ་ཀ་
ར་ན་དང་ཆོ་ག་ཞིབ་མོ་སྨྲ་བ་དང་གསང་སྔགས་སྨྲ་བ་དང་། ནགས་སྒྲུབ་པ་དང་ཕུག་བསྒྲུབ་པ་དང་བཅུད་ཀྱིས་ལེན་པ་དང་མིག་སྨན་དང་། གཏེར་སྨྲ་བ་དང་རིག་བྱེད་ཀྱི་སྔགས་དང་མདོ་སྡེ་དང་། དབྱངས་ཀྱིས་བསྙད་པའི་སྡེ་ལ་སོགས་པ་ཆོས་དང་འདུལ་
བ་སྨྲ་བ་དེ་དག་ཐམས་ཅད་འབྱུང་བར་འགྱུར་རོ། །འདི་ལྟ་སྟེ་ཟས་དང་སྐོམ་དང་གོས་དང་རྒྱན་དང་སྤུད་པ་དང་གསེར་དང་དངུལ་དང་ས་ལེ་སྦྲམ་དང་མུ་ཏིག་དང་ཨིན་དྲ་ནཱི་ལ་དང་མརྒད་དང་ཀེ་ཀེ་རུ་དང་ཤེལ་དང་མུ་ས་ར་དང་བཻ་དཱུརྱ་དང་མཐོན་ཀ་དང་

99-1-121b

མཐོན་ཀ་ཆེན་པོ་དང་མེ་ཏོག་དང་འབྲས་བུ་དང་གོས་དང་མལ་ཆ་དང་གནས་དང་ཁང་པ་དང་ལོངས་སྤྱོད་དང་རྩེད་མོ་རྒྱ་ཆེན་པོ་དང་རྒྱལ་པོ་ལ་འོས་པའི་ལྷའི་གཞལ་མེད་ཁང་ཆེན་པོ་རྣམས་སེམས་ཀྱིས་བསམས་པ་ཙམ་གྱི་མོད་ལ་འབྱུང་བར་
འགྱུར་རོ། །མིག་འཕྲུལ་གྱི་གཞལ་མེད་ཁང་དང་སངས་རྒྱས་ཀྱི་སྤྲུལ་པ་དང་། བྱང་ཆུབ་སེམས་དཔའི་སྤྲུལ་པ་དང་། རྡོ་རྗེ་འཆང་གི་སྤྲུལ་པ་དང་ལྷ་དང་ཀླུ་དང་ལྷ་མ་ཡིན་དང་ནམ་མཁའ་ལྡིང་དང་མི་འམ་ཅི་དང་དྲི་ཟ་དང་ལྟོ་འཕྱེ་ཆེན་
པོའི་གཞལ་མེད་ཁང་དང་གནོད་སྦྱིན་དང་། སྲིན་པོ་དང་འབྱུང་པོའི་བདག་པོའི་གཞལ་མེད་ཁང་དེ་ཐམས་ཅད་བསམ་པ་ཙམ་གྱིས་འབྱུང་བར་འགྱུར་རོ། །ཆར་ཧ་ཆང་ཆེ་བ་དང་ཆར་མི་འབབ་པ་དང་གྲང་བ་དང་རླུང་དང་སྤྲིན་དང་སེར་བ་
དང་ཆུ་ཟློག་པར་བྱེད་པ་དེ་ཐམས་ཅད་སྟོན་པར་བྱེད་པ་སྡེ་སྟོན་པར་བྱེད་གཡུལ་འགྱེད་པ་སྟོན་པར་བྱེད་པ་འམ། གནས་དང་གཞལ་མེད་ཁང་དང་དཔལ་སྟོན་པར་བྱེད་པ་དེ་ཐམས་ཅད་སྟོན་པར་བྱེད། དེ་ལ་སོགས་པ་ཐམས་ཅད་བསམ་
པ་ཙམ་དང་། སྨོན་པ་ཙམ་གྱིས་འགྲུབ་པར་འགྱུར་རོ། །ནོར་བུ་དང་འབྲུ་དང་འབྲས་བུ་དང་མེ་ཏོག་དང་གཞལ་མེད་ཁང་འབྱུང་བར་འགྱུར་རོ། །ཇི་ལྟར་བསམས་པ་དེ་ཐམས་ཅད་འབྱོར་བར་འགྱུར་རོ། །གླ་རྩི་དེ་བླངས་ལ་གི་ཝང་དང་ག་པུར་དང་
བསྲེས་ཏེ་ཤིང་ཨར་ཀའི་འོ་མས་སྦྲུས་ཏེ། རིལ་བུ་བྱས་ནས་བ་སེར་མོའི་འོ་མ་ལ་བདར་ཏེ་དཔྲལ་བར་ཐིག་ལེ་བྱས་ན་ནམ་མཁའ་ལ་འགྲོ་བར་འགྱུར། རིག་སྔགས་འཆང་བྱེ་བ་སྟོང་ཕྲག་བཅུའི་འཁོར་དང་ལྡན་པར་འགྱུར་སྙིང་གར་
ཐིག་ལེ་བྱས་ན་མི་སྣང་བར་འགྱུར་ཞིང་གནོད་སྦྱིན་དང་སྲིན་པོ་དང་འབྱུང་པོ་ཐམས་ཅད་ཀྱི་རྗེ་དཔོན་དུ་འགྱུར་རོ། །ལྕེའི་རྩེ་མོ་ལ་རེག་ན་ཉིན་རེ་ཞིང་ཚིགས་སུ་བཅད་པ་སྟོང་བཀླགས་ཤིང་འཛིན་པར་འགྱུར། མིག་ན་
ལོ་སྟོང་ཕྲག་བཅུར་འཚོ་བར་འགྱུར། འོ་མ་དང་ལྷན་ཅིག་འཐུངས་ན་ཐོས་པ་མང་པོ་རྒྱ་མཚོ་བསགས་པར་འགྱུར། ཤིང་ཨར་ཀའི་ལོ་མ་དང་ལྷན་ཅིག་ཟོས་ན་རིག་སྔགས་འཆང་ཐམས་ཅད་ཀྱིས་

99-1-122a

འཁོར་ལོས་སྒྱུར་བར་འགྱུར། ཆོ་ག་ཞིབ་མོ་དང་། གསང་སྔགས་དང་དཀྱིལ་འཁོར་དང་། ཕྱག་རྒྱ་ཐམས་ཅད་མངོན་དུ་འགྱུར། ལྟེ་བའི་གནས་སུ་ཐིག་ལེ་བྱས་ཏེ་ཆུ་ཀླུང་ཆེན་པོའི་ནང་དུ་ཞུགས་ན་གཏིང་དུ་འབྱིང་བར་
མི་འགྱུར་ཞིང་ཕ་རོལ་ཏུ་ཕྱིན་པར་འགྱུར། རྒྱ་མཚོའི་ཕ་རོལ་ཏུ་ཡང་ཕྱིན་པར་འགྱུར། སྤྱི་བོར་ཐིག་ལེ་བྱས་ཏེ་གཡུལ་ངོར་ཞུགས་ན་དཔུང་གི་ཚོགས་ཡན་ལག་བཞི་ལས་རྒྱལ་བར་འགྱུར། ཞུན་མར་དང་ལྷན་གཅིག་ཟོས་
ན་གླང་པོ་ཆེན་པོ་སྟོང་གི་སྟོབས་དང་ལྡན་པར་འགྱུར་ཞིང་། ལག་པ་ཡ་གཅིག་གིས་གླང་པོ་ཆེ་བསྐྱོད་པ་དང་ནམ་མཁའ་ལ་འཕེན་ཅིང་སླར་ཡང་འཛིན་ཏོ། །རིལ་བུ་འདིས་ལག་པ་ལ་བསྐུས་ན་མི་སྟོང་ཐུབ་པར་འགྱུར་
རོ། །རིལ་བུ་འདི་ལྷའི་གནས་སུ་བསྒོས་ཏེ་གཞག་ན་ལྷ་ཐམས་ཅད་དབང་དུ་འགྱུར་ཏེ། དུས་དུས་སུ་ཆར་འབེབས་ཤིང་སད་དང་རླུང་དང་སྤྲིན་དང་སེར་བ་གཅོད་པར་བྱེད་དོ། །རྒྱལ་པོའི་སྒོར་བསྒོས་ཏེ་གཞག་ན་རྒྱལ་པོའི་བཙུན་མོ་
འཁོར་དང་བཅས་པ་དང་བཀའ་ལ་གཏོགས་པ་དང་ཞང་བློན་དང་བྲམ་ཟེ་མདུན་ན་འདོན་དང་བཅས་པ་དབང་དུ་འགྱུར་རོ། །གཙུག་ལག་ཁང་གི་སྒོར་བསྒོས་ཏེ་གཞག་ན་དགེ་སློང་ཐམས་ཅད་བདེ་བའི་རེག་པ་ལ་གནས་པས་གནས་
པར་འགྱུར། རྟག་ཏུ་བྱམས་པའི་སེམས་ཀྱིས་གནས་པར་འགྱུར་རོ། །འཕགས་པའི་དགེ་འདུན་གྱི་ནང་དུ་རྒན་པའི་མཐར་བསྒོས་ཏེ་གཞག་ན་དགེ་སློང་ཐམས་ཅད་ཟས་དང་སྐོམ་འདོད་དགུ་ཐོབ་པར་འགྱུར་རོ། །ལྷུང་བཟེད་
ཀྱི་ནང་དུ་གཞག་སྟེ་གྲོང་ཁྱེར་མང་པོར་བསོད་སྙོམས་ལ་སོང་ལ་ཁ་ཟས་རོ་བྲོ་བའི་མཆོག་རྣམ་པ་སྣ་ཚོགས་འབད་མི་དགོས་པར་ཐོབ་པར་འགྱུར་རོ། །སྐུ་གདུང་དང་བཅས་པའི་མཆོད་རྟེན་གྱི་གནས་སུ་བསྒོས་ཏེ་གཞག་ལ་མཆོད་རྟེན་ལ་
མཆོད་པ་བྱས་ན། རིལ་བུ་ཇི་སྲིད་དུ་མཆོད་རྟེན་གནས་ན་གནས་དེ་སྲིད་དུ་མཆོད་རྟེན་ཆེན་པོ་བརྒྱད་ལ་ཉིན་རེ་ཞིང་མཆོད་པ་ཆེན་པོ་བྱས་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་གནས་སུ་འཕགས་པ་སྤྱན་རས་གཟིགས་

99-1-122b

དབང་ཕྱུག་གི་ཞབས་དྲུང་དུ་བསྒོས་ཏེ་གཞག་ལ་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ཏེ། དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་བརྗོད་བྱས་ན་རིལ་བུ་ཇི་སྲིད་གནས་ཀྱི་བར་དུ་ཉི་མ་རེ་རེ་
ཞིང་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་པར་འགྱུར་རོ། །ལམ་པོ་ཆེར་བསྒོས་ཏེ་གཞག་ན་ཆོམ་པོ་དང་གཡོན་ཅན་དང་། རྐུན་མ་དང་། མི་དང་མི་མ་ཡིན་པ་དང་གཅན་ཟན་ཁྲོ་བོ་རྣམས་བཅིངས་པར་འགྱུར་ཞིང་
ཕྱོགས་མཚམས་སུ་འབྱེར་བར་འགྱུར་རོ། །རིའྀ་རྩེ་མོར་བསྒོས་ཏེ་གཞག་ན་སྨན་གྱི་དངོས་པོ་ཐམས་ཅད་འབར་བར་འགྱུར་ཏེ། ཇི་སྲིད་དུ་རིའི་རྩེ་མོ་སྣང་བ་དེ་སྲིད་དུ་སྐྱེས་པ་དང་བུད་མེད་དང་། ཁྱེའུ་དང་བུ་མོ་དང་བ་ལང་དང་། ཕྱུགས་དང་། རྟ་
ལ་སོགས་པ་འཇིགས་པ་ཐམས་ཅད་ལས་གྲོལ་བར་འགྱུར་ཞིང་སེམས་ཅན་དམྱལ་བ་ཆེན་པོ་བཅུ་དྲུག་ལས་ཡོངས་སུ་གྲོལ་བར་འགྱུར། འཇིགས་པ་ཆེན་པོ་བརྒྱད་ལས་ཡོངས་སུ་གྲོལ་བར་འགྱུར། ནད་ཐམས་ཅད་ལས་ཡོངས་སུ་
གྲོལ་བར་འགྱུར། དཔག་ཚད་བརྒྱ་ཁོར་ཡུག་ཏུ་ཞི་བ་ཆེན་པོར་འགྱུར། ནད་ཐམས་ཅད་དང་བྲལ་བར་འགྱུར། མགུལ་དུ་བཏགས་ཏེ་བཅང་བར་བྱས་ན་འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པ་བཞེད་པར་འགྱུར་ཞིང་རྟག་ཏུ་དགོངས་
པར་འགྱུར་རོ། །བང་བར་བསྒོས་ཏེ་གཞག་ན་འབྲུ་མང་པོ་འཕེལ་བར་འགྱུར་རོ། །ཆང་ཡོད་པའི་སྒོར་བསྒོས་ཏེ་གཞག་ན་ཆང་ཐམས་ཅད་རབ་ཏུ་འཕེལ་བར་འགྱུར་རོ། །ཞིང་གི་ནང་ཏུ་བསྒོས་ཏེ་གཞག་ན་ལོ་ཏོག་མང་པོ་འབྱོར་བར་འགྱུར་རོ། །བྲག་
ཕུག་ཏུ་བསྒོས་ཏེ་གཞག་ན། བྲག་ཕུག་གི་སྒོ་བྱེ་བར་འགྱུར་རོ། །ཕུག་གི་སྒོར་བྱུགས་ན་ཕུག་གི་སྒོ་ཐམས་ཅད་འབྱེ་བར་འགྱུར་རོ། །བུ་གའི་གནས་སུ་བྱུགས་ན་རོ་ཐམས་ཅད་འཛག་པར་འགྱུར་རོ། །ནགས་ཀྱི་ཕུགས་སུ་བསྒོས་ཏེ་
གཞག་ན་ནགས་ཀྱི་ལྷ་ཐམས་ཅད་རང་གི་མདུན་ན་འདུག་པར་འགྱུར་རོ། །དགོས་པ་གང་བྱེད་པ་དེ་གྲུབ་པར་འགྱུར་རོ། །པད་མའི་མཚོའི་ནང་དུ་བསྒོས་ཏེ་གཞག་ན་པད་མ་མང་པོ་འབྱུང་བར་འགྱུར་ཞིང་དུས་ཀུན་དུ་ལྷའི་དྲི་བསུང་འབྱུང་

99-1-123a

བར་འགྱུར་རོ། །ཁྱིམ་མཐོན་པོའི་གནས་སུ་གཞག་ན་ཇི་སྲིད་སྣང་བ་དེ་སྲིད་དུ་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་རྣམས་བསྲུང་བ་འགྱུར་ཞིང་། ཕྱོགས་བཅུ་ཀུན་ནས་དཔག་ཚད་བརྒྱ་མཚམས་བཅད་
པར་འགྱུར། ནད་ཐམས་ཅད་ལས་ཡོངས་སུ་གྲོལ་བར་འགྱུར། སྡིག་པ་ཐམས་ཅད་དང་། དགྲ་ཐམས་ཅད་དང་། གདོན་ཐམས་ཅད་དང་། འགོ་བའི་ནད་ཐམས་ཅད་རབ་ཏུ་ཞི་བར་འགྱུར། ཕ་རོལ་གྱི་དཔུང་ཐམས་ཅད་
རབ་ཏུ་ཞི་བར་འགྱུར། འགོ་བའི་ནད་ཐམས་ཅད་རྣམ་པར་འཇིག་པར་འགྱུར། གཡུལ་ངོར་ཡུངས་དཀར་དང་བསྲེས་ཏེ་གཏོར་ན་གཡུལ་འགྱེད་པ་ཆེན་པོ་ཕན་ཚུན་མཛའ་བ་ཆེན་པོར་འགྱུར། ནད་ཆེན་པོས་ལུས་སྐམས་ཤིང་
ཚེ་ཟད་པ་དང་བགེགས་ཆེན་པོས་ཟིན་པ་ལ་དྲི་ཆབ་ཀྱི་བུམ་པར་རིལ་བུ་འདི་བསྲེས་ཏེ། དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་བཟླས་ཏེ་ཁྲུས་བྱས་ན། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་
བྱས་ནས་ཁྲུས་བྱས་པ་ཙམ་གྱི་མོད་ལ་ནད་ཐམས་ཅད་དང་གནོད་པ་ཐམས་ཅད་ལས་ཡོངས་སུ་ཐར་བར་འགྱུར་རོ། །སྡིག་པ་ཐམས་ཅད་དང་སྒྲིབ་པ་ཐམས་ཅད་ལས་ཡོངས་སུ་ཐར་བར་འགྱུར། ཚེ་ཡོངས་སུ་ཟད་པ་ཚེ་
སླར་ནུར་བར་འགྱུར། ལྷའི་ལུས་གཟུགས་དང་ལྡན་པར་འགྱུར། དྲི་མ་དང་བྲལ་བ་དང་སེར་སྣ་དང་བྲལ་བར་འགྱུར། ལས་གཞན་དང་གཞན་སྟོང་ཕྲག་བརྒྱ་བྱེད་པར་འགྱུར་ཏེ་རང་གི་བློས་ཀྱང་ཐམས་ཅད་དུ་སྦྱར་
བར་བྱའོ། །ཐམས་ཅད་ལ་ཐོགས་པ་མེད་པའི་ལས་ཅན་དུ་འགྱུར། ཕུག་གི་གནས་ཐམས་ཅད་ཀྱི་རྗེ་དཔོན་དང་རྒྱལ་པོར་འགྱུར། ཚེ་བསྐལ་པ་སྟོང་ཕྲག་བཅུ་གཉིས་ཐུབ་པར་འགྱུར། ཤི་ནས་འཇིག་རྟེན་གྱི་ཁམས་བདེ་བ་ཅན་
དུ་པད་མའི་སྙིང་པོ་ལས་རྒྱན་ཐམས་ཅད་ཀྱིས་བརྒྱན་པ། ནོར་བུ་དང་། གསེར་དང་། དངུལ་དང་། རྡོ་རྗེ་དང་། བཻ་དཱུརྱ་དང་། མར་གད་དང་། པད་མ་རཱ་ག་དང་། ཨིན་དྲ་ནཱི་ལ་དང་། མུ་ཏིག་རྣམས་ཀྱིས་ལུས་བརྒྱན་པར་འགྱུར་རོ། །སྐྲ་བུང་བ་

99-1-123b

ལྟར་གནག་ཤིང་འཁྲིལ་ལ་འཁྱིལ་པ་དང་། མིག་ཨུཏ་པ་ལའི་མཆོག་སྔོན་པོ་ལྟ་བུ་དང་། ལྤགས་པའི་མདོག་གསེར་ལྟ་བུར་འགྱུར་རོ། །ངག་འཇམ་པ་དང་སྙན་པ་དང་ཡིད་དུ་འོང་བར་འགྱུར་རོ། །རྒྱལ་བ་འོད་དཔག་མེད་ཀྱི་ཕྱག་
གིས་སྤྱི་བོ་ལ་འཇོག་པར་འགྱུར་རོ། །ཕྱག་ན་པད་མའི་ཕྱག་མཆོག་སྦྱིན་པས་དབུགས་འབྱིན་ཅིང་ཁྱད་པར་མཆོག་སྦྱིན་པར་འགྱུར་རོ། །པད་མ་ལ་རབ་ཏུ་གནས་པ་རྣམ་པར་གཟིགས་པ་དོན་ཡོད་པའི་སངས་རྒྱས་ཞེས་བྱ་བ་
འཕགས་པ་འོད་དཔག་མེད་ལུང་སྟོན་པར་འགྱུར་རོ། །དེ་ནས་ཡུངས་དཀར་དེ་དེ་བཞིན་གཤེགས་པ་སྟོང་ཕྲག་བརྒྱ་ཕྲག་བྱེ་བ་སྙེད་ཀྱི་སྤྱན་དུ་གྱུར་པ་དང་གྂ་གཱའི་ཀླུང་གི་བྱེ་མ་དང་མཉམ་པའི་སངས་རྒྱས་བཅོམ་ལྡན་འདས་ཀྱི་
རིང་སྲེལ་དུ་འགྱུར་ཞིང་། ཁམས་སྣ་ཚོགས་ཀྱི་ཁ་དོག་རྣམ་པ་སྣ་ཚོགས་ཀྱི་མདོག་གི་ངོ་བོ་ཉིད་དུ་འགྱུར། ནོར་བུ་རིན་པོ་ཆེ་བདུན་དང་འདྲ་ཞིང་འདི་ལྟ་སྟེ། སྐུ་གདུང་རེ་རེ་ཡང་ཉི་མ་བཞིན་དུ་སོ་སོར་གསལ་བར་འགྱུར་རོ། །ཕྱོགས་
བཅུ་ཀུན་དུ་འོད་ཟེར་འབྱུང་བར་འགྱུར་ཞིང་རྫུ་འཕྲུལ་གྱི་ཆོ་འཕྲུལ་རྣམ་པ་སྣ་ཚོགས་མཛད་དེ་ལུས་རེ་རེ་སྟོན་པར་འགྱུར་རོ། །རིང་བསྲེལ་འདི་མཐོང་བ་ཙམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། 
གཞན་དུ་ཡིད་ལ་མ་བྱས་ན་དེ་དག་གིས་དེ་བཞིན་གཤེགས་པ་ཐམས་ཅད་ཀྱིས་དེ་ལ་སྨད་པར་མི་འགྱུར་རོ། །གཞན་ཡང་ཉལ་ཀར་རང་གི་བློས་བྱམས་པའི་སེམས་ཀྱིས་རིང་བསྲེལ་མངོན་དུ་བྱས་ཏེ་སྨོན་ལམ་གདབ་པར་བྱའོ། །ཅི་འདོད་པ་
བསམས་ཏེ་མཆོད་པ་བྱས་ན་བསམས་པ་ཙམ་གྱི་མོད་ལ་སྐད་ཅིག་ཏུ་ཐམས་ཅད་འགྲུབ་པར་འགྱུར་རོ། །རིང་བསྲེལ་གྱི་སྙིང་པོ་འདི་ཇི་ལྟ་བ་བཞིན་དུ་བུམ་པ་བཟང་པོ་འདི་ཡང་བལྟ་བར་བྱ་སྟེ། དེ་གཉིས་ཀ་ཡང་རྫུ་འཕྲུལ་མཛད་པར་སྣང་
བ་མཐུན་པ་ཡིན་ཏེ། འདི་ལ་ཐེ་ཚོམ་དང་ཡིད་གཉིས་བསྐྱེད་པར་མི་བྱའོ། །བུམ་པ་བསྒྲུབ་པ་དོན་ཡོད་པའི་ཆོ་གའོ།། །། དེ་ནས་བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པའི་ཕྱག་གསེར་གྱི་ཁ་དོག་ཅན་

99-1-124a

བརྐྱང་སྟེ་འཕགས་པ་སྤྱན་རས་གཟིགས་དབང་ཕྱུག་གི་དབུའི་སྤྱི་བོར་གཞག་སྟེ་བཀའ་སྩལ་པ། མཆོག་ཏུ་རྨད་དུ་བྱུང་བ་ཞེས་བྱ་བའི་ཆོ་ག་ཞིབ་མོ་གྲུབ་པ་བླ་ན་མེད་པ་དོན་ཡོད་པ་ཆེན་པོའི་བུམ་པ་སྒྲུབ་པ་རིག་པ་
འཆང་བ་རྣམས་ཀྱིས་བཀླགས་པས་གྲུབ་པ་འཛམ་བུ་གླིང་པའི་རིགས་བཞིའི་འཇིག་རྟེན་ལ་ཕན་པ་དང་། བདེ་བའི་དོན་དུ་རབ་ཏུ་བྱིན་པ་དང་། སྒྲུབ་པ་ཤིན་དུ་བཀྲ་ཤིས་པ་བླ་ན་མེད་པ་རང་གི་བྱིན་གྱིས་བརླབས་ཀྱིས་བྱིན་གྱིས་བརླབས་པ། 
དོན་ཡོད་པ་ཆེན་པོའི་ཆོ་འཕྲུལ་སངས་རྒྱས་དང་བྱང་ཆུབ་སེམས་དཔའ་བླ་ན་མེད་པ་གྲུབ་པ་ཡང་དག་པར་བསྒྲུབ་པ། ཆེ་ཞིང་ཆེ་བ་བྱང་ཆུབ་ཀྱི་སྙིང་པོའི་ཆོས་ཀྱི་འཁོར་ལོ་བསྐོར་བ། དེ་བཞིན་གཤེགས་པ་ཆེན་པོའི་བྱིན་གྱིས་བརླབས་
ཀྱིས་བྱིན་གྱིས་བརླབས་པ། སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་དབུགས་འབྱིན་པ་ཆེན་པོའི་འཇིག་རྟེན་དུ་གཞག་པ་ནི་སེམས་དཔའ་ཆེན་པོ་ལེགས་སོ་ལེགས་སོ། །མཆོག་ཏུ་གྲུབ་པ་བླ་ན་མེད་པ་བསྒྲུབ་པ་བཀླགས་པས་
འགྲུབ་པ། རྟག་ཏུ་རྗེས་སུ་འབྲང་བར་འགྱུར་བ། རྟག་ཏུ་མཆོག་སྦྱིན་པར་མཛད་པ། རྟག་ཏུ་རྗེས་སུ་སྐྱོང་བར་མཛད་པ་ནི་སེམས་ཅན་གྱི་བསམ་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་སྤྱན་རས་གཟིགས་དབང་ཕྱུག་ཁྱོད་ལ་ཡོངས་
སུ་གཏད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་མཆོག་ཏུ་ཡིད་དགའ་སྟེ། བཞིན་འཛུམ་ནས་བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་ཏེ་བཏུད་ནས། བཅོམ་ལྡན་
འདས་ཀྱི་ཞབས་གཉིས་ལ་སྤྱི་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཕྱོགས་བཅུའི་སེམས་ཅན་ཐམས་ཅད་དང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སྲོག་ཆགས་
སུ་གྱུར་པ་ཇི་སྙེད་རི་དགས་དང་བྱ་ཇི་སྙེད་པ་དེ་དག་ཐམས་ཅད་བདག་གིས་ཡོངས་སུ་གཟུངས་བར་བགྱི་ཞིང་། སྡུག་བསྔལ་ཐམས་ཅད་ལས་ཡོངས་སུ་ཐར་བར་བགྱི་བ་དང་བྱང་ཆུབ་ཆེན་པོའི་ལམ་ལ་འགོད་པའི་ཕྱིར་སྙིང་རྗེ་ཆེན་པོ་རྣམ་

99-1-124b

པར་དག་པས་རྗེས་སུ་གཟུངས་བར་བགྱིའོ། །བཅོམ་ལྡན་འདས་མངོན་པར་བརྩོན་པ་དེ་དག་ནི་བདག་གིས་ཐམས་ཅད་ཀྱི་མཆོག་ཏུ་ཡོངས་སུ་གྲོལ་བར་བགྱིའོ། །བཅོམ་ལྡན་འདས་ཡང་དག་པར་འགྲུབ་པར་བྱེད་པའི་རིག་པ་
འཛིན་པ་ཐམས་ཅད་ཀྱིས་བདག་དྲན་ན། བཅོམ་ལྡན་འདས་སེམས་ཅན་དེ་ནི་བདག་གིས་རྟག་ཏུ་བལྟ་བར་བགྱིའོ། །རྟག་ཏུ་རྗེས་སུ་དྲན་པ་དང་རྟག་ཏུ་རྗེས་སུ་བསྲུང་བར་བགྱིའོ།། །།
འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་གཉིས་པ། ས་ཡང་གཡོ་བར་འགྱུར་རོ། །དེ་ནས་རིག་སྔགས་འཆང་བ་བཞིན་འཛུམ་པ་ཡིད་ལ་བྱའོ། །འབར་བ་དེ་དང་། བྲཧྨ་པུ་ཏྲ་ཀའི་མར་དང་ལྷན་
ཅིག་ཏུ་སྦྱར་ལ་བདག་གི་ལུས་བསྐུ་བར་བྱའོ། །བསྐུས་པ་ཙམ་གྱི་མོད་ལ་རང་གི་ལུས་ཀྱི་ལྤགས་པ་གསེར་གྱི་མདོག་ཏུ་འགྱུར་རོ། །ལུས་རྡོ་རྗེ་སྙིང་པོ་བཞིན་དུ་མི་ཆོད་པ་དང་། མི་ཕིགས་པར་གྱུར་ནས་འཁོར་བརྒྱ་ཕྲག་སྟོང་དང་འཕུར་བར་
འགྱུར་རོ། །སྐྲ་ལ་བསྐུས་ན་སྐྲ་སྤུ་གསེར་མདོག་ཏུ་འགྱུར་རོ། །སེན་མོ་ལ་བསྐུས་ན་སེན་མོ་གསེར་དུ་འགྱུར་རོ། །སོ་ལ་སྐུས་ན་སོ་གསེར་དུ་འགྱུར་རོ། །མི་ལུས་གང་དང་གང་དུ་བསྐུས་པ་དེ་དང་དེ་ཉིད་གསེར་མདོག་ཏུ་འགྱུར་རོ། །ཏིལ་
མར་བཞག་སྟེ་བཅུད་ཀྱིས་ལེན་མཆོག་སྲང་གཅིག་གིས་ཟངས་སྲང་སྟོང་གསེར་དུ་འགྱུར་རོ། །ཏིལ་མར་དང་སྦྱར་བ་ཟངས་གླེབས་པ་ལ་བསྐུས་ཏེ་མེར་བསྲེགས་ན་སྲང་གཅིག་གིས་སྲང་བཅུའི་གསེར་དུ་འགྱུར་རོ། །བཅུད་ཀྱིས་
ལེན་མཆོག་འདི་དང་། བའི་འོ་མ་དང་། ཞུན་མར་བཞི་ཆ་གཅིག་དང་སྦྱར་ཏེ། མེ་མི་ཆེ་བས་བསྐོལ་ཏེ། ཚོས་པར་རིག་པ་དང་། འདི་དེ་ནས་ཕྱུང་ལ་ཁྲུས་ལེགས་པར་བྱས་ཤིང་། གོས་སར་པ་
བགོས་ལ་གཙང་མར་བྱས་ཏེ། ཐོག་མར་བའི་རྣམ་ལྔ་ལ་རེག་པར་བྱའོ། །དེ་ནས་ཆུ་དྲོན་པོ་དང་། བཅུད་ཀྱིས་ལེན་གྱི་མཆོག་འདི་བཏུང་བར་བྱའོ། །སྦྱོར་བ་ཞག་བདུན་དུ་བྱས་ན་དེའི་ལུས་རྣམ་པར་

99-1-125a

དག་པར་འགྱུར་རོ། །སྡིག་པ་ཐམས་ཅད་ཟད་པ་དང་། མོད་ལ་ཉོན་མོངས་པ་ཐམས་ཅད་དང་བྲལ་བ་དང་། ནད་ཐམས་ཅད་བྱང་བ་དང་། མོད་ལ་དུག་ཐམས་ཅད་སེལ་བ་དང་། དུག་སླར་ཞེན་པར་མི་འགྱུར་བ་དང་། 
མཚོན་གྱིས་མ་ཡིན། ཆུ་ཁྱེར་བར་མི་འགྱུར། མེས་ཚུགས་པར་མི་འགྱུར། ཡང་དུག་མ་རུངས་པ་གཞན་གྱིས་མི་ཚུགས་པར་འགྱུར་རོ། །ཞག་བཅུ་བཞིར་སྦྱོར་བ་བྱེད་ན་ནད་ཐམས་ཅད་བྱང་བ་དང་། འདིའི་ལྤགས་པ་རྣམ་
པར་དག་པ་དང་། སྐྲ་དཀར་མེད་པར་འགྱུར་རོ། །ཞག་ཉི་ཤུ་རྩ་གཅིག་སྦྱོར་བ་བྱས་ན་བྱིས་པ་ལོ་བཅུ་པ་པད་མ་དཀར་ཤམ་དང་འདྲ་བའི་མདོག་ཅན་གྱི་ལུས་སུ་འགྱུར་རོ། །པད་མའི་ལོ་མ་དང་། ཀུ་མུ་ད་ལྟར་འཇམ་པ་དང་། ཨུཏ་
པ་ལ་ལྟ་བུ་ལྷའི་མིག་དང་། མི་འམ་ཅིའི་དབྱངས་ལྟ་བུར་མ་ཞུམ་པ་དང་། དབུ་སྐྲ་འཁྲིལ་བ་འཁྱིལ་ཅིང་བུང་བ་ལྟར་མདོག་གནག་པ་ལྷ་རྫས་ལྟ་བུར་འགྱུར་རོ། །ཟླ་བ་གཅིག་ཏུ་སྦྱོར་བ་བྱས་ན་ལོ་སྟོང་ཕྲག་བཅུར་འཚོ་བར་
འགྱུར་རོ། །དགྲ་ཐམས་ཅད་དང་། གནོད་སྦྱིན་དང་། སྲིན་པོའི་ཚོགས་ཀྱིས་མི་ཚུགས་པར་འགྱུར་རོ། །འབྱུང་པོ་དང་སྡིག་པ་བྱེད་པ་གཞན་རྣམས་ཀྱིས་ཀྱང་དེ་མི་མཐོང་བར་འགྱུར་རོ། །ལོ་གཅིག་ཚང་བར་བསྙེན་ན་ལྷའི་བུ་མོ་དག་དང་ལྷན་ཅིག་རྩེ་ཞིང་
ལྷ་རྫས་ཀྱི་ལོངས་སྤྱོད་དང་། གཞལ་མེད་ཁང་དང་། ཇི་ལྟར་ལྷ་རྣམས་རྩེ་བ་བཞིན་དུ་འགྱུར་རོ། །དྲོ་བར་གྱུར་པ་སྦྲང་རྩི་དང་ལྷན་ཅིག་ཟོས་ན་ལོ་ཉིས་སྟོང་དུ་འཚོ་བར་འགྱུར་རོ། །ནམ་མཁའ་ལ་འགྲོ་བར་འགྱུར་རོ། །ཟངས་
སྲངས་སྟོང་དང་བཅུད་ཀྱིས་ལེན་པའི་མཆོག་སྲང་གཅིག་དང་། དངུལ་སྲང་བཅུ་ཟངས་དང་སྦྱར་ཏེ་བཞུ་ན། བཅུད་ཀྱིས་ལེན་མཆོག་དངུལ་སྲང་སྟོང་དུ་འགྱུར་རོ། །སྲང་གཅིག་གིས་ཟངས་སྲང་སྟོང་དངུལ་དུ་འགྱུར་རོ། །
ཁ་དོག་སྣ་ཚོགས་ཀྱི་འོད་ཟེར་འབྱུང་བར་འགྱུར་ཏེ། གཟུགས་མདོག་སྣ་ཚོགས་ཀྱི་ནོར་བུ་རིན་པོ་ཆེ་འཆང་ཞིང་། དངུལ་དང་གསེར་བཞུ་ལ་ཏིལ་མར་དང་ལྷན་ཅིག་བསྐོལ་ཏེ་མགོ་བོ་བསྐུས་པ་ཙམ་གྱི་མོད་ལ་སྐྲ་མདོག་སྣ་

99-1-125b

ཚོགས་སུ་འགྱུར་རོ། །ལུས་བསྐུས་ན་ཁ་དོག་སྣ་ཚོགས་ཀྱི་འོད་ཟེར་འབྱུང་བར་འགྱུར་རོ། །མིག་བསྐུས་ན་ནམ་མཁའ་ལ་འགྲོ་ཞིང་ཁྱིམ་ཐམས་ཅད་ཀྱི་སྒོ་ཕྱེ་བར་མཐོང་སྟེ། ཁྱིམ་ཐམས་ཅད་ཀྱི་དཔོན་པོ་དང་། རྒྱལ་པོར་འགྱུར་
རོ། །དཔྲལ་བ་ལ་ཐིག་ལེ་བྱས་ན་མི་སྣང་བར་འགྱུར་རོ། །ཁར་བཅངས་ན་གང་དང་སྨྲས་པ་དེ་ནོར་གྱི་དབང་དང་བདག་གི་དབང་དུ་འགྱུར་རོ། །ཡང་ན་བ་སེར་སྐྱའི་ཞུན་མར་དང་། མར་དཀར་དང་། འོ་མ་དང་། བཅུད་ཀྱིས་ལེན་
གྱི་མཆོག་འབར་བ་དང་ལྷན་ཅིག་བསྐོལ་ཏེ་ཁ་ར་བཞིན་དུ་ལེགས་པར་ཚོས་པ་དང་བླངས་ལ་དོན་ཡོད་པའི་རྒྱལ་པོའི་སྙིང་པོ་བརྒྱད་སྟོང་བཟླས་བརྗོད་བྱས་ཏེ། རིག་སྔགས་འཆང་བ་བདག་ཉིད་བསྐུས་པ་ཙམ་གྱི་མོད་ལ་ཐམས་ཅད་
རིག་འཛིན་གྱི་འཁོར་ལོས་སྒྱུར་བར་འགྱུར་རོ། །བསྐལ་པ་ཆེན་པོ་བཅུར་འཚོ་བར་འགྱུར་རོ། །བར་གྱི་བསྐལ་པར་སངས་རྒྱས་བཅོམ་ལྡན་འདས་མཐོང་བར་འགྱུར་རོ། །བྱང་ཆུབ་ཀྱི་སྙིང་པོ་མཆོག་ཏུ་ལུང་བསྟན་པ་ཐོབ་པར་འགྱུར་རོ། །ཐིག་ལེ་
བྱས་ན་ནམ་མཁའ་ལ་འཕུར་བར་འགྱུར་རོ། །ༀ་ཞེས་བྱ་བའི་སྒྲས་ཚངས་པ་གནས་ནས་ཕྱིར་འབྱུང་བར་འགྱུར་རོ། །སེ་གོལ་གཏོགས་པ་ཙམ་གྱིས་འོག་མིན་གྱི་གནས་ཀྱི་བར་དུ་འགྲོ་ཞིང་ཕྱིར་ཡང་འོང་བར་འགྱུར་རོ། །ནམ་གྱི་ཚེ་འཆི་
བའི་དུས་བྱས་པར་འགྱུར་བ་དེའི་ཚེ་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་བར་འགྱུར་རོ། །འདི་ནི་སྐྱེ་བ་ཐ་མ་ཡིན་ཞིང་མངལ་ན་གནས་པ་ལས་ཡོངས་སུ་ཐར་བ་ཡིན་ནོ། །དེ་ནས་དོན་ཡོད་པའི་རིལ་བརྗོད་པར་བྱ་སྟེ། 
རིག་སྔགས་འཆང་བ་སྒྲུབ་པར་བྱེད་པ་ལེགས་པར་བསྒྲུབ་ན་རིག་སྔགས་འཆང་བ་ལེགས་པར་ཁྲུས་བྱས་ཤིང་གོས་གཙང་མ་བགོས་ཏེ་གཙང་བར་བྱའོ། །པད་མ་དང་། ལིག་བུ་མིག་དང་། ན་ག་གེ་སར་དང་། འགིའུ་ཝང་དང་། 
ཨུད་ཏ་མ་ར་ཎི་དང་། སྐྱེར་ཁ་འདའ་དང་། ཨ་ག་རུ་རྣམས་དེ་བཞིན་དུ་དེ་དག་ཆ་མཉམ་ཏེ་ཞིབ་མོར་བཏགས་ལ་ཁ་ར་དང་སྦྱར་ཏེ་གསེར་དང་དངུལ་གྱིས་དཀྲི་ཞིང་ཟངས་ཀྱིས་ཀྱང་དཀྲིས་ཏེ། ཙན་དན་དཀར་པོའི་གབ་ཚེ་ནང་དུ་བཅུག་

99-1-126a

ལ་ལག་པའི་སྙིམ་པར་བཅང་བར་བྱའོ། །ཟླ་བ་ཡར་གྱི་ངོ་ཚེས་བརྒྱད་དང་། བཅུ་བཞི་ལ་སྨྱུང་བ་བྱས་ཏེ། འཕགས་པ་སྤྱན་རས་གཟིགས་དབང་ཕྱུག་གི་རས་ཀྱི་སྐུ་གཟུགས་ཀྱི་སྤྱན་སྔར་དོན་ཡོད་པའི་རྒྱལ་པོའི་སྙིང་པོ་
སྟོང་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱ། གསང་སྔགས་སྟོང་རྩ་བརྒྱད་བཟླས་བརྗོད་བྱའོ། །དེ་ནས་འགུལ་བར་གྱུར་ན་དེ་བླངས་ཏེ་ཁར་བཅུག་ན་མི་སྣང་བར་འགྱུར་རོ། །ལོ་སྟོང་ཐུབ་པར་
འགྱུར་རོ། །སོར་བཞི་ཙམ་གྱིས་རྐང་པ་ས་ལ་མི་རེག་པར་འགྱུར་རོ། །དཔག་ཚད་བརྒྱར་འགྲོ་ཞིང་ཕྱིར་ཡང་འོང་བར་འགྱུར་རོ། །མེ་ཏོག་ཅན་གྱི་རིག་འཛིན་འཁོར་ལོས་སྒྱུར་བར་འགྱུར་རོ། །ལུས་ལས་ཀུ་མུ་ད་དང་ཨུཏ་པ་ལའི་དྲི་འབྱུང་
བར་འགྱུར་རོ། །ཨུཏ་པ་ལ་སྔོན་པོ་དང་། ཙམ་པ་ཀ་དང་། ཀེ་ཏུའི་མེ་ཏོག་དང་དེ་དག་ཆ་མཉམས་ཏེ་སྦྱར་ལ་མཁས་པས་སྦྲང་རྩི་དང་ལྷན་ཅིག་སྦྱར་ཏེ་རི་ལུ་བྱས་ལ་གསེར་དང་། དངུལ་དང་ཟངས་ཀྱིས་དཀྲིས་ཏེ་ཟླ་བ་ཡར་གྱི་ཚེས་
དྲུག་ནས་ཚེས་བརྒྱད་དམ། བཅུ་གཉིས་ནས་བཅུ་བཞི་འམ། བཅུ་གསུམ་ནས་བཅྭ་ལྔའི་ཚེ་ཉིན་ཞག་གསུམ་དུ་སྨྱུང་བར་བྱའོ། །ཤིན་ཏུ་ཁྲུས་བྱས་ཤིང་གོས་གཙང་མ་བགོས་ཏེ་གཙང་བར་བྱའོ། །སངས་རྒྱས་བཅོམ་ལྡན་འདས་
དང་འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་རས་ལ་བྲིས་པ་ལ་མཆོད་པ་རྒྱ་ཆེན་པོ་བྱས་ཏེ། ཤིང་ཨ་ཤྭད་ཐ་ལས་བྱས་པའི་གབ་ཚེའི་ནང་དུ་རི་ལུ་བཅུག་ནས་ལག་པའི་སྙིམ་པར་བཅུག་ལ་རི་མོའི་སྤྱན་
སྔར་ཇི་སྲིད་དུ་ཇི་སྲིད་འཁྲོལ་བའི་སྒྲ་འབྱུང་བ་དེ་སྲིད་དུ་བཟླས་བརྗོད་བྱའོ། །དེ་ནས་གྲུབ་པ་ཡིན་ཏེ་དེ་ལས་ཁར་བཅུག་ན་དཔག་ཚད་སྟོང་དུ་འདི་འགྲོ་བར་འགྱུར་ཞིང་སླར་ཡང་འོང་བར་འགྱུར་རོ། །སོར་བརྒྱད་ཙམ་དུ་རྐང་པ་ས་ལ་མི་རེག་པར་
འགྱུར་རོ། །ལོ་སྟོང་ཕྲག་བཅུར་འཚོ་བར་འགྱུར་རོ། །མིག་ཨུཏ་པ་ལ་སྔོན་པོ་ལྟ་བུར་འགྱུར་རོ། །ཨུཏ་པ་ལ་སྔོན་པོའི་དྲི་ཁ་ནས་འབྱུང་བར་འགྱུར་རོ། །བཞིན་ཡོངས་སུ་རྒྱས་པ་ཟླ་བའི་དཀྱིལ་འཁོར་ལྟ་བུར་འགྱུར་རོ། །མདོག་པད་མ་ལྟ་བུར་འགྱུར་

99-1-126b

རོ། །ལུས་ལས་ཙམ་པ་ཀའི་དྲི་འབྱུང་བར་འགྱུར་རོ། །རིག་འཛིན་ནམ་མཁའ་ལ་གང་བ་ཐམས་ཅད་ཀྱི་འཁོར་ལོས་སྒྱུར་བའི་རྒྱལ་པོར་འགྱུར་རོ། །ཙན་དན་གྱི་ཕྱེ་མ་དང་། ཨ་ག་རུའི་ཕྱེ་མ་དང་། རྒྱ་སྤོས་དང་ཨ་རུ་ར་དང་པ་ནི་ན་དང་། 
དེ་དག་རྣམས་ཆ་མཉམ་ཏེ་ཞིབ་མོར་བཏགས་ལ་དུ་རུས་ཀའི་མར་གྱིས་རི་ལུར་བྱའོ། །གསེར་དང་དངུལ་དང་ཟངས་ཀྱིས་དཀྲིའོ། །ཙན་དན་དཀར་པོ་ལས་བྱས་པའི་སྒྲོམ་བུར་བཅུག་སྟེ། ཚེས་བཅུ་གསུམ་ནས་ཉའི་བར་དུ་ཉིན་
ཞག་གསུམ་མི་ཉལ་བར་སངས་རྒྱས་བཅོམ་ལྡན་འདས་དང་། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེར་བྱ་ཞིང་གཏོར་མ་ཡང་རྒྱ་ཆེར་བྱིན་ལ། རྩྭ་དར་བྷའི་སྟན་ལ་འདུག་སྟེ། ལག་པའི་སྙིམ་པར་
བཅུག་ནས། དོན་ཡོད་པའི་ཞགས་པའི་སྙིང་པོ་སྟོང་རྩ་བརྒྱད་ཀྱི་བར་དུ་བཟླས་བརྗོད་བྱའོ། །ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱའོ། །དེ་ནས་རི་ལུ་འགུལ་བར་འགྱུར་ན་རིག་སྔགས་འཆང་བས་དེས་ན་གྲུབ་པ་ཡིན་པར་རིག་པར་
བྱ་སྟེ་རི་ལུ་གྲུབ་པ་དེ་ཡིན་ནོ། །དེ་ནས་རིག་སྔགས་འཆང་བས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱས་ཏེ། ནམ་ནངས་ཀ་སྐྱ་རེང་སེར་པོ་འཆར་བའི་དུས་སུ་བཟའ་བར་བྱའོ། །སངས་རྒྱས་དང་བྱང་ཆུབ་
སེམས་དཔའ་ཐམས་ཅད་ལ་ཕྱག་བྱས་ནས་སེམས་ཅན་ཐམས་ཅད་ལ་བྱམས་པའི་སེམས་བྱའོ། །གྲོགས་བྱེད་པ་ལ་ཡང་བྱིན་ཏེ། རི་ལུ་གཅིག་ཁར་གཞུག་པར་བྱའོ། །རི་ལུ་ཁར་བཅུག་པ་ཙམ་གྱི་མོད་ལ་མི་སྣང་བར་འགྱུར། 
ནམ་མཁའ་ལ་འགྲོ་བར་འགྱུར། དཔག་ཚད་ལྔ་སྟོང་དུ་འགྲོ་ཞིང་སླར་ཡང་འོང་བར་འགྱུར་། །རི་ལུ་སྒྲུབ་པར་བྱེད་པ་ཚེགས་མེད་པར་གྲུབ་པ་རྣམས་ཀྱི་འཁོར་ལོས་སྒྱུར་བའི་རྒྱལ་པོར་འགྱུར། ཚེ་ལོ་ལྔ་སྟོང་ཐོབ་
པར་འགྱུར། ཁྲུ་གང་ཙམ་གྱིས་རྐང་པ་ས་ལ་མི་རེག་པར་འགྱུར་རོ། །དེ་ནས་གཏེར་བརྐོ་བར་འདོད་པས་གནས་གང་ན་གཏེར་ཡོད་པར་དོགས་པའི་གནས་དེར་བའི་གཅི་བས་མཎ་ཌལ་བྱས་ལ། མེ་ཏོག་གཏོར་ཞིང་གུ་གུལ་གྱི་བདུག་པས་བདུག་

99-1-127a

ཅིང་། གཏོར་མ་གཙང་མ་དང་། ཤ་དང་ཁྲག་གི་གཏོར་མ་དང་། ཕྱེ་ཟན་དང་འབྲས་བུ་དང་། པད་མའི་གཏོར་མ་དང་། གཏོར་མ་རྣམ་པ་གསུམ་སྦྱིན་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་ལ་མཆོད་
པ་བྱའོ། །སྟོང་ཕྲག་བཅུ་བཟླས་བརྗོད་བྱའོ། །སྟོང་ཕྲག་བཅུ་ཚང་བ་དང་གནས་གང་ན་གཏེར་ཡོད་པའི་གནས་དེར་གཏེར་སྲུང་བ་མངོན་དུ་འབྱུང་ཞིང་གཏེར་འབྱུང་བར་འགྱུར་རོ། །གཏེར་སྲུང་བ་ལ་གཏོར་མ་དང་། མཆོད་ཡོན་སྦྱིན་
པར་བྱས་ན་གཏེར་སྲུང་བ་དེ་ཇི་སྲིད་འཚོའི་བར་དུ་ལས་བྱས་པ་པོར་འགྱུར་རོ། །གང་དུ་མངགས་པ་དང་། གང་བསྒོ་བའི་ལས་དེ་ཐམས་ཅད་བྱེད་པར་འགྱུར་རོ། །ཡུངས་དཀར་དང་ཐལ་བ་ལ་དོན་ཡོད་པའི་རྒྱལ་པོའི་སྙིང་པོ་ལན་བདུན་བཟླས་
བརྗོད་བྱས་ཏེ་ཕྱོགས་བཞིར་གཏོར་ན་བགེགས་དང་། ལོག་འདྲེན་དང་། གནོད་སྦྱིན་དང་། སྲིན་པོ་དང་། འབྱུང་པོ་ཐམས་ཅད་བཅིངས་པར་འགྱུར་རོ། །མཚམས་ཆེན་པོ་བཅིང་བར་བྱས་པར་འགྱུར་རོ། །ལོག་འདྲེན་ཕུང་བར་བྱ་ན་ཡུངས་མར་
དང་། ཡུངས་དཀར་དང་། གུ་གུལ་དང་། སྐེ་ཚེའི་འབྲུ་དང་། ལན་ཚྭ་རྣམས་སྦྲང་རྩི་དང་བསྲེས་ལ་ཤིང་ཀ་ར་བི་རའི་ཡམ་སྲེག་ཤིང་གི་མེ་བུས་ཏེ། ཉིན་པར་དུས་གསུམ་དུ་བརྒྱ་རྩ་བརྒྱད་སྦྱིན་སྲེག་བྱས་ན་ལོག་འདྲེན་གྱི་རིགས་
ཐམས་ཅད་བཅོམ་པར་འགྱུར་ཞིང་རྣམ་པར་ཞི་བར་འགྱུར་རོ། །དམག་བཅིང་བར་འདོད་པས་ཡུངས་དཀར་དང་། དུག་དང་། སྐེ་ཚེའི་འབྲུ་དང་། ས་བོན་བདུན་རྣམས་སྦྲང་རྩི་དང་སྦྱར་ལ་དམག་གི་མདུན་དུ་ཤིང་ནིམ་
པའི་མེ་སྦར་ཏེ། ཐོག་མར་བརྒྱ་བརྒྱ་བྱས་ན་དམག་བཅིང་བར་འགྱུར་རོ། །ལན་གཉིས་བྱས་ན་ནད་ཆེན་པོ་འབྱུང་བར་འགྱུར་རོ། །བརྒྱད་བརྒྱ་བཟླས་བརྗོད་ལན་གསུམ་པ་བྱས་ན། དམག་ཐམས་ཅད་ཞིག་པར་འགྱུར་
ཞིང་ཕྱིར་ཡང་ལན་འགའ་ཡང་འོང་བར་མི་འགྱུར་རོ། །དེ་ནས་དབྱུག་པ་བསྒྲུབ་པ་སེང་ལྡེང་ལས་གཤིན་རྗེའི་དབྱུག་པའི་ཚད་ཁྲུ་དོ་པ་བྱའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཟས་དཀར་གསུཾ་

99-1-127b

ཟོས་ཏེ། སྟོང་ཕྲག་བཅུར་བཟླས་བརྗོད་བྱའོ། །དེ་ནས་ཚེས་བཅུ་ལྔ་ཚང་བའི་ཚེ་སྨྱུང་བ་བྱས་ཏེ། དོན་ཡོད་པའི་རྒྱལ་པོའི་སྙིང་པོ་བརྒྱ་རྩ་བརྒྱད་བཟླས་བརྗོད་བྱའོ། །ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་པ་བྱས་ན་དེ་ནས་དབྱུག་པ་འབར་
རོ། །དེ་ནས་གྲུབ་པ་ཡིན་པར་ཤེས་པར་བྱའོ། །དོན་ཡོད་པའི་དབྱུག་པ་ཞེས་བྱ་བའི་སྒྲ་འབྱུང་བར་འགྱུར་རོ། །དེ་ནས་འཕགས་པ་སྤྱན་རས་གཟིགས་ཀྱི་དབང་ཕྱུག་ལ་མཆོད་པ་བྱའོ། །དེ་ནས་རིག་སྔགས་འཆང་བ་དབྱུག་པ་
བླངས་ཏེ་ཀུན་དུ་ལན་བདུན་བསྐོར་བར་བྱའོ། །དེ་ནས་དབྱུག་པ་དེ་ས་ལ་བརྡབ་པར་བྱའོ། །དབྱུག་པས་ས་ལས་གྲུ་བཞིར་གཞལ་བར་བྱས་ན་ཀུན་དུ་གྲུ་བཞི་ལྷམ་པའི་ཁྱིམ་ཆེན་པོ་གཞལ་མེད་ཁང་འབྱུང་བར་འགྱུར་ཏེ། 
ཕུན་སུམ་ཚོགས་པ་རྣམ་པ་ཐམས་ཅད་ཡོངས་སུ་རྫོགས་པའི་ལྷའི་གཞལ་མེད་ཁང་འབྱུང་བར་འགྱུར་རོ། །བུད་མེད་དང་། སྐྱེས་པ་དང་། ཁྱེའུ་དང་། བུ་མོའི་སྐྱེ་བོས་གང་བར་འགྱུར་རོ། །དེ་ནས་ལྷ་མོ་རྒྱན་ཐམས་
ཅད་ཀྱིས་བརྒྱན་པ། བཟང་བ། མཛེས་པ། བལྟ་བར་འོས་པ་ཞིག་འོངས་ནས་རིན་པོ་ཆེ་བདུན་ལས་བྱས་པའི་སྣོད་བུམ་པ་གང་བ་ཞིག་ཐོགས་ཤིང་སྒོའི་ནང་དུ་འདུག་གོ། དེ་ནས་ལྷ་མོ་དེ་ན་རེ་རིག་སྔགས་འཆང་གི་ཁྱིམ་ཡིན་
གྱིས་ནང་དུ་ཞུགས་ཤིག་ཅེས་སྨྲ་བར་འགྱུར་རོ། །རིག་སྔགས་འཆང་བས་སྙིང་པོ་མེད་པར་འགྱུར་བའི་ཁྱིམ་གཞལ་མེད་ཁང་འདིས་ཅི་ཞིག་བྱ་ཞེས་བརྗོད་པར་བྱའོ། །དེ་ན་རེ་སྣོད་གང་བ་འདི་ལོང་ཤིག་དང་། རྒྱ་ཆེར་འཕེལ་
བར་འགྱུར་རོ་ཞེས་སྨྲ་བར་འགྱུར་རོ། །རིག་སྔགས་འཆང་བས་དྷིག་དྷིག་ཅེས་ཁྲོས་པ་བྱས་པ་དང་། ལྷ་མོ་དེ་ངུས་ཏེ་ཇི་ལྟར་ཆར་པ་ཆེར་འབབས་པ་དེ་བཞིན་དུ་འདིའི་མིག་ནས་མཆི་མ་བྱུང་བ་དང་རིག་སྔགས་འཆང་
བས་བླང་བར་བྱ་ཞིང་རང་གི་ལུས་ལ་བསྐུ་བར་བྱའོ། །བསྐུས་པ་ཙམ་གྱི་མོད་ལ་འཛམ་བུ་གླིང་གི་གསེར་ལྟ་བུའི་ལུས་སུ་འགྱུར་རོ། །ཙན་དན་སྦྲུལ་གྱི་སྙིང་པོ་དང་གོ་ཤིར་ཤའི་དྲི་ལུས་ལས་འབྱུང་བར་འགྱུར་རོ། །ཁར་

99-1-128a

བཅུག་ན་ལྷ་རྫས་ཀྱིས་ཨུཏ་པ་ལའི་དྲི་ཁ་ནས་འབྱུང་བར་འགྱུར་རོ། །མཆོག་མིག་ཏུ་བསྐུས་ན་ལྷ་རྫས་ཀྱི་ཨུཏ་པ་ལ་སྔོན་པོ་འདྲ་བའི་ལྷའི་མིག་ཏུ་འགྱུར་རོ། །སྐྲ་ལ་བསྐུས་ན་ལྷའི་རྨ་བྱའི་མདོག་འདྲ་བའི་
སྐྲར་འགྱུར་ཞིང་སྐྲ་འཁྲིལ་ལ་འཁྱིལ་བར་འགྱུར་རོ། །རྣ་བའི་བུ་གར་བླུགས་ན་ལྷའི་སྙན་དུ་འགྱུར་ཏེ། དཔག་ཚད་སྟོང་ཕྲག་གསུམ་དུ་ཐོས་པར་འགྱུར་རོ། །དཔག་ཚད་སྟོང་ཕྲག་གསུམ་མཐོང་བར་འགྱུར་རོ། །འཐུངས་ན་
བསྐལ་པ་སྟོང་ཕྲག་བཅུ་འཚོ་བར་འགྱུར་རོ། །བར་གྱི་བསྐལ་པ་རྗེས་སུ་དྲན་པར་འགྱུར་རོ། །གར་ཐབས་དང་། ཏྲོ་ཊ་ག་དང་། བརྡ་སྤྲོད་པ་དང་། བསྟན་བཅོས་དང་། བྷ་ར་ཏ་དང་། ར་མ་ཡ་ན་དང་། སྔོན་གྱི་གཏམ་
སྙིང་དང་། ཚུལ་དང་། འདུལ་བ་དང་། སྐྱེས་རབས་དང་། སྙན་དངགས་དང་བྱེ་བྲག་པ་ཐམས་ཅད་དང་། ཆོ་ག་ཞིབ་མོ་ཐམས་ཅད་དང་། དཀྱིལ་འཁོར་དང་། ཕྱག་རྒྱ་དང་། གསང་སྔགས་དང་གཟུངས་དང་མདོ་སྡེ་དང་ཆོས་མངོན་པ་དང་། 
ཐེག་པ་ཆེན་པོ་དང་། དེ་དག་ཐམས་ཅད་མངོན་དུ་གྱུར་པར་གནས་སོ། །ཐམས་ཅད་དུ་རྟོགས་པ་ཁོང་དུ་ཆུད་པ་ཆེན་པོར་འགྱུར་རོ། །དེ་ནས་བུད་མེད་དེ་ན་རེ་རྗེ་བཙན་དམ་པ་རང་གི་ཁབ་མཆོག་ཏུ་གཤེགས་སུ་གསོལ་ཞེས་སྨྲ་བར་
འགྱུར་རོ། །རིག་སྔགས་འཆང་བས་བརྗོད་པར་བྱ་ཞིང་རང་གི་རྐང་པ་རིམ་གྱིས་འཇུག་པར་བྱའོ། །དེ་ནས་བུད་མེད་དེ་ནུ་མ་གཉིས་སྟོན་པར་བྱེད་ན་རིག་སྔགས་འཆང་བས་ནུ་མ་གཉིས་བཟུང་ལ་བཙིར་ན་དེ་ལས་འོ་མ་འཛག་
པར་འགྱུར་རོ། །དེ་ནས་རིག་སྔགས་འཆང་བས་བླང་བར་བྱ། བཏུང་བར་བྱ། རྐང་པ་ལ་བསྐུ་བར་བྱས་ན་བསྐུས་པ་ཙམ་གྱི་མོད་ལ་འཁོར་སྟོང་དང་ལྷ་མོ་དེ་དང་ལྷན་ཅིག་ཏུ་ནམ་མཁའ་ལ་འཕུར་ཏེ་
འགྲོ་བར་འགྱུར་རོ། །རླུང་གི་ཕུང་པོ་དང་པོ་ལ་ཞོན་པར་འགྱུར་རིག་འཛིན་འཁོར་ལོས་སྒྱུར་བ་སྟོང་ཕྲག་བརྒྱད་བཅུ་རྩ་བཞི་རྣམས་ཀྱི་རིག་འཛིན་འཁོར་ལོས་སྒྱུར་བའི་རྒྱལ་པོ་དང་དཔོན་པོར་འགྱུར་རོ། །བདེ་བ་ཅན་

99-1-128b

གྱི་འཇིག་རྟེན་གྱི་ཁམས་སུ་འགྲོ་བར་འགྱུར་རོ། །དེ་ཉིད་རིག་འཛིན་རྣམས་ཀྱི་མཆོག་ཏུ་འགྱུར་ཏེ། འཇིག་རྟེན་པའི་ཆོ་ག་བསྒྲུབ་པ་ཡིན་ནོ། །དབྱུག་པ་ལག་པ་གཡས་པས་གཟུང་སྟེ། དོན་ཡོད་པའི་རྒྱལ་པོའི་
སྙིང་པོ་ལན་ཉི་ཤུ་རྩ་གཅིག་བཟླས་བརྗོད་བྱ་ཞིང་ལན་བདུན་བསྐོར་བ་བྱས་ན་དོན་གང་ཡིད་ལ་སེམས་པ་དང་། གང་འདོད་པ་དེ་དག་ཐམས་ཅད་སྐད་ཅིག་ཏུ་འགྲུབ་པར་འགྱུར་རོ། །གང་དགུག་པ་དེ་དག་ཐམས་ཅད་
བཀུག་ཅིང་མདུན་ན་གནས་པར་འགྱུར་རོ། །གནོད་སྦྱིན་དང་། གནོད་སྦྱིན་མོ་དགུག་པར་འདོད་ན་བཙག་གི་རི་མོ་བྲིས་ལ་དབྱུག་པ་ལ་དོན་ཡོད་པའི་རྒྱལ་པོ་ལན་བདུན་བཟླས་བརྗོད་བྱ་ཞིང་། གནོད་སྦྱིན་དང་། གནོད་
སྦྱིན་མོའི་སྟེང་དུ་བསྐོར་བར་བྱའོ། །གུ་གུལ་གྱི་བདུག་པ་སྦྱིན་པར་བྱའོ། །གཏོར་མ་དཀར་པོ་ཅན་གྱི་སྣོད་དབུལ་བར་བྱའོ། །ལན་བདུན་བསྐོར་བ་ཙམ་གྱི་མོད་ལ་གནོད་སྦྱིན་དང་། གནོད་སྦྱིན་མོ་མདུན་ན་འདུག་ཅིང་བཀའ་བཞིན་
དུ་བྱེད་པར་འགྱུར་རོ། །གང་བསྒོ་བའི་ལས་དེ་བྱེད་པར་འགྱུར་རོ། །ཐམས་ཅད་མ་ཚང་བ་མེད་པར་སྒྲུབ་པར་འགྱུར་རོ། །ནོར་དང་། འབྲུ་དང་། དབྱིག་དང་། ནོར་བུ་དང་། མུ་ཏིག་དང་། དངུལ་དང་། ས་ལེ་སྦྲམ་དང་། གོས་དང་། མལ་སྟན་དང་། 
ཆོས་གོས་དང་། རྒྱན་གྱི་རྣམ་པ་ལ་སོགས་པ་སྒྲུབ་པར་བྱེད་པར་འགྱུར་རོ། །གཞན་གང་བསྒོ་བ་དེ་ཐམས་ཅད་སྒྲུབ་པར་བྱེད་དོ། །དཔལ་ལྷ་མོའི་མདུན་དུ་བསྐོར་ན་ནོར་གྱི་མཆོག་རྣམ་པ་མང་དུ་སྦྱིན་པར་བྱེད་དོ། །མདུན་ན་རང་
གི་ངོ་བོ་གནས་པར་འགྱུར་རོ། །གང་འདོད་པ་དེ་ཐམས་ཅད་སྦྱིན་པར་བྱེད་དོ། །རྣམ་ཐོས་སྲས་ཀྱི་ཞབས་ལ་ལན་བདུན་བརྡབ་ཅིང་དོན་ཡོད་པའི་རྒྱལ་པོ་ལ་ལན་ཉི་ཤུ་རྩ་གཅིག་དྲན་པར་བྱས་ན་རྣམ་ཐོས་ཀྱི་སྲས་རྒྱུག་
ཅིང་མདུན་ན་གནས་པར་འགྱུར་རོ། །ནོར་མང་དུ་སྦྱིན་པར་མཛད་དོ། །གང་འདོད་པ་དེ་ཐམས་ཅད་མཛད་པར་འགྱུར་རོ། །མི་སྨྲ་བར་འདུག་པ་ལ་ལན་ཉི་ཤུ་རྩ་གཅིག་བཟླས་བརྗོད་བྱ་ཞིང་རྒྱལ་པོའི་སྒོར་ལན་བདུན་བསྐོར་བ་བྱས་ན་རྒྱལ་

99-1-129a

པོ་དང་། བཙུན་མོའི་འཁོར་རྣམས་བདག་ཉིད་དང་། ནོར་ལ་དབང་བར་འགྱུར་རོ། །གྲོང་ཁྱེར་གྱི་སྒོར་བསྐོར་ན་གྲོང་ཁྱེར་ན་གནས་པའི་བུད་མེད་དང་། སྐྱེས་པ་དང་། ཁྱེའུ་དང་བུ་མོ་རྣམས་དབང་དུ་འགྱུར་ཞིང་གནས་
སོ། །དེ་གཅིག་པུ་མཆོད་པར་འོས་པར་འགྱུར་རོ། །དེ་དག་ཐམས་ཅད་བྲན་ཕོ་དང་བྲན་མོ་བཞིན་དུ་རྗེས་སུ་འབྲང་བར་འགྱུར་རོ། །ལྷ་ཁང་དུ་སོང་ནས་ལྷའི་སྤྱན་སྔར་བསྐོར་ཞིང་དོན་ཡོད་པའི་རྒྱལ་པོའི་སྙིང་པོ་བཟླས་བརྗོད་བྱས་
ན་ལྷ་དེ་རང་གི་ངོ་བོ་མདུན་ན་གནས་པར་འགྱུར་རོ། །གང་བསྒོ་བ་དེ་ཐམས་ཅད་བྱེད་པར་འགྱུར་རོ། །གང་འདོད་པ་དེ་ཐམས་ཅད་སྦྱིན་པར་འགྱུར་རོ། །ཉི་མ་འཆར་བའི་ཚེ་ཉི་མའི་མདུན་དུ་བསྐོར་བར་བྱ་ཞིང་དོན་ཡོད་པའི་རྒྱལ་
པོའི་སྙིང་པོ་བཟླས་བརྗོད་བྱས་ན་ཉི་མ་བབས་ཏེ་མཆོག་གང་འདོད་པ་དེ་ཐམས་ཅད་སྦྱིན་པར་མཛད་དོ། །ཟླ་བ་ཉའི་ཞལ་དུ་བསྐོར་ཅིང་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱེད་ན་ཟླ་བ་དང་། རྒྱུ་སྐར་དང་། སྐར་མའི་ཚོགས་
དང་བཅས་ཏེ་འབབ་པར་འགྱུར་རོ། །མཆོག་བསམ་པ་ཐམས་ཅད་སྦྱིན་པར་བྱེད་དོ། །རིང་བསྲེལ་དང་བཅས་པའི་མཆོད་རྟེན་ལ་སྐོར་བ་བྱེད་ཅིང་དོན་ཡོད་པའི་རྒྱལ་པོ་བཟླས་བརྗོད་བྱས་ཤིང་དབྱུག་པ་བསྐོར་ན་མཆོད་རྟེན་འབར་
ཞིང་སྒྲ་འབྱུང་བར་འགྱུར་རོ། །གང་བསམ་པ་དེ་ཐམས་ཅད་སྨྲ་བར་འགྱུར་རོ། །གང་འདོད་པ་དེ་ཐམས་ཅད་སྦྱིན་པར་མཛད་དོ། །དེ་བཞིན་གཤེགས་པ་ལ་བསྐོར་བ་བྱ་སྟེ། དོན་ཡོད་པའི་སྙིང་པོའི་བཟླས་རྗོད་བྱེད་ཅིང་དབྱུག་པ་བསྐོར་
ན་དེ་བཞིན་གཤེགས་པ་ཐམས་ཅད་མཐོང་བར་འགྱུར་བ་དང་། དེ་བཞིན་གཤེགས་པ་ཐམས་ཅད་དབུགས་འབྱིན་པར་མཛད་པ་དང་། བསམ་པ་དང་རེ་བ་ཐམས་ཅད་ཡོངས་སུ་རྫོགས་པར་མཛད་པར་འགྱུར་རོ། །ཡང་ན་
འཕགས་པ་སྤྱན་རས་གཟིགས་དབང་ཕྱུག་གིས་རང་གི་སྐུ་བཞིན་ཐུན་ཐོ་རངས་ཀྱི་ཚེ་མདུན་ན་བཞུགས་པར་འགྱུར་རོ། །མཆོག་བསམ་པ་ཐམས་ཅད་སྦྱིན་པར་མཛད་པར་འགྱུར་རོ། །དགོས་པ་ཐམས་ཅད་གྲུབ་

99-1-129b

པར་མཛད་པར་འགྱུར་རོ། །དོན་ཡོད་པའི་དབྱུག་པ་རིག་འཛིན་འཁོར་ལོས་བསྒྱུར་བ་གྲུབ་པ་ཐོབ་པར་འགྱུར་རོ། །ཆར་མི་འབབ་པའི་ཚེ་ཀླུའི་གནས་སུ་སོང་སྟེ། དོན་ཡོད་པའི་རྒྱལ་པོའི་སྙིང་པོ་དྲན་པར་བྱ། དབྱུག་པ་བསྐོར་བར་བྱའོ། །
བསྐོར་བ་ཙམ་གྱི་མོད་ལ་ཀླུ་རྣམས་ཆར་པའི་རྒྱུན་ཆེན་པོ་འབྱུང་བར་འགྱུར་རོ། །ཅི་འདོད་པའི་ཆར་གྱི་རྒྱུན་འབེབས་སོ། །ཆར་ཆེས་ན་ཁང་ཐོག་ཏུ་དོན་ཡོད་པའི་ཞགས་པའི་སྙིང་པོ་སྐད་དྲག་པོས་བརྗོད་དེ། སེར་བ་འབབ་པའི་ཚེ་
སྤྲིན་ལོགས་སུ་བལྟས་ཏེ་ཁྲོས་པས་ཁྲོ་བོའི་རྒྱལ་པོ་སྐད་ཆེན་པོས་དྲན་པར་བྱ་ཞིང་ཁྲོས་པས་དབྱུག་པ་བསྐོར་ན་སད་དང་། རླུང་དང་སེར་བ་མི་འབབ་པར་འགྱུར་རོ། །དཔག་ཚད་ཚུན་ཆད་དུ་མཚམ་ཆེན་པོ་ཀུན་ཏུ་བཅད་པར་འགྱུར་
རོ། །གདོན་ཀུན་གྱིས་ཟིན་པ་ལ་ཁྲོ་བོའི་རྒྱལ་པོ་ལ་ལན་བདུན་དྲན་པར་བྱ་ཞིང་དབྱུག་པ་བསྟན་ན་གདོན་ཐམས་ཅད་ངུ་ཞིང་འབྲོས་པར་འགྱུར་རོ། །བརྗེད་བྱེད་ལ་སོགས་པའི་བར་ལ་བསྟན་པ་ཙམ་གྱིས་འབྲོས་པར་འགྱུར་རོ། །
རིམས་ཐམས་ཅད་ལ་དོན་ཡོད་པའི་རྒྱལ་པོའི་སྙིང་པོས་བྱབས་ན་བྱབས་པ་ཙམ་གྱི་མོད་ལ་རིམས་ཐམས་ཅད་ལས་ཐར་བར་འགྱུར་རོ། །ཞག་བཞི་པའི་རིམས་ནི་ངུ་ཞིང་འབྲོས་པར་འགྱུར་རོ། །གཡུལ་འགྱེད་ཅིང་འཐབ་པའི་
ཚེ་དོན་ཡོད་པའི་རྒྱལ་པོའི་སྙིང་པོ་ཁྲོས་པས་བཟླས་བརྗོད་བྱ། དབྱུག་པ་བསྐོར་བ་བྱས་ན་མཚོན་དང་། དགྲ་སྟ་དང་། ལག་ཆ་ཐམས་ཅད་མི་སྣང་བར་འགྱུར་ཞིང་ཕ་རོལ་གྱི་དཔུང་རྣམས་ཀྱི་ཧུད་ཀྱི་ཧུད་ཟེར་ཞིང་འབྲོས་
པར་འགྱུར་རོ། །འབྲོག་དགོན་པའི་ནང་དུ་འགྲོན་པོ་རྣམས་སོང་བ་ན་དོན་ཡོད་པའི་རྒྱལ་པོ་དྲན་པར་བྱ་ཞིང་དབྱུག་པ་བསྐོར་བ་བྱས་ན་རྐུན་པོ་དང་། ཆོམ་པོ་དང་། མི་རྒོད་དང་། སེང་གེ་དང་། སྟག་དང་། དོམ་དང་། 
དྲེད་དང་། དུག་མི་བཟད་པ་དང་། གཅན་གཟན་ཁྲོ་བོ་དང་། གླང་པོ་ཆེ་དང་། མ་ཧེ་དང་། དུག་དང་བཅས་པའི་སྲོག་ཆགས་དེ་དག་ཐམས་ཅད་མི་སྣང་བར་འགྱུར་རོ། །རང་གི་ཁྱིམ་དུ་བདེ་བར་འགྲོ་བར་འགྱུར་

99-1-130a

རོ། །མི་ངས་ཐམས་ཅད་དང་། བ་ལང་གི་ནད་དང་། ཕྱུགས་ངས་ཆེན་པོ་དང་། རྟ་ནད་ཆེན་པོ་དང་། བུད་མེད་དང་། སྐྱེས་པ་དང་། ཁྱེའུ་དང་བུ་མོའི་ནད་ཆེན་པོ་བྱུང་བའི་ཚེ་དོན་ཡོད་པའི་རྒྱལ་པོའི་སྙིང་པོ་
དང་། ཁྲོ་བོའི་རྒྱལ་པོའི་སྐད་ཆེན་པོས་དྲན་པར་བྱ་ཞིང་དབྱུག་པ་གྲོང་ཁྱེར་གྱི་སྒོ་བཞིར་བསྐོར་བ་བྱས་ན་བསྐོར་བ་ཙམ་གྱི་མོད་ལ་མི་ངས་དང་། གནོད་པ་དང་། ཉོན་མོངས་པ་དང་། འཁྲུག་པ་ཐམས་ཅད་པ་དང་། 
འཐབ་པ་དང་། རྩོད་པ་དང་། འགྱེད་པ་དང་། མཚང་འབྲུ་བ་ཐམས་ཅད་ཞི་བར་འགྱུར་རོ། །འཇིགས་པ་ཐམས་ཅད་ལས་གྲོལ་བར་འགྱུར་རོ། །བུད་མེད་དང་། སྐྱེས་པ་དགུག་པར་འདོད་ན་གནས་མཐོན་པོར་
འདུག་སྟེ། སྐད་ཆེན་པོས་དོན་ཡོད་པའི་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་དྲན་པར་བྱའོ། །དབྱུག་པ་བསྐོར་བར་བྱའོ། །གང་གི་ཆེད་དུ་བྱ་བ་དེ་མིང་བརྗོད་པར་བྱས་ན་དཔག་ཚད་བརྒྱ་ནས་ཀྱང་དེ་འོང་ཞིང་བདག་དང་ནོར་ལ་དབང་བྱ་བར་
ཡོད་ཅིང་གནས་པར་འགྱུར་རོ། །ཇི་སྲིད་འཚོའི་བར་དུ་འགྱུར་རོ། །ཞོན་ཏེ་ནོར་བུ་བཟང་པོའི་སྲས་དགུག་པར་འདོད་ན་ཟླ་བ་ཡར་གྱི་ངོ་ཚེས་བཅུ་བཞི་ལ་སྨྱུང་བ་བྱས་ཏེ། དབྱུག་པ་ལ་དོན་ཡོད་པའི་རྒྱལ་པོའི་སྙིང་པོ་ལན་ཉི་ཤུ་རྩ་གཅིག་བཟླས་
བརྗོད་བྱ་སྟེ། ནོར་བཟངས་ཀྱི་སྲས་ཀྱི་ལྟོ་བའི་སྟེང་དུ་གཞག་པར་བྱ། ཁྲོ་བོའི་རྒྱལ་པོ་བཟླས་པ་བྱས་ན་བཞི་ཐུན་གྱི་ཐོ་རངས་ཙམ་ན་ནོར་བུ་བཟང་པོའི་སྲས་རང་ཉིད་རིག་སྔགས་འཆང་བའི་མདུན་ན་བཞུགས་པར་འགྱུར་ཞིང་གསེར་
གྱི་དོང་ཙེ་སྟོང་ཕྲག་བཅུ་སྦྱིན་པར་མཛད་དོ། །དེ་ལས་དཀོན་མཆོག་གསུམ་གྱི་སྐུ་སྐལ་དབུལ་བར་བྱ། འཕགས་པ་སྤྱན་རས་གཟིགས་དབང་ཕྱུག་ལ་མཆོད་པར་བྱ། ནོར་བུ་བཟང་པོའི་སྲས་ལ་མཆོད་ཡོན་གྱི་ཆབ་དབུལ་
བར་བྱ། ཉི་མ་རེ་རེ་ཞིང་ནོར་བཟངས་ཀྱི་སྲས་ལ་མཆོད་ཡོན་གྱི་ཆབ་ཕུལ་ན་ནམ་འཚོའི་བར་དུ་ཉི་མ་རེ་རེ་ཞིང་གསེར་གྱི་དོང་རྩེ་སྟོང་སྦྱིན་པར་མཛད་དོ། །དེ་ནས་རིག་སྔགས་འཆང་བས་ཕྱེད་དང་བཞི་ཆ་གཅིག་བགོད་པར་བྱ་སྟེ། སྦྱིན་པ་

99-1-130b

སྦྱིན་པར་བྱ། བསོད་ནམས་བསགས་པར་བྱས་ལ། ནོར་བུ་བཟང་པོའི་སྲས་དང་ལྷན་ཅིག་ཏུ་རྗེས་སུ་ཡི་རང་བར་བྱའོ། །འབྲོག་དགོན་པའི་ནང་དུ་སོང་བ་ན། འབྲོག་དགོན་པ་གང་ན་ཆུ་དཀོན་པར་དབྱུག་པ་ལ་ལན་ཉི་ཤུ་རྩ་གཅིག་དོན་ཡོད་པའི་
ཞགས་པའི་སྙིང་པོ་བཟླས་བརྗོད་བྱ་ཞིང་གང་ན་ནེའུ་སིང་སྔོན་པོ་ཡོད་པའི་གནས་དེར་ས་ལ་ལན་བདུན་བརྡབ་ཅིང་བསྐོར་ཏེ་སྐད་དྲག་པོས་དོན་ཡོད་པའི་རྒྱལ་པོའི་སྙིང་པོ་དྲན་པར་བྱ། འཕགས་པ་སྤྱན་རས་གཟིགས་ཀྱི་དབང་ཕྱུག་
ལ་ཉམ་ཐག་ཐག་སྐད་དུ་བྱས་ན། དེ་ནས་གནས་གང་དུ་བརྡབས་པའི་གནས་དེར་ལྷ་རྫས་ཀྱི་ཆུ་ཧ་ཅང་གྲང་བ་ཡང་མིན། ཧ་ཅང་དྲོ་བ་ཡང་མིན། རོ་དང་ཆས་པ་ཡོད་པའི་རྫིང་བུ་འབྱུང་བར་འགྱུར་རོ། །དེ་ནས་རིག་སྔགས་འཆང་
བས་དབྱུག་པ་ལ་ཁྲོ་བོའི་རྒྱལ་པོ་ལན་བདུན་བཟླས་བརྗོད་བྱ་སྟེ། རྫིང་བུའི་ནང་དུ་ཆུ་ལ་བརྡབ་པར་བྱའོ། །དེ་ནས་རྫིང་བུའི་ནང་ནས་མི་སེར་སྐྱ་བོ་ཞིག་བྱུང་སྟེ། རིག་སྔགས་འཆང་བ་ལ་ཐལ་མོ་ཁོང་སྟོང་དུ་སྦྱར་ནས་མདུན་ན་འདུག་སྟེ་རིག་
སྔགས་འཆང་བ་ཅི་འདོད་ཅེས་སྨྲ་བར་འགྱུར་རོ། །རིག་སྔགས་འཆང་བས་བདག་ནི་ཁ་ཟས་ཀྱི་ཆེད་དུ་ལགས་ཀྱིས་སྩལ་དུ་གསོལ་ཞེས་བརྗོད་པར་བྱའོ། །དེ་ནས་རིག་སྔགས་འཆང་བས་མི་དེ་ལ་ཤིས་པའི་ཚིག་བརྗོད་པར་
བྱའོ། །དེ་ནས་མི་དེ་རྫིང་བུའི་ནང་དུ་ཞུགས་པ་དང་། སྐད་ཅིག་ཐང་ཅིག་ཡུད་ཙམ་ལ་ཁ་ཟས་དང་བཏུང་བའི་རོ་ཞིམ་པོ་རྣམ་པ་སྣ་ཚོགས་ཡོད་པར་བྱེད་ཅིང་རིག་སྔགས་འཆང་བ་ལ་སྦྱིན་པར་བྱེད་དོ། །སྐྱེ་བོ་སྟོང་ཕྲག་བརྒྱའི་སྟོན་
མོ་བྱར་ཡོད་ཅིང་ཡོ་བྱད་ཕུན་སུམ་ཚོགས་པ་ཤིན་དུ་མང་པོར་འགྱུར་རོ། །གལ་ཏེ་རིག་སྔགས་འཆང་བས་རྫིང་བུ་མེད་པར་མི་བྱེད་ན་རྫིང་བུ་དེ་དུས་རྟག་ཏུ་གནས་པར་འགྱུར། མི་སྣང་བར་མི་འགྱུར་ཏེ། སེམས་ཅན་ཐམས་
ཅད་དང་འགྲོན་པོ་ཐམས་ཅད་ལ་ཡོ་བྱད་ཐམས་ཅད་ཀྱིས་བྲེལ་བ་མེད་པར་འབྱུང་བར་འགྱུར་རོ། །འོན་ཏེ་དོན་ཡོད་པ་སྣ་ཚོགས་བྱ་བར་འདོད་ན་རིག་སྔགས་འཆང་བ་དེས་ལན་ཉི་ཤུ་རྩ་གཅིག་བཟླས་བརྗོད་བྱས་པའི་དྲི་ཆུས་

99-1-131a

ཁྲུས་བྱས་ལ་སྤྱི་གཙུག་བཅིང་བར་བྱའོ། །མི་སྨྲ་བར་དབྱུག་པ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ཏེ་བསྐོར་བར་བྱའོ། །དེ་ནས་འཁོར་དང་སྐྱེ་བོ་མང་པོ་འཁོར་ཞིང་རྨོང་པར་འགྱུར་རོ། །དེ་ནས་དབྱུག་པ་བསྐོར་
བ་བྱས་ན་ཡིད་ལ་ཇི་ལྟར་སེམས་པའི་ངོ་བོ་དེ་བཞིན་དུ་ཐམས་ཅད་སྟོན་པར་བྱེད་དོ། །འབྲས་བུ་དང་མེ་ཏོག་གི་ཆར་འབེབས་སོ། །སྒྱུ་མ་རྣམ་པ་སྣ་ཚོགས་སྟོན་པར་བྱེད་དོ། །དེ་ནས་རོ་ལངས་བསླང་བར་འདོད་ན་རིག་སྔགས་
འཆང་བ་དེས་ལེགས་པར་ཁྲུས་བྱས་ཤིང་གོས་གསར་བ་བགོས་ཏེ། གཙང་མར་བྱས་ལ་དུར་ཁྲོད་དུ་སོང་སྟེ། དབྱུག་པ་ལ་དོན་ཡོད་པའི་རྒྱལ་པོའི་སྙིང་པོ་ལན་བདུན་བཟླས་བརྗོད་བྱས་ནས་ཁྲོ་བོའི་རྒྱལ་པོ་ལན་བདུན་
བཟླས་བརྗོད་བྱེད་ཅིང་དུར་ཁྲོད་ཀྱི་ནང་དུ་བསྐོར་བ་བྱས་ན་དཔག་ཚད་ཚུན་ཆད་དུ་ཀུན་དུ་མཚམས་བཅད་པར་འགྱུར་རོ། །བགེགས་ཐམས་ཅད་དང་། གནོད་སྦྱིན་དང་། སྲིན་པོ་མ་རུངས་པ་ཐམས་ཅད་བཅིངས་པར་འགྱུར་རོ། །དེ་
ནས་རིག་སྔགས་འཆང་བས་མི་རོ་བླངས་ཏེ་བཀྲུ་བར་བྱའོ། །བའི་རྣམ་ལྔས་སྦྱང་བར་བྱའོ། །བའི་ལྕི་བས་དཀྱིལ་འཁོར་གྲུ་བཞི་ལྷམ་པར་བྱའོ། །སེང་ལྡེང་གི་ཕུར་པ་ཚད་སོར་བཅུ་གཉིས་པ་བཞི་གྲྭ་བཞིར་གཟུགས་པར་
བྱའོ། །ཚོན་སྣ་ལྔའི་སྐུད་པས་དཀྱིལ་འཁོར་ཀུན་དུ་བསྐོར་བར་བྱའོ། །མི་རོ་རས་དཀར་པོས་དཀྲི་བར་བྱས་ལ་དཀྱིལ་འཁོར་དབུས་སུ་གཞག་པར་བྱའོ། །མེ་ཏོག་གིས་གཏོར་བར་བྱའོ། །གཏོར་མ་དཀར་པོ་
གཞག་པར་བྱའོ། །མཆོད་ཡོན་གྱི་ཆུ་གཞག་པར་བྱའོ། །གུ་གུལ་གྱི་བདུག་པ་སྦྱིན་པར་བྱའོ། །རིག་སྔགས་འཆང་བ་ཤར་ཕྱོགས་སུ་ཁ་བལྟས་ཏེ་འདུག་ལ། དབྱུག་པ་ལག་པ་གཡས་པར་གཞག་སྟེ། 
རིག་པའི་རྒྱལ་པོ་གདོན་པར་བྱའོ། །ཁྲོ་བོའི་རྒྱལ་པོ་ལན་དྲུག་བཅུ་དྲན་པར་བྱའོ། །གཡས་པས་བྱབ་པར་བྱའོ། །ལག་པ་གཡས་པའི་དབྱུག་པས་བརྡབ་པ་བྱས་ན་མི་རོ་དེ་འགུལ་བར་འགྱུར། 

99-1-131b

གཡོ་བར་འགྱུར། ལངས་ཏེ་ཕྱོགས་བཅུར་ལྟ་བར་འགྱུར། རིག་སྔགས་འཆང་བས་དབྱུག་པ་དེ་སྤྱི་བོར་གཞག་པར་བྱས་ན། མི་རོ་དེ་ཚིག་སྨྲ་བར་འགྱུར་རོ། །རིག་སྔགས་འཆང་བས་གསང་སྔགས་དྲན་
པར་བྱའོ། །ཡིད་ཀྱིས་བསམ་པར་བྱས་ན་མི་རོ་དེ་ཐམས་ཅད་སྨྲ་བར་འགྱུར་ཏེ། འདས་པ་དང་། མ་འོངས་པ་དང་། ད་ལྟར་བྱུང་བ་དང་། མ་འོངས་པ་ན་འབྱུང་བ་སྨྲ་བར་འགྱུར་རོ། །དེ་ནས་རིག་
སྔགས་འཆང་བས་དབྱུག་པ་སྙིང་གར་བཞག་པར་བྱས་ན་ཁྲག་ཏུ་སྐྱུག་པར་འགྱུར། ཁྲག་དེས་ཐིག་ལེ་བྱས་ན་ཁྱིམ་ཐམས་ཅད་ལ་སྒོ་སྲུངས་མེད་ཅིང་སྒོ་ཐམས་ཅད་གདངས་པར་འགྱུར་རོ། །བུད་མེད་དང་། སྐྱེས་པ་དང་། 
ཁྱེའུ་དང་། བུ་མོ་ཐམས་ཅད་དབང་དུ་གྱུར་ཅིང་འདུག་གོ། དབྱུག་པ་སྙིང་གར་བཙིར་ན་སྐྱུག་པར་འགྱུར་རོ། །རིག་སྔགས་འཆང་བས་བླངས་ཏེ་མཐའ་དག་བཟའ་བར་བྱའོ། །ཟོས་པ་ཙམ་གྱིས་ནམ་མཁའ་
ལ་འགྲོ་བར་འགྱུར་རོ། །འབྱུང་པོ་ཆེན་པོའི་བདག་པོ་དང་། དབང་ཕྱུག་ཆེན་པོ་འདྲ་བར་འགྱུར་རོ། །ལྷའི་ལོ་སྟོང་དུ་འཚོ་བར་འགྱུར་རོ། །ༀ་ཞེས་བྱ་བས་དབྱུག་པས་བཙིར་ལ་བསྡིགས་པ་བྱས་ན་དེ་ནས་ལྕེ་
འབྱིན་པར་འགྱུར་རོ། །རིག་སྔགས་འཆང་བས་བཅད་ལ་རིག་སྔགས་འཆང་བས་བླང་བར་བྱའོ། །བླངས་པ་ཙམ་གྱིས་ནམ་མཁའ་ལ་འགྲོ་བར་འགྱུར་རོ། །རིག་སྔགས་འཆང་བ་རལ་གྲིའི་འཁོར་ལོས་སྒྱུར་བར་
འགྱུར་རོ། །ལོ་སྟོང་ཕྲག་བཅུར་འཚོ་བར་འགྱུར་རོ། །རིག་སྔགས་འཆང་བ་བཅྭ་བརྒྱད་ཀྱི་འཁོར་གྱིས་བསྐོར་བར་འགྱུར་རོ། །དེ་ནས་རིག་སྔགས་འཆང་བས་མི་རོའི་སྤྱི་བོར་དབྱུག་པས་བརྡབས་ན་སྒྲ་འབྱུང་བར་འགྱུར་
ཞིང་ཤི་བའི་རོ་གཅིག་ཏུ་མཁྲེགས་པའི་གསེར་ཡིན་པས་བླང་བས་བྱས་ན་སྲང་གཅིག་གིས་ཟངས་སྲང་སྟོང་གསེར་དུ་འགྱུར་རོ། །དེ་དག་ནི་འཇིག་རྟེན་པ་སྒྲུབ་པའི་ཆོ་ག་ཡིན་ནོ།། །། དེ་ནས་བྱང་ཆུབ་སེམས་དཔའ་

99-1-132a

འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་དག་ནི་སེམས་ཅན་ཐམས་ཅད་ལ་སྙིང་བརྩེ་བའི་ཕྱིར་བདག་གི་འཇིག་རྟེན་པའི་ཆོ་ག་ལགས་སོ། །
དེ་བཞིན་གཤེགས་པ་ཤཱཀྱ་ཐུབ་པས་བཀའ་སྩལ་པ། སེམས་ཅན་ཆེན་པོ་སེམས་ཅན་ཐམས་ཅད་ལ་སྙིང་བརྩེ་བའི་ཕྱིར་འཇིག་རྟེན་ལས་འདས་པའི་ཆོ་ག་དམ་པ་གསང་བའི་སྙིང་པོ་དང་། དཀྱིལ་འཁོར་དང་བློ་བརྟན་པོ་
འཇིགས་པ་མེད་པ་ཐོབ་པར་འགྱུར་བ་དང་། རིག་སྔགས་འཆང་ཐམས་ཅད་ཀྱི་དམ་པ་སྒྲུབ་པར་བྱེད་པ་དེ་ཁོ་ན་ཉིད་གྲུབ་པར་འགྱུར་བ་དང་། བཀླགས་པ་དང་། དྲན་པ་ཙམ་དང་། སྒྲུབ་པར་བྱེད་ཙམ་གྱིས་དེ་དག་ཐམས་ཅད་
གྲུབ་པ་ཆེན་པོ་ཐོབ་པར་འགྱུར་བ་དང་། བསམ་པ་ཆེན་པོ་ཡོངས་སུ་རྫོགས་པར་གྲུབ་པར་འགྱུར་བ་དང་། མཆོག་གྲུབ་པ་ཆེན་པོ་སོ་སོར་ཐོབ་པར་འགྱུར་བ་དང་། རིག་སྔགས་འཆང་བའི་འདོད་པར་གཏོགས་པ་བསམ་པ་
ཐམས་ཅད་ཡོངས་སུ་རྫོགས་པར་གྲུབ་པར་འགྱུར་བ་སྨྲོས་ཤིག ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱི་དྲུང་ནས་དབུགས་འབྱིན་པ་དང་། བསྒོ་
བ་ཐོས་ནས་ཤིན་དུ་ཡིད་དགའ་བ་ཆེན་པོར་འགྱུར་ཏེ། དེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ག་ལ་བ་དེ་ལོགས་སུ་
ཐལ་མོ་སྦྱར་ཏེ། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་འཚལ་ཏེ། མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། ཆོས་གོས་དང་། 
གདུགས་དང་། རྒྱལ་མཚན་དང་། བ་དན་དང་། གོས་དང་། རྒྱན་སྣ་ཚོགས་དང་། སྤུད་པ་རྣམ་པ་སྣ་ཚོགས་ཀྱིས་བཅོམ་ལྡན་འདས་ལ་བསྙེན་བཀུར་ཆེན་པོ་བྱས་ཏེ་མཆོད་ནས་འཁོར་གྱི་དཀྱིལ་འཁོར་མང་པོར་བྱང་ཆུབ་སེམས་

99-1-132b

དཔའ་སེམས་དཔའ་ཆེན་པོ་གང་དག་དཀྱིལ་འཁོར་གྱི་ལྷར་གཏོགས་པ་དང་། གང་དག་རིག་འཛིན་གྲུབ་པ་དང་། གང་དག་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། 
མི་འམ་ཅི་དང་། ལྟོ་འཕྱེ་ཆེན་པོ་དང་། གང་དག་དོན་ཡོད་པའི་ཞགས་པའི་རྣམ་པར་གྲོལ་བའི་དཀྱིལ་འཁོར་གྱི་དམ་ཚིག་ལ་རྗེས་སུ་ཞུགས་པ་དང་། གང་དག་རི་བོ་པོ་ཏ་ལ་ལ་གནས་པ་དེ་དག་ཐམས་ཅད་
ཀྱིས་མེ་ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། གོས་དང་། རྒྱན་སྣ་ཚོགས་དང་། ཆས་དང་། སྤུད་པ་སྣ་ཚོགས་ཀྱིས་མཆོད་པ་བྱས་ཏེ་ཡིད་དགའ་བར་འགྱུར་རོ། །འཕགས་པ་སྤྱན་
རས་གཟིགས་དབང་ཕྱུག་གིས་བཅོམ་ལྡན་འདས་ལ་སྟོང་ཕྲག་བརྒྱ་བསྐོར་བ་བྱས་འཁོར་གྱི་དཀྱིལ་འཁོར་དེ་ལ་ཡང་མཆོད་པ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་བཏུད་ནས་བཅོམ་ལྡན་འདས་
ཀྱི་སྤྱན་སྔར་མིག་མི་འཛུམས་པར་འདུག་སྟེ། བཅོམ་ལྡན་འདས་ལ་ཚིག་འཇམ་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་མཆིས་པ་ནི་རྨད་དུ་བྱུང་བ་རྣམ་པར་ལྟ་བ་དོན་ཡོད་པའི་ཆོ་འཕྲུལ། དེ་བཞིན་གཤེགས་
པའི་སྙིང་པོ་རྣམ་པར་གྲོལ་བའི་དཀྱིལ་འཁོར་དང་། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བ་དེ་ཁོ་ན་ཉིད་རྣམ་པར་འཕྲུལ་པ་རྣམ་པར་སྣང་མཛད་ཀྱི་བྱིན་གྱིས་བརླབས་དང་། དམ་ཚིག་ཆེན་པོའི་དཀྱིལ་འཁོར་དོན་
ཡོད་པའི་རྣམ་པར་ལྟ་བའི་ཞགས་པའི་སྙིང་པོ་དང་། འཇིག་རྟེན་ལས་འདས་པའི་ཀླགས་པ་དང་། སྒྲུབ་པར་བྱེད་པ་གྲུབ་པ་མཆོག་ཏུ་གྱུར་པའི་སྙིང་པོ་དང་། འཇིག་རྟེན་ལས་འདས་པའི་མཆོག་སྒྲུབ་པ་དེ་བཞིན་
གཤེགས་པ་ཐམས་ཅད་ཀྱིས་བྱིན་གྱིས་བརླབས་ཤིང་ལུང་བསྟན་པ་ལགས་ཏེ། དེ་བདག་གིས་བཅོམ་ལྡན་འདས་ཀྱི་སྤྱན་སྔར་བཅོམ་ལྡན་འདས་ཀྱི་བྱིན་གྱིས་བརླབས་ཀྱིས་རིག་སྔགས་འཆང་ཐམས་ཅད་མཆོག་

99-1-133a

ཏུ་གྲུབ་པར་བྱ་བའི་ཕྱིར་དང་། སེམས་ཅན་ཐམས་ཅད་བསྒྲལ་བའི་ཕྱིར་དམྱལ་བ་དང་། ཡི་དགས་ཀྱི་གནས་དང་། གཤིན་རྗེའི་འཇིག་རྟེན་སེལ་བ་སྔོན་གྱི་སྒྲིབ་པ་དང་། སྡིག་པ་མི་ཟད་པ་འཇོམས་པ་ངན་
སོང་ཐམས་ཅད་སེལ་བ། འཇིག་རྟེན་དང་འཇིག་རྟེན་ལས་འདས་པའི་སྡིག་པ་དང་། སྒྲིབ་པ་ངེས་པར་སྲེག་པར་བྱེད་པ། ཡོངས་སུ་བསྒྲགས་པར་བགྱིའོ། །མཚམས་མེད་པ་ལྔ་དང་། སངས་རྒྱས་དང་བྱང་ཆུབ་
སེམས་དཔའ་སྤོང་བ་དང་། དམ་པའི་ཆོས་སྤོང་བ་དང་། མཚམས་མེད་པ་ལ་གཞོལ་བ་དང་། འཕགས་པའི་དགེ་འདུན་ལ་འཁུ་བ་དང་། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའི་ཚོགས་ཐམས་ཅད་
སྤོང་བར་བྱེད་པ་དེ་དག་གིས་མཉན་པ་དང་། མཐོང་བ་ཙམ་དང་། སྡོམ་པ་ཙམ་དང་། ལན་ཅིག་འབད་པ་དང་། འཆད་པ་ཙམ་གྱིས་ཐམས་ཅད་བྱུང་བར་འགྱུར་རོ། །ང་མཐོང་བ་ཙམ་གྱིས་ཐམས་ཅད་ཟད་པར་འགྱུར། བྱང་བར་
འགྱུར་རོ། །རིམས་ཐམས་ཅད་དང་། ནད་ཐམས་ཅད་དང་། དྲི་མ་དང་། སེར་སྣ་དང་ཕྲག་དོག་ཐམས་ཅད་དང་བྲལ་བར་འགྱུར་རོ། །ཉོན་མོངས་པ་དང་། སྒྲིབ་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །འཇིག་རྟེན་དང་
འཇིག་རྟེན་ལས་འདས་པའི་སྡུག་བསྔལ་སྐྱེ་བ་དང་། རྒ་བ་དང་འཆི་བ་དང་། ནད་དང་མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་ཐམས་ཅད་དང་བྲལ་བར་འགྱུར་རོ། །འཐབ་པ་དང་། 
རྩོད་པ་དང་། འགྱེད་པ་དང་། ཕུང་བར་བྱེད་པ་དང་། བརྡེག་པ་དང་། བསྡིགས་པ་དང་། གསོད་པ་དང་། གཡུལ་འགྱེད་པ་དང་། ཤགས་འགྱེད་པ་དང་། བཙོན་དུ་འཛིན་པ་དང་། ལྕགས་སུ་འཇུག་པ་དང་། རྐུན་མ་དང་། 
ཟོལ་བ་དང་། མི་རྒོད་དང་། སེང་གེ་དང་། གླང་པོ་ཆེ་དང་། མ་ཧེ་དང་། ནད་ངན་པ་དང་། དམུ་ཆུ་དང་། ཤ་བཀྲ་དང་། མཛེ་དང་། འབྲུམ་བུ་དང་། གཡོན་ཅན་དང་། ཤུ་བ་དང་། ཤུ་བྲན་དང་། གཡན་པ་དང་། ཀླད་པ་ན་བ་དང་། 

99-1-133b

གཞོགས་ཕྱེད་ན་བ་དང་། དོམ་དང་། དྲེད་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། རྗེད་བྱེད་དང་། སྦྲུལ་མ་རུངས་པ་དང་། ཁ་གདུག་པ་དང་། སྦྲུལ་ནག་པོ་དང་། སྲོག་ཆགས་གོ་ན་དང་། 
དུག་དང་བཅས་པའི་སྲོག་ཆགས་འཇིགས་པ་སྣ་ཚོགས་དང་བཅས་པ་དང་། མེ་དང་། ཆུ་དང་། དུག་དང་། མཚོན་དང་། གཡང་ས་དང་། ཁྱིམ་རྡིབ་པ་དང་། གྲང་བ་དང་། རླུང་དང་། ཉི་ཚན་དང་། བྱི་བ་ཁ་བདུག་
པའི་འཇིགས་པ་ཐམས་ཅད་ནི་ཀླགས་པ་དང་། ཁ་ཐོན་བྱས་པ་དང་། མཐོང་བ་ཙམ་གྱིས་ཐམས་ཅད་རྣམ་པར་ཞིག་པར་འགྱུར། ཕུང་བར་འགྱུར། མོད་ལ་ཕྱེ་མར་བླགས་པར་འགྱུར་རོ། །ཡོངས་སུ་ཐར་བར་འགྱུར་བ་འདི་ལ་
དོགས་པར་མི་བྱ། ཡིད་གཉིས་བསྐྱེད་པར་མི་བྱ། ཐེ་ཚོམ་མི་བྱ། སེམས་གཉིས་སུ་འགྱུར་བ་བསྐྱེད་པར་མི་བྱའོ། །བཅོམ་ལྡན་འདས་བདག་རྟག་ཏུ་མངོན་དུ་དྲན་པར་བགྱི་བ་དང་། རྟག་ཏུ་ཡིད་ལ་བྱེད་པའི་བློ་འབྱུང་བར་བགྱིའོ། །དོན་
ཡོད་པའི་ཞགས་པའི་སྙིང་པོ་དང་། ཁྲོ་བོའི་རྒྱལ་པོའི་སྙིང་པོ་ཡང་བཟླས་པར་བགྱིའོ། །རྨད་དུ་བྱུང་བ་རྣམ་པར་ལྟ་བ། དོན་ཡོད་པ་རྣམ་པར་འཕྲུལ་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྣམ་པར་གྲོལ་བའི་དཀྱིལ་འཁོར་
དེ་བཞིན་གཤེགས་པ་ཐམས་ཅད་རྨད་དུ་བྱུང་བའི་ཆོ་འཕྲུལ་རྣམ་པར་སྣང་མཛད་ཀྱི་བྱིན་གྱིས་བརླབས་། དམ་ཚིག་ཆེན་པོའི་དཀྱིལ་འཁོར་དོན་ཡོད་པར་རྣམ་པར་ལྟ་བའི་ཞགས་པའི་སྙིང་པོ་ནི་རྟག་ཏུ་རྒྱུན་མི་འཆད་པར་དུས་
ཐམས་ཅད་དུ་ཡིད་ལ་ཁ་ཏོན་དུ་བརྗོད་པར་བྱའོ། །རྟག་ཏུ་རྒྱུན་མི་འཆད་པར་རྗེས་སུ་དྲན་པ་བསྒོམ་པར་བྱའོ། །དེ་དག་དྲན་པ་བསྒོམ་པ་ཙམ་དང་། དྲན་པ་ཙམ་གྱིས་འཇིག་རྟེན་དང་། འཇིག་རྟེན་ལས་འདས་པའི་ཡོན་
ཏན་ཕུན་སུམ་ཚོགས་པ་ཐམས་ཅད་ཐོབ་པར་འགྱུར་རོ། །ཕྱིར་མི་ལྡོག་པ་ཞེས་བྱའོ། །ཕྱིར་མི་ལྡོག་པའི་གནས་ལ་རབ་ཏུ་གནས་པར་འགྱུར་རོ། །དེ་བཞིན་གཤེགས་པ་ཐམས་ཅད་དགོངས་པ་དང་། ལུང་སྟོན་

99-1-134a

པ་དང་། བྱིན་གྱིས་རློབ་པར་འགྱུར་ན། ལྟ་བ་དང་། ཀློག་པ་དང་། ཁ་ཏོན་བྱེད་པ་དང་། འཕགས་པ་སྤྱན་རས་གཟིགས་ཀྱི་དབང་ཕྱུག་མཐོང་སྟེ་ཕྱག་འཚལ་བ་དང་། མཆོད་པ་དང་། དྲན་པ་དང་། དུས་གསུམ་དུ་
ཤིན་ཏུ་གསོལ་བར་ཡིད་ལ་བྱེད་པ་དང་། མཆོད་ཅིང་ཕྱག་བྱེད་པ་དེ་ལྟ་སྨོས་ཀྱང་ཅི་དགོས་ཏེ། སེམས་ཅན་དེ་ནི་ང་དང་འདྲ་བ་ཡིན་པར་རིག་པར་བྱའོ། །འཇིག་རྟེན་དབང་ཕྱུག་གིས་བྱིན་གྱིས་བརླབས་པའི་ལུས་ཡིན་པར་རིག་པར་
བྱའོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱིས་བྱིན་གྱིས་བརླབས་པ་དང་། དབང་བསྐུར་བས་དབང་བསྐུར་བ་ཡིན་པར་རིག་པར་བྱའོ། །གང་ཞིག་ལན་མང་དུ་ཤིན་ཏུ་ལྷག་པར་བྱེད་པ་ལྟ་སྨོས་ཀྱང་ཅི་
དགོས་ཏེ། སེམས་ཅན་དེ་ནི་དེ་བཞིན་གཤེགས་པའི་སྙིང་པོ་ཡིན་པར་རིག་པར་བྱའོ། །བདག་ཀྱང་དུས་ཐམས་ཅད་དུ་རྟག་ཏུ་རྗེས་སུ་དྲན་པར་བགྱིའོ། །དུས་ཐམས་ཅད་དུ་མཐོང་བ་སྦྱིན་པར་བགྱིའོ། །བསམ་པ་དང་རེ་བ་
ཐམས་ཅད་ཡོངས་སུ་རྫོགས་པར་བགྱིའོ། །དེའི་ཚེ་བདག་གིས་སེམས་ཅན་ཐམས་ཅད་མྱུར་བ་མྱུར་བར་བྱང་ཆུབ་ཀྱི་སྙིང་པོར་འགྲོ་བ་དང་། ཆོས་ཀྱི་འཁོར་ལོ་བསྐོར་བར་གཞག་པར་བགྱིའོ། །བཅོམ་ལྡན་
འདས་བདག་ནི་གོ་ཆ་ཆེན་པོ་བརྟན་པར་ཁས་བླངས་པ་ལ་འཆེལ་བ་ལགས་པས་སེམས་ཅན་ཐམས་ཅད་བསྒྲལ་བའི་ཕྱིར་རེ་བའི་མཆོག་ཐམས་ཅད་ཡོངས་སུ་རྫོགས་པར་བགྱིའོ། །དེ་ནས་དེ་བཞིན་གཤེགས་
པ་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པའི་མཆོག་ལེགས་སོ་ལེགས་སོ། །
འདི་ནི་མཆོག་ཏུ་དཀོན་པ་སྟེ། འཇིག་རྟེན་ལས་འདས་པའི་ཆོ་ག་དེའི་མིང་འཛིན་པ་ཙམ་གྱིས་སེམས་ཅན་ཡོངས་སུ་གྲོལ་བར་འགྱུར་ན། ལྟ་བ་དང་། ཀློག་པ་དང་། སྒྲུབ་པ་དང་། སྨྱུང་བའི་ཆོ་ག་བྱེད་པ་

99-1-134b

དང་། སྡོམ་པ་ལ་གནས་པ་ལྟ་སྨོས་ཀྱང་ཅི་དགོས། སེམས་ཅན་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །སེམས་ཅན་དག་པ་དུས་ལ་བབ་པ་གང་ཡིན་པར་ཤེས་ན་སྨྲོས་
ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱི་ཞལ་དུ་ལྟ་ཞིང་བཞིན་འཛུམ་སྟེ། དོན་ཡོད་པ་རྣམ་པར་ལྟ་བའི་ཞགས་པའི་སྙིང་པོ་
སྨྲས་སོ། །དུས་གསུམ་དུ་གཤེགས་ཤིང་བཞུགས་པའི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །རང་སངས་རྒྱས་དང་། འཕགས་པ་ཉན་ཐོས་ཀྱི་དགེ་འདུན་ཐམས་ཅད་ལ་ཕྱག་འཚལ་ལོ། །འཕགས་
པ་བྱམས་པ་ལ་སོགས་པ་འཕགས་པ་བྱང་ཆུབ་སེམས་དཔའི་ཚོགས་ཀྱི་མཆོག་ལ་ཕྱག་འཚལ་ལོ། །འཕགས་པ་རྡོ་རྗེ་འཆང་བའི་དཀྱིལ་འཁོར་གྱི་ལྷ་གཤིན་རྗེ་དང་། ཆུ་ལྷ་དང་། ལུས་ངན་པོ་དང་། དྲང་སྲོང་གི་
ཚོགས་ཀྱི་མཆོག་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །
འདི་ལྟ་སྟེ། ཨོཾ་སརྦ་ཏ་ཐཱ་ག་ཏ། ཨ་བ་ལོ་ཀི་ཏེ་པཱ་ཤ་ཧྲི་ད་ཡི། ཛྭ་ལ་ཛྭ་ལ། དྷརྨ་དྷཱ་ཏུ་གར་རྦྷེ། ཙ་ར་ཙ་ར། མ་ཧཱ་པད་མ་བྷུ་ཛེ། དྷ་ར་དྷ་ར། མ་ཧཱ་པཱ་ཤ་དྷ་རེ། བ་ར་བ་ར་བ་ར། རཤྨི་ཤ་ཏ་ས་ཧ་སྲ། པྲ་ཏེ་མཎ་ཌི་ཏ། ཤ་རཱི་རེ། 
ཏ་ར་ཏ་ར། བི་པུ་ལ་ཏེ་ཛ་དྷ་རེ། བྷ་ར་བྷ་ར། ཥཊ་པཱ་ར་མི་ཏཱ་པ་རི་པཱུ་ར་ཎི། ཀ་ལ་ཀ་ལ། མ་ཧཱ་བྲཧྨ། བེ་ཤ་དྷ་རེ། མ་ལ་མ་ལ། སརྦ་པཱ་པ་ཨ་བ་ར་ན་མཱ་ལ་ཀི་བི་ཥ། ནཱ་ཤ་ནི། དྷུ་རུ་དྷུ་རུ། བོ་དྷི་སཏྭ། བི་ཤུད་
དྷེ་བྷུ་རུ་བྷུ་རུ། མ་ཧཱ་ས་ཏྭ། བ་ད་ས་ལེ། ཡ་མ་བ་རུ་ཎ། ཀུ་བེ་ར་ན་མ་སྐྲྀ་ཏེ། ཧུ་རུ་ཧུ་རུ་བྲཧྨ། བིཥྞུ་མ་ཧེ་ཤྭ་ར། ཀུ་མཱ་ར། ནན་དི་ཀེ་ཤྭ་ར། ཨཱི་ཤྭ་ར། མ་ཧེ་ཤྭ་ར་པྲ་ཏྲ། བན་དེ་ཏ། བད་དེ་ཏ། མ་མ་སྐྲི་ཏེ། བི་བི་དྷ་མ་ཎི་

99-1-135a

མཽ་ལི་དྷ་རེ། ཨ་མི་ཏཱ་བྷཱ་ཛི་ན། མ་ཀུ་ཊ། དྷ་རེ། དེ་བྱ། མ་ཎི་ཀ་ན་ཀ །བཛྲ་བཻ་དཱུརྱ། མ་ར་ཀ་ཏ། པད་མ་རཱ་ག །ཨིན་དྲ་ནཱི་ལ་དི་བྱ་མུག་ཏི་ཀ །ཨ་ལང་ཀྲི་ཏ། ཤྭ་རཱི་ར། ཤྭེ་ཏ། ཡད་ཛྙོ་བ་བཱི་ཏ་དྷ་ར། ཛ་ཊ་
མ་ཀུ་ཊ། མཎ་ཊི་ཏ་ནཱ་མ། ཙན་དྲ་རཱ་ཛི་ཏ། པད་མ་དྷ་ར། པད་མ་ཨཱ་ས་ན། པད་མ་བྷུ་ཛ། ཏྲི་ལོ་ཙ་ན། ཏྲི་ཤཱུ་ར་དྷ་ར། བཱ་ཤ་དྷ་རེ། སརྦ་ཏ་ཐཱ་ག་ཏ། ཨ་བྷི་ཥི་ཀ་ཏ། ས་ར་ས་ར། སརྦ་པཱ་པ། པྲ་ཤ་མ་ན་ཀ་ར། མ་ཧཱ་ཀཱ་རུ་
ནི་ཀ །ཏུ་རུ་ཏུ་རུ། སརྦ་བ་ར་དུ་ཡ་ཀ །བོ་དྷི་བོ་དྷི། སརྦ་ཏ་ཐཱ་ག་ཏ་ཨ་བ་ལོ་ཀེ་ཏེ། བོ་དྷི་མཎ་ཊ། ཨ་བ་ལོ་ཀི་ཏེ། ལོ་ཀེ་ཤྭ་ར། མ་ཧེ་ཤྭ་རེ། མ་ཧཱ་ཙན་ཏ་མ་ཎི། དྷཱ་ར་བི་ཤྭ་རུྰ་པ། མ་ཧཱ་སཽ་མྱ། བ་དན་མ་ཧཱ་ཀཱ་རུ་ཎི་
ཀ །བུད་དྷ་བུད་དྷ། བོ་དྷ་ཡ་བོ་དྷ་ཡ། བྷ་ག་བཱན། སརྦ་ཏ་ཐཱ་ག་ཏ། ཨ་བ་ལོ་ཀི་ཏ་གརྒྷེ། མ་ཧཱ་པུཎྱ། ཏེ་ཛ་དྷ་ར་པྲ་བ་ར་སིད་དྷི་ཀ་ར་སརྦ་བྱི་དྷི་ཧ་ར། སརྦ་སཏྭཱ་ཡ་པ་ར་སརྦ་དུཿཁཿཔྲ་མོ་ཙ་ཀ །མ་ཧཱ་ཀཱ་རུ་ནི་ཀ་ན་མོ་
སྟུ་ཏེ་སྭཱ་ཧཱ། བཅོམ་ལྡན་འདས་བདག་གི་འདི་ནི་རྨད་དུ་བྱུང་བ་རྣམ་པར་ལྟ་བའི་ཞགས་པའི་སྙིང་པོའོ། །དོན་ཡོད་པའི་ཞགས་པའི་སྙིང་པོའོ། །རྣམ་པར་གྲོལ་བའི་དཀྱིལ་འཁོར་འཇིག་རྟེན་ལས་འདས་པའི་
གཟུངས་ཀྱི་སྙིང་པོའོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའོ། །གཟུགས་སྣ་ཚོགས་ཆེན་པོ་སྒྱུ་མ་ལྟ་བུའི་ཏིང་ངེ་འཛིན་རྣམ་པར་འཕྲུལ་པ། ཕྱག་སྟོང་མངའ་བ། དབུ་སྟོང་མངའ་བ། སྤྱན་
སྟོང་གིས་རྣམ་པར་གཟིགས་པ། ཕྱག་བརྒྱ་སྟོང་གིས་བྱིན་གྱིས་བརླབས་པ། གང་གཱའི་ཀླུང་བྱེ་བ་ཁྲག་ཁྲིག་སྟོང་ཕྲག་བཅུའི་བྱེ་མའི་རྡུལ་ཤིན་ཏུ་ཕྲ་བ་དང་མཉམ་པའི་དམ་ཚིག་གི་དཀྱིལ་འཁོར་དུ་རྗེས་སུ་ཞུགས་པ། 
དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་གསང་བ་ལ་འཇུག་པ། སངས་རྒྱས་ཐམས་ཅད་ཀྱི་ཞིང་དུ་འཇུག་པ། བྱང་ཆུབ་ཀྱི་སྙིང་པོར་བགྲོད་པ། ཆོས་ཀྱི་འཁོར་ལོ་བསྐོར་བ། ཆོས་ཀྱི་སྒྲོན་མེ་འབར་བ། བདུད་

99-1-135b

ལ་སོགས་པ་མ་རུངས་པ་ཐམས་ཅད་ཀྱི་བདུད་འཇོམས་པ། ཆོས་ཀྱི་དུང་འབུད་པ། ཆོས་ཀྱི་རྒྱལ་མཚན་སྒྲེང་བ། དམྱལ་བ་ཐམས་ཅད་སེལ་བ། ཆོ་ག་ཞིབ་མོ་ཐམས་ཅད་གྲུབ་པར་མཛད་པ། ཆོ་ག་སྒྲུབ་པ་ཐམས་ཅད་
ཀྱི་མཆོག་ས་བཅུ་ཆེན་པོ་ལ་སོ་སོར་འཇོག་པ། ཕྱིར་མི་ལྡོག་པའི་གནས་ལ་རྗེས་སུ་འཇུག་པ། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་དང་། བྱིན་གྱི་བརླབས་ཀྱིས་བྱིན་གྱིས་བརླབས་པ། དོན་ཡོད་པའི་
མཆོག་ཕུན་སུམ་ཚོགས་པ་ཐོབ་པར་མཛད་པ། དོན་ཡོད་པའི་རྣམ་པར་འཕྲུལ་པའི་རྣམ་པར་སྤྲུལ་པ། དོན་ཡོད་པར་སེམས་རྒྱ་མཚོ་སྙེད་ཡང་དག་པར་འཛིན་པ། དོན་ཡོད་པར་སེམས་ཅན་ས་བོན་ལ་སོ་སོར་འཇོག་པ། དོན་
ཡོད་པར་བྱང་ཆུབ་སེམས་དཔའི་རྣམ་པར་འཕྲུལ་པ་ལ་འཇུག་པ། དོན་ཡོད་པར་དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ཡོངས་སུ་སྒྲོགས་པ། དོན་ཡོད་པར་དེ་བཞིན་གཤེགས་པ་ཐམས་ཅད་མཆོད་པ་
དང་། བསྙེན་བཀུར་གྱི་སྤྲིན་རབ་ཏུ་བྱེད་པ། དོན་ཡོད་པར་སེམས་ཅན་ཐམས་ཅད་མི་འཇིགས་པའི་ཁྱིམ་དུ་འཛུད་པ། དོན་ཡོད་པར་སྦྱིན་པ་ཆེན་པོའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། དོན་ཡོད་པར་ལྷ་རྫས་ཀྱི་མེ་
ཏོག་དང་། བདུག་པ་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། ཆོས་གོས་དང་། གདུགས་དང་། རྒྱལ་མཚན་དང་། བ་དན་དང་། གོས་དང་། རྒྱན་དང་། ཆོས་གོས་སྣ་ཚོགས་དང་། རིན་པོ་ཆེ་བདུན་གྱི་ཆར་
འབེབས་པ། དོན་ཡོད་པའི་ཚེ་ཡོངས་སུ་བརྗེས་ཏེ་སངས་རྒྱས་ཀྱི་ཞིང་ཀུན་ཏུ་བརྒྱན་པ་སྣ་ཚོགས་སུ་དེ་བཞིན་གཤེགས་པ་ཐམས་ཅད་ཡང་དག་པར་ལྟ་བ། དོན་ཡོད་པར་བསོད་ནམས་ཀྱི་ཕུང་པོ་ཆེན་པོ་རབ་ཏུ་རྫོགས་
པ། དོན་ཡོད་པར་དགེ་བའི་རྩ་བ་ཆེན་པོ་སྐྱེད་པ། དོན་ཡོད་པར་དེ་བཞིན་གཤེགས་པ་ཐམས་ཅད་ཡང་དག་པར་མཐོང་བ་དང་། གྲུབ་པ་དང་། ཆོ་འཕྲུལ་གྱི་རྣམ་པར་འཕྲུལ་པ་སྟོན་པ། དོན་ཡོད་པར་

99-1-136a

དབང་ཕྱུག་སྒྲུབ་པ། དོན་ཡོད་པར་རིག་སྔགས་དང་། དཀྱིལ་འཁོར་དང་། ཕྱག་རྒྱ་དང་། རིམ་པར་ཕྱེ་བ་དང་། ཆོ་ག་ཞིབ་མོ་ཡང་དག་པར་སྟོན་པ། དོན་ཡོད་པར་གྲུབ་པ་མཐོང་བ། དོན་ཡོད་པར་ཆོ་
ག་མཐོང་བ། དོན་ཡོད་པར་ཚེ་རབ་ཏུ་འཕེལ་བ། དོན་ཡོད་པར་སྙན་པར་གྲགས་པ་རབ་ཏུ་སྟོན་པ། དོན་ཡོད་པར་འཁོར་བ་ལས་རབ་ཏུ་སྒྲོལ་བ། དོན་ཡོད་པར་སྐྱེ་བ་དང་། རྒ་བ་དང་། འཆི་བ་ལས་ཡོངས་
སུ་སྒྲོལ་བ། དོན་ཡོད་པར་མཆོག་རབ་ཏུ་སྦྱིན་པ། དོན་ཡོད་པར་བཟླས་བརྗོད་དང་ཆོ་ག་རབ་ཏུ་རྫོགས་པ། དོན་ཡོད་པར་དྲན་པའི་དགེ་བའི་རྩ་བ་རབ་ཏུ་རྫོགས་པ། དོན་ཡོད་པར་རིག་འཛིན་འཁོར་ལོས་སྒྱུར་བ་ཐོབ་པ་ཡང་
དག་པར་སྟོན་པ། དོན་ཡོད་པར་ལྷའི་གནས་དང་། གཞལ་མེད་ཁང་སུམ་བཅུ་རྩ་གཉིས་ཀྱི་ལྷའི་གནས་སུ་འཇུག་པ། དོན་ཡོད་པར་དགའ་ལྡན་གྱི་གནས་སུ་འཇུག་པ། དོན་ཡོད་པར་འོག་མིན་གྱི་གནས་ཀྱི་བར་
དུ་འཇུག་པ། དོན་ཡོད་པར་སུམ་བཅུ་རྩ་གསུམ་གྱི་གནས་སུ་བརྒྱ་བྱིན་ལྷའི་རྒྱལ་པོར་འཇུག་པ། དོན་ཡོད་པར་རི་རབ་ཆེན་པོ་ལག་པ་གཅིག་གིས་སྒུལ་བ། དོན་ཡོད་པར་རྫུ་འཕྲུལ་གྱི་སྟོབས་སྟོན་པ། དོན་ཡོད་པར་མི་
སྣང་བ་སྟོན་པ། དོན་ཡོད་པར་སྟོབས་འཕེལ་བ། དོན་ཡོད་པར་གླིང་བཞི་ལ་དབང་བའི་འཁོར་ལོས་སྒྱུར་བ་སོ་སོར་འཐོབ་པ་སྟོན་པ། དོན་ཡོད་པར་ཡིད་བཞིན་གྱི་ནོར་བུ་ཆེན་པོའི་རིན་པོ་ཆེ་སྣ་ཚོགས་ཀྱི་ཆར་འབེབས་པ། དོན་
ཡོད་པར་འབྲུའི་ཆར་འབེབས་པ། དོན་ཡོད་པར་གོས་ཀྱི་ཆར་འབེབས་པ། དོན་ཡོད་པར་རྒྱན་དང་། ཆོས་གོས་དང་། མུ་ཏིག་གི་ཆུན་འཕྱང་དང་། གདུབ་འཁོར་དང་། གསེར་གྱི་ཙོང་ཙོང་དང་། གདུ་བུ་དང་། དཔུང་རྒྱན་སྣ་ཚོགས་
ཀྱི་ཆར་འབེབས་པ་ཡང་དག་པར་སྟོན་པ། དོན་ཡོད་པར་རོ་རྣམ་པ་སྣ་ཚོགས་རོའི་མཆོག་རོ་བརྒྱའི་ཁ་ཟས་ཀྱི་ཆར་འབེབས་པ། དོན་ཡོད་པར་སེམས་ཅན་སྣ་ཚོགས་གྲོལ་བ་སྟོན་པ། དོན་ཡོད་པར་བསྟན་བཅོས་དང་། ཚིགས་ལེའུར་བྱས་

99-1-136b

པ་དང་། ཚུལ་དང་འདུལ་བ་དང་། མདོ་སྡེ་དང་། ལུང་བསྟན་པ་དང་། ཚིགས་སུ་བཅད་པ་དང་། ཆེད་དུ་བརྗོད་པ་དང་། གླེང་གཞི་དང་། དེ་ལྟ་བུ་བྱུང་བ་དང་། སྐྱེས་པའི་རབས་དང་། ཤིན་ཏུ་རྒྱས་པ་དང་། རྨད་དུ་བྱུང་
བའི་ཆོས་ཀྱི་མན་ངག་སྣ་ཚོགས་དང་། ཆོས་མངོན་པ་དང་ཚོགས་ཀྱི་གཏམ་ཡང་དག་པར་སྟོན་པ་དང་། དོན་ཡོད་པར་ཐེག་པ་ཆེན་པོ་རྣམ་པ་སྣ་ཚོགས་རྒྱ་མཚོ་ལ་འཇུག་པ་རབ་ཏུ་སྟོན་པ། དོན་ཡོད་པར་གནོད་སྦྱིན་དང་། སྲིན་
པོ་དང་། འབྱུང་པོ་དང་། ཤ་ཟ་དང་། ཡི་དགས་དང་། གྲུལ་བུམ་དང་། རྗེད་བྱེད་དང་། བགེགས་དང་། ལོག་འདྲེན་སྣ་ཚོགས་ཉེས་པ་དང་། གསོད་པ་དང་ཤིན་ཏུ་སེལ་བ་ཡང་དག་པར་སྟོན་པ་ཡིན་ནོ། །བཅོམ་ལྡན་འདས་དེ་ལྟར་
ན་ཡོན་ཏན་ཆེན་པོ་ཅན་གྱི་གཟུངས་ངན་སོང་ཐམས་ཅད་རབ་ཏུ་ཞི་བར་འགྱུར་བ། ཐམས་ཅད་དུ་མི་འཇིགས་པའི་གནས་རབ་ཏུ་སྟོན་པ། འཇིག་རྟེན་ལས་འདས་པའི་ལམ་ལེགས་པའི་ལམ་རབ་ཏུ་སྟོན་པ། མྱ་ངན་ལས་འདས་པའི་
ལམ་རབ་ཏུ་སྟོན་པ། ཕྱིར་མི་ལྡོག་པའི་གནས་དང་། སངས་རྒྱས་ཉིད་སྦྱིན་པར་མཛད་པ་ལགས་ཏེ། བཅོམ་ལྡན་འདས་དོན་ཡོད་པར་རྣམ་པར་ལྟ་བའི་ཞགས་པའི་སྙིང་པོའི་གཟུངས་ཆེན་པོ་འཕགས་པ་སྤྱན་རས་གཟིགས་དབང་
ཕྱུག་གི་སྙིང་པོ་ཡོན་ཏན་ཁྱད་པར་ཡོངས་སུ་བསྒྲགས་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་གསང་བ་ལ་རབ་ཏུ་གནས་པ་ལགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་
ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་མཆོག་ཏུ་དཀོན་པའི་གཟུངས་འདིའི་སྙིང་པོ་འཇིག་རྟེན་ལས་འདས་པ་རྣམ་པར་འཕྲུལ་པ་བཤད་པ་དང་། 
དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའི་ཚོགས་ཐམས་ཅད་རྫུ་འཕྲུལ་རྣམ་པར་འཕྲུལ་པ། གསང་བའི་སྙིང་པོ། ཡོངས་སུ་བསྒྲགས་པ་ལེགས་སོ་ལེགས་སོ། །དེ་དག་ནི་སེམས་

99-1-137a

ཅན་ཐམས་ཅད་ལ་ལམ་མཆོག་ཤིན་ཏུ་མཆོག་ཏུ་གྱུར་པ། གྱ་ནོམ་པ། བླ་མ། བླ་ན་མེད་པ། མཆོག་ཏུ་དཀོན་པའི་གཟུངས་ཀྱི་སྙིང་པོ་གསང་བ་ཡོངས་སུ་བསྒྲགས་པ་སྟེ། གང་གི་འཁོར་བའི་རྒྱ་
མཚོའི་ཆུ་བོ་ཆེན་པོ་དང་། སྲིད་པའི་རྒྱ་མཚོ་ལས་སེམས་ཅན་ཕ་རོལ་ཏུ་སྒྲོལ་བ་ཡིན་ནོ། །སྤྱན་རས་གཟིགས་དབང་ཕྱུག་རིགས་ཀྱི་བུ་ཕོ་འམ། རིགས་ཀྱི་བུ་མོ་འམ། དགེ་སློང་ཕ་འམ། དགེ་སློང་མ་འམ། དགེ་
བསྙེན་ཕ་འམ། དགེ་བསྙེན་མ་འམ། དགེ་སྦྱོང་ངམ། བྲམ་ཟེ་འམ། རྒྱལ་རིགས་དང་། རྗེའུ་རིགས་དང་། དམང་རིགས་གང་ལ་ལ་ཞིག་གམ། སེམས་ཅན་གཞན་གང་ཡང་རུང་བས་དོན་ཡོད་པར་རྣམ་
པར་ལྟ་བའི་སྙིང་པོ་འདི་དང་། རྨད་དུ་བྱུང་བ་རྣམ་པར་ལྟ་བ་དོན་ཡོད་པའི་སྙིང་པོ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྣམ་པར་གྲོལ་བའི་དཀྱིལ་འཁོར། དེ་བཞིན་གཤེགས་པ་ཐམས་ཅད་རྨད་དུ་བྱུང་བའི་དེ་ཁོ་ན་ཉིད་
རྣམ་པར་འཕྲུལ་པ། རྣམ་པར་སྣང་མཛད་ཀྱི་བྱིན་གྱིས་བརླབས། དམ་ཚིག་ཆེན་པོ་དཀྱིལ་འཁོར་གྱི་མིང་འཛིན་པ་ཙམ་གྱིས་ཀྱང་དགེ་བའི་རྩ་བ་ཆེན་པོ་སོགས་པར་འགྱུར་རོ། །བསོད་ནམས་ཀྱི་ཕུང་པོ་ཆེན་པོ་དང་ལྡན་
པར་ཡོངས་སུ་འཛིན་པར་ཡང་འགྱུར་རོ། །གང་གཱའི་ཀླུང་འབུམ་ཕྲག་བྱེ་བ་ཁྲག་ཁྲིག་དགུ་བཅུ་རྩ་གཉིས་ཀྱི་བྱེ་མའི་རྡུལ་ཕྲ་རབ་དང་མཉམ་པའི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
རྒྱས་མངོན་དུ་མཐོང་བ་དང་། མངོན་དུ་ཆོས་ཐོས་པ་དང་། མངོན་དུ་དབྱངས་ཐོས་པ་དང་། མངོན་དུ་ལུང་བསྟན་པ་ཐོས་པར་འགྱུར་བའི་སེམས་ཅན་ཆེན་པོ་དེ་དག་གིས་ནི་བསོད་ནམས་ཀྱི་ཕུང་པོ་ཤིན་ཏུ་ཆེ་བ་དང་། 
དགེ་བའི་རྩ་བ་ཆེན་པོ་ཡོངས་སུ་གཟུངས་བར་འགྱུར་རོ། །སེམས་ཅན་དེ་གཟུངས་གང་ཡིན་པ་དང་། དཀྱིལ་འཁོར་དང་། ཆོ་ག་དང་། མི་སྣ་ཚོགས་ད་ལྟར་ཐོས་པ་དང་། ཡང་ན་ཀློག་པ་པོ་དང་། ཡང་ན་ལྟ་བ་ཙམ་མཐོང་བ་

99-1-137b

ནི་དེ་དང་མཉམ་པ་ཡིན་ཏེ། རིགས་ཀྱི་བུ་ཕོ་འམ། རིགས་ཀྱི་བུ་མོ་དེ་ནི་བསོད་ནམས་ཀྱི་ཕུང་པོ་ཆེན་པོའི་དགེ་བའི་རྩ་བ་དང་ལྡན་པར་འགྱུར་བ་ཡང་དེ་དང་མཉམ་པ་ཡིན་ན། དཀའ་བ་བྱེད་པ་ལྟ་སྨོས་ཀྱང་ཅི་དགོས་ཏེ། དེ་
བཞིན་གཤེགས་པ་དང་མཉམ་པ་ཉིད་དུ་ཐོས་པ་དང་མཐོང་བར་འགྱུར་རོ། །གང་དག་གཟུངས་འདིའི་དཀྱིལ་འཁོར་འབད་དེ་སྟོབས་དང་། བརྩོན་འགྲུས་ཕ་རོལ་གནོན་པར་བྱེད་པ་དང་འབྲི་བ་དང་། ཀློག་པ་དང་། བཟླས་
བརྗོད་ཀྱི་ཆོ་ག་བྱེད་པ་དང་། དཀྱིལ་འཁོར་གྱི་ཆོ་གས་སྒྲུབ་པར་བྱེད་པ་དང་། འབད་པར་བྱེད་པ་དེ་ནི་དཀའ་བ་ཆེན་པོ་ལ་ཞུགས་པ་ཡིན་ཏེ། དེ་དང་མཉམ་པ་ཡིན་ནོ། །དཀའ་བ་གང་ཞེ་ན། ཇི་ལྟར་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་བསྐལ་པ་གྲངས་མེད་པ་གསུམ་དུ་དཀའ་བ་ལ་ཞུགས་པ་དང་། སངས་རྒྱས་ཏེ་ཆོས་ཀྱི་འཁོར་ལོ་བསྐོར་བའི་བར་ཡིན་ནོ། །རིགས་ཀྱི་བུ་ཕོ་འམ། རིགས་ཀྱི་བུ་མོ་
འམ། དགེ་སློང་ཕ་འམ། དགེ་སློང་མ་འམ། དགེ་བསྙེན་ཕ་འམ། དགེ་བསྙེན་མ་འམ། དགེ་སྦྱོང་ངམ། བྲམ་ཟེ་འམ། རྒྱལ་རིགས་སམ། རྗེའུ་རིགས་དང་། དམང་རིགས་གང་ཡིན་པ་འམ། སེམས་ཅན་གཞན་གང་
ཡང་རུང་བས་གཟུངས་འདིའི་དཀྱིལ་འཁོར་དང་། ཆོ་ག་སྟོབས་ཆེན་པོ་དང་། ཕ་རོལ་གནོན་པའི་བརྩོན་འགྲུས་ཀྱིས་སྒྲུབ་པར་བྱེད་པ་འདི་ནི་འཇིག་རྟེན་ལས་འདས་པའི་ཆོ་ག་འཚོལ་བ་ཡིན་ནོ། །འདི་ལྟ་སྟེ། འབྲི་བ་དང་། 
ཀློག་པ་དང་། ཁ་ཏོན་བྱེད་པ་དང་། བཟླས་བརྗོད་དང་། ཆོ་ག་དང་། དཀྱིལ་འཁོར་ལྟ་བ་དང་། འཇུག་པ་དང་། དམ་ཚིག་དང་། ཕྱག་རྒྱ་བཅིངས་ཏེ་སྒྲུབ་པ་དང་། འདི་ལྟ་སྟེ། ཐོས་པ་དང་། འཛིན་པ་དང་། ཀློག་
པ་དང་། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དང་། སེམས་པ་དང་། དུས་གསུམ་དུ་ལན་གསུམ་དོན་ཡོད་པའི་ཞགས་པའི་སྙིང་པོ་དྲན་པ་དང་། ཁྲོ་བོའི་རྒྱལ་པོས་དབང་བསྐུར་བ་དང་། གཟུངས་འདི་

99-1-138a

ཡང་ལན་ཉི་ཤུ་རྩ་གཅིག་ཏུ་བཟླས་བརྗོད་དང་། ཆོ་ག་དྲན་པ་དང་། བྱམས་པ་དང་། སྙིང་རྗེ་དང་། བྱམས་པའི་སྙིང་བརླན་པ་དང་། སེམས་ཅན་ཐམས་ཅད་ལ་སྙིང་བརྩེ་བ་ལྷུར་བྱེད་པ་དེ་ནི་དཀའ་བ་
སྤྱོད་པ་ཆེན་པོ་ལ་ཞུགས་པ་ཡིན་ནོ། །བསྐལ་པ་གྲངས་མེད་པ་གསུམ་དུ་དཀའ་བ་སྤྱོད་པ་ལ་ཞུགས་པ་དང་འདྲ་བ་འམ། ལྷག་པ་ཡིན་ནོ། །དེའི་ཚེ་འདི་ཉིད་ལ་འབྲས་བུ་ཆེན་པོ་ཐོབ་པར་འགྱུར་བ་དང་། འཇིག་རྟེན་
ལས་འདས་པ་ཞེས་བྱ་བ་དང་། སངས་རྒྱས་ཉིད་དུ་སོ་སོར་གནས་པ་ཡིན་ནོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་གསུམ་པ། བསོད་ནམས་
ཀྱི་ཕུང་པོ་ཆེན་པོའི་དགེ་བའི་རྩ་བ་བསགས་པར་འགྱུར་རོ། །རྟག་ཏུ་འཇིག་རྟེན་དབང་ཕྱུག་རྗེས་སུ་འབྲང་བར་འགྱུར་རོ། །རྟག་ཏུ་ཕྱག་གཡས་པ་བྱང་ཆུབ་སེམས་དཔའ་དེའི་སྤྱི་བོ་ལ་འཇོག་པར་འགྱུར་རོ། །རྟག་ཏུ་
མཆོག་སྦྱིན་པ་མཛད་པར་འགྱུར་རོ། །རྟག་ཏུ་ཞལ་མཐོང་བར་འགྱུར་རོ། །དེ་ལྟར་ན་ཡོན་ཏན་ཆེན་པོ་བརྗོད་པའི་གཟུངས་དང་། དཀྱིལ་འཁོར་དང་ཕྱག་རྒྱ་དང་། ཆོ་ག་འདི་ནི་མཆོག་ཏུ་དཀོན་པ་ཡིན་ནོ། །གཟུངས་དང་
དཀྱིལ་འཁོར་དམར་པོ་འམ། །ཡང་ན་གུར་གུམ་ཁ་དོག་དང་། །ས་རྡུལ་དཀར་པོ་སྣུམ་པ་ནི། །མར་སར་འདྲ་བ་འཇམ་པ་ཡིན། །ས་ཡི་ཁྱད་པར་དབྱེ་བ་དེ། །དེ་བཞིན་གཤེགས་པ་ཀུན་གྱིས་བསྔགས། །
བྱང་ཆུབ་སྙིང་པོ་ས་དེར་མཚུངས། །རིང་བསྲེལ་བཞུགས་པའི་མཆོད་རྟེན་དང་། །དེ་ནི་མཚུངས་པར་གྱུར་པ་ཡིན། །བརྐོས་པའི་ནང་དུ་མཁས་པ་ཡིས། །སླར་ཡང་ས་དེ་དགང་བར་བྱ། །ཇི་
སྲིད་དོང་བུ་མཉམ་པར་གང་། །དེ་ནི་དཀྱིལ་འཁོར་ཡང་དག་པའོ། །ཡུང་དང་ལྷག་པ་བསྔགས་པ་མིན། །འདིར་ནི་འགྲུབ་པ་མེད་པར་བསྟན། །ཁྲུ་ནི་སུམ་བཅུ་རྩ་གཉིས་ཚད། །མཁས་པས་དཀྱིལ་

99-1-138b

འཁོར་ཐིག་དག་གདབ། །ཡང་ན་ཁྲུ་ནི་བཅུ་དྲུག་དང་། །ཡང་ནི་ཁྲུ་ནི་བཅྭ་ལྔར་བྱ། །མཉམ་ཞིང་གྲྭ་བཞིར་ལེགས་པར་དབྱེ། །བ་ཡི་ལྕི་བ་དག་དང་ནི། །ས་དང་བསྲེས་ཏེ་བསྐུ་བྱ་བ། །ཤིན་ཏུ་ཞེན་
པར་བསྡིག་པ་དང་། །འཇམ་ཞིང་མཉེན་པར་བྱ་བ་ཡིན། །དེ་ལ་དཀྱིལ་འཁོར་ཐིག་གདབ་པ། །སྣ་ཚོགས་ཚོན་གྱིས་ཀུན་དུ་དབྱེ། །སྒོ་བཞི་རྣམ་པར་འབྱེས་པ་དང་། །རྟ་བབས་བཞི་དང་ལྡན་པར་བྱ། །
དཀྱིལ་འཁོར་དབུས་ཀྱི་སྙིང་པོ་ནི། །རྣམ་པར་ཕྱེ་སྟེ་གྲུ་བཞི་ཚད། །ཁྲུ་གསུམ་ཡང་ན་ཁྲུ་བཞི་ནི། །ཐིག་སྐུད་མཚོན་གྱིས་རྣམ་པར་དབྱེ། །ནང་གི་ཐིག་ནི་ཚད་དག་ཏུ། །མདུང་རྩེ་གསུམ་པ་དག་དང་ནི། །
ནོར་བུ་རིན་ཆེན་སྣ་ཚོགས་བྱ། །བར་གྱི་ཐིག་གི་ཚད་དག་ཏུ། །པད་མ་དང་ནི་རྡོ་རྗེ་དག །ཀུན་དུ་བྲི་བར་བྱ་བ་ཡིན། །ཕྱི་ཡི་ཐིག་གི་ཚད་དག་ཏུ། །རྡོ་རྗེ་རྣམ་པའི་སྟེགས་བུ་དང་། །རིན་ཆེན་སྣ་ཚོགས་གཞལ་མེད་ཁང་། །
སྟེགས་བུ་དག་ཀྱང་བྲི་བར་བྱ། །པད་མའི་དབུས་སུ་གཞལ་མེད་ཁང་། །གཞལ་ཡས་ཁང་པ་གནས་པར་བྱ། །དཀྱིལ་འཁོར་དབུས་ཀྱི་པད་མ་ལ། །རྣམ་པར་སྣང་མཛད་ཐུབ་པ་བྱ། །གཡོན་དུ་འོད་ནི་དཔག་མེད་པ། །གཡས་
ཕྱོགས་སུ་ནི་དེ་བཞིན་གཤེགས། །ཤཱཀྱའི་རྒྱལ་པོ་དག་དང་ནི། །དོན་ཡོད་རྒྱལ་པོ་འཇིག་རྟེན་གྱི། །དབང་ཕྱུག་མགོན་ལ་མངོན་སུམ་དུ། །བཏུད་དེ་ཐལ་མོ་སྦྱོར་བ་ནི། །ཕྱག་བཞི་པར་ནི་བྱ་བ་ཡིན། །ཕྱག་གཉིས་ཀྱི་
ནི་སྣ་ཚོགས་པའི། །མེ་ཏོག་རྣམས་ནི་འཆང་བ་དང་། །རྒྱན་རྣམས་ཀུན་གྱིས་བརྒྱན་པར་བྱ། །འོད་དཔག་མེད་པའི་མདུན་དུ་ནི། །ཁྲོ་བོའི་རྒྱལ་པོ་ཕྱག་བཞི་པ། །བཏུད་དེ་ཐལ་མོ་སྦྱོར་བ་དང་། །ལྷ་རྫས་མེ་ཏོག་སྣ་ཚོགས་པ། །ལག་པ་
གཉིས་ན་ཐོགས་པ་དང་། །སྣ་ཚོགས་རྒྱན་གྱིས་བརྒྱན་པར་བྱ། །དབུས་ཀྱི་དཀྱིལ་འཁོར་ལེགས་བརྒྱན་པ། །སྣ་ཚོགས་དར་གྱིས་མཛེས་པར་བྱ། །དོན་ཡོད་ཞགས་པའི་ཕྱག་རྒྱ་ཆེ། །པད་མ་གདན་དང་རྣམ་རྒྱན་པ། །འབར་བའི་ནང་ན་

99-1-139a

ཡོད་པར་བྱ། །གྲྭ་བཞིར་དག་ནི་བྱས་ན་ནི། །གཉིས་ཀྱི་བར་གྱི་ཆ་བཞི་སྟེ། །དབུས་ཀྱི་གནས་སུ་འཇིགས་མེད་པ། །ཤར་གྱི་གནས་སུ་གནས་པ་ནི། །ལྷ་མོ་སྒྲོལ་མ་རྣམ་པར་བརྒྱན། །གཡས་ཀྱི་གནས་སུ་གནས་པ་
ནི། །གོས་དཀར་མོ་ནི་རྣམ་པར་བརྒྱན། །ནུབ་ཀྱི་གནས་ན་གནས་པ་ནི། །ལྷ་མོ་དཀར་མོ་རྣམ་པར་བརྒྱན། །བྱང་གི་གནས་ན་གནས་པ་ནི། །ལྷ་མོ་པད་མ་མཛེས་དགའ་བརྒྱན། །དཀྱིལ་འཁོར་ཕྱི་རིམ་གྲྭ་རྣམས་སུ། །རྒྱལ་
ཆེན་བཞི་ནི་གཞག་པར་བྱ། །བར་གྱི་གནས་སུ་གཞག་པ་ནི། །རལ་པ་གཅིག་པ་གཏུམ་མོ་ཤར། །ནུབ་ཏུ་ཕོ་ཉ་བཞིན་སྒྱུར་མ། །གཡས་ཕྱོགས་སུ་ནི་བཞིན་སྒྱུར་མ། །རྡོ་རྗེ་ལྕགས་སྒྲོག་བྱ་བ་ཡིན། །བྱང་དུ་སྲིན་མོ་ཁྲོ་གཉེར་
གདོང་། །ཀུན་ཀྱང་མེ་དབུས་འཇིགས་པ་མེད། །དཀྱིལ་འཁོར་དབུས་སུ་དགོད་པ་བཞིན། །ཕྱི་རོལ་ཐིག་ལེ་པད་མོའི་ཕྲེང་། །རྡོ་རྗེ་རྩེ་གསུམ་གཞག་པ་ནི། །ཀུན་ཏུ་འབར་བ་ཕྲེང་བར་བཅས། །ཕྱི་རོལ་དཀྱིལ་འཁོར་ཀུན་ཏུ་ནི། །བྲི་བྱ་རྟགས་
དང་ཕྱག་རྒྱ་དང་། །ལྷ་ནི་དབང་ཕྱུག་དབང་ཕྱུག་ཆེ། །ཚངས་པ་ཁྱབ་འཇུག་གཤིན་རྗེ་དང་། །ཆུ་ལྷ་དབང་པོ་ལུས་ངན་པོ། །དབང་སྒྱུར་དགའ་ལྡན་གནས་དག་གི། ལྷ་ནས་འོག་མིན་གནས་ཀྱི་བར། །ལྷ་རྣམས་བྲི་བར་བྱ་བ་ཡིན། །སུམ་བཅུ་རྩ་གསུམ་
ལྷ་རྣམས་དང་། །རྟག་ནི་རྣམ་པ་སྣ་ཚོགས་དང་། །ཀུན་ཀྱང་པད་མོའི་གདན་ལ་གནས། །དེ་བཞིན་ཆོས་ཀྱི་འཁོར་ལོ་དང་། །རྡོ་རྗེ་རྩེ་ལྔ་རྡོ་རྗེ་དང་། །ཞགས་པ་དང་ནི་དགྲ་སྟ་དང་། །ལེགས་མཐོང་འཁོར་ལོ་དེ་བཞིན་ནོ། །མདུང་རྩེ་གསུམ་
དང་པཊྚ་དང་། །ངོས་ལ་དབྱུག་པ་ཐོ་བ་དང་། །རྡོ་རྗེ་དཀྱིལ་འཁོར་པད་མའི་ཕྲེང་། །འཁོར་ལོ་དུང་དང་དགའ་ད་དང་། །རལ་གྲི་དང་ནི་གཏོར་མ་རབ། །བུམ་པ་གང་བ་དག་དང་ནི། །མི་སྣང་བ་ཡི་འབག་ཤ་དང་། །པད་མ་དང་ནི་ཨུཏ་པ་ལ། །རྒྱལ་
མཚན་གདུགས་དང་ནོར་བུ་དང་། །དབྱུག་པ་དང་ནི་རྡོ་རྗེ་དང་། །གྲྭ་བཞིར་རྡོ་རྗེས་མཚན་པ་ཡིན། །ནོར་བུ་རྡོ་རྗེ་དག་དང་ནི། །དགྲ་སྟ་རྡོ་རྗེ་དག་དང་ནི། །ཕྱག་རྒྱ་བཞི་དང་དགའ་བ་འཁྱིལ། །བྱ་མ་བུམ་དང་ཀུན་དེ་དང་། །རིལ་བ་བྷྲིང་ག་རི་

99-1-139b

དང་ནི། །རི་དགས་ཨེ་ནའི་ལྤགས་པ་དང་། །མཆོད་ཕྱིར་ཐོགས་པའི་སྣམ་བུ་དང་། །སྟེང་དུ་རྒྱུ་སྐར་བཅས་པ་ཡི། །ཟླ་བ་ཉི་མ་དེ་བཞིན་ནོ། །ཀུན་ཀྱང་འབར་བའི་ནང་དུ་འདུག །སོ་སོར་ཆ་ནི་དབྱེ་བར་བྱ། །མཁས་པས་ཤར་གྱི་སྒོར་
བྲི་བ། །འགྱིང་བག་མཐོང་ན་འཇིགས་སུ་རུང་། །ལག་ན་རྡོ་རྗེ་འཇིགས་པ་མེད། །རྡོ་རྗེ་འཆང་བ་འབར་བའི་ནང་། །ཀི་ལི་ཀི་ལ་གཏུམ་པོ་ཆེ། །ལྷོ་ཕྱོགས་ཀྱི་ནི་སྒོ་རུ་གཞག །ནུབ་དུ་རྡོ་རྗེ་པིང་ག་ལ། །མཐོང་ན་འཇིགས་སུ་རུང་
བ་ཡི། །བྱང་དུ་ངེས་པར་གནོད་མཛེས་བྱ། །ཕྱི་རོལ་དཀྱིལ་འཁོར་ཀུན་དུ་ནི། །པད་མའི་ཕྲེང་དང་ཨུཏྤལ་ཕྲེང་། །གྲྭ་དག་དང་ནི་གྲྭ་རྣམས་སུ། །ཀླུའི་རྒྱལ་པོ་བཞི་རྣམས་བྲི། །སྒོ་སྲུང་བ་དག་བྲི་བ་ནི། །ནོར་བུ་བཟང་དང་གང་
བ་བཟང་། །སྟོབས་ཀྱི་ལྷ་དང་ལྔས་རྩེན་ཡིན། །སྒོ་ཡི་གནས་ཀྱི་བར་དག་ཏུ། །ཆུ་བོ་བཞི་ནི་བྲི་བྱ་བ། །གང་གཱ་དང་ནི་སི་ཏ་དང་། །པག་ཤུ་དང་ནི་སིན་དུ་ཡིན། །ཕྲེང་བའི་ནང་རོལ་ཐོག་དག་ཏུ། །དཔལ་གྱི་ལྷ་མོ་བ་སན་ཏེ། དཔེ་
མེད་མ་དང་ས་ཡི་ལྷ། །ལོ་ཏོག་སྨན་གྱི་ལྷ་མོ་དང་། །སྒྲ་དབྱངས་མ་དང་འཇིགས་ལྡན་མ། །དེ་བཞིན་མི་ཡི་ལྷ་དག་དང་། །འཕྲོག་མ་དང་ནི་དུང་ཅན་མ། །གཏུམ་མོ་དང་ནི་མེ་ཏོག་སོ། །དེ་དག་བྲི་བར་བྱ་བ་ཡིན། །ཁྲུས་བྱས་འབྲི་
མཁན་གཙང་མ་ཡིས། །གཙང་མའི་སྣོད་དུ་ཚོན་རྣམས་ནི། །ལྷག་མ་མིན་པས་ཀུན་དུ་བྲི། །ཟས་ནི་དཀར་གསུམ་གྲུབ་པར་བྱ། །ཁྱད་པར་འདོད་པས་ཟས་ངན་པ། །སྤང་བར་བྱ་བ་ཉ་དང་ཤ །བཙོང་དང་སྒོག་སྐྱ་ཀེའུ་རྣམས་
དང་། །འདྲེས་པ་སྤོང་བར་བྱ་བ་ནི། །ལོག་འདྲེན་གླགས་ཚོལ་སྤང་ཕྱིར་རོ། །ཁྲུས་བྱས་གོས་ནི་གསར་བ་བགོས། །གཙང་མས་དཀྱིལ་འཁོར་བྲི་བར་བྱ། །དཀྱིལ་འཁོར་རྣམ་པ་སྣ་ཚོགས་ཀྱིས། །ཀུན་ཏུ་བརྒྱན་པར་བྱ་
བ་ནི། །བ་དན་རྣམ་པ་སྣ་ཚོགས་དང་། །རྣམ་པ་སྣ་ཚོགས་མདའ་དང་ནི། །ལྷ་རྫས་དར་ནི་དཔྱང་བ་དང་། །བ་དན་ཡང་ནི་དཔྱང་བར་བྱ། །མཚོན་སྐུད་སྣ་ལྔའི་སྲད་བུ་ཡིས། །ཀུན་ཏུ་ཡོངས་སུ་བསྐོར་བར་བྱ། །ཟངས་ལས་

99-1-140a

བྱས་པའི་པད་མའི་ཚད། །སོར་བཞི་འདབ་མ་བྱེ་བ་དེ། །མཛེས་པ་གྲྭ་བཞིར་གཟུགས་པར་བྱ། །སྙིང་པོ་དཀྱིལ་འཁོར་གྲྭ་རྣམས་སུ། །པད་མ་བརྒྱད་ནི་གཞལ་བ་དག །གསེར་ལས་བྱས་པ་བཞི་གཞག་ཅིང་། །དེ་
བཞིན་དངུལ་ལས་བྱས་པ་བཞི། །ཀུན་དུ་བྱི་རུའི་ཕྲེང་བ་དང་། །མུ་ཏིག་ཕྲེང་བ་དེ་བཞིན་ནོ། །ཀུན་དུ་གསེར་གྱི་སྲད་བུ་དང་། །རིན་ཆེན་སྣ་ཚོགས་གཞག་པར་བྱ། །སྙིང་པོའི་དཀྱིལ་འཁོར་ཐིག་བར་དུ། །གསེར་གྱི་སྣོད་ནི་བཞི་དག་
དང་། །དངུལ་གྱི་སྣོད་ནི་བཞི་གཞག་གོ། དངུལ་གྱི་བུམ་པ་གང་བ་བཞི་ལ་དངུལ་དང་གསེར་དང་ཟངས་ལས་བྱས་པའི་མེ་ཏོག་སྤྲས་པའི་མགོ་ལྕོགས་ཀྱིས་སྤྲས་པ་གཞག་པར་བྱའོ། །གསེར་གྱི་བུམ་པ་བཞི་གཞག་པ་
ལ་མུ་ཏིག་དང་། བྱི་རུ་དང་། པད་མ་རཱ་ག་དང་། མརྒད་དང་། ཨིན་དྲ་ནཱི་ལ་དང་། དངུལ་དང་། གསེར་དང་། མེ་ཏོག་གིས་སྲས་པའི་མགོ་ལྕོགས་གཞག་པར་བྱའོ། །གླ་རྩི་དང་། ག་པུར་དང་། 
གུར་གུམ་དང་། ལྷ་རྫས་ཀྱི་ཙན་དན་གྱི་ཕྱེ་མས་གསེར་གྱི་སྣོད་བཀང་བ་དང་། དངུལ་གྱི་སྣོད་ཀྱི་ནང་དུ་གསེར་གྱི་མེ་ཏོག་དང་། དངུལ་གྱི་མེ་ཏོག་དང་། ཟངས་ཀྱི་མེ་ཏོག་མུ་ཏིག་གིས་བརྒྱན་ཅིང་རིན་པོ་ཆེ་རྣམ་པ་
སྣ་ཚོགས་སྤྲས་པ་གཞག་པར་བྱ། ཅོད་པན་གྱི་རྒྱལ་མཚན་བཞི་གཞག་པར་བྱ། རིན་པོ་ཆེའི་རྒྱལ་མཚན་བཞི་གཞག་པར་བྱ། ཚོན་སྣ་ཚོགས་ཅན་དང་། དར་དམར་པོ་དཔྱང་བར་བྱ། དངུལ་གྱི་
པོག་ཕོར་བཞི་གཞག་སྟེ། གླ་རྩི་དང་། ག་པུར་དང་། གུར་ཀུམ་གྱི་བདུག་པས་བདུག་པར་བྱ། ས་ལས་བྱས་པའི་བུམ་པ་གསེར་གྱིས་གཡོགས་པའི་ནང་དུ་དྲི་ཆབ་རྣམ་པ་སྣ་ཚོགས་ཀྱིས་བཀང་
སྟེ། རིན་པོ་ཆེ་སྣ་བདུན་དང་ལྡན་པར་བགྱིས་ལ་བཀང་བ་ལ་དར་གྱིས་བཅིངས་ལ་རྒྱན་རྣམ་པ་སྣ་ཚོགས་ཀྱིས་བརྒྱན་པའི་སྟེང་དུ་ཟངས་ལས་བྱས་པའི་མེ་ཏོག་གཞག་ནས་སྙིང་པོའི་དཀྱིལ་འཁོར་གྱི་སྟེང་དུ་པད་མའི་སྟེང་དུ་

99-1-140b

གཞག་པར་བྱའོ། །དེ་ནས་ཕྱི་རོལ་གྱི་དཀྱིལ་འཁོར་ཐོག་ཐག་ཏུ་དྲི་དང་། ཕྱེ་མ་དང་། བྱུག་པ་དང་། མེ་ཏོག་དང་། འབྲས་བུ་ལ་སོགས་པ་རྣམ་པ་སྣ་ཚོགས་དང་། མཆོད་ཡོན་གྱི་ཆབ་ཀྱིས་དངུལ་གྱི་སྣོད་དང་། ཟངས་ཀྱི་
སྣོད་བཀང་བ་དྲུག་བཅུ་རྩ་བཞི་གཞག་པར་བྱའོ། །ལྕགས་ཀྱི་སྣོད་བུམ་པ་གང་བ་དྲུག་བཅུ་རྩ་བཞི་གཞག་པར་བྱའོ། །མེ་ཏོག་དང་། མགོ་ལྕོགས་དང་། པོར་ཕོར་བཀང་བ་དྲུག་བཅུ་རྩ་བཞི་གཞག་པར་བྱའོ། །
གཞག་པར་བྱ་སྟེ་བདུག་པ་སྣ་ཚོགས་ཀྱིས་བདུག་པར་བྱའོ། །སྒོ་བཞིར་དྲི་ཆབ་ཀྱི་བུམ་པ་དར་གྱིས་བརྒྱན་ཅིང་སྤུད་པ་གཞག་པར་བྱའོ། །སྣ་མའི་མེ་ཏོག་གི་གདུལ་བུའི་སྟེང་དུ་མདའ་ལ་བ་དན་བཏགས་པ་དྲུག་བཅུ་རྩ་བཞི་
བཙུགས་ཏེ། ཚོན་སྣ་ཚོགས་ཀྱིས་བཀྲ་བར་བྱས་པའི་མདའ་དང་། ནོར་བུའི་ཕྲེང་བ་རྣམ་པ་སྣ་ཚོགས་ཀྱིས་དཀྱིལ་འཁོར་བརྒྱན་པར་བྱའོ། །དེ་ནས་ཕྱི་རོལ་གྱི་དཀྱིལ་འཁོར་ཐོག་ཐག་ཏུ་ས་དང་བསྲེས་པའི་བའི་ལྕི་
བས་དཀྱིལ་འཁོར་བྱས་ལ་དྲི་ཆབ་ཀྱིས་བསྐུས་ཏེ་ཚོན་སྣ་ལྔའི་སྲད་བུས་ཐིག་བཏབ་ལ་སྒོ་བཞི་རྣམ་པར་ཕྱེ་སྟེ་སེང་ལྡེང་གི་ཕུར་བུ་ཚད་སོར་བཅུ་གཉིས་པ་དྲུག་བཅུ་རྩ་བཞི་གདབ་བོ། །ཚོན་སྣ་ལྔའི་སྲད་བུས་དཀྱིལ་འཁོར་
ཀུན་དུ་བསྐོར་བར་བྱའོ། །བུམ་བུ་དང་། བུམ་པ་དང་། བྱ་མ་བུམ་དྲུག་བཅུ་རྩ་བཞི་གཏོར་མ་སྣ་ཚོགས་ཀྱིས་བཀང་བ་གཞག་གོ། ཁམ་ཕོར་ཟླུམ་པོ་དྲུག་བཅུ་རྩ་བཞི་གཏོར་མ་སྣ་ཚོགས་ཀྱིས་བཀང་བ་
གཞག་གོ། གཏོར་མ་ཚུལ་སྣ་ཚོགས་པ། དྲུག་བཅུ་རྩ་བཞི་སོ་སོར་བཞག་གོ། ཚོགས་ཀྱི་གཏོར་མ་གཞག་གོ ། སྣོད་ཚོན་སྣ་ལྔ་པ་དྲུག་བཅུ་རྩ་བཞི་ཁ་ཟས་རྣམ་པ་སྣ་ཚོགས་ཀྱིས་བཀང་བ་དང་། བཅའ་བ་རྣམ་པ་སྣ་ཚོགས་བླུགས་པ་དང་། གཏོར་མ་དཀར་པོ་རྣམ་པ་སྣ་ཚོགས་གཞག་གོ། ཡོ་བྱད་ཐམས་ཅད་ཀྱིས་ཡོངས་སུ་གང་བ། རོ་རྣམ་པ་སྣ་ཚོགས་ཀྱི་གཏོར་མ་གཞག་གོ ། འབྲས་བུ་སྣ་ཚོགས་དང་། མེ་ཏོག་སྣ་ཚོགས་དགྲམ་མོ། །ཕྲེང་བ་བརྒྱ་ཉི་
ཤུ་རྩ་གཅིག་དཀྱིལ་འཁོར་དུ་དཔྱང་བར་བྱ་སྟེ། བྱང་ཕྱོགས་ཀྱི་དཀྱིལ་འཁོར་ལ་དྲུག་བཅུ་རྩ་བཞི། སྙིང་པོའི་དཀྱིལ་འཁོར་ལ་སུམ་བཅུ་རྩ་གཉིས་གདགས་སོ། །མེ་མར་གྱི་སྡོང་བུ་བཞི་བུད་པར་བྱའོ། །

99-1-141a

གཏོར་མ་བརྒྱ་དྲུག་བཅུ་རྩ་བཞི་དང་དཀྱིལ་འཁོར་ཐོག་ཐག་ཏུ་མར་མེ་བུད་པར་བྱའོ། །ཆང་དང་ཤ་དང་། བེག་ཙོང་དང་། སྒོག་སྐྱ་དང་། ཀེའུ་དང་། ཚོད་སྔོན་དང་། ལ་ཕུག་སྤངས་པའི་གཏོར་མ་
གཞན་རྣམ་པ་སྣ་ཚོགས་གཞག་པར་བྱའོ། །དཀྱིལ་འཁོར་གྱི་ཕྱི་རོལ་གྲྭ་བཞིར་དོན་ཡོད་པའི་ཞགས་པའི་མདོ་སྡེ་བཀླག་པར་བྱའོ། །སྒོ་རེ་རེར་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླག་པར་བྱ་
སྟེ། །ཆོས་ཀློག་པ་ལེགས་པར་འཁྲུས་བྱས་ཏེ། ལྷ་རྫས་ཀྱི་གོས་ཀྱིས་དཀྲིས་ཏེ་གཙང་མ་ལ་དྲི་རྣམ་པ་སྣ་ཚོགས་ཀྱིས་བསྒོས་པའི་གོས་གཙང་མ་བགོས་ཏེ། ཆོས་ཀྱི་སྟན་ཤིན་དུ་བརྒྱན་པ་ལྷ་རྫས་ཀྱི་སྟན་ལ་
འདུག་ནས་ཚིག་འཇམ་པོ་འཇམ་པོ་ཚིག་མཉེན་པོས་བཀླག་པར་བྱའོ། །ནུབ་ཀྱི་ཕྱོགས་ཆ་ལ་དཀྱིལ་འཁོར་མཐོན་པོ་ལ་བདེ་བ་ཅན་བཀོད་པ་བྲི་པ་འོད་དཔག་མེད་དང་། འཕགས་པ་སྤྱན་རས་གཟིགས་ཀྱི་དབང་ཕྱུག་དང་། མཐུ་ཆེན་
པོ་ཐོབ་པའི་གཟུགས་བྲི་བའི་རས་ཀྱི་སྐུ་གཟུགས་དཀྱིལ་འཁོར་ལ་མངོན་དུ་ཕྱོགས་པར་གཞག་པར་བྱའོ། །ཤར་གྱི་ཕྱོགས་ཆ་ལ་དཀྱིལ་འཁོར་གྲྭ་བཞི་མཐོན་པོ་བྱས་ལ་རྣམ་པར་གྲོལ་བའི་དཀྱིལ་འཁོར་ལ་ཤཱཀྱ་ཐུབ་པ་དང་། 
འཕགས་པ་རྡོ་རྗེ་འཆང་བ་དང་། དོན་ཡོད་པའི་ཞགས་པའི་ཁྲོ་བོའི་གཟུགས་བྲིས་པ་རས་ཀྱི་སྐུ་གཟུགས་དཀྱིལ་འཁོར་ལ་མངོན་དུ་ཕྱོགས་པར་གཞག་གོ། ལྷོའི་ཕྱོགས་ཆ་ལ་རི་འདྲ་བའི་གནས་མཐོན་པོ་བྱས་ལ་དེ་བཞིན་
གཤེགས་པ་འཇིག་རྟེན་དབང་ཕྱུག་རྒྱལ་པོ་དང་། འཇམ་དཔལ་དང་། སྒྲིབ་པ་ཐམས་ཅད་རྣམ་པར་སེལ་བ་དང་། དོན་ཡོད་པའི་ཞགས་པ་རས་ལ་བྲིས་པའི་དཀྱིལ་འཁོར་ལ་མངོན་དུ་ཕྱོགས་པར་གཞག་གོ། བྱང་གི་
ཕྱོགས་ཆ་ལ་ཁྲོ་བོའི་རྒྱལ་པོ་དང་། དེ་བཞིན་གཤེགས་པ་རྣམ་པར་སྣང་མཛད་དང་། བྱམས་པ་དང་སའི་སྙིང་པོ་བྲིས་པའི་རས་ཀྱི་སྐུ་གཟུགས་དཀྱིལ་འཁོར་ལ་མངོན་དུ་ཕྱོགས་པར་གཞག་གོ། སྟེགས་བུའི་

99-1-141b

རྣམ་པར་མཐོན་པོར་བྱས་པ་ཐམས་ཅད་ལེགས་པར་བརྒྱན་པར་བྱའོ། །དར་གྱི་ཕྲེང་བས་བརྒྱན་པར་བྱའོ། །རྒྱན་ཐམས་ཅད་ཀྱིས་བརྒྱན་པ་དང་། བུམ་པ་གང་བ་གཞག་པ་དང་། དྲིས་དཀྱིལ་འཁོར་བྱ་བ་དང་། རོའི་
མཆོག་རྣམ་པ་སྣ་ཚོགས་བཟའ་བའི་ངོ་བོ་རྣམ་པ་དུ་མའི་ཁ་ཟས་ཀྱི་རོ་འབུལ་བ་དང་། འབྲས་བུ་རྣམ་པ་སྣ་ཚོགས་དང་ལྡན་པའི་བསོད་སྙོམས་གཞག་པ་དང་། ཙན་དན་དང་། ཨ་ག་རུ་དང་། དུ་རུས་ཀ་དང་། 
ག་བུར་དང་། གླ་རྩི་དང་། གུར་གུམ་དང་བསྲེས་པའི་བདུག་པ་རས་ཀྱི་སྐུ་གཟུགས་ལ་དབུལ་བར་བྱའོ། །དེ་ནས་རིག་སྔགས་འཆང་བས་དུས་གསུམ་དུ་ཁྲུས་བྱ་ཞིང་། གོས་ལན་གསུམ་བརྗེས་ཏེ། དུས་གསུམ་དུ་
བཟླས་བརྗོད་དང་ཆོ་ག་བྱའོ། །ཚེས་བརྒྱད་ནས་བརྩམས་ཏེ་ཚེས་བཅྭ་ལྔ་ཚང་གི་བར་དུ་དོན་ཡོད་པའི་ཞགས་པ་ལན་ཉི་ཤུ་རྩ་གཅིག་བཟླས་བརྗོད་བྱའོ། །ཁྲོ་བོའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བྱའོ། །དོན་ཡོད་པའི་ཞགས་
པའི་ལྕགས་ཀྱུ་ཉི་ཤུ་རྩ་གཅིག་དང་། དོན་ཡོད་པ་རྣམ་པར་ལྟ་བའི་ཞགས་པའི་སྙིང་པོ་འཇིག་རྟེན་ལས་འདས་པ་རྣམ་པར་འཕྲུལ་པ་ལན་ཉི་ཤུ་རྩ་གཅིག་དང་། རྣམ་པར་གྲོལ་བའི་དཀྱིལ་འཁོར་བྱང་ཆུབ་སེམས་དཔའ་ཐམས་
ཅད་ཀྱིས་ཕྱག་བྱས་པ་སྟོང་རྩ་བརྒྱད་བཟླས་བརྗོད་བྱ་བ་དང་། རྣམ་པར་གྲོལ་བའི་དཀྱིལ་འཁོར་གྱི་ཞགས་པའི་སྙིང་པོ་སྟོང་རྩ་བརྒྱད་བཟླས་བརྗོད་བྱའོ། །ཟླ་བ་ཉ་ལ་ཐུག་གི་བར་དུ་ཟས་དཀར་གསུམ་བཟའ་བར་བྱའོ། །ཚེས་བཅྭ་
ལྔའི་ཉིན་མཚན་ཐོག་ཐག་ཏུ་དོན་ཡོད་པའི་ཞགས་པའི་སྙིང་པོ་དཔག་ཏུ་མེད་པར་བཟླས་བརྗོད་བྱའོ། །མཚན་ཐོག་ཐག་བཟླས་བརྗོད་བྱས་ཀྱང་ངལ་བ་མེད་པ་དང་། ལུས་སྙོམས་པ་དང་བྲལ་བས་བཟླས་བརྗོད་བྱའོ། །བྱམས་
པ་དང་། སྙིང་རྗེའི་ལྷག་པའི་བསམ་པའི་སེམས་སུ་བྱའོ། །བཟླས་བརྗོད་ཀྱི་ཆོ་ག་ཟིན་ནས་དཀྱིལ་འཁོར་གྱི་བྱ་བ་མཚམས་བཅད་པ་དང་། ཕྱོགས་བཅིང་བ་དང་། བདག་སྲུང་བ་དང་། གཞན་

99-1-142a

བསྲུང་བ་དང་དཀྱིལ་འཁོར་བསྡམ་པ་བྱས་ནས། དེ་ནས་འཁོར་རྣམས་དཀྱིལ་འཁོར་དུ་དམ་ཚིག་ལ་གཞུག་པར་བྱའོ། །དཀྱིལ་འཁོར་དུ་གཞུག་པ་དང་། དཀྱིལ་འཁོར་གྱི་ལས་ཟིན་ནས་མཆོད་པ་བརྩམ་མོ། །མཆོད་པའི་ཆོ་ག་
ཟིན་པ་དང་། དེ་ནས་བཟླས་བརྗོད་བརྩམ་པར་བྱ་སྟེ། དོན་ཡོད་པའི་ཞགས་པའི་དཀྱིལ་འཁོར་གྱི་སྤྱན་སྔར་འདུག་ནས། དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱས་ལ་ཁྲོ་བོའི་རྒྱལ་པོ་བརྒྱ་རྩ་བརྒྱད་ཀྱིས་དབང་བསྐུར་རོ། །
བཟླས་བརྗོད་ལན་ཉི་ཤུ་རྩ་གཅིག་དང་། དབང་བསྐུར་མ་ཐག་ཏུ་རས་ཀྱི་སྐུ་གཟུགས་དང་། དཀྱིལ་འཁོར་ཐམས་ཅད་ཀུན་དུ་འབར་ཞིང་འོད་ཟེར་སྣ་ཚོགས་འབྱིན་ཅིང་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་རོ། །རིག་སྔགས་
འཆང་བའི་སྙིང་དགའ་ཞིང་ལུས་འབར་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཤིན་དུ་འབར་ཞིང་འོད་འཕྲོ་བ་ཉི་མ་སྟོང་བས་ལྷག་པའི་འོད་ཟེར་ཅན་དོན་ཡོད་པའི་ཞགས་པ་ཚངས་པའི་ཆ་བྱད་འཆང་
བ་དཀྱིལ་འཁོར་གྱི་དབུས་ཀྱི་ནང་ནས་མངོན་དུ་གཤེགས་ཏེ་ཕྱོགས་བཅུའི་དཀྱིལ་འཁོར་ཀུན་ལ་རྣམ་པར་གཟིགས་ཤིང་རིག་སྔགས་འཆང་བ་ལེགས་སོ་ཞེས་བྱ་བའི་སྒྲ་ཕྱུང་སྟེ། ཕྱག་གཡས་པ་བརྐྱང་སྟེ་རིག་སྔགས་
འཆང་བའི་སྤྱི་བོ་ལ་གཞག་སྟེ་དཀྱིལ་འཁོར་གྱི་མཆོག་ཤིན་དུ་བརྒྱན་ཅིང་སྤྲས་པ་འདི་ནི་ཤིན་དུ་བཟང་བ་ཡིན་ཏེ། ལེགས་སོ་ལེགས་སོ། །འདི་རྣམ་པར་གྲོལ་བའི་དཀྱིལ་འཁོར་དོན་ཡོད་པའི་ཞགས་པ་རྣམ་པར་
འཕྲུལ་པ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ། བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ་དེ་བཞིན་གཤེགས་པ་དང་། བྱང་ཆུབ་སེམས་དཔའ་ཐམས་ཅད་ཀྱི་གསང་བ། ལྷ་དང་། 
ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་རྣམས་ཀྱི་དམ་ཚིག་གི་དཀྱིལ་འཁོར་བདུད་ཐམས་ཅད་ཕམ་པར་བྱེད་པའི་དཀྱིལ་འཁོར་

99-1-142b

བགེགས་དང་། རྣམ་པར་ལོག་འདྲེན་ཐམས་ཅད་འཇོམས་པ། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། རྗེའུའི་རིགས་དང་། དམངས་རིགས་དང་། ཐ་ན་བྱོལ་སོང་གི་གནས་སུ་གཏོགས་པའི་བྱ་
ཡང་རུང་སྟེ། སེམས་ཅན་ཐམས་ཅད་འཁོར་བའི་གཅོང་རོང་ལས་སྒྲོལ་བ་ཡིན་ནོ། །འདི་ནི་སྡིག་པ་དང་། སྒྲིབ་པ་ཐམས་ཅད་དང་། དམྱལ་བ་དང་། སྡུག་བསྔལ་དང་། ནད་དང་། སྐྱེ་བ་དང་། རྒ་བ་དང་། འཆི་བ་ལས་ཡོངས་སུ་ཐར་
བར་བྱེད་ཅིང་འཇིགས་པ་མེད་པའི་ཁྱིམ་དུ་འཇུག་པར་བྱེད་པ་ཡིན་ནོ། །འདི་ནི་རྣམ་པར་ཐར་པར་བྱེད་པ་དཀྱིལ་འཁོར་ཆེན་པོ་སྙིང་པོ་དང་། གསང་སྔགས་སུ་བཅས་པ་རྣམ་པར་གྲོལ་བའི་དཀྱིལ་འཁོར་བྱང་ཆུབ་སེམས་དཔའ་
ཐམས་ཅད་ཀྱིས་ཕྱག་བྱས་པ་འདི་རིག་སྔགས་འཆང་བ་དེ་དང་དེས་མིང་བརྗོད་པ་དང་། གང་དྲན་པ་ཙམ་ལ་སོགས་པ་དང་། ལྟ་བ་དང་། ཉན་པ་དང་། མིང་འཛིན་པ་ཡང་འཁོར་བའི་ཕ་རོལ་དུ་རྒལ་བར་འགྱུར་རོ། །ཕྱིར་མི་ལྡོག་
པ་ཉིད་དུ་ས་བཅུ་བགྲོད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཐོབ་པར་འགྱུར་རོ། །དེ་གང་ཞེ་ན། གང་ཞིག་དཀྱིལ་འཁོར་ཆེན་པོ་འདི་འདྲ་བ་མངོན་དུ་མཐོང་བ་དང་། རྣམ་པར་གྲོལ་བའི་
གཟུངས་འཇིག་རྟེན་ལས་འདས་པའི་གསང་སྔགས་ཀྱི་ཚིག་བཟླས་བརྗོད་བྱེད་པ་དང་། ཀློག་པ་དང་། དྲན་པ་དང་། འཆད་པ་དང་། ལན་འགའ་སྨྱུང་བས་མཐོང་བ་དང་། ཐང་ཅིག་དང་། སྐད་ཅིག་དང་། ཡུད་ཙམ་གྱིས་
མཐོང་བ་ནི་ང་དང་མཉམ་པ་དང་། མཉམ་པ་ཡིན་ནོ་ཞེས་སྨྲའོ། །བདག་ནི་སེམས་ཅན་དེ་ལ་དེ་བཞིན་གཤེགས་པ་ཡིན་པར་ཡང་འཛིན་ཏེ། འཇིག་རྟེན་དང་འཇིག་རྟེན་ལས་འདས་པ་ཡིན་པས་སྤྱི་བོས་བསྐུར་བར་
བགྱིའོ། །རིག་སྔགས་འཆང་བས་ཟུང་ཤིག་དང་། མཆོག་ཇི་ལྟར་འདོད་པ་དང་། ཇི་ལྟར་ཡིད་ལ་རེ་བ་དང་། བསམ་པ་ཐམས་ཅད་རྗེས་སུ་གཟུང་ཞིང་སྦྱིན་པར་མཛད་དོ། །དེའི་ཚེ་རིག་སྔགས་འཆང་བས་ཡིད་ལ་

99-1-143a

ཇི་ལྟར་བསམས་པའི་མཆོག་སྨྲས་ན། དེ་ཐམས་ཅད་སྦྱིན་པར་མཛད་ཅིང་དོན་ཡོད་པའི་ཡེ་ཤེས་བཀོད་པ་རྣམ་པར་གྲོལ་བ་དྲི་མ་མེད་པ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར་རོ། །གཞན་ཡང་གང་གཱའི་ཀླུང་གི་བྱེ་མ་དང་མཉམ་
པ་ཁྲག་ཁྲིག་སྟོང་ཕྲག་བཅུའི་ཏིང་ངེ་འཛིན་ཐོབ་པར་འགྱུར་རོ། །རྫུ་འཕྲུལ་གྱིས་ནམ་མཁའ་ལ་འགྲོ་བར་འགྱུར་རོ། །དཀྱིལ་འཁོར་དེའི་དམ་ཚིག་ཏུ་ཞུགས་པ་ནི་དམ་ཚིག་ཤེས་པའི་རྗེས་སུ་ཞུགས་པ་ཡིན་ཏེ། དེ་དག་ཐམས་
ཅད་ས་བཅུ་ལ་རབ་ཏུ་གནས་པ་ཡིན། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བའི་ཕྱིར་མི་ལྡོག་པ་ཐོབ་པར་འགྱུར་བ་ཡིན། ལུང་བསྟན་པ་དང་བྱིན་གྱིས་བརླབས་པར་འགྱུར་
བ་ཡིན། དེ་ནི་མངལ་ན་གནས་པར་སྐྱེ་བའི་ཐ་མ་སྟེ། ཕྱི་མངལ་ན་གནས་པའི་དྲི་མས་གོས་པར་མི་འགྱུར་རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །དེ་པད་མོའི་ནང་ནས་རྒྱན་ཐམས་ཅད་
ཀྱིས་བརྒྱན་པར་སྐྱེས་པར་འགྱུར་རོ། །ཚེ་རབས་ཀུན་ཏུ་ཚེ་རབས་དྲན་པར་འགྱུར་རོ། །དོན་ཡོད་པའི་རྒྱལ་པོའི་ཕུན་སུམ་ཚོགས་པ་ཆོ་ག་ཞིབ་མོའི་རྒྱལ་པོ་རྣམ་པར་གྲོལ་བའི་དཀྱིལ་འཁོར་དེ་བཞིན་གཤེགས་པ་
ཐམས་ཅད་ཀྱིས་སྙིང་པོ་ཆོས་ཀྱི་འཁོར་ལོ་བསྐོར་བ། དམ་ཚིག་ཆེན་པོ་འདི་ཁ་ཏོན་བྱེད་ན་ཕྱོགས་བཅུའི་དེ་བཞིན་གཤེགས་པ་ཐམས་ཅད་སངས་རྒྱས་ཀྱི་ཞིང་ན་བྱང་ཆུབ་ཀྱི་སྙིང་པོ་ལ་བཞུགས་པ་མཐོང་བར་
འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ལེགས་སོ་ཞེས་བྱ་བ་ཐོབ་པར་འགྱུར་ཏེ། རིགས་ཀྱི་བུ་སྐྱེ་བ་བླངས་པ་ལེགས་པར་སྐྱེ་བ་ཡིན་པས་ལེགས་སོ་ལེགས་སོ། །ཕྱིར་མི་ལྡོག་པར་
བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་གནས་པ་ཡིན་ནོ། །དེ་བཞིན་གཤེགས་པ་དེ་དག་ཐམས་ཅད་དང་ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་འོད་ཟེར་འབུམ་བྱེ་བས་

99-1-143b

མཛེས་པར་གྱུར་ཅིང་བསོད་ནམས་ཀྱིས་བརྒྱན་པའི་ཕྱག་གསེར་གྱི་མདོག་ཅན་བརྐྱང་ནས་སྤྱི་བོར་ཕྱག་འཇོག་ཅིང་དབུགས་འབྱིན་པར་ཡང་མཛད་དོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་ཆོས་འཕེལ་བའི་གཏམ་མངོན་
སུམ་དུ་སྒྲོགས་པར་མཛད་དོ། །ཐ་ན་དཀྱིལ་འཁོར་ཆེན་པོ་རོལ་མོའི་སྒྲ་རྔ་བོ་ཆེ་དང་། རྔ་བྲན་དང་དུང་དང་། རྫ་རྔ་དང་། རོལ་མོའི་སྒྲ་གང་དག་གྲག་པ་ལ་སེམས་ཅན་གང་དག་གིས་སྒྲ་དེ་ཐོས་ནས་རྣ་བའི་བུ་ག་ཙམ་དུ་
སོང་བ་དེ་ཐམས་ཅད་ཕྱིར་མི་ལྡོག་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་གནས་པར་འགྱུར་རོ། །ཐ་ན་བྱོལ་སོང་གི་སྐྱེ་གནས་སུ་གཏོགས་པ་བྱའི་རྣ་བར་སྒྲ་ཐོས་པ་དེ་དག་ཐམས་ཅད་
ཀྱང་ཕྱིར་མི་ལྡོག་པར་འགྱུར་རོ། །དེ་ལྟར་ན་རྣམ་པར་འཕྲུལ་བའི་ཆོ་འཕྲུལ་ཆེན་པོ་དང་ལྡན་པ་རྣམ་པར་ཐར་པའི་དཀྱིལ་འཁོར་གྱི་ཆོ་ག་མཐུ་ཆེན་པོ་རྣམ་པར་འཕྲུལ་པ་ཡིན་ནོ། །རིགས་ཀྱི་བུ་ཕོ་འམ། རིགས་ཀྱི་
བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། སེམས་ཅན་གཞན་གང་ཡང་རུང་བ་དགེ་སྦྱོང་ངམ། བྲམ་ཟེ་འམ། རྒྱལ་རིགས་སམ། རྗེ་འུའི་རིགས་སམ། དམངས་
རིགས་སམ། འགའ་ཞིག་གིས་རྣམ་པར་གྲོལ་བའི་དཀྱིལ་འཁོར་གྱི་ཆོ་ག་འདི་འཁོར་མང་པོའི་ནང་དུ་ཀློག་པ་དང་སེམས་ཅན་གང་གིས་སྒྲ་དེ་ཐོས་ནས་སྒྲ་དབྱངས་དེ་དང་མིང་ཐོས་པ་རྣ་བའི་བུ་གར་སོང་བར་
གྱུར་པ་དེ་དག་ཐམས་ཅད་སྒྲིབ་པ་དང་། སྡིག་པ་མི་ཟད་པ་ལས་བྲལ་བར་འགྱུར་རོ། །སྔོན་གྱི་སྒྲིབ་པ་དང་། སྡིག་པ་ལས་རྣམ་པར་གྲོལ་བར་འགྱུར་རོ། །ཕྱིར་མི་ལྡོག་པར་འགྱུར་རོ། །དེ་བཞིན་གཤེགས་
པ་ཐམས་ཅད་ཀྱི་སྲས་སུ་རིག་པར་བྱའོ། །འཕགས་པ་སྤྱན་རས་གཟིགས་ཀྱི་སྲས་ཀྱི་ཐུ་པོ་ཡིན་ནོ། །རྟག་པར་འཕགས་པ་སྤྱན་རས་གཟིགས་ཀྱི་དབང་ཕྱུག་གྲོགས་མཛད་ཅིང་རྗེས་སུ་འབྲང་བར་འགྱུར་རོ། །རྟག་ཏུ་

99-1-144a

དབུགས་འབྱིན་པ་མཛད་པར་འགྱུར་རོ། །མཐར་བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་རྗེས་སུ་སྲུང་བར་མཛད་དོ། །སེམས་ཅན་གང་ཞིག་དཀྱིལ་འཁོར་དེའི་ས་ཕྱོགས་སུ་སོང་སྟེ། ས་གཞི་སྣང་བ་ཙམ་མཐོང་བ་དེ་དག་ཐམས་
ཅད་ཀྱང་ཕྱིར་མི་ལྡོག་པར་འགྱུར་རོ། །ཉོན་མོངས་པ་ཐམས་ཅད་བསྲེགས་ཤིང་སྒྲིབ་པ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །དེའི་ས་རྡུལ་རླུང་གིས་བདས་ཏེ་ལུས་ལ་ཕོག་པ་གང་ཡིན་པ་དེ་དང་། ཐ་ན་སེམས་ཅན་
ཐམས་ཅད་ངན་པ་ཡང་རུང་སྟེ། དེ་དག་ཐམས་ཅད་ཕྱིར་མི་ལྡོག་པར་འགྱུར་བའི་གནས་ལ་རབ་ཏུ་གནས་པར་འགྱུར་རོ། །སྡིག་པ་ཐམས་ཅད་ལས་ཡོངས་སུ་གྲོལ་བ་དང་། འཕགས་པ་སྤྱན་རས་གཟིགས་དབང་ཕྱུག་རྟག་ཏུ་
མཐོང་བ་དང་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་དགོངས་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་དབུགས་ཕྱུང་བར་འགྱུར་རོ། །ལྷ་ཐམས་ཅད་ཀྱིས་བསྲུངས་བར་འགྱུར་རོ། །
བསོད་ནམས་ཀྱི་ཕུང་པོ་ཆེན་པོ་ཡོངས་སུ་གཟུང་བར་འགྱུར་རོ། །དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །དེ་ལྟར་ན་སྒྲ་ཐོས་པ་ཙམ་དང་། མིང་འཛིན་པ་ཙམ་གྱིས་འབྲས་བུ་ཆེན་པོ་ཐོབ་པར་འགྱུར་རོ། །དེ་ནས་རྣམ་པར་
གྲོལ་བའི་དཀྱིལ་འཁོར་གྱི་སྦྱིན་བསྲེག་གི་ཆོ་ག་བཤད་པར་བྱ་སྟེ། སྡིག་པ་དང་། སྒྲིབ་པ་ཐམས་ཅད་སྲེག་ཅིང་སྡུག་བསྔལ་དྲག་པོ་ལས་རྣམ་པར་གྲོལ་བར་འགྱུར་བ་དང་། ཉོན་མོངས་པ་དྲག་པོའི་རྒྱ་མཚོ་དང་། འཁོར་བ་ལས་
སྒྲོལ་བ་འགྲུབ་པ་ཕྱིར་མི་ལྡོག་པའི་གནས་བླ་ན་མེད་པར་དབུགས་འབྱིན་པར་མཛད་པ། སངས་རྒྱས་ཐམས་ཅད་དང་བྱང་ཆུབ་སེམས་དཔའ་རྣམས་ཀྱི་འཇིག་རྟེན་ལས་འདས་པའི་ལམ་བླ་ན་མེད་པ་སྟོན་པ། སངས་
རྒྱས་དང་། བྱང་ཆུབ་སེམས་དཔའ་སྟོན་པ། ལྷའི་སྟེགས་སྦྱིན་བསྲེག་བྱས་པ་ཙམ་གྱི་མོད་ལ་ཐེ་ཚོམ་མེད་པར། མེ་ལྷ་དང་། དབང་པོ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། དབང་ཕྱུག་དང་། 

99-1-144b

གཤིན་རྗེ་དང་། ཆུ་ལྷ་དང་། ལུས་ངན་པོ་དང་། གཞོན་ནུ་རྣམས་སྦྱིན་སྲེག་བྱས་པ་འདི་ཙམ་གྱི་མོད་ལ་ཐམས་ཅད་འོང་བར་འགྱུར་རོ། །ཐེ་ཚོམ་མེད་པར་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། 
མི་འམ་ཅི་དང་། ལྟོ་ཕྱེ་ཆེན་པོ་དང་། སྲིན་པོ་དང་། ཤ་ཟ་དང་། གྲུལ་བུམ་ཐམས་ཅད་འོང་བར་འགྱུར་ཞིང་། དེའི་མོད་ལ་རིག་སྔགས་འཆང་བའི་རྐང་པ་གཉིས་ལ་རྟག་ཏུ་འདུད་པར་བྱེད་དོ། །དེ་བཞིན་དུ་ཉིན་མཚན་དུ་ཀུན་དུ་སྲུང་
བར་འགྱུར་རོ། །རྒྱལ་པོ་ཆེན་པོ་བཞི་དང་། ཕྱག་ན་རྡོ་རྗེ་བདག་ཉིད་ཆེན་པོ་དང་། གནོད་སྦྱིན་གྱི་དབང་པོ་ཆེན་པོ་བཅུ་ཡང་ཕྱོགས་བཅུར་སྲུང་བ་བྱེད་དེ། མི་སྲུན་པ་མ་རུངས་པ་སེལ་ཅིང་དམྱལ་བ་དང་། འཇིགས་པ་མི་བཟད་པ་དང་། 
དུག་དྲག་པོ་དང་། སེམས་ཅན་མ་རུངས་པ་རྣམས་སེལ་བར་བྱེད་དོ། །དེ་མ་ཐག་ཏུ་བསོད་ནམས་ཆེན་པོའི་ལྷུན་པོ་དང་། བསོད་ནམས་ཆེན་པོའི་ཕུང་པོ་བླ་ན་མེད་པ་སྐྱེ་བར་འགྱུར་རོ། །ཙན་དན་སྲང་ཉི་ཤུ་དང་། ཨ་ག་རུ་
སྲང་ལྔ་དང་། དུ་རུ་སྐ་སྲང་བདུན་དང་། ག་པུར་དང་། གླ་རྩི་སྲང་གཅིག་གི་བཞི་ཆ་རེ་རེ་དང་། གུར་ཀུམ་སྲང་གཅིག་དང་། ལྕེ་པོག་ཀུན་དུ་ར་སྲང་ལྔ་དང་། གུ་གུལ་སྲང་བདུན་དང་འདི་རྣམས་གཅིག་ཏུ་སྲེས་ཏེ། ཕྱེ་མར་
བྱས་ལ་ཁ་ར་དཀར་པོ་དང་། སྦྲང་རྩིས་རི་ལུ་ཞོ་རེའི་ཚད་ཙམ་དུ་བྱས་པ་སྟོང་རྩ་བརྒྱད་དང་། ཡུངས་དཀར་དང་། འབྲས་ཡོས་བསྲེས་ཏེ་རི་ལུ་དང་། བསྲེས་ནས་མར་གྱི་ནང་དུ་སྨྱུགས་ཏེ་སྦྱིན་སྲེག་བྱའོ། །ཤིང་སུ་ར་
བྷི་དང་། ཤིང་ཨརྐ་དང་། ཤིང་ཤ་མྱའི་ཡམ་སྲེག་ཤིང་གི་མེ་སྦར་ཏེ་སྦྱིན་སྲེག་གི་ཆོ་ག་བྱའོ། །གང་དང་གང་གི་ཚེ་སྟོང་རྩ་བརྒྱད་སྦྱིན་སྲེག་བྱས་ན་དེ་དང་དེའི་ཚེ་སྡིག་པ་དང་། སྒྲིབ་པ་དྲག་པོ་ཐམས་ཅད་སྲེག་པར་འགྱུར་རོ། །
དེ་དང་དེའི་ཚེ་དེ་ནད་ཐམས་ཅད་ལས་ཡོངས་སུ་གྲོལ་བར་འགྱུར་རོ། །དེ་དང་དེའི་ཚེ་གཅོང་ཐམས་ཅད་ལས་ཡོངས་སུ་གྲོལ་བར་འགྱུར་རོ། །དེ་དང་དེའི་ཚེ་འཛམ་བུའི་གླིང་གི་སེམས་ཅན་བུད་མེད་དང་། སྐྱེས་པ་དང་། 

99-1-145a

ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་ལ་སོགས་པ་ཐམས་ཅད་ཀྱི་སྡིག་པ་དང་། སྒྲིབ་པ་ཐམས་ཅད་བྱང་བར་འགྱུར་རོ། །སྡིག་པ་ཐམས་ཅད་དང་། 
བྱུར་ཐམས་ཅད་དང་། གནོད་པ་ཐམས་ཅད་དང་། འཁྲུག་པ་ཐམས་ཅད་དང་། འཐབ་པ་དང་། རྩོད་པ་དང་། གཡུལ་འགྱེད་པ་དང་། ཤགས་འགྱེད་པ་ཐམས་ཅད་དང་། རང་གི་འཁོར་དང་། གཞན་གྱི་འཁོར་གྱི་འཇིགས་
པ་ཐམས་ཅད་དང་། ཕྱིར་རྒོལ་བའི་དགྲས་འཇིགས་པ་ཐམས་ཅད་དང་། སེམས་ཅན་མ་རུངས་པ་ཐམས་ཅད་དང་། རྐུན་པོ་དང་། ཟོལ་བ་དང་། མི་རྒོད་པ་དང་། གཅན་ཟན་གཏུམ་པོའི་འཇིགས་པ་ཐམས་ཅད་རབ་ཏུ་
ཞི་བར་འགྱུར་རོ། །སེམས་ཅན་དེ་དག་ཐམས་ཅད་འཇིགས་པ་མེད་པར་འགྱུར་རོ། །བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་
རིགས་གང་དག་གིས་དེའི་དྲི་ཚོར་བ་དེ་དག་ཐམས་ཅད་ཀྱང་ཕྱིར་མི་ལྡོག་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་གནས་པར་འགྱུར་རོ། །ཚེ་བརྗེས་ནས་ཐམས་ཅད་བདེ་བ་ཅན་གྱི་
འཇིག་རྟེན་གྱི་ཁམས་སུ་འགྲོ་བར་འགྱུར་ཞིང་། པད་མོའི་ནང་ནས་རྫུས་ཏེ་སྐྱེ་བར་འགྱུར་རོ། །བྱོལ་སོང་གི་སྐྱེ་གནས་སུ་གཏོགས་པ་རྐང་གཉིས་པ་དང་། རྐང་བཞི་པ་རྣམས་ཀྱིས་དེའི་དྲི་ཚོར་བ་ཙམ་གྱིས་
ཐམས་ཅད་ངེས་པར་ཕྱིར་མི་ལྡོག་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་སངས་རྒྱས་ཉིད་ལས་ཕྱིར་མི་ལྡོག་པར་འགྱུར་ཞིང་མངོན་པར་རྫོགས་པར་འཚང་རྒྱའོ། །རིག་སྔགས་འཆང་བ་དེ་ཇི་ལ་ཇི་ལྟར་
སྦྱིན་སྲེག་བྱེད་པ་དེ་ལྟ་དེ་ལྟར་དེའི་ལུས་དྲི་མ་མེད་ཅིང་ཡོངས་སུ་དག་པར་འགྱུར་རོ། །སྟོང་རྩ་བརྒྱད་ཚང་ན་རིག་སྔགས་འཆང་བའི་ལུས་འབར་བར་འགྱུར་རོ། །ཕྱོགས་བཅུའི་སངས་རྒྱས་མང་པོའི་སྐུ་མཐོང་བར་འགྱུར་རོ། །

99-1-145b

དེ་བཞིན་གཤེགས་པའི་སྐུ་དེ་དག་གིས་རིག་སྔགས་འཆང་བ་ལ་ལེགས་སོ་ཞེས་བྱ་བའི་སྒྲ་འབྱིན་ཏེ། རིག་སྔགས་འཆང་བ་ལེགས་སོ་ལེགས་སོ། །འདི་ནི་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོག ། རྣམ་པར་གྲོལ་བའི་
དཀྱིལ་འཁོར་འཇིག་རྟེན་ལས་འདས་པའི་སྦྱིན་སྲེག་གི་ཆོ་ག་ཡིན་ནོ། །འདི་ནི་བདུད་ཐམས་ཅད་རབ་ཏུ་འཇོམས་པའི་སྦྱིན་སྲེག་ཆེན་པོའི་ཆོ་ག་ཡིན་ནོ། །འདི་ནི་གནོད་སྦྱིན་དང་། སྲིན་པོ་དང་། འབྱུང་པོ་དང་། བརྗེད་བྱེད་དང་། 
བགེགས་དང་། ལོག་འདྲེན་ཚར་གཅོད་པའི་སྦྱིན་སྲེག་ཆེན་པོའི་ཆོ་ག་ཡིན་ནོ། །འདི་ནི་བྱང་ཆུབ་ཀྱི་སྙིང་པོར་སོང་སྟེ། ཆོས་ཀྱི་འཁོར་ལོ་བསྐོར་བའི་སྦྱིན་སྲེག་ཆེན་པོའི་ཆོ་ག་ཡིན་ནོ། །འདི་ནི་བྱང་ཆུབ་ཀྱི་ལམ་བླ་ན་མེད་པ་ཡིན་ནོ། །དེ་ནས་
དེ་བཞིན་གཤེགས་པའི་སྐུ་དེ་དག་ཐམས་ཅད་ཀྱིས་ཕྱག་གཡས་པ་གསེར་གྱི་ཁ་དོག་ལྟ་བུ་བརྐྱང་སྟེ། རིག་སྔགས་འཆང་བའི་མགོའི་སྤྱི་བོ་ལ་ཕྱག་འཇོག་པར་མཛད་དོ། །འཕགས་པ་སྤྱན་རས་གཟིགས་དབང་ཕྱུག་གི་རང་གི་ངོ་བོ་ཉིད་
ཀྱི་རྒྱན་ཐམས་ཅད་ཀྱིས་བརྒྱན་པ། དོན་ཡོད་པའི་ཞགས་པ་དང་། ཚངས་པའི་ཆ་བྱད་འཆང་བ། དབུ་ལྕང་ལོ་ཅོད་པན་གྱིས་བརྒྱན་པ། པད་མ་དང་། མདུང་རྩེ་གསུམ་པ་དང་། ཞགས་པ་ཐོགས་པ། རིག་སྔགས་འཆང་བའི་མདུན་ན་
བཞུགས་ཏེ་བཀའ་སྩོལ་པ། རིག་སྔགས་འཆང་བ་ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་རྣམ་པར་གྲོལ་བའི་དཀྱིལ་འཁོར་འཇིག་རྟེན་ལས་འདས་པའི་སྦྱིན་སྲེག་གི་ཆོ་ག་ཆེན་པོ་གྲུབ་པ་ལེགས་སོ་ལེགས་སོ། །ཟུང་ཤིག་
དང་། མཆོག་ཇི་ལྟ་བ་དང་། ཇི་ལྟར་འདོད་པ་དེ་ཐམས་ཅད་སྦྱིན་ནོ། །དེ་ནས་རིག་སྔགས་འཆང་བས་ཇི་ལྟར་འདོད་པའི་མཆོག་སྨྲས་ན་དེ་ཐམས་ཅད་ཐོབ་པར་འགྱུར་རོ། །འཕགས་པ་སྤྱན་རས་གཟིགས་ཀྱི་དབང་ཕྱུག་གིས་
ཕྱག་བརྐྱང་སྟེ། རིག་སྔགས་འཆང་བའི་མགོའི་སྤྱི་བོ་ལ་ཕྱག་གཞག་པ་དང་། ཕྱག་གཞག་མ་ཐག་ཏུ་རིག་སྔགས་འཆང་ནམ་མཁའ་ལ་འགྲོ་བར་འགྱུར་རོ། །ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་འགྲོ་བར་འགྱུར་

99-1-146a

རོ། །དེ་བཞིན་གཤེགས་པ་ཐམས་ཅད་མངོན་སུམ་དུ་མཐོང་བ་ཐོབ་པར་འགྱུར་རོ། །ཕྱིར་མི་ལྡོག་པ་དང་། ཕྱིར་མི་ལྡོག་པའི་གནས་ཐོབ་པར་འགྱུར་རོ། །སངས་རྒྱས་ཐམས་ཅད་ཀྱི་ཞིང་དུ་དེ་བཞིན་གཤེགས་པ་ཐམས་ཅད་ཀྱིས་
དབང་བསྐུར་བ་ཐོབ་པར་འགྱུར་རོ། །སངས་རྒྱས་ཐམས་ཅད་ཀྱི་ཞིང་ལ་བསྙེན་བསྐུར་བྱས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་བར་འགྱུར་རོ། །དེ་བཞིན་གཤེགས་པ་འོད་དཔག་མེད་བྱང་ཆུབ་སེམས་དཔའི་
འཁོར་དང་བཅས་པ་ཆོས་འཆད་པ། བྱང་ཆུབ་ཀྱི་སྙིང་པོ་ལ་ཐུག་གི་བར་དུ་མངོན་སུམ་དུ་ཐོབ་པར་འགྱུར་རོ། །དེ་ནས་ཧོྃ་ཁུང་བཤད་པར་བྱ་སྟེ། འཇིག་རྟེན་ལས་འདས་པའི་སྦྱིན་སྲེག་གི་གནས་བླ་ན་མེད་པའི་པད་མ་ཁ་བྱེ་བ་འདྲ་བར་
བྱས་པ། ཟླུམ་པོ་ཁྲུ་གསུམ་པ་ས་དང་བའི་ལྕི་བ་བསྲེས་པ་དང་ལྡན་པར་བྱས་ཏེ། པད་མའི་སྙིང་པོ་ལ་ཧོྃ་ཁུང་ཟབས་སུ་བརྐོ་བ་དང་། ཐབ་ཀ་ཀུན་དུ་ཁྲུ་གང་བ་བརྐོ་བར་བྱའོ། །ནང་དུ་པད་མ་བཅུ་དྲུག་པ་འབུར་དུ་བྱས་པ་གཞག་ལ། 
ཚོན་སྣ་ཚོགས་ཀྱིས་པད་མ་དེ་བརྒྱན་པར་བྱའོ། །པད་མའི་ཕྱི་འཁོར་དུ་དཀྱིལ་འཁོར་གྲུ་བཞིར་བྱས་ལ་དྲི་སྣ་ཚོགས་ཀྱིས་གཏོར་བ་དང་བརྒྱན་པར་བྱའོ། །དཀྱིལ་འཁོར་ཀུན་དུ་བུམ་པ་གང་བ་བཞི་དང་། དངུལ་གྱི་སྣོད་གང་བ་
བཞི་དང་། མཆོད་ཡོན་གྱི་ཆུས་བཀང་བ་གསེར་གྱི་སྣོད་བཞི་དང་། རོ་སྣ་ཚོགས་ཀྱི་གཏོར་མ་གཞག་པ་ནི་གཏོར་མ་དཀར་གསུམ་རྣམ་པ་སྣ་ཚོགས་དང་འབྲས་བུ་རྣམ་པ་སྣ་ཚོགས་གཞག་པ་དང་། དྲི་དང་མེ་ཏོག་སྣ་ཚོགས་
ཀྱིས་གཏོར་ཏེ། ཕྲེང་བ་རྣམ་པ་སྣ་ཚོགས་སྤྱངས་ལ། དཀྱིལ་འཁོར་ཀུན་དུ་ཚོན་སྣ་ལྔའི་བ་དན་གྱིས་མདའ་ལ་བརྒྱན་ཏེ་གཟུགས་པ་དང་། སྒོ་བཞི་ཆ་དབྱེ་བ་དང་། བུམ་པ་བཞག་པ་ནི་ལེགས་པར་བརྒྱན་ཅིང་དྲི་ཆུས་ཡོངས་
སུ་བཀང་བར་བྱའོ། །སྒོ་བཞིར་ཆོས་སྨྲ་བ་ཤིན་དུ་བརྒྱན་པའི་སྟན་ལ་འདུག་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བཀླག་པར་བྱའོ། །གྲྭ་བཞིར་ཆོས་སྨྲ་བ་ཆོས་ཀྱི་སྟན་ལེགས་པར་བརྒྱན་པ་ལ་འདུག་ནས་དོན་ཡོད་པའི་ཞགས་པའི་

99-1-146b

མདོའ་སྡེ་བཀླག་པར་བྱའོ། །གསེར་གྱི་མེ་ཏོག་དང་། དངུལ་གྱི་མེ་ཏོག་དང་། ཟངས་ཀྱི་མེ་ཏོག་དང་། རིན་པོ་ཆེ་སྣ་བདུན་གྱིས་མཆོད་པར་བྱའོ། །དེ་ནས་རིག་སྔགས་འཆང་བས་ཁྲུས་བྱས་གོས་གཙང་མ་བགོས་དྲི་ཞིམ་པོས་བསྒོས་ཏེ། 
གཙང་མར་བྱས་པ་ལ་རུ་ལུ་ལ་དོན་ཡོད་པའི་ཞགས་པའི་སྙིང་པོ་བརྒྱ་རྩ་བརྒྱད་བཟླས་བརྗོད་བྱའོ། །ཁྲོ་བོའི་རྒྱལ་པོ་བརྒྱ་རྩ་བརྒྱད་ཀྱིས་དབང་བསྐུར་རོ། །དོན་ཡོད་པ་རྣམ་པར་ལྟ་བའི་འབར་བ་རྣམ་པར་གྲོལ་བའི་དཀྱིལ་འཁོར་གྱི་ཞགས་
པའི་སྙིང་པོས་སྟོང་རྩ་བརྒྱད་སྦྱིན་སྲེག་བྱ་བ་ནི་མི་སྨྲ་བར་བྱམས་པའི་སེམས་དང་། སྙིང་ཐག་པ་ནས་བརྩེ་བ་དང་། སྙིང་རྗེ་བར་བྱ་བ་ནི་ལས་བླ་ན་མེད་པ་ཡིན་ནོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་
སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །འདི་ལྟ་སྟེ། ༀ་པད་མ་པཱ་ཎི། ཙ་ར་ཙ་ར་པད་མ་བྷུ་ཛེ། ཛྭ་ལ་ཛྭ་ལ་ཧཱུ་ཏཱ་ཤ་ནི། བྷུ་རུ་བྷུ་རུ། བི་མོ་ཀྵ་བྷུ་ཛེ། ད་ཧ་ད་ཧ། སརྦ་མ་
ལན། ཨ་མོ་གྷ་པཱ་ནི་བ་ར་དེ། ཧཱུྃ་ཧཱུྃ་ནིར་ད་ཧ། པཱ་པྃ། ཤ་མ་ཤ་མ་ནི། ལོ་ཀོད་ཏཱ་ར་ཎི། ས་མནྟ་རཥྨི་བ་རེ་བར་ཏུ་རུ་ཏུ་རུ། པྲ་བ་རེ། ཨ་མོ་གྷ་སིད་དྷི། ༀ་བྷཱུརྦྷུ་བ། ན་མོ་སྟུ་ཏེ་སྭཱ་ཧཱ། དེ་ནི་རྣམ་པར་གྲོལ་བའི་དཀྱིལ་
འཁོར་འབར་བ་ཞགས་པ་ཆེན་པོའི་སྙིང་པོ་དང་། གཟུངས་ཀྱི་སྦྱིན་སྲེག་གི་ཆོ་ག་འཇིག་རྟེན་ལས་འདས་པ་བླ་ན་མེད་པ་ཡིན་ནོ། །དེ་ནས་རིག་སྔགས་འཆང་བས་ཐལ་བ་དེས་རྨད་དུ་བྱུང་བ་ཆེན་པོའི་བྱ་བ་ཐམས་ཅད་བྱའོ། །
ཐལ་བ་དེས་གང་གི་ལུས་ལ་བྱུགས་པ་དེ་ནི་སྒྲིབ་པ་དང་སྡིག་པ་ཐམས་ཅད་ལས་གྲོལ་བར་འགྱུར་རོ། །དཔྲལ་བར་ཐིག་ལེ་བྱས་ན་དེ་མ་ཐག་ཏུ་ཞག་བཞི་པའི་རིམས་ལས་ཐར་བར་འགྱུར་རོ། །ཞག་གཉིས་པ་དང་། ཞག་གསུམ་པ་
དང་། མཚན་མོ་པ་དང་། ཉིན་པར་པ་དང་། ནམ་ཕྱེད་པ་དང་། ཉིན་ཕྱེད་པ་དང་། ལོ་གཅིག་པ་དང་། ཟླ་བ་གཅིག་པ་དང་། ཞག་བདུན་པ་དང་། རྟག་པའི་རིམས་ལན་འགའ་ཡང་གནས་ཤིང་ཕྱིར་འོང་བར་མི་འགྱུར་རོ། །དཔག་ཚད་
99-1-147a

བརྒྱ་འདས་ཏེ་འབྲོས་པར་འགྱུར་རོ། །འཚོགས་མར་ཐིག་ལེ་བྱས་ན་སྟོང་ཕྲག་བརྒྱ་རྩ་བཞི་ལས་ཐར་བར་འགྱུར་རོ། །ཐམས་ཅད་ཀྱང་ཕྱོགས་བཅུར་དཔག་ཚད་སྟོང་དུ་འབྲོས་པར་འགྱུར་རོ། །ཐལ་བའི་རྡུལ་བྱ་རོག་གི་
མཆུ་ལ་གོས་པ་ཕྱོགས་ཀྱི་གནས་གང་དུ་ལྷུང་བ་དེར་གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། ཡི་དགས་དང་། གྲུལ་བུམ་དང་། བརྗེད་བྱེད་དང་། བགེགས་དང་། ལོག་འདྲེན་ཕྱིར་གནས་པར་མི་འགྱུར་རོ། །ཐམས་ཅད་
འབྲོས་སོ། །ཕྱོགས་ཀྱི་གནས་དེར་ལྷུང་ན་ལྷར་འོང་བར་མི་འགྱུར་རོ། །སྙིང་གར་ཐིག་ལེ་བྱས་ན་ནད་ཐམས་ཅད་ལས་ཐར་བར་འགྱུར་རོ། །ལྟེ་བའི་གནས་སུ་ཐིག་ལེ་བྱས་ན་ལྟོ་བའི་ནང་གི་ནད་ཐམས་ཅད་མོད་ལ་སོས་པར་འགྱུར་རོ། །
གདུག་པས་ཟིན་པ་ལ་བསྐུས་ན་དུག་མེད་པར་འགྱུར་རོ། །དུག་གིས་མྱོས་པ་ལ་བྱིན་ན་དུག་མེད་པར་འགྱུར་རོ། །ཐལ་བས་ཁྲུས་བྱས་ན་བྱད་དང་། གཡེངས་བྱེད་དང་། སྔགས་དང་། དུག་ཐམས་ཅད་རྣམ་པར་ཞིག་པར་འགྱུར་རོ། །
ཤ་བཀྲ་དང་། མཛེ་དང་། འབྲས་དང་། ཤུ་ཕྲན་མཆེད་པ་དང་། འབྲུམ་བུ་དང་། ལྕགས་འདྲ་བའི་མཚན་དང་། དང་། མེ་དབལ་དང་། འབྲུམ་ཕྲན་རྣམས་བྱུང་ན་ཆུ་དྲོན་པོ་དང་སྦྱར་ཏེ་བསྐུས་ལ་མར་ལ་ལན་བདུན་བཟླས་བརྗོད་བྱས་
པས་བསྐུས་ན་མོད་ལ་ནད་ཐམས་ཅད་ལས་ཡོངས་སུ་ཐར་བར་འགྱུར་རོ། །སྤྲིན་ལོགས་སུ་གཏོར་ན་སད་དང་། སེར་བ་ཐམས་ཅད་མི་འབབ་བོ། །རླུང་ལྡང་བ་ལོགས་སུ་གཏོར་ན་རླུང་བསྡམས་པར་འགྱུར་རོ། །
ཕྱོགས་བཞིར་གཏོར་ན་མཚམས་ཆེན་པོ་བཅད་པར་འགྱུར་རོ། །ཡུལ་འཁོར་ཀུན་དུ་གཏོར་ན་མེ་ཏོག་དང་། འབྲས་བུ་དང་། ལོ་ཏོག་དང་། མེ་ཏོག་གི་ལྗོན་ཤིང་དང་། ཤིང་གི་ཡལ་ག་དང་། ལྡུམ་ར་དང་། ཀུན་དགའ་
ར་བ་དང་། རི་དང་། རྩྭ་དང་། ཤིང་གེལ་པ་དང་། སྨན་དང་། ནགས་ཚལ་ཐམས་ཅད་ལེགས་པར་བསྲུངས་པར་འགྱུར་རོ། །ཡུལ་འཁོར་ལ་དཔག་ཚད་བརྒྱ་ཚུན་ཅད་ཀུན་དུ་མཚམས་ཆེན་པོ་གཅད་པ་བྱས་པར་

99-1-147b

འགྱུར་རོ། །གྲོང་ཁྱེར་གྱི་སྒོ་བཞིར་གཏོར་ན་དེར་འཇུག་པ་དང་། ཕྱིར་འབྱུང་བའི་སེམས་ཅན་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེ་རིགས་དང་། དམངས་རིགས་དང་། 
བྱོལ་སོང་གི་སྐྱེ་གནས་སུ་གཏོགས་པ་རྐང་གཉིས་པ་དང་། རྐང་བཞི་པ་དང་། རི་དགས་དང་། བྱ་དེ་དག་ཐམས་ཅད་སྒྲིབ་པ་དང་། སྡིག་པ་དང་བྲལ་བར་འགྱུར་རོ། །དགོངས་པ་ཙམ་གྱིས་ནད་དང་། སྡུག་བསྔལ་ཐམས་ཅད་
ལས་གྲོལ་བར་འགྱུར་རོ། །ནད་ཐམས་ཅད་དང་བྲལ་བར་འགྱུར་རོ། །ཚེ་ཡོངས་སུ་བརྗེས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་འགྲོ་ཞིང་། སངས་རྒྱས་ཉིད་དུ་གནས་ཀྱི་བར་དུ་ཕྱིར་མི་ལྡོག་པར་འགྱུར་བའི་གནས་ཐོབ་
པར་འགྱུར་རོ། །དུར་ཁྲོད་དམ། རོ་བསྲེག་པའི་སྟེང་དུ་ཐལ་བས་གཏོར་ན། དམྱལ་བར་སྐྱེས་པའི་སེམས་ཅན་དེ་དག་ཐམས་ཅད་མོད་ལ་དམྱལ་བ་ནས་ཐར་ཏེ། མངོན་པར་དགའ་བ་འམ། བདེ་བ་ཅན་དུ་སྐྱེ་བར་འགྱུར་རོ། །
གྲོང་ཁྱེར་རམ། གཙུག་ལག་ཁང་ངམ། ལྷའི་གནས་སམ། གྲོང་ངམ། ཁྱིམ་མམ། དགོན་པའི་གནས་སམ། ཡུལ་འཁོར་ཀུན་དུ་གཏོར་ན་མཚམས་ཆེན་པོ་བཅད་ཅིང་ཞི་བ་ཆེན་པོར་འགྱུར་རོ། །རྒྱལ་པོའི་
ཕོ་བྲང་གི་སྒོར་གཏོར་ན་རྒྱལ་པོ་དང་བཙུན་མོའི་འཁོར་དགྲ་ཐམས་ཅད་ལས་ལེགས་པར་བསྲུངས་པར་འགྱུར་རོ། །སྐྱེ་བོ་མང་པོའི་ནང་དུ་གཏོར་ན་སྐྱེ་བོ་མང་པོ་དེ་དག་ཐམས་ཅད་སྒྲིབ་པ་དང་། ནད་ཐམས་ཅད་དང་
བྲལ་བར་འགྱུར་རོ། །གཞན་ཡང་བྱེ་བ་སྟོང་ཕྲག་བརྒྱ་བྱེད་པས་རང་འདོད་པ་ལ་རང་གི་བློས་ཐམས་ཅད་དུ་སྦྱར་བར་བྱའོ། །དེ་ནས་རྣམ་པར་གྲོལ་བའི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་
འཇིག་རྟེན་ལས་འདས་པའི་སྐུ་གཟུགས་རས་ལ་བྲི་བ་བཤད་པར་བྱའོ། །དར་རམ་རས་གཙང་མ་ལེགས་པར་བཏགས་པ་ཚད་ཁྲུ་དོ་འམ། ཁྲུ་གསུམ་འམ། ཁྲུ་བཞི་པ་དེའི་དབུས་སུ་དོན་ཡོད་པའི་

99-1-148a

ཞགས་པ། འཇིག་རྟེན་དབང་ཕྱུག །ཚངས་པའི་ཆ་བྱད་འཆང་བ། དབུ་ལྕང་ལོ་ཅོད་པན་གྱིས་བརྒྱན་པ། ཅོད་པན་རྒྱལ་བ་འོད་དཔག་མེད་དང་གཡས་སུ་ཟླ་བ་ཚེས་པ་ཅན་གྱིས་བརྒྱན་པ། ཕྱག་བཞི་པ། 
རྒྱན་ཐམས་ཅད་ཀྱིས་བརྒྱན་པ། སྐྱིལ་མོ་དཀྲུང་བཏས་ཅེ་བཞུགས་པ་བྲི་བ་ནི་རི་བོ་པོ་ཏ་ལ་ལྕུག་མ་མེ་ཏོག་ཅན་སྣ་ཚོགས་ཀྱིས་གང་བ། རིན་པོ་ཆེ་སྣ་ཚོགས་ཀྱི་ལྕུག་མས་གང་བ་བྱའོ། །དེའི་སྟེང་དུ་རྒྱན་
ཐམས་ཅད་ཀྱིས་བརྒྱན་པ། སེང་གེའི་ཁྲི་བྱའོ། །སེང་གེའི་ཁྲིའི་སྟེང་དུ་པད་མའི་གདན་བྱའོ། །དེའི་སྟེང་དུ་འཕགས་པ་སྤྱན་རས་གཟིགས་དབང་ཕྱུག་བཞུགས་པར་བྱ་སྟེ། པད་མ་དང་། མདུང་རྩེ་གསུམ་
པ་དང་། ཞགས་པ་ཐོགས་ཤིང་གཟུགས་དེ་ཕྱག་དབུགས་འབྱིན་པ་བྱའོ། །དབུའི་གོང་མན་ཆད་གཞལ་མེད་ཁང་ཆེན་པོ་ལྷ་རྫས་རིན་པོ་ཆེ་སྣ་ཚོགས་ཀྱིས་སྤྲས་པ། དབུས་སུ་མཐོ་བ་དང་བཅས་པ་བྱའོ། །
དབུས་མཐོ་བའི་སྟེང་དུ་དེ་བཞིན་གཤེགས་པ་བདུན་ཚད་དང་མཐུན་པར་པད་མའི་གདན་ལ་བཞུགས་ཤིང་རྒྱན་ཐམས་ཅད་ཀྱིས་བརྒྱན་པའོ། །དེ་བཞིན་གཤེགས་པ་དེའི་གོང་གི་དབུས་སུ་དེ་བཞིན་གཤེགས་པ་རྣམ་པར་སྣང་མཛད་
དང་། འོད་དཔག་མེད་དང་། སྤྱན་རས་གཟིགས་དབང་ཕྱུག་འོད་དང་། དེ་བཞིན་གཤེགས་པ་གསུམ་རྒྱན་ཐམས་ཅད་ཀྱིས་བརྒྱན་པ། སྐྱིལ་མོ་དཀྲུང་བཅས་ཏེ་གཞལ་མེད་ཁང་གི་ནང་ན་བཞུགས་པར་བྱའོ། །འཕགས་པ་སྤྱན་
རས་གཟིགས་དབང་ཕྱུག་གི་འོད་མདོམ་གང་ལ་འཁོར་བར་དེ་བཞིན་གཤེགས་པ་སུམ་བཅུ་རྩ་གཉིས་ཀྱིས་བརྒྱན་པར་བྱ། དེ་བཞིན་གཤེགས་པའི་ཉེ་འཁོར་ཀུན་དུ་འོད་ཟེར་འབར་བ་སྣ་ཚོགས་དང་། མདུང་རྩེ་གསུམ་པའི་ཕྲེང་བ་
བྱའོ། །དེ་ཉིད་ཀྱི་ཉེ་འཁོར་དུ་ལྷ་སུམ་བཅུ་རྩ་གཉིས་བྱའོ། །གོང་གི་དབུས་སུ་རྡོ་རྗེ་འཆང་བ་ཁྲོ་གཉེར་ཅན་རྡོ་རྗེ་གསོར་བར་བྱའོ། །དེ་ནས་ཚངས་པ་དང་། ཁྱབ་འཇུག་དང་། དབང་ཕྱུག་དང་། དབང་ཕྱུག་ཆེན་པོ་དང་། ལྷའི་དབང་ཕྱུག་ཆེན་པོ་དང་། 

99-1-148b

སུམ་བཅུ་རྩ་གསུམ་གྱི་དབང་པོ་དང་། འོག་མིན་གནམ་གྱི་ལྷའི་བུ་དགའ་ལྡན་གྱི་ལྷའི་བུ་དང་། འཕྲུལ་དགའི་ལྷའི་བུ་དང་། ཟླ་བ་དང་། ཉི་མའི་ལྷའི་བུ་དང་། རྒྱལ་པོ་ཆེན་པོ་བཞི་དང་། གཤིན་རྗེ་དང་། ཆུ་ལྷ་དང་། ལུས་ངན་པོ་དང་། གཞོན་ནུ་དང་། མེ་ལྷ་དང་། 
ནག་པོ་ཆེན་པོ་དང་། དགའ་བའི་དབང་ཕྱུག་དང་། དགའ་བོ་དང་། ཉེ་དགའ་བོ་དང་། སྟོབས་ལྷ་དང་། གང་བ་བཟང་པོ་དང་། ནོར་བུ་བཟང་པོ་དང་། གནས་གཙང་མའི་རིགས་ཀྱི་ལྷ་དང་། སུམ་བཅུ་རྩ་གསུམ་པའི་ལྷ་དང་། གཞན་འཕྲུལ་
དབང་བྱེད་ཀྱི་ལྷའི་བུ་རྣམས་མེ་ཏོག་སྣ་ཚོགས་དང་། ནོར་བུ་རིན་པོ་ཆེ་སྣ་ཚོགས་ལག་པ་ནས་འཕྲུལ་པ་དང་། མཚོན་ཆ་སྣ་ཚོགས་ཐོགས་པར་བྱ།། །།འཕགས་པ་དོན་ཡོད་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་
བཅུ་བཞི་པ། ལྷ་རྣམས་ཀྱི་ཕྱི་རོལ་ཐོག་ཐག་ཏུ་པད་མའི་ཕྲེང་བ་རྡོ་རྗེ་དང་། མདུང་རྩེ་གསུམ་པས་སྤྲས་པའི་པད་མའི་ཕྲེང་བས་ཀུན་དུ་འཁོར་བར་བྱ། གཡས་ཕྱོགས་སུ་འཕགས་མ་སྒྲོལ་མ་སྐྱིལ་མོ་དཀྲུང་ཕྱེད་དུ་བཅས་ཏེ་བཞུགས་
པ། ཨུཏ་པ་ལ་དང་། ནོར་བུ་རིན་པོ་ཆེ་ཕྱག་ན་ཐོགས་པ། བརྒྱན་ཐམས་ཅད་ཀྱིས་བརྒྱན་པ། འཕགས་པ་སྤྱན་རས་གཟིགས་དབང་ཕྱུག་གི་ཞལ་དུ་བལྟ་བར་བྱའོ། །དེའི་རྒྱབ་ཏུ་ཁྲོ་གཉེར་མ་མེ་ཏོག་སྣ་ཚོགས་འཆང་བ། 
རྒྱན་ཐམས་ཅད་ཀྱིས་བརྒྱན་པ་བྱའོ། །གཡོན་དུ་དཀར་མོ་ཞེས་བྱ་བ་ནི་སྐྱིལ་མོ་དཀྲུང་ཕྱེད་དུ་བཅས་ཏེ་བཞུགས་པ། ཀུ་མུ་ད་དང་། ནོར་བུ་རིན་པོ་ཆེ་ལག་ན་ཐོགས་པ་རྒྱན་ཐམས་ཅད་ཀྱིས་བརྒྱན་པ་འཕགས་པ་སྤྱན་
རས་གཟིགས་དབང་ཕྱུག་ལ་བལྟ་བར་བྱའོ། །དཀར་མོ་དེའི་རྒྱབ་ཏུ་པད་མ་མཛེས་དགའ་མ། མེ་ཏོག་སྣ་ཚོགས་ཐོགས་པ། རྒྱན་ཐམས་ཅད་ཀྱིས་བརྒྱན་པ་བྱའོ། །ལྷ་མོ་སྒྲོལ་མ་དང་། དཀར་མོའི་འོག་དུ་ཕ་རོལ་ཏུ་ཕྱིན་པ་
བཅུའི་ལྷ་མོ་ཐམས་ཅད་ཀྱང་དབུ་ཡིད་ཙམ་འདུད་པ། ན་བཟའ་དཀར་མོ་གསོལ་པ། རྒྱན་ཐམས་ཅད་ཀྱིས་བརྒྱན་པ་བཞེངས་པ་བྱའོ། །གཡས་ཕྱོགས་སུ་སྲིན་མོ་རལ་པ་གཅིག་མ་གཏུམ་མོ་སྐྱིལ་མོ་དཀྲུང་ཕྱེད་དུ་བཅས་ཏེ་

99-1-149a

བཞུགས་པ། ཕྱག་བཞི་ལ་ཞགས་པ་དང་། དགྲ་སྟ་དང་། རལ་གྲི་དང་། རྡོ་རྗེ་ལག་ན་ཐོགས་པ་འཕགས་པ་སྤྱན་རས་གཟིགས་དབང་ཕྱུག་ལ་བལྟ་བར་བྱའོ། །གཡོན་དུ་ཕོ་ཉ་མོ་ཞལ་མཆེ་བ་གཙིགས་པ། ཕྱག་
བཞི་ལ་རྡོ་རྗེ་དང་། དགྲ་སྟ་དང་། ཞགས་པ་དང་། མདུང་རྩེ་གསུམ་པ་ཕྱག་ན་ཐོགས་པ། སྐྱིལ་མོ་དཀྲུང་ཕྱེད་དུ་བཅས་ཏེ་བཞུགས་པ། འབར་བའི་ནང་ན་འཇིག་རྟེན་དབང་ཕྱུག་ལ་བལྟ་བར་བྱའོ། །རི་བོ་པོ་ཏ་ལའི་ངོས་ཀྱི་གསེབ་ཏུ་ཀླུའི་རྒྱལ་
པོ་དགའ་བོ་དང་། བསྙེན་དགའ་བོ་དང་། ཀླུའི་བུ་མོ་ཀླུའི་གནས་དང་བཅས་པ་བྱ་སྟེ། མེ་ཏོག་སྣ་ཚོགས་ཐོགས་ཤིང་། གོང་དུ་བཅོམ་ལྡན་འདས་འཇིག་རྟེན་དབང་ཕྱུག་ལ་འཐོར་བར་བྱའོ། །རིའི་སྨད་དུ་ལྷ་མོ་དཔེ་མེད་མ་དང་། ལྷ་མོ་བ་ས་ན་ཏི་དང་། 
སའི་ལྷ་མོ་དང་། དཔལ་ལྷ་མོ་དང་། ལྷ་མོ་འཇིགས་མ་དང་། སྒྲ་དབྱངས་མ་དང་། ལྕགས་སྒྲོག་མ་དང་། དུང་ཅན་མ་སྟེ། རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་དང་། ནོར་བུ་རིན་པོ་ཆེ་ཐོགས་པ་བྱའོ། །གཞལ་མེད་
ཁང་གི་གོང་དུ་མཆོད་རྟེན་ཆེན་པོ་བརྒྱད་ཕྲེང་བར་སྦྲེངས་ལ་མཆོད་རྟེན་གྱི་རྒྱན་ཇི་ལྟ་བར་བརྒྱན་པར་བྱའོ། །མཆོད་རྟེན་གྱི་འོག་གཡས་རོལ་དུ་བཅོམ་ལྡན་འདས་བྱང་ཆུབ་ཀྱི་སྙིང་པོར་གཤེགས་པ་ལ་འཇིག་རྟེན་དབང་
ཕྱུག་མངོན་དུ་མཆོད་པ་མཛད་པ་བྱའོ། །འཕགས་པ་རྡོ་རྗེ་འཆང་བ་ཕྱག་ན་རྔ་ཡབ་ཐོགས་པ་བྱའོ། །དེའི་འོག་ཏུ་དྲང་སྲོང་དང་། ལྷའི་བུ་མེ་ཏོག་སྣ་ཚོགས་ཀྱིས་བཅོམ་ལྡན་འདས་ལ་མཆོད་པ་བྱའོ། །གཡོན་ཕྱོགས་
སུ་བཅོམ་ལྡན་འདས་ཆོས་ཀྱི་འཁོར་ལོ་བསྐོར་བ་བྱ་སྟེ། ཀུན་དགའ་བོ་དང་། རྡོ་རྗེ་འཆང་བ་ལག་ན་རྔ་ཡབ་ཀྱིས་བཅོམ་ལྡན་འདས་ལ་མངོན་དུ་གཡོབ་པར་བྱའོ། །གཡས་ཕྱོགས་སུ་འཕགས་པ་སྤྱན་རས་གཟིགས་
དབང་ཕྱུག་དོན་ཡོད་པའི་ཞགས་པ་བཅོམ་ལྡན་འདས་ལ་མཆོད་པ་བྱེད་པ་བྱའོ། །གཡོན་ཕྱོགས་སུ་ཁྲོ་བོའི་རྒྱལ་པོ་བཅོམ་ལྡན་འདས་ལ་མཆོད་པ་བྱེད་པ་བྱའོ། །དེའི་འོག་ཏུ་དྲང་སྲོང་དང་། ལྷའི་ཚོགས་བཅོམ་ལྡན་འདས་

99-1-149b

ལ་མཆོད་པ་བྱེད་པ་བྱའོ། །རང་གི་སྐུ་གཟུགས་ཀྱི་གཡོན་དང་གཡས་ཀྱི་ཕྱི་རོལ་ཐོག་ཏག་ཏུ་དེ་བཞིན་གཤེགས་པའི་སྐུ་གཟུགས་བརྒྱ་རྩ་བརྒྱད་པད་མོའི་གདན་ལ་ཚད་ཇི་བཞིན་དུ་སྐྱིལ་མོ་དཀྲུང་བཅས་ཏེ་བཞུགས་པ་རྒྱན་ཐམས་
ཅད་ཀྱིས་བརྒྱན་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་སེང་གེའི་གདན་གྱི་ཞབས་དྲུང་དུ་རིག་སྔགས་འཆང་བ་པུས་མོ་བཙུགས་ཏེ། མེ་ཏོག་དང་། པོག་ཕོར་དང་། བགྲང་ཕྲེང་ལག་ན་ཐོགས་ཏེ་འཕགས་པ་
སྤྱན་རས་གཟིགས་དབང་ཕྱུག་ལ་མངོན་དུ་ལྟ་བར་བྱའོ། །རི་མོ་མཁན་ཁྲུས་བྱས་ཤིང་གོས་གཙང་མ་བགོས་ཏེ། གཙང་བར་བྱས་ལ་རོ་སྣ་ཚོགས་པའི་ཟས་དཀར་གསུམ་བཟའ་བར་བྱའོ། །སྣོད་སར་པ་གཙང་མའི་ནང་
ནས་ཚོན་ལྷག་མ་མ་ཡིན་པས་བྲི་བར་བྱའོ། །འདི་ཡང་ཁ་ཟས་མི་གཙང་བ་སྣ་ཚོགས་དང་། གོས་ངན་པ་མི་གཙང་བ་ཡོངས་སུ་སྤང་བར་བྱའོ། །ཚིག་ངན་པ་དང་། སེམས་ངན་པ་ཡོངས་སུ་སྤང་བར་བྱའོ། །ཆང་དང་། ཤ་དང་། 
བེག་ཙོང་དང་། སྒོག་སྐྱ་དང་། ཀེའུ་དང་འདྲེས་པ་ཡོངས་སུ་སྤང་བར་བྱའོ། །ཉི་མ་རེ་རེ་ཞིང་བའི་རྣམ་ལྔ་ལ་རེག་པར་བྱའོ། །དྲི་མ་དང་བྲལ་ཞིང་སེར་སྣ་དང་། ཕྲག་དོག་དང་བྲལ་བར་བྱའོ། །བྱམས་པ་དང་། སྙིང་རྗེའི་ལྷག་པའི་
བསམ་པ་དང་། དཀོན་མཆོག་གསུམ་ལ་དང་བ་ལྷག་པར་བྱ་སྟེ་རས་ཀྱི་སྐུ་གཟུགས་བྲི་བར་བྱའོ། །ག་པུར་དང་། གླ་རྩིས་བསྒོས་པའི་ཚོན་སྣ་ཚོགས་ཀྱིས་བྲི་བར་བྱའོ། །དབེན་ཞིང་འདུ་འཛི་ཡོངས་སུ་སྤང་བར་བྱའོ། །རྨུགས་པ་དང་། 
གཉིད་ཡོངས་སུ་སྤང་བར་བྱའོ། །དེ་ལྟར་རི་མོ་བྲི་བ་ནི་ལས་ལེགས་པར་བྱས་པ་ཡིན་ནོ། །ཟླ་བ་ཡར་གྱི་ངོ་ལ་བྲི་བར་བྱའོ། །རྒྱུ་སྐར་ཤིན་དུ་བཀྲ་ཤིས་པ་དང་། ཚེས་གྲངས་དང་ཉི་མ་ཤིན་དུ་བཀྲ་ཤིས་པ་ལ་བརྩམ་པར་བྱའོ། །
རྒྱུ་སྐར་རྒྱལ་ནི་བཀྲ་ཤིས་པ་ཡིན་ཏེ་དེ་བཞིན་གཤེགས་པ་ཐམས་ཅད་ཀྱིས་བསྔགས་པ། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ། ལྷ་ཐམས་ཅད་ཀྱིས་རྗེས་སུ་གཟུང་བ་ཡིན་ནོ། །རིགས་ཀྱི་བུ་དང་། 

99-1-150a

རིགས་ཀྱི་བུ་མོ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་
གང་ལ་ལ་ཞིག་དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། དེ་བཞིན་གཤེགས་པ་ཐམས་ཅད་རྣམ་པར་གཟིགས་པ། བྱང་ཆུབ་ཆེན་པོའི་དཀྱིལ་འཁོར་གསང་བ། རྣམ་པར་གྲོལ་བའི་
དཀྱིལ་འཁོར་གསང་བ། རས་ཀྱི་སྐུ་གཟུགས་ཆེན་པོ་མཐོང་བ་ནི་སྐུ་གཟུགས་མཐོང་བ་ཙམ་གྱི་མོད་ལ་སྡིག་པ་དང་སྒྲིབ་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །མཚམས་མེད་པ་ལྔ་བྱེད་པ་དང་། མཚམས་མེད་པ་
ལ་གཞོལ་བ་དང་། དམ་པའི་ཆོས་ཡོངས་སུ་སྤོང་བ་དང་། འཕགས་པ་ལ་སྐུར་པ་འདེབས་པ་དང་། སངས་རྒྱས་དང་། བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་ཐམས་ཅད་སྤོང་བར་བྱེད་པ་རྣམས་
ཀྱང་མཐོང་བ་ཙམ་ལ་སོགས་པས་སྡིག་པ་ཐམས་ཅད་ཕྱེ་མར་ཀློག་གོ། རྣམ་པར་གྲོལ་བར་འགྱུར་རོ། །སྡོམ་པ་ཆེན་པོ་ཡང་དག་པར་འཛིན་པར་འགྱུར་རོ། །གང་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་འབུམ་ཕྲག་
དགུ་བཅུ་རྩ་དགུ་སྙེད་ཀྱི་དེ་བཞིན་གཤེགས་པ་བྱང་ཆུབ་སྙིང་པོ་ལ་མངོན་དུ་གཤེགས་པ་དང་། ཆོས་ཀྱི་འཁོར་ལོ་བསྐོར་བ་མཐོང་བ་དང་འདྲ་བར་རིག་པར་བྱའོ། །རས་ཀྱི་སྐུ་གཟུགས་འདི་མཐོང་བ་ནི་གཞལ་མེད་ཁང་
དང་བཅས་པའི་རི་བོ་ཏ་ལ་ན་འཕགས་པ་སྤྱན་རས་གཟིགས་དབང་ཕྱུག་འཁོར་གྱི་དཀྱིལ་འཁོར་དང་བཅས་ཏེ་མངོན་དུ་བཞུགས་པ་མངོན་དུ་མཐོང་བ་དང་འདྲ་སྟེ། འདི་ལ་ཐེ་ཚོམ་མི་བྱའོ། །ཡིད་གཉིས་བསྐྱེད་པར་མི་
བྱའོ། །སེམས་ཀྱི་སྐད་ཅིག་གཅིག་རབ་ཏུ་དང་བ་བྱས་ན། བསོད་ནམས་ཀྱི་ཕུང་པོ་ཆེན་པོ་ཡོངས་སུ་གཟུང་བར་འགྱུར་རོ། །དགེ་བའི་རྩ་བ་ཆེན་པོ་སོགས་པ་དང་ལྡན་པར་འགྱུར་རོ། །འཕགས་པ་སྤྱན་རས་གཟིགས་དབང་

99-1-150b

ཕྱུག་གིས་དགོངས་ཏེ་མཆོག་སྦྱིན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གཟུང་བར་འགྱུར་རོ། །ལུས་དང་སེམས་ཡིད་ལས་བྱུང་བའི་ཡོངས་སུ་དག་པར་འགྱུར་རོ། །དབང་པོ་ཐམས་ཅད་ཡོངས་
སུ་དག་པར་འགྱུར་རོ། །དྲི་མ་དང་བྲལ་ཞིང་སེར་སྣ་དང་། ཕྲག་དོག་དང་བྲལ་བར་འགྱུར་རོ། །འཇིག་རྟེན་པ་ཐམས་ཅད་དགའ་བ་དང་། བླ་མར་ལྟ་བར་འགྱུར་རོ། །ཚེ་རིང་པོར་འགྱུར་རོ། །ནད་ཐམས་ཅད་དང་བྲལ་བར་
འགྱུར་རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་བ་མཉམ་པར་སྐྱེ་བར་འགྱུར་རོ། །ཚེ་རབས་དྲན་པར་འགྱུར་རོ། །པད་མའི་ནང་ནས་རྫུས་ཏེ་སྐྱེ་བར་འགྱུར་རོ། །མཐོང་བ་ཙམ་གྱི་མོད་ལ་
ཕྱིར་མི་ལྡོག་པར་འགྱུར་རོ། །དེ་བཞིན་གཤེགས་པ་འོད་དཔག་ཏུ་མེད་པའི་སྐུ་གཟུགས་འདི་གང་གིས་མཆོད་པ་དེ་ནི་ཕྱོགས་བཅུའི་དེ་བཞིན་གཤེགས་པ་ཐམས་ཅད་མཆོད་པར་འགྱུར་རོ། །འདི་ནི་མངལ་ན་གནས་པའི་ཐ་མ་
ཡིན་ཏེ། ཕྱིས་མ་རིག་པའི་མུན་པའི་ནང་དུ་ལྟུང་བར་མི་འགྱུར་རོ། །དེ་ལྟར་ན་མི་མཉམ་པ་དང་འདྲ་བ་ཡིན་ཏེ། རས་ཀྱི་སྐུ་གཟུགས་ཀྱི་ཆོ་ག་འཇིག་རྟེན་ལས་འདས་པ་སྒྲུབ་པའི་ཆོ་ག་འདི་ནི་དམ་པ་ཡིན་ནོ། ། དེ་ནས་
གསང་སྔགས་ཀྱི་ཆོ་ག་འཇིག་རྟེན་ལས་འདས་པ་སྒྲུབ་པ་བརྗོད་པར་བྱའོ། །གང་གིས་དྲན་པ་ཙམ་གྱི་མོད་ལ་དེ་བཞིན་གཤེགས་པ་ཐམས་ཅད་མངོན་སུམ་དུ་མཐོང་ནས་འདུག་པ་དང་། ཕྱོགས་བཅུའི་སངས་རྒྱས་ཀྱི་ཞིང་
ཐམས་ཅད་སྒོ་ཕྱེ་སྟེ་འདུག་པ་དང་། བྱང་ཆུབ་སེམས་དཔའ་ཐམས་ཅད་ཀྱིས་མངོན་དུ་མཐོང་བ་སྦྱིན་པར་མཛད་པ་དང་། དཀྱིལ་འཁོར་གྱི་ལྷ་ཐམས་ཅད་མངོན་དུ་བསྲུང་བ་དང་། སྐྱོབ་པ་དང་། སྦེད་པར་མཛད་པ་དང་། དཀྱིལ་འཁོར་
དང་། ཕྱག་རྒྱ་དང་། གསང་སྔགས་དང་། སྙིང་པོ་དང་། ཆོ་ག་ཞིབ་མོ་ཐམས་ཅད་མངོན་དུ་འགྱུར་རོ། །འཇིག་རྟེན་ལས་འདས་པའི་ལུས་སུ་འགྲོ་བ་ཡོངས་སུ་དག་པར་འགྱུར་རོ། །དུས་གསུམ་དུ་གཤེགས་ཤིང་སོ་སོ་ན་བཞུགས་

99-1-151a

པའི་དེ་བཞིན་གཤེགས་པ་དང་། བྱང་ཆུབ་སེམས་དཔའ་ཆེན་པོའི་འཕགས་པའི་ཚོགས་མཆོག་ཐམས་ཅད་ལ་ཕྱག་འཚལ་ལོ། །འཕགས་པ་རྡོ་རྗེ་འཆང་བ་དང་། དཀྱིལ་འཁོར་གྱི་ལྷ་ཐམས་ཅད་དང་། རིག་པའི་རྒྱལ་
པོ་ལ་ཕྱག་འཚལ་ལོ། །ཨོཾ་ཨ་མོ་གྷ་ཨ་བ་ལོ་ཀི་ཏེ་མ་ཧཱ་མཎ་ཌ་ལ་པད་མེ་སརྦ་བོ་དྷི་སཏྭ་ན་མ་སྐྲྀ་ཏེ། བྷ་ར་བྷ་ར། ས་མན་ཏ་ཨ་བ་ལོ་ཀྲི་ཏེ། ཨ་མོ་གྷ་མ་ཧཱ་བྲཤྤུ། བེ་ཤ་དྷ་ར། དྷ་ར་དྷ་ར། མ་ཧཱ་ཀཱ་རུ་ཎི་ཀ་བོ་དྷ་ཡ། བོ་དྷ་ཡ། 
མ་ཧ་བོ་དྷ་ནི། བོ་དྷི་བོ་དྷི། པད་མ་བི་བོ་དྷ་ནི། སརྦ་པཱ་པ་ཨན་དྷ་ཀཱ་ར། པྲ་ཤ་མ་ནི། སརྦ་དུར་ག་ཏི། བྷ་ར་ཀ །མ་ཧཱ་ཀཱ་རུ་ཎི་ཀ །བ་ཧུ་བི་བི་དྷ། བེ་ཤ་དྷ་ར། སརྦ་ཏ་ཐཱ་ག་ཏ་གརྦྷེ། ཧུ་རུ་ཧུ་རུ། ཨ་མོ་གྷ་གརྦྷེ། ཏུ་རུ་ཏུ་རུ། ཨ་མོ་གྷ་པཱ་
ཤ་ཧསྟེ། མུ་རུ་མུ་རུ། བི་མོ་ཀྵ་བྷུ་ཛེ། ཀྵི་ཎི་ཀྵི་ཎི། སརྦ་ཨཱ་བ་ར་ཎ་བི་ཤུད་དྷེ། བྷ་ར་བྷ་ར། སརྦ་ཏ་ཐཱ་ག་ཏ། པ་རི་པཱུ་ར་ཎི། ཏ་ར་ཏ་ར། ཏཱ་ར་ཡ་མཱན། ཨ་བ་ལོ་ཀཱ་ཡ། པད་མ་བྷུ་ཛེ། མ་ཎི་ཀ་ན་ཀ །བི་བྷུ་ཥི་ཏ། བཱ་ཧུ། ད་མ་ད་མ། 
དུར་དཱན་ཏཱ་ནཱན། མ་ཧཱ་བོ་དྷི་སཏྭ་བ་ར་ད། མ་ཧཱ་ཀཱ་རུ་ཎི་ཀ །སརྦ་དེ་བ་ག་ཎ་ན་མ་སྐྲྀ་ཏ། རྀ་ཥི་ག་ཎ། སྟ་བི་ཏ། ཤ་ཏ་སཱ་ཧ་སྲ་ཙན་ཏྲ་སཱུརྱ། ཨ་ཧི་རེ་ག །རཤྨཱི། །ར་བ་བྷཱ་སི་ཏ། མ་ཧ་པ་ཤུ་པ་ཏི། བེ་ཤ་དྷ་ར། པ་ར་མ། ཤུད་དྷ་སཏྭ། ཨ་བ་ལོ་ཀི་
ཏི་ཏ། ལོ་ཀེ་ཤྭ་ར། མ་ཧེ་ཤྭ་ར། པ་ར་མ། ཀཱ་རུ་ཎི་ཀ །མཎ་ཌ་ལེ་ཤྭ་ར། སུ་པྲ་བུད་དྷ། མ་ཧཱ་པད་མ། བྷུ་ཛེ་ཤྭ་ར། མ་ཧཱ་བིདྱ་དྷ་རེ་ཤྭ་ར། དྷི་རི་དྷི་རི། མ་ཧཱ་ཀཱ་རུ་ཎི་ཀ །མ་ཧཱ་བི་མོ་ཀྵ། མཎ་ཌ་ལ། དྷ་ར་སརྦ་ཏ་ཐཱ་ག་ཏ། གུ་ཧྱ། མུ་དྲཱ་ས་མ་
ཡ་དྷ་ར། མ་ཧཱ་བིདྱ་དྷ་ར། མ་ཧཱ་མ་ཎི། མཽ་ལི་དྷ་ར། ཨ་མི་ཏཱ་བྷ། མུ་ཀུ་ཊ། དྷ་ར། དྷུ་རུ་དྷུ་རུ། ས་མན་ཏ། ཨ་བ་ལོ་ཀི་ཏ། ལོ་ཀེ་ཤྭ་ར། མ་ཧེ་ཤྭ་ར། པཱ་ཤ་དྷ་རེ། ཤྭ་ར། པ་ར་པ་ར། པ་ར་མ། མ་ཧཱ་མཻ་ཏྲི། ཨ་བ་ལོ་ཀི་ཏེ། སརྦ་སཏྭ། 
སན་ཏ་ར་ག །སིད་དྷི། སི་དྷྱཱ་ཤྭཱ། པ་རི་པཱུ་ར་ཀ །མ་ཧཱ་བ་ར། པྲ་མོ་ད། ན་མོ་སྟུ་ཏེ་སྭཱ་ཧཱ། འདི་ནི་ཐམས་ཅད་རྣམ་པར་གྲོལ་བའི་དཀྱིལ་འཁོར་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། དེ་བཞིན་གཤེགས་པ་

99-1-151b

ཐམས་ཅད་ཀྱི་གསང་བ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་མཆོག །གསང་བ་སྡིག་པ་དང་། སྒྲིབ་པ་ཐམས་ཅད་ཡོངས་སུ་སྦྱོང་བ། འཇིག་རྟེན་ལས་འདས་པའི་ལམ་རྣམ་པར་སྦྱོང་བ། དེ་བཞིན་གཤེགས་པ་ཐམས་ཅད་
ཀྱི་རིགས་འཇུག་པ་ཡིན་ནོ། །དཀོན་མཆོག་གསུམ་ལ་ཕྱག་འཚལ་ལོ། །དུས་གསུམ་དུ་གཤེགས་པའི་སངས་རྒྱས་དང་། བྱང་ཆུབ་སེམས་དཔའ་ལ་ཕྱག་འཚལ་ལོ། །ཨོཾ་བཱི་ར་བཱི་ར། མ་ཧཱ་མཎ་ཌ་ལ། བི་ཤྭ་རཱུ་པ་ཥ་ཊ་པཱ་ར་མི་ཏཱ། པ་རི་
པཱུ་ར་ཀ །སརྦ་བོ་དྷི་ས་ཏྭ། ན་མ་སྐྲྀ་ཏ། པ་ར་མ་བི་པུ་ལ། བི་མོ་ཀྴ་དྷ་ར། མ་ཧཱ་པཱ་ཤ །བི་ལོ་ཀི་ཏ། ཨ་མོ་གྷ་པཱ་ཤ་ཛྭ་ལི་ཏི་མ་ཧཱ་ཛྭ་ལ་ཨ་བ་ལོ་ཀི་ཏ། མ་ཧཱ་མ་ཎི་བྷིཔྚ་དྷ་ར། ས་མན་ཏ་ཨ་བ་བྷཱ་སི་ཏ། ཛྭ་ལ་ཛྭ་ལ། མ་ཧཱ་ག་མ་བྷི་ར། བི་མོ་ཀྴ་པཱ་ཤ་དྷ་ར། 
བ་ལ་བོ་དྷྱང་ག །ཨཱ་ཀཪྵ་ཀ །ཨོཾ་བྲཧྨ་རཱུ་པ། མ་ཧཱ་ཨ་མོ་གྷ་པཱ་ཤ་ཧཱུྃ་ཧཱུྃ། ཕཊ་ཕཊ། སརྦ་སཏྭ། བི་ལོ་ཀི་ཏ། པ་ར་པྲ་ད། ན་མོ་སྟུ་ཏེ་སྭཱ་ཧཱ། འདི་ནི་རྣམ་པར་གྲོལ་བའི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་འཇིག་རྟེན་
ལས་འདས་པའི་རྣམ་པར་འཕྲུལ་པའོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཨོཾ་
བི་བུད་དྷྱེ། བི་བུད་དྷྱེ། མ་ཧཱ་ཀཱ་རུ་ཎི་ཀ །ཏ་ར་ཏ་ར་ཏ་རཱ་ཡ། མ་ར་ཨརྣ་བ་པ་རན། མ་ཧཱ་དྷུ་ཛ་བི་ལོ་ཀ་ཡ་ཧཱུྃ་ཕཊ་སྭཱ་ཧཱ། ཉེ་བའི་སྙིང་པོའོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་
སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཨོཾ་ཨ་མོ་གྷ་པཱ་ཤ །མ་ཧཱ་དཱ་ན་པཱ་ར་མི་ཏ། པ་རི་པཱུ་ར་ཡ། ཧཱུྃ་ད་ར་ད་ར། བི་བི་དྷ། བི་ཙེ་ཏྲེ། སརྦ་སཏྭ་ཨུ་
པ་བྷོ་ག །སརྦ་ཏ་ཐཱ་ག་ཏ། མ་ཧཱ་དཱ་ན། པཱུ་ཛ་མེ་གེ། པྲ་བརྟ་ཡ། ཏ་ར་ཏ་ར། ཏཱ་ར་ཡ། མ་ཧཱ་པད་མ་པཱ་ཎི་ཧཱུྃ་ཕཊ་སྭཱ་ཧཱ། འདི་ནི་སྦྱིན་པའི་ཕ་རོལ་ཏུ་ཕྱིན་པའི་ཞགས་པ་ཆེན་པོའི་སྙིང་པོ་སྟེ། གང་གིས་ཡུངས་འབྲུམ་

99-1-152a

ཙམ་ཡང་སྦྱིན་པ་བྱིན་ཏེ་དྲན་པ་ཙམ་གྱིས་ལན་བདུན་བཟླས་བརྗོད་བྱས་ན་མཆོད་སྦྱིན་སྦྱིན་པ་རྣམ་པར་འཕྲུལ་པ་ཆེན་པོ་ཤིན་དུ་རྒྱས་པ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །
དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཨོཾ་ཨ་མོ་གྷ་ཤཱི་ལ། སྃ་བྷ་ར་
སྃ་བྷ་ར། བྷ་ར་བྷ་ར། མ་ཧཱ་ཤུད་དྷ་སཏྭ། པད་མ་བི་བྷཱུ་ཥི་ཏ། བྷུ་ཛ་དྷ་ར་དྷ་ར། ས་མན་ཏ། ཨ་བ་ལོ་ཀི་ཏེ། ཧཱུྃ་ཕཊ་སྭཱ་ཧཱ། གཟུངས་འདི་སྨྱུང་བ་བྱས་ཏེ། གསོ་སྦྱོང་གི་ཡན་ལག་བརྒྱད་གཟུང་ནས་མི་སྨྲ་བར་ལན་ཉི་ཤུ་རྩ་
གཅིག་དྲན་པར་བྱའོ། །དེ་ནས་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱའོ། །བཟླས་བརྗོད་བྱས་པ་ཙམ་གྱི་མོད་ལ་ཚུལ་ཁྲིམས་ཡོངས་སུ་དག་པ་ཆེན་པོ་དང་ལྡན་པར་འགྱུར་རོ། །ཚུལ་ཁྲིམས་ཀྱི་ཕ་
རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །ཚུལ་ཁྲིམས་ཀྱི་དྲི་ཞིམ་པོའི་དྲི་མང་པོ་ལུས་ལས་འབྱུང་ཞིང་ཕྱོགས་བཅུའི་འཇིག་རྟེན་དུ་གྲགས་པར་འགྱུར་རོ། །གང་ཞིག་ཉི་མ་རེ་རེ་ཞིང་གཟུངས་འདི་དྲན་ན་དེ་ནི་
རྟག་ཏུ་ཚུལ་ཁྲིམས་ཡོངས་སུ་དག་པར་འགྱུར་རོ། །དགེ་སློང་གང་ལ་ལ་ཞིག་ཚུལ་ཁྲིམས་ཞིག་ཅིང་ཉམས་པར་སྨྱུང་བ་བྱས་ཏེ། འདི་བཟླས་བརྗོད་བྱས་པ་ཙམ་གྱི་མོད་ལ་ཚུལ་ཁྲིམས་ཡོངས་སུ་དག་པར་འགྱུར་རོ། །ཚུལ་
ཁྲིམས་མང་པོ་དང་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་
ཕྱག་འཚལ་ལོ། །ཨོཾ་མ་ཧཱ་བཱིརྱ། ཨ་མོ་གྷ་བི་ལོ་ཀི་ཏེ། བ་ར་བ་ར། དྲི་ཌྷ། བཱིརྱ། མ་ཧ་བ་ལ། བ་ལ་བ་ལ། མ་ཧཱ་བོ་དྷྱང་། བ་ལ་བོ་དྷ་ནི། ཧཱུྃ་ཕཊ་སྭཱ་ཧཱ། གཟུངས་འདི་དུས་རྟག་ཏུ་ཡོངས་སུ་དག་པའི་ཡིད་ཀྱིས་དྲན་པར་

99-1-152b

བྱས་ན་དྲན་པ་ཙམ་གྱི་མོད་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་ནམ་ཡང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་བྲལ་བར་མི་འགྱུར་རོ། །དེ་བཞིན་གཤེགས་པ་ཐམས་ཅད་ལ་ཕྱག་
འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཨོཾ་ཨ་མོ་གྷ་ཀྵན་ཏེ། སརྦ་བོ་དྷི་སཏྭ་ཀྵ་མི་ཎ། ཀྵ་ཎ་ཀྵ་ཎ། མ་ཧཱ་མཻ་ཏྲི། ཀཱ་རུ་ཎ། སརྦ་ས་དྷ། བད་ས་ལ། 
མ་ཧཱ་ཀཱ་རུ་ཎི་ཀ །སརྦ་ས་ཏྭ་ཀྵ་མི་ཎ། ཧཱུྃ་ཕཊ་སྭཱ་ཧཱ། གཟུངས་འདི་སེམས་ཅན་དུ་གྱུར་པ་ཐམས་ཅད་ལ་བཟོད་པ་ཆེན་པོ་དང་། སྙིང་རྗེ་ཆེན་པོ་དང་། བརྩེ་བའི་སེམས་ཀྱིས་དམྱལ་བ་ན་གནས་པ་དང་། བྱོལ་སོང་གི་སྐྱེ་གནས་སུ་གཏོགས་པ་རི་
དགས་དང་། བྱ་གང་དག་འདས་པ་གང་ཡིན་པ་དང་། གནས་པ་གང་ཡིན་པ་དང་། སྐྱེ་བ་གང་ཡིན་པ་དེ་རྣམས་ལ་སྙིང་རྗེ་བའི་ཕྱིར་གང་ཞིག་གཟུངས་ཀྱི་མཆོག་དྲན་པར་བྱེད་ན། དམྱལ་བའི་སེམས་ཅན་ལས་ཐར་བར་འགྱུར་ཞིང་
སྐྱེ་བོ་མང་པོ་གནས་པ་གང་ཡིན་པ་རྣམས་གྲོལ་བར་འགྱུར་རོ། །ནམ་སངས་རྒྱས་ཀྱི་ཞིང་ལ་གནས་ཀྱི་བར་དུ་བཟོད་པའི་ཕ་རོལ་དུ་ཕྱིན་པ་ཡོངས་སུ་རྫོགས་པར་འགྱུར་རོ། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་
ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཨོཾ་སརྦ་ཏ་ཐཱ་ག་ཏ། མ་ཧཱ་ཨ་མོ་གྷ། ཀཱ་རུ་ཎཱ། དྷྱཱ་ན་ས་མཱ་དྷི། སརྦ་བི་མོ་ཀྵ། ཨ་པྲ་ཀམ་པྱ་ཀ །ཙུ་རུ་
ཙུ་རུ་ཧཱུྃ་ཕཊ་སྭཱ་ཧཱ། གཟུངས་འདི་འཕགས་པ་སྤྱན་རས་གཟིགས་དབང་ཕྱུག་ལ་དམིགས་ནས་ཡིད་རྩེ་གཅིག་ཏུ་བྱས་ཏེ་དྲན་པར་བྱས་ན་དྲན་པ་ཙམ་གྱི་མོད་ལ་དེས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །
གཞན་ཡང་ཏིང་ངེ་འཛིན་སྟོང་ཕྲག་བརྒྱ་སོ་སོར་ཐོབ་པར་འགྱུར་རོ། །སངས་རྒྱས་ཀྱི་ཞིང་ཐམས་ཅད་དུ་བཞུགས་པར་འགྱུར་རོ། །བཟླས་བརྗོད་བྱས་པ་ཙམ་གྱིས་ཏིང་ངེ་འཛིན་ཐམས་ཅད་ལ་དབང་སྒྱུར་བར་འགྱུར་རོ། །དེ་བཞིན་གཤེགས་

99-1-153a

པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཨོཾ་ཨ་མོ་གྷ། མ་ཧཱ་པྲཛྙཱ། ཨ་བ་བྷཱ་ས། སྥ་ར་ཎ། བུད་དྷི། 
པྲ་ས་ར་པྲ་ས་ར། ས་མན་ཏ་བུད་དྷི། ཨ་བ་ལོ་ཀི་ཏ། བྷ་ག་བཱན་པྲཛྙཱ། ཨ་བ་ལོ་ཀི་ཏ། ཙཀྵུ་ཥཱ་མ་ཧཱ་པྲཛྙཱ། པྲ་ར་ད། པཱ་ཎི། མ་ཧཱ་པྲཛྙཱ། པད་མ་དྷ་རི་ཎ། བྷཱུ་ཛེ་ཧཱུྃ་ཕཊ་སྭཱ་ཧཱ། གཟུངས་འདི་དྲན་པ་ཙམ་གྱི་མོད་ལ་ཤེས་རབ་ཀྱི་ཕ་རོལ་ཏུ་ཕྱིན་པ་
ཡོངས་སུ་རྫོགས་པར་འགྱུར་རོ། །ཐབས་དང་ཤེས་རབ་སྣ་ཚོགས་ཀྱི་དགེ་བ་ཆེན་པོའི་བློ་འཕེལ་བར་འགྱུར་རོ། །རྟག་ཏུ་རྒྱུན་མི་འཆད་པར་ཕ་རོལ་ཏུ་ཕྱིན་པ་བཅུའི་བློ་དང་ལྡན་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་
དང་། འདས་པ་དང་། མ་འོངས་པ་དང་ད་ལྟར་བྱུང་བའི་སངས་རྒྱས་རྗེས་སུ་དྲན་པའི་ཤེས་རབ་དང་བློར་འགྱུར་རོ། །ལན་འགའ་ཡང་ཕ་རོལ་ཏུ་ཕྱིན་པ་དྲུག་དང་བྲལ་བར་མི་འགྱུར་རོ། །སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་
དང་། བསམ་གཏན་དང་། ཤེས་རབ་ཀྱི་བློ་ཉམས་པར་མི་འགྱུར་རོ། །བྱང་ཆུབ་ལ་ཐུག་གི་བར་དུ་རབ་ཏུ་རྨོངས་པར་མི་འགྱུར་རོ། །དོན་ཡོད་པའི་ཕ་རོལ་ཏུ་ཕྱིན་པ་དྲུག་གི་གཟུངས་ཆེན་པོ་ཡིན་ནོ། །དཀོན་མཆོག་གསུམ་ལ་ཕྱག་འཚལ་ལོ། །
བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཏད་ཡ་ཐཱ། ཨོཾ་ཨ་མོ་གྷ་བི་མོ་ཀྵ། མཎ་ཌ་ལ་མ་ཧཱ་ད་བྷཱུ་ཏ་བི་མ་ལེ། དྷ་ར་དྷ་ར། དྷི་ར་དྷི་ར། མ་ཧཱ་བྷཱུ་ཏ། ཨ་མི་ཏཱ་
བྷ། མ་ཀུ་ཊ། དྷ་ར་ཧཱུྃ་ཕཊ་སྭཱ་ཧཱ། དཀྱིལ་འཁོར་དེར་ཡུངས་ཀར་དང་། དྲི་ཆབ་དང་ལྡན་པའི་བུམ་པ་ལ་སྔགས་བཟླས་བརྗོད་བྱས་ནས་ཆུས་ཀུན་དུ་ཆག་ཆག་བཏབ་ན་ཆག་ཆག་བཏབ་པ་ཙམ་གྱི་མོད་ལ་དཀྱིལ་འཁོར་ཀུན་དུ་ས་སྦྱངས་ཏེ་ཡོངས་སུ་
དག་པར་འགྱུར་རོ། །ཇི་ལྟར་ཤེལ་གོང་དང་། རིན་པོ་ཆེ་དག་པ་དྲི་མ་མེད་པ་མཛེས་པ་དེ་འདྲ་བའི་ས་གཞིར་འགྱུར་རོ། །ཤིན་དུ་དག་པ་དང་། ཤིན་དུ་ཉམས་དགའ་བ་དང་། ཤིན་དུ་ཡིད་དུ་འོང་བའི་ས་གཞིར་འགྱུར་རོ། །ཤིན་དུ་ས་གཞི་སྤ་བར་འགྱུར་རོ། །

99-1-153b

ས་ཕྱོགས་དེའི་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་གང་དག་འཁོད་པ་དེ་དག་ཐམས་ཅད་ཕྱིར་མི་ལྡོག་པའི་ས་ལ་རབ་ཏུ་གནས་པར་འགྱུར་རོ། །
དེ་དག་ཐམས་ཅད་ཕྱིར་མི་ལྡོག་པར་འགྱུར་རོ། །ཤི་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ཚེ་རབས་དྲན་པར་འགྱུར་རོ། །ནམ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་
རྒྱའི་བར་དུ་བསོད་ནམས་ཀྱི་ཕུང་པོའི་དགེ་བའི་རྩ་བ་ཆེན་པོ་སོགས་པར་འགྱུར་རོ། །གང་དག་བྱོལ་སོང་གི་སྐྱེ་གནས་སུ་གཏོགས་པ་རི་དགས་དང་། བྱ་དེ་དག་ཕྱོགས་དེར་འགྲོ་ཞིང་རབ་ཏུ་འཇུག་པ་དེ་དག་ཐམས་ཅད་ཡོངས་སུ་གྲོལ་
བར་འགྱུར་རོ། །བདེ་འགྲོའི་ལམ་ལ་རབ་ཏུ་གནས་པར་འགྱུར་རོ། །གང་གིས་དེའི་ས་ལག་པར་འོངས་ཏེ་རེག་པ་དེ་དག་ཐམས་ཅད་ནད་དང་བྲལ་བ་དང་། ཉོན་མོངས་པ་དང་བྲལ་བ་དང་། རིམས་དང་བྲལ་བ་དང་། སྒྲིབ་པ་མེད་པ་དང་། 
སྡིག་པ་དང་བྲལ་བར་འགྱུར་རོ། །དེ་དག་ཕྱིས་ལུས་ལ་ཚོར་བའི་ནད་འབྱུང་བར་མི་འགྱུར་རོ། །རྟག་ཏུ་བདེ་བས་ཚིམ་པའི་ལུས་སུ་འགྱུར་རོ། །ས་ཡོངས་སུ་སྦྱོང་བའི་རིགས་སྔགས་སོ། །དཀོན་མཆོག་གསུམ་ལ་ཕྱག་འཚལ་ལོ། །
བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཏད་ཡ་ཐཱ། ཨོཾ་ཨ་མོ་གྷ་དྲུ་མ། ལ་ཏ་པྲྀ་ཀྵ། ཤ་ཁ་པ་ཏྲ་པདྨ་ཕ་ལ། བི་ཊ་པ་ཨ་རོ་ཧ། ན་ཧི་ཌཱ་ག །
པུཤྐ་རི་ཎ། ཨུད་ས་ཧྲྀ་ད། སུན་ད་ར་པྲ་བྲ་བ་ཎ། བི་བི་དྷ། བི་ཙིད་ཏྲ། པ་རི་ཤོ་དྷ་ཡ། པད་མ་བྷུ་ཛེ། ས་མ་ས་མ། ས་མན་ཏེ་ན། པ་རི་མཎ་ཌ་ལ། པ་རི་ཤོ་དྷ་ཡ། མ་ལ་མ་ལ། བི་མ་ལ་བི་མ་ལ། སུ་པ་རི་ཤུད་དྷ། པད་མ་ཨུ་པ་ལི་བྷ་
ཛ་ལ་མ་ལཱ་ན་བི་ཤུད་དྷ། ཤོ་དྷ་ཡ་ཤོ་དྷ་ཡ། པ་ར་མ་མ་ཧཱ་ཤུད་དྷཱ་ཡ། ཧཱུྃ་ཕཊ། ན་མོ་ཏྲི་བྷུ་བ་ནེ་ཧཱུྃ་ཕཊ་སྭཱ་ཧཱ། འདིས་ཙན་དན་དང་། པད་མ་དུ་སྲང་བདུན་བཏུང་བར་བྱའོ། །ཁྲུས་བྱས་པ་ཙམ་གྱི་མོད་ལ་ཁྲོ་བོའི་རྒྱལ་པོས་བདག་ཉིད་

99-1-154a

དབང་བསྐུར་བར་བྱའོ། །ཁྲུས་བྱས་པ་ཙམ་དང་། དབང་བསྐུར་བ་ཙམ་གྱིས་བདག་རང་གི་ཕྱི་ནང་ཡོངས་སུ་དག་ཅིང་དྲི་མ་མེད་པར་འགྱུར་རོ། །སྡིག་པ་དང་། སྒྲིབ་པ་དང་། དུག་དང་བྲལ་བར་འགྱུར་རོ། །ཉོན་མོངས་པ་དང་ནད་དང་བྲལ་
བར་འགྱུར་རོ། །རྒ་བ་ལ་སོགས་པ་དང་བྲལ་བར་འགྱུར་རོ། །བགེགས་དང་། ལོག་འདྲེན་དང་། བདུད་ལ་སོགས་པ་ཐམས་ཅད་ལས་ཡོངས་སུ་ཐར་བར་འགྱུར་རོ། །གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་ལ་སོགས་པ་
ཐམས་ཅད་ཡོངས་སུ་སྤངས་པར་འགྱུར་ཞིང་བར་ཆད་བྱ་བའི་ཕྱིར་རིག་སྔགས་འཆང་བའི་དྲུང་དུ་སླར་འོང་ནུས་པར་མི་འགྱུར་རོ། །རིག་སྔགས་འཆང་བདེ་བར་སྒྲུབ་པ་དང་། བདེ་བར་ཉལ་བ་དང་། བདེ་བར་སད་པ་དང་། ནམ་འཚོའི་
བར་དུ་བདེ་བར་གནས་པ་དང་། དྲི་མ་ཐམས་ཅད་སྤང་བ་དང་། དེ་བཞིན་གཤེགས་པ་ཐམས་ཅད་མཐོང་བ་དང་། བྱང་ཆུབ་སེམས་དཔའ་མཐོང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་
མཐོང་སྟེ་ཤི་བའི་དུས་བྱེད་པར་འགྱུར་རོ། །བདེ་བ་ཅན་གྱི་ཁམས་སུ་སྐལ་བ་མཉམ་པར་སྐྱེ་བར་འགྱུར་རོ། །པད་མོའི་ནང་ནས་རྫུས་ཏེ་སྐྱེས་ནས་དེ་བཞིན་གཤེགས་པ་འོད་དཔག་མེད་མངོན་སུམ་དུ་མཐོང་བར་
འགྱུར་རོ། །རྒྱན་ཐམས་ཅད་ཀྱིས་བརྒྱན་པ་དང་། ལུས་མཚན་དང་དཔེ་བྱད་ཀྱིས་བརྒྱན་པ་དང་། ཚེ་རབས་དྲན་པར་འགྱུར་རོ། །མཐར་བྱང་ཆུབ་ལ་ཐུག་གི་བར་དུ་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་
རོ། །རྣམ་པར་གྲོལ་བའི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོ་འདི་མཐའ་དག་རྫོགས་པར་ཁ་ཏོན་བྱེད་པར་འགྱུར་རོ། །གཞན་ཡང་དེ་བཞིན་གཤེགས་པས་བཀའ་སྩལ་པའི་མདོ་སྡེ་གཞུང་སྣ་ཚོགས་རྣམ་
པ་དུ་མ་ཁ་ཏོན་བྱེད་པར་འགྱུར་རོ། །བསྐལ་པ་སྟོང་ཕྲག་བརྒྱ་ཚུན་ཆད་དུ་སྐྱེ་བ་དྲན་པར་འགྱུར་རོ། །ཨོཾ་ཨ་མོ་གྷ་པད་མ། བི་མ་ལེ། པྲ་ས་ར། ས་མན་ཏ། མུ་ཁེ་སྭཱ་ཧཱ། ཆར་ཕྱེ་སྟེ་ཐིག་གདབ་པའི་སྔགས་སོ། །ཨོཾ་ཨ་མོ་

99-1-154b

གྷ་བི་དྷ། རཱུ་པ་བི་ཙིད་ཏྲ། གན་དྷ་ར་སན་དྷ་ར། པྲ་བ་ར། བྷུ་ཛེ་སྭཱ་ཧཱ། ཚོན་རྩིའི་སྔགས་དང་། སྐུ་གཟུགས་གཞག་པ་དང་། མཚོན་ཆའི་རྟགས་བྲི་བའི་སྔགས་སོ། །ཨོཾ་ཨ་མོ་གྷ་ས་མན་ཏ་པ་རི་མཎ་ཌ་ལ། པཱ་ཤ་བད་བྷེ་ཧཱུྃ། ཡུངས་ཀར་ལ་
ལན་བདུན་བཟླས་བརྗོད་བྱས་པས་དཀྱིལ་འཁོར་བསྣམ་པར་བྱའོ། །ཨོཾ་ཨ་མོ་གྷ། ས་མན་ཏ། ད་ཤ་དིག་མ་ཧཱ་སི་མན། བན་དྷ་ཡ། དྷུ་རུ་དྷུ་རུ། ཧཱུྃ་ཕཊ་སྭཱ་ཧཱ། ཡུངས་ཀར་ལ་ལན་བདུན་བཟླས་བརྗོད་བྱས་པས་མཚམས་གཅད་པའོ། །
ཨོཾ་ཨ་མོ་གྷ་རཀྵ་ཎ། པཱ་ཤ་ཧ་སྟེ། བྷུ་རུ་བྷུ་རུ་སྭཱ་ཧཱ། ཡུངས་ཀར་དང་དྲི་ཆབ་ལ་ལན་བདུན་བཟླས་བརྗོད་བྱས་པས་བདག་བསྲུང་བའོ། །ཨོཾ་ཨ་མོ་གྷ་ཙུྰ་ཌ་མ་ཎི། ཧུྰ་རུ་ཧུྰ་རུ། ནཱ་ག་པཱ་ཤ་བད་དྷེ་ཧཱུྃ་སྭཱ་ཧཱ། ལན་ཉི་ཤུ་རྩ་གཅིག་བཟླས་བརྗོད་
བྱས་པས་སྤྱི་གཙུག་བཅིང་བའོ། །ཨོཾ་ཨ་མོ་གྷ་རཀྵ། ས་མན་ཏེ་ན། མ་ཧཱ་པཱ་ཤེ། དྷུ་རུ་དྷུ་རུ་སྭཱ་ཧཱ། སློབ་མ་དང་གྲོགས་རྣམས་བསྲུང་བ་སྟེ་ཡུངས་ཀར་དང་། ཐལ་བ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་བསྲུང་བར་བྱའོ། །
ཨོཾ་ཨ་མོ་གྷ། ཛ་ལ་བི་མ་ལེ། སུ་རུ་སུ་རུ་སྭཱ་ཧཱ། དྲི་ཆུ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་པས་ཁྲུས་བྱ་བའི་སྔགས་སོ། །ཨོཾ་ཨ་མོ་གྷ་ཨ་མྲྀ་ཏ་བིན་དུ་ཙ་ར་ཙ་ར་སྭཱ་ཧཱ། ཉེ་རེག་བྱ་བའི་སྔགས་སོ། །ཨོཾ་ཨ་མོ་གྷ་དི་བྱ་བ་སྟེ་ཙུ་རུ་ཙུ་རུ་
སྭཱ་ཧཱ། གོས་ཀྱི་སྔགས་སོ། །ཨོཾ་ཨ་མོ་གྷ་བྷུ་ཛ་ཀ །ཀ་བ་ཙ། བ་ར་དེ། ཙི་རི་ཙི་རི་སྭཱ་ཧཱ། གོ་ཆའི་སྔགས་ཡིན་ཏེ་ཡུངས་ཀར་དང་། གུར་གུམ་གྱི་ཆུས་བྱའོ། །ཨོཾ་ཨ་མོ་གྷ་བྲཧྨ་བྷུ་ཛེ་བརྱན་ཏེ་ན་པྲ་ས་ར་སྭཱ་ཧཱ། མཆོད་ཕྱིར་ཐོགས་ཀྱི་སྔགས་
སོ། །ཨོཾ་ཨ་མོ་གྷ་ཙཱུ་ཌཱ་མ་ཎི་པད་མེ། ཨ་བྷི་ཥིཉྩཱ་ཡ། མ་མ་སརྦ་ཏ་ཐཱ་ག་ཏ་ཨ་བྷི་ཥེ་ཀེེ་མ་ཎི་མ་ཎི་སྭཱ་ཧཱ། དབང་བསྐུར་བའི་སྔགས་སོ། །ཨོཾ་ཨ་མོ་གྷ་པད་མ་ས་སུན་དྷ་ར། དྷ་ར་དྷ་ར། དྷ་ར་ཎི། མཎ་ཌེ་ཧཱུྃ། སྟན་གྱི་གསང་
སྔགས་སོ། །ཨོཾ་ཨ་མོ་གྷ་ས་མན་ཏ་པ་རྱང་ཀེ། བྷུ་བི་སྭཱ་ཧཱ། སྐྱིལ་མོ་དཀྲུང་བཅའ་བའི་སྔགས་སོ། །ཨོཾ་ཨ་མོ་གྷ་སུ་ར་དྷི། པད་མེ་པ་ར་པ་ར་ཧཱུྂ། མེ་ཏོག་གི་སྔགས་སོ། །ཨོཾ་ཨ་མོ་གྷ་བི་བི་དྷ། གན་དྷ། པྲ་ས་རེེ། པཱུརྞཱ་བྷུ་ཛེ་

99-1-155a

སྭཱ་ཧཱ། དྲིའི་སྔགས་སོ། །ཨོཾ་ཨ་མོ་གྷ་བི་བི་དྷ་ལེ་པ་ན་པྲ་བ་རེ་པི་རི་པི་རི་སྭཱ་ཧཱ། བྱུག་པའི་སྔགས་སོ། །ཨོཾ་ཨ་མོ་གྷ་ག་ག་ན་སྥ་ར་ཎ། མ་ཡཻ་བྷུ་ར་བྷུ་ར་ཧཱུྃ། བདུག་པའི་སྔགས་སོ། །ཨོྂ་ཨ་མོ་གྷ་ཤུ་ཀླ་ས་ར་ས་ར་ས་ཨ་གླ་དྷ་ར་བི་དྷ་ར་
ཧཱུྃ། གཏོར་མའི་སྔགས་ཏེ་ཐམས་ཅད་དུ་བྱའོ། །ཨོཾ་ཨ་མོ་གྷ་པྲ་བ་ར། ནུ་པི་ལོ་ཀི་ནི། ཀི་རི་ཀི་རི་ཧཱུྃ། ཟས་དང་གཏོར་མའི་སྔགས་སོ། །ཨོཾ་བི་བི་དྷ། ཨ་མོ་གྷ། ཕ་ལ། པ་ར་པ་ར་ཧཱུྃ། འབྲས་བུའི་སྔགས་སོ། །ཨོཾ་ཨ་མོ་གྷ་ཨད་བྷུད་གྷན་དྷ་
བ་རེ་ཧཱུྃ། མཆོད་ཡོན་གྱི་སྔགས་སོ། །ཨོཾ་ཨ་མོ་གྷ། བི་བི་དྷ། མ་ཎི། བྷཱུ་ཥ་ཎ། བ་རེ། ཛྭ་ལ་ཛྭ་ལ་ཧཱུྃ། རྒྱན་དང་། ཐོད་དང་། དར་དཔྱང་བ་དང་། མདའ་དང་། ཚོན་སྣ་ལྔ་དང་། ཐིག་སྐུད་ཀྱི་སྔགས་སོ། །ཨོཾ་ཨ་མོ་གྷ། བྷི་བི་དྷ། བྷཱ་ཛ་ནེ། ཛ་ཡ་ཛ་ཡ་སྭཱ་ཧཱ། 
སྣོད་ཀྱི་སྔགས་ཏེ་ཐམས་ཅད་དུ་སྦྱར་རོ། །ཨོཾ་ཨ་མོ་གྷ་པྲ་བ་ར་བྷ་བ་ན་བྷ་བེ་ཐ་ར་ཐ་ར་སྭཱ་ཧཱ། གཞུག་པའི་སྔགས་སོ། །ཨོཾ་ཨ་མོ་གྷན་མ་སྐ་ར་ཎ། སརྦ་ཏ་ཐཱ་ག་ཏ། ཨན་ཛ་ལེ་ཧཱུྃ། ཕྱག་འཚལ་བ་དང་ཐལ་མོ་སྦྱར་བའི་སྔགས་སོ། །ཨོཾ་ཨ་
མོ་གྷ་ཙཀྲེ་དུ་རུ་དུ་རུ་པྲ་དུ་རུ་སྭཱ་ཧཱ། བསྐོར་བའི་སྔགས་སོ། །ཨོཾ་ཨ་མོ་གྷ་ས་མན་ཏ་བྷ་བ་བྷ་བ་སྭཱ་ཧཱ། སྤྱན་དྲང་བའི་སྔགས་སོ། །ཨོཾ་ཨ་མོ་གྷ་ཙིན་ཏཱ་མ་ཎེ་ཨཱ་ཀཪྵ་ཡ་དུ་རུ་དུ་རུ་སྭཱ་ཧཱ། གསོལ་བ་གདབ་པའི་སྔགས་སོ། །ཨོཾ་ཨ་
མོ་གྷ་ནི་མཎ་ཏ་ཎ་བི་མོ་ཀྵ་མཎ་ཌེ་ལེ་མི་ལི་མི་ལི་སྭཱ་ཧཱ། སྙན་གསན་དབབ་པའི་སྔགས་སོ། །ཨོཾ་ཨ་མོ་གྷ་མ་ཧཱ་ར་ཤྨཱེ་ཛྭ་ལས་ཧ་སྲེ་ཛྭ་ལ་ཛྭ་ལ་མན་ཏེ་། མར་མེའི་སྔགས་སོ། །ཨོཾ་ཨ་མོ་གྷ་པཱ་ཤ་ཧ་སྟེ་པྲ་ས་ར་གད་ཚ་སྭ་བྷཱ་བ་ནན་བི་སརྫི་ཏོ་སི་ས་ར་ས་ར་
ཧཱུྃ་ཕཊ་སྭཱ་ཧཱ། སླར་གཤེགས་སུ་གསོལ་བའི་སྔགས་སོ། །ཨོཾ་ཨ་མོ་གྷ་པཱ་ཤ་བན་དྷ་ས་མན་དྷ་མ་ཧཱ་ས་མ་ཡ་དྲི་ཌྷེ་ཧཱུྃ་ཕཊ་སྭཱ་ཧཱ། དམ་ཚིག་གི་སྔགས་སོ། །ཨོཾ་ཨ་མོ་གྷ་ས་མན་ཏེ། པྲ་བ་ར། ས་ར་ས་ར། པྲ་ས་ར་མ་ཧཱ་
བྷུ་ཏེ་ཤྭ་ར། དྷི་རི་དྷི་རི་ཧཱུྃ་ཧཱུྃ་ཕཊ་སྭཱ་ཧཱ། གསང་སྔགས་འདིས་ལ་དུ་དང་། མོ་ད་ཀ་དང་། ཟན་དང་། རྩ་བ་དང་། སྡོང་བུ་དང་། གཏོར་མ་དཀར་པོ་དང་། ཚོགས་ཆེན་པོའི་གཏོར་མ་སྦྱིན་པ་དང་། མེ་ཏོག་དང་། བདུག་པའི་སྦྱིན་པ་

99-1-155b

བྱས་ན་ཕྱིས་བགེགས་བྱེད་ནུས་པར་མི་འགྱུར་རོ། །འཇིག་རྟེན་ལས་འདས་པའི་དཀྱིལ་འཁོར་གྱི། །ཕྱག་རྒྱ་དེ་ནས་བརྗོད་བྱ་སྟེ། །གང་གིས་གཟུང་བ་ཙམ་གྱིས་ནི། །སྡིག་པ་ཐམས་ཅད་ཞི་བར་འགྱུར། །ལས་དང་ཉོན་མོངས་སྒྲིབ་པ་དང་། །
དུག་རྣམས་ཐམས་ཅད་རྣམ་པར་བཅོམ། །རྣམ་གྲོལ་དཀྱིལ་འཁོར་རིགས་ཀྱི་ནི། །དམ་ཚིག་ཕྱག་རྒྱ་ཡང་དག་ཡིན། །ལག་གཉིས་པད་མ་འདྲར་བྱས་ལ། །སོར་མོ་རྣམས་ནི་མཉམ་གཞག་སྟེ། །གུང་མོ་ལྕགས་ཀྱུ་འདྲ་
བར་བྱ། །ལག་གཉིས་མཉམ་པར་གཞག་པ་ཡི། །ཕྱག་རྒྱ་རྣམ་གྲོལ་དམ་ཚིག་འདི། །དོན་ཡོད་ཞགས་པར་བྱིན་གྱིས་བརླབས། །འཇིག་རྟེན་འདས་པ་ཁྱད་པར་གྱི། །ལམ་གྱི་འབྲས་བུ་ཐོབ་པར་བྱེད། །ཨོཾ་པད་མ་བྷུ་ཛེ་
པད་མ་བི་མ་ལེ་སྭཱ་ཧཱ། དམ་ཚིག་རྩེ་མོའི་རྩེ་ཤེས་པས། །རྡོ་རྗེ་པད་མ་རྟག་ཏུ་བྱ། །གུང་མོ་ཅུང་ཟད་བསྐུམས་ནས་ནི། །ལག་གཉིས་པད་མོ་འདྲ་བར་བྱ། །གང་གིས་ཕྱག་རྒྱ་འདི་མཐོང་བ། །འཇིག་རྟེན་རྣམས་ཀྱི་དབང་
ཕྱུག་དག །མཚུངས་པ་མེད་པར་འགྱུར་བ་ཡིན། །རྣམ་གྲོལ་ཕྱག་རྒྱས་དོགས་མེད་པར། །སངས་རྒྱས་མཚུངས་མེད་འགྱུར་བ་ཡིན། །བྱང་ཆུབ་སེམས་དཔའ་ཀུན་གྱིས་ནི། །ཕྱག་བྱས་པ་ཡི་ཕྱག་རྒྱ་འདི། །
རྣམ་གྲོལ་དཀྱིལ་འཁོར་རྨད་དུ་བྱུང་། །ཨོཾ་པད་མེ་སུ་པད་མེ། བི་མོ་ཀྵ་མཎ་ཌ་ལ། པད་མ་བྷུ་ཛེ་སྭཱ་ཧཱ། རྡོ་རྗེ་བཅིང་བ་མཉམ་གཞག་སྟེ། །རྡོ་རྗེ་པད་མོ་གུང་མོ་ནི། །བསྐུམས་ན་དེ་བཞིན་གཤེགས་ཀུན་གྱི། །
རྣམ་གྲོལ་གསུང་བའི་ཕྱག་རྒྱ་འདི། །ཡང་དག་འགྲོལ་བར་རབ་ཏུ་བསྟན། །ཕྱག་རྒྱ་འདི་ནི་བསྟན་པས་ནི། །ངན་པར་བྱས་པ་ཐམས་ཅད་འཇིག །ཨོཾ་ཨ་མོ་གྷ་བཛྲ་པད་མ་བྷུ་ཛེ་མི་ལི་མི་ལི་སྭཱ་ཧཱ། ལག་གཉིས་
ཐལ་མོ་ཁོང་སྟོང་ལས། །མདར་ན་ནོར་བུ་འདྲ་བར་བཅིང་། །ནོར་བུའི་ཕྱག་རྒྱ་རྡོ་རྗེ་འདྲ། །ཡིད་བཞིན་ནོར་བུར་བརྗོད་པ་ཡིན། །ལས་ནི་དོན་ཡོད་ཐམས་ཅད་བྱེད། །དོན་ཡོད་མཆོད་པའི་

99-1-156a

ཆར་འབེབས་ཤིང་། །དོན་ཡོད་ཕ་རོལ་ཕྱིན་དྲུག་རྫོགས། །དོན་ཡོད་སངས་རྒྱས་རྣམས་དང་ནི། །བྱང་ཆུབ་སེམས་དཔའ་མཐོང་བ་ཡིན། །དོན་ཡོད་རྣམ་གྲོལ་དཀྱིལ་འཁོར་གསང་། །མཚམས་མེད་ལྔ་པོ་སྦྱོང་བར་
མཛད། །ཨོཾ་ཨ་མོ་གྷ་མ་ཎི་མ་ཎི། མ་ཧཱ་མ་ཎི་པད་མ་མ་ཎི་སྭཱ་ཧཱ། རྡོ་རྗེ་པད་མའི་ཐལ་མོ་སྦྱར། །པད་མ་ཁ་བྱེ་འདྲ་བར་རྒྱས། །གུང་མོ་ལྕགས་ཀྱུ་འདྲ་བ་ཡི། །ཕྱག་རྒྱ་འདི་ནི་མཆོག་ཏུ་བཟང་། །ཕྱག་རྒྱ་འདི་ནི་མཐོང་ཙམ་གྱིས། །
འབྲས་བུ་ཆེན་པོ་རྨད་དུ་བྱུང་། །འཇིག་རྟེན་འདས་པ་ཁྱད་པར་འཕགས། །དུས་གསུམ་སངས་རྒྱས་མཐོང་བ་ཡིན། །ཨོཾ་ཨ་མོ་གྷ། བཛྲེ་མ་ཧཱ་པད་མེ། ཛ་ལེ་སུ་ཛ་ལེ། མ་ཧཱ་ཛ་ལེ་སྭཱ་ཧཱ། སྙིང་གར་རྡོ་རྗེ་པད་མ་ཉིད། །རྡོ་རྗེ་བཅིང་བ་
ཕུན་སུམ་ཚོགས། །མཛུབ་མོ་ལྕགས་ཀྱུ་འདྲ་བ་ནི། །བཅིང་བར་བྱ་བ་ཕྱག་རྒྱ་འདི། །གཟི་བརྗིད་ཆེན་པོ་དག་དང་ནི། །སྟོབས་ཆེན་ཕ་རོལ་གནོན་པ་དང་། །ཐམས་ཅད་གྲུབ་པར་བྱེད་པའི་གནས། །ཐམས་ཅད་གྲུབ་པར་
རབ་ཏུ་སྦྱིན། །འཇིག་རྟེན་འདས་པ་གྲུབ་པ་ཆེ། །སངས་རྒྱས་ཉིད་ཕྱིར་བླ་ན་མེད། །སྡིག་པ་ཐམས་ཅད་འཕྲོག་པ་གྲུབ། །གསང་སྔགས་གྲུབ་པ་བླ་ན་མེད། །ཨོཾ་ཨ་མོ་གྷ་སིད་དྷེ། སརྦ་ཏ་ཐཱ་ག་ཏ་
སིད་དྷེ། ཨ་བ་ལོ་ཀཱ་ཡ་སིད་དྷེ། མ་ཧཱ་བི་པུ་ལ་སིད་དྷེ། ཀུ་རུ་ཀུ་རུ་སྭཱ་ཧཱ། རྡོ་རྗེ་ཐལ་མོ་མཉམ་གཞག་སྟེ། །གུང་མོ་གཤིབས་ཏེ་བསྒྲེང་བ་དང་། །སྲིན་ལག་མཐེ་བོ་སོ་སོར་འགྱེད། །གུང་མོ་ཡིད་ཙམ་དགུག་བྱ་བ། །
པད་མའི་དབང་ཕྱུག་སེམས་དཔའ་ཆེ། །འཇིག་རྟེན་དབང་ཕྱུག་བླ་མ་སྟེ། །རྟག་ཏུ་རྣམ་གྲོལ་དཀྱིལ་འཁོར་ནི། །བྱང་ཆུབ་སེམས་དཔའ་ཐམས་ཅད་ཀྱིས། །ཕྱག་རྒྱ་བྱས་པ་འདི་ཡིན་ནོ། །ཕྱག་རྒྱ་འདི་དང་དོན་ཡོད་པའི་
ཞགས་པའི་སྙིང་པོའི་ཕྱག་རྒྱ་དང་། ཕྱག་རྒྱ་དེ་དག་མཐོང་བ་ནི་འཇིག་རྟེན་དབང་ཕྱུག་མཐོང་བ་དང་འདྲ་བ་ཡིན་ནོ། །ཕྱག་རྒྱ་མཆོག་འདི་མཐོང་བ་ནི་རྣམ་པར་གྲོལ་བའི་དཀྱིལ་འཁོར་མཐོང་བ་དང་འདྲ་བ་ཡིན་ཏེ། ཕྱིར་མི་ལྡོག་

99-1-156b

པ་ཐོབ་པར་འགྱུར་རོ། །ཕྱག་རྒྱ་འདི་བཅིངས་པ་ཙམ་མཐོང་བའི་མོད་ལ་དམ་ཚིག་ཐམས་ཅད་ཤེས་པར་འགྱུར་རོ། །མཐོང་བ་དང་གཟུང་བ་ཙམ་གྱི་མོད་ལ་འབྲས་བུ་ཆེན་པོ་འཐོབ་ཅིང་མོད་ལ་སངས་རྒྱས་དང་བྱང་ཆུབ་བླ་ན་
མེད་པ་ཡིན་ནོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ཕྱག་འཚལ་ལོ། །ཨོཾ་ཨ་བ་ལོ་ཀི་ཏ་མ་ཧ་ཤུད་དྷ་
ས་ཏྭ་ས་ར་ས་ར། ས་མན་ཏ་ཨ་བ་བྷཱ་ས། ཀུཎ་ཌ་ལ། དྷ་ལ། ཨ་མི་ཏཱ་བྷ། མ་ཀུ་ཊ་དྷ། ཛ་ཊ་མ་ཀུ་ཊ། ན་བ་བཛྲེན་དྲ། མཎ་ཌི་ལ། ཙ་ར་ཙ་ར། སམ་བྷ་ར། བྷུ་བ་ནེ་ཤྭ་ར་པད་མ་བྷུ་ཛེ་སྭཱ་ཧཱ། ཕྱག་རྒྱ་ཆེན་པོ་བདུན་པོ་དེ་དག་ནི་འཇིག་རྟེན་
ལས་འདས་པ་བྱང་ཆུབ་སྙིང་པོའི་ལམ་གྱི་འབྲས་བུ་སྟོན་པ། རྟག་ཏུ་འཇིག་རྟེན་དབང་ཕྱུག་བླ་མ་འཇིག་རྟེན་མགོན་པོའི་ཆོས་ཀྱི་འཁོར་ལོ་བསྐོར་བ་ཡིན་ནོ། །ཕྱག་རྒྱ་བདུན་ནྀ་ཕྱག་རྒྱ་ཆེན་པོ་བྱེ་བ་ཕྲག་བདུན་གྱིས་ཡོངས་སུ་
བསྐོར་བ་ཡིན་ཏེ། ཕྱག་རྒྱ་ཆེན་པོ་བདུན་པོ་དེ་གང་དུ་བཅིངས་ཤིང་ཕྱག་རྒྱ་མཆོག་གཟུང་བ་ནི་ཕྱག་རྒྱ་ཆེན་པོ་བྱེ་བ་ཕྲག་བརྒྱ་བཅིངས་པར་འགྱུར་རོ། །གཟུང་བར་འགྱུར་རོ། །དེ་དག་ཐམས་ཅད་མཆོད་པ་དང་། བསྙེན་བཀུར་
བྱས་པར་འགྱུར་རོ། །བསྟོད་པར་འགྱུར་རོ། །མིང་འཛིན་པ་བྱས་པར་འགྱུར་རོ། །ཕྱག་རྒྱ་བདུན་པོ་དེ་དག་ནི་གསང་སྔགས་སྒྲུབ་པ་ཐམས་ཅད་དང་། ཀུན་དུ་ལས་ཐམས་ཅད་ལ་སྦྱར་བར་བྱའོ། །ཐམས་ཅད་བྱེད་པའི་
ཕྱག་རྒྱ་འཇིག་རྟེན་ལས་འདས་པའི་ལམ་བླ་ན་མེད་པ་ཡིན་ནོ། །གང་ཞིག་ཕྱག་རྒྱ་དེ་དག་བཅིངས་པ་མཐོང་ཞིང་ཁྲུས་ལེགས་པར་བྱས་ཏེ། གཙང་མས་སྒྲུབ་པར་བྱེད་པ་འདི་ནི་ངན་འགྲོར་འགྲོ་བར་མི་འགྱུར། སྔོན་
གྱི་སྒྲིབ་པས་དམྱལ་བ་མཐོང་བར་མི་འགྱུར། ཕྱག་རྒྱ་བཅིངས་པ་ཙམ་གྱི་མོད་ལ་ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་འབུམ་ཕྲག་བདུན་གྱི་དྲུང་དུ་དགེ་བའི་རྩ་བ་བསགས་པར་འགྱུར་རོ། །

99-1-157a

བསོད་ནམས་ཀྱི་ཕུང་པོ་ཆེན་པོ་ཀུན་དུ་བཟུང་བར་འགྱུར་རོ། །ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །ས་བཅུ་ལ་རབ་ཏུ་གནས་པར་འགྱུར་རོ། །ཕྱིར་མི་ལྡོག་པའི་གནས་རབ་
ཏུ་ཐོབ་པར་འགྱུར་རོ། །མཚམས་མེད་པ་ལྔ་བྱེད་པ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་བ་འདེབས་པ་དང་། མནར་མེད་པ་ལ་གཞོལ་བ་རྣམས་ཀྱིས་ཇི་སྟེ་ཕྱག་རྒྱ་གཟུང་བ་ཙམ་དང་། བསྟན་པ་ཙམ་
གྱི་མོད་ལ་སྡིག་པ་དེ་དག་ཐམས་ཅད་རྣམ་པར་ཞིག་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཡོངས་སུ་གཟུང་བར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། འབྱུང་པོ་དང་། 
ཤ་ཟ་རྣམས་ལས་ལེགས་པར་བསྲུངས་པར་འགྱུར་རོ། །དབང་ཕྱུག་དང་དབང་ཕྱུག་ཆེན་པོ་དང་། རྒྱལ་པོ་ཆེན་པོ་བཞི་དང་། གཤིན་རྗེ་དང་། ཆུ་ལྷ་དང་། གཞོན་ནུ་རྣམས་རྟག་ཏུ་རྒྱུན་མི་འཆད་པར་བསྲུང་བ་དང་། སྦ་བའི་
ཕྱིར་རྒྱུན་དུ་རྗེས་སུ་འབྲང་བ་བྱེད་པར་འགྱུར་རོ། །སེམས་ཅན་ཐམས་ཅད་དགའ་བ་མཐོང་བར་འགྱུར་རོ། །མཆོད་རྟེན་དུ་གྱུར་པ་ཡིན་པར་འདོད་པ་དང་། ལུས་རིང་བསྲེལ་གྱྀ་སྙིང་པོ་ཡིན་པར་འགྱུར་རོ། །རྡོ་རྗེ་ལྟར་
མཁྲེགས་པའི་ལུས་སུ་འགྱུར་རོ། །དུག་གིས་མི་ཚུགས། མེས་མ་ཡིན། མཚོན་གྱིས་མ་ཡིན། ཆུས་མ་ཡིན། དབྱིག་དུག་གི་འཇིགས་པས་མ་ཡིན། སེང་གེས་མ་ཡིན། གཅན་གཟན་གཏུམ་པོས་མ་ཡིན། དུག་མི་
བཟད་པས་མ་ཡིན། རྐུན་པོ་དང་། མི་རྒོད་ཀྱིས་མ་ཡིན། ཁྱིམ་རྡིབ་པས་མ་ཡིན། གནོད་སྦྱིན་དང་། སྲིན་པོའི་གདོན་ཡང་འོང་བར་མི་འགྱུར་རོ། །ནད་ཐམས་ཅད་འཇུག་པར་མི་འགྱུར། ལུས་ལ་དུག་སྦྱར་མ་དང་། བྱད་དང་
སྦོད་སྟོང་གི་འཇིག་པ་འབྱུང་བར་མི་འགྱུར་རོ། །རྟག་ཏུ་སྡིག་པ་ཅན་གྱི་རྨི་ལམ་མཐོང་བར་མི་འགྱུར་རོ། །རྟག་ཏུ་དེ་བཞིན་གཤེགས་པ་ལྟ་བ་མཐོང་བར་འགྱུར་རོ། །བྱང་ཆུབ་སེམས་དཔའ་ལྟ་བ་མཐོང་བར་འགྱུར་རོ། །

99-1-157b

རྟག་ཏུ་འཕགས་པ་སྤྱན་རས་གཟིགས་དབང་ཕྱུག་མཐོང་སྟེ། རྟག་ཏུ་མཆོག་སྦྱིན་པ་མཛད་པར་འགྱུར་རོ། །ལྷ་ཐམས་ཅད་ཀྱང་རྟག་ཏུ་རྒྱུན་མི་འཆད་པར་འདིས་མཐོང་བར་དགྱེས་པར་འགྱུར་རོ། །རྟག་ཏུ་ཡོན་ཏན་དང་བསོད་ནམས་འབར་རོ། །དཔལ་
གྱིས་ལུས་ཤིན་ཏུ་འབར་བའི་ལུས་སུ་འགྱུར་རོ། །ཐམས་ཅད་དུ་འདི་མཆོད་པར་འོས་པ་ཆེན་པོར་འགྱུར་ཏེ། རྒྱལ་པོ་དང་། བློན་པོ་དང་། བྲམ་ཟེ་དང་། ཁྱིམ་བདག་དང་། བཙུན་མོའི་འཁོར་གྱིས་མཆོད་པར་འོས་པ་ཆེན་པོར་འགྱུར་རོ། །ལྷའི་གནས་
སུམ་བཅུ་རྩ་གཉིས་ཀྱི་བར་དུ་ཡང་དགྱེས་པར་འགྱུར་ཏེ། རྟག་ཏུ་དགྱེས་པར་སྟོན་པ་བཞེད་པར་འགྱུར་རོ། །རིག་སྔགས་འཆང་བས་ཁྲུས་བྱས་གོས་གཙང་མ་བགོས་ཏེ་གཙང་མར་བྱས་ལ་དྲི་སྣ་ཚོགས་ཀྱིས་ལུས་བསྐུ་བ་དང་། བདུག་
པ་སྣ་ཚོགས་ཀྱིས་བདུག་པ་བྱས་ལ། ཙན་དན་དཀར་པོ་དང་། གུར་ཀུམ་གྱིས་ལག་པ་གཉིས་བསྐུས་ཏེ། ག་བུར་དང་། བླ་རྩིས་བསྒོས་པའི་ས་ཕྱོགས་གཙང་མར་རས་ཀྱི་སྐུ་གཟུགས་ཀྱི་སྤྱན་སྔ་འམ། སངས་རྒྱས་
ཀྱི་སྐུ་གཟུགས་ཀྱི་སྤྱན་སྔ་འམ། འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་ཀྱི་སྤྱན་སྔར་སྐྱིལ་མོ་དཀྲུང་བཅས་ཏེ་འདུག་ནས་ཕྱག་རྒྱ་འདི་བཅིང་བར་བྱའོ། །མཆོད་རྟེན་རིང་བསྲེལ་ཅན་གྱི་དྲུང་དུ་ཕྱག་བཅིང་བར་
བྱའོ། །སངས་རྒྱས་ལ་མཆོད་པའི་ཆོ་གས་ཡོན་ཆབ་ལ་སོགས་པ་དབུལ་བར་བྱའོ། །བྱམས་པ་དང་། སྙིང་རྗེའི་སེམས་སུ་བྱའོ། །སེམས་ཅན་ཐམས་ཅད་ལ་ལྷག་པར་བརྩེ་བ་དང་། སྙིང་རྗེའི་སེམས་བསྒོམ་པར་བྱའོ། །
སེམས་ཅན་ཐམས་ཅད་ལ་བུ་གཅིག་པ་དང་། འདྲ་བར་ཤེས་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་ཡིད་ལ་དྲན་པར་བྱའོ། །སངས་རྒྱས་ཡིད་ལ་བྱེད་པ་དྲན་པ་བསྒོམ་པར་བྱ་སྟེ། ཕྱག་རྒྱ་ཆེན་པོ་བདུན་པོ་དེ་དག་
བཅིང་བ་བྱས་ན་ཕྱག་རྒྱ་བྱེ་བ་ཕྲག་བདུན་བཅིངས་པར་འགྱུར་རོ། །དེ་ནས་མཐུ་བརྗོད་པར་བྱའོ། །མཐུ་ནི་འཇིག་རྟེན་ལས་འདས་པ་ཡང་དག་པར་མཐོང་བ་དང་། དོན་ཡོད་པའི་ཞགས་པའི་ཆོ་འཕྲུལ་དང་། རང་བཞིན་གྱི་སྐུ་མངོན་དུ་མཐོང་

99-1-158a

བ་ཡིན་ནོ། །རྒྱལ་པོ་འམ། བཙུན་མོའི་ནང་དུ་འམ། སྐྱེ་བོ་མང་པོ་མང་དུ་ཚོགས་པ་དང་། དགེ་སློང་གི་ཚོགས་ཀྱི་དགེ་འདུན་གྱི་ནང་དུ་འམ། འཁོར་དུ་བཅད་པའི་ནང་དུ་འམ། རིག་བྱེད་བཞི་ཚོགས་པ་དང་། དགེ་སྦྱོང་དང་། 
བྲམ་ཟེ་དང་། རྒྱལ་རིགས་དང་། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། རྗེའུ་རིགས་དང་། དམངས་རིགས་དང་བཅས་པ་དེ་དག་གྀ་ནང་དུ་དེ་དག་དོན་ཡོད་པའི་ཞགས་པའི་ཆོ་འཕྲུལ་འཇིག་རྟེན་ལས་འདས་པ་མོད་ལ་མངོན་དུ་
མཐོང་བ་དང་། འདས་པ་འམ། མ་འོངས་པ་དང་། ད་ལྟར་བྱུང་བའི་འཆི་བ་དང་། སྐྱེ་བ་དང་། སྐྱེས་ནས་ཡང་དག་པར་དགེ་བ་དང་། མི་དགེ་བའི་འབྲས་བུ་དང་། དགེ་བ་དང་མི་དགེ་བས་ཤི་བ་དང་། སྐྱེས་ནས་ཕྱུག་པོ་འམ། དབུལ་པོ་འམ། རྒྱལ་
པོ་ཐོབ་པ་འམ། ལྷའི་ལོངས་སྤྱོད་དང་། ལྷའི་གནས་སུམ་བཅུ་རྩ་གཉིས་དང་། བརྒྱ་བྱིན་དང་། ཚངས་པ་དང་། ཁྱབ་འཇུག་དང་། རྟག་ཏུ་དབང་ཕྱུག་ཆེན་པོར་འགྱུར་བ་དང་། ཀླུའི་སྐྱེ་གནས་དང་། ཡི་དགས་དང་། གནོད་སྦྱིན་དང་། སྲིན་
པོ་གསང་བ་པ་རྣམས་ཀྱིས་དམྱལ་བ་མི་བཟད་པར་སྐྱེ་བ་དང་། མཚམས་མེད་པ་ལ་ཐུག་གི་བར་དུ་མཐོང་བ་དང་། བྲམ་ཟེའི་རིགས་སམ། རྒྱལ་རིགས་སམ། གཞན་ཡང་རིགས་དུ་མ་སྣ་ཚོགས་པར་སྐྱེ་བར་མཐོང་བ་དག་འཇིག་
རྟེན་མགོན་པོའི་མཐུས་མངོན་དུ་མཐོང་བར་འགྱུར་རོ། །འཇིག་རྟེན་པའི་ལས་བསྒྲུབ་པར་བྱ་བ་དེ་དག་ཐམས་ཅད་བསྟན་པར་བྱ་སྟེ། རྒྱལ་བ་དང་། རྣམ་པར་རྒྱལ་བ་དང་། བདེ་བ་དང་། ལོ་ལེགས་པ་དང་། མི་ངས་དང་། ཡམས་ཀྱི་
ནད་དང་། ཕ་རོལ་གྱི་འཁོར་རམ། རང་གི་འཁོར་ལ་གནོད་པ་དང་། དགྲ་དང་། ཕྱིར་རྒོལ་བ་དང་། འགྱེད་པ་དང་། གཡུལ་སྤྲོད་པ་དང་། ཚེ་རིང་བ་དང་། ཚེ་ཐུང་བ་དང་། ནད་འབྱུང་བ་དང་། ནད་མེད་པ་དང་། ཆར་འབབ་པ་དང་། 
ཤིན་དུ་ཆར་འབབ་པ་དང་། ཆར་མི་འབབ་པ་དང་། དུས་མ་ཡིན་པར་འབབ་པ་དང་། དར་བ་དང་། རྒུད་པ་དང་། འབྱོར་པ་དང་། མི་འབྱོར་པ་དང་། འོང་བ་དང་། འགྲོ་བ་དང་། ནོར་དང་། འབྲུ་རྙེད་པ་དང་། འཕེལ་བ་དང་། འབྲི་བ་དང་། 

99-1-158b

ལོ་ཉེས་པ་མཐོང་བ་དང་། འཁོར་བ་ན་ད་ལྟར་གྱི་ལས་གང་ཅུང་ཟད་ལེགས་པར་བྱེད་པ་དང་། ཉེས་པར་བྱེད་པ་དང་། དགེ་བ་འམ། མི་དགེ་བ་འམ། འབྲི་བ་འམ། འཕེལ་བ་འམ། སྐྱེ་བ་ལེགས་པར་སྐྱེ་བ་འམ། ངན་པར་སྐྱེ་བ་དང་། བུ་
འབྱུང་བ། བུ་ཕོ་འམ། བུ་མོ་འམ། བུ་བཟང་པོ་འམ། བུ་ངན་པ་འམ། བསོད་ནམས་ཅན་ནམ། བསོད་ནམས་མེད་པ་མངལ་ན་གནས་པ་དེ་དག་བདེན་པ་ཉིད་དུ་མཐོང་སྟེ། ལས་ཀྱི་ཆོ་ག་ལེགས་པར་བྱས་པས་ཐེ་ཚོམ་
མི་བྱའོ། །ཚེས་གྲངས་དང་། རྒྱུ་སྐར་དང་། ཉིན་མཚན་བརྗོད་པར་བྱ་མི་དགོས་ཀྱི་བཟླས་བརྗོད་དང་། གཏོར་མ་དང་། གཙང་སྦྲ་དང་། བཀྲུ་བཤལ་དང་། ཤིན་དུ་ཁྲུས་བྱ་བ་དང་། གོས་གཙང་མ་བཅང་བ་དང་། བདེན་པར་སྨྲ་བ་དང་། 
བྱམས་པའི་སེམས་དང་། བླ་མ་ལེགས་པར་མཉན་པ་དེ་གཟུང་བ་ཁོ་ནར་བྱའོ། །ཟས་དང་། སྐོམ་གཙང་མ་དང་། ཆང་དང་། ཤ་དང་། བེག་ཙོང་དང་། སྒོག་སྐྱ་དང་། ཀེའུ་དང་། འདྲེས་པར་བྱས་པའི་འདྲེས་པའི་ཟས་ཡོངས་
སུ་སྤང་བ་དང་། ཤིན་དུ་སྤགས་པ་དང་། དེ་དག་ནི་ཁྱད་པར་འདོད་པས་ཡོངས་སུ་སྤང་བར་བྱས་ན་ལས་འདི་ནི་མོད་ལ་ཐམས་ཅད་མངོན་དུ་མཐོང་བར་འགྱུར་རོ། །དཀའ་ཐུབ་སྤྱོད་པ་ལ་བརྙས་སེམས་མི་བྱ། མ་གུས་
པ་མི་བྱའི་ལྐོག་ཏུ་ཡང་མི་བྱའོ། །རྗེས་སུ་བསྟན་པ་དེ་དག་ནི་མཆོག་ཡིན་ནོ། །བསྒྲུབ་པར་བྱ་བ་མཆོག་དེ་དག་ནི། འཇིག་རྟེན་དབང་ཕྱུག་མགོན་པོས་བཀའ་སྩལ་པ་ཡིན་ནོ། །དངུལ་ལས་མེ་ལོང་ཆུ་ཞིང་དུ་
སོར་བཅུ་དྲུག་པ་བྱས་ལ་ཟངས་ལས་པད་མོའི་གདན་སྡོང་བུ་དང་བཅས་པར་བྱའོ། །མེ་ལོང་གི་གོང་དུ་དངུལ་ལམ། གསེར་ལས་འཕགས་པ་སྤྱན་རས་གཟིགས་དབང་ཕྱུག་ཚད་སོར་བཞི་པ། གདན་པད་མོ་ཕྱག་བཞི་ལ་
མདུང་རྩེ་གསུམ་པ་དང་། ཞགས་པ་དང་། པད་མ་དང་། ནོར་བུ་རིན་པོ་ཆེ་ཐོགས་པར་བྱ་བ་ནི་འཇོག་སྦྱོང་ལེགས་པར་བྱས་པ། འཇམ་པོ་འོད་ཕྱིན་པ་ཙམ་དུ་སྦྱང་བར་བྱའོ། །དེ་ནས་རིག་སྔགས་འཆང་བས་མེ་ལོང་གི་

99-1-159a

གོང་གི་འཇིག་རྟེན་དབང་ཕྱུག་གི་སྐུ་ལ་རིང་བསྲེལ་གཞག་པར་བྱའོ། །ག་པུར་དང་། གླ་རྩིས་སྐུ་ལ་མཆོད་པར་བྱའོ། །མེ་ལོང་གི་ཉེ་འཁོར་ཐོག་ཐག་དུ་དངུལ་གྱི་མེ་ཏོག་དང་། གསེར་གྱི་མེ་ཏོག་རིན་པོ་ཆེ་སྣ་
ཚོགས་ཀྱིས་སྤྲས་པའི་ཕྲེང་བ་གདགས་པར་བྱའོ། །དབང་བསྐུར་བའི་དར་གདགས་པར་བྱའོ། །དེ་ནས་རིག་སྔགས་འཆང་བས་མེ་ལོང་དེ་ལ་ཉི་མ་རེ་རེ་ཞིང་དུས་གསུམ་དུ་དོན་ཡོད་པའི་ཞགས་པའི་སྙིང་པོ་བརྒྱ་རྩ་བརྒྱད་བཟླས་བརྗོད་བྱ་སྟེ། ཅི་ཙམ་བརྒྱ་སྟོང་ཚང་གི་བར་དུ་བྱའོ། །ཁྲོ་བོའི་རྒྱལ་པོས་དབང་བསྐུར་བར་བྱའོ། །དེ་ནས་མེ་ལོང་འབར་བར་འགྱུར་རོ། །གཅིག་ཁོ་ནར་ཁ་དོག་སྣ་ཚོགས་པར་འབར་བར་འགྱུར་རོ། །འཇིག་རྟེན་དབང་ཕྱུག་གི་
སྐུ་གཟུགས་དེ་ལས་ལྷ་རྫས་ཀྱི་ཆུ་འཛག་གོ། འོད་ཟེར་སྣ་ཚོགས་འབྱུང་ངོ་། །དེ་ནས་རིག་སྔགས་འཆང་བའི་ལུས་འབར་ཞིང་དགའ་བར་འགྱུར་རོ། །དོན་ཡོད་པར་དགའ་བ་དྲི་མ་མེད་པ་ཞེས་བྱ་བ་དོན་ཡོད་པའི་ཞགས་པའི་
སྙིང་པོ་ཆོ་ག་ཞིབ་མོ་གྲུབ་པ་འཐོབ་པར་འགྱུར་རོ། །ལུས་ཤིན་དུ་དྲི་མ་མེད་ཅིང་ཡོངས་སུ་དག་པར་འགྱུར་རོ། །དེ་ནས་རིག་སྔགས་འཆང་བས་འཇིག་རྟེན་ཐམས་ཅད་ཀྱི་མངོན་སུམ་དོན་ཡོད་པའི་ཞགས་པ་
རྣམ་པར་འཕྲུལ་པ་འགྲུབ་པ་བསྟན་པར་བྱ་དགོས་པས། དེ་ནས་རིག་སྔགས་འཆང་བས་ས་དང་བའི་ལྕི་བ་བསྲེས་པའི་དཀྱིལ་འཁོར་རྒྱར་ཁྲུ་བཞི་འཕང་དུ་ཁྲུ་དོ་པ་བྱས་ལ་ཤིན་དུ་མཁྲེགས་པ་ཤིན་དུ་འཇམ་
པར་བྱའོ། །ཐིག་སྐུད་ཀྱིས་རྣམ་པར་ཕྱེ་སྟེ། ཚོན་སྣ་ཚོགས་རྣམ་པར་དབྱེ་ཞིང་སྒོ་བཞི་རྣམ་པར་ཕྱེ་ནས་དཀྱིལ་འཁོར་གྱི་སྒོ་རྣམ་པར་ཕྱེ་སྟེ། པད་མ་འདབ་མ་བརྒྱད་ཚོན་གྱིས་གསལ་བར་བྲི་ཞིང་པད་མའི་དཀྱིལ་དུ་
གེ་སར་དང་ཟེ་བ་བྱའོ། །སྟེགས་བུ་གྲུ་བཞི་ལ་རིན་པོ་ཆེ་སྣ་ཚོགས་ཀྱིས་བརྒྱན་པ་དང་། སྟེགས་བུ་གྲྭ་བཞིར་རྒྱལ་པོ་ཆེན་པོ་བཞི་གོ་ཆ་བགོས་པ། གཏུམ་པ། འཇིགས་པར་བྱེད་པའི་གཟུགས་བྲི་བར་བྱའོ། །སྟེགས་བུའི་
དབུས་ཀྱི་གནས་པར་བར་དུ་ལྷ་དབང་ཕྱུག་དང་། དབང་ཕྱུག་ཆེན་པོ་དང་། གཤིན་རྗེ་དང་། ཆུ་ལྷ་དང་། གཞོན་ནུ་དང་། ལུས་ངན་པོ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། ལྷ་དབང་ཕྱུག་དང་། ཕྱག་ན་རྡོ་རྗེ་དང་། 

99-1-159b

རལ་པ་གཅིག་པ་དང་། སྒྲོལ་མ་དང་། དཀར་མོ་དང་། ཁྲོ་གཉེར་མ་དང་། རྡོ་རྗེ་ཕོ་ཉ་མོ་རྣམས་ཚོན་སྣ་ཚོགས་ཀྱིས་བྲི་ཞིང་རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་ཐོགས་པ་བྱའོ། །སྟེགས་བུའི་ཕྱི་རོལ་དུ་མདུང་རྩེ་
གསུམ་པའི་ཕྲེང་བ་དང་། རྡོ་རྗེའི་ཕྲེང་བ་དང་། པད་མའི་ཕྲེང་བ་ཀུན་དུ་བྱའོ། །ཕྲེང་བའི་བར་དབུས་དང་། གྲྭའི་བར་དུ་ལྷ་མོ་བརྒྱད་དང་འཇིགས་བྱེད་མ་དང་། དཔེ་མེད་མ་དང་། བ་སན་ཏི་དང་། དཔལ་སྒྲ་དབྱངས་དང་། སའི་ལྷ་མོ་དང་། 
དུང་ཅན་མ་དང་། པུས་པ་དན་ཏི་རྣམས་རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་དང་རིན་པོ་ཆེའི་སྣོད་ཐོགས་པར་བྱའོ། །ཕྱི་རོལ་ཐོག་ཐག་དུ་ཕྲེང་བའི་བར་བར་དུ་དྲི་སྣ་ཚོགས་ཀྱིས་དཀྱིལ་འཁོར་བསྐུ་ཞིང་
ཙན་དན་དཀར་པོ་དང་། གུར་ཀུམ་གྱིས་མཆོད་པ་སྣ་ཚོགས་བྱའོ། །ག་བུར་དང་། བླ་རྩིས་མཆོད་ཅིང་། དཀྱིལ་འཁོར་ཀུན་དུ་དར་སྣ་ཚོན་སྣ་ལྔའི་རྒྱལ་མཚན་དང་། མདའ་དང་། རྟ་བབས་ཀྱིས་བརྒྱན་པར་བྱའོ། །དངུལ་གྱི་
སྣོད་བཞི་ཅུང་པེང་གིས་བཀང་སྟེ་གཞག་པར་བྱའོ། །དངུལ་གྱི་སྣོད་བཞི་གཏོར་མ་དཀར་གསུམ་གྱིས་དགང་བར་བྱའོ། །དངུལ་གྱི་སྣོད་བཞིར་མཆོད་ཡོན་གྱི་ཆུ་གཞག་པར་བྱའོ། །སྣོད་བརྒྱད་དྲི་སྣ་ཚོགས་ཀྱི་གཏོར་མས་
དགང་བར་བྱའོ། །འབྲས་བུ་རྣམ་པ་སྣ་ཚོགས་གཞག་པར་བྱའོ། །ཁ་ཟས་བཟའ་བ་དང་། གཏོར་མ་རྣམ་པ་སྣ་ཚོགས་གཞག་པར་བྱའོ། །དྲི་སྣ་ཚོགས་དང་། བྱུག་པས་དངུལ་གྱི་སྣོད་བཀང་སྟེ་གཞག་པར་བྱའོ། །
འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅྭ་ལྔ་པ། དེ་ནས་གསང་སྔགས་ལ་འཇུག་པ་རྣམས་ཀྱི་དགོས་པ་ཐམས་ཅད་སོ་སོར་འགྲུབ་པར་འགྱུར་བ་ནི་ཨོཾ་ཞེས་བྱ་བ་དོན་ཡོད་པའི་ཞགས་
པ་པད་མ་གཙུག་གཏོར་གྱི་དཀྱིལ་འཁོར་ཐམས་ཅད་དུ་གསང་སྔགས་ཡི་གེ་གཅིག་པའོ། །འཇིག་རྟེན་མགོན་པོའི་སྤྱན་སྔར་འབུམ་དྲན་པར་བྱས་ན་ས་དང་པོ་ལ་གནས་པར་འགྱུར་རོ། །སྔོན་གྱི་སྡིག་པ་བསགས་པ་སེམས་ཅན་

99-1-160a

དམྱལ་བ་མི་བཟད་པ་གང་ཅི་ཡང་རུང་བ་དེ་དག་ཐམས་ཅད་ཇི་ལྟར་རླུང་གིས་ཕྱག་དར་གཏོར་བ་བཞིན་འཇིག་པར་འགྱུར། དངོས་གྲུབ་ཐམས་ཅད་ཐོབ་པར་འགྱུར་རོ། །དོན་ཐམས་ཅད་རྗེས་སུ་འཇུག་པར་འགྱུར། 
དེ་བཞིན་གཤེགས་པ་ཐམས་ཅད་དང་། གང་དཀྱིལ་འཁོར་གྱི་ལྷ་གཞན་དག་ཀྱང་དགྱེས་པར་འགྱུར་ལ་འཕགས་པ་སྤྱན་རས་གཟིགས་དབང་ཕྱུག་རྟག་ཏུ་མཆོག་སྦྱིན་པ་མཛད་དོ། །གསང་སྔགས་ཨོཾ་ཞེས་བྱ་བ་དྲན་ནས་
ཚེ་འཕོས་པ་ནི་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་རོ། །གསང་སྔགས་ཀྱི་ཡི་གེ་གཅིག་པའོ། །ཨོཾ་བྷུ་ཡི་གེ་གཉིས་པ་འབུམ་བཟླས་བརྗོད་བྱས་ན་ས་གཉིས་པ་འཐོབ་པར་འགྱུར། དེ་བཞིན་གཤེགས་
པ་སྣང་བ་མཐའ་ཡས་ཀྱི་སྤྱན་སྔར་འདུག་པར་འགྱུར་ཞིང་མཆོག་ཐམས་ཅད་རྗེས་སུ་སྦྱིན་པར་མཛད། སྡིག་པ་ཐམས་ཅད་ཀྱང་རྣམ་པར་དག་པར་མཛད། སྔོན་གྱི་ནད་ཀྱང་སོས་པར་འགྱུར། ནོར་གྱི་དབང་ཕྱུག་ནོར་
བུ་བཟང་པོའི་བུ་དབང་དུ་གྱུར་ཞིང་ཉེ་བར་གནས་པར་འགྱུར་རོ། །མི་གང་གིས་ཀྱང་ཕྱིར་ཞིང་བར་ཆད་བྱེད་ནུས་པར་མི་འགྱུར། ཚེ་འཕོས་ནས་རི་གྲུ་འཛིན་དུ་སྐྱེ་བར་འགྱུར། དོན་ཡོད་པའི་ཞགས་པའི་དངོས་གྲུབ་ཀྱང་ཐོབ་
པར་འགྱུར་རོ། །ཨོཾ་པད་མེ་གསང་སྔགས་ཀྱི་ཡི་གེ་གསུམ་པ་འབུམ་བཟླས་བརྗོད་བྱས་ན་ས་གསུམ་པ་ལ་ཡང་དག་པར་འཇུག་པར་འགྱུར། པད་མ་ཡངས་པའི་དཀྱིལ་འཁོར་གྱི་ཕྱག་རྒྱ་དང་། གསང་སྔགས་གང་ཡིན་
པ་ཐམས་ཅད་ལ་ཞུགས་པར་འགྱུར། འཕགས་པ་སྤྱན་རས་གཟིགས་དབང་ཕྱུག་གཞོན་ནུའི་ཆ་བྱད་ཅན་མདུན་ན་བཞུགས་པ་འགྱུར་ཞིང་འདོད་པ་ཐམས་ཅད་ཀྱི་མཆོག་རྗེས་སུ་སྦྱིན་པར་མཛད། དོན་ཡོད་པའི་ཞགས་པ་པད་
མ་གཙུག་གཏོར་གྱི་དཀྱིལ་འཁོར་སྟོན་པར་མཛད། དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་རྣམས་སྟོན་པར་མཛད། ཐམས་ཅད་དུ་དངོས་གྲུབ་རྗེས་སུ་སྦྱིན་པར་མཛད་དོ། །ཨོཾ་པད་མ་ཧྲཱི། གསང་སྔགས་

99-1-160b

ཡི་གེ་བཞི་པ་འབུམ་བཟླས་བརྗོད་བྱས་ན་ས་བཞི་པ་ལ་འཇུག་པར་འགྱུར། འཕགས་པ་དེ་བཞིན་གཤེགས་པ་མི་འཁྲུགས་པའི་སྐུ་མདོག་གསེར་གྱི་ཁ་དོག་ཅན་མདུན་ན་བཞུགས་ཤིང་དཔུང་པ་བརྐྱང་ནས་ཕྱག་སྤྱི་བོར་འཇོག་པར་
མཛད་ལ་རིག་སྔགས་འཆང་བ་ལ་ལེགས་སོ་ཞེས་བྱ་བ་རྗེས་སུ་སྦྱིན་པར་མཛད་དེ། རིག་སྔགས་འཆང་ཚུར་ཤོག་ཁྱོད་ཀྱི་སྡིག་པ་དང་སྒྲིབ་པ་ཐམས་ཅད་ཡོངས་སུ་དག་སྟེ། རང་གི་ངོ་བོ་ཐམས་ཅད་ཤིན་དུ་དྲི་མ་མེད་པར་ཡོངས་
སུ་དག་གོ། མིའི་འཇིག་རྟེན་འདི་ནས་ཚེ་འཕོས་ནས་ངའི་སངས་རྒྱས་ཀྱི་ཞིང་དུ་འོང་ཞིང་ཚེ་རབས་དྲན་པར་འགྱུར། ཕྱིར་ཞིང་ནམ་ཡང་མངལ་ན་གནས་པས་གོས་པར་མི་འགྱུར། འཇིག་རྟེན་པའི་དགོས་པ་ཐམས་ཅད་
འགྲུབ་པར་འགྱུར་རོ། །ཨོཾ་པད་མ་བྷུ་ཛེ། གསང་སྔགས་ཡི་གེ་ལྔ་པ་འབུམ་བཟླས་བརྗོད་བྱས་ན་ས་ལྔ་པ་ལ་གནས་པར་འགྱུར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མའི་བླ་མ་རབ་ཏུ་སྟོན་
པར་མཛད། སྒྲིབ་པ་ཐམས་ཅད་ཡོངས་སུ་ཟད་པར་འགྱུར། རིག་སྔགས་འཆང་ལ་ལེགས་སོ་ཞེས་བྱ་བའི་སྒྲ་འབྱིན་པར་འགྱུར་ཏེ། རིག་སྔགས་འཆང་ལེགས་སོ་ལེགས་སོ། །ཁྱོད་ལ་བསོད་ནམས་ཀྱི་ཕུང་པོ་ཆེན་པོ་སྐྱེས་ཏེ། རིག་
སྔགས་འཆང་ཁྱོད་དགེ་བའི་རྩ་བ་ཆེན་པོ་བསྐྱེད་པས་རིག་སྔགས་འཆང་ཁྱོད་ཚེ་བརྗེས་ན་དེ་བཞིན་གཤེགས་པ་བྱེ་བ་ཁྲག་ཁྲིག་དགུ་བཅུ་རྩ་གཉིས་ཀྱི་དྲུང་དུ་དགེ་བའི་རྩ་བ་མཚུངས་པར་བསྐྱེད་པར་འགྱུར་ཞིང་ངའྀ་སངས་རྒྱས་
ཀྱི་ཞིང་དུ་སྐྱེ་བར་འགྱུར། ཁྱོད་ཀྱིས་དོན་ཡོད་པའི་ཞགས་པ་པད་མ་གཙུག་ཏོར་གྱི་སྙིང་པོ་དང་། གསང་བའི་དཀྱིལ་འཁོར་དང་། ཕྱག་རྒྱ་ཆེན་པོ་རིམ་པར་ཕྱེ་བ་གྲུབ་ཅིང་རིག་སྔགས་འཆང་ཁྱོད་སྒྲིབ་པ་དང་སྡིག་པ་ཐམས་ཅད་
སྤངས་ཀྱིས་བྱ་བ་ཐམས་ཅད་གྱིས་ཤིག །ཡིད་ལ་བྱ་བའི་སྒྲུབ་པ་ཐམས་ཅད་ཇི་ལྟར་འདོད་པ་བཞིན་དེ་དག་ཐམས་ཅད་ཤིན་དུ་གྲུབ་པར་འགྱུར་རོ། །ཨོཾ་པད་མ་ཨ་བ་ལོ་ཀི་ཏེ། གཟུངས་སྔགས་ཡི་གེ་དྲུག་པ་འབུམ་བཟླས་བརྗོད་བྱས་ན་

99-1-161a

ས་དྲུག་པ་འཐོབ་སྟེ་འཇུག་པར་འགྱུར། དེ་བཞིན་གཤེགས་པ་ཐམས་ཅད་སྣང་བ་མཛད་པར་འགྱུར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་མོ་སྙེད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་
རྫོགས་པའི་སངས་རྒྱས་རྣམས་གཟིགས་ཤིང་མངོན་སུམ་དུ་སྟོན་པ་མཛད། དབུགས་འབྱིན་པར་མཛད་དོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མ་གཟིགས་པའི་རྒྱལ་
མཚན་རིག་སྔགས་འཆང་དེ་ལ་ཡང་དག་པར་དབུགས་འབྱིན་པར་མཛད་དོ། །རིག་སྔགས་འཆང་ངའི་སངས་རྒྱས་ཀྱི་ཞིང་ནས་བྱང་ཆུབ་སྙིང་པོའི་མཐར་ཐུག་གི་བར་དུ་ཚུར་ཤོག །ལས་བྱས་པ་ནི་ཤིན་དུ་ཡོངས་སུ་
ཟད་ཅིང་ཁྱོད་ཀྱིས་སེམས་ཅན་དམྱལ་བའི་སྒོ་རྣམས་བཅད། ཁྱོད་ཀྱིས་སངས་རྒྱས་ཀྱི་ཞིང་ཐམས་ཅད་ཀྱི་སྒོ་རྣམས་ནི་ཕྱེ། ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་ས་བོན་དང་། རིགས་ཀྱི་སྤྱི་ནི་ཁོང་དུ་ཆུད། ཁྱོད་ཀྱིས་
དོན་ཡོད་པའི་ཞགས་པ་པད་མ་གཙུག་གཏོར་གྱི་སྙིང་པོ་དང་། གསང་བའི་དཀྱིལ་འཁོར་ནི་གྲུབ། ཁྱོད་ཀྱིས་ཐམས་ཅད་དུ་གནས་ཀྱི་སྒོ་རྣམས་ནི་ཕྱེ་བས་འཇིག་རྟེན་དང་། འཇིག་རྟེན་ལས་འདས་པའི་ལས་སྒྲུབ་པ་རྣམས་ཇི་ལྟར་
ཡིད་ལ་བྱས་པ་བཞིན་ལས་ཐམས་ཅད་བྱོས་ཤིག །ཨོཾ་པད་མ་ཛྭ་ལ་ཧཱུྃ་དྷྲིག ། ཡི་གེ་བདུན་པ་འབུམ་བཟླས་བརྗོད་བྱས་མ་ཐག་ཏུ་ཏིང་ངེ་འཛིན་པད་མ་དྲི་མ་མེད་པ་སྒྲིབ་པ་དང་བྲལ་བ་དག་པ་ཞེས་བྱ་བ་ཐོབ་པར་འགྱུར་ལ། ཏིང་ངེ་
འཛིན་གང་ཐོབ་པས་ལུས་ཤིན་དུ་འབར་བར་འགྱུར་ཞིང་འོད་ཟེར་ཁ་དོག་སྣ་ཚོགས་སུ་འགྱུར། ས་བདུན་པ་ལ་གནས་པར་འགྱུར། ལུས་ཀྱི་སྣང་བ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སངས་རྒྱས་
ཀྱི་ཞིང་ཐམས་ཅད་ཀྱི་གནས་རྣམས་སྣང་བར་བྱེད་ཅིང་། གང་དང་གང་དུ་འོད་ཟེར་རིན་པོ་ཆེ་འབར་བ་སྣ་ཚོགས་དག་འབབ་པ་ལས་མེ་ཏོག་གི་ཆར་སྣ་ཚོགས་པ་རྣམས་འབྱུང་བར་འགྱུར་ལ། དེ་བཞིན་གཤེགས་པ་ཐམྶ་ཅད་

99-1-161b

ལ་མཆོད་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པའི་པད་མ་འོད་ཟེར་འབར་བ་གསེར་གྱི་མདོག་ཅན་དཔུང་པ་བརྐྱང་སྟེ། ཕྱག་གཡས་པས་རིག་སྔགས་འཆང་གི་སྤྱི་བོར་
འཇོག་ཅིང་ལེགས་སོ་ཞེས་བྱ་བ་ཡང་སྦྱིན་ལ་དབུགས་འབྱིན་པར་མཛད་དེ། རིག་སྔགས་འཆང་ལེགས་སོ་ལེགས་སོ། །འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སྙིང་པོ་གསང་བ་བཟླས་བརྗོད་ཀྱི་ཆོ་ག་མཆོད་པའི་མཆོག་ཡིན་
ནོ། །འདི་ནི་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་གསང་བ་གཅེས་པའི་དཀྱིལ་འཁོར་དོན་ཡོད་པའི་ཞགས་པ་པད་མ་གཙུག་ཏོར་གྱི་སྙིང་པོ་ཡང་དག་པའོ། །རིག་སྔགས་འཆང་ཁྱོད་ཀྱིས་དཀྱིལ་འཁོར་མཐའ་དག་
རྫོགས་པ་དང་། པད་མ་གཙུག་ཏོར་གྱི་སྙིང་པོ་ཆོ་ག་ཞིབ་མོ་དང་། དོན་ཡོད་པའི་ཞགས་པ་རྣམ་པར་སྤྲུལ་པ་གྲུབ་ཀྱིས་རིག་སྔགས་འཆང་ངའི་སངས་རྒྱས་ཀྱི་ཞིང་དུ་སོང་ལ་སངས་རྒྱས་ཀྱི་མཛད་པ་གྱིས་ཤིག ། ཨོཾ་ཨ་མོ་གྷ་མ་
ཎི་པད་མེ། གཟུངས་སྔགས་ཀྱི་སྙིང་པོ་ཡི་གེ་བརྒྱད་པ་འབུམ་བཟླས་བརྗོད་བྱས་ན་ལུས་ཤིན་དུ་ཡོངས་སུ་དག་ཅིང་དྲི་མ་མེད་པར་འགྱུར། བཟླས་བརྗོད་བྱས་པ་ཙམ་གྱིས་ནོར་བུ་རིན་པོ་ཆེ་ཆེན་པོ་ཤེལ་ལྟར་ཕྱི་ནང་ཤིན་དུ་ཡོངས་སུ་
དག་སྟེ། དེ་ལྟར་རིག་སྔགས་འཆང་གི་ལུས་ཡོངས་སུ་དག་པར་འགྱུར། ས་བརྒྱད་པ་ལ་གནས་པར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་རང་གི་ལུས་ཡོངས་སུ་དག་
པ་རང་གི་གཟུགས་ཀྱི་ངོ་བོ་སྟོན་ཅིང་། རིག་སྔགས་འཆང་གི་མདུན་ན་གནས་ལ་རིག་སྔགས་འཆང་ཡང་དག་པར་དབུགས་འབྱིན་པར་མཛད་དེ། ཕྱག་གཡས་པ་མགོའི་སྤྱི་བོར་འཇོག་པར་མཛད། ལེགས་སོ་ཞེས་བྱ་བ་ཡང་
སྦྱིན་པར་མཛད་དེ། རིག་སྔགས་འཆང་ལེགས་སོ་ལེགས་སོ། །རིག་སྔགས་འཆང་ཁྱོད་ལྷག་པའི་བསམ་པ་དམ་པ་དགའ་བ་ལ་ཞུགས་སོ། །རིག་སྔགས་འཆང་སངས་རྒྱས་ཀྱི་ཞིང་མཉམ་པར་འབྲེལ་བའི་འཇིག་རྟེན་

99-1-162a

རྣམ་པར་བལྟ་བར་ཚུར་ཤོག །དེར་ཁྱོད་ཀྱིས་སངས་སངས་རྒྱས་ཀྱི་མཛད་པ་བྱེད་པར་འགྱུར་རོ། །ཁྱོད་ཀྱིས་དོན་ཡོད་པའི་ཞགས་པ་པད་མ་གཙུག་ཏོར་གྱི་སྙིང་པོ་དཀྱིལ་འཁོར་གསང་བ་གྲུབ་ཀྱིས་འཇིག་རྟེན་དང་
འཇིག་རྟེན་ལས་འདས་པའི་སྒྲུབ་པ་དམ་པ་བྱ་བ་ཐམས་ཅད་གྱིས་ཤིག །ཨོཾ་པད་མ་ལོ་ཙ་ནི་ཧུ་རུ་ཧཱུྃ། གཟུངས་སྔགས་ཀྱི་སྙིང་པོ་ཡི་གེ་དགུ་པོ་འབུམ་བཟླས་བརྗོད་བྱས་ན་ས་དགུ་པ་ལ་གནས་པར་འགྱུར། འཕགས་པ་
སྤྱན་རས་གཟིགས་དབང་ཕྱུག་གི་སྲས་ཀྱི་གཙོ་བོར་འགྱུར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་དགུ་བཅུ་རྩ་དགུ་དག་རིག་སྔགས་འཆང་ལ་མངོན་སུམ་དུ་སྟོན་
ཅིང་། སངས་རྒྱས་ཀྱི་ཡུལ་རྣམ་པར་སྤྲུལ་པ་སྣ་ཚོགས་སྟོན་པར་མཛད། རིག་སྔགས་འཆང་གི་སྤྱི་བོར་ཐམས་ཅད་ཀྱི་ཕྱག་འཇོག་པར་མཛད། ལེགས་སོ་ཞེས་བྱ་བ་ཡང་སྦྱིན་པར་མཛད་དེ། རིག་སྔགས་འཆང་
ཆེན་པོ་ལེགས་སོ་ལེགས་སོ། །ཁྱོད་ཀྱིས་ང་ལ་ཞིང་སྦྱང་བའི་ལས་ལེགས་པར་བསྒྲུབ་པ་བྱས་སོ། །ཁྱོད་ཀྱིས་འཇིག་རྟེན་པ་དང་། འཇིག་རྟེན་ལས་འདས་པ་སངས་རྒྱས་ཉིད་དུ་སྒྲུབ་པ་སྟེ། དོན་ཡོད་པའི་ཞགས་པའི་
དཀྱིལ་འཁོར་ཆོ་ག་ཞིབ་མོ་སྒྲུབ་པ་དང་མདོ་སྡེ་ལུང་བཅས་པ་སྒྲུབ་པ་འཇིག་རྟེན་གྱི་འདྲེན་པས་བསྟན་པ་གང་ཡིན་པ་དེ་དག་ཐམས་ཅད་གྲུབ་པ་ཡིན་ནོ། །ཨོཾ་པད་མོ་ཥྟི་ཥ་བི་མ་ལེ་ཧཱུྃ་ཕཊ། གསང་སྔགས་ཀྱི་སྙིང་པོ་ཡི་གེ་
བཅུ་པ་འབུམ་བཟླས་བརྗོད་བྱས་ན་ཕྱིར་མི་ལྡོག་པ་ཉིད་དུ་གྱུར་ནས་ས་བཅུ་པ་ལ་གནས་པར་འགྱུར་ཞིང་། ལྷ་དང་མིའི་སྐྱེ་དགུ་དག་འདི་ནི་དེ་བཞིན་གཤེགས་པའོ་ཞེས་བརྗོད་ལ་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་ལས་ཕྱིར་མི་ལྡོག་པར་འགྱུར། དོན་ཡོད་པའི་པད་མ་གཙུག་ཏོར་གྱི་འཁོར་ལོས་སྒྱུར་བར་འགྱུར་ཏེ་ཐེ་ཚོམ་མི་བྱའོ། །གསང་སྔགས་བཅུ་པའི་སྒྲུབ་པ་དེ་ཁོ་ན་ཉིད་ཀྱི་དངོས་གྲུབ་བླ་ན་མེད་པ་འདི་ནི་དོན་ཡོད་པའི་

99-1-162b

ཞགས་པའི་སྙིང་པོ་རྣམ་པར་སྤྲུལ་པ་བཟླས་བརྗོད་ཙམ་གྱིས་འགྲུབ་པ་ཡིན་ཏེ། བདག་གིས་སྔར་བསྟན་པ་ཐམས་ཅད་ལ་ལྷག་པར་ཞེན་པ། གཙང་མ། གཙང་སྦྲ་སྤྱོད་པ། གོས་གཙང་མ་བགོས་པ། བྱམས་པའི་སེམས་དང་སྙིང་
རྗེ་སྐྱེས་པ། བདེན་པ་སྨྲ་བ། བླ་མ་ལ་གུས་པ། དཀོན་མཆོག་གསུམ་ལ་དད་པ་ཆེ་བ། བླ་མ་དང་སློབ་དཔོན་ལ་རྟག་ཏུ་མཆོད་པ་བྱེད་པ་འདི་ནི་བཟླས་བརྗོད་ཀྱི་ཆོ་ག་ཡིན་ཏེ། སངས་རྒྱས་ཀྱི་བྱང་ཆུབ་བླ་ན་མེད་པར་བསྟན་ཏོ། །
དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་རབ་ཏུ་འཛུམ་ལ་ལག་ན་རྡོ་རྗེ་སྐོར་བཞིན་དུ་མགོ་བཏུད་ནས་སྨྲས་
པ། སེམས་དཔའ་ཆེན་པོ་གཟུངས་ཀྱི་གསང་སྔགས་ཀྱི་གཞི་དོན་ཡོད་པའི་ཞགས་པ་པད་མ་གཙུག་ཏོར་གྱི་དཀྱིལ་འཁོར་གྱི་སྙིང་པོ་གསང་བ་ཆེན་པོ་རྒྱལ་པོ་འདི་ནི་ཤིན་དུ་རྙེད་པར་དཀའ་སྟེ། གཟུངས་སྔགས་ཀྱི་སྙིང་
པོ་རེ་རེ་པོ་འདི་དག་ནི་བཟླས་བརྗོད་ཙམ་གྱིས་སངས་རྒྱས་ཀྱི་མཛད་པ་བྱེད་པར་འགྱུར་ན། སྤྱན་རས་གཟིགས་དབང་ཕྱུག་གང་ཆེས་ངལ་ཞིང་དུབ་པར་བཟླས་བརྗོད་བསྒྲུབ་པ་དང་། ཆོ་ག་རྒྱས་པར་བསྒྲུབ་པ་ལྟ་སྨོས་ཀྱང་
ཅི་དགོས། ཉིན་ཞག་གཅིག་བསྙེན་གནས་ལ་གནས་ཤིང་ཟས་བསླངས་པ་དང་། འབྲས་བུ་དང་། ལྡུམ་བུ་དང་། རྩ་བ་བཟའ་བ་ཟོས་ནས་རིག་སྔགས་འདི་བསྒྲུབས་ན་སྤྱན་རས་གཟིགས་དབང་ཕྱུག་དེའི་དངོས་གྲུབ་ཇི་ལྟ་བུ་
ཞིག་འབྱུང་བར་འགྱུར། སྤྱན་རས་གཟིགས་དབང་ཕྱུག་གིས་སྨྲས་པ། ལག་ན་རྡོ་རྗེ་ཉིན་ཞག་གཅིག་སྨྱུང་བ་ལ་གནས་ཤིང་ཉིན་ཞག་གཅིག་ཙམ་བཟླས་བརྗོད་བྱས་པ་ཙམ་གྱིས་འབྲས་བུ་འགྲུབ་པར་འགྱུར་བ་ནི་ལག་ན་
རྡོ་རྗེ་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། གཞན་ཡང་དགེ་སྦྱོང་མགོ་བྲེགས་པ། རིགས་ཀྱི་གཙོ་བོ་བྲམ་ཟེ་འམ། རྒྱལ་རིགས་སམ། སྐྱེས་པ་འམ། 

99-1-163a

བུད་མེད་དམ། ཁྱེའུ་འམ། བུ་མོ་འམ། རྗེའུ་རིགས་སམ། དམངས་རིགས་གང་ལ་ལ་སྐད་ཅིག་ཐང་ཅིག་ཡུད་ཙམ་འམ། དུས་ཚིགས་གཅིག་གམ། དུས་ཚིགས་གཉིས་སམ། དུས་ཚིགས་གསུམ་ཡོངས་སུ་རྫོགས་པར་གཞན་
མི་སྨྲ་བར་དོན་ཡོད་པའི་ཞགས་པ་པད་མ་གཙུག་ཏོར་གྱི་སྙིང་པོ་ཁྲོ་བོའི་རིགས་ཀྱི་གསང་སྔགས་རིམ་པར་ཕྱེ་བ་གཟུངས་སྔགས་ཆེན་པོ་འདི་ལན་ཅིག་དྲན་ནམ། ཀློག་གམ་མིང་གཟུང་བ་ཡང་དྲན་ནམ། ལག་ན་རྡོ་རྗེ་དུས་ཚིགས་
གཅིག་ཏུ་དྲན་པ་ཙམ་གྱིས་ཀྱང་དེའི་མཚམས་མེད་པ་བྱེད་པ་མནར་མེད་པར་གཞོལ་བ། བསྐལ་པར་གནས་པ་ཡང་དེ་ཡིས་ཐམས་ཅད་རྣམ་པར་དག་པར་འགྱུར་ལ། སྡིག་པ་དང་སྒྲིབ་པ་བསགས་པ་རྣམས་ཟད་པར་འགྱུར། 
ལུས་ཡོངས་སུ་དག་ཅིང་དྲི་མ་མེད་པར་འགྱུར། སྒྲིབ་པ་དང་སྡིག་པ་དང་བྲལ་བར་འགྱུར། ཚེ་བརྗེ་བ་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་པད་མ་དག་ལས་རྫུས་ཏེ་སྐྱེ་བར་འགྱུར། ཚེ་རབས་སུ་ཚེ་རབས་དྲན་པར་འགྱུར། 
ནམས་ཀྱང་ངན་འགྲོར་འགྲོ་བར་མི་འགྱུར། བསྐལ་པ་བྱེ་བ་འབུམ་ཕྲག་བརྒྱད་བཅུར་འཁོར་ལོས་སྒྱུར་བ་མཆོག་ཏུ་འགྱུར། བསྐལ་པ་བྱེ་བ་འབུམ་ཕྲག་བརྒྱད་ཅུར་འཇིག་རྟེན་གྱི་ཁམས་བདེ་བ་ཅན་དུ་བདེ་བ་མྱོང་བར་འགྱུར་བསྐལ་པ་
འབུམ་ཕྲག་དྲུག་བཅུ་རྩ་གཉིས་སུ་འཇིག་རྟེན་གྱི་ཁམས་མངོན་པར་དགའ་བར་བདེ་བ་མྱོང་བར་འགྱུར། བསྐལ་པ་འབུམ་ཕྲག་བདུན་བཅུ་རྩ་གཉིས་སུ་འཇིག་རྟེན་གྱི་ཁམས་འཇིག་རྟེན་རྣམ་པར་གཟིགས་པར་སྐྱེ་བར་འགྱུར། 
ཚེ་རབས་སུ་ཚེ་རབས་དྲན་པར་འགྱུར། བསྐལ་པ་འབུམ་ཕྲག་དྲུག་བཅུ་རྩ་གཉིས་སུ་ནོར་བུ་འཆང་བའི་འཁོར་ལོས་སྒྱུར་བར་འགྱུར། བསྐལ་པ་ཁྲི་ཕྲག་བརྒྱད་ཅུར་འཕགས་པ་སྤྱན་རས་གཟིགས་དབང་ཕྱུག་གི་གནས་
རི་གྲུ་འཛིན་དུ་བདེ་བ་མྱོང་བར་འགྱུར། བསྐལ་པ་སྟོང་ཕྲག་དགུ་བཅུ་རྩ་དགུར་འོག་མིན་གྱི་ལྷ་རྣམས་ཀྱི་ནང་དུ་སྐྱེ་བར་འགྱུར། བསྐལ་པ་འབུམ་ཕྲག་བརྒྱད་ཅུར་དགའ་ལྡན་གྱི་ལྷ་རྣམས་ཀྱི་ནང་དུ་སྐྱེ་བར་འགྱུར། 

99-1-163b

བསྐལ་པ་འབུམ་ཕྲག་སུམ་བཅུ་རྩ་གསུམ་གྱི་ནང་དུ་བརྒྱ་བྱིན་ཉིད་བྱེད་པར་འགྱུར། བསྐལ་པ་འབུམ་ཕྲག་ལྔ་བཅུ་རྩ་གཉིས་སུ་ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་འཇུག་པར་འགྱུར། བསྐལ་པ་སྟོང་ཕྲག་ཉི་ཤུར་འཁོར་ལོས་
སྒྱུར་བའི་རྒྱལ་སྲིད་ལ་སྤྱོད་པར་འགྱུར་ཏེ་ནམས་ཀྱང་མའི་མངལ་དུ་སྐྱེ་བར་མི་འགྱུར་ཞིང་གང་དང་གང་དུ་སྐྱེ་བར་འགྱུར་བ་ཐམས་ཅད་དུ་རྫུས་ཏེ་སྐྱེ་བར་འགྱུར། ཐམས་ཅད་དུ་ཚེ་རབས་དྲན་པར་འགྱུར་ཏེ། ལག་ན་རྡོ་རྗེ་དེ་ལྟར་རིག་
སྔགས་ལན་ཅིག་དྲན་པ་ཙམ་གྱིས་དགེ་བའི་རྩ་བ་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །ལག་ན་རྡོ་རྗེ་གལ་ཏེ་གང་ཞིག་ཞག་གཅིག་གམ། ལན་ཅིག་སྨྱུང་བ་ལ་གནས་ཏེ་བཟླས་བརྗོད་དང་བཅས་པ་བྱེད་ན་ལག་
ན་རྡོ་རྗེ་དེ་ནི་ཚེ་འདི་ཉིད་ལ་མི་བདག་ཉིད་ཀྱི་ངོ་བོ་ཉིད་སྒྲིབ་པ་དང་བྲལ་ནས་དོན་ཡོད་པ་ཆེན་པོ་དྲི་མ་མེད་པ་ཞེས་བྱ་བའི་ཏིང་ངེ་འཛིན་འཐོབ་བོ། །དོན་ཡོད་པ་བཀོད་པའི་ཏིང་ངེ་འཛིན་འཐོབ་བོ། །པད་མ་གསལ་བ་རྣམ་པར་
འཕྲུལ་པའི་ཏིང་ངེ་འཛིན་འཐོབ་བོ། །དོན་ཡོད་པའི་དྲི་མ་མེད་པར་སྣང་བ་ཞེས་བྱ་བའི་ཏིང་ངེ་འཛིན་འཐོབ་བོ། །དོན་ཡོད་པ་རྣམ་པར་གཟིགས་པའི་རྒྱལ་མཚན་ཞེས་བྱ་བའི་ཏིང་ངེ་འཛིན་འཐོབ་བོ། །པད་མ་གཙུག་ཏོར་མཐར་ཕྱིན་
པའི་རྒྱལ་མཚན་ཞེས་བྱ་བའི་ཏིང་ངེ་འཛིན་འཐོབ་བོ། །དོན་ཡོད་པ་འབར་བའི་གཙུག་ཏོར་གྱི་སྙིང་པོ་གསང་བ་གྲུབ་པ་འཐོབ་བོ། །དེ་བཞིན་གཤེགས་པ་བྱེ་བ་ཁྲག་ཁྲིག་དགུ་བཅུ་རྩ་གཉིས་དང་། དེ་བཞིན་གཤེགས་པ་
གང་གཱའི་ཀླུང་གི་བྱེ་མ་སྙེད་ལ་དགེ་བའི་རྩ་བ་བསྐྱེད་པར་འགྱུར། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར། ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་པད་མ་དག་ལས་རྫུས་ཏེ་སྐྱེ་བར་འགྱུར་ཏེ་
འདི་ནི་དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོ་དང་། དོན་ཡོད་པ་པད་མ་གཙུག་ཏོར་གྱི་ཆོ་ག་མཐའ་དག་རྫོགས་པ་དང་། ཕྱག་རྒྱ་དང་བཅས་པ་ཆོ་ག་ཞིབ་མོ་མཐའ་དག་རྫོགས་པར་ཁ་ཏོན་དུ་ལོབས་པར་

99-1-164a

འགྱུར་ཞིང་། དོན་ཡོད་པའི་རིག་སྔགས་འཆང་འཁོར་ལོས་སྒྱུར་བར་འགྱུར་རོ། །དོན་ཡོད་པའི་ཞགས་པའི་སྙིང་པོ་པད་མ་གཙུག་ཏོར་གྱི་དཀྱིལ་འཁོར་གྱི་སྙིང་པོ་གསང་སྔགས་གྲུབ་པའི་ཆོ་ག་སྟེ། བསྒྲུབ་པའི་
ཆོ་ག་གཉིས་པའོ།། །། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བཅོམ་ལྡན་འདས་
དོན་ཡོད་པ་པད་མ་གཙུག་ཏོར་གྱི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་བྱ་བའི་ཆོ་ག་དང་སྒྲུབ་པའི་ཆོ་ག་དང་བཅས་པ་བཤད་པར་གསོལ། བཅོམ་ལྡན་འདས་རིག་སྔགས་འཆང་ཀུན་གྱིས་འགྲུབ་པ། བསམ་
པ་ཡོངས་སུ་རྫོགས་པ། དངོས་གྲུབ་སྒྲུབ་པའི་ཆོ་ག་དེ་ཁོ་ན་བཤད་དུ་གསོལ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་
རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་བྱ་བའི་ཆོ་ག་དང་། སྒྲུབ་པའི་ཆོ་ག་བཤད་པར་བྱ་ཡིས་ཉོན་ཅིག །ལག་ན་རྡོ་རྗེ་གསང་སྔགས་རྩ་བ་དོན་ཡོད་པའི་ཞགས་པ་པད་མ་གཙུག་ཏོར་གྱི་སྙིང་པོ་གསང་བ་འདིའི་རིག་སྔགས་
འཆང་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་ལན་ཅིག་ཙམ་དྲན་པ་ཡིད་ལ་བྱེད་པ་ཡོངས་སུ་དག་པའི་བདག་ཉིད་སྙིང་རྗེ་ཆེན་པོ་དང་། བྱམས་པ་དང་ལྡན་
པའི་ལྷག་པའི་བསམ་པས་སེམས་ཅན་ལ་དམིགས་པའི་སེམས་ཅན་གང་ཡང་རུང་ངན་སོང་གསུམ་དུ་སྐྱེ་བར་མི་འགྱུར་ཏེ། སེམས་ཅན་དམྱལ་བ་འམ། དུད་འགྲོའི་སྐྱེ་གནས་སམ། ཡི་དགས་ཀྱི་ཡུལ་རྣམས་ཀྱི་
གནས་དེ་དག་མེད་དེ། དེ་ལྟར་སེམས་ཅན་ཐམས་ཅད་སྒྲུབ་པ་དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །ལན་གཉིས་བརྗོད་པ་ཙམ་གྱིས་ནད་ཐམས་ཅད་རབ་ཏུ་ཞི་བར་འགྱུར་རོ། །ལན་གསུམ་བརྗོད་པ་ཙམ་

99-1-164b

གྱིས་དུག་དང་། འབྲུམ་བུ་དང་། འབྲས་དང་། ལྷོག་པ་དང་། རྐང་ཤུ་དང་། མཛེ་དང་། གཡན་པ་ལ་སོགས་པ་ཐམས་ཅད་འཇིག་པར་འགྱུར་རོ། །ལན་བཞི་བརྗོད་པ་ཙམ་གྱིས་དབྱིག་དུག་དང་། བྱད་ཐམས་ཅད་སེལ་བར་འགྱུར་རོ། །ལན་ལྔ་བརྗོད་
པ་ཙམ་གྱིས་འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །ལན་དྲུག་བརྗོད་པ་ཙམ་གྱིས་འཇིགས་པ་དང་། གདོན་དང་། རིམས་ཐམས་ཅད་འཇིག་པར་འགྱུར་རོ། །ལན་བདུན་བརྗོད་པ་ཙམ་གྱིས་
དུས་མ་ཡིན་པར་འཆི་བས་འཇིགས་པ་ཐམས་ཅད་དང་། སེམས་ཅན་ཐམས་ཅད་ཀྱི་ནད་དང་། ཡམས་ཀྱི་ནད་ཐམས་ཅད་རབ་ཏུ་ཞི་བར་འགྱུར་རོ། །ལག་ན་རྡོ་རྗེ་དེ་ལྟ་བས་ན་སེམས་ཅན་ཐམས་ཅད་ཀྱི་དོན་དུ་ཉིན་རེ་ཞིང་གཞན་མི་སྨྲ་
བར་ལན་བདུན་དྲན་པར་བྱའོ། །སེམས་ཅན་གང་ལ་ལ་སེམས་ཅན་དམྱལ་བར་གཞོལ་བ་ཤི་བ་དང་། དགེ་སློང་གང་ལ་ལ་བསླབ་པའི་སྡོམ་པ་དང་། ཚུལ་ཁྲིམས་ཀྱི་སྡོམ་པ་རལ་བ་དང་། མཁན་པོ་དང་། སློབ་དཔོན་ལ་གུས་པར་མ་
བྱས་པ་ཤི་བ་དེའི་དོན་དུ་བྱེ་མ་གཙང་མ་བླངས་ལ་ལན་བདུན་བཟླས་བརྗོད་བྱས་ན། དུར་ཁྲོད་དམ། རོ་བསྲེགས་པ་འམ། འཆད་པ་དེར་བྱེ་མ་གཏོར་བར་བྱའོ། །གང་དང་གང་ན་སེམས་ཅན་གང་དག་གི་རུས་པ་ཡོད་སར་བྱེ་མ་གཏོར་
མ་ཐག་ཏུ་དེ་དང་དེར་བྱེ་མ་བབ་པའི་སེམས་ཅན་དམྱལ་བ་འམ། ཡི་དགས་སམ། ཤ་ཟར་སྐྱེས་པ་འམ། གནོད་སྦྱིན་ནམ། སྲིན་པོའི་སྐྱེ་གནས་སུ་སྐྱེས་ན་དེ་དེའི་མོད་ལ་ཚེ་བརྗེས་ནས་ཐམས་ཅད་མཐོ་རིས་སུ་གཞོལ་བར་འགྱུར་
ཞིང་ནམས་ཀྱང་སེམས་ཅན་དམྱལ་བར་གཞོལ་བར་མི་འགྱུར་རོ། །ཡང་ན་གྲོ་ག་ལ་བྲིས་ནས་མཆོད་རྟེན་གྱི་ནང་དུ་བཅུག་པའི་གནས་དེར་རྐང་པ་གཉིས་པ་འམ། རྐང་པ་བཞི་པ་གང་དག་ཉེ་བར་འོངས་པ་དེ་དག་ཐམས་ཅད་གྲིབ་མ་
ཕོག་པ་ཙམ་གྱིས་སྡིག་པ་དང་སྒྲིབ་པ་ཐམས་ཅད་རྣམ་པར་དག་ཅིང་ཐམས་ཅད་མཐོ་རིས་སུ་གཞོལ་བར་འགྱུར་རོ། །ཐ་ན་རི་དགས་དང་། བྱ་དང་། ཐ་ན་ལྡང་སྐོ་སྐ་དང་། ནེའུ་ལེ་དང་། སྡིགས་པ་དང་། སྦྲུལ་དང་། ཁྱི་དང་། རུ་སྦལ་དང་། 

99-1-165a

ལག་འགྲོ་དང་། དཀྱིལ་འཁོར་དེ་ལ་གྲིབ་མ་བབ་པ་ཙམ་གྱིས་ཐམས་ཅད་ཀྱི་ལས་ཀྱི་སྒྲིབ་པ་རྣམས་རྣམ་པར་དག་པར་འགྱུར་ཞིང་དེ་དག་ཐམས་ཅད་མཐོ་རིས་ཀྱི་འཇིག་རྟེན་དུ་གཞོལ་བར་འགྱུར་རོ། །དུང་ལ་ལན་
བདུན་བཟླས་བརྗོད་བྱས་ནས་གནས་མཐོན་པོར་བུས་ན་སེམས་ཅན་གང་དག་དུང་དེའི་སྒྲ་ཐོས་པ་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། རི་དགས་དང་། བྱ་དང་། དུད་འགྲོའི་སྐྱེ་གནས་སུ་གཏོགས་པ་དེ་དག་ཐམས་ཅད་
མཐོ་རིས་ཀྱི་འཇིག་རྟེན་དུ་གཞོལ་བར་འགྱུར་རོ། །གང་དག་ཚུལ་ཁྲིམས་ཡོངས་སུ་དག་པ་དང་། སེམས་ཅན་གང་དག་སྦྱིན་པ་ལ་དགའ་བ་དང་། གང་དག་བསྙེན་གནས་ལ་ཉེ་བར་གནས་པ་དང་། གང་དག་སྐྱབས་གསུམ་
གཟུང་བ་དང་། གང་དག་བྱང་ཆུབ་སེམས་དཔའི་སྡོམ་པས་བསྡམས་པ་དེ་དག་ཀྱང་དུང་གི་སྒྲ་ཐོས་ནས་སེམས་ཅན་དེ་དག་ཐམས་ཅད་ཕྱིར་མི་ལྡོག་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་
པར་འགྱུར་ལ། ཚེ་རྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། ཚེ་རབས་སུ་ཚེ་རབས་དྲན་པར་འགྱུར་རོ། །ཙན་དན་ལ་ལན་བདུན་བཟླས་བརྗོད་བྱས་ནས་དགེ་འདུན་གྱི་ཀུན་དགའ་ར་བ་འམ། མཆོད་རྟེན་གྱི་འཁོར་
ས་འམ། དགེ་འདུན་གྱི་ནང་ངམ། སྐྱེ་བོ་མང་པོའི་ནང་ངམ། རྒྱལ་པོའི་ཕོ་བྲང་དུ་བདུགས་ན་གང་དག་དེར་དྲི་མནམས་པའི་སེམས་ཅན་དེ་དག་ཐམས་ཅད་སངས་རྒྱས་ཀྱི་སྐུ་ཡོངས་སུ་རྫོགས་པར་འགྱུར་རོ། །ཆོས་གོས་
ལ་བདུགས་ནས་གང་གི་ལུས་ལ་གྱོན་པ་དེའི་སྡིག་པ་དང་། སྒྲིབ་པ་ཐམས་ཅད་རྣམ་པར་འཇིག་པར་འགྱུར་རོ། །ལུས་ལ་བབ་པ་ཙམ་གྱིས་དྲི་མ་དང་། སེར་སྣ་དང་། སྐྱོན་ཐམས་ཅད་སྤངས་པར་འགྱུར་རོ། །གོས་
བཅངས་པ་ཙམ་གྱིས་འཇིག་རྟེན་ཐམས་ཅད་དབང་དུ་འགྱུར་རོ། །བདག་ཉིད་ཀྱིས་གོས་དེ་བདུགས་ནས་རྒྱལ་པོའི་ཕོ་བྲང་དུ་ཞུགས་ན་རྒྱལ་པོ་བཙུན་མོ་དང་། འཁོར་དང་བཅས་པ་དབང་དུ་འགྱུར། མཆོད་གནས་ཆེན་པོར་

99-1-165b

འགྱུར། འཇིག་རྟེན་ཐམས་ཅད་ཀྱི་བླ་མར་ཡང་འགྱུར་རོ། །འཕགས་པའི་དགེ་འདུན་གྱི་ནང་དུ་ཞུགས་ན་དགེ་སློང་ཐམས་ཅད་ཀྱི་མཆོད་གནས་ཆེན་པོར་འོས་པར་འགྱུར་རོ། །སྐྱེ་བོ་མང་པོའི་ནང་དུ་ཞུགས་ན་ནོར་ཆེན་པོ་འཕེལ་བར་
འགྱུར་ཞིང་མཆོད་པ་ཆེན་པོའི་འོས་སུ་འགྱུར་རོ། །རིའི་རྩེ་མོ་ཉི་མ་འཆར་བའི་ཁར་བདུགས་ནས་གསང་སྔགས་རྩ་བ་ལན་བདུན་བཟླས་བརྗོད་བྱས་ན་མོད་ལ་ཉི་མ་འབབ་པར་འགྱུར་ཞིང་འདོད་པ་མཆོག་ཀུན་རྗེས་སུ་སྦྱིན་པར་བྱེད་དོ། །
གུ་གུལ་དང་བསྲེས་ནས་ལྷ་ཆེན་པོའི་མདུན་དུ་བདུག་པར་བྱ་ཞིང་གསང་སྔགས་རྩ་བ་ལན་བདུན་བྱབ་པ་བྱས་ན་མོད་ཉིད་ལ་ལྷ་ཆེན་པོ་འབབ་པར་འགྱུར་ཞིང་རིག་སྔགས་འཆང་གི་མདུན་དུ་འདུག་ནས་བསམ་པ་ཐམས་ཅད་
ཡོངས་སུ་སྐོང་བྱེད་དོ། །བོ་ལ་དང་། ཙན་དན་དང་། གུ་གུལ་བསྲེས་ནས་སྲེད་མེད་ཀྱི་བུའི་མདུན་དུ་བདུག་པར་བྱ་ཞིང་གསང་སྔགས་རྩ་བ་ལན་ཉི་ཤུ་གཅིག་ལུས་ཀྱི་ཡན་ལག་ལ་བྱབ་པ་བྱས་ན་སྲེད་མེད་ཀྱི་བུ་རང་
གི་གཟུགས་ཀྱིས་མདུན་ན་འདུག་ཅིང་འདོད་པ་མཆོག་ཀུན་རྗེས་སུ་སྦྱིན་པར་བྱེད་ལ། དངོས་པོ་སྣ་ཚོགས་ཀྱང་སྦྱིན་པར་བྱེད་དོ། །ཡུངས་ཀར་དང་བསྲེས་ནས་ཚངས་པ་ལ་བདུག་ཅིང་གསང་སྔགས་རྩ་བ་ལན་བཅུ་བཞི་
བྱབ་པ་བྱས་ན། ཚངས་པ་རང་གྀ་གཟུགས་ཀྱིས་མདུན་ན་འདུག་ལ་མཆོག་ཐབས་སྦྱིན་པར་བྱེད་དོ། །པད་མའི་ཕྱེ་མ་དང་བསྲེས་ནས་ནག་པོ་ཆེན་པོ་དང་། མ་མོའི་ཚོགས་ལ་བདུགས་ན་ནག་པོ་ཆེན་པོ་དང་། མ་མོའི་
ཚོགས་འཁོར་དང་བཅས་པ་རང་གི་གཟུགས་ཀྱིས་མདུན་ན་འདུག་ཅིང་མཆོག་དང་། བྱ་བ་སྒྲུབ་པ་ཐམས་ཅད་སྦྱིན་པར་བྱེད་དོ། །ན་ག་པུཥྤ་དང་། སྦྲུལ་གྱི་ཤུན་པ་དང་། བསྲེས་པའི་བདུག་པ་ཀླུའི་མཚོར་བདུག་ཅིང་
གསང་སྔགས་རྩ་བ་ལན་བདུན་ཡུངས་ཀར་ལ་བཟླས་བརྗོད་བྱས་ནས་ཀླུའི་མཚོར་གཏོར་ལ། དོན་ཡོད་པའི་ཞགས་པའི་སྙིང་པོའི་མདོ་ལན་ཅིག་བརྗོད་ཅིང་དྲན་པར་བྱས་ན་ཀླུ་དང་། ཀླུ་མོ་དང་། ཀླུའི་བུ་ཕོ་དང་། 

99-1-166a

ཀླུའི་བུ་མོ་ཐམས་ཅད་གནས་ཀུན་ནས་བྱུང་ནས་རིག་སྔགས་འཆང་གི་རྐང་པ་གཉིས་ལ་འདུད་ཅིང་གང་བསྒོ་བ་དེ་དག་ཐམས་ཅད་བྱེད་ལ་འདོད་པ་ཐམས་ཅད་སྦྱིན་ཞིང་དབང་དུ་འགྱུར་རོ། །ལན་གསུམ་སྦྱར་
ན་ཀླུའི་རྒྱལ་པོ་རྒྱ་མཚོ་ཡང་འོང་ངོ་། །ཀླུའི་རྒྱལ་པོ་དགའ་བོ་དང་། ཉེ་དགའ་བོ་ཡང་འོང་ཞིང་ཐམས་ཅད་བསྒོ་བ་བཞིན་བྱེད་ལ་དབང་དུ་གྱུར་ནས་འདུག་གོ། གནོད་སྦྱིན་དང་། སྲིན་པོ་དགུག་པར་འདོད་པས་དུར་ཁྲོད་ཀྱི་
ནང་དུ་མི་རོ་བསྲེགས་པའི་སོལ་བས་བདུགས་ལ། གསང་སྔགས་རྩ་བ་གསང་མཐོན་པོས་ལན་བདུན་བརྗོད་ཅིང་དྲན་ན་གནོད་སྦྱིན་དང་སྲིན་པོ་དག་རྒྱུག་ཅིང་འོང་ལ། རིག་སྔགས་འཆང་གི་རྐང་པ་གཉིས་ལ་བཏུད་ནས་
རྗེ་བཙན་བཀའ་སྩོལ་ཅིག་ཅེས་ཟེར་བ་དང་། དེའི་ཚེ་རིག་སྔགས་འཆང་གིས་དེ་བསྒོ་བ་ཇི་ལྟ་བ་བཞིན་དུ་བྱས་ན་བསྒོ་བ་ཐམས་ཅད་བྱེད་ལ་མངག་པའི་ལས་བྱེད་པར་འགྱུར་ཞིང་ཇི་སྲིད་འཚོའི་བར་དུ་འདུག་གོ། ཐོད་
པ་སྦྱར་བ་ལ་ལན་བདུན་བཟླས་བརྗོད་བྱས་ནས་ཐོད་པ་བཀང་བའི་བདུག་པས་བདུགས་ན་འབྱུང་པོ་ཐམས་ཅད་ཀུན་ནས་འོང་ཞིང་ཐམས་ཅད་དབང་དུ་འགྱུར་ལ། ལས་བྱེད་པར་འགྱུར་རོ། །གནོད་སྦྱིན་མོ་དབབ་པར་འདོད་པས་
བཙག་གིས་གནོད་བྱིན་མོ་བྲིས་ལ། བ་ལང་གི་ལྕི་བའི་དཀྱིལ་འཁོར་བྱས་པར་ཕྱེས་པད་མའི་རི་མོ་བྲི་ཞིང་ཕྱེའི་གཏོར་མ་པད་མ་ལྟ་བུར་བྱས་པ་གཞག་ལ་བདུག་པ་འདིས་བདུག་ཅིང་། གསང་སྔགས་བརྒྱ་རྩ་བརྒྱད་བཟླས་བརྗོད་བྱ། ཡུངས་
ཀར་ལ་ལན་བདུན་བཟླས་བརྗོད་བྱས་ན་གནོད་སྦྱིན་མོ་ལ་བརྡེག་པ་བྱས་ན་གནོད་སྦྱིན་མོ་རང་གི་གཟུགས་ཀྱིས་མདུན་དུ་འདུག་ཅིང་། ལྷའི་འཇིག་རྟེན་གྱི་བར་དུ་འགྲོ་ལ་སླར་ཡང་འོང་སྟེ། དོན་གསང་བ་ཐམས་ཅད་བསྒོ་བ་ཙམ་གྱིས་
བྱེད་པར་འགྱུར་རོ། །ཡང་ན་མ་འམ་ཆུང་མ་འམ། སྲིང་མོ་ཡིན་ནོ་ཞེས་སྨྲ་བར་བྱ་སྟེ། གལ་ཏེ་མར་བྱས་ན་བུ་ལ་སྡུག་པ་ལོངས་སྤྱོད་དང་། གཞལ་མེད་ཁང་ཐམས་ཅད་ཀྱི་ནང་དུ་འཇུག་ལ་རྒྱལ་པོའི་བུ་བཞིན་ཡོངས་སུ་སྐྱོང་བར་བྱེད་དོ། །

99-1-166b

གལ་ཏེ་སྲིང་མོར་བྱས་ན་རྣམ་ཐོས་ལ་འགྲན་པར་འགྱུར་རོ། །གལ་ཏེ་ཆུང་མར་བྱས་ན་སུམ་བཅུ་རྩ་གསུམ་གྱི་བདག་པོ་ལྟར་དགའ་བའི་ལོངས་སྤྱོད་དག་ལ་རྩེར་འཇུག་པར་བྱེད་དོ། །ལྷ་མོ་དཔལ་ལ་བདུགས་ལ། གསང་སྔགྶ་
རྩ་བ་ལན་བདུན་བཟླས་བརྗོད་བྱ་ཞིང་ལྷ་མོ་དཔལ་གྱི་མགོ་ལ་བྱུགས་ན་ལྷ་མོ་ཆེན་མོ་དཔལ་རང་གི་གཟུགས་ཀྱིས་མདུན་ན་འདུག་ཅིང་། ནོར་གྱི་ཕུང་པོ་ཆེན་པོ་འབུལ་བར་བྱེད་དེ། ནམ་འཚོའི་བར་དུ་ཁྱིམ་ན་འདུག་ཅིང་ནོར་ཆེན་པོ་
ཉིད་འཕེལ་བར་འགྱུར་རོ། །རྣམ་ཐོས་ཀྱི་བུ་ལ་བདུགས་ན་གསེར་སྲང་སྟོང་སྦྱིན་པར་བྱེད་དོ། །ནོར་བུ་བཟང་པོའི་བུ་ལ་བདུགས་ན་གསེར་གྱི་དོང་ཙེ་སྟོང་སྦྱིན་པར་བྱེད་དོ། །ཚལ་གསེབ་དུ་བདུགས་ན་ཚལ་ན་གནས་པའི་ལྷ་རང་
གི་གཟུགས་ཀྱིས་མདུན་ན་འདུག་ཅིང་རྫས་དང་། སྨན་ཐམས་ཅད་རང་གི་གཟུགས་ཀྱིས་མདུན་ན་འདུག་གོ། རི་རྣམས་ལ་བདུགས་ན་རྩྭ་དང་། ཤིང་གེལ་པ་དང་། སྨན་དང་རྫས་ཐམས་ཅད་འབར་བར་འགྱུར་རོ། །གྲོང་ཁྱེར་བཞིའི་
སྒོ་རྣམས་སུ་བདུགས་ན་གྲོང་ཁྱེར་ཀུན་དུ་ཡམས་ཀྱི་ནད་དང་། གནོད་པ་དང་། ནད་འགོ་བ་དང་། ནད་ཐམས་ཅད་དང་། འཐབ་པ་དང་། ཐབ་མོ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །འབྲོག་ཏུ་བདུགྶ་
ན་རྐུན་མོ་དང་། གཡོན་ཅན་དང་། གནོད་བྱེད་དང་། སེང་གེ་དང་། སྟག་དང་། སྦྲུལ་དང་། དྲེད་དང་། དོམ་གྱི་འཇིགས་པ་ཐམས་ཅད་འབྱུང་བར་མི་འགྱུར་ཞིང་རི་དགས་གཏུམ་པོའི་འཇིགས་པ་ཐམས་ཅད་འབྱུང་བར་མི་འགྱུར་རོ། །
རིམས་ཐམས་ཅད་ལ་བདུགས་ན་རིམས་ཐམས་ཅད་ལས་ཐར་བར་འགྱུར་རོ། །སྡིག་པ་ཐམས་ཅད་འགེགས་པ་ཙན་དན་གྱི་བདུག་པ་བསྒྲུབ་པའི་ཆོ་ག་སྟེ་གསུམ་པའོ།། །། དེ་ནས་ཐིག་ལེ་ཡང་དག་པར་བཤད་པར་
བྱ་སྟེ། རིགས་ཀྱི་རྒྱལ་པོའི་གསང་སྔགས་བསྒྲུབ་པ་ནི་ཉི་མའི་གཟི་བརྗིད་དང་མཚུངས་ཤིང་སྐར་མའི་རྣམ་པ་ལྟར་འབར་བ་ཡིན་ཏེ། གཟི་བརྗིད་ཀྱི་རྒྱལ་པོ་དེ་གཉིས་ཀྱིས་འབར་བར་འགྱུར་བ་ནི་བསོད་ནམས་ཀྱི་

99-1-167a

ཕུང་པོ་རྣམ་པར་འཕེལ་ལོ། །ལྷ་རྣམས་ཀྱི་ནང་ན་ལྷའི་དབང་པོ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་བཅས་པས་རྟག་ཏུ་མཆོད་པའི་གནས་སུ་འགྱུར་གྱིས་རིག་སྔགས་འཆང་གིས་ཐེ་ཚོམ་མི་བྱའོ། །
དཔྲལ་བའི་སྟེང་དུ་ཐིག་ལེ་བྱེད་པ་ནི་རྟག་ཏུ་མཛེས་པ་ཡིན་ཏེ། ཉི་མ་ལྟར་འོད་ཟེར་གྱི་དྲ་བ་སྟོང་གིས་གསལ་ཤིང་ཤེལ་ལྟར་དག་པ་མདོག་དཀར་ཤམ་དྲི་ཞིམ་པ་དང་། གླང་པོ་ཆེའི་བྱ་བ་དང་། དཔྲལ་བ་དང་། བ་ལང་གི་གནས་ལྟར་
སྐྱོན་མེད་ཅིང་མཉམ་པར་མཐུན་ལ་ཤིན་ཏུ་དུལ་བ། དེད་དཔོན་གཅིག་པུའི་ནོར་བུར་གྱུར་ཅིང་གསང་སྔགས་འབུམ་བཟླས་པས་ལེགས་པར་བསྒྲུབ་པ། གསེར་དང་། གོས་ལྟར་ཀུན་དུ་འབར་བ་ནི་ཐིག་ལེ་ཡིན་ནོ། །སྨིན་མཚམས་
ཀྱི་བར་དཔྲལ་བ་ན་ཤིན་དུ་ཕྲ་བ་རྟག་ཏུ་རྟག་པར་མཛེས་པ་ནི་ཟླ་བ་ཉ་བ་མཁའ་ལ་འགྲོ་བ་ལྟ་བུ་ཡིན་ལ། སྐྱེ་བོའི་དབུས་ན་གསལ་བ་ནི་རྒྱུ་སྐར་གྱི་རྒྱལ་པོ་ཟླ་བ་དབུས་ན་གནས་པ་བཞིན་རང་གི་འཁོར་གྱི་དབུས་ན་ལྷ་རྣམས་ཀྱི་རྒྱལ་པོ་
བརྒྱ་བྱིན་ལྟ་བུ་ཡིན་ལ། སྐྱེ་བོའི་དབུས་ན་ནི་འཇིག་རྟེན་གྱི་རྒྱལ་པོ་གདུགས་གཅིག་པ་ལྟར་འབར་བ་ཡིན། འཇིག་རྟེན་གྱི་ནང་ན་གདུགས་གཅིག་པ་བདེ་བར་གཤེགས་པ་ལྟར་ཤིན་དུ་དུལ་བ་ཡིན་ལ་ཤཱཀྱའི་རིགས་ཀྱི་རྒྱུད་ལྟར་སེམས་ཅན་
ཐམས་ཅད་ལ་ཕན་པར་འདོད་པ་དེ་བཞིན་དུ་ནོར་བུ་མཆོག་རྣམ་པར་དག་པ་ནི་སེམས་ཅན་ཐམས་ཅད་ལ་ཕན་པར་འདོད་པ་ཡིན་ནོ། །ལྷ་དང་བཅས་པའི་འཇིག་རྟེན་ན་ཇི་ལྟར་འཇིག་རྟེན་དབང་ཕྱུག་གཅིག་པུ་ལྟར་མཆོག་དང་། རབ་མཆོག་
སེམས་ཅན་ཐམས་ཅད་ཀྱི་དོན་དུ་སྦྱིན་པར་བྱེད་དེ་དེ་ལྟར་ཐིག་ལེ་ནོར་བུའི་མཐུ་ནི་འདོད་པ་ཐམས་ཅད་རབ་ཏུ་སྦྱིན་པར་བྱེད་དོ། །ལྷ་དང་། ཀླུ་དང་། གནོད་སྦྱིན་དང་བཅས་པ་དབང་དུ་འགྱུར་ཞིང་སུམ་བཅུ་རྩ་གསུམ་གྱི་བདག་པོ་དབང་དུ་འགྱུར་
བར་རྗེས་སུ་འགྲོ་བ་དང་། དྲི་ཟ་དང་། ནམ་མཁའ་ལྡིང་དང་། མི་འམ་ཅི་དང་ལྟོ་འཕྱེ་ཆེན་པོ་འདོང་བར་གྱུར་པ་ཐམས་ཅད་ཀྱང་དབང་དུ་འགྱུར་བ་ནི་མཁའ་ལ་སྐར་མ་ལྟར་དཔྲལ་བར་རྟག་ཏུ་དབང་དུ་གྱུར་པ་ཡིན་ཏེ། སེམས་ཅན་ཐམས་ཅད་

99-1-167b

ཀྱི་མགོ་བོས་རྐང་པའི་དྲུང་དུ་རྟག་ཏུ་འདུད་ལ་མེ་ཡིས་མི་འཚིག །ཆུ་ཡིས་མི་ཁྱེར་ཞིང་ལུས་ལ་དུག་དང་། སྦྱར་བའི་དུག་དང་། ཕྱེ་མའི་དུག་དང་། བྱད་མི་བཟད་པ་དང་། ངན་སྔགས་དང་། སྡང་བའི་རྣམ་པས་མི་ཚུགས་པར་འགྱུར་རོ། །
ནོར་བུ་ལྟ་བུའི་མཐུས་དེ་དག་ཐམས་ཅད་ཀྱིས་མི་ཚུགས་པར་འགྱུར་རོ། །རིམས་དང་། སྡུག་བསྔལ་བ་དང་། ནད་དང་། རླུང་དང་། གླད་ནད་ཆེན་པོ་ལ་ཐིག་ལེ་བྱས་པ་ལྟ་བུར་མོད་ལ་དེ་དག་ཐམས་ཅད་རབ་ཏུ་ཞི་བར་འགྱུར། སེམས་
ཅན་བཙོན་དུ་གཟུང་བ་འམ། ཆད་པས་བཅད་པ་འམ། བཅིང་བར་འོས་པ་ལ་ཐིག་ལེ་ལྟ་བུ་བྱས་པས་དེ་དག་ཐམས་ཅད་ལས་ཐར་བར་འགྱུར་རོ། །སྨིན་མཚམས་དཔྲལ་བར་ཐིག་ལེ་ལྟ་བུ་བྱས་ན་དེའི་མོད་ལ་གནོད་སྦྱིན་སྟོང་དང་
སྲིན་པོ་དྲག་པོའི་གཟུགས་ཅན་གདོན་སྟོང་རྣམས་ལུས་ལ་འཇུག་པར་མི་འགྱུར་ཞིང་། གླང་པོ་ཆེ་དང་། རི་དགས་ཀྱི་བདག་པོའི་ཁྱུ་དང་། ཆོམ་རྐུན་དང་། ཤོད་ཀྱི་ལམ་དང་། རིའི་ལམ་དང་། རི་སུལ་དང་། ངམ་གྲོག་དང་། གློག་དང་། 
གྲང་བ་དང་། སྦྲུལ་དང་། སྔང་འཇིགས་ཀྱི་འཇིགས་པ་ཐམས་ཅད་ཞི་བར་འགྱུར་རོ། །ཐིག་ལེ་ལྟ་བུའི་མཐུས་དགྲའི་སྡེ་སྟོང་སྙེད་ཀྱི་ནང་ན་འགྱེད་པ་ལས་མྱུར་བ་ཉིད་དུ་རྒྱལ་བར་འགྱུར། གཡུལ་དང་། འཐབ་མོ་དང་། ཐ་སྙད་
མོད་ཉིད་ལ་ཞི་བར་འགྱུར། དེའི་ཚེ་ནོར་བུ་གཙུག་གི་སྤྱི་བོར་བཏགས་པ་གང་ཡིན་པ་དང་། ཐིག་ལེ་ཡང་བྱས་ནས་འཁོར་ལོ་ལ་བྱུགས་ལ་ཕ་རོལ་གྱི་དམག་ཚོགས་གཡུལ་གྱི་ནང་དུ་ཞུགས་ན་བདག་ཉིད་གཅིག་པུས་དཔུང་གི་
ཚོགས་ཡན་ལག་བཞི་པ་ལས་རྒྱལ་བར་འགྱུར། འདིས་ཐམས་ཅད་དུ་ཞུགས་པ་ཙམ་གྱིས་ཕམ་པ་བྱས་པར་འགྱུར་ཞིང་ཕྱོགས་བཅུར་འབྲོས་ལ་ཐམས་ཅད་འཇིགས་པར་འགྱུར་རོ། །ཐིག་ལེ་བྱས་ནས་རྒྱལ་པོའི་ཕོ་
བྲང་དུ་ཞུགས་ན་རྒྱལ་པོ་དང་། བཙུན་མོ་དང་། འཁོར་དང་བཅས་པ་དབང་དུ་གྱུར་ནས་ཉེ་བར་འཁོད་དོ། །ཇི་སྲིད་འཚོའི་མཆོད་གནས་སུ་འགྱུར་རོ། །དཔུང་པ་གཡས་པར་ནོར་བུ་བཏགས་ལ་ཡན་ལག་དང་། ཡན་ལག་དག་ཏུ་

99-1-168a

ཐིག་ལེ་བྱས་ན་ཐམས་ཅད་དུ་རྒྱལ་བ་འཐོབ་ཅིང་རེག་པ་ཙམ་གྱིས་དབང་དུ་འགྱུར་ལ། དོན་གང་དང་གང་བསྒྲུབས་པ་དེ་དང་དེ་ཐམས་ཅད་འཐོབ་པར་འགྱུར་རོ། །རི་ལུ་དག་ནི་ཁར་བཅུག་ནས། །ལྷན་ཅིག་འདུག་ལ་
སྨྲས་ན་ནི། །ཐམས་ཅད་དབང་དུ་འོང་བར་འགྱུར། །རྒྱལ་པོ་དང་ནི་བཙུན་མོ་འམ། །དགེ་སྦྱོང་དང་ནི་བྲམ་ཟེ་དང་། །རྒྱལ་རིགས་དང་ནི་དམངས་རིགས་ཉིད། །སྐྱེས་པ་དང་ནི་བུད་མེད་དང་། །ཁྱེའུ་དང་བུ་མོ་རྣམས་ཀྱང་རུང་། །དེ་དག་ཐམས་
ཅད་དབང་དུ་འགྱུར། །ཀུན་དུ་མངག་པའི་ལས་རྣམས་བྱེད། །རི་ལུ་ཟོས་པ་ཙམ་གྱིས་ནི། །ནད་རྣམས་ཐམས་ཅད་རྣམ་པར་འཇིག །གང་གི་ཉིན་བཞི་པ་ཡི་རིམས། །གང་དག་ཁོང་སྐེམ་ནད་ཀྱིས་ཉམས། །གང་ཞིག་རྟག་པའི་
རིམས་ཀྱིས་བཏབ། །གང་དུ་འཐབ་མོ་འབྱུང་བ་དང་། །དེ་བཞིན་སྐྱེ་བོ་སྡང་སེམས་ཅན། །བདག་ལ་གྲིབ་གནོན་གཞན་གྲིབ་གནོན། །སྐེམ་བྱེད་སྐེམ་པ་བརྗེད་བྱེད་དང་། །གང་ཞིག་གདོན་གཞན་མི་བཟད་པ། །སྡིག་པའི་ལས་ནི་ཀུན་དུ་
སྤྱོད། །སྔོན་གྱི་ལས་ནི་མི་ཟད་པ། །དེ་ཀུན་སྐད་ཅིག་ཙམ་གྱིས་འཇིག །རི་ལུས་ཁྲུས་བྱས་ཙམ་གྱིས་ནི། །འབྲས་དང་ཤུ་བར་འགྱུར་རྣམས་དང་། །ལྷོག་པ་དང་ནི་རྐང་ཤུ་དང་། །མཚན་པར་རྡོལ་དང་མེ་དབལ་དང་། །ཁྱི་རྔོ་མཛེ་དང་རྐང་
པའི་ནད། །མི་ཟད་དེ་རྣམས་ཀུན་དང་ནི། །གང་དག་ནོར་རྒྱས་སྡང་བས་ཟིན། །བྱུགས་པ་ཙམ་གྱི་མོད་ལ་ནི། །ཐམས་ཅད་དུག་མེད་ཞི་བར་འགྱུར། །རི་ལུ་ཐམས་ཅད་ལས་བྱེད་པ། །ལྷ་རྫས་ཤི་བ་སོས་པར་བྱེད། །རི་ལུ་དག་ནི་འཆང་བྱེད་ཅིང་། །
ཐིག་ལེ་དག་ནི་བྱས་པ་ཡིས། །ཐམས་ཅད་དུ་ནི་མཆོད་པ་འཐོབ། །ཐམས་ཅད་དུ་ནི་ནོར་དག་འདུ། །དཔལ་འདོད་པ་ནི་དཔལ་འཐོབ་ཅིང་། །འབྲུ་འདོད་འབྲུའི་ཕུང་པོ་འཕེལ། །ལྷ་རྣམས་དག་ནི་དགའ་འགྱུར་ཞིང་། །ཀླུ་རྣམས་ཀྱང་ནི་དགའ་
དང་བཅས། །གནོད་སྦྱིན་སྲིན་པོ་དྲི་ཟ་དང་། །ལྷ་མིན་མཁའ་ལྡིང་མི་འམ་ཅི། །ལྟོ་འཕྱེ་ཆེན་པོ་ཐམས་ཅད་དང་། །འབྱུང་པོ་རྣམས་ཀྱང་དགའ་དང་བཅས། །རྟག་ཏུ་ཕྱག་བྱའི་གནས་འགྱུར་ཞིང་། །ཐམས་ཅད་དབང་དུ་གྱུར་ནས་འཁོར། །

99-1-168b

འཁོར་ཀུན་བྲན་བྱེད་ཅི་བྱ་ཟེར། །གང་ཞིག་རི་ལུ་དེ་དག་བསྟེན། །རི་ལུ་ཐིག་ལེ་རྟག་བྱེད་ལ། །དེ་བཞིན་གཤེགས་ཀུན་དགོངས་པ་མཛད། །འཕགས་པ་སྤྱན་རས་གཟིགས་ཀྱི་དབང་། །དེ་ཉིད་རིག་ལ་རྟག་ཏུ་ནི། །མཆོག་སྦྱིན་དུས་ཀུན་གཟིགས་པར་
མཛད། །བསོད་ནམས་ཕུང་པོ་སྟོང་དག་ནི། །ཉི་མ་རེ་རེ་སོགས་པར་བྱེད། །འཇིག་རྟེན་པ་ཡི་བདེ་སྤྱད་ཅིང་། །འཇིག་རྟེན་ཕ་རོལ་ཤིན་དུ་བདེ། །ཚེ་བརྗེ་བ་ནི་འཕོས་ནས་སུ། །བདེ་བ་ཅན་དུ་མོད་ལ་འགྲོ། །གང་དང་གང་དུ་སྐྱེ་བར་ནི། །ཚེ་
རབས་རྟག་ཏུ་ཚེ་རབས་དྲན། །ལག་ན་རྡོ་རྗེ་གནོད་སྦྱིན་ཆེ། །གནོད་སྦྱིན་བྱེ་བས་ཡོངས་བསྐོར་ཅིང་། །གཡེལ་བ་མེད་པར་ཉིན་མཚན་དུ། །དུས་ཀུན་དུ་ནི་སྲུང་བ་དང་། །སྐྱོབ་དང་སྦེད་དང་སྲུང་བར་བྱེད། །གང་ཞིག་བུ་ནི་མེད་པ་དང་། །
བུ་མེད་བུ་ནི་འདོད་པ་ལ། །རི་ལུ་གཅིག་ནི་སྦྱར་ནས་སུ། །མཉམ་པར་གཞག་པས་གསང་སྔགས་ནི། །མཁས་པས་ཟླ་བ་ཡར་གྱི་ངོར། །འབུམ་ནི་ཚང་བར་བཟླས་ནས་སུ། །ཟླ་བ་ཉ་སྟེ་བཅྭ་ལྔ་ལ། །སྐྱེས་པ་བུད་མེད་
ཁྲུས་བྱ་ཞིང་། །ཡན་ལག་ཡན་ལག་ཐིག་ལེ་བྱ། །དཀོན་མཆོག་གསུམ་ནི་ལེགས་མཆོད་ཅིང་། །བྲམ་ཟེ་དག་ཀྱང་མཆོད་སྟོན་བྱེད། །བསྲུང་བའི་ཆོ་ག་བྱས་ནས་སུ། །གཏོར་མ་དཀར་གསུམ་མང་པོ་བཤམ། །བདག་ཉིད་
རྒྱན་གྱིས་བརྒྱན་ནས་སུ། །གོས་གཙང་རྣམས་ནི་བགོས་བར་བྱ། །བྱམས་པའི་སེམས་ལ་ཡང་དག་གནས། །སྙིང་རྗེ་སེམས་ཅན་སྡུག་པར་བྱེད། །བསམ་པ་དག་ཅིང་དེས་པ་དང་། །བླ་མ་རྟག་ཏུ་གུས་པར་བྱ། །མེ་ཏོག་
སྣ་ཚོགས་རབ་དགང་ཞིང་། །སྤོས་དང་བྱུག་པ་སྣ་ཚོགས་དང་། །དུ་རུས་ཙན་དན་ས་ལ་ཀི། །ལྷ་ཡི་བདུག་པས་བདུག་བྱ་ཞིང་། །བུ་རམ་འོ་མ་བདུན་དང་ནི། །རི་ལུ་ལེགས་སྦྱར་བཟའ་བྱར་བྱ། །གསང་བ་འདི་འཐུངས་མོད་ལ་ནི། །
བཏུང་དང་ཁ་ཟས་བཟའ་བར་བྱ། །མགོན་པོ་སྤྱན་རས་གཟིགས་ཀྱི་དབང་། །མཆོག་སྦྱིན་མཛད་པར་མཆོད་པར་བྱ། །བྱམས་མཛད་དེ་ཡི་ཞབས་དྲུང་དུ། །མཚན་མོ་ཉལ་དང་ནང་པར་ནི། །མཐོང་བ་མཆོག་འདི་ཐོབ་པར་

99-1-169a

འགྱུར། །འཕགས་པ་སྤྱན་རས་གཟིགས་ཀྱི་དབང་། །མཆོག་སྦྱིན་རང་གཟུགས་སྟོན་མཛད་ཅིང་། །མཆོག་ཉིད་དམ་པ་སྦྱིན་པར་མཛད། །བུད་མེད་དེ་ནི་བུ་སྐྱེད་ཅིང་། །གཟུགས་བཟང་མཆོག་ཏུ་ལྟ་ན་སྡུག །སྟོབས་ལྡན་གཟུགས་ནི་ཕུན་
སུམ་ཚོགས། །ལྷ་ཡི་དཔལ་གྱི་རྗེས་སུ་འགྲོ། །ཆོས་ལྡན་མཁས་ཤིང་གསལ་བ་དང་། །ཚེ་རིང་དབང་ཕྱུག་ཚད་མེད་འགྱུར། །དཔའ་བོ་དགྲ་ལས་རྒྱལ་བ་དང་། །སྡང་བ་ཐམས་ཅད་འཇོམས་པར་འགྱུར། །ཡང་ན་དྲན་པའི་བློ་བསྐྱེད་
པར་འདོད་པས་ཐོས་པ་ལ་བརྟེན་ནས་འདུག་ཅིང་རིག་སྔགས་འཆང་གཙང་མ་ཞག་བདུན་དུ་ཉིན་རེ་ཞིང་མར་དང་འོ་མ་བསྐོལ་བ་དེར་རི་ལུ་བདུན་བཅུག་སྟེ། ཟན་མ་ཟོས་པའི་སྔོན་རོལ་དུ་ལན་ཉི་ཤུ་རྩ་གཅིག་བཟླས་བརྗོད་བྱས་
ནས་འཇམ་ཙམ་པ་འཐུངས་ལ་ཕྱིས་ཁ་ཟས་བཟའ་བར་བྱ། ཞག་བདུན་གྱིས་ཐོས་པའི་རྒྱ་མཚོ་ཆེན་པོ་བསགས་པར་འགྱུར་ཏེ་བསྟན་བཅོས་ཐམས་ཅད་དང་། ཆོས་ལུགས་དང་། འདུལ་བ་དང་། སྙན་དངགས་དང་། བརྡ་
སྤྲོད་པ་དང་། མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་། ཚིགས་སུ་བཅད་པའི་སྡེ་དང་། གླེང་གཞིའི་སྡེ་དང་། ཆེད་དུ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པ་རབས་ཀྱི་སྡེ་དང་། ཆོས་མངོན་པ་དང་། རྩིས་དང་། 
ཆོ་ག་ཞིབ་མོ་དང་། གསང་སྔགས་དང་། ཕྱག་རྒྱ་ཐམས་ཅད་དང་། ཐེག་པ་ཆེན་པོ་ཐམས་ཅད་ཁ་ཏོན་དུ་ལོབས་པར་འགྱུར་རོ། །ཞག་ཉི་ཤུ་རྩ་གཅིག་ཏུ་སྦྱར་བ་བྱས་ན་སྟོབས་ཆེན་པོའི་བརྩོན་འགྲུས་ཀྱི་ཕ་རོལ་གནོན་པར་
འགྱུར་ཏེ། གླང་པོ་ཆེ་ཁྲིའི་སྟོབས་སུ་འགྱུར་རོ། །ཟླ་བ་གཅིག་ཙམ་སྦྱར་བ་བྱས་ན་ལོ་ལྔ་བརྒྱར་འཚོ་ཞིང་གཉེར་མ་དང་། སྐྲ་དཀར་སྤངས་ལ་སྐྲ་ལྕང་ལོ་འཁྱིལ་ཞིང་འཁྱིལ་པར་འགྱུར་བ་དང་། ལུས་ཀྱི་མདོག་དཀར་ཤམ་ལྟ་བུར་
འགྱུར་རོ། །ལོ་གཅིག་ཏུ་སྦྱར་ན་ལྷའི་སྨན་བཅུད་ཀྱིས་ལེན་མཆོག་ལ་འཇུག་ཅིང་ནམ་མཁའི་སྟེང་དུ་ལྷ་རྣམས་དང་ལྷན་ཅིག་མཐུན་པར་འགྱུར་ལ། བརྒྱ་བྱིན་དང་ཡང་ལྷན་ཅིག་འགྲན་པར་འགྱུར། ལྷ་རྣམས་ཀྱི་ལྷ་མོའི་

99-1-169b

ཚོགས་དང་། ལྷའི་གཞལ་མེད་ཁང་ན་རྩེ་ཞིང་དགའ་བར་བྱེད་ལ་རིན་པོ་ཆེ་སྣ་བདུན་གྱི་གཞལ་མེད་ཁང་གི་གནས་ན་གནས་པར་འགྱུར། ཉི་མ་ལྟ་བུར་འོད་གཏོང་ཞིང་རྒྱུ་ལ་གནས་པ་བཟང་པོ་རྣམས་ཀྱིས་འགྲོ་བར་བྱེད། གཟི་བརྗིད་ཤིན་
ཏུ་གསལ་བ་མི་བཟོད་ཅིང་རྣམ་པར་དག་པར་འགྱུར་རོ། །ཞེས་བྱ་བ་ལ་ཐེ་ཚོམ་མི་བྱའོ། །ལས་ཐམས་ཅད་བསྒྲུབ་པའི་ཐིག་ལེ་དང་། རི་ལུ་བསྒྲུབ་པའི་ཆོ་ག་སྟེ་བཞི་པའོ།། །། དེ་ནས་མི་སྣང་བར་བྱ་བ་དང་། ནམ་མཁའ་ལ་འགྲོ་བ་
སྨན་གྱི་མཆོག་དོན་ཡོད་པའི་མཐུས་གྲུབ་པར་བཤད་པར་བྱ་སྟེ། རིག་སྔགས་འཆང་བ་རྣམས་ཀྱི་གྲུབ་པའི་མཆོག་དེ་ཁོ་ན་ཉིད་ཡིན་ནོ། །སྨན་དངུལ་ཆུ་དང་། བྲཧྨ་ཀྵི་ར་དང་། སུ་བར་ཎ་ཀྵི་ར་དང་། ཤེལ་སྔོ་སངས་དང་། ཀུ་
ཀྵི་དང་། སུ་གན་དྷི་དང་། ཀིང་ཀུཥྛ་སྐྱོན་མེད་པ་དང་། ཨུཏ་པ་ལ་བཟང་པོ་དང་། པད་མ་ཀྵ་དང་། གུ་གུལ་དང་། ཕེ་ལུ་པད་ཏྲ་དང་། གུར་ཀུམ་དང་། ན་ག་པུཥྤ་དང་བཅས་པ་དང་། སྤོང་སྤོས་དང་། ཤི་རི་ཥའི་མེ་ཏོག་དང་། ཙན་དན་དཀར་པོ་
དང་། བཅས་པ་བསྲེས་ནས་ཞིབ་ཏུ་བཏགས་པའི་ཕྱེ་མ་ལ་དོན་ཡོད་པ་པད་མ་གཙུག་ཏོར་གྱི་གསང་བ་རིགས་ཀྱི་རྒྱལ་པོའི་སྔགས་ཀྱིས་ཤིན་དུ་བརྩོན་པར་ལན་བརྒྱད་བརྒྱ་བཟླས་བརྗོད་བྱ་ཞིང་ཁྲོ་བོའི་གསང་སྔགས་
ལན་བརྒྱད་སྟོང་བཟླས་བརྗོད་བྱས་པས་ལན་ཉི་ཤུ་རྩ་གཅིག་ཏུ་དབང་བསྐུར་ལ། ཡི་གེ་གཅིག་པ་ལན་འབུམ་བཟླས་བརྗོད་བྱ། དེའི་ཚེ་གཟུངས་སྔགས་བཅུ་པོ་སོ་སོར་ལན་ཉི་ཤུ་རྩ་རེ་རེ་བཟླས་བརྗོད་བྱ་སྟེ། 
གསང་སྔགས་ཐམས་ཅད་རྫོགས་པར་བཟླས་བརྗོད་བྱས་ནས་སྨན་དོན་ཡོད་པ་རྒྱ་ཆེ་བ་གསལ་བ་ཞེས་བྱ་བ་སྨན་གྱི་མཆོག ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་གཞག་ལ་
གྲིབ་མ་ལ་བསྐམ་པར་བྱའོ། །ཡང་དོན་ཡོད་པའི་ཞགས་པའི་གཙུག་ཏོར་གྱིས་ལན་བརྒྱད་བརྒྱ་བཟླས་བརྗོད་བྱས་ནས་སྣོད་ཀྱི་ཀྱི་ནང་དུ་བཅུག་ལ་ནམ་དགོས་པ་བྱུང་བ་དེའི་ཚེ་ཐམས་ཅད་དུ་བསྒྲུབ་པའི་དགོས་པ་ཐམས་ཅད་ལ་

99-1-170a

སྦྱར་བར་བྱའོ། །དེ་ནས་རིག་སྔགས་འཆང་གཙང་མར་གྱུར་པས་ལུས་ལེགས་པར་ཁྲུས་བྱས་ལ་སྤོས་ཆུས་བྱུགས་ཏེ། གོས་གཙང་མ་བགོ་བར་བྱ། སྨན་གྱི་མཆོག་འདི་ཡུངས་མར་གྱིས་སྦྲུས་ལ་རང་གི་ལུས་ལ་བྱུག་པར་བྱ་སྟེ། 
ལན་ཅིག་བསྐུས་པ་ཙམ་གྱིས་མི་སྣང་བར་འགྱུར་ལ། གནས་གསང་བར་བྱ་བའི་སྒོ་བཅད་པ་ཐམས་ཅད་མཐོང་བར་འགྱུར། གནས་ཐམས་ཅད་དུ་ཇི་ལྟར་འདོད་པ་བཞིན་དུ་འཇུག་པར་འགྱུར། དོན་ཐམས་ཅད་བྱེད་པར་འགྱུར། འབྱུང་པོ་
དང་། གནོད་སྦྱིན་དང་། སྲིན་པོ་དང་། ཤ་ཟ་ལ་སོགས་པའི་གཙོ་བོ་རྒྱལ་པོར་འགྱུར་ཞིང་དེ་དག་ཐམས་ཅད་དབང་དུ་འགྱུར་ཏེ། ཅི་བགྱི་ཞེས་བྱ་བ་བྱེད་ལ་ཇི་སྲིད་འཚོའི་བར་དུ་ཉེ་བར་གནས་ནས་ལས་སུ་བྱ་བའི་དགོས་པ་ཐམས་ཅད་
ཀྱི་རྗེས་སུ་འཇུག་པར་འགྱུར་རོ། །ཀླུའི་གནས་ཀྱི་སྒོ་བཅད་པ་ཐམས་ཅད་ན་འདུག་ལ་ཀླུ་འཁོར་དང་བཅས་པ་ཐམས་ཅད་མདུན་དུ་འཁོད་ནས་བྱ་བ་ཐམས་ཅད་ལ་ཅི་བགྱི་ཞེས་བྱ་བ་བྱེད་པར་འགྱུར་ཞིང་ལས་སུ་བྱ་བ་དང་། 
དགོས་པ་ཐམས་ཅད་བྱེད་པར་འགྱུར། ཇི་སྲིད་འཚོའི་བར་དུ་ཉེ་བར་འཁོད་ཅིང་ཉིན་མཚན་དུ་གནས་ལ་དེ་ནས་ཀླུ་ཐམས་ཅད་བསྒོ་བ་བཞིན་བྱེད་པར་འགྱུར་རོ། །སྨན་ལ་སིང་ཧ་ཛི་ཧྭ་དང་། བའི་འོ་མ་དང་སྦྱར་བས་མགོ་
ཀུན་བྱུགས་ན་ཇི་ལྟ་བ་ཡིད་ལ་བྱས་པ་དང་རང་གི་བློས་འདོད་པའི་ངོ་བོ་སྣ་ཚོགས་པར་བྱེད། གནས་སུ་གཏོགས་པ་ཐམས་ཅད་ཇི་ལྟར་འདུག་པ་བཞིན་སྟོན་པར་བྱེད། གནས་སུ་གཏོགས་པ་ཐམས་ཅད་འཁོར་གྱི་ནང་ན་ཇི་
ལྟར་རྣམ་པར་སྤྲུལ་པའི་གཟུགས་སྣ་ཚོགས་སྟོན་པར་བྱེད། ཇི་སྲིད་འཚོའི་བར་དུ་འཕེལ་བ་རྣམས་སྟོན་པར་བྱེད་ཅིང་བྱ་བ་ཐམས་ཅད་བྱེད་དོ། །སྤོས་ཀྱི་ཏིལ་མར་དང་སྦྲུས་ནས་བྱིན་པ་དང་། རྐང་པ་ལ་བསྐུས་ན་ནམ་མཁའ་ལ་འཕགས་
པར་འགྱུར་ཞིང་། ནམ་མཁའ་ལ་འགྲོ་བར་འགྱུར་ལ་གང་དུ་འདོད་པ་དེར་འགྲོ་བར་འགྱུར། ཆུའི་སྟེང་དུ་འགྲོ་ཞིང་ནམས་ཀྱང་ཕྱིས་ས་ལ་རྐང་པ་འཇོག་པར་མི་འགྱུར། ལག་པ་གཡས་པ་ལ་བསྐུས་ན་གང་དང་གང་ལ་ལག་པ་རེག་པ་

99-1-170b

དེ་འོང་བར་འགྱུར་ལ་སུས་ཀྱང་མཐོང་བར་མི་འགྱུར། བུད་མེད་གཞོན་ནུའི་འོ་མ་དང་བསྲེས་ནས་མིག་ལ་བསྐུས་ནས་རྒྱལ་པོའི་ཕོ་བྲང་དུ་ཞུགས་ན་མཐོང་བར་མི་འགྱུར་ཞིང་། དོན་འདོད་པ་གང་ཡིན་པ་བྱེད་དོ། །དོན་གྱི་རྫས་གང་
ཡིན་པ་བླངས་ཀྱང་སུས་ཀྱང་མི་མཐོང་ངོ་། །བུད་མེད་གང་དང་ཕྲད་ན་སུས་ཀྱང་མི་མཐོང་ལ་ཇི་སྲིད་འཚོའི་བར་དུ་འདུག་ཀྱང་སུས་ཀྱང་མི་ཤེས་སོ། །ཁར་བྱུགས་ནས་གང་དང་གང་ན་བྲོ་གར་བྱེད་པ་དང་། བཞད་གད་བྱེད་པ་ཉིད་
ཀྱི་ནང་དུ་ཞུགས་ན་བྱ་བ་ཐམས་ཅད་བྱེད་ལ་ལུས་ནི་སུས་ཀྱང་མི་མཐོང་ངོ་། །བུམ་པ་ལ་བྱུགས་ནས་ཆུས་བཀང་ན་ཆུའི་རྒྱུན་སྣང་ལ་བུམ་པ་དེ་ནི་མི་མངོན་ནོ། །གཞོང་པ་ཆུས་བཀང་བ་དེའི་དབུས་སུ་བྱུགས་ན་ཆུ་དེ་
གང་བར་སྣང་ལ་གཞོང་པ་དེ་ནི་མི་སྣང་ངོ་། །བདག་ཉིད་ལ་བྱུགས་ནས་བུམ་པ་ཆུས་བཀང་བ་ལག་ན་ཐོགས་ན་བུམ་པ་ལས་ཆུ་འབྱུང་བ་ནི་སྣང་ལ་མི་དེའི་ལུས་ནི་མི་སྣང་ངོ་། །མིག་ལ་བསྐུས་ནས་སྐྱེ་བོ་མང་པོའི་ནང་དུ་ཞུགས་
ན་མི་མཐོང་བར་འགྱུར་ལ། དེའི་སྒྲ་ནི་ཐོས་ཤིང་རང་གི་ལུས་ནི་མི་མངོན་ནོ། །གནས་སུ་གཏོགས་པ་ཐམས་ཅད་དུ་ཞུགས་ན་རང་གི་ལུས་ཁྲུས་མ་བྱས་ཀྱི་བར་དུ་མི་མཐོང་ངོ་། །སུ་ཡང་རུང་བའི་མིག་ལ་བསྐུས་ལ་ལུས་ལ་
ཡང་བསྐུས་ན་དེ་དག་ཐམས་ཅད་མི་མཐོང་བར་འགྱུར་ཞིང་། གང་དང་གང་དུ་འགྲོ་བ་དེ་དང་དེར་མི་སྣང་བར་འགྱུར་ལ་ཁྲུས་བྱས་པ་ཙམ་གྱིས་ཕྱིར་སྣང་བར་འགྱུར་རོ། །ལུས་ཀུན་བསྐུས་ནས་མཛོད་ཆེན་པོའི་ནང་དུ་
ཞུགས་ན་མི་མཐོང་བར་འགྱུར་ལ་གསེར་དང་། དངུལ་དང་། འཕྲ་མེན་དང་། ནོར་བུ་དང་། མུ་ཏིག་དང་། བྱི་རུ་དང་། དུང་དང་། མན་ཤེལ་དང་། རྡོ་རྗེ་དང་། བཻ་དཱུརྱ་དང་། མརྒད་དང་། མཐོན་ཀ་དང་། གོས་དང་། སྤུད་པ་དང་། རྒྱན་དང་། ལྷབ་
ལྷུབ་གང་ཡང་རུང་བ་ཉིད་འདོད་ན་ཐམས་ཅད་བླངས་ནས་སོང་ན་སུས་ཀྱང་མི་མཐོང་ལ་གར་དགའ་བར་འགྲོ་བར་འགྱུར་རོ། །ཇི་སྲིད་དུ་ཁྲུས་མ་བྱས་པ་ད་སྲིད་དུ་རང་མི་མཐོང་ལ་ཁྲུས་བྱས་ན་ཐམས་ཅད་དུ་མཐོང་ངོ་། །

99-1-171a

རིག་སྔགས་འཆང་བུད་མེད་ཀྱི་ནང་དུ་འཇུག་པར་འདོད་པས་གཙང་མར་ཁྲུས་བྱའོ། །དེ་ནས་སྤོས་ཆུས་ཁྲུས་བྱའོ། །དེའི་འོག་དུ་བ་གཅིན་གྱིས་ཁྲུས་བྱའོ། །ཡང་གུར་ཀུམ་གྱིས་ཁྲུས་བྱའོ། །དེའི་འོག་ཏུ་བའི་རྣམ་ལྔས་
ཁྲུས་བྱའོ། །དེའི་འོག་ཏུ་བའི་ཏིལ་མར་དང་ལྷན་ཅིག་བསྲེས་པ་དེས་ལུས་བསྐུ་བར་བྱའོ། །དེའི་འོག་ཏུ་བུད་མེད་གཞོན་ནུའི་ནུ་ཞོ་དང་སྦྱར་བས་མིག་ལ་བསྐུས་ལ་དེ་ནས་རི་ལུ་གསུམ་དཔུང་པ་གཡས་པ་ལ་གདགས་པར་བྱའོ། །
དེ་ནས་གོས་གཙང་མ་བགོས་ནས་གསང་སྔགས་བརྗོད་ཅིང་དྲན་པར་བྱས་ལ་རྒྱལ་པོའི་ཕོ་བྲང་དུ་ཞུགས་ན་མི་མཐོང་བར་འགྱུར། ཏེ་ལུས་སུས་ཀྱང་མི་མཐོང་ངོ་། །ཉི་མ་གཅིག་གམ། ཉི་མ་གཉིས་སམ། ཉི་མ་བདུན་ནམ། ཉི་མ་
བཅུ་བཞི་འམ། ཉི་མ་ཉི་ཤུ་རྩ་གཅིག་དུ་ཁྲུས་བྱས་ལ་བུད་མེད་དེ་དག་གི་ནང་ན་རྩེ་ཞིང་དགའ་བར་བྱེད་ལ། ཡོངས་སུ་སྤྱོད་པར་བྱེད་ཀྱང་སུས་ཀྱང་མི་ཤེས་ལ་འཇུག་ཅིང་ཕྱིར་འགྲོ་བ་ན་སུས་ཀྱང་གླགས་མི་རྙེད་དེ། ཇི་སྲིད་དུ་ཁྲུས་
མ་བྱས་པའི་བར་དུ་རང་གི་ལུས་མི་སྣང་བར་འགྱུར་རོ། །ཕུག་དུ་འཇུག་ན་ལུས་ཀུན་སྤོས་ཀྱི་ཏིལ་མར་གྱིས་བྱུགས་ལ་ཕུག་དུ་ཞུགས་ན་ཕུག་གི་སྒོ་ཐམས་ཅད་ཕྱེ་བར་འགྱུར་གྱིས། གནས་དེའི་ནང་དུ་ཞུགས་ལ་ཇི་ལྟ་ཇི་ལྟར་
ལས་སུ་བྱ་བ་དེ་ལྟ་དེ་ལྟར་གྱིས་ཤིག །ཆུའི་ནང་དུ་ཞུགས་ན་ཇི་ལྟར་ཁྱིམ་གྱི་ནང་ན་འདུག་པ་བཞིན་ཆུས་མི་རླན་ལ། ཆུ་གོས་པར་ཡང་མི་འགྱུར་རོ། །མེའྀ་ནང་དུ་ཞུགས་ན་མེས་ལུས་ལ་མི་རེག་ཅིང་། ཙན་དན་ལྟར་
བསིལ་བར་འགྱུར་རོ། །ཀླུའི་གནས་མཚོར་ཞུགས་ན་གནས་ན་འཁོད་པ་རྣམས་ཀྱིས་དེ་མི་མཐོང་གིས་ཇི་ལྟར་རང་གིས་ཡིད་ལ་ལས་སུ་བྱ་བར་འདོད་པའི་ལས་ཀྱི་རྣམ་པ་གཞན་དག་ཀྱང་གྱིས་ཤིག །
མི་སྣང་བར་བྱ་བ་རི་ལུའི་བསྒྲུབ་པའི་ཆོ་གའོ།། །། འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་དྲུག་པ། ཕྱག་རྒྱ་གསུམ་ནི་རྣམ་སྤྲུལ་པ། །ཕྱག་རྒྱ་དེ་དག་ཡང་དག་བསྟན། །བཟང་པོ་

99-1-171b

གཙོ་བོ་ཆེན་པོ་སྟེ། །མཆོག་དང་རབ་མཆོག་ཉིད་ཡིན་ནོ། །ཕྱག་རྒྱ་གྱ་ནོམ་བླ་ན་མེད། །འཇིག་རྟེན་འདྲེན་པས་བསྟན་པ་ཡིན། །སྙིང་པོ་དེ་ཉིད་གྱུར་པ་སྟེ། །ཕྱག་རྒྱ་དཀྱིལ་ཆེན་ལེགས་པར་བསྒྲུབས། །སངས་རྒྱས་བྱང་ཆུབ་ཕྱག་རྒྱ་འདི། །
དུས་གསུམ་གཏོགས་པའི་དེ་བཞིན་གཤེགས། །ཀུན་གྱིས་འདི་ནི་བྱིན་གྱིས་བརླབས། །ཕྱག་རྒྱ་དུས་གསུམ་གཤེགས་པ་ཡི། །དེ་བཞིན་གཤེགས་པས་ཕྱག་རྒྱར་བཏབ། །དེ་བཞིན་སངས་རྒྱས་ཆེན་པོ་པ། །ཐུབ་པ་སྣང་མཛད་ཀྱིས་
ཀྱང་བཏབ། །དེ་བཞིན་གཤེགས་པའི་རིགས་དཀྱིལ་གྱི། །གསང་ཉིད་ཀུན་དུ་བཞུགས་པ་ཡིན། །དེ་ནས་གསང་སྔགས་གསང་བ་ཉིད། །དངོས་གྲུབ་བླ་མེད་བཤད་པར་བྱ། །ཨོཾ་ཨ་མོ་གྷ་ཧྲི་ད་ཡ་པད་མ་ཨུཥྞཱི་ཥ་སཱ་དྷ་ཡ། བྷ་ར་
སམ་བྷ་ར། མ་ཧཱ་པད་མེ་སྭཱ་ཧཱ། བསྐུལ་བ་དང་། སྤྱན་དྲང་བ་དང་། གཤེགས་སུ་གསོལ་བའི་སྔགས་སོ། །ཨོཾ་པད་མ་ཨུཥྞཱི་ཥ་ཨ་མོ་གྷ་མཎ་ཌ་ལེ་ཧཱུྃ། དཀྱིལ་འཁོར་བསྲུང་བ་དང་། ཕྱོགས་བཅིང་བ་དང་། མཚམས་བཅད་པ་དང་། 
དྲི་ཆབ་དང་། ཆུ་དང་། ཡུངས་ཀར་བསྲེས་པ་ལ་ལན་བདུན་བཟླས་བརྗོད་བྱས་པས་བྱའོ། །ཨོཾ་པད་མ་ཤི་ཁ་རེ་ཧཱུྃ། སྤྱི་གཙུག་བཅིང་བ་ཡིན་ཏེ། ལན་བདུན་བཟླས་བརྗོད་བྱས་པས་སོ། །ཨོཾ་པད་མ་ཨུཥྞཱི་ཥ་ཨ་མོ་གྷ་ཛ་ལེ་
ཧཱུྃ། ཁྲུས་བྱ་བའི་སྔགས་ཏེ་ཡུངས་ཀར་དང་། ཆུ་ལ་ལན་བདུན་བཟླས་བརྗོད་བྱས་པས་སོ། །ཨོཾ་བི་མ་ལེ་ཤུད་དྷེ་ཧཱུྃ། ཉེ་རེག་བྱ་བའི་སྔགས་སོ། །ཨོཾ་སང་ཙྪ་ད་ཡ་པད་མེ་ཧཱུྃ། གོས་བགོ་བའི་སྔགས་སོ། །ཨོཾ་མི་ལི་མི་ལི་ཤུད་དྷེ་ཧཱུྃ། ལུས་
ཡོངས་སུ་སྦྱང་བའི་སྔགས་ཏེ། བའི་རྣམ་ལྔའི་ཆུ་ལ་ལན་བདུན་བཟླས་བརྗོད་བྱས་པས་སོ། །ཨོཾ་པད་མ་ཨུཥྞཱི་ཥ་ཨ་མོ་གྷ་ཨ་བྷི་ཥིཉྩ་ཨཱད་མ་ཤུད་དྷེ་ཧཱུྃ། དབང་བསྐུར་བའི་སྔགས་ཏེ་དྲི་ཆབ་ལ་ལན་བདུན་བཟླས་བརྗོད་བྱས་
པས་སོ། །ཨོཾ་པད་མ་ཀ་བ་ཙེ་དྲྀ་ཌྷ་བན་དྷ་ཧཱུྃ་ཛྭ་ལ་སྭཱ་ཧཱ། གོ་ཆའི་སྔགས་ཏེ། ལན་ཉི་ཤུ་རྩ་གཅིག་བཟླས་བརྗོད་བྱས་པས་སོ། །ཨོཾ་བཛྲ་ཨ་དྷིཥྛ་ན་པད་མེ་ཧཱུྃ། བྱིན་གྱིས་བརླབ་པའི་སྔགས་སོ། །ༀ་ཛྭ་ལ་པད་མེ་དྷ་ར་དྷ་ར་ཧཱུྃ། སའི་སྔགྶ་སོ། །

99-1-172a

ཨོཾ་པད་མ་ཨ་ཤྲ་ཡ། རུ་ཧ་ཙ་ལ་ཙ་ལ་ཧཱུྃ། གདན་གྱི་སྔགས་སོ། །ཨོཾ་དི་བྱ་པད་མེ་མྃ། མེ་ཏོག་གི་སྔགས་སོ། །ཨོཾ་པད་མ་ཨ་མོ་གྷ་སཾ་བ་ར་ནི་སྭཱ་ཧཱ། བདུག་སྤོས་ཀྱི་སྔགས་སོ། །ཨོཾ་པད་མ་གན་དྷ་ཨི་ཤྭཾ་ར་ཧཱུྃ། བྱུག་སྤོས་ཀྱི་
སྔགས་སོ། །ཨོཾ་པད་མ་པྲ་ཀི་ར་ནེ་དྷ་ར་ཎི་ས་མེ་སྭཱ་ཧཱ། འབྲས་ཡོས་དང་མེ་ཏོག་དགྲམ་པའི་སྔགས་སོ། །ཨོཾ་པད་མ་ཛྭ་ལི་སུ་གན་དྷ་བ་ཏི་ཧཱུྃ། མཆོད་ཡོན་དབུལ་བའི་སྔགས་སོ། ། ཤུག་ལ་བ་རེ་ར་ས་ཡ་ཤུད་དྷེ་ཧཱུྃ། ལྷ་བཤོས་
ཀྱི་སྔགས་སོ། །ༀ་སུ་རུ་སུ་རུ་ཀུམ་བྷ་བ་ཏི་སྭཱ་ཧཱ། གཏོར་མའི་སྔགས་སོ། །ཨོཾ་མ་ཧཱ་པད་མ་ཨ་ཤྲི་ནི་སཱ་དྷ་ཡ་ཧཱུྃ། གཏོར་མ་ཟར་གཞུག་པའི་སྔགས་སོ། །ཨོཾ་ཕ་ལ་བི་ཤུད་དྷེ་པྲ་བ་ར་ཧཱུྃ། འབྲས་བུའི་སྔགས་སོ། །ཨོཾ་པྲ་བ་ར་པུཥྤེ་ཛ་
ཡ་སྭཱ་ཧཱ། ཕྲེང་བའི་སྔགས་སོ། །ཨོཾ་ཛྭ་ལ་ཛྭ་ལ་ཡ་ར་ས་ར་སཱ་གྲི་ཎི་ཧཱུྃ། གཏོར་མ་བཅོས་པའི་སྔགས་སོ། །ཨོཾ་པད་མ་དཱི་པ་ཡ་ཛྭ་ལ་ཧཱུྃ། མར་མེའི་སྔགས་སོ། །ཨོཾ་ས་མ་པད་མ་བྷ་བ་ནེ་ཤུ་ས་ར་ཧཱུྃ། འཇུག་པའི་སྔགྶ་སོ། །
ཨོཾ་པད་མ་ཨུཥྞཱི་ཥ་ཨ་མོ་གྷ་མུ་ནི་ཧཱུྃ། ཕྱག་བྱ་བའི་སྔགས་སོ། །ཨོཾ་ཙཀྲ་མཎ་ཌ་ལེ་ས་མན་ཏ་པད་མེ་ཧཱུྃ། བསྐོར་བའི་སྔགས་སོ། །ཨོཾ་ས་མན་ཏ་པྲ་ཀི་ར་ཎ་པད་མེ་སཾ་བྷ་ར་ཧཱུྃ། མེ་ཏོག་དོར་བའི་སྔགས་སོ། །
ཨོཾ་པད་མ་ས་མ་ཡ་ཨུཥྞཱི་ཥ་མ་ཧཱ་ཨ་མོ་གྷ་ས་མ་ཡ་ཧཱུྃ། དམ་ཚིག་གི་སྔགས་སོ། །ཨོཾ་ས་མན་ཏ་སཱ་དྷ་ར་ཎ་པད་མེ་ཧཱུྃ་ཕཊ། སྐྱིལ་མོ་དཀྲུང་གི་སྔགས་སོ། །ཨོཾ་ཨ་པཱ་རི་མི་ཏ་ཛྭ་ལ་པད་མེ་ཧཱུྃ། བགྲང་ཕྲེང་གི་སྔགས་སོ། །
ཨོཾ་ཤ་ཏ་ས་ཧ་སྲ་ཛྭ་ལ་ཏི་པད་མ་དྷ་ར་དྷ་ར་ཧཱུྃ། བཟླས་བརྗོད་ཀྱི་སྔགས་སོ། །ཨོཾ་ས་མན་ཏ་དྷ་རི་ཤ་པད་མེ་ཧཱུྃ། རྨི་ལམ་གྱི་སྔགས་སོ། །ཨོཾ་ས་མན་ཏ་རཀྵ་ར་ནི་པད་མེ་ཧཱུྃ། བསྲུང་བའི་སྔགས་སོ། །ཨོཾ་ས་མན་ཏ་མེ་རུ་དྲྀ་ཌྷ་སི་རི་
ཧཱུྃ། ར་བའི་སྔགས་སོ། །ཨོཾ་ས་མན་ཏ་ཛྭ་ལཱ་མ་ལ་གརྦྷེ། ཛྭ་ལ་ཛྭ་ལ། མ་ཧཱ་པད་མ་ཛྭ་ལེ་ཧཱུྃ། མེའི་སྔགས་སོ། །ཨོཾ་དྷུ་རུ་དྷུ་རུ་པྲ་ས་ར། དྷུ་ས་རི་མན་ཏྲེ་སྭཱ་ཧཱ། སྲེག་བླུགས་ཀྱི་སྔགས་སོ། །ཨོཾ་ས་མན་ཏ་ཨ་བ་ལོ་ཀི་ཏ་གུ་ཧྱེ། 

99-1-172b

བཱ་ཡུ་ཛཱ་བེ་པད་མ་བེ་གེ་ནི་སྭཱ་ཧཱ། ནམ་མཁའ་ལ་འགྲོ་བའི་སྔགས་སོ། །ཨོཾ་ཤུ་བྷ་སྟ་དྷ་ར་ཎི་པད་མ་བྷུ་ཛེ་ཧཱུྃ། མཚོན་ཆའི་སྔགས་སོ། །ཨོཾ་ས་མན་ཏ་ཨཱ་ཀར་ཥ་ཎི་པྲ་ས་ར་གུ་ཧྱེ་ཧཱུྃ། དྲང་བའི་སྔགས་སོ། །ན་མོ་ཏྲི་བྷུ་བ་ན། ཨཱི་ཤྭ་ར་ཡཱ། 
ལོ་ཀེ་ཤྭ་ར་ཡ། མ་ཧེ་ཤྭ་ར། དྷ་ར་དྷ་ར། ས་མན་ཏ། ཨ་བ་ལོ་ཀི་ཏ། གུ་ཧྱེ། ཨཱ་གཙྪ་བྷ་ག་བཱན་དྷི་རི་དྷི་རི། མ་ཧཱ་བི་རི། མ་ཎི་ཀན་བཛྲ་བཻ་དཱུརྱ། མ་ར་ཀ་ཏ་པད་མ་རཱ་ག །ཨིན་དྲ་ནཱི་ལ། མ་ཧཱ་མུག་ཏི་ཀཱ། བི་བྷཱུ་ཥི་ཏ་ཤ་རཱི་ར། མ་ཧཱ་པད་མེ་བྷུ་
ཛ། ཨ་མོ་གྷ་པཱ་ཤ་དྷ་ར། ས་མན་ཏ། ཨ་བ་ལོ་ཀི་ཏ། བ་ར་དཱ་བ་ར་དཱ་ཡ་ཀ །ཛྭ་ལ་ཛྭ་ལ། ས་མན་ཏ། ཨ་བ་ལོ་ཀི་ཏ། ཨཱ་གཙྪ་ཨཱ་གཙྪ། བྷ་ག་བཱན། ཤཱི་གྷྲྃ་ས་མ་ཡ། མ་ནུ་སྨ་ར། བི་བི་དྷ་བེ་ཥ་དྷ་ར། ཡ་མ་བ་རུ་ཎ། ཀུ་བེ་ར་ན་
མ་སྐྲི་ཏ། ཨཱི་ཤྭ་ར། མ་ཧེ་ཤྭ་ར། པད་མེ་ཤྭ་ར། ཨེ་ཧི་བྷ་ག་བཱན། ཤཱི་གྷྲྃ་ཨཱ་གཙྪ། སརྦ་བིདྱཱ་མཎ་ཌ་ལ། ས་མ་ཡ་མ་ནུ་སྨ་ར། ད་རི་ཤ་ན་སྭ་ར་པན། བི་བི་ད་ཏེ་ཛ་དྷ་ར། ས་མན་ཏ་ར་ཤྨི། ཛྭ་ལ་གརྦྷ་ཤ་རཱི་ར། མ་ཧཱ་ཀཱ་རུ་ཎི་ཀ་
སཽ་མ་མྱ་མུ་ཁ། པ་རི་པཱུ་ར་ཎ། ཙནྡྲ་མཎ་ཌ་ལ། ན་བ་ཙནྡྲ་ཛ་ཊ་དྷ་ར། ཨ་མི་ཏཱ་བྷ། མུ་ཀུ་ཊ་དྷ་ར་ཡ། མ་ཧཱ་བྲཧྨ་བེ་ཤ་དྷ་ར། ཏྲི་ལོ་ཙ་ན་ཨ་མོ་གྷ་བྷ་ར་དྷ། བྷུ་རུ་བྷུ་རུ། མ་ཧཱ་ཀཱ་རུ་ཎི་ཀ །པད་མ་པཱ་ཤ་ཨ་བ་ལོ་ཀི་ཏེ། ཤུད་དྷ་ས་ཏྭ། 
བ་ར་དཱ་ཡ། ན་མོ་སྟུ་ཏེ་སྭཱ་ཧཱ། འཕགས་པ་སྤྱན་རས་གཟིགས་དབང་ཕྱུག་གཤེགས་སུ་གསོལ་བའི་སྔགས་སོ། རིག་སྔགས་འདིས་གུ་གུལ་ནག་པོ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ནས་འཕགས་པ་
སྤྱན་རས་གཟིགས་དབང་ཕྱུག་ལ་བདུག་པར་བྱའོ། །བདུགས་པ་ཙམ་གྱི་མོད་ཉིད་ལ་འཕགས་པ་སྤྱན་རས་གཟིགས་དབང་ཕྱུག་གི་གཟུགས་ཀྱིས་སྟོན་པར་མཛད་ཅིང་མཆོག་ཐམས་ཅད་སྦྱིན་པར་མཛད་དོ། །
གལ་ཏེ་མཚམས་མེད་པ་ལྔ་བྱེད་པ་མནར་མེད་པར་གཞོལ་བ་དེས་ཀྱང་བདུགས་པ་ཙམ་གྱིས་ངེས་པར་སྟོན་པར་མཛད་ན། དགེ་སློང་ཚངས་པར་སྤྱོད་པ་བསམ་པ་དག་པ་དད་པ་ཅན་མོས་པ་ལ་ལྟ་སྨོས་ཀྱང་ཅི་དགོས། 

99-1-173a

མོད་ཉིད་ལ་རང་གི་གཟུགས་རང་གི་ངོ་བོ་ཡོངས་སུ་དག་པ་སྟོན་པར་མཛད་ཅིང་། མཆོག་ཐམས་ཅད་སྦྱིན་པར་མཛད་ལ་དོན་ཡོད་པ་ཆེན་པོའི་དངོས་གྲུབ་སྦྱིན་པར་མཛད་དོ། །དྲག་པོ་ལ་བདུགས་ན་གཟུགས་མངོན་
སུམ་དུ་མདུན་ན་འདུག་ཅིང་། འདོད་པ་དང་། དངོས་གྲུབ་ཐམས་ཅད་སྦྱིན་པར་བྱེད་དོ། །སྲེད་མེད་ཀྱི་བུ་ལ་བདུགས་ན་གཟུགས་བརྙན་འགུལ་ཞིང་། ཚིག་འབྱིན་ལ་ཡིད་ལ་བསམས་པ་ཐམས་ཅད་ཡོངས་སུ་རྫོགས་པར་
བྱེད། རྟག་ཏུ་རྗེས་སུ་འབྲང་བར་འགྱུར། སྟོབས་དང་། ཤུགས་དང་། བརྩོན་འགྲུས་དང་། ཕ་རོལ་གནོན་པར་བྱེད་པའི་དངོས་གྲུབ་སྦྱིན་པར་བྱེད་དོ། །མ་མོའི་གནས་སུ་ནག་པོ་ཆེན་པོ་ལ་བདུགས་ན་ནག་པོ་ཆེན་པོ་མ་མོའི་
ཚོགས་དང་བཅས་པ་དབང་དུ་གྱུར་ནས་འདུག་ལ་ལས་དང་བྱ་བ་ཐམས་ཅད་གྲུབ་པར་བྱེད། ཐམས་ཅད་དུ་དངོས་གྲུབ་ཆེན་པོ་སྒྲུབ་པར་བྱེད་དོ། །ཚོགས་ཀྱི་དབང་ཕྱུག་ལ་བདུགས་ན། བགེགས་དང་ལོག་འདྲེན་ཐམས་
ཅད་བཅིངས་པར་འགྱུར་རོ། །འདོད་པའི་དབང་ཕྱུག་ལ་བདུགས་ན་སྡང་བ་དང་། བདུག་པ་དང་། བར་ཆད་བྱེད་པ་གཞན་གང་ཡིན་པ་དེ་དག་ཐམས་ཅད་བཅིངས་པར་འགྱུར་ཞིང་མི་སྣང་བར་འགྱུར་རོ། །རྒྱལ་པོའི་སྒོར་
བདུགས་ན་རྒྱལ་པོའི་བཙུན་མོའི་འཁོར་དང་བཅས་པ་བཀུག་ནས་དབང་དུ་གྱུར་ཏེ། ཉེ་བར་གནས་པ་འདོད་པ་དང་བྱ་བ་ཐམས་ཅད་བྱེད་དོ། །ཉི་མ་ཤར་བའི་ཚེ་ཉི་མ་ལ་མངོན་དུ་ཕྱོགས་ནས་བདུགས་ན་ཉི་མ་
འབབ་ཅིང་འདོད་པའི་དངོས་གྲུབ་ཐམས་ཅད་སྦྱིན་པར་བྱེད་དོ། །ཟླ་བ་ཉ་ལ་བདུགས་ན་ཟླ་བ་འབབ་ཅིང་དབང་ཕྱུག་འབྱོར་པ་ཆེན་པོ་སྦྱིན་པར་བྱེད་དོ། །རྣམ་ཐོས་ཀྱི་བུ་ལ་བདུགས་ན་ནོར་འཕེལ་བ་ཆེན་པོ་སྦྱིན་པར་
བྱེད་དོ། །ལྷ་མོ་ཆེན་མོ་དཔལ་ལ་བདུགས་ན་དཔལ་འཐོབ་པར་འགྱུར་རོ། །གདོན་ཐམས་ཅད་ལ་བདུགས་ན་བདུགས་པ་ཙམ་གྱིས་འབབ་ཅིང་ཕྱོགས་བཅུར་འབྲོས་སོ། །ཟིན་པ་འམ་མ་ཟིན་པ་ལ་བདུགས་ན་མོད་ལ་འོང་ངོ་། །

99-1-173b

དུར་ཁྲོད་ཀྱི་མི་རོ་ལ་བདུགས་ན་རོ་ལངས་ལྡང་བར་འགྱུར་རོ། །ཐོད་པ་ལ་བདུགས་ན་འབབ་ཅིང་གར་བྱེད། གླུ་ལེན་རྒྱུག་པར་བྱེད་ཅིང་སྦོད་སྟོང་བྱེད་དོ། །རྡོ་རྗེ་ལ་བདུགས་ན་འབར་རོ། །མདུང་རྩེ་གསུམ་པ་ལ་བདུགས་ན་འབབ་པར་བྱེད་དོ། །འཁོར་
ལོ་ལ་བདུགས་ན་ནམ་མཁའ་ལ་འགྲོའོ། །ཐག་པ་ལ་བདུགས་ན་སྦྲུལ་བཞིན་འཁྲིལ་བར་བྱེད་དོ། །རྫ་མ་དང་། བུམ་པ་ལ་བདུགས་ན་འབབ་པར་བྱེད་ཅིང་རང་ཉིད་འགྱུར་བར་བྱེད་ལ་ཕན་ཚུན་འགྲོ་བར་བྱེད་དོ། །ལྷུང་བཟེད་ལ་བདུགས་
ན་རང་ཉིད་འགྲོ་བར་བྱེད་དོ། །རལ་གྲི་ལ་བདུགས་ན་འབབ་པར་བྱེད་ཅིང་འབར་བར་བྱེད་ལ་རང་ཉིད་འགྲོ་བར་བྱེད་དོ། །དུང་ལ་བདུགས་ནས་བུས་ན་སྒྲ་གང་དུ་གྲག་པ་དེ་དག་འཐབ་པ་དང་། འཐབ་མོ་དང་རྩོད་པ་དང་། འགྱེད་པ་དང་། ཡམས་
ཀྱི་ནད་དང་། གནོད་པ་དང་། འགོ་བའི་ནད་དང་། འཁྲུག་པ་དང་། ནད་ཐམས་ཅད་དང་། ཉོན་མོངས་པ་ཐམས་ཅད་དང་། སྡིག་པ་དང་། གདུག་པ་ཐམས་ཅད་དང་། དགྲ་ཐམས་ཅད་ལས་ཐར་བར་འགྱུར་ཞིང་སྒྲིབ་པ་ཐམས་ཅད་ཟད་པར་འགྱུར་རོ། །
རིམས་ཐམས་ཅད་ལ་བདུགས་ན། རིམས་ཐམས་ཅད་ཞི་བར་འགྱུར་རོ། །རིམས་ཉིན་བཞི་པ་ལ་བདུགས་ཤིང་གསང་སྔགས་ཀྱང་རྗེས་སུ་དྲན་ན་རིམས་ཉིན་བཞི་པ་ཀུ་ཅོ་འདོན་ཅིང་འབྲོས་པར་འགྱུར་རོ། །ཀླུའི་མཚོར་བདུགས་ན་མོད་
ཉིད་ལ་ཆར་གྱི་རྒྱུན་ཆེན་པོ་འབེབས་པར་བྱེད་དོ། །ཆར་ཆེས་ན་གནས་མཐོན་པོར་བདུགས་ན་ཆར་ཆེས་པ་གཅོད་པར་བྱེད་དོ། །སྤྲིན་ལ་མངོན་དུ་ཕྱོགས་ནས་བདུགས་ན་གྲང་ལྷགས་དང་། རླུང་དང་། སེར་བ་ཐམས་ཅད་གཅོད་པར་བྱེད་
ལ། ལོ་གཅིག་གི་བར་དུ་མཚམས་ཆེན་པོ་བཅད་པར་འགྱུར་རོ། །རི་མཐོན་པོའི་རྩེར་བདུགས་ན། ཕྱོགས་བཞི་ཐམས་ཅད་ཀྱི་ཕ་རོལ་གྱི་དམག་ཚོགས་དང་། ཕྱིར་རྒོལ་བ་དང་། ཕས་ཀྱི་དགྲ་ཐམས་ཅད་དང་། དཔག་ཚད་སྟོང་གི་བར་དུ་རྨུགས་
པ་དང་། རེངས་པ་དང་། བཅིངས་པར་འགྱུར་ལ་དཔག་ཚད་སྟོང་གི་བར་དུ་མཚམས་ཆེན་པོ་བཅད་པར་འགྱུར་རོ། །བདག་ཉིད་ལ་བདུགས་ན་སེམས་ཅན་ཐམས་ཅད་ལ་མཆོད་པའི་གནས་ཆེན་པོར་འགྱུར་ལ་སེམས་ཅན་ཐམས་ཅད་དབང་དུ་

99-1-174a

འགྱུར་རོ། །བུ་མོ་ལ་བདུགས་ན་བག་མར་བླངས་པར་འགྱུར་རོ། །ཚོང་ཟོང་ལ་བདུགས་ན་རིན་ཆེ་བར་ལོན་པར་འགྱུར་རོ། །བང་བ་ལ་བདུགས་ན་འབྲུ་འཕེལ་བ་མང་པོར་འགྱུར་རོ། །བཏུང་བའི་གནས་སུ་བདུགས་ན་བཏུང་བ་
འཕེལ་བ་མང་པོར་འགྱུར་རོ། །གོས་ལ་བདུགས་ན་གོས་ཐོབ་པར་འགྱུར་རོ། །མེ་ཏོག་དང་འབྲས་བུ་ལ་བདུགས་ནས་གང་ལ་བྱིན་པ་དེ་དག་བདག་ཉིད་དམ་ནོར་གྱི་སྒོ་ནས་དབང་དུ་འགྱུར་རོ། །ཕྲེང་བ་ལ་བདུགས་ལ་གསང་སྔགས་ལན་བདུན་
བཟླས་བརྗོད་བྱས་ན་གང་གི་མགོ་ལ་བཅིངས་པ་དེ་ལ་འབབ་པར་བྱེད་ཅིང་། ཡ་མཚན་བྱུང་བ་དང་འབྱུང་བ་སྨྲའོ། །འཕགས་པ་རྡོ་རྗེ་འཆང་ལ་བདུགས་ན་རིག་སྔགས་ཆེན་པོའི་དངོས་གྲུབ་ཐོབ་པར་འགྱུར་ཞིང་། འཕགས་པ་རྡོ་རྗེ་འཆང་
སྟོན་པར་མཛད་ལ་དགོས་པ་ཐམས་ཅད་སྒྲུབ་པར་མཛད་དོ། །གནོད་སྦྱིན་མོ་ཡི་གཟུགས་བྲིས་པ་ལ་བདུགས་ལ་གསང་སྔགས་ལན་བདུན་དྲན་པར་བྱས་ན། གནོད་སྦྱིན་མོ་འོངས་ནས་འདོད་པ་ཐམས་ཅད་སྦྱིན་ཞིང་ལས་
ཐམས་ཅད་བྱེད་པར་འགྱུར་ལ་ཇི་སྲིད་འཚོའི་བར་དུ་ཉེ་བར་འདུག་གོ། སྦྱོར་བ་མོ་ལ་བདུགས་ན། སྦྱོར་བ་མོ་ཐམས་ཅད་དང་། མཁའ་འགྲོ་མ་ཐམས་ཅད་དབང་དུ་གྱུར་ནས་ཇི་སྲིད་འཚོའི་བར་དུ་ཉེ་བར་འདུག་གོ། འདོད་དགུར་
སྒྱུར་བའི་གཟུགས་ཅན་མ་ལ་བདུགས་ན་འདོད་དགུར་སྒྱུར་བའི་གཟུགས་ཅན་མ་འོངས་ནས་ཆུང་མར་བྱའོ་ཞེས་སྨྲ་ན་ཇི་སྲིད་འཚོའི་བར་དུ་ཡོ་བྱད་དང་། ལོངས་སྤྱོད་དུ་བྱ་བ་ཐམས་ཅད་སྒྲུབ་པར་བྱེད་ལ་འདོད་པའི་
ཡོན་ཏན་ལྔ་ལ་རྩེ་བས་དགའ་བར་འགྱུར་བ་དང་། རྣམ་ཐོས་ཀྱི་བུ་ལ་འགྲན་པར་འགྱུར་རོ། །དྲིལ་བུ་ལ་བདུགས་ནས་སྒྲ་དཀྲོལ་ན་འཇིགས་པ་ཐམས་ཅད་ལས་ཐར་བར་འགྱུར་ལ། བསྲུང་བ་ཆེན་པོ་བྱས་པར་འགྱུར་
ཁྱིམ་གྱི་ནང་དུ་དཀྲོལ་ན་འབྱུང་པོ་དང་། གནོད་སྦྱིན་དང་། སྲིན་པོ་དང་། ཡི་དགས་དང་། བརྗེད་བྱེད་དང་། གྲིབ་གནོན་ཐམས་ཅད་བྱུང་ནས་ཕྱོགས་བཅུར་བྲོས་པར་འགྱུར་རོ། །ཨོཾ་ཨ་མོ་གྷ་པཱ་ཤ་པད་མ་ཨུཥྞཱི་ཥ། ཏ་ར་ཏ་ར། ཨ་པ་ཏ་ར་ཏུ། 

99-1-174b

བྷ་བན་གཙྪ་ཏུ། སྭ་བྷཱ་བ་ནན། ཏུ་རུ་ཏུ་རུ། མ་ཧཱ་པད་མ་བྷུ་ཛེ་སྭཱ་ཧཱ། སླར་གཤེགས་སུ་གསོལ་བའི་སྔགས་ཏེ། བདུག་སྤོས་གུ་གུལ་དང་། ཆུ་དང་ཡུངས་ཀར་དང་བསྲེས་པ་ལ་ལན་བདུན་བཟླས་བརྗོད་བྱས་ན་ཐམས་ཅད་
དུ་སླར་གཤེགས་སུ་གསོལ་བའི་སྔགས་བྱས་པར་འགྱུར་རོ། །གསང་སྔགས་རིམ་པར་ཕྱེ་བའི་ཆོ་ག་དང་བསྒྲུབ་པའི་ཆོ་གའོ། །། ། དེ་ནས་ལྷ་མོ་ཆེན་མོ་སྒྲོལ་མ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་
སྤྱན་རས་གཟིགས་དབང་ཕྱུག་ག་ལ་བ་དེར་སོང་སྟེ་ཕྱིན་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་ཞབས་ལ་མགོ་བོས་ཕྱག་འཚལ་ནས་ལྷའི་མཆོད་པའི་སྤྲིན་ཆེན་
པོས་མཆོད་དེ། ལན་གསུམ་བསྐོར་བ་བྱས་ནས་མགོ་བཏུད་དེ་ཐལ་མོ་སྦྱར་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བཅོམ་ལྡན་
འདས་རིག་སྔགས་ཆེན་པོ་འཇིག་རྟེན་དུ་ཆེར་བསྟན་ལགས་སོ། །གསང་བ་ཆེན་པོའི་དཀྱིལ་འཁོར་དང་། ཕྱག་རྒྱ་རིམ་པར་ཕྱེ་བ་དང་། ཆོ་ག་ཞིབ་མོ་དང་། དོན་ཡོད་པའི་ཞགས་པ་པད་མ་གཙུག་གི་རིག་སྔགས་ཀྱི་རྒྱལ་
པོ་ཆེན་པོའི་སྙིང་པོ་རིག་སྔགས་འཆང་ཐམས་ཅད་ཀྱི་དོན་དང་། སེམས་ཅན་ཐམས་ཅད་ལ་ཕན་པ་དང་། བདེ་བར་བགྱི་བའི་སླད་དུ་འཛམ་བུའི་གླིང་དུ་གཞག་ལགས་སོ། །བཅོམ་ལྡན་འདས་བདག་གིས་ཀྱང་དོན་ཡོད་
པ་པད་མ་གཙུག་ཏོར་གྱི་རིག་སྔགས་ཀྱི་རྒྱལ་པོ་དེའི་སྙིང་པོ་དང་། ཆོ་ག་ཞིབ་མོ་དོན་ཡོད་པར་སྒྲོལ་བ་དྲི་མ་མེད་པ་པད་མ་གཙུག་ཏོར་གྱི་ཞགས་པ་ཞེས་བགྱི་བ་རིག་སྔགས་ཀྱི་རྒྱལ་པོའི་སྙིང་པོ་བཤད་པར་བགྱི་སྟེ། 
རིག་སྔགས་འཆང་གང་གིས་དྲན་པ་ཙམ་གྱིས་བདག་བཀུག་ཅིང་གཡར་དྲངས་པར་འགྱུར། རིག་སྔགས་འཆང་གི་རིག་སྔགས་སྒྲུབ་ཅིང་ཡོངས་སུ་སྤྱོད་པ་ལ་རིམ་གྲོ་བགྱི་བ་དང་། རིག་སྔགས་འཆང་སྒྲུབ་པའི་དངོས་གྲུབ་མཆོག་

99-1-175a

སྩལ་བར་བགྱི་བ་དང་། བསམ་པ་ཐམས་ཅད་ཡིད་བཞིན་དུ་ཡོངས་སུ་བཀང་བར་བགྱི་བ་དེ་བདག་གིས་བཅོམ་ལྡན་འདས་ཀྱི་སྤྱན་སྔར་འཁོར་མང་པོ་འདུས་པའི་མངོན་སུམ་དུ་རིག་སྔགས་ཀྱི་རྒྱལ་པོ་བཤད་པར་བགྱིའོ། །
དེ་ནས་བཅོམ་ལྡན་འདས་ཤཱཀྱ་ཐུབ་པས་ལྷ་མོ་སྒྲོལ་མ་ལ་འདི་སྐད་ཅེས་བཀའ་སྩལ་ཏོ། །ལྷ་མོ་ཆེན་མོ་སྒྲོལ་མ་རང་གི་རིག་སྔགས་ཀྱི་རྒྱལ་པོ་དེ་བཞིན་གཤེགས་པའི་བྱིན་གྱི་བརླབས་ཀྱི་ཕྱག་རྒྱས་བྱིན་གྱིས་བརླབས་ཀྱིས་
ཤོད་ཅིག །དེ་ནས་ལྷ་མོ་ཆེན་མོ་སྒྲོལ་མ་བཅོམ་ལྡན་འདས་ཀྱི་སྤྱན་སྔར་དོན་ཡོད་པར་སྒྲོལ་བ་དྲི་མ་མེད་པ་པད་མ་གཙུག་ཏོར་གྱི་ཞགས་པ་ཞེས་བྱ་བ་རིག་སྔགས་ཀྱི་སྙིང་པོ་སྨྲས་པ། ན་མཿསྟྲཻ་ཡང་དྷྭི་ཀཱ་ནཱྃ། ཏ་ཐཱ་ག་ཏཱ་ནཱྃ་
ཤཱཀྱ་རཱ་ཛ་ཡ་ཨ་དྷིཥྛ་ན་ན་མ་སྐྲྀ་ཏཱ་ནཱྃ། ན་མོ་རད་ན་ཏྲ་ཡཱ་ཡ། ན་མཿཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མཿཏྭཱ་ར་ཡཻ། མ་ཧཱ་དེ་བི། ཨོཾ་ཏཱ་རཱ་ཎི་ཏཱ་ར་ཎི་ཏཱ་རེ། པད་མ་བི་བྷཱུ་ཥི་ཏ་ཏཱ་རེ། མ་
ཎི་ཀ་ན་ཀ་བི་ཙིད་ཏྲི་ཏ་མ་ལ། ཛ་ཊ་མ་ཀུ་ཊ་ནན། དི་ཏ་པད་མེ། དྷུ་རུ་དྷུ་རུ། པད་མ་པཱ་ཤ་བྷུ་ཛེ། ཨ་མོ་གྷ་པཱ་ཤ་ཧ་སྟེ། ཏཱ་ར་ཡ་བྷ་ག་བ་ཏི། མ་ཧཱ་སིད་དྷི་བ་ར་དེ། ཏུ་རུ་ཏུ་རུ། མ་ཧཱ་ཏཱ་ར་ཎི། བ་ར་དྷེ། སདྷ་ཡ་ས་དྷ་ཡ། སིད་དྷེ། ཨ་མོ་གྷ་
བ་ར་དེ་སྭཱ་ཧཱ། ཨོཾ་ཨ་མོ་གྷ་པད་མི་ནི་ཏཱ་རེ་སྭཱ་ཧཱ། སྙིང་པོའོ། ཨོཾ་མ་ཎི་ཏཱ་རེ་ཧཱུྃ། ཉེ་བའི་སྙིང་པོའོ། །བཅོམ་ལྡན་འདས་འདི་ནི་བདག་གི་གསང་སྔགས་ནོར་བུ་རིན་པོ་ཆེ་ཆེན་པོའི་སྙིང་པོ། དོན་ཡོད་པའི་ཞགས་པ་
པད་མ་གཙུག་ཏོར་གྱི་རིག་སྔགས་ཀྱི་སྙིང་པོའི་ཞགས་པ་ཆོ་ག་ཞིབ་མོའི་རིག་སྔགས་འཆང་བ་རྣམས་ཀྱི་བསམ་པ་ཡོངས་སུ་རྫོགས་པར་བགྱི་བ་དང་། སེམས་ཅན་ཐམས་ཅད་ལ་མཆོག་སྩལ་བ་རབ་ཏུ་སྩལ་
བར་བགྱི་བའི་སླད་དུ་རྗེས་སུ་སྩལ་བ་ལགས་སོ། །བཅོམ་ལྡན་འདས་རིག་སྔགས་ཀྱི་རྒྱལ་པོ་འདིའི་ཡོ་བྱད་དང་། ཆོ་ག་བཤད་པར་བགྱི་སྟེ། དུ་རུ་ཀ་དང་། གུ་གུལ་དང་། སྤྲིག་ཀ་གཅིག་ཏུ་བགྱིས་ལ་

99-1-175b

གསང་སྔགས་ཀྱི་སྙིང་པོ་འདིས་ལན་བརྒྱ་རྩ་བརྒྱད་བཟླས་བརྗོད་བགྱིས་ནས་བཅོམ་ལྡན་འདས་བདག་ལ་བདུགས་ན་བདུགས་པ་ཙམ་གྱི་མོད་ལ་བཅོམ་ལྡན་འདས་བདག་དགུག་པ་དང་། གཡར་དྲངས་པར་འགྱུར་
ལགས་སོ། །བཅོམ་ལྡན་འདས་རིག་སྔགས་འདི་སྒྲུབ་པའི་ཚེ་རང་གི་གཟུགས་ཀྱིས་མདུན་ན་མཆིས་ཤིང་བསམ་པ་ཐམས་ཅད་ཡིད་བཞིན་དུ་དངོས་གྲུབ་རྗེས་སུ་སྩལ་བར་བགྱི། བགེགས་དང་། ལོག་འདྲེན་ཐམས་
ཅད་བཟློག་པར་བགྱི། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་ཐམས་ཅད་བཟློག་པར་བགྱི། འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་བགྱི། བསམ་པ་ཐམས་ཅད་ཡིད་བཞིན་དུ་
རྫོགས་པར་བགྱི། བདེ་ལེགས་དང་། དགེ་ལེགས་བསྲུང་བ་དང་། བསྐྱབ་པ་དང་། སྦ་བར་བགྱིའོ། །བཅོམ་ལྡན་འདས་མཆིས་ཉལ་བ་ན་བདུག་སྤོས་ཀྱི་རྒྱལ་པོ་འདིས་བདག་ལ་བདུགས་ཤིང་། བདག་གི་སྙིང་པོ་ནོར་
བུ་རིན་པོ་ཆེ་ཆེན་པོའི་སྙིང་པོ་གསུམ་པོ་དེ་དག་ལན་ཉི་ཤུ་རྩ་གཅིག་བརྗོད་ན་བདུགས་པ་ཙམ་གྱི་མོད་དང་། དྲན་པ་ཙམ་གྱིས་བཅོམ་ལྡན་འདས་བདག་ཉིད་ཀྱི་ངོ་བོ་རང་གི་གཟུགས་ཡོངས་སུ་དག་པ་བསྟན་ཅིང་། མངོན་
སུམ་དུ་མཆིས་པར་བགྱི། མཆོག་ཐམས་ཅད་རྗེས་སུ་སྩལ་བར་བགྱི། བྱུང་བ་དང་འབྱུང་བའི་བཀའ་མཆིད་བགྱིའོ། །དྲན་པ་ཙམ་གྱི་མོད་ལ་དོན་ཡོད་པད་མ་གཙུག་ཏོར་གྱི་ཞགས་པའི་སྙིང་པོ་འདི་དྲན་པ་ཙམ་
གྱིས། བཅོམ་ལྡན་འདས་བདག་རིག་སྔགས་འཆང་དེའི་མདུན་དུ་མཆིས་ཤིང་བསམ་པ་ཐམས་ཅད་ཡིད་བཞིན་དུ་ཡོངས་སུ་རྫོགས་པར་བགྱི། སྡང་བ་དང་། སྡིག་པ་ཐམས་ཅད་དང་། བགེགས་དང་། ལོག་
འདྲེན་ཐམས་ཅད་སོ་སོར་བཟློག་པར་བགྱི། དངོས་གྲུབ་ཆེན་པོ་བསྒྲུབ་པ་རྗེས་སུ་སྩལ་བར་བགྱི། བཀྲ་ཤིས་ཀྱི་སྒྲ་ཐམས་ཅད་འབྱུང་བར་བགྱི། རིག་སྔགས་ཀྱི་དངོས་གྲུབ་ཐམས་ཅད་རྗེས་སུ་སྩལ་བར་བགྱི། 

99-1-176a

ཆོ་ག་ཞིབ་མོ་དང་། དཀྱིལ་འཁོར་དང་། ཕྱག་རྒྱ་རིམ་པར་ཕྱེ་བའི་དངོས་གྲུབ་ཐམས་ཅད་རྗེས་སུ་སྩལ་བར་བགྱི། བསོད་ནམས་དྲན་པའི་དངོས་གྲུབ་ཐམས་ཅད་རྗེས་སུ་སྩལ་བར་བགྱི། དུས་
མ་ཡིན་པར་འཆི་བ་ཐམས་ཅད་སོ་སོར་བཟློག་པར་བགྱི། སྡིག་པ་དང་། སྒྲིབ་པ་ཐམས་ཅད་རྣམ་པར་དག་པར་བགྱི། རྟག་ཏུ་རྗེས་སུ་འབྲང་བར་བགྱི། རྟག་ཏུ་རྒྱུན་མི་འཆད་པར་རིག་སྔགས་འཆང་གི་
བགེགས་དང་ལོག་འདྲེན་ཐམས་ཅད་སོ་སོར་བཟློག་པར་བགྱི། ནད་ཐམས་ཅད་བསལ་བར་བགྱིའོ། །བཅོམ་ལྡན་འདས་རིག་སྔགས་འཆང་འགུམ་པའི་ཚེ་རྣམ་པར་ཤེས་པ་ཐ་མ་ལ་བབ་པ་དེ། བཅོམ་ལྡན་འདས་
བདག་གིས་རྟག་ཏུ་མངོན་སུམ་དུ་བསྟན་ཅིང་མདུན་ན་ཉེ་བར་མཆིས་པར་བགྱི། སངས་རྒྱས་ཡིད་ལ་བགྱིད་པ་ཤིན་དུ་དྲན་པས་དུས་ལས་འདའ་བར་བགྱིས་པ་དང་། ཇི་ལྟར་སྦྲུལ་ལྤགས་པ་བརྗེས་པ་བཞིན་དུ་ལུས་
བརྗེས་ནས་འཇིག་རྟེན་གྱི་ཁམས་བདེ་བ་ཅན་གྱི་སྐལ་བ་དང་མཉམ་པར་པད་མ་དག་ལས་རྫུས་ཏེ་སྐྱེ་ལ་རྒྱན་ཐམས་ཅད་ཀྱིས་བརྒྱན་པ་དང་། ཚེ་རབས་སུ་ཚེ་རབས་དྲན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་
ཡོངས་སུ་གཟུང་ཞིང་བྱིན་གྱིས་བརླབས་པར་འགྱུར། ལུས་རྡོ་རྗེར་འགྱུར། སངས་རྒྱས་ཀྱི་ཞིང་ཐམས་ཅད་དུ་ཆུད་པར་འགྱུར། ས་བཅུ་ལ་གནས་པར་ཡང་འགྱུར། ཕྱིར་མི་ལྡོག་པའི་ས་ལ་གནས་པར་ཡང་འགྱུར། 
དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པར་ཡང་འགྱུར། དགེ་བའི་རྩ་བ་ཐམས་ཅད་བསྐྱེད་པར་ཡང་འགྱུར། དེ་བཞིན་གཤེགས་པ་ཐམས་ཅད་མངོན་སུམ་དུ་སྟོན་པར་འགྱུར། བསོད་ནམས་ཀྱི་ཚོགས་ཐམས་ཅད་
བསགས་པར་འགྱུར། སྡིག་པ་དང་། སྒྲིབ་པ་དང་། སྡིག་པ་ཐམས་ཅད་ཡོངས་སུ་དག་པར་འགྱུར། དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བའི་དམ་ཚིག་རྟོགས་པ་དང་། གསང་བའི་དཀྱིལ་འཁོར་ཆེན་པོའི་

99-1-176b

དམ་ཚིག་བྱང་ཆུབ་ཀྱི་སྙིང་པོའི་མཐར་ཐུག་པའི་བར་དུ་འཚལ་བར་འགྱུར་བ་ལགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ལྷ་མོ་ཆེན་མོ་སྒྲོན་མ་ལ་ལེགས་སོ་ཞེས་བྱ་བ་
བྱིན་ཏེ། ལྷ་མོ་ཆེན་མོ་ལེགས་སོ་ལེགས་སོ། །རིག་སྔགས་ཀྱི་རྒྱལ་པོ་འདི་ཁྱོད་ཀྱིས་བཤད་པ་མཆོག་ཏུ་ལེགས་སོ། །ཆོ་ག་ཞིབ་མོ་འདི་ཡོངས་སུ་རྫོགས་པར་བྱ་བ་དང་། རིག་སྔགས་འཆང་དེ་ཡང་ཡོངས་སུ་བསྲུང་བའི་ཕྱིར་
དང་། ཡོངས་སུ་བསྐྱང་བའི་ཕྱིར་དང་། དངོས་གྲུབ་རབ་ཏུ་སྦྱིན་པའི་ཕྱིར་ཁྱོད་ཀྱིས་ཡོངས་སུ་བསྐྱང་བར་བྱའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དང་། རྒྱལ་པོ་ཆེན་པོ་བཞི་དང་། ཚངས་པ་དང་། ཁྱབ་འཇུག་དང་། 
དབང་ཕྱུག་ཆེན་པོ་དང་། ལྷ་རྣམས་ཀྱི་དབང་པོ་བརྒྱ་བྱིན་དང་། ཚོགས་ཀྱི་བདག་པོ་ནག་པོ་ཆེན་པོ་དང་། རིག་སྔགས་དང་དཀྱིལ་འཁོར་ཀྱི་ལྷ་དུ་མ་དང་། ནོར་བུ་བཟང་པོའི་བུ་དང་། ལྔ་ལེན་དང་། གར་མཁན་མཆོག་དང་། སྟོབས་ཅན་དང་། 
སྟོབས་པོ་ཆེ་དང་། ལྗང་སྔོ་དང་། དུང་ཅན་དང་། དེ་བཞིན་དུ་འཇིགས་བྱེད་དང་། དབྱངས་ལྡན་མ་དང་། དཔེ་མེད་མ་དང་། ལྷ་མོ་ཆེན་མོ་དཔལ་དང་། རལ་པ་གཅིག་མ་དང་། མེ་ཏོག་ཚེམས་ཏེ་ཐམས་ཅད་འདུས་ནས་མཐུན་པར་
སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
བཅོམ་ལྡན་འདས་བདག་ཅག་ཀྱང་ཕྱི་མའི་དུས་ཕྱི་མའི་ཚེ་རིག་སྔགས་འཆང་དེ་དང་། རིག་སྔགས་སྨྲ་བ་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། གཞན་
ཡང་སྐྱེས་པ་འམ། བུད་མེད་དམ། ཁྱེའུ་འམ། བུ་མོ་གང་ཞིག་དོན་ཡོད་པའི་ཞགས་པ་གཙུག་ཏོར་འདི་སྒྲུབ་པར་བགྱིད་དམ། ཀློག་པར་བགྱིད་དམ། འདོན་དམ། ཐ་ན་མིང་ཙམ་ཡང་འཛིན་པར་བགྱིད་ན། བཅོམ་ལྡན་འདས་

99-1-177a

དེ་ལ་བདག་ཅག་ཀུན་ནས་མཐུན་པར་རྟག་ཏུ་རྗེས་སུ་འབྲང་ཞིང་བསྲུང་བར་བགྱི། ཡོངས་སུ་བསྐྱང་བར་བགྱི། གཟི་བརྗིད་གཞུག་པར་བགྱི། དངོས་གྲུབ་ཆེན་པོའི་བསམ་པ་ཡོངས་སུ་རྫོགས་པར་བགྱི་བསམ་
པ་ཐམས་ཅད་ཀྱི་མཆོག་ཡོངས་སུ་རྫོགས་པར་བགྱི། ཉེས་པར་བགྱིས་པ་ཐམས་ཅད་སོ་སོར་བཟློག་པར་བགྱི། སྡིག་པ་དང་། སྒྲིབ་པ་ཐམས་ཅད་ཡོངས་སུ་སྦྱང་བར་བགྱི། བྱང་ཆུབ་ཀྱི་མཐར་ཐུག་གི་བར་དུ་རྟག་ཏུ་རྗེས་
སུ་འབྲང་བར་བགྱིའོ། །བཅོམ་ལྡན་འདས་ཀྱིས་འདི་སྐད་དུ་གྲོགས་པོ་དག་ལེགས་སོ་ལེགས་སོ། །ཁྱོད་ཀྱིས་བྱ་བ་དེ་ལྟར་ཡིན་ཏེ་རིག་སྔགས་ཀྱི་རྒྱལ་པོ་ཆེན་པོ་འདི་ངས་གཏམས་ཤིང་ཡོངས་སུ་གཏང་ངོ་ཞེས་བཀའ་
སྩལ་ཏོ། །དོན་ཡོད་པའི་ཞགས་པ་པད་མ་གཙུག་ཏོར་རྡོ་རྗེ་ཆེན་པོའི་སྙིང་པོ་གསང་བ་རྫོགས་སྷོ།། །།རྣམ་པར་ཐར་པ་ཆེན་པོའི་དཀྱིལ་འཁོར་གྱི་སྙིང་པོ་གསང་བ་བསྟན་པ་བཀླགས་པས་གྲུབ་པ་ཆོ་ག་ཞིབ་མོ་རྒྱས་
པ་མཆོག་ཏུ་གསང་བ་མཐའ་དག་རྫོགས་པ་ཡོངས་སུ་རྫོགས་སྷོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱི་ཞབས་གཉིས་ལ་
གཏུགས་ནས་མིག་མི་འཛུམས་པར་བཅོམ་ལྡན་འདས་ཀྱི་ཞལ་དུ་བལྟས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ན་བདག་ལ་པད་མ་ཡངས་པའི་དཀྱིལ་འཁོར་པད་མའི་རིགས་ཀྱི་སྙིང་པོར་
གྱུར་པ་གསང་བ་དེ་ཁོ་ན་ཉིད་བསྟན་པ་མཆིས་ཏེ། རྣམ་པར་ཐར་པའི་དཀྱིལ་འཁོར་གྱི་གསང་བའི་དོན་ཡོད་པའི་ཞགས་པའི་སྙིང་པོ་ཁྲོ་བོའི་རྒྱལ་པོ་རིག་སྔགས་ཀྱི་རྒྱལ་པོའི་སྙིང་པོ་བཅོམ་ལྡན་འདས་ཀྱི་སྤྱན་སྔར་ངོ་བོ་ཐ་དད་
པ་དང་། ཕྱག་རྒྱ་ཐ་དད་པ་དང་། སྔགས་ཐ་དད་པ་དང་། དཀྱིལ་འཁོར་དང་། གཟུགས་བྲི་བ་ཡོངས་སུ་བསྒྲགས་པར་བགྱི། སེམས་ཅན་ཐམས་ཅད་རྗེས་སུ་གཟུང་བའི་སླད་དུ། རིག་སྔགས་འཆང་བ་རྣམས་ཀྱི་དེ་ཁོ་ནར་གྱུར་པ་ནི་འདི་

99-1-177b

ལགས་ཏེ། རིག་སྔགས་འཆང་བ་ཐམས་ཅད་ཀྱི་གནས་གསང་བའི་དཀྱིལ་འཁོར་པད་མ་ཡངས་པའི་དམ་ཚིག་དོན་ཡོད་པའི་ཞགས་པ་བསྒྲུབ་པའི་ཆོ་ག་རྗེས་སུ་སྩལ་བར་བགྱི་ན་བཅོམ་ལྡན་འདས་དེ་བདག་ལ་གནང་བར་མཛད་
ཅིང་། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་བྱིན་གྱིས་བརླབས་པ་དང་། དེ་བཞིན་གཤེགས་པའི་རིགས་དང་། པད་མའི་རིགས་དང་། ནོར་བུའི་རིགས་དང་། རྡོ་རྗེའི་རིགས་དང་། སྤྱིའི་དམ་ཚིག་འགྲུབ་པར་འགྱུར། སྤྱིའི་
བྱིན་གྱིས་བརླབས་དང་། རིག་སྔགས་ཀྱི་རྒྱལ་པོའི་དཀྱིལ་འཁོར་དང་། གཟུགས་བྲི་བ་དང་། ཕྱག་རྒྱ་རིམ་པར་ཕྱེ་བ་ལ་རྗེས་སུ་འཇུག་པར་འགྱུར། ཆོ་ག་ཞིབ་མོ་བསྒྲུབ་པ་ཐམས་ཅད་ཀྱི་དངོས་གྲུབ་དེ་ཁོ་ན་ཉིད་དུ་འགྱུར། དེ་བཞིན་
གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་དང་། བྱང་ཆུབ་སེམས་དཔའི་དཀྱིལ་འཁོར་དུ་འཇུག་པའི་དམ་ཚིག་བྱིན་གྱིས་བརླབས་ཀྱི་དེ་ཁོ་ན་ཉིད་དུ་འགྱུར་ལགས་སོ། །དེ་ནས་དེ་བཞིན་གཤེགས་པ་དགྲ་བཅོམ་
པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་བྱང་ཆུབ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། སྙིང་རྗེ་ཆེན་པོ་དང་ལྡན་པ་དོན་ཡོད་པའི་ཞགས་པའི་དམ་ཚིག་རྣམ་པར་
ཐར་པ་ཆེན་པོའི་དཀྱིལ་འཁོར་རྣམ་པར་འཕྲུལ་པ། བྱང་ཆུབ་སེམས་དཔའ་ཐམས་ཅད་ཀྱི་དམ་ཚིག་དཀྱིལ་འཁོར་ཆེན་པོ་དང་། ཕྱག་རྒྱ་རིམ་པར་ཕྱེ་བ་ཆོ་ག་ཞིབ་མོ་དེའི་དུས་ལ་བབ་པར་ཤེས་ན་ཤོད་ཅིག །ངས་བྱིན་གྱིས་བརླབས་
ཤིང་རྗེས་སུ་ཡི་རང་ལ་ཕྱག་རྒྱ་ཆེན་པོས་བཏབ་ནས་བྱིན་གྱིས་བརླབས་སོ། སྔོན་གྱི་དེ་བཞིན་གཤེགས་པ་གང་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུའི་དེ་བཞིན་གཤེགས་པ་ཐམས་ཅད་ཀྱི་བྱིན་
གྱི་བརླབས་ཀྱིས་བྱིན་གྱིས་བརླབས་སོ། །སེམས་ཅན་ཐམས་ཅད་ཀྱི་དོན་དུ་དེ་ཁོ་ན་ཉིད་ཀྱི་དངོས་གྲུབ་བླ་ན་མེད་པ་ཕྱག་རྒྱ་དང་། དཀྱིལ་འཁོར་དང་། དམ་ཚིག་ཆེན་པོར་བྱིན་གྱིས་བརླབས་སོ། །དེ་ནས་བྱང་ཆུབ་སེམས་དཔའ་

99-1-178a

སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཞིན་འཛུམ་ཞིང་། དེ་བཞིན་གཤེགས་པ་ཐམས་ཅད་ཀྱི་གསང་བ་རྣམ་པར་ཐར་པའི་དཀྱིལ་འཁོར་རྣམ་པར་འཕྲུལ་པ་བཀོད་པ། དོན་ཡོད་པ་མཐོང་བའི་
ཏིང་ངེ་འཛིན་མངོན་དུ་བྱས་ནས་ཏིང་ངེ་འཛིན་དེས་སྟོང་གསུམ་གྱི་སྟོང་ཆེན་པོའྀ་འཇིག་རྟེན་གྱི་ཁམས་ན་སངས་རྒྱས་ཀྱི་ཞིང་ཐམས་ཅད་འོད་ཟེར་གྱིས་སྣང་བར་བྱས། ལྷའི་གནས་ཐམས་ཅད་སྣང་བར་བྱས། ཀླུའི་གནས་ཐམས་ཅད་སྣང་བར་
བྱས། གནོད་སྦྱིན་དང་སྲིན་པོའི་གནས་ཐམས་ཅད་སྣང་བར་བྱས། འབྱུང་པོའི་གནས་ཐམས་ཅད་སྣང་བར་བྱས། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོའི་གནས་ཐམས་ཅད་སྣང་བར་བྱས། སའི་
འོག་ཏུ་གཏོགས་པ་འོག་ན་གནས་པ་ཐམས་ཅད་སྣང་བར་བྱས། བར་སྣང་གི་གནས་ནམ་མཁའ་ལ་རྒྱུ་བའི་ལྷ་རྣམས་སྣང་བར་བྱས་ཤིང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ནས་གཡོ་བ་ཆེན་པོར་གྱུར་པ་
དང་། གཡོ་བའི་མཐུ་དེས་དེ་དག་ཐམས་ཅད་བསྐུལ་བར་གྱུར་ཏོ། །བསྐུལ་བ་ཙམ་གྱི་མོད་ཉིད་ལ། དེ་དག་ཐམས་ཅད་ལྷགས་ཏེ། རི་གྲུ་འཛིན་ན་འཁོར་མང་པོ་འདུས་པར་མཐུན་པར་ལྷགས་ནས་འཁོད་དོ། །དེ་ནས་བྱང་ཆུབ་
སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་འཁོར་མང་པོ་འདུས་པར་མཁྱེན་ནས་དོན་ཡོད་པའི་ཞགས་པའི་ཆ་བྱད་དུ་ཞུགས་ཤིང་བཅོམ་ལྡན་འདས་ཀྱི་སྤྱན་སྔར་འདུག་ནས། འདི་ལྟར་
དེ་བཞིན་གཤེགས་པའི་གསང་བ་ཐམས་ཅད་དུ་རིགས་སྤྱིའི་དམ་ཚིག་གི་ཚུལ་དུ་ཞུགས་ལ། རལ་པའི་ཐོར་ཚུགས་ཀྱིས་བརྒྱན་ཞིང་། རྒྱལ་བ་འོད་དཔག་མེད་ཐོར་ཚུགས་སུ་ཐོགས་པ། ཚངས་པའི་གཟུགས་ཅན་
ཕྱག་བཅྭ་བརྒྱད་པ་རང་གི་ངོ་བོ་ཞགས་པ་ཐོགས་པ། ཐལ་མོ་སྦྱར་བ། སྐུ་ཕྱེད་ན་ཕྱག་གཡོན་པ་བརྟེན་པ། མདུང་རྩེ་གསུམ་པ་བསྣམས་པ། རིལ་བ་སྤྱི་བླུགས་དང་། བགྲང་ཕྲེང་བསྣམས་པ། པད་མ་བསྣམས་པ། 

99-1-178b

པད་མའི་ཕྱག་རྒྱ་བསྣམས་པ། ཡིད་བཞིན་གྱི་ནོར་བུ་དང་། རྒྱལ་མཚན་བསྣམས་པ། མེ་ཏོག་གི་ཕུར་མ་དང་། བཱི་ཛ་པུ་ར་བསྣམས་པ། དབུགས་འབྱིན་པར་མཛད་པ། རིན་པོ་ཆེའི་ཆར་འབེབས་པར་མཛད་པ། ཐལ་མོ་སྦྱར་བའི་
ཕྱག་རྒྱ་མཛད་པ། སྤྱི་བོར་ཕྱག་རྒྱ་མཛད་པ། དམ་ཚིག་གི་ཕྱག་རྒྱ་མཛད་པ། པད་མ་ཡངས་པའི་ཕྱག་རྒྱ་མཛད་པ། རྡོ་རྗེའི་རིགས་ཀྱི་དམ་ཚིག་གི་ཕྱག་རྒྱ་མཛད་པ། དེ་བཞིན་གཤེགས་པ་དང་། ནོར་བུའི་ཕྱག་རྒྱ་མཛད་
པ། གཟུགས་ཞི་བ། སྤྱན་གསུམ་པ། མཆོད་ཕྱིར་ཐོགས་པ། གདན་པད་མ། སྐུ་འོད་ཟེར་སྣ་ཚོགས་འབར་བ། སྒྲོལ་མ་བདུན་རྗེས་སུ་འབྲང་བ། ཕ་རོལ་ཏུ་ཕྱིན་པ་བཅུས་བསྐོར་བ། བརྒྱ་བྱིན་དང་། ཚངས་པ་དང་། གཤིན་
རྗེ་དང་། ཆུ་ལྷ་དང་། ལུས་ངན་པོས་བསྐོར་བ། དབང་ཕྱུག་དང་། དབང་ཕྱུག་ཆེན་པོ་དང་། ཚངས་པ་དང་། ལྷའི་བུ་དང་། སྲེད་མེད་ཀྱི་བུ་དང་། དབང་ཆེན་དང་། རྒྱ་མཚོ་དང་དགའ་བོ་དང་། ཉེ་དགའ་བོ་འཁོར་དང་བཅས་པ་བཅོམ་
ལྡན་འདས་ཤཱཀྱ་ཐུབ་པའི་སྤྱན་སྔར་འཁོད་ནས་མིག་མི་འཛུམས་ཤིང་བཞིན་འཛུམས་པས། མེ་ཏོག་སྣ་ཚོགས་པ་རྣམས་བཅོམ་ལྡན་འདས་ལ་འཐོར་ཏེ། འདི་ལྟ་སྟེ། མེ་ཏོག་ཤྭ་ལ་དང་། ཏ་མ་ལ་དང་། 
ཙམ་པ་དང་། ཨ་ཏི་མུག་ཏ་ཀ་དང་། ཤོ་ཀཱ་བར་ཏ་ཤ་དང་། ཁ་བྱེ་འཁྱིལ་པ་དང་། གན་དྷ་པ་ར་ཥི་ཀ་དང་། མཐོན་ཀ་དང་། མཐོན་ཀ་ཆེན་པོ་དང་། ཀ་དམ་པ་དང་། མདོག་མཛེས་པ་དང་། སུ་མན་ནྱ་ཀ་དང་། སྐྱ་སྣར་དང་། ཆེར་གསལ་
བ་དང་། དྲི་མེད་གཟི་བརྗིད་དང་། དྲི་དགའ་དང་། རབ་སིམ་དང་། པ་ལཱ་ཤ་དང་། ཟ་བ་དང་། མ་རཎ་ཊ་ཀ་དང་། གཟི་བརྗིད་བསིལ་དང་། དྲི་མེད་དང་། གཟི་ཡངས་ལྡན་དང་། ཤིན་དུ་བསྟན་དང་། ལྷ་དགའ་དང་། ཡིད་དགའ་དང་། ཡུ་ཐི་ཀ་དང་། 
པད་མ་དང་། ཀུ་མུ་ད་དང་། པད་མ་དཀར་པོ་དང་། ཨུཏ་པ་ལ་དང་། ཨུཏ་པ་ལ་དམར་པོ་དང་། ཏ་ར་ཎ་གུ་ཧྱ་དང་། གསེར་དང་། དངུལ་དང་། རིན་པོ་ཆེ་རྣམ་པ་སྣ་ཚོགས་ཀྱི་མེ་ཏོག་རྣམས་ཀྱིས་བཅོམ་ལྡན་འདས་ལ་མཆོད་པ་བྱེད་པ་

99-1-179a

ནི་མངོན་སུམ་དུ་རྣམ་པར་ཐར་པའི་དཀྱིལ་འཁོར་གསང་བ་དོན་ཡོད་པའི་རྒྱལ་པོ་འདི་སྨྲས་སོ། །དུས་གསུམ་དུ་གཤེགས་ཤིང་བཞུགས་པ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་བཞིན་
གཤེགས་པ་ཐམས་ཅད་ཀྱི་གསང་བ་རིགས་ཀྱི་དམ་ཚིག་ལ་ཕྱག་འཚལ་ལོ། །རིག་སྔགས་ཀྱི་རྒྱལ་པོ་དོན་ཡོད་པ་རྣམ་པར་ཐར་པའི་དཀྱིལ་འཁོར་ཀྱི་རིགས་དང་། ཕྱག་རྒྱ་ཐམས་ཅད་ལ་ཕྱག་འཚལ་ལོ། འདས་པ་དང་། མ་འོངས་པ་
དང་། ད་ལྟར་བྱུང་བའི་རང་སངས་རྒྱས་དང་། ཉན་ཐོས་ཀྱི་དགེ་འདུན་ཐམས་ཅད་ལ་ཕྱག་འཚལ་ལོ། །ཡང་དག་པར་རྟོགས་པ་རྣམས་ལ་ཕྱག་འཚལ་ལོ། །ཡང་དག་པར་ཞུགས་པ་རྣམས་ལ་ཕྱག་འཚལ་ལོ། །བློ་གྲོས་ཆེན་
པོ་དང་ལྡན་པ་ཤཱ་ར་དྭ་ཏིའི་བུ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་མཆོག་རྣམས་ལ་ཕྱག་འཚལ་ལོ། །འཕགས་པ་དེ་བཞིན་གཤེགས་པ་དགྲ་བཅོམ་པ་
ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྗེ་ཆེན་པོ་དང་ལྡན་པ་འཕགས་པ་སྤྱན་
རས་གཟིགས་དབང་ཕྱུག་ལ་ཕྱག་འཚལ་ལོ། །དྲང་སྲོང་ཆེན་པོ་དེ་དག་དང་། འཕགས་པའི་ཚོགས་ཀྱི་མཆོག་དེ་དག་ལ་ཕྱག་འཚལ་ནས་འཕགས་པ་སྤྱན་རས་གཟིགས་དབང་ཕྱུག་གི་ཞལ་ནས་བྱུང་བ། དོན་ཡོད་པའི་
རྒྱལ་པོ་རྣམ་པར་ཐར་པའི་དཀྱིལ་འཁོར་གྱི་སྙིང་པོ་དེ་བཞིན་གཤེགས་པས་མངོན་སུམ་དུ་གསུངས་པ་འདི་འཁོར་མང་པོའི་ནང་དུ་བདག་གིས་ད་བཟླས་ཀྱིས། བདག་གི་དགོས་པ་ཐམས་ཅད་གྲུབ་པར་གྱུར་ཅིག ། འཇིགས་
པ་ཐམས་ཅད་དུ་བསྲུང་བར་གྱུར་ཅིག ། །། ཏད་ཡ་ཐཱ། ༀ་ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀཱ། བི་རི་བི་རི། པི་རི་པི་རི། ཙི་རི་ཙི་རི། པ་ར་མ་མ་ཧཱ་ཀཱ་རུ་ཎི་ཀཱ། སི་རི་སི་རི། ཙི་རི་ཙི་རི། པི་རི་པི་རི། 

99-1-179b

བི་རི་བི་རི། མ་ཧཱ་པད་མ་ཧསྟོ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། མ་ཧཱ་ཤུད་དྷ། སཏྭ། ཨེ་ཧྱེ་ཧི། བུད་དྷ་བུད་དྷ། དྷཱ་བ་དྷཱ་བ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུད་དྷ་ས་ཏྭ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། 
མ་ཧཱ་སྠ་མ་པྲ་བ་ཏ། ཙ་ལ་ཙ་ལ། སན་ཙ་ལ། བི་ཙ་ལ། ཨེ་ཊ་ཊ། ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། ཨེ་ཧྱེ་ཧི་མ་ཧཱ་ཀཱ་རུ་ཎི་ཀཱ། མ་ཧཱ་པཱ་ཤུ་པ་ཏི། བེ་ཤ་དྷ་ར། དྷ་ར་དྷ་ར། ས་ར་ས་ར། ཙ་ར་ཙ་ར། ཧ་ར་ཧ་ར། ཧཱ་ཧཱ་ཧཱ་ཧཱ། ཧཱི་ཧཱི་
ཧཱི་ཧཱི། ཧཱུ་ཧཱུ་ཧཱུ་ཧཱུ། ཨོཾ་ཀཱ་ར་བྲཧྨ་བེ་ཥ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། པ་ར་པ་ར། ཙ་ར་ཙ་ར། བྷ་ར་བྷ་ར། ར་ཤྨི་ཤ་ཏ། ས་ཧ་སྲ་པྲ་ཏི། མཎ་ཌི་ཏ་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ། བྷ་བྷ་བཱན། སཽ་མ་
ཨཱ་དི་ཏྱ། ཡ་མ་བ་རུ་ཎ། ཀུ་བེ་ར། བྲཧྨ་ཨིན་དྲ། རྀ་ཥི། དེ་བ་ག་ཎ། ཨ་བྷྱ་རི་ཙ་ཏ་ཙ་ར་ཎ། སུ་རུ་སུ་རུ། ཙུ་རུ་ཙུ་རུ། པུ་རུ་པུ་རུ། མུ་རུ་མུ་རུ། ས་ནད་ཀུ་མཱ་ར། རུ་དྲ་བཱ་ས་བ། བིཥྞུ་དྷ་ན་ད། དེ་བ་རྀ་ཥི་ནཱ་ཡ་ཀ །བ་ཧུ་བི་བི་དྷ་བེ་ཥ་དྷ་ར། དྷ་ར་
དྷ་ར། དྷི་རི་དྷི་རི། དྷུ་རུ་དྷུ་རུ། ཐ་ར་ཐ་ར། གྷ་ར་གྷ་ར། ཡ་ར་ཡ་ར། ལ་ར་ལ་ར། ཧ་ར་ཧ་ར། མ་ར་མ་ར། པ་ར་པ་ར། ཙ་ར་ཙ་ར། བ་ར་བ་ར། བ་ར་ད་ཡ་ཀ །ས་མན་ཏ་ཨ་བ་ལོ་ཀི་ཏེ། བི་ལོ་ཀི་ཏེ། ལོ་ཀི་ཤྭ་ར། མ་ཧེ་ཤྭ་ར། མུ་ཧུ་མུ་ཧུ། མུ་ཡ་མུ་ཡ། 
མཉྩ་མཉྩ།། །།བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ་ཐམས་ཅད་དང་། ཡམས་ཀྱི་ནད་ཐམས་ཅད་དང་། 
གདོན་ཐམས་ཅད་དང་། ནད་ཐམས་ཅད་ལས་བསྲུང་དུ་གསོལ། བསྲུང་དུ་གསོལ། གནོད་པ་དང་། འཆིང་བ་དང་། བརྡེག་པ་དང་། བསྡིགས་པ་དང་། རྒྱལ་པོ་དང་། ཆོམ་རྐུན་དང་། གནོད་བྱེད་དང་། མེ་དང་། ཆུ་དང་། དུག་དང་། 
མཚོན་ལས་ཡོངས་སུ་ཐར་བར་མཛད་པ། ཀ་ཎ་ཀ་ཎ། ཀི་ཎི་ཀི་ཎི། ཀུ་ཎུ་ཀུ་ཎུ། ཙ་ར་ཙ་ར། ཨིན་དྲི་ཡ། བ་ལ་བོ་དྷྱང་ག །མཱ་ར་ཀ །ཙ་ཏུ་རཱ་རྱ་སཏྱ། སམ་པྲ་ཀཱ་ཤ་ཀ །ཏ་མ་ཏ་མ། ད་མ་ད་མ། ཤ་མ་ཤ་མ། 

99-1-180a

ས་མ་ས་མ། མ་ཧཱ་ཏ་མོན་དྷ་ཀཱ་ར། བི་དྷ་མན། ཥ་ཊ་པཱ་ར་མི་ཏཱ། པཱ་རི་པཱུ་ར་ཀ །མི་ལི་མི་ལི། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཊུ་ཊུ་ཊུ་ཊུ། ཨེ་ནེ་ཡ་ཙ་ར་མ་ཀྲི་ཊ། ཨེ་ཧྱེ་ཧི་ཨེ་ཧྱེ་ཏཱི་ཤྭ་ར། མ་ཧཱ་ཏ་བྷུ་ཏ། ག་ན་བྷཉྫ་ཀ །ཀུ་རུ་
ཀུ་རུ། པ་ར་པ་ར། ཀ་ཊ་ཀ་ཊ། མ་ཊ་མ་ཊ། བི་ཤུད་དྷ། བི་ཥ་ཡ། ནི་བཱ་སི་ན། མ་ཧཱ་ཀཱ་རུ་ཎི་ཀཱ། ཤྭེ་ཏཱ་ཡཛྙོ་བ་བི་ཏ་ཡ། རཏ་ན་མ་ཀུཊ། མཱ་ལཱ་དྷ་ར། སརྦ་ཛྙཱ་ཤི་ར་སི་ཀྲྀ་ཏ། མ་ཀུཊ་མ་ཧཱ་ཏ་བྷུ་ཏ། ཀ་ར་ཏ་ལ་ན་ས་མཱ་དྷི། བི་མོ་ཀྵ། ཨ་པྲ་
ཀམ་པྱ། བ་ཧུ་སཏྭ། སན་ཏ་ཏི། པ་རི་པཱ་ཙ་ཀ་མ་ཧཱ་ཀཱ་རུ་ཎི་ཀ །སརྦ་ཀརྨ་ཨཱ་བ་ར་ཎ་བི་ཤོ་དྷ་ཀ །སརྦ་བྱཱ་དྷི་པིར་མོ་ཙ་ཀ །སརྦ་ཨཱ་ཤ་པ་རི་པཱུ་ར་ཀ །སརྦ་སཏྭ། ས་མཱ་ཤྭཱ་ས་ཀ་ར། ན་མོ་སྟུ་ཏེ་སྭཱ་ཧཱ། ཨོཾ་བྲཧྨ། བེ་ཤ་དྷ་ར། དྷ་ར་དྷ་ར། 
དྷི་རི་དྷི་རི། དྷུ་རུ་དྷུ་རུ། ས་མན་ཏ། ཛྭ་ལ་ཨ་མོ་གྷ་ཧཱུྃ། དོན་ཡོད་པའི་སྙིང་པོ། ཨ་ཡི་གེ་གཅིག་པོ་ནི་ཀུན་ནས་གསང་བ་དེ་བཞིན་གཤེགས་པའི་རིགས་ཀྱི་དམ་ཚིག་དང་། པད་མ་ཡངས་པའི་དཀྱིལ་འཁོར་དུ་ཞུགས་པ་
རིགས་ཐམས་ཅད་ཀྱི་སྤྱིའི་ཡིན་ཏེ། བཀླགས་པས་གྲུབ་པའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་སྙིང་པོ་ཡི་གེ་གཅིག་པོ་ཀུན་ནས་དེ་བཞིན་གཤེགས་
པ་ཐམས་ཅད་ཀྱི་རིགས་ཀྱི་གསང་བ་སྤྱིའི་རྣམ་པར་ཐར་པའི་དཀྱིལ་འཁོར་སྨྲས་པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་ཤིང་ལྷའི་མེ་ཏོག་གི་ཆར་རབ་ཏུ་བབ་ལ། ཀུན་ནས་
རིན་པོ་ཆེའི་ཆར་རབ་ཏུ་བབ་བོ། །དེ་བཞིན་གཤེགས་པ་གང་གཱ་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་སྟོང་ཀུན་ནས་གཤེགས་ནས་ནམ་མཁའི་དཀྱིལ་ལ་རྫུ་འཕྲུལ་གྱིས་བཞུགས་སོ། །དོན་ཡོད་པའི་རིམ་པར་ཕྱེ་བའི་སྤྲིན་ལྷའི་རིན་པོ་
ཆེ་སྣ་བདུན་ཕབ་ལ་འབབ་པས་ཁེབས་པ་དང་། ལྷའི་རིན་པོ་ཆེ་སྣ་བདུན་གྱི་མེ་ཏོག་རྣམས་དང་། ལྷའི་རྒྱན་དང་། གོས་སྣ་ཚོགས་པའི་ཆར་བཅོམ་ལྡན་འདས་དང་། འཕགས་པ་སྤྱན་རས་གཟིགས་དོན་ཡོད་པའི་རྒྱལ་པོའི་

99-1-180b

ཚུལ་དུ་ཞུགས་པ་ལ་མཆོད་པ་དང་། བཀུར་སྟི་བྱ་བའི་ཕྱིར་རབ་ཏུ་ཕབ་བོ། །སངས་རྒྱས་བཅོམ་ལྡན་འདས་དེ་དག་གིས་ཀྱང་ལེགས་སོ་ཞེས་བྱ་བའི་སྒྲ་འབྱིན་པར་མཛད་དེ། སེམས་དག་པ་ཆེན་པོ་ཁྱོད་ཀྱིས་སངས་རྒྱས་
འབྱུང་བ་མཆོག་བསྟན་པ་ལེགས་སོ་ལེགས་སོ། །འདི་ལྟ་སྟེ། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་གསང་བའི་ཕྱག་རྒྱ་དང་། དཀྱིལ་འཁོར་དང་། རིག་སྔགས་ཀྱི་གནས་རིམ་པར་ཕྱེ་བ་རྣམ་པར་ཐར་པའི་དཀྱིལ་འཁོར་དང་། 
ཡི་གེ་གཅིག་པའི་རྗེས་སུ་ཞུགས་པ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ཉི་མ་གཅིག་ཤར་བ་ཡིན་ནོ། །གང་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་
འཇིག་རྟེན་གྱི་ཁམས་རྡུལ་ཕྲ་མོ་སྙེད་ཀྱི་སངས་རྒྱས་འབྱུང་བ་རྫོགས་པར་སངས་རྒྱས་འབྱུང་བ་གཅིག་གིས་ཐམས་ཅད་ཀྱི་རྗེས་སུ་ཞུགས་པ་ཡིན་ཞིང་། སྙིང་པོ་ཡི་གེ་གཅིག་གིས་རྗེས་སུ་ཞུགས་པ་ཡིན་ལ་ཕྱག་རྒྱ་དང་། 
དཀྱིལ་འཁོར་རིམ་པར་ཕྱེ་བ་དང་། དམ་ཚིག་གཅིག་གིས་རྗེས་སུ་ཞུགས་པ་ཡིན་ནོ། །དོན་ཡོད་པའི་རྣམ་པར་འཕྲུལ་པ་རྣམ་པར་ཐར་པའི་དཀྱིལ་འཁོར་དེ་བཞིན་གཤེགས་པའི་གསང་བ་བཟང་པོ་འདི་ནི་དོན་ཡོད་པའི་གསང་སྔགས་
ཀྱི་ཞགས་པས་དྲངས་ཤིང་སྐུ་གཅིག་གི་དམ་ཚིག་ལ་བཀོད་པ་ཡིན་ཏེ། དེ་ནས་དོན་ཡོད་པའི་ཞགས་པ་ཞེས་བྱ་བར་བྱིན་གྱིས་བརླབས་སོ། །སྙིང་པོ་ཡི་གེ་གཅིག་པའི་གཟུངས་སྔགས་ནི་རྟག་ཏུ་བཀླགས་པས་གྲུབ་པ། དེ་བཞིན་
གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་ཡིན་ནོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ལེགས་སོ། །ཞེས་བྱ་
བ་བྱིན་ཏེ། སྙིང་རྗེ་ཆེན་པོ་དང་ལྡན་པ་ལེགས་ལེགས་སོ། །དེ་ཁོ་ན་ཉིད་བསྒྲུབ་པ་གྲུབ་པ། དེ་བཞིན་གཤེགས་པའི་རིགས་སྤྱིའི་དམ་ཚིག་ཐམས་ཅད་གྲུབ་པ། དོན་ཡོད་པའི་ཞགས་པའི་སྙིང་པོ་བསྒྲུབ་པ་བཀླགས་པས་འགྲུབ་པ་འདི་

99-1-181a

ནི་མཆོག་ཏུ་བཟང་བ་ཡིན་གྱིས་ཡོན་ཏན་གྱི་ཕུང་པོ་ཤོད་ཅིག ། སྙིང་པོ་ཡི་གེ་འདི་ནི་དོན་ཡོད་པའི་ཞགས་པ་སྒྲུབ་པའི་ཆོ་ག་བསྒྲུབ་པ་བདེ་བ། བཀླགས་པས་གྲུབ་པ་ཕྱག་རྒྱ་དང་། དཀྱིལ་འཁོར་དང་། སྐུ་གཟུགས་
རི་མོ་དང་བཅས་པ་བསྒྲུབ་པའི་ཆོ་ག་བླ་ན་མེད་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
དོན་ཡོད་པའི་ཞགས་པ་པད་མ་ཡངས་པའི་དཀྱིལ་འཁོར་དང་། པད་མའི་རིགས་ཀྱི་རྣམ་པར་ཐར་པའི་དཀྱིལ་འཁོར་དང་། དེ་ཁོ་ན་ཉིད་ཀྱི་དམ་ཚིག་གསང་བ་ཆེན་པོ་དང་། རིགས་སྤྱིའི་སྒྲུབ་པ་བཀླགས་པས་འགྲུབ་
པ་འདིའི་ཡོ་བྱད་དང་། ཆོ་ག་བཤད་པར་བགྱི་ཡིས་བཅོམ་ལྡན་འདས་ཀྱིས་བྱིན་གྱིས་བརླབ་ཏུ་གསོལ། བཅོམ་ལྡན་འདས་གང་གིས་དྲན་པ་ཙམ་གྱིས་བདག་མདུན་ན་ཉེ་བར་མཆིས་ཤིང་བསམ་པ་ཐམས་ཅད་ཡིད་
བཞིན་དུ་ཡོངས་སུ་རྫོགས་པར་བགྱི། རིག་སྔགས་ཀྱི་དངོས་གྲུབ་ཐམས་ཅད་རྗེས་སུ་སྩལ་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། སྤྱན་རས་གཟིགས་དབང་ཕྱུག་ལེགས་སོ་ལེགས་སོ། །དེ་ལྟར་ཁྱོད་ཀྱིས་
སེམས་ཅན་ཐམས་ཅད་བསྒྲལ་བར་བྱ་ཞིང་། རིག་སྔགས་འཆང་རྣམས་ཀྱི་དངོས་གྲུབ་དམ་པ་མཆོག་དེ་ཁྱོད་ཀྱིས་རབ་ཏུ་སྦྱིན་པར་གྱིས་ཤིག །དོན་ཡོད་པའི་ཞགས་པའི་སྙིང་པོ་གསང་བའི་དམ་ཚིག་དང་། ཡི་གེ་གཅིག་པོ་རིགས་
སྤྱིའི་རྗེས་སུ་ཞུགས་པས་དེ་བཞིན་གཤེགས་པས་བྱིན་གྱིས་བརླབས་ཀྱིས་ཡོ་བྱད་དང་། སྒྲུབ་པའི་ཆོ་ག་ཤོད་ཅིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་
ཀྱིས་དབུགས་ཕྱུང་བ་དག་ཐོས་ནས། སྙིང་ཤིན་དུ་དགའ་སྟེ། ཡོ་བྱད་དང་། ཆོ་ག་སྨྲས་པ། བཅོམ་ལྡན་འདས་ཀྱིས་མངོན་སུམ་ཉིད་དུ་སྡིག་པ་བསྲེག་ཅིང་མ་ལུས་པར་ཟད་པར་བགྱིད་པ། སེམས་ཅན་དམྱལ་བ་རྩ་ནས་འབྱིན་

99-1-181b

པའི་དཀྱིལ་འཁོར་གྱི་ཆོ་ག་སྨྲས་པ། དཀྱིལ་འཁོར་གྲུ་བཞིར་བྱས་ནས་སུ། །དབུས་སུ་པད་མའི་འཁོར་ལོ་བྱ། །ཚོན་རྩི་སྣ་ཚོགས་རྣམ་པར་དབྱེ། །པད་མ་ཟེ་བའི་དབུས་སུ་ནི། །སྤྱན་རས་གཟིགས་དབང་བཞུགས་པར་བྱ། །
བུམ་པ་བཀང་དང་པད་རྣམས་ཀྱི། །དཀྱིལ་འཁོར་ཀུན་ནས་བརྒྱན་པར་བྱ། །མེ་ཏོག་སྣ་ཚོགས་ལེགས་པར་དགྲམ། །སྤོས་དྲི་བཟང་པོས་བསྒོས་པ་ཡི། །མར་མེའི་ཕྲེང་བ་ཀུན་དུ་བུད། །མཆོད་ཡོན་ཆུ་དག་གཞག་པར་བྱ། །
ཨ་ག་རུ་དང་དུ་རུ་སྐ། །བདུག་སྤོས་སྣོད་བཞི་དག་ནས་བདུག །རིག་སྔགས་འཆང་བ་ཁྲུས་བྱས་ནས། །གོས་གཙང་བགོས་ཏེ་སྨྱུང་བ་ལ། །ཉེ་བར་གནས་ནས་ཚེས་བརྒྱད་དམ། །བཅུ་བཞི་འམ་ཚེས་ནི་བཅྭ་ལྔ་སྟེ། །ཟླ་བ་ཡར་གྱི་
ངོ་ལ་བསྒྲུབ། །ཤར་དུ་ཁ་བལྟས་འདུག་ནས་སུ། །དོན་ཡོད་ཞགས་པ་དུས་གསུམ་དུ། །ཉི་ཤུ་རྩ་གཅིག་བཟླས་བརྗོད་བྱ། །སྙིང་པོ་འམ་བརྒྱ་རྩ་བརྒྱད་དུ་བཟླས། །ཡི་གེ་གཅིག་པོ་འབུམ་དུ་ནི། །མཚན་མོ་བར་ཆད་མེད་པར་བཟླས། །
སྐྱ་རིང་ཤར་ནས་འཇིག་རྟེན་དབང་། །ཟེ་བའི་དབུས་ན་འབར་འགྱུར་ཞིང་། །འགུལ་འགྱུར་འགུལ་བ་དེ་ཡིས་ནི། །དམྱལ་བ་ཆེན་པོ་བཅུ་དྲུག་གི། སྒོ་རྣམས་དག་ནི་བྱེ་བར་འགྱུར། །དམྱལ་བའི་གནས་ནས་ཤུགས་ཆེན་གྱིས། །
གཡོ་ལ་གཡོས་པ་ཙམ་དེས་ནི། །དམྱལ་བའི་ཚོར་ཀུན་རྣམ་པར་འཇིག །དམྱལ་བ་དེ་ཡང་རྣམ་པར་འཇོམས། །སེམས་ཅན་དམྱལ་བ་དེ་དག་ནི། །ཐར་ནས་ཕྱོགས་བཅུར་རྒྱུག་པ་ཡི། །དམྱལ་བའི་སྡུག་བསྔལ་ཀུན་
ལས་གྲོལ། །མཐོ་རིས་ལམ་དུ་ཞུགས་པར་འགྱུར། །དུད་འགྲོའི་སྐྱེ་གནས་ཀྱི་སྡུག་བསྔལ་ཐམས་ཅད་དུ་དུད་འགྲོ་རྣམས་ལས་ཡོངས་སུ་གྲོལ་བར་འགྱུར། བདག་ཉིད་ཀྱི་སྒྲིབ་པ་དང་། སྡིག་པ་དང་། སྡུག་བསྔལ་
མི་བཟད་པ་ཐམས་ཅད་མཐར་གཏུགས་པར་ཡོངས་སུ་ཟད་པར་འགྱུར། འཁོར་བའི་སྡུག་བསྔལ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །གལ་ཏེ་སྡིག་པ་ཐམས་ཅད་ཟད་པར་གྱུར་ན། དེའི་ཚེ་

99-1-182a

འཕགས་པ་སྤྱན་རས་གཟིགས་དབང་ཕྱུག་གི་སྐུ་མདོག་གསེར་གྱི་མདོག་ཅན་དུ་སྟོན་པར་མཛད་ལ་མཆོག་ཐམས་ཅད་སྦྱིན་པར་མཛད་དོ། །དོན་ཡོད་པ་དྲི་མ་མེད་པའི་ཡེ་ཤེས་རྒྱ་མཚོ་བཀོད་པ་ཞེས་བྱ་
བའི་ཏིང་ངེ་འཛིན་ཐོབ་པར་འགྱུར། སྒྲིབ་པ་དང་བྲལ་བ་སེམས་ཀྱི་རྒྱན་རྣམ་པར་དག་པའི་བདག་ཉིད་ཀྱི་ངོ་བོ་ཐོབ་པར་འགྱུར། དེ་བཞིན་གཤེགས་པ་གང་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུ་
པོ་རྣམས་མོད་ཉིད་ལ་མངོན་སུམ་དུ་སྟོན་པར་མཛད་ལ། དེ་བཞིན་གཤེགས་པ་དེ་དག་ཐམས་ཅད་ཀྱི་ཕྱག་གཡས་པ་མགོའི་སྤྱི་བོར་འཇོག་པར་མཛད། བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར། དགེ་བའི་རྩ་
བ་ཆེན་པོ་ཡོངས་སུ་གཟུང་བར་འགྱུར། འཇིག་རྟེན་པ་ཀུན་གྱིས་གཅིག་པུ་མཆོད་པ་ཆེན་པོ་བྱས་པར་འགྱུར། གཤིན་རྗེ་དང་། ཆུ་ལྷ་དང་། ལུས་ངན་དང་། ཟླ་བ་དང་། ཉི་མ་དང་། ཚངས་པ་དང་། ཁྱབ་འཇུག་དང་། དབང་ཕྱུག་
ཆེན་པོ་རང་གི་གཟུགས་ཀྱིས་མངོན་སུམ་དུ་སྟོན་ཅིང་ཉེ་བར་འཁོར་ལ་ཀུན་ནས་བསྲུང་བ་དང་། སྐྱོབ་པ་དང་། སྦེད་པ་བྱེད་པར་འགྱུར། དངོས་གྲུབ་དང་། དགོས་པ་ཐམས་ཅད་གྲུབ་པར་འགྱུར། གལ་ཏེ་སྡིག་པ་ཐམས་ཅད་
ཟད་པར་མ་གྱུར་ན། དེའི་ཚེ་འཕགས་པ་སྤྱན་རས་གཟིགས་དབང་ཕྱུག་གི་སྐུ་མདོག་གསེར་གྱི་ཁ་དོག་ཅན་དུ་མི་མཐོང་། དེས་སྒྲིབ་པ་དང་། སྡིག་པ་ལྷག་མ་ལུས་པར་ཤེས་པར་བྱ་སྟེ། དེ་ཉིད་དུ་བཟླས་བརྗོད་ཀྱི་ཆོ་ག་སྨྱུང་བ་
བྱས་པ་དང་། སྡིག་པ་དང་། སྒྲིབ་པ་ཐམས་ཅད་རྩ་བ་དང་བཅས་པ་ཐམས་ཅད་ཕྱུང་བར་འགྱུར་རོ། །གལ་ཏེ་བཟླས་བརྗོད་ཀྱི་ཆོ་ག་སྨྱུང་བ་གསུམ་པ་བྱེད་ན་བཟླས་བརྗོད་ཀྱི་ཆོ་ག་གསུམ་རྫོགས་པ་དང་། འཕགས་པ་སྤྱན་རས་གཟིགྶ་
ཀྱི་ཕྱག་གཡས་པ་བརྐྱང་ནས་རིག་སྔགས་འཆང་བཏེག་སྟེ་མོད་ལ་འཇིག་རྟེན་གྱི་ཁམས་བདེ་བ་ཅན་དུ་འོད་དཔག་མེད་ཀྱི་སྤྱན་སྔར་འཇོག་པར་མཛད་ལ་མངོན་སུམ་དུ་བཞུགས་སོ། །དེ་བཞིན་གཤེགས་པ་ཚེ་དཔག་མེད་

99-1-182b

ཀྱིས་དབུགས་འབྱིན་པར་མཛད་ཅིང་ཕྱག་སྤྱི་བོར་འཇོག་པར་མཛད་དེ། ཚེ་དཔག་ཏུ་མེད་པར་འགྱུར་རོ། །གལ་ཏེ་སེམས་ཅན་གཞན་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སྦྱོང་ངམ། བྲམ་ཟེ་འམ། སྐྱེས་པ་འམ། 
བུད་མེད་དམ། ཁྱེའུ་འམ། བུ་མོ་འམ། ཐ་ན་དུད་འགྲོའི་སྐྱེ་གནས་སུ་སོང་བ་གང་ཞིག་སྡིག་པ་དང་། སྒྲིབ་པ་ཟད་པར་འདོད་ན་རིག་སྔགས་འཆང་ཁྲུས་བྱས་ལ་གོས་གཙང་མ་བགོས། སྨྱུང་བ་བྱས་པ་དེས་དཀྱིལ་འཁོར་
ལ་མངོན་དུ་ཕྱོགས་པར་གཞག་ལ། རིག་སྔགས་འཆང་ཆོ་ག་བྱེད་པས་གསང་སྔགས་རྗེས་སུ་དྲན་པར་བྱས་ནས་རྨ་བྱའི་སྒྲོས་བྱབ་པར་བྱའོ། །དེ་ཙམ་གྱིས་ཡོན་ཏན་གྱི་ཁྱད་པར་ཐོབ་པར་འགྱུར་ཏེ། སྡིག་པ་དང་། 
སྒྲིབ་པ་ཐམས་ཅད་ཟད་པར་འགྱུར། ནད་ཐམས་ཅད་དང་། གདུག་པ་ཐམས་ཅད་དང་། ན་བ་ཐམས་ཅད་དང་། མཚམས་མེད་པ་ཐམས་ཅད་ཟད་པར་འགྱུར་ཏེ་ཐེ་ཚོམ་མེད་དོ། །སྒྲིབ་པ་དང་བྲལ་བ་ཉིད་ཐོབ་པར་འགྱུར་ཞིང་ཚིག་
གཟུང་བར་འོས་པར་འགྱུར། ལྷ་ཐམས་ཅད་ཀྱིས་གཟུང་ཞིང་ཀུན་ནས་བསྲུང་བར་འགྱུར། དེ་བཞིན་གཤེགས་པའི་གསུང་ཐོབ་པར་འགྱུར། འཕགས་པ་སྤྱན་རས་གཟིགས་དབང་ཕྱུག་གཟིགས་བཞེད་པར་འགྱུར། ཚེ་
རིང་བ་དང་། སྒྲིབ་པ་དང་། ནད་དང་བྲལ་བར་འགྱུར། ཚེ་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར། ཚེ་རབས་སུ་ཚེ་རབས་དྲན་པར་འགྱུར། དགེ་བའི་རྩ་བ་བསོད་ནམས་ཀྱི་ཚོགས་ཐམས་ཅད་དང་ལྡན་པར་
འགྱུར་ཏེ། སྙིང་རྗེ་དང་། བྱམས་པ་ཆེན་པོ་ཡིད་ལ་བྱ་བ་རྩེ་གཅིག་ཏུ་བྱ་ཞིང་སྨྱུང་བ་དང་། བཟླས་བརྗོད་བྱའོ། །སྡིག་པ་དང་སྒྲིབ་པ་ཟད་པར་བྱ་བའི་དཀྱིལ་འཁོར་ཆེན་པོའི་ཆོ་གའོ།། །། འཕགས་པ་དོན་ཡོད་པའི་ཞགས་
པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་བདུན་པ། དཀྱིལ་འཁོར་བཤད་པར་བྱ་སྟེ། གྲུ་བཞི་པོ་ཀོ་ལའི་ཚད་དུ་ཆ་ལེགས་པར་ཕྱེ་བ། གྲུ་བཞི་དང་། སྒོ་བཞི་ཡོད་པ། ཐེམ་སྐས་ཀྱི་རིམ་པ་ཅན་དུ་
99-1-183a

ཚོན་སྣ་ཚོགས་ཀྱི་སྐུད་པས་ཐིག་གདབ་ཅིང་དཀྱིལ་འཁོར་གྱི་སྙིང་པོ་མཛེས་པར་བྱ། དཀྱིལ་འཁོར་གྱི་དབུས་ཀྱི་སྙིང་པོ་པད་མ་མཆོག་ཁ་ཕྱེ་བ་འདབ་མ་བརྒྱ་རྩ་བརྒྱད་པ། སྙིང་པོ་དང་། ཟེ་བ་ཤིན་དུ་མཛེས་པ། སྙིང་
པོ་ལས་པད་མ་བྱུང་བ། ཁ་ཕྱེད་བྱེ་བ་དང་། ལག་པ་གཉིས་བྱུང་བས་པད་མའི་འདབ་མ་འཛིན་པ་བྲིས་པར་དངུལ་གྱི་སྣོད་ཀྱི་ནང་དུ་སྨན་བཀང་སྟེ་དར་གྱིས་ཁ་གཡོགས་ནས་པད་མའི་འདབ་མའི་སྟེང་དུ་གཞག་པར་བྱ། 
འཕགས་པ་སྤྱན་རས་གཟིགས་དབང་ཕྱུག་རྟག་ཏུ་ཚངས་པའི་ཆ་བྱད་དུ་བཞུགས་པ། དར་གྱི་ཅོད་པན་བཅིངས་ཤིང་བརྒྱན་པ་པད་མའི་སྟེང་དུ་བཞུགས་པར་བྱའོ། །དཀྱིལ་འཁོར་ཕྱི་རོལ་ཀུན་དུ་ཕྱག་རྒྱའི་རྟགས་རྣམྶ་
གསལ་བར་བྲྀའོ། །སྒོ་སྒོར་དོན་ཡོད་པའི་ཞགས་པ་པད་མའི་སྟེང་དུ་གཞག་པ་ཁ་དོག་དང་འོད་ཟེར་འབར་བ་བྲིའོ། །གྲྭ་གྲྭར་བུམ་པ་གང་བ་བྲིའོ། །དཀྱིལ་འཁོར་ཀུན་དུ་འཕན་དང་། བུམ་པ་གང་བ་དང་། འབྲས་བུ་དང་། 
མེ་ཏོག་བསྲེས་པ་མཛེས་པས་བརྒྱན་པར་བྱའོ། །གཏོར་མ་རྣམ་པ་སྣ་ཚོགས་གཞག་པར་བྱའོ། །མཆོད་ཡོན་གྱི་ཆུ་དབུལ་བར་བྱ། ཙན་དན་དང་། ཨ་ག་རུའི་བདུག་སྤོས་དང་། སྤོས་སྣ་ཚོགས་དབུལ་བར་བྱ། དཀྱིལ་
འཁོར་ཀུན་དུ་མར་མེའི་ཕྲེང་བ་དང་། མེ་ཏོག་ཕྲེང་བ་དགོད་ཅིང་ཀུན་དུ་འབྲས་ཡོས་དང་། ཡུངས་ཀར་དགྲམ་པར་བྱའོ། །རིག་སྔགས་འཆང་གཙང་མར་གྱུར་པས་ལེགས་པར་ཁྲུས་བྱ་ཞིང་། གོས་གཙང་མ་བགོས་པ་འཇིགས་པ་
མེད་པས་ཟླ་བ་ཡར་གྱི་ངོ་ཉ་ལ་བསྒྲུབ་པར་བྱ་སྟེ། སེམས་ཅན་ཐམས་ཅད་ལ་བརྩེ་བར་གྱུར་ཅིང་བྱམས་པའི་སེམས་དང་། སྙིང་རྗེའི་བདག་ཉིད་ཅན་གྱིས་བསྒྲུབ་པར་བྱའོ། །གང་གིས་ལག་གིས་གཟུང་བ་ཙམ་དང་། རེག་པ་ཙམ་གྱི་མོད་
ལ་དེ་དགའ་བ་འཐོབ་ཅིང་སྡིག་པ་ཐམས་ཅད་འཇིག་པར་འགྱུར། སྔོན་གྱི་སྒྲིབ་པ་རྣམས་འཇིག་པར་འགྱུར། མཚམས་མེད་པ་བྱེད་པ་རྣམས་ལས་གྲོལ་བར་འགྱུར། མོད་ལ་ནད་ཐམས་ཅད་འབྱང་ཞིང་ངན་འགྲོ་ཐམས་ཅད་འཇིག་པར་བྱེད་པ་

99-1-183b

བསོད་ནམས་ཆེན་པོའི་སྟོབས་ཀྱི་དངོས་གྲུབ་སྨན་གྱི་དེ་ཁོ་ན་ཉིད་མཐོང་བ་ནི་སངས་རྒྱས་ཐམས་ཅད་ཀྱིས་ལུང་བསྟན་ཅིང་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ། བྱང་ཆུབ་སེམས་དཔའ་རྣམས་ཀྱིས་བསྔགྶ་
པ། འདྲེན་པ་འཇིག་རྟེན་དབང་ཕྱུག་གིས་སྤྲུལ་པ། དཀྱིལ་འཁོར་གྱི་ལྷ་ཐམས་ཅད་ཀྱིས་བསྔགས་པ་རིག་སྔགས་འཆང་གི་དབང་པོ་ཐམས་ཅད་ཀྱིས་ཕྱག་བྱས་པ། ལྷ་ཐམས་ཅད་ཀྱིས་བསྲུང་བ། ཀླུའི་དབང་པོ་ཐམས་ཅད་རྗེས་སུ་
འབྲང་བ། སུམ་བཅུ་རྩ་གསུམ་གྱི་ལྷའི་དབང་པོ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། གཤིན་རྗེ་དང་། ཆུ་ལྷ་དང་། ཀུ་བེ་ར་དང་། ཉི་མ་དང་། ཟླ་བས་མཆོད་པ། དེ་བཞིན་དུ་རྒྱུ་སྐར་གྱི་ཚོགས་དང་། གཟའ་ཀུན་དང་། མཇུག་
རིངས་དང་། དེ་བཞིན་དུ་གཟའི་ཁྱིམ་དང་། ཐམས་ཅད་དུ་བཀྲ་ཤིས་ཀྱིས་མཆོད་པ། ཆོ་ག་ཞིབ་མོ་ཐམས་ཅད་དང་། དེ་བཞིན་དུ་དཀྱིལ་འཁོར་དང་། ཕྱག་རྒྱ་དང་། བཟླས་བརྗོད་ཐམས་ཅད་དང་། གསང་སྔགས་ཐམས་ཅད་ཀྱི་རྗེས་སུ་ཞུགྶ་
པ། རིགས་སྤྱིའི་དེ་བཞིན་གཤེགས་པ་གང་གཱའི་ཀླུང་བྱེ་མ་སྙེད་བྱེ་བ་ཁྲག་ཁྲིག་འབུམ་ཕྲག་དྲུག་བཅུ་རྩ་བཞིའི་དེ་བཞིན་གཤེགས་པ་རྣམས་ཀྱིས་སྨན་གྱི་མཆོག་དབང་བསྐུར་བ། དུས་གསུམ་གྱི་དེ་བཞིན་གཤེགས་པ་རྣམས་
ཀྱིས་ལུང་བསྟན་པ། ཡིད་བཞིན་གྱི་ནོར་བུ་ཐམས་ཅད་དང་མཐུན་པའི་སྨན་གྱི་རྫས་བཀྲ་ཤིས་པ་བྱེ་བ་ཁྲག་ཁྲིག་གམ། ལྷག་པར་གྱུར་པ་གཞན་གང་ཡང་མེད་དོ། །སྨན་དེ་ལྟ་བུ་ནི་རྟག་ཏུ་མཆོག་གཙོ་བོ་འབྱིན་པ། འཇིག་
རྟེན་དབང་ཕྱུག་དང་འདྲ་བ་ཡིན་ནོ། །དེའི་ཕྱིར་ཐམས་ཅད་སྨན་འཆང་བར་འདོད་པས་གནས་གང་ཡང་རུང་བར་སྦྱར་བར་བྱ་སྟེ། གཙང་མ་ལེགས་པར་ཁྲུས་བྱས་པ་དེས་སྦྱར་བར་བྱའོ། །ཇི་ལྟ་ཇི་ལྟར་བཀྲ་ཤིས་ཀྱི་བསམ་
པ་ཡིད་ལ་བྱེད་པ་དེ་ལྟ་དེ་ལྟར་བསམ་པ་ཡིད་ལ་བྱེད་པ་ཡོངས་སུ་རྫོགས་པར་འགྱུར་ཏེ། སྦྱར་བ་ཙམ་གྱི་མོད་ལ་ཐམས་ཅད་འགྲུབ་པར་འགྱུར། འདོད་པ་ཐམས་ཅད་ཀྱི་བསམ་པ་ཡོངས་སུ་རྫོགས་པར་འགྱུར། 

99-1-184a

རིག་སྔགས་འཆང་གཙང་མར་གྱུར་པ། གོས་གཙང་མ་བགོས་པ་སྤོས་ཆུས་ལེགས་པར་ཁྲུས་བྱས་ལ་ཉིན་རེ་སྨན་རེ་རེ་དོན་ཡོད་པའི་རྒྱལ་པོས་བཟླས་བརྗོད་བྱས་ཏེ་ཟོས་ན། ཟོས་པ་ཙམ་གྱི་མོད་ལ་དེ་བཞིན་གཤེགས་
པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་དགོངས་ཤིང་སྣང་བ་རྣམ་པར་དག་པ་འཐོབ་པར་འགྱུར། ཉིན་ཞག་གསུམ་དུ་སྦྱར་
ན་ངག་རྣམ་པར་དག་པ་འཐོབ་བོ། །ཉིན་ཞག་ལྔར་སྦྱར་ན་དྲན་པ་རྣམ་པར་དག་པ་འཐོབ་བོ། །ཉིན་ཞག་བདུན་དུ་སྦྱར་ན་རིག་སྔགས་ཆེན་པོའི་ཆོ་ག་ཞིབ་མོ་རྣམ་པར་དག་པ་འཐོབ་བོ། །ཉིན་ཞག་བཅུ་བཞིར་སྦྱར་ན་དོན་ཡོད་
པའི་ཞགས་པ་དེ་ཁོ་ན་ཉིད་ཀྱི་དངོས་གྲུབ་ཀྱི་དམ་ཚིག་ཆེན་པོ་འཐོབ་བོ། །ཉིན་ཞག་ཉི་ཤུ་རྩ་གཅིག་ཏུ་སྦྱར་ན་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་དང་། ཕྱག་རྒྱ་དང་། དཀྱིལ་འཁོར་ཆེན་པོའི་དམ་ཚིག་
གི་དངོས་གྲུབ་འཐོབ་བོ། །དེ་བཞིན་གཤེགས་པ་ཐམས་ཅད་ཀྱི་གསང་བ་དེ་ཁོ་ན་ཉིད་ཀྱི་དམ་ཚིག་གི་དངོས་གྲུབ་འཐོབ་བོ། །ཟླ་བ་གཅིག་གི་བར་དུ་སྦྱར་ན་འཕགས་པ་སྤྱན་རས་གཟིགས་དབང་ཕྱུག་གི་དངོས་གྲུབ་སྒྱུ་མ་ལྟ་
བུས་བརྒྱན་པ་ཐོབ་ཅིང་ཚེ་ལོ་སྟོང་ཐུབ་པར་འགྱུར་རོ། །ཟླ་བ་གསུམ་དུ་སྦྱར་ན་ལུས་ཡོངས་སུ་དག་པ་དང་། མདོག་ཡོངས་སུ་དག་པ་འཐོབ་བོ། །ལོ་གཅིག་ཚང་བར་སྦྱར་ན་དོན་ཡོད་པའི་དངོས་གྲུབ་རིག་སྔགས་འཆང་
འཁོར་ལོས་སྒྱུར་བར་འགྱུར་ཏེ། མིག་མཐོན་མཐིང་མདོག་བུང་བ་ལྟ་བུ་སྐྲ་རལ་བུ་འཁྱིལ་བར་འགྱུར། ཚེ་ལོ་བདུན་པ་ལྟ་བུའི་གཟུགས་དང་མཐུན་པར་འགྱུར་ལ། ཚེ་བསྐལ་པ་འབུམ་ཐུབ་པར་འགྱུར་རོ། །
བདར་ནས་བདག་ཉིད་ལ་བྱུགས་ན། གང་དྲི་མནམས་པ་ཙམ་གྱིས་བགེགས་དང་། ལོག་འདྲེན་དང་། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། ཡི་དགས་དང་། སྐེམ་བྱེད་དང་། བརྗེད་བྱེད་དང་། གྲིབ་གནོན་ཐམས་ཅད་

99-1-184b

དང་། གདོན་ཐམས་ཅད་དང་། གདུག་པ་ཐམས་ཅད་དང་། དགྲ་ཐམས་ཅད་དཔག་ཚད་སྟོང་དུ་འབྲོས་སོ། །གལ་ཏེ་མྱུར་དུ་མི་འབྲོས་ན་ནི་སྤྱི་བོ་དུམ་བུ་འབུམ་དུ་འགས་ཤིང་ཡན་ལག་དང་། ཡན་ལག་རྣམས་ཞིག་པར་འགྱུར་
ལ། བུ་དང་ཆུང་མར་བཅས་པ་འཇིགས་པར་འགྱུར། སྔོན་གྱི་སྡིག་པ་དང་སྒྲིབ་པ་རྣམས་ཀྱིས་མི་ཚུགས་པར་འགྱུར། སེམས་ཅན་དམྱལ་བ་མྱོང་བར་འགྱུར་བ་མཚམས་མེད་པ་ལྔ་དག་འཇིག་པར་འགྱུར། རྨི་ལམ་
ངན་པ་དང་། ལྟས་ངན་པ་དང་། མི་ཤིས་པ་དང་། བཀྲ་མི་ཤིས་པའི་དངོས་པོ་ཐམས་ཅད་འཇིག་པར་འགྱུར། སྤོས་བསྣམས་པ་ཙམ་གྱིས་རྒྱལ་པོ་དང་། རྒྱལ་པོའི་བློན་པོ་དང་། བྲམ་ཟེ་དང་། ཁྱིམ་བདག་དང་། རྒྱལ་རིགས་
དང་། རྗེའུ་རིགས་དང་། དམངས་རིགས་ཅི་བགྱི་ཞེས་བྱ་བ་བྱེད་ལ་དབང་དུ་གྱུར་ནས་འཁོད་དོ། །བྱུགས་པ་ཙམ་གྱིས་འབྲས་དང་། ཕོལ་མིག་དང་། ལྷོག་པ་དང་། མེ་དབལ་དང་། རྐང་ཤུ་དང་། གཡན་པ་དང་། མཛེ་དང་། 
ཁྱི་རྔོ་དང་། ཤུ་བ་དང་། འབྲུམ་བུ་ཕྲ་མོ་དང་། རྨ་དང་། ཁོང་གི་རྨ་ཡོངས་སུ་སོས་པར་འགྱུར། དུག་ཐམས་ཅད་དང་། ཟོས་པ་དང་། དུག་མྱོས་དང་། སྦྱར་དུག་དྲག་པོ་དང་། དུག་སྦྱར་མ་དང་། སྦྱར་དུག་ཕྱེ་མ་དང་། 
བྱད་རྣམས་ལ་བསྐུས་པ་ཙམ་དང་། ཆུ་དྲོན་པོ་འཐུངས་པ་ཙམ་གྱིས་དུག་མེད་པར་འགྱུར་རོ། །དྲི་ཙམ་གྱིས་ཀླུའི་རྒྱལ་པོ་འཇོག་པོའི་དུག་ཀྱང་མེད་པར་འགྱུར་རོ། །རིམས་ཉིན་བཞི་པས་ཐེབས་པ་ལ་དཔྲལ་
བར་བསྐུས་ནས་ཀུ་ཅོ་འདོན་ཅིང་འབྲོས་སོ། །རིམས་ཐམས་ཅད་དང་། ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། 
འདུས་པ་ལས་གྱུར་པ་དང་། ལྦ་བ་དང་། ཕོ་བའི་ནད་དང་། མཆིན་པ་ན་བ་དང་། ལྟོ་ན་བ་དང་། སྐན་དང་། གཅིན་སྲི་བ་དང་། རྩིབ་ལོགས་ན་བ་དང་། མགུལ་པ་ན་བ་དང་། ཁ་ན་བ་དང་། འཁྱིལ་ཞིང་ན་བ་དང་། ཚད་པ་དང་། 

99-1-185a

འདོམས་ན་བ་དང་། ཡན་ལག་དང་ཉིང་ལག་ན་བ་ཆུ་དྲོན་པོ་འཐུངས་པ་ཙམ་གྱིས་ཡོངས་སུ་སོས་པར་འགྱུར་རོ། །གཞོགས་ཕྱེད་ན་བ་དང་། མགོ་ན་བ་དང་། མིག་ན་བ་དང་། རྣ་བ་ན་བ་ལ་བསྐུས་པ་ཙམ་
གྱིས་སོས་པར་འགྱུར་རོ། །ཐིག་ལེ་བྱས་ན་ཆོམ་རྐུན་དང་། གནོད་བྱེད་དང་། མེ་དང་། ཆུ་དང་། བྱི་བ་ཟ་བས་འཇིགས་པ་དང་། གཅན་གཟན་ཁྲོ་བོའི་འཇིགས་པ་ལས་ཐར་བར་འགྱུར་ཞིང་། འཇིགས་པ་ཐམས་ཅད་ལས་ཡོངས་
སུ་ཐར་བར་འགྱུར་རོ། །ལག་པ་གདེངས་པའི་འཇིགས་པ་འབྱུང་བར་མི་འགྱུར། མི་མ་ཡིན་པ་གང་གིས་ཀྱང་མདངས་འཕྲོག་པར་མི་ནུས་ཤིང་བར་ཆད་བྱ་བར་མི་ནུས་སོ། །མཁའ་འགྲོ་མ་ཐམས་ཅད་མཐོང་བ་ཙམ་གྱིས་
དབང་དུ་གྱུར་ནས་འཁོད་དོ། །རྒྱལ་པོ་བཙུན་མོ་དང་། འཁོར་དང་བཅས་པའི་མཆོད་གནས་ཆེན་པོར་འགྱུར་རོ། །གཞན་ཡང་གང་དང་གང་དུ་སྦྱར་བ་རང་གི་བློས་བྱེ་བ་ཕྲག་འབུམ་སྦྱར་ན་ལས་གྲུབ་པར་བྱེད་དེ། སྨན་གྱི་མཆོག་
ཤིན་དུ་འབད་པས་བསྒྲུབ་པར་བྱའོ། །སྨན་གྱི་དཀྱིལ་འཁོར་གྱི་ཆོ་གའོ།། །། དེ་ནས་དེའི་ཕྱིར་གསེར་གྱི་རི་ལུའི་དཀྱིལ་འཁོར་བཤད་པར་བྱ་སྟེ། འཇིག་རྟེན་དབང་ཕྱུག་གི་དོན་ཡོད་པའི་སྙིང་པོ། དེ་བཞྀན་གཤེགས་པ་ཐམས་ཅད་
ཀྱི་དོན་ཡོད་པའི་རྣམ་པར་གཟིགས་པ། དེ་བཞིན་གཤེགས་པ་པད་མ་གཙུག་ཏོར་གྱི་རྒྱལ་པོ་ཞེས་བྱ་བས་བྱིན་གྱིས་བརླབས་པ། དེ་བཞིན་གཤེགས་པ་རྣམ་པར་སྣང་མཛད་དང་། དེ་བཞིན་གཤེགས་པ་རིན་ཆེན་སྙིང་
པོས་བྱིན་གྱིས་བརླབས་པ། དེ་བཞིན་གཤེགས་པ་འཇིག་རྟེན་དབང་ཕྱུག་འོད་ཀྱིས་བཀའ་སྩལ་པ། གཞན་ཡང་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་བྱེ་བ་ཁྲག་ཁྲིག་འབུམ་ཕྲག་
དགུ་བཅུ་རྩ་དགུས་གསུངས་ཤིང་བསྔགས་པ། བྱིན་གྱིས་བརླབས་པ། དབང་བསྐུར་བ། རྗེས་སུ་ཐུགས་རང་བར་མཛད་པ། ལུང་བསྟན་པ། མགོན་པོ་འཕགས་པ་སྤྱན་རས་གཟིགས་དབང་ཕྱུག་གི་

99-1-185b

གཙུག་ཏོར་གྱི་ནོར་བུ་ཅོད་པན་འཆང་བ། རྒྱལ་བ་འོད་དཔག་མེད་ཀྱི་གཙུག་ཏོར་གྱི་མཚན་ཉིད་ཀྱི་ཐིག་ལེ་ཡིད་བཞིན་གྱི་ནོར་བུ་རྒྱལ་མཚན་གྱི་ནོར་བུ་ཆེན་པོའི་རྒྱལ་པོ་མཆོག་ཏུ་གྲུབ་པ། རིག་སྔགས་དང་། དཀྱིལ་འཁོར་དང་། 
ཕྱག་རྒྱ་དང་། ཆོ་ག་ཞིབ་མོ་ཐམས་ཅད་ཀྱི་གསང་བ། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་སྤྱི། སྐུའི་སྙིང་པོ་གང་གིས་མཐོང་བ་ཙམ་ལ་སོགས་པ་འདིས་ཚད་བསྟན་པར་ལྟ་སུ་ཞིག་གིས་ནུས་མོད་ཀྱི། འོན་
ཀྱང་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་བྱེ་བ་དང་། དུས་གསུམ་གྱི་དེ་བཞིན་གཤེགས་པ་རྫོགས་པར་མངོན་སུམ་དུ་མཐོང་བ་དང་འདྲ་བར་འགྱུར་ཞིང་། དེ་བཞིན་གཤེགས་པ་དེ་དག་ཉིད་མངོན་སུམ་དུ་མཆོད་
པར་གཟུང་བ་དང་། ལུང་སྟོན་པ་འཐོབ་པར་འགྱུར། དེ་བཞིན་གཤེགས་པ་དེ་དག་གི་མངོན་སུམ་དུ་དགེ་བའི་རྩ་བ་བསོད་ནམས་ཀྱི་ཕུང་པོ་དང་ལྡན་པར་འགྱུར་རོ། །ནོར་བུ་གསེར་གྱི་ཁ་དོག་ཏུ་བསྟན་པའི་རི་ལུ་འདི་གང་
གིས་མཐོང་ཞིང་འཆང་བ་ནི་དགེ་བའི་རྩ་བ་བསོད་ནམས་ཀྱི་ཕུང་པོ་ཆེན་པོ་བསྐྱེད་བསྐྱེད་པར་འགྱུར། ནོར་བུ་རི་ལུ་འདི་མཐོང་བ་ཙམ་གྱིས་སྒྲིབ་པ་དང་། སྡིག་པ་དང་། གདུག་པ་དང་། མཚམས་མེད་པ་ལྔ་དང་། མནར་མེད་
པར་གཞོལ་བ་དང་། དམ་པའི་ཆོས་སྤོང་བ་དང་། འཕགས་པ་ལ་སྐུར་པ་འདེབས་པ་དང་། སྔོན་གྱི་ཚེ་རབས་ནས་བསགས་པའི་སྒྲིབ་པ་ཐམས་ཅད་རྣམ་པར་འཇིག་ཅིང་སྤངས་པར་འགྱུར། རིམས་དང་། ནད་ཐམས་ཅད་
ལས་ཡོངས་སུ་ཐར་བར་འགྱུར། གང་གི་ལག་ན་སྨན་འདི་ཡོད་པར་གྱུར་པའི་སེམས་ཅན་དེ་ནི་ལུང་བསྟན་པར་འགྱུར་རོ། །རི་ལུ་གང་ལ་ཡོད་པ་ནི། །ཕྱིར་མི་ལྡོག་པར་ལུང་བསྟན་ཅིང་། །མགོན་པོ་ས་བཅུ་དག་ལ་
གནས། །རྟག་ཏུ་མཆོད་རྟེན་གྱུར་པ་སྟེ། །སྐུ་གདུང་སྙིང་པོའི་བདག་ཉིད་ཅན། །རྟག་ཏུ་སངས་རྒྱས་བདག་ཉིད་འགྱུར། །དུས་གསུམ་དག་ལ་ཞུགས་པ་ཡི། །སངས་རྒྱས་དེ་བཞིན་གཤེགས་པ་གང་། །

99-1-186a

སངས་རྒྱས་དཔའ་བོ་དེ་ཀུན་གྱི། །སྲས་གཅིག་ཏུ་ནི་བརྗོད་པ་ཡིན། །འདི་ནི་དེ་བཞིན་གཤེགས་པའི་སྲས། །ཐུགས་ལས་སྐྱེས་དང་ཞལ་ལས་སྐྱེས། །ཆོས་ཀྱི་དབྱིངས་སྤྲུལ་ཆོས་ལས་སྐྱེས། །འཇིག་
རྟེན་དབང་ཕྱུག་མཆོག་སྦྱིན་མགོན། །རྟག་ཏུ་རྗེས་སུ་འབྲང་བར་འགྱུར། །ཕྱག་གཡས་རྟག་ཏུ་སྤྱི་བོར་ནི། །འཇོག་མཛད་འདི་ནི་ཐེ་ཙོམ་མེད། །རི་ལུ་མཐོང་བ་ཙམ་གྱིས་ནི། །སྡུག་བསྔལ་ཀུན་ལས་རབ་ཏུ་གྲོལ། །སྒྲིབ་པ་ཐམས་ཅད་
རྣམ་པར་འདག །དེ་ནི་ངན་འགྲོར་འགྲོ་མི་འགྱུར། །ཕྱིར་ཞིང་གནས་མཆོག་ཞི་བ་འཐོབ། །འཇིག་རྟེན་འདྲེན་པ་འོད་དཔག་མེད། །མགོན་པོ་རྟག་ཏུ་མངོན་སུམ་མཐོང་། །བདེ་བ་ཅན་དུ་འཇུག་པར་བྱེད། །གང་ན་དེ་ཡི་མངོན་
དགའ་བ། །དེ་བཞིན་གཤེགས་པ་མི་འཁྲུགས་པ། །རྟག་ཏུ་མི་འཁྲུགས་པར་འགྱུར་ཞིང་། །དེ་བཞིན་མི་གཡོ་མི་འགུལ་ཏེ། །སེམས་དཔའ་རི་རབ་ཆེ་དང་མཉམ། །གཟུང་དུ་མེད་པས་མཚོ་དང་འདྲ། །དེ་ལ་བགེགས་
དང་ལོག་འདྲེན་དག །ནམས་ཀྱང་འཇུག་པར་མི་འགྱུར་ལ། །སེམས་དཔའ་ཕྱག་བྱའི་གནས་སུ་འགྱུར། །གང་ལ་ནོར་རྒྱལ་འདི་ཡོད་ལ། །རྒྱལ་པོ་ཆེན་པོ་བཞི་པོ་དག །དཔུང་དང་བཅས་པ་བཀོལ་དང་བཅས། །
རྟག་ཏུ་བསྲུང་ཕྱིར་གནས་བྱེད་དེ། །འདིར་ནི་ཉིན་མཚན་དེ་བཞིན་ནོ། །ལྷ་ཚོགས་ཐམས་ཅད་བསྲུང་བར་ནི། །ཐེ་ཚོམ་མེད་པར་བྱེད་པར་འགྱུར། །གཟི་བརྗིད་དཔལ་ཡང་རབ་ཏུ་འཕེལ། །དེ་ལ་ལེགས་པར་འཇུག་པར་
འགྱུར། །འཇིགས་མེད་རྟག་ཏུ་རྨི་ལམ་ནི། །དངོས་པོ་ཆེན་པོ་སྣ་ཚོགས་མཐོང་། །གྲུ་འཛིན་རི་ལ་གཞལ་མེད་ཁང་། །ཚལ་དང་བཅས་ཤིང་རིན་ཆེན་བཅས། །གནས་དང་བཅས་པ་མཐོང་བར་འགྱུར། །ལྷ་དང་ཀླུ་དང་གནོད་སྦྱིན་དང་། །
དྲི་ཟ་ལྷ་མིན་གསང་བ་པ། །ནམ་མཁའ་ལྡིང་དང་མི་འམ་ཅི། །དེ་བཞིན་ལྟོ་འཕྱེ་འཁོར་དང་བཅས། །བྱང་ཆུབ་སེམས་དཔའི་འཁོར་རྣམས་ནི། །ཀུན་ནས་བསྐོར་བ་མཐོང་བར་འགྱུར། །རིན་ཆེན་ལྷ་ཡི་སེང་གེའི་གདན། །

99-1-186b

ཁང་པ་བརྩེགས་པ་རིན་ཆེན་དང་། །ནོར་བུ་ཆེན་པོས་བརྒྱན་པ་དང་། །འཇིག་རྟེན་དབང་ཕྱུག་ཐུབ་པའི་གཙོ། །པད་མ་སྙིང་པོ་ལ་ཞུགས་ནས། །དོན་ཡོད་ཞགས་པའི་ཕྱག་རྒྱ་དང་། །དཀྱིལ་འཁོར་བཅས་པའི་ཆོས་སྟོན་ཏོ། །གསུང་ཀུན་ཐོབ་པར་གྱུར་
ནས་ནི། །ཐུབ་པ་རང་གི་ངོ་བོ་མཐོང་། །དེ་ལྟར་རྨི་ལམ་བཟང་རྨི་བ། །ཉིན་གཅིག་བཞིན་དུ་མཐོང་བར་འགྱུར། །ནོར་བུ་རྒྱལ་པོའི་མཐུ་ནི་དེ་འདྲ་བས། །དེ་བས་མི་ཡིས་འབད་པ་ཆེན་པོས་ཟུང་། །དགེ་སྦྱོང་བྲམ་ཟེ་ཉིད་དང་རྒྱལ་རིགས་དང་། །དམངས་
རིགས་ཉིད་དམ་ཡང་ན་རྒྱལ་པོ་འམ། །བཙུན་མོ་སླས་སམ་དཔུང་གི་གཙོ་བོ་འམ། །སྐྱེས་པ་འམ་བུད་མེད་ཁྱེའུ་དང་བུ་མོ་དག །ནོར་བུའི་རྒྱལ་པོ་རྟག་ཏུ་འཆང་བྱེད་པ། །དེ་ནི་སྟོན་པ་ཉིད་དང་འདྲ་བར་འགྱུར། །ཆོམ་རྐུན་གྱིས་ནི་མི་
སླུས་ཤིང་། །གནོད་བྱེད་ཀྱིས་ནི་འཇིགས་མི་འགྱུར། །འཇིགས་པ་མི་བཟད་བརྒྱད་ལས་ཐར། །དེ་ལ་དུག་དང་སྦྱར་བའི་དུག །སྦྱར་དུག་དྲག་པོས་མི་ཚུགས་ཤིང་། །དེ་ལ་བྱད་ཀྱིས་ཚུགས་མི་འགྱུར། །གང་ལ་ནོར་བུའི་རྒྱལ་པོ་ཡོད། །
དེ་ལ་ནད་ཀྱིས་མི་ཚུགས་ཤིང་། །ན་བས་མ་ཡིན་སྡིག་པས་མིན། །པད་མ་ཆུ་ཡིས་མི་ཆགས་ལྟར། །རྟག་ཏུ་ཆགས་པ་མེད་པར་གནས། །གཡུལ་འགྱེད་པ་ཡི་ནང་ན་འམ། །འཐབ་པ་འམ་འགྱེད་པ་འམ་རྩོད་པ་
ན། །ལན་ཐེབས་རྟག་ཏུ་རྒྱལ་བར་ནི། །ཐོབ་པར་འགྱུར་ཏེ་ཐེ་ཙོམ་མེད། །དེ་ནས་རྫས་ནི་བཤད་བྱ་སྟེ། །སྨན་ནི་བཀྲ་ཤིས་དང་ལྡན་པ། །གྲུབ་པའི་མཐའ་སྟེ་མཆོག་ཏུ་གཙང་། །འཇིག་རྟེན་མགོན་དང་མཉམ་པར་གསུངས། 
ཨ་ག་རུ་དང་། ཙན་དན་དང་། པད་མ་དང་། ཨུད་པ་ལ་དང་། ཤི་རི་ཤའི་མེ་ཏོག་དང་། ཨ་པཱ་མརྒ་དང་། མེ་རུ་དང་། ན་ལ་ད་དང་། ཆུ་སྲིན་གྱི་སེན་མོ་དང་། ཀ་ན་ཀའི་འབྲས་བུ་དང་། ཙན་དན་གྱི་འབྲས་བུ་དང་། པད་མའི་འབྲས་བུ་དང་། 
རྡོ་དྲེག་དང་། མེ་ད་དང་། བཙོད་དང་། སཱུ་ཀ་རི་དང་། མ་ཀ་ཊཱི་དང་། ཛཱ་ཡ་དང་། བི་ཛཱ་ཡ་དང་། པ་རི་པེ་ལ་བ་དང་། ར་ས་དང་། བཱི་རཱ་དང་། དྷྱ་མ་ཀ་དང་། རྒྱ་སྤོས་དང་། བུ་སཱ་དང་། ཨ་པར་ཏ་ཀ་དང་། རུ་སྟ་དང་། བྱ་གྲ་ན་ཁ་དང་། 

99-1-187a

པད་ཏྲ་དང་། ཏྲ་ཙ་དང་། ཀ་དམ་བ་རཱ་དང་། པྲི་ཡང་ཀུ་དང་། གིའུ་ཝང་དང་། སྤྲི་ཀ་དང་། སྨིག་རྐང་དང་། ཡུངས་ཀར་དང་། ནཱ་ག་པུཥྤ་དང་། ཨེ་ལཱ་དང་། ལྡོང་རོས་དང་། གུར་ཀུམ་དང་། ག་པུར་དང་། གླ་རྩི་དང་། སྤང་སྤོས་དང་། ན་ལེ་
ཤམ་དཀར་པོ་དང་། སུ་མ་དང་། ཉེའུ་ཤིང་དང་། ཤུ་ཏི་དང་། སྦྲང་རྩི་དང་། ཙམ་པ་ཀ་སྟེ། དེ་བཞིན་རྫས་ནི་དེ་དག་ཀུན། །སུ་བར་ཎ་ནི་དཀར་པོས་སྦྱར། །རི་ལུ་ནམ་གཅིག་ཙམ་དུ་ནི། །སྐྱེས་བུ་མཁས་པས་བྱ་བ་ཡིན། །སུ་བར་ཎས་ནི་
བཀབ་ནས་སུ། །རྫས་རྣམས་བསྲེས་ནས་སྦྱར་བར་བྱ། །ཆ་རྣམས་འཕེལ་བར་བྱ་བ་སྟེ། །གླ་རྩི་ཡིས་ནི་དྲི་བསྐྱེད་དོ། །ཕྱེ་མ་ཞིབ་མོར་བཏགས་ནས་སུ། །ཙན་དན་དཀར་པོའི་ཆུ་སྦྱར་ནས། །གྲིབ་མ་ལ་ནི་བསྐམ་པར་བྱ། །
ཚེས་བརྒྱད་ནས་ནི་བརྩམས་ནས་སུ། །ཚེས་ནི་བཅྭ་ལྔ་ཉ་ཡི་བར། །ཉིན་གཅིག་བཞིན་དུ་དོན་ཡོད་པའི། །རྒྱལ་པོས་བརྒྱ་རྩ་བརྒྱད་དུ་བཟླས། །ཁྲོ་བོའི་རྒྱལ་པོ་ཉིན་གཅིག་བཞིན། །ལན་བདུན་བར་དུ་དབང་བསྐུར་རོ། །ཕྱག་
རྒྱས་དབང་བསྐུར་བར་ཡང་བྱ། །དེ་ནས་ཚེས་ནི་བཅྭ་ལྔ་སྟེ། །ཉ་ལ་ཆུ་དང་ཡུངས་ཀར་དག །དཀྱིལ་འཁོར་དུ་ནི་གཞག་པར་བྱ། །དེ་ནས་ནོར་བུའི་རྒྱལ་པོ་དང་། །གཞག་པའི་དཀྱིལ་འཁོར་བཤད་པར་བྱ། །ཆ་རྣམས་མ་
ནོར་ལེགས་པར་དབྱེ། །རྒྱར་ནི་ཀོ་ལའི་ཆེད་དུ་བྱ། །ཤིན་དུ་འཇམ་ལ་དབྱིབས་ལྟ་ལེགས། །ཚོན་རྩི་སྣ་ཚོགས་འབྱེས་པར་དང་། །དཀྱིལ་འཁོར་མཆོག་ནི་ཐིག་གདབ་བོ། །སྒོ་བཞི་གདོད་ཅིང་གྲྭ་བཞི་དོད། །ཀུན་ནས་ཤིན་དུ་
ཆ་ཕྱེ་ཞིང་། །དཀྱིལ་འཁོར་སྙིང་པོ་ཆ་ཕྱེ་བ། །ཚད་དང་ཤིན་དུ་ལྡན་པར་བྱ། །པད་མ་ཆེན་པོ་བཞི་དག་དང་། །དེ་བཞིན་ཕྱག་དང་སྤྱན་དུ་བཅས། །དོན་ཡོད་དངོས་གྲུབ་བྲི་བར་བྱ། །ནོར་བུ་རྒྱལ་པོ་འཆང་བ་ཡིས། །ཕྱག་རྒྱར་བཅས་པ་བྲི་བར་
བྱ། །ཆུ་ཡི་རྒྱ་མཚོའི་ནང་དུ་ནང་དུ་ནི། །ལས་ཀྱི་རྡོ་རྗེ་ལེགས་པར་བྲི། །དཀྱིལ་འཁོར་སྙིང་པོ་དམ་པ་ལ། །ཀུན་ནས་ཁ་ཁྱེར་རྣམ་པ་དང་། །མེ་ཏོག་སྣ་ཚོགས་པ་དག་བྲི། །དཀྱིལ་འཁོར་ཕྱི་རོལ་ཀུན་དུ་ནི། །ནོར་བུ་པད་མ་ལེགས་པར་བྲི། །

99-1-187b

སྒོ་བཞི་ཡི་ནི་གནས་རྣམས་སུ། །པད་མ་ཞགས་པ་མདུང་རྩེ་གསུམ། །རྡོ་རྗེའི་ཚུལ་མཆོག་ལེགས་པར་བྲི། །གྲྭ་བཞི་ཡི་ནི་གནས་རྣམས་སུ། །ལག་ན་ནོར་བུ་ཡོད་པ་བྲི། །པད་མའི་སྟེང་ན་རབ་ཏུ་གནས། །དཀྱིལ་འཁོར་
བཟང་པོ་པན་ཕྲན་དང་། །བུམ་པ་བཀང་དང་མེ་ཏོག་དང་། །བདུག་པ་འབྲས་བུ་རྣམས་ཀྱིས་བརྒྱན། །གཏོར་མ་རྣམ་པ་སྣ་ཚོགས་དག །ཅི་བདོག་བུངས་ཆེར་གཞག་པར་བྱ། །ཀུན་དུ་མར་མེ་ཕྲེང་བ་དང་། །མཆོད་ཡོན་ཆུ་དང་ཨ་ག་རུ། །
ཙན་དན་བདུག་སྤོས་དབུལ་བར་བྱ། །ནོར་བུ་རྒྱལ་པོ་འཇིགས་མེད་པ། །སྣོད་བཟུང་ལེགས་པར་བཀང་ནས་སུ། །རྒྱ་དར་ལ་ཡིས་ཁ་གཡོགས་ཏེ། །དཀྱིལ་འཁོར་དེ་ཉིད་རིག་པས་གཞག །དཀྱིལ་འཁོར་སྙིང་པོར་འཇིག་རྟེན་དབང་། །
གཞག་སྟེ་དེ་ནས་ལས་རྡོ་རྗེ། །སྣོད་ཀྱི་སྟེང་དུ་གཞག་པ་ནི། །ནོར་བུ་དཀྱིལ་འཁོར་བྱ་བ་ཡིན། །དེ་ནས་རིག་སྔགས་འཆང་གིས་དོན་ཡོད་པའི་རྒྱལ་པོ་ལན་ཉི་ཤུ་རྩ་གཅིག་བཟླས་བརྗོད་བྱ། ཁྲོ་བོའི་རྒྱལ་པོས་ལན་བདུན་དབང་
བསྐུར་བར་བྱ། དེ་ནས་གསང་སྔགས་ཡི་གེ་གཅིག་པོ་འབུམ་ཚང་བར་བཟླས་བརྗོད་བྱ་སྟེ། འབུམ་བཟླས་བརྗོད་བྱས་ན་ནོར་བུའི་རྒྱལ་པོ་འབར་བར་འགྱུར་རོ། །དེ་ནས་རིག་སྔགས་འཆང་གི་ལག །གཡས་དང་ལྡན་པས་
གཟུང་ནས་ནི། །ཆང་པ་དམ་དུ་བསྡམ་པར་བྱ། །བསྡམས་པ་ཙམ་གྱི་མོད་དག་ལ། །རྫུ་འཕྲུལ་གྱིས་ནི་མཁའ་ལ་འགྲོ། །ནོར་བུ་དྲི་མ་མེད་པ་དོན་ཡོད་པའི་རྣམ་པར་འཕྲུལ་པ་བཀོད་པ་ཞེས་བྱ་བ། རིག་སྔགས་འཆང་གི་འཁོར་ལོས་སྒྱུར་བ་འཐོབ་ལ་
འཁོར་རིག་སྔགས་འཆང་འཁོར་ལོས་སྒྱུར་བ་བྱེ་བ་ཕྲག་འབུམ་ཡོད་པར་འགྱུར། ཁུང་གི་སྒོ་ཐམས་ཅད་ཕྱེ་བར་འགྱུར། སངས་རྒྱས་ཀྱི་ཞིང་ཐམས་ཅད་ཕྱེ་བར་འགྱུར། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་དང་། དཀྱིལ་
འཁོར་དང་། ཕྱག་རྒྱ་དག་ཁ་ཏོན་དུ་ལོབས་པར་འགྱུར། སངས་རྒྱས་ཀྱི་ཞིང་ཐམས་ཅད་དུ་འཇུག་པར་འགྱུར། དེ་བཞིན་གཤེགས་པ་ཐམས་ཅད་ལ་ཕྱག་འཚལ་བ་དང་། འདུད་པ་དག་གིས་གསོང་པོར་སྨྲ་བར་བྱེད། ཐམས་ཅད་དུ་ཡང་དོན་

99-1-188a

ཡོད་པའི་དཀྱིལ་འཁོར་རྣམ་པར་ཐར་བའི་དཀྱིལ་འཁོར་རྣམ་པར་ཕྱེ་བ་ཐོབ་པར་འགྱུར། ཚེ་བསྐལ་པ་འབུམ་ཕྲག་བདུན་བཅུ་རྩ་གཉིས་སུ་རིང་བར་འགྱུར། དོན་ཡོད་པའི་པད་མའི་འཁོར་ལོ་མདུན་ནས་འགྲོ་བར་
འགྱུར་རོ། །གལ་ཏེ་འབར་བར་མ་གྱུར་ན་སྔར་བསྟན་པའི་ཡོན་ཏན་གྱི་ཁྱད་པར་རྣམས་ཐོབ་པར་འགྱུར་ལ། མཉམ་པ་ཉིད་ཀྱིས་དེ་བཞིན་གཤེགས་པ་དང་འདྲ་བའི་ནོར་བུ་རྒྱལ་པོའི་རི་ལུ་ནི་འཇིག་རྟེན་དང་འཇིག་རྟེན་ལས་
འདས་པའི་ལས་རྣམས་སྒྲུབ་པ་ཡིན་ནོ། །ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ལ། གང་དང་གང་དུ་སྐྱེ་བའི་ཚེ་རབས་ཐམས་ཅད་དུ་ཚེ་རབས་དྲན་པར་འགྱུར། ནོར་བུའི་རི་ལུ་འདི་མཐོང་བ་ཙམ་
གྱིས་དུས་གསུམ་གྱི་དེ་བཞིན་གཤེགས་པ་མངོན་སུམ་དུ་མཐོང་ཞིང་ལྟ་བར་འགྱུར། འཕགས་པ་སྤྱན་རས་གཟིགས་དབང་ཕྱུག་མངོན་དུ་མཐོང་ཞིང་རྟག་ཏུ་ལྟ་བར་འགྱུར། རང་གི་ལུས་ལ་ཡོད་པ་དེ་ཡང་ཕྱིར་མི་ལྡོག་པར་རིག་
པར་བྱའོ། །དེ་བཞིན་གཤེགས་པའི་རིང་བསྲེལ་གྱི་སྙིང་པོ་མཆོད་རྟེན་དང་མཉམ་པ་ཞེས་བྱ་བ་སྟེ། འདི་ལ་སོམ་ཉི་དང་ཡིད་གཉིས་བསྐྱེད་པར་མི་བྱའོ། །མཐོང་བ་དང་རེག་པ་ཙམ་གྱི་མོད་ལ་སྔོན་གྱི་ལས་ཀྱི་སྒྲིབ་
པ་གྲངས་དང་བགྲང་བའི་ཚུལ་གྱིས་བསྐལ་པ་འབུམ་དུ་བསགས་པ། མནར་མེད་པའི་གནས་སུ་འགྲོ་བར་འགྱུར་བ། མཚམས་མེད་པ་ལྔ་བྱེད་པ། འཕགས་པ་ལ་སྐུར་པ་འདེབས་པ། དམ་པའི་ཆོས་སྤོང་བ་
དེ་དག་ཐམས་ཅད་དུས་གསུམ་གྱི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཐུ་དང་། འཕགས་པ་སྤྱན་རས་གཟིགས་དབང་ཕྱུག་གི་ནོར་བུའི་རྒྱལ་པོའི་མཐུས་
ཐམས་ཅད་ཟད་པར་འགྱུར། སེམས་ཅན་དམྱལ་བའི་འགྲོ་བ་དག་ལས་ཡོངས་སུ་ཐར་བར་འགྱུར། བདེ་འགྲོའི་ལམ་ལ་གཞོལ་བར་འགྱུར། ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །དེ་ལྟ་བས་ན་

99-1-188b

ལེགས་པར་སྒྲུབ་པ་མཐར་ཐུག་པར་བྱ་ཞིང་བསྒྲུབ་པར་བྱ། མཐུ་སྟོབས་ཀྱིས་སྦྱར་བར་བྱ། ཤིན་དུ་གསལ་ཞིང་རབ་ཏུ་གསལ་བའི་བསམ་པ་འབད་པས་སྦྱར་བར་བྱ། རང་གི་ཤ་དང་ཁྲག་ཀྱང་ཡོངས་སུ་བཏང་ནས་བཙལ་བར་བྱ་ཞིང་
ཆོ་ག་ཞིབ་མོའི་རྒྱལ་པོ་ཡོངས་སུ་བཙལ་བར་བྱ་བ་ཡིན་ན་ཕྱི་རོལ་གྱི་དངོས་པོ་ནོར་དང་། འབྲུ་དང་། དབྱིག་དང་། གསེར་དང་། དངུལ་དང་། གོས་དང་། རྒྱན་རྣམས་ཡོངས་སུ་བཏང་ནས་ཡོངས་སུ་བཙལ་བར་བྱ་བ་ལྟ་སྨོས་ཀྱང་ཅི་དགོས་ཏེ། སྲོག་
བཏང་བར་བྱའི་དེ་གཏང་བར་མི་བྱའོ། །དོན་ཡོད་པའི་ཞགས་པའི་སྙིང་པོ་རྣམ་པར་ཐར་བའི་དཀྱིལ་འཁོར་རིམ་པར་ཕྱེ་བ་སྒྲུབ་པ་འདི་བརྩལ་བར་བྱ་ཞིང་བསྒྲུབ་པར་བྱའོ། །འདིའི་དུས་ཕྱི་མའི་ཚེ་ན་སེམས་ཅན་ཐམས་ཅད་ལ་སངས་རྒྱས་
ཀྱི་མཛད་པ་བྱེད་པར་འགྱུར། སེམས་ཅན་ཐམས་ཅད་ཡང་དག་པ་ཉིད་ཀྱི་དད་པས་སངས་རྒྱས་ཉིད་དུ་མངོན་པར་རྫོགས་པར་འཚང་རྒྱ་བར་འགྱུར། ཕྱིར་མི་ལྡོག་པར་འགྱུར་ཞིང་ནམས་ཀྱང་ངན་འགྲོ་ལོག་པར་འགྲོ་བར་མི་འགྱུར་རོ། །
ནོར་བུའི་རི་ལུ་སྒྲུབ་པའི་དཀྱིལ་འཁོར་གྱི་ཆོ་གའོ།། །། དེ་ནས་དེའི་ཕྱིར་དོན་ཡོད་པ་ཡངས་པའི་དཀྱིལ་འཁོར་ཆེན་པོ་དོན་ཡོད་པ་ཆེན་པོའི་རྣམ་པར་འཕྲུལ་པའི་དངོས་གྲུབ་ཀྱི་སྨན་ནོར་བུ་དང་། གསང་སྔགས་རྣམས་
བཤད་པར་བྱ་སྟེ། སྨན་ནོར་བུ་དང་། གསང་སྔགས་དང་། དཀྱིལ་འཁོར་དང་། ཕྱག་རྒྱའི་མཐུས་དེས་ཕྱི་མའི་དུས་ཕྱི་མའི་ཚེ་ན་རིག་སྔགས་འཆང་རྣམས་ཀྱི་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་
དམ་ཚིག་སྤྱིའི་གསང་བའི་དཀྱིལ་འཁོར་རྣམ་པ་སྣ་ཚོགས་སྒྱུ་མ་ལྟ་བུའི་ངོ་བོ་ཉིད་བསྟན་པ་ཡང་དག་པར་སྟོན་པར་མཛད། བཀླགས་པས་གྲུབ་པ། རིགས་ཀྱི་དམ་ཚིག་སྤྱིའི་གསང་བ་ཐམས་ཅད་དུ་
ཉེ་བར་སྟོན་པར་མཛད་དོ། །རིག་སྔགས་འཆང་རྣམས་ཀྱི་ངལ་བ་འབྲས་བུ་མེད་པ་གཞན་དུ་འགྱུར་བ་མེད་དོ། །ངལ་བ་དང་། དུབ་པ་དང་། འབད་པའི་བཟླས་བརྗོད་ཀྱི་ཆོ་ག་འབྲས་བུ་མེད་པར་མི་

99-1-189a

འགྱུར་བར་བྱ་བའི་ཕྱིར་རང་གི་སེམས་ཀྱི་རྒྱུད་དད་པ་དང་། གུས་པ་དང་། གསང་ཆེན་དང་། གསང་བར་བྱ་བ་གཞན་ལ་བསྟན་པར་མི་བྱ་སྟེ། དངོས་གྲུབ་མེད་པར་མི་འགྱུར་རོ། །དེ་ལྟ་བས་ན་གསང་སྔགས་སྒྲུབ་པ་ནི་
ཤིན་དུ་གསང་བར་བྱ་ཞིང་ལེགས་པར་སྨྱུང་བ་བྱས་ལ་འབད་པར་བྱ། ཁ་ཟས་ངན་པ་སྤང་བར་བྱ། གོས་ངན་པ་དང་། སེམས་ངན་པ་ཡང་ཡོངས་སུ་སྤང་བར་བྱ། མི་སྲུན་པ་དང་། མི་བདེན་པ་དང་། ཕྲ་མ་དང་། སེམས་ཅན་སྲན་པར་བྱེད་པ་དང་། 
གསང་སྔགས་རྐུ་བ་དང་། ཆོ་ག་ཞིབ་མོ་རྐུ་བར་བྱེད་པ་དང་། ཕྱག་རྒྱ་དང་། དཀྱིལ་འཁོར་རྐུ་བར་བྱེད་པ་དེ་དག་གི་རྟོགས་པ་ནི་གང་ན་ཡང་མེད་དེ། དུས་གསུམ་གྱི་མགོན་པོས་སྨད་ཅིང་བྱང་ཆུབ་སེམས་དཔས་ཀྱང་སྨད་ལ། མགོན་པོ་འཕགས་པ་
སྤྱན་རས་གཟིགས་དབང་ཕྱུག་གིས་ཀྱང་སྨད་པ་ཡིན་ནོ། །སེམས་ཅན་སྡོང་དུམ་བསྲེགས་པ་འདི། །གསང་བ་སུན་འབྱིན་མ་རུངས་པ། །འཇིག་རྟེན་འདི་དང་ཕ་རོལ་ཏུ། །རྟག་ཏུ་སྨད་པར་བྱ་བ་ཡིན། །ལྷ་རྣམས་ཀྱིས་ནི་ཡོངས་སུ་བཏང་། །མ་
རུངས་པས་ནི་བདུད་ཀྱིས་ཟོས། །མ་རུངས་པས་ནི་བགེགས་ཀྱིས་ཟོས། །བསླབ་གཞི་ཚུལ་ཁྲིམས་ཉམས་པ་དང་། །མགོན་པོའི་བསྟན་པ་སུན་འབྱིན་པ། །དེ་ལ་དངོས་གྲུབ་ཇི་ལྟར་འབྱུང་། །དེ་ལ་སྐྱོབ་པ་གང་ཡང་མེད། །མགོན་
མེད་ཀུན་དུ་སྨད་པ་ཡིན། །དེ་བས་དེ་ལ་དངོས་གྲུབ་ནི། །ཆུང་ངུ་འང་མེད་ལ་ཉེས་པ་ཡིས། །གསང་སྔགས་དང་ནི་སྨན་མི་གྲུབ། །ཉེས་པ་དེ་དག་རང་གིས་བྱས། །གཞན་ཡང་མ་རུངས་བྱེད་པ་ཡིན། །དེ་བས་སེམས་ཅན་མཁས་
ལ་སྦྱིན། །སློབ་པ་འདོད་ཅིང་ཡོན་ཏན་དགའ། །སྙིང་རྗེའི་བདག་ཉིད་བྱམས་ལ་གནས། །སེམས་ཅན་ཀུན་ལ་བརྩེ་བའི་མཆོག །དེ་ཡི་ལག་ཏུ་སྦྱིན་བྱ་སྟེ། །དེ་ཡི་དངོས་གྲུབ་བླ་ན་མེད། །གསང་བ་འདི་ནི་ཤིན་དུ་གསང་བ་
ཡིན་ཏེ། འཇིག་རྟེན་དབང་ཕྱུག་གི་སྙིང་པོ་གསང་བ་དེ་ཡང་རིག་སྔགས་འཆང་རྣམས་ཀྱི་དེ་ཁོ་ན་ཉིད་ཀྱི་གསང་བ་དང་། གསང་སྔགས་དང་། ཕྱག་རྒྱ་སྒྲུབ་སླ་སྟེ། བཀླགས་པས་འགྲུབ་པ་དེ་བཞིན་དུ་སྨན་ནོར་བུ་འདི་ལ་རྟག་ཏུ་

99-1-189b

འཇུག་ཅིང་དངོས་གྲུབ་ཀྱི་དེ་ཁོ་ན་ཉིད་རབ་ཏུ་སྟོན་པར་བྱེད་པ་ཡིན་ནོ། །རིག་སྔགས་འཆང་ནི་བདག་ཉིད་ཀྱིས། །མཆོག་ཏུ་གསང་བ་བསྒྲུབ་བྱ་བ། །རིག་སྔགས་འཆང་ནི་གཙང་མ་ཡིས། །ཁྲུས་བྱས་གོས་གཙང་གྱོན་བྱེད་
ལ། །འདིར་ནི་ཉིན་ཞག་སྨྱུང་བ་དང་། །དད་དང་གུས་པས་མཆོད་པ་བྱ། །དོན་ཡོད་འཁོར་ལོ་སྒྲུབ་བྱེད་པས། །དངོས་གྲུབ་དཀྱིལ་འཁོར་དམ་པ་བསྒྲུབ། །སྨན་སྤྲི་ཀ་དང་། ཙན་དན་གྱི་ཕྱེ་མ་དང་། ཨ་ག་རུ་དང་། པད་མ་གེ་སར་དང་། པད་
མ་དང་། པད་མའི་ལྡུམ་བུ་དང་། པད་མའི་འདབ་མ་དང་། དེ་བཞིན་དུ་གིའུ་ཝང་དང་། ལྡོང་རོས་དང་། ཙམ་པ་ཀ་དང་། སུ་མ་ན་སྟེ། དེ་བཞིན་ཆ་ནི་མཉམ་སྦྱར་ཏེ། །ཕྱེ་མ་དག་ཏུ་བྱས་ནས་ནི། །དེ་ནས་དོན་ཡོད་རྒྱལ་པོ་ཡིས། །
ཚེས་བརྒྱད་ནས་ནི་བཅྭ་ལྔའི་བར། །བརྒྱ་རྩ་བརྒྱད་དུ་བཟླས་བརྗོད་བྱ། །ཁྲོ་བོའི་རྒྱལ་པོས་བརྒྱ་རྩ་བརྒྱད། །བཟླས་བརྗོད་བྱས་ནས་དབང་བསྐུར་རོ། །དེའི་འོག་ཏུ་ཆ་ལྔར་བྱ་སྟེ། མིག་བསྐུ་བ་དང་། རི་ལུ་དང་། ཕྱེ་མ་དང་། ཏིལ་མར་ཚོས་པ་
དང་ཁ་གདོང་བཀྲུ་ཞིང་ཁྲུས་བྱའོ། །མིག་སྨན་ནི་སོའུ་བྱི་རེ་དང་ལྷན་ཅིག་སྦྲུས་ལ་དོན་ཡོད་པའི་རྒྱལ་པོས་བརྒྱ་སྟོང་བཟླས་བརྗོད་བྱའོ། །རི་ལུ་ནི་སྦྲང་རྩི་དཀར་པོ་དང་ལྷན་ཅིག་སྦྲུའོ། །ཕྱེ་མ་ནི་འཇིག་རྟེན་དབང་ཕྱུག་ལ་ཕུལ་བའི་
མེ་ཏོག་དང་ལྷན་ཅིག་སྦྲུའོ། །ཏིལ་མར་བཙོས་པ་ནི་བྲ་མ་ཏི་ལ་སྟེ། ཤིང་པ་ལ་ཤའི་མར་དང་ལྷན་ཅིག་སྦྲུའོ། །ཁ་གདོང་བཀྲུ་བ་ནི་ཙན་དན་དཀར་པོའི་ཆུ་དང་ལྷན་ཅིག་སྦྲུ་ཞིང་སུ་མ་ན་དང་། གུར་ཀུམ་དང་། སྤོས་ཆུས་
ལྷན་ཅིག་སྦྲུས་ལ་སོ་སོར་བརྒྱ་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོས་ཉི་ཤུ་རྩ་གཅིག་བཟླས་བརྗོད་བྱས་ནས་དབང་བསྐུར་བར་བྱའོ། །དེ་ནས་རིག་སྔགས་འཆང་ཉིན་ཞག་གཅིག་སྨྱུང་བ་བྱས་པས་གཅིག་ཏུ་
སྦྲུས་ཏེ། དངུལ་གྱི་སྣོད་ཀྱི་ནང་དུ་བཅུག་ལ། སོ་སོར་བརྒྱ་རྩ་བརྒྱད་བཟླས་བརྗོད་བྱས་ནས་ཤར་ཕྱོགས་ཀྱི་སྒོ་ནས་དཀྱིལ་འཁོར་དུ་གཞག་པར་བྱ་སྟེ། དཀྱིལ་འཁོར་མཆོག་ལ་ཕྱག་དང་བསྐོར་བ་བྱས་ལ་དེ་ནས་

99-1-190a

སོ་སོར་དར་གྱིས་ཁ་བཅད་དེ། དཀྱིལ་འཁོར་གྱི་སྙིང་པོར་གཞག་ལ་དོན་ཡོད་པའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱས་དབང་བསྐུར་བར་བྱ། དབང་བསྐུར་
བར་བྱས་ནས་ཀྱང་རིག་སྔགས་འཆང་གིས་དབང་བསྐུར་བར་བྱ། དེ་ནས་དཀྱིལ་འཁོར་སྙིང་པོར་ནི། །འཇིག་རྟེན་དབང་ཕྱུག་མཆོད་བྱ་སྟེ། །བདུག་སྤོས་ལྔ་དག་དབུལ་བྱ་བ། །ཨ་ག་རུ་དང་ཙན་དན་དང་། །སྤྲི་ཀ་
གུ་གུལ་དུ་རུ་ཀ །མཆོད་ཡོན་སྣོད་ནི་ལྔ་དབུལ་ཞིང་། །གཏོར་མ་ལྔ་ནི་དགང་བྱ་སྟེ། །རོ་ལྡན་སྣ་ཚོགས་དག་གིས་དགང་། །རོ་ལྡན་འབྲས་བུ་སྣ་ཚོགས་པའི། །གཏོར་མ་ཆ་ལྔ་དབུལ་བར་བྱ། །ཀུན་དུ་ཕྲེང་
བ་ཉི་ཤུ་དང་། །མར་མེ་ཉི་ཤུ་ལྔ་དག་དང་། །སྤོས་ཀྱི་ཕྱེ་མ་ལྔ་དག་དང་། །སྤོས་ཀྱི་ཆ་ལྔར་ཕྱེ་བས་བྱུག །འཕན་ཕྲན་ཉི་ཤུ་རྩ་ལྔ་གདགས། །ཚོན་རྩི་ལྔ་ཡིས་མཛེས་པར་བྱ། །གསེར་དང་དངུལ་གྱིས་གཡོགས་
པ་ཡི། །བུམ་པ་གང་བ་ཉི་ཤུ་ལྔ། །རིན་པོ་ཆེ་ནི་ལྔ་གཞུག་གོ། སྒོ་བཞི་གྲྭ་བཞིར་བུམ་པ་བརྒྱད། །བརྒྱ་དང་ཉི་ཤུ་རྩ་ལྔ་ཉིད། །དཀྱིལ་འཁོར་མེ་ཏོག་འབྲས་ཡོས་དང་། །ཡུངས་དཀར་ཉིད་ཀྱིས་མངོན་པར་དགྲམ། །
སློབ་དཔོན་བླ་མ་མཆོད་པ་ནི། །གོས་དང་སྣོད་དང་ཡོན་གྱིས་སོ། །ཐུབ་པ་འཇིག་རྟེན་དབང་ཕྱུག་ལྟར། །སྟོན་པའི་འདུ་ཤེས་བསྐྱེད་ནས་སུ། །དཀྱིལ་འཁོར་སློབ་དཔོན་མཆོད་བྱས་ནས། །དེ་ནས་དཀྱིལ་འཁོར་
གཤེགས་པར་གསོལ། །དེ་ནས་ལས་རྣམས་བྱ་བ་ནི། །ཇི་ལྟར་ཡིད་ལ་སྣ་ཚོགས་བྱ། །དོན་ཡོད་ཆེན་པོའི་གཞལ་མེད་ཁང་། །རིག་སྔགས་འཆང་གིས་རྟག་ཏུ་གསང་། །དེ་ཉིད་དངོས་གྲུབ་བསྒྲུབ་སླ་བ། །དེ་བཞིན་
ནོར་བུ་སྨན་སྔགས་སོ། །དོན་འདི་ཤིན་དུ་བཀྲ་ཤིས་ཏེ། །མཁས་པ་མི་ཡིས་བྱ་བ་ཡིན། །ཕྲ་མའི་ཚིག་ཀྱང་མི་བསྟེན་ཏེ། །བརྫུན་ནི་ནམ་ཡང་སྨྲ་མི་བྱ། །འདི་ནི་བསྒྲུབ་པའི་དེ་ཉིད་དེ། །དེ་ལ་འགྲུབ་པ་ཐེ་ཙོམ་མེད། །

99-1-190b

འདིར་ནི་དཀྱིལ་འཁོར་བཤད་པར་བྱ། །ཀུན་ནས་གྲུ་བཞི་ལྷམ་པ་སྟེ། །གྲྭ་བཞི་ཆ་ནི་ལེགས་པར་དབྱེ། །ཀོ་ལའི་ཚད་དེ་ལེགས་པ་དང་། །སྣ་ཚོགས་ཚོན་གྱི་ཐིག་སྐུད་ཀྱིས། །དཀྱིལ་འཁོར་དམ་པ་ཐིག་གདབ་བོ། །དཀྱིལ་འཁོར་
དབུས་ཀྱི་སྙིང་པོར་ནི། །འཁོར་ལོ་བཟང་པོ་བྲི་བར་བྱ། །དབུས་ཀྱི་ལྟེ་བར་པད་མོ་ཡིས། །འཁོར་ལོ་གསལ་བ་བྲི་བར་བྱ། །པད་མའི་སྙིང་པོ་གསེར་དང་ནི། །དངུལ་ལམ་ཙན་དན་ལས་བྱས་པ། །འབར་བར་འཇིག་རྟེན་དབང་ཕྱུག་
བཞུགས། །འཁོར་ལོ་ཀུན་དུ་རྩིབས་དང་ནི། །མུ་ཁྱུད་དག་གིས་ཆ་དབྱེའོ། །དཀྱིལ་འཁོར་སྙིང་པོའི་གྲྭ་རྣམས་དེར། །ལྷ་ཡི་དབང་པོ་ཚངས་པ་དང་། །ཁྱབ་འཇུག་དབང་ཕྱུག་ཆེན་པོ་བྲི། །ཀུན་དུ་ཁ་ཁྱེར་རྣམ་པ་དང་། །
པད་མས་ཕྲེང་བ་རྣམས་བྱའོ། །དཀྱིལ་འཁོར་ཕྱི་རོལ་ཀུན་དུ་ནི། །རྟགས་དང་ཕྱག་བརྒྱ་རྣམས་བྲི་སྟེ། །རྡོ་རྗེ་དགྲ་སྟ་མདུང་རྩེ་གསུམ། །རལ་གྲི་ཞགས་པ་ཐོ་བ་དང་། །གཤིན་རྗེ་བེ་ཅོན་པད་མ་གདུགས། །དབྱུག་ཏོ་མདའ་བོ་
རྣམས་སོ། །གྲྭ་རྣམས་ཀུན་དུ་ཕྲེང་བ་དང་། །མེ་ཏོག་རྣམ་པ་སྣ་ཚོགས་དགྲམ། །སྒོ་སྒོ་དེར་ནི་དཀྱིལ་འཁོར་གྱི། །ལྷ་སྟེ་གཤིན་རྗེ་ཆུ་ལྷ་དང་། །ལུས་ངན་དང་ནི་གཞོན་ནུ་བྲི། །དཀྱིལ་འཁོར་གྲྭ་བཞི་རྣམས་སུ་ནི། །རྒྱལ་
པོ་ཆེན་པོ་བཞི་པོ་དག །གོ་ཆ་ལེགས་པར་བགོས་པ་དང་། །ཁྲོ་བར་ལྟ་བ་འཇིགས་བྱེད་བྲི། །འདི་ནི་དཀྱིལ་འཁོར་མཆོག་ཡིན་ཏེ། །དཀྱིལ་འཁོར་གྱི་ནི་དགོས་པ་རྣམས། །ལེགས་པར་ཡོངས་སུ་རྫོགས་པར་ནི། །
རིག་སྔགས་ཇི་བཞིན་བསྟན་པ་ཡིན། །དེ་ནས་ལེགས་པར་ཁྲུས་བྱས་ལ། །གོས་གཙང་བགོས་པ་འཇིགས་མེད་པས། །སྨན་མཆོག་གཟུང་སྟེ་ལས་བྱའོ། །རྨོངས་པའི་དྲ་བ་སྣ་ཚོགས་དང་། །སྒྱུ་མ་ལྟ་བུའི་རྣམ་སྤྲུལ་པ། །གང་
གིས་ངན་འགྲོ་ཐར་འགྱུར་བ། །སེམས་ཅན་ཀུན་ལ་བསྟན་པར་བྱ། །རྟག་ཏུ་དགའ་དང་དད་པ་དང་། །གུས་པ་དེ་ཉིད་ཐོབ་པར་འགྱུར། །རིག་སྔགས་འཆང་གིས་བསྒྲུབ་པའི་མཆོག །དངོས་གྲུབ་དེ་ཉིད་ཐོབ་པར་འགྱུར། །རིག་

99-1-191a

སྔགས་འཆང་གིས་སྔར་ཁྲུས་བྱས་ལ་རྫས་ཀྱི་དྲི་ཆབ་གཙང་མ་དོན་ཡོད་པའི་རྒྱལ་པོས་བརྒྱ་རྩ་བརྒྱད་བཟླས་བརྗོད་བྱ། ཙན་དན་གྱི་ཆུ་ལ་བརྒྱ་རྩ་བརྒྱད་བཟླས་བརྗོད་བྱས་ནས་སྐྲ་ཡན་ཆད་ཙམ་བྱུགས་ལ་ཚོད་ཟིན་
པར་བསྐུས་ནས་ཁ་གདོང་བཀྲུ་བར་བྱའོ། །མིག་སྨན་ལ་བརྒྱ་རྩ་བརྒྱད་བཟླས་བརྗོད་བྱས་ནས་བསྐུས་ན་མིག་བཟང་བར་འགྱུར་རོ། །བརྒྱ་རྩ་བརྒྱད་ཚང་བར་བཟླས་བརྗོད་བྱས་ནས་བདག་ཉིད་དང་ཕྱོགས་བཅུར་གཏོར་རོ། །དེ་བཞིན་
དུ་ཏིལ་མར་བརྒྱ་རྩ་བརྒྱད་བཟླས་བརྗོད་བྱས་ནས་སྐྲ་ཡན་ཆད་བསྐུ་བ་དང་། ཚོད་ཟིན་པར་བསྐུ་བ་དང་། ལུས་རྐང་མཐིལ་ཡན་ཆད་བསྐུའོ། །ཡི་གེ་གཅིག་པོ་ཡིད་ལ་བྱ་བ་ལ་སེམས་བྱམས་པ་ཉིད་ལ་གནས་ནས་རྒྱལ་པོ་དང་། བཙུན་
མོའི་སྒོ་འམ། སྐྱེ་བོའི་ནང་ངམ། འདུས་པ་ཆེན་པོ་འམ། དགེ་འདུན་གྱི་ནང་ངམ། ཚོགས་དང་ཕྲད་པ་འམ། དེ་བཞིན་དུ་གཞན་དག་ཀྱང་རུང་སྟེ། དེ་དག་ཐམས་ཅད་ཀྱིས་འཇིག་རྟེན་མགོན་པོའི་གཟུགས་དང་ཁ་དོག་
ཏུ་མཐོང་ཞིང་སའི་སྟེང་ནས་རྐང་པ་ཁྲུ་གང་ཙམ་གྱིས་སྤགས་ཏེ་འདུག་ལ། ཇི་ལྟ་ཇི་ལྟར་འདུལ་བ་རྣམས་ཀྱི་དད་པ་དེ་ལྟ་དེ་ལྟར་གཟུགས་རྣམས་སྟོན་པར་བྱེད་དེ། རྒྱལ་པོ་འམ། འཁོར་ལོས་སྒྱུར་བ་འམ། མིའི་སེང་གེ་འམ། 
ཕག་གམ། སྲེད་མེད་ཀྱི་བུར་སྟོན་པ་འམ། ཚངས་པ་འམ། སུམ་བཅུ་རྩ་གསུམ་གྱི་དབང་པོ་འམ། དབང་ཕྱུག་ཆེན་པོ་མིག་གསུམ་པ་འམ། གཞོན་ནུ་འམ། ཆུ་ལྷ་འམ། གཤིན་རྗེ་འམ། རྣམ་ཐོས་
ཀྱི་བུ་འམ། དེ་བཞིན་དུ་རྒྱལ་པོ་ཆེན་པོ་བཞི་འམ། ནག་པོ་ཆེན་པོ་འམ། དགའ་བྱེད་དབང་ཕྱུག་གམ། སེར་སྐྱ་འམ། གསང་བ་པ་འམ། ལག་ན་རྡོ་རྗེ་སྟོབས་པོ་ཆེ་འམ། ནོར་བུ་བཟང་པོའི་བུ་འམ། 
གང་བ་བཟང་པོ་འམ། སྟོབས་ཀྱི་ལྷ་འམ། གར་མཁན་མཆོག་གམ། རླུང་ངམ། དྲང་སྲོང་ཉིད་དེ་ཇི་ལྟར་གཟུགས་རྣམ་པ་སྣ་ཚོགས་ཡིད་ལ་བྱས་པ་ཐམས་ཅད་སྟོན་པར་བྱེད་དོ། །མེ་ཏོག་དང་། འབྲས་བུ་སྣ་

99-1-191b

ཚོགས་པ་ཉིད་འབྱུང་བར་བྱེད་དོ། །དེ་བཞིན་དུ་དགེ་འདུན་གྱི་ནང་དུ་ཞུགས་ན་དེ་སངས་རྒྱས་ཀྱི་གཟུགས་དང་། གཟུགས་སྣ་ཚོགས་སུ་སྣང་ཞིང་གཞལ་མེད་ཁང་གི་རྣམ་པ་དག་ཀྱང་སྟོན་པར་བྱེད་དོ། །ཇི་ལྟར་འདོད་པར་འགྱུར་བ་ཡིད་
ལ་བྱས་པ་དེ་ལྟར་གཟུགས་རྣམས་སྟོན་པར་བྱེད་དོ། །འཁོར་ཚོགས་པ་འམ། དགོན་པ་འམ། འཆག་ས་དག་ཀྱང་སྨན་ནོར་བུ་དང་། གསང་སྔགས་ཀྱི་མཐུས་གཟུགས་སྣ་ཚོགས་སུ་སྟོན་པར་བྱེད་དོ། །འགྲོན་པོ་འབྲོག་
གི་ནང་དུ་ཕྱིན་པ་ཉམ་ཐག་པ། འཇིགས་པ་མི་ཟད་པ། ཆུ་མེད་པ། དགོན་པར་མགོན་མེད་པ། སྡུག་བསྔལ་དྲག་པོ་དེ་ལྟ་བུའི་ནང་དུ་ཆུད་པའི་སྐྱེ་བོ་སྡུག་པར་གྱུར་པ། སྐྱབས་མེད་པ། མགོན་མེད་པར་གྱུར་པ། སྐྱོབ་པ་མེད་པ། 
དཔུང་གཉེན་མེད་པར་གྱུར་པ་ན་དེ་ལ་རིག་སྔགས་འཆང་གིས་ཕྱེ་མ་འདིས་ཕྱོགས་བཞིར་མཚམས་གཅད་པར་བྱ། ཕྱེ་མས་དཀྱིལ་འཁོར་གྱི་ཚུལ་དུ་རི་མོ་བྲིས་ལ་རི་ལུ་ལྔ་དཀྱིལ་འཁོར་གྱི་དབུས་སུ་གཞག་གོ། ཡུངས་དཀར་
ལ་ཏིལ་མར་གྱི་རྒྱལ་པོས་བསྐུས་ལ་དོན་ཡོད་པའི་རྒྱལ་པོ་བརྒྱ་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོས་བརྒྱ་རྩ་བརྒྱད་བཟླས་བརྗོད་བྱས་ཏེ་དབང་བསྐུར་ནས་ཁྲོ་བོའི་རྒྱལ་པོ་ཧཱུྃ་ཞེས་བྱ་བས་ཕྱག་རྒྱ་བཅིངས་ལ་ས་ལ་
བསྣུན་ཅིང་ཕྱོགས་བཞིར་གཏོར་བར་བྱ་བ་ཕྱག་རྒྱ་དང་ལྡན་པར་བྱས་པ་ཙམ་གྱིས་ཆུ་བཟང་པོ་རྣམ་པ་སྣ་ཚོགས་འབབ་ཅིང་རྫིང་འབྱུང་བར་འགྱུར། ཚལ་དང་། ཉེ་བའི་ཚལ་དང་། མེ་ཏོག་དང་། འབྲས་བུ་སྣ་ཚོགས་
དང་ལྡན་པའི་གཞལ་མེད་ཁང་འབྱུང་བར་འགྱུར། ཕྱེ་མའི་དཀྱིལ་འཁོར་དེ་ལས་གྲོང་ཁྱེར་དང་། ཁང་བཟངས་འབྱུང་བར་འགྱུར། ཁྱིམ་གྱི་གནས་ལྔ་སྟོང་འབྱུང་བར་འགྱུར་ཞིང་བདེ་བ་དང་། ལོ་ལེགས་པ་
དང་། ཉམས་དགའ་བ་དང་། སྐྱེ་བོ་དང་། མི་མང་པོས་གང་བ་འབྱུང་བར་འགྱུར། ཉོ་ཚོང་དང་། བ་ལང་དང་། མ་ཧེ་དང་། རྟ་དང་། གླང་པོའི་གནས་དག་འབྱུང་བར་འགྱུར། དགེ་སྦྱོང་དང་། 

99-1-192a

བྲམ་ཟེ་དང་། ཚོང་པ་དང་། ཁྱིམ་དང་། ཁང་པ་བཟང་པོ་དག་འབྱུང་བར་འགྱུར་ཏེ། ཇི་སྲིད་དུ་བསམས་པ་དེ་སྲིད་དུ་འདུག་གོ། ཆུ་དང་ཡུངས་དཀར་ལ་ལན་བདུན་བཟླས་བརྗོད་བྱས་ནས་ཕྱོགས་བཞིར་གཏོར་ན་མི་སྣང་
བར་འགྱུར་རོ། །ཡུངས་ཀར་དེ་གཡུལ་འགྱེད་པའི་ནང་དུ་གཏོར་ན་དཔུང་གི་ཚོགས་ཡན་ལག་བཞི་དང་ལྡན་པར་འབྱུང་བར་འགྱུར་ཏེ། དེས་ཕ་རོལ་གྱི་དམག་ཚོགས་དང་། དགྲ་འཇིགས་ཤིང་འཇོམས་པར་བྱེད་པ་ལས་རྒྱལ་བར་འགྱུར་
རོ། །གྲོང་ཁྱེར་གྱི་ཕྱོགས་བཞི་ཀུན་ཏུ་གཏོར་ན་འོབས་འབད་ཅིང་ར་བ་ཁ་ཁྱེར་གྱིས་བསྐོར་ལ་གྲོང་ཁྱེར་ཀུན་ཏུ་སྐྱེས་བུ་གོ་ཆ་བགོས་པ་དག་སྣང་བས་གྲོང་ཁྱེར་མནན་པ་འམ། གཙེ་བར་སུས་ཀྱང་མི་ནུས་སོ། །མཚན་མོའི་དྲིའི་ཏིལ་མར་
དེ་ཉིད་ཡུངས་ཀར་ལ་བསྐུས་ཏེ། བརྒྱ་རྩ་བརྒྱད་བཟླས་བརྗོད་བྱས་ནས་ཆང་པ་གང་མེའི་ནང་དུ་གཏོར། ཆང་པ་གང་ཕྱོགས་བཞི་ཀུན་ཏུ་གཏོར་ན་ཀུན་ནས་མར་མེ་ཕྲེང་བ་འབྱུང་བར་འགྱུར་ལ། ཇི་སྲིད་དགོས་པ་དེ་སྲིད་དུ་འབར་རོ། །གཙུག་
ལག་ཁང་ངམ། དགོན་པ་འམ། རི་འམ། ཕུག་གམ། འཆག་པའི་གནས་སམ། ཁྱིམ་དུ་གཏོར་ན་མར་མེའི་ཕྲེང་བ་འབྱུང་བར་འགྱུར་ལ། ཆུ་དང་ཡུངས་ཀར་གྱིས་མི་སྣང་བར་འགྱུར། གྲོང་ཁྱེར་གྱི་སྒོར་ཡུངས་ཀར་
གཏོར་ན་གཏོར་བ་ཙམ་གྱི་མོད་ལ་དགྲ་ཐམས་ཅད་དང་། ཕ་རོལ་གྱི་དམག་ཚོགས་ཀྱི་གྲོང་ཁྱེར་མི་སྣང་བར་འགྱུར་རོ། །གང་ན་ཕྱིར་རྒོལ་བ་དང་། ཕ་རོལ་གྱི་དམག་ཚོགས་གནས་པའི་གྲོང་ངམ། གྲོང་ཁྱེར་རམ། ཚལ་
གྱི་ནང་ངམ། དགོན་པའི་གནས་སུ་གཏོར་ན་འབྲོག་དགོན་པ་འབྱུང་བར་འགྱུར་ལ། ཐམས་ཅད་ཕན་ཚུན་ངོ་མི་ཤེས་ནས་འཇིགས་ཤིང་སྐྲག་པ་ཆེན་པོས་རབ་ཏུ་འབྲོས་པར་བྱེད་དོ། །དགྲའི་ཚོགས་ཀྱི་ནང་དུ་གཏོར་ན་མཚོན་
ཆ་ཐམས་ཅད་དང་། འགྱེད་པའི་གོ་ཆ་ཐམས་ཅད་མི་སྣང་ཞིང་གཅེར་བུར་འགྱུར་རོ། །ཞལ་ཆེ་འགྱེད་པའི་ནང་དུ་གཏོར་ན་འགྱེད་ཟླ་གཙོ་བོ་གཅེར་བུར་འགྱུར་རོ། །དགྲའི་སྟེང་དུ་གཏོར་ན་མེ་འབར་བ་འབྱུང་བར་འགྱུར་ཏེ། དེ་དག་

99-1-192b

ལ་སོགས་པ་ཡིད་ལ་ཇི་ལྟར་བྱས་པའི་ལས་འབུམ་སྙེད་བྱེད་དོ། །དེ་ནས་ལས་རྒྱ་ཆེན་པོ་བྱེད་པར་འདོད་པའི་རིག་སྔགས་འཆང་གཙང་མ་ལེགས་པར་ཁྲུས་བྱས་པ་སྤོས་ཀྱིས་ལུས་བསྐུས་པ་དེས། ཡུངས་ཀར་དང་། ཏིལ་མར་གྱི་རྒྱལ་
པོས་བསྐུས་པ་ལ་བརྒྱ་རྩ་བརྒྱད་བཟླས་བརྗོད་བྱས་ནས། འཕགས་པ་སྤྱན་རས་གཟིགས་དབང་ཕྱུག་ལ་གཏོར་བར་བྱ། ཁྲོ་བོའི་རྒྱལ་པོས་ལན་བདུན་དབང་བསྐུར་ནས་ཕྱག་རྒྱ་བཅས་པའི་ལག་པས་རི་ལུ་སྤྱི་བོར་གཞག་ལ་ཕྱེ་མས་
གདབ་པར་བྱ། ཏིལ་མར་གྱི་རྒྱལ་པོས་རྐང་པ་ལ་བྱུག་པར་བྱ། དོན་ཡོད་པའི་རྒྱལ་པོ་ལན་ཅིག་དྲན་པར་བྱ་སྟེ། ཡོངས་སུ་སྦྱང་བའི་ལས་ལྷན་ཅིག་བྱ་བ་ལེགས་པར་བྱས་པས་འཕགས་པ་སྤྱན་རས་གཟིགས་དབང་ཕྱུག་
གི་གཟུགས་གཡོ་སྟེ་གར་དགའ་བར་འགྲོ་ལ། གཟུགས་བརྙན་གང་དུ་འགྲོ་བ་དེ་ཉིད་དུ་རང་འགྲོའོ། །ལྷའི་སྟེང་དུ་གཏོར་ན་ལྷའི་གནས་ནས་འཕོ་ཞིང་གར་དགའ་བ་དེར་འགྲོའོ། །ཕྱེ་མས་ལྷའི་སྟེང་དུ་གཏོར་ལ་ཁྲོ་
བོའི་རྒྱལ་པོ་ཧཱུྃ་ཞེས་བྱ་བས་མི་སྣང་བར་འགྱུར་རོ། །ཏིལ་མར་གྱི་རྒྱལ་པོ་ལ་ལན་བརྒྱ་རྩ་བརྒྱད་བཟླས་བརྗོད་བྱས་ལ་བདག་ཉིད་ཀྱི་པུས་མོ་དང་། བྱིན་པ་ལ་བསྐུས་ན་ནམ་མཁའ་ལ་འགྲོ་བར་འགྱུར་རོ། །རྐང་མཐིལ་
ལ་བསྐུས་ན་སའི་སྟེང་ན་རྐང་པ་སོར་བཞི་ཙམ་མི་རེག་གོ། རྡོའི་སྟེང་དུ་རྐང་པ་གཞག་པ་དང་། རྐང་རྗེས་བྱུང་བའི་སྟེང་དུ་རྫ་མ་དང་། བུམ་པ་དང་། བུམ་བུ་གཞག་པའི་རྐུབ་ལ་བསྐུས་ན་སོར་བཞི་ཙམ་གྱི་ཚད་དུ་
ནམ་མཁའ་ལ་འདུག་གོ། ཡུངས་ཀར་ལ་བཟླས་བརྗོད་བྱས་ནས་མེས་སྦྱིན་སྲེག་བྱས་པའི་ཐལ་བ་དེ་བླངས་ནས་ལན་བརྒྱ་རྩ་བརྒྱད་བཟླས་བརྗོད་བྱས་ལ། ཏིལ་མར་གྱིས་སྦྲུས་པ་ལ་ཁྲོ་བོའི་རྒྱལ་པོས་བརྒྱ་
རྩ་བརྒྱད་དབང་བསྐུར་ནས་མིག་ལ་བསྐུས་ན་མིག་གསུམ་སྟོན་ཅིང་དབང་ཕྱུག་ཆེན་པོའི་གཟུགས་སུ་སྟོན་པར་བྱེད་དོ། །ཐལ་བས་ལུས་ལ་བྱུགས་ན་ཚངས་པའི་གཟུགས་སུ་སྟོན་ཏོ། །ཤིང་པ་ལ་ཤ་དང་པརྣ་

99-1-193a

ཤ་བསྲེས་པས་ལུས་བྱུགས་ན་སྲེད་མེད་ཀྱི་བུའི་སྟོབས་དང་། ཤུགས་དང་། གཟུགས་སུ་སྟོན་ཏོ། །ཏིལ་མར་ཆེན་པོས་ཁར་བསྐུས་ལ་ཐལ་བས་དཔྲལ་བར་ཐིག་ལེ་བྱས་ན་གཞོན་ནུའི་གཟུགས་
སུ་སྟོན་ཏོ། །ཡུངས་ཀར་གྱི་འབྲུ་ཁ་དོག་སྣ་ཚོགས་ཅན་ལ་ཏིལ་མར་ཆེན་པོ་བྱུགས་པས་བསྐུས་ལ་དོན་ཡོད་པའི་རྒྱལ་པོས་བརྒྱ་རྩ་བརྒྱད་བཟླས་བརྗོད་བྱ། ཕྱག་རྒྱས་བརྒྱ་རྩ་བརྒྱད་དབང་བསྐུར་ཅིང་ཁྲོ་བོའི་རྒྱལ་པོས་
བརྒྱ་རྩ་བརྒྱད་དབང་བསྐུར་ལ། དེ་ནས་དངུལ་གྱི་སྣོད་ཀྱི་ནང་དུ་གཞག །དེ་ནས་ལས་ཐམས་ཅད་བྱེད་དེ་ནམ་མཁའ་ལ་གཏོར་ན་ནོར་བུ་དང་རིན་པོ་ཆེའི་ཆར་འབབ་པར་སྟོན་ཏོ། །དེ་བཞིན་གཤེགས་པ་མཆོད་
པའི་ཚེ་ནམ་མཁའ་ལ་གཏོར་ན་མེ་ཏོག་གི་ཆར་སྣ་ཚོགས་འབབ་པར་འགྱུར། འདུས་པའི་ནང་དུ་ནམ་མཁའ་ལ་གཏོར་ན་འབྲས་བུ་དང་ནོར་གྱི་རྒྱུན་སྣ་ཚོགས་པ་སྟོན་ཏོ། །ཚལ་གྱི་ནང་དུ་གཏོར་ན་མེ་ཏོག་དང་འབྲས་
བུ་སྣ་ཚོགས་པ་སྟོན་ཏོ། །རི་ཕུག་ཏུ་གཏོར་ན་རྫས་དང་སྨན་སྣ་ཚོགས་སྟོན་ཏོ། །མཆོད་རྟེན་རྙིང་པ་འམ། གཙུག་ལག་ཁང་ངམ། ལྷའི་གནས་སུ་གཏོར་ན་ཡོ་བྱད་ཐམས་ཅད་ཀྱིས་ཡོངས་སུ་གང་ཞིང་རྫོགས་པ་
ཁང་པ་བཟང་པོ་ཡངས་པ་གནས་ཀྱི་མཆོག་སྟོན་ཏོ། །གྲོང་ཁྱེར་སྟོང་པར་གཏོར་ན་འཚོ་བའི་ཡོ་བྱད་ཐམས་ཅད་ཕུན་སུམ་ཚོགས་ཤིང་ཡོངས་སུ་རྫོགས་པ་དང་། ཡུལ་གྱི་རྒྱལ་པོ་དང་། སླས་དང་། བཀྲབས་
པ་དང་། མདུན་ན་འདོན་པ་དང་། བློན་པོ་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དག་སྟོན་ཏོ། །ཡང་ཁྲོ་བོའི་རྒྱལ་པོའི་ཧཱུྃ་ཞེས་བྱ་བས་གཏོར་ན་དཔུང་གི་ཚོགས་ཡན་ལག་བཞི་པ་སྟོན་ཏོ། །
དུར་ཁྲོད་ཀྱི་ནང་དུ་གཏོར་ན་ཤི་བའི་རུས་པ་གང་དང་གང་ལ་བབ་པ་དེ་དང་དེ་གང་དུ་སེམས་ཅན་དམྱལ་བ་འམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་ནམ། ལྷ་མ་ཡིན་ནམ། ནམ་མཁའ་ལྡིང་ངམ། 

99-1-193b

དྲི་ཟ་འམ། མི་འམ་ཅི་འམ། ལྟོ་འཕྱེ་ཆེན་པོ་འམ། བྱ་འམ། ཉ་བ་འམ། རུ་སྦལ་གྱི་རིགས་སུ་སྐྱེས་པ་འམ། ལྷའི་འཇིག་རྟེན་ནམ། སངས་རྒྱས་ཀྱི་ཞིང་དུ་སྐྱེས་པ་དེའི་རུས་པ་འམ། ཐོད་པ་ལ་ཚིག་འབྱུང་བར་འགྱུར་ལ་
གང་དུ་སྐྱེས་པ་དེའི་གཏམ་ཡང་སྨྲའོ། །གང་དང་གང་གི་སྐྱེ་གནས་སུ་སྐྱེས་པ་དེ་ཐམས་ཅད་སྨྲ་ལ་ཐབས་ཇི་ལྟར་བྱ་བ་དེ་སྨྲའོ། །ཡུངས་ཀར་དེས་ཀྱང་རུས་གོང་འབྲེལ་པ་འམ། ཤི་བའི་རོ་འམ། རུས་པ་འཐོར་བ་ལ་བབ་ན་བབ་པ་ཙམ་
གྱི་མོད་ལ་སེམས་ཅན་དམྱལ་བ་ལས་ཡོངས་སུ་ཐར་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཟོང་བཀྲམ་པའི་ནང་དུ་གཏོར་ན་ཐམས་ཅད་མི་མངོན་པར་འགྱུར་རོ། །ནམ་མཁའ་ལ་གཏོར་ན་སྐར་མ་རྣམས་མི་མཐོང་བར་
འགྱུར་རོ། །སྐྱེ་བོ་མང་པོའི་ནང་དུ་གཏོར་ན་ཐམས་ཅད་གཅེར་བུར་འགྱུར་རོ། །འདུས་པའི་ནང་དུ་གཏོར་ན་ཐམས་ཅད་བྲོ་རྡུང་བར་བྱེད་དོ། །དགེ་འདུན་གྱི་ནང་དུ་གཏོར་ན་དགེ་སློང་ཐམས་ཅད་བསམ་གཏན་ཐོབ་པར་འགྱུར་རོ། །
ཚོགས་ཀྱི་གཙོ་བོ་ལ་གཏོར་ན་རྣལ་འབྱོར་སྤྱོད་པར་འགྱུར་རོ། །མཁའ་འགྲོ་མའི་ཚོགས་ཀྱི་ནང་དུ་གཏོར་ན་ཐམས་ཅད་བོང་བུ་དང་། ཝ་དང་། ཁྱིའི་གཟུགས་ཅན་དུ་འགྱུར་རོ། །སྦྱོར་མའི་སྒོར་གཏོར་ན་སྦྱོར་མ་ཐམས་ཅད་འབར་ལ་
མ་ཧེའི་གཟུགས་ཅན་དུ་སྣང་ངོ་། །ཤི་བའི་སྟེང་དུ་གཏོར་ན་བྲོ་བརྡུང་བར་བྱེད་དོ། །ཐོད་པའི་སྟེང་དུ་གཏོར་ན་བྲོ་བརྡུང་བར་བྱེད་ཅིང་རྒྱུག་ལ་ཕན་ཚུན་རྒྱུག་པར་བྱེད་དོ། །ལམ་གྱི་བཞི་མདོར་གཏོར་ན་གནོད་སྦྱིན་དང་། སྲིན་པོ་དང་། 
འབྱུང་པོ་ཐམས་ཅད་རང་གི་གཟུགས་ཀྱིས་མདུན་ན་ཉེ་བར་འཁོད་ལ་ཇི་སྲིད་འཚོའི་དབང་དུ་གྱུར་ནས་འཁོད་དོ། །ཉིན་གཅིག་བཞིན་བདག་ཉིད་ལ་གཏོར་ན་མཆོད་པ་ཆེན་པོའི་གནས་སུ་འགྱུར་ཏེ། གཞན་ཡང་རང་
གི་བློ་རྣམས་ཀྱིས་ལས་འབུམ་སྙེད་བྱེད་དོ། །དོན་ཡོད་པ་ཆེན་པོ་རྣམ་པར་འཕྲུལ་པའི་དཀྱིལ་མཁོར་སྒྱུ་མ་ལྟ་བུའི་ཆོ་གའོ།། །། འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། 

99-1-194a

བམ་པོ་བཅྭ་བརྒྱད་པ། དེ་ནས་དེའི་ཕྱིར་འགུགས་པ་ཆེན་པོ་དང་། ལག་ན་རྡོ་རྗེའི་གཟུགས་བསྟན་པའི་ཆོ་ག་བཤད་པར་བྱ་སྟེ། གང་གིས་ལྷ་རྣམས་མྱུར་དུ་འོང་བ་དང་། ཕྱག་ན་རྡོ་རྗེའི་
གཟུགས་མྱུར་དུ་སྟོན་ཏོ། །རྡོ་རྗེའི་སྐུ་དང་སྟོབས་པོ་ཆེ། །རྟ་འགྲིན་དང་ནི་མགུལ་སྔོན་དང་། །དེ་བཞིན་རྟ་ནི་རྒོད་མའི་ཁ། །བདུད་རྩི་འཁྱིལ་ལྡན་གཟུགས་པོ་ཆེ། །ལོག་འདྲེན་རྣམས་ནི་རབ་འཇོམས་དང་། །ཁྲོ་
རྒྱལ་དེ་བཞིན་འཇིགས་བྱེད་སྤྱན། །ཀི་ལིའི་ཀི་ལིའི་རྒྱལ་པོ་ཆེ། །ཁྲོ་བོ་ཆོལ་པ་སྟོབས་པོ་ཆེ། །དེ་བཞིན་རྡོ་རྗེ་ས་འོག་གཟུགས། །རྡོ་རྗེ་རྩེ་མོ་དེ་ཉིད་དང་། །ཀླུ་ཆེན་རབ་འཇོམས་སྤྱན་ཡང་དང་། །སོག་
མ་མེད་ནི་འདུལ་བ་དང་། །དེ་བཞིན་ཐིགས་ཁྲོ་ཁྲོས་ཆེན་དང་། །དེ་བཞིན་མཆེ་བ་གཙིགས་མཛད་དང་། །རྒྱལ་པོ་ཆེན་པོ་རྡོ་རྗེའི་སྒྲོག །ཀླུ་ཡི་དབང་པོ་སྟོབས་ཀྱིས་གནོན། །མགོན་པོ་གོས་སྔོན་གྱོན་པ་
དང་། །དབྱུག་སྔོན་དགྲ་ལས་རྒྱལ་བ་དང་། །འཇིག་རྟེན་དབང་ཕྱུག་པད་མའི་ལྟེ། །ཕྱག་ན་པད་མ་པད་མ་ཕྱུག །དེ་བཞིན་འཇིགས་པ་བརྒྱད་སེལ་དང་། །དེ་བཞིན་མཆོད་རྟེན་འཇིག་རྟེན་བླ། །སྣ་ཚོགས་
གཟུགས་སྟེ་བཟང་པོ་དང་། །སྲེད་མེད་བུ་དང་ཚངས་པ་དང་། །དྲག་པོ་དང་ནི་དབང་ཕྱུག་དང་། །ནག་པོ་ཆེན་པོ་གཞོན་ནུ་དང་། །གཤིན་རྗེ་དང་ནི་ཆུ་ལྷ་ཉིད། །ཉི་མ་དང་ནི་ཟླ་བ་དང་། །རྒྱུ་སྐར་སྒྲ་
གཅན་མཇུག་རིངས་དང་། །དེ་བཞིན་གཟའ་དང་ལྷ་མ་ཡིན། །ནམ་མཁའ་ལྡིང་དང་མི་འམ་ཅི། །གནོད་སྦྱིན་སྲིན་པོ་ལྟོ་འཕྱེ་ཆེ། །འབྱུང་པོ་དཔལ་ལྡན་རྣམ་ཐོས་བུ། །དེ་བཞིན་ཡུལ་སྐྱོང་མིག་མི་བཟང་། །
འཕགས་སྐྱེས་དེ་ཉིད་མཐོང་བ་དང་། །མིའུ་ཐུང་དང་ནི་དྲང་སྲོང་གཟུགས། །ནོར་བུ་བཟང་སྲས་གང་བ་དང་། །སྣ་ཚོགས་གཟུགས་ཅན་སྟོན་པ་དང་། །རྒྱལ་པོ་དང་ནི་དེད་དཔོན་དང་། །ཚོང་དཔོན་དེ་བཞིན་ཁྱིམ་བདག་དང་། །

99-1-194b

བྲམ་ཟེ་དང་ནི་རྒྱལ་རིགས་དང་། །དགེ་སྦྱོང་སྟག་དང་སེང་གེ་དང་། །ཁྱུ་མཆོག་དེ་བཞིན་ནགས་ཀྱི་ལྷ། །ཤིང་ལྷ་དེ་བཞིན་ནགས་ཀྱི་ལྷ། །ཤིང་ལྷ་དེ་བཞིན་ལོ་ཏོག་ལྷ། །གང་གཱ་སྭ་ཏི་ཡ་མུ་ན། །ཟླ་བ་སྐལ་ལྡན་རུ་སྦལ་
ཉ། །ལག་འགྲོ་དང་ནི་ཐོད་པ་ཅན། །སྐལ་ཡོད་དེ་བཞིན་འབྲས་བུ་དང་། །མེ་ཏོག་རྒྱལ་རླབས་ཆེན་པོ་དང་། །སྣ་ཚོགས་གཟུགས་དང་རྣམ་སྣ་ཚོགས། །དེ་ལྟར་དགུག་པ་བསྟན་པ་དང་། །དེ་ལྟར་སླར་གཤེགས་གསོལ་བ་ཉིད། །སྦྱིན་སྲེག་
དྲ་བ་འདི་ཉིད་ནི། །སྒྱུ་འཕྲུལ་ཆད་བྱུང་གསང་སྔགས་གྲུབ། །རྫས་གྲུབ་ནོར་བུ་ཏིལ་མར་གྲུབ། །དོན་ཡོད་ཞགས་པ་བསྒྲུབ་པའི་ཕྱིར། །དེ་ཉིད་དངོས་གྲུབ་རབ་སྟོན་པ། །མཆོད་རྟེན་དགོན་པ་གཙུག་ལག་ཁང་། །ལྷ་
ཡི་གནས་དང་དེ་བཞིན་གྲོང་། །གྲོང་ཁྱེར་ཉིད་དང་འབབ་ཆུའི་དངོ་། །མཚེའུ་དང་ལྡེང་ག་ཆུ་བོ་དང་། །རྫིང་དང་དེ་བཞིན་ཆར་འབབ་དང་། །འབྲུག་སྒྲོགས་དང་ནི་གློག་འགྱུ་དང་། །གཞན་ཡང་མེ་ནི་འབར་བ་དང་། །དུད་པའི་
ཕུང་པོ་བདེ་འགྱེད་དང་། །སྐྱེས་བུ་གོ་ཆ་གྱོན་པ་དང་། །དེ་བཞིན་མཚོན་ཆ་སྣ་ཚོགས་མཐོང་། །ཁྱུ་མཐོང་གྲུབ་པ་མཐོང་བ་དང་། །དེ་ཉིད་རྨད་དུ་བྱུང་བ་སྟེ། །རྫས་ཉུང་སྦྱར་བ་ཉུང་གྱུར་ཀྱང་། །དེ་ཉིད་དངོས་གྲུབ་བླ་ན་
མེད། །སེམས་ཅན་རྣམས་ལ་ཕན་འཚལ་ནས། །བཅོམ་ལྡན་དེ་ཉིད་བདག་གིས་བཤད། །རིག་སྔགས་འཆང་རྣམས་བཀླགས་པས་འགྲུབ། །དབུལ་པོ་རྣམས་ནི་ནོར་འཐོབ་ཅིང་། །སྡང་བ་རྣམས་ནི་བྱམས་པར་བགྱིད། །མུ་སྟེགས་
གཞན་རྣམས་དད་པར་བགྱིད། །མཁས་པ་རྣམས་ནི་དགའ་བར་བགྱིད། །གདུལ་ཀ་རྣམས་ནི་ཐར་པ་འཚལ། །དགེ་སློང་རྣམས་ནི་བསམ་གཏན་ཐོབ། །ཏིང་འཛིན་བླ་ན་མེད་པ་ཐོབ། །ཆོས་འདོད་རྣམས་ནི་སངས་རྒྱས་མཐོང་། །སྡིག་པ་བྱེད་རྣམྶ་
སྡིག་པ་འཇིག །མི་རིགས་བྱས་རྣམས་ཐར་པ་འཐོབ། །མཚམས་མེད་ལྔ་རྣམས་རྣམ་དག་དོན། །དབུགས་མ་ཕྱིན་རྣམས་དབུགས་འབྱིན་མཆོག །མ་དུལ་བ་རྣམས་དེ་བཞིན་འདུལ། །མ་རྒལ་བ་རྣམས་སྒྲོལ་བའི་གྲུ། །ཐར་པའི་ལམ་དུ་

99-1-195a

འགྲོ་བར་གནས། །མ་གྲོལ་ངན་འགྲོ་ཀུན་ལས་འགྲོ། །སྡིག་པ་ཀུན་ལས་རྣམ་པར་གྲོལ། །ལུང་མ་བསྟན་པ་ལུང་སྟོན་བྱེད། །སྐྱོན་དང་དྲི་མ་སྡིག་པ་རྣམས། །ཐམས་ཅད་མོད་ལ་སྤོང་བགྱིད་དེ། །དེ་ལ་སོགས་པའི་ལས་རྣམས་ནི། །
བཀླགས་པས་གྲུབ་པ་བགྱིད་པ་ལགས། །འཇིག་རྟེན་པ་དང་འཇིག་རྟེན་འདས། །དོན་གྱི་དངོས་གྲུབ་བླ་ན་མེད། །གང་དང་གང་དུ་སྦྱོར་བ་བགྱིད། །དགོས་པ་ཐམས་ཅད་འགྲུབ་པར་འགྱུར། །ཡིད་ལ་བསམས་པ་འགྲུབ་པར་འགྱུར། །འདིར་ནི་ཡིད་ཀྱིས་
རྣམ་བསམས་པ། །ཇི་ལྟར་ཡིད་ལ་འདོད་པ་དང་། །ཇི་ལྟར་ངོ་བོ་ཀུན་བསམས་པ། །དེ་ལྟར་རྣམ་འཕྲུལ་སྟོན་པར་བགྱི། །ཚེས་གྲངས་རྒྱུ་སྐར་སྦྱར་མི་འཚལ། །སྨྱུང་བ་བགྱི་བ་མི་འཚལ་ཏེ། །ཆོ་ག་ཇི་བཞིན་དུས་ཅི་བཞིན། །ཆོ་ག་རིག་སྔགས་རྒྱལ་པོ་
བཟླས། །རིག་སྔགས་འཆང་བ་གཙང་གྱུར་ཅིང་། །ལེགས་པར་ཁྲུས་བགྱིས་གོས་གཙང་དག །བགོས་པ་བདེན་པར་སྨྲ་བ་དང་། །བླ་མ་ལ་ནི་གུས་བྱེད་པ། །རྟག་ཏུ་བྱམས་པའི་སེམས་ལ་གནས། །སེམས་ཅན་ཀུན་ལ་བརྩེ་བའི་མཆོག །སྡོམ་ལ་
གནས་ཤིང་ཚངས་པར་སྤྱོད། །ཆོས་མ་ཡིན་པ་སྤོང་བྱེད་པ། །གལ་ཏེ་དེ་ཉིད་གྲུབ་འདོད་ན། །ཆང་དང་ཤ་དང་ཀུན་དོང་དང་། །འདྲེས་དང་ཟོ་འཕྲ་སྦགས་པ་སྤངས། །སེམས་ཅན་ངན་པ་སུན་འབྱིན་པ། །རིག་སྔགས་རྐུ་དང་ཆོ་ག་རྐུ། །ཆོས་རྐུ་
གསང་སྔགས་རྐུ་བ་དང་། །དེ་བཞིན་ཡི་གེ་རྐུ་བ་དང་། །སེར་སྣ་རྟག་ཏུ་སྤང་བར་གྱིས། །དེ་དག་ལ་ནི་དངོས་གྲུབ་མེད། །མ་རུངས་པ་འི་དམ་ཚིག་ཉམས། །ཡིད་བཅུག་པ་ནི་མེད་པར་བྱེད། །སྡིག་པའི་ཆོས་ནི་ཀུན་དུ་སྤྱོད། །དེ་བཞིན་
གཤེགས་པ་ཀུན་གྱིས་སྨད། །བྱང་ཆུབ་སེམས་དཔའ་རྣམས་ཀྱིས་སྨད། །རྟག་ཏུ་ཆོས་ཀྱི་སྡོང་དུམ་འགྱུར། །ཤི་ནས་སེམས་ཅན་དམྱལ་བར་གཞོལ། །རྟག་ཏུ་སྨད་པའི་གནས་སུ་འགྱུར། །དབུལ་པོ་ལུས་ནི་སྐམ་པ་དང་། །མཛེ་
དང་ཁྱི་རྔོས་འདེབས་པ་དང་། །སྡུག་བསྔལ་རྐུན་མ་ཆོས་སུན་འབྱིན། །ཆོས་རྐུ་བའི་ལུས་ཅན་ནི། །འཇིག་རྟེན་འདིར་ནི་བདེར་མི་འགྱུར། །འཇིག་རྟེན་ཕ་རོལ་ག་ལ་བདེ། །སེམས་ཅན་དམྱལ་བར་གཞོལ་བ་ཡིན། །དེ་ལྟ་བས་

99-1-195b

ན་ཆེན་པོ་འདོད་པས་ནི་རྟག་ཏུ་དམ་པའི་ཆོས་ཀྱི་རྗེས་སུ་འབྲང་བར་བྱ་ཞིང་རྟག་ཏུ་དཀོན་མཆོག་གསུམ་དང་། ཕ་དང་མ་དང་བླ་མ་དང་། སྟོན་པ་ནི་སྐྱོབ་པ་དང་། སྐྱབས་པ་དང་། དཔུང་གཉེན་མཛད་པ། སྟོན་པ། མཆོག་སྦྱིན་པ། དངོས་
གྲུབ་དང་། མི་འཇིགས་པ་སྦྱིན་པ། རྒ་ཤི་ལས་ཐར་བར་བྱེད་པ། དབང་ཕྱུག་སྦྱིན་པ། ནོར་སྦྱིན་པ། ལོངས་སྤྱོད་སྦྱིན་པ། དང་པོ་མཆོག་བསྐྱེད་པ་དེ་ཉིད་འཇིག་རྟེན་གྱི་བླ་མ། མགོན་པོ་འཇིག་རྟེན་དབང་ཕྱུག་ཆེན་པོ་དབང་ཕྱུག་མགོན་པོ། 
མཆོག་སྦྱིན་པར་མཛད་པ། གཟུགས་སྣ་ཚོགས་སྟོན་པར་མཛད་པ། དངོས་གྲུབ་སྣ་ཚོགས་སྦྱིན་པར་བགྱིད་པ། མགོན་པོ་སྡུག་བསྔལ་སྣ་ཚོགས་ལས་ཡོངས་སུ་ཐར་བར་བགྱིད་པ། ནད་སྣ་ཚོགས་སྦྱོང་བར་གྲུབ་པ། རིན་པོ་ཆེ་སྣ་ཚོགས་རབ་ཏུ་
སྦྱིན་པར་བགྱིད་པ། འཇིག་རྟེན་སྡིག་པ་སྣ་ཚོགས་སེལ་བར་བགྱིད་པ། བླ་མ་ལ་གུས་པ་སྣ་ཚོགས་བགྱིད་པ་ལགས་ཏེ། དེ་ལྟ་བས་ན་རྟག་ཏུ་འབད་པས་དགོས་པ་ཐམས་ཅད་རབ་ཏུ་སྦྱིན་པར་བགྱིད་པ། རྟག་ཏུ་འབད་པས་ཤིན་དུ་
གུས་པར་བགྱིས་པ་ལགས་སོ། །དེ་ནས་རྫས་ཀྱི་སྨན་གྲུབ་པ་དང་། བཟླས་བརྗོད་ཀྱི་ཆོ་ག་བཤད་པར་བགྱི་སྟེ། སེང་གེའི་ལྕེ་དང་། སྙིང་དང་། མིག་དང་། དེ་བཞིན་དུ་ཉ་ཕྱིས་ཀྱི་ཕྱེ་དང་། ལྡོང་རོས་དང་། བྲམྷའི་ལོ་མ་དང་། 
གུ་གུལ་དང་། པད་མ་དང་། པད་མ་ཟེ་བ་དང་། ཨུཏ་པ་ལ་སྔོན་པོ་དང་། ནག་པུས་པ་དང་། ལི་ཤི་དང་། རྒྱ་སྤོས་དང་། དེ་བཞིན་དུ་གིའུ་ཝང་དང་། གླ་རྩི་དང་། ག་བུར་དང་། གུར་ཀུམ་དང་། ཙན་དན་དཀར་
པོ་དང་། སྤྲིག་ཀ་དང་། ཏེ་ཛ་བ་ཏི་སྟེ་དེ་ལྟར་ཆ་མཉམ་པར་བྱས་པ་དེ་དག་ཐམས་ཅད་ཕྱེ་མ་ཞིབ་མོར་བྱས་ལ་དངུལ་གྱི་སྣོད་བཀང་སྟེ་དར་གྱིས་གཡོག །དོན་ཡོད་པའི་རྒྱལ་པོ་སྤྱན་རས་གཟིགས་དབང་ཕྱུག་གི་མདུན་དུ་
དུས་གསུམ་དུ་ཁྲི་བཟླས་བརྗོད་བྱའོ། །དུས་གསུམ་དུ་ཁྲོ་བོའི་རྒྱལ་པོས་ལན་ཉི་ཤུ་རྩ་གཅིག་བཟླས་བརྗོད་བྱས་པས་དབང་བསྐུར་ཞིང་ཕྱག་རྒྱས་ཀྱང་ཉི་ཤུ་རྩ་གཅིག་ཏུ་དབང་བསྐུར་རོ། །ཁྲི་ཚང་ནས་ཆ་ལྔ་བྱས་ཏེ་

99-1-196a

ཕྱེ་མ་དང་། ཏིལ་མར་དང་། ནོར་བུ་དང་། མིག་བསྐུ་བ་དང་། ཏིལ་མར་ཚོས་པ་དང་ཆ་ལྔའོ། །ཕྱེ་མའི་པད་མ་མུ་རུ་ཀའི་ཕྱེ་མ་དང་སྦྱར་ལ་བཟླས་བརྗོད་བྱའོ། །ཁྲོ་བོའི་རྒྱལ་པོས་ནི་ལྔ་སྟོང་ངོ་། །ཏིལ་མར་ནི་མ་ཧཱ་རུ་ཏི་རས་
འགྲུབ་སྟེ་བརྒྱ་སྟོང་བཟླས་བརྗོད་བྱའོ། །ཁྲོ་བོའི་རྒྱལ་པོས་བཞི་སྟོང་ངོ་། །ནོར་བུ་ནི་སྦྲུལ་གྱི་ཁྲག་གིས་སྦྲུས་ཏེ་ཁྲི་ཆིག་སྟོང་བཟླས་བརྗོད་བྱའོ། །ཁྲོ་བོའི་རྒྱལ་པོས་ལྔ་སྟོང་ལྔ་བརྒྱའོ། །མིག་སྨན་ནི་རྨ་བྱའི་མིག་ཆུ་དང་། འུག་པའི་མིག་དང་། 
གླད་པ་དང་སྦྱར་ལ་ཁྲི་ཆིག་སྟོང་བཟླས་བརྗོད་བྱའོ། །ཁྲོ་བོའི་རྒྱལ་པོ་སྟོང་རྩ་བརྒྱད་དོ། །བྲམྷ་ཏཻ་ལ་སྲང་ཉི་ཤུ། གན་དྷར་བ་ཏེའི་ལ་སྲང་བརྒྱད། ཡུངས་མར་ལ་སྲང་བཅུ་དྲུག །འོ་མ་ལ་སྲང་བརྒྱ། བ་སེར་མོ་གྲུབ་པའི་འོ་མ་དང་། 
བའི་ལྕི་བ་དང་། བ་གཅིན་སྲང་བདུན། དུ་རུ་ཀའི་སྲང་གཉིས་ཏེ་རྫས་འདི་རྣམས་ཆུ་དང་བསྲེས་ནས་པད་མའི་སྡོང་བུས་དཀྲུག་ཅིང་ཟངས་སྣོད་དུ་བཙོའོ། །མཉམ་པར་གཞག་པས་གསང་སྔགས་བཟླས། །ཆོ་ག་དག་གིས་བསྲུང་
བར་བྱ། །ཆོ་ག་བཞིན་དུ་གཏོར་མ་སྦྱར། །མེ་ཏོག་བདུག་སྤོས་དག་གིས་བདུག །ཏིལ་མར་མཆོག་ནི་བསྒྲུབ་པར་བྱ། །ཆུང་ངུར་མ་བུད་གྲུབ་པ་མཆོག །སྤོས་ཀྱི་ཤིང་གིས་བུད་པ་བཟང་། །འདི་ལྟར་གྲུབ་པར་
ཤེས་པ་དང་། །ཁྲོ་བོའི་རྒྱལ་པོས་དབང་བསྐུར་བ། །ཉི་ཤུ་གཅིག་ཏུ་དབང་བསྐུར་རོ། །ཏིལ་མར་དེ་ནི་སྣོད་གཙང་མ། །ཟངས་སྣོད་ཡང་ན་དངུལ་སྣོད་བཟང་། །སྨྱིག་མའི་སྣོད་དུ་གཞག་པར་བྱ། །དེ་ནས་རིག་སྔགས་
བརྒྱད་སྟོང་དང་། །ཁྲོ་བོའི་རྒྱལ་པོ་བརྒྱད་སྟོང་ཉིད། །སོ་སོ་དག་ཏུ་བཟླས་བརྗོད་བྱ། །དཀྱིལ་འཁོར་ཡོངས་སུ་རྫོགས་པ་དེར་གཞག་པར་བྱ་བ་ནི་ཇི་ལྟར་དཀྱིལ་འཁོར་གྱི་ཆོ་གར་བྱ་བ་དེ་ལྟར་བྱས་ནས་གཞག་ཅིང་སློབ་
དཔོན་གྱི་ལས་ཀྱང་བྱ་སྟེ། ཇི་ལྟར་དཀྱིལ་འཁོར་བསྒྲུབ་པ་དང་། འཇུག་པ་དང་། དམ་ཚིག་དང་། ཕྱག་རྒྱ་དང་། དབང་བསྐུར་བ་དང་། མཆོད་པ་དང་། དཀྱིལ་འཁོར་བསྐོར་བ་དང་། ཕྱག་བྱ་བ་དང་། སྤྱིའུ་གཙུག་བཅིང་

99-1-196b

བ་དང་། ཕྱག་རྒྱ་བཅིང་བ་དང་། བསྲུང་བའི་ཆོ་ག་དང་། ཉེ་རེག་བྱ་བ་དང་། གོས་བགོ་བ་དང་། མཆོད་ཕྱིར་ཐོགས་པ་སྟེ་དཀྱིལ་འཁོར་གྱི་སློབ་དཔོན་ཀུན་གྱི་དེ་དག་ཐམས་ཅད་བསྟན་པར་བྱའོ། །དེ་ནས་དཀྱིལ་འཁོར་གྱི་དབུས་ཀྱི་སྙིང་པོར་
གཞག་ལ་རིག་སྔགས་འཆང་སྦྱངས་བའི་ཆོ་ག་བྱས་པས་འཕགས་པ་དོན་ཡོད་པའི་སྙིང་པོ་སྟོང་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོས་ཀྱང་སྟོང་རྩ་བརྒྱད་དུ་དབང་བསྐུར། ཕྱག་རྒྱས་ཀྱང་སྟོང་རྩ་བརྒྱད་དུ་དབང་བསྐུར་ལ། ཕྱག་རྒྱ་བཅིངྶ་
ནས་རྣམ་པ་གསུམ་འདྲ་བར་དབང་བསྐུར་རོ། །དེ་ནས་ལས་ཐམས་ཅད་བྱས་ཏེ་ཡུངས་ཀར་དཀར་པོ་གྲུབ་པ་ལ་རིག་སྔགས་འཆང་གིས་བརྒྱད་སྟོང་བཟླས་བརྗོད་བྱས་ལ་པད་མའི་མཆོག་གཙོ་བོ་གཙང་བ། གཙང་མར་བྱས་པ། ལེགས་
པར་བཀྲུས་པ། སྦྱངས་པ། ཕྱེ་མ་ཞིབ་ཏུ་བཏགས་པ་ཐལ་བ་ལྟ་བུ་ལ་བརྒྱད་སྟོང་བཟླས་བརྗོད་བྱས་ནས་སྣོད་དགང་། གུ་གུལ་དང་། ཙན་དན་དང་། ཨ་ཀ་རུ་དང་། སྤྲིག་ཀ་ལ་བརྒྱ་རྩ་བརྒྱད་བཟླས་བརྗོད་བྱས་ནས་སྣོད་ཀྱི་ནང་དུ་བཀང་
ལ། དབུས་ཀྱི་དཀྱིལ་འཁོར་དམ་པའི་སྟེང་དུ་སོ་སོར་གཞག་གོ། དེ་ནས་ཁྲོ་བོའི་རྒྱལ་པོས་དབང་བསྐུར་ཅིང་ཕྱག་རྒྱས་ཀྱང་དབང་བསྐུར་བ་བྱས་ན། གང་གི་ཚེ་དོན་དུ་བྱ་བ་བྱུང་བའི་ཚེ་བྱ་བ་ཐམས་ཅད་བྱེད་དོ། །གསེར་རམ། 
ཡང་ན་དངུལ་ལམ། ཟངས་ལས་པད་མའི་ཚད་དུ་བྱས་པ་འདབ་མ་ཉི་ཤུ་རྩ་གཅིག་དང་། སྙིང་པོ་དང་། ཟེ་བ་ཅན་དང་། དེ་བཞིན་དུ་སོར་བཅུ་གཉིས་པའི་ཚད་ལ་སྡོང་བུ་སོར་བཅུ་དྲུག་པའི་ཚད་རྡོ་རྗེའི་རྣམ་པ་ཅན་དུ་བྱ། 
སྐུད་པ་དམར་པོའི་ཞགས་པ་པད་མའི་ཚོན་དམར་པོས་བཞེན་པ། གཞོན་ནུས་བཀལ་བ་གྲུབ་པ། དེ་དག་ལ་བརྒྱ་སྟོང་བཟླས་བརྗོད་བྱ། ཁྲོ་བོའི་རྒྱལ་པོས་དབང་བསྐུར་ཅིང་ཕྱག་རྒྱས་ཀྱང་དབང་བསྐུར་བ་བྱས་ལ་མཁས་
པས་གསང་བའི་གནས་སུ་གཞག་གོ། གང་གི་ཚེ་དོན་དུ་བྱ་བ་བྱུང་བ་དེའི་ཚེ་ལས་ཐམས་ཅད་གྲུབ་པ་སྟན་ཏོ། །ཤིན་དུ་གཙང་ཞིང་གཙང་བར་བྱ་སྟེ། སུ་ལ་ཡང་མི་སྦྱིན་ནོ། །སངས་རྒྱས་རྣམས་ལ་སྐུ་བརྙས་པར་གྱུར་པ། 

99-1-197a

དམ་ཚིག་ཉམས་པ་ཡང་བ་ལ་བགེགས་འཇུག་པར་འགྱུར་ཞིང་། འཕྲལ་དུ་མཚམས་མེད་པ་ལྔ་བྱེད་པ་རྨོངས་པའི་དྲ་བ་དེ་ལ་དངོས་གྲུབ་རྣམས་ཀྱང་ཤེས་པར་མི་འགྱུར་རོ། །གཞན་ནི་བླ་མ་ལ་གུས་ཤིང་། །སངས་རྒྱས་
ཆོས་ལ་བརྟེན་བྱེད་པ། །འཕགས་པའི་ཚོགས་ལ་དང་བ་དང་། །བྱམས་སེམས་སྙིང་རྗེའི་བདག་ཉིད་ཅན། །དེ་ཡི་ལག་ཏུ་རབ་ཏུ་སྦྱིན། །བདག་གི་སྲོག་བཞིན་གཏད་པར་བྱ། །དེ་དག་དངོས་གྲུབ་མཆོག་སྦྱིན་ཏེ། །ཀླགས་དང་མཐོང་བ་
ཙམ་གྱིས་ནི། །ཇི་ལྟར་ཡིད་ལ་བྱས་པ་བཞིན། །རྗེས་སུ་མཐུན་པའི་ལས་བྱེད་དོ། །འཇིག་རྟེན་འདིར་ནི་རྟག་ཏུ་བདེ། །འཇིག་རྟེན་ཕ་རོལ་བདེ་བ་ཡིན། །འགྲོ་བ་ལམ་ནི་བདེ་བར་འགྲོ། །གང་ན་འོད་དཔག་མེད་པ་བཞུགས། །བདེ་བ་ཅན་
དུ་རྟག་ཏུ་འགྲོ། །རྫུས་ཏེ་སྐྱེ་བའི་པད་མ་ལས། །རྒྱན་རྟགས་ཀུན་གྱིས་རྣམ་པར་བརྒྱན། །ཚེ་རབས་དག་ནི་དྲན་འགྱུར་ཏེ། །སྔོན་གྱི་ཚེ་རབས་དྲན་པར་འགྱུར། །དེ་ནས་རིག་སྔགས་འཆང་རྨོངས་པ་ཆེན་པོའི་དམ་ཚིག་སྟོན་པར་
འདོད་པ་གཙང་མས་ལེགས་པར་ཁྲུས་བྱ། གོས་གཙང་མ་བགོས་ནས་ཉིན་ཞག་གཅིག་སྨྱུང་བ་བྱས་པས་ལག་ན་རྡོ་རྗེ་དང་། འཕགས་པ་སྤྱན་རས་གཟིགས་དབང་ཕྱུག་ཞལ་མངོན་དུ་གཞག་སྟེ། མེ་ཏོག་དང་བདུག་སྤོས་
དབུལ་ཞིང་འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་དང་། ཕྱག་ན་རྡོ་རྗེའི་སྐུ་གཟུགས་ལ་མཆོད་པ་ཡང་བྱ། འཕགས་པ་སྤྱན་རས་གཟིགས་དབང་ཕྱུག་ལ་ཨ་ག་རུའི་བདུག་སྤོས་ཀྱིས་བདུག །ལག་ན་རྡོ་རྗེ་
ལ་གུ་གུལ་གྱི་བདུག་སྤོས་ཀྱིས་བདུག །འཕགས་པ་སྤྱན་རས་གཟིགས་དབང་ཕྱུག་ལ་ལྷ་བཤོས་དཀར་པོ་འབུལ། ལག་ན་རྡོ་རྗེ་ལ་རོ་སྣ་ཚོགས་དང་ལྡན་པའི་ལྷ་བཤོས་ཕུལ་ལ། ཉིན་པར་དོན་ཡོད་པའི་རྒྱལ་པོ་
བཟླས་བརྗོད་བྱ། མཚན་མོ་འཁྲོ་བོའི་རྒྱལ་པོ་ངལ་བ་མེད་པར་བཟླས་བརྗོད་བྱ་སྟེ། ཁ་གདོང་ཁྲོ་གཉེར་མེད་པ་དང་། དྲི་མ་དང་སེར་སྣ་མེད་པས་ནམ་ལངས་ཀྱི་བར་དུ་བཟླས་བརྗོད་བྱས་པ་དང་། འཕགས་པ་སྤྱན་རས་གཟིགས་

99-1-197b

དབང་ཕྱུག་འབར་བར་འགྱུར་ལ། ལག་ན་རྡོ་རྗེ་ཡང་པུས་མོ་འཛུགས་པར་འགྱུར་ཏེ། དེ་གཉིས་ཀྱི་མིག་ནས་འཛག་པ། རིག་སྔགས་འཆང་གིས་བླངས་ནས་ཐིག་ལེ་བྱས་ན་མི་སྣང་བར་འགྱུར་རོ། །མིག་ལ་བསྐུས་ན་ནམ་མཁའ་ལ་
འགྲོའོ། །ཁར་བཅུག་ན་རིག་སྔགས་དང་ཆོ་ག་ཞིབ་མོ་དང་། དཀྱིལ་འཁོར་མངོན་དུ་འགྱུར་རོ། །ལག་ན་རྡོ་རྗེའི་སྟོབས་དང་། ཤུགས་དང་། བརྩོན་འགྲུས་ཀྱིས་ཕ་རོལ་གནོན་པར་འགྱུར། ལག་ན་རྡོ་རྗེའི་རང་གི་གཟུགས་ཀྱིས་མདུན་ན་ཉེ་བར་
འདུག་ཅིང་འདོད་པ་ཐམས་ཅད་ཀྱི་མཆོག་རྗེས་སུ་སྦྱིན་པར་བྱེད་ལ། རང་གི་གཟུགས་ཀྱིས་སྤྱོད་པར་བྱེད། ལག་ན་རྡོ་རྗེའི་སྟོབས་དང་། ཤུགས་དང་། བརྩོན་འགྲུས་ཀྱིས་ཕ་རོལ་གནོན་པ་རྗེས་སུ་སྦྱིན་པར་བྱེད། དེ་ལྟར་ལག་ན་རྡོ་རྗེས་འགུགས་
པར་འགྱུར་རོ། །ཉི་མ་འཆར་བའི་དུས་སུ་ཏིལ་མར་ཆེན་པོ་རན་པར་བདག་ཉིད་ལ་བསྐུ། མིག་སྨན་གྱིས་མིག་བྱུག །ཕྱེ་མས་གཏོར་ཞིང་བདག་ཉིད་ཐིག་ལེ་བྱ། ནོར་བུ་མགོ་ལ་གཞག་ནས་གུ་གུལ་གྱིས་བདུག །བདག་ཉིད་གོས་ངུར་
སྨྲིག་བགོས་ནས་སངས་རྒྱས་ཡིད་ལ་བྱ་བ་བསྒོམ་ཞིང་། ཞི་བ་དང་དུལ་བའི་ཡིད་ཀྱིས་སྡེ་ཅན་གྱི་ནང་ངམ་དགེ་འདུན་གྱི་ནང་དུ་འཇུག་པར་བྱའོ། །དེ་ནས་དགེ་སློང་དེ་དག་གི་སྡེ་ཅན་གྱི་ནང་དུ་ཞུགས་སམ། དགེ་འདུན་གྱི་ནང་དུ་ཞུགས་
པའི་རིག་སྔགས་འཆང་དེ་བཅོམ་ལྡན་འདས་ཀྱི་སྐུ་དང་། མདོག་དང་། རྟགས་དང་། སྤྱོད་ལམ་དུ་མཐོང་སྟེ། མཚན་ཉི་ཤུ་རྩ་བརྒྱད་ཡོད་པ་འོད་མདོམ་གང་བ། སྟན་པད་མ། བརྒྱ་བྱིན་དང་། ཚངས་པའི་མདུན་གྱི་བདར་བའི་ལྷ་
ཚོགས་སྣ་ཚོགས་ཀྱིས་གཟུགས་མཐོང་བར་སྟོན་ཏོ། །དགེ་སློང་དེ་དག་གིས་ཀྱང་དེ་བཞིན་གཤེགས་པའི་སྐུ་དང་། མདོག་ཏུ་མཐོང་ནས་ཐམས་ཅད་ཞབས་གཉིས་ལ་འདུད་པར་བྱེད་དོ། །རིག་སྔགས་འཆང་དེས་བརྙས་པར་མི་བྱ་ཞིང་། 
བདག་ལ་བསྟོད་པར་ཡང་མི་བྱ། བརྙས་པ་ཙམ་གྱིས་ཁྱོད་ཀྱི་བསོད་ནམས་ཡོངས་སུ་ཉམས་པར་མི་འགྱུར་བར་བྱའོ། །འཕགས་པའི་དགེ་སློང་གི་དགེ་འདུན་རྫུ་འཕྲུལ་ཆེན་པོས་སྟོབས་བཅུ་དང་ལྡན་པར་དབུགས་དབྱུང་བར་བྱ་སྟེ། རྒྱུ་དེས་ན་བརྙས་པར་མི་

99-1-198a

བྱའོ། །དེ་ནས་གྲོང་ཁྱེར་དང་། རྒྱལ་པོའི་ཕོ་བྲང་དུ་འཇུག་པར་བྱ། དེ་ནས་འདུས་པའི་ནང་དུ་འཇུག་པར་བྱ། དེ་ནས་གྲོང་དང་། ཚང་ཚིང་དང་། ཡུལ་དང་། རི་བྲགས་ཀྱི་ནང་དུ་འཇུག་པར་བྱ། དེ་ནས་བཙུན་མོའི་ནང་དུ་འཇུག་པར་བྱ་སྟེ། 
ཡུལ་གྱི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དེ་དག་ཐམས་ཅད་ཀྱིས་ཀྱང་སངས་རྒྱས་ཀྱི་སྐུ་དང་། མདོག་དང་། རྟགས་དང་། དབྱིབས་སུ་མཐོང་ཞིང་མཆོད་པ་ཆེན་པོ་དང་། རིམ་གྲོ་སྣ་ཚོགས་བྱེད་པར་འགྱུར་ལ། དེ་བཞིན་གཤེགས་པ་
སངས་རྒྱས་ཡིན་ནོ་ཞེས་སྨྲ་སྟེ། དེ་བཞིན་གཤེགས་པའི་ཆོ་ག་འཐོབ་བོ། །ཡུངས་ཀར་དང་། ཏིལ་མར་གྱིས་རང་གི་འཁོར་གྱི་སྤྱི་བོར་གཏོར་ཅིང་བྱུགས་ན། ཐམས་ཅད་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་
མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོའི་གཟུགས་སུ་སྟོན་ཏོ། །རྐང་པ་ཏིལ་མར་གྱིས་བསྐུས་ན་སའི་སྟེང་ནས་སོར་བརྒྱད་ཙམ་གྱིས་དཔགས་ཏེ་ནམ་མཁའ་ལ་འགྲོ་སྟེ། ཇི་སྲིད་དུ་མ་བཀྲུས་པ་དེ་སྲིད་དུ་སངས་རྒྱས་ཀྱི་ཆ་བྱད་
དུ་སྟོན་ཏོ། །མགོན་པོ་སྤྱན་རས་གཟིགས་མཐོང་བར་འདོད་པའི་རིག་སྔགས་འཆང་དེ་ནང་པར་སྔར་ལངས་ནས་གཙང་མ་ཁྲུས་བྱས་ཏེ། གོས་གཙང་མ་བགོས་ནས་ཁང་སྟེང་དུ་འདུག་ལ་ཡུངས་ཀར་ལ་ཏིལ་མར་གྱིས་བྱུགས་ནས་ཕྱོགས་བཞིར་གཏོར་ན། རྒྱལ་པོ་
དང་། བློན་པོ་དང་། རྒྱལ་རིགས་དང་། བྲམ་ཟེ་དང་། བཙུན་མོ་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་སྒྱུ་མ་ཆེན་པོས་རྨོངས་པར་འགྱུར་རོ། །དེ་ནས་རིག་སྔགས་འཆང་དེས་ནོར་བུ་བཞིས་དབུ་བརྒྱན་དང་ཕྲེང་བ་
བྱས་ལ་མགོ་ལ་གདགས་སོ། །ཏིལ་མར་གྱིས་ཡན་ལག་ཙམ་ལ་བསྐུ་བར་བྱ། འཕྲལ་བར་ལ་ཐིག་ལེ་བྱ། མིག་སྨན་གྱིས་མིག་བསྐུ། ཕྱེ་མས་བདག་ཉིད་ལ་གདབ། རས་བཟང་པོ་ཡུག་གཅིག་བགོ། བྱང་ཆུབ་སེམས་དཔའི་ཆ་
བྱད་དུ་བགྱི་བ་དང་། ནོར་བུ་དང་། གདུ་བུ་དང་། དཔུང་རྒྱན་དང་། གསེར་སྐུད་ཀྱིས་བཅིངས་ན་དེ་དག་ཐམས་ཅད་རྒྱན་དང་། སྤུད་པ་དང་། ནོར་བུ་དང་། དངུལ་དང་། རྡོ་རྗེ་དང་། བཻ་དུྰརྱ་སྣ་ཚོགས་ཀྱིས་ལུས་བརྒྱན་པར་སྣང་ངོ་། །ལག་

99-1-198b

ན་པད་མ་ཐོགས་ན། འཕགས་པ་སྤྱན་རས་གཟིགས་དབང་ཕྱུག་གི་གཟུགས་སུ་སྣང་ངོ་། །ཡིད་ལ་ཇི་ལྟར་བསམས་པ་དོན་ཡོད་པའི་ཞགས་པའི་ཚུལ་དང་། འཇིགས་པ་བརྒྱད་དང་། ཚངས་པའི་ཚུལ་དང་། ཡིད་བཞིན་ནོར་བུ་དང་། རྒོད་མའི་ཁ་
དང་། མགུལ་སྔོན་དང་། རྟ་མགྲིན་དུ་སྟོན་ཏོ། །ཇི་ལྟར་གཟུགས་ཡིད་ལ་བྱས་པ་དེ་ལྟར་སྟོན་ཏེ། ཇི་སྲིད་དུ་ཐིག་ལེ་ཡོད་ཅིང་དབུ་རྒྱན་ཐོགས་པ་དེ་སྲིད་དུ་ཚུལ་སྣ་ཚོགས་སྟོན་པར་བྱེད་དོ། །ཏིལ་མར་དང་། ཡུངས་ཀར་དང་བསྲེས་ན། ཀིང་
ཀུཥྛ་དང་ལྷན་ཅིག་སྦྲུས་ནས་ལག་པ་གཡས་ན་རྡོ་རྗེ། དཔྲལ་བར་དབང་ཕྱུག་ཆེན་པོའི་ཐིག་ལེ་བྱས་ནས་པད་མའི་ཕྱེ་མས་གཏོར་ལ། ནོར་བུ་སྤྱི་གཙུག་ཏུ་བཅིང་། མིག་སྨན་གྱིས་མིག་བསྐུ། གུ་གུལ་གྱིས་བདུགས་ལ་ཤེས་རབ་ཅན་ཁྲོ་
བོའི་ལྟ་བའི་ཚུལ་བྱས་ན་མངོན་སུམ་དུ་རྡོ་རྗེ་འཆང་གི་གཟུགས་སུ་སྣང་སྟེ། དེ་ལ་ཐེ་ཙོམ་མི་བྱའོ། །ཇི་སྲིད་དུ་བདག་ཁྲུས་མ་བྱས་པ་དེ་སྲིད་དུ་རྡོ་རྗེའི་གཟུགས་ཅན་དུ་སྣང་ལ་ལས་སྣ་ཚོགས་བྱེད་ཅིང་མི་དང་། འཇིག་རྟེན་ཐམས་
ཅད་ཀྱིས་རྡོ་རྗེ་འཆང་ཉིད་དུ་སེམས་ཏེ། དེ་ལ་ཐེ་ཙོམ་མི་བྱའོ། །སེང་གེའི་ཁྲག་གིས་ཏིལ་མར་དང་ནོར་བུ་སྦྲུས་ནས་ལུས་ལ་བསྐུས་ན་མིའི་སེང་གེ་ཆེན་པོའི་གཟུགས་སུ་སྟོན་ཏོ། །ཕག་གི་ཁྲག་གིས་སྦྲུས་ནས་ལུས་ལ་བསྐུས་
ན་ཕག་གི་གཟུགས་ཆེན་པོར་སྟོན་ཏོ། །ཏིལ་མར་དང་། ཕྱེ་མ་ལྷན་ཅིག་སྦྲུས་ནས་ཡུང་བ་དང་། ཤིང་པ་ལ་ཤའི་མདོག་ཏུ་བྱས་ལ་ལུས་ལ་བསྐུས་ན་སྲེད་མེད་ཀྱི་བུའི་གཟུགས་སུ་སྟོན་ཏོ། །རིག་སྔགས་འཆང་གིས་པད་
མ་དང་། ཏིལ་མར་ལྷན་ཅིག་སྦྲུས་ལ་ལུས་ལ་བསྐུས་ན་དབང་ཕྱུག་ཆེན་པོའི་གཟུགས་སུ་སྟོན་ཏོ། །ཤིང་ཨརྐའི་ལོ་མ་དང་། ཏིལ་མར་དང་། མཉམ་པར་སྦྱར་ལ་ལུས་ལ་བསྐུས་ན་ཚངས་པའི་གཟུགས་སུ་སྟོན་ཏོ། །
གླང་པོ་ཆེའི་ཁྲག་དང་ཏིལ་མར་སྦྱར་ནས་ལུས་ལ་བསྐུས་ན་ཚོགས་ཀྱི་དབང་ཕྱུག་ཆེན་པོའི་གཟུགས་སུ་སྟོན་ཏོ། །རའི་ཁྲག་དང་སྦྲུས་ནས་ལུས་ལ་བྱུགས་ན་རའི་གཟུགས་སུ་སྟོན་ཏོ། །ཏིལ་མར་དང་། ཐིང་ཤིང་དང་། པད་མའི་ཕྱེ་མ་དང་། 

99-1-199a

གླང་པོ་ཆེའི་ཁྲག་དང་ལྷན་ཅིག་སྦྱར་ནས་ལུས་ལ་བསྐུས་ན་ནག་པོའི་གཟུགས་མངོན་སུམ་དུ་རང་གི་གཟུགས་སུ་སྟོན་ལ། གང་དང་གང་དག་ལ་ཐིག་ལེ་བྱས་ན་མ་མོའི་ཚོགས་ཀྱི་གཟུགས་སུ་སྟོན་ཏོ། །སྦྲུལ་
གྱི་ཁྲག་དང་། ལྤགས་པ་དང་། ཏིལ་མར་གྱི་རྒྱལ་པོ་དང་ལྷན་ཅིག་སྦྲུས་ལ་སྒལ་ཚིགས་སུ་བསྐུ་ཞིང་། དཔུང་པ་གཡོན་པར་ཡང་བསྐུས་ན་ཀླུའི་རྒྱལ་པོ་ཆེན་པོའི་གཟུགས་སུ་སྟོན་ཏེ། ཇི་ལྟ་ཇི་ལྟར་ཁྲག་དང་སྦྱར་ཞིང་ཇི་ལྟ་ཇི་
ལྟར་ཡིད་ལ་བསམས་པ་དེ་ལྟ་དེ་ལྟར་གཟུགས་སྟོན་ཏོ། །དེ་ནས་གཞལ་མེད་ཁང་ལྟ་བར་འདོད་ན་ཡུངས་ཀར་ལ་ཏིལ་མར་གྱིས་བསྐུས་ནས་དགེ་འདུན་གྱི་ནང་དུ་སྟེང་འོག་ཏུ་གཏོར། ཕྱེ་མས་ནོར་བུ་རྒྱལ་མཚན་གྱི་རྩེ་མོ་
ཀུན་དུ་བསྐུས་ན་དགེ་འདུན་རྒན་རིམས་སུ་བཀོད་པའི་དབུས་སུ་གཞལ་མེད་ཁང་ཆེན་པོ་རྒྱན་གྱིས་བརྒྱན་པ་སྟོན། དགེ་སློང་རྣམས་ཀྱི་སྟེང་དུ་གཏོར་ན་དགེ་སློང་ཐམས་ཅད་གཟུགས་སྣ་ཚོགས་ཡིན་ལ། ཇི་ལྟར་བྱས་པ་
བཞིན་རྒྱལ་པོའི་གཟུགས་སུ་སྣང་བ་དང་། གཞན་དག་བློན་པོ་དང་། གཞན་དག་བཀྲབས་པ་དང་། གཞན་དག་མདུན་ན་འདོན་པ་དང་། གཞན་དག་ཡོངས་སུ་སྤྱོད་པའི་གཟུགས་སུ་སྟོན་ལ། ཡུངས་ཀར་མ་བསྐུས་པས་
གཏོར་ན་སླར་ཡང་དགེ་སློང་རྣམས་སུ་སྣང་ངོ་། །ཤིང་ཨརྐའི་འོ་མ་ཡུངས་ཀར་ལ་བསྐུས་ནས་དགེ་འདུན་གྱི་དབུས་སུ་དགེ་སློང་རྣམས་ཀྱིས་མལ་སྟན་གྱི་སྟེང་དུ་གཏོར་ན། ཇི་ལྟར་དགེ་སློང་ཐམས་ཅད་འཁོད་པ་ལྟར་སྣང་ངོ་། །
རལ་པའི་ཐོར་ཚུགས་ཀྱིས་བརྒྱན་པ་ལ་གཏོར་ན་རྒན་པོ་འཁར་བ་ཐོགས་པ་སྒུར་པོ་ལྟག་དགྱེ་སྐྲ་དཀར་ཅན་ཉམ་ཆུང་བར་སྣང་ངོ་། །མལ་སྟན་གྱི་སྟེང་དུ་ཡུངས་ཀར་གཏོར་བ་གལ་ཏེ་མཚན་ཐོག་ཐག་གཞག་ན་གཟུགས་
གཞན་དུ་མི་འགྱུར་རོ། །ལུག་གི་སྟེང་ན་སྣོད་ཡོད་པ་ལ་གཏོར་ན་དེ་ཐུར་མའི་གཟེབ་དང་། སྦྲུལ་ནག་པོ་སྣང་ངོ་། །སྣོད་ཀྱི་སྟེང་དུ་གཏོར་ན་ཁམ་ཕོར་དུ་སྣང་བར་འགྱུར་རོ། །བཏུང་བའི་སྣོད་སྦྲང་རྩིས་བྱུགས་པའི་

99-1-199b

སྟེང་དུ་གཏོར་ན་ཕྱག་དར་གྱི་ཕུང་པོར་སྣང་ངོ་། །གྲོང་ཁྱེར་གྱི་སྒོ་དང་གྲོང་ཁྱེར་ཀུན་དུ་གཏོར་ན་གྲོང་ཁྱེར་ཀུནས་མི་སྣང་བར་འགྱུར་རོ། །གྲོང་ཁྱེར་ཀུན་ལ་ཡུངས་ཀར་དང་པད་མའི་ཕྱེ་མ་གཏོར་ན་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་
མི་སྣང་བ་ཐམས་ཅད་སྣང་བར་འགྱུར་རོ། །སེང་གེའི་ཁྲག་དང་སྦྱར་ནས་དུད་འགྲོའི་སྐྱེ་གནས་ཀྱི་སྟེང་དུ་གཏོར་ན་ལམ་གྱི་བཞི་མདོ་ཐམས་ཅད་དུ་སེང་གེའི་གཟུགས་སུ་སྟོན་ཏོ། །སྡེ་དྲག་ཅིང་གཏུམ་ལ་ཡན་ལག་མཆོག་གི་གཟུགས་
དང་ལྡན་པའི་སྟེང་དུ་གཏོར་ན་ཐམས་ཅད་ཝའི་གཟུགས་སུ་སྣང་ལ་ཕྱོགས་བཅུར་རྒྱུག་གོ། གཡུལ་འགྱེད་སར་གཏོར་ན་ཐམས་ཅད་གཉིད་ལོག་པར་བྱས་པར་འགྱུར་ལ་མཚོན་ཆ་ཐམས་ཅད་དང་། གོ་ཆ་ཐམས་ཅད་མི་སྣང་
བར་འགྱུར་རོ། །མེའི་ནང་དུ་གཏོར་ན་མི་སྣང་བ་རྣམས་སྣང་བར་འགྱུར་རོ། །ཏིལ་མར་དང་སྦྱར་ནས་མེའི་ནང་དུ་གཏོར་ན་རྟག་ཏུ་འབར་བར་འགྱུར་རོ། །ཆུའི་ནང་དུ་གཏོར་ན་ཆུ་མི་མངོན་པར་འགྱུར་རོ། །བུམ་པ་ཆུས་
བཀང་བ་ལ་གཏོར་ན་སྲོག་ཆགས་ཆུའི་ནང་ན་གནས་པ་ཐམས་ཅད་ཆུའི་ནང་ནས་འབྱུང་ཞིང་ཐང་ལ་གནས་སོ། །ཚལ་གྱི་ནང་དུ་ཡུངས་ཀར་གྱིས་གཏོར་ན་མེ་ཏོག་དང་འབྲས་བུ་མི་སྣང་བར་གྱུར་པ་ཐམས་ཅད་སྣང་ཞིང་ཤིང་སྐམ་པོ་
དང་། ཚལ་གྱི་མཐར་མེ་ཏོག་དང་འབྲས་བུ་ཐམས་ཅད་སྟོན་ཏོ། །ནམ་མཁའ་ལ་གཏོར་ན་ཕྱོགས་བཞིའི་དགེ་འདུན་གྱི་ནང་ངམ། འདུས་པའི་ནང་ངམ། སྐྱེ་བོ་མང་པོའི་ནང་དུ་མེ་ཏོག་གི་ཆར་རྣམ་པ་སྣ་ཚོགས་དག་འབབ་སྟེ། 
ལྷའི་དྲི་ལེགས་པར་སྨིན་པ་ཡིད་དགའ་བ་སིམ་པར་བྱེད་པ་འབབ་བོ། །ལས་དང་ལྡན་པ་འམ། བཟོའི་གནས་ཀྱི་ལས་ཏེ། ལས་ཀྱི་སྣོད་ཐམས་ཅད་ལ་ཏིལ་མར་གྱི་རྒྱལ་པོས་བྱུགས་ལ་ཕྱེ་མས་བསྐུ། པད་མ་ཆེན་
པོའི་ཕྱེ་མས་འཁོར་གྱི་གནས་བསྐུ། ཡུངས་ཀར་གྱིས་ཕྱོགས་བཞིར་གཏོར་ལ། དེ་ནས་ལས་ཀྱི་བཟོ་བཟང་པོ་ཇི་ལྟ་བ་བཞིན་སྟོན་པར་འདོད་ན་ལས་ཀྱི་སྣོད་དེ་དང་དེ་དག་ཉིད་གཡོ་ལ། ལས་ཀྱི་བཟོའི་ཚུལ་བཟང་

99-1-200a

པོས་མཐར་ཕྱིན་པ་རྣམ་པ་དུ་མ་དག་སྟོན་པར་བྱེད་ལ་ཉོ་ཚོང་བྱེད་པ་འབྱུང་སྟེ། གལ་ཏེ་ཕྱིར་བཟློག་པ་མ་བྱས་ན་རིན་ཇི་ལྟ་ཇི་ལྟ་བ་དེ་ལྟ་དེ་ལྟར་ཉོ་ཚོང་བྱེད་དོ། །ཆུ་དང་ཡུངས་ཀར་གྱིས་བཟློག་པ་བྱས་ན་མི་སྣང་བར་འགྱུར་ལ་དཔག་
ཚད་བརྒྱ་ཙམ་གྱི་བར་དུ་ཁྲིད་ན་དེ་དང་དེ་ཉིད་དུ་མི་སྣང་བར་འགྱུར་རོ། །རྫ་མཁན་གྱི་འཁོར་ལོ་ལ་ཕྱེ་མས་བྱུག་ཅིང་ཡུངས་ཀར་ཆགས་པར་བྱས་ལ། པད་མ་ཆེན་པོའི་ཕྱེ་མས་གཏོར་ནས་འཇིམ་པ་གཞག་ལ་སྣོད་ཀྱི་ངོ་བོ་ཇི་ལྟར་འདོད་པ་བཞིན་
བྱ་སྟེ། སྣོད་ཀྱི་ངོ་བོ་དངུལ་ལས་བྱས་པ་འམ། གསེར་ལས་བྱས་པ་འམ། ཟངས་ལས་བྱས་པ་འམ། ལྕགས་ལས་བྱས་པ་འམ། ལྕགས་ལྔ་ལས་བྱས་པ་རིན་པོ་ཆེ་བཟང་པོ་སྣ་ཚོགས་ཀྱིས་སྤྲས་པ་ཇི་ལྟ་བ་དེ་ལྟ་བུའི་སྣོད་
བཀྲ་བ་རྣམ་པ་སྣ་ཚོགས་དག་འབྱུང་བར་འགྱུར་ལ། ཉོ་ཚོང་བྱེད་པ་ཡང་འབྱུང་སྟེ། རིན་ཆེན་པོས་ཚོང་བྱེད་དོ། །ཡུངས་ཀར་གྱི་ཕྱེ་མ་དང་། པད་མའི་ཕྱེ་མ་ལྷན་ཅིག་སྦྱར་ནས་ཚོང་དུས་ཀྱི་དབུས་སུ་གཏོར་ན་ཀུན་དུ་ཟོང་བཀྲམ་པའི་སྣོད་མི་
སྣང་བར་བྱས་པ་ཐམས་ཅད་སྣང་བར་བྱེད་དོ། །ཐག་པའི་སྟེང་དུ་གཏོར་ན་སྦྲུལ་ཆེན་པོ་སྟོན་ཏོ། །ཁྱིམ་དང་། ར་བའི་ངོས་དང་། སྒོ་དང་། ཤིང་སྦྱར་བ་དང་། ཀ་བའི་སྟེང་དུ་གཏོར་ན་ཁང་པ་དང་། ར་བ་དང་། འཁོར་གྱི་ཁྱམས་རྣམས་
སྦྲུལ་དུ་སྟོན་ཏོ། །ཇི་སྲིད་དུ་ཆུ་དང་ཡུངས་ཀར་གྱིས་བཟློག་པ་མ་བྱས་པ། དེ་སྲིད་དུ་སྦྲུལ་རྣམས་འདུག་གོ། བཟློག་པ་བྱས་ན་མི་སྣང་བར་འགྱུར་རོ། །གཙུག་ལག་ཁང་ངམ། ལྷའི་གནས་སམ། ཁང་བཟངས་ཀྱི་ངོས་
ལ་གཏོར་ན་སྦྲུལ་ཆེན་པོར་སྣང་ངོ་། །ལྷའི་སྟེང་དུ་གཏོར་ལ་མིག་སྨན་གྱིས་བསྐུ། རི་ལུས་ཐིག་ལེ་བྱས་ན་ལྷའི་གཟུགས་བརྙན་དེ་ཀུ་ཅོ་འདོན་ཅིང་འགྲོ་སྟེ། གར་འདོད་པ་དེར་འགྲོའོ། །བཟློག་པ་བྱས་ན་ཕྱིར་འདུག་གོ །
སངས་རྒྱས་ཀྱི་སྐུ་གཟུགས་ཀྱི་ཞབས་ལ་བྱུགས་ལ་ཕྱེ་མས་གཏོར་ན་སངས་རྒྱས་ཀྱི་སྐུ་གཟུགས་གཡོ་བར་མཛད། བཞུད་པར་མཛད་དོ། །འཇུག་པར་མཛད་དོ། །འཆག་པར་མཛད་དོ། །ཙན་དན་ལ་བཟླས་བརྗོད་བྱས་

99-1-200b

ནས་བདུགས་ན་ཕྱིར་བཞུགས་སོ། །བུམ་པ་སྦྲང་རྩིས་བསྐུས་པ་རྣམས་ལ་གཏོར་ན་གཡོ་བར་བྱེད་དོ། །ཇི་ཙམ་དུ་ཕྱིར་བཟློག་པ་མ་བྱས་པ་དེ་ཙམ་དུ་གཡོའོ། །ཆུ་དང་ཡུངས་ཀར་གྱིས་བཟློག་ན་ཕྱིར་འདུག་གོ། དེ་ནས་རྡོ་རྗེ་
བསྐྱོད་པར་འདོད་ན་སྤོས་ཀྱི་དཀྱིལ་འཁོར་བྱས་ལ་མེ་ཏོག་བཀྲམ་སྟེ། གུ་གུལ་གྱིས་བདུག་པས་བདུག །དེ་ཡང་ཡུངས་ཀར་དང་། ཕྱེ་མ་དང་བཅས་པས་གཏོར་ལ་དོན་ཡོད་པའི་རྒྱལ་པོ་ལན་བདུན་བཟླས་བརྗོད་བྱས་ན། རྡོ་རྗེ་དཀྱིལ་
འཁོར་ལས་ལངས་ནས་ནམ་མཁའ་ལ་འགྲོ་བར་བྱེད། འཕར་བར་བྱེད། འདུག་པར་བྱེད། འབར་བར་བྱེད་ཅིང་། ཕན་ཚུན་འགྲོ་བར་བྱེད། མཐོ་བར་འགྲོ་བར་བྱེད། དམའ་བར་འགྲོ་བར་བྱེད། རྣམ་པར་འགྲོ་བར་བྱེད། འབར་བ་
ཆེན་པོས་འབར་བར་བྱེད་དེ་ཇི་སྲིད་དུ་བཟློག་པ་མ་བྱས་པ་དེ་སྲིད་དུ་ནམ་མཁའ་ལ་འགྲོའོ། །ཆུ་དང་ཡུངས་ཀར་གྱིས་བཟློག་པ་བྱས་ན་དེ་ཉིད་དུ་སྣང་ངོ་། །དེ་ནས་འཁོར་ལོ་བསྐྱོད་པར་འདོད་ན་དཀྱིལ་འཁོར་གྲུ་བཞི་པ་བྱས་
ལ་སྤོས་སྣ་ཚོགས་ཀྱིས་བྲིས་ནས་མེ་ཏོག་དགྲམ་པ་ཡང་བྱ། གུ་གུལ་གྱི་བདུག་པས་ཀྱང་བདུགས་ནས་འཁོར་ལོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་ཏིལ་མར་གྱི་རྒྱལ་པོས་བསྐུས། ལྟེ་བའི་དབུས་སུ་ཐིག་
ལེ་བྱས་ནས་དཀྱིལ་འཁོར་གྱི་དབུས་སུ་གཞག་པར་བྱ། དེ་ལ་ཡང་ཡུངས་ཀར་དང་། པད་མ་ཆེན་པོའི་ཕྱེ་མས་གདབ་པར་བྱ། འཁོར་ལོ་ཀུན་ནས་གུ་གུལ་གྱི་བདུག་པས་བདུག་ཅིང་སེ་གོལ་གྱི་སྒྲ་ཡང་བྱས་ན་འཁོར་ལོ་
དེ་དཀྱིལ་འཁོར་ལས་ལངས་ནས་ནམ་མཁའ་ལ་འཕར་ཞིང་སྡང་བ་ཐམས་ཅད་ལ་འབབ་པར་བྱེད་དེ། གལ་ཏེ་གཡུལ་འགྱེད་པར་འབབ་ན། དེའི་ཚེ་དགྲ་ཐམས་ཅད་ཀྱི་མགོ་གཅོད་པར་བྱེད། སྡང་བ་ཐམས་ཅད་དང་ཕྱིར་རྒོལ་
བ་ཐམས་ཅད་ལ་བབ་ན་འཇིག་པར་བྱེད། བགེགས་ཐམས་ཅད་ལ་འབབ་པ་དང་། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། རྗེད་བྱེད་དང་། གདོན་རྣམས་ལ་འབབ་པ་དང་། ཀླུ་སྡང་བ་ཐམས་ཅད་

99-1-201a

ལ་བབ་ན་འཇིག་པར་བྱེད་དེ། ཇི་སྲིད་དུ་བཟློག་པ་མ་བྱས་པ་དེ་སྲིད་དུ་འཕར་རོ། །ཆུ་དང་ཡུངས་ཀར་གྱིས་བཟློག་པ་བྱས་ན་སླར་དཀྱིལ་འཁོར་ལ་འདུག་གོ། མདུང་རྩེ་གསུམ་པ་བསྐྱོད་པར་འདོད་ན་དཀྱིལ་འཁོར་བྱས་ལ་
ཐོད་པ་གཞག་པར་བྱ། མེ་ཏོག་དགྲམ་པ་ཡང་བྱ། གུ་གུལ་གྱི་བདུག་པས་ཀྱང་བདུགས་ལ། མདུང་རྩེ་གསུམ་པ་ལ་ཏིལ་མར་གྱི་རྒྱལ་པོས་བསྐུ། ཕྱེ་མས་གདབ་ཅིང་ཐིག་ལེ་བྱ། རྩེའི་རྒྱུན་གསུམ་ལ་པད་མ་ཆེན་པོའི་ཕྱེ་མས་
གཏོར་ནས་ཐོད་པའི་སྟེང་དུ་གཞག་པར་བྱ། ཡུངས་ཀར་གྱིས་གཏོར་ཞིང་ཧཱུྃ་ཞེས་སེ་གོལ་བྱས་ན་མདུང་རྩེ་གསུམ་པ་འབར་བར་བྱེད། ལྡང་བར་བྱེད། ནམ་མཁའ་ལ་འགྲོ་བར་བྱེད། ཀུན་དུ་འབར་བར་བྱེད། འགྲོ་བར་བྱེད། ཕྱོགས་
བཅུར་འཕར་བར་བྱེད་དེ། ཇི་སྲིད་དུ་བཟློག་པ་མ་བྱས་པ་དེ་སྲིད་དུ་འབར་བར་བྱེད་དོ། །ཆུ་དང་ཡུངས་ཀར་གྱིས་བཟློག་པ་བྱས་ན་སླར་དཀྱིལ་འཁོར་ལ་འདུག་གོ། དུང་ལ་ཏིལ་མར་གྱིས་བྱུགས་ལ་ཕྱེ་མས་གཏོར་ལ་ཐིག་ལེ་བྱ། ཡུངས་
ཀར་གྱིས་ཀྱང་ཕྱི་ནང་གཏོར་ལ་བུས་ལ་ཇི་སྲིད་དུ་སྒྲ་ཐོས་པ་དེ་སྲིད་ཀྱི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་བྲོ་བརྡུང་བར་བྱེད། རྒྱུག་པར་བྱེད། མཆོང་བར་བྱེད་ཅིང་ཕྱོགས་བཅུར་རབ་ཏུ་རྒྱུག་པར་བྱེད་དོ། །
གཡུལ་ངོར་བུས་ན་འགྱེད་པའི་མི་ཐམས་ཅད་དང་། མཚོན་ཆ་ཐམས་ཅད་དང་། གོ་ཆ་ཐམས་ཅད་བཏང་ནས་བྲོ་བརྡུང་བར་བྱེད་དེ། གཅེར་བུར་འབྱུང་བར་བྱེད། ཕྱོགས་བཅུར་རྒྱུག་པར་བྱེད་དོ། །གལ་ཏེ་དུང་ལན་
བདུན་བུས་ན་ཕྱིར་རྒོལ་བ་དང་། ཕ་རོལ་གྱི་དམག་ཚོགས་དེས་ཉོན་མོངས་པ་སྐྱེད་པར་འགྱུར་ཏེ། ཇི་སྲིད་དུ་བཟློག་པ་མ་བྱས་པ་དེ་སྲིད་དུ་མཆོང་ཞིང་ཕྱོགས་བཅུར་རྒྱུག་གོ། སྤོས་ཆུས་བཟློག་ཅིང་ཁྲུས་བྱས་
ན་ཕྱིར་བདེ་བར་གནས་པར་འགྱུར་ལ། རྟག་ཏུ་རྒྱལ་བ་དང་། དཔལ་གྱི་མཆོག་སྦྱིན་པར་འགྱུར་རོ། །དེ་ནས་སྒྱུ་མ་དེ་ཁོ་ན་ཉིད་སྒྲུབ་པའི་གསང་སྔགས་དང་། རྣམ་པར་འཕྲུལ་པའི་དངོས་གྲུབ་ཀྱི་དཀྱིལ་འཁོར་བཤད་

99-1-201b

པར་བྱ་སྟེ། སྒྱུ་འཕྲུལ་གྱི་དྲ་བ་རྣམ་པར་འཕྲུལ་པའི་དཀྱིལ་འཁོར་གང་དུ་དཀྱིལ་འཁོར་ཡོངས་སུ་རྫོགས་ཤིང་། ཀུན་ནས་བརྒྱན་པར་ཡུངས་ཀར་དང་ཏིལ་མར་གྱི་རྒྱལ་པོ་དང་། ཕྱེ་མར་བསྲེས་པས་བྱུག་པ་དང་། ཐིག་ལེས་ཀྱང་དབང་
བསྐུར་ཅིང་པད་མ་ཆེན་པོའི་ཕྱེ་མས་བྱུགས་ལ་ལག་པའི་ཕྱག་རྒྱ་དང་། ཧཱུྃ་ཞེས་བྱ་བའི་སྒྲ་བརྗོད་ན་བརྗོད་པ་ཙམ་དང་། ཡུངས་ཀར་གཏོར་བའི་མོད་ལ། གཏོར་བའི་སྣོད་དང་། སྣོད་རྫ་མ་དང་། བུམ་པ་དང་། བུམ་པ་བཀང་བ་ཐམས་
ཅད་དང་། མཚོན་ཆ་ཐམས་ཅད་དང་། དཀྱིལ་འཁོར་གྱི་སྟེང་ནས་ནམ་མཁའ་ལ་སོར་བཞི་ཙམ་གྱིས་དཔགས་ཏེ་འདུག་ལ་ཇི་སྲིད་དུ་དཀྱིལ་འཁོར་གྱི་ལས་སུ་བྱ་བ་ཐམས་ཅད་རྫོགས་རྫོགས་ཀྱི་བར་དུ་ནམ་མཁའ་ལ་འདུག་གོ །
ལས་སུ་བྱ་བ་ཐམས་ཅད་ཟིན་ནས་དཀྱིལ་འཁོར་གྱི་ཡོ་བྱད་དྲི་ཆབ་ཀྱི་ཆོ་གས་དབང་བསྐུར་ན་གཏོར་མ་དང་། སྣོད་རྫ་མ་དང་། བུམ་པ་དང་། བུམ་པ་ཐམས་ཅད་རང་ཉིད་འཕར་བར་བྱེད་ལ། སླར་ཡང་རང་གི་གནས་སུ་འདུག་
གོ། གོ་ཆ་དེ་ལྟ་བུ་ནི་དཀྱིལ་འཁོར་ཐམས་ཅད་ལ་བྱ་སྟེ། ཐམས་ཅད་དུ་ཡ་མཚན་སྟོན་པར་སྣང་ལ། བྱས་པ་ཙམ་གྱིས་ལས་ཐམས་ཅད་སྒྲུབ་པར་འགྱུར་ཏེ། ཐེ་ཙོམ་མི་བྱའོ་ཞེས་བཤད་དོ། །དེའི་ཕྱིར་
པད་མའི་དངོས་གྲུབ་བཤད་པར་བྱ་སྟེ། གསེར་རམ་དངུལ་ལམ་ཟངས་ལས་ཤིན་དུ་ལེགས་ཤིང་མཛེས་པ་སྙིང་པོ་དང་། ཟེ་བ་དང་བཅས་ཤིང་སྡོང་བུ་ཚད་དང་ལྡན་པར་བྱས་ལ། འདབ་མ་ཕྱེད་ཁ་ཕྱེ་བ་འཁོར་བར་
འདབ་མ་དྲུག་ཅུ་རྩ་བཞི་ཡོད་པ་ཁྲུ་གང་ཙམ་གྱི་ཚད་སྡོང་བུ་དང་། སྙིང་པོ་དང་། ཟེ་བའི་ཚད་སོར་བཞི་ཙམ་དུ་བྱས་པ་ལ་ཏིལ་མར་གྱི་རྒྱལ་པོས་བསྐུ། པད་མའི་ཕྱེ་མ་དང་། མིག་སྨན་དང་། མིག་བསྐུ་བ་དང་། 
ཐིག་ལེར་བྱས་པ་དང་བཅས་པས་ཀུན་ལེགས་པར་བསྐུས་ལ། པད་མའི་སྡོང་བུའི་བར་དུ་ནོར་བུ་རིན་པོ་ཆེ་གཞག་ནས་ལན་སྟོང་རྩ་བརྒྱད་བཟླས་བརྗོད་བྱ། ཁྲོ་བོའི་རྒྱལ་པོས་ལན་བདུན་གྱི་བར་དུ་དབང་བསྐུར་ནས་

99-1-202a

རིག་སྔགས་འཆང་གཙང་མ་ལེགས་པར་ཁྲུས་བྱས་ལ། གོས་གཙང་མ་བགོས་པས་ཏིལ་མར་གྱིས་བདག་ཉིད་ལ་བསྐུ་བར་བྱ། མིག་བསྐུ་བ་དང་། ཐིག་ལེ་དང་། བདུག་པས་བདག་ཉིད་ཀྱི་ལུས་ལ་བདུག་པར་བྱའོ། །
ལག་པ་གཡས་པ་ལ་ནོར་བུ་གདགས། ལག་པ་གཡོན་པ་པད་མ་གཟུང་ལ་བཅོམ་ལྡན་འདས་ཀྱི་སྤྱན་སྔར་འདུག་སྟེ། འཁོར་གྱི་ནང་དུ་བཅོམ་ལྡན་འདས་ལ་པད་མའི་མཆོད་པ་འབུམ་བྱ་སྟེ། པད་མ་འབུམ་འབྱུང་བར་འགྱུར་རོ། །མཆོད་
པའི་ཆོ་ག་བྱས་ནས་ཆུ་དང་ཡུངས་ཀར་གྱིས་བཏབ་ན་ཡང་འབྱུང་བར་འགྱུར་རོ། །པད་མ་སྤྲུལ་པ་གང་ཡིན་པ་དེ་དག་ཐམས་ཅད་ཆུའི་ནང་དུ་བོར་ན་པད་མ་མགལ་མེ་བསྐོར་བ་ལྟར་འཁོར་བར་འགྱུར་ལ། པད་མ་འབུམ་རྣམས་ཆར་དུ་འབབ་
པར་འགྱུར་རོ། །པད་མའི་ཆུའི་ནང་དུ་གཞག་པར་བྱ་བ་ནི་མཚོ་བྲན་ནམ། ལྡེང་ཀ་འམ། ཆུ་བོ་འམ། ཆུ་བོ་ཆེན་པོ་འམ། འོབས་སམ། རྫིང་ངམ། མཚོའི་ནང་གང་ཡང་རུང་བའི་གནས་སུ་གཞག་ན་གནས་དེ་དང་དེ་ཐམས་
ཅད་དུ་པད་མའི་མཚོ་ཆེན་པོ་འབྱུང་སྟེ། ཇི་སྲིད་དུ་པད་མ་མ་མ་ཕྱུང་བ་དེ་སྲིད་དུ། དུས་རྟག་ཏུ་པད་མའི་མཚོར་འདུག་སྟེ། སྟོན་ཀ་དང་། དགུན་ནམ། དཔྱིད་དམ། སོས་ཀ་ཚ་བའི་དུས་སུ་རྟག་ཏུ་པད་མའི་མཚོར་འདུག་གོ། ཚལ་
གྱི་འགྲམ་དུ་ཞུགས་ནས་ཡུངས་ཀར་ལ་ཏིལ་མར་གྱིས་བསྐུས་པ་ཕྱེ་མ་དང་སྦྱར་ནས་མེ་ཏོག་གང་ཡང་རུང་བ་ཞིག་ལག་གིས་གཟུང་སྟེ་བསྐོར་ལ་ཡུངས་ཀར་གྱིས་གཏོར་ན། ཚལ་གྱི་མཐའི་ཤིང་ཐམས་ཅད་ལ་མེ་ཏོག་རྒྱས་
པར་སྣང་ངོ་། །དགེ་འདུན་གྱི་ནང་ངམ། ཚོགས་པའི་ནང་ངམ། རྒྱལ་པོའི་ཕོ་བྲང་འཁོར་རམ། སྐྱེ་བོའི་ནང་དུ་མེ་ཏོག་ཇི་སྙེད་པ་ལག་གིས་བསྐོར་ལ། ཡུངས་ཀར་གྱིས་གཏོར་ན་མེ་ཏོག་མང་པོ་འབྱུང་བར་འགྱུར་རོ། །ཆུ་དང་
ཡུངས་ཀར་གྱིས་ཐམས་ཅད་དུ་ཟློག་པར་བྱེད་པ་ཡིན་ནོ། །འབྲས་བུ་ཇི་སྙེད་པ་ལག་གིས་གཟུང་ནས་ཡུངས་ཀར་གྱིས་གཏོར་ན་འབྲས་བུའི་ཆར་འབབ་པར་འགྱུར་རོ། །གོས་ལག་པས་བཟུང་ནས་ཡུངས་ཀར་གྱིས་གཏོར་ཏེ་

99-1-202b

ཏེ་བསྐོར་ན་གོས་དང་བླ་རེ་སྣ་ཚོགས་སྟོན་པར་བྱེད་དོ། །རྒྱན་ལག་པས་གཟུང་ནས་ཡུངས་ཀར་གྱིས་གཏོར་ན། ལྷའི་རྒྱན་བཟང་པོ་སྣ་ཚོགས་པ་ལག་ཏུ་འབྱུང་བར་འགྱུར་ཞིང་སྐྱེ་བོ་འདུས་པ་ཐམས་ཅད་ཀྱི་རྒྱན་དུ་བྱེད་ལ་ཐམས་
ཅད་ལ་རྒྱན་བཏགས་པར་འགྱུར་རོ། །ཡུངས་ཀར་དང་ཆུས་བཟློག་པར་བྱའོ། །ཡུངས་ཀར་ལ་ཏིལ་མར་གྱིས་བསྐུས་ཕྱེ་མས་བསྒོ། གིའུ་ཝང་དང་། གུར་ཀུམ་དང་། ཤིང་ཀུན་དང་། སྣུ་ཧྭའི་འོ་མས་ཀྱང་བསྒོས་ལ་དེ་དག་
གཅིག་ཏུ་བྱས་ནས་གྲིབ་མ་ལ་བསྐམ་མོ། །དེ་ནས་འབྲས་བུ་གཅིག་ཁ་བཅུག་ལ་ཕྱོགས་བཞིར་གཏོར་ན་ཁ་ནས་མེ་འབར་བར་སྣང་ཞིང་ལུས་ལས་འབར་བ་སྣ་ཚོགས་འབྱུང་བར་སྣང་སྟེ། ཇི་སྲིད་དུ་ཡུངས་ཀར་ཁ་ན་ཡོད་པའི་
བར་དུ་ལུས་ལས་འོད་ཟེར་འབར་བ་ཁ་དོག་རྣམ་པ་སྣ་ཚོགས་འབྱུང་ངོ་། །ཏིལ་མར་དང་ལྷན་ཅིག་བཏགས་པའི་སྙིང་པོར་བྱ། ཀོང་བུར་ཏིལ་མར་གྱི་རྒྱལ་པོས་བཀང་སྟེ་མར་མེ་འབུམ་སྟོན་པར་བྱེད་དོ། །མེ་ཐབ་ཁང་བུའི་
ནང་དུ་བཅུག་ན་ཇི་སྲིད་དུ་མ་ཕྱུང་བ་དེ་སྲིད་དུ་མེ་འབར་སྟོན་ཏོ། །མར་མེའི་སྡོང་བུའི་ནང་དུ་བཅུག་ལ་མ་ཕྱུང་ན་རྟག་ཏུ་འབར་རོ། །མགལ་མེ་འབར་བའི་ནང་དུ་བཅུག་ན་འབར་བའི་ཕྲེང་བ་འབུམ་སྙེད་དུ་སྣང་ངོ་། །གཏོར་
མའི་རྫ་མ་དང་། བུམ་པའི་ནང་དུ་གཏོར་ན་གཏོར་མའི་རྫ་མ་དང་། བུམ་པ་ཐམས་ཅད་འབར་བར་སྣང་ངོ་། །ལག་ཆ་དང་། མཚོན་ཆ་ཐམས་ཅད་ལ་བྱུགས་ན་གཅིག་ཏུ་འབར་བར་འགྱུར་རོ། །བདག་ཉིད་ཀྱི་ལུས་ལ་
བྱུགས་ལ་རི་ལུ་གཙང་མ་སྤྱི་བོར་གཞག་ན་ལུས་ཐམས་ཅད་གཅིག་ཏུ་འབར་བར་སྣང་བ་ནས་ལུས་རིལ་བསྲེགས་པ་ལྟར་སྣང་ངོ་། །འོ་མ་དང་ཡུངས་ཀར་གྱིས་གཏོར་ན་ལུས་སླར་སྣང་བར་འགྱུར་རོ། །ལག་པ་དང་རྐང་པ་ལ་
བསྐུས་ལ། རི་ལུ་གཙང་མ་འབར་བ་ལག་པ་གཡས་པས་གཟུང་བ་འམ། རྐང་པའི་མཐེ་བོས་གཟུང་ན་ལག་པ་དང་། རྐང་པ་གཅིག་པུ་འབར་བ་དང་། འབྲེལ་བར་སྣང་ངོ་། །འདུས་པའི་ནང་ངམ། སྐྱེ་བོ་འདུས་པ་མང་པོའམ། 

99-1-203a

རྒྱལ་པོའི་འཁོར་རམ། སྡེ་ཅན་གྱི་ནང་ངམ། རིག་བྱེད་བཞིའི་ནང་ཐམས་ཅད་དུ་ཡན་ལག་ཉམས་པར་སྣང་ངོ་། །དྲི་ཆབ་དང་། ཡུངས་ཀར་གྱིས་གཏོར་ན་ལུས་སླར་རྫོགས་པར་འགྱུར་རོ། །མཚན་མོའི་རི་ལུ་བསྲེགས་པ་
ལམ་གྱི་བཞི་མདོར་གཞག་ནས་ཡུངས་ཀར་གྱིས་ཕྱོགས་བཞིར་གཏོར་ན་མར་མེ་འབུམ་ཕྲག་བྱེ་བ་སྣང་ངོ་། །ཀུན་ནས་ཕྱོགས་བཞིར་ཆུ་དང་ཡུངས་ཀར་གྱིས་བཟློག་པར་བྱ་བ་ཡིན་ནོ། །ཚལ་ཆེན་པོའི་མཐའ་དང་། ནང་དུ་གཏོར་ལ་ཤིང་
གཅིག་ལ་རི་ལུ་གཙང་མ་གཞག་ན་ཤིང་དང་། རྩྭ་དང་། ཤིང་གེལ་པ་དང་། འདབ་མ་དང་། ལོ་མ་ཐམས་ཅད་གཅིག་ཏུ་འབར་བར་སྣང་ངོ་། །རིའི་རྩེ་མོར་མར་མེ་བུས་ནས་རི་ཀུན་དུ་གཏོར་ན་རི་ཀུན་ནས་གཅིག་ཏུ་འབར་ཞིང་མཆེད་པར་སྣང་
ལ་སེམས་ཅན་ཐམས་ཅད་ཀུན་ནས་ངོ་མཚར་དུ་འཛིན་པར་འགྱུར་རོ། །རྐུན་མ་དང་། གཡོན་ཅན་དང་། གནོད་བྱེད་དང་། ཕ་རོལ་གྱི་དམག་ཚོགས་དང་། སྡང་བ་དང་། ཕྱིར་རྒོལ་བ་དང་། ཕས་ཀྱི་དགྲ་ཐམས་ཅད་དང་། སྡང་སེམས་ཅན་
ནས་རི་དགས་གཏུམ་པོ་དང་། བྱ་ལ་སོགས་པའི་བར་རི་ལ་གནས་པ་རྣམས་དེའི་མཚན་མོ་ཉིད་ཕྱོགས་བཅུ་ཀུན་དུ་བྲོས་ཞིང་ཧ་ཧ་ཞེས་བྱ་བའི་སྒྲ་འབྱིན་ཏོ། །སྤོས་ཆབ་ཀྱིས་བཟློག་པར་འགྱུར་རོ། །གཟུགས་བརྙན་གྱི་སྟེང་དུ་
གཏོར་ལ། གཙང་མའི་རི་ལུ་འབར་བར་གཞག་ན་གཟུགས་བརྙན་ཐམས་ཅད་གཅིག་ཏུ་འབར་བར་འགྱུར་ཏེ། སྤོས་ཆུ་དང་། ཡུངས་ཀར་གྱིས་བཟློག་པར་འགྱུར་རོ། །མར་མེའི་རི་ལུ་ཤར་ཕྱོགས་ཀྱི་སྒོར་སྦར་ཏེ་གནས་གཙང་
མར་གཞག་དཀྱིལ་འཁོར་གཅིག་བྱས་ནས་གཏོར་མའི་ཆོ་ག་བུམ་པ་བཀང་བ་གཞག །གྲོང་ཁྱེར་ཀུན་དུ་ཡུངས་ཀར་གྱིས་གཏོར་ཞིང་དོན་ཡོད་པའི་རྒྱལ་པོ་ཡང་དྲན་པར་བྱས་ན་གྲོང་ཁྱེར་ཀུན་ནས་མར་མེའི་ཕྲེང་བ་འབར་བ་གཅིག་
ཏུ་སྣང་ངོ་། །གྲོང་ཁྱེར་གྱི་སྒོ་བཞིར་དཀྱིལ་འཁོར་གྱི་ཆོ་ག་བྱས་ལ་ཤར་ཕྱོགས་ཀྱི་སྒོ་ནས་ཞུགས་ན་གང་གྲོང་ཁྱེར་ན་གནས་པ་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དེ་དག་ཐམས་ཅད་དགའ་བ་ཆེན་པོ་རྒྱ་ཆེ་བས་

99-1-203b

ཚིམ་པར་འགྱུར་རོ། །གྲོང་ཁྱེར་དེ་ནས་གང་སྡང་བའི་སེམས་ཅན་ཕྱིར་རྒོལ་བ་དང་། ཕས་ཀྱི་དགྲ་དང་། ཆོམ་རྐུན་དང་། གཡོན་ཅན་དང་། གནོད་བྱེད་དང་། གླགས་ཚོལ་བར་གྱུར་པ། གནོད་སྦྱིན་དང་། སྲིན་པོ་དང་། ཡི་དགས་དང་། 
ཤ་ཟ་དང་། བརྗེད་བྱེད་དང་། མི་མ་ཡིན་པ་གང་ཡང་རུང་བ་གྲོང་ཁྱེར་དེ་ན་གནས་པ་དེ་དག་ལ་ལོང་དུ་གྱུར་ཅིང་གདུགས་ལ་ངུ་ཞིང་ཧ་ཧ་ཞེས་སྒྲ་འབྱིན་ཅིང་གྲོང་ཁྱེར་གྱི་སྒོར་བྱུང་ནས་ཕྱོགས་བཅུར་རབ་ཏུ་འབྲོས་སོ། །གྲོང་ཁྱེར་དེ་ཡང་ཀུན་
ནས་གནོད་པ་མེད་ཅིང་འཁྲུགས་པ་མེད་པར་འགྱུར། འཇིགས་པ་དང་། གནོད་པ་དང་། ནད་འགོ་བ་དང་། འཁྲུག་པ་ཐམས་ཅད་དང་། ནད་ཐམས་ཅད་རབ་ཏུ་ཞི་བར་འགྱུར། མཚན་མོ་འདས་ནས་སྤོས་ཆུ་དང་། ཡུངས་
ཀར་གྱིས་གྲོང་ཁྱེར་སྒོར་གཏོར་ཞིང་དབང་བསྐུར་ན་བཟློག་པར་འགྱུར་རོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་དགུ་པ། ལྡོང་རོས་དང་། ཐིང་ཤིང་གྱི་
ཕྱེ་མ་དང་། ཡུངས་ཀར་དང་། མ་ཧཱ་ཏྲེེ་ལ་དང་། ཨརྐའི་འོ་མ་དང་། ཕ་གུའི་འོ་མ་དང་། གཅིག་ཏུ་སྦྱར་རོ། །ཉའི་མིག་ཁྲིས་པ་དང་བཅས་པ་དང་། ནཱ་ག་པུས་པ་དང་། པད་མའི་ཆུ་བ་རྣམས་ཀྱང་ལྷན་ཅིག་ཏུ་ཕྱེ་མ་ཞིབ་མོར་
བྱའོ། །ཕྱེ་མ་སྔ་མ་ལེགས་པར་སྦྱར་ལ་ཆུས་རི་ལུར་བྱས་པ་དང་། ཕྱེ་མས་གཞན་ཡང་བཅང་ངོ་། །ཕྱེ་མས་འདི་དང་པད་མ་ཆེན་པོའི་ཕྱེ་མ་བཅང་བ་ལྷན་ཅིག་ཏུ་བསྲེས་པའི་ཕྱེ་མས་ལུས་བསྐུས་ལ་ཕྱོགས་བཞིར་ཡུངས་
ཀར་གཏོར་ཏེ། རི་ལུ་ཁར་བཅུག་ལ་ཧཱུྃ་ཞེས་བྱ་བ་བསྡམས་ཏེ་བརྗོད་ན་དེའི་ལུས་ལས་ཆུ་འཛག་ཅིང་། དེ་ཁོ་ན་བཞིན་དུ་རྣ་བ་གཉིས་ཀྱང་རྫས་ཀྱི་ཆུ་འབྱུང་བར་སྣང་། ལུས་ལས་སྤོས་ཀྱི་རིགས་ཡིད་དུ་འོང་བ་རབ་ཏུ་སིམ་
པར་བྱེད་པ་འབྱུང་བ་ནི་ནད་ཐམས་ཅད་གྲུབ་པར་སྣང་སྟེ། རྒྱལ་བའི་ཕྱག་བཞིན་ནོ། །ཡུངས་ཀར་གྱི་ཕྱེ་མ་བླངས་ཏེ་ནམ་མཁའ་ལ་གཏོར་ལ་རི་ལུ་ལག་པས་བསྐོར་ན་ཆར་ཆེན་པོ་འབབ་པར་འགྱུར་རོ། །རི་ལུ་ནམ་

99-1-204a

མཁའ་ལ་འཕངས་ན་མི་འབབ་བོ། །གཡུལ་ཆེན་པོ་འགྱེད་པའི་ནང་དུ་ཕྱེ་མ་དེ་ཡུངས་ཀར་དང་བསྲེས་ཏེ་ནམ་མཁའ་ལ་གཏོར་ལ་རི་ལུ་དེ་ཡང་ཁར་བཅུག་སྟེ། སྟེང་དུ་བལྟས་ལ་ཧཱུྃ་ཞེས་བྱ་བའི་སྒྲས་བོས་ལ། གནམ་ལྕགྶ་
ཆེན་པོ་འབབ་སྟེ་ཡིད་མི་འཆད་པ་དང་སྡུག་བསྔལ་བསྐྱེད་པར་འགྱུར་རོ། །ཆུའི་ནང་དུ་ཞུགས་ཏེ་ཕྱེ་མ་གཏོར་ལ་ཡུངས་ཀར་དང་། རི་ལུ་ཆུའི་ནང་དུ་གདབ་པར་བྱ། ཕྱོགས་བཞིར་ཡུངས་ཀར་གཏོར་ཏེ། ཏྲཻ་ལས་ལུས་
བསྐུས་ན་ཀླུ་ཆེན་པོའི་གཟུགས་སུ་སྣང་ངོ་། །རི་ལུ་དང་ཡུངས་ཀར་མེའི་མདོག་ལྟ་བུ་ཆུ་དང་བསྲེས་པའི་ཡུངས་ཀར་ནམ་མཁའ་ལ་གཏོར་ན་འབྲུག་སྒྲ་ཆེན་པོ་འབྱུང་ཞིང་གློག་ཆེན་པོ་གསལ་བ་སྣང་བར་འགྱུར་རོ། །ཆུའི་ནང་ནས་
བྱུང་ན་མི་སྣང་བར་འགྱུར་རོ། །ཁྲོན་པའི་ནང་དུ་བཏབ་ན་ཆུ་ལུད་ནས་ཕྱོགས་ཀུན་དུ་ཆུ་འབབ་པར་འགྱུར་རོ། །རྫ་མ་འམ། བུམ་པ་འམ། རྫེའུ་འམ། རིལ་བ་བྷྲྀང་ག་ར་འམ། རིལ་བ་ལ་ཕྱེ་མས་བྱུགས་ཏེ། 
དེའི་སྟེང་དུ་ཡུངས་ཀར་གྱིས་གཏོར་ན་ཆུས་བཀང་སྟེ་ཁྲུས་བྱས་ན་དེ་ཆུ་འབབ་པར་སྣང་ཞིང་དེའི་སྣོད་ནི་མི་སྣང་བར་འགྱུར་རོ། །གཞན་ཡང་དགོས་པ་མང་པོ་བྱེད་དེ་མཆོག་ཏུ་གྲུབ་པ་ཡིན་ནོ། །དེ་ནས་རིན་པོ་ཆེའི་ཆེད་དུ་འབྲུ་མར་གྱི་རྒྱལ་པོ་
བྱས་ཏེ་འབྲུ་མར་གཞན་དང་། དེ་བཞིན་དུ་ཏིལ་ལས་འབྲུ་མར་གྱི་རྒྱལ་པོ་དེ་བཞིན་དུ་སྦྱར་རོ། །ལག་པ་དང་རྐང་པ་གཞག་ལ་འདིར་ཉམ་དྲོད་ཀྱང་ཤེས་པར་བྱའོ། །གཞག་པ་ཐམས་ཅད་ཉམ་དྲོད་ཤེས་པར་བྱ་བ་ནི་མར་སར་བཞིན་དུ་འཇམ་པར་
འགྱུར་ཞིང་སྐད་ཅིག་དེ་ཉིད་ལ་མཐོ་བ་དང་། དམའ་བ་ཇི་ལྟར་ཡིད་ལ་འདོད་པ་བཞིན་དུ་རི་ཡང་འགྱུར་རོ། །སྙིང་པོ་ཐུར་མ་འདྲ་བ་དང་། ཟླུམ་པོ་འམ། ཡང་ན་ལྕུག་མ་ལྟ་བུར་བྱས་པས་ཀ་བ་ཡང་འདུད་པ་དང་། རི་ཡང་དམའ་བ་འམ། 
ཡང་ན་མཐོན་པོར་འགྱུར་བར་བྱེད་དོ། །ཡུངས་ཀར་དང་པད་མ་ཆེན་པོའི་ཕྱེ་མ་ལྷན་ཅིག་བསྲེས་པ་འབྲུ་མར་གྱི་རྒྱལ་པོས་བསྒོས་པ་ཕྱོགས་བཞིར་ཀུན་དུ་གཏོར་ན་རི་ཐམས་ཅད་མི་སྣང་ཞིང་འབྲོག་དགོན་པར་སྣང་བར་འགྱུར་རོ། །ཡང་ན་མི་

99-1-204b

བགྲོད་པར་མི་ནུས་པའི་རིའི་རྩེ་མོ་ན་སེང་གེ་དང་། སྟག་གིས་གང་བ་ལྕུག་མ་དང་ཚེར་མ་ཅན་གྱི་ཤིང་ལྗོན་པ་སྣ་ཚོགས་ཀྱིས་གང་བ་འམ། རྩུབ་པ་འམ། དུབ་བུ་འམ། ཁོང་སྟོང་དུ་སྣང་བར་འགྱུར་རོ། །ཅི་སྟེ་རིག་སྔགས་འཆང་
འཕགས་པ་སྤྱན་རས་གཟིགས་དབང་ཕྱུག་གི་ཕོ་བྲང་རི་པོ་ཏ་ལའི་གཞལ་མེད་ཁང་མཐོང་བར་འདོད་ན་དེ་ནས་རིག་སྔགས་འཆང་གིས་ཞག་བདུན་གྱི་བར་དུ་ནས་ཀྱི་འོ་ཐུག་གི་ཟས་ཟོས་ཏེ་གཙང་མ་ཤིན་དུ་ཁྲུས་བྱས་པ་གོས་གཙང་
མ་བགོམ་པས་རིའི་གསེབ་དུ་ཞུགས་ལ། ས་ཕྱོགས་གཙང་མའི་གནས་དེར་ཤིང་དྲི་ཞིམ་པོའི་མེ་སྦར་བ་ལ་ཡུངས་ཀར་ཕྱེ་མ་དང་བསྲེས་པ་འབྲུ་མར་གྱི་རྒྱལ་པོ་དང་སྦྱར་ལ་འབྲས་སོ་བ་དང་བསྲེས་པ་སྟོང་རྩ་བརྒྱད་ཞག་
བདུན་དུ་དུས་གསུམ་དུ་སྦྱིན་སྲེག་བྱའོ། །ལྷ་བཤོས་དང་གཏོར་མ་དཀར་པོ་འབུལ་ལོ། །དེ་ནས་རིག་སྔགས་འཆང་གིས་ཚེས་བརྒྱད་ལ་ཉིན་ཞག་གཅིག་སྨྱུང་བ་བྱས་ལ་ཤིན་དུ་ཁྲུས་བྱས་པ་གཙང་མས་སྤོས་སྣ་ཚོགས་
ཀྱིས་ལུས་བསྐུས་གོས་བཟང་པོ་གཙང་མ་བགོས་ཏེ། འབྲུ་མར་གྱི་རྒྱལ་པོས་རང་གི་ལུས་བསྐུས་ཕྱེ་མས་ལུས་བྱུགས་མིག་སྨན་གྱིས་མིག་བསྐུས། ཐིག་ལེ་བྱས་ལ་ནོར་བུས་མགོ་བཅིང་ཞིང་མགུལ་
པ་དང་། ལག་པ་དང་། དཔུང་པ་དང་། རྐེད་པར་ཡང་བཅིངས་ལ་ཡུངས་ཀར་དང་མཚལ་བསྲེས་པས་རིའི་ཕྱོགས་བཞིར་གཏོར་བར་བྱ། པད་མ་ཆེན་པོའི་ཕྱེ་མ་དེ་ཡང་ཕྱོགས་བཞིར་གཏོར་རང་
གི་ལག་པ་གཡོན་པས་ཞགས་པ་དང་། པད་མ་གཟུང་ཞིང་གཡས་པས་རྣམ་པར་ལྟ་བ་སྣང་བ་དང་། དོན་ཡོད་པ་ཆེན་པོས་དྲི་མ་མེད་པའི་ཕྱག་རྒྱ་གཟུང་སྟེ། དོན་ཡོད་པའི་ཞགས་པའི་མདོ་ལན་ཅིག་བཟླས་
བརྗོད་བྱས་ན་ཇི་ལྟར་དོན་ཡོད་པའི་ཞགས་པའི་མདོ་སྡེ་བཤད་པ་ལས་བསྟན་པ་དེ་ལྟར་རི་པོ་ཏ་ལའི་གཞལ་མེད་ཁང་མཐོང་བར་འགྱུར་རོ། །རིག་སྔགས་འཆང་དེ་ཡང་འཕགས་པ་སྤྱན་རས་གཟིགས་དབང་

99-1-205a

ཕྱུག་གི་གཟུགས་སུ་སྣང་བར་འགྱུར་རོ། །ཇི་ལྟར་རི་པོ་ཏ་ལའི་གཞལ་མེད་ཁང་བཞིན་དུ་རི་དེ་ལ་ཡང་གཞལ་མེད་ཁང་སྣང་སྟེ། རི་དེ་ལ་རིན་པོ་ཆེའི་ཤིང་ལྗོན་པ་སྣ་ཚོགས་སྣང་ངོ་། །མེ་ཏོག་སྣ་ཚོགས་ཀྱི་གཞལ་མེད་
ཁང་སྣང་ངོ་། །སཱ་ལ་དང་། ཏཱ་ལ་དང་། ཏ་མ་ལ་དང་། ཙམ་པ་ཀ་དང་། ཨ་ཤོ་ཀ་དང་། ཨ་དྷི་མུག་ཏི་ཀ་དང་། བ་རི་ཤ་ཀ་དང་། ཀ་དམ་པ་དང་། ནཱི་ལ་དང་། པཱ་ཊ་ལ་དང་། པཱ་ལཱ་ཤ་དང་། ཨུ་དུམ་བཱ་ར་དང་། དོང་ཀའི་མེ་ཏོག་
སྣ་ཚོགས་དང་། སྣ་མའི་མེ་ཏོག་དང་། ཏ་ར་ན་དང་། ན་བ་མ་ལི་ཀ་དང་། ཀུ་པ་པྱ་ཀ་སྣ་ཚོགས་སྣང་བར་འགྱུར་རོ། །བྱའི་ཚོགས་སྣ་ཚོགས་ཀྱིས་ལེགས་པར་བརྒྱན་པ་དང་། རི་དགྶ་ཀྱི་ཚོགས་སྣ་ཚོགས་ཀྱིས་གང་བ་སྣང་བར་
འགྱུར་རོ། །གང་གི་ཚེ་ཕྱིར་བསྡུ་བ་བྱེད་པར་འདོད་པ་དེའི་ཚེ་གནས་གཞན་དུ་འགྲོ་བར་བྱའོ། །གཞན་ཡང་དགོས་པ་སྣ་ཚོགས་པ་སྣ་ཚོགས་ལ་རང་གི་བློ་གྲོས་ལ་ཇི་ལྟར་སྣང་བ་བཞིན་བྱའོ། །དགོས་པ་ཐམས་ཅད་ལ་རབ་ཏུ་སྦྱར་
བ་ནི་བཀླགས་པ་ཙམ་གྱིས་འགྲུབ་པར་འགྱུར་རོ། །དོན་ཡོད་པ་ཆེན་པོའི་དཀྱིལ་འཁོར་གྱི་རིག་སྔགས་འཆང་གི་ཆོ་ག་གསང་བའོ།། །། དོན་ཡོད་པའི་སྒྱུ་མ་རྣམ་པར་འཕྲུལ་པ་ཞེས་བྱ་བའི་སྒྲུབ་པའི་ཆོ་ག་ནི། 
དེ་ནས་དེའི་འོག་ཏུ་ཕྱག་རྒྱ་བྲི་བའི་དཀྱིལ་འཁོར་བཤད་པར་བྱ་སྟེ། རྟགས་མཚོན་ཕྱག་རྒྱའི་དེ་ཉིད་ནི། །པད་མ་རྒྱས་དང་སྣ་ཚོགས་མཚོན། །པད་མ་ཁ་ནི་ཕྱེད་བྱེ་བ། །ཕྱག་དག་ན་ནི་རབ་ཏུ་འཛིན། །ཕྱག་གཉིས་ཕྱུང་ཞིང་
བརྐྱང་ནས་ཀྱང་། །བསྐུམ་པ་འམ་འཛིན་སྟངས་དེ་ཉིད་ཀྱིས། །ཀུན་ནས་ཕྲེང་བ་འབར་བའི་རྟགས། །མཚོན་ཆ་ཕྱག་རྒྱ་བསྣམས་པ་ནི། །འདི་ལྟ་སྟེ། རལ་གྲི་དང་། མདུང་ཐུང་དང་། མདའ་བོ་ཆེ་དང་། མདུང་
རྩེ་གསུམ་པ་དང་། ཡིད་བཞིན་གྱི་ནོར་བུ་དང་། རྒྱལ་མཚན་དང་། རྡོ་རྗེ་དང་། རྡོ་རྗེ་ཕྲེང་ཟླུམ་དང་། ལས་ཀྱི་རྡོ་རྗེ་དང་། ཟུར་གསུམ་མ་ཞེས་བྱ་བ་དང་། འཁོར་ལོ་དང་། དུང་དང་། ཐོ་བ་དང་། ཞགས་པ་

99-1-205b

དང་། དགྲ་སྟ་དང་། དབྱུག་ཐོ་དང་། མེ་ཏོག་གི་ཐུམ་པོ་དང་། བུམ་པ་གང་བ་དང་། རིན་པོ་ཆེའི་སྣོད་དང་། པད་མའི་ཕྲེང་བ་དང་། རྡོ་རྗེའི་ཕྲེང་ཟླུམ་དང་། ཨུཏ་པ་ལའི་ཕྲེང་བ་དང་། མེ་ཏོག་གི་ཕྲེང་བ་དང་། པད་མ་དང་། ཨུཏྤ་ལ་
དང་། ཟླ་བ་དང་། རི་རབ་དང་། མེ་ལོང་དང་། ཀླུ་དང་། ཉི་མའི་རྒྱལ་མཚན་དང་། གདུགས་དང་། བེ་ཅོན་དང་། གཤིན་རྗེའི་བེ་ཅོན་དང་། ཆུ་སྲིན་གྱི་ཁ་དང་། སྔགས་དེའི་ཕྲེང་བ་དང་། མདུང་རྩེ་གསུམ་པའི་ཕྲེང་
ཟླུམ་དང་། བསྡིགས་པ་དང་། བསྒྱིངས་པ་དང་། དབུགས་འབྱིན་པ་དང་། མི་འཇིགས་པ་དང་། མཆོག་སྦྱིན་པ་དང་། ཐལ་མོ་སྦྱར་བ་དང་། གླེགས་བམ་བསྣམས་པ་དང་། མཁར་སིལ་དང་། ལྷུང་བཟེད་དང་། གདུགས་
དང་། དབུ་རྒྱན་དང་། ནོར་བུ་བརྒྱུས་པ་དང་། གསེར་སྐུད་དང་། མུ་ཏིག་གི་ཕྲེང་བ་དང་། གདུ་བུ་དང་། དཔུང་རྒྱན་དང་། རྣ་ཆ་དང་། མེའི་ཐབ་ཁུང་ངོ་། །ཀུན་ནས་འབར་ཕྲེང་ཕྱག་རྒྱ་དེ། །སྣ་ཚོགས་རྨད་དུ་བྱུང་བས་སྨྲས། །
མཚོན་ཆ་སྣ་ཚོགས་བསྣམས་པ་ཡི། །པད་མ་འཛིན་ལ་རབ་ཏུ་གནས། །རས་ལ་བྲིས་པ་འམ་དཀྱིལ་འཁོར་རམ། །རྩིག་པ་འམ་གང་ཡང་རུང་བ་ལ། །ཚོན་རྩི་རྣམ་པ་སྣ་ཚོགས་ཀྱིས། །གང་དུ་བྲིས་པ་མཐོང་བ་དེ། །ངན་འགྲོ་
སེམས་ཅན་དམྱལ་བར་ནི། །ཕྱིར་ཡང་འགྲོ་བར་མི་འགྱུར་རོ། །འཇིག་རྟེན་དབང་གིས་རྟག་མཆོག་སྦྱིན། །སྡིག་པ་ཐམས་ཅད་རྣམ་པར་སྤངས། །གང་ཞིག་ཉེས་བྱས་མི་ཟད་པ། །མཚམས་མེད་ལྔ་པོ་བྱེད་པ་ཉིད། །མནར་
མེད་པ་ཡི་གནས་དང་ནི། །དམྱལ་བ་གཞན་དུ་གཞོལ་བ་གང་། །ཕྱག་རྒྱ་དེ་དག་མཐོང་ཙམ་གྱིས། །འགྲོ་བ་ཐམས་ཅད་ཟད་པར་འགྱུར། །སྐྱེ་དང་འཆི་ལས་རྣམ་པར་གྲོལ། །འཁོར་བའི་རྒྱ་མཚོ་རྒལ་བར་འགྱུར། །དེ་དག་སྐྱེ་བ་
ཕྱི་མར་ནི། །ཕྱིར་ཡང་མངལ་གྱིས་མི་གོས་ཏེ། །ཡང་དང་ཡང་དུ་པད་མ་ལས། །རྫུས་ཏེ་སྐྱེ་བ་དག་ཏུ་འགྱུར། །རྟག་ཏུ་བདེ་བ་ཅན་དུ་འགྲོ། །གང་ན་འདྲེན་པ་ཚེ་དཔག་མེད། །བཞུགས་པའི་སྤྱན་སྔར་རྟག་ཏུ་དེར། །སྐྱེ་འགྱུར་

99-1-206a

ཐེ་ཙོམ་མི་ཟ་ཞིང་། །དོན་རྣམས་བདེ་བར་འགྲུབ་འགྱུར་ཞིང་། །རིག་སྔགས་སྣ་ཚོགས་བདེ་བར་འགྲུབ། །བདེ་བར་དཀྱིལ་འཁོར་འགྲུབ་འགྱུར་ཞིང་། །རྟག་ཏུ་མི་ལྡོག་ས་གནས་འགྱུར། །ཕྱག་རྒྱ་འདི་དག་མཐོང་ཙམ་
གྱིས། །སངས་རྒྱས་བྱང་ཆུབ་དང་མཉམ་འགྱུར། །དུས་གསུམ་གཤེགས་པའི་སངས་རྒྱས་ལ། །བླ་མེད་དགེ་རྩ་བསྐྱེད་པར་འགྱུར། །འཇིག་རྟེན་འདི་དང་ཕ་རོལ་ཏུ། །བསོད་ནམས་ཕུང་པོ་ཆེན་པོ་འཐོབ། །དེ་ནས་དཀྱིལ་འཁོར་རབ་
བཤད་པ། །དེ་ཉིད་འགྲུབ་པའི་ཕྱག་རྒྱ་རྣམས། །འཇིག་རྟེན་འདི་དང་ཕ་རོལ་ཏུ། །འདོད་པ་ཐམས་ཅད་རབ་ཏུ་སྦྱིན། །སྡིག་པ་ཐམས་ཅད་མོད་ལ་སེལ། །གང་ཞིག་མཚམས་མེད་བྱེད་པ་དག །མི་བཟད་མནར་མེད་གནས་པ་
ཡི། །སྡིག་པ་ཐམས་ཅད་འཇིག་པར་འགྱུར། །དམྱལ་བའི་སྒོ་རྣམས་བཅད་ནས་ནི། །མཐོ་རིས་སྒོ་ཕྱེ་ཐེ་ཚོམ་མེད། །སྒོ་ཕྱེ་གྱུར་པ་རྣམས་ལ་ནི། །སངས་རྒྱས་ཞིང་རྣམས་སྣང་བར་འགྱུར། །དེ་བཞིན་གཤེགས་པ་ཐམས་ཅད་
ཀྱི་དགོངས་པ། མགོན་པོ་འཇིག་རྟེན་དབང་ཕྱུག་གི་ཕྱག་རྒྱའི་དཀྱིལ་འཁོར་མཐོང་བ་ཙམ་གྱིས་སེམས་ཅན་ཕྱིར་མི་ལྡོག་པར་འགྱུར་རོ། །ཕྱག་རྒྱའི་དཀྱིལ་འཁོར་འདི་མཐོང་ན་ཤི་འཕོས་པའི་མོད་ལ་བདེ་བ་ཅན་དུ་སྐྱེ་བར་འགྱུར་རོ། །
དཀྱིལ་འཁོར་འདི་ཞུགས་པ་ཙམ་གྱིས་གང་ན་ཐུབ་པ་འདྲེན་པ་འོད་དཔག་མེད་བཞུགས་པའི་ཕོ་བྲང་དུ་མྱུར་དུ་འཇུག་པར་འགྱུར་རོ། །དཀྱིལ་འཁོར་གྲུ་བཞི་ལྷམ་པ་ལ། །ཀུན་ནས་ཆ་ནས་མཛེས་པར་བྱ། །གྲུ་བཞི་གོ་ལའི་ཚད་ཙམ་
ལ། །སྒོ་བཞི་ཐེམ་སྐས་བཞི་ཡིས་བརྒྱན། །ཤིན་དུ་ལེགས་པར་བསྐུས་དང་ལྡན། །འཇམ་ཞིང་མཉེན་ལ་མཉམ་པ་ཡི། །ས་ཡི་ཆ་དང་ལྡན་པ་ལ། །དཀྱིལ་འཁོར་ཤེས་རབ་ཅན་གྱིས་དབྱེ། །དཀྱིལ་འཁོར་དེ་ཉིད་ཐིག་
བཏབ་ལ། །ཕྱག་རྒྱ་བྲི་བ་རྣམ་པར་དབྱེ། །ཕྱོགས་བཞིའི་ཆ་ནི་མཉམ་པ་ཡི། །དབུས་ན་དཀྱིལ་འཁོར་སྙིང་པོ་ཡིན། །གྲུ་བཞི་པ་ལ་ཀུན་ནས་ཁ་ཁྱེར་གྱི་རྣམ་པ་དང་། མདུང་རྩེ་གསུམ་པའི་ཕྲེང་བ་རྣམ་པར་དབྱེའོ། །

99-1-206b

གྲུ་བཞི་པའི་དབུས་སུ་ཕྱག་ན་དོན་ཡོད་པའི་ཞགས་པའི་ཕྱག་རྒྱ་ཀུན་ནས་འབར་བ་བླ་ན་མེད་པ་དང་། ཕྱག་རྒྱན་གྱིས་བརྒྱན་པ་ཚོན་རྩི་སྣ་ཚོགས་ཀྱིས་བྲིའོ། །དབུས་ཀྱི་དཀྱིལ་འཁོར་གྱི་ཕྱི་རོལ་གྱི་གནས་སུ་
ཕྱག་རྒྱ་བྲི་བ་ཡང་ཤིན་དུ་འབྱེས་པར་བྱའོ། །དཀྱིལ་འཁོར་ཀུན་ནས་གོས་དང་། བ་དན་དང་། རྒྱལ་མཚན་གྱིས་བརྒྱན་ལ་ཀུན་དུ་ཡུངས་ཀར་དཀར་པོ་གཏོར་རོ། །ཕྱག་རྒྱའི་དཀྱིལ་འཁོར་ཀྱི་ཕྱི་རོལ་གྱི་གནས་སུ་ཕྱོགས་བཞི་ཀུན་
དུ་བྱ་བ་ནི་བ་ལང་གི་ལྕི་བ་ས་དང་བསྲེས་པ་ཤིན་དུ་ལེགས་པར་བྱུགས་པ་དང་ལྡན་པ་ལ་ཚོན་རྩིའི་ཕྱེ་མས་ཁ་ཁྱེར་གྱི་རྣམ་པ་དང་། ཀུན་ནས་པད་མའི་ཕྲེང་བ་རྒྱ་ཆེན་པོ་དང་། མཚོན་ཆ་བྲིས་ལ་འདིའི་སྒོ་ཡང་རྣམ་པར་དབྱེས་པར་བྲིའོ། །
ཇི་ལྟར་ཕྱག་རྒྱ་དང་མཐུན་པའི་རོ་སྣ་ཚོགས་ཀྱི་གཏོར་མ་གཞག་པར་བྱ་སྟེ། ཕྱག་རྒྱ་རེ་རེ་ལ་ཡང་མཆོད་ཡོན་ཕུལ་ལ། དབྱིབ་མོ་དང་། ཕྲུ་བ་དང་། བུམ་པ་དང་། ཁ་ཕོར་དང་། རྫེའུ་གཏོར་མས་བཀང་ལ་གཞག་གོ །
ཀུན་དུ་བུམ་པ་གང་བ་དང་། །བདུག་སྤོས་ཀྱི་ནི་སྣོད་དག་དང་། །མེ་ཏོག་འབྲས་བུ་སྣ་ཚོགས་དང་། །གཏོར་མ་དཀར་པོ་དག་གིས་བཀང་། །མེ་ཏོག་རྣམ་པར་བཀྲམ་བྱས་ལ། །ཀུན་དུ་ཕྲེང་བས་གཞག་
པར་བྱ། །ཕྲེང་བ་བཟང་པོ་གཞག་ནས་ཀྱང་། །དེ་བཞིན་ཀུན་དུ་བདུག་སྤོས་དབུལ། །ཨ་ཀ་རུ་དང་། ཙན་དན་དང་། དུ་རུ་སྐ་དང་། ས་ལ་ཀི་དང་། སྤྲི་ཀ་དང་། གུ་གུལ་དང་། སྲ་རྩི་པོག་དང་། 
སྒྲོན་ཤིང་དང་། གླ་རྩི་དང་། ག་བུར་གྱི་བདུག་པ་འདི་དག་གིས་བདུགས་ལ། གཏོར་མ་དང་། མེ་ཏོག་དང་། ལྷ་བཤོས་དབུལ་ལོ། །ཕྱག་རྒྱའི་དཀྱིལ་འཁོར་དུ་འཇུག་པས་དོན་ཡོད་པའི་རྒྱལ་པོ་དྲན་པར་བྱས་
ཏེ་བསྐོར་ལ་ཕྱག་རྒྱའི་དཀྱིལ་འཁོར་ལ་ཕྱག་བྱ་ཞིང་ཕྱག་རྒྱ་ཐམས་ཅད་ལ་མེ་ཏོག་བཀྲམ་ཞིང་མེ་ཏོག་གཏོར་རོ། །གང་ཕྱག་རྒྱའི་དེ་ཁོ་ན་ཉིད་གསང་བ་འདི་དང་། ཕྱག་རྒྱའི་དཀྱིལ་འཁོར་འདི་སྒྲུབ་པ་གང་དགོས་པ་ལ་

99-1-207a

སྔར་དཀྱིལ་འཁོར་ཕྱག་རྒྱ་དང་བཅས་པ་ལ་མཆོག་ཏུ་མཛེས་པར་བྱས་ལ། ཕྱིས་ལས་ཐམས་ཅད་བྱའོ། །རིག་སྔགས་འཆང་བ་གཙང་མ་ཡིས། །གཙང་མ་ཡི་ནི་གོས་བགོས་ལ། །ཇི་ལྟར་དཀྱིལ་འཁོར་ཆོ་ག་བཞིན། །
དཀྱིལ་འཁོར་དུ་ནི་གཞག་པར་བྱ། །ཇི་ལྟར་དཀྱིལ་འཁོར་ལ་དགོས་པ། །དེ་བཞིན་དུ་ནི་ལས་བྱའོ། །ཕྱག་རྒྱའི་དཀྱིལ་འཁོར་བླ་མེད་པ། །དཀྱིལ་འཁོར་འདིར་ནི་ཞུགས་ཙམ་གྱིས། །ཐུབ་པ་སྣང་མཛད་ཀྱིས་གསུངས་པའི། །སྤྱི་ཡི་རིགས་
ནི་ཐམས་ཅད་དུ། །ཕྱག་རྒྱ་དཀྲིགས་དང་གཏམས་རྣམས་ཀྱིས། །དམ་ཚིག་ཀུན་དུ་ཤེས་པར་འགྱུར། །སྤྱི་རིགས་ཀུན་གྱི་ཆོ་ག་ཡི། །དམ་ཚིག་རྗེས་ཞུགས་དེ་བཞིན་ནོ། །དཀྱིལ་འཁོར་ཀུན་དུ་ཞུགས་པ་དང་། །རྒྱལ་བས་ལུང་ནི་བསྟན་
པར་འགྱུར། །ཀུན་གཟིགས་དེ་བཞིན་གཤེགས་པ་ཡི། །ཕྱག་ནི་སྤྱི་བོར་འཇོག་པར་མཛད། །ཆོས་ཀྱི་རོ་ནི་བདུད་རྩི་ཡི། །གཟི་བརྗིད་མོད་ལ་འཇུག་པར་འགྱུར། །རྣམ་སྣང་མཛད་གསུངས་དཀྱིལ་འཁོར་དུ། །དོན་
ཡོད་དངོས་གྲུབ་སྩོལ་བར་མཛད། །ཕྱག་རྒྱའི་དཀྱིལ་འཁོར་གང་བཞུགས་པ། །ཀུན་དུ་སྤྱི་ཡི་རིགས་རྣམས་ཀྱི། །དོན་ཡོད་དངོས་གྲུབ་མཆོག་མྱུར་ཐོབ། །སངས་རྒྱས་བྱེ་བ་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་ཕྲག་
དགུ་བཅུ་རྩ་དགུའི་དེ་བཞིན་གཤེགས་པའི་དྲུང་དུ་དགེ་བའི་རྩ་བ་བསྐྱེད་པར་འགྱུར་རོ། །བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་ཏེ། ཡོན་ཏན་གྱི་ཕན་ཡོན་འདི་དག་ནི་ཚེ་འདི་ཡིན་པར་ཁོང་དུ་ཆུད་པར་བྱའོ། །བདེ་བ་ཅན་གྱི་
འཇིག་རྟེན་གྱི་ཁམས་སུ་པད་མ་ལས་རྫུས་ཏེ་སྐྱེ་བར་འགྱུར་རོ། །ཚེ་རབས་སུ་ཚེ་རབས་དྲན་ཞིང་འོད་ཟེར་བྱེ་བ་འབར་བའི་ལུས་དང་ལྡན་ཞིང་། ཚེ་བསྐལ་པ་བརྒྱ་སྟོང་དཔག་ཏུ་མེད་པར་འགྱུར་རོ། །ཡོན་ཏན་ཐམས་ཅད་དྲི་
མ་མེད་པར་སྣང་བ་དོན་ཡོད་པའི་རྣམ་པར་འཕྲུལ་པ་བསྟན་པ་བཀོད་པ་ཞེས་བྱ་བའི་ཏིང་ངེ་འཛིན་འཐོབ་སྟེ། གང་ཏིང་ངེ་འཛིན་ཐོབ་པས་སྒྱུ་མ་ཆེན་པོ་ལྟ་བུའི་རྣམ་པར་འཕྲུལ་པའི་རྫུ་འཕྲུལ་གྱི་ཆོ་འཕྲུལ་སྟོན་པར་བྱེད་དོ། །
99-1-207b

དཀྱིལ་འཁོར་ཐམས་ཅད་ཀྱི་ལྷའི་སྤྱིའི་རིགས་དེ་བཞིན་གཤེགས་པའི་རིག་ཀྱིས་བྱིན་གྱིས་བརླབས་ཀྱི་རྗེས་སུ་འཇུག་པར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། ལྟོ་འཕྱེ་ཆེན་
པོ་དང་། མི་དང་། མི་མ་ཡིན་པ་ཐམས་ཅད་དབང་དུ་གྱུར་ནས་རྟག་ཏུ་རྗེས་སུ་འབྲང་བར་འགྱུར་རོ། །སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱིས་དཀྱིལ་འཁོར་འབྱོར་པར་གཟིགས་ནས་བསྲུང་བ་དང་། བསྐྱབ་པ་དང་
སྦ་བ་མཛད་པར་འགྱུར་རོ། །སེམས་ཅན་ཐམས་ཅད་ཕྱི་བཞིན་འབྲང་ཞིང་མཆོད་པ་ཆེན་པོ་བྱེད་པར་འགྱུར་རོ། །རྒྱལ་པོ་བཙུན་མོ་དང་། འཁོར་དང་བཅས་པ་རྣམས་ཀྱིས་མཆོད་པའི་འོས་ཆེན་པོར་འགྱུར་རོ། །སེམས་ཅན་ཐམས་
ཅད་གཅིག་ཏུ་བླ་མར་བྱེད་པར་འགྱུར་རོ། །ནད་ཐམས་ཅད་མེད་པར་འགྱུར་རོ། །སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །མཚན་མ་བྲི་བའི་ཕྱག་རྒྱའི་དཀྱིལ་འཁོར་གྱི་ཆོ་གའོ།། །། དེ་ནས་སྦྱིན་སྲེག་
གི་ཆོ་གའི་དཀྱིལ་འཁོར་བཤད་པར་བྱ་སྟེ། རིག་སྔགས་འཆང་བ་རྣམ་དག་གི། འདི་ཉིད་སྒྲུབ་པ་བསྒྲུབ་པའི་ཕྱིར། །སྤྱི་ཡི་རིགས་རྣམས་ཐམས་ཅད་ཀྱི། །ཆོ་ག་ཞིབ་མོ་བླ་མེད་ཡིན། །གང་གིས་སྦྱིན་སྲེག་བྱས་ཙམ་
གྱིས། །ཕྱོགས་ཀུན་རྣམ་པར་གཟིགས་པ་ཡི། །དེ་བཞིན་གཤེགས་གནས་བྱོན་འགྱུར་ཞིང་། །བྱང་ཆུབ་སེམས་དཔའ་དགོངས་པར་འགྱུར། །རིག་སྔགས་དངོས་གྲུབ་རྗེས་སྩོལ་ཅིང་། །རྟག་ཏུ་བསྲུང་བ་མཛད་པར་
འགྱུར། །མགོན་པོ་འཕགས་པ་སྤྱན་རས་གཟིགས། །ཐེ་ཙོམ་མེད་པར་མྱུར་དུ་བྱོན། །མགོན་པོ་འཁོར་བཅས་གནས་ཉིད་ན། །རང་གི་གཟུགས་སུ་མཐོང་བར་འགྱུར། །འདོད་པ་ཐམས་ཅད་རྟག་ཏུ་སྩོལ། །
རྟག་ཏུ་མཆོག་ནི་སྩོལ་བ་ཉིད། །ཉིན་དང་མཚན་དུ་རྟག་པར་ནི། །རྣམ་པར་གཟིགས་འགྱུར་ཐེ་ཙོམ་མེད། །དཀྱིལ་འཁོར་བཤད་པར་བྱ་བ་སྟེ། །དཀྱིལ་འཁོར་གྲུ་བཞི་ཤིན་དུ་མཛེས་པར་བྱ་བ་ནི་རྒྱ་ཆེན་པོ་ཀོ་ལའི་ཚད་

99-1-208a

ཙམ་ལ། ལེགས་པར་བྱུགས་པ་ཤིན་དུ་འཇམ་པ། ཤིན་དུ་གསལ་བ་གྲུ་བཞི་སྒོ་བཞི་དང་། ཐེམ་སྐས་བཞི་དང་ལྡན་པ། རྣམ་པར་དབྱེས་པ་མཆོག་ཏུ་མཛེས་པ་དབུས་ཀྱི་དཀྱིལ་འཁོར་གྱི་སྙིང་པོར་ཡང་བྱའོ། །མེ་
ཡི་གནས་ཀྱི་དཀྱིལ་འཁོར་ནི། །གྲུ་བཞི་ཉིད་ཀྱི་རྣམ་པ་ལ། །ཀུན་ནས་ཐེམ་སྐས་བཞི་དག་དང་། །སྟེང་དུ་གྲྭ་ནི་བཞི་པ་བྱ། །རྟག་ཏུ་པད་མའི་སྙིང་པོ་དང་། །སྙིང་པོ་རྒྱས་པའི་སྟེང་དུ་ཡང་། །ཀུན་ནས་འདབ་མ་མཛེས་པར་བྱ། །
གྲྭ་གྲྭར་པད་མའི་ཕྲེང་བ་བྱ། །དེ་བཞིན་དུ་གྲྭ་གཉིས་ཀར་རྡོ་རྗེ་པད་མ་དང་བཅས་པའོ། །གསུམ་པར་མདུང་རྩེ་གསུམ་པ་པད་མ་དང་བཅས་པའོ། །བཞི་པར་འཁོར་ལོ་པད་མ་དང་བཅས་པའོ། །ལྔ་པར་བུམ་པ་གང་བ་གཞག་གོ །
སྣ་ཚོགས་ཚོན་གྱིས་རྣམ་མཛེས་པའི། །ཀུན་ནས་འདབ་མའི་མྱུ་གུ་བྱ། །རིན་ཆེན་སྣོད་ནི་བཀང་བ་དང་། །མེ་ཏོག་ཕྲེང་དང་ངང་པ་དང་། །ཕྱེ་མ་པད་མར་བཅས་པ་དང་། །དེ་བཞིན་མེ་ཏོག་རིགས་དག་ཉིད། །དེ་བཞིན་སྣ་ཚོགས་
རྒྱན་བརྒྱན་པའོ། །ནུབ་ཀྱི་གནས་དང་གྲྭ་དག་ཏུ། །པད་མའི་འདབ་མ་ཨུཏྤ་ལ་བཅས། །བུམ་པ་དུར་བས་བཀང་བ་བྲི། །རྩ་བའི་བུམ་པ་དབུ་མ་ལ། །འདིར་ནི་ཁ་ཁྱེར་ཐིག་ཀྱང་གདབ། །དེ་ནས་དཀྱིལ་འཁོར་མཛེས་བྱ་
བ། །ཐིག་གིས་ཀུན་ནས་ཆ་མཉམ་ཞིང་། །སྒོ་བཞི་མཛེས་པར་བྱ་བ་ནི། །ཚོན་སྣ་ལྔ་ཡི་སྐུད་པས་གདབ། །མེ་འབར་མདོག་ཅན་བྲི་བ་ནི། །ཀུན་ནས་འབར་བའི་ཕྲེང་བ་ཅན། །གྲྭ་དང་གྲྭར་ནི་མེ་ལྷ་བྲི། །ལུས་ནི་མེ་
མདོག་འབར་བ་དང་། །ལག་ན་མེ་འབར་འཛིན་པ་དང་། །མཚན་མ་སྣ་ཚོགས་གཞན་དག་ཀྱང་། །ཆོ་ག་བཞིན་དུ་བྲི་བར་བྱ། །དཀྱིལ་འཁོར་གྱི་ནི་ཆོ་ག་བཞིན། །བ་དན་མདའ་དང་སྣ་ལྔ་ཡི། །སྐུད་པས་
བུམ་པ་གང་དཀྲིས་དང་། །དེ་བཞིན་བདུག་སྤོས་སྣོད་དག་གིས། །ཀུན་ནས་དཀྱིལ་འཁོར་བརྒྱན་པར་བྱ། །སྣ་ཚོགས་གཟུགས་ཅན་རྒྱ་ཆེ་ཡི། །སྣ་ཚོགས་རོ་ཡི་གཏོར་མ་གཞག །རྫེའུ་དང་ཁམ་ཕོར་རྣམ་

99-1-208b

གསུམ་གྱི། །དཀར་པོས་དཀར་བ་གཞག་པར་བྱ། །རྫེའུ་དང་དབྱིབ་མོ་བུམ་པ་ནི། །གཏོར་མས་བཀང་བ་ཀུན་དུ་གཞག །འབྲས་བུ་རྣམ་པ་སྣ་ཚོགས་གཞག །ཀུན་ནས་མེ་ཏོག་དགྲམ་བྱ་ཞིང་། །ཕྲེང་བ་སྣ་ཚོགས་གཞག་
པར་བྱ། །འབྲས་ཡོས་ཡུངས་ཀར་གཏོར་ནས་ནི། །ཀུན་དུ་མར་མེ་འབར་བ་དང་། །སྣ་ཚོགས་དྲི་དང་དེ་བཞིན་དུ། །དྲི་ཡི་ཕྱེ་མ་ལྷ་བཤོས་དང་། །དཀྱིལ་འཁོར་ཀུན་ལ་གཞག་པར་བྱ། །དཀྱིལ་འཁོར་དག་ནི་ཐམས་ཅད་
ལ། །བླུགས་གཟར་དཱུར་བ་རྟག་ཏུ་བཞག །ཤིང་ནི་ཨརྐ་ཤི་མི་དང་། །ཡུངས་ཀར་འབྲས་ནི་སོ་བ་དང་། །ཞུན་མར་དང་ནི་མར་དཀར་དང་། །ཀུན་དུ་ཙན་དན་དཀར་པོ་དག །སྦྱིན་སྲེག་ཆོ་གར་འདིར་གཞག་སྟེ། །དུས་
གསུམ་རྟག་ཏུ་རིག་འཛིན་གྱིས། །སྦྱིན་སྲེག་བརྒྱ་རྩ་བརྒྱད་དུ་བྱ། །རིག་པ་འཛིན་པ་གཙང་མ་ཡིས། །གཙང་མ་ཡི་ནི་གོས་བགོས་ལ། །དཀར་གསུམ་གྱི་ནི་ཟས་བཟའ་ཞིང་། །གཞན་ནི་བཟའ་དང་སྤྱད་མི་བྱ། །
དཀྱིལ་འཁོར་གྱི་ནི་ནུབ་སྒོ་ནས། །དཀྱིལ་འཁོར་ཤེས་པ་འཇུག་བྱ་ཞིང་། །དར་བྷའི་སྟན་ལ་སྐྱིལ་དཀྲུང་དུ། །ཤར་ཕྱོགས་ཁ་བལྟས་འདུག་པར་བྱ། །བྱམས་པའི་སེམས་ལ་མཉམ་གཞག་སྟེ། །དོན་ཡོད་རྒྱལ་
པོ་དྲན་བྱ་ཞིང་། །སྔ་དྲོའི་དུས་སུ་སྦྱིན་སྲེག་བྱ། །གུང་ལ་སློབ་མ་གཞུག་བྱ་ཞིང་། །སྤྱི་ཡི་རིགས་ཀྱི་སྲེག་བླགས་ནི། །ཕྱེམ་རེད་དུས་སུ་བྱ་བའོ། །གང་ཞིག་དཀྱིལ་འཁོར་དུ་ཞུགས་ལ། །སྦྱིན་སྲེག་དཀྱིལ་འཁོར་དེ་ཉིད་དང་། །གྲུབ་
པ་ཀུན་དུ་ཆོ་ག་ཡི། །བདག་ཉིད་དབང་བསྐུར་མེ་ཀུན་གྱི། །སྦྱིན་སྲེག་བྱེད་པའི་མཆོག་ཏུ་གསུངས། །ཀུན་དུ་གནས་ནི་ཐམས་ཅད་ན། །རྒྱས་པ་གནས་འཇོག་རྭ་གཅིག་དང་། །གར་གེ་དེ་བཞིན་ཕུར་བུ་དང་། །མདུན་ན་འདོན་པ་མེ་ལྷ་
ནི། །སྦྱིན་སྲེག་བྱེད་པ་འཇིག་རྟེན་པར། །མཚུངས་ཞེས་སྟོན་པས་ལུང་བསྟན་ཏོ། །འཇིག་རྟེན་འདས་པའི་ལས་སྒྲུབ་པ། །རིག་འཛིན་དབང་པོ་ཆེན་པོ་དང་། །ཕྱག་ན་རྡོ་རྗེ་ཚངས་པ་དང་། །ཁྱབ་འཇུག་དབང་ཕྱུག་ཆེན་པོ་དང་། །མཉམ་པ་བས་

99-1-209a

ཀྱང་ལྷག་པ་ཉིད། །མེ་ཡིས་སྦྱིན་སྲེག་བྱེད་པ་ལ། །དེ་བཞིན་གཤེགས་ཀུན་བྱིན་གྱིས་རློབ། །གལ་ཏེ་ཞག་བདུན་དུས་གསུམ་དུ། །དེ་ལ་སོགས་པའི་ལས་རྣམས་ནི། །མེ་ལ་སྦྱིན་སྲེག་བྱེད་པ་ལ། །མོད་ལ་མངོན་ཤེས་
ལྔ་ཐོབ་ཅེས། །དེ་སྐད་འཇིག་རྟེན་འདྲེན་པ་གསུང་། །ལས་ནི་བྱས་ནས་དེ་ནས་ནི། །སྦྱིན་སྲེག་ལ་ནི་བརྩམ་པར་བྱ། །སྲེག་བླུགས་སྦྱིན་སྲེག་བྱས་ཙམ་གྱིས། །ལས་རྣམས་ཐམས་ཅད་འགྲུབ་པར་འགྱུར། །ལྷ་རྣམས་རྟག་ཏུ་འོང་འགྱུར་ཞིང་། །དེ་
བཞིན་གཤེགས་ཀུན་དགྱེས་པར་འགྱུར། །བྱང་ཆུབ་སེམས་དཔའ་བྱོན་ནས་ནི། །མོད་ལ་མཐོང་བའི་སྦྱིན་པར་མཛད། །སྡིག་པ་ཐམས་ཅད་བསྲེག་པར་འགྱུར། །ཤིན་དུ་མི་བཟད་སྔོན་གྱི་ལས། །སྲེག་བླུགས་ཙམ་གྱི་མོད་ལ་བསྲེགས། །འབར་
བའི་མེ་ཡིས་ཕྱེ་ལེབ་བཞིན། །དེ་ལ་སོགས་པའི་སྡིག་པ་ནི། །བསྲེག་འགྱུར་འདིར་ནི་ཐེ་ཙོམ་མེད། །སྡང་བའི་ཕྱིར་ནི་རྒོལ་ཉིད་དང་། །དགའ་ཞིང་ཡིད་ནི་བདེ་བ་དང་། །ལུས་ཅན་དག་ནི་ཐམས་ཅད་ལ། །རྟག་ཏུ་དགའ་བར་བྱེད་ཅིང་གནས། །རྟག་ཏུ་
མེ་ཡི་ལྷ་ཉིད་ནི། །རྒྱུན་དུ་མཐོང་བར་འདོད་པ་ཡིས། །མེ་ལ་སྦྱིན་སྲེག་བྱས་ཙམ་གྱིས། །མེ་ལྷ་ཉིད་ནི་བཞུགས་གྱུར་ཏེ། །རྟག་ཏུ་ལས་རྣམས་ཐམས་ཅད་མཛད། །རྒྱུན་དུ་ཕྱི་བཞིན་འབྲང་བར་འགྱུར། །ལྷ་ནི་རྟག་ཏུ་འོང་འགྱུར་ཞིང་། །ཐམས་ཅད་དུ་ནི་
མཐོང་བ་སྟེར། །རྒྱུ་སྐར་ཟླ་བ་ཉི་མ་དང་། །གཤིན་རྗེ་དང་ནི་ཆུ་ལྷ་དང་། །རྒྱལ་པོ་ཆེན་པོ་བཞི་པོ་དག །དཔུང་བཅས་གཞོན་པར་བཅས་པ་ཡང་། །ཉིན་དང་མཚན་དུ་རྟག་པར་ནི། །རྗེས་འབྲང་བསྲུང་འགྱུར་ཐེ་ཙོམ་མེད། །ཅི་སྟེ་རིག་སྔགས་འཆང་
དོན་ཡོད་པའི་རྒྱལ་པོའི་སྙིང་པོ་སྒྲུབ་པར་འདོད་ན་རིག་སྔགས་འཆང་གཙང་མ་དེས་ཤིན་ཏུ་ཁྲུས་བྱས་ལ་གོས་གཙང་མ་བགོ་བར་བྱ། ཉིན་ཞག་གཅིག་སྨྱུང་བ་བྱ་ཞིང་། ཤིང་ཨརྒའི་ཡམ་སྲེག་ཤིང་གི་མེ་སྦར་ལ་པད་མ་དང་། 
ཞུན་མར་དང་། འབྲས་སོ་བའི་སྦྱིན་སྲེག་བརྒྱད་བརྒྱ་བྱས་ནས་སྲེག་བླུགས་ལན་ཅིག་བྱས་པས་མཚམས་མེད་པ་ལྔ་བྱེད་པ་ཡང་འགྲུབ་པར་འགྱུར་ཏེ། འདི་ལ་ཐེ་ཚོམ་དང་ཡིད་གཉིས་བསྐྱེད་པར་མི་བྱའོ། །དེ་བཞིན་གཤེགས་པ་ཐམས་

99-1-209b

ཅད་ཀྱི་སྤྱིའི་རིགས་ཀྱི་དངོས་གྲུབ་འདོད་ན་རིག་སྔགས་འཆང་དེས་བྱང་ཆུབ་ཀྱི་ཤིང་གི་མེ་སྦར་ལ་རིགས་སྤྱིར་པད་མ་དང་། ཨུཏྤ་ལ་སྔོན་པོ་དང་། ཡུངས་ཀར་དཀར་པོ་དང་། ཞུན་མར་བསྲེས་པའི་སྦྱིན་སྲེག་བརྒྱད་བརྒྱ་བྱས་ན་དེ་བཞིན་གཤེགས་
པ་ཐམས་ཅད་ཀྱི་སྤྱིའི་རིགས་ཀྱི་དངོས་གྲུབ་འཐོབ་སྟེ་ཐམས་ཅད་ཆོ་ག་ཆེན་པོ་ཞིབ་མོ་དང་། སྦྱིན་སྲེག་ཆེན་པོའི་ཆོ་གར་འགྱུར་རོ། །དེ་ནས་ཕ་རོལ་གྱི་དམག་ཚོགས་གཞོམ་པར་འདོད་ན་རིག་སྔགས་འཆང་གཙང་མ་དེས་ཤིན་དུ་ཁྲུས་བྱས་ལ་གོས་
གཙང་མ་བགོས་ཏེ་སེང་ལྡེང་གི་མེ་སྦར་ལ་ཞོ་དང་། ཞུན་མར་དང་། ཡུངས་ཀར་དང་། གུ་གུལ་གྱི་སྲེག་བླུགས་ཀྱིས་སྦྱིན་སྲེག་བརྒྱད་སྟོང་བྱས་ན་དཔག་ཚད་སྟོང་ཚུན་ཆད་ཀྱི་ཕ་རོལ་གྱི་དམག་ཚོགས་བཅིང་བ་བྱས་པར་འགྱུར་རོ། །ཕ་རོལ་གྱི་དམག་ཚོགས་དང་། 
དགྲ་གཞོམ་པར་འདོད་པ་དང་། དཔུང་གཞིག་པར་འདོད་ན་དེ་ནས་རིག་སྔགས་འཆང་གིས་ཤིང་ཀ་ར་བ་ཀའི་མེ་སྦར་ལ། སྦྲུལ་གྱི་ལྤགས་པ་བརྗེས་པ་དང་། སྐེ་ཙེའི་ས་བོན་དང་། ལན་ཚྭ་འབྲས་སཱ་ལུ་དང་བསྲེས་པ་ཡུངས་ཀར་མར་དང་སྦྱར་
བའི་སྦྱིན་སྲེག་བྱས་ན་དཔག་ཚད་སྟོང་ཚུན་ཆད་ཀྱི་ཕ་རོལ་གྱི་དམག་ཚོགས་དང་། དགྲ་ལ་གནམ་ལྕགས་ཆེན་པོ་དང་། རླུང་གྲང་མོ་འབབ་པས་ཕོངས་པ་དང་། ཡིད་མི་བདེ་བ་བསྐྱེད་པར་འགྱུར། དགྲ་ཐམས་ཅད་རྣམ་པར་འཇིག་
པར་འགྱུར་རོ། །ཀླུས་ཆར་འབེབས་པར་འདོད་ན་རིག་སྔགས་འཆང་དེས་ཉིན་ཞག་གཅིག་སྨྱུང་བ་བྱས་ལ། ཤིན་དུ་ཁྲུས་བྱས་པ་གཙང་མས་དྲི་སྣ་ཚོགས་དང་། མེ་ཏོག་ཕྲེང་བ་དང་། ཡུངས་ཀར་དང་། ཤ་ཏ་པུས་པ་ཞུན་མར་
དང་སྦྱར་བའི་སྦྱིན་སྲེག་མཚན་གཅིག་ལ་དུས་གསུམ་དུ་བྱས་ན་ཀླུའི་རྒྱལ་པོས་ཆར་གྱི་རྒྱུན་ཆེན་པོ་འབེབས་ཏེ། འཛམ་བུའི་གླིང་མཐའ་དག་ཏུ་ཞག་བདུན་གྱི་བར་དུ་ཆར་འབབ་པར་འགྱུར་རོ། །ཆར་དེ་ཉིད་ཧ་ཅང་ཆེས་ན་ཐལ་
བ་ནམ་མཁའ་ལ་གཏོར་ན་ཧ་ཅང་ཆར་ཆེས་པ་འཆད་པར་འགྱུར་རོ། །ཡང་མེ་ལྷ་འོང་བར་འདོད་ཅིང་རང་གི་གཟུགས་སུ་མཐོང་བར་འདོད་ན་རིག་སྔགས་འཆང་གཙང་མ་དེས་གོས་གཙང་མ་བགོས་ལ་ཉིན་ཞག་གཅིག་གནས་

99-1-210a

པར་གྱུར་པས་ཤིང་སྣ་མའི་མེ་སྦར་ལ་འབྲས་སོ་བ་དང་། ཞུན་མར་དང་། བུ་རམ་ཤ་ཁ་ར་དང་བཅས་པ་དང་། ཚ་བ་གསུམ་དང་། སྣ་མའི་མེ་ཏོག་བསྲེས་པ་བརྒྱད་སྟོང་སྦྱིན་སྲེག་བྱའོ། །བརྒྱད་སྟོང་ཚང་བ་དང་། 
མེ་ལྷ་མེའི་ནང་ནས་ལུས་ཕྱེད་ཕྱུང་སྟེ་འདུག་ནས་རིག་སྔགས་འཆང་ལ་ཅི་བགྱི་བཀའ་སྩོལ་ཅིག་ཅེས་ཟེར་ཞིང་ཇི་ལྟར་རིག་སྔགས་འཆང་གི་ཆོ་གའི་དོན་དུ་འགྱུར་བ་དེ་བཞིན་དུ་སྨྲའོ། །ཐམས་ཅད་སྦྱིན་པ་ཞེས་བྱ་བ་མཆོག་
ཐམས་ཅད་སྦྱིན་པ་ཞེས་བྱ་བ་བདུད་རྩི་འབར་བ་ཞེས་བྱ་བའི་མེའི་ཁ། ཁའི་མཆོག་སྦྱིན་པར་བྱེད་དོ། །གང་བདུད་རྩི་འབར་བའི་མེའི་ཁ་ཐོབ་པས་གང་དུ་དབུགས་ཕྱུང་བ་དང་། རྔུབས་པ་དེར་མེ་འབར་བ་འབྱུང་བར་འགྱུར་རོ། །གང་
དུ་ཕུ་ཞེས་བྱས་པ་དེར་མེ་འབྱུང་བར་འགྱུར་རོ། །མུན་གནག་དུ་དབུགས་ཕྱུང་ན་མེ་འབར་ཏེ། སྣང་བར་འགྱུར་རོ། །ཙན་དན་དཀར་པོའི་སྦྱིན་སྲེག་སྟོང་རྩ་བརྒྱད་བྱས་པས་འཕགས་པ་སྤྱན་རས་གཟིགས་དབང་ཕྱུག་ཉིད་ཀྱི་གཟུགས་སྟོན་པར་
མཛད་དོ། །ས་བོན་བདུན་གྱི་སྦྱིན་སྲེག་གིས་ནད་ཐམས་ཅད་ཞི་བར་བྱེད་དོ། །འབྲས་སོ་བའི་སྦྱིན་སྲེག་གིས་ནི་རྒྱལ་པོ་དབང་དུ་བྱེད་དོ། །ཕུབ་མ་དང་ལན་ཚྭའི་སྦྱིན་སྲེག་གིས་ནི་ཞེ་འགྲས་པར་བྱེད་དོ། །འབྲས་ཡོས་དང་ཡུངས་ཀར་
གྱི་སྦྱིན་སྲེག་གིས་ནི་སེམས་ཅན་ཐམས་ཅད་དབང་དུ་བྱེད་དོ། །ཡུངས་ཀར་དང་། གུ་གུལ་དང་། ཞུན་མར་གྱི་སྦྱིན་སྲེག་གིས་ནི་གནོད་སྦྱིན་འགུགས་སོ། །ཀ་ར་བཱི་རའི་མེ་ཏོག་དང་། གུ་གུལ་ཞུན་མར་དང་སྦྱར་བའི་སྦྱིན་སྲེག་
གིས་ནི་སྲིན་མོ་འགུགས་སོ། །དེ་བཞིན་དུ་འདིར་ལས་ཐམས་ཅད་བྱེད་དོ། །སྦྱིན་སྲེག་གི་དཀྱིལ་འཁོར་གྱི་ཆོ་གའོ།། །། རི་མོའི་དཀྱིལ་འཁོར་གྱི་སྒྲུབ་པའི་ཆོ་ག་བཤད་པར་བྱ་སྟེ། ཀུན་དུ་ཐུན་མོང་
སྒྲུབ་པའི་མཆོག །དགེ་བའི་ལས་ཀུན་བྱེད་པ་སྟེ། །སངས་རྒྱས་ཐམས་ཅད་མཐོང་འགྱུར་ཞིང་། །བླ་མེད་བསོད་ནམས་ཆེན་པོ་སོགས། །དོན་ཡོད་རྒྱལ་པོ་དེ་ཉིད་ནི། །རྣམ་པ་སྣ་ཚོགས་གཟུགས་དག་ཏུ། །འཇིག་རྟེན་

99-1-210b

འདྲེན་པ་སྣང་བར་བྱ། །མཐུན་དང་དངོས་གྲུབ་སྣ་ཚོགས་པའི། །འཇིག་རྟེན་འདྲེན་པའི་གཟུགས་བྱ་བ། །གྲུབ་པ་སྣ་ཚོགས་བྱེད་པའི་གནས། །སོ་སོའི་གཟུགས་སུ་བྱ་བ་ནི། །རས་སམ་ཡང་ན་དར་དག་ལ། །འཇིགས་པ་མེད་
པས་གཟུགས་བྱའོ། །དོན་ཡོད་པ་ཡི་རྒྱལ་པོ་ནི་ཁྲུ་གང་ཙམ་གྱི་ཚད་དམ་ཡང་ན་ཚད་ཤིན་དུ་རྣམ་པར་འབྱེད་པ་པད་མའི་མདོག་ལྟ་བུ་ཕྱག་བརྒྱད་པ། དབུ་གསུམ་པ། དེ་བཞིན་དུ་སྤྱན་གསུམ་པ། ཞི་བའི་ཞལ་དུ་བྲི་བར་བྱ་
སྟེ་དེ་བཞིན་དུ་ཞགས་པ་འཛིན་པ་དང་པད་མ་འཛིན་པ་དང་མདུང་རྩེ་གསུམ་པ་དང་། རིལ་བ་སྤྱི་བླུགས་འཛིན་པ་དང་། ཡིད་བཞིན་གྱི་ནོར་བུ་དང་། བེ་ཅོན་དང་དབུགས་འབྱིན་པ་དང་། བགྲང་ཕྲེང་དང་། མེ་ཏོག་ཐུམ་པོ་
འཛིན་པར་བྱའོ། །གཡོན་དུ་ནི་དཀར་མོའོ། །གཡས་སུ་འཕགས་མ་སྒྲོལ་མ་ཐལ་མོ་སྦྱར་ལ་དབུ་ཡིད་ཙམ་འདུད་པ་རྒྱན་ཐམས་ཅད་ཀྱིས་བརྒྱན་པའོ། །འཕགས་པ་སྤྱན་རས་གཟིགས་དབང་ཕྱུག་གི་རལ་པའི་ཐོར་ཚུགས་
ཅན། དབུ་རྒྱན་འོད་དཔག་མེད་ཀྱིས་བརྒྱན་པ། གཡས་ཕྱོགས་ཀྱི་དབུ་ཟླ་བ་ཚེས་པས་བརྒྱན་པ། རི་དགས་ཀྱི་ལྤགས་པ་མནབས་པ། མཆོད་ཕྱིར་ཐོགས་པ། རྒྱན་ཐམས་ཅད་ཀྱིས་བརྒྱན་པ། འོད་འདོམ་གང་དང་
ལྡན་པའོ། །ནང་རིམ་དུ་པད་མའི་ཕྲེང་བའོ། །རིམ་པ་གཉིས་པར་རྡོ་རྗེ་ཕྲེང་བ་ལྕགས་ཀྱུ་དང་བཅས་པར་བྱའོ། །རིམ་པ་གསུམ་པར་ནོར་བུ་རིན་པོ་ཆེའི་ཕྲེང་བ་དང་། རིན་པོ་ཆེ་སྣ་ཚོགས་མཛེས་པའོ། །རིམ་པ་བཞི་པར་
མདུང་རྩེ་གསུམ་པའི་ཕྲེང་བའོ། །རིམ་པ་ལྔ་པར་ཀུན་ནས་འབར་བའི་ཕྲེང་བའོ། །སྟེང་དང་གཡས་ཕྱོགས་ཀྱི་གནས་སུ་དབང་པོ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་མེ་ཏོག་སྣ་ཚོགས་ཐོགས་པར་བྱའོ། །
གཡོན་དུ་གཞོན་ནུ་དང་། གཤིན་རྗེ་དང་། ཆུ་ལྷ་དང་། ལུས་ངན་དང་། དབང་ཕྱུག་དང་། ལྷའི་བུ་རྣམས་བྱ་བ་ནི་མེ་ཏོག་སྣ་ཚོགས་ཐོགས་པར་བྱའོ། །ལྷ་མོ་སྒྲོལ་མའི་རྒྱབ་དུ་ཁྲོ་བོའི་རྒྱལ་པོ་དོན་ཡོད་པའི་ཞགས་པ་བྱ་བ་ནི་ཁྲོས་པ། གཏུམ་

99-1-211a

པོའི་གཟུགས་འཆང་བ། ཕྱག་བཞི་པ། འབར་བའི་ནང་དུ་བཞུགས་པ། སྐུ་རྒྱན་ཐམས་ཅད་ཀྱིས་བརྒྱན་པ། རལ་པ་འཆང་བ། འོད་དཔག་མེད་ཀྱི་དབུ་རྒྱན་ཅན། སྤྱན་གསུམ་པ། གཡས་པ་ཟླ་བས་བརྒྱན་ཅིང་རལ་གྲི་འཛིན་པ་དང་
ཞགས་པ་འཛིན་པ་དང་། མདུང་རྩེ་གསུམ་པ་འཛིན་པ་དང་། དགྲ་སྟ་འཛིན་པར་བྱའོ། །དཀར་མོའི་རྒྱབ་ཏུ་རིག་སྔགས་ཀྱི་རྒྱལ་པོ་དབུ་གསུམ་པ་བྱ་བ་ནི། ཞི་བའི་ཞལ་རས་ཅན་རྒྱན་ཐམས་ཅད་ཀྱིས་བརྒྱན་པ། དབུ་རྒྱན་རྒྱལ་བ་འོད་དཔག་མེད་ཅན་ཐོགས་
པ། པད་མ་འཛིན་པ། ནོར་བུ་རིན་པོ་ཆེ་འཛིན་པར་བྱའོ། །འོག་ཏུ་ཕོ་ཉ་མོ་དང་། དབྱངས་ཅན་དང་། དུང་ཅན་མ་དང་། དཔལ་མོ་དང་། གནས་མ་དང་། དཔེ་མེད་མ་དང་། རལ་པ་གཅིག་མ་དང་། ཕོ་ཉ་མོ་ཞི་བ་དང་། ལོ་ཏོག་གི་ལྷ་དང་། 
སའི་ལྷ་དང་། རྒྱལ་པོ་ཆེན་པོ་བཞི་བྱའོ། །སྟེང་དང་གཡས་གཡོན་དུ་སངས་རྒྱས་ཀྱི་སྐུ་གཟུགས་སྐྱིལ་མོ་དཀྲུང་བཅས་པ་སོར་བཞི་པའི་ཚད་ཙམ་བྱའོ། །ཉི་མ་དང་། ཟླ་བའི་ལྷ་རྒྱུ་སྐར་དང་བཅས་པ་བྱའོ། །རི་མོའི་གཟུགས་ཀྱི་ཕྱི་རོལ་གྱི་རིམ་པ་ཀུན་དུ་
ཕྱག་རྒྱ་དང་། ཕྱག་མཚན་སྣ་ཚོགས་རྫོགས་པར་བྲིའོ། །ཀླུ་རྒྱན་བྱ་ཞིང་ཀུན་ནས་འབར་བ་དང་བཅས་པར་བྱའོ། །རིག་སྔགས་དངོས་གྲུབ་བླ་མེད་པའི། །རི་མོའི་ཆོ་གའི་གནས་འདི་ནི། །སྡིག་པ་ཐམས་ཅད་མོད་ལ་སེལ། །མཚམས་མེད་
ལྔ་པོ་སྦྱོང་བར་བྱེད། །ཕྱག་རྒྱ་དང་། དཀྱིལ་འཁོར་དང་བཅས་པ་གྲུབ་པ་འདི་ནི་སྤྱིའི་རིགས་ཐམས་ཅད་དུ་འཇུག་པ་སྟོན་པ་ཡིན་ནོ། །ཕྱིའི་རིགས་ཐམས་ཅད་ཀྱི་དེ་ཁོ་ན་ཉིད་ཀྱི་རི་མོའི་དཀྱིལ་འཁོར་འདི་ནི་དུས་གསུམ་དུ་གཤེགས་པའི་
སངས་རྒྱས་དང་། དེ་བཞིན་དུ་བྱང་ཆུབ་སེམས་དཔས་ཀྱང་བྱིན་གྱིས་བརླབས་པའོ། །དོན་ཡོད་པའི་བྱིན་གྱི་བརླབས་ཀྱི་རི་མོ་འདི་ནི་ཐུབ་པ་རྣམ་པར་སྣང་མཛད་ཀྱིས་བརླབས་པ་སྟེ། དོན་ཡོད་པའི་ཞགས་པའི་དེ་ཁོ་ན་ཉིད་སྙིང་པོར་
གྱུར་པ་དེ་ཁོ་ན་ཉིད་གསང་བ་འདི་མཐོང་བ་ཙམ་གྱིས་རྣམ་པར་ཐར་པ་འཐོབ་ཅིང་ལུང་བསྟན་པར་འགྱུར་རོ། །མཐོང་བ་ཙམ་གྱིས་ཆོ་ག་ཞིབ་མོ་བླ་ན་མེད་པ་ཐམས་ཅད་འགྲུབ་བོ། །རྣམ་པར་སྣང་མཛད་འཁོར་གྱི་དཀྱིལ་འཁོར་ཆེན་པོ་

99-1-211b

དང་ལྡན་པར་སྣང་བ་བྱེ་བ་གང་གཱའི་ཀླུང་གི་བྱེ་མ་བརྒྱ་སྟོང་ཕྲག་དགུ་བཅུ་རྩ་དགུ་མངོན་སུམ་དུ་མཐོང་བར་འགྱུར་རོ། །རིག་སྔགས་ཆོ་ག་བླ་མེད་པ། །སྤྱི་རིགས་ཡང་དག་འབྱུང་བ་ནི། །ཐུབ་པ་རྣམ་སྣང་མཛད་ཀྱིས་བསྟན། །དེ་བཞིན་གཤེགས་
རིགས་གྲུབ་པ་དང་། །གང་ཡང་པད་མའི་རིགས་དེ་བཞིན། །ནོར་རིགས་དེ་ཉིད་འབྱུང་བ་དང་། །རྡོ་རྗེའི་རིགས་གང་བླ་མེད་པ། །སྤྱི་རིགས་འདི་ཉིད་མཐོང་བ་ནི། །རི་མོ་མཐོང་བའི་ཁྱད་པར་ཡིན། །ཕྱིར་ཡང་ངན་འགྲོར་མི་འགྲོ་ཞིང་། །དམྱལ་
བ་ངན་འགྲོའི་སྒོ་བཅད་དེ། །མཐོ་རིས་ཀྱི་ནི་སྒོ་ཡང་ཕྱེ། །བླ་ན་མེད་པ་སྟོན་པ་ཡི། །ཕྱག་རྒྱའི་རི་མོའི་དཀྱིལ་འཁོར་འདི། །བསོད་ནམས་བླ་ན་མེད་པ་ཡིན། །ཅི་སྟེ་དོན་ཡོད་པའི་འཇིག་རྟེན་དབང་ཕྱུག་གི་གཟུགས་མཐོང་བར་འདོད་ན་རིག་སྔགས་
འཆང་དེས་ཙན་དན་དཀར་པོ་ལས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་སོར་བརྒྱད་ཀྱི་ཚད་ཙམ་ལ། གནད་ཀྱི་གནས་ཀྱི་ཆའི་སོར་ཚད་ཤིན་དུ་རྣམ་པར་མཛེས་པ། དབུ་དང་། མགུར་དང་། རྐེད་པ་དང་། པུས་
མོ་དང་། ཡན་ལག་དང་། ཞབས་ཀྱི་ཚིགས་དང་། ཕྱག་སོར་གྱི་ཚིགས་དང་། སེན་མོ་ཐམས་ཅད་མཉམ་ཞིང་མཛེས་པ་དང་། རལ་པ་དང་། སེན་མོ་ཚད་ཤིན་དུ་མཛེས་ཤིང་ཅོད་པན་གྱི་རྒྱལ་བའི་གཡས་ཕྱོགས་ན་ཟླ་གམ་
ཞི་བའི་གཟུགས་ཅན་སྤྱན་གསུམ་པ། ཕྱག་བཞི་ཤིན་དུ་མཛེས་པ་དང་། དབུ་སྐྲ་ཤིན་དུ་མཛེས་པ། རྒྱན་ཐམས་ཅད་ཀྱིས་བརྒྱན་པའི་གཟུགས་དང་ལྡན་པ། ཞགས་པ་འཛིན་པ། གཡོན་པ་འོད་དཔག་མེད་ཅན་ཕྱག་ན་པད་
མ་བསྣམས་པ། ཕྱག་གཡས་པ་མདུང་རྩེ་གསུམ་པ་དང་། དབུགས་འབྱིན་ཅིང་རྟག་ཏུ་མཆོག་སྦྱིན་པར་མཛད་པ། པད་མའི་གདན་ལ་བཞུགས་པར་བྱའོ། །སྒྲོལ་མ་དང་། དཀར་མོ་ཡང་འོད་འདོམ་གང་དང་བཅས་པར་དགོད་དོ། །
མགོན་པོ་ཤིན་དུ་མཛེས་པ། ནོར་བུ་དང་། མུ་ཏིག་གི་རྒྱན་གྱི་མཚམས་སུ་གསེར་གྱི་རྒྱན་གྱིས་གཡོགས་པའི་ཅོན་པན་ནམ། ཡང་ན་སྤྱི་གཙུག་ཏུ་རིང་བསྲེལ་གཞག་པར་བྱས་ལ། ཙན་དན་དཀར་པོའི་དཀྱིལ་འཁོར་བྱ་ཞིང་གུར་

99-1-212a

ཀུམ་དང་། གླ་རྩི་དང་། ག་པུར་གྱིས་མཆོད་ལ་དཀྱིལ་འཁོར་གྱི་སྙིང་པོ་འདིའི་དབུས་སུ་པད་མ་གེ་སར་དང་བཅས་པའི་འདབ་མ་སུམ་བཅུ་རྩ་གཉིས་པ་བྲིས་ལ་དེའི་དབུས་སུ་འཇིགས་པ་མེད་པས་འཇིག་རྟེན་དབང་
ཕྱུག་དར་གྱི་ཅོད་པན་གྱིས་བཅིངས་པ་གཞག་ལ། ཨ་ག་རུ་དང་། ཙན་དན་གྱི་བདུག་པ་དབུལ་ཞིང་མེ་ཏོག་དགྲམ་པར་བྱ། མེ་ཏོག་གི་ཕྲེང་བས་མཆོད་པར་བྱའོ། །རིག་སྔགས་འཆང་གཙང་མར་གྱུར་པ་ཤིན་དུ་ཁྲུས་བྱས་པ་གོས་
གཙང་མ་བགོས་པས། སྨྱུང་བ་བྱས་ལ་མགོན་པོ་འཇིག་རྟེན་དབང་ཕྱུག་ལ་མངོན་དུ་ཕྱོགས་པར་སྐྱིལ་མོ་དཀྲུང་བཅས་ཏེ་འདུག་ལ་མཆོད་ཡོན་དང་། ལྷ་བཤོས་ཕུལ་ལ་བྱམས་པའི་སེམས་ལ་མཉམ་པར་གཞག་སྟེ། སངས་རྒྱས་
རྗེས་སུ་དྲན་པ་བསྒོམ་མོ། །སེམས་ཅན་ཐམས་ཅད་ལ་བརྩེ་བར་གྱུར་པའི་ཏིང་ངེ་འཛིན་ཡང་བསྒོམ་ཞིང་ཤིན་དུ་ཡོངས་སུ་སྦྱར་བ་ལེགས་པར་སྤྱོད་ཅིང་གཞན་འཇིགས་པ་མེད་པས་བདག་བསྲུང་བ་དང་། ཕྱོགས་བཅིང་བ་དང་། 
དཀྱིལ་འཁོར་བཅིང་བ་བསྲུང་བ་དང་བཅས་པ་ཡང་བྱས་ལ་བཟླས་བརྗོད་དེ་ཉིད་སྟོང་རྩ་བརྒྱད་དང་། ཕྱག་རྒྱ་ཡང་སྟོང་རྩ་བརྒྱད་བརྩམས་ན་འཕགས་པ་སྤྱན་རས་གཟིགས་དབང་ཕྱུག་འབར་ཞིང་གཡོ་བ་དང་། བདག་ཀྱང་འབར་བ་དང་སྙིང་
དགའ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་མཆོག་སྦྱིན་པར་མཛད་པའི་ཕྱག་སྤྱི་བོར་གཞག་སྟེ་ལེགས་སོ་ལེགས་སོ། །རིག་སྔགས་འཆང་ཁྱོད་ཀྱིས་མཆོད་པ་དམ་པ་དང་། གསང་སྔགས་ཀྱི་ཆོ་ག་
ཆེན་པོ་བྱས་སོ། །སྒྲུབ་པ་དམ་པ་བྱས་སོ། །དེ་བཞིན་གཤེགས་པའི་སྤྱི་རིགས་འདི་དང་། དེ་བཞིན་གཤེགས་པའི་རིགས་ཐམས་ཅད་ཀྱི་ཆོ་ག་ཞིབ་མོ་གསང་བ་དང་། ཕྱག་རྒྱ་དང་། དཀྱིལ་འཁོར་གྱི་ཆོ་ག་དང་། 
ཐམས་ཅད་དུ་སྤྱིའི་དངོས་གྲུབ་རིག་སྔགས་འཆང་ཁྱོད་ལ་འགྲུབ་ཀྱིས། ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་རྗེས་སུ་ཟུང་ཤིག་དང་། རིག་སྔགས་འཆང་ཇི་ལྟར་ཡིད་ལ་བྱེད་པ་དེ་ལྟར་འདོད་པ་དང་། མཆོག་ཐམས་ཅད་

99-1-212b

ཇི་ལྟར་ཡིད་ལ་བསམས་པ་དེ་ཐམས་ཅད་རྗེས་སུ་སྦྱིན་ནོ། །འདི་ནི་ཁྱོད་ཀྱི་སྐྱེ་བའི་འཁོར་བ་ཐ་མ་ཡིན་ཏེ་སྐྱེ་བ་དང་། རྒ་བ་དང་། འཆི་བ་དང་། མངལ་དུ་གནས་པ་ལས་ཡོངས་སུ་གྲོལ་བར་འགྱུར་རོ། །རིག་སྔགས་འཆང་ཁྱོད་ཤི་འཕོས་ནས་བདེ་བ་ཅན་
འཇིག་རྟེན་གྱི་ཁམས་སུ་པད་མ་ལས་སྐྱེ་བར་འགྱུར་རོ། །དེ་བཞིན་གཤེགས་པ་ཚེ་དཔག་མེད་མངོན་སུམ་དུ་མཐོང་བར་འགྱུར། མངོན་སུམ་དུ་ཆོས་ཉན་པར་འགྱུར་རོ། །བྱང་ཆུབ་ཀྱི་སྙིང་པོ་ལ་གནས་ཀྱི་བར་ཚེའི་ཚད་བསྐལ་པ་བརྒྱ་སྟོང་
དཔག་ཏུ་མེད་གྲངས་མེད་བགྲང་དུ་མེད་པར་འགྱུར་རོ་ཞེས་ཚིག་ཏུ་གསུང་ངོ་། །དེ་ནས་རིག་སྔགས་འཆང་གིས་ཁྲོ་བོའི་རྒྱལ་པོ་མེ་ཏོག་གམ། ཅོད་པན་ལ་མངོན་པར་གཏོར་ན། དེས་ན་འཕགས་པ་སྤྱན་རས་གཟིགས་དབང་ཕྱུག་རང་
གི་སྐུར་བཞུགས་ཏེ། རིག་སྔགས་འཆང་ནམ་མཁའ་ལ་འགྲོ་ཞིང་དོན་ཡོད་པའི་ཡེ་ཤེས་བཀོད་པ་དྲི་མ་མེད་པ་ཞེས་བྱ་བའི་ཏིང་ངེ་འཛིན་འཐོབ་བོ། །ཡངས་པ་ཆེན་པོས་རྣམ་པར་ཐར་པའི་དཀྱིལ་འཁོར་དོན་ཡོད་པའི་ཞགས་པའི་
དངོས་གྲུབ་ཐོབ་པར་འགྱུར་རོ། །སྐུ་གཟུགས་བསྒྲུབ་པ་དེ་ཁོ་ན་ཉིད་ཅེས་པ་འདི་གལ་ཏེ་རིག་སྔགས་འཆང་སྐལ་བ་ཆུང་བ་མནར་མེད་པར་གཞོལ་བ། མཚམས་མེད་པ་ལྔ་བྱེད་པས་དེ་ལན་ཅིག་ངེས་པར་བསྒྲུབས་པ་ཙམ་གྱིས་
མདུན་དུ་རང་གི་གཟུགས་ཀྱིས་ངེས་པར་མཆིས་པར་འགྱུར་རོ། །གལ་ཏེ་དེ་བཞིན་གཤེགས་པ་ཐམས་ཅད་དང་དུས་གསུམ་དུ་གཤེགས་པའི་སངས་རྒྱས་ལ་སྡང་བས་ཁྲག་དབྱུང་བར་སེམས་བསྐྱེད་པ་དེས་ཀྱང་དེ་བཞིན་གཤེགས་
པ་ཐམས་ཅད་དང་། དུས་གསུམ་དུ་གཤེགས་པའི་སངས་རྒྱས་ཀྱིས་དགོངས་པའི་དམ་ཚིག་ཆེན་པོའི་བྱིན་གྱིས་བརླབས་དེ་རིག་སྔགས་འཆང་བསྒྲུབ་ན་རྨི་ལམ་དུ་བདག་གི་གཟུགས་མཐོང་བ་སྩལ་བར་བགྱི་ཞིང་ཡིད་ལ་
བསམས་པ་ཐམས་ཅད་ཡོངས་སུ་རྫོགས་པར་བགྱིའོ། །མཆོག་ཐམས་ཅད་རྗེས་སུ་སྩལ་བར་བགྱི་ཞིང་སྡིག་པའི་སྒྲིབ་པ་ཐམས་ཅད་རྣམ་པར་དག་པར་བགྱིའོ། །དྲི་མ་མེད་པར་རྣམ་པར་ཐར་པའི་འོད་ཟེར་གྱི་དཀྱིལ་འཁོར་ལ་རྣམ་

99-1-213a

པར་ལྟ་བ་ཞེས་བྱ་བ་ཏིང་ངེ་འཛིན་འཐོབ་བོ། །སད་ནས་འཇིག་རྟེན་པ་ཐམས་ཅད་ཀྱི་མཆོད་པའི་འོས་ཆེན་པོ་གཅིག་པུར་འགྱུར་རོ། །སྐྱེ་བོ་ཐམས་ཅད་ཀྱིས་མཆོད་པར་བྱ་བ་ཆེན་པོར་འགྱུར་རོ། །སྒྲིབ་པ་དང་བྲལ་ཞིང་
རྣམ་པར་དག་པ། སྒོ་ཀུན་དུ་དྲི་མ་མེད་པར་སྣང་བ་ཞེས་བྱ་བའི་ལུས་ཡོངས་སུ་དག་པ་འཐོབ་པར་འགྱུར་རོ། །སེམས་ཅན་གང་དག་གིས་དེ་མཐོང་བར་གྱུར་པ་དེ་དག་ཐམས་ཅད་སྒྲིབ་པ་དང་བྲལ་བར་འགྱུར་རོ། །ནད་ཐམས་ཅད་དང་བྲལ་ཞིང་
ཉོན་མོངས་པ་དང་བྲལ་བར་འགྱུར་རོ། །གདོལ་པས་ཀྱང་དད་པ་དང་། གུས་པས་སྒྲུབ་པ་རྣམ་པ་གསུམ་དང་། ཆོ་ག་གཞན་གྱིས་ཀྱང་ངེས་པར་ཡིད་ལ་བསམས་པ་ཐམས་ཅད་ཡོངས་སུ་རྫོགས་པར་བགྱི། རང་གི་གཟུགས་ཀྱིས་
མཐོང་བ་སྩལ་བར་བགྱི་ན། མིར་གྱུར་པ་དད་པའི་རྗེས་སུ་འབྲང་བ་སྡོམ་བརྩོན་ཅན་གྱིས་ལྟ་སྨོས་ཀྱང་ཅི་འཚལ་ཏེ། དྲན་པ་ཙམ་གྱིས་བདག་རང་གི་གཟུགས་ཀྱིས་མདུན་ན་མཆིས་པར་བགྱི་ཞིང་ཡིད་ལ་བསམས་པ་ཐམས་ཅད་
ཡོངས་སུ་རྫོགས་པར་བགྱི་སྟེ། འདི་ལ་ཐེ་ཙོམ་དང་ཡིད་གཉིས་བསྐྱེད་པར་མི་བྱའོ། །དེ་ལྟ་མོད་ཀྱི་བཅོམ་ལྡན་འདས་སེམས་ཅན་ཚེ་གཅིག་པུ་པ་དེ་ལ་རིག་སྔགས་བསྒྲུབ་པའི་དངོས་གྲུབ་རྗེས་སུ་སྩལ་བར་བདག་གིས་རྔོ་མི་ཐོག་ལགས་
སོ། །གང་ཡང་ཕྱི་མའི་ཚེ་ཕྱི་མའི་དུས་ན་དགེ་སློང་དག་དང་། རིག་སྔགས་འཆང་བའི་སེམས་ཅན་སེར་སྣ་ཅན། སེམས་གྱ་གྱུ་བ། གཉིས་སུ་མི་བྱེད་པ། ངོ་གཉིས་ཅན། སེར་སྣ་ཅན། བྱས་པ་མི་གཟོ་བ། ཕ་རོལ་
གྱི་རྫས་ལ་བརྐམ་ཆགས་ཅན། གསང་སྔགས་རྐུ་བ། ཡི་གེ་རྐུ་བ། གདུག་པ། ཕྲག་དོག་ཆེ་བ། ཁངས་པ། གཞན་གྱི་རྫས་འཕྲོག་པ། མཁན་པོ་དང་སློབ་དཔོན་ཕྱག་རྒྱ་དང་དཀྱིལ་འཁོར་སྟོན་
པའི་བླ་མ་ལ་མ་གུས་པ། རིག་སྔགས་ཀྱི་ཆོ་ག་ཞིབ་མོ་འདི་སྟོན་པ་ལ་མ་གུས་པ་ཉིད་བརྐམ་ཆགས་ཅན། བྱས་པ་མི་གཟོ་བ་ཉིད་དག་འབྱུང་སྟེ། སེམས་ཅན་དེ་དག་ལ་བསྐྱང་བར་བསྟན་པ་འམ། དངོས་གྲུབ་

99-1-213b

བསྟན་པར་རྔོ་མི་ཐོག་ལགས་སོ། །བདག་ལ་ཡང་བརྙས་པར་བགྱིད་པའི་སེམས་ཅན་དེ་ལྟ་བུ་མང་དུ་འབྱུང་སྟེ། བདག་ལ་ཡང་སུན་པར་བགྱིད་པ། བདག་ལ་ཡང་མ་གུས་པར་བགྱིད་པ། ཀུན་ནས་མནར་སེམས་དང་སྡང་བས་
ཁྲག་འབྱིན་པར་བགྱིད་པ་དག་འབྱུང་ངོ་། །བདག་ལ་ཡང་འཁྲུག་པར་བགྱིད་པ། དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་དང་། སྤྱིའི་རིགས་ཀྱི་དམ་ཚིག་སུན་པར་བགྱིད་པའི་སེམས་ཅན་དེ་ནི་སྨད་པར་
འོས་པ་ཞེས་བརྗོད་པར་བགྱིའོ། །རིག་སྔགས་ཀྱི་ཆོ་ག་ཞིབ་མོ་དང་། དམ་ཚིག་ཀུན་ནས་འཇོམས་པར་བགྱིད་པའི་གདོལ་པ་ཞེས་རིག་པར་བགྱིའོ། །དེ་བཞིན་གཤེགས་པ་ཐམས་ཅད་ཀྱི་གསང་བ་ཀུན་ནས་འཇོམས་པ་
ཞེས་རིག་པར་བགྱིའོ། །དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང་། གསང་བ་དང་། དཀྱིལ་འཁོར་ཀུན་ནས་འཇོམས་པ་ཞེས་རིག་པར་བགྱིའོ། །བྱང་ཆུབ་སེམས་དཔའ་ཐམས་ཅད་ཀྱི་དམ་ཚིག་དང་། གསང་
བ་དང་། རིག་སྔགས་འཆང་གི་དཀྱིལ་འཁོར་དང་། ཕྱག་རྒྱ་ཀུན་ནས་འཇོམས་པ་ཞེས་རིག་པར་བགྱིའོ། །དེ་དག་གིས་བདག་ལ་སྨད་པས་སེམས་ཅན་དེ་དག་གི་སྡིག་པས་གདོལ་པ་ཞེས་བགྱི་སྟེ། དགེ་སློང་དག་
དང་། རིག་སྔགས་འཆང་དེ་དག་ནི་སྨད་པར་འོས་པར་རིག་པར་བགྱིའོ། །ཚིག་པ་ཀ་བ་ཚིག་པ་ལྟ་བུ། རིག་སྔགས་ཉམས་པ། ལོག་འདྲེན་གྱིས་ཟིན་པ་དཀྱིལ་འཁོར་གྱི་ལྷ་ཐམས་ཅད་ཀྱིས་སྨད་པ་ཞེས་བགྱིའོ། །
འཇིག་རྟེན་པ་དང་། འཇིག་རྟེན་ལས་འདས་པ་ཆུད་གཟན་པ། རིག་སྔགས་ཉམས་པ། དམྱལ་བར་གཞོལ་བ་དེ་དག་ནི་བདག་གིས་མ་ནོངས་ཏེ། བདག་གིས་ཡོངས་སུ་སྤངས་པ་མ་ལགས་སོ། །དེ་ལྟ་མོད་ཀྱི་
དུས་གསུམ་དུ་གཤེགས་པའི་དེ་བཞིན་གཤེགས་པ་ཡོངས་སུ་སྤངས་པ། དུས་གསུམ་དུ་གཤེགས་པའི་བྱང་ཆུབ་སེམས་དཔའ་ཡོངས་སུ་སྤངས་པ། རྡོ་རྗེའི་དམ་ཚིག་དང་། དཀྱིལ་འཁོར་དང་། ཕྱག་རྒྱ་ཐམས་

99-1-214a

ཅད་སྤངས་པ། ཐུབ་པ་རྣམ་པར་སྣང་མཛད་ཀྱི་དམ་ཚིག་ཆེན་པོའི་དཀྱིལ་འཁོར་དང་། དམ་ཚིག་ཡོངས་སུ་སྤངས་པས་བགེགས་དང་ལོག་འདྲེན་ཐམས་ཅད་དང་། སྡང་བ་ཐམས་ཅད་ཀྱིས་ཟིན་ཅིང་ནད་ཀྱིས་ཡོངས་
སུ་ཟིན་པར་འགྱུར་བ་དེ་དག་ནི་བདག་གིས་མ་ནོངས་ཏེ། བདག་གིས་ཡོངས་སུ་མ་སྤངས་སོ། །དེ་ལྟ་མོད་ཀྱི་རིག་སྔགས་བསྲེགས་པ། དཀྱིལ་འཁོར་དང་དམ་ཚིག་བསྲེགས་པ། ཕྱག་རྒྱ་བྱེད་པ་དང་བཅས་པར་བསྲེགས་པ། གསང་བ་
བསྲེགས་པ། དེ་བཞིན་གཤེགས་པའི་དམ་ཚིག་དང་རིགས་སུན་པར་བྱེད་པ། སྡིག་པའི་དགེ་སློང་མང་པོ་དེ་དག་ནི་དེས་ན་བསྐལ་པ་མང་པོ་རྡུལ་ཕྲ་མོ་བསགས་པའི་བསྐལ་པར་སྡུག་བསྔལ་ཉམས་སུ་མྱོང་སྟེ། འཇིག་རྟེན་འདི་
དང་འཇིག་རྟེན་ཕ་རོལ་གྱི་བདེ་བ་ཅན་མེད་དོ། །དེ་ལྟ་བས་ན་སེམས་ཅན་རིག་སྔགས་ཀྱི་ཆེད་དུ་རིག་སྔགས་རྗེས་སུ་སེམས་པས་བྱམས་པའི་སེམས་སུ་བྱའོ། །གང་གི་དྲུང་དུ་ཕྱག་རྒྱ་དང་། གསང་སྔགས་རིམ་པར་ཕྱེ་བ་དང་། རིག་སྔགས་གསང་
བ་རྙེད་པར་འགྱུར་བ་དེ་ལ་དེས་གུས་པ་ཆེན་པོ་དང་། བླ་མར་བགྱི་བ་ཆེན་པོ་བསྐྱེད་པར་བགྱི། ཕ་དང་མ་དང་འདྲ་བའི་སེམས་བསྐྱེད་པར་བགྱི། ཕ་དང་མའི་གུས་པ་བགྱི། སྟོན་པའི་གུས་པ་བགྱི། རང་གི་ཤ་དང་། ཁྲག་དང་། 
རྐང་ཡང་གཏང་བར་བགྱི། གོས་དང་། རྒྱན་དང་། བཏུང་བ་དང་། སྟན་དང་། བགོ་བས་རིམ་གྲོ་དང་མཆོད་པ་བགྱི་སྟེ། དེ་ལ་ནི་བདག་གིས་མཆོད་པར་བགྱི། རྗེད་པ་དང་བླ་མར་བགྱིའོ། །རྟག་ཏུ་རྗེས་སུ་འབྲང་བར་བགྱི། 
དྲན་པ་ཙམ་གྱིས་ཀྱང་བདག་གི་གཟུགས་མཐོང་བ་རྗེས་སུ་སྩལ་བར་བགྱི། རྒྱུན་དུ་རྗེས་སུ་འབྲང་བར་བགྱི། བདག་རྒྱུན་དུ་རྗེས་སུ་འབྲང་བ་ནི་ཇི་ལྟར་ཆབ་ཀྱི་ནང་དུ་ཏིལ་མར་གྱི་ཐིགས་པ་སྩལ་བ་ལྟར་དངོས་གྲུབ་ཀུན་དུ་མཆི་བར་
བགྱི། རྒྱ་མཚོའི་དུས་རླབས་བཞིན་དུ་ཐམས་ཅད་དུ་མཆི་བར་བགྱིའོ། །བདག་གིས་ཞགས་པ་དང་། ལྕགས་ཀྱུས་དམྱལ་བ་ཐམས་ཅད་དྲང་བར་བགྱི། བདེ་བར་གཤེགས་པའི་ལམ་ལ་སོ་སོར་གཞག་པར་བགྱི། 

99-1-214b

སྟོབས་དང་། བརྩོན་འགྲུས་དང་། གཟི་བརྗིད་ཆེན་པོ་འཇུག་པར་བགྱི། ཐམས་ཅད་དུ་བསྒྲུབ་པ་དང་། དངོས་གྲུབ་དང་། མཆོག་སྩལ་བར་བགྱིའོ། །དེ་ནས་ཙན་དན་གྱི་གཟུགས་འདི་མཐོང་བས་འཕགས་པ་སྤྱན་རས་གཟིགས་
དབང་ཕྱུག་ཉིད་ཀྱི་གཟུགས་མཐོང་སྟེ། དེ་མཚུངས་པར་འཚལ་བར་བགྱི་སྟེ་བདག་ནི་རང་གི་གཟུགས་ཀྱིས་རྒྱུན་ཁོ་ནར་གནས་པར་བགྱིའོ། །གང་ན་ཆོ་ག་འདི་གནས་པ་དེ་མཆོད་རྟེན་དང་བཅས་པར་མཚུངས་པར་རིག་པར་བགྱིའོ། །ས་
ཕྱོགས་དེ་ནི་སྟོན་པ་བླ་མ་བཞུགས་པའི་གནས་སུ་རིག་པར་བགྱིའོ། །གང་ན་དུས་གསུམ་དུ་གཤེགས་པའི་སྤྱིའི་དམ་ཚིག་གནས་པ་འདི་སངས་རྒྱས་ཀྱི་གནས་སོ་ཞེས་རིག་པར་བགྱིའོ། །དེ་གསང་བའི་དཀྱིལ་འཁོར་རྨད་
དུ་བྱུང་བ་ཞེས་རིག་པར་བགྱིའོ། །ལྷ་ཐམས་ཅད་ཀྱི་གནས་དང་དམ་ཚིག་གོ་ཞེས་རིག་པར་བགྱིའོ། །དེ་བཞིན་གཤེགས་པའི་རིགས་ཐམས་ཅད་ཀྱི་གནས་བྱང་ཆུབ་ཀྱི་སྙིང་པོ་དང་། ཆོས་ཀྱི་འཁོར་ལོ་བསྐོར་བ་དང་། 
བདུད་འདུལ་བ་དང་། ཡོངས་སུ་མྱ་ངན་ལས་འདས་པ་ཆེན་པོ་ཡང་དག་པར་སྟོན་པའི་གནས་སོ་ཞེས་རིག་པར་བགྱིའོ། །ས་ཕྱོགས་འདི་རིན་པོ་ཆེ་སྣ་བདུན་གྱི་གཞལ་མེད་ཁང་གི་གནས་བཀོད་པས་བརྒྱན་པར་རིག་པར་
བགྱི་སྟེ། དེ་ལ་ཐེ་ཙོམ་དང་ཡིད་གཉིས་བསྐྱེད་པར་མི་བྱའོ། །དེ་ནས་དེའི་འོག་ཏུ་གནས་ཐམས་ཅད་དུ་གཏོགས་པའི་དངོས་གྲུབ་ཆེན་པོ་སྒྱུ་མ་ཆེན་པོའི་རྣམ་པར་འཕྲུལ་པའི་གནས་བྱེད་པར་འདོད་པ་དང་། དགོས་པ་
ཐམས་ཅད་བྱེད་པར་འདོད་ན་རིག་སྔགས་འཆང་དེས་དྲི་སྣ་ཚོགས་ལས་འཕགས་པ་སྤྱན་རས་གཟིགས་དབང་ཕྱུག་གི་གཟུགས་སོར་བཅུ་དྲུག་པ་ཤིན་དུ་མཛེས་པ། སྐུ་ཤིན་དུ་ཚད་དང་ལྡན་པ། ཕྱག་དྲུག་པ། དེ་
བཞིན་དུ་ཞལ་གསུམ་པ་བྱ་སྟེ། དང་པོ་ནི་ཞི་བའི་ཞལ་རས་ཅན་ཚངས་པའི་ཆ་བྱད་འཆང་བ། སྤྱན་གསུམ་པ། རལ་པའི་ཐོར་ཚུགས་ཀྱིས་བརྒྱན་པ། འོད་དཔག་མེད་པའི་དབུ་རྒྱན་འཆང་བ། ཟླ་

99-1-215a

གམ་ཅན་ནོ། །ཞལ་གཡས་པ་ནི་ཁྲོ་བོའི་རྒྱལ་པོ་གཟུགས་ཅན། གཟུགས་བསྒྱུར་བ། སྤྱན་གསུམ་པ། རལ་པའི་ཐོར་ཚུགས་ཀྱི་སྟེང་གི་རལ་པ་ལ་འོད་དཔག་མེད་པའི་དབུ་རྒྱན་འཆང་བ། ཟླ་གམ་
གཡས་ཕྱོགས་ན་གནས་པའོ། །གཡོན་པ་ནི་ཞལ་ཁྲོ་གཉེར་ཅན། ཁྲོས་པའི་ལྟ་སྟངས་སུ་ལྟ་བ། སྤྱན་གསུམ་པ། རལ་པའི་ཐོར་ཚུགས་འཆང་བ། འོད་དཔག་མེད་པའི་དབུ་རྒྱན་འཆང་བ། གཡས་ཕྱོགས་ཟླ་
གམ་ཅན། རྒྱན་ཐམས་ཅད་ཀྱིས་བརྒྱན་པ། འོད་འདོམ་གང་གིས་ལེགས་པར་བརྒྱན་པ། ཞགས་པ་ཐོགས་པ། པད་མ་ཐོགས་པ། མདུང་རྩེ་གསུམ་པ་ཐོགས་པ། དགྲ་སྟ་ཐོགས་པ། དབུགས་འབྱིན་པ། རིན་
པོ་ཆེའི་དབྱུག་པ་ཐོགས་པ། པད་མའི་གདན་ལ་བཞུགས་པའོ། །གཡས་ན་ལྷ་མོ་སྒྲོལ་མ་ཐལ་མོ་སྦྱར་ཅིང་འདུད་པའོ། །གཡོན་ན་དཀར་མོ་ཐལ་མོ་སྦྱར་ཏེ་ཡིད་ཙམ་དུ་འདུད་པ། རྒྱན་ཐམས་ཅད་ཀྱིས་བརྒྱན་པ། 
མེ་ཏོག་སྣ་ཚོགས་ཀྱིས་ལེགས་པར་བརྒྱན་པར་བྱའོ། །ཞབས་ཀྱི་དྲུང་དུ་རིག་སྔགས་འཆང་གསེར་གྱི་རྒྱན་གྱིས་བརྒྱན་པ། ལག་ན་མེ་ཏོག་ཐོགས་པ། འཕགས་པ་སྤྱན་རས་གཟིགས་དབང་ཕྱུག་ལ་ཁ་བལྟས་
ནས་པུས་མོ་བཙུགས་ཏེ་འདུག་པར་བྱའོ། །ཚོན་རྩི་ཚད་དང་ཚད་མ་འདྲེས་པར་སྤྱན་དང་། སྨིན་མ་དང་། མཆུ་དང་། སེན་མོའི་གནས་ཀྱིས་གནས་སུ་སྦྱར་བར་བྱའོ།། །།འཕགས་པ་
དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་པ། དེ་ནས་རྫས་བཤད་པར་བྱ་སྟེ། འཇིགས་པ་མེད་པས་སྤོས་ཀྱི་རིགས་ཙན་དན་དང་། ཏ་ག་ར་དང་། པུ་ཤེལ་ཙི་དང་། 
ལི་ཤི་དང་། ནཱ་ག་པུས་པ་དང་། སྤྲི་ཀ་དང་། རྒྱ་སྐྱེགས་དང་། ཁ་བར་ཎི་ཁ་དང་། སྤང་སྤོས་དང་། ན་ལ་ད་དང་། གུར་ཀུམ་དང་། གླ་རྩི་དང་། ག་བུར་དང་། སྒྲོན་ཤིང་དང་། གན་ད་པྲི་ཡང་ཀུ་དང་། 

99-1-215b

ཀུན་དུ་རུ་དང་། ཤ་ཁ་ར་དང་། པད་མ་གེ་སར་དང་། དུ་རུ་ཀ་དང་། ཏིལ་མར་དང་། སྤྲ་ཚིལ་དང་། ལྷན་ཅིག་སྦྱར་བའི་ཕྱེ་མ་ཞིབ་མོ་ཤིན་དུ་འཇམ་པ། ཤིན་དུ་མཉེན་པ། མཆོག་འདི་གཙང་མ་གཙང་སྦྲ་སྤྱོད་པས་
ཐུབ་པ། འཕགས་པ་སྤྱན་རས་གཟིགས་དབང་ཕྱུག་དགེ་ཞིང་ཤིན་དུ་དུལ་བ། རབ་ཏུ་ཞི་བའི་རྣམ་པར་ཤིན་དུ་མཛེས་པར་བྱའོ། །གསང་སྔགས་བརྒྱད་སྟོང་བཟླས་བརྗོད་བྱས་པས། ལན་ཅིག་བསྒྲུབས་པ་ནི་མཆོག་ཡིན་
ཏེ། འདི་ཡོངས་སུ་རྫོགས་ནས་ཁྲོ་བོའི་རྒྱལ་པོས་ཐམས་ཅད་ལ་མངོན་དུ་གཏོར་ཏེ་དེ་ནས་རིག་སྔགས་འཆང་གིས་ལས་བརྩམ་མོ། །དེ་ནས་རིག་སྔགས་འཆང་གཙང་མར་གྱུར་པས་གོས་གཙང་མ་བགོས་ཏེ། ཤིན་དུ་ཁྲུས་
བྱས་ལ་དྲིས་བྱུགས་པས་དཀྱིལ་འཁོར་གྲུ་བཞི་ཤིན་དུ་མཛེས་པ་གསལ་བ། ཀོ་ལའི་ཚད་ཙམ་གྱི་དཀྱིལ་འཁོར་བཟང་པོ་ལེགས་པར་བྱུགས་པ་ཤིན་དུ་གསལ་བ་བྱའོ། །དྲི་སྣ་ཚོགས་ཀྱིས་བྱུགས་པ་ཤིན་དུ་
འཇམ་པ་ལ་ཙན་དན་དཀར་པོ་དང་། གུར་ཀུམ་གྱིས་དབུས་སུ་ལས་ཀྱི་དཀྱིལ་འཁོར་རྣམ་པར་ཕྱེ་བ་བྲི་བར་བྱའོ། །འདིར་ནི་པད་མ་ཡང་བྱས་ཏེ། འདབ་མ་བརྒྱ་རྩ་བརྒྱད་པ་གེ་སར་དང་སྙིང་པོར་བཅས་པ། ཤིན་དུ་མཛེས་
པ། ཤིན་དུ་བཟང་བ། ཙན་དན་དང་གུར་གུམ་གྱིས་བྲི་བར་བྱ་སྟེ། དེར་ཚོན་རྩི་གཞན་ནི་སྤྱད་པར་མི་བྱའོ། །བུམ་པ་སྤོས་ཆུས་བཀང་བ་དང་། དེ་བཞིན་དུ་དྲི་ཆུ་དང་། གཏོར་མ་དང་། གཏོར་མ་ཐམས་ཅད་དྲི་སྣ་
ཚོགས་ཀྱིས་བསྒོས་པ་དང་། ཅི་ཡོད་པའི་གཏོར་མ་གཞག་སྟེ། དེ་ནས་འདིར་དཀྱིལ་འཁོར་བྱ་བ་ནི་གནས་སམ་དགོན་པ་འམ། ཁྱིམ་མམ་གང་དུ་གནས་པར་གྱུར་པ་དེར་ཁྲུ་གང་ཚད་དམ་ཁྲུ་དོ་འམ་ཁྲུ་གསུམ་
མམ་ལྷག་པར་ཡང་བྱའོ། །དེ་བཞིན་དུ་བདུག་སྤོས་དང་། ཙན་དན་དང་། ཨ་ག་རུ་དང་། དུ་རུ་ཀ་དང་། ཀུན་དུ་རུའོ། །བ་དན་ཁ་དོག་སྣ་ཚོགས་པས་དཀྱིལ་འཁོར་ཀུན་ནས་བརྒྱན་པར་བྱའོ། །མེ་ཏོག་ཕྲེང་བ་

99-1-216a

དགྲམ་ཞིང་། །དྲི་དང་བྱུག་པ་དེ་ཉིད་དང་། །ཀུན་དུ་མར་མེའི་ཕྲེང་བའོ། །དེ་ནས་དྲི་ལས་བྱས་པའི་འཕགས་པ་སྤྱན་རས་གཟིགས་དབང་ཕྱུག་དཀྱིལ་འཁོར་གྱི་དབུས་སུ་པད་མའི་གེ་སར་གྱི་སྟེང་དུ་གཞག་པ་ལ། རིག་
སྔགས་འཆང་མངོན་དུ་ཕྱོགས་པར་སྐྱིལ་མོ་དཀྲུང་བཅས་ཏེ་འདུག་ནས་གཞན་མི་སྨྲ་བར་བཟླས་བརྗོད་བརྒྱད་སྟོང་བརྩམ་པར་བྱའོ། །བརྒྱད་སྟོང་རྫོགས་པ་དང་། འཕགས་པ་སྤྱན་རས་གཟིགས་དབང་ཕྱུག་གི་སྐུ་ལས་འོད་ཟེར་སྣ་ཚོགྶ་
འབྱུང་ཞིང་ཆེར་གཡོ་བར་འགྱུར། རང་གི་ལག་པ་གཡས་པ་འབར་བར་འགྱུར་རོ། །གཟུགས་བརྙན་ལས་རིག་སྔགས་འཆང་ལེགས་སོ། །ཁྱོད་ཀྱིས་འདོད་པའི་ལས་ཐམས་ཅད་གྲུབ་བོ། །དོན་ཡོད་པ་ཆེན་པོའི་འཁོར་ལོ་རྣམ་པར་
འཕྲུལ་པའི་དངོས་གྲུབ་དང་། ཐམས་ཅད་དུ་དགོས་པ་གྲུབ་པ་དེ་ཁོ་ན་ཉིད་གྲུབ་བོ། །ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་འདི་མཆོག་ཏུ་གྲུབ་བོ། །ཁྱོད་ཀྱིས་སྒྲུབ་པའི་ཆོ་ག་རྒྱ་ཆེར་མཆོག་ཏུ་གྲུབ་བོ་ཞེས་སྒྲ་འབྱུང་ངོ་། །
དེ་ནས་རིག་སྔགས་འཆང་གིས་དགོས་པ་ཡོངས་སུ་རྫོགས་པའི་དཀྱིལ་འཁོར་གྱི་ཆོ་ག་ཇི་ལྟར་དགོས་པར་བྱ་སྟེ། སློབ་མ་གཞུག་པ་དང་། དམ་ཚིག་ནི་འདིར་དགོས་པ་ཞེས་བྱའོ། །དེ་ནས་རིག་སྔགས་འཆང་གིས་གང་གི་
ཚེ་དགོས་པ་བྱུང་བ་དེའི་ཚེ་དྲི་ལས་བྱས་པའི་མགོན་པོ་ལ་སྔར་མཆོད་པ་བྱ་སྟེ། དེ་ནས་དགོས་པ་ཐམས་ཅད་འགྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་མདུན་དུ་གཞག་ལ། བཟླས་བརྗོད་བརྒྱད་
བརྒྱ་བྱས་ན་དགོས་པ་སྣ་ཚོགས་རྨི་ལམ་དུ་སྟོན་ཅིང་ཇི་ལྟར་བསམས་པ་ཐམས་ཅད་སྟོན་པར་འགྱུར་རོ། །དེའི་མདུན་དུ་ཙན་དན་དཀར་པོ་ལས་དཀྱིལ་འཁོར་བྱས་ལ། ཙན་དན་དཀར་པོའི་སྦྱིན་སྲེག་བརྒྱ་རྩ་བརྒྱད་བྱའོ། །དེ་ནས་
ཐལ་བ་ལ་བཟླས་བརྗོད་ལན་བརྒྱ་རྩ་བརྒྱད་བྱ་སྟེ། རང་གི་ལུས་མཐའ་དག་ཁྱབ་པར་བསྐུ་ཞིང་། ཐལ་བ་དེ་ཉིད་དང་། ཡུངས་ཀར་གྱི་བྱུག་པ་ཕྱོགས་བཞིར་གཏོར་ན་འཇིག་རྟེན་དབང་ཕྱུག་གི་གཟུགས་ཇི་ལྟ་བ་དེ་ལྟར་

99-1-216b

འཇིག་རྟེན་ཐམས་ཅད་ཀྱིས་མངོན་སུམ་དུ་མཐོང་སྟེ། ཇི་སྲིད་དུ་ཕྱིར་བསྡུ་བ་མ་བྱས་པ་དེ་སྲིད་དུ་འཇིག་རྟེན་དབང་ཕྱུག་གི་གཟུགས་སུ་སྣང་བར་འགྱུར་རོ། །དྲི་ཆུ་དང་ཡུངས་ཀར་གྱིས་མངོན་དུ་གཏོར་ན་ཕྱིར་བསྡུ་བ་བྱས་པར་འགྱུར་རོ། །ཐལ་
བ་དེས་རབ་ཏུ་བདུགས་ཏེ་དུར་ཁྲོད་ཀྱི་ནང་དུ་ཞུགས་ན་འབྱུང་པོའི་དཔུང་དང་འཁོར་དང་བཅས་པ་མདུན་ན་ཉེ་བར་གནས་པར་འགྱུར་རོ། །གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་ཐམས་ཅད་མདུན་ན་ཉེ་བར་གནས་ཤིང་དབང་དུ་གྱུར་ནས་
གནས་ཏེ། བདག་དང་ནོར་གྱིས་བགྱི་བ་ཅི་མཆིས་ཤེས་བྱ་བ་བྱེད་དོ། །རང་ལ་བྱུགས་ཏེ་ཚོགས་ཀྱི་ནང་ངམ། དགེ་འདུན་གྱི་ནང་དུ་ཞུགས་ན་སྟོན་པ་མཐོང་བ་ཇི་ལྟར་རིག་སྔགས་འཆང་སྣང་ཞིང་མཐོང་སྟེ། མཆོད་པའི་འོས་ཆེན་པོར་
འགྱུར་རོ། །ཕྱག་བྱ་བའི་འོས་སུ་འགྱུར། དོན་དང་མཆོད་པ་ཆེན་པོ་འཐོབ་པར་འགྱུར་རོ། །ཐལ་བས་ལུས་བསྐུས་ཏེ་ཀླུའི་མཚོར་ཞུགས་ན་ཀླུའི་རྒྱལ་པོ་སྟོང་ཕྲག་དྲུག་བཅུ་རྩ་བརྒྱད་ཐམས་ཅད་དབང་དུ་གྱུར་ནས་གནས་ཏེ་བཀའ་
བཞིན་བྱེད་པར་འགྱུར་ཞིང་ཇི་སྲིད་འཚོའི་བར་དུ་ཉེ་བར་གནས་པར་འགྱུར་རོ། །རང་ལ་བྱུགས་ཏེ་རྒྱལ་པོའི་ཕོ་བྲང་དུ་ཞུགས་ན། རྒྱལ་པོ་བཙུན་མོ་དང་འཁོར་དུ་བཅས་པ་རྣམས་དབང་དུ་འགྱུར་ཏེ། ཅི་བགྱི་ཞེས་བྱ་བ་བྱེད་ཅིང་མདུན་ན་
ཉེ་བར་གནས་པར་འགྱུར་རོ། །འཇིག་རྟེན་གྱི་བླ་མ་ཇི་ལྟ་བ་དེ་བཞིན་དུ་མཆོད་པ་ཆེན་པོ་འབྱུང་བར་འགྱུར། དོན་ཆེན་པོ་དང་མཆོད་པ་ཆེན་པོ་འཐོབ་པར་འགྱུར། ཇི་སྲིད་འཚོའི་བར་དུ་ཉེ་བར་གནས་པར་འགྱུར་ཏེ། སྟོན་པ་འདྲེན་
པ་ཇི་ལྟ་བ་བཞིན་ནོ། །གང་དང་གང་ལ་ཐལ་བས་རེག་པ་ཙམ་གྱིས་དེ་དང་དེའི་ནད་ཐམས་ཅད་བྲལ་བར་འགྱུར། སྡིག་པ་དང་སྒྲིབ་པ་ཐམས་ཅད་རྣམ་པར་དག་པར་འགྱུར་ངན་འགྲོའི་སྒོ་ཐམས་ཅད་གཅད་པར་འགྱུར། 
མཆོག་ཏུ་བདེ་བ་དང་ལྡན་པར་འགྱུར་རོ། །ཤི་འཕོས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །བྱས་པ་མི་གཟོ་བ། གསང་སྔགས་ཀྱི་གདོལ་པ། མ་གུས་པ། བླ་མར་མི་བྱེད་པ། རློམ་

99-1-217a

སེམས་ཅན། ང་རྒྱལ་དང་ལྡན་པ། བདུད་ཀྱི་ཕྱོགས་པ། སྐྱེས་བུ་གཏི་མུག་ཅན། བསོགས་པ་ལ་ཞེན་པ། ཁེངས་པ། ང་རྒྱལ་ཅན་དེ་དག་གིས་གང་དུ་ཡང་དངོས་གྲུབ་ཡང་དག་པར་རྗེས་སུ་མི་མཐོང་ངོ་། །དེ་དག་ཡུན་
རིང་པོར་ཐར་པ་མི་རྙེད་པས་དུས་གསུམ་གྱི་དེ་བཞིན་གཤེགས་པ་དང་། བྱང་ཆུབ་སེམས་དཔའ་དང་། གང་ཡང་རིག་སྔགས་ཀྱི་དཀྱིལ་འཁོར་གྱི་ལྷ་རྣམས་ཀྱིས་སྨད་པ། སྐྱེ་བ་བརྒྱུད་པར་རང་གི་རྒྱུད་ལ་དངོས་གྲུབ་བསྲེགས་པ། འཇིག་རྟེན་
འདི་དང་ཕ་རོལ་ཆུད་གསོན་པ་དག་ནི་མ་གཏོགས་ཏེ། དེ་ལྟ་མོད་ཀྱི་འདིར་བདག་གིས་ཅུང་ཟད་ཀྱང་མ་ནོངས་ཏེ། སྡུག་བསྔལ་མང་པོ་དང་ཆེན་པོའི་སེམས་ཅན་དགྲོལ་བར་རྔོ་མི་ཐོག་ལགས་སོ། །སངས་རྒྱས་ཐུགས་རྗེ་ཆེན་པོས་བཀའ་
སྩལ་པའི་ཡིད་ལ་བགྱི་བ་བསྐལ་པ་བགྲངས་པར་ཡིད་ལ་བགྱིས་པས་དགྲོལ་བར་རྔོ་མི་ཐོག་ལགས་སོ། །དེ་ལྟ་མོད་ཀྱི་སྡུག་བསྔལ་མང་པོ་བརྒྱུད་པར་ཉམས་སུ་མྱོང་བར་འགྱུར་རོ། །དངོས་གྲུབ་ནི་བྱམས་པས་འཐོབ་སྟེ། བྱམས་པ་དང་། 
གསང་སྔགས་ཀྱི་གོ་ཆ་བགོས་པ། བྱམས་པའི་རལ་གྲི་ཐོགས་པ། སེམས་ཅན་ཐམས་ཅད་ལ་ཕན་ཞིང་མཉེས་གཤིན་པ་ལ་དེ་ཁོ་ན་ཉིད་སྒྲུབ་པའི་དངོས་གྲུབ་འདི་དག་འཇིག་རྟེན་འདྲེན་པས་རྗེས་སུ་གནང་ངོ་། །མགོན་པོ་འདི་
མཐོང་བ་ཙམ་གྱིས་སྤོས་ཀྱི་གཟུགས་ཀྱི་འཇིག་རྟེན་མགོན་པོ་མཐོང་བ་དང་། འཇིག་རྟེན་འདྲེན་པ་རང་གི་གཟུགས་སུ་མངོན་སུམ་དུ་མཐོང་བ་མཚུངས་པ་ཉིད་དུ་ཁོང་དུ་ཆུད་པར་བགྱིའོ། །སངས་རྒྱས་བྱེ་བ་གང་གཱའི་ཀླུང་གི་བྱེ་
མ་དང་མཉམ་པ་མངོན་སུམ་དུ་མཐོང་བ་ཁོ་ན་དང་། འཇིག་རྟེན་གྱི་མགོན་པོ་མཐོང་བ་མཚུངས་པ་ཁོ་ནར་ཁོང་དུ་ཆུད་པར་བགྱི་སྟེ། འདི་ལྟར་ཤེས་པར་བྱའོ། །དེ་ནས་ཕྱིར་མི་ལྡོག་པའི་གནས་རིག་སྔགས་འཆང་གི་འཁོར་ལོས་
སྒྱུར་བ་ཆེན་པོ་སྒྲུབ་པར་འདོད་པའི་དགེ་སློང་ངམ། རིགས་ཀྱི་བུ་འམ། རིགས་ཀྱི་བུ་མོ་འམ། རྒྱལ་པོ་འམ། བློན་པོ་ཆེན་པོ་འམ། རིག་སྔགས་འཆང་ངམ། གཞན་གང་ཡང་རུང་བའི་རིག་སྔགས་འཆང་གིས་

99-1-217b

ཕྱིར་མི་ལྡོག་པའི་གནས་ཐོབ་པར་འདོད་པ་དང་། དུས་གསུམ་དུ་གཤེགས་པའི་སངས་རྒྱས་མཐོང་བར་འདོད་པ་དང་། འཕགས་པ་སྤྱན་རས་གཟིགས་དབང་ཕྱུག་གི་གནས་མཐོང་བར་འདོད་པ་དང་། རིག་སྔགས་འཆང་གི་
དཀྱིལ་འཁོར་གྱི་ལྷ་ཐམས་ཅད་མཐོང་བར་འདོད་པ་དང་། འཕགས་པ་རྡོ་རྗེ་འཛིན་མཐོང་བར་འདོད་པ་དང་། དེ་བཞིན་གཤེགས་པའི་རིགས་ཐམས་ཅད་ཀྱི་སྤྱིའི་དམ་ཚིག་མཐོང་བར་འདོད་ན་ཆོ་ག་འདི་བསྒྲུབ་པར་བྱ་སྟེ། སྙིང་པོ་
དང་བཅས། བྱ་བ་དང་བཅས་པ་དེས་མྱུར་བ་དང་། ཤིན་དུ་མྱུར་བ་དང་། མགྱོགས་པར་འཇིག་རྟེན་ཐམས་ཅད་ཀྱི་མངོན་སུམ་དུ་ཆོ་འཕྲུལ་རྨད་དུ་བྱུང་བ་གསང་བ་སྟོན་པར་མཐོང་སྟེ། འདི་ལ་སོམ་ཉི་དང་ནེམ་ནུར་བསྐྱེད་པར་མི་
བྱའོ། །ཐེ་ཙོམ་དང་ཡིད་གཉིས་བསྐྱེད་པར་མི་བྱའོ། །དེ་ནས་རིག་སྔགས་འཆང་གིས་འཕགས་པ་སྤྱན་རས་གཟིགས་དབང་ཕྱུག་གསེར་གྱི་མདོག་ཅན་སོར་བཞིའི་ཚད་ཙམ། ཚངས་པའི་ཆ་བྱད་འཆང་བ། རལ་པའི་
ཐོར་ཚུགས་ཀྱིས་བརྒྱན་པ་བྱ་སྟེ། ཤིན་དུ་ཚད་དང་ལྡན་པ། ཆ་བྱད་མཛེས་པ། ཆ་ཤིན་དུ་རྣམ་པར་མཛེས་པ། ཕྱག་གཉིས་པ། སྤྱན་གསུམ་པ། འོད་དཔག་མེད་པའི་དབུ་རྒྱན་ཅན། གཡས་ན་ཟླ་བ་ཚེས་པ། ཕྱག་
གཡོན་ན་པད་མ་དང་། རིལ་བ་སྤྱི་བླུགས་བསྣམས་པ། ཕྱག་གཡས་མི་འཇིགས་པ་སྦྱིན་པ། སྐུའི་ནང་ག་བུར་དང་། གླ་རྩི་དང་རིང་བསྲེལ་གྱིས་བཀང་བ། གཡས་ན་ལྷ་མོ་སྒྲོལ་མ་དངུལ་ལས་བྱས་པ་ཐལ་མོ་སྦྱར་ཏེ་ཡིད་ཙམ་
འདུད་པ། གསེར་གྱི་རྒྱན་གྱིས་བརྒྱན་པ་དང་། གཡོན་ན་དངུལ་ལས་དཀར་མོ་ཐལ་མོ་སྦྱར་ཏེ་ཡིད་ཙམ་འདུད་པ་པད་མའི་གདན་ལ་བཞུགས་པར་བྱའོ། །སྟེང་གི་གཡས་ཕྱོགས་ན་འོད་དཔག་མེད་སྐྱིལ་མོ་དཀྲུང་བཅས་ཏེ་
བཞུགས་པ་དང་། གཡོན་ན་ཤཱཀྱའི་རྒྱལ་པོ་སྐྱིལ་མོ་དཀྲུང་བཅས་ཏེ་བཞུགས་པ་དགོད་པར་བྱའོ། །འོད་འདོམ་གང་དང་བཅས་པས་ལེགས་པར་བརྒྱན་པར་བྱ་ཞིང་། གནད་དང་གནད་ཤིན་དུ་རྣམ་པར་དབྱེས་པ། 

99-1-218a

སྐྲ་དང་། དཔྲལ་བ་དང་། སྨིན་མ་དང་། ཤངས་དང་། སྙན་དང་། ཞལ་དང་། མགུལ་པ་དང་། དཔུང་པ་དང་། ནུ་མ་དང་། རྐེད་པ་དང་། བརླ་དང་། པུས་མོ་དང་། བྱིན་པ་དང་། ཞབས་དང་། ཕྱག་གི་སོར་མོ་མཉམ་
ཞིང་ཐམས་ཅད་དུ་མཛེས་པ། སྐུ་ཆུ་ཞེང་གབ་ཅིང་མཐོ་དམན་རན་པ། མཆོད་ཕྱིར་དཀར་པོ་ཐོགས་པ་འཆང་བ་བྱའོ། །ལས་ཤིན་དུ་ཡོངས་སུ་རྫོགས་ཤིང་ཤིན་དུ་མཐར་ཕྱིན་པ་དང་། འཕགས་པ་སྤྱན་རས་གཟིགས་དབང་ཕྱུག་
གི་གཟུགས་ཟིན་པར་རིག་ནས། དེ་ནས་རིག་སྔགས་འཆང་གིས་རྒྱུ་སྐར་བཟང་པོའི་ཟླ་བ་ཉ་འམ། ཚེས་བརྒྱད་དམ། བཅྭ་ལྔ་འམ། བཅུ་གསུམ་མམ། བཅུ་བཞི་འམ། རྒྱུ་སྐར་བཀྲ་ཤིས་པ་རྒྱལ་གྱི་ཉི་མ་དང་མཐུན་པ་
རྙེད་ནས་དཀྱིལ་འཁོར་བསྒྲུབ་པར་བྱ་སྟེ། དཀྱིལ་འཁོར་ཤིན་དུ་མཛེས་པར་བྱ་བ་ནི་གྲུ་བཞི་ལ་ཆ་ལེགས་པར་ཕྱེ་བ། ཀོ་ལའི་ཚད་ཙམ་ལ་ཐེམ་སྐས་བཞིས་བརྒྱན་པ། ཁྲུ་གསུམ་པར་རྣམ་པར་དབྱེ་བར་བྱ་སྟེ། ཆུང་བ་དང་
ལྷག་པར་ནི་མི་བྱའོ། །ལེགས་པར་བྱུགས་པ་ཤིན་དུ་འཇམ་པ། སྙི་བ། མཉེན་པ། དབྱིབས་ལེགས་པ་ལ་ཚོན་རྩི་སྣ་ཚོགས་ཀྱིས་རྣམ་པར་དབྱེ་ཞིང་དཀྱིལ་འཁོར་དམ་པ་ཐིག་གདབ་པ་ནི་ཤིན་དུ་རྣམ་པར་མཛེས་པ། 
སྒོ་བཞི་པ་ལ་དཀྱིལ་འཁོར་གྱི་དབུས་ཀྱི་སྙིང་པོར་པད་མའི་རིགས་ཀྱི་དཀྱིལ་འཁོར་དོན་ཡོད་པའི་ཞགས་པའི་དཀྱིལ་འཁོར་བྲིའོ། །ཕྱི་རོལ་གྱི་དཀྱིལ་འཁོར་གྱི་གནས་སུ་ཆ་རྣམ་པ་བརྒྱད་དུ་ཕྱེ་ལ། ལྷོའི་གྲྭའི་གནས་
སུ་དེ་བཞིན་གཤེགས་པའི་རིགས་ཚོན་སྣ་ཚོགས་ཀྱིས་བྲིའོ། །དེ་ནས་བྱང་གི་གྲྭར་བྲི་བ་ནི་རྡོ་རྗེའི་རིགས་ཀྱི་དཀྱིལ་འཁོར་ཚོན་རྩི་སྣ་ཚོགས་ཀྱིས་རྣམ་པར་བཀྲ་བར་བྲིའོ། །དེ་ནས་ནུབ་ཀྱི་གྲྭར་བྲི་བ་ནི་ནོར་བུའི་རིགས་
ཀྱི་དཀྱིལ་འཁོར་སྣ་ཚོགས་ཀྱིས་རྣམ་པར་བཀྲ་བར་བྲིའོ། །དེ་ནས་ཤར་གྱི་གྲྭར་གླང་པོ་ཆེའི་རིགས་ཀྱི་དཀྱིལ་འཁོར་ཚོན་རྩི་སྣ་ཚོགས་ཀྱིས་རྟག་ཏུ་ཤིན་དུ་མཛེས་པ་དང་། ཤིན་དུ་གསལ་བར་བྲིའོ། །ཤར་ཕྱོགས་ཀྱི་སྒོར་

99-1-218b

རི་པོ་ཏ་ལ་མེ་ཏོག་དང་ཤིང་ལྗོན་པ་སྣ་ཚོགས་ཀྱིས་ལེགས་པར་བརྒྱན་པ་རིའི་ལྷ་དང་བཅས་པ་བྲིའོ། །ལྷོ་ཕྱོགས་ཀྱི་སྒོར་རི་རབ་ཀླུའི་རྒྱལ་པོ་དགའ་བོ་དང་ཉེ་དགའ་བོས་ཀུན་ནས་དཀྲིས་པ་དང་། སུམ་བཅུ་རྩ་གསུམ་པའི་རིས་ཀྱི་ལྷ་བྲིའོ། །
བྱང་ཕྱོགས་ཀྱི་སྒོར་ནི་སྤོས་ཀྱི་ངད་ལྡང་དྲི་ཟའི་ཚོགས་ཀྱིས་གང་བ་ཤིང་ལྗོན་པ་སྣ་ཚོགས་ཀྱིས་ཤིན་དུ་མཛེས་པ་བྲིའོ། །ནུབ་ཕྱོགས་ཀྱི་སྒོར་རི་ཏི་སེ་ལྷ་རྣམས་ཀྱི་གནས་མེ་ཏོག་སྣ་ཚོགས་དང་། འཁྲི་ཤིང་དང་། ཤིང་ལྗོན་པ་སྣ་
ཚོགས་མཆོག་གིས་རྟག་ཏུ་གང་བ་བྲིའོ། །ལེགས་པར་ཟིན་ནས་ཀུན་དུ་ནི་མདུང་རྩེ་གསུམ་པའི་བར་ཕྲེང་ངོ་། །དེ་བཞིན་གཤེགས་པའི་རིགས་སུ་དེ་བཞིན་གཤེགས་པ་དང་། རྡོ་རྗེའི་རིགས་ཉིད་གཞག་གོ། ནོར་བུའི་རིགས་
སུ་དེ་བཞིན་གཤེགས་པ་གཞག་ཅིང་དེ་བཞིན་གཤེགས་པའི་རིགས་དང་། ཐམས་ཅད་དུ་རྡོ་རྗེ་འཛིན་པ་གཞག་ན་སྤྱིའི་རིགས་འགྲུབ་པོ། །ལྷ་མོ་སྒྲོལ་མ་ནི་རི་པོ་ཏ་ལ་ལ་གཞག་གོ། རི་རབ་ལ་ནི་གོས་དཀར་མོའོ། །དཔེ་མེད་མ་ནི་
ཏི་སེའི་རྩེ་མོར་རོ། །སྒྲོལ་མ་བདུན་ནི་སྤོས་ཀྱི་ངད་ལྡང་ལ་གཞག་གོ། ཤར་ཕྱོགས་ཀྱི་སྒོར་ཕོ་ཉ་མོ་ཞི་བ་ཕོ་ཉ་མོ་བདུན་གྱིས་ཡོངས་སུ་བསྐོར་བའོ། །ལྷོ་ཕྱོགས་ཀྱི་སྒོར་ནི་སྲིན་མོ་རལ་པ་གཅིག་མ་སྲིན་མོ་བདུན་གྱིས་ཡོངས་
སུ་བསྐོར་བའོ། །ནུབ་ཕྱོགས་ཀྱི་སྒོར་རྡོ་རྗེ་ལུ་གུ་རྒྱུད་ལུ་གུ་རྒྱུད་བདུན་གྱིས་ཡོངས་སུ་བསྐོར་བའོ། །བྱང་ཕྱོགས་ཀྱི་སྒོར་ཁྲོ་གཉེར་ཅན་མོ་ཁྲོ་གཉེར་ཅན་བདུན་གྱིས་ཡོངས་སུ་བསྐོར་བའོ། །དེ་ནས་འཇིགས་པ་མེད་པས་
མགོན་པོ་འཇིག་རྟེན་གྱི་བླ་མའི་གཟུགས་གསེར་གྱི་མདོག་ཅན་རིང་བསྲེལ་དང་ལྡན་པ་དོན་ཡོད་པའི་རྒྱལ་པོ་རྣམ་པར་འཕྲུལ་པའི་དཀྱིལ་འཁོར་གྱི་སྙིང་པོ་པད་མ་རྒྱ་ཆེན་པོའི་དཀྱིལ་འཁོར་དུ་གཞག་པར་བྱའོ། །གྲྭར་རྒྱལ་པོ་ཆེན་
པོ་བཞི་སྟོབས་པོ་ཆེ་གོ་ཆ་བགོས་པ། དྲག་ཤུལ་གྱི་གཟུགས་ཅན། མཚོན་ཆ་འབར་བ་ཐོགས་པ་གཞག་པར་བྱའོ། །གང་ཞིག་ཐུབ་པ་རྣམ་པར་སྣང་མཛད་ཀྱི་སྤྲུལ་པ། སྤྱིའི་རིགས་ཡང་དག་པར་འབྱུང་བ། དོན་ཡོད་པའི་རྒྱལ་པོ་རྣམ་

99-1-219a

པར་འཕྲུལ་པ། འཇིག་རྟེན་དབང་ཕྱུག་མཆོག་སྦྱིན་པ་དང་བཅས་པ། དོན་ཡོད་པའི་ཞགས་པ་རྣམ་པར་འཕྲུལ་པ་བསྒྲུབ་པའི་ཆེད་དུ་ཆོ་ག་སྣ་ཚོགས་དྲན་པར་བྱའོ། །སེམས་ཅན་ཀུན་ལ་ཕན་པའི་ཕྱིར། །རྣམ་ཐར་དཀྱིལ་འཁོར་
དེ་ཉིད་ནི། །ལེགས་པར་སྒྲུབ་པ་མཐོང་ཙམ་དང་། །བཀླགས་པས་དངོས་གྲུབ་བླ་མེད་འགྱུར། །དེ་བས་རྟག་ཏུ་འབད་པ་ཡིས། །སྒྲུབ་པར་བྱེད་པ་མི་མཁས་སོ། །དེ་ནས་རིག་སྔགས་འཆང་གཙང་མར་གྱུར་པ་ཤིན་དུ་ཁྲུས་བྱས་པ་གོས་གཙང་
མ་བགོས་པས་དར་དང་བ་དན་སྣ་ཚོགས་བཟང་པོས་དཀྱིལ་འཁོར་བརྒྱན་པར་བྱའོ། །རོ་བྲོ་བའི་མཆོག་རྒྱ་ཆེན་པོས་སྣོད་སྣ་ཚོགས་ལེགས་པར་བཀང་བ་དང་། གསེར་དང་དངུལ་གྱི་སྣོད་དུ་མཆོད་ཡོན་དབུལ་ཞིང་རོ་སྣ་ཚོགས་ཀྱི་
གཏོར་མ་གཞག་པར་བྱའོ། །གཟུགས་རྣམ་པ་སྣ་ཚོགས་པའི་ཁ་ཟས་ཀྱི་གཏོར་མ་བོ། །
མེ་ཏོག་སྣ་ཚོགས་བཀྲམ་ཞིང་གཏོར་མ་སྣ་ཚོགས་ཀྱིས་བཀང་བ་དང་། བུམ་པ་དང་། རྫེའུ་དང་། ཕོར་ཟླུམ་དང་། ཁམ་ཕོར་དང་། དབྱིབ་མོ་དག་ཀྱང་དགང་ངོ་། །ཀུན་དུ་དྲི་ཆུས་བསྒོས་པ་ཡི། །རྒྱ་ཆེན་གཏོར་མ་ཀུན་
དུའོ། །སྣ་ཚོགས་པ་ཡི་པོག་ཕོར་ནས། །སྣ་ཚོགས་བདུག་སྤོས་དབུལ་བ་ནི། །ཨ་ག་རུ་དང་། ཙན་དན་དང་། སྤྲིག་ཀ་དང་། དུ་རུ་ཀ་དང་། ཀུན་དུ་རུ་དང་། གུ་གུལ་དང་། སྒྲོན་ཤིང་དང་། ཤྲི་བེ་ཥ་དང་། ས་ར་
དང་། ས་ར་ཛ་ར་ས་དང་། དེ་བཞིན་དུ་ག་བུར་དང་། གླ་རྩི་དང་། གུར་ཀུམ་དང་། ཤ་ཁ་ར་ཁའི་བདུག་སྤོས་འདི་དག་ནི་རབ་ཏུ་ཕུལ། ཐམས་ཅད་དུ་སྒྲུབ་པ་བླ་ན་མེད་པ་ཡིན་ནོ། །སྣ་ཚོགས་པ་ཡི་དྲི་དག་དང་། །ཕྱེ་མ་བྱུག་པ་
སྣ་ཚོགས་ཉིད། །ཤེས་རབ་ཅན་གྱིས་ཀུན་དུ་ནི། །དཀྱིལ་འཁོར་དག་ལ་གཞག་པར་བྱ། །ལྷ་རྫས་ཀྱི་རིན་པོ་ཆེ་སྣ་བདུན་གྱི་མེ་ཏོག་དང་། དངུལ་གྱི་མེ་ཏོག་དང་། ཟངས་ཀྱི་མེ་ཏོག་དང་། བྱི་རུ་དང་ནི་མུ་ཏིག་དང་། ཨིན་དྲ་ནཱི་ལ་དག་དང་ནི། པད་

99-1-219b

མ་རཱ་ག་དག་ཀྱང་ངོ་། །གསེར་དང་དངུལ་གྱི་བུམ་པ་རིན་པོ་ཆེ་སྣ་བདུན་ཅན་ཡང་གྲུ་བཞིར་གཞག་པར་བྱའོ། །འབྲས་ཡོས་དང་། ཡུངས་ཀར་དང་བསྲེས་པས་དཀྱིལ་འཁོར་ཀུན་དུ་གཏོར་རོ། །ཀུན་ནས་མེ་ཏོག་ཕྲེང་བ་ནི། །རྨད་བྱུང་དཀྱིལ་འཁོར་ལ་གཞག་
ཅིང་། །ཀུན་ནས་མར་མེའི་ཕྲེང་བ་ཡང་། །དཀྱིལ་འཁོར་རྨད་དུ་བྱུང་ལ་བཞག །རིག་སྔགས་འཆང་ཉིན་གཞག་གཅིག་གནས་པར་གྱུར་པས་ཡང་བཟླས་བརྗོད་རྒྱ་ཆེར་བྱས་ལ་ཆོ་གས་བསྲུང་བ་དང་། ཕྱོགས་བཅིངས་བ་དང་། ཀུན་ནས་དཀྱིལ་འཁོར་
བཅིང་བ་བྱས་ལ་དཀྱིལ་འཁོར་གྱི་ལས་བྱའོ། །དེ་ནས་སློབ་མ་གཞུག་པར་བྱ་སྟེ། བླ་མ་མཁན་པོ་འམ། སློབ་དཔོན་ནམ། ཕ་འམ། རྒྱལ་པོ་འམ། བློན་པོ་ཆེན་པོ་ལ་དམ་ཚིག་དང་། ཕྱག་རྒྱ་དང་། དཀྱིལ་འཁོར་གསང་བ་བསྟན་ཏེ། 
མགོན་པོ་འཇིག་རྟེན་གྱིས་བླ་མ་མཐོང་ཞིང་དཀྱིལ་འཁོར་རྨད་དུ་བྱུང་བ་མཐོང་ནས་ཕྱག་བྱ་ཞིང་མཆོད་པ་དང་། མེ་ཏོག་དང་། བདུག་སྤོས་དབུལ་བ་བྱས་ལ་བསྐོར་བ་བྱའོ། །དེ་ནས་རིག་སྔགས་འཆང་གིས་ཐམས་ཅད་ལ་བྱམས་པའི་སེམས་
མཉམ་པར་གཞག་སྟེ། སྐྱིལ་མོ་དཀྲུང་བཅས་ནས་འདུག་ལ་མི་སྨྲ་བར་ཡ་མཚན་དུ་སྣང་བར་མཐོང་གི་བར་དུ་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱས་ལ་དཀྱིལ་འཁོར་ཀུན་དུ་ཁྲོ་བོའི་རྒྱལ་པོས་ལན་བརྒྱ་རྩ་བརྒྱད་དབང་བསྐུར་ཞིང་
ཡུངས་ཀར་དང་། ཆུ་དང་མེ་ཏོག་གིས་དཀྱིལ་འཁོར་ཀུན་དུ་ལན་བརྒྱ་རྩ་བརྒྱད་གཏོར་བའི་མོད་ལ་རྟག་ཏུ་ཕྱག་རྒྱ་ལན་བརྒྱད་བརྒྱད་བཅིངས་ལ་དཀྱིལ་འཁོར་ཀུན་དུ་མེ་ཏོག་དང་། བདུག་སྤོས་དང་། དྲི་ཕུལ་ནས་མགོན་པོ་འཇིག་རྟེན་དབང་
ཕྱུག་དོན་ཡོད་པའི་ཞགས་པ་མཐོང་ན་དོན་ཡོད་པ་ཉིད་མཆོད་པར་བྱའོ། །དེ་ནས་མགོན་པོ་ཕྱག་ན་རྡོ་རྗེ་དང་། རིག་སྔགས་ཀྱི་རྒྱལ་པོ་བླ་ན་མེད་པ་མཆོད་པ་བྱེད་དོ། །དེ་ནས་ལྷ་མོ་སྒྲོལ་མ་དང་། ཀུན་དུ་ལྷ་མོ་ཐམས་ཅད་ལའོ། །
དེ་ནས་དཀྱིལ་འཁོར་གྱི་ལྷ་ཐམས་ཅད་ལའོ། །དེ་ནས་རིའི་རྒྱལ་པོ་རྣམས་ལ་གནས་པའི་རིའི་ལྷ་ཐམས་ཅད་ལའོ། །ཐམས་ཅད་དང་སྒོ་སྲུངས་ལ་རྟག་ཏུ་མཆོད་པ་བྱའོ། །དེ་ནས་ཕྱོགས་བཞི་ཀུན་དུ་རིག་སྔགས་འཆང་

99-1-220a

གིས་རྟག་ཏུ་མཆོད་ནས་སྐྱིལ་མོ་དཀྲུང་བཅས་ཏེ་འདུག་ལ་འཇིགས་པ་མེད་པས་ལག་པའི་ཕྱག་རྒྱ་བཅིང་བར་བྱའོ། །བྱམས་པའི་སེམས་དང་སྙིང་རྗེའི་ལྷག་པའི་བསམ་པ་ཉིད་ཀྱིས་དོན་ཡོད་པའི་ཞགས་པ་རྟག་ཏུ་དྲན་པར་བྱ་
ཞིང་སངས་རྒྱས་རྗེས་སུ་དྲན་པ་བསྒོམ་མོ། །གསང་སྔགས་བརྗོད་མ་ཐག་ཏུ་དཀྱིལ་འཁོར་དང་ས་གཞི་གཡོ་ཞིང་གང་དཀྱིལ་འཁོར་དུ་ཞུགས་པའི་མོད་ལ་སྙིང་དགའ་བ་དང་། སེམས་བདེ་བ་འཐོབ་བོ། །འོད་ཟེར་བྱེ་བ་ཁ་དོག་སྣ་ཚོགས་རྣམ་པར་
བཀྲ་བ་འབྱུང་ཞིང་དཀྱིལ་འཁོར་གྱི་སྙིང་པོ་ན་དོན་ཡོད་པའི་ཞགས་པ་འགུལ་བར་འགྱུར། དཀྱིལ་འཁོར་གྱི་སྙིང་པོ་འབར་བར་འགྱུར། དེ་བཞིན་གཤེགས་པ་ཐམས་ཅད་དང་། དེ་བཞིན་དུ་ཕྱག་ན་རྡོ་རྗེ་འབར་བར་འགྱུར། དཀྱིལ་འཁོར་ལ་གནས་
པའི་ལྷ། ལྷ་མོ་ཐམས་ཅད་འབར་བར་འགྱུར། ལྷ་གཡོ་བར་འགྱུར་ཞིང་དཀྱིལ་འཁོར་ཀུན་ནས་ལེགས་སོ་ཞེས་སྒྲ་གྲག་པར་འགྱུར་རོ། །དེ་ནས་ཇི་ལྟར་གསེར་བཀོད་པ་དེ་ལྟར་དབུས་ཀྱི་དཀྱིལ་འཁོར་གྱི་སྙིང་པོ་དང་། མགོན་པོ་དེ་
བཞིན་གཤེགས་པ་ཤཱཀྱ་ཐུབ་པ་དང་། འཕགས་པ་སྤྱན་རས་གཟིགས་ཀྱི་དབང་ཕྱུག་དང་། ཕྱག་ན་རྡོ་རྗེ་དང་། སྒྲོལ་མ་དང་། དཀར་མོ་གསེར་གྱི་མདོག་གིས་བཀོད་པ་ཆེན་པོའི་དཀྱིལ་འཁོར་གྱི་ནང་ནས་བཞེངས་པར་འགྱུར། 
སྐུ་གསེར་མདོག་ཅན་གཟུགས་བཟང་པོས་བདག་ཉིད་ཀྱི་རང་གི་ངོ་བོ་སྟོན་པ་སྣང་བར་འགྱུར། ཕྱོགས་བཅུ་ཀུན་དུ་རྟག་ཏུ་གཟིགས་པར་འགྱུར་རོ། །ཐམས་ཅད་དུ་རྟག་ཏུ་སེམས་བརྟན་པོར་བྱ་སྟེ། རིག་སྔགས་འཆང་
བྱམས་པ་དང་བཅས་པའི་སེམས་བརྟན་པོར་གྱུར་པས་མེ་ཏོག་དང་རོལ་མོའི་སྒྲ་དབུལ་ཞིང་དོན་ཡོད་པའི་རྒྱལ་པོ་ཡང་དྲན་པར་བྱའོ། །དེ་ནས་དེ་བཞིན་གཤེགས་པས་ཕྱག་གསེར་གྱི་མདོག་ཅན་བརྐྱང་སྟེ། རིག་སྔགས་འཆང་གི་
སྤྱི་བོར་གཞག་ནས་ལེགས་སོ་ཞེས་བྱ་བ་སྦྱིན་པར་མཛད་ཅིང་རིག་སྔགས་འཆང་ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་དང་། ཆོ་ག་ཞིབ་མོ་མཐའ་དག་དང་། དཀྱིལ་འཁོར་དང་། ཕྱག་རྒྱ་རིམ་པར་ཕྱེ་བ་གྲུབ་སྟེ། 

99-1-220b

སྐྱེས་བུ་དམ་པ་ཁྱོད་བདེ་བ་ཅན་གྱི་འཇིག་རྟེན་གྱི་ཁམས་སུ་ལུང་བསྟན་གྱིས་རང་གི་ངོ་བོ་ཉིད་ཀྱིས་ཡོངས་སུ་དག་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་སྐྱེས་བུ་དམ་པ་ཁྱོད་རང་
གི་ངོ་བོ་ཕྱིར་མི་ལྡོག་པ་དང་། དོན་ཡོད་པའི་རིག་སྔགས་འཆང་གི་འཁོར་ལོས་སྒྱུར་བར་འགྱུར་བར་བྱོས་ཤིག །དཀྱིལ་འཁོར་འདི་ལ་བརྟེན་པའི་སྐྱེ་བོ་དགེ་བ་དང་ལྷག་པའི་བསམ་པ་ལ་ཞུགས་པ། སེམས་ཅན་ཐམས་ཅད་བླ་ན་མེད་པའི་མྱ་ངན་
ལས་འདས་པར་ལུང་བསྟན་གྱི་བར་དུ་ཕྱིར་མི་ལྡོག་པར་འགྱུར་རོ། །ཇི་སྟེ་སེམས་ཅན་ངན་པ་རིག་སྔགས་ཀྱི་གདོལ་པ་དག་དེར་ཞུགས་ན་གཟུགས་བརྙན་ལས་ཁྲག་འཛག་ཅིང་སྒྲ་མི་ཟད་པ་འབྱུང་སྟེ། མགོན་པོ་འདི་མི་མཐོང་། ས་འདི་
གཡོ་བར་མི་འགྱུར། དཀྱིལ་འཁོར་འདི་འབར་བར་མི་འགྱུར་ཏེ། དེའི་ཚེ་རིག་སྔགས་འཆང་ལ་རྨི་ལམ་དུ་སྟོན་ཏེ་དེ་ཉིད་ཀྱང་གཞན་དུ་མི་འགྱུར་རོ། །ཇི་ལྟར་མངོན་སུམ་པ་དེ་བཞིན་དུ་རྨི་ལམ་དུ་སྟོན་ཅིང་ཡིད་ལ་བསམས་པ་ཐམས་ཅད་ཡོངས་
སུ་རྫོགས་པར་འགྱུར་རོ། །དེ་ལྟ་བས་ན་རིག་སྔགས་འཆང་གིས་ལེགས་པར་བརྟག་ཅིང་སོ་སོར་བརྟགས་ཏེ། སེམས་ཅན་དཀྱིལ་འཁོར་དུ་ཞུགས་པར་བྱའོ། །སྒྲུབ་པ་པོ་བདེན་པར་སྨྲ་བ་དང་། དབང་པོ་ཡང་དག་པར་བསྡམས་པ། 
སེམས་ཅན་ཐམས་ཅད་ལ་བྱམས་པ། སེམས་ཅན་ཐམས་ཅད་ལ་བརྩེ་བ་ཅན། གཞན་ལ་ཡང་དག་པར་སྨྲ་བ། ཚིག་བརྟགས་པ་དད་པ་ཅན། གུས་པ་དང་ལྡན་པ་ཉིད། མར་འཛིན་པ། ཕར་འཛིན་པ། དཀོན་མཆོག་གསུམ་ལ་མཆོག་ཏུ་གུས་པ། 
རྟག་ཏུ་བླ་མ་ལ་གུས་པ་ཉིད་ཀྱི་སེམས་ཅན་འདི་དག་གཞུག་པར་བྱའོ། །རབ་ཏུ་བག་ཡོད་པ་དང་། རྟག་ཏུ་གཙང་ཞིང་གཙང་སྦྲ་དང་ལྡན་པ་དང་། ཁ་ཟས་ངན་པ་དང་། ལྷག་མ་དང་། འབགས་པ་དང་། འདྲེས་པ་དང་། གཅིག་ཏུ་བསྲེས་པ་དང་། ཆུང་ཟད་བཀྲུས་
པ་དང་། ཆང་དང་། ཤ་དང་། ཀུན་དོང་དང་། སྒོག་སྐྱ་དང་། ཀིའུ་དང་བསྲེས་པའི་ཁ་ཟས་དག་སྤང་བར་བྱ་ཞིང་། རང་གི་ཁ་འཕྲོ་ཡང་སྤང་བར་བྱའོ། །ལྷག་མ་ནི་རྟག་ཏུ་སྤང་བར་བྱ་སྟེ། འདི་དག་སྒྲུབ་པའི་ཆོ་ག་ལ་དྲན་པར་བྱའོ། །ལག་པ་འབགས་པས་གདོང་ལ་རེག་པར་

99-1-221a

མི་བྱ། ལྷུང་བཟེད་དོར་བར་མི་བྱའོ། །རྟག་ཏུ་ཁམ་ཕྱེད་ཕྱེད་དུ་གཅོད་པ་དང་། མཆོག་ཏུ་འབགས་པ་འདི་དག་ནམ་ཡང་བཟའ་བར་མི་བྱའོ། །གཙང་མས་ཟས་གཙང་མ་བཟའ་ཞིང་ལག་པའི་སོར་མོ་བསྡམས་པས་ཁ་གདོང་
ལ་སོགས་པ་ལ་མི་རེག་པར་འདི་དག་ཟ་བ་ཉིད་ནི་མཆོག་ཏུ་མཛེས་ཤིང་བློ་དང་ལྡན་པ་ཡིན་ནོ། །དེ་ནས་རིག་སྔགས་འཆང་གིས་ལས་ཤིན་དུ་ཡོངས་སུ་རྫོགས་པར་བྱས་ཤིང་དཀྱིལ་འཁོར་གྱི་བྱ་བ་ལེགས་པར་རྫོགས་ན་དེ་ལ་ཁྲག་འཛག་པར་མི་
འགྱུར་རོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གི་ཕྱག་བརྐྱང་བས་རིག་སྔགས་འཆང་གི་ལག་པ་ནས་གཟུང་ནས་དཀྱིལ་འཁོར་གྱི་ནང་དུ་འཇུག་པར་མཛད་ཅིང་ཤིན་ཏུ་ནི་དྲི་མ་མེད་པར་སྣང་བ་ཞེས་བྱ་བའི་ནོར་བུ་ཉིད་ཀྱི་མགུལ་པ་ནས་
བཀྲོལ་ཏེ་རིག་སྔགས་འཆང་གི་མགུལ་དུ་འདོགས་པར་མཛད་དོ། །སྤྱི་བོར་ཕྱག་འཇོག་པར་མཛད་ཅིང་འདི་ལ་སྲས་ཀྱི་ཐུ་བོ་ཞེས་གསུང་ངོ་། །མགུལ་པར་ནོར་བུ་བཅིངས་པ་ཙམ་གྱི་མོད་ལ་དེ་ནམ་མཁའ་ལ་འགྲོ་བར་འགྱུར་རོ། །དེ་བཞིན་གཤེགས་
པ་ཐམས་ཅད་ཀྱི་སྤྱིའི་རིགས་ཀྱི་གསང་བའི་དམ་ཚིག་དང་དཀྱིལ་འཁོར་མཐོང་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་རིགས་ཐམས་ཅད་དུ་དོན་ཡོད་པའི་རིག་སྔགས་འཆང་གི་རྒྱལ་པོ་འཁོར་ལོས་སྒྱུར་བར་འགྱུར་རོ། །དོན་ཡོད་
པའི་རྒྱལ་པོའི་ཆོ་ག་ཞིབ་མོ་དང་། དཀྱིལ་འཁོར་ཆེན་པོ་རྟག་ཏུ་མངོན་དུ་འགྱུར་ཞིང་རྒྱལ་མཚན་གྱི་རྩེ་མོ་ཉིད་སྨིན་མཚམས་ན་འདུག་པར་འགྱུར་རོ། །རྒྱ་ཆེན་པོ་དྲི་མ་མེད་པར་སྣང་བ་དོན་ཡོད་པའི་ཡེ་ཤེས་རྣམ་པར་འཕྲུལ་པ་ཞེས་བྱ་
བའི་ཏིང་ངེ་འཛིན་འཐོབ་སྟེ། གང་ཏིང་ངེ་འཛིན་རྗེས་སུ་ཐོབ་པས་འཇིག་རྟེན་པ་ཐམས་ཅད་ཀྱི་དངོས་གྲུབ་རྣམ་པར་འཕྲུལ་པའི་ཆོ་འཕྲུལ་སྟོན་པར་འགྱུར་རོ། །ཕྱག་རྒྱ་དང་། དཀྱིལ་འཁོར་དང་། ཆོ་ག་ཞིབ་མོ་དང་། སྒྲུབ་པ་དང་། དམ་ཚིག་
དང་། གསང་བ་ཐམས་ཅད་ཀྱི་མཐུ་ཆེན་པོ་སྟོན་པར་འགྱུར་རོ། །དོན་ཡོད་པ་ཆེན་པོའི་འཁོར་ལོས་སྒྱུར་བའི་རྣམ་པར་འཕྲུལ་པ་ཐམས་ཅད་སྟོན་པར་འགྱུར་རོ། །དོན་ཡོད་པའི་དམ་ཚིག་གི་བྱིན་གྱིས་བརླབས་དང་། དེ་བཞིན་གཤེགས་པའི་

99-1-221b

གསང་བའི་དམ་ཚིག་མཐའ་ཡས་པ་ཐོབ་སྟེ། གང་དམ་ཚིག་ཐོབ་པས་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་དང་མཚུངས་པར་ཤེས་པར་འགྱུར་རོ། །དེ་བཞིན་གཤེགས་པའི་དམ་ཚིག་མཉམ་པ་ཉིད་ཀྱི་རྣམ་པར་འཕྲུལ་པ་སྟོན་པར་འགྱུར་
རོ། །དེ་ནས་རིག་སྔགས་འཆང་དཀྱིལ་འཁོར་གྱི་ཆོ་གའི་བྱ་བ་ཐམས་ཅད་ཡོངས་སུ་རྫོགས་པར་བྱས་ནས་སྤྱན་རས་གཟིགས་དབང་ཕྱུག་རིང་སྲེལ་དང་བཅས་པ་དེ་ཡང་ས་ཕྱོགས་དབེན་པའི་གནས་གཙང་མར་གོས་གཙང་མའི་གདན་བཤམས་ལ་དེའི་སྟེང་དུ་
གཞག་པར་བྱའོ། །ཨ་ག་རུའི་བདུག་སྤོས་འབུལ་ཞིང་ཉིན་གཅིག་བཞིན་དུ་ནང་པར་སྔར་གཞན་མི་སྨྲ་བར་བཟླས་བརྗོད་བརྒྱ་རྩ་བརྒྱད་བྱ་སྟེ། རིག་སྔགས་ཀྱི་རྒྱལ་པོས་མཆོད་པ་དབུལ་བར་བྱའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་
གི་གཟུགས་བརྙན་འབར་བར་འགྱུར་ཏེ། ཉིན་གཅིག་བཞིན་དུ་འཕགས་པ་སྤྱན་རས་གཟིགས་དབང་ཕྱུག་གཟུགས་བརྙན་སྨྲ་བར་འགྱུར། ཚིག་འབྱིན་པར་འགྱུར་རོ། །ད་ལྟར་གྱི་བཞིན་དུ་དེ་ཐམས་ཅད་སྨྲ་བར་འགྱུར་ཏེ། དགེ་བ་དང་། མི་དགེ་བ་དང་། 
འདས་པ་དང་། མ་འོངས་པ་དང་། ད་ལྟར་བྱུང་བའི་དེ་ཐམས་ཅད་སྨྲ་བར་འགྱུར་རོ། །ཚེ་རིང་བ་འམ། ཚེ་ཡོངས་སུ་ཟད་པ་དེ་ཐམས་ཅད་སྟོན་ཅིང་སྨྲ་བར་འགྱུར་རོ། །རྒྱལ་པོ་བརྗེ་བ་འམ། དགྲ་འཐབ་པ་འམ། ཕ་རོལ་གྱི་དམག་ཚོགས་འཐབ་པ་འམ། 
ལོ་ཉེས་པ་དང་། མི་ངས་དང་། དགོན་པ་དང་། ནད་དང་། ན་བ་དང་། གདོན་དང་། གནོད་པ་དང་། འཚེ་བ་དང་། གྲང་བ་དང་། རླུང་དང་། ཚ་བ་དང་། སེར་བ་དང་། ཆོམ་པོའི་འཇིགས་པ་དང་། རྐུན་པོའི་འཇིགས་པ་དང་། གཅན་གཟན་གཏུམ་པོའི་
འཇིགས་པ་དང་། སྦྲུལ་གདུག་པའི་འཇིགས་པ་དང་། བདེ་བ་དང་། ལོ་ལེགས་པ་དང་། འབྲས་བུ་འཕེལ་བ་དང་། འབྲུ་འཕེལ་བ་དེ་ཐམས་ཅད་སྨྲ་བར་འགྱུར་ཞིང་དེའི་ཐབས་ཐམས་ཅད་ཀྱང་རབ་ཏུ་སྟོན་པར་འགྱུར་རོ། །རིག་སྔགས་
འཆང་ལ་ཉིན་གཅིག་བཞིན་དུ་ཁྱད་པར་དུ་གྱུར་པ་རྣམ་པ་མང་པོ་རབ་ཏུ་སྟོན་པར་འགྱུར་རོ། །ཁ་ཅིག་ལ་བསྟན་པར་མི་བགྱི་སྟེ། སྡང་སེམས་ཅན་རིག་སྔགས་ཀྱི་གདོལ་པ་རྐུན་མ་བྱས་པ། མི་གཟོ་བ། བརླང་བ། འཕགས་

99-1-222a

པའི་དགེ་འདུན་ལ་འཁུ་བ། འཕགས་པའི་དགེ་འདུན་ལ་འཕྲོག་པ། བསླབ་པ་མི་འདོད་པ་དང་ཡང་དག་པར་ལྡན་པ་དེ་དག་གི་ལག་ཏུ་བསྟན་པར་མི་བགྱི། རྣ་བར་བསྒྲགས་པར་མི་བགྱི། སྐྲའི་རྩེ་མོ་ཙམ་དུ་སྣང་བ་ཡང་བསྟན་པར་མི་
བགྱིའོ། །ཆོ་ག་ཞིབ་མོ་འདི་ནི་ཡི་གེའི་འབྲུ་གཅིག་ཙམ་ཡང་བསྟན་པར་མི་བགྱིའོ། །རྗེས་སུ་འཇུག་པར་མི་བགྱིའོ། །དེ་ནས་རིག་སྔགས་འཆང་དངོས་གྲུབ་མཆོག་ཐོབ་པར་འགྱུར་ཏེ། མཆོག་ཏུ་ཡིད་བརྟན་པ། རྣམ་པར་ཐར་པ་མཆོག་གི་
དཀྱིལ་འཁོར་གསང་བ་ཐོབ་པར་འགྱུར་རོ། །གང་གི་དྲུང་ནས་རིག་སྔགས་ཀྱི་རྒྱལ་པོའི་རིག་སྔགས་ཀྱི་དཀྱིལ་འཁོར་ཆེན་པོ་ལག་ཏུ་འཐོབ་པར་འགྱུར་བ་དེ་ལ་སྟོན་པ་དང་། བླ་མའི་འདུ་ཤེས་བསྐྱེད་པར་བགྱིད། བདག་དང་འདྲ་བར་མཆོད་པ་སྣ་
ཚོགས་ཀྱིས་གུས་པར་བགྱིད་ན་བདག་ལ་གུས་པ་དང་བླ་མར་བགྱིས་པ་ལགས། མཆོད་པ་དང་རྗེད་པ་བགྱིད་པ་ལགས་སོ། །དེ་ལྟ་བས་ན་དད་པའི་རྗེས་སུ་འབྲང་བས་བྱམས་པ་བསྒོམས་པ་དང་། སྙིང་རྗེ་བསྐྱེད་པས་དངོས་གྲུབ་ཆེན་པོ་འཐོབ་པར་
འགྱུར་རོ། །ཇི་སྟེ་བགྱི་བ་འདི་ལས་འདའ་བར་མི་བགྱིད་པའི་སེམས་ཅན་དེ་ལ་བདག་གིས་རྟག་པར་རྒྱུན་མི་འཆད་པར་དྲན་པ་དང་། བདག་བརྗོད་པ་ཙམ་གྱིས་རང་གི་ཤིན་དུ་ཡོངས་སུ་དག་པའི་རང་གི་ངོ་བོས་བདག་མདུན་ན་མཆིས་པར་བགྱི་ཞིང་
ཡིད་ལ་རེ་བ་ཐམས་ཅད་དང་མཆོག་ཡོངས་སུ་རྫོགས་པར་བགྱིའོ། །ཇི་སྟེ་བདག་ཇི་ལྟར་དམ་བཅས་པ་ལས་གཞན་དུ་བགྱིད་ན་བདག་གིས་སངས་རྒྱས་བཅོམ་ལྡན་འདས་དེ་དག་ལ་བསླུས་པ་ལགས་སོ། །རིག་སྔགས་ཀྱི་གདོལ་པ་རྐུན་
མར་གྱུར་པ་ལ་ནི་མི་བགྱིད་དེ། དམ་བཅས་བཞིན་དུ་སྨྲ་བར་མི་བགྱིད་དེ། རིག་སྔགས་འཆང་གིས་རྟག་ཏུ་གཙང་བར་བགྱི། རྟག་ཏུ་འཛུམ་པ་དང་། རྟག་ཏུ་བྱམས་པ་དང་། སྙིང་རྗེ་བསྒོམ་པ་ཡིད་ལ་བགྱིད་ན། དེ་ལ་བདག་གིས་
རྟག་ཏུ་ཡོན་ཏན་ཕུན་སུམ་ཚོགས་པ་ཐམས་ཅད་འཐོབ་པར་འགྱུར་བར་བགྱི། དེ་དགེ་བའི་སྤྱོད་པ་ཐམས་ཅད་དང་ལྡན་པར་བགྱི། དོན་ཡོད་པ་ཡངས་པ་ཆེན་པོའི་དངོས་གྲུབ་རྗེས་སུ་སྩལ་བར་བགྱིའོ། །སེམས་ཅན་ཐམས་ཅད་ཀྱི་

99-1-222b

བསམ་པ་ཐམས་ཅད་ཡོངས་སུ་རྫོགས་པར་བགྱི་བ་ལ། རྒྱ་མཚོའི་དུས་རླབས་ལྟར་ཐམས་ཅད་ཀུན་དུ་མཆི་བར་བགྱིའོ། །ངན་སོང་དང་། ངན་འགྲོ་དང་། ལོག་པར་ལྟུང་བ་ཐམས་ཅད་ཡོངས་སུ་ཟད་པར་བགྱི་བའི་སླད་དུ་བདག་དགའ་བས་
ཀུན་དུ་མཆི་བར་བགྱིའོ། །སེམས་ཅན་གང་ལ་བྱམས་པ་དང་། སྙིང་རྗེ་མཆིས་པའི་སེམས་ཅན་ཕ་རོལ་དེ་རྣམས་ཀྱི་བསམ་པ་ཕུན་སུམ་ཚོགས་པ་ཡོངས་སུ་རྫོགས་པར་བགྱིའོ། །དེ་བས་ན་རིག་སྔགས་འཆང་གིས་ཤིན་དུ་སྡོམ་པས་
བསྡམས་ཤིང་རིག་སྔགས་བརྗོད་པར་བགྱིའོ། །ཡོངས་སུ་གཏོང་བའི་ལག་པར་བགྱི་ཞིང་སྤར་ཆུམས་པར་མི་བགྱི་སྟེ། ལག་པ་བརྐྱང་བར་བགྱིའོ། །གཏོང་བ་མང་བས་དེ་བཞིན་གཤེགས་པ་དམ་ཚིག་ལ་གནས་པར་བགྱིའོ། །སྔར་
ལེགས་པར་སྤྱད་པར་བགྱི་སྟེ། དོན་ཡོད་པའི་རྒྱལ་པོའི་སྤྱད་པ་བགྱི་ཞིང་རྟག་ཏུ་ཡིད་ལ་བགྱིའོ། །དེ་ནས་བདག་དང་ཆོས་ཀྱི་མཆོག་ལ་དགའ་བ་ཞེས་བགྱིའོ། །རང་གི་གཟུགས་བརྙན་བྱ་བའི་དཀྱིལ་འཁོར་གྱི་ཆོ་གའོ།། །།
དེ་ནས་ཁྲོ་བོའི་རྒྱལ་པོ་བཤད་པར་བྱ་སྟེ། དོན་ཡོད་རྒྱལ་པོ་རྨད་བྱུང་ཆེ། །ཀུན་དུ་དངོས་གྲུབ་ཐོགས་མེད་ཅིང་། །དཀྱིལ་འཁོར་ཀུན་ལ་དབང་བསྐུར་བ། །སྡང་བ་ཐམས་ཅད་རབ་ཏུ་འཇོམས། །བདུད་དང་བགེགས་ནི་རྣམ་པར་འཇིག །
གནོད་སྦྱིན་སྲིན་པོ་གསང་བ་པ། །འབྱུང་པོ་ཐམས་ཅད་རབ་ཏུ་འབྲོས། །གདོན་གྱི་གཙོ་བོ་སྐྲོད་བྱེད་ཅིང་། །སྡང་བ་ཐམས་ཅད་རབ་ཏུ་འཇོམས། །སྡང་བའི་ཀླུ་རྣམས་རྣམ་འཇིག་ཅིང་། །འཇིགས་ཕོངས་རྣམས་ལ་མི་འཇིགས་སྩོལ། །
རིག་འཛིན་རྣམས་ལ་གྲུབ་སྩོལ་བ། །དོན་ཡོད་ཞགས་པའི་དངོས་གྲུབ་མཆོག །དུས་གསུམ་གཤེགས་པའི་སངས་རྒྱས་སྟོན། །སྤྱི་ཡི་རིགས་ནི་རབ་སྟོན་པ། །དོན་ཡོད་སྤྱི་ཡི་གསང་བ་ནི། །རྟག་ཏུ་གཞན་མིན་སྙིང་པོ་
ཉིད། །ཁྲོ་བོའི་རྒྱལ་པོ་བླ་མེད་པ། །དེ་ནི་བདག་གིས་རབ་ཏུ་བཤད། །བཅོམ་ལྡན་འདས་ཀྱི་སྤྱན་སྔར་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་རྒྱལ་པོས་

99-1-223a

ཁྲོ་བོའི་གཟུགས་སུ་གནས་ཏེ་སྡང་བ་ཐམས་ཅད་འཇིགས་པར་བྱེད་པར་གྱུར་ཅིང་ལག་ན་ཞགས་པ་ཐོགས་ཏེ་ཁྲོ་བོ་འདི་སྨྲས་སོ། །ན་མཿསརྦ་ཏ་ཐཱ་ག་ཏ་ཨཱརྱ་ཨ་བ་ལོ་ཀི་ཏེ་ཤྭ་ར་བཛྲ་དྷ་རེ་བྷྱཿ །ཨོཾ་ཙ་ར་ཙ་
ར། ཙུ་རུ་ཙུ་རུ། མ་ཧཱ་ཀཱ་རུ་ཎི་ཀ །ཙི་རི་ཙི་རི། བི་རི་བི་རི། མ་ཧཱ་པད་མ་ཧ་སྟེ། ཀ་ལ་ཀ་ལ། ཀུ་ལུ་ཀུ་ལུ། མ་ཧཱ་སྠཱ་མ་པྲཱ་བ་ཏེ། ཙ་ར་ཙ་ར། ཙ་ཙ་ར་ནི་ཤཱ་ཙ་རེ། ཤྭ་ར་ཨེ་ཧྱེ་ཧི། བུད་དྷ་བུད་དྷ་དྷཱ་བ་དྷཱ་དྷཱ་བ་དྷཱ་བ། ཀི་ཎི་ཀི་ཎི། པ་ར་མ་ཤུད་
དྷ་ས་ཏྭ། ཀ་ར་ཀ་ར། ཀི་རི་ཀི་རི། མ་ཧཱ་པ་ཤུ་པ་ཏི། བེ་ཥ་དྷ་ར། ཧཱ་ཧཱ་ཧཱི་ཧཱི་ཧཱུ་ཧཱུ། ཨོཾ་ཀ་ར་བྲཧྨ་བེ་ཥ་དྷ་ར། ས་ར་ས་ར། བ་ར་བ་ར། བ་ར་ར་ཤྨི་ཤ་ཏ་ས་ཧ་སྲ། པྲ་ཏི་མཎྜ་ཏ། ཤ་རཱི་ར་ཛཱ་ཡ། ཛྭ་ལ་ཛྭ་ལ། སུ་རུ་སུ་རུ། མུ་
རུ་མུ་རུ། ས་ནད་ཀུ་མཱ་ར། རུ་དྲི་བིཥྞུ་བ་ས་བ། དྷ་ན་ད། རྀ་ཥི་ནཱ་ཡ་ཀ །བྷ་ཧུ་བི་བི་དྷ། བེ་ཥ་དྷ་ར། དྷ་ར་དྷ་ར། ས་མནྟ་ཨ་བ་ལོ་ཀི་ཏ། བི་ལོ་ཀ་ཏ། ལོ་ཀེ་ཤྭ་ར། མ་ཧེ་ཤྭ་ར། མུ་ཡ་མུ་ཡ། མུན་ཙ་མུན་ཙ། བན་དྷ་བན་དྷ། ཏྲཱ་ཌ་ན་
ཏ་ར་ཛ་ན། ར་ཛ་ཏ་སྐ་ར། ཨག་ནི་ཨུ་ད་ཀ །བི་ཥ་ཤསྟྲ་པ་རི་མོ་ཙ་ཀ །ཀ་ཎ་ཀ་ཎ། ཙ་ལ་ཙ་ལ། བོ་དྷྱང་ག ། ཙ་ཏུ་རཱ་རྱ་ས་ཏྱ་སྃ་པྲ་ཀཱ་ཤ །ཏ་མ་ཏ་མ། ས་མ་ས་མ། ས་མ་ས་མ་ས་མ། མ་ཧཱ་ཏ་མོ་ན་དྷ་ཀཱ་ར། པྲ་ཤ་མ་ན། མི་
ལི་མི་ལི། ཨེ་ནེ་ཡ། ཙརྨ་པ་རི་ཀ་ར། ཨེ་ཧྱེ་ཧི། མ་ཊ་མ་ཊ། བི་ཤུད་དྷ་བི་ཥ་ཡ། ནི་བཱ་སི་ན། མ་ཧཱ་ཀཱ་རུ་ཎི་ཀ །ཤྭེ་ཏ་ཡཛྙོ་པ་བཱི་ཏ། རཏྣ་མ་ཀུ་ཏ་མཱ་ལཱ་དྷ་ར། སརྦ་ཛྙཱ་ཤི་ར་སི་ཀྲྀ་ཏ། ཀ་ར་པུ་ཊ། ས་མ་དྷྱ་པྲ་ཀྃ་པྱ། ཥཊྤཱ་ར་མི་
ཏཱ། པ་རི་པཱུ་ར་ཀ་མ་ཧཱ། སརྦ་སཏྭ་སན་ཏ། ཏི་པ་རི་པཱ་ཙ་ཀ །སརྦ་མ་ར་དྷི་དུཥྚ་པྲ་མརྡ་ཀ །སརྦ་སིད་དྷྱ་ཨཱ་ཤཱ་པ་རི་པཱུ་ར་ཀ །ཨ་བྷི་ཥིཉྩྱ་ཏུ་མཱན། སརྦ་ཏ་ཐཱ་ག་ཏཱ་བྷི་ཥེ་ཀཻ་ར། བྷ་ག་བཱན། ཨ་མོ་གྷ་རཱ་ཛ་ཧཱུྃ་ཕཊ། ན་མཿསྟུ་ཏེ་
སྭཱ་ཧཱ། ཁྲོ་བོའི་རྒྱལ་པོ་དོན་ཡོད་པའི་ཞགས་པའོ། །ཨོཾ་བི་ཀྲི་ཏ་དཾ། ཨ་མོ་གཱ་ས་མཱ་ཡེ་ཨ་བ་ཥི་ན་ཙྱ་མན། སརྦ་བིད་དྱ་ཨ་མོ་གྷ་ཨ་བྷེ་ཥེ་ཀཻ། །ཧཱུྃ་མི་ལི་མི་ལི་སྭཱ་ཧཱ། དེ་ཁྲོ་བོའི་རྒྱལ་པོའི་སྙིང་པོའོ། །དེ་ནས་འཕགས་

99-1-223b

པ་སྤྱན་རས་གཟིགས་དབང་ཕྱུག་གི་དོན་ཡོད་པ་ཆེན་པོའི་སྙིང་པོ་གསུངས་མ་ཐག་ཏུ་དེ་ནས་རི་ཆེན་པོ་ཏ་ལ་རྣམ་པ་དྲུག་ཏུ་རབ་ཏུ་གཡོ་བར་བརྩམས་ཏེ། ཀླུའི་ཚོགས་ནི་འཁྲུགས་སོ། །ལྷ་ཚོགས་ཐམས་ཅད་ནི་དགའ་བར་གྱུར་ཏོ། །
སྡང་བའི་གནོད་སྦྱིན་དང་། སྲིན་པོ་དང་། བགེགས་དང་། ལོག་འདྲེན་ནི་འབར་བར་གྱུར་ཏོ། །བདུད་ལ་སོགས་པ་སྡང་བ་ནི་ཡང་དག་པར་རབ་ཏུ་ཞི་བར་གྱུར་ཏོ། །ངན་སོང་གི་སྡུག་བསྔལ་ཐམས་ཅད་ནི་རབ་ཏུ་ཞིའོ། །དཀྱིལ་འཁོར་གྱི་ལྷ་ཐམས་ཅད་ནི་
མཆོག་ཏུ་དགའ་བར་འགྱུར་རོ། །སྡང་བ་དང་། རབ་ཏུ་སྡང་བ་ཐམས་ཅད་དང་། གདོན་ཐམས་ཅད་ནི་མི་སྣང་བར་གྱུར་ཏོ། །ནད་ཐམས་ཅད་ལས་ནི་རྣམ་པར་གྲོལ་ལོ། །ཉོན་མོངས་པའི་སྒྲིབ་པ་ཐམས་ཅད་ལས་ནི་ཡོངས་སུ་གྲོལ་ལོ། །མེ་ཏོག་གི་ཆར་
ཆེན་པོ་རབ་ཏུ་བབ་སྟེ་དེ་བཞིན་གཤེགས་པ་ལ་མཆོད་པར་གྱུར་ཏོ། །སེམས་ཅན་ཐམས་ཅད་ངན་སོང་གི་སྡུག་བསྔལ་ཐམས་ཅད་ལས་ཡོངས་སུ་གྲོལ་བར་གྱུར་ཏོ། །དེ་ནས་དུས་གསུམ་དུ་གཤེགས་པའི་དེ་བཞིན་གཤེགས་པ་དང་། དཀྱིལ་
འཁོར་ལ་རྟེན་པའི་ལྷ་རྣམས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཚིག་གཅིག་ཏུ་ལེགས་སོ་ཞེས་བྱ་བ་བྱིན་ཏེ་ལེགས་སོ་ལེགས་སོ། །སྙིང་རྗེ་ཆེན་པོ་ཅན་མཆོག་དུ་དོན་ཡོད་
པའི་རིག་སྔགས་འདི་སྨྲས་ཟིན་གྱིས་དེ་བཞིན་གཤེགས་པའི་རིགས་ཐམས་ཅད་དང་། རིགས་སྤྱིའི་དམ་ཚིག་དང་། སྙིང་པོ་དང་། ཁྲོ་བོའི་དེ་ཁོ་ན་ཉིད་གསང་བ་དང་། དཀྱིལ་འཁོར་དང་། སྒྲུབ་པའི་ཆོ་ག་དོན་ཡོད་པའི་རྒྱལ་པོའི་
དཀྱིལ་འཁོར་རབ་ཏུ་སྨྲོས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་དོན་ཡོད་པའི་ཞགས་པའི་སྙིང་པོ་ཁྲོ་བོའི་རྒྱལ་པོའི་དཀྱིལ་འཁོར་དེ་བཞིན་གཤེགས་པའི་
སྤྱན་སྔར་བཤད་དོ། །དཀྱིལ་འཁོར་གྲུ་བཞི་པ་ཤིན་དུ་མཛེས་པ་ཀོ་ལའི་ཚད་ཙམ་ཤིན་དུ་རྣམ་པར་མཛེས་པའི་གྲྭ་བཞི་དང་། སྒོ་བཞི་དང་། ཐེམ་སྐས་བཞི་དང་། རྟ་བབས་དང་། མདའི་ཁ་ཁྱེར་དང་། ཀུན་ནས་རྡོ་རྗེའི་རྣམ་

99-1-224a

པ་དག་ཀྱང་བྱ་སྟེ། ཚོན་རྩི་སྣ་ཚོགས་རྣམ་པར་མཛེས་པའི་ཐིག་སྐུད་ཀྱིས་དཀྱིལ་འཁོར་ཐིག་གདབ་པར་བྱའོ། །རི་མོ་མཁན་གཙང་མས་སྣོད་སར་པ་དང་པིར་གཙང་མས་དཀྱིལ་འཁོར་དམ་པ་ལེགས་པར་བྲིའོ། །དཀྱིལ་
འཁོར་སྙིང་པོ་རྣམ་དབྱེ་བ། །དབུས་སུ་ལེགས་པ་རྣམ་ཕྱེ་ལ། །ཀུན་ནས་པད་མའི་ཕྲེང་བ་དང་། །རྡོ་རྗེ་མདུང་རྩེ་གསུམ་པ་དགོད། །དབུས་སུ་འཁོར་ལོ་རྟ་བྲི་བ། །ཤིན་དུ་བལྟ་སྡུག་འཁོར་ལོ་དགོད། །དབུས་དེར་རྒྱལ་བ་གཞག་པར་བྱ། །
ཤཱཀྱའི་རྒྱལ་པོ་དེ་བཞིན་གཤེགས། །གཡས་སུ་ཁྲོ་བོའི་རྒྱལ་པོ་ཡི། །འཇིག་རྟེན་དབང་ཕྱུག་འདྲེན་པ་པོ། །གཡོན་དུ་རྡོ་རྗེ་འཛིན་གཞག་པ། །རྔ་ཡབ་རྡོ་རྗེ་ལག་ཐོགས་གཞག །དེའི་འོག་ཏུ་འོད་ཟེར་དང་ལྡན་པར་བྱ་བ་ནི་ལྕགས་ཀྱུ་དང་། དགྲ་སྟ་དང་། 
གོ་ཆ་དང་། དབྱུག་པ་དང་། ཞགས་པ་དང་། དགྲ་སྟ་ལུ་གུ་རྒྱུད་ཅན་དང་། མདུང་རྩེ་གསུམ་པ་དང་། གླེགས་བམ་མོ། །འཕགས་པ་སྤྱན་རས་གཟིགས་དབང་ཕྱུག་གི་འོག་ཏུ་དཀར་ཤམ་ཆེན་མོ་དང་། གོས་དཀར་མོ་དང་། དཀར་མོ་ཆེན་མོ་རལ་པ་ཅན་དང་། 
དབྱུག་པ་དང་། རིལ་བ་སྤྱི་བླུགས་ཕྱག་ན་ཐོགས་པ་བྱའོ། །དེའི་འོག་ཏུ་སྲིན་མོ་རལ་པ་གཅིག་མ་ཞེས་བྱ་བ་ནི་མཆེ་བ་འཇིགས་སུ་རུང་ཞིང་མི་སྡུག་པ་སྦྲུལ་སེ་རལ་ཁར་ཐོགས་པ། ཕྱག་བཞི་པ། གཡས་པ་ན་རྡོ་རྗེ་དང་དགྲ་སྟ། གཡོན་པའི་སོར་
མོ་གཅིག་ལྷ་མ་ཡིན་དང་ལོག་འདྲེན་ལ་སྡིགས་ཤིང་ཁྲག་འཛག་པའི་མགོའི་ཅོ་ཏོ་ནས་འཛིན་པ་དང་། ཁྲག་གི་སྣོད་ཡོངས་སུ་འཛིན་པ། གླང་པོ་ཆེའི་ལྤགས་པ་རློན་པའི་སྟོད་གཡོགས་འཕྱང་བ་དང་། སྨད་གཡོགས་ཅན་བྱའོ། །མཐའི་
གྲྭར་པད་མ་དང་རྡོ་རྗེ་གཞག་པ་ནི་འབར་བའི་ཕྲེང་བ་ཅན་ཤིན་དུ་བཟང་པོ་གཞག་པར་བྱའོ། །ཤར་ཕྱོགས་ཀྱི་སྒོར་རྡོ་རྗེ་འཇིགས་བྱེད་མིག ། དེའི་སྐུ་འབར་བའི་ཕྲེང་བ་ཅན་གཞག་པར་བྱའོ། །ལྷོ་ཕྱོགས་ཀྱི་སྒོར་ཀི་ལི་ཀི་ལི་ཞེས་བྱ་
བའི་རྡོ་རྗེའི་ལོག་འདྲེན་དེ་ཉིད་རྡོ་རྗེ་དང་། དགྲ་སྟ་དང་། ཞགས་པ་ཕྱག་ན་ཐོགས་པར་བྱའོ། །ནུབ་ཕྱོགས་ཀྱི་སྒོར་པད་མ་ཆེན་པོའི་རིགས་མཛེས་མ་ཞེས་བྱ་བའི་ཕོ་ཉ་མོ་བྱ་བ་ནི། ཕྱག་ན་པད་མ་ཐོགས་པར་བྱའོ། །བྱང་ཕྱོགས་ཀྱི་སྒོར་

99-1-224b

རྡོ་རྗེ་ཆེན་པོའི་རྩེ་མོ་ཞེས་བྱ་བའི་ཆོ་གས་རྡོ་རྗེ་དང་ཞགས་པ་ཕྱག་ན་རྡོ་རྗེ་ཐོགས་པའོ། །དེ་ནས་འཇུག་པའི་སྒོར་ཙན་དན་གྱི་ཆུ་གུར་ཀུམ་དང་། གླ་རྩི་དང་། ག་བུར་གྱིས་བསྒོས་པའི་ཆུས་བུམ་པ་བཀང་ལ་རས་དཀར་པོས་དཀྲིས་ཤིང་རྒྱན་གྱིས་
བརྒྱན་པ་རིན་པོ་ཆེ་སྣ་བདུན་ཅན་རྟག་ཏུ་གཞག་པར་བྱའོ། །ཇི་སྙེད་པའི་གཏོར་མ་སྣ་ཚོགས་ཡོངས་སུ་བཤམས་པས་ཀྱང་མཆོད་པར་བྱ། རྣམ་པ་སྣ་ཚོགས་པས་དཀྱིལ་འཁོར་ལེགས་པར་བརྒྱན་པར་བྱའོ། །བདུག་སྤོས་ཀྱིས་བཀང་བ་དང་། 
མར་མེའི་ཕྲེང་བ་དང་། མེ་ཏོག་དང་། དྲི་དང་། བྱུག་པས་མཆོད་པར་བྱའོ། །ཇི་སྲིད་འཇུག་གི་བར་དུ་སློབ་མ་རྣམས་ཆོ་གས་བསྲུང་ལ། དེ་ནས་དོན་ཡོད་པའི་སྙིང་པོ་བཟླས་བརྗོད་བྱ་ཞིང་དོན་ཡོད་པའི་ཁྲོ་བོས་དབང་བསྐུར་བར་བྱའོ། །དབང་བསྐུར་
བ་ཙམ་གྱིས་ཀྱང་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གཟུང་བར་འགྱུར་རོ། །འཇིག་རྟེན་གྱི་མགོན་པོའི་བྱིན་གྱི་རླབས་ཀྱིས། དེ་བཞིན་གཤེགས་པའི་རིགས་ཐམས་ཅད་ཀྱི་དམ་ཚིག་གི་རྗེས་སུ་ཞུགས་པར་འགྱུར་
རོ། །དོན་ཡོད་པའི་ཞགས་པའི་རིགས་ཀྱི་དམ་ཚིག་དང་། དངོས་གྲུབ་ཐམས་ཅད་མངོན་དུ་འགྱུར་རོ། །གང་བསམས་པ་དང་གང་བཅོལ་བ་དེ་ཐམས་ཅད་འབྱོར་བར་འགྱུར་རོ། །དེ་བཞིན་དུ་དམ་ཚིག་ཐམས་ཅད་ཀྱི་རྗེས་སུ་ཞུགས་པར་
འགྱུར་རོ། །དམ་ཚིག་དང་། དཀྱིལ་འཁོར་དང་། གསང་སྔགས་དང་། ཕྱག་རྒྱ་དང་། ཆོ་ག་ཞིབ་མོ་ཐམས་ཅད་མངོན་དུ་འགྱུར་རོ། །སྡིག་པ་དང་། གདུག་པ་དང་། ལས་ཀྱི་སྒྲིབ་པ་ཐམས་ཅད་ལས་རྣམ་པར་གྲོལ་
བར་འགྱུར་རོ། །དེ་བཞིན་གཤེགས་པའི་ཡོན་ཏན་ཐམས་ཅད་དང་ལྡན་པར་འགྱུར་རོ། །ལྷ་དང་། ལྷ་མ་ཡིན་དང་། ཀླུ་དང་། གནོད་སྦྱིན་དང་། དྲི་ཟ་དང་། གསང་བ་པ་དང་། རིག་སྔགས་འཆང་གི་གནས་ཕུག་དྲི་མ་མེད་པ་དང་
ནམ་མཁའི་རྗེས་སུ་རྒྱུ་བ་དང་། ཆུ་ན་རྒྱུ་བ་དང་། ནགས་དང་། སྐྱེད་མོས་ཚལ་ན་སྤྱོད་པའི་རིག་སྔགས་འཆང་གི་འཁོར་ལོས་སྒྱུར་བའི་དྲུག་ཆ་ལ་ཐམས་ཅད་དུ་དབང་དུ་འགྱུར་རོ། །གསང་སྔགས་ཐམས་ཅད་ཀྱང་འདིའི་མངག་

99-1-225a

གཞུག་པར་འགྱུར་རོ། །གང་ཞིག་དེ་ལ་མི་ཕན་པར་འདོད་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་
གང་རིག་སྔགས་འཆང་ལ་མི་ཕན་པར་སེམས་པ་དེ་ཐམས་ཅད་ཀྱི་དེ་དག་གི་གནས་དང་ལུས་ཉིད་རྣམ་པར་གཞིག་པའི་ཕྱིར་སྡིག་པ་རྣམས་འབབ་པར་འགྱུར་རོ། །དེ་ནས་དངུལ་ལས་ཁྲོ་བོའི་རྒྱལ་པོ་སོར་བཅུ་གཉིས་ཀྱི་ཚད་ཙམ་བྱས་
ཏེ། ཤིན་དུ་མཛེས་པ། ཤིན་དུ་ཚད་དང་ལྡན་པ། ཞལ་གསུམ་པ། རལ་པའི་ཐོར་ཚུགས་ཀྱིས་བརྒྱན་ཅིང་རྒྱན་ཐམས་ཅད་ཀྱིས་བརྒྱན་པ། རྒྱལ་བ་འོད་དཔག་ཏུ་མེད་པའི་དབུ་རྒྱན་ཅན། ཟླ་བ་དབུ་ལ་ཐོགས་པ། ཞལ་དང་པོ་ཁྲོ་བོའི་གཟུགས་
གཡོན་པ་དང་གཡས་པ་ཞི་བའི་གཟུགས་ཞལ་ཅུང་ཟད་འཛུམ་པ། སྤྱན་གསུམ་པ། ཕྱག་བཞི་པ། པད་མ་འཛིན་པ། ཞགས་པ་འཛིན་པ། རལ་གྲི་དང་མདུང་རྩེ་གསུམ་པ་འཛིན་པའོ། །གཡས་སུ་ལྷ་མོ་སྒྲོལ་མ་མེ་ཏོག་
འབུལ་བ། རྒྱན་ཐམས་ཅད་ཀྱིས་བརྒྱན་པའོ། །གཡོན་དུ་ལྷ་མོ་རིག་སྔགས་ཀྱི་རྒྱལ་མོ་ནོར་བུ་རིན་པོ་ཆེ་ཆེན་པོ་འབུལ་བ། རྒྱན་ཐམས་ཅད་ཀྱིས་བརྒྱན་པའོ། །འཇིག་རྟེན་དབང་ཕྱུག་གི་ཞབས་ཀྱི་དྲུང་དུ་རིག་སྔགས་འཆང་པུས་
མོ་བཙུགས་པ། ལག་ན་པོག་ཕོར་དང་བགྲང་ཕྲེང་ཐོགས་ཏེ་བཅོམ་ལྡན་འདས་ལ་བལྟའོ། །གཟུགས་བརྙན་དེ་ཉིད་ཀྱི་མདུན་དུ་ཙན་དན་དཀར་པོའི་དཀྱིལ་འཁོར་བྱ་ཞིང་གུར་ཀུམ་གྱིས་མཆོད་པ་བྱའོ། །དཀྱིལ་འཁོར་དེའི་
སྟེང་དུ་ཁྲོ་བོའི་རྒྱལ་པོ་གཞག་སྟེ། དེའི་སྤྱན་སྔར་བཟླས་བརྗོད་སྟོང་ཕྲག་བརྒྱ་བྱའོ། །དེ་ནས་གཟུགས་བརྙན་དེ་འགུལ་ཞིང་གཡོ་བར་འགྱུར། འཆག་པར་འགྱུར། འོད་ཟེར་འབྱུང་བར་འགྱུར། ཚིག་འབྱིན་པར་འགྱུར། ལེགས་
སོ་ཞེས་བྱ་བ་སྦྱིན་པར་འགྱུར། ཕྱག་གཡས་པ་སྤྱི་བོར་འཇོག་པར་འགྱུར། ཡིད་ལ་བསམས་པ་དང་མཆོག་ཐམས་ཅད་ཡོངས་སུ་རྫོགས་པར་འགྱུར་རོ། །རིག་སྔགས་འཆང་དེ་ཡང་བདག་ཉིད་འབར་བར་འགྱུར། ནམ་

99-1-225b

མཁའ་ལ་འཕགས་པར་འགྱུར་ཞིང་དོན་ཡོད་པ་ཡངས་པར་སྣང་བ། དངོས་གྲུབ་དྲི་མ་མེད་པར་གྲགས་པ་ཞེས་བྱ་བའི་རིག་སྔགས་འཆང་གི་འཁོར་ལོས་སྒྱུར་བར་འགྱུར་རོ། །རིག་སྔགས་འཆང་གི་འཁོར་ལོས་སྒྱུར་བ་བརྒྱ་སྟོང་ཕྲག་དྲུག་བཅུ་རྩ་བརྒྱད་པོ་
རྣམས་ཀྱི་གཙོ་བོ་དང་རྒྱལ་པོར་འགྱུར་རོ། །ཚེ་ལྷའི་བསྐལ་པ་ཁྲག་ཁྲིག་བརྒྱ་སྟོང་ཕྲག་བདུན་བཅུ་རྩ་གཉིས་སུ་འགྱུར་རོ། །བསྐལ་པའི་མཇུག་རྫོགས་ཏེ་དེ་ཉིད་ཀྱི་མཚན་མོ་འདས་པ་དང་། བྱང་ཆུབ་མངོན་པར་རྫོགས་པར་འཚང་རྒྱའོ། །ཇི་
ལྟར་བདེ་བ་ཅན་བཞིན་དུ་འཇིག་རྟེན་གྱི་ཁམས་འདི་གཞལ་མེད་ཁང་གི་རྣམ་པར་འཕྲུལ་པར་འགྱུར་ཞིང་ཚེའི་ཚད་བསྐལ་པ་དཔག་ཏུ་མེད་པར་འགྱུར་རོ། །དོན་ཡོད་པའི་རྣམ་པར་ཐར་པའི་དཀྱིལ་འཁོར་དང་། ཕྱག་རྒྱ་དང་། ཆོ་ག་ཞིབ་མོ་
ཐམས་ཅད་ཀྱི་ཆོས་སྟོན་པར་འགྱུར་རོ། །དེའི་འོག་ཏུ་འཇིག་རྟེན་པའི་སྒྲུབ་པ་ནི་དེ་ཉིད་ཀྱི་སྤྱན་སྔར་བཟླས་བརྗོད་བརྒྱད་སྟོང་བྱའོ། །བཟླས་བརྗོད་རྫོགས་པའི་མོད་ལ་འཕགས་པ་སྤྱན་རས་གཟིགས་དབང་ཕྱུག་ཁྲོ་བོའི་རྒྱལ་པོ་རང་གི་
གཟུགས་ཀྱིས་མདུན་ན་བཞུགས་པར་འགྱུར་ཏེ། འཇིག་རྟེན་པའི་ཆོ་ག་ཞིབ་མོ་དང་། གསང་སྔགས་དང་། ཕྱག་རྒྱ་དང་། དཀྱིལ་འཁོར་ཐམས་ཅད་དང་། མིག་འཕྲུལ་དང་། བཞད་གད་དང་། ཕུར་པས་གདབ་པ་དང་། བསྲེག་
པ་དང་། འཕང་བ་དང་། གསད་པ་དང་། དབང་དུ་བྱ་བ་དང་། སྒྱུ་མ་བསྟན་པ་དང་། བདག་བསྲུང་བ་དང་། གཞན་བསྲུང་བ་དང་། མི་སྣང་བའི་ཆོ་ག་སྨྲ་བ་དང་། ནོར་བསྒྱུར་བ་སྨྲ་བ་དང་། ས་གཞི་སྨྲ་བ་དང་། 
རྒྱུ་བ་དང་། ནམ་མཁའ་ལ་འགྲོ་བ་དང་། ཆུ་རྒལ་བ་དང་། མེ་དང་། ཆུ་དང་། དུག་དང་། མཚོན་ཆ་ལས་རྒལ་བ་དང་། རྨོངས་བྱེད་དང་། རྨུགས་བྱེད་དང་། རེངས་བྱེད་དང་། བཅིང་བ་དང་། རྒྱ་མཚོ་ཆེན་པོ་
བསྐྱོད་པ་དང་། རོ་ལངས་བསླང་བ་དང་། ཤི་བ་གསོ་བ་དང་། ཟླ་བ་དང་ཉི་མ་དབབ་པ་དང་། དགུག་པ་དང་། བདེན་པ་བསྟན་པ་དང་། ནད་ལ་སོགས་པ་ཐམས་ཅད་རབ་ཏུ་ཞི་བ་དང་། དགོས་པ་ཐམས་ཅད་འགྲུབ་

99-1-226a

པར་འགྱུར་རོ། །གནོད་སྦྱིན་དགུག་པ་དང་། སྲིན་པོ་དགུག་པ་དང་། འབྱུང་པོ་དགུག་པ་དང་། ཀླུ་དང་ལྷ་དགུག་པ་དང་། བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དགུག་པ་དང་། བཏང་བ་དང་། དགོས་པ་ལ་
སོགས་པ་ཐམས་ཅད་འགྲུབ་པར་འགྱུར་རོ། །དྲན་པ་ཙམ་གྱི་མོད་ལ་དངོས་གྲུབ་ཐམས་ཅད་ཐོབ་པར་འགྱུར། ལས་ཐམས་ཅད་བྱེད་པར་འགྱུར་རོ། །བཀླགས་པ་ཙམ་གྱིས་ལས་དང་། དངོས་གྲུབ་དང་། སྒྲུབ་པ་ཐམས་ཅད་
སྟོན་པར་འགྱུར། ཕྱིར་རྒོལ་བ་དང་། དགྲ་དང་། ཕ་རོལ་གྱི་དམག་ཚོགས་དང་། འཐབ་པ་དང་། རྩོད་པ་དང་། འགྱེད་པ་དང་། སྡང་བའི་སེམས་ཅན་ཐམས་ཅད་ཕྱིར་ཟློག་པར་འགྱུར་རོ། །དྲན་པ་ཙམ་གྱིས་མཆོག་ཏུ་
འགྲུབ་པར་འགྱུར་ཏེ། སྐལ་བ་ངན་པ་དང་། ནོར་ཆུད་ཟ་བ་དང་། མི་འཁྲུགས་འགྲུབ་པ་དང་། སྡིག་པའི་རྨི་ལམ་ངན་པ་དང་། ལྟས་ངན་པ་དང་། སྒྲིབ་པ་དང་། སྡིག་པ་གཞིག་པར་བྱ་བ་ལ་མཆོག་ཏུ་གྲུབ་པ་ཡིན་
ནོ། །ཁྲོ་བོའི་རྒྱལ་པོའི་ཞབས་ནས་གཟུང་སྟེ། བཟླས་བརྗོད་སྟོང་རྩ་བརྒྱད་བྱས་ན་སྔོན་བསགས་པའི་བསོད་ནམས་དང་སྐལ་བ་མངོན་དུ་འགྱུར་ཏེ། ཚེའི་མཐར་ཐུག་གི་བར་དུ་དཔལ་ཆེན་པོ་དང་། ཆེ་བ་ཉམས་
སུ་མྱོང་བར་འགྱུར་རོ། །ཞལ་དུ་བལྟས་ཏེ་བཟླས་བརྗོད་སྟོང་རྩ་བརྒྱད་བྱས་ན་དབང་ཕྱུག་ཆེན་པོའི་དངོས་གྲུབ་ཐོབ་པར་འགྱུར་རོ། །རྐེད་པའི་གནས་ནས་གཟུང་སྟེ། བཟླས་བརྗོད་བརྒྱ་རྩ་བརྒྱད་བྱས་ན་སྔོན་གྱི་ཚེ་
རབས་རྗེས་སུ་དྲན་པར་འགྱུར། རྒྱལ་པོ་བཙུན་མོ་དང་། འཁོར་དང་བཅས་པ་རྣམས་དབང་དུ་གྱུར་ནས་གནས་ཏེ། བདག་ཉིད་དང་ནོར་གྱིས་ཇི་སྲིད་འཚོའི་བར་དུ་ཉེ་བར་གནས་པར་འགྱུར་རོ། །ཅོད་པན་ལ་ལན་
བརྒྱ་རྩ་བརྒྱད་ཡོངས་སུ་བཟླས་ཏེ། ཁྲོ་བོའི་རྒྱལ་པོའི་དབུ་ལ་བཅིངས་ན་ངེས་པར་དབང་བསྐུར་བ་འཐོབ་པར་འགྱུར་ཏེ། འདི་ལ་ཐེ་ཙོམ་དང་ཡིད་གཉིས་བསྐྱེད་པར་མི་བྱའོ།། །།འཕགས་པ་དོན་ཡོད་

99-1-226b

པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་གཅིག་པ། དེ་ནས་ཕྱག་ན་རྡོ་རྗེ་དོན་ཡོད་པའི་རྫུ་འཕྲུལ་རྣམ་པར་འཕྲུལ་པའི་ཆོ་འཕྲུལ་གྱི་འཁོར་གྱི་དཀྱིལ་འཁོར་དེར་ནམ་
མཁའ་ལས་བབས་ནས། འཁོར་གྱི་དཀྱིལ་འཁོར་ཆེན་པོའི་མདུན་དུ་བཅོམ་ལྡན་འདས་ལ་མཆོད་པ་ཆེན་པོ་དང་། བཀུར་སྟི་མངོན་དུ་བྱས་ཏེ། བཅོམ་ལྡན་འདས་ལ་ལན་བརྒྱ་སྟོང་དུ་བསྐོར་བ་བྱས་ནས་བཅོམ་ལྡན་འདས་
ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་མཆོད་པ་བྱས་ནས་ཕྱག་འཚལ་ཏེ་སོང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གང་ན་བ་དེ་
ལོགས་སུ་སོང་སྟེ་ཕྱིན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལྷ་རྫས་ཀྱི་མཆོད་པ་ཆེན་པོས་མཆོད་པ་བྱས་སོ། །མེ་ཏོག་དང་། བདུག་སྤོས་དང་། དྲི་དང་། 
ཕྲེང་བ་དང་། བྱུག་པ་དང་། གོས་དང་། རྒྱན་དང་། ལྷབ་ལྷུབ་དང་། སིལ་སྙན་དང་། ཕེག་རྡོབ་པ་རྣམ་པ་སྣ་ཚོགས་ཀྱིས་མཆོད་ནས་ལན་བདུན་བསྐོར་བ་བྱ་བ་བྱས་སོ། །རི་པོ་ཏ་ལའི་གཞལ་མེད་
ཁང་ན་གནས་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དེ་དག་གིས་ཀྱང་མཆོད་པ་བྱས་སོ། །དཀྱིལ་འཁོར་གྱི་
ལྷ་དེ་དག་ལ་ཡང་མཆོད་པ་བྱས་སོ། །འཁོར་ཆེན་པོ་དེ་དག་ལ་ཡང་མཆོད་པ་བྱས་སོ། །ལྷན་ཅིག་ལྷགས་པའི་འཁོར་དེ་དག་ཐམས་ཅད་ལ་ཡང་མཆོད་པ་དང་། མངོན་དུ་བསྟོད་པ་དང་། ཕྱག་བྱས་ནས་གནོད་སྦྱིན་
གྱི་སྡེ་དཔོན་ཆེན་པོ་ཕྱག་ན་རྡོ་རྗེ་ཡུད་ཙམ་ཞིག་ཅང་མི་སྨྲ་བར་འདུག་པར་གྱུར་ཏོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་འགྱིང་བག་ཅན། བརྗིད་བག་གི་འགྲོས་ཀྱིས་ལངས་ནས་བཅོམ་ལྡན་འདས་

99-1-227a

གང་ན་བ་དེར་ལོགས་སུ་སོང་སྟེ་ཕྱིན་ནས་རྡོ་རྗེ་གསོར་ཞིང་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་
བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ་རྣམ་པར་
ཐར་པའི་དཀྱིལ་འཁོར་གྱི་ཆོ་ག་ཞིབ་མོ་འདི་ཤིན་དུ་ཟབ་པ། ཤིན་དུ་རྟོགས་པར་དཀའ་བ། རྒྱ་མཚོ་ཆེན་པོ་ལྟ་བུར་ཤིན་དུ་ཟབ་པ། རི་རབ་ཆེན་པོ་ལྟ་བུར་ཤིན་དུ་མི་གཡོ་ཞིང་མི་སྒུལ་བ། མཆོག་ཏུ་རྙེད་པར་དཀའ་བ་ཤིན་དུ་
གཟུང་བར་དཀའ་བའི་ཕྱག་རྒྱ་མང་པོ་དང་། གསང་སྔགས་མང་པོ་དང་། དཀྱིལ་འཁོར་སྒྲུབ་པ་མང་པོ་དང་། རི་མོའི་སྐུ་གཟུགས་བྲི་བ་མང་པོ་དང་། སྒྲུབ་པ་གསང་བ་རྣམ་པ་མང་པོ་དང་། དེ་བཞིན་གཤེགས་པའི་རྣམ་པར་
འཕྲུལ་པ་མང་པོ་དང་། འཕགས་པ་སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པ་དོན་ཡོད་པ་བཀླགས་པས་འགྲུབ་པར་འགྱུར་བ་མང་པོ་ལ་བཅོམ་ལྡན་འདས་བདག་མཆོག་ཏུ་ཡ་མཚན་དུ་གྱུར་ན་ཇི་ལྟར་སྒྲུབ་པར་
རྔོ་ཐོག །ཇི་ལྟར་ངེས་པར་གཟུང་བར་རྔོ་ཐོག་ལགས། གསང་སྔགས་ཐ་དད་པ་དང་། ཕྱག་རྒྱ་ཐ་དད་པ་དང་། དཀྱིལ་འཁོར་སྒྲུབ་པ་ཐ་དད་པ་དང་། རས་ཀྱི་རི་མོའི་སྐུ་གཟུགས་ཐ་དད་པ་དང་། གཏོར་མ་ཐ་དད་པ་དང་། མེ་ཏོག་དང་། 
བདུག་སྤོས་དང་། དྲི་དང་། ཕྲེང་བ་དང་། བྱུག་པ་དང་། མཆོད་ཡོན་དང་། ཞབས་བསིལ་དང་། སྤྱན་དྲང་བ་དང་གཤེགས་སུ་གསོལ་བ་དང་། དགུག་པ་དང་། དམ་ཚིག་དང་། ཁྲུས་དང་། སྨྱུང་བ་དང་། ཕྱག་རྒྱ་བཅིང་བ་དང་། 
རབ་ཏུ་འཇུག་པ་དང་། བཟླས་བརྗོད་དང་། སྦྱིན་སྲེག་དང་། སླར་གཤེགས་སུ་གསོལ་བ། ངེས་པར་བཟུང་བ་འམ། དྲན་པར་བགྱི་བར་རྔོ་ཐོག །བཅོམ་ལྡན་འདས་རྨོངས་པ་ཆེན་པོ་སེམས་ཀྱི་སྤྱོད་པ་རྨུགས་པར་

99-1-227b

གྱུར་པའི་རིགས་ཀྱི་བུ་རྣམས་སམ། རིགས་ཀྱི་བུ་མོ་རྣམས་སམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། དགེ་སྦྱོང་ངམ། བྲམ་ཟེ་འམ། རྒྱལ་རིགས་སམ། རྗེའུ་རིགས་སམ། དམངས་
རིགས་ཀྱིས་རིག་སྔགས་འཆང་དེ་རྣམས་ཀྱི་དོན་ཡོད་པའི་ཆོ་ག་ཞིབ་མོའི་རྒྱལ་པོ་འདི་ངེས་པར་གཟུང་བར་ཇི་ལྟར་རྔོ་ཐོག །རིག་སྔགས་འཆང་དེ་རྣམས་ཀྱིས་ཇི་ལྟར་བསྒྲུབ་པར་རྔོ་ཐོག །བཅོམ་ལྡན་འདས་བདག་གི་སྙིང་ལ་
མཆོག་ཏུ་ཡ་མཚན་སྐྱེས་པ་དེ་དག་བཅོམ་ལྡན་འདས་ཀྱིས་ཐེ་ཙོམ་བཅད་པའི་སླད་དུ་བཀའ་སྩལ་དུ་གསོལ། བཅོམ་ལྡན་འདས་ཐེ་ཙོམ་བཅད་པའི་སླད་དུ་ཞུས་པ་ལུང་བསྟན་དུ་གསོལ། དེ་ནས་བཅོམ་ལྡན་འདས་དེ་
བཞིན་གཤེགས་པ་ཤཱཀྱ་ཐུབ་པས། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་དངོས་གྲུབ་ཀྱི་སྤྱོད་པ་གསང་བ་རྣམ་པ་སྣ་ཚོགས་གསང་སྔགས་སྒྲུབ་པ་པོ་བསྒྲུབ་
པ་ལ་གང་གི་ཚེ་དངོས་གྲུབ་ལས་དབུགས་ཕྱུང་བ་དེའི་ཚེ་བློན་ཆེན་པོའི་ཆེན་པོར་འབོགས་པར་འགྱུར། དངོས་གྲུབ་ཆེན་པོའི་ཆེན་པོ་འགྲུབ་པར་འགྱུར། བསོད་ནམས་ཀྱི་ཕུང་པོ་ཆེན་པོའི་ཆེན་པོ་རབ་ཏུ་སྐྱེ་བར་
འགྱུར། དགེ་བའི་རྩ་བ་ཆེན་པོའི་ཆེན་པོ་དང་ལྡན་པར་འགྱུར། ཕ་རོལ་ཏུ་ཕྱིན་པ་དྲུག་གི་དངོས་གྲུབ་ཆེན་པོའི་ཆེན་པོ་འཐོབ་པར་འགྱུར། ལག་ན་རྡོ་རྗེས་གསོལ་པ། བཅོམ་ལྡན་འདས་དངོས་གྲུབ་གང་གིས་
བསྒྲུབ་པའི་ཆོ་གའི་དངོས་གྲུབ་འཐོབ་པར་འགྱུར་བའི་དངོས་གྲུབ་དམ་པ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་གང་ལ་ཡུངས་ཀར་གྱི་འབྲུ་ཙམ་གྱི་བྱང་ཆུབ་ཀྱི་ས་བོན་གྱི་འབྲས་
བུ་ཐོབ་པ་ཡོད་པ་དེ་ལ་ལག་ན་རྡོ་རྗེ་དངོས་གྲུབ་དམ་པ་མཆོག་ཏུ་འགྱུར་རོ། །ལག་ན་རྡོ་རྗེ་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། 

99-1-228a

དགེ་སྦྱོང་ངམ། བྲམ་ཟེ་འམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། གཞན་གང་ཡང་རུང་བ་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་གང་གི་ལག་ཏུ་དེ་བཞིན་གཤེགས་པའི་
སྐུའི་རིང་བསྲེལ་ཡུངས་ཀར་གྱི་འབྲུ་ཙམ་གཅིག་ཐོབ་པར་གྱུར་ལ་དེས་རིང་བསྲེལ་དེ་ཟ་མ་ཏོག་གི་ནང་དུ་བཅུག་སྟེ་ཉིན་གཅིག་བཞིན་དུ་མཆོད་པ་དང་། དཀྱིལ་འཁོར་དང་། ཁྲུས་ལ་སོགས་པ་བྱེད་ཅིང་བདུག་པ་དང་། དྲི་
དང་། ཕྲེང་བ་དང་། བྱུགས་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་དག་གིས་མཆོད་པ་བྱེད་ན་ལག་ན་རྡོ་རྗེ་རིག་སྔགས་འཆང་དེ་དངོས་གྲུབ་དམ་པ་དང་། མཆོག་དང་། བླ་ན་མེད་པ་འཐོབ་པར་འགྱུར་
རོ། །གང་དང་གང་དུ་དགོས་པར་སྦྱར་བ་དེ་དང་དེར་དངོས་གྲུབ་ཆེན་པོ་མཆོག་ཏུ་འགྱུར་རོ། །རིང་བསྲེལ་ཡུངས་ཀར་གྱི་འབྲུ་ཙམ་ཞིག་ལ་མཆོད་པ་བྱས་པ་དེ་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སྦྱོང་
ངམ། བྲམ་ཟེ་འམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། གཞན་བུད་མེད་དམ། སྐྱེས་པ་འམ། ཁྱེའུ་འམ། བུ་མོ་དེ་དག་གིས་དེ་བཞིན་གཤེགས་པ་བྱེ་བ་ཁྲག་ཁྲིག་སྟོང་
ཕྲག་གང་གཱ་ཀླུང་གི་བྱེ་མ་དང་མཉམ་པ་ལ་སྐད་ཅིག་གཅིག་གིས་མཆོད་པ་བྱས་པར་འགྱུར། རྗེད་པ་དང་། གུས་པ་དང་། བསྟོད་པ་དང་། ཕྱག་བྱས་པར་འགྱུར་རོ། །དེ་བཞིན་གཤེགས་པ་དེ་དག་
གིས་དྲུང་ནས་བསོད་ནམས་ཀྱི་ཕུང་པོ་དང་ལྡན་པར་འགྱུར་རོ། དེ་བཞིན་གཤེགས་པ་དེ་དག་གི་དྲུང་དུ་དགེ་བའི་རྩ་བ་བསྐྱེད་པར་འགྱུར། དེ་དག་གི་དྲུང་དུ་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །
དེ་བཞིན་གཤེགས་པ་དེ་དག་གི་དྲུང་དུ་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། གཞན་གང་སུ་ཡང་རུང་བ། དགེ་སྦྱོང་ངམ། 

99-1-228b

བྲམ་ཟེ་འམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། སྐྱེས་པ་འམ། བུད་མེད་དམ། ཁྱེའུ་འམ། བུ་མོ་དེ་དག་དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་གྱིས་བརླབས་པར་འགྱུར་རོ། །དེ་བཞིན་གཤེགས་
པ་ཐམས་ཅད་ཀྱིས་ལུང་བསྟན་པར་འགྱུར་རོ། །ཤེས་རབ་དང་། ཐབས་ལ་མཁས་པའི་དགེ་བའི་རྩ་བ་དཔག་ཏུ་མེད་པར་འགྱུར་རོ། །རིག་སྔགས་འཆང་ཆེན་པོའི་དངོས་གྲུབ་དཔག་ཏུ་མེད་པར་འགྱུར་རོ། །དོན་ཡོད་པའི་ཆོ་ག་ཞིབ་མོའི་
དཀྱིལ་འཁོར་དང་། ཕྱག་རྒྱ་དང་། གསང་སྔགས་ཀྱི་དངོས་གྲུབ་དཔག་ཏུ་མེད་པ་འཐོབ་པར་འགྱུར་རོ། །དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ་རྣམ་པར་ཐར་པའི་དཀྱིལ་འཁོར་
གྱི་ཆོ་ག་ཞིབ་མོའི་རྒྱལ་པོ་ཆེན་པོའི་རིག་སྔགས་རིམ་པར་ཕྱེ་བའི་དངོས་གྲུབ་དཔག་ཏུ་མེད་པ་འཐོབ་པར་འགྱུར་རོ། །ལག་ན་རྡོ་རྗེ་དེ་ལྟར་རིང་བསྲེལ་ཡུངས་ཀར་གྱི་འབྲུ་ཙམ་ཞིག་ལ་མཆོད་པ་བྱེད་པ་དེ་ཡོན་ཏན་ཆེན་
པོའི་ཆེན་པོར་བརྗོད་པའི་རྣམ་པར་འཕྲུལ་པའི་བྱིན་གྱི་རླབས་ཀྱི་རྫུ་འཕྲུལ་གྱི་ཏིང་ངེ་འཛིན་འཐོབ་པར་ཡང་དག་པར་འགྱུར་རོ། །དེ་ལྟར་དངོས་གྲུབ་ཆེན་པོའི་ཆེན་པོ་འཐོབ་པར་འགྱུར་རོ། །དེ་ལྟ་མོད་ཀྱི་ལག་ན་རྡོ་རྗེ་ཁྱོད་སོང་
ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཡོངས་སུ་དྲིས་ཤིག་དང་། དྲིས་པ་དེའི་ལན་ལྡོན་པར་འགྱུར་རོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དགའ་
བ་དང་། མགུ་བ་དང་། ཡིད་རངས་པ་དང་། རབ་ཏུ་དགའ་བ་དང་། དགའ་བ་དང་། ཡིད་བདེ་བ་བསྐྱེད་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། སོང་ནས་བྱང་ཆུབ་སེམས་དཔའ་སེམས་དཔའ་
ཆེན་པོ་འཕགས་པ་སྤྱན་རས་གཟིགས་དབང་ཕྱུག་གང་ན་བ་དེ་ལོགས་སུ་སོང་སྟེ་ཕྱིན་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་རྐང་པ་གཉིས་ལ་མགོ་བོས་ཕྱག་

99-1-229a

བྱས་ཏེ། ལན་གསུམ་བསྐོར་བ་བྱས་ནས་བཞིན་འཛུམ་པ་དང་། གདོང་ཁྲོ་གཉེར་མེད་པས་འཕགས་པ་སྤྱན་རས་གཟིགས་དབང་ཕྱུག་ལ་མིག་མི་འཛུམས་པར་ལྟ་ཞིང་། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་འདུག་ནས་
རྡོ་རྗེ་གསོར་ཞིང་གདོང་དུ་བལྟས་ཏེ་རྟོག་ཅིང་འདུག་གོ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་ཁྱོད་མི་གཡོ་བར་མདུན་དུ་འདུག་
སྟེ་རྡོ་རྗེ་གསོར་ཞིང་ང་ལ་ཅི་ཞིག་བལྟ། ཅི་ཞིག་ཡོངས་སུ་དྲི་བར་འདོད། ཅི་ཞིག་གསོལ་བ་འདེབས་པར་འདོད། ལག་ན་རྡོ་རྗེ་དེ་ང་ལ་སྨྲོས་ཤིག །ལག་ན་རྡོ་རྗེ་ཁྱོད་ལ་སྐབས་ཕྱེའི་ཡོངས་སུ་དྲིས་ཤིག་དང་། དྲིས་པ་དེ་ཐམས་ཅད་ལུང་བསྟན་པས་ཁྱོད་ཀྱི་
སེམས་རངས་པར་བྱའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བཅོམ་ལྡན་འདས་དོན་ཡོད་
པའི་ཞགས་པའི་སྙིང་པོའི་ཆོ་ག་ཞིབ་མོ་ཤིན་ཏུ་རྟོགས་པར་དཀའ་བ་ཤིན་དུ་ཟབ་པ། བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་གསང་སྔགས་མང་པོ་དང་། ཕྱག་རྒྱ་མང་
པོ་དང་། དཀྱིལ་འཁོར་སྒྲུབ་པ་མང་པོ་དང་། རས་ཀྱི་སྐུ་གཟུགས་བྲི་བ་མང་པོ་ཡོངས་སུ་བསྒྲགས་པ་འདི་བཅོམ་ལྡན་འདས་ཇི་ལྟར་ངེས་པར་གཟུང་བར་ནུས། དངོས་གྲུབ་ཇི་ལྟར་ཤེས་པར་བགྱི། རྒྱ་མཚོ་ཆེན་
པོ་ལྟར་ཟབས་ཆེ་བ། རི་རབ་དང་མཚུངས་པར་མི་གཡོ་བ། ནམ་མཁའ་ལྟར་མཐའ་ཐུག་པ་མ་མཆིས་པ། ཤིན་དུ་རྟོགས་པར་དཀའ་བ། འདི་ལྟར་ཤེས་པར་བགྱི། གནས་ནི་གང་། འགྲོ་བ་ནི་གང་། འབྱུང་བ་ནི་
གང་། སྒྲུབ་པའི་གནས་ནི་གང་། དངོས་གྲུབ་དམ་པའི་གནས་ནི་གང་། སྔ་མ་ནི་གང་། ཕྱི་མ་ནི་གང་། དབུས་ནི་གང་། ཐ་མ་ནི་གང་ལགས། མང་དུ་ཡོངས་སུ་ཞུའོ། །དཀྱིལ་འཁོར་དང་ཕྱག་རྒྱ་རིམ་པར་ཕྱེ་བ་དང་གསང་སྔགས་

99-1-229b

དང་སྒྲུབ་པའི་ཆོ་ག་དང་། དམ་ཚིག་སོ་སོ་ཐ་དད་པ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་དོན་ཡོད་པའི་རྒྱལ་པོ་ཆེན་པོའི་ཆོ་ག་ཞིབ་མོ། བྱང་ཆུབ་སེམས་དཔའ་
ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་ཆེན་པོ་རིམ་པར་ཕྱེ་སྟེ་རྗེས་སུ་གཟུང་བ་དེ་ངེས་པར་གཟུང་བར་ཇི་ལྟར་ནུས། བཅོམ་ལྡན་འདས་བདག་གི་ཐེ་ཙོམ་ཆེན་པོ་དང་། མཆོག་ཏུ་ངོ་མཚར་དུ་གྱུར་
པ་དེ་ཐུགས་རྗེ་ཆེན་པོས་བདག་ལ་བཀའ་སྩལ་དུ་གསོལ། ཇི་ལྟར་གྲུབ་ན་ཕྱག་རྒྱ་དང་། གསང་སྔགས་དང་བཅས་པའི་དཀྱིལ་འཁོར་རིམ་པར་ཕྱེ་བ་དང་། རས་ཀྱི་རི་མོའི་ཆོ་ག་མཐའ་དག་ངེས་པར་གཟུང་བར་འགྱུར་བ། 
ཐེ་ཙོམ་བཅད་པའི་སླད་དུའོ། །སེམས་དཔའ་ཆེན་པོས་བཀའ་སྩལ་དུ་གསོལ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་
རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་ཡུན་རིང་པོ་ཞིག་ནས་སྤོབས་པ་གང་ཞིག་སྐྱེས་ཏེ། ང་ལ་ཡོངས་སུ་འདྲི་ལག་ན་རྡོ་རྗེ་ཉོན་ཅིག་དང་བཤད་པར་བྱའོ། །གང་ཡང་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ཀྱི་སངས་རྒྱས་བཅོམ་ལྡན་
འདས་ནི་ཁ་དོག་གཅིག་པ། རྟགས་གཅིག་པ། ཆོས་གཅིག་ལ་ཞུགས་པ། དབྱིངས་དང་ཁམས་དང་། སྙིང་པོ་གཅིག་པ། སངས་རྒྱས་འབྱུང་བ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་གཅིག་པའོ། །དེ་ལྟ་མོད་ཀྱི་ལག་ན་རྡོ་རྗེ་གང་འདས་པ་དང་། མ་བྱོན་
པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དེ་དག་ནི་སངས་རྒྱས་ཀྱི་ཞིང་སྣ་ཚོགས་པ་ཉིད་དང་། རྫུ་འཕྲུལ་གྱི་རྣམ་པར་འཕྲུལ་པ་དང་། སྐུ་ཚེའི་འདུ་བྱེད་སྣ་ཚོགས་པ་ཉིད་དང་། སེམས་ཅན་ཡོངས་སུ་སྨིན་པར་མཛད་པ་སྣ་
ཚོགས་པ་ཉིད་དང་། ལུང་བསྟན་པ་སྣ་ཚོགས་པ་ཉིད་དང་། ཉན་ཐོས་དང་རང་སངས་རྒྱས་ཀྱི་དགེ་འདུན་སྣ་ཚོགས་པ་ཉིད་དང་། བྱང་ཆུབ་སེམས་དཔའི་ཚོགས་སྣ་ཚོགས་པ་ཉིད་དང་། གཞན་ཡང་སངས་རྒྱས་ཀྱི་སྐུ་ཐ་དད་པ་ཉིད་དུ་ཡང་དག་པར་ཤེས་

99-1-230a

སོ། །དེ་ལྟ་མོད་ཀྱི་ལག་ན་རྡོ་རྗེ་དེ་བཞིན་དུ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དོན་ཡོད་པའི་ཞགས་པ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། རྣམ་པར་ཐར་པའི་དཀྱིལ་འཁོར་འདི་ཡང་
གཅིག་ཉིད་ལས་དེ་ཐམས་ཅད་དུ་རྗེས་སུ་འགྲོའོ། །སྒྱུ་མ་ལྟ་བུའི་ཏིང་ངེ་འཛིན་གྱི་རྣམ་པར་འཕྲུལ་པ་སྣ་ཚོགས་ཀྱིས་རྣམ་པར་འཕྲུལ་པའི་རྫུ་འཕྲུལ་གྱི་དངོས་གྲུབ་ཀྱི་གནས་དང་། སེམས་ཅན་ཡོངས་སུ་སྨིན་པར་བྱེད་པའི་གནས། 
བསམ་པ་ཡོངས་སུ་རྫོགས་པར་བྱེད་པ་ལ་ཇི་ལྟ་ཇི་ལྟར་དུལ་བར་བྱེད་པ་དེ་ལྟ་དེ་ལྟར་དངོས་གྲུབ་རྗེས་སུ་འཐོབ་ཅིང་དེ་ལྟ་དེ་ལྟར་བསམ་པ་དག་པ་འཐོབ་པར་འགྱུར་རོ། །དེ་ལྟ་དེ་ལྟར་དགེ་བའི་རྩ་བ་ཆེན་པོས་བསྐྱེད་པར་འགྱུར་རོ། །དེ་ལྟ་
དེ་ལྟར་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །དེ་ལྟ་དེ་ལྟར་དེ་བཞིན་གཤེགས་པ་ཐམས་ཅད་ཀྱིས་དགོངས་པར་འགྱུར་རོ། །དེ་ལྟ་དེ་ལྟར་བྱང་ཆུབ་སེམས་དཔའི་ཡུལ་ལ་རྣམ་པར་འཕྲུལ་པ་སྒྱུ་མ་ལྟ་བུའི་ཏིང་ངེ་འཛིན་གྱི་རྫུ་
འཕྲུལ་གྱི་ཆོ་འཕྲུལ་དང་ལྡན་པར་འགྱུར་རོ། །དེ་ལྟ་དེ་ལྟར་གཟུངས་དང་། ཏིང་ངེ་འཛིན་ཡོངས་སུ་དག་པར་འཐོབ་པར་འགྱུར་རོ། །དེ་ལྟ་དེ་ལྟར་དཔའ་བར་འགྲོ་བའི་ཏིང་ངེ་འཛིན་འཐོབ་པར་འགྱུར་རོ། །རྡོ་རྗེ་ལྟ་བུའི་ཏིང་ངེ་འཛིན་དང་། རྒྱལ་
མཚན་གྱི་རྩེ་མོའི་དཔུང་རྒྱན་གྱི་ཏིང་ངེ་འཛིན་དང་། ཉོན་མོངས་པ་སྤོང་བའི་ཏིང་ངེ་འཛིན་དང་། སྤྱན་རས་གཟིགས་དབང་ཕྱུག་གི་ཏིང་ངེ་འཛིན་དང་། རྣམ་པར་འཐོར་བའི་ཏིང་ངེ་འཛིན་དང་། འོད་ཟེར་རབ་ཏུ་འགྱེད་པའི་ཏིང་ངེ་འཛིན་
དང་། དགའ་བ་སྤོང་བའི་ཏིང་ངེ་འཛིན་དང་། སྟོབས་བཀོད་པའི་ཏིང་ངེ་འཛིན་དང་། ཆོས་ལ་རྣམ་པར་བལྟ་བའི་ཏིང་ངེ་འཛིན་དང་། ལག་ན་རིན་ཆེན་ཕྱག་རྒྱའི་ཏིང་ངེ་འཛིན་དང་། དྲི་མ་མེད་པའི་འབྱུང་གནས་ཀྱི་ཏིང་ངེ་འཛིན་དང་། རྣམ་པར་
སྣང་མཛད་ཀྱི་སྙིང་པོའི་ཏིང་ངེ་འཛིན་དང་། ཉི་མ་རབ་ཏུ་གྲོལ་བའི་ཏིང་ངེ་འཛིན་དང་། རིན་པོ་ཆེའི་སྙིང་པོའི་ཏིང་ངེ་འཛིན་དང་། ཟླ་བའི་སྙིང་པོའི་ཏིང་ངེ་འཛིན་དང་། ཀུན་དུ་བལྟ་བའི་འོད་ཟེར་གྱི་ཏིང་ངེ་འཛིན་དང་། ཆོས་ཀྱི་

99-1-230b

སྒྲོན་མའི་ཏིང་ངེ་འཛིན་དང་། དེ་བཞིན་གཤེགས་པ་ཐམས་ཅད་ཀྱི་སྤྱི་གཙུག་ལ་རྣམ་པར་བལྟ་བའི་ཏིང་ངེ་འཛིན་དང་། ཡུལ་ལ་རྣམ་པར་འཕྲུལ་པ་ཀུན་དུ་བཀོད་པའི་ཏིང་ངེ་འཛིན་དང་། སྒྲོན་མ་འབར་བའི་ཏིང་ངེ་འཛིན་དང་། ཆགས་པ་མེད་པའི་ཏིང་
ངེ་འཛིན་དང་། ཕྱིར་མི་ལྡོག་པའི་འབྱུང་གནས་ཀྱི་ཏིང་ངེ་འཛིན་དང་། ཟླ་བ་རྫོགས་པའི་ཏིང་ངེ་འཛིན་དང་། ཤིན་དུ་རབ་ཏུ་གནས་པའི་ཏིང་ངེ་འཛིན་དང་། ཤིན་དུ་སངས་རྒྱས་པའི་ཏིང་ངེ་འཛིན་དང་། འགྲོ་བ་ཡོངས་སུ་དག་པའི་ཏིང་ངེ་འཛིན་དང་། 
ཉི་མ་ཀུན་དུ་ལྟ་བའི་ཏིང་ངེ་འཛིན་དང་། ཡིད་གཉིས་ཡང་དག་པར་འཇོམས་པའི་ཏིང་ངེ་འཛིན་དང་། ཀུན་དུ་ཕྱག་རྒྱའི་རྣམ་པའི་ཏིང་ངེ་འཛིན་དང་། ཀུན་ནས་དཀྱིལ་འཁོར་ཡོངས་སུ་དག་པའི་ཏིང་ངེ་འཛིན་དང་། ཕྱག་རྒྱའི་མཚན་ཉིད་
ལ་ཀུན་དུ་ལྟ་བའི་ཏིང་ངེ་འཛིན་དང་། དཀྱིལ་འཁོར་ཡོངས་སུ་དག་པ་ཡང་དག་པར་འཛིན་པའི་ཏིང་ངེ་འཛིན་དང་། ཀུན་དུ་ལྟ་བའི་འོད་ཟེར་གྱི་ཏིང་ངེ་འཛིན་དང་། པད་མ་བཀོད་པའི་ཏིང་ངེ་འཛིན་དང་། དོན་ཡོད་པ་ཀུན་དུ་ལྟ་བའི་ཏིང་ངེ་འཛིན་
དང་། དོན་ཡོད་པ་དྲི་མ་མེད་པའི་ཏིང་ངེ་འཛིན་དང་། ཀུན་དུ་དོན་ཡོད་པའི་རྣམ་པར་འཕྲུལ་པའི་ཏིང་ངེ་འཛིན་དང་། རྒྱ་ཆེན་པོ་དབུགས་འབྱིན་པ་དོན་ཡོད་པ་རིན་པོ་ཆེའི་ཏིང་ངེ་འཛིན་དང་། དཔུང་རྒྱན་གྱི་ཏིང་ངེ་འཛིན་དང་། དཔུང་
རྒྱན་རྒྱལ་མཚན་གྱི་ཏིང་ངེ་འཛིན་དང་། རྒྱལ་མཚན་གྱི་རྩེ་མོའི་དཔུང་རྒྱན་གྱི་ཏིང་ངེ་འཛིན་དང་། སྒྲིབ་པ་ཐམས་ཅད་རྣམ་པར་དག་པའི་ཏིང་ངེ་འཛིན་དང་། དོན་ཡོད་པའི་ལྕགས་ཀྱུའི་ཏིང་ངེ་འཛིན་དང་། པད་མའི་ལྕགས་ཀྱུའི་
ཏིང་ངེ་འཛིན་དང་། དྲི་མ་མེད་པའི་ལྕགས་ཀྱུའི་ཏིང་ངེ་འཛིན་དང་། ཀུན་ནས་འདྲེན་པའི་ལྕགས་ཀྱུའི་ཏིང་ངེ་འཛིན་དང་། དོན་ཡོད་པའི་འོད་ཟེར་གྱི་ལྕགས་ཀྱུའི་ཏིང་ངེ་འཛིན་དང་། ཀུན་དུ་ལྟ་བའི་གཟི་བརྗིད་ཀྱི་ཏིང་ངེ་འཛིན་དང་། 
རྟོགས་པ་དྲི་མ་མེད་པ་ཐོབ་པའི་ཏིང་ངེ་འཛིན་དང་། ཀུན་དུ་ལྟ་བ་རབ་ཏུ་གསལ་བའི་ཏིང་ངེ་འཛིན་དང་། རྣམ་པ་ཐམས་ཅད་ཡོངས་སུ་རྫོགས་པའི་ཏིང་ངེ་འཛིན་དང་། ཏིང་ངེ་འཛིན་གྱི་གཙོ་བོ་ལྔ་བཅུ་རྩ་གཉིས་པོ་འདི་དག་

99-1-231a

འཐོབ་པར་འགྱུར་ཏེ། ཏིང་ངེ་འཛིན་རེ་རེ་ཡང་འཁོར་བྱེ་བ་བརྒྱ་སྟོང་ཕྲག་གང་གཱའི་ཀླུང་གི་བྱེ་མ་དང་མཉམ་པ་དེ་ཐམས་ཅད་རྗེས་སུ་འཐོབ་པར་འགྱུར་རོ། །ལག་ན་རྡོ་རྗེ་དོན་ཡོད་པའི་ཞགས་པའི་སྙིང་པོ་རྣམ་པར་འཕྲུལ་པ་
འདིའི་བྱིན་གྱིས་བརླབས་ཀྱིས་ཀྱང་དོན་ཡོད་པའི་ཞགས་པའི་སྙིང་པོ་ཀློག་པ་དང་། འཆང་བ་དང་། བརྗོད་པ་དང་། སྒྲུབ་པ་དང་། ཕྱག་རྒྱ་འཆིང་བས་ཡོན་ཏན་དེ་དག་འཐོབ་པར་འགྱུར་རོ། །ལག་ན་རྡོ་རྗེ་དོན་ཡོད་པའི་ཞགས་པའི་
སྙིང་པོ་འཆང་བ་དང་། བརྗོད་པ་དང་། ཀློག་པ་དང་། ཁ་ཏོན་བྱེད་པ་དང་། ཉིན་ལན་གསུམ་མཚན་ལན་གསུམ་དྲན་པར་བྱེད་ན་ལག་ན་རྡོ་རྗེ་སེམས་ཅན་དེ་དངོས་གྲུབ་དོན་ཡོད་པ་འཐོབ་པར་འགྱུར་ཏེ། རྣམ་པར་འཕྲུལ་པ་དོན་ཡོད་པ་
དང་། དེ་བཞིན་གཤེགས་པ་བལྟ་བ་དོན་ཡོད་པ་འཐོབ་པ་དང་། གཟུངས་དོན་ཡོད་པ་འཐོབ་པ་དང་། ཏིང་ངེ་འཛིན་དོན་ཡོད་པ་འཐོབ་པ་དང་། བསོད་ནམས་སོགས་པ་དོན་ཡོད་པ་འཐོབ་པ་དང་། དེ་བཞིན་གཤེགས་པའི་ཡུལ་ལ་རྣམ་
པར་འཕྲུལ་པ་དོན་ཡོད་པ་དང་། བྱང་ཆུབ་སེམས་དཔའི་ཡུལ་ལ་རྣམ་པར་འཕྲུལ་པ་དོན་ཡོད་པ་དང་། དེ་བཞིན་གཤེགས་པའི་བྱིན་གྱིས་རླབས་ཀྱི་རྣམ་པར་འཕྲུལ་པ་དོན་ཡོད་པ་དང་། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ་
དོན་ཡོད་པ་དང་། བྱང་ཆུབ་ཀྱི་སྙིང་པོར་འགྲོ་བར་དོན་ཡོད་པ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་དོན་ཡོད་པ་དང་། ཕྱིར་མི་ལྡོག་པའི་གནས་སུ་འགྲོ་བ་དོན་ཡོད་པ་དང་། བློ་རྒྱས་པ་དོན་ཡོད་པ་དང་། ཤེས་རབ་ཟབ་མོ་
རྣམ་པར་འཕྲུལ་པ་དོན་ཡོད་པ་དང་། ཕ་རོལ་ཏུ་ཕྱིན་པ་བཅུ་ཡོངས་སུ་རྫོགས་པ་དོན་ཡོད་པ་དང་། དེ་བཞིན་གཤེགས་པ་ཐམས་ཅད་ལ་མཆོད་པ་དང་། རིམ་གྲོ་དང་། བླ་མ་དང་། གུས་པར་བྱ་བ་དོན་ཡོད་པ་དེའི་ཕྱིར་ལག་
ན་རྡོ་རྗེ་དོན་ཡོད་པའི་ཞགས་པ་ཞེས་མིང་དུ་གདགས་པ་བྱས་ན་ལག་ན་རྡོ་རྗེ་རིག་སྔགས་འཆང་རྣམས་ལ་ཇི་ལྟར་རྨོངས་པ་སྐྱེ་བར་འགྱུར། སེམས་འཁྲུག་པར་འགྱུར། དྲན་པ་དང་བློ་གྲོས་རྨོངས་པར་འགྱུར་ཏེ། དེའི་གནས་ནི་

99-1-231b

མི་སྣང་ན་སུ་ཞིག་སྨྲ་བར་ནུས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ནི་དོན་ཡོད་པ་སྟེ། དེ་བཞིན་གཤེགས་པའི་ཡེ་ཤེས་གང་ཡིན་པ་དེ་དོན་ཡོད་པ་ཞགས་པའི་མིང་དུ་དམིགས་སོ། །བྱང་ཆུབ་སེམས་དཔའ་རྣམས་ཀྱི་ཡེ་ཤེས་ནི་དོན་ཡོད་པ་སྟེ། 
ཡེ་ཤེས་དོན་ཡོད་པ་གང་ཡིན་པ་དེ་དོན་ཡོད་པའི་ཞགས་པའི་མིང་དུ་དམིགས་སོ། །སྒྱུ་མ་ལྟ་བུའི་ཏིང་ངེ་འཛིན་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པ་ནི་དོན་ཡོད་པ་སྟེ། སྒྱུ་མ་ལྟ་
བུ་གང་ཡིན་དེ་དོན་ཡོད་པའི་ཞགས་པའོ། །ཡེ་ཤེས་གང་ཡིན་པ་དེ་ཞགས་པའོ། །དེ་སྙིང་པོའོ། །སྙིང་པོ་གང་ཡིན་པ་དེ་དོན་ཡོད་པའི་ཞགས་པའི་སྙིང་པོ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ། སྤྱན་རས་གཟིགས་
དབང་ཕྱུག་གི་སྙིང་པོ་ཞེས་དོན་ཡོད་པའི་ཞགས་པའི་སྙིང་པོའི་མིང་དུ་དམིགས་སོ། །གང་ཡིད་ལ་སེམས་པ་དང་། གང་དོན་དུ་གཉེར་བ་དེ་ཐམས་ཅད་འདྲེན་པར་འགྱུར། འགུགས་པར་འགྱུར། ལེན་པར་འགྱུར་ཏེ། ཤིན་དུ་རིང་པོ་
ནས་ཡེ་ཤེས་ཀྱི་ཞགས་པར་འགྱུར་རོ། །ལག་ན་རྡོ་རྗེ་དེ་བས་ན་དེ་དོན་ཡོད་པའི་སྙིང་པོའི་མིང་དུ་དམིགས་སོ། །ལག་ན་རྡོ་རྗེ་གང་གིས་ཏིང་ངེ་འཛིན་འདི་འཐོབ་པ་དེ་ལ་ཇི་ལྟར་རྨོངས་པ་སྐྱེ་བར་འགྱུར། བློ་དམན་པར་འགྱུར་ཏེ་
གནས་འདི་ནི་མི་སྣང་ངོ་། །ལག་ན་རྡོ་རྗེ་གཞན་ཡང་གཟུངས་ཀྱི་སྒོ་དུ་མ་འཐོབ་སྟེ། གང་གིས་གཟུངས་འཐོབ་པ་དེས་དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་འདིའི་གསང་སྔགས་མཐའ་དག་རྫོགས་པ་དང་། 
གསང་སྔགས་དང་། ཕྱག་རྒྱ་དང་། གསང་སྔགས་རིམ་པར་ཕྱེ་བ་དང་། དཀྱིལ་འཁོར་ཁ་ཏོན་ཉིད་དུ་གནས་ཏེ་ཐམས་ཅད་སོ་སོར་ཡང་དག་པར་ཤེས་སོ། །འདི་ལྟ་སྟེ་དོན་ཡོད་པའི་རྒྱ་མཚོ་ཞེས་བྱ་བའི་གཟུངས་དང་། དོན་
ཡོད་པའི་ལྕགས་ཀྱུ་ཞེས་བྱ་བའི་གཟུངས་དང་། དོན་ཡོད་པའི་པད་མའི་ལྕགས་ཀྱུ་ཞེས་བྱ་བའི་གཟུངས་དང་། དོན་ཡོད་པར་རབ་ཏུ་གནས་པ་ཞེས་བྱ་བའི་གཟུངས་དང་། དོན་ཡོད་པ་རྣམ་པར་སྣང་མཛད་ཀྱི་ཟ་མ་ཏོག་ཅེས་

99-1-232a

བྱ་བའི་གཟུངས་དང་། དོན་ཡོད་པ་ལྷུན་པོའི་སྙིང་པོ་ཡངས་པ་ཞེས་བྱ་བའི་གཟུངས་དང་། དོན་ཡོད་པ་དྲི་མ་མེད་པའི་པད་མ་ཞེས་བྱ་བའི་གཟུངས་དང་། དོན་ཡོད་པའི་འོད་ཟེར་རབ་ཏུ་སྣང་བ་ཞེས་བྱ་བའི་གཟུངས་དང་། དོན་ཡོད་
པའི་ཡིད་བཞིན་གྱི་ནོར་བུའི་རྒྱལ་མཚན་ཞེས་བྱ་བའི་གཟུངས་དང་། དོན་ཡོད་པ་རྣམ་པར་འཕྲུལ་པའི་འོད་ཟེར་ཞེས་བྱ་བའི་གཟུངས་དང་། དོན་ཡོད་པའི་ཕྱག་རྒྱ་ཞེས་བྱ་བའི་གཟུངས་དང་། དོན་ཡོད་པའི་རྡོ་རྗེ་ཞེས་བྱ་བའི་གཟུངས་
དང་། དོན་ཡོད་པ་རབ་ཏུ་གནས་པ་ཞེས་བྱ་བའི་གཟུངས་དང་། དོན་ཡོད་པ་ཡངས་པ་སྣང་བ་ཞེས་བྱ་བའི་གཟུངས་དང་། དོན་ཡོད་པའི་དངོས་གྲུབ་ཅེས་བྱ་བའི་གཟུངས་དང་། དོན་ཡོད་པ་དྲི་མ་མེད་པའི་འབྱུང་གནས་ཞེས་བྱ་
བའི་གཟུངས་དང་། དོན་ཡོད་པ་བློ་རྒྱས་པ་ཞེས་བྱ་བའི་གཟུངས་དང་། དོན་ཡོད་པའི་འབར་བའི་ཕྱག་རྒྱ་ཞེས་བྱ་བའི་གཟུངས་དང་། དོན་ཡོད་པ་ཉི་མའི་སྙིང་པོ་ཞེས་བྱ་བའི་གཟུངས་དང་། དེ་བཞིན་གཤེགས་པ་དང་། བྱང་ཆུབ་སེམས་
དཔའ་ཐམས་ཅད་ཀྱི་དཀྱིལ་འཁོར་གསང་བ་དོན་ཡོད་པ་ཞེས་བྱ་བའི་གཟུངས་འཐོབ་སྟེ། གང་གིས་གཟུངས་དེ་རྣམས་ཐོས་པ་ཙམ་གྱིས་དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། རྣམ་
པར་ཐར་པའི་དཀྱིལ་འཁོར་གྱི་ཕྱག་རྒྱ་དང་། གསང་སྔགས་རིམ་པར་ཕྱེ་བའི་དཀྱིལ་འཁོར་མཐའ་དག་རྫོགས་པ་དང་། གསང་སྔགས་དང་། ཆོ་ག་དང་། ཆོ་ག་ཞིབ་མོ་རྒྱ་ཆེན་པོ་ཁ་ཏོན་དུ་གནས་ཤིང་ཐམས་ཅད་སོ་སོར་
ཡང་དག་པར་ཤེས་ཏེ། གང་གིས་མཐུ་འདི་རབ་ཏུ་ཐོབ་པ་ལ་རྨོངས་པ་སྐྱེ་བར་མི་འགྱུར། དྲན་པ་ཉམས་པར་མི་འགྱུར། དྲན་པ་ཞན་པར་མི་འགྱུར། དྲན་པ་རྨུགས་པར་མི་འགྱུར། དྲན་པ་འཁུམས་པར་མི་འགྱུར། དྲན་
པ་མི་བརྟན་པར་མི་འགྱུར། དྲན་པ་གཞན་དུ་རྒྱུ་བར་མི་འགྱུར། འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། སེར་སྣ་དང་། ཕྲག་དོག་གི་རྗེས་སུ་འགྲོ་བར་མི་འགྱུར། དྲན་པ་སྡིག་པ་ཅན་དུ་མི་འགྱུར། 

99-1-232b

དྲན་པ་འཇིག་རྟེན་པའི་མི་དགེ་བ་བྱེད་པར་མི་འགྱུར་ཏེ། རྟག་ཏུ་བློ་ཡངས་ཤིང་རབ་ཏུ་གསལ་བར་འགྱུར་རོ། །རྟག་ཏུ་མི་མཉམ་པ་དང་མཉམ་པའི་དྲན་པ་དང་། བློ་རྒྱ་མཚོ་ལྟ་བུར་འགྱུར་རོ། །རྟག་ཏུ་དྲན་པ་ཟབ་ཅིང་རྒྱ་མཚོ་
ཆེན་པོ་བསགས་པ་ལྟ་བུར་འགྱུར་རོ། །ལག་ན་རྡོ་རྗེ་དོན་ཡོད་པའི་ཞགས་པའི་སྙིང་པོའི་གཟུངས་ཆོ་ག་ཞིབ་མོ་དེ་ལྟར་གོ་སྐབས་ཡངས་པ་ལ་གང་གིས་གཟུངས་འདི་ཐོབ་པ་དེ་ལག་ན་རྡོ་རྗེ་ཇི་ལྟར་དྲན་པ་རྨོངས་པར་འགྱུར། 
གཞན་ཡང་ཚད་མེད་གྲངས་མེད་དཔག་ཏུ་མེད་པའི་ལུས་ཡོངས་སུ་དག་པ་དང་། ཡིད་ཡོངས་སུ་དག་པ་དང་། སེམས་ཡོངས་སུ་དག་པ་དང་། མདངས་ཡོངས་སུ་དག་པ་དང་། མིག་ཡོངས་སུ་དག་པ་དང་། རྣ་བ་ཡོངས་སུ་དག་པ་དང་། 
སྣ་ཡོངས་སུ་དག་པ་དང་། ལྕེ་ཡོངས་སུ་དག་པ་དང་། དབང་པོ་ཡོངས་སུ་དག་པ་འཐོབ་པར་འགྱུར་རོ། །དོན་ཡོད་པའི་ཞགས་པའི་སྙིང་པོ་བཀླགས་པ་ཙམ་དང་། མཉན་པ་ཙམ་དང་། མཐོང་བ་ཙམ་དང་། ལྷག་པའི་བསམ་
པ་ཙམ་གྱིས་དེ་རྣམས་ཡོན་ཏན་གྱི་ཕན་ཡོན་ཆེན་པོའི་འདི་ཐོབ་སྟེ། གང་གིས་མཐུ་འདི་རབ་ཏུ་ཐོབ་པ་དེ་ལ་ལག་ན་རྡོ་རྗེ་ཇི་ལྟར་རྨོངས་པ་སྐྱེ་བར་འགྱུར། དེ་ལྟ་མོད་ཀྱི་ལག་ན་རྡོ་རྗེ་ཡུད་ཙམ་ཞིག་སྡོད་ཅིག་དང་། དེ་བཞིན་གཤེགས་པའི་འཁོར་
མང་པོའི་དབུས་སུ་ཇི་ལྟར་མངོན་སུམ་དུ་འགྱུར་བ་བཅོམ་ལྡན་འདས་ཀྱི་སྤྱན་སྔར་བབ་པར་བསྟན་པར་བྱའོ། །དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་སེམས་དཔའ་ཐམས་ཅད་ཀྱིས་ཕྱག་བྱས་པ་རྣམ་པར་
ཐར་པའི་དཀྱིལ་འཁོར་གྱི་ཆོ་ག་རྣམ་པར་འཕྲུལ་པའི་ཆོ་འཕྲུལ་གྱི་རྫུ་འཕྲུལ་དམ་པའི་ཡུལ་གྱི་མཐུ་ཆེན་པོའི་ཆེན་པོ་བསྟན་པར་བྱའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་བྱང་ཆུབ་སེམས་དཔའ་སེམས་
དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་དྲུང་ནས་དོན་ཡོད་པའི་ཡོན་ཏན་བཀོད་པའི་རྣམ་པར་འཕྲུལ་པའི་ཏིང་ངེ་འཛིན་འདི་དག་དང་། གཟུངས་ཀྱི་སྒོ་འདི་དག་མངོན་སུམ་དུ་ཐོས་ནས་དགའ་བ་དང་། མགུ་བ་

99-1-233a

དང་། ཡིད་རངས་པ་དང་། རབ་ཏུ་དགའ་བ་དང་། ཡིད་བདེ་བ་སྐྱེས་ཏེ། སྙིང་དགའ་བས་དགའ་བ་ཆེན་པོ་ཉིད་ཐོབ་པར་གྱུར་ནས་སྨྲས་པ། བདག་ལུས་དང་སེམས་ཤིན་དུ་སྦྱངས་པས་ཡོངས་སུ་དགའ་བ་ཡིད་ལ་བགྱིད་
པས་གནས་པར་བགྱིའོ། །ཡིད་ལ་བགྱིད་པ་མཆོག་ཏུ་དགའ་བ་ངོ་མཚར་དུ་གྱུར་པ་དང་། སོམ་ཉིར་གྱུར་པ་དང་བྲལ་བ་དང་། འགྱོད་པ་མ་མཆིས་པས་གནས་པར་བགྱིའོ། །རྣམ་པར་ཐར་པའི་དཀྱིལ་འཁོར་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། འཕགས་
པ་སྤྱན་རས་གཟིགས་དབང་ཕྱུག་གི་དོན་ཡོད་པའི་ཞགས་པའི་སྙིང་པོའི་མཐུའི་རྣམ་པར་འཕྲུལ་པ་འདི་ནི་མཆོག་ཏུ་རྙེད་པར་དཀའ་བའོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་
ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་དྲི་མ་མེད་པར་ཀུན་དུ་སྣང་བའི་ནོར་བུ་རིན་པོ་ཆེ་ཆེན་པོ་ཆོས་ཀྱི་དགའ་བར་ཕུལ་ནས་རྐང་པ་གཉིས་ལ་མགོ་བོས་ཕྱག་བྱས་ནས། ལན་གསུམ་བསྐོར་བ་བྱས་ནས་སོང་སྟེ་ཆེད་དུ་
བརྗོད་པ་འདི་ཆེད་དུ་བརྗོད་ཅིང་འགྱིང་བག་དང་། བརྗིད་བག་གི་འགྲོས་ཀྱིས་སོང་ནས་རང་གི་སྟན་ལ་འདུག་སྟེ། བཞིན་འཛུམ་པས་བཅོམ་ལྡན་འདས་ཀྱི་ཞལ་དུ་བལྟས་ནས་སྙིང་ཡོངས་སུ་དགའ་བས་བཅོམ་ལྡན་འདས་ལ་
རྟོག་ཅིང་འདུག་གོ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ངོ་མཚར་མཆོག་ཏུ་རྨད་དུ་བྱུང་བ་སྙིང་རྗེ་དམ་པ་རྒྱ་ཆེན་པོའི་ལྷག་པའི་བསམ་པའི་དམིགས་
པས་སེམས་ཅན་ཐམས་ཅད་བསྒྲལ་བའི་ཕྱིར་འོད་ཟེར་དྲི་མ་མེད་པར་སྣང་བའི་ནོར་བུ་རིན་པོ་ཆེ་ཆེན་པོ་དེ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་ཕུལ་ཏེ་ནམ་མཁའ་ལ་འཕགས་སོ། །བྱང་ཆུབ་སེམས་
དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ནོར་བུ་རིན་པོ་ཆེ་དེ་ནམ་མཁའི་དཀྱིལ་དུ་འཕགས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཆེར་གཡོས་པར་

99-1-233b

གྱུར་ཏོ། །འོད་ཟེར་གྱི་སྣང་བ་ཆེན་པོ་ཉི་མ་བྱེ་བ་བརྒྱ་སྟོང་བས་ལྷག་པའི་འོད་ཟེར་བྱུང་བར་གྱུར་ཏོ། །སྣང་བ་གང་གིས་འཛམ་བུའི་གླིང་གི་སེམས་ཅན་ཐམས་ཅད་ཀྱི་ལུས་ལ་རེག་པ་ཙམ་གྱིས་སྡིག་པ་ཐམས་ཅད་དང་། 
དམྱལ་བ་དང་། ཡི་དགས་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་ངན་སོང་གི་འགྲོ་བ་ལས་ཡོངས་སུ་གྲོལ་བར་གྱུར་ཏོ། །གང་ཡང་གླིང་བཞི་པའི་ཡི་དགས་དང་། དམྱལ་བ་དེ་
དག་ལ་ཡང་སྣང་བ་དེས་སྣང་བར་གྱུར་པས་ཉི་ཚེ་བའི་དམྱལ་བ་རྣམས་ཀྱི་གཏུབ་པ་མེད་པར་གྱུར་ཏེ། སེམས་ཅན་དེ་དག་ཀྱང་ཡོངས་སུ་ཐར་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་བ་མཉམ་པར་སྐྱེས་
ཏེ། ལུས་ཡོངས་སུ་དག་པར་གྱུར་ཏོ། །གང་ཡང་མནར་མེད་པའི་དམྱལ་བ་ཆེན་པོ་བཅུ་དྲུག་པོ་དེ་དག་ཀྱང་འོད་ཟེར་གྱི་སྣང་བ་དེས་རེག་པས་དམྱལ་བ་དེ་དག་ཐམས་ཅད་དུ་པད་མའི་མཚོ་བྱུང་བར་གྱུར་ཅིང་། སེམས་
ཅན་དེ་དག་ཀྱང་ཡོངས་སུ་ཐར་ནས་རྒྱན་ཐམས་ཅད་ཀྱིས་བརྒྱན་ཏེ། བདེ་བ་ཅན་གྱི་འཇིག་རྟེན་གྱི་ཁམས་སུ་སྐལ་བ་མཉམ་པར་པད་མ་ལས་རྫུས་ཏེ་སྐྱེས་སོ། །གྲང་བའི་དམྱལ་བ་གང་ཡིན་པ་
དེ་དག་ཀྱང་དྲོ་ཞིང་བདེ་བ་དང་། རེག་ན་བདེ་བར་གྱུར་ཏོ། །ཚ་བའི་དམྱལ་བ་གང་ཡིན་པ་དེ་དག་ཀྱང་བསིལ་བར་གྱུར་ཅིང་། རེག་ན་བདེ་བ་དང་། རབ་ཏུ་དགའ་བར་གྱུར་ཏོ། །གང་ཡང་
དུད་འགྲོའི་སྐྱེ་གནས་སུ་སོང་བ་རི་དགས་དང་། བྱ་དང་། ཐ་ན་སྦྲང་བུ་དང་། ཤ་སྦྲང་དག་ཀྱང་འོད་ཟེར་དེས་རེག་པས་དུད་འགྲོའི་སྐྱེ་གནས་སུ་སོང་བ་དེ་དག་ཐམས་ཅད་དགའ་ལྡན་དུ་ལྷ་རྣམས་ཀྱི་ནང་དུ་སྐྱེས་
སོ། །སེམས་ཅན་གང་དག་བཅིངས་པར་གྱུར་པ་དེ་དག་ཀྱང་འོད་ཟེར་དེས་རེག་པས་སེམས་ཅན་བཅིངས་པ་ལས་ཡོངས་སུ་གྲོལ་བར་གྱུར་ཏོ། །སུ་མི་འདོད་པ་དང་། ལྕག་སྒྲོག་དང་། ལྕགས་ཀྱུ་

99-1-234a

ལུ་གུ་རྒྱུད་ཀྱི་བཅིང་བ་དེ་དག་ཀྱང་དུམ་བུར་གྱུར་ཏོ། །གང་སྣོད་མ་ཡིན་པ་དེ་ཡང་འོད་ཟེར་དེས་ཕོག་པས་མཐོང་བ་ཡོངས་སུ་དག་པ་འཐོབ་བོ། །གང་ཤ་བཀྲ་དང་མཛེའི་ནད་ཀྱིས་ལག་པ་དང་། རྐང་པ་དང་། རྣ་བ་དང་། 
སྣ་མ་ཚང་བ་ཡང་འོད་ཟེར་དེས་ཕོག་པས་ལུས་ཡོངས་སུ་རྫོགས་པ་དང་། ལུས་ཡོངས་སུ་དག་པར་གྱུར་ཏོ། །གང་འབྲས་བུའི་ཤིང་ལྗོན་པ་དང་། མེ་ཏོག་གི་ཤིང་ལྗོན་པའི་ཤིང་ལྗོན་པ་ཡོངས་སུ་སྐམས་པར་གྱུར་པ་ཡང་འོད་ཟེར་
དེས་རེག་པས་མེ་ཏོག་དང་། འདབ་མ་དང་། འབྲས་བུ་བྱུང་བར་གྱུར་ཏོ། །སངས་རྒྱས་ཀྱི་ཞིང་དུ་གཏོགས་པ་གང་དུ་འོད་ཟེར་བབ་པའི་སངས་རྒྱས་ཀྱི་ཞིང་དུ་གཏོགས་པ་དེ་ན་ཡང་སངས་རྒྱས་ཀྱི་ཞིང་སོ་སོའི་དེ་བཞིན་གཤེགས་པ་དགྲ་བཅོམ་པ་
ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་གང་གཱའི་ཀླུང་གི་བྱེ་མ་དགུ་བཅུ་རྩ་དགུ་སྙེད་བཞུགས་ཏེ། དེ་བཞིན་གཤེགས་པ་སོ་སོའི་རིན་པོ་ཆེ་སྣ་བདུན་གྱི་ཁང་པ་བརྩེགས་པའི་གཞལ་མེད་ཁང་དང་། སེང་གེའི་
ཁྲི་དང་བཅས་པའི་གཞལ་མེད་ཁང་བྱུང་བར་གྱུར་ཏོ། །ནམ་མཁའི་དཀྱིལ་གང་དུ་འོད་ཟེར་གྱི་སྣང་བས་རེག་པའི་ནམ་མཁའི་དཀྱིལ་དེར་ཡང་ཕྱོགས་བཅུར་ཀུན་དུ་རིན་པོ་ཆེའི་རང་བཞིན་གྱི་སྤྲིན་བརྩེགས་པས་ཁེབས་པར་འགྱུར་ཏེ་
ལྷ་རྫས་ཀྱི་ནོར་བུ་རིན་པོ་ཆེ་ཆེན་པོ་སྣ་ཚོགས་ཀྱི་ཆར་རབ་ཏུ་འབབ་བོ། །ལྷ་རྫས་ཀྱི་རྒྱན་དང་། ཅོད་པན་དང་། དཔུང་རྒྱན་དང་། གདུ་བུ་དང་། དོ་ཤལ་དང་། སེ་མོ་དོ་དང་། རྣ་བརྒྱན་དང་། གསེར་གྱི་སྐུད་པ་སྣ་ཚོགས་ཀྱི་ཆར་རབ་ཏུ་
འབབ་བོ། །ཚོན་ཁ་དོག་རྣམ་པ་སྣ་ཚོགས་པའི་ལྷ་རྫས་ཀྱི་གོས་རྨད་དུ་བྱུང་བ་སྣ་ཚོགས་ཀྱི་ཆར་རབ་ཏུ་འབབ་བོ། །ལྷ་རྫས་ཀྱི་མེ་ཏོག་སྣ་ཚོགས་ཀྱི་ཆར་རབ་ཏུ་འབབ་བོ། །ལྷ་རྫས་ཀྱི་བྱུག་པ་སྣ་ཚོགས་ཀྱི་ཆར་རབ་ཏུ་འབབ་བོ། 
ལྷ་རྫས་ཀྱི་བདུག་པ་སྣ་ཚོགས་དང་། ཙན་དན་སྦྲུལ་གྱི་ཆར་རབ་ཏུ་འབབ་བོ། །ཚོན་ཁ་དོན་སྣ་ཚོགས་པའི་ལྷ་རྫས་ཀྱི་གོས་དང་། བ་དན་སྣ་ཚོགས་ཀྱི་ཆར་རབ་ཏུ་འབབ་བོ། །ལྷ་རྫས་ཀྱི་མེ་ཏོག་སྣ་ཚོགས་པད་མ་དང་། ཀུ་མུ་ཏ་དང་། 

99-1-234b

པད་མ་དཀར་པོ་དང་། ཨུཏ་པ་ལ་སྔོན་པོ་དང་། པ་རི་ཤ་ཀ་དང་། ཙམ་པ་ཀ་དང་། ཨ་དྷེ་མུག་ཏ་ཀ་དང་། ཨ་ཤོ་ཀ་དང་། སྐྱ་སྣར་དང་། ཀ་དམ་པ་དང་། མན་དཱ་ར་བ་དང་། མན་དཱ་ར་བ་ཆེན་པོའི་མེ་ཏོག་གིས་ཆར་རབ་ཏུ་བབ་ཏེ། ཕྱོགས་
བཅུའི་དེ་བཞིན་གཤེགས་པ་ཐམས་ཅད་ལ་མཆོད་པའི་ལས་བྱེད་དོ། །བཅོམ་ལྡན་འདས་ཤཱཀྱ་ཐུབ་པའི་ཡང་རིན་པོ་ཆེ་སྣ་བདུན་གྱི་ཁང་པ་བརྩེགས་པ་ཡང་དག་པར་གནས་པར་གྱུར་ཏེ། གྲུ་བཞི་པ་ཀ་བ་བཞི་དང་། སྒོ་བཞི་
དང་ལྡན་པ་ཤིན་དུ་འབར་བ། ལྷ་རྫས་ཀྱི་མེ་ཏོག་སྣ་ཚོགས་ལན་ཀན་གྱིས་ཡོངས་སུ་བསྐོར་ཅིང་མུ་ཏིག་གི་དྲ་བ་སྣ་ཚོགས་ཀྱིས་བརྒྱན་པ་གསེར་གྱི་དྲིལ་བུ་སྣ་ཚོགས་འཕྱང་བ་གོས་སྣ་ཚོགས་ཀྱི་ཕྲེང་བས་མཛེས་པར་བྱས་པ། ཆུ་
ཤིང་གི་རྒྱལ་མཚན་སྣ་ཚོགས་བསྒྲེང་བ། ནོར་བུ་རིན་པོ་ཆེ་སྣ་ཚོགས་བཀྲམ་པ། གྲྭར་ལྷ་རྫས་ཀྱི་རྔ་ཡབ་སྣ་ཚོགས་ཀྱིས་མཛེས་པར་བྱས་པ། གོ་སྐབས་རྒྱ་ཆེ་བའི་འཁོར་གྱི་དཀྱིལ་འཁོར་ཆེན་པོ་འབྱུང་ཞིང་སྣང་ངོ་། །ནམ་
མཁའི་དཀྱིལ་ན་ཡང་ལྷ་རྫས་རྣམས་ཀྱི་མེ་ཏོག་དང་། བདུག་སྤོས་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། ཆོས་གོས་དང་། གདུགས་དང་། རྒྱལ་མཚན་དང་། བ་དན་དང་། རོལ་མོའི་སྒྲ་སྣ་ཚོགས་དང་། སིལ་སྙན་དང་། ཕེག་
རྡོབ་པས་བཅོམ་ལྡན་འདས་ལ་མཆོད་པ་བྱེད་ཅིང་འཁོད་དེ། དེ་ལྟར་དོན་ཡོད་པའི་ཆོ་འཕྲུལ་གྱི་རྣམ་པར་འཕྲུལ་པའི་བྱིན་གྱིས་རླབས་རྨད་དུ་བྱུང་བ་ཆེན་པོ་རབ་ཏུ་བསྟན་ཅིང་ཡ་མཚན་རྨད་དུ་བྱུང་བའི་རྫུ་འཕྲུལ་གྱི་རྣམ་པར་འཕྲུལ་
པ་ཆེན་པོའི་ཆེན་པོར་བསྟན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་རྫུ་འཕྲུལ་གྱི་རྣམ་པར་འཕྲུལ་པའི་ཆོ་འཕྲུལ་འདི་བསྟན་ནས་རྣམ་པར་འཕྲུལ་པའི་བཀོད་པ་ཆེན་
པོས་རང་གི་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་སོང་སྟེ་ཕྱིན་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ། བཅོམ་ལྡན་འདས་ལ་མངོན་དུ་བལྟས་ནས་བླ་གོས་ཕྲག་པ་གཅིག་ཏུ་
99-1-235a

གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་དོན་
ཡོད་པའི་ཞགས་པའི་སྙིང་པོ་རྣམ་པར་ཐར་པའི་དཀྱིལ་འཁོར་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། ཕྱག་རྒྱ་དང་། དཀྱིལ་འཁོར་རིམ་པར་ཕྱེ་བ། གསང་སྔགས་ཀྱི་སྙིང་པོ་གསང་བ་རིག་སྔགས་
ཀྱི་རྒྱལ་པོ་ཆེན་པོ་བདག་གི་སྙིང་པོ་གསང་བ། རིག་སྔགས་ཀྱི་རྒྱལ་པོ་དོན་ཡོད་པའི་ལྕགས་ཀྱུ་དང་། དོན་ཡོད་པའི་ཁྲོ་བོའི་ལྕགས་ཀྱུ་དང་། རིག་སྔགས་ཀྱི་རྒྱལ་པོ་དོན་ཡོད་པར་འདྲེན་པ། ནོར་བུ་རིན་པོ་ཆེ་ཆེན་པོ་གསུམ་
མཆིས་ཏེ། བཅོམ་ལྡན་འདས་བདག་གིས་དེ་བཅོམ་ལྡན་འདས་ཀྱི་སྤྱན་སྔར་འཁོར་མང་པོའི་ནང་དུ་ཡོངས་སུ་བསྒྲགས་པར་བགྱིའོ། །གང་གི་དྲན་པ་ཙམ་གྱིས་དོན་ཡོད་པའི་སྙིང་པོའི་ཆོ་ག་ཞིབ་མོའི་ཕྱག་རྒྱ་དང་། དཀྱིལ་འཁོར་དང་། 
གསང་སྔགས་དང་ཆོ་ག་རིམ་པར་ཕྱེ་བ་མཐའ་དག་རྫོགས་པར་མངོན་དུ་གནས་པར་འགྱུར་ཏེ་ཐམས་ཅད་སོ་སོ་ཉིད་དུ་གནས་སོ། །གསང་སྔགས་འདིས་གཟིར་བས་ཐམས་ཅད་མདུན་དུ་གནས་སོ། །དེ་བཞིན་གཤེགས་པ་ཤཱཀྱ་ཐུབ་པས་
བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ། །ཞེས་བྱ་བ་བྱིན་ཏེ། སེམས་ཅན་དག་པ་ཆེན་པོ་ཁྱོད་ཀྱིས་སྤྱན་རས་གཟིགས་དབང་ཕྱུག་གི་སྙིང་པོ་རིག་སྔགས་ཀྱི་རྒྱལ་པོ་
དོན་ཡོད་པའི་ལྕགས་ཀྱུ་སྨྲས་པ་ལེགས་སོ་ལེགས་སོ། །རིག་སྔགས་འཆང་ཐམས་ཅད་ཀྱི་དོན་དང་། སེམས་ཅན་ཐམས་ཅད་ཀྱི་དོན་ཆེན་པོའི་ཕྱིར་སེམས་ཅན་ཐམས་ཅད་དག་པ་ཆེན་པོ་ཁྱོད་ཀྱིས་དེའི་དུས་ལ་བབ་པར་ཤེས་ན་ད་སྨྲོས་ཤིག །
དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱིས་བསྐུལ་བར་རིག་ནས་བཞིན་འཛུམ་ཞིང་མིག་མི་འཛུམས་པར་བཅོམ་ལྡན་འདས་ག་ལ་བ་དེ་ལོགས་སུ་མངོན་

99-1-235b

དུ་ཕྱོགས་ཏེ། བཅོམ་ལྡན་འདས་ཀྱི་སྤྱན་སྔར་འཁོར་མང་པོའི་ནང་དུ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་ལྕགས་ཀྱུ་དོན་ཡོད་པའི་ཞགས་པ་འདི་སྨྲས་སོ། །དུས་གསུམ་དུ་གཤེགས་ཤིང་སོ་སོ་ན་བཞུགས་
པའི་དེ་བཞིན་གཤེགས་པ་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འཕགས་པ་རྡོ་རྗེ་འཛིན་རིག་སྔགས་ཀྱི་དབང་པོ་ཆེན་པོ་འཁོར་གྱི་ཚོགས་དང་བཅས་པ་ལ་ཕྱག་འཚལ་ལོ། །དཀྱིལ་འཁོར་གྱི་
རིག་སྔགས་ཀྱི་ལྷ་ཐམས་ཅད་དང་། ཕྱག་རྒྱ་དང་། གསང་སྔགས་རིམ་པར་ཕྱེ་བ་དང་། ཆོ་ག་ཞིབ་མོ་ཐམས་ཅད་ལ་ཕྱག་འཚལ་ལོ། །རང་སངས་རྒྱས་དང་། འཕགས་པ་ཉན་ཐོས་ཀྱི་དགེ་འདུན་འདས་པ་དང་། མ་བྱོན་
པ་དང་། ད་ལྟར་བྱུང་བ་ཐམས་ཅད་ལ་ཕྱག་འཚལ་ལོ། །འཕགས་པ་བྱམས་པ་ལ་སོགས་པ་དགའ་ལྡན་གྱི་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་གྱི་ཚོགས་ལ་ཕྱག་འཚལ་ལོ། །འཕགས་པ་དེ་བཞིན་
གཤེགས་པ་འོད་དཔག་མེད་བདེ་བ་ཅན་ན་གནས་པའི་བྱང་ཆུབ་སེམས་དཔའ་ཆེན་པོའི་དཀྱིལ་འཁོར་གྱི་ཚོགས་ལ་ཕྱག་འཚལ་ལོ། །ཕྱོགས་བཅུ་མཐའ་ཡས་མུ་མེད་པའི་འཇིག་རྟེན་གྱི་དེ་བཞིན་གཤེགས་པ་དང་། 
དཀྱིལ་འཁོར་གསང་བ་དང་། གསང་སྔགས་དང་། ཕྱག་རྒྱ་རིམ་པར་ཕྱེ་བ་ཆོ་ག་ཞིབ་མོ་དང་བཅས་པ་ཐམས་ཅད་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་
པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་རིག་སྔགས་དང་། དཀྱིལ་འཁོར་ཐམས་ཅད་ཀྱི་སྐུ་སེམས་ཅན་ཐམས་ཅད་ལ་བྱམས་པ་ཀུན་ནས་དོན་ཡོད་པའི་དཀྱིལ་འཁོར་གྱི་རིག་སྔགས་
ཀྱི་རྒྱལ་པོ་ལ་ཕྱག་འཚལ་ལོ། །བགེགས་དང་། ལོག་འདྲེན་དང་། སྡང་བ་དང་། བདུད་ལ་སོགས་པ་ཐམས་ཅད་རབ་ཏུ་ཞི་བར་མཛད་པའི་སེམས་དཔའ་ཆེན་པོ་མཆོག་སྦྱིན་ལྕགས་

99-1-236a

ཀྱུ་ལ་ཕྱག་འཚལ་ལོ། །ཏད་ཡ་ཐཱ། ཨོཾ་ཨཱ་ཀར་ཥ་ཡ། པད་མ་ཧསྟ། མ་ཧཱ་ཨ་མོ་གྷ་ཨྃ་གུ་ཤི། ཙ་ར་ཙ་ར། ཙ་ཙ་ར། སཉྩ་ར། ས་མན་ཏེ་ན། མ་ཧཱ་པཱ་ཤ །ཨང་གུ་ཤ །བྷུ་ཛ་བ་ར་ད་བྷུ་ཛ་ཨང་གུ་ཤ་པཱ་ཤ་དྷ་ར། 
དྷ་ར་དྷ་ར། ས་མན་ཏ་མུ་དྲ། མན་ཏྲ་མཎྜ་ལ། པ་ཊ་ལ། དྷ་ར་ཨྃ་གུ་ཤ །པཱ་ཤེ་ན། དྷ་ར་ཡ་ཧཱུྃ་ཧཱུྃ། མ་ཧཱ་བྲ་མ་མ། བེ་ཥ་དྷ་ར། ཨ་མོ་གྷ་རཱུ་པ། ཨྃ་གུ་ཤ་དྷ་ར། ཏ་ར་ཏ་ར། ཏ་ཏ་ར། སན་ཏཱ་ར་ཡ། མ་ཧཱ་མུ་དྲ། མཎྜ་ལི། ཨ་མོ་གྷ་
ཨྃ་གུ་ཤ་བ་ར་ད། མ་ཧཱ་ཀཱ་རུ་ཎི་ཀ །ཀྲི་ལོ་ཙ་ན། པ་ཤུ་པ་ཏི། བེ་ཥ་དྷ་ར། ཨཱི་ཤྭ་ར། མ་ཧེ་ཤྭ་ར། པ་རམ་ཀཱ་རུ་ཎི་ཀ །མ་ཧཱཁྷ་ཏེ་ཤྭ་ར་ཡ་མ་བ་རུ་ཎ། ན་མ་སྐྲྀ་ཏ། ཀུ་མཱ་ར། ཏྲཻ་ལོ་ཀྱ་བ་ར་ད། དམ་ཀ་ཤ་མ་ཀ །ཤཱ་ས་ཀ །རཀྵ་ཀ །
མ་ཧཱ་བིདྱཱ། ཨ་མོ་གྷ། མཎྜི་ལ། པཱུ་ཛི་ཏ། རད་ན་མ་ཀུ་ཊ། མཱ་ལ་དྷ་ར། དྷུ་རུ་དྷུ་རུ། མ་ཧཱ་ཨང་གུ་ཤ་ཨཀྵ་དྷ་ར་ཧཱུྃ་ཧཱུྃ། བྷ་ར་བྷ་ར། སམ་བྷ་ར་སམ་བྷ་ར། ས་མནྟྲ་དྲཱ་པཱུ་ར་ཡ་ཧཱུྃ་ཧཱུྃ། ཧྲི་ད་ཡ་ཨང་གུ་ཤི ། ཨ་བ་ལོ་ཀཱ་ཡ། 
མཱན་སཱ་དྷ་ཡ་སིད་དྷི་ར། ཨཱ་ཀར་ཥ་ཡ། མུ་དྲ་མན་ཏྲ། མཎྜ་ལ། པ་ཊ་ལམ། ས་མ་ཡ། བིགྷྣཾ་པྲ་སཱ་དྷ་ཡ་མཱ་རམ། ཧ་ར་ཧ་ར། སརྦ་པཱ་པ་ཀི་ལ་བི་ཤ་མ་ལ། མཱ་ད་སར་རྱ། ཧུ་རུ་ཧུ་རུ། མ་ཧཱ་ཨང་གུ་ཤི། ཧཱུྃ་ཧཱུྃ། བུད་དྷ་བུད་དྷ། 
བོ་དྷ་ཡ་བོ་དྷ་ཡ། ཏུ་རུ་ཏུ་རུ། མ་ཧཱ་བོ་དྷི་ས་ཏྭ་ཨྃ་གུ་ཤ་རཏྣ་པཱ་ཤྃ་དྷ་ར། ནཱ་ནཱ་བི་ཙི་ཏྲ་ཨཱི་བྷ་ར་ན་བི་བྷུ་ཥི་ཏ། ཨ་མི་ཏཱ་བྷ། ཛི་ནམ་ཀུ་ཊ་དྷ་ར། དྷ་ར་དྷ་ར། པད་མ་པཱ་ཤ་ཨྃ་གུ་ཤ་དྷ་ར། སརྦ་བིདྱ་མནྟྲ་མཎྜ་ལ། པྲ་བྷ་ར། 
སཱ་དྷ་ཡ་སཱ་དྷ་ཡ། བི་ཤྭ་རུྰ་པ་དྷ་ར། ས་ཧ་སྲ་ནེེ་ཏྲ། སཽ་མྱ་མུ་ཁ། པ་ར་མ་ཀཱ་རུ་ཎི་ཀ་སཏྭ་བད་ས་ལ། སརྦ་མན་ཏྲ་མུ་དྲ། པྲ་སཱ་དྷ་ཀ །མ་ཧཱ་བ་ར་ད་ས་ཏཱ་ན་མ་སྟུ་ཏེ། ཨ་མོ་གྷ་ཨྃ་གུ་ཤ །པད་མ་བྷུ་ཛ་སྭཱ་ཧཱ། 
བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འདི་སྨྲས་མ་ཐག་ཏུ་རི་པོ་ཏ་ལ་ཆེན་པོ་བྲག་དང་། ནགས་ཚལ་དང་། སྐྱེད་མོས་ཚལ་དུ་བཅས་པའི་གནས་ཀྱི་གཞལ་

99-1-236b

མེད་ཁང་རྣམ་པ་དྲུག་ཏུ་རབ་ཏུ་གཡོས་ཏེ། ལྷ་རྫས་ཀྱི་མེ་ཏོག་གི་ཆར་ཆེན་པོ་འབབ་བོ། །དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། རྣམ་པར་ཐར་པའི་དཀྱིལ་འཁོར་ཕྱག་
རྒྱ་དང་། གསང་སྔགས་དང་བཅས་པའི་དཀྱིལ་འཁོར་རིམ་པར་ཕྱེ་བའི་ཆོ་ག་ཞིབ་མོ་འདི་ཡང་སོ་སོར་ལེ་འུར་ཕྱེ་བ་མཐའ་དག་རྫོགས་པར་ནམ་མཁའ་ལ་གནས་སོ། །གང་གསང་སྔགས་ཀྱི་ཡིག་འབྲུ་ཡང་གསེར་ལ་བེ་དུ་
རྱས་ཡི་གེར་བྲིས་པ་སྤྲིན་གྱི་རིམ་པ་ན་སྣང་སྟེ། ཡི་གེའི་ཕྲེང་བ་མཉམ་ཞིང་གསལ་ལ་ཟུར་ཕྱིན་པར་བྲིས་པ། ཐིག་གི་ཕྲེང་བ་གཤིབས་པས་བརྒྱན་པ་སྣང་ངོ་། །གང་ལག་པའི་ཕྱག་རྒྱ་ཡང་པད་མའི་ནང་ནས་བྱུང་བ། ཕྱག་རྒྱ་བཅིང་
བ་སྣ་ཚོགས་འོད་ཟེར་འབར་བ་ནམ་མཁའ་ལ་གནས་སོ། །གང་མཚན་མའི་ཕྱག་རྒྱ་ཡང་རིན་པོ་ཆེ་སྣ་བདུན་གྱི་པད་མ་ལ་རབ་ཏུ་གནས་པ་ནམ་མཁའ་ལ་གནས་པར་གྱུར་ཏོ། །གང་རས་ཀྱི་རི་མོའི་སྐུ་གཟུགས། 
གཟུགས་རྣམ་པ་སྣ་ཚོགས་འཛིན་པ། རྣམ་པར་བཀྲ་བ་ཆོ་ག་དང་། ཡོ་བྱད་དང་བཅས་པ་རིམ་པར་ཕྱེ་བ་བྲིས་པ་ཡང་ནམ་མཁའ་ལ་གནས་སོ། །གང་དཀྱིལ་འཁོར་རིམ་པར་ཕྱེ་བ་དེ་དཀྱིལ་འཁོར་རྣམ་པ་སྣ་ཚོགས་གྲུ་བཞི་པ། 
གྲྭ་བཞི་ཆ་མཉམ་པ་རྣམ་པར་ཕྱེ་བ་དཀྱིལ་འཁོར་ཤིན་དུ་སྤྲས་ཤིང་བརྒྱན་པ། གཟུགས་རྣམ་པ་སྣ་ཚོགས་ཀྱིས་མཛེས་པའི་གཞལ་མེད་ཁང་ཡང་ནམ་མཁའ་ལ་གནས་སོ། །དཀྱིལ་འཁོར་ཆེན་པོ་ན་གནས་པའི་རིག་
སྔགས་ཀྱི་ལྷ་ཕོ་ཉ་དང་། ཁྲོ་བོ་དང་བཅས་པ་གཞལ་མེད་ཁང་ན་རྗེས་སུ་རྒྱུ་བ་དག་ཀྱང་ནམ་མཁའི་དཀྱིལ་ན་གནས་ཏེ། བཅོམ་ལྡན་འདས་ལ་མཆོད་པ་བྱེད་དོ། །ཕྱོགས་སོ་སོའི་དེ་བཞིན་གཤེགས་པ་མང་པོ་བྱེ་བ་
ཁྲག་ཁྲིག་བརྒྱ་སྟོང་གང་གཱའི་ཀླུང་གི་བྱེ་མ་སྙེད་ཀྱང་ཕྱོགས་བཅུ་ཀུན་གྱི་ནམ་མཁའི་དཀྱིལ་ན་དེ་བཞིན་གཤེགས་པའི་སྐུ་བཞུགས་པར་གྱུར་ཏོ། །དེ་བཞིན་གཤེགས་པའི་སྐུ་དེ་དག་ཐམས་ཅད་ཀྱིས་ཀྱང་བྱང་

99-1-237a

ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། སྤྱན་རས་གཟིགས་དབང་ཕྱུག་ལེགས་སོ་ལེགས་སོ། །རིག་སྔགས་ཀྱི་མཆོག་དམ་
པ་དོན་ཡོད་པའི་ལྕགས་ཀྱུའི་རིག་སྔགས་ཀྱི་རྒྱལ་པོ་མཐའ་དག་རྫོགས་པར་སྨྲས་པ། གང་གིས་དོན་ཡོད་པའི་ཞགས་པའི་སྙིང་པོ་རྣམ་པར་ཐར་པའི་དཀྱིལ་འཁོར་གྱི་ཆོ་ག་ཞིབ་མོར་གསང་སྔགས་དང་། 
ཕྱག་རྒྱ་དང་། གསང་སྔགས་རིམ་པར་ཕྱེ་བ་དེ་དག་ཐམས་ཅད་དོན་ཡོད་པའི་ལྕགས་ཀྱུའི་གསང་སྔགས་ཀྱི་ཞགས་པས་ཀུན་ནས་དྲངས་སོ། །འཁོར་འདིའི་ནང་ན་ནམ་མཁའི་དཀྱིལ་ན་རབ་ཏུ་གནས་པ་དེ་ཕྱི་མའི་ཚེ་ཕྱི་
དུས་ན་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། དགེ་སྦྱོང་ངམ། བྲམ་ཟེ་འམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། 
གཞན་སུ་ཡང་རུང་བ་བུད་མེད་དམ། སྐྱེས་པ་འམ། ཁྱེའུ་འམ། བུ་མོ་རིག་སྔགས་འཛིན་པ་ཐམས་ཅད་ཀྱིས་དོན་ཡོད་པའི་ཞགས་པའི་ལྕགས་ཀྱུ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་གཟུངས་འདི་
དྲན་པར་བྱེད་ན་ལན་ཅིག་དྲན་པ་ཙམ་གྱིས་ཀྱང་མོད་ལ་དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་རྣམ་པར་ཐར་པའི་
དཀྱིལ་འཁོར་གྱི་ཕྱག་རྒྱ་དང་། གསང་སྔགས་དང་། དཀྱིལ་འཁོར་རིམ་པར་ཕྱེ་བ་དང་། ཆོ་ག་ཞིབ་མོ་དེ་ཐམས་ཅད་སོ་སོར་དེ་ལ་ཁ་ཏོན་ཉིད་དུ་གནས་ཏེ། དེ་དག་ཐམས་ཅད་རིམ་གྱིས་དྲན་པ་དང་། བློ་རྒྱ་མཚོ་བསགས་པ་དང་། 
ཤེས་རབ་འཕེལ་བར་འགྱུར་རོ། །གསང་སྔགས་དང་། ཕྱག་རྒྱ་དང་། གསང་སྔགས་རིམ་པར་ཕྱེ་བ་སོ་སོ་ལ་བློ་འཇུག་པར་འགྱུར་རོ། །ནམ་ཡང་བློ་དམན་པར་མི་འགྱུར་ཞིང་ནམ་ཡང་བརྗེད་ངས་པར་མི་འགྱུར་རོ། །

99-1-237b

དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། མཆོག་ཆེན་པོ་སྦྱིན་པ། ལག་
ན་པད་མ། མཆོག་ཏུ་སྙིང་རྗེ་ཅན་ཁྱོད་ཀྱིས་ཆོ་ག་རྒྱ་ཆེན་པོ་སྨྲས་པ་ལེགས་སོ་ལེགས་སོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེས་རྫུ་འཕྲུལ་གྱི་རྣམ་པར་འཕྲུལ་པའི་ཆོ་འཕྲུལ་གྱི་ཡོན་ཏན་མཐའ་
ཡས་པ་འདི་མཐོང་ནས་དབུགས་ཆེར་འབྱིན་པར་གྱུར་ཅིང་མཆོག་ཏུ་དགའ་བ་ཆེན་པོ་ཐོབ་བོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་
འདས་ཀྱི་སྤྱན་སྔར་འཁོར་འདིའི་ནང་དུ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དོན་ཡོད་པའི་ལྕགས་ཀྱུའི་བྱ་བའི་ཡོ་བྱད་དང་ཆོ་ག་བཤད་དོ། །བཅོམ་ལྡན་འདས་དེ་ནས་རིག་སྔགས་འཆང་གང་
འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དོན་ཡོད་པའི་ཞགས་པ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ་རྣམ་པར་ཐར་པའི་དཀྱིལ་འཁོར་འདི་བསྒྲུབ་པར་འཚལ་བ་དང་། གང་ཡང་བུ་འམ། 
རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ཕ་འམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། དགེ་སྦྱོང་ངམ། བྲམ་ཟེ་འམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། 
གཞན་སུ་ཡང་རུང་བ་བུད་མེད་དང་། སྐྱེས་པ་འམ། ཁྱེའུ་འམ། བུ་མོ་དོན་ཡོད་པའི་ཞགས་པའི་སྙིང་པོ་འདི་ཀློག་པར་འཚལ་བ་དང་། བསྟན་པར་འཚལ་བ་དང་། བཟླས་བརྗོད་ཀྱི་ཆོ་ག་བགྱི་བར་འཚལ་བ་དང་། མཐའ་
དག་རྫོགས་པར་བསྒྲུབ་པར་འཚལ་བ་དེས་སྔོན་རོལ་དུ་ཕྱོགས་བཅུར་ཐལ་མོ་སྦྱར་ཏེ། ཕྱག་འཚལ་ནས་ཤར་ཕྱོགས་སུ་ཁ་བལྟས་ཏེ་མཆིས་ལ་གཞན་མི་སྨྲ་བར་དོན་ཡོད་པའི་ལྕགས་ཀྱུའི་སྙིང་པོ་འདི་ལན་གསུམ་

99-1-238a

དྲན་པར་བགྱི་ཞིང་། ཡང་ཐལ་མོ་སྦྱར་ཏེ་ཕྱག་བགྱིའོ། །དེ་ནས་དྲན་པ་ཙམ་གྱི་མོད་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་
ཕྱུག་བཀུག་པར་འགྱུར་ཏེ། རི་པོ་ཏ་ལའི་གཞལ་མེད་ཁང་དང་བཅས་པ་དང་། འཁོར་གྱི་དཀྱིལ་འཁོར་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།  ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། 
ལྟོ་འཕྱེ་ཆེན་པོ་དང་བཅས་པ་བཀུར་བར་འགྱུར་རོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་གཉིས་པ། དོན་ཡོད་པའི་ཞགས་པའི་སྙིང་པོ་བྱང་ཆུབ་སེམས་
ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་ཕྱག་རྒྱ་དང་བཅས་པ་གསང་སྔགས་རིམ་པར་ཕྱེ་བའི་ཆོ་ག་ཞིབ་མོ་དང་། སྒྲུབ་པའི་ཆོ་གའི་རྣམ་པ་རྒྱ་ཆེན་པོ་མཐའ་དག་རྫོགས་པ་འདི་ཡང་བཀུར་བར་
འགྱུར་རོ། །དཀྱིལ་འཁོར་ན་གནས་པའི་རིག་སྔགས་ཀྱི་ལྷ་འཁོར་དང་བཅས་པ་བཀུག་པར་འགྱུར་ཏེ། ཐམས་ཅད་ཡིད་རབ་ཏུ་དགའ་བར་གྱུར་པས་དངོས་གྲུབ་དམ་པ་རྗེས་སུ་སྩོལ་བར་འགྱུར་རོ། །དེ་ནས་དོན་ཡོད་པའི་རྒྱལ་
པོའི་སྙིང་པོ་དྲན་པར་བགྱི་སྟེ། ཇི་ལྟར་ཤིན་དུ་རྒྱ་ཆེར་ཡིད་ལ་བགྱིས་པ་དེ་ལྟར་སྒྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཉིད་ཀྱི་ཁ་ནས་དྲན་པ་མཉན་ཞིང་རྒྱ་ཆེ་བ་དང་། བློ་དང་མདངས་དྲི་མ་མ་མཆིས་
པར་འཇུག་པར་བགྱིད་དེ། ཞུགས་པ་ཙམ་གྱི་མོད་ལ་ལྕེ་པད་མའི་འདབ་མ་ལྟ་བུར་འཇམ་པར་འགྱུར་ཞིང་། ཁ་ནས་ཨུཏ་པ་ལའི་དྲི་འབྱུང་བར་འགྱུར་རོ། །དབྱངས་སྙན་ཅིང་མཉེན་པ་དང་། འཇམ་པ་དང་། ཟབ་པ་
པ་དང་། ཚིག་རྣམ་པར་དག་པར་འགྱུར་རོ། །མི་འམ་ཅིའི་དབྱངས་དང་། སྒྲ་སྙན་པ་དང་། དབྱངས་མཉེན་པ་དང་། དགའ་བར་བྱེད་པའི་དབྱངས་སུ་འགྱུར་ཞིང་ཀ་ལ་པིང་ཀའི་དབྱངས་སུ་འགྱུར་རོ། །ཇི་སྟེ་དུས་གསུམ་དུ་

99-1-238b

ལན་གསུམ་དུ་དྲན་པར་བགྱི་ན་གསང་སྔགས་དང་། ཆོ་ག་ཞིབ་མོ་དང་། དཀྱིལ་འཁོར་དང་། ཕྱག་རྒྱ་རིམ་པར་བྱེ་བ་དང་། ཆོ་ག་ཐམས་ཅད་དང་། དེ་བཞིན་གཤེགས་པ་ཐམས་ཅད་ཀྱི་རིགས་སྤྱིའི་དངོས་གྲུབ་དེ་རྫོགས་པར་འགྱུར་ཞིང་སྤྱོད་པར་འགྱུར་རོ། །
བགེགས་དང་ལོག་འདྲེན་དང་བདུད་ལ་སོགས་པ་སྡང་བའི་འཇིགས་པ་ཐམས་ཅད་དང་བྲལ་བར་འགྱུར་རོ། །སྔོན་གྱི་སྒྲིབ་པ་དང་། དམྱལ་བར་མཆི་བའི་སྡིག་པ་ཐམས་ཅད་དང་བྲལ་བར་འགྱུར་རོ། །འཕགས་པ་སྤྱན་རས་གཟིགས་
དབང་ཕྱུག་གི་སྙིང་པོ། རིག་སྔགས་ཀྱི་རྒྱལ་པོ་ཆེན་པོ་དོན་ཡོད་པའི་ལྕགས་ཀྱུ་འདི་ལན་གསུམ་དྲན་པར་བགྱིས་པ་ཙམ་གྱིས་སྐད་ཅིག་དེ་ཉིད་ཀྱི་མོད་ལ་བདག་རང་དང་། རང་གི་གནས་ཀྱི་ཁང་པ་དང་། སློབ་མ་དང་། 
བསྙེན་བཀུར་དང་། འཁོར་དང་བཅས་པ་མི་གཙང་བ་ཡང་གཙང་བར་འགྱུར། ཡོངས་སུ་མ་དག་པ་ཡང་ཤིན་དུ་ཡོངས་སུ་དག་པར་འགྱུར་རོ། །དྲི་མ་དང་བཅས་པ་ཡང་ཤིན་དུ་དྲི་མ་མ་མཆིས་པར་འགྱུར་རོ། །ཞེ་སྡང་དང་བཅས་
པ་ཡང་ཞེ་སྡང་དང་བྲལ་བར་འགྱུར་རོ། །གཏི་མུག་དང་བཅས་པ་ཡང་གཏི་མུག་དང་བྲལ་བར་འགྱུར་རོ། །འདོད་ཆགས་དང་བཅས་པ་ཡང་འདོད་ཆགས་དང་བྲལ་བར་འགྱུར་རོ། །སྒྲིབ་པ་དང་བཅས་པ་ཡང་སྒྲིབ་པ་དང་བྲལ་བར་
འགྱུར་རོ། །བགེགས་དང་བཅས་པ་དང་། བདུད་དང་ལོག་འདྲེན་གྱིས་ཡོངས་སུ་ཟིན་པ་ཡང་བགེགས་དང་། ལོག་འདྲེན་དང་། བདུད་ལ་སོགས་པ་དང་བྲལ་བར་འགྱུར་རོ། །སེམས་ཀྱི་སྡིག་པ་ཡང་སྡིག་པ་དང་བྲལ་བར་
འགྱུར་རོ། །ཐུན་མོང་མ་ཡིན་པ་ཡང་ཐུན་མོང་དུ་གྱུར་ཅིང་བསྲུངས་པར་འགྱུར་རོ། །མི་སྨྲ་བའི་བརྟུལ་ཞུགས་མ་མཆིས་པར་ཡང་མི་སྨྲ་བའི་བརྟུལ་ཞུགས་ཆེན་པོ་དང་ལྡན་པར་འགྱུར་རོ། །སྨྱུང་བ་མ་བགྱིས་པ་ཡང་སྨྱུང་བ་
བགྱིས་པར་འགྱུར་རོ། །རིག་སྔགས་ཀྱི་གནས་དང་ཡུལ་དང་དཀྱིལ་འཁོར་ཐམས་ཅད་དུ་ཚངས་པར་མི་སྤྱོད་པ་ཡང་ཚངས་པར་སྤྱོད་པ་ཆེན་པོར་འགྱུར་རོ། །ཚངས་པའི་གནས་ཆེན་པོ་ལ་གནས་པར་འགྱུར་རོ། །

99-1-239a

དགེ་བ་མི་སྤྱོད་པ་ཡང་དགེ་བ་ཆེན་པོ་དང་ལྡན་པར་འགྱུར་རོ། །ཆོས་མི་སྤྱོད་པ་ཡང་ཆོས་སྤྱོད་པ་ཆེན་པོ་དང་ལྡན་པར་འགྱུར་རོ། །བསོད་ནམས་མི་བགྱིད་པ་ཡང་བསོད་ནམས་ཀྱི་ཕུང་པོ་ཆེན་པོ་འཕེལ་བར་འགྱུར་རོ། །དུལ་བའི་
སྤྱོད་པ་མ་མཆིས། པ་ཡང་དུལ་བའི་སྤྱོད་པ་ཆེན་པོ་དང་ལྡན་པར་འགྱུར་རོ། །དཀྱིལ་འཁོར་དང་། ཕྱག་རྒྱ་དང་། གསང་སྔགས་མ་མཐོང་བ་དང་། དམ་ཚིག་མ་མཆིས་པ་ཡང་དཀྱིལ་འཁོར་དང་། ཕྱག་རྒྱ་དང་། གསང་སྔགས་
མཐོང་བ་དང་། དམ་ཚིག་འཚལ་བར་འགྱུར་རོ། །རིག་སྔགས་ཀྱི་གནས་དང་འཁོར་ཐམས་ཅད་དུ་སངས་རྒྱས་དང་། ཆོས་མཐོང་བར་མི་འཚལ་བ་ཡང་བྱང་ཆུབ་དང་། ཆོས་དང་། དམ་ཚིག་དང་ལྡན་པར་འགྱུར་རོ། །བྱང་ཆུབ་སེམས་
དཔའ་ཐམས་ཅད་ཀྱིས་མ་བསམས་པ་ཡང་བྱང་ཆུབ་སེམས་དཔའ་ཐམས་ཅད་ཀྱིས་བསམས་པར་འགྱུར་རོ། །སངས་རྒྱས་ཀྱི་ས་བོན་གྱི་ཡུལ་དུ་མ་གྱུར་པ་ཡང་བྱང་ཆུབ་ཀྱི་ས་བོན་དང་ལྡན་པར་འགྱུར་རོ། །ཕ་རོལ་ཏུ་ཕྱིན་པ་དྲུག་
གི་སྤྱོད་པ་དང་མི་འབྲལ་ཞིང་། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བགྱི་བ་ལ་མཁས་པར་འགྱུར་རོ། །ཚུལ་ཁྲིམས་དང་མི་འབྲལ་ཞིང་ཏིང་ངེ་འཛིན་རབ་ཏུ་འཐོབ་པར་འགྱུར་རོ། །སྦྱིན་པ་དང་ཡོངས་སུ་གཏོང་བ་དང་མི་
འབྲལ་ཞིང་སྦྱིན་པ་དང་། ཡོངས་སུ་གཏོང་བ་དང་། སྦྱིན་པའི་ཚོགས་ཆེན་པོ་དང་ལྡན་པར་འགྱུར་རོ། །བཟོད་པ་དང་མི་འབྲལ་ཞིང་བཟོད་པ་ཆེན་པོའི་བཟོད་པའི་རྗེས་སུ་སྤྱོད་པར་འགྱུར་རོ། །བརྩོན་འགྲུས་དང་མི་འབྲལ་ཞིང་བརྩོན་
འགྲུས་ཀྱི་སྟོབས་ཆེན་པོའི་གོ་ཆ་བརྟན་པ་བགོས་པར་འགྱུར་རོ། །བསམ་གཏན་དང་མི་འབྲལ་ཞིང་བསམ་གཏན་ཆེན་པོ་འཐོབ་པ་དང་། ཏིང་ངེ་འཛིན་དང་ལྡན་པར་འགྱུར་རོ། །ཤེས་རབ་དང་ཐབས་ལ་མཁས་པ་ཞན་པ་ཡང་། ཤེས་རབ་དང་ཐབས་ལ་མཁས་པ་རྒྱ་ཆེན་པོར་
འགྱུར་རོ། །རིག་སྔགས་དང་། གསང་སྔགས་ཉམས་པ་དང་། གསང་སྔགས་དང་། ཕྱག་རྒྱ་ཡོངས་སུ་ཚང་བ་དང་། ཆོ་ག་ལ་མཁས་པར་འགྱུར་རོ། །དགེ་བའི་བཤེས་གཉེན་ཆེན་པོའི་ལམ་ལ་རབ་ཏུ་གནས་པར་འགྱུར་རོ། །

99-1-239b

འཇིག་རྟེན་ཐམས་ཅད་དུ་སྙིང་དུ་སྡུག་པ་དང་། བླ་མར་བགྱིས་པར་འགྱུར་རོ། །སེམས་ཅན་ཐམས་ཅད་ཀྱིས་མཆོད་པ་དང་། མངོན་དུ་ཕྱག་བགྱི་བར་འགྱུར་རོ། །ཚིག་བཙུན་པར་ཡང་འགྱུར་རོ། །
བསམ་པ་ཡོངས་སུ་དག་པར་ཡང་འགྱུར་རོ། །དེ་ལྟར་དོན་ཡོད་པ་ཆེན་པོའི་ཆོ་ག་རྒྱ་ཆེན་པོ་འདི་དག་ནི་ཐམས་ཅད་དུ་དངོས་གྲུབ་དོན་ཡོད་པ། མཆོག་ཏུ་རྙེད་པར་དཀའ་བ། དགེ་བ་དོན་ཡོད་པ་འདི་དོན་ཡོད་པའི་ལྕགས་ཀྱུས་འདྲེན་པར་བགྱིད་དོ། །
དངོས་གྲུབ་ཐམས་ཅད་འགུགས་པར་བགྱིད་དོ། །སྒྲུབ་པ་ཐམས་ཅད་འདྲེན་པར་བགྱིད་དོ། །སངས་རྒྱས་ཀྱི་ཆོས་ཇི་སྙེད་པ་དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་དང་། 
མི་འཇིགས་པ་བཞི་དང་། འཕགས་པའི་ལམ་ཡན་ལག་བརྒྱད་དང་། དེ་བཞིན་ཉིད་དང་། ཡང་དག་པའི་མཐའ་དང་། དོན་དམ་པ་དང་། སྟོང་པ་ཉིད་འདྲེན་པར་བགྱིད་དེ་དོན་ཡོད་པའི་ལྕགས་ཀྱུ་འདིས་འདྲེན་པར་
བགྱིད། ཡངས་པར་བགྱིད། དངོས་གྲུབ་མཆོག་འདྲེན་པར་བགྱིད་དོ། །དེ་ལྟར་མཐུ་ཆེ་བ་དང་། ཕན་ཡོན་ཆེ་བ་དང་། ཡོན་ཏན་ཆེན་པོར་བརྗོད་པས་བསོད་ནམས་ཀྱི་འབྲས་བུ་ཆེན་པོ་སྩོལ་བར་བགྱིད་དོ། །དེ་ལྟར་དགེ་
བའི་རྩ་བ་ཆེན་པོ་དང་ལྡན་ཞིང་ཀུན་དུ་སོགས་པར་བགྱིད་པས་རིག་སྔགས་ཀྱི་རྒྱལ་པོ་དོན་ཡོད་པའི་ལྕགས་ཀྱུ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་ནི་མཆོག་ཏུ་གྲུབ་པ་བླ་ན་མེད་པ་ལགས་སོ། །
དེ་ནས་རིག་སྔགས་འཆང་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། དགེ་སྦྱོང་ངམ། བྲམ་ཟེ་འམ། རྒྱལ་རིགས་སམ། རྗེའུ་རིགས་སམ། 
དམངས་རིགས་སམ། གཞན་སུ་ཡང་རུང་བ། བུད་མེད་དམ། སྐྱེས་པ་འམ། ཁྱེའུ་འམ། བུ་མོ་འཕགས་པ་སྤྱན་རས་གཟིགས་དབང་ཕྱུག་རང་གི་གཟུགས་ཀྱིས་དགུག་པར་འཚལ་བ་དང་། འཕགས་པ་སྤྱན་རས་

99-1-240a

གཟིགས་དབང་ཕྱུག་བདག་ཉིད་ཀྱི་རང་གི་གཟུགས་སུ་མཐོང་བར་འཚལ་ན་དེས་ཆོ་ག་འདི་བགྱིའོ། །གཙང་མ་ཤིན་ཏུ་ཁྲུས་བགྱིས་པ། གོས་གཙང་མ་བསྒོས་པ། བའི་རྣམ་ལྔའི་ཆུས་བསངས་པའི་མཆོད་ཕྱིར་
ཐོགས་བཏགས་པས་རས་དམར་པོའི་སྐུད་པའི་མཆོད་ཕྱིར་ཐོགས་ཁ་དོག་བཟང་པོ་གནས་བདུན་དུ་ཡོངས་སུ་གཟུང་སྟེ། འཚོགས་མ་དང་། སྤྱི་གཙུག་བཅིང་བ་དང་། གནས་གསུམ་པོ་དཔུང་པ་གཉིས་སུ་བཅིང་བ་
དང་། ལག་ངར་གཉིསུ་བཅིང་བ་དང་། དེ་ནས་རྐེད་པར་བཅིངས་པས། ས་ཕྱོགས་གཙང་མར་འདུག་ནས་སམ། གནས་གཞན་གང་ཡང་རུང་བ་དབེན་ཞིང་འཁྲུག་པ་མ་མཆིས་པ་དང་། དཀྱིལ་འཁོར་གྱི་སྟེགས་གྲུ་བཞི་པ་ཤིན་ཏུ་རྣམ་པར་མཛེས་
པ་ཁྲུ་བཞིའི་ཚད་ཙམ་ལ་འཕང་སོར་བརྒྱད་ཀྱི་ཚད་ཙམ་ཀུན་ནས་ཟླུམ་པོ་ལེགས་པར་བྱུགས་པ་ཤིན་དུ་འཇམ་པ་བགྱིའོ། །དེ་ནས་ཚོན་སྣ་ཚོགས་ཀྱི་སྐུད་པས་རྣམ་པར་མཛེས་པར་ཐིག་གདབ་ཅིང་ཚོན་རྩི་སྣ་ཚོགས་ཀྱིས་
བྲི་བར་བགྱིའོ། །སྙིང་པོའི་དཀྱིལ་འཁོར་ནི་ཁྲུ་གང་ཙམ་གྱི་ཚད་ལ་གྲུ་བཞི་པ་རྣམ་པར་ཕྱེ་བ། ཤིན་དུ་མཛེས་པ། གྲུ་བཞི་ཀུན་ནས་ཁ་ཁྱེར་གྱི་རྣམ་པ་ཅན་བགྱིའོ། །དབུས་སུ་པད་མ་བགྱིའོ། །འདབ་མ་བརྒྱ་རྩ་བརྒྱད་པ། 
འདབ་མ་ཐམས་ཅད་ལ་ལྕགས་ཀྱུ་བྲི་ཞིང་དབུས་ཀྱི་སྙིང་པོ་གེ་སར་དང་བཅས་པ་རིན་པོ་ཆེ་སྣ་ཚོགས་ཀྱིས་བརྒྱན་པ་བགྱིའོ། །འོད་ཀྱི་ཕྲེང་བ་ཟླུམ་པོ་ཚོན་རྩི་སྣ་ཚོགས་ཀྱིས་རྣམ་པར་མཛེས་པར་བགྱིའོ། །སྙིང་པོའི་དཀྱིལ་
འཁོར་གྱི་གྲྭ་བཞིར་ལྕགས་ཀྱུ་དང་ཞགས་པ་ཀུན་ནས་ཟླུམ་པོ་ཡང་བགྱིའོ། །ཕྱི་རོལ་གྱི་དཀྱིལ་འཁོར་ཀུན་དུ་མཚན་མའི་ཕྱག་རྒྱ་སྣ་ཚོགས་ཀྱང་བྲི་བར་བགྱིའོ། །དཀྱིལ་འཁོར་གྱི་གྲྭ་བཞིར་རྣམ་པར་ཕྱེ་བར་རྒྱལ་
པོ་ཆེན་པོ་བཞི་འབར་བའི་ནང་ན་གོ་ཆ་བགོས་པ། དྲག་ཤུལ་གྱི་གཟུགས་ཅན་འཇིགས་པར་བགྱིད་པ་བྲིའོ། །སྒོ་བཞི་རྣམ་པར་ཕྱེ་བར་ཡང་དཀྱིལ་འཁོར་གྱི་ལྷ་བྲི་བར་བགྱི་སྟེ། ཤར་ཕྱོགས་ཀྱི་སྒོར་རྡོ་རྗེ་འཆང་ཞི་བའི་

99-1-240b

གཟུགས་ཅན་བཞིན་འཛུམ་པ། རྡོ་རྗེ་འགྱིང་བག་ཅན་དུ་འཛིན་པ། རི་རབ་ཀྱི་སྟེང་ན་འབར་བའི་ནང་ན་མཆིས་པ་བྲིའོ། །ལྷོ་ཕྱོགས་ཀྱི་སྒོར་ཁྲོ་བོའི་རྒྱལ་པོ་དྲག་ཤུལ་གྱི་གཟུགས་ཅན་འཇིགས་པར་བགྱིད་པ། པད་མ་དང་
ཞགས་པ་ཐོགས་པ། མེ་ཏོག་ཁ་ཕྱེ་བའི་སྟེང་ན་འབར་བའི་ནང་ན་མཆིས་པའོ། །ནུབ་ཕྱོགས་ཀྱི་སྒོར་དབང་པོ་རྡོ་རྗེ་ཐོགས་པ། མིག་གསུམ་པ་རིའི་སྟེང་ན་འབར་བའི་ནང་ན་མཆིས་པ་བྲིའོ། །བྱང་ཕྱོགས་ཀྱི་སྒོར་དོན་ཡོད་
པའི་ཞགས་པ་གདོང་ཁྲོ་གཉེར་ཅན། པད་མ་དང་ཞགས་པ་ཐོགས་པ། པད་མའི་འདབ་མའི་སྟེང་ན་འབར་བའི་ནང་ན་ལྕགས་ཀྱུ་དང་ལྷན་ཅིག་མཆིས་པ་བྲིའོ། །དཀྱིལ་འཁོར་ཁོ་ར་ཁོར་ཡུག་ཏུ་གོས་དང་། བ་དན་དང་། 
མདའ་དང་། རྒྱལ་མཚན་ཀུན་གྱིས་བརྒྱན་པར་བགྱིའོ། །ཚོན་སྣ་ལྔའི་སྐུད་པས་ཁོ་ར་ཁོར་ཡུག་ཏུ་དཀྲི་བར་བགྱིའོ། །གཏོར་མ་ཐམས་ཅད་དཀར་པོ་གཞག་གོ། དཀྱིལ་འཁོར་གྱི་ཕྱི་རོལ་ཀུན་དུ་དངུལ་དང་གསེར་གྱི་སྣོད་
རྣམ་པ་སྣ་ཚོགས་པ་གཞག་གོ། སྙིང་པོའི་དཀྱིལ་འཁོར་ཁོ་ར་ཁོར་ཡུག་ཏུ་དངུལ་གྱི་སྣོད་བཀང་བ་བཞི་དང་། འོ་མས་བཀང་བ་བཞི་དང་། མཆོད་ཡོན་དང་། ཞབས་བསིལ་བའི་སྣོད་བཞི་དང་། དྲིའི་སྣོད་བཞི་དང་། དྲིས་
བཀང་བའི་སྣོད་བཞི་དང་། དངུལ་གྱི་པོག་ཕོར་ཨ་ག་རུ་དང་། ཙན་དན་དང་། དུ་རུ་ཀའི་བདུག་སྤོས་བསྲེགས་པ་བཞི་གཞག་གོ། ཕྱི་རོལ་གྱི་དཀྱིལ་འཁོར་ཁོ་ར་ཁོར་ཡུག་ཏུ་ས་ལས་བྱས་པའི་སྣོད་བཀང་བ་དང་། གཏོར་
མའི་སྣོད་བུམ་པ་ཡོངས་སུ་བཀང་བ་དྲུག་བཅུ་རྩ་བཞི་དང་། བདུག་པ་སྣ་ཚོགས་བསྲེགས་པའི་པོག་ཕོར་བརྒྱད་འཇིགས་པ་མེད་པར་གཞག་པར་བགྱིའོ། །དེ་ནས་རིག་སྔགས་འཆང་གིས་ཚེས་བཅུ་བཞི་ནས་ཟླ་
བ་ཉ་ཚེས་བཅྭ་ལྔའི་བར་གྱི་ཉིན་ཞག་གཅིག་སྨྱུང་བ་བགྱིས་པས་འབྲས་ཡོས་དང་། ཡུངས་ཀར་ལ་དོན་ཡོད་པའི་རྒྱལ་པོའི་སྙིང་པོས་ལན་བརྒྱ་རྩ་བརྒྱད་ཡོངས་སུ་བཟླས་པས་དཀྱིལ་འཁོར་དུ་གཏོར་བར་བགྱིའོ། །

99-1-241a

ཡུངས་ཀར་དང་། དྲི་ཆབ་ལ་ཁྲོ་བོའི་རྒྱལ་པོས་ལན་བརྒྱ་རྩ་བརྒྱད་ཡོངས་སུ་བཟླས་པས་དཀྱིལ་འཁོར་ཀུན་དུ་གཏོར་ཞིང་དཀྱིལ་འཁོར་དབང་བསྐུར་བར་བགྱིའོ། །དཀྱིལ་འཁོར་གྱི་ཕྱི་རོལ་དུ་མར་མེ་དྲུག་བཅུ་རྩ་བཞི་
སྤར་བར་བགྱིའོ། །མེ་ཏོག་ཇི་སྙེད་པ་མང་པོ་དགྲམ་ཞིང་ཁོ་ར་ཁོར་ཡུག་ཏུ་ཕྲེང་བ་གཞག་པར་བགྱིའོ། །རིག་སྔགས་འཆང་གིས་དོན་ཡོད་པའི་ལྕགས་ཀྱུས་ཡུངས་ཀར་ལ་ལན་ཉི་ཤུ་རྩ་གཅིག་ཡོངས་སུ་བཟླས་པས་
དཀྱིལ་འཁོར་ཀུན་དང་། ཕྱོགས་བཞི་དང་། སྟེང་དང་། འོག་ཏུ་གཏོར་ན་དཀྱིལ་འཁོར་བཅིང་བ་བགྱིས་པར་འགྱུར་རོ། །ཕྱོགས་བཅིང་བ་དང་། སྤྱི་གཙུག་བཅིང་བ་དང་། བདག་བསྲུང་བ་བགྱིས་པར་འགྱུར་རོ། །
བགེགས་དང་། ལོག་འདྲེན་དང་། འབྱུང་པོ་དང་། གནོད་སྦྱིན་དང་། སྲིན་པོ་དང་། བདུད་ལ་སོགས་པ་ཐམས་ཅད་བཅིངས་པར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། 
ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་གང་དག་མཐོང་བ་དང་། དེ་བཞིན་གཤེགས་པའི་བསླབ་པའི་གཞི་འཛིན་པ་དེ་ཐམས་ཅད་བཀུག་པར་འགྱུར་རོ། །དཀྱིལ་འཁོར་ཀུན་ནས་བསྲུང་བའི་སླད་དུ་
གཤིན་རྗེ་དང་། ཆུ་ལྷ་དང་། གཞོན་ནུ་དང་། ཀུ་བེ་ར་དང་། རྒྱལ་པོ་ཆེན་པོ་བཞི་དཔུང་དང་། འཁོར་དང་བཅས་པ། ལྕགས་ཀྱུ་དང་། ཞགས་པས་བཀུག་པར་འགྱུར་ཏེ། དཀྱིལ་འཁོར་ཀུན་ནས་བསྲུང་བ་དང་། 
བསྐྱབ་པ་དང་། སྦ་བ་བགྱིད་པར་འགྱུར་རོ། །འོག་གི་སའི་ལྷ་མོ་སའི་འོག་ན་གནས་པ་རྣམས་དང་ལྷན་ཅིག་དཀྱིལ་འཁོར་བསྲུང་བ་དང་། བསྐྱབ་པ་དང་། སྦ་བའི་སླད་དུ་མཆིས་པར་འགྱུར་རོ། །སྟེང་ནས་
ནམ་མཁའ་ལ་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། བརྒྱ་བྱིན་དང་། མཚན་མོའི་ལྷ་དང་། ཉི་མ་དང་། ཟླ་བ་རྒྱུ་སྐར་དང་བཅས་པར་བསྲུང་བ་དང་། བསྐྱབ་པ་དང་། སྦ་བ་བགྱིས་པར་འགྱུར་རོ། །

99-1-241b

དེ་ནས་རིག་སྔགས་འཆང་གིས་ཕྱག་བགྱི་བའི་ལས་བགྱི་སྟེ། རིག་སྔགས་འཆང་གིས་རྩྭ་ཀུ་ཤའི་སྟེང་དུ་ཤར་ཕྱོགས་ཀྱི་སྒོར་དཀྱིལ་འཁོར་ལ་མངོན་དུ་ཕྱོགས་པར་སྐྱིལ་མོ་དཀྲུང་བཅས་ཏེ་མཆིས་ལ་གཞན་
མི་སྨྲ་བར་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་ཡོངས་སུ་བཟླས་པ་བགྱིས་ལ། དཀྱིལ་འཁོར་གྱི་སྙིང་པོར་འཕགས་པ་སྤྱན་རས་གཟིགས་དབང་ཕྱུག་གཞག་པར་བགྱི་ཞིང་མེ་ཏོག་རེ་རེ་ལ་བཟླས་
བརྗོད་བགྱིས་པས་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་དོར་བར་བགྱིའོ། །དེ་ནས་ཁྲོ་བོའི་རྒྱལ་པོས་ཡུངས་ཀར་གྱི་འབྲུ་རེ་རེ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་པས་གཏོར་བར་བགྱིའོ། །དེ་ནས་
འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དོན་ཡོད་པའི་ཞགས་པའི་ལྕགས་ཀྱུས་བཟླས་བརྗོད་སྟོང་རྩ་བརྒྱད་བགྱིས་པས་དབུལ་བར་བགྱིའོ། །རི་ལུ་རེ་རེ་ལ་བཟླས་བརྗོད་བགྱིས་པའི་བདུག་སྤོས་དབུལ་བར་
བགྱིའོ། །ཡུངས་ཀར་རེ་རེ་ལ་བཟླས་བརྗོད་བགྱིས་ལ། སྙིང་པོའི་དཀྱིལ་འཁོར་གྱི་སྟེང་དུ་དོར་བར་བགྱིའོ། །སྟོང་རྩ་བརྒྱད་རྫོགས་པ་དང་། ཐུན་ཐ་མའི་ནམ་ནངས་ཀར་གྱ་ནོམ་པ། ཡིད་དུ་འོང་ཞིང་དགའ་བ་དང་། རབ་ཏུ་དགའ་བར་
བགྱིད་པར་ས་གཡོ་བར་འགྱུར་ཞིང་། སྒྲ་མཉེན་པ་དང་། སྙན་ཅིང་འཇེབས་པ་དང་། ཡིད་དུ་འོང་བ་ཟབ་མོ་ཟབ་མོ་དང་། ཀ་ལ་པིང་ཀ་དང་། མི་འམ་ཅིའི་སྒྲ་དབྱངས་ལྟ་བུ་འབྱུང་བར་འགྱུར་ཏེ། རིག་སྔགས་འཆང་གི་སེམས་བརྟན་པོར་
བགྱི་ཞིང་མཆོག་ཏུ་དགའ་བ་ཡིད་ལ་བགྱིད་པས་བཟླས་བརྗོད་བགྱིའོ། །དེ་ནས་དཀྱིལ་འཁོར་གྱི་སྙིང་པོ་ནས་འོད་ཟེར་རྣམ་པ་སྣ་ཚོགས་མང་པོ་འབྱུང་ཞིང་ཕྱོགས་དང་། ཕྱོགས་མཚམས་ཀུན་དུ་མཆི་ཞིང་སྣང་བར་འགྱུར་ཏེ། ནམ་
མཁའི་དཀྱིལ་ན་སྤྲིན་བརྩེགས་པའི་ཕུང་པོ་བཞིན་དུ་འོད་ཟེར་གྱི་གདུགས་སུ་གྱུར་ནས་གནས་པར་འགྱུར་རོ། །དེ་ནས་སྔོན་མ་བྱུང་བའི་དྲི་མ་ཞིམ་པོ་རྨད་དུ་བྱུང་བ་འབྱུང་བར་འགྱུར་ཞིང་ལྷའི་ཙན་དན་དང་། གོ་ཤིར་ཤའི་ཙན་

99-1-242a

དན་དང་། ཙན་དན་སྦྲུལ་གྱི་སྙིང་པོ་དང་། ག་བུར་དང་། གླ་རྩིའི་དྲི་འབྱུང་སྟེ། དཔག་ཚད་བརྒྱ་ཁོ་ར་ཁོར་ཡུག་ཏུ་དྲི་གནས་པར་འགྱུར་རོ། །ལྷ་རྫས་ཀྱི་བདུག་སྤོས་ཀྱི་དྲི་ཞིམ་པོ་སྔོན་མ་བྱུང་བ་བཻ་དཱུརྱ་སྔོན་པོའི་སྤྲིན་བརྩེགས་པ་
ལྟ་བུའི་བདུག་སྤོས་ཀྱི་སྤྲིན་ནམ་མཁའི་དཀྱིལ་ན་གནས་པར་ཡང་འགྱུར་ཏེ། ཕྱོགས་བཅུ་ཀུན་དུ་བདུག་སྤོས་ཀྱི་དྲི་རྒྱས་པར་འགྱུར་རོ། །དེ་ནས་སྙིང་པོའི་དཀྱིལ་འཁོར་གྱི་དབུས་ནས་འཕགས་པ་སྤྱན་རས་གཟིགས་དབང་ཕྱུག་
བདག་ཉིད་ཀྱི་རང་གི་གཟུགས་ཀྱིས་འབྱུང་བར་འགྱུར་ཏེ། ཚངས་པ་བཟང་པོའི་ཆ་ལུགས་ཅན། རལ་པའི་ཐོར་ཚུགས་ཀྱིས་བརྒྱན་པ། དོན་ཡོད་པའི་ཞགས་པའི་གཟུགས་ལག་པ་བཞི་པ། པད་མ་དང་། ཞགས་པ་ཐོགས་
པ། རྒྱལ་བ་འོད་དཔག་ཏུ་མེད་པའི་དབུ་རྒྱན་ཅན། དབུ་རྒྱན་ཟླ་བ་ཚེས་པས་བརྒྱན་པ། མདུང་རྩེ་གསུམ་པ་ཐོགས་ཤིང་དབུགས་འབྱིན་པ། རྒྱན་ཐམས་ཅད་ཀྱིས་བརྒྱན་པ། མཚན་དང་དཔེ་བྱད་བཟང་པོས་བརྒྱན་པ། 
རང་གི་འོད་དང་གཟི་བརྗིད་ཀྱིས་ཤིན་དུ་འབར་བ། བཞིན་འཛུམ་ཞིང་ཉི་མ་སྟོང་བས་ལྷག་པའི་འོད་ཟེར་གྱི་སྣང་བ་དང་ལྡན་པ། ཁྲུ་བརྒྱད་ཙམ་གྱི་ལུས་བཟང་པོས་དཀྱིལ་འཁོར་གྱི་སྙིང་པོའི་པད་མའི་སྟན་ལས་ལངས་ཏེ། ནམ་མཁའ་
ལ་མཆིས་ནས་ཞི་བའི་གཟུགས་ཅན་བྱམས་པའི་སེམས་དང་། སྙིང་རྗེ་ཆེན་པོ་ཡིད་ལ་བགྱིས་པས་དཀྱིལ་འཁོར་ཀུན་དུ་ལྟ་ཞིང་ཕྱོགས་བཅུར་རྟོག་པར་བགྱིད་དོ། །དེ་ནས་རིག་སྔགས་འཆང་ལ་ལེགས་སོ་ཞེས་བྱ་བའི་སྒྲ་
འབྱུང་སྟེ། རིག་སྔགས་འཆང་ཆེན་པོ་ལེགས་སོ་ལེགས་སོ། །ལག་པ་གཡས་པ་བརྐྱང་བའི་ལག་མཐིལ་ཤིན་དུ་བཟང་པོ་འོད་ཟེར་བྱེ་བ་བརྒྱ་སྟོང་ཕྲག་སྟོང་གིས་ལེགས་པར་བརྒྱན་པའི་ལག་པ་རིག་སྔགས་འཆང་གི་སྤྱི་བོར་
འཇོག་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་ལག་པ་སྤྱི་བོར་གཞག་མ་ཐག་ཏུ་དེ་ནས་རིག་སྔགས་འཆང་དེ་ནམ་མཁའ་ལ་མཆིས་ཏེ། དོན་ཡོད་པའི་ཞགས་པ་དང་། ལྕགས་ཀྱུ་རྒྱ་ཆེན་པོ་

99-1-242b

འོད་ཟེར་སྣང་བ་བཀོད་པ་རྣམ་པར་འཕྲུལ་པ་ཞེས་བྱ་བ་སྒྱུ་མ་ལྟ་བུའི་ཤུགས་ཀྱི་དཀྱིལ་འཁོར་ཞེས་བྱ་བའི་ཏིང་ངེ་འཛིན་འཐོབ་སྟེ། ཏིང་ངེ་འཛིན་གཞན་ཡང་བྱེ་བ་ཁྲག་ཁྲིག་བརྒྱ་སྟོང་གི་བྱེ་མ་སྙེད་འཐོབ་བོ། །
ཀུན་དུ་དོན་ཡོད་པར་ལྟ་བ་ནོར་བུའི་སྙིང་པོ་རྒྱ་ཆེན་པོར་གྲགས་པོ་དོན་ཡོད་པའི་ལྕགས་ཀྱུའི་གཟུགས། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའི་གཟུངས་འཐོབ་པར་འགྱུར་ཏེ། གང་གིས་གཟུངས་
ཐོབ་པའི་མོད་ལ་དོན་ཡོད་པའི་ཞགས་པའི་སྙིང་པོའི་ཕྱག་རྒྱ་དང་། གསང་སྔགས་རིམ་པར་ཕྱེ་བའི་ཆོ་ག་ཞིབ་མོ་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བགྱིས་པ། རྣམ་པར་ཐར་པའི་དཀྱིལ་འཁོར་མཐའ་དག་རྫོགས་
པར་ཁ་ཏོན་ཉིད་དུ་གནས་སོ། །གཞན་ཡང་པད་མ་རྒྱ་ཆེན་པོའི་དཀྱིལ་འཁོར་མཐའ་དག་དང་། རྡོ་རྗེའི་རིགས་དང་། དེ་བཞིན་གཤེགས་པའི་རིགས་དང་། ནོར་བུའི་རིགས་དང་། གླང་པོ་ཆེའི་རིགས་དང་། དེ་བཞིན་གཤེགས་པ་
ཐམས་ཅད་ཀྱི་རིགས་ཀྱི་དམ་ཚིག་དང་། གསང་བ་ཆེན་པོའི་སྙིང་པོ་དང་། ཕྱག་རྒྱ་དང་བཅས་པའི་གསང་སྔགས་རིམ་པར་ཕྱེ་བ་གསང་བ་དང་། ཆོ་ག་ཞིབ་མོའི་རྣམ་པ་ཐམས་ཅད་ཁ་ཏོན་ཉིད་དུ་གནས་སོ། །རིག་སྔགས་འཆང་གི་འཁོར་
ལོས་སྒྱུར་བ་བྱེ་བ་ཁྲག་ཁྲིག་བརྒྱ་སྟོང་ཕྲག་གང་གཱ་ཀླུང་གི་བྱེ་མ་དགུ་བཅུ་རྩ་གཉིས་པ་རྣམས་ཀྱི་གཙོ་བོ་དང་། མཆོག་དང་རིག་སྔགས་འཆང་གི་འཁོར་ལོས་སྒྱུར་བའི་རྒྱལ་པོར་འགྱུར་རོ། །དེ་ནས་འཕགས་པ་སྤྱན་རས་གཟིགས་དབང་
ཕྱུག་གིས་རིག་སྔགས་འཆང་དེ་ལ་སྨྲས་པ། རིག་སྔགས་འཆང་ཇི་ལྟར་ཡིད་ལ་བྱེད་པ་དང་། བསམ་པ་སྨྲོས་ཤིག་དང་། མཆོག་དེ་ཐམས་ཅད་རྗེས་སུ་སྦྱིན་པར་བྱའོ། །དེ་ནས་རིག་སྔགས་འཆང་གིས་ཇི་ལྟར་ཡིད་ལ་བསམས་པ་དང་། 
མཆོག་མངོན་པར་འདོད་པ་དེ་ཐམས་ཅད་སྨྲ་ཞིང་མཆོག་ཡིད་ལ་རེ་བ་ཐམས་ཅད་སྦྱིན་པར་འགྱུར་རོ། །གཞན་ཡང་འཇིག་རྟེན་པ་དང་། འཇིག་རྟེན་ལས་འདས་པའི་དགོས་པ་སྣ་ཚོགས་ད་ལྟར་བྱུང་བ་རྣམས་སྨྲ་ཞིང་འདས་པ་དང་། 

99-1-243a

མ་འོངས་པ་དང་ད་ལྟར་བྱུང་བ་སྨྲའོ། །ལོ་ལེགས་པ་དང་། ལོ་ཉེས་པ་དང་། བདེ་བ་དང་། ནད་དང་། འཇིགས་པ་དང་། ལྷག་པར་འཇིགས་པ་དང་། ཕ་རོལ་གྱི་དམག་ཚོགས་དང་། རང་གི་དམག་ཚོགས་དང་། ཕྱིར་
རྒོལ་བ་དང་། དགྲ་བོ་དང་། ཡམས་ཀྱི་ནད་དང་། མི་ངས་དང་། གནོད་པ་དང་། ནད་འགོ་བ་དང་། འཚེ་བ་དང་། གཟའ་འཐབ་པ་དང་། འཐབ་མོ་དང་། རྩོད་པ་དང་། འཚང་འདྲུ་བ་དང་། འགྱེད་པ་དང་། གཡུལ་འགྱོད་པ་དང་། ཆར་
ཆེས་པ་དང་། ཆར་དཀོན་པ་དང་། དུས་མ་ཡིན་པའི་ཆར་དང་། ཚེ་རིང་བ་དང་། ཚེ་ཐུང་བ་དང་། ཚེ་ཡོངས་སུ་ཟད་པ་དང་། དུས་མ་ཡིན་པར་འཆི་བ་དང་། འབྱོར་པ་དང་། རྒུད་པ་དང་། དགེ་བ་དང་། མི་དགེ་བ་དང་། སྐྱེ་བ་དང་། འགག་པ་དང་། 
འགྲུབ་པ་དང་། མི་འགྲུབ་པ་དང་། བགེགས་དང་། བགེགས་མེད་པ་དང་། བདུད་ཀྱི་བར་ཆད་དང་། འབྲུ་འཕེལ་བ་དང་། ནོར་འཕེལ་བ་དང་། ནད་མང་བ་དང་། ནད་དང་བྲལ་བར་འགྱུར་བ་གང་ཡིན་པ་དེ་ཐམས་ཅད་བྱང་ཆུབ་སེམས་དཔའ་
སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་རིག་སྔགས་འཆང་ལ་སྨྲ་བར་འགྱུར་རོ། །སེམས་ཅན་དམྱལ་བ་དང་། ཡི་དགས་དང་། ལྷ་མ་ཡིན་གྱི་འཇིག་རྟེན་དང་། གནོད་སྦྱིན་དང་། སྲིན་པོ་དང་། 
འབྱུང་པོ་དང་། ཤ་ཟ་དང་། གྲུལ་བུམ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། དུད་འགྲོའི་སྐྱེ་གནས་པ་རི་དགས་དང་། བྱའི་སྐྱེ་བ་དང་། འཆི་བ་དེ་ཐམས་ཅད་ཕྱིན་ཅི་མ་ལོག་པར་སྨྲ་ཞིང་
དེ་དག་གི་ཐམས་ཅད་ཀྱང་སྟོན་པར་འགྱུར་རོ། །ལྷར་སྐྱེ་བ་དང་། ཀླུར་སྐྱེ་བ་དང་། སངས་རྒྱས་ཀྱི་ཞིང་དུ་འགྲོ་ཞིང་སྐྱེ་བ་དང་། རྒྱལ་པོ་ཉིད་དང་། བུད་མེད་དང་། སྐྱེས་པ་ཉིད་དང་། བུ་རྙེད་པ་དེ་ཐམས་ཅད་སྨྲ་བར་འགྱུར་
རོ། །བྲམ་ཟེའི་རིགས་སུ་སྐྱེ་བ་དང་། རྒྱལ་རིགས་སུ་སྐྱེ་བ་དང་། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུར་སྐྱེ་བ་དེ་ཐམས་ཅད་སྨྲ་བར་འགྱུར་རོ། །གཞན་ཡང་རིགས་མཐོན་པོ་དང་། དམའ་བ་དང་། དམང་པའི་

99-1-243b

རིགས་སུ་སྐྱེ་བ་སྣ་ཚོགས་དེ་དག་ཐམས་ཅད་སྟོན་ཅིང་སྨྲ་ལ། ཐབས་ཀྱང་སྟོན་པར་འགྱུར་རོ། །དེ་ནས་རིག་སྔགས་འཆང་གིས་ཇི་ལྟར་བསམས་པའི་དོན་དེ་ཐམས་ཅད་འཕགས་པ་སྤྱན་རས་གཟིགས་དབང་ཕྱུག་
མངོན་སུམ་དུ་སྨྲ་ཞིང་ཐམས་ཅད་གཏམ་ཟེར་རོ། །གཞན་ཡང་འཇིག་རྟེན་པའི་མཆོག་སྣ་ཚོགས་དང་། སྒྲུབ་པ་དང་། གྲུབ་པ་དེ་ཐམས་ཅད་དེ་སྩོལ་བར་བགྱིད་དེ། འདི་ལྟ་སྟེ་ནོར་བསྒྱུར་བ་སྨྲ་བ་དང་། ཞིང་སྨྲ་བ་དང་། མིག་སྨན་
གྱི་དངོས་གྲུབ་དང་། མི་སྣང་བ་དང་། མིག་འཕྲུལ་དང་། གཏེར་སྨྲ་བ་དང་། ཕུག་ཏུ་འཇུག་པ་དང་ནགས་སུ་འཇུག་པ་དང་། སྤོ་བ་དང་། དབང་དུ་བྱ་བ་དང་། དབབ་པ་དང་། རོ་ལངས་བསླང་བ་དང་། ནད་ཞི་བར་བྱ་བ་དང་། གོས་འཐོབ་པ་
དང་། གྲོང་འཐོབ་པ་དང་། ཡུལ་གྱི་བདག་པོ་ཉིད་དང་། ཆུ་ཀླུང་ཆེན་པོ་རྒལ་བ་དང་། དུག་བཟའ་བ་དང་། གསང་སྔགས་སྣ་ཚོགས་སྒྲུབ་པའི་དངོས་གྲུབ་དང་། འཇིགས་པ་ཆེན་པོ་བརྒྱད་ཞི་བར་བྱ་བ་དང་། དགུག་པ་དང་། དྲན་པ་དེ་
ཐམས་ཅད་སྩོལ་བར་བགྱིད་དོ། །གཞན་ཡང་ཇི་ལྟར་ཡིད་ལ་བགྱིད་པ་དེ་ཐམས་ཅད་སྩོལ་བར་བགྱིད་དོ། །དེ་དག་ཐམས་ཅད་ཀྱི་དགོས་པ་ཐམས་ཅད་དོན་ཡོད་པའི་ཞགས་པའི་ལྕགས་ཀྱུའི་སྙིང་པོས་འདྲེན་ཅིང་། དོན་ཡོད་པའི་ཞགས་
པས་བཅིང་བར་འགྱུར་རོ། །བསམས་པ་དང་། དོན་དུ་གཉེར་བ་དང་། ཡིད་ལ་རེ་བའི་དགོས་པ་དེ་ཐམས་ཅད་ཤིན་དུ་རིང་པོ་ནས་ཀྱང་དོན་ཡོད་པའི་ཞགས་པས་བཅིངས་ནས་ཐམས་ཅད་དྲངས་ཏེ། ལག་ཏུ་ཐོབ་པར་འགྱུར་རོ། །སྒྲུབ་པ་
མཆོག་གི་དངོས་གྲུབ་ཀྱི་དེ་ཁོ་ན་ཉིད་ཐམས་ཅད་འགྲུབ་པར་འགྱུར་ཏེ། མི་སྣང་བར་གྱུར། རིག་སྔགས་འཆང་ནམ་མཁའ་ལ་མཆི་བར་འགྱུར་རོ། །འཇིག་རྟེན་གྱི་ཁམས་གང་དུ་སངས་རྒྱས་ཀྱི་ཞིང་གང་དང་གང་དུ་མཆི་འཚལ་བ་དེ་
དང་དེ་ཐམས་ཅད་དུ་མཆི་བར་གྱུར་ཏེ་ཐམས་ཅད་དུ་གཙོ་བོར་འགྱུར། ཐམས་ཅད་དུ་མཆོད་པར་འགྱུར་རོ། །ཅི་སྟེ་རྨི་ལམ་དུ་མཐོང་བར་འཚལ་ན་གུ་གུལ་ལ་ལན་བརྒྱ་རྩ་བརྒྱད་ཡོངས་སུ་བཟླས་ནས། ཉལ་ཀར་འཕགས་

99-1-244a

པ་སྤྱན་རས་གཟིགས་དབང་ཕྱུག་ལ་བདུག་སྤོས་སུ་ཕུལ་ཏེ་ཉལ་ན། འཕགས་པ་སྤྱན་རས་གཟིགས་དབང་ཕྱུག་རྒྱལ་པོའི་ཆ་བྱད་དུ་མཐོང་བ་སྩོལ་ཅིང་། གང་བསམས་པ་དང་། གང་དུ་གཉེར་
བ་དང་། གང་དྲིས་པ་དེ་ཐམས་ཅད་སྨྲ་བར་འགྱུར་རོ། །ཇི་ལྟར་བསམས་པའི་མཆོག་སྩོལ་ཅིང་སྒྲིབ་པ་དང་སྡིག་པ་ཐམས་ཅད་མ་མཆིས་པར་འགྱུར་རོ། །སྟོབས་དང་། བརྩོན་འགྲུས་དང་། མདངས་འཇུག་པར་འགྱུར་
རོ། །ཚངས་པ་དགུག་པར་འཚལ་ཞིང་མཐོང་བར་འཚལ་ན། དེའི་ཚེ་ཤིང་ཨརྐའི་འོ་མ་དང་། གུ་གུལ་དང་། རྒྱ་སྐྱེགས་རི་ལུར་བགྱིས་པ་ལ་བཟླས་བརྗོད་བརྒྱ་རྩ་བརྒྱད་བགྱིས་ལ། ཚངས་པ་ལ་བདུག་སྤོས་སུ་ཕུལ་
ནས། ཚངས་པ་རང་གི་གཟུགས་ཀྱིས་མདུན་ན་མ་མཆིས་ཤིང་མཆོག་འཚལ་བ་ཐམས་ཅད་རྗེས་སུ་སྩོལ་ཏོ། །ཚངས་པའི་འཇིག་རྟེན་ལ་ཐུག་པའི་བར་གྱི་ཚངས་པའི་གནས་དང་། གཞལ་མེད་ཁང་མཐོང་བར་འགྱུར་ཞིང་
ཚངས་པའི་གཟུགས་ཀྱི་ཆ་བྱད་འཆང་བའི་མཆོག་སྩོལ་བར་འགྱུར་རོ། །ལྷའི་གནས་ཐམས་ཅད་དུ་མེས་པོ་ཡིན་ནོ་ཞེས་ཚིག་མངོན་པར་བརྗོད་པར་འགྱུར་རོ། །འཇིག་རྟེན་ཐམས་ཅད་དང་། འཛམ་བུའི་གླིང་པའི་མི་
བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དེ་ཐམས་ཅད་ཐམས་ཅད་དུ་ཚངས་པའོ་ཞེས་སེམས་པར་འགྱུར་རོ། །རྒྱལ་པོ་བཙུན་
མོ་དང་། འཁོར་དུ་བཅས་པས་མཆོད་པའི་སྤྲིན་ཆེན་པོ་བགྱིད་པར་འགྱུར་རོ། །དེ་ནས་སྲེད་མེད་ཀྱི་བུ་དགུག་པར་འཚལ་བ་དེས་ལྷའི་གནས་སུ་སྲེད་མེད་ཀྱི་བུའི་གཟུགས་བརྙན་གྱི་མདུན་དུ་ཉེ་བར་སྦྱིན་སྲེག་གི་ཆོ་ག་བགྱི་སྟེ། 
རིག་སྔགས་འཆང་གཙང་མར་གྱུར་པ་ཤིན་དུ་ཁྲུས་བགྱིས་པ་གོས་གཙང་མ་བགོས་པ། སྣ་མ་དང་ཤིང་ཨརྐའི་ཡམ་སྲེག་ཤིང་གི་མེ་སྦར་བ་ལ་གུ་གུལ་དང་། ཡུངས་དཀར་དང་། སྦྲང་རྩི་དང་ཞུན་མར་བསྲེས་པའི་

99-1-244b

སྦྱིན་སྲེག་བརྒྱ་སྟོང་བགྱིའོ། །བརྒྱ་སྟོང་རྫོགས་པ་དང་། སྲེད་མེད་ཀྱི་བུ་རང་གི་གཟུགས་ཀྱིས་མདུན་ན་མཆིས་ཤིང་རིག་སྔགས་འཆང་ལ་རིག་སྔགས་འཆང་ལེགས་སོ་ལེགས་སོ་ཞེས་སྨྲའོ། །སྒྲུབ་པ་དམ་པ་འདི་
དོན་ཡོད་པའི་ལྕགས་ཀྱུས་འགུགས་ཤིང་རིག་སྔགས་ཀྱི་རྒྱལ་པོའི་ཆོས་ལུགས་ཆེན་པོས་བཀུག་ན་རིག་སྔགས་འཆང་ཅི་ཞིག་བྱ། དགོས་པ་ནི་ཅི་ཞིག་ཡོད། མཆོག་ནི་ཅི་ཞིག་དོན་ཅི་གཉེར་བ་དེ་སྨྲོས་ཤིག་དང་། ཐམས་
ཅད་རྗེས་སུ་སྦྱིན་པར་བྱའོ། །དེ་ནས་རིག་སྔགས་འཆང་གིས་དོན་གང་ཡིད་ལ་བསམས་ཏེ་སྨྲས་པ་དེ་ཐམས་ཅད་སྩོལ་བར་འགྱུར། གཟུགས་སྣ་ཚོགས་པའི་མཆོག་ཀྱང་རྗེས་སུ་སྩོལ་བར་འགྱུར་རོ། །གཞན་ཡང་གཟུགས་
སྣ་ཚོགས་པ་མཆོག་གཙོ་བོ་དང་དགོས་པའི་ལས་སྒྲུབ་པའི་མཆོག་རྗེས་སུ་སྩོལ་བར་འགྱུར་རོ། །དེ་ནས་ལྷ་ཆེན་པོ་དགུག་པར་འཚལ་ན་རིག་སྔགས་འཆང་གཙང་མ་ཤིན་དུ་ཁྲུས་བགྱིས་པ་གོས་གཙང་མ་བགོས་པ་
དེས་ལྷའི་གནས་སུ་མཆིས་པ་ལ་ལྷ་ཆེན་པོའི་མདུན་དུ་གུ་གུལ་དང་། པད་མའི་ཕྱེ་མ་དང་ཞུན་མར་བསྲེས་པའི་སྦྱིན་སྲེག་སྟོང་རྩ་བརྒྱད་བགྱིའོ། །སྟོང་རྩ་བརྒྱད་རྫོགས་པ་དང་། ལྷ་ཆེན་པོ་རང་གི་གཟུགས་ཀྱིས་མདུན་
ན་མཆིས་པར་འགྱུར་རོ། །དེ་ནས་ནག་པོ་ཆེན་པོ་དགུག་པར་འཚལ་ན་རིག་སྔགས་འཆང་ཤིན་དུ་ཁྲུས་བགྱིས་པ་གོས་གཙང་མ་བགོས་པས་དུར་ཁྲོད་དུ་མཆིས་ལ། ཟླ་བ་མར་གྱི་ངོའི་ཚེས་བཅུ་བཞི་ལ་ཉིན་ཞག་གཅིག་
སྨྱུང་བ་བགྱིས་པས་པད་མ་སར་བའི་ཕྱེ་མ་དང་། གུ་གུལ་དང་། རའི་ཁྲག་དང་། ཡུངས་ཀར་དང་། ཞུན་མར་དང་སྦྱར་བ་བརྒྱད་སྟོང་དོན་ཡོད་པའི་ལྕགས་ཀྱུའི་བཟླས་བརྗོད་ཀྱིས་དུར་ཁྲོད་ཀྱི་ཤིང་གི་མེ་ལ་བཟླས་བརྗོད་
བགྱིའོ། །ར་ཁྲག་གི་གཏོར་མ་དང་འབྲས་ཐུག་པོ་ཆེའི་ཆན་གྱི་ལྷ་བཤོས་དང་། མེ་ཏོག་དམར་པོ་དབུལ་བར་བགྱིའོ། །ལས་འདི་ཡོངས་སུ་རྫོགས་པར་བགྱིས་ན་ནག་པོ་ཆེན་པོ་མ་མོའི་ཚོགས་ཀྱི་འཁོར་དང་བཅས་པ་

99-1-245a

མདུན་ན་མཆིས་ཤིང་རིག་སྔགས་འཆང་ལ་ལེགས་སོ་ཞེས་བྱ་བ་གསོལ་ཏེ། རིག་སྔགས་འཆང་ལེགས་སོ་ལེགས་སོ། །སྒྲུབ་པའི་ཆོ་ག་བཟང་པོ་འདིས་བདག་ཡོངས་སུ་མ་གུས་རིག་སྔགས་འཆང་སྨྲོས་ཤིག་
དང་མཆོག་རྗེས་སུ་སྦྱིན་པར་བགྱིའོ། །མཆོག་འདོད་པ་ཐམས་ཅད་རྗེས་སུ་ལོང་ཤིག་དང་། ཇི་ལྟར་ཡིད་ལ་བྱེད་པ་རེ་བ་དེ་ཐམས་ཅད་རྗེས་སུ་སྦྱིན་པར་བགྱིའོ། །ཁྱོད་བསྲུང་བ་དང་། ཡོངས་སུ་བསྐྱང་བའི་དོན་དུ་བདག་
རྟག་ཏུ་རྗེས་སུ་འབྲང་བར་བགྱིའོ། །དེ་ནས་རིག་སྔགས་འཆང་གིས་མཆོད་ཡོན་དང་ཞབས་བསིལ་དབུལ་བར་བགྱིའོ། །ཇི་ལྟར་བསམས་པ་དེ་མངོན་སུམ་དུ་སྨྲས་ན། གང་དོན་དུ་གཉེར་བ་དེ་ཐམས་ཅད་འཐོབ་ཅིང་ཐམས་ཅད་
དུ་རྗེས་སུ་འབྲང་བར་འགྱུར་རོ། །ཐམས་ཅད་དུ་ཐམས་ཅད་བགྱིད་པར་འགྱུར་རོ། །དྲན་པ་ཙམ་ལ་སོགས་པས་ལས་ཐམས་ཅད་བགྱིད་ཅིང་ཉེ་བར་གནས་པར་འགྱུར་རོ། །རྟག་ཏུ་ལྟ་ཞིང་སྤྱིར་ཐམས་ཅད་བགྱིད་
པར་འགྱུར་རོ། །གཞན་ཡང་དགོས་པ་སྣ་ཚོགས་དང་། ལས་སུ་བགྱི་བ་བགྱིད་པར་འགྱུར་རོ། །མ་མོའི་ཚོགས་ཀྱི་འཁོར་ཐམས་ཅད་དབང་དུ་གྱུར་ནས་གནས་ཏེ། ལས་ཐམས་ཅད་བསྒོ་བ་བཞིན་དུ་བགྱིད་པར་
འགྱུར་ཏེ། ནམ་ཡང་ཉམས་པར་མི་བགྱིད་དོ། །ཐམས་ཅད་རྗེས་སུ་འབྲང་ཞིང་ལས་ཐམས་ཅད་བགྱིད་པར་འགྱུར་རོ། །ཅི་སྟེ་འདོད་པའི་གཟུགས་ཅན་མ་དགུག་པར་འཚལ་ན་དེ་ནས་རིག་སྔགས་འཆང་
གཙང་མ་ཤིན་ཏུ་ཁྲུས་བགྱིས་པ་གོས་གཙང་མ་བགོས་པས་ཤིན་དུ་དྲི་ཞིམ་པོའི་དྲིས་ལུས་ལྷག་པར་བསྒོས་ལ། གང་ན་མེ་ཏོག་གི་ཤིང་ལྗོན་པ་མཆིས་པ་དེར་མཆིས་ལ། ཟླ་བ་མར་གྱི་ངོའི་ཚེས་བཅུ་བཞིའི་ཉིན་
ཞག་གཅིག་སྨྱུང་བ་བགྱིས་པས་ཤིན་དུ་དྲི་ཞིམ་པའི་དྲིའི་ཤིང་གི་མེ་སྦར་བ་ལ་པུ་ཤེལ་ཙེ་དང་། ཏ་ཀ་ར་དང་། སྤང་སྤོས་དང་། ཡུངས་ཀར་དང་། ཞོ་དང་སྦྲང་རྩི་དང་། ཞུན་མར་དང་། སྦྱར་བའི་སྦྱིན་སྲེག་ལན་སྟོང་རྩ་བརྒྱད་

99-1-245b

བགྱིའོ། །གླ་རྩི་དང་། ག་བུར་དང་། ཙན་དན་གྱི་ཆུས་བསྒོས་པའི་འབྲས་ཡོས་དང་། མེ་ཏོག་གིས་བཀང་བའི་མཆོད་ཡོན་གྱི་སྣོད་བུམ་པ་སར་པ་བརྒྱད་སྩལ་ལོ། །དཀར་གསུམ་གྱི་གཏོར་མས་བཀང་བ་ག་བུར་གྱིས་བསྒོས་
པའི་གཏོར་མའི་བུམ་པ་གསུམ་སྩལ་ལོ། །མེ་ཏོག་ཤིན་དུ་དྲི་ཞིམ་པོ་སྩལ་བར་བགྱི་ཞིང་གླ་རྩི་དང་། ཙན་དན་དང་། ག་བུར་དང་། ཀུན་དུ་རུའི་བདུག་སྤོས་སྩལ་བར་བགྱིའོ། །དེ་ནས་ལས་ཡོངས་སུ་རྫོགས་པ་དང་། 
འདོད་པའི་གཟུགས་ཅན་མ་བཟང་མོ་དེ་ལྷའི་གཞལ་མེད་ཁང་དུ་མཆི་ཞིང་མདུན་ན་མཆིས་ཏེ། དེ་མཐོང་ནས་མ་འམ། སྲིང་མོ་འམ། ཆུང་མ་འམ། ལས་བྱེད་པ་འམ། མངག་གཞུག་མ་འམ། ཕོ་ཉ་མ་རྣམས་ཇི་ལྟ་བུར་
ཇི་ལྟར་ཚིག་ཏུ་བརྗོད་པ་དེ་ལ་སྨྲོས་ཤིག་དང་། ཅི་སྟེ་མར་གྱུར་ན་དེའི་ཚེ་བུ་བཞིན་དུ་སྙིང་ནས་ཡོངས་སུ་སྐྱོང་བར་བགྱིད་དོ། །ནོར་དང་། འབྲུ་དང་། དབྱིག་དང་། གསེར་དང་། གོས་དང་། རྒྱན་དང་། ལྷབ་ལྷུབ་དང་། མལ་ཆས་ཡོངས་སུ་
སྐྱོང་བར་བགྱིད་དོ། །ཅི་སྟེ་སྲིང་མོར་གྱུར་ན་དེའི་ཚེ་ལོངས་སྤྱོད་ཐམས་ཅད་ཀྱིས་ཡོངས་སུ་སྐྱོང་བར་བགྱིད་དོ། །ཇི་ལྟར་ཡིད་ལ་བསམས་པའི་བུད་མེད་དཔག་ཚད་བརྒྱའི་ཕ་རོལ་ནས་ཀྱང་བཀུག་སྟེ། ཡོངས་སུ་ལོངས་
སྤྱད་པའི་ཕྱིར་ཡོངས་སུ་སྤྱོད་པར་བགྱིད་ཅིང་ཕྱིར་ཡང་དེ་ཉིད་དུ་གཏོང་བར་བགྱིད་དོ། །ཅི་སྟེ་ཆུང་མར་གྱུར་ན་དེ་དང་། ལྷ་རྫས་ཀྱི་གཞལ་མེད་ཁང་དམ་པ་ཡོངས་སུ་ལོངས་སྤྱོད་པའི་གཞལ་མེད་ཁང་མཐོང་སྟེ། ལྷ་རྫས་ཀྱི་བཟའ་བ་
དང་བཏུང་བ་དང་། ལོངས་སྤྱོད་སྩོལ་བར་བགྱིད་དོ། །རོ་བྲོ་བའི་མཆོག་རོ་བརྒྱ་དང་ལྡན་པ་ཆེས་ཁྱད་པར་དུ་འཕགས་པའི་ལོངས་སྤྱོད་སྩོལ་བར་བགྱིད་དོ། །མཆོག་ཏུ་དགའ་བའི་རྩེད་མོས་འདོད་པའི་ཡོན་ཏན་ལྔའི་ལོངས་
སྤྱོད་ལ་ཡོངས་སུ་སྤྱོད་པར་བགྱིད་དོ། །ལྷ་རྫས་ཀྱི་དྲི་དང་། མེ་ཏོག་དང་ཕྲེང་བ་དང་། བྱུག་པ་དང་། ལྷ་རྫས་ཀྱི་གོས་དང་། རྒྱན་དང་། ལྷབ་ལྷུབ་ཀྱིས་བརྒྱན་པའི་གཞལ་མེད་ཁང་དུ་འགྱུར་རོ། །ནོར་དང་། འབྲུ་དང་། 

99-1-246a

མཛོད་དང་། བང་བ་ཡོངས་སུ་གང་ཞིང་མཆིས་པར་འགྱུར་རོ། །ནོར་བུ་དང་། གསེར་དང་། རྡོ་རྗེ་དང་། བཻ་དཱུརྱ་དང་། གསེར་དང་། ཤང་ཀ་ཤཱི་ལ་དང་། བྱི་རུ་དང་། དངུལ་དང་། ས་ལེ་སྦྲམ་དང་། དངུལ་སྒོག་
དཔག་ཏུ་མེད་པ་ཐོབ་པའི་གཏེར་སྩོལ་བར་བགྱིད་དོ། །རྟ་དང་། བ་ལང་དང་། མ་ཧེ་དང་། ཕྱུགས་དང་། བྲན་ཕོ་དང་། བྲན་མོ་རབ་ཏུ་མང་པོ་མང་པོར་འཕེལ་ཞིང་མཆིས་པར་འགྱུར་རོ། །མལ་ཆའི་ལོངས་སྤྱོད་སྣ་ཚོགས་སྩོལ་
བར་བགྱིད་དོ། །ལྷ་རྫས་ཀྱི་ཆུང་མའི་ལོངས་སྤྱོད་བུད་མེད་གཟུགས་སྣ་ཚོགས་པའི་འཁོར་བརྒྱ་དང་ལྡན་པ་ཉིན་གཅིག་བཞིན་དུ་གནས་པར་འགྱུར་རོ། །ཡོ་བྱད་ཐམས་ཅད་ཕུན་སུམ་ཚོགས་པས་ཇི་སྲིད་འཚོའི་བར་དུ་
གནས་པར་འགྱུར་རོ། །ཚེ་ལྷའི་ལོ་སྟོང་ཐུབ་པར་འགྱུར་རོ། །རིག་སྔགས་འཆང་གིས་བག་ཡོད་པར་བགྱི་སྟེ། དཀོན་མཆོག་གསུམ་ལ་མཆོག་ཏུ་གུས་པ་དང་། འཕགས་པ་སྤྱན་རས་གཟིགས་དབང་ཕྱུག་དང་། རྡོ་རྗེ་འཛིན་
ལ་མཆོག་ཏུ་གུས་པར་བགྱིའོ། །རྟག་ཏུ་སྦྱིན་པ་ལ་མངོན་པར་དགའ་བར་བགྱི་ཞིང་སེམས་ཅན་ཐམས་ཅད་ལ་མཆོག་ཏུ་སྙིང་བརྩེ་བར་བགྱིའོ། །གཞན་དུ་མི་སྨྲ་བར་བགྱིའོ། །གལ་ཏེ་ལས་བྱེད་པར་གྱུར་ན་དེའི་ཚེ་རྒྱལ་པོ་ལ་བགྱི་བ་
བཞིན་དུ་ལས་ཐམས་ཅད་བགྱིད་དེ། ཤིན་དུ་ཡོངས་སུ་རྫོགས་ཀྱི་བར་དུ་ལས་ལ་མངོན་པར་བརྩོན་པར་འགྱུར་རོ། །ཇི་སྟེ་མངག་གཞུག་པར་མ་གྱུར་ན་གནས་གང་དུ་མངག་པ་དེའི་གནས་ཐམས་ཅད་དུ་མཆི་སྟེ། 
དཔག་ཚད་སྟོང་གི་ཕ་རོལ་དུ་མཆི་ཞིང་། སྐད་ཅིག་གིས་སླར་ཡང་མཆིའོ། །ཐམས་ཅད་དུ་གཏེར་ཆེན་པོ་འབྱིན་པར་བགྱིད་འདྲེན་པར་བགྱིད་དོ། །དཔག་ཚད་སྟོང་གི་ཕ་རོལ་ནས་བུད་མེད་འགུགས་པར་བགྱིད་ཅིང་། ནོར་དང་། 
འབྲུ་དང་། གླང་པོ་ཆེ་དང་། མ་ཧེ་དང་། རྟ་དག་འགུགས་པར་བགྱིད་དེ། སླར་ཡང་གཏོང་བར་བགྱིད་དོ། །བག་ཡོད་པས་བསྒོ་བར་བགྱི་སྟེ། བདག་ཉིད་ཤིན་དུ་རིང་པོའི་ཡུལ་དང་། གནས་སུ་འཕེན་པར་བགྱིད། 

99-1-246b

གནོད་སྦྱིན་དང་། སྲིན་པོ་དང་། འབྱུང་པོ་དང་། ལྷ་མ་ཡིན་གྱི་གནས་སུ་འདེགས་པར་བགྱིད་དེ། དེར་སྲོག་གི་བར་དུ་ཆད་དུ་འགྱུར་བར་མི་བགྱིད་དོ། །ཇི་སྟེ་ཕོ་ཉ་མོར་གྱུར་ན་ཕྱོགས་བཅུ་ཐམས་ཅད་དུ་མཆི་སྟེ། ལྷའི་
འཇིག་རྟེན་དུ་མཆིའོ། །ཀླུའི་འཇིག་རྟེན་དུ་མཆིའོ། །ལྷ་མ་ཡིན་གྱི་གནས་སུ་མཆིའོ། །ནམ་མཁའ་ལྡིང་གི་གནས་སུ་མཆིའོ། །མི་འམ་ཅིའི་གནས་སུ་མཆིའོ། །ལྟོ་འཕྱེ་ཆེན་པོའི་གནས་སུ་མཆིའོ། །གནོད་སྦྱིན་
དང་སྲིན་པོའི་གནས་སུ་མཆིའོ། །འབྱུང་པོའི་གནས་སུ་མཆི་ཞིང་ཐམས་ཅད་དུ་ཕོ་ཉའི་བྱ་བ་བགྱིས་ནས་སླར་མཆིའོ། །སྐད་ཅིག་གིས་དཔག་ཚད་སྟོང་དུ་མཆི་ཞིང་མཆིའོ། །སྐད་ཅིག་གིས་དཔག་ཚད་སྟོང་དུ་ཐམས་
ཅད་དུ་ཕྱིན་ནས་ཕོ་ཉའི་བྱ་བ་བགྱིད་དོ། །ཇི་སྲིད་སའི་འོག་གི་བར་དུ་འཇུག་ཅིང་ཕྱིར་ཡང་མཆིའོ། །བྱ་བ་ཤིན་དུ་ཡོངས་སུ་རྫོགས་པར་བགྱིས་ནས་བདག་ཡོད་པས་ཐམས་ཅད་བགྱི་སྟེ། ཉིན་གཅིག་བཞིན་དུ་མཆོད་
ཡོན་དང་། རྐང་པ་བཀྲུ་བ་སྩལ་བར་བགྱིའོ། །ཐམས་ཅད་ཀྱི་གནས་ཐམས་ཅད་དུ་ཕྱིན་ཅིང་བྱ་བ་འགྲུབ་པ། བླ་ན་མ་མཆིས་པར་འགྱུར་རོ། །དེ་ནས་གནོད་སྦྱིན་མོ་དགུག་པར་འཚལ་ན་རིག་སྔགས་འཆང་དེས་གཞན་
གྱིས་མ་རེག་པའི་ཤིང་ལེབ་སར་པ་ལ་གནོད་སྦྱིན་དང་། གནོད་སྦྱིན་མོ་རྒྱན་ཐམས་ཅད་ཀྱིས་བརྒྱན་པ་བྲི་བར་བགྱི་ཞིང་གནས་དབེན་ཞིང་འཁྲུག་པ་མ་མཆིས་པ་གཙང་མའི་གནས་སུ་གཞག་པར་བགྱིའོ། །རིག་སྔགས་
འཆང་གཙང་མ་ཤིན་དུ་ཁྲུས་བགྱིས་པས་གོས་གཙང་མ་བགོས་པས་འོ་མ་དང་། འབྲས་ཐུག་པོ་ཆེའི་ཆན་གྱི་གཏོར་མ་སྩལ་བར་བགྱིའོ། །ཤིང་ཀ་ར་བ་རའི་མེ་སྦར་བ་ལ་ཡུངས་དཀར་དང་། གུ་གུལ་དང་། རའི་ཁྲག་
དང་། ཞུན་མར་དང་། བསྲེས་པའི་སྦྱིན་སྲེག་སྟོང་རྩ་བརྒྱད་བགྱིའོ། །སྟོང་རྩ་བརྒྱད་རྫོགས་པ་དང་། མེ་ཏོག་དམར་པོ་སྩལ་ན་གནོད་སྦྱིན་མོ་དེ་ཡང་རང་གི་གཟུགས་ཀྱིས་མདུན་ན་མཆིས་ཏེ། རིག་སྔགས་འཆང་

99-1-247a

སློངས་ཤིག་ཅེས་སྨྲ་བར་འགྱུར་རོ། །རིག་སྔགས་འཆང་གིས་ཁྱོད་ངའི་ཅི་བགྱི་ཞེས་བྱ་བ་བྱེད་པ་ཡིན་ནོ། །ངའི་ལས་ཐམས་ཅད་བྱེད་པ་ཡིན་ནོ། །ང་ལ་དབྱིག་མང་པོ་བྱིན་ཅིག་ཅེས་བརྗོད་པར་བགྱིའོ། །དེའི་ཚེ་གནོད་
སྦྱིན་མོ་དེ་ལྟར་ལགས་སོ་ཞེས་སྨྲས་ནས་མི་སྣང་བར་འགྱུར་རོ། །གང་གི་ཚེ་དགོས་པ་བྱུང་བ་དེའི་ཚེ་ཡུངས་ཀར་དང་། གུ་གུལ་ལ་ཡོངས་སུ་བཟླས་ནས་མེར་གཏོར་ན་དེ་མཆི་ཞིང་ཅི་བགྱི་ཞེས་བྱ་བ་ཐམས་ཅད་བགྱིད་པར་
འགྱུར་རོ། །དབྱིག་སྟོང་སྩོལ་བར་འགྱུར། ཇི་སྲིད་འཚོའི་བར་དུ་མཆིས་པར་འགྱུར། རྟག་ཏུ་ཅི་བགྱི་བའི་བྱ་བ་བགྱིད་པར་འགྱུར་རོ། །དེ་ནས་ལྷ་མ་ཡིན་གྱི་བུ་མོ་དགུག་པར་འཚལ་ན་རིག་སྔགས་འཆང་དེས་སྤྲ་ཚིལ་ལས་
ལྷ་མ་ཡིན་གྱི་བུ་མོ་རྒྱན་ཐམས་ཅད་ཀྱིས་བརྒྱན་པ་བགྱིའོ། །དེ་ནས་རིག་སྔགས་འཆང་གིས་གནས་འཁྲུག་པ་མ་མཆིས་པ་དང་། དབེན་པ་དང་། ས་ཕྱོགས་གཙང་མའི་གནས་སུ་གཞག་པར་བགྱིའོ། །རིག་སྔགས་
འཆང་གཙང་མ་ཤིན་དུ་ཁྲུས་བགྱིས་པ་གོས་གཙང་མ་བགོས་པས་ཞག་གསུམ་ཟན་བཅད་པར་བགྱིས་ལ། དེའི་མདུན་དུ་སྐྱིལ་མོ་དཀྲུང་བཅས་ཏེ་མཆིས་ལ་གུ་གུལ་གྱི་བདུག་སྤོས་སྩལ་ཅིང་དཀར་གསུམ་གྱི་གཏོར་
མ་སྩལ་བར་བགྱིའོ། །དོན་ཡོད་པའི་ལྕགས་ཀྱུས་བཟླས་བརྗོད་ཡུངས་དཀར་ལ་བཟླས་པས་བུ་མོ་དེ་ལ་ལན་སྟོང་རྩ་བརྒྱད་རྡེག་པར་བགྱིའོ། །ལས་ཡོངས་སུ་རྫོགས་པ་དང་། དེ་ནས་ལྷ་མ་ཡིན་གྱི་བུ་མོ་དེ་རང་གི་གཟུགས་
ཀྱིས་མདུན་ན་མཆིས་ཏེ། གང་དང་གང་དུ་དགོས་པ་དེ་དང་དེར་དགོས་པའི་རྗེས་སུ་འབྲང་བར་འགྱུར་རོ། །དེའི་ལས་ཐམས་ཅད་བགྱིད་པར་འགྱུར། ཐམས་ཅད་དུ་མཆི་བར་འགྱུར། ཇི་སྲིད་འཚོའི་བར་དུ་མཆིས་པར་འགྱུར་
རོ། །ཇི་སྟེ་སྲིན་པོ་དང་། སྲིན་མོ་དགུག་པར་འཚལ་ན་གུ་གུལ་དང་། བ་ལང་གི་ཤ་སྐམ་པོ་དང་ལྷན་ཅིག་བསྲེས་པ་ལ་དོན་ཡོད་པའི་ལྕགས་ཀྱུས་ལན་སྟོང་རྩ་བརྒྱད་བཟླས་བརྗོད་བགྱིས་པས་དུར་ཁྲོད་དུ་མཚན་ཐོག་ཐག་བདུགས་

99-1-247b

ན་སྲིན་པོའི་གནས་ཐམས་ཅད་ཀྱི་སྒོ་ཕྱེ་བར་འགྱུར་ཏེ་སྲིན་པོ་དང་། སྲིན་མོ་རྣམས་དབང་དུ་གྱུར་ནས་གནས་ཏེ། ཅི་བགྱི་བའི་བྱ་བ་བགྱིད་པར་འགྱུར། ཅི་བསྒོ་བ་དེ་བགྱིད་པར་འགྱུར་རོ། །རྟག་ཏུ་ཕྱི་བཞིན་འབྲང་ཞིང་ཇི་སྲིད་འཚོའི་བར་དུ་
མཆིས་པར་འགྱུར་རོ། །གདུགས་གཅིག་བཞིན་དུ་དངུལ་ཆུ་སྲང་ཁྲི་སྩོལ་བར་བགྱིད་དོ། །དེ་ནས་རིག་སྔགས་འཆང་གིས་ཆ་གསུམ་དུ་དབྱེ་བར་བགྱི་སྟེ། ཆ་གཅིག་ནི་དཀོན་མཆོག་ལ་མཆོད་པར་བགྱིའོ། །
ཆ་གཉིས་པ་ནི་གཅིག་བཞིན་དུ་སྦྱིན་པར་གཏང་ངོ་། །སྲིན་མོ་རྣམས་ལ་ཟན་དང་། ཚོད་སྔོན་རློན་པའི་གཏོར་མ་སྩལ་བར་བགྱིའོ། །དེ་ནས་སྲིན་པོ་འཁོར་དང་བཅས་པ་དེ་རྣམས་ཚིམ་པར་འགྱུར་རོ། །དེ་ནས་སྲིན་པོ་འཁོར་
དང་བཅས་པ་ཤིན་ཏུ་མགྱོགས་པར་འགྱུར་ཏེ། ཤུགས་ཆེན་པོས་དགོས་པ་ཐམས་ཅད་གྲུབ་ཅིང་ནམ་ཡང་གཞན་དུ་བགྱིད་པར་མི་འགྱུར་རོ། །གཏོར་མ་གཙང་མ་སྩལ་བར་བགྱིའོ། །ཇི་སྟེ་ཤ་ཟ་དང་། ཤ་ཟ་མོ་དགུག་པར་འཚལ་
ན་བ་ལང་གི་མཁྲིས་པ་དང་། དེའི་སོ་དང་། གུ་གུལ་དང་། ཤིང་ཨརྐའི་འོ་མ་སྦྱར་ཏེ། ལམ་གྱི་བཞི་མདོར་བདུག་པར་བགྱི་ཞིང་། ལྷག་མ་དང་འབགས་པའི་གཏོར་མ་སྩལ་ན། ཤ་ཟ་མོ་དེ་མཆི་ཞིང་རིག་སྔགས་འཆང་གི་
མདུན་དུ་མཆིས་ཏེ། ཅི་བགྱི་བའི་བྱ་བ་བགྱིད་པའི་བྲན་དུ་འགྱུར། ལས་ཐམས་ཅད་བགྱིད་པར་འགྱུར་རོ། །དཔག་ཚད་སྟོང་གི་ཕ་རོལ་ཏུ་མཆི་ཞིང་སྐད་ཅིག་གིས་སླར་ཡང་མཆིའོ། །དགོས་པ་ཐམས་ཅད་སྒྲུབ་པར་བགྱིད་དོ། །
དུས་གསུམ་དུ་གཏོར་མ་ལྷག་མའི་གཏོར་མ་སྒོ་དྲུང་དུ་སྩལ་བར་བགྱིའོ། །ཉིན་གཅིག་བཞིན་དུ་གསེར་གྱི་འདོང་ཙེ་བརྒྱ་སྔགས་སུ་འཇོག་པར་འགྱུར་ཏེ། དེས་ཐམས་ཅད་ཟད་པར་བགྱིས་ན་ཕྱིར་ཞིང་འཕེལ་བར་འགྱུར་རོ། །ཇི་སྟེ་
རྒྱལ་པོའི་བཙུན་མོ་དགུག་པར་འཚལ་ན་རིག་སྔགས་འཆང་གཙང་མ་ཤིན་དུ་ཁྲུས་བགྱིས་པ་གོས་གཙང་མ་བགོས་པ་དེས་ཡུངས་ཀར་དཀར་པོ་དང་། སྐྱེ་ཚེའི་ས་བོན་དང་། འགིའུ་ཝང་དང་། པད་མའི་འདབ་མ་དང་། རྒྱམ་ཚྭ་དང་། 

99-1-248a

ལན་ཚྭ་བསྲེས་པ་ལ་ལན་བརྒྱ་རྩ་བརྒྱད་ཡོངས་སུ་བཟླས་ན་ཕྱེ་མའི་རྫས་སུ་བགྱིས་ལ་ཡུངས་དཀར་དང་། སྐྱེ་ཚེའི་ས་བོན་དང་། སྦྲང་རྩིའི་ས་བོན་ལན་ཅིག་མཉེས་ལ་ཡང་ལན་སྟོང་རྩ་བརྒྱད་བཟླས་བརྗོད་བགྱིས་
ཏེ་ལམ་གྱི་རྒྱལ་པོའི་སྒོ་འམ། ལམ་གྱི་བཞི་མདོ་འམ། ལམ་པོ་ཆེ་འམ། གྲོང་ཁྱེར་གྱི་སྒོར་གཏོར་ན་གང་དེར་གོམ་པ་བོར་བ་ཙམ་གྱིས་དབང་དུ་གྱུར་ནས་གནས་ཏེ་ཅི་བགྱི་བའི་བྱ་བ་བགྱིད་དོ། །རྒྱལ་པོ་བཙུན་མོའི་འཁོར་དང་བཅས་
པ་བཀུག་ཅིང་དབང་དུ་འགྱུར་རོ། །ཐམས་ཅད་དུ་ཅི་བགྱི་བའི་བྱ་བ་བགྱིད་ཅིང་། བསྒོ་བ་བཞིན་བགྱིད་པར་འགྱུར་རོ། །གང་བསླངས་པ་དེ་སྟེར་ཏེ་དངུལ་དང་། གསེར་དང་། གོས་དང་། རྒྱན་དང་། ལྷབ་ལྷུབ་དང་། སྤུད་པ་དང་། བཞོན་པ་
དང་། མལ་ཆ་དང་། འབྲུ་ལ་སོགས་པ་སྩོལ་བར་བགྱིད་དོ། །གང་སྨྲས་པ་དེ་བགྱིད་ཅིང་གང་བསྒོ་བ་བགྱིད་པར་འགྱུར་རོ། །དེའི་ཡུལ་གཅིག་ཏུ་ཡང་འཇིག་རྟེན་གསུམ་པོ་ཐམས་ཅད་ཀྱིས་མཆོད་པ་ཆེན་པོ་བགྱིད་པར་འགྱུར་ཞིང་
ཐམས་ཅད་དུ་དབང་བསྐུར་རོ། །དེ་ནས་བྲམ་ཟེ་དབང་དུ་བགྱི་བར་འཚལ་ན། རིག་སྔགས་འཆང་དེས་ནས་དང་། ཏིལ་དང་། འབྲས་ས་ལུ་དང་། ཞོ་དང་། སྦྲང་རྩི་དང་། ཞུན་མར་དང་བསྲེས་པའི་སྦྱིན་སྲེག་སྟོང་རྩ་བརྒྱད་བགྱིས་ན། རིག་བྱེད་
བཞི་དང་ལྡན་པའི་བྲམ་ཟེ་ཐམས་ཅད་ཀྱིས་སྤྱི་བོར་བཀུར་བ་གཅིག་པུར་འགྱུར་རོ། །ཐམས་ཅད་དུ་མཆོད་པ་བགྱིད་པར་འགྱུར་ཞིང་བྲམ་ཟེ་ཐམས་ཅད་ལ་བགྱིད་པ་ཐོགས་པ་མེད་པར་འགྱུར་རོ། །རྒྱལ་རིགས་དབང་དུ་བགྱི་བར་
འཚལ་ན་ཏིལ་དང་། འབྲས་ཐུག་པོ་ཆེ་དང་། སྲན་མུད་ག་དང་། ཞོ་དང་། སྦྲང་རྩི་དང་། ཞུན་མར་བསྲེས་པའི་སྦྱིན་སྲེག་བགྱི་སྟེ། སྦྱིན་སྲེག་སྟོང་རྩ་བརྒྱད་ཀྱི་བར་དུ་བགྱིས་ན་ཐམས་ཅད་ལ་དབང་བསྒྱུར་ཞིང་མཆོད་པའི་འོས་ཆེན་པོར་
འགྱུར་རོ་ཐམས་ཅད་དབང་དུ་འགྱུར་བར་བགྱིད་དོ། །ཇི་སྲིད་འཚོའི་བར་དུ་བགྱིད་དེ་ཅི་བགྱི་བ་བགྱིད་ཅིང་བསྒོ་བ་བཞིན་བགྱིད་པར་འགྱུར་རོ། །དེ་ནས་དམངས་རིགས་དབང་དུ་བགྱི་བར་འཚལ་ན་ལན་ཚྭ་དང་། འབྲས་སཱ་ལུའི་ཕུབ་མ་དང་། སུ་མུ་

99-1-248b

ཁའི་ས་བོན་དང་། ཞོ་དང་། སྦྲང་རྩི་དང་། ཞུན་མར་སྦྱར་བའི་སྦྱིན་སྲེག་བརྒྱ་སྟོང་བགྱིས་ན་དམངས་རིགས་ཐམས་ཅད་བྲན་དུ་གྱུར་ནས་གནས་ཏེ། ཇི་སྲིད་འཚོའི་བར་དུ་མཆིས་པར་འགྱུར་རོ། །དགྲ་དང་ཕྱིར་རྒོལ་བ་དང་། 
ཕས་ཀྱི་དགྲ་ཐམས་ཅད་བཟློག་པར་འཚལ་ན་རིག་སྔགས་འཆང་དེས་ཤིང་མངར་གྱི་ཤིང་གི་མེ་སྦར་བ་ལ། ས་བོན་བདུན་དང་། ཞོ་དང་། སྦྲང་རྩི་དང་། ཞུན་མར་དང་སྦྱར་བའི་སྦྱིན་སྲེག་བརྒྱད་སྟོང་བགྱིའོ། །བརྒྱད་སྟོང་རྫོགས་པ་
དང་། དགྲ་དང་ཕྱིར་རྒོལ་བ་དང་། ཕས་ཀྱི་དགྲ་ཐམས་ཅད་བཟློག་པར་འགྱུར་རོ། །ཕ་རོལ་གྱི་དམག་ཚོགས་ཐམས་ཅད་བཟློག་པར་འཚལ་ན་ཤིང་ཚེར་མ་ཅན་གྱི་མེ་སྦར་བ་ལ་འབྲས་ཡོས་དང་། ཡུངས་ཀར་དང་། ཞོ་དང་། སྦྲང་
རྩི་དང་། ཞུན་མར་དང་སྦྱར་བའི་སྦྱིན་སྲེག་བརྒྱད་སྟོང་བགྱིའོ། །བརྒྱད་སྟོང་རྫོགས་ན་ཕ་རོལ་གྱི་དམག་ཚོགས་ཐམས་ཅད་བཟློག་པར་འགྱུར་རོ། །གཡུལ་འགྱེད་པ་བཟློག་པར་འཚལ་ན་
སྐྱེ་ཚེའི་ས་བོན་དང་། གུ་གུལ་དང་། བྷང་གའི་ས་བོན་དང་། ཞོག་ཆུ་དང་། ཞུན་མར་དང་སྦྱར་བའི་སྦྱིན་སྲེག་བགྱིས་ན་གཡུལ་འགྱེད་པའི་ནང་དུ་སོན་པའི་སེམས་ཅན་ཐམས་ཅད་སླར་བཟློག་པར་འགྱུར་ཞིང་། ཐམས་
ཅད་དུ་རྒྱལ་བ་ཐོབ་པར་འགྱུར་རོ། །དེ་ནས་གདོན་ཐམས་ཅད་ལས་ཐར་བར་བགྱི་བར་འཚལ་ན་རིག་སྔགས་འཆང་དེས་བདུག་པ་འདི་སྦྱར་བར་བགྱི་སྟེ། ཀྵེ་མ་ཀ་དང་ཤིང་མངར་དང་། །ཙ་རོང་དང་ནི་གུ་གུལ་དང་། །
མུ་ར་ཡ་ཀྵ་མུ་ར་དང་། །བྷུ་ཏ་ཀེ་ཤི་མཉམ་པར་གཞལ། །ཕུབ་མ་དང་ནི་པ་ལ་ཀ །ཁྱིམ་བྱའི་སྒོ་ངའི་ཤུན་ལྤགས་དང་། །སྦྲུལ་ལྤགས་དང་ནི་ཡུང་རྣམ་གཉིས། །བྷ་གའི་ས་བོན་བ་ལང་མཁྲིས། །ཉ་དང་ལེགས་པར་
སྦྱར་བགྱིས་ཏེ། །ར་ཡི་གཅིན་གྱིས་བསྒོས་པ་ལ། །ལྕགས་ཀྱུའི་གསང་སྔགས་བཟླས་པ་ཡིས། །བདུག་པ་དམ་པའི་གཙོ་བོ་འདི། །ཐམས་ཅད་དུ་ནི་རིགས་པ་སྟེ། །སྟོང་ཕྲག་བརྒྱད་བཅུ་རྩ་བཞི་གདོན། །གང་དག་

99-1-249a

ས་སྟེང་གནས་པ་རྣམས། །བདུག་པའི་དྲི་འདིས་འཇིག་འགྱུར་ཞིང་། །མི་བཟད་གདོན་རྣམས་འབྲོས་པར་འགྱུར། །ཕྱོགས་བཅུ་དག་ནི་གཡོ་འགྱུར་ཞིང་། །སུམ་བཅུའི་ལྷ་དང་རི་རབ་གཡོ། །གནོད་སྦྱིན་སྲིན་པོའི་
གནས་དག་དང་། །སྡང་བའི་སྲོག་ཆགས་ཆེན་པོ་འཚིག །གཞན་ཡང་སྣ་ཚོགས་དུག་བཅས་པའི། །སྲོག་ཆགས་ཐམས་ཅད་འཇིག་འགྱུར་བ། །དྲི་ཙམ་གྱིས་ནི་དོགས་པ་མེད། །བདུག་པ་འདིས་ནི་བདུག་བྱས་ན། །དེར་
ནི་རིམས་ནད་མི་གནས་ཏེ། །ཉིན་གཅིག་པ་ཡི་རིམས་དང་ནི། །ཉིན་གཉིས་པ་དང་བཞི་པའི་རིམས། །གང་ཡང་མི་བཟད་ཁྱབ་འཇུག་རིམས། །དེ་དག་ཐམས་ཅད་འཇིག་འགྱུར་ཞིང་། །སྐད་ཅིག་གིས་ནི་གཏན་ནས་
འཇོམས།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་གསུམ་པ། དེ་ནས་མིག་བསྐུ་བའི་སྨན་བརྗོད་པར་བྱའོ། །གདོན་ཐམས་ཅད་
འཇོམས་པ་གང་གིས་མིག་བསྐུས་པ་ཙམ་གྱིས་གདོན་མ་རུངས་པ་འབྲོས་པར་འགྱུར་རོ། །རོ་སྟོད་ཀྱི་ནད་ཐམས་ཅད་འཇོམས་པར་འགྱུར་ཏེ། མིག་བསྐུས་པ་ཙམ་གྱིས་དེ་ཐམས་ཅད་མེད་པར་འགྱུར་ཏེ་དོགས་
པ་མི་བྱའོ། །མིག་གི་ནད་ནི་ལིང་ཏོག་དང་། སྐྱ་བོར་གྱུར་པ་དང་། རབ་རིབ་དང་། ཆུ་བུར་ཅན་དང་། ཆུ་ཟག་པ་དང་། ཚག་པོ་དང་། ཧ་ས་རཱ་ཛ་དང་། བྱིས་པའི་མཆི་མ་དང་། མིག་ཏུ་སྨེ་བ་བྱུང་བ་དང་། ཁྲག་དང་། 
རླུང་དང་། བད་ཀན་དང་། མཁྲིས་པ་དང་། རྡུལ་འབྱུང་བ་དང་། འབྲུམ་བུ་དང་། གཡའ་བ་དང་། མིག་སྐམས་པ་དང་། མདོངས་པ་དང་། ཀླད་པ་ན་བ་དང་། ཀླད་པའི་གཞོག་ཕྱེད་ན་བ་དང་། ཁ་ནད་དང་། ཁ་ན་བ་
དང་། དཔྲལ་བ་ན་བ་དེ་དག་ཐམས་ཅད་འཇོམས་པར་འགྱུར་རོ། །མིག་སྨན་གྱིས་མིག་བསྐུས་པ་ཙམ་གྱིས་རིམས་ཐམས་ཅད་རབ་ཏུ་ཞི་བར་འགྱུར་བ་དང་། ནད་ཐམས་ཅད་སེལ་བ་དང་། མོད་ལ་ཉོན་མོངས་པ་ཐམས་ཅད་

99-1-249b

སྤོང་བ་དང་། སྡིག་པ་ཐམས་ཅད་རྣམ་པར་འཇིག་པར་འགྱུར་རོ། །དེ་ལྟར་ན་མིག་སྨན་མཆོག་ཏུ་གྲུབ་པ། བགེགས་ཐམས་ཅད་སེལ་བ་དང་། མ་རུངས་པ་ཐམས་ཅད་རབ་ཏུ་ཞི་བར་བྱེད་པ། སེམས་ཅན་ཐམས་ཅད་ལ་
དབང་བྱེད་པ། ཐམས་ཅད་དུ་རྒྱལ་བར་བྱེད་པ། མིག་སྨན་རྟག་ཏུ་མཆོག་ཏུ་དཀོན་པ། གསད་པ་ལ་ཐུག་པ་ཐར་བར་བྱེད་པ། བཙོན་ར་ནས་གང་ཐར་བར་བྱེད་པ། རྒྱལ་པོ་དག་གང་ལ་ཁྲོས་པ་ལས་རྒོད་ཅིང་སྨྲ་བར་
འགྱུར་ཏེ། ནམ་འཚོའི་བར་དུ་རྟག་ཏུ་བུ་བཞིན་ཡོངས་སུ་སྐྱོང་ཞིང་གནས་པ། དུག་ཐམས་ཅད་མོད་ལ་མེད་པར་བྱེད་པ་ནི། མིག་སྨན་མཆོག་ཡིན་ནོ། །བསམ་པ་ངན་ཅིང་སྡང་བའི་སེམས་ཅན་དང་། དགྲ་དང་ཕྱིར་རྒོལ་
པ་དང་། དགྲ་དང་། འགྱེད་པ་དག་མིག་སྨན་གྱིས་བསྐུས་པས་མཐོང་ན་དབང་དུ་འགྱུར་ཏེ་གནས་སོ། །མ་ཧེ་གཏུམ་པོ་དང་། གླང་པོ་ཆེ་དང་། རླུང་དང་། སེར་བ་དང་། སྟེང་ཀ་མཐོན་པོ་ནས་གཡང་དུ་ལྟུང་བ་དང་། མེའི་
ཕུང་པོ་དང་། ཁྱིམ་རྡིབ་པ་དང་། གཡང་སར་ལྟུང་བ་རྣམས་མིག་སྨན་གྱིས་མིག་བསྐུས་པས་མཐོང་ན་ཞི་བར་འགྱུར་ཞིང་། གཞན་ཡང་བྱ་བ་རྣམ་པ་སྣ་ཚོགས་བྱེད་དེ་འདི་ལ་དོགས་པར་མི་བྱའོ། །ཡུང་བ་དང་། སྐྱེར་
པ་དང་། ན་ལེ་ཤམ་དང་། པི་པི་ལྀང་དང་། ཤི་རི་ག་བེར་དང་། འབྲས་བུ་གསུམ་དང་། ཨུཏྤལ་སྔོན་པོ་དང་། ལྡོང་རོས་དང་། གུར་ཀུམ་ལ་སོགས་པའི་མིག་སྨན་དང་། རྒྱམ་ཚ་དང་། སྤང་སྤོས་དང་། རྒྱ་མཚོའི་སྦུ་
བ་དང་། དུང་ཕྱེ་དང་། འདི་རྣམས་ལྷན་ཅིག་ཏུ་ཕྱེ་མ་ཞིབ་མོར་བྱས་པ་ལ་གསང་སྔགས་ལན་བདུན་བཟླས་ཏེ་ག་བུར་དང་། གླ་རྩི་མནམས་པའི་མིག་བསྐུ་བའི་སྨན་ལྕགས་ཀྱུའི་རིག་སྔགས་ཀྱི་རྒྱལ་པོའི་གསང་
སྔགས་སྟོང་རྩ་བརྒྱད་བཟླས་བརྗོད་བྱས་ཏེ། མིག་བསྐུས་ན་དྲི་མ་ཐམས་ཅད་སེལ་ཞིང་སྡིག་པ་དང་། གཞན་སྡུག་བསྔལ་ཐམས་ཅད་ལས་གྲོལ་བར་འགྱུར་རོ། །མུན་པ་ཐམས་ཅད་ཀྱི་ནང་དུ་ཉི་མ་བཞིན་དུ་སྐྱེ་བོ་

99-1-250a

ཐམས་ཅད་ཀྱི་ནང་དུ་མཛེས་པར་འགྱུར་རོ། །དེ་ནས་རི་ལུ་བཤད་པར་བྱ་སྟེ། སྡིག་པ་ཐམས་ཅད་རྣམ་པར་འཇིག་པ། ནད་ཐམས་ཅད་སེལ་བར་འགྲུབ་པ། བགེགས་ཐམས་ཅད་མེད་པར་བྱེད་པ། གདོན་ཐམས་
ཅད་རྣམ་པར་འཇོམས་པ། སྒྲིབ་པ་ཐམས་ཅད་རྣམ་པར་སྦྱོང་བ། མོད་ལ་དུག་ཐམས་ཅད་མེད་པར་བྱེད་པ། ཉོན་མོངས་པའི་དྲི་མ་ཐམས་ཅད་སེལ་བ། བཅིངས་པ་ཐམས་ཅད་གཅོད་པར་བྱེད་པ། གཡུལ་ཐམས་ཅད་
ལས་རྒྱལ་བ་སྦྱིན་ཞིང་དགེ་བ། དགྲ་ཐམས་ཅད་རབ་ཏུ་འཇོམས་པ། རྟག་ཏུ་དུག་ཐམས་ཅད་འཇོམས་པ། རྒྱལ་པོའི་སྒོར་མཛེས་པར་འགྱུར་བ། ནོར་དང་འབྲུ་འཕེལ་བར་འགྱུར་བ། རྒྱལ་པོ་དང་། རྐུན་པོ་དང་། 
ཆུ་དང་། མེ་དང་། དུག་དང་། གླང་པོ་ཆེ་མེད་པར་བྱེད་པ། སྦྲུལ་མ་རུངས་པ་དང་། བྱི་བའི་དུག་གིས་འཇིགས་པ་དང་། ཁྱིམ་འཇིགས་པ་དང་། རི་སྙིལ་བ་དང་། སེང་གེ་དང་། སྟག་དང་། དོམ་ལ་སོགས་པ་རབ་ཏུ་རྒྱུ་
བ་དང་། གནོད་པ་དང་། བཅིངས་པའི་ཚེ་འགྲོ་བར་དཀའ་བ་འབྱུང་བ་དང་། ནད་དང་རིམས་འཇོམས་པ་དང་། དུས་མ་ཡིན་པར་འཆི་བ་མེད་པར་བྱེད་པ། ཚེ་དང་ནད་མེད་པར་བྱེད་པ་འཕེལ་བ། སྐྱེས་པ་དང་། བུད་མེད་དང་། 
གཞོན་ནུ་མ་རྣམས་མཆོག་ཏུ་བདེ་བར་འགྱུར་བ་སྟེ། གང་གིས་རི་ལུ་བཅངས་ན་ཐམས་ཅད་དུ་རྒྱལ་བ་འཐོབ་ཅིང་གདོན་འབྱུང་བར་མི་འགྱུར། རྣམ་པར་ལོག་འདྲེན་གྱིས་མ་ཡིན་ནོ། །གནོད་སྦྱིན་དང་། སྲིན་པོ་དང་། 
འབྱུང་པོ་དང་། ཤ་ཟ་དང་། བརྗེད་བྱེད་མ་རུངས་པ་རྣམས་རི་ལུ་མཐོང་བ་ཙམ་གྱིས་ཕྱོགས་བཅུར་འབྲོས་པར་འགྱུར་རོ། །འདིས་བྱིས་པ་གསོད་པར་མི་བྱེད་དོ། །སྨན་འདི་ལ་རེག་པ་ཙམ་གྱིས་ཁྱིམ་དེར་དུས་མ་
ཡིན་པར་འཆི་བ་དང་། ན་བ་ཐམས་ཅད་དང་། ནད་ལས་ཡོངས་སུ་གྲོལ་བར་འགྱུར་རོ། །འབྲས་དང་། ཕོལ་མིག་དང་། ལྷོག་པ་དང་། འབྲུམ་ཕྲན་མཆེད་པ་དང་། ཤུ་བ་དང་། གཡན་པ་དང་། མཛེ་དང་། 

99-1-250b

འབྲུམ་བུ་མཆེད་པ་དང་། ཤ་བཀྲ་ལ་བསྐུས་པ་ཙམ་གྱིས་བྱང་བར་འགྱུར་རོ། །ལུས་ཐམས་ཅད་དུ་ཞུགས་པའི་ནད་ལ་ཆུ་དྲོན་པོ་དང་འཐུངས་པ་ཙམ་ལ་སོགས་པས་ཡོངས་སུ་བྱང་བར་འགྱུར་རོ། །འཇིགས་སྐྲག་
པ་ཐམས་ཅད་ལས་རྟག་ཏུ་རྒྱལ་བར་འགྱུར་རོ། །འཇིགས་པ་ཆེན་པོ་ལས་ཐམས་ཅད་རྗེས་སུ་འབྲང་བར་འགྱུར་རོ། །གནས་ཐམས་ཅད་དུ་སོང་བ་ལ་སྦྱར་བ་བྱས་ན་ཐམས་ཅད་འཁོ་བར་འགྱུར་རོ། །དེ་ནས་རྫས་སུ་བྱ་བ་
ནི་པུ་ཤེལ་ཙི་དང་། ཙན་དན་དང་། རྒྱ་སྤོས་དང་། རུ་སྟ་དང་། རྡོ་དྲེག་དང་། བད་ཏྲ་དང་། ཚ་མ་ཀ་དང་། ཤ་མི་དང་། པད་མ་པ་ཏྲ་དང་། ཨུཏ་པ་ལ་དང་། ན་ལ་ད་དང་། འབྲས་བུ་གསུམ་དང་། ཚ་བ་གསུམ་དང་། སུག་
སྨེལ་དང་། བཙོད་དང་། སུ་ག་རི་དང་། ར་ཛ་ནྱ་རྣམ་གཉིས་དང་། སྤྲི་ཀ་དང་། སྲ་རྩི་པོག་དང་། གུར་ཀུམ་ལ་སོགས་པ་དང་། རབ་ཏུ་ལྡན་པ་དང་། དེ་དག་ཀུན་བསྲེས་ཏེ། ཞིབ་མོར་བཏགས་ལ་ཁ་ར་དང་། ཆུ་དང་། 
སྦྱར་བས་རི་ལུ་བྱས་ལ་གསང་སྔགས་བརྒྱད་བརྒྱ་བཟླས་བརྗོད་བྱས་ཏེ། གྲིབ་མ་ལ་སྐམས་པ་དེ་ནི་སྨན་གྲུབ་པ་ཡིན་ཏེ། ཐམས་ཅད་རྒྱལ་བར་བྱེད་ཅིང་དགེ་བ་ཡིན་ནོ། །རྔ་དང་། རྔ་བོ་ཆེ་དང་། དུང་ལ་རི་ལུ་
མཆོག་བསྐུས་ཏེ། གནས་མཐོན་པོར་སོང་སྟེ། དུང་གི་སྒྲ་དང་། རྔ་བོ་ཆེ་དང་། རྫ་རྔ་ཇི་སྲིད་དུ་ཐོས་པ་དེ་སྲིད་ཙམ་དུ་འཇིགས་པ་མེད་པར་འགྱུར་རོ། །དུག་དང་བཅས་པ་ནི་ཐམས་ཅད་དུག་མེད་པར་འགྱུར་ཏེ་དོགས་པར་
མི་བྱའོ། །ནད་ཐམས་ཅད་དང་། མི་ངས་ཐམས་ཅད་དང་། ཡམས་ཀྱི་ནད་དང་། ལོ་ཉེས་ཐམས་ཅད་རབ་ཏུ་ཞི་བར་འགྱུར་རོ། །བདེ་ཞིང་ལེགས་པ་ཉིད་དུ་འགྱུར་རོ། །གང་དག་མཚམས་མེད་པ་བྱེད་པའི་སེམས་ཅན་
སྡིག་པ་ཅན་དམྱལ་བ་ལ་གཞོལ་བ་དག་གིས་སྒྲ་ཐོས་པ་ཙམ་གྱིས་སྡིག་པ་ཐམས་ཅད་བྱང་སྟེ། བདེ་བར་འཆི་བའི་དུས་བྱས་ནས་བདེ་བ་ཅན་དུ་སྐྱེ་བར་འགྱུར་རོ། །གོས་ལ་བདུགས་ན་བདག་ཉིད་མཆོད་པ་ཆེན་པོ་འཐོབ་ཅིང་

99-1-251a

ཐམས་ཅད་ལ་དབང་བྱེད་པར་གནས་པ་དང་། དོན་གྲུབ་པ་བླ་ན་མེད་པ་ཡིན་ནོ། །ནོར་དང་འབྲུ་རབ་ཏུ་འཕེལ་ཞིང་དགོས་པ་སྒྲུབ་པ་བླ་ན་མེད་པ་ཡིན་ནོ། །ཐམས་ཅད་མཆོད་པ་དང་། རྟག་ཏུ་ཚིག་གཟུང་བ་འོས་པར་
འགྱུར་རོ། །རྒྱལ་པོ་གང་ལ་ཁྲོས་པ་ལས་རྒོད་ཅིང་སྨྲ་བར་འགྱུར་རོ། །བུད་མེད་རྣམས་ཀྱི་གནང་ཆེན་དུ་འགྱུར་ཞིང་རྟག་ཏུ་ནད་མེད་པར་འགྱུར་རོ། །རྟག་ཏུ་བརྩོན་འགྲུས་དང་ལྡན་པ་དང་། སྟོབས་དང་ལྡན་པ་དང་། རྟག་ཏུ་
དཔལ་དང་གཟི་བརྗིད་དང་ལྡན་པ་དང་། རྟག་ཏུ་གླང་པོ་ཆེ་བཅུའི་སྟོབས་དང་ལྡན་པ་དང་། ཤི་ནས་མཐོ་རིས་སུ་སྐྱེ་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་
གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་མཆིས་པ་ནི་དོན་ཡོད་ཡངས་པའི་ལྕགས་ཀྱུ་ཞེས་བྱ་བ་དོན་ཡོད་པའི་ལྕགས་ཀྱུའི་གཟུངས་ཆེན་པོའི་ཆོ་ག་ཞིབ་མོའི་དཀྱིལ་འཁོར་དང་། དོན་ཡོད་པའི་ཞགས་
པའི་སྙིང་པོ་དང་། དཀྱིལ་འཁོར་ཆེན་པོ་ལྟ་བ་དང་། བསྒྲུབ་པ་དང་། བཀླགས་པས་འགྲུབ་པ། དོན་ཡོད་པ་ཆེན་པོ་རྣམ་པར་འཕྲུལ་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱི་དམ་ཚིག་གྲུབ་པ་ལགས་སོ། །གང་གིས་པད་
མ་རྒྱས་པའི་དཀྱིལ་འཁོར་ཆེན་པོ་མཐའ་དག་དང་། ཕྱག་རྒྱ་དང་། རིམ་པར་ཕྱེ་བ་དང་། གསང་སྔགས་དང་། ཆོ་ག་དང་། བདེ་བར་སྒྲུབ་པ་མཐའ་དག་ནི་རིགས་ཀྱི་སྤྱི་ཐམས་ཅད་ཀྱི་དམ་ཚིག་ཆེན་པོའི་རྗེས་སུ་འཇུག་པ་འགྲུབ་
པ་འགྱུར་བ་ལགས་སོ། །འདི་ལྟ་སྟེ། དེ་བཞིན་གཤེགས་པའི་རིགས་དང་པད་མའི་རིགས་དང་། རྡོ་རྗེའི་རིགས་དང་། ནོར་བུའི་རིགས་ཀྱི་དཀྱིལ་འཁོར་ཆེན་པོ་འོད་དཔག་ཏུ་མེད་པའི་སྙིང་པོ་མཆོག་དང་པོ་རྡོ་རྗེ་རིན་
པོ་ཆེ་རྩེ་མོའི་མཆོག་དང་པོའི་དཀྱིལ་འཁོར་ཀྱི་དམ་ཚིག་ལས་ཐམས་ཅད་དུ་རྗེས་སུ་ཞུགས་ཤིང་དམ་ཚིག་ཤེས་པར་འགྱུར་བ་དང་། ཐམས་ཅད་དུ་བྱིན་གྱིས་བརླབས་པར་འགྱུར་བ་དེ་རིག་སྔགས་འཆང་བ་དེ་ཐམས་ཅད་

99-1-251b

མཆོག་ཏུ་གྲུབ་པར་བགྱི་བའི་ཕྱིར་དང་། སེམས་ཅན་ཐམས་ཅད་ལ་རྗེས་སུ་བརྩེ་བའི་སླད་དུ་བདག་གིས་བཅོམ་ལྡན་འདས་ཀྱི་སྤྱན་སྔར་འཁོར་མང་པོའི་དབུས་སུ་བསྒྲགས་པར་བགྱིའོ། །རིགས་བཞིའི་འཇིག་རྟེན་གྱི་
བུད་མེད་དང་། སྐྱེས་པ་དང་། ཁྱེའུ་དང་། བུ་མོ་རྣམས་ཀྱི་སྡིག་པ་དང་། སྒྲིབ་པ་ཐམས་ཅད་རྣམ་པར་གཞིག་པའི་ཕྱིར་བཤད་པར་བགྱིའོ། །གྲུབ་པ་ཡང་དག་པར་རྗེས་སུ་སྩལ་བར་བགྱིའོ། །དེ་ནས་བཅོམ་ལྡན་འདས་དེ་
བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པ་ཆེན་པོ་ཁྱོད་ཀྱིས་དགེ་བའི་རྩ་བ་རྣམས་དག་ཅིང་
ཤིན་དུ་ཡོངས་སུ་དག་པ་ཡིན་ཏེ། ལེགས་སོ་ལེགས་སོ། །རིག་སྔགས་འཆང་བ་ཐམས་ཅད་དང་། སེམས་ཅན་ཐམས་ཅད་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། 
བུད་མེད་དང་། སྐྱེས་པ་དང་། ཁྱེའུ་དང་། བུ་མོ་རྣམས་ལ་བསྟན་པར་བྱ་བ་བཤོད་ཅིག །དེ་བཞིན་གཤེགས་པ་ཐམས་ཅད་ཀྱིས་སྤྱན་རས་གཟིགས་དབང་ཕྱུག་ལ་རིགས་པ་ཐམས་ཅད་ཀྱི་སྤྱི་གྲུབ་པ་དམ་ཚིག་གི་རྗེས་
སུ་འཇུག་པར་བྱིན་གྱིས་བརླབས་སོ། །ངས་ཀྱང་དེ་དག་བྱིན་གྱིས་བརླབས་སོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱི་སྤྱན་སྔར་དོན་ཡོད་པའི་རྒྱས་པའི་
པད་མའི་སྙིང་པོའི་དཀྱིལ་འཁོར་ཆེན་པོ་བཤད་པ། དོན་ཡོད་པའི་ལྕགས་ཀྱུའི་ཡང་དག་པ་མཆོག་གྲུབ་པ། སྒྲུབ་པ་དམ་པ་ནི་ས་དང་བའི་ལྕི་བས་དཀྱིལ་འཁོར་གྲུ་བཞི་བྱ་བ་ནི་ཤིན་དུ་མཛེས་པ་ཤིན་དུ་འཇམ་པོར་
བྱའོ། །ཚོན་སྣ་ལྔས་རྣམ་པར་དབྱེ་བ་ནི་གྲྭ་དང་བཅས་པར་རྣམ་པར་དབྱེ་བར་བྱའོ། །ཚོན་སྣ་ཚོགས་ཀྱིས་བྲི་བ་དང་། དཀྱིལ་འཁོར་གྲུ་བཞིར་ཐིག་གདབ་པ་ནི་མཉམ་པར་ཐིག་གིས་དབྱེ་བར་བྱ་སྟེ། སྒོ་བཞིར་ཆ་དབྱེ་བར་

99-1-252a

བྱའོ། །ཆུ་ཞེང་དུ་ཁྲུ་བཞི་ཚད་ཙམ་དུ་དབྱེ་བར་བྱའོ། །དབུས་ཀྱི་དཀྱིལ་འཁོར་གྱི་སྙིང་པོ་ནི་ཚད་ཁྲུ་དོ་པར་བྱས་ལ། ཚོན་སྣ་ལྔའི་སྒལ་བུ་དང་། ཚོན་ས་ལས་དབྱེ་བར་བྱའོ། །དབུས་ཀྱི་དཀྱིལ་འཁོར་གྱི་སྙིང་པོ་ལ་པད་
མ་དཀར་པོ་ཁ་བྱེ་བ་ཟླུམ་པོར་བྱའོ། །པད་མ་ཁ་བྱེ་བའི་དབུས་སུ་ཞགས་པ་དང་། ལྕགས་ཀྱུ་དང་། པད་མ་གནས་པར་བྱ་བ་ནི་ཀླུ་མགོ་གདེངས་ཀ་འདྲ་བ་ལྕགས་ཀྱུ་དང་བཅས་པ་དང་། ལག་པ་དང་བཅས་པས་པད་མའི་
ལྕགས་ཀྱུས་འཛིན་པ་དང་། འབར་བའི་ནང་ན་འདུག་པར་བྱའོ། །ཚོན་སྣ་ཚོགས་ཀྱིས་བྲིའོ། །པད་མ་ཁ་བྱེ་བའི་ཕྱི་རོལ་གྱི་སྒལ་བུ་ནི་ལྕགས་ཀྱུ་དང་བཅས་པའི་སྒལ་བུར་བྱའོ། །ནང་དང་ཕྱིའི་བར་དུ་ནི་རིན་པོ་ཆེ་སྣ་ཚོགས་
ཀྱིས་བརྒྱན་པར་བྱའོ། །ལྕགས་ཀྱུའི་ཕྱི་རོལ་གྱི་སྒལ་བུ་ནི་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་གིས་བྱའོ། །ཟླ་བ་ཡིད་དུ་འོང་བ་དྲི་མ་མེད་པའི་ཕྱི་རོལ་གྱི་སྒལ་བུ་ནི་མདུང་རྩེ་གསུམ་པ་བྲི་བར་བྱའོ། །མདུང་རྩེ་
གསུམ་པའི་ཕྲེང་བའི་ཕྱི་རོལ་གྱི་སྒལ་བུ་ནི་ཕྱག་རྒྱ་ཕྱག་ན་ཐོགས་པ་བྲི་བར་བྱ་སྟེ། མཚོན་ཆ་སྣ་ཚོགས་དང་། མེ་ཏོག་རྣམས་སོ། །ཀུན་ལ་འབར་བའི་ཕྲེང་བ་དང་། འོད་ཟེར་ཁ་དོག་སྣ་ཚོགས་བྲི་བར་བྱའོ། །
ཕྱག་གི་ཕྱག་རྒྱའི་ཕྱི་རོལ་གྱི་སྒལ་བུ་ནི་སྟེགས་བུ་དང་འདྲ་བར་བྱའོ། །སྟེགས་བུའི་ཕྱི་རོལ་གྱི་སྒལ་བུ་ནི་འཁོར་བར་ལྕགས་ཀྱུ་བྲི་བར་བྱའོ། །སྙིང་པོའི་དཀྱིལ་འཁོར་གྱི་གྲྭར་ནི་རྒྱལ་པོ་ཆེན་པོ་བཞི་གོ་བགོས་པ་ལྕགས་
ཀྱུ་དང་། མདུང་རྩེ་གཅིག་པ་ཐོགས་པ་འབར་བའི་ནང་ན་འདུག་པ་རྒྱན་ཐམས་ཅད་ཀྱིས་བརྒྱན་པ་སྐྱིལ་མོ་དཀྲུང་ཕྱེད་དུ་བཅས་ཏེ། པད་མོའི་གདན་ལ་འདུག་པར་བྱའོ། །དཀྱིལ་འཁོར་གྱི་ཕྱི་རོལ་ཐོག་ཐག་ཏུ་
འཇིགས་པ་མེད་པས་ཕྱག་མཚན་རྣམས་ཐམས་ཅད་པད་མ་ལ་འདུག་པ་བྲི་བར་བྱའོ། །སྒོ་བཞི་གནས་སུ་པད་མའི་དཀྱིལ་འཁོར་གྱི་ལྷ་རྣམས་བྲི་བ་ནི་ཤར་གྱི་སྒོར་ལག་ན་རྡོ་རྗེ། ལྷོར་རལ་པ་གཅིག་མ། ནུབ་ཏུ་

99-1-252b

རྡོ་རྗེ་ལྕགས་སྒྲོག་མ། བྱང་དུ་ཕོ་ཉ་མོ་དང་། རིག་སྔགས་ཀྱི་ལྷ་མོ་རྣམས་བྲི་བར་བྱའོ། །དཀྱིལ་འཁོར་གྱི་ཕྱི་རོལ་གྱི་སྒལ་བུ་ནི་མེ་ཏོག་གི་སྟེགས་བུ་འདྲ་བ་བྱའོ། །ཕྱི་རོལ་གྱི་དཀྱིལ་འཁོར་ནི་ཀུན་དུ་
བའི་ལྕི་བས་བྱའོ། །ཕྱི་རོལ་གྱི་དཀྱིལ་འཁོར་དེ་ལ་ནས་ཕྱེས་པད་མ་བྲི་བར་བྱའོ། །དཀྱིལ་འཁོར་ཀུན་དུ་བུམ་པ་གང་བ་དང་། དར་བཏགས་པའི་མདའ་དང་། དྲིའི་སྣོད་བཀང་བས་བརྒྱན་ཅིང་བྱུག་པའི་ཆུ་དགང་བ་དང་། 
བདུག་པའི་སྣོད་ཀྱིས་བརྒྱན་པ་དང་། མེ་ཏོག་སྣ་ཚོགས་ཀྱིས་བརྒྱན་པ་དང་། དྲི་ཆབ་དང་། མཆོད་ཡོན་གྱི་ཆབ་དང་། འབྲས་དང་། ཡོན་ཆབ་དང་། དངུལ་གྱི་མེ་ཏོག་དང་། གསེར་གྱི་མེ་ཏོག་དང་། ཟངས་ཀྱི་མེ་ཏོག་གིས་འཇིགས་
པ་མེད་པར་བརྒྱན་པར་བྱའོ། །མུ་ཏིག་དང་། བྱི་རུ་དང་། རིན་པོ་ཆེ་བཻ་དཱུརྱ་དང་སྔོན་པོ་དང་། མརྒད་དང་། པད་མ་རཱ་ག་རྣམས་ཀྱིས་དེ་བཞིན་དུ་བརྒྱན་ཏོ། །དཀྱིལ་འཁོར་ཀུན་དུ་དུང་དང་། བིལ་བ་དང་། རྩྭ་དར་བྷ་དང་། 
གསེར་དང་། དངུལ་གྱིས་བརྒྱན་པར་བྱའོ། །དཀྱིལ་འཁོར་གྱི་དོན་དུ་མཆོད་པའི་ཕྱིར་དཀྱིལ་འཁོར་གྱི་ལྷ་བཀྲ་ཤིས་པ་རྣམས་དང་། སྒོ་བཞིའི་གནས་སུ་དྲི་ཆབ་ཀྱི་བུམ་པ་དར་གྱིས་བརྒྱན་ཏེ་གཞག་པར་བྱའོ། །དཀྱིལ་
འཁོར་གྱི་ཕྱི་རོལ་ཐོག་ཐག་ཏུ་རོ་སྣ་ཚོགས་ཀྱི་གཏོར་མ་གཞག་པ་དང་། བུམ་བུ་དང་། བྱ་མ་བུམ་དང་། བུམ་པ་དང་། རྟེ་གུ་དང་། ཁམ་ཕོར་དང་། བུམ་པ་གང་བ་རྣམས་བྱས་ཏེ་གཞག་གོ། པོག་ཕོར་དང་། གཏོར་མ་བཟང་
པོ་སྣ་ཚོགས་དང་། །མེ་ཏོག་སྣ་ཚོགས་དགྲམ་པར་བྱ། །ཕྲེང་བ་བཟང་པོས་བརྒྱན་པར་བྱ། །ཚོན་སྣ་ལྔ་པའི་བ་དན་གདགས། །ཚོན་སྣ་ལྔ་པའི་སྲད་བུ་སེང་ལྡེང་གི་ཕུར་བུ་ལ་བཏགས་པ་གཟུགས་པར་བྱ། ཀུན་དུ་མར་མེའི་
ཕྲེང་བ་དང་། མར་མེའི་སྡོང་བུ་བཞི་ཡང་དེ་བཞིན་ནོ། །མཁས་པས་དཀྱིལ་འཁོར་གྱི་ནང་དུ་བདུག་པ་དབུལ་བ་ནི་ཨ་ག་རུ་དང་། ཙན་དན་དང་། དུ་རུས་ཀ་དང་། སྤྲི་ཀ་རྣམས་ཀྱིས་བདུག་པ་ག་བུར་དང་། གླ་རྩིས་བསྒོས་པ་བྱའོ། །

99-1-253a

དཀྱིལ་འཁོར་གྱི་ཕྱི་རོལ་གྱི་བདུག་པ་ནི་གུ་གུལ་དང་། སིལ་ལ་ཀི་དང་། ཀུན་དུ་རའི་བདུག་པ་དབུལ་བར་བྱའོ། །དེ་ནས་རིག་སྔགས་འཆང་བས་གོས་སར་པ་བགོས་ཏེ། གཙང་མར་བྱས་ནས་མཎྜལ་གྱི་ལས་སུ་བྱ་
བའི་ཆོ་ག་དང་། ལྕགས་ཀྱུའི་རིག་སྔགས་བཟླས་བརྗོད་བྱ་བ་དང་། སློབ་མ་གཞག་ཅིང་དཀྱིལ་འཁོར་གྱི་དམ་ཚིག་དང་། ཕྱག་རྒྱ་དང་། བའི་རྣམ་ལྔ་ལ་རེག་པར་བྱ་སྟེ། མཁས་པས་ཕྱག་རྒྱ་དང་། གསང་སྔགས་བརྗོད་
ཅིང་དོན་ཡོད་པའི་ལྕགས་ཀྱུའི་རིག་སྔགས་ཆེན་པོ་ནི་ཐམས་ཅད་ལ་སྦྱར་བར་བྱའོ། །མཚམས་བཅིང་བ་དང་། ཕྱོགས་བཅིང་བ་དང་། སྤྱི་གཙུག་བཅིང་བ་དང་། འཇུག་པ་དང་། དམ་ཚིག་དང་། ཁྲུས་བྱ་བ་དང་། གོས་བགོ་
བ་དང་། ཕྱག་འཚལ་བ་དང་། བསྐོར་བ་དང་། དེ་དག་ཐམས་ཅད་ལ་སྦྱར་བར་བྱའོ། །སྦྱིན་སྲེག་དང་། བཟླས་བརྗོད་ཀྱི་ཆོ་ག་ཞི་བ་དང་། རྒྱས་པ་དང་། མངོན་སྤྱོད་དང་། དགུག་པ་དང་། སྤྱན་དྲང་བ་དང་། གཤེགས་སུ་
གསོལ་བ་དང་། དེ་བཞིན་དུ་ཡང་དག་པར་སྤྲུལ་པ་དང་། ལས་ཐམས་ཅད་ལ་རིག་སྔགས་འཆང་བས་ཐམས་ཅད་དུ་སྦྱར་ན་མྱུར་ཞིང་རྫོགས་པར་འཆང་ཞིང་དེས་ན་གྲུབ་པ་བླ་ན་མེད་པར་འགྱུར་རོ། །བགྲང་ཕྲེང་དང་། འཁྲིག་
མའི་གདུབ་བུ་དང་། སྲད་བུ་སེ་རལ་ཁ་གཙང་མ་དང་། རྩྭ་དར་བྷ་དང་། ཡུངས་ཀར་དང་། ཆུ་དང་བསྲེ་བ་དང་། རྩྭ་དར་བྷའི་སྟན་ལ་མཆོད་ཕྱིར་ཐོགས་ཏེ། སྐྱིལ་མོ་དཀྲུང་བཅས་ནས་ལས་བྱ་ཞིང་པད་མ་དང་། མཆོད་ཡོན་
གྱི་དཀྱིལ་འཁོར་ལ་དབུལ་བ་དང་། དེ་དག་རྟག་ཏུ་རྒྱུན་མི་འཆད་པར་དུས་ཐམས་ཅད་དུ་ངེས་པར་བྱའོ། །དོན་ཡོད་པའི་ལྕགས་ཀྱུའི་རིག་སྔགས་དྲན་པར་བྱ་སྟེ། གྲུབ་པ་མཆོག་དང་། ལས་ཐམས་ཅད་སྒྲུབ་པ་དང་། གང་
དང་གང་དགོས་པ་ལ་དྲན་པར་བྱའོ། །གསང་སྔགས་དེ་ཉིད་ཀྱིས་སླར་གཤེགས་སུ་གསོལ་ལོ། །གསང་སྔགས་གཞན་དང་བསྲེ་བར་མི་བྱ་སྟེ། ཕྱག་རྒྱ་དང་། གསང་སྔགས་འདི་ནི་དཔའ་བོ་གཅིག་ཏུ་ཀླགས་པས་གྲུབ་

99-1-253b

པའི་མཆོག །སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ། འཕགས་པ་སྤྱན་རས་གཟིགས་དབང་ཕྱུག་གིས་ཀྱང་བྱིན་གྱིས་བརླབས་པ་སྟེ། ཡང་དག་པར་འགྲུབ་ཅིང་
མཆོག་སྦྱིན་པར་བྱེད་པ་ཡིན་ནོ། །དོན་ཡོད་པའི་ལྕགས་ཀྱུའི་དཀྱིལ་འཁོར་དམ་པའི་དཀྱིལ་འཁོར་འདི་མཐོང་བ་ནི་སྡིག་པ་ཐམས་ཅད་རྣམ་པར་འདག་ཅིང་སྒྲིབ་པ་དང་། སྡིག་པ་ཐམས་ཅད་དང་། སྔོན་གྱི་སྒྲིབ་པ་མི་བཟད་པ་རྣམས་སྔར་
བསགས་པ་རྣམས་རྣམ་པར་ཞིག་པར་འགྱུར་རོ། །འཇིག་རྟེན་པའི་གྲུབ་པ་བདེ་བ་དང་། འཇིག་རྟེན་ཕ་རོལ་ཏུ་འབྲས་བུ་ཆེན་པོ་བདེ་བ་དང་། ཤི་བའི་དུས་བྱས་ནས་བདེ་བ་ཅན་དུ་སོང་སྟེ། པད་མའི་ནང་ནས་རྒྱལ་བའི་སྤྱན་སྔར་
རྫུས་ཏེ་སྐྱེ་བ་དང་། ཁ་ཏོན་བྱེད་ན་ཚེ་རབས་དྲན་པར་འགྱུར་བ་དང་། གང་ཞིག་འཆད་པ་ནི་དེ་བཞིན་གཤེགས་པའི་སངས་རྒྱས་ཀྱི་ཞིང་སྟོང་ཕྲག་བྱེ་བ་ཁྲག་ཁྲིག་སྙེད་ཐམས་ཅད་ཀྱི་སྒོ་ཕྱེ་སྟེ་འདུག་ཅིང་གང་དུ་འདོད་པ་དེར་འཇུག་
པར་འགྱུར་རོ། །རྒྱལ་བ་ཐམས་ཅད་ཀྱིས་རྣམ་པར་གཟིགས་ཤིང་སྤྱི་བོར་ཕྱག་གཞག་སྟེ། དབུགས་འབྱིན་པར་མཛད་ཅིང་དུས་ཀུན་དུ་བླ་ན་མེད་པའི་བྱང་ཆུབ་ཏུ་ལུང་སྟོན་པར་འགྱུར་རོ། །འདི་ནི་སྐྱེ་བའི་ཐ་མ་ཡིན་ཏེ། ཆོས་
ཀྱི་འཁོར་ལོ་བསྐོར་བའི་བར་དང་། བྱང་ཆུབ་ཀྱི་སྙིང་པོ་ལ་འདུག་གི་བར་དུ་ཡིན་གྱི། གཞན་དུ་སྐྱེ་བར་མི་འགྱུར་རོ། །འཇིག་རྟེན་འདི་ན་དགའ་བར་འགྱུར་ཞིང་བླ་མ་དང་། ཆོས་ཅན་དང་། ནོར་གྱི་མཆོད་པ་དང་། སེམས་ཅན་
ཀུན་གྱིས་མཆོད་པར་འོས་པ་ནི་སྟོན་པ་དེ་བཞིན་གཤེགས་པ་བཞིན་དུ་འགྱུར་རོ། །ནོར་དང་འབྲུ་འཕེལ་བ་དང་། གོས་དང་རྒྱན་གྱིས་བརྒྱན་པ་དང་། རྒྱལ་པོ་དང་། བཙུན་མོར་བཅས་པ་ཐམས་ཅད་བྱ་བ་ཅི་ཡོད་ཅེས་བྲན་
བཞིན་དུ་གནས་པར་འགྱུར་རོ། །ལྕགས་ཀྱུའི་དཀྱིལ་འཁོར་དུ་ཞུགས་པ་ནི་ཕྱིར་མི་ལྡོག་པ་ཐོབ་པར་འགྱུར་རོ། །འདི་ངན་འགྲོར་ཡང་འགྲོ་བར་མི་འགྱུར་ཞིང་རྟག་ཏུ་བདེ་ཞིང་དགའ་བ་དང་། སེམས་ཅན་ཐམས་ཅད་དགའ་

99-1-254a

བ་དང་། བྱམས་པར་འགྱུར་རོ། །ལྷ་ཐམས་ཅད་ཀྱིས་ལུས་ཅན་ཤིན་དུ་བསྲུངས་པར་འགྱུར་རོ། །ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་རྣམས་ཀྱིས་མཆོད་པར་འགྱུར་རོ། །བསོད་ནམས་ཀྱི་ཕུང་
པོ་འཕེལ་བར་འགྱུར་ཞིང་ཉི་མ་བཞིན་དུ་གཟི་བརྗིད་འབར་བར་འགྱུར་རོ། །སྡུག་ཅིང་བཟང་བ་མཆོག་ཏུ་བལྟ་བར་འོས་པར་འགྱུར་རོ། །དཔལ་གྱིས་དུས་རྟག་ཏུ་འབར་ཞིང་ཤིན་དུ་རྒྱས་པར་འགྱུར་རོ། །དེ་བཞིན་གཤེགས་
པ་འབུམ་ཕྲག་བྱེ་བ་ཁྲག་ཁྲིག་དགུ་བཅུ་རྩ་གཉིས་གང་གཱའི་ཀླུང་གི་བྱེ་མ་དང་མཉམ་པ་སྙེད་ཀྱི་དེ་བཞིན་གཤེགས་པ་རྣམས་ཀྱི་དྲུང་ནས་དགེ་བའི་རྩ་བ་ཆེན་པོ་ཡོངས་སུ་གཟུང་བར་འགྱུར་རོ། །བསོད་ནམས་ཆེན་པོ་དང་ལྡན་པར་
འགྱུར་རོ། །ལྕགས་ཀྱུའི་དཀྱིལ་འཁོར་དུ་གང་ཞིག་ཞུགས་པ་ཙམ་དང་། དཀྱིལ་འཁོར་དེ་ལྟ་བུ་ལ་མེ་ཏོག་གཅིག་དབུལ་བ་དང་། རིལ་བུ་གཅིག་ཙམ་གྱི་བདུག་པ་དབུལ་བའི་སེམས་ཅན་དེ་དག་ནི་གང་གཱའི་ཀླུང་གི་
བྱེ་མ་དགུ་བཅུ་རྩ་དགུ་པ་འབུམ་ཕྲག་བྱེ་བ་ཁྲག་ཁྲིག་སྙེད་ཀྱི་སངས་རྒྱས་ཀྱི་ཞིང་གི་མེ་ཏོག་སྣ་ཚོགས་ཀྱིས་ལེགས་པར་བརྒྱན་པར་འགྱུར་རོ། །སངས་རྒྱས་ཀྱི་ཞིང་རེ་རེར་ཡང་གང་གཱའི་ཀླུང་གི་བྱེ་མ་སྙེད་དགུ་བཅུ་རྩ་
དགུ་འབུམ་ཕྲག་བྱེ་བ་ཁྲག་ཁྲིག་སྙེད་ཀྱི་དེ་བཞིན་གཤེགས་པ་རྣམས་ལ་སྣ་ཚོགས་ཀྱི་མཆོད་པ་བྱས་པར་འགྱུར་རོ། །བདུག་པ་མང་པོ་རྣམ་པར་ཕྱེ་བའི་སྤྲིན་ལས་ཙན་དན་སྦྲུལ་གྱི་སྙིང་པོ་དང་། གོར་ཤིར་ཤའ་བདུག་པ་
འབྱུང་བར་འགྱུར་རོ། །དེ་བཞིན་གཤེགས་པ་ཐམས་ཅད་ལ་མཆོད་པའི་སྤྲིན་རིམ་པར་ཕྱེ་བ་རབ་ཏུ་འཁྲིགས་པར་འགྱུར་རོ། །དེ་ལ་སངས་རྒྱས་བཅོམ་ལྡན་འདས་ཐམས་ཅད་ཀྱིས་ལེགས་སོ་ཞེས་བྱ་བ་རབ་ཏུ་སྦྱིན་པར་
མཛད་དེ། རིགས་ཀྱི་བུ་ལེགས་སོ་ལེགས་སོ། །དེ་བཞིན་གཤེགས་པ་རྣམས་ལ་མཆོད་པ་འདི་ནི་མཆོག་ཏུ་གྲུབ་པ་བླ་ན་མེད་པ་ཡིན་ནོ། །དེ་དག་གིས་མེ་ཏོག་དང་། བདུག་པས་དཀྱིལ་འཁོར་མཆོད་པ་ནི་བསོད་

99-1-254b

ནམས་ཀྱི་ཕུང་པོའི་དགེ་བ་ཆེན་པོ་ཡོངས་སུ་རྫོགས་པ་དང་། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །སྒྲུབ་པ་ཆེན་པོ་འགྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་རྟག་ཏུ་
མཆོག་སྦྱིན་པ་མཛད་པར་འགྱུར་རོ། །རྟག་ཏུ་མཐོང་བར་བཞེད་པར་འགྱུར་རོ། །རྟག་ཏུ་རྗེས་སུ་འབྲང་བར་འགྱུར་རོ། །རྟག་ཏུ་དོན་ཡོད་པའི་ལྕགས་ཀྱུ་གྲུབ་པ་གྲུབ་པར་འགྱུར་རོ། །ཚིག་གཟུང་བར་བྱ་བར་འགྱུར་རོ། །
རྟག་ཏུ་བཞིན་འཛུམ་པར་འགྱུར་རོ། །རྒྱལ་པོ་ཆེན་པོ་བཞི་དང་། གཤིན་རྗེ་དང་། ཆུ་ལྷ་དང་། ལུས་ངན་པོ་དང་། གཞོན་ནུ་དང་། དབང་ཕྱུག་དང་། དབང་ཕྱུག་ཆེན་པོ་དང་། ལྷའི་བུ་རྣམས་བསྲུང་བ་དང་། སྦེད་པ་དང་། སྐྱོབ་
པའི་ཕྱིར་རྗེས་སུ་འབྲང་བ་ཆེན་པོར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་ཕྱག་རྒྱས་བཏབ་ཅིང་བྱིན་གྱིས་བརླབས་པར་འགྱུར་རོ། །དེའི་ས་ཕྱོགས་ཀྱང་མཆོད་རྟེན་སྙམ་དུ་སེམས་ཤིང་མཆོད་རྟེན་རིང་
བསྲེལ་ཅན་དུ་འགྱུར་རོ། །སེམས་ཅན་གང་དག་དེ་ལ་བལྟ་བའི་ཕྱིར་སོང་བའི་སེམས་ཅན་དེ་དག་སྡིག་པ་དང་། སྒྲིབ་པ་དང་། དུག་ཐམས་ཅད་ལས་ཡོངས་སུ་ཐར་བར་འགྱུར་རོ། །འཇིགས་པ་དང་། རིམས་དང་། 
མྱ་ངན་ཐམས་ཅད་ལས་བྲལ་བར་འགྱུར་རོ། །ནད་དང་བྲལ་བར་འགྱུར་རོ། །རྟག་ཏུ་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱིས་དགོས་པར་འགྱུར་རོ། །རྟག་ཏུ་འཇིག་རྟེན་ཐམས་ཅད་ཀྱི་བླ་མར་འགྱུར་
རོ། །དགྲ་ཐམས་ཅད་ལས་ཕྱིར་རྒོལ་བ་ཐམས་ཅད་དང་། མི་མཛའ་བའི་འཇིགས་པ་ལས་ཐར་བར་འགྱུར་རོ། །དུས་མ་ཡིན་པའི་འཆི་བའི་འཇིགས་པ་ལས་ཡོངས་སུ་ཐར་བར་འགྱུར་རོ། །འདི་ནས་ཤི་ན་བདེ་བ་ཅན་གྱི་
འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ཐ་ན་རི་དགས་དང་། བྱ་དག་གནས་ཏེ་ཕྱོགས་སུ་ཉེ་བར་སོང་བ་དེ་དག་སྒྲིབ་པ་ཐམས་ཅད་དང་། དེའི་སྔོན་གྱི་ཚེ་ལ་ཡོངས་སུ་བསགས་པ་དེ་དག་ལྷག་མ་

99-1-255a

མ་ལུས་པར་ཡོངས་སུ་བྱང་བར་འགྱུར་རོ། །དེ་དག་ཐམས་ཅད་བདེ་འགྲོ་ལ་གཞོལ་བར་འགྱུར་རོ། །ངན་སོང་དང་ངན་འགྲོའི་འཇིགས་པ་མེད་པར་མཐར་བྱང་ཆུབ་ལ་ཐུག་གི་བར་དུའོ།། །།
དེ་ནས་དོན་ཡོད་པའི་ལྕགས་ཀྱུ་རས་ལ་སྐུ་གཟུགས་བྲི་བའི་ཆོ་ག་བརྗོད་པར་བྱ་སྟེ། གནས་ཐམས་ཅད་དུ་བླ་ན་མེད་པ་གྲུབ་པ་ནི་སྡིག་པ་ཐམས་ཅད་མོད་ལ་བསྲེག་པར་བྱེད་པ་དང་། ཉོན་མོངས་པ་ཐམས་ཅད་འཕྲོག་
པ་དེ་བཞིན་དུ་ནད་ཐམས་ཅད་སེལ་བ། སྒྲིབ་པ་ཐམས་ཅད་སྦྱོང་བ། འཇིགས་པ་ཐམས་ཅད་ལས་རྣམ་པར་ཐར་བ། སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་གང་དཀྱིལ་འཁོར་ཆེན་པོར་ཀུན་དུ་ལུང་བསྟན་
པ་མི་འཇིགས་པ་སྦྱིན་པ། མཆོག་ཏུ་དཀོན་པ་ཡིད་ལ་རེ་བ་ཐམས་ཅད་འཕྲལ་དུ་ཡོངས་སུ་རྫོགས་པར་འགྱུར་བ། བཀྲ་ཤིས་ཐམས་ཅད་སྒྲུབ་པ། བསོད་ནམས་ཐམས་ཅད་སོགས་པ། མྱུར་དུ་ནོར་དང་། འབྲུ་
སྦྱིན་པར་མཛད་པ། སྒྲུབ་པ་ཡང་དག་པ་གྲུབ་པར་བྱ་བའི་ཕྱིར་གསང་སྔགས་འགྲུབ་པ། བཟླས་བརྗོད་འགྲུབ་པ། ཡིད་ལ་རེ་བ་ཐམས་ཅད་ཡོངས་སུ་རྫོགས་པར་འགྲུབ་པ། ཕ་རོལ་ཏུ་ཕྱིན་པ་བཅུ་ཡོངས་སུ་རྫོགས་
པ་དེ་ཁོ་ན་ཉིད་རྣམ་པར་མཐོང་བ་ཞེས་བྱ་བའི་བསོད་ནམས་ཆེན་པོ་སྐྱེ་བར་འགྱུར་རོ། །ནམ་བྱང་ཆུབ་ཡང་དག་པར་ཐོབ་ཀྱི་བར་དུ་དགེ་བའི་རྩ་བ་ཆེན་པོ་རབ་ཏུ་སྐྱེ་བར་འགྱུར་རོ། །དོན་ཡོད་པའི་ལྕགས་ཀྱུ་ཆོ་འཕྲུལ་
ཆེན་པོའི་རས་ཀྱི་སྐུ་གཟུགས་ཆེན་པོ་མཐོང་བ་ལ་སོགས་པ་ནི་ཕྱིས་ངན་འགྲོའི་གནས་སུ་མི་འགྲོ་ཞིང་སྡིག་པའི་ལས་ཀྱིས་མི་གོས་པ་དང་། སྔོན་གྱི་སྒྲིབ་པ་དང་། སྡིག་པ་ཐམས་ཅད་རྣམ་པར་འཇིག་པ་དང་། སྡིག་པ་
ཐམས་ཅད་རྣམ་པར་སེལ་བ་དང་། ངན་སོང་ལས་ཐར་བར་འགྱུར་བ་དང་། དམྱལ་བ་མི་བཟད་པ་རྣམས་ལས་ཐར་བར་འགྱུར་རོ། །ཚེ་རབས་ཀུན་དུ་བདེ་བ་དང་། ད་ལྟར་གྱི་འདི་ལ་མཆོག་ཏུ་དཀོན་པའི་བདེ་བ་ལྷུན་གྱིས་གྲུབ་

99-1-255b

པ་ཐོབ་པར་འགྱུར་རོ། །བཀྲེན་པ་ཡང་ལོངས་སྤྱོད་དང་། ཕྱུག་པོ་མཚུངས་པ་མེད་པ་མཆོག་མོད་ལ་ཐོབ་པར་འགྱུར་རོ། །ལྷའི་དཔལ་ཐོབ་པར་འགྱུར་རོ། །འཁོར་བཟང་པོ་བདོག་པར་འགྱུར་རོ། །རྒྱལ་པོ་རྣམས་ཀྱིས་བླ་མར་
བྱ་ཞིང་རྟག་ཏུ་དུས་ཐམས་ཅད་དུ་མཆོད་པར་འོས་པར་འགྱུར་རོ། །དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། བུད་མེད་དང་། སྐྱེས་པ་རྣམས་རྟག་ཏུ་དབང་དུ་བྱ་སྟེ། སྡུག་ཅིང་
ཐམས་ཅད་བསྙེན་བཀུར་བྱེད་ཅིང་འདུག་པ་ནི་རས་ཀྱི་སྐུ་གཟུགས་ལ་མཆོད་པ་བླ་ན་མེད་པ་ཡིན་ནོ། །རས་གྲུ་བཞི་ཁྱོན་ཀུན་ཁྲུ་གང་ངམ། ཁྲུ་དོ་པ་ལ་ལེགས་པར་བཏགས་པ། རས་འཇམ་པོ་ཐག་རན་བཟང་པོ་མཉེན་པོ་ཤིན་
དུ་དག་པར་བཀྲུས་པ་གཙང་མར་བྱས་པ་འམ། ཡང་ན་དར་ཡུག་གམ། ཡང་ན་མོན་དར་རམ། ཤུན་ཕྲགས་ལ་ཟླ་བ་ཡར་གྱི་ཚེས་བཅྭ་ལྔ་ཚང་བའི་བར་དུ་རས་ཀྱི་སྐུ་གཟུགས་བླ་ན་མེད་པ་བྲི་བར་བྱའོ། །སྣོད་གཙང་མ་སར་
པའི་ནང་དུ་ཚོན་ལྷག་མ་མ་ཡིན་པ་བླུགས་ཏེ། རས་ཀྱི་སྐུ་གཟུགས་གསལ་བར་བྲི་བ་ནི་ཚོན་སྣ་ཚོགས་ཀྱིས་རྣམ་པར་དབྱེ་བར་བྱའོ། །དབུས་སུ་འཕགས་པ་སྤྱན་རས་གཟིགས་དབང་ཕྱུག་མགོན་པོ་བྲི་བ་ནི་སྐྱིལ་མོ་
དཀྲུང་བཅས་ཏེ་བཞུགས་པ། སྤྱན་གསུམ་པ། ཞལ་གསུམ་པ། མཆོག་ཏུ་བཟང་བ། ཞལ་དང་པོ་ནི་མཛེས་ཤིང་སྡུག་པ། དབུ་ལྕང་ལོ་དང་ཐོར་ཚུགས་ཀྱིས་བརྒྱན་པ། ཅོད་པན་ལ་འོད་དཔག་མེད་ཀྱིས་བརྒྱན་པ། 
དབུ་སྐྲ་འཁྱིལ་བར་བྱའོ། །མེ་ཏོག་གི་ཕྲེང་བ་བཅིང་བར་བྱའོ། །ཕྲེང་བའི་གོང་དུ་འོད་དཔག་མེད་བྱའོ། །ཅོད་པན་ལ་ཟླ་བ་ཕྱེད་པ་དང་འོད་འདོམ་གང་བྱའོ། །ཀུན་དུ་ལྕགས་ཀྱུ་བྱའོ། །ཀུན་དུ་འབར་བའི་ཕྲེང་བ་བྱའོ། །ཕྱག་བཞི་ལ་ཕྱག་གཡོན་ན་པད་མའི་
ལྕགས་ཀྱུ་གཡས་ན་མདུང་རྩེ་གསུམ་པའི་ལྕགས་ཀྱུ། གཡོན་གཅིག་ན་དོན་ཡོད་པའི་ཞགས་པའི་ལྕགས་ཀྱུ། གཡས་གཅིག་ན་རྡོ་རྗེ་ལྕགས་ཀྱུ་དབུགས་འབྱིན་པར་བྱའོ། །གདན་སེང་གེའི་པད་མོ་བྱའོ། །

99-1-256a

གཡོན་དུ་ལྷ་མོ་སྒྲོལ་མའོ། །གཡས་སུ་དཀར་མོ་སྟེ། མེ་ཏོག་སྣ་ཚོགས་ཐོགས་པ། བཅོམ་ལྡན་འདས་ཀྱི་ཞལ་དུ་ལྟ་བ་རྒྱན་ཐམས་ཅད་ཀྱིས་བརྒྱན་པ། པད་མ་ལ་བཞུགས་པ། འབར་བའི་ནང་ན་
བཞུགས་པར་བྱའོ། །འཕགས་པ་སྤྱན་རས་གཟིགས་དབང་ཕྱུག་གི་རྒྱབ་ཏུ་རིན་པོ་ཆེའི་ཤིང་ལྕུག་ཕྲན་དང་། ཡལ་ག་དང་། ཆས་པ་རིན་པོ་ཆེ་སྣ་ཚོགས་ཀྱིས་སྤྲས་པར་བྱའོ། །ནེ་ཙོ་དང་། རི་སྐྱེགས་དང་། 
ཤང་ཤང་ཏེའུ་དང་། རྨ་བྱ་དང་། བྱ་ཀ་ལ་པིང་ཀ་རིན་པོ་ཆེའི་གསེབ་ན་རྒྱུ་བར་བྱའོ། །ཤིང་གི་གོང་སྤྱི་བོ་ལ་ཁང་བུ་རྩེགས་མ་དང་བཅས་པའི་གཞལ་མེད་ཁང་གི་ནང་དུ་དེ་བཞིན་གཤེགས་པ་གསུམ་རྒྱན་
ཐམས་ཅད་ཀྱིས་བརྒྱན་པ་བཞུགས་པར་བྱའོ། །སྤྱན་རས་གཟིགས་དབང་ཕྱུག་གི་གཡོན་དུ་སྲིན་མོ་རལ་པ་གཅིག་མ་བྱའོ། །གཡས་སུ་ལག་ན་རྡོ་རྗེ་ཁྲོས་པའི་གད་མོ་འབྱིན་པའི་གཟུགས་མཆེ་བ་གཙིགས་
པ་སྐྲ་གྱེན་དུ་བརྫེས་པ། ལྕང་ལོ་དང་ཅོད་པན་གྱིས་བརྒྱན་པ། རྡོ་རྗེ་ཐོགས་ཤིང་རྡོ་རྗེ་གསོར་བ། ནམ་མཁའ་ལ་བལྟ་བར་བྱའོ། །སྨད་དུ་གཤིན་རྗེ་དང་། ཆུ་ལྷ་དང་། ལུས་ངན་པོ་དང་། གཞོན་ནུ་དང་། རྒྱལ་པོ་
ཆེན་པོ་བཞི་བྱའོ། །གོང་དུ་དབང་པོ་དང་། དབང་ཕྱུག་དང་། དབང་ཕྱུག་ཆེན་པོ་ལྷའི་བུ་བཅོམ་ལྡན་འདས་ལ་མཆོད་པ་བྱེད་པ་བྱའོ། །གཡས་ཕྱོགས་སུ་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་རྣམས་
བཏུད་དེ། བཅོམ་ལྡན་འདས་ལ་མཆོད་པ་བྱེད་པའོ། །གཡོན་དུ་དགའ་བོ་དང་། བསྙེན་དགའ་བོ་དང་། ཀླུའི་རྒྱལ་པོ་རྒྱ་མཚོ་རྣམས་བཅོམ་ལྡན་འདས་ལ་མཆོད་པ་བྱེད་པའོ། །གཡས་ཀྱི་གནས་གཅིག་ཏུ་རིག་
སྔགས་འཆང་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་པུས་མོ་བཙུགས་ཏེ། བཅོམ་ལྡན་འདས་ཀྱི་ཞལ་དུ་ལྟ་ཞིང་མེ་ཏོག་སྣ་ཚོགས་ཀྱི་སྡོང་བུ་དང་། པོག་ཕོར་དང་། བགྲང་ཕྲེང་ལག་ན་ཐོགས་

99-1-256b

པ་བྱའོ། །ཕྱོགས་བཞི་ངོས་ཀུན་དུ་རིས་བསྐོར་བ་ལ་རི་དགས་ཀྱི་ཚོགས་སྣ་ཚོགས་ཀྱིས་གང་བ། ཤིང་སྣ་ཚོགས་མེ་ཏོག་དང་། ལྕུག་མ་ཅན་བྱའོ། །འབྲས་བུ་སྣ་ཚོགས་ཅན་གྱི་ཤིང་དང་ལྕུག་མ་བྱའོ། །གནས་སོ་
སོར་དྲང་སྲོང་རྣམས་དང་། གྲུལ་བུམ་གྱི་ཤིང་བྱའོ། །ཚུལ་དེ་ལྟར་དོན་ཡོད་པའི་ལྕགས་ཀྱུ་རས་ལ་བྲིས་ཏེ། གནས་གཙང་མ་དབེན་པར་གཞག་ལ་རིག་སྔགས་འཆང་བས་འབད་པ་ཆེན་པོས་མཆོད་པར་བྱའོ། །
ཨ་ག་རུ་དང་། དུ་རུས་ཀ་དང་། ཙན་དན་གྱི་བདུག་པ་དབུལ་བར་བྱའོ། །ཅི་ནུས་པར་དོན་ཡོད་པའི་ལྕགས་ཀྱུའི་རིག་པའི་རྒྱལ་པོ་བཟླས་བརྗོད་བྱའོ། །ཉི་མ་རེ་རེ་རས་ལ་སྐུ་གཟུགས་བྲིས་པ་མཐོང་བ་ཙམ་གྱི་མོད་
ལ་མཚམས་མེད་པ་ལྔ་ལ་སོགས་པའི་སྡིག་པ་དང་། སྒྲིབ་པ་དང་། མནར་མེད་པར་གཞོལ་བ་དང་། དམ་པའི་ཆོས་སྤོང་བ་རྣམས་ཡོངས་སུ་དག་ཅིང་ཟད་པར་འགྱུར་རོ། །འཇིག་རྟེན་དང་། འཇིག་རྟེན་ལས་
འདས་པ་དང་། སྡུག་བསྔལ་གྱི་འཇིགས་པ་མི་བཟད་པ་དང་། ནད་ཐམས་ཅད་ཡོངས་སུ་ཟད་པ་དང་། རྣམ་པར་དག་པར་འགྱུར་རོ། །རྣམ་པར་འཇིག་པར་འགྱུར་རོ། །དྲི་མ་དང་བྲལ་བར་འགྱུར་རོ། །སེར་སྣ་དང་
ཕྲག་དོག་དང་བྲལ་བར་འགྱུར་རོ། །གཟུངས་གྲུབ་པ་ཆེན་པོ་སོ་སོར་ཐོབ་པར་འགྱུར་རོ། །མཐོང་བ་ཙམ་གྱི་མོད་ལ་དེ་མ་ཐག་ཏུ་འབྲས་བུ་ཆེན་པོ་རྙེད་པ་རྒྱ་ཆེན་པོར་འགྱུར་རོ། །ལན་འགའ་ཡང་ལོག་པར་ལྟུང་བར་འགྲོ་
བར་མི་འགྱུར་རོ། །དེ་བཞིན་གཤེགས་པ་ཐམས་ཅད་མཐོང་བ་ཐོབ་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་འགྱུར་རོ། །ལྷ་ཐམས་ཅད་ཀྱིས་རྒྱུན་དུ་བསྲུངས་ཞིང་རྗེས་སུ་གཟུང་བར་འགྱུར་རོ། །
རས་ཀྱི་སྐུ་གཟུགས་འདིའི་འཕགས་པ་སྤྱན་རས་གཟིགས་དབང་ཕྱུག་མཐོང་བ་ཙམ་གྱིས་འཕགས་པ་སྤྱན་རས་གཟིགས་དབང་ཕྱུག་མངོན་དུ་མཐོང་བ་དང་འདྲ་བར་རིག་པར་བྱའོ། །གང་ཞིག་རས་ཀྱི་སྐུ་གཟུགས་འདི་ལ་

99-1-257a

ལེགས་པར་འགྱུར་བའི་ཚུལ་གྱིས་བྱ་བ་བྱེད་པ་དང་། མཆོད་པ་དང་། བསྙེན་བཀུར་བྱེད་པ་དེ་ནི་ཕྱོགས་བཅུ་ཀུན་གྱི་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་དགུ་རྩ་དགུ་དང་མཉམ་པའི་དེ་བཞིན་གཤེགས་པ་འབུམ་ཕྲག་
བྱེ་བ་ཁྲག་ཁྲིག་སྙེད་ཀྱི་སངས་རྒྱས་ཀྱི་ཞིང་ལ་མཆོད་པར་འགྱུར་རོ། །དེ་ནས་རང་རང་གི་སངས་རྒྱས་ཀྱི་ཞིང་ན་རབ་ཏུ་བཞུགས་པའི་དེ་བཞིན་གཤེགས་པ་དེ་དག་གི་བསོད་ནམས་ཀྱི་ཕུང་པོ་ཆེན་པོ་ཡོངས་སུ་གཟུང་བར་འགྱུར་རོ། །
དགེ་བའི་རྩ་བ་རྒྱ་ཆེན་པོ་དང་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་ཕྱིར་མི་ལྡོག་པའི་གནས་ཐོབ་པར་འགྱུར་རོ། །དགེ་བ་བསམ་པ་ཡོངས་སུ་དག་པ་ཆེན་པོ་དང་ལྡན་པར་འགྱུར་རོ། །དེ་ནས་བྱང་ཆུབ་སེམས་
དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རིག་སྔགས་འཆང་ཐམས་ཅད་གྲུབ་པར་བགྱི་བའི་ཕྱིར་དང་། སེམས་
ཅན་གྱི་དོན་དང་། ཕན་པ་དང་། བདེ་བར་བགྱི་བའི་ཕྱིར་དང་། སྡིག་པ་དང་། སྒྲིབ་པ་ཐམས་ཅད་ལས་ཡོངས་སུ་གྲོལ་བར་བགྱི་བའི་ཕྱིར་དོན་ཡོད་པའི་ལྕགས་ཀྱུའི་རིག་སྔགས་ཀྱི་རྒྱལ་པོ་རིམ་པར་ཕྱེ་བ་རྣམས་བསྟན་པ་
ལགས་སོ། །བཅོམ་ལྡན་འདས་ཡང་བདག་ལ་མཆིས་པ་ནི་དོན་ཡོད་པའི་ལྕགས་ཀྱུའི་ཁྲོའི་རྒྱལ་པོའི་དཀྱིལ་འཁོར་ཏེ། རིག་སྔགས་འཆང་ཐམས་ཅད་ཀྱི་ཁྲོ་བོ་ཆེན་པོའི་ལས་གྲུབ་ཏུ་འགྱུར་བ་དང་། བསམ་པ་དང་། ཡིད་ལ་རེ་བ་
ཐམས་ཅད་ཡོངས་སུ་རྫོགས་པར་འགྱུར་བ་དང་། མ་རུངས་པ་བརྩོན་པ་མེད་པ། བརྩེ་བའི་བསམ་པ་མེད་པ་ནི་གནོད་སྦྱིན་དང་། སྲིན་པོ་ཐམས་ཅད་དང་། འབྱུང་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་
འཕྱེ་ཆེན་པོ་དང་། མི་དང་། མི་མ་ཡིན་པ་ཐམས་ཅད་ཐག་འཇུག་པ། མ་རུངས་པའི་བགེགས་དང་། ལོག་འདྲེན་ཐམས་ཅད་རབ་ཏུ་དུལ་བར་མཛད་པ། བདུད་ལ་སོགས་པ་མ་རུངས་པ་ཐམས་ཅད་རབ་ཏུ་ཞི་བ་དང་། ཕུང་བར་བྱེད་པ། སེམས་

99-1-257b

ཅན་མ་རུངས་པ་ཐམས་ཅད་སྐྲག་པར་བྱེད་པ། ཕྱིར་རྒོལ་བ་དང་། དགྲ་ཐམས་ཅད་འཆིང་བ་དང་། གཅོད་པ་དང་། འབིགས་པ་དང་། བརྡུང་བ་དང་། གཏོར་བ་དང་། ལུས་རྣམ་པར་ཞིག་པར་བྱེད་པ་དེ་ནི། བཅོམ་ལྡན་འདས་འདིར་བདག་གིས་པད་མོ་
རྒྱས་པའི་དཀྱིལ་འཁོར་དོན་ཡོད་པའི་ཞགས་པའི་སྙིང་པོ་ཆོ་ག་ཞིབ་མོའི་དཀྱིལ་འཁོར་གྱི་སྐབས་སུ་བཅོམ་ལྡན་འདས་ཀྱི་སྤྱན་སྔར་འཁོར་མང་པོའི་ནང་དུ་དོན་ཡོད་པའི་ཁྲོ་བོའི་ལྕགས་ཀྱུའི་བརྗོད་པར་བགྱི་སྟེ། དཀྱིལ་འཁོར་དང་ཆོ་ག་ཞིབ་
མོ་ཐམས་ཅད་དུ་བསྲུང་བར་བྱེད་པ་འཆོས་པར་བྱེད་པ། དམ་ཚིག་འཛིན་པ་གནས་ཐམས་ཅད་ལ་རྗེས་སུ་སྐྱོང་བ་སྟེ། དེ་ནི་སྒྲུབ་པར་བྱེད་པ། སྒྲུབ་པ་འགྲུབ་པར་བྱེད་པའི་མཆོག་དེ་བཅོམ་ལྡན་འདས་ཀྱིས་ཐུགས་བརྩེ་བ་ཆེན་པོའི་སླད་དུ་བཅོམ་
ལྡན་འདས་ཁྲོ་བོའི་རྒྱལ་པོ་ཆེན་པོ་བྱིན་གྱིས་བརླབ་ཅིང་རྗེས་སུ་གནང་བ་མཛོད་ཅིག་དང་། རིག་སྔགས་འཆང་ཐམས་ཅད་མཆོག་ཏུ་འགྲུབ་པའི་སྙིང་པོ་དག་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བགྱི་བའི་སླད་དུ་བཅོམ་
ལྡན་འདས་རྗེས་སུ་སྩལ་བར་བགྱིའོ། །དེ་ནས་དེ་བཞིན་གཤེགས་པ་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སྤྱན་རས་
གཟིགས་དབང་ཕྱུག་ཕྱག་རྒྱ་ཆེན་པོས་ཕྱག་རྒྱས་བཏབ་སྟེ། ངས་ཀྱང་བྱིན་གྱིས་བརླབས། །སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཀྱང་ཕྱག་རྒྱས་བཏབ་ཅིང་བྱིན་གྱིས་
བརླབས་ཀྱིས་སྨྲོས་ཤིག །སྤྱན་རས་གཟིགས་དབང་ཕྱུག་རིག་སྔགས་འཆང་ཐམས་ཅད་གསང་བ་པ་ལགས་ན་རྡོ་རྗེ་དང་། རྡོ་རྗེ་འཆང་བ་དང་། རྡོ་རྗེའི་སྙིང་པོ་ཐམས་ཅད་དམ་ཚིག་ལ་གནས་པའི་ལྷ་དང་། ཀླུ་དང་། གནོད་སྦྱིན་དང་། 
དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ཐམས་ཅད་ཀྱིས་ཡོངས་སུ་གཟུང་བ་སྨྲོས་ཤིག །སྤྱན་རས་གཟིགས་དབང་ཕྱུག་རིག་སྔགས་འཆང་ཐམས་ཅད་ཀྱི་བསམ་པ་ཡོངས་སུ་

99-1-258a

རྫོགས་པའི་གོ་སྐབས་དང་། མཆོག་གྲུབ་པར་བྱོས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱིས་བཀས་བསྒོ་ཞིང་དབུགས་
ཕྱུང་བ་ཐོས་ནས་སྙིང་དགའ། སྨིན་མ་བསྐུམས། དཔྲལ་བ་ཕྱེད་ཁྲོས་པར་བྱས། གདོང་ཁྲོ་གཉེར་དུ་བྱས། མཆེ་བ་ནི་གཙིགས། སྤྱན་རས་གཟིགས་ཀྱི་ལུས་འཁོར་མང་པོའི་ནང་དུ་བཅོམ་ལྡན་འདས་ཀྱི་སྤྱན་སྔར་འདུག་ནས་
དོན་ཡོད་པའི་ཞགས་པ་ཁྲོ་བོའི་རྒྱལ་པོ་འདི་སྨྲས་པ། དུས་གསུམ་ན་བཞུགས་པའི་དེ་བཞིན་གཤེགས་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་ཐམས་ཅད་དང་། འཕགས་པ་རྡོ་རྗེ་འཆང་བ་དང་། དཀྱིལ་འཁོར་ཆེན་པོའི་ལྷ་
རྣམས་ལ་ཕྱག་འཚལ་ལོ། །འདས་པ་དང་། མ་འོངས་པ་དང་། ད་ལྟར་བྱུང་བའི་རང་སངས་རྒྱས་དང་། འཕགས་པ་ཉན་ཐོས་ཀྱི་དགེ་འདུན་རྣམས་ལ་ཕྱག་འཚལ་ལོ། །ཡང་དག་པར་སོང་བ་རྣམས་ལ་ཕྱག་འཚལ་ལོ། །ཡང་དག་པར་
ཞུགས་པ་རྣམས་ལ་ཕྱག་འཚལ་ལོ། །ཤ་ར་དྭ་ཏིའི་བུ་བློ་གྲོས་ཅན་ལ་ཕྱག་འཚལ་ལོ། །དྲང་སྲོང་ཆེན་པོའི་ཚོགས་ལ་ཕྱག་འཚལ་ལོ། །རྒྱལ་ཚབ་ཏུ་དབང་བསྐུར་བ་བྱམས་པ་ལ་སོགས་པ་བྱང་ཆུབ་སེམས་དཔའི་ཚོགས་ཐམས་ཅད་
ལ་ཕྱག་འཚལ་ལོ། །ཁམས་གསུམ་པའི་བདག་པོ་ནག་པོ་ཆེན་པོ་མ་མོའི་ཚོགས་ཀྱིས་བསྐོར་བ་ལ་ཕྱག་འཚལ་ལོ། །དེ་བཞིན་གཤེགས་པ་འོད་དཔག་མེད་ལ་ཕྱག་འཚལ་ལོ། །ཁྲོ་བོའི་རྒྱལ་པོ་རིག་སྔགས་ཀྱི་རྒྱལ་པོ་ཆེན་པོའི་
ཚོགས་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །ཏད་ཡ་ཐཱ། ཨོཾ་བི་ཀྲྀ་ཏ། 
བ་ཏ་ན། མ་ཧཱ་ཀྲོ་དྷ་རཱ་ཛཱ་བྷ་ཡང་ཀ་ར། མ་ཧཱ་དཾཥྚ། ཨཊྚ་ཊ་ཧཱ་ས། ཛྭ་ལ་ཛྭ་ལ་མ་ཧཱ་ཛྭ་ལ། མཱ་ལ་མ་ཧཱ་རོ་དྲ། རཱུ་པ་བྷ་ཡང་ཀ་རན། ཧ་ན་ཧ་ན། སརྦ་དུཥྚ། ཡཀྵ། རཱཀྵ་སཱན། ད་ཧ་ད་ཧ། སརྦ་དུཥྚ། ནཱ་གཱ་ནཱན། པ་ཙ་པ་ཙ། སརྦ་དུཥྚ། 

99-1-258b

བིགྷྣ་བི་ནཱ་ཡེ་ཀཱན་པཱ་ཏ་ཡ། པཱ་ཏ་ཡ། སརྦ་དུཥྚ་ས་ཏྭཱན། བྷོ་བྷོ་མ་ཧཱ་ཀྲོ་དྷ་རཱ་ཛ་མ་ཎི། ཀ་ན་ཀ །བཛྲ། བཻ་དཱུརྱ། ཨ་ལང་ཀྲྀ་ཏ། ཤ་རཱི་རཱན། བཛྲ་པ་ར་ཤུ་པཱ་ཤ་ཧསྟཱ་ཡ། མ་ཧཱ་པདྨ་ཨང་ཀུ་ཤ །བྷུ་ཛཱ་ཡ། མ་ཧཱ་པད་མ་ཨཱ་ས་ནཱ་ཡ། མ་ཧཱ་
པད་མི་བི་ཀ་ཙ་གརྒྷཱ་ཡ། ཨ་མོ་གྷ་ཨ་པྲ་ཏི་ཧ་ཏ། བ་ལ་པ་རཱ་ཀྲ་མཱ་ཡ། ས་ཧཱ་སྲ། བི་ཡ། སརྦ་བྷུ་ཏ། བྷ་ཡང་ཀ་རཱ་ཡ། སརྦ་དེ་བ་བྷ་བ་ན། ཀཱ་མ་པ་ཨུད་བྷ་བཱ་ཡ། མ་ཧཱ་བི་ཀྲྀ་ཏ། བ་ད་ནཱ་ཡ། ནཱ་ར་སིང་ཧ་མུ་ཁཱ་ཡ། དྷ་ར་དྷ་ར། བཛྲ་ཛྭ་ལ། 
དྷུ་རུ་དྷ་རུ། མ་ཧཱ་ཙཎ་ཌ། བེ་ཀ་དྷ་ར། ཙ་ར་ཙ་ར། ཙ་ཙ་ར། ཙ་ཙ་ར། ནི་ཤ་ཙ་ཙ་ར། ཨཱི་ཤྭ་ར། བྷྲྀ་ཀུ་ཊཱི་མུ་ཁ། ཧཱུྃ་ཧཱུྃ་ཕཊ། ས་ར་ས་ར། པྲ་ས་པྲ་ས་ར། སརྦ་པཱ་པ། ཀི་ལི་བི་ཥ་ཧ་ར། མ་ཧཱ་མ་ནི། ཏེ་ཛ་དྷ་ར། པད་མ་ཧསྟ། ཨོཾ་པད་མ་ཨང་
ཀུ་ཤ་བྷུ་ཛེ། ཏ་རཱ་ཡ། མན་ཏྲ་མ་ཡ། བིགྷྣྃ། ཤཱ་ས་ཡ། དུཥྚ་ན་ནཱ་ཤ་ཡ། སརྦ་པཱ་པ་བ་ར་ཎ་ཧཱུྃ་ཕཊ་སྭཱ་ཧཱ། པཱ་ཤ་ཧསྟཱ་ཡ་སྭཱ་ཧཱ། པད་མ་དྷ་རཱ་ཡ་སྭཱ་ཧཱ། ས་མ་ཤྭཱ་ས་ཀྵ་ཡ་སྭཱ་ཧཱ། ཨ་མོ་གྷ་བ་ར་པ་ད་རཱ་ཡ་སྭཱ་ཧཱ། ཀྲོ་དྷ་ར་ཛ་བྷ་ཡང་
ཀ་རཱ་ཡ་སྭཱ་ཧཱ། བྲཧྨ་བེ་ཥ་དྷ་རཱ་ཡ་སྭཱ་ཧཱ། ཏྲཻ་ལོ་ཀྱ་པཱུ་ཛི་ཏཱ་ཡ་སྭཱ་ཧཱ། ཡ་མ། བ་རུ་ཎ་ཀུ་བེེ་ར། ན་མཿ ཀྲྀ་ཏཱ་ཡ་སྭཱ་ཧཱ། བཛྲ་དྷ་ར་པཱུ་ཛི་ཏཱ་ཡ་སྭཱ་ཧཱ། མ་ཧཱ་ཀཱ་ལ་མཱ་ཏྲྀ་ག་ཎ། བན་དི་ཏ། པཱུ་ཛི་ཏཱ་ཡ་སྭཱ་ཧཱ། དེ་བ་ག་ཎ། བན་དྲི་ཏཱ་ཡ་སྭཱ་ཧཱ། 
ནཱ་ག་ཨཱ་ཀཪྵ་ཡ་སྭཱ་ཧཱ། ཨོཾ་བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། སརྦ་མཎྜ་ལ་ཨ་དྷི་ཏ་ས་མ་ཡ་སྭཱ་ཧཱ། སརྦ་མུ་དྲཱ་ཨ་དྷི་ཏ་མུ་དྲཱ་ཡ་སྭཱ་ཧཱ། ཨོཾ་ཨ་མོ་གྷ་བ་ར་དེ། མ་ཧཱ་དྃཥྚྲཱ། ཨྃ་ཀུ་ཤ་བཛྲེ་ཧཱུྃ། མ་ཧཱ་པད་མ། ཨ་ཤྭཱ་ས་དྷ་
ར་ན་མོ་སྟུ་ཏེ་ཨ་མོ་གྷ་ཨྃ་ཀུ་ཤ་ཧཱུྃ་ཕཊ་སྭཱ་ཧཱ། ཁྲོ་བོའི་རྒྱལ་པོ་ཆེན་པོའི་གཟུངས་འདི་སྨྲས་པ་དང་། ལྷའི་གནས་དང་བཅས་པ་དང་། རི་རབ་དང་བཅས་པའི་རྒྱ་མཚོ་གནས་དང་བཅས་པ་དང་། གཞལ་མེད་ཁང་
རྣམས་ཀུན་དུ་འགུལ་ལོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ། །མ་རུངས་པའི་ཀླུ་དང་། ལྷ་མ་ཡིན་དང་། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་ཐམས་

99-1-259a

ཅད་དང་། བདུད་ལ་སོགས་པ་དང་། ལོག་འདྲེན་མ་རུངས་པ་དང་། གནོད་སྦྱིན་མ་རུངས་པ་རྣམས་ཁ་བུབ་ཏུ་འགྱེལ་ལོ། །མ་རུངས་པ་ཐམས་ཅད་ཀྱི་ཁྱིམ་ཀུན་དུ་ཚིག་ཏེ་འབར་བ། ཀུན་དུ་འབར། རབ་ཏུ་འབར། 
འབར་བ་གཅིག་ཏུ་གྱུར་ཅིང་བསྲེགས་པ་དང་། ངུ་ཞིང་འགྲེ་ལྡོག་སྟེ། ཚོར་བ་དྲག་པོ་མི་བཟད་པ་ཆེན་པོ་མྱོང་ངོ་། །ལྷ་ཐམས་ཅད་ཤིན་དུ་འཁྲུགས་ཤིང་སྐྲག་གོ། བདུད་ཀྱི་རིགས་རྣམས་བྲེད་ནས་ཁས་བཏགས་སོ། །
འཇིག་རྟེན་གསུམ་གྱི་བདག་པོ་ཐམས་ཅད་ཀུན་དུ་འཁྲུགས་སོ། །རྒྱ་མཚོར་གནས་པའི་ཀླུ་དང་། རྒྱ་མཚོའི་ཀླུ་ཆེན་པོ་དགའ་བོ་དང་། བསྙེན་དགའ་བོ་དག་ཀྱང་ཀུན་དུ་འཁྲུགས་ཤིང་ཤིན་དུ་སྐྲག་སྟེ་སྙིང་འདར་རོ། །
གཞན་ཡང་སའི་སྟེང་ན་ཀླུ་སྟོང་ཕྲག་བརྒྱ་གནས་པ་དང་། རྒྱ་མཚོའི་ཆུའི་ནང་གི་ཀླུ་གང་དག་དང་། རི་ལ་གནས་པ་གང་ཡིན་པ་དེ་དག་ཐམས་ཅད་ཀུན་དུ་འཁྲུགས་སྐྲག་ཅིང་གཅིག་ཏུ་འབར་བར་གྱུར་ཅིང་གདུངས་སོ། །
རྒྱལ་པོ་ཆེན་པོ་བཞི་རྣམས་གནས་ན་འདུག་ན་ཡང་སྐྲག་གོ། ནག་པོ་ཆེན་པོ་དང་། ཚོགས་ཆེན་པོའི་གཙོ་བོ་དང་། མ་མོའི་ཚོགས་ཀྱིས་བསྐོར་བ་དེ་དག་ཐམས་ཅད་སྐྲག་ཅིང་སྙིང་འདར་རོ། །གནས་ལ་བརྟེན་པའི་བདུད་ཀྱི་
གནས་རྣམས་འདར་རོ། །འབར་ཀུན་དུ་འབར་ཏེ་གནས་དང་བཅས་པར་བསྲེག་གོ། དེ་ནས་འཁོར་དེའི་ནང་གི་ལྷ་དང་། ཀླུ་རྣམས་བཅོམ་ལྡན་འདས་ཀྱི་སྟེང་རོལ་ནས་བཅོམ་ལྡན་འདས་ལ་མཆོད་པ་བྱ་བའི་ཕྱིར་མེ་ཏོག་
སྣ་ཚོགས་འཐོར་རོ། །ལྷ་རྫས་ཀྱི་རྒྱན་སྤུད་པ་སྣ་ཚོགས་དང་། ཆོས་གོས་ཀྱི་ཆར་པ་འབེབས་སོ། །མཆོད་པའི་ལས་བྱེད་ཅིང་ཙན་དན་གྱི་ཆུའི་ཆར་པས་ས་ལ་ཆག་ཆག་འདེབས་སོ། །ལྷ་རྫས་ཀྱི་གསེར་དང་། དངུལ་གྱི་མེ་
ཏོག་དང་། རིན་པོ་ཆེ་སྣ་བདུན་རྣམ་པ་སྣ་ཚོགས་ཀྱི་ཆར་པས་བཅོམ་ལྡན་འདས་ལ་མཆོད་པ་བྱེད་དོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ཕྱག་ན་རྡོ་རྗེ་ལུས་འབར་ཞིང་རྡོ་རྗེ་གསོར་ཏེ། ཤིན་དུ་འགྱིང་བག་ཏུ་སེང་གེའི་འགྲོས་

99-1-259b

ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ག་ལ་བ་དེ་ལོགས་སུ་སོང་སྟེ་ཉེ་བར་ཕྱིན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཅོམ་ལྡན་འདས་སྤྱན་རས་གཟིགས་
དབང་ཕྱུག་གི་ཞབས་ལ་མགོ་བོས་ཕྱག་འཚལ་ནས། ཟླ་བ་ཡིད་དུ་འོངས་པ་དྲི་མ་མེད་པའི་མེ་ཏོག་གི་རིན་པོ་ཆེ་སྣ་ཚོགས་ཀྱིས་སྤྲས་པའི་ཕྲེང་བ་བཅོམ་ལྡན་འདས་ཕྱག་ན་པད་མ་ལ་ཕུལ་ཏེ། ཟླ་བ་ཡིད་དུ་འོང་བ་དྲི་མ་མེད་པའི་
མེ་ཏོག་གི་ཕྲེང་བ་རིན་པོ་ཆེ་སྣ་ཚོགས་ཀྱིས་སྤྲས་པ་འདི་དབུ་ལ་ལོངས་སྤྱོད་པའི་ཕྱིར་དང་། བདག་ལ་ཐུགས་བརྩེ་བའི་སླད་དུ་ཐུགས་རྗེ་ཆེན་པོ་བཞེས་སུ་གསོལ། གང་གིས་བདག་ཡུན་རིང་པོར་ཕན་པ་དང་། བདེ་བར་འགྱུར་
ལགས་སོ། །ཁྲོ་བོ་ཆེན་པོའི་ཡང་ཆེན་པོ་བཤད་ཅིང་གང་དྲན་པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ། །གང་དག་བདུད་མ་རུངས་པ་དང་། གང་དག་ཀླུ་མ་རུངས་པ་དང་། 
གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་མ་རུངས་པ་དང་། ལོག་འདྲེན་མ་རུངས་པ་རྣམས་ཁྱིམ་དང་བཅས་ཏེ། ལུས་ཀུན་དུ་ཚིག་ཅིང་རབ་ཏུ་འབར་ནས་ཁ་བུབ་ཏུ་འགྱེལ་ཅིང་སྲེག་གོ། ཤི་ལ་ཐུག་པ་དང་སྲོག་སྐམས་པར་
འགྱུར་བའི་དོན་ཡོད་པའི་ལྕགས་ཀྱུ་ཁྲོ་བོའི་རྒྱལ་པོ་ནི་དུས་ཐམས་ཅད་དུ་མགོའི་སྤྱི་བོར་བླང་བར་བགྱིའོ། །བཅང་ངོ་། །བསྒོམ་མོ། །མཆོད་དོ། །རྒྱས་པར་བགྱིའོ། །རིག་སྔགས་འཆང་གང་གི་ལག་ན་ཁྲོ་བོའི་རྒྱལ་པོ་འཆང་བར་འགྱུར་བ་དང་། 
རིགས་ཀྱི་བུ་དང་། རིགས་ཀྱི་བུ་མོ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་ཀྱི་ལག་ན་ཐོགས་པ་འམ། ལུས་ལ་ཐོགས་པ་
འམ། ལྟ་བ་འམ། དྲི་བ་འམ། ཐ་ན་ཁྲོ་བོའི་རྒྱལ་པོ་ཉན་པ་ཙམ་དེ་ཡང་བཅོམ་ལྡན་འདས་བདག་གིས་ཁུར་དུ་བསྐུར་བར་བགྱིའོ། །སྤྱི་བོས་བླང་བར་བགྱིའོ། །བསྲུང་བར་བགྱིའོ། །ཡོངས་སུ་བསྐྱང་བར་བགྱིའོ། །བསམ་པ་དང་། ཡིད་

99-1-260a

ལ་རེ་བ་ཐམས་ཅད་ཡོངས་སུ་རྫོགས་པར་བགྱིའོ། །གྲུབ་པ་ཆེན་པོའི་ཆེན་པོ་རྗེས་སུ་སྩལ་བར་བགྱིའོ། །གནོད་སྦྱིན་དང་། སྲིན་པོ་དང་། བགེགས་དང་། ལོག་འདྲེན་མ་རུངས་པ་ཐམས་ཅད་སོ་སོར་བསལ་བར་བགྱིའོ། །
རྟག་ཏུ་རྗེས་སུ་འབྲང་ཞིང་བསྲུང་བ་དང་། བསྐྱབ་པ་དང་། སྦ་བར་བགྱིའོ། །རྟག་ཏུ་དུས་ཐམས་ཅད་དུ་མཐོང་བ་རྗེས་སུ་སྩལ་བར་བགྱིའོ། །རྟག་ཏུ་རྒྱུན་མི་འཆད་པར་ཡོ་བྱད་ཐམས་ཅད་ཀྱིས་མི་བྲེལ་ཅིང་ཕུན་སུམ་ཚོགས་པར་
ཡོངས་སུ་བསྐྱང་བར་བགྱིའོ། །ལུས་ལ་སྟོབས་དང་། བརྩོན་འགྲུས་དང་། གཟི་བརྗིད་བསྐྱེད་ཅིང་བསོད་ནམས་དང་། ཡེ་ཤེས་ཀྱི་གྲོགས་བགྱིའོ། །དགྲ་ཐམས་ཅད་སོ་སོར་བསལ་བར་བགྱིའོ། །ནོར་དང་། འབྲུ་དང་། བཟའ་བ་དང་། 
བཏུང་བ་དང་། གོས་དང་། སྤུད་པ་དང་། རྒྱན་རྗེས་སུ་སྩལ་བར་བགྱིའོ། །བུ་གཅིག་པ་འདྲ་བར་རྗེས་སུ་བསྐྱང་བར་བགྱིའོ། །དད་པ་དང་། གུས་པས་དུས་ཀུན་དུ་མཆོག་ཏུ་མོས་པར་བགྱིའོ། །དེ་ནས་བྱང་ཆུབ་སེམས་དཔའ་སེམས་དཔའ་
ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་ཁྱོད་ཀྱིས་ཁས་བླངས་པ་མཆོག་ཏུ་བཟང་པོ་བྱས་པ་འདི་ལེགས་སོ་ལེགས་སོ་ཞེས་སྨྲས་ཏེ། ལག་པ་གཡས་པ་
བརྐྱང་ནས་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་གི་ཕྲེང་བ་རིན་པོ་ཆེ་སྣ་ཚོགས་ཀྱིས་སྤྲས་པ་བླངས་ཏེ། ལག་ན་རྡོ་རྗེ་ལ་རྗེས་སུ་བརྩེ་བའི་ཕྱིར་དང་། དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་ལོངས་སྤྱོད་པའི་ཕྱིར་དང་། དཀྱིལ་འཁོར་ན་
གནས་པའི་ལྷ་ཐམས་ཅད་ཀྱིས་ཡོངས་སུ་ལོངས་སྤྱད་པའི་ཕྱིར་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་ཐམས་ཅད་དཀྱིལ་འཁོར་གང་ཡིན་པ་འདིར་
འདུག་ཅིང་དམ་ཚིག་ལ་གནས་པ་རྣམས་ཡོངས་སུ་ལོངས་སྤྱད་པའི་ཕྱིར་ཇི་ལྟ་བ་བཞིན་དུ་འདུག་སྟེ། དེ་བཞིན་གཤེགས་པའི་དབུའི་གོང་དུ་གཏོར་རོ། །དེ་ནས་ཕྲེང་བ་དེ་ནམ་མཁའ་དེ་ལ་གཏོར་མ་ཐག་ཏུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་

99-1-260b

དབུའི་སྟེང་དུ་ཟླ་བ་ཡིད་དུ་འོང་བ། དྲི་མ་མེད་པའི་མེ་ཏོག་དེ་ཁང་བུ་བརྩེགས་པ། རིན་པོ་ཆེ་སྣ་ཚོགས་ཀྱིས་སྤྲས་པ། འོད་འཚེར་བ། ཀ་བ་བཞི་དང་། སྒོ་བཞི་ལེགས་པར་རྣམ་པར་འབྱེས་པ། གྲུ་བཞི་ལྷམ་པ། ཆུ་ཞེང་ཤིན་དུ་རྒྱ་ཆེ་བ། ཤིན་དུ་ནང་
ཡངས་པ། མེ་ཏོག་ཀ་ད་ལྱ་དག་གིས་མཛེས་པ། གཞལ་མེད་ཁང་སྣ་ཚོགས་ཡོངསུ་གྱུར་ཏེ་གནས་སོ། །དེ་དག་བྱང་ཆུབ་སེམས་དཔའི་དབུའི་སྟེང་ཐད་ཀར་ཡང་དེ་བཞིན་དུ་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་རིན་པོ་ཆེ་སྣ་ཚོགས་ཀྱིས་སྤྲས་པའི་ཁང་
བུ་རྩེགས་པའི་གཞལ་མེད་ཁང་དུ་ཤིན་དུ་གནས་སོ། །དེ་ལག་ན་རྡོ་རྗེ་དབུའི་སྟེང་གི་ཐད་ཀར་ཡང་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་ཁང་བུ་རྩེགས་པར་ཤིན་དུ་གནས་སོ། །དེ་འཕགས་པ་སྤྱན་རས་གཟིགས་དབང་ཕྱུག་གི་སྟེང་ཐོག་ཐག་ཏུ་
ཡང་ཟླ་བ་ཡིད་དུ་འོང་བའི་དྲི་མ་མེད་པའི་མེ་ཏོག་ཁང་བུ་བརྩེགས་པ་ནོར་བུ་རིན་པོ་ཆེ་ཆེན་པོ་ལྷའི་བུ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་རྣམས་ལག་ན་རྔ་ཡབ་ཐོགས་ནས་གཡོབ་ཅིང་འདུག་གོ། དེ་དག་ཀྱང་འཁོར་འདུས་པ་ཆེན་པོ་
མང་པོས་ཡོངས་སུ་བསྐོར་ཅིང་མདུན་དུ་བྱས་སོ། །དཀྱིལ་འཁོར་གྱི་རིག་པའི་རྒྱལ་པོའི་ལྷ་དེ་དག་ཐམས་ཅད་ཀྱང་ནམ་མཁའ་ལ་ཟླ་བ་ཡིད་དུ་འོང་བ་དྲི་མ་མེད་པའི་མེ་ཏོག་ཁང་བུ་རྩེགས་པའི་ཕྲེང་བ་རིན་པོ་ཆེ་སྣ་ཚོགས་ཀྱིས་སྤྲས་པ་
ཁང་བུ་རྩེགས་པའི་ནང་ན་འཁོད་པ་ནི་ཉི་མ་དང་ཟླ་བ་སྤ་བ་བཞིན་དང་། ནམ་མཁའ་ལ་ཟླ་བ་ཉ་བ་ནི་རྒྱུ་སྐར་དང་། སྐར་མའི་ཚོགས་ཀྱིས་ཡོངས་སུ་བསྐོར་བ་སྤ་བ་བཞིན་དུ་སྤ་བར་གནས་སོ། །མེ་ཏོག་དེ་དག་གི་ནང་ན་ལྷ་རྫས་ཀྱི་ཟླ་བ་ཡིད་དུ་
འོང་བ་དྲི་མ་མེད་པའི་མེ་ཏོག་སྣ་ཚོགས་དང་། ལྷ་རྫས་ཀྱི་པད་མ་དང་། ཀུ་མུ་ཏ་དང་། པུན་ད་རི་ཀ་དང་། མན་དཱ་ར་བ་དང་། མ་ཧཱ་མན་དཱ་ར་བ་དང་། མེ་ཏོག་རོ་ཙ་དང་། མ་ཧཱ་རོ་ཙ་དང་། མེ་ཏོག་ས་ལ་དང་། ཏཱ་ལ་ག་དང་། མེ་ཏོག་ཏ་
མ་ལ་དང་། ཙམ་པ་ཀ་དང་། མེ་ཏོག་ཨ་དྷི་མུ་ཀ་ཏ་དང་། མེ་ཏོག་ཨ་ཤོ་ཀ་དང་། མེ་ཏོག་པ་ཏ་ལ་དང་། མེ་ཏོག་ནཱི་ལ་དང་། མ་ཧཱ་ནཱི་ལ་དང་། མེ་ཏོག་གན་དྷ་བཪྵ་ཀ་དང་། མེ་ཏོག་སུ་མ་ན་དང་། ཏ་རན་དང་། ཀུ་ཡ་ཀའི་མེ་ཏོག་

99-1-261a

གི་ཆར་གྱི་རྒྱུན་ཕབ་བོ། །བཅོམ་ལྡན་འདས་ལ་མཆོད་པ་དང་། དཀྱིལ་འཁོར་ཆེན་པོ་ལ་མཆོད་པའི་ཕྱིར་དང་། ལྷ་རྫས་ཀྱི་ཆོས་གོས་སྤུད་པ་དང་རྒྱན་སྣ་ཚོགས་ཀྱི་ཆར་ཇི་སྲིད་དུ་ཆར་འབབ་ཅིང་ཕྱོགས་བཅུའི་དེ་བཞིན་
གཤེགས་པ་ཐམས་ཅད་ལ་མཆོད་དོ། །དེ་ལྟར་ན་ཆོ་འཕྲུལ་ཆེ་བའི་ཆེ་བ་དག་སྣང་ངོ་། །རོལ་མོའི་སྒྲ་ཡན་ལག་ལྔ་པ་དག་ཀྱང་མ་བརྡུངས་པར་ནམ་མཁའ་ལ་སྒྲ་འབྱུང་ངོ་།། །།འཕགས་པ་དོན་ཡོད་པའི་ཞགས་པའི་
སྙིང་པོའི་ཆོ་ག་ཞིབ་མོའི་རྒྱལ་པོ། བམ་པོ་ཉི་ཤུ་བཞི་པ། དེ་ནས་དེ་བཞིན་གཤེགས་པ་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་
ཕྱུག་ལ་ལེགས་སོ་ཞེས་བྱ་བ་བྱིན་ཏེ། སེམས་ཅན་དག་པ་ཆེན་པོ་མཆོག་ཏུ་དཀོན་པའི་ཁྲོ་བོའི་རྒྱལ་པོ་འདི་སྨྲས་ཏེ། རིག་སྔགས་འཆང་ཐམས་ཅད་མཆོག་ཏུ་གྲུབ་པར་བྱ་བའི་ཕྱིར་མ་རུངས་པ་ཐམས་ཅད་འཇོམས་པ། 
སྡིག་པ་ཐམས་ཅད་སྲེག་པ་བཤད་པ་ལེགས་སོ་ལེགས་སོ། །འདི་ནི་ཕྱི་མའི་དུས་ན་རིག་སྔགས་འཆང་བ་རྣམས་ཀྱིས་ལན་ཅིག་དྲན་པ་ཙམ་གྱིས་དགོས་པ་ཐམས་ཅད་བྱེད་པར་འགྱུར། ཡིད་ལ་རེ་བ་ཐམས་ཅད་ཡོངས་སུ་
རྫོགས་པར་འགྱུར། འཕགས་པ་སྤྱན་རས་གཟིགས་དབང་ཕྱུག་མཐོང་བའི་སྦྱིན་པར་འགྱུར། གནས་ཐམས་ཅད་གཏོགས་པའི་གྲུབ་པར་ཆེན་པོ་རབ་ཏུ་སྟོན་པར་འགྱུར། རིག་སྔགས་འཆང་བ་རྣམས་ཀྱིས་ཡངས་ཤིང་རྒྱ་ཆེ་
བའི་ཆེན་པོ་ཐམས་ཅད་བྱེད་པར་འགྱུར། ཕྱི་མའི་ཚེ་ཕྱི་མའི་དུས་ན་འདི་ནི་འཇིག་རྟེན་ལས་འདས་པ་གཅིག་པོ་མཆོག་འགྲུབ་པར་འགྱུར་ཏེ། ལས་གྲུབ་པ་ཡང་དག་པར་གྲུབ་པའི་ཕྱིར་རོ། །དེ་ནས་ཁྲོས་པའི་གད་རྒྱངས་སྤྱི་གཙུག་
འབར་བ་ཞེས་བྱ་བའི་གནོད་སྦྱིན་གྱི་སྡེ་དཔོན་ཆེན་པོ་གནོད་སྦྱིན་ཆེན་པོ་སྟོང་ཕྲག་བརྒྱའི་བདག་པོ་སྟོབས་ཆེ་བ། བརྟན་ཞིང་ཕ་རོལ་གནོན་པ་ཆེན་པོ་གང་གིས་ལག་མཐིལ་གཅིག་གིས་རིའི་རྒྱལ་པོ་ལྷུན་པོ་ཆེན་པོ་འགུལ་བར་བྱེད་པ་

99-1-261b

ལྷའི་གནས་གཞལ་མེད་ཁང་དང་བཅས་ཏེ། རྒྱ་མཚོ་ཆེན་པོ་ན་གནས་ཏེ། འཁོར་བྱེ་བ་ཕལ་པོ་ཆེ་དང་ལྡན་པ། དྲག་པོ་གཟི་བརྗིད་དྲག་པོ་སྟོབས་ཆེ་བ། ཕ་རོལ་གྱི་དཔུང་འཇོམས་པར་བྱེད་པ་དེ་སྟན་ལས་ལངས་ནས། བཅོམ་
ལྡན་འདས་ག་ལ་བ་དེ་ལོགས་སུ་སོང་སྟེ་ཉེ་བར་ཕྱིན་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་ཞབས་ལ་བཏུད་དེ་འདི་
སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཁྲོ་བོའི་རྒྱལ་པོ་ཆེན་པོའི་གཟུངས་རིག་སྔགས་ཀྱི་རྒྱལ་པོ་ཤིན་དུ་མི་བཟད་པའི་གསང་
སྔགས་བཤད་པས་ནི་བཅོམ་ལྡན་འདས་གཞལ་མེད་ཁང་དང་བཅས་པ་བསྲེགས་སོ། །གནོད་སྦྱིན་དུ་མ་སྟོང་ཕྲག་བྱེ་བ་ཁྲག་ཁྲིག་འཁོར་དང་བཅས་པ་འབར་བ་གཅིག་ཏུ་གྱུར་ཏེ་བསྲེགས་སོ། །བཅོམ་ལྡན་འདས་བདག་ནི་ཞིགས་ཏེ་
ཚིག་ཅིང་ཞུ་བར་གྱུར་ཏོ། །བཅོམ་ལྡན་འདས་དེ་ལ་བདག་གིས་ཇི་ལྟར་བསྒྲུབ་པར་བགྱི། བདག་ལ་སྐྱོབ་པ་སུ་ལགས། དཔུང་གཉེན་དུ་འགྱུར་བ་སུ་ལགས། བཅོམ་ལྡན་འདས་བདག་ནི་སྲོག་རྣམ་པར་ཞིག་གོ། དུས་ཀྱི་ཞགས་པས་
བཅིངས་སོ། །བཅོམ་ལྡན་འདས་བདག་ལ་ཕན་གདགས་སུ་གསོལ། བདེ་བར་གཤེགས་པ་བདག་ལ་བསྐྱབ་ཏུ་གསོལ། དེ་ནས་དེ་བཞིན་གཤེགས་པ་བཅོམ་ལྡན་འདས་ཤཱཀྱ་ཐུབ་པས་ཁྲོས་པའི་གད་རྒྱངས་སྤྱི་གཙུག་འབར་བ་གནོད་སྦྱིན་
གྱི་སྡེ་དཔོན་ཆེན་པོ་ལ་འདི་སྐད་ཅེས་བཀའ་སྩལ་ཏོ། །གནོད་སྦྱིན་གྱི་སྡེ་དཔོན་ཆེན་པོ་ཁྱོད་མ་འཇིགས་པར་ཁྲོ་བོའི་རྒྱལ་པོ་ལྕགས་ཀྱུའི་དཀྱིལ་འཁོར་གྱི་རྗེས་སུ་སོང་ཤིག །བྱང་ཆུབ་སེམས་དཔའ་སེམས་དཔའ་ཆེན་པོ་
འཕགས་པ་སྤྱན་རས་གཟིགས་དབང་ཕྱུག་ལ་སྐྱབས་སུ་ཉེ་བར་སོང་ཤིག །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་འདི་ནི་ཁྱོད་ཀྱི་སྐྱབས་དང་། དཔུང་གཉེན་དང་། སྐྱོབ་པ་དང་། 

99-1-262a

རྟེན་དུ་འགྱུར་ཏེ། གང་གིས་འཁོར་གྱི་ཚོགས་དང་བཅས་པའི་གནོད་སྦྱིན་སྟོང་ཕྲག་བརྒྱའི་སྲོག་དང་བྲལ་བར་མི་འགྱུར་བ་ཡིན་ནོ། །ཀྱེ་གནོད་སྦྱིན་ཆེན་པོ་མྱུར་བ་མྱུར་བར་སོང་སྟེ་སྐྱབས་སུ་འགྲོ་བར་བྱོས་ཤིག །དེ་ནས་ཁྲོས་པའི་
གད་རྒྱངས་གཙུག་ཕུད་འབར་བའི་གནོད་སྦྱིན་གྱི་སྡེ་དཔོན་ཆེན་པོ་བཅོམ་ལྡན་འདས་ཀྱིས་དབུགས་ཕྱུང་བ་རྟོགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ག་ལ་བ་དེ་ལོགས་སུ་སོང་
སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ངུ་ཞིང་བརྒྱལ་ནས་ལག་པ་བརྐྱང་སྟེ་ཞབས་ལ་བཏུད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་བསྐྱབ་ཏུ་གསོལ། 
ཐུགས་རྗེ་ཆེན་པོ་བདག་བསྐྱབ་ཏུ་གསོལ། བདག་ལ་སྲོག་སྩལ་བར་མཛད་དུ་གསོལ། བཅོམ་ལྡན་འདས་བདག་ནི་བསྲེགས་ཤིང་གཅིག་ཏུ་འབར་བར་གྱུར་ཏོ། །བཅོམ་ལྡན་འདས་གནོད་སྦྱིན་དུ་མ་སྟོང་ཕྲག་བརྒྱ་བྱེ་བ་འཁོར་དང་
བཅས་པ་སྲོག་དང་འབྲལ་བར་འགྱུར་རོ། །ཤེས་པ་ནི་སྟོར། སྟོབས་དང་བརྩོན་འགྲུས་སྤྲོ་བར་བྱེད་པ་ནི་ཉམས་ན། བཅོམ་ལྡན་འདས་བདག་གི་ལུས་སུ་ཞིག་གསོ་བར་བགྱིད། བྱང་ཆུབ་སེམས་དཔའ་སྤྱན་རས་གཟིགས་
དབང་ཕྱུག་གིས་ཁྲོས་པའི་གད་རྒྱངས་སྤྱི་གཙུག་འབར་བའི་གནོད་སྦྱིན་གྱི་སྡེ་དཔོན་ཆེན་པོ་ལ་འདི་སྐད་ཅེས་བཀའ་སྩལ་ཏོ། །ཀྱེ་གནོད་སྦྱིན་གྱི་སྡེ་དཔོན་ཆེན་པོ་ཉོན་ཅིག །ང་ཇི་སྲིད་སྟོན་གྱི་བར་དུ་ཡུད་ཙམ་ཞིག་སྡོད་ཅིག །
གནོད་སྦྱིན་གྱི་བདག་པོ་ཁྱོད་ཀྱིས་འཛམ་བུའི་གླིང་གི་སེམས་ཅན་མང་པོ་ལ་རྣམ་པར་གཙེ་བར་བྱས། ཁྱོད་ཀྱིས་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་མང་པོ་ནི་ཟོས་ན་ཁྱོད་ཀྱིས་འཕགས་པའི་སྤྱན་མང་པོ་ནི་
ཉམས་པར་བྱས། ཁྱོད་ཀྱིས་རིག་སྔགས་དང་། དཀྱིལ་འཁོར་དང་། ཆོ་ག་ཞིབ་མོ་མང་པོའི་བར་ཆད་ནི་བྱས། གྲུབ་པ་རྣམས་ནི་མེད་པར་བྱས། མ་གྲུབ་པ་རྣམས་ཀྱང་མེད་པར་བྱས། སྐལ་བ་ཅན་མང་པོ་ནི་མེད་པར་བྱས། 
99-1-262b

སྐལ་བ་མེད་པ་ནི་ཡོད་པར་བྱས། མི་འཚེ་བ་དང་། སྲོག་དང་ལོངས་སྤྱོད་ཀྱི་བདེ་བ་ནི་མེད་པར་བྱས། འཚེ་བ་དང་སྲོག་རྣམ་པར་འཇིག་པ་ནི་འཕེལ་བར་བྱས། ཁྱོད་ཀྱིས་ལེགས་པར་བཤད་པ་ནི་ཡོངས་སུ་བོར། ཁྱོད་
ཀྱིས་ཉེས་པར་བཤད་པ་དང་། སེར་སྣ་ནི་མང་དུ་བྱས། རིག་སྔགས་འཆང་ཐམས་ཅད་དང་། སེམས་ཅན་ཐམས་ཅད་ལ་ཁྱོད་ནག་པོ་དང་། རྣམ་པར་འཇིག་པར་རབ་ཏུ་གནས། ཁྱོད་ཀྱིས་ངན་སེམས་ཐམས་ཅད་ནི་སྤེལ། 
ཁྱོད་ཀྱིས་དགེ་བའི་རྩ་བ་རྣམས་ནི་ནུབ་པར་བྱས། ལྷ་དང་བཅས་པའི་འཇིག་རྟེན་ན་ཁྱོད་ཤིན་དུ་མི་བཟད་པ་སྡིག་པ་ཅན་ཡིན། གཤིན་རྗེའི་གནས་དང་བཅས། བདུད་དང་བཅས། ཚངས་པ་དང་བཅས་པའི་ནང་ན་ཁྱོད་གཅིག་པུ་
ངན་སེམས་ཅན་བར་ཆད་བྱེད་པར་སྐྱེས་པ་ཡིན་ཏེ། རྒྱུ་དེས་ན་གནས་སྐབས་འདི་འདྲ་བ་ཐོབ་པ་ཡིན་པས་ཀྱེ་གནོད་སྦྱིན་གྱི་བདག་པོ་དམ་ཚིག་དང་། བསླབ་པ་དང་། སྡོམ་པ་ཁས་བླང་བ་དང་། དགེ་བའི་ཆོས་བྱོས་ཤིག །འོན་
ཏང་ཁོ་བོ་ཁྱོད་ཀྱི་སྐྱབས་དང་། དཔུང་གཉེན་དུ་འགྱུར་བར་བྱའོ། །ཁྱོད་སྡུག་བསྔལ་བས་ཉམས་ཐག་པ་དང་། བཅིངས་པ་མི་བཟད་པ་དང་། མེ་འབར་བ་མི་བཟད་པའི་འཇིགས་པ་ལས་ངས་ཡོངས་སུ་ཐར་བར་བྱའོ། །
མཐོ་རིས་ཀྱི་ལམ་དུ་འཇུག་པར་བྱའོ། །དེ་ནས་ཁྲོས་པའི་གད་རྒྱངས་སྤྱི་གཙུག་འབར་བ་གནོད་སྦྱིན་གྱི་སྡེ་དཔོན་ཆེན་པོ་འཁོར་གནོད་སྦྱིན་བྱེ་བ་ཁྲག་ཁྲིག་བརྒྱ་སྟོང་དུ་མས་བྱང་ཆུབ་སེམས་དཔའ་སེམས་དཔའ་ཆེན་པོ་
འཕགས་པ་སྤྱན་རས་གཟིགས་དབང་ཕྱུག་གི་ཞབས་གཉིས་ལ་བཏུད་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེང་
སླན་ཆད་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཁྱོད་ཀྱི་བཀའ་ལུང་བཞིན་བགྱིས་ཏེ་དམ་ཚིག་ལ་གནས་པར་བགྱིའོ། །ཆོས་ཀྱི་རྗེས་སུ་སེམས་པ་དང་། དཀོན་མཆོག་གསུམ་ལ་

99-1-263a

སྐྱབས་སུ་མཆིས་པ་ལ་གནས་པར་བགྱིའོ། །ཁྲོ་བོའི་རྒྱལ་པོ་འདི་དང་། རིག་སྔགས་ཀྱི་རྒྱལ་པོ་ལྕགས་ཀྱུའི་གཟུངས་དང་། ཆོ་ག་ཞིབ་མོ་དང་། གང་ཡང་རིགས་ཀྱི་བུ་དང་། རིགས་ཀྱི་བུ་མོ་དང་། དགེ་སློང་དང་། དགེ་སློང་
མ་དང་། དགེ་བསྙེན་དང་། དགེ་བསྙེན་མ་རྣམས་ཡོངས་སུ་བསྐྱང་བར་བགྱིའོ། །དོན་ཡོད་པའི་ལྕགས་ཀྱུའི་གཟུངས་རིག་སྔགས་ཀྱི་རྒྱལ་པོ་འདི་འཆང་བ་དང་། ཀློག་པ་དང་། འདོན་པ་དང་། བཟླས་བརྗོད་ཀྱི་ཆོ་ག་ཀུན་སྤྱོད་
པ་དེ་ལ་ནི་བདག་གནོད་སྦྱིན་བརྒྱ་སྟོང་དུ་མ་རྣམས་ཀྱིས་འོག་དང་། བླ་དང་། ཕྱོགས་བཞི་ཀུན་དུ་བསོད་ནམས་སུ་དམིགས་ཏེ། བསྲུང་བ་དང་། སྦ་བ་དང་། བསྐྱབ་པར་བགྱིའོ། །ཡོངས་སུ་བསྐྱང་བར་བགྱིའོ། །ལུས་ལ་སྟོབས་
དང་། སྤྲོ་བ་དང་། གཟི་བྱིན་མང་དུ་བསྐྱེད་པར་བགྱིའོ། །དེའི་ཡུལ་ཕྱོགས་སུ་འཐབ་པ་དང་། རྩོད་པ་དང་། འགྱེད་པ་དང་། མཚང་འབྲུ་བ་དང་། མ་ལེགས་པ་དང་། ལོ་ཉེས་དང་། མི་ངས་དང་། རིམས་དང་། གནོད་པ་དང་། འཁྲུག་པ་དང་། 
ཉམས་ཐག་པར་བྱེད་པའི་གདོན་དང་བཅས་པ་དང་། ནད་དང་། གཅོང་དང་། ཉོན་མོངས་པ་དང་། སྒྲིབ་པ་ཐམས་ཅད་རབ་ཏུ་ཞི་བར་བགྱིའོ། །རབ་ཏུ་བསལ་བར་བགྱིའོ། །རྐུན་པོ་དང་། ཟོལ་པོ་དང་། མི་རྒོད་དང་། གཅན་གཟན་ཁྲོ་བོའི་
འཇིགས་པ་བསལ་བར་བགྱིའོ། །དུས་མ་ཡིན་པར་འཆི་བའི་འཇིགས་པ་ལས་སོ་སོར་བཟློག་པར་བགྱིའོ། །རྨི་ལམ་ངན་པ་དང་། ལྟས་ངན་པ་དང་། བཀྲ་མི་ཤིས་པ་བྱུང་བ་ཐམས་ཅད་སོ་སོར་བཟློག་པར་བགྱིའོ། །ཆར་ཆེས་པ་དང་། 
ཆར་མི་འབབ་པ་དང་། དུས་མ་ཡིན་པའི་ཆར་དང་། སད་དང་། ཐན་པ་དང་། བྱི་བའི་འཇིགས་པ་རྣམས་སོ་སོར་བསལ་བར་བགྱིའོ། །དབེན་པ་དང་། ཉམས་དགའ་བ་དང་། ལོ་ལེགས་པ་དང་། འབྱོར་པ་སྦྱར་བར་བགྱིའོ། །སེམས་ཅན་
མི་དགེ་བ་སྤྱོད་པ་ལས་བཟློག་པར་བགྱིའོ། །དགེ་བ་ལ་སྦྱོར་བར་བགྱིའོ། །སེམས་ཅན་དགེ་བ་སྤྱོད་པ་རྣམས་ཀྱི་གྲོགས་བདག་འཁོར་དང་བཅས་པར་བགྱིའོ། །ཡང་དག་པར་དད་པས་རྗེས་སུ་བསྒྲུབ་པར་བགྱིའོ། །བུད་མེད་དང་། 

99-1-263b

སྐྱེས་པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། སེམས་ཅན་ཐམས་ཅད་བུ་གཅིག་པ་བཞིན་དུ་ཡོངས་སུ་བསྐྱང་བར་བགྱིའོ། །ཆོས་ལ་ཞུགས་པའི་ཡིད་དང་། ངོ་ཚ་ཤེས་པ་དང་། ཁྲེལ་ཡོད་པས་གནས་པར་བགྱིའོ། །
ཐམས་ཅད་དུ་བདག་མཆི་བར་བགྱིའོ། །ཇི་ལྟར་རང་གི་སྲོག་འདི་ཡོངས་སུ་བསྐྱང་བ་བཞིན་དུ་གཟུངས་དང་། རིག་སྔགས་གྲུབ་པ་འདི་ཡང་ཡོངས་སུ་བསྐྱང་བར་བགྱིའོ། །སྤྱི་བོས་བླང་བར་བགྱིའོ། །ཁུར་དུ་བཀུར་བར་བགྱིའོ། །
སྒྲུབ་པར་འགྲུབ་པ་ཆེན་པོ་སྩལ་བར་བགྱིའོ། །བགེགས་དང་ལོག་འདྲེན་ཐམས་ཅད་དང་། སེམས་ཅན་མ་རུངས་པ་དང་། གནོད་སྦྱིན་ཆད་པས་སོ་སོར་བཟློག་པར་བགྱིའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
འཕགས་པ་སྤྱན་རས་གཟིགས་དབང་ཕྱུག་གིས་ཁྲོ་བོའི་གད་རྒྱངས་སྤྱི་གཙུག་འབར་བ་གནོད་སྦྱིན་གྱི་སྡེ་དཔོན་ཆེན་པོ་ལ་འདི་སྐད་ཅེས་བཀའ་སྩལ་ཏོ། །གནོད་སྦྱིན་གྱི་སྡེ་དཔོན་ཆེན་པོ་ལེགས་སོ་ལེགས་སོ། །ཁྱོད་ཀྱིས་དེ་
བཞིན་དུ་བྱ་བར་རིགས་སོ། །སེམས་ཅན་ཐམས་ཅད་རྗེས་སུ་གཟུང་བ་ཆེན་པོས་གཟུང་བར་བྱའོ། །རིག་སྔགས་འཆང་བ་ལ་བདག་ཉིད་ཀྱིས་བསྲུང་བ་དང་། བཅང་བར་བྱའོ། །དེ་ནས་གནོད་སྦྱིན་གྱི་བདག་པོ་དེ་སྐྱབས་གསུམ་
ལ་གནས་ཤིང་དཀྱིལ་འཁོར་ཆེན་པོའི་དམ་ཚིག་དང་། དེ་བཞིན་གཤེགས་པའི་བསླབ་པའི་ཚིག་འཛིན་པ་ལ་གནས་པར་གྱུར་ཏོ། །རིགས་ཐམས་ཅད་ཀྱི་དམ་ཚིག་དང་ལྡན་པར་གྱུར་ཏོ། །དེ་ནས་དེ་བཞིན་གཤེགས་པ་བཅོམ་ལྡན་འདས་
ཤཱཀྱ་ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །ཡོན་ཏན་གྱི་ཕུང་པོ་མཆོག་ཏུ་བཟང་བ་ལ་གནོད་སྦྱིན་གྱི་བདག་པོ་ཁས་ལེན་དུ་བཅུག་ཅིང་གཞག་པ་
ལེགས་སོ་ལེགས་སོ། །ཁྲོ་བོའི་རྒྱལ་པོའི་ཆོ་ག་ཉེ་བར་སྤྱད་པ་དེ་སྨྲོས་ཤིག །རིག་སྔགས་འཆང་དེ་རྣམས་ཇི་ལྟར་མཆོག་འགྲུབ་པར་འགྱུར་བ་དང་། ལན་ཅིག་དྲན་པ་ཙམ་གྱིས་ཇི་ལྟ་ཇི་ལྟར་མྱུར་བ་མྱུར་བར་ལས་སྒྲུབ་པ་འགྲུབ་པར་

99-1-264a

འགྱུར་བ་དང་། ཇི་ལྟར་དྲན་པ་ཙམ་གྱིས་ཇི་ལྟར་བསམས་པ་དང་། ཡིད་ལ་རེ་བ་འབྱོར་པར་འགྱུར་བ་དང་། དོན་ཡོད་པའི་ལྕགས་ཀྱུའི་ཁྲོ་བོའི་རྒྱལ་པོ་འདི་མྱུར་དུ་འགྲུབ་པར་འགྱུར་བ་དེ་ལྟར་བྱིན་གྱིས་བརླབས་ཀྱིས་བྱིན་
གྱིས་རློབས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག །བཅོམ་ལྡན་འདས་ཀྱིས་བཀའ་ལུང་སྩལ་བ་རྟོགས་ནས་ཉེ་བར་བཤད་པའི་ཆོ་ག་སྨྲས་པ། བཅོམ་ལྡན་འདས་རིག་སྔགས་
འཆང་བ། རིགས་ཀྱི་བུ་འམ། རིགས་ཀྱི་བུ་མོ་འམ། དགེ་བསྙེན་ནམ། དགེ་བསྙེན་མ་གང་ཡིན་པ་འམ། གཞན་དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། བུད་མེད་དང་། སྐྱེས་པ་དང་། 
ཁྱེའུ་དང་། བུ་མོ་རྣམས་ཁྲོ་བོའི་རྒྱལ་པོ་འདི་བསྒྲུབ་པར་འདོད་ན། དེ་ཟླ་བ་ཡར་གྱི་ངོ་ཚེས་བཅྭ་ལྔ་ལ་འབྲས་ཆན་དང་། འོ་མ་ཟ་ཞིང་ནང་པར་སྔར་ལངས་ལ་འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་ཀྱི་སྤྱན་སྔར་སྐྱིལ་
མོ་དཀྲུང་བཅས་ཏེ་འདུག་ནས་མི་སྨྲ་བར་གཎྜི་བརྡུང་བའི་དུས་ལ་བབ་ཀྱི་བར་དུ་འབྲས་ཆན་ཁྱོར་བ་བཀང་སྟེ། གཏོར་མ་བརྒྱ་རྩ་བརྒྱད་དབུལ་བ་བྱས་ན། དེས་ཁྲོ་བོའི་རྒྱལ་པོ་སྒྲུབ་པའི་ཆོ་ག་དེ་དག་འགྲུབ་པར་འགྱུར་ཞིང་མཆོག་ཏུ་
འགྲུབ་པར་འགྱུར་རོ། །དེ་ལྟར་བསྒྲུབས་ནས་དེ་ནས་བཟླས་བརྗོད་གཅིག་དང་། དྲན་པ་གཅིག་གིས་ཐམས་ཅད་དུ་འགྲུབ་པར་བྱས་ན་ཐམས་ཅད་དུ་བྱ་བ་ཐམས་ཅད་མཆོག་ཏུ་འགྲུབ་པར་འགྱུར་རོ། །དེ་ནས་རིག་སྔགས་འཆང་བ་ལས་
བྱེད་པར་འདོད་ཅིང་། དོན་ཡོད་པའི་ཞགས་པའི་སྙིང་པོ་སྒྲུབ་པར་འདོད་ན་ཁྲོ་བོའི་རྒྱལ་པོ་ལན་ཅིག་དྲན་པར་བྱའོ། །དྲན་པ་ཙམ་གྱི་མོད་ལ་བགེགས་དང་། ལོག་འདྲེན་ཐམས་ཅད་སྐྲག་པར་འགྱུར་ཞིང་དཔག་ཚད་ཚུན་ཆད་དུ་རིག་སྔགས་
འཆང་བའི་དྲུང་དུ་འོང་བར་མི་ནུས་ཏེ། རྒྱང་རིང་པོ་རིང་པོ་ན་འདུག་གོ། འདི་ལན་ཅིག་དྲན་པ་ཙམ་གྱིས་བཟླས་བརྗོད་དང་། ཆོ་ག་དང་། སྒྲུབ་པ་བདེ་བར་འགྲུབ་ཅིང་དགོས་པ་སྒྲུབ་པ་ཐམས་ཅད་གྲུབ་པ་བླ་ན་མེད་པ་ཐོབ་པར་འགྱུར་རོ། །

99-1-264b

འཕགས་པ་སྤྱན་རས་གཟིགས་དབང་ཕྱུག་མཆོག་སྦྱིན་པ་མཛད་པར་འགྱུར་རོ། །དཔག་ཚད་ཚུན་ཆད་དུ་འབར་བའི་ལྕགས་ཀྱུ་ཆེན་པོ་འཕགས་དུ་རི་ཆེན་པོ་ཙམ་འབྱུང་བར་འགྱུར་ཏེ། དཔག་ཚད་གསུམ་གྱི་ཚད་ཙམ་དང་། འོག་
ཏུ་གཡང་སར་གྱུར་ཏེ། སུ་ཡང་འོང་མི་ནུས་སོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དང་བཅས་པས་གནས་དེར་འོང་བར་མི་
ནུས་ན། མི་མ་ཡིན་པ་ཕལ་པ་དང་། བགེགས་དང་ལོག་འདྲེན་རྣམས་ཀྱིས་ལྟ་སྨོས་ཀྱང་ཅི་དགོས་ཏེ་གནས་མེད་དོ། །རིག་སྔགས་འཆང་བ་འཇིགས་པ་མེད་པར་ཡང་དགོས་པ་ཐམས་ཅད་གྲུབ་བསྒྲུབ་པར་བྱེད་དོ། །བགེགས་མེད་
པར་ཐམས་ཅད་དུ་སྒྲུབ་པ་འགྲུབ་པ་འཐོབ་པར་འགྱུར་རོ། །དེ་ནས་རིག་སྔགས་འཆང་ལས་ཐམས་ཅད་བྱ་བར་འདོད་ཅིང་གདོན་བསལ་བར་འདོད་ན། གུ་གུལ་དང་། ཡུངས་ཀར་ལ་ལན་ཅིག་བཟླས་བརྗོད་བྱས་ཏེ། གདོན་
ལ་བདུག་པ་སྦྱིན་པར་བྱའོ། །ཡུངས་ཀར་གྱིས་བརྡེག་པར་བྱའོ། །ལན་ཅིག་དྲན་པར་བྱའོ། །ལག་པ་གཡས་པའི་མཛུབ་མོས་ཁྲོས་པས་བསྡིགས་པར་བྱའོ། །བདུག་པ་དང་། བརྡེག་པ་དང་། དྲན་པ་ལྷན་ཅིག་ཏུ་བྱས་ན་མོད་ལ་གདོན་
ཐམས་ཅད་འཇིག་པར་འགྱུར་རོ། །ཇི་སྟེ་ནག་པོ་ཆེན་པོ་རང་ཉིད་དམ། ལྷ་མ་ཡིན་གྱི་དབང་པོ་འམ། སྒྲ་གཅན་ནམ། འཇིགས་བྱེད་ཀྱང་འཇིག་པར་བྱེད་ན། གདོན་གཞན་འོང་བར་ལྟ་ག་ལ་འགྱུར་ཏེ། མོད་ལ་གཅིག་ཏུ་འཇིག་
པར་འགྱུར་རོ། །འབྱུང་པོ་དང་། གདོན་གྱིས་ཡོངས་སུ་ཟིན་པ་ཐམས་ཅད་ལ་དུར་ཁྲོད་ཀྱི་ཐལ་བ་ལ་ལན་ཅིག་བཟླས་བརྗོད་བྱས་ཏེ། སྤྱི་བོར་གཏོར་ཞིང་ལན་ཅིག་དྲན་པར་བྱས་ན། མོད་ལ་འབྱུང་པོ་དང་གདོན་འབྲོས་པར་འགྱུར་རོ། །
ན་ལ་ད་དང་། ཨན་ད་ནི་དྲ་ཀ་པ་ཙ་དང་། གུ་གུལ་དང་། ཧ་ས་དང་། བ་ལ་ཀ་དང་། མ་ཏུ་ལ་དང་། པད་མ་དང་། པུཥྤ་རྣམ་གཉིས་དང་། ར་ཛི་ནི་དང་། ཡུངས་ཀར་དང་། ཤིང་ཀུན་དང་། ན་ར་པད་མ་དང་། བི་ཤ་ར་དང་། ཙན་ཏྲི་ཀ་

99-1-265a

རྣམས་རའི་གཅིན་གྱིས་སྦྲུས་ཏེ། རི་ལུ་ནས་ཀྱི་མཛེལ་མ་ཙམ་བྱས་ཏེ། གྲིབ་མ་ལ་བསྐམས་ལ། ལྕགས་ཀྱུ་ལན་བདུན་བཟླས་པ་བྱས་ནས་ལས་ཐམས་ཅད་ལ་བདུག་པ་མཆོག་གི་རི་ལུ་གཅིག་བདུག་པ་
བྱས་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རི་དང་ནགས་ཚལ་དང་། གཅོང་རོང་དང་བཅས་པ་རྣམས་འགུལ་ལོ། །རྒྱ་མཚོ་ཆེན་པོ་ནི་འཁྲུགས་སོ། །རི་རབ་ཆེན་པོ་ནི་གཡོས་སོ། །སུམ་བཅུ་རྩ་གསུམ་གྱི་གནས་
གཞལ་མེད་ཁང་དང་བཅས་པ་ནི་ཆེར་གཡོས་ཏེ་འགུལ་ལོ། །ལྷ་ཐམས་ཅད་སྐྲག་གོ། ལྷ་མ་ཡིན་ཐམས་ཅད་ངུ་ཞིང་ཕྱོགས་ཕྱོགས་སུ་འབྲོས་སོ། །ས་ནི་གཡོས་སོ། །ཀླུ་གང་དག་རྒྱ་མཚོ་ན་གནས་པ་དང་། གནོད་སྦྱིན་
དང་། སྲིན་པོ་དང་། འབྱུང་པོ་དང་། ཡི་དགས་དང་། བརྗེད་བྱེད་དང་། གསང་བ་པ་དང་། ཚངས་པའི་སྲིན་པོ་དང་། བགེགས་དང་། གདོན་མི་བཟད་པ་གཞན་མ་རུངས་པ་དེ་དག་ཐམས་ཅད་དྲི་ཚོར་བ་ཙམ་གྱིས་རྣམ་པར་ཞིག་
པར་འགྱུར་ཏེ། དོགས་པར་མི་བྱའོ། །ལུས་རྣམ་པར་ཞིག་པར་འགྱུར། བཅོམ་སྟེ་རུས་པ་ལྷགས་པར་འགྱུར། འཆི་བདག་གི་ཞགས་པའི་ཁར་འགྲོ་བར་འགྱུར། དེས་རྣམ་པར་ཞིག་པར་འགྱུར་བ་དེ་ལ་དོགས་པར་མི་
བྱའོ། །དུག་དང་བཅས་པ་ནི་མོད་ལ་དུག་མེད་པར་འགྱུར་རོ། །ཀླུ་འཇོག་པོ་དང་། ནོར་རྒྱས་ཀྱིས་གལ་ཏེ་ཟིན་པ་འམ། སྦྲུལ་གྱིས་ཟིན་པ་ལ་བདུག་པ་དང་། བྱུགས་པ་ཙམ་གྱིས་ཐམས་ཅད་དུ་དུག་མེད་པར་འགྱུར་རོ། །
གང་དག་འཇིག་རྟེན་ན་དུག་སྣ་ཚོགས་མི་བཟད་པ་ཡོད་པ་ལ་བདུག་པའི་དྲི་ཙམ་དང་བསྐུས་པ་དང་། རི་ལུ་ཙམ་གྱི་མོད་ལ་དུག་ཐམས་ཅད་མེད་པར་འགྱུར་ཏེ། ཐེ་ཚོམ་མི་བྱའོ། །འབྲས་དང་། ཕོལ་མིག་དང་། ལུ་ཏ་དང་། 
ཤུ་བ་དང་། ཤ་བཀྲ་དང་། རྐང་ཤུ་དང་། མཛེ་དང་། འབྲུམ་བུ་དང་། ལྷོག་པ་རྣམ་པ་མང་པོ་དང་། ནད་མཆེད་པ་དང་། ལྦ་བའི་ཕྲེང་བ་དང་། ཁོང་འབྲས་དང་། རྐུབ་ན་བ་དང་། སྐྲན་དང་། འཁྲུ་བ་དང་། རྩིབ་

99-1-265b

ལོགས་ན་བ་དང་། སྙིང་ག་ན་བ་དང་། གྲེ་བ་འགགས་པ་དང་། རྣ་བ་ན་བ་དང་། སོ་ན་བ་དང་། མིག་ན་བ་དང་། མགོ་བོ་ན་བ་དང་། གཞོག་ཕྱེད་ན་བ་ལ་རི་ལུས་བསྐུས་པ་ཙམ་དང་། ཆུ་དྲོན་འཐུངས་པ་ཙམ་དང་། 
བདུག་པ་ཙམ་དང་། མནམས་པ་ཙམ་གྱིས་ཐམས་ཅད་དེ་མ་ཐག་ཏུ་རབ་ཏུ་ཞི་བར་འགྱུར་ཏེ། ཐམས་ཅད་ལ་རི་ལུ་དམ་པ་ལན་ཅིག་བཟླས་བརྗོད་བྱས་ཏེ་བྱིན་ན་ཐམས་ཅད་དུ་དགོས་པ་ཐམས་ཅད་བྱེད་པ་བླ་ན་
མེད་པ་ཡིན་ནོ། །ཤིན་དུ་ཆར་ཆེ་བ་དང་། ཆར་མི་འབབ་པ་དང་། དུས་མ་ཡིན་པའི་ཆར་དང་། རླུང་དང་། སེར་བ་དང་། འབྱུང་པོ་དང་། མ་མོའི་གནས་དང་། མཚོ་ཀླུ་དེ་དག་ཐམས་ཅད་དབང་དུ་འགྱུར་རོ། །ཆར་དུས་
སུ་འབེབས་སོ། །ལོ་ཏོག་དང་། འབྲས་བུ་དང་། མེ་ཏོག་ཡོད་པར་འགྱུར་རོ། །ཕྱིས་སེར་བ་མི་འབབ་བོ། །སད་དང་རླུང་དང་ཐན་པ་མི་འབྱུང་ངོ་། །ཕུན་སུམ་ཚོགས་པ་ཐམས་ཅད་གྲུབ་པར་བྱེད་ཅིང་བཀྲ་ཤིས་པ་ཐམས་
ཅད་གྲུབ་པར་བྱེད་དོ། །རིམས་དྲག་པོ་མ་རུངས་པ་ཀུན་དུ་འཇུག་པའི་རིམས་མི་བཟད་པ་དང་། འདས་པ་མི་བཟད་པ་དྲག་པོའི་རིམས་དང་། རིམས་དྲག་པོའི་འཇིགས་པ་ཆེན་པོ་དང་། མེ་འབར་བ་ཤིན་དུ་ཆེ་བ་དང་། 
ཞག་བཞི་པའི་རིམས་མི་བཟད་པ་དང་། གྲང་བའི་རིམས་སྡུག་བསྔལ་ཆེ་བ་དང་། རིམས་གང་དག་འཆི་བའི་ཞགས་པ་འབར་བ། འཁྲུག་པ་དྲག་པོ་མི་བཟད་པ་དང་། ཟློས་པའི་རིམས་གསོ་དཀའ་བ་དང་། ཉིན་
གཅིག་པའི་རིམས་དང་། ཉིན་གཉིས་པའི་རིམས་དང་། ཉིན་གསུམ་པའི་རིམས་དང་། དེ་བཞིན་དུ་རླུང་ལས་གྱུར་པ་དང་། བད་ཀན་ལས་གྱུར་པ་དང་། མཁྲིས་པ་ལས་གྱུར་པ་དང་། མཆིལ་མ་ལས་གྱུར་པའི་རིམས་དང་། 
རིམས་རྙིང་པ་དང་། ཟུག་གཟེར་དང་། གཞང་འབྲུམ་དང་། གཅིན་སྙི་བ་མི་བཟད་པ་དང་། རིམས་ཐམས་ཅད་ལ་བདུག་པ་ཙམ་གྱིས་ཐེ་ཚོམ་མེད་པར་རྣམ་པར་འཇིགས་པར་འགྱུར་རོ། །ནམ་མཁའ་ལྡིང་གི་གདོན་དང་། གང་དག་མི་

99-1-266a

འམ་ཅིའི་གདོན་དང་། ལྟོ་འཕྱེ་ཆེན་པོའི་གདོན་དང་། མི་མ་ཡིན་པའི་གདོན་དང་། གང་དག་གཞན་མིའི་གདོན་ཐམས་ཅད་བདུག་པ་བདུགས་པ་དེས་མོད་ལ་ཐམས་ཅད་རྣམ་པར་བྲལ་བར་འགྱུར་རོ། །ལྕགས་ཀྱུའི་གསང་
སྔགས་དམ་པ་ལན་ཅིག་དྲན་པར་བྱས་ན། སྐེམ་བྱེད་དང་། སྐམས་པ་དང་། རྗེད་བྱེད་དང་། གདོན་ར་ཟ་ཡག་ཤྨཱ་དང་། བདག་ཉིད་ངན་པར་བྱུང་བ་དང་། གྲིབ་གནོན་དང་། འཐབ་པ་དང་། རྩོད་པ་གང་དུ་སྐྱེ་བོ་ཞེ་སྡང་བ་རྣམས་འབྱུང་
བ་དང་། གང་དུ་གནོད་པ་དང་། འཁྲུག་པ་དང་། ཉོན་མོངས་པ་མང་པོ་རྣམས་ལ་ཡིད་དུ་འོང་བ་བདུག་པ་ཙམ་གྱིས་ཐམས་ཅད་ལས་དེ་ཐར་བར་འགྱུར་རོ། །རྒྱལ་པོ་ཁྲོས་པ་དང་། གང་ཞིག་རྐུན་པོ་དང་། མི་རྒོད་ཀྱི་ནང་དུ་སོང་ངམ། 
གཅོང་རོང་བགྲོད་དཀའ་བའི་ནང་དུ་སོང་ངམ། དོག་པ་མི་བཟད་པའི་ནང་དུ་ཆུད་པ་ལ་ལྕགས་ཀྱུ་ལན་ཅིག་དྲན་པ་དང་། བདུག་པ་མཆོག་གིས་བདུགས་ན་ཐམས་ཅད་དུ་རྟག་ཏུ་བདེ་བར་འགྲོ་བ་དང་། གང་དང་གང་དུ་འགྲོ་བ་
ན་བདེ་བར་འགྱུར་རོ། །དེའི་ལུས་ལ་མེས་མི་ཚུགས། ཆུ་ཆེན་པོས་ཁྱེར་བར་མི་འགྱུར་རོ། །ལྕགས་ཀྱུའི་རིག་སྔགས་དྲན་པ་དང་། བདུག་པ་མཆོག་གིས་བདུགས་ན་ཐམས་ཅད་དུ་ཕ་རོལ་དུ་ཕྱིན་པ་དང་བདེ་ཞིང་ལེགས་པ་ཤིན་དུ་
རྒྱས་པར་འགྱུར་རོ། །དེའི་ལུས་ལ་མཚོན་གྱིས་མི་ཚུགས། དུག་གིས་མ་ཡིན། གསང་སྔགས་མཆོག་ཏུ་དྲག་པོས་མ་ཡིན། དེ་ལ་དྲག་པོས་མ་ཡིན། ནད་ཀྱིས་མ་ཡིན། ཉོན་མོངས་པ་དྲག་པོས་མ་ཡིན་ནོ། །གསང་
སྔགས་དྲན་པ་ཙམ་དང་། བདུག་པས་བདག་བདུག་པ་ནི་ཐམས་ཅད་དུ་འཇིགས་པ་ཐམས་ཅད་ལས་ཐར་བར་འགྱུར་ཏེ། འདི་ལ་དོགས་པ་མི་བྱའོ། །དགྲ་དང་ཕྱིར་རྒོལ་བའི་མི་སེམས་ཅན་མ་རུངས་པ་མི་བཟད་པ་རྣམས་དང་། 
འཐབ་མོ་འགྱེད་ཅིང་གཡུལ་འགྱེད་པ་ན་བདག་ཉིད་བདུག་པས་བདུག་ཅིང་རིག་སྔགས་ལན་ཅིག་དྲན་པར་བྱས་ནས་ཐམས་ཅད་དུ་རྒྱལ་བར་འགྱུར་ཏེ། མཐོང་བ་ཙམ་ལ་དོགས་པར་མི་བྱའོ། །གང་ཞིག་རིག་སྔགས་འགྲུབ་པར་མི་

99-1-266b

འགྱུར་བ་དང་། གང་ཞིག་བགེགས་ཀྱིས་ཟིན་ཏེ་ཉམས་པ་དང་། བློ་ཞན་ཅིང་ལེ་ལོ་ཅན་ལ་བདུག་པ་འདི་སྦྱར་བར་བྱ་ཞིང་གསང་སྔགས་ལན་ཅིག་བཟླས་བརྗོད་བྱས་ན་དེས་མཆོག་ཏུ་དཀོན་པ་འགྲུབ་པར་འགྱུར་རོ། །སྐལ་བ་
མེད་པ་བདག་ཉིད་བདུག་པ་དང་། རི་ལུ་མཆོག་གིས་བཀྲུ་བ་དང་། མིག་བསྐུ་བ་དང་། མཆོག་ཐིག་ལེ་བྱས་ན་ཐམས་ཅད་དུ་སྐལ་བ་ཅན་དང་། དགའ་བ་དང་། དབང་ཕྱུག་མཚུངས་པ་མེད་པར་འགྱུར་རོ། །ནོར་དང་འབྲུ་འཕེལ་ཞིང་རྒྱལ་
པོ་དང་འདྲ་བར་འགྱུར་རོ། །ཐམས་ཅད་དུ་སྟོབས་ཐོགས་པ་མེད་པར་འགྱུར་རོ། །ཐམས་ཅད་དུ་མཆོག་གྲུབ་པ་དང་། རྟག་ཏུ་རྒྱུན་མི་འཆད་པར་དུས་ཐམས་ཅད་དུ་གནོད་སྦྱིན་གྱི་སྡེ་དཔོན་ཆེན་པོ་བཞི་བསྲུང་བ་དང་། བསྐྱབ་པ་དང་། 
སྦ་བར་བྱ་བའི་ཕྱིར་ཉིན་མཚན་དུ་རྗེས་སུ་འབྲང་ཞིང་གནས་པར་འགྱུར་རོ། །བསྲུང་བའི་ཕྱིར་རྒྱལ་པོ་ཆེན་པོ་བཞི་དཔུང་འཁོར་དང་བཅས་པ་རིག་སྔགས་ཀྱི་རྗེས་སུ་འབྲེང་བར་འགྱུར་རོ། །བདེ་བ་ཐམས་ཅད་ཀྱིས་ཚིམ་
པར་ཐོབ་པར་འགྱུར་རོ། །གནས་གཅིག་ནས་རི་ལུ་བདུན་བླངས་པ་ལས་ཁྲོ་བོའི་ལྕགས་ཀྱུ་ལན་ཉི་ཤུ་རྩ་གཅིག་བཟླས་བརྗོད་བྱའོ། །དེ་ནས་རིག་སྔགས་འཆང་བ་འམ། གཞན་གང་ཡང་རུང་བ་ནས་དགེ་སྦྱོང་དང་། 
བྲམ་ཟེ་བཀྲེན་པ་སྡུག་ཕོངས་པའི་བུད་མེད་དམ། སྐྱེས་པ་འམ། ཁྱེའུ་འམ། བུ་མོའི་དོན་དུ་རི་ལུ་གཅིག་གིས་ཁྲུས་བྱ། གཅིག་གིས་བདག་བདུག །གཅིག་གིས་གོས་བདུག །གཅིག་ནི་བའི་རྣམ་ལྔ་དང་སྦྱར་ཏེ་བཏུང་
བར་བྱ། གཅིག་ནི་མགོའི་སྤྱི་བོར་གཞག །ཅིག་ནི་དཔུང་པ་གཡས་པར་གདགས། རི་ལུ་གཅིག་ནི་རྐེད་པར་བཏགས་ན་ཐམས་ཅད་དུ་འབྱོར་པ་ཐོབ་པར་འགྱུར་ཞིང་ཐམས་ཅད་དུ་མཆོག་བླ་ན་མེད་པ་འགྲུབ་པར་འགྱུར། 
བསམ་པ་འགྲུབ་པར་འགྱུར། རྒུད་པ་ཐམས་ཅད་རྣམ་པར་ཞིག་པར་འགྱུར་རོ། །རྨ་དང་། ཉམ་ཆུང་བ་དང་། དེ་བཞིན་དུ་ཆག་གྲུགས་དང་། བགེགས་ཀྱིས་ཟིན་པ་དང་། གདོན་ར་ཟ་ཡག་ཤྨཱས་ཟིན་པ་དེ་དག་ཐམས་ཅད་རབ་ཏུ་སྦྱར་བ་

99-1-267a

ཙམ་གྱིས་རྣམ་པར་ཞིག་པར་འགྱུར་ཏེ། དོགས་པར་མི་བྱའོ། །སྒྲིབ་པ་ཐམས་ཅད་རྣམ་པར་ཞིག་པར་འགྱུར་ཏེ། སྔོན་བསགས་པའི་སྒྲིབ་པ་ཐམས་ཅད་མོད་ལ་རྣམ་པར་ཞིག་པར་འགྱུར་ཏེ། གསང་སྔགས་བསྟེན་པ་དང་། གསང་
སྔགས་དྲན་ཅིང་དྲན་པ་དང་། བདུག་པ་མཆོག་གིས་བདུགས་པར་བྱས་པས་དོགས་པར་མི་བྱའོ། །མནར་མེད་པ་དང་། མི་བཟད་པའི་སྡིག་པ་དང་། དུག་དང་། སེམས་ཅན་མ་རུངས་པ་དང་། ལས་ངན་པ་དང་། ཕུང་བ་རྣམས་ཐམས་ཅད་
མོད་ལ་མེད་པར་འགྱུར་རོ། །མེས་ཕྱེ་མ་ལེབ་བཞིན་རྟག་ཏུ་མྱུར་དུ་སྲེག་པར་འགྱུར་རོ། །གསང་སྔགས་ལན་ཅིག་དྲན་པར་བྱ་ཞིང་བདུག་པ་འདིས་བདུག་ན་དུས་མ་ཡིན་པར་འཆི་བ་ཐམས་ཅད་ཞིག་པར་འགྱུར་རོ། །ཐམས་ཅད་དུ་སྦྱར་བ་
ལ་དོགས་པར་མི་བྱའོ། །འཁོར་ལོས་སྦྱར་བ་ཐམས་ཅད་ཀྱི་ཁྲོ་བོའི་ལྕགས་ཀྱུ་སྤྱི་གཙུག་འབར་བ་ཞེས་བྱ་བའི་བདུག་པའི་རྒྱལ་པོས་ཁྱིམ་དང་། སྒོ་ཆེན་པོར་ནམ་ནངས་ཀ་དང་། མུན་སྲོས་ཁར་བདུག་ཅིང་གསང་སྔགས་ལན་
ཅིག་དྲན་པར་བྱས་ན། ཁྱིམ་གྱི་ནང་དེར་གང་དག་མི་སྣང་བར་འདུག་པར་འགྱུར་རོ། །གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། རྗེད་བྱེད་དང་། གྲིབ་གནོན་མ་རུངས་པ་དང་། མི་མ་ཡིན་པ་ཐམས་ཅད་སྣང་བཞིན་དུ་ཕྱིར་
འབྱུང་ཞིང་ངུས་ཏེ། ཀྱི་ཧུད་ཟེར་བའི་སྒྲ་འབྱིན་པར་འགྱུར་རོ། །ཁྱིམ་གང་ཡིན་པ་འགུལ་བ་དང་། ཁྱིམ་དང་རྟ་བབས་རྣམས་འབར་བར་འགྱུར་ཞིང་དམྱལ་བའི་སྲུངས་མ་མི་བཟད་པ་ཐམས་ཅད་ཁྱོགས་བསླད་པར་འགྱུར་རོ། །
གནོད་སྦྱིན་དང་། སྲིན་པོ་དང་། འབྱུང་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། ཀླུ་མཐུ་བོ་ཆེ་ཐམས་ཅད་བདུག་པའི་དྲི་བླ་ན་མེད་པས་སྐྲག་པར་འགྱུར་རོ། །བསམ་
པ་ངན་པ་གང་དག་གནས་པའི་ཁྱིམ་ཐམས་ཅད་འབར་བ་དང་། ལུས་བསྲེགས་པ་དང་། ཕྱོགས་དང་། ཕྱོགས་མཚམས་འཁྲུལ་བ་དང་། བདུག་པའི་རྒྱལ་པོའི་མཐུས་འཇིགས་པ་མི་བཟད་པ་ཐམས་ཅད་རབ་ཏུ་ཞི་

99-1-267b

བར་འགྱུར་རོ། །གཡུལ་འགྱེད་པ་དང་། འཐབ་མོ་དང་། རྩོད་པ་དང་། འཐབ་ཅིང་འགྱེད་པ་ཐམས་ཅད་རབ་ཏུ་ཞི་བར་འགྱུར་ཞིང་རྟག་ཏུ་རྒྱལ་བར་འགྱུར་རོ། །བདེ་ཞིང་ལེགས་པར་རྒྱལ་བ་འགྲུབ་པ་དང་། ཐམས་ཅད་དུ་
དཔལ་ཐོབ་པར་འགྱུར་རོ། །ལྷ་དང་། ལྷ་མ་ཡིན་དང་། དྲི་ཟ་དང་། གནོད་སྦྱིན་དང་། སྲིན་པོ་དང་། ཀླུ་རྣམས་ཀྱིས་བསྲུང་བའི་ཕྱིར་ཉིན་མཚན་དུ་རྗེས་སུ་འབྲང་བར་འགྱུར་རོ། །དེ་བཞིན་དུ་རྗེས་སུ་སྐྱོང་བ་དང་། དུས་ཐམས་ཅད་བླ་ན་
མེད་པའི་གཟི་བྱིན་སྐྱེད་པར་བྱེད་དོ། །ཁྲོ་བོ་ལྕགས་ཀྱུ་བླ་ན་མེད་པ་གྲུབ་པའི་ཐིག་ལེ་བརྗོད་པར་བྱའོ། །ཐིག་ལེ་སྐར་མ་ལྟ་བུ་ནི། །ལྷ་ཡི་ཉི་མ་བཞིན་དུ་དཔའ། །ཉི་མ་བྱེ་བའི་འོད་དང་མཚུངས། །བསོད་ནམས་གཟི་བརྗིད་དག་
གིས་འབར། །མུན་ཁྲོད་སྒྲོན་ཆེན་འོད་བཞིན་དུ། །མུན་པའི་ནང་ན་སྣང་བར་འགྱུར། །ཚོགས་ཀྱི་དཀྱིལ་ན་མཛེས་པ་ནི། །སྐར་མའི་ཚོགས་ལྡན་ཟླ་བ་བཞིན། །བསོད་ནམས་བྱེ་བ་སྟོང་ཕྲག་དང་། །དཔག་མེད་གཞལ་དུ་
མེད་པ་ཡིས། །ལུས་འདི་དག་ནི་བརྒྱན་པར་འགྱུར། །མཁའ་ལ་རིན་ཆེན་མཆོད་སྡོང་ལྟར། །མཚན་དང་དཔེ་བྱད་བཟང་པོས་བརྒྱན། །རི་ལུ་སྟེན་པ་བྱས་ན་ནི། །ལུས་ནི་བསོད་ནམས་ཚོགས་ཀྱིས་བསྐྱེད། །གང་ཞིག་ལུས་ནི་
འབར་བ་དང་། །ཤིན་དུ་བཟང་པོ་ཁོ་ནར་འགྱུར། །འཇིག་རྟེན་མགོན་པོ་དུས་རྟག་ཏུ། །ཕྱག་ནི་སྤྱི་བོར་འཇོག་པར་མཛད། །རྟག་ཏུ་མཆོག་ནི་སྦྱིན་པ་དང་། །ཀུན་དུ་བླ་མེད་གྲུབ་པར་འགྱུར། །ཆོ་ག་ཞིབ་མོ་འགྲུབ་པ་དང་། །
གསང་སྔགས་འགྲུབ་ཅིང་ཕྱག་རྒྱ་དང་། །དཀྱིལ་འཁོར་འགྲུབ་ཅིང་དཀྱིལ་འཁོར་གྱི། །རིམ་པར་ཕྱེ་བ་འགྲུབ་འགྱུར་ཏེ། །ཀུན་དུ་འགྲུབ་པ་བླ་ན་མེད། །འགིའུ་ཝང་དང་། གུར་གུམ་དང་། རུ་ལྟ་ཆ་སྙམས་ཏེ་སྦྱར་
ལ་ཁྲོ་བོའི་ལྕགས་ཀྱུའི་གསང་སྔགས་བརྒྱ་རྩ་བརྒྱད་བཟླས་བརྗོད་བྱས་ལ། ཚངས་པར་སྤྱོད་པ་མཉམ་པར་གཞག་པ། ཁྲུས་ལེགས་པར་བྱས་པ། གོས་གཙང་མ་བགོས་ཤིང་གཙང་མས་ཟླ་བ་ཡར་

99-1-268a

གྱི་ངོ་ཚེས་བཅུ་གསུམ་སྐར་མ་རྒྱལ་ལ་བབ་པའི་ཚེ་ཆུ་གཙང་མ་དང་ཞིབ་ཏུ་བཏགས་ལ་རྒྱ་ཤུག་གི་འབྲུ་ཙམ་བྱས་ཏེ་གྲིབ་མ་ལ་བསྐམས་ལ། གང་གི་ཚེ་དགོས་པ་བརྩོམ་པ་དེའི་ཚེ། ཁྲོ་བོའི་ལྕགས་ཀྱུ་ལན་
ཉི་ཤུ་རྩ་གཉིས་བཟླས་བརྗོད་བྱས་ཏེ་སྨིན་མཚམས་སུ་ཐིག་ལེ་བྱའོ། །སྨིན་མཚམས་སུ་ཐིག་ལེ་བཟང་པོ་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རླབས་ཀྱིས་བརླབས་པ་མཚན་ཉིད་བཞིན་དུ་ཐིག་ལེ་བྱས་ཏེ་
བྱིན་གྱིས་བརླབས་པ་བྱས་པའི་མོད་ལ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་མཚན་ཉིད་རྣམ་པར་མཛེས་པའི་ཐིག་ལེ་དང་མཉམ་པར་མཚུངས་པར་བརྒྱན་པར་འགྱུར་རོ། །ཐམས་ཅད་དུ་མཆོད་པར་བྱ་བ་
དང་། རྟག་ཏུ་བླ་མ་ལ་གུས་པས་དམ་ཚིག་མ་ཉམས་པ་དང་། རྒྱལ་པོ་དང་མཚུངས་པའི་བློན་པོ་དང་། བཙུན་མོའི་ནང་དུ་སོང་ན་ཐམས་ཅད་དགའ་བར་འགྱུར་ཞིང་ཐམས་ཅད་དུ་མཆོད་པར་འོས་པར་འགྱུར་རོ། །སེམས་ཅན་
ཀུན་གུས་པ་དང་། དགའ་བ་ཇི་ལྟར་འཇིག་རྟེན་འདྲེན་པ་ལ་བྱ་བ་བཞིན་བྱེད་དོ། །ནོར་དང་། འབྲུ་དང་། ལྷའི་དཔལ་ཐོབ་པར་འགྱུར་རོ། །ལྷ་ཐམས་ཅད་ཀྱིས་མཆོད་པར་འགྱུར་རོ། །དབང་པོ་དང་། ཚངས་པ་དང་། ཁྱབ་འཇུག་
དང་། དབང་ཕྱུག་ཆེན་པོ་དང་། འཇིག་རྟེན་སྐྱོང་བ་གྲགས་ཆེན་དང་། ཀླུ་རྣམས་ཀྱིས་རྟག་ཏུ་མཆོད་པར་འོས་པ་ཆེན་པོར་འགྱུར་རོ། །གནོད་སྦྱིན་དང་། དྲི་ཟ་དང་། གསང་བ་པ་དང་། ལྷ་མ་ཡིན་དང་། ནམ་མཁའ་
ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་རྟག་ཏུ་མཆོད་པ་ཆེན་པོར་འགྱུར་རོ། །དབང་ཕྱུག་དང་། སྟོབས་དང་། བརྩོན་འགྲུས་དང་། ཚེ་འཕེལ་བར་འགྱུར་རོ། །ནད་མེད་པ་དང་། རིམས་ནད་མེད་པ་དང་། 
སྡིག་པ་ཐམས་ཅད་སྤངས་པ་དང་། སྒྲིབ་པ་ཐམས་ཅད་ལས་རྣམ་པར་གྲོལ་བ་དང་། ཉོན་མོངས་པའི་དྲི་མ་དང་། སྡིག་པ་དང་། དགྲ་ཐམས་ཅད་རབ་ཏུ་འཇོམས་པ་དང་། དམག་གི་གཡུལ་འགྱེད་པའི་ནང་དུ་རྟག་ཏུ་

99-1-268b

ཐམས་ཅད་དུ་རྒྱལ་བར་སྦྱིན་པར་འགྱུར་རོ། །དགྲ་དང་། ཕྱིར་རྒོལ་བ་རྣམས་ལས་གནས་ཐམས་ཅད་དུ་རྟག་ཏུ་ཀུན་དུ་རྒྱལ་བ་ཆེན་པོ་སྦྱིན་པར་འགྱུར་རོ། །ཐིག་ལེ་དེ་ལྟ་བུ་བྱས་ཏེ་ཁྲོ་བོའི་ལྕགས་ཀྱུ་ལན་ཅིག་དྲན་པར་བྱས་
ལ་ཡུངས་ཀར་ལ་ལན་ཅིག་བཟླས་བརྗོད་བྱས་ཏེ་ཕུག་གི་སྒོར་གཏོར་ན་ཕུག་ཐམས་ཅད་སྒོ་གདངས་པར་འགྱུར་རོ། །ཇི་ལྟར་དགའ་བར་འཇུག་པར་འགྱུར་རོ། །ལན་གསུམ་ཞུགས་ཀྱི་བར་དུ་སྒོ་གཏན་འཇུག་པའི་
གནས་སུ་ཁྲོ་བོའི་ལྕགས་ཀྱུ་འབའ་ཞིག་བཟླས་བརྗོད་བྱས་ན་དེའི་ཚེ་ལྷའི་བུ་མོ་རྒྱན་ཐམས་ཅད་ཀྱིས་བརྒྱན་པ་བཟང་ཞིང་མཛེས་པ་བལྟ་བར་འོས་པ་མཆོག་ཏུ་མདོག་སྡུག་ཅིང་འཕྲིག་པ་དང་ལྡན་པ། དཔལ་གྱིས་ཤིན་དུ་དཔའ་
ཞིང་འབར་བ། བཞིན་འཛུམ་པ། ལུས་ངོ་ཚ་ཚ་ལྟར་བྱེད་པ། འགྲོས་འགྱིང་བག་ཏུ་འོང་བར་འགྱུར་ཏེ། སྤྱི་བོ་ཡིད་ཙམ་བཏུད་ནས་གསེར་གྱི་སྣོད་རིན་པོ་ཆེས་བཀང་བ་ཐོགས་ཏེ་རིག་སྔགས་འཆང་ལ་འབུལ་བར་བྱེད་དོ། །རིག་
སྔགས་འཆང་བས་ཅང་མི་སྨྲ་བར་བྱའོ། །རིན་པོ་ཆེའི་སྣོད་ཀྱང་བླང་བར་མི་བྱའོ། །གསང་སྔགས་འབའ་ཞིག་དྲན་པར་བྱ་ཞིང་ཡུངས་ཀར་གྱིས་གཞོན་ནུ་མ་བརྡེག་པར་བྱའོ་ཅི་སྟེ་གཞོན་ནུ་མ་དེ་རྟུག་པ་འབྱིན་ཅིང་བཞིན་བསྒྱུར་བ་ཁྲོ་བོའི་གཟུགས་མཆུ་འཕྱང་
བ། མཆེ་བ་གཙིགས་པ། སྐྲ་རལ་པ་སེར་ལ་གྱེན་དུ་བརྫེས་ལ་རལ་པ་ཅོད་པན་གྱིས་བརྒྱན་པར་སྟོན་ན་རིག་སྔགས་འཆང་བས་སྐྲག་པར་མི་བྱའོ། །ཁྲོ་བོའི་ལྕགས་ཀྱུ་འབའ་ཞིག་དྲན་པར་བྱའོ། །ཡང་ཡུངས་ཀར་གྱིས་
མགོའི་སྤྱི་བོར་བརྡེག་ཅིང་ཁྲོས་པའི་གཟུགས་ཀྱིས་དྲན་པར་བྱས་ན། དེའི་ཚེ་ས་ལ་འགྱེལ་ཏེ་འགྲེ་ལྡོག་ཅིང་ཀྱེ་རིག་སྔགས་འཆང་ཐུགས་རྗེ་ཅན་ཁྱོད་རིག་སྔགས་འཆང་ཁྱབ་འཇུག་གི་གཟུགས་ཅན་གུམ་མོ་གུམ་ཏོ། །
དེ་ནས་རིག་སྔགས་འཆང་བས་རྗེས་སུ་བརྟགས་ཏེ་ཁ་ཆུ་དབུ་བར་འབྱུང་ན། རིག་སྔགས་འཆང་བས་དེ་བླངས་ལ་རྐང་པ་བྱིན་པ་བསྐུམས་ན་རླུང་གི་ཕུང་པོ་བདུན་པའི་རླུང་ལ་ཞོན་ཏེ་ནམ་མཁའ་ལ་འགྲོ་བར་འགྱུར་རོ། །

99-1-269a

རིག་སྔགས་འཆང་བའི་འཁོར་ལོས་སྒྱུར་བར་འགྱུར་ཞིང་རིག་སྔགས་འཆང་བའི་འཁོར་བརྒྱ་ཕྲག་བྱེ་བ་དགུ་བཅུ་རྩ་དགུས་བསྐོར་བར་འགྱུར་རོ། །སྐད་ཅིག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་མཐར་སོང་
ཞིང་སླར་ཡང་འོང་བར་འགྱུར་རོ། །གལ་ཏེ་རེག་ན་ནི་སྐྱེས་ནས་ལོ་བཅུ་ལོན་པ་དང་འདྲ་ཞིང་སྐྲ་ཡིད་ཙམ་འཁྱིལ་ཞིང་འཁྱིལ་བ། རྣ་ཆ་གདུ་བུ་དྲི་མ་མེད་ཅིང་སྤེན་ཏོག་འཕྱང་བ་དང་། འཁྲིག་མ་གདུ་བུས་བརྒྱན་པ། ལུས་པད་མ་འདྲ་ཞིང་
དཀར་ཤམ་དུ་འགྱུར་རོ། །ཚེ་བསྐལ་པ་སྟོང་ཕྲག་བདུན་བཅུ་རྩ་གཉིས་ཐུབ་པར་འགྱུར་རོ། །རིག་སྔགས་འཆང་བའི་འཁོར་ལོས་སྒྱུར་བ་སྟོང་ཕྲག་དགུ་བཅུ་རྩ་གཉིས་ཀྱི་འཁོར་གྱིས་བསྐོར་བར་འགྱུར་རོ། །གནས་ཐམས་ཅད་དུ་
དཔོན་པོར་འགྱུར་རོ། །གལ་ཏེ་ཐིག་ལེ་བྱས་ཏེ་མི་སྣང་བར་གྱུར་ན་གནོད་སྦྱིན་དང་། སྲིན་པོ་དང་། འབྱུང་པོ་ཐམས་ཅད་ཀྱི་ཁྱིམ་སྒོ་ཕྱེ་སྟེ་འདུག་པར་འགྱུར་རོ། །གནོད་སྦྱིན་དང་། སྲིན་པོ་དང་། འབྱུང་པོ་འཁོར་དང་བཅས་པ་
ཐམས་ཅད་བགྱི་བ་ཅི་མཆིས་ཞེས་དབང་དུ་འགྱུར་ཞིང་བཀའ་བཞིན་དུ་འདུག་གོ། མངགས་པའི་དགོས་པ་ཐམས་ཅད་བྱེད་པར་འགྱུར་རོ། །ཁྱིམ་ཐམས་ཅད་དུ་རེ་རེར་ཡང་དཔོན་པོ་དང་། བཀའ་བཞིན་བྱེད་པའི་རྒྱལ་པོར་འགྱུར་རོ། །
གལ་ཏེ་འཚོགས་མར་ཐིག་ལེ་བྱས་ན་བརྒྱ་བྱིན་དང་། ལྷ་རྣམས་ཀྱི་དབང་པོ་སུམ་བཅུ་རྩ་གསུམ་པའི་རིས་ཀྱི་བདག་པོའི་ལྷ་དང་། སུམ་བཅུ་རྩ་གསུམ་གྱི་རིས་ཀྱི་ལྷའི་བུ་དང་བཅས་པ་ཐམས་ཅད་ཀྱིས་མཆོད་པར་འགྱུར་ཏེ། 
རིག་སྔགས་འཆང་བ་ལ་བྱ་བ་ཐམས་ཅད་ཀྱིས་བསྙེན་བཀུར་བྱེད་པར་འགྱུར་རོ། །ཤིན་དུ་མཐོང་བའི་ལྷའི་རིགས་ཀྱི་ལྷ་རྣམས་དང་ལྷན་ཅིག་ཏུ་རྩེ་དགའ་ཀུན་དུ་སྤྱོད་པར་འགྱུར་རོ། །ཚེ་ལྷའི་ལོ་སྟོང་ལེགས་པར་ཐོབ་པར་འགྱུར་
རོ། །ལྟེ་བའི་གནས་སུ་ཐིག་ལེ་བྱས་ཏེ་ཀླུ་མཚོར་ཞུགས་པ་ཙམ་གྱིས་མོད་ལ་ཀླུ་རྒྱལ་པོ་དཔུང་དང་གཡོག་ཏུ་བཅས་ཆུང་མ་དང་། བུ་མོ་གཞོན་ནུ་མ་འམ། ཐམས་ཅད་མདུན་ན་འདུག་ཅིང་འདི་སྐད་སྨྲ་སྟེ། རིག་

99-1-269b

སྔགས་འཆང་བ་བཀའ་སྩོལ་ཅིག་དང་། ལས་བགྱི་བ་དང་། དགོས་པ་ཐམས་ཅད་བགྱི་ཞིང་ནམ་འཚོའི་བར་དུ་ཉེ་བར་གནས་པར་བགྱིའོ། །ཡོ་བྱད་ཐམས་ཅད་ཀྱིས་མི་བྲེལ་བར་བསྒྲུབ་པར་བགྱིའོ། །ཀླུའི་ལྷའི་ལོངས་སྤྱོད་
མཆོག་ཏུ་ལོངས་སྤྱད་པས་བརྩེ་བར་བགྱིའོ། །ལྷའི་ལོ་སྟོང་གི་བར་དུ་རྗེས་སུ་གནས་པར་བགྱིའོ། །ནོར་ཐམས་ཅད་རྗེས་སུ་སྩལ་བར་བགྱིའོ། །རིན་པོ་ཆེ་རྣམ་པ་སྣ་ཚོགས་གསེར་དང་། དངུལ་དང་། བཻ་དཱུརྱ་དང་། 
ཤང་ཀྲ་ཤི་ལ་དང་། བྱི་རུ་དང་། ས་ལེ་སྦྲམ་དང་། གསེར་དང་། མུ་ཏིག་དང་། ཨིན་དྲ་ནཱི་ལ་དང་། མ་མར་ཀ་ཏ་དང་། པད་མ་རཱ་ག་དང་། བཻ་དཱུརྱ་དང་། ཤིན་དུ་བཟང་པོ་རྣམས་སུ་སྩལ་བར་བགྱིའོ། །ལྷ་རྫས་ཀྱི་བཟའ་བ་
མཆོག་དང་། ལྷ་རྫས་ཀྱི་ནོར་གྱི་ཕུང་པོས་བང་མཛོད་རྣམས་རབ་ཏུ་དགང་བར་བགྱིའོ། །ཤིན་དུ་ཆར་ཆེས་པ་གཅད་པར་བགྱིའོ། །ཆར་དཀོན་པ་ན་ཆར་དབབ་པར་བགྱིའོ། །དུས་མ་ཡིན་པའི་ཆར་གཅད་པར་བགྱིའོ། །
དུས་སུ་ཆར་དབབ་པ་དང་། དུས་སུ་ཆར་པའི་རྒྱུན་འབྱུང་བར་བགྱིའོ། །ལྷ་རྫས་ཀྱི་མེ་ཏོག་སྣ་ཚོགས་དང་། ལྷ་རྫས་ཀྱི་འབྲས་བུ་སྣ་ཚོགས་ཉེ་བར་བསྒྲུབ་པར་བགྱིའོ། །ནམ་འཚོའི་བར་དུ་གནས་ཏེ་བསྙེན་བཀུར་
བགྱིའོ། །རིག་སྔགས་འཆང་བའི་རྐང་པ་སྤྱི་བོས་བླངས་བར་བགྱིའོ། །རིག་སྔགས་འཆང་བ་དེའི་ཚིག་དང་བསམ་པ་རྗེས་སུ་བསྐྱང་བར་བགྱིའོ། །དཔུང་པ་གཉིས་ཀྱི་བར་དུ་ཐིག་ལེ་བྱས་ན་གླང་པོ་ཆེ་སྟོང་གི་སྟོབས་ཡོད་
པར་འགྱུར་ཏེ། ཕྱིར་རྒོལ་བ་དང་། དགྲ་ཐམས་ཅད་ཀྱི་སྟོབས་ཀྱིས་མི་ཐུབ་པར་འགྱུར་རོ། །འཐབ་ཅིང་དམག་གི་གཡུལ་འགྱེད་པ་ཐམས་ཅད་ཀྱི་ནང་དུ་ཕ་རོལ་གནོན་པའི་སྟོབས་ཐོགས་པ་མེད་པ་རྒྱལ་བ་
སྦྱིན་པར་འགྱུར་རོ། །ལྷ་མ་ཡིན་ཀུན་ལས་ཀྱང་རྒྱལ་བར་འགྱུར་རོ། །ལྷ་ཐམས་ཅད་འདི་ལ་བསྲུང་བ་དང་། སྦ་བ་དང་། བསྐྱང་བའི་ཕྱིར་རྟག་ཏུ་ཞམ་རིང་དུ་འབྲང་བར་འགྱུར་རོ། །འཐབ་པ་དང་། རྩོད་པ་དང་། 

99-1-270a

འགྱེད་པ་དང་། དངོགས་འབྱིན་པ་དང་། མཚང་འབྲུ་བ་དང་། གཡུལ་འགྱེད་པ་ཐམས་ཅད་དུ་རྒྱལ་བ་སྦྱིན་པར་འགྱུར་རོ། །ལྟོ་བར་ཐིག་ལེ་བྱས་ཏེ་ཁྲོ་བོའི་ལྕགས་ཀྱུའི་རིག་སྔགས་ལན་ཅིག་དྲན་པར་བྱས་
ལ་ཡིད་ལ་ཇི་ལྟར་བསམས་པ་ཇི་བཞིན་བྱས་ན་ཅི་འདོད་པའི་ཁ་ཟས་ཐོབ་པར་འགྱུར་ཏེ་འཁོར་ཉི་ཤུ་དང་བཅས་པས་ཇི་ལྟར་འདོད་པ་ཐོབ་པར་འགྱུར་རོ། །སྐེར་ཐིག་ལེ་བྱས་ཏེ་ཁྲོ་བོའི་ལྕགས་ཀྱུ་སྐེར་ལན་ཅིག་བཟླས་བརྗོད་
བྱེད་ཅིང་རྒྱལ་པོའི་ཕོ་བྲང་དུ་སོང་ན་ཇི་ཙམ་འདོད་པའི་གོས་དང་། སྤུད་པ་དང་། རྒྱན་ཐོབ་པར་འགྱུར་རོ། །རྟག་ཏུ་རྒྱལ་པོ་དང་། བཙུན་མོའི་འཁོར་དང་བཅས་པས་མཆོད་པར་བྱ་བར་འོས་པའི་མཆོག་ཏུ་འགྱུར་རོ། །དབང་ཕྱུག་
ཆེན་པོའི་ཆེན་པོ་ཐོབ་པ་གྲུབ་པར་འགྱུར་རོ། །ལག་མཐིལ་དུ་ཐིག་ལེ་བྱས་ཏེ་ལན་ཅིག་བཟླས་བརྗོད་བྱས་ན་གང་ལ་རེག་པ་དེ་དབང་དུ་འགྱུར་རོ། །གང་འདོད་པ་དེ་ཐམས་ཅད་སྦྱིན་ཞིང་བསྒོ་བ་དེ་ཐམས་ཅད་བྱེད་པར་འགྱུར་
རོ། །ལག་པ་གཡས་པ་ལ་བསྐུས་ལ་ལན་ཅིག་བཟླས་བརྗོད་བྱས་ཏེ། གྲོང་ཁྱེར་གྱི་སྒོ་ལ་བརྡབས་ན་གྲོང་ཁྱེར་ན་གནས་པའི་གནོད་སྦྱིན་དང་། སྲིན་པོ་ཐམས་ཅད་དབང་དུ་འགྱུར་ཏེ། མདུན་ན་གནས་ཤིང་དེ་ཐམས་
ཅད་བསྒོ་བ་བཞིན་བྱེད་པར་འགྱུར་རོ། །གྲོང་དེ་ན་སྐྱེ་བོ་གང་དག་གནས་པ་བུད་མེད་དང་། སྐྱེས་པ་དང་། ཁྱེའུ་དང་། བུ་མོ་དེ་ཐམས་ཅད་དབང་དུ་འགྱུར་ཏེ། འདུག་ཅིང་ཇི་སྲིད་གྲོང་ཁྱེར་དེར་འདུག་པར་འདོད་པ་དེ་སྲིད་དུ་ཐམས་ཅད་ཅི་བྱ་བ་
ཐམས་ཅད་བྱེད་ཅིང་གནས་པ་དང་མདུན་ན་འདུག་པར་འགྱུར་རོ། །ལག་པ་གཡོན་པ་ལ་བསྐུས་ཏེ། རྒྱལ་པོའི་སྒོ་ལ་བརྡབས་ན་ཇི་སྲིད་འདུག་པར་འདོད་ན་དེ་སྲིད་དུ་ཐམས་ཅད་དབང་དུ་གྱུར་པ་སྦྱིན་པར་འགྱུར་རོ། །
ལག་པ་གཡས་པ་ལ་བསྐུ་ཞིང་ལན་ཅིག་བཟླས་བརྗོད་བྱ་སྟེ། ཕུག་གི་གསང་བའི་སྒོ་ལ་བརྡབ་པ་བྱས་ན་གསང་བའི་ཁྱིམ་ཐམས་ཅད་སྒོ་ཕྱེ་སྟེ་འདུག་ཅིང་ཁྱིམ་ན་གནས་པ་དེ་ཐམས་ཅད་དབང་དུ་གྱུར་ཏེ་འདུག་གོ །

99-1-270b

རྐང་པ་གཉིས་ལ་བསྐུ་ཞིང་གསང་སྔགས་ལན་ཅིག་དྲན་པར་བྱས་ཏེ་དུར་ཁྲོད་ན་སོང་ན་དུར་ཁྲོད་ན་གནས་པའི་གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་ཐམས་ཅད་མདུན་ན་གནས་ཤིང་དབང་དུ་འགྱུར་བ་དང་། ཁྱིམ་གྱི་སྒོ་
ཐམས་ཅད་ཕྱེ་བ་དང་། ཐམས་ཅད་བྱ་བ་ཅི་ཡོད་པ་བྱེད་པར་འགྱུར་རོ། །བརླ་གཉིས་ལ་བསྐུས་ཏེ་ནགས་ཚལ་གྱི་ནང་དུ་ཞུགས་ན་ཞུགས་པ་ཙམ་གྱིས་ཁྱིམ་ན་གནས་པ་ཐམས་ཅད་མདུན་ན་གནས་ཤིང་ཁྱིམ་གྱི་སྒོ་ཐམས་ཅད་
ཕྱེ་སྟེ་འདུག་པར་འགྱུར་རོ། །སྨན་གྱི་རྫས་ཐམས་ཅད་དང་། རྩྭ་དང་། ཤིང་གེལ་བའི་སྨན་དང་། རྩྭ་དང་མགོ་ལྕོགས་ཀྱི་ནགས་ཚལ་གྱི་རང་གི་ངོ་བོ་ཐམས་ཅད་ཇི་ལྟར་འདོད་པ་བླངས་པ་བཞིན་དུ་མདུན་ན་འདུག་པར་འགྱུར་རོ། །
དཔལ་ལྷ་མོ་ཆེན་མོའི་ནུ་མའི་བར་དུ་བསྐུ་ཞིང་ཁྲོས་པས་གསང་སྔགས་ལན་ཅིག་བཟླས་བརྗོད་བྱས་ཤིང་གུ་གུལ་ལ་བཟླས་བརྗོད་བྱས་ཏེ། བདུག་པ་དབུལ་ཞིང་མིག་མི་འཛུམས་པར་བལྟས་ན་དཔལ་ལྷ་མོ་ཆེན་མོ་
བཀའ་སྩོལ་ཅིང་མཆོག་ཐམས་ཅད་སྦྱིན་པར་བྱེད་དོ། །ནོར་ཤིན་དུ་མང་པོ་རྙེད་པ་སྦྱིན་པར་མཛད་དོ། །དཔལ་ལྷ་མོ་ཆེན་མོ་རྟག་ཏུ་ཁྱིམ་ན་གནས་པར་འགྱུར་རོ། །ཡོ་བྱད་ཐམས་ཅད་ཀྱི་ཡོངས་སུ་སྐྱོང་བར་འགྱུར་རོ། །ནམ་འཚོའི་
བར་དུ་བསྙེན་བཀུར་བྱེད་པར་འགྱུར་རོ། །མའི་འོས་དང་ལྷན་ཅིག་ཏུ་བདར་ལ་ལན་ཅིག་བཟླས་བརྗོད་བྱས་ཏེ་མིག་ལ་བསྐུས་ན་གཏེར་ཐམས་ཅད་མཐོང་བར་འགྱུར་རོ། །མཚན་མོ་ཡང་ཉིན་པར་བཞིན་དུ་མཐོང་བར་འགྱུར་རོ། །མཆུའི་ཐོར་
ཏོ་ལ་ཐིག་ལེ་བྱ་ཞིང་ལན་ཅིག་བཟླས་བརྗོད་བྱས་ན་གང་ལ་སྨྲ་བ་དེ་དབང་དུ་འགྱུར་ཞིང་གང་འདོད་པ་དེ་ཐམས་ཅད་ཐོབ་པར་འགྱུར་རོ། །ཚིག་གཟུང་བར་བྱ་བར་འགྱུར་རོ། །ཁ་ནས་ཨུཏྤ་ལའི་དྲི་མནམ་པར་འགྱུར་རོ། །གདོན་ལ་
ཐིག་ལེ་བྱས་ན་ཟིན་པ་དང་། མ་ཟིན་པ་འབབ་པར་འགྱུར་རོ། །གདོན་ཐམས་ཅད་ལ་ཐིག་ལེ་བྱ་ཞིང་ལན་ཅིག་གསང་སྔགས་དྲན་པར་བྱས་ན་མོད་ལ་ཚངས་པའི་སྲིན་པོ་ལ་སོགས་པའི་བར་དུ་ཐམས་ཅད་ངུ་ཞིང་འབྲོས་པར་

99-1-271a

འགྱུར་རོ། །ཐིག་ལེ་ཙམ་དང་དྲན་པ་ཙམ་གྱིས་ཐམས་ཅད་ལས་ཡོངས་སུ་ཐར་བར་འགྱུར་རོ། །འཇིགས་པ་ཐམས་ཅད་ལ་ཐིག་ལེ་བྱས་ན་ཡོངས་སུ་ཐར་བར་འགྱུར་རོ། །ཕྲག་པ་གཉིས་ལ་ཐིག་ལེ་བྱ་ཞིང་ཁྲོ་བོ་ལན་
ཅིག་དྲན་པར་བྱས་ན་ཕྲག་པ་གཉིས་འབར་བར་འགྱུར་རོ། །མཚལ་དང་སྦྱར་ཏེ་དྲི་ཆབ་དང་བསྲེས་ནས་ལག་པ་དང་རྐང་པ་བསྐུ་ཞིང་གསང་སྔགས་ལན་བདུན་དྲན་པར་བྱས་ནས་ཕུ་ཞེས་བྱས་ན་མེ་འབར་བར་འགྱུར་ཏེ། ཇི་ཙམ་འདོད་
ཀྱི་བར་དུ་འབར་བ་འབྱུང་བར་འགྱུར་རོ། །མཆུ་ལ་བསྐུ་ཞིང་བཟླས་བརྗོད་བྱས་ན་དབུགས་རྒྱུ་བ་རྣམས་མེ་འབར་བ་འབྱུང་བར་འགྱུར་རོ། །ལུས་མཐའ་དག་བསྐུ་ཞིང་གསང་སྔགས་མང་དུ་བཟླས་བརྗོད་བྱས་ན་ལུས་མཐའ་
དག་འབར་འགྱུར་རོ། །ཆུ་དང་ཡུངས་ཀར་གྱིས་བསྐྲད་ནས་བུམ་པ་དང་། བུམ་པ་ལ་ཞི་བའི་ཐིག་ལེ་བྱས་ཏེ། དྲི་ཆུས་སྟེང་དུ་གཏོར་བ་དང་བཅས་པ་བྱས་ན་ཕྱིར་ཡང་གནས་པར་འགྱུར་རོ། །རལ་གྲི་དང་། གཏུན་ཤིང་དང་། 
དགྲ་སྟ་དང་། འཁོར་ལོ་དང་། གདུང་རྩེ་གསུམ་དང་། རྡོ་རྗེ་དང་། ཐོ་བ་དང་། མདའ་བོ་ཆེ་དང་། མདུང་ལ་བསྐུ་ཞིང་རྗེས་སུ་དྲན་པར་བྱས་ན་སྐད་ཅིག་ཏུ་ཐམས་ཅད་འབར་བར་འགྱུར་རོ། །ལྷུང་བཟེད་ལ་བསྐུས་ན་འབར་
བར་འགྱུར་རོ། །མགོ་ལ་བསྐུས་ན་སྐྲ་འབར་བར་འགྱུར་རོ། །དུང་ལ་བསྐུས་ཏེ་དེ་གནས་མཐོན་པོར་བུས་ན་སྒྲ་གང་ཐོས་པ་ཙམ་གྱིས་སེམས་ཅན་ཐམས་ཅད་ཀྱི་ཁྲོ་བ་ཐམས་ཅད་དང་། སྡིག་པ་ཐམས་ཅད་རབ་ཏུ་ཞི་བར་
འགྱུར་རོ། །ངན་པ་དང་། མ་རུངས་པ་ཐམས་ཅད་ཞི་བར་འགྱུར་རོ། །སྤྲིན་ལོགས་སུ་བུས་ན་རླུང་སྤྲིན་དང་། སེར་བ་ཐམས་ཅད་ཞི་བར་འགྱུར་རོ། །གྲོང་ཁྱེར་གྱི་སྒོ་བཞིར་བུས་ན། བྱུར་དང་གནོད་པ་ཐམས་ཅད་དང་། 
ལོ་ཉེས་དང་། ནད་མ་རུངས་པ་དང་། འཐབ་པ་དང་། རྩོད་པ་དང་། འགྱེད་པ་དང་། མཚང་འབྲུ་བ་དང་། མི་བདེ་བ་དང་། འཁྲུག་པ་ཐམས་ཅད་ཞི་བར་འགྱུར་རོ། །འབྱུང་པོ་དང་། གནོད་སྦྱིན་དང་། སྲིན་པོ་དང་། 

99-1-271b

ཤ་ཟ་དང་། ཡི་དགས་དང་། སྐེམ་བྱེད་དང་། གྲིབ་གནོན་གྱི་འཇིགས་པ་ཐམས་ཅད་འབྱུང་བར་མི་འགྱུར་རོ། །རིམས་ཐམས་ཅད་ཞི་བར་འགྱུར་རོ། །ནད་ཐམས་ཅད་ཞི་བར་འགྱུར་རོ། །གསང་སྔགས་དང་། བྱད་དང་། 
སྦོད་གཏོང་དང་། དུག་གི་འཇིགས་པ་ཐམས་ཅད་ལས་ཡོངས་སུ་ཐར་བར་འགྱུར་རོ། །རྒྱལ་པོའི་སྒོར་བུས་ན་ཕ་རོལ་གྱི་དམག་ཚོགས་ཀྱིས་འཇིགས་པ་ཐམས་ཅད་དང་། དགྲ་དང་། ཕྱིར་རྒོལ་བའི་འཇིགས་པ་ཐམས་ཅད་
རབ་ཏུ་ཞི་བར་འགྱུར་ཞིང་ལན་འགའ་ཡང་འབྱུང་བར་མི་འགྱུར་རོ། །བ་ལང་འཆི་བ་དང་། ཕྱུགས་འཆི་བ་དང་། མི་འཆི་བ་དང་། རྟ་འཆི་བ་དང་། གླང་པོ་ཆེ་འཆི་བ་དང་། རྔ་མོ་འཆི་བ་དང་། བྱུར་དང་། ལོ་ཉེས་དང་། ནད་དང་། 
མིག་ནད་དང་། ནད་ཐམས་ཅད་ཀྱི་འཇིགས་པ་ཆེན་པོ་འབྱུང་བ་ལ་ཁང་པའི་སྟེང་དུ་སྐད་དྲག་པོ་ལན་ཅིག་དུང་སྒྲ་བུད་ཅིང་བཟླས་བརྗོད་བྱས་ན། བུས་པ་ཙམ་གྱི་མོད་ལ་ཐམས་ཅད་རབ་ཏུ་ཞི་བར་འགྱུར་རོ། །ཆར་མི་འབབ་
པའི་ཚེ། ཀླུའི་གནས་མཚོ་འགྲམ་དུ་བུས་ན་མོད་ལ་ཀླུའི་རྒྱལ་པོ་རྣམས་ཆར་པའི་རྒྱུན་གཏོང་བར་འགྱུར་རོ། །ཆར་ཆེས་པའི་ཚེ་སྤྲིན་ལོགས་སུ་བུས་ན་ཤིན་དུ་ཆར་ཆེ་བ་ཞི་བར་འགྱུར་རོ། །ལན་འགའ་ཡང་མཚན་མ་ངན་
པ་དང་། བཀྲ་མི་ཤིས་པ་འབྱུང་བར་མི་འགྱུར་རོ། །མཚམས་ཆེན་པོ་གཅད་ན་རི་མཐོན་པོའི་ཁར་བུས་ཏེ། ཇི་ཙམ་དུང་སྒྲ་ཐོས་པ་དེ་ཙམ་ཚུན་ཆད་མཚམས་ཆེན་པོ་གཅད་པར་བྱས་པར་འགྱུར་རོ། །དཀྱིལ་འཁོར་
མཚམས་གཅད་ན་བསྐོར་ཞིང་བུས་ན་དཀྱིལ་འཁོར་གྱི་མཚམས་གཅད་པ་བྱས་པར་འགྱུར་རོ། །དེ་ནས་ཁྲོ་བོའི་རྒྱལ་པོའི་སྦྱིན་སྲེག་གི་ཆོ་ག་སྒྲུབ་པ་བླ་ན་མེད་པ་ཐམས་ཅད་བྱ་བ་ལ་སེམས་ཅན་ཐམས་ཅད་ཞི་
བར་བྱ་བ་ལ་ནས་དང་ཡུངས་ཀར་དང་མར་བསྲེགས་ལ་ཤིང་ཨར་ཀའི་མེ་བུས་ཏེ། ལན་ཉི་ཤུ་རྩ་གཅིག་སྦྱིན་སྲེག་བྱས་པ་ཙམ་གྱིས་དཔག་ཚད་ཀྱི་ནང་ཀུན་དུ་ཞི་བ་ཆེན་པོར་འགྱུར་རོ། །ཡམས་ཀྱི་ནད་ཀྱི་གནོད་པ་

99-1-272a

ཐམས་ཅད་དང་། འཐབ་པ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །ལན་བརྒྱ་རྩ་བརྒྱད་སྦྱིན་སྲེག་བྱས་ན་དཔག་ཚད་སྟོང་ཀུན་དུ་ཞི་བ་ཆེན་པོའི་ལས་བྱས་པར་འགྱུར་རོ། །རྒྱས་པ་བྱས་
ན་ཡུངས་ཀར་དང་། འབྲས་སཱ་ལུ་དང་། ཁ་ར་དང་། སྦྲང་རྩི་དང་མར་དང་བསྲེས་ཏེ། སྦྱིན་སྲེག་བྱ་བ་ནི་ལན་བདུན་སྦྱིན་སྲེག་བྱས་ན་དཔག་ཚད་བརྒྱ་ཀུན་དུ་རྒྱས་པ་ཆེན་པོར་འགྱུར་རོ། །ལན་ཉི་ཤུ་རྩ་གཅིག་སྦྱིན་སྲེག་
བྱས་ན་དཔག་ཚད་བརྒྱ་ཚུན་ཆད་རྒྱས་པ་ཆེན་པོར་འགྱུར་རོ། །ལན་བརྒྱ་རྩ་བརྒྱད་སྦྱིན་སྲེག་བྱས་ན་དཔག་ཚད་བརྒྱ་སྟོང་ཀུན་དུ་རྒྱས་པ་ཆེན་པོར་འགྱུར་རོ། །ཤིང་དྲི་མི་ཞིམ་པའི་མེ་བུས་ཏེ། འབྲས་ཀྱི་ཕུབ་མ་དང་། ལན་ཚ་
དང་། ཡུངས་ཀར་མར་དང་བསྲེས་ཏེ་ཤིང་ཚེར་མ་ཅན་གྱི་ཡམ་སྲེག་གིས་མེ་སྦར་ཏེ་སྦྱིན་སྲེག་ལན་བདུན་ནམ། ཉི་ཤུ་རྩ་གཅིག་གམ། བརྒྱ་རྩ་བརྒྱད་བྱས་ན་ཡིད་ལ་ཇི་ལྟར་སེམས་ཤིང་འདོད་པ་ཐམས་ཅད་དུ་མངོན་སྤྱོད་
ཀྱི་ལས་རྣམས་བྱེད་པར་འགྱུར་རོ། །གསང་སྔགས་གྲུབ་པར་འདོད་ན་འབྲས་ཡོས་དང་། ཡུངས་ཀར་དང་། ཞོ་དང་། སྦྲང་རྩི་རྣམས་མར་དང་སྦྱར་ཏེ། ཤིང་ཨ་ཀའི་ཡམ་སྲེག་ཤིང་གིས་མེ་སྤར་ཏེ་སྦྱིན་སྲེག་ལན་བདུན་
བྱས་ན་རང་གི་ཁྲོ་བོའི་གསང་སྔགས་གྲུབ་པ་གྲུབ་པར་འགྱུར་རོ། །ལན་བཅུ་བཞི་བྱས་ན་དོན་ཡོད་པའི་ལྕགས་ཀྱུ་གྲུབ་པར་འགྱུར་རོ། །ཉི་ཤུ་རྩ་གཅིག་བཟླས་བརྗོད་དང་སྦྱིན་སྲེག་བྱས་ན་དོན་ཡོད་པའི་ཞགས་པའི་སྙིང་པོ་
འགྲུབ་པར་འགྱུར་རོ། །ལན་བརྒྱ་རྩ་བརྒྱད་བཟླས་བརྗོད་སྦྱིན་སྲེག་བྱས་ན་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་སྤྱི་གྲུབ་པར་འགྱུར་བ་འདི་ལྟ་སྟེ། དེ་བཞིན་གཤེགས་པའི་རིགས་དང་། ནོར་བུའི་རིགས་དང་། 
པད་མའི་རིགས་དང་། རྡོ་རྗེའི་རིགས་རྣམས་སོ། །གཞན་ཡང་ཁྲོ་བོ་ཆེན་པོ་སྟོང་ཕྲག་བརྒྱ་མཆོག་ཏུ་གྲུབ་པ་ཆེན་པོར་འགྱུར་རོ། །ཏིལ་དང་། འབྲས་དང་སོ་བ་དང་། ཞོ་དང་། སྦྲང་རྩི་དང་། མར་རྣམས་སྦྱར་ཏེ་

99-1-272b

ཆང་པ་བདུན་སྦྱིན་སྲེག་བྱས་ན་བྲམ་ཟེ་ཐམས་ཅད་དབང་དུ་འགྱུར་རོ། །ལན་བརྒྱ་རྩ་བརྒྱད་སྦྱིན་སྲེག་བྱས་ན། བརྒྱ་བྱིན་ལ་སོགས་པ་ལྷ་ཐམས་ཅད་ལྷའི་ཚོགས་དང་བཅས་པ་ཡང་འོང་ཞིང་རིག་སྔགས་འཆང་བ་
ལ་བསྙེན་བཀུར་བྱེད་ཅིང་དབང་དུ་འགྱུར་རོ། །ཉི་མ་དང་ཟླ་བ་དག་ཀྱང་འོང་བར་འགྱུར་ཞིང་རིག་སྔགས་འཆང་བའི་རྐང་པ་ལ་འདུད་པར་འགྱུར་རོ། །གནོད་སྦྱིན་དང་། སྲིན་པོ་དབང་དུ་བྱ་ན་འབྲས་སཱ་ལུ་དང་། 
ཏིལ་དང་། ཡུངས་ཀར་དང་། གུ་གུལ་དང་། ཞོ་དང་། སྦྲང་རྩི་རྣམས་མར་དང་བསྲེས་ཏེ་སྦྱིན་སྲེག་ལན་ཉི་ཤུ་རྩ་གཅིག་བྱས་ན་གནོད་སྦྱིན་དང་། སྲིན་པོའི་ཚོགས་རྣམས་དབང་དུ་འགྱུར་རོ། །ཀླུ་ཆར་འབེབས་པར་བྱ་ན་
འབྲས་ཡོས་དང་། ཡུངས་ཀར་དང་། ན་ག་པུས་པ་དང་། ཞོ་དང་སྦྲང་རྩི་རྣམས་མར་དང་སྦྱར་ཏེ། ལན་ཉི་ཤུ་རྩ་གཅིག་སྦྱིན་སྲེག་བྱས་ན་དེས་ན་ཀླུ་རྣམས་ཆར་པའི་རྒྱུན་ཆེན་པོ་འབེབས་པར་འགྱུར་ཏེ། ཇི་ཙམ་
འདོད་པར་ཆར་པའི་རྒྱུན་གཏོང་ཞིང་འབེབས་སོ། །ཤིན་དུ་ཆར་ཆེ་བ་གཅོད་ན་དེ་ཉིད་ཀྱི་ཐལ་བ་ནམ་མཁའ་ལ་གཏོར་ན་ཤིན་དུ་ཆར་ཆེ་བ་གཅོད་པར་འགྱུར་རོ། །ཕ་རོལ་གྱི་གཡུལ་བཟློག་པར་འདོད་ན་སྐེ་ཚེའི་འབྲུ་དང་། 
བྱས་ན་ཞོ་དང་སྦྲང་རྩི་རྣམས་མར་དང་སྦྱར་ཏེ། ལན་ཉི་ཤུ་རྩ་གཅིག་སྦྱིན་སྲེག་བྱས་ན་ཐམས་ཅད་དུ་རྒྱལ་བར་འགྱུར་རོ། །འཐབ་རྩོད་དང་། འགྱེད་པ་རྣམས་ཀྱི་སྨྲ་བའི་ལན་ཐེབས་པར་འགྱུར་རོ། །ནད་ཐམས་ཅད་ཞི་བར་
བྱ་བ་ལ། སྲན་ཀུ་ལན་ཐ་དང་། ཞོ་དང་སྦྲང་རྩི་རྣམས་མར་དང་སྦྱར་ཏེ་སྦྱིན་སྲེག་ལན་ཉི་ཤུ་རྩ་གཅིག་བྱས་ན་ནད་ཐམས་ཅད་རབ་ཏུ་ཞི་བར་འགྱུར་རོ། །བུད་མེད་དབང་དུ་བྱ་ན་སུ་མ་ནའི་མེ་ཏོག་གིས་ལན་ཉི་ཤུ་
རྩ་གཅིག་སྦྱིན་སྲེག་བྱས་ན་བུད་མེད་ཐམས་ཅད་མཆོག་ཏུ་དབང་དུ་བྱེད་པའི་དམ་པ་ཡིན་ཞིང་ཐམས་ཅད་དུ་མཆོག་གྲུབ་པར་འགྱུར་རོ། །དེ་ནས་སྡིག་པ་ཐམས་ཅད་རྣམ་པར་སྦྱང་བར་འདོད་ན་རིག་སྔགས་

99-1-273a

འཆང་བ་དེ་འབྲས་སཱ་ལུ་དང་། ཏིལ་དང་། ཡུངས་ཀར་དང་། པད་མའི་འདབ་མ་དང་། ཞོ་དང་། སྦྲང་རྩི་རྣམས་མར་དང་སྦྱར་ཏེ། ལན་ཉི་ཤུ་རྩ་གཅིག་སྦྱིན་
སྲེག་བྱས་ན་སྡིག་པ་དང་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །འོན་ཏེ་ཁྲོ་བོའི་རྒྱལ་པོ་སྒྲུབ་པར་འདོད་ན་སེང་ལྡེང་གི་ཕྱེ་མ་དང་། ཡུངས་ཀར་དང་། གུ་གུལ་རྣམས་
མར་དང་སྦྱར་ཏེ་སྦྱིན་སྲེག་བྱས་ན་ཐམས་ཅད་དུ་ཁྲོ་བོའི་གསང་སྔགས་གྲུབ་པ་ཆེན་པོ་འགྲུབ་པར་འགྱུར་ཞིང་ཁྲོ་བོའི་གསང་སྔགས་ཐམས་ཅད་སྤྱན་དྲངས་པར་འགྱུར་རོ།།   །།
འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། །བམ་པོ་ཉི་ཤུ་བཞི་པ་རྫོགས་སྷོ།།    །།    །།
ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ། དྲི་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦ་
སི་དྡྷི་མ་མེ་པྲ་ཡ་ཙྪ། སརྦ་ཀཪྨ་སུ་ཙ་མེ། ཙིཏྟ་ཤྲི་ཡྃ་ཀུ་རུ་ཧཱུྂ་ཧ་ཧ་ཧ་ཧ་ཧོ་བྷ་ག་བཱན་སརྦ་ཏ་ཐཱ་ག་ཏ་བཛྲ་མ་མེ་མུ་ཉྩ་བཛྲཱི་བྷ་བ་མ་ཧཱ་ས་མ་ཡ་སཏྭ་ཨ།། །། །།མཾ་ག་ལྃ་བྷ་བ་ཏུ།།
ཤུ་བྷ་མསྟུ་སརྦ་ཛཱ་ག་ཏྃ། ཤུབྷྂ། །ཨ་ཡེ་དྷརྨཱ་ཧེ་ཏུ་པྲ་བྷ་བཱ། ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་བ་ཏ། ཏེ་ཥཱཉྩ་ཡོ་ནི་རོ་དྷཱ། ཨེ་བྃ་བཱ་ཏིང་མ་ཧཱ་ཤྲ་མ་ཎཿ བཀྲ་ཤིས།།  ཡང་ཞུས་ཤེ། 

99-1-273b

༄༅། །རྒྱ་གར་སྐད་དུ།  ཨཱརྱ་ཨ་མོ་གྷ་པཱ་ཤ་ཧྲི་ད་ཡྃ་ནཱ་མ་མ་ཧཱ་ཡཱ་ན་སཱུ་ཏྲ།  བོད་སྐད་དུ། འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ།  འཕགས་པ་དོན་ཡོད་ཞགས་པ་ལ་
ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཐུགས་རྗེ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་པོ་ཏ་ལ་ཀེའི་རིའི་རྩེ་མོ་འཕགས་པ་སྤྱན་རས་གཟིགས་དབང་
ཕྱུག་གི་གནས་ས་མ་ལ་དང་། ཏ་མ་ལ་དང་། ཙམ་པ་ཀ་དང་། མྱ་ངན་མེད་པ་དང་། ཨ་ཏི་མུག་ཏ་ཀ་ལ་སོགས་པ་མང་པོ་དང་། སྣ་ཚོགས་པའི་རིན་པོ་ཆེའི་སྡོང་པོས་ཡང་དག་པར་བརྒྱན་པར་དགེ་སློང་གི་དགེ་འདུན་ཆེན་པོ་སྟོང་
ཕྲག་བཅྭ་བརྒྱད་དང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུ་དང་། གནས་གཙང་མའི་ལྷའི་བུ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བྱས་ནས་མང་པོ་དང་ཐབས་གཅིག་ཏུ་བཞུགས་སོ། །
དབང་ཕྱུག་དང་། དབང་ཕྱུག་ཆེན་པོ་དང་། ཚངས་རིས་ཀྱི་ལྷའི་བུ་རྣམས་གཙོར་བྱས་ནས་ཆོས་སྟོན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ནས་བླ་གོས་ཕྲག་
པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། གང་བཅོམ་ལྡན་འདས་ལ་དེ་ཡིས་ཐལ་མོ་སྦྱར་ཞིང་ཕྱག་འཚལ་ནས་ཞལ་འཛུམ་པར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
འདས་བདག་ལ་དོན་ཡོད་ཞགས་པའི་སྙིང་པོ་ཞེས་བྱ་བ་ཡོད་དེ། གང་སྔོན་བསྐལ་པ་དགུ་བཅུ་རྩ་གཅིག་ན་འཇིག་རྟེན་རྣམ་པར་གཟིགས་པ་ཞེས་བྱ་བའི་འཇིག་རྟེན་གྱི་ཁམས་སུ། འཇིག་རྟེན་གྱི་དབང་པོ་རྒྱལ་པོ་དེ་བཞིན་
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལས་བདག་གིས་བླངས་ཏེ། གང་ཡང་བདག་གིས་དབང་ཕྱུག་དང་། དབང་ཕྱུག་ཆེན་པོ་གཙོར་བྱས་པའི་གནས་གཙང་མའི་རིས་ཀྱི་ལྷའི་བུ་བརྒྱ་སྟོང་མང་

99-1-274a

པོ་ཡང་འདུས་སོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་ཡོད་པའི་ཡེ་ཤེས་ཀྱི་གཙོ་བོའི་ཏིང་ངེ་འཛིན་བཅུ་པ་བརྒྱ་སྟོང་བདག་གིས་རབ་ཏུ་རྙེད་དོ། །གཞན་ཡང་གང་གི་ཚེ་བཅོམ་ལྡན་འདས་ས་གཞིའི་
ཕྱོགས་གཅིག་ཏུ་རབ་ཏུ་སྤྱོད་པ་ལས་རྟོགས་པར་བྱ་སྟེ། བཅོམ་ལྡན་འདས་དེའི་ཚེ་ས་ཕྱོགས་དེ་དབང་ཕྱུག་དང་། དབང་ཕྱུག་ཆེན་པོ་དང་། ཚངས་རིས་གཙོར་བྱས་པའི་ལྷའི་བུ་སྟོང་ཕྲག་བཅུ་གཉིས་ཀྱིས་བསྲུང་བ་དང་། 
བསྐྱབ་པ་དང་། སྦེད་པའི་དོན་དུ་གནས་པར་འགྱུར་རོ། །གང་འདིར་དོན་ཡོད་ཞགས་པའི་སྙིང་པོ་རབ་ཏུ་སྤྱོད་ན་བཅོམ་ལྡན་འདས་སའི་ཕྱོགས་གཅིག་པོ་དེ་མཆོད་རྟེན་དུ་འགྱུར་རོ། །སེམས་ཅན་གང་དག་དོན་ཡོད་ཞགས་པའི་
སྙིང་པོ་ཉན་པ་དེ་དག་ནི་སངས་རྒྱས་མང་པོ་བྱེ་བ་ཁྲག་ཁྲིག་བརྒྱ་སྟོང་ལ་མཆོད་པར་འགྱུར་རོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་གང་འདིར་དོན་ཡོད་ཞགས་པའི་སྙིང་པོ་ཐོས་པས་བདག་གིས་དགེ་བའི་རྩ་བསྐྱེད་
པར་འགྱུར་རོ། །གང་ཁ་ཅིག་བཅོམ་ལྡན་འདས་སྡིག་པའི་སྐྱོན་བྱེད་པ། སྡིག་པའི་ཆོས་ཐམས་ཅད་ལ་ཡང་དག་པར་སྤྱོད་པ། འཕགས་པ་ལ་སྐུར་པ་འདེབས་པ། དམ་པའི་ཆོས་ལ་སྨོད་པ། མནར་མེད་པ་ལ་གཞོལ་བ། 
སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་འཕགས་པ་ཉན་ཐོས་དང་རང་སངས་རྒྱས་ལ་སྨོད་པ་པོ་དེ་གལ་ཏེ་འགྱོད་པར་གྱུར་ཅིང་སླན་ཆད་གཅོད་ཅིང་སྡོམ་པར་གྱུར་ན། བཅོམ་ལྡན་འདས་དེས་རེ་ཤིག་
དེ་ཉིད་སྨྱུང་བར་གནས་པ་གཅིག་གིས་དེ་བཟླས་ན་དེའི་སྐྱེ་བ་འདིའི་ལས་ཡོངས་སུ་དག་ཅིང་ཡོངས་སུ་ཟད་པར་འགྱུར་རོ། །ཕྱིར་སློན་པར་འགྱུར་རོ། །རིམས་ཉིན་གཅིག་པ་འམ། ཉིན་གཉིས་པ་འམ། ཉིན་གསུམ་པ་
འམ། ཉིན་བཞི་པ་འམ། དེའི་ཕྱིར་ཁྲག་ཏུ་འཁྲུག་པ་འམ། ཚད་པ་འམ། ལག་པ་ན་བ་འམ། རྐང་པ་ན་བ་འམ། མགོ་ན་བ་འམ། ཧ་ལ་ཧ་ལ་ཡིས་བཏགས་པ་འམ། མཛེའམ། རྐང་ཤུ་འམ། འབྲུམ་བུ་ཕྲ་མོ་འམ། 

99-1-274b

ལྷོག་པ་འམ། འབྲས་སམ། བྱེའུ་འབྲས་སམ། གཡན་པ་འམ། མཚན་བར་རྡོལ་བ་འམ། འབྲུམ་བུ་འམ། བརྗེད་བྱེད་དམ། ཁྱབ་པར་ན་བ་འམ། གསོད་པ་འམ། འཆིང་བ་འམ། བརྡེག་པ་འམ། བསྡིགས་པ་འམ། མི་སྙན་
པར་བརྗོད་པ་འམ། མདོར་བསྡུ་ན་བཅོམ་ལྡན་འདས་ལུས་ཀྱི་ན་ཚ་འམ། སེམས་ཀྱི་སྡུག་བསྔལ་ལམ། རྨི་ལམ་ངན་པ་མཐོང་བས་དེའི་ལས་ཡོངས་སུ་དག་ཅིང་ཟད་པར་འགྱུར་རོ། །སྔར་ཉིད་ནས་དག་པའི་སེམས་ཅན་
དད་ཅིང་ལྷག་པར་མོས་པ་རྣམས་ཤིན་དུ་ཡོངས་སུ་བྱང་བར་འགྱུར་རོ། །གལ་ཏེ་བཅོམ་ལྡན་འདས་འཁོར་བཞི་པོ་དང་རིགས་བཞི་པོས་ཇི་སྙེད་དུ་བདག་ལ་སྒྱུ་དང་གཡོས་ཀྱང་མཆོད་པར་བྱེད། གང་འདིར་དོན་ཡོད་ཞགས་པ་
པའི་སྙིང་པོ་ཉན་པར་བྱེད་པ་དང་། དོན་འཛིན་པར་བྱེད་པ། འཆང་བར་བྱེད་པ། ཀློག་པར་བྱེད་པ། འབྲི་བར་བྱེད་པ། འབྲིར་འཇུག་པར་བྱེད་པ། ཀུན་ཆུབ་པར་བྱེད་པ། སེམས་ཅན་གཞན་རྣམས་ཉན་དུ་འཇུག་པར་བྱེད་པ་འམ། 
ཐ་ན་དུད་འགྲོའི་སྐྱེ་གནས་སུ་གཏོགས་པའི་རྣ་བུག་ཏུ་གཏུགས་ཏེ་ཟློས་པར་བྱེད། སྔགས་ཀྱི་ཚིག་འདི་སེམས་པར་བྱེད་པ་དང་། དོར་བ་མེད་པ། གཟུགས་མེད་པ། རྣམ་པར་མི་རྟོག་པ། ཡང་དག་པར་འབྱུང་བ་མེད་པ། ཡུན་
རིང་དུ་འབྱུང་བ་མེད་པ། སྒྱུ་མེད་པ། གོས་པ་མེད་པ། མཉམ་པའི་སེམས་གཡེང་བ་མེད་པ། ཕུང་པོ་ལྔ་དང་བྲལ་བའི་སྦྱོར་བ་འདིས་ནི་སངས་རྒྱས་རྗེས་སུ་དྲན་པར་བྱའོ། །དེ་དག་ལ་ཕྱོགས་བཅུའི་སངས་རྒྱས་བརྒྱ་སྟོང་
གིས་ཞལ་སྟོན་པར་འགྱུར་རོ། །ཁྱེད་ཀྱིས་བཟླས་པས་སྡིག་པ་བཤགས་པར་འགྱུར་རོ། །ཇི་སྙེད་པོ་ཏིར་བྲི་བ་བྱས་ནས་ཁྱིམ་དུ་བཞུགས་སུ་གསོལ་བར་བྱའོ། །བཅོམ་ལྡན་འདས་མང་པོས་ཅི་བྱ་སྟེ། ཕན་ཚུན་འགྲན་པས་
ཉན་པ་འམ། རྗེ་དཔོན་གྱིས་འཇིགས་པས་སམ། གཞན་གྱི་རྗེས་སུ་འཇུག་པས་སམ། གཞན་སྨད་པར་བྱ་བའི་ཆེད་དུ་ཉན་པ་ནི་འཕགས་པ་སྤྱན་རས་གཟིགས་དབང་ཕྱུག་གི་བྱིན་གྱིས་བརླབས་སུ་མཁས་པས་ཤེས་པར་བྱའོ། །དེ་དག་

99-1-275a



99-1-275b



99-1-276a

གི་རྣ་བུག་ཏུ་དེའི་སྒྲ་གྲགས་པར་འགྱུར་རོ། །བཅོམ་ལྡན་འདས་འདི་ལྟ་སྟེ། གང་ལ་ལའི་སྐྱེས་བུས་ཙན་དན་ནམ། ག་བུར་རམ། གུར་གུམ་འམ། གླ་རྩི་བར་ཞིང་བརྒྱད་ཅིང་རྔོ་བ་འམ། ས་ལ་བཞིབས་ནས་བདག་ཉིད་ལ་བྱུགས་ན། 
དེ་ལ་ཙན་དན་ནམ། ག་བུར་རམ། གུར་ཀུམ་མམ། གླ་རྩི་བར་བའམ་བརྒྱད་པས་དེ་ལྟར་དྲིའིཕྲོ་བར་མི་འགྱུར་རོ། །ཡང་དྲི་ཞིམ་པོ་ཡང་དེ་ཉིད་དོ། །བཅོམ་ལྡན་འདས་དེ་ལྟར་ཁོ་ནར་བདག་གི་དོན་ཡོད་ཞགས་པའི་སྙིང་པོ་འདི་ལ་ཡང་གང་
ལ་ལ་ཞིག་གིས་འཕྱ་ཞིང་སྨོད་པ་དང་། སྔ་མ་ལྟར་ཇི་སྙེད་བདག་ལ་སྒྱུ་དང་གཡོས་མཆོད་པ་བྱེད་པ་དེ་དག་ནི་བཅོམ་ལྡན་འདས་རྨུ་རྒོད་ཀྱི་སེམས་ཅན་དེ་དག་གི་དགེ་བའི་རྩ་བ་བསྐྱེད་པར་འགྱུར་རོ། །འདོད་པས་དཀའ་བར་འཛིན་པར་
བརྗོད་དེ་ཕྱི་མ་ལ་ཡང་ངོ་། །གང་དང་གང་དུ་སྐྱེས་པ་དེ་དང་དེ་རུ་ཚུལ་ཁྲིམས་དང་ཏིང་ངེ་འཛིན་དང་ཤེས་རབ་དང་བསོད་ནམས་ཀྱི་ཚོགས་ཀྱི་དྲི་དང་མི་འབྲལ་བར་འགྱུར་རོ། །ཚུལ་ཁྲིམས་ཀྱི་དྲི་ཞིམ་པོ་ཉིད་དུ་བྱེད་དོ། །གང་ཡང་བཅོམ་
ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། དེ་ལས་གཞན་པའི་ཁ་ཅིག་དོན་ཡོད་ཞགས་པའི་སྙིང་པོ་ཆེད་དུ་བྱས་ནས་དཀར་པོའི་ཕྱོགས་ཀྱི་
ཚེས་བརྒྱད་ལ་སྨྱུང་བར་གནས་པར་བྱས་ཏེ། ལན་བདུན་དུ་དོན་ཡོད་ཞགས་པའི་སྙིང་པོ་ཚིག་ཏུ་མི་བརྗོད་པར་ཡོངས་སུ་བཟླས་ན། དེ་ལ་བཅོམ་ལྡན་འདས་མཐོང་བའི་ཆོས་ཉིད་ལ་ཕན་ཡོན་ཉི་ཤུ་ཐམ་པ་སོ་སོར་འདོད་པར་
བྱའོ། །ཉི་ཤུ་པོ་གང་ཞེ་ན། གང་དེའི་ལུས་ལ་ནད་མི་འབྱུང་བ་དང་ལས་ཀྱི་དབང་གིས་ནད་བྱུང་བ་ཡང་མྱུར་དུ་ཞི་བར་འགྱུར་རོ། །སྣུམ་ཞིང་ཡིད་དུ་འོང་བའི་ལུས་དཀར་བར་ཡང་འགྱུར་རོ། །སྐྱེ་བོ་མང་པོའི་ཡིད་དུ་འོང་བར་འགྱུར་རོ། །
དབང་པོ་སྦུབས་སུ་ནུབ་པ་དང་ནོར་རྙེད་པར་ཡང་འགྱུར་རོ། །ནོར་ཡོད་པ་ཡང་རྐུན་པོས་ཁྱེར་བར་མི་ནུས་སོ། །མེས་མི་འཚིག་གོ། །ཆུ་ཡིས་མི་ཁྱེར་རོ། །རྒྱལ་པོའི་ཡིད་ཀྱིས་ཀྱང་འཕྲོག་པར་མི་ནུས་སོ། །དེའི་ལས་ཀྱི་མཐའ་

99-1-276b

རྒྱས་པར་འགྱུར་རོ། །དེའི་ལུས་ལ་ཆུའི་འཇིགས་པ་འབྱུང་བར་མི་འགྱུར་རོ། །རླུང་དང་ཆར་པའི་འཇིགས་པ་འབྱུང་བར་མི་འགྱུར་རོ། །ལན་བདུན་དུ་དོན་ཡོད་ཞགས་པའི་སྙིང་པོ་ཆུ་འམ་ཐལ་བ་ལ་ཡོངས་སུ་བསྔགས་ཏེ། 
ཕྱོགས་དང་མཚམས་དང་སྟེང་དང་འོག་གི་ཞིང་ལ་བཅིང་བ་བྱས་ན་ཉེ་བར་འཚེ་བ་ཐམས་ཅད་ཉེ་བར་ཞི་བར་འགྱུར་རོ། །མདངས་ཟ་བས་མདངས་འཕྲོག་པར་མི་ནུས་སོ། །སེམས་ཅན་ཐམས་ཅད་དགའ་བར་འགྱུར་རོ། །དགྲ་ཡིས་
འཇིགས་པ་འབྱུང་བ་ཡང་མྱུར་དུ་ཞི་བར་འགྱུར་རོ། །མི་ཡིས་འཇིགས་པར་མི་འགྱུར་རོ། །ཁྱབ་པར་ན་བའི་འཇིགས་པ་དང་། །མཁའ་འགྲོ་མའི་འཇིགས་པ་འབྱུང་བར་མི་འགྱུར་རོ། །ཉོན་མོངས་པ་དྲག་པོ་ཡང་འབྱུང་
བར་མི་འགྱུར་རོ། །མེ་དང་ཆུ་དང་མཚོན་གྱིས་འཆི་བའི་དུས་བྱེད་པར་མི་འགྱུར་རོ། །ལྷས་ཀྱང་རྒྱུན་དུ་ཉེ་བར་བསྲུང་བ་དང་། སྐྱོབ་པ་དང་སྦེད་པར་འགྱུར་རོ། །གང་དང་གང་དུ་སྐྱེས་པ་དེ་དང་དེ་རུ་བྱམས་པ་དང་སྙིང་རྗེ་དང་
དགའ་བ་དང་བཏང་སྙོམས་དང་བྲལ་བར་མི་འགྱུར་རོ། །ཕན་ཡོན་ཉི་ཤུ་པོ་འདི་དག་སོ་སོར་འདོད་པར་བྱའོ། །གཞན་ཡང་ཆོས་བརྒྱད་སོ་སོར་འཐོབ་སྟེ། བརྒྱད་པོ་གང་ཞེ་ན། འཆི་བའི་དུས་སུ་འཕགས་པ་སྤྱན་རས་
གཟིགས་དབང་ཕྱུག་དགེ་སློང་གི་གཟུགས་ཀྱིས་ཞལ་ཡང་དག་པར་སྟོན་པར་འགྱུར་རོ། །བདེ་བར་ཚེའི་དུས་བྱེད་པར་འགྱུར་རོ། །མཐོང་བ་འཁྲུལ་པ་མེད་དོ། །ལག་པ་གཡོབ་པ་མེད་དོ། །བཤང་བ་མེད་དོ། །གཅི་བ་མེད་དོ། །
རླུང་གི་རྣམ་པ་མེད་དོ། །ཤིན་དུ་ལེགས་པར་གནས་ཤིང་དྲན་པ་དང་ལྡན་པར་འགྱུར་རོ། །ཁ་འོག་ཏུ་བལྟས་ནས་ཚེའི་དུས་བྱེད་པར་མི་འགྱུར་རོ། །འཆི་བའི་དུས་སུ་ཉོན་མོངས་པ་མེད་པར་རབ་ཏུ་བརྗོད་པར་འགྱུར་རོ། །
སངས་རྒྱས་ཀྱི་ཞིང་གང་དང་གང་དུ་སྨོན་ལམ་བཏབ་པ་དེ་དང་དེ་རུ་སྐྱེ་བར་འགྱུར་རོ། །དགེ་བའི་བཤེས་གཉེན་དང་འབྲལ་བར་མི་འགྱུར་རོ། །ཉིན་རེ་ཞིང་དུས་གསུམ་དུ་ལན་གསུམ་དུ་བཀླག་པར་བྱའོ། །ཆང་དང་ཤ་དང་

99-1-277a

ཙོང་དང་སྒོག་སྐྱ་དང་བདེ་བྱེད་ལ་བྱིན་པའི་ལྷག་མ་ཁྱད་པར་དུ་བསྲུང་བར་འདོད་པས་དེ་རྣམས་སྤང་བར་བྱའོ། །དོན་ཡོད་ཞགས་པའི་སྙིང་པོ་ཞེས་བྱ་བའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་ནུས་སམ་མི་ནུས་
ཤེས་པར་བྱས་ལ་ཉན་དུ་གཞུག་པར་བྱའོ། །སློབ་དཔོན་གྱིས་སེར་སྣ་མི་བྱ་སྟེ། གང་གི་ཕྱིར་ཕྲག་དོག་དང་སེར་སྣའི་དྲི་མ་སྤངས་པ་ནི་བྱང་ཆུབ་སེམས་དཔའ་ཡིན་ནོ། །སེམས་ཅན་གྱི་དོན་གྱི་ཆེད་དུ་སངས་རྒྱས་ཀྱི་བྱང་ཆུབ་
ཐོབ་པའི་ཕྱིར་བྱང་ཆུབ་སེམས་དཔའི་དགེ་འདུན་དུ་ཡང་འགྱུར་རོ། །ཤེས་རབ་ནི་བྱང་ཆུབ་ཏུ་བརྗོད་ལ་སེམས་དཔའ་ནི་ཐབས་ཏེ། དེ་གཉིས་དག་གིས་སེམས་ཅན་གྱི་དོན་ཉིད་ཐོབ་པར་འགྱུར་རོ། །བཅོམ་ལྡན་འདས་གལ་
ཏེ་ཆོས་འདི་རྗེས་སུ་ཟློས་ཤིང་སྙིང་པོ་དེ་བཞིན་གཤེགས་པའི་མདུན་དུ་བརྗོད་པར་བྱེད་པ་ནི་འཁོར་བཞི་པོ་རྣམས་ལ་ཕན་པ་དང་བདེ་བའི་དོན་གྱི་ཕྱིར་དང་། སྡིག་པ་བྱེད་པ་གཞན་རྣམས་ཀྱི་ཡང་ཕྱིར་རོ། །དེ་ནས་བཅོམ་
ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། གང་འདི་དག་པའི་སེམས་ཅན་ལ་ཁྱོད་ཀྱིས་བསྟན་པའི་དུས་ལ་བབ་སྟེ། དེ་བཞིན་
གཤེགས་པས་ཀྱང་རྗེས་སུ་ཡི་རང་ངོ་། །ཕྱི་མའི་ཚེ་ཕྱི་མའི་དུས་ན་བྱང་ཆུབ་སེམས་དཔའ་རྣམས་ཀྱི་ཕའི་བྱ་བ་བྱེད་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་
གཟིགས་དབང་ཕྱུག་སྤྱན་མི་འཛུམས་པར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསོན་ཅིག །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པའི་རྣམ་པར་
ཐར་པའི་དཀྱིལ་འཁོར་འདི་སྐྱེ་བོ་མང་པོ་ལ་ཕན་པ་དང་སྐྱེ་བོ་མང་པོ་ལ་བདེ་བ་དང་འཇིག་རྟེན་ལ་རྗེས་སུ་བརྩེ་བ་དང་སྐྱེ་དགུའི་ཚོགས་ཆེན་པོ་ལ་ཕན་པ་དང་བདེ་བ་དང་རྣམ་པར་ཐར་པའི་དོན་གྱི་ཕྱིར་ཡང་ངོ་། །

99-1-277b

ན་མ་སྟྲྱ་ཡདྡྷཱ་ནུ་ག་ཏ་པྲ་ཏིཥྛི་ཏེ་བྷྱཿ  སརྦ་བྷུདྡྷ་བོ་དྷི་ས་ཏྭེ་བྷྱཿ ། ན་མཿ པྲ་ཏྱེ་ཀ་བུདྷཱ་ཪྻ་ཤྲཱ་བ་ཀ་སྃ་གྷེ་བྷྱོ་ཏཱ་ཏཱ་ནཱ་ག་ཏ་པྲ་ཏྱུདྤནྣེ་བྷྱཿ ན་མ་སྶམྱཀྒ་ཏཱ་ནཱ། ན་མཿ སྃ་མྱཀྤྲ་ཏྱུཏྤནྣཱ་ནཱྃ། ན་མཿ ཤཱ་ར་དྭ་ཏཱི་པུ་ཏྲཱ་ཡ། མ་ཧཱ་མ་ཏ་
ཡེེ། ན་མ་ཨཱརྱ་མཻ་ཏྲེ་ཡ་མུ་ཁེ་བྷྱོ་མ་ཧཱ་བོ་དྷི་སཏྭེ་སྃ་གྷེ་བྷྱཿ  ན་མཿ སུ་པྲ་ཏིཥྛི་ཏ་ཤེ་ལེན་དྲ་རཱ་ཛ་པྲ་མ་ཁེ་བྷྱཿ ། སརྦ་ཏ་ཐཱ་ག་ཏེ་བྷྱཿ དྷྷ་དྦྷྱཿ  སམྱཀྶྃ་བུདྡྷེ་བྷྱོ་བྷ་ག་བདྦྷྱཿ ན་མཿ སུ་བརྞྞ་བརྞྞ་སུ་པྲ་ཏི་བྷཱ་བི་ཏ་ན་རྡི་ནེ་ཤྭ་ར་རཱ་
ཛཱ་ཡ་ཏ་ཐཱ་ག་ཏཱ་ཡ། ན་མཿ  སིྃ་ཧ་བི་ཀྲི་ཌི་ཏི་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་ཨ་མི་ཏཱ་བྷཱ་ཡ་ཏ་ཐཱ་ག་ཏཱ་ཡ། ན་མཿ  སུ་པྲ་ཏིཥྛི་ཏེ་མ་ཎི་ཀཱུ་ཊ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མཿ  ས་མནྟ་རསྨྱུངྒཏ་ཤྲཱི་ཀཱུ་ཊ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་བི་པ་
ཤྱི་ནེ་ཏ་ཐཱ་ག་ཏཱ་ཡ། ནེ་ཏ་ཐཱ་ག་ཏཱ་ཡ། ན་མོ་བི་ཤྭ་བྷུ་བེ་ཏ་ཐཱ་ག་ཏཱ་ཡ། ན་མཿ  ཀྲ་ཀུཙྪཱ་ནྡྲཱ་ཡ་ཏ་ཐཱ་ག་ཏཱ་ཡ། ན་མ་ཀ་ན་ཀ་མུ་ན་ཡེ་ཏ་ཐཱ་ག་ཏཱ་ཡ། ན་མཿ  ཀཱ་ཤ་པཱ་ཡ་ཏ་ཐཱ་ག་ཏཱ་ཡ། ན་མཿ  ཤཱཀྱ་མུ་ན་ཡེ་ཏ་ཐཱ་ག་ཏཱ་ཡཱཪྷ་ཏེ་ས་མྱཀྶྃ་
བུདྡྷཱ་ཡ། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱ་ཧཱ། ཨོཾ་ས་མེ་ས་མེ་མ་ཧཱ་ས་མེ་རཀྵ་རཀྵ་མྃ་སརྦ་སཏྭྃ་ཤྩ་སརྦ་པཱ་པ་པྲ་ཤ་མ་ནེ་སྭཱ་ཧཱ། ན་མཿ སུ་པ་རི་ཀཱིརྟྟི་ཏ་ནཱ་མ་དྷེ་ཡཱ་ཡ་ཏ་ཐཱ་ག་ཏཱ་ཡ། ན་མཿ ས་མནྟ་ཝ་བྷཱ་ས་བི་ཛི་ཏ་སྃ་གྲཱ་
མ་ཤྲ་ཡེ་ཏ་ཐཱ་ག་ཏཱ་ཡ། ན་མ་ཨིནྡྲ་ཀེ་ཏུ་དྷྭ་ཛ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་རཏྣ་པྲ་བྷཱ་སེ་ཤྭ་ར་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་ཨ་པྲ་ཏི་ཧ་ཏ་བྷཻ་ཥ་ཛྱ་རཱ་ཛཱ་ཡ་ཏ་ཐཱ་ག་ཏཱ་ཡ། ན་མོ་བིཀྲཱན་ཏ་གཱ་མི་ནེ་ཏ་ཐཱ་ག་ཏཱ་ཡ། ན་མོ་བུད་དྷཱ་ཡ། ན་མོ་དྷརྨྨཱ་ཡ། 
ན་མཿ  སྃ་གྷཱ་ཡ། ན་མོ་ཏཱི་ཏཱ་ནཱ་ག་ཏ་པྲ་ཏྱུཏྤནྣེ་བྷྱོ་བུདྡྷེ་བྷྱོ་བྷ་ག་བདྡྷྱཿཏདྱ་ཐཱ། སྨྲྀ་ཏི་བརྡྷ་ནི། མ་ཏི་བརྡྷ་ནི། ག་ཏི་བར་དྷ་ནི། དྷྲྀ་ཏི་བར་དྷ་ནི། པྲཛྙཱ་བར་དྷ་ནི། པྲ་ཧི་བྷཱ་ན་བཪྡྷ་ནི། དྷྱཱ་ན་བཪྡྷ་ནི། ཤཱ་མ་ཐ་བཪྡྷ་ནི། སརྦ་བོ་དྷི་
བཀྵ་དྷརྨ་བཪྡྷ་ནི། ས་ཀ་ལ་བུདྡྷ་དྷརྨ་པ་རི་པཱུ་ར་ཎཱ་ཡེ་སྭཱ་ཧཱ། ན་མོ་རད་ན་ཏྲ་ཡཱ་ཡ། ན་མ་ཨཱརྱ་ཝ་ལོ་ཀི་ཏེ་ཤྭ་རཱ་ཡ་བོ་དྷི་སཏྭཱ་ཡ། མ་ཧཱ་ས་ཏྭཱ་ཡ་མ་ཧཱ་ཀཱ་རུ་ཎི་ཀཱ་ཡ། ན་མོ་མ་ཧཱསྠཱ་མ་པྲཔྟཱ་ཡ་བོ་དྷི་སཏྭཱ་ཡ་མ་ཧཱ་སཏྭཱ་ཡ། མ་ཧཱ་

99-1-278a

ཀཱ་རུ་ཎི་ཀཱ་ཡ། ཨེ་བྷྱོ་ན་མ་སྐྲྀ་ཏྭཱ་ཨི་དམཱརྱ་ཝ་ཀ་ལོ་ཀི་ཏེ་ཤྭ་ར་མུ་ཁོདྒི་རྞྞ་ཨ་མོ་གྷ་པཱ་ཤྭ་རཱ་ཛཱ་ནཱ་མ་ཧྲྀ་ད་ཡྃ་ཏ་ཐཱ་ག་ཏཱ་སྃ་མུ་ཁཾ་བྷཱ་ཥི་ཏྃ་མ་ཧཱ་ཏཱྃ་བཪྵནྨ་དྷྱེ་ཨ་ཧ་མི་དཱ་ནཱི་མཱ་བརྟྟ་ཡི་ཥྱཱ་མི། སིདྦྷྱནྟུ་མེ་མནྟྲ་པཱ་
དཱཿསརྦ་ཀཱརྱ་ཎི་སརྦ་བྷ་ཡེ་བྷྱོ་མ་མ་སརྦ་སཏྭཱ་ནཱཉྩ་རཀྵ་བྷ་བནྟུ། ཏདྱ་ཐཱ། ཨོཾ་ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། མ་ར་མ་ར། མི་རི་མི་རི། མུ་རུ་མུ་རུ། མ་ཧཱ་ཀཱ་རུ་ཎི་ཀ །ས་ར་ས་ར། སི་རི་སི་རི། སུ་རུ་སུ་རུ། 
ཙུ་རུ་ཙུ་རུ། ཙི་རི་ཙི་རི། པི་རི་པི་རི། བི་རི་བི་རི། མི་རི་མི་རི། མ་ཧཱ་པད་མ་ཧསྟ། ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། མ་ཧཱ་ཤུདྷཱ་སཏྭཱ། བུད་དྷྱ་བུད་དྷྱ། བོ་དྷ་བོ་དྷ། བོ་དྷི་བོ་དྷི། བོ་དྷ་ཡ་བོ་དྷ་ཡ། ཀ་ཎ་ཀ་ཎ། 
ཀི་ཎི་ཀི་ཎི། ཀུ་ཎུ་ཀུ་ཎུ། པ་ར་མ་ཤུད་དྷ་སཏྭཱ། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མ་ཧཱ་སྠཱ་མ་པྲཱཔྟ། ཙ་ལ་ཙ་ལ། སཉྩ་ལ་སཉྩ་ལ། བི་ཙ་ལ་བི་ཙ་ལ། ཨེ་ཊཊ་ཨེ་ཊ་ཊ། བྷ་ར་བྷ་ར། བྷི་རི་བྷི་རི། བྷུ་རུ་བྷུ་རུ། 
ཏ་ར་ཏ་ར། ཏི་རི་ཏི་རི། ཏུ་རུ་ཏུ་རུ། ཨེ་ཧྱེ་ཧི་མ་ཧཱ་ཀཱ་རུ་ཎི་ཀ །མ་ཧཱ་པ་ཤུ་པ་ཏི་བེ་ཤུ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། ཙ་ར་ཙ་ར། པ་ར་པ་ར། བ་ར་བ་ར། མ་ར་མ་ར། ལ་ར་ལ་ར། ཧ་ར་ཧ་ར། 
ཧཱ་ཧཱ་ཧཱི་ཧཱི་ཧཱུ་ཧཱུ། ཨོཾ་ཀཱ་ར་བྲཧྨ་བེ་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ས་ར་ས་ར། ཙ་ར་ཙ་ར། ན་ར་ན་ར། བ་ར་བ་ར། ཧ་ར་ཧ་ར། རསྨི་ཤ་ཏ་ས་ཧ་སྲ་པྲ་ཏི་མཎྜི་ཏ་ཤ་རཱི་ར། ཛྭ་ལ་ཛྭ་ལ། ཏ་པ་ཏ་པ། 
བྷཱ་ཥ་བྷཱ་ཥ། བྷྲ་མ་བྷྲ་མ། བྷ་ག་ཝཱནྶོ་མཱ་དི་ཏྱ་ཡ་མ། བ་རུ་ཎ། ཀུ་བེ་ར། བྲཧྨེནྡྲ། བཱ་ཡུ། ཨགྣི། དྷ་ན་དཱ། རྀ་ཥི་དེ་བ་ག་ཎཱ་བྷྱརྩྩི་ཏ་ཙ་ར་ཎ། སུ་རུ་སུ་རུ། ཙུ་རུ་ཙུ་རུ། མུ་རུ་མུ་རུ། གྷུ་རུ་གྷུ་རུ། སན་ཏྐུ་མཱ་ར། རུ་དྲ། བཱ་ས་བ། 
བིཥྞུ། དྷན་དཱ། བཱ་ཡུ། ཨགྣི། རྀ་ཥི། ནཱ་ཡ་ཀ །བི་ནཱ་ཡ་ཀ །བ་ཧུ་བི་བི་དྷ་བི་ཤ་དྷ་ར། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཏ་ར་ཏ་ར། ཐ་ར་ཐ་ར། གྷ་ར་གྷ་ར། པ་ར་པ་ར། ལ་ར་ལ་ར། ཧ་ར་ཧ་ར། ཡ་ར་ཡ་ར། ས་ར་ས་ར། བ་ར་བ་

99-1-278b

ར། བ་ར་དཱ་ཡ་ཀ །ས་མན་ཏཱ་ཝ་ལོ་ཀི་ཏ། བི་ཀེ་ཤྭ་ར། མ་ཧེ་ཤྭ་ར། ཏྲེ་བྷུ་བ་ནེ་ཤྭ་ར། སརྦ་གུ་ཎ་ས་མཱ་ལྃ་ཀྲི་ཏ། ཨ་ཝ་ལོ་ཀི་ཏེ་ཤྭ་ར། མུ་ཧུ་མུ་ཧུ། མུ་རུ་མུ་རུ། མུ་ཡ་མུ་ཡ། མུཉྩ་མུཉྩ། རཀྵེ་རཀྵེ་མཱྃ་སརྦ་སཏྭཱ་ཤྩ། སརྦ་
བྷ་ཡེ་བྷྱ། སྶརྦོ་པ་དྲ་བེ་བྷྱཿ སརྦོ་གྲ་ཧེ་བྷྱཿ སརྦ་བྱཱ་དྷི་བྷྱཿ བ་སརྦ་བི་ཥེ་བྷྱཿ སརྦ་ཛྭ་རེ་བྷྱཿ  ཨེ་བྃ། བྃ་དྷ་བནྡྷ་ན། ཏཱ་ར་ན། ཏརྫ་ན། རཱ་ཛ། ཏསྐ་ར། ཨགྣི། ཨུ་ད་ཀ །བི་ཥ་ཤསྟྲ་པ་རི་མོ་ཙ་ཀ །ཀ་ཎ་ཀ་ཎ། ཀི་ཎི་ཀི་ཎི། 
ཀུ་ཎུ་ཀུ་ཎུ། ཙ་ར་ཙ་ར། ཙི་རི་ཙི་རི། ཙུ་རུ་ཙུ་རུ། ཨིནྡྲི་ཡ། བ་ལ། བོ་དྷྱི་ག །ཙ་ཏུ་རཱ་རྱས་ཏྱ་སྃ་པྲ་ཀཱ་ཤ་ཀ །ཏ་པ་ཏ་པ། ཏ་མ་ཏ་མ། ད་མ་ད་མ། ཤ་མ་ཤ་མ། མ་ས་མ་ས། དྷ་མ་དྷ་མ། མ་ཧཱ་ཀཱ་རུ་ཎི་ཀ །མ་ཧཱ་ཏ་མནྡྷ་ཀ་རི། 
བི་དྷམ་ན། ཥཊྤཱ་ར་མི་ཏཱ་པ་རི་པཱུ་ར་ཀ །མ་ལ་མ་ལ། མི་ལི་མི་ལི། མུ་ལུ་མུ་ལུ། ཊ་ཊ་ཊ་ཊ། ཋ་ཋ་ཋ་ཋ། ཊི་ཊི་ཊི་ཊི། ཊུ་ཊུ་ཊུ་ཊུ། ཋི་ཋི་ཋི་ཋི། ཋུ་ཋུ་ཋུ་ཋུ། ཨེ་ཎེ་ཡ་ཙཪྨ་ཀྲྀ་ཏ་པ་རི་ཀ་ར། ཨེ་ཧྱེ་ཧི་མ་ཧཱ་ཀཱ་རུ་
ཎི་ཀ །ཨཱི་ཤྭ་ར། མ་ཧེ་ཤྭ་ར། མ་ཧཱ་བྷུ་ཏ་ག་ཎ་སྃ་བྷཉྫ་ཀ །ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། ཧ་ར་ཧ་ར། བ་ར་བ་ར། ས་ར་ས་ར། ཀ་ར་ཀ་ར། ཀ་ཊ་ཀ་ཊ། ཀི་ཊི་ཀི་ཊི། ཀུ་ཊུ་ཀུ་ཊུ། མ་ཊ་མ་ཊ། མ་ཧཱ་བི་ཤུད་དྷ་བི་ཥ་
ཡ་ནི་པཱ་སི་ན། མ་ཧཱ་ཀཱ་རུ་ཎི་ཀ་ཤྭེ་ཏ་ཡཛྙོ་པ་བཱི་ཏ། རཏྣ་མ་ཀུ་ཊ། མཱ་ལཱ་དྷ་ར། སརྦ་ཛྙ་ཤི་ར་སི་ཀྲི་ཏ་ཛ་ཊཱ་མ་ཀུ་ཊ། མ་ཧཱ་དྦྷུ་ཏ་ཀ་མ་ལཱ། ལྃ་ཀྲི་ཏ་ཀ་ར་ཏ་ཡ། དྷྱཱ་ན་ས་མཱ་དྷི་བི་མོཀྵ་པྲ་ཀམྤྱ། བ་ཧུ་སཏྭཱ་སནྟ་ཏི་པ་རི་
པཱ་ཙ་ཀ །མ་ཧཱ་ཀཱ་རུ་ཎི་ཀ །སརྦ་ཀརྨྨཱ་ཝ་ར་ཎ་བི་ཤོ་དྷ་ཀ །སརྦ་ཛྙཱ་ཛྙཱ་ན་པ་རི་པཱུ་ར་ཀ །སརྦ་བྱཱ་དྷི་པ་རི་མོ་ཙ་ཀ །སརྦ་སཏྭཱ་ཤཱ་པ་རི་པཱུ་ར་ཀ །སརྦ་སཏྭཱ་ས་མཱ་ཤྭཱ་ས་ན་ཀ་ར་ན་མོ་སྟུ་ཏེ་སྭཱ་ཧཱ། ཨ་མོ་གྷཱ་ཡ་སྭཱ་ཧཱ། ཨ་མོ་གྷ་
པཱ་ཤཱ་ཡ་སྭཱ་ཧཱ། ཨ་ཛི་ཏཱ་ཡ་སྭཱ་ཧཱ། ཨ་པ་རཱ་ཛི་ཏཱ་ཡ་སྭཱ་ཧཱ། ཨ་མི་ཏཱ་བྷཱ་ཡ་སྭཱ་ཧཱ། ཨ་མི་ཏཱ་བྷཱ་སུ་ཏཱ་ཡ་སྭཱ་ཧཱ། མཱ་ར་སཻ་ནྱ་པྲ་མརྡྡ་ནཱ་ཡ་སྭཱ་ཧཱ། ཨ་བྷ་ཡཱ་ཡ་སྭཱ་ཧཱ། ཨ་བྷ་ཡ་པྲ་དཱ་ཡ་སྭཱ་ཧཱ། ཛ་ཡཱ་ཡ་སྭཱ་ཧཱ། བི་ཛ་ཡཱ་ཡ་

99-1-279a

སྭཱ་ཧཱ། ཛ་ཡ་བི་ཛ་ཡཱ་ཡ་སྭཱ་ཧཱ། བ་ར་དཱ་ཡ་སྭཱ་ཧཱ། བ་ར་པྲ་དཱ་ཡ་སྭཱ་ཧཱ། ཨ་ཀཱ་ལ་མྲྀ་ཏྱུ་པྲ་ཤ་མ་ནཱ་ཡ་སྭཱ་ཧཱ། ཨི་དཉྩ་མེ་ཀརྨྨཱ་ཀུ་རུ་ན་མོ་སྟུ་ཏེ་སྭཱ་ཧཱ། ཨོཾ་ར་ཎ་ར་ཎ་ཧཱུྃ་ཕཊ་སྭཱ་ཧཱ། ཨོཾ་ཛ་ཡ་ཧཱུྃ་ཕཊ་སྭཱ་ཧཱ། ཨོཾ་ཛྲ་ཛཱུ་
སྭཱ་ཧཱ། ཨོཾ་ཧཱུྃ་ཛ་ཡ་སྭཱ་ཧཱ། ཨོཾ་ཧྲི་སྟྲཻ་ལོ་ཀྱ་བི་ཛ་ཡཱ་མོ་གྷ་པཱ་ཤཱ་པྲ་ཏི་ཧ་ཏ་ཧྲཱིཿཧཿཧཱུྃ་ཕཊ་སྭཱ་ཧཱ། ཨོཾ་པ་སུ་པ་ཏི་སྭཱ་ཧཱ། ཨོཾ་ཨཱ་རོ་ལི་ཀ་སྭཱ་ཧཱ། ཨོཾ་བ་ཧུ་ལེ་བ་ཧུ་ལེ་སྭཱ་ཧཱ། ཨོཾ་ཨཱ་རོ་ལི་ཀ་ཧྲཱིཿཧྲཱིཿཧུྃ་ཕཊ་སྭཱ་ཧཱ། ནི་ཡ་ཏཱ་ནི་ཡ་ཏ། 
བི་ད་ནཱི་ཡཱ་ཤུ་བྷ་སྱ་མེ་བྷ་ག་ཝན་ཀརྨ་ཎོ་ཨ་ཤེ་ཥ་ཏཿཀྵ་ཡྃ་ཀུ་རུ་སྭཱ་ཧཱ། ཨོཾ་པད་མ་ཧསྟཱ་ཡ་སྭཱ་ཧཱ། ཨོཾ་བུདྡྷ་དྷརྨྨ་སྃ་གྷཱ་ཡ་སྭཱ་ཧཱ། བཀླགས་པས་ལས་ཐམས་ཅད་འགྲུབ་པ་ཡིན་ནོ། །དུས་གསུམ་དུ་བཟླས་ན་མཚམས་
མེད་པ་ལྔ་རྣམ་པར་དག་པར་འགྱུར་རོ། །ལས་ཀྱི་སྒྲིབ་པ་ཐམས་ཅད་རྣམ་པར་དག་པར་འགྱུར་རོ། །ཨ་ག་རུའི་བདུག་སྤོས་དང་ཐལ་བ་དང་ཆུ་དང་། ཡུངས་ཀར་དང་སེང་ལྡིང་གི་ཕུར་བུ་ལ་སོགས་པས་མཚམས་བཅིང་
ངོ་། །རིམས་ནད་ཐམས་ཅད་ལ་སྲུང་སྐུད་བཅིང་བར་བྱའོ། །ནད་ཐམས་ཅད་ལ་མར་རམ། མར་ནག་གམ། ཆུ་ལ་ཡོངས་སུ་བཟླས་ཏེ་སྦྱིན་པར་བྱའོ། །ལུས་ལ་ཁྱབ་པའི་ནད་ལ་མཚོན་ཆས་གཅད་ཅིང་སྲུང་སྐུད་ཀྱང་བྱའོ། །
ལྟོ་ན་བ་ལ་ཚྭ་ཆུས་ཉམས་པར་བྱེད་པ་འམ། འཇིམ་འབག་གམ། ཆུས་ཀྱང་བྱའོ། །མིག་གི་ནད་ལ་སྐུད་པ་དཀར་པོ་རྣ་བ་ལ་བཅིང་བར་བྱའོ། །སོའི་ནད་ལ་ཀ་ར་བི་རའི་སོ་ཤིང་གིས་སོ། །མཚམས་བཅིང་བ་ལ་ནི་ཚོན་
སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ནས་སེང་ལྡིང་གི་ཕུར་བུ་བཞི་ལ་བཅིངས་ཏེ་ཕྱོགས་བཞིར་གདབ་པར་བྱས་ན་མཚམས་བཅིངས་པ་ཡིན་ནོ། །ཐམས་ཅད་དུ་སྲུང་སྐུད་དམ། ཆུ་འམ་ཐལ་
བས་བྱའོ། །གཟའ་ཐམས་ཅད་ལ་ཚོན་སྣ་ལྔའི་སྐུད་པས་བྱའོ། །རིམས་ཐམས་ཅད་ལ་སྐུད་པ་དཀར་པོས་བྱའོ། །སྦྲུལ་དང་། སྲིན་བུ་དང་། བ་སྤུ་བྱི་བ་དང་། ལྷོག་པ་དང་། གྲེ་བ་འགགས་པ་རྣམས་ལ་སྦྲང་རྩི་པི་པི་ལིང་

99-1-279b

དང་ལྡན་པས་བྱའོ། །མིག་གི་ནད་ལ་དྲི་ཞིམ་པོའི་ཆུ་འམ། རྒྱ་སྐྱེགས་ཀྱི་ཆུ་འམ། སྦྲང་རྩི་འམ། ཤིང་མངར་གྱིས་བྱའོ། །རྩོད་པའི་དུས་ཐམས་ཅད་དུ་རྩོད་པ་དང་མི་སྙན་པར་བརྗོད་པ་ལ་ཆུ་ལ་ཡོངས་སུ་བཟླས་ཏེ་གདོང་
བཀྲུ་བར་བྱའོ། །ཡུལ་གཞན་གྱི་རྒྱལ་པོའི་འཚེ་བ་ལ་ཡུལ་འཁོར་དུ་བུམ་པ་གང་བ་ཡང་དག་པར་གཞག་ནས་གཙང་མས་གོས་གཙང་མ་གྱོན་ཏེ་མཆོད་པ་ཆེན་པོ་བྱས་ཤིང་བཀླགས་ན་ཞི་བ་ཆེན་པོར་འགྱུར་རོ། །དེའི་
ཆུས་ཀྱང་གཏོར་བར་བྱས་ནས་སེམས་ཅན་ཐམས་ཅད་བསྲུང་བ་ཡིན་ནོ། །ཉེ་བར་འཚེ་བ་ཐམས་ཅད་དང་། ཡམས་རྣམས་ཞི་བ་ཡིན་ནོ། །ཕྱག་རྒྱ་ཙན་དན་གྱི་ཐིག་ལེ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་
ན་མཚམས་མེད་པ་ཐམས་ཅད་ཟད་པར་བྱེད་དོ། །རྟག་ཏུ་བཟླས་ན་ཁྱིམ་བསྲུང་བའོ། །པད་མའི་སྦྱིན་སྲེག་གི་སེམས་ཅན་ཐམས་ཅད་ཀྱི་བསྲུང་བའོ། །ཙན་དན་གྱི་སྦྱིན་སྲེག་གིས་གཟའ་དང་། འབྱུང་པོ་དང་རྒྱུ་སྐར་
ཐམས་ཅད་ལས་བསྲུང་བའོ། །རྒྱལ་བ་དང་། རྣམ་པར་རྒྱལ་བ་དང་། གཞན་གྱིས་མི་ཐུབ་པ་དང་། ན་གུ་ལི་དང་། དྲིའི་ན་གུ་ལི་དང་། དྷ་ར་ནི་དང་། མི་འཇིགས་པའི་ལག་པ་དང་། དབང་པོའི་ལག་པ་དང་། དྲིའི་པྲི་
ཡང་ཀུ་དང་། ཏ་ཀ་ར་དང་འཁོར་ལོ་དང་འཁོར་ལོ་ཆེན་པོ་དང་། རྣམ་པར་གནོན་པ་དང་། སོ་མ་རཱ་ཛི་དང་། སུ་ནཏྟ་ཞེས་བྱ་བ་སྟེ། དེ་དག་གང་ཡང་རུང་བ་ལ་བརྒྱ་རྩ་བརྒྱད་ཀྱི་བར་དུ་ཡོངས་སུ་བཟླས་ནས་ནོར་བུ་ལྟ་བུར་
བྱས་ནས་མགོ་བོ་དང་དཔུང་པ་ལ་བཅིང་བར་བྱའོ། །བྱིས་པ་མོ་རྣམས་ཀྱི་ནི་མགུལ་དུའོ། །བུད་མེད་རྣམས་ཀྱི་འདོམས་སུ་བཅངས་ན་རང་ཉིད་མཆོག་ཏུ་མསྐལ་བ་དང་ལྡན་པར་བྱེད་དོ། །གཡང་མེད་པ་
ཉམས་ནས་བུ་ཡང་སྟེར་རོ། །ནོར་བུ་འདི་བཅངས་པས་ཐམས་ཅད་དུ་བསྲུང་བ་བྱས་པ་ཡིན་ནོ། །དུག་དང་མེས་མི་ཚུགས་སོ། །དུག་གིས་བྱས་པ་ཡང་སྐྱེ་བར་མི་འགྱུར་རོ། །ནད་བྱུང་བ་ཡང་མི་སྐྱེ་ཞིང་མྱུར་དུ་ཞི་བར་

99-1-280a

འགྱུར་རོ། །གཟའ་རབ་ཏུ་ཞི་བར་འགྱུར་རོ། །རླུང་དང་སྤྲིན་དང་ཐོག་ནི་ཆུས་རེངས་པར་བྱེད་དོ། །ཀ་ར་བི་རའི་ལྕུག་མས་ནི་ལས་ཐམས་ཅད་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་མཆོག་ཏུ་
གྲུབ་པ་འདིས་མ་བསྒྲུབས་པར་ཡང་ལས་འདི་རྣམས་བྱེད་དོ། །དེ་ནས་སྒྲུབ་པར་འདོད་ན་ཐང་སྐུའི་ཆོ་ག་ནི་ཚོན་སྣ་མ་ལུས་པས་སངས་རྒྱས་ཀྱི་སྐུ་གཟུགས་མཉམ་པར་བྲི་བར་བྱ་སྟེ། འཕགས་པ་སྤྱན་རས་གཟིགས་
དབང་ཕྱུག་རལ་པའི་ཅོད་པན་འཆང་བ་རི་དགས་ཀྱི་ལྤགས་པས་སྨད་དཀྲིས་བྱས་ཤིང་ཕྱུགས་བདག་གི་ཆ་ལུགས་འཆང་བ་རྒྱན་ཐམས་ཅད་ཀྱིས་བརྒྱན་པར་བྱའོ། །ལྷ་བཟོ་མཁན་
གསོ་སྦྱོང་དང་ལྡན་པས་རི་མོ་བྲི་བར་བྱའོ། །དེ་ནས་སྒྲུབ་པ་པོས་སྐུ་གཟུགས་དེའི་མདུན་དུ་བ་ལང་གི་ལྕི་བས་དཀྱིལ་འཁོར་བྱས་ལ་མེ་ཏོག་དཀར་པོ་བཀྲམ་སྟེ། དྲི་ཞིམ་པོའི་ཆུས་བཀང་བའི་བུམ་པ་བརྒྱད་
གཞག་པར་བྱའོ། །ཉེ་བར་སྤྱོད་པ་བརྒྱད་དང་ཉེ་བར་མཁོ་བ་དྲུག་བཅུ་རྩ་བཞི་དང་། ཁྲག་མེད་པའི་གཏོར་མ་ཤ་དང་བཅས་པ་བྱའོ། །ཨ་ག་རུའི་བདུག་སྤོས་བསྲེགས་ལ་རིག་པ་སྟོང་ཕྲག་བརྒྱད་
བཟླས་པར་བྱའོ། །ཉིན་ཞག་གཅིག་ཏུ་སྨྱུང་བར་གནས་པ་འམ། དཀར་གསུམ་ཟ་ཞིང་དུས་གསུམ་དུ་ཁྲུས་བྱས་ནས་གོས་གཙང་མ་གྱོན་པར་གྱུར་པས་བཟླས་པ་བྱའོ། །དེ་ནས་སྐུ་གཟུགས་
ཀྱི་མདུན་དུ་རང་ཉིད་བྲིས་པ་བལྟས་ཏེ་དེ་མཐོང་བས་དགའ་བར་འགྱུར་རོ། །ཇི་སྲིད་དུ་འཕགས་པ་སྤྱན་རས་གཟིགས་དབང་ཕྱུག་བྱོན་ཏེ། བསམ་པ་ཐམས་ཅད་ཡོངས་སུ་རྫོགས་པར་

99-1-280b

བྱེད་དོ། །ལྡོང་རོས་སམ་མིག་སྨན་ལ་ཡོངས་སུ་བཟླས་ཏེ་མིག་ལ་བསྐུས་ནས་དེ་ནས་མི་སྣང་བར་འགྱུར་ཞིང་ནམ་མཁའ་ལ་འགྲོ་བར་འགྱུར་རོ། །ཡང་དག་པར་རྨོངས་པ་མེད་པའི་ཚོགས་ཤེས་བྱ་
བའི་ཏིང་ངེ་འཛིན་རབ་ཏུ་འཐོབ་བོ། །སྒྲུབ་པ་པོ་གང་འདོད་པ་དེ་འདིས་བྱེད་དོ་ཞེས་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་
ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། གནས་གཙང་མའི་རིས་ཀྱི་ལྷའི་བུ་དེ་དག་དང་། ལྷ་དང་། མི་དང་། 
ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་
ཆེན་པོའི་མདོ་རྫོགས་སྷོ།། །།རྒྱ་གར་གྱི་མཁན་པོ་ཨ་མོ་གྷ་བཛྲ་དང་། བོད་ཀྱི་ལོ་ཙྪ་བ་དགེ་སློང་རིན་ཆེན་གྲགས་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།
འདི་ནི་དོན་ཡོད་ཞགས་པ་ཆོ་ག་ཞིབ་མོའི་དབུ་ནས། དོན་ཡོད་པའི་ཞགས་པའི་ཆོ་ག་ཡན་ཆད་ལོགས་སུ་བཀོས།།    །།    །།    །།    །།
པ་ཡིན་མོད་ཀྱི། གཟུངས་རིངས་ལ་མི་འདྲ་བའི་ཁྱད་པར་ཅུང་ཟད་ཡོད་པ་དང་། དོན་ཡོད་ཞགས་པར་ཕྱིན་དྲུག་ཡོངས་སུ་རྫོགས་པའི་གཟུངས་ནི་ཆོ་ག་ཞིབ་མོའི་བམ་པོ་བཅུ་བཞི་པ་ལས་ཕྱུང་བར་སྣང་བས་དེར་འདུས་སོ།།

99-1-281a

This page is combined with 99-1-285a and 99-1-285b.
Please see page 99-1-285a and 99-1-285b.

99-1-281b

This page is combined with 99-1-285a and 99-1-285b.
Please see page 99-1-285a and 99-1-285b.

99-1-282a

This page is combined with 99-1-285a and 99-1-285b.
Please see page 99-1-285a and 99-1-285b.

99-1-282b

This page is combined with 99-1-285a and 99-1-285b.
Please see page 99-1-285a and 99-1-285b.

99-1-283a

This page is combined with 99-1-285a and 99-1-285b.
Please see page 99-1-285a and 99-1-285b.

99-1-283b

This page is combined with 99-1-285a and 99-1-285b.
Please see page 99-1-285a and 99-1-285b.

99-1-284a

This page is combined with 99-1-285a and 99-1-285b.
Please see page 99-1-285a and 99-1-285b.

99-1-284b

This page is combined with 99-1-285a and 99-1-285b.
Please see page 99-1-285a and 99-1-285b.

99-1-285a

༄༅། །རྒྱ་གར་སྐད་དུ།  ཨཱརྱ་ཨ་མོ་གྷ་པཱ་ཤ་པཱ་ར་མི་ཏཱ་ཥཊ་པ་རི་པཱུ་ར་ཡ་ནཱ་མ་དྷཱ་ར་ཎཱི།  བོད་སྐད་དུ།  འཕགས་པ་དོན་ཡོད་ཞགས་པའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་
འཚལ་ལོ། །དུས་གསུམ་དུ་གཤེགས་ཤིང་བཞུགས་པའི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་
འཚལ་ལོ། །ཨོཾ་ཨ་མོ་གྷ་པཱ་ཤ་མ་ཧཱ་དཱ་ན་པཱ་ར་མི་ཏཱ་པཱ་རི་པཱུ་ར་ཡ་ཧཱུྃ། ད་ར་ད་ར། བི་བི་དྷ་ར། བི་ཙི་ཏྲཻ། སརྦྦ་སཏྭཱ་ཨུ་པ་བྷོ་ག །སརྦྦ་ཏ་ཐཱ་ག་ཏ། མ་ཧཱ་དཱ་ན། པུ་ཛ་མེ་གྷཱ་པྲ་བརྟཱ་ཡ། ཏ་ར་ཏ་ར། ཏ་ར་ཡ་མ་ཧཱ་པད་མ་མ་ནི་ཧཱུྃ་ཕཊ་སྭཱ་ཧཱ། 
འདི་ནི་དོན་ཡོད་པའི་ཞགས་པའི་སྦྱིན་པའི་ཕ་རོལ་ཏུ་ཕྱིན་པའི་སྙིང་པོ་ཆེན་པོ་སྟེ། གང་གིས་ཡུངས་འབྲུ་ཙམ་གྱི་སྦྱིན་པ་ཡང་བྱིན་ཏེ་དྲན་པ་ཙམ་གྱིས་ལན་བདུན་བཟླས་བརྗོད་བྱས་ན་མཆོད་སྦྱིན་ཆེན་པོ་རྣམ་པར་འཕྲུལ་པ་ཆེན་པོ་ཤིན་དུ་
རྒྱས་པ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་
པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་ཤཱི་ལ། སྃ་བྷ་ར་སྃ་བྷ་ར། བྷ་ར་བྷ་ར། མ་ཧཱ་ཤུདྷ་ས་ཏྭ་པད་མ་བི་བྷཱུ་ཥི་ཏ། བྷུ་ཛ། དྷ་ར་དྷ་ར། ས་མན་ཏ་ཨ་བ་ལོ་ཀི་ཏེ་ཧཱུྃ་
ཕཊ་སྭཱ་ཧཱ། གཟུངས་འདི་གསོ་སྦྱོང་གི་ཡན་ལག་བརྒྱད་གཟུང་ནས་སྨྱུང་བར་གནས་པར་བྱས་ཏེ་མི་སྨྲ་བར་ལན་ཉི་ཤུ་རྩ་གཅིག་ཏུ་དྲན་པས་བརྗོད་པར་བྱའོ། །དེ་ནས་དོན་ཡོད་པའི་ཞགས་པའི་སྙིང་པོ་བཟླས་བརྗོད་བྱའོ། །
བཟླས་བརྗོད་བྱས་པ་ཙམ་གྱི་མོད་ལ་ཚུལ་ཁྲིམས་དག་པ་ཆེན་པོ་དང་ལྡན་པར་འགྱུར་རོ། །ཚུལ་ཁྲིམས་ཀྱི་ཕ་རོལ་དུ་ཕྱིན་པ་ཡོངས་སུ་རྫོགས་པར་འགྱུར་རོ། །ཚུལ་ཁྲིམས་ཀྱི་དྲི་ཞིམ་པོ་མང་པོ་ལུས་ལ་འབྱུང་ཞིང་། ཕྱོགས་བཅུ་

99-1-285b

བཅུའི་འཇིག་རྟེན་དུ་གྲགས་པར་འགྱུར་རོ། །གང་ཞིག་ཉི་མ་རེ་རེ་ཞིང་གཟུངས་འདི་དྲན་པར་བྱེད་ན་དེ་ནི་རྟག་ཏུ་ཚུལ་ཁྲིམས་ཡོངས་སུ་དག་པར་འགྱུར་རོ། །དགེ་སློང་གང་ལ་ལ་ཞིག་ཚུལ་ཁྲིམས་ཞིག་ཅིང་ཉམས་པར་གྱུར་པས་སྨྱུང་བར་གནས་
པར་བྱས་ཏེ། གཟུངས་འདི་བཟླས་བརྗོད་བྱས་པ་ཙམ་གྱི་མོད་ལ་ཚུལ་ཁྲིམས་ཡོངས་སུ་དག་པར་འགྱུར་ཞིང་། ཚུལ་ཁྲིམས་མང་པོ་དང་ལྡན་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་
འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་ཀྵཱན་ཏི་སརྦྦ་བོ་དྷི་སཏྭ་ཀྵ་མི་ཎ། ཀྵ་ཎ་ཀྵ་ཎ་མ་ཧཱ་མཻ་ཏྲི་ཀཱ་རུ་
ཎ་སརྦྦ་སཏྭ་བད་སཱ་ལ། མ་ཧཱ་ཀཱ་རུ་ཎི་ཀ །སརྦྦ་སཏྭ་ཀྵ་མ་ཎི་ཧཱུྃ་ཕཊ་སྭཱ་ཧཱ། གཟུངས་འདི་དྲན་པས་སེམས་ཅན་དུ་གྱུར་པ་ཐམས་ཅད་ལ་བཟོད་པ་དང་། བཟོད་པ་ཆེན་པོ་དང་། སྙིང་བརྩེ་བ་དང་། སྙིང་རྗེ་ཆེན་པོ་དང་
ལྡན་པའི་སེམས་ཀྱིས་མཉམ་པར་གནས་པ་དང་། བྱོལ་སོང་གི་སྐྱེ་གནས་སུ་གཏོགས་པའི་རི་དགས་དང་། བྱ་དང་། ལྟོས་འགྲོ་ལ་སོགས་པ་གང་དག་འདས་པ་གང་ཡིན་པ་དང་། གནས་པ་གང་ཡིན་པ་དང་། 
སྐྱེ་བར་འགྱུར་བ་གང་ཡིན་པ་དེ་དག་རྣམས་ལ་སྙིང་བརྩེ་བའི་ཕྱིར་གང་ལ་ལ་ཞིག་གཟུངས་འདི་དྲན་པས་བཟོད་པའི་མཆོག་སྒོམ་པར་བྱེད་ན་དེ་སེམས་ཅན་དམྱལ་བ་དང་། ཡི་དགས་དང་། དུད་འགྲོ་ཐམས་ཅད་ལས་ཡོངས་སུ་ཐར་བར་འགྱུར་ཞིང་། 
སྐྱེ་བོའི་ཚོགས་མང་པོ་སྡུག་བསྔལ་ལ་གནས་པ་རྣམས་ལས་རྣམ་པར་གྲོལ་བར་འགྱུར་རོ། །ནམ་སངས་རྒྱས་ཀྱི་ཡོངས་སུ་དག་པ་ལ་གནས་པར་གྱུར་གྱི་བར་དུ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །དུས་གསུམ་གྱི་
དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་མ་ཧཱ་བཱིརྱ་ཨ་མོ་གྷ་བི་

99-1-286a

ལོ་ཀི་ཏེ། བ་ར་བ་ར། དྲི་ཌྷ་བཱིརྱ་མ་ཧཱ་བ་ལ། བ་ལ་བ་ལ། མ་ཧཱ་བོ་དྷྱྃ་ག །བ་ལ་བོ་དྷ་ནི་ཧཱུྃ་ཕཊ་སྭཱ་ཧཱ། གཟུངས་འདི་དུས་རྟག་ཏུ་དྲན་པ་འམ། ཡོངས་སུ་དག་ཅིང་སྤྲོ་བའི་ཡིད་ཀྱིས་དྲན་པ་ཙམ་གྱི་མོད་ལ་བརྩོན་འགྲུས་ཀྱི་
ཕ་རོལ་ཏུ་ཕྱིན་པ་ཡོངས་སུ་དག་པར་འགྱུར་རོ། །གང་འདི་ཡིད་ལ་བྱེད་པ་དང་ལྡན་པས་དགེ་བ་སྣ་འགའ་ཙམ་བྱས་པ་ཡང་དག་དཔག་ཏུ་མེད་པ་བྱས་པར་འགྱུར། སྟོབས་དང་ལྡན་པར་འགྱུར། མྱུར་བར་འགྱུར་རོ། །
བྱང་ཆུབ་ཀྱི་སྙིང་པོ་ལ་འདུག་གི་བར་དུ་བརྩོན་འགྲུས་ཉམས་པར་མི་འགྱུར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ནམ་ཡང་མི་འབྲལ་བར་འགྱུར། བརྩོན་པ་ཆེན་པོར་འགྱུར་རོ། །
དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །
ཨོཾ་སརྦ་ཏ་ཐཱ་ག་ཏ་མ་ཧཱ་ཨ་མོ་གྷ་ཀཱ་རུ་ཎ། དྷྱ་ན། ས་མཱ་དྷི། སརྦྦ་བི་མོ་ཀྵ། ཨ་པྲ་ཀམ་པྱ་ཀ །ཙུ་རུ་ཙུ་རུ་ཧཱུྃ་ཕཊ་སྭཱ་ཧཱ། གཟུངས་འདི་འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་
ཡིད་ལ་བྱེད་པས་རྩེ་གཅིག་ཏུ་དྲན་པར་བྱས་ན་དྲན་པ་ཙམ་གྱི་མོད་ལ་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །གཞན་ཡང་ཏིང་ངེ་འཛིན་སྟོང་ཕྲག་བརྒྱ་སོ་སོར་རབ་ཏུ་ཐོབ་པར་འགྱུར་རོ། །
སངས་རྒྱས་ཀྱི་ཞིང་ཐམས་ཅད་དུ་ཞུགས་པར་འགྱུར་རོ། །བཟླས་བརྗོད་བྱས་པ་ཙམ་གྱི་མོད་ལ་ཏིང་ངེ་འཛིན་ཐམས་ཅད་ལ་དབང་བྱེད་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་
ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་མ་ཧཱ་པྲཛྙཱ་པ་ར་མི་ཏཱ་ཨ་བ་བྷཱ་ས་སྭ་བྷཱ་བ། 

99-1-286b

ས་མྃ་ཏ་སྥ་ར་ཎ། བུད་དྷི། པྲ་ས་ར་པྲ་ས་ར། ས་མན་ཏ་བུད་དྷི། ཨ་བ་ལོ་ཀི་ཏེ། བྷ་ག་བཱན་པྲཛྙཱ་ཨ་བ་ལོ་ཀི་ཏེ་ཙཀྵུ་ཥ་མ་ཧཱ་པྲཛྙཱ་པ་ར་མཱ་ནི་མ་ཧཱ་པྲཛྙཱ། པད་མ་དྷཱ་རི་ཎི་བྷུ་ཛེ་ཧཱུྃ་ཕཊ་སྭཱ་ཧཱ། གཟུངས་འདི་དྲན་པ་
ཙམ་གྱི་མོད་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །ཐབས་དང་ཤེས་རབ་སྣ་ཚོགས་ཀྱི་དགེ་བའི་བློ་ཆེན་པོ་རབ་ཏུ་འཕེལ་བར་འགྱུར་རོ། །རྟག་ཏུ་རྒྱུན་མི་འཆད་པར་ཕ་རོལ་ཏུ་
ཕྱིན་པ་བཅུའི་བློ་དང་ལྡན་པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་དང་། འདས་པ་དང་། མ་འོངས་པ་ན་འབྱུང་བར་འགྱུར་བའི་དེ་བཞིན་གཤེགས་པ་ཐམས་ཅད་ཡིད་ལ་
བྱེད་ཅིང་། སངས་རྒྱས་རྗེས་སུ་དྲན་པའི་ཤེས་རབ་ཀྱི་བློ་དང་རབ་ཏུ་ལྡན་པར་འགྱུར་རོ། །ལན་འགའ་ཡང་ཕ་རོལ་ཏུ་ཕྱིན་པ་དྲུག་དང་འབྲལ་བར་མི་འགྱུར་རོ། །སྦྱིན་པ་དང་། ཚུལ་ཁྲིམས་དང་། 
བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ཡོངས་སུ་ཉམས་པར་མི་འགྱུར་རོ། །བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱི་བར་དུ་ནམ་ཡང་
རྨོངས་པར་མི་འགྱུར་རོ། །ཆོས་ཐམས་ཅད་ཀྱི་དེ་བཞིན་ཉིད་ལ་ཡང་དག་པར་རྗེས་སུ་སོང་བ་ཞེས་བྱ་བའི་དེ་ཁོ་ན་ཉིད་དང་རབ་ཏུ་ལྡན་པར་འགྱུར་རོ། །བློ་གྲོས་དཔག་ཏུ་མེད་པ་དང་ལྡན་པ་ཕུན་སུམ་ཚོགས་
པར་འགྱུར་རོ། །ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་རབ་ཏུ་དགོངས་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་རྗེས་སུ་སེམས་པར་འགྱུར་རོ། །འཕགས་པ་དོན་ཡོད་པའི་ཞགས་པའི་ཕ་རོལ་
ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པའི་གཟུངས་ཆེན་པོ་རྫོགས་སྷོ།། །།པཎ་ཌི་ཏ་མཉྫུ་ཤྲཱི་ཝརྨ་དང་། ལོ་ཙྪ་་བ་བློ་ལྡན་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། ལོ་ཙྪ་་བ་ཆོས་ཀྱི་ཤེས་རབ་ཀྱིས་ཀྱང་བསྒྱུར་ཏེ་གཏན་ལ་ཕབ་པའོ། །ཡང་ཞུས་ཤེ། །།

99-1-287a

༄༅། །རྒྱ་གར་སྐད་དུ།  ཨཱརྱཱ་བ་ལོ་ཀི་ཏེ་ཤྭ་ར་ས་ཧ་སྲི་ཀ་བྷུ་ཛ་ལོ་ཙ་ན་ནིརྨཱ་ཎ་བི་སྟཱ་ར་པ་རི་པཱུརྞཱ་སྃ་ག་མ་ཧཱ་ཀཱ་རུ་ཎི་ཀ་དྷ་ར་ཎི།  བོད་སྐད་དུ།  འཕགས་པ་སྤྱན་རས་གཟིགས་ཀྱི་དབང་ཕྱུག་ཕྱག་སྟོང་སྤྱན་སྟོང་དུ་སྤྲུལ་པ་རྒྱ་ཆེན་པོ་ཡོངས་སུ་རྫོགས་པ་
ཐོགས་པ་མེད་པར་ཐུགས་རྗེ་ཆེན་པོ་དང་ལྡན་པའི་གཟུངས།  སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་པོ་ཏ་ལ་ཀའི་སྟེང་ན། འཕགས་
པ་སྤྱན་རས་གཟིགས་དབང་ཕྱུག་གི་མེད་ཁང་པ་རིན་པོ་ཆེས་རྣམ་པར་བརྒྱན་པའི་ནང་ན་སེང་གེའི་གདན་རིན་པོ་ཆེ་སྣ་ཚོགས་ཀྱིས་སྤྲས་པ། རིན་པོ་ཆེ་སྣ་ཚོགས་ཀྱིས་རྒྱལ་མཚན་དང་། ལྷའི་བ་དན་ལ་སོགས་པ་ལྷབ་ལྷུབ་ཀྱིས་ཀླུབས་
པའི་ནང་ན་བཞུགས་ཏེ། དེའི་ཚེ་དེ་བཞིན་གཤེགས་པས་གཟུངས་སྔགས་ཀུན་ཏུ་འཛིན་པས་བཤད་པ་དགོངས་ནས། དེ་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་དཔག་ཏུ་མེད་པ་དག་དང་ཐབས་གཅིག་ཏུ་བཞུགས་པ་
ལ་འདི་ལྟ་སྟེ། བྱང་ཆུབ་སེམས་དཔའ་གཟུངས་འཛིན་རྒྱལ་པོ་དང་། བྱང་ཆུབ་སེམས་དཔའ་རིན་པོ་ཆེའི་རྒྱལ་པོ་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སྨན་གྱི་བླ་དང་།  བྱང་ཆུབ་སེམས་དཔའ་སྤྱན་རས་
གཟིགས་དབང་ཕྱུག་དང་། བྱང་ཆུབ་སེམས་དཔའ་མཐུ་ཆེན་ཐོབ་དང་། བྱང་ཆུབ་སེམས་དཔའ་མེ་ཏོག་བཀོད་པ་དང་། བྱང་ཆུབ་སེམས་དཔའ་ཆེར་བཀོད་པ་དང་། བྱང་ཆུབ་སེམས་དཔའ་རིན་པོ་ཆེ་བཀོད་པ་དང་། བྱང་ཆུབ་སེམས་དཔའ་དཔལ་
གྱི་སྙིང་པོ་དང་། བྱང་ཆུབ་སེམས་དཔའ་རྡོ་རྗེའི་སྙིང་པོ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་དང་། བྱང་ཆུབ་སེམས་དཔའ་འཇམ་དཔལ་ལ་སོགས་
པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱང་ཆོས་ཆེན་པོའི་དབང་སྤྱི་བོ་ནས་བསྐུར་བ་ཤ་སྟག་དང་། ཉན་ཐོས་ཀྱི་དགེ་འདུན་ཆེན་པོའི་ནང་ན་གཙོ་བོ། འོད་སྲུངས་ཆེན་པོ་དང་། ཉན་ཐོས་ཀྱི་དགེ་འདུན་གྲངས་མེད་པ་དག་དགྲ་

99-1-287b

བཅོམ་པའི་ས་བཅུ་ལ་སྤྱོད་པ་ཤ་སྟག་དང་། ཡང་ཚངས་ལྷ་རྣམས་ཀྱི་ནང་ན་གཙོ་བོ་ཚངས་པ་ཆེན་པོ་དང་། ཚངས་ལྷ་གྲངས་མེད་པ་དག་དང་། ཡང་ལྷའི་བུའི་ནང་ན་གཙོ་བོ་ལྷའི་བུ་ཟེར་སྣང་དུ་བ་ཅན་དང་། ལྷའི་བུ་གྲངས་མེད་པ་དག་དང་། འཇིག་རྟེན་
སྐྱོང་བའི་གཙོ་བོ་གནས་སྲུང་པོ་ལ་སོགས་པ་རྒྱལ་པོ་ཆེན་པོ་བཞི་དག་དང་། ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་ལ་སོགས་པ་གྲངས་མེད་པའི་
ནང་ན་གཙོ་བོ་ཀླུའི་རྒྱལ་པོའི་དཔལ་དང་། འདོད་པའི་ཁམས་ཀྱི་ལྷ་མོ་གྲངས་མེད་པའི་ནང་ན་གཙོ་མོ་ལྷ་མོ་གཞོན་ནུའི་མིག་དང་། ནམཁའ་དང་། ཆུ་བོ་དང་། མཚོ་དང་། རྫིང་དང་། ཆུ་མིག་དང་། ཆུ་བྲན་དང་། ཤིང་དང་། སྨན་དང་། ཚལ་དང་གྲོང་
ཁྱིམ་དང་། ས་དང་། ཆུ་དང་། མེ་དང་། རླུང་དང་།  རི་དང་། ནགས་ཚལ་ལ་སོགས་པའི་ལྷ་ཀུན་དང་ཐབས་གཅིག་གོ། དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་དབང་ཕྱུག་གིས་འཁོར་མང་པོ་འདུས་པའི་ནང་ནས་གསངས་
ཏེ་རྫུ་འཕྲུལ་གྱི་འོད་ཕྱོགས་བཅུར་བཏང་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཀྱང་གསེར་གྱི་ཁ་དོག་ཏུ་སྣང་། ལྷའི་གནས་དང་། ཀླུའི་གནས་དང་། གཉན་པོ་ཐམས་ཅད་ཀྱི་གནས་ཀུན་ཀྱང་གཡོས། རབ་ཏུ་
གཡོས། ཆུ་བོ་དང་། རྒྱ་མཚོ་དང་། རི་རབ་དང་། ལྕགས་ཀྱི་རི་དང་། ཁོར་ཡུག་དང་། སའི་རི་དང་། རྡོའི་རི་དང་། རི་ནག་པོ་དང་། རི་དམར་པོ་ལ་སོགས་པ་ཀུན་ཀྱང་གཡོས། རབ་ཏུ་གཡོས། ཀུན་དུ་རབ་ཏུ་གཡོས། །ཉི་མ་དང་། ཟླ་བ་དང་། 
ནོར་བུ་དང་། མེ་དང་། གཟའ་སྐར་རྣམས་ཀྱི་འོད་ཀྱང་མེད་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་འཛིན་རྒྱལ་པོས་འདི་ལྟ་བུའི་ཡ་མཚན་ངོ་མཚར་རྨད་དུ་གྱུར་པ་མཐོང་ནས་སྟན་ལས་ལངས་ཏེ། 
བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་ནས། བཅོམ་ལྡན་འདས་ལ་འདི་ལྟ་བུའི་རྫུ་འཕྲུལ་གྱི་ལྟས་ངོ་མཚར་དུ་བྱུང་བ་སུའི་མཐུ་ལགས། ཤེས་བཅོམ་ལྡན་འདས་ལ་ཚིགས་སུ་བཅད་དེ་ཞུས་པ། 

99-1-288a

གང་ཞིག་དེ་རིང་མངོན་པར་རྫོགས་འཚང་རྒྱ། འདི་ལྟར་འོད་ཆེན་ཀུན་དུ་བཏང་ནས་སུ། ཕྱོགས་བཅུའི་འཇིག་རྟེན་ཁ་དོག་གསེར་དུ་སྣང་། སྟོང་ཁམས་ཀུན་ཀྱང་ཁྱབ་པར་དེ་བཞིན་ནོ། སུ་ཞིག་དེ་རིང་དབང་ཕྱུག་ཐོབ་པ་སྟེ། 
མཐུ་ཆེན་ངོ་མཚར་ལྡན་པའི་ལྟས་བྱུང་བས། འཇིག་རྟེན་མཐའ་ཡས་ཀུན་ཀྱང་རབ་གཡོས་ཤིང་། ལྷ་ཀླུའི་ཁང་ཁྱིམ་ཀུན་ཀྱང་བདེ་མ་གྱུར། སུ་ཡི་མཐུ་སྟོབས་རྒྱུ་རྐྱེན་གང་ལགས་པ། བདག་ཅག་མ་རིག་ཐིབས་པོར་སྐྱེས་
པས་ན། བཅོམ་ལྡན་བྱམས་པ་དང་ནི་ཐུགས་རྗེ་ཡིས། འཕྲུལ་འདི་སུ་ཡི་ཡོན་ཏན་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་གཟུངས་འཛིན་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། རིགས་
ཀྱི་བུ་ཁྱེད་རྣམས་ཤེས་པར་གྱིས་ཤིག  དེ་ལྟར་འཁོར་འདིར་འདུས་པའི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཅེས་བྱ་བ་ཐོག་མར་བསྐལ་པ་གྲངས་མེད་པ་ནས་བྱམས་པ་དང་སྙིང་རྗེ་ཆེན་
པོ་བསྒྲུབས་ཏེ། གཟུངས་ཀྱི་སྒོ་གྲངས་མེད་པ་སྡུད་ཅིང་སྤྱོད་པ་ལ་མཁས་པས་སེམས་ཅན་ཐམས་ཅད་བདེ་བ་ལ་བཀོད་པའི་ཕྱིར། འདི་ལྟ་བུའི་རྫུ་འཕྲུལ་གྱི་ལྟས་ཆེན་པོ་གསངས་ཏེ་བཏང་བ་ཡིན་ནོ། བཅོམ་ལྡན་འདས་
ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ། གོས་ཚགས་བཅོས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་
འདས་ལ་འདི་སྐད་ཅེས་གསོལ་ཏོ། བཅོམ་ལྡན་འདས་བདག་ལ་ཐུགས་རྗེ་ཆེན་པོ་དང་ལྡན་པའི་གཟུངས་སྔགས་ཀྱི་སྙིང་པོ་མཆིས་ཏེ། སེམས་ཅན་ཐམས་ཅད་བདེ་བ་ལ་གནས་པར་བགྱི་བ་དང་། ནད་ཐམས་ཅད་སེལ་
བར་བགྱི་བ་དང་། ཆེ་སྐྱང་བར་བགྱི་བ་དང་། ཕྱུག་ཅིང་ལོངས་སྤྱོད་དང་ལྡན་པར་བགྱི་བ་དང་། སྡིག་པ་མི་དགེ་བའི་ལས་ཐམས་ཅད་སེལ་བར་བགྱི་བ་དང་། བགེགས་དང་། སྒྲིབས་པ་རྣམས་སེལ་བར་བགྱི་བ་དང་། 

99-1-288b

ཆོས་དཀར་པོ་ཐམས་ཅད་དང་། ཡོན་ཏན་ཐམས་ཅད་རྣམ་པར་འཕེལ་བར་བགྱི་བ་དང་། ལེགས་པའི་ས་བོན་ཐམས་ཅད་ཡོངས་སུ་གྲུབ་པར་བགྱི་བ་དང་། འཇིགས་ཤིང་སྐྲག་པ་འགྱུར་བ་ཐམས་ཅད་ལས་ཡོངས་སུ་ཐར་བར་བགྱི་
བ་དང་། རེ་བ་ཐམས་ཅད་མྱུར་དུ་བསྐོང་བར་བགྱི་བའི་སླད་དུ་བཤད་པར་འཚལ་ན། དེ་བཞིན་གཤེགས་པས་ཐུགས་རྗེར་དགོངས་ཏེ་གནང་བར་མཛད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱམས་པ་དང་སྙིང་རྗེ་ཆེན་
པོ་དང་ལྡན་པ་ཁྱོད་སེམས་ཅན་ཐམས་ཅད་བདེ་བ་ལ་གནས་པར་བྱ་བའི་ཕྱིར་གསང་སྔགས་བཤད་པར་འདོད་ན་ད་དུས་ལ་བབ་ཀྱིས་མྱུར་དུ་བཤད་པའི་རིགས་སོ། ང་ཡང་རྗེས་སུ་ཐུགས་རངས་ཏེ། དེ་བཞིན་གཤེགས་པ་ཐམས་ཅད་ཀྱང་
དེ་བཞིན་དུ་རྗེས་སུ་ཐུགས་རངས་སོ་ཞེས་བཀའ་སྩལ་ནས། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། བདག་སྔོན་དུ་དྲན་པ་འདས་པའི་དུས་བསྐལ་པ་འབུམ་ཕྲག་
གྲངས་མ་མཆིས་པའི་ཕ་རོལ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྟོང་འབབ་པའི་རྒྱལ་པོ་དབེན་པར་གནས་ཤེས་བགྱི་བ་འཇིག་རྟེན་དུ་གཤེགས་ཏེ། སངས་རྒྱས་བཅོམ་ལྡན་འདས་དེ་བདག་
དང་། སེམས་ཅན་ཐམས་ཅད་ལ་བྱམས་པ་དང་། ཐུགས་རྗེར་དགོངས་པའི་སླད་དུ་ཤིན་དུ་རྒྱ་ཆེ་བ་ཐོགས་པ་མ་མཆིས་པའི་ཐུགས་རྗེ་ཆེན་པོ་དང་ལྡན་པའི་གཟུངས་ཀྱི་སྙིང་པོ་འདི་བཤད་དེ། ཕྱག་གསེར་གྱི་ཁ་དོག་ཅན་བདག་གི་
སྤྱི་བོར་གཞག་ནས། འདི་སྐད་ཅེས་བཀའ་ལྩལ་པ། རིགས་ཀྱི་བུ་ཁྱོད་གསང་སྔགས་ཀྱི་སྙིང་པོ་འདི་གཟུངས་སུ་ཟུང་ལ། ཕྱིས་མ་འོངས་པའི་དུས་ངན་པ་ན་སེམས་ཅན་ཐམས་ཅད་ལ་ཕན་པ་དང་། བདེ་བ་ཆེན་པོར་གྱིས་
ཤིག་ཅེས་བཀའ་སྩལ་པ་ནས། བདག་དེའི་ཚེ་དེའི་དུས་ནས་དང་པོ་ལ་གནས་པ་ལས་གཟུངས་སྔགས་འདི་ལན་ཅིག་ཐོས་པ་ཙམ་གྱིས་འཕགས་ཏེ་ས་བརྒྱད་དུ་ཕྱིན་ཏོ། དེའི་ཚེ་དེའི་དུས་ན་བདག་ཤིན་ཏུ་དགའ་བ་སྐྱེས་

99-1-289a

ནས་ཡི་དམ་དུ་བཅས་པ། བདག་གིས་དུས་སླད་མ་ལ་སེམས་ཅན་ཐམས་ཅད་ལ་ཕན་པ་དང་བདེ་བའི་འགྱུར་བ་བགྱི་བའི་མཐུ་ཞིག་རྙེད་པར་འགྱུར་ན། བདག་གི་ལུས་འདི་ལ་ལག་པ་སྟོང་དང་ལྡན་པར་གྱུར་ཅིག་ཅེས་སྨོན་ལམ་བཏབ་
མ་ཐག་ཏུ་ལུས་ལ་ལག་པ་སྟོང་དང་མིག་སྟོང་ཚང་བར་བྱུང་བར་འགྱུར་ཏེ། དེ་ནས་ཕྱོགས་བཅུའི་ས་ཆེན་པོ་རྣམ་པ་དྲུག་དུ་གཡོས་པར་ཕྱོགས་བཅུའི་སངས་རྒྱས་སྟོང་གིས་འོད་ཟེར་བཏང་ནས། བདག་གི་ལུས་ལ་ཕྱོགས་བཅུའི་
སངས་རྒྱས་སྟོང་གིས་འོད་ཟེར་བཏང་སྟེ། བདག་གི་ལུས་དང་ཕྱོགས་བཅུའི་འཇིག་རྟེན་མཐའ་ཡས་པར་སྣང་བ་ཆེན་པོར་མཛད་དོ། །དེའི་སླན་ཅད་ཀྱང་སངས་རྒྱས་མང་པོ་དང་འཁོར་མང་པོའི་ཚོགས་གྲངས་མ་མཆིས་པའི་ནང་ནས་
ཡང་འདི་སྐད་དུ་ཐོས་ཏེ། བསྙེན་བཀུར་བགྱིས་བླངས་ཏེ། སེམས་དགའ་བ་དང་རབ་ཏུ་དགའ་བ་སྐྱེས་ཏེ། དགའ་བ་དཔག་ཏུ་མ་མཆིས་པ་ནས་ཡང་བསྐལ་པ་འབུམ་ཕྲག་གྲངས་མ་མཆིས་པའི་སྐྱེ་ཤི་ནི་ཤིན་དུ་ཕྲ་བ་ལས་ཐར་
ཏེ་འཕགས་སོ། །དེ་སླན་ཅད་རྟག་ཏུ་བཟླས་བརྗོད་བགྱི་སྟེ་གཟུངས་སུ་གཟུང་ནས། བསྐྱུད་མ་མྱོང་སྟེ། སྔགས་འདི་གཟུངས་སུ་འཛིན་པའི་སླད་དུ་བདག་གར་བྱུང་གར་སྐྱེས་ཀྱང་རྟག་ཏུ་སངས་རྒྱས་ཀྱི་སྤྱན་སྔར་པད་མ་ལ་རྫུས་ཤིང་
སྐྱེས་ཏེ། མངལ་དུ་སྐྱེ་མ་མྱོང་ངོ་། །གལ་ཏེ་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་འམ། དེ་མ་ཡིན་པ་གང་ལ་ལ་ཞིག་གཟུང་སྔགས་འདི་འཛིན་པར་འཚལ་ན། སེམས་ཅན་ཐམས་ཅད་
ལ་བྱམས་པ་དང་། སྙིང་རྗེ་ཆེར་བསྐྱེད་དོ། །ཐོག་མར་བདག་སྤྱན་རས་གཟིགས་ཀྱི་མིང་ནས་བརྗོད་ཅིང་སྨོན་ལམ་འདི་སྐད་དུ་གདབ་པར་བགྱིའོ། །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གིས་ཆོས་ཉིད་
ཀུན་དུ་མྱུར་དུ་ཆུད་གྱུར་ཅིག  །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གིས་ཤེས་རབ་སྤྱན་ནི་མྱུར་དུ་ཐོབ་གྱུར་ཅིག །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གིས་སེམས་

99-1-289b

ཅན་ཐམས་ཅད་མྱུར་དུ་སྒྲོལ་གྱུར་ཅིག །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གིས་ཐབས་ལ་མཁས་པ་མྱུར་དུ་ཐོབ་གྱུར་ཅིག །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་ནི་ཤེས་རབ་གྲུར་ནི་མྱུར་དུ་
ཞུགས་གྱུར་ཅིག །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གིས་སྡུག་བསྔལ་མཚོ་ལས་མྱུར་དུ་རྒལ་གྱུར་ཅིག །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གིས་ཚུལ་ཁྲིམས་ལམ་ལ་
མྱུར་དུ་རྫོགས་གྱུར་ཅིག །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གིས་མྱ་ངན་འདས་ཀྱི་རི་ལ་མྱུར་དུ་འཛེགས་གྱུར་ཅིག །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གི་འདུས་མ་
བྱས་ཀྱི་ཁང་པར་མྱུར་དུ་འདུས་གྱུར་ཅིག །ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་ལོ། །བདག་གིས་མྱུར་དུ་ཆོས་ཉིད་སྐུ་དང་མཐུན་གྱུར་ཅིག །གལ་ཏེ་མཚོན་གྱི་རི་ལ་ཕྱོགས་གྱུར་ན། །མཚོན་གྱི་རི་ནི་རབ་
ཏུ་ཞིག་ཅིང་རྙིལ་གྱུར་ཅིག །གལ་ཏེ་བདག་གིས་ཆུ་ཚན་ཟངས་ལ་ཕྱོགས་གྱུར་ན། །མེ་དང་ཆུ་ཚན་རང་དུ་ཞི་ཞིང་མེད་གྱུར་ཅིག །གལ་ཏེ་བདག་གིས་སེམས་ཅན་དམྱལ་བར་ཕྱོགས་གྱུར་ན། །སེམས་ཅན་དམྱལ་བ་ཞི་ཞིང་སྡུག་བསྔལ་
ཟད་གྱུར་ཅིག །གལ་ཏེ་བདག་གིས་ཡི་དགས་བཀྲེས་ལྟོགས་ཕྱོགས་གྱུར་ན། །ཡི་དགས་ལྟོགས་པ་རབ་ཏུ་འགྲངས་གྱུར་ཅིག །གལ་ཏེ་བདག་གིས་ལྷ་མ་ཡིན་དུ་ཕྱོགས་གྱུར་ན། །ལྷ་མ་ཡིན་གྱི་ངན་སེམས་ཡོངས་སུ་
ཞི་གྱུར་ཅིག །གལ་ཏེ་བདག་གིས་བྱོལ་སོང་རྒྱུད་རུ་ཕྱོགས་གྱུར་ན། །བདག་གིས་ཤེས་རབ་ཆེན་པོའི་རང་བཞིན་ཐོབ་གྱུར་ཅིག །དེ་སྐད་སྨོན་ལམ་བཏབ་པའི་འོག་ཏུ་སེམས་བརྩེ་གཅིག་ཏུ་བདག་དང་བདག་གི་མཁན་པོ་དེ་
བཞིན་གཤེགས་པ་ཚེ་དཔག་ཏུ་མེད་པ་ལ་མངོན་དུ་དམིགས་ཏེ། གསང་སྔགས་འདི་ཞག་ཅིག་གི་བར་བཟླས་པ་ལན་ལྔ་ཚང་བར་བགྱིས་ན། བསྐལ་པ་བརྒྱ་སྟོང་ཁྲི་ཕྲག་འབུམ་གྱི་བར་དུ་བསགས་པའི་སྡིག་ལྕི་བ་ཀུན་

99-1-290a

ཀྱང་འབྱུང་བར་འགྱུར་རོ། །ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་དང་མི་དང་གང་ལ་ལ་ཞིག་ཐུགས་རྗེ་ཆེན་པོའི་རིག་སྔགས་འདི་འཛིན་པ་འམ། འཆང་བ་འམ། ཀློག་པ་འམ། གདོན་
པར་བགྱིས་ན། ཚེ་འཕོས་ཤིང་འགུམ་པའི་ཁར་ཕྱོགས་བཅུའི་སངས་རྒྱས་ཀུན་དེར་གཤེགས་ཏེ། ཕྱག་གིས་འཛིན་ཅིང་སངས་རྒྱས་ཀྱི་ཞིང་གང་ནས་གང་དུ་སྐྱེ་བར་འདོད་པ་དེ་དང་དེར་སྐྱེ་བར་འགྱུར་རོ། །བཅོམ་ལྡན་འདས་
སེམས་ཅན་གང་ལ་ལ་ཞིག་ཐུགས་རྗེ་ཆེན་པོའི་གསང་སྔགས་འདི་གཟུངས་སུ་གཟུངས་སྟེ། བཟླས་པ་ལས་ངན་སོང་གསུམ་དུ་ལྟུང་ན། བདག་མངོན་པར་རྫོགས་པར་འཚང་རྒྱ་བར་མ་གྱུར་ཅིག །གང་གིས་ཐུགས་
རྗེ་ཆེན་པོའི་གཟུངས་སུ་འཛིན་ཅིང་། བཟླས་བརྗོད་བགྱིས་པ་ལས་སངས་རྒྱས་ཀྱི་ཞིང་དུ་མ་སྐྱེས་ན་བདག་མངོན་པར་རྫོགས་པར་འཚང་རྒྱ་བར་མ་གྱུར་ཅིག  །གང་གིས་ཐུགས་རྗེ་ཆེན་པོའི་གསང་སྔགས་འདི་གཟུངས་
སུ་འཛིན་ཅིང་བཟླས་བརྗོད་བགྱིས་པ་ལས།  ཏིང་ངེ་འཛིན་གྲངས་མེད་པའི་རང་རིག་པ་མ་ཐོབ་ན།  བདག་མངོན་པར་རྫོགས་པར་འཚང་རྒྱ་བར་མ་གྱུར་ཅིག  །ཐུགས་རྗེ་ཆེན་པོའི་གསང་སྔགས་འདི་གང་ལ་ལས་
གཟུངས་སུ་གཟུང་སྟེ། བཟླས་པ་བགྱིས་པ་ལས། ད་ལྟར་གྱི་ཚེ་འདི་ལ་རེ་བ་ཐམས་ཅད་མ་སྐོངས་ན་ཐུགས་རྗེ་ཆེན་པོའི་གཟུངས་སྔགས་ཀྱི་སྙིང་པོ་ཞེས་བགྱིར་ཡང་མི་རུང་སྟེ།  གང་དགེ་བ་མི་སྤྱོད་པ་དང་
སེམས་ཐག་པ་ནས་མི་བསྒྲུབ་པ་ནི་མ་གཏོགས་སོ། །བུད་མེད་གང་ལ་ལས་བུད་མེད་ཀྱི་ལུས་ཀྱིས་སྐྱོ་སྟེ།  སྐྱེས་པའི་ལུས་སུ་སྐྱེ་བར་འཚལ་ན་ཐུགས་རྗེ་ཆེན་པོའི་གཟུངས་སྔགས་འདི་བཟླས་པར་བགྱིས་ཏེ། 
གཟུངས་སུ་གཟུངས་པ་ལས་བུད་མེད་ཀྱི་ལུས་ལས་སྐྱེས་པའི་ལུས་སུ་མ་གྱུར་ན། བདག་མངོན་པར་རྫོགས་པར་འཚང་རྒྱ་བར་མ་གྱུར་ཅིག  །གང་ཡིད་གཉིས་སམ་ཐེ་ཙོམ་ཆུང་ཟད་ཙམ་སྐྱེས་པས་ནི་འགྲུབ་

99-1-290b

པར་མི་འགྱུར་རོ། །སེམས་ཅན་གང་ཞིག་དཀོན་མཆོག་གསུམ་གྱི་དཀོར་དང་ཞལ་ཟས་ལ་འབགས་ཏེ། སྤྱད་པའི་སྡིག་པ་སངས་རྒྱས་སྟོང་འཇིག་རྟེན་དུ་གཤེགས་པའི་ཚེ་ཡང་འཐོལ་ཞིང་འཆགས་སུ་མི་སྣང་སྟེ། འཐོལ་དུ་ལགས་ཀྱང་སྡིག་པ་མི་འབྱང་
བར་མི་འགྱུར་བ་རིགས་སྔགས་འདི་འཆང་བ་འམ་བཟླས་པ་བགྱིས་ན་དེ་མ་ཐག་ཏུ་སྡིག་པ་འབྱུང་བར་འགྱུར་རོ། །དཀོན་མཆོག་གསུམ་གྱི་དཀོར་ནོར་དང་། ཞལ་ཟས་ལས་སྤྱོད་པའི་སྡིག་པ་ཕྱོགས་བཅུའི་དགེ་འདུན་ལ་འཐོལ་ཞིང་འཆགས་
ན་གདོད་བྱང་བ་ལགས་ཏེ། ད་འདིར་ཐུགས་རྗེ་ཆེན་པོའི་གཟུངས་སྔགས་བཟླས་པ་ཙམ་གྱིས་ཕྱོགས་བཅུའི་དགེ་འདུན་ཡང་དེར་ལྟུང་བ་བྱང་ཞིང་ཚངས་པར་བགྱིས་པས་སྡིག་པ་ཐམས་ཅད་ཀྱང་མྱུར་དུ་འབྱང་ངོ་། །མི་དགེ་བཅུ་དང་། མཚམས་
མེད་པ་ལྔ་དང་། གང་ཟག་ལ་སྐུར་བ་དང་། མཆོད་རྟེན་ལ་འདྲལ་བ་དང་། ཚུལ་ཁྲིམས་འཆལ་བ་དང་།  གཙུག་ལག་ཁང་ཞིག་པ་དང་། དཀོན་མཆོག་གསུམ་གྱི་དཀོར་བརྐུས་པ་དང་། ཚངས་པར་སྤྱོད་པ་ལ་མྱ་ངན་བགྱིས་པ་
ལ་སོགས་པའི་སྡིག་པ་ལྕི་བ་ལ་སོགས་པ་ཐམས་ཅད་འབྱང་བར་འགྱུར་རོ། །གང་གཟུངས་སྔགས་འདི་ལ་ཐེ་ཙོམ་འཚལ་བ་ནི་མ་གཏོགས་སོ། །དེ་སྡིག་པའི་ལས་ཆུང་བ་དང་། ཡང་བ་ལས་ཀྱང་འབྱུང་བར་མི་འགྱུར་ན་སྡིག་པ་
ལྕི་བ་ལྟ་སྨོས་ཀྱང་ཅི་འཚལ་ཏེ། སྡིག་པ་འཕྲལ་མི་འབྱང་དུ་ལགས་ཀྱིས་ཀྱང་། ཡུན་རིང་དུ་བྱང་ཆུབ་ཀྱི་རྒྱུར་ནི་འགྱུར་རོ། །སྤྱན་རས་གཟིགས་དབང་ཕྱུག་གིས་ཀྱང་བཅོན་ལྡན་འདས་ལ་འདི་སྐད་ཅེས་གསོལ་ཏོ། 
བཅོན་ལྡན་འདས་གལ་ཏེ་ལྷ་དང་མི་རྣམས་ཀྱིས་ཐུགས་རྗེ་ཆེན་པོ་ལྡན་པའི་རིགས་སྔགས་ཀྱི་སྙིང་པོ་གཟུངས་སུ་འཛིན་ཅིང་བཟླས་བརྗོད་བགྱིས་ན། ལེགས་པའི་ཡོན་ཏན་རྣམ་པ་བཅྭ་ལྔ་འཐོབ་པ་དང་། གཤིས་ངན་དུ་འགུམ་
པ་རྣམ་པ་བཅྭ་ལྔ་མི་མྱོང་བར་འགྱུར་རོ། གཤིས་ངན་དུ་མི་འགུམ་པ་གང་ཞེ་ན། ལྟོགས་ཏེ་མི་འགུམ། མཚོན་ཆ་དང་ལྕགས་དབྱིག་གིས་མི་འགུམ། དགྲ་ཤ་ཀླན་པས་མི་འགུམ། དམག་གིས་གཡུལ་དུ་

99-1-291a

མི་འགུམ། སྟག་དང་། སྤྱང་གི་ལ་སོགས་པའི་གཅན་ཟན་གྱིས་མི་འགུམ། སྦྲུལ་དང་སྡིག་པ་ལ་སོགས་པའི་གདུག་པ་ཅན་གྱིས་མི་འགུམ་ཆབ་ཀྱིས་མི་འགུམ། ཞུགས་ཀྱིས་མི་འཚིག །དུག་གིས་མི་འགུམ། མཁའ་འགྲོ་
མས་མི་འགུམ། སེམས་སྟོར་ཅིང་མྱོས་པས་མི་འགུམ། རི་འམ་བྲག་གམ་ཤིང་ངམ་གད་ཀར་ལྷུང་སྟེ་མི་འགུམ། བྱད་སྟེམས་ཀྱིས་མི་འགུམ། ལྷམ་སྲིན་དང་། འདྲེ་གདོན་གྱིས་མི་འགུམ། ནད་ངན་གྱིས་མི་འགུམ། ལྕེབས་
བས་མི་འགུམ་སྟེ། ཐུགས་རྗེ་ཆེན་པོ་དང་ལྡན་པའི་གཟུངས་སྔགས་འཆང་བཟླས་པ་དེས་གཤིས་ངན་དུ་འགུམ་པ་རྣམ་པ་བཅྭ་ལྔ་པོ་མྱོང་བར་མི་འགྱུར་རོ། །ལེགས་པའི་ཡོན་ཏན་བཅྭ་ལྔ་གང་ཞེ་ན། གང་ནས་གང་དུ་སྐྱེ་བའི་
སར་ཆོས་བཞིན་དུ་བགྱིད་པའི་རྒྱལ་པོ་དང་ཕྲད་པ་དང་། རྟག་པར་དགེ་བའི་ཡུལ་དུ་སྐྱེ་བ་དང་། རྟག་པར་དུས་བཟང་པོ་དང་ཕྲད་པ་དང་། རྟག་པར་དགེ་བའི་གྲོགས་པོ་དང་ཕྲད་པ་དང་། དབང་པོ་དང་ཡན་ལག་ཚང་བ་དང་། 
སྤྱོད་ལམ་ཞི་དུལ་ཅན་དུ་འགྱུར་བ་དང་། ཚུ་ཁྲིམས་མི་ཉམས་པ་དང་། གཉེན་བཤེས་དང་འཁོར་ལྡན་ཞིང་འདུམ་འཕྲོད་པ་དང་། འཚོག་ཆས་དང་ནོར་ཟས་ཡོད་པ་གཞན་གྱིས་མི་འཕྲོག་པ་དང་། རྟག་པར་གཞན་གྱིས་བཀུར་
སྟི་དང་ཕུ་དུད་བགྱི་བ་དང་། འཚོག་ཆས་དང་ནོར་ཟས་ལ་སོགས་པ་ཕུན་སུམ་ཚོགས་པ་དང་།  ཡིད་ལ་འདོད་ཅིང་འཚལ་ལོ་ཅོག་མྱུར་དུ་འགྲུབ་པ་དང་། ལྷ་དང་ཀླུ་ཀུན་གྱིས་རྟག་ཏུ་མགོན་སྐྱབས་བགྱིད་པར་འགྱུར་བ་དང་། 
གར་བྱུང་གར་སྐྱེས་ཀྱང་སངས་རྒྱས་ཀྱི་དྲུང་དུ་སྐྱེ་ཞིང་དམ་པའི་ཆོས་ཐོས་པ་དང་དམ་པའི་ཆོས་ཐོས་ནས་དོན་བཟང་པོ་ལ་རྟོག་པ་དང་། ཐུགས་རྗེ་ཆེན་པོ་དང་ལྡན་པའི་གཟུངས་སྔགས་འཆང་བ་དང་བཟླས་པ་དེས་ལེགས་པའི་ཡོན་ཏན་རྣམ་པ་བཅྭ་ལྔ་པོ་
འདི་དག་དང་ལྡན་པར་འགྱུར་རོ། །ལྷ་དང་མི་རྣམས་ཀྱིས་རིགས་སྔགས་འདི་རྟག་ཏུ་རྒྱུན་མི་འཆད་པར་འཆང་བ་དང་། བཟླས་བརྗོད་དུ་བགྱི་བའི་རིགས་ཏེ། དེ་ལ་ལེ་ལོ་བགྱི་བའི་མི་རིགས་སོ། །བྱང་ཆུབ་སེམས་དཔའ་འཕགས་
99-1-291b

པ་སྤྱན་རས་གཟིགས་དབང་ཕྱུག་གིས་ཚིག་དེ་སྐད་ཅེས་གསོལ་ནས། འཁོར་འདུས་པ་མང་པོའི་དབུས་སུ་ཐལ་མོ་སྦྱར་ཅིང་ལུས་དྲང་པོར་བསྲང་ནས་སེམས་ཅན་ཐམས་ཅད་ཀྱི་ཕྱིར་སྙིང་རྗེ་ཆེར་བསྐྱེད་དེ། མདངས་ཕྱེ་ཞིང་འཛུམ་དམུལ་ནས་རྒྱ་
ཆེར་ཡོངས་སུ་རྫོགས་པ་ཐོགས་པ་མེད་པར་ཐུགས་རྗེ་ཆེན་པོ་དང་ལྡན་པའི་གཟུངས་སྔགས་ཀྱི་སྙིང་པོ་དམ་པ་འདི་བརྗོད་དོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་
ཀཱ་ཡ། སརྦ་བྷ་བ་ས་མུཏྟྲོ། ཅོ་ཤ་ན་ཀ་ར་ཡ། སརྦ་བྱཱ་དྷི་པྲ་ཤ་མན་ཀ་རཱ་ཡ། སརྦེ་ཏྱུ་བ་དྲ་བ། བི་ན་ཥུ་ཎ་ཀ་རཱ་ཡ། ཏ་ས་ན་མསྐྲྀ་ད་ཏྭ། ཨི་མམ་ཨཱརྱཱ་བ་ལོ་ཀི་ཏི་ཤྭ་རཱ་ཡ། ཏ་བ་ནཱི་ལ་ཀནྟེ་ན་མ་ཧྲྀ་ད་ཡ་
མཱ་བཪྟ་ཡི་ཥྱཱ་མི། སརྦ་ཨཪྠ་ཡི་ཏ་ས་ད་ནན། ཤུ་བན་ཨ་ཙེ་ཡན། སརྦ་བྷཱུ་ཏཱ་ནཱན། བ་བྷ་མརྒ། བི་ཤོ་དྷ་ཀན། ཏདྱ་ཐཱ། ཨ་ལོ་ཀེ་ལོ་ཀ །མ་ཏི་ལོ་ཀ ཨ་ཏི་ཀྲནྟ། ཨ་ཏི་ཀྲནྟ་ཧེ་ཧྱ་ཏ་རེ་བ་ཧ་བོ་དྷི་སཏྭཱ། ཧེ་བོ་དྷི་སཏྭཱ། 
ཧི་བྲི་ཡ་བོ་དྷི་སཏྭཱ། ཧེ་ཀཱ་རུ་ཎི་ཀ །རྨར་ཧྲིར་ཡན། ཧི་ཧི་ཧི་རེ། ཨཱརྱཱ་བ་ལོ་ཀེ་ཏེ་ཤྭ་ར། པ་ར་མ་མེ་ཏྲ། ཙིཏྟ་ན། ཀཱ་རུ་ཎི་ཀ  །ཀུ་རུ་ཀུ་རུ། ཀརྨ་སཱ་དྷ་ཡ། བིནྡ་ན་དེ་ཧི་དེ་ནི། ཀ་མངྒ་མ། བི་ཧདྒ་མ། སིདྡྷ་ཡོ་གེ་ཤྭ་ར། 
དྷུ་རཱུ་དྷུ་རཱུ། བི་ཡནྟི། མ་ཧཱ་བི་ཡནྟི། དྷ་ར་དྷ་ར། ད་རེན་ཏྲེ་ཤྭ་ར། ཙ་ལ་བི་མ་ལ་མཱུ་རྟེ། ཨཱརྱཱ་བ་ལོ་ཀཱི་ཏེ་ཤྭ་ར། ཛིན་ཀྲིཥྞ། ཛཊ་མོ་ཀུ་ཊ། ལམྦ་བྲ་ལམྦ། བི་ལམྦ། མ་ཧཱ་བི་ལམྦ། མ་ཧཱ་སིངྡྷ། བིདྱཱ་དྷ་ར། བ་ལ་བ་ལ། 
མ་ཧཱ་བ་ལ། མ་ལ་མ་ལ། མ་ཧཱ་མ་ལ། ཙ་ལ་ཙ་ལ། མ་ཧཱ་ཙ་ལ། ཀི་ན་བ་ཀ་ཤ །ཀྲིཥྞ་བརྞྞ། ཀྲིཥྞ་པཀྵ་ནི་རྒྒྷ་ཏ་ན། ཧེ་པད་མ་ཧསྟ། ཙ་ལ་ཙ་ལ། ནི་ཤ་ཙ་རེ། ཤྭ་རི་ཀྲྀཥྞ་སར་བ་ཀྲིད་ཏྲ། ཡཛྙོ་བ་
བཱི་ཏི། ཨེ་ཧྱེ་ཧི། བ་ར་ཧ་མུ་ཁ། ཏྲི་པུ་ར། ད་ཧ་ནེ་ཤྭ་ར། ན་ར་ཡ་ཎ་བ་ལ་རཱུ་པ། བེ་ཥ་དྷ་རི། ཧེ་ནཱི་ཀན་ལ་ཀཎྛ་ཧེ་མ་ཧཱ། ཧ་ལ་ཧ་ལ། བི་ཥ་ནིར་ཛ་ཏི། ལོ་ཀ་སྱ་རཱ་ག་པ་ཤ་ན། ཤན་ཤ་ནན་

99-1-292a

དེ་ཤ་ནི་ཤ་ནན། མོ་ཧ་བི་ཤ་ནན། ནིར་མོ་ཀྵ་ན། ཧུ་ལུ་ཧུ་ལུ། མ་ཧུ་ལ། ཧ་ལ་ཧ་རེ། མ་ཧཱ་པད་མ། བ་ན་ས་ར་ས་ར། སི་རི་སི་རི། སུ་རུ་སུ་རུ། བུདྷ་བུདྷ། བོ་དྷ་ཡ་བོ་དྷ་ཡ། བོ་དྷ་ཡ་མི་ཏེ། ནཱི་ལ་ཀཎྛ། ཨེ་ཧྱེ་ཧི། བཱ་མ་
སྠི་ཏ་སིངྷ་མུ་ཁ། ཧ་ས་ཧ་ས། མུན་ཙ་མུན་ཙ། མ་ཧཱ་ཧ་ཏ་ཧ་ས། ཨེ་ཧྱེ་ཧཾ། སིདྡྷ་ཡོ་གཱི་ཤྭ་ར། བ་ན་བ་ན། བ་ཙ་ན། ས་དྷ་ཡ་ས་དྷ་ཡ། བ་དན། སྨ་ར་སྨ་ར། ཏན་བྷ་ག་བན་ཏམ། ལོ་ཀ་བི་ལོ་ཏ་ཀ་ཏན། 
ཏ་ཐཱ་ག་ཏ་ན། ད་ད་ཧི་མེ། ད་རི་ཤན་བ། ཀ་མ་སྱ། ད་ནི་ཤ་ར། པྲ་ལ་དྷ་ཡ་མན་སྭཱ་ཧཱ། སིདྡྷ་སྭཱ་ཧཱ། མ་ཧཱ་སིདྡྷ་ཡ་སྭཱ་ཧཱ། སིདྡྷ་ཡོ་གེ་ཤྭ་ར་སྭཱ་ཧཱ། ནཱི་ལ་ཀཎྛཱ་ཡ་སྭཱ་ཧཱ། 
ཧཱ། སིདྡྷ་བིདྱཱ་དྷ་རཱ་ཡ་སྭཱ་ཧཱ། པད་མ་ཧ་སྟཱ་ཡ་སྭཱ་ཧཱ། ཀྲྀཥྞ་ས་ར་བ་ཡཛྙོ་བ་བཱི་ཡ་སྭཱ་ཧཱ། མ་ཧཱ་ལ་ཀུ་ཏ། ད་ར་ཡ་སྭཱ་ཧཱ། ཙཀྲཱ་ཡུ་དྷ་ཡ་སྭཱ་ཧཱ། ཤདྒ་ཤ་པྟ་དྷཱ་ར་ཎི་བོ་དྷ་ཡ་སྭཱ་ཧཱ། བཱི་མ་སྐནྡ་དེ་ཤ་སྟིད་ཏ། ཀྲིཥྞ་ཛི་ན་ཡ་
སྭཱ་ཧཱ། མ་ཧཱ་བྷྱ་སྭཱ་ཧཱ། ཀྲ་ཙར་མ་ཎི་བ་སི་ནི་ཡ་སྭཱ་ཧཱ། ཀ་ལོ་ཀེ་ཤྭ་ར་ཡ་སྭཱ་ཧཱ། སརྦ་སིདྡྷི་ཤྭ་རྱ་སྭཱ་ཧཱ། རཀྵ་རཀྵ་མ་ར་ན། བདག་བསྲུང་དུ་གསོལ། བསྲུང་དུ་གསོལ། །ན་མོ་བྷ་ག་བ་ཏི། 
ཨཱརྱཱ་བ་ལོ་ཀི་ཏི་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སིདྡྷྱ་ནྟུ་དུ་མནྟྲ་པ་ད་སྭཱ་ཧཱ། ཨོཾ་ཧྲཱི་ཏྲེེ་ལོ་ཀྱ་བི་ཛ་ཡཱ། ཨ་མོ་གྷ་པཱ་ཤ་ཨ་པྲ་ཏི་ཧ་ཏ་ཧྲྀ་ད་ཧཱུྃ་ཕཊ་སྭཱ་ཧཱ། །བྱང་ཆུབ་སེམས་དཔའ་
འཕགས་པ་སྤྱན་རས་གཟིགས་དབང་ཕྱུག་གིས་སྔགས་འདི་བརྗོད་མ་ཐག་ཏུ་ས་ཆེན་པོ་རྣམ་པ་དྲུག་ཏུ་གཡོས་སོ། །དེ་ནས་ལྷ་རྣམས་ཀྱིས་མེ་ཏོག་རིན་པོ་ཆེའི་ཆར་ཕབ་སྟེ་མཆོད་དོ། །ཕྱོགས་བཅུའི་སངས་རྒྱས་ཀྱང་
ཤིན་ཏུ་ཐུགས་དགྱེས་པར་གྱུར་ནས་ལྷའི་བདུད་དང་མུ་སྟེགས་རྣམས་ཀྱང་འཇིགས་སྐྲག་སྟེ་སྐྱི་བུང་ཞེས་བྱེད་དོ། །འཁོར་འདུས་པའི་ཚོགས་ཐམས་ཅད་འབྲས་བུའི་ཁྱད་པར་འཐོབ་པ། གཅིག་ནི་རྒྱུན་དུ་ཞུགས་པའི་འབྲས་

99-1-292b

བུ། ཁ་ཅིག་ནི་ལན་ཅིག་ཕྱིར་འོང་བ། ཁ་ཅིག་ནི་ཕྱིར་མི་འོང་བ། ཁ་ཅིག་ནི་དགྲ་བཅོམ་པའི་འབྲས་བུ། ཁ་ཅིག་ནི་ས་དང་པོ་དང་། ས་གཉིས་པ་དང་། ས་གསུམ་པ་དང་ས་བཞི་པ་དང་། ས་ལྔ་པ་དང་། ས་བཅུ་པའི་བར་གྱི་འབྲས་
བུ་ཐོབ་པ། སེམས་ཅན་མང་པོ་ཞིག་ཀྱང་དེའི་ཚེ། བྱང་ཆུབ་ཏུ་སེམས་བསྐྱེད་དོ། །དེ་ནས་ཚངས་པ་ཆེན་པོ་སྟན་ལས་ལངས་ཏེ། གོས་ཚགས་བཅོས་ནས་ཐལ་མོ་སྦྱར་ཅིང་བསྙེན་བཀུར་གུས་པའི་ཚུལ་དུ་བྱང་ཆུབ་
སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །སྐྱེས་བུ་ཆེན་པོ་ལེགས་སོ། །བདག་སྔོན་སངས་རྒྱས་གྲངས་མ་མཆིས་པ་ནས་ཆོས་ཀྱི་རྣམ་གྲངས་མང་པོ་ཞིག་ཐོས་ཀྱིས་ཀྱང་འདི་ལྟ་བུའི་
ཐུགས་རྗེ་ཆེན་པོ་དང་ལྡན་པ་ཐོགས་པ་མི་མངའ་བའི་གཟུངས་ཀྱི་སྙིང་པོ་ཚིགས་ཐོས་མ་མྱོང་སྟེ། སྐྱེས་བུ་ཆེན་པོའི་གཟུངས་འདིའི་མཚན་ཉིད་ཇི་ལྟ་བུ་ལགས་པ་བདག་ལ་བསྟན་དུ་གསོམ། །བདག་ཅག་ཕལ་མང་པོ་ཡང་། 
ཐོས་པར་སྨོན་ཏོ། །དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་ཚངས་པ་ཆེན་པོ་ལ་སྨྲས་པ། ཁྱེད་ཐབས་ལ་མཁས་པས་སེམས་ཅན་ཐམས་ཅད་ལ་ཕན་པ་དང་། བདེ་བར་བྱ་བའི་
ཕྱིར་འདི་སྐད་དུ་འདྲི་ན། ལེགས་པར་ཉོན་ཅིག་དང་། ངས་ཁྱེད་རྣམས་ལ་མདོ་ཙམ་ཞིག་བཤད་དོ། །གཟུངས་འདིའི་མཚན་ཉིད་ནི་འདི་ལྟ་སྟེ། བྱམས་པ་ཆེན་པོ་དང་སྙིང་རྗེ་ཆེན་པོའི་སེམས་སོ། །
འདུས་མ་བྱས་པའི་སེམས་སོ། །ཆགས་པ་མེད་པའི་སེམས་སོ། །སྟོང་པ་ཉིད་དུ་རྟོགས་པའི་སེམས་སོ། །རི་མོ་གུས་པའི་སེམས་སོ། །བདག་དམན་པའི་སེམས་སོ། །འཁྲུག་པ་མེད་པའི་སེམས་སོ། །
བླ་ན་མེད་པའི་བྱང་ཆུབ་ཀྱི་སེམས་སོ། །དེ་ལྟ་བུའི་སེམས་ནི་གཟུངས་ཀྱི་མཚན་ཉིད་ཅེས་བྱས་ཏེ། ཁྱོད་ཀྱང་དེ་བཞིན་དུ་སྦྱོང་ཅིག  །ཚངས་པ་ཆེན་པོས་སྨྲས་པ། བདག་ལ་སོགས་པ་ཕལ་མང་པོས་གཟུངས་འདིའི་

99-1-293a

མཚན་ཉིད་ནི་གདོད་འཚལ་ཏེ། དེར་ཕྱིན་ཅད་གཟུངས་སུ་གཟུངས་ཞིང་མིང་སྐྱུད་པར་བགྱིའོ། །སྤྱན་རས་གཟིགས་དབང་ཕྱུག་གིས་སྨྲས་པ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལས་བྱང་ཆུབ་ཀྱི་སེམས་རྒྱ་
ཆེར་བསྐྱེད་དེ། སེམས་ཅན་ཐམས་ཅད་མྱ་ངན་ལས་བཟླ་བའི་ཕྱིར། ཚུལ་ཁྲིམས་འཛིན་ཅིང་སེམས་ཅན་ཐམས་ཅད་ལ་སྙོམས་པའི་སེམས་བསྐྱེད་དེ། སྔགས་འདི་རྟག་ཏུ་རྒྱུན་མི་འཆད་པར་ཁང་པ་དབེན་པ་ཞིག་
ཏུ་ཁྲུས་བྱས་ཏེ་གོས་གཙང་མ་བགོ་ཞིང་རྒྱལ་མཚན་དང་། བ་དན་དང་། མར་མེ་དང་། བདུག་སྤོས་དང་། བྱུག་པ་དང་། མེ་ཏོག་དང་། ཞལ་ཟས་རྣམས་ཀྱིས་མཆོད་ཅིང་དོན་གཞན་བཏང་སྟེ་སེམས་རྩེ་གཅིག་ཏུ་ཆོ་ག་བཞིན་
བཟླས་བརྗོད་བྱས་ན། དེའི་ཚེ་བྱང་ཆུབ་སེམས་དཔའ་ཉི་འོད་དང་། བྱང་ཆུབ་སེམས་དཔའ་ཟླ་འོད་དང་། རིག་འཛིན་གྲངས་མེད་པ་དག་དང་ལྷན་ཅིག་ཏུ་དེར་འོངས་ཏེ། དེ་ལ་ཕན་པར་བྱེད་པའི་རྟགས་དང་མཚན་མ་སྟོན་
པར་འགྱུར་རོ། །ངས་ཀྱང་དེའི་ཚེ་དེའི་དུས་ན་མིག་སྟོང་གིས་བརྟག་ཅིང་ལག་སྟོང་གིས་བསྐྱབ་པར་བྱའོ། །མུ་སྟེགས་ཀྱི་གཙུག་ལག་ཐམས་ཅད་ལ་མཁས་ཤིང་ཁོང་ངུ་ཆུད་པར་བྱའོ། །གང་གིས་གཟུངས་སྔགས་
འདི་གཟུངས་སུ་གཟུང་ཞིང་བཟླས་བརྗོད་བྱས་ན་འཇིག་རྟེན་གྱི་འདྲེ་གདོན་གྱི་ནད་བརྒྱད་ཁྲི་བཞི་སྟོང་ཀུན་གསོ་བར་ནུས་ཏེ་མི་འཚོ་བ་མེད་དོ། །གཅིག་ཏུ་ན་ལྷ་མ་སྲིན་ཐམས་ཅད་བཀོལ་པ་དང་ལྷའི་བདུད་ཐམས་ཅད་ཕམ་
པར་བྱེད་པ་དང་། མུ་སྟེགས་ཅན་ཐམས་ཅད་ཐུལ་བར་འགྱུར་རོ། །གལ་ཏེ་གང་ལ་ལས་དགོན་པ་ན་གནས་ཤིང་བསམ་གཏན་བྱེད་དམ། མདོ་སྡེ་ཀློག་པ་འམ། ཁ་ཏོན་བྱེད་པ་ལས་འབྱུང་པོ་དང་ཡི་དགས་
ལ་སོགས་པས་བགེགས་བྱས་ཏེ། སེམས་མི་བདེ་ན། སྔགས་དེ་ལན་གཅིག་བཏོན་པ་ཙམ་གྱིས་བགེགས་བྱེད་པ་རྣམས་འཆིང་བར་འགྱུར་རོ། །དེ་ཆོ་ག་བཞིན་དུ་

99-1-293b

བཟླས་བརྗོད་བྱས་ཏེ། སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་བསྐྱེད་དེ། དེའི་ཚེ་དེའི་དུས་ན་ངས་འཇིག་རྟེན་སྐྱོང་བ་དང་། རྡོ་རྗེ་གསང་བ་འཛིན་དང་། ཀླུའི་རྒྱལ་པོ་ལ་སོགས་པ་བསྒོ་སྟེ། དེ་ལ་བསྲུང་བ་དང་། སྐྱོབ་པ་
དང་། སྦ་བའི་ཕྱིར་དུས་ཐམས་ཅད་དུ་ཕྱི་བཞིན་དུ་འབྲང་ཞིང་སྐད་ཅིག་ཏུ་ཡང་མི་འབྲལ་བར། ཇི་ལྟར་རང་གི་མིག་དང་སྲོག་ལ་འཕངས་པ་བཞིན་རིམ་གྲོ་བྱེད་པ་བཞིན་བསྲུང་ཞིང་སྐྱོབ་དུ་གཞུག་གོ། འདི་ལྟར་ངས་ནི་གསང་འཛིན་
ཐལ་སྦྱོར་དང་། །རྡོ་རྗེ་འཚོལ་བ་དང་ནི་ལྕགས་ཀྱུ་དང་། །ལུ་གུ་རྒྱུད་དང་སྟོབས་ཆེན་སྡེ་བརྒྱད་རྣམས། །གཟུངས་འཛིན་དེ་ལ་བསྲུང་ཞིང་སྐྱོབ་དུ་གཞུག །ངས་ནི་སྲེད་མེད་བུ་དང་དབང་ལྡན་དང་། །ཀུམ་བི་ར་དང་ཀ་པ་ལི་ཀ་
དང་། ། བ་ཧུ་ཆུ་བདག་དང་ནི་ལེགས་ལྡན་རྣམས། །གཟུངས་འཛིན་དེ་ལ་བསྲུང་ཞིང་སྐྱོབ་དུ་གཞུག །ངས་ནི་མགྲིན་བཅུ་དང་ནི་ཙན་ད་ར། །ཀ་ལན་ཏ་ཀ་དང་ནི་སན་ཙམ་བལ། །བན་ཀི་ལ་དང་པིརྦ་ཀ་ལ་རྒྱལ། །གཟུངས་
འཛིན་དེ་ལ་བསྲུང་ཞིང་སྐྱོབ་ཏུ་གཞུག །ངས་ནི་ཨིང་དིག་བི་ཏ་སར་ག་དང་། །ཚངས་པ་ཆེན་པོ་སམ་པྲ་ཀ་དང་ནི། །ཚངས་རིས་ལྷ་ཡི་སྡེ་དང་གཤིན་རྗེ་རྣམས། །གཟུངས་འཛིན་དེ་ལ་བསྲུང་ཞིང་སྐྱོབ་དུ་གཞུག  །
ངས་ནི་བརྒྱ་བྱིན་སུམ་བཅུ་གཉིས་དབང་བཅས། །དབྱངས་ཅན་དཔལ་དང་ནི་ས་ཏ་ན་དང་། །མ་མོ་ལ་སོགས་མཐུ་ཆེན་རྣམས་ཀྱིས་ཀྱང་། །གཟུངས་འཛིན་དེ་ལ་བསྲུང་ཞིང་སྐྱོབ་ཏུ་གཞུག །ངས་ནི་འཇིག་རྟེན་སྐྱོང་
བ་གནས་བསྲུངས་དང་། །འཕགས་སྐྱེས་མིག་མི་བཟང་དང་ངལ་བསོ་དང་། །གསེར་ཅན་དང་ནི་རྨ་བྱ་ཆེན་མོ་རྣམས། །རྟག་ཏུ་དེ་ལ་བསྲུང་ཞིང་སྐྱོབ་ཏུ་གཞུག །ངས་ནི་རིག་འཛིན་ཉི་ཤུ་རྩ་བརྒྱད་དང་། །གནོད་སྦྱིན་
སྡེ་དཔོན་ཆེན་པོ་ནོར་བཟངས་དང་། །གང་བ་བཟང་དང་ཡང་དག་ཤེས་རྣམས་ཀྱིས། །རྟག་ཏུ་དེ་ལ་བསྲུང་ཞིང་སྐྱོབ་ཏུ་གཞུག །ངས་ནི་ཀླུ་ཡི་རྒྱལ་པོ་དགའ་བོ་དང་། །ཉེ་དགའ་བོ་དང་མ་དྲོས་རྣམས་དང་ནི། །ཀླུའི་ཡི་རྒྱལ་པོ་ཨི་ལ་

99-1-294a

མ་ལ་སོགས། །གཟུངས་འཛིན་དེ་ལ་བསྲུང་ཞིང་སྐྱོབ་ཏུ་གཞུག །ངས་ནི་ལྷ་མ་ཡིན་དང་དྲི་ཟ་དང་། །ནམཁའ་ལྡིང་དང་མི་འམ་ཅི་དང་ནི། །ལྟོ་འཕྱེ་ཆེན་པོ་དང་ནི་གྲུལ་བུམ་གྱིས། །གཟུངས་འཛིན་དེ་ལ་བསྲུང་ཞིང་སྐྱོབ་དུ་གཞུག་
ངས་ནི་ཆུ་དང་མེ་དང་རླུང་ལྷ་དང་། །འབྲུག་དང་གློག་གི་ལྷ་རྣམས་མཐུ་ཆེན་དང་། །འབྱུང་པོ་ཤ་ཟ་རྣམས་ཀྱིས་རྟག་པ་རུ། །གཟུངས་འཛིན་དེ་ལ་བསྲུང་ཞིང་སྐྱོབ་ཏུ་གཞུག  །དེ་དག་ཀུན་ཀྱང་སོ་སོ་ནས་འཁོར་ལྔ་བརྒྱ་དང་
གནོད་སྦྱིན་སྟོབས་པོ་ཆེ་རྣམས་ཐུགས་རྗེ་ཆེན་པོའི་རིགས་སྔགས་འཆང་བ་དེ་ལ་བསྲུང་བ་དང་སྐྱོབ་པ་དང་། སྦ་བའི་ཕྱིར་དུས་ཐམས་ཅད་དུ་འབྲང་བར་བྱེད་དོ། །དེ་འབྲོག་དགོན་པ་ན་གཅིག་པུ་གནས་པའི་ཚེ། མགོན་པོ་དག་རེས་
ཀྱིས་བསྲུང་བ་བྱེད་ཅིང་གདོན་དང་བགེགས་སེལ་བར་བྱེད་དོ། །དགོན་པ་ཆེན་པོར་བསླད་དམ་ལམ་འཚོལ་བར་གྱུར་ན། རིགས་སྔགས་འདི་བཟླས་པ་ཙམ་གྱིས་མགོན་པོ་དང་། ཀླུའི་རྒྱལ་པོ་ལ་སོགས་པ་མིར་སྤྲུལ་ཏེ། 
ལམ་གང་ཡིན་པ་སྟོན་པར་བྱེད་དོ། །གལ་ཏེ་འབྲོག་དགོན་པ་འམ་མྱ་ངམ་འམ། ནགས་ཚལ་དག་དུ་འགྲོ་བའི་ཚེ། ཆུ་དང་མེས་འཕོངས་ན། རིགས་སྔགས་འདི་དྲན་པ་ཙམ་གྱིས། ཀླུ་རྣམས་ཀྱི་ཆུ་དང་མེ་མངོན་དུ་
སྤྲུལ་ཅིང་འབྱུང་བར་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གིས་ཀྱང་སྔགས་འདིའི་ཡོན་ཏན་ཚིགས་སུ་བཅད་དེ་བརྗོད་པ། །གང་ཞིག་རི་བྲག་དགོན་པར་གནས་པའི་ཚེ། །གཅན་ཟན་སྟགས་དང་དོམ་དྲེད་སྤྱང་གི་དང་
སྦྲུལ་གདུགས་ཅན་དང་བརླབས་པའི་འདྲེ་རྣམས་ལ། །སྔགས་འདི་བརྗོད་པ་ཙམ་གྱིས་གནོད་མི་ནུས། །གང་ཞིག་རྒྱ་མཚོ་འམ་ཆུ་ཀླུང་སར་འགྲོ་ན། །ཀླུ་གདུག་འཇོག་པོ་ཆུ་སྲིན་ཉ་རྣམས་དང་། །གནོད་སྦྱིན་སྲིན་པོ་འབར་བ་རུ་སྦལ་
རྣམས། །སྔགས་འདི་ཐོས་པ་ཙམ་གྱིས་ལུས་སྦེད་འགྱུར། །ཕ་རོལ་དམག་ཚོགས་ཕྲད་དེ་དགྲས་བསྐོར་ཏམ། །སྡིག་པ་ཅན་གྱིས་ནོར་ཟས་འཇོམས་པའི་ཚེ། །བསམ་པ་ཐག་པས་ཐུགས་རྗེའི་སྔགས་བརྗོད་ན། །དེ་དག་བྱམས་སེམས་

99-1-294b

གཡོ་ཞིང་ཕྱིར་ཡང་ལྡོག  །གང་ཞིག་རྗེ་དཔོན་དག་གིས་བརྩོན་བཟུང་ནས། །ཁྲི་མོན་དང་ནི་བཙོན་རར་འཇུག་པའི་ཚེ། །བསམ་པ་ཐག་པས་ཐུགས་རྗེའི་སྔགས་བརྗོད་ན། །རྗེ་དཔོན་སེམས་སློད་གནང་ཞིང་སླར་ལ་གཏོང་། །དུག་ཅན་ཟས་རྣམས་
གནོད་པར་གྱུར་པའི་ཚེ། བསམ་པ་ཐག་པས་ཐུགས་རྗེའི་སྔགས་བརྗོད་ན། །དུག་ཅན་ཟས་དེ་འཕྲལ་དུ་བདུད་རྩིར་འགྱུར། །བུད་མེད་གང་ཞིག་བུ་དག་བཙའ་བ་ན། །གདོན་བགེགས་ཞུགས་ཏེ་སྡུག་བསྔལ་མི་བཟང་ཚེ། །ཐུགས་རྗེ་
ཡི་ནི་སྔགས་འདི་བརྗོད་བྱས་པས། །གདོན་བགེགས་བྱེར་ཞིང་བདེ་བར་བཙའ་བར་འགྱུར། །ཀླུ་གདུག་གོར་འདྲེས་རིམས་ནད་གཏོང་བ་ན། །ན་ཚ་མི་བཟད་འཆི་སྒོར་བསྙེན་པའི་ཚེ། །བསམ་པ་ཐག་པས་ཐུགས་རྗེའི་སྔགས་བརྗོད་ན། །
རིམས་ནད་ཞི་ཞིང་ཚེ་སྲོག་ནུར་པར་འགྱུར། །ཀླུ་དང་ཆུ་སྲིན་གདོན་གྱིས་སྐྲངས་གྱུར་ཅིང་། འབྲས་དང་ཤུ་བ་རྣག་ཁྲག་མི་བཟད་ཚེ། །བསམ་པ་ཐག་པས་ཐུགས་རྗེའི་སྔགས་བརྗོད་ནས། མཆིལ་མ་ཐེངས་གསུམ་བཏབ་པས་
རྗེས་བཞིན་འབྱང་། །སྙིགས་མ་ཅན་གྱི་སེམས་ཅན་སྡིག་སྤྱོད་ཅིང་། །སྔགས་དང་བྱད་ཀྱིས་ཁོན་ལ་ཤར་གཉེར་བ། །བསམ་པ་ཐག་པས་ཐུགས་རྗེའི་སྔགས་བརྗོད་ན། །བྱད་སྔགས་དྲག་པོ་དེ་ལ་སླར་འཁོར་རོ། །
དུས་ངན་སྙིགས་ཅན་འཁྲུག་ཅིང་ཆོས་འཇིག་ཚེ། །ཆགས་མེད་བདོ་ཞིང་འདོད་ལ་སེམས་རྨོངས་ཏེ། །བཟའ་ཤུག་དབེན་ཞིང་ཉིན་མཚན་གཞན་དག་ལ། །འདོད་པའི་ཆགས་སེམས་གཏོང་བའི་དུས་མེད་པ། །དེ་ཚེ་ཐུགས་རྗེ་
ཅན་གྱི་སྔགས་བརྗོད་ན། །འདོད་ཆགས་མེ་དང་འཁྲུག་སེམས་འགག་པར་འགྱུར། །གལ་ཏེ་ང་ཡི་སྔགས་ཀྱི་ཡོན་ཏན་ཀུན། །རྒྱ་ཆེར་བཤད་དུ་བསྐལ་པར་མི་རྫོགས་སོ། །འཕགས་པ་སྤྱན་རས་གཟིགས་དབང་
ཕྱུག་ཕྱག་སྟོང་སྤྱན་སྟོང་དུ་སྒྲུལ་པའི་གཟུངས་རྫོགས་སྷོ།། །།

99-1-295a

༄༅། །རྒྱ་གར་སྐད་དུ།  ཨཱརྱཱ་བོ་དྷི་ས་ཏྭཱ་བ་ལོ་ཀི་ཏེ་ཤྭ་ར་ས་ཧཱ་སྲ་བྷུ་ཛ་ནེ་ཏྲཱ་སྃ་ག་མ་ཧཱ་ཀཱ་རུ་ཎི་ཀ་ཙི་ཏྟ་བིསྟ་ར་པ་རི་པཱུརྞྞ་ནཱ་མ་དྷ་ར་ཎཱི།  བོད་སྐད་དུ།  འཕགས་པ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་
སྟོང་སྤྱན་སྟོང་དང་ལྡན་པ་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་སུ་རྫོགས་པ་ཞེས་བྱ་བའི་གཟུངས།  བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཤཱཀྱ་ཐུབ་པའི་པོ་ཏ་ལའི་སྟེང་། འཕགས་པ་སྤྱན་རས་གཟིགས་དབང་ཕྱུག་གི་གཞལ་མེད་ཁང་རིན་པོ་ཆེ་བཀོད་པའི་དཀྱིལ་འཁོར་ན་ནོར་བུ་རིན་པོ་
ཆེ་རྣམ་པ་སྣ་ཚོགས་ཀྱིས་རབ་ཏུ་བརྒྱན་པའི་རིན་པོ་ཆེའི་སེང་གེའི་གདན་རིན་པོ་ཆེའི་རྒྱལ་མཚན་དང་བ་དན་དག་གིས་འཁོར་བར་བཀོད་ཅིང་དཔྱངས་པ་ལ་བཞུགས་ཏེ། དེའི་ཚེ་དེ་བཞིན་གཤེགས་པ་གདན་དེ་ལ་བཞུགས་
ནས་ཀུན་འཛིན་ཅེས་བྱ་བའི་གཟུངས་སྔགས་བཤད་པར་བཞེད་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་པ་དང་། ཐབས་གཅིག་ཏུ་བཞུགས་པ་ལ་འདི་ལྟ་སྟེ། བྱང་ཆུབ་སེམས་དཔའ་ཀུན་འཛིན་གྱི་
རྒྱལ་པོ་དང་། བྱང་ཆུབ་སེམས་དཔའ་རིན་པོ་ཆེའི་རྒྱལ་པོ་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སྨན་མངོན་པར་འཕགས་པ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་
ཕྱུག་དང་། བྱང་ཆུབ་སེམས་དཔའ་མཐུ་ཆེན་ཐོབ་པ་དང་། བྱང་ཆུབ་སེམས་དཔའ་པད་མའི་བཀོད་པ་དང་། བྱང་ཆུབ་སེམས་དཔའ་བཀོད་པ་ཆེན་པོ་དང་། བྱང་ཆུབ་སེམས་དཔའ་རིན་ཆེན་སྙིང་པོ་དང་། བྱང་ཆུབ་སེམས་དཔའ་
དཔལ་གྱི་སྙིང་པོ་དང་། བྱང་ཆུབ་སེམས་དཔའ་རྡོ་རྗེ་སྙིང་པོ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་དང་། བྱང་ཆུབ་

99-1-295b

སེམས་དཔའ་འཇམ་དཔལ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྒྱལ་བུ་ཆེན་པོར་དབང་བསྐུར་བ་ཐོབ་པ་ཤ་སྟག་དང་ཐབས་གཅིག་གོ། །གཞན་ཡང་ཉན་ཐོས་ཀྱི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པའི་
ས་བཅུ་སྤྱད་པ་ཚད་མེད་གྲངས་མེད་པ་དག་དང་ཐབས་གཅིག་སྟེ། ཚེ་དང་ལྡན་པ་འོད་སྲུང་ཆེན་པོ་ནི་གཙོ་བོར་གྱུར་ཏོ། །གཞན་ཡང་ཚངས་རིས་ཀྱི་ལྷ་ཚད་མེད་པ་སྙེད་དང་ཐབས་གཅིག་སྟེ། ལྷའི་བུ་ཀྵཎྜ་མ་ར་ནི་གཙོ་བོར་གྱུར་ཏོ། །
གཞན་ཡང་ལྷ་དང་ལྷའི་བུ་ཚད་མེད་པ་སྙེད་དང་ཐབས་གཅིག་སྟེ། ལྷའི་བུ་ཀུ་བྷ་ཀ་ནི་གཙོ་བོར་གྱུར་ཏོ། །གཞན་ཡང་འཇིག་རྟེན་སྐྱོང་བ་དང་། རྒྱལ་ཆེན་རིས་བཞིའི་ལྷའི་རྒྱལ་པོ་ཚད་མེད་པ་སྙེད་དང་ཐབས་གཅིག་སྟེ། 
ལྷའི་རྒྱལ་པོ་ཡུལ་འཁོར་བསྲུང་ནི་གཙོ་བོར་གྱུར་ཏོ། །གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་
པ་ལ་སོགས་པ་ཚད་མེད་པ་སྙེད་དང་ཐབས་གཅིག་སྟེ། ཀླུའི་རྒྱལ་པོ་ཆེན་པོ་རིའི་དཔལ་ནི་གཙོ་བོར་གྱུར་ཏོ། །གཞན་ཡང་འདོད་པའི་ཁམས་ཀྱི་ལྷའི་བུ་མོ་ཚད་མེད་པ་སྙེད་དང་ཐབས་གཅིག་སྟེ། ལྷའི་བུ་མོ་གཞོན་ནུའི་
མིག་ཅེས་བྱ་བ་ནི་གཙོ་མོར་གྱུར་ཏོ། །གཞན་ཡང་ནམ་མཁའི་ལྷ་དང་། ཆུ་བོ་དང་། རྒྱ་མཚོ་ཡི་ལྷ་དང་། ཆུ་མིག་གི་ལྷ་དང་། ཆུ་ཀླུང་གི་ལྷ་དང་། སྨན་གྱི་ལྷ་དང་། ལྗོན་ཤིང་གི་ལྷ་དང་། ནགས་ཚལ་གྱི་ལྷ་དང་། 
ཁང་ཁྱིམ་གྱི་ལྷ་དང་། ཆུའི་ལྷ་དང་། མེའི་ལྷ་དང་། རླུང་གི་ལྷ་དང་། སའི་ལྷ་དང་། རིའི་ལྷ་དང་། གཞལ་མེད་ཁང་ལ་སོགས་པའི་ལྷ་ཚད་མེད་པ་སྙེད་ཀྱང་སོ་སོ་ནས་འདུས་ཤིང་ལྷགས་པར་གྱུར་ཏོ། །དེ་ནས་བྱང་ཆུབ་སེམས་དཔའ་སྤྱན་
རས་གཟིགས་དབང་ཕྱུག་འཁོར་མང་པོའི་ནང་དུ་གསང་སྟེ། རྫུ་འཕྲུལ་གྱིས་འོད་ཟེར་བཀྱེ་བས་ཕྱོགས་བཅུའྀ་འཇིག་རྟེན་གྱི་ཁམས་རྣམས་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་གསེར་གྱི་

99-1-296a

ཁ་དོག་ཅན་དུ་གྱུར་ཏོ། །ལྷའི་གཞལ་མེད་ཁང་རྣམས་དང་། ཀླུའི་ཁང་ཁྱིམ་རྣམས་དང་། ལྷའི་གཙོ་བོ་རྣམས་ཀྱི་གཞལ་མེད་ཁང་རྣམས་ཀྱང་རབ་ཏུ་གཡོས་པར་གྱུར། ཆུ་བོ་དང་། མཚོ་དང་། རྒྱ་
མཚོ་ཆེན་པོ་དང་། རི་འཁོར་ཡུག་དང་། རི་རབ་ལྷུན་པོ་དང་། སའི་རི་དང་། རི་ནག་པོ་རྣམས་ཀྱང་རབ་ཏུ་གཡོས་པར་གྱུར་ཏོ། །ཉི་མ་དང་། ཟླ་བ་དང་། ནོར་བུ་དང་། མེ་དང་། རྒྱུ་སྐར་དང་། གཟའི་འོད་རྣམས་ཀྱང་ཟིལ་གྱིས་མནན་ཏེ་མི་སྣང་
བར་གྱུར་ཏོ། །དེ་ནས་བྱང་ཆུབ་སེམས་དཔའ་ཀུན་འཛིན་གྱི་རྒྱལ་པོས་ངོ་མཚར་རྨད་དུ་བྱུང་བའི་མཚན་མ་དེ་དག་མཐོང་བ་དང་། སྔོན་ཆད་ནམ་ཡང་དེ་ལྟ་བུ་མ་བྱུང་ངོ་ཞེས་ངོ་མཚར་དུ་གྱུར་ནས། སྟན་ལས་ལངས་ཏེ་ཐལ་མོ་སྦྱར་
ནས་འདི་སྐད་ཅེས་བཅོམ་ལྡན་འདས་རྫུ་འཕྲུལ་གྱི་མཚན་མ་འདི་ལྟ་བུ་འདི་དག་སུས་བཀྱེ་ལགས་ཞེས་གསོལ་ནས། ཚིགས་སུ་བཅད་དེ་ཞུ་བ་ཞུས་པ། དིང་ནི་སུ་ཞིག་མངོན་པར་སངས་རྒྱས་ན། །འདི་ལྟར་འོད་ཟེར་ཆེན་པོ་རབ་
བཀྱེ་བས། །ཕྱོགས་བཅུའི་འཇིག་རྟེན་གསེར་གྱི་མདོག་དུ་གྱུར། །སྟོང་ཆེན་འཇིག་རྟེན་ཁམས་ཀྱང་དེ་བཞིན་ལགས། །དེང་ནི་སུ་ཞིག་རང་དབང་ཐོབ་གྱུར་ན། །ཡ་མཚན་རྫུ་འཕྲུལ་ཆེན་པོ་མཐུ་བཀྱེ་ནས། །མཐའ་མེད་སངས་རྒྱས་
ཞིང་རྣམས་རབ་གཡོས་ཤིང་། །ལྷ་ཀླུ་གཞལ་མེད་ཁང་རྣམས་མི་བདེར་གྱུར། །སུ་ཡི་མཐུ་ལགས་རྒྱུ་རྐྱེན་མ་རྟོགས་པས། །འཁོར་མང་འདི་དག་ཐེ་ཚོམ་འཚལ་གྱུར་ན། །བཅོམ་ལྡན་འདས་ཀྱི་ཐུགས་རྗེ་ཆེན་པོ་ཡིས། །
རྫུ་འཕྲུལ་འདི་ཡི་རྒྱུ་རྐྱེན་བཀས་བཤད་གསོལ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་འཛིན་གྱི་རྒྱལ་པོ་ལ་བཀའ་སྩལ་པ། རིགས་ཀྱི་བུ་ཁྱེད་ཀྱིས་འདི་རིག་པར་བྱ་སྟེ། དེང་འཁོར་གྱི་དཀྱིལ་འཁོར་
འདུས་པ་འདིར་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཅེས་བྱ་བ་ཞིག་ཡོད་པ་དེ། སྔོན་བསྐལ་པ་ཚད་མེད་པ་ནས་བྱམས་པ་ཆེན་པོ་དང་སྙིང་རྗེ་ཆེན་པོ་ཕུན་སུམ་ཚོགས་པར་གྱུར་པ། གཟུངས་ཀྱི་

99-1-296b

སྒོ་ཚད་མེད་པ་སྙེད་ཤིན་ཏུ་བསྒོམས་ཤིང་མངོན་པར་བསྒྲུབས་པར་གྱུར་པས། སེམས་ཅན་རྣམས་ལ་ཕན་པ་དང་བདེ་བར་འདོད་པའི་ཕྱིར་གསང་སྟེ་འདི་ལྟ་བུའི་རྫུ་འཕྲུལ་གྱི་མཐུ་ཆེན་པོ་བསྟན་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་
པ་དང་། དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་གོས་ཚགས་བཅོས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
བདག་ལ་ཐུགས་རྗེ་ཆེན་པོའི་སེམས་ཤེས་བགྱི་བའི་གཟུངས་སྔགས་མཆིས་ཏེ། སེམས་ཅན་མང་པོ་རྣམས་ལ་སྨན་པ་དང་བདེ་བ་འཐོབ་པར་བགྱི་བ་དང་། བྲོ་ནད་ཐམས་ཅད་བསལ་བར་བགྱི་བ་དང་། ཚེ་རིང་བར་འགྱུར་བ་དང་། ཕྱུག་ཅིང་
འབྱོར་བ་དང་ལྡན་པར་བགྱི་བ་དང་། སྡིག་པ་མི་དགེ་བའི་ལས་དང་ཁ་ན་མ་ཐོ་བ་ལྕི་བ་རྣམས་ཡོངས་སུ་སྦྱང་ཞིང་བསལ་བ་དང་། སྒྲིབ་པའི་བགེགས་རྣམས་དང་འབྲལ་བ་དང་། ཆོས་དཀར་པོའི་ཡོན་ཏན་ཐམས་ཅད་འཕེལ་བར་བགྱི་བ་དང་། 
དགེ་བའི་ས་བོན་ཐམས་ཅད་ཕུན་སུམ་ཚོགས་པར་བགྱི་བ་དང་། འཇིགས་ཤིང་སྐྲགས་པ་ཐམས་ཅད་ཡོངས་སུ་སྤང་བར་བགྱི་བ་དང་། རེ་བ་ཐམས་ཅད་མྱུར་དུ་ཡོངས་སུ་རྫོགས་པར་བགྱི་བའི་སླད་དུ་དེང་བཤད་པར་འཚལ་ན། 
བཅོམ་ལྡན་འདས་ཐུགས་བརྩེ་བར་དགོངས་ཏེ་གནང་བར་མཛད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སྙིང་རྗེ་ཆེན་པོས་སེམས་ཅན་རྣམས་ལ་ཕན་པ་དང་། བདེ་བ་འདོད་པའི་ཕྱིར་རིགས་སྔགས་
བཤད་པར་འདོད་པས་དེང་དུས་ལ་བབ་ཀྱིས་མྱུར་དུ་སྨྲོས་ཤིག་དང་། དེ་བཞིན་གཤེགས་པ་ང་དང་སངས་རྒྱས་བཅོམ་ལྡན་འདས་རྣམས་ཀྱང་རྗེས་སུ་ཐུགས་དགྱེས་པར་མཛད་དོ། །བཅོམ་ལྡན་འདས་ལ་བྱང་ཆུབ་སེམས་དཔའ་
སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་མངོན་པར་དྲན་ལགས་ཏེ། སྔོན་བྱུང་བའི་བསྐལ་པ་འབུམ་ཕྲག་ཚད་མ་མཆིས་པ་སྙེད་འདས་པ་དེའི་ཚེ་དེའི་དུས་ན་བཅོམ་ལྡན་འདས་

99-1-297a

དེ་བཞིན་གཤེགས་པ་འོད་སྟོང་གི་རྒྱལ་པོ་ཞི་བར་གནས་པ་ཞེས་བྱ་བ་འཇིག་རྟེན་དུ་བྱུང་སྟེ། སངས་རྒྱས་བཅོམ་ལྡན་འདས་དེས་བདག་དང་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ་ཐོགས་པ་མ་མཆིས་པའི་ཐུགས་རྗེ་ཆེན་
པོ་རྒྱ་ཆེར་ཡོངས་སུ་རྫོགས་པ་ཞེས་བགྱི་བའི་གཟུངས་འདི་བཀའ་སྩལ་ནས། ཕྱག་གསེར་གྱི་ཁ་དོག་ཅན་གྱིས་བདག་གི་སྤྱི་བོ་ལ་བྱུགས་ཏེ་འདི་སྐད་ཅེས། རིགས་ཀྱི་བུ་ཁྱོད་ཐུགས་རྗེ་ཆེན་པོའི་རིག་སྔགས་འདི་ཟུང་ཤིག་དང་། 
མ་འོངས་པའི་དུས་ངན་པའི་སེམས་ཅན་ཐམས་ཅད་ལ་ཕན་པ་དང་བདེ་བ་ཆེན་པོ་བྱེད་པར་འགྱུར་རོ་ཞེས་བཀའ་སྩལ་ཏོ། །བདག་དེའི་ཚེ་གདོད་ས་དང་པོ་ལ་གནས་པ་ལས་རིག་སྔགས་འདི་ལན་ཅིག་ཐོས་པ་ཙམ་གྱིས་ས་བརྒྱད་པ་ལས་ཡང་དག་
པར་འདས་པར་གྱུར་ལགས་སོ། །བདག་དེའི་ཚེ་དེའི་དུས་ན་སེམས་རབ་ཏུ་དགའ་ཞིང་མགུ་བར་གྱུར་པའི་སླད་དུ་སྨོན་ལམ་འདི་སྐད་དུ་བཏབ་ལགས་ཏེ། གལ་ཏེ་བདག་མ་འོངས་པའི་དུས་ན་སེམས་ཅན་ཐམས་ཅད་ལ་སྨན་ཅིང་བདེ་བར་བགྱིད་
པའི་འོས་སུ་འགྱུར་ཡང་དག་པ་ཞིག་ལགས་ན་དེང་བདག་གི་ལུས་འདི་ཉིད་ལས་ལག་པ་སྟོང་དང་། མིག་སྟོང་ཚང་བར་འབྱུང་བར་གྱུར་ཅིག་ཅེས་སྨོན་ལམ་བཏབ་མ་ཐག་ཏུ་ལུས་ལས་སུག་པ་སྟོང་དང་མིག་སྟོང་ཚང་བར་བྱུང་བར་གྱུར་ཏེ། ཕྱོགས་བཅུའི་ས་
ཆེན་པོ་རྣམས་ཀྱང་རྣམ་པ་དྲུག་དུ་རབ་ཏུ་གཡོས་པར་གྱུར། ཕྱོགས་བཅུའི་སངས་རྒྱས་རྣམས་ཀྱིས་ཀྱང་འོད་ཟེར་བཀྱེ་བས་བདག་གི་ལུས་ལ་རེག་ཅིང་ཕྱོགས་བཅུའི་འཇིག་རྟེན་གྱི་ཁམས་མཐའ་མ་མཆིས་པ་རྣམས་ཀྱང་གསལ་བར་
བགྱིས་པར་གྱུར་ལགས་སོ། །དེ་སླན་ཆད་སངས་རྒྱས་ཚད་མ་མཆིས་པའི་འཁོར་གྱི་དཀྱིལ་འཁོར་ཚད་མ་མཆིས་པ་དག་ཏུ་གཟུངས་འདི་ཡང་དང་ཡང་དུ་ཐོས་ཤིང་མངོན་སུམ་དུ་ཡང་དག་པར་བླངས་པ་དང་། གཞན་ཡང་དགའ་བ་དང་། 
མགུ་བ་དང་རངས་པ་ཚད་མ་མཆིས་པ་བསྐྱེད་པས་བསྐལ་པ་འབུམ་ཕྲག་ཚད་མ་མཆིས་པ་སྙེད་ཀྱི་འཁོར་བ་ཕྲ་མོ་ལས་ཡང་དག་པར་འདས་པར་གྱུར་ལགས་སོ། །དེ་སྨན་ཅད་གཟུངས་འདི་རྟག་པར་འདོན་ཅིང་ཡོངས་སུ་གཟུང་ནས། 

99-1-297b

ནམ་དུ་ཡང་མི་བསྐྱུད་པར་བགྱིས་པའི་སླད་དུ་སྐྱེ་བ་ཐམས་ཅད་དུ་རྟག་པར་སངས་རྒྱས་རྣམས་ཀྱི་སྤྱན་སྔར་པད་མ་ལ་བརྫུས་ཏེ་སྐྱེས་པས་མངལ་དུ་སྐྱེ་བའི་ལུས་བླངས་པར་མ་གྱུར་ལགས་སོ། །དགེ་སློང་ངམ། དགེ་སློང་
མ་འམ། དགེ་བསྙེན་ནམ། དགེ་བསྙེན་མ་འམ། ཁྱེའུ་འམ། བུ་མོ་གང་ལ་ལ་ཞིག་འདི་འདོན་ཅིང་ཡོངས་སུ་འཛིན་པར་འཚལ་བ་དེས་སེམས་ཅན་རྣམས་ལ་སྙིང་བརྩེ་བའི་སེམས་བསྐྱེད་ནས། དང་པོ་ཁོ་ནར་བདག་ལ་སྨོན་ལམ་
འདི་སྐད་གདབ་པར་བགྱི་ལགས་སོ། །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་ཆོས་རྣམས་ཐམས་ཅད་མྱུར་དུ་རྟོགས་པར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། 
བདག་གིས་ཡེ་ཤེས་མིག་ནི་མྱུར་དུ་ཐོབ་པར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་སེམས་ཅན་ཐམས་ཅད་མྱུར་དུ་སྒྲོལ་བར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ལོ། །
ཕྱག་འཚལ་ལོ། །བདག་གིས་ཐབས་མཁས་པ་དག་མྱུར་དུ་ཐོབ་པར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་ཤེས་རབ་གྲུ་ཡིས་སྒྲོལ་བར་ཤོག །སྤྱན་རས་
གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ན་ནི་མྱུར་དུ་སྡུག་བསྔལ་མཚོ་ལས་འདའ་བར་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་མྱུར་དུ་ཚུལ་ཁྲིམས་རྐང་གི་ལམ་ཐོབ་ཤོག །
སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་མྱུར་དུ་མྱ་ངན་འདའ་བའི་རི་མཛེག་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་མྱུར་དུ་འདུས་མ་བྱས་ཀྱི་ཁྱིམ་
ཕྱིན་ཤོག །སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་ཆོས་ཉིད་སྐུ་དང་མཚུངས་པར་ཤོག །བདག་ནི་རལ་གྲི་རི་ལ་འཛེག །རལ་གྲི་རི་ནི་རང་བརྙིལ་ཤོག །

99-1-298a

བདག་ནི་ཆུ་ཚན་ཕྲད་གྱུར་ན། །ཆུ་ཚན་མེ་མུར་རང་ཞི་ཤོག །སེམས་ཅན་དམྱལ་བར་བདག་སོང་ན། །སེམས་ཅན་དམྱལ་བ་རང་སྐམས་ཤོག །བདག་ནི་ཡི་དགས་གནས་སོང་ན། །བཀྲེས་སྐོམས་དག་ནི་འགྲངས་བར་
ཤོག །བདག་ནི་ལྷ་མིན་གནས་སོང་ན། །ངན་སེམས་རང་ནི་དུལ་བར་ཤོག །བདག་ནི་དུད་འགྲོའི་གནས་ཕྱིན་ན། །རང་ཉིད་ཤེས་རབ་ཆེ་ཐོབ་ཤོག །དེ་སྐད་དུ་སྨོན་ལམ་བཏབ་ནས་སེམས་རྩེ་གཅིག་ཏུ་བདག་གི་མིང་ནས་
འདོན་ཅིང་རྗེས་སུ་དྲན་པར་བགྱིའོ། །གཞན་ཡང་བདག་གི་སྟོན་པ་དེ་བཞིན་གཤེགས་པ་འོད་དཔག་མེད་རྗེས་སུ་དྲན་པར་བགྱིས་ནས། དེའི་རྗེས་ལ་གཟུངས་སྔགས་འདི་མཚན་གཅིག་ལ་ལན་བདུན་ཚང་བར་འདོན་པར་བགྱིད་ན། 
བསྐལ་པ་འབུམ་ཕྲག་བརྒྱད་སྟོང་སྙེད་དུ་འཁོར་བར་འགྱུར་བའི་ཁ་ན་མ་ཐོ་བའི་ལྕི་བ་རྣམས་ཡོངས་སུ་བསལ་ཅིང་འབྱང་བར་འགྱུར་ལགས་སོ། །བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་
འམ་མི་གང་ལ་ལ་ཞིག་ཐུགས་རྗེ་ཆེན་པོའི་ཚིག་འདོན་ཅིང་འཛིན་པར་བགྱིད་ན་འཆི་བའི་དུས་ཀྱི་ཚེ། ཕྱོགས་བཅུའི་དེ་བཞིན་གཤེགས་པ་རྣམས་དེར་གཤེགས་ནས་ཕྱག་རྐྱོང་བར་འགྱུར་བས། སངས་རྒྱས་ཀྱི་ཞིང་གང་དང་གང་དུ་
སྐྱེ་བར་འཚལ་བ་ཇི་ལྟར་སྨོན་པ་བཞིན་དུ་དེ་དག་ཏུ་སྐྱེ་བར་འགྱུར་ལགས་སོ། །བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་གང་ལ་ལ་ཞིག་ཐུགས་རྗེ་ཆེན་པོའི་རིགས་སྔགས་འདི་འདོན་ཅིང་ཡོངས་སུ་འཛིན་
པ་དག་གལ་ཏེ་ངན་འགྲོ་གསུམ་པོ་དག་ཏུ་ལྟུང་བར་གྱུར་ན། བདག་ནམ་ཡང་མངོན་པར་རྫོགས་པར་འཚང་རྒྱ་བར་མི་བགྱིའོ། །ཐུགས་རྗེ་ཆེན་པོའི་རིགས་སྔགས་འདོན་ཅིང་ཡོངས་སུ་འཛིན་པ་དག་གལ་ཏེ་སངས་རྒྱས་ཀྱི་ཞིང་ཁམས་
རྣམས་སུ་སྐྱེ་བར་མ་གྱུར་ན་བདག་ནམ་ཡང་མངོན་པར་རྫོགས་པར་འཚང་རྒྱ་བར་མི་བགྱིའོ། །ཐུགས་རྗེ་ཆེན་པོའི་རིག་སྔགས་འདོན་ཅིང་ཡོངས་སུ་འཛིན་པ་དག་གལ་ཏེ་ཏིང་ངེ་འཛིན་དང་སྤོབས་པ་ཚད་མ་མཆིས་པ་སྙེད་ཐོབ་པར་མ་གྱུར་

99-1-298b

ན་བདག་ནམ་ཡང་མངོན་པར་རྫོགས་པར་འཚང་རྒྱ་བར་མི་བགྱིའོ། །ཐུགས་རྗེ་ཆེན་པོའི་རིག་སྔགས་འདོན་ཅིང་ཡོངས་སུ་འཛིན་པ་དག་གལ་ཏེ་ཚེ་འདི་ཉིད་ལ་སྨོན་པ་ཐམས་ཅད་ཇི་ལྟར་སྨོན་པ་བཞིན་དུ་གྲུབ་པར་མ་གྱུར་ན་སྙིང་རྗེ་ཆེན་པོའི་
སེམས་ཀྱི་གཟུངས་ཤེས་མི་བགྱི་ལགས་ཏེ། མི་དགེ་བའ་རྣམས་དང་། སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་ལགས་སོ། །བུད་མེད་གང་ལ་ལ་ཞིག་བུད་མེད་ཀྱིས་ལུས་ཀྱི་ཡོངས་སུ་སྐྱོ་ནས་སྐྱེས་པའི་ལུས་ཐོབ་པར་འཚལ་
བ་གང་ལགས་པ་དེས་ཐུགས་རྗེ་ཆེན་པོའི་སེམས་ཀྱི་གཟུངས་ཀྱི་ཚིག་འདི་འདོན་ཅིང་ཡོངས་སུ་གཟུང་བས་གལ་ཏེ་བུད་མེད་ཀྱི་དངོས་པོ་ལས་ཡོངས་སུ་གྱུར་ཏེ། སྐྱེས་པའི་ལུས་ཐོབ་པར་མ་གྱུར་ན་བདག་ནམ་ཡང་མངོན་པར་རྫོགས་པར་
འཚང་རྒྱ་བར་མི་བགྱིའོ། །ཐེ་ཚོམ་གྱི་བསམ་པ་ཅུང་ཟད་ཅིག་བསྐྱེད་པར་གྱུར་ན་གདོན་མི་འཚལ་བར་གང་སྨོན་པའི་འབྲས་བུ་དེ་མངོན་པར་འགྲུབ་པར་མི་འགྱུར་ལགས་སོ། །སེམས་ཅན་གང་ལ་ལ་ཞིག་དགེ་འདུན་གྱི་ཞལ་ཟས་
དང་དཀོར་འཕྲོག་ཅིང་ཆུད་གསོན་པ་གང་ལགས་པ་དེ་དག་ནི་སངས་རྒྱས་སྟོང་འཇིག་རྟེན་དུ་བྱུང་བ་དག་ལ་འགྱོད་པས་འཐོལ་ཞིང་བཤགས་ན་ཡང་འབྱང་ཞིང་ཚངས་པར་མི་འགྱུར་མོད་ཀྱི། འོན་ཀྱང་ཐུགས་རྗེ་ཆེན་པོའི་རིགས་
སྔགས་འདི་བཏོན་པ་ཙམ་གྱིས་དེ་དག་ཡོངས་སུ་འབྱང་བར་འགྱུར་བ་ལགས་ཏེ། དཀོན་མཆོག་གསུམ་གྱི་ཞལ་ཟས་དང་། དཀོན་མཆོག་གསུམ་གྱི་དཀོར་ནོར་འཕྲོག་ཅིང་ཆུད་གསོན་པ་དེ་དག་ནི་ཕྱོགས་བཅུའི་སྟོན་པ་
རྣམས་མངོན་སུམ་དུ་གྱུར་པའི་སྤྱན་སྔར་བཤགས་ན་གདོད་ཡོངས་སུ་འབྱང་བར་འགྱུར་ལགས་ལ། །ཐུགས་རྗེ་ཆེན་པོའི་གཟུངས་འདི་འདོན་པའི་ཚེ་ཕྱོགས་བཅུའི་སྟོན་པ་རྣམས་དེར་གཤེགས་ནས་དབང་མཛད་པར་འགྱུར་
བས་ཁ་ན་མ་ཐོ་བའི་སྒྲིབ་པ་དེ་དག་ཐམས་ཅད་ཀྱང་ཡོངས་སུ་འབྱང་བར་འགྱུར། མི་དགེ་བ་བཅུ་དང་། མཚམས་མ་མཆིས་པ་ལྔ་དང་། གང་ཟག་དང་ལ་སྐུར་པ་བཏབ་པ་དང་། ཆོས་ལ་སྐུར་པ་བཏབ་པ་དང་། 

99-1-299a

གསོ་སྦྱོང་བཤིག་པ་དང་། ཚུལ་ཁྲིམས་བཤིགས་པ་དང་། མཆོད་རྟེན་བཤིག་པ་དང་། གཙུག་ལག་ཁང་བཤིགས་པ་ཐམས་ཅད་དང་། དགེ་འདུན་གྱི་དཀོར་བརྐུས་པ་དང་། ཡོངས་སུ་དག་པའི་ཚངས་པར་སྤྱོད་པ་སུན་པར་
བགྱིས་པ་འདི་ལྟ་བུ་ལ་སོགས་པ་སྡིག་པའི་ལས་ལྕི་བ་ཐམས་ཅད་ཡོངས་སུ་འབྱང་བར་འགྱུར་ལགས་སོ། །རིག་སྔགས་འདི་ལ་ཐེ་ཚོམ་འཚལ་བའི་དངོས་པོ་གཅིག་ནི་མ་གཏོགས་ཏེ། ཐེ་ཚོམ་འཚལ་བར་གྱུར་ན་ཐ་ན་ཁ་ན་མ་ཐོ་བ་ཆུང་
ངུའི་ལས་ཡང་བ་ཙམ་ཡང་ཡོངས་སུ་འབྱང་བར་མི་འགྱུར་ན་ཁ་ན་མ་ཐོ་བ་ལྕི་བ་ལྟ་སྨོས་ཀྱང་ཅི་འཚལ་ལགས། ཁ་ན་མ་ཐོ་བ་ལྕི་བ་དག་ཡོངས་སུ་འབྱང་བར་མི་འགྱུར་མོད་ཀྱི། འོན་ཀྱང་བྱང་ཆུབ་ཀྱི་རིང་བའི་རྒྱུ་ནི་བགྱིད་པར་འགྱུར་ལགས་
སོ། །བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་དང་མི་གང་ལ་ལ་ཞིག་ཐུགས་རྗེ་ཆེན་པོའི་སེམས་ཀྱི་རིག་སྔགས་འདི་འདོན་ཅིང་འཛིན་པ་དེ་དག་ནི་དགེ་བའི་སྐྱེ་བ་རྣམ་པ་བཅྭ་ལྔ་ཐོབ་པར་འགྱུར་ཞིང་གཤིས་
ངན་དུ་འཆི་བ་རྣམ་པ་བཅྭ་ལྔ་ལེན་པར་མི་འགྱུར་ལགས་སོ། །གཤིས་ངན་དུ་འཆི་བར་མི་འགྱུར་བ་དེ་ཡང་འདི་ལྟ་སྟེ། གང་ཟག་དེ་བཀྲེས་པས་ཉོན་མོངས་ཏེ་འཆི་བར་མི་འགྱུར་བ་དང་། མཚོན་ཆ་དང་ལྕག་དབྱུག་གིས་འཆི་བར་མི་འགྱུར་
བ་དང་། མཁོན་མཆིས་པའི་དགྲའི་སུག་པར་འཆི་བར་མི་འགྱུར་བ་དང་། གཡུལ་ངོར་འཆི་བར་མི་འགྱུར་བ་དང་། སྟག་དང་སྤྱང་ཀི་དང་གཅན་ཟན་མ་རུངས་པའི་ཁར་འཆི་བར་མི་འགྱུར་བ་དང་། སྦྲུལ་གདུགས་པ་དང་། 
རྩངས་པ་དང་། སྡིག་པའི་ཁར་འཆི་བར་མི་འགྱུར་བ་དང་། ཆབ་དང་ཞུགས་ཀྱི་ནང་དུ་འབྱིང་ཞིང་ཚིག་སྟེ། འཆི་བར་མི་འགྱུར་བ་དང་། དུག་གིས་འཆི་བར་མི་འགྱུར་བ་དང་། བྱད་སྟེམས་ཀྱིས་འཆི་བའི་དུས་བགྱིད་པར་མི་འགྱུར་
བ་དང་། སྨྱོས་ནས་དྲན་པ་ཉམས་པ་ཏེ་འཆི་བར་མི་འགྱུར་བ་དང་། རི་དང་། ལྗོན་ཤིང་དང་། ངམ་གྲོག་དང་། གཡང་ས་ནས་ལྟུང་ཏེ་འཆི་བར་མི་འགྱུར་བ་དང་། མི་མ་རུངས་པའི་བྱད་ཀྱིས་འཆི་བར་མི་འགྱུར་བ་དང་། 

99-1-299b

ལོག་པའི་འདྲེ་གདོན་མ་རུངས་པས་གླགས་རྙེད་དེ་འཆི་བའི་དུས་བགྱིད་པར་མི་འགྱུར་བ་དང་། ནད་དང་ངན་པས་ལུས་ལ་དཀྲིས་ཏེ་འཆི་བའི་དུས་བགྱིད་པར་མི་འགྱུར་བ་དང་། ཆ་མ་ལགས་པས་བདག་ཉིད་ལ་གནོད་པ་བགྱིས་ཏེ་འཆི་བའི་དུས་
བགྱིད་པར་མི་འགྱུར་བ་དག་ལགས་ཏེ། ཐུགས་རྗེ་ཆེན་པོའི་རིགས་སྔགས་འདི་འདོན་ཅིང་ཡོངས་སུ་འཛིན་པར་བགྱིད་པ་དེ་དག་ནི་གཤིས་ངན་དུ་འཆི་བ་རྣམ་པ་བཅྭ་ལྔ་པོ་འདི་དག་གིས་འཆི་བའི་དུས་བགྱིད་པར་མི་འགྱུར་ལགས་
སོ། །དགེ་བ་སྐྱེ་བ་རྣམ་པ་བཅྭ་ལྔ་པོ་ཐོབ་པར་འགྱུར་བ་འདི་ལྟ་སྟེ། སྐྱེ་བ་ཐམས་ཅད་དུ་རྒྱལ་པོ་དགེ་བ་དང་མཇལ་བར་འགྱུར་བ་དང་། རྟག་པར་ཡུལ་དགེ་བར་སྐྱེ་བར་འགྱུར་བ་དང་། རྟག་པར་དུས་བཟང་པོ་དང་མཇལ་བར་འགྱུར་
བ་དང་། རྟག་པར་དགེ་བའི་བཤེས་གཉེན་དང་མཇལ་བར་འགྱུར་བ་དང་། རྟག་པར་ལུས་ཀྱི་དབང་པོ་ཚང་བར་འགྱུར་བ་དང་། ལམ་གྱི་སེམས་ལ་གོམས་པར་འགྱུར་བ་དང་། སྡོམ་པའི་ཚུལ་ཁྲིམས་ཉམས་པར་མི་བགྱིད་པ་དང་། 
འཁོར་རྣམས་དྲིན་གྱིས་འདྲེ་ཞིང་འདུམ་པར་འགྱུར་བ་དང་། འཚོ་བའི་ཡོ་བྱད་རྣམས་རྟག་པར་འབྱོར་ཅིང་ལྡན་པར་འགྱུར་བ་དང་། རྟག་པར་གཞན་གྱིས་བཀུར་ཞིང་རིམ་གྲོ་བགྱིད་པར་འགྱུར་བ་དང་། ཡོ་བྱད་བདོག་པ་
རྣམས་གཞན་གྱིས་འཕྲོག་པར་མི་འགྱུར་བ་དང་། ཡིད་ལ་སྨོན་པ་རྣམས་བསམ་པ་བཞིན་དུ་འགྲུབ་པར་འགྱུར་བ་དང་། ལྷ་དང་ཀླུ་དང་དགེ་བ་རྣམས་ཀྱིས་རྟག་ཏུ་སྲུང་ཞིང་ཡོངས་སུ་སྐྱོབ་པར་འགྱུར་བ་དང་། སྐྱེ་བ་ཐམས་ཅད་དུ་
སངས་རྒྱས་མཐོང་ཞིང་ཆོས་ཐོས་པར་འགྱུར་བ་དང་། ཡང་དག་པའི་ཆོས་ཐོས་ནས་དོན་ཟབ་མོ་རྟོགས་པར་འགྱུར་བ་དག་ལགས་ཏེ། ལྷ་འམ་མི་གང་ལ་ལ་ཞིག་ཐུགས་རྗེ་ཆེན་པོའི་སེམས་ཀྱི་གཟུངས་འདི་འདོན་ཅིང་ཡོངས་སུ་
འཛིན་པར་བགྱིད་པ་གང་ལགས་པ་དེ་དག་ནི་དགེ་བའི་སྐྱེ་བ་རྣམ་པ་བཅྭ་ལྔ་པོ་འདི་དག་ཐོབ་པར་པར་འགྱུར་བས་ལྷ་དང་མི་ཐམས་ཅད་ཀྱིས་རྟག་པར་བཏོན་ནས་ཡོངས་སུ་གཟུང་བར་བགྱི་སྟེ་ལེ་ལོ་བསྐྱེད་པར་མི་བགྱིའོ། །

99-1-300a

བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་དེ་སྐད་ཅེས་སྨྲས་ནས་འཁོར་འདུས་པའི་མདུན་དུ་ཐལ་མོ་སྦྱར་ཏེ་དྲང་པོར་འདུག་ནས་སེམས་ཅན་རྣམས་ལ་སྙིང་རྗེ་ཆེན་པོའི་སེམས་བསྐྱེད་དེ། འཛུམས་པའི་
མདངས་ཀྱིས་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་སུ་རྫོགས་པ་ཞེས་བྱ་བའི་གཟུངས་ཀྱི་ཚིག་གྱ་ནོམ་པ་འདི་དག་སྨྲས་སོ། །ན་མོ་རཏ་ན་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏི་ཤྭ་རཱ་ཡ། བོ་དྷི་སཏྭཱ་ཡ་མ་ཧཱ་ས་ཏྭཱ་ཡ། མ་ཧཱ་
ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་སརྦ་བན་དྷ་ན་ཙྪེ་ད་ན་ཀ་རཱ་ཡ། སརྦ་བྷཱ་བ་ས་མུ་དྲོ་ཚོ་ཥ། ཎ་ཀ་རཱ་ཡ། སརྦ་བྱཱ་དྷི་པྲ་ཤ་མ་ན་ཀ་རཱ་ཡ། སརྦ་ཨིཏྱུ་པ་དྲ་བི་ནཱ་ཤ་ན་ཀ་རཱ་ཡ། སརྦ་བྷ་ཡེ་ཥུ་ཏཱ་ར་ཎཱ་ཀ་རཱ་ཡ། ཏ་སྱ། ན་མ་སྐྲྀ་ཏྭཱ་ཨི་དྃ་
ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཏ་པ་ནཱི་ལ་ཀཎྛ་ནཱ་མ་པ་ར་མ་ཧྲི་ད་ཡ། མཱ་བརྟྟ་ཡི་ཥྱ་མི། སརྦཱ་རྠ་སཱ་དྷ་ནྃ། ཤུ་བྷ་ཙེ་ཏཱ་ནྃ། སརྦ་བྷཱུ་ཏཱ་ནཱྃ། པཱ་པ་མཱརྒ་བི་ཤོ་དྷ་ཀྃ། ཏདྱ་ཐཱ། ཨཱ་ལོ་ཀེ། ཨ་དྷི་པ་ཏི། ལོ་ཀ་ཨ་ཏི་ཀྲཱན་ཏེ། ཨེ་ཧྱེ་ཧི། མ་ཧཱ་བོ་
དྷི་ས་ཏྭ། ཧེ་མ་ཧཱ་བོ་དྷི་ས་ཏྭ། ཧེ་པྲི་ཡ་བོ་དྷི་ས་ཏྭ། ཧེ་ཀཱ་རུ་ཎི་ཀ་མ་ཧཱ་སྨ་ར་ཧྲྀ་ད་ཡན། ཨེ་ཧྱེ་ཧི། ཨཱརྱཱ་བ་ལོ་ཀི་ཏེ་ཤྭ་རཱ་ཡ། པ་ར་མ་མེེ་ཏྲི་ཙིཏྟ་ཀཱ་རུ་ཎི་ཀ་ཀུ་རུ་ཀུ་རུ། ཀརྨ་སཱ་དྷ་ཡ། བི་དྱཱ་ན་དེ་ཧི་དེ་ཧི། 
མེ་ཨ་རྃ་ག་མྃ་ག་མ་བི་ཧྃ་ཀ་མ། སིདྡྷ་ཡོ་གཱི་ཤྭ་ར་དུ་ཧུ་དུ་ཧུ་བཱིརྱ་ན་ཏི་མ་ཧཱ་བཱིརྱན་ཏེ། དྷ་ར་དྷ་ར། དྷ་རེནྡྲེ་ཤྭ་ར། ཙ་ལ་ཙ་ལ་བི་མ་ལ་མཱུརྟེ་ཨཱརྱཱ་བ་ལོ་ཀི་ཏེ་ཤྭ་ར། ཛི་ན་ཀྲྀཥྞ་ཛ་ཊཱ། མུ་ཀུ་ཊ། ཨ་ལྃ་ཀྲི་ཏ་ཤ་རཱི་ར། ལྃ་བ་པྲ་ལྃ་བ་
བི་ལྃ་བ། མ་ཧཱ་སིདྡྷ་བིདྱཱ་དྷ་ར། བ་ལ་བ་ལ་མ་ཧཱ་བ་ལ། མ་ལ་མ་ལ་མ་ཧཱ་མ་ལ། ཙ་ལ་ཙ་ལ་མ་ཧཱ་ཙ་ལ། ཀྲྀཥྞ་བརྞ་ཀྲྀཥྞ་ཡཀྵ། ཀྲྀཥྞ་པཱ་ཤ །ནིརྒྷཱ་ཏ་ན། ཧེ་པདྨ་ཧསྟ། ཙ་ར་ཙ་ར་ནི་ཤྩ་རེ། ཤྭ་རི་ཀྲྀཥྞ་ས་ཀྲི་ཏ་ཡ་ཛྙོ་བ་བཱི་ཏ། 
ཨེ་ཧྱེ་ཧི་མ་ཧཱ་བཱ་རཱ་ཧ་མུ་ཁ་ཏྲི་པུ་ར་ད་ཧ་ནེ་ཤྭ་ར། ནཱ་རཱ་ཡ་ཎ་བ་ལ་རཱུ་པ་བེ་ཥ་དྷ་ར། ཧེ་ནཱི་ལ་ཀཎྛ། ཨེ་ཧྱེ་ཧི། མ་ཧཱ་ཧ་ལ་ཧ་ལ་བི་ཥ་ནིརྫཱ་ཏ། ལོ་ཀ་སྱ། རཱ་ག་བི་ཥ་བི་ནཱ་ཤ་ནྃ། དྭེ་ཥ་བི་ཥ་བི་ནཱ་ཤ་ནྃ། མོ་ཧ་བི་ཥ་བི་ནཱ་ཤ་ནྃ། ནིརྨོ་ཀྵན་ཧུ་ལུ་ཧུ་ལུ། 

99-1-300b

མུཉྩ་མུཉྩ། མུ་ཧུ་མུ་ཧུ། རཱ་ཧུ་ལ་རཱ་ཧུ་ལ། ཧཱ་ལཱ་ཧཱ་ལཱ་ཧཱ་རེ་མ་ཧཱ་པད་མ་ནཱ་བྷ། ས་ར་ས་ར། སི་རི་སི་རི། སུ་རུ་སུ་རུ། བུདྡྷྱ་བུདྡྷྱ། བོ་དྷ་ཡ་བོ་དྷ་ཡ། བྷོ་དྷ་ཡཱ་མི་ཏ་བི་ནཱི་ལ་ཀཎྛ། ཨེ་ཧྱེ་ཧི་ནཱི་ལ་ཀཎྛ། ཨེ་ཧྱེ་ཧི་བཱ་མ་སྠི་ཏ་མ་ཧཱ་སིྃ་ཧ་མུ་ཁ། 
ཧ་ས་ཧ་ས། མུཉྩ་མུཉྩ་མ་ཧཱཊྚཱ། ཧཱ་སྱ། ཨེ་ཧྱེ་ཧི་བྷོ་བྷོ་མ་ཧཱ་སིདྡྷ་ཡོ་གཱི་ཤྭ་ར་བྷ་ཎ་བྷ་ཎ། བཱ་ཙ་སཱ་དྷ་ཡ་སཱ་དྷ་ཡ། བིདྱཱྃ་སྨ་ར་སྨ་ར་ཏྭྃ། ཧེ་བྷ་ག་བན་ཏཱ་ལོ་ཀ་བི་ལོ་ཀ་སྟྭྃ། ཏ་ཐཱ་ག་ཏཱ་ནཱྃ། ད་དཱ་ཧི་མེ་དཪྴ་ན་ཀཱ་མ་ས་དཪྴ་ནཱྃ། པྲ་སཱ་དྷ་ཡ་མེ་
སྭཱ་ཧཱ། སིདྡྷཱ་ཡ་སྭཱ་ཧཱ། མ་ཧཱ་སིདྡྷཱ་ཡ་སྭཱ་ཧཱ། སིདྡྷཱ་ཡོ་གཱི་ཤྭ་རཱ་ཡ་སྭཱ་ཧཱ། ནཱི་ལ་ཀ་ཀཎྠཱ་ཡ་སྭཱ་ཧཱ། བཱ་རཱ་ཧ་མུ་ཁཱ་ཡ་སྭཱ་ཧཱ། མ་ཧཱ་བཱ་རཱ་ཧ་མུ་ཁཱ་ཡ་སྭཱ་ཧཱ། ན་ར་སིྃ་ཧ་མུ་ཁཱ་ཡ་སྭཱ་ཧཱ། མ་ཧཱ་ན་ར་སིྃ་ཧ་མུ་ཁཱ་ཡ་སྭཱ་ཧཱ། བཛྲ་ཧ་
སྟཱ་ཡ་སྭཱ་ཧཱ། མ་ཧཱ་བཛྲ་ཧ་སྟཱ་ཡ་སྭཱ་ཧཱ། སིདྡྷཱ་བིདྱཱ་དྷ་རཱ་ཡ་སྭཱ་ཧཱ། མ་ཧཱ་སིདྡྷཱ་བིདྱཱ་དྷ་རཱ་ཡ་སྭཱ་ཧཱ། པད་མ་ཧསྟཱ་ཡ་སྭཱ་ཧཱ། མ་ཧཱ་པད་མ་ཧསྟཱ་ཡ་སྭཱ་ཧཱ། ཀྲྀཥྞ་སརྦ་ཀྲྀ་ཏ་ཡ་ཛྙོ་པ་བཱི་ཏཱ་ཡ་སྭཱ་ཧཱ། མ་ཧཱ་མཱ་ལ་མུ་ཀུ་ཊ་
དྷ་རཱ་ཡ་སྭཱ་ཧཱ། ཙཀྲཱ་ཡུ་དྷ་རཱ་ཡ་སྭཱ་ཧཱ། ཤྃ་ཁ་ཤབྡ་ནི་རྞྞཱ་ད་ན་ཀཱ་རཱ་ཡ་སྭཱ་ཧཱ། བོ་དྷྃ་ཀྵ་རཱ་ཡ་སྭཱ་ཧཱ། བཱ་མ་སྐནྡྷ་དེ་ཤསྠི་ཏ་ཀྲིཥྞཱ་ར་ཛི་ནཱ་ཡ་སྭཱ་ཧཱ། བཱ་མ་ཧསྟ་བྱཱ་གྷྲ་ཙརྨ་ཙརྨ་ནི་བཱ་ས་ནཱ་ཡ་སྭཱ་ཧཱ། ལོ་ཀེ་ཤྭ་རཱ་ཡ་སྭཱ་ཧཱ། མ་ཧཱ་ལོ་ཀེ་
རཱ་སྭཱ་སརྦ་སིང་དྷེ་ཤྭ་རཱ་ཡ་སྭཱ་ཧཱ། རཀྵ་རཀྵ་མཱྃ་སྭཱ་ཧཱ། ཀུ་རུ་རཀྵ་མུ་དྲཱ་ནཱྃ་སྭཱ་ཧཱ། ན་མོ་བྷ་ག་བ་ཏེ། ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སིདྷྱནྟུ་མེ་མནྟྲ་པཱ་དཱ་ནི་
སྭཱ་ཧཱ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་རིག་སྔགས་འདི་སྨྲས་མ་ཐག་ཏུ་ས་ཆེན་པོ་ཡང་རྣམ་པ་དྲུག་ཏུ་རབ་ཏུ་གཡོས་པར་གྱུར། ལྷ་རྣམས་ཀྱིས་ཀྱང་རིན་པོ་ཆེའི་
མེ་ཏོག་གི་ཆར་མངོན་པར་ཕབ་པར་གྱུར། ཕྱོགས་བཅུའི་སངས་རྒྱས་རྣམས་ཀྱིས་ཀྱང་རྗེས་སུ་ཐུགས་དགྱེས་པར་གྱུར། ལྷའི་བུའི་བདུད་དང་མུ་སྟེགས་ཅན་རྣམས་ནི་འཇིགས་ཤིང་དངངས་ནས་སྤུ་ཟིང་ཞེས་བྱེད་པར་གྱུར། 

99-1-301a

འཁོར་འདུས་པ་མང་པོ་ཐམས་ཅད་ལས་ཁ་ཅིག་གིས་ནི་རྒྱུན་ཏུ་ཞུགས་པའི་འབྲས་བུ་ཐོབ་པར་གྱུར། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་ཐོབ་པར་གྱུར། ཁ་ཅིག་གིས་ནི་ཕྱིར་མི་འོང་བའི་འབྲས་བུ་ཐོབ་པར་
གྱུར། ཁ་ཅིག་གིས་ནི་དགྲ་བཅོམ་པའི་འབྲས་བུ་ཐོབ་པར་གྱུར། ཁ་ཅིག་གིས་ནི་ས་དང་པོ་དང་ས་གཉིས་པ་དང་ས་གསུམ་པ་དང་ས་བཞི་པ་དང་ས་ལྔ་པ་ཐོབ་པར་གྱུར་ནས་ས་བཅུ་པའི་བར་དུ་ཐོབ་པར་གྱུར་སེམས་ཅན་ཚད་མེད་པ་སྙེད་ནི་བྱང་
ཆུབ་ཏུ་སེམས་བསྐྱེད་པར་གྱུར་ཏོ། །དེ་ནས་ཚངས་པ་ཆེན་པོ་སྟན་ལས་ལངས་ཏེ་གོས་ཚགས་བཅོས་ནས་གུས་པར་ཐལ་མོ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །
ཀྱེ་སྐྱེས་བུ་ཆེན་པོ་ལེགས་སོ། །བདག་གིས་སྔོན་འདས་པའི་དུས་ན་དེ་བཞིན་གཤེགས་པའི་འདུས་པ་ཚད་མེད་པ་སྙེད་དག་ཏུ་ཆོས་རྣམ་པ་སྣ་ཚོགས་དང་། གཟུངས་རྣམ་པ་སྣ་ཚོགས་ཐོས་པར་གྱུར་མོད་ཀྱི། སྔོན་ཆད་ནམ་
ཡང་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་ཀྱི་གཟུངས་ཆེན་མོའི་རིག་སྔགས་ཀྱི་ཚིག་གྱ་ནོམ་པ་འདི་ལྟ་བུ་ཐོས་པར་མ་གྱུར་ན། སྐྱེས་བུ་ཆེན་པོ་ཁྱོད་ཀྱིས་བདག་ལ་གཟུངས་འདིའི་དབྱིངས་ཀྱི་མཚན་ཉིད་རྒྱ་ཆེར་བཤད་དུ་གསོལ། 
བདག་ཅག་འཁོར་མང་པོ་རྣམས་ཤིན་ཏུ་ཐོས་པར་མོས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཚངས་པ་ཆེན་པོ་ལ་སྨྲས་པ། ལྷའི་རྒྱལ་པོ་ཁྱོད་ཐབས་མཁས་པས་སེམས་ཅན་ཐམས་ཅད་ལ་ཕན་
གདགས་པའི་ཕྱིར་དེ་སྐད་དུ་དྲིས་པ་ཡིན་པས། དེང་ཁྱོད་ལེགས་པར་ཉོན་ཅིག་དང་བདག་གིས་ཁྱོད་ལ་མདོ་ཙམ་ཞིག་བཤད་པར་བྱའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་སྨྲས་པ། དེ་ནི་སྙིང་རྗེ་
ཆེན་པོའི་སེམས་ཡིན། མཉམ་པའི་སེམས་ཡིན། འདུས་མ་བྱས་ཀྱི་སེམས་ཡིན། མངོན་པར་ཞེན་པ་མེད་པའི་སེམས་ཡིན། སྟོང་པ་ཉིད་དུ་ལྟ་བའི་སེམས་ཡིན། གུས་པའི་སེམས་ཡིན། དམ་པའི་སེམས་ཡིན། 

99-1-301b

འདྲེས་པ་མེད་པའི་སེམས་ཡིན། བླ་ན་མེད་པའི་བྱང་ཆུབ་ཀྱི་སེམས་ཡིན་ཏེ། དེ་ལྟ་བུའི་སེམས་གང་ཡིན་པ་དེ་དག་ནི་གཟུངས་ཀྱི་མཚན་ཉིད་ཡིན་པར་རིག་པར་བྱ་སྟེ། ཁྱོད་ཀྱིས་འདི་ཁོ་ན་བཞིན་དུ་མངོན་པར་བསྒྲུབ་པར་བྱའོ། །ཚངས་
པའི་རྒྱལ་པོ་ཆེན་པོས་སྨྲས་པ། བདག་ཅག་འཁོར་མང་པོ་རྣམས་ནི་དེང་གདོད་གཟུངས་འདིའི་མཚན་ཉིད་གང་ཡིན་པ་ཁོང་དུ་ཆུད་པར་གྱུར་པས་དེང་ཕྱིན་ཅད་ཡོངས་སུ་བཟུང་ནས་བརྗེད་པར་བགྱིད་པའི་ཐུགས་མི་ཐུབ་བོ། །འཕགས་པ་སྤྱན་རས་
གཟིགས་དབང་ཕྱུག་གིས་སྨྲས་པ། རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་རིག་སྔགས་འདི་འདོན་ཅིང་ཡོངས་སུ་འཛིན་པ་གང་ཡིན་པ་དེས་བྱང་ཆུབ་ཀྱི་སེམས་རྒྱ་ཆེན་པོ་བསྐྱེད་ནས། སེམས་ཅན་ཐམས་ཅད་ཡོངས་སུ་མྱ་
ངན་ལས་བཟླ་བར་ཡི་དམ་ཡང་དག་པར་བླང་བར་བྱའོ། །བདག་ཉིད་གསོ་སྦྱོང་དང་ཚུལ་ཁྲིམས་ལ་གནས་ནས་སེམས་ཅན་རྣམས་ལ་མཉམ་པའི་སེམས་བསྐྱེད་དེ། རྟག་པར་རིག་སྔགས་འདི་རྒྱུན་ཆད་པ་མེད་པར་གདོན་པར་བྱའོ། །
གནས་ཁང་གཙང་མའི་ནང་དུ་འདུག་སྟེ། ཡོངས་སུ་དག་པར་ཁྲུས་བྱས་ནས་གོས་གཙང་མ་བགོས་ཏེ། བ་དན་དཔྱངས་མར་མེ་སྦར་ཏེ། སྤོས་དང་། མེ་ཏོག་དང་། ཞལ་ཟས་ཀྱི་མཆོད་པ་བྱས་ནས་སེམས་རྩེ་གཅིག་ཏུ་གཏད་དེ། དམིགས་པ་
ཐ་དད་པ་གཞན་ལ་མི་དམིགས་པར་ཆོས་བཞིན་དུ་འདོན་ཅིང་ཡོངས་སུ་འཛིན་པར་བྱེད་ན། དེའི་ཚེ་བྱང་ཆུབ་སེམས་དཔའ་ཉི་འོད་དང་། བྱང་ཆུབ་སེམས་དཔའ་ཟླ་འོད་ལྷ་དང་། དྲང་སྲོང་ཚད་མེད་པ་སྙེད་དག་དེར་ལྷགས་ནས་དབང་བྱེད་ཅིང་
མངོན་རྟགས་ཀྱང་སྟོན་པར་གྱུར་ལ། བདག་ཀྱང་དེའི་ཚེ་མིག་སྟོང་གིས་དེ་ལ་བལྟ་བར་བྱེད། ལག་པ་སྟོང་གིས་ནི་དེ་ལ་ཡོངས་སུ་བསྲུང་ཞིང་བྱིན་གྱིས་རློབ་པར་བྱེད་པས་འཇིག་རྟེན་པའི་གཙུག་ལག་ཇི་སྙེད་པ་དེ་དག་ཀྱང་ཡོངས་སུ་འཛིན་
པར་འགྱུར། མུ་སྟེགས་ཅན་གྱི་ཆོས་ཀྱི་ཆོ་ག་དང་། སྨྲང་ཇི་སྙེད་པ་ཐམས་ཅད་ཀྱང་རྟོགས་ཤིང་ཁོང་དུ་ཆུད་པར་འགྱུར་རོ། །རིག་སྔགས་འདི་འདོན་ཅིང་ཡོངས་སུ་འཛིན་པར་བྱེད་པ་གང་ཡིན་པ་དེས་ནི་འཇིག་རྟེན་ན་གདོན་དང་ནད་རྣམ་པ་

99-1-302a

བརྒྱད་ཁྲི་བཞི་སྟོང་ཡོད་པ་དག་གསོས་ནས་འཚོ་བར་བྱེད་དོ། །འདྲེ་སྲིན་ཐམས་ཅད་ལ་དབང་བྱེད་ཅིང་ལྷའི་བུའི་བདུད་རྣམས་ཀྱང་འདུལ་བར་བྱེད། མུ་སྟེགས་ཅན་རྣམས་ཀྱང་ཚར་གཅོད་པར་བྱེད་དོ། །གལ་ཏེ་རི་འམ་དགོན་པ་ན་
གནས་ཏེ་མདོ་སྡེ་ཁ་ཏོན་དུ་འདོན་པ་དང་བསམ་གཏན་སྒོམ་པ་དང་རིའི་ལྷ་དང་འདྲེ་སྲིན་གནོད་པ་བྱེད་པ་དག་ནན་གྱིས་ཀྱལ་ཀ་བྱས་ནས་སེམས་མཉམ་པར་གཞག་ཏུ་མི་རུང་བར་གྱུར་ན། རིག་སྔགས་འདི་ལན་ཅིག་བཟླས་པ་བྱས་ན་འདྲེ་སྲིན་དེ་དག་ཐམས་ཅད་
འཆི་བར་འགྱུར་རོ། །གལ་ཏེ་ཆོས་བཞིན་དུ་བཟླས་བརྗོད་བྱས་ཏེ། སེམས་ཅན་རྣམས་ལ་སྙིང་བརྩེ་བའི་སེམས་བསྐྱེད་པར་གྱུར་ན་བདག་ཀྱང་དེའི་ཚེ་དགེ་བའི་ལྷ་དང་། ཀླུའི་རྒྱལ་པོ་ཐམས་ཅད་དང་། ལག་ན་རྡོ་རྗེ་གསང་བ་པ་རྣམས་ལ་རྟགས་པར་
དེའི་རྗེས་སུ་འབྲང་ཞིང་ཡོངས་སུ་སྲུང་བ་གྱིས་ཤིག །དེའི་ཉེ་འཁོར་ན་གནས་ནས་མིག་གི་འབྲས་བུ་བཞིན་དུ་ཡོངས་སུ་བསྲུངས་ཤིག །རང་གི་སྲོག་གི་དབང་པོ་བཞིན་དུ་ཡོངས་སུ་སྐྱོབས་ཤིག་ཅེས་བསྒོ་བར་འགྱུར་རོ། །གང་དག་
ལ་བསྒོ་བར་བྱེད་པ་བསྟན་པའི་ཕྱིར་ཚིགས་སུ་བཅད་དེ་སྨྲས་པ། བདག་གིས་གསང་བའི་བདག་པོ་རྡོ་རྗེ་འཆང་། །བདུད་རྩི་འཁྱིལ་བ་སྨེ་བརྩེགས་ལྕགས་ཀྱུ་ཅན། །སྟོབས་ལྡན་ཤང་ཀ་ར་དང་སྡེ་བརྒྱད་དག །བཏང་ནས་རྟག་ཏུ་གཟུངས་
འཛིན་བསྲུང་བར་བྱེད། །བདག་གིས་དབང་ཕྱུག་དང་ནི་མཐུ་ཆེན་དང་། །ཀུ་བེ་ར་དང་སེར་སྐྱའི་བདག་པོ་དག །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །བདག་གིས་ནོར་སྲུང་དང་ནི་ཆུ་ལྷ་དང་། །དགེ་རྒྱས་དང་ནི་པ་རི་ཙི་ཏྲ་
དག །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །བདག་གིས་ས་སར་ཙ་དང་མ་ཧཱ་ར། །ཀུ་ལནྟ་ནྟ་དང་ནི་ལྔས་རྩེན་དག །བཏང་ནས་རྟག་ཏུ་གཟུང་འཛིན་བསྲུང་བར་བྱེད། །བདག་གིས་པི་པ་ཀ་ལའི་རྒྱལ་པོ་དང་། །
དཔལ་ལྡན་བྱི་ཏ་དང་ནི་སར་སྭཱ་རཱ། །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །བདག་གིས་ཚངས་པ་དང་ནི་སམ་བ་ར། །གནས་གཙང་སྡེ་ལྔ་དག་དང་མཚེ་མ་དག །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །

99-1-302b

བདག་གིས་བརྒྱ་བྱིན་སུམ་བཅུ་རྩ་གསུམ་ལྷ། །སྤོབས་ཆེན་དཔལ་ལྡན་དང་ནི་ས་ཏ་ན། །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །བདག་གིས་རྒྱལ་པོ་ཡུལ་འཁོར་སྲུང་དང་ནི། །མ་མོ་ལྷ་ལ་སོགས་པ་མཐུ་ཆེན་འཁོར། །བཏང་ནས་རྟག་ཏུ་
གཟུངས་འཛིན་བསྲུང་བར་བྱེད། །བདག་གིས་རྒྱལ་པོ་འཕགས་སྐྱེས་པོ་དང་ནི། །མིག་མི་བཟང་དང་རྣམ་ཐོས་བུ་དག་ཀྱང་། །བཏང་ནས་རྟག་ཏུ་གཟུང་འཛིན་བསྲུང་བར་བྱེད། །བདག་གིས་གསེར་མདོག་རྨ་བྱའི་རྒྱལ་པོ་དང་། །སྡེ་
དཔོན་ཉི་ཤུ་བརྒྱད་དང་དྲང་སྲོང་འཁོར། །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །བདག་གིས་ནོར་བུ་བཟང་པོ་དག་དང་ནི། །སྡེ་དཔོན་ཆེན་པོ་ས་འཛིན་བུ་ལ་པ། །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །བདག་
གིས་དགའ་བོ་དང་ནི་བསྙེན་དགའ་བོ། །ཀླུ་རྒྱལ་རྒྱ་མཚོ་དང་ནི་ཨེ་ལའི་འདབ། །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །བདག་གིས་ལྷ་མ་ཡིན་དང་དྲི་ཟ་དང་། །ནམཁའ་ལྡིང་མི་འམ་ཅི་དང་ལྟོ་འཕྱེ་རྣམས། །བཏང་ནས་རྟག་
ཏུ་གཟུངས་འཛིན་བསྲུང་བར་བྱེད། །བདག་གིས་ཆུ་དང་མེ་དང་གློག་གི་ལྷ། །གྲུལ་བུམ་བདག་པོ་དང་ནི་ཤ་ཟ་དག །བཏང་ནས་རྟག་ཏུ་གཟུངས་འཛིན་བསྲུང་བར་བྱེད། །དགེ་བའི་ལྷ་དེ་དག་དང་ཀླུའི་རྒྱལ་པོ་དང་མ་མོ་ལ་སོགས་པ་
དེ་དག་ཀྱང་སོ་སོ་ནས་འཁོར་ལྔ་བརྒྱ་དང་བཅས་པ་དང་། མཐུ་ཆེན་པོ་དང་ལྡན་པའི་གནོད་སྦྱིན་དག་གིས་ཀྱང་རྟག་པར་ཐུགས་རྗེ་ཆེན་པོའི་རིག་སྔགས་འདོན་ཅིང་ཡོངས་སུ་འཛིན་པ་དེ་ལ་ཡོངས་སུ་བསྲུང་ཞིང་སྐྱོབ་པར་བྱེད་པས། གང་ཟག་
དེ་རི་དང་དགོན་པ་ན་གཅིག་པུ་ཉལ་བར་གྱུར་ན་ཡང་དགེ་བའི་ལྷ་དེ་དག་རེས་ཀྱི་མཚན་མོས་དེ་ལ་བསྲུངས་ནས་བགེགས་དང་བར་ཆད་ཡོངས་སུ་སེལ་བར་བྱེད་དོ། །གལ་ཏེ་གཅོང་རོང་དག་ཏུ་གནས་ཏེ་ལམ་སྟོར་བར་གྱུར་པ་ལས་རིག་སྔགས་
འདི་བཟླས་པར་གྱུར་ན་དེའི་དབང་གིས་དགེ་བའི་ལྷ་དང་། ཀླུའི་རྒྱལ་པོ་དག་དགེ་བའི་མིའི་གཟུགས་སུ་མངོན་པར་སྤྲུལ་ནས་ལམ་ཡང་དག་པ་ཉིད་སྟོན་པར་འགྱུར་རོ། །གལ་ཏེ་རི་དང་ནགས་ཚལ་དང་དགོན་པ་དག་ཏུ་གནས་པ་ལས་

99-1-303a

ཆུ་དང་མེ་དག་གིས་ཕོངས་པར་གྱུར་ན་ཡང་ཀླུའི་རྒྱལ་པོ་དག་གིས་ཡོངས་སུ་བསྲུང་བའི་ཕྱིར་ཆུ་དང་མེ་དག་མངོན་པར་སྤྲུལ་པར་འགྱུར་རོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་གཞན་ཡང་གཟུངས་འདི་འདོན་ཅིང་ཡོངསུ་
སུ་འཛིན་པ་དག་གི་ཆེད་དུ་གནོད་པ་དང་བགེགས་ཡོངས་སུ་བསལ་བའི་ཕྱིར་ཤིན་ཏུ་བསིལ་བའི་ཚིགས་སུ་བཅད་པ་འདི་དག་སྨྲས་སོ། །གང་ཞིག་རི་དང་འབྲོག་དགོན་སོང་བ་ལས། །སྟག་དང་སྤྱང་ཀི་གཅན་ཟན་གཏུམ་པོ་དང་། །རྩངས་པ་
སྦྲུལ་དང་འདྲེ་སྲིན་ཕྲད་གྱུར་ཀྱང་། །གཟུངས་འདི་འདོན་པ་ཐོས་ན་གནོད་མི་ནུས། །གང་ཞིག་ཆུ་བོ་རྒྱ་མཚོར་ཞུགས་པ་ལས། །གདུག་པའི་ཀླུ་དང་ཆུ་སྲིན་མ་རུངས་དང་། །གནོད་སྦྱིན་སྲིན་པོ་ཉ་དང་རུ་སྦལ་དག །གཟུངས་འདི་ཐོས་ན་སོ་སོར་
འབྱེར་བར་འགྱུར། །གང་ཞིག་གཡུལ་སྤྲོད་དགྲ་ཡིས་བསྐོར་བ་འམ། །ཆོམ་རྐུན་མ་རུངས་ནོར་ནི་འཕྲོག་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །དེ་དག་བརྩེ་སེམས་བསྐྱེད་ནས་ལྡོག་པར་འགྱུར། །གང་ཞིག་རྒྱལ་
པོའི་གྱོད་ལ་ཐོགས་པ་དང་། །ལྕགས་སྒྲོག་ཁོང་བསྒྲིལ་བཙོན་རར་ཆུད་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །རྒྱལ་པོས་བརྩེ་སེམས་ཀྱིས་ནི་གཏོང་བར་འགྱུར། །གང་ཞིག་བྱེད་སྟེམས་དུག་མདའི་ཁྱིམ་ཞུགས་ཏེ། །
ཟས་སྐོམས་དུག་ཅན་གྱིས་ནི་བསད་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །དུག་ཉིད་ཟིལ་དང་ར་ཟས་སྐོམ་ཉིད་དུ་འགྱུར། །བུད་མེད་སྦྲུམ་མ་བུ་ནི་བཙའ་བའི་ཚེ། །བདུད་ཀྱིས་བགེགས་བྱས་སྡུག་བསྔལ་མི་བཟོད་
ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །འདྲེ་གདོན་བྱེར་ནས་བདེ་བར་བཙའ་བར་འགྱུར། །ཀླུ་གདོན་གཏུམ་པོས་གདུག་པའི་དབུགས་བཏང་བས། །ཚ་བའི་ནད་ཀྱིས་ཉེན་ནས་འཆིར་ཉེ་ཚེ། །རྩེ་གཅིག་ཐུགས་རྗེ་ཆེན་
པོའི་གཟུངས་བཟླས་ན། །རིམས་ནད་བསལ་ནས་ཚེ་ནི་རིང་བར་འགྱུར། །ཀླུ་གདོན་རྒྱུ་བས་གཙེས་ཏེ་སྐྲངས་པ་དང་། །ཤུ་འབྲས་མི་བཟད་རྣག་ཁྲག་འཛག་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ནས། །མཆིལ་མ་ལན་

99-1-303b

གསུམ་བྱུགས་པས་སྐྲངས་པ་ཞི། །སེམས་ཅན་རྟོགས་པས་མི་དགེ་བསྐྱེད་པས་ན། །བྱད་སྟེམས་སྔགས་དང་དགྲས་ནི་གཙེས་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །སྟེམས་གནོད་དེ་ཀུན་གཏོང་བའི་མི་ལ་འདུ། །
སྡིག་འཕེལ་སྙིགས་མས་དམ་ཆོས་འཇིག་པ་ན། །འདོད་པའི་མེ་ཆེན་སེམས་ནི་རྨོངས་ལོག་པས། །ཁྱོ་ཤུག་སོ་སོར་གཞན་ལ་འདོད་ཞེན་ནས། །ཉིན་མཚན་ལོག་བསམ་རྒྱུན་ནི་མི་འཆད་ཚེ། །གང་ཞིག་ཐུགས་རྗེ་ཆེན་པོའི་གཟུངས་བཟླས་
ན། །འདོད་པའི་མེ་ཞི་ལོག་པའི་སེམས་བསལ་འགྱུར། །བདག་གིས་གཟུངས་འདིའི་མཐུ་སྟོབས་རྒྱས་བརྗོད་ན། །བསྐལ་པར་བརྗོད་ཀྱང་མཐར་ཐུག་ཡོང་མི་འགྱུར། །རིག་སྔགས་འདི་ལན་ལྔ་བཟླས་ཏེ་ཚོན་སྣ་ལྔའི་སྐུད་པ་ལ་མདུད་པ་ཉི་ཤུ་རྩ་བཞི་
མདུད་ནས་མགུལ་དུ་གདགས་པར་བྱའོ། །གཟུངས་འདི་ནི་འདས་པའི་དེ་བཞིན་གཤེགས་པ་གང་གཱའི་ཀླུང་གི་བྱེ་བ་ཕྲག་དགུ་བཅུ་རྩ་དགུའི་བྱེ་མ་སྙེད་ཀྱིས་གསུངས་པ་ཡིན་ཏེ། དེ་བཞིན་གཤེགས་པ་དེ་དག་གིས་རྣལ་འབྱོར་པ་གང་དག་ཕ་
རོལ་ཏུ་ཕྱིན་པ་དྲུག་མངོན་པར་བསྒྲུབ་པ་ཡོངས་སུ་མ་རྫོགས་པ་དག་ཡོངས་སུ་རྫོགས་པར་བྱ་བའི་ཕྱིར་དང་། བྱང་ཆུབ་ཏུ་སེམས་མ་བསྐྱེད་པ་དག་མྱུར་དུ་བྱང་ཆུབ་ཏུ་སེམས་བསྐྱེད་པར་བྱ་བའི་ཕྱིར་དང་། ཉན་ཐོས་ཀྱི་གང་ཟག་གང་དག་འབྲས་བུ་མངོན་དུ་མ་
བྱས་པ་དེ་དག་མྱུར་དུ་མངོན་དུ་བྱ་བའི་ཕྱིར་སྟོང་གསུམ་གྱི་སྟོང་ཆེན་པའི་འཇིག་རྟེན་གྱི་ཁམས་ན་དྲང་སྲོང་གང་དག་བླ་ན་མེད་པའི་བྱང་ཆུབ་ཏུ་སེམས་མ་བསྐྱེད་པ་དག་མྱུར་དུ་སེམས་བསྐྱེད་པར་བྱ་བའི་ཕྱིར་དང་། སེམས་ཅན་གང་དག་ཐེག་པ་ཆེན་
པོ་འདི་ལ་དད་པའི་དབང་པོ་མ་ཐོབ་པ་དག་གཟུངས་འདིའི་བྱིན་གྱི་རླབས་ཀྱི་མཐུས་ཐེག་པ་ཆེན་པོའི་ས་བོན་དང་ཆོས་ཀྱི་མྱུ་གུ་འཕེལ་བར་བྱ་བའི་ཕྱིར་གསུངས་པ་ཡིན་པས་བདག་གིས་ཐབས་མཁས་པ་དང་། བྱམས་པ་དང་སྙིང་རྗེའི་མཐུས་
དེ་དག་གིས་ཅི་དང་ཅི་འདོད་པ་ཐམས་ཅད་འབྱོར་བར་བྱེད་དོ། །གཞན་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་མུན་པ་མུན་ནག་གི་གནས་སུ་ངན་འགྲོ་གསུམ་པོའི་སེམས་ཅན་ཇི་སྙེད་གནས་པ་དག་བདག་གི་རིག་སྔགས་

99-1-304a

འདི་ཐོས་པར་གྱུར་ན་ཐམས་ཅད་སྡུག་བསྔལ་དང་བྲལ་བར་འགྱུར་རོ། །བྱང་ཆུབ་སེམས་དཔའ་གང་དག་ས་དང་པོ་མ་ཐོབ་པ་དག་ནི་མྱུར་དུ་ཐོབ་པར་འགྱུར་ལ། ས་བཅུ་པའི་བར་དུ་ཡང་མ་ཐོབ་པ་ཐོབ་པར་འགྱུར་རོ། །གཞན་ཡང་
སངས་རྒྱས་ཀྱི་སའི་བར་དུ་ཡང་ཕྱིན་པར་བྱེད་པའི་ཕྱིར་མཚན་སུམ་བཅུ་རྩ་གཉིས་དང་། དཔེ་བྱད་བརྒྱད་བཅུ་ཡང་རང་གི་ངང་གིས་ཐོབ་པར་འགྱུར་རོ། །གལ་ཏེ་ཉན་ཐོས་ཀྱི་གང་ཟག་གང་དག་གཟུངས་འདི་རྣ་བར་ལན་ཅིག་ཐོས་པར་གྱུར་ཏམ། 
གཟུངས་འདི་སྤྱོད་ཅིང་ཡི་གེར་བྲིས་སམ། དང་པོའི་སེམས་ཀྱིས་ཆོས་བཞིན་དུ་གནས་པར་བྱེད་ན། དགེ་སྦྱོང་གི་འབྲས་བུ་བཞི་པོ་དག་ལ་བཙལ་བར་རང་གི་ངང་གིས་ཐོབ་པར་འགྱུར་རོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་
གྱི་ཁམས་ན་རི་དང་། ཆུ་ཀླུང་དང་། བྲག་དང་། རྒྱ་མཚོ་ཆེན་པོ་བཞིའི་ཆུ་ཇི་སྙེད་པ་དག་ཀྱང་གཡོ་ཞིང་ཁོལ་བར་ནུས་སོ། །རི་རབ་ལྷུན་པོ་ནས་རི་ཁོར་ཡུག་གི་བར་དག་ཀྱང་གཡོ་ཞིང་རྡུལ་ཕྲན་བཞིན་དུ་འཇིག་པར་ནུས་སོ། །དེ་ན་
གནས་པའི་སེམས་ཅན་ཇི་སྙེད་པ་དག་ཀྱང་ཐམས་ཅད་བླ་ན་མེད་པའི་བྱང་ཆུབ་ཏུ་སེམས་བསྐྱེད་པར་ནུས་སོ། །སེམས་ཅན་གང་དག་ཚེ་འདི་ཉིད་ལ་སྨོན་པ་རྣམས་མངོན་པར་འགྲུབ་པར་འདོད་ན་ཞག་ཉི་ཤུ་རྩ་གཅིག་གི་བར་དུ་གསོ་སྦྱོང་
དང་། ཚུལ་ཁྲིམས་ལ་གནས་ནས་གཟུངས་འདི་བཟླས་བརྗོད་བྱས་ན་གདོན་མི་ཟ་བར་སྨོན་པ་རྣམས་ཀྱང་མངོན་པར་འགྲུབ་པར་འགྱུར། འཁོར་བའི་མཐའ་ནས་འཁོར་བའི་མཐར་ཐུག་པའི་བར་དུ་ཡང་སྡིག་པའི་ལས་ཐམས་ཅད་
མ་ལུས་པར་ཡོངས་སུ་འབྱང་བར་འགྱུར་རོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ནང་དང་ཕྱི་རོལ་ན་སངས་རྒྱས་དང་། བྱང་ཆུབ་སེམས་དཔའ་ཇི་སྙེད་ཅིག་བཞུགས་པ་རྣམས་དང་། ཚངས་པ་དང་། 
བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ལྷ་དང་དྲང་སྲོང་དང་། ཀླུའི་རྒྱལ་པོ་ཇི་སྙེད་གནས་པ་ཐམས་ཅད་ཀྱིས་ཀྱང་མཁྱེན་ཅིང་ཤེས་པར་འགྱུར་རོ། །ལྷ་འམ་མི་གང་ཡང་རུང་སྟེ། གཟུངས་འདི་འདོན་ཅིང་ཡོངས་སུ་འཛིན་པ་དེ་དག་

99-1-304b

ཆུ་ཀླུང་ངམ། རྒྱ་མཚོར་ཞུགས་ཏེ་ཁྲུས་བྱས་པ་ལས་དེ་ན་གནས་པའི་སེམས་ཅན་དེ་དག་ནི་དེ་དག་གིས་ལུས་བཀྲུས་པའི་ཆུས་ལུས་ལ་རེག་པར་གྱུར་ན། སྡིག་པའི་ལས་དང་ཁ་ན་མ་ཐོ་བ་ལྕི་བ་ཐམས་ཅད་ཡོངས་སུ་བྱང་ནས་ཞིང་ཡོངས་སུ་
དག་པ་དག་ཏུ་པད་མ་ལས་རྫུས་ཏེ་སྐྱེ་བར་འགྱུར་བས་མངལ་དང་། དྲོད་གཤེར་དང་། སྒོ་ང་ལས་སྐྱེ་བའི་ལུས་ལེན་པར་མི་འགྱུར་ན་ལེན་པ་དང་། འཛིན་པ་དང་། ཀློག་པ་དང་། ཁ་ཏོན་དུ་འདོན་པ་ལྟ་སྨོས་ཀྱང་ཅི་དགོས། 
གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ལམ་དུ་ཞུགས་ཏེ་འགྲོ་བའི་ཚེ་རླུང་ཆེན་པོ་ལངས་ཏེ། གང་ཟག་དེའི་ལུས་དང་། སྤུ་དང་། སྐྲ་དང་། གོས་ལ་བུས་པའི་རླུང་གང་ཡིན་པ་དེ་རྫི་ཕྱོགས་སུ་སོང་བའི་སེམས་ཅན་གཞན་
གྱི་ལུས་ལ་རེག་པར་གྱུར་ན། དེ་དག་གི་སྒྲིབ་པ་དང་སྡིག་པའི་ལས་ལྕི་བ་ཐམས་ཅད་མ་ལུས་པར་ཡོངས་སུ་འབྱང་བར་འགྱུར་བས་ཡང་ངན་འགྲོ་གསུམ་པོ་དག་གི་རྣམ་པར་སྨིན་པ་མྱོང་བར་མི་འགྱུར་ཞིང་རྟག་པར་སངས་རྒྱས་
ཀྱི་སྤྱན་སྔར་སྐྱེ་བར་འགྱུར་བས་ན་ཡོངས་སུ་འཛིན་པ་དེ་དག་གིས་བསོད་ནམས་དང་འབྲས་བུ་རྣམ་པར་སྨིན་པ་ནི་བསམ་གྱིས་མི་ཁྱབ་པར་རིག་པར་བྱའོ། །གཟུངས་འདི་བཟླས་བརྗོད་བྱེད་པའི་ཁ་ནས་ཇི་ཙམ་དུ་ཚིག་ཏུ་བརྗོད་པར་
བྱུང་བ་དགེ་ཡང་རུང་མི་དགེ་ཡང་རུང་སྟེ། ལྷའི་བུའི་བདུད་དང་། མུ་སྟེགས་ཅན་དང་། ལྷ་དང་། ཀླུ་དང་། འདྲེ་སྲིན་ཐམས་ཅད་ཀྱིས་ཐོས་པར་གྱུར་ན་དེ་དག་ཐམས་ཅད་རྣམ་པར་དག་པའི་ཆོས་ཀྱི་དབྱིངས་ཉིད་དུ་འགྱུར་བས། དེ་ལ་
སངས་རྒྱས་ཇི་ལྟ་བ་བཞིན་དུ་གུས་པའི་སེམས་བསྐྱེད་ནས་བཀུར་སྟི་དང་། རིམ་གྲོ་བྱེད་པར་འགྱུར་རོ། །གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ནི་སངས་རྒྱས་ཀྱི་སྐུའི་གཏེར་ཉིད་དུ་རིག་པར་བྱ་སྟེ། སངས་རྒྱས་གང་གཱའི་
ཀླུང་བྱེ་བ་ཕྲག་དགུ་བཅུ་རྩ་དགུའི་བྱེ་མ་སྙེད་རྣམས་ཀྱིས་ཕངས་ཤིང་གཅེས་པར་མཛད་པའི་ཕྱིར་རོ། །གང་ཟག་དེ་ནི་འོད་ཅན་གྱི་ལུས་ཀྱི་གཏེར་ཡིན་པར་རིག་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱིས་སྣང་བར་

99-1-305a

མཛད་པའི་ཕྱིར་རོ། །གང་ཟག་དེ་ནི་བྱམས་པ་དང་། སྙིང་རྗེའི་གཏེར་ཡིན་པར་རིག་པར་བྱ་སྟེ། འདི་ལྟར་གཟུངས་ཀྱིས་སེམས་ཅན་ཡོངས་སུ་སྐྱོབ་པར་བྱེད་པའི་ཕྱིར་རོ། །གང་ཟག་དེ་ནི་དམ་པའི་ཆོས་ཀྱི་སྡེ་སྣོད་ཡིན་པར་རིག་པར་བྱ་
བྱ་སྟེ། གཟུངས་ཀྱི་སྒོ་ཐམས་ཅད་ཀུན་བསྡུད་པར་བྱེད་པའི་ཕྱིར་རོ། །གང་ཟག་དེ་ནི་བསམ་གཏན་དང་། ཏིང་ངེ་འཛིན་གྱི་སྡེ་སྣོད་ཡིན་པར་རིག་པར་བྱ་སྟེ། ཏིང་ངེ་འཛིན་བརྒྱ་སྟོང་རྣམས་རྟག་པར་མངོན་སུམ་དུ་འགྱུར་བའི་ཕྱིར་རོ། །གང་ཟག་
དེ་ནི་ནམ་མཁའི་མཛོད་ཡིན་པར་རིག་པར་བྱ་སྟེ། རྟག་པར་སྟོང་པ་ཉིད་ཀྱི་ཤེས་རབ་ཀྱིས་སེམས་ཅན་ལ་བལྟ་བའི་ཕྱིར་རོ། །གང་ཟག་དེ་ནི་འཇིགས་པ་མེད་པའི་མཛོད་ཡིན་པར་རིག་པར་བྱ་སྟེ། ལྷ་དང་ཀླུ་དང་དགེ་བའི་ལྷ་རྣམས་
རྟག་པར་ཡོངས་སུ་བསྲུང་བའི་ཕྱིར་རོ། །གང་ཟག་དེ་ནི་དམ་པའི་ཚིག་གི་མཛོད་ཡིན་པར་རིག་པར་བྱ་སྟེ། ཁ་ནས་གཟུངས་ཀྱི་སྒྲ་འབྱུང་བ་ལ་རྒྱུན་ཆད་པ་མེད་པའི་ཕྱིར་རོ། །གང་ཟག་དེ་ནི་རྟག་པར་གནས་པའི་གཏེར་ཡིན་པར་
རིག་པར་བྱ་སྟེ། འཇིགས་པ་གསུམ་གྱི་བསྐལ་པ་དག་གིས་གཞིག་པར་མི་ནུས་པའི་ཕྱིར་རོ། །གང་ཟག་དེ་ནི་རྣམ་པར་གྲོལ་བའི་མཛོད་ཡིན་པར་རིག་པར་བྱ་སྟེ། ལྷའི་བུའི་བདུད་དང་མུ་སྟེགས་ཅན་རྣམས་ཀྱིས་བཤོལ་བར་
མི་ནུས་པའི་ཕྱིར་རོ། །གང་ཟག་དེ་ནི་སྨན་གྱི་རྒྱལ་པོའི་མཛོད་ཡིན་པར་རིག་པར་བྱ་སྟེ། རྟག་པར་གཟུངས་ཀྱིས་སེམས་ཅན་ནད་པ་རྣམས་ཀྱི་ནད་གསོ་བའི་ཕྱིར་རོ། །གང་ཟག་དེ་ནི་རྫུ་འཕྲུལ་གྱི་གཏེར་ཡིན་པར་རིག་པར་བྱ་སྟེ། 
སངས་རྒྱས་ཀྱི་ཞིང་རྣམས་སུ་རྒྱུ་བ་ལ་རང་དབང་ཐོབ་པའི་ཕྱིར་རོ། །དེ་བས་ན་གང་ཟག་དེའི་ཡོན་ཏན་གྱི་བསྔགས་པ་བརྗོད་ན་ནམས་ཀྱང་མཐར་ཐུག་པར་མི་འགྱུར་རོ། །རིགས་ཀྱི་བུ་གང་ལ་ལ་ཞིག་འཇིག་རྟེན་པའི་སྡུག་བསྔལ་
གྱིས་ཡོངས་སུ་སྐྱོ་ནས་ཚེ་རིང་བའི་སྨན་ཡོངས་སུ་ཚོལ་བར་འདོད་པས་དབེན་པའི་གནས་སུ་འདུག་ནས་མཚམས་ཡོངས་སུ་དག་པར་བཅད་དེ། གོས་ལ་སྔགས་ཀྱིས་བཏབ་ནས་བགོ་བར་བྱའོ། །ཆུ་དང་ཟས་དང་སྤོས་དང་སྨན་རྣམས་

99-1-305b

ལ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་སྤྱོད་པར་བྱེད་ན་གདོན་མི་ཟ་བར་ཚེ་རིང་བར་འགྱུར་རོ། །གལ་ཏེ་ཆོས་བཞིན་དུ་མཚམས་བཅད་དེ་ཆོས་བཞིན་དུ་ཡོངས་སུ་འཛིན་པར་བྱེད་ན་ཐམས་ཅད་མངོན་པར་འགྲུབ་པར་འགྱུར་ཏེ། དེ་ལ་མཚམས་
བཅད་པའི་ཆོ་ག་ནི་རལ་གྲི་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། ས་ལ་རི་མོ་བྲིས་ནས་མཚམས་གཅད་པར་བྱའོ། །ཡང་ན་ཆུ་གཙང་མ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་ཕྱོགས་བཞིར་གཏོར་ནས་མཚམས་གཅད་
པར་བྱའོ། །ཡང་ན་ཡུངས་དཀར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ཕྱོགས་བཞིར་གཏོར་ནས་མཚམས་གཅད་པར་བྱའོ། །ཡང་ན་འདུ་ཤེས་ཀྱིས་གང་དུ་ཕྱིན་པ་ཚུན་ཆད་མཚམས་སུ་འགྱུར་རོ། །ཡང་ན་ཐལ་བ་གཙང་མ་ལ་
ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་མཚམས་གཅད་པར་བྱའོ། །ཡང་ན་ཚོན་སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ཕྱོགས་བཞིར་བསྐོར་ནས་མཚམས་གཅད་པར་བྱའོ། །དེ་ལྟར་ཆོས་བཞིན་དུ་འདི་ཡོངས་སུ་
འཛིན་པར་གྱུར་ན་རང་གི་ངང་གིས་འབྲས་བུ་ཐོབ་པར་འགྱུར་རོ། །གཟུངས་འདིའི་མིང་ཐོས་པ་ཙམ་གྱིས་ཀྱང་བསྐལ་པ་ཚད་མེད་པ་སྙེད་ཀྱི་འཁོར་བའི་ཁ་ན་མ་ཐོ་བའི་ལྕི་བ་རྣམས་ཡོངས་སུ་འབྱང་བར་འགྱུར་ན། འདོད་པ་དང་འཛིན་པ་
ལྟ་སྨོས་ཀྱང་ཅི་དགོས། རིག་སྔགས་འདི་འདོན་པའི་གང་ཟག་གང་ཡིན་པ་དེ་དག་ནི་སངས་རྒྱས་ཚད་མེད་པ་སྙེད་ལ་མཆོད་ཅིང་རིམ་གྲོ་བྱས་ནས་དགེ་བའི་རྩ་བ་རྒྱ་ཆེར་བསྐྱེད་པ་ཡིན་པར་རིག་པར་བྱའོ། །གང་དག་སེམས་ཅན་སྡུག་བསྔལ་གྱི་
བགེགས་ལ་ཡོངས་སུ་འདྲེན་པའི་ཆེད་དུ་ཆོས་བཞིན་དུ་འདོན་པ་གང་ཡིན་པ་དེ་དག་ནི་སྙིང་རྗེ་ཆེན་པོ་དང་ལྡན་པ་ཡིན་པས་རིང་པོར་མི་ཐོགས་པར་མངོན་པར་རྫོགས་པར་འཚང་རྒྱ་བར་འགྱུར་བར་རིག་པར་བྱའོ། །ཅི་ཙམ་དུ་སེམས་ཅན་སྣང་ངོ་ཅོག་གི་ཆེད་དུ་
བཟླས་བརྗོད་བྱས་ཏེ། དེ་དག་གི་རྣ་ལམ་དུ་གྲགས་པར་བྱས་ནས་བྱང་ཆུབ་ཀྱི་རྒྱུར་འགྱུར་བར་བྱེད་ན། གང་ཟག་དེ་དག་ཡོན་ཏན་ཚད་མེད་དཔག་ཏུ་མེད་དག་འཐོབ་པར་འགྱུར་བས་བརྗོད་ཀྱིས་མི་ལང་ངོ་། །གང་ལ་ལ་ཞིག་སེམས་རྩེ་

99-1-306a

གཅིག་ཏུ་སེམས་དང་ལུས་གསོ་སྦྱོང་དང་ཚུལ་ཁྲིམས་ལ་གནས་ནས་སེམས་ཅན་ཐམས་ཅད་ཀྱི་སྔོན་གྱི་ལས་ཀྱི་ཁ་ན་མ་ཐོ་བ་རྣམས་བཤགས་ནས་བདག་ཉིད་ཀྱིས་བསྐལ་པ་ཚད་མེད་པ་ནས་བྱས་པའི་སྡིག་པའི་ལས་རྣམ་པ་སྣ་ཚོགས་འཐོལ་
བཤགས་ཏེ། ཁ་ནས་གཟུངས་འདི་མྱུར་དུ་བཟླས་བརྗོད་བྱས་ནས་སྒྲ་རྒྱུན་ཆད་པ་མེད་པར་བྱས་ན། དགེ་སྦྱོང་གི་འབྲས་བུ་བཞི་པོ་དེ་དག་ཚེ་འདི་ཉིད་ལ་ཐོབ་པར་འགྱུར་རོ། །དབང་པོ་རྣོན་པོ་ཤེས་རབ་དང་ལྡན་པ་སྒོམ་པའི་ཐབས་ལ་མཁས་
པ་ཞིག་ཡིན་ན་ནི་ས་བཅུའི་འབྲས་བུ་ཡང་དཀའ་བ་མེད་པར་འགྱུར་ན། འཇིག་རྟེན་གྱི་བསོད་ནམས་ཀྱིས་རྣམ་པར་སྨིན་པ་ཕྲན་ཚེགས་ཡོངས་སུ་གཉེར་བ་ཙམ་མངོན་པར་འགྲུབ་པར་འགྱུར་བ་ལྟ་སྨོས་ཀྱང་ཅི་དགོས་ཏེ། དེ་ཡང་བྱང་ཆུབ་སེམས་
དཔའི་སྙིང་རྗེ་ཆེན་པོ་དང་སྨོན་ལམ་གྱི་མཐུ་ཤིན་ཏུ་ཟབ་པའི་ཕྱིར་དང་གཟུངས་འདིའི་བྱིན་གྱི་རླབས་ཤིན་ཏུ་རྒྱ་ཆེ་བའི་ཕྱིར་རོ། །བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། ཡུལ་གང་དག་ན་གནོད་པ་བྱུང་བར་གྱུར་ན། 
དེའི་ཚེ་ཡུལ་དེའི་རྒྱལ་པོས་ཡང་དག་པའི་ཆོས་ཀྱིས་ཡུལ་འཛིན་ཅིང་། མི་རྣམས་བག་ཡངས་སུ་བཀོད་དོ། །སེམས་ཅན་སྟངས་ལས་མི་གཅོད་ཅིང་། ཉེས་པ་བྱུང་བ་རྣམས་ཡོངས་སུ་བསྐྱབས་ནས་ཉིན་མཚན་བདུན་གྱི་བར་དུ་ལུས་
དང་སེམས་ཀྱི་བརྩོན་འགྲུས་བསྐྱེད་དེ། ཐུགས་རྗེ་ཆེན་པོའི་སེམས་ཀྱི་གཟུངས་སྔགས་འདི་འདོན་པར་བྱེད་ན། ཡུལ་དེའི་གནོད་པ་དང་བགེགས་ཐམས་ཅད་ཡོངས་སུ་བསལ་བར་འགྱུར། འབྲུ་རྣམས་ལེགས་ཤིང་མི་མང་པོ་བདེ་
བར་འགྱུར་རོ། །གཞན་ཡང་ཕས་ཀྱི་རྒོལ་བའི་དགྲ་དག་ཡང་ནས་ཡང་དུ་འོངས་ཏེ་གཙེས་པས་འབངས་མང་པོ་མི་བདེ་བར་གྱུར་ཏམ་བློན་པོ་ཆེན་པོས་རྐུ་བཤམས་ནས་ལོག་པར་གྱུར་ཏམ། རིམས་ནད་བྱུང་བར་གྱུར་ཏམ། ཐན་ཆེན་བྱུང་
བར་གྱུར་ཏམ། ཉི་ཟླ་རྒྱུ་བ་ནོར་བར་གྱུར་ཏམ་དེ་ལྟ་བུ་ལ་སོགས་པའི་གནོད་པ་འབྱུང་བར་འགྱུར་ན། དེའི་ཚེ་སྙིང་རྗེ་ཆེན་པོ་དང་ལྡན་པའི་མིག་སྟོང་པའི་གཟུགས་བྱས་ནས་དེའི་ཕྱོགས་སུ་ཁ་བསྟན་ཏེ། སྤོས་དང་། མེ་ཏོག་དང་། 

99-1-306b

རྒྱལ་མཚན་དང་། བ་དན་དང་། རིན་པོ་ཆེའི་བླ་རེ་རྣམ་པ་སྣ་ཚོགས་དང་། རོ་བརྒྱ་དང་ལྡན་པའི་ཟས་དང་སྐོམ་གྱིས་སེམས་རྩེ་གཅིག་ཏུ་མཆོད་པར་བྱའོ། །གཞན་ཡང་རྒྱལ་པོ་དེས་ཉིན་མཚན་བདུན་གྱི་བར་དུ་ལུས་དང་སེམས་ཀྱྀས་བརྩོན་འགྲུས་
བསྐྱེད་དེ། གཟུངས་ཀྱི་ཚྀག་གྱ་ནོམ་པ་འདི་འདོན་པར་བྱེད་ན། ཕས་ཀྱི་དགྲ་རྣམས་རང་དུལ་བར་གྱུར་ནས་སླར་ལོག་སྟེ་སོ་སོ་ནས་ཚུལ་བཞིན་དུ་ཡུལ་སྐྱོང་ཞིང་ཡུལ་ཡང་འདྲེ་བར་གནས་པར་བྱམས་པའི་སེམས་ཀྱིས་ཕན་ཚུན་གཅིག་ལ་
གཅིག་བལྟ་བར་འགྱུར། རྒྱལ་བུ་དང་བློན་པོ་རྣམས་ཀྱང་སྲི་ཞུ་དང་དྲང་དཀན་སྤྱོད་པར་འགྱུར། བཙུན་མོ་དང་སླས་རྣམས་ཀྱང་རྒྱལ་པོ་ལ་སྲི་ཞུ་དང་བསྙེན་བཀུར་བྱེད་པར་འགྱུར། ལྷ་དང་ཀླུ་དང་འདྲེ་སྲིན་རྣམས་ཀྱང་ཡུལ་དེ་
བསྲུང་ཞིང་སྐྱོང་བར་འགྱུར། ཆར་ཆུ་དུས་བཞིན་དུ་འབབ་ཅིང་འབྲུ་རྣམས་ལེགས་པས་མི་མང་པོ་རྣམས་ཀྱང་རབ་ཏུ་དགའ་བར་འགྱུར་རོ། །གཞན་ཡང་ཁྱིམ་དུ་ནད་ཆེན་མ་རུངས་པ་དང་ཕྲད་པར་གྱུར་ཏམ། ལྟས་ངན་སྣ་ཚོགས་
བྱུང་བར་གྱུར་ཏམ། འདྲེ་སྲིན་དང་ལོག་པའི་བདུད་རྣམས་ཀྱིས་ཁྱིམ་དཀྲུགས་པར་གྱུར་ཏམ། མི་མ་རུངས་པ་དག་གིས་གླེང་སྐུར་བཏབ་ནས་རྐུ་བཤམས་ཏེ་གནོད་པ་བྱས་པར་གྱུར་ཏམ། ཁྱིམ་མི་ཆེ་ཆུང་རྣམས་ཕྱི་ནང་མི་
འདུམ་པར་གྱུར་ན། སྙིང་རྗེ་ཆེན་པོ་དང་ལྡན་པའི་མིག་སྟོང་པའི་གཟུགས་བྱས་པའི་མདུན་དུ་དཀྱིལ་འཁོར་བྱས་ནས་སེམས་རྩེ་གཅིག་ཏུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཡིད་ལ་བྱས་ནས་གཟུངས་སྔགས་
འདི་ལན་སྟོང་ཚང་བར་བཟླས་ན། གོང་དུ་སྨོས་པའི་དངོས་པོ་ངན་པ་དེ་དག་ཐམས་ཅད་ཡོངས་སུ་འབྱང་བར་འགྱུར་རོ། །བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་སྔགས་
འདིའི་མིང་ཅི་ལགས། ཇི་ལྟར་ཡོངས་སུ་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིག་སྔགས་འདི་ལ་མིང་རྣམ་པ་སྣ་ཚོགས་ཡོད་དེ། རྒྱ་ཆེར་ཡོངས་སུ་རྫོགས་པ་ཞེས་ཀྱང་བྱའོ། །ཐོགས་པ་མེད་

99-1-307a

པའི་ཐུགས་རྗེ་ཆེན་པོ་ཞེས་ཀྱང་བྱའོ། །སྡུག་བསྔལ་རྣམས་ལས་ཡོངས་སུ་སྐྱོབ་པའི་གཟུངས་ཞེས་ཀྱང་བྱའོ། །ཚེ་བསྲིང་བའི་གཟུངས་ཞེས་ཀྱང་བྱའོ། །ངན་འགྲོ་ཡོངས་སུ་སྦྱོང་བའི་གཟུངས་ཞེས་ཀྱང་བྱའོ། །ལས་ཀྱི་སྒྲིབ་པ་རྣམ་
པར་འཇོམས་པའི་གཟུངས་ཞེས་ཀྱང་བྱའོ། །སྨོན་པ་རྣམས་ཡོངས་སུ་རྫོགས་པར་བྱེད་པའི་གཟུངས་ཞེས་ཀྱང་བྱའོ། །སེམས་ཀྱི་རྗེས་སུ་རང་དབང་དུ་གྱུར་པའི་གཟུངས་ཞེས་ཀྱང་བྱའོ། །ས་གོང་མ་རྣམས་ལས་མྱུར་དུ་འདའ་བའི་གཟུངས་
ཞེས་ཀྱང་བྱ་སྟེ། དེ་ལྟར་ཡོངས་སུ་གཟུང་བར་བྱའོ། །བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འདིའི་མིང་ཅི་ལགས་ན། འདི་ལྟ་བུའི་
གཟུངས་བསྟན་པ་ལ་མཁས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་འདིའི་མིང་ནི་སྤྱན་རས་གཟིགས་དབང་ཕྱུག་ཅེས་ཀྱང་བྱའོ། །དོན་ཡོད་པའི་ཞགས་པ་ཞེས་ཀྱང་བྱའོ། །འོད་སྟོང་
པའི་མིག་ཅན་ཞེས་ཀྱང་བྱ་སྟེ། རིགས་ཀྱི་བུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་འདིའི་མིང་དང་གཟི་བྱིན་དང་མཐུ་སྟོབས་ནི་བསམ་གྱིས་མི་ཁྱབ་སྟེ། འདས་པའི་བསྐལ་པ་ཚད་མེད་པའི་སྔ་རོལ་ནས་མངོན་པར་རྫོགས་
པར་སངས་རྒྱས་ནས་མཚན་ཡང་དེ་བཞིན་གཤེགས་པ་ཡང་དག་པའི་ཆོས་ཀྱི་སྣང་བ་ཞེས་བྱ་བར་གྱུར་པ་ཡིན་ཡང་ཐུགས་རྗེ་ཆེན་པོ་དང་སྨོན་ལམ་གྱི་མཐུས་སེམས་ཅན་བདེ་བར་བྱ་བའི་ཕྱིར་བྱང་ཆུབ་སེམས་དཔའི་ལུས་མངོན་དུ་བསྟན་པ་ཡིན་
པས། བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་མང་པོ་ཁྱེད་དང་ཚངས་པ་དང་། བརྒྱ་བྱིན་དང་། ལྷ་དང་། ཀླུ་རྣམས་ཀྱིས་གུས་པས་བཀུར་སྟི་བྱས་ནས་བརྙས་པར་མི་བྱའོ། །ལྷ་དང་མི་ཐམས་ཅད་ཀྱིས་རྟག་པར་མཆོད་པར་བྱས་ཏེ། 
སེམས་རྩེ་གཅིག་ཏུ་མིང་ནས་བརྗོད་པར་བྱེད་ན་བསོད་ནམས་ཚད་མེད་པ་སྙེད་འཐོབ་པར་འགྱུར། ཁ་ན་མ་ཐོ་བ་ཚད་མེད་པ་སྙེད་ཡོངས་སུ་འབྱང་བར་འགྱུར། ཚེ་འདས་ནས་ཀྱང་དེ་བཞིན་གཤེགས་པ་འོད་དཔག་མེད་ཀྱི་ཞིང་ཁམས་སུ་སྐྱེ་བར་

99-1-307b

འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་གལ་ཏེ་རིན་པོ་ཆེ་སྣ་ཚོགས་ཕུན་སུམ་ཚོགས་ཤིང་ཕྱུག་པོར་འགྱུར་བར་འདོད་ན་ཡིད་བཞིན་གྱི་ནོར་བུའི་ལག་ལ་མཆོད་པ་བྱའོ། །མི་བདེ་བ་རྣམ་པ་སྣ་ཚོགས་ཀྱིས་གཙེས་པར་གྱུར་ན་
ཞགས་པ་ཐོགས་པའི་ལག་ལ་མཆོད་དོ། །ཁོང་པར་ནད་རྣམས་ཡོད་པར་གྱུར་ན། རིན་པོ་ཆེའི་ལྷུང་བཟེད་ཐོགས་པའི་ལག་ལ་མཆོད་དོ། །འདྲེ་གདོན་ཐམས་ཅད་གདུལ་བར་འདོད་ན་རིན་པོ་ཆེའི་རལ་གྲི་ཐོགས་པའི་ལག་ལ་མཆོད་དོ། །
ལྷའི་བུའི་བདུད་ཐམས་ཅད་འདུལ་བར་འདོད་ན་རྡོ་རྗེ་ཐོགས་པའི་ལག་ལ་མཆོད་དོ། །ཕས་རྒོལ་བའི་དགྲ་གཞོམ་པར་འདོད་ན་རྡོ་རྗེ་ཐོ་བ་ཐོགས་པའི་ལག་ལ་མཆོད་དོ། །འཇིགས་ཤིང་བག་ཚ་བའི་གནས་ཐམས་ཅད་ལས་ཐར་བར་
འདོད་ན་འཇིགས་པ་མེད་པ་སྦྱིན་པའི་ལག་ལ་མཆོད་དོ། །མིག་མི་གསལ་ཏེ་འོད་དང་མི་ལྡན་པར་གྱུར་ན་མེ་ཤེལ་གྱི་ནོར་བུ་ཐོགས་པའི་ལག་ལ་མཆོད་དོ། །ཚ་བའི་རིམས་ཀྱིས་ཐེབས་ཏེ་བསིལ་བར་འདོད་ན་ཆུ་ཤེལ་གྱི་ནོར་བུ་ཐོགས་
པའི་ལག་ལ་མཆོད་དོ། །བློ་ཐབས་མཐོན་པོར་འདོད་ན་རིན་པོ་ཆེའི་གཞུ་ཐོགས་པའི་ལག་ལ་མཆོད་དོ། །གྲོགས་པོ་མཛའ་བཤེས་དང་མྱུར་དུ་ཕྲད་པར་འདོད་ན་རིན་པོ་ཆེའི་མདའ་ཐོགས་པའི་ལག་ལ་མཆོད་དོ། །ལུས་ལ་ནད་སྣ་
ཚོགས་ཀྱིས་ཐེབས་པར་གྱུར་ན་ལྕུག་མ་ཐོགས་པའི་ལག་ལ་མཆོད་དོ། །ལུས་ཀྱི་བགེགས་མ་རུངས་པ་བསལ་བར་འདོད་ན་རྔ་ཡབ་དཀར་པོ་ཐོགས་པའི་ལག་ལ་མཆོད་དོ། །ཐམས་ཅད་མཐུན་པའི་འཁོར་དུ་གྱུར་བར་འདོད་ན་བུམ་པ་
པ་ཐོགས་པའི་ལག་ལ་མཆོད་དོ། །སྟག་དང་ཕར་སྤྱང་དང་དོམ་དྲེད་དང་གཅན་ཟན་མ་རུངས་པ་ཐམས་ཅད་སྤོང་བར་འདོད་ན་ཕུབ་ཐོགས་པའི་ལག་ལ་མཆོད་དོ། །གནས་དང་དུས་ཐམས་ཅད་དུ་རྒྱལ་པོའི་བགེགས་ལས་ཐར་བར་
འདོད་ན་དགྲ་སྟ་ཐོགས་པའི་ལག་ལ་མཆོད་དོ། །བུ་དང་བུ་མོ་དང་གཡོག་འཁོར་གྱི་ཕྱིར་ནི་ཤེལ་གྱི་གདུབ་འཁོར་ཐོགས་པའི་ལག་ལ་མཆོད་དོ། །ཡོན་ཏན་རྣམ་པ་སྣ་ཚོགས་ཀྱི་ཕྱིར་ནི་པད་མོ་དཀར་པོ་ཐོགས་པའི་ལག་ལ་

99-1-308a

མཆོད་དོ། །ཕྱོགས་བཅུའི་ཞིང་ཡོངས་སུ་དག་པ་དག་ཏུ་སྐྱེ་བར་འདོད་ན་པད་མོ་སྔོན་པོ་ཐོགས་པའི་ལག་ལ་མཆོད་དོ། །ཤེས་རབ་ཆེན་པོ་དང་ལྡན་པར་འདོད་ན་རིན་པོ་ཆེའི་མེ་ལོང་ཐོགས་པའི་ལག་ལ་མཆོད་དོ། །ཕྱོགས་བཅུའི་དེ་
བཞིན་གཤེགས་པ་རྣམས་མངོན་སུམ་དུ་མཐོང་བར་འདོད་ན་པད་མ་དམར་པོ་ཐོགས་པའི་ལག་ལ་མཆོད་དོ། །སའི་གཏེར་འབྱིན་པར་འདོད་ན་རིན་པོ་ཆེའི་ཟ་མ་ཏོག་ཐོགས་པའི་ལག་ལ་མཆོད་དོ། །དྲང་སྲོང་གི་ལམ་མངོན་པར་འགྲུབ་
པར་འདོད་ན་སྤྲིན་སྣ་ལྔ་ཐོགས་པའི་ལག་ལ་མཆོད་དོ། །ཚངས་པར་སྐྱེ་བར་འདོད་ན་རིལ་བ་ཐོགས་པའི་ལག་ལ་མཆོད་དོ། །ལྷའི་གཞལ་མེད་ཁང་དུ་སྐྱེ་བར་འདོད་ན་པད་མ་ལེ་བརྒན་ཐོགས་པའི་ལག་ལ་མཆོད་དོ། །ཕྱོགས་
གཞན་གྱི་དགྲ་ཕྱིར་རྒོལ་བ་བསལ་བར་འདོད་ན་རལ་གྲི་དང་མདུང་ཐོགས་པའི་ལག་ལ་མཆོད་དོ། །དགེ་བའི་ལྷ་འདྲེ་ཐམས་ཅད་དགུག་པར་འདོད་ན་རིན་པོ་ཆེའི་དུང་ཐོགས་པའི་ལག་ལ་མཆོད་དོ། །ལྷ་འདྲེ་ཐམས་ཅད་འཁོལ་
བར་འདོད་ན་ཐོད་པའི་འཁར་བ་ཐོགས་པའི་ལག་ལ་མཆོད་དོ། །ཕྱོགས་བཅུའི་སངས་རྒྱས་མྱུར་དུ་གཤེགས་ནས་ཕྱག་གིས་བྱུག་པར་འདོད་ན་བགྲང་ཕྲེང་འཛིན་པའི་ལག་ལ་མཆོད་དོ། །ཚངས་པའི་སྒྲ་དབྱངས་མཆོག་དམ་པ་ཐམས་
ཅད་མངོན་པར་འགྲུབ་པར་འདོད་ན་རིན་པོ་ཆེའི་དྲིལ་བུ་ཐོགས་པའི་ལག་ལ་མཆོད་དོ། །ཚིག་གིས་སྤོབས་པ་གྱ་ནོམ་པ་དང་ལྡན་པར་འདོད་ན་རིན་པོ་ཆེའི་ཕྱག་རྒྱ་ཐོགས་པའི་ལག་ལ་མཆོད་དོ། །དགེ་བའི་ལྷ་དང་ཀླུ་རྣམས་རྟག་པར་
འོངས་ཏེ་བསྲུང་ཞིང་ཡོངས་སུ་སྐྱོབ་པར་འདོད་ན་ལྕགས་ཀྱུ་ཐོགས་པའི་ལག་ལ་མཆོད་དོ། །བྱམས་པ་དང་སྙིང་རྗེས་སེམས་ཅན་ཐམས་ཅད་ཡོངས་སུ་སྐྱོབ་པར་འདོད་ན་མཁར་སིལ་ཐོགས་པའི་ལག་ལ་མཆོད་དོ། །སེམས་ཅན་
ཐམས་ཅད་ཀྱིས་རྟག་པར་ཕན་ཚུན་གུས་པས་བསྙེན་བཀུར་བྱེད་ཅིང་བརྩེ་བར་སེམས་པར་འདོད་ན་ཐལ་མོ་སྦྱར་བའི་ལག་ལ་མཆོད་དོ། །སྐྱེ་བའི་སྐྱེ་གནས་ཐམས་ཅད་དུ་དེ་བཞིན་གཤེགས་པ་རྣམས་དང་མི་འབྲེལ་བར་འདོད་ན་སྤྲུལ་

99-1-308b

པའི་སངས་རྒྱས་ཐོགས་པའི་ལག་ལ་མཆོད་དོ། །སྐྱེ་བའི་ཚེ་རབས་ཐམས་ཅད་དུ་རྟག་པར་དེ་བཞིན་གཤེགས་པའི་ཕོ་བྲང་དུ་གནས་ནས་མངལ་གྱི་སྙིང་པོར་སྐྱེ་བར་མི་འགྱུར་བར་འདོད་ན་སྤྲུལ་པའི་གཞལ་མེད་ཁང་ཐོགས་པའི་ལག་
ལ་མཆོད་དོ། །མང་དུ་ཐོས་པའི་ཤེས་པ་རྒྱ་ཆེན་པོ་དང་ལྡན་པར་འདོད་ན་རིན་པོ་ཆེའི་མདོ་སྡེའི་གླེགས་བམ་ཐོགས་པའི་ལག་ལ་མཆོད་དོ། །ད་ལྟར་གྱི་ལུས་འདི་ནས་སངས་རྒྱས་ཀྱི་སྐུ་ལ་ཐུག་པའི་བར་དུ་རྟག་པར་བྱང་ཆུབ་ཀྱི་
སེམས་ལས་ལྡོག་པར་མི་འགྱུར་བར་འདོད་ན་ཕྱིར་མི་ལྡོག་པའི་གསེར་གྱི་འཁོར་ལོ་ཐོགས་པའི་ལག་ལ་མཆོད་དོ། །ཕྱོགས་བཅུའི་དེ་བཞིན་གཤེགས་པ་རྣམས་མྱུར་དུ་གཤེགས་ནས་སྤྱི་བོ་ནས་ཕྱག་གིས་བྱུགས་ཏེ་ལུང་
བསྟན་པར་འདོད་ན་སྤྱི་བོ་ན་སྤྲུལ་པའི་སངས་རྒྱས་ཐོགས་པའི་ལག་ལ་མཆོད་དོ། །ཤིང་ཐོག་དང་འབྲུ་རྣམས་གྲུབ་པར་འདོད་ན་དགུན་འབྲུཾ་ཐོགས་པའི་ལག་ལ་མཆོད་དོ། །དེ་ལྟར་མངོན་པར་སྒྲུབ་པའི་ཆོ་ག་སྟོང་ཡོད་ཀྱང་
དེང་མདོར་བསྡུས་ནས་མདོ་ཙམ་ཞིག་བསྟན་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཀྱིས་ཤིན་ཏུ་ཡོངས་སུ་དད་པའི་སེམས་ཀྱིས་གཟུངས་འདི་ཟུང་ལ་འཛམ་བུའི་གླིང་དུ་རྒྱ་ཆེར་ཡོངས་སུ་
སྤེལ་ནས་རྒྱུན་མི་འཆད་པར་བྱའོ། །གཟུངས་འདི་ཁམས་གསུམ་གྱི་སེམས་ཅན་ནད་ཀྱིས་ཉོན་མོངས་པ་ཐམས་ཅད་ལ་རྒྱ་ཆེར་ཕན་འདོགས་པར་བྱེད་པས་གཟུངས་འདིས་ཡོངས་སུ་གསོས་ན་མི་འཚོ་བའ་གང་
ཡང་མེད་དོ། །རིག་སྔགས་ཆེན་མོ་འདིས་ཤིང་སྐམ་པོ་ལ་བཏབ་ན་ཡང་ཡལ་ག་དང་ལོ་མ་དང་། མེ་ཏོག་དང་འབྲས་བུ་སྐྱེ་བར་འགྱུར་ན་རྣམ་པར་ཤེས་པ་དང་བཅས་པའི་སེམས་ཅན་ལ་ལྟ་སྨོས་ཀྱང་ཅི་དགོས་ཏེ། 
སེམས་ཅན་ནད་ཀྱིས་ཐེབས་པ་རྣམས་གསོས་ན་མི་འཚོ་བའི་གནས་ངེས་པར་མེད་དོ། །རིགས་ཀྱི་བུ་གཟུངས་འདིའི་བྱིན་གྱི་རླབས་དང་མཐུ་བསམ་གྱིས་མི་ཁྱབ་པས་བསམ་གྱིས་མི་ཁྱབ་པའི་བསྔགས་པ་བརྗོད་ཀྱང་མཐར་ཐུག་

99-1-309a

པར་མི་འགྱུར་རོ། །སྔོན་འདས་པའི་དུས་ཡུན་རིང་པོ་ནས་དགེ་བའི་རྩ་བ་རྒྱ་ཆེར་བསྐྱེད་པ་མ་ཡིན་ན་ཐ་ན་འདིའི་མིང་ཙམ་ཡང་ཐོས་པར་མི་འགྱུར་ན་མངོན་སུམ་དུ་མཐོང་བ་ལྟ་སྨོས་ཀྱང་ཅི་དགོས། ལྷ་དང་མི་དང་ཀླུ་ལ་སོགས་པའི་
འཁོར་མང་པོ་ཁྱེད་རྣམས་ངས་གཟུངས་འདིའི་བསྔགས་པ་བརྗོད་པ་ཐོས་ནས་ཐམས་ཅད་ཀྱིས་རྗེས་སུ་ཡི་རང་བར་བྱའོ། །གང་ལ་ལ་ཞིག་གིས་རིག་སྔགས་འདི་ལ་སྐུར་པ་བཏབ་པར་གྱུར་ན་གང་གཱའི་ཀླུང་བྱེ་བ་ཕྲག་དགུ་བཅུ་
རྩ་དགུའི་བྱེ་མ་སྙེད་ཀྱི་སངས་རྒྱས་དེ་དག་ལ་སྐུར་བ་བཏབ་པར་འགྱུར་རོ། །གལ་ཏེ་གཟུངས་འདི་ལ་ཐེ་ཚོམ་དང་ཡིད་མི་ཆེས་པ་སྐྱེས་པར་གྱུར་ན་གང་ཟག་དེ་ནི་ཕན་ཡོན་ཆེན་པོ་དང་གཏན་དུ་འབྲལ་བར་འགྱུར་པས་བསྐལ་པ་
བརྒྱ་སྟོང་སྙེད་དུ་ངན་འགྲོར་འཁོར་ཞིང་འབྱུང་བའི་དུས་མེད་དེ། རྟག་པར་སངས་རྒྱས་ཀྱང་མི་མཐོང་། ཆོས་ཀྱང་མི་ཐོས། དགེ་འདུན་ཡང་མཐོང་བར་མི་འགྱུར་བར་རིག་པར་བྱའོ། །འཁོར་དེར་འདུས་
པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། གསང་བའི་བདག་པོ་ལག་ན་རྡོ་རྗེ་དང་། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ལྷ་དང་། ཀླུ་དང་། འདྲེ་སྲིན་
ཐམས་ཅད་བཅོམ་ལྡན་འདས་ཀྱིས་གཟུངས་འདིའི་བསྔགས་པ་བརྗོད་པ་ཐོས་ནས་ཐམས་ཅད་ཀྱི་རབ་ཏུ་དགའ་ཞིང་མགུ་བས་བཀའ་ཡང་དག་པར་བླངས་ནས་མངོན་པར་སྒྲུབ་པར་གྱུར་ཏོ། །དེ་ནས་བྱང་ཆུབ་
སེམས་དཔའ་ཉི་འོད་ཀྱིས་ཐུགས་རྗེ་ཆེན་པོའི་གཟུངས་འཛིན་པ་དག་ཡོངས་སུ་བསྲུང་བའི་ཆེད་དུ་རིག་སྔགས་ཆེན་པོ་འདི་སྨྲས་སོ། །ན་མོ་བུད་དྷ་གུ་ར་བེ། ན་མོ་དྷརྨ་མ་ཧཱ་ཏེ། ན་མཿསང་གྷ་ཏྲ་ཡཱ་ཎི་ཏྲི་པུ་པི་
སཱ་ཏ་ཏམ་ན་མཿ། རིག་སྔགས་འདི་བཏོན་ན་ཁ་ན་མ་ཐོ་བ་ཐམས་ཅད་ཡོངས་སུ་འབྱང་བར་འགྱུར། བདུད་སྤོང་བར་བྱེད། བགེགས་རྣམས་སེལ་བར་འགྱུར་བས་ལན་རེ་བཏོན་ནས་སངས་རྒྱས་ལ་ཕྱག་ལན་རེ་བྱའོ། །

99-1-309b

དེ་བཞིན་དུ་ཉིན་རེ་བཞིན་དུས་གསུམ་དུ་རིག་སྔགས་བཟླས་ནས་སངས་རྒྱས་ལ་ཕྱག་བྱས་ན་མ་འོངས་པའི་དུས་ན་སྐྱེ་བ་ཐམས་ཅད་དུ་ཡིད་དུ་འོང་བའི་མཚན་ཤིན་ཏུ་མཛེས་པ་རེ་རེའི་འབྲས་བུ་རྣམ་པར་སྨིན་པ་ཐོབ་པར་འགྱུར་རོ། །
བྱང་ཆུབ་སེམས་དཔའ་ཟླ་འོད་ཀྱིས་ཀྱང་རྣལ་འབྱོར་པ་དག་ཡོངས་སུ་བསྲུང་བའི་ཕྱིར་གཟུངས་འདི་སྨྲས་སོ། །སིན་ཏི་ཏེ་དུ་སོཥྚ། ཨཛྙཱ་མི་ཏེ་ཨཏུཥྚ། སི་ནི་ཁི་ཏ་བ་ལི་ཏིཥྚ། ཡ་མི་ཛྙཱ་ཏ་ཨོ་དྷུཥྚ། ཀུ་ལ་ཏི་མཥྚ་ཁིཥྚ་སྭཱ་ཧཱ། 
རིག་སྔགས་འདི་ལན་ལྔ་བཟླས་ནས་ཚོན་སྣ་ལྔའི་སྐུད་པ་ལ་སྔགས་མདུད་བྱས་ཏེ་གང་དུ་ན་བར་གདགས་པར་བྱའོ། །རིག་སྔགས་འདི་ནི་འདས་པའི་སངས་རྒྱས་གང་གཱའི་ཀླུང་བཞི་བཅུའི་བྱེ་མ་སྙེད་ཀྱིས་གསུངས་པ་ཡིན་པས་དེང་
བདག་གིས་ཀྱང་རྣལ་འབྱོར་པ་དག་ཡོངས་སུ་བསྲུང་བའི་ཕྱིར་དང་། བགེགས་ཐམས་ཅད་ཡོངས་སུ་བསལ་བའི་ཕྱིར་དང་། ནད་མ་རུངས་པ་ཐམས་ཅད་ཡོངས་སུ་བསལ་བའི་ཕྱིར་དང་། དགེ་བའི་ཆོས་ཐམས་ཅད་
ཡོངས་སུ་རྫོགས་པར་བྱ་བའི་ཕྱིར་དང་། འཇིགས་ཤིང་སྐྲགས་པ་ཐམས་ཅད་ཡོངས་སུ་སྤང་བའི་ཕྱིར་བསྟན་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བྱང་ཆུབ་སེམས་དཔའ་སྤྱན་རས་གཟིགས་
དབང་ཕྱུག་གིས་བསྟན་པའི་རིག་སྔགས་འདི་ནི་ཡང་དག་པར་བདེན་ཏེ་མི་བདེན་པ་ཅི་ཡང་མེད་དོ། །བྱང་ཆུབ་སེམས་དཔའ་འདི་དྲུང་དུ་འོང་བར་འདོད་ན་གུ་གུལ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་བསྲེགས་ན་བྱང་
ཆུབ་སེམས་དཔའ་འོང་བར་འགྱུར་རོ། །གང་ལ་ལ་ཞིག་བྱི་ལའི་གདོན་གྱིས་ཟིན་པར་གྱུར་ན་བྱི་ལའི་མགོ་རུས་བསྲེགས་པའི་ཐལ་བ་ས་གཙང་མ་དང་བསྲེས་ཏེ། འཇིམ་པ་ལ་བྱི་ལའི་གཟུགས་བྱས་ནས་མིག་སྟོང་
པའི་གཟུགས་ཀྱི་མདུན་དུ་ཨུར་མོའི་གྲི་གཙང་མ་ལ་བརྒྱ་རྩ་བརྒྱད་སྔགས་ཀྱིས་བཏབ་སྟེ། དུམ་བུ་བརྒྱ་རྩ་བརྒྱད་དུ་བཅད་ནས་སྔགས་ལན་རེ་གདོན་ཅིང་དེའི་མིང་ནས་ལན་རེ་བརྗོད་ན་གཏན་དུ་འཚོ་བར་འགྱུར་རོ། །བྱད་སྟེམས་

99-1-310a

ཀྱིས་ཕོག་པར་གྱུར་ན་གུ་གུལ་དང་ག་པུར་ཆ་མཉམ་པར་བྱས་ཏེ། ཁྲོན་པའི་ཆུ་གཙང་མ་བྲེ་གང་དང་བསྲེས་ནས་བསྐོལ་ཏེ་ཕུལ་གང་ཙམ་ལུས་པ་བླངས་ནས། མིག་སྟོང་པའི་གཟུགས་ཀྱི་མདུན་དུ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་འཐུངས་
ན་འཚོ་བར་འགྱུར་རོ། །གལ་ཏེ་སྡིག་པ་དང་སྦྲུལ་གྱིས་ཟིན་པར་གྱུར་ན་བཅའ་ལྒའི་ཕྱེ་མ་ལ་ལན་བདུན་སྔགས་ཀྱིས་བཏབ་སྟེ་རྨ་ཁར་བསྐུས་ན་འཕྲལ་དུ་འཚོ་བར་འགྱུར་རོ། །གལ་ཏེ་མི་མ་རུངས་པ་དག་གིས་རྐུ་བཤམས་ནས་གནོད་པ་བྱས་པར་གྱུར་
ན་ས་གཙང་མ་འམ་བག་ཟན་ནམ། སྤྲ་ཚིལ་ལ་ཕ་རོལ་པོའི་གཟུགས་བྱས་ཏེ་མིག་སྟོང་པའི་གཟུགས་ཀྱི་མདུན་དུ་ཨུར་མོའི་གྲི་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་ནས་སྔགས་ལན་རེ་བརྗོད་དེ་ལན་རེ་གཏུབས་ནས་ཕ་རོལ་གྱི་མིང་ནས་
བརྗོད་དེ། བསྲེགས་ཟིན་ནས་དུམ་བུ་བརྒྱ་རྩ་བརྒྱད་དུ་བྱས་ན་ཕ་རོལ་པོ་དགའ་ཞིང་ནམ་འཚོ་བའི་བར་དུ་གུས་པས་བཀུར་ཞིང་བྱམས་པར་འགྱུར་རོ། །གང་དག་མིག་ནད་ཀྱིས་བཏབ་སྟེ། མིག་གི་འབྲས་བུ་ཉམས་པར་གྱུར་ཏམ། 
ལྡོངས་པར་གྱུར་ཏམ། མི་གསལ་བར་གྱུར་ཏམ། ལིང་ཏོག་དཀར་པོ་དང་དམར་པོ་དག་གིས་ཁེབས་ཏེ་འོད་དང་མི་ལྡན་པར་གྱུར་ན། ཨ་རུ་ར་དང་། བ་རུ་ར་དང་། སྐྱུ་རུ་ར་འབྲུ་མ་རེ་ཞིབ་ཏུ་བཏགས་ཏེ། འཐག་པའི་ཚེ་
གཙང་སྦྲ་བྱ་དགོས་པས་བུད་མེད་གསར་དུ་བུ་བཙས་པ་དང་། ཁྱི་དང་ཕག་རྣམས་བསྙེན་པར་མི་བྱའོ། །དེ་བཞིན་གཤེགས་པའི་མཚན་ནས་བརྗོད་དེ། སྦྲང་རྩི་དཀར་པོ་དང་། མིའི་འོ་མ་དང་།  སྦྱར་ནས་མིག་ལ་བསྐུ་བར་བྱའོ། །
འོ་མ་དེ་ཡང་བུ་ཁྱིའུ་བཙས་པའི་ནུ་ཞོ་རུང་གི་བུ་མོ་བཙས་པའི་ནུ་ཞོ་མི་རུང་ངོ་། །སྨན་དེ་སྦྱར་ཟིན་ནས་ཀྱང་མིག་སྟོང་པའི་གཟུགས་ཀྱི་མདུན་དུ་ལན་སྟོང་རྩ་བརྒྱད་སྔགས་ཀྱིས་བཏབ་སྟེ། མིག་ལ་བསྐུས་ནས་ཞག་བདུན་གྱི་
བར་དུ་ཁང་པ་དབེན་པར་རླུང་བསྲུངས་ན་མིག་གི་འབྲས་བུ་སྐྱེ་བར་འགྱུར་བས་ལིང་ཏོག་སྔོན་པོ་དང་དཀར་པོ་བསལ་ཏེ་གསལ་བ་རྒྱས་པར་འགྱུར་རོ། །གང་དག་གདོན་རྣམས་ཀྱིས་བཏབ་སྟེ་མྱོས་པར་གྱུར་ན་སྟག་དང་། 

99-1-310b

འཕར་བ་དང་སྤྱང་ཀིའྀ་ལྤགས་པ་ལན་ཉི་ཤུ་རྩ་གཅིག་སྔགས་ཀྱིས་བཏབ་ཏེ་ལུས་ལ་བགོས་ན་སོས་པར་འགྱུར་རོ། །གལ་ཏེ་སྦྲུལ་གྱིས་ཟིན་པར་གྱུར་ན་གང་ཟིན་པའི་མེ་དེའི་རྣ་སྤབས་བླངས་ནས་ལན་ཉི་ཤུ་རྩ་གཅིག་སྔགས་ཀྱིས་བཏབ་
སྟེ་རྨ་ཁར་གླན་ན་སོས་པར་འགྱུར་རོ། །གཟེར་ཐབས་མ་རུངས་པས་སྙིང་ལ་གཟེར་ཏེ་འཆི་ལ་ཐུག་ན་ཀ་པྱི་ཏ་ལག་པ་ཙམ་ཆུ་གཙང་མ་ཕུལ་གང་དང་སྦྱར་ཏེ། བསྐོལ་ནས་ཕུལ་ཕྱེད་ལུས་པ་ལ་ལན་བདུན་སྔགས་ཀྱིས་བཏབ་སྟེ་
ཅིག་ཅར་བླུད་ན་སོས་པར་འགྱུར་རོ། །སྨན་དེ་ཡང་བུད་མེད་ཀྱི་དྲུང་དུ་བསྐོལ་བར་མི་བྱའོ། །རོ་ལངས་ཀྱི་གདོན་གྱིས་བཏབ་ནས་རྒྱུན་རིངས་སུ་ན་བར་གྱུར་ན་གུ་གུལ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་བསྲེགས་ཏེ་
སྣར་བདུག་པར་བྱའོ། །ཡང་ན་རི་བོང་གི་རྟུག་པའི་རི་ལུ་བདུན་བླངས་ཏེ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་མིད་དུ་བཅུག་ན་སོས་པར་འགྱུར་ཏེ། ཤ་དང་། ཆང་དང་། དཀུ་བ་རྣམ་པ་ལྔ་དང་། ཚིག་ངན་པ་རྣམས་
བསྲུངས་དགོས་སོ། །ཡང་ན་བ་བླ་དང་། ཡུངས་ཀར་དང་ལན་ཚ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ནད་པའི་ཁྲིའི་དྲུང་དུ་བསྲེགས་ན་གདོན་དེའི་ལུས་འཇིག་པར་འགྱུར་བས་འདུག་པའི་ཐུགས་མི་ཐུབ་སྟེ་འབྱེར་བར་
འགྱུར་རོ། །གལ་ཏེ་གཞོགས་ཕྱེད་ན་ཞིང་རྣ་བ་དང་སྣ་སུབས་པར་གྱུར་ཏམ། རྐ་ལག་སྡུད་མི་ནུས་པར་གྱུར་ན་རུ་སྟ་ཏིལ་མར་གྱི་ནང་དུ་བསྐོལ་ཏེ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་ལུས་ལ་བསྐུས་ན་གཏན་ཏུ་འཚོ་
བར་འགྱུར་རོ། །ཡང་ན་བའི་མར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་ལུས་ལ་བསྐུས་ན་ཡང་སོས་པར་འགྱུར་རོ། །གལ་ཏེ་བུ་བཙའ་དཀའ་བར་གྱུར་ན་ཏིལ་མར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་ཏེ་བུད་མེད་སྦྲུམ་
མའི་ལྟེ་བ་དང་མོ་མཚན་ལ་བསྐུས་ན་མྱུར་དུ་བཙལ་བར་འགྱུར་རོ། །བུད་མེད་སྦྲུམ་མ་གང་དག་མངལ་དུ་བུ་ཤི་བར་གྱུར་ན་འགིའུ་སི་སྲང་གཅིག་ཆུ་ཕུལ་དོའི་ནང་དུ་བསྐོས་ཏེ་ཕུལ་གང་ལ་ལུས་པ་ལ་ལན་ཉི་ཤུ་རྩ་གཅིག་སྔགས་ཀྱིས་

99-1-311a

བཏབ་ནས་བླུད་ན། སྡུག་བསྔལ་ཞིང་ན་བ་མེད་པར་འབྱུང་བར་འགྱུར་རོ། །ཤམ་འབྱུང་དུ་མི་བཏུབ་པར་གྱུར་ན་ཡང་སྨན་འདི་འཐུངས་ན་ཕན་པར་འགྱུར་རོ། །གློ་བུར་དུ་སྙིང་ག་གཟེར་ཏེ་མི་བཟོད་པར་གྱུར་ན་དེ་ནི་རོ་ཉུལ་གྱི་གཟེར་ཐབས་
ཤེས་བྱ་བ་ཡིན་པས་ཀུན་ཏུ་རུ་དང་པོག་དཀར་པོ་མ་གྲུགས་པ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། ཅི་ཙམ་འབྱོར་བ་བྱིན་ནས་གློན་དུ་བཅུག་ན་འཚོ་བར་འགྱུར་རོ། །ཤ་ཆང་དང་། བསྐུ་བ་རྣམ་པ་ལྔ་བསྲུང་དགོས་སོ། །
མེས་ཚིག་པར་གྱུར་ན་བ་ལང་གི་ལྕི་བ་དྲོན་མོ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་རྨ་ཁར་བསྐུས་ན་འཚོ་བར་འགྱུར་རོ། །སྲིན་བུ་ཁོང་པར་ཞུགས་ཏེ་ན་བར་གྱུར་ན་རྟ་དཀར་པོའི་གཅིན་ཕུལ་ཕྱེད་ལ་ལན་ཉི་ཤུ་རྩ་གཅིག་
སྔགས་ཀྱིས་བཏབ་སྟེ་བླུད་ན་འཚོ་བར་འགྱུར་རོ། །ཚབས་ཆེ་བ་ལ་ཕུལ་གང་བླུད་ན་སྲིན་བུ་ཐག་པ་གཅུས་པ་བཞིན་དུ་རང་འབྱུང་བར་འགྱུར་རོ། །ཤུ་ཆེན་བྱུང་བ་ལ་ལེང་སེའུ་ཧྭ་བརྡུངས་པའི་ཁུ་བ་ལ་ལན་ཉི་ཤུ་རྩ་གཅིག་སྔགས་
ཀྱིས་བཏབ་སྟེ་ཤུ་བའི་སྟེང་དུ་བླུགས་ན་རྩ་བ་རང་འབྱུང་བར་འགྱུར་བས་མོད་ལ་འཚོ་བར་འགྱུར་རོ། །མིག་ཏུ་སྦྲང་མ་ཞུགས་ཏེ་ན་བར་གྱུར་ན་བོང་བུའི་རྟུག་པ་བཙིར་བའི་ཁུ་བ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་མཚན་མོ་
མིག་ཏུ་བླུགས་ན་འཚོ་བར་འགྱུར་རོ། །ལྟོ་ན་བར་གྱུར་ན་ཁྲོན་པའི་ཆུ་གཙང་མའི་ནང་དུ་ལན་ཚྭ་མ་གྲུགས་པ་འབྲུམ་བུ་ཉི་ཤུ་རྩ་གཅིག་བོར་ཏེ། ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་ཕུལ་ཕྱེད་འཐུངས་ན་ཕན་པར་འགྱུར་
རོ། །མིག་ཚག་པོར་གྱུར་ཏམ། མིག་ཏུ་ཤ་ལྷག་བྱུང་བར་གྱུར་ཏམ། ལིང་ཏོག་བྱུང་བར་གྱུར་ན་ཀེའུ་ཁེ་ཚེའི་ཤིང་གི་ལོ་མ་བརྡུངས་ཏེ་བཙིར་བའི་ཁུ་བ་ལ་ལན་བདུན་སྔགས་ཀྱིས་བཏབ་སྟེ། དེའི་ནང་དུ་ཁར་བའི་དོང་ཚེ་གཅིག་
མཚན་གཅིག་སྦངས་ནས་ཡང་ལན་བདུན་སྔགས་ཀྱིས་བཏབ་སྟེ། མིག་ཏུ་བླུགས་ན་འཚོ་བར་འགྱུར་རོ། །གལ་ཏེ་མཚན་མོ་འབྱུང་འཇུག་གི་ཚེ་འཇིགས་དངས་ནས་མི་བདེ་བར་གྱུར་ན་སྐུད་པ་དཀར་པོ་ལ་ལན་ཉི་ཤུ་རྩ་གཅིག་

99-1-311b

སྔགས་ཀྱིས་བཏབ་ཏེ། མདུད་པ་ཉི་ཤུ་རྩ་གཅིག་བྱས་ནས་མགུལ་ཏུ་བཏགས་ན་འཇིགས་ཤིང་དངང་བ་དང་འབྲལ་བར་འགྱུར་རོ། །འཇིགས་པ་དང་བྲལ་བ་ཁོ་ནར་མ་ཟད་ཀྱི་བསོད་ནམས་ཀྱང་ཐོབ་ལ་སྡིག་པ་རྣམས་ཀྱང་འབྱང་བར་
འགྱུར་རོ། །གལ་ཏེ་ཁྱིམ་འཁོར་དུ་ལྟས་ངན་བྱུང་བར་གྱུར་ན་བལ་པོའི་སེའུའི་ཤིང་གི་ཡལ་ག་བླངས་ནས་དུམ་བུ་སྟོང་རྩ་བརྒྱད་དུ་གཏུབས་ཏེ། མགོ་འཇུག་གཉིས་གར་མར་དང་ཞོ་བསྐུས་ནས་སྔགས་ལན་རེ་བཟླ་ཞིང་རེ་རེ་
བསྲེགས་ཏེ་སྟོང་རྩ་བརྒྱད་ཚང་བར་བྱས་ན་གདོན་བགེགས་ཐམས་ཅད་རབ་ཏུ་ཞི་བར་འགྱུར་ཏེ། དེ་ཡང་སངས་རྒྱས་ཀྱི་སྤྱན་སྔར་བྱ་དགོས་སོ། །ཤུ་དག་དཀར་པོ་བླངས་ནས་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ། 
དཔུང་པ་གཡས་པ་ལ་བཏགས་ནས་གཡུལ་ངོར་འཐབ་པ་དང་འབེལ་བའི་གཏམ་སྨྲ་བའི་གནས་ཐམས་ཅད་དུ་རྒྱལ་བར་འགྱུར་རོ། །ཀེའུ་ཁི་ཚེའི་ཤིང་གི་ལོ་མ་འམ་ཡལ་ག་ཡང་རུང་སྟེ་དུམ་བུར་གཏུབས་ནས་མགོ་འཇུག་
གཉིས་གར་བ་མར་ཡང་དག་པ་དང་། སྦྲང་རྩི་དཀར་པོ་དང་བ་ཞོ་བསྐུས་ཏེ་སྔགས་ལན་རེ་བཟླ་ཞིང་དུམ་བུ་རེ་རེ་བསྲེག་པ་སྟོང་རྩ་བརྒྱད་ཚང་བར་བྱའོ། །ཉིན་གཅིག་ལ་དུས་གསུམ་དུ་བྱ་ཞིང་དུས་གཅིག་ལ་ཡང་
ལན་སྟོང་རྩ་བརྒྱད་བཟླས་ཏེ་ཞག་བདུན་ཚང་བར་གྱུར་ན་སྔགས་མཁན་དེ་རང་གིས་མངོན་པར་ཤེས་པ་ཐོབ་པར་འགྱུར་རོ། །གདོན་མཐུ་བོ་ཆེ་གདུལ་བར་འདོད་ན་ལུང་བཏང་ལ་ལན་བཞི་བཅུ་རྩ་དགུ་སྔགས་ཀྱིས་བཏབ་སྟེ། 
རམས་དང་སྦྲང་རྩི་བསྐུས་ནས་འཕགས་པ་སྙིང་རྗེ་ཆེན་པོ་དང་ལྡན་པའི་གཟུགས་བྱས་པའི་མདུན་དུ་བསྲེགས་པར་བྱའོ། །འགིའུ་བང་སྲང་གཅིག་བེེ་ཌཱུརྱའི་བུམ་པའི་ནང་དུ་བཅུག་སྟེ། འཕགས་པ་སྙིང་རྗེ་ཆེན་པོ་དང་ལྡན་པའི་
གཟུགས་བྱས་པའི་མདུན་དུ་གཞག་ནས་སྔགས་ལན་སྟོང་རྩ་བརྒྱད་ཀྱིས་བཏབ་སྟེ། ལུས་ལ་བསྐུས་སམ་དཔྲལ་བར་ཐིག་ལེ་བྱས་ན། ལྷ་དང་། ཀླུ་དང་། འདྲེ་སྲིན་དང་མི་དང་མི་མ་ཡིན་པ་ཐམས་ཅད་རབ་ཏུ་
99-1-312a

དགའ་བར་འགྱུར་རོ། །གལ་ཏེ་ལ་ལ་ཞིག་བཙོན་རར་ཆུད་པར་གྱུར་ན་ཕུག་རོན་དཀར་པོའི་རྟུག་པ་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ། ལག་པ་ལ་བསྐུས་ནས་བཙོན་ཆ་ལ་བྱུགས་ན་བཙོན་ཅ་རང་གྲོལ་བར་འགྱུར་རོ། །
གལ་ཏེ་ཁྱོ་ཤུགས་ཆུ་དང་མེ་བཞིན་དུ་མི་འདུམ་པར་འགྱུར་ན་བྱ་དུར་པའི་འཇུག་མ་བླངས་ཏེ། འཕགས་པ་སྙིང་རྗེ་ཆེན་པོ་དང་ལྡན་པའི་གཟུགས་བྱས་པའི་མདུན་དུ་སྔགས་ལན་སྟོང་རྩ་བརྒྱད་ཀྱིས་བཏབ་ནས་ལུས་ལ་བཏགས་ན། 
དེ་དག་ནམ་འཚོ་བའི་བར་དུ་གཅིག་ལ་གཅིག་དགའ་ཞིང་བྱམས་པ་དང་བཀུར་བར་འགྱུར་རོ། །ལོ་ཏོག་དང་འབྲས་བུ་རྣམས་ལ་སྲིན་བུ་ཞུགས་ཏེ་ཟ་བར་གྱུར་ན་ས་འམ་ཐལ་བ་འམ་བྱེ་མ་གཙང་མ་བླངས་ཏེ། ལན་སྟོང་རྩ་བརྒྱད་
སྔགས་ཀྱིས་བཏབ་ནས་ཞིང་གི་ཕྱོགས་བཞིར་གཏོར་ན་སྲིན་བུ་རྣམས་འགྱེས་པར་འགྱུར་རོ། །ཆུ་གཙང་མ་ལ་སྔགས་ཀྱིས་བཏབ་སྟེ། འབྲས་བུའི་ལྗོན་ཤིང་ལ་གཏོར་ན་སྲིན་བུ་འབྲས་བུ་ལ་ཟ་བའི་ཐུགས་མི་ཐུབ་བོ། །
ན་མོ་རཏྣ་ཏྲ་ཡཱ་ཡ། ཤ་ར་མ་ཧཱ་ཤ་ར། ཏུ་ལུ་ཏུ་ལུ་མ་ཧཱ་ཏུ་ལུ། ཨོཾ་ཀུ་མེ་ཧ་ནི་ཤ་པ། བཅོམ་ལྡན་འདས་ཀྱིས་བཀའ་སྩལ་པ། གང་ལ་ལ་ཞིག་འབྲུ་དཀོན་པའི་གནས་སུ་ཕྱིན་ཏེ། མུ་གེ་བྱུང་ནས་ཟན་ཆད་པར་གྱུར་ན་
ཁྱེད་ཀྱིས་མིག་བཙུམས་ནས་ལུས་དྲང་པོར་བསྲང་སྟེ། སེམས་རྩེ་གཅིག་ཏུ་གཟུངས་འདི་ལན་བརྒྱ་རྩ་བརྒྱད་བཟླས་ནས་མིག་ཕྱེ་ཤིག་དང་། ལྷ་རྣམས་ཀྱིས་ལྷའི་ཞལ་ཟས་རོ་བརྒྱ་དང་ལྡན་པ་སྣོད་བཀང་ནས་ཁྱེར་ཏེ་འོང་བར་
འགྱུར་རོ། །གལ་ཏེ་ཁྱིམ་ན་གནས་པའི་ཚེ་དགོས་པར་གྱུར་ན་སྣོད་གཙང་མ་སྟོང་པ་མདུན་དུ་གཞག་ནས་མིག་བཙུམས་ཏེ་ཁ་ཆུས་བཀང་ནས་ལྕང་མའི་ལྕུག་མ་དང་རྔ་ཡབ་དང་ལྷུང་བཟེད་ལ་གཏོར་བར་བྱའོ། །ཆུས་གཏོར་ཟིན་ནས་
མིག་བཙུམས་ཏེ་གཟུངས་འདི་ལན་བཞི་བཅུ་རྩ་དགུ་བཟླས་ན་རང་གི་ངང་གིས་རོ་བརྒྱ་དང་ལྡན་པའི་ཟས་སྣོད་ཀུན་གང་བ་འབྱུང་བར་འགྱུར་བས་བླངས་ནས་ཞག་བདུན་གྱི་བར་དུ་བཅའ་བར་བྱ་སྟེ། དེ་ལྟར་ན་འདིའི་མཐུ་སྟོབས་

99-1-312b

ནི་བསམ་གྱིས་མི་ཁྱབ་པར་རིག་པར་བྱའོ། །ཟས་ཟོས་ནས་མིག་བཙུམས་ཏེ་ས་ར་ཁ་ཞེས་བརྗོད་ནས་ཟས་ཀྱི་ལྷག་མ་ཡང་སྤང་བར་བྱའོ། །ཟས་ཟོས་ཏེ་ལྟོར་མིད་ནས་ཀྱང་མྱུར་དུ་འཇུ་བར་འགྱུར་བས་སྟོབས་དང་ལྡན་ཞིང་བདེ་བ་འཐོབ་
པར་འགྱུར། ཐོགས་པ་མེད་པའི་སྤོབས་པ་འཐོབ་པར་འགྱུར་རོ། །ཀུན་དགའ་བོ་ཐོས་པ་འཛིན་པར་འགྱུར་བའི་གཟུགས་ནི་འདི་ཡིན་ཏེ། ན་མོ་བུདྡྷ་ཡ། ན་མོ་དྷརྨཱ་ཡ། ན་མཿསང་གྷཱ་ཡ། ན་མོ་ཨཱ་དནྣི་ཡེ། 
ཨུ་ཀ་ཙི་དུ་ཨུ་ཀ་ཙི་དུ། མ་ཏི་ལ་ལི། ལ་ལུ་ཏེ་ན་མི་ཏི་ན་མི་སྭཱ་ཧཱ། གཟུངས་འདི་འཛིན་པས་ཕྱོགས་བཞི་ནས་རྒྱུན་ཆད་པའི་རིའི་རྩེ་མོར་དཀྱིལ་འཁོར་བྱས་ནས་མཚམས་བཅད་དེ་ལུས་བསྲུངས་ནས་འཁར་བའི་ལྷུང་བཟེད་
ཆུང་ངུ་ཅིག་ཁྲོན་པའི་ཆུ་གཙང་མས་བཀང་སྟེ། མདུན་དུ་གཞག་ནས་གཟུངས་སྔགས་བཟླས་ན་གདོན་མི་ཟ་བར་སྐར་མ་གསལ་བ་གཅིག་འོང་བར་འགྱུར་བས་འོང་བའི་ཚེ་འཇིགས་པ་མི་བསྐྱེད་པར་སེམས་བདེ་བར་
མཉམ་པར་གཞག་ནས་སེམས་རྩེ་གཅིག་ཏུ་གཟུངས་སྔགས་འདོན་པར་བྱེད་ན། དབང་པོ་རྣོ་ཞིང་ཤེས་རབ་དང་ལྡན་པར་འགྱུར་བས་མི་ཤེས་པ་ཅི་ཡང་མེད་པར་འགྱུར། འཇིག་རྟེན་པའི་ལམ་གྱི་ཆོས་
ཀྱང་མི་རྟོགས་པ་ཅི་ཡང་མེད་པར་འགྱུར་རོ། །ཐོས་པ་རྒྱུད་པའི་ཚེ་སྐར་མ་མཆོག་ཏུ་གསལ་བ་ཅིག་ལྷུང་བཟེད་ཀྱི་ཆུའི་ནང་དུ་འོང་བར་འདུ་ཤེས་བསྐྱེད་པར་བྱའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་
ཐོགས་པ་མི་མངའ་བའི་ཐུགས་རྗེ་ཆེན་པོ་རྒྱ་ཆེར་ཡོངས་སུ་རྫོགས་པའི་གཟུངས།། །། བམ་པོ་གཉིས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གུས་པས་ཐལ་མོ་སྦྱར་ཏེ། 
བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་སྔོན་བསམ་གྱིས་མི་ཁྱབ་པའི་བསོད་ནམས་བསགས་པའི་རྒྱུ་དང་རྐྱེན་གྱིས། དེང་བཅོམ་ལྡན་འདས་ཀྱིས་བདག་ལ་ལུང་བསྟན་པར་མཛད་པ་ཡང་། 

99-1-313a

བདག་སྙིང་རྗེ་ཆེན་པོ་བསྐྱེད་ནས་སེམས་ཅན་ཐམས་ཅད་ལ་སྨན་པར་བགྱི་བ་དང་། བཅིང་བ་མཐའ་དག་གཅད་པ་དང་། འཇིགས་པ་ཐམས་ཅད་ཞི་བར་འགྱུར་བར་བཞེད་པ་ལགས་པས་དེང་བདག་གིས་ཡུམ་ཞེས་བགྱི་བའི་གཟུངས་
བཤད་པར་འཚལ་ཏེ། དུས་ཐ་མའི་སེམས་ཅན་རྣམས་ཡུམ་ཞེས་བགྱི་བའི་གཟུངས་འདི་ཐོས་པའི་བྱིན་གྱི་རླབས་ཀྱིས་མཐུས་དེ་དག་ཐམས་ཅད་སྡུག་བསྔལ་གྱི་རྒྱུ་དང་བྲལ་བ་ནས་བདེ་བའི་འབྲས་བུ་ཐོབ་པར་འགྱུར་ལགས་སོ། །བཅོམ་
ལྡན་འདས་དུས་ལྔ་བརྒྱའི་ཐ་མ་ལ་ཡུལ་ལམ། གྲོང་ངམ། གྲོང་ཁྱེར་རམ། གྲོང་རྡལ་གང་ཡང་རུང་བ་དག་ཏུ་དགེ་སློང་ངམ། དགེ་སློང་མ་འམ། རིགས་ཀྱི་བུ་འམ། རིགས་ཀྱི་བུ་མོ་ལ་སོགས་པས་རྟག་པར་གདུགས་མཚན་ལན་
དྲུག་ཏུ་ཆོས་བཞིན་དུ་ཡུམ་ཞེས་བགྱི་བའི་གཟུངས་སྔགས་ཀྱི་ཆོས་ཀྱི་རྣམ་གྲངས་འདི་ཀློག་ཅིང་འདོན་པ་དང་། ཡོངས་སུ་འཛིན་པར་བགྱིད་ན། བདག་དེ་བཞིན་གཤེགས་པའི་བཀའ་དྲིན་རྗེས་སུ་དྲན་ཞིང་གཟོ་བའི་སླད་དུ་
རྟག་པར་རྗེས་སུ་འབྲངས་ནས་གང་ཟག་དེ་དག་ཡོངས་སུ་སྲུང་བར་བགྱིད་ཅིང་སྤོང་བར་མི་བགྱིད་པས་འདྲེ་སྲིན་ཐམས་ཅད་ཀྱིས་གནོད་པར་བགྱིད་པར་མི་འགྱུར་ལགས་སོ། །གཞན་ཡང་ཚེ་རབས་ཀྱི་སྒྲིབ་པ་ལྕི་བ་ཐམས་ཅད་
ཀྱང་དུས་གཅིག་ཏུ་ཡོངས་སུ་འབྱང་བར་འགྱུར། གཟུངས་སྔགས་ཀྱི་དཀྱིལ་འཁོར་དང་། ཕྱག་རྒྱའི་ཆོས་ཀྱི་སྒོ་ཐམས་ཅད་ཀྱང་མྱུར་དུ་ཡོངས་སུ་རྫོགས་པར་འགྱུར་ལགས་སོ། །བཅོམ་ལྡན་འདས་ལ་ཡང་འདི་སྐད་ཅེས་གསོལ་
ཏོ། །བཅོམ་ལྡན་འདས་སླད་མའི་དུས་ལྔ་བརྒྱ་ཐ་མའི་སེམས་ཅན་རྣམས་ནི་ཕལ་ཆེར་སྡིག་པའི་དྲི་མ་ལྷུན་སྟུག་ཅིང་བསོད་ནམས་ཆུང་བས་ཡོངས་སུ་འཛིན་པར་བགྱིད་པ་ཞིག་མཆིས་ན་ཡང་འདྲེ་སྲིན་དག་གིས་གནོད་པ་བགྱིད་པས། 
དེང་བདག་བཅོམ་ལྡན་འདས་ཀྱིས་བྱིན་གྱི་རླབས་ཀྱིས་སེམས་ཅན་རྣམས་ལ་རྒྱ་ཆེར་སྨན་པར་བགྱི་བ་དང་། སེམས་ཅན་རྣམས་ལ་བདེ་བར་བགྱིད་པ་དང་། ལྷ་དང་ལྷ་མ་ཡིན་ལ་སོགས་པའི་ཆེད་དུ་གཟུངས་ཀྱི་ཆོས་བཤད་པར་འཚལ་

99-1-313b

ཏེ། བདག་གིས་སྔོན་འདས་པའི་བསྐལ་པ་ཚད་མ་མཆིས་པ་སྙེད་ཀྱི་བར་དུ་གཟུངས་ཀྱི་ཆོས་འདི་ལ་བསྟེན་ཅིང་མཆོད་པ་བགྱིས་ལགས་སོ། །འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་རྣམས་ཀྱི་བར་དག་ཀྱང་ཡུམ་
ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་འདིའི་རྒྱུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་བརྙེས་པ་ལགས་པས། རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་སེམས་རྩེ་གཅིག་ཏུ་ཡུམ་ཞེས་བགྱི་བའི་
གཟུངས་ཀྱི་ཆོས་ཀྱི་རྣམ་གྲངས་འདི་འདོན་ཅིང་ཀློག་པ་དང་། ཡོངས་སུ་འཛིན་པར་བགྱིད་ན་དེ་དག་ཚེ་འདི་ཉིད་ལ་ཚིག་གི་སྤོབས་པ་མྱུར་ཞིང་ཐོགས་པ་མ་མཆིས་པ་དང་། ཤེས་རབ་དང་སྤོབས་པ་མངོན་པར་རྟོགས་པར་འགྱུར་བས། ལྷ་དང་། 
མིའི་འཁོར་མང་པོའི་ནང་ན་མཆོག་ཏུ་འགྱུར། གང་དག་ཐོས་པ་རྣམས་ཀྱང་རབ་ཏུ་དགའ་ཞིང་ཐམས་ཅད་ཀྱིས་སྤྱི་བོ་བཏུད་དེ་ཕྱག་བགྱིད་པར་འགྱུར། སྐྱེ་བ་ཐམས་ཅད་དུ་སངས་རྒྱས་དང་། ཆོས་དང་། དགེ་འདུན་མཐོང་བར་འགྱུར་
གང་ཅི་སྨྲས་ཀྱང་རུང་སྟེ། ཐམས་ཅད་ཀྱིས་ཡིད་ཆེས་པས་ཉན་པར་འགྱུར་ལགས་ཏེ། དེ་དག་ཐམས་ཅད་ཀྱང་སངས་རྒྱས་བཅོམ་ལྡན་འདས་རྣམས་ཀྱི་བྱིན་གྱིས་རླབས་ཀྱི་མཐུ་ལགས་ཏེ། རང་ཉིད་ཀྱི་མཐུ་ནི་མ་ལགས་སོ། །
དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ཁྱོད་ཀྱིས་འདི་ལྟར་ལྷ་དང་མི་དང་ལྷ་མ་ཡིན་ལ་སོགས་པ་དེ་དག་ཐམས་ཅད་ལ་ཕན་པ་དང་། བདེ་བར་བྱ་བ་དང་། ལས་ཀྱི་ལམ་ཡོངས་སུ་སྦྱང་བའི་
ཆེད་དུ་སྨྲས་པ་ལེགས་སོ་ལེགས་སོ་ཞེས་བསྔགས་པ་བརྗོད་ནས། ངས་ཀྱང་དེང་ཡེ་ཤེས་ཀྱི་ཕྱག་རྒྱས་བཏབ་ནས། ཁྱོད་བྱམས་པ་ཆེན་པོ་དང་སྙིང་རྗེ་ཆེན་པོ་ལ་སོགས་པའི་སེམས་ཅན་རྣམ་པ་སྣ་ཚོགས་ལས་གཏན་དུ་ལྡོག་པར་
མི་འགྱུར་བར་བྱའོ་ཞེས་བཀའ་སྩལ་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་མངོན་པར་དྲན་ལགས་ཏེ་འདས་པའི་བསྐལ་

99-1-314a

པ་ཚད་མ་མཆིས་པ་ནས། ཡུམ་ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་འདི་ཡོངས་སུ་གཟུངས་བས་རི་པོ་ཏ་ལ་ལ་མཆིས་པའི་ཚེ་བདུད་ཀྱི་རྒྱལ་པོས་བདུད་ཀྱི་འཁོར་མང་པོ་དང་འགྲོགས་ནས་བདག་གི་ཆོས་དཀྲུག་
ཅིང་། སྔགས་ཀྱི་ཚིག་རྣམས་མངོན་པར་མི་གྲུབ་པར་བགྱི་བར་བཤམས་པ་ལས། དེའི་ཚེ་བདག་གིས་ཡུམ་ཞེས་བགྱི་བའི་གཟུངས་འདིས་བདུད་མང་པོ་རྣམས་བཏུལ་ནས་ཐམས་ཅད་སོ་སོར་གྱེས་པར་གྱུར་པས། གཟུངས་འདིའི་མཐུ་
བསམ་གྱིས་མི་ཁྱབ་པར་རིག་པར་བགྱི་ལགས་སོ། །དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་བྱམས་པ་དང་། སྙིང་རྗེ་ཆེན་པོས་སེམས་ཅན་ཐམས་ཅད་ལ་ཕན་གདགས་ཤིང་ལྷ་དང་མི་རྣམས་བདེ་བ་ཐོབ་པར་བྱ་བའི་
ཕྱིར། བཅོམ་ལྡན་འདས་དང་འཁོར་འདུས་པ་ཆེན་པོའི་མདུན་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་དང་ལྡན་པའི་ཡུམ་ཞེས་བྱ་བའི་གཟུངས་ལུས་པོ་ཆེའི་སྔགས་འདི་སྨྲས་སོ། །
ན་མཿསརྦ་ཏ་ཐཱ་ག་ཏཱ་ཡ། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་སམྱཀྶྃ་བུདྡྷཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་
མ་ཧཱསྠཱ་མ། པྲཱཔྟཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་བི་པུ་ལ་བི་མ་ན་སྲ་པྲ་ཏིཥྛི་ཏ་སྃ་གྷཱ་ཡ། སཱུརྱ་ཤ་ཏ་ས་ཧ་སྲ་ཨ་ཏྲི་རི་ཀ་པྲ་བྷ་ཨ་བ་བྷཱ་སི་ཏ་མཱུརྟྟ་ཡེ། མ་ཧ་མ་ཎི་མུ་ཀུ་ཊ་ཀུཎྜ་ལ་
ཨ་ལྃ་ཀཱ་ར་དྷཱ་ར་ཎཱི། བྷ་ག་བ་ཏེ་པདྨ་པཱ་ཎ་ཡེ། སརྦ་ལོ་ཀ་ཨ་པཱ་ཤ་མ་ནཱ་ཡ། བི་བི་དྷ་མུ་ཁ་ས་མ་བེ་ཤ་བཥྚ་སརྦ་ས་ཏྭ་པ་རི་མོ་ཙ་ཀཱ་ཡ། ཏདྱ་ཐཱ། ཨོཾ་བྷཱུརྦྷཱུ་བ། མ་ཧཱ་ལོ་ཀ་ཀ་ར་ཎ། ནཱ་ཐ་མ་སིདྷེ་མི་ར་བྷ་
དྲཱ་བི་ནཱ་ཤ་ཀ་རཱ་ཀ་རཱ་ཡ་རཱ་ག་དྭེ་ཥ་མོ་ཧ་ཛྭ་ལ་ཤ་མ་ཀ་ཤ་སྐ་ས་མཱ་ཤྭཱ་ས་ན་ཀར་ཀྵ་སརྦ་པཱ་པ་དུརྒ་ཏེ་པྲ་ཤ་མ་ན་ཀ་རཱ་ཡ། སརྦ་ཏ་ཐཱ་ག་ཏ་སམྦྷ་ད་ན་ཀ་ར་ཧེ་ཧེ་མ་ཧཱ་བོ་དྷ་སཏྭཱ་བ་ར་ད་པདྨ་ལོ་ཀི་སྃ་བྷཱུ་ཏ་མ་ཧཱ་ཀཱ་རུ་ཎི་ཀ་

99-1-314b

ཛ་ཊ་མུ་ཀུ་ཊཱ་ལྃ་ཀྲྀ་ཏ་ཤ་རཱི་རྃ། མ་ཎི་ཀ་ན་ཀ་ཤ་ཏ། བཛྲ་བཻ་ཌཱུརྱཱ་ལྃ་ཀྲྀ་ཏ་ཤ་རཱི་ར། ཨ་མི་ཏཱ་བྷ་ས་ནི་ཀ་མཱ་ལཱ་ལྃ་ཀྲྀ་ཏ་པྲ་བྷ་ར་ཎ། ལ་རི་ཙ་ན་མ་ཧཱ་དུ་ན། ན་ར་ན་རི་ཤ་ཏ་ས་ཧ་སྲ། 
ཨ་བྷི་ལ་ཤཱི་ཏ་ཀཱ་ཡ། མ་ཧཱ་བོ་དྷི་ས་ཏྭཱ་ཡ། བི་དྷ་མ་བི་དྷ་མ། བི་ནཱ་ཤ་ཡ་བི་ནཱ་ཤ་ཡ། མ་ཧཱ་ཡནྟྲྃ་ཀླེ་ཤ་ཀ་བ་ཏ། ཨ་བ་བ་དྷ་བ་བི་དྷ་སཏྭ་སྃ་སཱ་ར་ཙཱ་ར་ཀ །པྲ་མ་ཐ་ན། པུ་རུ་
ཥ་པདྨ་པུ་རུ་ཥ་ནཱ་ག །པུ་རུ་ཥ་སཱ་ག་ར། པུ་རུ་ཥ་སིཾ་ཧ། བི་ར་བི་ར་ཤཱ་ཡ། སུ་ཡནྟ་སུ་ཡནྟ། བ་ར་བ་ར། དྷ་མ་དྷ་མ། ས་མ་ས་མ་དྷུ་རུ་དྷུ་རུ། པྲ་ཤཱ་ས་ཡ། པྲ་ཤཱ་ས་ཡ། 
གི་རི་གི་ར། བི་རི་བི་རི། ཙི་རི་ཙི་རི། མུ་རུ་མུ་རུ། མུ་ཡུ་མུ་ཡུ། མུ་ཡ་མུ་ཡ། མུཉྩ་མུཉྩ། དྷུ་ན་དྷུ་ན། བི་དྷུ་ན་བི་དྷུ་ན། དྷུ་རུ་དྷུ་རུ། གཱ་ཡ་གཱ་ཡ། གཱ་དྷཱ་ཡ་གཱ་དྷ་ཡ། ཧ་ས་ཧ་ས། 
པྲ་ཧ་ས་པྲ་ཧ་ས། བི་བྷི་དྷ་ཀླེ་ཤ་བཱ་ས་ན། བདག་མིང་འདི་ཞེས་བྱ་བ། སྱ་ཧ་ར་ཧ་ར། སྃ་ཧ་ར་སྃ་ཧ་ར། དུ་རུ་ཏི་དུ་རུ་ཏི། མ་ཧཱ་མནྟྲ་དུ་རུ་ཏི། ཀརྞྞ་ཤ་ཏ་པ་ར་སི་ཀ་བྷ་བ་བི་ས་ན། ཤ་མ་ཀ་མ་ཧཱ་བོ་དྷི་ས་ཏྭ་བ་ར་ད་སྭཱ་
ཧཱ། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ལ་པད་མ་ཆེན་པོའི་ཕྱག་རིན་པོ་ཆེའི་བཀོད་པའི་ཁར་བའི་ཡུམ་ཞེས་བྱ་བའི་གཟུངས་འདི་སྨྲས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནས་
འདུ་ཤེས་མེད་འདུ་ཤེས་མེད་མིན་གྱི་ལྷའི་གནས་ཀྱི་བར་དག་རྣམ་པ་དྲུག་ཏུ་གཡོས། རབ་ཏུ་གཡོས་པར་གྱུར་ཏོ། །ལྷ་རྣམས་ཀྱིས་ཀྱང་རིན་པོ་ཆེའི་མེ་ཏོག་གི་ཆར་མངོན་པར་ཕབ་བོ། །འོག་མིན་གྱི་ལྷ་དང་། དབང་ཕྱུག་ཆེན་པོ་རྣམས་ཀྱང་གཡོ་ཞིང་མི་བདེ་བས་ཤིན་ཏུ་འཇིགས་ཤིང་དངས་པར་
གྱུར་ཏོ། །གནོད་སྦྱིན་དང་། སྲིན་པོ་དང་། འདྲེ་གདོན་མ་རུངས་པ་ཐམས་ཅད་ཀྱང་སྡུག་བསྔལ་ཆེན་པོ་མྱོང་བའི་སྒྲ་སྐད་ཆེན་པོས་ཕྱུང་ནས་ཤར་ནུབ་ཏུ་འབྱེར་ཞིང་བྲོས་ཀྱང་གང་དུ་འགྲོ་བའི་གནས་ཀྱང་རིག་ཅིང་རྙེད་པར་མ་གྱུར་ཏོ། །

99-1-315a

དེ་ནས་སྤྲུལ་པའི་བྱང་ཆུབ་སེམས་དཔས་འཁོར་མང་པོ་རྣམས་དང་། འདྲེ་སྲིན་མ་རུངས་པ་ཐམས་ཅད་ལ་གང་གིས་བདག་གི་རིག་སྔགས་ལས་འདའ་ཞིང་རྗེས་སུ་འབྲང་བར་མི་བྱེད་ན། དེ་དག་གི་ལུས་ཀྱི་ཡན་ལག་དང་། 
ཉིང་ལག་ཐམས་ཅད་རབ་ཏུ་ན་ཞིང་འཇིག་པར་འགྱུར་རོ། །རིག་སྔགས་འདིས་ནི་རི་རྣམས་འཇོམས་ཤིང་རྒྱ་མཚོ་ཆེན་པོ་སྐེམས་པར་བྱེད་དོ། །ལྷ་མ་ཡིན་གྱི་དམག་རྣམས་རྣམ་པར་བཅོམ་ནས་ཕམ་པར་བྱེད་དོ། །ཡུལ་འཁོར་རྣམས་
དང་། གྲོང་དང་། གྲོང་ཁྱེར་དང་། གྲོང་རྡལ་རྣམས་ཡོངས་སུ་བསྲུང་བར་བྱེད་དོ། །འདྲེ་གདོན་དང་། ནད་དང་། སྨན་གྱི་དུག་དང་། སྲིན་བུའི་དུག་དང་། ལོག་པ་དང་། མ་རུངས་པའི་མི་རྣམས་ཕམ་ཞིང་རབ་ཏུ་ཞི་བར་བྱེད་དོ། །
སུམ་བཅུ་རྩ་གསུམ་པའི་ལྷ་རྣམས་བཏུལ་ནས་རབ་ཏུ་དུལ་བར་བྱེད་དོ་ཞེས་སྨྲས་པ་དང་། དེ་ནས་བཅོམ་ལྡན་འདས་རྡོ་རྗེ་ཆེན་པོའི་ཕོ་བྲང་རབ་ཏུ་དགའ་བ་ན་བཞུགས་པ་དང་། བྱང་ཆུབ་སེམས་དཔའ་མཆོག་ཏུ་བཙུན་པ་དང་། 
ལྷ་དང་ཀླུ་དང་། གནོད་སྦྱིན་དང་། སྲིན་པོ་དང་། མི་འམ་ཅི་ལ་སོགས་པའི་འཁོར་སངས་རྒྱས་ཀྱི་ཆོས་ལ་གནས་པ་ཚད་མེད་པ་ཐམས་ཅད་ཀྱིས་ཀྱང་དུས་གཅིག་ཏུ་བསྔགས་པ་བརྗོད་པར་གྱུར་ཏོ། །དེ་ནས་བཅོམ་ལྡན་འདས་
ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་སྔགས་འདིས་ནི་སྒྲིབ་པའི་རི་བོ་ཤིན་ཏུ་རྒྱ་ཆེ་བ་དག་ཀྱང་རྣམ་པར་འཇོམ་པར་བགྱིད་པས་གང་ལ་ལ་ཞིག་
ཉན་ཏམ། ཀློག་གམ། འདོན་ཏམ། ཡོངས་སུ་འཛིན་པར་བགྱིད་དམ། མཐོང་བར་གྱུར་ན། དེ་དག་ལ་ཉོན་མོངས་པའི་སྒྲིབ་པ་ནག་པོ་ཇི་སྙེད་ཅིག་མཆིས་པ་དེ་དག་ཐམས་ཅད་ཞུ་བྱང་བར་འགྱུར་ལགས་
སོ། །གཞན་ཡང་གང་ལ་ལ་ཞིག་རྟག་པར་ནང་པར་ལངས་ནས་གུས་པའི་སེམས་ཀྱིས་ཡུམ་གྱི་གཟུངས་འདི་ལན་ཉི་ཤུ་རྩ་གཅིག་ཀློག་གམ་འདོན་པར་བགྱིད་ན།  བྱང་ཆུབ་སེམས་དཔའ་སྤྱན་རས་གཟིགས་དབང་

99-1-315b

ཕྱུག་ཉིད་རྟག་པར་དེའི་རྗེས་སུ་འབྲངས་ནས་ཡོངས་སུ་བསྲུང་བ་བགྱིད་ཅིང་ཡོངས་སུ་སྐྱོབ་པར་བགྱིད་དོ། །གང་ལ་ལ་ཞིག་སྨོན་ལམ་རྒྱ་ཆེན་པོ་དང་། ཏིང་ངེ་འཛིན་གྱི་སྒོ་རྒྱ་ཆེན་པོ་ཐམས་ཅད་མྱུར་དུ་འགྲུབ་པར་འཚལ་ན། 
གཅིག་པུ་གནས་དབེན་པར་མཆིས་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཡིད་ལ་དྲན་པར་བགྱི་ཞིང་། གཞན་ཡིད་ལ་མི་བགྱི་བར་རྟག་པར་གཟུངས་འདི་ལན་བརྒྱ་རྩ་བརྒྱད་བཟླས་བརྗོད་བགྱིས་ན་སྨོན་ལམ་
རྣམས་མི་འགྲུབ་པ་གང་ཡང་མ་མཆིས་ལགས་སོ། །གཞན་ཡང་སེམས་ཅན་ཐམས་ཅད་ཀྱི་སྙིང་དྲུང་དུ་སྡུག་པར་འགྱུར། ངན་འགྲོའི་སྒོ་ཐམས་ཅད་དུ་ལྟུང་བར་མི་འགྱུར་ལགས་སོ། །མཆིས་ཀྱང་རུང་མ་མཆིས་ཀྱང་རུང་སྟེ། 
རྟག་པར་སངས་རྒྱས་མདུན་ན་བཞུགས་པར་འདུ་ཤེས་ཉེ་བར་གཞག་པར་གྱུར་ན། གང་ཟག་དེ་སྐྱེ་བའི་གནས་བྱེ་བ་བརྒྱ་སྟོང་ཚད་མ་མཆིས་པ་ཀུན་ཏུ་བསགས་པའི་སྡིག་པའི་ལས་ཅི་མཆིས་པ་དེ་དག་ཐམས་ཅད་ཞུ་བྱང་
བར་འགྱུར། གང་ཟག་དེ་འཁོར་ལོས་སྒྱུར་བའི་རྒྱལ་པོ་སྟོང་གི་བསོད་ནམས་ཕུན་སུམ་ཚོགས་པ་དག་ལ་ལོངས་སྤྱོད་པར་འགྱུར། སྐྱེ་བ་ཐམས་ཅད་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་དུས་གཅིག་ཏུ་སྐྱེ་བར་འགྱུར། 
བཙུན་པའི་ཁྱིམ་དག་ཏུ་སྐྱེ་བར་འགྱུར་ལགས་སོ། །གང་ལ་ལ་ཞིག་རྟག་པར་སྤོས་སམ་མེ་ཏོག་སྙིམ་པ་གང་ཙམ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གཟུགས་ཀྱི་མདུན་དུ་མངོན་པར་གཏོར་ནས། གཟུངས་འདི་
ལན་ཉི་ཤུ་རྩ་གཅིག་འདོན་པར་བགྱིད་ན། སྟོང་ཆེན་པོ་འཇིག་རྟེན་གྱི་ཁམས་ཀྱི་ཡོན་ཏན་དང་སྙིང་རྗེ་ཆེན་པོའི་ཆོས་ཉིད་འཐོབ་པར་འགྱུར། གང་ཟག་དེ་འཇིག་རྟེན་ན་མཐར་གྱིས་མཐུ་ཆེན་པོ་མྱུར་དུ་མངོན་པར་འགྲུབ་པར་འགྱུར་
ལགས་སོ། །གང་ལ་ལ་ཞིག་རྟག་པར་བྱང་ཆུབ་སེམས་དཔའི་གདོང་དང་། མིག་དང་། མཚན་དང་། དཔེ་བྱད་ལ་རྣམ་པར་བལྟ་སྟེ། གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན་བྱང་ཆུབ་སེམས་དཔའ་སྤྱན་རས་

99-1-316a

གཟིགས་དབང་ཕྱུག་མྱུར་དུ་ལུས་མངོན་སུམ་དུ་བསྟན་ནས་རྣལ་འབྱོར་པས་མཐོང་བར་འགྱུར་བས། དྲི་མ་དང་བྲལ་ནས་ས་དང་པོ་དང་། སངས་རྒྱས་རྗེས་སུ་དྲན་པའི་ཏིང་ངེ་འཛིན་འཐོབ་པར་འགྱུར་བས་འོད་ཀྱིས་འཇིག་རྟེན་
གྱི་ཁམས་གསལ་བར་བགྱིད་པར་འགྱུར། འཆི་བའི་དུས་ཀྱི་ཚེ་བསམ་གཏན་དང་ཏིང་ངེ་འཛིན་ལ་སྙོམས་པར་འཇུག་པ་བཞིན་དུ་འཆི་བར་འགྱུར་བས་ཚེ་རབས་ཐམས་ཅད་དུ་སྔོན་གྱི་གནས་རྗེས་སུ་དྲན་པའི་ཤེས་རབ་འཐོབ་པར་
འགྱུར། ཁ་ན་མ་ཐོ་བའི་སྡིག་པ་ཅི་མཆིས་པ་ཐམས་ཅད་ཀྱང་ཞུ་ཞིང་བྱང་བར་འགྱུར་ལགས་སོ། །གཟུངས་འདི་ཡོངས་སུ་འཛིན་པར་འཚལ་བ་དེས་རྟག་པར་དཔྱིད་ཟླ་ར་བ་དང་། དབྱར་ཟླ་འབྲིང་པོ་དང་། སྟོན་ཟླ་ཐ་ཆུངས་ཚེས་
གཅིག་ནས་ཚེས་བཅུའི་བར་དུ་གསོ་སྦྱོང་དང་། ཚུལ་ཁྲིམས་ལ་གནས་ནས་གོས་དཀར་པོ་གཙང་མ་བགོས་ཏེ། ཟས་དཀར་གསུམ་འཚལ་ནས་རིང་བསྲེལ་དང་བཅས་པའི་མཆོད་རྟེན་ནམ། རིང་བསྲེལ་གྱི་མདུན་དུ་ཙན་དན་དཀར་པོ་
འི་འཇིམ་པ་ལས་དཀྱིལ་འཁོར་ཁྲུ་གང་གྲུ་བཞི་པ་བགྱིས་ནས། མེ་ཏོག་དང་སྤོས་རྣམ་པ་སྣ་ཚོགས་དཀྱིལ་འཁོར་གྱི་ནང་དུ་གཏོར་ནས་དེ་བཞིན་གཤེགས་པའི་སྐུ་གཟུགས་ཀྱི་སྤྱན་སྔར་སྤོས་ཀྱིས་གདུགས་ཏེ་ཞུགས་མར་གཏམས་ནས་
སངས་རྒྱས་དང་བྱང་ཆུབ་སེམས་དཔའ་རྣམས་ལ་གུས་པའི་སེམས་བསྐྱེད་དེ། རྟག་པར་གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན། ཚེས་བཅྭ་ལྔའི་ནུབ་མོ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཉིད་དཀྱིལ་འཁོར་
གྱི་ནང་དུ་མཆི་བར་འགྱུར་བས་རྣལ་འབྱོར་པས་མཐོང་མ་ཐག་ཏུ་མཚམས་མ་མཆིས་པ་ལྔའི་ཁ་ན་མ་ཐོ་བ་ཤིན་ཏུ་ལྕི་བའི་སྒྲིབ་པ་ཅི་མཆིས་པ་ཐམས་ཅད་ཞུ་བྱང་ནས་ལུས་དང་། ངག་དང་། ཡིད་ཀྱི་ལས་ཐམས་ཅད་ཡོངས་སུ་དག་པར་འགྱུར་བས་སངས་
རྒྱས་ཀྱི་ཏིང་ངེ་འཛིན་གྱི་མཐུ་དང་། དབང་བསྐུར་བའི་སའི་མཐུ་དང་། ཕ་རོལ་ཏུ་ཕྱིན་པའི་སའི་མཐུ་དང་། ཁྱད་པར་དུ་འཕགས་པའི་ཡེ་ཤེས་ཀྱིས་ཡང་འཐོབ་པར་འགྱུར་ལགས་སོ། །བཅོམ་ལྡན་འདས་གལ་ཏེ་དགུང་ཆར་

99-1-316b

དབབ་པར་འཚལ་བར་གྱུར་ན། གནམ་དུ་བལྟས་ནས་གཟུངས་འདི་སྟོང་རྩ་བརྒྱད་འདོན་པར་བགྱིད་ན་ཟིལ་དངར་གྱི་ཆར་དུས་བཞིན་དུ་དབབ་པར་འགྱུར་ལགས་སོ། །དོག་ས་ལ་བལྟས་ནས་གཟུངས་འདི་ལན་སྟོང་རྩ་བརྒྱད་ཚང་བར་འདོན་
པར་བགྱིད་ན་འབྲུ་རྣམ་པ་སྣ་ཚོགས་ལེགས་པར་འགྱུར་ལགས་སོ། །གཙང་པོ་དང་། ཆབ་མིག་བསྐམས་པའི་དྲུང་དུ་གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན་ཆབ་འཕེལ་ཞིང་རྒྱས་པར་འགྱུར་ལགས་སོ། །བྲོ་ནད་ཀྱིས་ཐེབས་
པ་ཐམས་ཅད་ཀྱི་མདུན་དུ་རང་གི་སུག་པ་ལག་པ་ལ་སྔགས་འདིས་ལན་བདུན་བསྔགས་ཏེ་སུག་པས་བྱ་བས་ན་འཚོ་བར་འགྱུར་ལགས་སོ། །གང་དྲན་པ་ཉམས་པའི་མདུན་དུ་གཟུངས་འདི་ལན་སྟོང་རྩ་བརྒྱད་བཟླས་བརྗོད་བགྱིས་ན་ཡང་དག་
པའི་དྲན་པ་འཐོབ་པར་འགྱུར་ལགས་སོ། །གང་དག་བཀྲེས་སྐོམ་གྱིས་ཉེན་པའི་མདུན་དུ་དེའ་གདོང་ལ་བལྟས་ནས་གཟུངས་འདི་ལན་སྟོང་རྩ་བརྒྱད་བཟླས་བརྗོད་བགྱིས་ན་བཀྲེས་སྐོམ་གྱིས་ཉེན་པའི་འདུ་ཤེས་ངན་པ་ཐམས་
ཅད་རབ་ཏུ་བསལ་བར་འགྱུར་ལགས་སོ། །གང་དག་མཚམས་དགུམ་པར་འཚལ་ན་རྫིང་ཆབ་ཀྱི་ནང་དུ་ཞུགས་ཏེ། ཆོས་བཞིན་དུ་གཟུངས་འདི་ཡོངས་སུ་རྫོགས་པར་བྲིས་ནས་རྒྱལ་མཚན་གྱི་ཁར་བཏགས་ན་དཔག་
ཚད་བརྒྱ་ཚུན་ཆད་དུ་གདོན་བགེགས་ཅི་ཡང་མ་མཆིས་ཏེ། མཚམས་བཀུམས་པ་ཉིད་དུ་གྱུར་ནས་ཡོངས་སུ་བསྲུངས་པར་འགྱུར་ལགས་སོ། །རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་རྟག་པར་གདུགས་
གཅིག་བཞིན་དུ་གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན་གང་ཟག་དེའི་བསོད་ནམས་བརྗོད་ཀྱིས་མི་ལང་བས་རིག་སྔགས་འཛིན་པ་དེ་དག་བཙུན་ཞིང་དབང་ཕྱུག་དང་ལྡན་པར་འགྱུར། གཞན་ཡང་སྐྱེ་བོ་མང་པོ་ཀུན་གྱིས་བྱམས་ཤིང་
བསྙེན་བཀུར་བགྱིད་པར་འགྱུར། སྨོན་ལམ་རྣམས་ཡིད་བཞིན་དུ་ཡོངས་སུ་རྫོགས་པར་འགྱུར་ལགས་སོ། །གང་དག་བདུད་གདུལ་བར་འཚལ་ན་ཡུམ་གྱི་གཟུངས་འདི་བཟླས་ཏེ། གུ་གུལ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་

99-1-317a

ནས་སྔགས་འདི་ལན་རེ་བཟླས་ཤིང་ལན་ཅིག་བསྲེག་པར་བྱས་ནས་ལན་བརྒྱ་རྩ་བརྒྱད་ཚང་བར་བགྱིས་ན་ཡོངས་སུ་བསལ་བར་འགྱུར་ལགས་སོ། །གལ་ཏེ་སྐྱེ་བོ་མང་པོ་ཐམས་ཅད་དགའ་བར་འཚལ་ན་རྟག་པར་ལྕང་མའི་ལྕུག་
མ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། གཡར་ཁར་བཅས་ན་ཐམས་ཅད་ཀྱིས་བྱམས་ཤིང་བཀུར་བར་འགྱུར་ལགས་སོ། །གང་དག་བདག་ཉིད་སྤོབས་པ་དང་། ཤེས་རབ་དང་ལྡན་པར་འཚལ་ན་ཤུ་དག་སྲང་གཅིག་
ཕྱེ་མར་བཏགས་ཏེ། ཆབ་མར་དང་སྦྲང་རྩི་དང་། སྦྱར་ནས་རི་ལུ་བགྱིས་ཏེ། ཡུམ་གྱི་གཟུངས་འདིས་མཚན་མ་གསུམ་པོ་འདི་ལྟ་སྟེ། དྲོད་དང་། དུད་པ་དང་། འོད་བྱུང་གི་བར་དུ་སྔགས་ཀྱིས་གདབ་པར་བགྱིའོ། །མཚན་མ་དེ་
དག་ཐོབ་ནས་གདུགས་རེ་བཞིན་སྨན་གྱི་རི་ལུ་ཙམ་བདུན་བདུན་འཚལ་ནས་སྙིང་གར་ཡང་བྱུག་པར་བགྱི་སྟེ། དེ་ལྟར་ཞག་བརྒྱའི་བར་དུ་འཚལ་ན་ཐོགས་པ་མ་མཆིས་པའི་སྤོབས་པ་འཐོབ་པར་འགྱུར་བས། བདག་ཉིད་ཀྱི་ལུས་
བསྲུང་བའི་སླད་དུ་གདུགས་རེ་ཞིང་ཡུམ་གྱི་གཟུངས་འདི་ལན་བརྒྱ་རྩ་བརྒྱད་བཟླས་ནས་ཕྱག་རྒྱ་རྣམ་པ་བཅུ་གཉིས་ཀྱང་བགྱིའོ། །དེ་ལ་དང་པོ་བྱང་ཆུབ་སེམས་དཔའ་མིག་སྟོང་དང་ལྡན་པའི་ལུས་ཀུན་ཏུ་བསྡུད་པའི་ཕྱག་རྒྱ་ནི་
འདི་ལགས་ཏེ། སྔར་ལངས་ནས་འགྲེངས་སྟེ། ལུས་དྲང་པོར་བསྲང་ནས་རྐང་པ་གཉིས་གཤིབས་ཏེ། རྐང་པ་གཡས་པ་ཆུང་ཟད་ཅིག་དགུག་པར་བགྱིའོ། །སྔར་སུག་པ་ལག་པ་གཡོན་པ་འཐུར་དུ་བརྐྱང་ནས་གུང་
མོ་དང་སྲིན་ལག་གཉིས་བཀུག་སྟེ། ལག་མཐིལ་དུ་གཞག་ལ། མཐེའུ་ཆུང་དང་། མཛུབ་མོ་དང་། མཐེ་བོང་ནི་ཡན་པར་བརྐྱང་སྟེ། ལག་མཐིལ་བཀན་ནས་གྱེན་དུ་ཕྱོགས་པར་བགྱིའོ། །དེའི་རྗེས་ལ་སུག་པ་གཡས་པ་ཡང་
དེ་བཞིན་དུ་བགྱིས་ནས་གུང་མོ་བཀུག་སྟེ། ཕྲག་པ་དང་མཉམ་པར་བགྱིས་ནས་ལག་མཐིལ་མདུན་དུ་བལྟ་བར་བགྱི་སྟེ། འདི་ནི་ལུས་ཀུན་སྡུད་པའི་ཕྱག་རྒྱ་ཞེས་བགྱིའོ། །གལ་ཏེ་བདུད་དང་མུ་སྟེགས་ཅན་ལོག་པར་

99-1-317b

ལྟ་བའི་ཐིབས་པོ་བཅོམ་ནས་ཡང་དག་པའི་ལམ་དུ་གཟུད་པར་འཚལ་ན། ཕྱག་རྒྱ་འདི་བགྱིས་ནས་སྔགས་ལན་ཉི་ཤུ་རྩ་གཅིག་བཟླས་ནས་གདོན་མི་འཚལ་བར་སྨོན་པ་བཞིན་དུ་གྲུབ་པར་འགྱུར་ལགས་སོ། །གཟུངས་ནི་འདི་ལྟ་སྟེ། ན་མོ་རཏྣ་ཏྲ་ཡཱ་ཡ། 
ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨ་བཏྟ། ཨ་བཏྟ། པ་རི་བིཏྟ། ཨེ་ཧི་ཨེ་ཧི་སྭཱ་ཧཱ། དེ་ལ་གཉིས་པ་བྱང་ཆུབ་སེམས་དཔའ་མིག་སྟོང་དང་ལྡན་པའི་ཀུན་འཛིན་གྱི་
གཟུངས་ཀྱི་ཕྱག་རྒྱ་ནི་འདི་ལགས་ཏེ། སྔ་མའི་ལུས་ཀུན་བསྡུད་པའི་ཕྱག་རྒྱ་བཞིན་དུ་ཐལ་མོ་སྦྱར་ཏེ་སྙིང་གར་གཞག་ནས་སོར་མོ་ལྔ་སྣོལ་མར་བཏང་སྟེ། གཡོན་པས་གཡས་པ་མནན་ནས་མཛུབ་མོ་གཉིས་དྲང་པོར་བསྒྲེང་སྟེ་རྩེ་མོ་ཕྲད་
པར་བགྱིས་ལ། མཐེ་བོ་གཉིས་མཛུབ་མོ་གཉིས་ཀྱི་ཚིགས་པ་དང་པོ་ལ་མནན་ནས་ཅུང་ཟད་ཅིག་དབྱེ་བར་བགྱི་སྟེ། འདི་ནི་ཀུན་འཛིན་གྱི་གཟུངས་ཀྱི་ཕྱག་རྒྱ་ཞེས་བགྱིའོ། །ཕྱག་རྒྱ་འདིའི་བགྱིས་པར་གྱུར་ན་བསྐལ་པ་ཚད་
མ་མཆིས་པ་ཚུན་ཆད་ཀྱི་འཁོར་བའི་སྡིག་པའི་ལས་ཅི་མཆིས་པ་ཐམས་ཅད་དུས་གཅིག་ཏུ་ཡོངས་སུ་བྱང་བར་འགྱུར། སླད་མའི་དུས་ཀྱི་ཚེ་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པ་དག་ཏུ་སྐྱེ་བར་འགྱུར་ལགས་སོ། །
བཅོམ་ལྡན་འདས་ཤཱཀྱ་ཐུབ་པ་མངོན་པར་རྫོགས་པར་བྱང་ཆུབ་ཏུ་ཉེ་བའི་ཚེ་བདུད་ཀྱི་རྒྱལ་པོས་གླགས་བཙལ་བ་དང་། ཀུན་འཛིན་གྱི་གཟུངས་ཀྱི་ཕྱག་རྒྱ་འདི་མཛད་པས་ཤིན་ཏུ་བདེ་བའི་བསམ་གཏན་དང་། ཏིང་ངེ་འཛིན་བརྙེས་
པར་གྱུར་ཏོ། །གཟུངས་ནི་འདི་ལྟ་སྟེ། ཏདྱ་ཐཱ། སརྦ་དྷཱ་ར་ཎཱི་མཎྜ་ལ། ཨེ་ཧི་ཨེ་ཧི། པྲ་བྷ་ཤུདྡྷ་སཏྭཱ་བཱ་ཡ་སྭཱ་ཧཱ། དེ་ལ་གསུམ་པ་བྱང་ཆུབ་སེམས་དཔའ་མིག་སྟོང་དང་ལྡན་པའི་རྣམ་པར་ཐར་པ་དང་། བསམ་གཏན་དང་། 
ཏིང་ངེ་འཛིན་གྱི་ཕྱག་རྒྱ་ནི་འདི་ལགས་ཏེ། སྔར་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། སྤྱི་བོ་ཐལ་མོ་སྦྱར་ནས་མཛུབ་མོ་གཉིས་བཀུག་སྟེ་རྩེ་མོ་སྤྲད་ལ་མཐེ་བོ་གཉིས་མཛུབ་

99-1-318a

མོའི་ཚིགས་གཉིས་པའི་སྟེང་ཏུ་བཀན་པར་བགྱི་སྟེ། ཆོས་ཀྱི་ཕྱག་རྒྱ་འདི་ནི་རྣམ་པར་ཐར་པ་དང་། བསམ་གཏན་དང་། ཏིང་ངེ་འཛིན་གྱི་ཕྱག་རྒྱ་ཞེས་བགྱིའོ། །འདས་པའི་དེ་བཞིན་གཤེགས་པ་ཐམས་ཅད་ཀྱིས་ཀྱང་ཆོས་འདི་མངོན་པར་བསྒྲུབས་
པས་བསམ་གཏན་དང་། ཏིང་ངེ་འཛིན་དང་། རྣམ་པར་གྲོལ་བ་བརྙེས་པ་ལགས་ཏེ། རིག་སྔགས་ནི་སྔ་མ་དང་མཐུན་ལགས་སོ། །གང་ལ་ལ་ཞིག་གདུགས་རེ་བཞིན་དུ་ཕྱག་རྒྱ་འདི་བགྱིས་ཏེ་མཆོད་པ་བགྱིས་ན་ཕྱོགས་བཅུའི་
སངས་རྒྱས་རྣམས་མྱུར་དུ་མཐོང་བར་འགྱུར་རོ། །དེ་ལ་བཞི་པ་བྱང་ཆུབ་སེམས་དཔའ་མིག་སྟོང་དང་ལྡན་པའི་ཕྱག་རྒྱ་ནི་འདི་ལགས་ཏེ། ལངས་ནས་འགྲེང་སྟེ་རྐང་པ་གཉིས་གཤིབས་ནས་སྔར་གུང་མོ་དང་སྲིན་ལག་དང་། མཐེའུ་
ཆུང་རྣམས་རྒྱབ་སྤྲད་ལ་མཛུབ་མོ་གཉིས་བསྒྲེང་སྟེ་རྩེ་མོ་སྤྲད་ནས་མཐེ་བོ་གཉིས་མཛུབ་མོའི་ཚིགས་གཉིས་པའི་སྟེང་དུ་མནན་ཏེ། ལག་པ་གཉིས་ཀྱི་བར་དུ་ཚོན་སྣ་ལྔ་ཙམ་ཕྱེ་ནས་སྨིན་མཚམས་སུ་གཞག་པར་བགྱི་སྟེ། འདི་ནི་མིག་
སྟོང་དང་ལྡན་པའི་ཕྱག་རྒྱ་ཞེས་བགྱིའོ། །ཕྱག་རྒྱའི་ཆོས་ཀྱི་སྒོ་འདི་བགྱིས་པར་གྱུར་ན་སངས་རྒྱས་ཀྱི་ཞིང་ཡོངས་སུ་དག་པའི་འཇིག་རྟེན་གྱི་ཁམས་གྱ་ནོམ་པ་བྱེ་བ་ཕྲག་བརྒྱ་སྟོང་སྙེད་མཐོང་བར་འགྱུར་ཏེ། སངས་རྒྱས་ཀྱི་ཞིང་ཁམས་
རེ་རེ་ནས་ཀྱང་བྱང་ཆུབ་སེམས་དཔའ་འབུམ་ཕྲག་བཅུ་དང་བཞི་སྟོང་རྣལ་འབྱོར་པ་དེའི་གྲོགས་བགྱིད་པར་འགྱུར་ལགས་སོ། །གང་དག་དཀྱིལ་འཁོར་གྱི་ཆོས་ཀྱི་སྒོར་ལན་གསུམ་མ་ཞུགས་པ་དེ་དག་གིས་ནྀ་ཕྱག་རྒྱའི་ཆོས་ཀྱི་སྒོ་འདི་མཐོང་
དུ་ཡང་མི་རུང་ལ་ཆོ་ག་འདི་ཡང་བགྱིར་མི་རུང་ལགས་སོ། །རྟགས་མཐོང་བའི་བྱང་ཆུབ་སེམས་དཔའ་ཆོས་དང་ཡེ་ཤེས་ཀྱི་མངོན་པར་ཤེས་པ་གསལ་བ་གཅིག་ལགས་ན་ནི། ཅི་དང་ཅི་སྨོན་པ་དེ་དག་ཐམས་ཅད་ཡོངས་སུ་རྫོགས་པར་འགྱུར་
ལགས་སོ། །གཟུངས་ནི་འདི་ལྟ་སྟེ། ཨོཾ་སརྦ་ཙཀྵུ་ར་ཀ་རཱ་ཡ་དྷཱ་ར་ཎི་ཨིནྡྲཱི་ཡ་སྭཱ་ཧཱ། དེ་ལ་ལྔ་པ་བྱང་ཆུབ་སེམས་དཔའ་མིག་སྟོང་དང་ལྡན་པའི་ལག་སྟོང་ཀུན་བསྡུད་པའི་ཕྱག་རྒྱ་ནི་འདི་ལགས་ཏེ། ལངས་ནས་སུག་པ་རྐང་པ་

99-1-318b

བཤིབས་ཏེ། སྔར་སུག་པ་ལག་པ་གཡས་པའི་ལག་མཐིལ་བཀང་ནས་སོར་མོ་ལྔ་སོ་སོར་ཕན་ཚུན་དུ་བསྙེན་ཏེ། དེའི་རྗེས་ལ་སུག་པ་ལག་པ་གཡོན་པའི་ལག་མཐིལ་གཡས་པའི་སྟེང་དུ་མནན་ནས་སྙིང་གར་འཇོག་པ་གང་ལག་པ་འདི་ནི་ལག་
སྟོང་ཀུན་བསྡུད་པའི་ཕྱག་རྒྱ་ཞེས་བགྱི་སྟེ། འདིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་བདུད་ཇི་སྙེད་མཆིས་པ་ཐམས་ཅད་བསྡུད་ཅིང་འདུལ་བར་བགྱིད་ལགས་སོ། །གཟུངས་སྔགས་ནི་འདི་ལྟ་སྟེ། ཏདྱ་ཐཱ། 
ཨཱ་བ་ལོ་ཀི་ཏེ་ཤྭ་རཱ་ཡ། སརྦ་དུཥྚ་ཨོ་ཧཱ་ཡ་ནི་སྭཱ་ཧཱ། དེ་ལ་དྲུག་པ་བྱང་ཆུབ་སེམས་དཔའ་མིག་སྟོང་པས་ཏིང་ངེ་འཛིན་རྟོགས་པར་འགྱུར་བའི་ཕྱག་རྒྱ་ནི་འདི་ལགས་ཏེ། འགྲེང་སྟེ་རྟིང་པ་གཉིས་སྤྲད་ནས། སྔར་སུག་པ་ལག་
པ་གཡོན་པའི་སོར་མོ་བསྒྲེང་སྟེ་གུང་མོ་བཀུག་ནས་མདུན་དུ་ཕུལ་ལ། དེའི་རྗེས་ལ་སུག་པ་ལག་པ་གཡས་པ་ཡང་དེ་བཞིན་དུ་བགྱིས་ནས་གུང་མོ་བཀུག་སྟེ་ནང་ལོགས་སུ་ཕུལ་བ་འདི་ནི་ཏིང་ངེ་འཛིན་རྟོགས་པར་འགྱུར་བའི་ཕྱག་རྒྱ་ཞེས་
བགྱི་བ་ལགས་ཏེ། འདིས་ཏིང་ངེ་འཛིན་དང་། ཡེ་ཤེས་ཀྱི་ཕྱག་རྒྱའི་བཀོད་པ་དང་། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ཡང་རྟོགས་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མངོན་དུ་བགྱིད་པར་
འགྱུར་ལགས་སོ། །རིག་སྔགས་ནི་སྔ་མ་ཉིད་བཟླ་བར་བགྱིའོ། །དེ་ལ་བདུན་པ་བྱང་ཆུབ་སེམས་དཔའ་མིག་སྟོང་པས་ལྷ་ཀླུ་སྡེ་བརྒྱད་དང་། འདྲེ་སྲིན་རྣམས་དགུག་ཅིང་བསྡུད་པའི་ཕྱག་རྒྱ་ནི་འདི་ལགས་ཏེ། འགྲེང་ནས་
རྐང་པ་གཉིས་གཤིབས་ཏེ། སྔར་སུག་པ་ལག་པ་གཡོན་པའི་སྲིན་ལག་གིས་མཐེ་བོའི་སེན་མོ་ལ་རེག་པར་བགྱིས་ནས། དེའི་རྗེས་ལ་སུག་པ་ལག་པ་གཡས་པ་ཡང་དེ་བཞིན་དུ་བགྱིས་ཏེ། མཐེའུ་ཆུང་དང་གུང་མོ་གཉིས་
དྲང་པོར་བསྒྲེང་ནས་རྩེ་མོ་ཕན་ཚུན་ཕྲད་པར་བགྱིས་ལ། ལག་ངར་གྱི་ཚིགས་གཉིས་སྦྱར་ནས་མཛུབ་མོ་ནི་ཕན་ཚུན་རྒྱུ་བར་བགྱིའོ། །རིགས་སྔགས་ནི་འདི་ལྟ་སྟེ། ཨོཾ་སརྦ་དེ་བ་ནཱ་ག་ཨ་ན་རི་སྭཱ་ཧཱ། དེ་ལ་བརྒྱད་པ་

99-1-319a

བྱང་ཆུབ་སེམས་དཔའ་མིག་སྟོང་པས་ཚངས་པ་ཆེན་པོ་དང་། བརྒྱ་བྱིན་ལྷའི་དབང་པོ་གཡར་དྲང་ནས་ཆོས་འདྲི་བའི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མའི་སྟེང་དུ་ལག་ངར་གྱི་ཚིགས་གཉིས་ཕྱེ་ནས་སུག་པ་ལག་པའི་ཟུར་སྤྲད་དེ། ལག་མཐིལ་
བཀན་ལ་མཛུབ་མོ་ནི་ཕན་ཚུན་རྒྱུ་བར་བགྱིའོ། །རིགས་སྔགས་ནི་འདི་ལྟ་སྟེ། ཨོཾ་མ་ཧཱ་བྲཧྨཱ་ཡ་ཨེ་ཧི་ཨེ་ཧི་སྭཱ་ཧཱ། ཕྱག་རྒྱ་དང་རིག་སྔགས་འདིས་ནི་གཟུངས་ཀྱི་ཕྱག་རྒྱའི་སྒོ་མོ་ཚད་མ་མཆིས་ཤིང་གྲངས་མ་མཆིས་པ་ཐམས་ཅད་ཡང་དག་པར་
བསྡུད་ཅིང་འདུ་བར་བགྱིའོ། །གལ་ཏེ་ཉི་ཟླ་ལ་གཟའ་ཞུགས་པར་གྱུར་ན། ཆབ་མར་ལ་ལན་བརྒྱ་རྩ་བརྒྱད་སྔགས་ཀྱིས་གདབ་པར་བགྱིའོ། །ཡང་ན་ལན་ཉི་ཤུ་རྩ་གཅིག་སྔགས་བཟླ་བར་བགྱིའོ། །ཆབ་མར་ཕྱག་རྒྱས་བཏབ་སྟེ་འཚལ་
ན་དབང་པོ་རྣོ་བར་འགྱུར་བས་གདུགས་གཅིག་ལ་ཤློ་ཀ་ཁྲི་ལོབས་པར་འགྱུར་ལགས་སོ། །ཕྱག་རྒྱའི་ཆོས་ཀྱི་སྒོ་མོ་འདི་ནི་དེ་བཞིན་གཤེགས་པ་ཉི་མའི་སྙིང་པོས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་བཀའ་སྩལ་པ་ལགས་
སོ། །དེ་ལ་དགུ་པ་བྱང་ཆུབ་སེམས་དཔའ་མིག་སྟོང་པའི་རབ་ཏུ་དགའ་བའི་ཡིད་བཞིན་གྱི་ནོར་བུའི་ཕྱག་རྒྱ་ནི་འདི་ལགས་ཏེ། འགྲེང་ནས་སྙིང་གར་ཐལ་མོ་སྦྱར་ཏེ། མཐེ་བོ་གཉིས་ཀ་ལག་མཐིལ་དུ་བཀུག་ནས་སོར་མོ་གཞན་བཞི་
ནི་དྲང་པོར་བསྒྲེང་སྟེ་སྙིང་གར་ཐལ་མོ་སྦྱར་ནས་རིག་སྔགས་སྔ་མ་འདོན་པར་བགྱིད་ན། གདོན་མི་འཚལ་བར་ལྷ་རྣམས་ཀྱི་གཞལ་མེད་ཁང་དག་དུ་འཇུག་པར་འགྱུར་ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་ཀུན་ཏུ་རྒྱུ་ཞིང་རིན་པོ་ཆེ་
བརྒྱད་སྟོང་བསམས་པ་བཞིན་ཐོབ་ནས་སངས་རྒྱས་རྣམས་ལ་མཆོད་པ་བགྱིད་པར་འགྱུར་ལགས་སོ། །གང་ལ་ལ་ཞིག་ཆོས་ཀྱི་སྒོ་འདི་མངོན་པར་བསྒྲུབ་པ་གང་ལགས་པ་དེས་ནང་པར་སྔར་ལངས་ནས་ཁྲུས་ཡོངས་སུ་དག་པར་བགྱིས་
ཏེ། ཕྱག་རྒྱ་འདི་བགྱིས་ན་ཕྱོགས་བཅུའི་སངས་རྒྱས་གང་གཱའི་ཀླུང་གི་བྱེ་མ་སྙེད་མངོན་སུམ་དུ་མཐོང་ནས། བསྐལ་པ་ཚད་མ་མཆིས་པ་སྙེད་ཀྱི་འཁོར་བའི་ལས་ངན་པའི་ཁ་ན་མ་ཐོ་བ་ལྕི་བ་རྣམས་ཡོངས་སུ་བྱང་བར་འགྱུར་བས། 

99-1-319b

དེའི་སླད་དུ་ཡོན་ཏན་འདི་ལྟ་བུའི་བསྔགས་པ་བརྗོད་པ་ལགས་སོ། །དེ་ལ་བཅུ་པ་བྱང་ཆུབ་སེམས་དཔའ་མིག་སྟོང་པའི་སྨོན་པ་རྣམས་ཡིད་བཞིན་དུ་མངོན་པར་འགྲུབ་པའི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མ་བཞིན་དུ་བགྱིས་པ་ལས་
མཛུབ་མོ་གཉིས་བཀུག་སྟེ་མཐེ་བོ་གཉིས་ཀྱི་སེན་མོ་མནན་ནས་མཛུབ་མོའི་སེན་མོ་ནི་རྒྱབ་སྤྲད་པར་བགྱི་སྟེ། རིག་སྔགས་ནི་སྔ་མ་ཉིད་བཟླ་བར་བགྱིའོ། །དེ་ལྟར་བགྱིས་ན་སྨོན་པ་རྣམས་མངོན་པར་འགྲུབ་ཅིང་གདོན་མི་ཟ་བར་
བྱང་ཆུབ་ཀྱི་ལམ་ལས་ལྡོག་པར་མི་འགྱུར་ལགས་སོ། །དེ་ལ་བཅུ་གཅིག་པ་བྱང་ཆུབ་སེམས་དཔའ་མིག་སྟོང་པའི་འགོག་པའི་སྙོམས་པར་འཇུག་པའི་ཏིང་ངེ་འཛིན་གྱི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མ་བཞིན་དུ་བགྱིས་
པ་ལས་མཛུབ་མོ་ལྔ་དྲང་པོར་བསྒྲེང་སྟེ་ཐལ་མོ་དབྱེ་བར་བགྱིའོ། །ཕྱག་རྒྱ་འདི་ནི་བདག་སྔོན་རྒྱུའི་ས་ལ་གནས་པའི་ཚེ་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་རྣམས་ཀྱིས་བདག་ལ་སྩལ་བས་བདག་བླ་ན་མེད་པ་ཡང་དག་
པར་རྫོགས་པའི་བྱང་ཆུབ་ཀྱི་ལམ་མངོན་སུམ་དུ་གྱུར་པ་ལགས་ཏེ། རིག་སྔགས་ནི་སྔ་མ་ཉིད་བཟླ་བར་བགྱིའོ། །དེ་ལ་བཅུ་གཉིས་པ་བྱང་ཆུབ་སེམས་དཔའ་མིག་སྟོང་དང་ལྡན་པས་སངས་རྒྱས་སྤྱན་འདྲེན་པའི་ཏིང་ངེ་འཛིན་གྱི་ཕྱག་
རྒྱ་ནི་འདི་ལགས་ཏེ། ཕྱག་རྒྱ་སྔ་མ་བཞིན་དུ་སྙིང་གར་ཐལ་མོ་སྦྱར་ནས་མཛུབ་མོ་གཉིས་ཕན་ཚུན་རྒྱུ་བར་བགྱིའོ། །རིག་སྔགས་ནི་འདི་ལྟ་སྟེ། ཨོཾ་སརྦ་བུདྡྷ་ས་མ་ཡ་ཨེ་ཧི་ཨེ་ཧི་བྲདྷྨ་ཤུདྡྷ་སཏྭ་སྭཱ་ཧཱ། དེ་ལ་བྱང་ཆུབ་
སེམས་དཔའ་མིག་སྟོང་ལག་སྟོང་དང་ལྡན་པའི་དཀྱིལ་འཁོར་འབྲི་བའི་ཆོ་ག་ནི་འདི་ལགས་ཏེ། བཅོམ་ལྡན་འདས་རྫུ་འཕྲུལ་ཆེན་པོ་དང་ལྡན་པའི་ཡུམ་གྱི་དཀྱིལ་འཁོར་དང་རིག་སྔགས་དང་། ཕྱག་རྒྱའི་ཆོས་འདིས་ནི་དུས་
ཐ་མའི་དུས་ཀྱི་ཚེ་རིག་སྔགས་འཛིན་པ་རྣམས་དེ་བཞིན་གཤེགས་པའི་རིག་སྔགས་ཀྱི་གཟུངས་སྔགས་ཀྱི་དཀྱིལ་འཁོར་མཉམ་པའི་ཏིང་ངེ་འཛིན་ཐམས་ཅད་མྱུར་དུ་གསལ་བར་མཐོང་བར་བགྱིད་པས། རིག་སྔགས་འཛིན་པའི་

99-1-320a

གང་ཟག་གང་ལགས་པ་དེས་རྟག་པར་ངག་བསྡམས་ཏེ། བྲེ་མོའི་གཏམ་རྣམས་སྨྲ་བར་མི་བགྱིའོ། །གཟུངས་ལས་བྱུང་བའི་རྫུ་འཕྲུལ་དང་། ཏིང་ངེ་འཛིན་དང་། མཚན་མ་ཡ་མཚན་ཅན་རྣམ་པ་སྣ་ཚོགས་གང་ལགས་པ་དེ་དག་མ་བརྟགས་
པར་བབ་ཅོལ་དུ་བརྒྱུད་པར་མི་བགྱིའོ། །ཡོངས་སུ་དད་པའི་སེམས་ཀྱིས་དྲན་པ་ཉེ་བར་གཞག་ནས་སྐད་ཅིག་ཙམ་དུ་ཡང་རྣམ་པར་གཡེང་བར་མི་བགྱིའོ། །གལ་ཏེ་ཁེ་ལག་པས་སླད་རོལ་ཏུ་གཞན་དག་ལ་ཐ་དད་པའི་མཚན་མ་སྟོན་པར་
བགྱིད་ན། སྡིག་པའི་ལས་སྦྱོང་བར་འཚལ་ཡང་དེ་དག་འགྲུབ་པར་མི་འགྱུར་ལགས་སོ། །གལ་ཏེ་ཡང་དག་པའི་ཡོངས་སུ་དང་བ་དང་། ཆོས་ཀྱི་བསམ་པ་གང་ལགས་པ་དེས་བསྒོམ་པར་མི་བགྱིད་ན། བགྱིས་པ་རྣམས་ཆབ་འཚལ་ཞིང་
དོན་མ་མཆིས་པར་སྡུག་བསྔལ་སྣ་ཚོགས་མྱོང་བ་ཙམ་དུ་བས་ཀྱི། ནམས་ཀྱང་སྒྲུབ་པ་དག་མངོན་པར་འགྲུབ་པར་མི་འགྱུར་བས། རྟག་པར་ནན་ཏན་བརྩོན་འགྲུས་ཀྱིས་ཚུལ་ཁྲིམས་ཡོངས་སུ་དག་པར་བསྲུངས་ནས་བསྐུ་བ་རྣམ་པ་ལྔ་དང་། 
ཤ་ཆང་འཚལ་བར་མི་བགྱིའོ། །གལ་ཏེ་དབྱེན་ཚིག་དང་། གཡོ་སྒྱུའི་ཚིག་དང་། ཕྲག་དོག་གི་ཚིག་སྨྲ་བར་གྱུར་ཏམ། དཀྱིལ་འཁོར་དང་། ཕྱག་རྒྱ་དང་། རིག་སྔགས་ཀྱི་ཆོ་ག་རྐུ་བའི་ནོངས་པ་འདི་དག་འབྱུང་བར་གྱུར་ན། སངས་རྒྱས་
དང་བྱང་ཆུབ་སེམས་དཔའ་ཐམས་ཅད་ཀྱིས་སྤོང་བར་མཛད་པས། འདི་སྐད་དུ་ངས་ཁྱེད་སྤངས་པ་མ་ཡིན་ཡང་གཟིགས་ཤིང་ཡོངས་སུ་བསྡུ་བའི་འོས་མ་ཡིན་ནོ་ཞེས་གསུང་བར་འགྱུར་ཏེ། བཅོམ་ལྡན་འདས་གང་ཟག་དེ་དག་ནི་དེ་བཞིན་
གཤེགས་པ་ཐམས་ཅད་ཀྱི་ཚུལ་ཁྲིམས་ཡོངས་སུ་དག་པ་བཤིག་པ་དང་། དཀོན་མཆོག་གསུམ་དང་ཡང་དག་པའི་ཆོས་དང་། དགེ་བའི་མཚན་ཉིད་ཐམས་ཅད་ལ་སྐུར་ཅིང་འཇིག་པར་བགྱིད་པ་ལགས་པས། དེ་ལྟ་བུའི་གང་ཟག་དེ་
དག་ནི་རྟག་པར་ལྷའི་བུའི་བདུད་དང་། འདྲེ་གདོན་ཐམས་ཅད་དང་། མུ་སྟེགས་ཅན་རྣམས་དང་། བི་ཡ་ཀ་རྣམས་དང་། ཁམས་གཅིག་ཏུ་བསྡུ་བ་དང་། ལས་གཅིག་ལ་གནས་པ་དང་། གཏན་ཏུ་སྐྱབས་མ་མཆིས་པར་

99-1-320b

གྱུར་པ་ལགས་པས། འཕགས་པ་རྣམས་ཀྱིས་ཡོངས་སུ་སྐྱོབ་པར་མི་མཛད་ཅིང་རྟག་པར་སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་དང་། ལྷ་དང་དྲང་སྲོང་ཐམས་ཅད་ཀྱིས་སྨོད་པར་འགྱུར་བར་རིག་པར་བགྱི་ལགས་སོ། །
ལམ་སུན་འབྱིན་ཅིང་ཆོས་འཇིག་པར་བགྱིད་པའི་གང་ཟག་དེ་ལྟ་བུ་དེ་དག་གདུགས་མཚན་དུ་རྟག་པར་གཟུངས་འདི་རྗེས་སུ་དྲན་པར་བགྱིད་ཀྱང་། བཅོམ་ལྡན་འདས་བདག་གིས་གང་ཟག་དེ་དག་ནམས་ཀྱང་འགྲུབ་པར་མི་འགྱུར་བར་མཐོང་ལགས་ཏེ། དེ་ལྟར་མི་
འགྲུབ་པ་དེ་ཡང་བདག་གིས་ནོངས་པ་མ་ལགས་ཀྱི། དེ་དག་རང་ཉིད་ཀྱིས་ནོངས་སྐྱོན་ལགས་པས་དོན་དེའི་སླད་དུ་གཟུངས་འདི་ཡི་ཆོ་ག་དང་། གླེགས་བམ་དེ་དག་གིས་མཐོང་ཞིང་ཐོས་པར་ཡང་མི་བགྱི། འདོན་ཅིང་འཛིན་དུ་སྩལ་བར་ཡང་མི་
བགྱི་སྟེ། གང་དག་ཚངས་པར་སྤྱོད་པ་ཡོངས་སུ་དག་པར་བསྲུང་བ་དང་། བྱམས་པ་དང་། སྙིང་རྗེའི་སེམས་དང་ལྡན་པ་དང་། སེམས་ཅན་ལ་སྙིང་བརྩེ་ཞིང་བྱང་ཆུབ་ཡོངས་སུ་གཉེར་བར་བགྱིད་པ་དག་གིས་ཡི་གེར་བྲིས་ནས་ཀློག་པ་དང་། 
འདོན་པ་དང་། ཡོངས་སུ་འཛིན་པར་གྱུར་ན། ཡུམ་གྱི་གཟུངས་ཀྱི་དཀྱིལ་འཁོར་མངོན་པར་འགྲུབ་པར་འགྱུར་བས་སོ། །ཆོས་ཀྱི་ཆོ་ག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་
མཆོག་ཏུ་གསང་བའི་སྙིང་པོ་ལགས་པའི་སླད་དུ་རིག་སྔགས་འཛིན་པར་ཡང་དག་པའི་སེམས་དང་། བརྩོན་འགྲུས་ཀྱི་སེམས་ཀྱིས་ལུས་ཀྱི་ཡན་ལག་དང་། ཉིང་ལག་དང་། རུས་པ་དང་། ཤ་དང་། རྩ་རྒྱུས་དང་། རྐང་དང་། 
མགོ་དང་། མིག་ལ་སོགས་པ་ཡང་ཡོངས་སུ་སྤངས་ནས་གཞན་དག་ལ་སྩལ་ཏེ། ཆོས་འདི་ཡོངས་སུ་གཉེར་ནས་རྟག་པར་ནན་ཏན་བརྩོན་འགྲུས་ཀྱིས་མངོན་པར་བསྒྲུབ་པར་འཚལ་ན་རིན་པོ་ཆེ་དང་། འབྲུ་དང་། དར་ཟབ་དང་། 
གོས་དང་། མལ་ཆ་དང་། སྨན་དང་། ནོར་རྫས་རྣམ་པ་སྣ་ཚོགས་རྣམ་པར་གྲོལ་བའི་ཡུམ་གྱི་གཟུངས་དང་། དཀྱིལ་འཁོར་དང་། ཕྱག་རྒྱའི་གཟུགས་བརྙན་གྱི་ཆོས་ཀྱི་ཆེད་དུ་གཏོང་བ་ལྟ་སྨོས་ཀྱང་ཅྀ་འཚལ་ཏེ། སློབ་དཔོན་

99-1-321a

གྱི་བསྟན་པ་ཇི་ལྟ་བ་བཞིན་དུ་སེམས་བརྩེ་གཅིག་ཏུ་བསྒྲུབ་པར་བགྱིའོ། །དེ་ཅིའི་སླད་དུ་ཞེ་ན། རྣམ་པར་གྲོལ་བའི་གཟུངས་ཀྱི་ཆོས་འདི་ནི་སླད་མའི་དུས་ཐ་མའི་ཚེ་སེམས་ཅན་རྣམས་ལ་སངས་རྒྱས་ཀྱི་མཛད་པ་བགྱིས་ནས་ཡང་དག་པའི་སྤྱོད་པ་དང་། ཡང་དག་
པའི་ལས་ཀྱི་མཐའ་དང་། ཡང་དག་པའི་བརྩོན་འགྲུས་དང་། ལྟ་བས་བགྲོད་པའི་ཕྱོགས་དང་། རྣམ་པར་གྲོལ་བའི་ལམ་མངོན་པར་འགྲུབ་པར་བགྱིད་ཅིང་དེ་དག་དུས་འདི་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་
རྒྱ་བའི་བར་དུ་ནམས་ཀྱང་ལྡོག་པར་མི་འགྱུར་བར་བགྱིད་པས་སོ། །དཀྱིལ་འཁོར་དེ་ཡང་གཙུག་ལག་ཁང་གི་ནང་ངམ། རི་འམ། ཆབ་མིག་འབབ་པ་འམ། ནགས་ཚལ་གྱི་དྲུང་དུ་ཡང་རུང་སྟེ། ཉེ་འཁོར་ཀུན་ཏུ་ཁྲུ་གང་
ཡན་ཆད་ན་ཤིང་གི་རྩ་བ་དང་། དོགས་ངན་པ་དང་། གྱོ་མོ་དང་། གོར་མ་དང་། རུས་པ་ལ་སོགས་པ་ཅི་མཆིས་པ་བརྐོས་ཏེ་བསལ་ནས། དོག་ས་བཟང་པོ་ལས་རྨང་ཁྲུ་གང་ཙམ་དུ་བླངས་ཏེ་བརྡུངས་ནས་མཉམ་པོར་བགྱིས་ལ་བ་ལང་
གི་ལྕི་བ་དང་། སྤོས་ཆབ་དོག་ས་སེར་པོ་དང་བསྲེས་ནས་འཇིམ་པ་བགྱིས་ཏེ་ལེགས་པར་བྱུག་ཅིང་ཞལ་ཞལ་བགྱིས་ནས་གླིང་ལྔར་བགོ་བར་བགྱིའོ། །དེ་ལ་དབུས་ཀྱི་གླིང་ནི་ཞེང་དུ་ཁྲུ་གསུམ་ཙམ་དུ་བགྱིས་ཏེ། དབུས་ཁོ་ནར་ཁྲུ་
དོ་གྲུ་བཞི་ལྷམ་པར་མཆིས་པའི་རིན་པོ་ཆེའི་འཁོར་ལོ་རྩིབས་བརྒྱ་རྩ་བརྒྱད་དང་ལྡན་པ་ཅིག་བྲི་བར་བྱའོ། །གཞན་ཡང་འཁོར་ལོའི་དབུས་སུ་རིན་པོ་ཆེའི་པད་མ་ཁ་བྱེ་བ་འདབ་མ་སུམ་བཅུ་རྩ་གཉིས་མཆིས་པ་ཁྲུ་གང་པ་ཅིག་
བྲི་བར་བགྱིའོ། །གཞན་ཡང་འཁོར་ལོའི་ཐ་མ་འཁོར་བར་འོད་འབར་བ་བྲི་བར་བྱའོ། །དེའི་རྗེས་ལ་གླིང་གི་གྲྭ་བཞིར་པད་མ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་པད་མ་རེ་རེའི་སྟེང་དུ་ཡིད་བཞིན་གྱི་ནོར་བུ་རེ་རེ་
བྲིས་ནས་ནོར་བུ་བཞི་པོའི་སྟེང་དུ་འོད་འབར་བ་བྲི་བར་བགྱིའོ། །གཞན་ཡང་འདབ་མ་སུམ་བཅུ་རྩ་གཉིས་དང་ལྡན་པའི་པད་མ་དེའི་སྟེང་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གཟུགས་ཙན་དན་དཀར་པོ་

99-1-321b

ལས་བགྱིས་པ་ཅིག་གཞག་པར་བགྱིའོ། །དེ་ནས་གླིང་གཉིས་པ་ནི་ཞེང་དུ་ཁྲུ་གང་པར་བགྱིས་ནས་སྔར་གྲྭ་བཞིར་པད་མ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་པད་མ་དེ་དག་རེ་རེའི་སྟེང་དུ་རི་རབ་ལྷུན་པོའི་སྟན་རིམ་པ་གསུམ་མཆིས་
པ་གསུམ་གསུམ་བྲིས་ནས་བྱང་ཤར་མཚམས་ཀྱི་སྟན་ལ་ནི་དབང་ཕྱུག་ཆེན་པོའི་ལྷ་བྲིའོ། །ཤར་ལྷོའི་མཚམས་ཀྱི་སྟན་ལ་ནི་ལྷ་མཐུ་ཆེན་པོ་བྲིའོ། །ལྷོ་ནུབ་མཚམས་ཀྱི་སྟན་ལ་ནི་ཚངས་པ་ཆེན་པོ་བྲིའོ། །ནུབ་བྱང་མཚམས་ཀྱི་སྟན་ལ་
ནི་བརྒྱ་བྱིན་བྲི་བར་བྱའོ། །གཞན་ཡང་ངོས་བཞིར་ནི་རིན་པོ་ཆེའི་མེ་ཏོག་དང་། ཕྲེང་བ་བཅུ་དྲུག་བྲི་བར་བགྱིའོ། །དེ་ནས་གླིང་གསུམ་པ་ནི་ཞེང་དུ་ཁྲུ་དོ་པར་བགྱིས་ཏེ། ས་གཞི་སྔོན་པོ་ལ་གསེར་གྱི་ཐིག་བཀྱེ་བ་འབའ་ཞིག་བྲི་བར་བགྱིའོ། །
དེ་ནས་གླིང་བཞི་པ་ནི་ཞེང་དུ་ཁྲུ་གང་བར་བགྱིས་ཏེ། ངོས་བཞི་སྤྱི་ལ་བར་ཆད་ཉི་ཤུ་རྩ་བརྒྱད་དུ་བྱས་བར་ཆད་དུམ་བུ་རེ་རེའི་ནང་དུ་ཡང་པད་མ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་གོ་རིམས་བཞིན་དུ་པད་མ་དེ་དག་རེ་རེའི་སྟེང་དུ་ཡང་རྡོ་རྗེ་ཐོ་བ་
དང་། རྩེ་གསུམ་པའི་ཕྱག་རྒྱ་དང་། དགྲ་སྟའི་ཕྱག་རྒྱ་དང་། གྲིའི་ཕྱག་རྒྱ་དང་། རལ་གྲིའི་ཕྱག་རྒྱ་དང་། དུང་གི་ཕྱག་རྒྱ་དང་། ཆུ་གྲིའི་ཕྱག་རྒྱ་དང་། ཞགས་པའི་ཕྱག་རྒྱ་དང་། དབྱིག་པ་ཐོགས་པའི་ཕྱག་རྒྱ་དང་། 
གདུགས་ཀྱི་ཕྱག་རྒྱ་དང་། ཡིད་བཞིན་གྱི་ནོར་བུའི་ཕྱག་རྒྱ་དང་། གཤིན་རྗེའི་དབྱིག་པའི་ཕྱག་རྒྱ་དང་། བི་ན་ཡ་ཀའི་ཕྱག་རྒྱ་དང་། མཚོན་ཆའི་ཕྱག་རྒྱ་དང་། འཁོར་ལོའི་ཕྱག་རྒྱ་དང་། སུག་པ་ལག་པ་
སྣ་ཚོགས་དང་ལྡན་པའི་ཕྱག་རྒྱ་རྣམས་སོ་སོར་བྲིས་ནས་ཕྱག་རྒྱ་དེ་དག་ཀུན་ལ་ཡང་འོད་འབར་བ་དག་བྲི་བར་བགྱིའོ། །གཞན་ཡང་ལྷོ་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་འཐབ་བྲལ་གྱི་ལྷ་བྲི་བའོ། །
ནུབ་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་ཆུ་ལྷ་བྲིའོ། །བྱང་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་ཀུ་བེ་ར་བྲིའོ། །ཤར་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་ལྷ་གཞོན་ནུ་བྲི་བར་བགྱིའོ། །

99-1-322a

དེ་ནས་གྲུ་བཞིའི་གནས་སོ་སོར་ནི་རྒྱལ་པོ་ཆེན་པོ་བཞི་ཁྲོ་གཉེར་ཅན་གཡོག་འཁོར་དང་བཅས་པ་བྲི་བར་བགྱིའོ། །དེ་ནས་གླིང་ལྔ་པ་ནི་ཁྲུ་གང་བར་བགྱིས་ཏེ། ངོས་བཞི་ཀུན་ཏུ་འབྲས་བུའི་ལྗོན་ཤིང་དང་། མེ་ཏོག་གི་ལྗོན་ཤིང་
དང་། རིན་པོ་ཆེའི་ལྗོན་ཤིང་རྣམ་པ་སྣ་ཚོགས་བྲི་བར་བགྱིའོ། །གཞན་ཡང་གྲྭ་བཞི་ཀུན་ཏུ་རིན་པོ་ཆེའི་རི་རབ་ལྷུན་པོ་རེ་རེ་བྲི་བར་བགྱིའོ། །ཆབ་སྒོ་བཞིར་ནི་རྒྱ་མཚོ་ཆེན་པོའི་ཆབ་བྲི་བར་བགྱིའོ། །དཀྱིལ་འཁོར་གྱི་སླད་ནང་གི་གླིང་
རྣམས་ཀྱི་ས་གཞི་ནི་ཁ་དོག་སྔོན་པོར་བགྱིའོ། །གཞན་ཡང་སླད་ནང་གི་གླིང་རྣམས་ཀྱི་ནུབ་ཕྱོགས་ཀྱི་ཆབ་སྒོའི་ལྷོའི་ངོགས་ཟུར་ལ་སྔགས་མཁན་འབྱུང་ཞིང་འཇུག་པའི་ཆབ་སྒོར་གཅིག་དབྱེ་བར་བགྱིའོ། །གཞན་ཡང་སྤྱན་རས་གཟིགས་
དབང་ཕྱུག་མིག་སྟོང་ལག་སྟོང་དང་ལྡན་པའི་གཟུགས་བགྱིས་པའི་གཅིག་དབུས་སུ་ཁ་ཤར་ཕྱོགས་སུ་བལྟ་བར་བགྱིའོ། །གཞན་ཡང་མིག་སྟོང་ལག་སྟོང་དང་ལྡན་པའི་མདོ་སྡེ་གླེགས་བམ་ཅིག་པད་མ་འདབ་མ་སུམ་བཅུ་རྩ་གཉིས་
མཆིས་པའི་དཀྱིལ་འཁོར་གྱི་སྟེང་དུ་གཞག་ནས་གཟུགས་བགྱིས་པ་དེའི་མདུན་དུ་གཞན་ཡང་ཙན་དན་དཀར་པོའི་དྲི་ཆབ་ཞལ་བུ་བཅུ་དྲུག་དང་། ཞལ་ཟས་རྣམ་པ་སྣ་ཚོགས་དང་། ཟས་དཀར་གསུམ་དང་། ཤིང་ཏོག་
ལ་སོགས་པས་བཀང་བའི་གཞོང་བུ་ཉི་ཤུ་རྩ་ལྔ་དང་། སྤོས་ཆབ་བྲེ་གང་དང་། བུམ་པ་དར་ཚོན་སྣ་ཚོགས་དང་། མེ་ཏོག་དང་། ལྗོན་ཤིང་གི་ཡལ་ག་ལ་སོགས་པས་ཁ་བརྒྱན་པ་ཉི་ཤུ་རྩ་ལྔ་དང་། མེ་ཏོག་དང་ཕྲེང་བ་
སྣ་སྣ་ནས་ཉི་ཤུ་ཉི་ཤུ་དང་། མར་མེ་ཉི་ཤུ་རྩ་བརྒྱད་དང་། བྱུག་སྤོས་དང་། སྤོས་ཀྱི་ཕྱེ་མ་དང་། དེ་ལ་སོགས་པའི་སྤོས་དེབ་ཚེ་ཉི་ཤུ་དང་། བྱང་ཆུབ་སེམས་དཔའི་གཟུགས་བྲིས་པའི་འཕན་དང་། དར་ཚོན་སྣ་ཚོགས་
ལས་བགྱིས་པའི་ཕན་སྤྱིར་ཕྲེང་ཉི་ཤུ་རྩ་ལྔ་བཤམ་པར་བགྱིའོ། །འདི་ལྟར་མཆོད་པ་བགྱིད་པའི་ཞལ་སྡེར་དང་། སྣོད་སྤྱད་དང་། བུམ་པ་ལ་སོགས་པ་དེ་དག་ཐམས་ཅད་ཀྱང་གསེར་དང་། དངུལ་དང་། ཁར་བ་ལ་སོགས་

99-1-322b

པ་ལས་བགྱིས་པ་ལས་སྦྱར་བར་བགྱིའོ། །གལ་ཏེ་ཡང་དག་པར་མ་མཆིས་ན་བརྙན་མ་ཡང་རུང་ལགས་སོ། །འདི་ལྟར་ཡོ་བྱད་དེ་དག་ཐམས་ཅད་ཀྱང་སླད་ནང་གི་གླིང་རྣམས་ངོས་བཞིར་ཆོས་བཞིན་དུ་བྲི་ཞིང་དགྲམ་པར་བགྱིའོ། །གདན་དང་མེ་ཏོག་སྣ་
ཚོགས་གཟུགས་ཤིང་གཏོར་བར་བགྱིའོ། །འབྲས་སཱ་ལུའི་མེ་ཏོག་དང་། ཡུངས་ཀར་དང་། མེ་ཏོག་རྣམ་པ་སྣ་ཚོགས་དཀྱིལ་འཁོར་གྱི་སྟེང་དུ་གཏོར་བར་བགྱིའོ། །ཞལ་ཟས་དེ་དག་ཀྱང་གདུགས་གཅིག་བཞིན་དུ་གསར་དུ་བགྱིས་
པ་བཟང་པོ་ལས་མཆོད་པར་བགྱིའོ། །སྔགས་མཁན་དེ་ཡང་འབྱུང་འཇུག་གི་ཚེ་ཁྲུས་ཡོངས་སུ་དག་པར་བགྱིས་ནས་བྱུག་སྤོས་ཀྱིས་བྱུག་སྟེ།   གོས་སར་པ་གཙང་མ་བགོ་བར་བགྱིའོ། །ཟས་དཀར་གསུམ་འཚལ་ནས་ཙན་དན་
དང་། ཨ་ག་རུ་དང་། དུ་རུ་སྐ་དང་། ག་བུར་ལ་སོགས་པ་བསྲེས་ཏེ། གདུགས་གཅིག་ལ་དུས་གསུམ་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་ལག་སྟོང་དང་ལྡན་པའི་གཟུགས་བགྱིས་པ་
ལ་མཆོད་པར་བགྱིའོ། །ནང་གི་གླིང་གསུམ་པའི་ནང་དུ་མིག་སྟོང་པའི་གཟུགས་གཞག་པའི་མདུན་དུ་རང་བྱང་ཆུབ་སེམས་དཔའི་སྡོམ་པ་གསུམ་པོ་དག་ཡང་དག་པར་བླང་བར་དམ་བཅའ་བར་བགྱིའོ། །གདུགས་
མཚན་དུ་སླད་རོལ་གྱི་གླིང་གི་ནུབ་ཕྱོགས་ཀྱི་ཆབ་སྒོར་སྐྱིལ་མོ་དཀྲུང་བཅས་ཏེ་མཆིས་ནས་གདུགས་གཅིག་ལ་ཡུམ་གྱི་གཟུངས་ལན་སྟོང་རྩ་བརྒྱད་བར་ཆད་མ་མཆིས་པར་བཟླས་བརྗོད་བགྱིས་ནས་གདུགས་ཉི་ཤུ་རྩ་གཅིག་གི་བར་
དུ་བསམ་པ་གཏུགས་ཏེ་མཆོད་པར་བགྱིའོ། །གཞན་ཡང་དུས་དྲུག་དུ་དཀྱིལ་འཁོར་ཀྱི་ནུབ་ངོས་ཀྱི་ཟུར་གྱི་ཆབ་སྒོ་ནས་དཀྱིལ་འཁོར་གྱི་ནང་དུ་ཞུགས་ནས། གླིང་གསུམ་པའི་ནུབ་ཕྱོགས་ཀྱི་ཆབ་སྒོར་འགྲེང་སྟེ། 
སྔར་བསྟན་པའི་ཕྱག་རྒྱ་དང་པོ་དང་། གཉིས་པ་དང་།  གསུམ་པ་ནས་བཅུ་གཉིས་པ་སངས་རྒྱས་སྤྱན་འདྲེན་པའི་ཏིང་ངེ་འཛིན་གྱི་བར་གྱི་ཕྱག་རྒྱ་ཀུན་བགྱིས་ནས་སྔགས་ལན་བདུན་བདུན་བཟླ་བར་བགྱིའོ། །ཕྱག་རྒྱ་བཅུ་གཉིས་

99-1-323a

པའི་བར་དུ་བགྱིས་ལགས་ནས་ཀྱང་བདག་ཉིད་བྱང་ཆུབ་ཆེན་པོའི་སྨོན་ལམ་ཤིན་ཏུ་བསྟན་པ་ལས་ཕྱིར་མི་ལྡོག་པར་བགྱིའོ་ཞེས་སྨོན་ལམ་བཏབ་ནས་གཡར་འདྲེན་པར་བགྱིད་ན། ཐམས་ཅད་ཉེ་བར་མཆི་བར་འགྱུར་བས་ལུས་དྲང་
པོར་བསྲང་སྟེ་མཆིས་ནས་ངེས་པའི་སེམས་ཀྱིས་ལྷ་འདྲེ་ཐམས་ཅད་སྒྲིབ་ཅིང་ཆོད་པ་མ་མཆིས་པར་མིག་སྔར་མཆིས་སོ་སྙམ་དུ་འདུ་ཤེས་ཉེ་བར་གཞག་སྟེ། ཐ་དད་པའི་ཡུལ་ལ་མི་དམིགས་པར་ལུས་པོ་ཆེའི་སྔགས་སྔ་མ་ལན་ཉི་ཤུ་རྩ་
གཅིག་འདོན་པར་བགྱིད་ན། དེའི་མཚན་མོ་གཟུགས་བགྱིས་པ་དེ་ལས་འོད་ཟེར་ཆེན་པོ་བྱུང་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཉིད་གདོན་མི་འཚལ་བར་མངོན་སུམ་དུ་ལུས་སྟོན་པར་འགྱུར་ཏེ། ལུས་བསྟན་
ནས་མཆི་བའི་ཚེ་ཀུན་དགའ་བའི་ལུས་ཀྱི་བྱད་གཟུགས་སུ་མངོན་པར་སྤྲུལ་ནས། དགའ་ཞིང་འཛུམ་པའི་བཞིན་གྱིས་རྣལ་འབྱོར་པ་དེ་ལ་ཅི་ཞིག་དགོས་གང་ཞིག་སྨོན་ཅེས་འདྲི་བར་འགྱུར་བས། དེའི་ཚེ་སྔགས་མཁན་གྱིས་འདི་སྐད་
དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་། གཟུངས་དང་ཏིང་ངེ་འཛིན་གྱི་ཆོས་ཡོངས་སུ་གཉེར་བ་དང་། གཞན་ཡང་དཀྱིལ་འཁོར་དང་། ཕྱག་རྒྱ་དང་། སྔགས་ཀྱི་ཆོ་ག་ཐམས་ཅད་མངོན་པར་འགྲུབ་པ་དང་། 
འདྲེ་གདོན་ཐམས་ཅད་གདུལ་ཞིང་ངག་ཉན་པར་འགྱུར་བར་འཚལ་ལོ་ཞེས་ལན་གདབ་པར་བགྱིའོ། །དེ་ལྟར་སྨོད་པ་རྣམས་གྲུབ་ནས་ཀྱང་བདག་ཉིད་རིག་པར་བགྱིའི། གཞན་དག་ལ་བརྗོད་པར་མི་བགྱིའོ། །དཀྱིལ་འཁོར་གྱི་
ཆོ་ག་འདི་ནི་བས་རས་སམ། བཙོ་རས་ལ་རི་མོས་བྲིས་ཏེ་བགྱིས་ན་ཡང་རུང་ལགས་སོ། །སྨོན་པ་ཐམས་ཅད་འགྲུབ་པར་འཚལ་ན་ཆབ་ཀྱི་དཀྱིལ་འཁོར་གྲུ་བཞི་པ་བགྱིས་ལ་ཨ་ག་རུ་བསྲེག་སྟེ། ལུས་པོ་ཆེའི་སྔགས་སྔ་
མ་ལན་སྟོང་རྩ་བརྒྱད་བཟླས་ནས་བཅུ་པ་སྨོན་པ་རྣམས་ཡིད་བཞིན་དུ་འགྲུབ་པའི་ཕྱག་རྒྱ་སྔ་མ་བགྱིས་ན། སྨོན་པ་ཐམས་ཅད་བསམ་པ་བཞིན་དུ་འགྲུབ་ཅིང་ཡོངས་སུ་རྫོགས་པར་འགྱུར་ལགས་སོ། །གལ་ཏེ་སྐྱེ་བོ་མང་པོ་ཐམས་

99-1-323b

ཅད་དགའ་བར་འགྱུར་བར་འཚལ་ན་རབ་ཏུ་དགའ་བའི་ཡིད་བཞིན་གྱི་ནོར་བུའི་ཕྱག་རྒྱ་སྔ་མ་བགྱིས་ནས་ལུས་པོ་ཆེའི་སྔགས་ཀྱིས་ཏིལ་འབྲུ་ལ་ལན་ཉི་ཤུ་རྩ་གཅིག་གདབ་པར་བགྱིའོ། །ཡང་ན་སྔགས་ལན་རེ་བཟླས་ནས། ལན་རེ་
ཞུགས་ཀྱི་ནང་དུ་དོར་བ་ལན་སྟོང་རྩ་བརྒྱད་ཚང་བར་བགྱིས་ན་ཐམས་ཅད་ཡིད་བཞིན་དུ་དགའ་བར་འགྱུར་ལགས་སོ། །གནོད་སྦྱིན་རྣམས་དགའ་བར་འཚལ་ན་གནོད་སྦྱིན་གྱི་ཀུན་དགའ་ར་བའི་ལྗོན་ཤིང་གི་ཡལ་ག་བླངས་ཏེ། ལན་ཉི་
ཤུ་རྩ་གཅིག་སྔགས་ཀྱིས་བཏབ་ནས་ཀུན་དགའ་ར་བར་བོར་ན་དགའ་བར་འགྱུར་ལགས་སོ། །མི་མ་རུངས་པ་དགྲར་གྱུར་པ་གདུལ་བར་འཚལ་ན་ཤིང་ཁོང་ལེན་འབོག་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་སྔགས་
ལན་རེ་བཟླ་ཞིང་ལན་རེ་ཞུགས་སུ་དོར་བ་ལན་བརྒྱ་རྩ་བརྒྱད་ཚང་བར་བགྱིས་ན་སྐྱབས་སུ་མཆི་ཞིང་ཐུལ་བར་འགྱུར་ལགས་སོ། །འདྲེ་གདོན་གདུལ་དཀའ་བ་ཞིག་མཆིས་ན་གུ་གུལ་དང་། ཡུངས་ཀར་ལ་ལན་ཉི་ཤུ་རྩ་གཅིག་
སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་ལན་རེ་ཞུགས་སུ་དོར་བ་ལན་བརྒྱ་རྩ་བརྒྱད་ཚང་བར་བགྱིས་ན་འདྲེ་གདོན་ཐམས་ཅད་རང་དུལ་བར་འགྱུར་ལགས་སོ། །ཡུལ་ཕྱོགས་སུ་རིམས་ནད་བྱུང་བར་གྱུར་ན་
ཆབ་ཀྱི་དཀྱིལ་འཁོར་གྲུ་བཞི་པ་བགྱིས་ནས། བ་མར་བཟང་པོ་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་ལན་རེ་ཞུགས་སུ་དོར་བ་ལན་སྟོང་རྩ་བརྒྱད་ཚང་བར་བགྱིས་ན་རིམས་ནད་ཐམས་ཅད་
ཞི་བར་འགྱུར་རོ། །ཡང་ན་ཆབ་ཉུང་ཟད་ཅིག་བླངས་ཏེ་རིམས་ཀྱིས་ཐེབས་པ་འཚལ་དུ་སྩལ་ན་འཕྲལ་དུ་འཚོ་བར་འགྱུར་ལགས་སོ། །སྔོན་ཡུལ་གེ་བྱིན་ཞེས་བགྱི་བར་རིམས་ནད་བྱུང་ནས། གང་རིམས་ཀྱིས་
བཏབ་པ་དེ་དག་གདུགས་ཞག་གཅིག་གམ་གཉིས་ལས་མི་འདའ་བར་འཆི་བའི་དུས་བགྱིད་པར་གྱུར་ཏོ། །དེའི་ཚེ་བྲམ་ཟེ་ཙེན་ཏི་ཞེས་བགྱི་བ་ཞིག་སྙིང་རྗེ་ཆེན་པོ་སྐྱེས་ནས། ཆོ་གའི་སྒོ་འདི་བཤམས་ནས་ཡུལ་

99-1-324a

ཁམས་གཅིག་གི་རིམས་ཀྱིས་ཐེབས་པ་ཐམས་ཅད་གསོས་པས་ཐམས་ཅད་ཞི་བར་གྱུར་ཏེ། རིམས་གཏོང་བའི་འདྲེ་གདོན་གྱི་རྒྱལ་པོ་ཡང་དེའི་ཚེ་ཡུལ་ནས་བྱུང་བར་གྱུར་པའི་སླད་དུ་སྨན་ཡོན་ཆེ་བར་རིག་པར་བགྱི་ལགས་སོ། །
གལ་ཏེ་ཕ་རོལ་གྱི་དམག་ཚོགས་ཀྱིས་གཙེས་པར་གྱུར་ཏམ། ཆོམ་རྐུན་དང་། འཁྲུག་པ་བྱུང་བར་གྱུར་ན་ལུས་ཀུན་བསྡུད་པའི་ཕྱག་རྒྱ་དང་པོ་བགྱིས་ཏེ། རིག་སྔགས་ལན་བརྒྱ་རྩ་བརྒྱད་བཟླས་བརྗོད་བགྱིས་ན་དགྲ་
དང་ཆོམ་རྐུན་དེ་དག་ཐམས་ཅད་རང་གི་ངང་གིས་རབ་ཏུ་ཞི་བར་འགྱུར་ལགས་སོ། །རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་ལས་ཀྱི་རྣམ་པར་སྨིན་པའི་དབང་གིས་ཚེ་རབས་སུ་ཉེ་བའི་ཚེ་འགོག་པའི་སྙོམས་པར་འཇུག་པའི་
ཕྱག་རྒྱ་སྔ་མ་བགྱིས་ཏེ། གདུགས་རེ་བཞིན་དུ་མཆོད་པ་བགྱིས་ནས་ཨ་ག་རུ་བསྲེགས་ཏེ། རིག་སྔགས་ལན་སྟོང་རྩ་བརྒྱད་བཟླས་ནས་སྔགས་ལན་རེ་བཟླས་ནས་དེའི་མིང་ནས་ལན་རེ་འདོན་པར་བགྱིད་ན་ལས་ཀྱི་སྒྲིབ་པ་དེ་
དག་ཡོངས་སུ་བསྒྱུར་ལགས་སོ། །སྔོན་ཡུལ་བཱ་ར་ཎ་སིར་ཁྱིམ་བདག་གཅིག་གནས་པ་ལས་བུ་གཅིག་ལས་མ་མཆིས་པ་དེ་ལོ་བཅུ་དྲུག་ལས་མི་ཐུབ་པར་གྱུར་ནས། ལོ་བཅྭ་ལྔ་ལོན་པ་དང་། ཁྱིམ་བདག་ཁྱོ་ཤུག་
མྱ་ངན་གྱིས་རོད་ཉམས་པར་གྱུར་ཏོ། །དེའི་ཚེ་བྲམ་ཟེ་ཞིག་སྒོ་ཀུན་ཏུ་རྒྱུ་ཞིང་ཟས་སློང་བ་ལས་ཁྱིམ་བདག་དེ་མཐོང་ནས་ཅིའི་ཕྱིར་མི་བདེ་བར་གྱུར་ཅེས་སྨྲས་པ་དང་། ཁྱིམ་བདག་གིས་ལོ་རྒྱུས་དེ་དག་རྒྱས་པར་བཤད་དོ། །
དེ་ནས་བྲམ་ཟེས་ཁྱིམ་བདག་དེ་ལ་མྱ་ངན་མ་བྱེད་པར་བདག་གིས་བསྒོ་བ་བཞིན་དུ་བྱོས་ཤིག་དང་། ཁྱོད་ཀྱི་བུ་ཚེ་རིང་བར་འགྱུར་རོ་ཞེས་སྨྲས་ནས། དེའི་ཚེ་བྲམ་ཟེ་དེས་ཆོ་གའི་སྒོ་འདི་ཉིད་ཞག་བདུན་ཚང་བར་བགྱིས་པ་
དང་། གཤིན་རྗེས་ཁྱིམ་བདག་དེ་ལ་ཁྱོད་ཀྱི་བུའི་ཚེའི་ཚད་ལོ་བཅུ་དྲུག་ལས་མི་ཐུབ་པས། ལོ་བཅྭ་ལྔ་ལོན་ཏེ་ལོ་གཅིག་ལས་མ་ལུས་པ་ལས། དེང་དགེ་བའི་རྐྱེན་དང་ཕྲད་པས་ལོ་བརྒྱ་ཐུབ་པར་འགྱུར་བའི་ཕྱིར་འདིར་

99-1-324b

འོངས་ནས་བསྒོ་བ་ཡིན་ནོ་ཞེས་སྨྲས་པ་དང་། དེའི་ཚེ་ཁྱིམ་བདག་ཁྱོ་ཤུགས་རབ་ཏུ་དགའ་ཞིང་མགུ་བར་གྱུར་པས། ཁྱིམ་གྱི་ནོར་ཅི་མཆིས་པ་བཏེག་སྟེ། སངས་རྒྱས་དང་ཆོས་དང་། དགེ་འདུན་ལ་ཕུལ་བས་ཆོ་ག་འདི་ནི་བསམ་
གྱིས་མི་ཁྱབ་པའི་མཐུ་ཆེན་པོ་དང་ལྡན་པར་རིག་པར་བགྱི་ལགས་སོ། །སྔར་འདུས་པ་ཆེན་པོའི་དཀྱིལ་འཁོར་དང་། རྡོ་རྗེའི་དཀྱིལ་འཁོར་ཆེན་པོར་ལན་གསུམ་ཞུགས་པ་ཞིག་ལགས་ཏེ་དཀྱིལ་འཁོར་མི་འཚལ་ཏེ། 
ཕྱག་རྒྱ་བགྱིས་ནས་རིག་སྔགས་བཟླས་བརྗོད་བགྱིས་པ་ཙམ་གྱིས་སྨོན་པ་རྣམས་མི་འགྲུབ་པ་གང་ཡང་མ་མཆིས་ལ་མྱུར་དུ་མངོན་པར་རྫོགས་པར་སངས་རྒྱས་པར་ཡང་འགྱུར་ལགས་སོ། །བུད་མེད་གང་ལ་ལ་ཞིག་བུ་
བཙའ་བའི་ཚེ། སྡུག་བསྔལ་ཆེན་པོ་མྱོང་བར་གྱུར་ན། ཆབ་མར་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་འཚལ་དུ་སྩལ་ན་ངེས་པར་བདེ་བར་འགྱུར་ཞིང་། ཁྱེའུ་དང་བུ་མོ་བཙས་པ་གང་ལགས་པ་དེ་དག་ཀྱང་
མཚན་དང་དཔེ་བྱད་བཟང་པོ་དང་ལྡན་པར་འགྱུར། དགེ་བ་སྣ་ཚོགས་ཀྱིས་བརྒྱན་ནས་སྔོན་བསོད་ནམས་བསགས་པའི་མཐུས་སྐྱེ་བོ་མང་པོ་ཀུན་གྱི་སྙིང་དུ་སྡུག་པར་འགྱུར། རྟག་པར་མིའི་ནང་དུ་ལོངས་སྤྱོད་ཁྱད་
པར་དུ་འཕགས་པ་དག་ལ་ལོངས་སྤྱོད་པར་འགྱུར་ལགས་སོ། །སེམས་ཅན་གང་ལ་ལ་ཞིག་མིག་ནད་ཀྱིས་ཐེབས་ཏེ་སྡུག་བསྔལ་ཞིང་མི་བདེ་བར་གྱུར་ན། སྔགས་མཁན་གྱིས་བྱང་ཆུབ་སེམས་དཔའ་
མིག་སྟོང་དང་ལྡན་པའི་ཕྱག་རྒྱ་བགྱིས་ནས་སྔགས་ལན་ཉི་ཤུ་རྩ་གཅིག་བཟླས་ཏེ་མིག་ལ་ཕྱག་རྒྱས་བཏབ་པར་གྱུར་ན་མིག་ཀྱང་འཚོ་བར་འགྱུར་ལ། རྒྱུ་དང་རྐྱེན་དེས་གང་ཟག་དེ་ལྷའི་མིག་ཐོབ་པར་འགྱུར་བས་ལྷ་
རྣམས་གསལ་བར་མཐོང་ཞིང་ལོངས་སྤྱོད་མཆོག་ལ་ལོངས་སྤྱོད་པར་འགྱུར་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་ལག་སྟོང་དང་ལྡན་པའི་གཟུགས་འབྲི་བའི་ཆོ་ག་ནི་རས་དཀར་

99-1-325a

པོ་ཁྲུ་བཅུ་དྲུག་པ་འམ། ཁྲུ་ཉི་ཤུ་པ་ཡང་རུང་སྟེ། བྱང་ཆུབ་སེམས་དཔའ་དེའི་ལུས་ནི་འཛམ་བུའི་གསེར་གྱི་ཁ་དོག་ཅན་དུ་བགྱིས་ཏེ། གདོང་ལ་མིག་གསུམ་མཆིས་པ་སུག་པ་ལག་པ་སྟོང་དང་ལྡན་པ་ཞིང་སུག་པ་
ལག་པ་སྟོང་པོ་དེ་དག་རེ་རེའི་མཐིལ་དུ་ཡང་མིག་རེ་རེ་བྲིའོ། །སུག་པ་ལག་པ་ཆེན་པོ་ཡང་དག་པ་ཉིད་ནི་བཅྭ་བརྒྱད་མཆིས་ཏེ། སྔར་སུག་པ་གཉིས་ཀྱིས་ནི་སྙིང་གར་ཐལ་མོ་སྦྱར་བར་བགྱིད་དོ། །སུག་པ་གཅིག་གིས་
ནི་རྡོ་རྗེའི་ཐོ་བ་ཐོགས་སོ། །ཡང་གཅིག་གིས་ནི་རྩེ་གསུམ་པ་ཐོགས་སོ། །ཡང་གཅིག་གིས་ནི་གླེགས་བམ་ཐོགས་སོ། །ཡང་གཅིག་གིས་ནི་རིན་པོ་ཆེའི་ཕྱག་རྒྱ་ཐོགས་སོ། །ཡང་གཅིག་གིས་ནི་མཁར་སིལ་
ཐོགས་སོ། །ཡང་གཅིག་གིས་ནི་རིན་པོ་ཆེའི་ནོར་བུ་ཐོགས་སོ། །ཡང་གཅིག་གིས་ནི་རིན་པོ་ཆེའི་འཁོར་ལོ་ཐོགས་སོ། །ཡང་གཅིག་གིས་ནི་པད་མ་ཁ་བྱེ་བ་ཐོགས་སོ། །ཡང་གཅིག་གིས་ནི་ཞགས་པ་ཐོགས་
སོ། །ཡང་གཅིག་གིས་ནི་ལྕང་མའི་ལྕུག་མ་ཐོགས་སོ། །ཡང་གཅིག་གིས་ནི་འོད་ཟེར་ཁ་དོག་ལྔ་འབྱིན་པར་བགྱིད་དོ། །ཡང་གཅིག་གིས་ནི་བགྲང་ཕྲེང་ཐོགས་སོ། །ཡང་གཅིག་གིས་ནི་རིལ་བ་ཐོགས་སོ། །ཡང་གཅིག་
གིས་ནི་ཟིལ་དངར་ཡོངས་སུ་གཏོང་བའི་ལག་ཏུ་སྟོན་ཏོ། །ཡང་གཅིག་གིས་ནི་རིན་པོ་ཆེའི་ཆར་སྣ་ཚོགས་འབེབས་ཤིང་མི་འཇིགས་པའི་ལག་ཏུ་སྟོན་ཏོ། །ཡང་གཉིས་ནི་ལྟེ་བའི་ཐད་ཀར་གཡོན་པ་གཡས་པས་མནན་ནས་མཐིལ་བཀན་
ཏེ་མཆིས་སོ། །སུག་པ་ལག་པ་གཞན་དགུ་བརྒྱ་དགུ་བཅུ་རྩ་གཉིས་པོ་དེ་དག་ཐམས་ཅད་ནི་སྤྲུལ་པའི་སུག་པ་ལགས་ཏེ། སུག་པ་དེ་དག་ཀུན་ཀྱང་སོ་སོ་ནས་མཚོན་ཆ་དང་། ཕྱག་རྒྱ་རྣམ་པ་སྣ་ཚོགས་ཐོགས་པས། 
ཁ་ཅིག་ནི་སུག་པ་ལག་པའི་ཕྱག་རྒྱ་བརྐྱང་བ་ཉི་ཚེ་བ་ཡང་མཆིས་ཏེ། སོ་སོ་ནས་མི་མཐུན་པས་སྙིང་པོའི་མདོ་ལས། ཇི་སྐད་དུ་བྱང་ཆུབ་སེམས་དཔའ་དེ་ནི་ལྷའི་རིན་པོ་ཆེ་སྣ་བདུན་གྱི་མགོ་རྒྱན་ཐོགས་སོ། །ལག་ངར་ལ་

99-1-325b

ནི་གདུབ་འཁོར་རྣམ་པ་སྣ་ཚོགས་ཀྱིས་བརྒྱན་ཏོ། །ལུས་ལ་ནི་ཕྲེང་བ་ཐོགས་ཤིང་ལྷའི་རིན་པོ་ཆེའི་གོས་གྱ་ནོམ་པ་དག་བགོས་པ་ཡིན་ནོ་ཞེས་གསུངས་པ་ལྟ་བུའོ། །ཚོན་རྩི་དེ་དག་གི་ནང་དུ་ཀོ་བའི་སྦྱིན་སྩལ་བར་མི་བགྱིའོ། །ཀུན་ཏུ་རའི་
ཁུ་བ་དང་སྦྱར་བར་བགྱིའོ། །གང་དག་ཡུམ་གྱི་གཟུངས་ཀྱི་ཆོ་ག་བགྱིད་པར་འཚལ་ན་སྔར་དེའི་གཟུགས་རི་མོར་བྲིའོ། །གཟུགས་རི་མོར་བྲི་བར་ཡང་ངེས་པར་ཆོས་བཞིན་དུ་བགྱི་འཚལ་བས་རི་མོ་འབྲི་བའི་གནས་ཁང་ཉེ་འཁོར་
ཀུན་ཏུ་ཙན་དན་དཀར་པོའི་ཆབ་ཀྱིས་དོག་ས་ལ་བྱུགས་ཏེ། དཀྱིལ་འཁོར་བགྱིའོ། །གཞན་ཡང་རི་མོ་མཁན་འབྱུང་འཇུག་གི་ཚེ། ཁྲུས་བགྱིས་ནས་གོས་སར་པ་གཙང་མ་བགོས་ཏེ། ཉིན་རེ་བཞིན་སྡོམ་པ་བརྒྱད་ཡང་དག་
པར་བླང་བར་བགྱིའོ། །ཆོས་བཞིན་དུ་གཟུགས་བྲིས་ལགས་ནས་ཀྱང་། རི་མོ་མཁན་ཆོས་བཞིན་དུ་མ་བགྱིས་པར་དོགས་པར་གྱུར་ན། དཀྱིལ་འཁོར་གྲུ་བཞི་པ་ཅིག་ཡིད་ལ་ཇི་ལྟར་མོས་པ་བཞིན་དུ་བགྱིས་ཏེ། བ་དན་དང་། 
མེ་ཏོག་དང་། ཞལ་ཟས་དང་། ཟས་དཀར་གསུམ་དང་། མེ་ཏོག་དང་། སྤོས་ཆབ་དང་། མེ་ཏོག་སྣ་ཚོགས་ཀྱིས་ཀུན་ཏུ་ཁྱབ་པར་བཀྲམ་ནས་མཆོད་པ་རྒྱ་ཆེར་བགྱིས་ཏེ། རྣལ་འབྱོར་པ་དང་། རི་མོ་མཁན་གང་ལགས་པ་དེས་
གདུགས་གཅིག་ལ་དུས་གསུམ་དུ་གཟུགས་བྲིས་པའི་མདུན་དུ་ནོངས་པ་རྣམས་འཐོལ་བཤགས་ན། ཞག་ཉི་ཤུ་རྩ་གཅིག་ཚང་བའི་མཚན་མོ་མིག་སྟོང་ལག་སྟོང་དང་ལྡན་པའི་གཟུགས་བྲིས་པ་ལས་འོད་ཟེར་ཆེན་པོ་བྱུང་ནས། 
ཉི་ཟླ་ཟིལ་གྱིས་མནན་ཏེ་འོད་ཀྱིས་ཕྱོགས་བཅུའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་དང་། ཚད་མ་མཆིས་པ་ཐམས་ཅད་ཐོགས་པ་མ་མཆིས་པར་གསལ་བར་བགྱིད་པས། རྣལ་འབྱོར་པ་དང་། རི་མོ་མཁན་
གང་ལགས་པ་དེ་དག་དང་སེམས་ཅན་གང་དག་འོད་ཀྱིས་རེག་པ་དེ་དག་ཐམས་ཅད་ཤིན་ཏུ་ལྕི་བའི་ཁ་ན་མ་ཐོ་བ་ཅི་མཆིས་པ་དུས་གཅིག་ཏུ་ཞུ་བྱང་ནས་ཡོངས་སུ་དག་པར་འགྱུར་ལགས་སོ། །ཆོ་ག་འདི་སྒྲུབ་པ་གང་ལགས་པ་དེས་

99-1-326a

སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བདག་གིས་སྔོན་འདས་པའི་དུས་ཀྱི་ཚེ་དེ་བཞིན་གཤེགས་པ་རྣམ་པར་གཟིགས་ཀྱིས་
ཀྱང་ཕྱག་སྟོང་དང་སྤྱན་སྟོང་པོ་འདི་དག་བསྟན་ནས། བདུད་ཆེན་པོ་རྣམས་འདུལ་བ་མཐོང་ནས། བཅོམ་ལྡན་འདས་དེང་བདག་གིས་ཀྱང་ལག་སྟོང་དང་མིག་སྟོང་པོ་འདི་དག་བསྟན་ནས་བདུད་ཆེན་པོ་རྣམས་བཏུལ་བ་ལགས་ཏེ། སུག་པ་
ལག་པ་སྟོང་པོ་དེ་དག་ཀྱང་སོ་སོ་ནས་འཁོར་ལོས་སྒྱུར་བའི་རྒྱལ་པོ་རེ་རེ་མངོན་པར་སྤྲུལ་ནས་བསྐལ་པ་བཟང་པོ་རབས་སྟོང་གི་འཁོར་ལོས་སྒྱུར་བའི་རྒྱལ་པོ་བགྱིད་པར་གྱུར་ལ། མིག་སྟོང་པོ་དེ་དག་ཀྱང་སོ་སོ་ནས་སངས་རྒྱས་རེ་རེ་མངོན་པར་
སྤྲུལ་ནས་བསྐལ་པ་བཟང་པོའི་སངས་རྒྱས་སྟོང་དང་མཚུངས་པར་འབྱུང་བར་འགྱུར་བའི་སླད་དུ། བཅོམ་ལྡན་འདས་བྱང་ཆུབ་སེམས་དཔའ་དེའི་ལུས་བདུད་འདུལ་བའི་ནང་ནས་མཆོག་ཏུ་གྱུར་པ་ལགས་སོ། །དེ་ནས་བཅོམ་
ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་བཀའ་སྩལ་བ་ལེགས་སོ་ལེགས་སོ། །ངས་ཀྱང་བྱིན་གྱི་རླབས་ཀྱི་མཐུས་བསྐལ་པ་མཐར་ཐུག་པའི་བར་དུ་ཁྱོད་ཀྱི་ཡུམ་གྱི་གཟུངས་འདི་བྱིན་གྱིས་བརླབ་པར་
བྱའོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཐོགས་པ་མི་མངའ་བའི་ཐུགས་རྗེ་ཆེན་པོ་རྒྱ་ཆེར་ཡོངས་སུ་རྫོགས་པའི་གཟུངས།། །།བམ་པོ་གསུམ་པ། དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་
ཕྱུག་བཅོམ་ལྡན་འདས་ཀྱིས་བསྔགས་པ་བརྗོད་པ་ཐོས་ནས་རབ་ཏུ་དགའ་ཞིང་མགུ་བར་གྱུར་པས་ཐལ་མོ་སྦྱར་ཏེ། བཅོམ་ལྡན་འདས་ཀྱི་ཞལ་དུ་བལྟས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་གཞན་ཡང་མིག་སྟོང་ལག་
སྟོང་དང་ལྡན་པའི་གཟུགས་ཀྱི་ཕྱག་རྒྱ་མངོན་པར་སྒྲུབ་པར་བགྱིད་པ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ངས་ཀྱང་རྗེས་སུ་ཡི་རང་གིས་ཁྱོད་ཀྱིས་ཤོད་ཅིག །དེ་ནས་བྱང་ཆུབ་སེམས་དཔའ་སྤྱན་རས་གཟིགས་

99-1-326b

དབང་ཕྱུག་གིས་སྨྲས་པ་དང་། ནམ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་རིག་སྔགས་འདི་སྨྲས་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནས་འདུ་ཤེས་མེད་འདུ་ཤེས་མེད་མིན་གྱི་བར་གྱི་ལྷའི་གནས་ཐམས་
ཅད་ཀྱང་རྣམ་པ་དྲུག་ཏུ་རབ་ཏུ་གཡོས་པར་གྱུར་ཏོ། །འོག་མིན་གྱི་ལྷ་དང་། དབང་ཕྱུག་ཆེན་པོ་ཡང་མི་བདེ་བར་ཤིན་ཏུ་སྐྲག་པར་གྱུར་ཏོ། །འདྲེ་གདོན་མ་རུངས་པ་ཐམས་ཅད་ཀྱང་སྡུག་བསྔལ་ཆེན་པོ་མྱོང་བར་གྱུར་པས། ཀུ་ཅོ་འདོན་ཅིང་ཤར་
ནུབ་ཏུ་བྱེར་ནས་འགྲོ་བའི་གནས་ཀྱང་མི་རྙེད་པར་གྱུར་ཏོ། །དེ་ནས་སྤྲུལ་པའི་ལུས་ཀྱིས་འཁོར་མང་པོ་རྣམས་དང་འདྲེ་གདོན་མ་རུངས་པ་རྣམས་ལ་ཁྱེད་གལ་ཏེ་བདག་གི་རིག་སྔགས་ཀྱི་རྗེས་སུ་མི་འབྲང་ཞིང་འགལ་བར་བྱས་པར་གྱུར་ན་མགོ་ཚལ་བར་
འགྱུར་རོ་ཞེས་བསྒོའོ། །བཅོམ་ལྡན་འདས་རིག་སྔགས་འདིས་ནི་རི་རྣམས་འཇོམས་པར་བགྱིད་ཅིང་རྒྱ་མཚོ་ཆེན་པོ་སྐམས་པར་བགྱིད་དོ། །རིག་སྔགས་འདིས་ནི་ལྷ་མ་ཡིན་གྱི་དཔུང་རྣམས་བཅོམ་ནས་ཡུལ་རྣམས་བསྲུང་བར་བགྱིད་དོ། །
རིག་སྔགས་འདིས་ནི་འདྲེ་གདོན་མ་རུངས་པ་ཐམས་ཅད་དང་། ནད་ཐམས་ཅད་དང་། མི་མ་རུངས་པ་ཐམས་ཅད་ཚར་གཅོད་པར་བགྱིད་དོ། །རིག་སྔགས་འདིས་ནི་སུམ་བཅུ་རྩ་གསུམ་གྱི་ལྷ་རྣམས་འཇོམས་ཤིང་དུལ་བར་བགྱིད་ལགས་སོ། །
རིགས་ཀྱི་བུ་གང་ལ་ལ་ཞིག་རིག་སྔགས་འདི་འདོན་ཅིང་ཡོངས་སུ་འཛིན་པར་བགྱིད་ན། གང་ཟག་དེའི་མཐུ་སྟོབས་བརྗོད་ཀྱིས་མི་ལང་ངོ་། །རིག་སྔགས་འདི་འདོན་པ་དང་། ཡོངས་སུ་འཛིན་པ་དེ་དག་བཙུན་ཞིང་དབང་ཕྱུག་དང་ལྡན་
པ་དང་། ནམ་འཚོའི་བར་དུ་རྒྱལ་པོས་བྱམས་ཤིང་ཡིད་དུ་མཆི་བ་དང་། སྨོན་པ་རྣམས་ཡོངས་སུ་རྫོགས་པར་བགྱིད་དོ། །གང་ལ་ལ་ཞིག་ཕྱིར་རྒོལ་བའི་བདུད་གདུལ་བར་འཚལ་ན་སྤོས་གུ་གུལ་བསྲེགས་ཏེ། བདག་གི་
ལུས་པོ་ཆེའི་སྔགས་ལན་ཉི་ཤུ་རྩ་གཅིག་བཟླས་བརྗོད་བགྱིའོ། །སྐྱེ་བོ་མང་པོ་ཐམས་ཅད་ཀྱིས་བདག་ལ་བྱམས་པར་འཚལ་ན་ལྕུག་མ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། གཡར་ཁམས་བཅས་ན་བྱམས་ཤིང་

99-1-327a

བཀུར་བར་བགྱིའོ། །བདག་ཉིད་སྤོབས་པ་དང་། ཤེས་རབ་དང་ལྡན་པར་འཚལ་ན། ཤུ་དག་ལ་ལན་སྟོང་རྩ་བརྒྱད་སྔགས་ཀྱིས་བཏབ་སྟེ། སྙིང་གར་བསྐུས་ན་ཐོགས་པ་མ་མཆིས་པའི་སྤོབས་པ་ཐོབ་པར་འགྱུར་ཏེ། ཡུམ་གྱི་གཟུངས་
ཀྱི་སྙིང་པོའི་ཕྱག་རྒྱ་བགྱིའོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཐོགས་པ་མ་མཆིས་པའི་སྤོབས་པའི་ཕྱག་རྒྱ་ནི་འདི་ལགས་ཏེ། ལག་པ་གཉིས་རྒྱབ་སྤྲད་དེ་སྦྱར་ནས་མཐེ་བོང་གཉིས་མདུན་དུ་བརྐྱང་
བར་བགྱིའོ། །ཕྱག་རྒྱ་འདིས་ནི་བདག་ཀྱང་བསྲུང་ཞིང་གཞན་ཡང་བསྲུང་བར་བགྱིད་དོ། །ཕྱོགས་གང་དང་གང་དུ་མཆི་ཡང་རུང་སྟེ། མཚམས་དགུམ་པར་འཚལ་བས། ཆབ་གཙང་མ་འམ་ཐལ་བ་གཙང་མ་ལ་
ལན་བདུན་སྔགས་ཀྱིས་བཏབ་སྟེ། གང་དུ་མཆིས་པའི་གནས་དེར་ཆབ་བམ། ཐལ་པ་སྙིམས་པ་གང་སྔར་རང་གི་ལུས་ལ་གཏོར་ནས་དེའི་རྗེས་ལ་ཕྱོགས་བཞིར་ཆོས་བཞིན་དུ་གཏོར་ན། དེ་ཉིད་མཚམས་
སུ་འགྲུབ་པར་འགྱུར་ལགས་སོ། །རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་འདྲེ་སྲིན་མ་རུངས་པ་དང་། ལོག་པའི་གདོན་མང་པོ་རྣམས་ཀྱིས་གཙེས་པར་གྱུར་ན་བལ་པོ་སེའུའི་ཡལ་ག་དང་། 
གྲིབ་ལོགས་ཀྱི་ལྕང་མའི་ཡལ་ག་བླངས་ཏེ། རིག་སྔགས་འདི་བཟླས་བརྗོད་བགྱིས་ནས་ནད་པ་ལ་གཞུས་ན་ནད་གང་ཡང་རུང་སྟེ། མི་འཚོ་བ་མ་མཆིས་ལགས་སོ། །རིག་སྔགས་ནི་འདི་ལྟ་སྟེ། ན་མ། 
སརྦ་བུདྡྷ། དྷརྨ་སྃ་གྷཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། ན་མོ་བཛྲ་པཱ་ཎ་ཡེ། བོ་དྷི་སཏྭཱ་ཡ། ཏདྱ་ཐཱ། སི་བི་སི་བི། ཀ་ཡ་སི་བི། པ་ལ་ཤ་པ་ལ་ནི་སྭཱ་ཧཱ། རིག་སྔགས་
ཀྱི་ཕྱག་རྒྱ་འདིས་ནི་ལོག་པར་ལྟ་བའི་མུ་སྟེགས་ཅན་རྣམས་འདུལ་བར་བགྱིད་དོ། །རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་རྟག་པར་གདུགས་དང་པོ་འཆར་བའི་ཚེ་དང་གདུགས་ཀྱི་གུང་དང་གདུགས་བས་པའི་ཚེ་ལན་ཉི་ཤུ་

99-1-327b

རྩ་གཅིག་བཟླས་བརྗོད་བགྱིས་ན། རྣམ་པ་སྣ་ཚོགས་ཀྱིས་སངས་རྒྱས་བྱེ་བ་ཕྲག་བཅུ་ལ་མཆོད་པ་བགྱིས་པ་དང་། བྱེ་བྲག་ཏུ་གྱུར་པ་མ་མཆིས་པས་ནམ་དུ་ཡང་བུད་མེད་ཀྱི་དངོས་པོ་ལེན་པར་མི་འགྱུར། ཚེ་འདས་ནས་ཀྱང་
ངན་སོང་གསུམ་པོ་དག་དང་གཏན་ཏུ་འབྲལ་ཞིང་། དེ་བཞིན་གཤེགས་པ་འོད་དཔག་མེད་ཀྱི་ཞིང་ཡོངས་སུ་དག་པར་སྐྱེ་བར་འགྱུར། དེ་བཞིན་གཤེགས་པ་དེའི་ཕྱག་གིས་སྤྱི་བོ་ལ་བྱུགས་ཏེ། ཁྱོད་ངའི་ཞིང་དུ་སྐྱེ་བར་
འགྱུར་བས་མ་འཇིགས་ཤིག་ཅེས་བཀའ་སྩལ་པར་འགྱུར། ཚེ་འདི་ཉིད་ལ་ཡང་བློ་བུར་དུ་འཆི་བར་མི་འགྱུར་ཞིང་། འདྲེ་གདོན་དག་གིས་ཀྱང་གླགས་རྙེད་པར་མི་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་
གཟིགས་དབང་ཕྱུག་གིས་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཁ་ན་མ་ཐོ་བ་ཡོངས་སུ་སྦྱོང་བའི་ཕྱག་རྒྱ་ནི་འདི་ལགས་ཏེ། འགྲེང་ནས་འདི་ལྟར་སུག་པ་ལག་པ་གཡོན་པ་མདུན་དུ་བརྐྱང་སྟེ། སོར་མོ་ལྔ་སོ་སོར་ཕྱེ་
ནས་མདུན་དུ་ཕུལ་ཏེ་སོར་མོ་ལྔ་ཆར་བསྒྲེང་ངོ་། །དེའི་རྗེས་ལ་སུག་པ་ལག་པ་གཡས་པའི་མཐེ་བོ་ལག་མཐིལ་དུ་བཀུག་སྟེ། སོར་མོ་གཞན་བཞི་ནི་ཁུ་ཚུར་དུ་བཅངས་ནས་རྣ་བ་གཡས་པའི་ཐད་ཀར་གཞག་སྟེ། 
ལུས་པོ་ཆེའི་སྔགས་བཟླས་ནས་མཛུབ་མོ་ནི་ཕན་ཚུན་རྒྱུ་བར་བགྱིའོ། །ཕྱག་རྒྱ་ནི་གདུགས་གཅིག་ལ་དུས་གསུམ་དུ་བགྱི་བར་འཚལ་བས་དུས་གཅིག་གི་ཚེ་ཡང་ལན་བདུན་བཟླས་བརྗོད་བགྱིས་ན་མཚམས་མ་མཆིས་པ་ལྔ་དང་
ཤིན་ཏུ་ལྕི་བ་བཞིའི་ཁ་ན་མ་ཐོ་བ་རྣམས་ཀྱང་འབྱང་བར་འགྱུར་ལགས་སོ། །སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་བསྐྱེད་པར་འགྱུར་ན་ཁ་ན་མ་ཐོ་བ་ཐམས་ཅད་ཀྱི་རྩ་བ་བསྲེགས་ནས། ཚེ་འདས་པའི་རྗེས་ལ་
ཡང་སངས་རྒྱས་རྣམས་དང་འཇལ་བར་འགྱུར་ཞིང་། སངས་རྒྱས་ཀྱི་ཞིང་དེ་དག་ཏུ་ཡང་འཁོར་ལོས་སྒྱུར་བའི་རྒྱལ་པོ་བགྱིད་པར་འགྱུར། གཞན་ཡང་བས་པ་མ་མཆིས་པའི་གཏེར་ཞེས་བགྱི་བའི་གཟུངས་དང་། 

99-1-328a

ཡེ་ཤེས་མཉམ་པ་ཞེས་བགྱི་བའི་གཟུངས་ཐོབ་པར་འགྱུར། གཞན་ཡང་མཚན་ཉི་ཤུ་རྩ་བརྒྱད་དང་ལྡན་པར་འགྱུར། གཞན་ཡང་ཚེ་འདི་ཉིད་ལ་མིག་དང་། རྣ་བ་དང་། སྣ་དང་། ལྕེ་ལ་སོགས་པ་བྲོ་འཚལ་བར་
མི་འགྱུར་ཞིང་ལུས་ཀྱི་ནད་ཐམས་ཅད་ཀྱང་ཡོངས་སུ་འབྱང་བར་འགྱུར། སྔོན་གྱི་ལས་དང་ཁ་ན་མ་ཐོ་བ་རྣམས་ཀྱང་ཞུ་བྱང་བར་འགྱུར་ལགས་སོ། །གལ་ཏེ་ཐན་པ་བྱུང་བར་གྱུར་ན་ཏིལ་འབྲུ་ཡོག་པོའི་འབྲས་བུའི་མར་དང་སྦྱར་ཏེ། རིལ་བུ་
བགྱིས་ནས་ལན་བརྒྱ་རྩ་བརྒྱད་བསྔགས་ཀྱིས་བཏབ་སྟེ། ཆབ་རྫིང་དུ་བོར་ནས་དགུང་ཆབ་འབབ་པར་འགྱུར་ལགས་སོ། །གལ་ཏེ་ཆར་ཆེས་ན་འབྲས་སཱ་ལུ་བརྔོས་པའི་མེ་ཏོག་ཡུངས་འབྲུའི་མར་དང་སྦྱར་ཏེ། རི་ལུ་བགྱིས་ནས་
ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་ཆབ་རྫིང་དུ་བོར་ན་དགུང་ཆར་འཆད་པར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བདུད་རྣམས་
བཏུལ་བའི་ཕྱག་རྒྱ་ནི་འདི་ལགས་ཏེ། སོར་མོ་སྣོལ་མར་བཏང་སྟེ། གཡོན་པས་གཡས་པ་མནན་ཏེ། ཁུ་ཚུར་དམ་དུ་བཅངས་ཏེ་སྤྱི་བོར་གཞག་ནས་ལུས་པོ་ཆེའི་སྔགས་བཟླས་བརྗོད་བགྱིས་ན་འཁོན་པའི་
དགྲ་ཐམས་ཅད་རང་དུལ་བར་འགྱུར་ལགས་སོ། །ཆོ་ག་འདི་བགྱིད་པ་གང་ལགས་པ་དེས་རིང་བསྲེལ་དང་བཅས་པའི་མཆོད་རྟེན་གྱི་མདུན་དུ་ཚེས་ཉི་ཤུ་དགུའི་མཚན་མོ་ཙན་དན་དཀར་པོའི་ཕྱེ་མའི་དཀྱིལ་འཁོར་བགྱིས་ཏེ། 
མེ་ཏོག་སྣ་ཚོགས་བཀྲམ་ནས་ཡོངས་སུ་དག་པར་ཁྲུས་བགྱིས་ཏེ། གོས་སར་པ་གཙང་མ་བགོས་ནས་པོག་ཕོར་ཐོགས་ཏེ། ཨ་ག་རུ་བསྲེགས་ལ་ཁ་ཤར་ཕྱོགས་སུ་བལྟས་ཏེ། སྐྱིལ་མོ་དཀྲུང་བཅས་
ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལག་སྟོང་མིག་སྟོང་དང་ལྡན་པ་སྤྱི་བོ་ལ་མཆིས་པར་འདུ་ཤེས་ཉེ་བར་གཞག་སྟེ། ལུས་པོ་ཆེའི་སྔགས་ལན་སྟོང་རྩ་བརྒྱད་བཟླས་བརྗོད་བགྱིས་ན་འདི་

99-1-328b

དངོས་གྲུབ་ཐོབ་པར་འགྱུར་བའི་ཕན་ཡོན་དང་པོ་མཆོག་ལགས་སོ། །གཞན་ཡང་ཡུངས་ཀར་ཏིལ་གྱི་འབྲས་བུ་དང་གཅིག་ཏུ་བསྲེས་ཏེ་བརྡུངས་ནས་ཕྱེ་མར་བགྱིས་ཏེ། ཕོ་གསུམ་གྱིས་ཅུང་ཟད་ཅིག་བླངས་ནས་ལན་ཅིག་
སྔགས་ཀྱིས་བཏབ་སྟེ་ཞུགས་སུ་དོར་བ་དགུང་བདུན་ཚང་བར་བགྱིས་ལ། གདུགས་རེ་ལ་ཡང་ལན་བརྒྱ་རྩ་བརྒྱད་ཚང་བར་བགྱིས་ན་སླད་ཀྱིས་ཅི་བགྱིའོ། །འཚལ་མངོན་པར་འགྲུབ་པར་འགྱུར་ལགས་སོ། །དེ་ལ་
བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་འཇིགས་པ་མ་མཆིས་པ་ཆེན་པོའི་ཕྱག་རྒྱ་ནི་འདི་ལགས་ཏེ། འགྲེང་ནས་སུག་པ་རྐང་པ་གཉིས་གཞིབས་ཏེ། སྔར་སུག་པ་ལག་པ་གཡས་པ་བཀན་ཏེ་ལག་
ངར་གཡོན་པ་བཏེག་ནས་པུས་མོའི་སྟེང་དུ་གཞག་པར་བགྱིས་ཏེ། སུག་པ་ལག་པ་གཡོན་པ་ཡང་དེ་བཞིན་དུ་བགྱིས་ནས། རྟག་པར་རིང་བསྲེལ་གྱི་མདུན་དུ་ལུས་པོ་ཆེའི་སྔགས་ལན་སྟོང་རྩ་བརྒྱད་བཟླས་བརྗོད་བགྱིས་ན། 
མྱུར་དུ་སེམས་ཅན་ལ་མི་འཇིགས་པ་སྩལ་བའི་ཏིང་ངེ་འཛིན་གྱི་སྒོ་ཐོབ་པར་འགྱུར་ལགས་སོ། །གཞན་ཡང་ཤིང་ཀུན་དང་། ཡུངས་ཀར་དང་། ཤུ་ཐག་དང་། ཏ་ཏ་པའི་རི་ལུ་བླངས་ཏེ་དངོས་པོ་འདི་དག་ཞུགས་ཀྱི་ནང་དུ་བོར་ཏེ་བསྲེག་པར་
བགྱིའོ། །འདི་དག་བསྲེག་པ་ཡང་སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་འམ། དཀྱིལ་འཁོར་འམ། གནས་གཙང་མ་དག་ཏུ་བསྲེགས་ནས་ལུས་པོ་ཆེའི་སྔགས་བཟླས་ཏེ། སྔགས་ལན་རེ་བཟླ་ཞིང་ལན་རེ་བསྲེག་པ་བརྒྱ་རྩ་བརྒྱད་
ཚང་བར་བགྱིས་ནས་སྤོས་དང་མེ་ཏོག་དག་གིས་རིག་སྔགས་ལ་མཆོད་པར་བགྱིས་ན། ཅི་དང་ཅི་སྨོན་པ་རྣམས་ཡིད་བཞིན་དུ་མངོན་པར་འགྲུབ་པར་འགྱུར་ལགས་སོ། །གལ་ཏེ་རིག་སྔགས་གཞན་གྱིས་མི་ཐུབ་པ་དག་སྔགས་འདིས་
བཏབ་ནས་ཐམས་ཅད་ཐུབ་ཅིང་འགྲུབ་པར་འགྱུར་ལགས་སོ། །གལ་ཏེ་རྨི་ལྟས་མཐོང་བར་འཚལ་ན་སྔགས་འདི་བཟླས་ནས་ཕྱག་རྒྱ་བགྱིས་ཏེ་མིག་ལ་བཏབ་ན་ཅི་དང་ཅི་མཐོང་བར་འཚལ་བ་དེ་དག་ཐམས་ཅད་རྨི་ལམ་དུ་མཐོང་བར་འཚལ་ལགས་སོ། །

99-1-329a

བསོད་ནམས་མ་མཆིས་པ་གང་དག་ཅི་བགྱིའོ་འཚལ་ཡིད་བཞིན་དུ་གྲུབ་པར་མི་འགྱུར་ན། གདུགས་རེ་བཞིན་རིག་སྔགས་འདི་ལན་བརྒྱ་རྩ་བརྒྱད་འདོན་པ་དགུང་བདུན་དུ་ཚང་བར་གྱུར་ན་ཅི་དང་ཅི་སྨོན་པ་ཐམས་ཅད་འཐོབ་པར་འགྱུར་ལགས་སོ། །
བཅོམ་ལྡན་འདས་བདག་སྔོན་ཀླུའི་རྒྱལ་པོ་རྒྱ་མཚོའི་གནས་སུ་རྒྱ་མཚོའི་ཆོས་ཀྱི་མདུན་སར་ཆོས་སྟོན་པ་ན། ཀླུ་མང་པོ་རྣམས་སྡུག་བསྔལ་ཆེན་པོ་རྣམས་མྱོང་བར་མཐོང་བ་དང་། ཀླུ་མང་པོ་རྣམས་ལ་སྙིང་བརྩེ་ནས་དེ་དག་སྡུག་བསྔལ་ལས་
ཡང་དག་པར་བཟླ་བ་དང་། སེམས་ཅན་མང་པོ་རྣམས་སྡུག་བསྔལ་དང་བྲལ་ཞིང་འཁོན་པའི་དགྲ་མ་མཆིས་པར་བགྱི་བའི་སླད་དུ་ཆོས་བསྟན་པ་ལས་དེའི་ཚེ་ཀླུའི་བུ་མོས་ཆོས་འདི་གཉེར་བའི་སླད་དུ་ནོར་བུ་རིན་པོ་ཆེ་མི་མཇེད་ཀྱི་འཇིག་རྟེན་གྱི་ཁམས་རི་བ་
གཅིག་ཕུལ་བ་དང་། བདག་གིས་ནི་དེ་ལ་ཡུམ་གྱི་གཟུངས་འདི་རྒྱ་ཆེར་བསྟན་པས་སྡུག་བསྔལ་གྱི་བགེགས་རྣམས་དང་བྲལ་བར་འགྱུར་ལགས་སོ། །དེ་ནས་བྱང་ཆུབ་སེམས་དཔའ་ཆུ་ཤེལ་གྱིས་རིག་སྔགས་འདི་ཡོངས་སུ་འཛིན་
པ་དག་ལ་ཕན་གདགས་ཤིང་བགེགས་ཡོངས་སུ་བསྲུང་བའྀ་ཕྱིར་སྔགས་འདི་སྨྲས་སོ། །བི་མ་ལེ་མ་ཧཱ་བི་མ་ལེ་ཨུ་ཧ་ལེ། མ་ཧཱ་ཨུ་ཧ་ལེ། ཧུ་མ་ལེ། མ་ཧཱ་ཧུ་མ་ལེ། ས་ཧཱ་ལེ། མ་ཧཱ་ས་ཧཱ་ལེ། ཙི་ལི་ཏེ་སྭཱ་ཧཱ། 
རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་ཕྱོགས་གང་དུ་གནས་ཀྱང་རུང་སྟེ། བྱང་ཆུབ་སེམས་དཔའ་མིག་སྟོང་དང་ལག་པ་སྟོང་དང་ལྡན་པའི་ཆོས་ཀྱི་ཆོ་ག་འདི་ཡོངས་སུ་འཛིན་པར་བགྱིད་ན། བདག་ཀྱང་རྟག་པར་དེ་དག་གི་
རྗེས་སུ་འབྲང་སྟེ། ཡོངས་སུ་བསྲུང་བར་བགྱིད་པས་བདུད་ཀྱི་འཁོར་རྣམས་ཀྱི་བར་དག་གིས་གཙེ་བར་མི་འགྱུར་ལགས་སོ། །གང་ལ་ལ་ཞིག་བྲེལ་ཞིང་ཕོངས་པར་གྱུར་ཏམ། ཕ་རོལ་གྱི་དགྲས་གཙེས་སམ། ཆོམ་རྐུན་
དག་གིས་གནོད་པ་བགྱིད་པར་གྱུར་ན། ཚོན་སྣ་ལྔའི་སྐུད་པ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་མདུད་པ་རེ་རེ་མདུད་ནས། དཔུང་པ་གཡོན་པ་ལ་མདུད་པར་བགྱིའོ། །གཞན་ཡང་

99-1-329b

སུག་པ་གཡོན་པའི་སྲིན་ལག་དང་། གུང་མོ་དང་། མཛུབ་མོ་རྣམས་ཁུ་ཚུར་བཅངས་ཏེ། མཐེ་བོས་སྟེང་དུ་མནན་ནས་མཐེ་ཆུང་ཆོམ་རྐུན་གྱི་ཕྱོགས་སུ་ཁ་བསྟན་ཏེ། སྔགས་འདི་ལན་བརྒྱ་རྩ་བརྒྱད་བཟླས་ན་ཐམས་ཅད་རང་གྱིས་ནས་གནོད་
པ་བགྱིད་པར་མི་འགྱུར་ལགས་སོ། །སྔོན་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གངས་རི་ལ་གནས་ཏེ། ཆོས་སྟོན་པ་དང་། གནོད་སྦྱིན་དང་། སྲིན་པོའི་ཡུལ་ན་གནས་པའི་སྐྱེ་བོ་རྣམས་སེམས་ཅན་གྱི་ཤ་ཁྲག་འབའ་ཤིག་འཚལ་ཞིང་
དགེ་བའི་སེམས་ཅི་ཡང་མ་མཆིས་པ་མཐོང་བ་དང་། དེའི་ཚེ་བྱང་ཆུབ་སེམས་དཔའ་དེ་ཐབས་ལ་མཁས་པས་ཕན་གདགས་ཤིང་སེམས་ཅན་གདུལ་བའི་ཆེད་དུ་རྫུ་འཕྲུལ་གྱི་མཐུས་དེ་མ་ཐག་ཏུ་ཡུལ་དེ་དག་ཏུ་མཆིས་ནས། མིག་སྟོང་དང་
ལག་སྟོང་དང་ལྡན་པས་བདུད་གདུལ་བའི་ལུས་མངོན་པར་བསྟན་ཏེ། ཡུམ་གྱི་གཟུངས་མངོན་པར་འགྲུབ་པའི་ཕྱག་རྒྱ་བགྱིས་པ་དང་། དེའི་ཚེ་སྲིན་པོའི་ཡུལ་གྱི་རྒྱལ་པོ་བདག་གི་ཐད་དུ་མཆིས་ནས། ནོངས་པ་འཐོལ་བཤགས་ཏེ། 
ཕྱག་བགྱིས་པ་དང་། བདག་གིས་ཀྱང་མངོན་པར་འགྲུབ་པའི་ཕྱག་རྒྱས་བཏབ་པས། དེ་ལ་བླ་ན་མ་མཆིས་པའི་ལམ་མངོན་པར་གྲུབ་པར་གྱུར་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་མངོན་པར་འགྲུབ་
པའི་ཕྱག་རྒྱ་ནི་འདི་ལགས་ཏེ། འགྲེང་ནས་སུག་པ་རྐང་པ་གཉིས་གཤིབས་ཏེ། སྙིང་གར་ཐལ་མོ་སྦྱར་ཏེ་མཐེའུ་ཆུང་གཉིས་བསྣོལ་མར་བཏང་ཞིང་། གཡོན་པས་གཡས་མནན་ནས་ལུས་པོ་ཆེའི་སྔགས་ལན་ཉི་ཤུ་རྩ་
གཅིག་བཟླས་ནས། ཆོ་ག་རྣམ་པ་སྣ་ཚོགས་གང་བགྱིད་ཀྱང་རུང་སྟེ། ཐམས་ཅད་མངོན་པར་འགྲུབ་པར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འགྲོ་བ་དྲུག་པོ་དག་སྡུག་
བསྔལ་གྱི་བགེགས་ལས་ཡོངས་སུ་སྐྱོབས་པའི་འཁོར་ལོའི་ཕྱག་རྒྱ་ནི་འདི་ལགས་ཏེ། འགྲོ་བ་དྲུག་གི་སེམས་ཅན་སྡུག་བསྔལ་ལས་ཡོངས་སུ་སྐྱོབ་པར་འཚལ་ན་འཁོར་ལོའི་ཕྱག་རྒྱ་སྤྱད་པར་བགྱི་སྟེ། འདི་ལྟར་སོར་མོ་བཅུའི་རྩེ་

99-1-330a

མོ་ཕན་ཚུན་ཕྲད་པར་བགྱི་སྟེ། ལག་ངར་གྱི་ཚིགས་དང་། ལག་མཐིལ་ནི་དབྱེ་བར་བགྱིའོ། །སོར་མོ་རྣམས་ཀྱི་བར་ཡང་ཚོན་གང་ཙམ་མཆིས་པར་བགྱིས་ཏེ། འདི་ནི་བྱང་ཆུབ་སེམས་དཔའ་དེ་འགྲོ་བ་དྲུག་པོ་དག་ཏུ་གནས་ནས་སྡུག་
བསྔལ་གྱི་བགེགས་ལས་ཡོངས་སུ་བཟླས་པ་ཞེས་བགྱི་སྟེ། འདི་ལྟར་ཕྱག་རྒྱའི་འཁོར་ལོ་འདིའི་དབང་གིས་ཐམས་ཅད་སྡུག་བསྔལ་དང་བྲལ་བར་གྱུར་པས་སོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པའི་མངོན་པར་རྫོགས་པར་བྱང་ཆུབ་
པའི་ཕྱག་རྒྱ་ནི་འདི་ལགས་ཏེ། སྐྱིལ་མོ་དཀྲུང་བཅས་ནས་སྔར་སུག་པ་གཡོན་པ་བརྐྱང་སྟེ། སོར་མོ་ལྔ་ཅར་བཀན་ནས་པུས་མོ་གཡོན་པའི་སྟེང་དུ་གཞག་གོ། །དེའི་རྗེས་ལ་སུག་པ་ལག་པ་གཡས་པ་བརྐྱང་སྟེ། སོར་མོ་ལྔ་ཅར་ཁ་སྦུབ་ནས། 
སྤུས་མོ་གཡས་པའི་སྟེང་དུ་མནན་པར་བགྱིའོ། །འདི་ནི་འགོག་པའི་སྙོམས་པར་འཇུག་པའི་ཕྱག་རྒྱ་དང་འདྲ་སྟེ། འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་ཐམས་ཅད་ཀྱང་མཚུངས་པར་ཕྱག་རྒྱ་འདིས་མངོན་པར་
རྫོགས་པར་བྱང་ཆུབ་པར་འགྱུར་བ་ལགས་པས། ཕྱག་རྒྱ་འདིས་ནི་ལས་ཀྱི་སྒྲིབ་པ་ཐམས་ཅད་སེལ་བར་བགྱིད་དོ། །རྣལ་འབྱོར་པ་བསམ་གཏན་སྒོམ་པ་གང་དག་ཏྀང་ངེ་འཛིན་མངོན་སུམ་དུ་མ་གྱུར་ན་གདུགས་མཚན་བདུན་གྱི་བར་
དུ་དགོན་པའི་གནས་སུ་མཆིས་ནས་གཟུངས་འདྀ་བཟླས་ཏེ་ཕྱག་རྒྱ་འདི་བགྱིས་ནས། སེམས་རྩེ་གཅིག་ཏུ་སངས་རྒྱས་རྣམས་མིག་སྔར་མངོན་སུམ་དུ་བཞུགས་པར་ཡིད་ལ་བགྱིས་ཏེ། གདུགས་མཚན་གཅིག་ལ་དུས་དྲུག་
དུ་འཐོལ་བཤགས་བགྱིས་ན། སངས་རྒྱས་རྣམས་ཀྱང་མངོན་སུམ་དུ་འགྱུར་ཞིང་། བསོད་ནམས་ཀྱི་ཕུང་པོ་ཆེན་པོ་ཚད་མ་མཆིས་དཔག་ཏུ་མ་མཆིས་བརྗོད་དུ་མ་མཆིས་པ་རྣམས་ཀྱང་འཐོབ་པར་འགྱུར་ལགས་སོ། །
དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པས་སུམ་ཅུ་རྩ་གསུམ་པའི་ལྷ་རྣམས་དགུག་པའི་ཕྱག་རྒྱ་ནི་འདི་ལགས་ཏེ། སྔར་སུག་པ་ལག་པ་གཡོན་པའི་སོར་མོ་བཞི་ཁུ་ཚུར་བཅང་བར་བགྱིའོ། །དེའི་རྗེས་ལ་སུག་པ་

99-1-330b

ལག་པ་གཡས་པས་གཡོན་པའི་མཐེ་བོ་ཁུ་ཚུར་བཅངས་པ་བཞིན་བཅངས་ནས་ལག་པ་གཡོན་པའི་མཐེ་བོ་ལག་པ་གཡས་པའི་ཆང་པའི་གོང་དུ་རྩེ་མོ་ཕྱུང་ནས་སུག་པ་ལག་པ་གཡས་པའི་མཛུབ་མོ་ནི་ཕན་ཚུན་དུ་རྒྱུ་བར་བགྱིའོ། །སྔགས་ནི་འདི་
ལྟ་སྟེ། ཨོཾ་ཀུ་ཙི་ཀུ་ཙི་ཀུ་ཙི་ཀུ་ཙ་ཡ་རི། ཙ་རི་ཙ་རི་ཙ་རི་ལེ་སྭཱ་ཧཱ། གཟུངས་ཀྱི་ཕྱག་རྒྱ་དང་སྔགས་འདི་ནི་བསམ་གྱིས་མི་ཁྱབ་པས་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་མཆིས་ཉལ་ཀར་ཕྱག་རྒྱ་འདི་བགྱིས་ཏེ། སྔགས་འདི་
ལན་རེ་བཟླས་ཤིང་སྙིང་གར་ཕྱག་རྒྱ་ལན་རེ་བགྱི་བ་ལན་བརྒྱ་རྩ་བརྒྱད་ཚང་བར་གྱུར་ན། སེམས་ལ་ཅི་དང་ཅི་འདོད་པ་རྣམས་རྨི་ལམ་དུ་རིག་ཅིང་མཐོང་བར་འགྱུར་ལགས་སོ། །གང་ལ་ལ་ཞིག་རྟག་པར་ཕྱག་རྒྱ་འདི་བགྱིས་ནས། 
སྔགས་འདི་བཟླས་བརྗོད་བགྱིས་ན་སྡིག་པ་ཐམས་ཅད་བྱང་ནས་བྱང་ཆུབ་ཀྱི་སེམས་སྟོང་བར་མི་འགྱུར་བས་གང་ཟག་དེ་མཚན་མོ་མཆིས་ཉལ་བའི་ཚེ་གཡར་ལམ་ན་རྒྱ་ཆེར་འཕེལ་ཞིང་བཀྲ་ཤིས་པར་འགྱུར། གཡར་ལམ་ན་དེ་བཞིན་གཤེགས་པ་
བྱང་ཆུབ་ཀྱི་ཤིང་དྲུང་དུ་བཞུགས་ནས་ལུང་སྟོན་པ་དང་། མངོན་པར་རྫོགས་པར་སངས་རྒྱས་པར་འགྱུར་བའི་བར་དག་ཀྱང་མཐོང་བར་འགྱུར། ཚངས་པ་དང་། བརྒྱ་བྱིན་དང་། ལྷ་རྣམས་ཀྱང་རྟག་ཏུ་ཉེ་བར་མཆིས་ནས། རིམ་གྲོ་བགྱིད་
ཡོངས་སུ་བསྲུང་བར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པས་ལྷ་དང་། ཀླུ་དང་འདྲེ་གདོན་སྡེ་བརྒྱད་པོ་དགུག་པའི་ཕྱག་རྒྱ་ནི་འདི་ལགས་ཏེ། འགྲེང་ནས་སུག་པ་རྐང་པ་གཉིས་གཤིབས་ཏེ། སྔར་
སུག་པ་ལག་པ་གཡོན་པའི་མཐེ་བོ་ལག་མཐིལ་དུ་བཀུག་ནས། སོར་མོ་བཞི་ཁུ་ཚུར་བཅངས་ཏེ་སྙིང་གར་བཞག་གོ། །དེའི་རྗེས་ལ་སུག་པ་གཡས་པ་ཡང་དེ་བཞིན་དུ་བགྱིས་ཏེ། ལག་པ་གཡས་པ་རྣ་དྲུང་དུ་གཏད་ནས་མཛུབ་
མོ་ཕན་ཚུན་དུ་རྒྱུ་བར་བགྱིའོ། །སྔགས་ནི་འདི་ལྟ་སྟེ། ན་མོ་ནཱི་ལ་ཀཎྛ། ན་མོ་ཨཱརྱ་ཤ་པ་ཏ་སྭཱ་ཧཱ། ན་མོ་ཨཱརྱ་ཤ་ལ་སྭཱ་ཧཱ། ཨེ་ཧི་ཨེ་ཧི་སྭཱ་ཧཱ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་གཟུངས་དང་ཕྱག་རྒྱ་འདི་ལེན་

99-1-331a

ཏམ་འཛིན་ཏམ་ཀློག་གམ། འདོན་པར་བགྱིད་ན། མྱུར་དུ་ཚེ་རབས་བདུན་ཚུན་ཆད་ཀྱི་སྔོན་གྱི་གནས་ཀྱི་དངོས་པོ་རྗེས་སུ་དྲན་པར་འགྱུར། སྦྲུལ་གདུག་པས་ཟིན་པར་མི་འགྱུར་རོ། །དུག་གིས་མི་ཚུགས་པར་འགྱུར། མཚོན་གྱིས་གནོད་པ་བགྱིད་པར་
མི་འགྱུར། རྒྱལ་པོས་གཤེ་བར་མི་འགྱུར། ནམས་ཀྱང་སེམས་ཅན་དམྱལ་བའི་སྡུག་བསྔལ་མྱོང་བར་མི་འགྱུར་ལགས་སོ། །གང་ལ་ལ་ཞིག་གདུགས་རེ་བཞིན་དུ་རིག་སྔགས་འདི་འདོན་པར་བགྱིད་ན། འདྲེ་སྲིན་སྡེ་བརྒྱད་པོ་རྣམས་རིག་སྔགས་
འདོན་པའི་དྲུང་དུ་ཉེ་བར་མཆིས་ནས། རིག་སྔགས་འདོན་པ་ཉན་པར་བགྱིད་དོ། །རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་འདྲེ་གདོན་གྱིས་ཟིན་པར་གྱུར་ན། སྐུད་པ་དཀར་པོ་ལ་སྔགས་ཀྱིས་བཏབ་སྟེ། སྔགས་ལན་རེ་བཟླ་ཞིང་མདུད་
པ་རེ་རེ་མདུད་དེ། མདུད་པ་བཞི་བཅུ་རྩ་དགུ་ཚང་བར་བགྱིས་ནས་དེའི་མགུལ་དུ་བཏགས་ནས་དེའི་ནད་སེལ་བར་འགྱུར་ལགས་སོ། །གལ་ཏེ་ཡུལ་གང་དུ་ལྟས་ངན་དང་། རིམས་ནད་བྱུང་སྟེ། ཡུལ་མི་མང་དུ་གུམ་པར་གྱུར་ན། 
རྒྱལ་པོའི་ཀུན་དགའ་ར་བ་དང་། རྫིང་དག་ཏུ་པད་མ་སྟོང་རྩ་བརྒྱད་བླངས་ཏེ། པད་མ་རེ་རེ་ལ་སྔགས་ལན་རེ་བཏབ་ནས་ཞུགས་ཀྱི་ནང་དུ་བོར་ཏེ་བས་པར་བསྲེགས་ན་རིམས་ནད་རབ་ཏུ་ཞི་བར་འགྱུར་ལགས་སོ། །དེ་ལ་བྱང་ཆུབ་
སེམས་དཔའ་མིག་སྟོང་དང་ལྡན་པའི་རྣམ་པར་གྲོལ་བའི་ཕྱག་རྒྱ་ནི་འདི་ལགས་ཏེ། སྐྱིལ་མོ་དཀྲུང་བཅས་ནས་སྔར་སུག་པ་ལག་པ་གཡོན་པའི་གུང་མོ་མཐེ་བོའི་རྩེ་མོ་དང་སྦྱར་ཏེ་བཀན་ལ། སོར་མོ་གཞན་གསུམ་ནི་བརྐྱང་ནས་པུས་མོ་གཡོན་
པའི་སྟེང་དུ་གཞག་པར་བགྱིའོ། །དེའི་རྗེས་ལ་སུག་པ་ལག་པ་གཡས་པ་ཡང་དེ་བཞིན་དུ་བགྱིས་ནས། སུག་པ་ལག་པ་པུས་མོ་གཡས་པའི་སྟེང་དུ་ཁ་སྦུབ་ཏུ་གཞག་པར་བགྱིའོ། །གང་ལ་ལ་ཞིག་རྟག་པར་ཕྱག་རྒྱ་འདི་བགྱིས་ནས་ལུས་པོ་
ཆེའི་སྔགས་ལན་ཉི་ཤུ་རྩ་གཅིག་བཟླས་བརྗོད་བགྱིས་ན། སྨོན་ལམ་རྣམས་ཡོངས་སུ་རྫོགས་པར་འགྱུར་ཞིང་། སྡུག་བསྔལ་རྣམས་ཀྱང་རྣམ་པར་གྲོལ་བར་འགྱུར་རོ། །རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་མི་དགེ་བ་བཅུ་

99-1-331b

དང་མཚམས་མ་མཆིས་པ་ལྔ་ལ་སོགས་པའི་དངོས་སྡིག་ཕུན་སུམ་ཚོགས་པ་བགྱིས་པས་འཛམ་བུའི་གླིང་གི་ས་ཅི་མཆིས་པ་དེ་དག་ཐམས་ཅད་རྡུལ་ཕྲ་རབ་ཏུ་བགྱིས་ལ། རྡུལ་ཕྲ་རབ་དེ་རེ་རེ་ཡང་བསྐལ་པ་རེ་རེ་མངོན་པར་བྱུང་བར་གྱུར་ན། གང་ཟག་དེ་དངོས་
སྡིག་རྣམ་པ་སྣ་ཚོགས་བགྱིས་པའི་དབང་གིས་བསྐལ་པ་གྲངས་དེ་སྙེད་ཀྱི་བར་དུ་སེམས་ཅན་དམྱལ་བར་ལྟུང་ནས་སྡུག་བསྔལ་མྱོང་ཞིང་གཏན་དུ་འབྱུང་བའི་དུས་མ་མཆིས་པ་ཞིག་ལགས་ན་ཡང་། རིགས་ཀྱི་བུའམ། རིགས་ཀྱི་བུ་མོ་དེ་དག་གིས་རིང་བསྲེལ་དང་
བཅས་པའི་སྐུ་གཟུགས་ཀྱི་སྤྱན་སྔར་ཟླ་བ་དཀར་པོའི་ངོ་ཚེས་བཅྭ་ལྔ་ལ་གདུགས་མཚན་གཅིག་ཟས་བཀུམ་སྟེ་ཕྱག་རྒྱ་མདུད་ནས་རིག་སྔགས་སྟོང་རྩ་བརྒྱད་ཚང་བར་བཟླས་ན་གོང་དུ་བསྟན་པའི་སྡུག་བསྔལ་དེ་དག་ཐམས་ཅད་བྱང་བར་འགྱུར་ཏེ། 
གལ་ཏེ་བྱང་བར་མི་འགྱུར་རོ་ཞེ་ན། དེ་ལྟ་བུའི་གནས་མ་མཆིས་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་དང་ལྡན་པས་རྫུ་འཕྲུལ་གྱི་རྐང་པ་ལ་རང་དབང་ཐོབ་པའི་ཕྱག་རྒྱ་ནི་འདི་ལགས་ཏེ། 
ལངས་ནས་འགྲེང་སྟེ་སྔར་སུག་པ་གཡོན་པས་སུག་པ་རྐང་པ་གཡོན་པའི་མཐེ་བོ་ལ་བཙིར་ནས་ཁུ་ཚུར་བཅངས་པ་བཞིན་དུ་བགྱིའོ། །དེའི་རྗེས་ལ་སུག་པ་ལག་པ་གཡས་པས་གཡོན་པའི་ལག་ངར་གྱི་སྟེང་དུ་བཙིར་ནས། 
ལུས་པོ་ཆེའི་སྔགས་ལན་བདུན་འདོན་པར་བགྱིས་ན། དཔག་ཚད་བརྒྱ་སྟོང་དུ་མར་མཆི་འཚལ་ན་ཡང་དཀའ་བ་མ་མཆིས་པར་འགྱུར་ལགས་སོ། །སྔགས་འདོན་པའི་ཚེ་སྒྲ་འབྱུང་བར་མི་བགྱིའོ། །དེ་ལ་བྱང་ཆུབ་
སེམས་དཔའ་མིག་སྟོང་དང་ལྡན་པས་རྫུ་འཕྲུལ་ལ་རང་དབང་ཐོབ་པའི་ཕྱག་རྒྱ་ནི་འདི་ལགས་ཏེ། སྔར་སུག་པ་ལག་པ་གཡོན་པའི་མཐེ་བོས་མཐེའུ་ཆུང་གི་སེན་མོའི་སྟེང་དུ་རེག་པར་བགྱིའོ། །དེའི་རྗེས་ལ་སུག་པ་ལག་
པ་གཡས་པ་ཡང་དེ་བཞིན་དུ་བགྱིས་ནས། སོར་མོ་གཞན་གསུམ་ནི་སོ་སོར་ཡན་པར་བསྒྲེང་སྟེ། ལག་ངར་གྱི་ཚིགས་སྦྱར་ནས་སྤྱི་བོའི་སྟེང་དུ་གཞག་སྟེ། ལུས་པོ་ཆེའི་སྔགས་ལན་བརྒྱ་རྩ་བརྒྱད་འདོན་པར་

99-1-332a

བགྱིད་ན། དྲང་སྲོང་འཕུར་ཏེ་འཆི་བདག་དང་འདྲ་བར་རང་དབང་དུ་མཆི་བར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་རྣམས་སེམས་རྩེ་གཅིག་ཏུ་སྤྱན་འདྲེན་པའི་ཕྱག་རྒྱ་ནི་འདི་ལགས་ཏེ། སུག་པ་གཉིས་
ནམ་མཁའ་ལ་ཐལ་མོ་སྦྱར་ཏེ། ལག་ངར་གྱི་ཚིགས་སྦྱར་ནས་མཛུབ་མོ་གཉིས་ནི་ཕན་ཚུན་རྒྱུ་བར་བགྱིའོ། །སྔགས་ནི་འདི་ལྟ་སྟེ། ཨོཾ་ཨ་རོ་ལི་ཀ་ཏེ་ལེ། 
ལོ་ཀི་བི་དོ་ཡ། སརྦ་ཡ་དྲུ། བྲ་མཪྡྷ་ན་ཀ་ར་ཡ་པུ་རུ་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཉན་ཐོས་ཆེན་པོ་དེ་དག་དང་། 
བྱང་ཆུབ་སེམས་དཔའ་དེ་དག་དང་། ཚངས་པ་ཆེན་པོ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟར་བཅས་པའི་འཇིག་
རྟེན་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་དང་ལྡན་པ་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་
རྒྱ་ཆེར་ཡོངས་སུ་རྫོགས་པ་ཞེས་བྱ་བའི་གཟུངས།  ཆོ་ག་དང་བཅས་པ། རྫོགས་སྷོ།། །།
ཞུ་ཆེན་གྱི་ལོ་ཙྪ་བ་བན་དེ་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཏེ་གཏན་ལ་ཕབ་པ།། །།